JKW-KABUM-23-'A-003-004

🚧 This website is under continued development. We appreciate your patience!

Previous Text Back to Volume PageNext Text

Wylie title	pra dz+nyA'i mtshan can la gnang ba'i zhal gdams
Location	mkhyen brtse'i bka' 'bum Volume 23, sde tshan 3, Text 4, Pages 201-202 (Folios 5a2 to 5b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. pra dz+nyA'i mtshan can la gnang ba'i zhal gdams. In 'jam dbyangs mkhyen brtse'i dbang po'i bka' 'bum, Vol. 23: 201-202. Khams sde dge rdzong sar dgon: Rdzong sar blo gros phun tshogs, 2020.
Genre	Advice - zhal gdams
Colophon	།ཅེས་ཤྲཱི་པཪྻ་ཏ་ཐེག་པ་མཆོག་གི་གླིང་ནས་བློ་གསལ་པྲཛྙཱའི་མཚན་ཅན་གྱིས་ཆེད་དུ་བསྐུལ་བ་ཡིད་ལ་དྲན་པས་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རིང་མོའི་ལམ་ནས་གདམས་པ་དགེ་ལེགས་སུ་གྱུར་ཅིག
	ces shrI paR+Ya ta theg pa mchog gi gling nas blo gsal pradz+nyA'i mtshan can gyis ched du bskul ba yid la dran pas 'jam dbyangs bla ma dgyes pa'i 'bangs mkhyen brtse'i dbang pos ring mo'i lam nas gdams pa dge legs su gyur cig

Tibetan Text

Wylie

[edit]

ན་མོ་གུ་རུ་བྷྱཿ སྲས་བཅས་སངས་རྒྱས་ཐམས་ཅད་དང་། །དབྱེར་མེད་དཔལ་ལྡན་བླ་མ་ཡི། །ཡེ་ཤེས་གཟིགས་པའི་བྱིན་རླབས་ཀྱིས། །ཁྱོད་ལ་རྟག་ཏུ་སྲུང་གྱུར་ཅིག །རྒྱལ་བས་གདུལ་བྱའི་བསམ་པ་དང་། །རྗེས་མཐུན་དམ་པའི་ཆོས་ཀྱི་སྒོ། །མཐའ་ཀླས་སྣང་བར་མཛད་པ་ཡང་། །བསྡུ་ན་སྡེ་སྣོད་གསུམ་དུ་འདུ། །དེ་དག་ཀུན་གྱི་བརྗོད་བྱའི་དོན། །བསླབ་པ་གསུམ་དུ་ལེགས་རྟོགས་ནས། །གྲོལ་བ་འབའ་ཞིག་དོན་གཉེར་བློས། །ལམ་སྟོན་བཤེས་གཉེན་འབད་པས་བསྙེན། །དལ་དང་འབྱོར་བ་རྙེད་དཀའ་ཞིང་། །ནམ་འཆིའི་ངེས་པ་མ་མཆིས་ཕྱིར། །ལས་འབྲས་བླང་དོར་བརྩོན་པ་དང་། །སྲིད་ལས་ངེས་འབྱུང་རྟག་ཏུ་བསྒོམ། །མཐའ་ཡས་ཡོན་ཏན་དཔག་བསམ་ལྗོན། །བསྐྱེད་ཅིང་འཕེལ་བའི་ས་གཞི་ནི། །ཇི་ལྟར་ཁས་བླངས་ཚུལ་གནས་ཁྲིམས། །རྣམ་པར་དག་པའི་ཐབས་ལ་འབད། །ཤིན་ཏུ་ཞི་བའི་དབེན་གནས་སུ། །ཉེས་པ་ལྔ་སྤངས་འདུ་བྱེད་བརྒྱད། །བསྟེན་པའི་ཡན་ལག་རྫོགས་པ་ཡིས། །སེམས་གནས་རྣམ་དགུའི་ཏིང་འཛིན་སྒྲུབས། །བདག་དང་ཕུང་པོ་རྣམ་རིག་གི །སྤྲོས་པའི་སྦྱོར་བ་ལས་འདས་པ། །སྣང་དང་སྟོང་པ་འགལ་མེད་པའི། །དོན་དམ་རྟོགས་པའི་ཤེས་རབ་བསྐྱེད། །ཀུན་རྫོབ་ཏུ་ཡང་ཆོས་རྣམས་ཀུན། །བདེན་གཉིས་དབྱེར་མེད་ངེས་བྱས་ནས། །དེ་ཀུན་ལྷ་དང་ཡེ་ཤེས་ཀྱི། །བསྐྱེད་རྫོགས་ཟུང་འཇུག་ཆེན་པོར་སྦྱང་། །མདོར་ན་ངེས་འབྱུང་སྙིང་རྗེ་དང་། །མོས་གུས་དྲག་པོས་མཚམས་སྦྱར་ནས། །སྣང་གྲགས་རྟོག་ཚོགས་ལྷ་སྔགས་དང་། །ཡེ་ཤེས་ཆོས་སྐུར་ལམ་ཁྱེར་འཚལ། །རང་ལ་བསླབ་དང་གྲོལ་བ་ཡི། །ཡོན་ཏན་ཅུང་ཟད་མེད་མོད་ཀྱི། །ལྷག་བསམ་དག་པས་གསོལ་འདིས་ཀྱང་། །དོན་གཉིས་འགྲུབ་པའི་བཀྲ་ཤིས་ཤོག །ཅེས་ཤྲཱི་པཪྻ་ཏ་ཐེག་པ་མཆོག་གི་གླིང་ནས་བློ་གསལ་པྲཛྙཱའི་མཚན་ཅན་གྱིས་ཆེད་དུ་བསྐུལ་བ་ཡིད་ལ་དྲན་པས་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རིང་མོའི་ལམ་ནས་གདམས་པ་དགེ་ལེགས་སུ་གྱུར་ཅིག ། ༈

