JKW-KABUM-06-CHA-002-018-wylie

🚧 This website is under continued development. We appreciate your patience!

'chi med grub pa'i bden tshig gi rnam 'grel nyung ngu tshig don gyi sa bon/ @#/_/'chi med grub pa'i bden tshig gi rnam 'grel nyung ngu tshig don gyi sa bon ces bya ba bzhugs so/__/thams cad mkhyen pa'i ye shes sku/__/rgyal sras 'jam dpal gzhon nu'i dngos/__/gzhan phan pha mtha' yas pa yis/__/byang chub bar du skyong gyur cig__/de la 'di skad ces rjes su thos te/__gang gi tshe gzod ma nas shin tu rnam par dag pa'i ye shes rigs thams cad kyi khyab byed kun tu 'chang ba'i go 'phang las gzhar yang ma g.yos bzhin du/__mi slob pa'i zung 'jug dag pa sgyu ma'i snang brnyan cir yang 'char ba las/__re zhig bcom ldan 'das gzugs kyi rgyal po'i mtshan gzhan du bsgyur ba ni/__'jig rten gyi mig gcig pu bai ro tsa na rak+Shi ta sogs mkhas pa dang /__grub pa'i skye srid bgrang las 'das pa bzung ba'i mthar/__ches cher shin tu snyigs ma'i dus 'dir rgyal ba'i bstan pa spyi dang /__bye brag rdo rje theg pa nang rgyud sde gsum gyi bstan pa'i me ro gsar du slong ba'i shing rta chen po rgyal ba'i sras po gzhan phan mtha' yas 'od zer zhes bya ba smra ba'i khyu mchog rlabs po che'i gnas thob pa'i nyin mor byed pa zhig 'jig rten du shar bar gyur to/__/de'i tshe de'i dus na rig pa dang grol ba'i yon tan rmad du byung ba dkyil 'khor rgya mtsho'i rdo rje'i slob dpon pad+ma dbang rgyal rdo rje zhes bya ba snga 'gyur gyi bstan 'dzin bye ba'i dbus na mngon par mtho ba gang des 'di skad ces rjes su dgongs te/__kye ma deng gi dus 'di ni ha cang snyigs mar spyod pas yid srubs kyi tshogs stobs rgyas pa'i mthus/__'jig rten gsum na rnyed par dka' ba'i bshes gnyen dam pa 'di lta bu zhig bzhugs su zin kyang yun ring du 'tsho zhing gzhes par dka' bas na/__bla ma la bdag gis ni rje rang nyid kyi thugs rgyud bskul te bden tshig gi bdud rtsis 'chi med grub pa'i pad+mo gsar du bzhad par bgyi'o snyam du dgongs so/__/dgongs nas kyang gsung gi zil mngar maN+Dal gyi rten dang bcas te gsol ba btab pa na/__'jam mgon bla ma nyid kyis kyang tshig nyung zhing don bsam gyis mi khyab pa'i tshigs su bcad pa 'di nyid stsal bas dge mtshan gyi snang ba cir yang byas par gyur to zhes grags so/__/de nas cung zhig lon pa na/__slar yang rje nyid kyi zhabs rdul spyi bo'i rgyan du 'dzin pa'i blo gsal rig par smra ba dag gis/__kho bo cag la tshig dang don gyi cha gsal bar gyis shig ces mnyan par 'os pa'i ngag gis mtshams sbyar na'ang mi mkhas pa dang /__ma sbyangs pa dang /__rnam par g.yeng ba'i gzhan dbang gis smra bar 'os pa'i skabs ma mchis mod/__de ltar na'ang dam pa'i gsung rnar gzon bgyid par phongs nas tshig 'grel mdor bsdus su 'chad pa la gsum/__klad dang /__gzhung dang /__mjug gi don no/__/dang po ni/__oM swa sti/__zhes pa ste/__tshig rgyan gyi gzhung las/__shis brjod phyag bya