JKW-KABAB-22-ZA-002-wylie

🚧 This website is under continued development. We appreciate your patience!

[ !]/[ ,?$4jf$b/33;6=3=f+cfR0VFXA2A@<+A(,]/[ ,,]@#/__/sUr+Yatsan+d+ras+yagar+b+hanAmamAyadzAlamUlas+yatan+t+ras+yopabr-it+tibiharatisma//__//__@#/__/sgyu 'phrul drwa ba rtsa ba'i rgyud kyi mchan 'grel nyi zla'i snying po zhes bya ba bzhugs so/__//__saMparapar+YagotraparaMpar+Yabid+yAd+haronirmitAr+g+hodzinAr+g+hadz+yanr-iH_//__rgyal ba dgongs brgyud rig 'dzin brda yi brgyud/__/sprul pa'i gang zag rim nas rim brgyud dang*//__//oMnamas+senikaHut+tamash+tsit+tadebomahAkalpanAdwatsadAk+kIsahAH__yi dam lha dang dAk+kI tshogs bcas la/__/gnyis med mnyam pa chen pos phyag bgyi'o/__/de la 'dir theg pa thams cad kyi yang rtse/__lung thams cad kyi 'byung khungs/__dus gsum sangs rgyas thams cad kyi theg pa'i nye lam chen po/__gsang ba bas kyang ches shin tu gsang ba/__dpal gsang ba'i snying po de kho na nyid nges pa'i rgyud kyi rgyal po chen po 'chad pa la gsum ste/__brjod bya rtogs pa'i yan lag tu mtshan gyi don bshad pa/__/brjod bya nyid gsal bar ston pa rgyud kyi don dngos bshad pa/__yongs su rdzogs pa 'jug gi don bshad pa'o/__/dang po la gnyis te/__mtshan don dngos dang*/__phyag gis mchod par brjod pa'o/__/dang po ni/__rgya gar skad du/__shrI gu h+ya gar+b+hatA ta bi ni stsa ya ma hA tan+t+ra nA ma/__bod skad du/__chos thams cad ye nas sangs rgyas pa sku gsung thugs mi zad pa rgyan gyi 'khor lo 'khor 'das thams cad dbyer med pa ni 'khor 'das kun gyi dpal de nyid shin tu rtogs par dka' bas gsang ba'i ste sku gsung thugs kyi gsang ba bsam gyis mi khyab pa'o/__/gnas lugs rdzogs pa chen po dang de'i rjod byed zab cing rgya che ba rnams ni snying po yin la de nyid kun khyab bslu ba med pa'i chos te 'pho 'gyur med pas de kho na nyid don de yang sangs rgyas la yod cing sems can la med pa ltar ma yin pas rnam par nges pa'i don gyi rgyud chen po'o/__/gzhan yang thams cad ye nas sangs rgyas pa'i dkyil 'khor ni gzhi gsang ba'i snying po/__de nyid bskyed rdzogs gnyis su med pas nyams su len pa ni lam de kho na nyid/__mthar thug sku gsum lhun gyis grub pa ni 'bras bu gzhi thog tu nges pa'o/__/mdor na snang ba dang stong pa bskyed pa dang rdzogs pa 'khor ba dang mya ngan las 'das pa gnyis su med pa'i rang bzhin du ye nas sangs rgyas pa'i ngo bo nyid ston pa'i mtshan yin no/__/gnyis pa ni/__bdud bzhi dang sgrib pa gnyis bag chags dang bcas pa bcom pa ni spangs ba phun sum tshogs pa'o/__/sku dang ye shes 'du 'bral med pa'i don dang ldan pa ni rtogs pa phun sum tshogs pa'o/__/kha cig bcom pa'i don de nyid dang ldan pas bcom ldan zhes kyang bzhed do/__/'khor 'das blang dor yod med sogs spros pa'i mtshan ma thams cad las 'das pa chos kyi sku las ma g.yos bzhin du gzugs sku lhun grub tu 'char ba'i don gnyis grub pa'i dpal lhun stug po bkod pa'i zhing na 'pho 'gyur med par dus kun tu bzhugs shing rang snang ba'i longs spyod chen po rdzogs pas bzang po de la phyag 'tshal lo/__/de yang dbye na lnga ste/__kun gyi sngon rol du mngon par byang chub pa gdod ma'i mgon po kun tu bzang po dang*/__chos thams cad kyi gnas lugs de bzhin nyid rang bzhin kun tu bzang po dang*/__sems nyid 'od gsal ba'i ngo bo sku gsum 'du 'bral med pa'i rang bzhin da lta nyid nas rang chas su lhun gyis grub pas ye nas sangs rgyas pa gzhi'i kun tu bzang po dang*/__lam goms pas thabs shes gnyis med kyi rtogs pa shar ba lam kun tu bzang po dang*/__lam mthar phyin nas gzhi thog tu phyin te sku dang ye shes lhun gyis grub pa ni 'bras bu'i kun tu bzang po'o/__yul de dag la 'gyur mdzad pa po sgo gsum dang bas phyag byas pa yin no/__/brjod bya nyid gsal bar ston pa rgyud kyi don dngos la gsum ste/__gzhi rang bzhin lhun gyis grub pa'i dkyil 'khor thugs rje'i ngang las 'char tshul bstan pa/__de las zhi khro gnyis kyi dkyil 'khor ji ltar 'phros tshul bstan pa/__rgyud dam par gdams nas rjes 'jug la gtad tshul bstan pa'o/__/dang po la gsum ste/__chos sku'i ston pa nyid dbyings las ma g.yos par lhun stug po bkod pa'i zhing du rdo rje dbyings kyi dkyil 'khor rang snang bar ji ltar bkod pa'i tshul/__ston pa nyid rigs lngar bzhengs pa'i thugs rang byung gi ye shes gnyis su med pas chos thams cad ye nas sangs rgyas par ched du brjod cing thugs rje g.yo ba'i tshul/__thugs rje rang bzhin chos nyid las ma g.yos bzhin du rnam pas 'jig rten na sgron ma bkod de chos thams cad gtan la dbab pa'i tshul lo/__/dang po la gsum ste/__phun sum tshogs pa'i gleng gzhi mdor bstan pa/__de'i rang bzhin rgyas par bshad pa/__ye shes kyi rang snang bkod par don bsdu ba'o/__/dang po la gsum ste/__phyi rgyud 'byung ba gleng gzhi'i tshul du bshad pa/__nang ltar bkod pa byang chub sems su bshad pa/__gsang ba 'od gsal ltar bshad pa'o/__/dang po ni/__e waM mA yA zhes pa'i sgras go bar bya ste/__e waM ni dbyings kyi yi ge yin pas de las yi ge kun 'byung ba'i phyir 'og nas 'byung ba'i tshul 'di skad ces pa snang bar byed do/__/mA yA'i sgra la/__rang bzhin/__sgyu ma/__bdag__/'byung ba sogs yod kyang 'dir 'byung ba bzung ste bshad pa'i dus zhes pa yin no/__/de la 'di skad 'og gi rgyud rgyas pa rnams te chos phun sum tshogs pa'o/__/bshad pa'i zhes rgyud sdud pa po nyid ston pa phun sum tshogs par zhal gyis bzhes pa dang*/__'khor phun sum tshogs pa'ang shugs la bstan pa'o/__/dus na zhes pas dus bzhi mnyam pa nyid kyi rang bzhin dus phun sum tshogs pa bstan la/__de ltar ston pa dang*/__chos dang*/__'khor rnams snang ba de'i tshe gnas kyang yod nges pas 'og min shugs la bstan pa'o/__/gnyis pa ni/__gnas yul gyi gsang ba dang*/__'khor lo bzhi'i rtsa rnams so/__/ston pa yab yum ni dwangs ma dkar dmar dang ye shes kyi rlung ngo*/__/'khor dga' ba bcu drug gi nyams dang bcas pa'o/__/chos bde stong gnyis med kyi ye shes so/__/dus gtsug tor 'khor los bsgyur ba bsam gyis mi khyab pa'i dus na'o/__/gsum pa ni/__gnas snying rin chen zur brgyad pa'i dbus na srog gi rtsa mthing ga__/shar na chu'i rtsa dkar po/__lho na sa'i rtsa ser po/__nub na me'i rtsa dmar po/__byang na rlung gi rtsa ljang gu rnams kyi nang na kun rdzob kyi thig le nyungs 'bru tsam re gnas so/__/ston pa ni rang byung gi ye shes 'od lnga so sor ma 'dres pa'i kha dog la ye shes lnga'i rang rtsal ma 'gag par bzhugs pa'o/__/'khor ni rtsa dang thig le de dag las lus kyi steng 'og kun tu khyab pa'i rtsa rnams so/__/dus ni gnas skabs lus dang dbang po'i rten 'brel tshang ba dang rang bzhin dus gsum 'pho 'gyur med pas dus bzhi mnyam pa nyid kyi dus so/__/chos ni stong gsal spros pa dang bral ba'i ye shes so/__/gnyis pa de rgyas par bshad pa la gnyis/__ston pa'i ngo bo longs spyod rdzogs pa'i rang bzhin mdor bstan pa dang*/__de'i dbye ba rgyas par bshad pa'o/__/dang po ni/__chos sku nam mkha' lta bu'i de bzhin nyid la mnga' brnyes pa de'i tshe sku bzhan bzhi yang rtag tu lhun gyis grub cing chos sku'i rjes su byed pa mthun pas de bzhin gshegs pa sku gsung thugs rgyan gyi 'khor lo yon tan thams cad yang dag par rdzogs pa'i bdag nyid ni ma rig pa'i gnyid las sangs shing shes bya thams cad la blo gros phun sum tshogs pa rgyas pa bdud bzhi ye nas bcom pa sogs gong du bstan pa'i yon tan rnams dang ldan pas bcom ldan 'das/__gnas dang 'khor la sogs pa gzhan la mi ltos par ye shes kyi rang snang nyid du ting nge 'dzin gyi sgyu ma'i rol par lhun gyis grub pas longs spyod chen po shar phyogs mngon par dga' ba la sogs pa phyogs bcu dang 'das pa'i dus su byung ba la sogs pa'i dus bzhi'i de bzhin gshegs pa mi 'khrugs pa dang mar me mdzad la sogs pa thams cad kyi sku dang gsung dang thugs rdo rje'i bdag nyid/__chos sku'i phun sum tshogs pa ma lus pa thams cad longs sku'i phun sum tshogs pa mi lus pa thams cad sprul sku'i phun sum tshogs pa lus pa med pa thams cad dang*/__ngo bo so so ma yin zhing dgongs pa tha mi dad chos nyid la dbyer med pa'i rang bzhin te/__ye nas lhun gyis grub cing 'du 'bral med pa'i phyir ro/__/gnyis pa la gsum/__gnas dang*/__ston pa dang*/__'khor phun sum tshogs pa rgyas par bshad pa'o/__/dang po la gsum/__longs spyod rdzogs pa sku'i zhing khams dang*/__gzhal yas khang dang*/__bkod pa phun sum tshogs pa'o/__/dang po ni lhun stug po bkod pa snang ba thams cad kyi mchog de'i gong na gzhan med pas 'og min gyi gnas steng dang 'og la sogs pa'i phyogs bcu ma yin pas mtha' dang dbus zhes ris su bzhag tu med pa na/__'og gzhi yang rgya khyon gyi tshad dmigs su med pa me long lta bu la sogs pa'i ye shes kyi rtsal ma 'gags pas nyon mongs pa lnga gcod pa'i rtags su 'od lnga'i 'khor lo rtsib bzhi lte ba dang bcas pa ma 'dres par rang gsal ba la/__gnyis pa ni/__ye shes lnga'i gdangs las 'dod dgu lhun gyis grub pa'i rin po che 'od dang gzi brjid mtha' yas pa nyi ma'i dkyil 'khor ltar 'bar ba'i ngo bo yon tan dang rgya khyon la sogs pa blos dpag par mi nus pa'i gzhal yas khang*/__sku gsung thugs mi zad pa rgyan gyi 'khor lo bsam gyis mi khyab pa mnga' bas de'i rgya che chung gi tshad phyogs bcur mthar thug pa med pa'i phyir yongs su ma chad pa ste nam mkha' dang mnyam pa/__sangs rgyas kyi chos ma 'dres pa bco brgyad dang zad par dang zil gnon la sogs pa'i yon tan dpag tu med pa yongs su rgyas pa'i phyir dbyibs gru bzhir gyur pa me long lta bu la sogs pa mthar thug pa'i ye shes bzhi sangs rgyas kho na'i chos yin pas lhag pa'i ye shes te de dag nyid mtshon pa'i brdar phyogs bzhi na shel dang gser dang pad+ma rA ga dang mar gad las grub pa'i rin po che'i glo 'bur gyis mdzes pa/__ye shes thams cad kyang ngo bo gcig pa'i brdar dkyil 'khor gcig tu bstan la/__rtsa ba'i ye shes lnga las dgyes pa'i ye shes lnga lnga mtshon pa'i phyir phyogs bzhi'i glo 'bur gyi sgras ye shes lnga'i rang bzhin gyi rtsigs pa lnga yang nang nas rim pa bzhin mthing ga dang*/__ljang gu dang*/__dmar po dang*/__ser po dang*/__dkar po rnams sbrags mar bstan pa yin no/__/gzhal med khang de'i rtse mo ste bum pa zlum po ni chos kyi dbyings kyi ye shes mtshon pa ste sngar smon pa bzhin phyogs bcu dus bzhi'i sangs rgyas kyi dkyil 'khor ma lus pa thams cad rang bzhin so so ma yin zhing ngo bo nyid gcig pa'i ye shes chen po dus bzhi kun tu 'khyil ba/__ye shes re re la'ang lnga lnga ste ye shes nyi shu rtsa lnga nas de yang lnga tshan du phye bas ye shes bsam gyis mi khyab pa mnga' ba'i brdar/__zhing dang gzhal yas khang pa'i dbyibs dang kha dog la sogs pa'i ye shes rin po che'i dbyibs dang kha dog dang mthun pa rtsa ba'i gzhal yas khang nas phyogs bzhi la sogs pa dag tu gzhal yas khang grangs med pa thams cad kyi kha dog so sor gsal zhing de dag gi dbyibs kyang dbus gru bzhi shar zla gam la sogs pa dang kha dog kyang dkar ser sogs rnam pa tha dad pa'i bye brag dang bkod pa bsam gyis mi khyab pas khyad par du gyur pa/__nyan rang dang byang chub sems dpa'i snang ba'i yon tan las khyad par du spags pa/__dbyibs dang kha dog la sogs pa'i tshad dpag tu med pa yin no/__/gsum pa la gnyis/__rgyan dang khri'i bkod pa phun sum tshogs pa'o/__/dang po ni/__ngo bo ye shes las grub pa rin po che sna tshogs kyi gzugs dang kha dog tu snang ba'i rang bzhin rtsigs pa lnga'i steng na pha gu dang de'i steng mda' phyir 'phyar ba'i kha bad kyi gdung sna las ye shes rin po che sna tshogs kyi drwa ba'i phreng ba dang*/__de'i bar bar na nyi zla'i tshar dang dar gyi lda ldi dang rnga yab nor bu'i yu ba can la sogs pa'i chun 'phyang dang*/__rtse mo rin po che'i dra mig gseng ma'i shar bu'i rgyan gyi pu shus mdzes pa dang*/__mi sgrib pa gsal ba'i rgyan can rab tu 'tsher zhing yid du 'ong ba ste/__pha gu ni ye shes 'gyur ba med pa'i brda'o/__/dra phyed ni sku gsum 'du 'bral med pas 'gro ba'i don mdzad pa'i brda'o/__/mda' yab ni thugs rjes 'gro ba sgrol ba'i brda'o/__/pu shu ni kun gyi bla mar gyur pas mtshungs pa med pa'i brda'o/__/gzhan yang 'dod yon gyi snam bu'i steng na gzhal yas khang pa'i phyogs bcu kun tu khyab par 'dod yon gyi lha mo lnga lnga'i sprin 'phro bas nang gi lha rnams la mchod pa ni yid du 'ong ba'i gzugs sna tshogs dang*/__sgra sna tshogs dang*/__dri sna tshogs dang*/__ro sna tshogs dang*/__reg bya sna tshogs kyis phyogs bcur sprin phung 'khrigs pa rang byung la/__'di dag ni 'don yon thams cad rol pa'i rgyan du shar ba'i brda'o/__/phyi nang gi rgyan thams cad rag par ma grub cing dwangs bas gcig gis gcig mi sgrib par phyi nang zang thal bar gsal ba'i rgyan can bkod mdzes shing bye brag bsam gyis mi khyab par lhab lhub tu klubs pa ni sems kyi rang bzhin ye nas 'od gsal shing yon tan tshad med par mtshon pa'o/__/dngos po dang mtshan mar 'dzin pa'i sgrib pa las rnam par thar pa stong pa nyid dang*/__mtshan ma med pa dang smon pa med pa dang*/__mngon par 'dus ma byas pa bzhi'i sgo nas kun tu bzang po lhun gyis grub pa'i gzhal yas khang der 'jug pa mtshon pa'i sgo khyud can/__gzugs can gzugs la blta ba'i rnam thar dang*/__gzugs can ma yin pa gzugs la lta ba'i rnam thar dang*/__sdug pa'i rnam thar dang*/__nam mkha' mtha' yas dang rnam shes mtha' yas dang ci yang med pa dang*/__'du shes med 'du shes med min gyi skye mched kyi rnam thar dang*/__'gog pa'i rnam thar ste rnam par thar pa brgyad kyi yon tan thams cad lhun grub tu rdzogs pa'i brdar sgo bzhi'i phyi 'gram gnyis na ka ba gnyis gnyis te bzhis bteg pa'i sgo steng na rdo rje'i gdung bzhi'i steng rta babs bang rim bzhi nyid snam phran brgyad dang ldan pa la rin po che'i gdugs kyi rtsa bar chos kyi 'khor lo ri dwags gnyis kyis bskyod pas 'khor ba dang*/__'phan dang rgyal mtshan dang*/__lha'i gos dang*/__dar gyi lda ldi dang kha khyer bzhi bzhi la ba dan nyer bzhi gser gyi dril bu g.yer kha'i phreng ba khrol ba la sogs pas brgyan zhing*/__/spros pa dang bral ba'i ye shes kyi rang bzhin yin pas phyi dang nang med pa sangs rgyas kyi yon tan thams cad der ma chud pa med pas kun tu yang nang du gyur pa na/__gnyis pa ni/__theg pa 'og mas nyam mi nga zhing mi 'jigs pa bzhi mtshon pa'i phyir dbus su seng ge'i khri dang*/__theg pa 'og mar mi chud pa'i don 'dir shong zhing theg la stobs bcu mnga' ba'i brdar shar du glang po che'i khri dang*/__gdul bya thams cad myur du grol bar byed cing rdzu 'phrul gyi rkang pa bzhi la dbang 'byor ba'i rtags su lhor cang shes rta'i khri dang*/__snang ba thams cad dbang du byed cing dbang bcu mnga' ba'i brdar nub tu rma bya'i khri dang*/__phrin las sna tshogs kyis 'gro ba 'dul zhing thogs pa med pa'i ye shes gsum dang so so yang dag par rigs pa bzhis don mdzad pa'i brdar byang du nam mkha' lding ste shang shang gi khri dang*/__sems nyid ye nas rang bzhin gyis 'od gsal ba'i rang bzhin thabs dang shes rab gnyis su med pa mtshon pa'i nyi zla'i dkyil 'khor dang*/__nyes pa'i skyon thams cad kyis gos pa med pa mtshonapa'i sna tshogs pad+ma ste de dag gi rgyu 'dod dgu 'byung ba'i rin po che'i rang bzhin gyi gdan la bzhugs pa'o/__/de yang khri lnga'i steng na pad+ma dang nyi zlas spras pa ni gtso bo rnams kyi gdan yin la 'khor la ni so so'i gnas su pad+ma dang nyi zla'i gdan re re'o/__/gnyis pa ston pa phun phum tshogs pa rgyas par bshad pa la gnyis te/__gtso bo bzhugs tshul dang phyag mtshan thun mong du bstan pa dang*/__yab yum so sor bshad pa'o/__/dang po ni sangs rgyas kyi rang bzhin 'gro ba thams cad la dus rtag tu gzigs shing rgyab kyis mi phyogs pas sku mdun dang rgyab med pa/__tshom bu'i 'khor thams cad la mdun gyis gzigs pas phyogs thams cad du zhal gyi dkyil 'khor thal le bar gsal zhing mtshan dang dpe byad dang ldan pa/__de yang thun mong ma yin pa'i dbang du byas na dga' ba bzhi'i ye shes bcu drug gi rtsa sems dpa' bcu drug dang*/__de'i yul chos dbyings bcu drug gi sems ma bcu drug ste sum cu rtsa gnyis ni mtshan dang*/__sems dpa' bcu drug po re re la'ang ye shes lnga'i rtags rigs lnga lnga'i dbu brgyan pa ni dpe byad do/__/yum rnams la dbu rgyan med pa ni chos kyi dbyings mtshon pa'o/__/de dag mtshan dper 'jog pa ni 'khor phun sum tshogs pas gtso bo'i rang bzhin yang bkod pa mdzes shing phun sum tshogs pa ste me tog gi ze'u 'bru dang 'dab mas me tog gi bkod pa mdzes par byed pa bzhin no/__/thun mong ba ni phyag zhabs 'khor los mtshan pa la sogs pa sum cu rtsa gnyis mtshan dang*/__sen mo zangs kyi mdog lta bu la sogs pa brgyad cu ni dpe byad do/__/nam mkha'i khams dang gdul bya'i 'jig rten bsam gyis mi khyab pa thams cad du/__lhun gyis grub pa'i sku gsung thugs mi zad pa rgyan gyi 'khor los sna tshogs par kun tu snang ba'o/__/ji ltar snang na chos kyi dbyings spros pa dang bral ba'i zhing khams su sku mi zad pa rgyan gyi 'khor lo chos sku kun bzang yab yum zhal phyag gi mtshan ma las 'das pa/__gsung mi zad pa brjod du med pa dang mnyan du med pa dang ngo bo nyid med pa/__thugs mi zad pa gtan du spros pa thams cad zhi zhing rgya chad dang phyogs lhung med pa'o/__/nam mkha'i khams kyi mtha' klas pa rang snang lhun stug po bkod pa'i zhing du ni/__sku mi zad pa longs spyod pa'i sku mtshan dang dpe byad kyis brgyan pa/__gsung mi zad pa zhal gyi dkyil 'khor las 'od zer 'phros pas brjod bya'i don ston pa/__thugs mi zad pa ye shes lnga'i mtshan nyid du bzhugs pa'o/__/phyogs bcu'i 'jig rten 'gro ba drug gi gdul zhing nam mkha'i mtha' dang mnyam pa rnams su ni/__sku mi zad pa gang la gang gis 'dul ba sangs rgyas dang byang chub sems dpa' dang*/__nyan thos dang rang sangs rgyas dang so so skye bo dang lha dang klu la sogs pa sna tshogs dang*/__pad+ma dang dpag bsam gyi shing dang gru gzings dang grong dang skyed mos tshal la sogs pa sems can la phan bde 'byung ba de dang de'i gzugs tshad med pa dang*/__gsung mi zad pa 'gro ba so so'i skad dang*/__pad+ma dang dpag bsam gyi shing la sogs pa las chos kyi gsung sna tshogs par sgrogs pa dang*/__thugs mi zad pa ji lta ba ji snyed pa mkhyen pas 'gro ba'i don mdzad par snang ba'o/__/de'ang sangs rgyas rnams rnam par 'phrul pa bsam gyis mi khyab pas don mdzad pa yin pas 'di dang 'di'o zhes blos bsam par nus pa ma yin no/__/thabs snying rje chen po dang shes rab stong pa nyid kyi rang bzhin mtshon pa'i zhabs gnyis srid zhi'i mtha' la mi gnas pa'i brda rtags su mnyam pa'i rang bzhin nyon mongs pa mtha' dag brtul cing ye shes chen po'i ngo bor zhugs pa nyid kyi brdar rdo rje'i dkyil mo krung du bzhugs pa/__ye shes lnga dbyings rnam par dag pa'i ye shes dang drug gi phyag sku gsung thugs yon tan phrin las gnyis su med pa'i ye shes las dgos 'dod thams cad 'byung bas rin po che'i rang bzhin rdo rje la sogs pa'i phyag rgya drug la 'od zer mu med pa 'bar ba can ni ser sna dang 'chal khrims dang khong khro dang le lo dang rnam par g.yeng ba dang shes rab 'chal ba dang drug 'joms pa'i brda'o/__/de'ang rdo rje dang rin po che dang 'khor lo dang pad+ma dang rgya gram dang dril bu ste rigs so so'i rtsa phyag gnyis kyi g.yas thams cad rang rang gi phyag mtshan g.yon thams cad dril bu ste thugs kar bsnol nas 'dzin pa dang gzhan rnams so sor brkyang pa'o/__/sku gsung thugs mi zad pa rgyan gyi 'khor lo bsam gyis mi khyab pa'i mtshon byed du dbu gsum dang ldan pa ste de yang gtso bo'i rtsa zhal mthing g.yas dkar g.yon dmar/__mi bskyod pa'i rtsa zhal dkar po g.yas mthing g.yon dmar/__rin 'byung gi rtsa zhal ser po g.yas dkar g.yon dmar/__'od dpag med kyi rtsa zhal dmar po g.yas dkar g.yon mthing*/__don grub kyi rtsa zhal ljang gu g.yas dkar g.yon dmar ro/__/gnyis pa la gnyis/__dbyings ngo bo nyid kyi gtso bo dang*/__rang bzhin tha mi dad pa'i 'khor ro/__/dang po ni/__bcom ldan 'das de bzhin gshegs pa rnam par shes pa'i rgyal po rnam par snang mdzad dang*/__de bzhin gshegs pa gzugs kyi rgyal po mi bskyod pa dang*/__de bzhin gshegs pa tshor ba'i rgyal po rin chen 'byung ldan dang*/__de bzhin gshegs pa 'du shes kyi rgyal po snang ba mtha' yas dang*/__de bzhin gshegs pa 'du byed kyi rgyal po don yod grub pa dang lnga'o/__/de dag kun kyang me long lta bu'i ye shes 'gyur ba med pas rnam par snang mdzad mthing ga dang*/__chos kyi dbyings kyi ye shes dri ma thams dang bral bas mi bskyod pa dkar po dang*/__mnyam pa nyid kyi ye shes che ba'i yon tan du ma dang ldan pas rin chen 'byung ldan ser po dang*/__so sor rtog pa'i ye shes 'gro ba'i don la rjes su chags pas 'od dpag med le brgan dang*/__bya ba grub pa'i ye shes kyis sems can gyi don sna tshogs su mdzad pas don yod grub pa ljang gu'i mdog tu gsal zhing 'od 'tsher ba ni rigs lnga ka'i rang bzhin dwangs la bkrag dang gzi brjid che ba'o/__/de dag gi yum ni longs spyod par bya ba'i gzhi dang gtso bo'i yum du gyur pa dang yon tan gyi cho rigs btsun pas btsun mo gzhan las khyad par du 'phags pas dam pa nam mkha'i rang bzhin ni chos nyid yangs shing yon tan gyi go 'byed pa la mi sgrib pas gsal bar byed pa'i phyir snang ba'i dbyings nam mkha' dbyings kyi dbang phyug ma dang*/__sa ni brtan zhing rten du gyur pa bzhin du ngo bo mi 'gyur zhing yon tan gyi rten byed pas sra ba'i dbyings sangs rgyas spyan ma dang*/__chu ni gsher la skye bo'i gsos su gyur pa ltar 'gro ba'i rgyud rlan par byed pas gnyen pa'i dbyings mA ma kI dang*/__me ni bsreg cing snang ba ltar nyon mongs pa bsreg cing shes bya thams cad gsal bar byed pas dro ba'i dbyings gos dkar mo dang*/__rlung ni bskyod pa dang 'degs pa'i bya ba byed pa ltar 'gro ba'i don la thogs pa med cing nye bar 'tsho ba'i gzhir gyur pas bskyod pa'i dbyings dam tshig sgrol ma dang de la sogs pa rigs kyi btsun mo'i tshogs thams cad dang thabs dang shes rab gnyis su med par gyur nas chos kyi dbyings kun tu mtha' yas par longs spyod rdzogs pa'i sku'i snang bas khyab pa ni/__'di lta ste/__dper na til gyi gong bu kha phye ba bzhin du go 'tshams med par sku dang ye shes kyi dkyil 'khor gyis gong nas thams cad kun tu khyab par bzhugs so/__/gnyis pa rang bzhin gyi 'khor dngos ni gong du bshad pas de dang 'brel ba'i thugs rje'i 'khor la gsum ste/__nang gi sems dpa' yab yum/__phyi'i sems dpa' yab yum/__sgo ba yab yum mo/__/dang po la gnyis las/__dang po yab bzhi ni/__gtso bo rigs lnga'i rang bzhin bshad pa/__de nas sems dpa'i 'khor bshad pa ni ston pa nyid kyang byang chub chen po yin pa bzhin du rang snang ba'i thugs rje'i ngang las shar ba'i 'khor rnams kyang de ltar yin pas byang chub chen po dbyings dang ye shes snang ba dang stong pa gnyis su med cing 'jig 'bral med pas rdo rje mthong ba ste sa'i snying po dang*/__byang chub chen po rdo rje thos pa ste phyag na rdo rje dang*/__byang chub chen po rdo rje snom pa ste nam mkha'i snying po dang*/__byang chub chen po rdo rje myong ba ste spyan ras gzigs dang*/__de dag kyang mthong sogs tha mal dag las khyad par du gyur pa'i sangs rgyas kyi ye shes yul thams cad la 'jug cing thams cad kyang ro gcig tu mkhyen pa'i brdar snang ba'o/__/gnyis pa de dag gi yum bzhi ni rim pa bzhin btsun mo mthong bar bya ba ye shes kyi snang ba'i yul gzugs te sgeg mo dang*/__mnyan par bya ba phreng ba ma dang*/__snam par bya ba glu dbyangs ma dang*/__myong bar bya ba'i rang bzhin gar ma'i tshogs dang*/__gnyis pa phyi'i sems dpa' yab yum la gnyis las/__dang po yab bzhi ni/__byang chub chen po rdo rje mthong byed de byams pa dang*/__byang chub chen po rdo rje thos byed de sgrib pa rnam sel dang*/__byang chub chen po rdo rje snom byed de kun tu bzang po dang*/__byang chub chen po rdo rje myong byed de 'jam dpal dang*/__'di dag kyang tha mal gyi dbang po las khyad par du 'phags pa sangs rgyas kyi spyan sogs sgrib pa med pas yul kun la 'jug pa'i rten byed pa'i mtshon byed du snang ba yin no/__/gnyis pa de dag gi yum bzhi ni rim pa bzhin btsun mo 'das pa ste bdug spos mar snang ba dang*/__da ltar ste me tog mar snang ba dang*/__ma byung ba ste snang gsal mar snang ba dang*/__'byung bar ma nges pa'i rang bzhin dri chab mar snang ba'i tshogs dang*/__gsum pa sgo ba yab yum la gnyis las/__dang po yab bzhi ni/__'joms pa ste thabs dang chen po ste shes rab kyi rang bzhin rdo rje reg pa bdud rtsi 'khyil ba dang*/__'joms pa chen po rdo rje reg byed rta mchog rol pa dang*/__'joms pa chen po rdo rje reg bya stobs po che dang*/__'joms pa chen po rdo rje reg shes gshin rje gshed dang bzhi ste sangs rgyas kyi ye shes sgrib pa med pa don gyi spyi 'dzin pa la mi ltos par mngon sum du gyur cing chags sdang thams cad dang bral ba'i mtshon byed du khro bo bzhi sgo bar ye shes kyi rtsal las rang snang zhing de yang skye 'jig med pa dang*/__brjod du med pa dang*/__rig byed med pa dang*/__rnam pa med par rtogs pa'i ye shes bzhi'o/__/gnyis pa de dag gi yum bzhi ni/__btsun mo rtag par ma yin pa ste lcags kyu ma dang*/__chad par ma yin pa ste zhags pa ma dang*/__bdag tu ma yin pa ste lcags sgrogs ma dang*/__mtshan mar ma yin pa ste dril bu ma'o/__/de dag kyang ngo bo phyin ci log bzhi spangs shing rnam pa tshad med pa bzhi dang bsdu ba'i dngos po bzhis 'gro ba'i don mdzad pa'i brda rtags su shar ba'o/__/de ltar rtsa ba'i dkyil 'khor yab yum dang*/__sems dpa' sems ma dang sgo ba yab yum la sogs pa/__dbus su snang ba bzhin du phyogs bzhir rigs bzhi'i dkyil 'khor rang rang gi tshom bu'i 'khor 'bum phrag du mas bskor ba lha'i bkod tshul gyi mang nyung dang rnam pa rtsa ba'i dkyil 'khor de lta bu'i tshogs nam mkha'i dbyings kun khyab pa brjod kyis mi lang ba rnams dang gnyis su med par bzhugs so/__/gsum pa ye shes kyi rang snang bkod pas don bsdu ba la gnyis te/__gang bkod pa'i ngo bo dang*/__ji ltar bkod pa'i tshul lo/__/dang po ni/__gleng gzhi'i bkod pa rgya cher snang bar mdzad pa de nas de bzhin gshegs pa yab rnams yum btsun mo'i tshogs dang rang bzhin gnyis su med pa'i ngo bo gzhan gyi spyod yul du ma gyur pas gsang ba'i dkyil 'khor rang snang ba de dag nyid kyi gsang ba chen po 'di nyid sku dang gsung dang thugs dang yon tan dang phrin las rdo rje las rigs lnga'i dkyil 'khor rang snang ba'i don ston pa'i rdo rje gsang ba'i tshig 'di dag dgongs pa rang shar du sgra tshig la ma ltos par rang phyung ngo*/__/gnyis pa la gsum ste/__rang snang gi dkyil 'khor de nyid gang gi ngang las bkod pa/__tshul ji ltar snang ba/__de nyid gang gi bzhugs gnas yin par ngos bzung ba'o/__/dang po ni/__chos sku skye ba med pa'i dbyings la ngo mtshar ba'i tshig e longs sku 'gag med kyi snang ba la ngo mtshar bas e ma nam mkha'i dbyings dang mnyam par sna tshogs su rang snang bas e ma ho/__/chos sku de bzhin nyid kyi dbying nyid la dbang bsgyur longs sku ye shes lnga'i dkyil 'khor lhun gyis grub pa ni ston pa nyid kyi bsam gyis mi khyab pa'i thugs rje'i ngang las byung ba'o/__/gnyis pa ni/__de lta bu'i zhing khams lhun stug po bkod par de bzhin gshegs pa nyid la rang snang ba nyid de sangs rgyas kyi ting nge 'dzin rnam par dag pa'i gzugs bsnyan ye shes kyi sgyu ma rang bzhin gyis rnam par dag pa'i ngo bor gsal zhing snang ba ni zhes so/__/gsum pa ni/__sangs rgyas kyi sku dang gsung dang thugs dang yon tan dang phrin las rnams nyes pa'i skyon cung zad tsam gyi'ang sel med pa yi bdag nyid yon tan phun sum tshogs pa yid bzhin rin po che/__bsam gyis mi khyab pa'i mnga' thang chen po mi zad par ldan pa ye shes rgyan gyi 'khor lo mnga' ba'i rang bzhin rdo rje mchog gi ngo bo 'du 'bral med pa dang longs spyod rdzogs pa sku'i gnas nyid do/__zhes sku gsung thugs kyi rdo rje gsang ba'i tshig tu'o/__gsang ba'i snying po de kho na nyid nges pa las rgyud 'byung ba'i lo rgyus dang nges pa sbyin pa dang gzhir gyur pa'i gleng gzhi'i le'u ste dang po'o//__//gnyis pa ston pa nyid rigs lngar bzhengs pa'i thugs rang byung gi ye shes gnyis su med pas chos thams cad ye nas sangs rgyas par ched du brjod cing thugs rje g.yo ba'i tshul bstan pa la gnyis te/__don gyi dgongs pa gleng bslang ba dang*/__de ma rtogs pa'i sems can la thugs rje g.yo ba'i tshul bstan pa'o/__/dang po la gsum/__yab kyi dgongs pa gleng bslang ba/__yum gyi dgongs pa gleng bslang ba/__gnyis su med pa'i dgongs pa gleng bslang ba'o/__/dang po la gnyis/__dgongs pa gleng bslang ba la 'jug pa'i rgyu dang*/__gleng bslang ba dngos so/__dang po ni/__gleng gzhi rnam par bkod pa de nas bcom ldan 'das rigs kyi gtso bo'i thugs rang byung gi ye shes yul 'byed par byed pa po gnyis su med pa'i tshul rdo rje yid yul du ma la 'jug pas kun tu ngo bo dbyings las ma g.yos pas bzang po/__phyogs bcu dus bzhi'i sangs rgyas thams cad kyi dgongs pa ma lus pa 'dus pa'i rang bzhin gyi sku gsum 'du 'bral med pa'i tshul dus gsum 'pho 'gyur med pa'i rdo rjes/__yul rnams chos nyid kyi rang bzhin yin pas btsun mo gtan la dbab par bya ba mo snang srid kyi chos kun tu ste thams cad kyang ye nas dag pas bzang mo la rnam par 'byed pa'i blo 'jug par gyur to/__/blo zhugs pas phyogs bcu dus bzhi'i de bzhin gshegs pa ma lus pa thams cad du thugs rang byung gi ye shes kun tu bzang po gcig gi rang bzhin du ngo bo dbyer med pas nyid las gzhan pa'i chos ma gzigs nas de bzhin gshegs pa nyid/__de bzhin gshegs pa nyid la ched du brjod pa 'di skad du brjod do/__/gnyis pa ni/__chos thams cad gdod nas sangs rgyas pa'i rang bzhin la ngo mtshar ba'i tshul gyis e ma ho/__ji ltar na sangs rgyas dang sems can thams cad kyi rang bzhin ye nas skye ba med par sangs rgyas pas sku gsung thugs dbyer mi phyed pa'i rdo rje de nyid chos can sna tshogs 'gags med du snang bas phung po ste de'i yan lag rnam par shes pa'i phung po la sogs pa rnams ni/__rnam par snang mdzad la sogs pa rdzogs pa'i sangs rgyas lnga ru grags/__de bzhin du skye mched bcu gnyis dang khams bco brgyad po rnams kyi bye brag mang po kun kyang*/__byang chub sems dpa'i dkyil 'khor nyid du ye nas gnas so/__/'byung ba lnga yang yum lnga'i ngo bor ye nas sangs rgyas pa ste sa chu gnyis ni sangs rgyas spyan dang mA ma kI/__me rlung gnyis ni/__gos dkar mo dang dam tshig sgrol ma ste/__nam mkha' ni dbyings kyi dbang phyug ma'o/__/de ltar phyi nang gi 'byung ba dang rtog tshogs kyis bsdus pa'i 'dod pa dang gzugs dang gzugs med pa'i srid pa gsum gyi ngo bo ma dag pa ltar snang ba de rnams kyang ye nas sangs rgyas kyi rang bzhin du gnas shing*/__'khor ba'i chos thams cad dang mya ngan las 'das pa'i chos ma lus pa snang zhing srid pa'i chos so cog thams cad/__sangs rgyas nyid las gzhan ma yin te/__sangs rgyas nyid las gzhan pa'i ma dag pa'i chos shig__/sangs rgyas nyid kyis kyang rdul tsam yang mi brnyes so te mi rnyed do/__/zhes brjod pas de bzhin gshegs pa btsun mo'i tshogs dang bcas pa thams cad mnyes par gyur to/__/gnyis pa yum gyi dgongs pa chos nyid stong pa'i gnas lugs gtso bor gleng bslang ba la'ang gnyis te/__dgongs pas gleng ba la 'jug pa'i rgyu dang*/__gleng bslang ba dngos so/__/dang po ni/__blos yul gyi gnas lugs brjod pa de nas blo la snang ba'i yul rang bzhin gyis dag pa'i btsun mo gtan la dbab par bya ba mo rang snang ba'i chos kun tu bzang mo/__/yul can rig pa'i ye shes bcom ldan 'das yid kun tu bzang po dang yul dang yul can gnyis su med par gyur nas/__ched du brjod pa 'di brjod do/__/gnyis pa ni/__chos nyid la ngo mtshar bar bstan pa'i phyir/__kye ma'o zhes gsungs nas ji ltar na thams cad rang snang du shar bas phyogs bcu stong khams snod kyi 'jig rten du snang ba thams cad ye nas dben pa ste skye ba med pa nyid dang der gnas pa'i bcud kyi sems can srid pa gsum ni ye nas rnam par dag pa'i sangs rgyas kyi zhing lhun stug po bkod pa'i rang bzhin dang*/__ye shes lnga'i rtsal gzung 'dzin du 'khrul dus dug lngar snang bas 'khor ba'i sdug bsngal bskyed pa'i phyir snyigs ma lnga nyid kyang ngo bo rang byung gi ye shes bde ba chen po dang ldan pa'i gnas las gzhan ma yin zhing*/__'gro ba'i phung po lnga nyid kyang gdod nas mngon par rdzogs pa sangs rgyas pa'i phyir/__chos thams cad kyi gnas lugs la bzang ngan dang blang dor gang du'ang ma grub pas mchog gi snying po mnyam pa nyid byang chub kyi rang bzhin yin pas/__de las gzhan du rgyal bas chos mi btsal te/__sangs rgyas nyid las gzhan ma dag pa zhes bya ba'i chos log pa gcig btsal kyang rgyal bas mi brnyes so ste mi rnyed do/__zhes yum gyis brjod pas thams cad ye nas sangs rgyas par de bzhin gshegs pa nyid kyis mkhyen to/__/gsum pa gnyis su med pa'i dgongs pa la'ang gnyis te/__dgongs pas gleng ba la 'jug pa'i rgyu dang*/__gleng bslang ba dngos so/__/dang po ni/__yul nyid yul can gyi ngo bor rig pa'i ye shes su rnam par dag pa de nas yab yum rig stong gnyis su med pa'i bdag nyid chen pos 'khor 'das ye nas mnyam pa nyid du sangs rgyas pa'i phyir sems kyang sangs rgyas pa'i chos nyid du shes par byed pa rang byung ye shes su ye nas yin pa la yin pa'i bdag nyid du bskyed pa 'di gsungs so/__/gnyis pa ni/__e ma ho/__chos rnams kyi gnas lugs ngo mtshar zhing gzhan las rmad du byung ba nyid kyi chos 'di nyid ni rdzogs pa'i sangs rgyas kun gyi gsang ba zab mo'i don te/__gang zhe na/__chos nyid gdod ma nas skye ba med pa'i ngang las snang srid 'khor 'das kyis bsdus pa'i chos thams cad skyes par snang ba rmi lam dang sgyu ma lta bu ste skyes pa ltar snang ba'i dus nyid na skye ba med pa'i ngo bo ni chos kyi dbyings so/__/de nyid rtogs pa'i blo ni chos dbyings ye shes so/__/e ma ho/__chos rnams kyi gnas lugs ngo mtshar zhing gzhan las rmad du byung ba nyid kyi chos 'di nyid ni/__rdzogs pa'i sangs rgyas kun gyi gsang ba zab mo'i don te/__gang zhe na/__ye nas 'gag pa med pa'i chos nyid gdangs sna tshogs su 'char ba me long gi ngos lta bu las chos can gzugs brnyan ltar snang ba thams cad 'gag pa ltar snang yang 'gag pa snang dus nyid na gnas lugs 'gag pa med pa ni me long lta bu'o/__/de rtogs pa'i blo ni me long lta bu'i ye shes so/__e ma ho chos rnams kyi gnas lugs ngo mtshar zhing gzhan las rmad du byung ba nyid kyi chos 'di nyid ni rdzogs pa'i sangs rgyas kun gyi gsang ba zab mo'i don te/__gang zhe na/__ye nas gnas pa med pa nam mkha' lta bu'i ngang las chos sna tshogs pa thams cad gnas pa ltar snang yang gnas pa snang dus nyid na don la gnas pa med pa ni mnyam pa nyid do/__/de nyid rtogs pa'i blo ni mnyam nyid ye shes so/__/e ma ho chos rnams kyi gnas lugs ngo mtshar nyid gzhan las rmad du byung ba nyid kyi chos 'di nyid ni rdzogs pa'i sangs rgyas kun gyi gsang ba zab mo'i don te/__gang zhe na/__sems rang bzhin gyis dag pa dmigs pa dang mtshan ma med pa nam mkha' dang rgya mtsho dwangs pa'i dkyil lta bu'i ngang las rnam par rtog pa sprin nam gzugs brnyan ltar sna tshogs su shar ba thams cad dmigs pa ltar snang yang*/__rnam rtog sna tshogs su dmigs pa snang dus nyid na gzhi med rtsa ba dang bral bas dmigs pa dang mtshan ma rang bzhin gyis med pa ni so sor rtogs pa'o/__/de nyid rtogs pa'i blo la so sor rtog pa'i ye shes zhes bya'o/__/e ma ho/__chos rnams kyi gnas lugs ngo mtshar zhing gzhan las rmad du byung ba nyid kyi chos 'di nyid ni rdzogs pa'i sangs rgyas kun gyi gsang ba zab mo'i don ste/__gang zhe na/__chos thams cad gdod ma nas 'gro 'ong med pa sprul pa lta bu'i ngang las snang ba dang rig pa 'gro ba dang 'ong ba sna tshogs su snang yang 'gro 'ong du snang ba nyid na 'gro 'ong med par gnas pa ni bya ba grub pa'o/__/de nyid rtog pa'i blo ni bya ba grub pa'i ye shes so/__/de ltar chos thams cad kyi rang bzhin ye nas dag pa'i tshul de skad ces brjod pas/__de bzhin gshegs pa thams cad dang yum btsun mo'i tshogs thams cad kyang mnyam pa nyid du ye nas gnas pa la mnyes pas khyab par gyur to/__gnyis pa de nyid ma rtogs pa'i 'gro ba la thugs rje g.yo ba'i tshul bstan pa la bzhi ste/__thugs rje 'jug pa'i yul sems can gyis ma rtogs par bstan pa/__mi rtogs pa'i rang bzhin bdag tu bzung nas 'khor bar 'khrul tshul/__'khrul par snang dus nyid nas bcing grol med pa'i don las ma 'das pa/__de nyid bstan pa'i phyir thugs rje rol pa 'gyed pa'i tshul lo/__/dang po la gnyis/__thugs rje 'jug pa'i rgyu dang*/__ji ltar 'jug pa'i yul bstan pa'o/__/dang po ni/__chos thams cad kyi gnas lugs bstan pa de nas de bzhin gshegs pa thams cad dang*/__btsun mo'i tshogs thams cad dang bcas pas don 'di nyid bstan pa'i phyir ched du brjod pa 'di brjod do/__gnyis pa ni/__ma rtogs pa'i sems can gyi tshogs la skyo ba'i tshul gyis e ma ho chos thams cad rang bzhin gdod ma nas sangs rgyas pa'i don thog ma nyid nas ma rtogs pas ye nas 'gro ba thams cad la gsang ba'i chos so/__/snang srid sna tshogs su snang ba la sku gsum 'du 'bral med pa'i chos nyid ye nas gnas kyang ma dag 'khrul pa'i chos su snang bas rang bzhin gyis gsang ba'o/__de lta bu'i don de nyid gzhan gyis sbas pa lta bu ma yin par snang stong 'du 'bral med pa'i chos nyid ma rtogs pas ngo bo nyid kyis rab tu gsang ba'o/__/don de yang rang gi sems nyid las gzhan du min las shin tu gsang ba'o/__/zhes brjod pas/__gnyis pa 'khrul tshul la'ang gnyis/__thugs rje'i rgyu bstan pa dang*/__'khrul tshul dngos so/__/dang po ni/__dag pa de bzhin gshegs pa rnams kyi chos/__sku dang zhing khams su snang ba thams cad dang*/__ma dag pa 'khor ba'i chos snod bcud srid gsum du snang ba thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med pas rnam par dag pa yin na'ang*/__'gro ba'i rnam par rtog pa gzung 'dzin 'khrul pa'i ma rig pa gnyis su 'dzin pa las/__ngan song gsum lha mi gnyis te 'gro ba lnga'i ris bsam gyis mi khyab par smin pa la/__rang byung gi thugs rje chen po lhun gyis grub pa sangs rgyas kyi ye shes chen po skyes nas/__slar yang ched du brjod pa 'di skad ces brjod do/__/gnyis pa ni/__e ma ho/__gdod ma'i gnas lugs sems nyid 'od gsal ba sku gsum 'du 'bral med pa'i bde bar gshegs pa'i snying po las/__rkyen rang gi rnam rtog dang des byas pa'i las kyis rmi lam ltar sprul pa'o/__/de'ang lha la sogs pa'i 'gro ba sna tshogs pa'i lus dang de dag so so'i longs spyod dang*/__mtho ris la sogs pa'i gnas dang rang rang gi bde ba dang sdug bsngal la sogs pa du mar snang ba la 'gro ba rnams kyis nga zhes bdag tu 'dzin pa dang nga'i yo byad ces pa la sogs pa bdag gir byed pas so sor 'dzin pas nam yang 'khor ba las grol bar mi 'gyur ro/__/gsum pa 'khrul bar snang dus nyid nas bcing grol medapar bstan pa ni/__de ltar 'khor bar bde sdug du mas gdungs kyang gnas lugs nam mkha' bzhin du 'ching byed sus kyang 'gro ba rnams ma bcings shing bcings pa ltar snang yang don la med de/__bcing bar bya ba 'gro ba dang 'gro ba'i sems nyid kyang yod pa ma yin no/__glo bur ba'i rnam rtog bdag tu 'dzin pa yis/__don med par 'khrul pa bzos pa yin te/__dper na 'ga' zhig nan tan gyis mdun gyi nam mkha' la thag pa zhig byung ba blos byas nas de nyid la mdud pa bcing grol du ma 'dor zhing byed pa ltar rang gi sems nyid gdod nas dag pa nam mkha' lta bu la dgag sgrub gzung 'dzin du mar byas pas 'khor ba'i 'khrul pa ltar snang ba'o/__/bzhi pa de nyid bstan pa'i phyir thugs rje 'phro tshul ni/__snang srid 'khor 'das kyi chos thams cad sus kyang bcings pa med cing rnam par grol ba med pa'i/__sems nyid ye nas sku dang ye shes kyi zhing khams chen por lhun gyis grub cing yongs su rdzogs pa'i rang bzhin sangs rgyas kyi gsang ba zab mo'i chos/__'di nyid 'gro ba rnams la bstan pa'i phyir thabs kyi rol pa bsam gyis mi khyab pa dang thugs rje chen pos sprul pa dpag tu med pa spro ba rnam pa sna tshogs par mdzad/__ces rang snang dag pa'i de bzhin gshegs pa nyid de bzhin gshegs pa nyid la ched du gleng ngo*/__sangs rgyas thams cad kyi gsang ba'i snying po de kho na nyid nges pa las mya ngan las 'das pa don dam pa spros pa thams cad bral ba rnam par dag pa dang 'khor ba kun rdzob kyi byang chub sems gnyis ka yang gdod ma nas sangs rgyas pas mnyam pa nyid kyi ye shes su bskyed pa'i ste dbyer med pa'i gnas lugs bstan pa dang ma rtogs pa'i 'gro ba la rang byung gi thugs rje dbyings nas 'phro ba'i rgyu mtshan bstan pa'i le'u ste gnyis pa'o//__//don gsum pa thugs rje'i rang bzhin chos nyid las ma g.yos bzhin 'jig rten du sgron ma bkod pas chos thams cad gtan la dbab pa'i tshul la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__gleng bslang ba'i tshul bstan pa de nas rang snang bkod pa'i de bzhin gshegs pa thams cad las/__rang byung gi thugs rje chen po'i byin gyis brlabs las rang shar ba zhes bya ba'i rnam par 'phrul pa sangs rgyas kyi ye shes nyid yin pas rig pa'i skyes bu las dang nyon mongs thams cad bcom pas thub pa 'jig rten drug gi 'gro ba so sor 'dul bas mi'i thub pa la sogs pa drug__rang snang bkod pa'i de bzhin gshegs pa'i sku dang gsung dang thugs rdo rje las thon to/__gnyis pa la gsum/__'dul ba bzhi'i rnam par 'phrul pa'i tshul spyir bstan pa/__'dul yul 'gro ba dang chos kyi rang bzhin bye brag tu bshad pa/__'khor 'das sems dang ye shes kyi rang snang du don bsdu ba'o/__/dang po la gnyis/__mdor bstan pa dang*/__rgyas par bshad pa'o/__/dang po ni/__de ltar thub pa drug 'thon nas kyang 'gro ba'i las so sor bsags pa nyid kyi dbang gis 'jig rten gyi khams kyang tha dad du snang ste de'ang bsdu na mgo 'phred la bstan nas 'gro ba snrel gzhi dang gyen dang thur la bstan nas 'gro ba yan man gyi 'jig rten zlum po dang gru bzhi dang zla gam dang gru gsum dang gzhi phyal ba dang steng g.yog med pa ste snod kyi bye brag rnam pa mi 'dra ba drug gi rang bzhin gyi phyogs bcu kun tu khyab cing de dag gi rnam grangs dang dbye ba'i tshad ni mtha' yas shing bde sdug dang longs spyod la sogs pa'i rnam pa mu med pas khyab pa'i stong gsum gyi stong chen po 'jig rten gyi khams re rer/__/rang rang gi 'dul byed thub pa chen po bcom ldan 'das re res 'dul ba rnam pa bzhi bzhis 'gro ba lnga'i don mdzad de/__de yang bsod nams kyis 'dul ba dang*/__don thams can mngon sum du gyur pas 'dul ba dang*/__rdzu 'phrul chen pos 'dul ba dang*/__rigs pas 'dul ba'o/__/gnyis pa la bzhi/__sku bsod nams chen pos mdzad pa phun sum tshogs pas 'dul ba/__thugs mngon shes chen pos mngon sum pas 'dul ba/__bsam gyis mi khyab pa rdzu 'phrul chen pos 'dul ba/__gsung theg pa lngar ston pa rigs pas 'dul ba'o/__/dang po ni/__sku bstams pa dang*/__/khyim spangs te rab tu byung ba dang*/__'don yon spangs nas dka' thub mdzad pa dang*/__mngon par rdzogs par sangs rgyas pa dang*/__bdud kyi sde dpung btul ba dang*/__dam pa'i chos kyi 'khor lo bskor ba dang*/__gzhan gyi khengs pa bcom pa'i phyir cho 'phrul chen po bstan pa dang*/__gdul bya skyo ba bskyed pa'i phyir mya ngan las 'das pa dang gzhan yang dga' ldan nas 'pho ba dang bzo'i gnas la mkhas pa dang*/__btsun mo'i 'khor gyis rol pa dang byang chub snying por gshegs pa la sogs pa sku'i rnam par 'phrul pa chen pos 'gro ba tshad med pa smin par mdzad pa'i cho 'phrul chen po ston pa'i thub pas bsam gyis mi khyab pa'i 'gro ba 'dul ba'o/__/gnyis pa ni/__'das pa la sogs pa'i dus bzhi kun tu mkhyen pa ste shes bya thams cad mngon sum du gzigs pa ni sngon gyi gnas mkhyen pa'i mngon par shes pa ste tshe rabs du ma rjes su dran pa la dbang bsgyur bas 'gro ba 'dul ba dang*/__gzhan yang 'gro ba rigs lnga'am drug la sogs pa'i gdul bya ma lus pa thams cad kyi rang rang gi sems kyi nyon mongs pa dang rnam par rtog pa thams cad kyi rang bzhin dang sangs rgyas kyi mkhyen pa'i ye shes kyi dgongs rgyud gnyis dus dang gnas skabs kun tu tha mi dad par mkhyen pa yin pas pha rol gyi sems shes pa'i mngon par shes pa dang*/__shes sgrib pa med pa'i rdzu 'phrul gyi spyan gyis dag pa'i zhing dang ma dag pa'i 'jig rten gyi 'gro ba 'chi 'pho ba dang skye ba dang rnam par 'phrul pa la sogs pa thams cad kun tu gzigs pa mngon par 'du byed pa las byung ba lha'i mig gi mngon par shes pa dang*/__rdzu 'phrul gyis snyan gyis 'jig rten gyi khams thams cad kyi sgra skad che chung thams cad kun tu gsan pa lha'i rna ba'i mngon par shes pa dang*/__sems can gang la thabs gang gis 'dul ba thams cad ston pa'i rdzu 'phrul gyi tshogs 'gro ba'i mos pa dang mthun par kun tu don spyod pa rdzu 'phrul gyi mngon par shes pa dang*/__sgrib gnyis bag chags dang bcas pa ma lus pa dbyings su dag pa'i ye shes zag pa med pa mnga' bas mthar phyin kun tu bzang po'i sku gsung thugs mi zad pa rgyan gyi 'khor lo'i spyod pa rdzogs pa'i rang bzhin zag pa zad pa'i mngon par shes pa ste mngon shes chen po drug gis 'dul ba dang*/__gsum pa ni/__gdul bya mtha' yas pa kun tu de'i snang ba dang mthun pa'i sku