JKW-KABUM-19-DZA-001-003-wylie

🚧 This website is under continued development. We appreciate your patience!

thu'u kwan grub mtha' las btus pa'i lo rgyu'i 'ga'/ grub mtha' thams cad kyi khungs dang 'dod tshul ston pa legs bshad shel dkar me long las/__sa bcad lnga yi/__dang po rgya gar 'phags pa'i yul du byung tshul/__bod gangs can du/__ma hA tsI nar/__yul gru 'ga' zhig__/grub don bshad pas mjug bsdu ba lnga/__dang po la/__phyi pa'i/__nang pa'i/__dang po la/__mu stegs pa ji ltar byung ba'i lo rgyus/__de dag gi 'dod tshul/__de bshad pa'i dgos pa'o/__/gnyis pa la/__grub mtha' smra ba bzhi'i byung tshul dang /__de rnams kyi lta ba'i bzhed tshul lo/__/gnyis pa la/__spyir sangs rgyas bstan pa byung tshul/__bye brag tu grub mtha' mi 'dra ba byung tshul/__'phros don du mdo sngags rig gnas byung tshul/__zhar byung bon lugs byung tshul lo/__/dang po la/__snga dar dang /__phyi dar gnyis/__gnyis pa la slob dpon dang /__yul la sogs pa'i sgo nas gtso bor bzhag pa gnyis te/__grub mtha' gzhan gyi byung tshul dang /__dge lugs pa'i byung tshul lo/__/dang po la/__rnying ma/__bka' gdams/__bka' brgyud/__zhi byed/__sa skya/__jo nang /__nyi tshe ba 'ga' zhig byung tshul lo/__/dang po la spyir gsang sngags gsar rnying gi dbye ba ngos bzung tshul dang /__bye brag tu rnying ma'i lugs srol bshad pa'o/__/dang po mdo phyogs la ma byung ste/__sngags phyogs las so/__/gnyis pa la/__byung tshul/__grub mtha'/__de la dpyad pa/__phyis byung 'ga' zhig brjod pa'o/__/dang po la/__bka' gter dag snang gsum/__phyi ma'i skabs mdo sgyu sems gsum sogs ka dag gdod ma'i klong du thim nas ring zhig lon/__da lta las byang gyer ba/__tshogs 'khor mnan sreg 'phang gsum sogs gzugs brnyan gtso bor byed ces bab col gyi gtam du bris so/__/gnyis pa la/__jo bo'i drin las bka' gdams lugs srol byung tshul/__der brten bstan 'dzin gzhan byung tshul/__babs so spyir bshad pa'o/__/dang po la/__sgra bshad ni/__spyan snga rin chen 'phel gyis/__rgyal ba'i bka' la yi ge na gcig kyang bzhag tu med par gdams ngag tu go ba la zer ba yin/__zhes pa ltar/__'brom ston gyis/__ngo mtshar bka' ni sde snod gsum yin te/__/gdams pa skyes bu gsum gyis mdzes pa yi/__/bka' gdams rin chen gser gyi phreng ba la/__/'gro ba gang gis bgrangs kyang don yod 'gyur/__/zhes bshad pa ltar/__rgyal ba'i bka' sde snod gsum gyi don ma lus pa/__a ti sha'i gdams pa skyes bu gsum gyi lam rim du bsdus nas nyams su len pas so/__/de yang dpal ldan a ti shas bstan pa'i dbu brnyes/__ston pa rin po ches srol phye/__sku mched gsum gyi ring la dar zhing rgyas/__glang shar bya yul ba sogs kyi dus shin tu dar zhing rgyas so/__/gsum pa la/__chos kyi rnam grangs dang /__gang zag gi mdzad spyod gnyis/__dang po la gzhung dang/__gdams ngag gnyis/__dang po la/__lta ba dang /__spyod pa gtsor ston/__gnyis ka zung 'brel du ston pa'o/__/dang po ni/__bden gnyis 'jug pa dang /__dbu ma'i man ngag sogs so/__/gnyis pa ni/__spyod bsdus sgron me dang /__sems bskyed kyi cho ga sogs so/__/gsum pa ni/__sde snod rgyud sde kun gyi lus yongs su rdzogs pa lam gyi sgron me'o/__/gzhan yang gzhung drug tu grags pa rnams kyang ngo /__/chos chung brgya rtsar grags pa yang ngo /__/gdams ngag la'ang gsum las/__lta ba gtso bor ston pa/__jo bo nas spyan snga ba la brgyud pa bden bzhi/__phu chung ba las brgyud pa rten 'brel/__rnal 'byor pa nas brgyud pa bden gnyis kyi khrid rnams las/__dang po gnyis ni thun mong ba'i gang zag bdag med dang /__phyi ma shin tu phra ba chos bdag med la 'khrid pa'o/__/spyod pa gtsor gyur blo sbyong gi gdams pa ni/__bdag bas gzhan gces kyi byang chub sems bskyed pa dang 'phel ba'i sgo nas sa lam bgrod pa'i tshul yin la/__khungs ni theg chen gyi mdo sde spyi dang /__klu sgrub kyi rin phreng /__rmi lam yid bzhin nor bu'i gtam/__sems can mgu ba'i tshigs bcad/__zhi ba lha'i bslab spyod gnyis la sogs pa'i man ngag snying por dril ba ste/__de yang d+harma rak+Shi ta'i mtshon 'khor/__rma bya dug 'joms/__byams pa'i smon lam gyi rdo rje'i glu/__gser gling pa'i byang chub sems pa'i rim pa la sogs te/__de las don bdun ma nye bar bkod pa'i/__gser gling pas jo bor gsungs/__des 'brom ston la lkog chos su mdzad/__des sku mched gsum la lkog chos su mdzad/__de nas po to bas glang shar gnyis la lkog chos su gnang /__zhang sha ra bas bya 'chad ka ba la lkog chos su mdzad/__des gtso bor rang nyams su blangs/__re re gnyis gnyis la 'chad/__phan che ba thogs pa gzigs nas 'bri phur 'tshogs