JKCL-KABUM-12-NA-088

🚧 This website is under continued development. We appreciate your patience!

Previous Text Back to Volume PageNext Text

རྗེ་བཙུན་བླ་མ་འཇམ་དབྱངས་ཆོས་ཀྱི་བློ་གྲོས་ཀྱི་གསུང་ཐོར་བུའི་སྐོར་སྤར་དུ་བསྒྲུབས་པའི་དཀར་ཆག་ཆོས་ཚུལ་མི་ཟད་འདོད་དགུའི་བང་མཛོད།

Wylie title	rje btsun bla ma 'jam dbyangs chos kyi blo gros kyi gsung thor bu'i skor spar du bsgrubs pa'i dkar chag chos tshul mi zad 'dod dgu'i bang mdzod
Location	chos kyi blo gros bka' 'bum Volume 12, Text 88, Pages 383-401 (Folios 1a to 10a5)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. rje btsun bla ma 'jam dbyangs chos kyi blo gros kyi gsung thor bu'i skor spar du bsgrubs pa'i dkar chag chos tshul mi zad 'dod dgu'i bang mdzod. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 383-401. Bir, H.P.: Khyentse Labrang, 2012.
Genre	Catalogue of Contents - dkar chag
Lotsawa House Link	https://www.lotsawahouse.org/tibetan-masters/dilgo-khyentse/jamyang-chokyi-lodro-misc-karchak
Colophon	།ཅེས་པའང་རྣམ་དཀར་གྱི་ལས་འདི་འདུ་བགྱིད་པའི་སྐབས་འདི་ལྟར་འབྲི་བར་འོས་ཞེས་རྗེ་ཐམས་ཅད་མཁྱེན་གཟིགས་ཆེན་པོའི་དྲུང་ཡིག་རིག་པར་སྨྲ་བ་ཚེ་རིང་བཀྲ་ཤིས་ནས་ནན་དུ་གསུང་བསྐུལ་ལྟར། འཇམ་མགོན་ཆོས་ཀྱི་རྒྱལ་པོས་ཐུན་མོང་མ་ཡིན་པའི་བཀའ་དྲིན་དང་ཐུགས་བརྩེས་སྐྱོང་པའི་འབངས་བཀྲ་ཤིས་དཔལ་འབྱོར་དོན་ཐམས་ཅད་གྲུབ་པའི་སྡེས། ཁ་བཞི་ལྷོའི་སྨན་ལྗོངས་ཀྱི་ས་ཡི་ཐིག་ལེ་སྤ་གྲོ་རིན་ཆེན་སྤུངས་པའི་རྫོང་གི་དབང་ཕྱོགས་སྐྱེར་ཆུ་མཐའ་འདུལ་གྱི་གཙུག་ལག་ཁང་དུ། རྒྱལ་ལྕམ་སྐལ་བཟང་ཆོས་སྒྲོན་གྱིས་གསར་བཞེངས་མ་ཧཱ་གུ་རུ་སྣང་སྲིད་ཟིལ་གནོན་གཙོ་འཁོར་བཞུགས་པའི་གནྡྷོ་ལར་བྲིས་པ་འདིས་ཀྱང་དཔལ་མགོན་བླ་མ་དགྱེས་པའི་སྣང་བ་དང་མི་འབྲལ་བའི་རྒྱུར་གྱུར་ཅིག །སརྦ་དཱ་མངྒལཾ།། །།འདིར་གསལ་པར་ཤིང་རྣམས་མན་ལི་ཨ་ཕོ་རིན་པོ་ཆེའི་གདན་སར་བཞུགས་པ་དགེའོ།
	/ces pa'ang rnam dkar gyi las 'di 'du bgyid pa'i skabs 'di ltar 'bri bar 'os zhes rje thams cad mkhyen gzigs chen po'i drung yig rig par smra ba tshe ring bkra shis nas nan du gsung bskul ltar/__'jam mgon chos kyi rgyal pos thun mong ma yin pa'i bka' drin dang thugs brtses skyong pa'i 'bangs bkra shis dpal 'byor don thams cad grub pa'i sdes/__kha bzhi lho'i sman ljongs kyi sa yi thig le spa gro rin chen spungs pa'i rdzong gi dbang phyogs skyer chu mtha' 'dul gyi gtsug lag khang du/__rgyal lcam skal bzang chos sgron gyis gsar bzhengs ma hA gu ru snang srid zil gnon gtso 'khor bzhugs pa'i gan+d+ho lar bris pa 'dis kyang dpal mgon bla ma dgyes pa'i snang ba dang mi 'bral ba'i rgyur gyur cig__/sarba dA mang+galaM//___//'dir gsal par shing rnams man li a pho rin po che'i gdan sar bzhugs pa dge'o/

1 Texts in this Section (sde tshan or chos tshan)

383-401	རྗེ་བཙུན་བླ་མ་འཇམ་དབྱངས་ཆོས་ཀྱི་བློ་གྲོས་ཀྱི་གསུང་ཐོར་བུའི་སྐོར་སྤར་དུ་བསྒྲུབས་པའི་དཀར་ཆག་ཆོས་ཚུལ་མི་ཟད་འདོད་དགུའི་བང་མཛོད། rje btsun bla ma 'jam dbyangs chos kyi blo gros kyi gsung thor bu'i skor spar du bsgrubs pa'i dkar chag chos tshul mi zad 'dod dgu'i bang mdzod Catalogue of Contents - dkar chag	Text page View PDF
	[[|དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་ ()]]

Tibetan Text

Wylie

[edit]

༄༅། །རྗེ་བཙུན་བླ་མ་འཇམ་དབྱངས་ཆོས་ཀྱི་བློ་གྲོས་ཀྱི་གསུང་ཐོར་བུའི་སྐོར་སྤར་དུ་བསྒྲུབས་པའི་དཀར་ཆག་ཆོས་ཚུལ་མི་ཟད་འདོད་དགུའི་བང་མཛོད་བཞུགས།། །། ཨོཾ་སྭསྟི་སིདྡྷཾ། །འཇམ་དཔལ་དབྱངས་ཀྱི་ཟག་མེད་རྣམ་ཐར་སྤྲིན། །ཆོས་ཀྱི་དབྱིངས་དང་མཉམ་པར་བཀོད་པ་ལས། །བློ་གྲོས་སྤོབས་པ་མི་ཟད་རྣམ་འདྲེན་ཚུལ། །བྱང་ཆུབ་བར་དུ་གཏན་གྱི་སྐྱབས་སུ་བསྙེན། །སྙིང་རྗེས་ཡོངས་གང་ཐུགས་ཀྱི་དཔལ་བེའུ་ལས། །ཟབ་རྒྱས་ལེགས་པར་བཤད་པའི་བདུད་རྩིའི་སྐྱེས། །རིས་མེད་བསྟན་འགྲོར་ཕན་བདེའི་གསོས་སྨན་དུ། །ལྷག་བསམ་དག་པའི་སེམས་ཀྱིས་སྲི་ཞུ་སྤེལ། །འདིར་རྗེ་བླ་མའི་གསུང་རབས་ཐོར་བུའི་དཀར་ཆག་མདོར་བསྡུས་སུ་སྤེལ་བ་ལ་གསུམ། བསྟན་བཅོས་མཛད་པ་པོའི་ཆེ་བ་དང་། གསུང་གི་སྐོར་ཇི་ལྟར་བཞུགས་པ། སྤར་དུ་བསྒྲུབས་ཚུལ་མདོར་བསྡུས་སྨོས་པའོ། །དང་པོ་ནི། འདི་ལྟར་རྗེས་སུ་ཐོས་ཏེ། བདག་ཅག་གི་དཔལ་མགོན་བླ་མ་རིན་པོ་ཆེ་འདི་ནི་ངེས་པའི་དོན་དུ་སངས་རྒྱས་ཀུན་གྱི་ཐུགས་མཁྱེན་གཉིས་ཡེ་ཤེས་ཀྱི་གཏེར་མཛོད་ཉིད། རྒྱལ་བ་སྲས་དང་བཅས་པའི་རྣམ་ཐར་དང་ཕྲིན་ལས་ཀྱི་དཔལ་འཛིན་པ་རྗེ་བཙུན་འཇམ་པའི་དབྱངས་ཞེས་མཚན་གྱི་སྙན་པ་ཕྱོགས་བཅུའི་ཞིང་རབ་འབྱམས་ཀུན་ཏུ་ཡོངས་སུ་གྲགས་པ་སྟེ། བདག་ཉིད་ཆེན་པོ་འདིའི་སྤྱོད་ཡུལ་ནི་བསམ་གྱིས་མི་ཁྱབ་པའི་གནས་སུ་མཐོང་ཡང་། སྟོན་པ་དེ་བཞིན་གཤེགས་པའི་གསུང་གི་རྗེས་སུ་འབྲང་ནས་ཅུང་ཟད་བསྙད་ན། འདས་པའི་དུས་སུ་དག་པའི་ཞིང་མཉམ་པར་སངས་རྒྱས་ཀླུའི་རིགས་ཞེས་བྱ་བར་བསྟན་ནས་བགྲང་དུ་མི་ནུས་པའི་གདུལ་བྱ་བྱང་ཆུབ་གསུམ་ལ་བཀོད་པ་དང་། ད་ལྟ་མི་མཇེད་འཇིག་རྟེན་འདིའི་བྱང་ཕྱོགས་སུ་རྟག་པར་རབ་དགའ་སྡུག་ཅིང་མོས་པའི་ཞིང་དུ་སངས་རྒྱས་རབ་དགའ་རིན་ཆེན་བརྩེགས་པའི་རྒྱལ་པོ་ཞེས་སུ་འཚོ་ཞིང་གཞེས་ཏེ་ཆོས་སྟོན་བཞིན་པ་དང་། མ་འོངས་པ་ན་ལྷོ་ཕྱོགས་རྡུལ་བྲལ་ཡང་དག་བསགས་པར་སངས་རྒྱས་མགོན་པོ་ཀུན་ཏུ་གཟིགས་ཞེས་པར་བསྟན་ནས་དག་པའི་ཞིང་གི་རྟེན་བརྟེན་པར་བཀོད་པའི་སངས་རྒྱས་དང་། བསྐལ་པ་གྲངས་མེད་པའི་སྔོན་དུ་ཤར་ཕྱོགས་འབྱུང་བཟང་གི་འཇིག་རྟེན་དུ་སངས་རྒྱས་འབྲུག་སྒྲའི་དབྱངས་ཞེས་བྱ་བའི་སྤྱན་སྔར་འཇམ་དཔལ་ཉིད་རྒྱལ་པོ་ནམ་མཁར་སྐྱེས་ཏེ་བྱང་ཆུབ་ཏུ་ཐུགས་བསྐྱེད་ནས་རྒྱལ་བའི་སྲས་ཀྱི་སྤྱོད་པ་རྒྱ་མཚོ་ལྟ་བུ་ལ་བསླབ་པའི་ཚུལ་གྱིས་འཇམ་དཔལ་གཞོན་ནུར་གྱུར་པས་རྣམ་དབྱེ་མེད་པར་སེམས་ཅན་སྨིན་པར་བྱས་པའི་དོན་བྱེད་དང་བྱེད་པར་འགྱུར་བ་དེ་ལྟར་སངས་རྒྱས་བྱེ་བ་འབུམ་གྱིས་ཀྱང་མ་མཛད་པའི་ཚུལ་ལྷའི་བུ་བློ་གྲོས