JKW-KABUM-13-PA-013-wylie

🚧 This website is under continued development. We appreciate your patience!

thugs rje chen po 'jig rten dbang phyug lha dgu'i phrin las kyi cho ga 'phags mchog dgyes pa'i mchod sprin/_ @#/__/A_R+Yo_t+ta_ma_pra_mo_da_s+ya_pU_dza_me_nA_ma_ma_hA_kA_ru_NA_lo_ke_shwa_ra_de_wan_ba_ma_s+ya_ka_rmanaH__bi_d+h+ya_sti/_/_ @#/__/thugs rje chen po 'jig rten dbang phyug lha dgu'i phrin las kyi cho ga 'phags mchog dgyes pa'i mchod sprin ces bya ba bzhugs so/__/ na mo gu ru lo ke shwa rA ya/__mtha' klas 'jig rten gsum gyi gdung sel ba'i/__/snying rje'i dbang phyug bla ma lhag pa'i lhar/__/btud nas de yi phrin las 'phags pa mchog__/mngon par dgyes pa'i mchod sprin cung zad spro/__/'di la gsum/__sbyor ba/__dngos gzhi/__rjes so/__/dang po la gnyis/__cho gar ma gtogs pa'i sbyor ba dang /__cho gar gtogs pa'i sbyor ba'o/__/dang po ni/__gnas dben zhing yid dang mthun par/__stegs bu'i khar rdul tshon nam ras bris sam tshom bu'i dkyil 'khor mngon par 'du byas pa'i dbus su rnam bum bcud ldan tsam dang /__dbang bskur ba dang 'brel na rig pa'i dbang gzhan gyi chas sogs dbang rdzas rnams tshogs par byas pa'i mthar sman raka gtor gsum nyer spyod sogs bkod pas mdzes par bsham/__nye logs su sngon gtor dang /__tshogs kyi yo byad/__rang gi mdun du rdo rje/__dril bu/__Da ma ru/__las bum/__nang mchod sogs dgos pa'i yo byad thams cad 'du bya'o/__/gnyis pa la/__rgyud sbyang mtshams bcad srung 'khor bsgom/__/brda sgo dbye zhing brda phyag 'tshal/__/dam bca' byin dbab mchod rdzas brlab/__/ces brgyad las dang po la/__brgyud pa'i gsol 'debs sngon du 'gro bas/__bla ma dang 'jig rten dbang phyug lha dgu'i dkyil 'khor mkha' khyab tu sad par bltas la/__/skyabs su 'gro ba ni/__bdag sogs mkha' mnyam sems can ma lus pa/__/rtsa ba gsum gyi dkyil 'khor lha tshogs la/__/rang rig dpal ldan rdo rje sems dpa'i zhal/__/rang ngo ma 'phrod de srid skyabs su mchi/__/sems bskyed pa ni/__rang la gdod nas yod pa'i rdzogs sangs rgyas/__/gcer mthong ngo sprad 'gro kun grol ba'i ched/__/bdag gis bla na med pa'i rnal 'byor mchog__/nyams blangs gzhan don byed par sems bskyed do/__/tshogs bsag pa ni/__bla ma yi dam mkha' 'gro gshegs/__/nyi zla pad+ma'i gdan la bzhugs/__/lus ngag yid gsum gus phyag 'tshal/__/phyi nang gsang ba'i mchod pa 'bul/__/nyams chag sdig sgrib thams cad bshags/__/gsang sngags sgrub la rjes yi rang /__/smin grol gsang sngags chos 'khor bskor/__/mya ngan mi 'da' gsol ba 'debs/__/snying po sems can don du bsngo/__/yang dag rdo rje'i don rtogs shog__/dzaHhU~M ba~M hoHsa/__tshogs zhing rnams rang la thim par bsam/__gnyis pa la/__thog mar mtshams lha bskyed pa ni/__hrIH__rang sems skad cig hrIHyig yongs gyur las/__/khro rgyal rta mgrin zhal gcig phyag gnyis pa/__/be con sdigs mdzub rtse las me phung 'bar/__/dur khrod chas rdzogs rta skad phyogs bcur sgrogs/__/oM badz+ra kro d+ha ha ya grI ba hu lu hu lu hU~M phaT/__ces nga rgyal bzung la/__gtor ma dkar dmar gnyis ra~M ya~M kha~M gis bsang /__swa b+hA bas sbyang /__stong pa'i ngang las b+h+rU~M las rin po che'i snod zab cing rgya che ba'i nang du gtor ma kha dog dri ro nus pa phun sum tshogs pa bdud rtsi'i rgya mtsho chen por gyur par bsams la/__oM AHhU~M lan gsum gyis brlab/__oM b+hU mi pa ti sa pa ri wA ra badz+ra sa mA dzaHsa mgron dgug__/rdo rje thal mo kha gyen