JKW-KABUM-23-'A-006-002

🚧 This website is under continued development. We appreciate your patience!

Previous Text Back to Volume PageNext Text

Wylie title	yang gsol 'debs dang zhal thang rgyab byang par byang sogs le tshan sbrel ba
Location	mkhyen brtse'i bka' 'bum Volume 23, sde tshan 6, Text 2, Pages 299-321 (Folios 8a6 to 19a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang gsol 'debs dang zhal thang rgyab byang par byang sogs le tshan sbrel ba. In 'jam dbyangs mkhyen brtse'i dbang po'i bka' 'bum, Vol. 23: 299-321. Khams sde dge rdzong sar dgon: Rdzong sar blo gros phun tshogs, 2020.
Genre	Printing Colophon Prayers - par byang smon tshig  ·  Supplications - gsol 'debs  ·  Verses of Praise - bstod pa  ·  Invocation of Auspiciousness - bkra shis brjod pa
Colophon	།ཅེས་པའང་ཤཱཀྱའི་དགེ་སློང་སྤོང་བ་པ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཚུལ་འདིའི་ལེགས་བྱས་འདུ་བགྱིས་པའི་སྐབས་རྩེ་གཅིག་ཏུ་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།།
	ces pa'ang shAkya'i dge slong spong ba pa 'jam dbyangs bla ma dgyes pa'i 'bangs mkhyen brtse'i dbang pos tshul 'di'i legs byas 'du bgyis pa'i skabs rtse gcig tu gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol/__/sarba dA ka l+yA NaM b+ha ba tu//
Notes	I'm not sure if the colophon is for the entire collection of short texts or just for the last one.

Tibetan Text

Wylie

[edit]

འཇམ་པའི་དབྱངས་དངོས་རྗེ་བཙུན་ཙོང་ཁ་པ། སྤྱན་རས་གཟིགས་དབང་འགྲོ་མགོན་ཕ༷ག་གྲུའི་ཞབས། །གསང་བའི་བདག་པོ་ཞ༷ང་སྟོན་བརྩོན་འགྲུས་གྲགས། །མཁྱེན་བརྩེ་ནུས་གཏེར་གསུམ་ལ་གསོལ་བ་འདེབས། །དམ་པ་རྣམས་ལ་གུས་པས་གསོལ་བཏབ་མཐུས། །ཡུལ་ཕྱོགས་ཀུན་ཏུ་ནད་མུག་མཚོན་འཁྲུགས་ཞི། །ཚེ་དཔལ་འབྱོར་པ་དབྱར་གྱི་མཚོ་བཞིན་འཕེལ། །བསྟན་འགྲོའི་ཕན་བདེ་རྒྱས་པར་བྱིན་གྱིས་རློབས། །ཞེས་པའང་དགེ་སློང་རྡོ་རྗེ་འཛིན་པ་མཁན་པདྨ་དྲི་མེད་ཆོས་ཀྱི་བློ་གྲོས་ཐུབ་བསྟན་སྨྲ་བའི་དབང་པོས་སྙིགས་དུས་ཀྱི་རྒུད་པ་ཞི་ཞིང་། ཕན་བདེའི་ལེགས་ཚོགས་རྒྱས་པར་སྤེལ་བའི་ཆེད་རྗེ་ཕག་ཞང་གསུམ་གྱི་སྣང་བརྙན་རིན་པོ་ཆེ་བཞེངས་པ་ལ་མངོན་དུ་ཕྱོགས་པའི་སྐབས་དམ་པ་གསུམ་གྱི་ཐུགས་དམ་སྐུལ་བའི་གསོལ་འདེབས་སྨོན་ལམ་དང་བཅས་པ་འདིའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། །། ༈

ཨོཾ་སྭ་སྟི་པྲ་ཛེ་བྷྱཿ ཐུབ་དབང་གནས་བརྟན་འཕགས་ཚོགས་ཀྱི། །བསོད་ནམས་བརྒྱ་ལས་གྲུབ་པའི་དཔལ། །མཚན་བཟང་རི་མོར་བཞེངས་པའི་དགེས། །འགྲོ་རྣམས་ཀུན་མཁྱེན་མྱུར་ཐོབ་ཤོག །ཅེས་པའང་ཕུན་སུམ་ཚོགས་པའི་དཔལ་གྱི་འབྱོར་པ་མཛོད་འཛིན་ཤེས་རབ་ལགས་ཀྱིས་བསོད་ནམས་ཀྱི་བྱ་བར་འདུ་མཛད་པའི་ཐུབ་དབང་གནས་བཅུའི་ཞལ་ཐང་གི་སྨོན་ཚིག་ཏུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈ ཨོཾ་སྭ་སྟི་སིདྡྷཾ། འཕགས་པའི་གནས་བརྟན་མཆོག་རྣམས་ཀྱི། །སྣང་བརྙན་བཞེངས་པའི་བསོད་ནམས་ཀྱིས། །འགྲོ་ཀུན་རྫོགས་སྨིན་སྦྱང་གསུམ་གྱི། །མཐར་སོན་བྱང་ཆུབ་མྱུར་ཐོབ་ཤོག །ཅེས་པའང་དད་གཏོང་འབྱོར་པའི་ནོར་གྱིས་མངོན་པར་མཐོ་བ་མཛོད་འཛིན་པྲཛྙཱའི་མཚན་ཅན། གྱིས་བསོད་ནམས་བྱས་པའི་དངོས་པོ་ཡོངས་སུ་བསྔོ་བ་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། །། ༈ ཨོཾ་སུ་ཤྲེ་ཡནྟུ། སྠཱ་བཱི་ར་ཆེ་རྣམས་ཀྱི། །མཚན་བཟང་རི་མོར་བཞེངས་པ་ཡིས། །བསོད་ནམས་དམ་པས་འབྲེལ་ཚད་ཀུན། །དོན་གཉིས་མཐར་ཕྱིན་བཀྲ་ཤིས་སྩོལ། །ཞེས་པའང་འཕགས་ནོར་དམ་པའི་མཛོད་འཆང་ཤེས་རབ་ལགས་ཀྱིས་ལེགས་མཛད་བསོད་ནམས་ཀྱི་ཕུང་པོར་འདུ་བགྱིས་པའི་སྨོན་ཚིག་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སུ་ཤུ་བྷཱུ་ཡཱ་ཏྲ།། །། ༈ ཨོཾ་སུ་ལཀྵྨིཾ་ཀུརྦནྟུ། འཕགས་རྣམས་དགྱེས་པའི་མཚན་དཔེའི་དཔལ། །ལེགས་བྱས་མགྲོན་དུ་འདུ་བགྱིས་པའི། །དགེ་བས་ཁམས་གསུམ་ཡིད་ཅན་ཀུན། །བྱང་ཆུབ་སྙིང་པོར་རོ་གཅིག་ཤོག །ཅེས་བསྔགས་འོས་དམ་པའི་མཛོད་འཆང་ཤེས་རབ་ལགས་ཀྱིས་རྣམ་དཀར་གྱི་འབྲས་བུ་བསྔོ་སྨོན་གྱིས་མཚམས་སྦྱར་བ་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་མངྒ་ལཾ་བྷ་བ་ཏུ།། །། ༈ ཨོཾ་སྭསྟི་ཤྲཱི་བི་ཛ་ཡནྟུ། གནས་བརྟན་ཆེ་རྣམས་གཟུགས་སྐུའི་ཟླ། །ཀཱ་ཤིའི་དྭང་མཚོར་སྣང་བྱས་པའི། །ལེགས་སྤྱད་འབྲས་བུས་འགྲོ་བ་ཀུན། །ཕན་བདེའི་དགེ་མཚན་རྒྱས་གྱུར་ཅིག །ཅེས་པའང་ལུགས་གཉིས་རྒྱ་མཚོར་དཔྱོད་པའི་བློ་གྲོས་སོགས་འཕགས་ནོར་དམ་པའི་གན་མཛོད་འཆང་བ་སྐུ་ཞབས་པྲཛྙཱའི་མཚན་ཅན་གྱི་ལེགས་བྱས་ཡོངས་སུ་བསྔོ་བ་དང་སྨོན་ཚིག་གིས་བྱང་ཆུབ་མཆོག་གི་འབྱོར་པ་རྒྱས་པར་སྤེལ་བ་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སརྦ་དཱ་སུ་ཤྲེ་ཡཿསྥུཊཾ་བྷུ་ཡ་ཏ།། །། ༈ ཨོཾ་ཨཱཿཧཱུྃ་གུ་རུ་བྷ་ཊྚཱ་ར་ཀཱ་ཏཱ་རཱ་སིདྡྷི་ཧཱུྃ། རྗེ་བཙུན་མྱུར་མ་དཔའ་མོ་སོགས། །རྩ་གསུམ་རྒྱ་མཚོའི་ཡེ་ཤེས་བྱིན། །དམ་ཚིག་རྟེན་འདིར་རྟག་བཞུགས་ནས། །མཆོག་ཐུན་དངོས་གྲུབ་བྱིན་ཆར་ཕོབས། །ཞེས་པའང་མི་རྗེ་ཕྱག་མཛོད་ཤེས་རབ་ལགས་ཀྱི་ཐུགས་དམ་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་ཏེ་གསོལ་བ་བཏབ་པ་སིདྡྷཾ་བྷ་བ་ཏུ།། །། ༈ ཨོཾ་ཨཱཿགུ་རུ་བཛྲ་དྷཱ་ར་ཝཱ་གིནྡྲ་སུ་དྷཱི་ས་མུ་དྲ་སརྦ་སིདྡྷི་མྨེ་པྲ་ཡཙྪནྟུ་ཧཱུྃ། བླ་མ་འཇིག་རྟེན་དབང་ཕྱུག་དང་། །ཆོས་སྲུང་ནོར་ལྷའི་བྱིན་རླབས་མཆོག །རྟེན་འདིར་བཞུགས་ནས་སྐལ་བཟང་གི །བསམ་སྦྱོར་ཆོས་བཞིན་འགྲུབ་མཛད་གསོལ། །ཞེས་པའང་སྐུ་ཞབས་ཕྱག་མཛོད་པྲཛྙཱའི་མཚན་ཅན་གྱི་དད་རྟེན་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་ཤིང་གུས་པས་གསོལ་བ་བཏབ་པ་སརྦ་དཱ་སུ་ཤྲེ་ཡསྶིདྡྷི་རསྟུ།། །། ༈ ཨོཾ་སྭ་སྟི། དཀོ༷ན་མཆོ༷ག་རྩ་གསུམ་རྒྱ་མཚོའི་སྤྱི་དཔལ་ཆེ། །སྐྱབས་ཀུན་འདུ༷ས་ཞ༷ལ་པ༷དྨ་འོ༷ད་འབ༷ར་གྱིས། །མཁྱེན་བརྩེ་ནུས་པའི་བྱིན་རླབས་རྟེན་འདི་ལ། །རྟག་པར་བཞུགས་ནས་མཆོག་ཐུན་དངོས་གྲུབ་སྩོལ། །ཅེས་པའང་རིགས་ལྡན་སའི་དབང་ཕྱུག་ཆེན་པོའི་ཐུགས་དམ་ཐང་ཀའི་ཞལ་བྱང་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་བྲིས་ཏེ་གསོལ་བ་བཏབ་པ་སིདྡྷི་ར་སྟུ།། །། ༈ ཨོཾ་སྭ་སྟི་པྲ་ཛེ་བྷྱཿ བྱིན་རླབས་དངོས་གྲུབ་ཕྲིན་ལས་རྩ༷་བ་གསུ༷མ། །ཀུན་དྲི༷ལ་ཡིད་བཞིན་ནོར་བུའི་སྒྲ྄ུ༷བ་པའི་རྟེན། །དམ་ཚིག་ཕྱག་རྒྱར་ཡེ་ཤེས་རྟག་བཞུགས་ནས། །མཆོག་ཐུན་གྲུབ་པ་རྒྱ་མཚོའི་བྱིན་ཆར་ཕོབས། །ཞེས་པའང་ལུང་ཟིན་སྤྲུལ་པའི་ཆོས་རྒྱལ་ཆེན་པོའི་ཐུགས་དམ་ཐང་ཀའི་ཞལ་བྱང་དུ་པདྨ་འོད་གསལ་མདོ་སྔགས་གླིང་པ་མཁྱེན་བརྩེའི་ལྷས་བྲིས་ཏེ་གསོལ་བ་བཏབ་པ་སརྦ་དཱ་སུ་ཤྲེ་ཡོ་བྷ་བ་ཏུ།། །། ༈ ཨོཾ་པདྨོ་ཡོ་གི་ནཱི་ཛྙཱ་ན་ཝཱ་ར་ཧཱི་ཧཱུྃ། ཨ་ཧོ། ཨོ༷ཾ་ཡིག་དྭངས་མ་ལྔ་ལྡན་བདེ་ཆེན་གྱི་པདྨོ༷། །ཡོ༷་གི༷་ནཱི༷་ཡི་སྐུ་ཅན་ཟུང་འཇུག་གི་ཛྙཱ་ན༷། །ཝཱ༷་ར༷་ཧཱི༷་ཞེས་ཞུ་བ་དེ་མི་རྟོག་པའི་བྱིན་ཆར། །ཧཱུྃ་གིས་བསྐུལ་བས་སྒྲུབ་ལ་མངོན་སུམ་དུ་སྩོལ་ཅིག །ཅེས་པའང་སྒྲུབ་བརྩོན་ཨཱ་ནནྡའི་དམ་ཚིག་གི་བྲིས་སྐུའི་ཞལ་བྱང་དུ་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པ་མཁྱེན་བརྩེའི་ལྷས་གསོལ་བ་བཏབ་པ་སིདྡྷི་ར་སྟུ།། །། ༈ ཨོཾ་སྭསྟི། བླ་མ་ཡི་དམ་ཆོས་སྲུང་ནོར་ལྷ་ཡི། །སྣང་བརྙན་བཞེངས་པའི་དགེ་བས་དམིགས་ཡུལ་གྱི། །སྒྲིབ་གཉིས་ཀུན་བྱང་བདེ་ལྡན་ཞིང་དུ་བགྲོད། །འབྲེལ་ཚད་ཚེ་དཔལ་འབྱོར་པ་རྒྱས་གྱུར་ཅིག །ཅེས་པའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་ལྷས་གསོལ་བ་བཏབ་པ་སིདྡྷི་རསྟུ།། །། ༈ ཨོཾ་སྭ་སྟི་སིདྡྷི། ཞི༷་ཁྲོ༷་རིགས་འདུས་ཡེ་ཤེས་དཀྱིལ་འཁོར་ཆེ། །ལྷག་པ་གཟུགས་བརྙན་རྟེན་འདིར་རྟག་བཞུགས་ནས། །ཏིང་འཛིན་སྒྱུ་འཕྲུལ་དྲཱ་བའི་རོལ་མོ་ཡིས། །ང༷ན་སོ༷ང་དོ༷ང་སྤྲུགས་འགྲོ་ཀུན་ཡོངས་གྲོལ་ཤོག །ཅེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པ་མཁྱེན་བརྩེའི་ལྷས་བསོད་ནམས་ཀྱི་དངོས་པོར་འདུ་བགྱིས་ཤིང་སྨོན་ཚིག་ཞལ་བྱང་དང་བཅས་དགེ་བའི་བཤེས་གཉེན་སྡོམ་བརྩོན་མདོ་རྒྱུད་འཛིན་པ་ལུང་རྟོགས་བསྟན་པའི་ཉི་མའི་ཚོམ་བུ་ཚོགས་ཀྱི་སྒྲུབ་པའི་རྟེན་དུ་ཕུལ་བ་མཐོང་ཐོས་དྲན་རེག་གི་འགྲོ་རྣམས་ཀུན་བཟང་རྡོ་རྗེ་སེམས་དཔའི་གོ་འཕང་ལ་འགོད་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈ ཨོཾ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། འཆི་མེད་རྟག་པ་དམ་པའི་ཡེ་ཤེས་ཕྱག་རྒྱའི་གཟུགས་སུ་རྣམ་འཕྲུལ་བ། །རྩ་གསུམ་ཆོས་སྲུང་རྒྱ་མཚོའི་བྱིན་རླབས་རྟེན་འདིར་མངོན་སུམ་བཞིན་བཞུགས་ནས། །བསྟན་འཛིན་ཞབས་བརྟན་དགེ་འདུན་སྡེ་འཕེལ་བཤད་སྒྲུབ་ལས་གསུམ་ཕྲིན་ལས་རྒྱས། །འགྲོ་ཀུན་གྲོལ་བ་བཞི་ལྡན་ལམ་ལས་བྱང་ཆུབ་སྙིང་པོར་རོ་གཅིག་ཤོག །ཅེས་པའང་སྔ་འགྱུར་བཤད་སྒྲུབ་ཀྱི་ཆུ་གཏེར་ཆེན་པོ་དཔལ་ཡུལ་རྣམ་རྒྱལ་བྱང་ཆུབ་ཆོས་གླིང་གི་ཆོས་སྨྲ་བའི་ཁྱུ་མཆོག་སྤྲུལ་པའི་སྐུ་རིན་པོ་ཆེ་པདྨ་མདོ་སྔགས་བསྟན་འཛིན་ངེས་གསང་ཆོས་ཀྱི་སྣང་བའི་ཐུགས་བཞེད་བཞིན། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པས་བྲིས་པ་སརྦ་དཱ་སུ་ཤྲེ་ཡསྶིདྡྷི་རསྟུ།། །། ༈ ཨོཾ་བཛྲ་སཏྭ་ཨཱཿ དཔལ་ལྡན་ས༷ངས་རྒྱས༷་ཀུན་གྱི་ཡེ་ཤེས་དང་། །མཉམ་སྦྱོར་རིགས་ཀུན་བསྡུས་པའི་ཡེ་ཤེས་བྱིན། །རྟེན་འདིར་མངོན་སུམ་བཞིན་དུ་རྟག་བཞུགས་ནས། །བརྟན་གཡོའི་དངོས་ཀུན་ཧེ་རུ་ཀར་བྱིན་རློབས། །ཞེས་པའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སརྦ་པ་ར་མ་ཨཀྵ་ར་མ་ཧཱ་སུ་ཁ་ཛྙཱ་ན་སིདྡྷཾ་བྷ་བ་ཏུ།། །། ༈ ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ༷་དང་ཡེ་ཤེས་དཔ༷ག་མེ༷ད་བཅོམ་ལྡན་འདས། །རྟེན་འདིར་མངོན་སུམ་བཞུགས་པའི་བྱིན་རླབས་ཀྱིས། །ལུང་རིག་མངའ་བདག་བསྟན་འཛིན་ཞབས་བརྟན་ཞིང་། །ལུགས་གཉིས་ཕྲིན་ལས་འཕེལ་བའི་བཀྲ་ཤིས་སྩོལ། །ཅེས་པའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སརྦ་དཱ་ཨཱ་ཡུརྫྙཱ་ན་སྱ་བྷ་བ་སྦུ་ཊཾ་བྷ་བ་ཏུ།། །། ༈ ཨོཾ་ཨ་ཐ། གསོ་དཔྱད་གཞུང་ལུགས་བྱེ་བའི་སྙིང་པོའི་ཕུལ། །རིན་ཆེན་སྨན་གྱི་ནོར་བུ་ཀུན་གྱི་གཞི། །བཅུད་རྒྱལ་བཙོ་བཀྲུ་སྦྱོང་བའི་ཆོ་ག་དང་། །ཟ་འཆིང་ཁམས་ཀྱི་ལག་ལེན་རབ་གསལ་འདི། །རྒྱལ་བས་ལུང་བསྟན་བློ་གྲོས་མཐའ་ཡས་སྡེའི། །རབ་འབྱམས་ལེགས་པར་བཤད་པའི་ཆ་ཤས་ཏེ། །རིག་བྱེད་འཛིན་རྣམས་སྙིང་གི་ནོར་བུ་དང་། །ལུས་ཅན་འདོད་འཇོའི་དཔག་བསམ་མཆོག་ཏུ་གྲུབ། །སླར་ཡང་ཚེ༷་རབས་རི༷ང་ནས་ཚོགས་ཟུང་གི །འབྲས་བུ་སྡེ་བཞིའི་སྙེ་མ་གཡུར་ཟ་བ། །དཔ༷ལ་ལྡ༷ན་མི་ཡི་དབང་པོའི་ཐུགས་བསྐྱེད་ཀྱིས། །ངོ་མཚར་སྤར་གྱི་གླེགས་བུ་མངོན་པར་བསྐྲུན། །དེ་ལས་བྱུང་བའི་དགེ་ཚོགས་ཟླ་བའི་འོད། །བྱང་ཆུབ་སྙིང་པོར་ཡོངས་སུ་བསྔོས་པའི་མཐུས། །འཇིག་རྟེན་དབང་ཕྱུག་རྒྱལ་དབང་ཡབ་སྲས་སོགས། །བསྟན་འཛིན་སྐྱེས་བུ་ཐམས་ཅད་ཞབས་བརྟན་ཞིང་། །དགེ་འདུན་སྡེ་རྣམས་བཤད་སྒྲུབ་ཕྲིན་ལས་འཕེལ། །འགྲོ་ཀུན་གནས་སྐབས་ནད་གདོན་ཉེར་འཚེ་ཞི། །ཚེ་དཔལ་འབྱོར་པའི་སྐལ་བཟང་རབ་ཏུ་རྒྱས། །མཐར་ཐུག་ཀུན་མཁྱེན་ཡེ་ཤེས་མྱུར་ཐོབ་ཤོག །ཅེས་པའང་གསོ་དཔྱད་ཀྱི་གཞུང་ལུགས་ཅུང་ཟད་ཐོས་པའི་བྱ་བྲལ་སྤོང་བ་པའི་གཟུགས་བརྙན་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈ སྐྱབས་གནས་ཀུན་འདུས་དཔལ་ལྡན་བླ་མ་ལ། །གསོལ་བ་འདེབས་སོ་ནད་གདོན་བར་ཆད་སོལ། །ཚེ་བསོད་དཔལ་འབྱོར་ཡེ་ཤེས་རྒྱས་པ་དང་། །རྣམ་མཁྱེན་གོ་འཕང་ཐོབ་པར་བྱིན་གྱིས་རློབས། །ཞེས་པའང་མཁྱེན་བརྩེའི་དབང་པོས་བྲིས་པ་དགེ། །། ༈ འཆི་མེད་མགོན་པོ་བཅོམ་ལྡན་ཚེ་མཐའ་ཡས། །འཆི་མེད་དཔལ་སྟེར་རྣམ་པར་རྒྱལ་མ་དང་། །འཆི་མེད་འཕགས་མ་ཡིད་བཞིན་འཁོར་ལོ་ཡིས། །འཆི་མེད་ཚེ་དང་ཡེ་ཤེས་བྱིན་ཆར་ཕོབས། །གནས་ཁང་འོག་མིན་རྒྱུན་གྱི་རྟག་པའི་ཞིང་། །རྟེན་གསུམ་ངེས་པ་ལྔ་ལྡན་དཀྱིལ་འཁོར་ཆེ། །སྒྲུབ་པོ་སྐལ་ལྡན་མཆོག་གི་རིག་འཛིན་དུ། །བྱིན་གྱིས་བརླབས་པའི་བཀྲ་ཤིས་དགེ་མཚན་སྩོལ། །ཅེས་བཀྲ་ཤིས་འཆི་མེད་ཁང་གསར་གྱི་བསྟི་གནས་མཛེས་པའི་རྒྱན་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། །། ༈ འཇམ་དབྱངས་བླ་མ་མཁྱེན་བརྩེའི་དབང་པོ་ལ། །སྙིང་ནས་མོས་གདུང་དྲག་པོས་གསོལ་འདེབས་ན། །བྱང་ཆུབ་བར་དུ་འབྲལ་མེད་རྗེས་བཟུང་ནས། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །ཞེས་རྣམ་འདྲེན་གྲུབ་ཐོབ་མཆོག་གི་སྤྲུལ་པའི་སྐུ་དམ་པ་དང་། དད་ལྡན་ཚེ་དབང་ལྷ་མོའི་བཞེད་སྐོང་དུ་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས།། །། ༈ འཆི་མེད་མཚོ་སྐྱེས་བླ་མས་བྱིན་བརླབས་པའི། །བདེ་ཆེན་པདྨ་དྲྭ་བ་མཆོག་གི་ཞིང་། །མཁའ་འགྲོ་དགྱེས་པ་རཱ་མེ་ཤྭ་རའི་ཡུལ། །རིགས་གསུམ་སེམས་དཔའི་གནས་མཆོག་ཁྱད་པར་ཅན། །རྟེན་དང་བརྟེན་པར་བཅས་པ་ཐམས་ཅད་ཀུན། །དག་པ་རབ་འབྱམས་ཡེ་ཤེས་འཁོར་ལོ་དང་། །དབྱེར་མེད་མོས་གུས་གདུང་བས་གསོལ་བ་འདེབས། །བར་ཆད་ཀུན་སོལ་དངོས་གྲུབ་ཆར་བཞིན་ཕོབས། །ཞེས་པའང་དད་ལྡན་གྱི་ངོར་མཁྱེན་བརྩེའི་དབང་པོས་བྲིས་པ་དགེ། །། ༈ ཨོཾ་མ་ཧཱ་སུ་ཁ་ཛྙཱ་ན་ཀཱ་ཡ་སརྦ་སཏྭཱ་བཛྲ་ཀཱ་ཝ་ཙི་སིདྡྷི་ཧཱུྃ། །བདེ་བ་ཆེན་པོ་མ་ཧཱ་སུ་ཁ་པདྨ་འབྱུང་གནས་ཀྱི། །ཛྙཱ་ཡེ་ཤེས་སྐུ་ཅན་ན་ཀཱ་ཡ་རྗེས་དྲན་གསོལ་བཏབ་མཐུས། །སརྦ་སེམས་ཅན་ཐམས་ཅད་ས་ཏྭཱ་རིགས་འདུས་བླ་མ་ཡི། །བཛྲ་རྡོ་རྗེའི་སྐུ་གསུང་ཐུགས་ཀཱ་ཝ་ཙི་དང་དབྱེར་མེད་ཤོག །ཨི་ཏྱ་སི་པདྨ་སཱུ་ཏྲ་མནྟྲ་དྭཱི་སེ་ན་ལེ་ཁི་ཏཾ་ཤུ་བྷཾ། ། ༈ ཨོཾ་སྭ་སྟི། འཆི་མེད་མགོན་པོ་མཁར་བཞུགས་པའི། །འཆི་མེད་ཞི་དྲག་ཞིང་གི་ལྗོངས། འཆི་མེད་དྲང་སྲོང་བྱ་རི་ཊར། །འཆི་མེད་དགེ་མཚན་རྒྱས་ཕྱིར་བཞེངས། །སརྦ་དཱ་ཨ་མཱ་ར་སིདྡྷཾ་བྷ་བ་ཏུ།། །། ༈ རང་སྣང་རྣམ་དག་པདྨ་འོད་ཀྱི་ཞིང་། །རྩ་བའི་བླ་མ་ཨོ་རྒྱན་རྡོ་རྗེ་འཆང་། །སྤྱི་བོར་བསྒོམ་ཞིང་འབྲལ་མེད་གསོལ་བཏབ་མཐུས། །ཐུགས་ཡིད་གཅིག་འདྲེས་ཡེ་ཤེས་མངོན་གྱུར་ཤོག །ཅེས་པའང་དད་ལྡན་སྒྲུབ་བརྩོན་དམ་པའི་ངོར་པདྨ་འོད་གསལ་མདོ་སྔགས་གླིང་པས་བྲིས་པ་དགེ། ། ན་མོ་གུ་རུ་བྷྱཿ ཤིན་ཏུ་རྣམ་དག་འོད་གསལ་ནམ་མཁའི་དབྱིངས། །རྒྱུ་རྐྱེན་འདུས་མ་བྱས་པའི་རྡོ་རྗེའི་སྐུ། །དྲིན་ཅན་བླ་མ་པདྨ་འོད་འབར་རྩལ། །རྩ་གསུམ་རྒྱ་མཚོའི་སྤྱི་དཔལ་ཆེན་པོར་བཞུགས། །མི་ཕྱེད་རྩེ་གཅིག་གུས་པས་གསོལ་བ་འདེབས། །ལུས་དང་ལོངས་སྤྱོད་ལྟོས་མེད་མཆོད་སྤྲིན་འབུལ། །བར་ཆད་ཀུན་ཞི་བསམ་དོན་ཆོས་བཞིན་འགྲུབ། །ཡེ་ཤེས་རྩལ་ཆེན་རྫོགས་པར་བྱིན་གྱིས་རློབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཞེས་སྒྲུབ་བརྩོན་རྟོགས་ལྡན་ཤཱཀྱ་ཤྲཱིའི་ཆེད་མཁྱེན་བརྩེའི་དབང་པོས་སྤེལ་བ་དགེ་ལེགས་སུ་གྱུར་ཅིག། །། ༈ ཨོཾ་ཏཱ་རེ་ཏུ་ཏྟཱ་རེ་ཏུ་རེ་སྭཱ་ཧཱ། རྗེ་བཙུན་སྒྲོལ་མ་འཁོར་བཅས་ཀྱིས། །དད་ལྡན་སྒོ་གསུམ་བར་ཆད་སོལ། །བསམ་དོན་ཆོས་བཞིན་འགྲུབ་པ་དང་། །བདེ་ཅན་ཞིང་དུ་འདྲེན་མཛད་གསོལ། །ཞེས་ལྷ་ལྕམ་རྣམ་སྲས་སྒྲོལ་མའི་དད་རྟེན་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །། ༈ ཨོཾ་ཏཱ་རེ་ཏུཏྟཱ་རེ་ཏུ་རེ་ཧྲཱིཿབྷྲཱུྃ་བཛྲ་ཛྙཱ་ན་ཨཱ་ཡུ་ཥེ་སྭཱ་ཧཱ། འཆི་མེད་འཕགས་མ་འཁོར་བཅས་ཡེ་ཤེས་བྱིན། །དམ་ཚིག་རྟེན་འདིར་མངོན་སུམ་རྟག་བཞུགས་ནས། །མཆོག་ཐུན་དངོས་གྲུབ་བདུད་རྩིའི་ཆར་ཆེན་པོས། །ཕན་བདེའི་པདྨོ་རྒྱས་པའི་བཀྲ་ཤིས་སྩོལ། །ཅེས་པའང་དད་འབྱོར་ལྡན་པ་ལྕམ་རྣམ་སྲས་སྒྲོལ་མའི་ཐུགས་དམ་ཐང་ཀའི་ཞལ་བྱང་དུ་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པའི་སྡེས་སྤེལ་བ་སིདྡྷཾ་བྷ་བཏུ།། །། ༈ ཨོཾ་སྭ་སྟི། བདེ་གཤེགས་སོ་ལྔའི་ཐུགས་རྗེའི་ཟླ་སྣང་གི། །སྡིག་དང་ལྟུང་བའི་མུན་པ་ཀུན་ཞི་ཞིང་། །ཡང་དག་ཡེ་ཤེས་མཆོག་གི་གཟི་འབར་བས། །འབྲེལ་ཚད་བདེ་ཅན་ཞིང་དུ་དབུགས་འབྱིན་ཤོག །ཅེས་དད་ལྡན་སྒྲོན་མ་འཚོའི་བསགས་སྦྱང་གི་རྟེན་དུ་བཞེངས་པའི་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས།། །། ༈ ཨོཾ་སྭ་སྟི་སིདྡྷཾ། ཐུབ་དབང་ཉེ་བའི་སྲས་བཅས་ཀྱི། །བྱིན་རླབས་བདུད་རྩིས་ཡིད་ཅན་ཀུན། །ཐར་བདེའི་པདྨོ་རབ་རྒྱས་ནས། །རྣམ་གྲོལ་འབྲས་བུས་མཛེས་གྱུར་ཅིག །ཅེས་པའང་དད་འབྱོར་ལྡན་པ་ལྕམ་རྣམ་སྲས་ལགས་ཀྱི་ཕྱག་མཆོད་རྟེན་ཐང་ཀའི་ཞལ་བྱང་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ། །། ༈ ཨོཾ་སྭ་སྟི། ཐུབ་བསྟན་རྒྱ་མཚོའི་ཤིང་རྟ་ཆེ། །འཕགས་པའི་གནས་བརྟན་མཆོག་རྣམས་ཀྱི། །ཡེ་ཤེས་གཟིགས་པས་ཡིད་ཅན་ཀུན། །རྣམ་མཁྱེན་གོ་འཕང་ལ་འགོད་ཤོག །ཅེས་པའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷཾ་བྷ་བ་ཏུ།། །། ༈ ཨོཾ་སྭ་སྟི། ཤཱཀྱ་སེང་གེས་ལེགས་གསུང་གི། །རིན་ཆེན་སྒྲོམ་ལ་དབང་བསྒྱུར་བའི། །གནས་བརྟན་ཆེན་པོ་འཁོར་བཅས་ཀྱིས། །སྲིད་ཞིའི་དགེ་ལེགས་སྨིན་གྱུར་ཅིག །ཅེས་པའང་མཁྱེན་བརྩེའི་དབང་པོས་བྲིས་པ་སིདྡྷཾ་བྷ་བ་ཏུ།། །། ༈ ཨོཾ་མ་ཎི་པདྨེ་ཧཱུྃ། འཇིག་རྟེན་དབང་ཕྱུག་འཕགས་པ་བཅུ་གཅིག་ཞལ། །རིགས་བཞི་རྩ་བརྒྱུད་བླ་མ་ཆོས་སྲུང་ནི། །ཡེ་ཤེས་གཟི་བྱིན་རྟེན་འདིར་རྟག་བཞུགས་ནས། །འབྲེལ་ཚད་བདེ་ཆེན་ཞིང་དུ་དབུགས་འབྱིན་གསོལ། །ཞེས་ས་དབང་ཆོས་རྒྱལ་ཆེན་པོའི་མཛོད་འཛིན་ཚེ་དབང་དགེ་ལེགས་ལགས་ཀྱི་སྨྱུང་བར་གནས་པའི་སྒྲུབ་རྟེན་ཐང་ཀའི་ཞལ་བྱང་དུ་མཁྱེན་བརྩེའི་དབང་པོས་བྲིས་པ་སིདྡྷཾ་བྷ་བ་ཏུ།། །། ༈ ཨོཾ་མ་ཎི་པདྨེ་ཧཱུྃ། འཕགས་མཆོག་ཐུགས་རྗེའི་གཏེར་ཆེན་སྤྱན་རས་གཟིགས། །རྩ་གསུམ་རྒྱལ་བ་རབ་འབྱམས་ཡེ་ཤེས་བྱིན། །དམ་ཚིག་རྟེན་འདིར་འབྲེལ་མེད་རྟག་བཞུགས་ནས། །མཆོག་ཐུན་དངོས་གྲུབ་དཔལ་གྱིས་དགྱེས་མཛད་གསོལ། །ཞེས་པའང་མ་ཧཱ་ཙི་ནའི་ཤིང་བཟོ་མཁས་པའི་ཕུལ་ཕྱིན་དད་ལྡན་གང་དེའི་ཕྱག་མཆོད་རྟེན་བྲིས་སྐུའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་སྤེལ་བ་དགེ་ལེགས་སུ་གྱུར་ཅིག། །། ༈ ཨོཾ་སྭ་སྟི་སིདྡྷཾ། ཕྱོགས་བཅུ་དུས་བཞིའི་རྩ་གསུམ་རབ་འབྱམས་ཀྱི། །ཡེ་ཤེས་བྱིན་རླབས་རྟེན་འདིར་རྟག་བཞུགས་ནས། །ཚེ་རབས་ཀུན་ཏུ་དཔལ་ལྡན་བླ་མ་ཡིས། །རྗེས་བཟུང་ས་ལམ་ཡོན་ཏན་མཐར་ཕྱིན་ཤོག །ཅེས་སྒྲུབ་བརྩོན་དགེ་སློང་པུཎྱ་སཱ་ག་རའི་དད་རྟེན་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོ་རང་ཉིད་ཀྱིས་བྲིས་པ་དགེ་ཞིང་བཀྲ་ཤིས།། །། ༈ ཨོཾ་མ་ཎི་པདྨེ་ཧཱུྃ་ཧྲཱིཿ ཐུགས་རྗེ་ཆེ་མངའ་སྡུག་བསྔལ་རང་གྲོལ་གྱི། །དཀྱིལ་འཁོར་ལྷ་ཚོགས་ཡེ་ཤེས་སྣང་བ་ཡིས། །དད་ལྡན་སྒྲུབ་པོའི་སྒོ་གསུམ་བྱིན་བརླབས་ནས། །དངོས་གྲུབ་རྣམ་གཉིས་ཚེ་འདིར་འགྲུབ་མཛད་གསོལ། །ཞེས་པའང་ལྷག་པའི་ལྷ་མཆོག་འདི་ཉིད་ཀྱི་རྣལ་འབྱོར་པ་དགེ་སློང་ཐུབ་བསྟན་བསོད་ནམས་རྒྱ་མཚོའི་སྒྲུབ་རྟེན་དཀྱིལ་འཁོར་གྱི་ཞལ་བྱང་དུ་འཇམ་དབྱངས་མཁྱེན་བརྩེའི་ལྷས་སྤེལ་བ་བསྙེན་སྒྲུབ་མཐར་ཕྱིན་འབྲལ་ཚད་བདེ་བ་ཅན་དུ་སྐྱེ་བར་གྱུར་ཅིག །མངྒ་ལཾ།། །། ༈ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། སྐུ་གསུམ་དབྱེར་མེད་བར་ཆད་ཀུན་སེལ་རིག་འཛིན་སྒྱུ་འཕྲུལ་དྲྭ་བ་ཡི། །དཀྱིལ་འཁོར་རབ་འབྱམས་ཡེ་ཤེས་གཟི་བྱིན་དམ་ཚིག་རྟེན་འདིར་རྟག་བཞུགས་ནས། །མཁའ་ཁྱབ་ཡིད་ཅན་བསྙེན་སྒྲུབ་བཞི་ལྡན་སྨིན་གྲོལ་བདུད་རྩིའི་བཅུད་ལེན་གྱིས། །ས་བཅུ་ལམ་ལྔའི་ལང་ཚོ་རབ་འབར་འཆི་མེད་རྟག་པའི་མཆོག་འགྲུབ་ཤོག །བཟོ་གནས་མིག་གི་བདུད་རྩིར་བསྒྲུབ་ཅིང་ཡོ་བྱད་ཕུན་སུམ་ཚོགས་པ་དང་བཅས་པའི་བླ་མའི་ཐུགས་སྒྲུབ་བར་ཆད་ཀུན་སེལ་གྱི་བྲིས་སྐུ། རྗེ་གཏེར་ཆེན་བླ་མ་དང་ཁོ་བོ་ཅག་ཟུང་གིས་ཐུགས་སྒྲུབ་ཡིད་བཞིན་ནོར་བུའི་ཟབ་མོའི་གཏེར་རྒྱ་འགྲོལ་བའི་སྐབས་སྒྲུབ་རྟེན་དུ་བཟུང་ཞིང་། བྱིན་རླབས་ཀྱི་གཟི་འོད་འབར་བའི་རྟེན་ཁྱད་པར་ཅན་ཉིད་ཀྱི་སྒྲུབ་བརྒྱུད་བསྟན་པའི་འབྱུང་གནས་དཔལ་བདུད་རྩི་ཐིལ་གྱི་ཆོས་གྲྭར་གཏེར་གསར་རིག་འཛིན་བླ་མའི་ཚོམ་བུ་ཚོགས་སྒྲུབ་ཆེན་མོ་གསར་དུ་ཚུགས་སྐབས་སྒྲུབ་པའི་རྟེན་དུ་ཕུལ་བ། མཐོང་ཐོས་དྲན་རེག་འགྲོ་ཀུན་ཨོ་རྒྱན་བླ་མས་རྗེས་སུ་བཟུང་བ་དང་། བསྟན་འགྲོའི་ཕན་བདེའི་དགེ་མཚན་དབྱར་མཚོ་ལྟར་རྒྱས་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་སོ། །སརྦ་དཱ་སུ་ཤྲེ་ཡོ་བྷ་བ་ཏུ།། །། ༈ ཨོཾ་སྭ་སྟི་སིདྡྷཾ། རབ་འབྱམས་ཞིང་ཁམས་རྒྱ་མཚོའི་རྡུལ་སྙེད་ཀྱི། །ཞིང་དང་སྟོན་པ་ཀུན་ལས་ཁྱད་འཕགས་པ། །བདེ་ལྡན་མགོན་པོ་རྟེན་དང་བརྟེན་པ་ཡི། །ངོ་མཚར་མིག་གི་བདུད་རྩིར་སྣང་བའི་དཔྱིད། །བི་ཤྭ་ཀརྨའི་ཁེངས་པ་སྙིལ་བྱེད་པའི། །ཀཱ་ཤིའི་དྭངས་མཚོར་འཕོས་པའི་ལེགས་བྱས་ཀྱིས། །བདག་དང་མཁའ་ཁྱབ་ཡིད་ཅན་རྒྱ་མཚོ་ཀུན། །ཚེ་འདིར་འགལ་རྐྱེན་མི་མཐུན་ཀུན་ཞི་ཞིང་། །མཐུན་རྐྱེན་ཚེ་དང་དཔལ་འབྱོར་ཡེ་ཤེས་རྒྱས། །བསམ་པའི་དོན་ཀུན་ཆོས་བཞིན་འགྲུབ་པ་དང་། །ནམ་ཞིག་ཚེ་འཕོས་བདེ་ལྡན་ཞིང་ཁམས་སུ། །པདྨའི་སྙིང་པོར་བརྫུས་ཏེ་སྐྱེས་ནས་ཀྱང་། །སངས་རྒྱས་ཞིང་མཐོང་དམ་ཆོས་བདུད་རྩི་སྦྱོང་། །ཐེག་མཆོག་སྤྱོད་པའི་གྲོགས་དང་ལྷན་ཅིག་ཏུ། །གཞན་དོན་རྫོགས་པའི་སངས་རྒྱས་མྱུར་ཐོབ་ཤོག །ཅེས་པའང་དགེ་སློང་དགེ་བའི་བཤེས་གཉེན་མང་ཐོས་སྤོང་བ་པའི་ཁྱུ་མཆོག་འགྲན་ཟླ་དང་བྲལ་བ་གྲགས་པ་རྒྱལ་མཚན་དཔལ་བཟང་པོའི་ཐང་ཀའི་ཞལ་བྱང་དུ། སངས་རྒྱས་གཉིས་པ་པདྨ་སཾ་བྷཱ་ཝའི་ཞབས་རྡུལ་ལ་དངོས་སུ་སྤྱི་བོས་རེག་པའི་འཇམ་དབྱངས་མཁྱེན་བརྩེའི་དབང་པོའམ། པདྨ་འོད་གསལ་མདོ་སྔགས་གླིང་པའི་སྡེས་གསོལ་བ་བཏབ་པ་སིདྡྷི་རསྟུ།། །། ༈ དཔལ་དགྱེས་མཛད་རྡོ་རྗེ་མ༷ར་སྟོན་ཆེ། །རྗེ་མི༷་བསྐྱོད་ངོ་བོ་རས་པ་ཆེ། །མགོན་ཟླ་འོད་གཞོན་ནུ་དྭགས་སྟོན་ཆེའི། །གསང་གསུ༷མ་གྱི་བྱིན་རླབས་རྟེན་འདིར་བཞུགས། །ཞེས་པའང་ཀརྨ་བསྟན་པའི་ཉི་མ་བཤད་སྒྲུབ་ཆོས་ཀྱི་སེང་གེས་གསོལ་བ་བཏབ་པ་སིདྡྷི་རསྟུ།། །། ༈ ཨོཾ་སྭ་སྟི། རྗེ་བཙུན་ཡིད་བཞིན་འཁོར་ལོ་ཡི། །ཐུགས་རྗེས་རྣམ་ཀུན་བྱིན་བརླབས་པས། །བར་དུ་གཅོད་པ་ཀུན་ཞི་ཞིང་། །ཆོས་མཐུན་བསམ་དོན་ལྷུན་གྲུབ་ཤོག །ཅེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག། །། ༈ ཨོཾ་གྱི་ངོ་བོ་ཏཱ་རེ་སྒྲོལ་མ། །ཏུཏྟཱ་རེ་ཞེས་གདུང་བ་སྐྱོབ་མ། །ཏུ་རེ་གློག་ལྟར་ཐུགས་རྗེ་མྱུར་མས། །སྭཱ་ཧཱ་དགེ་ལེགས་ཀུན་ཏུ་སྩོལ་ཅིག །ཅེས་པའང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སརྦ་སུ་ཤྲེ་ཡསྶིདྡྷི་རསྟུ།། །། ༈ རྩ་གསུམ་ཆོས་སྐྱོང་སྲུང་མའི་བདེན་སྟོབས་ཀྱིས། །སྐྱབས་གནས་ཀུན་འདུས་བླ་མ་རྡོ་རྗེ་འཆང་། །ཀུན་དགའ་ཆོས་ཀྱི་དབང་པོའི་རྣམ་འཕྲུལ་མཆོག །འཁྲུལ་མེད་མྱུར་དུ་འབྱོན་པར་བྱིན་གྱིས་རློབས། །དེ་ཡང་ཚུལ་གནས་གསན་བསམ་སྒོམ་གསུམ་རྫོགས། །བཤད་དང་སྒྲུབ་པའི་དཔལ་ལ་དབང་འབྱོར་ཞིང་། །བསྟན་དང་འགྲོ་བའི་དོན་ཆེན་ལྷུན་གྱིས་གྲུབ། །ཕན་བདེའི་སྐལ་བཟང་རྒྱས་པའི་བཀྲ་ཤིས་སྩོལ། །ཞེས་པའང་སྒྲུབ་བརྩོན་བླ་མ་ཟུང་གིས་བསྐུལ་ངོར་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག །སརྦ་མངྒ་ལཾ་བྷ་བ་ཏུ།། །། ༈ ཨཱཪྻ་མཉྫུ་ཤྲཱི་ནཱ་མ་སཾ་གཱི་ཏི་མ་ཧཱ་ཏནྟྲ་རཱ་ཛ་ནཱ་མཱ་སྟི། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་རྒྱུད་རྐྱང་པ་ཡིན་ན་རྒྱབ་ཡིག་འདི་ལྟར་དང་། བཀླག་ཐབས་དང་བཅས་པ་བྲི་ན་རི་མགོ་བླ་མའི་སྤར་ཐུང་གི་རྒྱབ་ཡིག་སོར་བཞག་བྲི། པོ་བཞུགས་སོ། །དབུ་ལྷ་འཇམ་དབྱངས་སྐུ་མདོག་དམར་སེར། ཞལ་གཅིག་ཕྱག་བཞི། ཕྱག་དང་པོ་གཡས་རལ་གྲི་འཕྱར་སྟབས། གཡོན་པུ་སྟི་ཐུགས་ཀ །འོག་མ་གཉིས་མདའ་གཞུ་འགེངས་པ། ཞབས་རྡོར་སྐྱིལ། ཟུར་ཕུད་ལྔ་སོགས་གཞན་རྒྱན་ཆ་ལུགས་འཇམ་དབྱངས་དམར་སེར་སྤྱི་ལྟར་རོ། །ཞལ་བྱང་། སྲས་བཅས་རྒྱལ༷་ཀུན༷་ཡེ༷་ཤེ༷ས་སྐུ། །གསུང་གི་དབང་ཕྱུག་འཇ༷མ་པ༷འི་དབྱང༷ས། །གཤམ་དུ་མཆོད་རྟེན་བཀྲ་ཤིས་སྒོ་མང་གི་ཞལ་བྱང་། །བཀྲ༷་ཤི༷ས་ཆོས་ཀྱི་སྒོ༷་མ༷ང་པོ། །འབྱུང་གནས་ཐུགས་ཀྱི་མཆོ༷ད་རྟེན༷་མཛེས། ། ༈ ཨཱཪྻ་པྲཛྙཱ་པ་ར་མི་ཏཱ་སཉྩ་ཡ་གཱ་ཐཱ་ནཱ་མཱ་སྟི། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ཚིགས་སུ་བཅད་པ་ཞེས་བྱ་བ་བཞུགས་སོ། །དབུ་ལྷ་ཐུབ་པ་སྤྱི་ལྟར། ཞལ་བྱང་། ཤེ༷ས་རབ་ཕ་རོལ་ཕྱིན༷་པའི་གཞུང་། །སྟོན༷་མཆོ༷ག་མཚུངས་མེད་ཤཱཀྱ༷འི་ཏོག །གཤམ་དུ་བྱང་ཆུབ་མཆོད་རྟེན་ཞལ་བྱང་། བྱང༷་ཆུབ༷་ཆོས་སྐུའི་ཡེ་ཤེས་གཟུགས། །ཐུག༷ས་ཀྱི༷་རང་བཞིན་མཆོ༷ད་རྟེན༷་ཆེ༷། ། ༈ ཨཱཪྻ་བྷ་དྲ་ཙཪྻ་པྲ་ཎི་དྷཱ་ན་རཱ་ཛ་ནཱ་མཱ་སྟི། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། །དབུ་ལྷ་བྱང་ཆུབ་སེམས་དཔའ་ཀུན་ཏུ་བཟང་པོ་སྐུ་མདོག་དམར་པོ་གཡས་བུམ་པ་ནོར་བུས་གང་བ་ཐུགས་ཀའི་ཐད་དུ་གཏོད་དེ་འཛིན་པ། གཡོན་ནུ་མ་གཡོན་པའི་ཐད་སྐྱབས་སྦྱིན་གྱི་རྒྱས་མཐེབ་སྲིན་གྱིས་པདྨ་དཀར་པོའི་སྡོང་བུ་བསྣམས་པ། སྙན་གཡས་པའི་ཐད་ཁ་བྱེ་བར་ཉི་མས་མཚན་པ། ཞབས་སེམས་སྐྱིལ། དར་དང་རིན་པོ་ཆེའི་རྒྱན་སོགས་བྱང་སེམས་སྤྱི་འགྲེ། ཞལ་བྱང་། འཕགས་བཞིའི་སྨོན༷་ལ༷མ་ཡོ༷ངས་གྲུབ༷་པ། །བྱང་སེམས་ཁྱུ་མཆོག་ཀུ༷ན་ཏུ༷་བཟ༷ང་། །གཤམ་དུ་རྣམ་རྒྱལ་མཆོད་རྟེན་ཞལ་བྱང་། སྲིད་ཞིའི་ཕྱོག༷ས་ལ༷ས་རྣམ༷་རྒྱལ༷་བའི། །ཐུགས་ཀྱི་རང་བཞིན་མཆོ༷ད་པ༷འི་རྟེན༷། །ཆོས་ཚན་སོ་སོའི་གཤམ་དུ་དགེ་བསྔོ། ཨོཾ་སྭ་སྟི་སིདྡྷཾ། ལེ༷གས་གསུ༷ང་རིན་ཆེན་འདི༷་བཞེ༷ངས་བསོད་ནམས་ཀྱིས། །མ་ཏི་བྷ་དྲ་འབྲེལ་པར་བཅས་པ་ཀུན། །སྒྲིབ༷་གཉིས་བྱང༷་ཞིང་ཚོ༷གས་གཉིས་ཡོངས་སུ་རྫོ༷གས། །དམ་པ་གཉིས་སྐུ་མྱུར་དུ་ཐོབ་པར་ཤོ༷ག །ཅེས་པའང་མཉྫུ་གྷོ་ཥས་བྲིས་པ་སུ་ཤྲེ་ཡནྟུ།། །། ༈ ཨོཾ་སྭ་སྟི། སྲས་བཅས་རྒྱལ་བའི་ཡེ་ཤེས་སྐུ་ཅན་འཇམ་དཔལ་མཚན་དོན་བརྗོད་པའི་དབྱངས། །རྒྱུད་སྡེ་རྒྱ་མཚོའི་སྙིང་པོར་ཡོངས་སྣང་ལེགས་གསུང་སྤར་དུ་བསྒྲུབས་པའི་དགེས། །བསྟན་འཛིན་ཞབས་བརྟན་བསྟན་པ་དར་རྒྱས་སྦྱིན་བདག་སྡེ་བཞིའི་དཔལ་འབྱོར་འཕེལ། །འགྲོ་ཀུན་ཕན་བདེའི་དགའ་སྟོན་དར་བབས་ཀུན་མཁྱེན་གོ་འཕང་མྱུར་ཐོབ་ཤོག །ཅེས་པའང་རྣམ་དཀར་སྒྲུབ་པ་པོ་འཇམ་དབྱངས་མཁྱེན་བརྩེའི་དབང་པོ་རང་ཉིད་ཀྱིས་སྨྲས་པ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈ ཨོཾ་སྭ་སྟི་སིདྡྷཾ། གང་མཚན་ཐོས་དང་དད་པ་ཙམ་གྱིས་ཀྱང་། །ཞིང་ཁམས་བདེ་བ་ཅན་དུ་དབུགས་འབྱིན་པའི། །ཐུགས་བསྐྱེད་དམ་བཅའ་རྨད་བྱུང་བཅོམ་ལྡན་འདས། །འོད་དཔག་མེད་མགོན་ཆོ་ག་ཡན་ལག་བཅས། །གསུང་གི་རྡོ་རྗེ་པདྨ་སཾ་བྷ་ཝའི། །གཞུང་དང་མན་ངག་ཇི་བཞིན་ལེགས་བཤད་པའི། །ཕྱི་མོ་གཅིག་ལས་དུ་མར་འཆར་བའི་འཕྲུལ། །བརྩོན་པས་བསྒྲུབས་པའི་བསོད་ནམས་ལ་བརྟེན་ནས། །བསྟན་འཛིན་མཆོག་རྣམས་བསྐལ་བརྒྱར་འཚོ་གཞེས་ཤིང་། །བཤད་སྒྲུབ་བསྟན་པས་ས་ཆེན་ཡོངས་སུ་ཁྱབ། །འགྲོ་ཀུན་བདེ་ཅན་ཞིང་དུ་སྐྱེས་ནས་ཀྱང་། །ཐམས་ཅད་གཟིགས་པའི་གོ་འཕང་མྱུར་ཐོབ་ཤོག །ཅེས་པའང་ཤཱཀྱའི་དགེ་སློང་མང་ཐོས་སྤོང་བ་པའི་ཁྱུ་མཆོག་སྡེ་སྣོད་འཛིན་པ་ཆེན་པོ་གྲགས་པ་རྒྱལ་མཚན་དཔལ་བཟང་པོས་གཞུང་འདིའི་སྨིན་གྲོལ་ཟབ་ཁྲིད་དང་བཅས་པ་ཁོ་བོ་ཅག་ལས་རྫོགས་པར་ནོས་ཏེ། སྒྲུབ་གནས་ཀྱི་རྒྱལ་པོ་བདེ་ཆེན་པདྨ་ཤེལ་ཕུག་ཏུ་ཆོ་ག་འདི་ཉིད་ལ་བརྟེན་ནས་སྣང་གསལ་མར་མེའི་མཆོད་པ་འབུམ་ཐེར་དང་བཅས་བཟང་པོ་སྤྱོད་པའི་སྨོན་ལམ་འབུམ་ཕྲག་ལྷག་པ་ཞལ་འདོན་དུ་མཛད་པ་སོགས་ཀུན་ཏུ་བཟང་པོའི་ལེགས་བཤད་བླ་ན་མེད་པ་ལ་གཅིག་ཏུ་གཞོལ་བའི་སྐབས་དགེ་ཚོགས་རིན་པོ་ཆེ་སྒོ་དུ་མ་ནས་རྒྱས་པར་བྱ་བའི་སླད་དུ་གཞུང་ལེ་ཚན་འདི་རྣམས་ཀྱང་ཆོས་སྦྱིན་སྤར་གྱི་ཕྱི་མོར་སྤེལ་བའི་སྤར་བྱང་སྨོན་ཚིག་ཏུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ། སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈ ན་མོ་གུ་རུ་མཉྫུ་ཤྲཱི་ཀུ་མཱ་ར་བྷཱུ་ཏཱ་ཡ། གཞི་རྒྱུད་ཟབ་གསལ་དབྱེར་མེད་འཇམ་པའི་དཔལ། །ལམ་རྒྱུད་ཐབས་ཤེས་ཟུང་འཇུག་འཇམ་པའི་དབྱངས། །འབྲས་རྒྱུད་སྐུ་དང་ཡེ་ཤེས་ལྷན་ཅིག་སྐྱེས། །བླ་མ་འཇམ་པའི་རྡོ་རྗེར་ཕྱག་འཚལ་ལོ། །གསང་བའི་བདག་པོས་རྫོགས་པའི་སངས་རྒྱས་ལ། །གསོལ་བཏབ་ཞལ་བཞེས་རིགས་དྲུག་སྒྱུ་འཕྲུལ་ཆེ། །རྡོ་རྗེ་དབྱིངས་དང་ཡེ་ཤེས་རྣམ་པ་ལྔའི། །ཚིགས་བཅད་བསྟོད་དང་གསང་བའི་སྔགས་དགོད་པ། །ལེགས་གསུངས་རྗེས་སུ་ཡི་རང་དང་བཅས་པའི། །རྒྱུད་ཀུན་བདག་པོ་འཇམ་དཔལ་ཡེ་ཤེས་སེམས། །དོན་དམ་མཚན་ནི་ཡང་དག་བརྗོད་པའི་མཆོག །གསུང་གཅིག་ཉིད་ལས་མཐའ་ཡས་དམ་ཆོས་ཆར། །འདོད་རྒུར་འཆར་བའི་རྫོགས་ལྡན་སྤྲིན་ཆེན་པོ། །གང་འདིར་མི་ཕྱེད་དད་པས་ཀུན་བསླངས་ཏེ། །བསོད་ནམས་བྱས་པའི་དངོས་པོ་ཇི་སྙེད་ཀུན། །བྱང་ཆུབ་སྙིང་པོར་ཡོངས་སུ་བསྔོ་བར་བགྱི། །དགེ་བ་དེ་ཡིས་བདག་གཞན་ཡིད་ཅན་ཀུན། །དལ་འབྱོར་མཆོག་ཐོབ་ཐུབ་པའི་བསྟན་ལ་ཞུགས། །བླ་མ་འཇམ་པའི་དབྱངས་ཀྱིས་རྗེས་བཟུང་སྟེ། །ཚུལ་གནས་ཐོས་བསམ་སྒོམ་པའི་མཐར་སོན་ཤོག །བརྩེ་དང་བྱང་སེམས་གཉིས་སུ་མེད་བློ་ལྡན། །རྡོ་རྗེའི་རྣལ་འབྱོར་ཟབ་མོ་མངོན་གྱུར་ནས། །སྐུ་དང་ཡེ་ཤེས་ཕྲིན་ལས་མཐའ་ཡས་པ། །འཇམ་དཔལ་གཞོན་ནུའི་གོ་འཕང་མྱུར་ཐོབ་ཤོག །གཞན་ཡང་བསྟན་འཛིན་མཆོག་རྣམས་ཞབས་པད་བརྟན། །བཤད་སྒྲུབ་བསྟན་པ་རིན་ཆེན་ཕྱོགས་བཅུར་འཕེལ། །སྣོད་བཅུད་རྫོགས་ལྡན་དུས་ཀྱི་འབྱོར་པ་རྒྱས། །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་བསླབ་གསུམ་དད་ལྡན་ཞིང་སྒྲུབ་ལ་མཆོག་ཏུ་གཞོལ་བའི་དགེ་སྦྱོང་ཀརྨ་ལྷ་དཔལ་གྱིས་རྒྱུད་ཀྱི་རྒྱལ་པོ་འདི་ཉིད་དད་བརྩོན་གྱིས་སྤར་དུ་བསྒྲུབས་པའི་སྐབས། རྒྱུད་ཀྱི་དགོངས་དོན་དང་བསྟུན་པའི་སྨོན་ལམ་ཁ་ཏོན་དུ་བྱས་ཆོག་པ་ཞིག་དགོས་ཞེས་བསྐུལ་བའི་ངོར། རྒྱུད་དོན་གྱི་ས་བཅད་མདོར་བསྡུས་པ་བཅས་གཞིར་བཀོད་དེ། རིག་འཛིན་གྱི་བཙུན་པ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་དཔལ་སྤུངས་ཡང་ཁྲོད་དེ་བཱི་ཀོ་ཊི་གསུམ་པ་ཙཱ་འདྲ་རིན་ཆེན་བྲག་གི་མགུལ། བཤད་སྒྲུབ་བྱེ་བའི་འབྱུང་གནས་འཇམ་མགོན་དགྱེས་པའི་གཞལ་མེད་ཁང་ཆེན་པོར་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་མངྒ་ལཾ།། །། ༈

ཨོཾ་སྭ་སྟི་སིདྡྷཾ། བཀྲ༷་ཤི༷ས་མཚན་གྱི་སྤྲིངས་ཡིག་ཆ་རེས་ཀྱང་། །དུས་མིན་འཆི་བའི་འཇིགས་པ་ཀུན་བསལ་ནས། །ཕུན་ཚོགས་དངོས་གྲུབ་སྟེར་མཛད་ལྷག་པའི་ལྷ། །བདེ་ལྡན་ཞིང་གི་མགོན་པོས་དགེ་ལེགས་སྩོལ། །གང་དེའི་འཆི༷་མེ༷ད་སྐུ༷་ཡི་སྣང་བརྙན་དང་། །གསུ༷ང་གི་གསང་བ་རྨད་བྱུང་གཟུངས་ཀྱི་གཞུང་། །ཐུ༷གས་ཀྱི་རང་གཟུགས་ཆོས་སྐུའི་མཆོད་རྟེན༷་བཅས། རྣམ་དཀར་ཕྱི་མོར་བསྐྲུན་པའི་ལེགས་བྱས་ཀྱིས། །བསྟན་འཛིན་མཆོག་རྣམས་ཞབས་པད་བསྐལ་བརྒྱར་བརྟན། །བསྟན་པའི་སྦྱིན་བདག་སྡེ་བཞིའི་དཔལ་འབྱོར་རྒྱས། །བསྟན་ལ་དད་རྣམས་ཚེ་བསོད་ཡེ་ཤེས་འཕེལ། །བསྟན་པ་ཕྱོགས་བཅུར་དར་བའི་བཀྲ༷་ཤི༷ས་ཤོག །ཅེས་པའང་ཤཱཀྱའི་དགེ་སློང་སྤོང་བ་པ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཚུལ་འདིའི་ལེགས་བྱས་འདུ་བགྱིས་པའི་སྐབས་རྩེ་གཅིག་ཏུ་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

yang gsol 'debs dang zhal thang rgyab byang par byang sogs le tshan sbrel ba/ 'jam pa'i dbyangs dngos rje btsun tsong kha pa/__spyan ras gzigs dbang 'gro mgon phaXg gru'i zhabs/__/gsang ba'i bdag po zhaXng ston brtson 'grus grags/__/mkhyen brtse nus gter gsum la gsol ba 'debs/_/dam pa rnams la gus pas gsol btab mthus/__/yul phyogs kun tu nad mug mtshon 'khrugs zhi/__/tshe dpal 'byor pa dbyar gyi mtsho bzhin 'phel/__/bstan 'gro'i phan bde rgyas par byin gyis rlobs/__/zhes pa'ang dge slong rdo rje 'dzin pa mkhan pad+ma dri med chos kyi blo gros thub bstan smra ba'i dbang pos snyigs dus kyi rgud pa zhi zhing /__phan bde'i legs tshogs rgyas par spel ba'i ched rje phag zhang gsum gyi snang brnyan rin po che bzhengs pa la mngon du phyogs pa'i skabs dam pa gsum gyi thugs dam skul ba'i gsol 'debs smon lam dang bcas pa 'di'ang 'jam dbyangs bla ma dgyes pa'i 'bangs mkhyen brtse'i dbang pos bris pa sid+d+hi rastu//___//___!_ oM swa sti pra dze b+h+yaH__thub dbang gnas brtan 'phags tshogs kyi/__/bsod nams brgya las grub pa'i dpal/__/mtshan bzang ri mor bzhengs pa'i dges/__/'gro rnams kun mkhyen myur thob shog__/ces pa'ang phun sum tshogs pa'i dpal gyi 'byor pa mdzod 'dzin shes rab lags kyis bsod nams kyi bya bar 'du mdzad pa'i thub dbang gnas bcu'i zhal thang gi smon tshig tu 'jam dbyangs bla ma dgyes pa'i 'bangs mkhyen brtse'i dbang pos bris pa sarba dA ka l+yA NaM b+ha ba tu//_//_! oM swa sti sid+d+haM/__'phags pa'i gnas brtan mchog rnams kyi/__/snang brnyan bzhengs pa'i bsod nams kyis/__/'gro kun rdzogs smin sbyang gsum gyi/__/mthar son byang chub myur thob shog__/ces pa'ang dad gtong 'byor pa'i nor gyis mngon par mtho ba mdzod 'dzin pradz+nyA'i mtshan can/__gyis bsod nams byas pa'i dngos po yongs su bsngo ba 'di'ang 'jam dbyangs mkhyen brtse'i dbang pos bris pa sid+d+hi rastu//__//__! oM su shre yan+tu/__s+thA bI ra che rnams kyi/__/mtshan bzang ri mor bzhengs pa yis/__/bsod nams dam pas 'brel tshad kun/__/don gnyis mthar phyin bkra shis stsol/__/zhes pa'ang 'phags nor dam pa'i mdzod 'chang shes rab lags kyis legs mdzad bsod nams kyi phung por 'du bgyis pa'i smon tshig 'di'ang 'jam dbyangs mkhyen brtse'i dbang pos bris pa su shu b+hU yA tra//___//___!