JKW-KABUM-01-KA-002-152-wylie: Difference between revisions
WikiBot2015 (talk | contribs) (Created page with "{{WyliePageHeader}} <div class="wylie-content" <onlyinclude> brag yab skyabs mgon sku phreng bdun pa'i myur byon/__ 'jam mgon dgyes pa'i ye shes skur snang ba/__/'jam dpal...") |
No edit summary |
||
| Line 1: | Line 1: | ||
{{WyliePageHeader}} | {{WyliePageHeader}} | ||
<div class="wylie-content" | <div class="wylie-content"> | ||
<onlyinclude> | <onlyinclude> | ||
Latest revision as of 17:59, 13 July 2021
brag yab skyabs mgon sku phreng bdun pa'i myur byon/__
'jam mgon dgyes pa'i ye shes skur snang ba/__/'jam dpal snying po'i bstan 'dzin yongs kyi phul/__/'jam dbyangs rgyal sras gzhon nu'i tshul 'chang ba/_/skyabs gcig bla ma 'bod do brtse bas dgongs/__/dam pa'i don du skye 'gag las 'das kyang /__/tshur mthong gdul bya'i bsod nams dman pa'i mthus/__/chos dbyings zhi ba chen por thim pa yis/__/bdag sogs bzod dka'i gdung ba'i tshul 'dir gzigs/__/bstan dang 'gro ba'i don chen mdzad pa'i slad/__/dwangs gsal 'khrul bral mchog gi sprul pa'i sku/__/myur du 'byon cing phyi nang bar chad kyi/__/bdud sde'i g.yul las rnam par rgyal ba dang /__/tshe dpag med bzhin sku tshe bskal brgyar brtan/__/tshul gnas gsan bsam sgom pa'i yon tan rdzogs/__/phan bde'i phrin las mkha' khyab rgyas pa yis/__/gangs can bskal bzang dpal la 'god mdzad gsol/__/bla ma lha dang mkha' 'gro'i byin rlabs dang /__/rdo rje'i chos srung rgya mtsho'i mthu stobs kyis/__/gsol btab 'bras bu yongs su smin pa yis/__/sa gsum dge legs 'phel ba'i bkra shis shog__/ces pa'ang gangs can bstan 'gro'i dpal mgon brag g.yab mchog sprul rin po che'i mtshan dpe'i zla zhal gsar du tshes pa/__slar yang chos dbyings zhi bar thim pa'i tshul bstan skabs/__/skyabs mgon mchog gi chos kyi dbyings kyi gdugs dkar mngon mthor bteg pa'i mdzod dar mkhan rin po ches 'di ltar bris zhes bkra shis pa'i lha rdzas dang /__rin chen dkar po srang 'khor gsum bcas ched du stsal ba ltar/__bya bral chos rje 'jam dbyangs mkhyen brtse'i dbang pos gdung shugs drag pos gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol/___/_!