chos su mdzad/__sngon 'gro rten gyi chos sems pa/__dngos gzhi byang chub kyi sems sbyong ba/__rkyen ngan byang chub kyi lam du bsgyur ba/__tshe gcig gis nyams len dril nas bstan pa/__blo 'byongs pa'i tshad/__blo sbyong gi dam tshig__/blo sbyong gi bslab bya ste don bdun du mdzad pa de ltar grags shing shin tu khyad par 'phags/__so so ba de dag kyang don du lam rim 'dir 'dus/__'di gtso bor 'brom la lkog khrid du mdzad/__gzhan yang nag tsho la gnang ba lag sor ba la brgyud pa dang /__gsang phu par gnang ba gro lung pa'i bstan rim sogs mdzad/__jo bo yab sras nas dge bshes dgon pa ba dang /__sne'u zur pa sogs la brgyud pa dang /__'brom nas spyan snga ba bya yul ba sogs gdams ngag pa dang /__'brom nas/__po to ba/__de nas sha ra ba sogs la brgyud par gzhung pa zhes pa'i tha snyad mdzad/__don du 'dra yang gzhung bshad kyi spros pa rgya cher byed mi byed kyi khyad tsam mo/__/bka' gdams pa rnams kyis mdzad pa'i lam rim la grags che ba/__dpe bum sngon po dang /__dpe chos gnyis/__snga ma po to ba'i gsung sgros dol po shes rab rgya mtshos bsgrigs nas/__lha 'bri sgang pas 'grel pa mdzad/__phyi ma la/__gran pas bsgrigs pa'i bsdus pa/__brag dkar bas bsgrigs pa rgyas pa/__lce sgom pas bsgrigs pa go bde zhing rgyas bsdus 'bring tsam mo/__/yang gzhung gdams man ngag gsum du dbye ba'i phyi ma ni/__yer pa lha ri snying po'i mgul du pha 'brom dang /__bu khu rngog gnyis la gnang ba'i gsang chos bka' gdams glegs bam ste/__rngog legs shes mnga' ris pa shes rab rgyal mtshan dang /__des phu chung ba la/__de nas 'brom ku mA ra ma ti'i bar chig brgyud du byon/__de nas bka' bkrol nas/__lo chen thugs rje dpal gyis dge 'dun grub la bshad pa nas rgya cher dar/__nyams len ni rjes dran lnga ste/__skyabs gnas bla ma dran par mdzod/__/lus ni lha yi rang bzhin te/__/ngag ni bzlas brjod rgyun par mdzod/__/'gro ba ma lus pha mar bsam/__/sems kyi gnas lugs stong par dpyod/__/lnga po de yi skye bar nas/__/dge rtsa thams cad dag par mdzod/__/ces pa'o/__/snying por gyur pa thig le bcu drug ste/__nyams su blangs pas 'dul ba nas rdo rje theg pa'i bar stan thog gcig tu nyams su len par mkhas shing /__lta ba mtho la dpyod pa zhib pa zhig 'byung gsungs/__lha ni thub pa/__spyan gzigs/__sgrol ma/__mi g.yo ba bzhi/__chos sde snod gsum ste/__de la bdun ldan no/__/bka' brgyud pa'i grub mtha' byung tshul la/__so so'i byung tshul/__lta sgom gyi rnam gzhag__/cung zad dpyad pa'o/__/dang po la/__bka' babs kyi gdams pa'i brgyud 'dzin pas na de skad bya/__dbye na mar pa'i brgyud 'dzin dang /__khyung po'i brgyud 'dzin gnyis/__/tai lo pa la bka' babs bzhi'i gdams pa mnga' ba dang /__khyung po la ye shes kyi mkha' 'gro ma gnyis kyi bka' babs mnga' bas na de skad lo/__phyag chen la mdo sngags gnyis/__dang po ni/__/lhan cig skyes sbyor te/__zhen log mos gus gtso bor ston cing /__dngos gzhi zhi lhag ngo sprod de/__rjes snang thog tu rtsal sbyong ba dang /__sngags su gnyug sems kyi ngo bo gtan la phab nas mnyam par bzhag pas rlung dbu mar zhugs gnas thim gsum dang /__des gtum mo 'bar ba dang 'dzag pa gnyug sems bde ba'i ngo bor skye/__de yul stong nyid dang dbyer med du gyur pa'i bde stong phyag rgya chen po ste/__grub pa sde bdun sogs kyi brjod bya'i gtso bo dang /__de yang tshe snga ma'i sbyangs 'phro can la/__dang po nyid nas sems kyi ngo bor mnyam par bzhag pas rlung dbu mar zhugs gnas thim gsum sogs byung ba la gcig car ba dang /__sngar ma sbyangs pa la lam thun mong ba dang /__dbang dang /__bskyed rdzogs sogs sngon du 'gro dgos pas/__rim gyis pa ste dbang rnon dang /__de ltar mi nus par phar phyin gyi phyag chen gyis 'khrid par dbang rtul lo/__/stag lung ngag dbang rnam rgyal gyi chos 'byung ngo mtshar rgya mtsho las/__mdor na nyan thos kyi nges 'byung /__theg chen gyi sems bskyed/__gsang sngags kyi dam tshig rnams gzhir bzhag pa'i steng du/__bka' brgyud kyi khyad chos/__mar rngog gi rgyud bshad/__mi la'i snying rus dang gdams ngag__/sgam po ba'i ngo bo'i ga dar/__karma pa'i rlung sems dbyer med/__zhang gi lam mchog mthar thug__/'bar ram pa'i bsre 'pho gseng lam/__phag gru'i gsang sngags/__stag lung pa'i rnam thar so dgu/__'bri gung pa'i sdom gsum gnad gcig__/gtsang pa rgya ras pa'i rten 'brel dang ro snyoms/__lo rgod pa'i mos gus dang zhen log rnams ni cha mthun khyad 'phags zhes re re la'ang thams cad tshang ba yod mod de/__gang la rtsal du bton nas slob ma 'khrid cing skyong bar mdzad pa'i phyir khyad par gyi 