View source for JKCL-KABUM-08-NYA-012-066

{{Text
|classification=Tibetan Publications
|subclass=Tibetan Texts
|fulltitletib=འོད་གསལ་རྫོགས་པ་ཆེན་པོའི་བསྟན་པའི་སྲོལ་འབྱེད་ཆེན་པོ་རྣམས་རྗེས་སུ་དྲན་པའི་གླུ་གཉུག་མའི་སྒྲ་དབྱངས།
|fulltitle='od gsal rdzogs pa chen po'i bstan pa'i srol 'byed chen po rnams rjes su dran pa'i glu gnyug ma'i sgra dbyangs
|citation=[['jam dbyangs mkhyen brtse chos kyi blo gros]]. '''od gsal rdzogs pa chen po'i bstan pa'i srol 'byed chen po rnams rjes su dran pa'i glu gnyug ma'i sgra dbyangs''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 8: 518-521. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Vajra Songs - rdo rje'i glu
|terma=No
|jkcloutline=Nine
|language=Tibetan
|volumenumber=008
|volnumtib=༨
|volyigtib=ཉ་
|totalvolumes=12
|textnuminvol=012
|textsubnumber=066
|pagenumbers=518-521
|totalpages=4
|beginfolioline=52b5
|endfolioline=54a3
|totalfolios=3
|multivolumework=No
|colophontib=ཅེས་པའང་བླ་མའི་རྣལ་འབྱོར་ལ་བརྩོན་སྐབས་དད་མོས་ཀྱི་མཚམས་སྦྱར་ཏེ་ལག་མ་བཟུང་བར་སྣག་ཤོག་དྲོན་པའི་ངལ་བ་ལྷུར་བླངས་པའི་རྨོངས་བརྩམ་ཚིགས་སུ་བཅད་པའི་ཕྲེང་བ་འདིས་ཀྱང་རིག་འཛིན་བརྒྱུད་པའི་བྱིན་བརླབས་སྙིང་ལ་འཇུག་པར་གྱུར་ཅིག།
|colophonwylie=ces pa'ang bla ma'i rnal 'byor la brtson skabs dad mos kyi mtshams sbyar te lag ma bzung bar snag shog dron pa'i ngal ba lhur blangs pa'i rmongs brtsam tshigs su bcad pa'i phreng ba 'dis kyang rig 'dzin brgyud pa'i byin brlabs snying la 'jug par gyur cig/
|pdflink=File:JKCL-KABUM-08-NYA-012.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༈ {{TibChung|འོད་གསལ་རྫོགས་པ་ཆེན་པོའི་བསྟན་པའི་སྲོལ་འབྱེད་ཆེན་པོ་རྣམས་རྗེས་སུ་དྲན་པའི་གླུ་གཉུག་མའི་སྒྲ་དབྱངས་ཞེས་བྱ་བ་བཞུགས་སོ།}}  ཨེ་མ་ཧོ།  ཡེ་གྲོལ་དང་པོའི་སང༵ས་རྒྱས༵་ཀུན༵་ཏུ་བཟ༵ང་།  །མཁའ་ལྟར་ཁྱབ་ཅིང་ཐིག་ལེ་ཉག་གཅིག་སྐུ།  །མཚན་མ་ཀུན་བྲལ་བྱང་ཆུབ་སེམས་རྒྱལ་པོ།  །དེ་ལ་རང་རིག་ལྟ་བའི་ཕྱག་གིས་འདུད།  །སྲིད་ཞི་ཀུན་བདག་བདེ་སྟོང་རྡོ་རྗེའི་སྐུ།  །ཡེ་ཤེས་ལྷུན་རྫོགས་དཀྱིལ་འཁོར་ཀུན་གྱི་གཙོ།  །བརྟན་གཡོའི་སྤྲོ་བསྡུ་ཀུན་སྣང་སྒྱུ་མའི་གར།  །དཔལ་ལྡན་རྡོ༵་རྗེ༵་སེམ༵ས་དཔ༵འ་སྙིང་ནས་དྲན།  །གང་གི་ཡེ་ཤེས་སྒྱུ་མའི་ཆོ་འཕྲུལ་ལས།  །ཐེག་མཆོག་སྟོན་པ་གསང་བདག་དག༵འ་ར༵བ་ཞབས།  །དགྱེས་པ་རྡོ༵་རྗེ༵་རིག་འཛིན་ཡོངས་ཀྱི་རྗེ།  །སྙིང་དབུས་མི་ཤིག་ཐིག་ལེར་འབྲལ་མེད་བཞུགས།  །རྒྱལ་ཀུན་མཁྱེན་རབ་ཕུང་པོ་མཐའ་ཀླས་པ།  །གཅིག་ཏུ་བསྡུས་པ་མགོན་པོ་འཇ༵མ་པའི་དཔ༵ལ།  །འོད་གསལ་སྙིང་པོའི་བསྟན་པའི་བཤེས༵་གཉེན༵་དེ།  །རིག་སྟོང་ཟུང་འཇུག་ཀློང་དུ་དགྱེས་པར་བཞུགས།  །རང་བཞིན་འོད་གསལ་ཀ་དག་སྟོང་ཆེན་དབྱིངས།  །གདོད་ནས་ལྷུན་གྲུབ་ཡོན་ཏན་མངོན་གྱུར་པ།  །མཁས་པའི་ཚོགས་རྗེ་རིག་འཛིན་གྲུབ་པའི་གཙོ།  །དཔ༵ལ་གྱི༵་སེ༵ངྒེ་ཡ༵ང་ཡང་རྗེས་སུ་དྲན།  །བདེ་བའི་བདག་ཉིད་བདེ་མཆོག་སྒྱུ་མའི་གར།  །ཆགས་མེད་སོར་རྟོགས་རྒྱལ་ཀུན་གསུང་རྡོ་རྗེ།  །རྩ་གསུམ་འདུས་ཞལ་མཚོ༵་སྐྱེས༵་རྡོ༵་རྗེ༵་འཆ༵ང་།  །འོད་གསལ་དབུ་མའི་ཁང་བཟང་ཉམས་དགར་བཞུགས།  །ཐེག་པའི་རྩེ་རྒྱལ་གསང་མཆོག་རྡོ་རྗེའི་མཛོད།  །འཁོར་འདས་ཆོས་ཀུན་མ་བཙལ་ཡེ་ནས་རྫོགས།  །རང་བྱུང་ཡེ་ཤེས་དྭངས་མ་ཕྱག་རྒྱའི་གཟུགས།  །བི༵་མ༵་མི༵་ཏྲ༵་རང་གི་རིག་སྐུར་སྨིན།  །རང་གནས་སྐུ་གསུམ་དགོངས་པའི་རྩལ་ཆེན་རྫོགས།  །རླུང་སེམས་བག་ཆགས་ཆོས་ཉིད་དབྱིངས་སུ་ཟད།  །ཟག་བཅས་འབྱུང་བ་རང་དེངས་འཕོ་ཆེན་སྐུ།  །སེང༵་ཧ༵་ཤྭ༵་ར༵་འབྲལ་མེད་སྙིང་དབུས་རོལ།  །ཤེས་བྱ་རབ་འབྱམས་རྒྱ་མཚོའི་དྭངས་པའི་ངོགས།  །ཡེ་ཤེས་ཐུགས་རྗེའི་ཉི་མ་རྟག་འཆར་བས།  །འགྲོ་བློའི་མུན་སེལ་ཡོངས་རྫོགས་བསྟན་པའི་མགོན།  །ཀུན༵་མཁྱེན༵་བླ༵་མ༵་སྤྱི་བོའི་གཙུག་ན་མཆོད།  །བརྒྱུད་གསུམ་རིག་འཛིན་ཡོངས་ཀྱི་བཀའ་བགྲོས་ཤིང་།  །གསང་གསུམ་བྱིན་རླབས་གཅིག་ཏུ་བསྡུས་པ་ལས།  །འཇི༵གས་བྲལ་གླིང༵་པ་ར༵ང་བྱུང༵་རྡོ༵་རྗེ༵འི་སྐུ།  །པདྨ་དབང་ཆེན་དགྱེས་ཞལ་ཡིད་མཁར་བཀོད།  །རབ་འབྱམས་ལྷག་པའི་ལྷ་ཡི་གསང་མཛོད་བྱིན།  །རྒྱལ་བ་ཀུན་དང་དགོངས་པ་དབྱེར་མི་ཕྱེད།  །སྐུ་དང་ཞིང་ཁམས་རྡུལ་སྙེད་ལོངས་སྤྱོད་བདག།  འོ༵ད་གས༵ལ་སྤྲུལ༵་པའི༵་རྡོ༵་རྗེ༵འི་ཞབས་པད་བསྙེན།  །ཀུན་ཏུ་བཟང་པོ་རང་ལ་བཞུགས་པ་དེ།  །བྱིན་རླབས་དགོངས་པའི་རྩལ་ཆེན་ངོ་སྤྲོད་པ།  །སྙིང་དབུས་དད་པའི་པད་དཀར་བཞད་པའི་རྩེར།  །རྟག་ཏུ་འབྲལ་མེད་སྐུ་གསུམ་རང་ཞལ་མཇལ།  །སྙིང་ནས་གདུང་ཤུགས་དྲག་པོས་གསོལ་བ་འདེབས།  །རིག་འཛིན་བརྒྱུད་པའི་ཚོགས་ཀྱི་བྱིན་གྱིས་རློབས།  །དེ་བཞིན་གཤེགས་པ་ཀུན་གྱི་གསང་བའི་མཛོད།  །འོད་གསལ་སེམས་ཀྱི་རྡོ་རྗེའི་གནས་ལུགས་དེ།  །སྤྲིན་མེད་མཁའ་ལ་ཉི་ཟླ་འཆར་བ་བཞིན།  །མ་ནོར་མངོན་སུམ་བདེན་པའི་དོན་རྟོགས་ཤིང་།  །ས་དང་ལམ་གྱི་ཡོན་ཏན་རབ་རྫོགས་ནས།  །དོན་གཉིས་ལྷུན་གྲུབ་གོ་འཕང་མཆོག་ཐོབ་ཤོག།  །{{TibChung|ཅེས་པའང་བླ་མའི་རྣལ་འབྱོར་ལ་བརྩོན་སྐབས་དད་མོས་ཀྱི་མཚམས་སྦྱར་ཏེ་ལག་མ་བཟུང་བར་སྣག་ཤོག་དྲོན་པའི་ངལ་བ་ལྷུར་བླངས་པའི་རྨོངས་བརྩམ་ཚིགས་སུ་བཅད་པའི་ཕྲེང་བ་འདིས་ཀྱང་རིག་འཛིན་བརྒྱུད་པའི་བྱིན་བརླབས་སྙིང་ལ་འཇུག་པར་གྱུར་ཅིག།  །}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-08-NYA-012]]
[[Category:Khyentse Lineage Project]]
[[Category:JKCL-KABUM-Volume-08-NYA]]