JKW-KABUM-21-ZHA-021-005

🚧 This website is under continued development. We appreciate your patience!

Previous Text Back to Volume PageLast text in section.

Wylie title	sa bcud spel ba'i bum gter phyag len bkra shis 'dod 'jo
Location	mkhyen brtse'i bka' 'bum Volume 21, sde tshan 21, Text 5, Pages 571-576 (Folios 16a4 to 18b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sa bcud spel ba'i bum gter phyag len bkra shis 'dod 'jo. In 'jam dbyangs mkhyen brtse'i dbang po'i bka' 'bum, Vol. 21: 571-576. Khams sde dge rdzong sar dgon: Rdzong sar blo gros phun tshogs, 2020.
Genre	Ritual and Liturgical Texts - cho ga phyag len  ·  Vase Consecration - bum sgrub  ·  Wealth Rituals - nor sgrub

1 Texts in this Section (sde tshan or chos tshan)

5 571-576	ས་བཅུད་སྤེལ་བའི་བུམ་གཏེར་ཕྱག་ལེན་བཀྲ་ཤིས་འདོད་འཇོ། sa bcud spel ba'i bum gter phyag len bkra shis 'dod 'jo Ritual and Liturgical Texts - cho ga phyag len   ·   Vase Consecration - bum sgrub   ·   Wealth Rituals - nor sgrub	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ས་བཅུད་སྤེལ་བའི་བུམ་གཏེར་ཆེན་མོའི་ཕྱག་ལེན་བཀྲ་ཤིས་འདོད་འཇོ་དགེ། །ཨོཾ་སིདྡྷི་རསྟུ། །ས་བཅུད་གསོ་བའི་བཀྲ་ཤིས་གཏེར་གྱི་བུམ་པ་ལ། ཐོག་མར་ཟངས་སམ་རྫ་ལས་བྱས་པའི་བུམ་པ་བཟོ་ཁྱད་ཐོན་ན་ནོར་བུའི་དབྱིབས་སམ། ཡང་ན་དེང་སང་ཡོངས་གྲགས་ལྟར་ཡང་རུང་ཞིང་། ཆེ་ཆུང་ཡུལ་དེའི་བྲེ་བཅུ་ལ་སོགས་པ་ཤོང་བའི་མཐིལ་དུ། གནས་ཆེན་དང་། བཀྲ་ཤིས་ས་དང་། དཔལ་ཅན་གྱི་ས་སྣ་ཆུ་སྣ། རིན་པོ་ཆེའི་ཕྱེ་མ། །དཀྱིལ་འཁོར་ཆེན་པོའི་རྡུལ་ཚོན། རྒྱས་པའི་སྦྱིན་སྲེག་གི་ཐལ་བ། རབ་གནས་ཀྱི་མེ་ཏོག་སོགས་དགྲམ་པའི་དབུས་སུ་སྲོག་ཤིང་ཤུག་པ་ལྟ་བུ་ཤར་རྟགས་མ་ནོར་ཞིང་རྩ་རྩེ་མ་ལོག་པ་ལས་རི་རབ་ཀྱི་གཟུགས་སུ་བཟོས་པའི་རྩེར། ཧཱུྃ་དེ་འོག་གི་ཤར་ནས། ཨོཾ་ཏྲཱྃ་ཧྲཱིཿཨཱཿ རྣམས་གཡས་བསྐོར། སྐེད་པར་འོག་ནས་འབྱུང་བའི་གཟུངས་ཀྱི་ཤོག་དྲིལ། རྩེ་མོར་སངས་རྒྱས་ཀྱི་འཕེལ་གདུང་། བླ་མ་གོང་མའི་དབུ་སྐྲ། ན་བཟའ། གདུང་རུས་སོགས་དང་། བདུད་རྩི་རིལ་བུ་དང་ཕྱེ་མའི་རིགས་རྣམས་དར་ཐུམ་བྱས་ནས་གཞུག །དེ་འོག་ཀྱི་ངོས་སོགས་ཅི་རིགས་པར་བཏགས་གྲོལ་རྒྱུད་དྲུག་ཚང་བའམ། གསང་བ་སྤྱོད་པ་ས་བོན་གྱི་རྒྱུད་དམ། འཁོར་ལོའི་རིགས་བཅས་གང་འབྱོར་བཞག །སྲོག་ཤིང་གི་རྩ་བར་འབྱུང་ལྔའི་ཡིག་འབྲུ། ཨེ་དང་དེའི་འོག་ཙམ་ནས། ལྃ་བྃ་རྃ་ཡྃ་རྣམས་ཕྱོགས་བཞིར་བྲིའོ། །དེ་ནས་ཁྱད་པར་གྱི་རྫས་འདུ་བྱ་བ་ནི། གནས་ཆེན་དུ་མའི་ས་སྣ། ཤིང་སྣ། ཆུ་མིག་བརྒྱ་རྩའི་ཆུ་སྣ། རྒྱ་མཚོའི་སྦུ་བ། རིན་པོ་ཆེ་ལྔ། ཁྱད་པར་གཡུ་དང་། མུ་ཏིག་མ་ཉམས་པ། དཀར་གསུམ་མངར་གསུམ། ཕྱུགས་སླས་ཆེན་པོ་གསུམ་གྱི་ས། བཀྲ་ཤིས་པ་དང་དཔལ་ཅན་གྱི་ཁང་ཞིང་དགུ་ཡི་ས་སྣ། ཐབ་མེ་རྒྱུན་མ་ཆད་པའི་ས། གནས་ཆེན་བརྒྱད་ཀྱི་ཡོངས་རྫོང་། སྙིང་ས། མཆིམ་ཕུ། མཁར་ཆུ། ཤེལ་བྲག །སེང་གེ་རྫོང་། ཡེར་པ། གཡའ་མ་ལུང་། ཆུ་བོའི་རི་ནམ་མཁའ་ལྡིང་ཕུག་རྣམས་སོ། །གངས་ཆེན་བརྒྱད་འོད་དེ་གུང་རྒྱལ། ཀྱི་རྡོ། སྐུ་ལྷ་མཁའ་རི་གངས་ཏི་སེ། གཉན་ཐང་ལྷ་བཅས་ཕྱོགས་བཞི་དང་། ཡར་ལྷ་ཤམ་པོ། གནོད་སྦྱིན་གང་བཟང་། ཇོ་མོ་གངས་དཀར། ཏི་སྒྲོ་གངས་དཀར་ཏེ་མཚམས་བཞིའོ། །རི་ཆེན་བཞིའི་དམར་པོ་རི། ས་སྣ། ཧས་པོ་རི། གང་པོ་རི། ཆུ་བོ་རི། མཚོ་ཆེན་བཞིའི་ ཡར་འབྲོག་གཡུ་མཚོ། མཚོ་མ་ཕམ། བྱང་གནམ་མཚོ་བཞིའོ། །ཁྲི་ཤོར་རྒྱལ་མོ། ཆུ་དང་བྱེ་མ། ཆོས་འཁོར་ཆེན་པོ་རྣམ་པ་གསུམ་ལྷ་ས། བསམ་ཡས། ཁྲ་འབྲུག གྱི་ས་སྣ་དང་། ཇོ་བོ་གསུམ་གྱི་ཕྱག་ནས་དང་ཁྲུས་ཆབ། ཀླུ་སྨན་སྣ་ཚོགས། ཙནྡན་དཀར། དམར། ཤུ་དག་དཀར་པོ། དབང་ལག་སྟེ་སྨན་ལྔས་མཚོན་པའི་ཀླུ་ལ་མི་གནོད་པའི་བཟང་སྨན་སྣ་ཚོགས། ནས་འབྲས། གྲོ། ཏིལ་དཀར། སྲན་དཀར་ཏེ་འབྲུ་ལྔས་གཙོས་པའི་འབྲུ་དཀར་སྣ་ཚོགས། ཛཱ་ཏི། ག་བུར། ལི་ཤི། སྤང་སྤོས། ཨར་སྐྱ་སྟེ་སྤོས་ལྔས་མཚོན་པའི་ཀླུ་ལ་མི་གནོད་པའི་དྲི་ཞིམ་སྣ་ཚོགས། དཀྱིལ་འཁོར་མང་པོའི་རྡུལ་ཚོན་བཅས། འདི་རྣམས་ཐམས་ཅད་འབྱོར་ན་ཁྲོལ་བུ་དང་། མ་འབྱོར་ན་ཞིབ་པར་བཏགས་ལ་བ་དམར་མོ་དང་། ར་དཀར་མོའི་འོ་མས་རིལ་བུ་དྲིལ་བ་བརྒྱ་རྩ་བརྒྱད་སོགས་གང་འབྱོར་བླུགས། དར་སྣ་ལྔ་དང་། རྡོ་ཕ་བོང་ལོང་བུ་མཚལ་གྱིས་དབུས་སུ་ཏྲེ་བྲིས་པ་དང་། ཆུ་ཤེལ་གཡོན་དང་། མེ་ཤེལ་གཡས་མ་ཉམས་པ། རྒྱ་ཞབས་སུ་བཅུག་ཁབ་དང་ཁྲབ་བྱང་རྣམས་བཅུག་གོ། །གཟུངས་གཞུག་ལ། རིགས་ལྔ་སྤྱི་དྲིལ་གྱི་སྔགས་དང་། ཀུན་རིག །རྡོར་སེམས། མི་འཁྲུགས་པ། ཚེ་དཔག་མེད། སྨན་བླ་རྣམས་རྩ་གསུམ་སྤྱིའི་སྙིང་པོ། རྣམ་འཇོམ། སྨེ་བརྩེགས། བཏགས་གྲོལ་རྒྱས་བསྡུས། སངས་རྒྱས་རྩེ་མོའི་གཟུངས། ས་སྙིང་། སྤྱན་མ། རྣམ་སྲས་ཀྱི་རིགས་དང་། ཛམྦྷ་ལའི་རིགས། གནོད་སྦྱིན་ཕོ་དགུ་མོ་དགུ། ནོར་རྒྱུན་མ། དཔལ་ཆེན་མོ། ཀུན་འཁྱིལ་མཆེད་གསུམ། རྒྱལ་ཆེན་བཞི། རེ་མནྟ་རྣམས་ཀྱི་སྔགས། ཕྱུགས་དང་འབྲུ་སྤེལ་བའི་གཟུངས། བརྟན་མའི་རིག་པ་དང་ཚིགས་བཅད། བརྟན་མ་གཙོ་འཁོར་ཡོངས་དྲིལ་སྔགས། ཀླུ་ལ་བདེ་སྦྱིན་གཟུངས། ཀླུ་ཆེན་དགུའི་སྔགས། འབྱུང་བའི་ནུས་སྟོབས་བསྐྱེད་པའི་སྔགས། སྣང་བརྒྱད། ཉེས་སེལ། བཀྲ་ཤིས་བརྩེགས་པ་རྣམས་ཀྱི་མདོ་གཟུངས། དབྱངས་གསལ་རྟེན་སྙིང་འདོད་གསོལ་བཀྲ་ཤིས་བཅས་སོ། །ཕྱོགས་མཚམས་རྣམས་སུ་བཀྲ་ཤིས་པའི་རྫས་བརྒྱད། རྟགས་བརྒྱད། རྒྱལ་སྲིད་སྣ་བདུན། ཉེ་བའི་རིན་ཆེན་བདུན། སྲུང་བཞི་སོགས་ཀྱི་རི་མོ་བྲིས་འབུར་གང་རིགས་བཀོད། གཞན་ཡང་དམིགས་ཀྱིས་གསལ་བའི་རིགས་ལ། རྣམ་བཅུ་དབང་ལྡན་གསེར་གྱིས་བྲིས་པ་དང་། གདུགས་དཀར་འཁོར་ལོ། སོར་འབྲང་འཁོར་ལོ། གྲོང་ཁྱེར་སྒྲོལ་བའི་འཁོར་ལོ། བཏགས་གྲོལ་གྱི་རིགས། རྒྱུད་སྡེའི་གླེགས་བམ་རིགས། བསོད་ནམས་གླང་པོ་སྟོབས་བསྐྱེད། དགེ་འདུན་འདུ་འཁོར། ཨ་པ་ར་ཛཱི་ཏའི་རྩོད་རྒྱལ། ཐོག་སྲུང་ཆེན་མོ། བྱད་འགྲོལ་གྱི་འཁོར་ལོ་ཆེན་མོ། བྱད་ཁྲོལ་གྱི་བུམ་ཆུ་རིལ་བུ། གནོད་སྦྱིན་འཁོར་ལོ། གཡུལ་ལས་རྒྱལ་བའི་ཙཀྲ་ཆེན་མོ། སྲི་བཟློག་འཁོར་ལོ་འབར་བའི་ཙཀྲ། དུས་འཁོར་དང་། འབྱུང་རྩིས་པའི་ལུགས་ཀྱི་ཀུན་ཐུབ་འཁོར་ལོ་སོགས་མན་ངག་ཁྱད་པར་བ་ལས་བྱུང་བའི་རིགས་དང་། བླ་མ་གསང་འདུས་ཀྱི་ལས་ཚོགས། དོན་ཀུན་གྲུབ་པ། རྩོད་རྒྱལ། དགྲ་སྡང་ཞི་བ། གཟའ་སྐར་དང་ཕྱོགས་ངན་སྲུང་བ། ཚེ་སྤེལ། ནོར་འགུགས་པ་སོགས་དང་། དགོངས་འདུས་ལས་ཚོགས། སྡེ་བརྒྱད་སྲུང་བ། ལྟོག་འདྲེ་སྲུང་བ། སྲིས་རྐུན་སྲུང་བ། ལོ་ཏོག་ལ་འཚེ་བའི་སེམས་ཅན་སྲུང་བ། ཤྭ་འུད་སྲུང་བ། ཐོག་སྲུང་། གོད་འདྲེ་སྲུང་བ། ཕྱུགས་ཀྱི་དགྲ་རྐུན་གཅན་ཟན་སྲུང་བ། ནང་འཐབ་སྲུང་བ། དོན་གྲུབ་པ། ཚོང་རྒྱལ་བ། གཡུལ་ལས་རྒྱལ་བ། ནོར་འཕེལ་བ། བཟའ་བཏུང་འཕེལ་བ། མཛེས་མ་རྒྱན་འཁོར། བསྐྱེད་པ་བཞི་ལྡན། འབྱུང་བཞི་ཀུན་འདུས་སོགས་གང་ལ་གང་དགོས་པའི་ཙཀྲ་རིགས་ཁྱད་པར་གྱི་རྫས་དང་སྤེལ་ཚིག་སོགས་སྦྱར་བ་བཅུག །དེ་བཞིན་དུ་རྫོགས་པ་ཆེན་པོའི་བསྟན་པའི་བཙས་གསུམ་གྱི་རི་མོ་དང་། མཆོད་རྟེན་སོགས་ལ་ཇི་སྐད་བཤད་པའི་གཟུངས་རྒྱས་པའམ། གཟུངས་ཆེན་སྡེ་ལྔ་ཙམ་གཞུག་ནའང་ཤིན་ཏུ་ལེགས་སོ། །བུམ་པའི་ཕྱིར་དཀར་རྩི་བྱུགས་པ་ལ་བཀྲ་ཤིས་པའི་དགེ་མཚན་ཅན་གྱི་རི་མོ་ཇི་སྙེད་པ་དང་། ཁྱད་པར་ཕྱོགས་བཞིར་སྲུང་བཞིའི་ཤར་ནས་བརྩམས་ཏེ་སྟག་སྐྱ་བོ། གཟུགས་དང་། གཡུ་འབྲུག་སྔོན་པོ། བྱ་དམར་པོ། རུ་སྦལ་རྒྱ་བོ་རྣམས་སོ། །འོག་ཏུ་པདྨ་འདབ་བརྒྱད། ཁ་གཅོད་ལ་རིགས་ལྔའི་ཕྱག་མཚན་བཅས་བྲིའོ། །དེ་ལྟ་བུའི་བུམ་པའི་ནང་ཐམས་ཅད་སྤྱིར་འབྲུ་དཀར་སྣ་ཚོགས། སྨན་སྣ་ཚོགས། རིན་པོ་ཆེ་སྣ་ཚོགས། དར་སྣ། རས་སྣ་སོགས་ཀྱིས་ཕྱུར་བུར་བཀང་བའི་ཁར། བཟང་ཤིང་སྣ་ཚོགས་དང་། མེ་ཏོག་དང་འབྲས་བུ་སྣ་ཚོགས་ཀྱིས་བཀང་ཏེ་མགྲིན་པའི་ནང་དུ་འཇིམ་པ་ལ་རིན་ཆེན་བསྲེས་པས་བཅད། དེ་སྟེང་ཁ་གཅོད་ཤིང་ལེབ་དང་། རས་དཀར་རྡོ་རྗེ་རྒྱ་གྲམ་གྱིས་མཚན་པས་གཡོགས། སྲད་བུ་སྣ་ལྔས་མགུལ་བཅིང་རྒྱ་གྲམ་དུ་བསྡམས་ཤིང་རྒྱས་གདབ་པ་སོགས་བྱ། འདི་ལྷ་ཀླུ་སྤྱི་ཁྱབ་ཀྱི་བུམ་པ་ཡིན། བསང་རྫས་དང་། ལས་བྱེད་དང་། སྒྲུབ་པ་པོ་རྣམས་གཙང་སྦྲ་ཤིན་ཏུ་ཆེ་བར་བྱའོ།། །།སརྦ་དཱ་ཀ་ལྱཱ་ཎཾ་བྷ་ཝ་ཏུ།། །།

[edit]

sa bcud spel ba'i bum gter phyag len bkra shis 'dod 'jo/__ sa bcud spel ba'i bum gter chen mo'i phyag len bkra shis 'dod 'jo dge/__/oM sid+d+hi rastu/__/sa bcud gso ba'i bkra shis gter gyi bum pa la/__thog mar zangs sam rdza las byas pa'i bum pa bzo khyad thon na nor bu'i dbyibs sam/__yang na deng sang yongs grags ltar yang rung zhing /__che chung yul de'i bre bcu la sogs pa shong ba'i mthil du/__gnas chen dang /__bkra shis sa dang /__dpal can gyi sa sna chu sna/__rin po che'i phye ma/__/dkyil 'khor chen po'i rdul tshon/__rgyas pa'i sbyin sreg gi thal ba/__rab gnas kyi me tog sogs dgram pa'i dbus su srog shing shug pa lta bu shar rtags ma nor zhing rtsa rtse ma log pa las ri rab kyi gzugs su bzos pa'i rtser/__hU~M de 'og gi shar nas/__oM trA~M hrIHAH__rnams g.yas bskor/__sked par 'og nas 'byung ba'i gzungs kyi shog dril/__rtse mor sangs rgyas kyi 'phel gdung /__bla ma gong ma'i dbu skra/__na bza'/__gdung rus sogs dang /__bdud rtsi ril bu dang phye ma'i rigs rnams dar thum byas nas gzhug__/de 'og kyi ngos sogs ci