JKW-KABUM-06-CHA-001-010-wylie

🚧 This website is under continued development. We appreciate your patience!

kye rdor brtag pa dang po'i bsdus don bdud rtsi'i snying po/___ dpal kye rdo rje'i rtsa ba'i rgyud brtag pa dang po'i bsdus don bdud rtsi'i snying po bzhugs so/__/na mo gu ra we/__mi phyed srid gsum ro gcig rdo rje sems/__/ye shes chen po'i ro yis rab gang bas/__/rtag tu 'du 'bral med pa'i dam tshig can/__/stong nyid snying rje zung 'jug des skyongs shig__/dus gsum gyi bde gshegs sras dang bcas pa'i bgrod pa gcig pur gyur pa'i lam thabs dang shes rab gnyis su med pa dpal kye rdo rje'i rtsa ba'i rgyud brtag pa gnyis pa dang /__bshad pa'i rgyud rdo rje gur dang /__cha mthun gyi rgyud sam+bu Ta ste/__rgyud gsum gyi dngos gzhi tshig gis 'bru gnyer ba'i sgo nas 'chad pa'i sa bcad dang dka' ba'i gnas kyi zin thun rags pa zhig bri ba la dran pa nye bar bzhag par bya ste/__'di la gsum/__rtsa rgyud bshad pa/__bshad rgyud thun mong min pa gur bshad pa/__thun mong ba kha sbyor bshad pa'o/__/dang po ni/__bshad bya rgyud kyi mtshan bstan pa/__de sgyur byed lo tsA ba rnams kyis sngon du rang gi ston pa la phyag bya ba rnams 'phros don gyi tshul du 'chad de/__de lta bu'i rgyud 'chad par byed pa la gnyis/__gleng gzhi phun sum tshogs pa'i tshul gyis rgyud kyi lus rnam par bzhag pa dang /__gang bshad pa'i chos phun sum tshogs pa'i tshul gyis rgyud kyi yan lag rgyas par dbye ba'o/__/dang po la gnyis te/__'khor ston tha dad la sbyar te gleng gzhi phun sum tshogs pa'i tshul gyis rnam par bzhag pa dang /_'khor ston tha mi dad pa la sbyar te rgyud kyi lus rnam par bzhag pa ltar bshad pa'o/__/phyi ma la gsum ste/__bskyed rim spyi don la sbyar ba/__sbas don la sbyar ba/__mthar thug la sbyar ba'o/__/bar ma la gnyis te/__rang byin rlabs la sbyar ba dang /__dkyil 'khor 'khor lo la sbyar ba'o/__/gnyis pa rgyas par dbye ba la gnyis te/__brtag pa dang po rtsa rgyud dang /__de gsal bar byed pa phyi ma bshad rgyud kyi tshul du bshad pa'o/__/dang po la gnyis te/__don dngos dang /__de'i mtshan smos pa'o/__/dang po la gang la dmigs te bsgrub par bya ba 'bras bu'i rgyud dang /__de thob byed thabs kyi rgyud gnyis/__dang po la gnyis te/__'bras bu sku bzhi'i nges tshig la zhus shing mnyan par gdams pa dang /__so so'i mtshan gyi nges tshig la zhus lan no/__/gnyis pa la gnyis te/__thun mong ba'i he ru ka gsum gyi/__thun mong ma yin pa he ru ka bzhi pa'i nges tshig la zhus lan no/__/gnyis pa thabs rgyud la gnyis/__bshad par dam bca' ba dang /__don dngos so/__/gnyis pa la gnyis/__lus rnam par bzhag pa dang /__yan lag rgyas par bshad pa'o/__/gnyis pa la gsum/__thabs rgyud dang por bsgom pa'i 'thad pa/__des mi 'ching zhing grol bar bstan pa/__thabs rgyud nyid rgyas par dbye ba'o/__/gsum pa la gnyis/__ji ltar mos par bya ba'i phyir lhan cig skyes pa'i ye shes rtogs pa'i lta ba bstan pa/__de ltar mos par byas nas gnas par bya ba'i thabs rgyud