JKW-KABUM-19-DZA-001-022-wylie

🚧 This website is under continued development. We appreciate your patience!

rtse le khag gsum gyi lo rgyus/ @#/_/rtse le khag gsum zhes grags pa'i rtse le gong ma la'ang gsar rnying gnyis las/__rnying pa ni kun mkhyen chos sku 'od zer gyis btab/__phyis ser khyim du gyur pa/__1gsar ma mchims shAkya pra b+ha wa zhes slob dpon chen po spyan 'dren pa'i pho nya/__slad nas slob dpon las rdo rje phur pa'i chos skor gsan cing nyams su bzhes pas grub pa thob pa de dang /__gra sgom shes rab bzang po/__mdo khams gter ston shes rab me 'bar sogs kyi skye brgyud/__gu ru chos dbang gi sprul par yang grags pa/__sku rab pa'i zhal ngo rig 'dzin bsod nams rnam rgyal gyis rtse le gsar ma'i gra tshang btsugs/__o rgyan gyi gser sku rgyab mtho nyer brgyad yod pa sogs bzhengs/__mchog ldan mgon po/__dol las 'phro gling pa/__rdzogs chen pa bsod nams rin chen/__rgyal sras zla ba grags pa sogs las gsan bsam rgya cher mdzad/__de la sras dpal o rgyan bstan 'dzin/__karma mthu stobs rnam rgyal/__dkar chen kun dga' bstan 'dzin/__chos rje nA len+d+ra pa rnams byung /__o rgyan bstan 'dzin gyis gdan sa bskyangs/__so brgyad par gshegs/__'dis slar yang gra tshang gsar ma zhig btsugs na'ang /__gshegs rjes rnying pa dang ma mthun nas bzang phud rnam pas logs su phye ba las/__grwa tshang de'i dbu mdzad phyis bla mar bskos pa bai ro'i rnam 'phrul mtshungs med bstan 'dzin rdo rje dgung lo so gcig pa'i steng thang 'brog 'od gsal rtse'i dgon gzhis phyag tu rung bar rtse le 'og ma'i grwa tshang gsar du btsugs pa ste/__de'ang thang 2'brog gzhi ka'i bla brang gi rmangs dgung lo so gsum par gsar du bting nas rim par bzhengs/__karma mthu stobs rnam rgyal yang rtse le gong 'og gnyis su res mos kyis bzhugs shing dgung lo zhe brgyad par rtse le 'og ma'i grwa tshang du zhing gshegs/__bstan rdor ba dgung lo zhe lnga par gtsang po mgo dgu'i sgrub sde btsugs/__dgung lo zhe bdun par lang po bde chen 3)dgon gyi gra tshang btsugs/__bde chen dgon 'di g.yu sgra'i rnam 'phrul bsam gtan bde chen gling pas btab/__ming pad+ma chos gling du btags kyang /__mi dmangs rnams kyis bde chen gling pa'i dgon pa yin pas bde chen dgon du rang shugs kyis 'dogs pa byung /__phyis ser khyim du gyur pa bstan rdor bas gtsang dgon du bsgyur zhing /__rtse le gong 'og ltar gyi grwa tshang gsar du btsugs pa yin/__o rgyan bstan 'dzin pa'i sprul sku dwags po 'bru mdar nang so rgyal po'i sras su 'khrungs pa'ang bstan rdor pas gdan drangs/__karma pa dbang phyug rdo rje bsnyen par rdzogs pa'i mtshan o rgyan bstan 'dzin phrin las rgya mtshor grags/__thang 'brog gra tshang du mnga' gsol/__mthu stobs pa'i sku skye 'brug pad dkar gyi gnyer pa zhig gi sras su rgya gar yul gyi char 'khrungs pa'ang spyan drangs/__karma rig 'dzin mchog grub rnam rgyal du grags/__de ltar bstan 'dzin rdo rjes bstan pa la bya ba rgya cher mdzad nas dgung lo don gsum par mtsho rdzong nor bu ri'i rtser sku gshegs so/__/grwa tshang du phrin las rgya mtsho bzhugs/__de gshegs rjes mthu stobs pa'i sprul sku mchog grub pa mnga' gsol yang nyer dgu par rtse le gong mar gshegs/__bstan rdor pa'i sprul sku dul gyi grong na 'khrungs pa mkhas mchog pad+ma legs grub bam/__sna tshogs rang grol zhes grags pa de'o/__/gong gi mthu stobs pa'i sku skye mchog grub pa'i sprul sku ni rtse le gong mas gdan drangs/__phrin las rgya mtsho'i sku skye long po rtsal ste grub chen bkra shis tshe brtan gyi sras su 'khrungs pa rtse le 'og mar gdan drangs na'ang /__phrin las khyim par gyur te bstan la phan pa ma byung /__sna tshogs rang grol gyis gdan sa dgung lo so lnga bar bskyangs/__de nas bya btang mdzad de rgod tshang phug tu bzhugs pa'o/___/__!_sna tshogs rang grol rnam thar du/__gangs rar bzhugs skabs gnubs zhu lung gi chu byang gi phur/__tha shod brag dkar zhes pa sngon paN chen bi ma las rdzogs chen gsang ba snying tig gter du sbas shing /__lce btsun seng dbang 'od skur gshegs pa'i sgrub gnas de nyid mjal bar phebs nas zhag gcig bzhugs/__zhes snang /__/