་རབ་གནས་ཀྱིས་ཞུས་པའི་མདོ་ལས་གསུངས་པ་དང་། འཇམ་དཔལ་གྱིས་བསྐལ་པ་རེ་རེར་སེམས་ཅན་གྱི་དོན་བྱས་པ་དེ་སྙེད་སངས་རྒྱས་བྱེ་བ་ཁྲག་ཁྲིག་འབུམ་གྱིས་མ་མཛད་པར་འཇམ་དཔལ་ཞིང་གི་ཡོན་ཏན་བཀོད་པའི་མདོ་ལས་གསུངས་པ་དང་། གསང་བ་སྔགས་ཀྱི་རྒྱུད་སྡེ་ཆེན་པོ་རྣམས་སུ་རིགས་ཐམས་ཅད་ཀྱི་ཁྱབ་བདག་དཀྱིལ་འཁོར་འཁོར་ལོའི་དབང་ཕྱུག་གི་ཚུལ་དུ་སྟོན་པ་ཉིད། ད་ལྟ་བདག་ཅག་གི་སྟོན་པ་ཐུབ་པའི་དབང་པོ་བསྐལ་བཟང་རྣམ་འདྲེན་བཞི་པར་བྱོན་པའི་སྐབས་སུ་ཡང་སྲས་ཀྱི་ཐུ་བོའི་ཚུལ་དུ་བསྟན་ནས་ཟབ་རྒྱས་ཆོས་ཀྱི་འཁོར་ལོའི་གླེང་བསླང་བ་དང་། རྒྱལ་པོ་མ་སྐྱེས་དགྲའི་འགྱོད་པ་བསལ་བ་ལ་སོགས་པ་ངོ་མཚར་གྱི་རྣམ་ཐར་བསམ་གྱིས་མི་ཁྱབ་པ་དང་། དཔལ་མགོན་འཕགས་པ་ཀླུ་སྒྲུབ། རྒྱལ་སྲས་ཞི་བ་ལྷ། མཁན་ཆེན་ཞི་བ་འཚོ་སོགས་རྒྱ་གར་གྱི་པཎ་གྲུབ་ཐམས་ཅད་རྗེས་སུ་བཟུང་ནས་ཐེག་ཆེན་རྒྱས་པའི་དགོངས་པ་མ་ནོར་བར་བསྟན་པར་མཛད་པ་དང་། སློབ་དཔོན་འཇམ་དཔལ་བཤེས་གཉེན། པཎ་ཆེན་བི་མ་ལ་མི་ཏྲ་སོགས་དང་། བོད་ཡུལ་ཆོས་ཀྱི་ཤིང་རྟ་ཡབ་གཅིག་ཁྲི་སྲོང་ལྡེའུ་བཙན། སྔ་འགྱུར་བསྟན་པའི་སྲོག་འཛིན་གནུབས་ཆེན་སངས་རྒྱས་ཡེ་ཤེས། ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་སོགས་དང་། གངས་ཅན་གྲུབ་པའི་གཙུག་རྒྱན་རྗེ་བཙུན་མི་ལ་ཉིད་སློབ་དཔོན་འཇམ་དཔལ་བཤེས་གཉེན་གྱི་རྣམ་འཕྲུལ་དུ་གྲགས་པ་དང་། སི་ཏུ་འཇམ་མགོན་བསྟན་པའི་ཉིན་བྱེད་སོགས་བཀའ་བརྒྱུད། ཆོས་རྗེ་འཇམ་དབྱངས་ས་སྐྱ་པཎྜི་ཏ་སོགས་ས་སྐྱ། བདག་ཉིད་ཆེན་པོ་བློ་བཟང་གྲགས་པ་སོགས་བཀའ་གདམས་པས་མཚོན་པའི་འཕགས་བོད་སྐྱེས་ཆེན་བགྲང་ལས་འདས་པའི་རྣམ་འཕྲུལ་གྱིས་རྒྱལ་པའི་ཕྲིན་ལས་རྗེས་སུ་བསྒྲུབས་ཅིང་། རིས་སུ་མ་ཆད་པའི་བསྟན་པ་ལ་བྱ་བ་མཛད་བཞིན་པ་སྟེ། དེ་དག་དང་རྗེས་སུ་མཐུན་པར་ཆེས་སྙིགས་མའི་དུས་འདིར་སངས་རྒྱས་གཉིས་པའི་མཛད་པ་སྒྲུབ་པ་ལ་གངས་ཅན་གྱི་སྐྱེས་བུ་སུས་ཀྱང་འགྲན་དུ་མི་བཟོད་པ་རྗེ་བླ་མ་འཇམ་དབྱངས་མཁྱེན་བརྩེའི་དབང་པོ་ཞེས་མཁས་པའི་རྣམ་དཔྱོད། གྲུབ་པའི་ཉམས་རྟོགས། མཛད་པ་བཟང་པོའི་ཕྱག་རྗེས། མང་དུ་ཐོས་པའི་སྒོ། གྲུབ་མཐའ་རིས་སུ་མ་ཆད་པའི་ལྟ་གྲུབ་ཀྱི་ཤན་འབྱེད་པའི་བསམ་བྱུང་གི་ཤེས་རབ། མདོ་རྒྱུད་ཀྱི་ཉམས་བཞེས་མཐར་ཕྱིན་པས་སྒོམ་པ་ཉམས་ལེན་གྱི་རྟགས་ཚད། འཆད་རྩོད་རྩོམ་པས་རྒྱལ་བསྟན་ཡོངས་རྫོགས་ཀྱི་སྲོག་རྩ་མཐུད་པའི་རྣམ་ཐར་རྨད་དུ་བྱུང་བ་གང་ལ་སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྣམ་རོལ་མཆོག་གི་སྤྲུལ་པའི་སྐུ་ལྔ་འབྱུང་བར་རྡོ་རྗེའི་ལུང་གིས་བསྔགས་པའི་ཡ་གྱལ། གཙོ་བོར་ཕྲིན་ལས་མི་བཟད་རྒྱན་གྱི་འཁོར་ལོའི་མཆོག་སྤྲུལ་དུ་ཐམས་ཅད་མཁྱེན་གཟིགས་ལོ་ཆེན་འཇམ་དཔལ་དབྱངས་བློ་གྲོས་མཐའ་ཡས་པའི་དག་པ་ཡེ་ཤེས་ཀྱི་གཟིགས་པ་སྒྲིབ་པ་མེད་པས་ལུང་དུ་བསྟན་པ་འཇམ་དབྱངས་ཆོས་ཀྱི་བློ་གྲོས་རིས་མེད་བསྟན་པའི་རྒྱལ་མཚན་དཔལ་བཟང་པོ་ཞེས་གྲགས་པ་ཉིད། མདོ་སྨད་འབྱུང་བཞིའི་མདུད་བཞིར་གྲགས་པ་ལས་ས་ངན་སའི་མདུད་པ་ཞེས་གྲགས་པར་སྔ་འགྱུར་བསྟན་པ་དར་རྒྱས་སུ་བཞུགས་པའི་སྦས་ཡུལ་དུ། གཏེར་ཆེན་བདུད་འདུལ་རྡོ་རྗེའི་གདུང་བརྒྱུད་བཻ་རོའི་རྣམ་འཕྲུལ་གསེར་པ་གཏེར་རྒན་ཞེས་དགུང་གྲངས་བརྒྱ་དང་ལྔ་བཅུ་ལྷག་བཞེས་ཤིང་མཁྱེན་རྟོགས་ནུས་རྩལ་འགྲན་ཟླ་དང་བྲལ་བའི་སྲས་འགྱུར་མེད་ཚེ་དབང་རྒྱ་མཚོ་ཞེས་སྨིན་གླིང་ཁྲི་ཆེན་སངས་རྒྱས་ཀུན་དགའ་དང་། འཇམ་མགོན་ཆོས་ཀྱི་རྒྱལ་པོ་རྣམ་གཉིས་ཀྱི་ཐུགས་སྲས་རྡོ་རྗེ་འཛིན་པ་ཆེན་པོའི་སྲས་སུ་ཆུ་མོ་སྦྲུལ་གྱི་ལོ་ན་སྐུ་བལྟམས། དགུང་གྲངས་བདུན་གྱི་སྟེང་གསང་ཆེན་བཀའ་གཏེར་བསྟན་པའི་ཤིང་རྟ་ཀཿཐོག་སི་ཏུ་པཎྜི་ཏ་ཨོ་རྒྱན་ཆོས་ཀྱི་རྒྱ་མཚོས་འཇམ་མགོན་ཀོང་ཆེན་པའི་ལུང་དོན་བཞིན་ཀཿཐོག་རྡོ་རྗེ་གདན་གྱི་གནས་སུ་སྤྱན་དྲངས་ནས་ཐམས་ཅད་མཁྱེན་གཟིགས་འཇམ་དབྱངས་མཁྱེན་བརྩེའི་དབང་པོའི་མཆོག་གི་སྤྲུལ་པའི་སྐུར་མངའ་གསོལ། གཙུག་ཕུད་བཞེས་ཏེ་མཚན་འཇམ་དབྱངས་ཆོས་ཀྱི་བློ་གྲོས་གཙུག་ལག་ལུང་རིག་སྨྲ་བའི་སེང་གེར་གསོལ། སི་ཏུ་རིན་པོ་ཆེ་ཉིད་ཀྱི་ཡོངས་འཛིན་མཁན་ཆེན་ཐུབ་བསྟན་རིག་འཛིན་རྒྱ་མཚོས་དགེ་རྒན་དུ་མཛད་ནས་འབྲི་ཀློག་དང་ཆོས་སྤྱོད་ཀྱི་རིམ་པ། བརྡ་སྤྲོད་པའི་གཞུང་ལུགས་ཆེ་ཕྲ་སོགས་ཚེགས་མེད་དུ་མཁྱེན། སི་ཏུ་པཎ་ཆེན་དྷརྨ་སཱ་ར། ཞེ་ཆེན་རྒྱལ་ཚབ་རིན་པོ་ཆེ། ཨ་འཛོམ་འབྲུག་བ་སྣ་ཚོགས་རང་གྲོལ། རྡོ་གྲུབ་ཆེན་འཇིགས་མེད་བསྟན་པའི་ཉི་མ། གཏེར་ཆེན་ལས་རབ་གླིང་པ། རྫོགས་ཆེན་ལྔ་པ། མཁན་ཆེན་ཀུན་བཟང་དཔལ་ལྡན་སོགས་གསང་སྔགས་རྙིང་མ། ཐར་རྩེའི་དཔོན་སློབ་རིན་པོ་ཆེ་འཇམ་དབྱངས་བློ་གཏེར་དབང་པོ། ཞབས་དྲུང་རིན་པོ་ཆེ་བཀྲ་ཤིས་རྒྱ་མཚོ། སྒ་སྟོན་རྡོ་རྗེ་འཆང་ངག་དབང་ལེགས་པ། མཁན་ཆེན་བསམ་གཏན་བློ་གྲོས། སྡེ་གཞུང་མཆོག་སྤྲུལ་ཀུན་དགའ་རྒྱལ་མཚན་སོགས་ས་སྐྱ། བྱམས་མགོན་སི་ཏུ་རིན་པོ་ཆེ་པདྨ་དབང་མཆོག་རྒྱལ་པོ། རྒྱལ་སྲས་འཇམ་མགོན་མཆོག་སྤྲུལ། མཁས་དབང་བཀྲ་ཤིས་ཆོས་འཕེལ། ཟུར་མང་གཏེར་དྲུང་རྣམ་གཉིས་སོགས་བཀའ་བརྒྱུད། གོང་ས་ལྷ་མིའི་རྣམ་འདྲེན་རྒྱལ་མཆོག་ཐམས་ཅད་མཁྱེན་པ་སྐུ་ཕྲེང་སྔ་ཕྱི། མཁས་པའི་དབང་ཕྱུག་དགེ་བཤེས་འཇམ་དཔལ་རོལ་པའི་བློ་གྲོས་སོགས་དགེ་ཕྱོགས་ཀྱིས་མཚོན་གངས་ཅན་ཐ་གྲུར་བཞུགས་པའི་དམ་པའི་སྐྱེས་ཆེན་དང་། རི་ཁྲོད་དུ་སྒྲུབ་བརྩོན་རྟོགས་པ་མཆོག་ལྡན་གྱི་གང་ཟག་སོགས་རྣམ་འདྲེན་ཡོངས་ཀྱི་ཞབས་པད་ལ་ཁེངས་པའི་སྐྱོན་གྱིས་མ་གོས་པས་བཏུད་ཅིང་། བཅུ་ཕྲག་རིག་པའི་གནས་ཆེ་ཆུང་། བཀའ་དང་བསྟན་བཅོས། སྔ་འགྱུར་བཀའ་མ། གཏེར་ཆོས་ཕལ་ཆེ་བའི་རྒྱུན་གང་བཞུགས། བཀའ་བརྒྱུད་ཆེ་བཞི་ཆུང་བརྒྱད་ཀྱི་དབང་དང་གདམས་ངག །ས་སྐྱའི་གསུང་ངག་ལམ་འབྲས། རྒྱུད་སྡེ་དང་སྒྲུབ་ཐབས་ཀུན་བཏུས། བཀའ་གདམས་གསར་རྙིང་གི་ཆོས་སྐོར། དཔལ་དུས་ཀྱི་འཁོར་ལོ་ཇོ་ཞལ་རྣམ་གཉིས་ཀྱི་ལུགས་སྲོལ། མཛོད་ཆེན་རྣམ་པ་ལྔ་སོགས་ཆོས་ཀྱི་མཛོད་བསགས་པ་ལ་ངོམས་པ་མེད་ཅིང་། དེ་དག་གི་ལྟ་གྲུབ་ཕྱག་བཞེས་ཀྱི་རྣམ་གཞག་བསྲེ་བསླད་མེད་པ་མ་འདྲེས་པར་ཐུགས་སུ་ཆུད་ནས་གདུལ་བྱ་འདུལ་བྱེད་སྐབས་སུ་གང་བབས་པས་རྗེས་སུ་བཟུང་བའི་ཚེ་ན་རང་རང་གི་ཆོས་དེའི་སྟོན་པ་གཉིས་པ་ལྟ་བུར་མཛད། ཕྱོགས་ལྷུང་དང་ཆགས་སྡང་མེད་པར་བསྟན་པ་ཉག་ཕྲ་བ་གང་ཡིན་པ་སྤེལ་ཞིང་དར་བར་མཛད་དེ་སྐུ་ཚེ་རིལ་བོར་ཆོས་འཆད་ཉན་གྱིས་དུས་འདའ། རྣམ་ཐར་གྱི་སྙིང་པོ་སྒྲུབ་པ་གཙོར་མཛད་ནས་གསར་རྙིང་བཀའ་གཏེར་གྱི་རྒྱུད་སྡེ་ཆེ་ཕྲ། རྩ་གསུམ་སྤྱི་བྱེ་བྲག་གི་བསྙེན་བཟླས་ཚད་མེད་པ་མཛད། ཆོས་བརྒྱད་ཀྱི་ཆེ་ཐབས་དང་ལྟོ་གོས་ཀྱི་ངོ་བསྲུང་སོགས་གཏན་ནས་མི་མངའ་བ་ནང་གི་རྣལ་འབྱོར་ལ་གདིང་ཐོབ་པའི་འཁྲུལ་ཞིག་རྣལ་འབྱོར་གྱི་དབང་ཕྱུག་ཆེན་པོར་བཞུགས། ཡི་དམ་ལྷས་རྗེས་སུ་བཟུང་བ་དང་རིག་འཛིན་ཌཱ་ཀིས་ལུང་བསྟན་པ་སོགས་དག་པའི་སྣང་བ་རྒྱུན་མི་ཆད་དུ་མངའ། རྡོ་རྗེའི་གནས་ཆེན་རྣམས་སུ་གནས་འབྲེལ་དང་གནས་ཞལ་གསར་དུའང་འབྱེད་པར་མཛད་ཅིང་། དེ་དག་གི་སྐབས་སུ་ཟབ་གཏེར་གྱི་བཀའ་བབས་ཀྱང་དུ་མ་བཞུགས། རྫོང་གསར་བཀྲ་ཤིས་ལྷ་རྩེའི་གཤམ་དུ་ཁམས་ཀྱི་བྱེ་མ་ཐང་ཞེས་ཡོངས་སུ་གྲགས་པ་དེར་བློ་གསལ་དགེ་འདུན་ལྔ་བཅུ་ཐམ་པའི་བཤད་གྲྭ། རོང་རྨེ་དཀར་མོ་སྟག་ཚང་དུ་སྒྲུབ་བརྒྱུད་ཤིང་རྟ་བརྒྱད་ཀུན་འདུས་ཀྱི་སྒྲུབ་གྲྭ་དཔོན་སློབ་བརྒྱད། སྡེ་དགེའི་རྒྱལ་ས་ལྷུན་གྲུབ་སྟེང་གི་ཕུར་དཔལ་ལྡན་ས་སྐྱའི་སྙན་བརྒྱུད་སྐོར་གྱི་སྒྲུབ་གྲྭ་ལྔ་བཅུ། ཀཿཐོག་རྒྱུད་སྡེའི་བཤད་གྲྭ་དང་སྒྲུབ་གྲྭ་ཁག་ཉམས་གསོས་འཕར་འཛུག་རྣམས་གཙོ་བོར་བྱས་པའི་དགོན་སྡེ་ཆེ་ཕྲ་ཀུན་ལ་བཤད་སྒྲུབ་ཀྱི་སྡེ་འཛུག་པར་བཀས་བསྐུལ་བ་དང་ཐེབས་རྩ་གནང་བ་སོགས་མཐའ་ཡས། ཡོངས་རྫོགས་བསྟན་པའི་མངའ་བདག་ས་སྐྱ་ཕོ་བྲང་ཁག་གཉིས་ཀའི་བདག་ཁྲི་ཡབ་སྲས། ངོར་མཁན་ཞབས་ཐམས་ཅད། རྒྱལ་དབང་ཀརྨ་པ་བཅུ་དྲུག་པ་དང་། ཏཱའི་སི་ཏུ་པདྨ་དབང་ཆེན། མདོ་ཁམས་བརྒྱད་པ་དོན་བརྒྱུད་ཆོས་ཀྱི་ཉི་མ་སོགས་བཀའ་བརྒྱུད། སྨིན་གླིང་མཁན་གཅུང་རྣམ་གཉིས། གདུང་རིན་པོ་ཆེ་སྐུ་མཆེད། ཀཿདཔལ་ཞེ་རྫོགས་བཞིའི་བསྟན་བདག་མཆོག་གི་སྤྲུལ་པའི་སྐུ་རྣམ་པ། གཏེར་ཆེན་མཆོག་གྱུར་གླིང་བའི་ཡང་སྲིད་རྣམ་གཉིས་སོགས་ཁམས་བོད་ཀྱི་སྐྱེས་ཆེན་བགྲང་ལས་འདས་པ། བོད་ཀྱི་གཞུང་ཞབས་སེར་སྐྱ། སྡེ་དགེ། ནང་ཆེན། ལྷ་ཐོག །གོ་བྲག་སྨར་གསུམ། རི་ཆབ་གཉིས། གླིང་ཚང་། རྒྱ་རོང་། ཧོར་སེར་ཁག །འགུ་ལོག་དཔོན་ཁགའཇང་པ། འབའ་ལི་རྒྱལ་གསུམ། འབྲས་ལྗོངས་ཆོས་རྒྱལ་སོགས་སྐྱེ་འགྲོ་མཆོག་ཕལ་ཀུན་གྱིས་ཞབས་ལ་བཏུད་ཅིང་སྨིན་གྲོལ་གྱི་བདུད་རྩི་བཞེས་པས་སྙིགས་མའི་གདུལ་བྱ་མཐའ་ཀླས་པ་བྱང་གྲོལ་གྱི་ས་ལ་བཀོད། རིན་ཆེན་གཏེར་གྱི་མཛོད་ཆེན་པོའི་སྨིན་གྲོལ་ཆ་ཚང་ལན་གཅིག །སྒྲུབ་ཐབས་ཀུན་བཏུས་ཚར་གསུམ། གདམས་ངག་མཛོད་ཚར་གཉིས། ལམ་འབྲས་ཚོགས་སློབ་ཚར་བཞི། སྙིང་ཐིག་གོང་འོག །སྨིན་གླིང་གཏེར་ཆོས། མཆོག་གླིང་གཏེར་ཆོས་ཚར་བཞི་སོགས་ཆོས་ཀྱི་འཁོར་ལོ་རྒྱུན་ཆད་མེད་པ་བསྐོར། རྫོང་གསར་རྩེ་ལྷ་ཁང་དུ་རྗེ་བཙུན་འཇམ་པའི་དབྱངས་གཙོ་བོར་བཞུགས་པའི་གཡས་གཡོན་དུ་གུ་རུ་རིན་པོ་ཆེ། དཔལ་ལྡན་ཨ་ཏི་ཤས་སྐྱའི་གོང་མ་རྣམ་ལྔ་བཅས་མི་ཚད་རེ་གསེར་ཟངས་ཀྱི་སྐུ་དངོས་གཙང་ཕྱོན་ལེགས། གཞན་ཡང་གསར་རྙིང་རྒྱུད་སྡེའི་ལྷ་སྐུ་གཙོ་བོ་མདའ་ཚད་ནས་འཁོར་ཁྲུ་ཚད་ཡང་འཁོར་མཐོ་ཚད་བཅས་ཀྱི་གསེར་སྐུ་བརྒྱ་ཕྲག་ལྷགཁམས་ཀྱི་བྱེ་མ་ཐང་རིགས་གསུམ་སྤྲུལ་པའི་ལྷ་ཁང་དུ་རྒྱལ་བ་བྱམས་པའི་སྣང་བརྙན་རྗེ་ཉིད་ཀྱི་ཕྱག་མཐོ་སོ་གཉིས་ཅན་གསེར་ཟངས་ལ་རིན་པོ་ཆེ་སྣ་ཚོགས་ཀྱི་ཕྲ་ཚོམ་ཅན། ཀཿཐོག་ཏུ་སྟོན་པ་དེ་བཞིན་གཤེགས་པའི་སྣང་བརྙན་ཐོག་ཚད་གསུམ་ལྷག་གསེར་ཟངས་ཀྱིས་བསྐྲུན་པ་སོགས་འབུར་སྐུ་གྲངས་ལས་འདས་པ་དང་། བྲིས་སྐུའི་སྐོར་བདག་ཅག་གི་སྟོན་པའི་སྐྱེས་རབས་དཔག་བསམ་འཁྲི་ཤིང་། རིག་ལྡན་ཆོས་ཀྱི་རྒྱལ་པོ་རིམ་བྱོན། རྗེ་བླ་མ་འཇམ་དབྱངས་མཁྱེན་བརྩེའི་དབང་པོའི་སྐྱེས་རབས་སོགས་ཀྱི་ཞལ་ཐང་གྲངས་མང་། རྗེ་མཁྱེན་བརྩེའི་བཀའ་འབུམ་པོད་བཅུ་གསུམ། མི་ཕམ་བཀའ་འབུམ་པོད་གཉིས། མཁའ་སྤྱོད་བེ་བུམ་པོད་གསུམ་གཙོས་དགོན་ཆེན། ཀཿཐོགཞེ་ཆེན། རྫོང་གསར་རྣམས་སུ་གསུང་རབས་ཀྱི་སྤར་ཤིང་དང་། ཁམས་བྱེའི་བཤད་གྲྭ། སྟག་ཚང་སྒྲུབ་སྡེ་སོགས་རྟེན་བཞེངས་བྱ་བ་ལས་ཀྱི་འཁོར་ལོ་ཡང་རྒྱ་ཆེར་མཛད་དེ་དོན་གཉིས་ལྷུན་གྱིས་གྲུབ་པའི་མཛད་པ་མཐར་ཕྱིན་ནས་རྗེ་ཉིད་ཀྱི་སྐུ་ཕྲེང་སྔ་མ་ལྷ་བཙུན་ནམ་མཁའ་འཇིགས་མེད་ཀྱིས་སྦས་གནས་སྒོ་འབྱེད་གནང་བ་འབྲས་ལྗོངས་སྤྲུལ་པའི་གནས་ཀྱི་བྱེ་བྲག་ཆོས་རྒྱལ་ཕུན་ཚོགས་རྣམ་རྒྱལ་གྱི་རྒྱལ་ས་ལྟེ་བ་སྒང་ཐོག་གཙུག་ལག་ཁང་དུ་གཟུགས་སྐུའི་བཀོད་པ་ཆོས་དབྱིངས་སུ་བསྡུ་བའི་ཚུལ་བསྟན་ཏོ། །གཉིས་པ་གསུང་གི་སྐོར་ཇི་ལྟར་བཞུགས་ཚུལ་ནི། སྦྱིར་བསྟན་བཅོས་རྩོམ་པའི་མཚན་ཉིད་གསུམ་དང་ལྡན་ཅིང་། ཕྱི་བའི་བསྟན་བཅོས་ཀྱི་སྐྱོན་ངན་དྲུག་དང་བྲལ་ཞིང་ནང་པའི་ཡོན་ཏན་གསུམ་དང་ལྡན་པ་ནི་དེ་བཞིན་གཤེགས་པའི་གསུང་ལྟར་རྒྱལ་བསྟན་རིན་པོ་ཆེའི་བཙས་སུ་གྱུར་པ་སྟེ། མགོན་པོ་བྱམས་པས། གང་ཞིག་རྒྱལ་བའི་བསྟན་པ་འབའ་ཞིག་གི །དབང་བྱས་རྣམ་གཡེངས་མེད་ཡིད་ཅན་གྱིས་བཤད། །ཐར་པ་ཐོབ་པའི་ལམ་དང་རྗེས་མཐུན་པ། །དེ་ཡང་དྲང་སྲོང་བཀའ་བཞིན་སྤྱི་བོས་ལེན། །ཞེས་པ་ལྟར་ངེས་ཀྱང་སྐྱེས་བུ་དམ་པའི་ཐུགས་རྒྱུད་ནི་སྙེམས་པ་མེད་པས་ཤིན་ཏུ་ཞི་ཞིང་དུལ་བའི་དབང་གིས་རྗེ་བླ་མ་མཆོག་ལ་བཀའ་རྩོམ་སོགས་ཐུགས་བསྐུལ་ཞུས་ཚེ་ཕྲན་ལྟ་བུས་དེ་རིགས་བྲིས་པ་རང་ཉིད་ངལ་བའི་རྒྱུ་ལས་ཅི་ཡོད། དེ་བས་དམ་པ་གོང་མ་རྣམས་ཀྱི་གསུང་རབས་འཆད་སྤེལ་ཉམས་ལེན་བགྱིས་ན་དོན་དང་དགོས་པ་ཆེ་བར་ཡང་ཡང་བཀའ་གནང་བས་མཚོན། རྗེ་ཉིད་ཀྱིས་བཀའ་འབུམ་སོགས་བསྡུ་བཞེད་གཏན་ནས་མེད་པས་གསུང་རྩོམ་ཕལ་ཆེ་བ་རྩོམ་གཞི་ཉིད་ཞུ་བ་པོ་ལ་གནང་བ་ཤས་ཆེ་བས་སྐུ་གཞོན་པའི་སྐབས་ཀྱི་གསུང་ཕལ་ཆེར་ཕྱོགས་ཀུན་ཏུ་ཁྱབ་པར་གྱུར་ལ། ཕྱིས་སུ་མཁའ་འགྲོ་རིན་པོ་ཆེ་ཚེ་རིང་ཆོས་སྒྲོན་གྱིས་གདན་སར་བཞུགས་སྐབས་བསྡུ་བར་གནང་བའི་གསུང་ཆོས་པོད་ཁ་ཤས་བཞུགས་ཀྱང་དུས་འགྱུར་སྐབས་ཕྱག་དཔེ་བསྣམས་རྒྱུ་མ་བྱུང་ཞིང་། དབུས་གཙང་གནས་གཟིགས་ཕེབས་སྐབས་སུ་བསྟོད་ཚོགས་དང་བླ་སྒྲུབ་སྐོར་ཐོར་བུའི་རིགས་གཙོར་མཛད། དངོས་སློབ་རྣམས་ཀྱི་ཕྱག་ཏུ་གང་ཡོད་བསྡུ་རྩོལ་དང་། ཕྱག་བྲིས་དངོས་ལས་ཡི་གེ་གཉིས་པར་ཞལ་བཤུས་སོགས་མཁའ་འགྲོ་མཆོག་ནས་བཀས་བསྐུལ་བ་ལྟར་དད་སློབ་བློ་གསལ་དགེ་སློང་སྤོང་བ་པ་འཇམ་དབྱངས་ཕྲིན་ལས་ལྷག་བསམ་དག་པས་ཞུས་ཤིང་། ཕྱག་བྲིས་དངོས་བཞུགས་རྣམས་དཔེ་བཤུ་སྐབས་རྒྱུས་ཡོད་ཀྱི་དཔྱད་ཞིབ་དང་གོ་རིམ་སོགས་རྗེ་བླ་མའི་མཆོད་དཔོན་བླ་མ་འཇམ་དབྱངས་བློ་གྲོས་མཆོག་ལྡན་ནས་མཛད། སྤར་དུ་འགོད་པའི་མཐུན་སྦྱོར་གསོལ་དཔོན་དགེ་སློང་ངག་དབང་ཆོས་དཔལ་རྒྱ་མཚོས་སྒོ་གསུམ་ངལ་བ་དང་ལེན་བགྱིས་པ་དང་། སྤར་གྱི་ཞུས་དག་སྐོར་རྗེའི་དྲུང་ཡིག་ཚེ་རིང་བཀྲ་ཤིས་ཀྱིས་ཞུས་ཏེ། འཕགས་ཡུལ་གྱི་སའི་ཆ་བཀྲ་ཤིས་ལྗོངས་སུ་སྐྱབས་རྗེ་ཁམས་སྤྲུལ་རིན་པོ་ཆེས་དབུ་ཁྲིད་གནང་པའི་གསུང་རབས་ཉམས་གསོའི་སྤར་ཁང་གི་དབུ་མཛད་དཀོན་མཆོག་གཙོས་ལས་བྱེད་ཡོངས་ནས་ལྷག་བློས་འབད་བརྩོན་བགྱིས་ཏེ་ལེགས་པར་གྲུབ་པའི་གསུང་རྩོམ་པོད་གཉིས་ཀྱི་ནང་གསེས་ཇི་ལྟར་བཞུགས་ཚུལ་ལ། པོད་དང་པོ་ཨེ་རྟགས་ཅན་ལ། ༼ཀ༽ཐོག་མར་ཡིད་ཆེས་སྐྱེད་ཕྱིར་རྗེ་ཉིད་ཀྱི་རྣམ་ཐར་ཞལ་གསུང་ཁྱད་དུ་འཕགས་པ། ༼ཁ༽བསྟོད་ཚོགས་སྐོར་རྒྱལ་ཀུན་དགྱེས་བསྐྱེད་ཚོགས་གཉིས་དཔལ་སྤེལ། ༼ག༽གསོལ་འདེབས་སྐོར་བྱིན་རླབས་བདུད་རྩིའི་སྤྲིན་གྱི་རོལ་སྒེག་དང་། ཞབས་བརྟན་སྐོར་འཆི་མེད་གྲུབ་པའི་རྡོ་རྗེའི་བདེན་ཚིག༼ང༽བླ་མའི་རྣལ་འབྱོར་ཡེ་ཤེས་བདུད་རྩིའི་སྣང་བ་མཆོག་སྦྱིན། ༼ཅ༽བཀའ་གཏེར་གྱི་སྒྲུབ་བྲིན་ཆོག་ཁྲིགས་སྐོར་དངོས་གྲུབ་འདོད་དགུའི་བང་མཛོད། ༼ཆ༽ཁྲིད་ཟིན་སྐོར་ཟབ་དོན་སྙིང་པོ་བདུད་རྩིའི་ཡང་ཞུན་བཅས་བཞུགས། །པོད་གཉིས་པ་ཝཾ་རྟགས་ཅན་ལ། ༼ཇ༽ཞལ་གདམས་སྐོར་ཀུན་ཕན་ཟླ་བ་བདུད་རྩིའི་འཛུམ་ཕྲེང་། ༼ཉ༽གསུང་མགུར་སྐོར་ཐོལ་བྱུང་བཛྲ་གིརྟིའི་གསང་མཛོད། ༼ཏ༽ཆོས་སྐྱོང་གསོལ་མཆོད་སྐོར་ཕྲིན་ལས་མྱུར་མགྱོགས་གློག་གི་ཟློས་གར། ༼ཐ༽འགྲེལ་ཊཱིཀ་ཟིན་བྲིས་སྐོར་བློ་ལྡན་ཡིད་ཀྱི་དགའ་སྟོན། ༼དྷིཿ༽ཁྱད་པར་གྱི་གསུང་སྣ་ཚོགས་སྐོར་གྲུབ་གཉིས་མཆོག་སྦྱིན་ནོར་བུའི་གཏེར་བུམ་ལ་དཔེ་ཚན་ལྔ། ༼ཧྲཱིཿ༽རྫོགས་རིམ་ཟབ་དོན་སྐོར་ལྷན་སྐྱེས་ཡེ་ཤེས་དཔལ་གྱི་རོལ་མོ། ༼ཤྲཱིཿ༽གནས་ཡིག་སྐོར་ངོ་མཚར་དགེ་ལེགས་དཔྱིད་ཀྱི་འཕྲུལ་ཡིག༼ཨ༽སྨོན་ལམ་སྐོར་དོན་གཉིས་ལྷུན་གྲུབ་དཔལ་གྱི་རོལ་མཚོ་བཅས་བཞུགས་སོ། །གསུམ་པ་སྤར་དུ་བསྒྲུབ་རྒྱུའི་གླེང་གཞིའི་སྐབས་རྒྱལ་བསྟན་ཡོངས་རྫོགས་ཀྱི་མངའ་༧བདག་སྐྱབས་མགོན་སྲིད་ཞིའི་མཆོད་སྡོང་༧རྒྱལ་མཆོག་པད་དཀར་འཆང་བ་ངག་དབང་བློ་བཟང་བསྟན་འཛིན་རྒྱ་མཚོའི་ཞབས་ནས། རྗེ་བཙུན་བླ་མ་ཐམས་ཅད་མཁྱེན་གཟིགས་འདི་ཉིད་ཁམས་བོད་བསྟན་འཛིན་སྐྱེས་བུ་གཞན་ལས་ཁྱད་པར་དུ་འཕགས་པའི་བསྔགས་བརྗོད་དང་ཐུགས་བརྩེའི་གཟིགས་པ་ཐུན་མིན་གྱིས་རྗེས་སུ་བསྐྱངས་པ་ལྟར། གཟུར་གནས་ཆོས་སྤྱན་ཡང་པའི་བཀའ་དྲིན་རྨད་དུ་བྱུང་བས་རྗེ་བླ་མའི་གསུང་སྐོར་སྤར་དུ་བསྒྲུབ་པ་ནི་བསྟན་འགྲོ་རིས་སུ་མ་ཆད་པའི་ཕན་བདེའི་གསོས་སྨན་དུ་ཆེ་བས་མྱུར་དུ་གྲུབ་པར་གྱིས་ཞེས་བཀའ་ལུང་ལྷའི་རྔ་བོ་ཆེ་ལྟ་བུས་རྗེས་སུ་བསྐུལ་བ་དང་ཆབས་གཅིག་ཧིན་སྒོར་ལྔ་བརྒྱ། ཡོངས་འཛིན་རིན་པོ་ཆེ་རྣམ་པ་གཉིས་ནས་ཧིན་སྒོར་ལྔ་བཅུ་རེ། རྗེ་བླ་མའི་ཐུགས་སྲས་གཏེར་ཆེན་མཆོག་གླིང་སྤྲུལ་སྐུ་རིན་པོ་ཆེས་སྒོར་སུམ་བརྒྱ། དཔལ་ལྡན་འབྲུག་པ་བཀའ་བརྒྱུད་ཀྱི་བསྟན་འཛིན་ཆེན་པོ་ཁམས་སྤྲུལ་དོན་བརྒྱུད་ཉི་མ་ནས་སྒོར་སུམ་བརྒྱ། ལྷོ་འབྲུག་རྒྱལ་ཁབ་ཀྱི་ཆོས་སྡེ་ཆེན་པོ་པུརྞ་ཁའི་ཆོས་རྗེ་མཁན་ཆེན་འཇམ་དབྱངས་ཡེ་ཤེས་སེང་གེ་ནས་བཀའ་འབུམ་ཕལ་ཆེར་སྤར་དུ་བསྐྲུན་པའི་གཞི་རྩར་སྒོར་ཉིས་སྟོང་སྔ་འདོན་གནང་བ་དང་། ཟུར་མང་གྲྭ་ཀརྨ་ཡོན་ཏན་མཐའ་ཡས་ནས་སྒོར་བརྒྱ་དང་ལྔ་བཅུ། བོད་གྲྭ་འཇིགས་མེད་དངོས་གྲུབ་ནས་སྒོར་ལྔ་བཅུ། དགེ་སློང་བསྟན་པ་སངས་རྒྱས་ནས་སྒོར་བཅུ། སྡེ་དགེ་ཁྲ་སྐྱ་ཡིད་དགའ་ནས་སྒོར་ཉི་ཤུ། རིག་འཛིན་རྡོ་རྗེ་ནས་སྒོར་སུམ་ཅུ། ཉག་བླ་འབུམ་བྲག་རིན་པོ་ཆེས་སྒོར་བརྒྱ། འབྲུག་ཨ་ནེ་ཕུར་བུ་སྒྲོལ་མས་སྒོར་ཉི་ཤུ། འབྲུག་ཨ་ནེ་དམ་ཆོས་དགའ་མོས་སྒོར་ལྔ། ཞྭ་དེའུ་འཁྲུལ་ཞིག་མཆོག་སྤྲུལ་འགྱུར་མེད་ངག་དབང་མདོ་སྔགས་བསྟན་འཛིན་ནས་སྒོར་བརྒྱ་གནང་བ་བཅས་གཞིར་བཞག་གིས། དེ་འཕྲོས་སྤར་ཡོན་དང་ཞུས་དག་གི་འགྲོ་སོང་རྣམས་ངོས་རང་ནས་ཕུལ་ཏེ་ལེགས་པར་བཞེངས་གྲུབ་པ་དང་། ད་དུང་རྗེ་བླ་མའི་གསུང་འགའ་ཞིག་གི་དཔེ་དད་སློབ་རྣམས་ཀྱི་ཕྱག་ཁར་བཞུགས་ངེས་པ་དེ་རིགས་གཡར་ཞུས་དང་འབྲེལ་འདིའི་ཁ་སྐོང་དུ་རིམ་གྱིས་སྤར་འགོད་ཐུབ་བ་ཞུ་འདུན་ལགས། །སླར་སྨྲས་པ། །རྒྱལ་བའི་ཆོས་ཚུལ་ཟབ་རྒྱས་མེ་ཏོག་གིས། །གང་ཐུགས་གཟུངས་སྤོབས་རྒྱ་མཚོར་མཛེས་པའི་བཅུད། །སྐལ་བཟང་རྐང་དྲུག་ཀུན་དགའི་གསོས་སྨན་དུ། །རྗེས་བརྩེའི་སོར་མོས་བསྟར་ལ་བརྒྱུས་འདི་རྨད། །ཚིག་སྙན་བསྡེབས་ལེགས་འཇམ་མཉན་འདབ་བརྒྱ་ཡངས། །དོན་ཟབ་རྨད་བྱུང་རོ་བརྒྱའི་སྦྲང་རྩིས་ཕྱུག །གོ་སླ་གནད་འདུས་མཆོག་ཕལ་ཀུན་སྨན་གསོས། །མཁའ་ཁྱབ་འགྲོ་ལ་རྣམ་གྲོལ་ལང་ཚོ་སྦྱིན། །ཆ་ཤས་རེ་ཡང་གསེར་བཟང་ཞུན་མ་བཞིན། །ཉམས་སུ་དོགས་ནས་རྣམ་དཀར་འདི་བརྩམས་པས། །བློ་ལྡན་ཡིད་ཀྱི་འདབ་བརྒྱའི་དཔལ་གྱུར་ནས། །ཕན་བདེའི་དགའ་སྟོན་ཅི་དགར་སྩོལ་གྱུར་ཅིག །རྗེ་བཙུན་བླ་མའི་ཟབ་དགོངས་དབྱིངས་སུ་རྫོགས། །མཆོག་གི་སྤྲུལ་སྐུའི་སྐུ་ཚེ་མཛད་ཕྲིན་རྒྱས། །བཤད་སྒྲུབ་ཕྲིན་ལས་རྣམ་བཞིའི་མུ་ཁྱུད་བརྟོལ། །རིས་མེད་རྒྱལ་བསྟན་དར་རྒྱས་ཡུན་གནས་ཤོག །བོད་ལྗོངས་ཆོས་སྲིད་རང་དབང་དབུ་རྨོག་བཙན། །བསྟན་འཛིན་ཐུགས་མཐུན་ཆོས་སྤྱོད་ཕྲིན་ལས་འཕེལ། །རྫོགས་ལྡན་སྣང་བ་བརྒྱ་བའི་འོད་འགྱེད་པས། །མངོན་མཐོ་ངེས་ལེགས་ཡོན་ཏན་འདབ་རྒྱས་ཤོག །བདག་སོགས་ལམ་འདིར་འབྲེལ་ཚད་མ་ལུས་ཀྱང་། །བླ་མ་འཇམ་པའི་དབྱངས་ཀྱིས་རྗེས་བཟུང་ནས། །ཕྱོགས་བཅུ་རབ་འབྱམས་ཞིང་དུ་རྒྱལ་ཀུན་དྲུང་། །འཕགས་པའི་སྤྱོད་པ་རྒྱ་མཚོ་ཡོངས་རྫོགས་ཤོག །ཐུབ་བསྟན་ཡོངས་ཀྱི་ཤིང་རྟའི་སྲོག་བཟུང་ནས། །འཆད་རྩོད་རྩོམ་པས་རྒྱལ་བ་དགྱེས་པའི་ལམ། །རང་དོན་ཡིད་བྱེད་བློ་ཡིས་མ་བསླད་པར། །ནམ་མཁའ་ཇི་སྲིད་འཛིན་པའི་མཐུ་ཐོབ་ཤོག །མི་བརྗེད་གཟུངས་དང་བློ་ཡི་སྤོབས་པའི་མཐུ། །རྡོ་རྗེ་རྣོན་པོའི་གོ་ཆ་ལྷུར་ལེན་པས། །ཟབ་གསང་ཆོས་ཀྱི་གྲུ་ཆར་འབེབས་པ་ལ། །སངས་རྒྱས་ཀུན་གྱི་རྣམ་ཐར་འཆང་ནུས་ཤོག །ཅེས་པའང་རྣམ་དཀར་གྱི་ལས་འདི་འདུ་བགྱིད་པའི་སྐབས་འདི་ལྟར་འབྲི་བར་འོས་ཞེས་རྗེ་ཐམས་ཅད་མཁྱེན་གཟིགས་ཆེན་པོའི་དྲུང་ཡིག་རིག་པར་སྨྲ་བ་ཚེ་རིང་བཀྲ་ཤིས་ནས་ནན་དུ་གསུང་བསྐུལ་ལྟར། འཇམ་མགོན་ཆོས་ཀྱི་རྒྱལ་པོས་ཐུན་མོང་མ་ཡིན་པའི་བཀའ་དྲིན་དང་ཐུགས་བརྩེས་སྐྱོང་པའི་འབངས་བཀྲ་ཤིས་དཔལ་འབྱོར་དོན་ཐམས་ཅད་གྲུབ་པའི་སྡེས། ཁ་བཞི་ལྷོའི་སྨན་ལྗོངས་ཀྱི་ས་ཡི་ཐིག་ལེ་སྤ་གྲོ་རིན་ཆེན་སྤུངས་པའི་རྫོང་གི་དབང་ཕྱོགས་སྐྱེར་ཆུ་མཐའ་འདུལ་གྱི་གཙུག་ལག་ཁང་དུ། རྒྱལ་ལྕམ་སྐལ་བཟང་ཆོས་སྒྲོན་གྱིས་གསར་བཞེངས་མ་ཧཱ་གུ་རུ་སྣང་སྲིད་ཟིལ་གནོན་གཙོ་འཁོར་བཞུགས་པའི་གནྡྷོ་ལར་བྲིས་པ་འདིས་ཀྱང་དཔལ་མགོན་བླ་མ་དགྱེས་པའི་སྣང་བ་དང་མི་འབྲལ་བའི་རྒྱུར་གྱུར་ཅིག །སརྦ་དཱ་མངྒལཾ།། །།འདིར་གསལ་པར་ཤིང་རྣམས་མན་ལི་ཨ་ཕོ་རིན་པོ་ཆེའི་གདན་སར་བཞུགས་པ་དགེའོ། །

[edit]

