JKW-KABUM-20-WA-001-004

🚧 This website is under continued development. We appreciate your patience!

Previous Text Back to Volume PageNext Text

Wylie title	rje btsun bla ma dkon mchog bstan pa rab rgyas dpal bzang po'i zhal snga la phul ba'i zhu yig
Location	mkhyen brtse'i bka' 'bum Volume 20, sde tshan 1, Text 4, Pages 11-12 (Folios 6a3 to 6b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rje btsun bla ma dkon mchog bstan pa rab rgyas dpal bzang po'i zhal snga la phul ba'i zhu yig. In 'jam dbyangs mkhyen brtse'i dbang po'i bka' 'bum, Vol. 20: 11-12. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

4 11-12	རྗེ་བཙུན་བླ་མ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་ཞལ་སྔ་ལ་ཕུལ་བའི་ཞུ་ཡིག། rje btsun bla ma dkon mchog bstan pa rab rgyas dpal bzang po'i zhal snga la phul ba'i zhu yig Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

རྗེ་བཙུན་བླ་མ་དཀོན་མཆོག་བསྟན་པ་རབ་རྒྱས་དཔལ་བཟང་པོའི་ཞལ་སྔ་ལ་ཕུལ་བའི་ཞུ་ཡིག །ཤྲཱི་བི་ཛ་ཡནྟུ། མཁྱེན་གསུམ་ཐོས་བསམ་རིན་ཆེན་གྲུ་བོ་ལ་འཆེལ་ནས། །ཉམས་ལེན་སྦྱོར་བཞིའི་ཆུ་གཏེར་ཆེན་པོ་བརྒལ་བའི་མཐར། །ཆོས་སྐུ་ཡིད་བཞིན་ནོར་བུའི་གླིང་དུ་ཉེར་རྩེན་པའི། །བཀའ་དྲིན་ཟླ་བྲལ་རྣམ་འདྲེན་མཆོག་གི་ཞབས་པདྨོར། ༡ །རིགས་ཀྱི་ས་བོན་མོས་པས་བརླན་བཅས་སེམས་བསྐྱེད་དང་། །བསྐྱོད་པའི་ཡལ་ག་སྐྱོན་མེད་འཇུག་དང་སྨིན་སྦྱོང་གི། །མེ་ཏོག་མཛེས་འབར་བྱང་ཆུབ་གཞན་དོན་འབྲས་ལྕི་བ། །སྔོན་མེད་དཔག་བསམ་ལྗོན་པ་མཆོག་དེར་འདི་སྐད་གསོལ། ༢ །རྟག་ཆད་རྣམ་སྤངས་དབུས་ལའང་གནས་པའི་སྒྲིབ་བྲལ་བས། །མཐའ་ཡི་རྟོག་པ་རྣམ་པར་འབྱེད་པའི་ཡེ་ཤེས་ནི། །སྙིང་རྗེའི་འཛུམ་དཀར་གཡོ་བ་དང་འགྲོགས་རོལ་མོ་ཡིས། །སྲིད་འདིར་ཕན་པ་མཐའ་ཀླས་སྒྲུབ་མཛད་ཁྱོད་གཅིག་པུ། ༣ །ཁྱད་པར་བདག་རྒྱུད་རྨོངས་མུན་གྱིས་ཟུམ་ཨུཏྤལ། །ཆོས་ཅན་འཁོར་བའི་འདམ་རྫབ་སྟུག་པོ་ལས་བསླངས་ནས། །ཆོས་ཉིད་མྱང་འདས་སྦྲང་རྩིའི་འབབ་སྟེགས་གཅིག་གྱུར་པའི། །དམ་ཆོས་སྣང་བ་ཅུང་ཟད་ཐོབ་འདིའང་ཁྱོད་ཀྱི་དྲིན། ༤ །དེ་སླད་ཤིན་ཏུ་གུས་པ་ཡི། །ཡིད་ནི་ཟླ་ཤེལ་གསར་བ་ལ། །ཕྱོགས་པའི་ཀུ་མུ་དཱ་དཔལ་ལྟར། །བསམས་བཞིན་གུས་སྤྲོའི་འདབ་རྒྱ་གྲོལ། ༥ །སངས་རྒྱས་ཆོས་ཚོགས་ཀུན་གྱི་ངོ་བོ་གཅིག་གྱུར་པ། །སྒྲིབ་བྲལ་ཁམས་ལས་བྱང་ཆུབ་མཆོག་གི་ས་བརྙེས་ནས། །ཡོན་ཏན་ཕྲིན་ལས་ཕ་མཐའ་ཡས་པའི་བདག་ཉིད་ཅན། །རྡོ་རྗེའི་ཆོས་བདུན་ངོ་བོར་བསྐལ་བརྒྱར་འཚོ་གཞེས་གསོལ། ༦ །དེ་སྐད་མ་ཕམ་དགོངས་པའི་དོན་ལ་སྦྱར་བ་ཡི། །ཞུ་གསོལ་འདི་ཡི་རྟེན་ཅིང་འབྲེལ་འབྱུང་ཁོ་ན་ལ། །བརྟེན་ནས་རིང་མིན་རྡོ་རྗེའི་གདན་ལ་བྱམས་མགོན་བཞིན། །ཁྱོད་ཀྱིས་བདག་སོགས་དམ་ཆོས་བདུད་རྩིས་ཚིམ་མཛོད་ཀྱེ། ། ༈ སརྦ་དཱ་ཤྲེ་ཡོ་བྷ་བ་ཏུ།། །། ༈

