JKW-KABUM-07-JA-011-002-wylie

🚧 This website is under continued development. We appreciate your patience!

dpal 'khor lo bde mchog nag po pa'i lugs kyi bskyed rdzogs mdor bsdus bde chen snying po/ @#/_/dpal 'khor lo bde mchog nag po pa'i lugs kyi bskyed rdzogs mdor bsdus bde chen snying po zhes bya ba bzhugs so/__/oM swasti sid+d+haM/__bde chen gcig pu'i nyams kyis du ma'i gar/__/srid dang zhi ba'i thig ler yongs bsgyur ba/__/bla ma 'khor lo sdom pa la btud nas/__/bskyed rdzogs snying po'i gdams pa cung zad dbye/__'di la gnyis/__rten bskyed pa'i rim pa dang /__brten pa rdzogs pa'i rim pa'o/__/dang po la gnyis/__mngon rtogs lag tu blang ba'i tshul dang /__/bskyed rim gyi man ngag cung zad bshad pa'o/_/dang po la gnyis/__mnyam par bzhag pa'i rnal 'byor dang /__/mnyam par ma bzhag pa'i rnal 'byor ro/__/dang po la gnyis/__rgyu tshogs gnyis bsag pa dang /__'bras bu lha bskyed pa'o/__/dang po la gnyis las/__dang po bsod nams kyi tshogs bsag pa ni/__mdang nub mo chos thams cad bsam gyis mi khyab pa 'od gsal ba'i ngang dang gnyid kyi snang ba ro gcig tu bsres la mnyam par bzhag pa'i rgyun las/__tho rangs rang bzhin dbyings kyi rnal 'byor ma'i dbang phyug sna tshogs pas DA ma ru'i sgra dbyangs kar kar la sogs pa'i sngags kyi sgra bsgrags pas bskul te ldang /__rnal 'byor gyi grogs su 'gro na khrus bya/__bde ba'i gdan la bsam gtan gyi spyod lam dang ldan pas 'khod/__mdun gyi nam mkhar skyabs yul 'khor lo bde mchog gi dkyil 'khor ba'i rnam par gsal btab la/__bdag dang 'gro ba nam mkha'i mtha' dang mnyam pa'i sems can thams cad dus 'di nas bzung ste/__ji srid byang chub snying po la mchis kyi bar du phyogs bcu dus gsum gyi de bzhin gshegs pa thams cad kyi sku gsung thugs yon tan phrin las thams cad kyi ngo bo/__chos kyi phung po stong phrag brgyad cu rtsa bzhi'i 'byung gnas/__'phags pa'i dge 'dun thams cad kyi mnga' bdag__/rje btsun rtsa ba dang brgyud par bcas pa'i dpal ldan bla ma dam pa rnams la skyabs su mchi'o/__/rdzogs pa'i sangs rgyas bcom ldan 'das rnams la skyabs su mchi'o/__/dam pa'i chos rnams la skyabs su mchi'o/__/'phags pa'i dge 'dun rnams la skyabs su mchi'o/__/zhes ci nus kyi mthar thal mo sbyar te/__bla ma dang dkon mchog rin po che rnam pa gsum la bdag phyag 'tshal zhing skyabs su mchi'o/__/khyed rnams kyis bdag gi rgyud byin gyis brlab tu gsol/__skyabs yul rnams 'od du zhu nas rang la thim par bsam/__sems can thams cad kyi don du rdzogs pa'i sangs rgyas kyi go 'phang thob par bya/__de'i ched du bdag gis lam zab mo nyams su blang bar bgyi'o/__/zhes lan gsum gyis sems bskyed/__spro na rdo rje sems dpa' he ru ka'i sgom bzlas ma rgyud spyi ltar bya/__de nas dka' ba gsum la 'jug pa ni/__rang nyid gzhi'i he ru ka zhal bzhi phyag bcu gnyis pa/__gnyug ma'i yum rdo rje phag mo dang mnyam par sbyor ba'i sku can/__shrI he ru ka a haM/__shrI ni gnyis med ye shes te/__/he ni rgyu sogs stong pa nyid/__/ru ni tshogs dang bral ba ste/__/ka ni gang du'ang mi gnas pa'o/_/snying gar zla ba la gnas pa'i hU~M las 'od zer lnga'i lcags kyus 'og min nas bde mchog 'khor lo'i dkyil 'khor bla ma'i snang ba dang gcig min gnyis su ma mchis pa'i rnam pa tha dad pa'i gzugs brnyan nam mkha'i khams khyab pa'i ye shes kyi snang bar sad par gyur/__na mo gu ru b+h+yaH__na maHshrI he ru ka tsakra sam+ba raM maN+Da le b+h+yaH__oM badz+ra puSh+pe/__d+hU pe/__dI pe/__gan+d+he/__nai wid+yA/__shab+da AHhU~M/__dkon mchog gsum la bdag skyabs mchi nas/__/sangs rgyas 'grub par shog ces rgyun bshags lan gsum brjod do/__/gnyis pa ye shes kyi tshogs bsag pa ni/__swa b+hA bas yul dang yul can sna tshogs pa'i zhen rtog sbyang /__gzung ba'i yul dang bral ba rang gi sems kyi ngo bor shar/__shUn+ya tAs gzung ba ma grub na 'dzin pa mi grub pas/__gzung 'dzin gnyis dang bral ba'i ye shes la brda sbyar nas/__gnyis pa 'bras bu lha bskyed pa la gnyis/__rten bskyed pa dang /__brten pa bskyed pa'o/__/dang po la gnyis las/__dang po srung ba'i 'khor lo bsgom pa ni/__ngang de nyid las nA dang /__de yas rims su snang ba'i dbyings las hU~M yig ljang sngon/__pad nyi la gnas pa'i sgra las son pa'i sum+b+ha'i sngags las/__shar dang steng du khwa gdong /__byang du 'ug gdong /__nub dang 'og tu khyi gdong /__lhor phag gdong /__shar lhor gshin rje brtan ma/__lho nub tu gshin rje pho nya ma/__nub byang du gshin rje mche ba ma/__byang shar du gshin rje 'joms ma rnams dmar mo dregs shing khros pa'i sku/__lcags kyu dang zhags pa thogs pas phyogs skyong gis mtshon pa'i bgegs bkug nas phur bus btab ste bar chad kyi sgo thams cad bsrung bar mdzad/__phyogs skyong gi ro las bsgrubs pa'i thun mong gi srung 'khor rdo rje'i sa gzhi/__ra ba/__drwa ba/__gur bla re/__mda' drwa/__ye shes kyi me ri dang bcas pa'i dbus su/__gnyis pa gzhal yas khang bskyed pa ni/__chos 'byung nang du lugs ldog gi 'byung bzhi ri rab thig le dang bcas pa 'dres pa las byung ba'i lugs 'byung gi 'byung bzhi ri rab dang bcas pa'i steng du/__ye shes rin po che sna tshogs las grub pa'i gzhal yas khang gru bzhi/__sgo bzhi/__rta babs dang bcas pa mtshan nyid thams cad yongs su rdzogs shing /__phyi rol dur khrod brgyad kyis bskor ba'i nang gi lha snam phyogs mdog gi dbus su/__in+d+ra ni la'i sa gzhi la gnas pa'i 'khor lo rim pa gsum po mchod rten bang rim bzhi pa'i tshul du gnas pa/__rdo rje dang pad+ma dang 'khor lo'i ra ba ka ba gdung dang bcas pa'i thog phubs can lte bar sna tshogs pad+ma 'dab ma brgyad pa/__gri gug gi ra ba ka ba gdung thog phubs dang bcas pa'i steng du/__rin po che'i gdung bzhis mig mang ris su bris pa'i dbus phyur bur gyur pa'i rtser nor bu'i tog gis spras pa'i lha gnas so sor pad+ma nyi ma ro'i gdan dang /__dbus su 'jigs byed pho mo'i gdan/_/gnyis pa lha bskyed pa la gsum/__dang po'i sbyor ba/__dkyil 'khor rgyal mchog__/las rgyal mchog go__/dang po la bzhi/__bsnyen pa/__nye bar sgrub pa/__sgrub pa/_sgrub pa chen po'o/__/dang po la gnyis las/__dang po rgyu rdo rje 'dzin pa bskyed pa ni/__de'i steng du A li las zla ba me long ye shes/__kA li las nyi ma mnyam nyid ye shes/__bar du rdo rje dang gri gug hU~M aM gis mtshan pa sor rtog ye shes/__thams cad 'dres pa bya grub ye shes/_yongs su rdzogs pa chos dbyings ye shes kyi ngo bo rgyu rdo rje 'dzin pa dkar po zhal bzhi phyag bzhi pa/__dang po'i phyag rdo rje dril bu dang /__'og ma'i g.yas 'chi ba las rgyal ba'i kha T+wAM ga bsnams pa/__g.yon ni thod pa'i mchod yon gyis yab yum zhal gcig tu bsres pa/__yum phag mo dmar mo la 'khyud pa'i sku can/__gnyis pa 'bras bu rdo rje 'dzin par bzhengs pa la bzhi las/__dang po ye shes pa bzhu ba ni/__yab yum snyoms par zhugs pa'i rkyen gyis byang chub kyi sems thig ler gyur/__gnyis pa glus bskul ba ni/__thig le nyid las 'phros pa'i sangs rgyas dang byang chub sems dpa'i tshogs kyis bskul/__oM ma hA su kha badz+ra sa twa dzaHdzaHhU~M ba~M hoH__su ra ti s+t+waM/__dr-i sh+ya hoH__gsum pa 'bras bu rdo rje 'dzin par bzhengs pa dngos ni/__skul byed rnams thig le la thim pas/__hU~M dang aM las 'bras bu'i ston pa he ru ka zhal bzhi phyag bcu gnyis pa/__rtsa zhal sku lus dang mtshungs pa sngo/__g.yon dmar/__rgyab ser/__g.yas dkar/__zhal re re bzhin spyan gsum dang ldan pa rnam par 'gyur pa'i zhal can mche ba gtsigs pa/__phyag dang po gnyis kyis rdo rje dang dril bu 'dzin pas yum la 'khyud pa/__de'i 'og ma gnyis kyis glang po'i pags rlon stod g.yogs su 'phyar ba/__gsum pa gnyis kyis DA ma ru dang kha T+wAM ga__/bzhi pa gnyis kyis dgra s+t+wa dang zhags pa/__lnga pa gnyis kyis rtse gsum dang thod khrag__/drug pa gnyis kyis gri gug dang tshangs pa'i mgo bo gdong bzhi pa bsnams pa/__zhabs g.yas brkyangs pas dus mtshan dang /__g.yon bskums pas 'jigs byed mnan pa/__ral pa'i thor cog bcings ba'i rtser yid bzhin nor bu/__g.yon ngos na tshes gcig gi zla ba/__mtshogs ma'i steng na sna tshogs rdo rje/__dbu re la mi mgo skam po lnga lngas brgyan cing /__rlon pa lnga bcu'i do shal can/__rus pa'i rgyan drug gis brgyan pa/__stag gi pags pa'i sham thab grol ba/__gar dgu'i nyams dang ldan pa/__de'i pang na yum rdo rje phag mo sku mdog dmar mo/__zhal gcig phyag gnyis spyan gsum ma/__dbu skra sil bu 'thur du grol zhing mche ba'i smyu gu cung zad gtsigs pa/__g.yas rdo rjes mtshan pa'i gri gug nam mkhar 'phyar zhing /__g.yon thod khrag rgyab zhal du stob pa/__zhabs g.yon brkyangs pas yab dang mnyam par sbyor zhing /__g.yas bskums pas yab la 'khril ba/__thod skam lnga'i dbu rgyan dang /__skam po lnga bcu'i do shal can/__phyag rgya lngas brgyan pa/__gnyis ka'ang ye shes kyi me 'bar ba'i dbus na bzhugs pa'o/__/bzhi pa de brtan pa'i yan lag tu byin gyis brlab pa ni/__rang gi zhal bzhi nas gsung bar mos la oM suM b+ha ni sogs sku yongs rdzogs la dmigs te/__oM d+harmAHd+hA tu swa b+ha ba At+ma ko\u0f85 haM/__gnyis pa nye bar sgrub pa dpa' bo dang dpa' mo'i go cha bgo ba ni/__yab kyi gnas su dpa' bo'i go cha/__yum gyi gnas su dpa' mo'i go cha rnams zla ba'i gdan la lha nyid yig 'bru'i gzugs su gnas pa ni/__yab kyi snying gar oM e ha dkar po/__mgo bor oM na ma hi ser po/__spyi gtsug tu oM swA hA huM dmar po/__/phrag pa gnyis su oM bau Sha Ta he nag po/__mig gnyis su oM hu~M hU~M ho dmar ser/__tshigs chen brgyad la oM phaT phaT haM ljang gu/__yum gyi spyi bor oM oM ba~M dmar mo/__snying gar oM ha~M ya~M sngon mo/__khar oM hrIM ma~M dkar mo/__dpral bar oM hriM hrIM ser mo/__spyi gtsug tu oM hu~M hU~M ljang gu/__tshigs chen brgyad la oM phaT phaT dud ka ste yab kyi gnas su yum dang /__yum gyi gnas su'ang yab gnyis su med par gyur/__gsum pa sgrub pa la gsum las/__dang po yab byin gyis brlab pa ni/__yab kyi snying gar zla ba la gnas pa'i hU~M sngon po thugs rdo rje/__lkog mar oM hrIHha ha hU~M hU~M phaT dmar po gsung rdo rje/__dpral bar oM shrI badz+ra he he ru ru kaM hU~M hU~M pha?T/__DA ki nI dzA la sam+ba ra~M swA hA dkar po sku rdo rje/__/gnyis pa yum byin gyis brlab pa ni/__yum gyi snying gar oM sarba bud+d+ha DA ki nI ye badz+ra bar+Na nI ye hU~M hU~M phaT nag po thugs rdo rje ma/__lkog mar oM tso ri hU~M hU~M phaT dmar po gsung rdo rje ma/__dpral bar oM badz+ra bai ro tsa nI ye hU~M hU~M phaT swA hA dkar po sku rdo rje ma/__/gsum pa rang byin gyis brlab pa ni/__gnyis ka'i spyi bor oM dkar po/__snying gar hU~M sngon po/__ze'u 'bru la AHdmar po/__lte bar swA ser po/__brlar hA ljang gu rnams rigs lnga'i ngo bor gyur/__/bzhi pa sgrub pa chen po la bzhi las/__dang po ye shes pa dgug cing bstim pa ni/__'bar ba'i phyag rgya dang bcas/__pheM/__rang gi snying ga'i 'od kyis dpal bde mchog 'khor lo la sangs rgyas byang chub sems dpa' dpa' bo mkha' 'gro'i tshogs kyis bskor ba spyan drangs pa la/__spro na/__oM badz+ra puSh+pe sogs kyis mchod/__dzaHhU~M ba~M hoHgnyis su med par thim/__oM yo ga shud+d+haHsarba d+harmA yo ga shud+d+ho\u0f85 haM/__/zhes brjod cing 'khyud rgya bya/__gnyis pa dbang bskur zhing rgyas gdab pa ni/__pheM/__slar yang snying ga'i 'od zer gyis dbang lha rigs lnga 'khor bcas spyan drangs/__/puSh+pe sogs/__sarba ta thA ga ta a b+hi Shiny+tsa tu mAM/__oM sarba ta thA ga ta a b+hi She ka ta sa ma ya shri ye hU~M/__bum chus dbang bskur lhag ma yar lud pa las/__yab la mi bskyod pa yum la rnam par snang mdzad kyis dbu brgyan/__gsum pa mchod pa ni/__oM badz+ra ar+g+haM sogs kyis phyi mchod dang /__oM AHhU~M gis nang mchod 'bul/__bzhi pa mkha' gsang brlab pa ni/__de nas