tu phye zhing se gol gtogs pa dang bcas/__b+hU mi pa ti sa pa ri wA ra oM a kA ro sogs lan gsum gyis bsngos la/__sa bdag lha klu 'khor dang bcas/__/mchod sbyin gtor ma 'di bzhes la/__/bdag gis sgrub pa ma thon bar/__/khyed la gnas 'di bdag g.yar gyis/__/gnang ba legs par stsal nas kyang /__/ci bde bar ni gzhan du song /__/zhes phrin las gsol la/__b+hU mi pa ti sa pa ri wA ra gats+tshas rang gnas su gshegs par bsam/__gtor ma gnyis pa/__oM sarba big+h+nAn na ma s+sarba ta thA ga te b+h+yo bi shwa mu khe b+h+yaHsarba ta t+khaM ut+ga te s+pha ra Na hi maM ga ga na khaM gr-ih+Ne daM ba l+ya di swA hA/__zhes lan gsum gyis bsngos la/__hU~M/__yang dag gsang ba'i dkyil 'khor 'dir/__/'du ba'i lha rnams ma gtogs pa/__/mi dang mi min 'byung po'i tshogs/__/'di ru ma 'dug gzhan du dengs/__/ci ste mi 'gro 'dug gyur na/__/rta mchog rgyal pos rdul du rlog__/oM badz+ra krod+ha ha ya grI wa hu lu hu lu hU~M phaT/__gnod byed 'byung po u tsaT+TA ya phaT/__ces bka' bsgos la drag sngags rol mo'i tsham rngams dang bcas pas bskrad cing bgegs gtor phyir dor/__/gsum pa ni/__bdag nyid rta mchog he ru ka'i sku las me mtshon gyi sprin spros pas bgegs rnams bskrad/__slar 'dus pa las 'khor lo rtsibs bcu pa yangs shing rgya che ba phyi rol du rdo rje'i sa gzhi ra ba drwa ba gur bla bre ye shes kyi me 'bar ba dang bcas pas bcings te cis kyang mi shigs par gyur par bsams la/__hrIH__dbang gi rta skad rab 'tsher zhing /__/'khor lo rdo rje me phung gis/__/steng 'og phyogs mtshams med par gtams/__/srung ba'i gur khang chen por gyur/__/oM badz+ra tsakra dz+wa la ra~M hU~M b+h+rU~M hU~M/__bzhi pa ni/__ma dag pa'i snang zhen sbyangs nas rang bzhin lhun grub kyi dkyil 'khor du tshad med bzhi'i 'jug pas zhugs par mos te/__hrIH__kun snang ye shes zhing khams la/__/'khrul rtog sgo bcad kun tu bral/__/rang shar rang ngo shes pa yis/__/klong yangs zhing khams sgo dbye'o/__/hU~M pra be shA ya phaT/__lnga pa ni/__de ltar zhugs nas rang bzhin gnyis med rang rig pa'i ngang du brda phyag 'tshal bar bsams la/__hrIH__zang thal kun bzang ye shes che/__/thig le kun khyab kun tu snang /__/rtag chad bral ba'i don gyi mchog__/rang ngo shes la phyag 'tshal lo/__/a la la ho na maH__drug pa ni/__gnyis su med pa'i byang chub sems rdo rje'i dam tshig las nam yang mi 'da' ba'i dam bca' brtan por bzung ba dang bcas/__hrIH__'char dang nub pa med pa la/__/spang blang byas pas gol sar ltung /__/re dogs bral ba'i byang chub sems/__/srog gi thig ler gzung bar bgyi/__/oM badz+ra sa ma ya staM/__bdun pa ni/__rang gi snying ga nas byung ba'i lcags kyu lta bu'i 'od zer gyis mkha' khyab kyi rgyal ba sras dang bcas pa'i thugs rgyud bskul bas/__ye shes kyi lha tshogs nam mkha' khengs pa tsam du byon nas bdag gnas yo byad rnams la thim pas gnyis med du byin gyis brlabs par mos te/__spos rol dang dbyangs kyi 'gyur bsnyan po dang bcas/__hrIH__chos dbyings rnam dag dkyil 'khor nas/__/rang byung thugs rje'i lha tshogs rnams/__/'gro ba'i don du sku bzhengs la/__/dbang skur byin phob dngos grub stsol/__/oM AR+Ya lo ke shwa ra badz+ra A be sha ya a AH__brgyad pa ni/__mchod rdzas rnams/__oM swa b+hA ba bi shud+d+ho sarba d+harmAHbi shud+d+ho\u0f85 haM/__ces brjod pas ngo bo rang bzhin gyis rnam par dag pa ye shes kyi nga rgyal dang /__ra~M ya~M kha~M gis rnam pa rdzas kyi dngos 