ros bo ni/__/nges par bstan pa'ang de yi sgo/__/zhes bstan bcos rtsom pa la 'jug pa'i sgo gsum du gsungs pa'i nang tshan legs sbyar gyi skad du shis par brjod pa'i tshig gis mdun bsu ba ste/__de yang gang gis/__gang la/__ji ltar shes par bya ba'i tshul te gsum las/__dang po ni/__oM zhes pa saM skr-i ta'i gzhung ming dang rtags rjes su ston pa'i bstan bcos las don du ma can gyi sde tshan du bklags shing /__de dang mthun par rgyud rdo rje rtse mo las/__oM ni ci zhig yin par bshad/__/mchog dang nor ster dpal dang g.yang /__/skal bzang rnam pa dang ldan pa/__/dam bca' ba dang bkra shis don/__/nor bu 'dzin pa'i snying po yin/__/ces don bdun la 'jug cing rig sngags kyi nor bu 'dzin par gsungs pa las/__'dir re zhig bkra shis pa'i 'jug pa'i dbang du byas te bshad na/__'jam dpal sgyu 'phrul drwa ba las/__chos 1shes bkra shis bkra shis 2'byung /__/bkra shis 3kun gyi bkra shis 4pa/__/grags 5pa'i bkra shis snyan grags dge/__/zhes spyir bkra shis pa'i tshig gcig nyid bshad pa'i gzhir bzhag ste/__ngo bo dang /__byed las/__'bras bu dang /__de'i khyad par dang mthar phyin pa ste rnam pa lnga'i sgo nas tshogs sbyor mthong sgom mi slob pa'i lam lngar bye brag tu 'jug pa'i tshul rgya cher bshad du yod la/__de lta bu'i lam lnga mthar phyin pa ni rdzogs pa'i sangs rgyas/__lam rang gi ngo bo ni 'gog pa dang /__des mtshon par byed pa lam bden gyi dam chos/__de dag sgrub cing 'chad par byed pa dge 'dun/__de gsum ngo bo dbyer med pa'i bla ma ste/__mdor na bla ma dang dkon mchog gsum mtshon par byed pas na gang gis shis par byed pa po'o/__/gzhan yang 'di la thun mong rig byed kyi gzhung las grags pa'i nges tshig gi bshad pa dang /__khyad par gsang sngags nang gi nges don dang sbyar ba'i bshad pa rgya cher mchis kyang yi ges 'jigs pas ma spros so/__/gnyis pa ni/__dngos su gzhung bskul zhing rtsom pa po dang /__brgyud nas nyams su len pa mtha' dag go/__/gsum pa ni/__swa sti/__zhes pa ste ming gi gtsug lag las/__swa sti shis pa dge legs dang /__/bsod nams dang ni shin tu dga'/__/zhes don du ma la 'jug par bshad pas/__skabs 'dir bde legs su gyur cig__/ces gnas skabs su mngon par mtho ba'i bde ba dang /__mthar thug nges par legs pa'i go 'phang la dbang 'byor ba'i bkra shis dang dge mtshan gyi snang bas yongs su khyab par gyur cig__/ces smon pa'i tshig gis mthar brgyan pa'o/__/gnyis pa gzhung gi don la gsum las/__dang por gtso bor bskyed pa ma hA yo ga'i gzhung dang sbyar ba ni/__snang btags chos kun bden pas stong pa dang /__/zhes sogs tshigs bcad gcig ste/__de yang snying po'i rgyud phyi ma las/__rgyud ni rgyun chags la bshad de/__/thabs dang rgyu las 'bras bu'o/__/zhes gsungs pa ltar gzhi lam 'bras bu'i rgyud kyi nges gsang dang sbyar na/__dang po ni/__'di ltar chos thams cad gnas lugs don dam pa'i ngos nas spros pa'i mtha' gang du'ang ma grub kyang /__snang