'byed chos su bzhag tu rung zhing /__yongs su rdzogs pa la'ang bka' brgyud rin po che'i bstan pa zhes 'jig rten rnams su snyan par grags so/__/zhes gsungs so/__/bzhi pa zhi byed pa la/__dngos dang /__de'i ya gyal gcod lugs so/__/sgra don/__thun mong du snga ma'i las dbang gis tshe 'dir lus dman pa/__nad/__dbul phongs/__mi min gyis gtses pa sogs sdug bsngal thams cad 'phral du zhi bar byas nas rnal 'byor la sbyor bzod par byed pas na de skad du bya/__/khyad par du/__sdug bsngal thams cad rab tu zhi bar byed pa'i sngags/__zhes pas srid zhi'i sdug bsngal zhi bar byed pa'o/__/dbye na/__brgyud pa snga phyi bar gsum/__dang po ni kha che dz+nyA na gu h+ya nas/__dpang lo tsA ba la brgyud pa ste/__zhi byed sgron me'i skor gsum dang /__gshin rje gshed la sogs pa'i sgrub thabs so/__/bar pa rma so kaM gsum phran dang bcas pa ste/__snga ma la/__tshig brgyud sems bskyed stong thun dang kha 'thor khar phog snar phog dang mthar rgyas rnams so/__/don brgyud lag khrid bcu drug go/__/gnyis pa la tshig brgyud dang /__don brgyud gnyis/__dang po la yang /__dam pa skyes mchog che ba nga bzhi/__'bring so gnyis/__chung ba bcu bdun te/__de re re la'ang lo rgyus dang /__slob ma 'khrid lugs cha tshang ba re yod/__brgyud phran ni don skor lnga po sogs chos sde so gnyis bzhugs/__don brgyud la/__phyogs su lhung ba rnal 'byor pho mo nga bzhi/__bla ma so gnyis/__dam pa so bdun rnams la don brgyud de snyed cig bzhugs pa dang /__ma lhung ba la gzhung sbas pa mig 'byed kyi skor la gcig__/de'i yan lag dus dang dus phran la gdams pa/__ngo sprod brgya rtsa drug pa/__ma 'gag rnam dag__/rdo rje sems dpa'i gseng lam ste lnga/__mkha' 'gro ma'i brda skor la/__mchog sgrub pa la brda skor/__/thun mong sgrub pa la yi ge bzhi pa'i skor/__gnyis ka sgrub pa la dzag ti'i brda skor/__thun skor te bzhi'o/__/de rnams kyi rtsa ba'i snying po lta bur gyur pa ni rgyud sde dang chos skad bstun pa smra ba'i seng ge'i don brgyud/__ma bstun pa brgyud pa bzhi pa yongs su ma grags pa'i don brgyud/__ma tshang mdor bsdus/__rig pa srang 'jug__/snyan brgyud bzhi rnams bzhugs/__/gsum pa ni/__dam pa'i gdams ngag bzhin du mngon rtogs brgyad ka bshad/__sdud pa'i steng du rgyas 'bring bsdus gsum sbyar nas bshad/__slob ma'ang yas brgyud dang mas brgyud gnyis las/__snga ma sher phyin thugs brgyud lag len snyan brgyud ces pa dang /__phyi ma sgom thog tu skor ba'i gdams pa'o/__/grwa pa mngon shes la man ngag sku'i sgron ma sogs sgron ma dgu skor/__lce tsAn+da kIrti las mdo sdud pa dang mtshan brjod kyi gdams pa sbyar ba mdo rgyud zhal skor gyi gdams pa/__ljang bka' gdams pa la sher phyin yi ge med pa'i gdams ngag gnang /__thor bu la/__'bro sgom la mtshan brjod gser thur/__gu sgom la las rgya'i gdams pa/__chu sgom la snying gtam lhug pa/__dmar sgom la chig chod gsum/__gnyags lo la bde mchog dpa' bo gcig pa'i gdams pa rnams dang /__lce dpal sgron la grub thob nyams kyi chos sde bcu drug__/ngor rje la lhan cig skyes sbyor/__gnas brtan grags 'byung la sher snying gdams pa/__shes rab rgyal mtshan la dus 'khor gdams pa/__shangs pa dbu ldeb la yi ge bzhi pa/__rgya ston skyi brtsegs la dgyes rdor/__zhang sag chung ba la phag mo gsang sgrub/__bla ma dgon dkar ba la phyag na rdo rje/__skyid shod 'ban gung rgyal la bde mchog snyan brgyud/__lab sgron la gcod kyi gdams pa gnang /__brgyud pa phyi ma rnams la phyag rgya chen po dri med thig pa phyag bzhes kyi skor zhes mtshan gsol/__de yang phyag rgya chen po ni dam pa mai tri pa'i dngos slob yin pas/__de nyid bcu pa sogs dang mthun/__dri med ni dam pa'i gsung rab rnams so/__/phyag bzhes ni bstan pa gzhan dang cung mi 'dra ba'i nyams len gyi gnad yod pas so/__/de yang spyir ngo bo pha rol phyin pa gsang sngags dang rjes mthun zhes bya/__de phyir A li kA li'i byin rlabs yod pa sogs mi 'gal te/__sher mdo nas yi ge bzhi bcu rtsa gnyis kyi gzungs kyi sgo bshad pa dang 'dra ba'i phyir/__chos skor la thun mong dang /__thun mong ma yin pa gnyis/__dang po ni/__mdo rgyud phyag len dang bcas pa/__bka' babs snyan brgyud dang bcas pa/__dri med phra tig dang bcas pa/__dar tshags bshad 'bum dang bcas pa'o/__/dang po ni/__spyi mdo chu klung mngon par rol pa/__sgos mdo sher snying /__spyi rgyud sde snod gsal byed/__sgos rgyud chu klung chen po'o/__/phyag len ni dbang 'khor che chung dang /__lam rim che chung gsum/__gnyis pa ni/__bka' babs bzhi/__de'i lam slong snyan brgyud bzhi/__gsum pa ni/__dri med phra