'dzin thams cad ye shes kyi me rlung chus bsregs gtor bkrus nas sbyangs bar bsams la/__thugs nas ra~M ya~M kha~M 'phros pas/__/phyi nang gsang pa'i mchod rdzas kyi/__/ma dag nyes skyon kun sbyangs nas/__/mi zad nam mkha'i mdzod du gyur/__/ces dang /__oM AHhU~M gis spyir brlab/__bye brag tu so so'i phyag rgya dang bcas/__oM badz+ra puSh+pe/__d+hU pe/__A lo ke/__gan+d+he/__nai wid+yA/__shab+da pU dza hoH__oM AHhU~M ma hA pany+tsa pU dza hoH__oM AHhU~M bo d+hi tsit+ta ga Na gu h+ya ma hA pU dza hoH__oM AHhU~M ma hA sarba pany+tsa a mr-i ta rak+ta ba liM ta hU~M hrIHThA/__zhes pas phyi nang gsang mchod sman raka gtor ma dang bcas pa chos nyid kyi rang rtsal 'gag pa med pa las 'dod yon rnam pa thams cad pa'i mchod sprin ye shes sgyu ma'i rol pa cir yang 'char bar gyur par bsam mo/__/gnyis pa dngos gzhi la/__lha bskyed spyan 'dren bzhugs su gsol/__/phyag 'tshal mchod bstod bzlas pa bya/__/thun las ldang ba'i rim pa'o/__/zhes brgyad las/__dang po ni/__bsgrub gzhi rang sems gnyug ma ye shes kyi dkyil 'khor nyid/__sgrub byed mtshan ma'i dkyil 'khor mkha' khyab tu snang bas/__bsgrubs pa'i 'bras bu gzhi lam tshogs pa'i rgyu rkyen gyis tha mal gyi zhen snang sbyangs te 'bras bu ye shes kyi dkyil 'khor mngon du 'gyur ba'i tshul khong du chud pas/__bdag mdun bum gsum dbyer med pa ting nge 'dzin gsum gyis khog phub cing /__rten dang brten pa'i dkyil 'khor bskyed tshul tshig phyir sems gzhol bas/__oM/__stong nyid snying rje dbyer med rang rig hrIH__de las 'od zer thig 'phros 'byung lnga'i steng /__b+h+rU~M las bde chen lhun grub gzhal yas khang /__/gru bzhi sgo bzhi rta babs bzhi dang ldan/__/rtsig pa lnga ldan pha gu pa tra can/__/dra phyed shar bu mda' yab phib tog mdzes/__/rdo rje'i ra gur ye shes me 'od 'phro/__/phyi rol dur khrod brgyad kyis yongs su bskor/__/de dbus pad+ma 'dab bzhi'i lte ba dang /__/'dab mar zla ba'i dkyil 'khor nya gang steng /__/rang sems hU~M dkar b+h+rU~M sngo a~M ser po/__/dz+rIM dmar kha~M ljang dzaHhU~M ba~M hoHrnams/__/rang rang mdog can sgo bzhir yongs gyur las/__/lte bar rang nyid mi bskyod 'jig rten dbang /__/dkar gsal 'dzum ldan spyan gnyis 'gro la gzigs/__/dbu skra thor tshugs lhag ma thur du 'phyang /__/phyag gnyis g.yas pa mchog sbyin phyag rgya dang /__/g.yon pa sta zur ngos su dkur brten pa/__/rin chen rgyan dang dar gyi na bza' gsol/__/zhabs gnyis mnyam pa'i stabs kyis bzhengs tshul can/__/shar du snang mdzad 'jig rten dbang phyug sngo/__/lho ru rin 'byung 'jig rten dbang phyug ser/__/nub tu snang mtha' 'jig rten dbang phyug dmar/__/byang du don yod 'jig rten dbang phyug ljang /__/kun kyang rgyan gos phyag rgya gtso bo bzhin/__/sgo bzhir zla ba'i gdan la lha mo bzhi/__/dkar ser dmar ljang dbu skra thor tshugs can/__/rin chen rgyan dang dar gyi na bza' gsol/__/lcags kyu zhags pa lcags sgrog dril bu 'dzin/__/g.yon pa sdigs mdzub zhabs gnyis dor stabs bzhugs/__/zhes dam tshig gi 'khor lo gsal gdab/__/gnyis pa ni/__de ltar du gsal ba'i lha tshogs rnams kyi spyi bor oM dkar po/__mgrin par AHdmar po/__thugs kar hU~M sngon po/__de las 'od 'phros pas mkha' khyab kyi rgyal ba thams cad 'jig rten dbang phyug lha dgu'i ye shes kyi 'khor lo'i rnam par mdun gyi nam mkhar badz+ra sa mA dzaHsa spyan drangs par bsams la/__spos rol dang dbyangs kyi 'gyur bsnyan pos/__hrIH__sngon tshe