JKW-KABUM-16-MA-029-012

Previous Text Back to Volume PageNext Text

Wylie title
Location	mkhyen brtse'i bka' 'bum Volume 16, sde tshan 29, Text 12, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 16: . Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs

1 Texts in this Section (sde tshan or chos tshan)

12 282-285	རྡོ་རྗེ་ཕྲེང་བའི་བླ་མ་བརྒྱུད་པ་ལ་གསོལ་བ་འདེབས་པ་དད་པའི་ཆར་འབེབས། rdo rje phreng ba'i bla ma brgyud pa la gsol ba 'debs pa dad pa'i char 'bebs Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྡོར་ཕྲེང་བརྒྱུད་འདེབས་ནམ་མཁའ་དཔལ་བཟང་གིས་མཛད་པའི་ཁ་སྐོང་། ༄༅། །རྡོ་རྗེ་ཕྲེང་བའི་བླ་མ་བརྒྱུད་པ་ལ་གསོལ་བ་འདེབས་པ་དད་པའི་ཆར་འབེབས་ཞེས་བྱ་བ་བཞུགས་སོ། །ན་མོ་གུ་རུ་བུདྡྷ་སིཾ་ཧཱ་ཡ། །སྐུ་གསུམ་ལྷུན་གྲུབ་རྒྱལ་བ་རྡོ་རྗེ་འཆང་། །གནས་གསུམ་ཡེ་ཤེས་གར་མཛད་མཁའ་འགྲོ་མ། །གསང་གསུམ་མཁས་གྲུབ་སློབ་དཔོན་ཨ་བྷཱ་ཡ། །མཆོག་གསུམ་བླ་མ་རྣམས་ལ་གསོལ་བ་འདེབས། །ཟག་མེད་རྡོ་རྗེའི་སྐུ་བརྙེས་དཔེ་མེད་མཚོ། །དཔག་མེད་རྫུ་འཕྲུལ་མངའ་བ་བིཀྵ་དེ། །གྲངས་མེད་འགྲོ་ལ་ཕན་མཛད་ཤཱཀྱ་ཤྲཱི། །རྩོད་མེད་གྲུབ་ཆེན་གསུམ་ལ༴ རབ་འབྱམས་ཤེས་བྱ་ཀུན་མཁྱེན་བྷུ་མི་ཤྲཱིཿ །རབ་མཆོག་མཁས་བཙུན་དྲི་མེད་དཔལ་བཟང་པོ། །རབ་གསལ་ཐུགས་མངའ་མང་མཁར་ལོ་ཆེན་བྱང་ཆུབ་སེང་གེ་པ། །རབ་དཀར་ནུས་ལྡན་གསུམ་ལ༴ ཆོས་ཉིད་མཐའ་བྲལ་གཟིགས་པའི་སྐྱི་སྟོན་གྲགས་པ་རྒྱལ་མཚན་པ། །ཆོས་རྒྱལ་འགྲོ་བའི་བླ་མ་ཀུན་མཁྱེན་དོལ་བུ་པ། ཤེས་རབ་རྒྱལ་མཚན། །ཆོས་བརྒྱད་སྤངས་པ་པཎ་ཆེན་མ་ཏི་དྷྭ་ཛའི་ཞབས། །ཆོས་ཀྱི་འབྱུང་གནས་གསུམ་ལ་གསོལ་བ་འདེབས། །རྡོ་རྗེ་འཛིན་པའི་གཙུག་རྒྱན་ས་བཟང་པ། གཞོན་ནུ་བློ་གྲོས། །རྡོ་རྗེ་ཐེག་པའི་གནད་རིག་ཨེ་ཝཾ་པ། རྡོ་རྗེ་འཆང་ཀུན་དགའ་བཟང་པོ། །རྡོ་རྗེའི་ལུས་ཉིད་མཁར་གཤེགས་བློ་གྲོས་རིན་ཆེན་པ། །རྡོ་རྗེ་འཆང་དངོས་གསུམ་ལ༴ འཇམ་དཔལ་མི་ཡི་གཟུགས་འཛིན་མུས་ཆེན་རྗེ། །འཇམ་པའི་རྡོ་རྗེས་རྗེས་བཟུང་ལྷ་ཡི་མཚན། འཇམ་མགོན་གཉིས་པ་དཀོན་མཆོག་ལྷུན་གྲུབ་པ། །འཇམ་དབྱངས་རྣམ་འཕྲུལ་གསུམ་ལ༴ སངས་རྒྱས་རིན་ཆེན་འཁོར་ལོའི་མགོན་པོ་བུདྡྷ་སིངྷའི་ཞབས། །འཁོར་ལོ་བཞི་ལྡན་ཤེས་རབ་རྒྱལ་མཚན་དང་། །འཁོར་ལོའི་དབང་ཕྱུག་ནམ་མཁའ་དཔལ་བཟང་པོ། །འཁོར་ལོའི་དབང་བསྒྱུར་གསུམ་ལ༴ དེ་ལྟར་རྩ་བརྒྱུད་བླ་མའི་ཚོགས་རྣམས་དང་། །དབྱེར་མེད་རྡོ་རྗེ་ཕྲེང་བའི་ལྷ་ཚོགས་ལ། །ལུས་ངག་ཡིད་གསུམ་གུས་པས་གསོལ་འདེབས་ཀྱིས། །འདི་ཕྱི་བར་དོ་ཀུན་ཏུ་བྱིན་གྱིས་རློབས། །སྐྱེ་བ་ཀུན་ཏུ་ཕྲེང་བའི་ལམ་སྟོན་པའི། །སྐྱོན་མེད་འདྲེན་པ་མཆོག་གིས་རྗེས་བཟུང་ནས། །སྒོ་གསུམ་རླུང་ལ་དབང་བཞི་ལེགས་བསྐུར་ཏེ། །སྤྱི་དང་ཁྱད་པར་དམ་ཚིག་དག་པར་ཤོག །བསྐྱེད་རིམ་བསྒོམས་པས་ཐ་མལ་རྣམ་རྟོག་དང་། རྫོགས་རིམ་ཟབ་མོས་གྱ་ནོམས་ལྷར་ཞེན་སྤངས། །ཕྱི་དང་ནང་གི་ས་ལམ་ཀུན་བགྲོད་དེ། །སྐུ་གཉིས་ཟུང་འཇུག་མྱུར་དུ་ཐོབ་པར་ཤོག །རྡོ་རྗེ་ཕྲེང་བའི་བླ་མ་བརྒྱུད་པའི་གསོལ་འདེབས་དད་པའི་ཆར་འབེབས་ཞེས་བྱ་བ་འདི་ནི། མི་ཉག་བླ་མ་བསོད་ནམས་ཀྱིས་ཡང་ཡང་བསྐུལ་བ་ལ་བརྟེན་ནས། ཆོས་འདི་ལ་ངེས་པ་ཅུང་ཟད་ཡོད་པའི་བྲང་ཏི་པའི་བཙུན་པ་ག་ག་ན་ཤྲཱི་བྷ་དྲས། ས་སྐྱོང་ཞེས་པ་མེ་བྱ་ལོ་ཆོ་འཕྲུལ་ཟླ་བའི་ཡར་ཚེས་བཅུ་ག །ཅིག་ལ་ཤྲཱིཿཨེ་ཝཾ་དྷརྨ་མོཉྵཱ་གྲའི་གནས་སུ་སུག་བྲིས་སུ་བགྱིས་པའོ། །བརྒྱུད་པའི་ཁ་སྐོང་ནི། མཁྱེན་པའི་གཏེར་ཆེན་རྩེ་གདོང་ཁྲི་ཆེན་བསོད་ནམས་གྲུབ་པ་དང་། །མཁྱེན་རབ་ཕུལ་བྱུང་བསྟན་འཛིན་བཟང་པོའི་ཞབས། །མཁྱེན་གཉིས་རྒྱ་མཚོའི་མཐར་སོན་ངག་གི་དབང་། །མཁྱེན་པའི་མངའ་བདག་གསུམ་ལ༴ ཟབ་ཅིང་རྒྱ་ཆེའི་ལམ་སྟོན་རྨོར་ཆེན་རྗེ། །ཟབ་གསང་རྒྱུད་སྡེའི་གན་མཛོད་ཡར་ཀླུངས་པ། །ཟབ་དོན་སྨྲ་མཁས་སངས་རྒྱས་ཡེ་ཤེས་ཏེ། །ཟབ་མོའི་སྲོལ་འཛིན་གསུམ་ལ༴ མཁས་ཤིང་གྲུབ་བརྙེས་ནམ་མཁའ་བསམ་འགྲུབ་དང་། །མཁས་ཚུལ་གསུམ་ལྡན་བསྟན་འཛིན་ཕུན་ཚོགས་ཞབས། །མཁས་མང་འདུས་པའི་རྒྱན་གྱུར་རཏྣའི་མཚན། །མཁས་གྲུབ་དམ་པ་གསུམ་ལ༴ རྣམ་གྲོལ་མཆོག་བརྙེས་འཕགས་པ་ཀུན་བཟང་དང་། །རྣམ་ཐར་རྨད་བྱུང་པུཎྱེ་ཛྙཱ་ནའི་ཞབས། །རྣམ་དག་ལམ་སྟོན་ཀུན་དགའ་ཡེ་ཤེས་ཏེ། །རྣམ་འདྲེན་དམ་པ་གསུམ་ལ་གསོལ་བ་འདེབས། །དེ་ལྟར་རྩ་བརྒྱུད་བླ་མ་སོགས་སྦྲེལ་ལོ། །ཞེས་པའང་རྗེ་བླ་མ་དམ་པ་ཀརྨ་པྲ་བརྡྷའི་གསུང་གིས་བསྐུལ་ནས་གཞོན་ནུ་མཁྱེན་བརྩེའི་དབང་པོས་ཨེ་ཝཾ་ཐར་པ་རྩེར་བྲིས་པའོ། །སརྦ་དཱ་ཀ་ལྱཱ་ཎཾ་བྷ་བ་ཏུ། ། ༈

[edit]