tshul kun rdzob kyi ngos nas rgyu rkyen sna tshogs pa'i rten 'brel las rmi lam dang sgyu ma ltar shar cing /__shar dus nyid nas de dang der 'dogs byed kyi blos phar so sor btags pa tsam ma gtogs/__gang zag dang chos kyis rab tu phye ba'i don rang gi ngos nas gcig dang du ma'am/__rgyu dang 'bras bu la sogs pa gang du grub pa'i rig pas dpyad na bden pa'i dngos por grub pa rdul tsam yang ma mchis pa'i phyir stong pa dang /__rten 'byung dbyer med pa'i don la nges shes gting tshugs pa nyid gzhir bzhag ste/__de lta bu'i 'od gsal stong pa nyid kyi gnas lugs gang zhig sangs rgyas thams cad kyi chos kyi sku yin pa'i rgyu mtshan gyis/__stong gzhi chos can/__gzugs kyi skur bsgrub ste kun rdzob tu yang chos thams cad 'khor 'das dbyer med lhag pa'i chos sku chen por gtan la dbab pa ni sngags kyi khyad chos te/__sgyu 'phrul las/__thabs kyi theg pa chen po ni/__/rnam par byang dang sdug bsngal dag__/kun rdzob tu yang dbyer med de/__/lta ba mtho dman de tsam mo/__/zhes so/__/des na snangaX bas btaXgs pa'i choXs kunaX bdag gnyis kyi bdeXn paXs stongaX paX'i stong nyid chos sku dngaX /__de'i stong gzhi chos can gzugs kyi sku mnyaXm par sbyoraX ba ste dbyer med pa'i ye shes ni gzhi'i gnas lugs 'oXd gsaXl mchoXg giX rdoX rjeX semaXs dpa' zhes bya ste/__spyir 'od gsal la gzhi lam 'bras gsum dang /__lam la'ang spyi sbas dpe don mthar thug sogs su dbye ba las/__'dir skabs don snga ma nyid bzung zhing /__de nyid las gzhan pa'i bsgrub bya khyad par can gud na ma dmigs shing spros pa'i 'gyur ba spangs pa'i phyir mchog tu mi 'gyur ba'i ye shes dang /__rdo rje shes rab stong pa nyid dang /__sems dpa' snying rje chen po la 'jug pas/__skabs 'dir kA ru Na'i sgra don gzhan bde ba 'gog pa ste/__zag bcas kyi bde ba spangs pa'i zag med bde ba'i ye shes rang chas su bzhugs pa la bde stong zung 'jug gi sgras kyang smos pa nyid gang rtogs par bya ba'i gzhi nyid du rnam par 'jog go/__/de las gzhan yang rang rgyud du grub pa'i lha dang /__gzhan rgyud du grub pa'i lha la mchog dman blta min gyi sgo nas phyi rgyud sde gsum gyi lta ba 'jog tshul dang /__de yi dbang gis mtshan bcas lha bsgom pa dang /__mtshan med lhar snang sgyu ma la brten nas bltas pa la sogs pa'i bde bas ye shes 'dren tshul sogs khyad par can 'chad du yod kyang re zhig de tsam mo/__/gnyis pa lam ni/__rten gyi gang zag nges 'byung dang snying rje chen pos rgyud 'byongs pa'i rdo rje'i slob ma dad brtson brtul zhugs dang ldan pas/__rang bzhin brgyad ldan gyi rdo rje slob dpon las/__rgyu gnyis dang rkyen bzhi'i sbyor bas phan nus zab mo'i dbang gis rgyud smin par byas te dam tshig dang sdom pa'i kun spyod la gnas pa gzhir bzhag nas lam la 'jug par bya'o/__/de la lam thams cad thabs shes sam thabs grol gnyis su 'du ba'i tshul dang /__de gnyis kyang spyod tshul shas che chung las ya bral ma yin pa dang /__sgyu 