bskal pa'i thog ma la/__/'gro drug sdug bsngal thugs rjes gzigs/__/smon lam stobs bskyed 'gro don mdzad/__/byang chub sems dpa' spyan ras gzigs/__/gnas mchog 'di ru gshegs su gsol/__/sems can 'dzin pas bcings pa rnams/__/lam gyi bar chad sel ba'i phyir/__/'gugs 'dren 'ching sdom dgyes mdzad ma/__/sgo srung lha mo chen mo bzhi/__/gnas 'dir spyan 'dren gshegs su gsol/__/oM lo ke shwa ra sa ma ya dzaHdzaH__gsum pa ni/__dam ye dbyer med du bstim zhing brtan par bzhugs pa'i mos pas/__hrIH__chos dbyings lhun grub bde chen gzhal yas 'dir/__dbyings kyi thig le 'od phung 'khyil ba'i dbus/__/rig pa rang shar thugs rje chen po'i lha/__/mnyam nyid don gyi dbyings su brtan par bzhugs/__/oM badz+ra sa ma ya tiSh+Than+tu/__bzhi pa ni/__gtso bo'i thugs ka nas rang nyid gtso bo gnyis pa'i rnam par logs su phye nas dkyil 'khor gyi shar sgo'i thad du gnas pas phyag sogs las rim la 'jug par mos pas/__hrIH__rang rig thugs rje chen po'i lha tshogs la/__/snang stong skye 'gag med pa'i dbyings nyid du/__/bzang ngan gnyis 'dzin ye nas bral ba yi/__/mnyam nyid don gyi ngang du phyag 'tshal lo/__/na mo pu ru sha ya hoH__zhes phyag bya/__lnga pa ni/__phyi nang gsang mchod sman rag gtor ma dang bcas pa'i mchod sprin mkha' khyab tu spros par bsams la/__hrIH__rig gdangs thugs rje'i lha tshogs la/__/mchod pa'i bye brag 'bul ba ni/__/me tog bdug spos mar me dri/__/zhal zas sgra snyan lha mo rnams/__/so so'i kha dog phyag rgya sgyur/__/rab 'byams nam mkha'i khams bkang nas/__/rgyal ba'i dkyil 'khor mchod par bya/__/oM AHhU~M badz+ra puSh+pe nas/__shap+da pU dza hoH__hrIH__rig gdangs thugs rje'i lha tshogs la/__/rang byung bdud rtsi rnam lnga dang /__/sha lnga dam tshig mchog gi rdzas/__/nang gi bdag nyid dag par bzhes/__/ma hA a mr-i ta mAM sa pany+tsa pU dza hoH__hrIH__thugs rje chen po'i lha tshogs la/__/snang stong bde chen yab yum mkhar/__/dga' bzhi ye shes thig ler 'khyil/__/zung 'jug bde chen mchod par bzhes/__/oM bo d+hi tsit+ta pU dza hoH__hrIH__thugs rje chen po'i lha tshogs la/__/rtsa brgyad bdud rtsi'i mchod pa dang /__/bde chen rak+ta'i mchod pa dang /__/dam rdzas gtor ma'i mchod pa rnams/__/don dam dbyings kyi mchod par 'bul/__/mthun 'jug mchog gi mchod par bzhes/__/oM ma hA pany+tsa a mr-i ta rak+ta ba liM ta kha raM khA hi/__spro na/__snang mtha' spyan ras gzigs dbang pad+ma 'byung /__/chos rgyal srong btsan rdo rje thogs med rtsal/__/smin grol mchog stsol rtsa brgyud bla ma la/__/sman mchod 'bul lo mthu dbang dngos grub stsol/__/sarba pany+tsa a mr-i ta kha raM khA hi/__/zhi dang khro bo'i dkyil 'khor rab 'byams kyi/__/spyi gzugs 'jig rten dbang phyug lhag pa'i lha/__/dkyil 'khor 'khor lor bcas pa thams cad la/__/sman mchod 'bul lo mthu dbang dngos grub stsol/__/sarba pany+tsa a mr-i ta kha ra~M khA hi/__zab lam gdams pa'i bka' srung mthu stobs bdag__/dam can brtan ma bcu gnyis la sogs pa/__/rnam bzhi'i phrin las sgrub par mdzad rnams la/__/sman mchod 'bul lo mthu dbang dngos grub stsol/__/sarba pany+tsa a mr-i ta kha raM khA hi/__/zhes 'bul/__rjes 'brel du dngos grub blang ba ni/__hU~M/__lce yi dam tshig rdo rje la/__/dam tshig can gyis hU~M bsgoms te/__/mtheb srin thabs shes phyag rgya yis/__/myangs na dngos grub thob par 'gyur/__/kA ya sid+d+hi oM/__wA ka sid+d+hi AH__tsit+ta sid+d+hi hU~M/__sarba sid+d+hi