hU~M las byung ba'i yab kyi rdo rje dang /__a las byung ba'i yum gyi pad+ma snyoms par zhugs/__/gnyis pa dkyil 'khor rgyal mchog la bzhi/__dam tshig pa bskyed pa/__ye shes pa gzhug pa/__dbang bskur ba/__mchod pa bya ba'o/__/dang po la gsum las/__dang po de bzhin gshegs pa spyan drangs te 'od du bzhu ba ni/__rjes chags kyis bskul ba las/__phyogs bcu'i de bzhin gshegs pa rnams spyan drangs/__yab kyi smin mtshams gnad kyi sgo nas byon/__thugs kar 'od du zhu/__sku'i dbyibs brgyud/__yum gyi mkhar son/__yab kyi thig le dang yum gyi rak+ta 'dres pa las/__gnyis pa lha dang yi ge gsal ba ni/__mkha' gsang du rten dang brten par bcas pa'i dkyil 'khor skad cig gis gsal bar gyur/__rang nyid gtso 'khor gsal ba'i snying gar rtsa a wa d+hu ti ro rkyang gnyis kyis dkris pa hU~M gi dbyibs can/__phyogs bzhir mA~M tA~M pA~M la~M/__mtshams bzhir bdud rtsi 'bab pa'i rtsa bzhi/__spyi bo nas pus mo'i bar la/__bu dzA o a/__go rA de mA/__kA o tri ko/__ka la kA hi/__pre gr-i sau su/__nA si ma ku/__lus kyi sgo brgyad la snying ga'i phyi skor dang 'brel ba'i hU~M brgyad gsal bar gyur/__gsum pa so sor bstim zhing 'god pa ni/__mkha' nang gi yab yum rdo rje'i lam nas yar drangs/__snying ga'i hU~M dang lte ba'i a~M la thim pas gtso bo yab yum zhal sbyor ba nang gi 'khor lo'i mgon por gyur/__mkha' nang gi snying po'i rnal 'byor ma bzhi rdo rje'i lam nas yar drangs/__snying ga'i rtsa 'dab kyi yig 'bru bzhi la reg pas nang gi rnal 'byor ma bzhir gyur/__reg mkhan bzhi po so so'i gnas nas phyir 'phros pas phyogs bzhi'i pad 'dab la 'khod pa ni/__nang dang phyi'i shar du mkha' 'gro ma sngo skya/__byang du lA mA ljang ser/__nub tu khaN+Da ro hI dmar ser/__lhor gzugs can ma dkar ser/__bzhi ka'ang zhal gcig phyag gnyis/__spyan gsum/__dbu skra phyed gyen brdzes la sangs rgyas kyi gzugs kyis mtshan pa/__g.yas gri gug 'phyar thabs/__g.yon pa'i thod pa so so'i nang du glang po che dang /__ce spyang /__rta/__ba lang dang bcas pa'i sha khrag gis gang ba 'dzin pa/__thod skam lngas dbu brgyan pa/__skam po lnga bcu'i do shal can/__phyag rgya lngas brgyan pa/__gcer bu g.yas brkyangs pa'i gar stabs kyis ro'i gdan la bzhugs pa'o/__/mkha' nang gi thod pa bzhi yar drangs rtsa bzhi la reg pas nang dang /__reg mkhan bzhi phyir 'phros pas nang dang phyi'i mtshams bzhir thod pa bdud rtsis gang ba bzhi/__mkha' nang gi 'khor lo gsum yar byon/__reg pa'i rkyen gyis rtsa khams dpa' bor mkha' 'gror gyur nas phyir 'phros pa so so'i gdan la 'khod pa ni/__spyi bo dang thugs 'khor gyi shar rtsibs su pu l+li ra ma la yar khaN+Da ka pA la dang rab gtum ma/__spyi gtsug dang byang rtsibs dzA lan+d+ha rar ma hA kaM kA la dang gtum pa'i mig can ma/__rna ba g.yas pa dang nub rtsibs au DI yA nar kaM kA la dang 'od ldan ma/__ltag pa dang lho rtsibs arbu tar mche ba rnam par gtsigs pa dang sna chen ma/__rna ba g.yon pa dang shar lho go dA wA rir sU ra wI ra dang brtan pa'i blo can ma/__smin dbus dang lho nub rA me shwa rIr 'od dpag med dang mi'u thung ma/__mig gnyis dang nub byang de wi ko Tar rdo rje'i 'od dang lang+ka'i dbang phyug ma/__phrag pa gnyis dang byang shar mA la bar rdo rje'i sku dang shing grib ma ste thugs 'khor gyi yab yum sngon po brgyad pa steng spyod cing thugs kyi gsang ba'i rang bzhin/__mchan khung gnyis dang gsung 'khor gyi shar rtsibs kA ma rU par aM gu ri dang e rA wa tI/__nu ma gnyis dang byang rtsibs o trer rdo rje ral pa can dang 'jigs byed chen mo/__lto ba dang nub rtsibs tri sha ku ner dpa' bo chen po dang rlung gi shugs can ma/__sna rtse dang lho rtsibs ko sa lar rdo rje hU~M mdzad dang chang 'thung ma/__kha dang shar lho ka ling+kar rab tu bzang po dang sh+yA ma de wI/__mgrin pa dang lho nub lam+bA kar rdo rje bzang po dang shin tu bzang mo/__/snying ga dang nub byang kAny+tsir 'jigs byed chen po dang rta rna ma/__'doms bar dang byang shar hi mA la yar mig mi bzang dang kha gA na ste gsung 'khor gyi yab yum dmar po brgyad sa blar spyod cing gsung gi rang bzhin/__mtshan ma dang sku'i 'khor lo'i shar rtsibs pre ta pu rir stobs po che dang 'khor lo'i shugs can ma/__bshang lam dang byang rtsibs gr-i he de bar rin chen rdo rje dang khaN+Da ro hI/__brla gnyis dang nub rtsibs sau rA Sh+tar rta mgrin dang shauN+Di nI/__byin pa gnyis dang lho rtsibs su war+Na dwI par nam mkha' snying po dang 'khor lo'i go cha ma/__sor mo bcu drug dang shar lho nA ga rar dpal he ru ka dang shin tu dpa' mo/__bol gong gnyis dang lho nub sin+d+hur pad+ma gar gyi dbang phyug dang stobs chen ma/__mthe bong bzhi dang nub byang ma rur rnam par snang mdzad dang 'khor los sgyur ma/__pus mo gnyis dang byang shar ku lu tAr rdo rje sems dpa' dang brtson 'grus chen mo ste sku 'khor ba brgyad dkar po sa 'og spyod cing sku'i rang bzhin/__dpa' bo thams cad rdo rje dang dril bu/__rgyan cha lugs he ru ka dang mtshungs pa/__dpa' mo rnams gri gug dang thod khrag rgyan cha lugs rdo rje phag mo dang mtshungs pa'o/__/mkha' nang gi sgo mtshams ma brgyad yar byon/__phyi nang gi phyogs srung du bzhugs pa ni/__kha dang phyi'i shar sgor khwa gdong ma sngo skya/__sna bug dang byang sgor 'ug gdong ma ljang ser/__chu so dang nub sgor khyi gdong ma dmar ser/__bshang lam dang lho sgor phag gdong ma dkar ser/__mig g.yas pa dang shar lhor gshin rje brtan ma g.yas sngo g.yon ser/__mig g.yon pa dang lho nub tu gshin rje pho nya ma g.yas ser g.yon dmar/__rna ba g.yas pa dang nub byang du gshin rje mche ba ma g.yas dmar g.yon ljang /__rna ba g.yon pa dang byang shar du gshin rje 'joms ma g.yas ljang g.yon sngo/__thams cad kyang rgyan dang cha lugs snying po'i rnal 'byor ma bzhin no/__/mkha' nang gi gzhal yas khang srung 'khor dang