@#/__/rje btsun bla ma 'jam dbyangs chos kyi blo gros kyi gsung thor bu'i skor spar du bsgrubs pa'i dkar chag chos tshul mi zad 'dod dgu'i bang mdzod bzhugs//___// oM swasti sid+d+haM/__/'jam dpal dbyangs kyi zag med rnam thar sprin/__/chos kyi dbyings dang mnyam par bkod pa las/__/blo gros spobs pa mi zad rnam 'dren tshul/__/byang chub bar du gtan gyi skyabs su bsnyen/__/snying rjes yongs gang thugs kyi dpal be'u las/__/zab rgyas legs par bshad pa'i bdud rtsi'i skyes/__/ris med bstan 'gror phan bde'i gsos sman du/__/lhag bsam dag pa'i sems kyis sri zhu spel/__/'dir rje bla ma'i gsung rabs thor bu'i dkar chag mdor bsdus su spel ba la gsum/__bstan bcos mdzad pa po'i che ba dang /__gsung gi skor ji ltar bzhugs pa/__spar du bsgrubs tshul mdor bsdus smos pa'o/__/dang po ni/__'di ltar rjes su thos te/__bdag cag gi dpal mgon bla ma rin po che 'di ni nges pa'i don du sangs rgyas kun gyi thugs mkhyen gnyis ye shes kyi gter mdzod nyid/__rgyal ba sras dang bcas pa'i rnam thar dang phrin las kyi dpal 'dzin pa rje btsun 'jam pa'i dbyangs zhes mtshan gyi snyan pa phyogs bcu'i zhing rab 'byams kun tu yongs su grags pa ste/__bdag nyid chen po 'di'i spyod yul ni bsam gyis mi khyab pa'i gnas su mthong yang /__ston pa de bzhin gshegs pa'i gsung gi rjes su 'brang nas cung zad bsnyad na/__'das pa'i dus su dag pa'i zhing mnyam par sangs rgyas klu'i rigs zhes bya bar bstan nas bgrang du mi nus pa'i gdul bya byang chub gsum la bkod pa dang /__da lta mi mjed 'jig rten 'di'i byang phyogs su rtag par rab dga' sdug cing mos pa'i zhing du sangs rgyas rab dga' rin chen brtsegs pa'i rgyal po zhes su 'tsho zhing gzhes te chos ston bzhin pa dang /__ma 'ongs pa na lho phyogs rdul bral yang dag bsags par sangs rgyas mgon po kun tu gzigs zhes par bstan nas dag pa'i zhing gi rten brten par bkod pa'i sangs rgyas dang /__bskal pa grangs med pa'i sngon du shar phyogs 'byung bzang gi 'jig rten du sangs rgyas 'brug sgra'i dbyangs zhes bya ba'i spyan sngar 'jam dpal nyid rgyal po nam mkhar skyes te byang chub tu thugs bskyed nas rgyal ba'i sras kyi spyod pa rgya mtsho lta bu la bslab pa'i tshul gyis 'jam dpal gzhon nur gyur pas rnam dbye med par sems can smin par byas pa'i don byed dang byed par 'gyur ba de ltar sangs rgyas bye ba 'bum gyis kyang ma mdzad pa'i tshul lha'i bu blo gros rab gnas kyis zhus pa'i mdo las gsungs pa dang /__'jam dpal gyis bskal pa re rer sems can gyi don byas pa de snyed sangs rgyas bye ba khrag khrig 'bum gyis ma mdzad par 'jam dpal zhing gi yon tan bkod pa'i mdo las gsungs pa dang /__gsang ba sngags kyi rgyud sde chen po rnams su rigs thams cad kyi khyab bdag dkyil 'khor 'khor lo'i dbang phyug gi tshul du ston pa nyid/__da lta bdag cag gi ston pa thub pa'i dbang po bskal bzang rnam 'dren bzhi par byon pa'i skabs su yang sras kyi thu bo'i tshul du bstan nas zab rgyas chos kyi 'khor lo'i gleng bslang ba dang /__rgyal po ma skyes dgra'i 'gyod pa bsal ba la sogs pa ngo mtshar gyi rnam thar bsam gyis mi khyab pa dang /__dpal mgon 'phags pa klu sgrub/__rgyal sras zhi ba lha/__mkhan chen zhi ba 'tsho sogs rgya gar gyi paN grub thams cad rjes su bzung nas theg chen rgyas pa'i dgongs pa ma nor bar bstan par mdzad pa dang /__slob dpon 'jam dpal bshes gnyen/__paN chen bi ma la mi tra sogs dang /__bod yul chos kyi shing rta yab gcig khri srong lde'u btsan/__snga 'gyur bstan pa'i srog 'dzin gnubs chen sangs rgyas ye shes/__kun mkhyen chos kyi rgyal po klong chen rab 'byams sogs dang /__gangs can grub pa'i gtsug rgyan rje btsun mi la nyid slob dpon 'jam dpal bshes gnyen gyi rnam 'phrul du grags pa dang /__si tu 'jam mgon bstan pa'i nyin byed sogs bka' brgyud/__chos rje 'jam dbyangs sa skya paN+Di ta sogs sa skya/__bdag nyid chen po blo bzang grags pa sogs bka' gdams pas mtshon pa'i 'phags bod skyes chen bgrang las 'das pa'i rnam 'phrul gyis rgyal pa'i phrin las rjes su bsgrubs cing /__ris su ma chad pa'i bstan pa la bya ba mdzad bzhin pa ste/__de dag dang rjes su mthun par ches snyigs ma'i dus 'dir sangs rgyas gnyis pa'i mdzad pa sgrub pa la gangs can gyi skyes bu sus kyang 'gran du mi bzod pa rje bla ma 'jam dbyangs mkhyen brtse'i dbang po zhes mkhas pa'i rnam dpyod/__grub pa'i nyams rtogs/__mdzad pa bzang po'i phyag rjes/__mang du thos pa'i sgo/__grub mtha' ris su ma chad pa'i lta grub kyi shan 'byed pa'i bsam byung gi shes rab/__mdo rgyud kyi nyams bzhes mthar phyin pas sgom pa nyams len gyi rtags tshad/__'chad rtsod rtsom pas rgyal bstan yongs rdzogs kyi srog rtsa mthud pa'i rnam thar rmad du byung ba gang la sku gsung thugs yon tan phrin las kyi rnam rol mchog gi sprul pa'i sku lnga 'byung bar rdo rje'i lung gis bsngags pa'i ya gyal/__gtso bor phrin las mi bzad rgyan gyi 'khor lo'i mchog sprul du thams cad mkhyen gzigs lo chen 'jam dpal dbyangs blo gros mtha' yas pa'i dag pa ye shes kyi gzigs pa sgrib pa med pas lung du bstan pa 'jam dbyangs chos kyi blo gros ris med bstan pa'i rgyal mtshan dpal bzang po zhes grags pa nyid/__mdo smad 'byung bzhi'i mdud bzhir grags pa las sa ngan sa'i mdud pa zhes grags par snga 'gyur bstan pa dar rgyas su bzhugs pa'i sbas yul du/__gter