rigs par btags grol rgyud drug tshang ba'am/__gsang ba spyod pa sa bon gyi rgyud dam/__'khor lo'i rigs bcas gang 'byor bzhag__/srog shing gi rtsa bar 'byung lnga'i yig 'bru/__e dang de'i 'og tsam nas/__la~M ba~M ra~M ya~M rnams phyogs bzhir bri'o/__/de nas khyad par gyi rdzas 'du bya ba ni/__gnas chen du ma'i sa sna/__shing sna/__chu mig brgya rtsa'i chu sna/__rgya mtsho'i sbu ba/__rin po che lnga/__khyad par g.yu dang /__mu tig ma nyams pa/__dkar gsum mngar gsum/__phyugs slas chen po gsum gyi sa/__bkra shis pa dang dpal can gyi khang zhing dgu yi sa sna/__thab me rgyun ma chad pa'i sa/__gnas chen brgyad kyi yongs rdzong /__snying sa/__mchim phu/__mkhar chu/__shel brag__/seng ge rdzong /__yer pa/__g.ya' ma lung /__chu bo'i ri nam mkha' lding phug rnams so/__/gangs chen brgyad 'od de gung rgyal/__kyi rdo/__sku lha mkha' ri gangs ti se/__gnyan thang lha bcas phyogs bzhi dang /__yar lha sham po/__gnod sbyin gang bzang /__jo mo gangs dkar/__ti sgro gangs dkar te mtshams bzhi'o/__/ri chen bzhi'i dmar po ri/__sa sna/__has po ri/__gang po ri/__chu bo ri/__mtsho chen bzhi'i _yar 'brog g.yu mtsho/__mtsho ma pham/__byang gnam mtsho bzhi'o/__/khri shor rgyal mo/__chu dang bye ma/__chos 'khor chen po rnam pa gsum lha sa/__bsam yas/__khra 'brug__gyi sa sna dang /__jo bo gsum gyi phyag nas dang khrus chab/__klu sman sna tshogs/__tsan+dan dkar/__dmar/__shu dag dkar po/__dbang lag ste sman lngas mtshon pa'i klu la mi gnod pa'i bzang sman sna tshogs/__nas 'bras/__gro/__til dkar/__sran dkar te 'bru lngas gtsos pa'i 'bru dkar sna tshogs/__dzA ti/__ga bur/__li shi/__spang spos/__ar skya ste spos lngas mtshon pa'i klu la mi gnod pa'i dri zhim sna tshogs/__dkyil 'khor mang po'i rdul tshon bcas/__'di rnams thams cad 'byor na khrol bu dang /__ma 'byor na zhib par btags la ba dmar mo dang /__ra dkar mo'i 