View source for JKCL-KABUM-10-THA-008

{{Text
|classification=Tibetan Publications
|subclass=Tibetan Texts
|fulltitletib=རྨད་དུ་བྱུང་བའི་སློབ་དཔོན་ཆེན་པོ་དགེ་བསྙེན་ཟླ་བའི་ཞབས་ཀྱི་སྒྲུབ་ཐབས་ཡེ་ཤེས་རང་གསལ།
|fulltitle=rmad du byung ba'i slob dpon chen po dge bsnyen zla ba'i zhabs kyi sgrub thabs ye shes rang gsal
|citation=[['jam dbyangs mkhyen brtse chos kyi blo gros]]. ''rmad du byung ba'i slob dpon chen po dge bsnyen zla ba'i zhabs kyi sgrub thabs ye shes rang gsal''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 10: 39-41. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Guru Yoga Texts - bla ma'i rnal 'byor, Sadhanas - Evocation Ritual - sgrub thabs
|terma=No
|jkcloutline=Eleven
|language=Tibetan
|volumenumber=010
|volnumtib=༡༠
|volyigtib=ཐ་
|totalvolumes=12
|textnuminvol=008
|pagenumbers=39-41
|totalpages=3
|beginfolioline=1a1
|endfolioline=2a4
|totalfolios=2
|multivolumework=No
|colophontib=ཅེས་པའང་མེ་སྤྲེལ་སྨིན་ཟླའི་ཚེས་གསུམ་ལ་འབྲས་ལྗོངས་ནས་རྒྱ་གར་ཆོས་འབྱུང་ནང་ཙནྡྲ་གཽ་མིའི་རྣམ་ཐར་མཇལ་བ་ན་མོས་གུས་ཀྱི་ཟིལ་ལས་ཉམས་ཀྱི་སྣང་བར་ར་རིར་འཆར་བ་དང་རང་རིག་ཀློང་ནས་ཐོལ་བྱུང་བྲི་འདོད་བྱུང་བ་ལྟར་དེ་འཕྲལ་ཡི་གེར་བཏབ་བ་འདིས་ཀྱང་དངོས་གྲུབ་རྣམ་གཉིས་ཡིད་བཞིན་དུ་འཇོ་བའི་རྒྱུར་གྱུར་ཅིག།   །།  ཧྲཱི་དྷཱིཿ ཧྲཱི་དྷཱིཿ
|colophonwylie=ces pa'ang me sprel smin zla'i tshes gsum la 'bras ljongs nas rgya gar chos 'byung nang tsan+d+ra gau mi'i rnam thar mjal ba na mos gus kyi zil las nyams kyi snang bar ra rir 'char ba dang rang rig klong nas thol byung bri 'dod byung ba ltar de 'phral yi ger btab ba 'dis kyang dngos grub rnam gnyis yid bzhin du 'jo ba'i rgyur gyur cig/___//__hrI d+hI HhrI d+hIH