do/__/dang po la gnyis/__dngos don dang /__le'u'i ming ngo /__/dang po la gsum ste/__lhan cig skyes pa'i ye shes kyi mtshan nyid/__gang la brten nas skye ba'i rten/__/de mngon du byed pa'i thabs so/__/gnyis pa la bzhi/__lus rtsa yi/__rtsa yi ge'i/__yi ge b+ha ga'i/__khams bdud rtsi'i/__snying po ye shes rlung gi dkyil 'khor ro/__/dang po la/__zhu ba dang /__lan gnyis/__phyi ma la'ang bzhi ste/__byang sems 'bab pa'i rtsa so gnyis/__de rnams kyi nang nas gtso mo gsum/__rtsa so gnyis gsal ba'i ming gi rab dbye/__de dag spyi'i mtshan nyid do/__/gnyis pa'i skabs su/__rtsa gsum po gtso bo yin pa'i rgyu mtshan/__gzhi dus su/__ro mas lus/__rkyang mas ngag__/dbu mas yid grub par byed/__lam dus su rkyang mas shes rab mi rtog pa'i nyams dang /__ro mas thabs bde ba'i cha bskyed/__kun 'dar ma ni rdo rje'i lus kyi dbus su gnas nas der rlung sems tshud pa na gzung 'dzin gyi rtog pa spangs pa'i gnyis med kyi ye shes bskyed/__'bras dus/__rtsa gsum sku gsum du gnas gyur pa yin no/__/zhes pa'i don to/__/gsum pa'i skabs rtsa so gnyis so so'i nges tshig gi don/__rnam rtog gis mi phyed pas dang /__rnam rtog phra mo mang po bskyed pas/__'dod yon la rtse bas skye gnas kyi g.yon nas byang chub sems 'babs pa'i rgyu byed pas/__sangs rgyas kyi sar thag thung bas/__srid zhi'i mtha' mi mngon pas/__bde ba yid la bsgoms pas/__dri ma 'khrud pas/__chags sogs nyes skyon bskyed pas/__ye shes la 'jug pas/__ting 'dzin thams cad kyi gzhir gyur pas/__mi rtog pas/__nyon mongs pa'i gdung ba sel bas/__drod bskyed pas/__byang sems rkyang ma nas 'babs pas/__gzung 'dzin gyi rnam rtog kun 'dar bar byed pas/__bde ba'i ro myang bas/__byang sems kyi bde la gzhol bas/__bde bas yid tshims par byed pas/__mi rtog pa'i ting 'dzin mun pa lta bu'i gzugs bskyed pas/__thams cad du mnyam pa nyid bskyed pas/__ye shes kyi rgyu ster bas/__sdug bsngal gyi sbyor ba dang bral bas/__ting nge 'dzin yid du 'ong ba bskyed pas/__yid la 'dod pa thams cad grub pas/__rnam rtog gi bud shing bsregs te ye shes bskyed pas/__lus la khams kyis khyab ste bde ba'i ye shes bskyed pas/__rdo rje gsum gyi ngo bo rtsa gsum lan gsum du dkris pas/__'dod chags kyi rnam rtog rgyas par byed pas/__bde ba'i rten byed pas/__rnam rtog gi srog gcod par byed pas/__rtog pa'i 'ching ba dang bral bas/__zhes mi phyed nas bdud 'bral ma'i bar du sbyar bar bya'o/__/bzhi pa la zhu ba dang lan gnyis/__gnyis pa shes rab don dam pa dang /__thabs kun rdzob kyi las so/__/gnyis pa yi ge b+ha ga'i dkyil 'khor la gnyis/__bshad par dam bca' ba dang /__don dngos so/__/gnyis pa la gsum ste/__rtsa gnyis su/__rtsa dang 'khor lo gsum du/__'khor lo bzhir bzhag pa'o/__/phyi ma la'ang yi ge bzhi lha mo bzhir bzhag pa sogs bdun yod pa las/__dang 1po ni/__yi ge e yi rnam pa lte ba'i rtsa mdud gru gsum dang dbyibs mthun cing des gtso che bas sa rnam par dag pa lha mo spyan mar brjod/__de bzhin du snying ga zlum po/__mgrin