bcas pa phyi dkyil dang /__lus la thim pas de dang de'i rnam par gyur/__de nyid byin gyis brlab pa'i phyir pho nya gsum bsre ba ni/__bdag gis bsgom pa'i lha drug cu rtsa bzhi dang /__phyi rol dzam+bu'i gling /__'og min gyi lha tshogs gnyis su med pa rdo rje'i rang bzhin no/__/oM AHhU~M sarba wI ra yo gi nI kA ya wA ka tsit+ta swa b+hA ba At+ma ko\u0f85 haM/__zhes lan gsum dang /__slar yang /__oM badz+ra shud+d+haHsarba d+harmAHbadz+ra shud+d+ho\u0f85 haM/_zhes rdo rje'i dag pa dran par bya'o/__/gnyis pa ye shes pa gzhug pa ni/__'bar ba'i rgya dang /__phaiM gyis ye shes pa spyan drangs/__dzaHhU~M ba~M hoH__lan lngas gnyis su med par thim/__oM yo ga shud+d+haHsarba d+harmAHyo ga shud+d+ho\u0f85 haM zhes dang /__rnam lnga 'dod skor sngon du 'gro bas 'khyud rgya bya zhing nga rgyal gzung ngo /__/gsum pa dbang bskur ba ni/__pheM/__nam mkha' gang ba'i sangs rgyas rnams kyis dbang bskur/__dri ma dag__/chu'i lhag ma yar lud pa las gtso bo yab yum gyi rigs bdag rdo rje sems dpar gyur cing /__shar dang shar lho pa la rnam snang /__lho dang lho nub pa la rin 'byung /__nub dang nub byang pa la 'od dpag med/__byang dang byang shar pa la don yod grub pas dbu brgyan/__bzhi pa mchod pa drug ni/__lha rnams gsal gdab cing /__hU~M ba~M mA~M tA~M pA~M lA~M/__pu dza oM a/__go ra de mA/__ka o tri ko_/ka la kA hi/__pre gr-i sau su/__na si ma ku/__hU~M hU~M hU~M hU~M hU~M hU~M hU~M hU~M/__zhes sngags mchod dang /__oM sarba ta thA ga ta shrI tsakra saM ba ra maN+Dal tsakra sarba wI ra yo gi nI sa pa ri wA ra ar+g+haM nas/__shap+da pra tI ts+tsha AHhU~M/__zhes phyi mchod dang /__nang mchod oM AHhU~M gis lan mang du 'bul/__bdag gis bdud rtsi myang bas phyi nang gi lha thams cad mnyes par bsam pa ni/__mnyes pa'i mchod pa dang /__gang ba'i phyag rgya dpral bar 'cha' zhing /__oM sarba bid+bU ra pU ra/__su ra su ra/__A warta ya A warta ya ho/__zhes yid byung gi mchod pa dang /__cang te'u'i sgra dang bcas/__oM na mo b+ha ga wa te bI re shA ya hu~M hU~M phaT/__oM ma hA ka lbAg+nI ban ni b+ha ya hu~M hU~M phaT/__oM dza Ta mu ku To T+ka Ta ya hu~M hU~M phaT/__oM daMSh+ta kA rA yo gra b+hI Shan mu khA ya hu~M hU~M phaT/__oM sa ha pra b+hu dza b+ha su rA ya hu~M hU~M phaT/__oM sa ra shu pa shod+ya ta shu la kha T+waM d+ha ri Ni hu~M hU~M phaT/__oM bya g+h+ra dzi nAm+ba ra d+ha rA ya hu~M hU~M phaT/__oM ma hA d+hu mrAn+d+hA ka ra wa pu ShA ya hu~M hU~M phaT/__ces yab kyi rkang brgyad dang /__oM na mo b+ha ga wa te badz+ra bA rA hI waM hu~M hU~M phaT/__oM na mo Ad+ya a pa ra dzi te trai lo kya ma te ma hA bid+ya shwa re hu~M hU~M phaT/__oM na maHsarba b+hu ta b+ha ya wa te ma hA badz+re hu~M hU~M phaT/__oM na mo badz+ra A banA+e a dzi te a pa ra dzi te ba shaM ka ri ni tra b+h+ra ma Ne hu~M hU~M phaT/__oM na maHsho Sha Ni ro Sha Ni kro d+ha ni ka rA li ni hu~M hU~M phaT/__oM na mas+t+ra sa ne mA ra Ni pra b+hed na a pa rA dza ye hu~M hU~M phaT/__oM na mo bi dza ye dzam+b+ha ni stam+b+ha ni mo ha ni hu~M hU~M phaT/__oM na mo badz+ra bA rA hI ma hA yo gi nI kA me shwa ri kha ge hu~M hU~M phaT/__ces yum gyi rkang brgyad kyis bstod/__rgyun gyi rnal 'byor la/__nyer spyod/__bdud rtsi mnyes mchod gsum gyis kyang rung gsungs so/__/gsum pa las rgyal mchog la/__dag dran rgyas par bya ba'am/__bsdu na/__bdag gi blo la snang ba'i lha sum cu rtsa bdun po 'di rnams byang phyogs so bdun gyi ngo bor rnam par dag la/__byang chub phyogs kyi chos sum cu rtsa bdun kyang lha sum cu rtsa bdun gyi ngo bor rnam par dag pa'o/__/zhes brjod cing don dran par bya/__gnyis pa mnyam par ma bzhag pa'i rnal 'byor la bzhi/__bzlas pa/__nyer bsdu/__spyod lam/__gtor ma'i rnal 'byor ro/__/dang po ni/__bzla bya'i sngags kyi phreng ba sngon po yab kyi thugs ka'i hU~M las byung /__zhal nas thon/__yum gyi zhal du zhugs/__sku'i dbyibs brgyud/__pad+ma nas rdo rje'i lam brgyud de yab kyi thugs ka'i hU~M la thim zhing rgyun mi 'chad par 'khor ba las 'od zer sna tshogs pa 'phros pas bde ba chen po'i ye shes brtan par gyur pa'i mos pas gtso bor/__oM shrI badz+ra he he ru ru kaM hu~M hU~M phaT/__DA kI ni dz+wA la sam+ba raM swA hA/__oM sarba bud+d+ha DA kI ni ye badz+ra war+N+Na nI ye hU~M hU~M phaT swA hA/__zhes yab yum gyi snying po dang /__oM hrIHha ha hu~M hU~M phaT/__oM badz+ra bai ro tsa ni ye hU~M hU~M phaT swA hA/__zhes nye snying dag ci mang bzla zhing /__mkha' 'gro ma bzhi la/__oM DA ki nI ye hu~M hU~M phaT/__oM lA mA ye hu~M hU~M phaT/__oM khaN+Da ro he hu~M hU~M phaT/__oM rU li NI ye hu~M hU~M phaT/__de nas 'khor lo gsum la bsdu na/__oM bI ra bI ri ye hu~M hU~M phaT/__zhes bzla/__oM kA kA s+ya hu~M hU~M phaT/__oM u lu kA s+ya huM hU~M phaT/__oM shwa nA s+ya huM hU~M phaT/__oM su ka rA s+ya hu~M hU~M phaT/__oM ya ma da d+hI ye huM hU~M phaT/__oM ya ma dU tI ye huM hU~M phaT/__oM la ma daMSh+ti NI ye huM hU~M phaT/__oM ya ma ma tha nI ye huM hU~M phaT/__ces sgo mtshams ma brgyad kyi sngags dang /__gong du bshad pa'i go cha'i sngags rnams kyang gtso bo yab yum gyi bcu cha tsam bzla'o/__/mjug tu/__bde bar gshegs pa thams cad kyi sku gsung thugs yon tan phrin las thams cad kyis bdag dang sems can thams cad la byin gyis brlab tu gsol/__myur du phyag rgya chen po mchog gi dngos grub 'khor lo bde mchog gi go 'phang thob par byin gyis brlab tu gsol/__ces gsol ba gdab/__he ru ka'i yi ge brgya pas brtan par bya'o/__/gnyis pa nyer bsdu'i rnal 'byor ni/__rang gi snying ga'i hU~M las 'od zer 'phros te/__khams gsum snod bcud thams cad gzhal yas khang dang lha lha'i dkyil 'khor du gyur/__de srung ba'i 'khor lo la thim/__de dur khrod brgyad la thim/__de gzhal yas khang la/__de dam tshig gi 'khor lo la/__de