_ oM su lak+Sh+miM kurban+tu/__'phags rnams dgyes pa'i mtshan dpe'i dpal/__/legs byas mgron du 'du bgyis pa'i/__/dge bas khams gsum yid can kun/__/byang chub snying por ro gcig shog__/ces bsngags 'os dam pa'i mdzod 'chang shes rab lags kyis rnam dkar gyi 'bras bu bsngo smon gyis mtshams sbyar ba 'di'ang 'jam dbyangs mkhyen brtse'i dbang pos bris pa mang+ga laM b+ha ba tu//___//___!_ oM swasti shrI bi dza yan+tu/__gnas brtan che rnams gzugs sku'i zla/__/kA shi'i dwang mtshor snang byas pa'i/__/legs spyad 'bras bus 'gro ba kun/__/phan bde'i dge mtshan rgyas gyur cig__/ces pa'ang lugs gnyis rgya mtshor dpyod pa'i blo gros sogs 'phags nor dam pa'i gan mdzod 'chang ba sku zhabs pradz+nyA'i mtshan can gyi legs byas yongs su bsngo ba dang smon tshig gis byang chub mchog gi 'byor pa rgyas par spel ba 'di'ang 'jam dbyangs mkhyen brtse'i dbang pos bris pa sarba dA su shre yaHs+phuTaM b+hu ya ta//___//___!_ oM AHhU~M gu ru b+ha T+TA ra kA tA rA sid+d+hi hU~M/__rje btsun myur ma dpa' mo sogs/_/rtsa gsum rgya mtsho'i ye shes byin/__/dam tshig rten 'dir rtag bzhugs nas/__/mchog thun dngos grub byin char phobs/__/zhes pa'ang mi rje phyag mdzod shes rab lags kyi thugs dam thang ka'i zhal byang du 'jam dbyangs mkhyen brtse'i dbang pos bris te gsol ba btab pa sid+d+haM b+ha ba tu//___//___!_ oM AHgu ru badz+ra d+hA ra wA gin+d+ra su d+hI sa mu dra sarba sid+d+hi m+me pra yats+tshan+tu hU~M/__bla ma 'jig rten dbang phyug dang /__/chos srung nor lha'i byin rlabs mchog__/rten 'dir bzhugs nas skal bzang gi__/bsam sbyor chos bzhin 'grub mdzad gsol/__/zhes pa'ang sku zhabs phyag mdzod pradz+nyA'i mtshan can gyi dad rten thang ka'i zhal byang du 'jam dbyangs mkhyen brtse'i dbang pos bris shing gus pas gsol ba btab pa sarba dA su shre yas+sid+d+hi rastu//___//___!_ oM swa sti/__dkoXn mchoXg rtsa gsum rgya mtsho'i spyi dpal che/__/skyabs kun 'duXs zhaXl paXd+ma 'oXd 'baXr gyis/__/mkhyen brtse nus pa'i byin rlabs rten 'di la/__/rtag par bzhugs nas mchog thun dngos grub stsol/__/ces pa'ang rigs ldan sa'i dbang phyug chen po'i thugs dam thang ka'i zhal byang du mtsho skyes bla ma dgyes pa'i 'bangs mkhyen brtse'i dbang po pad+ma 'od gsal mdo sngags gling pa'i sdes bris te gsol ba btab pa sid+d+hi ra stu//___//___!_ oM swa sti pra dze b+h+yaH__byin rlabs dngos grub phrin las rtsaX ba gsuXm/__/kun driXl yid bzhin nor bu'i sgru?Xb pa'i rten/__/dam tshig phyag rgyar ye shes rtag bzhugs nas/__/mchog thun grub pa rgya mtsho'i byin char phobs/__/zhes pa'ang lung zin sprul pa'i chos rgyal chen po'i thugs dam thang ka'i zhal byang du pad+ma 'od gsal mdo sngags gling pa mkhyen brtse'i lhas bris te gsol ba btab pa sarba dA su shre yo b+ha ba tu//___//___!_ oM pad+mo yo gi nI dz+nyA na wA ra hI hU~M/__a ho/__oXM yig dwangs ma lnga ldan bde chen gyi pad+moX/__/yoX giX nIX yi sku can zung 'jug gi dz+nyA naX/__/wAX raX hIX zhes zhu ba de mi rtog pa'i byin char/__/hU~M gis bskul bas sgrub la mngon sum du stsol cig__/ces pa'ang sgrub brtson A nan+da'i dam tshig gi bris sku'i zhal byang du mtsho skyes bla ma dgyes pa'i 'bangs pad+ma 'od gsal mdo sngags gling pa mkhyen brtse'i lhas gsol ba btab pa sid+d+hi ra stu//___//___!_ oM swasti/__bla ma yi dam chos srung nor lha yi/__/snang brnyan bzhengs pa'i dge bas dmigs yul gyi/__/sgrib gnyis kun byang bde ldan zhing du bgrod/__/'brel tshad tshe dpal 'byor pa rgyas gyur cig__/ces pa'ang 'jam dbyangs bla ma dgyes pa'i 'bangs mkhyen brtse'i lhas gsol ba btab pa sid+d+hi rastu//___//___!_ oM swa sti sid+d+hi/__zhiX khroX rigs 'dus ye shes dkyil 'khor che/__/lhag pa gzugs brnyan rten 'dir rtag bzhugs nas/__/ting 'dzin sgyu 'phrul drA ba'i rol mo yis/__/ngaXn soXng doXng sprugs 'gro kun yongs grol shog__/ces pa'ang mtsho skyes bla ma dgyes pa'i 'bangs pad+ma 'od gsal mdo sngags gling pa mkhyen brtse'i lhas bsod nams kyi dngos por 'du bgyis shing smon tshig zhal byang dang bcas dge ba'i bshes gnyen sdom brtson mdo rgyud 'dzin pa lung rtogs bstan pa'i nyi ma'i tshom bu tshogs kyi sgrub pa'i rten du phul ba mthong thos dran reg gi 'gro rnams kun bzang rdo rje sems dpa'i go 'phang la 'god par bla ma rgyal ba sras dang bcas pas byin gyis brlab tu gsol/__/sarba dA ka l+yA NaM b+ha ba tu//___//___!_ oM a mA ra Ni dzI ban+ti ye swA hA/__'chi med rtag pa dam pa'i ye shes phyag rgya'i gzugs su rnam 'phrul ba/__/rtsa gsum chos srung rgya mtsho'i byin rlabs rten 'dir mngon sum bzhin bzhugs nas/_/bstan 'dzin zhabs brtan dge 'dun sde 'phel bshad sgrub las gsum phrin las rgyas/__/'gro kun grol ba bzhi ldan lam las byang chub snying por ro gcig shog___/ces pa'ang snga 'gyur bshad sgrub kyi chu gter chen po dpal yul rnam rgyal byang chub chos gling gi chos smra ba'i khyu mchog sprul pa'i sku rin po che pad+ma mdo sngags bstan 'dzin nges gsang chos kyi snang ba'i thugs bzhed bzhin/__mtsho skyes bla ma dgyes pa'i 'bangs mkhyen brtse'i dbang po pad+ma 'od gsal mdo sngags gling pas bris pa sarba dA su shre yas+sid+d+hi rastu//___//___!_ oM badz+ra satwa AH__dpal ldan saXngs rgyasaX kun gyi ye shes dang /__/mnyam sbyor rigs kun bsdus pa'i ye shes byin/__/rten 'dir mngon sum bzhin du rtag bzhugs nas/__/brtan g.yo'i dngos kun he ru kar byin rlobs/__/zhes pa'ang 'jam dbyangs mkhyen brtse'i dbang pos bris pa sarba pa ra ma ak+Sha ra ma hA su kha dz+nyA na sid+d+haM b+ha ba tu//___//___!_ oM badz+ra A yu She swA hA/__tsheX dang ye shes dpaXg meXd bcom ldan 'das/__/rten 'dir mngon sum bzhugs pa'i byin rlabs kyis/_/lung rig mnga' bdag bstan 'dzin zhabs brtan zhing /__/lugs gnyis phrin las 'phel ba'i bkra shis stsol/__/ces pa'ang 'jam dbyangs mkhyen brtse'i dbang pos bris pa sarba dA A yur+dz+nyA na s+ya b+ha ba sbu TaM b+ha ba tu//____//_!