View source for JKW-KABUM-09-TA-001-007

{{Text
|classification=Tibetan Publications
|subclass=Tibetan Texts
|fulltitletib=བླ་མ་ཡིད་བཞིན་འཁོར་ལོའི་ཐུགས་དམ་གནད་ནས་སྐུལ་བའི་གསོལ་འདེབས་འཆི་མེད་ཚེ་དང་ཡེ་ཤེས་གྲུབ་པའི་དབྱངས་སྙན།
|fulltitle=bla ma yid bzhin 'khor lo'i thugs dam gnad nas skul ba'i gsol 'debs 'chi med tshe dang ye shes grub pa'i dbyangs snyan
|citation=[['jam dbyangs mkhyen brtse'i dbang po]]. ''bla ma yid bzhin 'khor lo'i thugs dam gnad nas skul ba'i gsol 'debs 'chi med tshe dang ye shes grub pa'i dbyangs snyan''. In '''jam dbyangs mkhyen brtse'i dbang po'i bka' 'bum'', Vol. 9: 34-37. Khams sde dge rdzong sar dgon: Rdzong sar blo gros phun tshogs, 2020.
|collectiontitle=mkhyen brtse'i bka' 'bum
|collectiontitletib=མཁྱེན་བརྩེའི་བཀའ་འབུམ་
|author='jam dbyangs mkhyen brtse'i dbang po
|editor=
|authortib=འཇམ་དབྱངས་མཁྱེན་བརྩེའི་དབང་པོ་
|editortib=
|tibgenre=Supplications - gsol 'debs
|terma=No
|sabcadcategory=Five
|deity=sgrol ma yid bzhin 'khor lo
|language=Tibetan
|volumenumber=009
|volnumtib=༩
|volyigtib=ཏ་
|totalvolumes=25
|textnuminvol=001
|textsubnumber=007
|pagenumbers=34-37
|totalpages=4
|beginfolioline=17b1
|endfolioline=19a3
|totalfolios=3
|multivolumework=No
|rectonotes=sde tshan 1
|versonotes=mkhyen brtse'i bka' 'bum
|colophontib=།ཞེས་འཕགས་མ་ཡིད་བཞིན་འཁོར་ལོའི་ཐུགས་དམ་གནད་ནས་བསྐུལ་བའི་གསོལ་འདེབས།  ཐུན་མོང་མ་ཡིན་པའི་ཟབ་ཁྲིད་ཀྱི་ལམ་རིམ་དང་འབྲེལ་བ་འདི་ཡང་ཤཱཀྱའི་བཙུན་པ་འཇམ་དབྱངས་མཁྱེན་བརྩེའི་དབང་པོས་བག་ཡོད་ཅེས་པ་ཆུ་མོ་གླང་གི་གནམ་ལོ་གསར་དུ་འཆར་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་གསོལ་བ་བཏབ་པའི་ཡི་གེ་པ་ནི།  གནས་ལྔ་རིག་པའི་པཎྜི་ཏ་ཆེན་པོ་འཇམ་དབྱངས་ལེགས་བཤད་རྒྱ་མཚོས་མཛད་པའི་དགེ་བས་འགྲོ་ཀུན་འཆི་མེད་གྲུབ་པའི་དགའ་སྟོན་ལ་ལོངས་སུ་སྤྱོད་པའི་རྒྱུར་གྱུར་ཅིག