'phrul rang lugs dbang gsum pa'i nyams len kho na thabs lam du bzhag pa'ang thabs khyad par can gyi phyir spyi ming bye brag la btags pa'i tshul rnams kyang khong du chud par gces la/__'dir ni skabs don grol lam nyid cung zad bshad na/__ma hA yo ga tan+t+ra sde bco brgyad kyi rtsa ba'i rgyud gsang ba snying po las/__shes 'jug mtshan nyid 'byor pa'i gzungs/__/'bras bu smin byed rgyu dang rkyen/__/nus mthu can du gang gyur pa/__/rig 'dzin rgyal ba'i zhing du grags/__zhes gsungs pa'i don/__sngar smos pa ltar rgyu shes pa'i mtshan nyid lta ba lung rig man ngag gi sgo nas gtan la phab ste/__rkyen 'jug pa'i mtshan nyid snang lugs kun rdzob kyi bden pa gtso bor lam du byed pa bskyed rim dang /__gnas lugs don dam gyi bden pa gtso bor lam du byed pa rdzogs rim ste/__de so sor stong pa chen po dang /__snying rje sgyu ma dang /__phyag rgya gcig pa dang /__phyag rgya spros bcas dang /__tshom bu tshogs sgrub rnams tshul bzhin du nyams su blangs pa ste/__de yang tshogs lam du rim pa snga ma gnyis dang bskyed rim phyag rgya gcig pa dang_ 'brel ba'i dben gsum la mnyam par bzhag pas lhar snang sgyu ma la sems rtse gcig pa'i snang phyogs dang /__rnam pa des dben pa'i stong nyams su 'byams pa stong phyogs te nyams skyon can gnyis dang /__'od gsal du sogs kyi nyams shar ba zung 'jug gi ngo bo nyid ni nyams skyon med de/__de nyid nas sbyor lam drod kyi sne zin cing /__bskyed rim phyag rgya spros bcas dang 'brel bar sgyu lus dag rim par bsgom zhing dpe'i ye shes yang yang bskyang ste/__tshom bu tshogs sgrub kyi spyod pa'i nye rgyus bogs dbyung bas/__sngar rgyu dus su bla mas ngo sprad pa dang /__thos bsam tsam las skyes pa'i 'khor 'das dbyer med dam bden pa dbyer med pa'i don gyi ye shes mngon sum du rtogs pa la grub mtha' 'khor 'das dbyer med ces 'jog cing /__mi 'gyur ba'i 'bras bu rlung sems tsam las grub pa'i sgyu ma'i sku rnam par smin pa dang /__de nyid 'od gsal du bcug pas mthong lam mngon du byas nas lam mchog yongs su rdzogs pa'i tshe dbang rig 'dzin dag thob la/__de nas sgom lam dngos dang /__mi slob pa'i lam gyi nyer bsdogs slob pa'i zung 'jug gis bsdus pa'i phyag chen dang lhun grub rig 'dzin dag rim bzhin du thob par 'gyur ro/__/gsum pa 'bras bu ni/__slob pa'i zung 'jug nyid 'bras bu'i 'od gsal du sbyangs shing /__mi slob pa'i zung 'jug gi sku kha sbyor yan lag bdun dang ldan pa/__rigs thams cad kyi khyab byed kun bzang rdo rje 'chang chen po'i go 'phang mngon du byas pa'ang bla ma'i thugs rnam par mi rtog pa'i ngo bo gsal stong zung 'jug gi ldog pa las shar ba'i tshul so so dang rig pa'i ye shes kyis khong du chud pa'i bden pas/__rgyal ba'i sras byang chub sems dpa' rig pa 'dzin pa bye ba'i khyu mchog khyod nyid zhabs kyi pad+mo bskal pa rgya mtshor brtan cing chos kyi 'khor lo dus rtag tu bskor bar gyur cig__/ces shis par brjod pa'i