_ oM a tha/___gso dpyad gzhung lugs bye ba'i snying po'i phul/__/rin chen sman gyi nor bu kun gyi gzhi/___/bcud rgyal btso bkru sbyong ba'i cho ga dang /__/za 'ching khams kyi lag len rab gsal 'di/__/rgyal bas lung bstan blo gros mtha' yas sde'i/__/rab 'byams legs par bshad pa'i cha shas te/__/rig byed 'dzin rnams snying gi nor bu dang /__/lus can 'dod 'jo'i dpag bsam mchog tu grub/__/slar yang tsheX rabs riXng nas tshogs zung gi__/'bras bu sde bzhi'i snye ma g.yur za ba/__/dpaXl ldaXn mi yi dbang po'i thugs bskyed kyis/__/ngo mtshar spar gyi glegs bu mngon par bskrun/__/de las byung ba'i dge tshogs zla ba'i 'od/__/byang chub snying por yongs su bsngos pa'i mthus/__/'jig rten dbang phyug rgyal dbang yab sras sogs/__/bstan 'dzin skyes bu thams cad zhabs brtan zhing /__/dge 'dun sde rnams bshad sgrub phrin las 'phel/_/'gro kun gnas skabs nad gdon nyer 'tshe zhi/_/tshe dpal 'byor pa'i skal bzang rab tu rgyas/__/mthar thug kun mkhyen ye shes myur thob shog_/ces pa'ang gso dpyad kyi gzhung lugs cung zad thos pa'i bya bral spong ba pa'i gzugs brnyan 'jam dbyangs bla ma dgyes pa'i 'bangs mkhyen brtse'i dbang pos bris pa sarba dA ka l+yA NaM b+ha ba tu//__//_!__ skyabs gnas kun 'dus dpal ldan bla ma la/__/gsol ba 'debs so nad gdon bar chad sol/__/tshe bsod dpal 'byor ye shes rgyas pa dang /__/rnam mkhyen go 'phang thob par byin gyis rlobs/__/zhes pa'ang mkhyen brtse'i dbang pos bris pa dge/____//__! 'chi med mgon po bcom ldan tshe mtha' yas/__/'chi med dpal ster rnam par rgyal ma dang /__/'chi med 'phags ma yid bzhin 'khor lo yis/__/'chi med tshe dang ye shes byin char phobs/__/gnas khang 'og min rgyun gyi rtag pa'i zhing /__/rten gsum nges pa lnga ldan dkyil 'khor che/__/sgrub po skal ldan mchog gi rig 'dzin du/__/byin gyis brlabs pa'i bkra shis dge mtshan stsol/__/ces bkra shis 'chi med khang gsar gyi bsti gnas mdzes pa'i rgyan du 'jam dbyangs mkhyen brtse'i dbang pos bris pa sid+d+hi rastu//___//_! 'jam dbyangs bla ma mkhyen brtse'i dbang po la/__/snying nas mos gdung drag pos gsol 'debs na/__/byang chub bar du 'bral med rjes bzung nas/__/thugs yid gcig tu 'dres par byin gyis rlobs/__/zhes rnam 'dren grub thob mchog gi sprul pa'i sku dam pa dang /__dad ldan tshe dbang lha mo'i bzhed skong du mkhyen brtse'i dbang pos bris pa dge zhing bkra shis//___//___!_ 'chi med mtsho skyes bla mas byin brlabs pa'i/__/bde chen pad+ma drwa ba mchog gi zhing /__/mkha' 'gro dgyes pa rA me shwa ra'i yul/__/rigs gsum sems dpa'i gnas mchog khyad par can/__/rten dang brten par bcas pa thams cad kun/__/dag pa rab 'byams ye shes 'khor lo dang /__/dbyer med mos gus gdung bas gsol ba 'debs/__/bar chad kun sol dngos grub char bzhin phobs/__/zhes pa'ang dad ldan gyi ngor mkhyen brtse'i dbang pos bris pa dge/____//__! oM ma hA su kha dz+nyA na kA ya sarba satwA badz+ra kA wa tsi sid+d+hi hU~M/__/bde ba chen po ma hA su kha pad+ma 'byung gnas kyi/__/dz+nyA ye shes sku can na kA ya rjes dran gsol btab mthus/__/sarba sems can thams cad sa twA rigs 'dus bla ma yi/__/badz+ra rdo rje'i sku gsung thugs kA wa tsi dang dbyer med shog__/i t+ya si pad+ma sU tra man+t+ra dwI se na le khi taM shu b+haM/_/__!_ oM swa sti/__'chi med mgon po mkhar bzhugs pa'i/__/'chi med zhi drag zhing gi ljongs/__'chi med drang srong bya ri Tar/__/'chi med dge mtshan rgyas phyir bzhengs/__/sarba dA a mA ra sid+d+haM b+ha ba tu//___//___!_ rang snang rnam dag pad+ma 'od kyi zhing /__/rtsa ba'i bla ma o rgyan rdo rje 'chang /__/spyi bor bsgom zhing 'bral med gsol btab mthus/__/thugs yid gcig 'dres ye shes mngon gyur shog__/ces pa'ang dad ldan sgrub brtson dam pa'i ngor pad+ma 'od gsal mdo sngags gling pas bris pa dge/__/ na mo gu ru b+h+yaH__shin tu rnam dag 'od gsal nam mkha'i dbyings/__/rgyu rkyen 'dus ma byas pa'i rdo rje'i sku/__/drin can bla ma pad+ma 'od 'bar rtsal/__/rtsa gsum rgya mtsho'i spyi dpal chen por bzhugs/__/mi phyed rtse gcig gus pas gsol ba 'debs/__/lus dang longs spyod ltos med mchod sprin 'bul/__/bar chad kun zhi bsam don chos bzhin 'grub/__/ye shes rtsal chen rdzogs par byin gyis rlobs/__/oM AHhU~M badz+ra gu ru pad+ma sid+d+hi hU~M/__zhes sgrub brtson rtogs ldan shAkya shrI'i ched mkhyen brtse'i dbang pos spel ba dge legs su gyur cig/____//__!_ oM tA re tu t+tA re tu re swA hA/__rje btsun sgrol ma 'khor bcas kyis/__/dad ldan sgo gsum bar chad sol/__/bsam don chos bzhin 'grub pa dang /__/bde can zhing du 'dren mdzad gsol/__/zhes lha lcam rnam sras sgrol ma'i dad rten thang ka'i zhal byang du 'jam dbyangs mkhyen brtse'i dbang pos bris pa dge legs su gyur cig/___//__! _oM tA re tut+tA re tu re hrIHb+h+rU~M badz+ra dz+nyA na A yu She swA hA/__'chi med 'phags ma 'khor bcas ye shes byin/__/dam tshig rten 'dir mngon sum rtag bzhugs nas/__/mchog thun dngos grub bdud rtsi'i char chen pos/__/phan bde'i pad+mo rgyas pa'i bkra shis stsol/__/ces pa'ang dad 'byor ldan pa lcam rnam sras sgrol ma'i thugs dam thang ka'i zhal byang du mtsho skyes bla ma dgyes pa'i 'bangs pad+ma 'od gsal mdo sngags gling pa'i sdes spel ba sid+d+haM b+ha btu//___//___! oM swa sti/__bde gshegs so lnga'i thugs rje'i zla snang gi/__/sdig dang ltung ba'i mun pa kun zhi zhing /__/yang dag ye shes mchog gi gzi 'bar bas/__/'brel tshad bde can zhing du dbugs 'byin shog__/ces dad ldan sgron ma 'tsho'i bsags sbyang gi rten du bzhengs pa'i thang ka'i zhal byang du 'jam dbyangs mkhyen brtse'i dbang pos bris pa dge zhing bkra shis//___//___! _oM swa sti sid+d+haM/__thub dbang nye ba'i sras bcas kyi/__/byin rlabs bdud rtsis yid can kun/__/thar bde'i pad+mo rab rgyas nas/__/rnam grol 'bras bus mdzes gyur cig__/ces pa'ang dad 'byor ldan pa lcam rnam sras lags kyi phyag mchod rten thang ka'i zhal byang du 'jam dbyangs bla ma dgyes pa'i 'bangs mkhyen brtse'i dbang pos bris pa dge/____//__! oM swa sti/__thub bstan rgya mtsho'i shing rta che/__/'phags pa'i gnas brtan mchog rnams kyi/__/ye shes gzigs pas yid can kun/__/rnam mkhyen go 'phang la 'god shog__/ces pa'ang 'jam dbyangs mkhyen brtse'i dbang pos bris pa sid+d+haM b+ha ba tu//___//___!_ oM swa sti/__shAkya seng ges legs gsung gi/__/rin chen sgrom la dbang bsgyur ba'i/__/gnas brtan chen po 'khor bcas kyis/__/srid zhi'i dge legs smin gyur cig__/ces pa'ang mkhyen brtse'i dbang pos bris pa sid+d+haM b+ha ba tu//___//___!