tig ni zug pa rtsa ba'i skor sogs drug__/phra tig ni pa tshab kyis kun dga' ma bde ba'i skor rnams bris pa'o/__/bzhi pa ni/__dar tshags ni/__zhal gdams bdud rtsi'i skor sogs brgyad de/__/pa tshab kyis 'phral gtam ste nas yi ger btab pa/__bshad 'bum ni/__te ne/__zhig po/__snye mdo ba sogs kyis mdzad pa/__thun min la rgyud stong thun dang bcas pa/__dbang lam khrid dang bcas pa/__gsang mdzod gsum/__dpe bum brgyad do/__/zhi byed pa'i snying por gyur pa rgyas 'bring bsdus gsum gyi don nyams su len pa'i man ngag sher phyin lam rim zhes bka' babs drug gi gdams pa'o/__/'di la sngon grub thob bsam gyis mi khyab/__phyis skyes mchog bsam gtan dpal bas btab pa'i yab chos sdings dang /__sgo mo chos sdings gnyis grags che'o/__/gcod ces bya ba ni/__kun rdzob byang sems kyis las dang /__don dam byang sems kyis nyon mongs pa gcod cing /__de'i zhar la bdud bzhi'ang gcod pa'am/__rgyal sras kyi nyams len thabs shes kyi lam la spyod pas de skad du grags/__de'ang sher phyin sngags dang rjes mthun te/__'di'i gdams pa'i khungs sher phyogs spyi dang /__khyad par sdud pa ste/__rgyu ni bzhi yis byang chub sems dpa' mkhas stobs ldan/__/bdud bzhis thub par dka' zhing bskyod par mi nus te/__/stong par gnas dang sems can yongs su mi gtong dang /__/ji skad smras bzhin byed dang bde gshegs byin rlabs can/___/zhes stong par gnas pa ste/__de bsgom pa/__sems can mi gtong ba ste byams snying rje kun rdzob byang sems bsgom pa/__de gnyis zhi gcod kyi dngos gzhi dang /__ji skad smras bzhin byed pa lam gyi rtsa ba bshes gnyen bsten pa/__bde gshegs kyi byin gyis brlabs pa ni skyabs sems yan lag bdun pa maN+Dal rnams te sngon 'gro'o/__/bdud bzhis thub par dka' ba ni mthar thug gi chod tshad do/__/sngags dang rjes su mthun pa ni/__brtag gnyis las/__shing gcig dang ni dur khrod dang /__/ma mo'i khyim dang mtshan mo dang /__/yang na dben pa'i bas mtha' ru/__/bsgom pa bzang po brjod par bya/__/zhes dang /__lus kyi sbyin pa byin byas nas/__/phyi nas spyod pa yang dag spyad/__/ces dang /__nges par sngon du lha min dang /__/brgya byin lta bu 'ong na yang /__/de la 'jigs par mi bya ste/__/seng ge'i gzugs kyis rnam par rgyu/__/zhes pas gang du spyod pa'i gnas/__ji ltar gcod pa'i lam/__'bras bu slong tshar 'byung tshul sogs rgyas par bshad/__de yang ston pa nas/__'jam dpal/__AR+Ya de ba/__dam pa/__des yar klung sma ra ser po la gnang ba pho gcod dang/__skyo ston bsod rnams bla ma nas ma gcig la brgyud/__des grub thob pho mo nyer gcig dang /__sras mo grub thob bco brgyad sogs byon zhing /__slob ma mchog bzhir grags pa'i/__khu sgam chos seng nas rgya cher dar ba ni bka' ma dang /__byang gter sogs nas byung ba'i gter ma/__blo bzang grags par 'jam dbyangs kyis gnang ba'i skor dang /__rgyal thang lugs/__thang stong snyan brgyud/__zur mang drung gcod/__phyar ru lugs sogs phal cher dag snang ma ste bka' gter dag snang gsum ka yod do/__/lnga pa sa skya pa la/__spyir byon tshul/__bye brag lam 'bras sogs byon tshul/__lta ba rnam par bzhag pa'o/__/zhes so/__/de la spyir lam 'bras sogs lam skor dgu cha lag dang bcas pa/__mkha' spyod skor gsum/__dmar chen skor gsum/__dmar chung skor gsum/__'chi med rdo rje lha mo/__dzam dmar/__'jam nag__/seng gdong ma ste bcu gsum dang /__de steng seng ge sgra'i ngag srung 'grol bsnan pas klu pa'i gser chos bcu bzhi pa sogs man ngag gi skor dang /__spyi bka' rdor phreng /__sgrub thabs brgya rtsa/__rgya mtsho/__snar thang brgya rtsa/__zur bka' gsang 'dus lugs gsum/__gshin rje gsher skor gsum/__bde mchog lugs gsum/__bong zhal can/__mkha' 'gro rgya mtsho/__kye rdor bka' babs bzhi/__/dus 'khor sogs dang /__gur zhal dur khrod bdag po beg rtse sogs bka' srung gi skor dang /__yang phur dkar bdud sogs rnying ma'i skor te bsam gyis mi khyab pa bzhugs/__/deng sang rang phyogs pa 'ga' zhig gis/__lam 'bras thos bsam bgyis pas rgyud don go bar mi phan par smra ba snang ste/__tshad ma bzhi dang snyan brgyud bzhi'i 'khrid tshul rna bar ma son pa'i skyon du zad do/__/lam ni 'di nas byung ba'i lam nyams su blangs pas 'di nas byung ba'i 'bras bu mi bslu ba dang bcas pa'o/__/'di rgya gar du'ang slob dpon shrad+d+ha sogs kyis khungs su mdzad do/__/drug pa jo nang pa'i grub mtha' byung tshul ni/__ji ltar byung tshul/__lta ba'i 'dod tshul/__de ngan par sgrub pa dang bzhis bstan/__khungs ni/__yu mo mi bskyod rdo rje ste/__zla mgon dang /__de'i slob ma sgro ston gnam la brtsegs las dus 'khor gsan/__sku sgyu