JKW-KABUM-23-'A-001-045

🚧 This website is under continued development. We appreciate your patience!

Previous Text Back to Volume PageNext Text

ཧཻ། སྒྱུ་མའི་མཛེས་མ་ཞེས་པའི་གླུ།

Wylie title	hai/ sgyu ma'i mdzes ma zhes pa'i glu
Location	mkhyen brtse'i bka' 'bum Volume 23, sde tshan 1, Text 45, Pages 90-91 (Folios 45b2 to 46a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. hai sgyu ma'i mdzes ma zhes pa'i glu. In 'jam dbyangs mkhyen brtse'i dbang po'i bka' 'bum, Vol. 23: 90-91. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

Tibetan Text

Wylie

[edit]

ཧེ་ཧེ། སྒྱུ་མའི་མཛེས་མ་འཇའ་ཚོན་གོས་སུ་གྱོན། །ཆུ་ཟླའི་བཞིན་རས་ནམ་མཁའི་མེ་ཏོག་ཐོགས། །མོ་གཤམ་བུ་ཁྲིད་སྨིག་རྒྱུའི་སྐོམ་ལ་འཐུང་། །རུ་སྦལ་སྤུ་ཡི་ལྭ་བ་འཐག་པར་བྱེད། །རི་བོང་རྭ་ལས་བཟོས་པའི་སྐས་བགྲོད་དེ། །རྨི་ལམ་ཁང་བཟང་དབུས་སུ་ཕྱིན་ནས་ཀྱང་། །བྲག་ཅའི་གླུ་ལེན་མེ་ལོང་གཟུགས་ལ་རྩེ། །དྲི་ཟའི་གྲོང་ཁྱེར་དབུས་ནས་གར་ལ་རོལ། །མིག་ཡོར་རྒྱན་གྱིས་ལུས་ལ་ཉེ་བར་མཛེས། །དེ་ལྟར་སྣང་སྲིད་འཁོར་འདས་ཆོས་རྣམས་ཀུན། །ཡུལ་སྣང་མ་འགགས་སྒྱུ་མའི་དཔེ་བཅུ་ལ། །ཡུལ་ཅན་མ་གྲུབ་སྤྲོས་བྲལ་གདོད་མའི་གཤིས། །གཉིས་འཛིན་གདོད་ནས་དག་པ་ཆོས་སྐུའི་ཀློང་། །བདེན་གཉིས་ཟུང་དུ་འཇུག་པའི་འོད་གསལ་ཆེ། །ཤེས་རབ་ཕར་ཕྱིན་དོན་དམ་ཡེ་ཤེས་རྩལ། །སྐྱེ་འགག་གནས་བྲལ་ངང་ནས་རྗེན་པའི་སྦུབས། །བློ་ཡི་མཚན་མས་མ་དཔྱད་རྫོགས་པ་ཆེ། །རང་བཞིན་གདོད་ནས་སངས་རྒྱས་ཀ་དག་དབྱིངས། །དབྱིངས་རིག་ཟུང་འཇུག་འགག་མེད་ལྷུན་གྲུབ་ངང་། །སྲིད་དང་ཞི་བའི་ཆོས་རྣམས་མ་བཙལ་རྫོགས། །འདི་ནི་འོད་གསལ་གླིང་པའི་གསང་ཚིག་སྟེ། །དྲན་རིག་ཀུན་ཏུ་བཟང་པོའི་ཞལ་གདམས་ཡིན། །མཐའ་བྲལ་སྙིང་དབུས་གཞོན་ནུ་བུམ་སྐུའི་སྦུབས། །གཉིས་ཆོས་མཚན་མར་འཛིན་པའི་ཚོགས་ཀུན་ཨ། །ཡི་གེ་གཞན་ལ་གསང་རྒྱ། ། ༈

[edit]

hai/__sgyu ma'i mdzes ma zhes pa'i glu/__ he he/__sgyu ma'i mdzes ma 'ja' tshon gos su gyon/__/chu zla'i bzhin ras nam mkha'i me tog thogs/__/mo gsham bu khrid smig rgyu'i skom la 'thung /__/ru sbal spu yi l+wa ba 'thag par byed/__/ri bong rwa las bzos pa'i skas bgrod de/__/rmi lam khang bzang dbus su phyin nas kyang /__/brag ca'i glu len me long gzugs la rtse/__/dri za'i grong khyer dbus nas gar la rol/__/mig yor rgyan gyis lus la nye bar mdzes/__/de ltar snang srid 'khor 'das chos rnams kun/__/yul snang ma 'gags sgyu ma'i dpe bcu la/__/yul can ma grub spros bral gdod ma'i gshis/__/gnyis 'dzin gdod nas dag pa chos sku'i klong /__/bden gnyis zung du 'jug pa'i 'od gsal che/__/shes rab phar phyin don dam ye shes rtsal/__/skye 'gag gnas bral ngang nas rjen pa'i sbubs/__/blo yi mtshan mas ma dpyad rdzogs pa che/__/rang bzhin gdod nas sangs rgyas ka dag dbyings/__/dbyings rig zung 'jug 'gag med lhun grub ngang /__/srid dang zhi ba'i chos rnams ma btsal rdzogs/__/'di ni 'od gsal gling pa'i gsang tshig ste/__/dran rig kun tu bzang po'i zhal gdams yin/__/mtha' bral snying dbus gzhon nu bum sku'i sbubs/_/gnyis chos mtshan mar 'dzin pa'i tshogs kun a/_/yi ge gzhan la gsang rgya/__/_!