rdor phreng brgyud 'debs nam mkha' dpal bzang gis mdzad pa'i kha skong /_ @#/_/rdo rje phreng ba'i bla ma brgyud pa la gsol ba 'debs pa dad pa'i char 'bebs zhes bya ba bzhugs so/__/na mo gu ru bud+d+ha siM hA ya/__/sku gsum lhun grub rgyal ba rdo rje 'chang /__/gnas gsum ye shes gar mdzad mkha' 'gro ma/__/gsang gsum mkhas grub slob dpon a b+hA ya/__/mchog gsum bla ma rnams la gsol ba 'debs/__/zag med rdo rje'i sku brnyes dpe med mtsho/__/dpag med rdzu 'phrul mnga' ba bik+Sha de/__/grangs med 'gro la phan mdzad shAkya shrI/__/rtsod med grub chen gsum la=__rab 'byams shes bya kun mkhyen b+hu mi shrIH__/rab mchog mkhas btsun dri med dpal bzang po/__/rab gsal thugs mnga' mang mkhar lo chen byang chub seng ge pa/__/rab dkar nus ldan gsum la=__chos nyid mtha' bral gzigs pa'i skyi ston grags pa rgyal mtshan pa/__/chos rgyal 'gro ba'i bla ma kun mkhyen dol bu pa/__shes rab rgyal mtshan/__/chos brgyad spangs pa paN chen ma ti d+h+wa dza'i zhabs/__/chos kyi 'byung gnas gsum la gsol ba 'debs/__/rdo rje 'dzin pa'i gtsug rgyan sa bzang pa/__gzhon nu blo gros/__/rdo rje theg pa'i gnad rig e waM pa/__rdo rje 'chang kun dga' bzang po/__/rdo rje'i lus nyid mkhar gshegs blo gros rin chen pa/__/rdo rje 'chang dngos gsum la=__'jam dpal mi yi gzugs 'dzin mus chen rje/__/'jam pa'i rdo rjes rjes bzung lha yi mtshan/__'jam mgon gnyis pa dkon mchog lhun grub pa/__/'jam dbyangs rnam 'phrul gsum la=__sangs rgyas rin chen 'khor lo'i mgon po bud+d+ha sing+ha'i zhabs/__/'khor lo bzhi ldan shes rab rgyal mtshan dang /__/'khor lo'i dbang phyug nam mkha' dpal bzang po/__/'khor lo'i dbang bsgyur gsum la=__de ltar rtsa brgyud bla ma'i tshogs rnams dang /__/dbyer med rdo rje phreng ba'i lha tshogs la/__/lus ngag yid gsum gus pas gsol 'debs kyis/__/'di phyi bar do kun tu byin gyis rlobs/_/skye ba kun