sangs rgyas dang byang chub sems dpa' dang nyan rang dang tshangs pa dang brgya byin dang 'khor los bsgyur ba la sogs pa bsam gyis mi khyab pa ston pa dang*/__'gro ba'i rgyud tshad med pa kun tu de dag gi mos pa dang mthun par 'jug pa'i thugs ji lta ba dang ji snyed pa mkhyen nas don mdzad pa'i tshul bsam gyis mi khyab pa mnga' ba dang*/__gdul bya'i khams dang mos pa mi 'dra ba'i spyod yul kun tu sku dang sku'i cha lugs dang zhal gyi dkyil 'khor mi 'dra ba zhi ba dang khro bo la sogs pa tha dad pa du mar snang zhing skad cig skad cig la rang rang gi snang ba dang mthun par zhal bsam gyis mi khyab pa bstan nas don byed pa dang*/__'gro ba'i skal pa ji ltar yod pa kun tu sems can so so'i skad dang mthun par chos kyi gsung bsam gyis mi khyab pa sgrogs par snang ba dang ldan pa nam mkha'i mtha' klas par rnam par 'phrul ba bsam gyis mi khyab pa grangs med pa dag gis phyogs bcur gang la gang 'dul du snang bar gyur to/__bzhi pa la gsum/__theg pa'i dbye ba gang gi gnyen por gsungs tshul/__de dag gi don bshad pa'o/__/dang po ni/__sprul pa'i sku'i gsung rabs phun sum tshogs pa thams cad kyang theg pa lngar bstan pa 'di lta ste/__sems can rnams 'dul ba'i dbang gis dge bcu dang bsam gtan dang gzugs med kyi ting nge 'dzin bstan pa lha yi theg pa dang dge ba bcu bstan pa mi'i theg pa dang*/__bden pa bzhi dang byang chub phyogs kyi chos la goms pas dgra bcom pa thob par byed pa nyan thos kyi theg pa dang*/__rten 'brel gyi lam la goms pas yid bzhin bde ba mchog gi sar 'gro ba rang byang chub kyi theg pa dang*/__byang chub kyi sems dang bdag med pa gnyis pha rol tu phyin pa bcu rnams kyis rdzogs pa'i byang chub mngon du byed pa byang chub sems dpa'i theg pa dang*/__chos thams cad dkyil 'khor gsum du shes shing lam zab mo sgoms pas tshe 'dir grol ba gsang sngags bla na med pa'i theg pas 'dul bar mdzad do/__/gnyis pa ni 'gro ba'i rgyud kyi ma rig pa'i rnam par rtog pa las byung ba'i nyon mongs pa 'dod chags zhe sdang gti mug cha mnyam pa nyi khri chig stong re yod pas stong phrag brgyad cu rtsa bzhi'i gnyen por/__'dul ba mdo sde mngon pa sde snod gsum cha mnyam pa sngags kyi sde snod rnams la nyi khri chig stong re yod pas chos kyi phung po stong phrag brgyad cu rtsa bzhi rang byung gi ye shes las 'phros pa'i ston pa rnams kyis gdul bya'i snang ba dang mthun par sngar gsungs so/__/da lta yang phyogs bcu mtha' yas mu med pa'i 'jig rten na gsung ngo*/__ma 'ongs pa na'ang gsungs par 'gyur ro/__/gsum pa ni/__chos kyi rnam grangs theg pa lngar gsungs pa de dag thams cad kyang phyi gzung ba rags par 'dod pa tha mal pa'i blojo las khyad par du 'phags pas rdul phran cha med don dam pa'i bden par shes pa gzung ba bdag med pa dang nang gi sems kyang skad cig ma ste de yang bdag med par shes pas phung po la bdag tu 'dzin pa'i gnyen por byed pa nyan thos kyi theg pa dang phyi snang ba'i yul rdul phran cha med du'ang don dam par ma grub cing kun rdzob tu rdzing bur shar ba'i gzugs bsnyan dang 'dra bar rtogs pas phyi yi rten cing 'brel bar 'byung ba rdzun par shes shing ma rig pa yod na 'du byed nas rga shi'i bar du 'byung zhing ma rig pa log na rga shi'i bar du 'khor ba'i 'khor lo ldog par shes nas gang zag gi bdag dang phyi snang ba chos kyi bdag byed po med par rtog pa ni nang gi rten cing 'brel bar 'byung ba bsgoms pas chos kyi phyed phyi yul la log par 'dzin pa'i gnyen por byed pa rang sangs rgyas kyi theg pa dang*/__de ltar bdag med pa phyed dang gnyis kyi steng du sgom byed gnyen po'i blo nor chos kyi bdag tu 'dzin pa sems 'khrul pa yul du byed pa las byang chub sems dpa' de yang ma grub par rtogs pa'i cha nas khyad par du 'phags par 'dogs pa bdag med gnyis mngon du byed pa byang chub sems dpa' theg pa dang*/__rgyu las dkar nag dang las kyi 'bras bu so sor smin pa chud mi za ba ston pa ni lha dang mi'i theg pa dang*/__dngos po dang mtshan mar 'dzin pa'i las dang las kyi 'bras bus lus la mi gos/__ngag la gos par mi 'gyur/__sems la gos su med par sgo gsum ye nas dkyil 'khor gsum du shes pas tha mal gyi snang ba med de gnas lugs ston pa'i mthar thug pa rtogs pa ni bla na med pa gsang sngags kyi theg pa mchog go__/gnyis pa gdul yul 'gro ba dang chos kyi rang bzhin bye brag tu bshad pa la gnyis te/__'khor ba'i rang bzhin chos nyid du bstan pa dang*/__chos kyi rang bzhin brjod med du bstan pa'o/__/dang po la drug__/don gyi 'brel dgod pa/__ma rig pas 'khor bar snang tshul/__snang dus nyid nas rang bzhin chos nyid du bstan pa/__'khrul snang sems kyi cho 'phrul du bstan pa/__'khrul rtog gzhi med rtsa bral du bstan pa/__rnam rtog ye shes kyi rol par bstan pa'o/__/dang po ni/__'dul ba bzhi'i cho 'phrul bstan pa de nas rang snang gi de bzhin gshegs pa thams cad kyis ched du brjod pa 'di brjod do/__/gnyis pa ni/__phyi nang gi chos ma dag pa snod bcud kyi rnam par snang ba ji snyed pas bsdus pa'i 'jig rten 'khrul pa'i chos 'di dag rmi lam dang 'dra ste/__gnas lugs ye nas sangs rgyas pa'i ngo bo ma rig pa'i gnyid thibs po ches non te gnyis su rtog pa'i gzung 'dzin gyis bslad de/__phyi rol dkar dmar sna tshogs kyi yul dang nang 'gro ba'i rnam pa tshad med par snang ste 'khrul pa'i rgyu las 'khrul snang gi 'bras bu shing rta'i 'phang lo ltar 'byung ba'i rten 'brel phyi nang gnyis su 'khor te/__yul dang snang ba mi mthun pa'i bye brag bde sdug sna tshogs myong zhing 'khor ba'i grong khyer gcig nas gcig tu brgyud cing snang bar 'gyur ro/__/gsum pa ni/__de ltar snang yang 'khor ba'i rang bzhin ye nas grol ba'i chos nyid mnyam rdzogs chen po las nyams pa yang med la/__'khor bar snang dus nyid nas don la ma grub pas yang dag pa'i gnas lugs yin la kun rdzob sgyu ma'i tshul tsam du gnyis su snang ba nyid dpyad na rmi lam gyi snang bdang rmi ba po rang gi sems gnyis tha dad du ma grub pa bzhin du 'khor mkhan bdag dang 'khor ba bdag gi ba'i yul gzhan med de/__/des na 'khor bar snang dus rang snang rnam par dag pa'i dbyings nyid du ye nas tshul gcig pas chos sku lhun rdzogs kyi dgongs pa 'khor 'das thams cad la ye khyab chen por phyam gcig go__/bzhi pa ni/__bdag dang bdag gi bar 'dzin pas rang dang gzhan tha dad pa rnams su blos bzung ba ni/__log par rtog pa tsam nyid las/__don la grub pa med de logs par rtog pa de nyid btsal na phra zhing phra ba'i chos su'ang med la de las tha dad pa'i chos nyidazab pa'ang yod pa ma yin te log rtog nyid chos nyid du gnas pa'i phyir ro/__/de'ang 'khor ba'i gzung 'dzin du snang ba 'di dag yul log rtog gi snang ba rmi lam lta bu nyid la yul can rang gi log rtog nyid spyod pas/__don la sems nyid de bzhin nyid kyi gnas lugs las gzhan du g.yo ba cing yang med de 'byung bzhi'i 'pho 'gyur nam mkha'i ngang las ma g.yos pa'am/__dgag sgrub kyi rnam rtog sems kyi ngang las ma g.yos pa bzhin no/__/lnga pa ni/__gzung 'dzin 'khrul par snang ba'i log rtog g-i rgyu des bskyed pa'i 'bras bu skad cig snga phyi rim can du 'brel bar snang ba'i rgyun nyid kyang brtags na med do/__/rig pa'i ngo bo la gzhi dang rtsa ba med pa'i chos dbyings gdod nas dag pa'i gnas lugs su gnas shing sna tshogs su 'char dus nyid na'ang rgyun du med de skad cig ma sil bu'i rang bzhin yin no/__/de'ang 'das pa'i skad cig ma 'gags/__ma 'ong pa ma rnyed da lta'i skad cig ma yang rtags na phyi nang bar gsum na med pas skad cig ma tsam du'ang med pa'i phyir rig pa ye nas rnam par dag pa'i chos dbyings nam mkha' lta bu'i ngo bo nyid du gnas pa'i tshul yin no/__/drug pa ni/__snang sems thams cad kyi ngo bo ye nas sangs rgyas pa'i yul gdod ma nas rnam par dag pa'i chos nyid la yul can blo'i rol pa sna tshogs su 'char zhing dbang bsgyur ba thams cad rang snang ba'i ye shes nyid la spyod pa'i phyir/__bdag dang gzhan du 'dzin par byed pa dang dgag sgrub dug lngar shar ba'i rtog pa'i rgyun thams cad ye shes kyi rol pa yin pas ye nas rnam par dag pa bla na med pa'i theg pa'i mchog go__/gnyis pa chos kyi rang bzhin brjod du med par bstan pa la drug ste/__theg pa bzhis nges par 'byung ba'i 'bras bu bla na med pa'i theg par bstan pa/__chos thams cad rang bzhin med pa'i cho 'phrul du bstan pa/__ston pa dang bstan pa 'pho 'gyur med kyang gdul bya'i don du gang la gang 'dul du bstan pa/__rang bzhin gsang ba'i snying po theg pa kun gyi 'phro bzhir bstan pa/__de nyid mdo rgyud kun gyi spyi 'grel du bstan pa/__de thams cad ming tshig btags pa tsam las gnas lugs gang du'ang ma grub par bstan pa'o/__/dang po ni/__sngar bstan pa'i theg pa bzhi yis rang rang gi mi mthun phyogs 'khor ba'i sdug bsngal dang theg pa dman pa la sogs pa las nges par 'byung bar byed la/__de dag gis nges par 'byung ba'i mthar bla na med pa'i theg pa rang bzhin rdzogs pa chen po dang 'phrad de blang dor rtsol sgrub las 'das pa'i chos nyid rtogs pa'i rang bzhin gcig gi 'bras bu sangs rgyas kyi sar gnas par byed do/__/gnyis pa ni/__gnas lugs kyi don yang dag par rtogs pa'i rnal 'byor pas snang srid 'khor 'das kyi chos rnams la rig pas rab tu brtags na/__gnas lugs rang bzhin med pa'i ngang las snang lugs rkyen gyi 'char tshul cir yang 'grub pa ni nam mkha'i cho 'phrul dang sgyu ma dang gzugs brnyan la sogs pa'i dpes shes par bya'o/__/gsum pa ni/__don gnyis lhun gyis grub pa'i sangs rgyas mthar thug gi bgrod byar gyur pa kun tu bzang po lta bu ni/__dus thams cad du sku gsum 'du 'bral med par bzhugs pas mya ngan las yongs su mi 'da' ba yin zhing*/__de'i bstan pa phun sum tshogs pa'i chos rnams kyang nub par mi 'gyur te dus gsum 'pho 'gyur med pa'i rang bzhin du gnas pa'i phyir ro/__/de'i ngang las lhun gyis grub pa'i sprul pa mdzad pa bcu gnyis lta bur 'phros te gnas lugs ma rig pa'i sems can rnams smin cing grol bar mdzad pas gdul ba'i phyir/__so so'i snang ba dang mthun pa'i sprul pa'i sku rang byung du byung nas don mdzad pa'i mthar mya ngan las 'da' bar ston no/__/bzhi pa ni/__lhag pa tshul khrims kyi bslab pa gtso bor ston pa 'dul ba dang lhag pa sems kyi bslab pa gtso bor ston pa mdo sde dang lhag pa shes rab kyi bslab pa gtso bor ston pa chos mngon pa'i sde snod dang*/__khrus dang gtsang sbra la sogs pa lus ngag gi dam tshig gtso bor ston pa krI ya dang spyod pa bya ba dang lta ba rnal 'byor ltar byed pas sangs rgyas sgrub pa u pa dang lus ngag gi spyod pa grogs tsam las sems kyi sgom pa gtso bor ston pas mchog grub pa yo ga dang*/__thabs bskyed pa'i rim pa gtso bor ston pa sku yi rgyud dang shes rab rdzogs pa'i rim pa gtso bor ston pa gsung gi rgyud dang rang bzhin gnyis su med par ston pa thugs kyi rgyud/__phyogs bcu tshad med pa kun tu dam pa'i chos su rab tu grags pa thams cad/__gsang ba'i snying po gnas lugs rdzogs pa chen po'i rang bzhin las 'phros te grub pa'i mtha' dang snying po'i don thams cad kyi mthar thug rdzogs pa chen por 'dus pa'i phyir ro/__/lnga pa ni/__chos thams cad kyi gnas lugs rang bzhin gsang ba'i snying po 'di/__sde snod gsum po kun dang rgyud sde drug po kun gyi/__'phro gzhir gyur pas 'byung gnas kyang yin la don gyi snying por gyur pas gtan la nges par 'bebs pa'i gzhi dang dbab bya'i yul du gnas shing 'di nyid de thams cad kyi gtan la 'bebs byed kyang yin no/__/drug pa ni/__gtan la 'bebs byed theg pa lngar bstan pa dang dbab bya'i yul snang srid 'khor 'das kyi/__bsdus pa'i chos rnams thams cad don la grub pa med pas ming du btags pa tsam mo/__/sus btags na lha dang bcas pa'i ston pas snang tsam ma 'gag pa kun rdzob kyi bden pa'i don dang mthun pa'i phyogs su mdzad de/__'khor 'das dang phung khams skye mched ces pa la sogs pa'i ming dang tshig tu btags nas bstan to/__/dgos pa ni don gyi gnas lugs blos rtogs par bya ba'i phyir ro/__/de ltar ming tshig tu btags nas ston pa'i dus nyid na ming tshig la dngos po dang mtshan ma cung zad kyang med ces brjod par mdzad do/__/gsum pa 'khor 'das sems dang ye shes kyi rang snang du don bsdu ba la gnyis te/__rang snang du ston pa'i rgyu brjod pa dang*/__ji ltar bstan pa dngos so/__/dang po ni/__chos thams cad kyi rang bzhin brjod pa de nas de bzhin gshegs pa thabs dang shes rab gnyis su med pa'i dkyil 'khor de dag nyid kyi gsang ba sems dang ye shes rang snang bar ston pa 'di nyid sku dang gsung dang thugs dang yon tan dang phrin las rdo rje las phyung ngo*/__/gnyis pa la gnyis/__sems can gyi 'khrul snang sems kyi rang snang du bstan pa dang*/__sangs rgyas kyi zhing snang ye shes kyi rang snang du bstan pa'o/__/dang po ni/__thams cad rang snang yin pas ngo mtshar ba bstan pa'i phyir/__a ho/__nye bar len pa'i phung po lnga dang*/__des rgyu byas te 'khor ba'i gnas skabs na 'khrul snang sna tshogs pa'i srid pa khams gsum gyi rtsa bar gyur pa'i nyes dmigs thams cad ni nga dang bdag tu rtog pa las 'phros te/__'khor bar 'khrul dus na lha la sogs pa'i 'gro ba rgyud drug so so'i snang ba la skye ba dang srog gi dbang po 'gag pas 'chi ba dang rang rang gi lus dang bdud rtsi dang bu ram shing la sogs pa'i longs spyod sna tshogs dang*/__so so'i yul du snang ba'i gnas dang 'chi 'pho ba dang ltung ba la sogs pa'i sdug bsngal gyi 'khrul 'khor dang la sogs pa bde ba dang bar ma'i snang ba dang dkar dmar sna tshogs su snang ba thams cad 'gro ba so so'i ma rig pas bskyed pa'i log rtog bag chags 'khrul pa'i sems kyi rang snang rmi lam lta bu nyid las phyi rol du don gzhan du grub pa ni ci yang med do/__/gnyis pa ni/__chos thams cad rnam pa kun gyi mchog dang ldan pa'i stong nyid 'khor 'das ye nas sangs rgyas pa'i rang bzhin gang zag dang chos kyi bdag med pa ye nas mkhyen pa so so rang gi rig pa la mnga' brnyes pa'i thugs rang byung gi ye shes te/__de la snang ba'i chos rnams la phyi gzung ba'i yul gzhan du dmigs par bya ba dang nang 'dzin pa'i sems bdag tu dmigs par byed pa gnyis su med par ye shes kyi dran pas dbang bsgyur bar byed do/__/de ltar dbang bsgyur ba'i chos kyang gzhan las 'phags pas ngo mtshar zhing rmad du byung ba'i sku gsum dang ye shes chen po'i gsung theg par snang ba dang*/__thugs mkhyen pa gnyis dang yon tan tshad med pa dang phrin las lhun gyis grub pa dang zhing khams bsam gyis mi khyab pa la sogs pa yang sangs rgyas nyid kyi ye shes kyi rang snang las/__gzhan na med de ye shes de nyid de ltar so sor snang ba yin no/__/zhes rdo rje gsang ba'i rgyud kyi tshig tu'o/__/gsum pa skabs kyi don bsdu ba ni zhes brjod pas/__de ltar thugs rje chen po las 'phros pa'i thub pa drug gi sprul pa grangs med pa theg pa du mar bstan pa dang*/__rang snang bkod pa'i de bzhin gshegs pa thams cad kyis gsungs pa yang rang bzhin brjod du med cing sems dang ye shes kyi snang bar bstan pa de dag tu 'dus par gtso bo gdod ma'i de bzhin gshegs pa nyid kyis mkhyen to/__/rang bzhin gsang ba'i snying po brjod du med pa'i don de kho na nyid nges pa las 'khor 'das kyi chos thams cad snang la rang bzhin med pa'i ngo bo gdod ma nyid nas dag pa'i chos nyid du gtan la phab pa'i le'u ste gsum pa'o/__/spyi don gnyis pa de las zhi khro gnyis kyi dkyil 'khor ji ltar 'phro ba'i tshul bstan pa la gnyis te/__zhi ba lhun gyis grub pa'i dkyil 'khor bstan pa dang khro bo mngon par 'byung ba'i dkyil 'khor bshad pa'o/__/dang po la gsum/__gzhi dkyil 'khor bskyed cing dbang bskur ba/__lam bskyed pa dang rdzogs pa'i rim pa/__'bras bu sku dang ye shes kyi rang bzhin la bstod pa'o/__/dang po la gnyis/__dkyil 'khor gsum gyi rang bzhin spyir bstan pa dang*/__dbang bskur ba'i thabs bye brag tu bshad pa'o/__/dang po la gsum/__rgyu'i yi ge sprin gyi dkyil 'khor bstan pa/__de las byung ba ting nge 'dzin gyi dkyil 'khor bstan pa/__de gsal bar byed pa gzugs brnyan gyi dkyil 'khor bstan pa'o/__/dang po la gnyis/__yi ge sprin gyi dkyil 'khor dgod pa dang*/__de ltar sgrub pa'i rim pa'o/__/dang po la gsum/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__gzhi lhun gyis grub pa'i ngang las thugs rje 'phros te chos thams cad gtan la dbab pa'i don gsungs pa de nas phyogs bcu dus bzhi'i de bzhin gshegs pa thams cad yi ge sgyu 'phrul gyi rang bzhin ye nas sangs rgyas pa'i don gyi dgongs pa gcig tu gyur nas/__chos thams cad dbyer med pa'i mnyam pa chen po'i tshul sku gsung thugs yon tan phrin las chen po'i rang bzhin rdo rje'i dbyings su snang srid 'khor 'das kyi chos thams cad ye ge'i ngo bor ye nas sangs rgyas pa'i ting nge 'dzin las dgongs pa mi g.yo bar chos nyid mnyam rdzogs chen po'i don bstan pa'i phyir chos thams cad don la grub pa med pa'i ming tsam du gdod ma nyid nas gnas pa'i rang bzhin yi ge 'phreng ba'i 'khor lo zhes bya ba 'di/__de bzhin gshegs pa nyid kyi sku dang gsung dang thugs rdo rje las phyung ngo*/__/gnyis pa la gsum/__yi ge 'khor lo'i rang bzhin spyir bstan pa/__lha dang sbyar te bye brag so sor bshad pa/__de gnyis ka'i don bsdu ba'o/__/dang po la gsum/__yi ge ji ltar bsgom pa'i tshul/__yi ge'i sprin ji ltar spros pa'i tshul/__yi ge'i rang bzhin ji ltar bshad pa'i tshul lo/__dang po la gnyis/__sgom tshul dngos dang*/__de'i phan yon bstan pa'o/__/dang po la gsum/__bskyed pa'i rim pa dang sbyar te ji ltar sgom tshul/__rdzogs pa'i rim pa dang sbyar te ji ltar sgom tshul/__de'i las tshogs dang sbyar te ji ltar bsgom pa'i tshul lo/__/dang po ni/__skyabs 'gro dang sems bskyed pa dang stong pa nyid du bsam pa'i ngang las pad+ma dang zla ba'i steng du aH__rab tu brtan zhing mi g.yo bar gyur pa'i rang bzhin dri ma med pa'i a dkar po dwangs shing 'tsher ba las/__nyung 'bru brgyar gshags pa'i tshad tsam gyi shin tu phra ba'i a dkar po grangs med pa rnams spro bas/__phyogs bcu yi 'jig rten gyi khams thams cad yongs su gang bar byas pa'i 'od zer gyis snang srid thams cad a'i rnam par gsal bar gyur nas/__de thams cad slar rtsa ba'i a nyid la bsdus shing thim par gyur kyang a de nyid sngon bas cher 'phel ba'am chung ngur 'grib pa med par brtan pa'i ngang la dar cig mnyam par bzhag go__/de nas rtsa ba'i a de las ming gi yi ge ka la sogs pa sum cu rtsa bzhi'i tshogs dang sgra'i yi ge dbyangs yig rnams phyogs bcur 'phros pa'i 'od kyis sems can thams cad yi ge'i rnam par gsal cing 'od zer gyi phung po gcig tu 'bar bar gyur pa kun/__slar 'dus a la thim yang 'phros pa la sogs pa'i spro zhing bsdu ba'ang snga ma de kho na bzhin no/__/de nas slar yang pad+ma'i dbus su nyi ma dang zla ba'i steng na a dang k+ShaHyi mthar rim pa bzhin sa bon rnams bkod pa lhar bskyed pa'o/__/de ni bskyed pa'i rim pa rgyu'i yi ge'i sprin no/__/gnyis pa ni/__rang nyid lhar gsal ba'i thugs kar pad zla'i steng na a rab tu brtan pa dkar po las a grangs med pa 'phros pas phyogs bcu'i 'jig rten thams cad gang nas sems can thams cad a'i rnam par gyur pa slar 'dus sny-ing ga'i a la thim pas 'phel 'grib med pa'i ngang la mnyam par bzhag go__/de nas yang mtha' skor gyi yi ge dang a las ming gi yi ge'i tshogs de kho na bzhin 'phros pa slar 'dus 'khor 'das gnyis su med pa'i chos nyid 'phel 'grib med pa'i ngang la mnyam par bzhag go__/de ni rdzogs pa'i rim pa'i yi ge sprin no/__/gsum pa ni/__zhi ba dang rgyas pa dang dbang dang drag po la a dang ming gi yi ge rnam dkar po dang ser po dang dmar po dang mthing nag tu spros te/__nad gdon zhi ba dang*/__tshe dang bsod nams rgyas pa dang*/__bsgrub bya bkug cing dbang du bya ba dang*/__gdug pa can tshar bcad pa'i las byas nas mthar 'phel 'grib med pa'i ngang la mnyam par bzhag go__/rgyas par ni le'u lnga pa bzhin te de ni las sna tshogs bsgrub pa'i yi ge sbrin no/__/gnyis pa de'i phan yon bstan pa ni/__sgom tshul 'di ni sangs rgyas thams cad kyi sku gsung thugs yon tan phrin las rdo rje kun tu bzang po'i dngos grub phun sum tshogs pa thams cad kyi rang bzhin ji ltar 'dod pa thams cad brtan par 'byung ba'i ye shes kyi rgyu yin no/__/gnyis pa yi ge sprin ji ltar spros pa'i tshul la gnyis/__yi ge spros pa dang*/__ngo mtshar gyi ltas khyad par can snang ba'o/__/dang po ni/__aHyi ge rnams kyi 'byung gnas te 'phro gzhi yin pas khongs nas 'byung ba'i rang bzhin du 'phros te/__dper na 'byung ba las gyur pa'i gzugs thams cad 'byung ba chen po'i rnam par skye ba bzhin yi ge thams cad kyang a'i rnam par skye ste ngag gi gzhi ma ni aH'o/__de yang ngag gi 'du byed kyi dbang gis a de nyid bkugs pa ni i/__smad pa ni u ste rtsa ba gsum mo/__de las a dang e sbyar bas e/__a dang u sbyar bas o/__bsgrims pas r-i/__glod pas l-i/__de re re la'ang ring thung gi dbye bas sgra'i yi ge bcu bzhi dang*/__sna dang ldan pa aM/__rnam par bcad pa aHste bcu drug tu 'gyur ro/__/de'ang a'i sgra de nyid mgul pa'i gnas dang 'phrad pa las ka__/de nyid cung zad zhum zhing spyi bo'i gnas dang 'phrad pa las kha/__de nyid cung zad zhum pa las ga__/de khog sbubs kyi gnas dang phrad pa las g+ha/__de sna dang phrad pa las nga ste sangs rgyas kyi mgur gyi bum pa las 'thon pa'o/__/tsa tsha dza dz+ha nya/__rnams ni a de nyid rkan gyi dbus dang lce'i dkyil phrad pa las byung bas ljags las byung ba'o/__Ta Tha Da D+ha Na/__rnams ni a de nyid lce'i rtse mor nye ba rkan gyi mthar phrad pa las byung bas ljags kyi rtse mo las 'thon to/__ta tha da d+ha na/__rnams ni a de nyid lce'i rtse mo dang so 'phrad pa las byung bas ljags kyi rtse mo dang tshems las 'thon to/__pa pha ba b+ha ma/__rnams ni a de nyid mchu dang 'phrad pa las byung bas mchu las 'thon to/__/de dag gi nang tshan gyi bye brag ni ka la sogs pa bzhin no/__/ya ra la wa/__sha Sha sa ha/__k+ShaHste yi ge lhag ma dgu las ya dang sa rkan gyi sde/__wa ni mchu/__ra dang Sha spyi bo/__la dang sha ni so/__ha mgul ba/__k+Sha mgul ba dang spyi bo'i char gtogs pas de dag las byung yang*/__'phro tshul ni smin ma las ya/__ku skabs las wa/__sta zur las ra/__dpung pa las la/__thugs ka las sha__/phyag gi 'khor lo las ShaH__lte ba las sa/__zhabs kyi 'khor lo las ha/__gsang gnas las k+ShaHrnams 'thon to/__yang spyan gnyis las i I/__snyan gnyis las u U/__shangs gnyis las e ai/__dbu'i gtsug tor las o au rnams 'thon to/__/gnyis pa ni/__yi ge 'di dag sku gsung thugs las phyung bas/__'jig rten drug gi phyogs bcu mtha' yas pa thams cad du yi ge sprin gyi snang ba chen pos shar mtho na nub dma' nub mtho na shar dma' lho mtho na byang dma' byang mtho na lho dma' mtha' mtho na dbus dma' dbus mtho na mtha' dma' ba'i tshul gyis rnam par 'gyur ba rnam pa drug tu chung ngur g.yos pas snang ba thams cad gzugs brnyan gyi rang bzhin du dag par byas/__'bring du rab tu g.yos pas stong pa thams cad ye shes kyi rang bzhin du gsal bar byas/__chen po'i tshul gyis kun tu rab tu g.yos nas gnyis su med pa'i rang bzhin rdzogs pa chen po'i ngang du 'khor 'das kyi chos thams cad ming gi mtshan nyid btags pa tsam du gyur to/__/de nas de bzhin gshegs pa mchog tu dgyes nas ho zhes mnyam pa nyid kyi ngang du bzhad do/__/gsum pa yi ge'i rang bzhin ji ltar gsung ba'i tshul la drug ste/__yi ge gsung ba'i rgyu brjod pa/__skye ba med pa'i yi ge'i 'khor lor sangs rgyas kyi dgongs pa thams cad 'dus pas chos kyi skur bstan pa yi ge bzhi bcu rtsa gnyis a'i rang bzhin du 'dus pas yi ge mngon rdzogs longs spyod rdzogs pa'i skur sangs rgyas par bstan pa/__yi ge nyid kun gyi 'byung gnas su gyur pas rol pa sna tshogs su 'char ba'i phyir sprul pa'i skur bstan pa/__de nyid du rgyal ba'i dgongs pa 'dus pas dkyil 'khor bzhi bcu rtsa lnga'i brjod tshul bstan pa/__sems nyid stong gnyis su med par yi ge'i sgra don bshad pa'o/__/dang po ni/__yi ge'i sprin spros pa de nas de bzhin gshegs pa thams cad kyis yi ge sprin gyi ched du brjod pa 'di brjod do/__gnyis pa ni/__yi ge a ni snang ba'i cha tsam ma dor bas stong pa dang dngos po dang mtshan ma med pas mi stong gi mtha' dang bral bas de gnyis kyi rang bzhin gnyis su med pa'o zhes pa'i dbu ma'ang dmigs su yod pa ma yin te ltos pa'i dbang gis bzhag pa'i snang ba dang stong pa'i rang bzhin las 'das pa'i phyir ro/__/de ltar chos thams cad ming tsam las smra bsam spros brjod kyi ngo bor ma grub pa ni sangs rgyas kun gyi dgongs pa ste/__de nyid yi ge 'phreng ba nyid kyi ngang la gnas pa yin no/__/gsum pa ni/__yi ge thams cad kyi 'byung khungs a nyid yi ge'i rnam pa sna tshogs par snang ba'i rang bzhin/__ka la sogs pa bzhi bcu rtsa gnyis su/__kA li dang A li'i sgra yi ming gis brjod pa thams cad bsdus pa ni/__ye nas mngon par rdzogs par byang chub pa'i rgyal po a skye ba med pa chos kyi skur sangs rgyas pas na a sangs rgyas pa bzhin du de'i ngang las 'phros pa'i yi ge bzhi bcu rtsa gnyis po de nyid kyang sangs rgyas par nges te ngo bo gcig gi rol pa yin pa'i phyir ro/__/don la a ni kun tu bzang mo'i dbyings so/__/yi ge bzhi bcu rtsa gnyis ni de'i ngang las 'phros pa'i sangs rgyas bzhi bcu rtsa gnyis so/__/de'i rang bzhin ni yi ge longs spyod rdzogs pa'i skur bstan pa yin no/__/bzhi pa ni/__ngo bo chos skur gnas pas e ma ho rang bzhin longs skur snang bas ngo mtshar thugs rje sprul skur shar bas ya mtshan pa'i don gyi/__yi ge sprin gyi 'khor lo rdzu 'phrul chen po bsam gyis mi khyab pa'i rang bzhin bzhi bcu rtsa gnyis kyi steng du mgo tsheg shad gsum bsnan pas/__bzhi bcu rtsa lnga'i tshegs rnams ni ming dang*/__de las theg pa'i chos sna tshogs pa'i don chen po smra zhing gzhan la ston pa'i rgyu'o/__rags pa'i dngos por grub pa med pa yi ge'i rang bzhin rang gi sems nyid 'od gsal ba ste/__gang zag dang chos kyi bdag med cing spros pa'i mtha' thams cad dang bral ba'i chos nyid ye gdod ma nyid nas dngos po dang mtshan ma'i chos su mi dmigs kyang*/__snang ba'i rang bzhin chu zla ltar gnyis su med pa'i tshul gyis sangs rgyas kyi sku dang sems gyi rtsa gnas 'khor lo rnams na yi ge de dag gi dbyibs a seng ge 'gyings pa lta bu dang ka ba dan rtsegs pa lta bu la sogs par gnas pa dang kha dog kyang A li rnams dmar po dang kA li rnams dkar po'i rang bzhin dang sangs rgyas kyi gnas skabs na yi ge'i sprin kha dog dang dbyibs dang ming dang tshig gi tshogs kyi/__rnam par 'phrul pa'i rol pa cir yang sprul cing 'gro ba'i skal ba dang mthun par chos ston par mdzad do/__lnga pa ni/__phyogs bcu dus bzhir snga phyi da ltar 'gro ba'i don la gshegs pa yi/__sangs rgyas thams cad kyi gsang ba rang byung gi ye shes sems dpa'i sku'i dkyil 'khor ni sku'i sku sku'i gsung sku'i thugs/__re re la'ang yon tan dang phrin las gnyis bsnan nas lnga lngar phye bas bco lnga/__de bzhin du gsung dang*/__thugs la'ang bco lnga bco lnga ste rigs lnga'i dkyil 'khor bzhi bcu rtsa lnga po de nyid/__yi ge mgo nas 'jug k+Sha la thug gi bar du rdzogs pa'o/__drug pa la gsum/__sems nyid skye ba med pa yi ge'i don du bstan pa/__skye ba med pa nyid kyi ngang las yi ger snang bas yon tan lhun gyis grub tshul/__snang stong gnyis su med pa'i yi ge gang gis bris shing bkod pa'i tshul lo/__/dang po ni/__sems kyi rang bzhin 'od gsal ba de nyid rang bzhin lhun gyis grub pa'i yi ge ste/__yi ge de nyid la dngos po dang mtshan mar grub pa yod pa ma yin no/__/gnyis pa ni/__sems nyid dmigs su med pa don dam pa'i yi ge de nyid 'od gsal ba'i khams sna tshogs pa'i phyir/__rten byed pa'i sku yi 'khor lo chen po brda spros pa'i gsung gi 'khor lo chen po mnyam par 'jog pa thugs kyi 'khor lo chen po thams cad mkhyen pas yon tan gyi 'khor lo chen po/__thogs pa med pas phrin las gyi 'khor lo chen po ste/__sangs rgyas thams cad kyi sku gsung thugs mi zad pa rgyan gyi 'khor lo de ni yon tan phun sum tshogs pa ye nas lhun gyis grub pas ngo mtshar gyi mchog__/sku dang ye shes 'du 'bral med pa'i dgongs pa ya mtshan gyi cho 'phrul chen po rang la snang bar byed pas rab tu 'gugs pa'o/__/gsum pa ni/__de ltar snang ba'i yi ge de nyid sems nyid ye nas dag pa chos kyi dbyings 'gyur ba med pa'i ngang la ye shes lhun gyis grub pa bya rtsol med pa'i dbyings kyis ye nas bris pa ste/__gtan du 'pho 'gyur med pa'i chos nyid rang bzhin gyis 'od gsal ba la yi ge zhes bya ba'i don du btags pa ni gsar du byas pa'am byung ba ma yin pa de phyir lhun gyis grub pa'i yi ge sprin du gnas par brjod do/__/gnyis pa lha dang sbyar te bye brag so sor bshad pa la gsum ste/__yi ge gsum gyi don spyir bstan pa dang*/__yi ge bzhi bcu rtsa gnyis kyi don bye brag tu bshad pa dang*/__de dag gi don bsdu ba'o/__/dang po ni/__yi ge'i mgo ber ka ris ni thugs rdo rje mtshon byed glegs bam thams cad la 'jug pa'i sgor gyur pas ma nor ba'i lam yin te shing rta'i 'dren byed bzhin no/__/tig ni gsung rdo rje mtshon byed shes rab mtha' gnyis la mi gnas pa dngos po rnams ming du so sor grub cing smra ba'o/__/shad ni sku rdo rje thabs kyi cho 'phrul chen po yi ge rnams ma 'dres par tshig su gcod pa'o/__/gnyis pa la lnga/__dbyings rigs lnga yab yum dang bcas pa'i yi ge/__nang sems sgo ba dang bcas pa'i yi ge/__phyi sems sgom dang bcas pa'i yi ge/__ye shes thub pa dang bcas pa'i yi ge/__sgo skyong khro bo dang bcas pa'i yi ge bstan pa'o/__/dang po la gsum/__dbyings kun tu bzang mo'i yi ge/__rigs lnga yab kyi yi ge/__rigs lnga yum gyi yi ge'o/__/dang po ni/__a ni chos thams cad skye ba med pa'i de bzhin nyid kun tu bzang mo'i ngo bo nyid shes rab kyi pha rol tu phyin ma'o/__/gnyis pa ni/__Tha ni rnam par shes pa'i de bzhin nyid khong du chud pa'i sgo ste thabs snang ba'i sgyu ma sna tshogs su 'phrul pa'i ngo bo dbyings las ma skyes pas de bzhin nyid rnam par shes pa'i rdo rje thugs rnam snang gi sa bon nyid do/__/Ta ni gzugs kyi de bzhin nyid khong du chud pa'i thabs snang ba'i sgyu ma sna tshogs su 'phrul pa mi bskyod pa'i sa bon nyid do/__/Da ni tshor ba'i de bzhin nyid khong du chud pa'i thabs kyi sgyu ma sna tshogs su 'phrul pa yid bzhin rin chen 'byung ldan gyi sa bon nyid do/__/D+ha ni 'du shes kyi de bzhin nyid khong du chud pa'i thabs kyi sgyu ma sna tshogs su 'phrul pa 'od dpag med kyi sa bon rnam par dag pa nyid do/__/Na ni 'du byed kyi de bzhin nyid rtogs pa'i rang bzhin dus kun tu sgyu 'phrul don yod grub pa'i sa bon nyid do/__/gsum pa ni/__tha ni thabs dang shes rab gnyis su med pa nam mkha'i rang bzhin zung du 'brel ba'i dra ba mngon par rdzogs par byang chub pa nam mkha' dbyings kyi dbang phyug ma'i sa bon nyid do/__/ta ni shes rab kyi dra ba rab tu brtan pa sangs rgyas spyan gyi sa bon nyid do/__/da ni ye shes kyi dra ba 'od zer lham me ba gos dkar mo'i sa bon nyid do/__/d+ha ni chos nyid kyi dra ba 'khril ba mA ma kI'i sa bon nyid do/__/na ni de bzhin nyid kyi dra ba kun tu mdzes pa dam tshig sgrol ma'i sa bon du 'gyur ro/__/gnyis pa nang sems sgo ba dang bcas pa'i yi ge la gnyis/__rnam par shes pa'i sems dpa' bzhi dang thugs kyi sgo ba'i yi ge/__yul gyis sems ma bzhi dang sku'i sgo ba'i yi ge'o/__/dang po ni/__ka ni spyan gyi thugs mig gi rnam par shes pa dbyings su dag pa nyid kyi mchog sa'i snying po'i yi ge'o/__/kha ni snyan gyi thugs rna ba'i rnam par shes pa dbyings su dag pa nyid kyi mchog phyag na rdo rje'o/__/ga ni shangs kyi thugs sna'i rnam par shes pa dbyings su dag pa nyid kyi mchog nam mkha'i snying po'o/__/g+ha ni ljags kyi thugs lce'i rnam par shes pa dbyings su dag pa nyid kyi mchog spyan ras gzigs so/__/nga ni dbang shes de dag gi 'dzin pa thugs kyang 'jig par byed pa dang sgo gsum gyi zhen pa dag pa'i sgo ba gshin rje gshed yin pa'o/__/gnyis pa ni/__tsa ni spyan gyi sku yi mchog gzugs rnam par dag pa rdo rje sgeg pa ma'o/__/tsha ni snyan gyi sku yi mchog sgra rnam par dag pa glu ma'o/__dza ni shangs kyi sku yi mchog dri rnam par dag pa phreng ba ma'o/__/dz+ha ni ljags kyi sku yi mchog ro rnam par dag pa gar ma'o/__/nya ni sku yang 'jig par byed pa yul rnams dang sgo gsum la zhen byed du 'dzin pa dag pa'i sku'i sgo ba stobs po che bstan pa'o/__/gsum pa phyi sems sgo ba dang bcas pa'i yi ge la gnyis/__dbang po'i sems dpa' bzhi sgo ba dang bcas pa/__/dus kyi sems ma bzhi sgo ma dang bcas pa'o/__/dang po ni/__pa ni spyan gyi gsung gi mchog mig gi dbang po gnas su dag pa byams pa'i yi ge'o/__pha ni snyan gyi gsung gi mchog rna ba'i dbang po gnas su dag pa sgrib pa rnam par sel ba'o/__/ba ni shangs kyi gsung gi mchog sna'i dbang po gnas su dag pa kun tu bzang po'o/__/b+ha ni ljags kyi gsung gi mchog lce'i dbang po gnas su dag pa 'jam dbyangs so/__ma ni gsung yang 'jig par byed pa de dag la bdag tu 'dzin pa dang sgo gsum gyi zhen yul dag pa rta mgrin no/__/gnyis pa ni/__ya ni 'das pa'i chos rnams skye ba rnam par dag pa'i chos nyid bdug spos ma'o/__/wa ni da ltar gnas pa rnam par dag pa'i chos nyid me tog ma yin no/__ra ni ma 'ongs pa na 'jig pa rnam par dag pa ste chos nyid snang gsal ma'o/__/la ni dus bzhi mnyam pa nyid kyi ye shes su rang snang ba'i stong pa rnam par dag pa'i chos nyid dri chab ma'o/__sha ni rtag pa rnam par dag pa ste lcags kyu ma'o/__/Sha ni chad pa rnam par dag pas yod pa ma yin pa zhags pa ma'o/__/sa ni chos thams cad rtag chad kyi mtha' dang bral zhing bdag med pa lcags sgrog ma'o/__ha ni dngos po dang mtshan ma med pa nyid kyi phyir dril bu ma'o/__/bzhi pa ye shes thub drug dang bcas pa'i yi ge ni/__k+Sha ni chos nyid zad pa'i sgo ste rang snang gi ye shes rnam par dag pa thugs kyi thugs te kun bzang po yab kyi yi ge'o/__/a ni 'jig rten gyi khams rgya mtsho'i rdul phra ba snyed kyi lha yi 'jig rten rnams yongs su 'dul ba'i lha'i thub pa dang*/__de bzhin du thams cad la sbyar te I ni rdul snyed lha ma yin rnams la lha min gyi thub pa dang*/__u ni rdul snyed mi rnams su mi'i thub pa dang*/__U ni rdul snyed byol song rnams la byol song gi thub pa dang*/__e ni rdul snyed yi dwags rnams su yi dwags kyi thub pa dang*/__ai ni rdul snyed dmyal ba rnams su dmyal ba'i thub pas 'dul ba'i yi ge'o/__/lnga pa sgo skyong khro bo dang bcas pa'i yi ge ni/__o ni mtshan ma thams cad dang sgo gsum gyi spros pa mtha' dag 'jig par byed cing cho 'phrul chen por ston pa/__bdud rtsi 'khyil pa'o/__o ni gzung 'dzin thams cad zhig pa yin te/__/zhi ba'i gdangs ye shes lnga'i rang bzhin khro bor snang ba'o/__/de'ang b+hin+nu chos kyi dbyings kyi ye shes/__zla tshes me long lta bu'i ye shes/__khog pa mnyam pa nyid kyi ye shes/__nA da so sor rtogs pa'i ye shes/__rang bzhin bya ba grub pa'i ye shes so/__khro bo'i dkyil 'khor ni bud+d+ha he ru kA'i sa bon A+oM ye shes lnga ldan las 'phros pa yin no/__/gsum pa de dag gi don bsdu pa ni/__de ltar lhun gyis grub pa'i rang bzhin yi ge 'khor lo tshogs chen gyi sprin 'dis/__sangs rgyas thams cad kyi sku gsungs thugs ye shes kyi 'phreng ba thams cad bsdus so/__/zhes de bzhin gshegs pa nyid kyis ched du brjod do/__de ltar yi ge'i sprin de nyid sku dang ye shes 'du 'bral med pa'i ngo bor ye nas gnas pa la ngo mtshar ba'i tshul gyis/__a ho zhes bzhad pa'o/__/gsum pa de gnyis ka'i don bsdu ba la gnyis/__tshul ji ltar byung ba dang*/__don bsdu ba dngos so/__/dang po ni/__yi ge rgyas par bshad pa de nas rang snang ba'i de bzhin gshegs pa btsun mo'i tshogs dang rang bzhin gnyis su med pa'i dkyil 'khor de dag nyid kyi snying po yi ge sprin gyi gsang ba 'di nyid/__de bzhin gshegs pa thams cad kyi sku dang gsung dang thugs dang yon tan dang phrin las rdo rje las phyung ngo*/__gnyis pa ni/__gnyis su med pa'i rang bzhin la bsngags pa'i phyir a ho zhes bzhag nas/__thabs rang byung gi thugs rje chen po dang shes rab mtha' gnyis las 'das pa'i rang bzhin gyi ngang las ston pa nyid lhag pa'i ye shes gdul bya'i don la rab tu dgyes nas thugs rje'i sprin phung byang chub kyi sems phun sum tshogs pa'i rgyu mi zad pa rgyan gyi 'khor lo/__ye nas mnga' ba'i 'bras bu rgyal ba bzhi bcu rtsa gnyis la sogs pa'i dkyil 'khor chen po smin pa las sprul pa'i sku 'phro bas 'gro ba'i don lhun gyis grub par 'byung ba'i rgyu ngo mtshar ba'i yi ge kA li la sogs pa ming tshogs bzhi bcu rtsa gnyis su snang ba de nyid/__rgyu rkyen gyis gsar du 'dus ma byas pa nyid kyi ngo bo lhun gyis grub pa'i chos ye nas gnas pa'i ngang las 'gro ba'i don du rang byung gi thugs rje snang bas 'dus byas pa ltar 'khor lo bkod pa ngo bo la 'pho 'gyur med pa'i don gyis gnyis su med pa'i rdo rje sku gsung thugs yon tan phrin las kyi dkyil 'khor lnga bcu rtsa lnga la sogs pa 'byin pa'i rang bzhin dkyil 'khor 'phrul cing snang bar byed pa'i dam tshig chen po las/__dus rtag tu 'da' bar mi mdzad cing yi ge 'khor lo las rang byung gi ye shes shar ba'i tshe rang snang gi dkyil 'khor dang 'gro ba 'dul ba'i dkyil 'khor phyogs bcur 'phro ba thams cad rang dbang med par 'char ba ni rgyu yi ge sprin dang rkyen ye shes dang gdul bya'i snang ba 'tshogs pa'i mthu chen po las snang ba yin no/__de la ngo mtshar bas/__ho zhes bzhad pa'o/__/de ni sangs rgyas las spros tshul ltar bshad pa'o/__/gzhan du na yi ge 'khor lo lus la gnas tshul dang lam sgom tshul ltar bshad pa gnyis las/__dang po ni/__lus can kun gyi lus la thabs dang shes rab thig le dkar dmar gnyis su med par dgyes pa'i sprin gyi khams byang chub sems kyi tshogs ni rgyu kun rdzob kyi rang bzhin snum dang sdong bu lta bur rtsa 'khor lo bzhi'i dbus dang 'dab ma la gnas pa'i dwangs ma mar me ltar 'od gsal ba nyid yi ge'i gzugs su snang ba ste/__de nyid 'bras bu rgyal ba smin cing grub par byed pas ngo mtshar ba'i ming tshogs bzhi bcu rtsa gnyis te/__rang bzhin ye nas gnas pas 'dus ma byas pa'i chos nyid 'od gsal ba'i ngang las lam goms par byed pa'i 'dus byas thabs la mkhas pa'i rang bzhin dang shes rab zung du 'brel ba'i rdo rjes sku dang ye shes kyi dkyil 'khor mngon du 'byin pa'i dam tshig chen po las 'da' bar mi mdzad pa ni gzhi'i yi ge nyid lam gyi rkyen gyis lha'i dkyil 'khor du gsal bar byed pa rten cing 'brel bar 'byung ba'i dbang gis rgyu rkyen tshogs pa'i nus mthu 'byung rung du gzhi la da lta nas yod pa ni ngo mtshar che ho zhes bstan pa'o/__/yang lam sgom tshul dang sbyar na gnyis las/__grol lam dang sbyar ba ni thabs byang chub tu sems bskyed pa dang shes rab de bzhin nyid kyi ting nge 'dzin dang dgyes sprin kun snang dang byang chub sems tshogs rgyu'i ting nge 'dzin rnams bsgoms nas/__yi ge sprin gyi 'khor lo sngar bstan pa bzhin bsgoms pas 'bras bu rgyal ba'i dkyil 'khor smin grub 'byung bas ngo mtshar gyi ming tshogs bzhi bcu rtsa gnyis kyis 'dus ma byas chos sku dang*/__'dus byas gzugs sku'i rdo rje gnyis su med pa'i dkyil 'khor dam pa 'byin pa'i dam tshig las 'das bar mi mdzad pa ni/__rten 'brel gyis dbang med rgyu rkyen tshogs pa'i mthu ste gzugs brnyan dang sgyu ma'i snang ba bzhin 'byung ba ni ngo mtshar che ho zhes pa'o/__thabs lam ltar na thabs yab kyi zla ba dang shes rab yum gyi nyi ma gnyis su med par 'dres pa'i dgyes sprin dga' ba bzhi'i ngo bo nyid ni khams byang chub kyi sems kyi tshogs 'khor lo bzhir bab pa las byung ba'i bde stong gnyis su med pa bsgom pa'i 'bras bu rgyal ba smin cing grub par byed pa ngo mtshar che ba ming tshogs bzhi bcu rtsa gnyis kyi ngo bo de yang 'dus ma byas pa'i ye shes bzhi po nyid bsrubs pa dang 'gengs pa dang 'grems pa la sogs pas 'dus byas pa'i dbang gis thabs shes gnyis su med pa'i rdo rje'i don du gnas pas dkyil 'khor dam pa sku lnga lhun gyis grub pa 'byin pa'i dam tshig las 'da' bar mi mdzad pa ni ye shes de bsgoms pas dbang med du 'byung ba rgyu rkyen yab yum gyi rten 'brel tshogs pa'i mthu chen pos grub pa yin te ngo mtshar che ho zhes pa'o/__/don de nyid ye shes kyi bdag nyid gnyis su med pa'i rdo rje gsang ba'i tshig tu'o/__/gsum pa skabs kyi don bsdu ba ni/__chos thams cad yi ge'i sprin du ye nas sangs rgyas pa'o zhes brjod pas/__rigs lnga'i dkyil 'khor rang snang ba'i de bzhin gshegs pa thams cad ngo bo rang bzhin gyis rnam par dag pas tha mi dad par yi ge'i 'khor lor gyur to/__ye nas gsang ba'i snying po yi ge phreng ba'i chos nyid de kho na nyid nges pa las lhun gyis grub pa yi ge 'phreng ba'i 'khor lo chen po bkod pa'i le'u ste bzhi pa'o/__/don gnyis pa de ltar sgrub pa'i rim pa la gsum ste/__don gyi'abrel dgod pa/__tshig gi don bshad pa/__skabs kyi don bsdu ba'o/__/dngapo ni/__sku gsung thugs kyi rang bzhin yi ge'i rol par bstan pa/__de nas yi ge 'khor lo'i sprin bkod pa las/__thabs dang shes rab gnyis su med pa'i sgyu 'phrul sgrub pa'i rim pa rnam par 'phro ba 'di ched du brjod do/__/gnyis pa la gsum/__gang sgrub pa dngos grub kyi rim pa/__gang gis bsgrubs pa yi ge'i sprin gyi rang bzhin/__ji ltar bsgrub pa'i thabs dngos so/__/dang po la bzhi/__ye nas dag pa'i sems nyid dngos grub kyi rtsa bar bstan pa/__de las grub pa mchog gi dngos grub/__de'i yan lag thun mong gi dngos grub/__de dag grub pa'i dpe'o/__/dang po ni/__gzhi dang rtsa ba med pa'i nams mkha' lta bu'i sems nyid ni/__'khor 'das kyi chos rnams kun gyi rtsa ba yin no/__/de'ang shel gong gcig las rkyen tha dad kyis me dang chu 'byung ba ltar gzung 'dzin byas ma byas dang rig ma rig gis sems nyid gcig la 'khor 'das su snang yang don la gnyis su yod pa ma yin no/__/de'i phyir ye nas dag pa'i sems nyid 'od gsal ba yi ge'i rang bzhin du ye nas shar te snang la rang bzhin med par yod do/__/yi ge'i rang bzhin gyi sems nyid ni rtogs na don gnyis 'byor bas brgyan pa'i char rgyun dngos su 'bab cing ma rtogs na yang 'dod dgu 'byung ba'i gzhir ye nas grub pas yid bzhin gyi nor bu rin chen gyi sprin yin no/__/gnyis pa ni/__sems nyid 'od gsal ba'i ngang nas rang byung lhun gyis grub pas sgyu 'phrul gyi dkyil 'khor yi ge'i gzugs su snang ba bzhi bcu rtsa gnyis kyi ngo bo/__/spros pa'i mtha' thams cad dang bral ba'i shes rab dra ba'i dkyil 'khor du ye nas mngon par rdzogs pa'i chos nyid du grub zin pas na/__de nyid ting nge 'dzin gyi rim pas nyams su blang ba'i tshe phyogs bcu dus bzhi'i sangs rgyas thams cad kyi rigs dang dgongs pa gcig tu rdzogs pa yi/__dkyil 'khor thams cad yongs su 'grub par 'gyur te dkyil 'khor gyi rtsa ba yi ge sprin nyid phyin ci ma log par nyams su blang ba'i phyir ro/__/gsum pa la gsum ye shes grub pa'i rtags su las bzhi lhun gyi grub pa'i dngos grub bstan pa/__phung po lnga gnas su dag pa'i rtags su 'byung ba lnga'i zad par grub pa'i tshul bshad pa rnam shes brgyad dbyings su dag pa'i rtags su grub pa brgyad ji ltar thob pa'i tshul brjod pa'o/__/dang po ni/__me long lta bu'i ye shes grub pa na dug thams cad kyang 'gro ba'i gsos sman gyi bdud rtsir 'gyur zhing 'byung ba dang*/__des bzhi brgya rtsa bzhi'i nad thams can sel zhing bde legs su byed do/__/mnyam pa nyid kyi ye shes grub pa'i tshe lha dang mi'i longs spyod las 'das pa nam mkha' mdzod kyi longs spyod lhun grub tu 'byung zhing re ba rdzogs pa dang*/__chos kyi dbyings kyi ye shes grub pa'i tshe ngan song gi 'gro ba rnams kyi rgyud sbyong zhing mtho ris kyi bde ba la 'god par byed do/__/so sor rtog pa dang bya ba grub pa'i ye shes grub pa'i tshe snang ba nyid mi snang bar byed cing mi snang ba'ang snang bar ston pa sogs ci yang gzhan du 'gyur ba'i cho 'phrul 'grub pa yin no/__/gnyis pa ni/__gzugs kyi phung po gnas su dag pas zad par sa'i ting nge 'dzin thob pa de'i tshe nam mkha' 'ang rdo rje'i sa gzhi ltar sra bar byin gyis brlabs pa na de ltar 'byung zhing*/__tshor ba'i phung po gnas su dag pa na me'i ting nge 'dzin la dbang thob pas lus la me 'bar nas sems can dmyal ba'i me yang 'tshig cing sdug bsngal las thar bar byed pa dang 'du shes kyi phung po gnas su dag pas chu'i ting nge 'dzin la dbang thob ste snang ba thams cad chur 'gyur zhing*/__sa la 'dzul ba dang thams cad chu klong gcig tu 'bab pa ston pa'ang me la bya ba de bzhin te gzhan gyi sdug bsngal sel bar byed pa yin no/__'du byed kyi phung po gnas su dag pas rlung gi ting nge 'dzin la mnga' brnyes pa'i tshe 'jig rten gyi khams 'di ni rdul phran du 'thor ba'i cho 'phrul 'gyed cing sems can la phan par mdzad pa dang rnam shes/__rnam par shes pa'i phung po gnas su dag pas nam mkha'i ting nge 'dzin thob pa'i tshe 'jig rten gyi khams thams cad stongs shing nyi ma dang zla ba yang sa la ltung bar 'gyur ba'i rdzu 'phrul mngon par 'du mdzad do/__/gsum pa ni/__kun gzhi'i rnam shes la sogs pa brgyad dag cing rig pa'i ye shes la dbang thob pa'i tshe sgrub bya rang gi mdun du dgug pa dang yul gzhan du btang ba bskrad pa dang chom rkun sogs bcing ba dang byad dang gdon las dgrol ba dang*/__dug la sogs pa gso ba dang dgra bgegs bsad pa dang pha rol gyi sde 'pham