JKW-KABUM-23-'A-001-011-wylie

🚧 This website is under continued development. We appreciate your patience!

glu lnga ldan 'ja' zer/_ a ho/__/lnga ldan 'ja' zer 'khrugs pa'i ye shes kyi 'od klong /__/'og min pad+ma drwa ba'i dga' tshal gyi dbus na/__/nga yi bla ma mtsho skyes rdo rje de bzhugs yod/__/byin rlabs char chen phob cig o rgyan gyi chos rje/__/shar phyogs DA ki 'du ba'i pi waM gi snyan 'gyur/__/lho mon smyug ma'i tshal gyi khu byug gis blangs nas/__/dbyar skyes myu gu 'dren pa'i skyo grogs la phebs dang /__/nyams dga'i pad+mo rgyas pa'i ngo mtshar zhig yod do/__/mkha' dbyings dwangs par shar ba'i dbang po yi gzhu ris/__/sked par lan bdun mdud pa'i bkrag mdangs kyi mtshar sdug__/ri brag tshang tshing can gyi mgul pa ru 'khyud na/__/byis pa'i mig sngar bkra ba'i ltad mo zhig yod do/__/dur khrod 'jigs su rung ba'i nags tshal gyi do rar/__/cir yang rgyu zhing spyod pa'i mi srun gyi ce spyang /__/tshim med ro la zhen pa'i snang tshul 'di ltos dang /__/skyo shas gting nas slong ba'i skyugs sman zhig yod do/__/a mra snye ma smin pa'i kha zas kyi yo lang /__/klad med khwa ta'i tshogs kyi mchu tho ru thogs bzhin/__/yid la sred pas bcing ba'i yi dwags 'dir soms dang /__/gad mo khong nas 'khrugs pa'i snying skran zhig yod do/__/sgyed pu gser du song ba'i dbul phongs kyi blun po/__/rin thang gzhan la 'tshol ba'i che thabs kyi brel bas/__/tshe gang sha thang chad pa'i gya gyu 'dir gzigs dang /__/cis kyang dgos med ston pa'i slob dpon zhig yod do/__/ston gnam sgrib med ngogs su sprin dkar gyi nyams 'gyur/__/grangs med 'khor ba'i rtsed 'jo'i byung gnas dang 'gro gsum/__/ci byas lag rjes med pa'i stong chen 'dir gzigs dang /__/grub pa'i dus tshod bral ba'i brda ston zhig yod do/__/bye ma'i khang bzang bskrun pa'i col chung gi byis pa/__/'thor rlung drag po'i shugs kyis rang sa ru rdib tshe/__/sha thang chad chad gtser pa'i smre ngag 'di soms dang /__/don med duHkhas mnar ba'i mtshon byed zhig yod do/__/gtan du bde ba'i brag sul mal 'og tu bcug nas/__/'phral du nyams dga'i thang la bag yangs su dkyu bas/__/bzhag tu med pa'i gcang can ri bong 'dir soms dang /__/lkog tu gyur pa'i rnam thar rjes dpag tu yod do/_/a cang rtsed mo yin mod stong pa dang rten 'byung /__/zung 'jug sgyu ma'i slob dpon mngon sum gyi bkod pa/__/ci byas nyams 'og tshud pa'i blo bde 'dir soms dang /__/'phral yun kun tu dge ba'i sa bon zhig yod do/__/a ho gsal la mi gsal dar dir gyi gling bu/__/bya ba btang bzhag gnyis min 'dzub mo yis bsgreng bar/__/rtse gcig dkyus thang ma chod ri dwags tshogs nyon dang /__/mdzub mos btsan sa mtshon pa'i brda sprod zhig yod do/__/oM ma Ni pad+me hU~M hrIH__!_