yang sku'i 'khor lo la/__de yang gsung gi 'khor lo la/__de yang thugs kyi 'khor lo la/__de yang bde ba chen po'i 'khor lo la/__de rang nyid la thim ste/__lha rnams phyogs g.yon bskor dang /__mtshams g.yas bskor gyi sna bug nas zhugs te snying gar thim/__/gsum pa spyod lam gyi rnal 'byor/__rang nyid he ru ka zhal gcig phyag gnyis par gyur/__snying gar oM oM ha dkar po sogs yab yum gyi go cha dang /__pU dza o a sogs pa'i go cha chen po bgo/__sum+b+ha lan gnyis kyis phyogs bcing /__yab kyi rkang brgyad tshar gcig brjod/__bdag dang snang ba'i dngos po thams cad 'khor lo sdom pa'i sku'i rang bzhin brjod pa dang grags pa'i sgra thams cad gsung gi rang bzhin/__dran rig rnam rtog thams cad thugs bde ba chen po'i rang bzhin du rnam par dag go__/bdag gis dus gsum dge ba ci bsags pas/__/nam mkha'i mthar thug gyur pa'i sems can rnams/__/bla med theg pa chen po'i snod gyur nas/__/kun kyang rdo rje 'dzin pa'i bdag nyid shog__/lha mo tshad ma dam tshig tshad ma dang /__/des chos gsung yang tshad ma'i mchog yin pas/__/bden pa des kyang lha mo de dag gis/__/bdag la rjes su 'dzin pa'i rgyur gyur cig__/srid pa gsum 'bar sku ni rjes chags dul bar ldan/__/'od zer sngon po stong ldan nyi ma brgya stong ldan/__/rnam mang sku dang cha lugs rjes chags sems dpar ldan/__/he ru ka dpal de dang sngags pa lhan cig gar byed shog__/ces pa bsngo smon gyis mtshams sbyar te dag pa gsum gyi lam khyer dang ma bral bar spyod lam la 'jug go__/bzhi pa gtor ma'i rnal 'byor ni/__sha chang gi dam rdzas dang bcas pa'i gtor ma chang chu nang mchod kyis bran/__sam+b+has bsang /__swA b+hA bas sbyangs/__bdud rtsi ltar byin brlab rgyas par bya ba'am/__oM AHhU~M ha ho hrIHsa brlabs/__mdun gyi nam mkhar skad cig gis rten dang brten par bcas pa'i dkyil 'khor dur khrod brgyad dang bcas pa bzhugs par gyur/__ye shes 'khor lor spyan drangs par bsam ste/__'bar ba'i phyag rgya bcas la/__phaiM zhes brjod/__dzaHhU~M ba~M hoH__dgug gzhug cing dbang du bya'o/__/oM yo ga shud+d+ha sarba d+hArmaHyo ga shud+d+ho\u0f85 haM/__zhes brjod 'khyud rgya bya/__ljags hU~M las byung ba'i rdo rje dkar po 'od kyi sbu gu can hU~M gis mtshan pas gsol bar bsam zhing /__oM a ral+li hoH__dzaHhU~M ba~M hoH__sa ma ya s+t+waM draM sh+ya ho/__badz+ra DA ki nI kha kha khA hi khA hi/__i maM ba liM b+huny+dza thA pi ba thA/__ma ma kAR+Ya sAd+ha ya/__oM AHhU~M phaiM phaiM swA hA/__zhes lan bdun sogs brjod/__oM badz+ra ar+g+haM sogs kyis phyi mchod dang /__oM AHhU~M gis nang mchod 'bul/__rkang brgyad gnyis kyis bstod/__srid pa gsum 'bar sogs kyis 'dod pa'i dngos grub la smon lam gdab/__'jig rten pa'i gtor ma mkha' 'gro spyi gtor gyi cho gas btang /__yi ge brgya pas bzod par gsol/__badz+ra muHsa 'jig rten pa gshegs/__oM yo ga shud+d+hA sogs kyis ye shes kyi 'khor lo rang gi lus la thim par bsam/__bsngo smon shis brjod bya'o/__/gzhan yang kha zas bdud rtsir byin gyis brlab la/__g.yon pa'i kun spyod kyis nang gi bsreg blugs kyi tshul du rol/__nyal ba'i tshe rang gtso bo yab yum du gsal ba'i yum yab la thim/__de'ang thugs ka'i hU~M nas na bA'i bar du bsdus la sems bzung mthar nA da'ang mi dmigs par bsam la/__'od gsal rnam par mi rtog pa'i ngang du ngal bso/__/tho rangs ldang ba'i rnal 'byor gyis ldang ste/__bsam gtan gyi grogs su 'gro na dngos sam/__de ltar min kyang yid kyis bsgom ste dbang gi skabs ltar khrus byas la rnal 'byor gyi rim pa la 'jug__/bsnyen pa byed na mtshams dam par bcad/__ji skad bshad pa'i mngon rtogs thun bzhi'am gsum sogs su bsgom/__bzlas pa'i mgor phreng ba byin gyis brlabs te/__sum b+ha bdun tsam bzla/__de nas rtsa sngags dang /__snying po/__nye snying /__'khor sngags kyi bar tshar gcig bzlas rjes/__thog mar snying po kho na la grangs bzung /__thun grol khar kyang sum b+ha bdun tsam dang /__yig brgya lan gsum bzlas nas nyer bsdu sogs la 'jug__/grangs snying po dang /__nye snying la 'bum phrag bzhi/__/'khor sngags khri phrag bzhi bzla ba'am/__snying po kho na 'bum phrag bzhi dang /__gzhan rnams ci rigs pa bzlas pas kyang las rung tsam du 'gyur ro/__/de ltar mngon rtogs kyi ngag 'don shin tu bsdus pa'i tshul gyis bstan zin nas/__'phros don cung zad brjod na/__rgyu rdo rje 'dzin pa zhal bzhi phyag bzhi par rgya gzhung rang gi dngos bstan las gsal bar 'byung /__yum sku mdog dkar mor byas kyang 'gal ba med mod/__gnyan gyi 'grel ba mu tig phreng ba dang /__sa chen gyi gzhung 'grel gyi dpe dag pa sogs las dmar por gsungs shing /__nyi ma'i chos dag pa dang /__thabs shes phan tshun rgyas btab pa dang /__srid pa'i 'dod chags 'joms pa mtshon pa'i phyir bla ma'i man ngag gis kyang dmar por bzhed/__rigs bdag yab la mi bskyod pa dang /__yum la rnam snang du byed pa yod kyang /__sa chen gyi gsung las 'byung ba ltar 'dir dang po'i sbyor ba'i skabs su mi bskyod pa dang /__dkyil 'khor rgyal mchog gi skabs dbang gi chu rgyun gyis reg pa la brten nas rigs thams cad kyi khyab bdag rdo rje sems dpar gnas bsgyur/__lus dkyil skabs/__mkha' nang gi gtso bo yab yum yar drangs/__yab snying ga'i hU~M dang /__yum lte ba'i aM la thim pas so so'i skur gyur pa snying ga'i dbus su zhal sbyor du bzhugs par bsgom pa ni man ngag gi gnad yin/__sgo mtshams ma brgyad snying ga'i phyi bskor gyi rtsa 'dab brgyad dang /__phyogs la 'god pa sogs kyang spyir 'gal ba med mod/__'on kyang 'dir sa chen gyi rim bzhi lam slong sogs kyi dgongs pa ltar/__snying ga'i rtsa 'dab brgyad dang 'brel ba'i phyi'i bu ga brgyad la 'god pa nyid legs zhes gsungs so/__/gnyis pa bskyed rim gyi man ngag cung zad bshad pa ni/__spyir gong du bshad pa'i mngon par rtogs pa shar bsgom dang /__bsnyen pa bya ba sogs mos bsgom tsam yin na'ang /__mngon gyur gyi