pa'i 'khor lo/__spyi bo'i 'khor lo dang sbyar bar bya'o/__/rtsa 'dab kyi grangs ni/__lte ba dang po lus chags pa'i gzhi yin cing /__thams cad skyed pa'am sprul par byed pas na sprul pa'i 'khor lo zhes bya/__'di la dbyu gu 64dag pas pad+ma'i 'dab ma drug cu rtsa bzhi dang /__de bzhin du snying ga sems gnas pa'i rten yin cing /__sems la chos 'chad dam 'byung bas dang /__der thun phyed 8dag pa'i rtsa 'dab brgyad/__mgrin par ro drug longs spyod pas dang /__der 'pho ba bcu drug dag pas 'dab ma bcu drug__/spyi bor bde chen ye shes kyi rten byang sems haM gi rnam par gnas pas dang /__der chu 32tshod dag pas 'dab ma so gnyis so/__/skad cig 3ma bzhir rnam par bzhag pa ni/__'o dang 'khyud pa la sogs pa dang /__bde ba rdzogs pa dang /__brtag dpyad byed pa dang /__mtshan nyid dang mtshan gzhi la sogs par zhen pa'i rtog pa dang bral ba ste/__rim par rnam pa sna tshogs sogs so/__/bden pa 4bzhir rnam par bzhag pa ni go sla/__de kho na nyid gzhir bzhag pa yang TI kar gsal/__dga' ba 6bzhir rnam par bzhag pa ni/__rtsol ba che zhing bde ba chung bas/__rtsol ba chung zhing bde ba che bas/__slar 'dod pa'i chags pa dang bral bas/__bde stong lhan cig skyes pa'i ye shes gsal bas/__dga' ba sogs su bzhag pa'o/__/sde pa 7bzhir rnam par bzhag pa ni/__rang gi tshul lugs mi 'gyur bas/__gzhi lnga dang dus gsum thams cad rdzas su yod par smra bas/__mang pos bkur ba'i rgyal rgyud ston pa'i sras sgra gcan 'dzin gyi lugs srol 'dzin pas/__lta spyod mthun pa'i dge 'dun phal cher 'dus pas na gnas brtan pa sogs so/__/gsum pa zla ba dang /__sogs dang /__bzhi pa 'pho ba bcu drug sogs so/__/gsum pa mngon du byed pa'i thabs ni nye bar sogs so/__/gnyis pa le'u'i ming ni/__rdo rje rigs kyi sogs te go sla'o/__/gnyis pa gnas par bya ba thabs kyi rgyud la gnyis te/__gtso bor thun mong dang /__mchog gi dngos grub sgrub pa'o/__/dang po ni/__le'u 'brel gzhung 'grel du gsal zhing /__sa bcad la gsum ste/__bshad par dam bca' ba/__don dngos/__le'u'i ming ngo /__/gnyis pa la lnga ste/__gtor ma'i bzlas pa'i/__byin gyis brlabs pa'i/__sa sbyang ba'i/__las kyi tshogs kyi sngags so/__/gnyis pa la drug__/rigs lnga'i sa bon/__kye rdo rje'i snying po/__de nyid lngas khyad par du byed pa/__grong khyer dkrugs pa/__lha mo bco lnga'i sa bon/__he ru ka gsum gyi sngags so/__/lnga pa la lnga ste/__lha mo brgyad dang 'brel ba'i las/__phyag bcu drug pa'i las char dbab pa/__phyag gnyis pa'i las sprin dral ba/__he ru kaHbzhi bdag med ma dang thun mong ba'i las/__las bsgrubs pa'i lha mo bdun bstan pa'o/__/gsum pa la rdo rje gri gug gi cho ga sogs brgyad do/__/gnyis pa gtso bor mchog sgrub pa la gsum ste/__rim pa gnyis la gnas par bya ba/__drod thob nas sems kyi brtan g.yo brtag pa'i spyod pa/__rnal 'byor ma dang lhan cig skyes pa'i ye shes bsgom pa'o/__/dang po la'ang rten bskyed rim dang /__brten pa rdzogs pa'i rim pa gnyis/__dang po la'ang gnyis te/__lha bskyed pa dang /__dbang