par byed pa rang rang gi sde rgyal ba'i las thams cad/__yi ge sprin gyi ting nge 'dzin 'di yis byed par 'gyur ro/__/bzhi pa de dag grub pa'i dpe ni ting nge 'dzin grub pa'i dngos grub de nyid gdod nas dag pa'i ye shes rang snang du shar ba'i cho 'phrul phyi rol du snang ba'i gzugs brnyan yin no/__/de'ang ming dang tshig gis mtshon pas yi ge A li dang kA li'i phreng ba so so'i gzugs tha dad dang kha dog dang 'od zer sogs las so so'i rjes su 'gro ba can goms pas ting nge 'dzin de'i 'bras bu yid la bsam pa bzhin gyis 'grub pa ni/__dper na mun pa la snang ba byung ba ji lta ba de bzhin du gang 'dod pa thams cad mthong ba dang*/__phyi nang gi dug rnams ma spangs par bdud rtsir 'gyur ba gser 'gyur gyi rtsi lta bu dang*/__mi 'dod pa rnams rang sar zhi ba gsos sman gyi tshul dang 'dra bar shes par bya'o/__gnyis pa gang gis bsgrub pa yi ge sprin gyi rang bzhin la gnyis te/__gang zag gang gis bsgrubs pa dang ngo bo gang sgrub pa'o/__dang po ni/__yul khyad par can gang la brten na thar pa'i lam ston pa rdo rje slob dpon dang dkyil 'khor gyi lha rnams mchod pa la brtson pa ni yi ge 'grub pa'i yan lag dang po'o/__/lha dang yi ge'i sgom pa'i mngon par rtogs pa gsal zhing ma yengs pa ni gnyis pa'o/__/rtsa ba dang yan lag gi dam tshig la gnas pa ni gsum pa'o/__/sngags bzlas pa'ang ha cang myur ba dang*/__bul ba dang chad pa dang lhag pa dang sgra che ba dang chung ba rnams spangs te dag pa ni bzhi pa dang phyag rgya la chos dang las deng dam tshig dang phyag rgya chen po rnams/__de dag gi yan lag ma nyams par don ji lta ba bzhin shes shing 'ching bar byed pa ni lnga pa'o/__/de dag gi yan lag tu bsgrub pa'i gnas dang dus dang yo byad dang ldan pas 'di nyid/__'grub par 'gyur zhing de dag dang mi ldan pa'i gang zag gis 'di bsgrub kyang don med cing brlag par yang 'gyur ro/__/gnyis pa ni/__'das pa dang ma 'ongs pa dang da lta ba'i dus gsum gyi rgyal bas thugs su chud pa'i/__dngos grub mchog gi snying po ni yi ge 'khor lo yin pas na/__de'i ngo bo rin po che ltar 'dod dgu lhun grub tu 'byung ba'i phyir zad pa'i dus med de yid bzhin gyi mdzod dam par gyur pa'i phyir ro/__/de'ang chos sku nam mkha' lta bu 'phel ba med cing longs sku 'ja' tshon lta bu 'grib pa med pa'i ngang nas sprul sku sna tshogs su 'phro ba'i rol par 'byung ba ste/__chos sku dngos po med pa'i ngang las gzugs sku gnyis kyi dngos po'i sprin las 'gro ba'i don du mdzad pa'i phrin las sna tshogs su rnam par 'byung zhing lhun gyis grub pa'i rol par 'gyur ba ni yi ge sprin gyi ngo bo yin no/__/gsum pa ji ltar bsgrub pa'i thabs dngos bstan pa la gsum ste/__ting nge 'dzin mdor bstan pa/__de'i rang bzhin rgyas par bshad pa mnyam par bzhag pa gcig tu don bsdu ba'o/__/dang po ni/__bskyed pa'i rim pa yi ge sprin du snang bas mtshon nas snang srid 'khor 'das kyi chos thams cad dngos por snang dus nyid na chos rnams kyi de kho na nyid ni dngos po med par ye nas rnam par dag pa'i rdzogs rim du shes par bya zhing bskyed rim snang la ngos bzung med pa'i ngang nas las dang mthun pa'i yi ge spro bsdu rtogs pa'i ting nge 'dzin la yang dang yang du rtsal sbyangs zhing rig pa la dbang bsgyur ba'i rol pa ni yi ge 'khor lo'i ting nge 'dzin yin no/__/gnyis pa la gnyis/__shes rab chos kyi sku stong pa nyid bsgom pa'i ting nge 'dzin dang*/__thabs gzugs kyi sku snang ba nyid bsgom pa'i ting nge 'dzin no/__/dang po la gnyis/__dmigs su med pa'i don la gdams tshul spyir bstan pa dang*/__gnyis su med pa'i ye shes bye brag tu bshad pa'o/__/dang po ni/__gang zag gang gis chos thams cad kyi rang bzhin dmigs pa dang ma mtshan ma med par mi shes pa/__de yis chos kyi dbyings spros pa dang bral ba'i gnas lugs mi shes pas rgyu mtshan de yi phyir sems la snang ba'i gzung yul dngos po sna tshogs rmi lam lta bu 'di dag gzhig cing dpyad na phyi nang gang du'ang grub pa med pa nam mkha' lta bur gnas pa dang de rtogs byed kyi shes pa kha dog dang dngos po med pa la brtags na phyi nang gang du'ang mi rnyed pas 'dzin pa ngo bo nyid med pa de'i tshe sems dang sems la snang ba las gzhan pa'i chos shig dmigs su med pas/__gzung 'dzin du zhen pa'i 'khrul rtog 'jigs pa'i tshul brtags pas chos thams cad kyi rang bzhin dmigs su med pa'i de kho na nyid shes par gyis shig__/gnyis pa ni/__ye nas gzhi dang rtsa ba med pa'i sems nyid nam mkha' lta bu ni/__dngos po dang*/__mtshan ma gang du'ang ma grub pas 'di la pho dang mo zhes gdags pa ma yin la ma ning zhes kyang dmigs su yod pa min zhing*/__mtshan med kyang ma yin la rgyal po la sogs pa'i rigs brgyud du gtogs pa min zhing*/__dkar po la sogs pa'i kha dog tu grub pa ma yin/__gru bzhi la sogs pa'i dbyibs su grub pa'ang ma yin/__sems nyid 'di sangs rgyas kyi zhing dang sems can gyi gnas su dmigs pa ma yin zhing mdor na gang yang min te 'phags pa ting nge 'dzin gyi rgyal po las/__sems ni dmigs med bsam du yod ma yin/__/rang bzhin dag cing ngo bo nyid kyis stong*/__/ye nas bdag med chos nyid zab mo ste/__/nam mkha' bzhin du zab zhi spros dang bral/__zhes gsungs pa ltar ro/__/de lta bu'i sems nyid ni chos nyid de bzhin nyid kyi dbyings rnam par dag pa'i ye shes te thabs kyi phyag rgya thams cad dang shes rab zab mo kun gyi rgyu byed pas phun sum tshogs pa thams cad 'grub pa'i dbyings yin no/__/gnyis pa thabs gzugs snang bsgoms pa'i ting nge 'dzin la gnyis/__bskyed rdzogs lha'i ting nge 'dzin du bstan pa dang*/__snang srid kun tu bzang po'i phyag rgyar bshad pa'o/__/dang po ni/__rang gi sems nyid 'od gsal ba'i yi ge thabs kyi rangabazhin du snang ba las thabs byung 'od zer gyi rtse las yi ge 'thon pa dang de yang grangs med par 'phro bas thabs bsam yas shing dpag tu med pa'o/__/de yongs su gyur pa las don la tha dad pa gzhan du yod pa min pa las tha dad pa'i rnam pa snod gzhal yas khang dang bcud lha dang lha mo'i rol par bsgom zhing*/__de ltar bsgom pa'i dus na nang rang nyid lha dang yi ger snang ba'i 'phro 'du dang nang gi phyi rol gyi rnam pa sems kyis bskyed pa'i gzhal yas khang zhing khams dang*/__spro bsdu'i gzhi sangs rgyas dang sems can du blos bkod pa rnams kyi dkyil 'khor grangs med bsam yas su bsgom pa'i 'phro 'du yang rang snang gi ye shes bkod pa'i rol pa ni/__sems nyid gdod nas dag pas sangs rgyas pa'i rang bzhin gang la'ang 'jigs pa med pa gnas lugs don gyi kun tu bzang po'i phyag rgya'i mchog gis btab pa'i phyir ro/__/bskyed pa'i rim pa'ang rang bzhin med pa'i rdzogs rim du lhun gyis grub pas de'i ngang la mnyam par bzhag cing spros pa med pa'i don la gnas par bya'o/__/gnyis pa ni/__'od gsal ba'i sems nyid yi ger snang ba'i thabs las rang gi de kho na nyid yul sems su snang ba'i thabs byung zhing snang srid sna tshogs su snang ba'i thabs bsam yas su shar ba de dag kyang don tha dad du yod pa min pa la/__tha dad pa'i rnam pa sna tshogs su snang ba ni/__nang gi sems dang nang gi phyi rol dkar dmar sna tshogs su snang ba'i chos kyi dkyil 'khor bsam yas ye shes kyi rol par shar bas 'jigs med kun tu bzang po ye nas sangs rgyas pa'i phyag rgya'i mchog gis rgyas btab pa zhes bya'o/__/yang thabs yi ge 'khor lo las thabs byung 'phro 'du byed pa'i yi ge'i thabs bsam yas 'phro ba yang*/__sems las tha dad min pa la blos 'phro sa 'phro yul tha dad pa'i chos su byed cing nang rang gi sems dang nang gi phyi rol sems la snang ba'i chos thams cad yi ger gyur pa'i 'phro 'dus dbang bsgyur ba'i dkyil 'khor bsam yas ye shes kyi rol pa bsgom pa ni/__'jig med kun tu bzang po'i phyag rgya'i mchog yin no/__/zhes yi ge bsgom pa la'ang sbyar ro/__/gsum pa mnyam par bzhag pa gcig tu don bsdu ba ni/__de ltar yi ge phreng ba rtogs pa'i rnal 'byor pa gang gis glang chen chang gis myos pa dang 'dra ba'i sems las su mi rung ba bdag tu lta ba'i gnas la rten 'cha' zhing mtshan mar 'dzin pa'i chang gis myos pas 'khor bar rgyu shing sdug bsngal bar byed pa 'di nyid/__gnas lugs kyi don la zhi lhag zung 'brel gyi tshul du mnyam par bzhag pas dngos po dang mtshan mar 'dzin pa'i blo btul nas su/__bskyed rdzogs yan lag sngags dang phyag rgya rab tu brtan zhing gom par byas na/__dngos grub ya mtshan chen po kun tu bzang po nyid thob par 'gyur ro/__/gsum pa skabs kyi don bsdu ba ni/__chos thams cad kyi rang bzhin yi ge'i sprin du gnas so zhes brjod pas/__de bzhin gshegs pa kun tu bzang po nyid yi ge 'khor lo las dngos grub phun sum tshogs pa lhun grub tu 'byung ba'i gzigs mos mnyes par gyur to/__/yi ge sprin gyi 'khor lo gsang ba'i snying po dngos grub thams cad 'byung ba'i de kho na nyid nges pa las yi ge sgyu 'phrul drwa ba bsgrub pa'i ting nge 'dzin gyi rnam grangs bstan pa'i le'u ste lnga pa'o/__don gnyis pa ting nge 'dzin gyi dkyil 'khor bstan pa la gnyis te/__dbyings ting nge 'dzin gyi dkyil 'khor spyir bstan pa dang*/__de'i yan lag sngags dang phyag rgya'i dkyil 'khor bye brag tu bshad pa'o/__/dang po la gnyis/__dkyil 'khor spro ba'i rgyu brjod pa dang de las 'phros pa dkyil 'khor nyid bshad pa'o/__dang po ni/__yi ge sprin gyi dkyil 'khor bkod pa de nas rang snang gi de bzhin gshegs pa thams cad kyi rang bzhin gcig dang du ma med pa'i bdag nyid kun tu bzang po'i dkyil 'khor du snang ba thams cad kyis/__gdul bya'i 'jig rten drug gi phyogs bcu thams cad la rnam par gzigs nas/__de bzhin gshegs pa nyid kyi che ba'i dkyil 'khor dbyung bar bzhed nas/__ched du brjod pa 'di brjod do/__/gnyis pa la gsum/__gzhi rang bzhin lhun gyis grub pa'i dkyil 'khor spyir bstan pa/__lam ting nge 'dzin bsgom pa'i dkyil 'khor bye brag tu bshad pa/__'bras bu ye shes chen po'i dkyil 'khor du don bsdu ba'o/__/dang po ni/__phyi rol sa chu me rlung nang du gzugs tshor ba 'du shes 'du byed gsang bar gti mug nga rgyal 'dod chags phrag dog bzhi ni ye nas chos kyi dbyings mnyam pa nyid so sor rtogs pa bya ba grub pa'i ye shes su lhun gyis grub pas phyogs bzhi dang zhe sdang nam mkha' rnam shes gsum ni me long lta bu'i ye shes su gnas pas dbus zhes brtags te/__'byung ba lnga yum lnga dang phung po lnga yab lnga dang*/__dug lnga ye shes lnga'i ngo bor gnas pa'i dkyil 'khor bsam yas par snang srid 'khor 'das kyi chos thams cad ye nas rang snang du lhun gyis grub pa ni/__rdzogs pa chen po ste de nyid rtogs pa'i rnal 'byor pas/__'khor 'das kyi chos rnams kun spang blang dang dgag sgrub med par rang byung ye shes kyi dkyil 'khor chen por spyod cig pa'o/__/bla ma rong pas ni rdzogs pa chen po'i don rtogs pa'i rnal 'byor pas kun 'byung gi chos su grags pa thams cad lhun gyis grub pa'i dkyil 'khor chen por spyod cig ces gsungs/__gnyis pa la gnyis/__ting nge 'dzin gyi dkyil 'khor dngos dang*/__de'i grub pa 'bras bu'i dkyil 'khor ro/__/dang po la gnyis/__rten gzhal yas khang gi dkyil 'khor dang*/__brten pa lha'i dkyil 'khor ro/__/dang po la gsum/__gzhal yas khang dang*/__rgyan dang*/__gdan bshad pa'o/__/dang po ni/__ye shes bzhis ma rig pa gcod par mtshon pa'i 'khor lo rtsibs bzhi pa de nyid kyang spros pa dang bral ba'i ye shes su mtshon pa'i phyir mu khyud dkar po zlum po dang bcas shing*/__de'i phyi rol du tshad med pa bzhi'i mtshon byed gru chad bzhis brgyan pa ye shes la rgya chad dang phyogs ltung med par mtshon pa'i bar khyams phyogs kun tu 'khor ba dang*/__che ba'i yon tan rgyas pa'i rtags su gzhal yas khang de'i rnam pa kun tu gru bzhi pa rnam par thar pa bzhi mtshon pa'i sgo khyud dang ldan pa/__des mtshon te rnam par thar pa brgyad kyi rta babs brgyad dang ldan pa'o/__/gnyis pa ni/__byang chub phyogs kyi chos sum cu rtsa bdun la sogs pa mtshon pa'i phyir gdugs dang rgyal mtshan la sogs pa rol mo sna tshogs sprin phung bzhin du gtibs pa/__de mdzes par byed pa lha'i gnas kyi grangs dang mnyam pa'i so so'i gdan gyi dkyil 'khor bzhi bcu rtsa gnyis kyis brgyan pa'o/__gsum pa ni/__mi 'jigs pa bzhi la sogs pa'i mtshon byed du seng ge dang glang chen dang rta dang khyung dang*/__nam mkha' lding gi dbang po rnams kyis btegs pa'i khri chen po la/__shes rab nyi ma thabs zla ba skyon gyis ma gos pa pad+ma de dag las 'dod dgu 'byung bas rin po che zhes smos so/__de'ang rigs lnga la lnga brtsegs gdangs kyi kun bzang yab yum la bzhi brtsegs/__sems dpa' rnams la sum brtsegs/__thub pa drug la pad+ma'i gdan re re dang*/__sgo ba rnams la nyi ma re re rkyang par bshad do/__/gnyis pa brten pa lha'i dkyil 'khor la drug las dang po ji ltar 'byung ba'i tshul ni/__gdan de dag la kun bzang yab yum dang rigs lnga yab yum rnams ni rgyal po'i tshul te don gnyis lhun gyis grub pas rdzogs pa'i dkyil mo krung dang sems dpa' yab yum rnams blon po'i tshul gyis 'khor du bkod pas sems dpa'i dkyil krung gi tshul dang*/__sgo ba rnams ni dmag dpon gyi tshul du bgegs dang log 'dren tshar gcod pas zhal phyir gzigs shing gyad kyi dor thabs su bzhugs la thub pa rnams ni rang rang gi 'gro ba'i gtso bo'i gzugs su snang bas rgyal phran gyi rnam pas mi bzhugs par bzhengs pa'o/__/gnyis pa gnas gang du lha gang bzhugs pa ni/__dbus kyi 'khor lo de'i lte ba dang rtsibs bzhi la rnam snang la sogs pa rgyal po yab lnga dang rgyal mo yum lnga dang bcas pa'o/__/gtso bo'i g.yas shar lho nas gzung ste rtsibs mtshan bzhir mthong ba sa'i snying po dang thos pa phyag na rdo rje dang snom pa nam mkha'i snying po dang myong ba spyan ras gzigs dang btsun mo'i rang bzhin sgeg pa ma dang phreng ba ma dang glu ma dang gar ma'i tshogs su bcad pa'o/__/shar lho'i la sogs pa'i gru chad bzhi la ni mthong byed byams pa dang*/__thos byed sgrib pa rnam sel dang*/__snom byed kun tu bzang po dang myong byed 'jam dpal rnams/__btsun mo'i rang bzhin bdug pa ma dang me tog ma dang mar me ma dang dri chab ma'i tshogs dang bcas par gnas so/__/bar 'khyams la ni lha la sogs pa'i thub pa drug po rnams dang*/__gtso bo'i thugs ka'i mdun dang rgyab tu zhal phyogs pa'i tshul gyis byed pa po kun tu bzang po gdangs kyi 'char byed dang*/__bya ba mo kun tu bzang mo gdangs kyi 'char gzhi gnyis po dag ni gnas par bstan te de gnyis las dkyil 'khor kun 'char bar mtshon pa'i phyir ro/__/shar la sogs pa'i sgo khyud bzhi la bdud bzhi 'joms pa khro bo gshin rje gshed stobs po che rta mgrin bdud rtsi 'khyil pa bzhi ni/__btsun mo'i rang bzhin lcags kyu ma zhags pa ma lcags sgrog ma dril bu ma bzhi'i tshogs dang ldan par gar dgu'i rol pas gnas so/__/gsum pa phyag mtshan gang 'dzin pa ni/__thugs rnam par snang mdzad stong pa nyid dang snying rje gnyis su med pa'i brdar rtsa ba'i phyag g.yas kyi dang po rdo rje dang mi bskyod pas nyon mongs pa'i dra ba gcod cing chos kyi 'khor lo bskor ba'i brdar 'khor lo dang rin chen 'byung ldan 'gro ba'i re ba skong zhing yon tan lhun gyis grub pa'i brdar rin po che dang*/__'od dpag med 'dod chags dbyings su dag cing so sor rtog pas 'gro ba la dgongs pa'i brdar pad+ma dang don yod grub pa phrin las bzhis 'gro ba'i nyon mongs pa gcod pa'i brdar ral gri dang rtsa phyag g.yon rnams na dril bu 'od 'bar bas yum la 'khyud pa'o/__/gtso bo'i phyag mtshan ni rdo rje me long las/__rdo rje 'khor lo ral gri 'bar/__/dril bu pad+ma rin po che/__/rdo rje 'dzin pa'i rim pa'o/__/gzhan gang gnas su rdo rje shes/__/dang po thugs dang g.yon 'khyud pa'o/__/zhes gsungs pas mi bskyod pa la sogs pa bzhi yang shes par bya'o/__/yum rnams ni g.yas yab dang mthun zhing g.yon dril bu 'dzin pas yab la 'khyud pa'o/__de'ang yab rnams ni zhal gsum phyag drug pa dang*/__yum rnams ni zhal gcig phyag gnyis ma'o/__/sems dpa' rnams kyi phyag mtshan ut+pal klu shing la sogs mtshan/__ces pas 'jam dpal ni nyon mongs pa spangs pas ut+pal/__byams pa ni nyon mongs pa'i tsha gdung sel bas klu shing*/__sa'i snying po ye shes kyi myu gu bskrun pas rin po che'i myu gu/__phyag na rdo rjes sdug bsngal 'joms pas rdo rje/__nam mkha'i snying po nyon mongs pa'i rgyun gcod pas ral gri/__spyan ras gzigs nyes pa'i skyon gyis ma gos pas pad+ma/__sgrib pa rnam sel sems can la chos ston pas rin po che'i sgrom bu/__kun tu bzang po sems can gyi re ba skong bas rin po che'i snye ma'o/__/de dag gi yum rnams ni mdzes tshul du mnyes pa'i yo byad 'dzin par byed do/__/rdo rje sgeg mo ni gzugs thams cad de bzhin nyid kyi ngo bor ston pas rdo rje'i khu tshur dkur brten pa'am me long 'dzin pa/__phreng ba ma thabs dang shes rab mi 'bral bar mtshon pas rin po che'i phreng ba/__glu ma chos kyi sgra sgrogs pas pi waM/__gar ma gdul bya la dga' ba bskyed pas gar bsgyur ba'i phyag na rdo rje dril bu 'khrol ba'o/__/bdug spos ma ni tshul khrims kyi dris tshim par byed pas spos khang*/__me tog ma byang chub kyi yan lag mtshon pas me tog gi za ma tog__/mar me mas ma rig pa'i mun pa sel bas mar me/__dri chab mas bag chags kyi dri ma 'khru ba'i dri'i dung chos 'dzin pa'o/__/thub pa drug ni/__brgya byin lha rnams la chos kyi sdom bzhi ston pas pi waM/__thag bzang ris lha ma yin rnams 'thab rtsod kyis 'dul bas go mtshon/__shAkya thub pa mi rnams la dge bcu ston pa'i mkhar gsum dang lhung bzed/__seng ge rab brtan byol song glen lkugs kyi mdud pa 'grol bas po ti/__kha 'bar de ba yi dwags kyi bkres skom sel bas rin po che'i sgrom bu/__a wa glang mgo dmyal ba'i nyes dmigs ston pas me chu bsnams pa'o/__/kun tu bzang po yab yum ni dbyings chos kyi sku spros pa dang bral bar mtshon pas phyag mtshan med do/__/sgo ba bzhi ni 'chi bdag gi bdud 'joms pas gshin rje gshed thod dbyug__/phung po'i bdud 'joms pas stobs chen rdo rje/__nyon mongs pa'i bdud 'joms pas rta mgrin thod sbrul/__lha'i bu'i bdud 'joms pas bdud rtsi 'khyil pa rdo rje rgya gram 'dzin pa'o/__yum bzhi ni bsdu ba'i dngos po bzhi dang tshad med pa bzhi mtshon byed du lcags kyu zhags pa lcags sgrog dril bu rnams 'dzin pa'o/__bzhi pa sku mdog ji ltar snang ba ni rigs kyi sku mdog nyi shu rtsa lnga dang*/__sna tshogs kyi sku mdog bcu bdun las dang po/__thugs kyi rigs chos nyid mi 'gyur ba mtshon pa'i phyir rnam snang yab yum kun bzang yab yum lha ma yin gyi thub pa dang lnga ni mthing kha dang sku'i rigs rnams skyon gyis ma gos par mtshon pa'i phyir mi bskyod pa yab yum/__sa snying yab yum lha'i thub pa rnams dkar po dang yon tan gyi rigs rnams che ba'i yon tan mtshon pa'i phyir rin 'byung yab yum nam snying yab yum mi'i thub pa rnams ser po dang gsung gi rigs rnams thugs rjes 'gro ba la chags pa mtshon pa'i phyir 'od dpag med yab yum spyan ras gzigs yab yum yi dwags kyi thub pa rnams le brgan te dmar po dang phrin las kyi rigs rnams las sna tshogs kyis 'dul ba'i phyir don grub yab yum phyag rdor yab yum dud 'gro'i thub pa rnams ljang gu'o la sogs kyis bsdus pa sna tshogs pa'i mdog can ni phrin las dang yon tan du mas 'gro ba 'dul ba'i phyir byams pa yab yum dkar ser/__sgrib pa rnam sel yab yum dmar ser/__kun bzang yab yum dmar ljang*/__'jam dbyangs yab yum dkar ljang*/__gshin rje gshed yab yum smug nag__stobs chen yab yum ser nag__rta mgrin yab yum dmar nag__bdud rtsi 'khyil pa yab yum ljang nag__/dmyal ba'i thub pa dud kha'o/__/lnga pa tshul ji ltar bzhugs pa ni/__lha de dag kyang skye ba gnas su dag pas sku mnyen pa dang na ba gnas su dag pas sku skabs phyed cing rim par 'tshams pas lcug pa dang 'chi ba gnas su dag pas sku lhod por ma gyur pa 'khril bag chags shing rab tu ldem pa dang*/__rga ba gnas su dag pas sku 'jam zhing gzhon sha chags pa'i ngang tshul can no/__/de lnga ni ngo bo'i yon tan yin la/__rnam pa'i yon tan ni mtshan dpe'i mdzes pa'i sku dri ma med pas kha dog shin tu gsal ba dang zad par rdzogs pas sku bkrag rab tu 'tsher ba'i mdangs can dang brjid cing yid du 'ong ba'i sku lhun stug pa dang 'gro ba zil gyis gnon pa'i gzi brjid chen po dang ldan pa'o/__/drug pa 'od zer ji ltar 'phro ba ni/__sku de dag gi gnas chen po drug dang ba spu'i bu ga thams cad nas kyang 'od zer bye ba khrag khrig grangs med pa phyogs bcur 'phro bas 'od zer gyi tshogs chen po snang bar gyur pa'o/__/sgo ba yab yum ni bskal pa'i me dpung ltar 'bar ba'i klong na me'i 'phred bas phyogs bcur 'khyil ba ste rngam pa'i cha byad can no/__/de lta bu'i snang bas nam mkha'i dbyings kyi mtha' dbus med par khyab pa yi/__ting nge 'dzin gyi dkyil 'khor grangs dang tshad bsam yas shing rang bzhin lhun gyis grub par bsgoms pa ni chos kyi dbyings ltar rgya che zhing ye shes dam pa'i ngo bor gyur pa'o/__/gnyis pa de'i grub pa 'bras bu'i dkyil 'khor bshad pa la bzhi/__'bras bu sku'i 'char tshul/__de las phrin las mdzad tshul/__de las 'gro ba grol tshul/__ngo mtshar ltas kyi snang tshul lo/__dang po ni chos kyi sku yi rang bzhin phyag rgya chen po mchog gi dngos grub ni/__de bzhin nyid kyi dbyings las ma g.yos kyang sku gzhan gyi 'char gzhi byed pa'o/__de'i ngang nas sgrib gnyis bag chags dang bcas pa las yang dag par thar ba'i gzugs mtshan dang dpe byad phun sum tshogs pas brgyan pa'i longs spyod rdzogs pa'i sku dang*/__de'i thugs rje las 'gro ba ma lus pa 'dul ba'i phyir/__de dag gi bsam pa dang mthun par byas pa'i sku ni sna tshogs su ston par mdzad do/__gnyis pa la gnyis/__/dbyings las ma g.yos bzhin du phrin las snang ba'i dpe dang*/__gdul bya'i don du phrin las snang ba'i tshul lo/__dang po ni/__de ltar sprul pa sna tshogs gdul bya la ston pa nyid sgyu ma dang mig yor ltar snang dus nyid nas ngos bzung med pa'i tshul dang*/__tshul de nyid kyang chos kyi dbyings las g.yos pa med la/__/de ltar ma g.yos bzhin du 'gro ba'i snang ngor sprul pa'i sku sna tshogs pa'i rnam pa so sor snang ba/__de tshe rgyal po dang bram ze la sogs pa dang zhi ba dang khro bo la sogs pa rnam pa mi mthun pa'i sku sna tshogs pa dag__/gdul bya so so la rang rang gi ris dang 'dra bar snang ba ni/__chos sku de bzhin nyid kyi dbyings las ma g.yos kyang*/__'gro ba rang rang gi skal ba dang sngon gyi las 'phro'i dbang gis rang bzhin dang 'gro 'dul dang*/__sna tshogs sprul sku la sogs par so sor snang ba ste/__dper na me long gi ngos la byad ma 'phos kyang de'i rnam pa snang ba dang chu snod du nam mkha'i zla ba ma 'phos kyang chu zla snang ba bzhin no/__gnyis pa la bzhi las/__'gro drug phal la snang tshul ni/__lhun stug po bkod par sku gsum 'du 'bral med pa'i rang bzhin du sangs rgyas pa de yi tshe lha la sogs pa'i 'gro ba drug po thams cad la/__de dag gi rgyud kyi sdig pa spong ba'i gzugs brgya byin la sogs pa'i thub pa rnams su snang bar bstan nas sgrib pa sbyong ba la sogs pa'i chos ston to/__/gnyis pa nyan thos la snang tshul ni/__nyan thos kyi rigs can rnams la dgra bcom pa'i gzugs su bstan nas bden pa bzhi'i don rtogs pa la 'god par mdzad do/__/gsum pa rang rgyal la snang ba'i tshul ni/__rang rgyal gyi rigs can rnams la bse ru lta bu'i tshul gyis rten 'brel gyi chos brda'i sgo nas ston par mdzad pa'o/__/bzhi pa theg pa chen po la snang tshul ni/__de dag las gzhan yang theg pa mchog gi rigs can rnams la dbang po'i rim pa bzhin/__/sa bcu'i sems dpa' rnams la gnas dbang phyug chen po'i 'og min bla na med pa'i gnas gzugs kyi khams las khyad par du 'phags pa'i mchog tu/__ston pa nyid sku ni rnam par snang mdzad kyi tshul du bzhugs pa la/__sa bcu'i byang chub sems dpa'i 'khor rnams la/__sngar 'gro ba tha dad la snang ba'i sprul pa'i skus chos rnams tshig tu ston par snang ba de bzhin du longs sku'i ston pa nyid chos rnams gsung mchog gis mi smra ste/__sku snang ba'i ngo bo de yis theg pa mchog gi chos rnams 'khor gyi blo la mjal bar ston to/__/gsum pa de las 'gro ba grol tshul la gnyis/__rgyu lam gyi sgrib pa sbyang ba dang*/__'bras bu sku dang sa mchog thob tshul lo/__dang po la gnyis las/__dang po dpe ni/__gdong la me long bstan pa'i tshe rang gi byad snang ba'i tshul gyis dri ma mthong ba bzhin tu slar byad dngos kyi dri mas gos pa'i mdog ngan pa thams cad 'khru zhing sel ba ltar/__gnyis pa don ni/__sa bcu'i byang chub sems dpa'i 'khor gyis dpe de bzhin du ston pa longs spyod rdzogs pa'i sku la bltas pa na/__byang chub la sgrib pa yi dri ma che 'bring phra rag dang bcas pa gting dpag dka' zhing tshad med pa rnams me long nang du dri ma snang ba bzhin du sku la snang ngo*/__/de nas dri ma dag stobs kyis sa bcu rim gyis 'byang zhing*/__bla na med pa'i byang chub yang dag par thob bo/__/gnyis pa la gsum/__lhun stug po bkod par sku dang ye shes rdzogs tshul spyir bstan pa/__de la sa'i rdzogs tshul bye brag tu bshad pa/__sku lnga lhun gyis grub tshul du don bsdu ba'o/__/dang po la gnyis las/__sku gsum 'du 'bral med pa'i thob tshul ni/__dbyings dang ye shes gnyis su med pa'i rang bzhin chos kyi sku ni blos dpag tu med c-ing tshig gis brjod du med pa'i ngo bo nyid do/__/de nyid kyi ngang las longs sku ni rtag tu lhun gyis grub par bzhugs pas zad pa med pa'i yid bzhin gyi nor bu rin po che'i gter du bzhugs so de'i ngang las gdul bya'i don du sprul pa'i sku bye ba khrag khrig dpag tu med cing bsam gyis mi khyab pa 'phro bar byed do/__/gnyis pa rang snang lhun grub chen por bzhugs tshul ni/__de ltar snang ba'i longs sku de yang mtshan dang dpe byad thams cad rdzogs shing*/__dus bzhi mnyam pa nyid kyi ye shes rang snang ba'i spyod yul kun tu sku dang ye shes kyi maN+Dal ste dkyil 'khor du snang bas nyid las bzang ngan med pa'i rang bzhin du lhun gyis grub cing phun sum tshogs pa thams cad rang snang ba'i bsod nams kyi tshogs dang*/__gang du'ang 'dzin pa mi mnga' ba'i ye shes kyi tshogs te tshogs chen gnyis kyang rang snang de nyid du lhun gyis rdzogs par rol pa'o/__/gnyis pa sa'i rdzogs tshul ni/__thabs sprul pa sku'i sa kun tu 'od dang shes rab rang snang dag pa longs spyod rdzogs pa pad+ma can gyi sa dang gnyis su med pa sa yi mchog__/'khor lo tshogs chen chos kyi sku'i sa'o/__sa'i rnams grangs dang yon tan gyi chos de dag la sogs pa tshad med cing bsam yas kyi mchog rnams yongs su rdzogs pa'o/__/gsum pa sku lnga lhun gyis grub tshul du don bsdu ba ni/__de ltar sa de dag thob pa'i tshe sku lnga yang lhun grub tu thob pas na dang po chos kyi sku spros pa'i mtha' dang bral ba ni 'gyur ba med pa'i yongs grub ste skye shi med pa'i chos nyid g.yung drung gi sku'o/__/de'i ngang las longs skur shar ba'i byin rlabs las rang byung ba nyon mongs par gyur pa'i sems can kun gyi zhing du gang la gang 'tshams pa'i sprul skur gnas te don mdzad pa'o/__/sprul sku'i 'char gzhi de nyid yon tan gyi tshogs zad mi shes pa'i rang bzhin lhun stug po bkod pa'i longs spyod kun gyi gter du 'gyur ba'o/__/de ltar sku gsum du 'bral med pa'i rang bzhin ni gnyis su med pa'i rdo rje dang rig pa'i ye shes chen po 'dzin pa'i phyir mi 'gyur rdo rje'i sku'o/__/chos thams cad ye nas rdzogs pa chen por dbyer med cing mnyam pa'i rang bzhin du mngon par byang chub pa'i sku ni ji lta ba mkhyen pa'i ye shes dang*/__chos can thams cad ma 'dres par mkhyen pa'i ye shes ni ji snyed par mngon par byang chub pa'i sku'o/__/de dag kyang rigs lnga ye shes lnga'i sku ste g.yung drung gi sku ni de bzhin gshegs pa'i rigs me long lta bu'i ye shes kyi sku'o/__/longs spyod zad mi shes pa'i chos nyid rdo rje rig pa 'dzin pa'i sku ni rdo rje'i rigs te chos kyi dbyings kyi ye shes kyi sku'o/__/thams cad dbyer med mnyam pa'i sku ni rin chen rigs te mnyam nyid ye shes kyi sku'o/__/thams cad mkhyen pa'i ye shes kyi sku ni pad+ma'i rigs te so sor rtog pa'i ye shes kyi sku'o/__/nyon mongs kun gyi zhing du gnas pa ni sprul pa ste las kyi rigs bya ba grub pa'i ye shes kyi sku'o/__/sa thob pa de tshe sku lnga po kun kyang rdzogs par thob pa yin te/__'bras bu'i sa dang sku dang ye shes rnams chas dbye ba las snga phyi med do/__/bzhi pa ngo mtshar ltas kyi snang tshul ni zhes brjod pas/__gdul bya'i 'jig rten drug gi phyogs bcu re re zhing grangs mtha' yas shing dbyings mu med pa thams cad du rnam par 'phrul pa'i dkyil 'khor bsam gyis mi khyab brjod kyis mi lang pa phyogs bcu'i sangs rgyas thams cad kyi zhing gi rdul phra rab kyi grangs ci snyed dang mnyam pa de snyed du gsal bar gyur to/__/gsum pa 'bras bu ye shes chen po'i dkyil 'khor gcig tu don bsdu ba la gnyis/__tshul ji ltar gsungs pa dang*/__ngo bo gang gsungs pa'o/__/dang po ni/__thams cad dkyil 'khor du gsal ba de nas rang snang ba'i de bzhin gshegs pa btsun mo'i tshogs dang rang bzhin gnyis su med pa'i dkyil 'khor de dag las de bzhin gshegs pa nyid kyi gsang ba 'di nyid sku dang gsung dang thugs dang yon tan dang phrin las rdo rje las phyung ngo*/__/gnyis pa ni ting nge 'dzin rang snang ba'i dkyil 'khor ngo mtshar ba'i rol pa dbyings las ma g.yos par bstan pa'i phyir a ho zhes bzhad pa'o/__/de'ang dmigs par bya ba'i yul chos rang bzhin gyis rnam par dag pa dang dmigs par byed pa'i blo glo bur kun brtags kyis rnam par dag pa dang*/__de gnyis ka'i ngo bo gnyis su med pa'i ye shes tsam du'ang mi dmigs pa ni don dam pa'i rang bzhin blos dpag tu med cing bsam gyis mi khyab pa gzhi rang bzhin gyi dkyil 'khor ro/__/ting nge 'dzin rnam pa gsum sngon du 'gro bas bskyed pa lha'i rang bzhin chu'i zla ba ltar bsgom pa'i ye shes rang rig pa'i dkyil 'khor rnam pa sna tshogs brjod kyis mi lang ba bsgoms pa'i rjes la/__'khor ba'i rang bzhin chos nyid du mnyam pa nyid dang mya ngan las 'das pa dmigs pa nye bar zhi bas mi mnyam pa'i ngo bo kun la ye nas dag pa'i de bzhin nyid khyab bya khyab byed med pa'i rang bzhin chos nyid rdzogs pa chen pos khyab pa'i dbyings de bzhin nyid bskyed rdzogs tsam du'ang 'dzin pa med par mnyam par bzhag pa ni/__lam bskyed rdzogs bsgrub pa'i dkyil 'khor ro/__/de ltar nyams su blangs pa'i mthar 'bras bu gzhi thog tu phyin pa de'i tshe ye nas snang la kun tu 'od gsal ba'i longs sku 'gag pa med pa'i ngang las sna tshogs sprul pa sku'i dkyil 'khor rnam par spros nas 'gro ba'i don gnyis lhun gyis grub par mdzad do/__/de ltar snang ba nyid nas rang bzhin spros pa med pa ni chos kyi sku ste/__nam mkha' lta bu'i chos nyid ngo mtshar bar bstan pas ho/__zhes rdo rje gsang ba'i tshig tu'o/__/de bzhin du gzhi lam 'bras bu re re zhing yang gnas te dmigs bya yul dmigs byed blo de gnyis ka'i rang bzhin ye nas dmigs pa med pa'i sems nyid dpag tu med cing bsam gyis mi khyab pa'i 'od gsal gyi ngang nas/__ye shes rang rig gi dkyil 'khor sna tshogs brjod kyis mi lang ba ye nas gnas pa de yang chos nyid mnyam pa dang chos can tha dad mi mnyam pa kun la khyab pa'i rang bzhin mnyam pa nyid ni khyab pa chen po'i dbyings te/__ye nas kun gsal gyi dkyil 'khor lhun grub chen po 'gro ba kun la 'phro yang spros pa med pa'i rang bzhin ngo mtshar ro/__zhes so/__lam ltar na dmigs bya ting nge 'dzin/__dmigs byed rang gi blo de gnyis ka'i ngo bo mi dmigs pa de bzhin nyid kyi ting nge 'dzin dang*/__kun snang gi ting nge 'dzin snying rje tshad med pa dang*/__rgyu'i ting nge 'dzin snying rje'i ngang las sems nyid bsam gyis mi khyab pa yi ge'i rang bzhin a la sogs pa'i ngo bo las ye shes rang rig gi dkyil 'khor sna tshogs brjod kyis mi lang pa bsgoms nas/__de thams cad sems nyid du mnyam pas stong pa dang rnam tha dad pa bskyed pas mi mnyam par snang ba dang de nyid kyi ngo bo ma skyes pas kun khyab khyab med khyab pa'i dbyings*/__ye nas kun gsal gyi ngang nas/__dkyil 'khor gyi spro bsdu mang po rnam par 'phro yang don la spros pa med pa'i ngang du shes pa'o/__/'bras bu ltar na dbyings dmigs bya dmigs byed dmigs pa med cing dpag med bsam gyis mi khyab pa chos sku'i ngang las/__rang snang ye shes rig pa'i dkyil 'khor sna tshogs brjod kyis mi lang bar gsal ba rnams kyi ngo bor mnyam pa nyid dang*/__bkod pa dang rnam pa mi mnyam pa kun la khyab pa'i chos nyid khyab bya khyab byed khyab pa med pa'i dbyings ye nas kun gsal longs spyod rdzogs pa sku las/__sprul sku'i dkyil 'khor 'phro yang chu zla ltar ma 'phos par dbyings de nyid la spros pa med pas sku gsum 'du 'bral med pa'i chos nyid ngo mtshar bar bstan pa'o/__/ting nge 'dzin gsang ba'i snying po rang snang ba'i de kho na nyid nges pa las rang bzhin ting nge 'dzin gyi dkyil 'khor spros pa'i le'u ste drug pa'o//__//don gnyis pa de'i yan lag sngags dang phyag rgya'i dkyil 'khor bye brag tu bshad pa la gnyis te/__gsung gsang sngags kyi dkyil 'khor dang*/__sku phyag rgya'i dkyil 'khor bye brag tu bshad pa'o/__/dang po la gsum/__gsung gi dkyil 'khor 'byung ba'i rgyu brjod pa/__gsang sngags kyi dkyil 'khor dngos bstan pa/__rang bzhin gtan la dbab pa'o/__/dang po ni/__ting nge 'dzin gyi dkyil 'khor bstan pa de nas de'i yan lag sngags kyi dkyil 'khor bstan pa'i phyir de bzhin gshegs pa btsun mo'i tshogs dang bcas pa thams cad kyi sku dang gsung dang thugs rdo rje las gsang sngags 'di dag phyung ngo*/__/gnyis pa la gnyis/__dkyil 'khor bskyed pa'i sngags dang*/__dbang bskur ba'i sngags so/__/dang po la bzhi/__rten gzhal yas khang bskyed pa'i sngags/__brten pa lha bskyed pa'i sngags/__phrin las yongs su rdzogs pa'i sngags/__ngo mtshar gyi ltas ji ltar snang ba'i tshul lo/__/dang po ni/__b+h+rU~M zhes pa rnam snang dang*/__bum pa dang*/__gzhal yas khang dang*/__'khor lo dang*/__gtsug tor 'khor los bsgyur ba'i sa bon du gyur pa las 'dir gzhi tshad med pa ye shes kyi 'khor lo'i steng du gzhal yas khang bskyed pa'i sa bon dang*/__bi shwa sna tshogs te 'khor 'das kyi chos su snang ba thams cad/__bi shud+d+he rang bzhin gyis dag pa ste chos dbyings spros pa dang bral ba de nyid sangs rgyas kyi bzhugs gnas su bstan pas 'dir des mtshon byed gzhal yas khang ngo*/__/gnyis pa la drug las/__dang po rigs lnga yab yum gyi sngags la hU~M la sogs pa ni rgyu ma nor ba rtsa ba'i sngags te sa bon dang*/__gzhan rnams rang bzhin mtshon pa ngo bo'i sngags so/__/de las hU~M sa bon dang badz+ra rdo rje d+hr-ikra ni de 'dzin pas na mi bskyod pa'o/__/oM dzi na dzikra ni spros pa dang mi dge ba las rnam par rgyal bas rnam par snang mdzad do/__/swa rat+na d+hr-ikra ni 'gro ba la 'dod dgu sbyin pas rin chen 'byung ldan no/__oM a ro ligra ni gdul bya la rjes su chags pas 'od dpag med do/__ha pradz+nyA d+hr-ikra ni gdul bya'i don du shes rab sna tshogs 'chang bas don yod grub pa'o/__/muM d+hA twi shwa ri ni rang bzhin gyis dag pa dbyings kyi dbang phyug ma'o/__/lAM dA+e Sha ra ti ni sangs rgyas thams cad kyi blon mo ste sangs rgyas spyan ma'o/__/mAM mo ha ra ti ni sems can bdag gir byed pas mA ma kI'o/__/pyAM rA ga ra ti ni nyes pa'i dri mas ma gos pas gos dkar mo'o/__/tAM badz+ra ra ti ni sems can 'khor ba las sgrol bas sgrol ma'o/__/gnyis pa thugs kyi sems dpa'i yab yum gyi sngags la rtsa ba dang rang bzhin gyi sngags jar dang 'dra bas k+Shi hi rA dza yaHsa dang mig ltar sems can gyi don byed pas rgyal pa'o/__/trAM a gar+b+ha yaHdgos 'dod thams cad 'byung ba'i snying por gyur pa'o/__/hri ha hU~M pad+ma ba dA ma chags pa med cing gdul bya'i yid 'phrog pas pad+ma lta bu'i zhal mnga' pa'o/__/dz+riM ku ru parna hriHrdo rje lta bu'i sems can gyi don mdzad pa'o/__/hU~M lA s+ye sa ma ya s+t+waM ni sgeg pa'i nyams dang ldan pas sangs rgyas thams cad kyi dam tshig la nos shig pa'o/__traM mA l+ye sa ma ya hoHni gzugs dang ting nge 'dzin gyis sangs rgyas thams cad kyi dam tshig la gnas par bya'o/__/hri gI ti rA ga ra haM ni glu dbyangs snyan po lta bus sems can la rjes su chags pa ni nga yin no/__a nr-i ti rA ga yA mi ni gar bsgyur ba lta bu'i phrin las kyis sems can la rjes su chags par bya'o/__/gsum pa gsung gi sems dpa' yab yum gyi sngags ni/__mai d+ha ra ni swA hA/__byams pas sems can rjes su 'dzin pa'i gzhi tshugs shig pa'o/__thiMlha ni s+sa raM b+ha ya swA hA/__'thug pa'am sbyangs bar dka' ba'i sgrib pa sel ba'o/__/hUM sa rA dza ya swA hA/__'khor 'das gnyis la mi gnas pa'i rang bzhin kun tu bzang po'i rgyal po'o/__/muM shrI oM rA ga ya swA hA/__gnyis su mi gnas pa'i dpal sems can la rjes su chags pa'o/__dzad+hup+pe pra be shA tshul khrims kyi bdug spos gdul bya'i rgyud la 'jug ma pa'o/__/hU~M puSh+pe A be shA byang chub kyi me tog rgyas pa'i char gdul bya'i rgyud la 'bebs pa'o/__/paM di pa su khi nI ye shes kyi sgron mes ma rig pa'i mun pa sel ba'o/__hoHgan+d+he tsit+ta bdud rtsi'i rgyun gyis gdul bya'i rgyud tshims par byed pa'o/__/bzhi pa sgo ba yab yum gyi sngags ni hU~M bzhi sngar ltar sa bon dang*/__mjug gi phaT rnams ni gdug pa can 'thor ba'o/__hU~M ya mAn+ta kr-ita phaT 'chi bdag gshin rje'i gzugs 'dzin pa'o/__/hU~M big+han+ta kr-i ta phaT lha'i bu'i bdud mthar byed pa'o/__/hU~M pad+mAn+takr-i ta phaT 'khor ba'i 'dam gyis ma gos pa'o/__hU~M pradz+nyAn+ta kr-i ta phaT nyon mongs pa'i bdud 'joms pa'o/__oM ma hA badz+ra d+ha ra ma hA kro d+hi shwa rI dz+wa la nI hU~M phaT ni rdo rje gzung ma chen mo khro mo dbang phyug 'bar ma chen mo'o/__oM ma hA rat+na ni rin po che d+ha ro ma hA kro d+hA+e shwa rI dz+wa la nI hU~M phaT/__oM ma hA pad+ma ni skad sor bzhag d+ha ro ma hA kro d+he shA rI dz+wa la nI hU~M phaT/__oM ma hA karma ni phrin las d+ha ro ma hA kro d+he shwa rI dz+wa la nI hU~M phaT gzhan rnams gong ma dang 'dra'o/__/lnga pa kun tu bzang po yab yum gyi sngags la/__khams gsum sems can gyi rgyud dag pa ye shes gsum mtshon pa ni/__hU~M hU~M hU~M dang badz+ra tsit+ta hU~M ni sangs rgyas thams cad kyi thugs rdo rje'i rang bzhin can no/__/sgo gsum dang dug gsum skye ba med pa mtshon pa'i phyir/__a a a dang badz+rI b+ha dra sa man+ta aHni rdo rje kun tu bzang mo'i rang bzhin du dag pa'o/__/drug pa thub pa drug gi sngags la oM rnams sngags kyi tshogs byin gyis brlab pa ye shes lnga'i rang bzhin dang*/__mu ne rnams ni thub pa'o/__/sA hA rnams ni gzhi tshugs shig pa'o/__oM mu ne kr-iMswA hA lha min gyi snying po/__oM mu ni tru~M swA hA mi'i snying po/__oM mu ne sruM swA hA dud 'gro'i snying po/__oM mu ni praM swA hA yi dwags kyi snying po/__oM mu ni k+ShaM swA hA lha'i snying po/__oM mu ni ye swA hA dmyal ba'i snying po/__gnyis pa phrin las yongs su rdzogs pa'i sngags la gsum las/__dang po spyan drangs shing bstim pa'i sngags ni/__oM e h+ye hi b+ha ga wAn tshur byon tshur byon bcom ldan 'das/__ma hA kA ru Ni kA dri sh+ya hoH__thugs rje chen po dang ldan pa thugs rjes gzigs la/__sa ma ya s+t+wAM dam tshig la nos shig__dzaHhU~M baM hoHlcags kyus 'gugs/__zhags pas bcings/__lcags sgrogs gis bsdams/__dril bus dbang du byed pa'o/__/gnyis pa rig pa'i me tog dor ba'i sngags ni/__oM A+oM hU~M swA hA rigs lnga dang ye shes lnga'i rang bzhin no/__/ba ba ba ba ba/__dz+ra dz+ra dz+ra dz+ra dz+ra/__sa sa sa sa sa/__ma ma ma ma ma/__ya ya ya ya ya/__oM AHhU~M swA hA/__yi ge bkram pa 'di dag ni/__yi ge btu ba'i gzhi yin pas A+oM sa ma ya A+oM/__ni sku'i dam tshig gis skur bsgrub pa'o/__/AHbadz+ra sa ma ya AH__gsung gi dam tshig gis gsung du bsgrub pa'o/__hU~M badz+ra sa ma ya hU~M/__thugs kyi dam tshig gis thugs su bsgrub pa'o/__swA badz+ra sa ma ya swA/__yon tan gyi dam tshig gis yon tan tu bsgrub pa'o/__hA badz+ra sa ma ya hA/__phrin las kyi dam tshig gi phrin las su bsgrub pa'o/__gsum pa dngos grub kyi don du gsol ba gdab pa ni/__oM ye shes rgyal po zhes bcom ldan 'das la bos nas de bzhin gshegs pa thams cad kyi sku gsung thugs*/__yon tan phrin las rmad po che/__yi dngos grub/__de la dus da lta nyid du mnyam par sbyor bas/__lha'i sku gsung thugs phyag rgya chen por bdag sbyor cig__/oM badz+ra sa ma ya hU~M gis sku'i dam tshig dus la bab par bskul ba'o/__oM badz+ra sa ma ya s+t+waM gyis gsung gi dam tshig dus la bab par bskul ba'o/__/oM badz+ra sa ma ya hoHzhes pas thugs kyi dam tshig dus la bab par bskul ba'o/__/dzaHhU~M baM ho zhes gnyis su med par bsre zhing brtan par byed pa'o/__/bzhi pa ngo mtshar gyi ltas ji ltar snang ba'i tshul ni/__zhes brjod pas/__gsung gi dkyil 'khor 'di dag gis/__'jig rten drug gi phyogs bcu thams cad du sngags kyi sgra chen pos khyab par grags so/__/des sems can gyi rgyud kun smin par byas pas rab tu grags so/__/grol bar byas pas kun tu grags so/__/yang sku dang gsung dang thugs kyi gsang sngags kyi sgra dang*/__sgra las 'thon pa'i zer dang*/__zer kun tu 'phros pa'i snang ba chen po la yang shes par bya'o/__gnyis pa dbang bskur ba'i sngags la gnyis/__ji ltar gsung ba'i tshul dang*/__dbang bskur ba'i sngags dngos so/__/dang po ni/__bskyed pa'i sngags bstan pa de nas bcom ldan 'das yid byed pa po rdo rje kun tu bzang po dang*/__chos bya ba mo rdo rje kun tu bzang mo gnyis su med pa'i gsung gi dkyil 'khor la thim par mdzad do/__/de nas phyogs bcu dus bzhi'i de bzhin gshegs pa'i bdag nyid chen po kun tu bzang pos sangs rgyas thams cad kyi sku gsung thugs yon tan phrin las kyi bdag nyid dngos grub chen po'i ye shes dang gzi byin phun sum tshogs pa thams cad bsdu bar zhes bya ba gsang sngags kyi tshig 'di nyid ston pa yab yum gyi sku dang gsung thugs gnyis su med pa'i rdo rje thabs dang shes rab zung du 'brel ba'i sgyu 'phrul dra ba las rang shar du phyung ba'o/__/gnyis pa la gsum las/__dang po dri ma 'khrud pa ye shes lngas dbang bskur ba ni/__oM ma hA shu n+ya tA dz+nyA na badz+ra swa b+hA wa At+ma ko\u0f85haM ni stong pa nyid kyi ye shes chen po rdo rje'i ngo bo nyid kyi bdag nyid ni nga'o zhes pa'o/__/de bzhin du sbyar te oM ma hA A darar+Sha me long lta bu dz+nyA na badz+ra swa b+hA ba At+ma ko\u0f85haM/__oM ma hA pra t+ye be k+Sha NA so sor rtog pa dz+nyA na badz+ra swa b+ha ba At+ma ko\u0f85haM/__oM ma hA sa ma tA mnyam pa nyid dz+nyA na badz+ra swa b+ha ba At+ma ko\u0f85haM/__oM ma hA kr-i t+yanuSh+Tha na bya ba nan tan dz+nyA na badz+ra swa b+hA wa At+ma ko\u0f85haM/__de ltar dbang bskur ba'i don ni skabs 'dir rang rang gi rigs bdag gang yin pa tshon gang ba res dbu brgyan par bya ba yin no/__gnyis pa nus pa 'jug pa rigs lngas byin gyis brlabs pa'i sngags ni/__oM sarba tA tha ga tA ma hA kA yA badz+ra swA b+hA wa At+ma ko\u0f85haM/__ni de bzhin gshegs pa thams cad kyi sku rdo rje'i rang bzhin nga yin no/__/de bzhin du sbyar te/__oM sarba ta thA ga ta ma hA bA ka badz+ra gsung rdo rje swA b+hA ba at+ma ko\u0f85haM/__oM sarba ta thA ga ta ma ha tsit+ta badz+ra thugs rdo rje swa b+ha wa At+ma ko\u0f85haM/__oM sarba ta thA ga tA ma hA a nu rA ga Na badz+ra yon tan rdo rje swa b+hA ba At+ma ko\u0f85haM/__oM sarba ta tha ga ta ma hA pu dza badz+ra phrin las rdo rje swa b+hA ba At+ma ko\u0f85ha/__de dag gis lha thams cad kyi gnas lngar de bzhin gshegs pa lnga bskyed pa'o/__gsum pa de las byung ba'i byin gyis rlabs kyi snang tshul ni/__zhes brjod pas/__byin rlabs gdul bya'i lus ngag yid gsum la gnyis su med par thim par gyur/__des nyon mongs pa lnga ye shes lnga'i ngo bor gsal bar gyur/__des phung khams skye mched thams cad lha'i dkyil 'khor du 'od 'bar bar gyur to/__/gsum pa rang bzhin gtan la dbab pa la lnga/__gsung gi ngo bo brjod du med pa/__rang bzhin bsam gyis mi khyab pa/__gnas lugs gdod ma nas dag pa/__snang lugs mchog tu gyur pa/__yin lugs dbyings las ma g.yos pa'o/__/dang po ni/__de bzhin gshegs pa'i gsung gi gsang ba bsam gyis mi khyab pa'i don ni khyad par du 'phags pa'i phyir/__e ma ho ngo mtshar zhing ya mtshan rmad du byung ba nyid kyi chos ni/__yang dag par rdzogs pa'i sangs rgyas kun gyi gsung mi zad pa rgyan gyi 'khor lo dam pa'o/__/ji ltar ngo mtshar ba'i tshul ni gsung gi ngo bo de nyid brjod pa'i sgra dang chos kyi ming tshig kun las 'das/__bzhin du 'gro ba'i snang ba dang mthun par gsung dbyangs phun sum tshogs pa sna tshogs pa'i sgra skad tshad med pa rnams gsal bar 'byung bas ngo mtshar ba'o/__/gnyis pa ni/__sangs rgyas kyi gsung gcig dbyangs kyi yan lag drug cus brgyan pa'i dkyil 'khor de las kyang yan lag ni 'jig rten drug gis phyi bas rnam grangs bsam gyis mi khyab pa'i zhing khams kun tu khyab cing sems can so so'i sgra skad dang ming tshig so sor snang ba dang mthun par grags shing go bar mdzad do/__sgra skad de dag thams cad kyang gsung gi phyag rgya'i mchog brjod du med pa'i rang bzhin du 'dus par bstan to/__/gsum pa ni/__rgyud thams cadakyi mchog sgyu 'phrul dra ba le'u stong phrag brgya pa las/__'gro ba la phan bde dpag tu med pa dang ldan pa'i rgyu chos kyi sgra dbyangs yin pas gsungs gi don byung ba de'ang*/__chos thams cad gdod nas dri mas ma gos pa'i chos nyid pad+ma lta bu'i ngang du ye nas gyur pa na/__rnam par grol ba thar pa'i lam theg pa'i sgra skad dang 'dod chags la