JKW-KABUM-23-'A-001-059-wylie

🚧 This website is under continued development. We appreciate your patience!

ho ho/__dran shes kyi gnyen pos ma zin pas zhes pa'i dbu can gyi glu/__ he ho/__dran shes kyi gnyen pos ma zin pas/__/spyod tshul kun smyon pa'i zlos gar 'dra/__/spre'u dang 'dra ba'i ngo mtshar can/__/gang shar gyi glu 'di gsan par mdzod/__/khyed 'khor ba la nges par 'byung ba yis/__/bla med kyi thang par zhugs 'dod na/__/sems kyi glang chen srab med de/__/dran shes kyi thag pas rtag tu chings/__/bslu med kyi skyabs gcig dkon mchog la/__/blo snying brang gsum rgyun du gtod/__/phyi nang rig pa'i gzhung lugs sogs/__/chos spyod rnam bcur 'bad pas bsten/__/mtshan ldan gyi bla ma rtag tu bsten/__/ci gsung gi bka' bzhin sgrub par mdzod/__/bya byed mang po'i dgos pa med/__/byar med kyi ngang du dran rig sdud/__/tshig de skad lhag bsam dkar po yis/_/smyon pa'i yang smyon dred po des/__/smyon pa gzung bla'i bu la gdams/__/smyo sems dbyings su zhi bar shog__/pha?T/__pha?T/__pha?T/___/__!_a ho/__'jigs med gdod nas rnam dag he ru kaH__lhan skyes bde chen lang tsho la chags pas/__/'gro kun sku bzhi'i gling du sbyor ba pos/__/khyod la dge legs g.yo med mdzad gyur cig__1__/gang shar snang ba gtad med rang sa ru/__/grol bas shes bya'i rtsis gdab las 'das kyang /__/'gag med rol pa gzugs su 'phos pa'i gtam/__/sna tshogs rdo rje sgra ma'i dbyangs su len/__2/_bskal mang tshogs gnyis zong gis bsgrubs pa yi/__/dal brgyad 'byor bcu'i tsin+tA ma Ni mchog__/nges 'byung snying rje dag snang rnam gsum gyi/__/dgos dgu lhug par stsol khyod gcig tu dge__3__/gzod nas rang bzhin med pa'i ye shes ni/__/da lta'i shes pa 'di las ma 'das phyir/__/yin la yin bzhin rtogs pa'i gsal snang ni/__/'gag med sgyu ma'i dkyil 'khor gcig tu shar/__4_/de yis gnas skabs mthar thug ji snyed du/__/phan bde'i them skas rtse mor 'dzegs pa gang /__/da dung du yang rkang stegs mthor bsgrubs na/__/thar pa chen po'i grong du phyin par 'gyur/__5__/phan tshun dad dam mdud rgya dam po yis/__/ma nyams sbrel ba'i mngon rtogs chab shog la/__/thabs shes dar gyi cod pan mdzes spras gang /__/mngon sum nyid du 'dren byed bdud rtsir slebs/__6__/khyad par brda sprod yi ge le tshan dang /__/chen po gsum gyi ngo sprod gtam bzang rnams/_/ji ltar 'dod pa bzhin du mngon grub pas/__/sngon med spro dga'i lang tsho cir yang brtas/__7__/'di na mchis pa'i rnal 'byor gzhon nu yang /__/bsam brjod bral ba'i ngang du mnyam gzhag kyang /__/snyigs dus rang bzhin tshul min log spyod la/__/shin tu skyo ba'i mchi ma cir yang g.yos/__8__/bzod dka'i sdug bsngal chu bo bar med du/__/yun ring dus nas byings mod da dung yang /__/de la mngon dga'i rgyu 'bras sgrub pa yi/__/spang blang go ldog 'di la yid skyo skyes/__9__/do nub tsam yang mi 'chi'i gdengs med cing /__/shi nas rgyu 'bras rjes su 'brang nges kyang /__/da dung tshe 'di'i dgra gnyen 'tsho rtsis la/__/rtag brtan ther zug byed 'dir yid skyo skyes/__10__/rgyal po'i khrims yal snod bcud dge mtshan log__/mtho ba dmar 'bebs dma' ba mthor 'don cing /__/nyes med la 'tshe gdug pa can rnams kun/__/stobs 'byor ldan pa'i tshul la gcig tu skyo/_11_/phan par smras kyang log pa'i sems 'chang zhing /__/mthun par spyod na mdo med dred por sgrogs/__/gang ltar bgyis kyang 'khon la zhi dus med/__/mdza' bshes 'khor g.yog 'di yang yid skyo'i rgyu/__12__/de ring mdza' ba sang nyin dgrar gyur cing /__/snga dro'i dad pa phyi dro log lta'i rgyu/__/ston ka'i