_ oM ma Ni pad+me hU~M/__'jig rten dbang phyug 'phags pa bcu gcig zhal/__/rigs bzhi rtsa brgyud bla ma chos srung ni/__/ye shes gzi byin rten 'dir rtag bzhugs nas/__/'brel tshad bde chen zhing du dbugs 'byin gsol/__/zhes sa dbang chos rgyal chen po'i mdzod 'dzin tshe dbang dge legs lags kyi smyung bar gnas pa'i sgrub rten thang ka'i zhal byang du mkhyen brtse'i dbang pos bris pa sid+d+haM b+ha ba tu//___//___!_ oM ma Ni pad+me hU~M/__'phags mchog thugs rje'i gter chen spyan ras gzigs/__/rtsa gsum rgyal ba rab 'byams ye shes byin/__/dam tshig rten 'dir 'brel med rtag bzhugs nas/__/mchog thun dngos grub dpal gyis dgyes mdzad gsol/__/zhes pa'ang ma hA tsi na'i shing bzo mkhas pa'i phul phyin dad ldan gang de'i phyag mchod rten bris sku'i zhal byang du 'jam dbyangs mkhyen brtse'i dbang pos spel ba dge legs su gyur cig/____//__! oM swa sti sid+d+haM/__phyogs bcu dus bzhi'i rtsa gsum rab 'byams kyi/__/ye shes byin rlabs rten 'dir rtag bzhugs nas/__/tshe rabs kun tu dpal ldan bla ma yis/__/rjes bzung sa lam yon tan mthar phyin shog__/ces sgrub brtson dge slong puN+ya sA ga ra'i dad rten thang ka'i zhal byang du 'jam dbyangs mkhyen brtse'i dbang po rang nyid kyis bris pa dge zhing bkra shis//___//___! oM ma Ni pad+me hU~M hrIH__thugs rje che mnga' sdug bsngal rang grol gyi/__/dkyil 'khor lha tshogs ye shes snang ba yis/__/dad ldan sgrub po'i sgo gsum byin brlabs nas/__/dngos grub rnam gnyis tshe 'dir 'grub mdzad gsol/__/zhes pa'ang lhag pa'i lha mchog 'di nyid kyi rnal 'byor pa dge slong thub bstan bsod nams rgya mtsho'i sgrub rten dkyil 'khor gyi zhal byang du 'jam dbyangs mkhyen brtse'i lhas spel ba bsnyen sgrub mthar phyin 'bral tshad bde ba can du skye bar gyur cig__/mang+ga laM//___//___!_ oM AHhU~M badz+ra gu ru pad+ma sid+d+hi hU~M/__sku gsum dbyer med bar chad kun sel rig 'dzin sgyu 'phrul drwa ba yi/__/dkyil 'khor rab 'byams ye shes gzi byin dam tshig rten 'dir rtag bzhugs nas/__/mkha' khyab yid can bsnyen sgrub bzhi ldan smin grol bdud rtsi'i bcud len gyis/__/sa bcu lam lnga'i lang tsho rab 'bar 'chi med rtag pa'i mchog 'grub shog__/bzo gnas mig gi bdud rtsir bsgrub cing yo byad phun sum tshogs pa dang bcas pa'i bla ma'i thugs sgrub bar chad kun sel gyi bris sku/__rje gter chen bla ma dang kho bo cag zung gis thugs sgrub yid bzhin nor bu'i zab mo'i gter rgya 'grol ba'i skabs sgrub rten du bzung zhing /__byin rlabs kyi gzi 'od 'bar ba'i rten khyad par can nyid kyi sgrub brgyud bstan pa'i 'byung gnas dpal bdud rtsi thil gyi chos grwar gter gsar rig 'dzin bla ma'i tshom bu tshogs sgrub chen mo gsar du tshugs skabs sgrub pa'i rten du phul ba/__mthong thos dran reg 'gro kun o rgyan bla mas rjes su bzung ba dang /__bstan 'gro'i phan bde'i dge mtshan dbyar mtsho ltar rgyas par bla ma rgyal ba sras dang bcas pas byin gyis brlab tu gsol/__/zhes pa'ang mtsho skyes bla ma dgyes pa'i 'bangs pad+ma 'od gsal mdo sngags gling pas so/__/sarba dA su shre yo b+ha ba tu//___//___!_ oM swa sti sid+d+haM/__rab 'byams zhing khams rgya mtsho'i rdul snyed kyi/__/zhing dang ston pa kun las khyad 'phags pa/__/bde ldan mgon po rten dang brten pa yi/__/ngo mtshar mig gi bdud rtsir snang ba'i dpyid/__/bi shwa karma'i khengs pa snyil byed pa'i/__/kA shi'i dwangs mtshor 'phos pa'i legs byas kyis/__/bdag dang mkha' khyab yid can rgya mtsho kun/__/tshe 'dir 'gal rkyen mi mthun kun zhi zhing /__/mthun rkyen tshe dang dpal 'byor ye shes rgyas/__/bsam pa'i don kun chos bzhin 'grub pa dang /__/nam zhig tshe 'phos bde ldan zhing khams su/__/pad+ma'i snying por brdzus te skyes nas kyang /__/sangs rgyas zhing mthong dam chos bdud rtsi sbyong /__/theg mchog spyod pa'i grogs dang lhan cig tu/__/gzhan don rdzogs pa'i sangs rgyas myur thob shog__/ces pa'ang dge slong dge ba'i bshes gnyen mang thos spong ba pa'i khyu mchog 'gran zla dang bral ba grags pa rgyal mtshan dpal bzang po'i thang ka'i zhal byang du/__sangs rgyas gnyis pa pad+ma saM b+hA wa'i zhabs rdul la dngos su spyi bos reg pa'i 'jam dbyangs mkhyen brtse'i dbang po'am/__pad+ma 'od gsal mdo sngags gling pa'i sdes gsol ba btab pa sid+d+hi rastu//___//___!_ dpal dgyes mdzad rdo rje maXr ston che/__/rje miX bskyod ngo bo ras pa che/__/mgon zla 'od gzhon nu dwags ston che'i/__/gsang gsuXm gyi byin rlabs rten 'dir bzhugs/__/zhes pa'ang karma bstan pa'i nyi ma bshad sgrub chos kyi seng ges gsol ba btab pa sid+d+hi rastu//___//___! oM swa sti/__rje btsun yid bzhin 'khor lo yi/__/thugs rjes rnam kun byin brlabs pas/__/bar du gcod pa kun zhi zhing /__/chos mthun bsam don lhun grub shog__/ces pa'ang mtsho skyes bla ma dgyes pa'i 'bangs mkhyen brtse'i dbang pos gsol ba btab pa dge legs su gyur cig/___//__!_ oM gyi ngo bo tA re sgrol ma/__/tut+tA re zhes gdung ba skyob ma/__/tu re glog ltar thugs rje myur mas/__/swA hA dge legs kun tu stsol cig__/ces pa'ang 'jam dbyangs mkhyen brtse'i dbang pos gsol ba btab pa sarba su shre yas+sid+d+hi rastu//___//___!_ rtsa gsum chos skyong srung ma'i bden stobs kyis/__/skyabs gnas kun 'dus bla ma rdo rje 'chang /__/kun dga' chos kyi dbang po'i rnam 'phrul mchog__/'khrul med myur du 'byon par byin gyis rlobs/__/de yang tshul gnas gsan bsam sgom gsum rdzogs/__/bshad dang sgrub pa'i dpal la dbang 'byor zhing /__/bstan dang 'gro ba'i don chen lhun gyis grub/__/phan bde'i skal bzang rgyas pa'i bkra shis stsol/__/zhes pa'ang sgrub brtson bla ma zung gis bskul ngor mkhyen brtse'i dbang pos bris pa don dang ldan par gyur cig__/sarba mang+ga laM b+ha ba tu//___//___!_ AR+Ya many+dzu shrI nA ma saM gI ti ma hA tan+t+ra rA dza nA mA sti/__'phags pa 'jam dpal gyi mtshan yang dag par brjod pa zhes bya ba'i rgyud kyi rgyal po chen rgyud rkyang pa yin na rgyab yig 'di ltar dang /__bklag thabs dang bcas pa bri na ri mgo bla ma'i spar thung gi rgyab yig sor bzhag bri/_po bzhugs so/__/dbu lha 'jam dbyangs sku mdog dmar ser/__zhal gcig phyag bzhi/__phyag dang po g.yas ral gri 'phyar stabs/__g.yon pu sti thugs ka__/'og ma gnyis mda' gzhu 'gengs pa/__zhabs rdor skyil/__zur phud lnga sogs gzhan rgyan cha lugs 'jam dbyangs dmar ser spyi ltar ro/__/zhal byang /__sras bcas rgyalaX kunaX yeX sheXs sku/__/gsung gi dbang phyug 'jaXm paX'i dbyangaXs/__/gsham du mchod rten bkra shis sgo mang gi zhal byang /__/bkraX shiXs chos kyi sgoX maXng po/__/'byung gnas thugs kyi mchoXd rtenaX mdzes/___/__! AR+Ya pradz+nyA pa ra mi tA sany+tsa ya gA thA nA mA sti/__'phags pa shes rab kyi pha rol tu phyin pa sdud pa tshigs su bcad pa zhes bya ba bzhugs so/__/dbu lha thub pa spyi ltar/__zhal byang /__sheXs rab pha rol phyinaX pa'i gzhung /__/stonaX mchoXg mtshungs med shAkyaX'i tog__/gsham du byang chub mchod rten zhal byang /__byangaX chubaX chos sku'i ye shes gzugs/__/thugaXs kyiX rang bzhin mchoXd rtenaX cheX/___/__!