JKW-KABUM-19-DZA-001-053-wylie

🚧 This website is under continued development. We appreciate your patience!

'jam pa'i dbyangs ngag dbang legs grub ni/ 'jam pa'i dbyangs ngag dbang legs grub ni/__'brog gnas mched lnga'i nang tshan gnod sbyin gyi sde dpon chen po gser spong gis legs par srung ba'i yul gru sga lung ru bzhir grags pa'i nang tshan lab mda' zhes bya ba'i grong khyer du/__sngags kyi lam la gzhol ba'i brgyud pa phyis su lab mda' pa'i 'phying bang du gyur pa ya rabs drwa ma'i ngang tshul can gyi khyim du rab byung bcu bzhi pa'i lcags mo lug gi lor 'khrungs/__gzhon nu'i dus gdong spras bsam gtan gling gi chos grwar zhugs/__skye rgu don grub gling pa'i sprul sku ngag dbang byams pa chos dar mdun gtsug phud phul/__mtshan ngag dbang legs grub tu gsol/__slar thob khung gi dbang gis thub bstan dgon du byon nas/__de dag tu dpal e wa~M pa'i chos spyod cho ga'i rim pa rnams byang chub par sbyangs/__rgyal ba'i bka' 'gyur rin po che klog pa'i mchod gnas kyang mdzad/__dgung lo bcu dgu pa sa mo glang gi lor 'og min gnyis pa shrI e wa~M chos ldan du phebs/__lo der mkhan chen 'jam pa'i dbyangs dpal ldan don grub las gsung ngag rin po che gsan cing /__phyi lor bsnyen par rdzogs/__rta nag thub bstan rnam rgyal du mtshan nyid kyang thog gcig sbyangs/__khyad par dpal e wa~M pa'i bsgrigs srol ltar rgyud brtag gnyis/__tshul gsum/__ljon shing/__sdom gsum/__snang rgyud gnyis/__kun tu dgos pa'i gzhung bdun/__mngon rtogs rgyan dang /__spyod 'jug ste gzhung chen po bco lnga'i tshig dang don bcas thugs mtshor gtams pas gzhung bdun smra ba'i mtshan gyi cod pan dbyangs/__de dag gi skabs su nyin rer shog bu drug re tsam chag med du 'dzin pa gnang bas gong gi gzhung de rnams lo phyed gnyis tsam gyis rdzogs par bzung ba yin ces gsungs/__bzo dang gso ba'i rig pa'ang cung zad sbyangs shing /__khyad par sku gzugs dang mchod rten gyi thig rtsa/__dkyil 'khor rab 'byams kyi bris thig__/dbyangs gdangs/__gar rol sogs la mkhas pa'i phul du son/__dgung lo sum cu pa lcags pho byi ba'i lor mkhan chen thams cad mkhyen pas bka' stsal ltar/__bdag gis sgra ka lA pa/__sdeb sbyor rin 'byung /__snyan ngag me long rnams phul ba dus thung ngus tshegs med par mkhyen/__rta nag mkhan chen seng ge rab rgyas las phar tshad kyi bshad pa dang /__mkhan chen rdo rje 'chang byams pa kun dga' bstan 'dzin gtso bor gyur pa'i yongs 'dzin dam pa ji ltar bsten pa'i tshul ni/__mkhan chen dpal ldan don grub/__phan khang mkhan rin po che byams pa dpal ldan bzang po/__khang gsar mkhan chen ngag dbang blo gros bstan 'dzin/__dpal sa skya pa 'jam mgon rdo rje rin chen/__mdo khams pa ngag dbang bzang po/__zhwa lu rdo rje 'chang rin chen blo gsal bstan skyong /__brag sgom zhabs drung rin po che dkon mchog bstan pa rab rgyas/__thar rtse zhabs drung rin po che 'jam dbyangs nam mkha' rgyal mtshan/__lha btsun 'jam pa'i dbyangs don grub rgyal mtshan/__'dar grong chen slob dpon ngag dbang 'jam dbyangs/__rta nag sgrol phug rin po che rig 'dzin 'jam dbyangs chos kyi rgyal mtshan/__'dar ston blo bzang bstan pa'i nyi ma/__dpal sa skya pa'i yongs 'dzin blo gros rgya mtsho/__ngor e wa~M pa'i zur 'chang ngag dbang bstan pa/__sdom brtson phrin las rab rgyas sogs yongs 'dzin dam pa mtha' yas pa bsten nas zab pa dang rgya che ba'i dam pa'i chos kyi bdud rtsi rgya mtsho lta bu gsan/__kho bos kyang dbang lung 'ga' zhig maN+Dal du phul/__bya rgyud rigs gsum spyi/__tshe dpag lha dgu/__gnyan sgrol/__sgrol dkar/__rnam 'joms/__kun rig__/gsang 'dus 'jam rdor/__'jigs byed las gshin bcas/__bde mchog bong zhal can/__nA ro mkha' spyod/__dpal kye rdo rje/__mgon po brag rdzong ma/__rta mgrin yang gsang sogs kyi bsnyen pa sbyin sreg bcas dang /__rgyun du'ang de dag ci rigs pas mtshon nyams bzhes su mdzad/__chu pho stag 32la zhwa lu rdo rje 'chang sogs la dbang bka' phul/__dgung grangs so gsum pa chu mo yos kyi lor dpal e wa~M pa'i rdo rje'i slob dpon du mnga' gsol nas lo bzhi lhag tsam bzhugs pa'i bar gtso bor bsgrigs lam gong 'phel dang /__bar skabs su 'dar grong chen slob dpon las bka' 'gyur rin po che sogs gsan/__so bdun pa me mo lug gi lo 'jug nas bka' 'gyur rin po che'i chos 'khor bskor/__bzhi bcu pa lcags 45pho khyi lor skyed tshal du slob bshad gsungs shing dbus su phebs/__zhe gsum pa chu mo glang gi lor khams su byon//____//_!_