bskur ba'o/__/dang po ni/__sngags kyi le'u bshad pa'i rjes su ste/__'di la gsum ste/__bshad par dam bca' ba/__don dngos/__le'u'i ming ngo /__/gnyis pa la gnyis/__he ru ka gsum bskyed pa thun mong gi cho ga dang /__so so'i cho ga'o/__/dang po la gsum ste/__bsdus/__'bring /__rgyas pa'o/__/dang po la gnyis te/__rgyu tshogs gnyis bsags pa dang /__'bras bu dkrongs bskyed yan lag bzhi rdzogs su bskyed pa'o/__/gnyis pa la gsum/__srung ba'i 'khor lo/__rten gdan/__brten pa rdo rje'i cho ga las bskyed pa'o/__/gsum pa la gnyis te/__tshogs zhing spyan drangs te mchod pa dang /__mngon byang lnga las lha bskyed pa'o/__/gnyis pa la gsum/__sku/__gsung /__thugs rdo rje bskyed pa'o/__/dang po la gnyis/__lha'i rnam pa rgyan dang bcas pa dang /__/'khor gyi lha mo dang gnas brtan pa'o/__/gnyis pa dbang bskur ba la gsum ste/__bshad par dam bca'/__don dngos/__le'u'i ming ngo /__/gnyis pa la drug ste/__dbang lha spyan drang ba/__/mchod cing gsol ba gdab pa/__dbang bskur ba dngos/__yan lag bzhi rdzogs su bstan pa/__thun gyi grangs/__spyod lam gyi rnal 'byor ro/__/gnyis pa brten pa rdzogs rim la gsum/__bshad par dam bca'/__don dngos/__le'u'i ming ngo /__/gnyis pa la gnyis te/__de kho na nyid rtogs pa'i thabs dang /__thabs las byung ba'i phan yon no/__/dang po la lnga ste/__chos can la chos nyid kyi de kho na nyid/__gdab bya la 'debs byed kyi de kho na nyid/__sbyang gzhi dang sbyong byed rigs dang rigs bdag tu gyur pa'i de kho na nyid/__mtshon byed la mtshon bya'i de kho na nyid/__phyag rgya dang ye shes bsre ba'i de kho na nyid do/__/gnyis pa la drug ste/__ji ltar 'debs pa'i tshul/__de ltar btab pa'i phan yon/__phyag rgya'i nges tshig__/'debs byed rigs kyi bdag po/__gdab bya dang 'debs byed phan tshun mtshungs byed/__gdab bya dang 'debs byed ro gcig pa'o/__/dang po la gnyis te/__mdor bstan pa dang /__rgyas par bshad pa'o/__/gnyis pa la bzhi/__gdab bya/__'debs pa'i tshul/__dam tshig dang /__dam tshig dang 'gal ba'i nyes dmigs so/__/gsum pa la gsum ste/__'bras bu rigs bdag gi grangs/__sbyang gzhi rigs kyi dbye ba/__rigs dang rigs bdag tu 'gyur ba'i tshul lo/__/bzhi pa la bzhi ste/__nyams snang stong zung 'jug tu bsre ba/__de bzhin gshegs pa rigs drug gi mtshan don dang ye shes su bsre ba/__ye shes dang lha'i ming don bsre ba/__'bras bu dang ye shes bcom ldan 'das su bsre ba'o/__/gnyis pa la mdor bstan pa dang /__rgyas par bshad pa'o/__/lnga pa la dbye ba med do/__/gnyis pa thabs byung gnas skabs kyi phan yon la lnga/__ngag tu brjod pa sngags rkang pa'i rjes dkyil 'khor/__lag pa'i bya ba phyag rgya/__sems kyi bsam pa ting 'dzin/__lhan skyes kyi ye shes bza' bar 'gyur ba'o/__/gsum pa le'u'i ming ni de kho na nyid sogs so/__/gnyis pa drod thob nas spyod pa bya tshul la/__spyod pa nyid ji ltar bya tshul dang /__grogs ngo shes par bya ba'i brda'o/__/dang po la gsum/__bshad par dam bca'/__don dngos/__le'u'i ming ngo /__/gnyis pa la