JKW-KABUM-01-KA-002-051-wylie

🚧 This website is under continued development. We appreciate your patience!

rgyal ba'i myu gu chos kyi dbang po rjes su dran pa'i ngag gi phreng ba bkra shis bilba'i ljon bzang kun tu dga' ba'i tshal/__ rgyal ba'i myu gu chos kyi dbang po rjes su dran pa'i ngag gi phreng ba bkra shis bilba'i ljon bzang kun tu dga' ba'i tshal ces bya ba bzhugs so/__/rgya gar skad du/__dza yAng+ku ra d+harmen+d+raM stu ti/__bod skad du/__rgyal ba'i myu gu chos kyi dbang po la bstod pa/__'phags pa 'jam dpal gzhon nur gyur pa la phyag 'tshal lo/__/oX rgyanaX mtsho skyes rdo rje'i ring lugs 'chad dang sgrub pas 'dzin pa la/__/'jigasaX medaX smra ba'i seng ge nyid ces 'jig rten kun tu grags 'bar ba/__/chosaX kyiX dbaXng poX dpal ldan bla ma'i zhabs sen nyin mor byed pa'i gzis/__/byang chub bar du shis pa'i snang bas rtag tu dge legs mdzad gyur cig__1__/gang tshe shes dang shes bya ro gcig gdod ma'i dbyings su byang chub kyang /__/dmigs med snying rje'i rdzogs ldan sprin chen rgyas par dkrigs pa'i 'dzum dkar las/__/mchog gi sprul sku'i sgyu 'phrul rol mos yid can 'dod pa 'jo ba'i phul/__/rgyal ba'i myu gu chos kyi dbang pos byang chub bar du rjes su zungs/__2__/mtshan dpe'i zla ba bdud rtsi'i 'od can thog mar 'char dang lhan cig par/__/rig dang brtse sogs snang chen dkar pos dpyod ldan yid kyi ku mu dA/__/ci dgar bzhad pa'i ngal 'tsho ster las bsngags pa'i chu gter 'bum g.yo ba/__/rgyal ba'i myu gu chos kyi dbang pos=__3__/tshul gnas khrims kyi mtho ris tshal du mang por gsan pa'i yongs 'dus dbang /__/ji bzhin bsam pa'i me tog mdzes 'bar sgom byung shes rab 'bras dud pas/__/'phags dang mkhas mang blo mchog zur mig phyogs der gcig car lhung gyur pa/__/rgyal ba'i myu gu chos kyi dbang pos byang chub=__4__/chos brgyad 'khrul pa'i rdzun ris ma lus 'od gsal zhi ba'i dbyings su sim/__/chos bzhin spyod phyir dben pa'i ri sul lha yi khang bzang bzhin bsten nas/__/chos kyi snying po theg chen lam la rtse gcig sgrub pa lhur bzhes pa'i/__/rgyal ba'i myu gu=__5__/gzod nas rnam grol ye shes brnyes kyang tshogs zung bye bas rgyud sbyangs te/__/zag med sbyor ba'i 'bras bu las skyes bden pa mngon sum nyid mthong phyir/__/spobs pa'i gter mdzod mtha' klas 'jo sgeg 'phags bzhi'i dbus su ches rngams pa/__/rgyal ba'i myu gu=__6_/shing rta chen po'i lam srol 'chad la dgos pa'i don gyis mdun bsus te/__/bsdus don tshoms su legs par bcad cing tshig gi sbyor ba snyan 'jebs kyis/__/snga phyi'i mtshams sbyor brgal lan dang bcas ma pham dgyes pa'i gzugs gzhan pa/__/rgyal ba'i myu gu=__7__/gzhal bya mngon sum mngon sum min dang shin tu lkog gyur ji snyed pa/__/tshad ma gsum gyis gtan la phab nas dngos stobs rig pa'i mtshon rnon pos/__/phas rgol brtan pa gcig car 'phrog mkhas chos kyi grags pa'i rjes 'gro ba/__/rgyal ba'i myu gu=_8__/tshig snyan rgyan gsum lam las drangs shing sdeb legs sbyor ba 'bum gyis bcings/__/don bzang rin chen thang mar brdal bas dpyod shes yid kyi 'dod rgu 'jo/__/thub bstan srog shing bskal brgyar brtan mdzad legs bshad rtsom la dpa' bo'i zhabs/__/rgyal ba'i myu gu=__9__/mkhyen pas shes dang shes bya kun gzigs 'jam dpal gzhon nu'i rjes su 'gro/__/brtse bas sems can khams kun khyab 