chen bdud 'dul rdo rje'i gdung brgyud bai ro'i rnam 'phrul gser pa gter rgan zhes dgung grangs brgya dang lnga bcu lhag bzhes shing mkhyen rtogs nus rtsal 'gran zla dang bral ba'i sras 'gyur med tshe dbang rgya mtsho zhes smin gling khri chen sangs rgyas kun dga' dang /__'jam mgon chos kyi rgyal po rnam gnyis kyi thugs sras rdo rje 'dzin pa chen po'i sras su chu mo sbrul gyi lo na sku bltams/__dgung grangs bdun gyi steng gsang chen bka' gter bstan pa'i shing rta kaHthog si tu paN+Di ta o rgyan chos kyi rgya mtshos 'jam mgon kong chen pa'i lung don bzhin kaHthog rdo rje gdan gyi gnas su spyan drangs nas thams cad mkhyen gzigs 'jam dbyangs mkhyen brtse'i dbang po'i mchog gi sprul pa'i skur mnga' gsol/__gtsug phud bzhes te mtshan 'jam dbyangs chos kyi blo gros gtsug lag lung rig smra ba'i seng ger gsol/__si tu rin po che nyid kyi yongs 'dzin mkhan chen thub bstan rig 'dzin rgya mtshos dge rgan du mdzad nas 'bri klog dang chos spyod kyi rim pa/__brda sprod pa'i gzhung lugs che phra sogs tshegs med du mkhyen/__si tu paN chen d+harma sA ra/__zhe chen rgyal tshab rin po che/__a 'dzom 'brug ba sna tshogs rang grol/__rdo grub chen 'jigs med bstan pa'i nyi ma/__gter chen las rab gling pa/__rdzogs chen lnga pa/__mkhan chen kun bzang dpal ldan sogs gsang sngags rnying ma/__thar rtse'i dpon slob rin po che 'jam dbyangs blo gter dbang po/__zhabs drung rin po che bkra shis rgya mtsho/__sga ston rdo rje 'chang ngag dbang legs pa/__mkhan chen bsam gtan blo gros/__sde gzhung mchog sprul kun dga' rgyal mtshan sogs sa skya/__byams mgon si tu rin po che pad+ma dbang mchog rgyal po/__rgyal sras 'jam mgon mchog sprul/__mkhas dbang bkra shis chos 'phel/__zur mang gter drung rnam gnyis sogs bka' brgyud/__gong sa lha mi'i rnam 'dren rgyal mchog thams cad mkhyen pa sku phreng snga phyi/__mkhas pa'i dbang phyug dge bshes 'jam dpal rol pa'i blo gros sogs dge phyogs kyis mtshon gangs can tha grur bzhugs pa'i dam pa'i skyes chen dang /__ri khrod du sgrub brtson rtogs pa mchog ldan gyi gang zag sogs rnam 'dren yongs kyi zhabs pad la khengs pa'i skyon gyis ma gos pas btud cing /__bcu phrag rig pa'i gnas che chung /__bka' dang bstan bcos/__snga 'gyur bka' ma/__gter chos phal che ba'i rgyun gang bzhugs/__bka' brgyud che bzhi chung brgyad kyi dbang dang gdams ngag__/sa skya'i gsung ngag lam 'bras/__rgyud sde dang sgrub thabs kun btus/__bka' gdams gsar rnying gi chos skor/__dpal dus kyi 'khor lo jo zhal rnam gnyis kyi lugs srol/__mdzod chen rnam pa lnga sogs chos kyi mdzod bsags pa la ngoms pa med cing /__de dag gi lta grub phyag bzhes kyi rnam gzhag bsre bslad med pa ma 'dres par thugs su chud nas gdul bya 'dul byed skabs su gang babs pas rjes su bzung ba'i tshe na rang rang gi chos de'i ston pa gnyis pa lta bur mdzad/__phyogs lhung dang chags sdang med par bstan pa nyag phra ba gang yin pa spel zhing dar bar mdzad de sku tshe ril bor chos 'chad nyan gyis dus 'da'/__rnam thar gyi snying po sgrub pa gtsor mdzad nas gsar rnying bka' gter gyi rgyud sde che phra/__rtsa gsum spyi bye brag gi bsnyen bzlas tshad med pa mdzad/__chos brgyad kyi che thabs dang lto gos kyi ngo bsrung sogs gtan nas mi mnga' ba nang gi rnal 'byor la gding thob pa'i 'khrul zhig rnal 'byor gyi dbang phyug chen por bzhugs/__yi dam lhas rjes su bzung ba dang rig 'dzin DA kis lung bstan pa sogs dag pa'i snang ba rgyun mi chad du mnga'/__rdo rje'i gnas chen rnams su gnas 'brel dang gnas zhal gsar du'ang 'byed par mdzad cing /__de dag gi skabs su zab gter gyi bka' babs kyang du ma bzhugs/__rdzong gsar bkra shis lha rtse'i gsham du khams kyi bye ma thang zhes yongs su grags pa der blo gsal dge 'dun lnga bcu tham pa'i bshad grwa/__rong rme dkar mo stag tshang du sgrub brgyud shing rta brgyad kun 'dus kyi sgrub grwa dpon slob brgyad/__sde dge'i rgyal sa lhun grub steng gi phur dpal ldan sa skya'i snyan brgyud skor gyi sgrub grwa lnga bcu/__kaHthog rgyud sde'i bshad grwa dang sgrub grwa khag nyams gsos 'phar 'dzug rnams gtso bor byas pa'i dgon sde che phra kun la bshad sgrub kyi sde 'dzug par bkas bskul ba dang thebs rtsa gnang ba sogs mtha' yas/__yongs rdzogs bstan pa'i mnga' bdag sa skya pho brang khag gnyis ka'i bdag khri yab sras/__ngor mkhan zhabs thams cad/__rgyal dbang karma pa bcu drug pa dang /__tA'i si tu pad+ma dbang chen/__mdo khams brgyad pa don brgyud chos kyi nyi ma sogs bka' brgyud/__smin gling mkhan gcung rnam gnyis/__gdung rin po che sku mched/__kaHdpal zhe rdzogs bzhi'i bstan bdag mchog gi sprul pa'i sku rnam pa/__gter chen mchog gyur gling ba'i yang srid rnam gnyis sogs khams bod kyi skyes chen bgrang las 'das pa/__bod kyi gzhung zhabs ser skya/__sde dge/__nang chen/__lha thog__/go brag smar gsum/__ri chab gnyis/__gling tshang /__rgya rong /__hor ser khag__/'gu log dpon khaga'ajang pa/__'ba' li rgyal gsum/__'bras ljongs chos rgyal sogs skye 'gro mchog phal kun gyis zhabs la btud cing