lus su bsgoms pas grub pa brnyes/__gzhan stong thugs la shar/__gya gnyis par gshegs/__de'i slob ma'i gtso bo sras d+harme shwa ra/__de'i bu chen nam mkha' 'od zer/__de'i slob ma sras se mo che ba nam mkha' rgyal mtshan/__de la 'jam gsar ba shes rab 'od zer/__'di'i dus dus 'khor bka' dogs kyang de nas yangs/__de'i slob ma kun mkhyen chos sku 'od zer/__de'i slob ma kun spangs thugs rje brtson 'grus/__de'i slob ma byang sems rgyal ba ye shes/__de gnyis ka'i slob ma mkhas btsun yon tan rgya mtsho/__de'i slob ma kun mkhyen dol bu pa/__'dis dang po bla ma sum cu lhag tsam las chos gsan/__khyad par spyi ston 'jam dbyangs grags pa rgyal mtshan las phar tshad sogs zhib tu sbyangs/__grwa skor mdzad pas grags pa shin tu che bar byung /__yan chad sa skya pa/__dgung lo so gcig par jo nang du phebs nas/__yon tan rgya mtsho las dus 'khor gsan/__srog rtsol mthar phyin pa'i rtags byung /__jo nang pa'i chos brgyud du grags/__gzhan stong rtsal du bton/__slob ma lo tsA ba blo gros dpal/__sa bzang ma ti paN chen te thugs sras gnyis/__gzhan phyogs las rnam rgyal sogs mtha' yas/__phyogs rgyal gyis 'khrul 'joms che chung dang /__de'i slob ma nya dbon kun dga' dpal gyis grub mtha' 'od gsal rgyan sogs brtsams/__de la gnod byed bu ston gyi bde gshegs snying po'i mdzes rgyan dang /__thugs sras lo tsA ba'i mdzes rgyan/__brtson 'grus dpal gyis bde gshegs snying po gsal byed/__yar 'brog pa rin chen tog gis mnyam med dbang po'i rdo rje/__ye shes thog tog__/rdo rje thog chen/__rdo rje'i tho ba sogs brtsams yod do/__/bdun pa nyi tshe ba ni/__bo dong pa/__bu ston lugs lho brag phyag rdor snyan brgyud rnams bris/__'u lugs las thugs sras rin rnam gyi slob ma shar chen pa dang /__gong gsum pa bde chen dpal ba/__khyung lhas pa sogs sa dge'i phyogs la rgya cher dar/__dus 'khor dang rdor dbyings la sogs dkyil 'khor bdun cu lhag tsam btsug__/ces snang /__dge ldan pa'i lugs byung tshul la/__bstan pa'i bdag po rgyal ba tsong kha pa 'jig rten du byon tshul/__de'i ring lugs dri ma med pa bstan 'dzin rnams kyis rgyas par mdzad tshul/__lugs de gzhan las khyad par 'phags tshul/__zhar byung log par 'khu bas glags ma rnyed pa'i tshul lo/__/dang po la/__rang nyid yon tan brnyes tshul/__rgyu des bstan pa la bya ba mdzad tshul lo/__/dang po la'ang gzhi sdom pa'i tshul khrims bzhes tshul/__lung dang rtogs pa'i yon tan brnyes tshul lo/__/gnyis pa la/__mang du thos pa lung gi yon tan brnyes tshul/__tshul bzhin bsgrubs pas rtogs pa'i yon tan brnyes tshul lo/__/dang po la/__thos pas sgro 'dogs bcad pa dang /__bsam pas gdams par shar tshul lo/__/dang po la mtshan nyid dang /__sngags gnyis/__gnyis pa ni 'dun legs ma nas gsungs pa ltar ro/__/rtogs pa'i yon tan ni/__so drug nas bya bral du phebs/__'grel pa bud+d+ha pA li ta'i rtsa shes rab byed brgyad pa'i/__brten nas 'byung ba med pa yi/__/zhes pa'i thad gzigs pas/__stong nyid gsar du rtogs tshul mdzad/__/gnyis pa la/__bstan pa'i rmang btsugs tshul dang /__mkhas pa'i bya ba gsum gyis 'phel rgyas mdzad tshul gnyis/__dang po ni/__'dul mdo sngags kyi 'dul ba gtso bor phyag len du btab pa'o/__/'chad pa ni/__mon mkhar bkra shis gdong du nyin re la gzhung lugs bco lnga re gsungs pas mtshon pa dang /__rtsod pa ni/__bcu dgu par gsang phu sogs su phar phyin dang /__phyis sa skya rtse dong sogs dka' chen bzhi'i grwa skor mdzad pas gzur gnas kyi spobs pa 'phrog__/rtsom pa ni ra sgrengs su lam rim/__'o de gung rgyal gyi lha zhol byams gling du sngags rim sogs jo bo yab sras dang /__rgya gar gyi paN grub du mas byin gyis brlabs te mdzad pa sogs mtha' yas/__rngog lo/__mang thos/__gzhung lugs mang thos bu ston/__ngal ba mang brten sa paN dang phya gtsang /__yon tan tshogs kyis mi dman pa mar mi sgam po pa sogs/__sa paN/__bu sogs/__rig lam la ngal ba mang brten/__phya ba sogs/__yon tan mi dman pa dol bu pa sogs kyis ma rtogs pa'i drang nges 'byed pa'i spobs pa thob/__slob ma la bla ma chos 'brel gsan pa bzhi/__snga tshar bzhi/__'khor dag pa rnam brgyad/__'jam dbyangs/__sras kyi thu bo gnyis zhes/__rgyal tshab/__'dul 'dzin gnyis/__khyad par du 'phags pa'i gsang bdag gsum/__sras gsum/__phrin las nam mkha' dang mnyam pa'i bu chen bzhi/__bkra shis dpal ldan/__gung ru rgyal mtshan bzang po/__sher seng /__dge 'dun grub/__dbus gtsang bstan pa'i sgron me bcu/__gzhan don lhun gyis grub pa'i sems dpa' bcu/__mi dbang gtsug na mdzes pa'i ti shrI gnyis/__byams chen/__chos rje/__rgya chen