JKW-KABUM-16-MA-031: Difference between revisions
No edit summary |
m (Text replacement - "Khyentse Metadata" to "Text") |
||
(4 intermediate revisions by 2 users not shown) | |||
Line 1: | Line 1: | ||
{{ | {{Text | ||
|classification=Tibetan Publications | |sectionheading=Yes|classification=Tibetan Publications | ||
|subclass=Tibetan Texts | |subclass=Tibetan Texts | ||
|fulltitletib=རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་། | |fulltitletib=རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་། | ||
Line 10: | Line 10: | ||
|collectiontitletib=མཁྱེན་བརྩེའི་བཀའ་འབུམ་ | |collectiontitletib=མཁྱེན་བརྩེའི་བཀའ་འབུམ་ | ||
|author='jam dbyangs mkhyen brtse'i dbang po | |author='jam dbyangs mkhyen brtse'i dbang po | ||
|editor= | |editor= | ||
|authortib=འཇམ་དབྱངས་མཁྱེན་བརྩེའི་དབང་པོ་ | |authortib=འཇམ་དབྱངས་མཁྱེན་བརྩེའི་དབང་པོ་ | ||
|editortib= | |editortib= | ||
|tibgenre=Literary Arts - sgrung yig dang snyan ngag | |tibgenre=Literary Arts - sgrung yig dang snyan ngag | ||
|terma=No | |terma=No | ||
Line 43: | Line 43: | ||
<onlyinclude> | <onlyinclude> | ||
{{TibP|༄༅། །རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་ཞེས་བྱ་བ་བཞུགས་སོ། ། | {{TibP|༄༅། །རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་ཞེས་བྱ་བ་བཞུགས་སོ། ། | ||
བྱམ༷ས་པ༷འི་ཐུགས་ནི་ཤིན་ཏུ་སྒེག་ཀྱང་མེ་ཏོག་མདའ་ཅན་མཛེས་པ་ཟུམ། །ཀུན༷་དགའི༷་གསུང་གིས་རྣམ་གྲོལ་སྟོན་ཀྱང་ཕྱིར་རྒོལ་སྤོབས་པའི་རྒྱུ་བ་འཆིང་། །མཚན་དཔེའི་མཛེས་སྐུ་གཅིག་པུ་ཉིད་མོད་དུ་མའི་གར་དུ་རྣམ་རོལ་པས། །ཡོངས་རྫོགས་བསྟ༷ན་པའི་ངོ་མཚར་འཛི༷ན་བཟོད་ཁྱབ་བདག་བླ་མས་ཤིས་པ་སྩོལ། །ངེས་གསང་སྡེ་སྣོད་རྒྱ་མཚོའི་གཞུང་ལུགས་ལ། །རྣལ༷་དུ་འབྱོར༷་པའི་མཁྱེན་རབ་སྣང་བ་ནི། །འཇ༷མ་དཔ༷ལ་གཞོན་ནུས་བྱིན་གྱུར་ངག་གི་དབང་། །ཕྱོགས་ལས་རྣམ་རྒྱལ་བཟ༷ང་པོའི༷་ཞབས་ཀྱིས་སྐྱོངས། །ཟད་མེད་མཐའ་ཀླས་ཆོས་ཕུང་རྒྱ་མཚོའི་ཁམས། །དབྱངས་བདུན་རྫོགས་པའི་རྒྱུད་མང་གླུར་ལེན་པ། །རྒྱལ་བ་ཀུན་ཡུམ་ཚངས་པའི་སྲས་མོ་ཡིས། །ངག་དང་ཡིད་ལ་སྤོབས་པའི་མཆོག་སྦྱིན་མཛོད། །དེ་ཡི་བྱིན་རླབས་ཉིན་མོའི་རྡུལ། །བཏུང་ལས་རྣམ་དཔྱོད་མཚར་སྡུག་ནི། །པདྨོ་བཞིན་དུ་རབ་རྒྱས་པ། །དབྱུག་པ་ཅན་ཞེས་བྱ་བ་བྱུང་། །གང་གིས་བརྩམས་པའི་ཚིག་རྒྱན་གྱི། །བསྟན་བཅོས་ནོར་བུའི་མེ་ལོང་ངོགས། །སྙན་ངག་གཟུགས་བརྒྱ་འཆར་བ་ཡིས། །འདི་ན་ཡིད་ཀྱི་ངལ་འཚོར་གྱུར། །དེ་སླད་དེ་དང་རྗེས་མཐུན་པའི། །དཔེར་བརྗོད་དཎྜིའི་རྒྱུད་མང་ནི། །དོན་མཐུན་ཕྱོགས་ཀྱི་བུ་མོ་ཡི། །རྣ་བའི་བཅུད་དུ་བསྒྲེང་ལ་ཕྱོགས། །འདིར་འཕགས་པའི་ཡུལ་གྱི་སློབ་དཔོན་ཆེན་པོ་དབྱངས་ཅན་མགྲིན་པར་ཆགས་པ་དཔལ་ལྡན་པཱ་ལ་ཤའི་དབྱུག་པ་འཆང་བའི་ཞབས་ཀྱི་རྗེས་སུ་འབྲང་བའི་ཚིག་རྒྱན་གྱི་དཔེར་བརྗོད་པ་ཅུང་ཟད་ཅིག་སྤྲོ་ན་གསུམ་སྟེ། ལེའུ་དང་པོ་ལས་བྱུང་བ་ཐུན་མོང་མ་ཡིན་པའི་རྒྱན་དང་། ལེའུ་བར་པར་ཐུན་མོང་པ་དོན་གྱི་རྒྱན་སོ་ལྔ་དང་། ལེའུ་ཐ་མར་སྒྲ་དང་གབ་ཚིག་གི་རྒྱན་སྐྱོན་བཅུ་སྤང་བ་དང་བཅས་པ་རྣམས་སོ། །དང་པོ་ལའང་ཤར་ལྷོའི་ལམ་སྲོལ་གྱི་ཡོན་ཏན་བཅུ་ལས། དང་པོ་སྦྱར་བའི་ཡོན་ཏན་ལ། ལ་ཡིག་ལ་བསྐོར་བའི་རྗེས་ཁྲིད་ཀྱི་བློས་གཽ་ཌཱ་བས་འདོད་པ། ལ་ལ་ཙམ་མིན་ལུས་ཅན་ཀུན། །ལམ་བདེན་ལུང་གིས་ལས་ཉོན་ལས། །ལེགས་སྲུང་ལམ་དང་ལམ་མིན་གྱི། །གདུང་བ་ལས་ཟློག་རྗེ་བླ་མ། །སྦྱོར་བ་ལྕི་བ་བེ་དརྦྷའི་འདོད་པ། གང་གིས་བསྐལ་མང་རྒྱ་མཚོ་རུ། །ཤས་ཆེར་གོམས་པའི་ཚོགས་གཉིས་ཀྱིས། །རབ་བསྐྲུན་མཚན་དཔེའི་ཕུང་པོ་ནི། །ངོ་མཚར་སྣང་བ་གསར་པས་སྒེག །གཉིས་པ་རབ་ཏུ་དྭངས་པའི་ཡོན་ཏན་ལ། བཻ་དརྦྷའི་འདོད་པ། ཐོས་པ་ཙམ་གྱིས་རྣ་བ་ལ། །ཀུན་དགའི་དགའ་སྟོན་དར་བབས་པ། །ཁྱོད་གསུང་ས་གསུམ་འགྲོ་བ་ཡི། །ངལ་འཚོའི་སླད་དུ་ཡུན་རིང་རྒྱུ། །གཽ་ཌཱ་བའི་འདོད་པ། ཚིག་གི་གཏེར་གྱུར་དོན་ལྡན་རོས། །འཁྱུད་པས་དཀར་མིན་ལས་བཅད་ནས། །དཔལ་དང་བདུད་རྩིའི་མཆོག་སྦྱིན་པ། །དམ་པའི་དབྱངས་ཀྱིས་ཕྱོགས་ཀུན་གཏམས། །གསུམ་པ་མཉམ་ཉིད་ཀྱི་ཡོན་ཏན་ལ། བཻ་དརྦྷའི་འདོད་པ། གཟོད་མ་ཉིད་ནས་རྣམ་དག་པའི། །འོད་གསལ་ལྷན་ཅིག་སྐྱེས་པའི་དབྱིངས། །སྒྲིབ་བྲལ་འབྲས་བུའི་ཁུར་ལྕི་བས། །ཀུན་དཀྲིས་རྒྱུར་བཅས་དྲུང་ནས་འབྱིན། །གཽ་ཌཱ་བའི་འདོད་པ། ཤིན་ཏུ་བརྩེ་བས་བརླན་པ་ཡི། །སྙིང་རྗེ་ཆེན་པོའི་ཟུར་མིག་གིས། །ཉེར་འཁྱུད་འགྲོ་ཀུན་ཐར་པའི་གྲོང་། འཁྲིད་པའི་གར་མཁན་ཁྱོད་དུ་བས། །བཞི་པ་སྙན་པའི་ཡོན་ཏན་ལ། བཻ་དརྦྷའི་འདོད་པ་ཚིག་མཚུངས་ཉེ་བའི་ཉམས། མ་སྨད་སྤོབས་པའི་དཔྱིད་དཔལ་ནི། །སྒྲ་དབྱངས་རྒྱ་མཚོའི་རྒྱུད་མང་ལ། །སྦྱར་བས་བློ་གྲོས་མཆོག་སྩོལ་ཕྱིར། །ཡང་ཡང་གྲགས་དཀར་ཡི་གེ་དགོད། །རྐང་པ་ལ་བསྐོར་བའི་རྗེས་ཁྲིད། རྒྱ་མཚོའི་འཇིང་ལྟར་དཔག་དཀའ་བའི། །རྒྱལ་བ་སྲས་བཅས་ལེགས་གསུང་དོན། །རྒྱས་པར་འཆད་པས་སྲིད་དང་ཞིའི། །རྒྱན་དུ་གྱུར་པའི་ངོ་མཚར་བཟུང་། །ཚིག་ལ་བསྐོར་བའི་རྗེས་ཁྲིད། ལུང་རིག་གིས་རེག་ཏམྦུ་རས། །རྩོད་ངག་རྩེར་འཛེགས་རྩེ་དགའ་ཡིས། །སྒྲིན་པོའི་བློ་ཡང་སྒྲིབ་པའི་སྒྲས། །ཕྱི་རྒོལ་ཕྱོགས་རྣམས་ཕྱི་ཕྱིར་ཁྲོས། །ཡི་གེ་རིང་པོར་བསྐོར་བའི་རྗེས་ཁྲིད། ཡིད་འཕྲོག་དོན་བཟང་མཁུར་ཚོས་སུ། །ཚིག་སྙན་ལི་ཁྲིའི་ཐིག་ལེ་ཡིས། །ཡོངས་སུ་བགོས་པའི་གཞུང་མང་པོ། །བརྩམས་པས་གཟུར་གནས་མཛའ་བོ་བཀུག །ཤར་པ་ཁོ་ནས་འདོད་པ། སྦྲང་རྩིའི་ཐིག་སྦྲེང་སྦྲང་རྩིའི་བུས། །སྦྲེལ་བའི་བནྡྷུའི་འཁྲིལ་ཤིང་བཞིན། །ཡོན་ཏན་རྒྱ་མཚོས་རབ་མཛེས་ཁྱོད། །བསྟོད་དོ་རྣམ་དཔྱོད་མཆོག་སྦྱིན་མཛོད། སྤང་བྱ་དོན་གྱི་གྲོང་པའི་ཚིག །ལང་ཚོ་རབ་རྒྱས་དགའ་མ་གང་། །མཐོང་བ་ཙམ་གྱིས་བཟོད་དཀའ་བའི། །འདོད་ཆགས་ཚེར་མས་གཟིར་བདག་ལ། །འཁྲིག་པའི་དགའ་སྟོན་མི་སྤྲོ་འམ། །སྤོང་བྱེད་ཀྱི་ཉམས་ཇི་ལྟར་སྦྱིན་པ། །གཏུམ་མོ་ཁྱོད་མིག་ཟུར་མདའ་ཡིས། །བཏབ་པས་ཡུན་རིང་མྱོས་བྱས་བདག །ངལ་གསོའི་མལ་དུ་བསླང་བའི་སླད། །ཀུན་དགའི་དུས་སྟོན་སྤྲོ་བར་འོས། །སྒྲའི་གྲོང་པ་ཚིག་གི་མཚམས་སྦྱོར་གྱིས་ཞུགས་པ། ངོ་མཚར་དམ་པའི་སྐྱེས་བུའི་རྟགས། །སྦོམ་པོར་གྱུར་པའི་གཞོན་ནུ་འདི། །ཤིན་ཏུ་ཡིད་འོང་བུ་མོ་མཚན། །བཟང་པོས་སྒེག་པའི་མཛའ་བོར་འོས། །ངག་ཚིག་གི་དོན་ལ་ཞུགས་པའི་གྲོང་པ། །ཨུཏྤལ་ཐིགས་པ་འཛག་པ་བཞིན། །རབ་མཛེས་མཚན་མ་དང་ལྡན་འགྲམ། །མེ་ཏོག་ཁ་འབྱེད་གསར་པ་ཡང་། །རྣ་རྒྱན་གྱི་ནི་ཟོལ་གྱིས་འོང་། །དམིགས་བསལ་སྐྱོན་མེད། རྨད་བྱུང་འཁོར་ལོའི་མཚན་མ་ཡིས། །སྒེག་པའི་འཇམ་མགོན་ཞབས་ཀྱི་རྡུལ། །རྡོ་རྗེའི་རེ་ཁཱ་ལ་འགོངས་པ། །འཇམ་མཉེན་པདྨའི་སྟན་ལ་བཀོད། །ལྔ་པ་ཤིན་ཏུ་གཞོན་པའི་ཡོན་ཏན་ལ། བཻ་དརྦྷའི་འདོད་པ། དབྱངས་ཀྱི་ཡན་ལག་རྒྱ་མཚོ་ཡིས། །འཁྱུད་པའི་ནོར་བུའི་རྒྱུད་མང་པོ། །སྙན་པར་བསྒྲེངས་པའི་ཚངས་སྲས་མ། །ཡིད་འོང་པདྨའི་ཚལ་དུ་སྒེག །གཽ་ཌཱ་བའི་འདོད་པ། གྲུ་འཛིན་རིར་དགྱེས་ཚེམས་དཀར་གྱི། །པུཎྜ་རཱི་ཀ་དར་བབས་པར། །མཁྱེན་གཏེར་འབྲས་ཁྱོད་འཁྲུངས་པའི་སྒྲས། །འགྲོ་མང་འཁྲུལ་པའི་གཉིད་ལས་བསྒྲལ། །དྲུག་པ་དོན་གསལ་གྱི་ཡོན་ཏན་ལ། ཤར་ལྷོ་དོན་མཐུན། །ངག་དབང་ལྷ་མོའི་ཞབས་པདྨོ། །ལྷར་བཅས་ཆེ་རྒུའི་ཟུར་ཕུད་ཀྱི། ཅོད་པན་རིན་ཆེན་འོད་འབར་བས། །རེག་པས་དམར་བའི་འཛུམ་ཟེར་འཕྲོ། །གཉིས་ཀས་སྐབས་འགར་འདོད་པ། རྒྱལ་ཡུམ་སཱ་ར་སྭ་ཏི་ཡི། །ཞབས་སེན་འཆར་ཀའི་འོད་རིས་ཅན། །ཕྱོགས་ཀྱི་བུ་མོའི་དད་གསུམ་གྱི། ཐོར་ཚུགས་ངལ་འཚོའི་སླད་དུ་རྒྱུ། །བདུན་པ་རྒྱ་ཆེ་བའི་ཡོན་ཏན་ལ། བཻ་དརྦྷའི་འདོད་པ། ཁྱོད་ཞབས་ཡིད་ཀྱི་ཆོ་ག་རུ། །ལན་གཅིག་ཙམ་ཞིག་བཀོད་པས་ཀྱང་། །སླན་ཆད་སྨྲ་མཁས་བྱེ་བ་ཡིས། །ཆོས་མཐུན་རྒོལ་བའི་སྤོབས་པ་ཟད། །གཽ་ཌཱ་པའི་འདོད་པ། ཨུཏྤལ་སྙེམས་དུད་པའི་མཚོར། །དལ་གྱིས་ཞུགས་པའི་སྒྲ་དབྱངས་ལྷ། །འཇམ་མཉེན་ཀཱ་ཤིའི་རེག་བྱ་དང་། །བཻཌཱུར་རྒྱན་མང་གཡོ་བས་མཛེས། །བརྒྱད་པ་བརྗིད་པའི་ཡོན་ཏན་ལ། གཽ་ཌཱ་བའི་འདོད་པ། ཡེ་ཤེས་རྨད་བྱུང་སྣང་བ་གསར། །སྙིང་རྗེ་ཆུ་སྐྱེས་དགོད་པ་དང་། །མཛའ་བ་རབ་རྒྱས་གྲགས་པ་མཆོག །མཐའ་ཀླས་གདུལ་བྱའི་རྣ་བར་བཀོད། །བཻ་དརྦྷའི་འདོད་པ། ཁྱོད་ཞལ་ཟླ་བ་གསར་པ་ལ། །ཟུར་མིག་རི་དྭགས་གཞོན་ནུ་ཡི། །འཇོ་སྒེག་ལྡན་པ་དེ་ཁོ་ན། །ཀུན་གྱི་ཡི་གར་གཅིག་ཏུ་འབབས། །དགུ་པ་མཛེས་པའི་ཡོན་ཏན་ལ། བཻ་དརྦྷའི་འདོད་པ་གཏམ་ལ་སྦྱར་བ། གང་ཞབས་བསོད་ནམས་བྱེ་བ་ཡིས། བསྐྲུན་པའི་རྡུལ་ཕྲེང་གིས་བཏབ་ཕྱིར། །ལྷོ་ཕྱོགས་རིག་འཛིན་དགའ་ཚལ་ཞེས། །བརྗོད་འདི་དོན་གྱི་སྙིང་པོས་ལྕི། །བསྔགས་པ་ལ་སྦྱར་བ། གནག་ཅིང་སྣུམ་པའི་དཔལ་ལྡན་པ། །དཀྱུས་རིང་སྤྱན་གྱི་ཟུར་མདའ་ཡིས། །ཡིད་བཞིན་འདོད་འཇོའི་རྣ་རྒྱན་ལས། །རིང་དུ་འགོངས་སོ་འཕགས་མ་ཀྱེ། །གཽ་ཌཱ་བའི་འདོད་པ་གཏམ་ལ་སྦྱར་བ། ཁྱོད་ཀྱི་རྨད་བྱུང་མཚན་དཔེའི་གཟིས། །མཚར་སྡུག་སྒྲུབ་པའི་པདྨོའི་རྫིང་། །རྡུལ་བྲལ་འོག་མིན་ཞིང་མཆོག་གི། །ངོ་མཚར་ལས་ཀྱང་ཆེས་ཆེར་བརྒལ། །བསྔགས་པར་སྦྱར་བ། མཉེན་ལྕུག་སོར་རྩེས་བསྣུན་པ་ཡི། །དབྱངས་བདུན་རྫོགས་པའི་རྒྱུད་མང་སྒྲ། །ཚངས་ཆེན་ཡིད་ཀྱིས་བཀོད་པ་ཡི། །ཕ་མཐའ་ནམ་ཡང་རྫོགས་མ་གྱུར། །བཅུ་པ་ཏིང་ངེ་འཛིན་གྱི་ཡོན་ཏན་ལ། སྤྱིར་བསྟན་པ། སྟེང་འཐུང་དཀར་པོས་ཉིན་མོའི་ཟེར། །བསྟེན་པས་མཆུ་སྒྲོས་ཟུམ་པ་དང་། །རབ་དྭངས་རྫིང་བུར་ཉེར་འཁྱུད་པའི། །ཡིད་བཟང་གཞོན་ནུའི་འཛུམ་བག་བྱེ། །བྱེ་བྲག་ཆོས་གཅིག་བཀོད་པ། ཟླ་ཤེལ་བསིལ་བས་སྐྱུགས་པ་ཡི། །སིམ་འོད་བཏུང་བའི་ཀུ་མུ་དཱས། །སྦྲང་རྩིའི་ཐིགས་པ་སྐྱུགས་པ་ནི། །སྤྲིན་གྱི་གྲུ་ཆར་སྐྱུགས་པ་བཞིན། །ཆོས་དུ་མ་བཀོད་པ། ཟེའུ་འབྲུའི་སོ་ཕྲེང་རབ་དགོད་པའི། །འབྲས་བུའི་ཁུར་ལྡན་འདམ་སྐྱེས་ཀྱི། །ཟིལ་མངར་ལེན་པའི་བུང་བའི་ཚོགས། །མྱོས་པའི་གླུ་དབྱངས་དར་དིར་སྒྲོགས། །འདིར་སྨྲས་པ། དངོས་དང་བཟློག་པའི་ལམ་སྲོལ་གཉིས་ཀྱི་བཞེད་གཞུང་སྣང་བའི་མུ་ཁྱུད་ཀྱིས། །ཡུན་རིང་དུས་ནས་ཅུང་ཟད་བཤེས་ལས་དཔེར་བརྗོད་ཨུཏྤལ་སར་པའི་འཛུམ། །ཅི་དགར་བྱེ་བའི་ངང་ཚུལ་འདི་ཡང་འཕགས་ཡུལ་མཁས་པའི་ལེགས་བཤད་ཀྱི། །རྗེས་སུ་འབྲངས་ཏེ་སྨྲས་པར་རློམ་ཕྱིར་བླུན་པོའི་ཡི་གེར་ཇི་ལྟར་འབབ། །དེ་ལས་བྱུང་བའི་དགེ་བ་ནི། ག་བུར་དོག་པ་ལ་འགོངས་པས། །འཁྲུལ་པའི་ཚ་གདུང་ཀུན་བསལ་ཏེ། །ཚིག་གི་ངལ་འཚོ་བསྟེན་པར་ཤོག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་ལས། ལམ་རྣམ་པར་ཕྱེ་བའི་སྐབས་ཏེ་དང་པོའོ།། །།བྱམ༷ས་པའི༷་བདུད་རྩིས་གཞར་ཡང་བཏང་མིན་སྙིང་རྗེ་ཆེན་པོའི་བརླན་ཆགས་པས། །ཆོས་འདུལ་ཁྲིམས་ཀྱི་གེ་སར་སྟུག་ལྡན་ཀུན༷་དག༷འི་མེ་ཏོག་འཛུམ་བཅས་འབར། །ཟུང་འཇུག་གྲུབ་པའི་སྙེ་མ་གཡུར་ཟ་ཡོངས་རྫོགས་བསྟན༷་འཛི༷ན་འཆི་མེད་ཚལ། །གཅིག་ཏུ་མཛེས་བྱེད་གྲགས་པ་དོན་ལྡན་དཔག་བསམ་དབང་པོས་དགེ་ལེགས་མཛོད། །སླར་ཡང་དོན་རྒྱན་ལས་བརྩམས་པའི། །དཔེར་བརྗོད་པུཎྜ་རཱི་ཀའི་ཕྲེང་། །རང་གཞན་མགྲིན་པའི་རྒྱན་གྱུར་སླད། །རྣམ་དཔྱོད་སོར་མོས་བསྟར་ལ་ཕྱོགས། །གཉིས་པ་ལེའུ་བར་པ་དོན་གྱི་རྒྱན་གྱི་ཡོངས་སུ་བཅད་པ་ལས་བྱུང་བའི་ཐུན་མོང་གི་རྒྱན་ལ་སུམ་ཅུ་རྩ་ལྔ་ལས། དང་པོ་རང་བཞིན་བརྗོད་པའི་མཚན་ཉིད་ནི། ཚིག་སྦྱོར་གང་ཞིག་དངོས་པོའི་གནས་ཚུལ་དེ་ཉིད་ཇི་ལྟ་བ་སྒྲོ་སྐུར་དང་བྲལ་བར་སྟོན་པའི་ངག་སྟེ། དབྱེ་ན་བཞི་ལས། དང་པོ་རིགས་ཀྱི་རང་བཞིན་བརྗོད་པ་ནི། མཐའ་ཀླས་ཚོགས་གཉིས་རབ་རྫོགས་ཤིང་། །ཡེ་ཤེས་དམ་པའི་ཕ་རོལ་སོན། །ཐབས་མཁས་ཕྲིན་ལས་རྨད་བྱུང་འདིས་སངས་རྒྱས་ཐམས་ཅད་ཀྱི་མཉམ་པའི་ཡོན་ཏན་གསུམ་བརྗོད་བྱར་བྱས་ནས་བསྔགས་པའོ། ། བ། །རྫོགས་སངས་རྒྱས་རྣམས་བསྔགས་འོས་ལྡན། །བྱ་བ་བརྗོད་པ། མཁྱེན་པས་ཤེས་བྱའི་མཐར་འགྲོ་ཞིང་། །བརྩེ་བས་ཁམས་གསུམ་ཡིད་ཅན་བཟུང་། །ནུས་པས་སྡེར་བཅས་བདུད་སྡེའི་དཔུང་། །ཕམ་མཛད་སྟོན་མཆོག་ཉི་མའི་གཉེན། །ཡོན་ཏན་བརྗོད་པ། །གང་གི་རྣམ་པར་ཐར་པ་ཡིས། །ཡིད་རབ་དྭངས་པའི་སྐལ་བཟང་ཀུན། །དད་པའི་སྤུ་ལང་གཡོ་དང་བཅས། །གུས་སྤྲོའི་བསྟོད་བསྔགས་བགྱིད་ལ་ཕྱོགས། རྫས་བརྗོད་པ། རབ་དཀར་མཚན་དཔེའི་མཚར་སྡུག་ཅན། །རྒྱལ་ཡུམ་རྡོ་རྗེ་དབྱངས་ལྷ་མོ། །བཻཌཱུར་རྒྱུད་མང་བརྡུང་བཞིན་དུ། །ལྷོ་ཕྱོགས་འོ་མཚོར་འཁྲུངས་བར་གྱུར། །གཉིས་པ་དཔེ་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་དཔེ་ཅན་དེ་དང་ཚུལ་རྗེས་སུ་མཐུན་པའི་དཔེ་ཇི་ལྟར་འོས་པ་དག་བཀོད་པས་གསལ་བར་བྱས་པའི་ངག་སྟེ། དབྱེ་ན་སུམ་ཅུ་རྩ་གཉིས་ལས། དང་པོ་ཆོས་དཔེ་ནི། གནོད་གནས་དབང་པོ་ཁྱོད་ཉིད་ཀྱི། །རྨད་བྱུང་གཟུགས་སྐུའི་དཀྱིལ་འཁོར་ནི། །གསེར་གྱི་ས་འཛིན་ཉི་འོད་དང་། །འགྲོགས་པ་ཇི་བཞིན་ཀུན༷་ཏུ༷་བརྗིད༷། །དངོས་པོའི་དཔེ། སྒྲ་དབྱངས་ལྷ་མོའི་འཛུམ་ཞལ་མཆོག །རྙོག་བྲལ་སྟོན་ཟླ་ལྟ་བུ་སྟེ། །མཆུ་སྒྲོས་ཡིད་ཙམ་བྱེ་བ་ཡང་། །བིམྦའི་ནགས་ཚལ་རྗེས་སུ་སྙེགས། །བཟློག་པའི་དཔེ། སེང་གེའི་གདོང་ཅན་མཚན་དཔེ་ལྟར། །ཆུ་སྐྱེས་སྔོན་པོ་ཉེ་བར་རྒྱས། །གང་གི་སོར་མོའི་དོག་པ་དང་། །རྗེས་མཐུན་བུང་བའི་རྩེ་དགའ་གཡོ། །ཕན་ཚུན་དཔེ། ཚངས་པའི་སྲས་མོའི་རྒྱུད་མང་བཞིན། །འཇམ་མགོན་བླ་མའི་ལེགས་བཤད་སྙན། །སྒྲ་དབྱངས་ལྷ་མོའི་ཕང་འགྲོ་ཡང་། །གང་གི་གསུང་གསང་དཔེ་ཟླར་འོས། །ངེས་པའི་དཔེ། རྣམ་མང་འདོད་འཇོའི་ཚིག་རྒྱན་གཞུང་། །ནོར་བུའི་ཆུ་གཏེར་ཆེན་པོ་ཡི། །རྗེས་སུ་འགྲོ་མོད་དེ་ལས་གཞན། །དཔེར་འོས་སྲིད་པའི་ཁོངས་འདིར་མེད། །ངེས་མེད་དཔེ། རབ་དམར་རིག་བྱེད་དགའ་མའི་ཞལ། །རེ་ཞིག་བནྡྷུ་ཛཱེ་བ་ཀར། །རིགས་མཐུན་གཞན་ཡང་དེ་འདྲ་བའི། །དངོས་འགའ་སྲིད་ནའང་མཚུངས་པར་རྟོགས། །བསྡུས་པའི་དཔེ། མཁས་ཁྱོད་གཙུག་ལག་རྒྱ་མཚོའི་གཞུང་། །གཟིགས་པ་ཁོ་ནས་ངག་དབང་ལྷའི། །རྗེས་སུ་རྐང་པ་འཇོག་མིན་ཏེ། །གྲུབ་པའི་ཡོན་ཏན་འདིས་ཀྱང་ངོ་། །ཕུལ་བྱུང་དཔེ། གང་སྐུ་བསིལ་ལྡན་ལྗོངས་སུ་སྟེ། །ཡེ་ཤེས་མེ་ལོང་གྲུབ་པའི་ཞིང་། །གཞན་དུ་བསྔགས་འོས་སྤངས་རྟོགས་ལ། །ཁྱད་པར་འདི་ཞེས་དམིགས་སུ་མེད། །རབ་རྟོག་དཔེ། ངག་དབང་ལྷ་མོའི་འཛུམ་ཞལ་མདངས། །ང་ལ་ཡོད་ཅེས་ཟླ་ཤེལ་གསར། །སྙེམས་པར་མ་བྱེད་ཀུ་མུ་དཱའི། །དགའ་ཚལ་ལ་ཡང་དེ་ཡོད་ཕྱིར། །རྨད་བྱུང་དཔེ། སྤྲིན་བྲལ་རི་བོང་འཛིན་པ་ལ། །མཚན་དཔེའི་མཚར་སྡུག་རབ་རྫོགས་ཤིང་། །མཉན་འོས་ལེགས་བཤད་སྩལ་མཁས་ན། །མིག་མི་འཛུམ་པའི་སྤུན་ཟླར་འོས། །རྨོངས་པའི་དཔེ། རྗེ་བཙུན་བླ་མའི་གཞན་ཕན་གྱི། །ཕྲིན་ལས་སྙིང་རྗེའི་ལྷ་རུ་འཁྲུལ། །སླར་ཡང་འཕགས་པའི་ལེགས་མཛད་ནི། །རྣམ་འདྲེན་གང་གི་སྤྱོད་པར་རྟོགས། །ཐེ་ཚོམ་དཔེ། ཅི་འདིས་ཡི་གདུ་བུའི་ཁྲོད། །རཿཡིག་གཉིས་པ་གཡོ་བ་འམ། །ཚངས་པའི་སྲས་མོའི་འཛུམ་ཞལ་ལ། །སྤྱན་ཟུང་རྣམ་པར་འཕྲུལ་པ་གང་། །གཏན་ཕེབས་དཔེ། འོན་ཀྱང་འཁོར་འདས་ལམ་གྱི་ཆོས། །རྒྱན་གསུམ་ངག་གིས་དྲངས་པའི་ཕྱིར། །སྟེང་འཐུང་དཀར་པོ་ཉིད་མིན་ཏེ། །དེས་ནི་སྙན་པར་སྨྲ་ནུས་སམ། །སྦྱར་བའི་དཔེ། རབ་དཀར་མགྲིན་པའི་དབྱངས་སྙན་ལྡན། །ཡིད་འོང་པདྨའི་རྫིང་བུ་རུ། །དལ་གྱིས་རྩེ་བའི་མཚོ་བྱུང་མ། །རཱ་ཛ་ཧཾ་ས། དང་བའི་རྒྱལ་པོ། ཉིད་དང་མཚུངས། །མཉམ་ཉིད་དཔེ། ཏམྦུ་ར་ཡི་ཆུང་མ་འདི། །པདྨ་ཅན་བཞིན་ཁྱབ་འཇུག་ཆུང་མ་དཔལ་མོ། ཡིད་འོང་ཞིང་། །ལུས་ཅན་སླུ་བར་བྱེད་མ་ལགས། །དེ་སླད་དོན་འབྲས་བྲལ་མ༷་ཡིན། །འདི་ཡང་། རྣལ་འབྱོར་མ་འདི་ལག་བརྐྱངས་བཞིན། །བྱ་བ་བྲལ་ཞིང་ནོར་མེད་པའི། །ལམ་ལ་ཞུགས་པ་ཕན་བདེའི་ཆོས། །ཕྲ་མོ་ཙམ་ཡང་འཛིན་མ་ལགས། །འདིར་རྣལ་འབྱོར་མ་ཞིག་དང་སྤྲང་པོ་ཞིག་སྦྱར་བ་སྟེ། དེ་ཡང་དང་པོ་ལྟར་ན་བྱ་བ་བྲལ་བ་གཉིས་ཀའི་ཆོས་ཐུན་མོང་དང་། དམིགས་བསལ་ཐར་ལམ་ནོར་བ་མེད་པ་ལ་ཞུགས་པས་གནས་སྐབས་ཕན་པ་དང་མཐར་ཐུག་བདེ་བའི་ཆོས་ཕྲ་ཞིང་ཕྲ་མོ་ཙམ་ཡང་འཛིན་པར་ནུས་མ་ལགས་སོ། །ཞེས་པ་དང་། ཕྱི་མ་ལྟར་ན་ནོར་མེད་པའི་དབུལ་པོའི་ལམ་དུ་ཞུགས་པས་འདི་དང་། ཕྱི་མའི་ཕན་བདེའི་ཆོས་ཕྲ་མོ་ཙམ་ཞིག་ཀྱང་འཛིན་པར་ནུས་པ་མ་ལགས་སོ། །ཞེས་གཅོད་མཚམས་ཐ་དད་པ་གཉིས་ཀྱིས་སྟོན་པའོ། །སྨད་པའི་དཔེ། ཟླ་ཤེལ་བསིལ་ཡང་ར་རིས་འཁྱུད། །ཉིན་བྱེད་གསལ་མོད་གདུང་བའི་ཕྱིར། །ཚུལ་དེས་མགོན་པོ་ཁྱོད་ཉིད་ཀྱི། །མཁྱེན་རབ་སྣང་བར་གཞལ་ནུས་མིན། །བསྔགས་དཔེ། ཡོངས་འདུ་ས་བརྟོལ་འདོད་དགུའི་དཔྱིད། །རྒྱ་མཚོ་རིན་ཆེན་དུ་མའི་མཛོད། །དེ་དག་ཉིད་དང་དམ་པ་གང་། །མཐའ་ཀླས་ཡོན་ཏན་ཕུང་པོ་མཉམ། །བརྗོད་འདོད་དཔེ། བདུད་རྩིའི་སྙིང་པོས་ལྕི་བ་འམ། །རྙོགས་པའི་མཚན་མས་བསླད་ཀྱང་རུང་། །དབྱངས་ཅན་ཁྱོད་ཞལ་ཟླ་ཤེལ་དང་། །མཚུངས་ཞེས་བརྗོད་འདོད་ཡིད་ལ་བརྣགས། །འགལ་བའི་དཔེ། འཇམ་དཔལ་མགོན་དང་འཕགས་མཆོག་ཀླུ། །འཁོན་རིགས་པཎ་ཆེན་ཀུན་དགའི་མཚན། །གཅིག་ཀྱང་རྣམ་པ་ཙམ་ཉིད་དུ། །ཕན་ཚུན་འགལ་བ་ཉིད་དུ་དྲན། །དགག་པའི་དཔེ། དུག་ཅན་བསྟི་གནས་ལས་འཐོན་ཅིང་། །རྣམ་པར་དཔྱོད་པའི་མཐུས་དབེན་ཕྱིར། །མནྡཱ་ར་ཡིས་ཁྱོད་ཞབས་ལ། །ཅུང་ཟད་ཙམ་ཡང་འགྲན་ནུས་མིན། །མཛེས་པའི་དཔེ། འཕགས་མཆོག་སྤྱན་སྟོང་འཇོ་སྒེག་དང་། །གང་ཉིད་འདྲེན་བྱེད་ཟུང་ལྡན་ཡང་། །མཐའ་ཀླས་འགྲོ་ལ་དུས་གསུམ་དུ། །གཟིགས་པའི་ཚུལ་ལ་མཚུངས་པ་ཉིད། །དེ་ཉིད་བརྗོད་དཔེ། འདི་ནི་ག་པུར་འཛིན་པའི་གཟུགས། །མ་ཡིན་ཕྱག་ན་པདྨོ་སྟེ། །རི་དྭགས་གཞོན་ནུའི་རི་མོ་ཡིས། །འཁྱུད་མིན་མཚན་དཔེའི་མཚར་སྡུག་གོ། ཐུན་མོང་མིན་པའི་དཔེ། །ཉིད་བྱེད་བྱེ་བའི་གཟི་བྱིན་ལས། །རིང་འདས་འཆི་མེད་མགོན་ཁྱོད་ཀྱི། །དཔེ་ཟླར་འོས་པ་རང་ཉིད་ལས། །གཞན་དུ་སྲིད་འདིར་རྙེད་མ་ལགས། །བྱུང་མིན་དཔེ། པུཎྜ་རཱི་ཀའི་སྙིང་པོ་ཀུན། །བྱེད་པོས་གཅིག་ཏུ་བསྡུས་པ་ལྟར། །ཡིད་འཕྲོག་མཚར་སྡུག་རྫོགས་པའི་དཔྱིད། །མི་ཟད་ཚིག་གཏེར་སྒྲ་དབྱངས་ལྷ། །སྲིད་མིན་དཔེ། ཉིན་བྱེད་ལས་བྱུང་བསིལ་བ་དང་། །ག་བུར་ཐིགས་པས་ཚ་གདུང་བཞིན། །རྣམ་འདྲེན་གང་གི་མཛད་བཟང་ལ། །ཚུལ་མིན་འབྱུང་བ་ཅང་སྲིད་དམ། །མང་བའི་དཔེ། མཚམས་སྤྲིན་གུར་གུམ་དགའ་ཚལ་དང་། །སིནྡྷུ་ཝཱ་རའི་ཕུང་པོ་ལྟར། །དམར་སེར་མཚན་དཔེའི་ལང་ཚོ་ཅན། །བློ་གྲོས་མཆོག་སྦྱིན་འཇམ་པའི་དཔལ། །རྣམ་འགྱུར་དཔེ། །མཁས་དབང་གང་གི་ལེགས་བཤད་གཏམ། །དབྱངས་ཀྱི་རྒྱལ་མོའི་རྒྱུད་མང་དང་། །ཡེ་ཤེས་མེ་ལོང་འཆར་བ་ཡི། །གསུང་གི་གསང་བ་ལས་བླངས་བཞིན། །ཕྲེང་བའི་དཔེ། ཟླ་བའི་ཟེར་བཞིན་དེ་ཡིས་ཀྱང་། །ཆུ་གཏེར་རྒྱས་བཞིན་དེའི་མཐུ་ཡིས། །རིན་ཆེན་རླབས་མང་འཕེན་པ་བཞིན། །འཇམ་མགོན་བླ་མས་ཐུབ་བསྟན་སྤེལ། །ངག་དོན་ལས་བཞིན་སྒྲ་གཅིག་པའི་དཔེ། གང་ཐུགས་ཟབ་གསལ་གཉིས་མེད་ཀློང་། །མཁྱེན་གཉིས་སྤོབས་པའི་གཏེར་གྲོལ་བ། །རྡུལ་བྲལ་སྟོན་གནམ་དག་པའི་འགྲམ། །ཉི་གཞོན་འཆར་ཀས་མཚོན་བཞིན་མཛེས། །བཞིན་སྒྲ་དུ་མ་ཅན། རྟ་ལྗང་ཅན་བཞིན་ཁྱོད་ཞལ་ལས། །འཛུམ་ཟེར་ཇི་བཞིན་སྡེ་སྣོད་བཅུད། །རབ་མཛེས་པདྨོ་ཇི་བཞིན་དུ། །བདག་གིས་འཐུང་ཞིང་འཐུང་ཞིང་སྙེགས། །ཟླ་བོ་དངོས་པོའི་དཔེ། ཕྱོགས་འདིར་མཁས་མཆོག་མང་བྱོན་ཀྱང་། །ད་ལྟ་གང་དང་མཚུངས་པ་སུ། །མཁའ་ལ་རྒྱུ་སྐར་གྲངས་མང་ཡང་། །མུན་སེལ་ཉི་མ་ལས་གཞན་དབེན། །མཚུངས་སྦྱོར་དཔེ། རྡོ་རྗེ་འཆང་ཆེན་འོག་མིན་གནས། །མགོན་ཁྱོད་ཨེ་ཝཾ་འདུས་གྲར་བཞུགས། །དེས་ནི་རྒྱུན་མཐའི་བྱང་སེམས་དང་། ཁྱོད་ཀྱིས་སྐལ་བཟང་སློབ་ཚོགས་སྐྱོང་། །རྒྱུ་ཡི་དཔེ། གང་སྐུ་མཛེས་པས་ཟླ་གཞོན་དང་། །གསུང་གསང་སྙན་པས་དྲི་ཟའི་གླུ། །ཐུགས་ནི་ཟབ་ཅིང་རྒྱ་ཆེ་བས། །འཆི་མེད་ལམ་གྱི་ཕང་པར་འཛེགས། །དཔེའི་སྐྱོན་སེལ་ལས་རྟགས་ཐ་དད་ཀྱང་སྐྱོན་མེད་པ། སྨྲ་མཁས་ཁྱོད་ཀྱི་ཚིག་སྦྱོར་ནི། །ཚངས་པའི་སྲས་མོའི་ངག་ལྟར་སྙན། །མཚོ་བྱུང་སྒེག་མོའི་བློ་མཆོག་ཀྱང་། །འཇམ་དཔལ་གཞོན་ནུའི་རྗེས་སུ་བྱེད། །ཚིག་ཐ་དད་ཀྱང་སྐྱོན་མེད་པ། གང་གི་ཕྲིན་ལས་གཅིག་པུ་ཡིས། །རྒྱལ་ཀུན་ཐུགས་རྗེའི་ནུས་པ་འཇུག །མཐའ་ཀླས་སྤོབས་པའི་རོལ་སྒེག་ཀྱང་། །སྤྲིན་བྲལ་ནམ་མཁའི་ཐིག་ལེར་མཚུངས། །དཔེ་དོན་མཆོག་དམན་གྱུར་ཡང་སྐྱོན་མེད་པ། གཙུག་ལག་གཞུང་བརྒྱར་གཟིགས་ཁྱོད་བཞིན། །འཇམ་མགོན་དྲི་མེད་མཁྱེན་པ་རྒྱས། །སྲིད་པར་འཁྲུངས་ཀྱང་སྲིད་པའི་དྲིས། །གོས་མིན་འདམ་སྐྱེས་པདྨོས་མཚོན། །དེ་རྣམས་ཀྱང་སྦྱོར་མ་ཤེས་ན་སྐབས་འགར་སྐྱོན་དུ་འགྱུར་པ། གྲོང་ཁྱེར་མ་ལྟར་ཐབས་མཁས་ཀྱི། །སྤྱོད་པ་རྒྱུ་སྐར་ཚོགས་བཞིན་མཛེས། །མེ་ཁྱེར་ལྟ་བུའི་ལུང་རིག་གི། །སྣང་བས་ཚངས་པའི་བློ་ཡང་འགོགས། །བར་འདིར་མཚུངས་པ་གསལ་བྱེད་ཀྱི་སྒྲ་དྲུག་ཅུ་རྩ་ལྔ་དང་སྦྱོར་བའི་དཔེར་བརྗོད་པ་ལོགས་སུ་བྲིས་པ་ལས་རྟོགས་པར་བྱའོ། །གསུམ་པ་གཟུགས་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དཔེ་དང་དཔེ་ཅན་ཐ་དད་དུ་མ་བྱས་པ་དོན་དེ་ཉིད་དཔེའི་གཟུགས་སུ་བཀོད་པའི་ངག་སྟེ། དབྱེ་ན་ཉི་ཤུ་ལས། དང་པོ་བསྡུས་པའི་གཟུགས་ཅན། ཚོགས་གཉིས་ཆུ་གཏེར་གཏིང་ཡངས་པོར། །རྨད་བྱུང་གཟུགས་སྐུ་དཔག་བསམ་དབང་། །གཞན་ཕན་གྲིབ་བསིལ་སྟུག་ལྡན་པ། །འགྲོ་ཀུན་ངལ་འཚོར་འཁྲུངས་དེར་བསྔགས། །མ་བསྡུས་པའི་གཟུགས་ཅན། མཁྱེན་པའི་ཨུཏྤལ་རྒྱས་གྱུར་ཁྲོད། །བྱམས་བརྩེའི་ཟིལ་མངར་རྟག་པར་འབབ། །ནུས་མཐུའི་དྲི་བསུང་རིང་སྤྲོ་བས། །འདི་ན་ཀུན་དགའི་དཔྱིད་དུ་དར། །བསྡུས་ཤིང་མ་བསྡུས་པའི། མང་ཐོས་ལོ་འདབ་རབ་གཡོ་ཞིང་། །བསམ་བྱུང་རིག་ལམ་མེ་ཏོག་འབར། །སྒོམ་སྤངས་འཕགས་པའི་འབྲས་བུར་བཅས། །ཐམས་ཅད་གཟིགས་པའི་ཚལ་དུ་མཛེས། །མཐའ་དག་གཟུགས་ཅན། ཕྲ་ལྡེམ་མཛེས་སྐུའི་ཆུ་བ་ལ། །འཛུམ་ཞལ་པདྨོ་མངོན་པར་གཡོ། །སྤྱན་རས་བུང་པའི་འཕུར་ལྡིང་ཅན། །མཚོ་བྱུང་དཔག་བསམ་འདི་ན་འཁྲུངས། །ཆ་ཤས་གཟུགས་ཅན། གཙུག་ལག་གཞུང་བརྒྱ་སྨྲ་ཁྱོད་ཀྱི། །མཆུ་སྒྲོས་བིམྦའི་སྙིང་པོ་ལས། །ལེགས་བཤད་བཅུད་བཟང་སྦྱིན་པ་ཡིས། །གཟུར་གནས་ཡི་གར་སིམ་པ་སྟེར། །ཆ་ཤས་ཅན་གཟུགས། གང་གི་མཁྱེན་དཔྱོད་ཆུ་གཏེར་ཆེར། །རྣམ་མང་ཕྱི་ནང་རིག་པའི་གཞུང་། །ཕ་མཐའ་ཡས་པ་འཛིན་བཟོད་པའི། །གྲགས་སྙན་ཁོར་ཡུག་ཀུན་ཏུ་ཁྱབ། ཡན་ལག་གཅིག་གཟུགས། འདྲེན་མཆོག་ཁྱོད་ཞབས་ནོར་བུའི་ཏོག །ཚངས་སོགས་ཆེ་རྒུ་ཐམས་ཅད་ཀྱི། །འདར་ལྡན་ཐོར་ཚུགས་གཡོ་བ་ཡིས། །མངོན་པར་བསྟེན་པའི་ངང་ཚུལ་འཛིན། །སོགས་ཁོངས་ནས་བྱུང་བ་གཉིས་གཟུགས། རྗེ་བཙུན་མྱུར་མ་དཔའ་མོ་ཡི། །སྐྱོད་བྱེད་ཡལ་ག་རིང་བརྐྱངས་པར། །སྐྱབས་སྦྱིན་ཕྱག་རྒྱའི་པདྨོའི་ཚལ། །ཡིད་འཕྲོག་མིག་གི་དཔྱིད་དུ་སྒེག །གསུམ་གཟུགས། ཁྱོད་ཐུགས་འཆི་མེད་རྫིང་རིང་དུ། །མཁྱེན་གཉིས་ཟླ་ཤེལ་ཆ་རྫོགས་ཤིང་། །གཞན་ཕན་ཕྲིན་ལས་སིམ་འོད་འབུམ། །སྤྲོ་བའི་ཚུལ་དེར་སུ་མི་གུས། །ལྡན་གཟུགས། འཕགས་མ་ཡིད་བཞིན་འཁོར་ལོ་ཡི། །ཐུགས་རྗེའི་ཀཏྤུར་དབང་པོ་ལས། །འཆི་མེད་བདུད་རྩིའི་ཟེར་སྤྲོ་བས། །ཚེ་དཔལ་འབྱོར་པའི་ཀུ་མུད་རྒྱས། །ལྡན་མིན་གཟུགས། འཇིགས་བྲལ་དཔལ་ལྡན་བིརཱུ་པས། །བརྟུལ་ཞུགས་གྲུབ་པའི་བྱིན་ཟ་ཡིས། །སྐལ་བཟང་སྙིང་ལ་ཀུན་དགའི་རོ། །སྦྱིན་པའི་ཆོ་ག་ཅིར་ཡང་དར། །མི་མཉམ་པའི་གཟུགས། རིག་བྱེད་ཌཱ་ཀིའི་འཛུམ་ཞལ་གྱི། །སྨིན་འཁྱོགས་བུང་པའི་ཟློས་གར་དང་། །ཟུར་མིག་མཚམས་སྤྲིན་གསར་བའི་མདས། །ཁམས་གསུམ་འགྲོ་བའི་ཡིད་དབང་ཕྲོགས། །ཁྱད་འཕགས་གཟུགས། འཕགས་པའི་ཞབས་སེན་ཏོང་ཀུན་གྱི། །ས་སྤྱོད་ཆུ་གོས་རྩེར་བཀོད་པས། །བསིལ་ལྡན་དོགས་བྲལ་ཙཱི་ནའི་ལྗོངས། །དགའ་སྙོན་རྒྱལ་མཚན་ཛ་ཡནྟུ། །འདིར་འཕགས་པ་རིན་པོ་ཆེ་དང་རྒྱལ་བུ་གོ་དན་མཆོད་ཡོན་ལ་སྦྱར་བ་སྟེ་རྣམ་པ་གསལ་ལོ། །འགལ་གཟུགས། རིན་ཆེན་འབྱུང་གནས་མ་བསྲུབས་ཤིང་། །ལེགས་བྲིས་ཚལ་དུའང་འཁྲུངས་མིན་པའི། །མི་བདག་ཁྱོད་ཚུལ་དཔག་བསམ་གྱིས། །བདག་སོགས་དབུལ་བའི་གདུང་བ་བསལ། །རྒྱུའི་གཟུགས། གང་ཐུགས་བསམ་སྤྱོད་ཕ་མཐའ་ཡས། །བརྒལ་བས་འཆི་མེད་རྫིང་རིང་སྟེ། །བློ་གྲོས་སྣང་བས་ཉིན་བྱེད་དང་། །འདོད་འབྱུང་བསམ་འཕེལ་དབང་པོའང་ལགས། །སྦྱར་གཟུགས། རྣམ་འདྲེན་གང་ཞབས་ཆུ་སྐྱེས་ཚལ། །རཱ་ཛ་མིའི་རྒྱལ་པོ་དང་ངང་པའི་རྒྱལ་པོ་སྒྲ་སྦྱར། ཧཾ་ས་ལ་སོགས་ཀྱིས། །བསྟེན་བཞིན་ལྷར་བཅས་འགྲོ་བའི་ཡིད། །གཅིག་ཆར་འཕྲོགས་དོན་སྦྱར། པར་བྱེད་ལ་དབང་། །དཔེ་གཟུགས། ཧེ་རུ་ཀཿདཔལ་ནག་པོ་ཆེའི། དམར་ཟླུམ་སྤྱན་རས་ཉིན་མོར་བྱེད། །ཐུན་མཚམས་སྤྲིན་གྱིས་སྒེག་པ་ཡི། །ཤར་གྱི་ཐིག་ལེར་ལྷག་པར་འགྲན། །བཟློག་གཟུགས། ངང་མོའི་ཚོགས་ཀྱིས་ས་རྫིང་དང་། །བདག་གིས་ཁྱོད་ཞབས་པད་རྫིང་བསྙེན། །དེ་ནི་རྫབ་ཀྱིས་དཀྲིགས་པ་སྟེ། །འདི་ནི་རབ་དྭངས་ཀུན་དགའི་དཔྱིད། །འགོག་གཟུགས། རྣམ་འདྲེན་ཟས་གཙང་སྲས་པོ་ཡི། །ཐུགས་རྗེ་བདུད་རྩིའི་ཟེགས་མ་ཡིས། །ཡིད་སྲུབས་དཔུང་ཚོགས་མྱོས་བགྱིད་ཕྱིར། །བདེ་འབྱུང་དངོས་པོར་ཅི་ཕྱིར་རྟོགས། །མཉམ་འཇོག་གཟུགས། འཇམ་མགོན་མཁྱེན་པའི་ཉི་གཞོན་གྱིས། །ཁོ་བོ་བློ་གྲོས་སིམ་སྟེར་བ། །གང་གི་བྱིན་རླབས་ཁོ་ནའི་མཐུ། །མ་ལགས་བདག་རང་སྐལ་བས་ཀྱང་། །གཟུགས་ཅན་གྱི་གཟུགས་ཅན། ཚུལ་ཁྲིམས་ནམ་མཁའི་བུ་མོའི་འགྲམ། །ཏིང་འཛིན་ཉི་ཟླའི་རྣ་རྒྱན་དང་། །འགྲོགས་པའི་ཤེས་རབ་འོད་འཛུམ་པས། །དཔྱོད་ལྡན་ཚོགས་ཀྱི་ཡིད་དབང་འཕྲོག །བསྙོན་དོར་གཟུགས། གང་སྐུ་མ་ལགས་དཔལ་གྱི་དུམ། །གསུང་མིན་དབྱངས་ཅན་ཏམྦུ་ར། །ཁྱོད་ཐུགས་མ་ལགས་རྒྱལ་ཀུན་གྱི། །ཡེ་ཤེས་ཕུང་པོ་ཉིད་དུ་ངེས། །བཞི་པ་གསལ་བྱེད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རིགས་ལ་སོགས་པའི་སྒྲ་རྐང་བཞིའི་གནས་གང་རུང་དུ་ཡོད་པ་ངེས་ཚིག་གཞན་རྣམས་ཐམས་ཅད་གསལ་བར་བྱེད་པའི་ངག་སྟེ། དབྱེ་ན་བཅུ་དྲུག་ལས། དང་པོ་རིགས་བརྗོད་པ་ཐོག་མའི་གསལ་བྱེད་ནི། སྲས་བཅས་རྒྱལ་བས་ཐབས་མཁས་ཀྱི། །སྤྱོད་ཡུལ་ཉམས་པ་མེད་པ་ཡིས། །འགྲོ་ལ་ཕན་བདེ་རབ་སྒྲུབ་པའི། །དམ་བཅའི་རི་མོ་སྙིང་ལ་བཀོད། །བྱ་བ་ཐོག་གསལ། མཛེས་པར་བྱས་སོ་ཨུཏྤལ་ནགས། །རྐང་པ་དྲུག་པའི་མགྲིན་གླུས་ཏེ། །སྐལ་བཟང་སློབ་མའི་འཁོར་ཚོགས་ཀྱང་། །ཁྱོད་ཀྱི་ལེགས་པར་བཤད་པས་སོ། །ཡོན་ཏན་ཐོག་གསལ། དམར་སེར་ཉིད་དོ་དགའ་བའི་ཚལ། །གུར་གུམ་རྒྱས་པའི་འཇོ་སྒེག་དང་། །ཨེ་ཝཾ་ཆོས་ལྡན་འདུས་པའི་གྲྭ། །རིག་གྲོལ་ངུར་སྨྲིག་འཛིན་པས་ཀྱང་། །རྫས་ཐོག་གསལ། རི་བོང་འཛིན་པས་གོ་ལའི་ལམ། །བགྲོད་ནས་ལུས་ཅན་ཚ་གདུང་ཀུན། །སིམ་འོད་ཟག་པས་རབ་བཅོམ་སྟེ། །ཕུན་ཚོགས་ཀུན་དགའི་སྣང་བ་འབར། །རིགས་བར་གསལ། སྡུག་བསྔལ་གསུམ་གྱིས་མནར་བ་ཡི། །སྲིད་པའི་ཁམས་ལ་རྗེས་བརྩེ་བའི། །འཕ༷གས་པ༷་མཆོ༷ག་རྣམས་མཛད་པ་ཡིས། །ནམ་ཡང་སེམས་ཅན་བསླུ་མི་སྲིད། །བྱ་བ་བར་གསལ། དབེན་པའི་ཚལ་འདི་ཐར་འདོད་ཀྱི། །སྙིང་ལ་ཡིད་འོང་གྲོག༷ས་སུ་འགྱུར༷། རི་དྭགས་གཞོན་ནུའི་ཚོགས་རྣམས་ཀྱང་། །རྩེ་བའི་གཉེན་འཁོར་ཚུལ་དུའོ། །ཡོན་ཏན་བར་གསལ། འབྲས་ལྡན་དུས་ཀྱི་མཁའ་དབྱིངས་སུ། །ཤར་བའི་རྡུལ་གྱི་ཐིག་ལེའི་གཟུགས། །ར༷བ་དཀར༷་ཉིད་དོ་ལྷོ་ཕྱོགས་མཚོར། །ཚངས་པའི་བུ་མོའི་མཚན་དཔེ་ཡང་། །རྫས་བར་གསལ། བྱིས་པའི་ཚོགས་ཀྱི་མགུལ་རྒྱན་དང་། །སྦྲང་རྩིའི་བུ་ཡི་ཁམ་ཟས་ཀྱང་། །ཨུ༷ཏྤལ༷་སྟེ་རྟེན་གསུམ་ཕྲེང་། །མཆོད་པའི་ཉེར་སྤྱོད་དག་ལ་ཡང་། །འདི་ཡང་། །མཚོ་བྱུང་མཛེས་པའི་ཕྱག་སོར་གྱིས། །དལ་གྱིས་བསྐུལ་བའི་ཏམྦུ་ར༷ར། །དབྱངས་ཀྱི་ཡན་ལག་རྒྱ་མཚོ་ཡི། །སྙན་འགྱུར་ཟད་མི་ཤེས་པས་འཁྱུད། །རིགས་མཐའ་གསལ། ལ་ལ་ནགས་ཀྱི་ལྗོངས་སུ་སྟེ། །འགའ་ཞིག་བར་སྣང་ཡངས་པོར་འཁོར། །ཕལ་ཆེར་པདྨའི་རྫིང་བུ་རུ། །དགའ་བས་རྩེན་པ་འད༷བ་ཆགས་ཚོགས། །བྱ་བ་མཐའ་གསལ། ལེགས་བྲིས་ལྗོན་པས་འདོད་རྒྱུ་དང་། །སྤྲིན་དུས་ཆར་གྱི་མེ་ཏོག་སྟེ། །རྣམ་འདྲེན་འཇམ་མགོན་བླ་མ་ལས། །བདག་སོགས་བློ་གྲོས་འཕེ༷ལ་བར༷་བྱས༷། །ཡོན་ཏན་མཐའ་གསལ། ཐུན་མཚམས་སྤྲིན་གྱིས་མེ་ཞལ་ལམ། །བནྡྷུ་ཛཱི་བས་ས་གཞིའི་ཁྱོན། །འཕགས་ཚོགས་འདུས་པའི་ངུར་སྨྲིག་གི། །འོད་ཀྱིས་ཕྱོགས་རྣམ༷ས་ཀུན༷་ཏུ༷་དམ༷ར། །རྫས་མཐའ་གསལ། གང་ཞིག་ཁྱོད་ཞབས་ལ་རེག་པས། །ཚུལ་མིན་རྒུད་པ་ཀུན་བསྲུངས་ནས། །ཕུན་ཚོགས་གྲུབ་པའི་དཔལ་སྦྱིན་པ། །བདུད་སྡེའི་གཤེད་མ་སྟག༷་ཞོན༷་ཆེ། །ཕྲེང་བའི་གསལ་བྱེད། དབྱངས་ཅན་ཐུགས་རྗེས་བདག་གི་བློ། །རྒྱས་ཤིང་དེ་ཡིས་ཚིག་རྒྱན་གཞུང་། །འཛིན་བཟོད་དེས་ཀྱང་སྙན་ངག་གླུར། །འཇོ་བས་དཔྱོད་ལྡན་དགའ་སྟོན་དར། །འགལ་དོན་གསལ་བྱེད། རྒྱལ་ཡུམ་རྡོ་རྗེ་རྣལ་འབྱོར་མའི། །བྱིན་རླབས་སྙིང་དབུས་འཕོས་མ་ཐག །འདོད་ལ་སྲེད་པ་རིང་བཅད་ནས། །གཞན་ཕྱིར་རྗེས་ཆགས་འཇུག་པ་འཕེལ། །དོན་གཅིག་གསལ་བྱེད། སྨྲ་མཁས་ཕྱོགས་ལས་རྣམ་རྒྱལ་བ། །འཁོན་རིགས་མཧཱ་པཎྜི་ཏས། །ཆོས་དོན་ངེས་ཚིག་སྤོབས་པའི་མཐུས། །ཆེར་རློམ་ཚོགས་རྣམས་ཁེངས་པ་འཕྲོག །འདི་ཡང་། རྣམ་འདྲེན་ཁྱོད་ཀྱི་མཁྱེན་རབ་ཀྱིས། །ཤེས་བྱའི་གནས་ཀུན་ཇི་བཞིན་གཟིགས། །ཉོན་མོངས་ཚོགས་རྣམས་ཡོངས་སུ་བཅོམ། །དེང་ཡང་བདག་ཅག་རྨོངས་པ་འཕྲོག །སྦྱར་བའི་གསལ་བྱེད། ཡིད་འོང་དཀར་མཛེས་མིག་གི་དཔྱིད། །དབྱངས་སྙན་རྣ་བའི་བཅུད་ལེན་ཅན། །ཚངས་སྲས་རིག་འཛིན་དགའ་ཚལ་དང་། །མལླི་ཀཀྵ་པད་མཚོར་སྒེག །ལྔ་པ་བསྐོར་བ་ཅན་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་གསལ་བྱེད་ཀྱི་གནས་ཐོག་མཐའ་བར་གསུམ་དུ་བརྗོད་བྱ་རྗོད་བྱེད་གཉིས་ཅི་ལྟར་རིགས་པ་ཟློས་པས་དོན་སྟོན་པར་བྱེད་པའི་ངག་སྟེ། དབྱེ་ན་གསུམ་ལས། དང་པོ་དོན་བསྐོར། དཔྱིད་ཀྱི་དཔལ་མོས་ཨུཏྤལ་དང་། །ཟླ་ཤེལ་བསིལ་བས་ས་སྦྱིན་དགོད། །ནམ་མཁའི་ནོར་བུས་རེག་པ་ཡིས། །མཚམས་ཀྱི་སྤྲིན་པའི་མེ་ཏོག་རྒྱས། །ཚིག་བསྐོར། ཁྱོད་སྐུ་བསོད་ནམས་བརྒྱ་ཡིས་མཚན། །སྐལ་དམན་རྣམས་ཀྱིས་མཇལ་མཐོང་བར་དཀའ། བར་དཀའ། །གང་ཐུགས་ཏིང་འཛིན་སྒོ་བརྒྱ་ཡང་། །སོ་སྐྱེའི་བློ་ཡིས་འཇལ་དཔག་པར་དཀའ་བ། པར་དཀའ། །འདི་ཡང་། གང་གི་ཚུལ་ཁྲིམས་ཕུང་པོ་ནི། །ཡོངས་སུ་མ་ཉམས་མོད་མི་དམའ། །ངོ་མི་དམའ་བའི་དོན། །རྨད་བྱུང་རིག་དང་གྲོལ་བ་ཡི། །ཡོན་ཏན་མཐའ་ཀླས་མོད་མི་ཉུང་བའི་དོན། མི་དམའ། ཚིག་དོན་གཉིས་ཀ་བསྐོར་བ། ཡོངས་འཛིན་དམ་པའི་ལེགས་བཤད་ཀྱིས། །བདག་གི་རྣམ་དཔྱོད་གསལ་བར་བྱས། །ཁོ་བོའི་འཆད་རྩོད་རྩོམ་པས་ཀྱང་། །དོན་མཐུན་བློ་གྲོས་གསལ་བར་བྱས། །དྲུག་པ་འགོག་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དོན་གཅིག་དགག་པའི་ཤུགས་ལས་གཅིག་ཤོས་སྒྲུབ་པར་བྱེད་པའི་ངག་སྟེ། དབྱེ་ན་ཉི་ཤུ་རྩ་གསུམ་ལས། དང་པོ་བྱུང་བ་འགོག་པ་ནི། པདྨ་སཾ་བྷ་གཅིག་པུ་ཡིས། །གངས་ལྗོངས་འབྱུང་པོ་ཀུན་བཏུལ་ཅེས། །བདེན་པར་མི་སྲིད་འོན་ཀྱང་ནི། །གྲུབ་པའི་རྣམ་ཐར་བསམ་མི་ཁྱབ། །ད་ལྟ་འགོག་པ། མཚོ་བྱུང་ཁྱོད་ཀྱི་ཕྱག་སོར་གྱིས། །བཻཌཱུར་རྒྱུད་མང་བསྒྲེངས་འདིས་ཅི། །གང་གསུང་རྣམ་པ་ཐམས་ཅད་པར། །དབྱངས་བདུན་ཡན་ལག་རྫོགས་མིན་ནམ། །འབྱུང་འགྱུར་འགོག་པ། ཁྱོད་ཞབས་རྩེ་གཅིག་བསྙེན་པ་ལ། །དགྱེས་པའི་འཛུམ་ཞལ་མི་སྟོན་ན། །ཕྱིས་ནས་ལོག་ལྟའི་མཐུས་བསླད་པས། །ནམ་ཡང་གུས་པ་སྐྱེ་མི་འགྱུར། །ཆོས་འགོག་པ། བརྟན་པའི་འཁོར་ལོའི་ཡེ་ཤེས་ཀྱིས། །ཀུན་ལ་སྣང་བ་སྟེར་ཅེས་བརྫུན། །བདེན་ན་མེ་ཏོག་མདའ་ཅན་དཔུང་། །མུན་པའི་མལ་དུ་ཅི་ཕྱིར་འཆིང་། །ཆོས་ཅན་འགོག་པ། སྒྲ་དབྱངས་ལྷ་མོའི་བཞིན་རས་ལ། །ཟིམ་བུའི་སྤྱན་དཀྱུས་ལྡན་ནམ་མིན། །དཔག་པར་དཀའ་སྟེ་འོད་སྣང་གི། རོལ་སྒེག་ཙམ་ལས་བེམ་ཆོས་མིན། །རྒྱུ་འགོག་པ། ས་སྤྱོད་ཁྱོད་ཀྱི་འཇིགས་རུང་གི། གཡུལ་གྱི་དཔུང་ཚོགས་བཤམ་གྱུར་ཀྱང་། །བདག་གིས་ལུགས་ལས་འདས་པའི་ཚུལ། །མ་སྤྱད་ཕྱིར་ན་སེམས་མི་གཡོ། །འབྲས་བུ་འགོག་པ། ཡོངས་འཛིན་མཁས་པའི་ལེགས་བཤད་གཏམ། །མང་ཐོས་བརྩོན་པས་འབད་བྱས་ཀྱང་། །ད་དུང་ཕྱོགས་རེའི་རིག་པའི་གཞུང་། །རྟོགས་པར་མ་གྱུར་འདི་ཅི་ཞིག །རྗེས་གནང་འགོག་པ། གྲུབ་བརྙེས་མཆོག་ཁྱོད་མཁའ་སྤྱོད་ཞིང་། །ཉུལ་བར་བཞེད་ན་དེ་བཞིན་མཛོད། །འདི་ན་མཆིས་པའི་སློབ་འབངས་ཚོགས། །གདུང་བས་ཡུན་རིང་འཚོ་མི་འགྱུར། །དབང་གིས་འགོག་པ། གཙུག་ལག་ཀུན་གཟིགས་དམ་པ་གང་། །གང་དུ་གཤེགས་ཀྱང་གེགས་བྲལ་ཞིང་། །རྨད་བྱུང་གྲགས་པའི་དཔལ་ཐོབ་མོད། །འོན་ཀྱང་ལྗོངས་འདིར་རྟག་བཞུགས་ཤིག །མ་གུས་འགོག་པ། བདག་ནི་རྩེ་གཅིག་སྒྲུབ་ལ་མོས། །རྣམ་གཡེངས་སྤྱོད་ལ་དེ་ལྟར་མིན། །གྲོགས་ཁྱེད་གསན་ནམ་མི་གསན་ཀྱང་། །རང་གི་ཚུལ་ཙམ་མོལ་བར་ཟད། །ཤིས་བརྗོད་འགོག་པ། མགོན་ཁྱོད་འོག་མིན་བགྲོད་དགོངས་ན། །བཞེད་པ་ཇི་བཞིན་འགྲུབ་གྱུར་ཅིག །བདག་ཅག་རྣམས་ཀྱང་མི་རིང་བར། །ཞབས་སེན་ནོར་བུར་རེག་པར་སྨོན། །རྩུབ་མོས་འགོག་པ། མི་དབང་གང་ཉིད་གཤེགས་བདེན་ཚེ། །རྒྱལ་ཐབས་འཛིན་པ་གཞན་འགའ་ཚོལ། །བརྩེ་བས་སྐྱོང་བའི་བློན་འབངས་རྣམས། །ཡུལ་མཐར་འཁྱམས་ལས་གཞན་དུ་ཅི། །གྲོས་ཀྱིས་འགོག་པ། འཕགས་ཁྱོད་ཞི་བདེར་ཐུགས་ཕྱོགས་ན། །མྱུར་བ་ཉིད་དུ་སྐབས་དབྱེ་གསོལ། །ཕྱིས་ན་དད་ལྡན་འདུས་པ་ཡིས། །གདུང་བའི་ཚིག་གིས་གཙེར་གྱིས་དོགས། །འབད་པས་འགོག་པ། མཛའ་བོ་དགྱེས་པ་བསྒྲུབ་སླད་དུ། །བག་མེད་མཛོད་ཅེས་གདམས་འདོད་ཀྱང་། །ངེས་འབྱུང་བློ་ཡིས་བསླབ་གཞིའི་ཁྲིམས། །ཟུང་ཞེས་བརྗོད་ལ་ཅི་བྱར་ཡོད། །གཞན་དབང་གིས་འགོག་པ། མཛེས་མ་ཁྱོད་ཀྱི་རྩེ་དགའི་དཔྱིད། །མགྲོན་དུ་གཉེར་ཞེས་བསྐུལ་ཐོས་མོད། །བདག་ཡིད་བཅས་པའི་བརྟུལ་ཞུགས་ཀྱི། །དབང་གྱུར་འདི་དང་འགྲོ་བར་འོས། །ཐབས་ཀྱིས་འགོག་པ། རེ་ཞིག་གང་གི་བསམ་པ་དང་། །རྗེས་མཐུན་ཉམས་སུ་མྱང་བར་བགྱི། །ཚུལ་ལས་འཆལ་བའི་སྡིག་པའི་རྒྱུན། །གསོ་བྱེད་སྨན་མཆོག་ཅུང་ཞིག་སྩོལ། །ཁྲོ་བས་འགོག་པ། བཤེས་གཉེན་མཆོག་ཁྱོད་ཡུལ་གཞན་དུ། །དགོངས་པ་གཏོད་པའི་ཚུལ་མཐོང་ན། །སྙིང་བརྩེ་བྲལ་བ་གང་གི་སླད། །བཞུགས་པར་གནང་ཡང་བདག་ལ་ཅི། །སྙིང་རྗེས་འགོག་པ། རང་གི་སྤྱད་དམ་གཞན་ལ་ཡང་། །སྦྱིན་པའི་ཡན་ལག་མ་བཀྱངས་པར། །དུས་མིན་སྐྱིན་ཐང་འཁྲུགས་པའི་མདུན། །ཡིད་འོང་ལོ་ཏོག་ཉམས་པར་གྱུར། །འགྱོད་པས་འགོག་པ། ཐོས་དང་བསམ་པའི་བགྱི་པའམ། །རྩེ་གཅིག་མཉམ་པར་མ་བཞག་པར། །དལ་རྟེན་འབྲས་བུས་སྟོང་པ་ཡི། །ངང་ཚུལ་འཆི་ཁའི་དུས་ན་མཐོང་། ཐེ་ཚོམ་འགོག་པ། ཅི་འདི་ཤར་གྱི་ཐིག་ལེའམ། །སྒྲ་དབྱངས་ལྷ་མོའི་མཚན་དཔེ་གང་། །འོན་ཀྱང་རབ་སྙན་ཏམྦུརཿ བསྒྲེང་ཕྱིར་ག་བུར་འཛིན་པ་མིན། །སྦྱར་བས་འགོག་པ། ཐོས་པས་རྣ་བར་ཀུན་དགའི་ཚེ། །སྦྱིན་པའི་ཉམས་འགྱུར་ཡོངས་རྫོགས་པའི། །ཁྱོད་གསུམ་རྒྱུད་མང་འདི་ཡོད་ཕྱིར། །འཕང་འགྲོ་གཞན་གྱིས་ཅི་ཞིག་བྱ། །དོན་གཞན་འགོག་པ། གང་ཐུགས་ཐམས་ཅད་མཁྱེན་བརྙེས་ཀྱང་། །ད་དུང་རིག་གཞུང་ཚོལ་འདིས་ཅི། །དེ་ལྟར་ན་ཡང་བུང་བའི་ཚོགས། །སྦྲང་རྩིས་ཚིམ་པའི་གོ་སྐབས་གང་། །རྒྱུས་འགོག་པ། མཚོ་སྐྱེས་བླ་མས་བསིལ་ལྗོངས་ཀྱི། །བསྟན་འགྲོར་སྨན་ལ་ཅི་ཞིག་བསྔགས། །སྲས་བཅས་རྒྱལ་བའི་དགོངས་གཅིག་གིས། །ལས་འདི་ཆེད་དུ་བྱིན་མིན་ནམ། །བདུན་པ་དོན་གཞན་བཀོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་དངོས་པོ་དེ་གང་ཡང་རུང་བ་དམ་བཅའི་ཚུལ་དུ་སྔོན་ལ་བཀོད་ནས། སླར་དེ་ཉིད་སྒྲུབ་པར་ནུས་པའི་དོན་གཞན་བརྗོད་པར་བྱས་པའི་ངག་སྟེ། དབྱེ་ན་བརྒྱད་ལས། དང་པོ་ཀུན་ཁྱབ་ཀྱི་དོན་གཞན་བཀོད་པ། ཁྱོད་ཐུགས་ཟབ་ཞི་སྤྲོས་བྲལ་ཕྱིར། །ཕྱོགས་དང་ཆ་ལས་རྣམ་གྲོལ་ཏེ། །འཆི་མེད་ལམ་གྱི་ཕ་མཐའ་ཡི། །ངེས་པ་སུ་ཡིས་བརྗོད་པར་ནུས། །ཁྱད་པར་ལ་གནས། ཁུར་ལ་མི་བརྩེགས་ནོར་འཛིན་མས། །འཇིག་རྟེན་ཁམས་འདི་འདེགས་ལ་བརྩོན། །རང་དོན་བྲལ་ཡང་རྒྱལ་སྲས་རྣམས། །གཞན་ཕྱིར་རྟག་ཏུ་འཇུག་པ་ཉིད། །སྦྱར་བའི་དོན་གཞན་བཀོད་པ། ཡིད་འཕྲོག་སཱ་ར་སྭསྟི་ཡིས། །འགྲོ་ལ་ཀུན་དགའི་མཆོག་སྟེར་བྱེད། །གཉིས་སོ་དང་འདབ་ཆགས་དང་བྲམ་ཟེ་སོགས་ལ་འཇུག །སྐྱེས་ཕྲེང་བས་རབ་སྒེག་ཕྱིར། །མིག་གི་བདུད་རྩིར་གྱུར་མིན་ནམ། །འགལ་བ་ཅན། མཁས་ཁྱོད་སྟོབས་འབྱོར་སྙན་གྲགས་ཀྱིས། །དམན་ཡང་དཔྱོད་ལྡན་ཚོགས་རྣམས་སྡུད། །པདྨོ་འདམ་ལས་སྐྱེས་གྱུར་ཀྱང་། །ལུས་ཅན་ནམས་ཀྱིས་ཉེ་བར་བརྟེན། །མི་འོས་པའི་དོན་གཞན་བཀོད་པ། མིག་མི་འཛུམ་པའི་སྙིང་རྗེའི་མཐུས། །དྲངས་པའི་ལེགས་བཤད་དབྱངས་སྙན་ཀྱང་། །སྒྲ་འཛིན་ཚེར་མ་ཉིད་གྱུར་པའི། །ཡིད་སྲུབས་རྣམས་ཀྱི་སྡིག་འདི་འདྲ། །འོས་པའི་དོན་གཞན་བཀོད་པ། འཆི་མེད་མགོན་པོའི་འོད་ཟེར་གྱིས། །ཉི་བུའི་ཚོགས་ཀུན་གདུང་བར་བྱེད། །འཆར་ཀའི་ཉི་གཞོན་གཟི་བྱིན་ལས། །རྒྱལ་ཕྱིར་རིགས་ཤིང་འོས་པར་དྲན། །འོས་ཤིང་མི་འོས་པ། ལུས་མེད་ཕྱོགས་ཀྱིས་མནར་བྱེད་ཀྱང་། །རྒྱལ་བའི་ཐུགས་རྗེས་ཅི་ཕྱིར་འཆིང་། །རབ་འབར་བསྲེག་ཟ་བྱེད་པའི་ལས། །ཙནྡན་ཆུ་ཡིས་འོས་སམ་ཅི། །མི་འོས་ཤིང་འོས་པ། བྱམས་པའི་བདུད་རྩིས་ཡིད་མྱོས་ན། །སྡང་བའི་སེམས་ཀྱིས་ཅི་སྟེ་མིན། །ཨུཏྤལ་རེག་པས་རྩུབ་གྱུར་ན། །ཚེར་མའི་ཁྲོད་དུ་འཇམ་མི་འགྱུར། །བརྒྱད་པ་ལྡོག་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཐོག་མར་དཔེ་དོན་མཚུངས་ཆོས་བཅས་བཀོད་པ་ཉིད། ཕྱི་ནས་དེ་གཉིས་ཀྱི་ལྡོག་ཆ་སོ་སོར་ཕྱེ་བའི་སྒོ་ནས་ཐ་དད་དུ་སྟོན་པའི་ངག་སྟེ། དབྱེ་ན་བཅུ་ལས། དང་པོ་གཅིག་གིས་ལྡོག་པ། ཡིད་འོང་དག་པའི་ཨ་མྲྀ་ཏཿ ཉེ་འཁོན་བྲལ་བ་སྤྲོ་བ་ཡིས། །འཕགས་མཆོག་ཟླ་ཤེལ་མཚུངས་ཐ་དད། །ཁྱོད་ཞལ་འཕེལ་འགྲིབ་བྲལ་འདིས་སོ། །གཉིས་ཀྱིས་ལྡོག་པ། ཆུ་ཡི་གཏེར་དང་གང་གི་ཐུགས། །རབ་ཡངས་གཏིང་ཟབ་མཉམ་གྱུར་མོད། །རིན་ཆེན་འབྱུང་ལྡན་འཛིན་ཁྲིའི་གནས། །ཉིད་ཐུགས་ཡོན་ཏན་རྒྱ་མཚོའི་དཔྱིད། །སྦྱར་བའི་ལྡོག་པ། ཁྱོད་ཀྱི་ཞབས་དང་མནྡཱར། །ལྷར་བཅས་འདོད་འཇོ་བསིལ་སྦྱིན་པས། །མཚུངས་ཀྱང་ཡོངས་འདུ་འཆི་མེད་ཚལ། །གང་ཞབས་སྲིད་གསུམ་བླ་ན་བརྗིད། །འགོག་པ་ཅན། སྨོན་པའི་དངོས་པོ་ཀུན་སྩོལ་ཞིང་། །ཕུན་ཚོགས་སྣང་བས་ཉེར་འཁྱུད་ཀྱང་། །མཁྱེན་གཉིས་གཟིགས་པས་རིང་བཏང་ཕྱིར། །ནོར་བུས་གང་ཚུལ་གཞལ་ནུས་མིན། །གཏན་ཚིགས་ཅན། ཐབས་མཁས་འཇུག་པས་ཕྱོགས་ཀུན་ལས། །རྣམ་རྒྱལ་གྲགས་པའི་དཔལ་འཛིན་ཡང་། །སྲིད་པའི་མཚོ་ལས་མ་བརྒལ་ཕྱིར། །ཐ་གུའི་ལྟོ་ཅན་ཁྱོད་ལས་དམན། །རྟེན་གྱི་དབྱེ་བའི་ལྡོག་པ་ཅན། གང་གི་སྨིན་པའི་རོལ་སྒེག་དང་། །སྦྲང་རྩིའི་ཟས་ཅན་རབ་གཡོ་བ། །འདྲེན་བྱེད་དེ་ནི་ཁྱོད་གདོང་དང་། །བུང་བ་པད་མཚོར་རྩེན་པས་སོ། །དཔེ་ཅན་ལྷག་པ། ཆུ་སྐྱེས་དཀར་པོར་སྤྱན་རས་དང་། །འཛུམ་བཅས་མཆུ་སྒྲོས་མི་ལྡན་ཞིང་། །འཇིག་རྟེན་དབང་ཕྱུག་ཁྱོད་ཞལ་ནི། །ཕུན་ཚོགས་ཆོས་དེ་དག་གིས་མཛེས། །མཚུངས་ཆོས་འབྱེད་བྱེད་གཉིས་ཀ །ཁྱོད་ཀྱི་མཚན་དང་ཉིན་མོའི་དཔལ། །མུན་སེལ་ཀུན་དགའི་གཉེན་གྱུར་ཀྱང་། །སྣང་བྱེད་འོད་རྣོན་འབུམ་སྤྲོ་ཞིང་། །གང་མཚན་ཐར་པའི་སྙིང་པོས་ལྕིད། འབྱེད་བྱེད་ཅན། འཇམ་མགོན་མ་ཧཱ་ཙཱི་ན་དང་། །སྙིང་རྗེའི་དབང་ཕྱུག་བསིལ་ལྗོངས་སྐྱབས། །ཏོང་ཀུའི་རྒྱལ་ཁམས་ནོར་མང་ཞིང་། །གངས་ཅན་ཆོས་ཀྱི་ལོངས་སྤྱོད་ལྡན། །རིགས་མཐུན་ལྡོག་པ་ཅན། ཐུན་གསུམ་མཐུ་ཡིས་མི་འཕྲོགས་ཤིང་། །ཆུ་ཁུར་ཅན་གྱིས་སྒྲིབ་མིན་པའི། །ཡེ་ཤེས་ལས་བྱུང་ཁྱོད་ཞབས་ཀྱི། །སྣང་བས་མུན་སྟུག་འགོག་པར་བྱེད། །དགུ་པ་སྲིད་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་འདོད་ཀྱི་དངོས་པོ་དེ་སྒྲུབ་པར་བྱེད་པའི་རྒྱུ་འཇིག་རྟེན་ན་ཡོངས་སུ་གྲགས་པ་ལས་བཟློག་ནས། རྒྱུ་གཞན་ཅུང་ཟད་ཙམ་མམ་རང་གི་ངོ་བོ་ཉིད་ཀྱི་མཐུས་གྲུབ་པར་སྟོན་པའི་ངག་སྟེ། དབྱེ་ན་གསུམ་ལས། དང་པོ་ཕྱི་དུས་ལ་སྦྱར་བ་ནི། མ་བཙུགས་ཀིངྴུ་ཀ་ཡི་འགྲམ། །བོས་མིན་ཁུ་བྱུག་མྱོས་པའི་ཚོགས། །བསྐུལ་བ་མིན་པར་སྙན་འགྱུར་གླུ། །སྒྲོགས་བྱེད་དཔྱིད་ཀྱི་དུས་སྟོན་དར། །ནང་ལང་ཚོ་ལ་སྦྱར་བ། མ་ཕྱིས་རབ་ཏུ་དྭངས་པའི་སྐུར། །བྲིས་མིན་མཚན་དཔེའི་རི་མོ་འབར། །ཆེད་དུ་མ་བྱས་མཚར་སྡུག་གིས། །ལྷར་བཅས་ཡིད་འཕྲོག་འཇམ་པའི་དཔལ། །རང་གི་ངོ་བོ་ཙམ་སྟོན་པ། མ་བསླབ་ཆོས་རྣམས་ཀུན་མཁྱེན་ཅིང་། །རྒྱུ་མཚན་མེད་པར་ཡིད་སྲུབས་དགྲ། །འདྲིས་མིན་ཁམས་གསུམ་ལུས་ཅན་གྱི། །མཛའ་བཤེས་གཅིག་གྱུར་ཤཱཀྱའི་ཏོག །བཅུ་པ་བསྡུས་བརྗོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་བྱའི་དོན་ཇི་ལྟར་རིག་པ་ལ་ཉེ་བར་དམིགས་ནས་དེ་དང་ཚུལ་མཐུན་པའི་དངོས་པོ་གཞན་ཞིག་བསྡུས་པའི་ཚུལ་གྱིས་བརྗོད་པའི་ངག་སྟེ། དབྱེ་ན་བཞི་ལས། དང་པོ་སྤྱིའི་བསྡུས་བརྗོད་ནི། འགའ་ཞིག་འོད་རྣོན་མཛེས་འབར་བའི། །ནོར་བུའི་སྒྲོན་མེ་རིང་དོར་ནས། །རི་མོར་བྲིས་པའི་སྣང་གསལ་ལ། །མུན་སེལ་དངོས་པོ་རེ་བ་མཐོང་། །ཁྱད་གཞི་ཐ་དད་ཁྱད་ཆོས་གཅིག་པའི་བསྡུས་བརྗོད། གཟོད་ནས་བཤེས་པའི་ས་བོན་ལས། །ལེགས་འཁྲུངས་ཡལ་འདབ་མཐོར་སྙེགས་ཤིང་། །ཡིད་འོང་མེ་ཏོག་འཛུམ་དགོད་པའི། །རྐང་པས་འཐུང་འདི་བདག་གིས་རྙེད། །ཁྱད་ཆོས་ཐ་དད་ཐ་མི་དད་པ། ཤིན་ཏུ་དཀར་བའི་སྙིང་པོ་ལ། །བདུད་རྩིའི་ཟེར་བརྒྱས་ཡོངས་གཏམས་པ། །ཡོན་ཏན་མཐའ་ཀླས་ཟླ་ཤེལ་མཆོག །འདི་ན་བསོད་ནམས་མགྲོན་དུ་ཤར། སྔོན་མེད་བསྡུས་བརྗོད། །སྨད་འོས་འདམ་ལས་སྐྱེས་མིན་ཞིང་། །རྙོག་པའི་རྡུལ་མང་དང་བྲལ་བའི། །ཀུན་དགའི་དཔྱིད་གྱུར་སྦྲང་རྩི་འཛིན། །ལེགས་བཤད་དཔུང་བས་བདག་གིར་བྱས། །བཅུ་གཅིག་པ་ཕུལ་བྱུང་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་བྱ་བའི་དངོས་པོ་དེ་ཉིད་ཀྱི་གནས་ཚུལ་འཇིག་རྟེན་ན་ཇི་ལྟར་གྲགས་པའི་མཚམས་ལས་བརྒལ་བར་གྱུར་པའི་རྣམ་འགྱུར་གྱིས་མཛེས་པར་བྱས་པའི་ངག་སྟེ། དབྱེ་ན་བཞི་ལས། ཁྱད་འཕགས་བརྗོད་པའི་ཕུལ་བྱུང་། །ཟླ་མདོག་དར་གྱི་ཤམ་ཐབས་དང་། །པུཎྜ་རཱི་ཀའི་དོ་ཤལ་བཅས། །རབ་དཀར་འོད་འཕྲོ་སྒྲ་དབྱངས་ལྷ། །བསིལ་ཟེར་ཅན་དབུས་མཚོན་མ་ཡིན། །ཐེ་ཚོམ་ཕུལ་བྱུང་། གྲུ་འཛིན་རི་ལ་དགྱེས་ཁྱོད་ཀྱིས། །ཐར་པའི་གྲོང་དུ་འཁྲིད་མིན་པའི། །སྲིད་ན་ལུས་ཅན་སུ་ཞིག་ཅེས། །བདག་བློ་སོམ་ཉིའི་དྲྭ་བར་ཚུད། །ངེས་པ་ཕུལ་བྱུང་། འོན་ཀྱང་སྙིང་རྗེའི་སྤྱན་རས་ཟུང་། །ད་དུང་གཞར་ཡང་མི་ཟུམ་པས། །བསྒྲལ་བར་བྱ་བའི་སེམས་ཅན་ཁམས། །ཇི་སྙེད་ཡོད་ཅེས་རྟོགས་པར་ནུས། །གྲགས་པ་ཕུལ་བྱུང་། པདྨ་སཾ་བྷའི་ཡོན་ཏན་ལྕིད། །དཔག་ནུས་མིན་ཡང་འདེགས་བཟོད་ཕྱིར། །བསིལ་ལྡན་ལྗོངས་ཀྱི་ནོར་འཛིན་མའི། །སྙིང་སྟོབས་ཤིན་ཏུ་ཨེ་མ་བརླིང་། །བཅུ་གཉིས་པ་རབ་རྟོག་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སེམས་ལྡན་ནམ་སེམས་མེད་ཀྱི་དངོས་པོ་གང་ཡང་རུང་བ་ཞིག་རང་གི་གནས་ཚུལ་ལས་གཞན་དུ་སྒྲོ་བཏགས་ནས་བརྗོད་པའི་ངག་སྟེ། །དབྱེ་ན་དོན་གྱི་སྒོ་ནས་གཉིས་དང་། སྒྲའི་སྒོ་ནས་དྲུག་ཏུ་འགྱུར་བ་ལས། དང་པོ་སེམས་ལྡན་རབ་རྟོག་སྙམ་སྒྲ་ཅན། འཇིགས་བྲལ་དཔལ་ལྡན་དཎྜིའི་ཞབས། །ཡེ་ཤེས་མེ་ལོང་འཆང་བའི་སྐུར། །འཁྲུལ་ནས་ཚངས་པའི་སྲས་མོ་ཡིས། །མགྲིན་པར་དལ་གྱིས་འཁྱུད་པ་སྙམ། །སེམས་མེད་རབ་རྟོགས་དོགས་སྒྲ་ཅན། །མིག་སྨན་མདོག་མཚུངས་ནག་པོ་ཆེའི། གཟི་བྱིན་འགྲན་ལ་སྐྲག་གྱུར་ནས། །སྲོད་མུན་ཆར་སྤྲིན་འཁྲིགས་པ་ཡང་། །འཆི་མེད་ལམ་དུ་བྲོས་པར་དོགས། །ངེས་སྒྲ་ཅན། འཇམ་མགོན་འཁོན་རིགས་པཎྜི་ཏའི། །མཁྱེན་པའི་དོ་ཟླར་མ་བཟོད་ནས། །འཇིག་རྟེན་གསུམ་གྱི་མགོན་པོ་ཡང་། །མཁའ་སྤྱོད་ཞིང་དུ་ཉུལ་བར་ངེས། །འདྲ་བའི་སྒྲ་ཅན། སྨྲ་མཁས་ཁྱོད་ཀྱི་ལེགས་བཤད་གཏམ། །མཉན་པའི་སྐལ་བཟང་བསྒྲུབ་སླད་དུ། །འཇིག་རྟེན་མེས་པོ་ཚངས་པ་ཡང་། །ཐོས་འཛིན་བརྒྱད་དུ་སྤྲུལ་པ་འདྲ། །མིན་ནམ་སྒྲ་ཅན། སྟོབས་བཅུ་མངའ་བའི་ཡེ་ཤེས་དང་། །འགྲན་པའི་ནུས་པ་ཕྲ་གྱུར་ནས། །མེ་ཏོག་མདའ་ཅན་དཔུང་དང་བཅས། །ལུས་མེད་ཟོལ་གྱིས་ཞུགས་མིན་ནམ། །བཞིན་སྒྲ་ཅན། ཕྱོགས་ལས་རྣམ་པར་རྒྱལ་བའི་མཆོག །ཆོས་ཀྱི་གྲགས་པའི་རྩོད་ངག་ལ། །འཇིགས་ཏེ་ངང་བའི་བུ་མོ་ཡང་། །ལྷོ་ཕྱོགས་རོལ་མཚོར་བསྟི་བ་བཞིན། །བཅུ་གསུམ་པ་རྒྱུའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བྱེད་པ་པོ་ཇི་ལྟར་རིགས་པ་དེ་ཡི་རྒྱུ་བྱས་ནས་འབྲས་བུ་དངོས་ཤུགས་གང་རུང་ལ་སྟོན་པར་བྱེད་པའི་ངག་སྟེ། དབྱེ་ན་བཅུ་དྲུག་ལས། དང་པོ་སྐྱེད་བྱེད་ཀྱི་རྒྱུ། སྒྲ་དབྱངས་ལྷ་མོའི་སོར་མོ་ཡིས། །བརྡུངས་པའི་བཻཌཱུར་རྒྱུད་མང་ལས། །ཕུན་ཚོགས་སྙན་འགྱུར་འབུམ་གཡོ་བས། །སྐལ་བཟང་ཀུན་དགའི་ཚོར་བ་སྐྱེད། །ཉམས་བྱེད་རྒྱུ། དཔལ་ལྡན་ནཱ་ག་རྫུ་ན་ཡིས། །མཐའ་བྲལ་དབུ་མའི་གཞུང་ཟབ་མོས། དངོས་པོར་སྨྲ་བའི་ཕྱོགས་རྣམས་ཀྱི། །དམ་བཅའ་ཉམས་པར་བྱེད་ལ་དབང་། །རྣམ་པར་འགྱུར་པའི་རྒྱུ། གཞན་ཕྱིར་སྙིང་རྗེས་རབ་བརླན་པའི། །རྨད་བྱུང་ཐེག་ཆེན་བདུད་རྩིའི་སྒོ། །གཅིག་ཏུ་ཕན་དང་བདེ་བ་ཡང་། སྐལ་དམན་བསམ་པའི་དུག་ཏུ་བྱས། །འཐོབ་བྱེད་རྒྱུ། ཁོ་བོ་དབེན་པར་བགྲོད་འདོད་ཚེ། །བཤོལ་འདེབས་གཏམ་གྱིས་བསྐུར་བརྩམས་ཀྱང་། །ངེས་པར་འབྱུང་བའི་གཞན་དབང་གིས། །ཚུལ་དེ་ནམ་ཡང་བཟློག་མ་གྱུར། །ཕྱིའི་དུས་ཤེས་བྱེད་རྒྱུ། རྒྱ་མཚོའི་གོས་ཅན་ཁྱོན་ཡོངས་པོར། །ཡིད་འོང་སྐྱེད་ཚལ་རྒྱས་པའི་ཁྲོད། །རྐང་དྲུག་མྱོས་པའི་གླུ་ལེན་ཚེ། །ངལ་གསོའི་དགའ་སྟོན་སྤྱོད་ལ་རྒྱུ། །ནང་ཤེས་བྱེད་ཀྱི་རྒྱུ། རྣམ་འདྲེན་ཁྱོད་ཀྱི་ཐུགས་བརྩེ་བས། །རྟག་པར་བདག་ཅག་རྗེས་བཟུང་བ། །འཛུམ་ཞལ་རྒྱས་པའི་མཆུ་སྒྲོས་ལས། །ཕན་པའི་བསླབ་བྱ་སྤྲོ་འདིས་རྟོགས། །སྔ་ན་མེད་པའི་དངོས་རྒྱུ། དྲི་མེད་གཞུང་མང་མ་བསྒྲུབས་ཤིང་། །རྩེ་གཅིག་མཉམ་པར་བཞག་མིན་པས། །ཚུལ་མིན་རྒུད་པ་ཐམས་ཅད་ཀྱིས། །མནར་བར་གྱུར་འདི་ཀྱེ་མ་སྐྱོ། །ཞིག་ནས་མེད་པའི་བྱེད་རྒྱུ། ཡུལ་ལ་ཆགས་པའི་རྣམ་གཡེངས་དང་། །ཀུན་རྨོངས་འཆིང་བ་རིང་བཅད་པས། །མཐའ་ཀླས་སྡེ་སྣོད་རྒྱ་མཚོ་ལ། །ཞུགས་པའི་བློ་གྲོས་ངང་གིས་འཕེལ། །ཕན་ཚུན་མེད་རྒྱུ། མཁས་ཁྱོད་ཆགས་ལྡན་ལུས་ཕྲ་མིན། །གང་གསུང་སླུ་བྱེད་འཁྲིག་ཚིག་མིན། །ཐབས་མཁས་མཛད་པ་གཡོ་སྒྱུའི་ཚུལ། །མ་ལགས་དེ་ཕྱིར་སྙིང་ནས་དད། །སྤངས་ནས་མེད་པའི་བྱེད་རྒྱུ། ཡོངས་རྫོགས་ཤེས་བྱའི་གཞུང་ལུགས་ལ། །འཁྲུལ་པའི་སོམ་ཉི་ཡོད་མ་ཡིན། །རྒྱུ་དེས་རྒྱལ་སྲས་མཆོག་རྣམས་ཀྱི། །ཕུལ་བྱུང་ཡོན་ཏན་ངང་གིས་འཕེལ། །བཟློག་པ་སྐྱེད་བྱེད་ཀྱི་རྒྱུ། པད་དཀར་འཆང་བས་གངས་ཅན་ལྗོངས། །ཐུགས་རྗེས་མ༷་བཟུང་པ་མི༷ན་ན། །ཆོས་ཀྱིས་ཕོངས་པའི་སྐལ་ངན་གྱི། །གདུང་བ་ཐམས་ཅད་ནུབ་པར་གྱུར། །རིང་འབྲས་རྒྱུ། འཇམ་མགོན་ཀུན་དགའི་མཚན་ཅན་གྱིས། །འཕྲོག་བྱེད་དྲེགས་པའི་མཐུ་བཅོམ་པས། །རྒྱ་མཚོའི་གོས་ཅན་གཞིར་འཁོད་པའི། །ཕྱིར་རྒོལ་ཚོགས་ཀྱི་སྤོབས་པ་ཞུམ། །ལྷན་ཅིག་པའི་རྒྱུ། མྱུར་མ་དཔའ་མོའི་ཞབས་སེན་ནི། །ཡིད་ཀྱི་ཆོ་གར་བཀོད་མ་ཐག །བརྒྱད་གཉིས་འཇིགས་པ་ལས་བརྒལ་བའི། །གྲུབ་པའི་བརྟུལ་ཞུགས་མཆོག་ལ་སྦྱོར། །རྒྱུ་ལས་འབྲས་བུ་སྔ་བ། སྔར་ཉིད་རྣམ་ཀུན་མཆོག་ལྡན་གྱི། །ཡེ་ཤེས་ཆེན་པོའི་རོས་གང་ཕྱིར། །ཕྱིས་ནས་བདེ་སྟོང་ཟུང་འཇུག་པའི། །རྡོ་རྗེའི་ལམ་གྱི་ཉེ་རྒྱུར་ཞུགས། །རིགས་མིན་རྒྱུ། ཟུར་ཕུད་ལྔ་པའི་ཞབས་སེན་གྱི། །འཆར་ཀའི་ཉི་གཞོན་ལ་རེག་པས། །རིག་གྲོལ་སྤོབས་པའི་སྟེང་འཐུང་དཀར། །ཆེས་ཆེར་དར་བ་འདི་ཅི་ཞིག །རིགས་པའི་རྒྱུ། ཟླ་བའི་སྲིད་མོའི་ཐུགས་སྲོག་གི། །ཧྲཱིཾ་ཡིག་འབར་བའི་ཀཽ་མུ་དི། །ངག་གི་ཀུ་མུད་ཀྱིས་བསྟེན་པས། །སྙན་ཚིག་འདབ་བརྒྱ་དགོད་ལ་དབང་། །བཅུ་བཞི་པ་ཕྲ་མོའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བློ་སྔོན་དུ་བཏང་བའི་ཟུར་རམ། སེམས་ཀྱི་འགྱུར་བ་ལུས་ཉམས་སུ་ཐོན་པའི་རྣམ་པ་གང་ཡང་རུང་པའི་བརྡ་ཕྲ་མོ་ཞིག་གིས་བསམ་པའི་དོན་དེ་ཉིད་རྗེས་སུ་དཔག་པར་ནུས་པའི་ངག་སྟེ། དབྱེ་ན་གཉིས་ལས། དང་པོ་ཟུར་གྱི་ཕྲ་མོ། གསང་ཆེན་སློབ་བཤད་ཟབ་མོའི་ཆོས། །ཚོགས་སུ་ཞུ་བར་མ་བཟོད་པའི། །དབང་རྣོན་གཟིགས་ནས་རྣམ་འདྲེན་རྗེས། །སྤྱན་ཟུར་བག་ཡངས་ཕྱོགས་སུ་གཏད། །རྣམ་པའི་ཕྲ་མོ། ཁོ་བོས་མི་འཕྲོག་དད་གསུམ་བློས། །ཁྱོད་ཞབས་ནོར་བུར་རེག་པའི་མོད། །འཛུམ་བཅས་རོལ་པའི་ཞལ་དཀྱིལ་གྱི། །ཡིད་འོང་འཇོ་སྒེག་དར་བར་གྱུར། །བཅོ་ལྔ་པ་ཆའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རང་གི་གནས་ཚུལ་ཇི་བཞིན་དུ་བརྗོད་ན་ཕ་རོལ་གྱི་ངོར་མི་མཛེས་པར་འགྱུར་བ་ཉིད་རྣམ་པ་གཞན་དུ་བསྙན་པའི་ཆ་ཤས་ཀྱིས་སྒྲིབ་པར་བྱས་པའི་ངག་སྟེ། དབྱེ་ན་བཞི་ལས། དང་པོ་ཟོལ་གྱིས་སྦེད་པར་འོས་པའི་ཆ། སྨྲ་མཁས་ཁྱོད་ཀྱི་རྩོད་པའི་གྲར། །བདག་སོགས་ཡི་ག་འདར་གྱུར་པ། །ཀྱེ་མ་གངས་རིའི་ཁྲོད་འདི་ནི། །བསིལ་བའི་རེག་བྱས་གཏམས་པར་ཤེས། །མི་འོས་པའི་ཆ། གང་གི་བསླབ་གཞིའི་ལེགས་བཤད་ཀྱིས། །ཆགས་ལྡན་ཚོགས་རྣམས་བཞིན་ཉམས་པ། །དཔྱིད་ཀྱི་ཉི་གཞོན་རྒྱས་པའི་གཟིས། །གདུངས་པའི་ངང་ཚུལ་སྨིན་པར་ཟད། །སྨད་པའི་ཆ། རྣམ་འདྲེན་མཆོག་འདི་ཐོས་བསམ་དང་། །སྒོམ་པའི་བྱ་བ་ཙམ་ལ་ཡང་། །ཆགས་མིན་སྟོབས་འབྱོར་སྙན་གྲགས་མཐུས། །གཅིག་ཏུ་རང་བསྟན་ཉིན་མོར་བྱེད། །བསྟོད་པའི་ཆ། སྲིད་པའི་ཕུན་ཚོགས་ཀུན་བསྲིངས་ཤིང་། །ཞི་བའི་རོ་ལ་དགྱེས་མིན་པར། །གཞན་ཕྱིར་བྲན་བཞིན་འཇུག་བརྩོན་པའི། །མགོན་ཁྱོད་རྗེས་སུ་སུ་ཞིག་འབྲངས། །བཅུ་དྲུག་པ་རིམ་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་འདོད་ཀྱི་དངོས་པོ་རྣམས་སྔོན་ལ་རབ་ཏུ་བསྟན་པ་བཞིན་ཕྱི་ནས་དེ་དང་འབྲེལ་བའི་དོན་གཞན་རྣམས་ཀྱང་རིམ་པ་མ་འཆོལ་བར་སྟོན་པའི་ངག་སྟེ། དཔེར་ན། ལྷོ་ཕྱོགས་རིག་འཛིན་དགའ་ཚལ་དུ། །རྩེན་པའི་གདོང་མཛེས་འཛུམ་སྒྲོས་ནི། །དཔལ་གོས་ཆུ་སྐྱེས་བིམྦ་ལས། །བརྐུས་པར་ངེས་སོ་སྒྲ་དབྱངས་ལྷ། །བཅུ་བདུན་པ་དགའ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྔོན་ཆད་མ་ཐོབ་པའི་དགའ་བ་ཁྱད་པར་ཅན་རྒྱུད་ལ་སྐྱེས་པའི་མངོན་པར་རྟོགས་པ་བརྗོད་པའི་ངག་སྟེ། དབྱེ་ན་གཉིས་ལས། དང་པོ་དངོས་ཐོབ་ཀྱི་དགའ་བ། མགོན་ཁྱོད་ཁོ་བོའི་མདུན་ས་རུ། །མངོན་སུམ་གཤེགས་པའི་དགའ་སྟོན་མཆོག །སླར་ཡང་གང་ཞབས་བསོད་ནམས་ཀྱི། །མགྲོན་དུ་ཁུགས་ལས་འབྱུང་བར་ངེས། །གཟུགས་བརྙན་གྱི་དགའ་བ། ཁྱོད་སྐུ་ཡེ་ཤེས་སྒྱུ་མའི་གར། །དད་གསུམ་ཆོ་གར་བཀོད་ལས་གཞན། །ཤུལ་རིང་ཡུལ་གྱིས་བསྐལ་བདག་གིས། །ཇི་བཞིན་མཇལ་བའི་གོ་སྐབས་ཅི། །བཅོ་བརྒྱད་པ་ཉམས་ལྡན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྒེག་པ་ལ་སོགས་པའི་བརྗོད་བྱ་དང་རྗོད་བྱེད་གཉིས་ཀ་རོ་ཉམས་ཕུན་སུམ་ཚོག་པ་དང་ལྡན་པས་མངོན་སུམ་ལྟ་བུའི་རྟོག་པ་སྐྱེད་ནུས་པའི་ངག་སྟེ། དབྱེ་ན་བརྒྱད་ལས། དང་པོ་དགའ་བ་འཕེལ་བ་སྒེག་པའི་ཉམས། བརྩོན་པས་སྒྲུབ་ཀྱང་ཐོབ་དཀའ་བའི། །མཐའ་ཀླས་རིག་གྲོལ་སྤོབས་པའི་མཛོད། །འཇམ་མགོན་བླ་མའི་བྱིན་རླབས་མཐུས། །གཅིག་ཅར་གྲོལ་བ་འདི་ཅི་ཞིག །ཁྲོ་བ་འཕེལ་བ་དྲག་ཤུལ་གྱི་ཉམས། གཏུམ་ཆེན་རབ་ཁྲོས་ནག་པོ་ཆེའི། །མདུན་སར་ཏིང་འཛིན་མཆིལ་བ་ཡིས། །ཉེ་བར་བཀུག་པའི་ཡིད་སྲུབས་སྡེ། །སྐད་ཅིག་གཉིས་པར་འཚོ་འགྱུར་རམ། །སྤྲོ་བ་འཕེལ་བ་དཔའ་བའི་ཉམས། ཆགས་བྲལ་བརྟུལ་ཞུགས་མ་བླངས་ཤིང་། །བྱ་དཀའི་སྤྱོད་པའང་བརྩམས་མིན་པར། །རིམ་གཉིས་ཉེ་རྒྱུའི་སྦྱོར་བ་ཡིས། །སྐུ་བཞིའི་ཕ་རོལ་སོན་འདི་གང་། །མྱ་ངན་འཕེལ་བ་སྙིང་རྗེའི་ཉམས། འབྱོར་ལྡན་གང་ཁྱོད་གནོད་གནས་ཀྱི། །གན་མཛོད་དག་ཀྱང་ཕམ་བྱེད་པ། །བཏང་ནས་ལྷག་པར་ཕོངས་གྱུར་པའི། །པྲེ་ཏཱའི་ཁྲོད་དུ་ཇི་ལྟར་རྒྱུ། །སྐྱུགས་བྲོ་འཕེལ་བ་མི་སྡུག་པའི་ཉམས། ཁྲག་ཞག་དོག་པས་གཏམས་པའི་མཚོར། །རབ་གཤེར་རྒྱུ་རློན་གྱིས་འཁྱུད་པའི། །དབུགས་བྲལ་བམ་རོ་ལོངས་སྤྱོད་བཞིན། །མྱོས་པའི་གར་རྩེན་འདོད་ཁམས་མ། །དགོད་བྲོ་འཕེལ་བ་བཞད་གད་ཀྱི་ཉམས། ཚུལ་གནས་ཁྲིམས་ལྡན་བཤེས་གཉེན་གང་། །འཁྲིག་པའི་དུས་སྟོན་རྗེས་དྲན་པས། །སྤྱན་རས་དམར་པོ་གཡོ་བ་གང་། །ཁྲོ་པའི་ཟོལ་གྱིས་སྒྲིབ་པར་འོས། །ངོ་མཚར་འཕེལ་བ་རྨད་བྱུང་གི་ཉམས། གྲུབ་པའི་ཞིང་འདི་འོག་མིན་ཆེ། །ཁྱབ་བདག་བླ་མ་སྙེམས་མའི་བདག །འཁོར་ཚོགས་རྒྱུན་གྱི་མཐར་སྨིན་པའི། །བྱང་སེམས་མྱུ་གུའི་རོལ་རྩེད་ངོམ། འཇིགས་པ་འཕེལ་བ་འཇིགས་རུང་གི་ཉམས། །ཡེ་ཤེས་མེ་དང་མཉམ་སྦྱོར་བའི། །གསང་བ་འཛིན་པའི་རྡོ་རྗེའི་མཚོན། །དྲན་པ་ཡིས་ཀྱང་འབྱུང་པོའི་ཚོགས། །དོན་སྙིང་ལྐོག་མར་འབྱིན་ལ་བྲེལ། །བཅུ་དགུ་པ་གཟི་བརྗིད་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ནང་དུ་ཁེངས་པ་མཆོག་ཀྱི་མཐར་འཛེགས་པའི་ཀུན་རྟོག་འཕེལ་བ་ཉིད་བརྗོད་བྱར་བྱས་པའི་ངག་སྟེ། དཔེར་ན། བདག་ནི་ལུང་རིག་སྨྲ་བ་ཞེས། །རྨོངས་པའི་ཚོགས་རྣམས་འཇིགས་མི་འཚལ། །ཁོ་བོའི་སྤོབས་པ་ལས་དམན་ཀུན། །གཞར་ཡང་ཚར་བཅད་བགྱིད་མ་ལགས། །ཉི་ཤུ་པ་རྣམ་གྲངས་བརྗོད་པའི་རྒྱན་གྱི་མཚན་ཉིད་ནི། །ཚིག་སྦྱོར་གང་ཞིག་འདོད་དོན་དངོས་སུམ་བརྗོད་པར། དེ་གྲུབ་པར་བྱེད་པའི་ཕྱིར་ཐབས་མཁས་ཀྱིས་རྣམ་པ་གཞན་དག་སྨོས་པའི་ངག་སྟེ། དཔེར་ན། རྣལ་འབྱོར་སྤྱོད་པས་འཚོ་བ་གང་། །རེ་ཞིག་ཡུལ་གཞན་བགྲོད་པར་དོན་གཞན་ལ་སྙེགས། བགྱི། །གྲོགས་དག་བག་ཡངས་གནས་འདི་རུ། །ངལ་གསོའི་དགའ་སྟོན་མྱོང་བར་འོས། །ཉེར་གཅིག་པ་ཀུན་ཏུ་ཕན་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་མངོན་པར་འདོད་པའི་བྱ་བ་འགའ་ཞིག །བརྩམས་པའི་ཚེ་དེ་ཉིད་ལ་ཕན་འདོགས་པའི་སྒྲུབ་བྱེད་ཁྱད་པར་ཅན་གློ་བུར་དུ་ཐོབ་པ་བརྗོད་པའི་ངག་སྟེ། དཔེར་ན། བག་མེད་འགོགས་པའི་བརྟུལ་ཞུགས་ཀྱི། །ཆོ་ག་སྙིང་ལ་ཉེར་བཀོད་ཚེ། །བརྟན་མཁས་ཡོན་ཏན་ཡོངས་རྫོགས་པའི། །བཤེས་གཉེན་མཆོག་གིས་རྗེས་སུ་བཟུང་། །འདི་ཡང་། རྩེ་གཅིག་གསང་ཆེན་སྤྱོད་མཆོག་གིས། །ཡིད་རབ་འཕྲོག་ཚེ་ལེགས་བྱས་མཐུས། །བདག་ལ་སྨན་སླད་རིགས་བརྒྱའི་བདག །སྨིན་གྲོལ་ལམ་གྱི་སྟོན་པར་བཞེངས། །ཉེར་གཉིས་པ་རྒྱ་ཆེ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བསམ་པའམ་འབྱོར་པའི་ཁྱད་པར་གྱི་ཆོས་ཕུལ་དུ་བྱུང་བ་དག་བརྗོད་པའི་ངག་སྟེ། དབྱེ་ན་གཉིས་ལས། །དང་པོ་བསམ་པ་རྒྱ་ཆེ་བ། ཤིན་ཏུ་རྣམ་པར་དག་པ་ཡི། །ཆོས་དབྱིངས་ཞི་ལ་གཞོལ་བཟོད་པའི། །རྡོ་རྗེ་འཛིན་ཁྱོད་རྒྱལ་རྣམས་ཀྱི། །བཀའ་བཞིན་སྲིད་འདིར་བདེ་བར་བཞུགས། །འབྱོར་བ་རྒྱ་ཆེ་བ། ནོར་བུའི་འདོད་སྣམ་གྱིས་བརྟེན་པའི། །བཻཌཱུར་ཁང་བཟང་དྭངས་པའི་ངོས། །རིན་ཆེན་ཕྲག་བརྒྱའི་འཕྱང་འཕྲུལ་གྱིས། །རབ་སྒེག་བལྟ་ན་སྡུག་པའི་ཞིང་། །ཉེར་གསུམ་པ་བསྙོན་དོར་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་གནས་ཚུལ་གྱི་རང་བཞིན་ལ་དེ་ཉིད་མ་ཡིན་ཅེས་བསྙོན་ནས་དོན་གཞན་ཆོས་དང་ཆོས་ཅན་གྱི་ངོ་བོ་ཅུང་ཟད་ཙམ་སྟོན་པས་མཛེས་པར་བྱས་པའི་ངག་སྟེ། དབྱེ་ན་གསུམ་ལས། དང་པོ་ཆོས་ལ་བསྙོན་དོར་ནི། རིག་བྱེད་དཔལ་མོའི་མེ་ཏོག་མདའ། །གཅིག་པུ་ཉིད་མིན་ཁམས་གསུམ་གྱི། །འགྲོ་བའི་ཡིད་དབང་འཕྲོག་པའི་ཕྱིར། །བསམ་བརྗོད་ཡུལ་ལས་འདས་པར་རྟོགས། །ཡུལ་ལ་བསྙོན་དོར། གྲུབ་པས་བསྟེན་པའི་སྨན་ལྗོངས་འདི། །ཉམ་ངའི་གནས་སུ་གྱུར་པ་སྟེ། །གཞན་དུ་ཐར་པ་འདོད་རྣམས་ལ། །ཡིད་འོང་གྲོང་ཁྱེར་ཉིད་དོ་ལོ། །རང་བཞིན་བསྙོན་དོར། མཁས་ཁྱོད་ལེགས་གསུངས་བདུད་རྩིའི་དཔྱིད། །མཉན་འོས་ཉིད་ཅེས་བདག་ཅག་སྨྲ། །དོན་གྱི་ཕྱོགས་བསླད་གྱུར་པ་ཡི། །རྣ་བའི་ཚེར་མ་ཉིད་དུ་ངེས། །ཉེར་བཞི་པ་སྦྱར་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྒྲ་ཡི་གཟུགས་གཅིག་ཉིད་དོན་གྱི་འཇུག་ཚུལ་ཐ་དད་དུ་འགྱུར་བའི་ངག་སྟེ། དབྱེ་ན་དགུ་ལས། དང་པོ་ཐ་དད་མིན་པའི་སྦྱར་བ་ནི། རྨད་བྱུང་རཏྣ་སཾ་བྷོ་གར། །ལྷག་པར་ཆགས་པའི་ཀླུའི་དབང་པོས། །སདྱ་དྷརྨས་འཇིག་རྟེན་གྱི། །ཕུན་ཚོགས་འབྱུང་གནས་སྐྱེད་པར་བྱེད། །འདི་སློབ་དཔོན་ཀླུ་སྒྲུབ་དང་། ཀླུའི་རྒྱལ་པོ་ཞིག་ལ་སྦྱར་བ་སྟེ། དེ་ཡང་ཀླུ་སྒྲུབ་ལ་སྦྱར་བའི་དུས། །རཏྣ་སཾ་བྷོ་ག་སངས་རྒྱས་ཀྱི་བསྟན་པ་དང་། ཀླུ་ལ་སྦྱར་བའི་དུས་རིན་པོ་ཆེའི་ལོངས་སྤྱོད་ལ་འཇུག །སདྱ་དྷརྨ་ཀླུ་སྒྲུབ་ལ་སྦྱར་དུས་དམ་པའི་ཆོས་དང་། ཀླུ་ལ་སྦྱར་དུས་བསོད་ནམས་དམ་པ་ལ་འཇུག །འཇིག་རྟེན་གྱི་ཕུན་ཚོགས་འབྱུང་གནས་ཀླུ་སྒྲུབ་ལ་སྦྱར་དུས་རྒྱལ་བའི་བསྟན་པ་དང་། ཀླུ་ལ་སྦྱར་དུས་རིན་པོ་ཆེ་དང་སྨན་དང་ནགས་ཚལ་སོགས་ལ་འཇུག་གོ། ཐ་དད་ཚིག་འདྲའི་སྦྱར་བ། སྲིད་གསུམ་ཁྱོན་འདིར་ཁྱབ༷་འཇུག༷་པའི། །ལས་སྣ༷་ཚོག༷ས་གཟུག༷ས་རྣམ་མང་གི། སྒྱུ་མས་སླུས་པའི་ཡིད་ཅན་རྣམས། །གཞན་དུ་འདའ་བ་མེད་པར་གནས། །འདིར་གྲོ་བ་སྤྱི་དང་ཁྱབ་འཇུག་ལ་སྦྱར་བ་སྟེ། དང་པོ་ལྟར་ན་སྲིད་པ་གསུམ་གྱི་ཁམས་འདི་ན་ཁྱབ་པར་འཇུག་པའི་ལས་སྣ་ཚོགས་པ་དང་། གཟུགས་རྣམ་པ་མང་པོའི་སྒྱུ་མས་བསླུས་ཏེ་དེ་ལ་ཆགས་པའི་ཡིད་ཅན་རྣམས། རང་གི་ལས་དང་གཟུགས་ཀྱི་ཚུལ་དེ་ལས་གཞན་དུ་འདའ་བ་མེད་པར་གནས་སོ། །ཞེས་དང་། གཉིས་པ་ལྟར་ན། སྲིད་པ་གསུམ་གྱི་ཁྱོན་འདི་ན་ལྷ་ཁྱབ་འཇུག་གི་འཇུག་པའི་བྱེད་ལས་སྣ་ཚོགས་གཟུགས་ཅན་དུ་བཟུང་ནས་གཡོ་སྒྱུའི་རྣམ་པ་མང་པོའི་སྒྱུ་མས་བསླུས་ནས་ཡིད་ཅན་རྣམས་ཁྱབ་འཇུག་གི་མངའ་འོག་ལས་གཞན་དུ་འདའ་བ་མེད་པ་གནས་སོ། །ཞེས་པའོ། །བྱ་བ་ཐ་དད་མིན་པའི་སྦྱར་བ། མཚོ་སྐྱེས་དཀར་མཛེས་དམར་བ་ཡི། །དོག་པས་བཀབ་པའི་འཛུམ་གཤེར་གྱིས། །སིམ་པ་སྟེར་བྱེད་ཟླ་ཤེལ་དང་། །ཚངས་སྲས་མས་ཀྱང་གཞན་ཡིད་འཕྲོག །ཟླ་བ་ཆུ་མཚོ་བསྲུབས་པ་ལས་བྱུང་ཞིང་དཀར་ལ་མཛེས་པར་འཆར་བའི་དམར་བས་འཁྱུད་པ་དང་། ཚངས་སྲས་མ་ལྷོ་ཕྱོགས་ཀྱི་རོལ་མཚོར་སྐྱེས་ཤིང་རབ་ཏུ་དཀར་ཞིང་མཛེས་པའི་ཞལ་རས་ལ་མཆུ་སྒྲོས་དམར་བའི་དོག་པས་བཀབ་པ་དང་སྦྱར་བའོ། །བྱ་བ་མི་འགལ་བའི་སྦྱར་བ། རྩུབ་མིན་ཡིད་འོང་ཉམས་འགྱུར་གྱིས། །རེག་པས་དགའ་བདེའི་དཔལ་སྦྱིན་པ། །དབྱངས་ཅན་གསུང་ནི་ཐོས་བྱ་སྟེ། །རི་དྭགས་མིག་ཅན་འཁྱུད་བྱར་འོས། །དབྱངས་ཅན་མའི་གསུང་རྣ་བར་རྩུབ་པ་མིན་ཅིང་ཡིད་དུ་འོང་བའི་ཚིག་གི་རོ་ཉམས་ཕུན་སུམ་ཚོགས་པའི་དཔལ་གྱིས་རེག་པས་གནས་སྐབས་མངོན་མཐོའི་དགའ་བ་དང་། མཐར་ཐུག་ངེས་ལེགས་ཀྱི་བདེ་བ་དམ་པའི་དཔལ་སྦྱིན་པ་དང་། མཛེས་མའི་ལུས་རྩུབ་པ་མིན་ཅིང་། ཡིད་དུ་འོང་བའི་འཇོ་སྒེག་གི་རོ་ཉམས་ཕུན་སུམ་ཚོགས་པའི་དཔལ་གྱིས་རེག་པས་རྩེ་དགའི་བདེ་བ་དང་འཁྲིག་པའི་དཔལ་སྦྱིན་པ་དང་སྦྱར་བའོ། །བྱ་བ་འགལ་བའི་སྦྱར་བ། ཡུལ་ལ་སྦྱར་བས་ཁེངས་པའི་བློ། །བཏང་ནས་ལུས་ལས་སྐྱེས་གཡོ་བས། །ཡིད་སྲུབས་འཇུག་པ་རྒྱུན་ཆད་ནས། །མི་ཕྱེད་དད་གསུམ་གདུང་བ་འཕེལ། །ཡུལ་བུད་མེད་ལ་སྦྱར་བས་དེ་ལ་མི་མོས་པའི་ཁེངས་པ་བཏང་ནས་ལུས་སྐྱེས་ཏེ་འདོད་ཆགས་གཡོ་བ་དང་། ཡུལ་མཆོག་ལ་བློ་སྦྱར་བས་དེ་ལ་མ་གུས་པའི་ཁེངས་པ་བཏང་ནས་ལུས་སྐྱེས་ཏེ་བ་སྤུ་ལྡང་བ་གཉིས་སྦྱར་བའོ། །ངེས་པ་ཅན་གྱི་སྦྱར་བ། ཚངས་སྲས་ལ་ནི་ཁྱབ་འཇུག་གི་ཆུང་མ་དཔལ་མོ། པདྨ་ཅན། །ཚེམས་དཀར་ཕྲེང་བ་བྲམ་ཟེ་དང་འདབ་ཆགས་སོགས། གཉིས་སྐྱེས་ཏེ། །མཁྲེགས་ཤིང་ཡིད་འོང་ནུ་འབུར་ཟུང་། །པ་ཡོ་ཐར་པར་པ་ཡོ་ཆུ་དང་དྷ་ར་འཛིན་པ་ལ་འཇུག་པའི་ཕྱིར་ཆུ་འཛིན་ཏེ་སྤྲིན་ཡིན་ནོ། །དྷ་ར་ཉིད་ཀྱང་ངོ་། །འདི་ཡང་། སྦྱར་བཞི་རྒྱལ་པོ་སྡེ་བཞི། ལུགས་ཀྱི་ཆོས་དང་དྷརྨ་བསོད་ནམས་དང་ཀུན་སྤྱོད་གཤིན་རྗེ་སོགས། དང་། །ལོངས་སྤྱོད་ལྡན་པ་བྷོ་ཐ་སྙད་ཅན་དང་སྦྲུལ་གྱི་གདེངས་ཀ་ཅན་སོགས། གཱི་སྟེ། འདོད་པ་ཉིད་ནི་ཡིད་སྐྱེས་ཏེ་འདོད་ལྷ་སོགས། ཀཱ་མཿདང་། ཨ་མྲྀ་བདུད་རྩི་བདུད་རྩི་དང་མར་སོགས་མང་པོ་ལ་འཇུག་གོ། ཏཾ་ཡང་ངོ་། །ངེས་པ་འགོག་པའི་སྦྱར་བ། ཁྱོད་བསྟན་ཞུགས་ལ་ལུས་སྐྱེས་ཀྱིས། །བ་སྤུ་དང་འདོད་ཆགས་སོགས། འཁྱུད་པས་དད་གདུང་དད་གདུང་ཁོ་ན། རྒྱས་རྣམས་ཏེ། །འོན་ཀྱང་བསེར་བུའི་རེག་བྱ་ཡིས། །ཉམས་པར་བྱས་པ་རྣམས་ལའང་མཐོང་། །འདི་ཡང་། གང་རྒྱལ་པོ། གིས་བསྲུངས་ལ་འཁྱོག་པོ་གཞུ་དང་སྐྱེ་བོ་ངན་པ་གཡོ་སྒྱུ་ཅན་སོགས་ལ་འཇུག་གོ། །ནི། མདའ་སྟན་གཞུ་འཛིན་པའི་དམག་དཔུང་སོགས། འཛིན་པ་རྣམས་ལའོ། །འོན་ཀྱང་ཆགས་པས་བསྐུལ་བ་ཡི། །མཛེས་མའི་ཟུར་མིག་འདི་དག་ཀྱང་། །འགལ་མིན་གྱི་སྦྱར་བ། ཐུབ་པ་དང་ཚངས་པ། མཆོག་གནས་སྐྱེ་རྒུའི་རྩ་ལག་སྟེ། །ཀུན་དབང་ཕྱུག །མཁྱེན་ཡིད་སྲུབས་མཐར་བྱེད་ཅིང་། །སྣ་ཚོགས་ཁྱབ་འཇུག །གཟུགས་ཀྱི་ཁྱབ་འཇུག་དང་། །མཆོད་འོས་འཇིག་རྟེན་མིག་ཉི་མ། ཀྱང་དེ། །འགལ་བའི་སྦྱར་བ། འཆི་ཐུབ་པ་དང་ལྷ་སྤྱི། མེད་ཉིད་ཀྱང་སྲིད་ལས་འདས། དཔལ་ཁྱབ་འཇུགགྱི་བདག་སྟེ་བསླུ་བ་སྤངས། །རྟག་དབང་ཕྱུགཏུ་ཞི་བའང་འདོད་རྡུལ་ཆགས་མུན་གཏི་མུག་དང་། སྙིང་སྟོབས་ཞེ་སྡང་ཕ་རོལ་སོན་ལ་བསྔགས། །ཉེར་ལྔ་པ་ཁྱད་པར་བརྗོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དངོས་པོ་གཞན་དང་ཐུན་མོང་མ་ཡིན་པ་བརྗོད་པར་འདོད་པས་ཡོན་ཏན་ལ་སོགས་པའི་རྒྱུ་ཆེད་དུ་མ་ཚང་ཡང་འབྲས་བུ་འབྱུང་བར་སྟོན་པའི་ངག་སྟེ། དབྱེ་ན་ལྔ་ལས། དང་པོ་ཡོན་ཏན་མ་ཚང་པའི་ཁྱད་པར་བརྗོད་པ། རྣམ་འདྲེན་གང་གི་བྱམས་པའི་གོ། སྲ་ཞིང་ལྕི་དང་མཁྲེགས་པའང་མིན། །དེ་ལྟ་ན་ཡང་ཡིད་སྲུབས་དཔུང་། །མཐའ་ཀླས་མཚོན་ཀུན་ཕབ་པར་གྱུར། །རིགས་མ་ཚང་བའི་ཁྱད་པར་བརྗོད་པ། མཁས་ཁྱོད་སུམ་རྩེན་གྲོང་ཁྱེར་དང་། །འཕགས་པའི་ཡུལ་དུ་བྱུང་བའང་མིན། །འོན་ཀྱང་ལེགས་པར་སྦྱར་བའི་གཞུང་། །སྨྲ་དབང་བྱེ་བའི་ཁེངས་པ་བསྙིལ། །བྱ་བ་མ་ཚང་བའི་ཁྱད་པར་བརྗོད་པ། ཡིད་འོང་མིག་ཟུར་གཡོས་པ་མེད། །འདོད་པའི་གཏམ་གྱིས་བསླུ་བ་སྤངས། །ཟང་ཟིང་གཡབ་མོས་བོས་མིན་པར། །གྲངས་མེད་དཔྱོད་ལྡན་མཛའ་བོ་བཀུག །རྫས་མ་ཚང་བའི་ཁྱད་པར་བརྗོད་པ། རྣམ་བཞིའི་གཡུལ་གྱི་སྦྱོར་བ་དང་། །གྲུབ་པའི་སྔགས་རིག་འཛིན་མིན་ཀྱང་། །དྲི་མེད་སྤོབས་པའི་མཐུ་ཁོ་ནས། །ཕས་རྒོལ་ཕྱོགས་ལས་རྣམ་པར་རྒྱལ། །རྒྱུ་མ་ཚང་བའི་ཁྱད་པར་བརྗོད་པ། གྲོགས་མེད་ཉམ་ངའི་བས་མཐའ་རུ། །སྟོབས་འབྱོར་གྲགས་པའི་ཕུན་ཚོགས་དམན། །དེ་ལྟར་ན་ཡང་བསྔགས་འོས་ཅན། །མགོན་ཁྱོད་སྲིད་ཞིའི་བླ་ན་བརྗིད། །ཉེར་དྲུག་པ་མཚུངས་སྦྱོར་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་ཡོན་ཏན་ཁྱད་པར་འཕགས་པའམ། །འཕགས་པ་མིན་པ་གཞན་ཞིག་ཡུལ་དེ་དང་དོན་མི་མཚུངས་ཀྱང་མཚུངས་པར་བྱས་ནས་བསྟོད་སྨད་ཀྱི་དོན་དུ་སྦྱར་པའི་ངག་སྟེ། དབྱེ་ན་གཉིས་ལས། དང་པོ་བསྟོད་པའི་མཚུངས་སྦྱོར། ཁ་སྦྱོར་བདུན་ལྡན་གསང་བའི་བདག །མདའ་བསྣུན་ཞབས་དང་མགོན་ཁྱོད་ཀྱང་། །སྔགས་གཞུང་རྒྱ་མཚོའི་སྟོན་པ་ཞེས། །གྲགས་པ་རི་བོའི་ཁོངས་སུ་མཐོ། །འདི་ཡང་། གྲུ་འཛིན་ཞིང་ན་མིག་མི་འཛུམ། །དཔལ་ལྡན་ས་སྐྱར་བརྩེ་བ་ཆེ། །དེང་དུས་བདག་གི་འདྲེན་པ་རྣམས། །འགྲོ་ཀུན་སྒྲོལ་བའི་རྣམ་ཐར་འཛིན། །སྨད་པའི་མཚུངས་སྦྱོར། སྙིགས་དུས་ལུས་ཅན་འཚོ་བའི་རྒྱུན། །ཡལ་གའི་རི་དྭགས་ཟློས་པའི་གར། །གློག་གི་ཐག་པ་གཡོ་བ་ཡང་། །སྐད་ཅིག་གཉིས་པར་མཐོང་མི་འགྱུར། །ཉེར་བདུན་པ་འགལ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཁྱད་པར་རམ་འགལ་ཟླ་སྒྲུབ་པའི་སླད་དུ་འཇིག་རྟེན་ན་གྲགས་པ་བརྟན་པའི་དངོས་པོ་ཤིན་ཏུ་ཐ་དད་པ་དག་ལྷན་ཅིག་ཏུ་འགྲོགས་པར་སྟོན་པའི་ངག་སྟེ། དབྱེ་ན་དྲུག་ལས། དང་པོ་གཞི་ཐ་དད་བྱ་བ་འགལ་བ། སྐལ་འབངས་རྣམས་ཀྱི་མགོན་ཁྱོད་ཞབས། །དྲན་པས་ཀུན་དགའི་ཚོར་བ་བརྟས། །མེ་ཏོག་མདའ་ཅན་དཔུང་ཚོགས་ནི། །ཡིད་འོང་འདོད་དང་བྲལ་བས་ཉམས། །གཞི་གཅིག་ཡོན་ཏན་འགལ་བ། གང་གསུང་མཉན་འོས་ལེགས་བཤད་མཐུས། །གཟུར་གནས་སྣང་བ་མཆོག་ཏུ་རྒྱས། །ལུང་རིག་གིས་ཀྱང་ཕས་རྒོལ་ཚོགས། །མུན་པའི་མལ་དུ་ལྟུང་བར་གྱུར། །རྫས་འགལ་བ། རང་དོན་ཕྲ་ཞིང་གཞན་ཕྱིར་ཡངས། །རྣམ་དཔྱོད་རིང་ལ་འཁྲུལ་པ་ཐུང་། །མཐོ་ཡང་དམན་པར་རྗེས་འཇུག་པའི། །འཕགས་པས་ལུས་ཅན་སུ་མ་བཟུང་། །རྫས་དང་ལས་འགལ་བ། རབ་བསིལ་ཚུལ་ཁྲིམས་སྙིང་རྗེ་དང་། །རྟག་ཏུ་བྱམས་བརྩེའི་རོས་བརླན་པས། །ནག་པོའི་རྩ་ལག་སྡེར་བཅས་ཀུན། །གདུང་ནུས་མིན་ནམ་པད་དཀར་འཆང་། །གཞི་གཅིག་བྱ་བ་འགལ་བ། སྨྲ་མཁས་གང་གི་ཚར་གཅོད་ཀྱི། །རིག་པས་ཕམ་པར་བྱས་མིན་ཀྱང་། །སྤོབས་པའི་མཐུ་དམན་ཕས་རྒོལ་ཚོགས། །འདར་ཞིང་ཞུམ་པས་དུད་ལ་ཕྱོགས། །སྦྱར་བའི་འགལ་བ། དཔལ་ལྡན་རལ་བ་འཛིན་ཁྱོད་ཀྱིས། །འདོད་ཆགས་ཟམ་པ་ཡོངས་བཅོམ་ཡང་། །རྒྱལ་མར་ཤིན་ཏུ་རྗེས་ཆགས་པས། །འཁྱུད་སླད་གཅིག་ཏུ་ཡིད་བརྟན་ཅི། འདི་སྤྱན་རས་གཟིགས་དང་། དབང་ཕྱུག་ཆེན་པོ་གཉིས་སྦྱར་བ་སྟེ། དེ་ཡང་དཔལ་ལྡན་རལ་པ་འཛིན་ཞེས། །སྤྱན་རས་གཟིགས་དང་དབང་ཕྱུག་གཉིས་ཀ་ལ་འཇུག་པས་སྦྱར་གཞི་དང་། ཚིག་ལྷག་མ་སྤྱན་རས་གཟིགས་ཀྱི་སྐབས། ཁྱོད་ཀྱིས་འདོད་ཆགས་ཀྱི་ཟམ་པ་ཐམས་ཅད་ཡོངས་སུ་བཅོམ་པའི་ཆགས་བྲལ་གྱི་གོ་འཕང་བརྙེས་ཀྱང་། རྒྱལ་མ་སྟེ་རྗེ་བཙུན་སྒྲོལ་མ་ལ་ཤིན་ཏུ་རྗེས་སུ་ཆགས་པ་ཆེན་པོས་བདེ་བ་མཆོག་གི་རོས་དུས་རྟག་ཏུ་འཁྱུད་སླད་གཅིག་ཏུ་ཆགས་བྲལ་གྱི་གོ་འཕང་ཐོབ་ཅེས་ཡིད་བརྟན་འཆའ་བར་ནུས་སམ་ཅི་ཞེས་པ་དང་། དབང་ཕྱུག་ལ་ཁྱོད་ཀྱི་འདོད་ཆགས་ཀྱི་ཟམ་པ་སྟེ་བདུད་ཀྱི་སྟེ་ཐམས་ཅད་ཡོངས་སུ་བཅོམ་ཡང་ད་དུང་རྒྱལ་མ་སྟེ་ལྷ་མོ་ཨུ་མ་ལ་ཤིན་ཏུ་ཆགས་པ་ཆེན་པོས་ཉེ་བར་འཁྱུད་པའི་ཕྱིར་མཐའ་གཅིག་ཏུ་འདོད་པའི་བདག་ཉིད་ཐམས་ཅད་བཅོམ་མོ་ཞེས་ཡིད་བརྟན་འཆའ་ནུས་སམ་ཅི་ཞེས་པ་སྟེ། འདོད་ཆགས་བཅོམ་པ་དང་ཤིན་ཏུ་འདོད་ཆགས་སྤྱོད་པ་འགལ་ལོ། །ཉེར་བརྒྱད་པ་སྐབས་མིན་གྱི་བསྟོད་པའི་རྒྱན་ནི། ཚིག་སྦྱོར་གང་ཞིག་བརྗོད་པར་བྱ་བའི་དངོས་པོ་དེ་ཉིད་ངོ་བོའི་སྒོ་ནས་བསྔགས་འོས་ཀྱི་སྐབས་སུ་མ་བབས་ཀྱང་། རང་གི་འདོད་པ་དང་རྗེས་སུ་མཐུན་པར་བསྟོད་པའི་ངག་སྟེ། དཔེར་ན། བསགས་བསྲུངས་སྤེལ་དང་འདུ་འཛིའི་སྐྱོན། །བཏང་ནས་ཕྱོགས་རྣམས་ཐམས་ཅད་དུ། །ཐོགས་མེད་བགྲོད་པའི་སྐལ་བཟང་གིས། །འདབ་ཆགས་ཚོགས་འདི་བདེ་བར་སྤྱོད། །འདི་ཡང་། རབ་དྭངས་བཻཌཱུར་རྒྱུད་མང་གང་། །ཡིད་འོང་སྙན་འགྱུར་སྒྲོགས་བཞིན་དུ། །མཚོ་བྱུང་ཕྱག་གི་འཇོ་སྒེག་ལ། །བརྟེན་འདི་བསོད་ནམས་ཨེ་མ་ཡངས། །ཉེར་དགུ་པ་ཟོལ་བསྟོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རྣམ་པ་སྨད་པའི་ཟོལ་གྱིས་དོན་དུ་བསྟོད་བསྔགས་ཀྱི་ཁྱད་པར་ཕུལ་དུ་བྱུང་བ་ཐོབ་པར་བྱེད་པའི་ངག་སྟེ། དབྱེ་ན་གསུམ་ལས། དང་པོ་མཐུ་ཕུན་ཚོགས་ཀྱི་ཟོལ་བསྟོད། ཆོས་ཀྱི་གྲགས་པ་གཅིག་པུས་ཀྱང་། །མཐའ་ཀླས་མུར་འདུག་ཕྱོགས་ལས་རྒྱལ། །མཁས་ཁྱོད་དཔུང་དང་བཅས་པ་ཡིས། ཕྱིར་རྒོལ་བཅོམ་འདིར་ཁེངས་མི་འཚལ། །དཔའ་བ་ཕུན་ཚོགས་ཀྱི་ཟོལ་བསྟོད། གངས་ཅན་ལྷ་གཅིག་སྲོང་བཙན་རྗེས། །མཐའ་བཞིའི་དྲེགས་ལྡན་བྱེ་སྙེད་བཅིངས། །འཕགས་གཟུགས་མཆོག་གཞན་བསྒྱུར་བ་ཡི། །རྒྱལ་སྲས་ཁྱོད་ཀྱིས་རིགས་སམ་ཅི། །སྦྱར་བའི་ཟོལ་བསྟོད། ཁྱོད་ཀྱི་དཔུང་པས་བསྲུངས་པའི་ཡུལ། །མཐའ་ཡས་རང་གཟུགས་དག་ལ་ཆགས། །ཅི་སླད་རྒྱལ་སྲིད་ཀྱིས་འབྱོར་པའི། །རྨད་བྱུང་ཁེངས་པ་འཛིན་འོས་སམ། །འདི་ཆོས་རྒྱལ་སྲོང་བཙན་སྒམ་པོའི་རྒྱལ་སྲིད་དང་སྦྱར་བ་མ་གཏོགས་བཤད་ཚུལ་འོག་མ་དང་མཐུན་པའི་ཕྱིར་རིག་པས་འཕྲུལ་ཤེས་པར་བྱའོ། །འདི་ཡང་། ཁྱོད་ཀྱི་གདུལ་བར་བྱ་བའི་ཡུལ། །མཐའ་ཡས་རང་གཟུགས་དག་ལ་ཆགས། །ཅི་སླད་གཞན་ཕན་ཕྲིན་ལས་ཁུར། །རྨད་བྱུང་ཁེངས་པ་འཛིན་འོས་སམ། །རྣམ་འདྲེན་ཁྱོད་ཀྱི་གདུལ་བར་བྱ་བའི་ཡུལ་ནི། མཐའ་ཡས་ཏེ་ཀླུའི་རྒྱལ་པོ་ལྷག་མ་ཅན་གྱི་རང་གཟུགས་ཕྲག་པ་དག་ལ་ཆགས་ན་ཀླུ་དེ་ནི་བླུན་ཅིང་ཆེས་རྨུགས་པའི་ཕྱིར་དང་། ཡང་ན་མཐའ་ཡས་ནི་ཁྱབ་འཇུག་སྟེ། དེའི་རང་གཟུགས་རུ་སྦལ་གྱི་འཇུག་པ་ལ་ཆགས་པས་ན་ཁྱབ་འཇུག་དེ་ནི་ཆེས་གཡོ་སྒྱུའི་བསླུ་བ་ཅན་ཡིན་པའི་ཕྱིར་ན། ཅི་སླད་ཁྱོད་ཀྱིས་གཞན་ཕན་ཕྲིན་ལས་ཉིད་རྨད་དུ་བྱུང་བ་ཐོབ་སྙམ་པའི་ཁེངས་པ་འཛིན་པར་འོས་སམ་ཞེས་སྨད་པའི་ཟོལ་གྱིས། དོན་དུ་ཀླུའི་རྒྱལ་པོ་ལྷག་མ་ཅན་གྱི་ཕྲག་པས་བཏེགས་པའམ། ཁྱབ་འཇུག་གིས་བཟུང་བའི་ས་ཆེན་པོ་འདི་ཐམས་ཅད་ཁྱོད་ཀྱི་གདུལ་བྱས་ཁྱབ་པོ་ཞེས་ཕྲིན་ལས་ཤིན་ཏུ་རྒྱ་ཆེ་བར་སྟོན་པའོ། །ཡང་མཐའ་ཡས་ཞེས་པས་གཞི་ལའང་འཇུག་པས། དེའི་རང་གཟུགས་གླིང་བཞི་དག་ལ་ཆགས་པའི་ཞེས་ཀྱང་སྦྱར་རུང་ངོ་། །སུམ་ཅུ་པ་ངེས་བསྟན་གྱི་རྒྱན་གྱི་མཚན་ཉིད་ནི། །ཚིག་སྦྱོར་གང་ཞིག་སྟོན་བྱེད་དཔེའི་འཇུག་པ་འཇིག་རྟེན་ན་ཡོངས་སུ་གྲགས་པས། བསྟན་བྱ་དམ་པ་དང་དམ་པ་མ་ཡིན་པའི་དངོས་པོ་ཞིག་གསལ་བར་སྟོན་པའི་ངག་སྟེ། དབྱེ་ན་གཉིས་ལས། མཆོག་གི་ངེས་བསྟན། འཇིག་རྟེན་མགོན་ཁྱོད་སྤྱན་རས་ཟུང་། །གཞན་ཡང་མི་འཛུམ་གཟིགས་པ་འདིས། །དུས་གསུམ་ཀུན་ཏུ་སེམས་ཅན་ཁམས། །མཐའ་ཀླས་རྗེས་འཛིན་སྟོན་ཕྱིར་རོ། །འདི་ཡང་། དབྱར་སྐྱེས་སྤྲིན་གྱི་རྔ་གསང་གིས། །མདོངས་མཐའི་སྙིང་ལ་དཔལ་སྟེར་བྱེད། །སྨྲ་མཁས་གང་གི་ལེགས་བཤད་ཀྱིས། །དཔྱོད་ལྡན་ཚོགས་རྣམས་དགའ་བར་སྟོན། །མཆོག་མིན་ངེས་བསྟན། ཐུན་གསུམ་མཐུ་ཡིས་དཀར་པོའི་ཕྱོགས། །འགྲིབ་པའི་གནས་སྐབས་བརྩོན་པར་གྱུར། །སྨད་འོས་ལས་ལ་རྗེས་སྤྱད་རྣམས། །ཕན་བདེའི་སྣང་བ་ནུབ་པར་མཚོན། །སོ་གཅིག་པ་ལྷན་ཅིག་བརྗོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཁྱད་གཞིའི་དངོས་པོ་ཇི་ལྟར་རིགས་པ་དག་དང་ཡོན་ཏན་ལ་སོགས་པའི་ཁྱད་པར་གྱི་ཆོས་མཉམ་དུ་བརྗོད་པའི་ངག་སྟེ། དབྱེ་ན་གསུམ་ལས། དང་པོ་ཡོན་ཏན་ལྷན་ཅིག་བརྗོད་པ། མགོན་ཁྱོད་ཕྲིན་ལས་འཇུག་པ་དང་། །ལྷན་ཅིག་གདུལ་བྱའི་ཕ་མཐའ་རིང་། །དེ་དག་རྣམས་ཀྱི་ལེགས་སྤྱད་དང་། །མཉམ་དུ་གང་གི་གྲགས་པ་དཀར། །བྱ་བ་ལྷན་ཅིག་བརྗོད་པ། ཁྱོད་ཀྱི་ལེགས་གསུང་དགའ་སྟོན་དང་། །ལྷན་ཅིག་གཟུར་གནས་སྤོབས་པ་རྒྱས། །དེ་དག་རྨོངས་པ་དང་མཉམ་དུ། །ཕུན་སུམ་ཚོགས་མིན་ནུབ་པར་གྱུར། །བྱ་བ་གཅིག་པའི་ལྷན་ཅིག་བརྗོད་པ། མང་དུ་ཐོས་པའི་སྐལ་བཟང་དང་། །དེ་དོན་བསམ་པའི་བློ་མིག་དང་། །ཚུལ་བཞིན་ཡང་དག་འཇོག་པ་སྟེ། །གསུམ་པོ་འདི་ནི་མཉམ་དུ་དར། །སོ་གཉིས་པ་ཡོངས་བརྗེས་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དོན་རྣམས་ཕན་ཚུན་བསྣོལ་བའི་ཚུལ་གྱིས་བརྗོད་པའི་ངག་སྟེ། དཔེར་ན། ཕས་རྒོལ་ཚོགས་ལ་གདུང་བའི་རྒྱུན། །སྟེར་བྱེད་ཁྱོད་ཀྱི་ལུང་རིག་གིས། །དེ་དག་སྤོབས་པའི་གན་མཛོད་ནི། །ངལ་བས་བསྒྲུབས་ཀུན་གཅིག་ཅར་འཕྲོག །སོ་གསུམ་པ་ཤིས་བརྗོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཡིད་ལ་མངོན་པར་འདོད་པའི་དངོས་པོ་ལ་སྨོན་པར་བྱེད་པའི་ངག་སྟེ། དཔེར་ན། གློ་བུར་རྟོག་པའི་མཚན་མ་ཀུན། །ཤིན་ཏུ་ཞི་བ་དམ་པའི་དངོས། །རྣམ་ཀུན་མཆོག་ལྡན་ཡེ་ཤེས་ཀྱིས། །ཁྱོད་ལ་ཀུན་ཏུ་སྲུང་གྱུར་ཅིག །སོ་བཞི་པ་རབ་སྤེལ་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཐ་དད་པའི་རྒྱན་གཉིས་སམ་མང་པོ་རྣམས་བསྲེས་པ་སྦྱོར་བ་གཅིག་ལ་གནས་པའི་ངག་སྟེ། དབྱེ་ན་གཉིས་ལས། དང་པོ་སྟོབས་མཚུངས་རབ་སྤེལ། བརྟན་པའི་འཁོར་ལོའི་མཚན་དཔེའི་གཟིས། །ཉིན་མོའི་དཔེ། མཛེས་པ་ཟུམ་པར་བྱེད། །རྨད་དོན་གཞན་བཀོད་པ་དང་། བྱུང་སྣང་བའི་དཔལ་སྦྱིན་ལ། །ཀུན་དགའ་སྟེར་བ་སོམ་ཉི་ཅི། །སྒྲུབ་བྱེད་མཚུངས་པའི་རབ་སྤེལ། ཡིད་འོང་འཇོ་སྒེག་ལྡན་པ་ཡི། །ལང་ཚོ་དར་བའི་རིགས་ཀྱི་རང་བཞིན་བརྗོད་པ། འཕགས་རྣམས་ཀྱི། སྙན་པའི་ཚིག་མ་བསྡུས་གཟུགས་ཅན། གི་སྦྲང་རྩི་ཡིས། །རྣ་བ་སྐལ་བྱ་བའི་རང་བཞིན་བརྗོད་པ་སྟེ་སློབ་དཔོན་རཏྣ་ཤྲཱིའི་འགྲེལ་པར་དཔེར་བརྗོད་པ་དང་མཐུན་པར་བྱས་སོ། །བཟང་ཉིད་དུ་བྱེད། །སོ་ལྔ་པ་དགོངས་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྙན་ངག་མཁན་རྣམས་ཀྱིས་ཇི་ལྟར་བསམ་པ་དང་རྗེས་སུ་མཐུན་པར་ཕུན་སུམ་ཚོགས་པའི་ཉམས་དང་ལྡན་པར་སྦྱར་བ་ཁྱད་པར་བཞི་ལྡན་གྱི་ངག་སྟེ། དེ་ལྟ་བུ་ནི་གཞུང་གི་རྒྱན་ཆེན་པོ་ལ་ཡོད་པ་ཉིད་ཀྱི་ཕྱིར་དཔེར་བརྗོད་དུ་བསྙད་པའི་ཤློ་ཀ་རེ་གཉིས་ཀྱིས་རྩ་བའི་དགོངས་དོན་བཤིག་པར་མི་བྱའོ། །སྨྲས་པ། སྙན་པའི་མཛེས་པས་གཞར་ཡང་མ་སྨད་དོན་བཟང་འདོད་པ་འཇོ་བའི་ཕྲེང་། །འདིས་ཀྱང་མཁས་པའི་མགྲིན་པར་མཛེས་ཞེས་གཟུར་གནས་ཚོགས་རྣམས་གཏམ་དུ་གླེང་། །སྙིགས་སྤྱོད་དཔྱིད་ཀས་དྲངས་པའི་འཁོར་འགྲོ་ཕྱོགས་ལྷུང་འབིགས་བྱེད་ཁམ་ཟས་ཅན། །འགའ་ཞིག་ལེགས་བཤད་ལྕིད་ཀྱིས་གདུངས་ཏེ་ལེགས་སོའི་གླུ་དབྱངས་སྒྲོགས་མི་བྱེད། །འོན་ཀྱང་གཅིག་ཏུ་གཞན་ཕན་ལ། །ཆགས་པའི་ཚིག་གི་མེ་ཏོག་གིས། །དོན་མཐུན་རྣ་བའི་རི་བོའི་ངོགས། །འཁྱུད་པས་ཀུན་ཏུ་སྨན་གྱུར་ཅིག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ལས། དོན་གྱི་རྒྱན་གྱི་ཡོངས་སུ་བཅད་པའི་སྐབས་ཏེ་གཉིས་པའོ།། །། མཛེས་མཛེས་མཚན་དཔེའི་མཚར་སྡུག་རྫོགས་པ་ཨུཏྤལ་ཚལ་མིན་བྱམ༷ས་པ༷འི་བདུད་རྩིའི་བརླན་རབ་ཆགས། །སྙན་སྙན་ལེགས་བཤད་དབྱངས་སུ་འཇོ་འདི་ཁུ་བྱུག་ཉིད་མིན་སྐལ་བཟང་ཀུན༷་དག༷འི་ཚོར་བ་སྦོམ། །གསལ་གསལ་གྲགས་པའི་སྤྲིང་ཡིག་འགྲིམ་འདི་ཟླ་ཤེལ་མྱུ་གུ་སར་པ་མ་ལགས་བསྟན༷་འཛི༷ན་ཀུན་གྱི་རྒྱན་གྱུར་ཕྱིར། །དྭངས་དྭངས་བློ་ཡིས་རྟག་ཏུ་མཆོད་ན་ཚེ་འདི་ཙམ་མིན་བྱང་ཆུབ་བར་དུ་བཤེས་སུ་མཛོད། །དེ་ལྟར་དོན་གྱི་རྒྱན་ཉིད་ལས། །བརྩམས་པའི་མེ་ཏོག་གཏོར་བྱས་ནས། །སྒྲ་དང་གབ་ཚིག་དག་གི་ཡང་། །དཔེར་བརྗོད་ཅུང་ཟད་སྤྲོ་ལ་ཕྱོགས།། །།ལེའུ་གསུམ་པ་ལས་བྱུང་བའི་རྒྱན་གཉིས་པ་སྒྲ་རྒྱན་ལ་གསུམ་སྟེ། ཟུང་ལྡན་གྱི་རྣམ་པར་བཞག་པ། བྱ་དཀའ་བའི་ཁྱད་པར་གཞན་བཤད་པ་དབྱངས་སོགས་ངེས་པའི་བྱ་དཀའ་བྱེ་བྲག་ཏུ་ཕྱེ་བའོ། །དང་པོ་ལའང་། རྐང་པ་དང་པོ་ན་ཡོད་པའི་ཟུང་ལྡན། གནས་གཞན་ན་ཡོད་པའི་ཟུང་ལྡན། མཐའ་ཐོག་སྦྱར་བའི་ཟུང་ལྡན། ཀུན་ཏུ་ཟུང་ལྡན། བསྲེས་པའི་ཟུང་ལྡན། བཟློག་པའི་ཟུང་ལྡན་ཏེ་དྲུག་གོ། དེ་ལ་དང་པོ་རྐང་པའི་ཐོག་མར་ཡོད་པའི་ཟུང་ལྡན་ལའང་གསུམ་གྱི་དང་པོ་བར་མཆོད་པའི་རྐང་པ་རེར་རེ་རེ་ཡོད་པ། དང་པོར། སྙན༷་སྙན༷་བཻཌཱུར་ཏམྦུ་རཿ དལ་གྱིས་བརྡུངས་པའི་འཇོ་སྒེག་གིས། །སྐལ་བཟང་ཚོགས་རྣམས་སྐྱོང་མཛད་པ། །སྭ་ར་སྭ་ཏཱིས་དགེ་ལེགས་སྩོལ། །འདི་ཡང་། འཇི༷ག་རྟེན༷་འཇི༷ག་རྟེན༷་འདས་པ་ཡི། །ཕུན་ཚོགས་ནོར་བུའི་ཅོད་པན་གྱིས། །ལན་བརྒྱར་བཏུང་བའི་རྣམ་འདྲེན་རྗེའི། །ཞབས་རྡུལ་སྤྱི་བོའི་གཙུག་ཏུ་ལེན། །གཉིས་པ། ལྷ་དང་དྲང་སྲོང་གྲུབ་པའི་དབུས། །མཛེས་མཛེས་མཚན་དཔེའི་རི་མོ་ཅན། །ཡིད་འོང་ངང་པའི་བུ་མོ་ཡིས། །བདག་བློའི་པད་མཚོར་རྩེན་པར་མཛོད། །འདི་ཡང་། ཚུལ་གནས་ཁྲིམས་ཀྱི་ཀཻས་ར་ས། །མཛེས་པས་མཛེས་པ་གཞན་དག་ཀུན། །འགོགས་བྱེད་བྱམ༷ས་བརྩེའི་རོས་བརླན་པའི༷། །ཐེག་ཆེན་སོ་ཐར་པདྨོ་དགོད། །གསུམ་པར། གང་ཞིག་ཁྱོད་ཞབས་ལ་རེག་པས། །རྣམ་འབྱེད་ཀུ་མུད་དར་བབས་པའི། །གསལ་གསལ་གྲགས་དཀར་ཟླ་བ་ཡིས། །འདི་ན་ཤིས་པའི་སྣང་བ་སྩོལ། །འདི་ཡང་། རྟག་ཏུ་མཐའ་ཀླས་འགྲོ་བ་ལ། །ཀུན་དགའི་དགའ་སྟོན་ཉེར་སྦྱིན་པའི། །སྙིང་རྗེ་སྙིང་རྗེའི་དབང་ཕྱུག་དང་། །མི་ཕྱེད་བྱང་ཆུབ་སེམས་དཔའ་མཆོག །བཞི་བར། མྱོས་པའི་དམར་བས་རེག་པ་ཡི། །ཟུར་མིག་གཡོ་ལྡན་མཆིལ་བ་ཡིས། །བཏབ་པ་མིན་ཀྱང་ཕྱོགས་བྲལ་གྱི། །མཁས་མཁས་དཔྱོད་ལྡན་བརྟན་པ་འཕྲོག །འདི་ཡང་། ཁྱད་པར་རྡོ་རྗེ་ཐེག་པ་ཡི། །བསྟན་འཛིན་གྲུབ་རིགས་རྒྱ་མཚོས་ཀྱང་། །ཁྱོད་ཞབས་བསྙེན་ལ་རིངས་བཞིན་དུ། །བསྔགས་པས་བསྔགས་པའི་ཡི་གེས་བརྗིད། །དང་པོ་གཉིས། ལྷོད་ལྷོད་མགྲིན་པའི་སྤྲིན་དཀར་ལས། །དིར་དིར་ལེགས་གསུངས་དབྱར་གྱི་རྔ། །སྒྲོགས་པས་མོས་ལྡན་མདོངས་མཐའི་ཚོགས། །མཁྱེན་པའི་རྩེ་དགས་བཟུང་བར་མཛོད། །འདི་ཡང་། བློ་གྲོས་བློ་གྲོས་བདག་པོ་དང་། །ཡོན་ཏན་ཡོན་ཏན་རྒྱ་མཚོའི་དཔྱིད། །མགོན་པོ་ཁྱོད་ཀྱིས་བྱང་ཆུབ་བར། །བདག་སོགས་རྗེས་སུ་བཟུང་མཛོད་ཀྱེ། །དང་པོ་དང་གསུམ་པར། ཆིལ་ཆིལ་ནོར་བུའི་ཐག་པ་ཡིས། །འཁྱུད་པའི་ལྷོ་ཕྱོགས་རོལ་མཚོ་ཆེར། །འཛུམ་འཛུམ་ཁྱོད་ཞལ་བཞད་པའི་ཚེ། །ཚངས་པའང་ཆགས་བྲལ་མལ་ལས་བསླང་། །དང་པོ་དང་བཞི་པར། དཀར་དཀར་འོ་མའི་ཆུ་གཏེར་གྱིས། །ལན་བརྒྱར་བཀྲུས་པའི་ཞབས་སེན་རྡུལ། །གནག་ཅིང་སྣུམ་པའི་ཨུཏྤ་ལར། །མཚར་མཚར་མིག་གི་བདུད་རྩིར་བཀོད། །གཉིས་པ་དང་གསུམ་པར། སོར་མོའི་འཁྲི་ཤིང་འདར་བ་ལ། །ལིང་ལིང་རྒྱུད་མང་བྷྲ་མ་རས། །ཡང་ཡང་རྩེན་པའི་ལེགས་བཤད་གཏམ། །སྲིད་རྩེའི་བར་དུ་སོང་བར་གྱུར། །གཉིས་པ་དང་བཞི་པར། དེ་ཚེ་འཆི་མེད་གྲུབ་པའི་ཚོགས། །སིམ་སིམ་རྣ་བའི་སྐལ་བཟང་དུ། །མཐོང་ནས་གཞན་དུ་མི་གཡོ་བར། །དུང་དུང་སེམས་ཀྱིས་མཉན་ལ་ཕྱོགས། །གསུམ་པ་དང་བཞི་པར། ཁྱད་པར་སྙིང་རྗེའི་བརླན་ཆགས་པའི། །ཡེ་ཤེས་གཟིགས་པའི་ཟླ་ཤེལ་ནི། །ཁོར་ཁོར་ཕྱོགས་ཀྱི་བུ་མོའི་འགྲམ། །རིག་རིག་བློ་མིག་སྦྱིན་ལ་ཆས། །རྐང་པ་གསུམ་རེར་ཡོད་པ། དང་པོ་གསུམ། འཇམ་འཇམ་ཀཱ་ཤིའི་སྟོད་གཡོགས་ལ། །མང་མང་རིན་ཆེན་གྱིས་ལྕིད་པའི། །སིལ་སིལ་སྒྲ་ཡི་རོལ་མོ་ཡིས། །ཕྱོགས་ཀུན་རྒྱས་པར་འགེངས་པ་བཞིན། །དང་པོ་དང་གཉིས་པ་བཞི་པར། འཚེར་འཚེར་དབང་པོའི་གཞུ་རིས་དང་། །མཁས་མཁས་སྣ་ཚོགས་ལས་པ་ཡིས། །བྲིས་པ་ཇི་བཞིན་དཱུ་ཀུ་ལའི། །ལྡེམ་ལྡེམ་སྨད་གཡོགས་སར་པས་འཁྱུད། །དང་པོ་དང་ཕྱི་མ་གཉིས། བསིལ་བསིལ་ག་བུར་རྐང་འཐུང་ལ། །རེག་པ་མིན་ཡང་ཁྱོད་ཞབས་ལས། །ཟབ་ཟབ་སྙན་ངག་བཅུད་མྱོང་བས། །གྲུང་གྲུང་བློ་མཆོག་ལང་ཚོ་དར། །ཕྱི་མ་གསུམ། དེ་སླད་མཁས་བརྒྱའི་མགྲིན་པའི་མཚོས། །འགྲིག་འགྲིག་ཚིག་རྒྱན་མེ་ཏོག་བཅས། །གུས་གུས་བརྟུལ་ཞུགས་ལྷུར་ལེན་ནས། །བཟང་བཟང་ཁྱོད་ཞབས་མཆོད་མིན་ནམ། །རྐང་པ་བཞི་ཀར་ཡོད་པ། དུང་དུང་འཕགས་མ་རྗེས་དྲན་བདག །དྭངས་དྭངས་རྣམ་དཔྱོད་མི་ལྡན་ཀྱང་། །ཡང་ཡང་མཚོ་བྱུང་བསྔགས་པའི་མཐུས། །སྐྱེ་ནས་སྐྱེ་བར་རྗེས་བཟུང་ཤོག །གཉིས་པ་བར་དུ་ཆོད་པ་ལ་རྐང་པ་གཉིས་རེར་ཡོད་པ་ལས། དང་པོ་གཉིས། འཇམ་དབྱངས་ངུར་སྨྲིག་ཟློས་གར་ཅན། །འཇམ་མགོན་བླ་མའི་ཡོན་ཏན་གྱི། །གྲགས་པའི་ཆུ་གཏེར་ཆེན་པོ་ལ། །སྒྲ་རྒྱན་ཟླ་བའི་འཛུམ་གྱིས་བྲན། །དང་པོ་དང་གསུམ་པར། གང་ཞིག་གཟོད་ནས་དག་པ་ཡི། །ཡེ་ཤེས་ཕ་རོལ་ཕྱིན་བརྙེས་ཀྱང་། །གང་དག་སྐལ་བས་ཕྱུག་རྣམས་དང་། །རྗེས་མཐུན་མཚན་དཔེའི་སྒྱུ་འཕྲུལ་སྟོན། །དང་པོ་དང་བཞི་པར། །ཁྱོད་ཞལ་པདྨོ་གཞོན་ནུ་ནས། །རིག་པའི་མཚར་སྡུག་གཡོ་བ་ཡིས། །ཆེར་རློམ་ཁེངས་པ་སྙིལ་མཛད་པ། །ཁྱོད་ཚུལ་སུ་ཞིག་བསྔགས་མི་སྤྲོ། །བར་པ་གཉིས། ཐོག་མ་ཉིད་ནས་འཇུག་པའི་སྒོ། །ཡི་གེའི་སྦྱོར་བ་ལ་འཆེལ་བས། །ཡི་གེ་མིང་དང་ཚིག་རྣམས་ཀྱི། །སྒྲ་དང་དོན་དུ་བཅས་པ་རྟོགས། །གཉིས་བཞིར། སྲིད་པ་ཞི་བའི་རྣམ་འགྱུར་ནི། །སྣ་ཚོགས་མ་འདྲེས་བསྐྲུན་པ་ཡིས། །མཛེས་པ་གཞན་དག་རིང་འགོགས་པས། །སྣ་ཚོགས་ལས་པའི་སྙེམས་པ་འཕྲོག །ཕྱི་མ་གཉིས། མི་ན་གནས་དང་རྣམ་འགྱུར་ཚོགས། །གསོ་བྱེད་ཡན་ལག་བརྒྱད་པའི་ཆར། །ཕན་དགོངས་སྤྲིན་གྱིས་བཟུང་བ་ལས། །ཕན་བདེའི་སྙེ་མ་གཡུར་ཟ་མཛོད། །རྐང་པ་གསུམ་རེར་ཡོད་པ་ལ། །དང་པོ་གསུམ། བརྡ་སྤྲོད་གཞུང་མང་རིན་ཆེན་གྲུས། །བརྡ་སྤྲོད་རྒྱ་མཚོ་ཆེར་བརྒལ་བས། །བརྡ་སྤྲོད་སྨྲ་བ་ཁྱོད་གཅིག་ཅེས། །རྣམ་ཐར་ཕྱོགས་ཀྱི་བུ་མོས་གླེང་། །དད་པོ་དང་གསུམ་བཞིར། ཚད་མར་གྱུར་པའི་གངྒཱ་ནི། །ཤེས་བྱའི་ལམ་གསུམ་ཀུན་ཁྱབ་པས། །ཚད་མར་སྨྲ་བའི་བསིལ་བ་ཡིས། །ཚད་མིན་དག་གི་མེ་ལྕེ་གཞིལ། །ཕྱི་མ་གསུམ། ཁྱད་པར་རང་ཉིད་ཤེས་བྱའི་ཆོས། །ཀུན་མཁྱེན་ཐེམ་སྐས་ལ་འཛེགས་ཏེ། །ཀུན་མཁྱེན་ལམ་སྲོལ་འཛིན་པ་ལ། །ཀུན་མཁྱེན་རྒྱལ་བ་གཉིས་པ་བཞིན། །རྐང་པ་བཞི་ཀའི་ཐོག་མར་ཡོད་པ་ལ། ཚིག་རྒྱན་ཆུ་ཀླུང་ཀུན་བཏུང་བའི། །ཚིག་གཏེར་མགྲིན་པའི་རོལ་མཚོ་ནི། །ཚིག་སྙན་རྦ་རླབས་སྟོད་གཡོ་བས། །ཚིག་གི་བདག་པོའི་མཛེས་པ་བཟུང་། །རྐང་པ་བཞི་ཆ་གཉིས་སུ་ཡོད་པ་ལ། དང་པོ་གཉིས་མཚུངས་ཕྱི་མ་གཉིས། །འདོད་རྒྱ༷ལ་ཉིད་དམ་རྗེས་གྲུབ་ཏུ། །འདོད་པའི་མིང་གི་མངོན་བརྗོད་ནི། །རྣམ་མང་ཨ་མྲྀའི་དོག་པ་ཡིས། །རྣམ་དཔྱོད་ལྡན་པའི་གཞན་གསོས་འགུགས། །དང་པོ་གསུམ་དང་གཉིས་བཞིན། ཚིགས་བཅད་རྐང་བཞིའི་བཉྫུལ། །ངོ་མཚར་པྲྀཏྟ་ཛཱ་ཏི་ཡི། །ཚིག་སྦྱོར་མཚར་སྡུག་དར་བབས་པར། །ངོ་མཚར་སྦྱོར་བའི་སྙིང་པོ་སྒེག །ཐོག་མཐའ་གཉིས་འདྲ་བར་པ་གཉིས་འདྲ། ཕྱི་ནང་གཞན་གསུམ་དབྱེར་མེད་པ། །དཔལ་ལྡན་དུས་ཀྱི་འཁོར་ལོ་དང་། །དཔལ་ལྡན་དབྱངས་འཆར་སྤོར་ཐང་བཅས། །ཕྱི་དོན་རྟེན་འབྲེལ་རྩིས་ལ་མཁས། །གསུམ་པ་ཆོད་ཅིང་མཆོད་པ་ལའང་གསུམ་ལས། སྔ་མ་གཉིས་འདྲ་ཕྱི་མ་གཉིས་འདྲ་བ། སྙན་སྙན་སྔོན་བྱུང་གཏམ་གྱི་ཚོགས། །སྙན་སྙན་དབྱངས་བདུན་ལ་སྦྱར་བའི། །ལིང་ལིང་ཟློས་གར་ཨུཏྤ་ལར། །ལིང་ལིང་གཞན་ཡིད་བུང་བས་རྩེན། ཐོག་མཐའ་དང་བར་པ་གཉིས། གསལ་གསལ་སྤོབས་པའི་སྟེང་འཐུང་གིས། །ཡང་ཡང་རིག་གཞུང་བཅུད་བཟུང་བས། །ཡང་ཡང་འཆད་རྩོད་རྩོམ་པའི་རོས། །གསལ་གསལ་གྲགས་དཀར་ཡི་གེར་བཀོད། །བཞི་ཀའི་ཐོག་མར། མཛེས་མཛེས་ཁོར་ཡུག་རྒྱ་མཚོའི་འགྲམ། །མཛེས་མཛེས་སྤྲིན་གྱི་དུམ་བུས་ཏེ། །མཛེས་མཛེས་གཟུ་བོར་གནས་པའི་མདུན། །མཛེས་མཛེས་ཁྱོད་ཀྱི་ཚུལ་འདིས་ཀྱང་། །གཉིས་པ་གནས་གཞན་ན་ཡོད་པའི་ཟུང་ལྡན་ལ་བཅུ་གཉིས་ལས། བཞི་ཀའི་དབུས་ཀྱིས་ཆོད་ཅིང་མ་ཆོད་པ། གང་ཁྱོད་ཚིག་མཁས་མཁས་པའི་གཟིས། །རྨད་བྱུང་དོན་མཁས་མཁས་པར་སྣང་། །དེ་སླད་ཁྱོད་མཁས་མཁས་རློམ་གཞན། །ཕྱོགས་རེ་ཙམ་མཁས་མཁས་དངོས་མིན། །བཞི་ཀའི་དབུས་ཀྱིས་ཆོད་པ། འགྲོ་ཀུན་ལེགས་ལམ་ལེགས་སྟོན་ཕྱིར། །རྒྱལ་བས་ལེགས་གསུང་ལེགས་པའི་བཅུད། །ངལ་མེད་ལེགས་འདོམས་ལེགས་སྤྱོད་ཀྱིས། །ངེས་པར་ལེགས་པའི་ལེགས་བྱས་དར། །རྐང་བཞིའི་མཐས་ཆོད་པ། ཐོས་པས་སྐལ་བཟང་སྣང་བ་རྒྱས། །བསམ་པས་རྣམ་དཔྱོད་བློ་མིག་རྒྱས། །སྒོམ་པས་གྲུབ་པའི་ཡོན་ཏན་རྒྱས། །དེ་སླད་ཁྱོད་ཀྱི་ཕུན་ཚོགས་རྒྱས། །བཞི་ཀའི་མཐར་ཆོད་ཅིང་མཆོད་པ། །ཟླ་ཤེལ་བདུད་རྩིའི་འོད་གསལ་གསལ། །དེ་ཡིས་ཀུནྡཱའི་ནགས་གསལ་གསལ། །གང་གི་ཕན་མཛད་སྤྱོད་གསལ་གསལ། །དེས་ཀྱང་ཀུན་དགའི་དཔལ་གསལ་གསལ། །བར་མཐའ་ཆོད་པ། ཉིན་མོའི་སྣང་བས་ཀུན་གསལ་སྣང་། །དེ་ཡི་སྣང་བས་ཕྱོགས་ཀུན་སྣང་། །ཁྱོད་མཁྱེན་སྣང་བས་སྐལ་བཟང་སྣང་། །དེ་དེའི་སྣང་བས་རྒྱལ་བསྟན་སྣང་། །བར་མཐར་ཆོད་ཅིང་མ་ཆོད་པ། རབ་མཛེས་མཛེས་མའི་ཚུལ་མཛེས་མཛེས། །དེར་མཛེས་མཛེས་པའི་བཞིན་མཛེས་མཛེས། །ཁྱོད་མཛེས་མཛེས་སྐུའི་དཔལ་མཛེས་མཛེས། །དེར་མཛེས་མཛེས་པའི་མཚན་མཛེས་མཛེས། །ཐོག་བར་དུ་ཆོད་པ། དཔལ་ལྡན་ཁྱོད་ཀྱི་དཔལ་ཡོན་དང་། །དཔལ་སྟུག་རྒྱལ་བའི་དཔལ་མཚུངས་ཕྱིར། །དཔལ་མོའི་བདག་སོགས་དཔལ་གྱིས་ཀྱང་། །དཔལ་ལྡན་བླ་མའི་དཔལ་མི་མཚོན། །དང་པོ་གསུམ་པའི་ཐོག་མཐའ་གཉིས་བཞིར་ཐོག་བར་གྱིས་ཆོད་ཅིང་མ་ཆོད་པ། སྙན་སྙན་གཞན་གསོས་མགྲིན་སྙན་སྙན། །སྙན་སྙན་རྣ་བར་སྙན་སྙན་འཇོ། །སྙན་སྙན་ནཱ་ངའི་དབྱངས་སྙན་སྙན། །སྙན་སྙན་ལེགས་བཤད་སྙན་སྙན་འབབ། །བཞི་ཀའི་ཐོག་མཐའ་བར་ཆོད་པ། །མཆོག་ཏུ་མི་འགྱུར་གཟུགས་སྐུ་མཆོག །མཆོག་གསང་གཞོམ་མེད་སྒྲ་སྐད་མཆོག །མཆོག་བདེའི་རོས་བརླན་ཡེ་ཤེས་མཆོག །མཆོག་གྱུར་མགོན་ཁྱོད་སྐྱབས་ཀྱི་མཆོག །བཞི་ཀའི་ཐོག་མཐའ་བར་ཆོད་ཅིང་མ་ཆོད་པ། བསིལ་བསིལ་ཙནྡན་འོད་བསིལ་བསིལ། །བསིལ་བསིལ་འབིགས་བྱེད་རླུང་བསིལ་བསིལ། །བསིལ་བསིལ་ལེགས་བཤད་གཏམ་བསིལ་བསིལ། །བསིལ་བསིལ་ཐར་པའི་དཔལ་བསིལ་བསིལ། །གནས་གསུམ་ཀའི་ཆོད་པ། དཀར་བསིལ་སྤྲིན་དཀར་བླ་བྲེ་དཀར། །དཀར་འཇམ་པད་དཀར་རྫིང་བུ་དཀར། །དཀར་མཛེས་ཁྱོད་དཀར་ལེགས་བྱས་དཀར། །དཀར་གསལ་གྲགས་དཀར་ཕུང་པོ་དཀར། །གནས་གསུམ་ཀའི་ཆོད་ཅིང་མ་ཆོད་པ། མཛེས་མཛེས་དབྱར་གྱི་ཀུན་གསལ་མཛེས་མཛེས་སྤྲིན་དཀར་ལང་ཚོའི་དཔལ་མཛེས་མཛེས། །མཛེས་མཛེས་དེ་ཡི་འགྲམ་པར་མཛེས་མཛེས་གློག་གི་རྣ་ཆ་གཡོ་མཛེས་མཛེས། །མཛེས་མཛེས་མཁས་མང་ཆུ་མཚོར་མཛེས་མཛེས་ཁྱོད་ཞབས་པདྨོ་དཔལ་མཛེས་མཛེས། །མཛེས་མཛེས་དེ་ལ་མངོན་པར་མཛེས་མཛེས་གྲགས་སྙན་བདུད་རྩིའི་འོད་མཛེས་མཛེས། །གསུམ་པ་མཐའ་ཐོག་སྦྱར་བའི་ཟུང་ལྡན་ནི། མདོར་ན་བསྔགས་འོས་རྣམ་ཐར་མཆོག །ཐར་མཆོག་འདོད་པ་འཇོ་མཛད་པའི། །མཛད་པ་མཐའ་ཀླས་མངོན་བརྗོད་པ། །བརྗོད་པ་ཉུང་དུས་ཇི་ལྟར་འདྲེན། །འདི་ཡང་། འོན་ཀྱང་རབ་གུས་སྦྲང་རྩིའི་བཅུད། །བཅུད་དུ་ཉེར་འཐུང་བུང་བའི་སྒྲ། །སྒྲ་རྒྱན་གླུར་ལེན་བྱེད་པོ་གང་། །གང་ཞབས་པད་མཚོར་རྟག་བསྙེན་ཤོག །བཞི་པ་ཀུན་ཏུ་ཟུང་ལྡན་ལ། རྐང་པ་བཟླས་པ། ཚིགས་བཅད་བཟླས་པ། ཟུང་ལྡན་ཆེན་པོའོ། །དང་པོ་ལའང་གཉིས་ཀྱི། དང་པོ་ལན་གཅིག་བཟླས་པའི་བྱེ་བྲག་ཡང་དག་པར་སྐྱར་བ་ལ། དང་པོ་གསུམ་པ་དང་། གཉིས་པ་བཞི་བར་བཟླས་པ། མངོན་མཐོའི་སར་གནས་ཨ་མྲྀ་ཏའི། །བླ་མ་དང་ཟླ་བ་སྦྱར་བའོ། །སྙིང་པོའི་ལྕིད་ལྡན་ཀུན་དགའི་དཔྱིད། །མངོན་མཐོའི་སར་གནས་ཨ་མྲྀ་ཏའི། །སྙིང་པོའི་བཅུད་ལྡན་ཀུན་དགའི་དཔྱིད། །དང་པོ་གཉིས་པ་དང་། གསུམ་པ་བཞི་པར། མུན་སེལ་ཉི་མ་དང་སྦྱར། སྣང་བའི་མཆོག་སྦྱིན་མཁས། །མུན་སེལ་སྣང་བའི་མཆོག་སྦྱིན་མཁས། །གཞན་ཕྱིར་རྟག་འཆར་འཇིག་རྟེན་མིག །གཞན་ཕྱིར་རྟག་འཆར་འཇིག་རྟེན་མིག །དང་པོ་བཞི་པ་དང་གཉིས་པ་གསུམ་པ། ཡིད་ལྷ་དབང་ཕྱུག་ཆེན་པོ་ལ་སྦྱར། སྲུབས་ཚོགས་ཀུན་མཐར་བྱེད་པ། །དབང་ཕྱུག་བརྒྱད་ལྡན་སརྦ་ཛྙཿ དབང་ཕྱུག་བརྒྱད་ལྡན་སརྦ་ཛྙཿ། །ཡིད་སྲུབས་ཚོགས་ཀུན་མཐར་བྱེད་པ། །གཉིས་པ་དེ་ལས་གཞན་པའི་རྐང་པ་བསྐོར་བ་ལ་གསུམ་གྱི། ལན་གཅིག་བཟླས་པ་ལའང་དྲུག་གི། །དང་པོ་གཉིས་པར་བཟླས་པ། འདོད་དགུ་སྦྱིན་པའི་ཕྱག་ཡངས་པོ། །འདོད་དགུ་སྦྱིན་པའི་ཕྱག་ཡངས་པོ། །ངལ་གསོའི་དབང་པོའི་གནོད་གནས་གྲོང་། །ཁྱོད་ཞབས་ལྷར་བཅས་བླ་ན་བརྗིད། །དང་པོ་གསུམ་པར། །བསོད་ནམས་བྱེ་བས་བསྐྲུན་པ་ཡི། །འཇམ་མགོན་བླ་མའི་མཚན་དཔེའི་བྱིན། །བསོད་ནམས་བྱེ་བས་བསྐྲུན་པ་ཡི། །སྐལ་བཟང་སྐྱེ་རྒུའི་མིག་ཏུ་སྣང་། །དང་པོ་བཞི་པར། དབྱངས་ཀྱི་ཡན་ལག་རྒྱ་མཚོའི་གཏེར། །མཚོ་བྱུང་ཕྱག་གི་རྒྱུད་མང་སྟེ། །སྨྲ་དབང་གང་གི་གསུང་གསང་ཡང་། །དབྱངས་ཀྱི་ཡན་ལག་རྒྱ་མཚོའི་གཏེར། །གཉིས་པ་གསུམ་པར། སྒྲིབ་གཉིས་རྒྱུར་བཅས་ཡོངས་བཅོམ་པ། །ཁྱོད་ཐུགས་རྣམ་པ་ཀུན་ལྡན་དབྱིངས། །ཁྱོད་ཐུགས་རྣམ་པ་ཀུན་ལྡན་དབྱིངས། །ཟག་བྲལ་ཡེ་ཤེས་དམ་པའི་སྣོད། །གཉིས་པ་བཞི་པར། གང་གི་ཡོན་ཏན་ཕུང་པོ་ནི། །འཆི་མེད་ལམ་གྱི་མཐར་མི་ཤོང་། །དེ་སླད་བསྔགས་པའི་སྙན་ཚིག་ཀྱང་། །འཆི་མེད་ལམ་གྱི་མཐར་མི་ཤོང་། །གསུམ་པ་བཞི་པར། ཐབས་མཁས་ཕྲིན་ལས་རྣམ་མང་པོས། །ས་གསུམ་ཀུན་ཏུ་ཁྱབ་འཇུག་པའི། །སྣ་ཚོགས་གཟུགས་ཅན་འཆང་བ་པོ། །སྣ་ཚོགས་གཟུགས་ཅན་འཆང་བ་པོ། །ལན་གཉིས་བཟླས་པ་ལའང་གསུམ་གྱི། དང་པོ་ཉིད་གཉིས་པ་དང་གསུམ་པར་ཡང་བཟླས་པ། ཐོབ་པས་གདུང་སེལ་འདོད་དགུའི་དཔྱིད། །ཐོབ་པས་གདུང་སེལ་འདོད་དགུའི་དཔྱིད། །ཐོབ་པས་གདུང་སེལ་འདོད་དགུའི་དཔྱིད། །ཁྱོད་ཞབས་ནོར་བུ་མནྡཱ་ར། །དང་པོ་ཉིད་གསུམ་བཞིར། གཅིག་ཏུ་གཞན་ཕྱིར་ཐུགས་བརྩེ་བ། །རྒྱལ་དང་རྒྱལ་སྲས་མགོན་ཁྱོད་ཀྱང་། །གཅིག་ཏུ་གཞན་ཕྱིར་ཐུགས་བརྩེ་བ། །གཅིག་ཏུ་གཞན་ཕྱིར་ཐུགས་བརྩེ་བ། །གཉིས་ཉིད་གསུམ་བཞིར། གང་མཚན་ག་བུར་དཔལ་གྱི་དུམ། །རེག་པས་བསིལ་བའི་མཆོག་སྦྱིན་པ། །རེག་པས་བསིལ་བའི་མཆོག་སྦྱིན་པ། །རེག་པས་བསིལ་བའི་མཆོག་སྦྱིན་པ། །ལན་གསུམ་དུ་བཟླས་པ། ཀུན་དགའི་སིམ་སྟེར་སྣང་སངས་རྒྱས་དང་བྱང་ཆུབ་སེམས་དཔལ། བའི་མཛོད། །ཀུན་དགའི་སིམ་སྟེར་སྣང་བའི་བླ་མ། མཛོད། །ཀུན་དགའི་སིམ་སྟེར་སྣང་བའི་ཟླ་བ་མཛོད། །ཀུན་དགའི་སིམ་སྟེར་སྣང་བའི་ནོར་བུའི་སྒྲོན་མེ། མཛོད། །གཉིས་པ་ཚིགས་བཅད་བཟླས་པ་ནི། མི་འགྱུར་མི་གནས་པའི་མྱ་ངན་ལས་འདས་པ། གོ་འཕང་ལ་རོལ་བཞིན། །མུན་པ་སྙིལ་བྱེད་རབ་དམ་ཆོས། བསིལ་གྱི། །བདུད་རྩིའི་དཔལ་སྟེར་ཀུན་སེམས་ཅན་ཐམས་ཅད་ལ་ཕན་པ། ཕན་ནི། །རྟག་ཏུ་ཞི་བའི་ཐར་པ་མཆོག་གི། རྩེ་མོར་འཛེགས་མི་ནམ་མཁའ། འགྱུར་གོ་འཕང་ལ་རོལ་བཞིན། །མུན་ཕྱི་རོལ་གྱི། པ་སྙིལ་བྱེད་རབ་སྲིད་པའི་བསིལ་གྱི། །བདུད་རྩིའི་ཟླ་ཟེར། དཔལ་སྟེར་ཀུན་ཟླ་བའི་མིང་། ཕན་ནི། །རྟག་ཏུ་དབང་ཕྱུག །ཞི་བའི་རྩེ་མོར་འཛེགས། །ཚིགས་བཅད་སྔ་མ་བླ་མ་དང་ཕྱི་མ་ཟླ་བ་ལ་སྦྱར་བའི་ཚུལ་མཆན་བུས་གསལ་བ་བཞིན་ནོ། །གསུམ་པ་ཟུང་ལྡན་ཆེན་པོ་ནི། མངོན་པར་མཐོ་ལྡན་རྨད་བྱུང་དཔལ་མངའ་སངས་རྒྱས། མངོན་པར་མཐོ་ལྡན་རྨད་བྱུང་དཔལ་མངའ་བྱང་སེམས། བ། །མངོན་པར་མཐོ་ལྡན་རྨད་བྱུང་དཔལ་མངའ་རང་རྒྱལ། མངོན་པར་མཐོ་ལྡན་རྨད་བྱུང་དཔལ་མངའ་ཉན་ཐོས། བ། །མངོན་པར་མཐོ་ལྡན་རྨད་བྱུང་དཔལ་མངའ་བླ་མ། མངོན་པར་མཐོ་ལྡན་རྨད་བྱུང་དཔལ་མངའ་ཚངས་པ། བ། །མངོན་པར་མཐོ་ལྡན་རྨད་བྱུང་དཔལ། མངའ་ཉི་མ། མངོན་པར་མཐོ་ལྡན་རྨད་བྱུང་དཔལ་མངའ་ཟླ་བ། བ། །ལྔ་པ་འདྲེས་པའི་ཟུང་ལྡན་ནི། མཁས་མཁས་ཕྱི་ནང་རིག་གཞུང་ཀུན་མཁས་མཁས་ཀུན་དགའ་བའི་ཞབས་པདྨོ། །པདྨོ་རྣམ་པར་རྒྱས་པའི་དཔལ་ཅན་སྲིད་ཞིའི་དཔལ་གྱིས་རབ་མཛེས་པས། །མཛེས་པ་གཞན་གྱི་ཁེངས་པ་ཉེར་འགོག་འགོག་པ་མེད་པའི་གྲགས་སྙན་ཚིག །སྙན་ཚིག་ཉམས་བརྒྱའི་ངག་གིས་བསྔགས་ལས་ངག་གི་དབང་ཕྱུག་བརྙེས་གྱུར་ཅིག །དྲུག་པ་བཟློག་པའི་ཟུང་ལྡན་ལ་གསུམ་ལས། རྐང་པ་བཟློག་པ། བློ་མཆོག་རབ་ཟབ་ཡུལ་ལས་གྲོལ། །གྲོལ་ལས་རབ་ཟབ་ཡུལ་མཆོག་བློ། །བརྙེས་སླད་ཞི་དང་སྲིད་པ་དག །དག་པ་སྲིད་དང་ཞི་སླད་བརྙེས། །ཚིགས་བཅད་ཕྱེད་བཟློག་པ། མཆོག་གྱུར་གྲུབ་རིགས་མཁས་རྣམས་དཔལ། །བསྔགས་པས་བརྗོད་འདས་བསམ་ཡས་མཐའ། །མཐའ་ཡས་བསམ་འདས་བརྗོད་པས་བསྔགས། །དཔལ་རྣམས་མཁས་རིགས་གྲུབ་གྱུར་མཆོག །ཚིགས་བཅད་བཟློག་པ། རྒྱལ་མཛད་ཕན་པས་གཞན་ཕྱིར་བརྩེ། །ངེས་དོན་ཟབ་བརླིང་མཁྱེན་ལྡན་དཔལ། །རིག་གཞུང་ལམ་མང་མཁས་ལ་འདོམས། །དེ་སླད་ཤེས་བྱ་གཟིགས་ཁྱོད་མཆོག །མཆོག་ཁྱོད་གཟིགས་བྱ་ཤེས་སླད་དེ། །འདོམས་ལ་མཁས་མང་ལམ་གཞུང་རིག །དཔལ་ལྡན་མཁྱེན་བརླིང་ཟབ་དོན་ངེས། །བརྩེ་ཕྱིར་གཞན་པས་ཕན་མཛད་རྒྱལ། །གཉིས་པ་བྱ་དཀའ་བའི་ཁྱད་པར་གཞན་བཤད་པ་ལ་གསུམ་ལས།། །། ༈ བ་ལང་གཅིན་གྱི་བྱ་དཀའ་བའི་དཔེར་བརྗོད་རེའུ་མིག་ཏུ་བཀོད་པ་འདིའོ། ། | བྱམ༷ས་པ༷འི་ཐུགས་ནི་ཤིན་ཏུ་སྒེག་ཀྱང་མེ་ཏོག་མདའ་ཅན་མཛེས་པ་ཟུམ། །ཀུན༷་དགའི༷་གསུང་གིས་རྣམ་གྲོལ་སྟོན་ཀྱང་ཕྱིར་རྒོལ་སྤོབས་པའི་རྒྱུ་བ་འཆིང་། །མཚན་དཔེའི་མཛེས་སྐུ་གཅིག་པུ་ཉིད་མོད་དུ་མའི་གར་དུ་རྣམ་རོལ་པས། །ཡོངས་རྫོགས་བསྟ༷ན་པའི་ངོ་མཚར་འཛི༷ན་བཟོད་ཁྱབ་བདག་བླ་མས་ཤིས་པ་སྩོལ། །ངེས་གསང་སྡེ་སྣོད་རྒྱ་མཚོའི་གཞུང་ལུགས་ལ། །རྣལ༷་དུ་འབྱོར༷་པའི་མཁྱེན་རབ་སྣང་བ་ནི། །འཇ༷མ་དཔ༷ལ་གཞོན་ནུས་བྱིན་གྱུར་ངག་གི་དབང་། །ཕྱོགས་ལས་རྣམ་རྒྱལ་བཟ༷ང་པོའི༷་ཞབས་ཀྱིས་སྐྱོངས། །ཟད་མེད་མཐའ་ཀླས་ཆོས་ཕུང་རྒྱ་མཚོའི་ཁམས། །དབྱངས་བདུན་རྫོགས་པའི་རྒྱུད་མང་གླུར་ལེན་པ། །རྒྱལ་བ་ཀུན་ཡུམ་ཚངས་པའི་སྲས་མོ་ཡིས། །ངག་དང་ཡིད་ལ་སྤོབས་པའི་མཆོག་སྦྱིན་མཛོད། །དེ་ཡི་བྱིན་རླབས་ཉིན་མོའི་རྡུལ། །བཏུང་ལས་རྣམ་དཔྱོད་མཚར་སྡུག་ནི། །པདྨོ་བཞིན་དུ་རབ་རྒྱས་པ། །དབྱུག་པ་ཅན་ཞེས་བྱ་བ་བྱུང་། །གང་གིས་བརྩམས་པའི་ཚིག་རྒྱན་གྱི། །བསྟན་བཅོས་ནོར་བུའི་མེ་ལོང་ངོགས། །སྙན་ངག་གཟུགས་བརྒྱ་འཆར་བ་ཡིས། །འདི་ན་ཡིད་ཀྱི་ངལ་འཚོར་གྱུར། །དེ་སླད་དེ་དང་རྗེས་མཐུན་པའི། །དཔེར་བརྗོད་དཎྜིའི་རྒྱུད་མང་ནི། །དོན་མཐུན་ཕྱོགས་ཀྱི་བུ་མོ་ཡི། །རྣ་བའི་བཅུད་དུ་བསྒྲེང་ལ་ཕྱོགས། །འདིར་འཕགས་པའི་ཡུལ་གྱི་སློབ་དཔོན་ཆེན་པོ་དབྱངས་ཅན་མགྲིན་པར་ཆགས་པ་དཔལ་ལྡན་པཱ་ལ་ཤའི་དབྱུག་པ་འཆང་བའི་ཞབས་ཀྱི་རྗེས་སུ་འབྲང་བའི་ཚིག་རྒྱན་གྱི་དཔེར་བརྗོད་པ་ཅུང་ཟད་ཅིག་སྤྲོ་ན་གསུམ་སྟེ། ལེའུ་དང་པོ་ལས་བྱུང་བ་ཐུན་མོང་མ་ཡིན་པའི་རྒྱན་དང་། ལེའུ་བར་པར་ཐུན་མོང་པ་དོན་གྱི་རྒྱན་སོ་ལྔ་དང་། ལེའུ་ཐ་མར་སྒྲ་དང་གབ་ཚིག་གི་རྒྱན་སྐྱོན་བཅུ་སྤང་བ་དང་བཅས་པ་རྣམས་སོ། །དང་པོ་ལའང་ཤར་ལྷོའི་ལམ་སྲོལ་གྱི་ཡོན་ཏན་བཅུ་ལས། དང་པོ་སྦྱར་བའི་ཡོན་ཏན་ལ། ལ་ཡིག་ལ་བསྐོར་བའི་རྗེས་ཁྲིད་ཀྱི་བློས་གཽ་ཌཱ་བས་འདོད་པ། ལ་ལ་ཙམ་མིན་ལུས་ཅན་ཀུན། །ལམ་བདེན་ལུང་གིས་ལས་ཉོན་ལས། །ལེགས་སྲུང་ལམ་དང་ལམ་མིན་གྱི། །གདུང་བ་ལས་ཟློག་རྗེ་བླ་མ། །སྦྱོར་བ་ལྕི་བ་བེ་དརྦྷའི་འདོད་པ། གང་གིས་བསྐལ་མང་རྒྱ་མཚོ་རུ། །ཤས་ཆེར་གོམས་པའི་ཚོགས་གཉིས་ཀྱིས། །རབ་བསྐྲུན་མཚན་དཔེའི་ཕུང་པོ་ནི། །ངོ་མཚར་སྣང་བ་གསར་པས་སྒེག །གཉིས་པ་རབ་ཏུ་དྭངས་པའི་ཡོན་ཏན་ལ། བཻ་དརྦྷའི་འདོད་པ། ཐོས་པ་ཙམ་གྱིས་རྣ་བ་ལ། །ཀུན་དགའི་དགའ་སྟོན་དར་བབས་པ། །ཁྱོད་གསུང་ས་གསུམ་འགྲོ་བ་ཡི། །ངལ་འཚོའི་སླད་དུ་ཡུན་རིང་རྒྱུ། །གཽ་ཌཱ་བའི་འདོད་པ། ཚིག་གི་གཏེར་གྱུར་དོན་ལྡན་རོས། །འཁྱུད་པས་དཀར་མིན་ལས་བཅད་ནས། །དཔལ་དང་བདུད་རྩིའི་མཆོག་སྦྱིན་པ། །དམ་པའི་དབྱངས་ཀྱིས་ཕྱོགས་ཀུན་གཏམས། །གསུམ་པ་མཉམ་ཉིད་ཀྱི་ཡོན་ཏན་ལ། བཻ་དརྦྷའི་འདོད་པ། གཟོད་མ་ཉིད་ནས་རྣམ་དག་པའི། །འོད་གསལ་ལྷན་ཅིག་སྐྱེས་པའི་དབྱིངས། །སྒྲིབ་བྲལ་འབྲས་བུའི་ཁུར་ལྕི་བས། །ཀུན་དཀྲིས་རྒྱུར་བཅས་དྲུང་ནས་འབྱིན། །གཽ་ཌཱ་བའི་འདོད་པ། ཤིན་ཏུ་བརྩེ་བས་བརླན་པ་ཡི། །སྙིང་རྗེ་ཆེན་པོའི་ཟུར་མིག་གིས། །ཉེར་འཁྱུད་འགྲོ་ཀུན་ཐར་པའི་གྲོང་། འཁྲིད་པའི་གར་མཁན་ཁྱོད་དུ་བས། །བཞི་པ་སྙན་པའི་ཡོན་ཏན་ལ། བཻ་དརྦྷའི་འདོད་པ་ཚིག་མཚུངས་ཉེ་བའི་ཉམས། མ་སྨད་སྤོབས་པའི་དཔྱིད་དཔལ་ནི། །སྒྲ་དབྱངས་རྒྱ་མཚོའི་རྒྱུད་མང་ལ། །སྦྱར་བས་བློ་གྲོས་མཆོག་སྩོལ་ཕྱིར། །ཡང་ཡང་གྲགས་དཀར་ཡི་གེ་དགོད། །རྐང་པ་ལ་བསྐོར་བའི་རྗེས་ཁྲིད། རྒྱ་མཚོའི་འཇིང་ལྟར་དཔག་དཀའ་བའི། །རྒྱལ་བ་སྲས་བཅས་ལེགས་གསུང་དོན། །རྒྱས་པར་འཆད་པས་སྲིད་དང་ཞིའི། །རྒྱན་དུ་གྱུར་པའི་ངོ་མཚར་བཟུང་། །ཚིག་ལ་བསྐོར་བའི་རྗེས་ཁྲིད། ལུང་རིག་གིས་རེག་ཏམྦུ་རས། །རྩོད་ངག་རྩེར་འཛེགས་རྩེ་དགའ་ཡིས། །སྒྲིན་པོའི་བློ་ཡང་སྒྲིབ་པའི་སྒྲས། །ཕྱི་རྒོལ་ཕྱོགས་རྣམས་ཕྱི་ཕྱིར་ཁྲོས། །ཡི་གེ་རིང་པོར་བསྐོར་བའི་རྗེས་ཁྲིད། ཡིད་འཕྲོག་དོན་བཟང་མཁུར་ཚོས་སུ། །ཚིག་སྙན་ལི་ཁྲིའི་ཐིག་ལེ་ཡིས། །ཡོངས་སུ་བགོས་པའི་གཞུང་མང་པོ། །བརྩམས་པས་གཟུར་གནས་མཛའ་བོ་བཀུག །ཤར་པ་ཁོ་ནས་འདོད་པ། སྦྲང་རྩིའི་ཐིག་སྦྲེང་སྦྲང་རྩིའི་བུས། །སྦྲེལ་བའི་བནྡྷུའི་འཁྲིལ་ཤིང་བཞིན། །ཡོན་ཏན་རྒྱ་མཚོས་རབ་མཛེས་ཁྱོད། །བསྟོད་དོ་རྣམ་དཔྱོད་མཆོག་སྦྱིན་མཛོད། སྤང་བྱ་དོན་གྱི་གྲོང་པའི་ཚིག །ལང་ཚོ་རབ་རྒྱས་དགའ་མ་གང་། །མཐོང་བ་ཙམ་གྱིས་བཟོད་དཀའ་བའི། །འདོད་ཆགས་ཚེར་མས་གཟིར་བདག་ལ། །འཁྲིག་པའི་དགའ་སྟོན་མི་སྤྲོ་འམ། །སྤོང་བྱེད་ཀྱི་ཉམས་ཇི་ལྟར་སྦྱིན་པ། །གཏུམ་མོ་ཁྱོད་མིག་ཟུར་མདའ་ཡིས། །བཏབ་པས་ཡུན་རིང་མྱོས་བྱས་བདག །ངལ་གསོའི་མལ་དུ་བསླང་བའི་སླད། །ཀུན་དགའི་དུས་སྟོན་སྤྲོ་བར་འོས། །སྒྲའི་གྲོང་པ་ཚིག་གི་མཚམས་སྦྱོར་གྱིས་ཞུགས་པ། ངོ་མཚར་དམ་པའི་སྐྱེས་བུའི་རྟགས། །སྦོམ་པོར་གྱུར་པའི་གཞོན་ནུ་འདི། །ཤིན་ཏུ་ཡིད་འོང་བུ་མོ་མཚན། །བཟང་པོས་སྒེག་པའི་མཛའ་བོར་འོས། །ངག་ཚིག་གི་དོན་ལ་ཞུགས་པའི་གྲོང་པ། །ཨུཏྤལ་ཐིགས་པ་འཛག་པ་བཞིན། །རབ་མཛེས་མཚན་མ་དང་ལྡན་འགྲམ། །མེ་ཏོག་ཁ་འབྱེད་གསར་པ་ཡང་། །རྣ་རྒྱན་གྱི་ནི་ཟོལ་གྱིས་འོང་། །དམིགས་བསལ་སྐྱོན་མེད། རྨད་བྱུང་འཁོར་ལོའི་མཚན་མ་ཡིས། །སྒེག་པའི་འཇམ་མགོན་ཞབས་ཀྱི་རྡུལ། །རྡོ་རྗེའི་རེ་ཁཱ་ལ་འགོངས་པ། །འཇམ་མཉེན་པདྨའི་སྟན་ལ་བཀོད། །ལྔ་པ་ཤིན་ཏུ་གཞོན་པའི་ཡོན་ཏན་ལ། བཻ་དརྦྷའི་འདོད་པ། དབྱངས་ཀྱི་ཡན་ལག་རྒྱ་མཚོ་ཡིས། །འཁྱུད་པའི་ནོར་བུའི་རྒྱུད་མང་པོ། །སྙན་པར་བསྒྲེངས་པའི་ཚངས་སྲས་མ། །ཡིད་འོང་པདྨའི་ཚལ་དུ་སྒེག །གཽ་ཌཱ་བའི་འདོད་པ། གྲུ་འཛིན་རིར་དགྱེས་ཚེམས་དཀར་གྱི། །པུཎྜ་རཱི་ཀ་དར་བབས་པར། །མཁྱེན་གཏེར་འབྲས་ཁྱོད་འཁྲུངས་པའི་སྒྲས། །འགྲོ་མང་འཁྲུལ་པའི་གཉིད་ལས་བསྒྲལ། །དྲུག་པ་དོན་གསལ་གྱི་ཡོན་ཏན་ལ། ཤར་ལྷོ་དོན་མཐུན། །ངག་དབང་ལྷ་མོའི་ཞབས་པདྨོ། །ལྷར་བཅས་ཆེ་རྒུའི་ཟུར་ཕུད་ཀྱི། ཅོད་པན་རིན་ཆེན་འོད་འབར་བས། །རེག་པས་དམར་བའི་འཛུམ་ཟེར་འཕྲོ། །གཉིས་ཀས་སྐབས་འགར་འདོད་པ། རྒྱལ་ཡུམ་སཱ་ར་སྭ་ཏི་ཡི། །ཞབས་སེན་འཆར་ཀའི་འོད་རིས་ཅན། །ཕྱོགས་ཀྱི་བུ་མོའི་དད་གསུམ་གྱི། ཐོར་ཚུགས་ངལ་འཚོའི་སླད་དུ་རྒྱུ། །བདུན་པ་རྒྱ་ཆེ་བའི་ཡོན་ཏན་ལ། བཻ་དརྦྷའི་འདོད་པ། ཁྱོད་ཞབས་ཡིད་ཀྱི་ཆོ་ག་རུ། །ལན་གཅིག་ཙམ་ཞིག་བཀོད་པས་ཀྱང་། །སླན་ཆད་སྨྲ་མཁས་བྱེ་བ་ཡིས། །ཆོས་མཐུན་རྒོལ་བའི་སྤོབས་པ་ཟད། །གཽ་ཌཱ་པའི་འདོད་པ། ཨུཏྤལ་སྙེམས་དུད་པའི་མཚོར། །དལ་གྱིས་ཞུགས་པའི་སྒྲ་དབྱངས་ལྷ། །འཇམ་མཉེན་ཀཱ་ཤིའི་རེག་བྱ་དང་། །བཻཌཱུར་རྒྱན་མང་གཡོ་བས་མཛེས། །བརྒྱད་པ་བརྗིད་པའི་ཡོན་ཏན་ལ། གཽ་ཌཱ་བའི་འདོད་པ། ཡེ་ཤེས་རྨད་བྱུང་སྣང་བ་གསར། །སྙིང་རྗེ་ཆུ་སྐྱེས་དགོད་པ་དང་། །མཛའ་བ་རབ་རྒྱས་གྲགས་པ་མཆོག །མཐའ་ཀླས་གདུལ་བྱའི་རྣ་བར་བཀོད། །བཻ་དརྦྷའི་འདོད་པ། ཁྱོད་ཞལ་ཟླ་བ་གསར་པ་ལ། །ཟུར་མིག་རི་དྭགས་གཞོན་ནུ་ཡི། །འཇོ་སྒེག་ལྡན་པ་དེ་ཁོ་ན། །ཀུན་གྱི་ཡི་གར་གཅིག་ཏུ་འབབས། །དགུ་པ་མཛེས་པའི་ཡོན་ཏན་ལ། བཻ་དརྦྷའི་འདོད་པ་གཏམ་ལ་སྦྱར་བ། གང་ཞབས་བསོད་ནམས་བྱེ་བ་ཡིས། བསྐྲུན་པའི་རྡུལ་ཕྲེང་གིས་བཏབ་ཕྱིར། །ལྷོ་ཕྱོགས་རིག་འཛིན་དགའ་ཚལ་ཞེས། །བརྗོད་འདི་དོན་གྱི་སྙིང་པོས་ལྕི། །བསྔགས་པ་ལ་སྦྱར་བ། གནག་ཅིང་སྣུམ་པའི་དཔལ་ལྡན་པ། །དཀྱུས་རིང་སྤྱན་གྱི་ཟུར་མདའ་ཡིས། །ཡིད་བཞིན་འདོད་འཇོའི་རྣ་རྒྱན་ལས། །རིང་དུ་འགོངས་སོ་འཕགས་མ་ཀྱེ། །གཽ་ཌཱ་བའི་འདོད་པ་གཏམ་ལ་སྦྱར་བ། ཁྱོད་ཀྱི་རྨད་བྱུང་མཚན་དཔེའི་གཟིས། །མཚར་སྡུག་སྒྲུབ་པའི་པདྨོའི་རྫིང་། །རྡུལ་བྲལ་འོག་མིན་ཞིང་མཆོག་གི། །ངོ་མཚར་ལས་ཀྱང་ཆེས་ཆེར་བརྒལ། །བསྔགས་པར་སྦྱར་བ། མཉེན་ལྕུག་སོར་རྩེས་བསྣུན་པ་ཡི། །དབྱངས་བདུན་རྫོགས་པའི་རྒྱུད་མང་སྒྲ། །ཚངས་ཆེན་ཡིད་ཀྱིས་བཀོད་པ་ཡི། །ཕ་མཐའ་ནམ་ཡང་རྫོགས་མ་གྱུར། །བཅུ་པ་ཏིང་ངེ་འཛིན་གྱི་ཡོན་ཏན་ལ། སྤྱིར་བསྟན་པ། སྟེང་འཐུང་དཀར་པོས་ཉིན་མོའི་ཟེར། །བསྟེན་པས་མཆུ་སྒྲོས་ཟུམ་པ་དང་། །རབ་དྭངས་རྫིང་བུར་ཉེར་འཁྱུད་པའི། །ཡིད་བཟང་གཞོན་ནུའི་འཛུམ་བག་བྱེ། །བྱེ་བྲག་ཆོས་གཅིག་བཀོད་པ། ཟླ་ཤེལ་བསིལ་བས་སྐྱུགས་པ་ཡི། །སིམ་འོད་བཏུང་བའི་ཀུ་མུ་དཱས། །སྦྲང་རྩིའི་ཐིགས་པ་སྐྱུགས་པ་ནི། །སྤྲིན་གྱི་གྲུ་ཆར་སྐྱུགས་པ་བཞིན། །ཆོས་དུ་མ་བཀོད་པ། ཟེའུ་འབྲུའི་སོ་ཕྲེང་རབ་དགོད་པའི། །འབྲས་བུའི་ཁུར་ལྡན་འདམ་སྐྱེས་ཀྱི། །ཟིལ་མངར་ལེན་པའི་བུང་བའི་ཚོགས། །མྱོས་པའི་གླུ་དབྱངས་དར་དིར་སྒྲོགས། །འདིར་སྨྲས་པ། དངོས་དང་བཟློག་པའི་ལམ་སྲོལ་གཉིས་ཀྱི་བཞེད་གཞུང་སྣང་བའི་མུ་ཁྱུད་ཀྱིས། །ཡུན་རིང་དུས་ནས་ཅུང་ཟད་བཤེས་ལས་དཔེར་བརྗོད་ཨུཏྤལ་སར་པའི་འཛུམ། །ཅི་དགར་བྱེ་བའི་ངང་ཚུལ་འདི་ཡང་འཕགས་ཡུལ་མཁས་པའི་ལེགས་བཤད་ཀྱི། །རྗེས་སུ་འབྲངས་ཏེ་སྨྲས་པར་རློམ་ཕྱིར་བླུན་པོའི་ཡི་གེར་ཇི་ལྟར་འབབ། །དེ་ལས་བྱུང་བའི་དགེ་བ་ནི། ག་བུར་དོག་པ་ལ་འགོངས་པས། །འཁྲུལ་པའི་ཚ་གདུང་ཀུན་བསལ་ཏེ། །ཚིག་གི་ངལ་འཚོ་བསྟེན་པར་ཤོག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜིའི་རྒྱུད་མང་ལས། ལམ་རྣམ་པར་ཕྱེ་བའི་སྐབས་ཏེ་དང་པོའོ།། །།བྱམ༷ས་པའི༷་བདུད་རྩིས་གཞར་ཡང་བཏང་མིན་སྙིང་རྗེ་ཆེན་པོའི་བརླན་ཆགས་པས། །ཆོས་འདུལ་ཁྲིམས་ཀྱི་གེ་སར་སྟུག་ལྡན་ཀུན༷་དག༷འི་མེ་ཏོག་འཛུམ་བཅས་འབར། །ཟུང་འཇུག་གྲུབ་པའི་སྙེ་མ་གཡུར་ཟ་ཡོངས་རྫོགས་བསྟན༷་འཛི༷ན་འཆི་མེད་ཚལ། །གཅིག་ཏུ་མཛེས་བྱེད་གྲགས་པ་དོན་ལྡན་དཔག་བསམ་དབང་པོས་དགེ་ལེགས་མཛོད། །སླར་ཡང་དོན་རྒྱན་ལས་བརྩམས་པའི། །དཔེར་བརྗོད་པུཎྜ་རཱི་ཀའི་ཕྲེང་། །རང་གཞན་མགྲིན་པའི་རྒྱན་གྱུར་སླད། །རྣམ་དཔྱོད་སོར་མོས་བསྟར་ལ་ཕྱོགས། །གཉིས་པ་ལེའུ་བར་པ་དོན་གྱི་རྒྱན་གྱི་ཡོངས་སུ་བཅད་པ་ལས་བྱུང་བའི་ཐུན་མོང་གི་རྒྱན་ལ་སུམ་ཅུ་རྩ་ལྔ་ལས། དང་པོ་རང་བཞིན་བརྗོད་པའི་མཚན་ཉིད་ནི། ཚིག་སྦྱོར་གང་ཞིག་དངོས་པོའི་གནས་ཚུལ་དེ་ཉིད་ཇི་ལྟ་བ་སྒྲོ་སྐུར་དང་བྲལ་བར་སྟོན་པའི་ངག་སྟེ། དབྱེ་ན་བཞི་ལས། དང་པོ་རིགས་ཀྱི་རང་བཞིན་བརྗོད་པ་ནི། མཐའ་ཀླས་ཚོགས་གཉིས་རབ་རྫོགས་ཤིང་། །ཡེ་ཤེས་དམ་པའི་ཕ་རོལ་སོན། | ||
།ཐབས་མཁས་ཕྲིན་ལས་རྨད་བྱུང་འདིས་སངས་རྒྱས་ཐམས་ཅད་ཀྱི་མཉམ་པའི་ཡོན་ཏན་གསུམ་བརྗོད་བྱར་བྱས་ནས་བསྔགས་པའོ། ། བ། །རྫོགས་སངས་རྒྱས་རྣམས་བསྔགས་འོས་ལྡན། །བྱ་བ་བརྗོད་པ། མཁྱེན་པས་ཤེས་བྱའི་མཐར་འགྲོ་ཞིང་། །བརྩེ་བས་ཁམས་གསུམ་ཡིད་ཅན་བཟུང་། །ནུས་པས་སྡེར་བཅས་བདུད་སྡེའི་དཔུང་། །ཕམ་མཛད་སྟོན་མཆོག་ཉི་མའི་གཉེན། །ཡོན་ཏན་བརྗོད་པ། །གང་གི་རྣམ་པར་ཐར་པ་ཡིས། །ཡིད་རབ་དྭངས་པའི་སྐལ་བཟང་ཀུན། །དད་པའི་སྤུ་ལང་གཡོ་དང་བཅས། །གུས་སྤྲོའི་བསྟོད་བསྔགས་བགྱིད་ལ་ཕྱོགས། རྫས་བརྗོད་པ། རབ་དཀར་མཚན་དཔེའི་མཚར་སྡུག་ཅན། །རྒྱལ་ཡུམ་རྡོ་རྗེ་དབྱངས་ལྷ་མོ། །བཻཌཱུར་རྒྱུད་མང་བརྡུང་བཞིན་དུ། །ལྷོ་ཕྱོགས་འོ་མཚོར་འཁྲུངས་བར་གྱུར། །གཉིས་པ་དཔེ་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་དཔེ་ཅན་དེ་དང་ཚུལ་རྗེས་སུ་མཐུན་པའི་དཔེ་ཇི་ལྟར་འོས་པ་དག་བཀོད་པས་གསལ་བར་བྱས་པའི་ངག་སྟེ། དབྱེ་ན་སུམ་ཅུ་རྩ་གཉིས་ལས། དང་པོ་ཆོས་དཔེ་ནི། གནོད་གནས་དབང་པོ་ཁྱོད་ཉིད་ཀྱི། །རྨད་བྱུང་གཟུགས་སྐུའི་དཀྱིལ་འཁོར་ནི། །གསེར་གྱི་ས་འཛིན་ཉི་འོད་དང་། །འགྲོགས་པ་ཇི་བཞིན་ཀུན༷་ཏུ༷་བརྗིད༷། །དངོས་པོའི་དཔེ། སྒྲ་དབྱངས་ལྷ་མོའི་འཛུམ་ཞལ་མཆོག །རྙོག་བྲལ་སྟོན་ཟླ་ལྟ་བུ་སྟེ། །མཆུ་སྒྲོས་ཡིད་ཙམ་བྱེ་བ་ཡང་། །བིམྦའི་ནགས་ཚལ་རྗེས་སུ་སྙེགས། །བཟློག་པའི་དཔེ། སེང་གེའི་གདོང་ཅན་མཚན་དཔེ་ལྟར། །ཆུ་སྐྱེས་སྔོན་པོ་ཉེ་བར་རྒྱས། །གང་གི་སོར་མོའི་དོག་པ་དང་། །རྗེས་མཐུན་བུང་བའི་རྩེ་དགའ་གཡོ། །ཕན་ཚུན་དཔེ། ཚངས་པའི་སྲས་མོའི་རྒྱུད་མང་བཞིན། །འཇམ་མགོན་བླ་མའི་ལེགས་བཤད་སྙན། །སྒྲ་དབྱངས་ལྷ་མོའི་ཕང་འགྲོ་ཡང་། །གང་གི་གསུང་གསང་དཔེ་ཟླར་འོས། །ངེས་པའི་དཔེ། རྣམ་མང་འདོད་འཇོའི་ཚིག་རྒྱན་གཞུང་། །ནོར་བུའི་ཆུ་གཏེར་ཆེན་པོ་ཡི། །རྗེས་སུ་འགྲོ་མོད་དེ་ལས་གཞན། །དཔེར་འོས་སྲིད་པའི་ཁོངས་འདིར་མེད། །ངེས་མེད་དཔེ། རབ་དམར་རིག་བྱེད་དགའ་མའི་ཞལ། །རེ་ཞིག་བནྡྷུ་ཛཱེ་བ་ཀར། །རིགས་མཐུན་གཞན་ཡང་དེ་འདྲ་བའི། །དངོས་འགའ་སྲིད་ནའང་མཚུངས་པར་རྟོགས། །བསྡུས་པའི་དཔེ། མཁས་ཁྱོད་གཙུག་ལག་རྒྱ་མཚོའི་གཞུང་། །གཟིགས་པ་ཁོ་ནས་ངག་དབང་ལྷའི། །རྗེས་སུ་རྐང་པ་འཇོག་མིན་ཏེ། །གྲུབ་པའི་ཡོན་ཏན་འདིས་ཀྱང་ངོ་། །ཕུལ་བྱུང་དཔེ། གང་སྐུ་བསིལ་ལྡན་ལྗོངས་སུ་སྟེ། །ཡེ་ཤེས་མེ་ལོང་གྲུབ་པའི་ཞིང་། །གཞན་དུ་བསྔགས་འོས་སྤངས་རྟོགས་ལ། །ཁྱད་པར་འདི་ཞེས་དམིགས་སུ་མེད། །རབ་རྟོག་དཔེ། ངག་དབང་ལྷ་མོའི་འཛུམ་ཞལ་མདངས། །ང་ལ་ཡོད་ཅེས་ཟླ་ཤེལ་གསར། །སྙེམས་པར་མ་བྱེད་ཀུ་མུ་དཱའི། །དགའ་ཚལ་ལ་ཡང་དེ་ཡོད་ཕྱིར། །རྨད་བྱུང་དཔེ། སྤྲིན་བྲལ་རི་བོང་འཛིན་པ་ལ། །མཚན་དཔེའི་མཚར་སྡུག་རབ་རྫོགས་ཤིང་། །མཉན་འོས་ལེགས་བཤད་སྩལ་མཁས་ན། །མིག་མི་འཛུམ་པའི་སྤུན་ཟླར་འོས། །རྨོངས་པའི་དཔེ། རྗེ་བཙུན་བླ་མའི་གཞན་ཕན་གྱི། །ཕྲིན་ལས་སྙིང་རྗེའི་ལྷ་རུ་འཁྲུལ། །སླར་ཡང་འཕགས་པའི་ལེགས་མཛད་ནི། །རྣམ་འདྲེན་གང་གི་སྤྱོད་པར་རྟོགས། །ཐེ་ཚོམ་དཔེ། ཅི་འདིས་ཡི་གདུ་བུའི་ཁྲོད། །རཿཡིག་གཉིས་པ་གཡོ་བ་འམ། །ཚངས་པའི་སྲས་མོའི་འཛུམ་ཞལ་ལ། །སྤྱན་ཟུང་རྣམ་པར་འཕྲུལ་པ་གང་། །གཏན་ཕེབས་དཔེ། འོན་ཀྱང་འཁོར་འདས་ལམ་གྱི་ཆོས། །རྒྱན་གསུམ་ངག་གིས་དྲངས་པའི་ཕྱིར། །སྟེང་འཐུང་དཀར་པོ་ཉིད་མིན་ཏེ། །དེས་ནི་སྙན་པར་སྨྲ་ནུས་སམ། །སྦྱར་བའི་དཔེ། རབ་དཀར་མགྲིན་པའི་དབྱངས་སྙན་ལྡན། །ཡིད་འོང་པདྨའི་རྫིང་བུ་རུ། །དལ་གྱིས་རྩེ་བའི་མཚོ་བྱུང་མ། །རཱ་ཛ་ཧཾ་ས། དང་བའི་རྒྱལ་པོ། ཉིད་དང་མཚུངས། །མཉམ་ཉིད་དཔེ། ཏམྦུ་ར་ཡི་ཆུང་མ་འདི། །པདྨ་ཅན་བཞིན་ཁྱབ་འཇུག་ཆུང་མ་དཔལ་མོ། ཡིད་འོང་ཞིང་། །ལུས་ཅན་སླུ་བར་བྱེད་མ་ལགས། །དེ་སླད་དོན་འབྲས་བྲལ་མ༷་ཡིན། །འདི་ཡང་། རྣལ་འབྱོར་མ་འདི་ལག་བརྐྱངས་བཞིན། །བྱ་བ་བྲལ་ཞིང་ནོར་མེད་པའི། །ལམ་ལ་ཞུགས་པ་ཕན་བདེའི་ཆོས། །ཕྲ་མོ་ཙམ་ཡང་འཛིན་མ་ལགས། །འདིར་རྣལ་འབྱོར་མ་ཞིག་དང་སྤྲང་པོ་ཞིག་སྦྱར་བ་སྟེ། དེ་ཡང་དང་པོ་ལྟར་ན་བྱ་བ་བྲལ་བ་གཉིས་ཀའི་ཆོས་ཐུན་མོང་དང་། དམིགས་བསལ་ཐར་ལམ་ནོར་བ་མེད་པ་ལ་ཞུགས་པས་གནས་སྐབས་ཕན་པ་དང་མཐར་ཐུག་བདེ་བའི་ཆོས་ཕྲ་ཞིང་ཕྲ་མོ་ཙམ་ཡང་འཛིན་པར་ནུས་མ་ལགས་སོ། །ཞེས་པ་དང་། ཕྱི་མ་ལྟར་ན་ནོར་མེད་པའི་དབུལ་པོའི་ལམ་དུ་ཞུགས་པས་འདི་དང་། ཕྱི་མའི་ཕན་བདེའི་ཆོས་ཕྲ་མོ་ཙམ་ཞིག་ཀྱང་འཛིན་པར་ནུས་པ་མ་ལགས་སོ། །ཞེས་གཅོད་མཚམས་ཐ་དད་པ་གཉིས་ཀྱིས་སྟོན་པའོ། །སྨད་པའི་དཔེ། ཟླ་ཤེལ་བསིལ་ཡང་ར་རིས་འཁྱུད། །ཉིན་བྱེད་གསལ་མོད་གདུང་བའི་ཕྱིར། །ཚུལ་དེས་མགོན་པོ་ཁྱོད་ཉིད་ཀྱི། །མཁྱེན་རབ་སྣང་བར་གཞལ་ནུས་མིན། །བསྔགས་དཔེ། ཡོངས་འདུ་ས་བརྟོལ་འདོད་དགུའི་དཔྱིད། །རྒྱ་མཚོ་རིན་ཆེན་དུ་མའི་མཛོད། །དེ་དག་ཉིད་དང་དམ་པ་གང་། །མཐའ་ཀླས་ཡོན་ཏན་ཕུང་པོ་མཉམ། །བརྗོད་འདོད་དཔེ། བདུད་རྩིའི་སྙིང་པོས་ལྕི་བ་འམ། །རྙོགས་པའི་མཚན་མས་བསླད་ཀྱང་རུང་། །དབྱངས་ཅན་ཁྱོད་ཞལ་ཟླ་ཤེལ་དང་། །མཚུངས་ཞེས་བརྗོད་འདོད་ཡིད་ལ་བརྣགས། །འགལ་བའི་དཔེ། འཇམ་དཔལ་མགོན་དང་འཕགས་མཆོག་ཀླུ། །འཁོན་རིགས་པཎ་ཆེན་ཀུན་དགའི་མཚན། །གཅིག་ཀྱང་རྣམ་པ་ཙམ་ཉིད་དུ། །ཕན་ཚུན་འགལ་བ་ཉིད་དུ་དྲན། །དགག་པའི་དཔེ། དུག་ཅན་བསྟི་གནས་ལས་འཐོན་ཅིང་། །རྣམ་པར་དཔྱོད་པའི་མཐུས་དབེན་ཕྱིར། །མནྡཱ་ར་ཡིས་ཁྱོད་ཞབས་ལ། །ཅུང་ཟད་ཙམ་ཡང་འགྲན་ནུས་མིན། །མཛེས་པའི་དཔེ། འཕགས་མཆོག་སྤྱན་སྟོང་འཇོ་སྒེག་དང་། །གང་ཉིད་འདྲེན་བྱེད་ཟུང་ལྡན་ཡང་། །མཐའ་ཀླས་འགྲོ་ལ་དུས་གསུམ་དུ། །གཟིགས་པའི་ཚུལ་ལ་མཚུངས་པ་ཉིད། །དེ་ཉིད་བརྗོད་དཔེ། འདི་ནི་ག་པུར་འཛིན་པའི་གཟུགས། །མ་ཡིན་ཕྱག་ན་པདྨོ་སྟེ། །རི་དྭགས་གཞོན་ནུའི་རི་མོ་ཡིས། །འཁྱུད་མིན་མཚན་དཔེའི་མཚར་སྡུག་གོ། ཐུན་མོང་མིན་པའི་དཔེ། །ཉིད་བྱེད་བྱེ་བའི་གཟི་བྱིན་ལས། །རིང་འདས་འཆི་མེད་མགོན་ཁྱོད་ཀྱི། །དཔེ་ཟླར་འོས་པ་རང་ཉིད་ལས། །གཞན་དུ་སྲིད་འདིར་རྙེད་མ་ལགས། །བྱུང་མིན་དཔེ། པུཎྜ་རཱི་ཀའི་སྙིང་པོ་ཀུན། །བྱེད་པོས་གཅིག་ཏུ་བསྡུས་པ་ལྟར། །ཡིད་འཕྲོག་མཚར་སྡུག་རྫོགས་པའི་དཔྱིད། །མི་ཟད་ཚིག་གཏེར་སྒྲ་དབྱངས་ལྷ། །སྲིད་མིན་དཔེ། ཉིན་བྱེད་ལས་བྱུང་བསིལ་བ་དང་། །ག་བུར་ཐིགས་པས་ཚ་གདུང་བཞིན། །རྣམ་འདྲེན་གང་གི་མཛད་བཟང་ལ། །ཚུལ་མིན་འབྱུང་བ་ཅང་སྲིད་དམ། །མང་བའི་དཔེ། མཚམས་སྤྲིན་གུར་གུམ་དགའ་ཚལ་དང་། །སིནྡྷུ་ཝཱ་རའི་ཕུང་པོ་ལྟར། །དམར་སེར་མཚན་དཔེའི་ལང་ཚོ་ཅན། །བློ་གྲོས་མཆོག་སྦྱིན་འཇམ་པའི་དཔལ། །རྣམ་འགྱུར་དཔེ། །མཁས་དབང་གང་གི་ལེགས་བཤད་གཏམ། །དབྱངས་ཀྱི་རྒྱལ་མོའི་རྒྱུད་མང་དང་། །ཡེ་ཤེས་མེ་ལོང་འཆར་བ་ཡི། །གསུང་གི་གསང་བ་ལས་བླངས་བཞིན། །ཕྲེང་བའི་དཔེ། ཟླ་བའི་ཟེར་བཞིན་དེ་ཡིས་ཀྱང་། །ཆུ་གཏེར་རྒྱས་བཞིན་དེའི་མཐུ་ཡིས། །རིན་ཆེན་རླབས་མང་འཕེན་པ་བཞིན། །འཇམ་མགོན་བླ་མས་ཐུབ་བསྟན་སྤེལ། །ངག་དོན་ལས་བཞིན་སྒྲ་གཅིག་པའི་དཔེ། གང་ཐུགས་ཟབ་གསལ་གཉིས་མེད་ཀློང་། །མཁྱེན་གཉིས་སྤོབས་པའི་གཏེར་གྲོལ་བ། །རྡུལ་བྲལ་སྟོན་གནམ་དག་པའི་འགྲམ། །ཉི་གཞོན་འཆར་ཀས་མཚོན་བཞིན་མཛེས། །བཞིན་སྒྲ་དུ་མ་ཅན། རྟ་ལྗང་ཅན་བཞིན་ཁྱོད་ཞལ་ལས། །འཛུམ་ཟེར་ཇི་བཞིན་སྡེ་སྣོད་བཅུད། །རབ་མཛེས་པདྨོ་ཇི་བཞིན་དུ། །བདག་གིས་འཐུང་ཞིང་འཐུང་ཞིང་སྙེགས། །ཟླ་བོ་དངོས་པོའི་དཔེ། ཕྱོགས་འདིར་མཁས་མཆོག་མང་བྱོན་ཀྱང་། །ད་ལྟ་གང་དང་མཚུངས་པ་སུ། །མཁའ་ལ་རྒྱུ་སྐར་གྲངས་མང་ཡང་། །མུན་སེལ་ཉི་མ་ལས་གཞན་དབེན། །མཚུངས་སྦྱོར་དཔེ། རྡོ་རྗེ་འཆང་ཆེན་འོག་མིན་གནས། །མགོན་ཁྱོད་ཨེ་ཝཾ་འདུས་གྲར་བཞུགས། །དེས་ནི་རྒྱུན་མཐའི་བྱང་སེམས་དང་། ཁྱོད་ཀྱིས་སྐལ་བཟང་སློབ་ཚོགས་སྐྱོང་། །རྒྱུ་ཡི་དཔེ། གང་སྐུ་མཛེས་པས་ཟླ་གཞོན་དང་། །གསུང་གསང་སྙན་པས་དྲི་ཟའི་གླུ། །ཐུགས་ནི་ཟབ་ཅིང་རྒྱ་ཆེ་བས། །འཆི་མེད་ལམ་གྱི་ཕང་པར་འཛེགས། །དཔེའི་སྐྱོན་སེལ་ལས་རྟགས་ཐ་དད་ཀྱང་སྐྱོན་མེད་པ། སྨྲ་མཁས་ཁྱོད་ཀྱི་ཚིག་སྦྱོར་ནི། །ཚངས་པའི་སྲས་མོའི་ངག་ལྟར་སྙན། །མཚོ་བྱུང་སྒེག་མོའི་བློ་མཆོག་ཀྱང་། །འཇམ་དཔལ་གཞོན་ནུའི་རྗེས་སུ་བྱེད། །ཚིག་ཐ་དད་ཀྱང་སྐྱོན་མེད་པ། གང་གི་ཕྲིན་ལས་གཅིག་པུ་ཡིས། །རྒྱལ་ཀུན་ཐུགས་རྗེའི་ནུས་པ་འཇུག །མཐའ་ཀླས་སྤོབས་པའི་རོལ་སྒེག་ཀྱང་། །སྤྲིན་བྲལ་ནམ་མཁའི་ཐིག་ལེར་མཚུངས། །དཔེ་དོན་མཆོག་དམན་གྱུར་ཡང་སྐྱོན་མེད་པ། གཙུག་ལག་གཞུང་བརྒྱར་གཟིགས་ཁྱོད་བཞིན། །འཇམ་མགོན་དྲི་མེད་མཁྱེན་པ་རྒྱས། །སྲིད་པར་འཁྲུངས་ཀྱང་སྲིད་པའི་དྲིས། །གོས་མིན་འདམ་སྐྱེས་པདྨོས་མཚོན། །དེ་རྣམས་ཀྱང་སྦྱོར་མ་ཤེས་ན་སྐབས་འགར་སྐྱོན་དུ་འགྱུར་པ། གྲོང་ཁྱེར་མ་ལྟར་ཐབས་མཁས་ཀྱི། །སྤྱོད་པ་རྒྱུ་སྐར་ཚོགས་བཞིན་མཛེས། །མེ་ཁྱེར་ལྟ་བུའི་ལུང་རིག་གི། །སྣང་བས་ཚངས་པའི་བློ་ཡང་འགོགས། །བར་འདིར་མཚུངས་པ་གསལ་བྱེད་ཀྱི་སྒྲ་དྲུག་ཅུ་རྩ་ལྔ་དང་སྦྱོར་བའི་དཔེར་བརྗོད་པ་ལོགས་སུ་བྲིས་པ་ལས་རྟོགས་པར་བྱའོ། | |||