gnyis/__mdor bstan dang /__rgyas bshad do/__/dang po la lnga/__spyod pa'i dgos pa/__rgyan gos/__kha zas/__lha'i rnal 'byor/__grogs bstan pa'o/__/gnyis pa la gnyis/__spyod pa'i sngon du 'gro ba drod dang /__drod thob nas spyod pa bya ba'i tshul lo/__/gnyis pa la lnga/__gang gis spyod pa'i rten gyi gang zag__/gang dang spyod pa'i grogs/__rgyan gyi rnam dag__/lha'i rnal 'byor/__ji ltar spyod pa'i tshul dngos so/__/gnyis pa la gsum/__grogs kyi mtshan nyid/__ji ltar skyong ba'i thabs/__brten pa'i tshul lo/__/dang po la gsum/__rdo rje'i rigs mchog tu bstan/__yang na rang gi lha'i rigs dang 'brel ba/__rigs gzhan gang la'ang rung ba'o/__/lnga pa la gnyis/__bsten par bya ba dgos pa dang bcas pa gzung ba dang /__dam tshig dang sdom pa las mi 'da' bar spyad pa'o/__/dang po la bzhi/__dgos pa dang bcas pa'i glu gar/__bza' btung /__rgyan/__lag cha dgos pa dang bcas pa'o/__/gnyis pa la bdun/__phyin ci log drug spong ba/__spyod pa'i sngon du 'gro ba/__rtog pa dang bral ba'i spyod pa dngos/__dngos grub kyi rgyu bla ma la phyag 'tshal ba/__las gyi dam tshig las grol ba/__'jigs pa dang bral ba'i kun tu spyod pa/__ye shes kyi dam tshig snying rje dang ldan cing chang gis bzi bar mi bya ba'o/__/gsum pa ni/__spyod pa'i sogs so/__/gnyis pa grogs ngo shes par byed pa'i brda la gsum ste/__bshad par dam bca' ba/__don dngos/__le'u'i ming ngo /__/gnyis pa la gnyis/__lus kyi brda dngos/__brdas mtshon pa'i grogs 'du ba'i tshul lo/__/dang po la drug__/brda'i dgos pa/__phyag rgya dang phyag rgya'i lan/__dam tshig dang ldan mi ldan dbye ba/__dam tshig dang ldan pa 'du ba'i brda/__'du gnas spyir bstan pa/__de'i dus su ji ltar bya ba'o/__/gnyis pa la gnyis/__don bstan pa bsnyun gyi brda dang /__don mi ston pa'i brda'o/__/gnyis pa grogs 'du ba'i tshul la gsum/__gang du 'du ba'i gnas/__nam 'du ba'i dus/__'dus pa'i bya ba'o/__/dang po la'ang mdor bstan pa dang /__rgyas par bshad pa/__gnyis pa la bshad par dam bca' ba dang /__don dngos/__gsum pa la tshogs kyi yo byad/__rim pa gnyis kyi nyams len/__kha zas kyi rnal 'byor dgos pa dang bcas pa'o/__/gnyis pa la gnyis/__rnal 'byor gnyis la brten pa'i bskyed rim/__he ru ka'i nges tshig gi sgo nas rdzogs rim gyi ye shes so/__/dang po la gnyis/__rnal 'byor dngos dang /__de ltar bsgoms pa'i phan yon no/__/dang po la gnyis/__bdag nyid bsgoms pa'i rnal 'byor dang /__/gzhan la bsgoms pa'i rnal 'byor ro/__/gsum pa le'u'i ming ni/__brda dang sogs so/__/gsum pa rnal 'byor ma dang lhan skyes kyi don bsgom pa la gnyis te/__rnal 'byor ma'i 'khor lo bsgom pa dang /__de'i rnam par dag pa'o/__/dang po la sngar ltar gsum gyi/__gnyis pa la'ang bskyed pa'i rim pa bsgom tshul/__rim gnyis 'brel pa can du bsgom tshul/__rdzogs pa'i rim pa bsgom tshul lo/__/dang po la gnyis/__mdor bstan dang /__rgyas bshad do/__/gnyis pa la gnyis/__rten bskyed pa dang /__brten pa bskyed pa'o/__/dang po la gnyis 'byung ba bzhi las gzhal yas khang bskyed pa dang /__gdan bsgoms pa'o/__/gnyis pa rten bskyed pa la gsum/__mngon byang lnga'i bskyed chog__/lha mo rnams gsal gdab pa/__kha dog gi sgo nas zhen pa spong ba'o/__/dang po la gnyis/__lha mo rnams kyi mngon byang dang /__rgyu rdo rje 'dzin pa'i bskyed chog go/__/dang po la gsum/__A li kA li la ma ltos pa dang /__ltos pa'i mngon byang /__ye shes lnga dang sbyar ba'o/__/gnyis pa la gnyis/__gtso mo mnyam sbyor las bskyed pa dang /__'khor thabs dang shes rab las bskyed pa'o/__/gsum pa la bzhi/__phyogs gang du dgod pa/__lha mo sogs kyi rnam pa/__phyag mtshan dang gdan gyi rnam dag__/de ltar bsgoms pa'i phan yon no/__/rim gnyis pa gnyis 'brel pa can du bsgom tshul ni/__bskyed pa sogs/__gsum pa rdzogs rim bsgom tshul la gnyis/__mdor bstan dang /__rgyas bshad do/__/gnyis pa la gnyis/__ji ltar bsgom tshul dang /__de gdon mi za bar sgom par gdams pa'o/__/dang po la gnyis/__lhan cig skyes pas lhan cig skyes pa bsgom tshul dang /__rang bzhin lhan cig skyes pa bsgom tshul lo/__/dang po la gsum/__lhan skyes ye shes kyi ngo bo gtan la dbab pa/__de rtogs par byed pa'i thabs/__thabs bsgoms pa'i phan yon no/__/dang po la gsum/__lhan skyes kyi dbye ba/__ye shes dga' bzhi'i khyad par/__lhan cig skyes pa'i ngo bo nges par bya ba'o/__/gnyis pa la bzhi/__dpe dang /__nyams myong gi sgo nas gtan la dbab pa dang /__rnam rtog dang /__ngo bo'i sgo nas bshad pa'o/__/gnyis pa rtogs byed la bzhi/__thabs gzhan gyis mi rtogs par bstan/__rtogs byed kyi thabs spyir bstan/__nyams su blang tshul/__ye shes de chos thams cad kyi bdag nyid bstan pa'o/__/gsum pa la gnyis te/__mdor bstan dang /__rgyas bshad do/__/gsum pa la gnyis/__bsod nams chung bas kyang 'grub pa/__goms na rgyun mi 'chad pa'o/__/gnyis pa la rang bzhin lhan skyes gsum/__nyams su blang tshul/__thams cad la khyab par bsgom pa/__de la rtsod pa spong ba'o/__/gsum pa la gnyis/__'bad pa med par grol bar thal ba dang /__'khor ba 'gyur du mi rung ba spong ba'o/__/gnyis pa bsgom par gdams pa la gsum/__bsgoms pa'i phan yon/__ma bsgoms pa'i nyes dmigs/__rgyun mi chad du bsgom par gdams pa'o/__dang po la gnyis/__spang byas zil gyis mi non pa dang /__thob bya thob pa'o/__/gnyis pa la gsum/__thob bya ye shes kyi ngo bo/__de dpe'i ye shes su bstan pa/__de bstan pa'i gnas skabs kyi phan yon no/__/phyi ma la'ang gnyis/__'byung ba'i gnod pas mi brdzi ba dang /__rtog pas mi brdzi ba'o/__/le'u'i ming ni rnal 'byor ma'i sogs so/__/gnyis pa de'i rnam gzhag la gsum/__bshad par dam bca'/__don dngos/__le'u'i ming ngo /__/gnyis pa la gnyis/__mdor bstan dang /__rgyas bshad do/__/dang po la bzhi/__de bzhin nyid kyi dag pa/__lha so so'i dag pa/__glo bur gyi dri ma sbyong ba'i 'thad pa/__rang rig pa'i dag pa'o/__/gnyis pa rgyas bshad la gsum/__de bzhin nyid/__lha so so/__rang rig pa'i dag pa'o/__/dang po la gsum/__rang bzhin gyis dag pas sbyang du rung ba/__glo bur gyi dri mas ma dag