sogs pa'i dbang gis srid par sbyor ba 'khor ba'i sgra/__sna tshogs pa ji skad brjod pa thams cad kyang grags stong skye ba med pa'i chos nyid las ma 'das pas gsung gi mchog ste brjod du med pa'i rang bzhin ye nas dag pa'i ngo bo nyid do/__/de'ang thar lam theg pa mtho dman gyi sgra skad thams cad dang*/__phyin ci log ngan 'gro gsum la sogs pa sems can ma lus pa thams cadakyi sgra skad kyang*/__grags stong skye ba med pa'i ngo bo ye nas byang chub pa'i gnas lugs bzang ngan gnyis su med pa'i rdo rje sangs rgyas kyi gsung brjod du med par bsdus pa'o/__/bzhi pa ni/__gsung gi ngo bo brjod du med par bsdus pa de nyid kyi ngang las phyogs bcur sprul pa du mas chos kyi rnam grangs dpag tu med pa'i tshogs rnam par grags shing go bar mdzad do/__/chos kyi sgra grags pa de nyid ye nas ma chags pa'i ngang du gdul bya'i snang ba dang mthun par gsungs kyang*/__gsung pa nyid kyi dus na ngo bo brjod du med la/__brjod du med pa'i gnas lugs de nyid brjod pa sna tshogs pa'i sgra/__/gdul bya kun la mthun par grags shing don so sor mjal ba nyid/__dper na sgra'i dbyings brjod byed gcig de bzhin nyid sbrid sangs zhes pa la/__la la dug gis sbrid pa sangs par go__/la las 'dug stangs nyes pas sbrid pa sangs par go__/la las rigs sngags kyis sbrid pa las sangs par go ba la sogs pa bzhin du/__de bzhin gshegs pa'i gsung gcig gi sgra yis sems can so so'i bsam pa dang mthun pa'i chos so sor go ba/__de ni gsung mchog dam pa sgra skad du snang ba thams cadakyi rgyal po yin no/__/lnga pa la/__gsum las/__dang po theg pa so sor snang yang ngo bor gsung pa med par bstan pa ni/__theg pa mtho dman bsam yas par snang ba dag kyang*/__chos nyid de bzhin nyid las gzhan du ci yang ma gsungs te/__gdul bya'i snang ngor 'dul ba'i thabs la mkhas pas chos kyi rnam grangs su so sor thos pa de yang*/__theg pa lnga'i sgron ma rnams par bkod pa ji ltar bar de bzhin gshegs pa'i gsung rab yan lag bcu gnyis la sogs pa kun brjod pa ltar snang mod kyang*/__de bzhin nyid kyi gnas lugs kyis gzhal na sangs rgyas mthar thug chos kyi sku yin pas/__des chos kyi rnam grangs cung zad kyang gsungs pa med do/__/gnyis pa thugs rje'i ngang las gsung gi rdo rje 'gro ba la snang tshul ni/__brjod bya'i don yi ge med pa'i gnas lugs dang rjod byed kyi tshig tu snang ba bde bar gshegs pa'i rig pa'i gsung 'gro bas thos pa de yang ljags kyi rtse mor sgra tshig rang mtshan par ma phyung yang*/__rgyal ba'i thugs rje gsung rang byung gi byin rlabs kyis/__gdul ba'i 'gro ba la tshig don sna tshogs mos pa dang mthun par so sor gsal lo/__/gsum pa gsungs pa med kyang gsung bar snang ba'i dpe ni/__de ltar sangs rgyas kyi thugs rje dang sems can gyi mos pa las snang ba'i chos kyi tshig don gdul bya'i rna ba la gsal ba de nyid gdod nas ma skyes pas gsung gi rdo rje'i mchog dam pa yin la brjod pa med pa gdul bya la snang ba'i chos kyi de bzhin nyid gsung gi 'gro ba'i don 'byung ba rnams ni/__dbyings de bzhin nyid kyi ngang las ma g.yos kyang rang snang ba ste dper na brag ca'i sgra de skyes bu dang brag dang de'i bar gang na'ang med bzhin du rkyen gyi ji skad brjod pa'i rnam pa 'byung ba bzhin no/__/gsung gsang ba'i snying po brjod du med pa las mos pa dang mthun par snang ba 'byung ba'i de kho na nyid nges pa las gsung gi dkyil 'khor bsdus pa dang lha so so'i gsang sngags kyi rang bzhin bstan pa'i le'u ste bdun pa'o/__/don gnyis pa sku phyag rgya'i dkyil 'khor dgod pa la gnyis te/__dkyil 'khor spro ba'i tshul mdor bstan pa dang*/__de'i rang bzhin rgyas par bshad pa'o/__dang po ni/__gsung sngags kyi dkyil 'khor bstan pa de nas de bzhin gshegs pa thams cad kyis/__lus kyi yan lag mgo la sogs pa thams cad lha'i dkyil 'khor du rang bzhin lhun gyis grub par byin gyis rlobs pa zhes bya ba 'di ched du brjod do/__/gnyis pa la gsum/__gzhi lhun gyis grub pa phyag rgya'i dkyil 'khor spyir bstan pa/__lam mngon par sgrub bya'i phyag rgya'i dkyil 'khor bye brag tu bshad pa/__'bras bu ye shes mchog g-i phyag rgya'i dkyil 'khor du don bsdu ba'o/__/dang po ni/__phung po khams dang skye mched kyis bsdus pa snang srid 'khor 'das kyi chos thams cad sku dang ye shes 'du 'bral med pa sgyu 'phrul dra ba'i ngo bo ye nas mngon par rdzogs pa sangs rgyas pa'i bdag nyid me dang tsha ba ltar gnas pas chos thams cad kun tu bzang po byang chub mchog gi phyag rgya ye nas btab pa ste gnas lugs rang bzhin gyis rnam par dag pa de nyid la gsang ba'i snying po de kho na nyid nges pa yi rgyal po/__chos nyid 'gyur ba med pa'i snying po'i phyag rgya btab pa na rang bzhin mnyam rdzogs chen po de las mi 'da' zhing nam yang 'pho 'gyur med pa'i ngang las gzhan du 'da' dka'o/__/gnyis pa la gsum/__phyag rgya 'byung ba'i rgyu/__de las byung ba spyi'i phyag rgya/__de las 'phros pa lha so so'i phyag rgya'o/__/dang po ni spyir mgo ni de bzhin gshegs pa/__lag pa g.yas mi bskyod pa/__g.yon rin chen 'byung ldan/__rkang pa g.yon 'od dpag med/__g.yas don yod grub pa'i ngo bor brjod cing*/__nying lag gi sor mo'ang*/__gung mo rdo rje'i rigs/__mdzub mo de bzhin gshegs pa/__mthe bong rin po che/__srin lag pad+ma/__mthe'u chung las kyi rigs so/__/skabs 'dir rdo rje'i thal mo phyag rgya'i rgyu yin pas de nyid brjod pa ni/__lag pa g.yas mi bskyod pa'i sor mo lnga'i rtse la nyi ma'i dkyil 'khor sran zlum tsam lnga'i steng du hU~M A+oM swA AM hA ste thabs kyi yi ge lnga dang*/__g.yon rin chen 'byung ldan gyi sor mo lnga la zla ba'i dkyil 'khor sran ma'i gwa'u tsam lnga'i steng du muM lAM muM paM tAM ste shes rab yum gyi yi ge lnga bkod de/__lag pa g.yas kyi sor mo lnga dang g.yon gyi sor mo lnga gnyis zung du sbyar te so sor sprad pa las/__rdo rje'i thal mo sbyar bas lha so so'i phyag rgya 'byung ba'i rgyu yin no/__de yang rang nyid lhar sgom pa sgyu ma 'ja' tshon lta bu ni phyag rgya chen po'o/__/phyag gi sor mo la yig 'bru sgom pa ni chos kyi phyag rgya/__de las rdo rje la sogs pa'i phyag mtshan sgom pa ni dam tshig gi phyag rgya/__de las g.yas g.yon bsgyur ba dang 'khyud pa ni las kyi phyag rgya yin no/__gnyis pa ni/__g.yas kyi mdzub mo'i oM bsam pa de dang g.yon gyi gung mo'i muM bsam pa de gnyis rtse sbyar te/__lhag ma g.yas g.yon gyi hU~M dang lam swA dang maM AHdang pyaM ha dang taM te yi ge 'bru brgyad so sor bsnol nas rtse mo sprad pa ni/__rigs lnga'i rgyal ba kun dang ngo bo mnyam pa nyid du sbyor ba'i/__dngos grub bde ba chen po tshe 'di nyid la sbyin par byed pa'i phyag rgya'o/__gsum pa la lnga las/__dang po rigs lnga yab yum gyi phyag rgya las bdag nyid gtso bo'i skur bsgom pa phyag rgya chen po 'di'i ngang las g.yas rdo rje khu tshur gyi hU~M las gzhan pa'i yi ge 'bru bzhi nang du sbas nas gung mo bsgreng ba'i rgyab thugs kar bkan pa ni bcing pa dam tshigs g-i phyag rgya'o/__/gung mo hU~M gi ngo bo bsgreng ba'i rtse mor nyi ma'i dbus su hU~M bsam pa ni bsam pa chos kyi phyag rgya'o/__hU~M de nyid 'od du zhu ba las rdo rje rtse lnga pa 'od 'bar ba gcig tu gyur pa ni bsam pa dam tshig gi phyag rgya'o/__/lag pa rdo rje'i khu tshur du byas nas zla ba'i steng gi yi ge nang du brtul cing dpa' bo 'bru lnga sbas te rdo rje khu tshur gyis dril bu gsil zhing yum la 'khyud de 'khril ba'i tshul gyis yum gyi chos brla g.yon pa snang ba mtha' yas kyi steng du dril bu bzhag pas dku la brten pa ni yab kyi yum la mchod pa ste de nyid bca' ba las kyi phyag rgyar bshad do/__de nas phyag rgya g.yon phyogs su bkrol te phyag mtshan yum gyi thugs kar thim pas mnyes par bsams shing hU~M badz+ra d+h+rika brjod pa ni brjod pa chos kyi phyag rgya'o/__/yum gyi phyag rgya yang bdag rdo rje dbyings phyug mar sgom pa ni phyag rgya chen po'o/__/de'i ngang las g.yon rdo rje khu tshur gyi zla ba'i maM las gzhan pa'i yi ge 'bru bzhi nang du sbas nas gung mo thugs kar bkan pa ni dam tshig go__/gung mo nyid muM gyi sgras brjod pa sgreng ba'i rtse mor zla ba'i steng du muM las dril gsil 'bar bar bsam pa ni bsam pa dam tshig go__/phyag g.yas nyi ma la dpa' bo 'bru lnga yab kyi brla g.yas pa'i steng du bzhag pa ni las su 'khril ba ste 'khyud nas/__yum gyi dbu yab la cung zad btud de zhal 'dzum pa'i mdangs kyis yab kyi zhal la blta ba ni bca' ba las kyi phyag rgya'o/__/de nas phyag rgya g.yon phyogs su bkrol te muM d+hA tu shwa ri brjod nas phyag mtshan yab kyi thugs kar thim par bsam pa ni brjod pa chos kyi phyag rgya'o/__/de'ang don rtags ni ye shes lnga'i mtshon byed du rdo rje dang 'khor lo la sogs pa'o/__rnam pa de kho na bzhin gzhan rnams la'ang rgyas par sbyar ro/__/mi bskyod pa yab yum ni rang nyid der gsal ba'i ngang las g.yas rdo rje khur tshur gyi A+oM las gzhan pa'i yi ge 'bru bzhi nang du sbas nas mdzub mo bsgreng ba'i rgyab thugs kar bkan zhing*/__mdzub mo oM sgreng ba'i rtse mor 'od du zhu ba las 'khor lo 'od 'bar ba rtsibs bzhir bsam zhing*/__g.yon rdo rje khu tshur gyi zla ba'i steng gi yi ge nang du btul te dpa' mo 'bru lnga sbas pa'i rdo rje khu tshur gyis dril bu 'dzin pa gsil zhing yum la 'khyud cing 'khril ba'i tshul gyis brla g.yon pa'i steng du bzhag pa ni chos la brten pa'o/__g.yon pa'i yi ge 'bru bzhi nang du sbas nas mdzub mo'i rgyab thugs kar bkan te/__laM sgreng ba'i rtse mor laM zhu ba las dril bu gsil cing 'od 'bar ba thugs kar bkan la/__g.yas pa nyi ma la gnas pa'i yi ge 'bru lnga nang du bsdus nas lus su 'khril ba ste yab kyi brla g.yas pa'i steng du bzhag cing yab la cung zad zhal phyogs pas btud de 'dzum pa'i mdangs kyis blta ba'o/__rin chen 'byung ldan yab yum ni rang nyid der gsal ba'i yab kyi g.yas pa'i yi ge 'bru bzhi nang du sbas nas mthe bong thugs kar bkan zhing*/__swa sgreng ba'i rtse mor de zhu ba las rin chen 'od 'bar ba bsams la/__g.yon gyi zla ba la gnas pa'i yi ge brtul te 'bru lnga sbas pa'i rdo rje khur tshur gyis dril bu gsil ba 'dzin zhing yum la 'khyud nas gnyis su med par 'khril ba'i tshul gyis brla g.yon pa'i steng du bzhag pa ni chos la brten pa'o/__/g.yon pa'i yi ge 'bru bzhi nang du sbas nas mthe bong thugs kar bkan zhing*/__mthe bong maM sgreng ba'i rtse mor maM las dril gsil 'od 'bar ba bskyed de thugs kar bzung la/__g.yas kyi nyi ma la gnas pa'i ye ge 'bru lnga nang du bsdus nas yab kyi brla g.yas pa'i steng du bzhag pa ni las su 'khril ba'o/__/rnam 'gyur de nyid kyis yab la btud de 'dzum pa'i mdangs kyis blta ba ni yum gyi phyag rgya'o/__/'od dpag med yab yum ni/__der gsal ba'i ngang las yab kyi g.yas pa'i yi ge 'bru bzhi nang du sbas nas srin lag gi rgyab thugs kar bkan zhing*/__srin lag aM sgreng ba'i rtse mor aM zhu ba las pad+ma 'bar ba bsam te thugs kar phyag rgya bcas la g.yon gyi zla ba'i yi ge btul cing 'bru lnga nang du sbas pa'i khu tshur gyi dril bu gsil ba 'dzin zhing*/__yum la 'khril ba'i tshul gyis brla g.yon pa chos snang ba mtha' yas kyi steng du dril bu dku la brten pa'o/__/g.yon pa'i yi ge 'bru bzhi nang du sbas nas srin lag gi rgyab thugs kar bkan zhing*/__srin la pyaM sgreng ba'i rtse mor pyaM las dril gsil 'bar bar bsams pa thugs kar bzung la/__g.yas kyi nyi ma la gnas pa'i yi ge 'bru lnga nang du bsdus te brla g.yas pa'i steng du bzhag pa ni las su 'khril bas yab la btud de 'dzum pa'i mdangs kyis blta ba'o/__/don grub yab yum gyi phyag rgya ni/__der gsal bas g.yas pa'i yi ge 'bru bzhi nang du sbas nas mthe'u chung gi rgyab thugs kar zhing*/__mthe'u chung ha sgring ba'i rtse mor ha las ral gris 'bar bar bsams te thugs kar bzung la/__g.yon gyi zla ba'i yi ge brtul bcing 'bru lnga nang du sbas nas dril bu gsil zhing*/__yul la 'khril ba'i tshul gyis brla g.yon pa'i steng du dril bu bzhag pa ni chos la brten pa'o/__/yang g.yon pa'i yi ge 'bru bzhi sbas nas mthe'u chung gi rgyab thugs kar bkan zhing*/__mthe'u chung taM sgreng ba'i rtse mor taM las dril gsil 'bar ba thugs kar bzung la/__g.yas kyi nyi ma la gnas pa'i yi ge 'bru lnga nang du bsdus nas yab kyi brla g.yas pa'i steng du bzhag pa ni las su 'khril ba yin pas/__yab la btud de 'dzum pa'i mdangs kyis blta ba'o/__/gnyis pa byang chub sems dpa' yab yum gyi phyag rgya ni gong dang mtshungs pa las khyad par du rang rang gi sa bon las phyag mtshan du gyur pa'i tshul gyis yab kyi phyag g.yas kyis thugs kar 'dzin cing yum gyi phyag g.yon gyis thugs kar 'dzin la/__yab kyi g.yon pas yum gyi brla g.yon pa'i chos la brten cing*/__yum gyi g.yas pas yab kyi brla g.yas pa las la 'khril ba'o/__de'ang muM las ut+pal mai las klu shing la sogs pa'i phyag mtshan ni/__k+ShaM las rin chen gyi myu gu traM las ral gri 'od 'bar ba/__hri las pad+ma dkar po/__dz+hiM las rdo rje 'bar ba/__ las chos kyi 'khor lo/__hU~M las rin chen snye ma ste yab kyi phyag mtshan no/__hU~M las gzugs mdzes par mtshon pa'i me long dang traM las rin chen phreng ba dang*/__hrIHlas pi waM dang a las gar mkhan mchog nyid de rdo rje rtse gsum pa khyer nas spyi bor gar byed pa'o/__dza las me tog gi 'phreng ba dang hU~M las spos mchod ma spos kyi khang bu dang*/__baM las mar me dang ho las byug pa la sogs pa'i dung chos te yum gyi phyag mtshan no/__yum gyi g.yas kyi yab kyi las te brla g.yas pa la 'khril zhing yab kyi mayon pas yum gyi brla g.yon pa chos la brten cing*/__yab kyi dbu rnams yum la cung zad 'phyo zhing yum rnams yab la 'dud pa'i tshul du gnas pa ni/__gong gi phyag rgya chen po bzhin du yab yum thabs shes gnyis su med pa chos kyi dbyings spros bral bde ba chen po nyid kyi ngang du 'khril ba'o/__/gsum pa sgo ba yab yum gyi phyag rgya ni/__dkyil 'khor gyi sgo bzhi'i khro bo'i phyag rgya ni/__hU~M bzhi las nr-i mgo gdengs pa dang rdo rje rtse lnga pas gnon pa'i tshul dang*/__thod pa sbrul gyis dkris pa chen po bsnams pas gnon pa dang*/__rdo rje rgya gram las kyis gnon pa ste g.yas pa bzhis phyar zhing g.yon pa bzhis yum la bsdigs mdzub gyi tshul du 'khyud pa dang*/__yum gyi phyag rgya ni phaT bzhi las lcags kyu zhags pa s+phoT ho/__g.yon gyis bzung nas g.yas rdo rje khu tshur gyis yab la 'khyud pa ste sgo bzhir gnas pa sgo ba yab yum de dag kyang*/__yum gyi yab la 'dud cing yab kyis yum la dbu 'byo ba'i tshul gyis gnyis med du 'khril ba gong ma bzhin no/__/bzhi pa thub pa drug gi phyag rgya ni gdul bya'i dbang gis sna tshogs te/__gcig tu nges pa dang grangs dang tshad med kyang*/__de dag gi rigs mdor bsdus na phyag rgya drug tu bstan pa yin no/__gang zhe na rdo rje las/__pi waM go cha gseg par sgrom/__po ti me chur shes par bya/__zhes pa ste/__sa bon drug las phyag rgya de dag thugs kar 'dzin pa'o/__de dag la yum med pas thabs dang shes rab zung du ma 'brel lam snyam na yum ni gang du'ang dmigs pa med pa chos kyi dbyings spros pa'i mtha' dang bral ba'o/__lnga pa kun bzang yab yum gyi phyag rgya ni/__kun tu bzang po phyag gnyis mnyam bzhag gi mthil las gdangs kyi 'char gzhir bstan pa'i phyir ye shes lnga'i 'od zer 'phro zhing zhabs rdo rje'i skyil krung mdzad pa'o/__/de'i yum du 'gyur ba kun tu bzang mo ni phyag rgya mnyam rdzogs te yab dang mtshungs shing zhabs gnyis pad+ma'i dkyil krung du bzhugs pa'o/__/de ltar so so'i phyag rgya bstan pa las gzhan yang phyag rgya sna tshogs te rigs so sor bsgrub pa na lha de dag gi phyag rgya yang phyogs gcig tu rdo rje la sogs pa rigs de'i phyag mtshan du bstan pa dang*/__yang de bzhin gshegs pa lnga po'i phyag rgya sngar bstan pa de nyid dam/__yang na rdo rje'i thal mo sbyar ba nyid tsam yang bcang bar bya'o/__/gsum pa 'bras bu ye shes kyi phyag rgyar don bsdu ba la gsum/__rang bzhin gnas lugs kyi phyag rgya spyir bstan pa/__gnas skabs snang byed kyi phyag rgya bye brag tu bshad pa/__mthar thug 'bras bu'i phyag rgyas 'gro don mdzad pa'o/__/dang po ni/__sems nyid gdod nas dag pa'i ngo bo phyag rgya chen po'i ngang las gang shar gyi rtog pa ye shes chen po'i tshogs mchog tu ye nas gnas pa ni don gyi 'dug tshul lo/__de nyid bla ma'i drin gyis rtogs nas thabs gang snang gi yul dang shes rab 'dzin med du shar ba'i rig pa rang grol phyogs gcig tu ldan pa rgyud la sbyor na/__lus ma bskyod yan lag ma bsgul yang 'gro 'dug dang spyod lam thams cad kun/__phyag rgya chen po'i ngang du gnas shing 'dus pas/__bcos ma'i phyag rgya bcing du med pa'o/__/gnyis pa la bzhi las/__dang po sangs rgyas bzhi bcu rtsa gnyis kyi dkyil 'khor spro ba ni/__sngar phyag rgya spros pa'i ting nge 'dzin goms pa las de'i rtsa rtsal gong nas gong du sbyong ba'i phyir lus kyi yan lag la lha bzhi bcu rtsa gnyis dang ldan par byas nas rtogs pa bogs dbyung ba ste de yang bdag nyid rnam snang yab yum du gsal ba las yab kyi spyi bo mgrin pa snying ga lte ba gsang gnas rnams su mi bskyod pa 'od dpag med rnam snang rin chen 'byung ldan don grub ste yab lnga'o/__/mig dang rna ba dang sna bug dang lce zur g.yas pa bzhi la sa'i snying po phyag rgya rdo rje nam mkha'i snying po spyan ras gzigs te thugs kyi sems dpa' bzhi'o/__/de bzhin du g.yon pa bzhi la byams pa sgrib sel kun bzang 'jam dpal te gsung gi sems dpa' bzhi'o/__/lag pa g.yas la gshin rje mthar byed/__g.yon la shes rab mthar byed/__rkang pa g.yon la pad+ma mthar byed/__g.yas la bgegs mthar byed de sgo ba bzhi'o/__/spyi gtsug mgrin pa ro stod lte ba gsang gnas rkang mthil drug tu thub pa drug te lha nyi shu rtsa gsum mo/__/yum gyi spyi bo mgrin pa snying ga lte ba gsang gnas lngar sangs rgyas spyan gos dkar mo dbyings phyug ma mA ma kI sgrol ma ste yum lnga'o/__/mig rna ba sna bug lce zur g.yon la rim pa bzhin sgeg mo phreng ma glu ma gar ma ste yum gyi lha mo bzhi'o/__/de bzhin du g.yas bzhi la bdug spos me tog mar me dri chab ma ste dus kyi lha mo bzhi'o/__lag pa g.yon la lcags kyu g.yas la zhags pa/__rkang pa g.yas la lcags sgrogs g.yon la dril bu ma ste sgo ma bzhi'o/__/de ltar yum la lha bcu bdun te bsdoms pas bzhi bcu ni thabs lha ste rags pa dang phyi na gnas pas de skad ces brtags so/__/de'i steng du rtsa ba'i lha yab yum gnyis te bzhi bcu rtsa gnyis po de rnams la bslab bo/__kun bzang yab yum ni rtsa ba'i lha nyid du bsdus so/__/gnyis pa sangs rgyas stong gi dkyil 'khor spro ba ni/__bzhi bcu po de nyid kyi thugs kar rang dang 'dra ba'i ye shes sems dpa' re re gnas pa ni yan lag spros pa'i bdag nyid nang na gnas pa dang phra ba'i phyir shes rab kyi lha ste bzhi bcu'o/__/thabs kyi lha bzhi bcu rtsa gnyis smos kyang rtsa ba'i yab yum gnyis las gzhan bzhi bcu po la sku gsung thugs byin gyis brlabs pa'i lha gsum gsum 'phro bar 'gyur bas rgya nyi shu dang*/__de re re la dbu rgyan gyi lha lnga lnga yod pas drug brgya sku gsung thugs byin gyis brlabs pa'i lha gsum gsum yod pas sum rgya drug bcu shes rab kyi lha bzhi bcu po bsnan pas sangs rgyas stong gi dkyil 'khor te de la bslab po/__/gsum pa sangs rgyas nyi khri chig stong gi dkyil 'khor gsal ba ni/__sangs rgyas stong po de ltar ldan pa'i gtso mchog rnam snang yab yum dag gis mtshon pa rgyal ba rigs bzhi dang rgyal mchog kun tu bzang po la yang de bzhin du brtsis pas stong stong ste stong phrag drug go__/de bzhin du sems dpa' yab yum cha brgyad dang sgo ba yab yum cha bzhi ste bcu gnyis la stong phrag bcu gnyis dang drug gi 'od 'phro 'bar ba ni thub pa drug ste yum med pas nyi khri chig stong sum brgya dang bcu gnyis kyi dkyil 'khor la bslab par bya'o/__/nyi khri bzhi stong du 'dod pa ni thub pa drug la yum yod par rlom pa yin no/__/bzhi pa sangs rgyas bsam gyis mi khyab pa'i dkyil 'khor la bslab pa ni/__tshul de la sogs te sangs rgyas re re'ang nyi khri chig stong du bskyed pa lta bu bsam gyis mi khyab pa'i dkyil 'khor la bslab par bya'o/__/bla ma rong pa ni phyag rgya chen po'i bdag nyid gcig la lha bzhi bcu rtsa gnyis kyi yan lag dang ldan pas de nyid yan lag spro ba dag ste/__de dag re re'i sku gsung thugs kyi phyag rgya dang ldan pas/__bzhi bcu rtsa gnyis sum 'phror 'gyur/__de lta bu dang ldan pa des phyag rgya ji snyed 'phro zhing sangs rgyas kyi mdzad pa ji ltar 'grub par byed ce na/__de ltar ldan pa'i sogs/__gtso bo la ji ltar ldan pa de bzhin du yan lag gi lha rnams la yang ldan pa brtsis na phyag rgya brgya nyi shur 'byung bas/__bcu gnyis drug gi 'od 'phro 'bar zhes 'chad do/__/snang byed kyi lha 'di rnams rnal 'byor snga ma goms stobs kyis 'bras bur bzhag la tshogs sgrub tu tshe dbang thob par byed pa'i rgyu yin pas lam du'ang bzhag go__/gsum pa mthar thug gi phyag rgyas 'gro don mdzad pa'i tshul la lnga las/__dang po gdul bya'i don du sna tshogs su ston pa'i tshul ni/__lam du de ltar bsgoms pas sangs rgyas pa na phyogs bcu dang dus bzhi yi sangs rgyas kyi zhing khams bsam yas su gdul bya dpag tu med pa 'dul ba'i phyag rgya'i don rnams sangs rgyas dang 'khor los sgyur ba la sogs pa'i sku so sor ston zhing 'gro ba'i don mdzad do/__/gnyis pa bstan pa bzhin snang ba'i tshul ni/__theg pa mtho ba sngags dang pha rol tu phyin pa dman pa nyan rang la sogs pa thams cad dang lta spyod phyin ci log mu stegs byed rnams dang so so skye bo bsam yas dang gdul bya zhi ba lha la sogs pa dang khro ba'i rang bzhin bdud dang gshin rje la sogs pa'i tshogs chen po thams cad la/__gang la gang 'dul so sor snang zhing mos pa dang mthun par byas te kun tu snang ngo*/__gsum pa sna tshogs su snang yang gcig las ma g.yos pa'i dpe ni/__dper na zlos gar mkhan nyid gcig po de las g.yas brkyang g.yon bskum dang zhi khro du mar snang ba dang 'dra bar/__ye shes kyi lus ye nas dag pa'i rang bzhin gcig la 'di la dmigs pa'i tshul gyis ched du ma bkod kyang 'gro ba'i snang ba dang mthun par sna tshogs lhun grub tu thugs rjes ston par byed do/__/bzhi pa gdul bya'i dbang gis phyag rgya'i grangs ma nges par bstan pa ni/__mdor na byang chub mchog dang bdud 'dul ba la sogs pa'i phyag rgya thams cad ni/__'di kho na'o zhes mtha' gcig tu brjod tu med de/__thabs dang shes rab kyi dbang gis gnyis dang sku gsung thugs kyis gsum du rnam par 'phro bar byed do/__/lus bskyod pa dang yan lag phyag rgyar spro ba thams cad lha'i phyag rgyar 'gyur ba'ang de bzhin de/__lnga pa gnas lugs phyag rgya chen por thams cad 'du ba ni mdor na lus sgul ba dang yan lag bskyod pa thams can kun/__phyag rgya chen po'i ngang du gnas te/__thams cad ye nas sangs rgyas pa'i chos nyid du gnas pa nyid kyis 'di ni ma dag pa'i phyag rgya dang chos so zhes rdul tsam yang mi gnas shing gnas pa'ang min te lus lha ngag sngags sems chos nyid kyi phyag rgya'am dkyil 'khor du gnas pa'i phyir ro/__/de skad ces sgrib gnyis ma lu pa dag cing mkhyen rab phun sum tshogs pa mnga' ba'i mchog sangs rgyas kun tu bzang po nyid kyis bshad pa yin no/__ye shes kyi phyag rgya mchog tu gsang ba'i snying po chos nyid don gyi gnas lugs de kho na nyid nges pa las lus dang rtog pa'i yan lag thams cad ye nas dag pa'i dkyil 'khor du byin gyis brlabs nas rang bzhin gyi phyag rgya spros pa'i le'u ste brgyad pa'o/__don gsum pa de nyid gsal bar byed pa gzugs brnyan gyi dkyil 'khor la gnyis te/__dkyil 'khor gsung tshul mdor bstan pa/__de'i rang bzhin rgyas par bshad pa'o/__/dang po ni/__sku phyag rgya'i dkyil 'khor bstan pa de nas de bzhin gshegs pa bsam gyis mi khyab pa'i ye shes kyis 'gro ba'i don la dgyes pa chen pos/__kun tu bzang po nyid rdo rje gsang ba'i dam tshig gi dkyil 'khor bkod de dbang bskur ba'i rim pa la snyoms par zhugs pa ste yum dang lhan cig phyogs nas/__ched du brjod pa 'di skad ces brjod do/__gnyis pa la gsum/__dbang po rab mchog gi dkyil 'khor du dbang bskur ba/__dman pa rdul mtshon gyi dkyil 'khor du dbang bskur ba/__gang du dbang bskur ba'i don bsdu ba'o/__/dang po la gnyis/__yum gyi dkyil 'khor du dbang bskur ba dang yab kyi dkyil 'khor du dbang bskur ba'o/__dang po la gsum/__dkyil 'khor dgod cing sbyin sreg bya ba/__snang la rang zhin med pa'i mchod pa 'bul ba/__'jug cing dbang bskur ba'o/__/dang po la gnyis/__dkyil 'khor dgod pa dang*/__sbyin sreg bya ba'o/__/dang po la gnyis/__dkyil 'khor bstan pa dang*/__mchod pa bsham pa'o/__/dang po la lnga las/__dang po gnas gang du dkyil 'khor dgod pa ni/__mchog tu gsang ba'i bde ba chen po ni shes shing rig par dka' bas shin tu phra ba'i don yin la/__de nyid tshe 'dir mchog sgrub pa la med du mi rung ba'i dam tshig gi mchog yin pas na/__de gang las skye zhing 'dzin pa phyag rgya mtshan ldan bde ba chen po'i lus rgyas pa'i phyag mthil yum mkha' rnam par dag pa nyi du dbang bskur ba'i dkyil 'khor gnas so/__/gnyis pa dkyil 'khor gyi tshad ni bde ba chen po gnyis su med pa'i ye shes sangs rgyas thams cad kyi thugs kyi dkyil 'khor dam pa de nyid/__sor gyi tshad ni dga' ba dang mchog dga' dang dga' bral gyis dga' ba dang lhan cig skyes pa'i dga' ba bzhi yi tshad du bya'o/__/gsum pa thig gdab pa ni/__gnas de'i rgyud sbyong ba ste de'ang 'bru lnga ste skye ba'i sa bon dug lnga ye shes su gnas pa dang spos lnga ste de dag nyid gnas su dag pa'i ye shes lnga dang rin chen lnga ni phung po lnga'o/__/snying po lnga ni sku lnga dang sman lnga ni rigs lnga dang*/__bdud rtsi lnga ni sku gsung thugs yon tan phrin las lnga dbyer mi phyed pa'i sems nyid rnam par dag cing 'od gsal ba ste de dag de ltar yin pa la yin par shes pas thams cad sangs rgyas pa'i rang bzhin rab tu shes pas mnyam par byas la/__de ltar rig pa'i yum gyi rgyud ye shes chen por gsal ba'i tshangs thig gi mchog ni gsal gdab par bya'o/__/bzhi pa ji ltar bri ba ni/__yum mkha'i rang bzhin gzhal yas khang gi rnam par gnas pa de nyid gsal bar byed pa ste/__dbus su lte ba rtsibs dang ldan pa yi ngo bo nang rtsa la bya'o/__rtsibs bzhi pa 'khor lo mu khyud dang bcas pa/__de'i phyi rol gyi dbyibs grub chad bzhi dang gru bzhi pa'i rnam pa can gyi/__bar 'khyams pad+ma'i sgo khyud ldan pa la de ltar gsal bar bya'o/__/lnga pa mtshan ma dgod pa ni/__lha'i gnas der snyigs ma dkar dmar gyi ngo bo mtshon pa sen zlum tsam gyi nyi zla la sran ma'i gu'u phyed pa tsam 'bru tsam gyi pad+ma'i gdan gyi steng du/__shin du dwangs ma yungs 'bru tsam gyi ngo bo yi ge hU~M du gsal ba las/__rang bzhin gnyis su med pa'i phyag rgya rdo rje til 'bru tsam du bri ba ste gsal gdab po/__/gnyis pa mchod pa ni/__phyag rgya'i g.yon phyogs su tshogs dang mchod pas brgyan par bya ba yang kha dog bsgyur ba'i gos bcos bu'i rnam pa dar dang ras ni sna tshogs dang*/__dbu brgyan dang mgul rgyan la sogs pa'i rgyan sna tshogs dang do shal dang dra phyed la sogs pa'i 'phreng ba sna tshogs dang ja dang chang la sogs pa'i btung ba sna tshogs dang sha dang thud dang phrum la sogs pa'i bro bas bskor zhing*/__shin tu snyan pa'i glu dang bstod pa'i tshig dang bcas pa'i skye bo'i rkang pa'i bro dang lag pa'i gar dang dung dang cha lang dang pi waM dang gling bu dang gdugs pa dang rgyal mtshan la sogs pa'i rol mo yi/__sprin phung bsam gyis mi khyab pa'i tshogs kyis rab tu mchod c-ing gzhan yang mchod pa'i rkyen du gyur pa'i yum dang yid 'jo bar byed pa'i dga' ma dang na tshod gzhon nur gyur pa'i sems ma yis/__rol pa'i dga' ba bskyed pa dang reg bya'i dga' ba bskyed pa dang*/__mig gi dga' ba bskyed pa ste rnam pa gsum po ji ltar 'dod pa'i las bzhin mchod pas brgyan par bya'o/__/skabs 'di'i mchod pa'i gtso bo ni/__bde ba ster bar byed pa'i yum phyi nang gsang ba gsum gyi yul rnams yin par bzhed do/__/gnyis pa sbyin sreg gi las la gnyis/__las bzhi'i sbyin sreg spyir bstan pa dang*/__khro bo'i sbyin sreg bye brag tu bshad pa'o/__/dang po ni/__las bzhi'i rim pas thub gung gi dbyibs kyang zlum po la sogs pa dang kha dog kyang dkar po la sogs pa so so'i mtshan nyid tshang ba dang ldan par/__me lha'i rang bzhin mchod sbyin gsol ba'i zhal du gyur pa'i sto bar 'jig rten las 'das pa'i me lha bos te spyan drangs la zho zan dang mar khu la sogs pa bza' btung bro ba'i tshogs rnams kyis mchod cing*/__zhi ba la til rgyas pa la rin po che la sogs pa las bzhi'i mchod pa so so'i sngags dang ting nge 'dzin gyis rab tu sbyin bar bya'o/__/gnyis pa ni/__zhi ba'i sbyin sreg ji lta bar khro bo'i dkyil 'khor du yang thab dang lha'i mtshan nyid la sogs pa de bzhin du byas te/__ting nge 'dzin la sogs pa'i gnad shin tu phra zhing zab mo rnams la sbyangs pa yi rnal 'byor pas/__lha'i dkyil 'khor bsam yas dag la'ang cho ga'i rim pa de bzhin du sbyin sreg gis mnyes par bya'o/__/de'ang lha gang gis dkyil 'khor la las gang gis sbyin sreg ji ltar byed pa'i tshul rnams ni gnas skabs dang sbyar ba'i rang gi rig pas legs par dpag pa tsam du bya'o/__/gnyis pa snang la rang bzhin med pa'i mchod pa 'bul ba la gnyis/__ting nge 'dzin yid kyis mchod pa dang*/__gsang ba bde ba chen po'i mchod pa'o/__/dang po la gnyis/__kun rdzob sgyu ma'i mchod pa dang*/__de'i rdzogs rim don dam pa ye shes kyi mchod pa'o/__/dang po la gnyis las/__dang po teng nge 'dzin gyi mchod sprin bkod pa ni/__dkyil 'khor la yid sprul gyis ji ltar mchod pa'i phyag rgya chen po ni/__rang gi sems kyi bkod pa'i yid bzhin gyi nor bu'i sprin phung 'khrigs pa'i tshogs kyis/__phyogs bcu'i 'jig rten gyi khams thams cad sangs rgyas kyi zhing khams rnam par dag pa/__rgyan stug po bkod pa'i zhing khams lta bur b+h+rUM gyis gsal gdab bo/__/de'ang rgyan dang bkod pa'i bye brag bsam gyis mi khyab cing mnyen pa 'jam zhing reg na bde ba yi/__sna tshogs rin po che yis gzhi khod snyoms pa las/__rin po che sna tshogs kyis mig mangs ris su mdzes par bris shing lha'i nor bu sna tshogs kyi tshom bus rab tu brgyan pas phyogs kun tu 'khyim bar spras pa dang*/__trAM las 'dod dgu kun 'byung ba'i rin chen sna bdun gyi phung po 'od zer gyi dra ba 'bar ba'i ri bo lhun stug pa dang*/__khaM las mtsho dang steng ka la sogs pa kha dog mdzes shing dbyibs legs pa'i rdzing bu ro bro ba'i mchog bsil ba la sogs pa'i yan lag brgyad ldan gyi chus yongs su gang ba me tog gis khebs shing bya skad snyan par sgrogs pa'o/__/b+h+rUM las rin chen gyi khang pa dbyibs dang kha dog dang bkod pa'i bye brag sna tshogs pas brgyan pa rab tu mang po dang*/__aM las skyed mos tshal gyi gzhir rin po che'i rgyan phreng dang lha'i dpag bsam gyi shing ljon pa'i tshal gos dang nor bu sna tshogs kyis dra bas dpyangs pa dang*/__hriHlas sgra skad thams cad glu dbyangs snyan pa dang bstod pa dang shes pa brjod pa la sogs pa'i tshigs su bcad pa'i sgra rang byung ba dang*/__aM las gos kyi rnam pa dang mchod pa'i yo byad bla bre dang rgyal mtshan dang stod g.yogs la sogs pa'i na bza' sna tshogs dang rin po che'i gdugs dang*/__trAM las dbu rgyan dang mgul rgyan dang do shal dang dpung rgyan dang se mo do la sogs pa rgyan gyi bye brag bsam gyis mi khyab pa dang*/__olas ro mchog brgya dang ldan pa'i bza' ba sna tshogs dang bdud rtsi'i btung ba'i mchog rnams dang*/__hUM las sems can thams cad kyi lus dang rang rang la ji ltar 'os pa gos dang rgyan la sogs pas mdzes par brgyan pa yi/__lha dang lha mo rdul phra ba snyed kyi grangs dang mnyam pa thams cad kyis/__rkang pa'i bro dang lag pa'i gar dang rol mo'i glu dbyangs la sogs pa bsam yas kyis mnyes par byed pa'o/__/de lta bu'i mchod pa'i sprin gyis phyogs bcu'i nam mkha'i khams ji snyed pa thams cad yongs su bkang nas/__'khor ba dang mya ngan las 'das pa'i dbyings kyis bsdus pa gzhi lam 'bras bu'i dkyil 'khor du gyur to cog kun la mchod sprin de dag gis re re zhing rgyas par 'bul ba'o/__/gnyis pa tshul ji ltar 'bul ba ni/__skal ldan rnal 'byor pa'i ting nge 'dzin gsal ba'i khyad par gyis/__rim gyis sam yang na cig car du/__rgya che ba chos kyi dbyings dang mnyam par sbyor zhing 'bul lo/__/gnyis pa de'i rdzogs rim don dam ye shes kyi mchod pa ni/__ting nge 'dzin gyi mchod pa la dngos zhen spang ba'i phyir mchod sprin de dag kyang rang gi sems tsam las gang du'ang grub pa med la/__sems de yang nam mkha' lta bu'i rang bzhin gang la'ang mi gnas shing spros pa'i mtha' thams cad dang bral ba'i ngang la mchod bya mchod byed mchod pa gsum ka'i ngo bo ma grub pa'i tshul gyis mchod pa'i phyag rgya chen por bsgom mo/__/gnyis pa gsang ba chen po'i mchod pa la gnyis/__thabs bde ba chen po'i mchod pa dang*/__shes rab mtha' gnyis la mi gnas pa'i mchod pa'o/__/dang po la gnyis/__mchod pa dngos dang*/__de'i phan yon bstan pa'o/__/dang po ni/__las kyi phyag rgya shes rab dang ting nge 'dzin gsal bar ldan ma'am de dang mi ldan na rnal 'byor pas lhar bskyed cing 'kha' gsang byin gyis brlab pa la sogs pa'i tshogs byin gyis brlabs la/__pad+ma'i rtser yungs 'bru tsam gyi dwangs ma dkar dmar dkyil 'khor du bskyed de/__stong gsum gyi 'jig rten thams cad 'phags pa'i rdzu 'phrul gyis yungs 'brur gzhugs pa'i tshul du/__dbyings nas rgyal ba'i dkyil 'khor dpag tu med pa pad+ma'i khyams su spyan drangs shing bstim la sbyor ba'i brdas bskul te rol pa'i bde bas mchod par bya'o/__/de'i dkyil 'khor gyi lha rnams mnyes nas dngos grub chen po bsam gyis mi khyab pa'i dam tshig mchog gi gong 'phang thob par bsam mo/__/gnyis pa de'i phan yon la gnyis/__gnas skabs dang*/__mthar thug go__/dang po la gnyis las sangs rgyas thams cad mnyes pa ni bde ba'i bdag nyid chen po de yis yum nam mkha'i dkyil 'khor la mchod pa yis/__phyogs bcu dus bzhi'i sangs rgyas kyi dkyil 'khor ma lus pa thams cad mnyes par 'gyur ro/__/yang bdag nyid chen po rang rig pa'i ye shes la rol pa'i bde bas mchod pa yis khams dang skye mched ye nas sangs rgyas pa'i dkyil 'khor bzhi bcu rtsa gnyis la sogs pa'i lha rnams gnyes par 'gyur ro/__/yang yab kyi yum yum gyis yab la bdag nyid chen po'i mchod rdzas des mchod pas thabs dang shes rab kyi lha rnams mnyes par 'gyur ba ste phyi nang gsang ba gsum du shes par bya'o/__/gnyis pa 'gro ba thams cad tshim pa ni/__de ltar bde ba'i rol pas lus snang ba'i grong khyer 'dod pa'i srid pa ngag phyed snang gi grong khyer gzugs kyi srid pa yid mi snang ba'i grong khyer gzugs med pa'i srid pa gsum gyis bsdus pa'i tshor ba dang rtog tshogs kyi 'gro ba thams cad la/__ye shes chen po'i dga' ba bzhi dang gnyis su med pa'i chos nyid bzhi dang spros pa dang bral ba'i 'od gsal chen pos khyab par 'gyur ro/__/gnyis pa mthar thug gi 'bras bu sangs rgyas thob pa ni/__sgyu 'phrul drwa ba thabs dang shes rab gnyis su med pa'i ting nge 'dzin brtan pa yis/__de'i 'bras bu phyogs bcu dus bzhin gshegs pa yi/__sangs rgyas kyi dkyil 'khor ma lus pa gnyes shing*/__khams gsum gyi 'gro ba rnams la thugs rjes gzigs pa'i ye shes dam pa mngon du 'gyur ro/__/yang na sangs rgyas thams cad kyi dkyil 'khor phung po khams dang skye mched lhar gsal ba mthar thug pa dang sgo gsum sku gsung thugs kyi ngo bor mngon du gyur pa zhes bya'o/__/gnyis pa shes rab mtha' gnyis la mi gnas pa'i mchod pa ni/__de ltar yab yum gnyis su med par snyoms par zhugs pas nyon mongs pa'i 'dzin zhen dang*/__tha mal gyi rnam rtogs rang sar dag par bya ba'i phyir rang dang yum gyi lus dang ngag dang sems dang bde bas mtshon pa'i phyi nang gi chos thams cad kyi rang bzhin/__gzung ba'i yul gang na'ang mi gnas shing 'dzin pa'i sems gang du'ang mi dmigs te/__med bzhin du snang ba mig yor lta bu'i tshul du gnyis su med par sbyor ba yis/__dbyings skye ba med pa'i nam mkha' la ni sems nyid 'gag pa med pa'i ye shes nam mkha' bsgom zhing dbyer med pa'i chos nyid don gyi ngo bor mnyam par bzhag cing rol par bya'o/__/gsum pa 'jug cing dbang bskur ba'i tshul la gnyis/__'jug pa dang*/__dbang bskur ba'o/__/dang po la gnyis las/__slob dpon bdag nyid 'jug pa ni de bzhin nyid kyi ting nge 'dzin bsgom pa nas bzung ste cho ga'i sngon du bya dgos pa kun byas nas tshogs dang rnal 'byor gyi dbang phyug rdo rje slob dpon nyid ting nge 'dzin gyi rig pas dkyil 'khor la sngon du 'jug par bya'o/__/slob ma 'jug pa ni slob dpon zhugs pa de nas slob ma rnams 'jug pa'i chos bcu bdun gyis dkyil 'khor du gzhug par bya'o/__/gnyis pa dbang bskur ba la gnyis/__/yon dbul ba dang blos rim pa dang sbyar nas dbang bskur ba dngos so/__/dang po la gnyis las/__dang po yon 'bul ba dngos ni/__'jug pa'i chos rnams sngon du song ba de nas rigs kyi bu skal ba mchog dang ldan pa des bla ma la rgyal srid yum 'khor dang bcas pa dang ni rang gi lus dang*/__bu dang chung ma dang nor gyi dbyig gser dngul la sogs pa'i rin po che sna tshogs te/__de rnams kyi gnyis gnyis yod na rab tu gces shos de dang mdor na rang gis yid la 'thad pa'i dngos po rnams dbul lo/__/gnyis pa phan yon ni rnal 'byor gyi dbang phyug rdo rje slob dpon la 'dod pa'i longs spyod rnam pa lngas mchod na/__phyogs bcu dus bzhi'i sangs rgyas kyi dkyil 'khor thams cad mchod pa yin na/__nye ba'i dkyil 'khor yi dam gyi lha mchod pa lta smos kyang ci dgos/__des dam tshig dang sdom pa nyams pa'i nyes pa thams cad dag par 'gyur ba kho na'o/__/gnyis pa blo'i rim pa dang sbyar nas dbang bskur ba dngos ni/__dad pa dang brtson pa'i brtul zhugs pa rab tu rtogs pa'i skal ba yod par shes na/__de la phan pa'i dbang bcu dang nus pa'i dbang lnga'o/__/rim pa bzhin du sbyin pa'am par bya zhing*/__slob dpon gyis lhag pa'i snying rjes slob ma'i rgyud chud ma zos par gzung bar bya'o/__/gal te skal ba med na mi sbyin pa'i phan dbang tsam bskur gyis nus dbang mi sbyin te nyes pa chen por 'gyur ba'i phyir ro/__gnyis pa yab kyi dkyil 'khor du dbang bskur ba ni/__yum gyi dkyil 'khor du gsang ba dang shes rab ye shes kyi dbang bskur ba de las gzhan pa'i tshul yab kyi rdo rje'i rtse las dbang blang bar bstan pa ni/__yang na yab kyi thal mo mnyam bzhag gi tshul gyis rab tu bsnol nas/__lha'i sku phyag rgya chen po'i rang bzhin du gsal te ye shes kyi phyag rgya dang mnyam par sbyor ba'i dpangs su ni/__gu ya badz+ra gyi dkyil 'khor mdzub gang ba'i tshad du yang*/__bde ba'i thabs la mkhas pas dbang bskur ba'i cho ga ji bzhin du dwangs mas bu la dbang bskur bar bya'o/__/gnyis pa dman pa rdul mtshon gyi dkyil 'khor du dbang bskur tshul la gsum/__dkyil 'khor bri ba/__sgrub pa/__bsgrub pa'i 'bras bu'o/__/dang po la gsum/__dkyil 'khor chung ngu*/__'bring*/__chen po bri ba'i cho ga'o/__/dang po la gnyis las/__dang po sa'i cho ga ni rab mchog gi dkyil 'khor du dbang bskur ba las tshul gzhan/__yang na sa gzhi sa'i cho gas rab tu mnyam pa la bri'o/__/de'ang sngar ma dag pa'i sa gzhi phyis dag par byed pa ma yin te ye nas sa sbyangs zin pas phyis gsal 'debs pa'i tshul gyis sbyong ba yin no/__/gnyis pa bri ba dngos ni/__gzugs brnyan gyi dkyil 'khor chung ngu'i chung ngu khru gang gi tshad du bya'o/__chung ngu'i 'bring yang na lus gang gi tshad du ste 'dam gang ngo*/__/chung ngu'i chen po yang na lus ni gsum gyi tshad tsam la/__mi rus la sogs pa'i phur bu ni dkyil 'khor gyi dbus su 'gying phur sor bzhi la sogs pa dang cha dbye ba'i don du ras bal lam pad+ma'i rgyus pa'am dur khrod kyi skra la sogs pa'i srad bu khrun du dkyil 'khor nyis 'gyur yod pa dang rigs tha dad pa mtshon pa'i don du kha dog ma 'dres pa'i tshon gyi phye ma lnga la sogs pa dang*/__las sgrub pa'i don du gos dang rgyan bzang po'i mdzes pa'i yid du 'ong ba'i grogs las kyi phyag rgya lo bcu drug lon pa'o/__/srad bu'i sna nas grogs des bzung la ye shes dang las kyi thig gnyis gdab pa'i cho ga phun sum tshogs pa/__dkyil 'khor gyi las la mkhas par ldan pa chen po rdo rje slob dpon gyis lus sems ma yengs par rab tu bsgrims te bya'o/__/gnyis pa 'bring la 'bring gi chung ngu yang na khru ni bcu drug pa dang*/__'bring gi 'bring khru nyi shu pa'i 'bring gi chen po khru nyi shu rtsa lngar bya'o/__/de la snga ma bzhin thig gdab par bya ste thig tshon la rigs kyi dkyil 'khor rnam pa lnga po rnams bsgom zhing zhu ba las byung ba'i ye shes lnga'i thig tshon du bsam te thig gdab cing tshon bkye nas lha'i gnas so sor sku tsag li sogs dang gsung yig 'bru dang thugs phyag mtshan rdo rje la sogs pa'i mtshan ma dang ldan pa'i gzugs kyang lha so sor gnas su dgod par bya'o/__/gsum pa chen po la/__chen po'i chung ngu yang na rgyang grags gcig gam chen po'i 'bring dpag tshad dam/__chen po'i chen po nam mkha' dbyings ni bsam yas par ting nge 'dzin gyis dkyil 'khor dngos su sprul pa'am sangs rgyas kyi dkyil 'khor rigs sna tshogs pa bsgom te dbang bskur ba'o/__sems can gyi rgyud la sku lnga ye shes lnga'i rang ye gdod ma nas gnas kyang ma rig pas bsgribs nas ma mthong ba'i rmongs pa rnams la bstan pa'i phyir tshon gyi kha dog kyang dkar po lta bu re re la'ang dkar ser dkar dmar dkar ljang dkar sngon dkar po nyid dang lngar phye ba bzhin du gzhan bzhi la phye bas nyi shu rtsa lnga'am/__yang na dkar ser dmar ljang mthing ga lnga yi tshon gyis bri bar bya/__ji ltar bri ba ni mthong ba brgyud pa'i lag len rnam par bzhag pas rgyas 'bring bsdus pa la sogs pa'i rnam bzhag ni skabs 'dir 'dul ba'i cho ga ste de'i lugs bzhin du dgye'o/__/de'ang gzugs brnyan gyi dkyil 'khor rgyas 'bring bsdus pa gsum ni gang zag gi blo dang 'byor bas phye ba ste 'khor los bsgyur ba sogs la dpag tshad la sogs pa yin zhing*/__phal pa'i 'byor pa mchog la 'bring po dang*/__gzhan la chung ngu gsungs shing chen po'i chen po ni slob ma mchog la 'phags pa'i bla mas dbang bskur pa'i blo yi rim pas che ba yin no/__/gzhung gsum po'ang ma 'khrugs par bshad do/__/chung ngu'i skabs su thig gi rim pa gsungs shing*/__'bring gi skabs su thig tshon byin gyis brlabs te bri ba la mtshan ma dgod thabs gsungs la/__rgyas pa'i skabs su tshon dgye ba'i rim pas bri thabs rdzogs par gsungs pa yin no/__gnyis pa dkyil 'khor bsgrub pa la gsum/__dkyil 'khor bskyed pa/__spyan drangs pa/__gnyis su med par bstim pa'o/__/dang po ni/__sems bskyed pa dang de bzhin nyid la sogs pa'i ting nge 'dzin gyi rol mo mtha' yas pa'i mchog nam mkha'i dbyings kyi mthas gtug pa'i dkyil 'khor bskyed pa'i nang du/__lha so so'i gnas su rang rang gi yi ge Tha la sogs pa'am tshon gyi thig le sku mdog dang mthun pa'i gdan nam hUM dang muM la sogs pa snying po'am rdo rje dang 'khor lo la sogs pa phyag rgya'am gang yang rung ba las lha so so'i sku gsung thugs yongs su rdzogs pa dang ldan par bskyed pa ni rdul tshon gyi dkyil 'khor ting nge 'dzin ye shes kyi dkyil 'khor du byin gyis brlabs pa ste de'i dngos grub ya mtshan pa gnas skabs thun mong gi las bzhi dang rmad po che mthar thug lha'i dkyil 'khor 'grub par 'gyur ba ni sangs rgyas kun gyi dam tshig chen po ste/__sa dang shing la sogs pa las sku gsung thugs kyi phyag rgyar byas pa yang*/__gdul bya'i skal ba dang mthun par rnam par grol ba'i rim pa byang chub gsum so sor thob par 'gyur na/__rnam par dag pa'i ye shes te ting nge 'dzin gyis sbyangs pas/__sems gyi rang bzhin ye nas 'od gsal ba la sangs rgyas 'grub pa smos ci dgos te sems 'di nyid gdod nas sangs rgyas yin pa la gsal btab pa tsam gyis 'grub pa'i phyir ro/__gnyis pa spyan drangs pa ni/__phyogs bcu dus bzhi'i dkyil 'khor kun gyi bdag nyid che ste gshis kyi gnas lugs/__gang du'ang mi dmigs shing spros pa thams cad dang bral ba ni thugs kyi dkyil 'khor chos sku'i ngang las/__ye shes pa'i dkyil 'khor ji ltar 'dod pa thams cad spyan drang ngo*/__gnyis pa gnyis su med par bstim pa ni/__bskyed pa ting nge 'dzin gyi dkyil 'khor dang gzhi rang bzhin lhun gyis grub pa'i dkyil 'khor gnyis po de rang snang gi ngo bo dbyer med du gnas te rang bzhin dam tshig gi dkyil 'khor la/__bskyed pa ye shes sems dpa'i dkyil 'khor spyan drangs pa de nyid 'jug cing bstim pa'i mtshan nyid kyis de gnyis chu la chu bzhag pa bzhin du mnyam par sbyor bas/__phyogs bcu dus bzhi kun nas 'gro ba'i don la gshegs pa yi/__sangs rgyas thams cad kyi sngon gyi smon lam gyis bsnyen par mdzad pa'i 'bras bu phrin las kyi dkyil 'khor de nyid thugs rjes byon nas dam tshig pa'i dkyil 'khor la rab tu rdzogs par 'jug cing nye ba'i sras su dgongs par gyur pa'i phyir spyan drangs te bstim pa ni dam tshig gi mchog yin no/__/gsum pa dkyil 'khor sgrub pa'i 'bras bu la gsum/__dngos grub sems las byung ba'i 'thad pa dgod pa/__de nyid ji ltar bsgrub pa'i thabs bstan pa/__thabs des grub pa'i 'bras bu brjod pa'o/__/dang po la gsum las/__dang po dpe ni lha'i dpag bsam gyi shing dang yid bzhin gyi nor bu rin po che dang gzhan yang phyi rol gyi dngos por snang ba las 'dod dgu 'byung ba kun la ya mtshan dang yon tan so sor snang yang*/__de dag sems la ma ltos par phyi rol na bden pa'i rdzas gang yang yod pa ma yin te/__rang gi sems kun gzhi la gnas