JKW-KABUM-23-'A-001-034

🚧 This website is under continued development. We appreciate your patience!

Previous Text Back to Volume PageNext Text

Wylie title	blo sbyong don bdun ma'i gsal 'debs yid kyi bdud rtsi
Location	mkhyen brtse'i bka' 'bum Volume 23, sde tshan 1, Text 34, Pages 74-76 (Folios 37b4 to 38b1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. blo sbyong don bdun ma'i gsal 'debs yid kyi bdud rtsi. In 'jam dbyangs mkhyen brtse'i dbang po'i bka' 'bum, Vol. 23: 74-76. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་བའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།
	ces pa'ang skyid shod snye thang gi dpal ldan a ti sha'i sku 'dra rin po che'i drung du rtse gcig gsol ba 'debs pa po ni/__rgyal khams nyul ba'i bya bral ba bka' gdams rin po che'i ring lugs la mchog tu gus pa 'jam dbyangs mkhyen brtse'i dbang po ste de de bzhin du 'grub par byin gyis brlab tu gsol

Tibetan Text

Wylie

[edit]

བློ་སྦྱོང་དོན་བདུན་མའི་གསལ་འདེབས་ཡིད་ཀྱི་བདུད་རྩི་ཞེས་བྱ་བ། སྲིད་ཞིའི་ཡོན་ཏན་ཀུན་གྱི་འབྱུང་གནས། །ཐེག་མཆོག་དགེ་བའི་བཤེས་ལ་འདུད་དོ། །དད་པ་གསུམ་གྱིས་བློ་རྒྱུད་དག་པར། །རྗེ་བཙུན་བླ་མས་བྱིན་གྱིས་རློབས་ཤིག །དལ་འབྱོར་རྙེད་དཀའ་འཇིག་སླར་ཤེས་པས། །ལས་འབྲས་བླང་དོར་ཚུལ་བཞིན་བརྩོན་ཅིང་། །བཅོས་མིན་ངེས་འབྱུང་སྔོན་འགྲོ་འབྱོངས་པར། །རྗེ་བཙུན་བླ་མས་བྱིན་གྱིས༴ གཟུང་འཛིན་བདེན་མེད་དབྱིངས་སུ་སྦྱངས་ཏེ། །བདག་གཞན་བདེ་སྡུག་གཏོང་ལེན་ཟབ་མོའི། །བྱང་ཆུབ་སེམས་གཉིས་རྟག་ཏུ་བསྒོམ་པར། །རྗེ་བཙུན་བླ་མས་བྱིན་གྱིས་རློབས་ཤིག ། རྐྱེན་ངན་སྡུག་བསྔལ་ཇི་ལྟར་བྱུང་ཡང་། །བདག་འཛིན་འགོང་པོའི་འཕྲུལ་དུ་མཐོང་ནས། །བྱང་ཆུབ་སེམས་ཀྱིས་ལམ་དུ་འཁྱེར་བར། །རྗེ་བཙུན་བླ་མས་བྱིན་གྱིས་རློབས་ཤིག །བསམ་སྦྱོར་དག་པས་ཚོགས་བསགས་སྒྲིབ་སྦྱོང་། །སྨོན་ལམ་དང་བཅས་སྟོབས་ལྔ་ལྡན་པའི། །ཚེ་གཅིག་ཉམས་ལེན་སྙིང་པོར་དྲིལ་བར། །རྗེ་བཙུན་བླ་མས༴ ཆོས་ཀུན་བདག་འཛིན་གཉེན་པོར་འཆར་ཞིང་། །རང་སེམས་དཔང་ཐུབ་ཡིད་བདེའི་གདིངས་ཀྱིས། །འགལ་རྐྱེན་ཐམས་ཅད་ལམ་དུ་ལོངས་པར། །རྗེ་བཙུན་བླ་མས༴ ཁས་བླངས་དོན་ལྡན་ཚུལ་འཆོས་དང་བྲལ། །ཕྱོགས་རིས་མེད་པར་མངོན་ཚན་ཆུང་ངུས། །བློ་སྦྱོང་དམ་ཚིག་སྲོག་བཞིན་བསྲུང་བར། །རྗེ་བཙུན་བླ་མས༴ མདོར་ན་བྱང་ཆུབ་སེམས་གཉིས་འཕེལ་བའི། །བསླབ་བྱ་ཐམས་ཅད་ཚུལ་བཞིན་སློབ་པས། །ཚེ་འདིར་ཐེག་མཆོག་བཟོད་པ་ཐོབ་པར། །རྗེ་བཙུན་བླ་མས༴ མཉམ་མེད་ཇོ་བོ་ཡབ་སྲས་ཐུགས་བཅུད། །དོན་ཚན་བདུན་ལྡན་བློ་སྦྱོང་ཚུལ་ལ། །སྙིང་ནས་སྨོན་པའི་ལེགས་བྱས་འདིས་ཀྱང་། །འགྲོ་ཀུན་བྱང་ཆུབ་ཐོབ་པར་མཛོད་ཅིག །ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་བའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། ། ༈

[edit]

don bdun ma'i gsol 'debs yid kyi bdud rtsi/__ blo sbyong don bdun ma'i gsal 'debs yid kyi bdud rtsi zhes bya ba/__srid zhi'i yon tan kun gyi 'byung gnas/__/theg mchog dge ba'i bshes la 'dud do/__/dad pa gsum gyis blo rgyud dag par/__/rje btsun bla mas byin gyis rlobs shig__/dal 'byor rnyed dka' 'jig slar shes pas/__/las 'bras blang dor tshul bzhin brtson cing /__/bcos min nges 'byung sngon 'gro 'byongs par/__/rje btsun bla mas byin gyis=__gzung 'dzin bden med dbyings su sbyangs te/__/bdag gzhan bde sdug gtong len zab mo'i/__/byang chub sems gnyis rtag tu bsgom par/__/rje btsun bla mas byin gyis rlobs shig__/_rkyen ngan sdug bsngal ji ltar byung yang /__/bdag 'dzin 'gong po'i 'phrul du mthong nas/__/byang chub sems kyis lam du 'khyer bar/__/rje btsun bla mas byin gyis rlobs shig__/bsam sbyor dag pas tshogs bsags sgrib sbyong /__/smon lam dang bcas stobs lnga ldan pa'i/__/tshe gcig nyams len snying por dril bar/__/rje btsun bla mas=__chos kun bdag 'dzin gnyen por 'char zhing /__/rang sems dpang thub yid bde'i gdings kyis/__/'gal rkyen thams cad lam du longs par/__/rje btsun bla mas=__khas blangs don ldan tshul 'chos dang bral/__/phyogs ris med par mngon tshan chung ngus/__/blo sbyong dam tshig srog bzhin bsrung bar/__/rje btsun bla mas=__mdor na byang chub sems gnyis 'phel ba'i/__/bslab bya thams cad tshul bzhin slob pas/__/tshe 'dir theg mchog bzod pa thob par/__/rje btsun bla mas=__mnyam med jo bo yab sras thugs bcud/__/don tshan bdun ldan blo sbyong tshul la/__/snying nas smon pa'i legs byas 'dis kyang /__/'gro kun byang chub thob par mdzod cig__/ces pa'ang skyid shod snye thang gi dpal ldan a ti sha'i sku 'dra rin po che'i drung du rtse gcig gsol ba 'debs pa po ni/__rgyal khams nyul ba'i bya bral ba bka' gdams rin po che'i ring lugs la mchog tu gus pa 'jam dbyangs mkhyen brtse'i dbang po ste de de bzhin du 'grub par byin gyis brlab tu gsol/___/__!_