hrIH__zhes gnas gsum thig le bya zhing myang ngo /__/drug pa ni/__yon tan rjes su bsngags pa'i rdo rje'i glu snyan cing 'gyur bas bstod par mos la/__hrIH__dang por byang chub mchog tu thugs bskyed nas/__/smon lam stobs kyis 'gro ba'i don mdzad pa'i/__/mthong thos dran pas sdug bsngal kun las grol/__/'phags pa spyan ras gzigs la phyag 'tshal bstod/__/'od gsal dbyings las ye shes rang shar ba'i/__/mi bskyod rnam snang rin 'byung 'od dpag med/__/don yod grub pa 'jig rten dbang phyug lha/__/rigs kyi 'khor los sgyur la phyag 'tshal bstod/__/byams dang snying rje dga' ba btang snyoms kyi/__/tshad med bzhi yis 'gro ba'i don mdzad pa/__/sems can las dang mthun pa'i lam sna 'dren/__/sgo skyong lha mo bzhi la phyag 'tshal bstod/__/bdun pa la/__thog mar dzapa? khang dbye ba ni/__dbye gzhi dkyil 'khor legs par gsal btab nas/__b+h+rU~M bi shwa bi shud+d+he phaT dzaH__hU~M b+h+rU~M a~M dz+rI~M kha~M dzaHhU~M ba~M hoHphaT dzaHzhes brjod pas/__bdag dam tshig gi 'khor lo las/__mdun bskyed ye shes kyi 'khor lo'i ngo bo rten dang brten par bcas pa logs su bye nas mdun gyi nam mkhar me ri 'dabs 'byar gyi tshul du bzhugs pa'i bdag mdun gtso 'khor thams cad kyi thugs kar pad zla'i gdan la hU~M yig dkar po sogs so so'i sa bon rang sngags kyi phreng ba rang sgra sgrogs bzhin pas bskor bar bsams la/__bzlas dmigs ni/__bdag gi thugs ka nas sngags kyi 'od zer 'phros/__mdun bskyed kyi lha rnams kyi thugs rgyud bskul/__rang gi thugs srog sngags phreng dang bcas pa las 'od zer mkha' khyab tu 'phros/__phyogs bcu'i rgyal ba sras dang bcas pa la thugs mnyes pa'i mchod pa phul/__sems can thams cad la phog pas sdig sgrib sbyangs/__'khor 'das snod bcud kyi yon tan thams cad 'od zer gyi rnam pas mdun bskyed kyi lha rnams la thim/__de dag sku gsung thugs kyi byin rlabs dang dngos grub thams cad 'od zer gyi rnam pas slar 'dus pa bdag dam tshig sems dpa' la thim par mos te dam ye dbyer med 'phro 'dus gsal ba gsum dang /__snang grags rig gsum lha sngags chos nyid du shes pas/__hrIH__rang byung rnam dag gzhal yas 'dir/__/chos sku thugs rje chen po'i lha/__/sna tshogs sku dang cha lugs la/__/thugs srog dzapa? kyi rang sgra sgrogs/__/mi 'gyur thugs las 'od zer 'phros/__/phar 'phros sems can don rnams rdzogs/__/tshur 'dus dngos grub bcud du bsdu/__/rtags mthong bar du rgyun mi bcad/__/ces pa'i dzapa? sgrub dang bcas bzla bya'i sngags ni/__oM badz+ra ak+Sho b+h+ya ma Ni pad+me hU~M hrIH__oM bai ro tsa na ma Ni pad+me hU~M hrIH__oM rat+na saM b+ha ba ma Ni pad+me hU~M hrIH__oM pad+ma d+hA ra ma Ni pad+me hU~M hrIH__oM a mo g+ha sid+d+hi ma Ni pad+me hU~M hrIH__oM badz+ra ang+ku sha dzaH__rat+na pA sha hU~M/__pad+ma s+pho Ta ba~M/__karma g+haN+De hoH__zhes lha so so'i sngags gtso 'khor gyi 'gros sbyar te ci nus dang /__gtso bor/__oM ma Ni pad+me hU~M/__zhes yi ge drug pa bzlas pa'i skyon rnams spangs te chu bo'i rgyun bzhin du bsnyen par bya'o/__/brgyad pa ni/__thun las ldang bar brtsam pa na/__dbyangs gsal dang rten snying gis sngags kyi lhag chad bskangs zhing nus pa spel ba'i mthar/__dzapra khang bsdu ba ni/__oM AHhU~M badz+ra puSh+pe nas/__shap+da pU dza hoH__zhes dang /__oM ma hA pany+tsa a mr-i ta rak+ta ba liM ta kha raM khA hi zhes pas mchod/__hrIH__dang por byang chub mchog tu thugs bskyed nas sogs kyis bstod/__dam ye'i dkyil 'khor ye