pa'i bsod nams kyi rnam par smin pa'i 'bras bu brtan pa nyid kyi snang ba der smin cing rkyen de dag dang 'phrad nas 'dod dgu 'byung bar snang ba yin no/__/gnyis pa don ni de bzhin du sems nyid don gyi gnas lugs la sku gsung thugs yon tan phrin las kyi dkyil 'khor ngo mtshar ba'i cho 'phrul ya mtshan rmad kyi chos dang gnas skabs kyi dngos grub phrin las bzhi la sogs pa thob pa rnams kyang*/__bdag gis phar bsgrod nas de'i steng du phyin pa'am phyogs gzhan zhig na yod pa tshur bkug nas 'ong ba ma yin te/__'di ltar phyi snod gzhal yas khang nang bcud lha dang lha mo rang nyid rgyal ba'i skur gsal ba la soms pa'i thabs la brten pa'i shes rab spros pa'i mtha' thams cad dang bral ba la gogs pa nyid kyis/__bskyed rdzogs de lta bu yi ngang du sku dang ye shes kyi dkyil 'khor lhun grub tu 'byung ba yin no/__/de'ang rang bzhin spros pa dang bral ba'i shes rab chos kyi dbyings kyi de bzhin nyid chos sku'i ngang las/__thabs kyi phyag rgyar lhun stug po bkod par gzugs sku'i dkyil 'khor rang snang du bkod pa ni lhun gyis grub pa'i ye shes kyi rol par gyur pa'i phyir/__chos sku'i ye shes la ni gzugs sku'i ye shes rol pa'i ngang las/__gdul bya'i 'jig rten du snang ba dang mthun par sprul pa'i sku'i ye shes rol pa nyid kyang de las ma g.yos bzhin du snang ba chu zla dang 'dra bar gsog go__/gsum pa des gzhan don 'byung ba'i tshul ni/__sems can gyi mos pa dang mthun par rgyal ba mngon sum du 'byung zhing 'gro ba sdug bsngal las skyob pa dang*/__lhun stug po bkod pa'i rang snang longs spyod rdzogs pa'i byin rlabs las sa bcu'i sems dpa' la rang bzhin sprul sku rigs lnga'i sangs rgyas su ston pa'am ston pa'i thugs rje dang 'gro ba'i rang sems bsod nams goms pa'i mthu las nor bu dang dpag bsam shing gi dpe de bzhin te/__bden par ma grub bzhin du sprul pa'i sku'i 'gro don gyi bya ba byed nus pa'i tshul ni thugs rje'i gzi byin gyis phrin las kyi rol pa rang byung du shar ba'o/__/de nyid ye shes kyi sgyu ma sku gsung thugs rdo rje yi rang bzhin can chos thams cad la mnga' dbang bsgyur bas btsan po'i mchog go__/gnyis pa de nyid ji ltar bsgrub pa'i thabs bstan pa ni/__lam ma nor bar ston pa bla ma dge ba'i bshes gnyen gyis zin pa de las zab mo'i dbang thob pa dam tshig dang sdom pa la gnas pa sgrub pa'i man ngag la mkhas pa brtson 'grus phun gsum tshogs pas bsgrub nus pa ste/__dngos grub bsgrub pa'i cho ga lnga ni rdzogs par byas shing*/__bsgrub pa'i gnas bar chad med cing yid dang mthun pa grogs mtshan nyid tshang zhing skal ba bzang ba 'tsho ba'i yo byad mtha' gnyis su ma lhung zhing log 'tsho med pa dngos grub gyi rdzas tshang zhing nyams pa med pa dam tshig gi rdzas tshogs shing brten du yod pa ste/__dngos grub bsgrub pa'i mthun rkyen gyi yo byad lnga ni yongs su rdzogs par ldan zhing*/__bdag gi__/lha'i/__gsang sngags gyi/__bzlas brjod kyi/__'phro 'du'i de kho na nyid de sngags kyi yan lag lnga rdzogs bas/__spyir lta ba dang dam tshig ma nyams shing bye brag tu bsgrub pa'i mthun rkyen tshogs pa las ma nyams par sgrub pa la 'jug pa dang zhugs nas sgrub pa la nyid mtshan gnyid dang snyoms las spangs te rab tu brtson na myur tu 'grub cing mi brtson na mi 'grub ces pa'o/__/gsum pa thabs des grub pa'i 'bras bu brjod pa la gnyis/__gnas skabs dang mthar thug gi 'a'abras bu'u'o/__/dang po ni/__dbang po dang brtson pa rab kyis zhag ni sum cu phrag drug ste zla ba drug gam/__'bring gis zla ba bcu gnyis sam tha mas zla ba bcu bzhi'am shin tu rtul pos kyang zla ba bcu drug gis/__tshe la dbang bsgyur ba'i rigs kyi dam pa 'grub po/__/tshe dbang thob pa de nyid kyi rten la tshe bcu drug mthud pa'i lo grangs sam dus na sangs rgyas te skye ba bcu drug tshun chad kyis/__sku lnga lhun gyis rdzogs pa de ni thob bo/__/gnyis pa mthar thugs gi 'bras bu lhun gyis grub pa'i rig 'dzin la gsum/__lhun stug po bkod par nang snang sku dang ye shes su grub tshul/__de nyid dbyings chos sku'i zhing na nang gsal spros pa dang bral bar bzhugs tshul/__slar yang gdul bya'i 'jig rten du sprul skur 'chad tshul lo/__/dang po la gnyis las/__dang po mngon par byang chub pa'i tshul ni/__dbyings rang bzhin gyis dag pa'i sems nyid sangs rgyas pa'i ye shes spros pa med pa'i thig le grub bsal med pa de nyid la/__glo bur kun brtags pa'i dri ma rang sar dag pas zad pa dang skye ba med pa'i ye shes brnyes te dbyings der gnyis su med par chu la chu bzhag pa lta bu'i ye shes ro gcig tu gyur pa'i thig le nyid snang ba ni mngon par byang chub pa dang mi 'gyur rdo rje dang zhi ba chos sku dang gsal ba longs sku dang ye shes sprul pa'i sku lngar lhun gyis grub pas bsam gyis mi khyab cing mtha' yas pa'i mchog__/phyogs bcu dus bzhi'i de bzhin gshegs pa thams cad kyi sku gsung thugs rdo rje'i rang bzhin dang gnyis su med par mngon par rdzogs par byang chub pa'i mchog gi dngos grub brnyes pa zhes bya'o/__/gnyis pa zhing khams ji ltar snang ba'i tshul ni/__de'i tshe lhun stug po bkod pa'i zhing khams rang bzhin gyis rnam par dag cing chos kyi dbyings dang nam mkha'i mtha' klas par khyab pas bsam yas pa'i ngang de nas/__/rgya tshad dang bral ba'i gzhan yas khang*/__gzhi tshad med pa ye shes kyi 'khor lo la brten cing rgyan gyi rnams pa yang 'khor lo'i rgyan dang 'dod yon phun sum tshogs pa phyogs bcur 'khrigs pa'i rol mo'i tshogs chen po dang*/__rigs lnga'i dkyil 'khor nam mkha'i mthas khyab par snang ba 'od gsal lhun gyis grub pa ma lus pa bsam yas kun gyi rang bzhin/__ye shes kyi gzigs pa dag pa'i yul du mthong nas longs spyod chen po'i gzhir mngon sum tu nye bar mnga' mnyes pa dang*/__brjod pa med cing ris su ma chad pas rgya chen po'i gsung yi ge tshogs chen las 'gro ba'i don lhun gyis grub par 'byung ba'ang*/__gzhi lhun gyis grub pa'i dkyil 'khor ye nas sangs rgyas pa la lam ting nge 'dzin gyi dkyil 'khor zab mos gsal btab pas 'bras bu gdod ma'i gnas lugs su byang chub pa rnams dbyer med pa ni rang bzhin mthun pa'i sangs rgyas kyi ye shes rang snang ba'o/__/gnyis pa de nyid dbyings chos sku'i zhing nang gsal spros pa dang bral bar bzhugs tshul ni/__de ltar snang ba'i zhing khams kyang gnam gang gi zla ba ltar dbyings chos sku'i zhing du thim pas phyi rol du snang char med la nang gsal du mkhyen char ma 'gags pa ni rang bzhin gcig dang du mar bral ba yi chos sku/__/mtha' dang dbus med pa'i de bzhin nyid spros pa thams cad zhi ba'i dbyings na phyir snang thim par bzhugs pa'i longs sku'i cha de nyid/__sangs rgyas kyis kyang phan tshun mi gzigs te/__/shin tu phra ba'i rang byung gi ye shes de nyid gang du'ang gnas pa med par zhi ba'i dbyings na snang ba ste gnas pa'i phyir ro/__/gsum pa slar yang gdul bya'i 'jig rten du sprul sku'i 'char tshul ni/__de nas gdul bya'i 'jig rten du lhun gyis grub pa'i phrin las kyis gang la gang 'dul du rig pa'i ye shes sprul pa'i skur mngon par snang ba ste/__de'ang thugs rje rigs pa'i ye shes de nyid phyin ci log gi log par rtog pas kun nas brtags pa'i ngo bo sgrib gnyis bag chags dang bcas pa ma lus pa thams cad rnam par dag cing*/__shes bya ma lus pa mkhyen pa'i ye shes phyogs bcur rgyas te ye shes de yang dbyings rang bzhin gyis dag pa'i chos sku yon tan gyi gter las mi gzhan pa'i phyir/__/rtog pa med bzhin du 'gro don lhun grub tu 'byung ste yul gdul bya'i 'jig rten dang yul can thams cad mkhyen pa'i ye shes gnyis ye nas lhun gyi grub pa'i thugs rje chen pos yul yul can du 'brel bas na/__ma dag pa 'gro ba drug gi 'jig rten du dus gsum po thams cad du ye shes kyi spyan gyis gzigs shing lha la sogs pa'i gnas ris sems can gyis khyab pa ma lus pa de dag tu thub drug la sogs pa'i sprul pa tshad med pa so sor snang ba dang mthun par snang zhing don mdzad pa yin no/__/gsum pa gang du dbang bskur ba'i don bsdu ba ni/__/sngar bstan pa'i mchog dbang bde ba chen po'i dkyil 'khor la ni/__yab yum stangs dpyal gnyis sam yang na rdul tshon gyi dkyil 'khor kha dog lnga pa/__byas te slob ma dad ldan rnams rab tu zhugs na/__ji ltar 'dod pa bzhin dngos grub yid du 'ong ba sngon gzhan gyis thob pa dang mnyam par thob par 'gyur ro/__/de ltar skal ba mnyam pa'i ye shes chen po de/__don du gnyer na tshe 'di nyid la dngos grub chen po nye bar 'byung ba yi rang bzhin las bzhi dang tshe dbang thob pa'i rten des mchog gi dngos grub ya mtshan chen po sangs rgyas nyid 'byung bar nges so/__/de las gzhan chos dang bla ma la dad pa med cing rtsa ba dang yan lag gi dam tshig nyams pas bsgrub na phung bar 'gyur ro/__zhes de bzhin gshegs pas btsun mo'i tshogs dang bcas pas ched tu brjod do/__/ye nas lhun gyis grub pa'i dkyil 'khor gyi gnas lugs gsang ba'i snying po don gyi ye shes de kho nyid nges pa las ye nas grub pa'i dkyil 'khor gyi ngo bo rdo rje mtshon byed gzugs brnyan gyi dkyil 'khor du bkod pa'i mchog du gsang ba'i sangs rgyas thams cad kyi dam tshig gi le'u ste dgu pa'o//__//don gnyis pa dbang bskur ba'i thabs bye brag tu bshad pa la gnyis te/__dbang bskur ba la 'jug pa'i tshul mdor bstan pa dang de'i rang bzhin rgyas par bshad pa'o/__/dang po ni/__dkyil 'khor bstan pa de nas bcom ldan 'das zag pa med pa'i bde bas dgyes pa chen po kun tu bzang po yab yum khams gsum chos kyi rgyal po ru dbang bskur ba slob ma'i rgyud la sbyin pa zhes bya ba'i ting nge 'dzin la snyoms par zhugs nas dbang bskur ba'i ched du brjod pa 'di brjod do/__/de'ang dbang gi don la a b+hi She ka ta zhes zer zhing de'i don yang nus pa 'jug par byed pa ste 'jig rten rgyal sar 'don pa la rig byed kyi bum pas dbang bskur nas yul khams la dbang ba'i nus pa 'jug pa dang 'dra bar rang gzhan gyi don byed pa'i nus pa 'jug pa ste rgyal po sbyin pa zhes bya'o/__/yang a b+hi Shiny+tsa'i sgras ye shes kyis bgos shing sgo gsum gyi dri ma 'khrud pas na dbang ngo*/__/gnyis pa la gsum/__nus pa'i dbang dang phan pa'i dbang dang*/__phan yon bstan pa'o/__/dang po la gsum las/__zab dbang spyir bstan pa ni/__sngar bstan pa bzhin lha'i dkyil 'khor bskyed cing bdag nyid 'jug pa dang*/__slob ma 'jug pa dang phan dbang dang nus dbang bskur la gzungs ma byin gyis brlabs te/__yum shes rab dang yab yum thabs kyi phyag rgya snyoms par zhugs pa las/__yab kyi byang sems bde ba'i rang bzhin yi ge hU~M gi 'bru tshogs su gsal ba'i rgyun/__rdo rje'i lam nas phyung ste yum gyi bad+mar 'khyil ba/__slob ma'i lce rtse nas khong par bstim zhing gtso bo'i dkyil 'khor 'phro 'dus byin rlabs bsdus te slob ma'i snying gar bsgyur zhing gsang sngags brjod do/__/gnyis pa nus dbang bye brag tu bshad pa la lnga las/__dang po nyan pa'i dbang gi ting nge 'dzin ni/__slob ma rin chen 'byung ldan du gsal ba'i nyan byed rna ba gnyis kyi nang du b+h+ruM las 'khor lo rtsibs bzhi pa'i dbus su tra~M las lha'i gzhal yas su/__gsal ba'i rna ba'i dbang po sgra la nyan nus su 'dzin pa'i thig le shin tu dwangs ba'i ngo bo nyid du gnas pa de/__/yi ge trA~M zung lnga ya bcu hU~M bzhi dzaHhU~M baM hoHdang bcas pa gsung gi phyag rgya'i tshogs mchog gi yi ge rnams 'od du zhu ba las/__rin chen 'byung ldan gyi dkyil 'khor gsal bar bskyed la bla mas ye shes pa de kho na 'dra ba spro te slob ma'i rna bar thim pas nyan pa'i sgrib pa dag nas lha dang bcas pa 'od du zhu ba las rin chen 'byung ldan du bsam la dam tshig bsgrag cing rjes gnang sbyin pa ni/__tra~M zhes mgo 'dren par byas nas gsang ba ma hA gsang chen a nu gsang mchog gang yin pa rdzogs pa chen po a ti yo ga ste nang rgyud gsum dang*/__krI ya u pa yo ga la sogs pa phyi thub pa rgyud kyi theg pa'i gsang ba kun la'ang mnyan par bya zhing*/__slob dpon gyi dbang ma thob pa de srid du gsang ba'i don nyid rang gi rgyud la goms 'dris su byed cing brtags pa las/__gang zag gzhan dang yul dus gzhan du smra bar bya ba min no/__/gnyis pa bsgom pa'i dbang gi ting nge 'dzin ni/__gsal ba'i 'khor lo'i snying gzhal yas khang du bskyed pa'i gnas su/__dran gzhi gsal ba'i rten byed pa'i dwangs ma nyungs 'bru tsam gyi thig le'i ngo bo nyid/__gtso bo'i sa bon yi ge hU~M gi 'phreng ba'i tshogs mchog 'od du zhu ba las/__/thugs kyi rigs kyi dkyil 'khor du gsal btab ste ye shes pa 'phro zhing thim pas yid kyi sgrib pa sbyangs te 'od du zhu ba lhar gyur pas rjes gnang sbyin pa ni/__oM dus gsum gyi rgyal ba'i sras po chen po zhes slob ma la bos nas/__sangs rgyas thams cad kyi sku gsung thugs kyi rdo rje lus lha ngag sngags sems chos nyid zab mo'i don sgom pa zungs sh-ig__/de'i ngang las rgyal ba thams cad mnyes pa'i mchod pa sgrub pa dang phyi nang gsang ba bde ba chen pos mchod la/__'bras bu rgyal ba kun dang mnyam par sbyor ba'i go 'phang thob par gyis shig__/gsum pa phrin las kyi dbang gi ting nge 'dzin ni/__lag pa'i 'khor lo'i gzhal yas su/__reg shes gsal ba'i rten byed pa'i thig le dwangs pa'i ngo bo nyid/__haM gi phyag rgyas tshogs mchog yi ge'i rang bzhin du gyur pa las/__phrin las kyi dkyil 'khor gsal bar bskyed la ye shes pa 'phro zhing thim pa zhu ba las don grub yab yum du gyur pa rjes gnang sbyin pa ni/__oM rigs kyi bu khyod ni de ring nyid nas rdo rje las te don yod grub pa yin gyis/__sems can gyi don dang sangs rgyas mchod pa dang rang gi sgrub pa'i las rnams ma lus pa kun gyis shig__/des sangs rgyas dang byang chub sems dpa'i rnam sprul gyi pho nya mang po'i tshogs tshur 'du bas dngos grub ster zhing phar 'phro bas phrin las bsgrub pa'i rang bzhin du gyur pa kun gyis/__khyod kyi dgos pa thams cad byed pa yin zhes pa'o/__/bzhi pa 'chad pa'i dbang gi ting nge 'dzin ni/__tshig smra bar byed pa lce'i 'khor lo'i gzhal yas su/__ro 'dzin lce'i dbang po dwangs shing gsal ba'i thig le'i ngo bo nyid/__yi ge hrIHyi rang bzhin zung lnga'i phyag rgya'i tshogs mchog 'od du zhu ba las/__snang ba mtha' yas gsung chos kyi rigs kyi 'khor lo gsal ba la ye shes pa spro zhing thim pa zhu ba las 'od dpag med du bskyed la rjes gnang sbyin pa ni/__oM phyi nang gsang ba'i chos kyi bdud rtsi bla na med pa rnams kyis/__theg pa so so gang dang gang la dad pa dang ldan pa'i skyes bu de dang de chos bstan pas ngom par byos la/__dbang po rab la gsang chen rmad du byung ba'i theg pa 'bring la rgyu'i theg pa chen po tha ma'i blo can la nyan rang dang lha mi'i theg pa/__dbang po'i rim pa dang mthun par chos kyi gsang ba so sor bsgrags kyis dman pa'i gang zag la chen po'i chos dang*/__chen po la dman pa'i chos la sogs pa 'chol bar bsgrags pa'i tshul gzhan du bya ba min te don du mi 'gyur ba dang chos spong pa'i las sogs pa'i phyir ro/__/lnga pa rdo rje rgyal po bka' rab 'byams kyi ting nge 'dzin ni mgo la sogs pa yan lag lnga ni 'gro 'dug dang phyag rgya dang yul la lta zhing bsgul bskyod byed pas bskyod chen 'khor lo'i gzhal yas su/__lus kyi dbang po dwangs shing gsal ba'i thig le'i ni ngo bo nyid gnyis su med pa/__lag pa g.yas kyi dpung mgor hU~M mgo la oM lag pa g.yon la swa rkang g.yon la aM g.yas la ha rnams 'od du zhu ba las/__rigs lnga so so'i dkyil 'khor lnga dang phyi rol du bsrung ba'i 'khor lo khro bo bcu'i 'phreng ba dang bcas pa bsgom zhing*/__rjes su gnang ba ni oM phyogs bcu dus bzhi'i sangs rgyas thams cad kyi/__sku dang gsung dang thugs kyi rdo rje che ste/__'khor 'das thams cad la ye nas khyab pa'i rang bzhin rmad tu byung ba'i dkyil 'khor kun gyi byed pa po dpal kun tu bzang po khyod yin pas/__rigs kyi bu 'di la mchog gi dkyil 'khor dngos grub kun gyi sbyin pa dam pa spyod pa sde rtsol cig ces pa'o/__/gsum pa dbang dang mi ldan pa'i nyes pa ni/__sgo gsum yo byad dang bcas pas gsang sngags kyi slob dpon mnyes par ma byas shing*/__phyi nang gsang ba'i dbang rnams rgyud la thob par ma byas par/__gsang sngags nyan pa la sogs pa la tsom pa rnams/__tshe 'dir bsgrub pa'i 'bras bu dngos grub med cing phyi ma ngan song du sdug bsngal myong bas brlag par 'gyur te chos zab mo la dbang zos pa'i phyir ro/__/gnyis pa phan pa'i dbang ni slob ma lha'i bdag nyid du gsal ba la rin po che'i dbu rgyan bcings pa ni khams gsum chos kyi rgyal por dbang bskur te rnam shes tshogs brgyad ye shes lngar gsal zhing phyir mi ldog par mtshon pa'o/__/cod pan ste dar dpyangs kyis sgrib pa gnyis dag cing thabs dang shes rab zung du 'brel bar mtshon pa'o/__me tog gi 'phreng ba yis ni las dang bag chags dag cing byang chub yan lag gi tshogs thob par mtshon pa dag__/de gsum ka dbu rgyan gyi dbang ste sangs rgyas kyi rgyal tshab tu 'gyur ba'o/__/go cha ni nyon mongs pa'i mtshon gyis mi tshugs shing bdud kyi sgyu 'dul bar mtshon pa'o/__/rgyal mtshan ni 'khor ba'i rgyu kun nas ldang ba'i cha dang bcas pa dag cing mi mthun pa'i phyogs las rnam par rgyal ba mtshon pa'o/__rdo rje la sogs pa rigs lnga'i phyag rgya ni nyon mongs pa lnga gnas su dag cing ye shes lnga thugs su chud par mtshon pa dang*/__gdugs ni nyon mongs pa'i gdung ba skyob cing thugs rjes 'gro ba skyob par mtshon pa dang*/__'di gsum gzhan don phun gsum tshogs pa'i dbang ngo*/__bum pa ni nyon mongs pa'i dri ma 'khrud cing rigs lnga'i nus pa 'jog pa ste zag pa med pa'i chu rgyun mtshon pa'o/__bza' ba dang btung ba ni 'khor 'das kyi rgud pa dang bral nas bsam gtan gyi ros rgyas par mtshon pa dang*/__'di gsum ni rang don phun sum tshogs pa'i dbang ngo*/__nyi ma zla ba chus sha chen gyi dwangs ma ste snying po lnga yis dbang bskur na phung po lnga yab lnga 'byung ba lnga yum lnga nyon mongs pa lnga ye shes lngar dag cing dbyer med par mtshon pa'o/__/'di ni 'khor 'das gnyis su med par ston pa'i dbang ngo*/__/gsum pa dbang thob pa'i phan yon ni/__de ltar nus pa dang phan pa'i dbang rnams rdzogs par thob pa'i dus 'di phyin chad rigs kyi bu khyod rgyal ba kun tu bzang po'i sras su gyur cing*/__/ngan song dang de'i sdug bsngal thams cad med pa dang*/__/'dir yang tshe ring zhing nor dang 'byor pa dang dbang phyug dam pa'i bde ba phun sum tshogs pa dang*/__phyi ma la'ang gnas skabs mtho ris dang mthar thug thar pa'i bdag po sangs rgyas thob par 'gyur ro zhes brjod do/__/thugs kyi ye shes mchog tu gsang ba'i snying po phun sum tshogs pa zab mo de kho na nyid nges pa las sangs rgyas kyi rgyal tshab tu dbang bskur ba'i ye shes sbyin pa'i le'u ste bcu pa'o//__//spyi don gnyis pa lam bskyed pa dang rdzogs pa'i rim pa bstan pa la gnyis te/__tha mal gyi mngon zhen bzlog pa bskyed pa'i rim pa dang*/__snying po'i don la 'jug pa rdzogs pa'i rim pa'o/__/dang po la gnyis/__thabs bskyed pa'i rim pa tshogs kyi dkyil 'khor bstan pa dang*/__de'i yan lag bye brag tu bshad pa'o/__/dang po la gsum/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__gzhi dkyil 'khor du dbang bskur ba de nas lam bskyed pa'i rim pa thabs snang ba'i dngos po lam du slong ba'i phyir de bzhin gshegs pa thabs kyi rol pas dgyes pa chen po kun tu bzang po nyid thabs snang ba'i sgyu 'phrul 'dod yon lnga la sogs pa 'khor ba'i chos nyon mongs pa'i rnam par snang ba rnams shes rab stong pa'i rang bzhin du gnas pas dra ba'i ngo bo chos thams cad kyi gnas lugs sam rgyal po 'dod yon dang nyon mongs pa ma spangs par snang dus nyid nas ye shes chen por dbang bsgyur ba zhes bya ba'i ting nge 'dzin la snyoms par zhugs nas/__thams cad thar lam du bstan pa'i ched du brjod pa 'di brjod do/__/gnyis pa la gnyis/__gzhi lhun gyis grub pa'i dkyil 'khor shes par bya ba dang*/__lam thabs dang shes rab kyi dkyil 'khor nyams su blang ba'o/__dngapo ni/__snang srid 'khor 'das kyis bsdus pa'i chos thams cad ye nas stong pa'i ngang las byung bar rgyu gcig pa dang de ltar stong pa'i ngang las dang por byung ba ma zad da lta snang dus nyid nas kyang yig 'bru a'i tshul du rang bzhin gyis ma skyes pa'i ngo bor snang stong gnyis su med par gnas te/__snang ba ni oM stong pa ni AHgnyis su med pa ni hU~M gi rang bzhin du gnas pas snang bzhin du stong stong bzhin du snang snang ba dang stong pa gnyis su med pa'i ngo bor gnas so/__/me'i rang bzhin tsha bas byin gyis brlab pa ltar chos thams cad kyi rang bzhin ye nas dkyil 'khor gyi rang bzhin du sangs rgyas par byin gyis brlabs pas ma dag pa med cing dag pa 'ba' zhig gi tshul du gnas te stong pa chos sku snang ba long sku sna tshogs su snang ba sprul pa'i sku'i rang bzhin yin pa'i phyir dang de ltar gnas pa'i rang bzhin rnams kyang dus gzhan nam lkog tu gyur pa la sogs pa ma yin par snang dus 'di nyid nas phyi snang ba yum nang phung po yab rtog tshogs lha'i rang bzhin du gnas pa'i ngo bo mngon sum bar snang zhing snang dus nyid nas mnyam pa nyid kyi rang bzhin las mi g.yo ba'i dgongs pa ston pa yin te/__de'ang gzhi'i gnas lugs de rang gi bsod nams dang*/__bla ma dam pas thugs rjes byin gyis brlabs pa la brten nas phyin ci ma log par rab tu rtogs pa rnams pa bzhi yis/__chos thams cad ye nas mngon par rdzogs par byang chub pa'i rgyal po che de ltar rtogs pa na snang srid 'khor 'das kyi chos rnams la spong len med par phyams gcig ye shes kyi rol bar 'char bas gsang chen don gyi gnas lugs so/__/de ni dbyings de bzhin nyid du bshad pa'o/__/bskyed rim ltar na rgyu gcig pa ting nge 'dzin gsum dang*/__yig 'bru lha so so'i snying po bskyed pa dang*/__byin gyis brlab pa lha'i dkyil 'khor du bskyed pa dang*/__mngon sum pa de'i ngang la lhan cig pa'i rdzogs pa sgom par rab tu rtogs pa rnam pa bzhi yis chos thams cad shes par byed pa'o/__/rdzogs rim dang sbyor na/__rgyu gcig pa 'khor 'das sems su gcig pa'o/__/yig 'bru'i tshul skye ba med pa'i ngang du rtogs pa'o/__/byin gyis brlabs pa de ltar mnyam par 'jog pa thugs rdo rje'i ngo bo gnyis su med par gyur ba'o/__/mngon sum pa so so rang gi rigs pa'i ye shes kyis bsgom pa las rtogs pa ste/__lam rim las/__rgya mtsho dwangs ba'i gzugs brnyan ltar/__/sgra rten yid la byed min pa/__/rang rig mngon sum dmigs bral bar/__/rang gsal gsum bral mi bsgul bas/__/nges par gding du gang byas pa/__/thos bsam brtan pa'i lta mthar phyin/__zhes so/__/zung 'jug ltar na/__rgyu gcig pa bskyed rdzogs bden gnyis su gcig pa dang de'i ngo bo rtag chad las 'das pa yi ge sprin du gnas pa dang*/__dbyings rang bzhin gyis dag pa'i ngang las bskyed rdzogs su rang snang bar byin gyis brlabs pa dang de nyid rig pas thag chod cing mi 'gal bar mngon sum du rtogs nas nyin mtshan du brtson pa ste/__rngam glog las/__rtogs pa yang ni rnam pa bzhir/__/rnal 'byor nang pa bzhed pa ste/__rgyu gcig ba dang yi ge'i tshul/__byin gyis brlabs dang mngon sum las/__/rdzogs chen don la 'jug gyur te/__/rgyu ni bden gnyis cig char du/__gcig pas gcig pa'i mtshan nyid dang*/__/sku gsung thugs kyi dkyil 'khor ru/__chos kun rang bzhin rtogs pa dang*/__/skye med dbyings kyi byin brlabs las/__/chos kun snang bar shes pa dang*/__/de lta bu yi rang bzhin te/__/gzhan la ma brten mi 'gal bar/__/mngon sum rig pas thag chod na/__/rnal 'byor sa la sleb pa yin/__zhes so/__/gnyis pa la gsum/__cir snang ye shes kyi dkyil 'khor/__rol pa tshogs kyi dkyil 'khor/__gang sgrub thabs kyi yan lag go__/dang po la gnyis/__snang sems gnyis med kyi dkyil 'khor spyir bstan pa dang*/__sbyor grol gnyis med kyi dkyil 'khor bye brag tu bshad pa'o/__/dang po la gsum/__'dzin byed yab kyi dkyil 'khor/__gzung yul yum gyi dkyil 'khor/__rol pa gnyis su med pa'i dkyil 'khor ro/__/dang po la'ang gnyis las/__dang po zhi ba'i dkyil 'khor du shes par bya ba ni/__lus kyi yan lag dang mig la sogs pa'i dbang po dang de dag gi rnam par shes pa'i tshogs dang bcas pa kun/__tha mal gyi rnam smin rang mtshan pa min par oM ste ye shes lnga'i rang bzhin du shes par bya zhing de'i mtshon byed du yab lnga sems dpa' brgyad sgo ba bzhi thub pa drug dang bcas pa'i rang bzhin me long nang gi gzugs brnyan ltar med bzhin snang ba'i rigs lnga longs spyod rdzogs pa'i dkyil 'khor nyid du bsgom mo/__/gnyis pa khro bo'i dkyil 'khor du shes par bya ba ni/__yang na gdul bya'i dbang ngam rang gi mos pa'i dbang gis khro ba'i dkyil 'khor bsgom par bya'o/__/gnyis pa yum gyi dkyil 'khor la'ang gnyis las/__dang po zhi ba'i yum du shes par bya ba ni/__snang srid skye 'gros bsdus pa'i gzugs dang sgra dang dri dang ro dang reg bya la sogs pa ste chos dang 'byung ba lngar snang ba thams cad rnam pa de dag tu smin par muM du ste gnyis su med pa'i ye shes kyi ngo bo nyid du shes par bya zhing de'i mtshon byed sgo ma bzhi sems ma brgyad yum lnga'i rnam pa ste snang la ngos bzung med pa yum gyi dkyil 'khor nyid du bsgom par bya'o/__/gnyis pa khro bo'i yum du gsal ba ni/__yang na gdul bya'i dbang ngam rang gi mos pa'i dbang gis khro mo'i dkyil 'khor bsgom mo/__gsum pa rol pa gnyis su med pa'i dkyil 'khor ni/__lus la bgo ba'i gos dang 'dogs pa'i rgyun dang*/__bza' ba dang btung ba dang ngag gi glu dang brjod pa'i tshig dang*/__lus kyi rnam 'gyur rkang pa'i bro dang lag pa'i gar dang nye bar spyod pa'i yo byad kyi tshogs kyi sprin phung chen po la/__snang stong ngam yab yum gnyis su med pa'i rang bzhin hU~M bde ba chen po'i chos nyid du shes pas chags zhen med pa tshogs kyi yo byad rmi lam ltar bden med kyi ngang nas lha mo drug gi rang bzhin du rab tu spyad na 'bras bu mchog dang thun mong gi dngos grub ngo mtshar ba'i rang bzhin 'byung ba'i dkyil 'khor phung khams skye mched na bzhugs pa'i sangs rgyas thams cad mnyes pas myur du byang chub 'grub pa'i phan yon rlabs po che thob par byed do/__/gnyis pa sbyor sgrol gnyis med kyi dkyil 'khor la gsum/__sbyor ba gnas su dag pa bde chen byang chub mchog gi dkyil 'khor/__sgrol ba gnas su dag pa thabs chen gsang ba'i dkyil 'khor/__sbyor sgrol gyi nyes pas mi gos pa ye shes sgyu ma'i dkyil 'khor ro/__/dang po la bzhi las/__dang po yul gang la sbyar ba ni bcu gnyis ma thugs kyi gsang yum lha mo bcu drug ma gsung gi gsang yum klu mo nyi shu ma sku'i gsang yum rigs ngan mo rnams kyi bzang ngan dang bye brag so sor dbye nas ngan pa dor te bzang ba bsten pa'am yang na mi dbye bar gang rung yul du byed pa'o/__/tshul ji lta bus sbyar na ni lha gcig la'ang bsnyen sgrub bzhis brten pa ltar 'dir yang phyag rgya'i rgyud sbyong zhing byang chub kyi sems rgyas par byed pas bsnyen pa dang 'du shes dag pas lta ba dang reg pa la sogs pa ni nyi nye ba'i bsnyen pa dang*/__lhar gsal pas 'khyud pa la sogs pa ni sgrub pa dang gnyis su med par rol bas 'khor lo bzhi nas gsang bar 'bebs pa ni sgrub pa chen po yi rim pa bzhi yi ye shes la sbyor ba'o/__/ngo bo gang sbyor ba ni/__de nas yum gyi pad+ma'i dkyil 'khor du/__gnyis su med pa'i byang chub kyi sems nyungs 'bru tsam gyi rten bsam pa la bde ba chen po'i rang bzhin/__thugs gyi dkyil 'khor sangs rgyas kyi tshom bus brgyan pa spro zhing bskyed la ye shes pa dbyings nas spyan drangs shing bstim ste/__bzhugs pa'i sangs rgyas kyi sprin tshogs ma lus pa thams cad la rol pa'i mchod pa phul bas/__dkyil 'khor gyi lha thams cad dgyes pa mnyam pa'i mchog gi sbyin pas so sor bstim zhing tshim par phul bas gnyis med bde ba chen po'i dngos grub thob par bsam nas byang chub kyi sems pad+mor 'khyil ba 'dzin par byed do/__/dngos grub ji ltar byung ba ni/__de ltar sgrub pa'i mkha' gsang gi nyi ma dang zla ba'i snying po de/__rtsa 'khor lo bzhi'i dkyil 'khor du gsang ba rdo rje nor bu'i lce yis blang ste mas rim gyis dgang nas lus kyi gnas thams cad la khyab par dgram zhing ye shes su la bzla'o/__/bsgrub pa de'i 'bras bu ni/__rdzu 'phrul gyis nam mkha' la 'gro ba dang chos thams cad mngon sum du gsal bar rtogs pa dang ting nge 'dzin dang ye shes kyi 'do zer 'bar bas sa lam gyi khyad par gong mar bgrod ba dang tshe la dbang thob pas rdo rje'i sku brnyes pa sogs te gnas skabs thun mong gi grub pa brgyad dang*/__mthar thug kun du bzang po'i sa mchog yid bzhin sprin gyi bdag por 'gyur ro/__/gnyis pa sgrol ba gnas su dag pa thabs chen gsang ba'i dkyil 'khor la gsum las/__gang bsgral ba'i yul ni zhing gyur mchog lha mi dang mchog phran ngan song gi 'gro ba dbye na zhing bcu po rnams sdug bsngal gyi rgyu dang 'bras bu la gnas pas de dang bral bar bya ba'i phyir bsgral lo/__/ji ltar bsgral pa'i thabs ni/__rnal 'byorar pa rab ting nge 'dzin gyis sgrol la/__'bring ting nge 'dzin dang sngags dang phyag rgyas sgrol zhing*/__tha mas de dag gi steng du brub khung dang ling+ga la sogs pa rdzas dngos su bsags ste gzugs brnyan dang bcas pas sgrol zhing*/__de'ang dkyil 'khor gyi lho nub tu brub khung ro sol gyis byugs pa e gru gsum 'bar ba'i nang du ma las nyi ma dang a las zla ba'i dkyil du ling+ga ming rus dang bcas pa sgrol ba'i las la mkhas pa'i rnal 'byor pas bzhag te ting nge 'dzin gyis dgug gzhug bya'o/__/de'ang mkhas tshul lnga ste/__rang bzhin gyis sgrol ba'i lta ba la mkhas pa/__ting nge 'dzin gyis sgrol ba'i sgom pa la mkhas pa/__dbang po yul dus kyis sgrol ba'i spyod pa la mkhas pa/__thabs chen gsang ba sgrol ba'i gdams ngag la mkhas pa/__mngon spyod zab mos sgrol ba'i mdzad spyod la mkhas pa'o/__/de nas bdag nyid dpa' bo chen po yab yum gyi ngo bor bskyed la gdug pa can bsgral bar bya'o snyam pa'i nga rgyal dang ldan pas lag pa'i sor mo bcu la dpa' bo 'bru lnga'am sgrol ging bcu'i sa bon hU~M bcu las ging pho bcur bskyed pa'i bar du zangs gri'am phur pa 'dri la cing lag gi 'du byed lang+ga'i snying la gzir bas sha khrag dum bur gtubs te dkyil 'khor la mchod par bsgom mo/__/rnam par shes pa hU~M du gyur pas las dang bag chags thams cad rnam par dag cing*/__hU~M de nyid rim gyis zla tshes kyi dbyings su thim nas zla tshes me long lta bu'i ye shes yongs su gyur pa las thugs kyi phyag rgyar mtshon pa'i rdo rje 'od 'bar ba zhig tu gyur/__de las rdo rje sems dpa'i skur gyur cing 'od zer rab tu 'phro bas gzi brjed can/__de'i gtsug tu 'khor ba las rnam par rgyal ba'i rtags kun tu bzang po tshon gang ba cig bsgom te/__rlung gi dkyil 'khor gyi steng du zla ba'i gdan la bzhag nas phaT kyi sgras 'og min du 'phangs/__de bzhin gshegs pa'i zhal du zhugs/__yum gyi mkhar rdo rje sems dpar bskyed de de bzhin gshegs pa'i sras su byas nas sems can gyi don byed par bsam mo/__/de ltar bsgral ba'i phan yon ni sdig pa can mngon spyod kyis bsgral ba 'di ni theg pa gzhan las ngo mtshar ba rdo rje theg pa'i gsang chen sdig can ngan 'gro las thar pa'i thabs khyad par du 'phags pa'o/__/gsum pa sbyor sgrol gyi nyes pas mi gos pa ye shes sgyu ma'i dkyil 'khor ni/__don dam par chos thams cad kyi gnas lugs ye nas skye ba med pa'i de bzhin nyid dang*/__kun rdzob snang tsam nyid na rang bzhin med bzhin du rkyen gyis sna tshogs su snang ba sgyu mar snang ba dang ngos bzung med par mig yor gyi tshul lta bur shes pas/__sbyor ba dang sgrol ba'i bya ba kun byas kyang byed dus nyid nas las sogs byed kyi bya ba rang mtshan pa rdul cha tsam yang byas pa med do/__/gnyis pa rol pa tshogs kyi dkyil 'khor la gnyis/__kun tu bzang po'i tshogs mchod mdor bstan pa dang*/__dkyil 'khor so so'i rang bzhin rgyas par bshad pa'o/__/dang po la gsum las/__rang bzhin shes par bya ba ni/__phyi snod kyi 'jig rten 'byung ba lnga'i ngo bo yab yum lnga'i rang bzhin du dag cing nang bcud kyi sems can phung po lngas bsdus pa yab 2lngar dag la rang rang gi rgyud kyi dbang po dang rnam par shes pa dang de dag gi yul rnams sems dpa' dang sems ma dang sgo ba yab yum du ye nas rnam par dag par 3rtogs shing*/__snang srid 'khor 'das kyi chos thams cad don dam par ma skyes pa mnyam 1zhing kun rdzob tu sgyu ma lta bur mnyam pa gnyis 2dang phung po lnga sangs rgyas su mnyam3 pa dang rnam shes brgyad ye shes su mnyam pa ste4 lhag pa'i mnyam pa gnyis kyis/__thams cad sku gsung thugs kyi dkyil 'khor ye nas kun tu bzang po'i zhing khams nyid do/__/gang gis shes par bya ba ni/__de ltar rdzogs pa chen po'i rang bzhin du rtogs pas chos nyid don gyi dkyil 'khor la dbang thob pa'i tshe sgo gsum gyi byed spyod ci byas kyang bsod nams dang ye shes kyi tshogs chen gnyis su gyur nas/__de yang sngar bstan pa bzhin sngags kyi yan lag lnga ma nyams shing yo byad lnga dang ldan pa dang*/__cho ga lnga po rdzogs par shes pa yi/__/rnal 'byor pas dus khyad par can la sogs par dur khrod la sogs pa'i gnas su rten gang zag tshogs kyi yo byad rnams yongs su tshogs pa'i dkyil 'khor gyis mnyes par byas te bsgrubs na 'bras bu gnas skabs rig 'dzin gsum dang phrin las bzhi mthar thug nges par legs pa'i dgos pa byang chub 'grub par 'gyur ro/__/gnyis pa dkyil 'khor so so'i rang bzhin rgyas par bshad pa la gnyis/__rten dkyil 'khor gyi rang bzhin dang*/__de ji ltar bsgrub pa'i rim pa'o/__/dang po la gnyis/__zhi ba'i dkyil 'khor dang*/__khro bo'i dkyil 'khor ro/__/dngo po la gsum tshom bu lnga pa/__gsum pa/__gcig pa'i dkyil 'khor ro/__/dang po ni/__rigs lnga dang yum lnga gnyis su med pa yi sbyor ba yis/__tshom bu lnga yi lha rtsa ba lnga las yab yum bcu rigs bzhi po re re'ang bcu bcu ste lnga bcu bkod la/__phyi rol du srung ba'i 'khor lo khog pa stong pa phyogs mtshams steng 'og gnyis te brtsibs bcu la hU~M ka ra la sogs pa'i khro bo bcu dang rdo rje sgra 'byin ma la sogs pa'i khro mo bcu/__bar chad bsrung ba'i 'khor lo'i tshul du rnam par bsgom mo/__/de yang dbus su gtso bo yab yum kun tu bzang po'i rang bzhin la rdo rje sems dpa' rdo rje rin chen rdo rje chos kyi rdo rje las kyi rdo rje bzhi'i yum/__brtan ma rdo rje 'bar ba rdo rje sdud ma rdo rje bskyod ma rdo rje ste yab yum bcu'o/__/shar du mi bskyod pa yab yum la rdo rje sems dpa' rdo rje rgyal po rdo rje chags pa rdo rje legs pa bzhi'i yum/__sgeg mo bdug pa lcags kyu rdo rje sgrol ma'o/__/lhor rin chen 'byung ldan yab yum la rdo rje rin chen rdo rje gzi brjid rdo rje rgyal mtshan rdo rje bzhad pa bzhi'i yum/__phreng ba ma me tog ma zhags pa ma rdo rje bde ma'o/__/nub tu 'od dpag med yab yum la rdo rje chos rdo rje rnon po rdo rje 'khor lo rdo rje smra ba bzhi'i yum/__glu ma mar me lcags sgrogs ma rdo rje gsal bkra ma'o/__/byang du don yod grub pa yab yum la rdo rje las rdo rje srung ba rdo rje gnod sbyin rdo rje khu tshur bzhi'i yum/__gar ma dri chab ma dril bu ma rdo rje 'beb ma'o/__/de ltar lnga bcu'i phyi rol du khro bo bcu yum dang bcas pas lha bdun cu ni tshom bu lnga pa'o/__/gnyis pa tshom bu gsum pa'i dkyil 'khor ni/__de bzhin gshegs pa'i rigs dang rdo rje'i rigs dang*/__pad+ma'i rigs te re re'ang yab yum bcu bcu'i rang bzhin sku gsung thugs kyi lha sum cu'i dkyil 'khor gyi mthar khro bo'i tshogs te sgo ba yab yum brgyad dang ldan pa yi/__tshom bu gsum gyi lha rnams bsgom par bya'o/__/gsum pa tshom bu gcig pa'i dkyil 'khor ni rigs thams cad kyi de bzhin nyid kun tu bzang po'i rigs te rigs lnga'i dkyil 'khor thams cad kyi gtso bo rnam par snang mdzad kyi rang bzhin ni de bzhin gshegs pa'i dkyil 'khor rigs lngar phye ba'i thugs kyi thugs te gtso bo rnam snang mthing gas brgyan pa ni thugs kyi mchog lha bcu'i dkyil 'khor gyi mthar sgo ba yab yum brgyad kyi khro bo'i tshogs dang ldan pa yi/__tshom bu gcig pa'i lha bco brgyad po rnams bsgom par bya'o/__/gnyis pa khro bo'i dkyil 'khor ni/__khro bo rigs lnga dang khro mo kro te shwa ri lnga'i tshogs chen po dang*/__de dag gi bya ba sgrub pa'i pho nya gnas kyi ma mo brgyad dang phyag brnyan yum gyi phra men brgyad dang bka' nyan ye shes kyi sgo ma bzhi la sog pa dang*/__ci bgyis las byed dbang phyug ma nyi shu rtsa brgyad la sogs pa'i tshogs rnams kyis/__mthar thug mchog gi dngos grub dang gnas skabs las rnams rdzogs par byed do/__/gnyis pa de ji ltar bsgrub pa'i rim pa la bzhi/__tshom bu gcig pa/__gsum pa/__lnga pa/__rdo rje dbyings kyi dkyil 'khor ji ltar bsgrub pa'o/__/dang po la'ang gnyis las/__gang zag gang gis bsgrub pa ni/__sems nyid rnal ma'i don la blo chos nyid du 'byor ba de bzhin gshegs pa'i gsang ba zab mo rmad du byung ba'i sngags kyi tshig don 'chang ba rnams kyis bsgrub par bya ba'i mchog thun mong gi dngos grub ni/__chos thams cad ye nas mnyam pa nyid rang bzhin rdzogs pa chen po'i ngang du lhun gyis grub cing dbyer med pa phyogs bral 'dzin zhen med pa'i ngang du gnas shing*/__blang dor med par spyod pas ci la yang thogs pa med pa'i rang bzhin/__chos thams cad ye nas ngo bo gcig cing dbyer med par rtogs pa'i rnal 'byor pas bsgrub pa'o/__/dkyil 'khor gang sgrub pa ni/__thugs rdo rje'i rigs su rigs thams cad kyi dkyil 'khor 'dus pas lha dang gzhal yas khang pa thams cad ye shes kyi 'od zer 'phro zhing gzi brjed 'bar ba rab tu bsgom zhing*/__'dod yon thams cad la zhen chags med par lha la lha mchod pa'i tshul gyis rol zhing bstim par bya'o/__/de'i 'bras bu sems nyid gnyis su med pa'i chos skur gyur nas lhun gyis grub pa'i phyag rgya chen po'i go 'phang thob po/__/gnyis pa tshom bu gsum pa ni/__snga ma las yang na sku mi bskyod pa gsung 'od dpag med thugs rnam par snang mdzad kyi dkyil 'khor nyid de/__sangs rgyas thams cad kyi dkyil 'khor ma lus pa bsdu na sku gsung thugs su 'dus pa yin no/__/de bsgrub pa'i bskyed rdzogs kyi ting nge 'dzin lha'i rnam pa gsal zhing mtshan dang dpe byad du 'bar ba'i 'od zer 'phro pas sems can gyi don byed pa bsgom pa'o/__/'dod yon thams cad yum du bsam pa yab kyis rol pas gnyis su med pa'i chos dbyings kyi ngang du thim par bsam mo/__/'bras bu lhun gyis grub pa'i rig 'dzin gyi dngos grub mchog thob par 'gyur ro/__/de las gdul bya'i don du lha'i dkyil 'khor ma lus pa yon tan gyi dpal 'bar ba 'grub cing*/__sems can gyi nyon mongs pa dang sdug bsngal ma lus pa sel bar byed la/__sems can de dag rdo rje'i rigs su skye ba'i gnas su bkod pa'i phrin las byed do/__/gsum pa tshom bu lnga pa la'ang gnyis las/__gang zag gang gi tshul ji ltar bsgrub pa ni/__sngags 'chang ba'i rnal 'byor pas dngos grub yang dag pa ni rgyud la thob par bya ba'i phyir/__yab yum thabs dang shes rab tu gsal zhing ting nge 'dzin gsum la sogs pa'i cho ga thams cad kyis/__tshom bu'i dkyil 'khor lnga dang phyi rol du khro 'phreng bsgom mo/__'dod yon la chags pa med pa'i tshul gyis ni/__lha la lha thim pa'i tshul gyis mchod bya mchod byed gnyis su med par bstim par bya'o/__/'bras bu dngos grub mchog gi snying po lhun gyis grub pa'i rig 'dzin 'grub bo/__bzhi pa rdo rje dbyings kyi dkyil 'khor bsgrub pa la'ang gnyis las/__gang zag gang gis ji ltar bsgrub pa ni/__rnal 'byor pa yab thabs dang yum shes rab kyi rang bzhin nyid kyis/__de bzhin gshegs pa lnga dang lnga'i yum du bsgom zhing*/__dbang po dang rtog tshogs sems dpa' dang sems ma sgo ba yab yum dang bcas pa nyid du bsgom par bya'o/__/lha de dag kyang 'od zer gyi tshogs rnam pa mang po phyogs bcur 'phro ba'o/__/gsum pa gang sgrub thabs kyi yan lag la bzhi las/__gang sgrub pa ting nge 'dzin gyi yan lag ni/__chos thams cad dkyil 'khor du bsgrub pa'i tshe phyi nang gi lus dang longs spyod la sogs pa spyad par bya ba'i yul dang*/__spyod byed bdag nyid dkyil 'khor gyi rol pas so so'i sngags dang phyag rgya dang*/__ting nge 'dzin gyi rnam pa skabs su gang bab rnams phyin ci ma log pa yang dag par so sor gsal zhing ma 'dres pa shes par bya'o/__/ji ltar sgrub pa mthun pa'i yan lag ni/__bsgrub pa'i gnas mtshan nyid tshang zhing bar chad med pa dang nye bar mkho ba'i longs spyod mtha' gnyis su ma lhung zhing ci bde bar yod pa dang*/__des mtshon nas sgrubs pa'i grogs su gyur pa'i yo byad dang rten dang dam rdzas la sogs pa mthun pa'i rkyen rnams ma nyams par tshang zhing sgrub pa'i blo ni rkyen gzhan gyis mi 'phrogs shing mtha' gcig tu tshugs pa'i zhes bcad/__rab dang ldan pa'i rnal 'byor pas/__sgrub pa la 'jug pa'i dang po rar dam bca' ji ltar nos pa zhig tu brtan par bya zhing*/__sgrub dus su de las gzhan pa'i bya ba la brtson pa dang rtags dang mtshan ma ngan pa'am rtags ma byung bas sgyid lugs pa dang ngas mi 'grub snyam du bdag nyid brnyas pa'i le lo rnams dang los dal dang dus su mi sgrub cing lus ngag cha babs su byed pa'i sgyu+id snyoms la lus pa med pa yi sgo nas/__sngags dang ting nge 'dzin sogs la yin nam ma yin 'bras bu 'byung ngam mi 'byung snyam pa la sogs pa'i the tshom med par yin nges snyam pa'i blos bsgrubs par byas na/__gang bsgrub kyi dkyil 'khor thams cad 'grub par 'gyur te/__rdo rje gsang mchog sku dang ye shes 'du 'bral med pa'i chos sku dam pa 'thob par 'gyur ro/__/nam gyi tshe sgrub pa dus kyi yan lag ni/__sgrub pa'i zhag ni le'u dgu par zhag ni sum cu phrag drug gam/__zhes pa sogs dang sgrub pa la 'jug pa'i tshes grangs dang gza' skar la sogs pa ni/__rgyas pa'i rgyud las/__dus ni yar ngo'i brgyad las brtsam/__shin tu skar ma rgyal rnams la/__byang chub spyod pa cher spyod pas/__gsang mchog dngos grub thob bya'i phyir/__gza' skar shis pa'ang blang bar bya/__zhes smos pa bzhin du bshad par bya'o/__/gsum pa skabs kyi don bsdu ba ni/__chos thams cad kun tu bzang po'i rol par ye nas dag pas thams cad la spangs blang med par spyad par bya'o zhes rdo rje gsang ba'i tshig tu'o/__/zhes de bzhin gshegs pa nyid la de bzhin gshegs pa nyid ched du gleng ngo*/__/tshul 'dis ni thams cad rang snang du bstan te rang snang la rang gi sems nyid gnyis su med pa rol pa rmi lam dang 'dra bar ngo bo nyid kyis ma skyes par bstan to/__/chos nyid gsang ba'i snying po gang snang ye shes kyi rol pa de kho na nyid nges pa las rnal 'byor pa lta spyod mthun pa kun 'dus pa dang de rnams kyis 'byor pa'i yo byad bde bar spyod pa dang*/__de'i dus su yi dam gyi lha dang*/__mkha' 'gro dam can 'du bar byed pa dang*/__zhen 'dzin med pa'i sgo nas rgyud la tshogs gnyis rdzogs par byed pas tshogs kyi dkyil 'khor gyi le'u ste bcu gcig pa'o/__/don gnyis pa de'i yan lag bye brag tu bshad pa la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__tshogs kyi dkyil 'khor bshad pa de nas de bzhin gshegs pa chos thams cad gnyis su med par rol pa'i dgyes pa chen po kun tu bzang pos snang srid kyi chos thams cad yi shes kyi rol mo'i sprin 'dod dgu lhun rdzogs su 'byung ba'i rang bzhin nam mkha'i mtha' klas pa kun du rnam par spros te/__sangs rgyas zhing dang 'gro ba drug gi spyod yul thams cad du longs spyod chen pos 'byor ba'i rgyan rang rang gi snang ba dang mthun par bkod pa'i ting nge 'dzin la snyoms par zhugs nas ston pa nyid kyis rang snang dag pa'i 'khor bkod pa na bskul zhing zhu ba po'i rnam pa med par ched du brjod pa 'di dag rang byung du brjod do/__/gnyis pa la gsum/__tshogs kyi ting nge 'dzin phan yon dang bcas pa spyir bstan pa/__tshogs bsgrub pa'i 'bras bu bye brag tu bshad pa/__tshogs kyi rten dkyil 'khor kun 'dus pa chen po'i don bsdu ba'o/__dang po la gnyis/__mdor bstan pa dang*/__rgyas par bshad pa'o/__/dang po ni/__chos thams cad ye shes kyi rol pa sgyu 'phrul drwa ba'i rang bzhin yab yum zung du 'brel bas mngon par rdzogs pa'i/__lha dang lha mo'i dkyil 'khor du gnas pa nyid blos gsal gdab cing goms par byas pa'i don brtan pa'i ting nge 'dzin gyi 'phro 'dus mchog dang thun mong gi dngos grub 'grub bo/__gnyis pa la lnga las bro gar gyi ting nge 'dzin phan yon dang bcas pa la gnyis las ting nge 'dzin ni lus kyi mgo la sogs pa yan lag lnga rigs lnga'i dkyil 'khor du bskyed cing sa gzhi rdo rje'i rang bzhin la gnas khang lha'i gzhal med khang mdzes pa sangs rgyas kyi zhing khams rnam par dag par mos par byas te rkang pa'i bro dang lag pa'i gar gyi phyag rgya rnam pa sna tshogs pa'i 'du 'phro lha'i phyag rgya chen po yis mchod par bya'o/__/phan yon ni/__sa la 'dzul lam ri brag rnams la thogs pa med pas sa 'og gi phyag rgya klu mo rnams dbang du byed pa dang*/__steng gi lam nam mkha' yang bya bzhin du 'gro bar 'gyur zhing lha dang lha ma yin la sogs pa dbang du byed do/__/gnyis pa glu'i phyag rgya la'ang gnyis las ting nge 'dzin ni/__rang gi lkog mar hriHbkod la ngag gi gdangs klu snyan po dang de'i tsheg bstod pa la sogs pa'i sgra yi phyag rgyas ni dkyil 'khor gyi lha rnams mchod pa'o/__/phan yon ni/__gsung mi zad pa rgyan gyi 'khor lo gcig gis go bar nus pa'i chos kyi dung zhes bya ba'i dngos grub thob par 'gyur ro/__/gsum pa rgyan dang gos kyi phyag rgya la'ang gnyis las/__ting nge 'dzin ni tra~M las dbu brgyan la sogs pa rnams rin po cher gsal zhing*/__a las gos rnams lha'i gos dang zhi khro'i cha lugs su byin gyis brlabs te rin po che dang rus pa la sogs pa'i rgyan dang stod g.yogs dang smad kris la sogs pa'i bgo ba'i rigs rnams la mchod pa'i phyag rgya yis longs spyod