_ AR+Ya b+ha dra tsaR+Ya pra Ni d+hA na rA dza nA mA sti/__'phags pa bzang po spyod pa'i smon lam gyi rgyal po bzhugs so/__/dbu lha byang chub sems dpa' kun tu bzang po sku mdog dmar po g.yas bum pa nor bus gang ba thugs ka'i thad du gtod de 'dzin pa/__g.yon nu ma g.yon pa'i thad skyabs sbyin gyi rgyas mtheb srin gyis pad+ma dkar po'i sdong bu bsnams pa/__snyan g.yas pa'i thad kha bye bar nyi mas mtshan pa/__zhabs sems skyil/__dar dang rin po che'i rgyan sogs byang sems spyi 'gre/__zhal byang /__'phags bzhi'i smonaX laXm yoXngs grubaX pa/__/byang sems khyu mchog kuXn tuX bzaXng /__/gsham du rnam rgyal mchod rten zhal byang /__srid zhi'i phyogaXs laXs rnamaX rgyalaX ba'i/__/thugs kyi rang bzhin mchoXd paX'i rtenaX/__/chos tshan so so'i gsham du dge bsngo/__oM swa sti sid+d+haM/__leXgs gsuXng rin chen 'diX bzheXngs bsod nams kyis/__/ma ti b+ha dra 'brel par bcas pa kun/__/sgribaX gnyis byangaX zhing tshoXgs gnyis yongs su rdzoXgs/__/dam pa gnyis sku myur du thob par shoXg__/ces pa'ang many+dzu g+ho Shas bris pa su shre yan+tu//___//___!_ oM swa sti/__sras bcas rgyal ba'i ye shes sku can 'jam dpal mtshan don brjod pa'i dbyangs/__/rgyud sde rgya mtsho'i snying por yongs snang legs gsung spar du bsgrubs pa'i dges/__/bstan 'dzin zhabs brtan bstan pa dar rgyas sbyin bdag sde bzhi'i dpal 'byor 'phel/__/'gro kun phan bde'i dga' ston dar babs kun mkhyen go 'phang myur thob shog__/ces pa'ang rnam dkar sgrub pa po 'jam dbyangs mkhyen brtse'i dbang po rang nyid kyis smras pa dge legs su gyur cig__/sarba dA ka l+yA NaM b+ha ba tu//___//___!_ oM swa sti sid+d+haM/__gang mtshan thos dang dad pa tsam gyis kyang /__/zhing khams bde ba can du dbugs 'byin pa'i/__/thugs bskyed dam bca' rmad byung bcom ldan 'das/__/'od dpag med mgon cho ga yan lag bcas/__/gsung gi rdo rje pad+ma saM b+ha wa'i/__/gzhung dang man ngag ji bzhin legs bshad pa'i/__/phyi mo gcig las du mar 'char ba'i 'phrul/__/brtson pas bsgrubs pa'i bsod nams la brten nas/__/bstan 'dzin mchog rnams bskal brgyar 'tsho gzhes shing /__/bshad sgrub bstan pas sa chen yongs su khyab/__/'gro kun bde can zhing du skyes nas kyang /__/thams cad gzigs pa'i go 'phang myur thob shog__/ces pa'ang shAkya'i dge slong mang thos spong ba pa'i khyu mchog sde snod 'dzin pa chen po grags pa rgyal mtshan dpal bzang pos gzhung 'di'i smin grol zab khrid dang bcas pa kho bo cag las rdzogs par nos te/__sgrub gnas kyi rgyal po bde chen pad+ma shel phug tu cho ga 'di nyid la brten nas snang gsal mar me'i mchod pa 'bum ther dang bcas bzang po spyod pa'i smon lam 'bum phrag lhag pa zhal 'don du mdzad pa sogs kun tu bzang po'i legs bshad bla na med pa la gcig tu gzhol ba'i skabs dge tshogs rin po che sgo du ma nas rgyas par bya ba'i slad du gzhung le tshan 'di rnams kyang chos sbyin spar gyi phyi mor spel ba'i spar byang smon tshig tu 'jam dbyangs bla ma dgyes pa'i 'bangs mkhyen brtse'i dbang pos bris pa sid+d+hi rastu/__sarba dA ka l+yA NaM b+ha ba tu//___//___!_ na mo gu ru many+dzu shrI ku mA ra b+hU tA ya/__gzhi rgyud zab gsal dbyer med 'jam pa'i dpal/__/lam rgyud thabs shes zung 'jug 'jam pa'i dbyangs/__/'bras rgyud sku dang ye shes lhan cig skyes/__/bla ma 'jam pa'i rdo rjer phyag 'tshal lo/__/gsang ba'i bdag pos rdzogs pa'i sangs rgyas la/__/gsol btab zhal bzhes rigs drug sgyu 'phrul che/__/rdo rje dbyings dang ye shes rnam pa lnga'i/__/tshigs bcad bstod dang gsang ba'i sngags dgod pa/__/legs gsungs rjes su yi rang dang bcas pa'i/__/rgyud kun bdag po 'jam dpal ye shes sems/__/don dam mtshan ni yang dag brjod pa'i mchog__/gsung gcig nyid las mtha' yas dam chos char/__/'dod rgur 'char ba'i rdzogs ldan sprin chen po/__/gang 'dir mi phyed dad pas kun bslangs te/__/bsod nams byas pa'i dngos po ji snyed kun/__/byang chub snying por yongs su bsngo bar bgyi/__/dge ba de yis bdag gzhan yid can kun/__/dal 'byor mchog thob thub pa'i bstan la zhugs/__/bla ma 'jam pa'i dbyangs kyis rjes bzung ste/__/tshul gnas thos bsam sgom pa'i mthar son shog__/brtse dang byang sems gnyis su med blo ldan/__/rdo rje'i rnal 'byor zab mo mngon gyur nas/__/sku dang ye shes phrin las mtha' yas pa/__/'jam dpal gzhon nu'i go 'phang myur thob shog__/gzhan yang bstan 'dzin mchog rnams zhabs pad brtan/__/bshad sgrub bstan pa rin chen phyogs bcur 'phel/__/snod bcud rdzogs ldan dus kyi 'byor pa rgyas/__/don gnyis lhun gyis grub pa'i bkra shis shog__/ces bslab gsum dad ldan zhing sgrub la mchog tu gzhol ba'i dge sbyong karma lha dpal gyis rgyud kyi rgyal po 'di nyid dad brtson gyis spar du bsgrubs pa'i skabs/__rgyud kyi dgongs don dang bstun pa'i smon lam kha ton du byas chog pa zhig dgos zhes bskul ba'i ngor/__rgyud don gyi sa bcad mdor bsdus pa bcas gzhir bkod de/__rig 'dzin gyi btsun pa 'jam dbyangs bla ma dgyes pa'i 'bangs mkhyen brtse'i dbang pos dpal spungs yang khrod de bI ko Ti gsum pa tsA 'dra rin chen brag gi mgul/__bshad sgrub bye ba'i 'byung gnas 'jam mgon dgyes pa'i gzhal med khang chen por bris pa dge legs mchog tu gyur cig__/sarba mang+ga laM//___//___!_ oM swa sti sid+d+haM/__bkraX shiXs mtshan gyi springs yig cha res kyang /__/dus min 'chi ba'i 'jigs pa kun bsal nas/__/phun tshogs dngos grub ster mdzad lhag pa'i lha/__/bde ldan zhing gi mgon pos dge legs stsol/__/gang de'i 'chiX meXd skuX yi snang brnyan dang /__/gsuXng gi gsang ba rmad byung gzungs kyi gzhung /__/thuXgs kyi rang gzugs chos sku'i mchod rtenaX bcas/__rnam dkar phyi mor bskrun pa'i legs byas kyis/__/bstan 'dzin mchog rnams zhabs pad bskal brgyar brtan/__/bstan pa'i sbyin bdag sde bzhi'i dpal 'byor rgyas/__/bstan la dad rnams tshe bsod ye shes 'phel/__/bstan pa phyogs bcur dar ba'i bkraX shiXs shog__/ces pa'ang shAkya'i dge slong spong ba pa 'jam dbyangs bla ma dgyes pa'i 'bangs mkhyen brtse'i dbang pos tshul 'di'i legs byas 'du bgyis pa'i skabs rtse gcig tu gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol/__/sarba dA ka l+yA NaM b+ha ba tu//___//___!__