nas gnyis med du rtogs pa'i tshul gyis hU~M zhes brjod pas/__rang bzhin ye shes kyi dkyil 'khor ting nge 'dzin dam tshig dkyil 'khor la thim par bsams la/__yi ge brgya pas brtan par bya/__dbang don sogs kyi tshe bum pa sgrub na slar yang /__b+h+rU~M bi shwa bi shud+d+he phaT dzaH__hU~M b+h+rU~M A~M dz+rI~M kha~M dzaHhU~M ba~M hoHphaT dzaHzhes brjod pas/__bum pa'i dkyil 'khor logs su bye nas rnam rgyal bum pa dang dbyer med du bzhugs par bsams la gzungs thag nas 'jus te/__rang gi thugs ka nas sngags phreng gzungs thag la 'khril te song bas lha tshogs rnams kyi thugs rgyud bskul/__de dag gi sku las bdud rtsi'i rgyun babs bum chu dang ro gcig tu gyur par mos la/__lha so so'i sngags ci rigs dang /__gtso bor yi ge drug pa kho na bzla/__las thams cad kyi bum par pad nyi dregs pa'i gdan gyi steng du gu ru drag po sku mdog dmar nag rdo rje dang lcags sdig bsnams shing khro bo'i chas thams cad kyis brgyan pa/__rigs kyi bdag po o rgyan za hor ma'i tshul du bzhugs pa'i skur gyur/__rang 'dra'i ye shes pa badz+ra sa mA dzaHsa spyan drang /__dzaHhU~M ba~M hoHsa dbyer med du thim par bsam/__oM badz+ra puSh+pe nas/__shap+da pra tIts+tsha swA hA'i bar gyis mchod/__dus gsum sangs rgyas thams cad kyi/__/mngags gzhug pho nya'i las mdzad pa/__/dbang drag yak+sha me dpal gyis/__/bgegs kyi sbyor ba rgyun chod cig__/ces bstod nas/__oM AHhU~M artsi ka ni rtsi ka na mo b+ha ga wa te hU~M hU~M A hU~M hU~M phaT/__ces ci nus bzlas mthar/__oM AHhU~M gis mchod yon phul/__hU~M zhes brjod pas/__rnam rgyal bum pa'i lha rnams 'od du zhu nas byang chub sems kyi chus bum pa gang bar gyur par bsam/__las bum gyi lha la/__las kyi lhas bsnyen sgrub kyi bya ba mthar ma phyin par bgegs zlog pa'i phrin las mdzod cig ces gsol te/__hU~M zhes brjod pas/__lha 'od du zhu ba dbang drag gi rang bzhin gyi chu'i rdul phra rab tu gyur par bsam/__gnas lung sogs dang 'brel ba'i tshe/__dkyil 'khor pa'i zhal nas sngags kyi sgra dang thugs rje'i 'od zer 'phros/__/khams gsum rnams snang bar byas/__ngan song rnams sbyangs/__dmigs yul gtso bor gyur pa'i sems can thams cad sangs rgyas kyi zhing du bsgral bar bsams la/__yi ge drug pa'i sham du/__oM da ha da ha sarba na ra ka ga te he tU~M hU~M phaT/__oM pa tsa pa tsa sarba pre ta ka ga te he tu~M hU~M phaT/__oM ma tha ma tha sarba tiR+Ya ka ga te he tu~M hU~M phaT/__ces btags pa dang /__gzhan yang yig brgya/__ngan song sbyong ba dang /__mi 'khrugs pa'i gzugs sogs ji ltar rigs pa bzla zhing bye yungs la sngags kyi nus pa bstim mo/__/bar 'dir bka' gter gyi srung ma spyi dang khyad par gter srung brtan ma bcu gnyis kyi gtor bsngo rgyas bsdus gang rigs bya/__/gsum pa rjes la/__tshogs mchod brtan bskyang dngos grub blang /__/gtong rag dbul zhing nong pa bshags/__/nyer bsdu bsngo smon shis pa brjod/__ces brgyad pas dang po ni/__dam rdzas su 'os pa'i yo byad rnams la bsang chu dang /__oM sarba dra byaM saM sho d+ha ni hU~M phaT/__ra~M ya~M kha~M gis bsang sbyong /__tshogs rdzas kyi dngos 'dzin ye shes kyi me rlung chus sbyang /__stong pa'i ngang las tshogs gzhong b+han+d+ha 'bar bar tshogs rdzas ye shes kyi bdud rtsi 'dod yon gyi sprin 'phro bar gyur bar bsams la/__oM AHhU~M hrIHzhes pas byin gyis brlab/__hrIH__rang bzhin rnam dag gzhal yas nas/__/thugs rje chen po spyan ras gzigs/__/rigs lnga sgo ma bzhi yi