JKW-KABUM-23-'A-001-004

🚧 This website is under continued development. We appreciate your patience!

Previous Text Back to Volume PageNext Text

Wylie title	zhing sngags lhan skyes kyi rnal 'byor mar gsol 'debs glu zab don snang ba
Location	mkhyen brtse'i bka' 'bum Volume 23, sde tshan 1, Text 4, Pages 9-11 (Folios 5a3 to 6a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. zhing sngags lhan skyes kyi rnal 'byor mar gsol 'debs glu zab don snang ba. In 'jam dbyangs mkhyen brtse'i dbang po'i bka' 'bum, Vol. 23: 9-11. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཞེས་པའང་མདོ་རྒྱུད་རྒྱ་མཚོའི་འབྱུང་གནས་ནཱ་ལེནྡྲའི་ཆོས་གྲྭ་ཆེན་པོར་ཐུན་མོང་གི་ལོའི་ནག་པ་ཟླ་བའི་དམར་ཕྱོགས་མཁའ་འགྲོ་འདུ་བའི་དུས་སུ། བཤེས་གཉེན་དམ་པ་འགའ་ཞིག་ལ་ལམ་འདིའི་བྱིན་རླབས་དང་རྣལ་འབྱོར་བཅུ་གཅིག་གི་སྙིང་པོ་ཅུང་ཟད་བཤད་པའི་སྐབས་སུ་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་གང་ཤར་བྲིས་པ་སིདྡྷི་ར་སྟུ།
	zhes pa'ang mdo rgyud rgya mtsho'i 'byung gnas nA len+d+ra'i chos grwa chen por thun mong gi lo'i nag pa zla ba'i dmar phyogs mkha' 'gro 'du ba'i dus su/__bshes gnyen dam pa 'ga' zhig la lam 'di'i byin rlabs dang rnal 'byor bcu gcig gi snying po cung zad bshad pa'i skabs su rig 'dzin gyi btsun pa 'jam dbyangs mkhyen brtse'i dbang pos gang shar bris pa sid+d+hi ra stu

Tibetan Text

Wylie

[edit]

ཞིང་སྔགས་ལྷན་ཅིག་སྐྱེས་པའི་རྣལ་འབྱོར་མ་ལ་གསོལ་བ་འདེབས་པའི་རྡོ་རྗེའི་གླུ་ཟབ་དོན་སྣང་བ་ཞེས་བྱ་བ། ཨ་ཧོ། འོག་མིན་བདེ་བ་ཆེན་པོའི་ཡེ་ཤེས་ཀྱི་ཞིང་ན། །ངོ་བོ་ལྷན་སྐྱེས་རྣལ་འབྱོར་མ་དཔལ་དེ་བཞུགས་ཡོད། །གསལ་སྟོང་དབྱེར་མེད་ངང་ནས་གསོལ་བ་རང་འདེབས་སོ། །དུས་གསུམ་འདུ་འབྲལ་མེད་པའི་དངོས་གྲུབ་ཞིག་སྩོལ་དང་། །གནས་ཡུལ་ཉི་ཤུ་རྩ་བཞིའི་གྲོང་ཁྱེར་གྱི་དབུས་ན། །རང་གདངས་ཞིང་སྐྱེས་རྣལ་འབྱོར་མ་དཔལ་དེ་བཞུགས་ཡོད། །བདེ་སྟོང་དབྱེར་མེད་ངང་ནས་གསོལ་བ་རང་འདེབས་སོ། །རྩ་རླུང་དབུ་མར་ཐིམ་པའི་དངོས་གྲུབ་ཞིག་སྩོལ་དང་། །སྣོད་བཅུད་དག་པ་རབ་འབྱམས་ཆོས་འབྱུང་གི་ཀློང་ན། །རང་རྩལ་སྔགས་སྐྱེས་རྣལ་འབྱོར་མ་དཔལ་དེ་བཞུགས་ཡོད། །སྣང་སྟོང་དབྱེར་མེད་ངང་ནས་གསོལ་བ་རང་འདེབས་སོ། །ཅིར་སྣང་ལྷ་སྐུར་འཆར་བའི་དངོས་གྲུབ་ཞིག་སྩོལ་དང་། །སྣང་ཙམ་དཔྱད་པས་མ་རེག་སོ་སྐྱེ་ཡི་མཐོང་ཚུལ། །བདག་ལྟ་སླར་ཡང་སྤེལ་བ་ཕྱི་རོལ་པའི་ལོག་རྟོག །གཞི་ལྔ་རྫས་སུ་ཡོད་པ་བྱེ་སྨྲ་བའི་བདེན་ཞེན། །གཞི་གསུམ་བཏགས་པར་འདོད་པ་མདོ་སྡེ་པའི་ཁྱད་པར། །དེ་ཀུན་སེམས་སུ་བདེན་པ་རྣམ་རིག་པའི་མྱོང་བ། །སེམས་ཉིད་གཟོད་ནས་སྤྲོས་བྲལ་དབུ་མ་པའི་ཁྱད་ཆོས། །དེ་ཉིད་ཐབས་ཀྱིས་འཕགས་པ་གསང་སྔགས་ཀྱི་རྒྱུད་དོན། །མངོན་སུམ་རང་ངོ་འཕྲོད་པའི་བྱིན་རླབས་ལ་བརྟེན་ནས། །ངེས་དོན་མཁའ་སྤྱོད་དགའ་མ་སྙིང་དབུས་སུ་སད་པས། །ཡུལ་སྣང་ལྷ་སྐུར་ཤར་བའི་ངལ་འཚོ་དང་སྦྲགས་ཏེ། །ཡུལ་ཅན་བདེ་སྟོང་དབྱེར་མེད་རྩེ་དགའ་ལ་རོལ་པས། །རླུང་སེམས་དབུ་མར་ཐིམ་པའི་འོད་གསལ་གྱི་ཀློང་དུ། །ཟུང་འཇུག་རྣམ་ཀུན་མཆོག་ལྡན་རྡོ་རྗེ་ཡི་བཙུན་མོ། །སྐུ་གསུམ་རྣམ་དབྱེར་མེད་པའི་ཡེ་ཤེས་ཀྱི་སྣང་བརྙན། །ཚེ་འདིར་མངོན་སུམ་འགྲུབ་པའི་སྨོན་ལམ་ཞིག་ཞུའོ། །ཞེས་པའང་མདོ་རྒྱུད་རྒྱ་མཚོའི་འབྱུང་གནས་ནཱ་ལེནྡྲའི་ཆོས་གྲྭ་ཆེན་པོར་ཐུན་མོང་གི་ལོའི་ནག་པ་ཟླ་བའི་དམར་ཕྱོགས་མཁའ་འགྲོ་འདུ་བའི་དུས་སུ། བཤེས་གཉེན་དམ་པ་འགའ་ཞིག་ལ་ལམ་འདིའི་བྱིན་རླབས་དང་རྣལ་འབྱོར་བཅུ་གཅིག་གི་སྙིང་པོ་ཅུང་ཟད་བཤད་པའི་སྐབས་སུ་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་གང་ཤར་བྲིས་པ་སིདྡྷི་ར་སྟུ། ། ༈