|pdflink=File:JKCL-KABUM-10-THA-008.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|རྨད་དུ་བྱུང་བའི་སློབ་དཔོན་ཆེན་པོ་དགེ་བསྙེན་ཟླ་བའི་ཞབས་ཀྱི་སྒྲུབ་ཐབས་ཡེ་ཤེས་རང་གསལ་བཞུགས།}}  ཨ།  ཆོས་ཀུན་མི་དམིགས་སྟོང་པའི་ངང་།  །པད་དཀར་ཟླ་བའི་གདན་གྱི་སྟེང་།  །ཧྲཱིཿདཀར་ཡོངས་སུ་གྱུར་པ་ལས།  །རྨད་དུ་བྱུང་བའི་སློབ་དཔོན་ཆེ།  །ཙནྡྲ་གོ་མི་ཟླ་བའི་ཞལ།  །ཤིན་ཏུ་མཛེས་ཤིང་གཞོན་ཚུལ་ལྡན།  །ན་བཟའ་དཀར་པོ་འདུང་མ་དམར།  །དབུ་སྐྲ་ཟུར་ཕུད་བཅིངས་པ་ཡི།  །ལྷག་མ་ལྕང་ལོ་རྒྱབ་ཏུ་བསྙིལ།  །ཕྱག་གཡས་{{TibChung|ཀླུ་ཤིང་སྟེང་རལ་གྲི།}}  ཆོས་འཆད་གཡོན་{{TibChung|ཨུཏྤ་སྟེང་ནོར་བུ།}}  མཉམ་བཞག  །གླེགས་བམ་བསྣམས་ཤིང་དབུ་གཙུག་ཏུ།  །འཕགས་པ་སེམས་ཉིད་ངལ་བསོ་བཞུགས།  །པད་དཀར་ཟླ་བ་རྒྱས་པའི་སྟེང་།  །ཞབས་གཉིས་ཕྱེད་ཀྲུང་སྟབས་ཀྱིས་འགྱིང་།  །གནས་གསུམ་ཡི་གེ་འབྲུ་གསུམ་ལས།  །འོད་འཕྲོས་ཡེ་ཤེས་པ་སྤྱན་དྲངས།  །དམ་ཡེ་གཉིས་སུ་མེད་པར་གྱུར།  །སྤྱན་རས་གཟིགས་དངོས་མི་ཡི་གཟུགས།  །སངས་རྒྱས་བསྟན་པ་གསལ་མཛད་ཅིང་།  །འགྲན་ཟླ་ཀུན་བྲལ་བླ་མ་རྗེར།  །སྒོ་གསུམ་གུས་པས་ཕྱག་འཚལ་ལོ།  །ལུས་དང་ལོངས་སྤྱོད་དགེ་ཚོགས་རྣམས།  །ཀུན་ཏུ་བཟང་པོའི་མཆོད་པས་མཆོད།  །ཚེ་རབས་ཐོག་མེད་ནས་བསགས་པའི།  །སྡིག་ལྟུང་སྐྱེ་མེད་ངང་དུ་བཤགས།  །འཕགས་དང་སོ་སྐྱེས་བསགས་པ་ཡི།  །ལེགས་བྱས་དགེ་བར་རྗེས་ཡི་རང་།  །ཟབ་དང་རྒྱ་ཆེའི་ཆོས་འཁོར་ལོ།  །རྟག་པ་རྒྱུན་དུ་བསྐོར་བར་བསྐུལ།  །མྱ་ངན་འདའ་བར་བཞེད་པ་རྣམས།  །བསྐལ་པ་ཇི་སྲིད་བཞུགས་གསོལ་འདེབས།  །ཟག་བཅས་ཟག་མེད་དགེ་ཚོགས་ཀུན།  །ནམ་མཁའི་མཐའ་མཉམ་འགྲོ་ལ་བསྔོ།  །དགེ་བས་བྱང་ཆུབ་ཆེན་པོ་ཡི།  །གོ་འཕང་དམ་པ་ཐོབ་གྱུར་ཅིག  །ཀུན་བཟང་རྣམ་རོལ་མཆོད་པའི་སྤྲིན་རྒྱ་མཚོ།  {{TibChung|མཎྜལ་གཅིག་ཏུ་ལེགས་པར་བཟླུམས་བྱས་ཏེ།}}  །དཔལ་ལྡན་བླ་མའི་ཞབས་ལ་དམིགས་ཏེ་འབུལ།  །རྨད་བྱུང་ཚོགས་གཉིས་ཡོངས་སུ་རྫོགས་པར་ཤོག  །ཨ་ཧོ་ངོ་མཚར་རྨད་དུ་བྱུང་།  །དྲི་མེད་ཟླ་བ་རྒྱས་པའི་ཞལ།  །འཕགས་པའི་སྐུ་ཉིད་དགེ་བསྙེན་གཟུགས།  །ཟླ་བའི་ཞབས་ལ་ཕྱག་འཚལ་བསྟོད།  །འཇིག་རྟེན་ཀུན་གྱི་མིག་གཅིག་པུ།  །མཁྱེན་དང་བརྩེ་བའི་ཡེ་ཤེས་གཏེར།  །རྒྱལ་སྲས་རིགས་གསུམ་སེམས་དཔའ་དང་།  །དབྱེར་མེད་ཆེན་པོར་ཕྱག་འཚལ་བསྟོད།  །གང་གིས་ཁྱོད་ལ་གསོལ་བཏབ་པས།  །དེ་ལ་དེ་མ་ཐག་བྱིན་རློབས།  །དངོས་གྲུབ་འདོད་དགུ་སྩོལ་མཛད་པ།  །བླ་མ་མཆོག་ལ་ཕྱག་འཚལ་ལོ།  །དེ་ལྟར་ཕྱག་འཚལ་བསྟོད་པའི་མཐུས།  །ཟླ་བའི་ཞབས་ཀྱིས་རྗེས་བཟུང་ནས།  །མཁྱེན་གཉིས་ཡེ་ཤེས་རྒྱས་པ་དང་།  །གྲུབ་པ་མཆོག་གི་དངོས་གྲུབ་སྩོལ།  །ཐུགས་དབུས་པད་དཀར་ཟེ་འབྲུའི་དབུས།  །ཟླ་སྟེང་ཧྲཱིཿདྷཱིཿདཀར་འཚེར་འབར།  །རྡོ་རྗེའི་སྔགས་ཀྱི་རང་སྒྲ་འཕྲོས།  །སྣོད་བཅུད་དག་མཉམ་ཆེན་པོར་རྫོགས།  །ཨོཾ་ཨཱཪྻ་ལོ་ཀི་ཤྭ་ར་མཉྫུ་ཤྲཱི་མུྃ་ཧྲཱིཿཨ་ར་པ་ཙ་ན་དྷཱིཿཝ་ཀྱེ་དཾ་ན་མཿཔྲཛྙཱ་ཛྙཱ་ན་སརྦ་སིདྡྷི་ཕ་ལ་ཧཱུྃ་སྭཱ་ཧཱ།  {{TibChung|ཞེས་པའི་གསང་སྔགས་བཅུད་དྲིལ་འདི།  །འབུམ་ཕྲག་བཅུ་བདུན་སུམ་བཟླས་པ།  །ཞལ་མཐོང་གསུང་ཐོས་རིག་རྩལ་འབར།  །དབང་པོའི་སྐལ་བ་དང་འཚམས་པའི།  །དངོས་གྲུབ་རྣམ་གཉིས་ཐོབ་པར་འགྱུར།  །ས་མ་ཡ།  ཅེས་པའང་མེ་སྤྲེལ་སྨིན་ཟླའི་ཚེས་གསུམ་ལ་འབྲས་ལྗོངས་ནས་རྒྱ་གར་ཆོས་འབྱུང་ནང་ཙནྡྲ་གཽ་མིའི་རྣམ་ཐར་མཇལ་བ་ན་མོས་གུས་ཀྱི་ཟིལ་ལས་ཉམས་ཀྱི་སྣང་བར་ར་རིར་འཆར་བ་དང་རང་རིག་ཀློང་ནས་ཐོལ་བྱུང་བྲི་འདོད་བྱུང་བ་ལྟར་དེ་འཕྲལ་ཡི་གེར་བཏབ་བ་འདིས་ཀྱང་དངོས་གྲུབ་རྣམ་གཉིས་ཡིད་བཞིན་དུ་འཇོ་བའི་རྒྱུར་གྱུར་ཅིག།   །།  ཧྲཱི་དྷཱིཿ ཧྲཱི་དྷཱིཿ}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-10-THA]]
[[Category:Khyentse Lineage Project]]