lha/__/tshogs la spyan 'dren gshegs su gsol/___/oM AR+Ya lo ke shwa ra sa pa ri wA ra e h+ye hi/__zhes pas tshogs zhing mkha' khyab tu sad pa'i spyan sngar/__tshogs phud rim pa gsum du spros te/__dang po mchod pa ni/__gzugs sgra dri ro reg bya chos/__/kun tu bzang po'i mchod pa'i sprin/__/nam mkha' mdzod kyi sgo phye ste/__/'bul gyis bzhes la dngos grub stsol/__/AR+Ya lo ke shwa ra g+ha Na tsakra sarba pU dza khA hi/__bar pa bshags pa ni/__ma rig las dang nyon mongs kyis/__/rtsa ba yan lag dam tshig gi__/nongs par gyur pa'i nyes pa kun/__/gnong 'gyod sems kyis mthol zhing bshags/__/yi ge brgya pa brjod/__tha ma bsgral bstab ni/__rang nyid dbang chen khro bo'i skur gyur par bsams la/__dmigs bya bskyed bstim rgyas par bya ba'am bsdu na/__e nr-i tri zhes pas tshogs snod lcags khang gru gsum gyi nang du dmigs rten bsgral bya dngos su gsal bar bsam/__dzaHhU~M ba~M hoHsa dgug bcing bsdams shing myos par byas la/__sku stod dbang chen khros pa'i gzugs/__/sku smad gnam lcags phur bu'i dpal/__/dgra bgegs log 'dren dam sri yi/__/snying la btab po mA ra ya/__/sha khrag rus phung rdul du rlog__/oM badz+ra kro d+ha ha ya grI wa gnod byed dgra bgegs sha trUM mA ra ya rbad/__/ces phur bus bsgral ba'i sha khrag bdud rtsi'i ngo bo 'dod yon rnam pa thams cad pa'i rang bzhin du gyur pa nyid/__oM AR+Ya lo ke shwa ra sa pa ri wA ra ma hA maM sa rak+ta kiM ni ri ti khA hi zhes dbul/__spro na skabs 'dir rtsa gsum spyi skong sogs ji ltar rigs pa gtor/__rang nyid 'phags pa'i skur gyur pas tshogs rdzas rnams brda dang brda'i 'bul len spyi ltar sngon du 'gro bas nang gi sbyin sreg gi tshul du tshim par rol pa'i mthar/__'jig rten dbang phyug dkyil 'khor du/__/tshogs kyi 'khor los mchod pa yis/__/bdag gzhan 'gro ba ma lus kun/__/dkyil 'khor gcig tu 'grub par shog__/ces smon lam gdab/__lhag ma rnams bsdus la bdud rtsis bsang zhing /__pany+tsa a mr-i ta hU~M ha ho hrIH__lhag ma'i dam tshig 'dod yon gyi phung po zad mi shes pa nam mkha' gang bar gyur bar bsam/__e A ra l+li hrIM hriM pheM pheM zhes pas lhag ma'i dam tshig la gnas pa rnams sprin gtibs pa bzhin byon par bsams la/__hrIH__thugs rje chen po'i bka' 'khor na/__/dam pa'i chos kyi srung ma rnams/__/lha chen brgyad dang klu chen brgyad/__/gza' chen brgyad dang gnod sbyin brgyad/__/rgyal chen bzhi dang phyogs skyong bcu/__/rgyu skar nyi shu rtsa brgyad dang /__/ha ri ka dang pany+tsi ka__/'phrog ma ma bur bcas pa dang /__/dpal ldan mgon po lcam dral dang /__/lha dang lha min mi'am ci/__/dri za gnod sbyin 'byung po dang /__/lha srin sde brgyad thams cad la/__/mchod sbyin gtor ma 'di bsngos pas/__/ci 'dod phun sum tshogs par shog__/ji ltar nus pa'i phrin las mdzod/__/ba liM ta pU dza hoH__/zhes bsngo/__gnyis pa ni/__brtan ma'i gtor ma oM AHhU~M gis byin gyis brlabs la/__hU~M/__a su ra yi brag phug tu/__/o rgyan pad+ma 'byung gnas kyi/__/spyan sngar khas blangs dam bcas pa'i/__/bod yul bstan ma bcu gnyis dang /__/phyi gtor dbang bar khas blangs rnams/__/mchod sbyin gtor ma 'di longs la/__/bdud dpung thul la zhing bcu sgrol/__/dal kha chings la 'bru phyugs spel/__/dmag dpung choms la mtshon rtse rtul/__/bcol ba'i dam tshig dran par mdzod/__/gsum pa ni/__sgrub pa sogs kyi skabs/__dkyil 'khor gyi lha tshogs rnams kyi gnas gsum nas 'od zer dkar dmar mthing gsum 'phros pa rang gi