rgyan du byas pa ste/__tshig rgyan gyi gzhung las/__mngon par 'dod pa'i dngos po la/__/smon pa shis brjod/__ces gsungs pa'i phyir ro/__/gnyis pa gtso bor rdzogs pa a nu yo ga'i gzhung dang sbyar ba ni/__ma dag rlung sems d+hU ti'i gzhan dbang du/__/zhes sogs tshigs su bcad pa gcig ste/__de yang a nu'i mdo lung thams cad kyi rtsa rgyud kun 'dus rig pa las/__bya ba rgyu yi rnal 'byor dang /__byed pa rkyen gyi rnal 'byor dang /__bya bral 'bras bu'i rnal 'byor ro/__/zhes rgyu rkyen 'bras bu'i rnal 'byor gsum du gsungs pa'i/__dang po ni/__chos thams cad kyi gnas lugs dbyings stong pa nyid dang rig pa'i ye shes dbyer med pa'o/__/gnyis pa ni/__lam gyi rtsol ba dang bcas pa'i byed pas gong ma'i lam stegs sam rkyen du gyur pa mtshan nyid sde gsum mo/__/gsum pa ni/__bden gnyis dbyer med du rtogs pas 'bras bu gzhan nas mi 'tshol ba sngags phyi nang gi theg pa ste/__de las khyad par mdo rang lugs kyi lam la/__thabs nges pa dang /__shes rab rnam par grol ba'i lam rjes 'brangs dang bcas pa las 'dir phyogs gcig tu mdor bsdus te 'chad na/__thun mong gi lam gyis rgyud sbyangs shing /__smin byed kyi dbang phyi nang sgrub gsang bzhis bsdus pa las kyang /__gnyis pa dang gsum pa dag rtsal du bton pas rgyud smin cing spyi dang bye brag gi dam tshig rnam par dag pas/__chos thams cad kyi gshis lugs dkyil 'khor rnam gsum ma 'dres yongs rdzogs su gnas pa nyid grol lam rtog dpyod kyi rjes su 'jug pa lta bas gtan la phab ste/__don gyi rjes su 'jug pa rnam par mi rtog pa'i ye shes dang /__yi ge'i rjes su 'jug pa bskyed rim ji rigs pa dang 'brel ba'i sgo nas gtso bor thabs lam gyi rdzogs rim la 'jug pa ste/__de yang dga' ba bzhis drangs pa'i lhan skyes dpe yi 'od gsal nyid bsgrub byar byas te/__sgrub byed kyi thabs steng 'og gi sgo gnyis las/__'dir snga ma ltar bshad na/__'khor bar 'ching byed kyi gtso bo ma dag pa'i las kyi rlung nyi khri chig stong drug brgya dang /__gzung 'dzin gyi sems rtog tshogs brgyad khri bzhi stong sa bon dang bcas pa/__khyab byed rlung gi rnal 'byor bdun dang /__rnam par mi rtog pa'i ye shes zung 'brel las mnyam par 'jog pa sogs byed pa sdom pa'i thabs kyis d+hU ti ste gzung 'dzin gnyis spangs pa'i 'od gsal gyi rtsa dbu ma'i dbyings su thim nas rnam par rtog pa ye shes kyi gzhan dbang du gyur pa dang /__nang gi nyi ma lte 'og gi gtum mor phan pa ste gnas skabs su tshim pa dang /__mthar thug de las skyes pa'i bde stong dga' ba bzhi'i ye shes kyi dpyid chen po sbyin par mdzad pa nang gi zla ba haM yig byang chub kyi sems bdud rtsir zhu ba'i btung ba/__khyab bya gtum mo'i 'bar 'dzag gis 'khor lo bzhir rim par drangs pa'i mthar rdo rje nor bu'i rtse mo'i rgyun mtha' ru song nas/__slar rlung 'pho ba dang bral ba'i stobs kyis phyir 'dzag med du 'ching ba dang /__bzlog khyab bsre ba'i sbyor bas bgrang yas pa'i rtsa'i 'khor lo thams cad khyab