JKW-KABUM-23-'A-001-019-wylie: Difference between revisions
WikiBot2015 (talk | contribs) (Created page with "{{WyliePageHeader}} <div class="wylie-content" <onlyinclude> mtsho skyes rdo rjer gsol 'debs kyi glu rnal 'byor gsum gyi lam rim/__ rgyal dbang mtsho skyes bla ma la gsol b...") |
m (Text replacement - "JKW-KABUM-23-A-" to "JKW-KABUM-23-'A-") |
||
| (2 intermediate revisions by 2 users not shown) | |||
| Line 1: | Line 1: | ||
{{WyliePageHeader}} | {{WyliePageHeader}} | ||
<div class="wylie-content" | <div class="wylie-content"> | ||
<onlyinclude> | <onlyinclude> | ||
Latest revision as of 10:50, 16 December 2022
mtsho skyes rdo rjer gsol 'debs kyi glu rnal 'byor gsum gyi lam rim/__ rgyal dbang mtsho skyes bla ma la gsol ba 'debs pa'i rdo rje'i glu rnal 'byor gsum gyi lam rim zhes bya ba/__a ho/__chos nyid gzod nas stong pa'i 'od gsal gyi klong du/__/chos can snang ba sku dang ye shes su shar ba'i/__/mi slob zung 'jug mngon gyur mtsho skyes kyi bla mar/__/bsnyen sgrub bzhi ldan ngang nas gsol ba rang 'debs so/__/bkod pa rtsa khams rnam dag dbu ma yi klong du/__/srog rtsol rlung gi 'khor lo yi ge ru shar ba/__/bde chen thig le chen po mtsho skyes kyi bla mar/__/rnam kun mchog ldan ngang nas gsol ba rang 'debs so/__/ka dag gting gsal gnyug ma'i ye shes kyi klong du/__/lhun grub 'ja' lus rdo rje'i rang gzugs su shar ba'i/__/zung 'jug shin tu rnam dag mtsho skyes kyi bla mar/__/dbyings rig dbyer med ngang nas gsol ba rang 'debs so/__/snying nas gsol ba 'debs so mtsho skyes kyi bla ma/__/thugs rjes yal bar ma dor gangs can gyi skyabs gcig__/re sa gzhan na med do drin chen gyi chos rje/__/mngon sum byin gyis rlobs shig ye shes kyi sku can/__/'jig rten 'khor ba'i bya bzhag dmyal ba yi gting rdo/__/chos ltar bcos pa'i kun spyod rang gzhan gyi mgo bskor/__/de bas dben zhing nyams dga'i bsam gtan gyi khang bur/__/rtse gcig bsgrub la brtson par byin gyis rang rlobs shig__/mi rtag sdug bsngal dran pa thar lam gyi 'jug sgo/__/smon 'jug byang sems sbyang ba theg chen gyi snying po/__/bdag med rnam gnyis rtogs pa byang chub kyi nye rgyu/__/thun mong lam rim 'byongs par byin gyis rang rlobs shig__/snang zhen lha skur dag pa bskyed rim gyi de nyid/__/rtsa rlung dbu mar rdzogs pa bde drod kyi zhing sa/__/thig le d+hU tir smin pa lhan skyes kyi 'dren byed/__/khyad par lam mchog goms par byin gyis rang rlobs shig__/ka dag don gyi gnas lugs 'phags lam gyi chos nyid/__/lhun grub snang ba rnam bzhi'i nyams len dang sbyar bas/__/zung 'jug 'dus ma byas pa'i ye shes kyi klong du/_/mthar thug 'bras bu 'grub par byin gyis rang rlobs shig_/ces pa'ang dbo zla ba'i dkar phyogs kyi tshes bcur grub pa'i dga' tshal lha ldan sprul pa'i gtsug lag khang gi nye 'dabs su mtsho skyes bla ma dran pa'i gdung dbyangs su bgyis pa'o/___/__!