|colophonwylie=zhes 'phags ma yid bzhin 'khor lo'i thugs dam gnad nas bskul ba'i gsol 'debs/__thun mong ma yin pa'i zab khrid kyi lam rim dang 'brel ba 'di yang shAkya'i btsun pa 'jam dbyangs mkhyen brtse'i dbang pos bag yod ces pa chu mo glang gi gnam lo gsar du 'char ba'i dus kyi dge mtshan phun sum tshogs pa'i nyin gsol ba btab pa'i yi ge pa ni/__gnas lnga rig pa'i paN+Di ta chen po 'jam dbyangs legs bshad rgya mtshos mdzad pa'i dge bas 'gro kun 'chi med grub pa'i dga' ston la longs su spyod pa'i rgyur gyur ci
|pdflink=File:JKW-KABUM-09-TA-001.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅། །བླ་མ་ཡིད་བཞིན་འཁོར་ལོའི་ཐུགས་དམ་གནད་ནས་སྐུལ་བའི་གསོལ་འདེབས་འཆི་མེད་ཚེ་དང་ཡེ་ཤེས་གྲུབ་པའི་དབྱངས་སྙན་ཞེས་བྱ་བ་བཞུགས་སོ།  །ན་མོ་གུ་རུ་ཙིནྟཱ་ཙཀྲཱ་ཡ།  སྲས་བཅས་རྒྱལ་བ་ཀུན་གྱི་ཡུམ་གྱུར་མ།  །དྲན་པས་ཚེ་དང་ཡེ་ཤེས་མཆོག་སྩོལ་མ།  །སྐྱབས་གནས་ཀུན་འདུས་བླ་མ་རྗེ་བཙུན་མ།  །སྙིང་ནས་དྲན་ནོ་ཐུགས་རྗེའི་འཇུག་པས་སྐྱོངས།  །བདག་ཅག་དེང་ནས་ཚེ་རབས་ཐམས་ཅད་དུ།  །དལ་འབྱོར་མཆོག་ཐོབ་མཚན་ལྡན་དགེ་བའི་བཤེས།  །དད་པས་བསྙེན་ལས་སྲིད་ཞིའི་ལེགས་ཚོགས་ཀུན།  །འཕེལ་བའི་རྟེན་འབྲེལ་སྒྲིགས་ཤིག་རྗེ་བཙུན་མ།  །མི་རྟག་ངན་སོང་སྡུག་བསྔལ་ལ་བརྟེན་ནས།  །རྗེས་དྲན་དྲུག་དང་ལས་འབྲས་བླང་དོར་དང་།  །བསམ་གཏན་གཟུགས་མེད་ཏིང་འཛིན་ཐེམ་སྐས་ནས།  །མངོན་མཐོའི་གྲོང་དུ་འཁྲིད་ཅིག་རྗེ་བཙུན་མ།  །ཁམས་གསུམ་འཁོར་བར་སྡུག་བསྔལ་འབྱུང་བའི་གཞི།  །ལས་ཉོན་ཀུན་འབྱུང་འགོག་པའི་བསླབ་གསུམ་ལམ།  །ཚུལ་བཞིན་བསྟེན་ལས་ཐར་པའི་ཁང་བཟང་དུ།  །ཞི་བདེའི་དབུགས་འབྱིན་སྩོལ་ཅིག་རྗེ་བཙུན་མ།  །ཁྱད་པར་འགྲོ་ཀུན་མར་ཤེས་དྲིན་དྲན་ཞིང་།  །དྲིན་བཟོའི་སླད་དུ་བྱམས་དང་སྙིང་རྗེ་དང་།  །བདག་གཞན་མཉམ་བརྗེའི་བྱང་ཆུབ་སྤྱོད་མཆོག་གིས།  །ཀུན་མཁྱེན་ལམ་བཟང་སྟོན་ཅིག་རྗེ་བཙུན་མ།  །དེ་ཚེ་རྣམ་དག་དབང་དང་རྗེས་གནང་གིས།  །རྒྱུད་སྨིན་དམ་ཚིག་སྡོམ་པར་ལྡན་པ་དང་།  །ཟབ་དོན་བསྒོམ་པའི་འགལ་རྐྱེན་ཀུན་ཞི་ཞིང་།  །མཐུན་རྐྱེན་ལེགས་ཚོགས་སྤེལ་ཅིག་རྗེ་བཙུན་མ།  །བླ་མ་མཆོག་གསུམ་གཙུག་གི་ནོར་བུར་ཐོབ།  །སྨོན་དང་འཇུག་པའི་བྱང་སེམས་སྙིང་ལ་ཤར།  །བསོད་ནམས་ཡེ་ཤེས་ཚོགས་གཉིས་མྱུར་རྫོགས་པས།  །བདག་རྒྱུད་དག་པར་མཛོད་ཅིག་རྗེ་བཙུན་མ།  །བསྙེན་གྲུབ་ཡན་ལག་བཞི་ཡི་རྣལ་འབྱོར་གྱིས།  །རང་ལུས་འཕགས་མ་ཡིད་བཞིན་འཁོར་ལོའི་སྐུར།  །གསལ་བ་རབ་ཀྱི་ཏིང་འཛིན་མཐར་ཕྱིན་པའི།  །བསམ་གཏན་གྲུབ་པར་མཛོད་ཅིག་རྗེ་བཙུན་མ།  །ཟབ་མོའི་བཟླས་པས་ཐུགས་རྒྱུད་བསྐུལ་བའི་མཐུས།  །རིགས་བདག་འཆི་མེད་མགོན་པོར་ཡོངས་ཤར་ཞིང་།  །ཟླ་ཤེལ་མདོག་ཅན་འབར་བའི་འཁོར་ལོ་ཡིས།  །མི་མཐུན་ཕྱོགས་ལས་སྲུངས་ཤིག་རྗེ་བཙུན་མ།  །རབ་དཀར་བདུད་རྩིའི་སྣང་བས་ས་གསུམ་གྱི།  །རྒུད་ཅིང་ཕོངས་པའི་མུན་པ་ཀུན་ཞི་ནས།  །གསེར་ཞུན་འོད་ཀྱི་ཕྲེང་བས་སྲིད་དང་ཞིའི།  །ཕུན་ཚོགས་རྒྱས་པར་མཛོད་ཅིག་རྗེ་བཙུན་མ།  །པདྨ་རཱ་གའི་མཆིལ་པ་རྣོན་པོ་ཡིས།  །བརྟན་གཡོའི་དངོས་ཀུན་དབང་དུ་འདུ་བ་དང་།  །དབང་སྔོན་འོད་ཀྱི་ཞགས་པས་གདུག་པ་ཅན།  །མཐའ་དག་འཆིང་བར་མཛོད་ཅིག་རྗེ་བཙུན་མ།  །མར་གད་ཞུན་མའི་སྣང་བས་རེག་པའི་མོད།  །མཆོག་ཐུན་དངོས་གྲུབ་ཅིག་ཆར་འགྲུབ་དང་བཅས།  །སླར་ཡང་འོད་ཟེར་མཆིན་ཁའི་དྲྭ་བ་ཡིས།  །བརྟན་ཅིང་ནུས་ལྡན་མཛོད་ཅིག་རྗེ་བཙུན་མ།  །རིགས་ཀྱི་བདག་པོའི་ཐུགས་རྗེའི་ཟིལ་དངར་གྱིས།  །ཚེ་བསོད་དཔལ་འབྱོར་ལང་ཚོ་དར་བབས་པར།  །ཐུགས་ཀའི་འཁོར་ལོའི་བདུད་རྩིའི་གསོས་བཏབ་པས།  །འཆི་མེད་གྲུབ་པར་མཛོད་ཅིག་རྗེ་བཙུན་མ།  །མདོར་ན་སྣང་གྲགས་རིག་གསུམ་འཕགས་མ་ཡི།  །སྐུ་གསུང་ཐུགས་ཀྱི་གསང་བར་བྱིན་བརླབས་ནས།  །འཇིག་རྟེན་འཇིག་རྟེན་འདས་པའི་དངོས་གྲུབ་ཀྱིས།  །དོན་གཉིས་འགྲུབ་པར་མཛོད་ཅིག་རྗེ་བཙུན་མ།  །གཞན་ཡང་སྣོད་བཅུད་རྒུད་པ་ཀུན་ཞི་ཞིང་། །བསྟན་འཛིན་ཞབས་བརྟན་བཤད་སྒྲུབ་བསྟན་པ་དར།  །འགྲོ་ཀུན་རྫོགས་ལྡན་འབྱོར་པས་མངོན་མཐོ་བའི།  །བཀྲ་ཤིས་སྣང་བ་སྩོལ་ཅིག་རྗེ་བཙུན་མ།  །ཞེས་འཕགས་མ་ཡིད་བཞིན་འཁོར་ལོའི་ཐུགས་དམ་གནད་ནས་བསྐུལ་བའི་གསོལ་འདེབས།  ཐུན་མོང་མ་ཡིན་པའི་ཟབ་ཁྲིད་ཀྱི་ལམ་རིམ་དང་འབྲེལ་བ་འདི་ཡང་ཤཱཀྱའི་བཙུན་པ་འཇམ་དབྱངས་མཁྱེན་བརྩེའི་དབང་པོས་བག་ཡོད་ཅེས་པ་ཆུ་མོ་གླང་གི་གནམ་ལོ་གསར་དུ་འཆར་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་གསོལ་བ་བཏབ་པའི་ཡི་གེ་པ་ནི།  གནས་ལྔ་རིག་པའི་པཎྜི་ཏ་ཆེན་པོ་འཇམ་དབྱངས་ལེགས་བཤད་རྒྱ་མཚོས་མཛད་པའི་དགེ་བས་འགྲོ་ཀུན་འཆི་མེད་གྲུབ་པའི་དགའ་སྟོན་ལ་ལོངས་སུ་སྤྱོད་པའི་རྒྱུར་གྱུར་ཅིག     །  ༈}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}

[[Category:JKW-KABUM-09-TA-001]]
[[Category:Khyentse Lineage Project]]
[[Category:JKW-KABUM-Volume-09-TA]]