mang du thos pa'i dbon sras gnyis/__sbyangs pa'i yon tan 'dzin pa'i lcogs che chung gnyis/__bstan pa phyogs mthar spel ba'i dar chen sher bzang gnyis/__drug sogs mtha' yas pa las/__gtso bor/__rtogs ldan ba rgyal tshab/__mkhas grub/__'jam dbyangs chos rje/__byams chen pa/__sher seng /__dge 'dun grub/__sher bzang gnyis so/__/'jam dbyangs gtsang pa bdun brgyud las/__mthu stobs dbang phyug zhwa lu legs pa rgyal mtshan/__rje blo gros chos skyong /__dus 'khor la mkhas/__snyan brgyud kyi mnga' bdag ba so chos rje/__dwags po gra tshang btab/__mkhan blo gros brtan pa/__'dis byams chos lnga'i 'grel pa sogs brtsams/__rje smon lam dpal ba/__'di zhabs ma zin kyang /__mnal lam du chos gsan pas dngos slob kyi gras su bgrangs/__byang rtser rgyal tshab rin po che sogs dang /__shar rtser shar pa rin chen rgyal mtshan sogs byon/__byang rtser nyag ro grwa tshang sogs gyes/__'bras spungs su sgo mang /__blo gsal gling/__bde yang /__shag sgor/__thos bsam gling /__'dul ba/__sngags pa grwa tshang ste bdun byung /__phyis sgo blo bde sngags bzhir 'dril/__de'ang blo gsal gling du kun mkhyen legs pa chos 'byor ram 'jam dbyangs dga' blo/__paN chen chos 'byung dang bstan rtsis/__bsod nams grags pa/__bde yang du grwa chung yon tan rgya mtsho/__shag sgor du snar thang ba rab mchog__/thos bsam gling du nyan po shAkya rgyal mtshan/__sgo mang du gu ru chos 'byung dang /__'jam dbyangs bzhad sogs pod chen lnga byon/__se rar grwa tshang lnga yod pa/__phyis byes smad gnyis/__snga ma 'jam dbyangs chos rje'i slob ma mus srad blo gros rin chen dang /__phyi ma kun mkhyen byang chub 'bum gyis 'chad nyan mdzad nas dar/__'di dag tu mkhas pa gung ru rgyal mtshan bzang po/__gnyal ston dpal 'byor lhun grub/__rje btsun chos kyi rgyal mtshan sogs byon/__bkra shis lhun por shar rtse'i 'chad nyan pa dang po shangs ston dri med dang /__drug pa blo gros rgya mtsho/__dkyil khang nas/__brgyad pa blo gros rgyal mtshan dang /__bcu pa mkhas grub bstan dar ba/__thos bsam gling nas dang po kun mkhyen chos skyong bzang po dang /__bzhi pa khyung phrugs byams pa bkra shis/__/phyis su sngags grwa chos rgyan/__btsugs pa'i sngags chen rdo rje 'dzin pa dkon mchog rgyal mtshan sogs byon nas legs bshad mang du brtsams/__stod mnga' ris su shes rab bzang pos mang yul stag mo'i chos sde dang /__de'i dbon shes rab pas khrig pa'i chos sde btab pa sogs dar rgyas che/__byang sems sher bzang gis se rar zur chos mdzad/__kun mkhyen byang 'bum pas lung bstan nas chab mdo chos 'khor byams gling btab/__ku tsor rtogs ldan rje yi dngos slob/__gyi sras 'phags pa lha bzhugs/__de'i slob ma zhi ba bzang po/__lcags ra sprul sku sogs so/__/khams kyi sgang drug__/shod bcu/__rong dgu/__ru gsum du grags pa'i/__a mdo'i phyogs su don rin pas btab pa'i bya khyung brag_/sku 'bum du sngar dge 'dun mang tsam chags pa/__bsod nams rgya mtsho'i lung gis 'dul ba chos rje 'od zer rgya mtshos gtsang dgon du bsgyur/__mtshan nyid/__sngags pa/__phyis sman pa grwa tshang btsugs/__yon tan rgya mtshos rgyal ba'i sras po don yod rgya mtshor bskul te/__dgon lung byams pa gling /__lcang skya rdo rje 'chang gong 'og dang /__rje thu'u bkwan pa/__mi dbang chos kyi rgya mtsho sogs byon/__dgon lung mkhan po bcu pa bla ma btsan po pa don grub rgya mtshos gser khog tu dga' ldan dam chos gling btab cing /__phyis su smin grol no mi han rim byon gyis bdag po mdzad/__rong po bka' bcu grub chen dpal ldan rgya mtshos ri khrod bkra shis 'khyil sogs btab/__g.yer gshong sngags ram pa 'jam dbyangs blo gros kyis g.yer gshong grwa tshang btsugs/__'jam dbyangs bzhad pas mdo smad rong rgyud du chos sde bkra shis 'khyil btab/__mkhas pa ngag bkras dang /__de'i skye sprul gyis bskyangs/__thos bsam gling /__rgyud pa/__dus 'khor/__sman pa ste grwa tshang bzhi yod/__deng sang mdo smad tsam na che/__jo ne'i dpon rgyud chos rje rin chen lhun pos jo ne dgon btab/__phyis grags pa bshad sgrub sogs byung /__khyad par sngags kyi bstan pa spel ba'i gtso bo rje shes rab seng ge nas rgyud chen dkon mchog yar 'phel gyi bar byon pa'i srad rgyud pa ste/__de la'ang rim lnga/__bde mchog lo dril/__'jigs byed rnal 'byor bzhi rim/__sbyor drug__/'khor chen/__chos drug__/'pho khrid gser gyi sgo 'byed rnams 'chad/__phyis 'khor chen dang 'pho khrid bzhag pas srad rgyud lugs kyi khrid chen drug__/smad rgyud lugs kyi brgyad ces grags/__gzhan yang yan lag gi khrid gsum sogs dang /__lam rim sogs rgya cher byung /__dkon