do/__/phan yon ni/__gnas skabs su 'od dang gzi brjid sred med kyi bus kyang mi shigs pa'i go cha sra ba'i gos su gyur cing mthar thug mtshan dang dpe byad kyis 'bar ba'i 'khor los bsgyur ba byang chub sems dpa' rnams kyi rgyal po phyir rgol gang gis kyang thub pa med pa'i sangs rgyas nyid 'grub bo/__/bzhi pa bza' btung gi phyag rgya la'ang gnyis las/__ting nge 'dzin ni/__khaM las bza' btung bdud rtsir byin gyis brlabs te nya dang sha la sogs pa'i bza' ba dang ja dang chang la sogs pa'i btung ba'i phyag rgyas ni phyi nang gi lha mchod par bya'o/__/phan yon ni/__rang gi lus 'dod dgur bsgyur ba yid bzhin gyi nor bu lta bu'i sku dang gsung ro bro ba'i mchog gang la longs spyod pa de dag ro brgya dang ldan pa'i bdud rtsi ru 'grub go__/lnga pa sbyor sgrol gyi phyag rgya'i ting nge 'dzin ni/__yab yum lhar gsal ba'i mkha' gsang du dkyil 'khor spyan drang te A li bde ba chen po'i mchod pa dang zhing dang zhing phran gyi sha khrag bdud rtsir gyur pas mchod pa kA li sgrol ba'i phyag rgya yis mnyes par bya'o/__/phan yon ni sbyor bas zag pa med pa'i ting nge 'dzin la sogs pa mchog dang thun mong gi dngos grub thams cad dang sgrol bas gdug pa can tshar bcad de rang gzhan gyi gnod pa zhi ba dang*/__pha rol thar pa la sogs pa phrin las rlabs po che thams cad 'grub par 'gyur ro/__/gnyis pa tshogs bsgrubs pa'i 'bras bu bye brag tu bshad pa la gsum/__rig 'dzin 'grub pa'i rgyu/__des grub pa gnas skabs kyi 'bras bu/__de mthar thug pa mthar thug gi 'bras bu'o/__/dang po la gnyis las/__rgyu dngos ni/__chos thams cad rtogs pa bzhi'i tshul gyis ye nas sangs rgyas par shes pa'i mtshan nyid kyis lta ba phun sum tshogs pa'i gnas lugs rgyud la 'byor ba'i gzungs ni 'bras bu rig 'dzin bzhi smin par byed pa'i rgyu yin zhing shes nas sgrub pa la 'jug pa'i mtshan nyid bskyed rdzogs zung 'brel du 'byor ba'i gzungs ni/__'bras bu rig 'dzin bzhir smin par byed pa'i rkyen te de ltar rgyu dang rkyen la goms shing 'dres par byas pas nus mthu khyad par can tu gang gyur pa'i de ni/__rgyu sa bon drung po rkyen chu lud kyis bran pas 'bras bu myu gu nas ston thog gi bar du 'byung ba bzhin rnam par smin pa nas lhun gyi grub pa'i rig 'dzin gyi bar du 'byung ngo*/__/gnyis pa des grub pa'i tshul ni/__de lta bu'i rig 'dzin rnams ni rgyal ba bskyed par byed pa'i zhing yang yin la phyogs bcu'i sangs rgyas kyi zhing du grags shing lung bstan pa'ang thob pa'o/__/gnyis pa des grub pa gnas skabs kyi 'bras bu la gnyis las/__'gro ba gang gis bsdus pa ni/__rig 'dzin de dag las kha cig gling bzhi'i mi dang 'dod pa'i lha dang gzugs kyi tshangs pa la sogs pa yi/__gnas su skye ba rnam par dag pa 'dzin mod kyi/__khyad par du sa bcu la gnas par 'gyur ba yin te/__pha rol tu phyin pa bcu po kun tu rdzogs par rgyud la thob pa'i phyir zhes rgyu'i sas bsdus tshul dang*/__'bras bu'i sas bsdus tshul bshad na/__lhun grub de khyad par gyi sa bcu gsum rdo rje 'dzin pa la gnas par 'gyur ba yin te 'bras bu mthar thug gi sgrub byed rgyu'i pha rol tu phyin pa bcu po kun tu rdzogs pa'i phyir zhes so/__/phyir mi ldog khyad par gyi sas bsdus tshul du bshad na rig 'dzin bzhi po thams cad 'bras bu rig 'dzin la gnas par nges pas khyad par gyi sa la gnas par 'gyur ba yin te sa de nyid grub pa'i ngo bo rgyu dang 'bras bu'i pha rol tu phyin pa kun tu rdzogs par bsgrub pa'i rim pa dper na lcags kyus zin pa'i nya skam sar 'don pa bzhin ces pa'o/__/gsum pa mthar thug gi 'bras bu ni/__bcu gcig kun tu 'od kyi sa ni thabs mthar phyin pa rnam par 'phrul ba'i sprul pa dang phrin las kyis 'gro ba 'dul ba bcu gcig kun tu 'od sprul sku'i sa dang shes rab dang thabs kyi mchog zung du 'brel ba mthar thug pa bcu gnyis ma chags pad+ma can lhun stug po bkod pa'i zhing khams rtsol med du rang snang ba'i sa dang*/__/shes rab mchog gi sa longs sprul gnyis chos sku'i gzhi la mya ngan las 'das pa de'i dbyings su thim pa'i gzhir gyur pa'i mchog tu gyur pa'i lhun grub rin po che'i sbubs chos kyi sku spros pa thams cad dang bral ba'i zhing khams gdod ma'i kun tu bzang po ste/__de ltar gnas skabs dang mthar thug gi sa yi khyad par rab tu dga' ba la sogs pa bcu dang kun tu 'od la sogs pa gsum ni/__rgyu dang 'bras bu'i khyad par gyi phye ba ste btsal ba med par rang bzhin lhun gyis rdzogs pa ni mthar thug gi thob bya'o/__/gsum pa tshogs kyi rten dkyil 'khor kun 'dus pa chen pos don bsdu ba la gsum/__kun tu bzang po'i bskyed rdzogs bstan pa/__tshul des dkyil 'khor kun 'grub pa/__phra mo'i nyes pas mi gos pa'o/__/dang po la gnyis/__sgom tshul dngos dang*/__de'i 'thad pa dgod pa'o/__/dang po ni/__/ting nge 'dzin gsum sngon du song bas nam mkha' yi dkyil rab tu dwang ba'i dbyings ye shes kyi gzhal yas khang 'od dang bcas pa'i nang na nyi zla pad+ma'i gdan la/__ye shes rgyal po kun tu bzang po stangs dpyal gnyis zung du sbyor bas rdo rje'i skyil krung mnyam bzhag dang bcas pa'i sku las 'od zer du ma 'phro bar bsgom mo/__/de ltar bsgom pas rgyal ba'i dkyil 'khor thams cad kun/__/ma lus bar ni bsgom par 'gyur de lha'i dkyil 'khor thams cad kyang sku gsung thugs dang dbyings rang bzhin gyis dag pa gcig tu 'du ba'i phyir ro/__/gnyis pa ni/__'das pa la sogs pa'i dus bzhi dang shar la sogs pa'i phyogs bcu gang nas kyang*/__sems las logs su gyur pa'i rdzogs pa'i sangs rgyas zhig rnyed par mi 'gyur te/__sems kyi rang bzhin ji ltar gnas pa de nyid rdzogs pa'i sangs rgyas te/__sangs rgyas sems kyi rang bzhin las gzhan med pas yul dus gzhan nas ma 'tshol zhig__/gnyis pa tshul des dkyil 'khor kun grub pa ni/__dkyil 'khor kun tu bzang po gcig gi bskyed rdzogs la rab tu sbyor bas/__de las 'phros pa'i dkyil 'khor ma lus pa thams cad 'grub par 'gyur te nyi zla grub pa na de'i 'od zer ma lus pa thams cad 'grub par bzhin no/__/gsum pa nyes pa phra mos mi gos pa ni/__thams cad sems kyi rang bzhin du shes pas spangs blang gnyis su med pa de lta bu'i don rtogs na rdzogs rim la dbang 'byor bas basbyed rim gyi cho ga phra mo rnams la lhag gam ma tshang na yang*/__cho ga'i yan lag nyams pa'i skyon nyid dag ste dngos grub la bsgrib pa'i nyes pa med do/__/gsum pa skabs kyi don bsdu ba ni/__de skad ces rang snang dag pa'i 'khor la ched du brjod pas ting nge 'dzin gyi rol mo'i sprin gyis de bzhin gshegs pa thams cad mnyes par gyur to/__/thabs kyi rol pa mchog tu gsang ba'i snying po snang bcas tshogs kyi de kho na nyid nges pa las lam bsod nams dang ye shes kyi tshogs bsgrub pa'i le'u ste bcu gnyis pa'o/__/don gnyis pa snying po'i don la 'jug pa rdzogs pa'i rim pa la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__lam bskyed pa'i rim pa bstan pa de nas rdzogs pa'i rim pa bstan pa'i phyir de bzhin gshegs pa phyogs bcu dus bzhi'i sku dang gsungs dang thugs rdo rje'i dkyil 'khor thams cad gcig tu bsdus nas gnas pa'i ston pa kun tu bzang po ye shes bla na med pa'i dgyes pa chen pos rol te/__snang srid 'khor 'das kyis bsdus pa'i chos thams cad ye nas rdzogs pa chen por lhun gyis grub pa'i dam tshig ni snod du ma gyur pa rnams la shin tu gsang ba'i rang bzhin de kho na nyid kyi snying po sprin skal ba mchog dang ldan pa rnams la bkod pa'i ting nge 'dzin la snyoms par zhugs nas man ngag dam pa'i ched du brjod pa 'di brjod do/__/gnyis pa la gnyis/__don gsang ba rdo rje slob dpon po gyi thugs la gnas tshul phyir bstan pa dang*/__rang bzhin rdzogs pa chen po'i don bye brag tu bshad pa'o/__/dang po la gsum las/__don ngos bzung ba ni/__spyir theg pa so so'i don mthar thug rang rang gi ston byed slob dpon la rag las shing*/__khyad par du rang bzhin rdzogs pa chen po'i don mthar thug pa rgyud lung gi gzhung tshig la gab cing sbas pa rnams bla ma'i thugs la gnas pas gdams ngag 'dod pas bla ma mnyes par bya ba la thug go__/de'ang theg pa bsam gyis mi khyab cing brjod pa las 'das pa sangs rgyas kyi zhing dang sems can gyi gnas ris grangs med pa na yod pas ma nges mod kyi/__da lta'i skal pa bzang po 'di dang mi mjed kyi 'jig rten 'dir dman pa dang mchog dang phyin ci log gi theg pa dang gzhung lugs kyi tshul byung ba rnams/__re zhig mdor bsdu na brgyad las/__dang po yang dag pa'i don ma rtogs pa dang ni grub pa'i mtha' la ma zhugs pa'i skye bo phal pa ste legs pa tsam zhig don du gnyer bas bde 'gro sgrub pa sor bzhag lha mi'i theg pa zhes dge ba bcus 'dod pa'i lha dang mir 'phen zhing*/__/bsam gtan dang gzugs med kyis khams gong ma sgrub pa'o/__/log par rtog pa ni mu stegs byed de lta ba log pa'i grangs kyis de'i dbye ba bsam gyis mi khyab kyang bsdu na/__rtag lta ste bzhi chad par lta ba dang bcas pas tir ti ka sde lngar grags te/__rtag lta bzhi ni/__dbang phyug rtag par smra ba'i rig pa can dang*/__khyab 'jug rtag par smra ba khyab 'jug pa dang gtso bo rtag par smra ba grangs can pa dang*/__rdul phran rtag par smra ba bye brag pa'o/__/chad par lta ba ni rgyang 'phen pa'o/__/yang dag pa'i don phyogs tsam rtogs pa ni nyan thos dang rang sangs rgyas gnyis te bdag med gcig dang phyed dang gnyis rtogs shing 'khor ba las grol ba'o/__/gnas lugs kyi don mthar thug par yang dag pa mnyam pa nyid ma rtogs pa ni mtshan nyid kyi theg pa chen po ste rgyu sems can gyi tshogs gnyis bsgrub pas 'bras bu bskal pa grangs med pa du ma nas sangs rgyas gdod 'grub par 'dod ci lta ba bdag gnyis kyi stong pa'i chos nyid du thag chod kyang chos thams cad ye nas sangs rgyas par mnyam pa'i don ma mthong ba'o/__/gtsang sbra dang dka' thub gtso bor byed pas sgo gsum gyi nyes spyod 'dul ba ni bya spyod kyi rgyud de sems bskyed tsam la brten nas lha sgrub pa dang dka' thub dang smyung gnas tsam la brten nas lha sgrub pa dang*/__rigs gtad dang rjes gnang tsam la brten nas lha sgrub pa ste gsum du yod do dgongs pa ni rnal 'byor gyi rgyud de a bI pra ya'i sgra las sems kyi dgongs pa la 'jug cing sems rtse gcig pa'i ting nge 'dzin gtso bos lha sgrub pa'o/__/sku gsung thugs kyi gsang ba gsal por ston pa dang ni rnal 'byor chen po'i rgyud de bskyed rim gtso bor ston pa pha'i rgyud dang rdzogs rim gtso bor ston pa ma'i rgyud dang*/__zung 'jug gtso bor ston pa gnyis su med pa'i rgyud do/__/ye nas lhun gyis grub pa'i rang bzhin gsang ba'i don rmad du byung ba ni rdzogs pa chen po sems dang ye shes rang snang bar ston pa sgyu 'phrul chen po ste kun gyi spyod yul ma yin pa'i ngo bo nyid rang bzhin dang thabs khyad par can gyis gsang ba ste dbye na sems dang ye shes gnyis med du ston pa bskyed rdzogs zung 'jug gi rdzogs pa chen po'o/__/sems gtso bor ston pa sems klong ye grol gyi rdzogs pa chen po/__/ye shes gtso bor ston pa 'od gsal chos nyid kyi rdzogs pa chen po'o/__/de ltar theg pa so so'i tshul rnams ni gtan la dbab par bya ba'i don no/__/gnyis pa don de gang gi dbyings na gnas tshul bstan pa ni/__theg pa de dag gi don rnams brjod byed kyi gzhung la gnas shing gzhung yang yi ge sel bu'i khong na gnas pas sgra dang tha snyad btags pa las ming tu tshogs pa'i spyi la/__brten nas tshig gi shwa lo ka dang ra btu byed pa dang bstan bcos sam rgyud ste so so'i lus grub cing gzhung des rang rang gi brjod bya'i don rab tu mtshon te gnas so/__/gsum pa don de ma nor bar gang gis ston pa ni/__de ltar gzhung tshig so so'i khong nas rang rang gi brjod bya'i don 'byin pa dang khyad par rgyud tshig so so'i khung nas chos thams cad ye nas sangs rgyas pa la sogs pa'i don rnams gab cing tha mal pa'i spyod yul du bsgrag tu mi rung ba'i gsang ba zab mo rnams brda la sogs pas sbas pa'i don rnams mngon sum du 'byin pa ni/__rgyud kyi don phyin ci ma log par ston pa rdo rje'i slob dpon gyi thugs la gnas pas de la thug cig pa'o/__gnyis pa rang bzhin rdzogs pa chen po'i don bye brag tu bshad pa la gsum/__snying po'i zab don dngos bstan pa/__de gzhan las khyad par du 'phags tshul/__gang la gdams pa'i snod bstan pa'o/__/dang po la gsum/__mdor bstan pa/__rgyas par bshad pa/__don bsdu ba'o/__/dang po la gsum las thabs bskyed pa'i rim pa ni/__phung po khams dang skye mched kyis bsdus pa'i chos thams cad ye nas sku gsung thugs kyi dkyil 'khor du sangs rgyas pa'i rang bzhin te 'gro ba kun ye nas de ltar gnas pa ni gzhi lhun gyis grub pa'i daphyil 'khor rang chas su ldan pa'i rang bzhin te/__de ltar rtogs nas ting nge 'dzin gyi dkyil 'khor gyis/__ye nas yin pa'i dkyil 'khor la ni yin pa shes pa'i dkyil 'khor du gsal bdebs shing bsgom par bya'o/__/gnyis pa shes rab rdzogs pa'i rim pa ni/__bde gsal rnam par mi rtog pa'i dkyil 'khor rtog tshogs nyon mongs su snang ba thams cad thabs kyis zin pa'i dkyil 'khor las byung ba ste/__de nyid ma spang rang sar dag pa'i rang bzhin yin pas thugs kyi dkyil 'khor zhes bya ste dkyil 'khor thams cad kyi mchog tu gyur pa'o/__/gsum pa gnyis med 'od gsal gyi rim pa ni/__snying ga chos kyi 'khor lo la sogs pa na ye nas lhun gyis sgrub pa sku dang ye shes kyi rang bzhin du gnas pa ni/__gsang ba'i thig le rmad du byung ba ste rkyen bla ma'i man ngag gis nyams su blangs na sku gsung thugs mi zad pa rgyan gyi 'khor lo'i dkyil 'khor thams cad 'byung ba'i dbyings yin no/__/gnyis pa rgyas par bshad pa la gsum/__phyi bskyed pa'i rim pa/__nang rdzogs pa'i rim pa/__gsang ba 'od gsal gyi rim pa'o/__/dang po la gnyis las/__lta bas thag bcad pa ni/__phyi 'byung ba lngar snang ba'i gzugs brnyan ni med bzhin snang ba'i chos nyid rang bzhin gyi rnam par dag pa'i gnas lugs shes rab kyi pha rol tu phyin ma stong pa nyid gzugs su snang ba ste gdod ma nas ngo bo nyid med pa'i rigs chos nyid kyi rol ba'am yab yum du gnas so/__/phung po lnga la chen po zhes rigs kyi yab lnga'i de bzhin nyid gzugs stong pa'i rang bzhin te me long nang gi gzugs brnyan bzhin no/__/rig pa byang chub kyi sems gzhi dang rtsa ba med pa'i rang bzhin ye nas rnam par rtog pa yul la mi rtog pa ni rdo rje'i rang bzhin kun tu bzang po yab yum gyi tshogs so/__/de'ang rig pa gsal ba dang stong pa gnyis su med pa'i dbyings brjod du med pa ni bgrang ba las 'das pa'i ye shes kun gyi 'byung gnas yin pas kun tu bzang po yab yum gyi tshogs zhes btags pa yin no/__/mig la sogs pa'i dbang po dang gzugs la sogs pa'i yul 'das pa la sogs pa'i dus mig gi rnam par shes pa la sogs pa'i rig pa rnams kyang sems dpa' dang sems ma dang sgo ba'i bar tu rnam par dag la de dag gi rang bzhin yang snang la ngo bo med par lta bar bya'o/__/gnyis pa sgom pas nyams su blang ba ni/__snang srid kyi chos thams cad snang dus nyid nas ngo bo med pa kun tu bzang po'i dkyil 'khor la/__dngos po dang mtshan mar 'dzin zhen med pa'i blo spros pa dang bral ba'i ngo bo nyid bdag nyid chen po kun tu bzang po yab yum gyi lhag pa yi dgongs pa zab mo yin te/__de nyid kyi ngang la me long lta bu la sogs pa thugs kyi ye shes lngas lta zhing*/__de'ang phyi yul gyi rnam pa ma 'gags par snang ba ni mi long lta bu'i ye shes so/__/de'i ngo bo stong pa ni chos kyi dbyings kyi ye shes so/__/der 'dzin med pa ni mnyam pa nyid kyi ye shes so/__/gzugs sgra la sogs pa so sor snang ba ni so sor rtog pa'i ye shes so/__/dgag sgrub la sogs pa'i nyon mongs grol ba ni bya ba grub pa'i ye shes so/__/yang na dug lnga shar dus ngos zin pa tsam gyis ma spangs gnas su dag pa ni ye shes lnga'o/__/yang sems rtse gcig mnyam par bzhag pa'i tshe ngo bo stong pa nyid ni chos dbyings ye shes so/__/rigs pa'i gsal dwangs ma 'gags pa ni me long ye shes/__gnyis 'dzin med pa mnyam nyid ye shes/__snang yul ma 'gags pa sor rtog ye shes/__gzung 'dzin grol ba bya grub ye shes so/__/gnyis pa nang rdzogs pa'i rim pa la gnyis las/__bde stong gi don la sgom pa'i tshul ni/__yab yum gyi dwangs ma dkar dmar gyi snying po thig le rdo rje dang pad+ma'i rtser phan tshun 'dres shing mnyam par sbyor bas thob pa'i/__bde ba dang stong pa'i ye shes mchog tu gsang ba'i rol mo yis/__mkha' gsang gi dkyil 'khor du spyan drangs pa'i lha rnams mchod cing rlung gis gyen du spyan drangs te 'khor lo bzhi'i rtsa dang lus thams cad na rang bzhin gyis gnas pa'i sangs rgyas kyi dkyil 'khor dang rang gi sems nyid bde ba chen po'i ye shes kyis rab tu dgyes pa chen por gyur pa la bde stong gnyis su med pa'i mchod pa 'bul ba'o/__/gnyis pa de'i 'bras bu ni/__de ltar zag pa med pa'i mchod pa phul pa'i bsod nams kyis/__gnas skabs rig 'dzin gsum dang grub pa chen po brgyad thob cing mthar thug lhun gyis grub pa'i rig 'dzin gyi zhing ye shes kyi sgyu ma sangs rgyas nyid la rang snang ba/__lhun stug po bkod pa'i rang bzhin bkod pa tshad med pa'i rol mo rigs lnga'i dkyil 'khor mtha' yas shing mchog chos sku'i zhing khams kun tu bzang po'i gzhi la mthar phyin pa nyid 'thob bo/__/gsum pa gsang ba 'od gsal gyi rim pa la gsum las/__dang po gzhi 'od gsal gyi rang bzhin ngos bzung ba ni/__'khor lo bzhi dang khyad par snying ga na gnas pa 'od gsal gsang ba'i thig le sku dang ye shes kyi dkyil 'khor ni lhun gyis grub pa'i de bzhin nyid kyi dbyings 'og min stug po bkod pa'i rang bzhin du gnas pa de ye nas sangs rgyas kun gyi dngos por lhun gyis grub pas sku gsum rang la gnas pa zhes bya'o/__/gnyis pa lam ye shes kyi snang ba ngos bzung ba ni/__de lta bu'i dkyil 'khor bsgoms pas ting nge 'dzin gyi snang yul 'od dang thig le la sogs pa mthong ba ni/__phyogs bcu dus bzhir mngon par rdzogs pa sangs rgyas pa'i sangs rgyas thams cad kyi sku dang gsung dang yon tan dang phrin las dang thugs kyi dkyil 'khor/__ma lus pa'i bdag nyid kyi zhal mthong ba yin pas/__sems nyid rang bzhin gyis dag pa'i sangs rgyas la ting nge 'dzin gyis dbang bsgyur ba de nyid chos thams cad kyi mchog nyid kyi dam pa yin te/__/gnas lugs mthar thug gi don sgom pa yin pa'i phyir ro/__/de ltar sgom pa'i tshe rang bzhin gyi dkyil 'khor dang ting nge 'dzin bskyed pa'i dkyil 'khor la gnas pa des rang snang 'od gsal gyi dkyil 'khor sgom pa nyid/__shes rab rdzogs pa'i rim pa ye shes chen po'i dkyil 'khor du lhun gyis grub pas lam gong nas gong gi yon tan rdzogs par mngon du byed do/__/khyad par rang snang rig lnga'i zhing du gyur pa de'i tshe phyi dang nang gi rtsa gnas 'khor lo thams cad na ye shes kyi rang bzhin rig pa'i rgyan du lha so so'i dkyil 'khor ma lus pa thogs te yon tan brgya phrag bcu la sogs pas mdzes so/__/de nas de dag gi 'dzin pa thams cad zad pa na sa dang lam gyi rang bzhin ye nas dag pa'i chos nyid zad pa la thug go__/'bras bu longs spyod rdzogs pa'i dkyil 'khor chos sku'i dkyil 'khor dang gnyis su med par mnyam par sbyor bas/__thugs rje sprul pa'i dkyil 'khor ma lus pa lhun grub chen por yongs kyis 'byung zhing*/__de'i mthus phyogs bcu dus bzhi'i 'jig rten drug gi dkyil 'khor ma lus pa 'dul ba'i mgon du gyur pa ste/__thub pa drug la sogs pa'i rang bzhin du snang bas sems can sgyu ma lta bu'i dkyil 'khor thams cad 'khor ba'i rgyal mtsho las sgrol ba'i phrin las phun sum tshogs par mdzad pa yis gang la gang 'dul du snang yang*/__snang dus nyid nas bsgral bar bya ba'i sems can rang mtshan pa dang sgrol bar byed pa'i sprul pa bden pa med par gdul bya dang 'dul byed kyi dkyil 'khor gzugs brnyan dang sprul pa lta bur spyod pa'o/__/gsum pa don bsdu ba ni/__chos thams cad ye nas sku dang ye shes su rdzogs pa'i dkyil 'khor du gnas pa la/__de ltar shes par byed pa'i thos pa dang de'i don sems kyis dpyod pa'i bsam pa dang de thog tu sgom par byed pa'i rang bzhin thabs bskyed pa dang shes rab rdzogs pa'i rim pa mnyam par sbyor ba'i don gyis/__bsgrub pa'i 'bras bu rang byung gi ye shes gdul bya'i don la thugs rje chen pos kun nas ngam par mdzad pa'i phrin las dang bcas pa lhun gyis grub pa 'thob bo/__/de lta bu'i tshul phun sum tshogs pa 'di ni sangs rgyas thams cad kyis/__bslu ba med pa'i chos su zhal gyis bzhes shing lam bskyed rdzogs gnyis su med par bsgoms pa'i 'bras bu sangs rgyas grub pa'i rang bzhin las 'da' bar mi mdzad pa'i dam tshig gi mchog tu bstan pa yin no/__/gnyis pa de gzhan las khyad par du 'phags pa'i tshul la gsum las/__sgrub pa po gang zag gi che ba ni/__rnal 'byor pa gang zhig theg pa 'di la mos par gyur pa tsam yang*/__phyogs bcu'i sangs rgyas thams cad kyi dkyil 'khor thams cad kyis/__rang rang bzhugs pa'i phyogs dang dus ma lus pa kun nas dus dang rnam pa thams cad du/__gsang chen don gyi dkyil 'khor ma lus pa thams cad rgyud la bsnyen pa ste myur du 'thob pa yi/__rang bzhin rmad du byung ba'i gsang ba la nye ba'i sras su dgongs par 'gyur ro/__/gnyis pa sgrub thabs lam gyi che ba la bzhi las/__lam kun gyi 'bras bu yin pa'i che ba ni/__dus kyi yun bskal pa sangs rgyas kyi zhing gi rdul phra ba snyed du/__rgyu'i theg pa sna tshogs la rgyu'i shin tu sbyangs te de la rab tu gnas par byas shing brtson pa dang*/__gsang sngags kyi theg pa'i sgo nas phyi nang gi dkyil 'khor ma lus pa bsnyen cing bsgrub pa de thams cad kyi don du gnyer bya yi/__'brus gsang chen a ti yo ga'i theg pa 'di yin te sangs rgyas pa la thams cad lam 'di la rag lus pa'i phyir ro/__/gnyis pa rgyal ba kun gyi gshegs shul yin par bstan pa ni/__snrel gzhi dang steng 'og la sogs pa'i 'jig rten drug gi phyogs bcu na/__sngar 'das pa dang da ltar byung nas 'gro ba'i don mdzad pa yi/__rgyal ba'i dkyil 'khor ma lus pa thams cad kyang*/__lam 'di la bsnyen nas sku lnga lhun gyis rdzogs te dus gsum gyi sangs rgyas thams cad la bgrod lam gcig po 'di las gzhan med pa'i phyir ro/__/gsum pa rnal 'byor pa kun gyi lam yin par bstan pa ni/__sngar dang da ltar byung ba'i rnal 'byor pa kun dang ma 'ongs pa na 'byung ba'i rig 'dzin gyi rnal 'byor pa thams cad kun/__lam 'di yis lhun gyis grub pa'i rig 'dzin sangs rgyas kyis 'grub par 'gyur te dus gsum gyi sangs rgyas thams cad kyi lam la tha dad med pa'i phyir ro/__/bzhi pa rgyu'i theg pa las khyad par 'phags pa'i tshul ni/__rdzogs pa chen po a ti yo ga'i tshul 'di ni theg pa 'og ma la ma grags pa'i gsang chen 'bras bu mngon du byed nges pa yi man ngag__/tshe 'di nyid la 'bras bu'i ngo bo ye nas sangs rgyas pa'i dkyil 'khor lam du byas pas gzhan nas sgrub ma dgos par rang chas su grub pa'i sangs rgyas nye lam 'dis mngon du gyur pa yin no/__/gsum pa de las mchog tu gyur pa'i lam gzhan med par bstan pa ni/__phyogs bcu dus bzhi'i rgyal ba snga phyir gshegs shing da ltar bzhugs pa'i dkyil 'khor ma lus pa thams cad la/__a ti'i theg pa ye grol lhun gyis rdzogs pa 'di las gzhan pa'i nye lam gsang ba'i nges don cung zad kyang med de/__gzhan du btsal kyang rgyal bas de las zab pa'i chos nam yang mi brnyes so ste mi rnyed pa'i don to/__/gsum pa gang la gdams pa'i snod bstan pa la gnyis las/__skal bzang sbyin pa'i snod ni/__sangs rgyas kun gyi gsang ba phyag rgya chen po'i mchog rang bzhin gsang ba'i snying po'i rgyud 'di nyid/__gang zag mang du thos pa'i tshig gi rim pa la mkhas shing de'i don bsam byung gis shes rab kyis dpyad pas don la mkhas pa de nyid bsgom pa la yang dang yang du legs par rab tu sbyangs pa'i/__shes rab kyi mig dang ldan pa rnams kyis zungs shing*/__de las kyang rang bzhin gsang ba'i snying po'i snod dang ldan pas zab mo'i don rlabs po che la mi skrag cing sems kyi ngang tshul dge zhing bzang la dad pa brtan pa de la chos 'di gtad par bya zhing*/__rang gi lus dang longs spyod thams cad bla ma dang chos kyi phyogs su gtong nus pa la yongs su rdzogs par sbyin no/__/gnyis pa skal med la mi sbyin par bstan pa ni/__sbyin par bya ba'i snod las gzhan du bstan yang mi go ba dang*/__go yang phyin ci log tu spyod cing sdom pa dang dam tshig 'chal ba bsnyen sgrub tshogs gnyis las g.yel ba bsdang zhing skrag pa skye ba rnams la dus nam yang sbyin par mi bya ste nyes pa chen po gdung bar byed pa'i phyir ro/__/yang dag pa'i don la rmongs par gyur la mi shes shing skal pa med pa ba dang sgo gsum 'phyar ba ma bsdams ma zhi bas sdig pa byed cing gsang ba sgrogs pa sogs la gal te sbyin na/__mkha' 'gro dang chad pas dus min par ni srog zad nas/__tshe'i dus byed cing phyi ma la tsha dmyal mun pa mi bzad pa 'khrigs pa rnams su myal ba'i mes bsreg pa dang grang dmyal gyi bu yug la sogs pas sbreb pa la yun ring du gnas dgos so/__/gsum pa skabs kyi don bsdu ba ni/__zhes dkyil 'khor gyi dbang phyug de bzhin gshegs pa kun tu bzang po nyid gyis rang snang du bkod pa'i de bzhin gshegs pa nyid la ched du brjod do/__/mchog tu gsang ba'i snying po rdzogs pa chen po'i gdams ngag tshe 'dis nyid du grol bar byed par de kho na nyid nges pa las theg pa 'og ma rnams la shin tu gsang ba man ngag gi snying po'i le'u ste bcu gsum pa'o/__/don gsum pa 'bras bu sku dang ye shes kyi rang bzhin la bstod pa'i tshul la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__/lam bskyed rdzogs kyi dkyil 'khor bstan pa de nas 'bras bu lhun gyi grub pa'i dkyil 'khor la bstod pa'i phyir de bzhin gshegs pa thams cad nyid kyi dkyil 'khor la dgyes pa chen po'i glu 'di blangs so/__/gnyis pa la gnyis/__sku lnga ye shes lnga dang bcas pa la spyir bstod pa dang*/__dkyil 'khor gyis dbang phyug yab yum la bye brag tu bstod pa'o/__/dang po la lnga las/__dang po sku rdo rje rigs kyis dkyil 'khor chos kyi dbyings su sku lnga rdzogs pas oM zhes glu'i mgo 'dren pa dang*/__bla ma rong bas de la A+oM zhes pa ni glu'i yan lag thams cad rdzogs pa ste/__yi ge A+oM ni rgyal ba'i dkyil 'khor chen po dang tha mi dad pas glu len pa'i mkhan po yin no/__/de bzhin du tshangs pa dbyangs kyis 'dren pa yin pas glu'i dbyangs yin no/__/don chen po ston pa'i tshig yin pas glu'i tshig yin no/__/de'u mtho dman gsal bar byed pas glu'i rgyan yin no/__/yi ge A+oM gyis drangs na glu dang tshig thams cad gsang sngags bden pa'i ngag tu byin gyis rlob par byed pa yin pas glu byin gyi rlob pa yin no zhes bzhed cing*/__sku de yang phyogs bcu dus bzhi kun gyi sangs rgyas thams cad kyi sku rdo rje gnyis su med pa'i rang bzhin du mngon par rdzogs par sangs rgyas pa yi rang bzhin/__/rang snang dag pa'i ye shes me long lta bu la sogs pa'i rang bzhin spros pa dang bral ba'i dkyil 'khor sku'i thugs rnam par dag pa'i thig le che ste gnyis su med pa'i don to/__/de lta bu'i rang snang de'ang bsod nams phun sum tshogs pa'i ngo bo snang la rang bzhin med pa'i dkyil 'khor ni sku lnga ste rigs lnga'i rang bzhin mtha' dbus med par khyab pas sku yi tshogs so/__/de'i ngo bo snang stong gnyis su med pa'i rang bzhin ni sku'i gsung brjod bral don gyi theg le yon tan phun sum tshogs pa kun tu rdzogs de la dgyes pas ho zhes so/__/gnyis pa gsung pad+ma rigs kyi dkyil 'khor du so sor rtogs pa'i ye shes ye nas rnam par dag pa'i gsung lnga rdzogs shing lhun gyis grub pas oM zhes so/__/'od dpag med kyi dkyil 'khor de yang snang stong dbyer med pas rdo rje bsod nams dang ye shes kyi rang bzhin lhun gyis grub pa'i thig le che/__mi phyed pa'i rdo rje so sor rtogs pa la sogs pa'i ye shes kyi dkyil 'khor ldan pa ni gsung gi thugs so/__/gnyis su med pa'i rdo rje ye shes kyi rang sgra chen po mtha' yas pa mnga' ba ni gsung gi gsung ngo*/__/don gyi rdo rje rang snang bas rgyal po thig le che ste gsung gi sku yin pas de la dgyes te ho zhes so/__/gsum pa thugs sangs rgyas rigs kyi dkyil 'khor du me long lta bu'i ye shes la bstod pa ni/__thugs lnga rdzogs pas A+oM sangs rgyas thams cad kyi sku gsung thugs kyi rdzogs pa che ste rnam par snang mdzad do/__/de nyid la yon tan phrin las ma lus pa kun tu rdzogs pa ni thugs kyi thugs so/__/yon tan phun sum tshogs pa rnams ma btsal bar ye nas lhun rdzogs su gnas pa rang bzhin kun tu bzang po'i ngang ni thugs kyi gsung ngo*/__/de'i tshe ye shes kyi dkyil 'khor rang snang du 'dus pa'i tshogs chen po ni rang bzhin gyis dag pas thig le che ste thugs kyi sku'o/__/lhun gyis grub pas ho zhes so/__/bzhi pa yon tan rin chen rigs kyi dkyil 'khor du mnyam nyid ye shes kyi sgo nas bstod pa ni/__yon tan phun sum tshogs pa lnga lhun gyis grub pas A+oM zhing khams phun sum tshogs pa chos kyi dbyings mtshan ma thams cad mi dmigs shing thabs shes kyi sgyu 'phrul lhun stug po bkod pa'i rang snang mnyam pa'i dbyings na/__gzhal yas khang dang lha'i dkyil 'khor mtha' yas pa rgyan gyi bye brag kun nas 'od zer sna tshogs spro ba ni yon tan gyi sku'o/__/ye shes mtha' yas pa kun nas lhun gyis grub cing dbyer med mnyam pa'i ngang du thim pa ni brda'am rang bzhin te yon tan gyi gsung ngo*/__/ting nge 'dzin dang rdzu 'phrul dang mngon par shes pa la sogs pa sna tshogs kyi gter yid bzhin gyi nor bu ltar dgos 'dod 'byung ba'i sku gsung thugs chen po mnga' ba ni yon tan gyi thugs te/__ngo mtshar che ho zhes so/__/lnga pa phrin las kyi rigs kyi dkyil 'khor du bya ba grub pa'i ye shes kyi sgo nas bstod pa ni/__phrin las lnga lhun gyis grub pas A+oM phyogs bcu'i snod bcud kyi 'jig rten zhing gi rdul phra ba snyed du/__rgyal ba'i don phrin las rnam pa bzhi po rnam kyi grangs rdul phran snyed pa ni mdzad pa rang gi ngo bo yin te phrin las kyi sku'o/__gang la gang 'dul gyi sprul pa'i grangs rdul phran dang mnyam pa bsam yas kyis 'dul ba ni sprul pa 'phro ba ste phrin las kyi gsung ngo*/__sprul pa de dag gis zhing de dag tu skad cig yud tsam la khyab nas 'bad rtsol med par 'gro ba'i don lhun gyis grub pa ni chos kyi sku las ma g.yos bzhin rtsol med du grub pa'i phrin las kyi thugs so/__/de la ngo mtshar bas ho zhes so/__/gnyis pa dkyil 'khor gyi dbang phyug yab yum la bye brag tu bstod pa ni/__sku dang ye shes lhun gyis rdzogs pas oM phyogs bcu dus bzhi dang rang snang gi rigs lnga'i dkyil 'khor thams cad ma lus pa'i rang bzhin ni sku gsung thugs mi zad pa rgyan gyi 'khor lo yin la/__de dag gi sku gsung thugs kyi byed pa po'i bdag nyid che ste kun tu bzang po dang*/__sku gsung thugs kyi bya ba mo'i yul kun la khyab pa ni kun tu bzang mo ste/__yab yum gnyis su med pa'i rang bzhin de ni 'khor 'das thams cad sku gsung thugs kyi ngo bo ye nas sangs rgyas pa'i chos nyid thig le che gzhi lam 'bras bu'i kun tu bzang po yab yum ni sangs rgyas dang sems can kun gyi gdod ma'i mgon por lhun gyis grub pas ho zhes so/__/gsum pa skabs kyi don bsdu ba ni/__zhes lhun stug po bkod pa'i zhing rang snang dag pa'i 'khor la zhu ba po med par ched du bsgrags so/__/'bras bu gsang ba'i snying po sku dang ye shes kyi de kho na nyid nges pa las mnyes pa'i mchod pa'i le'u ste bcu bzhi pa'o/__/spyi don gnyis pa khro bo mngon par 'byung ba'i dkyil 'khor bshad pa la gsum ste/__gzhi lhun gyis grub pa'i rang bzhin khro bo'i dkyil 'khor du snang ba'i tshul bstan pa/__lam ji ltar bsgrub pa thabs kyi yan lag rgya cher bshad pa/__'bras bu sku dang ye shes la bstod pa'i tshul brjod pa'o/__/dang po la gnyis/__khro bo mngon par 'byung ba'i tshul mdor bstan pa dang*/__de'i rang bzhin rgyas par bshad pa'o/__/dang po ni/__zhi ba'i dkyil 'khor bstan pa de nas phyogs bcu dus bzhi'i de bzhin gshegs thams cad kyi bdag nyid chen po dpal kun tu bzang po sangs rgyas thams cad kyi sku gsung thugs rdo rje'i ngo bo nyid kyis chos sku spros pa dang bral ba'i ngang las ma g.yos bzhin du lhun stug po bkod pa'i zhing du rang snang khro bo'i dkyil 'khor ye shar tu bkod pa'i mngon par 'du mdzad de sprul pa sku'i khro bo 'byung ba'i 'char gzhir bzhugs so/__/gnyis pa la gnyis/__gdul bya las kyi khro bo'i 'byung tshul dang*/__'dul byed ye shes kyi khro bos btul tshul lo/__/dang po la gnyis/__/dgos ched dri ba dang*/__de'i lan bshad pa'o/__/dang po ni/__'char gzhi longs sku dang de las shar ba sprul sku'i khro bo'i dkyil 'khor bstan pa de dgos pa'am rgyu mtshan ci'i phyir zhe na/__gnyis pa la gnyis/__rgyu gang gis bskyed pa dang*/__'bras bu gang du smin pa'o/__/de'ang sprul sku'i khro bos 'dul pa la longs sku'i khro bo dgos la/__longs sku'i khro bo mdzad pa'i cho 'phrul rang snang du ston pa ji 'dra ba sprul sku'i khro bos gdul bya'i 'jig rten du ston pas chu dang zla gzugs bzhin 'brel pa grub pa de'i phyir ma dag par snang ba nyid 'dul bar ston pa'o/__/skabs 'di'i gdul bya dang 'dul byed bzang ngan gyis bskyed pa'i rgyu 'bras dang bzang ngan du snang yang don la bzang ngan med de ngo bo'i 'char tshul de ltar snang pa'i phyir ro/__/des na 'di dang mdo gnyis 'char gzhi dang 'char byed du 'brel lo/__/rnam pa de 'dra bas dus gcig pa'ang mi dgos te 'char byed 'char gzhi dang dus gcig kyang 'char gzhi 'char byed dang gcig pa'i nges pa med de zla ba dang chu zla'i dus bzhin no/__/'on te gcig pa'ang mi 'gal bar rung ste de ltar byin gyis rlob nus pa'i phyir ro/__/dang po ni/__nga dang nga yir 'dzin pa'i gang zag gi bdag tu rung gi sems rmongs pa'i rnam par rtog pa lhan cig skyes pa'i ma rig pa 'dzin pa la bdag tu zhen pa dang*/__chos thams cad gzugs brnyan dang 'dra ba brda tsam jos brtags pa tsam yin pa la de ltar ma shes par bden bden grub grub por mngon par zhen pa kun tu brtags pa'i ma rig pas/__gzung yul la bdag gir zhen pas 'khor bar 'khyams shing srid pa'i rgyu byed de sdug bajal gyis 'khor mor gdung la yang dag pa'i lam 'khor ba las nges par 'byin pa'i shes rab zab mo dang bral ba dag ni srid pa'i 'du byed pa spyi'i rgyu yin la de'i steng du don zab mo rgyud lung gi khung na gab pa'i rang bzhin rtogs par dka' ba rang bzhin gyis gsang ba ma rtogs par sbyor sgrol gyi thabs la sogs pa sbas pa'i gsang ba spyod pa brlang po rang 'gal ba la mngon par 'chel nas spyod cing*/__rgyu dge sdig dang 'bras bu bde sdug gi 'brel ba la rmongs pas gsang ba zab mo rnams kyi sgra ci lta bar spyod cing phyin ci log gi lam la zhugs pa rU trar skye ba'i rgyu ste thar pa nag po lta bu'o/__/gnyis pa la gnyis/__rnam smin gyi 'bras bu sdug bsngal myong ba dang*/__rgyu mthun gyi 'bras bu gzhan la 'tshe ba'o/__/dang po la'ang gnyis las dmyal bar skye ba'i tshul ni/__sngon zhe sdang la sogs pas kun nas bslangs pa'i las bsags te dam tshig nyams pa'i nyes pa ni/__srid pa'i sa bon rtsub mo ste/__des bar do med par rdo rje'i dmyal bar 'phangs nas/__bar 'tshams med pa'i rab tu tsha ba'i dmyal ba mnar med par skad cig la skyes so/__/de nyid du bskal chen du mar sdug bsngal la spyod do/__de rab tu tsha ba'i sdug bsngal drag pos gdungs pa dang las cung zad bsrabs te de las thar du nye ba na/__grang dmyal gyi gnas dag mthong nas 'di bas shin tu grang ba'i gnas pha gir skyes shing sdug bsngal myong yang ci ma rung snyam pa'i mod la der skyes te/__gangs dang bu yug la sogs pas rab tu sbrebs pa ste shin tu grang ba dang*/__lus kyang pad+ma ltar bzhi tshal dang brgyad tshal la sogs par gas pa'i sdug bsngal drag po bzod dka' ba btud mar 'byung ba dag gis rab tu gdung ba de lta bu'i sdug bsngal rab tu tsha ba mnar med pa la sogs pa ste rab tu tsha ba dang tsha ba dang du 'bod chen po dang du 'bod dang bsdus 'joms dang thig nag dang yang sos te brgyad dang*/__shin tu grang ba pad+ma chen po ltar gas pa la sogs pa ste pad+ma ltar gas pa ut+pal ltar gas pa kyi hud zer ba so tham tham pa a chu zer ba chu bur rdol ba can chu bur can te brgyad po dag tu/__phan tshun zung re re zhing skye res kyis 'jig rten de 'jig par brtsam pa na 'jig rten gyi khams gzhan du brgyud cing bskal pa chen po stong phrag bcu gnyis su tsha grang gi sdug bsngal dpag tu med par myong ngo*/__/gnyis pa yi dwags su skye ba'i tshul ni/__de nas dmyal ba'i rnam par smin pa de dag zad pa dang*/__yi dwags su skyes nas ltogs pa dang*/__skom pa'i sdug bsngal gyis rab tu nyen pa spyi mthun gyi sgrib pa can dang*/__phyi rol 'dod pa'i dngos po rnams yid du mi 'ong ba chu gtsang la rnag khrag la sogs par mthong ba'i phyi'i sgrib pa can dang*/__bza' btung dang por mi rnyed cing rnyed kyang mgrin par mi chud chud na'ang nang khrol la me 'bar te lus phyi nang kun tu me 'bar ba'i phyir na longs spyod kyi dngos po rnams gdug cing rtsub pa'i dngos po sna tshogs su skad cig la gyur pa me lce'i 'khor lo can dang*/__skom pa'i tshe rgya mtsho dang*/__chu klung chen po dang bkres pa'i tshe bza' ba'i bye brag dang gnas dang yo byad yid du 'ong ba dag pa longs spyod par 'dod nas bltas shing de'i drung du phyin pa'i tshe yongs lhag rol lam rjes shul tsam yang med par 'gyur zhing*/__rus gzeb la pags pas g.yogs pa tsam las sha khrag gi mdangs med par shin tu ring cing bskams pa dang*/__lus dang yan lag mi 'tsham par ri rab dang 'jag ma tsam dang*/__dbang po ma tshang zhing skyon chags pa mgo ri tsam la kha khab mi tsam pa sogs rnam par mi 'tsham par gyur par bskal pa chen po drug du gcig nas gcig tu brgyud cing skyes so/__/gnyis pa rgyu mthun gyi 'bras bu gzhan la ji ltar 'tshe ba'i tshul ni/__/de nas yi dwags su skyes pa'i las kyi sgrib pa rtsub mo'i rnam par smin pa de khad kyis bsrabs te rags pa de zad pa dang*/__phra ba'i rgyu dang sngon gyi skye ba la khro bo mgo dang phyag du ma yod pa bsgoms shing rang mtshan du zhen nas phra men la sogs pa'i 'khor yid la byas te drag sngags rtsub mo rnams bzlas shing*/__dngos po bzhi la spyod pa la sogs pa'i las kyi srid pas rU tra'i rgyud du mtshams sbyar nas/__ngo bo yi dwags kyi 'gro bas bsdus shing cha lugs srin po chen po mtshon cha dang mgo thod thogs pa sems rab tu gdug pa can khro zhing gtum po 'jig su rung ba ste rdzu 'phrul ni lus gcig la'ang mgo bo brgya pa dang*/__de yang stag dang seng ge la sogs pa'i mgo mi 'dra ba sna tshogs pa dang*/__lha dang lha ma yin la sogs pa'i lus brgya la ma he lta bu'i mgo bo gcig pa dang*/__glang po che dang chu srin la sogs pa'i lus sna tshogs pa dang*/__lus gcig la yan lag rab tu mang po dang*/__yan lag de dag kyang kha dog dang rnam pa mi 'dra ba sna tshogs pa dang*/__de dag gis mda' dang mdung thung la sogs pa gdug pa'i lag cha sna tshogs pa thogs pa/__ma mo dang sha za dang mkha' 'gro la sogs pa'i 'khor rab tu mang po dang ldan pa/__yan lag sbrul du byung zhing lus la gshogs pa thogs pa la sogs pa 'jigs pa'i gzugs sna tshogs dang*/__ra la ra la ru lu ru lu la sogs pa 'jigs pa'i nga ro sgra sna tshogs sgrogs pa'o/__/de'i byed las ni 'jigs pa'i gzugs dang mi snyan pa'i nga ro dang*/__mi zhim pa'i dri dang rims nad gtong ba'i kha rlang kyis 'tshubs pas 'gro ba thams cad skyi bung zhes sngang bar byed pa/__phyogs thams cad rab tu 'jigs pa'i rlung nag gi mun pas khebs pa dang*/__grang ba dang tsha ba'i dbugs kyis phyogs bcu kun tu stong khams thams cad 'khrug par byed pa/__rlung mkhris bad kan 'dus pa las gyur pa'i nad bzhi brgya rtsa bzhi 'gro ba la 'debs par byed pa/__sems myos shing lus dang dran pa nyams par byed pa'i mthus/__dga' bo dang 'jog po la sogs pa klu'i ris dang*/__thag bzang ris la sogs pa lha ma yin gyi ris dang*/__dbang po dang khyab 'jug la sogs pa 'dod pa'i lha'i ris dang*/__/bsam gtan dang po'i tshangs pa'i ris dang*/__tshangs pa kun 'khor dang tshangs chen dang*/__gnyis pa'i 'od chung dang tshad med 'od dang*/__'od gsal dang*/__gsum pa'i dge tshung tshad med dge dang dge rgyas dang*/__bzhi pa'i sprin med dang bsod nams skyes dang 'bras bu che ba man chad dbang du bsdus so/__/gnyis pa 'dul byed ye shes kyi khro bos btul tshul la gnyis las/__dang po gdul bya gzigs tshul ni/__rU tra de sngon theg pa chen por sems bskyed cing dbang ma nos te dge ba'i bshes gshin bsten pa'i bsod nams kyi stobs kyis che brtsan dang gdul zhing du gyur pa dpal chen po he ru ka thams cad mkhyen pas 'dul ba'i dus la bab par gzigs nas thabs la mkhas pa dang thugs rjes 'dul bar bya bar gyur te gdul ba'i dus la bab par dgongs so/__/gnyis pa btul ba dngos rgyas par bshad pa la gsum/__cho 'phrul bzhis dregs pa can zil gyis mnan pa/__/phrin las drag pos gdug pa can tshar bcad pa/__thugs rjes rjes su bzung nas bka' la btags pa'i tshul lo/__/dang po la gnyis las/__dang po rgyu'i ting nge 'dzin la mnyam par bzhag pa ni/__gdul bya las kyi khro bo snang ba de nas 'dul byed ye shes kyi khro bo bstan pa'i phyir de bzhin gshegs pa rnams kyi chos sku ni che ba'i rdo rje gnyis su med pa'i rang bzhin rgya chad phyogs lhung med par bkod pa'i sgyu 'phrul drwa bas ste snang stong gnyis med nam mkha' lta bu'i ngang las rang snang khro bo'i longs sku 'byung ste/__dgos pa ni/__'jig rten drug gi phyogs bcu'i zhing na srid pa gsum gyi bdag po dregs pa rU tra 'dul ba'i nga rgyal chen po'i zhe sdang la sogs pa'i snyem pa thams cad zil gyis gnon pa'i gzi brjid ston pa'i phyir/__de bzhin gshegs pa thams cad kyi sku gsung thugs rdo rje'i bdag nyid chen po/__bcol ldan 'das kun tu bzang po gdul bya 'dul ba'i thabs la dgyes pa chen pos khro bo'i rgyal po he ru ka'i dkyil 'khor gyi sprin chen po rnam par 'phro ba'i/__sgyu 'phrul drwa ba'i rgyal po ye shes rang snang ba'i ting nge 'dzin la snyoms par zhugs te gnas so/__/gnyis pa de las cho 'phrul ji ltar spros pa'i tshul la gsum las/__dang po dbyings gang las spros pa ni/__de bzhin nyid kyi dbyings nyid nas/__ye shes kyi khro mo dbang phyug chen mo gdangs kyi yum bya ba mo kun tu bzang mo rang snang du mngon tu phyung ste/__hi hi zhes yab la dgyes pa'i sku'i gzi mdangs kyis gsang ba'i pad+ma bstan pas byed pa po kun tu bzang po yang ha ha zhes rin chen dang pad+ma bde bas rgyas par mdzad nas/__yab yum gnyis su med par 'khril te rol pa'i dgyes pas pad+mar nor bu thim par mdzad nas rol lo/__/gnyis pa tshul ji ltar spros ba ni/__yab kyi byang chub sems kyi sprin yum gyi mkhar bab pa las byung ba ni rgyu'o/__/de'i tshe hU~M hU~M hU~M bi shwa badz+ra kro d+ha dz+wa la maN+Dal phaT phaT paT ha la ha la ha la hU~M zhes pa ni rkyen te sku dang gsung dang thugs kyi bdag nyid sna tshogs rdo rje khro bo 'bar ba'i dkyil 'khor gyis ma rung ba'i rnam 'gyur gsum dang ldan pa'i gdug pa can gyi lus ngag yid gsum dum bur gyis shig pa'o zhes brjod pas/__nam mkha'i mtha' klas pa'i 'jig rten drug gi phyogs bcu mtha' yas pa thams cad go 'tshams med par khyad par kun tu bzang mo yum gyi mkha' dbyings las rigs lnga'i khro bo'i dkyil 'khor gyi tshogs che chung stong gsum gyi 'jig rten tsam pa la/__grangs phyogs bcu'i 'jig rten gyi khams thams cad kyi rdul phra mo snyed tsal 'thon par gyur nas gang bar gyur to/__/gsum pa spros pa'i ltas ni/__de ltar khro bo'i sprin gyis nam mkha'i khams kun gsal bas 'jig rten drug gi phyogs bcu thams cad kyi sa dang ri gling thams cad chung ngur g.yos/__'bring du rab tu g.yos/__chen por kun tu rab tu g.yos so/__'brug la sogs pa'i sgra sgra skad chung ngur 'ur 'ur/__'bring du rab tu 'ur 'ur/__chen por kun tu 'ur 'ur ro/__/lha'i rnga bo chen la sogs pa rol mo'i tshogs rnams ma brdung kyang rang sgra chung ngur chem chem/__'bring du rab tu chem chem/__chen por kun tu rab tu chem chem mo/__/ri dang sa rdo la sogs pa rags pa'i dngos po 'dus pa rnams ma gyes tsam du chung ngur shig shig__/'bring du rab tu shig shig__/chen por kun tu rab tu shig shig__/rgya mtsho la sogs pa'i rba rlabs chung ngur gtor gtor/__'bring du rab tu gtor gtor/__/chen por kun tu gtor gtor ro/__/chung 'bring che gsum ni sa 'og sa steng sa bla gsum bstan pa'o/__/de ltar lnga po la gsum gsum gyis ltas chen po bco lnga zhes bya'o/__/de ni snod ltar phyi la sbyar ba yin zhing*/__snod zil gyis gnon pa'o/__/bcud ltar nang du sbyar na g.yo ba gsum 'gro ba'i sems so/__/'ur ba gsum sgo gsum mo/__/chem pa gsum gzung ba dang 'dzin pa dang gnyis bcas so/__/shig pa gsum dug gsum mo/__/'thor ba gsum spangs gnyen 'dzin pa dang bcas pa ste bco lnga dag par byas pa'o/__/ye shes ltar gsang bar sbyar na rang snang 'od lnga'i snang ba ni g.yos pa gsum mo/__/ye shes kyi gzhal med khang phyogs bcur gsal ba ni 'ur ba gsum mo/__/rten pa lha'i dkyil 'khor ni chem pa gsum mo/__/snang ba mi 'dra ba'i bkod pa du ma snang ba ni shig pa gsum mo/__/dkyil 'khor gyi 'phro 'du dang rol pa ni 'thor ba gsum mo/__/yang gsang bla med ltar sbyar na snang yul bzang ngan bar ma gsum ni g.yos pa gsum mo/__/shes pa dgag sgrub bar ma gsum ni 'ur ba gsum mo/__/de nyid rang grol kun tu bzang po thabs shes zung 'brel gsum du shar bas chems pa gsum mo/__/de'i tshe spros pa dang bral ba'i ye shes bde gsal mi rtogs pa gsum du shar ba ni shig pa gsum mo/__/rang bzhin rtogs pas spangs gnyen 'dzin pa gsum zhig pa ni/__'thor ba gsum ste 'khor ba chos nyid du grol ba'i ltas chen po bco lnga'o/__/de dag bstan pas de'i tshe 'jig rten drug gi phyogs bcu'i stong gsum gyi stong