bsgom pa la 'jug pa'i sngon du 'gro zhing /__bar chad zhi ba dang /__tshogs rdzogs pa sogs dgos pa khyad par can yod pas ci nus su bslab par bya/__'dir mngon gyur du bsgom pa'i tshul mdo tsam bshad na gsum/__lha'i rnal 'byor la bslab pa'i thabs/__lobs pa'i tshad/__brtan pa'i dus so/__/dang po la/__rnam pa la bslab pa/__go rim la bslab pa/__thun mtshams la bslab pa'o/__/dang po rnam pa la bslab pa ni/__bris sku mtshar ba zhig me long la sogs pa'i 'od dang ldan par byas la/__rang nyid de la gdong phyogs pa'i tshul gyis bde ba'i gdan la 'khod de/__ji skad bshad pa'i mngon par rtogs pa dag pa dran pa'i bar du shar bsgom gyi tshul gyis bsgom la cung zad ngal bso/__/de nas bris sku la chu srang gnyis gsum du sems ma yengs shing mig rtse gcig tu blta/__yang de kha'i rnam pa yid la 'char bar byas te cung zad bsgom/__de ltar blta ba dang bsgom pa spel mar byas pas dbang po rab 'bring tha gsum gyi 'char tshul 'byung bas de dang mthun par bslab/__gnyis pa go rim la bslab pa ni/__/dang po rim par bslab pa yin te/__gtso bo la gsal na yum gsal gdab pa sogs lha rnams la rim gyis bslab pa dang /__gzhal med khang dang /__dur khrod dang /__srung ba'i 'khor lo'i bar du re re bzhin du sbyangs/__so so la brtan pa thob na nyis sdebs gsum sdebs byed kyin sbyangs/__mthar 'khor lo ma lus pa cig car gsal ba'i bar du sbyangs/__gnyis pa ma nges par bslab pa ni/__res 'ga' lha nyung ngu dkyil 'khor rgya chung ngu la bslab/__res 'ga' lha mang ba dkyil 'khor rgya che ba la bslab/__de bzhin du sku mdog ma nges pa dang /__sku'i tshad ma nges pa dang zhal phyag bzhugs tshul sogs kyang ma nges pa la bslab pa dang /__mang po nyung ngur bsdu ba dang /__nyung ngu mang por spel ba sogs spro bsdu sna tshogs la bslab pas de dag so so'i thad kar gsal snang thob pa na/__go rim la lobs pa yin cing /__'on kyang de dag brtan par bya ba'i phyir yun bsring ste bskyar gyin bsgom pa yang bya'o/__/gsum pa thun mtshams la bslab pa ni/__sngar gyi de dag la ci rigs par lobs nas/__thun bzhi lta bur bsgom zhing /__de la brtan na gnyis sbrel te thun gnyis su bya/__de la brtan na mtshan ril po thun gcig tu byas nas bsgom mo/__/de la'ang brtan na nyin mtshan sbrel nas bsgom pa sogs la rim gyis bslab pas/__mthar zhag mang por mi 'tshor ba 'byung ngo /__/de yang khams snyoms pa'i tshe nyin zhag gcig bar ma chad par mnyam gzhag thun gcig gi gnas pa byung na/__re zhig go rim la lobs par shes par bya/__gang ltar yang thun las ldang bar 'dod na/__bzlas pa dang nyer bsdu sogs ji skad bshad pa bzhin bya'o/__/gnyis pa lobs pa'i tshad la/__mi mnyam par lobs pa dang /__mnyam par lobs pa dang /__lhag par lobs pa gsum kha dog la lobs pa'i tshad yin la/__dmigs pa gang 'dod du bsgyur pa la dbang 'byor na/__go rim la lobs pa'i tshad dang /__dus la 'phen pa gang btang ba de tsam du gnas na thun mtshams la lobs pa'i tshad do/__/gsum pa brtan pa'i tshad ni/__kha dog la brtan pa/__dbyibs la brtan pa/__grangs la brtan pa/__dus la brtan pa thob pa'i tshad de bzhi'o/__/de ltar na slob pa'i tshul gsum/__lobs pa'i tshad lnga/__brtan pa'i tshad bzhi ste bskyed rim mngon gyur bsgom pa man ngag gi gnad bcu gnyis so/__/gnyis pa brtan pa rdzogs pa'i rim pa la gsum/__sngon 'gro/__dngos gzhi/__rjes so/__/dang po la/__skyabs 'gro sems bskyed spyi dang mthun/__rdo rje sems dpa' he ru ka'i bsgom bzlas bya/__bla ma'i rnal 'byor ni/__rang gi mdun gyi nam mkhar seng ge brgyad kyis btegs pa'i rin po che'i khri sna tshogs pad+ma nyi ma'i gdan la/__rtsa ba'i bla ma rdo rje 'chang chen po dpal 'khor lo sdom pa'am/__rje btsun rdo rje chos kyi rnam pa can/__sku mdog dmar po zhal gcig spyan gsum pa/__g.yas DA ma ru/__g.yon thod pa bdud rtsis gang ba/__gru mor shes rab kyi rang bzhin kha T+wAM ga dkar po bsnams pa/__rus pa'i rgyan drug gis brgyan pa la brgyud pa'i bla mas bskor ba dmigs te maN+Dal phul/__gsol ba btab/__bla ma'i gnas gsum gyi yig 'bru gsum las dbang gsum len pa bla ma'i rnal 'byor spyi dang mthun/__bla ma 'od du zhu/__rang la thim par bsam pa dbang bzhi pa'o/__/gnyis pa dngos gzhi la/__shes bya rgyud kyi rim pa/__nyams len sngags kyi rim pa/__skye ba ye shes kyi rim pa/__'bras bu gsang ba'i rim pa'o/__/dang po ni/__rtsa gsum 'khor lo bzhi la rgyud ces bya ba la/__de nyams su len pa'i rim pa yin pas/__rgyud kyi rim pa zhes bya'o/__/de'i tshul ni/__bskyed rim rgyas pa dang 'brel na/__dkyil 'khor bsdu/__yum yang 'od zer dmar po'i rnam pas lte ba'i aM la thim ste rang he ru ka phyag gnyis brkyang pa'am/__yum ma bsdus par bde mchog lhan skyes su bsam pa gang rung bya/__bskyed rim rgyas pa dang ma 'brel na jo bo nA ro ta pa'i man ngag gis rang tha mal pa'i spyi bor bla ma'i phyag l+h+wam bsgom/__gsol ba btab/__'od du zhu/__rang la thim pas skad cig gis bde mchog phyag gnyis par wal gyis gsal btab ste/__bdag la bla mas dbang bskur phyin chad lus kyi phyi 'khor lo bde mchog__/nang rtsa khams rnams dpa' bo dang dpa' mo'i bdag nyid yin snyam du dran par bya/__snga phyi de gnyis ci byas kyang /__rang bde mchog tu gsal ba'i spyi bo nas/__lte 'og sor bzhi'i bar la rtsa dbu ma/__chu shing gi sdong po ltar drang ba/__rgya skyegs kyi me tog ltar dmar ba/__til mar gyi mar me ltar gsal ba/__pad+ma'i 'dab ma ltar phra ba ste chos bzhi ldan mda' smyug 'bring po tsam/__phra ba ni srab pa'i don la bya zhing dbu ma gsal 'debs pa la dmigs skor gcig__/de'i g.yas su ro ma rak+tas gang ba bsgom pa dmigs skor gnyis pa/__g.yon du rkyang ma byang chub kyi sems kyis gang ba bsgom pa dmigs skor gsum pa/__rtsa de gsum gshibs te mas sne dbu ma dang mnyam du zug pa/__rtsa gsum ka'i yar mar gyi sne gnyis bcad kha lta bu/__lte ba'i thad