JKW-KABUM-23-'A-001-035

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 35, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

གླུ་རྒྱལ་ཀུན་སྙིང་རྗེའི་རང་གཟུགས། ཨོཾ་མ་ཎི་པདྨེ་ཧཱུྃ། རྒྱལ་ཀུན་སྙིང་རྗེའི་ཡེ་ཤེས་ཀྱི་རང་གཟུགས། །འཇིག་རྟེན་དབང་ཕྱུག་ཐུགས་རྗེ་ཡི་གཏེར་ཆེན། །རྟག་ཏུ་དྲན་པའི་སྨྲེ་སྔགས་ཀྱི་མགྲིན་གླུས། །གསོལ་འདེབས་བུ་ལ་བྱིན་རླབས་ཅིག་སྩོལ་དང་། །ཁྱོད་སྐུའི་སྣང་བརྙན་བསོད་ནམས་ཀྱི་མཚར་སྡུག །ཏིང་འཛིན་པིར་གྱིས་རྩེ་གཅིག་ཏུ་འབྲི་ན། །ཐ་མལ་སྣང་ཞེན་རྒྱུ་བ་ཀུན་བཅོམ་པའི། །གསལ་བ་ལྷ་ཡི་དངོས་གྲུབ་ཅིག་སྩོལ་ཅིག །གང་གསུང་རྡོ་རྗེ་ཡིག་དྲུག་གི་རོལ་མོ། །མགྲིན་པར་རོལ་ནས་འཆད་མེད་དུ་སྨྲ་ན། །བརྟན་གཡོའི་སྒྲ་སྐད་གྲགས་སྟོང་དུ་འཆར་བའི། །ནུས་པ་སྔགས་ཀྱི་དངོས་གྲུབ་ཅིག་སྩོལ་ཅིག །ཁྱོད་ཐུགས་སྤྲོས་བྲལ་ཡེ་ཤེས་ཀྱི་གནས་ལུགས། །རང་ངོ་ཤེས་པའི་བསམ་གཏན་ལ་བརྩོན་ན། །གཟུང་འཛིན་འཁྲུལ་བ་གཉུག་མ་རུ་ཞིག་པའི། །ཟབ་མོ་འོད་གསལ་དངོས་གྲུབ་ཅིག་སྩོལ་ཅིག ། ༈

[edit]

glu rgyal kun snying rje'i rang gzugs/__ oM ma Ni pad+me hU~M/__rgyal kun snying rje'i ye shes kyi rang gzugs/__/'jig rten dbang phyug thugs rje yi gter chen/__/rtag tu dran pa'i smre sngags kyi mgrin glus/__/gsol 'debs bu la byin rlabs cig stsol dang /__/khyod sku'i snang brnyan bsod nams kyi mtshar sdug__/ting 'dzin pir gyis rtse gcig tu 'bri na/__/tha mal snang zhen rgyu ba kun bcom pa'i/__/gsal ba lha yi dngos grub cig stsol cig__/gang gsung rdo rje yig drug gi rol mo/__/mgrin par rol nas 'chad med du smra na/__/brtan g.yo'i sgra skad grags stong du 'char ba'i/__/nus pa sngags kyi dngos grub cig stsol cig__/khyod thugs spros bral ye shes kyi gnas lugs/__/rang ngo shes pa'i bsam gtan la brtson na/__/gzung 'dzin 'khrul ba gnyug ma ru zhig pa'i/__/zab mo 'od gsal dngos grub cig stsol cig_/__!