།གསུམ་པ་གཟུགས་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དཔེ་དང་དཔེ་ཅན་ཐ་དད་དུ་མ་བྱས་པ་དོན་དེ་ཉིད་དཔེའི་གཟུགས་སུ་བཀོད་པའི་ངག་སྟེ། དབྱེ་ན་ཉི་ཤུ་ལས། དང་པོ་བསྡུས་པའི་གཟུགས་ཅན། ཚོགས་གཉིས་ཆུ་གཏེར་གཏིང་ཡངས་པོར། །རྨད་བྱུང་གཟུགས་སྐུ་དཔག་བསམ་དབང་། །གཞན་ཕན་གྲིབ་བསིལ་སྟུག་ལྡན་པ། །འགྲོ་ཀུན་ངལ་འཚོར་འཁྲུངས་དེར་བསྔགས། །མ་བསྡུས་པའི་གཟུགས་ཅན། མཁྱེན་པའི་ཨུཏྤལ་རྒྱས་གྱུར་ཁྲོད། །བྱམས་བརྩེའི་ཟིལ་མངར་རྟག་པར་འབབ། །ནུས་མཐུའི་དྲི་བསུང་རིང་སྤྲོ་བས། །འདི་ན་ཀུན་དགའི་དཔྱིད་དུ་དར། །བསྡུས་ཤིང་མ་བསྡུས་པའི། མང་ཐོས་ལོ་འདབ་རབ་གཡོ་ཞིང་། །བསམ་བྱུང་རིག་ལམ་མེ་ཏོག་འབར། །སྒོམ་སྤངས་འཕགས་པའི་འབྲས་བུར་བཅས། །ཐམས་ཅད་གཟིགས་པའི་ཚལ་དུ་མཛེས། །མཐའ་དག་གཟུགས་ཅན། ཕྲ་ལྡེམ་མཛེས་སྐུའི་ཆུ་བ་ལ། །འཛུམ་ཞལ་པདྨོ་མངོན་པར་གཡོ། །སྤྱན་རས་བུང་པའི་འཕུར་ལྡིང་ཅན། །མཚོ་བྱུང་དཔག་བསམ་འདི་ན་འཁྲུངས། །ཆ་ཤས་གཟུགས་ཅན། གཙུག་ལག་གཞུང་བརྒྱ་སྨྲ་ཁྱོད་ཀྱི། །མཆུ་སྒྲོས་བིམྦའི་སྙིང་པོ་ལས། །ལེགས་བཤད་བཅུད་བཟང་སྦྱིན་པ་ཡིས། །གཟུར་གནས་ཡི་གར་སིམ་པ་སྟེར། །ཆ་ཤས་ཅན་གཟུགས། གང་གི་མཁྱེན་དཔྱོད་ཆུ་གཏེར་ཆེར། །རྣམ་མང་ཕྱི་ནང་རིག་པའི་གཞུང་། །ཕ་མཐའ་ཡས་པ་འཛིན་བཟོད་པའི། །གྲགས་སྙན་ཁོར་ཡུག་ཀུན་ཏུ་ཁྱབ། ཡན་ལག་གཅིག་གཟུགས། འདྲེན་མཆོག་ཁྱོད་ཞབས་ནོར་བུའི་ཏོག །ཚངས་སོགས་ཆེ་རྒུ་ཐམས་ཅད་ཀྱི། །འདར་ལྡན་ཐོར་ཚུགས་གཡོ་བ་ཡིས། །མངོན་པར་བསྟེན་པའི་ངང་ཚུལ་འཛིན། །སོགས་ཁོངས་ནས་བྱུང་བ་གཉིས་གཟུགས། རྗེ་བཙུན་མྱུར་མ་དཔའ་མོ་ཡི། །སྐྱོད་བྱེད་ཡལ་ག་རིང་བརྐྱངས་པར། །སྐྱབས་སྦྱིན་ཕྱག་རྒྱའི་པདྨོའི་ཚལ། །ཡིད་འཕྲོག་མིག་གི་དཔྱིད་དུ་སྒེག །གསུམ་གཟུགས། ཁྱོད་ཐུགས་འཆི་མེད་རྫིང་རིང་དུ། །མཁྱེན་གཉིས་ཟླ་ཤེལ་ཆ་རྫོགས་ཤིང་། །གཞན་ཕན་ཕྲིན་ལས་སིམ་འོད་འབུམ། །སྤྲོ་བའི་ཚུལ་དེར་སུ་མི་གུས། །ལྡན་གཟུགས། འཕགས་མ་ཡིད་བཞིན་འཁོར་ལོ་ཡི། །ཐུགས་རྗེའི་ཀཏྤུར་དབང་པོ་ལས། །འཆི་མེད་བདུད་རྩིའི་ཟེར་སྤྲོ་བས། །ཚེ་དཔལ་འབྱོར་པའི་ཀུ་མུད་རྒྱས། །ལྡན་མིན་གཟུགས། འཇིགས་བྲལ་དཔལ་ལྡན་བིརཱུ་པས། །བརྟུལ་ཞུགས་གྲུབ་པའི་བྱིན་ཟ་ཡིས། །སྐལ་བཟང་སྙིང་ལ་ཀུན་དགའི་རོ། །སྦྱིན་པའི་ཆོ་ག་ཅིར་ཡང་དར། །མི་མཉམ་པའི་གཟུགས། རིག་བྱེད་ཌཱ་ཀིའི་འཛུམ་ཞལ་གྱི། །སྨིན་འཁྱོགས་བུང་པའི་ཟློས་གར་དང་། །ཟུར་མིག་མཚམས་སྤྲིན་གསར་བའི་མདས། །ཁམས་གསུམ་འགྲོ་བའི་ཡིད་དབང་ཕྲོགས། །ཁྱད་འཕགས་གཟུགས། འཕགས་པའི་ཞབས་སེན་ཏོང་ཀུན་གྱི། །ས་སྤྱོད་ཆུ་གོས་རྩེར་བཀོད་པས། །བསིལ་ལྡན་དོགས་བྲལ་ཙཱི་ནའི་ལྗོངས། །དགའ་སྙོན་རྒྱལ་མཚན་ཛ་ཡནྟུ། །འདིར་འཕགས་པ་རིན་པོ་ཆེ་དང་རྒྱལ་བུ་གོ་དན་མཆོད་ཡོན་ལ་སྦྱར་བ་སྟེ་རྣམ་པ་གསལ་ལོ། །འགལ་གཟུགས། རིན་ཆེན་འབྱུང་གནས་མ་བསྲུབས་ཤིང་། །ལེགས་བྲིས་ཚལ་དུའང་འཁྲུངས་མིན་པའི། །མི་བདག་ཁྱོད་ཚུལ་དཔག་བསམ་གྱིས། །བདག་སོགས་དབུལ་བའི་གདུང་བ་བསལ། །རྒྱུའི་གཟུགས། གང་ཐུགས་བསམ་སྤྱོད་ཕ་མཐའ་ཡས། །བརྒལ་བས་འཆི་མེད་རྫིང་རིང་སྟེ། །བློ་གྲོས་སྣང་བས་ཉིན་བྱེད་དང་། །འདོད་འབྱུང་བསམ་འཕེལ་དབང་པོའང་ལགས། །སྦྱར་གཟུགས། རྣམ་འདྲེན་གང་ཞབས་ཆུ་སྐྱེས་ཚལ། །རཱ་ཛ་མིའི་རྒྱལ་པོ་དང་ངང་པའི་རྒྱལ་པོ་སྒྲ་སྦྱར། ཧཾ་ས་ལ་སོགས་ཀྱིས། །བསྟེན་བཞིན་ལྷར་བཅས་འགྲོ་བའི་ཡིད། །གཅིག་ཆར་འཕྲོགས་དོན་སྦྱར། པར་བྱེད་ལ་དབང་། །དཔེ་གཟུགས། ཧེ་རུ་ཀཿདཔལ་ནག་པོ་ཆེའི། དམར་ཟླུམ་སྤྱན་རས་ཉིན་མོར་བྱེད། །ཐུན་མཚམས་སྤྲིན་གྱིས་སྒེག་པ་ཡི། །ཤར་གྱི་ཐིག་ལེར་ལྷག་པར་འགྲན། །བཟློག་གཟུགས། ངང་མོའི་ཚོགས་ཀྱིས་ས་རྫིང་དང་། །བདག་གིས་ཁྱོད་ཞབས་པད་རྫིང་བསྙེན། །དེ་ནི་རྫབ་ཀྱིས་དཀྲིགས་པ་སྟེ། །འདི་ནི་རབ་དྭངས་ཀུན་དགའི་དཔྱིད། །འགོག་གཟུགས། རྣམ་འདྲེན་ཟས་གཙང་སྲས་པོ་ཡི། །ཐུགས་རྗེ་བདུད་རྩིའི་ཟེགས་མ་ཡིས། །ཡིད་སྲུབས་དཔུང་ཚོགས་མྱོས་བགྱིད་ཕྱིར། །བདེ་འབྱུང་དངོས་པོར་ཅི་ཕྱིར་རྟོགས། །མཉམ་འཇོག་གཟུགས། འཇམ་མགོན་མཁྱེན་པའི་ཉི་གཞོན་གྱིས། །ཁོ་བོ་བློ་གྲོས་སིམ་སྟེར་བ། །གང་གི་བྱིན་རླབས་ཁོ་ནའི་མཐུ། །མ་ལགས་བདག་རང་སྐལ་བས་ཀྱང་། །གཟུགས་ཅན་གྱི་གཟུགས་ཅན། ཚུལ་ཁྲིམས་ནམ་མཁའི་བུ་མོའི་འགྲམ། །ཏིང་འཛིན་ཉི་ཟླའི་རྣ་རྒྱན་དང་། །འགྲོགས་པའི་ཤེས་རབ་འོད་འཛུམ་པས། །དཔྱོད་ལྡན་ཚོགས་ཀྱི་ཡིད་དབང་འཕྲོག །བསྙོན་དོར་གཟུགས། གང་སྐུ་མ་ལགས་དཔལ་གྱི་དུམ། །གསུང་མིན་དབྱངས་ཅན་ཏམྦུ་ར། །ཁྱོད་ཐུགས་མ་ལགས་རྒྱལ་ཀུན་གྱི། །ཡེ་ཤེས་ཕུང་པོ་ཉིད་དུ་ངེས། །བཞི་པ་གསལ་བྱེད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རིགས་ལ་སོགས་པའི་སྒྲ་རྐང་བཞིའི་གནས་གང་རུང་དུ་ཡོད་པ་ངེས་ཚིག་གཞན་རྣམས་ཐམས་ཅད་གསལ་བར་བྱེད་པའི་ངག་སྟེ། དབྱེ་ན་བཅུ་དྲུག་ལས། དང་པོ་རིགས་བརྗོད་པ་ཐོག་མའི་གསལ་བྱེད་ནི། སྲས་བཅས་རྒྱལ་བས་ཐབས་མཁས་ཀྱི། །སྤྱོད་ཡུལ་ཉམས་པ་མེད་པ་ཡིས། །འགྲོ་ལ་ཕན་བདེ་རབ་སྒྲུབ་པའི། །དམ་བཅའི་རི་མོ་སྙིང་ལ་བཀོད། །བྱ་བ་ཐོག་གསལ། མཛེས་པར་བྱས་སོ་ཨུཏྤལ་ནགས། །རྐང་པ་དྲུག་པའི་མགྲིན་གླུས་ཏེ། །སྐལ་བཟང་སློབ་མའི་འཁོར་ཚོགས་ཀྱང་། །ཁྱོད་ཀྱི་ལེགས་པར་བཤད་པས་སོ། །ཡོན་ཏན་ཐོག་གསལ། དམར་སེར་ཉིད་དོ་དགའ་བའི་ཚལ། །གུར་གུམ་རྒྱས་པའི་འཇོ་སྒེག་དང་། །ཨེ་ཝཾ་ཆོས་ལྡན་འདུས་པའི་གྲྭ། །རིག་གྲོལ་ངུར་སྨྲིག་འཛིན་པས་ཀྱང་། །རྫས་ཐོག་གསལ། རི་བོང་འཛིན་པས་གོ་ལའི་ལམ། །བགྲོད་ནས་ལུས་ཅན་ཚ་གདུང་ཀུན། །སིམ་འོད་ཟག་པས་རབ་བཅོམ་སྟེ། །ཕུན་ཚོགས་ཀུན་དགའི་སྣང་བ་འབར། །རིགས་བར་གསལ། སྡུག་བསྔལ་གསུམ་གྱིས་མནར་བ་ཡི། །སྲིད་པའི་ཁམས་ལ་རྗེས་བརྩེ་བའི། །འཕ༷གས་པ༷་མཆོ༷ག་རྣམས་མཛད་པ་ཡིས། །ནམ་ཡང་སེམས་ཅན་བསླུ་མི་སྲིད། །བྱ་བ་བར་གསལ། དབེན་པའི་ཚལ་འདི་ཐར་འདོད་ཀྱི། །སྙིང་ལ་ཡིད་འོང་གྲོག༷ས་སུ་འགྱུར༷། རི་དྭགས་གཞོན་ནུའི་ཚོགས་རྣམས་ཀྱང་། །རྩེ་བའི་གཉེན་འཁོར་ཚུལ་དུའོ། །ཡོན་ཏན་བར་གསལ། འབྲས་ལྡན་དུས་ཀྱི་མཁའ་དབྱིངས་སུ། །ཤར་བའི་རྡུལ་གྱི་ཐིག་ལེའི་གཟུགས། །ར༷བ་དཀར༷་ཉིད་དོ་ལྷོ་ཕྱོགས་མཚོར། །ཚངས་པའི་བུ་མོའི་མཚན་དཔེ་ཡང་། །རྫས་བར་གསལ། བྱིས་པའི་ཚོགས་ཀྱི་མགུལ་རྒྱན་དང་། །སྦྲང་རྩིའི་བུ་ཡི་ཁམ་ཟས་ཀྱང་། །ཨུ༷ཏྤལ༷་སྟེ་རྟེན་གསུམ་ཕྲེང་། །མཆོད་པའི་ཉེར་སྤྱོད་དག་ལ་ཡང་། །འདི་ཡང་། །མཚོ་བྱུང་མཛེས་པའི་ཕྱག་སོར་གྱིས། །དལ་གྱིས་བསྐུལ་བའི་ཏམྦུ་ར༷ར། །དབྱངས་ཀྱི་ཡན་ལག་རྒྱ་མཚོ་ཡི། །སྙན་འགྱུར་ཟད་མི་ཤེས་པས་འཁྱུད། །རིགས་མཐའ་གསལ། ལ་ལ་ནགས་ཀྱི་ལྗོངས་སུ་སྟེ། །འགའ་ཞིག་བར་སྣང་ཡངས་པོར་འཁོར། །ཕལ་ཆེར་པདྨའི་རྫིང་བུ་རུ། །དགའ་བས་རྩེན་པ་འད༷བ་ཆགས་ཚོགས། །བྱ་བ་མཐའ་གསལ། ལེགས་བྲིས་ལྗོན་པས་འདོད་རྒྱུ་དང་། །སྤྲིན་དུས་ཆར་གྱི་མེ་ཏོག་སྟེ། །རྣམ་འདྲེན་འཇམ་མགོན་བླ་མ་ལས། །བདག་སོགས་བློ་གྲོས་འཕེ༷ལ་བར༷་བྱས༷། །ཡོན་ཏན་མཐའ་གསལ། ཐུན་མཚམས་སྤྲིན་གྱིས་མེ་ཞལ་ལམ། །བནྡྷུ་ཛཱི་བས་ས་གཞིའི་ཁྱོན། །འཕགས་ཚོགས་འདུས་པའི་ངུར་སྨྲིག་གི། །འོད་ཀྱིས་ཕྱོགས་རྣམ༷ས་ཀུན༷་ཏུ༷་དམ༷ར། །རྫས་མཐའ་གསལ། གང་ཞིག་ཁྱོད་ཞབས་ལ་རེག་པས། །ཚུལ་མིན་རྒུད་པ་ཀུན་བསྲུངས་ནས། །ཕུན་ཚོགས་གྲུབ་པའི་དཔལ་སྦྱིན་པ། །བདུད་སྡེའི་གཤེད་མ་སྟག༷་ཞོན༷་ཆེ། །ཕྲེང་བའི་གསལ་བྱེད། དབྱངས་ཅན་ཐུགས་རྗེས་བདག་གི་བློ། །རྒྱས་ཤིང་དེ་ཡིས་ཚིག་རྒྱན་གཞུང་། །འཛིན་བཟོད་དེས་ཀྱང་སྙན་ངག་གླུར། །འཇོ་བས་དཔྱོད་ལྡན་དགའ་སྟོན་དར། །འགལ་དོན་གསལ་བྱེད། རྒྱལ་ཡུམ་རྡོ་རྗེ་རྣལ་འབྱོར་མའི། །བྱིན་རླབས་སྙིང་དབུས་འཕོས་མ་ཐག །འདོད་ལ་སྲེད་པ་རིང་བཅད་ནས། །གཞན་ཕྱིར་རྗེས་ཆགས་འཇུག་པ་འཕེལ། །དོན་གཅིག་གསལ་བྱེད། སྨྲ་མཁས་ཕྱོགས་ལས་རྣམ་རྒྱལ་བ། །འཁོན་རིགས་མཧཱ་པཎྜི་ཏས། །ཆོས་དོན་ངེས་ཚིག་སྤོབས་པའི་མཐུས། །ཆེར་རློམ་ཚོགས་རྣམས་ཁེངས་པ་འཕྲོག །འདི་ཡང་། རྣམ་འདྲེན་ཁྱོད་ཀྱི་མཁྱེན་རབ་ཀྱིས། །ཤེས་བྱའི་གནས་ཀུན་ཇི་བཞིན་གཟིགས། །ཉོན་མོངས་ཚོགས་རྣམས་ཡོངས་སུ་བཅོམ། །དེང་ཡང་བདག་ཅག་རྨོངས་པ་འཕྲོག །སྦྱར་བའི་གསལ་བྱེད། ཡིད་འོང་དཀར་མཛེས་མིག་གི་དཔྱིད། །དབྱངས་སྙན་རྣ་བའི་བཅུད་ལེན་ཅན། །ཚངས་སྲས་རིག་འཛིན་དགའ་ཚལ་དང་། །མལླི་ཀཀྵ་པད་མཚོར་སྒེག །ལྔ་པ་བསྐོར་བ་ཅན་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་གསལ་བྱེད་ཀྱི་གནས་ཐོག་མཐའ་བར་གསུམ་དུ་བརྗོད་བྱ་རྗོད་བྱེད་གཉིས་ཅི་ལྟར་རིགས་པ་ཟློས་པས་དོན་སྟོན་པར་བྱེད་པའི་ངག་སྟེ། དབྱེ་ན་གསུམ་ལས། དང་པོ་དོན་བསྐོར། དཔྱིད་ཀྱི་དཔལ་མོས་ཨུཏྤལ་དང་། །ཟླ་ཤེལ་བསིལ་བས་ས་སྦྱིན་དགོད། །ནམ་མཁའི་ནོར་བུས་རེག་པ་ཡིས། །མཚམས་ཀྱི་སྤྲིན་པའི་མེ་ཏོག་རྒྱས། །ཚིག་བསྐོར། ཁྱོད་སྐུ་བསོད་ནམས་བརྒྱ་ཡིས་མཚན། །སྐལ་དམན་རྣམས་ཀྱིས་མཇལ་མཐོང་བར་དཀའ། བར་དཀའ། །གང་ཐུགས་ཏིང་འཛིན་སྒོ་བརྒྱ་ཡང་། །སོ་སྐྱེའི་བློ་ཡིས་འཇལ་དཔག་པར་དཀའ་བ། པར་དཀའ། །འདི་ཡང་། གང་གི་ཚུལ་ཁྲིམས་ཕུང་པོ་ནི། །ཡོངས་སུ་མ་ཉམས་མོད་མི་དམའ། །ངོ་མི་དམའ་བའི་དོན། །རྨད་བྱུང་རིག་དང་གྲོལ་བ་ཡི། །ཡོན་ཏན་མཐའ་ཀླས་མོད་མི་ཉུང་བའི་དོན། མི་དམའ། ཚིག་དོན་གཉིས་ཀ་བསྐོར་བ། ཡོངས་འཛིན་དམ་པའི་ལེགས་བཤད་ཀྱིས། །བདག་གི་རྣམ་དཔྱོད་གསལ་བར་བྱས། །ཁོ་བོའི་འཆད་རྩོད་རྩོམ་པས་ཀྱང་། །དོན་མཐུན་བློ་གྲོས་གསལ་བར་བྱས། | |||
།དྲུག་པ་འགོག་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དོན་གཅིག་དགག་པའི་ཤུགས་ལས་གཅིག་ཤོས་སྒྲུབ་པར་བྱེད་པའི་ངག་སྟེ། དབྱེ་ན་ཉི་ཤུ་རྩ་གསུམ་ལས། དང་པོ་བྱུང་བ་འགོག་པ་ནི། པདྨ་སཾ་བྷ་གཅིག་པུ་ཡིས། །གངས་ལྗོངས་འབྱུང་པོ་ཀུན་བཏུལ་ཅེས། །བདེན་པར་མི་སྲིད་འོན་ཀྱང་ནི། །གྲུབ་པའི་རྣམ་ཐར་བསམ་མི་ཁྱབ། །ད་ལྟ་འགོག་པ། མཚོ་བྱུང་ཁྱོད་ཀྱི་ཕྱག་སོར་གྱིས། །བཻཌཱུར་རྒྱུད་མང་བསྒྲེངས་འདིས་ཅི། །གང་གསུང་རྣམ་པ་ཐམས་ཅད་པར། །དབྱངས་བདུན་ཡན་ལག་རྫོགས་མིན་ནམ། །འབྱུང་འགྱུར་འགོག་པ། ཁྱོད་ཞབས་རྩེ་གཅིག་བསྙེན་པ་ལ། །དགྱེས་པའི་འཛུམ་ཞལ་མི་སྟོན་ན། །ཕྱིས་ནས་ལོག་ལྟའི་མཐུས་བསླད་པས། །ནམ་ཡང་གུས་པ་སྐྱེ་མི་འགྱུར། །ཆོས་འགོག་པ། བརྟན་པའི་འཁོར་ལོའི་ཡེ་ཤེས་ཀྱིས། །ཀུན་ལ་སྣང་བ་སྟེར་ཅེས་བརྫུན། །བདེན་ན་མེ་ཏོག་མདའ་ཅན་དཔུང་། །མུན་པའི་མལ་དུ་ཅི་ཕྱིར་འཆིང་། །ཆོས་ཅན་འགོག་པ། སྒྲ་དབྱངས་ལྷ་མོའི་བཞིན་རས་ལ། །ཟིམ་བུའི་སྤྱན་དཀྱུས་ལྡན་ནམ་མིན། །དཔག་པར་དཀའ་སྟེ་འོད་སྣང་གི། རོལ་སྒེག་ཙམ་ལས་བེམ་ཆོས་མིན། །རྒྱུ་འགོག་པ། ས་སྤྱོད་ཁྱོད་ཀྱི་འཇིགས་རུང་གི། གཡུལ་གྱི་དཔུང་ཚོགས་བཤམ་གྱུར་ཀྱང་། །བདག་གིས་ལུགས་ལས་འདས་པའི་ཚུལ། །མ་སྤྱད་ཕྱིར་ན་སེམས་མི་གཡོ། །འབྲས་བུ་འགོག་པ། ཡོངས་འཛིན་མཁས་པའི་ལེགས་བཤད་གཏམ། །མང་ཐོས་བརྩོན་པས་འབད་བྱས་ཀྱང་། །ད་དུང་ཕྱོགས་རེའི་རིག་པའི་གཞུང་། །རྟོགས་པར་མ་གྱུར་འདི་ཅི་ཞིག །རྗེས་གནང་འགོག་པ། གྲུབ་བརྙེས་མཆོག་ཁྱོད་མཁའ་སྤྱོད་ཞིང་། །ཉུལ་བར་བཞེད་ན་དེ་བཞིན་མཛོད། །འདི་ན་མཆིས་པའི་སློབ་འབངས་ཚོགས། །གདུང་བས་ཡུན་རིང་འཚོ་མི་འགྱུར། །དབང་གིས་འགོག་པ། གཙུག་ལག་ཀུན་གཟིགས་དམ་པ་གང་། །གང་དུ་གཤེགས་ཀྱང་གེགས་བྲལ་ཞིང་། །རྨད་བྱུང་གྲགས་པའི་དཔལ་ཐོབ་མོད། །འོན་ཀྱང་ལྗོངས་འདིར་རྟག་བཞུགས་ཤིག །མ་གུས་འགོག་པ། བདག་ནི་རྩེ་གཅིག་སྒྲུབ་ལ་མོས། །རྣམ་གཡེངས་སྤྱོད་ལ་དེ་ལྟར་མིན། །གྲོགས་ཁྱེད་གསན་ནམ་མི་གསན་ཀྱང་། །རང་གི་ཚུལ་ཙམ་མོལ་བར་ཟད། །ཤིས་བརྗོད་འགོག་པ། མགོན་ཁྱོད་འོག་མིན་བགྲོད་དགོངས་ན། །བཞེད་པ་ཇི་བཞིན་འགྲུབ་གྱུར་ཅིག །བདག་ཅག་རྣམས་ཀྱང་མི་རིང་བར། །ཞབས་སེན་ནོར་བུར་རེག་པར་སྨོན། །རྩུབ་མོས་འགོག་པ། མི་དབང་གང་ཉིད་གཤེགས་བདེན་ཚེ། །རྒྱལ་ཐབས་འཛིན་པ་གཞན་འགའ་ཚོལ། །བརྩེ་བས་སྐྱོང་བའི་བློན་འབངས་རྣམས། །ཡུལ་མཐར་འཁྱམས་ལས་གཞན་དུ་ཅི། །གྲོས་ཀྱིས་འགོག་པ། འཕགས་ཁྱོད་ཞི་བདེར་ཐུགས་ཕྱོགས་ན། །མྱུར་བ་ཉིད་དུ་སྐབས་དབྱེ་གསོལ། །ཕྱིས་ན་དད་ལྡན་འདུས་པ་ཡིས། །གདུང་བའི་ཚིག་གིས་གཙེར་གྱིས་དོགས། །འབད་པས་འགོག་པ། མཛའ་བོ་དགྱེས་པ་བསྒྲུབ་སླད་དུ། །བག་མེད་མཛོད་ཅེས་གདམས་འདོད་ཀྱང་། །ངེས་འབྱུང་བློ་ཡིས་བསླབ་གཞིའི་ཁྲིམས། །ཟུང་ཞེས་བརྗོད་ལ་ཅི་བྱར་ཡོད། །གཞན་དབང་གིས་འགོག་པ། མཛེས་མ་ཁྱོད་ཀྱི་རྩེ་དགའི་དཔྱིད། །མགྲོན་དུ་གཉེར་ཞེས་བསྐུལ་ཐོས་མོད། །བདག་ཡིད་བཅས་པའི་བརྟུལ་ཞུགས་ཀྱི། །དབང་གྱུར་འདི་དང་འགྲོ་བར་འོས། །ཐབས་ཀྱིས་འགོག་པ། རེ་ཞིག་གང་གི་བསམ་པ་དང་། །རྗེས་མཐུན་ཉམས་སུ་མྱང་བར་བགྱི། །ཚུལ་ལས་འཆལ་བའི་སྡིག་པའི་རྒྱུན། །གསོ་བྱེད་སྨན་མཆོག་ཅུང་ཞིག་སྩོལ། །ཁྲོ་བས་འགོག་པ། བཤེས་གཉེན་མཆོག་ཁྱོད་ཡུལ་གཞན་དུ། །དགོངས་པ་གཏོད་པའི་ཚུལ་མཐོང་ན། །སྙིང་བརྩེ་བྲལ་བ་གང་གི་སླད། །བཞུགས་པར་གནང་ཡང་བདག་ལ་ཅི། །སྙིང་རྗེས་འགོག་པ། རང་གི་སྤྱད་དམ་གཞན་ལ་ཡང་། །སྦྱིན་པའི་ཡན་ལག་མ་བཀྱངས་པར། །དུས་མིན་སྐྱིན་ཐང་འཁྲུགས་པའི་མདུན། །ཡིད་འོང་ལོ་ཏོག་ཉམས་པར་གྱུར། །འགྱོད་པས་འགོག་པ། ཐོས་དང་བསམ་པའི་བགྱི་པའམ། །རྩེ་གཅིག་མཉམ་པར་མ་བཞག་པར། །དལ་རྟེན་འབྲས་བུས་སྟོང་པ་ཡི། །ངང་ཚུལ་འཆི་ཁའི་དུས་ན་མཐོང་། ཐེ་ཚོམ་འགོག་པ། ཅི་འདི་ཤར་གྱི་ཐིག་ལེའམ། །སྒྲ་དབྱངས་ལྷ་མོའི་མཚན་དཔེ་གང་། །འོན་ཀྱང་རབ་སྙན་ཏམྦུརཿ བསྒྲེང་ཕྱིར་ག་བུར་འཛིན་པ་མིན། །སྦྱར་བས་འགོག་པ། ཐོས་པས་རྣ་བར་ཀུན་དགའི་ཚེ། །སྦྱིན་པའི་ཉམས་འགྱུར་ཡོངས་རྫོགས་པའི། །ཁྱོད་གསུམ་རྒྱུད་མང་འདི་ཡོད་ཕྱིར། །འཕང་འགྲོ་གཞན་གྱིས་ཅི་ཞིག་བྱ། །དོན་གཞན་འགོག་པ། གང་ཐུགས་ཐམས་ཅད་མཁྱེན་བརྙེས་ཀྱང་། །ད་དུང་རིག་གཞུང་ཚོལ་འདིས་ཅི། །དེ་ལྟར་ན་ཡང་བུང་བའི་ཚོགས། །སྦྲང་རྩིས་ཚིམ་པའི་གོ་སྐབས་གང་། །རྒྱུས་འགོག་པ། མཚོ་སྐྱེས་བླ་མས་བསིལ་ལྗོངས་ཀྱི། །བསྟན་འགྲོར་སྨན་ལ་ཅི་ཞིག་བསྔགས། །སྲས་བཅས་རྒྱལ་བའི་དགོངས་གཅིག་གིས། །ལས་འདི་ཆེད་དུ་བྱིན་མིན་ནམ། །བདུན་པ་དོན་གཞན་བཀོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་དངོས་པོ་དེ་གང་ཡང་རུང་བ་དམ་བཅའི་ཚུལ་དུ་སྔོན་ལ་བཀོད་ནས། སླར་དེ་ཉིད་སྒྲུབ་པར་ནུས་པའི་དོན་གཞན་བརྗོད་པར་བྱས་པའི་ངག་སྟེ། དབྱེ་ན་བརྒྱད་ལས། དང་པོ་ཀུན་ཁྱབ་ཀྱི་དོན་གཞན་བཀོད་པ། ཁྱོད་ཐུགས་ཟབ་ཞི་སྤྲོས་བྲལ་ཕྱིར། །ཕྱོགས་དང་ཆ་ལས་རྣམ་གྲོལ་ཏེ། །འཆི་མེད་ལམ་གྱི་ཕ་མཐའ་ཡི། །ངེས་པ་སུ་ཡིས་བརྗོད་པར་ནུས། །ཁྱད་པར་ལ་གནས། ཁུར་ལ་མི་བརྩེགས་ནོར་འཛིན་མས། །འཇིག་རྟེན་ཁམས་འདི་འདེགས་ལ་བརྩོན། །རང་དོན་བྲལ་ཡང་རྒྱལ་སྲས་རྣམས། །གཞན་ཕྱིར་རྟག་ཏུ་འཇུག་པ་ཉིད། །སྦྱར་བའི་དོན་གཞན་བཀོད་པ། ཡིད་འཕྲོག་སཱ་ར་སྭསྟི་ཡིས། །འགྲོ་ལ་ཀུན་དགའི་མཆོག་སྟེར་བྱེད། །གཉིས་སོ་དང་འདབ་ཆགས་དང་བྲམ་ཟེ་སོགས་ལ་འཇུག །སྐྱེས་ཕྲེང་བས་རབ་སྒེག་ཕྱིར། །མིག་གི་བདུད་རྩིར་གྱུར་མིན་ནམ། །འགལ་བ་ཅན། མཁས་ཁྱོད་སྟོབས་འབྱོར་སྙན་གྲགས་ཀྱིས། །དམན་ཡང་དཔྱོད་ལྡན་ཚོགས་རྣམས་སྡུད། །པདྨོ་འདམ་ལས་སྐྱེས་གྱུར་ཀྱང་། །ལུས་ཅན་ནམས་ཀྱིས་ཉེ་བར་བརྟེན། །མི་འོས་པའི་དོན་གཞན་བཀོད་པ། མིག་མི་འཛུམ་པའི་སྙིང་རྗེའི་མཐུས། །དྲངས་པའི་ལེགས་བཤད་དབྱངས་སྙན་ཀྱང་། །སྒྲ་འཛིན་ཚེར་མ་ཉིད་གྱུར་པའི། །ཡིད་སྲུབས་རྣམས་ཀྱི་སྡིག་འདི་འདྲ། །འོས་པའི་དོན་གཞན་བཀོད་པ། འཆི་མེད་མགོན་པོའི་འོད་ཟེར་གྱིས། །ཉི་བུའི་ཚོགས་ཀུན་གདུང་བར་བྱེད། །འཆར་ཀའི་ཉི་གཞོན་གཟི་བྱིན་ལས། །རྒྱལ་ཕྱིར་རིགས་ཤིང་འོས་པར་དྲན། །འོས་ཤིང་མི་འོས་པ། ལུས་མེད་ཕྱོགས་ཀྱིས་མནར་བྱེད་ཀྱང་། །རྒྱལ་བའི་ཐུགས་རྗེས་ཅི་ཕྱིར་འཆིང་། །རབ་འབར་བསྲེག་ཟ་བྱེད་པའི་ལས། །ཙནྡན་ཆུ་ཡིས་འོས་སམ་ཅི། །མི་འོས་ཤིང་འོས་པ། བྱམས་པའི་བདུད་རྩིས་ཡིད་མྱོས་ན། །སྡང་བའི་སེམས་ཀྱིས་ཅི་སྟེ་མིན། །ཨུཏྤལ་རེག་པས་རྩུབ་གྱུར་ན། །ཚེར་མའི་ཁྲོད་དུ་འཇམ་མི་འགྱུར། །བརྒྱད་པ་ལྡོག་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཐོག་མར་དཔེ་དོན་མཚུངས་ཆོས་བཅས་བཀོད་པ་ཉིད། ཕྱི་ནས་དེ་གཉིས་ཀྱི་ལྡོག་ཆ་སོ་སོར་ཕྱེ་བའི་སྒོ་ནས་ཐ་དད་དུ་སྟོན་པའི་ངག་སྟེ། དབྱེ་ན་བཅུ་ལས། དང་པོ་གཅིག་གིས་ལྡོག་པ། ཡིད་འོང་དག་པའི་ཨ་མྲྀ་ཏཿ ཉེ་འཁོན་བྲལ་བ་སྤྲོ་བ་ཡིས། །འཕགས་མཆོག་ཟླ་ཤེལ་མཚུངས་ཐ་དད། །ཁྱོད་ཞལ་འཕེལ་འགྲིབ་བྲལ་འདིས་སོ། །གཉིས་ཀྱིས་ལྡོག་པ། ཆུ་ཡི་གཏེར་དང་གང་གི་ཐུགས། །རབ་ཡངས་གཏིང་ཟབ་མཉམ་གྱུར་མོད། །རིན་ཆེན་འབྱུང་ལྡན་འཛིན་ཁྲིའི་གནས། །ཉིད་ཐུགས་ཡོན་ཏན་རྒྱ་མཚོའི་དཔྱིད། །སྦྱར་བའི་ལྡོག་པ། ཁྱོད་ཀྱི་ཞབས་དང་མནྡཱར། །ལྷར་བཅས་འདོད་འཇོ་བསིལ་སྦྱིན་པས། །མཚུངས་ཀྱང་ཡོངས་འདུ་འཆི་མེད་ཚལ། །གང་ཞབས་སྲིད་གསུམ་བླ་ན་བརྗིད། །འགོག་པ་ཅན། སྨོན་པའི་དངོས་པོ་ཀུན་སྩོལ་ཞིང་། །ཕུན་ཚོགས་སྣང་བས་ཉེར་འཁྱུད་ཀྱང་། །མཁྱེན་གཉིས་གཟིགས་པས་རིང་བཏང་ཕྱིར། །ནོར་བུས་གང་ཚུལ་གཞལ་ནུས་མིན། །གཏན་ཚིགས་ཅན། ཐབས་མཁས་འཇུག་པས་ཕྱོགས་ཀུན་ལས། །རྣམ་རྒྱལ་གྲགས་པའི་དཔལ་འཛིན་ཡང་། །སྲིད་པའི་མཚོ་ལས་མ་བརྒལ་ཕྱིར། །ཐ་གུའི་ལྟོ་ཅན་ཁྱོད་ལས་དམན། །རྟེན་གྱི་དབྱེ་བའི་ལྡོག་པ་ཅན། གང་གི་སྨིན་པའི་རོལ་སྒེག་དང་། །སྦྲང་རྩིའི་ཟས་ཅན་རབ་གཡོ་བ། །འདྲེན་བྱེད་དེ་ནི་ཁྱོད་གདོང་དང་། །བུང་བ་པད་མཚོར་རྩེན་པས་སོ། །དཔེ་ཅན་ལྷག་པ། ཆུ་སྐྱེས་དཀར་པོར་སྤྱན་རས་དང་། །འཛུམ་བཅས་མཆུ་སྒྲོས་མི་ལྡན་ཞིང་། །འཇིག་རྟེན་དབང་ཕྱུག་ཁྱོད་ཞལ་ནི། །ཕུན་ཚོགས་ཆོས་དེ་དག་གིས་མཛེས། །མཚུངས་ཆོས་འབྱེད་བྱེད་གཉིས་ཀ །ཁྱོད་ཀྱི་མཚན་དང་ཉིན་མོའི་དཔལ། །མུན་སེལ་ཀུན་དགའི་གཉེན་གྱུར་ཀྱང་། །སྣང་བྱེད་འོད་རྣོན་འབུམ་སྤྲོ་ཞིང་། །གང་མཚན་ཐར་པའི་སྙིང་པོས་ལྕིད། འབྱེད་བྱེད་ཅན། འཇམ་མགོན་མ་ཧཱ་ཙཱི་ན་དང་། །སྙིང་རྗེའི་དབང་ཕྱུག་བསིལ་ལྗོངས་སྐྱབས། །ཏོང་ཀུའི་རྒྱལ་ཁམས་ནོར་མང་ཞིང་། །གངས་ཅན་ཆོས་ཀྱི་ལོངས་སྤྱོད་ལྡན། །རིགས་མཐུན་ལྡོག་པ་ཅན། ཐུན་གསུམ་མཐུ་ཡིས་མི་འཕྲོགས་ཤིང་། །ཆུ་ཁུར་ཅན་གྱིས་སྒྲིབ་མིན་པའི། །ཡེ་ཤེས་ལས་བྱུང་ཁྱོད་ཞབས་ཀྱི། །སྣང་བས་མུན་སྟུག་འགོག་པར་བྱེད། །དགུ་པ་སྲིད་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་འདོད་ཀྱི་དངོས་པོ་དེ་སྒྲུབ་པར་བྱེད་པའི་རྒྱུ་འཇིག་རྟེན་ན་ཡོངས་སུ་གྲགས་པ་ལས་བཟློག་ནས། རྒྱུ་གཞན་ཅུང་ཟད་ཙམ་མམ་རང་གི་ངོ་བོ་ཉིད་ཀྱི་མཐུས་གྲུབ་པར་སྟོན་པའི་ངག་སྟེ། དབྱེ་ན་གསུམ་ལས། དང་པོ་ཕྱི་དུས་ལ་སྦྱར་བ་ནི། མ་བཙུགས་ཀིངྴུ་ཀ་ཡི་འགྲམ། །བོས་མིན་ཁུ་བྱུག་མྱོས་པའི་ཚོགས། །བསྐུལ་བ་མིན་པར་སྙན་འགྱུར་གླུ། །སྒྲོགས་བྱེད་དཔྱིད་ཀྱི་དུས་སྟོན་དར། །ནང་ལང་ཚོ་ལ་སྦྱར་བ། མ་ཕྱིས་རབ་ཏུ་དྭངས་པའི་སྐུར། །བྲིས་མིན་མཚན་དཔེའི་རི་མོ་འབར། །ཆེད་དུ་མ་བྱས་མཚར་སྡུག་གིས། །ལྷར་བཅས་ཡིད་འཕྲོག་འཇམ་པའི་དཔལ། །རང་གི་ངོ་བོ་ཙམ་སྟོན་པ། མ་བསླབ་ཆོས་རྣམས་ཀུན་མཁྱེན་ཅིང་། །རྒྱུ་མཚན་མེད་པར་ཡིད་སྲུབས་དགྲ། །འདྲིས་མིན་ཁམས་གསུམ་ལུས་ཅན་གྱི། །མཛའ་བཤེས་གཅིག་གྱུར་ཤཱཀྱའི་ཏོག | |||
།བཅུ་པ་བསྡུས་བརྗོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་བྱའི་དོན་ཇི་ལྟར་རིག་པ་ལ་ཉེ་བར་དམིགས་ནས་དེ་དང་ཚུལ་མཐུན་པའི་དངོས་པོ་གཞན་ཞིག་བསྡུས་པའི་ཚུལ་གྱིས་བརྗོད་པའི་ངག་སྟེ། དབྱེ་ན་བཞི་ལས། དང་པོ་སྤྱིའི་བསྡུས་བརྗོད་ནི། འགའ་ཞིག་འོད་རྣོན་མཛེས་འབར་བའི། །ནོར་བུའི་སྒྲོན་མེ་རིང་དོར་ནས། །རི་མོར་བྲིས་པའི་སྣང་གསལ་ལ། །མུན་སེལ་དངོས་པོ་རེ་བ་མཐོང་། །ཁྱད་གཞི་ཐ་དད་ཁྱད་ཆོས་གཅིག་པའི་བསྡུས་བརྗོད། གཟོད་ནས་བཤེས་པའི་ས་བོན་ལས། །ལེགས་འཁྲུངས་ཡལ་འདབ་མཐོར་སྙེགས་ཤིང་། །ཡིད་འོང་མེ་ཏོག་འཛུམ་དགོད་པའི། །རྐང་པས་འཐུང་འདི་བདག་གིས་རྙེད། །ཁྱད་ཆོས་ཐ་དད་ཐ་མི་དད་པ། ཤིན་ཏུ་དཀར་བའི་སྙིང་པོ་ལ། །བདུད་རྩིའི་ཟེར་བརྒྱས་ཡོངས་གཏམས་པ། །ཡོན་ཏན་མཐའ་ཀླས་ཟླ་ཤེལ་མཆོག །འདི་ན་བསོད་ནམས་མགྲོན་དུ་ཤར། སྔོན་མེད་བསྡུས་བརྗོད། །སྨད་འོས་འདམ་ལས་སྐྱེས་མིན་ཞིང་། །རྙོག་པའི་རྡུལ་མང་དང་བྲལ་བའི། །ཀུན་དགའི་དཔྱིད་གྱུར་སྦྲང་རྩི་འཛིན། །ལེགས་བཤད་དཔུང་བས་བདག་གིར་བྱས། །བཅུ་གཅིག་པ་ཕུལ་བྱུང་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་བྱ་བའི་དངོས་པོ་དེ་ཉིད་ཀྱི་གནས་ཚུལ་འཇིག་རྟེན་ན་ཇི་ལྟར་གྲགས་པའི་མཚམས་ལས་བརྒལ་བར་གྱུར་པའི་རྣམ་འགྱུར་གྱིས་མཛེས་པར་བྱས་པའི་ངག་སྟེ། དབྱེ་ན་བཞི་ལས། ཁྱད་འཕགས་བརྗོད་པའི་ཕུལ་བྱུང་། །ཟླ་མདོག་དར་གྱི་ཤམ་ཐབས་དང་། །པུཎྜ་རཱི་ཀའི་དོ་ཤལ་བཅས། །རབ་དཀར་འོད་འཕྲོ་སྒྲ་དབྱངས་ལྷ། །བསིལ་ཟེར་ཅན་དབུས་མཚོན་མ་ཡིན། །ཐེ་ཚོམ་ཕུལ་བྱུང་། གྲུ་འཛིན་རི་ལ་དགྱེས་ཁྱོད་ཀྱིས། །ཐར་པའི་གྲོང་དུ་འཁྲིད་མིན་པའི། །སྲིད་ན་ལུས་ཅན་སུ་ཞིག་ཅེས། །བདག་བློ་སོམ་ཉིའི་དྲྭ་བར་ཚུད། །ངེས་པ་ཕུལ་བྱུང་། འོན་ཀྱང་སྙིང་རྗེའི་སྤྱན་རས་ཟུང་། །ད་དུང་གཞར་ཡང་མི་ཟུམ་པས། །བསྒྲལ་བར་བྱ་བའི་སེམས་ཅན་ཁམས། །ཇི་སྙེད་ཡོད་ཅེས་རྟོགས་པར་ནུས། །གྲགས་པ་ཕུལ་བྱུང་། པདྨ་སཾ་བྷའི་ཡོན་ཏན་ལྕིད། །དཔག་ནུས་མིན་ཡང་འདེགས་བཟོད་ཕྱིར། །བསིལ་ལྡན་ལྗོངས་ཀྱི་ནོར་འཛིན་མའི། །སྙིང་སྟོབས་ཤིན་ཏུ་ཨེ་མ་བརླིང་། །བཅུ་གཉིས་པ་རབ་རྟོག་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སེམས་ལྡན་ནམ་སེམས་མེད་ཀྱི་དངོས་པོ་གང་ཡང་རུང་བ་ཞིག་རང་གི་གནས་ཚུལ་ལས་གཞན་དུ་སྒྲོ་བཏགས་ནས་བརྗོད་པའི་ངག་སྟེ། །དབྱེ་ན་དོན་གྱི་སྒོ་ནས་གཉིས་དང་། སྒྲའི་སྒོ་ནས་དྲུག་ཏུ་འགྱུར་བ་ལས། དང་པོ་སེམས་ལྡན་རབ་རྟོག་སྙམ་སྒྲ་ཅན། འཇིགས་བྲལ་དཔལ་ལྡན་དཎྜིའི་ཞབས། །ཡེ་ཤེས་མེ་ལོང་འཆང་བའི་སྐུར། །འཁྲུལ་ནས་ཚངས་པའི་སྲས་མོ་ཡིས། །མགྲིན་པར་དལ་གྱིས་འཁྱུད་པ་སྙམ། །སེམས་མེད་རབ་རྟོགས་དོགས་སྒྲ་ཅན། །མིག་སྨན་མདོག་མཚུངས་ནག་པོ་ཆེའི། གཟི་བྱིན་འགྲན་ལ་སྐྲག་གྱུར་ནས། །སྲོད་མུན་ཆར་སྤྲིན་འཁྲིགས་པ་ཡང་། །འཆི་མེད་ལམ་དུ་བྲོས་པར་དོགས། །ངེས་སྒྲ་ཅན། འཇམ་མགོན་འཁོན་རིགས་པཎྜི་ཏའི། །མཁྱེན་པའི་དོ་ཟླར་མ་བཟོད་ནས། །འཇིག་རྟེན་གསུམ་གྱི་མགོན་པོ་ཡང་། །མཁའ་སྤྱོད་ཞིང་དུ་ཉུལ་བར་ངེས། །འདྲ་བའི་སྒྲ་ཅན། སྨྲ་མཁས་ཁྱོད་ཀྱི་ལེགས་བཤད་གཏམ། །མཉན་པའི་སྐལ་བཟང་བསྒྲུབ་སླད་དུ། །འཇིག་རྟེན་མེས་པོ་ཚངས་པ་ཡང་། །ཐོས་འཛིན་བརྒྱད་དུ་སྤྲུལ་པ་འདྲ། །མིན་ནམ་སྒྲ་ཅན། སྟོབས་བཅུ་མངའ་བའི་ཡེ་ཤེས་དང་། །འགྲན་པའི་ནུས་པ་ཕྲ་གྱུར་ནས། །མེ་ཏོག་མདའ་ཅན་དཔུང་དང་བཅས། །ལུས་མེད་ཟོལ་གྱིས་ཞུགས་མིན་ནམ། །བཞིན་སྒྲ་ཅན། ཕྱོགས་ལས་རྣམ་པར་རྒྱལ་བའི་མཆོག །ཆོས་ཀྱི་གྲགས་པའི་རྩོད་ངག་ལ། །འཇིགས་ཏེ་ངང་བའི་བུ་མོ་ཡང་། །ལྷོ་ཕྱོགས་རོལ་མཚོར་བསྟི་བ་བཞིན། །བཅུ་གསུམ་པ་རྒྱུའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བྱེད་པ་པོ་ཇི་ལྟར་རིགས་པ་དེ་ཡི་རྒྱུ་བྱས་ནས་འབྲས་བུ་དངོས་ཤུགས་གང་རུང་ལ་སྟོན་པར་བྱེད་པའི་ངག་སྟེ། དབྱེ་ན་བཅུ་དྲུག་ལས། དང་པོ་སྐྱེད་བྱེད་ཀྱི་རྒྱུ། སྒྲ་དབྱངས་ལྷ་མོའི་སོར་མོ་ཡིས། །བརྡུངས་པའི་བཻཌཱུར་རྒྱུད་མང་ལས། །ཕུན་ཚོགས་སྙན་འགྱུར་འབུམ་གཡོ་བས། །སྐལ་བཟང་ཀུན་དགའི་ཚོར་བ་སྐྱེད། །ཉམས་བྱེད་རྒྱུ། དཔལ་ལྡན་ནཱ་ག་རྫུ་ན་ཡིས། །མཐའ་བྲལ་དབུ་མའི་གཞུང་ཟབ་མོས། དངོས་པོར་སྨྲ་བའི་ཕྱོགས་རྣམས་ཀྱི། །དམ་བཅའ་ཉམས་པར་བྱེད་ལ་དབང་། །རྣམ་པར་འགྱུར་པའི་རྒྱུ། གཞན་ཕྱིར་སྙིང་རྗེས་རབ་བརླན་པའི། །རྨད་བྱུང་ཐེག་ཆེན་བདུད་རྩིའི་སྒོ། །གཅིག་ཏུ་ཕན་དང་བདེ་བ་ཡང་། སྐལ་དམན་བསམ་པའི་དུག་ཏུ་བྱས། །འཐོབ་བྱེད་རྒྱུ། ཁོ་བོ་དབེན་པར་བགྲོད་འདོད་ཚེ། །བཤོལ་འདེབས་གཏམ་གྱིས་བསྐུར་བརྩམས་ཀྱང་། །ངེས་པར་འབྱུང་བའི་གཞན་དབང་གིས། །ཚུལ་དེ་ནམ་ཡང་བཟློག་མ་གྱུར། །ཕྱིའི་དུས་ཤེས་བྱེད་རྒྱུ། རྒྱ་མཚོའི་གོས་ཅན་ཁྱོན་ཡོངས་པོར། །ཡིད་འོང་སྐྱེད་ཚལ་རྒྱས་པའི་ཁྲོད། །རྐང་དྲུག་མྱོས་པའི་གླུ་ལེན་ཚེ། །ངལ་གསོའི་དགའ་སྟོན་སྤྱོད་ལ་རྒྱུ། །ནང་ཤེས་བྱེད་ཀྱི་རྒྱུ། རྣམ་འདྲེན་ཁྱོད་ཀྱི་ཐུགས་བརྩེ་བས། །རྟག་པར་བདག་ཅག་རྗེས་བཟུང་བ། །འཛུམ་ཞལ་རྒྱས་པའི་མཆུ་སྒྲོས་ལས། །ཕན་པའི་བསླབ་བྱ་སྤྲོ་འདིས་རྟོགས། །སྔ་ན་མེད་པའི་དངོས་རྒྱུ། དྲི་མེད་གཞུང་མང་མ་བསྒྲུབས་ཤིང་། །རྩེ་གཅིག་མཉམ་པར་བཞག་མིན་པས། །ཚུལ་མིན་རྒུད་པ་ཐམས་ཅད་ཀྱིས། །མནར་བར་གྱུར་འདི་ཀྱེ་མ་སྐྱོ། །ཞིག་ནས་མེད་པའི་བྱེད་རྒྱུ། ཡུལ་ལ་ཆགས་པའི་རྣམ་གཡེངས་དང་། །ཀུན་རྨོངས་འཆིང་བ་རིང་བཅད་པས། །མཐའ་ཀླས་སྡེ་སྣོད་རྒྱ་མཚོ་ལ། །ཞུགས་པའི་བློ་གྲོས་ངང་གིས་འཕེལ། །ཕན་ཚུན་མེད་རྒྱུ། མཁས་ཁྱོད་ཆགས་ལྡན་ལུས་ཕྲ་མིན། །གང་གསུང་སླུ་བྱེད་འཁྲིག་ཚིག་མིན། །ཐབས་མཁས་མཛད་པ་གཡོ་སྒྱུའི་ཚུལ། །མ་ལགས་དེ་ཕྱིར་སྙིང་ནས་དད། །སྤངས་ནས་མེད་པའི་བྱེད་རྒྱུ། ཡོངས་རྫོགས་ཤེས་བྱའི་གཞུང་ལུགས་ལ། །འཁྲུལ་པའི་སོམ་ཉི་ཡོད་མ་ཡིན། །རྒྱུ་དེས་རྒྱལ་སྲས་མཆོག་རྣམས་ཀྱི། །ཕུལ་བྱུང་ཡོན་ཏན་ངང་གིས་འཕེལ། །བཟློག་པ་སྐྱེད་བྱེད་ཀྱི་རྒྱུ། པད་དཀར་འཆང་བས་གངས་ཅན་ལྗོངས། །ཐུགས་རྗེས་མ༷་བཟུང་པ་མི༷ན་ན། །ཆོས་ཀྱིས་ཕོངས་པའི་སྐལ་ངན་གྱི། །གདུང་བ་ཐམས་ཅད་ནུབ་པར་གྱུར། །རིང་འབྲས་རྒྱུ། འཇམ་མགོན་ཀུན་དགའི་མཚན་ཅན་གྱིས། །འཕྲོག་བྱེད་དྲེགས་པའི་མཐུ་བཅོམ་པས། །རྒྱ་མཚོའི་གོས་ཅན་གཞིར་འཁོད་པའི། །ཕྱིར་རྒོལ་ཚོགས་ཀྱི་སྤོབས་པ་ཞུམ། །ལྷན་ཅིག་པའི་རྒྱུ། མྱུར་མ་དཔའ་མོའི་ཞབས་སེན་ནི། །ཡིད་ཀྱི་ཆོ་གར་བཀོད་མ་ཐག །བརྒྱད་གཉིས་འཇིགས་པ་ལས་བརྒལ་བའི། །གྲུབ་པའི་བརྟུལ་ཞུགས་མཆོག་ལ་སྦྱོར། །རྒྱུ་ལས་འབྲས་བུ་སྔ་བ། སྔར་ཉིད་རྣམ་ཀུན་མཆོག་ལྡན་གྱི། །ཡེ་ཤེས་ཆེན་པོའི་རོས་གང་ཕྱིར། །ཕྱིས་ནས་བདེ་སྟོང་ཟུང་འཇུག་པའི། །རྡོ་རྗེའི་ལམ་གྱི་ཉེ་རྒྱུར་ཞུགས། །རིགས་མིན་རྒྱུ། ཟུར་ཕུད་ལྔ་པའི་ཞབས་སེན་གྱི། །འཆར་ཀའི་ཉི་གཞོན་ལ་རེག་པས། །རིག་གྲོལ་སྤོབས་པའི་སྟེང་འཐུང་དཀར། །ཆེས་ཆེར་དར་བ་འདི་ཅི་ཞིག །རིགས་པའི་རྒྱུ། ཟླ་བའི་སྲིད་མོའི་ཐུགས་སྲོག་གི། །ཧྲཱིཾ་ཡིག་འབར་བའི་ཀཽ་མུ་དི། །ངག་གི་ཀུ་མུད་ཀྱིས་བསྟེན་པས། །སྙན་ཚིག་འདབ་བརྒྱ་དགོད་ལ་དབང་། །བཅུ་བཞི་པ་ཕྲ་མོའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བློ་སྔོན་དུ་བཏང་བའི་ཟུར་རམ། སེམས་ཀྱི་འགྱུར་བ་ལུས་ཉམས་སུ་ཐོན་པའི་རྣམ་པ་གང་ཡང་རུང་པའི་བརྡ་ཕྲ་མོ་ཞིག་གིས་བསམ་པའི་དོན་དེ་ཉིད་རྗེས་སུ་དཔག་པར་ནུས་པའི་ངག་སྟེ། དབྱེ་ན་གཉིས་ལས། དང་པོ་ཟུར་གྱི་ཕྲ་མོ། གསང་ཆེན་སློབ་བཤད་ཟབ་མོའི་ཆོས། །ཚོགས་སུ་ཞུ་བར་མ་བཟོད་པའི། །དབང་རྣོན་གཟིགས་ནས་རྣམ་འདྲེན་རྗེས། །སྤྱན་ཟུར་བག་ཡངས་ཕྱོགས་སུ་གཏད། །རྣམ་པའི་ཕྲ་མོ། ཁོ་བོས་མི་འཕྲོག་དད་གསུམ་བློས། །ཁྱོད་ཞབས་ནོར་བུར་རེག་པའི་མོད། །འཛུམ་བཅས་རོལ་པའི་ཞལ་དཀྱིལ་གྱི། །ཡིད་འོང་འཇོ་སྒེག་དར་བར་གྱུར། | |||