du ro rkyang gnyis dbu ma'i nang du sor gcig tsam song ste dbu ma dang bug pa 'brel ba/__de nas yar dbu ma'i phyi nas song /__snying ga__/mgrin pa/__spyi bo rnams su yang lte ba dang 'dra bar sor re tsam gyi dpangs tshad dbu ma'i nang du song zhing bug pa 'brel/__ro rkyang gnyis spyi bo nas klad rgya'i steng brgyud song ste sna rtse g.yas g.yon du zug pa/__ro rkyang gnyis dbu ma'i nang du chud pa so sor 'khor lo bzhi chags pa ni/__lte bar rtswa 'khor nang ma la 'dab ma brgyad de re re la 'dab chung bdun bdun gyes pa phyi skor la 'dab ma lnga bcu rtsa drug__/gdugs kyi rtsib ma kha gyen bstan lta bur bsgom pa la dmigs skor bzhi pa/__snying ga chos kyi 'khor lo sngon po rtswa 'dab brgyad kha thur bstan bsgom pa dmigs skor lnga pa/__mgrin pa longs spyod kyi 'khor lo dmar po nang bskor rtswa 'dabs bzhi/__de re re la rtswa 'dab gsum gsum gyes pa phyi skor bcu gnyis te rtsa 'dabs bcu drug kha gyen bstan bsgom pa dmigs skor drug pa/__spyi bo bde chen gyi 'khor lo dkar po rtsa 'dabs so gnyis 'phreng du bsgrigs pa kha thur bstan bsgom pa dmigs skor bdun pa/__dbu ma'i mas snar k+Sha dmar nag me'i rang bzhin mgo thur bstan dbu ma'i mas snar sne tshud tsam bsgom pa dmigs skor brgyad pa/__lte ba'i rtsa 'khor gyi dbus su aM dmar po mgo gyen bstan bsgom pa dgu pa/__snying ga'i dbus su hU~M sngon po mgo thur bstan bsgom pa bcu pa/__mgrin par a~M dmar po mgo gyen bstan bsgom pa bcu gcig pa/__spyi bor haM dkar po mgo thur bstan bsgom pa bcu gnyis pa/__ro ma la ka nas ha'i bar gsal byed so gsum mam/__yang na/__nga nya spangs pa'i k+ShaH'i bar so gnyis 'dam ga yin pas gang bde bya zhing /__kha dog dmar po mgo gyen bstan bsgom pa dmigs skor bcu gsum pa/__rkyang ma la A li tshar gnyis kha dog dkar po mgo thur bstan rkyang ma'i mas snar a nas yas snar aHtsheg drag can gyi bar brtsegs par bsgom pa bcu bzhi pa/__lte ba'i nang skor gyi rtsa 'dab la mdun nas brtsams te g.yas skor du a ka tsa Ta ta pa ya sha bsgom pa bco lnga pa/__phyi skor la dbyangs gsal lnga bcu/__A I U ai au AHrnams kha dog dmar po mgo gyen bstan bsgom pa bcu drug pa/__snying ga'i 'dab ma brgyad la phyogs A I U ai ste bzhi/__mtshams bzhir g.yas nas brtsams te ya ra la wa rnams kha dog sngon po mgo thur bstan bsgom pa bcu bdun pa/__mgrin pa'i nang skor gyi rtsa 'dabs la a i u e/__phyi skor la r-i l-i bzhi spangs pa'i dbyangs bcu gnyis kha dog dmar po gyen bstan bsgom pa bco brgyad pa/__spyi bo'i rtsa 'dabs la dbyangs yig rnams tshar gnyis kha dog dkar po mgo thur bstan bsgom pa bcu dgu pa/__bshang sgor rlung gi dkyil 'khor sngo skya zla gam gsal btab ste nyi shu pa/__sems lte ba'i a~M la gtad de bzung ba nyer gcig pa/__rlung phyir 'gro ba dang bstun rtsa 'khor yig 'bru rnams mas nas rim pas gsal btab/__nang du 'ong ba'i tshe yas nas rim pas gsal btab/__gnas pa'i tshe lte ba'i a~M la thim pa'i tshul gyis cung zad bzhag__/de ltar na rgyud rim la dmigs skor nyer gnyis so/__/mthar phyin pa'i tshad ni rtsa gsum 'khor lo drug yid la gsal bar snang ba'o/__/gnyis pa nyams len sngags kyi rim pa la/__nang gi sngags ni lte ba'i aM yin la/__rim pa ni rim gyis sbar te rang gi 'khor lo dang /__de bzhin gshegs pa'i 'khor lo'i yig 'bru rnams bsreg bzhu dang gso ba'i bar mthar phyin pa'o/__/nyams su blang ba'i tshul gtum mo 'khor lo bzhi la brten pa ni/__rtsa gsum 'khor lo bzhi yig 'bru dang bcas brgyud rim ltar gsal btab nas mdun gyi nam mkhar sangs rgyas thams cad 'dus pa'i ngo bo rtsa ba'i bla ma bcom ldan 'das 'khor lo bde mchog gi rnam par gsal btab/__rlung bum pa can bzung bas 'og rlung bskyod/__des bshang sgo'i rlung gi dkyil 'khor bskyod pas de'i rlung gis k+Sha yig mer 'bar/__ro ma nas song /__des lte ba'i 'khor lo yig 'bru dang bcas pa lcags bsregs pa bzhin du bsregs shing a~M mer 'bar bar bsgom pa dmigs skor dang po'o/__/yang ro ma nas song /__snying ga'i 'khor lo bsreg pa gnyis pa/__yang ro ma nas song /__mgrin pa'i 'khor lo bsreg pa gsum pa/__yang ro ma nas song /__spyi bo'i 'khor lo bsreg pa/__bzhi pa/__yang ro ma nas brgyud/__sna bug g.yas nas song /__mdun gyi 'khor lo bde mchog gi shangs g.yas nas brgyud/__sku'i 'khor lo bzhi khyab bzhu brtul byas/__bdud rtsi rnams bsdus/__shangs g.yon nas byung /__rang gi sna bug g.yon nas zhugs/__rkyang ma'i lam brgyud/__spyi bo'i 'khor lo bdud rtsis gang zhing yi ge rnams gsos par bsgom pa lnga pa/__rim pas rkyang ma brgyud/__mgrin pa'i oM sogs yi ge rnams gsos pa drug pa/__rkyang ma'i lam brgyud/__snying ga'i yi ge rnams gsos btab bdun pa/__de bzhin du rkyang ma nas brgyud/__lte ba'i aM la phog__/yi ge thams cad gsos shing bdud rtsis gang /__'bar 'dzag la sems gtad pa brgyad pa/__de nas yang rlung bzung bas k+Sha mer 'bar/__me lce phra ba zhig dbu ma'i lam nas song /__lte ba'i a~M la phog pas de mer 'bar/__me lce rim bzhin song /__snying ga'i hU~M yig bsreg pa dgu pa/__me de dbu ma nas song /__mgrin pa'i oM bcom pa bcu pa/__spyi bo'i haM la phog pas bsreg pa bcu gcig pa/__rim bzhin brgyud/__smin mtshams gser gyi sgo nas song /__de bzhin gshegs pa'i rgyud la 'gro 'ong byas/__bdud rtsi byung ba spyi gtsug dza lan+d+ha ra nas zhugs/__haM yig sogs spyi bo'i yi ge rnams bdud rtsis gang ba ches gsal bar bsgom pa bcu gnyis pa/__gzhan rnams 'dra ba la mgrin pa'i yi ge gsos pa bcu gsum pa/__yang babs/__snying ga'i yi ge rnams gsos pa bcu bzhi pa/__de las kyang babs/__lte ba'i yi ge rnams gsos/__a~M la sems gtad/__bco lnga pa/__de lta bu tshar gcig sngon du btang nas/__de nas gtum mo'i me spyi bo'i haM gi bar 'bar/__snying ga mgrin pa spyi bo'i bar gyi 'khor lo yig 'bru dang bcas pa bsreg pa bcu drug pa/__de nas de bzhin gshegs pa'i rgyud la 'gro 