[edit]

zhing sngags lhan skyes kyi rnal 'byor mar gsol 'debs glu zab don snang ba/__ zhing sngags lhan cig skyes pa'i rnal 'byor ma la gsol ba 'debs pa'i rdo rje'i glu zab don snang ba zhes bya ba/__a ho/__'og min bde ba chen po'i ye shes kyi zhing na/__/ngo bo lhan skyes rnal 'byor ma dpal de bzhugs yod/__/gsal stong dbyer med ngang nas gsol ba rang 'debs so/__/dus gsum 'du 'bral med pa'i dngos grub zhig stsol dang /__/gnas yul nyi shu rtsa bzhi'i grong khyer gyi dbus na/__/rang gdangs zhing skyes rnal 'byor ma dpal de bzhugs yod/__/bde stong dbyer med ngang nas gsol ba rang 'debs so/__/rtsa rlung dbu mar thim pa'i dngos grub zhig stsol dang /__/snod bcud dag pa rab 'byams chos 'byung gi klong na/__/rang rtsal sngags skyes rnal 'byor ma dpal de bzhugs yod/__/snang stong dbyer med ngang nas gsol ba rang 'debs so/__/cir snang lha skur 'char ba'i dngos grub zhig stsol dang /__/snang tsam dpyad pas ma reg so skye yi mthong tshul/__/bdag lta slar yang spel ba phyi rol pa'i log rtog__/gzhi lnga rdzas su yod pa bye smra ba'i bden zhen/__/gzhi gsum btags par 'dod pa mdo sde pa'i khyad par/__/de kun sems su bden pa rnam rig pa'i myong ba/__/sems nyid gzod nas spros bral dbu ma pa'i khyad chos/__/de nyid thabs kyis 'phags pa gsang sngags kyi rgyud don/__/mngon sum rang ngo 'phrod pa'i byin rlabs la brten nas/__/nges don mkha' spyod dga' ma snying dbus su sad pas/__/yul snang lha skur shar ba'i ngal 'tsho dang sbrags te/__/yul can bde stong dbyer med rtse dga' la rol pas/__/rlung sems dbu mar thim pa'i 'od gsal gyi klong du/__/zung 'jug rnam kun mchog ldan rdo rje yi btsun mo/__/sku gsum rnam dbyer med pa'i ye shes kyi snang brnyan/__/tshe 'dir mngon sum 'grub pa'i smon lam zhig zhu'o/__/zhes pa'ang mdo rgyud rgya mtsho'i 'byung gnas nA len+d+ra'i chos grwa chen por thun mong gi lo'i nag pa zla ba'i dmar phyogs mkha' 'gro 'du ba'i dus su/__bshes gnyen dam pa 'ga' zhig la lam 'di'i byin rlabs dang rnal 'byor bcu gcig gi snying po cung zad bshad pa'i skabs su rig 'dzin gyi btsun pa 'jam dbyangs mkhyen brtse'i dbang pos gang shar bris pa sid+d+hi ra stu/___/__!_