View source for JKCL-KABUM-10-THA-037

{{Text
|classification=Tibetan Publications
|subclass=Tibetan Texts
|fulltitletib=བྱང་རྭ་སྒྲེང་རྒྱལ་བའི་དབེན་གནས་ལ་བསྟོད་ཅིང་སྨོན་ལམ་དུ་བྱ་བ་རྒྱལ་བ་དགྱེས་པའི་མཆོད་སྤྲིན།
|fulltitle=byang rwa sgreng rgyal ba'i dben gnas la bstod cing smon lam du bya ba rgyal ba dgyes pa'i mchod sprin
|citation=[['jam dbyangs mkhyen brtse chos kyi blo gros]]. ''byang rwa sgreng rgyal ba'i dben gnas la bstod cing smon lam du bya ba rgyal ba dgyes pa'i mchod sprin''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 10: 331-336. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Place or Sacred Site Guides - gnas bshad - skor tshad, Prayers - smon lam, Verses of Praise - bstod pa
|terma=No
|jkcloutline=Twelve
|language=Tibetan
|volumenumber=010
|volnumtib=༡༠
|volyigtib=ཐ་
|totalvolumes=12
|textnuminvol=037
|pagenumbers=331-336
|totalpages=6
|beginfolioline=1a
|endfolioline=3b1
|totalfolios=3
|multivolumework=No
|colophontib=།ཅེས་པའང་རང་ཉིད་བགྲང་བྱ་རེ་གསུམ་དུ་སོན་པ་ན་བྱང་རྭ་སྒྲེང་རྒྱལ་བའི་དབེན་གནས་སུ་འབྱོར་སྐབས་སྙིང་ནས་དད་ཅིང་གུས་པས་གསོལ་བ་འདེབས་པ་པོ་འཇམ་དབྱངས་ཆོས་ཀྱི་བློ་གྲོས་ཏེ།  དེ་བཞིན་འགྲུབ་པར་བྱིན་གྱིས་བརླབ་ཏུ་གསོལ།།
|colophonwylie=/ces pa'ang rang nyid bgrang bya re gsum du son pa na byang rwa sgreng rgyal ba'i dben gnas su 'byor skabs snying nas dad cing gus pas gsol ba 'debs pa po 'jam dbyangs chos kyi blo gros te/__de bzhin 'grub par byin gyis brlab tu gsol//
|lotsawalink=https://www.lotsawahouse.org/tibetan-masters/jamyang-khyentse-chokyi-lodro/redreng-praise