smin grol gyi bdud rtsi bzhes pas snyigs ma'i gdul bya mtha' klas pa byang grol gyi sa la bkod/__rin chen gter gyi mdzod chen po'i smin grol cha tshang lan gcig__/sgrub thabs kun btus tshar gsum/__gdams ngag mdzod tshar gnyis/__lam 'bras tshogs slob tshar bzhi/__snying thig gong 'og__/smin gling gter chos/__mchog gling gter chos tshar bzhi sogs chos kyi 'khor lo rgyun chad med pa bskor/__rdzong gsar rtse lha khang du rje btsun 'jam pa'i dbyangs gtso bor bzhugs pa'i g.yas g.yon du gu ru rin po che/__dpal ldan a ti shas skya'i gong ma rnam lnga bcas mi tshad re gser zangs kyi sku dngos gtsang phyon legs/__gzhan yang gsar rnying rgyud sde'i lha sku gtso bo mda' tshad nas 'khor khru tshad yang 'khor mtho tshad bcas kyi gser sku brgya phrag lhagakhams kyi bye ma thang rigs gsum sprul pa'i lha khang du rgyal ba byams pa'i snang brnyan rje nyid kyi phyag mtho so gnyis can gser zangs la rin po che sna tshogs kyi phra tshom can/__kaHthog tu ston pa de bzhin gshegs pa'i snang brnyan thog tshad gsum lhag gser zangs kyis bskrun pa sogs 'bur sku grangs las 'das pa dang /__bris sku'i skor bdag cag gi ston pa'i skyes rabs dpag bsam 'khri shing /__rig ldan chos kyi rgyal po rim byon/__rje bla ma 'jam dbyangs mkhyen brtse'i dbang po'i skyes rabs sogs kyi zhal thang grangs mang /__rje mkhyen brtse'i bka' 'bum pod bcu gsum/__mi pham bka' 'bum pod gnyis/__mkha' spyod be bum pod gsum gtsos dgon chen/__kaHthogazhe chen/__rdzong gsar rnams su gsung rabs kyi spar shing dang /__khams bye'i bshad grwa/__stag tshang sgrub sde sogs rten bzhengs bya ba las kyi 'khor lo yang rgya cher mdzad de don gnyis lhun gyis grub pa'i mdzad pa mthar phyin nas rje nyid kyi sku phreng snga ma lha btsun nam mkha' 'jigs med kyis sbas gnas sgo 'byed gnang ba 'bras ljongs sprul pa'i gnas kyi bye brag chos rgyal phun tshogs rnam rgyal gyi rgyal sa lte ba sgang thog gtsug lag khang du gzugs sku'i bkod pa chos dbyings su bsdu ba'i tshul bstan to/__/gnyis pa gsung gi skor ji ltar bzhugs tshul ni/__sbyir bstan bcos rtsom pa'i mtshan nyid gsum dang ldan cing /__phyi ba'i bstan bcos kyi skyon ngan drug dang bral zhing nang pa'i yon tan gsum dang ldan pa ni de bzhin gshegs pa'i gsung ltar rgyal bstan rin po che'i btsas su gyur pa ste/__mgon po byams pas/__gang zhig rgyal ba'i bstan pa 'ba' zhig gi__/dbang byas rnam g.yengs med yid can gyis bshad/__/thar pa thob pa'i lam dang rjes mthun pa/__/de yang drang srong bka' bzhin spyi bos len/__/zhes pa ltar nges kyang skyes bu dam pa'i thugs rgyud ni snyems pa med pas shin tu zhi zhing dul ba'i dbang gis rje bla ma mchog la bka' rtsom sogs thugs bskul zhus tshe phran lta bus de rigs bris pa rang nyid ngal ba'i rgyu las ci yod/__de bas dam pa gong ma rnams kyi gsung rabs 'chad spel nyams len bgyis na don dang dgos pa che bar yang yang bka' gnang bas mtshon/__rje nyid kyis bka' 'bum sogs bsdu bzhed gtan nas med pas gsung rtsom phal che ba rtsom gzhi nyid zhu ba po la gnang ba shas che bas sku gzhon pa'i skabs kyi gsung phal cher phyogs kun tu khyab par gyur la/__phyis su mkha' 'gro rin po che tshe ring chos sgron gyis gdan sar bzhugs skabs bsdu bar gnang ba'i gsung chos pod kha shas bzhugs kyang dus 'gyur skabs phyag dpe bsnams rgyu ma byung zhing /__dbus gtsang gnas gzigs phebs skabs su bstod tshogs dang bla sgrub skor thor bu'i rigs gtsor mdzad/__dngos slob rnams kyi phyag tu gang yod bsdu rtsol dang /__phyag bris dngos las yi ge gnyis par zhal bshus sogs mkha' 'gro mchog nas bkas bskul ba ltar dad slob blo gsal dge slong spong ba pa 'jam dbyangs phrin las lhag bsam dag pas zhus shing /__phyag bris dngos bzhugs rnams dpe bshu skabs rgyus yod kyi dpyad zhib dang go rim sogs rje bla ma'i mchod dpon bla ma 'jam dbyangs blo gros mchog ldan nas mdzad/__spar du 'god pa'i mthun sbyor gsol dpon dge slong ngag dbang chos dpal rgya mtshos sgo gsum ngal ba dang len bgyis pa dang /__spar gyi zhus dag skor rje'i drung yig tshe ring bkra shis kyis zhus te/__'phags yul gyi sa'i cha bkra shis ljongs su skyabs rje khams sprul rin po ches dbu khrid gnang pa'i gsung rabs nyams gso'i spar khang gi dbu mdzad dkon mchog gtsos las byed yongs nas lhag blos 'bad brtson bgyis te legs par grub pa'i gsung rtsom pod gnyis kyi nang gses ji ltar bzhugs tshul la/__pod dang po e rtags can la/__(ka)thog mar yid ches skyed phyir rje nyid kyi rnam thar zhal gsung khyad du 'phags pa/__(kha)bstod tshogs skor rgyal kun dgyes bskyed tshogs gnyis dpal spel/__(ga)gsol 'debs skor byin rlabs bdud rtsi'i sprin gyi rol sgeg dang /__zhabs brtan skor 'chi med grub pa'i rdo rje'i bden tshig(nga)bla ma'i rnal 'byor ye shes bdud rtsi'i snang ba mchog sbyin/__(ca)bka' gter gyi sgrub brin chog khrigs skor dngos grub 'dod dgu'i bang mdzod/__(cha)khrid zin skor zab don snying po bdud rtsi'i yang zhun bcas bzhugs/__/pod gnyis pa waM rtags can la/__(ja)zhal gdams skor kun phan zla ba bdud rtsi'i 'dzum