[edit]

rje btsun bla ma dkon mchog bstan pa rab rgyas dpal bzang po'i zhal snga la phul ba'i zhu yig__/ rje btsun bla ma dkon mchog bstan pa rab rgyas dpal bzang po'i zhal snga la phul ba'i zhu yig__/shrI bi dza yan+tu/___mkhyen gsum thos bsam rin chen gru bo la 'chel nas/___/nyams len sbyor bzhi'i chu gter chen po brgal ba'i mthar/___/chos sku yid bzhin nor bu'i gling du nyer rtsen pa'i/___/bka' drin zla bral rnam 'dren mchog gi zhabs pad+mor/___1_/rigs kyi sa bon mos pas brlan bcas sems bskyed dang /___/bskyod pa'i yal ga skyon med 'jug dang smin sbyong gi/___/me tog mdzes 'bar byang chub gzhan don 'bras lci ba/___/sngon med dpag bsam ljon pa mchog der 'di skad gsol/___2__/rtag chad rnam spangs dbus la'ang gnas pa'i sgrib bral bas/___/mtha' yi rtog pa rnam par 'byed pa'i ye shes ni/___/snying rje'i 'dzum dkar g.yo ba dang 'grogs rol mo yis/___/srid 'dir phan pa mtha' klas sgrub mdzad khyod gcig pu/___3__/khyad par bdag rgyud rmongs mun gyis zum ut+pal/___/chos can 'khor ba'i 'dam rdzab stug po las bslangs nas/___/chos nyid myang 'das sbrang rtsi'i 'bab stegs gcig gyur pa'i/___/dam chos snang ba cung zad thob 'di'ang khyod kyi drin/___4__/de slad shin tu gus pa yi/___/yid ni zla shel gsar ba la/___/phyogs pa'i ku mu dA dpal ltar/___/bsams bzhin gus spro'i 'dab rgya grol/___5_/sangs rgyas chos tshogs kun gyi ngo bo gcig gyur pa/____/sgrib bral khams las byang chub mchog gi sa brnyes nas/___/yon tan phrin las pha mtha' yas pa'i bdag nyid can/___/rdo rje'i chos bdun ngo bor bskal brgyar 'tsho gzhes gsol/__6_/de skad ma pham dgongs pa'i don la sbyar ba yi/___/zhu gsol 'di yi rten cing 'brel 'byung kho na la/___/brten nas ring min rdo rje'i gdan la byams mgon bzhin/___/khyod kyis bdag sogs dam chos bdud rtsis tshim mdzod kye/____/_!___sarba dA shre yo b+ha ba tu//___//__!_