JKW-KABUM-23-'A-003-016

🚧 This website is under continued development. We appreciate your patience!

Previous Text Back to Volume PageLast text in section.

ཞལ་གདམས་སྨོན་ཚིག་བཀྲ་ཤིས་ཚེ་འཕེལ་ལ་གནང་བ།

Wylie title	zhal gdams smon tshig bkra shis tshe 'phel la gnang ba
Location	mkhyen brtse'i bka' 'bum Volume 23, sde tshan 3, Text 16, Pages 222-223 (Folios 15b2 to 16a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. zhal gdams smon tshig bkra shis tshe 'phel la gnang ba. In 'jam dbyangs mkhyen brtse'i dbang po'i bka' 'bum, Vol. 23: 222-223. Khams sde dge rdzong sar dgon: Rdzong sar blo gros phun tshogs, 2020.
Genre	Printing Colophon Prayers - par byang smon tshig  ·  Advice - zhal gdams
Colophon	།ཅེས་པའང་གོང་རྗེ་ཆོས་རྒྱལ་ཆེན་པོའི་མདུན་ན་འདོན་རྣམ་པར་དཀར་བའི་ཐུགས་བསྐྱེད་ཅན་བཀྲ་ཤིས་ཚེ་འཕེལ་ལགས་ནས་ཞལ་གདམས་ཤིག་དགོས་ཞེས་བསྐུལ་བ་ལྟར་སྨོན་ཚིག་དང་འབྲེལ་བར་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།།
	ces pa'ang gong rje chos rgyal chen po'i mdun na 'don rnam par dkar ba'i thugs bskyed can bkra shis tshe 'phel lags nas zhal gdams shig dgos zhes bskul ba ltar smon tshig dang 'brel bar bya bral ba 'jam dbyangs mkhyen brtse'i dbang pos bris pa don dang ldan par gyur cig__/sarba dA ka l+yA NaM b+ha ba tu

Tibetan Text

Wylie

[edit]

ཞལ་གདམས་སྨོན་ཚིག་བཞུགས། དུས་གསུམ་རྒྱལ་བ་སྲས་བཅས་ཀྱི། །མཁྱེན་བརྩེ་ནུས་པའི་ཡེ་ཤེས་སྐུ། །གཅིག་བསྡུས་དཔལ་ལྡན་བླ་མ་ལ། །སྙིང་ནས་གུས་པས་གསོལ་བ་འདེབས། །དལ་དང་འབྱོར་པ་རྙེད་དཀའི་རྟེན། །ཡིད་བཞིན་ནོར་བུ་ལས་ཀྱང་ལྷག །དེ་ཕྱིར་སྙིང་པོ་ལེན་པའི་བློས། །ཐར་པའི་ལམ་ལ་འཇུག་པར་ཤོག །འདུས་བྱས་ཐམས་ཅད་མི་རྟག་ཅིང་། །ནམ་འཆི་ངེས་མེད་འཆི་བའི་ཚེ། །དམ་པའི་ཆོས་མིན་ཕན་མེད་པས། །འཆི་ཆོས་སྙིང་ནས་སྒྲུབ་པར་ཤོག །དཀར་ནག་ལས་ཀྱི་འབྲས་བུ་ནི། །ནམ་ཡང་བསླུ་བ་མེད་པའི་ཕྱིར། །དགེ་སྡིག་བླང་དོར་མ་ནོར་བར། །དྲན་ཤེས་བརྟན་པོས་ཉམས་ལེན་ཤོག །འཁོར་བའི་གནས་རིས་མཐོ་དམན་ཀུན། །སྡུག་བསྔལ་གསུམ་གྱི་རང་བཞིན་དུ། །ཤེས་ནས་ངེས་པར་འབྱུང་བའི་བློས། །བདེན་བཞིའི་ཡུལ་ལ་འཇུག་པར་ཤོག །བླ་མ་དཀོན་མཆོག་རྣམ་གསུམ་ལ། །དང་འདོད་ཡིད་ཆེས་དད་པ་ཡིས། །སྙིང་ནས་སྐྱབས་སུ་འགྲོ་བ་དང་། །བསླབ་བྱ་ཚུལ་བཞིན་སློབ་པར་ཤོག །ཁྱད་པར་མཁའ་མཉམ་སེམས་ཅན་ཀུན། །དྲིན་ཅན་ཕ་མར་ཤེས་པའི་བློས། །བྱམས་དང་སྙིང་རྗེ་བྱང་ཆུབ་སེམས། །བཅོས་མིན་རྒྱུད་ལ་སྐྱེ་བར་ཤོག །མདོར་ན་འདི་ཕྱི་བར་དོ་ཀུན། །རེ་ས་བླ་མ་ལས་གཞན་མེད། །ཐུགས་ཡིད་གཅིག་ཏུ་འདྲེས་པ་དང་། །བསམ་དོན་ཆོས་བཞིན་འགྲུབ་པར་ཤོག །ཅེས་པའང་གོང་རྗེ་ཆོས་རྒྱལ་ཆེན་པོའི་མདུན་ན་འདོན་རྣམ་པར་དཀར་བའི་ཐུགས་བསྐྱེད་ཅན་བཀྲ་ཤིས་ཚེ་འཕེལ་ལགས་ནས་ཞལ་གདམས་ཤིག་དགོས་ཞེས་བསྐུལ་བ་ལྟར་སྨོན་ཚིག་དང་འབྲེལ་བར་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[edit]

zhal gdams smon tshig bkra shis tshe 'phel la gnang ba/ zhal gdams smon tshig bzhugs/_dus gsum rgyal ba sras bcas kyi/__/mkhyen brtse nus pa'i ye shes sku/__/gcig bsdus dpal ldan bla ma la/__/snying nas gus pas gsol ba 'debs/__/dal dang 'byor pa rnyed dka'i rten/__/yid bzhin nor bu las kyang lhag__/de phyir snying po len pa'i blos/__/thar pa'i lam la 'jug par shog__/'dus byas thams cad mi rtag cing /__/nam 'chi nges med 'chi ba'i tshe/__/dam pa'i chos min phan med pas/__/'chi chos snying nas sgrub par shog__/dkar nag las kyi 'bras bu ni/__/nam yang bslu ba med pa'i phyir/__/dge sdig blang dor ma nor bar/__/dran shes brtan pos nyams len shog__/'khor ba'i gnas ris mtho dman kun/__/sdug bsngal gsum gyi rang bzhin du/__/shes nas nges par 'byung ba'i blos/__/bden bzhi'i yul la 'jug par shog_/bla ma dkon mchog rnam gsum la/__/dang 'dod yid ches dad pa yis/__/snying nas skyabs su 'gro ba dang /__/bslab bya tshul bzhin slob par shog__/khyad par mkha' mnyam sems can kun/__/drin can pha mar shes pa'i blos/__/byams dang snying rje byang chub sems/__/bcos min rgyud la skye bar shog__/mdor na 'di phyi bar do kun/__/re sa bla ma las gzhan med/__/thugs yid gcig tu 'dres pa dang /__/bsam don chos bzhin 'grub par shog__/ces pa'ang gong rje chos rgyal chen po'i mdun na 'don rnam par dkar ba'i thugs bskyed can bkra shis tshe 'phel lags nas zhal gdams shig dgos zhes bskul ba ltar smon tshig dang 'brel bar bya bral ba 'jam dbyangs mkhyen brtse'i dbang pos bris pa don dang ldan par gyur cig__/sarba dA ka l+yA NaM b+ha ba tu//__//