mchog yar 'phel la/__phyis 'da' kar 'jam dbyangs bzhad pa/__lcang skya rin po che/__thang sag pa dngos grub rgya mtsho rnams kyis gtugs nas so sos bskyed rdzogs sogs gnang /__de nas rim par 'jam dbyangs bde ba'i rdo rje/__gur smon pa don yod mkhas grub/__khri chen ngag dbang mchog ldan/__skal bzang rgya mtsho/__rol pa'i rdo rje sogs byon zhing /__dben sa bka' brgyud ni/__ba so chos rje'i slob ma/__grub chen chos kyi rdo rje nyang stod jo mo lha ri'i pad+ma phug__/stod lung pa dpal ldan rdo rje che 'phel la'ang bshad mod/__grib kyi rgya dram rdo rje brtsegs/__khams pa ye shes rdo rjes 'phan yul 'jog po'i phu yi dben gnas su bzhugs kyang /__'chi med 'ja' lus rdo rje'i sku skal dman gyis bltar mi snang bar bshad/__bar pa des bsod nams rgya mtshor lU hi pa'i dbang dang /__tshe dbang phul/__snga mas dben sa blo bzang don grub rjes su bzung /__des sangs rgyas ye shes/__des paN chen rin po che/__snga ma gnyis dang /__khyad par phyi mas snyan brgyud phal cher yi ger mdzad/__de ltar mkhas grub rje nas paN chen blo bzang chos rgyan bar byon pa la dben sa snyan brgyud dang /__rje shes rab seng ge nas 'jam dbyangs bzhad pa'i rdo rje sogs kyi bar byon pa la srad rgyud de bka' srol che ba gnyis phyis chu bo gcig tu 'dres so/__/dga' ldan zhes pa gdan sa'i ming gis btags pa ste/__rje rin po che'i sku tshe'i smad la chos rje dga' ldan pa'i lugs zhes grags pa byung /__de tshig sna bsdus pas dga' lugs pa zhes ma bde ba/__dge lugs par byas/__bka' gdams gsar ma zhes pa'i don/__pha chos le'u nyer drug par/__tha mar bstan pa'i me ro ni/__/grags pa'i mtshan gyis gso bar byed/__/ces bshad/__klu mes la bla chen dgongs pa rab gsal gyis dbu zhwa ser po gnang bar brten sngon gyi 'dul 'dzin chen po rnams kyis zhwa ser mnabs pas/__rjes kyang 'dul bstan gso phyir zhwa ser bzhes pas zhwa ser 'chang ba'i ring lugs pa zhes grags pa byung /__gzhan du bris pa ni nor ro/__/gsum pa rgya nag tu dar tshul skabs/__tshin gyi rgyal srid la shi hu'ang bya ba'i rgyal po mnga' thang shin tu che ba zhig byung bas/__'di tshe mtha'i yul gru rnams kyis rgya yi yul grur rgyal srid kyi ming gis btags te/__ma hA tshin+da zhes 'bod pa zur chag ste/__ma hA tsi na zhes byung /__bod kyis gos sogs la gras te rgya nag ces btags/__rang skad la/__shen Te'u zhes lha gling dang /__she'u na Te'u zhes lus 'phags gling du'ang 'bod do/__/de la/__skar ma lta bu she'u dang /__zla ba lta bu do'u ri dang /__nyi ma lta bu jing gi lugs srol byung tshul gsum las/__lugs srol dang po gnyis byung tshul/__nyi tshe ba 'ga' zhig byung tshul/__chos kyi lugs srol byung tshul lo/__/dang po ni/__she'u zhes pa yi ge'i ming ste/__'on kyang de'i khongs su rig gnas sna tshogs dang /__'jig rten gyi rnam gzhag rnams kyang bsdus nas 'byung bas/__don 'gyur ltar na bslab tshigs kyi gzhung ngam/__rigs byed kyi lugs zhes bya ste/__de ni rgya nag gi rgyal po thams cad kyi thog ma h+phu Shi zhes pa nas byung /__gnyis pa ni bon gyi grub mtha' ste/__lo'u kyun zhes pa rtsa ba'i ston pa yin la/__de la'ang lha mi gnyis snang ngo /__/gnyis pa nyi tshe ba/__mu stegs pa ni gtan nas ma byung /__he 'u zi dang /__the 'an zhes pa'i grub mtha' gnyis yod pa ni rgya'i lugs dang ma 'dres par yod de/__don du kla klo'i lugs srol dang mthun par snang /__gsum pa ni/__rgya gar nas byung tshul/__bod nas byung tshul lo/__/dang po ni/__sangs rgyas pa'i phrin las las ston pa mA+e tsis lus srog la mi lta bar gzhan phan dang du blang dgos pa sogs cha 'dra byung snang yang /__dngos ni 'od srung gi rigs kyi dgra bcom pa ma tang gi dang /__paN+Di ta b+ha ra na zhes pa gnyis kyis phebs pa nas bzung ste/__rgya gar gyi paN grub 'ga' zhig phebs te bsnyen rdzogs sogs/__der nas brgyud pa bar ma chad pa lnga ste/__gsang sngags kyi brgyud pa/__rgya chen spyod brgyud/__zab mo lta brgyud/__snying po don gyi brgyud pa'o/__/hwa shang pa'i sde chen po chags so/__/'on kyang gsang sngags brgyud pa ni deng sang mi snang ngo /__/dang po ni/__dgra bcom pa ma tang gi dang /__phyis rig 'dzin ku mA ra shrI las dar/__gnyis pa gnas brtan shrI mi tra dang /__khyad par slob dpon badz+ra b+ho ri dang /__a mo g+ha badz+ra gnyis kyis rgya cher spel kyang deng sang rgyun nub/__gsum pa 'phags pa thogs med nas brgyud pa lnga pa dul ba bzang po las slob dpon thang zan tsang gis gsan te dar/__bzhi pa ni/__mgon po klu sgrub nas brgyud pa bzhi pa pradz+nyA rasmi las/__rgya'i slob dpon ye shes dpal gyis gsan zhing /__Ti ce dA shi ka ste slob dpon chen po ye shes ldan gyis dar zhing rgyas par mdzad pa sogs nas dar/__lnga pa ni/__lang gshegs 'grel pa nas bshad pa ltar te/__de yang 'od srung nas bzung brgyud pa nyer brgyad pa slob dpon byang chub chos mchog bar chig brgyud du byon/__de nas brgyud pa lnga pa lU tsu tshan shi'i bar chig brgyud dang /__de nas gdams pa rgya cher brgyud pa lngar gyes kyang gzhan rnams nub/__lin gyi dang /__d+harmo zhes pa zur chag pas/__tA lo tsu shi zhes kyang grags/__bo d+hi d+hi d+harmot+ta ra/__tsho'u dung brgyud pa tsho gnyis deng sang yang yod/__'di dag la tsung men zhes zer/__don bka' brgyud pa dang phyogs mtshungs phyag rgya chen po'i brda'i brgyud par snang /__'on kyang bod du ma hA yA nas bshad pa dang /__rgya nag gi bshad pa gnyis mi mthun par snang la/__phyi mas nges 'byung byang sems kyis ma zin pa'i las dge sdig gi 'bras bu bde sdug so sor 'byin kyang /__thar pa dang thams cad mkhyen pa'i rgyur mi 'gro bar khyad med de/__sprin dkar nag gnyis kas nyi ma sgrib pa bzhin no/__/ci yang yid la mi byed pa ni nyams len gyi mthar thug pa yin yang gnas lugs mngon du gyur pa'i gang zag las gzhan gyi ma yin par bshad pa sogs snang bas/__hA shang gcig gi zer lugs thams cad nyes par bsgrubs mi rung /__tshin min zhes pa dang /__run min zhes pa ni/__gcig car dang /__rim gyis 'jug pas slob ma bkri tshul tsam ste grub mtha' so so ba ma yin no/__/de ltar sngar lugs srol lnga las/__thang gi rgyal rabs kyi gung yol gyi skabs tsam nas/__l+Yu'i men zhes pa 'dul ba/__ki'u yo'u man zhes pa bshad rgyud/__tsung min zhes pa sgrub rgyud de gsum du bsdus nas da lta'i bar du grags so/__/gnyis pa ni/__hor gyi rgyal rabs yan du byon pa med la/__de nas sa paN/__'phags pa/__pak+shi/__rang byung rdo rje/__rol pa'i rdo rje/__g.yung ston rdo rje dpal/__de bzhin gshegs pa/__byams chen dbu brnyes/__rje sogs byon nas bstan pa dar bar mdzad/__chen po ching gi dus nas bzung dge ldan pa'i ring lugs dar zhing rgyas/__gong ma g.yung Ting chen po'i sku ring nas shin tu rgyas par gyur to/__/hor yul te sog yul du chos dar tshul ni/__stobs kyi 'khor los bsgyur ba/__ching gi si bod du byon nas/__mnga' ris skor gsum/__ru bzhi/__mdo khams sgang drug rnams dbang du bsdus/__sa chen kun snying dang yon mchod du 'brel/__rten gsum 'ga' zhig spyan drangs te mchod pa la brten nas dkon mchog la dad par byung zhing bstan pa'i dbu brnyes/__'di sangs rgyas 'das nas lcags 'brug ltar na2087/__me yos ltar na 2074'das/__de nas sa paN 'phags pa dang /__karma pa sogs phebs te rim par srol btod/__phyis thu med pa'i al tha han gyi dus su gong ma bsod nams rgya mtsho phebs/__de nyid kyi sprul sku sog yul du 'khrungs pa sogs kyis dge ldan pa'i bstan pa la dad par gyur/__cha har legs ldan hu thog thus bka' 'gyur yongs su rdzogs pa sog skad du bsgyur/__hal ha'i yul du a su tha'i rgyal po'i tsha bo thu shi ye thu han gyi sras su 'jam dbyangs chos rje'i sprul sku blo bzang bstan rgyas 'khrungs/__ri bo dge rgyas gling gi dgon pa btab pa dang /__paN chen dang /__lnga pa'i slob ma dza ya paN+Di ta blo bzang phrin las dang /__er ti ni paN+Di ta blo bzang bstan 'dzin gnyis kyis kyang rgya cher spel/__thor gwod kyi yul du byang sems sbyor lam par grags pa sgo mang slob dpon don grub rgya mtshos srol btsugs/__os rod dam os lang la tsho bzhi las/__rgyal srid ho shod kyis 'dzin kyang o ro su'i rigs las son pa'i be shog thu han stobs rgyas kyis o rod yongs la dbang bsgyur/__mdo sngags kyi bshad grwa mang du btsugs pa sogs nas cun dkar gyi yul du bstan pa yun ring du rgyas par byung yang /__phyis nang 'khrugs kyis nyams/__o rod tsho bzhi'i nang tshan/__ho shod kyi dpon po ha na'i sras su shrI han bstan 'dzin chos kyi rgyal po ste/__de nas bzung bstan pa la gus pas mchod pa ste/__so lon dang bar gad kyi sde 'ga' zhig ma gtogs sog po byings la mu stegs dang kla klo sogs med cing /__sngon gyi sa dkar gnyis kyang med la/__sog btsun dbus su slob gnyer byas pa dang /__dbus gtsang gi mkhas grub mang po phebs nas dge 'dun gyi sde dang /__bshad grwas gang zhing zhwa ser can gyi ring lugs kyis khyab par gyur to/__/zhes grags/__rigs ldan drag po paN chen/__dmag dpon ha nu man+tha skal bzang rgya mtsho/__dmag dpon drag po ye shes bstan sgron sogs yin tshul yod/__rab byung bcu gsum pa'i lcags sprel lor rigs ldan bcu dgu pa rnam gnon khrir phebs nas lo pa 25yin par bshad pas/__deng sang stobs po che yin par gsal lo/__/__!