'ong mi byed par haM las bdud rtsi byung /__mgrin pa/__snying ga__/lte ba'i bar gyi 'khor lo dang yig 'bru rnams gsos de ka'i 'bar 'dzag la sems gtad de bsgom/__bcu bdun pa'o/__/de ltar na sngags rim la dmigs skor bcu bdun no/__/mthar phyin pa'i tshad ni/__'phar g.yo la sogs pa 'byung ba'o/__/gsum pa skye ba ye shes kyi rim pa ni/__ye shes ni dga' ba bcu drug gi mthar lhan skyes nyams su myong ba/__rim pa ni rdo rje nor bur bde ba la bsgom pa nas mdzod spur bde ba bsgom pa'i bar ro/__/nyams su blang ba'i tshul ni/__sngags rim gyi gtum mo'i dmigs pa de bzhin gshegs pa'i rgyud la 'gro 'ong dang bcas pa tshar gcig nyams su blang nas/__de nas de bzhin gshegs pa'i rgyud la 'gro 'ong mi byed par gtum mo'i spyi bo'i ha~M gi bar 'bar bas haM bdud rtsir zhu/__mgrin pa'i oM la thim/__dmigs skor gcig__/de yang zhu/__snying ga'i hU~M la thim pa gnyis pa/__de yang zhu/__lte ba'i a~M la thim pa gsum pa/__de yang zhu dkar dmar 'dres pa'i thig le de rdo rje nor bu'i rtser sleb pa la sems gzung ba bzhi pa/__thun 'jog kar spyi bo'i ha~M la thim par bsgom pa lnga pa/__nor bu'i rtse mor bzung bas der bde bas brgyal ba lta bu byung tshe yar rdo rje'i sked pa tsam du drangs pa drug pa/__der yang bde ba mi bzod pa byung tshe yar rdo rje'i rtsa bar drangs pa bdun pa/__yang yar lte 'og tu drangs pa brgyad pa/__yang yar lte bar drangs pa dgu pa/__de bzhin du lte ba nas snying ga'i bar la cha bzhir byas te yar rim bzhin du drangs/__bcu pa nas bcu gsum pa'i bar ro/__/de bzhin du snying ga nas mgrin pa'i bar la bzhi/__dmigs skor bcu bdun pa'i bar ro/__/mgrin pa nas spyi bo'i bar la bzhi/__dmigs skor nyer gcig pa'i bar ro/__/de rnams su sems 'dzin cing khyad par 'khor lo bzhi'i gtso bor sems gtod de nyer gnyis pa'o/__/mdor na yas babs la bzhi dang /__mas brtan la dga' ba bcu drug gi rjes dran bcu drug go/__de ltar na ye shes kyi rim pa la dmigs skor nyer gnyis so/__/mthar phyin pa'i tshad ni bdag gi rgyud bde bas myos pa la sogs pa'o/__/bzhi pa 'bras bu gsang ba'i rim pa ni/__gsang ba ni srog 'dzin gyi rlung /__rim pa ni rlung skyon rnams rim gyis sel ba/__ji ltar nyams su blang ba'i tshul sngags rim 'khor lo bzhi ldan de bzhin gshegs pa'i rgyud la 'gro 'ong dang bcas pa tshar gcig nyams su blangs nas/__de nas gtum mo'i me spyi bo'i ha~M gi bar 'bar bas ha~M bdud rtsi'i rang bzhin du zhu/__mgrin pa'i oM la thim par bsams te sems 'dzin pa dmigs skor dang po/__/oM yang zhu/__snying ga'i hU~M la thim pa la sems gtod de dmigs skor gnyis pa/__de las kyang dwangs ma byung /__lte ba'i oM la thim par bsams la de la sems 'dzin pa dmigs skor gsum pa/__de nas khams gsum thams cad 'od du ltem zhu/__rang la thim par bsam/__de tsam la sems gtad pa bzhi pa/__de yang yal/__snying ga'i hU~M dang lte ba'i a~M/__de gnyis kyi 'khor gyi dbu ma dang bcas pa tsam la sems gtad de lnga pa/__de gnyis kyang 'od dkar dmar du zhu/__dkar dmar 'dres pa'i thig le la sems gtad pa drug pa/__de yang glog yal ba bzhin yal song /__de ka'i ngang la mnyam par 'jog cing rlung bum pa can 'dzin/__bdun pa'o/__/de ltar na gsang rim la dmigs skor bdun no/__/mthar phyin pa'i tshad ni/__lus ras bal gyi 'dab ma ltar yang ba dang /__smig rgyu la sogs pa'i rtags lnga mthong ba'o/__/de lta bu'i rim pa bzhi'i dmigs pa'i rnam grangs kun dril dmigs skor drug cu rtsa brgyad do/__/de nas rang nyid skad cig tsam gyis he ru kar wal gyis bsams la/__de'i sna'i bug pa gnyis tsam ma gtogs par bar ka ba med pa sgong stong pa lta bu srab mo zhig tu bsgom/__rlung nang du 'ong ba dang mnyam du der rlung ljang sngon shas che bas ljang nag dud pa lta bu zhig dal bus byung /__lus kyi nang du song bas lus kyi nang thams cad rim gyis gang ste nang chung ngu dud pas khengs pa lta bu zhig tu bsgom/__'di gegs sel yin kyang dmigs pa phyi ma 'di dang sprel nas dang po nyid nas bsgoms pas rtsa rlung gi zug mi 'byung zhing yon tan khyad par skye ba'i dgos pa yod do/__/gsum pa rjes la gnyis/__thun gyi mjug bsdu ba dang /__khrid kyi rjes bskyang ba'o/__/dang po ni/__de ltar bsgom pa'i thun thams cad kyi mthar bskyed rim rgyas pa dang 'brel nas bzlas pa dang nyer bsdu sogs ji skad bshad pa bzhin mthar dbyung /__ma 'brel na dge ba bsngo zhing smon lam rnam par dag pas rgyas gdab/__thun mtshams thams cad du'ang dngos gzhi'i nyams myong gi rtsi dang ma bral bar spyod lam dge ba'i bya bas dus 'da' bar bya'o/__/gnyis pa ni/__nyams myong skyes rim bzhin bla ma dam pa'i spyan sngar zhus la sgro 'dogs bcad/__'byung bzhi la 'khrugs pa dang /__nyams sna tshogs pa'i gegs bsal zhing /__spyod pa gsum gyis bogs dbyung bas gsang rim gyi rtogs pa rdzogs pa na 'phags lam sa dang po thob cing /__slar yang zung du 'jug pa'i rnal 'byor la brtson pas slob pa'i zung 'jug mthar phyin nas/__sku gsum yan lag bdun dang ldan pa'i slob pa'i zung 'jug rdo rje 'chang chen po'i go 'phang la reg par 'gyur ba yin no/__/dran pas dngos grub char 'bebs lhag pa'i lha/__/'khor lo bde mchog bskyed rdzogs lam gyi phul/__/bde chen ye shes grub pa'i snying po'i dpyid/__/'dis kyang 'gro kun he ru kar gyur cig__/ces pa'ang slob dpon chen po nag po spyod pa bsam bzhin du srid ba nye bar bzung ba 'jam mgon grub pa'i dpa' bo dpal ldan kun dga' grol mchog gi gsung rab bskyed rim mdor bsdus su bya ba'i tshul la rje rang nyid kyi zhal lung sgrub thabs rgyas pa'i sa bcad sogs sbyar zhing /__rdzogs rim gyi dmigs pa rnams rje btsun mchog gi sprul pa'i sku kun dga' snying po'i zhal gyi bdud rtsi zin bris su btab pa ji lta ba bzhin dag cing gsal bar bya bral ba mang du thos pa'i gzugs brnyan 'jam dbyangs mkhyen brtse'i dbang pos bris pa dge legs mchog tu gyur cig/__//mang+ga laM//