pas dpe yi ye shes yang yang drangs pa dang /__dngos rig gi phyag rgya'i nye rgyus mtshams sbyor ba dang bcas pas tshogs lam 'dun pa sems pa dang /__sbyor lam rig chen 'byed pa dag thob/__don gyi ye shes phyogs gcig pa mthong lam dbugs chen 'byin pa mngon sum du byas/__de las langs pa na sgom lam lung chen thob pa dang /__mthar lam rtsal chen rdzogs pa dag bgrod nas/__rten de la 'dod chags chen po'i dbang gis khu rdul rlung gsum phra mo steng 'og tu 'gags pa'i de ma thag par 'gyur bde myong ba'i rig shes kyang rgyun chad de sems rtog med chos kyi sku dang /__lus zag med 'ja' tshon gyi sku dbyer med pa'i mi slob pa'i zung 'jug gi go 'phang mngon sum du brnyes pa gang khyod/__don dam par skye 'gag la sogs pa'i mtshan ma ma dmigs kyang /__kun rdzob tshu rol mthong ba'i byis pa so so skye bo'i blo can rnams kyi ngor yang 'pho 'gyur gyi mtshan ma mi gzhes par mtha' yas pa'i bskal pa rgya mtshor dus rtag tu zhabs pad brtan par shog cig ces mngon par 'dod pa'i don la smon pa'i tshig gis mtha' brgyan pa'o/__/gsum pa gtso bor rdzogs pa chen po a ti yo ga'i gzhung dang sbyar ba ni/__don dam ka nas dag pa'i spros bral dang /__/zhes sogs tshigs bcad gcig ste/__de'ang 'od gsal rdzogs pa chen po man ngag sde rgyud bcu bdun gyi rtsa ba sgra thal 'gyur las/__ye shes rang rig gnas pa la/__/gsum gyi tshul gyis dbyer med do/__/zhes gzhi ka dag dang lhun grub zung 'jug gi tshul gtan la phab nas/__lam khregs chod dang thod rgal dbyer med par nyams su blangs pas/__'bras bu sku dang ye shes rang shar ba'i phyir gzhi lam 'bras gsum du rnam par bzhag pa las/__dang po ni/__gzhi nges pa dang ma nges par 'dod pa sogs phyogs rer 'chel ba gzhan dag lung rig gis bsal nas/__ka dag gi ye gzhi nyid skyon med du khas blangs pa ste/__de yang don dam par chos thams cad kyi ngo bo ka nas te gzod ma nas rnam par dag pas yod med rtag chad skye 'gag gcig dang du ma sogs gnyis snang dang bcas pa'i blo yi yul gang du'ang ma grub pa'i spros bral stong pa nyid dang /__de'i rang bzhin gsal cha rten cing 'brel bar 'byung ba'i tshul 'gag med lhun gyis grub par 'char ba'ang /__thugs rje rang rig pa'i chos can du mthong nas gzung 'dzin gyi chos zad pa'am/__de las gzhan du sgro btags pa'i dbang gi grol 'khrul gyi 'jug ldog byed pa ste/__rdo rje sems dpa' snying gi me long gi rgyud las/__gzhi de yang ngo bo stong pa/__rang bzhin gsal ba/__thugs rje sems can la snang nus pa'o/__/zhes gsungs pa'i phyir ro/__/gnyis pa ni/__thun mong gi grub mthas blo bsgyur ba sngon du song bas/__dbang bzhi pa nyid las rim par phye ba'i spros bcas la sogs pa'i dbang bzhi dang de'i gzhi rten dam tshig gi kun spyod khyad par can gyis go phye nas khregs chod dang thod rgal gyi lam zab mor 'jug par bya ste/__dang po ni/__thal 'gyur las/__shes rab pha rol phyin pa'i mtha'/__/snang ba thad dkar gcod la 