|pdflink=File:JKCL-KABUM-10-THA-037.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅།  །བྱང་རྭ་སྒྲེང་རྒྱལ་བའི་དབེན་གནས་ལ་བསྟོད་ཅིང་སྨོན་ལམ་དུ་བྱ་བ་རྒྱལ་བ་དགྱེས་པའི་མཆོད་སྤྲིན་ཞེས་བྱ་བ་བཞུགས་སོ།  །
ན་མོ་གུ་རུ་ཤཱཀྱ་མུ་ནི་ཡེ།  རྒྱལ་བ་ཉི་མ་འཇིག་རྟེན་གསུམ་གྱི་མགོན།  །ཐུབ་པའི་དབང་པོ་བྱམས་པ་འཇམ་དབྱངས་དང་།  །པད་དཀར་འཆང་བ་འཕགས་མ་སྒྲོལ་མ་སོགས།  །དགྱེས་པར་རོལ་པའི་དགའ་བའི་ཚལ་ཆེན་པོ།  །འཕགས་ཚོགས་བཞུགས་པའི་བསྟི་གནས་ཉམས་དགའ་བ།  །ས་ཡི་དཔྱད་ལེགས་དྲི་ཞིམ་ངད་པ་འཐུལ།  །ལྷ་ཤུག་ལྗོན་པའི་ཚལ་ཆེན་སྟུགས་པོ་འཁྲིགས།  །སྤྲུལ་པའི་བྱ་རིགས་སྣ་ཚོགས་སྐད་སྙན་སྒྲོགས།  །ཡན་ལག་བརྒྱད་ལྡན་ཆུ་ཀླུང་དལ་གྱིས་འབབ།  །སྤང་ལྗང་གཡུ་ཡི་མཎྜལ་བཀྲམ་པ་ལ།  །ལྷ་མིའི་མེ་ཏོག་མཚར་སྡུག་མཛེས་པས་ཁེངས།  །རིན་ཆེན་སྣ་ཚོགས་ཁམས་ཀྱི་རྡོ་བ་བཀྲ།  །མཁའ་འགྲོ་དཔའ་བོ་བུང་བའི་གླུ་དབྱངས་སྒྲོགས།  །དྲང་སྲོང་རིག་འཛིན་གྲུབ་པ་ཏིལ་གོང་ལྟར།  །མངོན་སུམ་བཞུགས་པའི་གནས་འདི་བདེ་བ་ཅན།  །ས་འདིར་འཕོས་པ་ལྟ་བུའི་ངོ་མཚར་བྱིན།  །ལྷར་བཅས་ཀུན་ཏུ་དགའ་བའི་དོ་ར་འདིར།  །སྣང་མཐའ་པདྨ་ལས་གྲོལ་དངོས་སྣང་བ།  །དཱི་པཾ་ཀཱ་རའི་ཐུགས་ཀྱི་སྲས་གཅིག་པུ།  །དཀོན་མཆོག་འབངས་ཞེས་རྒྱལ་བའི་འབྱུང་གནས་ཆེ།  །བྱིན་བརླབས་སྤྲུལ་པའི་ལྷ་ཁང་འཇམ་པའི་དབྱངས།  །མངོན་སུམ་བཞུགས་པའི་འཛམ་གླིང་རྟེན་མཆོག་འདི།  །ཁ་བ་རི་པའི་བསོད་ནམས་དཔལ་དུ་འཁྲུངས།  །ཀྱེ་མ་འདི་ནི་འོག་མིན་ཞིང་ཁམས་ཆེ།  །ཕྱོགས་བཞི་མཚམས་བརྒྱད་ལྗོན་ཤིང་རིན་པོ་ཆེ།  །སངས་རྒྱས་བྱང་སེམས་དཔག་མེད་དགྱེས་པའི་འཛུམ།  །འོད་ཟེར་དྲྭ་བས་ཀུན་ཏུ་རབ་མཛེས་ཤིང་།  །བདུད་རྩིའི་ཆུ་གཏེར་ནད་གདོན་སྡིག་སྒྲིབ་སེལ།  །ནོར་བུའི་བྲག་རི་བ་གམ་བཀོད་པ་མཛེས།  །ཆོས་དང་ནོར་གྱི་གཏེར་ཁས་རབ་ཏུ་གཏམས།  །རྒྱལ་བ་དགྱེས་པའི་དགའ་ཚལ་ཆེན་པོ་འདི།  །ཆོས་བཟང་ལྷ་ཡི་འདུན་ས་དངོས་དང་མཚུངས།  །འཇམ་པའི་རྡོ་རྗེ་གུར་གུམ་ལྷུན་པོ་ལ།  །འཆར་ཁའི་ཉི་གཞོན་གསར་པས་འཁྱུད་པ་འདྲ།  །བལྟ་བས་མི་ངོམས་མཚན་དཔེ་དཔལ་དུ་འབར།  །སྲིད་ཞི་ཀུན་གྱི་ཁྱབ་བདག་ཆེན་པོར་སྣང་།  །རྒྱལ་བ་དཀོན་མཆོག་འབངས་ཀྱི་རྣམ་པར་འཕྲུལ།  །རྒྱལ་བའི་འབྱུང་གནས་མཐོང་ན་དགའ་བ་ལ།  །རིགས་གསུམ་འཕགས་ཚོགས་སྤྲུལ་པའི་འཁོར་གྲངས་མེད།  །གསེར་རི་ཚར་དུ་དངར་བ་རིམ་པར་བརྒྱུད།  །རྒྱལ་བའི་གསང་བ་གསུམ་གྱིས་བྱིན་བརླབས་པའི།  །རྟེན་མཆོག་ནོར་བུའི་ལྷུན་པོ་ལྟར་སྤུངས་པ།  །འཛམ་གླིང་འགྲོ་བ་ཀུན་གྱི་བསོད་ནམས་རྟེན།  །ཚོགས་གཉིས་ཡོངས་སུ་རྫོགས་པའི་དཔལ་དུ་གྲུབ།  །ངུར་སྨྲིག་འཛིན་པའི་འདུས་སྡེ་ངང་པའི་ཚོགས།  །ཆོས་སྤྱོད་རྣམ་བཅུར་གཡེལ་བ་མེད་པ་དང་།  །ཞི་དུལ་བག་ཡོད་ལྡན་པའི་ཕྲེང་བ་ཆེ།  །ལྷ་མི་ཀུན་གྱིས་ཕྱག་བྱར་འོས་པའི་གནས།  །རྟེན་དང་བརྟེན་པ་ས་དང་ལྷུན་པོ་འདི།  །ཇི་སྲིད་གནས་པར་དེ་སྲིད་མི་ཉམས་པར།  །རྡོ་རྗེ་གདན་ལྟར་བརྟན་པར་བཞུགས་གསོལ་འདེབས།  །བདག་གིས་བསགས་དང་གཞན་གྱིས་བསགས་པ་ཡི།  །དུས་གསུམ་དགེ་བའི་ཚོགས་རྣམས་བློས་བླངས་ཏེ།  །རྒྱལ་བ་དགྱེས་པའི་མཆོད་སྤྲིན་ཆེན་པོར་སྟོབས།  །ཀུན་ཀྱང་བསྟན་པ་རྒྱས་པའི་རྒྱུ་རུ་བསྔོ།  །བདག་ཀྱང་སྐྱེ་དང་ཚེ་རབས་ཐམས་ཅད་དུ།  །བཀའ་གདམས་རྣམ་ཐར་གཙང་མ་འཛིན་པ་དང་།  །ཇོ་བོ་ཡབ་སྲས་སྙིང་གི་ཟེ་འབྲུར་བཞུགས།  །དངོས་ཉམས་རྨི་ལམ་ཀུན་ཏུ་མཇལ་བར་ཤོག  །ཐེག་མཆོག་གསུང་གི་བདུད་རྩིས་འཚོ་བ་དང་།  །བདག་གི་སྒོ་གསུམ་བྱ་བ་ཅི་བགྱིད་པ།  །ཕ་མ་སེམས་ཅན་དོན་དུ་འགྱུར་བ་དང་།  །ཇི་སྲིད་འཁོར་བ་མ་སྟོང་བར་གནས་ཤོག  །འབྲེལ་པ་ཐོབ་དང་མིང་ཙམ་ཐོས་པ་ཡང་།  །ངན་སོང་སྡུག་བསྔལ་མཚོ་ལས་རབ་སྒྲོལ་ཞིང་།  །ཐར་པའི་ས་བོན་རྒྱུད་ལ་ཐེབས་པ་དང་།  །མཐར་གྱིས་བྱང་ཆུབ་ཆེན་པོའི་འབྲས་ཐོབ་ཤོག  །ཀུན་མཁྱེན་རྒྱལ་བའི་བསྟན་པ་དར་ཞིང་རྒྱས།  །བསྟན་འཛིན་སྐྱེས་བུའི་ཞབས་པད་བརྟན་པ་དང་།  །འཇིག་རྟེན་ཀུན་ཏུ་དགེ་ལེགས་དཔལ་འབྱོར་རྒྱས།  །མི་མཐུན་དུས་ཀྱི་རྒུད་པ་ཞི་གྱུར་ཅིག  །{{TibChung|ཅེས་པའང་རང་ཉིད་བགྲང་བྱ་རེ་གསུམ་དུ་སོན་པ་ན་བྱང་རྭ་སྒྲེང་རྒྱལ་བའི་དབེན་གནས་སུ་འབྱོར་སྐབས་སྙིང་ནས་དད་ཅིང་གུས་པས་གསོལ་བ་འདེབས་པ་པོ་འཇམ་དབྱངས་ཆོས་ཀྱི་བློ་གྲོས་ཏེ།  དེ་བཞིན་འགྲུབ་པར་བྱིན་གྱིས་བརླབ་ཏུ་གསོལ།།   །།}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-10-THA]]
[[Category:Khyentse Lineage Project]]