par snang ba/__de sbyang ba'i phyir bsten bya bsten tshul lo/__/gnyis pa la gnyis/__mdor bstan dang /__rgyas bshad do/__/gnyis pa lha so so'i dag pa nang gi lha mo bco lnga/__phyi'i phyogs gang du 'god/__lha mo drug gi__/rgyu rdo rje 'chang gi/__/mtshams ma bzhi'i/__nang ma lnga'i dag pa ste drug go/__/gnyis pa smin byed la gnyis/__las dang po pa smin par byed pa dbang dang /__de la 'jug par byed pa lta stangs so/__/dang po la'ang dam bca'/__don dngos/__le'u'i ming ngo /__/gnyis pa la gnyis te/__dkyil 'khor bri zhing dbang bskur ba'i tshul mdor bstan pa dang /__de rgyas par bshad pa'o/__/dang po la gnyis/__ji ltar bri ba/__der dbang bskur tshul lo/__/dang po la gsum/__bri ba'i gnas/__rdul tshon gyi tshod bstan pa'o/__/dang po la gnyis/__sa sbyong ba dang /__gnas kyi mtshan nyid do/__/dbang bskur tshul la gsum/__dkyil 'khor sgrub pa'i rten rig ma gzhug pa dang /__gsang dbang dang /_sher dbang ngo /__/gsum par gsum/__dbang gi rten shes rab/__de las skyes pa'i ye shes nges par bya ba/__de goms pa'i 'bras bu grub pa'i rtags so/__/gnyis pa la bzhi/__ye shes kyi mtshan nyid/__de la log rtog dgag pa/__dga' ba'i go rim/__bye brag tu lhan skyes la the tshom bsal ba'o/__/bzhi pa la gnyis/__the tshom ji ltar skyes pa dang /__de bsal ba'o/__/gnyis pa rgyas bshad la gnyis/__dkyil 'khor gyi bya ba dang /__der 'jug cing dbang bskur ba'o/__/dang po la bdun/__bri zhing rgyan dgram pa/__bum pa bshams pa/__thig gdab pa/__bsnyen pa/__sa yi cho ga__/dbang gi rnam dag spyir bstan pa/__mtshan ma dgod pa'o/__/gnyis pa la gnyis/__slob dpon rang nyid 'jug pa dang /__slob ma 'jug cing dbang bskur ba'o/__/gnyis pa la gnyis/__tshig gi bzhi pas ngo sprod pa dang /__de'i ngo bo gtan la dbab pa'o/__/gnyis pa la gsum/__lhan skyes ye shes kyi rang bzhin/__de rtogs pa'i 'bras bu zung 'jug__/de lam dang chos thams cad kyi bdag nyid du bstan pa'o/__/dang po la gnyis/__zhu bde lhan skyes dang /__rang bzhin lhan skyes so/__/dang po la bzhi/__ye shes kyi mtshan nyid/__'byung ba bzhi las skyes pa'i tshul/__de dpe'i ye shes su bstan pa/__lhan skyes kyi nges tshig go/__/gnyis pa la gnyis/__gnas lugs chos thams cad kyi rang bzhin yin pa dang /__skye tshul 'byung ba'i go rim can du bstan pa'o/__/dang po la gnyis/__zhu ba dang lan no/__/gnyis pa la gnyis/__zhu ba dang /__lan no/__/gnyis pa lta stangs la gnyis/__lta stangs nyid ji ltar bya ba dang /__zhar las byung ba lha'i rnal 'byor ro/__/dang po la gsum/__dngos dang /__de'i dgos pa/__dam tshig go/__/dang po la bzhi/__so so'i mtshan nyid/__rlung dang sbyar ba/__grub pa'i rtags/__'grub pa'i dus so/__/gsum pa la gnyis/__bsrung ba dang /__bza' ba'i dam tshig go__/gnyis pa la gnyis/__bshad par dam bca' ba dang /__don dngos so/__/gnyis pa la gnyis/__rab bsam pas dang /__'bring bsnyen pas 'grub pa'o/__/de yan chad kyis brtag pa dang po rtsa rgyud kyi tshul du bshad pa'i sa bcad bstan zin to//____//__!_