'dus/__/zhes gsungs pa ltar/__grol lugs bzhi'i sgo nas chos thams cad kyi gnas lugs stong pa'i 'od gsal gyi ngang du yul yul can gyi spros pa thad kar gcod pa ste/__gnas lugs de nyid gzod ma nas spros pa'i chos kyis gos ma myong ba'i phyir/__ye grol/__de ltar yin pa la gzod gnyen pos bskyar nas dgrol du med pa'i phyir rang grol/__gzung 'dzin gyi mtshan ma thad kar gcod pa cer grol/__dus gsum du shes bya blo'i yul dang /__lhan cig mi gnas pa'i phyir mtha' grol lo/__/gnyis pa ni/__sgron ma bzhi la/__gnad drug gis nyams su blangs pas/__rang 'bras snang ba bzhi mthar phyin pa ste/__de yang sems kyi chos nyid rang bzhin rnam par dag cing cir yang 'char du rung ba shes rab rang byung /__snying nas mig tu 'brel ba'i rtsa rgyang zhags chu/__sprin bral nam mkhar mthing zhun lta bu'i 'od zlum dag pa dbyings rdo rje lu gu rgyud gser skud lding ba lta bu thig le stong pa'i sgron ma zhes nges par byas nas/__bca' ba lus/__'khrid pa dbyings/__'gro 'ong rlung /__'char byed sgo/__'char bya yul/__rtsa ba sems kyi gnad rnams rdo rje slob dpon gyi gsung gi bdud rtsis ji ltar skabs dbye ba bzhin brtson pas/__dwangs pa'i chu la nyi ma 'char ba'i 'od steng gi nam mkha' la phog pa bzhin rig gdangs rdo rje lu gu rgyud mthong ba chos nyid mngon sum du snang ba'i 'od gsal gang zhig__/rang rig pa'i rtsal las gzhan du ma dmigs pa'i phyir gnyis su 'dzin pa'i mtha' spangs te snang stong gi 'od gsal zung 'brel du bskyangs pas/__snang ba'i 'od gsal nyid ches cher mched pa nyams gong 'phel dang /__rig gdangs kyi 'phel cha de las bogs dbyung du med par thob pa rig pa tshad phebs dang /__ltos gzhi'i chos can gyi 'jug pa zad pas de la ltos pa'i chos nyid kyang ngo bo nyid kyis rang bzhin ma grub pas chos nyid zad pa ste lam snang ba bzhi rim gyis bgrod pa'i mthar/__gsum pa ni/__rang bzhin rdzogs pa chen po zhes gzhi lam 'bras gsum gyi ldog cha tha dad pa las/__'dir phyi ma'i dbang du byas na/__gzhi de las 'phags pa'i gzhi snang khyad chos drug ldan rang bzhin ka dag gi ye shes gcig pu'i klong du mi slob pa'i zung 'jug longs sku rnam pa gnyis dang /__sprul pa'i sku gsum sogs sku dang ye shes rgya mtsho lta bu sa bon gyi tshul du rdzogs pa mngon sum du byas pa na/__de las gong du 'thob bya gzhan ma dmigs pa'i phyir chen po'i sgras smos pa'am/__yang ma hA san+d+hi zhes pa'i sgra las drangs na mnyam pa'i blo chen po ste/__sku gsum mnyam pa nyid nang dbyings gzhon nu bum skur grags pa ngo bo nyid kyi sku dang /__de'i ldog cha zag pa med pa'i blo'am ye shes kyi rnam rol sku gsum dang /__rtag cing khyab dang lhun gyis grub pa'i phrin las chen po la dbang 'byor pa'i phyir rgyun gyis rtag pa 'pho ba chen po'i go 'phang las gzhar yang mi g.yo ba'i tshul gdul bya thun mong ba'i snang ngor kyang mngon du mdzad nas 'chi med rdo rje'i gzugs sku nam mkha' ji srid bar du bzhugs par