[edit]

pra dz+nyA'i mtshan can la gnang ba'i zhal gdams/__ na mo gu ru b+h+yaH__sras bcas sangs rgyas thams cad dang /__/dbyer med dpal ldan bla ma yi/__/ye shes gzigs pa'i byin rlabs kyis/__/khyod la rtag tu srung gyur cig__/rgyal bas gdul bya'i bsam pa dang /__/rjes mthun dam pa'i chos kyi sgo/__/mtha' klas snang bar mdzad pa yang /__/bsdu na sde snod gsum du 'du/__/de dag kun gyi brjod bya'i don/__/bslab pa gsum du legs rtogs nas/__/grol ba 'ba' zhig don gnyer blos/__/lam ston bshes gnyen 'bad pas bsnyen/__/dal dang 'byor ba rnyed dka' zhing /__/nam 'chi'i nges pa ma mchis phyir/__/las 'bras blang dor brtson pa dang /___/srid las nges 'byung rtag tu bsgom/__/mtha' yas yon tan dpag bsam ljon/_/bskyed cing 'phel ba'i sa gzhi ni/__/ji ltar khas blangs tshul gnas khrims/__/rnam par dag pa'i thabs la 'bad/__/shin tu zhi ba'i dben gnas su/__/nyes pa lnga spangs 'du byed brgyad/_/bsten pa'i yan lag rdzogs pa yis/__/sems gnas rnam dgu'i ting 'dzin sgrubs/__/bdag dang phung po rnam rig gi__/spros pa'i sbyor ba las 'das pa/__/snang dang stong pa 'gal med pa'i/__/don dam rtogs pa'i shes rab bskyed/__/kun rdzob tu yang chos rnams kun/__/bden gnyis dbyer med nges byas nas/__/de kun lha dang ye shes kyi/__/bskyed rdzogs zung 'jug chen por sbyang /__/mdor na nges 'byung snying rje dang /__/mos gus drag pos mtshams sbyar nas/__/snang grags rtog tshogs lha sngags dang /__/ye shes chos skur lam khyer 'tshal/__/rang la bslab dang grol ba yi/__/yon tan cung zad med mod kyi/__/lhag bsam dag pas gsol 'dis kyang /__/don gnyis 'grub pa'i bkra shis shog__/ces shrI paR+Ya ta theg pa mchog gi gling nas blo gsal pradz+nyA'i mtshan can gyis ched du bskul ba yid la dran pas 'jam dbyangs bla ma dgyes pa'i 'bangs mkhyen brtse'i dbang pos ring mo'i lam nas gdams pa dge legs su gyur cig___/__!__