'jug phyag na pad+mo'i gzugs kyi zla/__/nus pas yid srubs sder bcas snyil mdzad gsang ba'i bdag po'i snyems 'chang ba/__/rgyal ba'i myu gu=__10__/mdor na sras bcas rnam 'dren yongs kyi ye shes sgyu 'phrul drwa ba'i tshul/__/rnam pa nyi shus mngon par byang chub snying rje chen po'i lus bzung ste/_/snyigs ma'i mthar yang kun mkhyen gnyis pa'i phrin las sa gsum rgyas mdzad pa/__/rgyal ba'i myu gu=__11__/de ltar ngag gi nor bu'i rgyud mang dad gsum sor mos bsgrengs dang bcas/__/rnam kun gus pas khyod nyid 'bod na mtha' yas 'gro ba'i gnyen gcig pu/__/ci slad bdag la thugs brtser mi mdzad ting 'dzin rdzu 'phrul mtha' yas gter/__/rgyal ba'i myu gu=__12__/e ma 'phags khyod byin rlabs bdud rtsis yang yang yid la bshes byas pas/__/srid las nges 'byung ut+pal nags klung thar pa'i phyogs su rab grol bar/__/dad sogs 'phags nor 'bras bu'i khur gyis shin tu lci dang lhan cig par/__/rgyal ba'i myu gu=__13__/ji ltar khas blangs khrims kyis rgyud sbyangs dben pa'i brag ri'i khang bzang du/__/mang thos bsam pas gtan la phab cing rtse gcig mnyam par bzhag pa las/__/lus sems shin sbyang bde bas rab brlan shes rab zab mo'i gzungs thob bzhin/__/rgyal ba'i myu gu=__14__/snying rje chen po'i ma mas rab bskyed phar phyin drug gi mchod sbyin can/__/bsdu dngos bzhi yi tshangs skud 'khril chags 'phags rnams dgyes pa'i drang srong che'i/__/spyod tshul nam yang mtshungs pa spangs pas 'jig rten dge ba'i mthu thob bzhin/__/rgyal ba'i myu gu=__15__/snying ni bde stong bdud rtsis ros sim snang spyod thams cad lha skur shar/__/srog rtsol d+hU ti'i phyag rgyar dbang byas gzhom med 'od gsal thig le cher/__/rdo rje gsum gyi dga' bas snyems gyur rig 'dzin tshogs dang lhan cig tu/__/rgyal ba'i myu gu=__16__/gnas skabs chos bzhin spyod pa'i 'gal zla yid srubs rgyur bcas mtshon rnon po/__/dbang gzhu sar pa'i rjes su son pas mthun pa'i rkyen kun phun tshogs te/__/phan dang bde ba'i legs byas ji snyed nyin re zhing yang 'phel bzhin du/__/rgyal ba'i myu gu chos kyi dbang pos byang chub bar du thugs rjes zungs/__/mdor na rgyal ba'i myu gu'i khyu mchog chos kyi dbang po'i gsang gsum dang /__/rnam dkar mdzad pa'i ngo mtshar ma lus 'gro kun snying la rdzogs gyur pas/__/srid dang zhi ba'i pha mthar mi gnas dge mtshan bye ba'i man+dA ras/__/deng nas bzung ste 'jig rten gsum na rtag tu bkra shis snang gyur cig__18__/'di ltar 'phags pa dang mkhas pa dang so so skye bo rnam shes shin tu lkog tu gyur pa dag gis kyang e ma rgyal ba'i sras chen po'i zhes bsngags pa'i me tog phyogs brgyar 'grems pa/__mgon po zhi ba lha dang dbyer mi phyed pa'i byang chub sems dpa' sems dpa' chen po gang la bsngags pa'i tshig gi sbyor ba gyis zhes/__'phags bzhi'i rigs la yang dag par gnas pa'i drang srong chen po'i brtul zhugs can bi dza ya d+harma b+ha dras gus pas bskul ba don yod cing /__rang nyid kyis kyang skye bar ngag gi las dkar min bsags pa'i gnyen por ched du dmigs te/__kun mkhyen bla ma dgyes pa'i 'bangs mkhyen brtse'i dbang pos dkyus gcig tu dad pas gsol ba btab pa'i dge bas bdag gzhan rnams kyi rgyud la rje btsun snying rje'i gter dang mi gnyis pa'i bla ma mchog gi ye shes gzigs pa'i byin rlabs myur du 'jug pa'i rgyur gyur cig__/mang+ga laM/___/_!