SPCD-KABUM-02-KHA-011: Difference between revisions
From Khyentse Lineage - A Tsadra Foundation Project
(Imported new text files with Wyckibaat for processing) |
No edit summary |
||
Line 1: | Line 1: | ||
{{Text | |||
|classification=Tibetan Publications | |||
|subclass=Tibetan Texts | |||
|collectiontitle='phags mchog bka' 'bum | |||
|collectiontitletib=འཕགས་མཆོག་བཀའ་འབུམ། | |||
|totalvolumes=3 | |||
|author='phags mchog rdo rje | |||
|authortib=འཕགས་མཆོག་རྡོ་རྗེ་ | |||
|citation=[['phags mchog rdo rje]]. ''''. In ''Mtshungs med grub sras 'phags mchog rdo rje mchog gi gsung 'bum rin po che '', Vol. : . Kathmandu: Khenpo Shedup Tenzin & Lama Thinley Namgyal, 2004. | |||
|language=Tibetan | |||
|pagestatus=Temporary stub only | |||
|volumenumber=02 | |||
|volumeLetter=KHA | |||
|textnuminvol=011 | |||
|pdflink=File:SPCD-KABUM-02-KHA-011.pdf | |||
|InitCategories=Khyentse Lineage Project; SPCD-KABUM-Volume-02-KHA | |||
}} | |||
<h1>Tibetan Text</h1> | |||
<onlyinclude> | |||
{{TibP| | |||
༄༅། །གསོལ་འདེབས་རྒྱ་གར་འཕགས་ཡུལ་ཞེས་བྱ་བ་བཞུགས།། | ༄༅། །གསོལ་འདེབས་རྒྱ་གར་འཕགས་ཡུལ་ཞེས་བྱ་བ་བཞུགས།། | ||
རྒྱ་གར་འཕགས་པའི་ཡུལ་ན། །གང་འདུལ་མཚན་མཆོག་བརྒྱད་ཀྱི། །མཁས་གྲུབ་ཡོངས་ཀྱི་དཔལ་མངའ། །མཚོ་སྐྱེས་རྡོ་རྗེ་མཁྱེན་ནོ། །བོད་ཡུལ་མུན་པའི་གླིང་དུ། །ལྷ་སྲིན་ཐམས་ཅད་དམ་བཏགས། །ཆོས་ཀྱི་ཉི་མ་སྦར་ལ། །སྒོ་གསུམ་གུས་པས་འདུད་དོ། །ངོ་མཚར་པད་སྡོང་ལས་འཁྲུངས། །མེ་དཔུང་མཚོ་རུ་བསྒྱུར་སོགས། །མཆོག་ཐུན་གྲུབ་པ་བརྙེས་ལ། །སྒོ་གསུམ་གུས་པས་འདུད་དོ། །འཇའ་ལུས་འཕོ་ཆེན་བཞེངས་ནས། །སྐལ་ལྡན་མོས་གུས་ཅན་ལ། །དངོས་གྲུབ་ཆར་ལྟར་འབེབས་ལ༑ །སྒོ་གསུམ་གུས༴ །ཁྱད་པར་ལྔ་བདོའི་སྐབས་འདིར། །རྒྱལ་བ་སྲས་བཅས་རྣམས་ལས། །ཐུགས་རྗེ་ཕྲིན་ལས་མྱུར་ཞིང་། །གདམས་པས་ས་སྟེང་བཀང་ལ། །སྒོ་གསུམ༴ །གངས་རིས་བསྐོར་བའི་ལྗོངས་འདིར། །དཀའ་སྤྱད་སྙིང་རུས་ཕུལ་ཕྱིན། །མངོན་ཤེས་རྫུ་འཕྲུལ་བརྙེས་ལ། །སྒོ་གསུམ༴ །ལུས་སྲོག་ལྟོས་པ་མེད་པར། །དཀའ་བའི་ཁུར་ཆེན་དུ་མས། །བླ་མ་མཉེས་པར་མཛད་ལ། །སྒོ་གསུམ༴ །དཀར་བརྒྱུད་འབྲུག་པ་ཡོངས་ཀྱི། །དོན་བརྒྱུད་ཉག་གཅིག་འཛིན་མཁན། །འགྲོ་བའི་སྒྲོན་མེ་ཆེན་པོར། །སྒོ་གསུམ༴ །ཉམས་རྟོགས་ཡོན་ཏན་འབུམ་བརྡལ། །ལྷ་འདྲེ་མི་སོགས་དབང་འདུས། །གྲུབ་ཆེན་མི་ལ་རས་པར། །སྒོ་གསུམ༴ །རིས་མེད་བསྟན་འཛིན་རྣམས་ཀྱང་། །རྩ་བའི་བླ་མར་འདུས་པར། །དག་སྣང་ཀུན་གྱི་མཆོག་ཡིན། །སྒོ་གསུམ༴ །རྒྱལ་བ་སྲས་དང་བཅས་པའི། །སྐུ་གསུང་ཐུགས་ཀྱི་རྣམ་རོལ། །སྙིགས་དུས་གྲུབ་པའི་དཔལ་ལ། །སྒོ་གསུམ༴ །བྱང་ཆུབ་སེམས་གཉིས་རབ་འབྱོངས། །རིམ་གཉིས་ལམ་གྱི་རྩེར་ཕྱིན། །དོན་གཉིས་ཕ་མཐའ་ཡས་ལ། །སྒོ་གསུམ༴ །བདག་སོགས་ཡོངས་ཀྱི་སྐྱབས་གཅིག །བཀའ་དྲིན་འཁོར་མཐའ་མེད་པ། །ཚེ་གཅིག་སངས་རྒྱས་སྟོན་ལ། །སྒོ་གསུམ༴ །དལ་འབྱོར་ཕུན་སུམ་ཚོགས་དུས། །སྙིང་པོ་ཆོས་ལ་འཇུག་ཅིང་། །ངེས་ཤེས་ཁྱད་འཕགས་སྐྱེས་ནས། །སྒྲུབ་རྒྱུ་ཆོས་ལས་མེད་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན་གྱིས་རློབས་ཤིག །སྣོད་བཅུད་མི་རྟག་རང་བཞིན། །ཚེ་འདིའི་བློ་སྣ་ཐུང་ཞིང་། །སྐྱོ་ཤས་རྒྱུན་ཆགས་སྐྱེས་ནས། །ཉིན་མཚན་གཅིག་ཏུ་དྲིལ་བའི། །རྗེ་བཙུན་མི་ལ་རས་པས། །བདག་རྒྱུད་བྱིན་གྱིས་རློབས་ཤིག །ལས་འབྲས་བསླུ་མེད་ངེས་ནས། །དགེ་སྡིག་བླང་དོར་ཞིབ་ཅིང་། །ཉེས་བྱས་སྐྱོན་གྱིས་མ་གོས། །དགེ་བ་རླབས་ཆེན་འགྲུབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན་གྱིས་རློབས་ཤིག །རིགས་དྲུག་སྡུག་བསྔལ་འདི་ལས། །ཐར་ལམ་མྱུར་དུ་བགྲོད་དེ། །མ་གྱུར་འགྲོ་བ་རྣམས་ཀྱང་། །ཕྱམ་གཅིག་འདྲེན་པར་ནུས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན་གྱིས་རློབས་ཤིག །མི་རྟག་རང་མཚང་ངོམ་བཞིན། །བློ་སྣ་རྦད་ཀྱིས་སྟུང་སྟེ། །བྱ་བ་ཟིན་མེད་ཡིན་བཞིན། །ད་ནི་སྤྲོས་པ་ཆོད་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ནམ་འཆི་ཆ་མེད་ཡིན་བཞིན། །འཆི་གྲབས་ལན་གྲངས་བྱེད་དེ། །ཆོས་སྤྱོད་གོང་ནས་གོང་འཕེལ། །དགེ་བ་ཚགས་སུ་ཚུད་པའི། །དྲིན་ཆེན་རྩ་བའི་བླ་བའི་མས། །བདག་རྒྱུད་བྱིན༴ །འབྱོར་བཞིན་དབུལ་བར་མི་འདོད། །གཏན་ནོར་དམ་ཆོས་སྒྲུབ་ཅིང་། །མྱོང་བཞིན་སྐྱེ་འཆིའི་བར་འདིར། །བརྩོན་པས་རླབས་ཆེན་འགྲུབ་པའི། གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཤེས་བཞིན་དུག་ཅན་མི་ཟ། །སྡིག་ལས་རིང་དུ་བྱོལ་ཏེ། །མཐོང་བཞིན་གཡང་ལ་མི་འཆོང་། །ཐར་པའི་ལམ་ལ་འཛེག་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཁ་ཟས་རྒྱབ་གོས་བྲལ་དུས། །དགོས་ངེས་དམ་ཆོས་ཉག་གཅིག །ལུས་དང་གནས་མལ་བྲལ་དུས། །དམ་པའི་ཆོས་ཤིག་དགོས་བཞིན། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཚེ་འདིའི་སྣང་བ་ནུབ་དུས། །དམ་པའི་ཆོས་ལས་མགོན་མེད། །བར་དོའི་སྣང་བ་ཚེས་དུས། །མི་འཇིགས་གདེང་ཞིག་དགོས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །རྣམ་ཤེས་རླུང་ལྟར་རྒྱུ་དུས། །ངན་སོང་སྐྱེ་སྒོ་ཁེགས་ནས། །གདམས་པ་མན་ངག་ཟབ་མོས། །རང་སེམས་མངའ་དབང་འདུ་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ལུས་དང་སྲོག་ལ་ཐུག་ཀྱང་། །རྣམ་ཀུན་སྡིག་ལས་ལྡོག་སྟེ། །ཤིན་ཏུ་དབེན་པའི་གནས་སུ། །སྒོ་གསུམ་ཐུགས་ཉམས་ཕབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཆོས་དང་ཆོས་མིན་རྣམ་པ། །ཡང་དག་འབྱེད་པར་ནུས་ཏེ། །འདུ་འཛིའི་རྣམ་པར་གཡེང་བ། །ཆོས་མིན་དུག་བཞིན་འཛེམ་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མགྲོན་པོའི་ཞག་ཚུགས་ལྟ་བུར། །ཚེ་འདི་བློ་ཡིས་ཐོངས་ཞིང་། །ནོར་རྫས་སྒྱུ་མར་ཤེས་ནས། །དགོས་མེད་ཆོག་ཤེས་བརྟེན་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །དགྲ་གཉེན་ངེས་ངེས་མེད་བཞིན། །གཅིག་པུར་རི་ཁྲོད་ཟིན་ཅིང་། །སྒྱུ་ལུས་གཡར་པོ་མཐོང་སྟེ། །ཟས་གོས་གང་བྱུང་ཆོག་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ངེས་འབྱུང་སྐྱོ་ཤས་དྲག་པོས། །དཀའ་སྤྱད་སྙིང་རུས་བྱ་ཞིང་། །འཁོར་བའི་སྡུག་བསྔལ་དྲན་ནས། །སྐྱིད་སྡུག་རོ་སྙོམས་ནུས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཆགས་སོགས་ཉོན་མོངས་སྐྱེ་དུས། །དྲན་ཤེས་གཉེན་པོ་སླེབས་ཏེ། །སྙན་དང་མི་སྙན་རྣམ་པ། །གྲགས་སྟོང་བྲག་ཆ་རྟོགས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །དབུལ་ཕོངས་ཉམ་ཐག་མཐོང་དུས། །སེར་སྣའི་མདུད་པ་གྲོལ་ཅིང་། །གཞན་ཕན་སྣ་རེའི་ཕྱིར་དུ། །དཀའ་བའི་ཁུར་ཆེན་ཐེག་པའི། །དྲིན་ཆེན་རྩ་བའི་མས། །བདག་རྒྱུད་བྱིན༴ །མོས་གུས་དག་སྣང་ཐམས་ཅད། །རྟོགས་པའི་ངོ་བོར་འདུས་ཤིང་། །སྙིང་རྗེ་དག་སྣང་ཐམས་ཅད། །རྩོལ་མེད་ངམ་ངམ་འདྲེན་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མི་ཚེ་རི་ལ་སྐྱེལ་བཞིན། །ངེས་འབྱུང་ཡང་དག་སྐྱེས་ཏེ། །དགེ་བ་རྒྱ་ཆེན་འགྲུབ་བཞིན། །བྱང་ཆུབ་སེམས་ཀྱིས་ཟིན་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཐོས་བསམ་ཕ་མཐར་སོན་བཞིན། །སྒོམ་པའི་ངང་རྒྱུན་བསྲིངས་ནས། །མཚམས་སྒྲུབ་དུས་ཀྱིས་འདའ་བཞིན། །ཉམས་རྟོགས་ཡང་དག་སྐྱེ་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཆོས་དྲེད་ངན་གོམས་འདི་ལས། །བརྩོན་འགྲུས་ན་རིམ་འཕེལ་ཏེ། །རྣ་བ་བརྒྱ་ལམ་འདི་ལ། །ཐོས་པའི་གོ་རྒྱ་བསྐྱེད་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །རང་སེམས་དམུས་ལོང་འདི་ལ༑ །བསམ་པའི་སྒྲོ་འདོགས་ཆོད་དེ། །སྒྱུ་ལུས་བལ་འདབ་འདི་ལ། །སྒོམ་རྒྱུན་རྡོ་ཡིས་ནོན་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཆགས་སྤྱོད་རྐུན་ཟས་ལྟར་མིན། །དམ་ཚིག་ངོ་ལྐོག་མེད་ཕྱིར། །ཆགས་སྡང་དུག་རོ་ལང་ལང་། །བག་ཆགས་རྩད་ནས་ཆོད་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །འགྲན་སེམས་ཕྲག་དོག་སྐྱེ་དུས། །དམ་ཚིག་དཔང་པོར་ཁུར་ཏེ། །དྲན་ཤེས་བག་ཡོད་དང་བཅས། །རྟག་ཏུ་བསྲུང་ལ་མཁས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཆོས་བརྒྱད་རྐུན་པོ་འཇབ་ཚེ། །སྐྱོ་ཤས་དྲན་རྫི་ལང་ཞིང་། །འདི་སྣང་ཞེན་པའི་འབྲེལ་གྲགས། །བྱིན་རླབས་ཐོག་བཞིན་འབེབས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཉེ་འབྲེལ་ཐག་པ་ཆད་ནས། །ཕྱོགས་མེད་རི་ཁྲོད་འགྲིམས་ཤིང་། །བསག་དང་སྲུང་བའི་རྒྱུ་ནོར། །གང་ཡོད་ཆོས་ཕྱོགས་གཏོང་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཕལ་ཆེར་འཁྲི་བ་ཆོད་ཀྱང་། །ཡོངས་སུ་འཁྲི་བ་ཆོད་དེ། །ཆོས་དང་བླ་མར་དད་ཅིང་། །དག་སྣང་ཕྱོགས་མེད་འཆར་བའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བཀའ་དྲིན་འཁོར་མེད་དྲན་ནས། །བཟོད་མེད་མོས་གུས་འབར་ཞིང་། །བརྒྱུད་ལྡན་བླ་མའི་བྱིན་རླབས། །རང་རྒྱུད་འཕོ་བར་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །མོས་གུས་སྙིང་རྗེ་དྲག་པོས། །གཞན་སྣང་དབང་དུ་འདུ་ཞིང་། །རང་འདོད་འཁྲི་བ་ཆོད་ནས། །ཅི་བྱས་ཆོས་སུ་འགྱུར་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །དགེ་ཚོགས་ཀུན་གྱི་གཞི་མ། །སྡོམ་དང་དམ་ཚིག་གཙང་ཞིང་། །བཅས་དང་ལྟུང་བས་མ་གོས། །དྲན་ཤེས་བག་ཡོད་ལྡན་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མི་བརྗེད་གཟུངས་ཀྱིས་རྣམ་བརྒྱན། །གསུང་རབ་ཁོང་དུ་ཆུད་ལ། །སྤོབས་པའི་གཏེར་མཛོད་རྡོལ་ནས། །ཆོས་ཀུན་ཉམས་འོག་ཚུད་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །འཆད་རྩོད་རྩོམ་པ་གང་ལའང་། །བློ་གྲོས་ཕྱོགས་མེད་རྒྱས་ཤིང་། །འཁོར་ལོ་གསུམ་གྱི་བྱ་བས། །གཞན་དོན་རླབས་ཆེན་འབྱུང་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །དགྲ་གཉེན་བར་མའི་འགྲོ་རྣམས། །ཕ་མ་དྲིན་ཆེན་ཤེས་ཏེ། །བདེ་སྡུག་ཐོབ་བྲལ་འདོད་ཅིང་། །བདག་གཞན་བརྗེ་བར་ནུས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །འདི་ཕྱིའི་དགེ་བདེའི་འབྱོར་ཚོགས། །བདག་ལས་གཞན་གཅེས་སྒྲུབ་ཅིང་། །སྙིང་རྗེའི་ཚན་ཁ་རྡོལ་ནས། །འགྲོ་དོན་ཕྱོགས་མེད་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །སེམས་རྒྱུད་ཆོས་དང་འདྲེས་ཏེ། །སྣང་སྲིད་དཔེ་ཆར་ཤར་ཞིང་། །ཆོས་བརྒྱད་ཉམས་འོག་ཚུད་ནས། །སྒྲུབ་པའི་རང་ཚོ་ཐོབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །འགལ་རྐྱེན་བར་ཆད་ཞི་ནས། །ཚེ་དང་སྒྲུབ་པ་མཉམ་ལ། །ཆུ་དང་འོ་མ་འདྲེས་བཞིན། །གོ་མྱོང་རྟོགས་གསུམ་འབྱེད་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །རིག་ཁམས་རྣམ་པར་སྒྲིབ་བྱེད། །བྱིང་རྒོད་རྨུགས་འཐིབ་སེལ་ཞིང་། །ཞི་གནས་གོལ་ས་གསུམ་ཡང་། །ལྷག་མཐོང་ན་རིམ་འཕེལ་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །སྣང་བ་དགྲར་ལངས་གེགས་གསུམ། །སྤང་གཉེན་དབྱེར་མེད་རྟོགས་ཤིང་། །འཕྲལ་ཤོར་ལམ་གྱི་གེགས་རྣམས། །རྩལ་དང་རོལ་པར་ཤེས་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ལས་ཉོན་དལ་ཁོད་སྙོམས་ཕྱིར། །ཞི་གནས་རྒྱ་མཚོ་འཁྱིལ་བའི། །ཀུན་གཞི་རྣམ་ཤེས་དག་བྱེད། །སྤྲོས་བྲལ་ནམ་མཁའི་གོ་འབྱེད། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བཟང་ངན་སེམས་ཀྱི་ཆོ་འཕྲུལ། །སྣང་སྟོང་རོ་གཅིག་རྟོགས་ཏེ། །འཁོར་འདས་དབྱེར་མེད་གནས་ཕྱིར། །བསྒོམ་མེད་ངང་དུ་འབྱམས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །གྲུ་དང་ཟམ་ལས་ཐོན་པས། །ཆུ་ཕུག་བསྐོར་ལམ་འདུམ་བཞིན། །མཚན་ཉིད་ཐེག་པའི་ས་ལམ། །ཕྱག་ཆེན་ཆིག་ཆོད་འདུམ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཉོན་མོངས་ལམ་དུ་ཁྱེར་བས། །དུག་ལྔ་ཡེ་ཤེས་ལྔ་དང་། །རྣམ་རྟོག་ལམ་དུ་ཁྱེར་བས། །རང་ཤར་རང་གྲོལ་རྟོགས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ལྷ་འདྲེ་ལམ་དུ་ཁྱེར་བས། །བར་ཆད་དངོས་གྲུབ་འགྱུར་ཞིང་། །སྡུག་བསྔལ་ལམ་དུ་ཁྱེར་བས། །བདེ་སྡུག་གཏོང་ལེན་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ན་ཚ་ལམ་དུ་ཁྱེར་བས། །