phreng /__(nya)gsung mgur skor thol byung badz+ra girti'i gsang mdzod/__(ta)chos skyong gsol mchod skor phrin las myur mgyogs glog gi zlos gar/__(tha)'grel TIka zin bris skor blo ldan yid kyi dga' ston/__(d+hiH)khyad par gyi gsung sna tshogs skor grub gnyis mchog sbyin nor bu'i gter bum la dpe tshan lnga/__(hrIH)rdzogs rim zab don skor lhan skyes ye shes dpal gyi rol mo/__(shrIH)gnas yig skor ngo mtshar dge legs dpyid kyi 'phrul yig(a)smon lam skor don gnyis lhun grub dpal gyi rol mtsho bcas bzhugs so/__/gsum pa spar du bsgrub rgyu'i gleng gzhi'i skabs rgyal bstan yongs rdzogs kyi mnga' 7bdag skyabs mgon srid zhi'i mchod sdong 7rgyal mchog pad dkar 'chang ba ngag dbang blo bzang bstan 'dzin rgya mtsho'i zhabs nas/__rje btsun bla ma thams cad mkhyen gzigs 'di nyid khams bod bstan 'dzin skyes bu gzhan las khyad par du 'phags pa'i bsngags brjod dang thugs brtse'i gzigs pa thun min gyis rjes su bskyangs pa ltar/__gzur gnas chos spyan yang pa'i bka' drin rmad du byung bas rje bla ma'i gsung skor spar du bsgrub pa ni bstan 'gro ris su ma chad pa'i phan bde'i gsos sman du che bas myur du grub par gyis zhes bka' lung lha'i rnga bo che lta bus rjes su bskul ba dang chabs gcig hin sgor lnga brgya/__yongs 'dzin rin po che rnam pa gnyis nas hin sgor lnga bcu re/__rje bla ma'i thugs sras gter chen mchog gling sprul sku rin po ches sgor sum brgya/__dpal ldan 'brug pa bka' brgyud kyi bstan 'dzin chen po khams sprul don brgyud nyi ma nas sgor sum brgya/__lho 'brug rgyal khab kyi chos sde chen po pur+Na kha'i chos rje mkhan chen 'jam dbyangs ye shes seng ge nas bka' 'bum phal cher spar du bskrun pa'i gzhi rtsar sgor nyis stong snga 'don gnang ba dang /__zur mang grwa karma yon tan mtha' yas nas sgor brgya dang lnga bcu/__bod grwa 'jigs med dngos grub nas sgor lnga bcu/__dge slong bstan pa sangs rgyas nas sgor bcu/__sde dge khra skya yid dga' nas sgor nyi shu/__rig 'dzin rdo rje nas sgor sum cu/__nyag bla 'bum brag rin po ches sgor brgya/__'brug a ne phur bu sgrol mas sgor nyi shu/__'brug a ne dam chos dga' mos sgor lnga/__zhwa de'u 'khrul zhig mchog sprul 'gyur med ngag dbang mdo sngags bstan 'dzin nas sgor brgya gnang ba bcas gzhir bzhag gis/__de 'phros spar yon dang zhus dag gi 'gro song rnams ngos rang nas phul te legs par bzhengs grub pa dang /__da dung rje bla ma'i gsung 'ga' zhig gi dpe dad slob rnams kyi phyag khar bzhugs nges pa de rigs g.yar zhus dang 'brel 'di'i kha skong du rim gyis spar 'god thub ba zhu 'dun lags/__/slar smras pa/__/rgyal ba'i chos tshul zab rgyas me tog gis/__/gang thugs gzungs spobs rgya mtshor mdzes pa'i bcud/__/skal bzang rkang drug kun dga'i gsos sman du/__/rjes brtse'i sor mos bstar la brgyus 'di rmad/__/tshig snyan bsdebs legs 'jam mnyan 'dab brgya yangs/__/don zab rmad byung ro brgya'i sbrang rtsis phyug__/go sla gnad 'dus mchog phal kun sman gsos/__/mkha' khyab 'gro la rnam grol lang tsho sbyin/__/cha shas re yang gser bzang zhun ma bzhin/__/nyams su dogs nas rnam dkar 'di brtsams pas/__/blo ldan yid kyi 'dab brgya'i dpal gyur nas/__/phan bde'i dga' ston ci dgar stsol gyur cig__/rje btsun bla ma'i zab dgongs dbyings su rdzogs/__/mchog gi sprul sku'i sku tshe mdzad phrin rgyas/__/bshad sgrub phrin las rnam bzhi'i mu khyud brtol/__/ris med rgyal bstan dar rgyas yun gnas shog__/bod ljongs chos srid rang dbang dbu rmog btsan/__/bstan 'dzin thugs mthun chos spyod phrin las 'phel/__/rdzogs ldan snang ba brgya ba'i 'od 'gyed pas/__/mngon mtho nges legs yon tan 'dab rgyas shog__/bdag sogs lam 'dir 'brel tshad ma lus kyang /__/bla ma 'jam pa'i dbyangs kyis rjes bzung nas/__/phyogs bcu rab 'byams zhing du rgyal kun drung /__/'phags pa'i spyod pa rgya mtsho yongs rdzogs shog__/thub bstan yongs kyi shing rta'i srog bzung nas/__/'chad rtsod rtsom pas rgyal ba dgyes pa'i lam/__/rang don yid byed blo yis ma bslad par/__/nam mkha' ji srid 'dzin pa'i mthu thob shog__/mi brjed gzungs dang blo yi spobs pa'i mthu/__/rdo rje rnon po'i go cha lhur len pas/__/zab gsang chos kyi gru char 'bebs pa la/__/sangs rgyas kun gyi rnam thar 'chang nus shog__/ces pa'ang rnam dkar gyi las 'di 'du bgyid pa'i skabs 'di ltar 'bri bar 'os zhes rje thams cad mkhyen gzigs chen po'i drung yig rig par smra ba tshe ring bkra shis nas nan du gsung bskul ltar/__'jam mgon chos kyi rgyal pos thun mong ma yin pa'i bka' drin dang thugs brtses skyong pa'i 'bangs bkra shis dpal 'byor don thams cad grub pa'i sdes/__kha bzhi lho'i sman ljongs kyi sa yi thig le spa gro rin chen spungs pa'i rdzong gi dbang phyogs skyer chu mtha' 'dul gyi gtsug lag khang du/__rgyal lcam skal bzang chos sgron gyis gsar bzhengs ma hA gu ru snang srid zil gnon gtso 'khor bzhugs pa'i gan+d+ho lar bris pa 'dis kyang dpal mgon bla ma dgyes pa'i snang ba dang mi 'bral ba'i rgyur gyur cig__/sarba dA mang+galaM//___//'dir gsal par shing rnams man li a pho rin po che'i gdan sar bzhugs pa dge'o/__/