JKW-KABUM-22-ZA-012-111-wylie

🚧 This website is under continued development. We appreciate your patience!

rje btsun rdo rje rnal 'byor ma'i tshogs kyi mchod pa'i rdo rje'i glu bde chen rtag pa dam pa'i sprin gyi rol mo/ rje btsun rdo rje rnal 'byor ma'i tshogs kyi mchod pa'i rdo rje'i glu bde chen rtag pa dam pa'i sprin gyi rol mo zhes bya ba/__'od gsal rnam kun mchog ldan ye shes kyi rol mo/__/zung 'jug dwangs ma'i gzugs skur mngon sum du shar ba/__/dran pas snying gi gdung sel dpal ldan gyi bla mas/__/bde stong ye shes skye bar byin gyis rang rlobs shig__/e dbyings shin tu rnam dag spros bral gyi gnas lugs/__/waM yig bcu drug dga' ba'i mtshan dpe ru bzhengs pa'i/__/lhan skyes mkha' la spyod pa rnal 'byor gyi dbang mos/__/rlung sems dbu mar thim pa'i dngos grub zhig stsol dang /__/yul chen nyi shu rtsa bzhir rang bzhin gyis snang ba'i/__/thabs shes phyag rgya'i gzugs 'chang dpa' bo dang mkha' 'gro/__/zhing skyes pho nya'i tshogs kyi 'du ba la brten nas/___/bde chen nyams brgyas sgeg pa'i skal bzang la sbyor zhig__/stong nyid mkha' la bris pa'i ting 'dzin gyi nyams 'gyur/__/ngo mtshar dbang po'i gzhu bzhin sna tshogs su 'char ba'i/__/sngags skyes rdo rje btsun mo'i bsam gtan gyi dga' ma/__/cir snang bde chen 'dren pa'i skyo grogs la phebs dang /__/rmad byung rdo rje theg pa'i lam bzang gi mthar thug__/rnal 'byor gsang mtha'i bdud rtsi'i dga' ston la spyod pas/__/brtan g.yo'i tshul du snang ba'i tha mal gyi dngos kun/__/he ru ka dpal 'grub pa'i smon lam zhig zhu'o/__/zhes pa'ang 'jam mgon bla ma rin po che ngag gi dbang phyug byams pa phun tshogs dpal bzang pos 'di ltar bris zhes rdo rje bka' stsal spyi bor mchod de/__/bya bral ba kun tu rgyu many+dzu g+ho Shas gsol ba btab pa sid+d+hi rastu//__dge'o//__dge'o//__dge'o//