'o mas ril bu dril ba brgya rtsa brgyad sogs gang 'byor blugs/__dar sna lnga dang /__rdo pha bong long bu mtshal gyis dbus su tre bris pa dang /__chu shel g.yon dang /__me shel g.yas ma nyams pa/__rgya zhabs su bcug khab dang khrab byang rnams bcug go/__/gzungs gzhug la/__rigs lnga spyi dril gyi sngags dang /__kun rig__/rdor sems/__mi 'khrugs pa/__tshe dpag med/__sman bla rnams rtsa gsum spyi'i snying po/__rnam 'jom/__sme brtsegs/__btags grol rgyas bsdus/__sangs rgyas rtse mo'i gzungs/__sa snying /__spyan ma/_rnam sras kyi rigs dang /__dzam+b+ha la'i rigs/__gnod sbyin pho dgu mo dgu/__nor rgyun ma/__dpal chen mo/__kun 'khyil mched gsum/__rgyal chen bzhi/__re man+ta rnams kyi sngags/__phyugs dang 'bru spel ba'i gzungs/__brtan ma'i rig pa dang tshigs bcad/__brtan ma gtso 'khor yongs dril sngags/__klu la bde sbyin gzungs/__klu chen dgu'i sngags/__'byung ba'i nus stobs bskyed pa'i sngags/__snang brgyad/__nyes sel/__bkra shis brtsegs pa rnams kyi mdo gzungs/__dbyangs gsal rten snying 'dod gsol bkra shis bcas so/__/phyogs mtshams rnams su bkra shis pa'i rdzas brgyad/__rtags brgyad/__rgyal srid sna bdun/__nye ba'i rin chen bdun/__srung bzhi sogs kyi ri mo bris 'bur gang rigs bkod/__gzhan yang dmigs kyis gsal ba'i rigs la/__rnam bcu dbang ldan gser gyis bris pa dang /__gdugs dkar 'khor lo/__sor 'brang 'khor lo/__grong khyer sgrol ba'i 'khor lo/__btags grol gyi rigs/__rgyud sde'i glegs bam rigs/__bsod nams glang po stobs bskyed/__dge 'dun 'du 'khor/__a pa ra dzI ta'i rtsod rgyal/__thog srung chen mo/__byad 'grol gyi 'khor lo chen mo/__byad khrol gyi bum chu ril bu/__gnod sbyin 'khor lo/__g.yul las rgyal ba'i tsakra chen mo/__sri bzlog 'khor lo 'bar ba'i tsakra/__dus 'khor dang /__'byung rtsis pa'i lugs kyi kun thub 'khor lo sogs man ngag khyad par ba las byung ba'i rigs dang /__bla