།བཅོ་ལྔ་པ་ཆའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རང་གི་གནས་ཚུལ་ཇི་བཞིན་དུ་བརྗོད་ན་ཕ་རོལ་གྱི་ངོར་མི་མཛེས་པར་འགྱུར་བ་ཉིད་རྣམ་པ་གཞན་དུ་བསྙན་པའི་ཆ་ཤས་ཀྱིས་སྒྲིབ་པར་བྱས་པའི་ངག་སྟེ། དབྱེ་ན་བཞི་ལས། དང་པོ་ཟོལ་གྱིས་སྦེད་པར་འོས་པའི་ཆ། སྨྲ་མཁས་ཁྱོད་ཀྱི་རྩོད་པའི་གྲར། །བདག་སོགས་ཡི་ག་འདར་གྱུར་པ། །ཀྱེ་མ་གངས་རིའི་ཁྲོད་འདི་ནི། །བསིལ་བའི་རེག་བྱས་གཏམས་པར་ཤེས། །མི་འོས་པའི་ཆ། གང་གི་བསླབ་གཞིའི་ལེགས་བཤད་ཀྱིས། །ཆགས་ལྡན་ཚོགས་རྣམས་བཞིན་ཉམས་པ། །དཔྱིད་ཀྱི་ཉི་གཞོན་རྒྱས་པའི་གཟིས། །གདུངས་པའི་ངང་ཚུལ་སྨིན་པར་ཟད། །སྨད་པའི་ཆ། རྣམ་འདྲེན་མཆོག་འདི་ཐོས་བསམ་དང་། །སྒོམ་པའི་བྱ་བ་ཙམ་ལ་ཡང་། །ཆགས་མིན་སྟོབས་འབྱོར་སྙན་གྲགས་མཐུས། །གཅིག་ཏུ་རང་བསྟན་ཉིན་མོར་བྱེད། །བསྟོད་པའི་ཆ། སྲིད་པའི་ཕུན་ཚོགས་ཀུན་བསྲིངས་ཤིང་། །ཞི་བའི་རོ་ལ་དགྱེས་མིན་པར། །གཞན་ཕྱིར་བྲན་བཞིན་འཇུག་བརྩོན་པའི། །མགོན་ཁྱོད་རྗེས་སུ་སུ་ཞིག་འབྲངས། །བཅུ་དྲུག་པ་རིམ་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་འདོད་ཀྱི་དངོས་པོ་རྣམས་སྔོན་ལ་རབ་ཏུ་བསྟན་པ་བཞིན་ཕྱི་ནས་དེ་དང་འབྲེལ་བའི་དོན་གཞན་རྣམས་ཀྱང་རིམ་པ་མ་འཆོལ་བར་སྟོན་པའི་ངག་སྟེ། དཔེར་ན། ལྷོ་ཕྱོགས་རིག་འཛིན་དགའ་ཚལ་དུ། །རྩེན་པའི་གདོང་མཛེས་འཛུམ་སྒྲོས་ནི། །དཔལ་གོས་ཆུ་སྐྱེས་བིམྦ་ལས། །བརྐུས་པར་ངེས་སོ་སྒྲ་དབྱངས་ལྷ། །བཅུ་བདུན་པ་དགའ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྔོན་ཆད་མ་ཐོབ་པའི་དགའ་བ་ཁྱད་པར་ཅན་རྒྱུད་ལ་སྐྱེས་པའི་མངོན་པར་རྟོགས་པ་བརྗོད་པའི་ངག་སྟེ། དབྱེ་ན་གཉིས་ལས། དང་པོ་དངོས་ཐོབ་ཀྱི་དགའ་བ། མགོན་ཁྱོད་ཁོ་བོའི་མདུན་ས་རུ། །མངོན་སུམ་གཤེགས་པའི་དགའ་སྟོན་མཆོག །སླར་ཡང་གང་ཞབས་བསོད་ནམས་ཀྱི། །མགྲོན་དུ་ཁུགས་ལས་འབྱུང་བར་ངེས། །གཟུགས་བརྙན་གྱི་དགའ་བ། ཁྱོད་སྐུ་ཡེ་ཤེས་སྒྱུ་མའི་གར། །དད་གསུམ་ཆོ་གར་བཀོད་ལས་གཞན། །ཤུལ་རིང་ཡུལ་གྱིས་བསྐལ་བདག་གིས། །ཇི་བཞིན་མཇལ་བའི་གོ་སྐབས་ཅི། །བཅོ་བརྒྱད་པ་ཉམས་ལྡན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྒེག་པ་ལ་སོགས་པའི་བརྗོད་བྱ་དང་རྗོད་བྱེད་གཉིས་ཀ་རོ་ཉམས་ཕུན་སུམ་ཚོག་པ་དང་ལྡན་པས་མངོན་སུམ་ལྟ་བུའི་རྟོག་པ་སྐྱེད་ནུས་པའི་ངག་སྟེ། དབྱེ་ན་བརྒྱད་ལས། དང་པོ་དགའ་བ་འཕེལ་བ་སྒེག་པའི་ཉམས། བརྩོན་པས་སྒྲུབ་ཀྱང་ཐོབ་དཀའ་བའི། །མཐའ་ཀླས་རིག་གྲོལ་སྤོབས་པའི་མཛོད། །འཇམ་མགོན་བླ་མའི་བྱིན་རླབས་མཐུས། །གཅིག་ཅར་གྲོལ་བ་འདི་ཅི་ཞིག །ཁྲོ་བ་འཕེལ་བ་དྲག་ཤུལ་གྱི་ཉམས། གཏུམ་ཆེན་རབ་ཁྲོས་ནག་པོ་ཆེའི། །མདུན་སར་ཏིང་འཛིན་མཆིལ་བ་ཡིས། །ཉེ་བར་བཀུག་པའི་ཡིད་སྲུབས་སྡེ། །སྐད་ཅིག་གཉིས་པར་འཚོ་འགྱུར་རམ། །སྤྲོ་བ་འཕེལ་བ་དཔའ་བའི་ཉམས། ཆགས་བྲལ་བརྟུལ་ཞུགས་མ་བླངས་ཤིང་། །བྱ་དཀའི་སྤྱོད་པའང་བརྩམས་མིན་པར། །རིམ་གཉིས་ཉེ་རྒྱུའི་སྦྱོར་བ་ཡིས། །སྐུ་བཞིའི་ཕ་རོལ་སོན་འདི་གང་། །མྱ་ངན་འཕེལ་བ་སྙིང་རྗེའི་ཉམས། འབྱོར་ལྡན་གང་ཁྱོད་གནོད་གནས་ཀྱི། །གན་མཛོད་དག་ཀྱང་ཕམ་བྱེད་པ། །བཏང་ནས་ལྷག་པར་ཕོངས་གྱུར་པའི། །པྲེ་ཏཱའི་ཁྲོད་དུ་ཇི་ལྟར་རྒྱུ། །སྐྱུགས་བྲོ་འཕེལ་བ་མི་སྡུག་པའི་ཉམས། ཁྲག་ཞག་དོག་པས་གཏམས་པའི་མཚོར། །རབ་གཤེར་རྒྱུ་རློན་གྱིས་འཁྱུད་པའི། །དབུགས་བྲལ་བམ་རོ་ལོངས་སྤྱོད་བཞིན། །མྱོས་པའི་གར་རྩེན་འདོད་ཁམས་མ། །དགོད་བྲོ་འཕེལ་བ་བཞད་གད་ཀྱི་ཉམས། ཚུལ་གནས་ཁྲིམས་ལྡན་བཤེས་གཉེན་གང་། །འཁྲིག་པའི་དུས་སྟོན་རྗེས་དྲན་པས། །སྤྱན་རས་དམར་པོ་གཡོ་བ་གང་། །ཁྲོ་པའི་ཟོལ་གྱིས་སྒྲིབ་པར་འོས། །ངོ་མཚར་འཕེལ་བ་རྨད་བྱུང་གི་ཉམས། གྲུབ་པའི་ཞིང་འདི་འོག་མིན་ཆེ། །ཁྱབ་བདག་བླ་མ་སྙེམས་མའི་བདག །འཁོར་ཚོགས་རྒྱུན་གྱི་མཐར་སྨིན་པའི། །བྱང་སེམས་མྱུ་གུའི་རོལ་རྩེད་ངོམ། འཇིགས་པ་འཕེལ་བ་འཇིགས་རུང་གི་ཉམས། །ཡེ་ཤེས་མེ་དང་མཉམ་སྦྱོར་བའི། །གསང་བ་འཛིན་པའི་རྡོ་རྗེའི་མཚོན། །དྲན་པ་ཡིས་ཀྱང་འབྱུང་པོའི་ཚོགས། །དོན་སྙིང་ལྐོག་མར་འབྱིན་ལ་བྲེལ། །བཅུ་དགུ་པ་གཟི་བརྗིད་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ནང་དུ་ཁེངས་པ་མཆོག་ཀྱི་མཐར་འཛེགས་པའི་ཀུན་རྟོག་འཕེལ་བ་ཉིད་བརྗོད་བྱར་བྱས་པའི་ངག་སྟེ། དཔེར་ན། བདག་ནི་ལུང་རིག་སྨྲ་བ་ཞེས། །རྨོངས་པའི་ཚོགས་རྣམས་འཇིགས་མི་འཚལ། །ཁོ་བོའི་སྤོབས་པ་ལས་དམན་ཀུན། །གཞར་ཡང་ཚར་བཅད་བགྱིད་མ་ལགས། །ཉི་ཤུ་པ་རྣམ་གྲངས་བརྗོད་པའི་རྒྱན་གྱི་མཚན་ཉིད་ནི། །ཚིག་སྦྱོར་གང་ཞིག་འདོད་དོན་དངོས་སུམ་བརྗོད་པར། དེ་གྲུབ་པར་བྱེད་པའི་ཕྱིར་ཐབས་མཁས་ཀྱིས་རྣམ་པ་གཞན་དག་སྨོས་པའི་ངག་སྟེ། དཔེར་ན། རྣལ་འབྱོར་སྤྱོད་པས་འཚོ་བ་གང་། །རེ་ཞིག་ཡུལ་གཞན་བགྲོད་པར་དོན་གཞན་ལ་སྙེགས། བགྱི། །གྲོགས་དག་བག་ཡངས་གནས་འདི་རུ། །ངལ་གསོའི་དགའ་སྟོན་མྱོང་བར་འོས། །ཉེར་གཅིག་པ་ཀུན་ཏུ་ཕན་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་མངོན་པར་འདོད་པའི་བྱ་བ་འགའ་ཞིག །བརྩམས་པའི་ཚེ་དེ་ཉིད་ལ་ཕན་འདོགས་པའི་སྒྲུབ་བྱེད་ཁྱད་པར་ཅན་གློ་བུར་དུ་ཐོབ་པ་བརྗོད་པའི་ངག་སྟེ། དཔེར་ན། བག་མེད་འགོགས་པའི་བརྟུལ་ཞུགས་ཀྱི། །ཆོ་ག་སྙིང་ལ་ཉེར་བཀོད་ཚེ། །བརྟན་མཁས་ཡོན་ཏན་ཡོངས་རྫོགས་པའི། །བཤེས་གཉེན་མཆོག་གིས་རྗེས་སུ་བཟུང་། །འདི་ཡང་། རྩེ་གཅིག་གསང་ཆེན་སྤྱོད་མཆོག་གིས། །ཡིད་རབ་འཕྲོག་ཚེ་ལེགས་བྱས་མཐུས། །བདག་ལ་སྨན་སླད་རིགས་བརྒྱའི་བདག །སྨིན་གྲོལ་ལམ་གྱི་སྟོན་པར་བཞེངས། །ཉེར་གཉིས་པ་རྒྱ་ཆེ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བསམ་པའམ་འབྱོར་པའི་ཁྱད་པར་གྱི་ཆོས་ཕུལ་དུ་བྱུང་བ་དག་བརྗོད་པའི་ངག་སྟེ། དབྱེ་ན་གཉིས་ལས། །དང་པོ་བསམ་པ་རྒྱ་ཆེ་བ། ཤིན་ཏུ་རྣམ་པར་དག་པ་ཡི། །ཆོས་དབྱིངས་ཞི་ལ་གཞོལ་བཟོད་པའི། །རྡོ་རྗེ་འཛིན་ཁྱོད་རྒྱལ་རྣམས་ཀྱི། །བཀའ་བཞིན་སྲིད་འདིར་བདེ་བར་བཞུགས། །འབྱོར་བ་རྒྱ་ཆེ་བ། ནོར་བུའི་འདོད་སྣམ་གྱིས་བརྟེན་པའི། །བཻཌཱུར་ཁང་བཟང་དྭངས་པའི་ངོས། །རིན་ཆེན་ཕྲག་བརྒྱའི་འཕྱང་འཕྲུལ་གྱིས། །རབ་སྒེག་བལྟ་ན་སྡུག་པའི་ཞིང་། །ཉེར་གསུམ་པ་བསྙོན་དོར་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་གནས་ཚུལ་གྱི་རང་བཞིན་ལ་དེ་ཉིད་མ་ཡིན་ཅེས་བསྙོན་ནས་དོན་གཞན་ཆོས་དང་ཆོས་ཅན་གྱི་ངོ་བོ་ཅུང་ཟད་ཙམ་སྟོན་པས་མཛེས་པར་བྱས་པའི་ངག་སྟེ། དབྱེ་ན་གསུམ་ལས། དང་པོ་ཆོས་ལ་བསྙོན་དོར་ནི། རིག་བྱེད་དཔལ་མོའི་མེ་ཏོག་མདའ། །གཅིག་པུ་ཉིད་མིན་ཁམས་གསུམ་གྱི། །འགྲོ་བའི་ཡིད་དབང་འཕྲོག་པའི་ཕྱིར། །བསམ་བརྗོད་ཡུལ་ལས་འདས་པར་རྟོགས། །ཡུལ་ལ་བསྙོན་དོར། གྲུབ་པས་བསྟེན་པའི་སྨན་ལྗོངས་འདི། །ཉམ་ངའི་གནས་སུ་གྱུར་པ་སྟེ། །གཞན་དུ་ཐར་པ་འདོད་རྣམས་ལ། །ཡིད་འོང་གྲོང་ཁྱེར་ཉིད་དོ་ལོ། །རང་བཞིན་བསྙོན་དོར། མཁས་ཁྱོད་ལེགས་གསུངས་བདུད་རྩིའི་དཔྱིད། །མཉན་འོས་ཉིད་ཅེས་བདག་ཅག་སྨྲ། །དོན་གྱི་ཕྱོགས་བསླད་གྱུར་པ་ཡི། །རྣ་བའི་ཚེར་མ་ཉིད་དུ་ངེས། །ཉེར་བཞི་པ་སྦྱར་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྒྲ་ཡི་གཟུགས་གཅིག་ཉིད་དོན་གྱི་འཇུག་ཚུལ་ཐ་དད་དུ་འགྱུར་བའི་ངག་སྟེ། དབྱེ་ན་དགུ་ལས། དང་པོ་ཐ་དད་མིན་པའི་སྦྱར་བ་ནི། རྨད་བྱུང་རཏྣ་སཾ་བྷོ་གར། །ལྷག་པར་ཆགས་པའི་ཀླུའི་དབང་པོས། །སདྱ་དྷརྨས་འཇིག་རྟེན་གྱི། །ཕུན་ཚོགས་འབྱུང་གནས་སྐྱེད་པར་བྱེད། །འདི་སློབ་དཔོན་ཀླུ་སྒྲུབ་དང་། ཀླུའི་རྒྱལ་པོ་ཞིག་ལ་སྦྱར་བ་སྟེ། དེ་ཡང་ཀླུ་སྒྲུབ་ལ་སྦྱར་བའི་དུས། །རཏྣ་སཾ་བྷོ་ག་སངས་རྒྱས་ཀྱི་བསྟན་པ་དང་། ཀླུ་ལ་སྦྱར་བའི་དུས་རིན་པོ་ཆེའི་ལོངས་སྤྱོད་ལ་འཇུག །སདྱ་དྷརྨ་ཀླུ་སྒྲུབ་ལ་སྦྱར་དུས་དམ་པའི་ཆོས་དང་། ཀླུ་ལ་སྦྱར་དུས་བསོད་ནམས་དམ་པ་ལ་འཇུག །འཇིག་རྟེན་གྱི་ཕུན་ཚོགས་འབྱུང་གནས་ཀླུ་སྒྲུབ་ལ་སྦྱར་དུས་རྒྱལ་བའི་བསྟན་པ་དང་། ཀླུ་ལ་སྦྱར་དུས་རིན་པོ་ཆེ་དང་སྨན་དང་ནགས་ཚལ་སོགས་ལ་འཇུག་གོ། ཐ་དད་ཚིག་འདྲའི་སྦྱར་བ། སྲིད་གསུམ་ཁྱོན་འདིར་ཁྱབ༷་འཇུག༷་པའི། །ལས་སྣ༷་ཚོག༷ས་གཟུག༷ས་རྣམ་མང་གི། སྒྱུ་མས་སླུས་པའི་ཡིད་ཅན་རྣམས། །གཞན་དུ་འདའ་བ་མེད་པར་གནས། །འདིར་གྲོ་བ་སྤྱི་དང་ཁྱབ་འཇུག་ལ་སྦྱར་བ་སྟེ། དང་པོ་ལྟར་ན་སྲིད་པ་གསུམ་གྱི་ཁམས་འདི་ན་ཁྱབ་པར་འཇུག་པའི་ལས་སྣ་ཚོགས་པ་དང་། གཟུགས་རྣམ་པ་མང་པོའི་སྒྱུ་མས་བསླུས་ཏེ་དེ་ལ་ཆགས་པའི་ཡིད་ཅན་རྣམས། རང་གི་ལས་དང་གཟུགས་ཀྱི་ཚུལ་དེ་ལས་གཞན་དུ་འདའ་བ་མེད་པར་གནས་སོ། །ཞེས་དང་། གཉིས་པ་ལྟར་ན། སྲིད་པ་གསུམ་གྱི་ཁྱོན་འདི་ན་ལྷ་ཁྱབ་འཇུག་གི་འཇུག་པའི་བྱེད་ལས་སྣ་ཚོགས་གཟུགས་ཅན་དུ་བཟུང་ནས་གཡོ་སྒྱུའི་རྣམ་པ་མང་པོའི་སྒྱུ་མས་བསླུས་ནས་ཡིད་ཅན་རྣམས་ཁྱབ་འཇུག་གི་མངའ་འོག་ལས་གཞན་དུ་འདའ་བ་མེད་པ་གནས་སོ། །ཞེས་པའོ། །བྱ་བ་ཐ་དད་མིན་པའི་སྦྱར་བ། མཚོ་སྐྱེས་དཀར་མཛེས་དམར་བ་ཡི། །དོག་པས་བཀབ་པའི་འཛུམ་གཤེར་གྱིས། །སིམ་པ་སྟེར་བྱེད་ཟླ་ཤེལ་དང་། །ཚངས་སྲས་མས་ཀྱང་གཞན་ཡིད་འཕྲོག །ཟླ་བ་ཆུ་མཚོ་བསྲུབས་པ་ལས་བྱུང་ཞིང་དཀར་ལ་མཛེས་པར་འཆར་བའི་དམར་བས་འཁྱུད་པ་དང་། ཚངས་སྲས་མ་ལྷོ་ཕྱོགས་ཀྱི་རོལ་མཚོར་སྐྱེས་ཤིང་རབ་ཏུ་དཀར་ཞིང་མཛེས་པའི་ཞལ་རས་ལ་མཆུ་སྒྲོས་དམར་བའི་དོག་པས་བཀབ་པ་དང་སྦྱར་བའོ། །བྱ་བ་མི་འགལ་བའི་སྦྱར་བ། རྩུབ་མིན་ཡིད་འོང་ཉམས་འགྱུར་གྱིས། །རེག་པས་དགའ་བདེའི་དཔལ་སྦྱིན་པ། །དབྱངས་ཅན་གསུང་ནི་ཐོས་བྱ་སྟེ། །རི་དྭགས་མིག་ཅན་འཁྱུད་བྱར་འོས། །དབྱངས་ཅན་མའི་གསུང་རྣ་བར་རྩུབ་པ་མིན་ཅིང་ཡིད་དུ་འོང་བའི་ཚིག་གི་རོ་ཉམས་ཕུན་སུམ་ཚོགས་པའི་དཔལ་གྱིས་རེག་པས་གནས་སྐབས་མངོན་མཐོའི་དགའ་བ་དང་། མཐར་ཐུག་ངེས་ལེགས་ཀྱི་བདེ་བ་དམ་པའི་དཔལ་སྦྱིན་པ་དང་། མཛེས་མའི་ལུས་རྩུབ་པ་མིན་ཅིང་། ཡིད་དུ་འོང་བའི་འཇོ་སྒེག་གི་རོ་ཉམས་ཕུན་སུམ་ཚོགས་པའི་དཔལ་གྱིས་རེག་པས་རྩེ་དགའི་བདེ་བ་དང་འཁྲིག་པའི་དཔལ་སྦྱིན་པ་དང་སྦྱར་བའོ། །བྱ་བ་འགལ་བའི་སྦྱར་བ། ཡུལ་ལ་སྦྱར་བས་ཁེངས་པའི་བློ། །བཏང་ནས་ལུས་ལས་སྐྱེས་གཡོ་བས། །ཡིད་སྲུབས་འཇུག་པ་རྒྱུན་ཆད་ནས། །མི་ཕྱེད་དད་གསུམ་གདུང་བ་འཕེལ། །ཡུལ་བུད་མེད་ལ་སྦྱར་བས་དེ་ལ་མི་མོས་པའི་ཁེངས་པ་བཏང་ནས་ལུས་སྐྱེས་ཏེ་འདོད་ཆགས་གཡོ་བ་དང་། ཡུལ་མཆོག་ལ་བློ་སྦྱར་བས་དེ་ལ་མ་གུས་པའི་ཁེངས་པ་བཏང་ནས་ལུས་སྐྱེས་ཏེ་བ་སྤུ་ལྡང་བ་གཉིས་སྦྱར་བའོ། །ངེས་པ་ཅན་གྱི་སྦྱར་བ། ཚངས་སྲས་ལ་ནི་ཁྱབ་འཇུག་གི་ཆུང་མ་དཔལ་མོ། པདྨ་ཅན། །ཚེམས་དཀར་ཕྲེང་བ་བྲམ་ཟེ་དང་འདབ་ཆགས་སོགས། གཉིས་སྐྱེས་ཏེ། །མཁྲེགས་ཤིང་ཡིད་འོང་ནུ་འབུར་ཟུང་། །པ་ཡོ་ཐར་པར་པ་ཡོ་ཆུ་དང་དྷ་ར་འཛིན་པ་ལ་འཇུག་པའི་ཕྱིར་ཆུ་འཛིན་ཏེ་སྤྲིན་ཡིན་ནོ། །དྷ་ར་ཉིད་ཀྱང་ངོ་། །འདི་ཡང་། སྦྱར་བཞི་རྒྱལ་པོ་སྡེ་བཞི། ལུགས་ཀྱི་ཆོས་དང་དྷརྨ་བསོད་ནམས་དང་ཀུན་སྤྱོད་གཤིན་རྗེ་སོགས། དང་། །ལོངས་སྤྱོད་ལྡན་པ་བྷོ་ཐ་སྙད་ཅན་དང་སྦྲུལ་གྱི་གདེངས་ཀ་ཅན་སོགས། གཱི་སྟེ། འདོད་པ་ཉིད་ནི་ཡིད་སྐྱེས་ཏེ་འདོད་ལྷ་སོགས། ཀཱ་མཿདང་། ཨ་མྲྀ་བདུད་རྩི་བདུད་རྩི་དང་མར་སོགས་མང་པོ་ལ་འཇུག་གོ། ཏཾ་ཡང་ངོ་། །ངེས་པ་འགོག་པའི་སྦྱར་བ། ཁྱོད་བསྟན་ཞུགས་ལ་ལུས་སྐྱེས་ཀྱིས། །བ་སྤུ་དང་འདོད་ཆགས་སོགས། འཁྱུད་པས་དད་གདུང་དད་གདུང་ཁོ་ན། རྒྱས་རྣམས་ཏེ། །འོན་ཀྱང་བསེར་བུའི་རེག་བྱ་ཡིས། །ཉམས་པར་བྱས་པ་རྣམས་ལའང་མཐོང་། །འདི་ཡང་། གང་རྒྱལ་པོ། གིས་བསྲུངས་ལ་འཁྱོག་པོ་གཞུ་དང་སྐྱེ་བོ་ངན་པ་གཡོ་སྒྱུ་ཅན་སོགས་ལ་འཇུག་གོ། །ནི། མདའ་སྟན་གཞུ་འཛིན་པའི་དམག་དཔུང་སོགས། འཛིན་པ་རྣམས་ལའོ། །འོན་ཀྱང་ཆགས་པས་བསྐུལ་བ་ཡི། །མཛེས་མའི་ཟུར་མིག་འདི་དག་ཀྱང་། །འགལ་མིན་གྱི་སྦྱར་བ། ཐུབ་པ་དང་ཚངས་པ། མཆོག་གནས་སྐྱེ་རྒུའི་རྩ་ལག་སྟེ། །ཀུན་དབང་ཕྱུག །མཁྱེན་ཡིད་སྲུབས་མཐར་བྱེད་ཅིང་། །སྣ་ཚོགས་ཁྱབ་འཇུག །གཟུགས་ཀྱི་ཁྱབ་འཇུག་དང་། །མཆོད་འོས་འཇིག་རྟེན་མིག་ཉི་མ། ཀྱང་དེ། །འགལ་བའི་སྦྱར་བ། འཆི་ཐུབ་པ་དང་ལྷ་སྤྱི། མེད་ཉིད་ཀྱང་སྲིད་ལས་འདས། དཔལ་ཁྱབ་འཇུགགྱི་བདག་སྟེ་བསླུ་བ་སྤངས། །རྟག་དབང་ཕྱུགཏུ་ཞི་བའང་འདོད་རྡུལ་ཆགས་མུན་གཏི་མུག་དང་། སྙིང་སྟོབས་ཞེ་སྡང་ཕ་རོལ་སོན་ལ་བསྔགས། | |||
།ཉེར་ལྔ་པ་ཁྱད་པར་བརྗོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དངོས་པོ་གཞན་དང་ཐུན་མོང་མ་ཡིན་པ་བརྗོད་པར་འདོད་པས་ཡོན་ཏན་ལ་སོགས་པའི་རྒྱུ་ཆེད་དུ་མ་ཚང་ཡང་འབྲས་བུ་འབྱུང་བར་སྟོན་པའི་ངག་སྟེ། དབྱེ་ན་ལྔ་ལས། དང་པོ་ཡོན་ཏན་མ་ཚང་པའི་ཁྱད་པར་བརྗོད་པ། རྣམ་འདྲེན་གང་གི་བྱམས་པའི་གོ། སྲ་ཞིང་ལྕི་དང་མཁྲེགས་པའང་མིན། །དེ་ལྟ་ན་ཡང་ཡིད་སྲུབས་དཔུང་། །མཐའ་ཀླས་མཚོན་ཀུན་ཕབ་པར་གྱུར། །རིགས་མ་ཚང་བའི་ཁྱད་པར་བརྗོད་པ། མཁས་ཁྱོད་སུམ་རྩེན་གྲོང་ཁྱེར་དང་། །འཕགས་པའི་ཡུལ་དུ་བྱུང་བའང་མིན། །འོན་ཀྱང་ལེགས་པར་སྦྱར་བའི་གཞུང་། །སྨྲ་དབང་བྱེ་བའི་ཁེངས་པ་བསྙིལ། །བྱ་བ་མ་ཚང་བའི་ཁྱད་པར་བརྗོད་པ། ཡིད་འོང་མིག་ཟུར་གཡོས་པ་མེད། །འདོད་པའི་གཏམ་གྱིས་བསླུ་བ་སྤངས། །ཟང་ཟིང་གཡབ་མོས་བོས་མིན་པར། །གྲངས་མེད་དཔྱོད་ལྡན་མཛའ་བོ་བཀུག །རྫས་མ་ཚང་བའི་ཁྱད་པར་བརྗོད་པ། རྣམ་བཞིའི་གཡུལ་གྱི་སྦྱོར་བ་དང་། །གྲུབ་པའི་སྔགས་རིག་འཛིན་མིན་ཀྱང་། །དྲི་མེད་སྤོབས་པའི་མཐུ་ཁོ་ནས། །ཕས་རྒོལ་ཕྱོགས་ལས་རྣམ་པར་རྒྱལ། །རྒྱུ་མ་ཚང་བའི་ཁྱད་པར་བརྗོད་པ། གྲོགས་མེད་ཉམ་ངའི་བས་མཐའ་རུ། །སྟོབས་འབྱོར་གྲགས་པའི་ཕུན་ཚོགས་དམན། །དེ་ལྟར་ན་ཡང་བསྔགས་འོས་ཅན། །མགོན་ཁྱོད་སྲིད་ཞིའི་བླ་ན་བརྗིད། །ཉེར་དྲུག་པ་མཚུངས་སྦྱོར་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་བརྗོད་པར་འདོད་པའི་ཡོན་ཏན་ཁྱད་པར་འཕགས་པའམ། །འཕགས་པ་མིན་པ་གཞན་ཞིག་ཡུལ་དེ་དང་དོན་མི་མཚུངས་ཀྱང་མཚུངས་པར་བྱས་ནས་བསྟོད་སྨད་ཀྱི་དོན་དུ་སྦྱར་པའི་ངག་སྟེ། དབྱེ་ན་གཉིས་ལས། དང་པོ་བསྟོད་པའི་མཚུངས་སྦྱོར། ཁ་སྦྱོར་བདུན་ལྡན་གསང་བའི་བདག །མདའ་བསྣུན་ཞབས་དང་མགོན་ཁྱོད་ཀྱང་། །སྔགས་གཞུང་རྒྱ་མཚོའི་སྟོན་པ་ཞེས། །གྲགས་པ་རི་བོའི་ཁོངས་སུ་མཐོ། །འདི་ཡང་། གྲུ་འཛིན་ཞིང་ན་མིག་མི་འཛུམ། །དཔལ་ལྡན་ས་སྐྱར་བརྩེ་བ་ཆེ། །དེང་དུས་བདག་གི་འདྲེན་པ་རྣམས། །འགྲོ་ཀུན་སྒྲོལ་བའི་རྣམ་ཐར་འཛིན། །སྨད་པའི་མཚུངས་སྦྱོར། སྙིགས་དུས་ལུས་ཅན་འཚོ་བའི་རྒྱུན། །ཡལ་གའི་རི་དྭགས་ཟློས་པའི་གར། །གློག་གི་ཐག་པ་གཡོ་བ་ཡང་། །སྐད་ཅིག་གཉིས་པར་མཐོང་མི་འགྱུར། །ཉེར་བདུན་པ་འགལ་བའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཁྱད་པར་རམ་འགལ་ཟླ་སྒྲུབ་པའི་སླད་དུ་འཇིག་རྟེན་ན་གྲགས་པ་བརྟན་པའི་དངོས་པོ་ཤིན་ཏུ་ཐ་དད་པ་དག་ལྷན་ཅིག་ཏུ་འགྲོགས་པར་སྟོན་པའི་ངག་སྟེ། དབྱེ་ན་དྲུག་ལས། དང་པོ་གཞི་ཐ་དད་བྱ་བ་འགལ་བ། སྐལ་འབངས་རྣམས་ཀྱི་མགོན་ཁྱོད་ཞབས། །དྲན་པས་ཀུན་དགའི་ཚོར་བ་བརྟས། །མེ་ཏོག་མདའ་ཅན་དཔུང་ཚོགས་ནི། །ཡིད་འོང་འདོད་དང་བྲལ་བས་ཉམས། །གཞི་གཅིག་ཡོན་ཏན་འགལ་བ། གང་གསུང་མཉན་འོས་ལེགས་བཤད་མཐུས། །གཟུར་གནས་སྣང་བ་མཆོག་ཏུ་རྒྱས། །ལུང་རིག་གིས་ཀྱང་ཕས་རྒོལ་ཚོགས། །མུན་པའི་མལ་དུ་ལྟུང་བར་གྱུར། །རྫས་འགལ་བ། རང་དོན་ཕྲ་ཞིང་གཞན་ཕྱིར་ཡངས། །རྣམ་དཔྱོད་རིང་ལ་འཁྲུལ་པ་ཐུང་། །མཐོ་ཡང་དམན་པར་རྗེས་འཇུག་པའི། །འཕགས་པས་ལུས་ཅན་སུ་མ་བཟུང་། །རྫས་དང་ལས་འགལ་བ། རབ་བསིལ་ཚུལ་ཁྲིམས་སྙིང་རྗེ་དང་། །རྟག་ཏུ་བྱམས་བརྩེའི་རོས་བརླན་པས། །ནག་པོའི་རྩ་ལག་སྡེར་བཅས་ཀུན། །གདུང་ནུས་མིན་ནམ་པད་དཀར་འཆང་། །གཞི་གཅིག་བྱ་བ་འགལ་བ། སྨྲ་མཁས་གང་གི་ཚར་གཅོད་ཀྱི། །རིག་པས་ཕམ་པར་བྱས་མིན་ཀྱང་། །སྤོབས་པའི་མཐུ་དམན་ཕས་རྒོལ་ཚོགས། །འདར་ཞིང་ཞུམ་པས་དུད་ལ་ཕྱོགས། །སྦྱར་བའི་འགལ་བ། དཔལ་ལྡན་རལ་བ་འཛིན་ཁྱོད་ཀྱིས། །འདོད་ཆགས་ཟམ་པ་ཡོངས་བཅོམ་ཡང་། །རྒྱལ་མར་ཤིན་ཏུ་རྗེས་ཆགས་པས། །འཁྱུད་སླད་གཅིག་ཏུ་ཡིད་བརྟན་ཅི། འདི་སྤྱན་རས་གཟིགས་དང་། དབང་ཕྱུག་ཆེན་པོ་གཉིས་སྦྱར་བ་སྟེ། དེ་ཡང་དཔལ་ལྡན་རལ་པ་འཛིན་ཞེས། །སྤྱན་རས་གཟིགས་དང་དབང་ཕྱུག་གཉིས་ཀ་ལ་འཇུག་པས་སྦྱར་གཞི་དང་། ཚིག་ལྷག་མ་སྤྱན་རས་གཟིགས་ཀྱི་སྐབས། ཁྱོད་ཀྱིས་འདོད་ཆགས་ཀྱི་ཟམ་པ་ཐམས་ཅད་ཡོངས་སུ་བཅོམ་པའི་ཆགས་བྲལ་གྱི་གོ་འཕང་བརྙེས་ཀྱང་། རྒྱལ་མ་སྟེ་རྗེ་བཙུན་སྒྲོལ་མ་ལ་ཤིན་ཏུ་རྗེས་སུ་ཆགས་པ་ཆེན་པོས་བདེ་བ་མཆོག་གི་རོས་དུས་རྟག་ཏུ་འཁྱུད་སླད་གཅིག་ཏུ་ཆགས་བྲལ་གྱི་གོ་འཕང་ཐོབ་ཅེས་ཡིད་བརྟན་འཆའ་བར་ནུས་སམ་ཅི་ཞེས་པ་དང་། དབང་ཕྱུག་ལ་ཁྱོད་ཀྱི་འདོད་ཆགས་ཀྱི་ཟམ་པ་སྟེ་བདུད་ཀྱི་སྟེ་ཐམས་ཅད་ཡོངས་སུ་བཅོམ་ཡང་ད་དུང་རྒྱལ་མ་སྟེ་ལྷ་མོ་ཨུ་མ་ལ་ཤིན་ཏུ་ཆགས་པ་ཆེན་པོས་ཉེ་བར་འཁྱུད་པའི་ཕྱིར་མཐའ་གཅིག་ཏུ་འདོད་པའི་བདག་ཉིད་ཐམས་ཅད་བཅོམ་མོ་ཞེས་ཡིད་བརྟན་འཆའ་ནུས་སམ་ཅི་ཞེས་པ་སྟེ། འདོད་ཆགས་བཅོམ་པ་དང་ཤིན་ཏུ་འདོད་ཆགས་སྤྱོད་པ་འགལ་ལོ། །ཉེར་བརྒྱད་པ་སྐབས་མིན་གྱི་བསྟོད་པའི་རྒྱན་ནི། ཚིག་སྦྱོར་གང་ཞིག་བརྗོད་པར་བྱ་བའི་དངོས་པོ་དེ་ཉིད་ངོ་བོའི་སྒོ་ནས་བསྔགས་འོས་ཀྱི་སྐབས་སུ་མ་བབས་ཀྱང་། རང་གི་འདོད་པ་དང་རྗེས་སུ་མཐུན་པར་བསྟོད་པའི་ངག་སྟེ། དཔེར་ན། བསགས་བསྲུངས་སྤེལ་དང་འདུ་འཛིའི་སྐྱོན། །བཏང་ནས་ཕྱོགས་རྣམས་ཐམས་ཅད་དུ། །ཐོགས་མེད་བགྲོད་པའི་སྐལ་བཟང་གིས། །འདབ་ཆགས་ཚོགས་འདི་བདེ་བར་སྤྱོད། །འདི་ཡང་། རབ་དྭངས་བཻཌཱུར་རྒྱུད་མང་གང་། །ཡིད་འོང་སྙན་འགྱུར་སྒྲོགས་བཞིན་དུ། །མཚོ་བྱུང་ཕྱག་གི་འཇོ་སྒེག་ལ། །བརྟེན་འདི་བསོད་ནམས་ཨེ་མ་ཡངས། །ཉེར་དགུ་པ་ཟོལ་བསྟོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་རྣམ་པ་སྨད་པའི་ཟོལ་གྱིས་དོན་དུ་བསྟོད་བསྔགས་ཀྱི་ཁྱད་པར་ཕུལ་དུ་བྱུང་བ་ཐོབ་པར་བྱེད་པའི་ངག་སྟེ། དབྱེ་ན་གསུམ་ལས། དང་པོ་མཐུ་ཕུན་ཚོགས་ཀྱི་ཟོལ་བསྟོད། ཆོས་ཀྱི་གྲགས་པ་གཅིག་པུས་ཀྱང་། །མཐའ་ཀླས་མུར་འདུག་ཕྱོགས་ལས་རྒྱལ། །མཁས་ཁྱོད་དཔུང་དང་བཅས་པ་ཡིས། ཕྱིར་རྒོལ་བཅོམ་འདིར་ཁེངས་མི་འཚལ། །དཔའ་བ་ཕུན་ཚོགས་ཀྱི་ཟོལ་བསྟོད། གངས་ཅན་ལྷ་གཅིག་སྲོང་བཙན་རྗེས། །མཐའ་བཞིའི་དྲེགས་ལྡན་བྱེ་སྙེད་བཅིངས། །འཕགས་གཟུགས་མཆོག་གཞན་བསྒྱུར་བ་ཡི། །རྒྱལ་སྲས་ཁྱོད་ཀྱིས་རིགས་སམ་ཅི། །སྦྱར་བའི་ཟོལ་བསྟོད། ཁྱོད་ཀྱི་དཔུང་པས་བསྲུངས་པའི་ཡུལ། །མཐའ་ཡས་རང་གཟུགས་དག་ལ་ཆགས། །ཅི་སླད་རྒྱལ་སྲིད་ཀྱིས་འབྱོར་པའི། །རྨད་བྱུང་ཁེངས་པ་འཛིན་འོས་སམ། །འདི་ཆོས་རྒྱལ་སྲོང་བཙན་སྒམ་པོའི་རྒྱལ་སྲིད་དང་སྦྱར་བ་མ་གཏོགས་བཤད་ཚུལ་འོག་མ་དང་མཐུན་པའི་ཕྱིར་རིག་པས་འཕྲུལ་ཤེས་པར་བྱའོ། །འདི་ཡང་། ཁྱོད་ཀྱི་གདུལ་བར་བྱ་བའི་ཡུལ། །མཐའ་ཡས་རང་གཟུགས་དག་ལ་ཆགས། །ཅི་སླད་གཞན་ཕན་ཕྲིན་ལས་ཁུར། །རྨད་བྱུང་ཁེངས་པ་འཛིན་འོས་སམ། །རྣམ་འདྲེན་ཁྱོད་ཀྱི་གདུལ་བར་བྱ་བའི་ཡུལ་ནི། མཐའ་ཡས་ཏེ་ཀླུའི་རྒྱལ་པོ་ལྷག་མ་ཅན་གྱི་རང་གཟུགས་ཕྲག་པ་དག་ལ་ཆགས་ན་ཀླུ་དེ་ནི་བླུན་ཅིང་ཆེས་རྨུགས་པའི་ཕྱིར་དང་། ཡང་ན་མཐའ་ཡས་ནི་ཁྱབ་འཇུག་སྟེ། དེའི་རང་གཟུགས་རུ་སྦལ་གྱི་འཇུག་པ་ལ་ཆགས་པས་ན་ཁྱབ་འཇུག་དེ་ནི་ཆེས་གཡོ་སྒྱུའི་བསླུ་བ་ཅན་ཡིན་པའི་ཕྱིར་ན། ཅི་སླད་ཁྱོད་ཀྱིས་གཞན་ཕན་ཕྲིན་ལས་ཉིད་རྨད་དུ་བྱུང་བ་ཐོབ་སྙམ་པའི་ཁེངས་པ་འཛིན་པར་འོས་སམ་ཞེས་སྨད་པའི་ཟོལ་གྱིས། དོན་དུ་ཀླུའི་རྒྱལ་པོ་ལྷག་མ་ཅན་གྱི་ཕྲག་པས་བཏེགས་པའམ། ཁྱབ་འཇུག་གིས་བཟུང་བའི་ས་ཆེན་པོ་འདི་ཐམས་ཅད་ཁྱོད་ཀྱི་གདུལ་བྱས་ཁྱབ་པོ་ཞེས་ཕྲིན་ལས་ཤིན་ཏུ་རྒྱ་ཆེ་བར་སྟོན་པའོ། །ཡང་མཐའ་ཡས་ཞེས་པས་གཞི་ལའང་འཇུག་པས། དེའི་རང་གཟུགས་གླིང་བཞི་དག་ལ་ཆགས་པའི་ཞེས་ཀྱང་སྦྱར་རུང་ངོ་། །སུམ་ཅུ་པ་ངེས་བསྟན་གྱི་རྒྱན་གྱི་མཚན་ཉིད་ནི། །ཚིག་སྦྱོར་གང་ཞིག་སྟོན་བྱེད་དཔེའི་འཇུག་པ་འཇིག་རྟེན་ན་ཡོངས་སུ་གྲགས་པས། བསྟན་བྱ་དམ་པ་དང་དམ་པ་མ་ཡིན་པའི་དངོས་པོ་ཞིག་གསལ་བར་སྟོན་པའི་ངག་སྟེ། དབྱེ་ན་གཉིས་ལས། མཆོག་གི་ངེས་བསྟན། འཇིག་རྟེན་མགོན་ཁྱོད་སྤྱན་རས་ཟུང་། །གཞན་ཡང་མི་འཛུམ་གཟིགས་པ་འདིས། །དུས་གསུམ་ཀུན་ཏུ་སེམས་ཅན་ཁམས། །མཐའ་ཀླས་རྗེས་འཛིན་སྟོན་ཕྱིར་རོ། །འདི་ཡང་། དབྱར་སྐྱེས་སྤྲིན་གྱི་རྔ་གསང་གིས། །མདོངས་མཐའི་སྙིང་ལ་དཔལ་སྟེར་བྱེད། །སྨྲ་མཁས་གང་གི་ལེགས་བཤད་ཀྱིས། །དཔྱོད་ལྡན་ཚོགས་རྣམས་དགའ་བར་སྟོན། །མཆོག་མིན་ངེས་བསྟན། ཐུན་གསུམ་མཐུ་ཡིས་དཀར་པོའི་ཕྱོགས། །འགྲིབ་པའི་གནས་སྐབས་བརྩོན་པར་གྱུར། །སྨད་འོས་ལས་ལ་རྗེས་སྤྱད་རྣམས། །ཕན་བདེའི་སྣང་བ་ནུབ་པར་མཚོན། །སོ་གཅིག་པ་ལྷན་ཅིག་བརྗོད་པའི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཁྱད་གཞིའི་དངོས་པོ་ཇི་ལྟར་རིགས་པ་དག་དང་ཡོན་ཏན་ལ་སོགས་པའི་ཁྱད་པར་གྱི་ཆོས་མཉམ་དུ་བརྗོད་པའི་ངག་སྟེ། དབྱེ་ན་གསུམ་ལས། དང་པོ་ཡོན་ཏན་ལྷན་ཅིག་བརྗོད་པ། མགོན་ཁྱོད་ཕྲིན་ལས་འཇུག་པ་དང་། །ལྷན་ཅིག་གདུལ་བྱའི་ཕ་མཐའ་རིང་། །དེ་དག་རྣམས་ཀྱི་ལེགས་སྤྱད་དང་། །མཉམ་དུ་གང་གི་གྲགས་པ་དཀར། །བྱ་བ་ལྷན་ཅིག་བརྗོད་པ། ཁྱོད་ཀྱི་ལེགས་གསུང་དགའ་སྟོན་དང་། །ལྷན་ཅིག་གཟུར་གནས་སྤོབས་པ་རྒྱས། །དེ་དག་རྨོངས་པ་དང་མཉམ་དུ། །ཕུན་སུམ་ཚོགས་མིན་ནུབ་པར་གྱུར། །བྱ་བ་གཅིག་པའི་ལྷན་ཅིག་བརྗོད་པ། མང་དུ་ཐོས་པའི་སྐལ་བཟང་དང་། །དེ་དོན་བསམ་པའི་བློ་མིག་དང་། །ཚུལ་བཞིན་ཡང་དག་འཇོག་པ་སྟེ། །གསུམ་པོ་འདི་ནི་མཉམ་དུ་དར། །སོ་གཉིས་པ་ཡོངས་བརྗེས་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དོན་རྣམས་ཕན་ཚུན་བསྣོལ་བའི་ཚུལ་གྱིས་བརྗོད་པའི་ངག་སྟེ། དཔེར་ན། ཕས་རྒོལ་ཚོགས་ལ་གདུང་བའི་རྒྱུན། །སྟེར་བྱེད་ཁྱོད་ཀྱི་ལུང་རིག་གིས། །དེ་དག་སྤོབས་པའི་གན་མཛོད་ནི། །ངལ་བས་བསྒྲུབས་ཀུན་གཅིག་ཅར་འཕྲོག །སོ་གསུམ་པ་ཤིས་བརྗོད་ཀྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཡིད་ལ་མངོན་པར་འདོད་པའི་དངོས་པོ་ལ་སྨོན་པར་བྱེད་པའི་ངག་སྟེ། དཔེར་ན། གློ་བུར་རྟོག་པའི་མཚན་མ་ཀུན། །ཤིན་ཏུ་ཞི་བ་དམ་པའི་དངོས། །རྣམ་ཀུན་མཆོག་ལྡན་ཡེ་ཤེས་ཀྱིས། །ཁྱོད་ལ་ཀུན་ཏུ་སྲུང་གྱུར་ཅིག །སོ་བཞི་པ་རབ་སྤེལ་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་ཐ་དད་པའི་རྒྱན་གཉིས་སམ་མང་པོ་རྣམས་བསྲེས་པ་སྦྱོར་བ་གཅིག་ལ་གནས་པའི་ངག་སྟེ། དབྱེ་ན་གཉིས་ལས། དང་པོ་སྟོབས་མཚུངས་རབ་སྤེལ། བརྟན་པའི་འཁོར་ལོའི་མཚན་དཔེའི་གཟིས། །ཉིན་མོའི་དཔེ། མཛེས་པ་ཟུམ་པར་བྱེད། །རྨད་དོན་གཞན་བཀོད་པ་དང་། བྱུང་སྣང་བའི་དཔལ་སྦྱིན་ལ། །ཀུན་དགའ་སྟེར་བ་སོམ་ཉི་ཅི། །སྒྲུབ་བྱེད་མཚུངས་པའི་རབ་སྤེལ། ཡིད་འོང་འཇོ་སྒེག་ལྡན་པ་ཡི། །ལང་ཚོ་དར་བའི་རིགས་ཀྱི་རང་བཞིན་བརྗོད་པ། འཕགས་རྣམས་ཀྱི། སྙན་པའི་ཚིག་མ་བསྡུས་གཟུགས་ཅན། གི་སྦྲང་རྩི་ཡིས། །རྣ་བ་སྐལ་བྱ་བའི་རང་བཞིན་བརྗོད་པ་སྟེ་སློབ་དཔོན་རཏྣ་ཤྲཱིའི་འགྲེལ་པར་དཔེར་བརྗོད་པ་དང་མཐུན་པར་བྱས་སོ། །བཟང་ཉིད་དུ་བྱེད། | |||
།སོ་ལྔ་པ་དགོངས་པ་ཅན་གྱི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་སྙན་ངག་མཁན་རྣམས་ཀྱིས་ཇི་ལྟར་བསམ་པ་དང་རྗེས་སུ་མཐུན་པར་ཕུན་སུམ་ཚོགས་པའི་ཉམས་དང་ལྡན་པར་སྦྱར་བ་ཁྱད་པར་བཞི་ལྡན་གྱི་ངག་སྟེ། དེ་ལྟ་བུ་ནི་གཞུང་གི་རྒྱན་ཆེན་པོ་ལ་ཡོད་པ་ཉིད་ཀྱི་ཕྱིར་དཔེར་བརྗོད་དུ་བསྙད་པའི་ཤློ་ཀ་རེ་གཉིས་ཀྱིས་རྩ་བའི་དགོངས་དོན་བཤིག་པར་མི་བྱའོ། །སྨྲས་པ། སྙན་པའི་མཛེས་པས་གཞར་ཡང་མ་སྨད་དོན་བཟང་འདོད་པ་འཇོ་བའི་ཕྲེང་། །འདིས་ཀྱང་མཁས་པའི་མགྲིན་པར་མཛེས་ཞེས་གཟུར་གནས་ཚོགས་རྣམས་གཏམ་དུ་གླེང་། །སྙིགས་སྤྱོད་དཔྱིད་ཀས་དྲངས་པའི་འཁོར་འགྲོ་ཕྱོགས་ལྷུང་འབིགས་བྱེད་ཁམ་ཟས་ཅན། །འགའ་ཞིག་ལེགས་བཤད་ལྕིད་ཀྱིས་གདུངས་ཏེ་ལེགས་སོའི་གླུ་དབྱངས་སྒྲོགས་མི་བྱེད། །འོན་ཀྱང་གཅིག་ཏུ་གཞན་ཕན་ལ། །ཆགས་པའི་ཚིག་གི་མེ་ཏོག་གིས། །དོན་མཐུན་རྣ་བའི་རི་བོའི་ངོགས། །འཁྱུད་པས་ཀུན་ཏུ་སྨན་གྱུར་ཅིག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ལས། དོན་གྱི་རྒྱན་གྱི་ཡོངས་སུ་བཅད་པའི་སྐབས་ཏེ་གཉིས་པའོ།། །། མཛེས་མཛེས་མཚན་དཔེའི་མཚར་སྡུག་རྫོགས་པ་ཨུཏྤལ་ཚལ་མིན་བྱམ༷ས་པ༷འི་བདུད་རྩིའི་བརླན་རབ་ཆགས། །སྙན་སྙན་ལེགས་བཤད་དབྱངས་སུ་འཇོ་འདི་ཁུ་བྱུག་ཉིད་མིན་སྐལ་བཟང་ཀུན༷་དག༷འི་ཚོར་བ་སྦོམ། །གསལ་གསལ་གྲགས་པའི་སྤྲིང་ཡིག་འགྲིམ་འདི་ཟླ་ཤེལ་མྱུ་གུ་སར་པ་མ་ལགས་བསྟན༷་འཛི༷ན་ཀུན་གྱི་རྒྱན་གྱུར་ཕྱིར། །དྭངས་དྭངས་བློ་ཡིས་རྟག་ཏུ་མཆོད་ན་ཚེ་འདི་ཙམ་མིན་བྱང་ཆུབ་བར་དུ་བཤེས་སུ་མཛོད། །དེ་ལྟར་དོན་གྱི་རྒྱན་ཉིད་ལས། །བརྩམས་པའི་མེ་ཏོག་གཏོར་བྱས་ནས། །སྒྲ་དང་གབ་ཚིག་དག་གི་ཡང་། །དཔེར་བརྗོད་ཅུང་ཟད་སྤྲོ་ལ་ཕྱོགས།། །།ལེའུ་གསུམ་པ་ལས་བྱུང་བའི་རྒྱན་གཉིས་པ་སྒྲ་རྒྱན་ལ་གསུམ་སྟེ། ཟུང་ལྡན་གྱི་རྣམ་པར་བཞག་པ། བྱ་དཀའ་བའི་ཁྱད་པར་གཞན་བཤད་པ་དབྱངས་སོགས་ངེས་པའི་བྱ་དཀའ་བྱེ་བྲག་ཏུ་ཕྱེ་བའོ། །དང་པོ་ལའང་། རྐང་པ་དང་པོ་ན་ཡོད་པའི་ཟུང་ལྡན། གནས་གཞན་ན་ཡོད་པའི་ཟུང་ལྡན། མཐའ་ཐོག་སྦྱར་བའི་ཟུང་ལྡན། ཀུན་ཏུ་ཟུང་ལྡན། བསྲེས་པའི་ཟུང་ལྡན། བཟློག་པའི་ཟུང་ལྡན་ཏེ་དྲུག་གོ། དེ་ལ་དང་པོ་རྐང་པའི་ཐོག་མར་ཡོད་པའི་ཟུང་ལྡན་ལའང་གསུམ་གྱི་དང་པོ་བར་མཆོད་པའི་རྐང་པ་རེར་རེ་རེ་ཡོད་པ། དང་པོར། སྙན༷་སྙན༷་བཻཌཱུར་ཏམྦུ་རཿ དལ་གྱིས་བརྡུངས་པའི་འཇོ་སྒེག་གིས། །སྐལ་བཟང་ཚོགས་རྣམས་སྐྱོང་མཛད་པ། །སྭ་ར་སྭ་ཏཱིས་དགེ་ལེགས་སྩོལ། །འདི་ཡང་། འཇི༷ག་རྟེན༷་འཇི༷ག་རྟེན༷་འདས་པ་ཡི། །ཕུན་ཚོགས་ནོར་བུའི་ཅོད་པན་གྱིས། །ལན་བརྒྱར་བཏུང་བའི་རྣམ་འདྲེན་རྗེའི། །ཞབས་རྡུལ་སྤྱི་བོའི་གཙུག་ཏུ་ལེན། །གཉིས་པ། ལྷ་དང་དྲང་སྲོང་གྲུབ་པའི་དབུས། །མཛེས་མཛེས་མཚན་དཔེའི་རི་མོ་ཅན། །ཡིད་འོང་ངང་པའི་བུ་མོ་ཡིས། །བདག་བློའི་པད་མཚོར་རྩེན་པར་མཛོད། །འདི་ཡང་། ཚུལ་གནས་ཁྲིམས་ཀྱི་ཀཻས་ར་ས། །མཛེས་པས་མཛེས་པ་གཞན་དག་ཀུན། །འགོགས་བྱེད་བྱམ༷ས་བརྩེའི་རོས་བརླན་པའི༷། །ཐེག་ཆེན་སོ་ཐར་པདྨོ་དགོད། །གསུམ་པར། གང་ཞིག་ཁྱོད་ཞབས་ལ་རེག་པས། །རྣམ་འབྱེད་ཀུ་མུད་དར་བབས་པའི། །གསལ་གསལ་གྲགས་དཀར་ཟླ་བ་ཡིས། །འདི་ན་ཤིས་པའི་སྣང་བ་སྩོལ། །འདི་ཡང་། རྟག་ཏུ་མཐའ་ཀླས་འགྲོ་བ་ལ། །ཀུན་དགའི་དགའ་སྟོན་ཉེར་སྦྱིན་པའི། །སྙིང་རྗེ་སྙིང་རྗེའི་དབང་ཕྱུག་དང་། །མི་ཕྱེད་བྱང་ཆུབ་སེམས་དཔའ་མཆོག །བཞི་བར། མྱོས་པའི་དམར་བས་རེག་པ་ཡི། །ཟུར་མིག་གཡོ་ལྡན་མཆིལ་བ་ཡིས། །བཏབ་པ་མིན་ཀྱང་ཕྱོགས་བྲལ་གྱི། །མཁས་མཁས་དཔྱོད་ལྡན་བརྟན་པ་འཕྲོག །འདི་ཡང་། ཁྱད་པར་རྡོ་རྗེ་ཐེག་པ་ཡི། །བསྟན་འཛིན་གྲུབ་རིགས་རྒྱ་མཚོས་ཀྱང་། །ཁྱོད་ཞབས་བསྙེན་ལ་རིངས་བཞིན་དུ། །བསྔགས་པས་བསྔགས་པའི་ཡི་གེས་བརྗིད། །དང་པོ་གཉིས། ལྷོད་ལྷོད་མགྲིན་པའི་སྤྲིན་དཀར་ལས། །དིར་དིར་ལེགས་གསུངས་དབྱར་གྱི་རྔ། །སྒྲོགས་པས་མོས་ལྡན་མདོངས་མཐའི་ཚོགས། །མཁྱེན་པའི་རྩེ་དགས་བཟུང་བར་མཛོད། །འདི་ཡང་། བློ་གྲོས་བློ་གྲོས་བདག་པོ་དང་། །ཡོན་ཏན་ཡོན་ཏན་རྒྱ་མཚོའི་དཔྱིད། །མགོན་པོ་ཁྱོད་ཀྱིས་བྱང་ཆུབ་བར། །བདག་སོགས་རྗེས་སུ་བཟུང་མཛོད་ཀྱེ། །དང་པོ་དང་གསུམ་པར། ཆིལ་ཆིལ་ནོར་བུའི་ཐག་པ་ཡིས། །འཁྱུད་པའི་ལྷོ་ཕྱོགས་རོལ་མཚོ་ཆེར། །འཛུམ་འཛུམ་ཁྱོད་ཞལ་བཞད་པའི་ཚེ། །ཚངས་པའང་ཆགས་བྲལ་མལ་ལས་བསླང་། །དང་པོ་དང་བཞི་པར། དཀར་དཀར་འོ་མའི་ཆུ་གཏེར་གྱིས། །ལན་བརྒྱར་བཀྲུས་པའི་ཞབས་སེན་རྡུལ། །གནག་ཅིང་སྣུམ་པའི་ཨུཏྤ་ལར། །མཚར་མཚར་མིག་གི་བདུད་རྩིར་བཀོད། །གཉིས་པ་དང་གསུམ་པར། སོར་མོའི་འཁྲི་ཤིང་འདར་བ་ལ། །ལིང་ལིང་རྒྱུད་མང་བྷྲ་མ་རས། །ཡང་ཡང་རྩེན་པའི་ལེགས་བཤད་གཏམ། །སྲིད་རྩེའི་བར་དུ་སོང་བར་གྱུར། །གཉིས་པ་དང་བཞི་པར། དེ་ཚེ་འཆི་མེད་གྲུབ་པའི་ཚོགས། །སིམ་སིམ་རྣ་བའི་སྐལ་བཟང་དུ། །མཐོང་ནས་གཞན་དུ་མི་གཡོ་བར། །དུང་དུང་སེམས་ཀྱིས་མཉན་ལ་ཕྱོགས། །གསུམ་པ་དང་བཞི་པར། ཁྱད་པར་སྙིང་རྗེའི་བརླན་ཆགས་པའི། །ཡེ་ཤེས་གཟིགས་པའི་ཟླ་ཤེལ་ནི། །ཁོར་ཁོར་ཕྱོགས་ཀྱི་བུ་མོའི་འགྲམ། །རིག་རིག་བློ་མིག་སྦྱིན་ལ་ཆས། །རྐང་པ་གསུམ་རེར་ཡོད་པ། དང་པོ་གསུམ། འཇམ་འཇམ་ཀཱ་ཤིའི་སྟོད་གཡོགས་ལ། །མང་མང་རིན་ཆེན་གྱིས་ལྕིད་པའི། །སིལ་སིལ་སྒྲ་ཡི་རོལ་མོ་ཡིས། །ཕྱོགས་ཀུན་རྒྱས་པར་འགེངས་པ་བཞིན། །དང་པོ་དང་གཉིས་པ་བཞི་པར། འཚེར་འཚེར་དབང་པོའི་གཞུ་རིས་དང་། །མཁས་མཁས་སྣ་ཚོགས་ལས་པ་ཡིས། །བྲིས་པ་ཇི་བཞིན་དཱུ་ཀུ་ལའི། །ལྡེམ་ལྡེམ་སྨད་གཡོགས་སར་པས་འཁྱུད། །དང་པོ་དང་ཕྱི་མ་གཉིས། བསིལ་བསིལ་ག་བུར་རྐང་འཐུང་ལ། །རེག་པ་མིན་ཡང་ཁྱོད་ཞབས་ལས། །ཟབ་ཟབ་སྙན་ངག་བཅུད་མྱོང་བས། །གྲུང་གྲུང་བློ་མཆོག་ལང་ཚོ་དར། །ཕྱི་མ་གསུམ། དེ་སླད་མཁས་བརྒྱའི་མགྲིན་པའི་མཚོས། །འགྲིག་འགྲིག་ཚིག་རྒྱན་མེ་ཏོག་བཅས། །གུས་གུས་བརྟུལ་ཞུགས་ལྷུར་ལེན་ནས། །བཟང་བཟང་ཁྱོད་ཞབས་མཆོད་མིན་ནམ། །རྐང་པ་བཞི་ཀར་ཡོད་པ། དུང་དུང་འཕགས་མ་རྗེས་དྲན་བདག །དྭངས་དྭངས་རྣམ་དཔྱོད་མི་ལྡན་ཀྱང་། །ཡང་ཡང་མཚོ་བྱུང་བསྔགས་པའི་མཐུས། །སྐྱེ་ནས་སྐྱེ་བར་རྗེས་བཟུང་ཤོག །གཉིས་པ་བར་དུ་ཆོད་པ་ལ་རྐང་པ་གཉིས་རེར་ཡོད་པ་ལས། དང་པོ་གཉིས། འཇམ་དབྱངས་ངུར་སྨྲིག་ཟློས་གར་ཅན། །འཇམ་མགོན་བླ་མའི་ཡོན་ཏན་གྱི། །གྲགས་པའི་ཆུ་གཏེར་ཆེན་པོ་ལ། །སྒྲ་རྒྱན་ཟླ་བའི་འཛུམ་གྱིས་བྲན། །དང་པོ་དང་གསུམ་པར། གང་ཞིག་གཟོད་ནས་དག་པ་ཡི། །ཡེ་ཤེས་ཕ་རོལ་ཕྱིན་བརྙེས་ཀྱང་། །གང་དག་སྐལ་བས་ཕྱུག་རྣམས་དང་། །རྗེས་མཐུན་མཚན་དཔེའི་སྒྱུ་འཕྲུལ་སྟོན། །དང་པོ་དང་བཞི་པར། །ཁྱོད་ཞལ་པདྨོ་གཞོན་ནུ་ནས། །རིག་པའི་མཚར་སྡུག་གཡོ་བ་ཡིས། །ཆེར་རློམ་ཁེངས་པ་སྙིལ་མཛད་པ། །ཁྱོད་ཚུལ་སུ་ཞིག་བསྔགས་མི་སྤྲོ། །བར་པ་གཉིས། ཐོག་མ་ཉིད་ནས་འཇུག་པའི་སྒོ། །ཡི་གེའི་སྦྱོར་བ་ལ་འཆེལ་བས། །ཡི་གེ་མིང་དང་ཚིག་རྣམས་ཀྱི། །སྒྲ་དང་དོན་དུ་བཅས་པ་རྟོགས། །གཉིས་བཞིར། སྲིད་པ་ཞི་བའི་རྣམ་འགྱུར་ནི། །སྣ་ཚོགས་མ་འདྲེས་བསྐྲུན་པ་ཡིས། །མཛེས་པ་གཞན་དག་རིང་འགོགས་པས། །སྣ་ཚོགས་ལས་པའི་སྙེམས་པ་འཕྲོག །ཕྱི་མ་གཉིས། མི་ན་གནས་དང་རྣམ་འགྱུར་ཚོགས། །གསོ་བྱེད་ཡན་ལག་བརྒྱད་པའི་ཆར། །ཕན་དགོངས་སྤྲིན་གྱིས་བཟུང་བ་ལས། །ཕན་བདེའི་སྙེ་མ་གཡུར་ཟ་མཛོད། །རྐང་པ་གསུམ་རེར་ཡོད་པ་ལ། །དང་པོ་གསུམ། བརྡ་སྤྲོད་གཞུང་མང་རིན་ཆེན་གྲུས། །བརྡ་སྤྲོད་རྒྱ་མཚོ་ཆེར་བརྒལ་བས། །བརྡ་སྤྲོད་སྨྲ་བ་ཁྱོད་གཅིག་ཅེས། །རྣམ་ཐར་ཕྱོགས་ཀྱི་བུ་མོས་གླེང་། །དད་པོ་དང་གསུམ་བཞིར། ཚད་མར་གྱུར་པའི་གངྒཱ་ནི། །ཤེས་བྱའི་ལམ་གསུམ་ཀུན་ཁྱབ་པས། །ཚད་མར་སྨྲ་བའི་བསིལ་བ་ཡིས། །ཚད་མིན་དག་གི་མེ་ལྕེ་གཞིལ། །ཕྱི་མ་གསུམ། ཁྱད་པར་རང་ཉིད་ཤེས་བྱའི་ཆོས། །ཀུན་མཁྱེན་ཐེམ་སྐས་ལ་འཛེགས་ཏེ། །ཀུན་མཁྱེན་ལམ་སྲོལ་འཛིན་པ་ལ། །ཀུན་མཁྱེན་རྒྱལ་བ་གཉིས་པ་བཞིན། །རྐང་པ་བཞི་ཀའི་ཐོག་མར་ཡོད་པ་ལ། ཚིག་རྒྱན་ཆུ་ཀླུང་ཀུན་བཏུང་བའི། །ཚིག་གཏེར་མགྲིན་པའི་རོལ་མཚོ་ནི། །ཚིག་སྙན་རྦ་རླབས་སྟོད་གཡོ་བས། །ཚིག་གི་བདག་པོའི་མཛེས་པ་བཟུང་། །རྐང་པ་བཞི་ཆ་གཉིས་སུ་ཡོད་པ་ལ། དང་པོ་གཉིས་མཚུངས་ཕྱི་མ་གཉིས། །འདོད་རྒྱ༷ལ་ཉིད་དམ་རྗེས་གྲུབ་ཏུ། །འདོད་པའི་མིང་གི་མངོན་བརྗོད་ནི། །རྣམ་མང་ཨ་མྲྀའི་དོག་པ་ཡིས། །རྣམ་དཔྱོད་ལྡན་པའི་གཞན་གསོས་འགུགས། །དང་པོ་གསུམ་དང་གཉིས་བཞིན། ཚིགས་བཅད་རྐང་བཞིའི་བཉྫུལ། །ངོ་མཚར་པྲྀཏྟ་ཛཱ་ཏི་ཡི། །ཚིག་སྦྱོར་མཚར་སྡུག་དར་བབས་པར། །ངོ་མཚར་སྦྱོར་བའི་སྙིང་པོ་སྒེག །ཐོག་མཐའ་གཉིས་འདྲ་བར་པ་གཉིས་འདྲ། ཕྱི་ནང་གཞན་གསུམ་དབྱེར་མེད་པ། །དཔལ་ལྡན་དུས་ཀྱི་འཁོར་ལོ་དང་། །དཔལ་ལྡན་དབྱངས་འཆར་སྤོར་ཐང་བཅས། །ཕྱི་དོན་རྟེན་འབྲེལ་རྩིས་ལ་མཁས། །གསུམ་པ་ཆོད་ཅིང་མཆོད་པ་ལའང་གསུམ་ལས། སྔ་མ་གཉིས་འདྲ་ཕྱི་མ་གཉིས་འདྲ་བ། སྙན་སྙན་སྔོན་བྱུང་གཏམ་གྱི་ཚོགས། །སྙན་སྙན་དབྱངས་བདུན་ལ་སྦྱར་བའི། །ལིང་ལིང་ཟློས་གར་ཨུཏྤ་ལར། །ལིང་ལིང་གཞན་ཡིད་བུང་བས་རྩེན། ཐོག་མཐའ་དང་བར་པ་གཉིས། གསལ་གསལ་སྤོབས་པའི་སྟེང་འཐུང་གིས། །ཡང་ཡང་རིག་གཞུང་བཅུད་བཟུང་བས། །ཡང་ཡང་འཆད་རྩོད་རྩོམ་པའི་རོས། །གསལ་གསལ་གྲགས་དཀར་ཡི་གེར་བཀོད། །བཞི་ཀའི་ཐོག་མར། མཛེས་མཛེས་ཁོར་ཡུག་རྒྱ་མཚོའི་འགྲམ། །མཛེས་མཛེས་སྤྲིན་གྱི་དུམ་བུས་ཏེ། །མཛེས་མཛེས་གཟུ་བོར་གནས་པའི་མདུན། །མཛེས་མཛེས་ཁྱོད་ཀྱི་ཚུལ་འདིས་ཀྱང་། །གཉིས་པ་གནས་གཞན་ན་ཡོད་པའི་ཟུང་ལྡན་ལ་བཅུ་གཉིས་ལས། བཞི་ཀའི་དབུས་ཀྱིས་ཆོད་ཅིང་མ་ཆོད་པ། གང་ཁྱོད་ཚིག་མཁས་མཁས་པའི་གཟིས། །རྨད་བྱུང་དོན་མཁས་མཁས་པར་སྣང་། །དེ་སླད་ཁྱོད་མཁས་མཁས་རློམ་གཞན། །ཕྱོགས་རེ་ཙམ་མཁས་མཁས་དངོས་མིན། །བཞི་ཀའི་དབུས་ཀྱིས་ཆོད་པ། འགྲོ་ཀུན་ལེགས་ལམ་ལེགས་སྟོན་ཕྱིར། །རྒྱལ་བས་ལེགས་གསུང་ལེགས་པའི་བཅུད། །ངལ་མེད་ལེགས་འདོམས་ལེགས་སྤྱོད་ཀྱིས། །ངེས་པར་ལེགས་པའི་ལེགས་བྱས་དར། །རྐང་བཞིའི་མཐས་ཆོད་པ། ཐོས་པས་སྐལ་བཟང་སྣང་བ་རྒྱས། །བསམ་པས་རྣམ་དཔྱོད་བློ་མིག་རྒྱས། །སྒོམ་པས་གྲུབ་པའི་ཡོན་ཏན་རྒྱས། །དེ་སླད་ཁྱོད་ཀྱི་ཕུན་ཚོགས་རྒྱས། །བཞི་ཀའི་མཐར་ཆོད་ཅིང་མཆོད་པ། །ཟླ་ཤེལ་བདུད་རྩིའི་འོད་གསལ་གསལ། །དེ་ཡིས་ཀུནྡཱའི་ནགས་གསལ་གསལ། །གང་གི་ཕན་མཛད་སྤྱོད་གསལ་གསལ། །དེས་ཀྱང་ཀུན་དགའི་དཔལ་གསལ་གསལ། །བར་མཐའ་ཆོད་པ། ཉིན་མོའི་སྣང་བས་ཀུན་གསལ་སྣང་། །དེ་ཡི་སྣང་བས་ཕྱོགས་ཀུན་སྣང་། །ཁྱོད་མཁྱེན་སྣང་བས་སྐལ་བཟང་སྣང་། །དེ་དེའི་སྣང་བས་རྒྱལ་བསྟན་སྣང་། །བར་མཐར་ཆོད་ཅིང་མ་ཆོད་པ། རབ་མཛེས་མཛེས་མའི་ཚུལ་མཛེས་མཛེས། །དེར་མཛེས་མཛེས་པའི་བཞིན་མཛེས་མཛེས། །ཁྱོད་མཛེས་མཛེས་སྐུའི་དཔལ་མཛེས་མཛེས། །དེར་མཛེས་མཛེས་པའི་མཚན་མཛེས་མཛེས། །ཐོག་བར་དུ་ཆོད་པ། དཔལ་ལྡན་ཁྱོད་ཀྱི་དཔལ་ཡོན་དང་། །དཔལ་སྟུག་རྒྱལ་བའི་དཔལ་མཚུངས་ཕྱིར། །དཔལ་མོའི་བདག་སོགས་དཔལ་གྱིས་ཀྱང་། །དཔལ་ལྡན་བླ་མའི་དཔལ་མི་མཚོན། །དང་པོ་གསུམ་པའི་ཐོག་མཐའ་གཉིས་བཞིར་ཐོག་བར་གྱིས་ཆོད་ཅིང་མ་ཆོད་པ། སྙན་སྙན་གཞན་གསོས་མགྲིན་སྙན་སྙན། །སྙན་སྙན་རྣ་བར་སྙན་སྙན་འཇོ། །སྙན་སྙན་ནཱ་ངའི་དབྱངས་སྙན་སྙན། །སྙན་སྙན་ལེགས་བཤད་སྙན་སྙན་འབབ། །བཞི་ཀའི་ཐོག་མཐའ་བར་ཆོད་པ། །མཆོག་ཏུ་མི་འགྱུར་གཟུགས་སྐུ་མཆོག །མཆོག་གསང་གཞོམ་མེད་སྒྲ་སྐད་མཆོག །མཆོག་བདེའི་རོས་བརླན་ཡེ་ཤེས་མཆོག །མཆོག་གྱུར་མགོན་ཁྱོད་སྐྱབས་ཀྱི་མཆོག །བཞི་ཀའི་ཐོག་མཐའ་བར་ཆོད་ཅིང་མ་ཆོད་པ། བསིལ་བསིལ་ཙནྡན་འོད་བསིལ་བསིལ། །བསིལ་བསིལ་འབིགས་བྱེད་རླུང་བསིལ་བསིལ། །བསིལ་བསིལ་ལེགས་བཤད་གཏམ་བསིལ་བསིལ། །བསིལ་བསིལ་ཐར་པའི་དཔལ་བསིལ་བསིལ། །གནས་གསུམ་ཀའི་ཆོད་པ། དཀར་བསིལ་སྤྲིན་དཀར་བླ་བྲེ་དཀར། །དཀར་འཇམ་པད་དཀར་རྫིང་བུ་དཀར། །དཀར་མཛེས་ཁྱོད་དཀར་ལེགས་བྱས་དཀར། །དཀར་གསལ་གྲགས་དཀར་ཕུང་པོ་དཀར། །གནས་གསུམ་ཀའི་ཆོད་ཅིང་མ་ཆོད་པ། མཛེས་མཛེས་དབྱར་གྱི་ཀུན་གསལ་མཛེས་མཛེས་སྤྲིན་དཀར་ལང་ཚོའི་དཔལ་མཛེས་མཛེས། །མཛེས་མཛེས་དེ་ཡི་འགྲམ་པར་མཛེས་མཛེས་གློག་གི་རྣ་ཆ་གཡོ་མཛེས་མཛེས། །མཛེས་མཛེས་མཁས་མང་ཆུ་མཚོར་མཛེས་མཛེས་ཁྱོད་ཞབས་པདྨོ་དཔལ་མཛེས་མཛེས། །མཛེས་མཛེས་དེ་ལ་མངོན་པར་མཛེས་མཛེས་གྲགས་སྙན་བདུད་རྩིའི་འོད་མཛེས་མཛེས། །གསུམ་པ་མཐའ་ཐོག་སྦྱར་བའི་ཟུང་ལྡན་ནི། མདོར་ན་བསྔགས་འོས་རྣམ་ཐར་མཆོག །ཐར་མཆོག་འདོད་པ་འཇོ་མཛད་པའི། །མཛད་པ་མཐའ་ཀླས་མངོན་བརྗོད་པ། །བརྗོད་པ་ཉུང་དུས་ཇི་ལྟར་འདྲེན། །འདི་ཡང་། འོན་ཀྱང་རབ་གུས་སྦྲང་རྩིའི་བཅུད། །བཅུད་དུ་ཉེར་འཐུང་བུང་བའི་སྒྲ། །སྒྲ་རྒྱན་གླུར་ལེན་བྱེད་པོ་གང་། །གང་ཞབས་པད་མཚོར་རྟག་བསྙེན་ཤོག །བཞི་པ་ཀུན་ཏུ་ཟུང་ལྡན་ལ། རྐང་པ་བཟླས་པ། ཚིགས་བཅད་བཟླས་པ། ཟུང་ལྡན་ཆེན་པོའོ། །དང་པོ་ལའང་གཉིས་ཀྱི། དང་པོ་ལན་གཅིག་བཟླས་པའི་བྱེ་བྲག་ཡང་དག་པར་སྐྱར་བ་ལ། དང་པོ་གསུམ་པ་དང་། གཉིས་པ་བཞི་བར་བཟླས་པ། མངོན་མཐོའི་སར་གནས་ཨ་མྲྀ་ཏའི། །བླ་མ་དང་ཟླ་བ་སྦྱར་བའོ། །སྙིང་པོའི་ལྕིད་ལྡན་ཀུན་དགའི་དཔྱིད། །མངོན་མཐོའི་སར་གནས་ཨ་མྲྀ་ཏའི། །སྙིང་པོའི་བཅུད་ལྡན་ཀུན་དགའི་དཔྱིད། །དང་པོ་གཉིས་པ་དང་། གསུམ་པ་བཞི་པར། མུན་སེལ་ཉི་མ་དང་སྦྱར། སྣང་བའི་མཆོག་སྦྱིན་མཁས། །མུན་སེལ་སྣང་བའི་མཆོག་སྦྱིན་མཁས། །གཞན་ཕྱིར་རྟག་འཆར་འཇིག་རྟེན་མིག །གཞན་ཕྱིར་རྟག་འཆར་འཇིག་རྟེན་མིག །དང་པོ་བཞི་པ་དང་གཉིས་པ་གསུམ་པ། ཡིད་ལྷ་དབང་ཕྱུག་ཆེན་པོ་ལ་སྦྱར། སྲུབས་ཚོགས་ཀུན་མཐར་བྱེད་པ། །དབང་ཕྱུག་བརྒྱད་ལྡན་སརྦ་ཛྙཿ དབང་ཕྱུག་བརྒྱད་ལྡན་སརྦ་ཛྙཿ། །ཡིད་སྲུབས་ཚོགས་ཀུན་མཐར་བྱེད་པ། །གཉིས་པ་དེ་ལས་གཞན་པའི་རྐང་པ་བསྐོར་བ་ལ་གསུམ་གྱི། ལན་གཅིག་བཟླས་པ་ལའང་དྲུག་གི། །དང་པོ་གཉིས་པར་བཟླས་པ། འདོད་དགུ་སྦྱིན་པའི་ཕྱག་ཡངས་པོ། །འདོད་དགུ་སྦྱིན་པའི་ཕྱག་ཡངས་པོ། །ངལ་གསོའི་དབང་པོའི་གནོད་གནས་གྲོང་། །ཁྱོད་ཞབས་ལྷར་བཅས་བླ་ན་བརྗིད། །དང་པོ་གསུམ་པར། །བསོད་ནམས་བྱེ་བས་བསྐྲུན་པ་ཡི། །འཇམ་མགོན་བླ་མའི་མཚན་དཔེའི་བྱིན། །བསོད་ནམས་བྱེ་བས་བསྐྲུན་པ་ཡི། །སྐལ་བཟང་སྐྱེ་རྒུའི་མིག་ཏུ་སྣང་། །དང་པོ་བཞི་པར། དབྱངས་ཀྱི་ཡན་ལག་རྒྱ་མཚོའི་གཏེར། །མཚོ་བྱུང་ཕྱག་གི་རྒྱུད་མང་སྟེ། །སྨྲ་དབང་གང་གི་གསུང་གསང་ཡང་། །དབྱངས་ཀྱི་ཡན་ལག་རྒྱ་མཚོའི་གཏེར། །གཉིས་པ་གསུམ་པར། སྒྲིབ་གཉིས་རྒྱུར་བཅས་ཡོངས་བཅོམ་པ། །ཁྱོད་ཐུགས་རྣམ་པ་ཀུན་ལྡན་དབྱིངས། །ཁྱོད་ཐུགས་རྣམ་པ་ཀུན་ལྡན་དབྱིངས། །ཟག་བྲལ་ཡེ་ཤེས་དམ་པའི་སྣོད། །གཉིས་པ་བཞི་པར། གང་གི་ཡོན་ཏན་ཕུང་པོ་ནི། །འཆི་མེད་ལམ་གྱི་མཐར་མི་ཤོང་། །དེ་སླད་བསྔགས་པའི་སྙན་ཚིག་ཀྱང་། །འཆི་མེད་ལམ་གྱི་མཐར་མི་ཤོང་། །གསུམ་པ་བཞི་པར། ཐབས་མཁས་ཕྲིན་ལས་རྣམ་མང་པོས། །ས་གསུམ་ཀུན་ཏུ་ཁྱབ་འཇུག་པའི། །སྣ་ཚོགས་གཟུགས་ཅན་འཆང་བ་པོ། །སྣ་ཚོགས་གཟུགས་ཅན་འཆང་བ་པོ། །ལན་གཉིས་བཟླས་པ་ལའང་གསུམ་གྱི། དང་པོ་ཉིད་གཉིས་པ་དང་གསུམ་པར་ཡང་བཟླས་པ། ཐོབ་པས་གདུང་སེལ་འདོད་དགུའི་དཔྱིད། །ཐོབ་པས་གདུང་སེལ་འདོད་དགུའི་དཔྱིད། །ཐོབ་པས་གདུང་སེལ་འདོད་དགུའི་དཔྱིད། །ཁྱོད་ཞབས་ནོར་བུ་མནྡཱ་ར། །དང་པོ་ཉིད་གསུམ་བཞིར། གཅིག་ཏུ་གཞན་ཕྱིར་ཐུགས་བརྩེ་བ། །རྒྱལ་དང་རྒྱལ་སྲས་མགོན་ཁྱོད་ཀྱང་། །གཅིག་ཏུ་གཞན་ཕྱིར་ཐུགས་བརྩེ་བ། །གཅིག་ཏུ་གཞན་ཕྱིར་ཐུགས་བརྩེ་བ། །གཉིས་ཉིད་གསུམ་བཞིར། གང་མཚན་ག་བུར་དཔལ་གྱི་དུམ། །རེག་པས་བསིལ་བའི་མཆོག་སྦྱིན་པ། །རེག་པས་བསིལ་བའི་མཆོག་སྦྱིན་པ། །རེག་པས་བསིལ་བའི་མཆོག་སྦྱིན་པ། །ལན་གསུམ་དུ་བཟླས་པ། ཀུན་དགའི་སིམ་སྟེར་སྣང་སངས་རྒྱས་དང་བྱང་ཆུབ་སེམས་དཔལ། བའི་མཛོད། །ཀུན་དགའི་སིམ་སྟེར་སྣང་བའི་བླ་མ། མཛོད། །ཀུན་དགའི་སིམ་སྟེར་སྣང་བའི་ཟླ་བ་མཛོད། །ཀུན་དགའི་སིམ་སྟེར་སྣང་བའི་ནོར་བུའི་སྒྲོན་མེ། མཛོད། །གཉིས་པ་ཚིགས་བཅད་བཟླས་པ་ནི། མི་འགྱུར་མི་གནས་པའི་མྱ་ངན་ལས་འདས་པ། གོ་འཕང་ལ་རོལ་བཞིན། །མུན་པ་སྙིལ་བྱེད་རབ་དམ་ཆོས། བསིལ་གྱི། །བདུད་རྩིའི་དཔལ་སྟེར་ཀུན་སེམས་ཅན་ཐམས་ཅད་ལ་ཕན་པ། ཕན་ནི། །རྟག་ཏུ་ཞི་བའི་ཐར་པ་མཆོག་གི། རྩེ་མོར་འཛེགས་མི་ནམ་མཁའ། འགྱུར་གོ་འཕང་ལ་རོལ་བཞིན། །མུན་ཕྱི་རོལ་གྱི། པ་སྙིལ་བྱེད་རབ་སྲིད་པའི་བསིལ་གྱི། །བདུད་རྩིའི་ཟླ་ཟེར། དཔལ་སྟེར་ཀུན་ཟླ་བའི་མིང་། ཕན་ནི། །རྟག་ཏུ་དབང་ཕྱུག །ཞི་བའི་རྩེ་མོར་འཛེགས། །ཚིགས་བཅད་སྔ་མ་བླ་མ་དང་ཕྱི་མ་ཟླ་བ་ལ་སྦྱར་བའི་ཚུལ་མཆན་བུས་གསལ་བ་བཞིན་ནོ། །གསུམ་པ་ཟུང་ལྡན་ཆེན་པོ་ནི། མངོན་པར་མཐོ་ལྡན་རྨད་བྱུང་དཔལ་མངའ་སངས་རྒྱས། མངོན་པར་མཐོ་ལྡན་རྨད་བྱུང་དཔལ་མངའ་བྱང་སེམས། བ། །མངོན་པར་མཐོ་ལྡན་རྨད་བྱུང་དཔལ་མངའ་རང་རྒྱལ། མངོན་པར་མཐོ་ལྡན་རྨད་བྱུང་དཔལ་མངའ་ཉན་ཐོས། བ། །མངོན་པར་མཐོ་ལྡན་རྨད་བྱུང་དཔལ་མངའ་བླ་མ། མངོན་པར་མཐོ་ལྡན་རྨད་བྱུང་དཔལ་མངའ་ཚངས་པ། བ། །མངོན་པར་མཐོ་ལྡན་རྨད་བྱུང་དཔལ། མངའ་ཉི་མ། མངོན་པར་མཐོ་ལྡན་རྨད་བྱུང་དཔལ་མངའ་ཟླ་བ། བ། །ལྔ་པ་འདྲེས་པའི་ཟུང་ལྡན་ནི། མཁས་མཁས་ཕྱི་ནང་རིག་གཞུང་ཀུན་མཁས་མཁས་ཀུན་དགའ་བའི་ཞབས་པདྨོ། །པདྨོ་རྣམ་པར་རྒྱས་པའི་དཔལ་ཅན་སྲིད་ཞིའི་དཔལ་གྱིས་རབ་མཛེས་པས། །མཛེས་པ་གཞན་གྱི་ཁེངས་པ་ཉེར་འགོག་འགོག་པ་མེད་པའི་གྲགས་སྙན་ཚིག །སྙན་ཚིག་ཉམས་བརྒྱའི་ངག་གིས་བསྔགས་ལས་ངག་གི་དབང་ཕྱུག་བརྙེས་གྱུར་ཅིག །དྲུག་པ་བཟློག་པའི་ཟུང་ལྡན་ལ་གསུམ་ལས། རྐང་པ་བཟློག་པ། བློ་མཆོག་རབ་ཟབ་ཡུལ་ལས་གྲོལ། །གྲོལ་ལས་རབ་ཟབ་ཡུལ་མཆོག་བློ། །བརྙེས་སླད་ཞི་དང་སྲིད་པ་དག །དག་པ་སྲིད་དང་ཞི་སླད་བརྙེས། །ཚིགས་བཅད་ཕྱེད་བཟློག་པ། མཆོག་གྱུར་གྲུབ་རིགས་མཁས་རྣམས་དཔལ། །བསྔགས་པས་བརྗོད་འདས་བསམ་ཡས་མཐའ། །མཐའ་ཡས་བསམ་འདས་བརྗོད་པས་བསྔགས། །དཔལ་རྣམས་མཁས་རིགས་གྲུབ་གྱུར་མཆོག །ཚིགས་བཅད་བཟློག་པ། རྒྱལ་མཛད་ཕན་པས་གཞན་ཕྱིར་བརྩེ། །ངེས་དོན་ཟབ་བརླིང་མཁྱེན་ལྡན་དཔལ། །རིག་གཞུང་ལམ་མང་མཁས་ལ་འདོམས། །དེ་སླད་ཤེས་བྱ་གཟིགས་ཁྱོད་མཆོག །མཆོག་ཁྱོད་གཟིགས་བྱ་ཤེས་སླད་དེ། །འདོམས་ལ་མཁས་མང་ལམ་གཞུང་རིག །དཔལ་ལྡན་མཁྱེན་བརླིང་ཟབ་དོན་ངེས། །བརྩེ་ཕྱིར་གཞན་པས་ཕན་མཛད་རྒྱལ། །གཉིས་པ་བྱ་དཀའ་བའི་ཁྱད་པར་གཞན་བཤད་པ་ལ་གསུམ་ལས།། །། ༈ བ་ལང་གཅིན་གྱི་བྱ་དཀའ་བའི་དཔེར་བརྗོད་རེའུ་མིག་ཏུ་བཀོད་པ་འདིའོ། ། | |||
༈ ཕྱེད་འཁོར་གྱི་དཔེར་བརྗོད་པ་རེ་མིག་ཏུ་བཀོད་པ་འདིའོ། ། | ༈ ཕྱེད་འཁོར་གྱི་དཔེར་བརྗོད་པ་རེ་མིག་ཏུ་བཀོད་པ་འདིའོ། ། | ||
ཆོས་ | ཆོས་ | ||
Line 237: | Line 252: | ||
ཁྱོད་ | ཁྱོད་ | ||
བསྔགས། | བསྔགས། | ||
༈ གསུམ་པ་དབྱངས་སོགས་ངེས་པའི་བྱ་དཀའ་ལ་གསུམ་སྟེ། དང་པོ་དབྱངས་ངེས་པ་ལ། བཞིར་ངེས་པ། བྲལ་འབྲས་མཁའ་ལྟར་རྣམ་དག་པར། །སྲིད་ཞིར་འཆིང་བའི་སྤྲིན་རིས་སིམ། མཆོག་དངོས་འོད་ནོར་ཡོངས་སྤྲོས་མོད། །བདེ་ཆེན་ཡེ་ཤེས་ཟེར་ཕྲེང་མཛེས། །གསུམ་དུ་ངེས་པ། གཞི་དབྱིངས་ཇི་བཞིན་གཟིགས་པའི་ཕྱིར། །ཁམས་དབང་ཟག་པར་བཅས་པ་སྤངས། །ཕུལ་བྱུང་འཇུག་ཚུལ་ཐུགས་ཆུད་མཐུས། །གཞན་ཕན་སྣང་བ་ལྷག་པར་འབར། །གཉིས་སུ་ངེས་པ། སྒྲིབ་གཉིས་འཁྲི་ཤིང་རིང་བཅིལ་ཞིང་། །རིག་པའི་ཚིག་གི་དབྱིག་སྦྱིན་ཉིད། །དགེ་ལེགས་བྱེ་སྙེད་རྩེར་འཛེགས་དེས། །ངེས་སྟེར་བཤེས་གཉེན་ཆེ་ཞེས་སྨྲེངས། །གཅིག་ཏུ་ངེས་པ། ཆགས་བྲལ་བསླབ་པས་རབ་བརླན་ཀྱང་། །ཐབས་མཁས་ཕྱག་རྒྱར་མཉམ་སྦྱར་བས། །གསང་བ་བསམ་འདས་རྣམ་ཐར་ཅན། །དཔལ་ལྡན་བླ་མར་དྭང་བས་བསྔགས། གཉིས་པ་སྐྱེ་གནས་ངེས་པ་ལ། བཞིར་ངེས་པ། རྨོངས་པའི་ཕྲུ་མར་མཆུ་མ་ཕམ་པས། །མཁས་མགྲིན་པ། ཀུན་ཀུན་དགའ་སྐྱེད་གང་གི། བརྩེ་ཆེན་རྐན་ཡེ་ཤེས་ཟུང་འཇུག་ཚུལ། སོ། །མཐའ་དག་རྟོགས་ནུས་བློ་ལྡན་སུ། །གསུམ་དུ་ངེས་པ། དམན་མཆུ། མིན་ཕུང་པོའི་དཔལ་འཕེལ་མོད། །ཕན་པ་དཔག་མེད་ཕང་པར་འཕོས། །དོན་དམ་སོ། བདེན་རྟོགས་བདེ་སྡུག་དོར། །བརྒལ་དཀའི་སྒྲིབ་ཀུན་སྐེམས་གང་བསྔགས། །མགྲིན། །གཉིས་སུ་ངེས་པ། མཆུ། བག་མེད་སྤངས་པས་མ་དམིགས་པ། །སྨད་པའི་སྤུན་མིན་འཕགས་པའི་སྤོར། །གནས་ལས་རྟག་ཏུ་ལམ་བདེན། སོ། ལ། །འདུན་དེས་བདེན་དོན་གནས་ལུགས་རྟོགས། །གཅིག་ཏུ་ངེས་པ། པདྨའི་ཕོན་པོར་བག་ཕབ་པའི། མཆུ། འཕགས་མ་དཔལ་མོའི་སྤོབས་པའི་མེས། །རྨོངས་པའི་མུན་པ་རྨེགས་མེད་པ། །སྤངས་པ་མ་སྨད་མོས་པ་འཕེལ། གསུམ་པ་གསལ་བྱེད་ངེས་པ་ལས། བཞིར་ངེས་པ། རང་རང་རིག་རློམ་རེས་རེས་རུང་། གང་གི་དགག་སྒྲུབ་གངྒཱས་འགོགས། །ཀུན་དཀྲིས་ཀུན་སྐེམས་ཀུན་ཀྱང་དཀྲི། །མ་རྨོངས་དམིགས་མེད་མོད་མི་དམའ། །གསུམ་དུ་ངེས་པ། འདོད་གདུངས་འདུལ་དེ་དེ་འདྲོག་དེར། །དེས་དུལ་བདེན་དོན་དོན་ལེན་དེས། །སྣང་ནས་སྣང་ནུས་གནས་ནོད་ནས། །བྲལ་བར་དབུགས་དབྱུང་འབྲས་བུ་སྦོམ། །གཉིས་སུ་ངེས་པ། ས་གསུམ་རང་རང་སོ་སོའི་སེམས། །སེམས་སུ་རིག་སླད་སཱུ་ར་ལེགས་པར་རྒྱ་ཆེ་བའི་དོན། རིའི། །བསླབ་སྲུང་ས་རཾ་སཱ་རཱིའི་རིག་པ་མཆོག་སར། །སོ་སོ་རང་རིག་སེམས་སུ་སེམས། །གཅིག་ཏུ་ངེས་པ། ལ་ལར་ལུང་ལ་ལ་ལར་ལམ། །ལ་ལར་ལེགས་ལམ་ལ་ལེན་ལས། །ལེ་ལོ་ལས་ལོག་ལམ་ལ་ལོངས། སྲེག་པ། །ལོ་ལཿལས་ལོག་ལེགས། ལམ་ལེན། ཞེས་པ་ལྟ་བུ་སྟེ། འོན་ཀྱང་གསལ་བྱེད་ངེས་པའི་བྱ་དཀའ་འདི་རྣམས་རྒྱ་དཔེ་ལྟར་གྱི་མཚན་ཉིད་སྒྲ་ཇི་བཞིན་པ་བོད་སྐད་དུ་འབྱོར་བར་དཀའ་ཡང་། སྔོན་གྱི་མཁས་པ་ཕལ་མོ་ཆེས་ས་བཅད་མི་སྟོང་ཕྱིར་མིང་གཞིའི་ཡི་གེ་གཙོ་བོར་མཛད་ནས་སྦྱར་བ་བཞིན། འདིར་ཡང་རེ་ཞིག་བློ་གྲོས་གསར་བུའི་རིགས་ཅན་ལ་སྨན་པའི་སླད་དེའི་རྗེས་སུ་འབྲངས་པ་སྟེ། གཞན་དུ་བརྡ་སྤྲོད་པའི་གཞུང་ལ་གོམས་པ་རྣམས་ཀྱི་དབང་དུ་བྱས་ནས་ལེགས་སྦྱར་གྱི་སྐད་དུ་བརྩམས་པའི་དཔེར་བརྗོད་ལོགས་སུ་བྲིས་ཟིན་པ་ལས་རྟོགས་པར་བྱོས་ཤིག །གཞན་དུ་ལེགས་སྦྱར་གྱི་སྐད་དུ་དཔེར་བརྗོད་པ་འདི་ལྟ་བུ་ཡང་ངོ་།། །། ༈ རྒྱན་གསུམ་པ་གབ་ཚིག་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དགོས་པ་ཁྱད་པར་ཅན་ལ་སོགས་པའི་སླད་དུ་བརྗོད་བྱའི་དོན་ཇི་བཞིན་པ་ཉིད་རྗོད་བྱེད་དོན་མ་ཡིན་པ་བཞག་ཞིག་གིས་སྦས་པས་ཐུན་མོང་དུ། | |||
༈ གསུམ་པ་དབྱངས་སོགས་ངེས་པའི་བྱ་དཀའ་ལ་གསུམ་སྟེ། དང་པོ་དབྱངས་ངེས་པ་ལ། བཞིར་ངེས་པ། བྲལ་འབྲས་མཁའ་ལྟར་རྣམ་དག་པར། །སྲིད་ཞིར་འཆིང་བའི་སྤྲིན་རིས་སིམ། མཆོག་དངོས་འོད་ནོར་ཡོངས་སྤྲོས་མོད། །བདེ་ཆེན་ཡེ་ཤེས་ཟེར་ཕྲེང་མཛེས། །གསུམ་དུ་ངེས་པ། གཞི་དབྱིངས་ཇི་བཞིན་གཟིགས་པའི་ཕྱིར། །ཁམས་དབང་ཟག་པར་བཅས་པ་སྤངས། །ཕུལ་བྱུང་འཇུག་ཚུལ་ཐུགས་ཆུད་མཐུས། །གཞན་ཕན་སྣང་བ་ལྷག་པར་འབར། །གཉིས་སུ་ངེས་པ། སྒྲིབ་གཉིས་འཁྲི་ཤིང་རིང་བཅིལ་ཞིང་། །རིག་པའི་ཚིག་གི་དབྱིག་སྦྱིན་ཉིད། །དགེ་ལེགས་བྱེ་སྙེད་རྩེར་འཛེགས་དེས། །ངེས་སྟེར་བཤེས་གཉེན་ཆེ་ཞེས་སྨྲེངས། །གཅིག་ཏུ་ངེས་པ། ཆགས་བྲལ་བསླབ་པས་རབ་བརླན་ཀྱང་། །ཐབས་མཁས་ཕྱག་རྒྱར་མཉམ་སྦྱར་བས། །གསང་བ་བསམ་འདས་རྣམ་ཐར་ཅན། །དཔལ་ལྡན་བླ་མར་དྭང་བས་བསྔགས། གཉིས་པ་སྐྱེ་གནས་ངེས་པ་ལ། བཞིར་ངེས་པ། རྨོངས་པའི་ཕྲུ་མར་མཆུ་མ་ཕམ་པས། །མཁས་མགྲིན་པ། ཀུན་ཀུན་དགའ་སྐྱེད་གང་གི། བརྩེ་ཆེན་རྐན་ཡེ་ཤེས་ཟུང་འཇུག་ཚུལ། སོ། །མཐའ་དག་རྟོགས་ནུས་བློ་ལྡན་སུ། །གསུམ་དུ་ངེས་པ། དམན་མཆུ། མིན་ཕུང་པོའི་དཔལ་འཕེལ་མོད། །ཕན་པ་དཔག་མེད་ཕང་པར་འཕོས། །དོན་དམ་སོ། བདེན་རྟོགས་བདེ་སྡུག་དོར། །བརྒལ་དཀའི་སྒྲིབ་ཀུན་སྐེམས་གང་བསྔགས། །མགྲིན། །གཉིས་སུ་ངེས་པ། མཆུ། བག་མེད་སྤངས་པས་མ་དམིགས་པ། །སྨད་པའི་སྤུན་མིན་འཕགས་པའི་སྤོར། །གནས་ལས་རྟག་ཏུ་ལམ་བདེན། སོ། ལ། །འདུན་དེས་བདེན་དོན་གནས་ལུགས་རྟོགས། །གཅིག་ཏུ་ངེས་པ། པདྨའི་ཕོན་པོར་བག་ཕབ་པའི། མཆུ། འཕགས་མ་དཔལ་མོའི་སྤོབས་པའི་མེས། །རྨོངས་པའི་མུན་པ་རྨེགས་མེད་པ། །སྤངས་པ་མ་སྨད་མོས་པ་འཕེལ། གསུམ་པ་གསལ་བྱེད་ངེས་པ་ལས། བཞིར་ངེས་པ། རང་རང་རིག་རློམ་རེས་རེས་རུང་། གང་གི་དགག་སྒྲུབ་གངྒཱས་འགོགས། །ཀུན་དཀྲིས་ཀུན་སྐེམས་ཀུན་ཀྱང་དཀྲི། །མ་རྨོངས་དམིགས་མེད་མོད་མི་དམའ། །གསུམ་དུ་ངེས་པ། འདོད་གདུངས་འདུལ་དེ་དེ་འདྲོག་དེར། །དེས་དུལ་བདེན་དོན་དོན་ལེན་དེས། །སྣང་ནས་སྣང་ནུས་གནས་ནོད་ནས། །བྲལ་བར་དབུགས་དབྱུང་འབྲས་བུ་སྦོམ། །གཉིས་སུ་ངེས་པ། ས་གསུམ་རང་རང་སོ་སོའི་སེམས། །སེམས་སུ་རིག་སླད་སཱུ་ར་ལེགས་པར་རྒྱ་ཆེ་བའི་དོན། རིའི། །བསླབ་སྲུང་ས་རཾ་སཱ་རཱིའི་རིག་པ་མཆོག་སར། །སོ་སོ་རང་རིག་སེམས་སུ་སེམས། །གཅིག་ཏུ་ངེས་པ། ལ་ལར་ལུང་ལ་ལ་ལར་ལམ། །ལ་ལར་ལེགས་ལམ་ལ་ལེན་ལས། །ལེ་ལོ་ལས་ལོག་ལམ་ལ་ལོངས། སྲེག་པ། །ལོ་ལཿལས་ལོག་ལེགས། ལམ་ལེན། ཞེས་པ་ལྟ་བུ་སྟེ། འོན་ཀྱང་གསལ་བྱེད་ངེས་པའི་བྱ་དཀའ་འདི་རྣམས་རྒྱ་དཔེ་ལྟར་གྱི་མཚན་ཉིད་སྒྲ་ཇི་བཞིན་པ་བོད་སྐད་དུ་འབྱོར་བར་དཀའ་ཡང་། སྔོན་གྱི་མཁས་པ་ཕལ་མོ་ཆེས་ས་བཅད་མི་སྟོང་ཕྱིར་མིང་གཞིའི་ཡི་གེ་གཙོ་བོར་མཛད་ནས་སྦྱར་བ་བཞིན། འདིར་ཡང་རེ་ཞིག་བློ་གྲོས་གསར་བུའི་རིགས་ཅན་ལ་སྨན་པའི་སླད་དེའི་རྗེས་སུ་འབྲངས་པ་སྟེ། གཞན་དུ་བརྡ་སྤྲོད་པའི་གཞུང་ལ་གོམས་པ་རྣམས་ཀྱི་དབང་དུ་བྱས་ནས་ལེགས་སྦྱར་གྱི་སྐད་དུ་བརྩམས་པའི་དཔེར་བརྗོད་ལོགས་སུ་བྲིས་ཟིན་པ་ལས་རྟོགས་པར་བྱོས་ཤིག །གཞན་དུ་ལེགས་སྦྱར་གྱི་སྐད་དུ་དཔེར་བརྗོད་པ་འདི་ལྟ་བུ་ཡང་ངོ་།། །། ༈ | |||
རྒྱན་གསུམ་པ་གབ་ཚིག་གི་རྒྱན་གྱི་མཚན་ཉིད་ནི། ཚིག་སྦྱོར་གང་ཞིག་དགོས་པ་ཁྱད་པར་ཅན་ལ་སོགས་པའི་སླད་དུ་བརྗོད་བྱའི་དོན་ཇི་བཞིན་པ་ཉིད་རྗོད་བྱེད་དོན་མ་ཡིན་པ་བཞག་ཞིག་གིས་སྦས་པས་ཐུན་མོང་དུ། | |||
༅། །ནཱིནོཉནུནུནོརྣྲཱཾཎཱནྲྀནིཿ ༈ སྡེབ་སྦྱོར་མཉམ་པའི་པྲིཏྟ་ལས་ཡི་གེ་ལྔ་པའི་པསྟཱ་རས་བཅིངས་པ་ཛ་ཡནྟུ།ནཱུནནིནིརྣཱནཱནུནུནོོ | ༅། །ནཱིནོཉནུནུནོརྣྲཱཾཎཱནྲྀནིཿ ༈ སྡེབ་སྦྱོར་མཉམ་པའི་པྲིཏྟ་ལས་ཡི་གེ་ལྔ་པའི་པསྟཱ་རས་བཅིངས་པ་ཛ་ཡནྟུ།ནཱུནནིནིརྣཱནཱནུནུནོོ | ||
༅། །འདྲེན་པ་ཁྱོད་ཀྱི་རྗེས་བརྩེའི་གྲུར། །མི་དང་མི་མིན་རྣམས་ཀྱིས་མཆོད། །ངེས་པར་ཐར་པའི་དགའ་བ་ཡིས། །དུད་ལ་སོམ་ཉི་བྲལ་མིན་ནམ། །རྟོགས་པར་དཀའ་བའི་ཚུལ་ཅན་དུ་གྱུར་པའི་ངག་སྟེ། དབྱེ་ན་བཅུ་དྲུག་ལས། ཀུན་ཏུ་ཚོགས་པའི་གབ་ཚིག །མཆོག་བདེའི་དཔལ་སྟེར་སྟོབས་དམན་འདིའི་གབ་བྱ་བླ་མ་དང་། །མ༷། གབ་བྱེད་བུད་མེད། ཚུལ་ཇི་ལྟར་ན་གཅོད་མཚམས་ཐ་དད་པ་གསུམ་གྱི་སྒོ་ནས་སོ། །ཡིན་ཕྱིར་མངོན་འདོད་འབྱིན་འབྲས་བུ། །མང་པོ་བསྐྲུན་པས་བརྣག་དཀའ་བའི། །སྡུག་བསྔལ་རྒྱ་མཚོར་འཆིང་མ༷་ལགས། །སླུ་བྱེད་ཀྱི་གབ་ཚིག །འདི་ན་མེ་ཏོག་མདའ་ཅན་གབ་བྱ་རྗེ་བཙུན་རིག་བྱེད་མ་དང་། གབ་བྱེད་བདུད་ཀྱི་ཆུང་མའོ། མའི། །རྗེས་སུ་ཆགས་པའི་སྤྱན་ཟུར་ཙམ། །སུ་ཞིག་སྙིང་ལ་ཐེབས་པ་དེར། །སྲིད་ཞིའི་ཕུན་ཚོགས་ཀུན་གྱིས་དུད། །རིམ་པ་བྲལ་བའི་གབ་ཚིག །༡འབབ་པའི་ལེགས་བཤད་དབྱངས་སྙན་པོས། །སྨྲ་དབང་གང་གི་མཆུ་སྒྲོས་ལས༡། །ས་༤གསུམ་བླ་ན་མངོན་པར་བརྗིད། །ཐོས་འཛིན་སྐལ་བཟང་བྱས་པའི་གཏམ༣། །རབ་བཅོམ་གབ་ཚིག །སྐྱེ་གབ་བྱ་རྫོགས་པའི་སངས་རྒྱས་ལྟ་བུ་ཡུལ་ཁྱད་པར་ཅན་དང་། གབ་བྱེད་འདོད་ལྡན་གྱི་སྐྱེས་བུ་སྟེ། དེ་ཡང་སྐྱེ་ལྡན་ཞེས་པ་སེམས་ཅན་དང་། ཆུང་མ་གཉིས་ཀ་ལ་འཇུག །སྤངས་པ་ཞིང་ཕྱོགས་གཅིག་པ་དང་། ནོར་མེད་པ་ལའང་བཤད་དུ་རུང་ལ། མ་སྨད་ཅེས་པ་དངོས་སུ་མ་བྱའི་མིང་དང་། མ་སྨད་མོས་པ་ཞེས་དད་མོས་ཆེན་པོ་ལའང་བཤད་རུང་ཙམ་མོ། ལྡན་ལ་བརྩེ་སྤངས་པ་ལ། །སྡང་བའི་ཚུལ་གྱིས་ཕྱིར་ཕྱོགས་པས། །སྐྱེས་བུ་མཆོག་ཁྱོད་ལ་འཆེལ་བའི། །མ་སྨད་མོས་པ་གཅིག་ཏུ་འཕེལ། །མཐུན་གཟུགས་གབ་ཚིག །གང་ན་ཡལ་འདབ་ལྔས་ཡན་ལག་ལྔ། །མཛེས་པའི། གབ་བྱ་སྒྲོལ་མ་དཀར་མོ་དང་། གབ་བྱེད་པུཎྜརཱི་ཀའི་སྡོང་བུ། པུཎྜ་རཱི་ཀའི་དོག་པ་ལ། །གནག་ཅིང་སྣུམ་པའི་བུང་བ་བདུན། སྤྱན་བདུན། །རྩེན་པའི་གྲིབ་ཐུགས་རྗེ། བསིལ། འདི་རྨད་བྱུང་། །རྩུབ་མོའི་གབ་ཚིག །ཆུ་ལས་སྐྱེས་གང་ཆུ་གཏེར་གབ་བྱ་དབྱངས་ཅན་མ་དང་། གབ་བྱེད་མེ་ཏོག་ཆུ་སྐྱེས། །དབུས་འཛུམ་བཅས་མཚར་སྡུག་རབ་འབར་བ། །ངང་དྲི་ཟའི་བུ་མོ་དང་། ངང་མོ། པའི་བུ་མོའི་ཚོགས་རྣམས་ཀྱིས། །སྒྲིབ་པའི་གནས་སྐབས་བཅོམ་པ་བཞིན། །གྲངས་ཀྱི་གབ་ཚིག །སྣ་ལྡན་ན་ཡིག་གབ་བྱ་ཕྱོགས་ཀྱི་རོལ་མཚོ་དང་འཕགས་མ་མཚོ་བྱུང་མ། དབུས་གནས་གསལ་བྱེད་མེས། །བརྒྱན་པའི་ཉི་བུའི་མཱན་ས་སྟེ་ལྷོ་ཕྱོགས་ཡིད་ཀྱི་མཚོ། ཕྱོགས་ཀྱི་མཚོར། །དྲོ་བའི་ས་ཡིག་ཡི་གེས་ཐོག་དྲངས་པའི། མཛེས་སྭ་ར་སྭ་ཏཱི་སྟེ་མཚོ་བྱུང་མ། མ་ཡིག་ལྔའི་མིང་ཅན་ཡོད། །རབ་བཏགས་གབ་ཚིག །གང་གབ་བྱ་དབྱངས་ཅན་མ་དང་། སྒྲུབ་པ་པོ་ཞིག་གབ་བྱེད་བུ་མོ་དང་། སྐྱེས་བུ་འདོད་ལྡན་ཞིག་སྦྱར་བའོ། །ཕྱིར་མངོན་འདོད་དོན་གཉེར་བས། །ཞུམ་ཞིང་དུད་བཅས་ལུས་ལས་སྐྱེས། །གཡོ་བའི་དམན་པ་བདག་ཅག་ལ། །རྒྱས་མ་རྗེས་སུ་མི་རྒྱས་མ་ཅེས་པ་བུ་མོའི་དངོས་མིང་དང་། དབྱངས་ཅན་མའི་མཚན་རྒྱས་བྱེད་མའི་སྒྲ་བསྡུས་པས་དེར་འཇུག་རུང་ཙམ་མོ། བརྩེའམ། །འདི་ཡང་། བསམ་གབ་བྱ་རྫོགས་པའི་སངས་རྒྱས་དང་། དེའི་བསྟན་པ་ལ་ཞུགས་པའི་ཚོགས། གབ་བྱེད་ཚངས་པ་དང་། བྲམ་ཟེ་ཚངས་སྤྱོད་ལ་གནས་པའོ། །གཏན་ཀློག་དང་ཚངས་སྤྱོད་ཀྱི། བརྟུལ་ཞུགས་མཆོག་ལ་གནས་བཅས་རྣམས། །རང་བྱུང་རང་བྱུང་ཞེས་པ་སངས་རྒྱས་དང་། ཐུགས། །ཚངས་པ་གཉིས་ཀ་ལ་འཇུགརྗེའི་སྤྱན་ཟུར་གྱིས། །ཡལ་བར་འདོར་བ་རིགས་སམ་ཅི། །མིང་དུ་འདུས་པའི་གབ་ཚིག །བསྔགས་འོས་ཡོན་ཏན་རྨད་བྱུང་འགའ། །ཐོག་མར་ཀུན༷་མཁྱེན༷་ཅེས་སུ་སྒྲོགས། །གབ་བྱ་ཀུན་མཁྱེན་བླ་མ་ཞེས་པ་ཉིད། གབ་བྱེད་དབང་ཕྱུག་དང་། ཕུར་བུའི་མིང་གིས་སྒྲིབ་པའོ། །དེ་ནས་བླ༷་མ༷་ཡང་སྟེ་འདི། །དབང་ཕྱུག་མ་ཡིན་ཕུར་བུའང་མིན། འདི་ཡང་། རབ་མཛེས་ཀུན་དགའི་དཔྱིད་གྱུར་གང་། །ཧ༷ཾ་ས༷་ཞེས་སུ་མངོན་བརྗོད་དེ། །སླར་ལ་ཀནྱཱ་ཡང་འདི་ཉིད། །ངང་པ་མ་ཡིན་བུ་མོའང་གབ་བྱ་ཧི་ས་གནྱཱ་ངང་པའི་བུ་མོ་སྟེ་དབྱངས་ཅན་མ་དང་། གབ་བྱེད་ངང་པ་དང་། བུ་མོ། མིན། །སྒྲིབ་པའི་གབ་ཚིག །གང་ལ་རེག་ན་དབུལ་གབ་བྱ་སངས་རྒྱས་དང་བྱང་ཆུབ་སེམས་དཔའ་ལྟ་བུ་ཡུལ་ཁྱད་པར་ཅན། བ་ཀུན། གབ་བྱེད་ཕྱི་ཡི་རྒྱ་མཚོ་ཆེན་པོ། གབ་ཚུལ་གཅོད་མཚམས་ཐ་དད་པ་གཅིག་གིས་སོ། །འདོར་ཞིང་འདོད་རྒུའི་རིན་ཆེན་མཆོག །སྦྱིན་པའི་གདུང་སེལ་རླབས་གཡོ་བ། །དྲི་བྲལ་ཟླ་བའི་མ་མ༷་ལགས། །མཐུན་པའི་སྒྲ་ཡི་གབ་ཚིག །གང་གི་གནག་མིན་མིང་མཐུན་པའི། །འཇུག་པས་མྱོས་བྱེད་མིང་ཅན་ལས། །རྒྱལ་བའི་གྲགས་དཀར་བདུད་རྩི་ཡིས། །ས་གསུམ་མཛེས་སོ་སྟོབས་བཅུའི་དབང་། །གབ་བྱ་སངས་རྒྱས་ཀྱི་དཀར་པོའི་ཕྲིན་ལས་ཀྱི་བདུད་བཅོམ་པ་དང་། གབ་བྱེད་གནག་མིན་དཀར་པོ་སྟེ་དེའི་མིང་ཅན་གཟའ་པ་སངས། མྱོས་བྱེད་ཆང་དང་། དེ་དང་མིང་མཐུན་པ་བདུད། འདི་ཡང་། འདྲེན་བྱེད་མིག་མི་བཙུམ་པ་ལྟ། འཛུམ་མིན་མིང་དེ་དང་མིང་མཐུན་པ་སྤྱན་རས་གཟིགས། མཐུན་གྱི། །གཉིས་ཚེམས། སྐྱེས་མིང་ཅན་ལས་བྱུང་བ། དབང་ཕྱུག་གི་ཆུང་མ་དང་། །དཀར་མོ་བོད་པའི་མཚར་སྡུག་གིས། །དབང་ལྷའི་དབང་པོ་དང་། པོའི། ཟླ་བ། མཚན་ཅན་འཇོ་སྒེག་ཟུམ། །རྨོངས་པའི་གབ་ཚིག །ཐབས་མཁས་དབྱངས་ཅན་མ་ཁ་སྤྱོད་བདུན་ལྡན་དང་སྦྱར། ལྡན་རྣམས་སྲིད་དང་ཞིའི། །ཆགས་ཟག་བཅས་ཀྱི། པ་མཐའ་དག་རིང་བཅད་ནས། །ཡིད་འོང་སྟོང་གཟུགས་ཕྱག་རྒྱ་ཆེན་མོའི། མཛེས་མའི་བཞིན་དཔལ་ལ། །རྟག་པར་ཁ་སྦྱོར་བདེ་བས་རྩེན། །ཡོངས་འཕྲོག །སྟོབས་གབ་བྱ་བྲམ་ཟེ་རྣམས་ཀྱིས་དབྱངས་ཅན་མ་བསྙེན་པ་དང་། གབ་བྱེད་རིམ་ཕར། ལྡན་དགྲ་བོས་ཁྱབ་འཇུག་མངོན་བསྐྱེད་གང་། བདུད། དབང་ཕྱུག་བསྲེགས་པའི་གཙུག་རྒྱན་ཟླ་བ། ལ་བྲམ་ཟེ། བཏུང་རྣམས། །ཁ་མེ། འཇོམ་གྲོག་ཆུ་མིན་ལས་སྐྱེས་པདྨ། པར། ཚངས་པ། །འཁྲུངས་པའི་ཆགས་དབྱངས་ཅན་མ། པས་བསྐྲུན་ལ་བསྙེན། །གཅིག་སྒྲིབ་པའི་གབ་ཚིག །འཁོར་དང་མྱ་གབ་བྱ་སྤྱན་རས་གཟིགས། ངན་འདས་པ་ཡི། །ཕ་མཐར་ནམ་ཡང་རེག་མིན་པའི། །རྒྱལ་བའི་མྱུ་གུ་ལ་གབ་བྱེད། ལ་ཡིས། བསིལ་ལྗོངས་འགྲོ་བར་དབུགས་རབ་འབྱིན། །གཉིས་ཀ་སྒྲིབ་པ། གང་གབ་བྱ་རྟེན་སྤྱན་རས་གཟིགས་དང་། གི་ལེགས་གསུངས་བདུད་རྩི་མཆོག་བརྟེན་པ་བྲམ་ཟེ་པཱ་ཎི་གཉིས་འདི་ན་སུ་ཞིག་ཐོས་འཛིན་གྱིས། །བཏུང་ལས་བརྡ་སྤྲོད་གཞུང་བྱེད་པར། །ལུང་གི་འཇམ་དཔལ་རྩ་རྒྱུད་ལས། ཡི་གེས་མངོན་པར་བརྗིད། །ཡོངས་འདྲེས། དཔལ་གབ་བྱ་སྤྱན་རས་གཟིགས་གབ་བྱེད་མིང་དུ་འདུས་པ་དང་། རྨོངས་པའི་གབ་ཚིག་འདྲེས་པས་སྒྲིབ་པར་བྱས་པའོ། ལྡན་ཐོགམར་འཇི༷ག་རྟེན༷་ཏེ། །སླར་ལ་དབ༷ང་ཕྱུག༷་ཅེས་སུ་བརྗོད། །སྲིད་དང་ཞི་མིན་ཤེས་བྱ་ཀུན། །མཁྱེན་ཕྱིར་ཙིནྟཱ་མ་ཎི་ཙིནྟཱ་མ་ཎི་ཡིད་བཞིན་ནོར་བུའི་དངོས་མིང་དང་། སྤྱན་མིན། རས་གཟིགས་ལའང་འཇུག་རུང་ཙམ་མོ། །འདི་ནི་འཆི་མེད་བཏུང་བས་མྱོས། །གྲོགས་ཁྱོད་དེ་རིང་ངེས་འབྱུང་སྐྱེས། །ཁུ་བྱུག་ཡིད་འོང་སྒྲ་སྒྲོགས་ཏེ། །མདོངས་མཐའ་ཆར་སྤྲིན་དག་ལ་དགའ། །དོན་འགལ་སྐྱོན། མཁས་ཁྱེད་རི་དྭགས་མིག་ཅན་དང་། །འཁྲིག་པའི་དགའ་སྟོན་ཉམས་སུ་མྱོང་། །ཆགས་བྲལ་བརྟུལ་ཞུགས་ལ་གནས་གང་། །བག་མེད་འགོག་པར་བྱ་བས་དབེན། །དེའི་དམིགས་བསལ། །བསགས་སྲུང་སྤེལ་སོགས་འདུ་འཛིའི་སྐྱོན། །དབྱེ་བའི་ནོར་གྱིས་ཅི་བྱར་ཡོད། །རྨད་བྱུང་འབྱོར་བའི་རྐང་སྟེགས་ལ། །བདག་ནི་ནམ་ཞིག་འཛེགས་འགྱུར་གྲང་། །དོན་གཅིག་སྐྱོན། སྟེང་འཐུང་ཨུཏྤལ་རྒྱས་པའི་ཕང་། །རྐང་དྲུག་བུང་བའི་རྩེ་འཇོ་ཡིས། །ཆགས་བཅས་འདོད་ལྡན་ཚོགས་རྣམས་ལ། །རབ་དགའ་སིམ་པའི་བདེ་བ་སྟེ། །དེའི་དམིགས་བསལ། རྒྱལ་ཀུན་ཡེ་ཤེས་ཟ་མ་ཏོག །ཁྱབ་བདག་བླ་མ་སྙིང་ནས་དྲན། །རྣམ་འདྲེན་མཆོག་དེ་སྙིང་ནས་དྲན། །འཁོར་ལོའི་མགོན་པོ་སྙིང་ནས་དྲན། །ཐེ་ཚོམ་ཅན་སྐྱོན། །པདྨའི་རྫིང་བུར་རང་རྩེ་བའི། །གཉིས་འདབ་ཆགས་དང་། བྲམ་ཟེ་སོགས། སྐྱེས་ཕྲེང་བ་འདུས་པའི་དབུས། །ངང་པའི་ངང་པའི་བུ་མོ་ནང་དབྱངས་ཅན་ལ། བུ་མོ་ཡིད་འོང་མས། །སིལ་སིལ་སྒྲ་དག་འབྱིན་པར་བྱེད། །ངང་པའི་རྐང་གདུབ་ཀྱི་སྒྲ་དང་། དབྱངས་ཅན་མའི་གཡེར་ཁའི་སྒྲ་གང་ཡིན་འཁྲུལ་པའོ། །དེའི་དམིགས་བསལ། མངོན་པར་འདོད་པས་དགའ་བྱེད་རོ། །མྱོང་བའི་མོད་ནས་མྱོས་པའི་མིག །དམར་བས་རེག་བཞིན་སླར་ཡང་ནི། །ཚུལ་མིན་ལས་དེར་འཇུག་པར་བརྩོན། །འདིའི་བརྗོད་བྱ་དངོས་སྐྱེས་པ། བུད་མེད་ཀྱི་འཁྲིག་བདེ་ཉམས་སུ་མྱོང་བ་ཞིག་དང་། དོན་གཞན་སྐྱེས་བུ་ཆང་གིས་མྱོས་པ་ཞིག་སྦྱར་བ་སྟེ། དེ་ཡང་དགའ་བྱེད་ཅེས་འཁྲིག་པའི་ཆོས་དང་ཆང་གཉིས་ཀ་ལ་འཇུག་ཅིང་། ཁྱད་ཆོས་གཞན་ཐུན་མོང་པ་ཡིན་པའི་ཕྱིར་རོ། །ལྔ་པ་རིམ་པ་བྲལ་སྐྱོན། དོན་གཉིས་མཐར་ཕྱིན་ཆགས་བྲལ་ལམ། །ཚོགས་ཀྱི་མཆོག་གྱུར་དགེ་འདུན་དང་། །སངས་རྒྱས་དམ་ཆོས་བཅས་པ་ཡིས། །ཁྱོད་ལ་ཤིས་པའི་སྣང་བ་སྩོལ། །དེའི་དམིགས་བསལ། འཕགས་བོད་མ་ཧཱ་ཙཱི་ནའི་ལྗོངས། །ཐོག་མཐའ་འབྱོར་པས་མངོན་མཐོ་ཡང་། །དེང་དུས་བདེ་གཤེགས་བསྟན་པའི་ལྕིད། །འདེགས་བཟོད་བར་མ་ཁོ་ནར་བསྔགས། །སྒྲ་ཉམས་སྐྱོན། ཁྱོད་ལ་མཁྱེན་པའི་ཤེས་བྱ་ཀུན། །གཟིགས་པས་གྲགས་དཀར་ཟླ་བ་འོད། །སྲིད་རྩེས་འགོངས་བར་ངོ་མཚར་གཏམ། །རུས་སྦལ་འཇུག་པས་འདེགས་ནུས་མིན། །དེའི་དམིགས་བསལ། གང་གི་མཆུ་སྒྲོས་ལ༷ས་འོངས་པའི། །ཆགས་བྲལ་གཏམ་གྱི་རྒྱུད་མང་སྒྲས། །འགྲོ་མང་འཁྲུལ་པའི་འཐིབ་བུ་ལ༷ས། །སློང་བའི་སྔོན་མེད་ཡི་གེ་བརྗིད། །གཅོད་མཚམས་ཉམས་སྐྱོན། འཇམ་དཔལ་མགོན་ཡེ་ཤེས་སྣང་བས། །གློ་བུར་གྱི་འཁྲུལ་མུན་ཀུན་བཅོམ། །ཡང་དག་པའི་སྤོབས་སྦྱིན་མཛད་ཕྱིར། །རྣམ་པར་ཐར་བདུད་རྩི་དང་མཚུངས། །དེའི་དམིགས་བསལ། རྒྱལ་ཀུན་མཁྱེན་གཏེར་ངག་དབང་ལྷའི། །ཐུགས་རྗེའི་ཟེར་གྱིས་རྨོངས་མུན་ཚོགས། །བཅོམ་པའི་ངོ་མཚར་དབྱངས་སྙན་རོས། །མེ་ཏོག་མདའ་ཅན་ཁེངས་ཀུན་འཇིལ། །སྡེབ་སྦྱོར་ཉམས་པའི་ཆད་ལྷག་གི་དཔེ། སྙིང་རྗེའི་སྤྱན་རས་མི་ཟུམ་པའི། །གཟིགས་པ་ག་བུར་ཐིགས་པས། །བསིལ་ལྗོངས་འགྲོ་བའི་སྡུག་བསྔལ་གྱི། །ཚ་གདུང་བསལ་བར་མཛད་དེར་བསྔགས་སོ། །མཚམས་སྦྱོར་ཉམས་སྐྱོན། ཀུན་མཁྱེན་བླ་མ་མཆོག་གུ་རུ་ཨུཏྟ་རའི། །སུ་བྷཱཥིཏ་ལེགས་བཤད་བདུད་རྩི། ཨ་མྲྀ་ཏས། །འདི་ན་མཐའ་ཀླས་ཨས་སེམས་ཅན་ཀུན། ཏྭཱཿ། ཨ་བླ་ན་མེད་པའི། ནུཏྟ་རའི་གོ་འཕང་བཀོད། །དེའི་དམིགས་བསལ། རྨད་བྱུང་ཀུན་དགའི་སྨོན་ལམ། པྲ་ཎཱི་དྷཱི། ཨ་ཏི་ཤུདྡྷའི་ཤིན་ཏུ་དག་པའི། ཟླ་བ་ཡིས། ཙནྡྲེ་ཎ། །ཨ་ནྱ་ཧི་ཏའི་གཞན་ལ་ཕན་པའི། སིམ་འོད་འབུམ། །སྤྲོ་བས་སྲིང་ཞིའི་ཐིག་ལེར་འདིར་སྔ་མར་པྲཎིདྲཱི༷། གྱུར། འགལ་སྐྱོན་ལ་དྲུག་ལས། ཡུལ་དང་འགལ་བ། གངས་ཅན་དཔལ་གྱི་དུམ་བུའི་ཁྲོད། དལ་གྱིས་རྒྱུ་བའི་གཉིས་འཐུང་ཚོགས། །པདྨའི་རྫིང་བུ་ལ་རྩེ་བའི། ཨ་ཏི་གཉིས་ཀྱི་བར་མཚམས་མི་སྦྱོར་བ། དབྱངས་ཅན་སྒྲ་མདོ་ལས། ཨཱི་ཨཱུ་ཨེ་གཉིས་ཉིད་ལའོ། །ཞེས་པའི་དམིགས་བསལ་དང་། ཕྱི་མ་ཙནྡྲེཎ་དང་ཨ་ནྱའི་བར་ཤད་ཀྱིས་ཆོད་པས་མཚམས་སྦྱོར་མ་བྱས་ཀྱང་སྐྱོན་དུ་མི་འགྱུར་བའོ། །འཕྲོག་བྱེད་དྲེགས་པས་ཟིལ་གྱིས་མནན། །དུས་དང་འགལ་བ། ཉི་གཞོན་འཆར་ཀ་དང་འགྲོགས་པའི། །ཀུནྡཱའི་འཁྲི་ཤིང་རྒྱས་པའི་འགྲམ། །སྟོན་མཚན་ཟླ་གཞོན་གྱིས་ཕྱེ་བའི། །ཆུ་སྐྱེས་གསར་པའི་རྣ་རྒྱན་གཡོ། །སྒྱུ་རྩལ་དང་འགལ་བ། དྲག་ཤུལ་འཇིགས་རུང་གར་གྱི་རོས། །ངོ་མཚར་རྨད་བྱུང་ཉམས་འཕེལ་ཞིང་། །བློ་གསལ་དབྱངས་དྲག་པོ། དབྱངས་ཀྱི་འགྱུར་ཁུག་གིས། །རྣ་བར་ཀུན་དགའི་སིམ་པ་སྟེར། །འཇིག་རྟེན་དང་འགལ་བ། དཀར་མིན་ཁ་པའི་རྡུལ་བརྩེགས་སྤོར། །རབ་མཛེས་ཁུ་བྱུག་གཞོན་ནུའི་རྭས། །ལག་ལྡན་མྱོས་པའི་བད་བག་ཤོག་ཟུང་། །འབིགས་པའི་གྲག་ལྡན་སྲིད་ན་བརྗིད། །ནང་པའི་རིགས་པ་དང་འགལ་བ། བདེར་གཤེགས་ཟག་བཅས་སྡུག་བསྔལ་གྱིས། །ཁྱབ་པར་གསུངས་མོད་དེ་ལྟ་ནའང་། །ཡིད་འོང་མཛེས་མའི་ལོངས་སྤྱོད་ལ། སྙོམས་པར་ཞུགས་འདི་གཅིག་ཏུ་བདེ། །ཕྱི་རོལ་པའི་རིགས་པ་དང་འགལ་བ། །རྟག་པར་སྨྲ་བའི་ཆོས་ཁམས་ཀུན། །བདག་དང་མཚུངས་ལྡན་ཉིད་དུ་འདོད། །དཔྱད་ན་ཕྱི་ནང་གང་དུ་ཡང་། །བདེན་གྲུབ་རྡུལ་ཙམ་མཆིས་མ་ལགས། །ལུང་དང་འགལ་བ། ངེས་པར་འབྱུང་བ་དང་བྲལ་བའི། །སོ་ཐར་ཁྲིམས་ཀྱིས་རྒྱུད་བསྡམས་བཞིན། །སྟོང་དང་རྟེན་འབྱུང་ཐ་དད་པ། །སྤྲོས་བྲལ་དབུ་མའི་དོན་ལ་བལྟ། །དམིགས་བསལ་སྐྱོན་མེད་ལའང་དྲུག་ལས། ཡུལ་དང་འགལ་ཡང་སྐྱོན་མེད་པ། བསོད་ནམས་བརྒྱ་ལས་གྲུབ་པ་ཡི། །ཤྭ་ཀྱའི་ཏོག་གི་མཚན་དཔེའི་དཔྱིད། །གང་དུ་སྣང་བར་སུམ་རྩེན་གྱི། །གྲོང་ཁྱེར་གསར་དུ་འཁྲུངས་པར་གྱུར། །དུས་དང་འགལ་ཡང་སྐྱོན་མེད་པ། །གང་གི་དགེ་བཅུའི་བཀའ་ཁྲིམས་ཀྱི། །ཕྱག་རྒྱའི་རི་མོས་བཏབ་པ་ལས། །རྩོད་པའི་དུས་ཀྱང་གངས་ཅན་འདིར། །རྫོགས་ལྡན་གཞོན་ནུའི་དགའ་སྟོན་དར། །སྒྱུ་རྩལ་དང་འགལ་ཡང་སྐྱོན་མེད་པ། ཡིད་འོང་མཛེས་མའི་རོལ་སྒེག་དང་། །རབ་སྙན་ཆགས་པའི་གླུ་དབྱངས་ཀྱིས། །ཐར་འདོད་སྙིང་ལ་མེ་འོབས་ལྟར། །འཇིགས་སུ་རུང་བའི་ཉམས་འགྱུར་འཕེལ། །འཇིག་རྟེན་དང་འགལ་ཡང་སྐྱོན་མེད་པ། རབ་འབར་བྱིན་ཟས་འཁྱུད་པ་ཡི། །ཆུ་གཏེར་ལས་བྱུང་པདྨོའི་དབུས། །མཚན་དཔེའི་མཚར་སྡུག་མངོན་སྣང་གང་། །གྲུབ་པའི་ཁྱུ་མཆོག་མཚོ་སྐྱེས་རྗེ། །རིག་པ་དང་འགལ་ཡང་སྐྱོན་མེད་པ། རྣམ་བཅས་རྣམ་པ་མེད་པའི་སྐུ། །བརྗོད་བྲལ་བརྗོད་པ་ཀུན་ལྡན་གསུང་། །གཅིག་དང་དུ་མ་ལས་འདས་ཐུགས། །སྲས་བཅས་རྒྱལ་བ་རྣམས་ལ་འདུད། །ལུང་དང་འགལ་ཡང་སྐྱོན་མེད་པ། །བླང་དོར་འཁྲུལ་ཆོས་ཀུན་སྤངས་པའི། །འདོད་ཆགས་ཆེན་པོའི་ཉེ་རྒྱུ་ཡིས། །རྒྱུ་འབྲས་གཉིས་སུ་མི་ཕྱེད་པའི། །རྡོ་རྗེ་འཛིན་པར་གཤེགས་ཀུན་བསྔགས། །སླར་སྨྲས་པ། མཐའ་ཀླས་སྒྲ༷་རྒྱན་ནོར་བུའི་རྒྱུད་མང་ཡིད་འོང་སྙན་འགྱུར་སྒྲོགས་མཁས་པ། །མཛེས་པར་བཟུང་བའི་ཡི་གེའི་དགའ་མས་གབ༷་ཚི༷ག་གསང་གཏམ་སྤྲོ་བ་ཡིས། །འདི་ན་བློ་མིག་གཞོན་ནུའི་ཚོགས་རྣམས་ཁེངས་པའི་བརྟན་པ་འཕྲོག་བྱེད་དང་། །སྐྱོན་གྱི་སྐལ་བ་ངན་པས་རིང་སྤངས་རྨད་བྱུང་ལང་ཚོས་མཛེས་ཞེས་སྨྲེང་། །ཉི་གཞོན་ཐིགས་པ་བཏུང་མིན་ཞིང་། །དཔྱིད་ཀྱི་དཔལ་མོས་མ་བཟུང་བའི། །དཔེར་བརྗོད་ཨུཏྤལ་གསར་པའི་ཕྲེང་། །གཟུར་གནས་ངལ་འཚོའི་གསོས་གྱུར་ཅིག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ལས། བྱ་དཀའ་བ་ལ་སོགས་པའི་རྣམ་པར་བཅད་པའི་སྐབས་ཏེ་གསུམ་པའོ།། །།ངོ༷་མཚར་ཚི༷ག་རྒྱན༷་བསྟན་བཅོས་ཨཱ་དཪྴའི། །དཔེར༷་བརྗོ༷ད་མགྲིན་པའི་ཆུ་གཏེར་འཕྱུར་བ་ན། །འཇིགས་བྲལ་དཔལ་ལྡན་དཎྜཱིའི་རྣམ་དཔྱོད་ཀྱང་། །རབ་སྙན་རྒྱུད༷་མང༷་ཟོལ་གྱིས་ལྷགས་པ་བཞིན། །དེ་སླད་འཕགས་བོད་མཁས་པའི་ལེགས་བཤད་ཀྱི། །རྗེས་སུ་སོང་གང་བདག་བློས་མ་ཡིན་ཏེ། །ཡོངས་འཛིན་བླ་མའི་བཀའ་དྲིན་ལས་བྱུང་ཕྱིར། རྣམ་པ་ཀུན་ཏུ་གུས་པའི་མེ་ཏོག་འཐོར། །འོན་ཏེ་ཉེས་པར་སྨྲ་བའི་འདམ་རྫབ་ཀྱིས། །གཞུང་དོན་ནོར་བུའི་མེ་ལོང་སྒྲིབ་སྲིད་ན། །ཁོ་བོའི་འཁྲུལ་པའི་དཔྱིད་ཀ་ལས་བྱུང་ཕྱིར། །ཕྱོགས་བྲལ་མཁས་པའི་བློ་མཚོས་སྦྱང་བར་མཛོད། །མདོར་ན་གཅིག་ཏུ་གཞན་ཕྱིར་སྨན་འདོད་པའི། །ལྷག་བསམ་ཟླ་ཚེས་གསར་པ་དང་འགྲོགས་པས། །དོན་མཐུན་ཀུན་དགའི་སྟེང་འཐུང་དཀར་པོའི་འཛུམ། །ཅི་དགར་དབྱེ་བའི་བྱེད་པོ་ཁོ་ནར་སེམས། །འོན་ཀྱང་དེང་དུས་མ་བསླབས་ཀུན་མཁྱེན་གྱི། །སྤུན་ཟླར་འཇོགས་ཤིང་བསླབ་ན་ཚིག་རེར་ཡང་། །མགོ་བོ་གདུགས་ལྟར་འཁོར་བའི་མཁས་རློམ་མདུན། །འཇམ་མགོན་དངོས་སུ་བྱོན་ཀྱང་ཅི་བྱར་ཡོད། །དེ་ལྟར་སྨྲས་པའི་དགེ་ཚོགས་དྲི་མེད་ཁ་བའི་རྡུལ་བརྩེགས་ཀུ་མུད་ཚལ། །གཉིས་འཐུང་མཆེ་བ་ལྟ་བུར་དཀར་བའི་བསོད་ནམས་གང་ཞིག་ཐོབ་པ་དེས། །འགྲོ་ཀུན་རྨོངས་པའི་གདུང་བ་ཀུན་བསལ་སོ་སོར་རྟོགས་པའི་ཡེ་ཤེས་ཀྱིས། །གསུང་གི་རྡོ་རྗེའི་རྣམ་ཐར་རྒྱ་མཚོར་གཡོ་བ་མེད་པར་འཇུག་གྱུར་ཅིག། །།རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ཞེས་བྱ་བ་འདི་ཡང་། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་དང་དབྱེར་མ་མཆིས་པ་མཁན་ཆེན་ཐམས་ཅད་མཁྱེན་པ་བྱམ༷ས་པ༷་ཀུན༷་དག༷འ་བསྟན༷་འཛི༷ན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས་ཐུགས་བསྐྱེད་རྨད་དུ་བྱུང་བས་ལམ་འདིར་བསླབ་སྦྱང་མགོ་འཛིན་བགྱིད་དགོས་པའི་བཀའ་སྩལ་གྱི་ཅོད་པན་གཙུག་ཏུ་སྩལ་བ་ལ་བརྟེན། དོན་གཉེར་ཅན་དག་ལ་འབད་པ་ཆེན་པོས་འཆད་པའི་གཡར་ཁྲལ་བླངས་པའི་ཚེ། མགོན་པོ་གང་གི་ཞབས་རྡུལ་ལ་སྤྱི་བོས་རེག་ཅིང་། མ༷་ཧཱ༷་པ༷ཎྜི༷ཏ༷་ཟེ་ཆེན་པའི་བཀའ་དྲིན་ལས་ཚིག་རྒྱན་གྱི་མིང་རྐྱང་ཙམ་ཞིག་ཐོས་པའི་རྨོངས་རྟུལ་གྱི་ན་བ་ཚངས་སྲས་དགྱེས་པའི་བློ་ལྡན་ནམ། གཙུག་ལག་སྨྲ་བའི་ཉི་མར་བོད་པའི་རྒྱལ་ཁམས་ཀྱི་དཱ་རི་དྲ་པས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཆུ་སྟོད་ཟླ་བའི་གྲལ་ཚེས་དགེ་བར་སུག་བྲིས་སུ་གྲུབ་པར་བགྱིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །། | ༅། །འདྲེན་པ་ཁྱོད་ཀྱི་རྗེས་བརྩེའི་གྲུར། །མི་དང་མི་མིན་རྣམས་ཀྱིས་མཆོད། །ངེས་པར་ཐར་པའི་དགའ་བ་ཡིས། །དུད་ལ་སོམ་ཉི་བྲལ་མིན་ནམ། །རྟོགས་པར་དཀའ་བའི་ཚུལ་ཅན་དུ་གྱུར་པའི་ངག་སྟེ། དབྱེ་ན་བཅུ་དྲུག་ལས། ཀུན་ཏུ་ཚོགས་པའི་གབ་ཚིག །མཆོག་བདེའི་དཔལ་སྟེར་སྟོབས་དམན་འདིའི་གབ་བྱ་བླ་མ་དང་། །མ༷། གབ་བྱེད་བུད་མེད། ཚུལ་ཇི་ལྟར་ན་གཅོད་མཚམས་ཐ་དད་པ་གསུམ་གྱི་སྒོ་ནས་སོ། །ཡིན་ཕྱིར་མངོན་འདོད་འབྱིན་འབྲས་བུ། །མང་པོ་བསྐྲུན་པས་བརྣག་དཀའ་བའི། །སྡུག་བསྔལ་རྒྱ་མཚོར་འཆིང་མ༷་ལགས། །སླུ་བྱེད་ཀྱི་གབ་ཚིག །འདི་ན་མེ་ཏོག་མདའ་ཅན་གབ་བྱ་རྗེ་བཙུན་རིག་བྱེད་མ་དང་། གབ་བྱེད་བདུད་ཀྱི་ཆུང་མའོ། མའི། །རྗེས་སུ་ཆགས་པའི་སྤྱན་ཟུར་ཙམ། །སུ་ཞིག་སྙིང་ལ་ཐེབས་པ་དེར། །སྲིད་ཞིའི་ཕུན་ཚོགས་ཀུན་གྱིས་དུད། །རིམ་པ་བྲལ་བའི་གབ་ཚིག །༡འབབ་པའི་ལེགས་བཤད་དབྱངས་སྙན་པོས། །སྨྲ་དབང་གང་གི་མཆུ་སྒྲོས་ལས༡། །ས་༤གསུམ་བླ་ན་མངོན་པར་བརྗིད། །ཐོས་འཛིན་སྐལ་བཟང་བྱས་པའི་གཏམ༣། །རབ་བཅོམ་གབ་ཚིག །སྐྱེ་གབ་བྱ་རྫོགས་པའི་སངས་རྒྱས་ལྟ་བུ་ཡུལ་ཁྱད་པར་ཅན་དང་། གབ་བྱེད་འདོད་ལྡན་གྱི་སྐྱེས་བུ་སྟེ། དེ་ཡང་སྐྱེ་ལྡན་ཞེས་པ་སེམས་ཅན་དང་། ཆུང་མ་གཉིས་ཀ་ལ་འཇུག །སྤངས་པ་ཞིང་ཕྱོགས་གཅིག་པ་དང་། ནོར་མེད་པ་ལའང་བཤད་དུ་རུང་ལ། མ་སྨད་ཅེས་པ་དངོས་སུ་མ་བྱའི་མིང་དང་། མ་སྨད་མོས་པ་ཞེས་དད་མོས་ཆེན་པོ་ལའང་བཤད་རུང་ཙམ་མོ། ལྡན་ལ་བརྩེ་སྤངས་པ་ལ། །སྡང་བའི་ཚུལ་གྱིས་ཕྱིར་ཕྱོགས་པས། །སྐྱེས་བུ་མཆོག་ཁྱོད་ལ་འཆེལ་བའི། །མ་སྨད་མོས་པ་གཅིག་ཏུ་འཕེལ། །མཐུན་གཟུགས་གབ་ཚིག །གང་ན་ཡལ་འདབ་ལྔས་ཡན་ལག་ལྔ། །མཛེས་པའི། གབ་བྱ་སྒྲོལ་མ་དཀར་མོ་དང་། གབ་བྱེད་པུཎྜརཱི་ཀའི་སྡོང་བུ། པུཎྜ་རཱི་ཀའི་དོག་པ་ལ། །གནག་ཅིང་སྣུམ་པའི་བུང་བ་བདུན། སྤྱན་བདུན། །རྩེན་པའི་གྲིབ་ཐུགས་རྗེ། བསིལ། འདི་རྨད་བྱུང་། །རྩུབ་མོའི་གབ་ཚིག །ཆུ་ལས་སྐྱེས་གང་ཆུ་གཏེར་གབ་བྱ་དབྱངས་ཅན་མ་དང་། གབ་བྱེད་མེ་ཏོག་ཆུ་སྐྱེས། །དབུས་འཛུམ་བཅས་མཚར་སྡུག་རབ་འབར་བ། །ངང་དྲི་ཟའི་བུ་མོ་དང་། ངང་མོ། པའི་བུ་མོའི་ཚོགས་རྣམས་ཀྱིས། །སྒྲིབ་པའི་གནས་སྐབས་བཅོམ་པ་བཞིན། །གྲངས་ཀྱི་གབ་ཚིག །སྣ་ལྡན་ན་ཡིག་གབ་བྱ་ཕྱོགས་ཀྱི་རོལ་མཚོ་དང་འཕགས་མ་མཚོ་བྱུང་མ། དབུས་གནས་གསལ་བྱེད་མེས། །བརྒྱན་པའི་ཉི་བུའི་མཱན་ས་སྟེ་ལྷོ་ཕྱོགས་ཡིད་ཀྱི་མཚོ། ཕྱོགས་ཀྱི་མཚོར། །དྲོ་བའི་ས་ཡིག་ཡི་གེས་ཐོག་དྲངས་པའི། མཛེས་སྭ་ར་སྭ་ཏཱི་སྟེ་མཚོ་བྱུང་མ། མ་ཡིག་ལྔའི་མིང་ཅན་ཡོད། །རབ་བཏགས་གབ་ཚིག །གང་གབ་བྱ་དབྱངས་ཅན་མ་དང་། སྒྲུབ་པ་པོ་ཞིག་གབ་བྱེད་བུ་མོ་དང་། སྐྱེས་བུ་འདོད་ལྡན་ཞིག་སྦྱར་བའོ། །ཕྱིར་མངོན་འདོད་དོན་གཉེར་བས། །ཞུམ་ཞིང་དུད་བཅས་ལུས་ལས་སྐྱེས། །གཡོ་བའི་དམན་པ་བདག་ཅག་ལ། །རྒྱས་མ་རྗེས་སུ་མི་རྒྱས་མ་ཅེས་པ་བུ་མོའི་དངོས་མིང་དང་། དབྱངས་ཅན་མའི་མཚན་རྒྱས་བྱེད་མའི་སྒྲ་བསྡུས་པས་དེར་འཇུག་རུང་ཙམ་མོ། བརྩེའམ། །འདི་ཡང་། བསམ་གབ་བྱ་རྫོགས་པའི་སངས་རྒྱས་དང་། དེའི་བསྟན་པ་ལ་ཞུགས་པའི་ཚོགས། གབ་བྱེད་ཚངས་པ་དང་། བྲམ་ཟེ་ཚངས་སྤྱོད་ལ་གནས་པའོ། །གཏན་ཀློག་དང་ཚངས་སྤྱོད་ཀྱི། བརྟུལ་ཞུགས་མཆོག་ལ་གནས་བཅས་རྣམས། །རང་བྱུང་རང་བྱུང་ཞེས་པ་སངས་རྒྱས་དང་། ཐུགས། །ཚངས་པ་གཉིས་ཀ་ལ་འཇུགརྗེའི་སྤྱན་ཟུར་གྱིས། །ཡལ་བར་འདོར་བ་རིགས་སམ་ཅི། །མིང་དུ་འདུས་པའི་གབ་ཚིག །བསྔགས་འོས་ཡོན་ཏན་རྨད་བྱུང་འགའ། །ཐོག་མར་ཀུན༷་མཁྱེན༷་ཅེས་སུ་སྒྲོགས། །གབ་བྱ་ཀུན་མཁྱེན་བླ་མ་ཞེས་པ་ཉིད། གབ་བྱེད་དབང་ཕྱུག་དང་། ཕུར་བུའི་མིང་གིས་སྒྲིབ་པའོ། །དེ་ནས་བླ༷་མ༷་ཡང་སྟེ་འདི། །དབང་ཕྱུག་མ་ཡིན་ཕུར་བུའང་མིན། འདི་ཡང་། རབ་མཛེས་ཀུན་དགའི་དཔྱིད་གྱུར་གང་། །ཧ༷ཾ་ས༷་ཞེས་སུ་མངོན་བརྗོད་དེ། །སླར་ལ་ཀནྱཱ་ཡང་འདི་ཉིད། །ངང་པ་མ་ཡིན་བུ་མོའང་གབ་བྱ་ཧི་ས་གནྱཱ་ངང་པའི་བུ་མོ་སྟེ་དབྱངས་ཅན་མ་དང་། གབ་བྱེད་ངང་པ་དང་། བུ་མོ། མིན། །སྒྲིབ་པའི་གབ་ཚིག །གང་ལ་རེག་ན་དབུལ་གབ་བྱ་སངས་རྒྱས་དང་བྱང་ཆུབ་སེམས་དཔའ་ལྟ་བུ་ཡུལ་ཁྱད་པར་ཅན། བ་ཀུན། གབ་བྱེད་ཕྱི་ཡི་རྒྱ་མཚོ་ཆེན་པོ། གབ་ཚུལ་གཅོད་མཚམས་ཐ་དད་པ་གཅིག་གིས་སོ། །འདོར་ཞིང་འདོད་རྒུའི་རིན་ཆེན་མཆོག །སྦྱིན་པའི་གདུང་སེལ་རླབས་གཡོ་བ། །དྲི་བྲལ་ཟླ་བའི་མ་མ༷་ལགས། །མཐུན་པའི་སྒྲ་ཡི་གབ་ཚིག །གང་གི་གནག་མིན་མིང་མཐུན་པའི། །འཇུག་པས་མྱོས་བྱེད་མིང་ཅན་ལས། །རྒྱལ་བའི་གྲགས་དཀར་བདུད་རྩི་ཡིས། །ས་གསུམ་མཛེས་སོ་སྟོབས་བཅུའི་དབང་། །གབ་བྱ་སངས་རྒྱས་ཀྱི་དཀར་པོའི་ཕྲིན་ལས་ཀྱི་བདུད་བཅོམ་པ་དང་། གབ་བྱེད་གནག་མིན་དཀར་པོ་སྟེ་དེའི་མིང་ཅན་གཟའ་པ་སངས། མྱོས་བྱེད་ཆང་དང་། དེ་དང་མིང་མཐུན་པ་བདུད། འདི་ཡང་། འདྲེན་བྱེད་མིག་མི་བཙུམ་པ་ལྟ། འཛུམ་མིན་མིང་དེ་དང་མིང་མཐུན་པ་སྤྱན་རས་གཟིགས། མཐུན་གྱི། །གཉིས་ཚེམས། སྐྱེས་མིང་ཅན་ལས་བྱུང་བ། དབང་ཕྱུག་གི་ཆུང་མ་དང་། །དཀར་མོ་བོད་པའི་མཚར་སྡུག་གིས། །དབང་ལྷའི་དབང་པོ་དང་། པོའི། ཟླ་བ། མཚན་ཅན་འཇོ་སྒེག་ཟུམ། །རྨོངས་པའི་གབ་ཚིག །ཐབས་མཁས་དབྱངས་ཅན་མ་ཁ་སྤྱོད་བདུན་ལྡན་དང་སྦྱར། ལྡན་རྣམས་སྲིད་དང་ཞིའི། །ཆགས་ཟག་བཅས་ཀྱི། པ་མཐའ་དག་རིང་བཅད་ནས། །ཡིད་འོང་སྟོང་གཟུགས་ཕྱག་རྒྱ་ཆེན་མོའི། མཛེས་མའི་བཞིན་དཔལ་ལ། །རྟག་པར་ཁ་སྦྱོར་བདེ་བས་རྩེན། །ཡོངས་འཕྲོག །སྟོབས་གབ་བྱ་བྲམ་ཟེ་རྣམས་ཀྱིས་དབྱངས་ཅན་མ་བསྙེན་པ་དང་། གབ་བྱེད་རིམ་ཕར། ལྡན་དགྲ་བོས་ཁྱབ་འཇུག་མངོན་བསྐྱེད་གང་། བདུད། དབང་ཕྱུག་བསྲེགས་པའི་གཙུག་རྒྱན་ཟླ་བ། ལ་བྲམ་ཟེ། བཏུང་རྣམས། །ཁ་མེ། འཇོམ་གྲོག་ཆུ་མིན་ལས་སྐྱེས་པདྨ། པར། ཚངས་པ། །འཁྲུངས་པའི་ཆགས་དབྱངས་ཅན་མ། པས་བསྐྲུན་ལ་བསྙེན། །གཅིག་སྒྲིབ་པའི་གབ་ཚིག །འཁོར་དང་མྱ་གབ་བྱ་སྤྱན་རས་གཟིགས། ངན་འདས་པ་ཡི། །ཕ་མཐར་ནམ་ཡང་རེག་མིན་པའི། །རྒྱལ་བའི་མྱུ་གུ་ལ་གབ་བྱེད། ལ་ཡིས། བསིལ་ལྗོངས་འགྲོ་བར་དབུགས་རབ་འབྱིན། །གཉིས་ཀ་སྒྲིབ་པ། གང་གབ་བྱ་རྟེན་སྤྱན་རས་གཟིགས་དང་། གི་ལེགས་གསུངས་བདུད་རྩི་མཆོག་བརྟེན་པ་བྲམ་ཟེ་པཱ་ཎི་གཉིས་འདི་ན་སུ་ཞིག་ཐོས་འཛིན་གྱིས། །བཏུང་ལས་བརྡ་སྤྲོད་གཞུང་བྱེད་པར། །ལུང་གི་འཇམ་དཔལ་རྩ་རྒྱུད་ལས། ཡི་གེས་མངོན་པར་བརྗིད། །ཡོངས་འདྲེས། དཔལ་གབ་བྱ་སྤྱན་རས་གཟིགས་གབ་བྱེད་མིང་དུ་འདུས་པ་དང་། རྨོངས་པའི་གབ་ཚིག་འདྲེས་པས་སྒྲིབ་པར་བྱས་པའོ། ལྡན་ཐོགམར་འཇི༷ག་རྟེན༷་ཏེ། །སླར་ལ་དབ༷ང་ཕྱུག༷་ཅེས་སུ་བརྗོད། །སྲིད་དང་ཞི་མིན་ཤེས་བྱ་ཀུན། །མཁྱེན་ཕྱིར་ཙིནྟཱ་མ་ཎི་ཙིནྟཱ་མ་ཎི་ཡིད་བཞིན་ནོར་བུའི་དངོས་མིང་དང་། སྤྱན་མིན། རས་གཟིགས་ལའང་འཇུག་རུང་ཙམ་མོ། །འདི་ནི་འཆི་མེད་བཏུང་བས་མྱོས། །གྲོགས་ཁྱོད་དེ་རིང་ངེས་འབྱུང་སྐྱེས། །ཁུ་བྱུག་ཡིད་འོང་སྒྲ་སྒྲོགས་ཏེ། །མདོངས་མཐའ་ཆར་སྤྲིན་དག་ལ་དགའ། །དོན་འགལ་སྐྱོན། མཁས་ཁྱེད་རི་དྭགས་མིག་ཅན་དང་། །འཁྲིག་པའི་དགའ་སྟོན་ཉམས་སུ་མྱོང་། །ཆགས་བྲལ་བརྟུལ་ཞུགས་ལ་གནས་གང་། །བག་མེད་འགོག་པར་བྱ་བས་དབེན། །དེའི་དམིགས་བསལ། །བསགས་སྲུང་སྤེལ་སོགས་འདུ་འཛིའི་སྐྱོན། །དབྱེ་བའི་ནོར་གྱིས་ཅི་བྱར་ཡོད། །རྨད་བྱུང་འབྱོར་བའི་རྐང་སྟེགས་ལ། །བདག་ནི་ནམ་ཞིག་འཛེགས་འགྱུར་གྲང་། །དོན་གཅིག་སྐྱོན། སྟེང་འཐུང་ཨུཏྤལ་རྒྱས་པའི་ཕང་། །རྐང་དྲུག་བུང་བའི་རྩེ་འཇོ་ཡིས། །ཆགས་བཅས་འདོད་ལྡན་ཚོགས་རྣམས་ལ། །རབ་དགའ་སིམ་པའི་བདེ་བ་སྟེ། །དེའི་དམིགས་བསལ། རྒྱལ་ཀུན་ཡེ་ཤེས་ཟ་མ་ཏོག །ཁྱབ་བདག་བླ་མ་སྙིང་ནས་དྲན། །རྣམ་འདྲེན་མཆོག་དེ་སྙིང་ནས་དྲན། །འཁོར་ལོའི་མགོན་པོ་སྙིང་ནས་དྲན། །ཐེ་ཚོམ་ཅན་སྐྱོན། །པདྨའི་རྫིང་བུར་རང་རྩེ་བའི། །གཉིས་འདབ་ཆགས་དང་། བྲམ་ཟེ་སོགས། སྐྱེས་ཕྲེང་བ་འདུས་པའི་དབུས། །ངང་པའི་ངང་པའི་བུ་མོ་ནང་དབྱངས་ཅན་ལ། བུ་མོ་ཡིད་འོང་མས། །སིལ་སིལ་སྒྲ་དག་འབྱིན་པར་བྱེད། །ངང་པའི་རྐང་གདུབ་ཀྱི་སྒྲ་དང་། དབྱངས་ཅན་མའི་གཡེར་ཁའི་སྒྲ་གང་ཡིན་འཁྲུལ་པའོ། །དེའི་དམིགས་བསལ། མངོན་པར་འདོད་པས་དགའ་བྱེད་རོ། །མྱོང་བའི་མོད་ནས་མྱོས་པའི་མིག །དམར་བས་རེག་བཞིན་སླར་ཡང་ནི། །ཚུལ་མིན་ལས་དེར་འཇུག་པར་བརྩོན། །འདིའི་བརྗོད་བྱ་དངོས་སྐྱེས་པ། བུད་མེད་ཀྱི་འཁྲིག་བདེ་ཉམས་སུ་མྱོང་བ་ཞིག་དང་། དོན་གཞན་སྐྱེས་བུ་ཆང་གིས་མྱོས་པ་ཞིག་སྦྱར་བ་སྟེ། དེ་ཡང་དགའ་བྱེད་ཅེས་འཁྲིག་པའི་ཆོས་དང་ཆང་གཉིས་ཀ་ལ་འཇུག་ཅིང་། ཁྱད་ཆོས་གཞན་ཐུན་མོང་པ་ཡིན་པའི་ཕྱིར་རོ། །ལྔ་པ་རིམ་པ་བྲལ་སྐྱོན། དོན་གཉིས་མཐར་ཕྱིན་ཆགས་བྲལ་ལམ། །ཚོགས་ཀྱི་མཆོག་གྱུར་དགེ་འདུན་དང་། །སངས་རྒྱས་དམ་ཆོས་བཅས་པ་ཡིས། །ཁྱོད་ལ་ཤིས་པའི་སྣང་བ་སྩོལ། །དེའི་དམིགས་བསལ། འཕགས་བོད་མ་ཧཱ་ཙཱི་ནའི་ལྗོངས། །ཐོག་མཐའ་འབྱོར་པས་མངོན་མཐོ་ཡང་། །དེང་དུས་བདེ་གཤེགས་བསྟན་པའི་ལྕིད། །འདེགས་བཟོད་བར་མ་ཁོ་ནར་བསྔགས། །སྒྲ་ཉམས་སྐྱོན། ཁྱོད་ལ་མཁྱེན་པའི་ཤེས་བྱ་ཀུན། །གཟིགས་པས་གྲགས་དཀར་ཟླ་བ་འོད། །སྲིད་རྩེས་འགོངས་བར་ངོ་མཚར་གཏམ། །རུས་སྦལ་འཇུག་པས་འདེགས་ནུས་མིན། །དེའི་དམིགས་བསལ། གང་གི་མཆུ་སྒྲོས་ལ༷ས་འོངས་པའི། །ཆགས་བྲལ་གཏམ་གྱི་རྒྱུད་མང་སྒྲས། །འགྲོ་མང་འཁྲུལ་པའི་འཐིབ་བུ་ལ༷ས། །སློང་བའི་སྔོན་མེད་ཡི་གེ་བརྗིད། །གཅོད་མཚམས་ཉམས་སྐྱོན། འཇམ་དཔལ་མགོན་ཡེ་ཤེས་སྣང་བས། །གློ་བུར་གྱི་འཁྲུལ་མུན་ཀུན་བཅོམ། །ཡང་དག་པའི་སྤོབས་སྦྱིན་མཛད་ཕྱིར། །རྣམ་པར་ཐར་བདུད་རྩི་དང་མཚུངས། །དེའི་དམིགས་བསལ། རྒྱལ་ཀུན་མཁྱེན་གཏེར་ངག་དབང་ལྷའི། །ཐུགས་རྗེའི་ཟེར་གྱིས་རྨོངས་མུན་ཚོགས། །བཅོམ་པའི་ངོ་མཚར་དབྱངས་སྙན་རོས། །མེ་ཏོག་མདའ་ཅན་ཁེངས་ཀུན་འཇིལ། །སྡེབ་སྦྱོར་ཉམས་པའི་ཆད་ལྷག་གི་དཔེ། སྙིང་རྗེའི་སྤྱན་རས་མི་ཟུམ་པའི། །གཟིགས་པ་ག་བུར་ཐིགས་པས། །བསིལ་ལྗོངས་འགྲོ་བའི་སྡུག་བསྔལ་གྱི། །ཚ་གདུང་བསལ་བར་མཛད་དེར་བསྔགས་སོ། །མཚམས་སྦྱོར་ཉམས་སྐྱོན། ཀུན་མཁྱེན་བླ་མ་མཆོག་གུ་རུ་ཨུཏྟ་རའི། །སུ་བྷཱཥིཏ་ལེགས་བཤད་བདུད་རྩི། ཨ་མྲྀ་ཏས། །འདི་ན་མཐའ་ཀླས་ཨས་སེམས་ཅན་ཀུན། ཏྭཱཿ། ཨ་བླ་ན་མེད་པའི། ནུཏྟ་རའི་གོ་འཕང་བཀོད། །དེའི་དམིགས་བསལ། རྨད་བྱུང་ཀུན་དགའི་སྨོན་ལམ། པྲ་ཎཱི་དྷཱི། ཨ་ཏི་ཤུདྡྷའི་ཤིན་ཏུ་དག་པའི། ཟླ་བ་ཡིས། ཙནྡྲེ་ཎ། །ཨ་ནྱ་ཧི་ཏའི་གཞན་ལ་ཕན་པའི། སིམ་འོད་འབུམ། །སྤྲོ་བས་སྲིང་ཞིའི་ཐིག་ལེར་འདིར་སྔ་མར་པྲཎིདྲཱི༷། གྱུར། འགལ་སྐྱོན་ལ་དྲུག་ལས། ཡུལ་དང་འགལ་བ། གངས་ཅན་དཔལ་གྱི་དུམ་བུའི་ཁྲོད། དལ་གྱིས་རྒྱུ་བའི་གཉིས་འཐུང་ཚོགས། །པདྨའི་རྫིང་བུ་ལ་རྩེ་བའི། ཨ་ཏི་གཉིས་ཀྱི་བར་མཚམས་མི་སྦྱོར་བ། དབྱངས་ཅན་སྒྲ་མདོ་ལས། ཨཱི་ཨཱུ་ཨེ་གཉིས་ཉིད་ལའོ། །ཞེས་པའི་དམིགས་བསལ་དང་། ཕྱི་མ་ཙནྡྲེཎ་དང་ཨ་ནྱའི་བར་ཤད་ཀྱིས་ཆོད་པས་མཚམས་སྦྱོར་མ་བྱས་ཀྱང་སྐྱོན་དུ་མི་འགྱུར་བའོ། །འཕྲོག་བྱེད་དྲེགས་པས་ཟིལ་གྱིས་མནན། །དུས་དང་འགལ་བ། ཉི་གཞོན་འཆར་ཀ་དང་འགྲོགས་པའི། །ཀུནྡཱའི་འཁྲི་ཤིང་རྒྱས་པའི་འགྲམ། །སྟོན་མཚན་ཟླ་གཞོན་གྱིས་ཕྱེ་བའི། །ཆུ་སྐྱེས་གསར་པའི་རྣ་རྒྱན་གཡོ། །སྒྱུ་རྩལ་དང་འགལ་བ། དྲག་ཤུལ་འཇིགས་རུང་གར་གྱི་རོས། །ངོ་མཚར་རྨད་བྱུང་ཉམས་འཕེལ་ཞིང་། །བློ་གསལ་དབྱངས་དྲག་པོ། དབྱངས་ཀྱི་འགྱུར་ཁུག་གིས། །རྣ་བར་ཀུན་དགའི་སིམ་པ་སྟེར། །འཇིག་རྟེན་དང་འགལ་བ། དཀར་མིན་ཁ་པའི་རྡུལ་བརྩེགས་སྤོར། །རབ་མཛེས་ཁུ་བྱུག་གཞོན་ནུའི་རྭས། །ལག་ལྡན་མྱོས་པའི་བད་བག་ཤོག་ཟུང་། །འབིགས་པའི་གྲག་ལྡན་སྲིད་ན་བརྗིད། །ནང་པའི་རིགས་པ་དང་འགལ་བ། བདེར་གཤེགས་ཟག་བཅས་སྡུག་བསྔལ་གྱིས། །ཁྱབ་པར་གསུངས་མོད་དེ་ལྟ་ནའང་། །ཡིད་འོང་མཛེས་མའི་ལོངས་སྤྱོད་ལ། སྙོམས་པར་ཞུགས་འདི་གཅིག་ཏུ་བདེ། །ཕྱི་རོལ་པའི་རིགས་པ་དང་འགལ་བ། །རྟག་པར་སྨྲ་བའི་ཆོས་ཁམས་ཀུན། །བདག་དང་མཚུངས་ལྡན་ཉིད་དུ་འདོད། །དཔྱད་ན་ཕྱི་ནང་གང་དུ་ཡང་། །བདེན་གྲུབ་རྡུལ་ཙམ་མཆིས་མ་ལགས། །ལུང་དང་འགལ་བ། ངེས་པར་འབྱུང་བ་དང་བྲལ་བའི། །སོ་ཐར་ཁྲིམས་ཀྱིས་རྒྱུད་བསྡམས་བཞིན། །སྟོང་དང་རྟེན་འབྱུང་ཐ་དད་པ། །སྤྲོས་བྲལ་དབུ་མའི་དོན་ལ་བལྟ། །དམིགས་བསལ་སྐྱོན་མེད་ལའང་དྲུག་ལས། ཡུལ་དང་འགལ་ཡང་སྐྱོན་མེད་པ། བསོད་ནམས་བརྒྱ་ལས་གྲུབ་པ་ཡི། །ཤྭ་ཀྱའི་ཏོག་གི་མཚན་དཔེའི་དཔྱིད། །གང་དུ་སྣང་བར་སུམ་རྩེན་གྱི། །གྲོང་ཁྱེར་གསར་དུ་འཁྲུངས་པར་གྱུར། །དུས་དང་འགལ་ཡང་སྐྱོན་མེད་པ། །གང་གི་དགེ་བཅུའི་བཀའ་ཁྲིམས་ཀྱི། །ཕྱག་རྒྱའི་རི་མོས་བཏབ་པ་ལས། །རྩོད་པའི་དུས་ཀྱང་གངས་ཅན་འདིར། །རྫོགས་ལྡན་གཞོན་ནུའི་དགའ་སྟོན་དར། །སྒྱུ་རྩལ་དང་འགལ་ཡང་སྐྱོན་མེད་པ། ཡིད་འོང་མཛེས་མའི་རོལ་སྒེག་དང་། །རབ་སྙན་ཆགས་པའི་གླུ་དབྱངས་ཀྱིས། །ཐར་འདོད་སྙིང་ལ་མེ་འོབས་ལྟར། །འཇིགས་སུ་རུང་བའི་ཉམས་འགྱུར་འཕེལ། །འཇིག་རྟེན་དང་འགལ་ཡང་སྐྱོན་མེད་པ། རབ་འབར་བྱིན་ཟས་འཁྱུད་པ་ཡི། །ཆུ་གཏེར་ལས་བྱུང་པདྨོའི་དབུས། །མཚན་དཔེའི་མཚར་སྡུག་མངོན་སྣང་གང་། །གྲུབ་པའི་ཁྱུ་མཆོག་མཚོ་སྐྱེས་རྗེ། །རིག་པ་དང་འགལ་ཡང་སྐྱོན་མེད་པ། རྣམ་བཅས་རྣམ་པ་མེད་པའི་སྐུ། །བརྗོད་བྲལ་བརྗོད་པ་ཀུན་ལྡན་གསུང་། །གཅིག་དང་དུ་མ་ལས་འདས་ཐུགས། །སྲས་བཅས་རྒྱལ་བ་རྣམས་ལ་འདུད། །ལུང་དང་འགལ་ཡང་སྐྱོན་མེད་པ། །བླང་དོར་འཁྲུལ་ཆོས་ཀུན་སྤངས་པའི། །འདོད་ཆགས་ཆེན་པོའི་ཉེ་རྒྱུ་ཡིས། །རྒྱུ་འབྲས་གཉིས་སུ་མི་ཕྱེད་པའི། །རྡོ་རྗེ་འཛིན་པར་གཤེགས་ཀུན་བསྔགས། །སླར་སྨྲས་པ། མཐའ་ཀླས་སྒྲ༷་རྒྱན་ནོར་བུའི་རྒྱུད་མང་ཡིད་འོང་སྙན་འགྱུར་སྒྲོགས་མཁས་པ། །མཛེས་པར་བཟུང་བའི་ཡི་གེའི་དགའ་མས་གབ༷་ཚི༷ག་གསང་གཏམ་སྤྲོ་བ་ཡིས། །འདི་ན་བློ་མིག་གཞོན་ནུའི་ཚོགས་རྣམས་ཁེངས་པའི་བརྟན་པ་འཕྲོག་བྱེད་དང་། །སྐྱོན་གྱི་སྐལ་བ་ངན་པས་རིང་སྤངས་རྨད་བྱུང་ལང་ཚོས་མཛེས་ཞེས་སྨྲེང་། །ཉི་གཞོན་ཐིགས་པ་བཏུང་མིན་ཞིང་། །དཔྱིད་ཀྱི་དཔལ་མོས་མ་བཟུང་བའི། །དཔེར་བརྗོད་ཨུཏྤལ་གསར་པའི་ཕྲེང་། །གཟུར་གནས་ངལ་འཚོའི་གསོས་གྱུར་ཅིག །ཅེས་རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ལས། བྱ་དཀའ་བ་ལ་སོགས་པའི་རྣམ་པར་བཅད་པའི་སྐབས་ཏེ་གསུམ་པའོ།། །།ངོ༷་མཚར་ཚི༷ག་རྒྱན༷་བསྟན་བཅོས་ཨཱ་དཪྴའི། །དཔེར༷་བརྗོ༷ད་མགྲིན་པའི་ཆུ་གཏེར་འཕྱུར་བ་ན། །འཇིགས་བྲལ་དཔལ་ལྡན་དཎྜཱིའི་རྣམ་དཔྱོད་ཀྱང་། །རབ་སྙན་རྒྱུད༷་མང༷་ཟོལ་གྱིས་ལྷགས་པ་བཞིན། །དེ་སླད་འཕགས་བོད་མཁས་པའི་ལེགས་བཤད་ཀྱི། །རྗེས་སུ་སོང་གང་བདག་བློས་མ་ཡིན་ཏེ། །ཡོངས་འཛིན་བླ་མའི་བཀའ་དྲིན་ལས་བྱུང་ཕྱིར། རྣམ་པ་ཀུན་ཏུ་གུས་པའི་མེ་ཏོག་འཐོར། །འོན་ཏེ་ཉེས་པར་སྨྲ་བའི་འདམ་རྫབ་ཀྱིས། །གཞུང་དོན་ནོར་བུའི་མེ་ལོང་སྒྲིབ་སྲིད་ན། །ཁོ་བོའི་འཁྲུལ་པའི་དཔྱིད་ཀ་ལས་བྱུང་ཕྱིར། །ཕྱོགས་བྲལ་མཁས་པའི་བློ་མཚོས་སྦྱང་བར་མཛོད། །མདོར་ན་གཅིག་ཏུ་གཞན་ཕྱིར་སྨན་འདོད་པའི། །ལྷག་བསམ་ཟླ་ཚེས་གསར་པ་དང་འགྲོགས་པས། །དོན་མཐུན་ཀུན་དགའི་སྟེང་འཐུང་དཀར་པོའི་འཛུམ། །ཅི་དགར་དབྱེ་བའི་བྱེད་པོ་ཁོ་ནར་སེམས། །འོན་ཀྱང་དེང་དུས་མ་བསླབས་ཀུན་མཁྱེན་གྱི། །སྤུན་ཟླར་འཇོགས་ཤིང་བསླབ་ན་ཚིག་རེར་ཡང་། །མགོ་བོ་གདུགས་ལྟར་འཁོར་བའི་མཁས་རློམ་མདུན། །འཇམ་མགོན་དངོས་སུ་བྱོན་ཀྱང་ཅི་བྱར་ཡོད། །དེ་ལྟར་སྨྲས་པའི་དགེ་ཚོགས་དྲི་མེད་ཁ་བའི་རྡུལ་བརྩེགས་ཀུ་མུད་ཚལ། །གཉིས་འཐུང་མཆེ་བ་ལྟ་བུར་དཀར་བའི་བསོད་ནམས་གང་ཞིག་ཐོབ་པ་དེས། །འགྲོ་ཀུན་རྨོངས་པའི་གདུང་བ་ཀུན་བསལ་སོ་སོར་རྟོགས་པའི་ཡེ་ཤེས་ཀྱིས། །གསུང་གི་རྡོ་རྗེའི་རྣམ་ཐར་རྒྱ་མཚོར་གཡོ་བ་མེད་པར་འཇུག་གྱུར་ཅིག། །།རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ཞེས་བྱ་བ་འདི་ཡང་། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་དང་དབྱེར་མ་མཆིས་པ་མཁན་ཆེན་ཐམས་ཅད་མཁྱེན་པ་བྱམ༷ས་པ༷་ཀུན༷་དག༷འ་བསྟན༷་འཛི༷ན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས་ཐུགས་བསྐྱེད་རྨད་དུ་བྱུང་བས་ལམ་འདིར་བསླབ་སྦྱང་མགོ་འཛིན་བགྱིད་དགོས་པའི་བཀའ་སྩལ་གྱི་ཅོད་པན་གཙུག་ཏུ་སྩལ་བ་ལ་བརྟེན། དོན་གཉེར་ཅན་དག་ལ་འབད་པ་ཆེན་པོས་འཆད་པའི་གཡར་ཁྲལ་བླངས་པའི་ཚེ། མགོན་པོ་གང་གི་ཞབས་རྡུལ་ལ་སྤྱི་བོས་རེག་ཅིང་། མ༷་ཧཱ༷་པ༷ཎྜི༷ཏ༷་ཟེ་ཆེན་པའི་བཀའ་དྲིན་ལས་ཚིག་རྒྱན་གྱི་མིང་རྐྱང་ཙམ་ཞིག་ཐོས་པའི་རྨོངས་རྟུལ་གྱི་ན་བ་ཚངས་སྲས་དགྱེས་པའི་བློ་ལྡན་ནམ། གཙུག་ལག་སྨྲ་བའི་ཉི་མར་བོད་པའི་རྒྱལ་ཁམས་ཀྱི་དཱ་རི་དྲ་པས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཆུ་སྟོད་ཟླ་བའི་གྲལ་ཚེས་དགེ་བར་སུག་བྲིས་སུ་གྲུབ་པར་བགྱིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། །། |
Latest revision as of 17:04, 1 June 2024
Wylie title | rgyan gyi bstan bcos me long gi gzhung dang mthun par dper brjod pa daN+Di'i rgyud mang | ![]() |
---|---|---|
Location | mkhyen brtse'i bka' 'bum Volume 16, sde tshan 31, Pages 499-581 (Folios 1a to 42a5) | |
Author | འཇམ་དབྱངས་མཁྱེན་བརྩེའི་དབང་པོ་ | |
Less details More details | ||
Citation | 'jam dbyangs mkhyen brtse'i dbang po. rgyan gyi bstan bcos me long gi gzhung dang mthun par dper brjod pa daN+Di'i rgyud mang. In 'jam dbyangs mkhyen brtse'i dbang po'i bka' 'bum, Vol. 16: 499-581. Khams sde dge rdzong sar dgon: Rdzong sar blo gros phun tshogs, 2020. | |
Genre | Literary Arts - sgrung yig dang snyan ngag | |
Colophon |
།།རྒྱན་གྱི་བསྟན་བཅོས་མེ་ལོང་གི་གཞུང་དང་མཐུན་པར་དཔེར་བརྗོད་པ་དཎྜཱིའི་རྒྱུད་མང་ཞེས་བྱ་བ་འདི་ཡང་། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་དང་དབྱེར་མ་མཆིས་པ་མཁན་ཆེན་ཐམས་ཅད་མཁྱེན་པ་བྱམ༷ས་པ༷་ཀུན༷་དག༷འ་བསྟན༷་འཛི༷ན་བཀྲ་ཤིས་གྲགས་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱིས་ཐུགས་བསྐྱེད་རྨད་དུ་བྱུང་བས་ལམ་འདིར་བསླབ་སྦྱང་མགོ་འཛིན་བགྱིད་དགོས་པའི་བཀའ་སྩལ་གྱི་ཅོད་པན་གཙུག་ཏུ་སྩལ་བ་ལ་བརྟེན། དོན་གཉེར་ཅན་དག་ལ་འབད་པ་ཆེན་པོས་འཆད་པའི་གཡར་ཁྲལ་བླངས་པའི་ཚེ། མགོན་པོ་གང་གི་ཞབས་རྡུལ་ལ་སྤྱི་བོས་རེག་ཅིང་། མ༷་ཧཱ༷་པ༷ཎྜི༷ཏ༷་ཟེ་ཆེན་པའི་བཀའ་དྲིན་ལས་ཚིག་རྒྱན་གྱི་མིང་རྐྱང་ཙམ་ཞིག་ཐོས་པའི་རྨོངས་རྟུལ་གྱི་ན་བ་ཚངས་སྲས་དགྱེས་པའི་བློ་ལྡན་ནམ། གཙུག་ལག་སྨྲ་བའི་ཉི་མར་བོད་པའི་རྒྱལ་ཁམས་ཀྱི་དཱ་རི་དྲ་པས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ཨེ་ཝཾ་ཆོས་ལྡན་གྱི་བླ་བྲང་ཐར་པ་རྩེར་ཆུ་སྟོད་ཟླ་བའི་གྲལ་ཚེས་དགེ་བར་སུག་བྲིས་སུ་གྲུབ་པར་བགྱིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། | |
rgyan gyi bstan bcos me long gi gzhung dang mthun par dper brjod pa daN+DI'i rgyud mang zhes bya ba 'di yang /__rigs dang dkyil 'khor kun gyi khyab bdag drug pa rdo rje 'chang chen po dang dbyer ma mchis pa mkhan chen thams cad mkhyen pa byamXs paX kunX dgaX' bstanX 'dziXn bkra shis grags pa'i rgyal mtshan dpal bzang po'i zhal snga nas kyis thugs bskyed rmad du byung bas lam 'dir bslab sbyang mgo 'dzin bgyid dgos pa'i bka' stsal gyi cod pan gtsug tu stsal ba la brten/__don gnyer can dag la 'bad pa chen pos 'chad pa'i g.yar khral blangs pa'i tshe/__mgon po gang gi zhabs rdul la spyi bos reg cing /__maX hAX paXN+DiXtaX ze chen pa'i bka' drin las tshig rgyan gyi ming rkyang tsam zhig thos pa'i rmongs rtul gyi na ba tshangs sras dgyes pa'i blo ldan nam/__gtsug lag smra ba'i nyi mar bod pa'i rgyal khams kyi dA ri dra pas yon tan rin po che du ma'i 'byung gnas dpal e waM chos ldan gyi bla brang thar pa rtser chu stod zla ba'i gral tshes dge bar sug bris su grub par bgyis pa sarba dA ka l+yA NaM b+ha ba tu//_ | ||
Notes | On the Kāvyādarśa. |
1 Texts in this Section (sde tshan or chos tshan)