gnas gsum du thim par bsams la/__hrIH__skye med chos dbyings pho brang nas/__/thugs rje 'gag med dkyil 'khor lha/__/mnyam nyid dbyings nas skur bzhengs la/__/sku gsum yongs rdzogs dngos grub stsol/__/zhes bskul la/__oM ma Ni pad+me hU~M/__oM AHhU~M ma hA sid+d+hi hU~M zhes dzapa? bzla ba dang lhan cig sgrub rdzas gnas gsum du gtugs shing myang /__bzhi pa ni/__oM AHhU~M badz+ra puSh+pe nas/__shap+da pU dzaHhoHzhes dang /__oM ma hA pany+tsa a mr-i ta rak+ta ba liM ta kha raM khA hi zhes pas mchod/__hrIH__dang por byang chub mchog tu thugs bskyed nas/__/smon lam stobs kyis 'gro ba'i dom mdzad pa'i/__/mthong thos dran pas sdug bsngal kun las grol/__/'phags pa spyan ras gzigs la phyag 'tshal bstod/__/ces bstod/__lnga pa ni/__ma rnyed yongs su ma tshang dang /__/gang yang nus pa ma mchis pa/__/'dir ni bgyi ba gang nongs pa/__/de kun khyod kyis bzod mdzad rigs/__/zhes dang /__yi ge brgya pas nongs pa bshags/__drug pa ni/__mdun bskyed ras bris sogs kyi rten yod na dang /__rdul tshon gyi nyin snga ma rnams la/__'dir ni rten dang lhan cig tu/__/'khor ba srid du bzhugs nas kyang /__/nad med tshe dang dbang phyug dang /__/mchog rnams legs par stsal du gsol/__/oM su pra tiSh+Tha badz+ra ya swA hA zhes dang /__me tog 'thor bas brtan bzhugs bya/__rten med pa dang /__rdul tshon gyi nyin rjes ma la/__oM/__khyed kyis sems can don kun mdzad/__/rjes su mthun pa'i dngos grub stsal/__/sangs rgyas yul du gshegs nas kyang /__/slar yang 'byon par mdzad du gsol/__/badz+ra muHsa rang bzhin ye shes kyi dkyil 'khor dbyings su gshegs par bsam/__ting nge 'dzin dam tshig gi dkyil 'khor/__hrIH__snod bcud ma lus gzhal yas khang la thim/__/de nyid 'khor dang 'khor yang gtso bor thim/__/gtso bo mi dmigs stong pa'i ngang nyid las/__/slar yang 'ja' tshon bzhin du gsal bar gyur/__ces 'od gsal rnam par mi rtog pa'i dbyings su bsdu zhing /__slar yang thun mtshams kyi lhar ldang /__bdun pa ni/__dge ba 'di yis mkha' mnyam 'gro kun gyi/__/sgrib gnyis de 'bras ma lus kun byang nas/__/thugs rje chen po'i go 'phang mngon gyur te/__/rang gzhan don gnyis ma lus 'grub par shog__/brgyad pa ni/__chos sku snang mtha' longs sku 'jig rten dbang /__/sprul pa'i sku mchog srong btsan sgam po ste/__/sku gsum dbyer med thugs rje chen po yi/__/bkra shis phyogs dus kun tu khyab par shog__/ces sogs bkra shis kyi tshigs su bcad pa ji ltar rigs pa brjod cing me tog gi char sil mar bsnyil bas dge legs su bya'o/__/'jig rten dbang phyug phrin las chu gter las/__/legs 'ongs 'phags mchog dgyes pa'i mchod yon sprin/__/skal bzang yid mkhar dkrigs las lus can kun/__/thar bde'i pad+mo mchog tu rgyas gyur cig__/ces rgyal dbang thams cad mkhyen cing gzigs pa chen po rdo rje thogs med rtsal kyi dag pa ye shes kyi gzigs ngor snang ba'i yang gsang rgya can gyi chos sde nyi shu rtsa lnga'i nang tshan/__snying gi rgya can las byung ba'i 'jig rten dbang phyug lha dgu'i phrin las kyi cho ga 'di'ang kun mkhyen chen po nyid kyi rang gzhung rtsa bar bzung /__gsal byed cung zad dgos pa rnams rigs mthun rdo rje'i gsung dang /__'gro 'dul gter bdag gling pa sogs lugs 'di la tshad mar gyur pa'i legs bshad kyis mtshams sbyar te bklags pas grub par bya bral ma Ni ba mtsho skyes bla ma dgyes pa'i 'bangs mkhyen brtse'i dbang po rdo rje gzi brjid kyis sbyar ba dge legs mchog tu gyur cig__/