ma gsang 'dus kyi las tshogs/__don kun grub pa/__rtsod rgyal/__dgra sdang zhi ba/__gza' skar dang phyogs ngan srung ba/__tshe spel/__nor 'gugs pa sogs dang /__dgongs 'dus las tshogs/__sde brgyad srung ba/__ltog 'dre srung ba/__sris rkun srung ba/__lo tog la 'tshe ba'i sems can srung ba/__shwa 'ud srung ba/__thog srung /__god 'dre srung ba/__phyugs kyi dgra rkun gcan zan srung ba/__nang 'thab srung ba/__don grub pa/__tshong rgyal ba/__g.yul las rgyal ba/__nor 'phel ba/__bza' btung 'phel ba/__mdzes ma rgyan 'khor/__bskyed pa bzhi ldan/__'byung bzhi kun 'dus sogs gang la gang dgos pa'i tsakra rigs khyad par gyi rdzas dang spel tshig sogs sbyar ba bcug__/de bzhin du rdzogs pa chen po'i bstan pa'i btsas gsum gyi ri mo dang /__mchod rten sogs la ji skad bshad pa'i gzungs rgyas pa'am/__gzungs chen sde lnga tsam gzhug na'ang shin tu legs so/__/bum pa'i phyir dkar rtsi byugs pa la bkra shis pa'i dge mtshan can gyi ri mo ji snyed pa dang /__khyad par phyogs bzhir srung bzhi'i shar nas brtsams te stag skya bo/__gzugs dang /__g.yu 'brug sngon po/__bya dmar po/__ru sbal rgya bo rnams so/__/'og tu pad+ma 'dab brgyad/__kha gcod la rigs lnga'i phyag mtshan bcas bri'o/__/de lta bu'i bum pa'i nang thams cad spyir 'bru dkar sna tshogs/__sman sna tshogs/__rin po che sna tshogs/__dar sna/__ras sna sogs kyis phyur bur bkang ba'i khar/__bzang shing sna tshogs dang /__me tog dang 'bras bu sna tshogs kyis bkang te mgrin pa'i nang du 'jim pa la rin chen bsres pas bcad/__de steng kha gcod shing leb dang /__ras dkar rdo rje rgya gram gyis mtshan pas g.yogs/__srad bu sna lngas mgul bcing rgya gram du bsdams shing rgyas gdab pa sogs bya/__'di lha klu spyi khyab kyi bum pa yin/__bsang rdzas dang /__las byed dang /__sgrub pa po rnams gtsang sbra shin tu che bar bya'o//__//sarba dA ka l+yA NaM b+ha wa tu//__//