tu phreng ba'i lam ston pa'i/__/skyon med 'dren pa mchog gis rjes bzung nas/__/sgo gsum rlung la dbang bzhi legs bskur te/__/spyi dang khyad par dam tshig dag par shog__/bskyed rim bsgoms pas tha mal rnam rtog dang /__rdzogs rim zab mos gya noms lhar zhen spangs/__/phyi dang nang gi sa lam kun bgrod de/__/sku gnyis zung 'jug myur du thob par shog__/rdo rje phreng ba'i bla ma brgyud pa'i gsol 'debs dad pa'i char 'bebs zhes bya ba 'di ni/__mi nyag bla ma bsod nams kyis yang yang bskul ba la brten nas/__chos 'di la nges pa cung zad yod pa'i brang ti pa'i btsun pa ga ga na shrI b+ha dras/__sa skyong zhes pa me bya lo cho 'phrul zla ba'i yar tshes bcu ga__/cig la shrIHe waM d+harma mony+ShA gra'i gnas su sug bris su bgyis pa'o/__/brgyud pa'i kha skong ni/__mkhyen pa'i gter chen rtse gdong khri chen bsod nams grub pa dang /__/mkhyen rab phul byung bstan 'dzin bzang po'i zhabs/__/mkhyen gnyis rgya mtsho'i mthar son ngag gi dbang /__/mkhyen pa'i mnga' bdag gsum la=__zab cing rgya che'i lam ston rmor chen rje/__/zab gsang rgyud sde'i gan mdzod yar klungs pa/__/zab don smra mkhas sangs rgyas ye shes te/__/zab mo'i srol 'dzin gsum la=__mkhas shing grub brnyes nam mkha' bsam 'grub dang /__/mkhas tshul gsum ldan bstan 'dzin phun tshogs zhabs/__/mkhas mang 'dus pa'i rgyan gyur rat+na'i mtshan/__/mkhas grub dam pa gsum la=__rnam grol mchog brnyes 'phags pa kun bzang dang /__/rnam thar rmad byung puN+ye dz+nyA na'i zhabs/__/rnam dag lam ston kun dga' ye shes te/__/rnam 'dren dam pa gsum la gsol ba 'debs/__/de ltar rtsa brgyud bla ma sogs sbrel lo/__/zhes pa'ang rje bla ma dam pa karma pra bar+d+ha'i gsung gis bskul nas gzhon nu mkhyen brtse'i dbang pos e waM thar pa rtser bris pa'o/__/sarba dA ka l+yA NaM b+ha ba tu/___/__!_