chen po'i 'jig rten gyi khams thams cad na gnas pa'i gtso bo rang rang gi gnas ris na dbang che ba dang*/__'od dang gzi brjed che ba dang*/__stobs dang nus mthu che ba'i lha dbang phyug chen po dang tshangs pa dang brgya byin la sogs pa thams cad lus 'gyed cing gzi brjed chung bar gyur pas brgyal ngag cung zad kyang smra bar mi nus pas rab tu brgyal/__/sems skrag cing spa bkod la dran pa nyams pas kun tu brgyal bar gyur to/__/gnyis pa phrin las drag pos gdug pa can tshar bcad pa la bzhi/__gtso bo ye shes kyi dkyil 'khor bkod pa/__/dregs pa pho rgyud dngos su bsgral ba/__mo rgyud sbyor bas dgyes pa/__'khor gyi dkyil 'khor spros pa'o/__/dang po la gnyis las/__/dang po gtso bo che mchog tu bzhugs pa'i tshul ni/__de nas bcom ldan 'das dgyes pa chen po kun tu bzang po nyid/__'jigs byed chen po shin tu rngam pa'i cha lugs skyi bung zhes byed pa'i rnam pa ye shes kyi gzi mdangs nyi ma 'bum bas kyang 'bar ba chen po'i 'od 'phro ba khrag 'thung che mchog he ru ka sku mdog smug nag la rnam 'gyur cir yang 'gyur ba dbu dang phyag dang zhabs grangs mtha' yas pa stong khams kyi rdul snyed mnga' ba'i phyag na mtshon cha sna tshogs 'dzin pa de rnam par thar pa'i dbu gsum dang pha rol du phyin pa'i phyag dang rdzu 'phrul gyi rkang pa'i zhabs bzhir gyur te/__'khor ba ma spang gnas su dag pa'i dur khrod chen por dgyes nas 'dod chags gnas su dag pa'i phyir khrag gi rgya mtsho'i klong dkyil na/__zhe sdang ma spangs gnas su dag pa'i brdar keng rus chen po'i tshogs spungs shing brtsigs pa'i ri rab gyi steng na gti mug gnas su dag pa'i phyir ye shes kyi me re me dpung 'bar ba chen po'i klong gi dbus 'khor lo rtsibs bzhi pa'i dkyil na lha dbang phyug chen po ste ma hA de ba dang*/__dur khrod kyi bdag po dregs pa chen po u ma de ba ste khyo shugs gi gdan la g.yon brkyang g.yas bskums su bzhugs so/__/gnyis pa 'khor rigs bzhir bkod tshul ni gong du spros pa'i khro bo'i dkyil 'khor gyi sprin phung gi tshogs de dag kyang*/__rigs lnga'am bzhi'i rang bzhin las la la ste me long lta bu'i ye shes kyi rigs rnams ni dpal khrag 'thung chen po badz+ra he ru kar gyur te 'khor lo'i rtsibs shar phyogs su bzhugs so/__/la la ste mnyam pa nyid kyi ye shes kyi rigs rnams ni dpal khrag 'thung chen po rin po che ste rat+na he ru kar gyur te 'khor lo'i rtsibs lho phyogs su bzhugs so/__/la la ste so sor rtog pa'i ye shes kyi rigs rnams ni dpal khrag 'thung chen po pad+ma he ru kar gyur te 'khor lo'i rtsibs nub phyogs su bzhugs so/__/la la ste bya ba grub pa'i ye shes kyi rigs rnams ni dpal khu khrag 'thung chen po kun tu las su ste karma he ru kar gyur te 'khor lo'i rtsibs byang phyogs su bzhugs so/__/khro bo'i rigs bzhi po de dag kun kyang 'jigs byed chen po'i cha lugs dur khrod kyi chas brgyad dang hU~M dang phaT la sogs pa rngam pa'i nga ro dang ye shes kyi me dpung 'bar ba'i klong na/__dug gsum rtsad nas gcod cing sku gsum mtshon pa'i dbu gsum dang rgyud drug dbyings su sgrol ba'i phyag drug dang phrin las bzhis 'gro ba'i don mdzad cing skye 'gag bzhi gnas su sgrol ba'i phyir zhabs bzhis/__phyin ci log bzhi dang bdud bzhi gnon pa'i brdar shar du dri za dang*/__byang du gnod sbyin/__nub du srin po dang*/__lhor gshin rje dang la sogs pa ste ma rung ba'i gdug pa can gyi rigs pa ji snyed pa bsdus te de dag so so'i khyo shug gi gdan byas pa la g.yon brkyang g.yas bskums su bzhugs so/__/he ru ka rigs lnga'i btsun mo khrag 'thung chen mo'i tshogs bud+d+ha kro ti shwa ri ma la sogs pa rnams kyang khro bo so so'i sku la 'khyud cing 'khril ba'i tshul gyis bzhugs so/__/gnyis pa pho rgyud dngos su bsgral ba la gnyis las/__dang po dregs pa can gyi nga rgyal gyis gtum rngams bsgrags pa ni de nas gdan du bsnol ba'i dregs pa chen po rU tra la sogs pa dbang phyug chen po pho rgyud nyi shu rtsa brgyad po rnams kyi gdug cing gtum pa'i sems kyis khros te lus gdan du bting yang gdug pa'i rdzu 'phrul chen po sna tshogs bstan nas/__tshig mthun par mgrin gcig tu gdug pa'i nga ro/__/mi snyan pa'i brlang po'i gtum tshig drag po ngag tu smras pa/__nged rnams rkang pa'i 'og nas thong thong khyed cag snying rje'i bdag po 'gro ba la phan 'dogs pa'i gzugs brnyan ma yin nam ci de ltar byed dam zhes 'dzer zhing*/__shin tu gdug pa'i sems kyis khros nas brgal ba'i phyir rngam mo/__/gnyis pa thugs rje mngon spyod drag pos dngos su bsgral ba la gnyis las/__dang po 'jig gzugs rngam pa'i sprin spros pa ni/__de nas bcom ldan 'das dgyes pa chen po che mchog he ru ka nyid phyir he ru ka dgu klong rngam pa'i zhal du gsol ba dang nang du snyoms 'jug dgu brnyes pa'i rtags su dbu dgu dang phyir sgrol ging bco brgyad kyis gdug pa can sgrol ba dang*/__nang du stong pa nyid bco brgyad kyi brdar phyag bco brgyad dang phyir tshad med pa bzhi dang phrin las bzhis sems can gyi don mdzad cing nang du rnam par thar pa brgyad brnyes pa'i rtags su zhabs brgyad du gnas par sprul nas/__gdug pa can la rngam pa'i skad kyis thabs la mkhas pa'i thugs rjes 'dul ba'i thabs kyis gdul bya'i snang ngor shin tu khros par bstan nas/__hU~M hU~M hU~M ni lus ngag yid gsum bsdus shig pa'o/__/ha ha ha ni dgod pa ste dug gsum zhal du gsol bar rngam pa'o/__/khwa hi khA hi khA hi ni sha khrag rus pa gsum la rol pa'o zhes brjod nas 'dar zhing dwangs te las su rung bar byas pa'o/__/gnyis pa bsgral ba dngos ni/__khro bo'i tshogs de dag gis dbang phyug chen po la sogs pa/__gdug pa chen po'i tshogs de dag gi don snying phyung pa ni rnam shes kyi tshogs la bdag tu 'dzin pa'i ngo bo rtsad nas bcad pa dang mig la sogs pa'i dbang po kun phyung ba ni yul 'dzin gyi sgo bkag pa'o/__/rgyu ma la sogs pa'i nang khrol kun drangs ba ni gzung 'dzin gyi rten lus su zhen pa spangs pa'o/__/mgo la sogs pa'i yan lag kun bcad cing gtub nas srid par 'du byed pa bshig pa'o/__/sha kun zos pas gti mug dag par mdzad pa'o/__/khrag kun 'thung nas 'dod chags dag par byas pa'o/__/rus pa kun 'chos nas zhe sdang dag par byas so/__/gsum pa mo brgyud sbyor bas dgyes pa la gnyis/__'jig rten bsdu ba'i cho 'phrul dang*/__sbyor ba chen po'i rol pa'o/__/dang po la'ang gnyis las/__dang po snod kyi 'jig rten bsdu ba ni/__de nas hU~M hU~M hU~M ni dpal chen po'i sku gsung thugs kyis bsdus shig pa'o/__/b+h+yo ni ma mo rnams so/__/e ni 'dir ro/__/a ra li mkha' 'gro ma'am pho nya mo'o/__/hriM hriM ni 'dus shig pa'o/__/dza dza ni shog shog gam khug cig pa'o zhes brjod pas/__phyogs bcu'i 'jig rten gyi khams nam mkha' dbyings kyi mtha' gtug pa dang bcas pa thams cad yungs 'bru gcig tsam du chud par/__bsdus so/__/gnyis pa bcud kyi sems can bsdu ba ni/__de nas mthu che ba'i 'byung po phal pa'i rigs ma lus pa'i rgyal po gnas 'jog dang ser skya dang gnod sbyin la sogs pa lha dang lha ma yin gyi blon po chen po bka' nyan pa rnams yin la/__de'i yang rgyal po ni dregs pa chen po dang tshangs pa la sogs pa'i nyi shu rtsa brgyad yin pas na de dag so so'i chung ma ni 'byung po phal pa'i rigs thams cad kyi rje mo rna brnyen chen mo la sogs pa yin la de'i yang rje mo dbang phyug ma nyi shu rtsa brgyad do/__/'di dag thun mong gi lugs kyis 'jig rten par byed kyang thun mong ma yin pas 'jig rten las 'das par bstan cing*/__shin tu thun mong ma yin pas rtsa gnas 'khor lo'i nang na yod par sangs rgyas pa'i tshe de ltar snang bar 'dod pas de'i rjes su 'brang ba yin la/__'dir rigs byed kyi gtam dang sbyar te bstan na go sla bas de ltar bshad na khyo'i ming chung ma la grags par zad de/__dur khrod kyi dregs pa dbang phyug chen po'i chung ma srin mo chen mo mi'i srin mo dang*/__tshangs pa'i chung ma tshangs ma dang*/__gzhan 'phrul dbang byed kyi bdag po dbang phyug chen po'i chung ma 'khrug mo dang*/__brgya byin gyi chung ma dbang mo dang*/__khyab 'jug gi chung ma 'jug sred mo dang*/__gzhon nu gdong drug gi chung ma gzhon nu mo dang*/__'jug srid kyi chung ma dmar mo dang*/__nyi ma'i chung ma bdud rtsi mo dang*/__zla ba'i chung ma zhi ba mo dang*/__be con te spen pa'i chung ma be macen mo dang*/__srin po lang ka mgrin bcu'i chung ma srin mo dang*/__/lha ma yin dang dam tshig nyams pa rnams za bar byed pa'i lha'i dmag dpon ma hA ka la'i chung ma za ba mo dang*/__dga' byed dbang phyug gi chung ma dga' ba mo dang*/__lha stobs bzang gi chung ma ro khrag 'thung myos ma dang*/__dri za taM bu ra'i chung ma gcig pur spyod ma dang*/__'dod lha ka ma de ba'i chung ma yid 'phrog ma dang*/__nor sgrub cing byad gtong ba'i nor srung gi chung ma grum mo dang*/__rlung lha'i chung ma rlung mo dang*/__/bdud gsod byed kyi chung ma gsod th+yed mo dang*/__me lha'i chung ma me mo dang*/__sa bdag phag chen gyi chung ma phag mo dang*/__gshin rje'i chung ma rgan byed mo dang*/__tshogs bdag gis chung ma sna chen mo dang*/__chu lha'i chung ma chu lha mo dang*/__nag po rnam 'jigs chen po'i chung ma nag mo chen mo dang*/__srin mo sha grI ba'i chung ma ra mgo dmar ser chen mo dang*/__srin po sum pa ka ra bum sna'i chung ma 'bum sna sngo nag chen mo dang*/__ra ma Na 'bod sgrogs te gsum po che'i chud ma gsus 'dzin ser nag chen mo la sogs pa/__phyi'i las byed pa'i bran dang de'i yang bran dang*/__/nang gi las sgrub pa'i g.yog dang de'i yang g.yog la sogs pa'i 'jig rten pa'i 'khor zhing gi rdul snyed kyi grangs thams cad kyang bsdus so/__/gnyis pa sbyor ba chen po'i rol pa la gsum las/__dang po rgyu'i ting nge 'dzin la mnyam par bzhag pa ni/__dbang du bsdus pa de nas bcom ldan 'das dgyes pa chen po 'gro ba'i dpal khrag chen pos gdul bya 'dul ba'i thabs kyis/__yang rigs lnga'i 'jigs byed chen po'i tshogs 'bar bar snang bar byas nas/__yab yum de dag kun kyang dgyes pas gnyis su med par rol pa'i dkyil 'khor gyi sprin rang snang nam mkha'i dbyings kun tu khyab par 'byung ba zhes bya ba ting nge 'dzin la snyoms par zhugs te/__/gnyis pa rkyen rig pa chen po'i gsang sngags bsgrags pa ni/__sku dang gsung dang thugs rdo rje las 'di skad ces phyung ngo*/__/oM A hU~M ni sku gsung thugs so/__/badz+ra pra be sha ni rdo rje gzhung bar bya ba'o/__/a la la ho ni shin tu ngo mtshar che ba'o/__/gsum pa 'bras bu gnyis su med par sbyar ba ni zhes brjod pas/__'byung mo'i rgyal mo rnams he ru ka'i tshogs la shin tu chags pas yid g.yos nas/__rang rang gi pad+ma'i dkyil 'khor bsdud pa ste 'dzum zhing rgyas pa ste 'byed par gyur nas/__he ru ka'i sku la sbyor ba ni/__dper na rdo khab len la lcags 'du ba'i tshul du bcom ldan 'das dgyes pa chen po dpal khrag 'thung chen po rdo rje'i sku la/__srin mo chen mo mi'i srin mo dang*/__dmar mo dang*/__dga' ba mo dang*/__gsod byed mo dang*/__nag mo chen mo dang*/__dmar ser chen mo dang*/__sngo nag chen mo dang*/__ser nag chen mo ste brgyad po rnams 'khril lo/__/bcom ldan 'das dpal khrag 'thung chen po de bzhin gshegs pa che mchog he ru ka'i sku la/__tshangs ma dang*/__'khrug mo dang*/__dbang mo dang*/__'jug sred mo dang*/__gzhon nu mo ste shar gyi lnga rnams 'khril lo/__/bcom ldan 'das dpal khrag 'thung chen po rin po che'i sku la/__bdud rtsi mo dang*/__zhi ba mo dang*/__be con mo dang*/__za ba mo dang*/__srin mo ste lho'i lnga rnams 'khril lo/__/bcom ldan 'das dpal khrag 'thung chen po pad+ma'i sku la/__khrag gis myos ma dang*/__gcig pur spyod ma dang*/__yid 'phrog ma dang*/__grub mo dang*/__rlung mo ste lho'i lnga rnams 'khril lo/__/bcom ldan 'das dpal khrag 'thung chen po kun tu las kyi sku la/__me mo dang*/__phag mo dang*/__rgan byed mo dang*/__sna chen mo dang*/__chu lha mo ste byang gi lnga rnams 'khril lo/__/bzhi pa 'khor gyi dkyil 'khor spro ba'i tshul la lnga las/__dang po spro ba'i sbyor ba ni/__de nas bcom ldan 'das dgyes pa chen po khrag 'thung rigs lnga'i khro bo'i dkyil 'khor de dag gis hU~M zhes brjod pas dbang mo rnams kyi pad+ma'i dkyil 'khor gyi tshogs de dag khrag 'thung rigs lnga'i rdo rje la bsdus nas phan tshun phyag zhabs bsnol zhing sto smad shin tu bcum par byas pas bde ba rgyas par gyur to/__/gnyis pa ma mo spros pa ni/__de nas dgyes te ha zhes brjod pas rgyu yab yum kyi byang chub sems kyi sprin las thugs rnam par dag pa zhi ba'i las mdzad pa dkar mo'i tshogs dang*/__yon tan gyi tshogs sdud pas kun mo'i tshogs dbang gi las mdzad pa dang*/__spang blang gnyis su med pa'i rmongs mo'i tshogs sems kyi dran pa nyams par byed pas drag po'i las mdzad pa dang*/__mi mthun pa'i phyogs rdul du rlog pas thal byed mo'i tshogs drag po'i las mdzad pa dang*/__yon tan gyi gang bas spos me'i tshogs rgyas pa'i las mdzad pa dang*/__'thab cing 'khrug pas gtum mo'i tshogs drag po'i las mdzad pa dang*/__gang yang grub pas sme sha can gyi tshogs las thams cad mdzad pa dang*/__tshe dang yo byad 'phel ba ma tshogs ma'i tshogs rgyas pa'i las mdzad pa rnams zhing dbyug dang mda' gzhu la sogs pa rang rang gi lag cha dang*/__ngo mtshar ba'i 'od zer dang rgyan du chas nas dbang phyug ma rnams kyi mkha' las 'thon to/__/'thon nas kyang 'bar ba chen po 'khor lo'i rtsibs mtshan gyi shar lho'i phyogs nas g.yas skor du 'khor bar 'jigs pa'i gzugs dang rang rang gi lag cha dang bcas nas 'khod do/__/de'ang rtsibs mchan bzhi dang gru chad bzhi la'o/__/gsum pa phra men ma spro ba ni/__de nas shin tu dgyes nas he zhes brjod pas/__zil gyis gnon pas seng gdong chen mo'i tshogs rgyas pa'i las mdzad pa dang*/__dpa' gtum che ba stag gdong chen mo'i tshogs drag po'i las mdzad pa dang*/__phung po'i bdud 'joms shing thabs la mkhas pa wa gdong chen mo'i tshogs drag po'i las mdzad pa dang*/__bslu ba'i bdud 'joms shing me la tshe la mkhas pa khyi gdong chen mo'i tshogs las thams cad mdzad pa dang*/__mig rno bas bzhad gdong chen mo'i tshogs rgyas pa'i las mdzad dang*/__'chi bdag gi bdud 'joms shing srog dang bral ba'i ro la spyod pas kang ka'i gdang chen mo'i tshogs zhi ba'i las mdzad pa dang*/__thams cad mi spong ba kha gdong chen mo'i tshogs 'khor ba mi spong ba chos nyid du dag pas dbang gi las mdzad pa dang*/__mtshan mo mthong ba 'ug pa'i gdong chen mo'i tshogs 'khor ba spyan gyis gzigs pa zhi ba'i las mdzad pa dang bcas pa rnams/__lag par khar bsnol ba la sogs pa rang rang gi lag cha dang ngo mtshar ba'i 'od zer dang rgyan du chas nas 'thon par gyur to/__'thon nas kyang 'bar ba chen po'i 'khor lo'i phyir rol khyams nang ma'i phyogs bzhir mche ba can bzhi dang mtshams bzhir gshog pa can bzhi shar phyogs nas 'khor bar rngam pa'i mdangs kyis 'khod do/__/bzhi pa sgo ma rnams spros pa ni/__de nas shin tu dgyes pas ye shes kyi snang ba chen pos phyogs bcu'i zhing ma lus pa khyab nas phaT ces brjod pas/__tshad med pa bzhis 'gro ba'i don mdzad cing phyin ci log bzhi dang bdud bzhi mjoms pa'i brdar rdo rje srid 'gro rta gdong ma'i tshogs dang*/__rdo rje gdong mo phag gdong ma'i tshogs dang*/__rdo rje 'jig rten ma dred gdong ma'i tshogs dang*/__rdo rje ro langs spyang gdong ma'i tshogs rnams lcags kyu zhags pa lcags sgros dril bu ste rang rang gi lag cha dang*/__ngo mtshar du chas nas 'thon par gyur to/__'thon nas kyang 'bar ba'i dkyil 'khor gyi sgo bzhir gdug pa can la shin tu rngam pa'i gzugs kyis gnas so/__/lnga pa 'khor rnams rang rang gi gnas su btang ba ni/__de nas yab yum 'khor dang bcas pa dgyes pa chen po'i sprin las phyogs bcu ma lus pa nas phaT ces sgrogs pas/__thams cad snying rjes rngams shing khros nas sku la 'khril ba dang slas su bkod pa'i ma mo thams cad kyang sngon gang nas 'ongs pa bzhin rang rang gi gnas ga la ba der yud tsam gyis phyin par rdzu 'phrul gyis phyir bkye'o/__/gsum pa thugs rjes rjes su bzung nas bka' la btags pa'i tshul la bzhi/__gnas spar te dkyil 'khor mthong ba'i tshul bstan pa/__stong khams thams cad mnyam du btul ba/__dregs pa can gyis 'bangs su khas blang ba/__dbang bskur te bka' bsgo ba'o/__/dang po la gsum las/__dang po rgyu'i ting nge 'dzin la mnyam par bzhag nas gsang sngags brjod pa ni/__de nas bcom ldan 'das rjes su bzung ba'i tshul gyis dgyes pa chen po 'gro ba'i dpal khrag 'thung chen po rigs lnga po de dag kun kyang chos kyi dbyings las rang byung gi thugs rje chen po gdul bya'i nad gso bas bdud rtsi 'byung ba zhes bya ba'i ting nge 'dzin la snyoms par zhugs nas/__de dag gi sku dang gsung dang thugs rdo rje las 'di dag phyung ngo*/__/oM badz+ra ma hA a mr-i ta ni rdo rje bdud rtsi chen po'o/__/ma hA kro d+ha ni khro bo chen po'o/__/aM aM aM ni lan gsum du dbang bskur ba'o/__/gnyis pa slar yang dregs pa can phyung ste khrus byas pa ni/__zhes brjod pas/__sngar sha zos shing zhal du bstabs pa'i dbang phyug chen po la sogs pa thams cad/__bcom ldan 'das khro bo chen po rigs lnga po de dag gi 'og sgo'i bsnams khung nas bton te/__dri chen la sogs pa'i mi gtsang ba'i 'dam gyi rgya mtshor chud pa las de dag par bya ba'i phyir khro bo so so'i bsnams khung nas khro bo'i u tsuSh+ma kro d+ha phyung nas mi gtsang ba'i 'dam kun 'thung te dregs pa can de dag dran pa slar rnyed par byas nas/__gsum pa 'bar ba'i dkyil 'khor gyi zhal bstan pa ni/__khro bo'i dkyil 'khor gyi sprin gyi tshogs rigs lnga po yum dang bcas pa de dag thams cad kyang ye shes lnga dang phrin las bzhi'i dbye ba re re zhing dam pa rigs brgyar mtshon pa'i brdar dbu dgu brgya pa dang*/__phyag stong brgyad brgya pa dang*/__zhabs brgyad brgya pa dang*/__sku ye shes kyi me dpung 'bar ba chen po'i klong gi dkyil 'khor na bzhugs par mthong ngo*/__/de ni sangs rgyas bsam yas lhun gyis grub pa'i ting nge 'dzin du bden pa mthong bar byas pa'o/__/gnyis pa stong khams mnyam du btul ba ni/__/'og min du rang snang ye shes kyi cho 'phrul rang bkod pa de'i dus su gdul bya'i 'jig rten drug gi phyogs bcu'i srid pa gsum po kun tu gnas pa'i dregs pa'i dbang phyug thams cad so so gang la gang gis bli ltar 'dul ba'i thabs kyi rol pa sna tshogs bsam gyis mi khyab par steng 'og gi 'ablig rten so sor snang bas gdul bya de dag bla phyi med par dus gcig tu btul lo/__/'dis ni rang snang lhun stug po bkod par snang ba ji 'dra ba gzhan snang phyogs bcur snang bar bstan to/__/gsum pa dregs pa can gyi 'bangs su khas blangs pa la bzhi las/__dang po 'bangs su dam bcas te dkyil 'khor gyi gdan du phul ba ni/__cho 'phrul bkod pa de nas dregs pa can de dag skrag cig lus shin tu 'dar zhing sems bred pas rab tu dpa' zhum pa'i nga ros/__bdag gi lus 'bangs su mchi/__ngag 'bangs su mchi/__sems 'bangs su nan tan ma bgyis na/__rang rang gi mgo dang lus ni tshal pa brgyar 'gas shing*/__snying yang tshal pa stong du 'gas shing gtub par gyur cig__/lus kyang rul cing myags la dmod pa'i mes tshig nas tshe 'dir brlag pa dang*/__phyi mar dmyal bar ltung nas 'o dod chen po 'bod par shog cig__/ces 'bangs su mchi bar mna' bor nas/__rang rang gi lus khro bo rigs lnga'i dkyil 'khor gyi gdan du bzhag go__/gnyis pa 'khor phul te gus pas gtsug gis mchod pa ni/__dregs pa can thams cad kyis mgrin gcig tu yang smras pa/__bdag cag rnams kyi mchis brang chung ma dang*/__ma dang bu mo dang sring mo rnams/__khro bo'i tshogs kyis longs spyod kyi dkyil 'khor chen por bzhes su gsol/__gdug pa can 'joms pa'i dba' bo rjes su 'dzin pa'i lha skyabs kyi dam par gyur pa'i rjes bzhes su gsol/__bdag cag so so 'khor dang bcas pa thams cad kyis/__zhal mthong ba'i khro bo'i tshogs kyi dkyil 'khor chen po 'di'i/__ming tsam 'dzin par byed pa rnams la yang*/__gtsug gi yid bzhin gyi nor bu 'od 'bar ba bskur pa ltar/__yid g.yo sgyu med cing mchog tu gus pa dang ldan pa'i/__sems kyis mchod gnas su blos blangs nas rtag tu spyi bo yi/__bcag cag gtsug tu bzhag ste bkur sti dang rim gro che bar bgyi zhing*/__dkyil 'khor gyi mtshan 'chang ba de yi dgongs pa phrin las rnams bzhi ci sgrub yang rung*/__re ba ma lus pa rdzogs par bdag cag gis bsgrub par bgyi'o/__/gsum pa dam bcas te las kyi stong grogs byed pa ni/__gal te dpa' bo'i spyan snga 'dir/__bdag cag rnams kyis khas blangs dam bcas pa'i tshig smras pa bzhin du bdag cag gis ma bsgrubs na/__bdag cag rnams kyi mgo dang lus dang snying rnams tshal par bkas shing dmod pa'i mtshon gyis gtubs te dum bar gyur nas rul bar mchi'o/__zhes smras so/__/bzhi pa dbang mo rnams 'bangs su 'ong nas bka' nyan pa'i phrin las zhu ba ni/__de nas dregs pa can de dag gi chung ma'i tshogs dang*/__ma dang sring mo dang*/__bu mo'i tshogs thams cad sngar bkye ba las slar yang khro bo'i dkyil 'khor ru skad cig yud tsam gyis 'ong nas/__de dag thams cad kyis mgrin gcig tu smras pa/__bdag cag 'khor gyi tshogs dang bcas pa thams cad kun/__bgegs dpung 'joms pa'i dpa' bo chen po'i 'bangs su mchi nas/__dpa' bo chen pos bdag cag rnams la/__zhi ba dang rgyas pa dang dbang dang drag po gang byed sngar rang rang gi las la spyod pa bzhin du 'di ltar gyis shig pa'i las kyi dngos grub bka' bsgo ba rtsal du gsol/__ces smras so/__/bzhi pa dbang bskur te bka' bsgo ba ni/__de nas bcom ldan 'das che mchog he ru ka 'gro ba la dgyes pa chen pos de dag gi lag tu rdo rje byin nas rdo rje mi'i srin mo zhes pa la sogs pa rang rang gi ming gis dbang bskur te 'bar ba'i dkyil 'khor gyi phyi rol ste phyi khyams dag tu bkod do/__/rol pa'i ye shes mchog tu gsang ba'i snying po longs spyod rdzogs pa sku'i de kho na nyid nges pa las lhun stug po bkod par khro bo rang bzhin gyi dkyil 'khor gyi sprin rang snang mtha' dbus med par rnam par spros pa'i le'u ste bco lnga pa'o/__/spyi don gnyis pa lam ji ltar sgrub pa thabs kyi yan lag rgya cher bshad pa la lnga ste/__thugs rgyu bskul ba gsung gsang sngags kyi dkyil 'khor dmigs pa'i rten gzugs brnyan gyi dkyil 'khor/__de la mchod pa ji ltar bya ba'i tshul/__dam tshig dang ldan pas 'grub pa dam tshig gi rim pa/__dam tshig can gyis phrin las ji ltar bsgrub pa'i tshul lo/__dang po la gsum/__gsang sngags 'byung ba'i tshul mdor bstan pa/__ji ltar phyung ba'i rang bzhin rgyas par bshad pa/__ltas khyad par can gyis mjug bsdu ba'o/__/dang po ni rang bzhin gyi dkyil 'khor bkod ba de nas bcom ldan 'das dgyes pa chen pos khro bo'i dkyil 'khor gyi tshogs chen po gong du bstan pa 'di dag dam tshig chen pos gsung gis grub par bya ba'i phyir/__rang snang bkod pa'i de bzhin gshegs pa khro bo khrag 'thung chen po rang rang gi btsun mo dang bcas pa'i tshogs de dag gi sku dang gsung dang thugs rdo rje rang byung gi ye shes gsang sngags kyi rang sgrar rang shar ba 'brug stong ldir ba tsam gyi nga ro rngam pa las gsung gi dkyil 'khor sngags kyi tshogs 'di dag rang shar du phyung ngo*/__/gnyis pa la lnga/__lha bskyed pa'i sngags/__ye shes pa spyan drangs pa'i sngags/__dngos grub kyi don du gsol ba gdab pa/__rig pa'i me tog dor ba'i sngags/__phrin las kyi don du gtor ma sbyin pa'i sngags so/__/dang po la lnga las/__dang po gtso bo yab yum bskyed pa las yab kyi sngags ni/__oM bkra shis pa dang sngags byin gyis rlabs pa'o sarba ta thA ga ta de bzhin gshegs pa ma hA chen po shrI dpal he ru ka khrag 'thung ma hA tsan+Da gtum po chen po sarba duSh+tAn+ta ka sdang ba thams cad mthar byed pa ste de dag rtsa ba'i sngags kyis bcom ldan 'das la 'bod pa'o/__/ha na rgyob cig__/da ha sregs shig__/pa tsa tshos shig__/hU~M hU~M hU~M ni gdug pa can gyi lus ngag yid gsum bsdud pa phaT dum bur gtong ba'o/__/de dag phrin las kyi sngags so/__/oM ni sngags byin gyis rlaub pa badz+ra ma hA shrI ha ru ka ma hA tsan+Da rdo rje chen po dpal khrag 'thung gtum po chen po sarba duSh+tAn+ta ka sdang ba thams cad mthar byed pa ste rtsa ba'i sngags dang*/__ha na da ha pa tsa rgyob cig__/sregs shig__/tshos shig__/hU~M hU~M hU~M phaT gdug pa can gyis lus ngag yid gsum bsdus la choms shig ces las sngags so/__oM sngags byin gyis rlob pa rat+na ma hA shrI he ru ka ma hA tsan+Da rin po che chen po dpal khrag 'thung gtum po chen po sarba duSh+tAn+ta ka sdang ba thams cad mthar byed pa ste rtsa ba'i sngags dang*/__ha na da ha pa tsa rgyob cig sregs shig chos shig hU~M hU~M hU~M phaT sdang ba'i lus ngag yid gsum bsdus la choms shig ces phrin las kyi sngags so/__/oM sngags byin gyis rlob pa pad+ma ma hA shrI he ru ka ma hA tsan+Da pad+ma chen po dpal khrag 'thung gtum po chen po sarba duSh+tan+ta ka sdang ba thams cad mthar byed pa ste rtsa ba'i sngags dang ha na da ha pa tsa rgyob cig sregs shig chos shigahU~M hU~M hU~M phaT sdang ba'i lus ngag yid gsum bsdus la choms shig ces las sngags so/__/yum gyi sngags ni/__oM sarba ta thA ga ta ma hA kro d+ho shwa ri de bzhin gshegs pa'i khro mo dbang phyug ma sarba duSh+tAn hU~M phaT sdang ba kun bsdus la choms shig__/oM ma hA badz+ra d+ha ra ma hA kro d+he shwa rI dza la nI hU~M phaT rdo rje gzung ma khro mo dbang phyug gi 'bar ba chen mo gdug pa can bsdus la gtor shig__/oM ma hA sUr+ya rat+na ma hA kro d+he shwa rI bi da ma hU~M phaT/__rin chen nyi ma'i khro mo dbang phyug ma chen mo rnam par 'joms ma gdug pa can gtor cig__/oM hrI shwat+ta sa man+ta pad+ma ma hA kro d+he shwa rI khA hi hU~M phaT kun tu rgod pa'i khro mo dbang phyug chen mo zo zhig gtor cig__/oM sarba a mo g+hA ma hA kro d+he shA ri bi shwa hU~M phaT thams cad don yod pa'i khro mo dbang phyug sna tshogs ma gdug pa can gtor cig__/gnyis pa ma mo brgyad kyi sngags ni/__oM badz+ra ni sngar ltar ro/__/kau rI ha dkar mo'o/__/badz+ra tsau rI ha chom rkun ma'o badz+ra pra mo ha rab tu rmongs ma'o/__badz+ra bet+ta lI ha ro langs ma'o/__/badz+ra tsan+Da lI ha gtum mo'o/__/badz+ra puk+ka sI ha spos ma'o/__/badz+ra g+hasma ri ha sme sha can no/__/badz+ra sme sha ni ha ni dur khrod ma'o/__/ha brgyad ni de dag gi sa bon no/__/oM badz+ra ko'u ri dzaHzhes pa dang sbyar na phrin las dang sgrub pa dang*/__dzaHbsal na mnyes pa'i sngags so/__/gsum pa phra men ma brgyad kyi sngags ni/__badz+ra sed+ha ha mu khA he seng gdong ma'o/__/badz+ra byA g+h+ri mu khA he stag gdong ma'o/__/badz+ra sring+g+ha ma mu khA he wa gdong ma'o/__/badz+ra shwa na mu khA he spyang gdong ma'o/__/badz+ra griD+ha mu khA he bya rgod gdong ma'o/__/badz+ra kang+ka mu khA he dur bya'i gdong ma'o/__/badz+ra kA ka mu khA he bya rog gdong ma'o/__/badz+ra u lU ka mu khA he 'ug pa'i gdong can ma'o/__/he brgyad ni de dag gi sa bon no/__/phrin las kyi sngags kyang snga ma bzhin no/__/bzhi pa sgo ma bzhi'i sngags ni/__oM badz+ra Ar+ya te dza ti nga dzaH'phags pa'i gzi brjed de rta mgo can no/__/oM badz+ra a mu khA hU~M don yod pa ste phag gi gdong can no/__/oM badz+ra lo ka baM 'jig rten snang byed ma ste dred gdong ma'o/__/oM badz+ra b+hasmi pa la ya ba tu hoHthal bar byed ma ste spyang gdong can no/__/mtha' rten gyi dzaH hU~M baM hoMHbzhi ni de dag gi sa bon no/__/lnga pa dbang phyug ma rnams kyi sngags ni b+h+yo b+h+yo b+h+yo b+h+yo b+h+yo b+h+yo/__b+h+yo b+h+yo b+h+yo b+h+yo b+h+yo b+h+yo/__b+h+yo b+h+yo b+h+yo b+h+yo b+h+yo b+h+yo/__b+h+yo b+h+yo b+h+yo b+h+yo b+h+yo b+h+yo/__b+h+yo b+h+yo b+h+yo b+h+yo/__de la b+ha gi ni sring mo/__/b+har ya chung ma de dag gi sgra bsdus te b+h+yo zhes sa bon du byas pa'o/__/las sgrub pa'i tshe oM ma nu rak+sha si b+h+yo/__dgra bo ma rA ya hU~M phaTaHces pa la sogs pa so sor sngags dang sbyar ro/__/gnyis pa ye shes pa spyan drangs pa'i sngags ni/__oM ru lu ru lu hU~M khro bo 'chol ba'i dkyil 'khor 'dod pa ste de'ang sngon las kyi srin po'i gdug pa'i glu dpal chen pos byin gyis brlabs pa'o/__/e h+ye hi tshur spyon tshur spyon A na ya gnas 'dir/__dzaHhU~M baM hoHni tshad med bzhis sems can gyi don la bskul ba'o/__/raM ni dam tshig pa dang ye shes pa spyan drangs pa'i me ri 'dab 'byor tsam du bzhugs pa'o/__/bla ma rong pa ni rig pa'i me tog dor ba ste bdag dang lha rang bzhin dbyer med du rtogs nas gnyis su med pa la phyogs pa'o zhes 'chad do/__/gsum pa dngos grub kyi don du gsol ba gdab pa ni/__oM gdul bya las kyi khro bo ma rungs pa 'dul ba la ye shes kyi rang bzhin shin tu khros pas gdul bya'i rgyud zhi bar mdzad pa/__thugs rje ngang gis khro bor sprul pa ni/__'gro ba'i dpal chen po rab tu rngam pa'i tshogs/__sku gsung thugs ye shes kyi rang bzhin 'bar ba'i byin rlabs ya mtshan rmad po che/__dus da lta nyid du ni bdag la sku gsung thugs kyi dngos grub ma lus pa stsol cig__/bzhi pa rigs pa'i me tog dor ba'i sngags ni/__oM badz+ra kro d+ha sa ma ya hU~M rdo rje khro bo dam tshig la 'dus shig__/oM badz+ra kro d+ha sa ma ya s+t+waM rdo rje khro bo dam tshig la nos shig__/oM badz+ra kro d+hA sa ma ya phaT rdo rje khro bo dam tshig spros shig__/oM badz+ra kro d+hAs ma ya hoHrdo rje khro bo dam tshig yin no/__/lnga pa phrin las don du gtor ma sbyin pa'i sngags ni/__a ba b+h+raM sha'i skad gyis/__a li u li bza' ba dang btung ba tA li tA pA li de dag gi yan lag go__/daM Sh+ta go nA ro dri mche ba can rdo rje drag po'i tshogs/__khaM raM yo gi nI khA hi ho zhal 'bar ba rnal 'byor pa'i tshogs gsol cig__/de dag gang gi zhal du gsol snyam nas/__hU~M ha he phaT lha sum cu'i dkyil 'khor ro/__gsum pa ltas khyad par can gyis mjug bsdu ba ni de skad ces brjod pas/__'jig rten drug gi phyogs bcu thams cad snod ma dag pa'i dngos po dang bcud kyi sgrib pa'i tshogs las lus kyi mi dge ba rnams tshig__/ngag gi mi dge rnams rab tu tshig__/yid kyi mi dge ba rnams kun tu tshig go__/snang ba snod kyi 'jig rten ye shes kyi snang bar 'bar zhing gdul bya'i sgo gsum la sku'i ye shes 'bar/__gsung gi ye shes rab tu 'bar/__thugs kyi ye shes kun tu 'bar ro/__/de'i tshe snang srid snod bcud nam mkha'i mthas gtug pa thams cad du 'bar ba'i dkyil 'khor rigs lnga'i rang bzhin gyi tshogs kyis nam mkha'i dbyings thams cad sku'i dkyil 'khor gyis gang de dag las gsang sngags kyi rang sgra 'brug stong tsam gyis khyab par rab tu gang ba thams cad kyang thugs rje chen po'i sprul pa dang*/__'od dang gzi brjid kyis gsal la chos skus khyab pa'i thugs kyi rang bzhin gnyis su med pas kun tu gang bar gyur to/__/yang dkyil 'khor gsum gyis nam mkha' dang sa gzhi dang bar snang gsum du gang kun tu gang ngo*/__/yang rang snang lhun stug po bkod par 'od dang gzi brjid dang ye shes kyi bkod pas gang rab tu gang kun tu gang ba'o/__/gsung mchog tu gsang ba'i snying po ye shes kyi rang sgra'i de kho na nyid nges pa las ye shes kyi khro bo'i tshogs chen po'i gsung gi gsang ba bsam gyis mi khyab pa'i dkyil 'khor mtha' dbus med par spros pa'i le'u ste bcu drug pa'o//__//don gnyis pa dmigs pa'i rten gzugs brnyan gyi dkyil 'khor la gsum ste/__dkyil 'khor 'byung ba'i rgyu spyir bstan pa/__dkyil 'khor gyi rang bzhin rgyas par bshad pa/__ngo mtshar gyi ltas snang ba'o/__/dang po ni/__gsung gsang sngags kyi dkyil 'khor bstan pa/__de nas bcom ldan 'das dgyes pa chen pos khro bo'i dkyil 'khor gsung sngags dang bcas pa de dag gi rnam par gsal bar byed pan dmigs pa'i rten dgos pas phyi rabs kyi gdul bya la phan pa'i don du gzugs brnyan gyi dkyil 'khor bstan pa'i phyir ched du brjod pa 'di brjod do/__/gnyis pa la gnyis/__rten gzhal yas yas khang dang*/__rten pa lha'i dkyil 'khor ro/__/dang po la gsum las/__dang po gzhal yas khang dngos ni/__ye shes lnga mtshon pa'i phyir phyi nang med par me dpung 'bar ba'i klong pho brang gi 'og gzhi lte ba mu khyu dang bcas pa'i 'khor lo rtsibs bzhi pa ni rigs lnga'i rang bzhin gyi brda'o/__/de'ang tshad med pa bzhi dang bden pa bzhi mtshon pa'i phyir gru chad bzhis ni rnam par brgyan pa'o/__/de'i steng du ye shes kyi gzhal yas khang yon tan rgyas pa'i brdar gru bzhi pa rnam par thar pa bzhi'i mtshon byed du sgo khyud bzhi dang ldan pa'i dbus su sku lnga'i rang bzhin mtshon pa'i brdar 'khor lo rtsibs bzhi gru chad dang bcas pas mdzes pa'o/__/des mtshon te rnam thar brgyad kyi rta babs dang bden pa gnyis kyi don mtshon pa ye shes 'bar ba'i bar khyams phyi nang gnyis kyis mdzes shing b+han+d+ha'i rtsigs pa chen pos lhun mtho ba'o/__/gnyis pa de mdzes par byed pa'i rgyan ni/__phal cher gong dang mtshungs shing khyad par du thod pa skam rlon gyi rtsig pa la sbrul nag gi chun pos dkris shing thod pa sbrul gyi zar tshag dang nyi zla'i mthong khung dang tshangs pa'i gdung dang mchog chen gyi ka ba dang rus sbal gyi ka gdan dang zhing gi lcam dang mchog phran gyi gral ba dang g.yang gzhi'i thog g.yam dang rgyu ma'i drwa ba dang don snying gi dra phyed dang sgo bzhi rus sbal gyi ma them dang*/__chu srin gyi ya them dang*/__sbrul nag gi skyes bu dang zhing chen gyi sgo glegs la sogs pa sna tshogs pas brgyan zhing nyi ma zla ba dang gza' skar gyi kha bad dang rgyan gyis brjed cing*/__me dpung 'bar ba'i rtse las me'i tsha tsha phyogs bcur 'phro ba'i phreng ba mang po dang 'od zer 'khrugs pas mdzes pa'o/__/gsum pa gdan gyi khyad par ni/__'gro ba zil gyis gnon pa khyu mchog dang gzi brjed che ba ma he dang gdug pa che ba gzig dang dpa' rtul che ba stag dang*/__rang bzhin gyis gtum pa dom gyi sbar bas ni btegs pa'o/__/srog chags 'di dag kyang sku gsung thugs yon tan phrin las lnga'i mtshon byed du rang snang ba'o/__/de ci ltar yin zhe na bla ma rong pas/__khyung mchog ni lce 'bar ba'i 'jigs pa dang bral ba dang*/__khyus 'gro zil gyis gnon pas 'jigs byed khyung mchog zhes bya ste thugs kyi phyag rgya'o/__/ma he ni gzi brjid che bas brjid pa'i ma he zhes bya ste sku'i phyag rgya'o/__/gzig ni gdug pa che bas mi gtong ba'i phyir gzung dang ting nge 'dzin la sogs pa'i yon tan gyi phyag rgya'o/__/stag ni dpa' rtul che bas thugs rje chen po'i mtshan nyid pad+ma rigs kyi phyag rgya'o/__/dom ni gtum pa'i phyir las kyi rigs kyi phyag rgya'o/__/zhes bzhed pa ltar ro/__/de'i steng du dregs pa'i dbang phyug lha chen po la sogs pa khyo shug zung du bsnol ba'o/__gnyis pa brten pa lha'i dkyil 'khor ma gnyis/__gtso bo'i bzhugs tshul dang*/__'khor gyi bkod pa'o/__/dang po la gsum las/__dang po sku mdog dang zhal phyag gi rnam pa ni/__/gti mug gnas su dag pas gtso bo smug nag zhe sdang dag pas badz+ra he ru ka sngo nag nga rgyal dag pas rat+na he ru ka ser nag dang*/__'dod chags dag pas pad+ma he ru ka dmar nag phrag dog dag pas karma he ru ka ljang nag ste rtsa zhal dang bcas pa'o/__/dbus dang shar nub byang gi he ru ka bzhi'i g.yas dkar zhing*/__lho'i g.yas sngon po dbus dang lho byang gi g.yon dmar zhing*/__shar dang nub kyi g.yon ser po gdul bya gdug pa can gyi snang ngor rab tu 'jigs pa'i sku/__dug gsum dag cing sku gsum mnga' ba'i phyir thams cad kyang dbu gsum pa ye shes la dbang bsgyur zhing pha rol tu phyin pa drug gis 'gro ba drug sgrol ba'i phyir phyag drug rdzu 'phrul gyi rkang pa bzhi brnyes shing bdud bzhi 'dul ba'i brdar zhabs bzhir bgrad pa/__gnyis pa rgyan chas dang gsung gi nga ro ni/__theg pa chen po'i don la mnga' brnyes pa'i mtshon byed du glang chen gyi ko rlon gyi stod g.yogs dregs pa dbang du sdud pa zhing gi g.yang gzhi gzung 'dzin gyi mtha' las grol ba stag spags kyi sham thabs te bgo ba'i gos ni sna tshogs gyon zhing*/__sbrul/__rgyal rigs dkar po'i dbu rgyan rje'u rigs ser po'i snyan cha dang mgul chun bram ze'i rigs dmar po'i do shal dang dpung rgyan gdol po'i rigs nag po'i phyag zhabs kyi gdu bu dang thod phreng yang mi mgo skam po'i dbu rgyan rnyid pa'i se ral kha rlon pa lnga bcu rtsa gcig gi do shal dang nyi ma dang zla ba'i chas phrag pa g.yas g.yon nas 'od 'gyed pa ste thabs dang shes rab kyi snang ba'i brda'o/__/de dag gis mtshon nas mkhur tshos su rak+ta'i thig le/__o la ko zhag gi zo ris smin mtshams thal chen gyi tshom bu dang dpal gyi chas brgyad do/__gsung gi nga ro rngam pa'i sgra skad chen po 'jigs par sgrogs pa 'brug stong ldir ba tsam mo/__/gsum pa phyag mtshan dang btsun mo'i sbyor tshul ni/__sangs rgyas gsang ba g.yas g.yon gyi dang po gnyis na rdo rje dang 'khor lo/__/bar pa na ral gri dang dung chen/__tha ma gnyis na dgra s+t+wa dang thong gshol la sogs kyi sgra dbyug tho tri shul be con la sogs pa'o zhes gsungs shing*/__/rong pa ni g.yas dang po rang rang gi phyag mtshan/__g.yon dang po b+had+d+ha rak+tas bkang ba gzhan rnams rim pa bzhin sbyor bar bzhed kyang*/__'dir sgyu 'phrul rdo rje dang mthun par sbyar na/__rdo rje'i g.yon tha ma dang las kyi g.yon tha ma na stong gi 'jig rten 'khor yug bcas pa mtshon pa'i rnga chung*/__badz+ra he ru ka'i g.yas dang po rdo rje rtse dgu pa rigs lnga ka'i g.yas bar ma rdo rje rtse lnga pa g.yon bar ma dung chen te thod pa lcang lo med pa khrag gis gang ba dang*/__karma he ru ka'i g.yas dang po la ral gri de bzhin gshegs pa'i g.yon dang po dang rin po che'i g.yon tha ma gnyis na dgra s+t+wa las kyi g.yon dang po na gshol la sogs pa ste bud+d+ha'i g.yas dang po na 'khor lo/__/rat+na'i rin po che/__las kyi g.yas tha ma na kha T+wA~M` ka rin po che'i g.yon dang po na rgyu zhags/__pad+ma'i g.yon dang po na dril bu tha ma na rnga chung thams cad kyi g.yas tha ma na ti ra ste zhing dbyug gdengs pa bcas rang rang gi lag cha sna tshogs te/__rang rang gi rigs kyi btsun mo zhal gcig phyag gnyis ma 'jigs pa'i tshogs g.yas yab la 'khyud cing g.yon thod khrag gtso bo'i zhal du stob pa dang 'khril ba'o/__/gnyis pa 'khor gyi bkod pa la gnyis las/__dang po khro mo nyi shu'i bkod pa las/__gnas kyi ma mo brgyad ni rnam shes tshogs brgyad 'khor ba bskyed pa'i gnas yin la de rnams gnas su dag par byed pa'i phyir gnas kyi phyag rgya dang de la kau'u rI dkar mo zhing dbyug dang b+han dmar/__tso'u rI ser mo mda' gzhu 'gengs pa/__pra mo ha dmar mo phyag gnyis chu srin gyi rgyal mtshan bsgreng ba/__be ta lI nag mo rdo rje 'phyar zhing b+han dmar thugs dkar 'dzin pa/__puk+ka sI dmar ser byis pa'i rgyu ma 'dren pa/__kasma rI ljang nag dung dmar dkrugs cing gsol ba/__sma sha nI mthing nag byis pa'i snying za ba/__tsan+Da lI ser skya baM gyi mgo lus 'dral ba'o/__/yul gyi phra men brgyad ni/__sgo lnga'i rnam shes kyi yul gzugs sgra dri ro reg bya yid kyi yul chos/__nyon mongs pa can gyi yul kun gzhi/__kun gzhi'i yul phyi nang gi chos thams cad gnas su dag pas yul gyi phyag rgya dang*/__de'ang seng ha ser mo lag pas ro bsnol nas kha thad du 'dzin pa/__byA g+h+ri dmar mo ro la mig 'bru tshugs su blta ba/__sri la nag mo zhing la bdag pa/__shwa na mthing ga ro'i lto ba 'dral ba/__gr-i d+ha dmar mo ro'i rgyu ma 'dren pa/__kang ka ser mo zhing chen phrag la khur ba/__kha kha nag mo b+han+d+ha dang gri gug thogs pa/__hu lu mthing ga lcags kyu 'debs pa'o/__/yang phyin ci log gi bdud bzhi 'joms shing ye shes bzhi yis rgyas 'debs pa'i rta gdongs kar mo lcags kyu 'dzin pa/__phag gdongs nag mo zhags pa 'dzin pa/__dred gdong dmar mo lcags sgrog 'dzin pa/__spyang gdong ljang gu dril chen 'dzin pa ste sgo ma bzhi'i phyag rgyas rab tu mdzes shing*/__/gnyis pa dbang mo nyi shu rtsa brgyad kyi bkod pa ni/__slas chung ma dang byi mo mdza' mo dang g.yog gi las byed pa'i bran mo'i tshogs/__bcu phrag gnyis dang ni brgyad kyis mdzes par bskor ba/__de dag rang rang gi stan ro'i gdan dang thod rlon la sogs pa'i lag cha dang*/__phrin las ci bgyi zhes ni chas te gnas so/__/ji ltar gnas na srin mo smug na thod rlon 'chang ba/__tshangs pa dkar ser pad+ma 'dzin pa/__'khrug mo dkar ljang tri shUl 'dzin pa/__gtogs 'dod sngon mo 'khor lo thogs pa/__gzhon nu dmar mo mdung thung 'dzin pa/__dbang mo dkar mo rdo rje 'dzin pa/__rdo rje ser mo tsan+dan 'thung ba/__bdud rtsi dmar mo pad+ma/__zla ba dkar mo paN+Da ri ka__/be con ljang gu dbyug tho/__srin mo dmar nag dung khrag 'thung ba/__za ba ljang nag ro'i rgyu ma 'dren pa/__dga' ba dmar gri gug__/myos ma dmar mo gshol/__gcig pur spyod ma spu gri/__yid 'phrog dmar mo mda' gzhu/__grub mo dkar mo bum pa/__rlung lha sngon mo ba dan/__gsod byed dkar mo ral gri/__mi mo dmar mo gsal shing*/__phag mo nag mo mche zhags/__rgan byed nag mo zhing za ba/__sna 'phyang dkar mo thod khrag 'thung ba/__chu lha dmar mo sbrul zhags 'dzin pa/__nag mo chen mo lcags kyu/__ser mo zhags pa/__dmar mo lcags sgrogs/__nag mo dril bu 'khrol ba'o/__/le'u 'di ni bri ba dang sgom pa spyi'i don du smos kyi gcig kho na'i phyogs su byed pa ma yin no/__/gsum pa ngo mtshar gyi ltas snang ba ni zhes brjod pas/__'jig rten drug gi phyogs bcu thams cad du ye shes kyi khro bo me dpung 'bar ba'i dkyil 'khor zhing gi rdul snyed nam mkha'i dbyings dang chos kyi dbyings kyis khyab pa kun tu sku gsung thugs kyi snang ba gsal bar gyur to/__/rang bzhin gsang ba'i snying po dkyil 'khor gyi de kho na nyid nges pa las khro bo'i dkyil 'khor gyi rnam dbye bstan pa'i le'u ste bcu bdun pa'o//__//don gsum pa der mchod pa ji ltar bya'i tshul la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__dkyil 'khor bstan pa/__de nas bcom ldan 'das mchod sprin gyi rol pa la dgyes pa chen pos phyi nang gsang ba'i rang bzhin gyis mnyes pa'i mchod pa chen po 'di dag ched du brjod do/__/gnyis pa la gsum/__sbyor sgrol gyi mchod pa spyir bstan pa/__dam rdzas 'dod yon gyi mchod pa bye brag tu bshad pa/__de'i phan yon dngos grub 'grub pa'i tshul brjod pas/__/dang po la gnyis las/__sgrol ba'i mchod pa ni/__de la rgyal ba mchod pa dang sems can la sbyin pa bya ba'i tshul ni/__bsod nams kyi tshogs yin la de dag gi nang nas mchog dam pa ni/__sems nyid ye nas dag pa mchod bya dang mchod byed med pa don gyi mchod pa ste mchod pa'i phyag rgya chen po yin pas na/__thog mar bdag nyid kyis 'khor ba'i gnas 'dir ma rig pa'i log par rtog pas dngos po dang mtshan mar goms pa'i phyin ci log spros pa'i mtha' brgyad dang gzung 'dzin du zhen pa'i blo gdod nas skye ba med pa'i ngang tu bsgral te phyi nang gi chos thams cad nam mkha'i rang bzhin can du bsgom ste/__de nas bsgral ba'i yul dang sgrol byed bdag nyid gnyis su med pa'i blo yis ni/__shes rab mtha' gnyis la mi gnas pa'i ngang las thabs snying rje chen pos bsgral bar bya ste/__zhing bcu lta bu'i sems can blo ngan srid pa'i 'jig rten 'og mar brgyud ba 'di dag snying re rje snyam du byams pa dang snying rje tshad med pa bsgoms nas bdag nyid sgyu ma dang yul mig yor gyi tshul tsam du shes bar byas te/__kun rdzob tu snang yang don dam par gnyis su med par rtogs pas bsgral bar bya'o/__/gnyis pa sbyor ba'i mchod pa ni/__bdag dang yum lhar bskyed pa'i gsang bar dkyil 'khor spyan drangs la yab yum gnyis su med par 'khril ba'i bde ba byang chub kyi sems kyi mchod rdzas chen po rdo rje pad+ma mnyam par sbyor ba las skyes pa'i ngo bos/__bdag nyid mnyes pas de bzhin gshegs pa kun mnyes par bya'o/__/gnyis pa dam rdzas 'dod yon gyi mchod pa bye brag tu bshad pa la gnyis las/__dang po dam rdzas bdud rtsi'i mchod pa ni/__bdag gzhan 'khor 'das mnyam pa'i dngos grub sgrub pa'i rdzas chen po bdud rtsi lnga la sogs pa dag__/bdag gi phung po khams dang skye mched ye nas dkyil 'khor du gnas pa la ting nge 'dzin zab mo'i gsal btab pa dang*/__bdag dang mnyam pa'i ye shes lha'i tshogs la 'bul lo/__/gnyis pa 'dod yon gyi mchod pa la gnyis las/__dam rdzas ni sha la sogs pa'i bza' ba dang shing thog la sogs pa'i bca' ba dang ja dang rgun chang la sogs pa'i btung ba dang li chu dang za ber la sogs pa'i bgo ba dang*/__gzhan yang lha dang mi'i longs spyod 'dod yon lnga dang ldan pa thams cad kun ji ltar 'bul tshul ni/__mchod yul ye shes kyi lha'i dkyil 'khor du gsal ba la ni mchod rdzas 'dod yon gyi lha'i dkyil 'khor thim pa'i tshul gyis dbul zhing bdag yab tu shes pa la rdzas yum du rol pas longs spyod par bya'o/__/gsum pa de'i phan yon la gnyis las/__dang po thun mong gi dngos grub 'grub pa'i 'thad pa ni/__/phyogs bcu dus bzhir sems can gyi don la gshegs pa yi/__bde bar gshegs pa rnams kyi yon tan rmad po che thams cad kyang sems goms pa las gzhan na yod pa zhig 'dir 'ongs pa ma yin te/__sems nyid goms pas mngon du gyur pa kho nar nges na/__thun mong gi dngos grub lha srin bran du khol ba dang zhi rgyas dbang drag la sogs pa 'grub par smos ci dgos/__/gnyis pa mchog gi dngos grub ni/__rnal 'byor pa rtogs pa dang ting nge 'dzin las su rung ba rnams kyis/__mtshan bcas lha'i sku phyag rgya chen po me long nang gi gzugs brnyan lta bu'i bskyed rim rdzogs par 'gyur zhing*/__mtshan med rdzogs pa chen po bya rtsol med pa'i ngang nas gsal la yid gnyis med pas na/__sku gsum 'du 'bral med pa'i dkyil 'khor chen po phrin las dang bcas pa 'bar bar 'gyur ro/__/gsum pa skabs kyi don bsdu ba ni/__zhes brjod pas/__phyi nang gsang ba'i mchod sprin rgya mtsho'i