sprin las myur ba'i ngang tshul 'dir/__/shin tu khams 'dus langs pas mchi ma dku/__13__/phyogs kun sdig spyod kla klos rab khengs shing /__/rang gzhan kun kyang de yi zla bor spyod/__/chos par sgro btags dmyal ba'i sa mkhan dngos/__/'di 'dra'i rang rgyud 'di la mi skyo su/__14__/mnyam gzhag don la mos kyang shes byar sdang /__/thos bsam don du gnyer yang sgom sgrub smad/__/rgyal bstan ya ma zung du gyur pa'i tshe/__/rtags tsam 'dzin pa yin snyam skyo ba 'phel/__15__/dad gsum me tog dkar po'i rna rgyan yang /__/mnyam 'grogs tshon ris mang pos sma phab pas/__/tshe gcig thar pa'i lam sna 'gags pa'i 'og__/rdo rje'i dmyal bar khrid 'dir kyi hud skyo/_16_/mdor na chos bzhin spyod tshe kun gyis smad/__/de dang 'gal bar 'dzin la yongs kyis bstod/__/gang ltar byas kyang sgro skur rgyur 'gyur ba'i/__/snang tshul 'di nyid kho nas skyo ba 'phel/__17__/de yang yul dus gang zag gang gis kyang /__/shin tu skyo ba'i pho nya gcig gyur te/__/snying nas mchi ma'i rba rlabs g.yo ba yis/__/bzod dka'i sdug bsngal drag pos mnar bar gyur/__18__/bdag kyang gzhan dbang byed pos ma bcings na/__/mtsho skyes bla ma'i gsang mdzod 'dzin pa la/__/sngon dge'i spobs pa cung zad sad mod de/__/da ni skyo shas kho na'i gnyid la g.yur/__19__/rang snang rnam dag nor bu'i me long du/__/rtsa gsum rgyal ba'i sgyu 'phrul 'char ba yis/__/lung bstan dbang bskur dbugs dbyung mchis gyur kyang /__/re dang dogs pa'i blo ni ci dgar yal/__20__/DA ki'i gsang mdzod snying dbus sbas pa'i rlabs/__/mgrin pa'i lam nas sngar dus cha shas shig_/phyungs mod slar yang gsang ba'i sgo bsdams pas/__/rten 'brel sna tshogs dus kyi byed pos yal/__21__/gal te sngon gyi legs smon mthar son na/__/bgrang bya rtse mo'i mu khyud kyis bcings nas/__/phan bde'i sgo 'phar cir yang dbye mod de/__/yid srubs snying la zhugs 'gas sgrib bam snyam/__22/tha snyad shes kyang don dam ma stor zhing /__/de nyid rtogs kyang rig rtsal ma 'gags pa/__/'di ko snying gi nor bur rgyas btab na/_/'phral phug phan bde cung zad 'byung ngam sems/__23__/gzhan du bstan dang 'gro la phan snyam pa'i/__/re ba'i blo ni rmi lam tsam du yang /__/ma mchis ci phyir shAkya'i rgyal po dngos/__/byon yang kun gyis yid ches byed pa dka'/__24__/khyad par zab lam rdo rje'i rnal 'byor la/__/g.yel zhing dgongs pa'i brda yang bag la zha/__/de ltar gyur tshe ring por mi thogs par/__/tshe yi 'du byed stung bar 'gyur gyis dogs/__25__/gang ltar yin rung da lta'i shes pa ni/__/bcos bslad bral ba 'di ka'i ngang nyid du/__/bde sdug rtog pa'i cho rol lam khyer bzhin/__/gtad med rnal 'byor smyon pa gcig tu bde/__26__/slad ma'i char yang 'chi med oX rgyanaX rje'i/__/thugs rje'i grib bsil mchog tu bsti ba las/__/chosaX bzhin spyod pa'i pad mtshoX mi rnying zhing /__/srog gi 'du byed yun du gnas gyur cig__27__/de skad gang shar skyo ba'i tshigs bcad 'di/__/gzhan dang gzhan la ston pa'i yul min te/__/ci phyir sgro 'dogs skur 'debs sna tshogs kyis/__/rang rgyud log lnga'i 'dam du byings kyis dogs/__28__/a ho dri med dar gyi gshog rlabs zung /__/bskyong bzhin rnam dkar dge ba'i mal+li ka___/gnyug ma thob shor bral ba'i pad rdzing nas/___/'gag med rig pa'i rol rtsal ngoms bzhin song /_29__/zhes pa'ang grub pa'i dbang phyug thang stong rgyal po dang /__kun mkhyen 'jigs med gling pa'i ye shes kyi skus byin gyis brlabs pa'i grub pa mchog gi bsti gnas dpal ldan pad+ma 'od gling nas rig pa 'dzin pa 'od gsal gling pas bsrings pa dza yan+tu/___/__!_