gyur cig ces bden pa'i tshig gis mtshams sbyar ba'o/__/mdor na tshigs su bcad pa 'di gsum du snga 'gyur rdo rje theg pa nang rgyud sde gsum gyi brjod bya mtha' dag dngos shugs ji rigs pa'i sgo nas 'dus pas na/__de dang de'i gzhung so so dang sbyar ba'i bshad pa dang /__bye brag tu bskyed rdzogs sde gsum dang /__dbang bzhi'i lam 'bras bu dang bcas pa dag phan tshun lto sbyar te/__thun mong ba dang mi 'gal zhing /__thun mong ma yin pa dag ma 'dres pa'i tshul gyis rgya cher spros pas chog go/__/zhar la gsol 'debs 'di nyid nyams su bstar ba'i skabs kyi dmigs rnam cung zad bshad na/__nges 'byung dang /__lhag pa'i bsam pas gzhi bzung zhing /__bla ma'i rnam thar la mi phyed dad pa'i gdung shugs drag pos rgyud bskul te/__mdun gyi nam mkhar yid 'phrog mchod pa'i sprin phung sna tshogs pa'i dbus su/__rje btsun bla ma dam pa nyid da lta'i sku yi rnam pa ji lta ba la/__gzhon tshul mtshan dpe'i gzi byin mchog tu 'bar zhing /__na bza' gzab 'phyor gyi rnam pa can du bsgom pa ni rten 'brel gyi gnad yin pas/__de ltar legs par gsal thebs pa dang /__spro na yan lag bdun pa sngon du 'gro bas/__tshig don yid la dran bzhin pa'am/__de tsam mi nus kyang zhabs pad brtan par snying thag pa nas gsol ba lan ji ltar rigs pa gdab pas/__rje btsun bla mas kyang dgyes bzhin du zhal gyis bzhes te/__sku yi cha thams cad nas 'od zer bsam gyis mi khyab pa 'phros pas/__'khor 'das lam gsum gyi tshe bsod dpal 'byor ye shes thams cad 'od zer bdud rtsi'i rnam par spyan drangs nas thim pa'i skad cig de nyid la mgon po tshe dpag tu med pa'i skur gyur te ji srid 'khor ba ma stong bar du chos 'khor bskor bzhin du bzhugs par bsams la bsngo smon gyis rgyas gdab/__rang don du tshe sgrub byed na'ang /__phyag gi bum pa las 'chi med bdud rtsi'i rgyun dpag tu med pa babs/__rang gi spyi bo nas zhugs/__lus kyi nang gang /__nad gdon sdig sgrib thams cad dag cing 'chi med tshe'i dngos grub thob par bsams la tshe gzungs bzla ba'ang bya zhes man ngag rig pa rnams kyis gsungs so/__/gsum pa mjug gi don ni/__zhes pa'ang mchog gi rdo rje'i slob dpon sogs sbyar byang gi mjug bsdu ba ste go sla bas ma spros so/___/'chi med grub pa'i rdo rje'i tshig___/cung zad bshad pa'i legs byas kyis/__/khyab bdag 'jam dbyangs bla ma che'i/__/zhabs pad bskal brgyar brtan gyur cig___/ces pa'ang ris med pa'i yongs 'dzin dam pa rnams kyi gsung gi bdud rtsi mang du thob kyang snyoms las kho na'i gzhan dbang du gyur pa'i kun rmongs kun tu rgyu 'jam dbyangs mkhyen brtse'i dbang pos/__rje bla ma nyid kyi gsung 'ga' zhig mthong ba dang /__cung zad thos pa nyid gzhir byas te o rgyan smin grol gling nges pa don gyi dga' ba'i tshal chen por zin bris su shin tu snying por dril ba'i tshul gyis shar mar spel ba ste/__nongs pa'i tshogs rnams ye shes gzigs pa dam pas bsal du gsol/__/sarba dA ka l+yA NaM b+ha ba tu//____//__!_