དགེ་སྦྱོར་གྲོགས་སུ་འཆར་ཞིང་། །འཆི་བ་ལམ་དུ་ཁྱེར་བས། །འོད་གསལ་མ་བུ་འཕྲོད་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །རང་བཞིན་སྣང་སྟོང་འདི་ལས། །རྟོགས་བྱ་ཅུང་ཟད་མེད་ནས། །སེམས་ཀྱི་འཁྲུལ་འཁོར་ཞིག་པས། །དགེ་སྡིག་རོ་མཉམ་གྱུར་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཤེས་པ་སྐད་ཅིག་སྟེང་དུ། །འཁོར་འདས་ལེགས་ཚོགས་འགྲུབ་ཅིང་། །ཉེས་དང་སྐྱོན་ཀུན་སྤངས་ནས། །རྣམ་རྟོག་མངའ་དབང་འབྱོར་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །བསྐལ་མང་བསགས་པའི་ལས་ངན། །སྐད་ཅིག་རང་དག་བྱེད་ཅིང་། །དགེ་འབྲས་ཚེ་འདིར་སྨིན་ནས། །ལས་ལ་མངའ་དབང་འབྱོར་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །དུས་གསུམ་མཉམ་ཉིད་རྟོགས་པས། །བསྐལ་པ་སྐད་ཅིག་འདུས་ཤིང་། །སྐད་ཅིག་བསྐལ་པར་ཁྱབ་པས། །དུས་ལ་མངའ་དབང་འབྱོར་བའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ལུས་སེམས་སྣང་གསུམ་འདྲེས་ནས། །མཁའ་དང་ལག་མཐིལ་མཉམ་ཞིང་། །སྟོང་གསུམ་ཡུངས་འབྲུར་ཚུད་དེ། །སྣང་བར་མངའ་དབང་འབྱོར་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །མགྲིན་པའི་རྩ་ཁ་འབྱེད་ནས། །ངག་གི་དབང་ཕྱུག་འགྲུབ་ཅིང་། །ཤེས་བྱ་ཆགས་ཐོགས་མེད་པར། །ཡེ་ཤེས་མངའ་དབང་འབྱོར་བའི། །དྲིན་ཆེན་རྩ་བའི་བླ་མ། །བདག་རྒྱུད་བྱིན༴ །འབྱུང་བར་རང་དབང་ཐོབ་ཅིང་། །གཉིས་མེད་སྣ་ཚོགས་ཤར་ནས། །མངོན་ཤེས་ཡེ་ཤེས་རྫུ་འཕྲུལ། །ཕྱི་ནང་ཆོས་ལ་དབང་བའི། །ཟག་མེད་སྒྱུ་ལུས་གྲུབ་ནས། །འོག་མིན་མཁའ་སྤྱོད་ཕྱིན་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བསྐྱེད་རིམ་མངོན་དུ་གྱུར་ནས། །ཅིར་སྣང་ལྷ་སྐུར་འཆར་ཞིང་། །རྫོགས་རིམ་ཚད་དུ་ཕྱིན་ནས། །སྒྲ་གྲགས་སྔགས་སུ་ཤེས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །བསྐྱེད་རྫོགས་དབྱེར་མེད་རྟོགས་ནས། །དྲན་རྟོགས་ཐུགས་སུ་ཆུབ་ཅིང་། །གསང་ལམ་ཐབས་ཀྱི་རིམ་པས། །བདེ་སྟོང་དབྱེར་མེད་རྟོགས་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །རྣམ་རྟོག་ཤར་གྲོལ་གཉིས་ལས། །འཁོར་འདས་གཞན་མེད་ཤེས་ཏེ། །སྣང་ཞིང་སྲིད་པའི་ཆོས་རྣམས། །བཟང་ངན་སེམས་སུ་ཞི་བའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བདེ་སྡུག་སེམས་ཀྱི་ཆོ་འཕྲུལ། །རང་ཤར་རང་གྲོལ་རྟོགས་པས། །ཉི་ཤར་མུན་པ་སངས་བཞིན། །མ་རིག་གནས་ཀུན་སངས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ནམ་མཁའ་སྤྲིན་ཐག་ཆོད་བཞིན། །ཀུན་རྟོག་བཙལ་ཀྱང་མེད་དེ། །མཁའ་ལ་ཉི་མ་ཤར་བཞིན། །མཁྱེན་གཉིས་ཕྱོགས་མེད་རྒྱས་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །སྒོམ་པ་བྱ་རྩོལ་བྲལ་ནས། །རང་རིག་འཕོ་འགྱུར་མེད་ཅིང་། །འཁོར་འདས་དབྱེར་མེད་ཁྱབ་བརྡལ། །ཐམས་ཅད་དབྱིངས་གཅིག་གྱུར་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཀུན་བཏགས་བློ་ཡི་རི་མོ། །རྒྱུ་འབྲས་རྩོལ་སྒྲུབ་འདས་ཤིང་། །ས་དང་ལམ་གྱི་རིམ་པ། །བྲལ་ཐོབ་ཀུན་ལས་འདས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །རང་རིག་ཟང་ཐལ་ཆོད་པས། །སྒྱུ་ལུས་རྡུལ་ཕྲན་དེངས་ཤིང་། །སྣང་ཉམས་ཚད་དུ་ཕྱིན་ནས། །འཇའ་ལུས་འོད་སྐུར་འགྲུབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །བྱ་སྤྱོད་མ་བྱས་ཡེ་ཟིན། །འགྲོ་དོན་ལྷུན་གྱིས་གྲུབ་སྟེ། །གདོད་ནས་འཁོར་འདས་དབྱེར་མེད། །ད་གཟོད་བྲལ་ཐོབ་འདས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མཆོག་གི་སྤྲུལ་སྐུ་སོགས་ཀྱིས། །གང་ལ་གང་འདུལ་སྟོན་ཅིང་། །དོན་གཉིས་མཐའ་རུ་ཕྱིན་ནས། །འཁོར་བ་དོང་སྤྲུགས་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན་གྱིས་རློབས་ཤིག །དྲིན་ཆེན་རྩ་བའི་བླ་མས། །བདག་རྒྱུད་བྱིན་གྱིས་རློབས་ཤིག །ཅེས་པ་འདིའང་ངེས་གསང་སྙིང་པོའི་ལམ་ལ་གཞོལ་མཛད་ཁམས་པ་ཡོན་དགེ་སྤྲུལ་སྐུ་མཆོག་དང་། གྲྭ་ཀུན་དགའ་འབྲུག་རྒྱས་ཤེས་རབ་འོད་ཟེར་བཅས་ནས་ཁོ་བོའི་གསོལ་འདེབས་ཤིག་འབྲི་དགོས་ཞེས་ནན་བསྐུལ་བྱུང་རུང་། ཡོན་ཏན་བྱིན་རླབས་ཀྱི་དབུལ་བ་རང་ལྟ་བུའི་དོན་སྒོ་ཆུང་བར་བྱས་ནས། དེ་ཕྱིར་ངོ་མ་ལྡོག་ཙམ་དུ་ཡུལ་དམ་པ་རྣམས་ལ་གསོལ་བ་འདི་ལྟར་བཏབ་པའི་སྟོབས་ཀྱིས་རང་གི་བློ་རྒྱུན་མྱུར་བར་ཤུགས་དྲག་རྒྱུན་རིང་པོ་ཆོས་ལ་བསྐུལ་མ་གདབ་ཕྱིར་གྲུབ་སྲས་པ་ཨཱརྻ་བཛྲས་སུག་བྲིས་བགྱིས་པ་ཡིན་པས། དོན་ཅུང་ཟད་དང་ལྡན་པར་ཤོག་ཅིག །དགེའོ།། །། | རྒྱ་གར་འཕགས་པའི་ཡུལ་ན། །གང་འདུལ་མཚན་མཆོག་བརྒྱད་ཀྱི། །མཁས་གྲུབ་ཡོངས་ཀྱི་དཔལ་མངའ། །མཚོ་སྐྱེས་རྡོ་རྗེ་མཁྱེན་ནོ། །བོད་ཡུལ་མུན་པའི་གླིང་དུ། །ལྷ་སྲིན་ཐམས་ཅད་དམ་བཏགས། །ཆོས་ཀྱི་ཉི་མ་སྦར་ལ། །སྒོ་གསུམ་གུས་པས་འདུད་དོ། །ངོ་མཚར་པད་སྡོང་ལས་འཁྲུངས། །མེ་དཔུང་མཚོ་རུ་བསྒྱུར་སོགས། །མཆོག་ཐུན་གྲུབ་པ་བརྙེས་ལ། །སྒོ་གསུམ་གུས་པས་འདུད་དོ། །འཇའ་ལུས་འཕོ་ཆེན་བཞེངས་ནས། །སྐལ་ལྡན་མོས་གུས་ཅན་ལ། །དངོས་གྲུབ་ཆར་ལྟར་འབེབས་ལ༑ །སྒོ་གསུམ་གུས༴ །ཁྱད་པར་ལྔ་བདོའི་སྐབས་འདིར། །རྒྱལ་བ་སྲས་བཅས་རྣམས་ལས། །ཐུགས་རྗེ་ཕྲིན་ལས་མྱུར་ཞིང་། །གདམས་པས་ས་སྟེང་བཀང་ལ། །སྒོ་གསུམ༴ །གངས་རིས་བསྐོར་བའི་ལྗོངས་འདིར། །དཀའ་སྤྱད་སྙིང་རུས་ཕུལ་ཕྱིན། །མངོན་ཤེས་རྫུ་འཕྲུལ་བརྙེས་ལ། །སྒོ་གསུམ༴ །ལུས་སྲོག་ལྟོས་པ་མེད་པར། །དཀའ་བའི་ཁུར་ཆེན་དུ་མས། །བླ་མ་མཉེས་པར་མཛད་ལ། །སྒོ་གསུམ༴ །དཀར་བརྒྱུད་འབྲུག་པ་ཡོངས་ཀྱི། །དོན་བརྒྱུད་ཉག་གཅིག་འཛིན་མཁན། །འགྲོ་བའི་སྒྲོན་མེ་ཆེན་པོར། །སྒོ་གསུམ༴ །ཉམས་རྟོགས་ཡོན་ཏན་འབུམ་བརྡལ། །ལྷ་འདྲེ་མི་སོགས་དབང་འདུས། །གྲུབ་ཆེན་མི་ལ་རས་པར། །སྒོ་གསུམ༴ །རིས་མེད་བསྟན་འཛིན་རྣམས་ཀྱང་། །རྩ་བའི་བླ་མར་འདུས་པར། །དག་སྣང་ཀུན་གྱི་མཆོག་ཡིན། །སྒོ་གསུམ༴ །རྒྱལ་བ་སྲས་དང་བཅས་པའི། །སྐུ་གསུང་ཐུགས་ཀྱི་རྣམ་རོལ། །སྙིགས་དུས་གྲུབ་པའི་དཔལ་ལ། །སྒོ་གསུམ༴ །བྱང་ཆུབ་སེམས་གཉིས་རབ་འབྱོངས། །རིམ་གཉིས་ལམ་གྱི་རྩེར་ཕྱིན། །དོན་གཉིས་ཕ་མཐའ་ཡས་ལ། །སྒོ་གསུམ༴ །བདག་སོགས་ཡོངས་ཀྱི་སྐྱབས་གཅིག །བཀའ་དྲིན་འཁོར་མཐའ་མེད་པ། །ཚེ་གཅིག་སངས་རྒྱས་སྟོན་ལ། །སྒོ་གསུམ༴ །དལ་འབྱོར་ཕུན་སུམ་ཚོགས་དུས། །སྙིང་པོ་ཆོས་ལ་འཇུག་ཅིང་། །ངེས་ཤེས་ཁྱད་འཕགས་སྐྱེས་ནས། །སྒྲུབ་རྒྱུ་ཆོས་ལས་མེད་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན་གྱིས་རློབས་ཤིག །སྣོད་བཅུད་མི་རྟག་རང་བཞིན། །ཚེ་འདིའི་བློ་སྣ་ཐུང་ཞིང་། །སྐྱོ་ཤས་རྒྱུན་ཆགས་སྐྱེས་ནས། །ཉིན་མཚན་གཅིག་ཏུ་དྲིལ་བའི། །རྗེ་བཙུན་མི་ལ་རས་པས། །བདག་རྒྱུད་བྱིན་གྱིས་རློབས་ཤིག །ལས་འབྲས་བསླུ་མེད་ངེས་ནས། །དགེ་སྡིག་བླང་དོར་ཞིབ་ཅིང་། །ཉེས་བྱས་སྐྱོན་གྱིས་མ་གོས། །དགེ་བ་རླབས་ཆེན་འགྲུབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན་གྱིས་རློབས་ཤིག །རིགས་དྲུག་སྡུག་བསྔལ་འདི་ལས། །ཐར་ལམ་མྱུར་དུ་བགྲོད་དེ། །མ་གྱུར་འགྲོ་བ་རྣམས་ཀྱང་། །ཕྱམ་གཅིག་འདྲེན་པར་ནུས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན་གྱིས་རློབས་ཤིག །མི་རྟག་རང་མཚང་ངོམ་བཞིན། །བློ་སྣ་རྦད་ཀྱིས་སྟུང་སྟེ། །བྱ་བ་ཟིན་མེད་ཡིན་བཞིན། །ད་ནི་སྤྲོས་པ་ཆོད་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ནམ་འཆི་ཆ་མེད་ཡིན་བཞིན། །འཆི་གྲབས་ལན་གྲངས་བྱེད་དེ། །ཆོས་སྤྱོད་གོང་ནས་གོང་འཕེལ། །དགེ་བ་ཚགས་སུ་ཚུད་པའི། །དྲིན་ཆེན་རྩ་བའི་བླ་བའི་མས། །བདག་རྒྱུད་བྱིན༴ །འབྱོར་བཞིན་དབུལ་བར་མི་འདོད། །གཏན་ནོར་དམ་ཆོས་སྒྲུབ་ཅིང་། །མྱོང་བཞིན་སྐྱེ་འཆིའི་བར་འདིར། །བརྩོན་པས་རླབས་ཆེན་འགྲུབ་པའི། གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཤེས་བཞིན་དུག་ཅན་མི་ཟ། །སྡིག་ལས་རིང་དུ་བྱོལ་ཏེ། །མཐོང་བཞིན་གཡང་ལ་མི་འཆོང་། །ཐར་པའི་ལམ་ལ་འཛེག་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཁ་ཟས་རྒྱབ་གོས་བྲལ་དུས། །དགོས་ངེས་དམ་ཆོས་ཉག་གཅིག །ལུས་དང་གནས་མལ་བྲལ་དུས། །དམ་པའི་ཆོས་ཤིག་དགོས་བཞིན། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཚེ་འདིའི་སྣང་བ་ནུབ་དུས། །དམ་པའི་ཆོས་ལས་མགོན་མེད། །བར་དོའི་སྣང་བ་ཚེས་དུས། །མི་འཇིགས་གདེང་ཞིག་དགོས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །རྣམ་ཤེས་རླུང་ལྟར་རྒྱུ་དུས། །ངན་སོང་སྐྱེ་སྒོ་ཁེགས་ནས། །གདམས་པ་མན་ངག་ཟབ་མོས། །རང་སེམས་མངའ་དབང་འདུ་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ལུས་དང་སྲོག་ལ་ཐུག་ཀྱང་། །རྣམ་ཀུན་སྡིག་ལས་ལྡོག་སྟེ། །ཤིན་ཏུ་དབེན་པའི་གནས་སུ། །སྒོ་གསུམ་ཐུགས་ཉམས་ཕབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཆོས་དང་ཆོས་མིན་རྣམ་པ། །ཡང་དག་འབྱེད་པར་ནུས་ཏེ། །འདུ་འཛིའི་རྣམ་པར་གཡེང་བ། །ཆོས་མིན་དུག་བཞིན་འཛེམ་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མགྲོན་པོའི་ཞག་ཚུགས་ལྟ་བུར། །ཚེ་འདི་བློ་ཡིས་ཐོངས་ཞིང་། །ནོར་རྫས་སྒྱུ་མར་ཤེས་ནས། །དགོས་མེད་ཆོག་ཤེས་བརྟེན་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །དགྲ་གཉེན་ངེས་ངེས་མེད་བཞིན། །གཅིག་པུར་རི་ཁྲོད་ཟིན་ཅིང་། །སྒྱུ་ལུས་གཡར་པོ་མཐོང་སྟེ། །ཟས་གོས་གང་བྱུང་ཆོག་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ངེས་འབྱུང་སྐྱོ་ཤས་དྲག་པོས། །དཀའ་སྤྱད་སྙིང་རུས་བྱ་ཞིང་། །འཁོར་བའི་སྡུག་བསྔལ་དྲན་ནས། །སྐྱིད་སྡུག་རོ་སྙོམས་ནུས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཆགས་སོགས་ཉོན་མོངས་སྐྱེ་དུས། །དྲན་ཤེས་གཉེན་པོ་སླེབས་ཏེ། །སྙན་དང་མི་སྙན་རྣམ་པ། །གྲགས་སྟོང་བྲག་ཆ་རྟོགས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །དབུལ་ཕོངས་ཉམ་ཐག་མཐོང་དུས། །སེར་སྣའི་མདུད་པ་གྲོལ་ཅིང་། །གཞན་ཕན་སྣ་རེའི་ཕྱིར་དུ། །དཀའ་བའི་ཁུར་ཆེན་ཐེག་པའི། །དྲིན་ཆེན་རྩ་བའི་མས། །བདག་རྒྱུད་བྱིན༴ །མོས་གུས་དག་སྣང་ཐམས་ཅད། །རྟོགས་པའི་ངོ་བོར་འདུས་ཤིང་། །སྙིང་རྗེ་དག་སྣང་ཐམས་ཅད། །རྩོལ་མེད་ངམ་ངམ་འདྲེན་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མི་ཚེ་རི་ལ་སྐྱེལ་བཞིན། །ངེས་འབྱུང་ཡང་དག་སྐྱེས་ཏེ། །དགེ་བ་རྒྱ་ཆེན་འགྲུབ་བཞིན། །བྱང་ཆུབ་སེམས་ཀྱིས་ཟིན་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཐོས་བསམ་ཕ་མཐར་སོན་བཞིན། །སྒོམ་པའི་ངང་རྒྱུན་བསྲིངས་ནས། །མཚམས་སྒྲུབ་དུས་ཀྱིས་འདའ་བཞིན། །ཉམས་རྟོགས་ཡང་དག་སྐྱེ་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཆོས་དྲེད་ངན་གོམས་འདི་ལས། །བརྩོན་འགྲུས་ན་རིམ་འཕེལ་ཏེ། །རྣ་བ་བརྒྱ་ལམ་འདི་ལ། །ཐོས་པའི་གོ་རྒྱ་བསྐྱེད་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །རང་སེམས་དམུས་ལོང་འདི་ལ༑ །བསམ་པའི་སྒྲོ་འདོགས་ཆོད་དེ། །སྒྱུ་ལུས་བལ་འདབ་འདི་ལ། །སྒོམ་རྒྱུན་རྡོ་ཡིས་ནོན་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཆགས་སྤྱོད་རྐུན་ཟས་ལྟར་མིན། །དམ་ཚིག་ངོ་ལྐོག་མེད་ཕྱིར། །ཆགས་སྡང་དུག་རོ་ལང་ལང་། །བག་ཆགས་རྩད་ནས་ཆོད་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །འགྲན་སེམས་ཕྲག་དོག་སྐྱེ་དུས། །དམ་ཚིག་དཔང་པོར་ཁུར་ཏེ། །དྲན་ཤེས་བག་ཡོད་དང་བཅས། །རྟག་ཏུ་བསྲུང་ལ་མཁས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཆོས་བརྒྱད་རྐུན་པོ་འཇབ་ཚེ། །སྐྱོ་ཤས་དྲན་རྫི་ལང་ཞིང་། །འདི་སྣང་ཞེན་པའི་འབྲེལ་གྲགས། །བྱིན་རླབས་ཐོག་བཞིན་འབེབས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ཉེ་འབྲེལ་ཐག་པ་ཆད་ནས། །ཕྱོགས་མེད་རི་ཁྲོད་འགྲིམས་ཤིང་། །བསག་དང་སྲུང་བའི་རྒྱུ་ནོར། །གང་ཡོད་ཆོས་ཕྱོགས་གཏོང་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཕལ་ཆེར་འཁྲི་བ་ཆོད་ཀྱང་། །ཡོངས་སུ་འཁྲི་བ་ཆོད་དེ། །ཆོས་དང་བླ་མར་དད་ཅིང་། །དག་སྣང་ཕྱོགས་མེད་འཆར་བའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བཀའ་དྲིན་འཁོར་མེད་དྲན་ནས། །བཟོད་མེད་མོས་གུས་འབར་ཞིང་། །བརྒྱུད་ལྡན་བླ་མའི་བྱིན་རླབས། །རང་རྒྱུད་འཕོ་བར་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །མོས་གུས་སྙིང་རྗེ་དྲག་པོས། །གཞན་སྣང་དབང་དུ་འདུ་ཞིང་། །རང་འདོད་འཁྲི་བ་ཆོད་ནས། །ཅི་བྱས་ཆོས་སུ་འགྱུར་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །དགེ་ཚོགས་ཀུན་གྱི་གཞི་མ། །སྡོམ་དང་དམ་ཚིག་གཙང་ཞིང་། །བཅས་དང་ལྟུང་བས་མ་གོས། །དྲན་ཤེས་བག་ཡོད་ལྡན་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མི་བརྗེད་གཟུངས་ཀྱིས་རྣམ་བརྒྱན། །གསུང་རབ་ཁོང་དུ་ཆུད་ལ། །སྤོབས་པའི་གཏེར་མཛོད་རྡོལ་ནས། །ཆོས་ཀུན་ཉམས་འོག་ཚུད་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །འཆད་རྩོད་རྩོམ་པ་གང་ལའང་། །བློ་གྲོས་ཕྱོགས་མེད་རྒྱས་ཤིང་། །འཁོར་ལོ་གསུམ་གྱི་བྱ་བས། །གཞན་དོན་རླབས་ཆེན་འབྱུང་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །དགྲ་གཉེན་བར་མའི་འགྲོ་རྣམས། །ཕ་མ་དྲིན་ཆེན་ཤེས་ཏེ། །བདེ་སྡུག་ཐོབ་བྲལ་འདོད་ཅིང་། །བདག་གཞན་བརྗེ་བར་ནུས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །འདི་ཕྱིའི་དགེ་བདེའི་འབྱོར་ཚོགས། །བདག་ལས་གཞན་གཅེས་སྒྲུབ་ཅིང་། །སྙིང་རྗེའི་ཚན་ཁ་རྡོལ་ནས། །འགྲོ་དོན་ཕྱོགས་མེད་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །སེམས་རྒྱུད་ཆོས་དང་འདྲེས་ཏེ། །སྣང་སྲིད་དཔེ་ཆར་ཤར་ཞིང་། །ཆོས་བརྒྱད་ཉམས་འོག་ཚུད་ནས། །སྒྲུབ་པའི་རང་ཚོ་ཐོབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །འགལ་རྐྱེན་བར་ཆད་ཞི་ནས། །ཚེ་དང་སྒྲུབ་པ་མཉམ་ལ། །ཆུ་དང་འོ་མ་འདྲེས་བཞིན། །གོ་མྱོང་རྟོགས་གསུམ་འབྱེད་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །རིག་ཁམས་རྣམ་པར་སྒྲིབ་བྱེད། །བྱིང་རྒོད་རྨུགས་འཐིབ་སེལ་ཞིང་། །ཞི་གནས་གོལ་ས་གསུམ་ཡང་། །ལྷག་མཐོང་ན་རིམ་འཕེལ་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །སྣང་བ་དགྲར་ལངས་གེགས་གསུམ། །སྤང་གཉེན་དབྱེར་མེད་རྟོགས་ཤིང་། །འཕྲལ་ཤོར་ལམ་གྱི་གེགས་རྣམས། །རྩལ་དང་རོལ་པར་ཤེས་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ལས་ཉོན་དལ་ཁོད་སྙོམས་ཕྱིར། །ཞི་གནས་རྒྱ་མཚོ་འཁྱིལ་བའི། །ཀུན་གཞི་རྣམ་ཤེས་དག་བྱེད། །སྤྲོས་བྲལ་ནམ་མཁའི་གོ་འབྱེད། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བཟང་ངན་སེམས་ཀྱི་ཆོ་འཕྲུལ། །སྣང་སྟོང་རོ་གཅིག་རྟོགས་ཏེ། །འཁོར་འདས་དབྱེར་མེད་གནས་ཕྱིར། །བསྒོམ་མེད་ངང་དུ་འབྱམས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །གྲུ་དང་ཟམ་ལས་ཐོན་པས། །ཆུ་ཕུག་བསྐོར་ལམ་འདུམ་བཞིན། །མཚན་ཉིད་ཐེག་པའི་ས་ལམ། །ཕྱག་ཆེན་ཆིག་ཆོད་འདུམ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །ཉོན་མོངས་ལམ་དུ་ཁྱེར་བས། །དུག་ལྔ་ཡེ་ཤེས་ལྔ་དང་། །རྣམ་རྟོག་ལམ་དུ་ཁྱེར་བས། །རང་ཤར་རང་གྲོལ་རྟོགས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ལྷ་འདྲེ་ལམ་དུ་ཁྱེར་བས། །བར་ཆད་དངོས་གྲུབ་འགྱུར་ཞིང་། །སྡུག་བསྔལ་ལམ་དུ་ཁྱེར་བས། །བདེ་སྡུག་གཏོང་ལེན་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ན་ཚ་ལམ་དུ་ཁྱེར་བས། །དགེ་སྦྱོར་གྲོགས་སུ་འཆར་ཞིང་། །འཆི་བ་ལམ་དུ་ཁྱེར་བས། །འོད་གསལ་མ་བུ་འཕྲོད་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །རང་བཞིན་སྣང་སྟོང་འདི་ལས། །རྟོགས་བྱ་ཅུང་ཟད་མེད་ནས། །སེམས་ཀྱི་འཁྲུལ་འཁོར་ཞིག་པས། །དགེ་སྡིག་རོ་མཉམ་གྱུར་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཤེས་པ་སྐད་ཅིག་སྟེང་དུ། །འཁོར་འདས་ལེགས་ཚོགས་འགྲུབ་ཅིང་། །ཉེས་དང་སྐྱོན་ཀུན་སྤངས་ནས། །རྣམ་རྟོག་མངའ་དབང་འབྱོར་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །བསྐལ་མང་བསགས་པའི་ལས་ངན། །སྐད་ཅིག་རང་དག་བྱེད་ཅིང་། །དགེ་འབྲས་ཚེ་འདིར་སྨིན་ནས། །ལས་ལ་མངའ་དབང་འབྱོར་བའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །དུས་གསུམ་མཉམ་ཉིད་རྟོགས་པས། །བསྐལ་པ་སྐད་ཅིག་འདུས་ཤིང་། །སྐད་ཅིག་བསྐལ་པར་ཁྱབ་པས། །དུས་ལ་མངའ་དབང་འབྱོར་བའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ལུས་སེམས་སྣང་གསུམ་འདྲེས་ནས། །མཁའ་དང་ལག་མཐིལ་མཉམ་ཞིང་། །སྟོང་གསུམ་ཡུངས་འབྲུར་ཚུད་དེ། །སྣང་བར་མངའ་དབང་འབྱོར་བའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །མགྲིན་པའི་རྩ་ཁ་འབྱེད་ནས། །ངག་གི་དབང་ཕྱུག་འགྲུབ་ཅིང་། །ཤེས་བྱ་ཆགས་ཐོགས་མེད་པར། །ཡེ་ཤེས་མངའ་དབང་འབྱོར་བའི། །དྲིན་ཆེན་རྩ་བའི་བླ་མ། །བདག་རྒྱུད་བྱིན༴ །འབྱུང་བར་རང་དབང་ཐོབ་ཅིང་། །གཉིས་མེད་སྣ་ཚོགས་ཤར་ནས། །མངོན་ཤེས་ཡེ་ཤེས་རྫུ་འཕྲུལ། །ཕྱི་ནང་ཆོས་ལ་དབང་བའི། །ཟག་མེད་སྒྱུ་ལུས་གྲུབ་ནས། །འོག་མིན་མཁའ་སྤྱོད་ཕྱིན་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བསྐྱེད་རིམ་མངོན་དུ་གྱུར་ནས། །ཅིར་སྣང་ལྷ་སྐུར་འཆར་ཞིང་། །རྫོགས་རིམ་ཚད་དུ་ཕྱིན་ནས། །སྒྲ་གྲགས་སྔགས་སུ་ཤེས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །བསྐྱེད་རྫོགས་དབྱེར་མེད་རྟོགས་ནས། །དྲན་རྟོགས་ཐུགས་སུ་ཆུབ་ཅིང་། །གསང་ལམ་ཐབས་ཀྱི་རིམ་པས། །བདེ་སྟོང་དབྱེར་མེད་རྟོགས་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །རྣམ་རྟོག་ཤར་གྲོལ་གཉིས་ལས། །འཁོར་འདས་གཞན་མེད་ཤེས་ཏེ། །སྣང་ཞིང་སྲིད་པའི་ཆོས་རྣམས། །བཟང་ངན་སེམས་སུ་ཞི་བའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །བདེ་སྡུག་སེམས་ཀྱི་ཆོ་འཕྲུལ། །རང་ཤར་རང་གྲོལ་རྟོགས་པས། །ཉི་ཤར་མུན་པ་སངས་བཞིན། །མ་རིག་གནས་ཀུན་སངས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །ནམ་མཁའ་སྤྲིན་ཐག་ཆོད་བཞིན། །ཀུན་རྟོག་བཙལ་ཀྱང་མེད་དེ། །མཁའ་ལ་ཉི་མ་ཤར་བཞིན། །མཁྱེན་གཉིས་ཕྱོགས་མེད་རྒྱས་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །སྒོམ་པ་བྱ་རྩོལ་བྲལ་ནས། །རང་རིག་འཕོ་འགྱུར་མེད་ཅིང་། །འཁོར་འདས་དབྱེར་མེད་ཁྱབ་བརྡལ། །ཐམས་ཅད་དབྱིངས་གཅིག་གྱུར་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །ཀུན་བཏགས་བློ་ཡི་རི་མོ། །རྒྱུ་འབྲས་རྩོལ་སྒྲུབ་འདས་ཤིང་། །ས་དང་ལམ་གྱི་རིམ་པ། །བྲལ་ཐོབ་ཀུན་ལས་འདས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན༴ །རང་རིག་ཟང་ཐལ་ཆོད་པས། །སྒྱུ་ལུས་རྡུལ་ཕྲན་དེངས་ཤིང་། །སྣང་ཉམས་ཚད་དུ་ཕྱིན་ནས། །འཇའ་ལུས་འོད་སྐུར་འགྲུབ་པའི། །དྲིན་ཆེན་རྩ་བའི་བླ་མས། །བདག་རྒྱུད་བྱིན༴ །བྱ་སྤྱོད་མ་བྱས་ཡེ་ཟིན། །འགྲོ་དོན་ལྷུན་གྱིས་གྲུབ་སྟེ། །གདོད་ནས་འཁོར་འདས་དབྱེར་མེད། །ད་གཟོད་བྲལ་ཐོབ་འདས་པའི། །གུ་རུ་མཚོ་སྐྱེས་རྡོ་རྗེས། །བདག་རྒྱུད་བྱིན༴ །མཆོག་གི་སྤྲུལ་སྐུ་སོགས་ཀྱིས། །གང་ལ་གང་འདུལ་སྟོན་ཅིང་། །དོན་གཉིས་མཐའ་རུ་ཕྱིན་ནས། །འཁོར་བ་དོང་སྤྲུགས་ནུས་པའི། །རྗེ་བཙུན་མི་ལ་རས་པས། །བདག་རྒྱུད་བྱིན་གྱིས་རློབས་ཤིག །དྲིན་ཆེན་རྩ་བའི་བླ་མས། །བདག་རྒྱུད་བྱིན་གྱིས་རློབས་ཤིག །ཅེས་པ་འདིའང་ངེས་གསང་སྙིང་པོའི་ལམ་ལ་གཞོལ་མཛད་ཁམས་པ་ཡོན་དགེ་སྤྲུལ་སྐུ་མཆོག་དང་། གྲྭ་ཀུན་དགའ་འབྲུག་རྒྱས་ཤེས་རབ་འོད་ཟེར་བཅས་ནས་ཁོ་བོའི་གསོལ་འདེབས་ཤིག་འབྲི་དགོས་ཞེས་ནན་བསྐུལ་བྱུང་རུང་། ཡོན་ཏན་བྱིན་རླབས་ཀྱི་དབུལ་བ་རང་ལྟ་བུའི་དོན་སྒོ་ཆུང་བར་བྱས་ནས། དེ་ཕྱིར་ངོ་མ་ལྡོག་ཙམ་དུ་ཡུལ་དམ་པ་རྣམས་ལ་གསོལ་བ་འདི་ལྟར་བཏབ་པའི་སྟོབས་ཀྱིས་རང་གི་བློ་རྒྱུན་མྱུར་བར་ཤུགས་དྲག་རྒྱུན་རིང་པོ་ཆོས་ལ་བསྐུལ་མ་གདབ་ཕྱིར་གྲུབ་སྲས་པ་ཨཱརྻ་བཛྲས་སུག་བྲིས་བགྱིས་པ་ཡིན་པས། དོན་ཅུང་ཟད་དང་ལྡན་པར་ཤོག་ཅིག །དགེའོ།། །། }} | ||
</onlyinclude> | |||
{{TsagliCall}} | |||
<headertabs/> |
Revision as of 16:26, 3 June 2024
🚧 This website is under continued development. We appreciate your patience!
Wylie title | ![]() | |
---|---|---|
Location | 'phags mchog bka' 'bum Volume 2, Text 11, Pages (Folios to ) | |
Author | འཕགས་མཆོག་རྡོ་རྗེ་ | |
Less details More details | ||
Citation | 'phags mchog rdo rje. '. In Mtshungs med grub sras 'phags mchog rdo rje mchog gi gsung 'bum rin po che , Vol. : . Kathmandu: Khenpo Shedup Tenzin & Lama Thinley Namgyal, 2004. | |
Genre |