JKW-KABUM-19-DZA-001-067-wylie

🚧 This website is under continued development. We appreciate your patience!

yongs kyi dge ba'i bshes gnyen byams pa phun tshogs dpal bzang po ni/ yongs kyi dge ba'i bshes gnyen byams pa phun tshogs dpal bzang po ni/__mdo smad bu 'bor sgang gi sa'i cha wag shul g.yon ru zhes grags pa'i nang tshan hor ra rnying par/__tshal pa khri dpon gyi brgyud khri dpon tshang zhes grags pa'i rigs brgyud rim par byung ba las/__yab ya rab dra ma'i ngang tshul kun gyis dper bzhag 'os pa bsod nams rgyal mtshan dang /__yum a 'tsho zhes dam pa'i chos la dkar ba zhig gi sras su rab byung bcu bzhi pa'i chu pho spre'u'i lor 'khrungs/__dgung lo bcu gcig par li thang mkhan chen khri rabs so gsum pa rdo ring rin po che blo bzang bstan pa'i rgyal mtshan las dge tshul bzhes/__mtshan byams pa phun tshogs su gsol/__li thang gzhi pa khang tshan du zhugs nas/__dgon de'i 'don chog skor dang /__phyag len byang chub pa dang /__rgyan 'jug sogs thugs la byang bar bzung /__bsdus gra mthar phyin par mdzad/__dus de tsam nas mkhas pa rnams yid 'phrog pa'i rnam dpyod phul du byung ba mnga'/__de skabs snga phyir mo la mkhan rin po ches blo gros 'byung gnas li thang gi mkhan sar phebs pa'i lung bstan kyang gsal bar gnang /__rdo ring rin po che/__mo la mkhan chen/__rta mgrin gyi grub thob rgyal skor bsod nams mkhas mchog sogs las mdo sngags kyi bka' chos mang du gsan/__dgung lo nyi shu rtsa gnyis par bod du phebs/__'bras spungs sgo mang du zhugs/__thog mar phar phyin don bdun gyi gzhung gsar bzhes nas rim par phar phyin/__dbu ma/__mdzod/__rnam 'grel/__'dul ba bcas la tshig don gnyis kar byang chub pa dang /__rje'i lam rim chen mo sogs thugs la bzung /__de'ang thog mar 'dzin grwa gzhung gsar pa/__de nas gzhung shod/__skabs dang po/__phar phyin don gang che'i 'dzin grwa bcas lo bzhi'i ring phar phyin dang /__de nas dbu ma gsar rnying la lo gnyis/__mdzod la lo gcig__/bka' ram 'og lo gcig gi tshe rnam 'grel dang /__'dul ba gzhi bstod bcas la thugs skyor mdzad/__de nas bka' ram gong mar lo gcig bzhugs pa'i ring sngar gsan sbyong mdzad pa rnams la thugs zhib dpyis phyin par mdzad/__dgung lo so gnyis par 'bras spungs tshogs chen du rdo ram pa'i dam bca' bzhes nas dpal ldan smad rgyud par zhugs nas lo ngo gnyis bzhugs te/__rgyud pa mkhan chen rgya mtsho bstan dar las dpal gsang ba 'dus pa'i 'grel pa bzhi sbrags sogs sngags kyi gzhung la gtso bor sbyangs/__rgyud gtad pa'i 'grel dbang skabs lan gsum bar du bskyar ba sogs thugs kyi sras su dgongs par mdzad pa sogs gzengs bstod/__dgung lo nyer gsum par paN chen thams cad mkhyen pa las bsnyen par rdzogs/__'jigs byed dpal bo gcig pa'i dbang chen sogs gsan pas mtshon/__khri chen byang chub chos 'phel las 'jigs byed dbang chen gsan/__byang chub nor bu zhes mtshan btags/__rtsa ba'i bla ma khri chen ngag dbang chos 'phel las rdo rje phreng ba dang /__sgrub thabs rgya mtsho sogs kyi dbang chen yongs rdzogs gsan cing /__khyad par legs bshad snying po'i bshad lung rgyas par gsan pa la brten zab mo dbu ma'i lta ba khong du chud pa'i tshul bstan/__khri chen 'jam dpal tshul khrims las lam rim 'jam dpal zhal lung gi nges khrid dang /__dpal dus kyi 'khor lo'i dbang chen zur bka'/__khri chen blo bzang lhun grub las lam rim chen mo'i bshad lung dang /__gzhung pa ri khrod pa dkon mchog dar rgyas las lam rim chen mo tshar gcig dang /__bde lam/__byams pa'i 'pho khrid sogs/__gtsang pa mkhan chen sprul pa'i sku las 'jigs byed dpa' gcig dbang chen sogs dang /__gzhan yang dbang rjes gnang mang bar gsan/__klu 'bum lha ram pa las rgyud bla ma'i rigs kyi skabs gsan pas gsung rab la go ba sogs thon pa'i tshul bstan/__dgung lo so gsum par phyir phebs nas li thang tshogs chen du/__/dam bca' mdzad/__'khor lo bde mchog gi gnas su grags pa bsod nams bkod pa'i brag dkar ri khrod du bzhugs nas dam pa'i chos 'dul ba'i phyag bzhes khyad par can gtso bor bton pa'i bshad sgrub spel mar mdzad/__khyad par zab mo dbu ma'i lta bar thugs nges 'khrungs pas nyams mgur khyad par can mdzad/__bar chad kyi mtshan ma cung zad gzigs par sgrol ma 'bum ther bcu gsum dang /__mgon po'i gtor sgrub brgya rtsa brgyad sogs mdzad/__dgung lo so brgyad par ri khrod der 'brum nad mched pa la brten/__rdor gyi g.yag rwa phug tu bzhugs rje rin po che'i bla ma'i rnal 'byor rgyas pa thugs rje bskul ba'i sgra dbyangs zhes pa'ang gsung rtsom du gnang nas tshogs la 'dzugs par yang gnang /__de nas lo shas li thang dgon chen rang du bzhugs nas lam rim che chung bshad lung /__'jigs byed dang dus 'khor dbang chen sogs dang /__nag zlar dus 'khor gyi sgrub mchod gsar 'dzugs sogs bshad sgrub spel bar mdzad/__dgung lo zhe gnyis pa'i dgun ka glang lo'i mjug kaM po gnas nang du phebs nas 'khor lo bde mchog lugs de rtse gcig tu gnang /__dngos grub khyad par can brnyes pa'i tshul bstan cing bstod chen khyad par can mdzad kyang phyis dpe rgyun mi snang /__dgung lo zhe gsum par slar li thang du phebs/__de skabs mkhan po'i zlos gzhi lta bu byung bas/__zhe bzhi par sde dge'i phyogs su phebs//____//_!_