mnyes pa'i mchod pa chen pos phyi nang gi 'jig rten drug gi phyogs bcu thams cad khyab par gyur to/__/ye shes gsang ba'i snying po kun la khyab pa'i de kho na nyid nges pa las bla na med pa'i yo byad kyis rgyal ba mchod cing sems can la sbyin pa dam pa bstan pa'i le'u ste bco brgyad pa'o//__//don bzhi pa dam tshig dang ldan pas grub pa dam tshig gi rim pa la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__mchod sbyin bshad pa/__de nas bcom ldan 'das dam tshig chen po'i rang bzhin la dgyes pa chen pos gsang sngags 'chang ba'i rnal 'byor pa rnams 'bras bu myur du grub cing log par mi ltung bas smos pa don yod par bya ba'i phyir gsang chen rgyal ba'i dam tshig chen po 'di ched du brjod par mdzad do/__/gnyis pa la gnyis/__dam tshig chen po'i ngo bo spyir bstan pa dang*/__sgrub srung gi rnam bzhag byed brag tu bshad pa'o/__/dang po la gsum las/__dang po gsang ba'i dam tshig gzhan las 'phags pa'i tshul ni/__gang zag gang zhig gsang chen bla na med pa'i theg pa 'dir zhugs te don phyin ci ma log par rab tu nges pa ste nyams su blang na/__'dod chags la sogs pa'i nyon mongs pa dug lnga dang de'i bskyed pa'i las rnams kun la spyad kyang*/__sgyu ma'i sprul pas spyad pa ltar las de nyid byas pa ltar snang la de'i sgrib pa dang bag chags mi gsog pa'i steng du bsod nams dang ye shes kyi tshogs gnyis rdzogs par 'gyur te/__spyod pa de nyid kyi ngo bo la so sor thar pa'i tshul khrims dang byang chub sems dpa'i sdom pa dang gsang sngags kyi dam tshig rnams phun sum tshogs pa'i don tshang zhing rdzogs pa'i phyir ro/__/gnyis pa gsang ba'i dam tshig tu 'dul sdom thams cad 'dus par bstan pa ni/__gsang chen bla na med pa mchog gi dam tshig tu/__nyes spyod 'dul ba'i dbang gis rnam par bzhag pa'i tshul khrims so sor thar pa'i sdoms pa dang*/__des mtshon nas byang chub sems dpa'i sdom pa dang gsang sngags phyi pa gsum nang pa dang bcas pa ji snyed pa'i sdom pa bsam yas pa/__ma lus pa'i yon tan kun ldan du 'dus shing 'og ma'i skyon gyi phyogs phra mo tsam du yang med pas rnam par dag pa'o/__/gsum pa rtsa ba'i tshig chen po'i rnam par bzhag pa la bzhi las/__dang po srog gcad pa ni/__don dam par chos yod pa rtag pa'i mtha' dang med pa chad pa'i mtha' dang mtha' gnyis dang bral ba'i dbu ma tsam du yang mi dmigs shing*/__kun rdzob tu bdag nyid sgyu ma dang sems can mig yor lta bu'i tshul gyis sgrol ba ltar snang ba/__snang dus de nyid na sems can rang mtshan du ma grub pas srog bden pa ba med cing srog rang bzhin ma grub pas srog kyang rmi lam dang 'dra bas bcad du med la/__srog dang srog ldan gyi skyes bu ltar snang ba yang rang sems 'khrul pa'i log rtog tsam las don la gnyis su grub pa med do/__/dgos pa ni/__nges brjod las/__sangs rgyas bstan la gnod byed dang*/__bla ma dmod brtson ma rung dang*/__/rtag tu sems can gnod brtson pa/__/mkhas pas bsgrims te gsad par bya/__/zhes dang*/__byang chub spyod 'phel sems can bde/__lha mnyes bdag gi dam bskangs shing*/__/las ngan thar chad sdug yun thung*/__/zhes pa bzhin no/__/gnyis pa ma byin par blang ba ni/__chos thams cad don dam pa dang kun rdzob kyi bden pa gnyis ka rang bzhin dbyer med pas don la ma grub cing*/__tha snyad tsam du'ang 'phrul dga'i lha rnams rang rang gis sprul pa'i longs spyod la len pa'i tshul te gzhan du snang ba'i rdzas dang len pa po bdag nyid don la tha dad min pa'i rang bzhin shes nas/__rang snang gi rdzas la rang gis len pa'i tshul gyis ma byin par len dus de nyid na'ang blang bya'i yul sems can gzhan dang des bdag tu bzung ba'i rdzas rang mtshan pa ma byin pa blang rgyu med pa'i phyir/__blangs pa yang med de bla bya'i yul blang rgyu'i rdzas len pa po rnams kyis mtshon pa'i chos thams cad ye nas rnam par dag pa nam mkha' lta bu'i de bzhin nyid kyi dbyings yin pa'i phyir ro/__blang ba'i dgos pa yang phyug po de dag gi tshogs rdzogs la bkren pa de dag gi 'dod pa 'grub pa ste/__rdo rje las/__'jungs pa rnams la nor blangs la/__/sems can bkren la sbyin par bya/__/de phyir mi yi bdag po dang*/__/phyug po rnams kyi nor dbrog go__/zhes gsungs so/__/gsum pa brdzun du smra ba ni/__gzhan don du 'gyur ba'i dgos pa yod na ji ltar phan pa de ltar smras kyang nyes pa med de/__'di ltar 'khor 'das kyis bsdus pa'i chos rnams ni sgyu ma dang rmi lam lta bu dang*/__de dag so so'i ming dang tshig tu btags pa de yang so so'i rtog pas glo bur du btags pa'i phyir brdzun zhing*/__de ltar rtogs na gtong bya'i yul brdzun pa nyid la ni gtong byed bdag kyang brdzun pas ngag tu yod med la sogs pa'i brdzun spyod pa de'i tshe/__brdzun zhes ming tsam btags pa tsam tu yang yod pa ma yin te sgra de nyid phyi nang gang na'ang med pa dang*/__de'i ngo bo grags stong skye med yin pa'i phyir ro/__/dgos pa ni/__snga ma las/__sems can rnams la phan spyod pas/__rtag tu dam tshig blo ma'i nor/__/sems can srog ni srung ba'i phyir/__/brdzun du yang ni smra bar bya/__/zhes gsungs so/__/bzhi pa mi tshangs par spyad pa ni/__chos thams cad kyi rang bzhin gang du'ang ma chags pa dngos po dang mtshan mar grub pa cung zad kyang med pa'i gnas lugs stong pa nyid la blaus de ltar rtogs pa ni chags pa dang ste shes rab mtha' gnyis la mi gnas pa'i ngang nas/__/yab yum snyoms par zhugs pa'i ye shes la chags pa nyid na tha mar rang ka ba'i chags pa med pa/__de ni bde stong gnyis su med pa'i ye shes tshangs par spyod pa mchog gi rgyal po ste/__shin tu rnam par dag pa'i chags pa chen po pad+ma'i rigs sems can la thugs rje 'byung ba'i ngang tshul yin no/__/spyod pa'i dgos pa ni/__snga ma las/__/sangs rgyas rnams ni mnyes bya dang*/__/dam tshig rnams ni bsrung ba dang*/__gsang sngags rig par bsgrub pa'i phyir/__/gzhan gyi bud med brten par bya/__zhes so/__/gnyis pa bsgrub srung gi rnam bzhag bye brag tu bshad pa la bzhi/__ngo bo nges tshig dang bcas pa/__phan yon nyes dmigs dang bcas pa/__rang bzhin dbye ba dang bcas pa/__phan yon chen po bshad pa'o/__/dang po la gnyis/__ngo bo dang*/__nges tshig go__/dang po la'ang gnyis las/__/dang po rtsa ba'i dam tshig ni/__gzhi lam 'bras bu gsum gyi bla na med pa'i dkon mchog gsum mi spangs pa dang chos dang dam tshig gis 'brel ba'i bla ma rnams dang khyad par gsang sngags kyi rdo rje'i bla ma bkur pa ste de'ang dbang bskur brgyud bshad pa gdams pa bstan pa ni bka' drin sum ldan ste de las yul gnyan pa gzhan med do/__/re re'am gnyis ldan lta bu la dbang dang bshad pa dang*/__man ngag gsum ni snga ma snga ma las gnyan no/__/dkyil 'khor gang du zhugs pa'i lha rnams kyi rgyu ma nor ba rtsa ba'i sngags la sogs pa yan lag lnga'i sgo nas bzlas pa dang dam tshig chos las phyag rgya chen po dang bzhi'i sgo nas lha so so'i phyag rgya 'chang ba rnams rgyun mi gcad pa dang*/__yang dag pa'i lam theg pa chen po nyid du zhugs pa'i gang zag rnams la byams pa dang*/__gab pa dang sbas pa'i lta spyod gsang ba'i don rnams phyir snod du ma gyur pa la smra bar mi bya'o/__/'di dag ni dam tshig gi rtsa ba lnga po rnams te/__dang po gsum sgrub pa'i dam tshig dang phyi ma gnyis de dag gi thugs dang 'gal ba srung ba'i dam tshig gi mchog yin no/__/gnyis pa yan lag gi dam tshig la'ang gnyis las/__mi spang ba'i dam tshig lnga ni/__gti mug gang du'ang mi rtog pa dang 'dod chags bde ba chen po dang zhe sdang gsal ba chen po dang*/__nga rgyal dregs pa chen po dang*/__phrag dog khro ba chen po rnams ni gzhi ye nas dag cing thabs kyis lam du 'gyur ba la 'bras bu sku dang ye shes su 'char ba'i rang bzhin yin pas nam yang mi spang ngo*/__/dang du blang ba'i dam tshig lnga ni/__dkar rtsi byang chub kyi sems dang*/__dmar rtsi pad+ma rak+ta dang dri chen dang dri chu dang sha chen gyi dwangs ma rnams/__kha cig rtsog par 'dzin pas de dang mthun mong blo spang byar shes pa ni dam rdzas kyis dag pa'i snod yin pas de nyid du mi dor ro/__/de dag ni rtsa ba'i grogs sam thabs su byung bas na yan lag rnam pa bcu yi dam tshig ste/__rang gar spyad na tha mal ba bzhin 'gyur bas ye nas dag pa gsum dang mnyam pa bzhir gnas pa'i don rtogs pas rang bzhin shes par byas la rang rang gi thabs kyis zin pas spyad par bya'o/__/gnyis pa nges tshig la'ang gnyis las/__rtsa ba'i nges tshig ni/__bsrung zhing sgrub pa'i dam tshig rnam pa lnga/__gsang sngags sgrub pa'i rtsa ba yin te/__ljon shing gi rtsa ba ltar bsrung na dngos grub 'byung zhing*/__nyams na mngon par byang chub pa'i rigs med par 'gyur ro/__/yan lag gi nges tshig ni/__mi spang ba dang mi 'dor ba'i dam tshig lnga tshan gnyis ni/__rtsa ba sgrub pa'i grogs su dgos pas yan lag gi dam tshig ces bya ste de dag kyang rtsa ba dang gnyan mi gnyan dgos pa'i dbang gi mnyan pas na/__de las shin tu 'da' ka'o/__/gnyis pa phan yon nyes dmigs dang bcas pa la'ang gnyis las/__dam tshig la gnas pa'i yan yon ni/__chos thams cad ye nas sku dang ye shes su sangs rgyas par mnyam pa'i don la lam thabs dang shes rab zab mos mnyam par sbyar ba yi rang bzhin ni/__mnyam pa'i dam tshig chen po de nyid la gnas na/__'bras bu sku gsum 'du 'bral med par mnyam pa nyid kyi yon tan lhun rdzogs chen po rdzogs pa'i sangs rgyas thob par 'gyur bas na dam tshig bsrung bar bya'o/__/de las 'das na sangs rgyas thob pa ma yin no/__/dper na rgyal po'i khrims la gnas pas bde ba 'byung zhing 'das pas chad pa 'byung ba bzhin no/__/gnyis pa nyams pa'i nyes dmigs gnyis las/__rtsa ba'i dam tshig nyams pa'i nyes pa la'ang nyams sgrib gzhan la gnod pa ni/__rtsa ba nyams pa'i gang zag bslab sdom 'chal ba dag__/dam tshig gso ba'i thabs la nye bar mi brtson pa de dang*/__skad cig tsam yang mi 'grogs shing yud tsam cig tu'ang phan tshun gtam smra bar ma byed cig__/ci'i phyir zhe na tshe 'dir nad dang gnod pa la sogs pa mi 'dod pa'i rkyen sna tshogs 'byung zhing phyi mar de dang mnyam du dmyal bar 'gro dgos pas dam tshig nyams pa las gyur pa'i nyes pa brjod kyis mi lang ngo*/__/gnyis pa nyams pa'i nyes pa rang la 'byung ba ni/__rtsa ba'i dam tshig nyams par gyur na/__char phab than pa 'byung ba'am mthu btang na rang la log pa ltar gang sgrub pa thams cad de las log par 'gyur zhing*/__kun gyi yid du mi 'ong ba dang*/__tshe 'dir phongs pa dang*/__nad dang gdon dang 'tshe ba dang tshe thung ba la sogs pa mi 'dod pa thams cad 'byung zhing*/__phyi mar dmyal bar lhung nas bskal pa du mar sdug bsngal ba la sogs pa rang gi yid du mi 'ong ba rnam pa sna tshogs pa'i rang bzhin rgyu dam tshig nyams pas bskyed pa'i gnas skabs dang mthar thug gi 'bras bu sdug bsngal du ma mi 'dod bzhin du rang dbang med par 'du bar byed do/__/gnyis pa yan lag gi dam tshig nyams pa'i nyes pa ni/__yan lag gi dam tshig nyams par gyur na/__tshe 'dir bsgrub pa'i 'bras bu dngos grub gang yang med cing phyi ma ngan song gsum tu ltung ngo*/__gsum pa rang bzhin dang dbye ba bshad pa la gnyis las/__dam tshig gi rang bzhin ni/__rtsa ba dang yan lag gi dam tshig rnams ni sku gsung thugs kyi rdo rje che ste/__sangs rgyas kun gyi bdag nyid dam pa yin no/__/gnyis pa dbye ba la gnyis/__rnam grangs kyi dbye ba dang*/__bsam gyis mi khyab par dbye ba'o/__/dang po la'ang gnyis las/__rtsa ba'i dbye ba ni/__rtsa ba'i dam tshig lnga po la ni/__bla med mi spong ba lta bu gcig la'ang rtsa ba thabs dang shes rab gnyis dang de gnyis la sku gsung thugs gsum gsum ste drug dang de re re la'ang sku gsung thugs kyi yon tan phrin las lnga lnga ste bsdoms pas bcu phrag gsum rtsa ba'i thabs shes gnyis bsnyan pas sum cu rtsa gnyis de ltar lnga ka la phye bas brgya drug cu'o/__/yan lag gi dam tshig dbye ba ni yan lag gi dam tshig lnga gnyis te bcu la/__'dod chags mi spang ba lta bu gcig la'ang thabs dang shes rab las thabs la ye shes lnga dang yul lnga shes rab la ye shes lnga dang yul lnga ste bcu phrag gnyis su dbye bas nyi shu yod do/__/de ltar nyi shu tshan pa bcu la nyis brgya'o/__/rong pa ni/__yan lag gi dam tshig ni/__yan lag nyi shur dbye bar bya ste/__gcig la'ang sku gsung thugs yon tan phrin las kyi yan lag rnam pa lnga/__sku gsung thugs kyi dngos gzhi gsum yang de nyid du zhig ste yan lag gi gzhi med/__rtsa ba thabs dang shes rab gnyis kyang thabs shes rab dang ldan/__shes rab thabs dang ldan pas rtsa ba gnyis po zhig ste yan lag bzhir 'gyur bas de yang sku gsung thugs yon tan phrin las lnga'i cha shas su 'gyur bas rtsa ba'i 'phro gzhi med de yan lag dang cha shas nyi shu nyi shu 'gyur ro/__/mdor na rtsa ba'i dbye ba'i skabs su ni rtsa ba dang bcas pa snying po dang bcas pa yon tan dang bcas pa yan lag dang nying lag dang bcas par bshad do/__/yan lag gi dbye ba'i skabs su ni/__rtsa ba med pa snying po med pa 'phro gzhi med pa yan lag dang cha shas tsam du zad ces yongs grags dbus lugs pa'i ltar bshad do/__/gnyis pa bsam gyis mi khyab pa'i dbye ba la gnyis las/__dang po chos can bsam gyis mi khyab pas dam tshig bsam gyis mi khyab pa ni rtsa ba dang yan lag gi dam tshig 'di dag ni ngo mtshar rmad po che yin te 'gro ba'i khams rnams ye shes chen por 'dul ba'i phyir ro/__/de'ang sems can mtha' yas pa ltar de re re la ltos pa'i dam tshig sum brgya drug cu'ang de snyed 'gyur bas mtha' yas so zhe bstan pa ni/__'jig rten drug gi phyogs bcu na/__srid pa gsum gyis bsdus pa'i 'gro ba ci snyed yod pa de dag gi rnam par rtog pa ji snyed ba 'dul ba'i phyir rtsa ba dang yan lag gi dam tshig kyang de snyed du spro bas nam mkha'i dbyings dang chos kyi dbyings ltar bsam gyis mi khyab pa'o/__/gnyis pa chos nyid bsam gyis mi khyab pas dam tshig bsam gyis mi khyab pa ni/__de ltar chos can rnam grangs kyi dam tshig bstan pa las gzhan yang snang srid 'khor 'das kyi chos thams cad ye nas blang dor med pas spang blang srung mtshams las 'das pa rgyal mchog kun tu bzang po bya rtsol med pa mchog gi rol par chos thams cad ma lus par 'dus shing gnyis su med pa'i phyag rgya yis/__gang gis kyang bcos shing rtsol sgrub med pa'i rang bzhin te ma lus pa'i dam tshig thams cad kyi snying po'i mchog dam pa 'grub cing*/__de la sogs pa bsam brjod dmigs pa'i yul las 'das pas dam tshig gi ngo bo mtha' yas pa'i mchog rdzogs pa chen po don gyi gnas lugs su gnas pa'o/__/de lta bu'i dam tshig tu dam tshig thams cad ma sgrub kyang ngang gis 'du ba'i yon tan ni/__nam mkha' klong yangs kyi rgyud las/__nor bu rin chen rnyed pa'i mi/__'jig rten so nam mi dgos bzhin/__ma sgom sems kyi don rtogs na/__/yon tan ma lus lhun gyis grub/__/de las mi 'da' dam tshig yin/__zhes gsungs so/__/bzhi pa phan yon chen po rgya cher bshad pa la lnga las/__dang po 'jig rten pas bstod cing bskur ba ni/__rgyal ba'i rigs kyi mchog gsang sngags 'dzin cing dam tshig la gnas pa de/__tshangs pa dang brgya byin la sogs pa 'jig rten pa'i gtso bo dang de dag gi 'khor gyis bstod cing bkur sti dang phu dud byed par 'gyur ro/__/gnyis pa 'phags pas byin gyis rlob pa ni/__lha dang mi'i skye dgu rnams kyi nang nas dam pa'i mchog gtso bo sangs rgyas rnams dang de'i thugs sras kyi dam pa byang chub sems dpa' yis ni/__rim pa bzhin sras kyi thu bo dang spun gyi dwangs mar dgongs shing sku gsung thugs yon tan phrin las bcas pas byin gyis rlob pa'o/__/gsum pa rgyal ba'i spyod yul thob pa'i phan yon ni/__dam tshig la gnas de nyid bde bar gshegs pa nyid kyi spyod yul sar chud pa sa la gnas pa sa yongs su smin pa'i rig 'dzin gsum la zhugs pa'i mthar/__chos thams cad la 'jigs pa med pa'i mchog kun tu bzang por sbyor zhing thob par byed do/__/sar chud pa'i rig 'dzin ni dkyil dkyil 'khor du zhugs te bskyed rdzogs dang por nos pa dag go__/sa la gnas pa'i rig 'dzin ni/__rtogs pa dang ting nge 'dzin thob nas de la rgyun du gnas pa'o/__/sar smin pa'i rig 'dzin ni/__thob pa de las kyang stobs cher gyur te rnam smin tshe dbang phyag rgya thob nas lhun gyis grub pa'i rig 'dzin la sbyor zhing thob par byed pa'o/__/bzhi pa sdom pa dang dam tshig gi yon tan 'dus pa'i phan yon ni/__bla na med pa'i dam tshig gi nang du chos thams cad kyi gnas lugs ji bzhin pa'i chos nyid nam mkha' lta bu dang sems can 'dul ba'i thabs theg pa mtha' dag gi don dang nyan thos dang rang sangs rgyas dang byang chub sems dpa' de rig pa 'dzin pa la sogs pa ji snyed pa de dag gi sdom pa bsam yas kyi rigs gang yin pa/__ma lus pa kun yar ldan gyi tshul bre mig tu phul ltar 'dus nas rnam par dag cing lhun gyis grub pa yin no/__/lnga pa nyams kyang gsor rung ba'i phan yon ni/__rtsa ba dang yan lag gi dam tshig nyams pa na nyan thos kyi 'dul khrims rdza be'u chags pa ltar gsor mi rung ba ma yin gyi dbang nod pa dang bshags pa la sogs pa'i tshogs bskangs bas snga ma bzhin sor chud cing rdzogs pa dang*/__de la sogs pa phan yon mtha' yas pa'i mchog gsang sngags la yod do/__/gsum pa skabs kyi don bsdu ba ni de skad ces brjod pas/__rang snang gi de bzhin gshegs pa'i tshogs nyid de bzhin gshegs pa kun tu bzang po dkyil 'khor gyi mnga' bdag de nyid la 'dud par gyur to/__/dam tshig gsang ba'i snying po de kho na nyid nges pa las rtsa ba dang yan lag gi dam tshig gi don bstan pa'i le'u ste bcu dgu pa'o/__/don lnga pa dam tshig can gyis phrin las ji ltar sgrub pa'i tshul la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__dam tshig gi rim pa bshad pa de nas dam tshig can gyis phrin las sgrub pa'i phyir/__de bzhin gshegs pa bcom ldan 'das ye shes kyi dgyes pa chen po nyid ye nas rang bzhin lhun gyis grub pa'i dam tshig phrin las su byin gyis rlob pa zhes bya ba'i ting nge 'dzin la snyoms par zhugs nas las thams cad 'grub pa'i ched du brjod pa 'di brjod do/__/gnyis pa la gsum/__phrin las bzhi'i rim pa spyir bstan pa/__las kyi rjes su bka' bsgo zhing bro gar gyi phan yon bye brag tu bshad pa las bzhi sgrub pa'i gnas dang*/__ting nge 'dzin gyi khyad par ro/__/dang po la bzhi/__drag po'i las/__dbang gi las/__rgyas pa'i las/__zhi ba'i las so/__/dang po la gsum las/__dang po bsreg pa me'i las ni/__drag po'i thab khung gru gsum e yi rnam pa can mtshan nyid rnams tshang ba'i tshogs kyi dbus su lha so so'i dkyil 'khor gyi mchog__/dam tshig pa bskyed la ye shes pa bcug ste gnyis su med pa'i rang bzhin drag po'i me dpung 'bar ba'i me lha gtum chen rngam pa'i cha byad can la/__sngags mkhan bsgrub bya la rab tu khros pa'i yid kyis drag po'i mchod pa dang bsreg rdzas sbyin par bya ba na tshogs gnyis las grub pa'i sangs rgyas bsod nams brgya'i mtshan gyis brgyan pa'i sku yang 'jig rten phal pa rnams lta ci smos pa'o/__/gnyis pa gdab pa phur bu'i las ni/__ling+ga'i rgyu bdud rtsi lnga'am yang na nywa sha bu ram til nag sbrang rtsi 'bras te zas lnga de'i gseb tu bsgrub bya'i dri ma rkang rjes kyi sa dang bcas pa la/__/bsgrub bya'i mtshan ma la dpral bar ming snying gar rus mdoms su bla btags gang yod dang mA ra ya phaTaHdu bcas par bri bar bya zhing tha ma 'gug byed kyi yi ge dzas bskor ba gro ga'am ras sam shog bu la bris te de'i nang du gzhug pa'am mdun rgyab gang rung du glan par bya'o/__/de la sgrub bya sngags dang ting nge 'dzin phyag rgya gsum gyis bkug nas lcags la sogs pa rdo rje phur bu badz+ra kI la yar bskyed pas snying ga la sogs pa'i gnas su gdab ste/__lus ngag rdul phran bzhin du byas par bsam nas karma he ru ka'i tshogs sam snga ma'i thab khung du drag po'i lha bskyed pa'i tshogs la 'bul zhing sbyin sreg bya'o/__/gsum pa mnan pa bro'i las ni/__e tshogs kyi ste drag po'i dkyil 'khor mchog gi khor yug tu rnal 'byor pa des gung srin gnyis mthe bos mnan mdzub mo gnyis brkyang ba bkan pa'i mthe'u chung gnyis lu gu rgyud du sbrel zhing bsdams nas/__phyag rgya de ltar bcings par gyur pas lus bskyod nas rdo rje'i 'gros kyis gom pa phyogs bcur g.yo bas hU~M hU~M hU~M/__zhe sdang rdo rje 'khor bcas pas/__'jig rten khams ni rab 'byams kun/__skad cig yud la brlag mdzad de/__brlag par ma gyur gang yang med/__mA ra ya phaTaHces brjod cing ling+ga'i steng du rkang bro brdungs pas bsgrub bya rdul du song bar bsam mo/__/des ni gang dmigs de nyid dran pa myos nas snying gas te lus tshig cing dngos po med par 'gyur ro/__/kha cig sngar gyi sbyin sreg gi las zin pa dang*/__sa gzhi bsrungs la de'i steng du rnal 'byor pho mo rnams gral gru gsum du byas te me dpung gi dbus su karma he ru ka'i rnam par bskyed la thams cad srin lag sbrel te dbus su ling+ga bzhag pa'i mthar bro brdungs zhes zer ro/__/de'ang sreg mnan bro gsum po 'di gar rung re res kyang las 'grub la gsum ka tshang na mchog tu 'grub po/__/gnyis pa dbang gi las la'ang gsum las/__dang po bsreg pa me'i las ni/__bam gyi rnam thab khung zla gam mtshan nyid tshang ba'i tshogs kyi dkyil 'khor mchog ste thab kyi mtshan nyid dang lha'i dkyil 'khor gnyis ka la 'jug cing de'i nang du thab kyi me dang*/__me lha rab tu 'bar ba dbang gi cha byad can gzi brjed che zhing sku bong gi lhun chen por bzhugs pa la/__sngags mkhan bsgrub bya la rjes su chags pa'i yid kyis dbang dang mthun pa'i rdzas me la mchod sbyin bya bas/__rdo rje gsung ste snang ba mtha' yas lta bu yang dbang du 'gyur ro/__/gnyis pa gdab pa phur bu'i las ni/__bdu rtsi lnga'am yang na zas lnga bsgrub bya'i gos dang dri mar bcas pa la/__mtshan ma gzugs byas pa'i nang du shog bu la sogs pa'i byang bu la ming rus mtshan gsum du bcas pa bris la gzhug par bya zhing*/__rdo rje chags pa pad+ma kI la yar bskyed pa'i zangs la sogs pa'i phur bas gdab pa'i/__ling+ga de nyid chags pa'i tshogs pad+ma he ru ka 'khor bcas sam thab kyi lha la thim par 'bul lo/__/gsum pa mnan pa bro'i las ni/__baM gyi tshogs kyi dkyil 'khor thab khung gi mtha' bam dbang gi dkyil 'khor du/__rnal 'byor pa lu gu rgyud du sbrel te bsdams nas bro byas na/__'gro ba thams cad 'gug par 'gyur ba'i rdo rje pad+ma dang dbang chen mdzes pa'ang phyi bzhin 'brang na/__mi'i 'gro ba phal pa rnams lta smos kyang ci dgos te yid la ci 'dod pa de bzhin 'ong bar 'gyur to/__/gsum pa rgyas pa'i las la'ang gsum las/__dang po bsreg pa me yi las ni/__ma yi tshogs kyi dkyil 'khor mchog thab gru bzhi bar/__me dang me lha gnyis po 'od zer 'bar ba nyid nang du 'du bas longs spyod sdud cing phyir 'phro ba'i gzi brjid chen pos re ba skong bar bsam la/__sngags mkhan dga' zhing spro ba'i yid kyis rgyas pa'i mchod sbyin bya bas tshe dang dpal dang 'byor ba 'phel ba la sogs pa yon tan nam mkha'i mtha' dang mnyam pa 'thob po/__/gnyis pa gdab pa phur ba'i las ni/__bdud rtsi lnga'am zas lnga gang rung gi gseb tu 'bru dang rin chen la sogs pa bsres la/__nor bu gser dngul mu tig rta glang la sogs pa gang rgyas shing 'phel bar 'dod pa de'i gzugs kyi mtshan ma mir spel bris pa dang bcas pa byas te 'dod pa'i yon tan gang dgos 'byung ba yid bzhin gyi nor bu rin po che'i gter du brtag nas/__nga rgyal dga' 'phro'i rang bzhin rat+na kI la ya dngos grub kyi char 'beb par bskyed la gser la sogs pa'i phur pas gdab cing*/__yon tan rdo rje lta bu'i gzi brjed chen po 'phel bar 'gyur ba'i rat+na he ru ka'i tshogs sam rgyas pa'i me thab tu dbul lo/__/gsum pa mnan pa bro'i las ni/__ma yi tshogs dkyil 'khor thab khung gi mtha' 'am rgyas pa'i dkyil 'khor du/__rnal 'byor pa lu gu rgyud du sbrel cing bsdams pa phyogs bcur bskyod nas bro brdungs pa'i 'od zer gyis longs spyod kyi sprin phung dang dpal dang gzi brjid 'bar ba'i rnam 'phrul chen po rang gi gnas der char du 'bab pa'i ting nge 'dzin spro zhing des sems can gyi dbul ba bsal bar bsam na/__yon tan 'dod dgu 'byung ba'i yid bzhin gyi nor bu'i nam mkha' gang bar 'gyur zhing bsam pa thams cad 'grub po/__/bzhi pa zhi ba'i las la'ang gsum las/__dang po bsreg pa me'i las ni/__ya yi tshogs kyi dkyil 'khor mchog thab khung zlum po'i nang du me dang me lha gnyis ka 'od gsal ba'i gzi brjid 'tsher ba zhi ba'i rnam par bskyed la/__sngags mkhan rab tu dang ba'i yid kyis nad dang gnod pa dang 'jigs pa zhi ba'i mchod sbyin bya bas shin tu ma rungs ba'i gtum chen rngam pa bdud dang ru tra la sogs pa'ang sems bar tu zhi ba byang chub kyi sems su lhan ner 'gyur ro/__/gnyis pa gdab pa phur bu'i las ni/__bdud rtsi lnga'am yang na zas lnga la/__gang zhi bar 'dod pa de'i gos dang dri ma la sogs pa bsres nas sngar bzhin ling+ga byas te/__de nyid lus gtum ngag rngam sems 'khrug pa'i rnam pa can dgra bgegs la sogs pa gang yin pa de'i ngo bor brtag cing*/__lhan ner gsal ba bud+ha kI la yar bskyed pa'i dngul la sogs pa'i phur bus gdab nas/__dpal dang gzi brjid 'bar ba lhan ne'i tshogs bud+d+ha he ru ka 'khor bcas sam zhi ba'i me lha la dbul lo/__/gsum pa mnan pa bro'i las ni/__ya yi tshogs kyi dkyil 'khor gyi mtha' nyid du/__rnal 'byor pa rnams lu gu rgyud du sbrel te bsdams nas bro byas na/__pha rol khro ba'i me 'bar ba yang zhi bas lhan ne'i byin gyis rlabs pas khyab nas/__sdig pa dang gdug sems thams cad yid la cung zad kyang mi gyur pas g.yo ba med par byed ba'o/__/de ltar e waM mA yA bzhi ni yi ge'i dbyibs kyis thab khung gi dbyibs mtshon par byed pa'o/__/bla ma rong pa ni/__dbang gi dkyil 'khor yi ge baM gyi rnam par bshad pa dang*/__zhi ba ya'i rnam par bshad pa ni/__dbyibs dang kha dog gi rnam pas mi mthun yang yi ge sgra'i don dang sbyar na/__baM ban+d+ha na sdud pa'am bcing bar ya ba ti ni zhi ba ste 'di'i dbang du gsungs pa yin par mngon no zhes bzhed do/__/gnyis pa las kyi rjes su bka' bsgo zhing bro gar gyi phan yon bshad pa la gnyis/__dam can la bka' bsgo ba dang*/__bro gar gyi phan yon bstan pa'o/__/dang po la gnyis las/__dang po las la bsgo ba'i tshul brjod pa ni/__de ltar phrin las bzhi po gang yang rung ba'i rjes thogs su tshogs kyi 'khor lo la longs spyad de bza' btung gi lhag ma bsdus la rdo rje slob dpon gyi kha phrus byin gyis brlabs te dpal chen po'i dkyil 'khor du 'dus pa'i slas lha chen po rnams kyi chung ma dang byi mo mdza' na mo dang las byed pa'i bran mo'i tshogs/__lhag ma'i mchod sbyin 'dod pa rnams la sbyin te za lam gom pa bdun cu'i sar bskyal zhing sngon dpal chen po'i spyan sngar khas blangs pa'i rang rang gi dam tshig rnams rab tu bsgrags nas/__zhi ba la sogs pa gang 'dod pa'i las de byed par bsgo bar bya'o/__/gnyis pa ji ltar bsgo ba dngos ni sngon dregs pa'i dbang phyug rnams btul ba'i tshe dpal chen po he ru ka__/shin tu gdug cing gtum bag can mdzad de 'jig rten gyi khams thams cad kyi dregs pa ma lus pa rnams 'dul bar mdzad pa'i/__dbang phyug dang byin rlabs rmad po che mnga' bas/__lha dbang phyug chen po la sogs pa thams cad dbang du bsdus nas/__de dag gi 'khor chung ma dang bu mo dang pha ma dang phu nu ma lus pa rnams longs spyod pa'i phyir dbang phyug dang slas su byin gyis rlob par byas te/__'gug pa dang bcing ba dang gsod pa la sogs pa so so'i las rnams dpal chen pos rang rang la bskos pa de nyid/__sngon ji ltar dam bcas shing khas blangs pa bzhin skad cig kyang ma thogs par las kyi 'bras bu myur du mngon par phyung bar mdzod cig__/rang rang gis dam bcas pa bzhin du ma byas na/__sngon ji ltar dam bcas shing so sos mna' bor ba'i/__sdom pa dam bcas pa de las 'da' bar 'gyur la/__gal te dam tshig de las 'das par gyur na/__khyed cag gi mgo lus dang snying yang tshal pa bdun du/__yak+sha me dpal gyi khro bos dum bur gtubs par 'gyur ro/__/rgyu mtshan de bas na rnal 'byor pa sngags 'chang bdag gis/__las ji ltar bcol ba bzhin du byos shig__/gal te las de mngon tu ma byas na/__rang rang gis mna' bor zhing khas blangs pa'i/__dmod pa bzhi rul myags tshig nas rdo rje'i dmyal bar 'gro bar 'gyur ro/__/des na rnal 'byor pa dam tshig la gnas par gyur pa'i/__phrin las ci 'dod pa rnams yongs su bya ba dang*/__rnal 'byor pa bdag cag gi 'khor rnams kyang rang gi bu gcig pa bzhin du skyongs shig dang*/__de'i mthus khyed cag phra men ma yang mchog dang thun mong gi dngos grub thob par 'gyur bas rnal 'byor pas ji ltar bcol pa'i las rnams mngon du byos/__zhes bka' bsgo'o/__/gnyis pa bro gar gyi phan yon la gnyis/__don ngos bzung ba dang de rgyas par bshad pa'o/__/dang po ni/__khro bo sgrub pa'i phrin las kyi gtso bo ni bro gar 'di yin no/__/gnyis pa la bzhi las/__gtso bo lnga'i bro gar gyi phan yon ni/__khrag 'thung chen po bud+d+ha he ru ka la sogs pa/__btsun mo'itshogs dang bcas pa'i/__bro gar las bzhi'i skabs su bstan pa ltar glu tshig gi nga ro chen pos ni/__zhi rgyas la sogs pa thun mong gi dngos grub thams cad dang mchog gi dngos grub thams cad ci 'dod par/__phrin las thams dang dngos grub thams cad 'grub par byed pa yin no/__/gnyis pa gnas kyi ma mo brgyad kyi bro gar gyi phan yon ni/__gaurI'i sgra las mdzod ldan chen la sogs pa'i phyogs ma bzhi'i bro gar dang glu tshig chen mos ni/__skye 'gro dbang du 'du bar 'dod na dbang du 'du bar byed cing*/__tshe dang yo byad la sogs pa 'phel bar 'dod na 'phel bar byed do/__/spos mo chen mo puk+ka sI la sogs pa'i mtshams ma bzhi'i bro gar dang glu tshig chen mos ni/__dgra bgegs la sogs pa lhan ner zhi bar 'dod na zhi zhing lhan ner byed la/__sems rmugs shing mi gsal bar byed par 'dod na rmugs par byed do/__/gsum pa yul gyi phra men brgyad kyi bro gar gyi phan yon ni/__seng gdong chen mo la sogs pa'i phyogs ma bzhi'i/__bro gar dang glu tshig chen mos ni/__dgra bgegs thams cad kun gyi lus srog la za bar byed cing*/__rdul phra rab gyi cha shas tsam yang med par byed do/__/bzhad gdong chen mo la sogs pa'i mtshams ma bzhi'i bro gar dang glu tshig chen mos ni/__gdug pa can thams cad kyi nang khrol dang don snying ma lus pa 'byin par byed cing*/__de dag gi srog la sogs pa phun sum tshogs pa kun la rab tu nyams par byed do/__/bzhi pa dbang phyug ma nyi shu rtsa brgyad kyi bro gar gyi phan yon ni/__slas dang byi mo dang bran mo'i tshogs kyis/__bro gar dang glu tshig chen mos ni/__pho nya dgra la sbad cing mngag gzhug las la gtang bar bya ba ste/__phyir 'gal byed cham la 'bebs pa'i las thams cad dang nang du dngos grub yid bzhin 'grub pa'i las thams cad byed pa yin no/__/gsum pa las bzhi sgrub pa'i gnas dang ting nge 'dzin gyi khyad par ni/__ljon pa sde nags tshal dang ni lcug phran gyi tshal skyed shing gi ra ba dang*/__shing sdong gcig gi drung dang ni mes reg drung ste nags me tshig pa'i gnas rnams su zhi ba dang rgyas pa dang dbang dang drag po rnams bsgrub pa'i phyir du dang bas dang dga' bas dang chags pas dang*/__khros pas kA li ste thabs kyi phrin las bzhi po rab tu bsgrub par bya'o/__/gsum pa skabs kyi don bsdu ba ni/__zhes brjod pas/__gtso bo de bzhin gshegs pa nyid la 'khor gyi de bzhin gshegs pa nyid phrin las rnam pa bzhi'i don rtogs pa ste lung nod pa'i tshul gyis sbyong bar gyur to/__/rang bzhin gsang ba'i snying po ye shes kyi de kho na nyid nges pa las sangs rgyas kyi mdzad pa chen po ye nas lhun gyis grub pa'i phrin las rnam pa bzhir gnas pa de nyid gdul bya'i don du byin gyis rlob pa zhes bya ba'i le'u ste nyi shu pa'o/__/spyi don gsum pa 'bras bu sku dang ye shes la bstod pa'i tshul la gnyis te/__bstod tshul mdor bstan pa dang*/__/bstod pa dngos rgyas par bshad pa'o/__/dang po ni khro bo'i dkyil 'khor gyi mdzad pa rdzogs pa de nas rang snang gi sku dang ye shes la bstod pa'i phyir bcom ldan 'das dgyes pa chen po'i khrag 'thung rigs lnga'i lha tshogs kyi dkyil 'khor gyis shin tu rngam pa'i mdangs kyis dgyis pa'i glu 'di blangs so/__/gnyis pa la gnyis/__rigs dang rigs kyi bdag po la bstod pa dang*/__rten dang brten pa'i dkyil 'khor la bstod pa'o/__/dang po la gnyis rigs lnga la spyir bstod pa dang*/__dkyil 'khor gyi dbang phyug la bye brag tu bstod pa'o/__/dang po la lnga las/__dang po sku'i rigs kyi dkyil 'khor thams cad la bstod pa ni/__hU~M zhes pa'i ni khro bo'i glu rnams re re zhing sku lnga ye shes lnga ldan du mtshon zhing mgo 'dren pa'o/__/de'ang sku ni bdud dang ru tra la sogs pa dregs pa can rnams 'dul bar byed pas gtum po chen po dus kyi mtha'i me chen po ltar 'bar zhing*/__me dpung gi klong na bzhugs pa'i sku las ye shes kyi 'od zer nyi ma 'bum gyi gzi brjed phyogs gcig tu bsdus pa ltar phyogs bcur 'phro zhing*/__gdug pa can la bsdigs pas khro gnyer glog stong 'gyu ba bzhin du 'khyug pa/__mche ba zangs yag rno dkar bzhis ma rungs pa rnams za bar byed pa'i 'jigs byed che ho ni ngo mtshar ba'i gad mo ste 'og ma rnams la yang sbyar ro/__/gnyis pa gsung gi rigs kyi dkyil 'khor thams cad la bstod pa ni/__hU~M khro bo'i gsung rngam pa'i nga ro 'brug sgra stong dus gcig la ldi ba lta bu'i/__gtum chen dang drag shul ri rab 'bum dus gcig tu bsnyil ba'i sgra skad dang mnyam pa/__a la dang ha la'i gad brgyangs chen por dgod cing dbugs kyi shugs las spyugs pa'i 'thor rlung chen pos gdug pa can rnams 'jigs bas g.yeng bar byed pa ni dus mtha'i rlung bas kyang che'o ho/__/gsum pa thugs kyi rigs kyi dkyil 'khor la bstod pa ni/__hU~M khro bo ma rig pa'i tshogs 'joms pa'i shes rab kyi snang ba mtha' yas pa'i 'od po che/__ye shes lnga yi dkyil 'khor kun tu gsal bas/__dug lnga 'bar ba'i ngo bo ye shes su gnas pas nyon mongs rang mtshan gyi rtsal kun tu 'joms pa'i ye shes de yang*/__sprul sku la ltos nas ji lta ba dang ji snyed pa mkhyen pa'i ye shes gnyis dang*/__longs sku la ltos nas me long lta bu la sogs pa sna tshogs pa'i ye shes rnams ngo bo gnyis su med pa'i thig le che ste chos nyid don gyi ye shes su ro gcig pa'o ho/__/bzhi pa yon tan gyi rigs kyi dkyil 'khor thams cad la bstod pa ni/__hU~M gdug pa can 'dul ba'i yon tan mnga' bas na khro bo'i rgyal po sprul pa sna tshogs su 'phro ba'i sprin chen po/__de las 'phros pa'i khro bo'i dkyil 'khor gyi char chen po 'bebs shing*/__gang la gang 'dul gyi dkyil 'khor yid bzhin gyi nor bu ltar 'dod dgu 'byung ba'i gter las/__sprul pa sna tshogs pa khros pa'i gzugs su nam mkhar khyab par 'byung ba thams cad kyang gnas lugs thig le chen po gcig go ho/__/lnga pa phrin las kyi dkyil 'khor thams cad la bstod pa ni/__hU~M phung po la sogs pa'i bdud kun gyi ni stobs 'joms bas na bdud chen po yin la/__bdud kyi dbang po rnams kyang gdul bar byed pa'i bdud de las dang nyon mongs pa'i bdud rnams 'joms shing*/__bdud dang gshin rje la sogs pa 'jigs pa'i tshogs kyang rab tu 'jigs shing skrag par byed pa/__'jigs byed chen po he ru ka rnams ni rang bzhin spros pa'i mtha' dang bral bas thig le che ho/__gnyis pa dkyil 'khor gyi dbang phyug la bye brag tu bstod pa ni/__hU~M che mchog yab yum gyi sku ni skye shing 'pho 'gyur med pas rdo rje brag chen rab tu sra ba chen po mtshan dpes 'bar zhing*/__gsung dang yon tan ni ye shes rdo rje yi chu bo che gdul bya'i tshogs sdud cing smin pa'i bdag nyid chen po yin la/__thugs ni thams cad mkhyen pa'i rdo rje ye shes kyi me 'od gsal ba ste shes bya'i yul ma lus pa mngon du gyur cing thugs rjes 'od zer kun tu 'bar ba che ste 'gro ba'i ma rig pa'i mun pa thams cad sel bar byed pa'o/__/phrin las lhun gyis grub pa dang gdul bya la khyab pas rdo rje rlung ste bdud dang mu stegs la sogs pa 'thor zhing las bzhi'i don rnams rdzogs pa chen por lhun gyis grub par byed pas rlung chen po'o ho/__gnyis pa rten dang brten pa'i dkyil 'khor la bstod pa la'ang gnyis las/__brten pa lha'i dkyil 'khor la bstod pa ni/__hU~M gtum chen dus mtha'i zhes pa nas 'jigs byed chen po thig le che ho'i bar te he ru ka rigs lnga'i dkyil 'khor la so sor bstod pa'o/__/rten gzhal yas khang la bstod pa ni/__rdo rje brag chen keng rus kyi ri rab chu bo rak+ta'i rgya mtsho/__me ye shes kyi me ri/__rlung 'og gzhi rlung gi dkyil 'khor la sbyar te bshad pa'o/__/zhes ched du glu jangs so/__/'bras bu gsang ba'i snying po sku dang ye shes kyi de nyid nges pa las rang snang ye shes kyi khro bo la bstod pa'i le'u ste nyi shu gcig pa'o/__/spyi don gsum pa rgyud dam par gdams nas rjes 'asngug la gtad pa'i tshul la gsum ste/__don gyi 'brel dgod pa/__tshig gi don bshad pa/__skabs kyi don bsdu ba'o/__/dang po ni/__sgyu 'phrul rtsa ba'i dkyil 'khor rdzogs par bstan pa/__de nas bcom ldan 'das dgyes pa chen po dpal kun tu bzang pos rang snang lhun stug po bkod pa'i rigs lnga sems dpa' brgyad la sogs pa'i de bzhin gshegs pa nyid la gsang sngags kyi rgyal po 'di nyid mi nub cing 'gro ba la phan dgags pa'i phyir brtan par gzung ba 'di ched du brjod cing khyad par du rig pa'i sems dpa' gsang bdag la gdams par mdzad do/__/gnyis pa la gnyis/__lam kun kyi 'bras bur gdams pa dang*/__gsang ba kun gyi mchog tu gdams pa'o/__/dang po la gnyis/__gdams bya rgyud kyi rang bzhin dang*/__gang la gdams pa snod kyi che ba'o/__/dang po la gsum las/__dang po 'bras bu rgyu dngos bstan pa ni/__rang snang gi thabs dang shes rab gnyis su med pa'i rang bzhin yab yum du snang ba rnams la kye kye zhes bos nas snang srid 'khor 'das kyi chos phyogs bcu dang dus bzhi'i rang bzhin 'di dag__/de bzhin gshegs pa rigs lnga yab yum sems dpa' dang bcas pa zhi khro gnyis kyi dkyil 'khor du ye nas sangs rgyas pa'i ngo bo nyid du gnas pa ni gzhi gsang ba'i snying po ste des mtshon nas lam dang 'bras bu gsang ba'i snying po ni/__rgyud kyi ngo bo'o/__/gnyis pa lam gzhan de'i rkang stegs su bstan pa ni/__phyi gzung ba'i yul dang nang 'dzin pa'i sems kyi spros pa la 'chel ba yis/__phyi nang bdag gzhan la sogs pa'i rnams par rtogs pa mi bzad pa'i zhags pas so sor zin pa'i sems can gyi dbang po'i rim pa dang sbyar te thig pa so so'i sa rnams dang lam gyi khyad par bkod pa yang*/__rang bzhin gsang ba'i snying por 'gro ba'i lam stegs yin gyi lam tshang la ma nor ba dngos ma yin te de dag gi mthar thug 'dir 'jug dgos pa'i phyir ro/__/gsum pa rnam grangs du ma gsungs pa'i dgos pa ni/__de ltar na gsang ba'i snying po kho na gsung bas chog mod/__theg pa'i rnam grangs mtho dman mang po bstan cing dgos zhe na/__sems can rnams ni dbang po'i rim pa sna tshogs su gnas pas gang la gang 'tshams kyis so sor bstan te/__'di nyid dang po nas go ba'am/__phrad par shin tu dka' bas sngon 'gro 'am stegs su bstan te phyis 'di dang 'phrad cing spyad par bya ba'i phyir spangs ba dang rtogs pa'i ye shes ngo mtshar ba rab 'byams mnga' ba'i ston pa kun tu bzang po nyid kyis/__rang byung gi thugs rje sprul pa'i sku 'jig rten du snang bas gsungs ba'i chos thams cad kyang sems can gyi don du mi 'gyur zhes bya ba ni cung zad cig kyang yod ste rnam pa thams cad du ma gsungs so/__/gnyis pa gang la gdams pa snod kyi che ba ni phyogs bcu dus bzhi'i de bzhin gshegs pa thams cad kyi/__sku gsung thugs yon tan phun sum tshogs pa'i phyag rgya dam pa gzhi lam 'bras bu'i gsang chen chos thams cad kyi snying po 'di/__phyin ci ma log par rang gis rtogs nas gzhan la smra ba gang byed pa/__gang zag de nyid ston pa kun tu bzang po nga yin zhing de la phan pa dang nus pa'i dbang yang ye nas lhun gyis rdzogs pa yin no/__/gnyis pa gsang ba kun gyi mchog tu gdams pa la gnyis/__gsang ba'i don dngos dang*/__de 'dzin pa'i gang zag dam par lung bstan pa'o/__/dang po ni/__phyogs bcu dus bzhi'i de bzhin gshegs pa thams cad la/__sku gsung thugs kyi gsang ba mthar thug pa rgyud kyi don 'di las gzhan cung zad kyang mi mnga' bas mchog dam par zungs shig ces pa'o/__/de'i don yang chos thams cad ye nas mnyam pa nyid gsang ba'i snying por sangs rgyas pa ni gzhi'i rgyud de rgyal ba thams cad kyis gtan la dbab bya'i don mthar thug pa'o/__/de nyid ston pa gzhung gi tshogs la'ang don zab mo yod bar rtag pa'i mthar sgro 'dogs pa dang med pa chad pa'i mthar skur pa 'debs pa dang gnyis ka dang gnyis min gyi spros pa thams cad nye bar zhi ba yi/__blo'i yul las 'das pas gsang ba'i snying po chos thams cad kyi de kho na nyid de chos nyid bsam brjod med pa nges pa'i dbyings nas brjod pa'i don du ston pas phyung ba'o/__/gnyis pa de 'dzin pa'i gang zag dam par lung bstan pa ni/__rgyud 'di 'dzin cing ston pa'i gang zag de ni gzhan la ston pa rig pa'i skyes bu dang rang nyid sangs rgyas pa nges par lung bstan te/__/de nyid sangs rgyas thams cad kyi sras po ni dam ba thugs kyi gsang ba las skyes pa yin bas/__sa rab rig pa 'dzin pa'i sa la gnas par 'gyur ro/__/gsum pa skabs kyi don bsdu ba ni/__zhes brjod pas/__rang snang 'od gsal du bkod pa'i de bzhin gshegs pa rigs lnga til gyi gong bu ji snyed kyis nam mkha'i dbyings kyi mtha' dbus khyab pa de dag thams cad gnyis su mi dmigs shing ngo bo dbyer med pas dgyes nas dus gsum 'phor 'gyur med pa'i ngang gzhi rdzogs lhun gyis grub pa'i rang bzhin dus bzhi chos nyid kyi 'khor lor mnyam pa nyid kyi dbyings/__snang zhing bkod pa thams cad ston pa nyid kyi sku gsung thugs mi zad pa rgyan gyi 'khor lo'i rang bzhin lhun stug po bkod pa'i rgyan nyid du 'pho 'gyur med par bzhugs so/__spyi don gsum pa yongs su rdzogs pa mjug gi don la gsum las/__dang po rgyud gang gi khongs su gtogs pa ni brjod bya gzhan las khyad par du 'phags pa bden pa gnyis dbyer med pa'i don ye nas sangs rgyas par ston pas rjod byed tshig gi rgyud la'ang de dang mthun par btags pas 'phags pa 'jig rten dang 'jig rten las 'das pa'i dngos grub sgrub pa'i thabs kyi rgyud thams cad la rtog pa zhes brjod pas de dag thams cad kyi mchog tu gyur pa'i phyir rtog pa'i rgyal po rdo rje sems dpa' sgyu 'phrul dra ba le'u stong phrag brgya pa'i khongs su gtogs so/__/gnyis pa le lag gang yin pa ni/__de las 'di ni rgyu mtshan nyid dang 'bras bu gsang sngags kyi rgyud thams cad kyi 'phro gzhi dang 'byung khungs yin pas lung gi spyi de nyid de bzhin gshegs pa thams cad kyi sku gsung thugs rdo rje'i gsang ba yin la mchog tu 'phags shing rab tu zab la rgya che ba'i gnas ston pa'i phyir gsang ba'i snying po gzhi lam 'bras bu'i de kho na nyid rnam par nges pa'o/__/gsum pa 'bras bu mchog tu bstan pa ni/__de nyid las thams cad ma lus par 'phros te chos kyi 'khor lo bskor ba de dag gi 'bras bu'i mchog rtsa ba'i rgyud zhing khams gsang ba'i snying po ye shes kyi rang snang de kho na nyid nges pa las mdzad pa rdzogs nas dgongs pa la bzhugs pas mnyes pa dang rgyud mi nub par gtad pas 'khor gyis yongs su bzung ba'i le'u ste nyi shu gnyis pa'o/__/shin tu rtogs dka' rgyud don rdo rje'i tshig__/kun mkhyen bla ma'i snyan rgyud man ngag bzhin/__gsal bar bstan la nongs pa ci mchis pa/__dbyings phyug mkha' 'gros bzod pa bzhes par mdzod/__ces rgyud kyi rgyal po sgyu 'phrul drwa ba rtsa ba'i rgyud kyi mchan 'grel 'di ni kun mkhyen chos kyi rgyal po rgyal ba klang chen pa'i 'grel pa ji lta ba bzhin grub pa brnyes pa'i slob dpon o rgyan bstan 'dzin nor bu'i thugs kyi cha shas las skyes pa sprang ban gzhan phan snang bas mkhas pa'i 'byung gnas grub pa'i gdan sa rdzogs chen shrI sing gi chos sder sbyar bas 'od gsal snying po'i bstan pa la bya ba byed nus par shog cig/__//oM swa sti/__rang snang mi 'gyur 'og min chen po ru/__/sna tshogs zhi dang khro bo'i rol gar gyis/__/nam mkha'i mtha' klas 'gro ba sgrol ba'i phyir/__/gsang chen bla med chos kyi 'khor lo bskor/__/rgyu dang theg pa'i rim pa grangs mang po/__/kun gyi mthar thug 'od gsal rdzogs pa che'i/__/gzhi dang lam dang mthar phyin 'bras bu'i don/__/gtan la 'bebs pa sgyu 'phrul drwa ba'i rgyud/__/rnam pa kun gyi mchog ldan stong pa nyid/__/bde chen 'gyur med ye shes kyis rol pa'i/__/gnas gsum dpa' bo mkha' 'gro'i tshogs rnams kyi/__/thugs kyi thig le rgyud rgyal 'di kho na/__/zab pa'i don 'dus yang zab phul du byung*/__/rgya che'i rgyud lung rgya cher gtan la 'bebs/__/rin 'dzin dgongs rgyud rig stong gsal ston pa'i/__/rgyud rgyal 'di ni rgyal ba dngos dang 'dra/__/kun khyab gdod ma'i gzhi la byang chub pa'i/__/mi yi lus la sangs rgyas dgongs pa can/__/klong chen chos kyi rgyal po'i legs bshad ni/__/rin 'dzin snyan rgyud gdams ngag lugs su bya/__/de phyir 'di ni kun mkhyen bla ma yi/__/gzhung lugs ji bzhin snying po yongs bsdus shing*/__/blo mchog ldan pa'i 'jug ngogs zla med pa/__/rgyud don gsal byed 'char ba'i skyes bu bzhin/__/'di na tshig rgyud grangs med spel ba'i 'phrul/__gsang chen rgyal ba'i mchod stong 'di bsgrubs pas/__/'do gsal snying po'i bstan pa rgyas pa dang*/__/'gro kun gdod ma'i gzhi ru grol bar shog__/ces pa 'di'ang 'jigs med mdo sngags bstan 'dzin gyis gsang ba'i snying bo'i mchan 'grel spar du sgrub pa'i tshe/__spar byang smon tshig tu gzhan phan snang bas bris pa rgyal ba'i bstan pa rin po che phyogs dus gnas skabs thams cad du dar zhing rgyas la yun ring du gnas pa'i rgyur gyur cig/__//sarba dA ka l+yA NaM b+ha wan tu/__/