View source for JKCL-KABUM-04-NGA-039

{{Text
|classification=Tibetan Publications
|subclass=Tibetan Texts
|fulltitletib=བླ་མའི་རྣལ་འབྱོར་དང་འབྲེལ་བའི་གསོལ་འདེབས་དང་ལམ་རིམ་སྨོན་ལམ་བྱིན་རླབས་མྱུར་འཇུག།
|fulltitle=bla ma'i rnal 'byor dang 'brel ba'i gsol 'debs dang lam rim smon lam byin rlabs myur 'jug
|citation=[['jam dbyangs mkhyen brtse chos kyi blo gros]]. ''bla ma'i rnal 'byor dang 'brel ba'i gsol 'debs dang lam rim smon lam byin rlabs myur 'jug''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 4: 285-287. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Guru Yoga Texts - bla ma'i rnal 'byor
|terma=No
|jkcloutline=Four
|language=Tibetan
|volumenumber=004
|volnumtib=༤
|volyigtib=ང་
|totalvolumes=12
|textnuminvol=039
|pagenumbers=285-287
|totalpages=3
|beginfolioline=1a1
|endfolioline=2a5
|totalfolios=2
|multivolumework=No
|colophontib=།ཅེས་པའང་ཤར་ཨ་མདོའི་ཡུལ་གྱི་རེ་ཀོང་སྔགས་ཆེན་བླ་མ་བཀྲ་ཤིས་དཔལ་ལྡན་ནས་གསུང་བསྐུལ་ངོར་༧འཇམ་དབྱངས་མཁྱེན་བརྩེའི་དབང་པོའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་རྫོང་སར་བཀྲ་ཤིས་ལྷ་རྩེའི་ཉེ་འདབས་བཀྲ་ཤིས་དར་ཐང་དུ་ལྗོང་རྒྱུ་བའི་སྐབས་སྨྲས་རིམ་བཞིན་ཡི་གེའི་བྱེད་པོ་རང་སློབ་མཁས་མཆོག་གིས་བགྱིས་པ་དོན་དང་ལྡན་པར་གྱུར་ཅིག  །།།
|colophonwylie=/ces pa'ang shar a mdo'i yul gyi re kong sngags chen bla ma bkra shis dpal ldan nas gsung bskul ngor 7'jam dbyangs mkhyen brtse'i dbang po'i sprul ming 'dzin pa chos kyi blo gros pas rdzong sar bkra shis lha rtse'i nye 'dabs bkra shis dar thang du ljong rgyu ba'i skabs smras rim bzhin yi ge'i byed po rang slob mkhas mchog gis bgyis pa don dang ldan par gyur cig__///
|lotsawalink=https://www.lotsawahouse.org/tibetan-masters/jamyang-khyentse-chokyi-lodro/swift-blessings-guru-yoga
|pdflink=File:JKCL-KABUM-04-NGA-039.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|བླ་མའི་རྣལ་འབྱོར་དང་འབྲེལ་བའི་གསོལ་འདེབས་དང་ལམ་རིམ་སྨོན་ལམ་བྱིན་རླབས་མྱུར་འཇུག་ཅེས་བྱ་བ་བཞུགས་སོ།}}  །ན་མོ་གུ་རུ།  རྒྱལ་ཀུན་ཡེ་ཤེས་གཅིག་བསྡུས་འཇམ་པའི་དབྱངས།  །སྙིགས་དུས་དགེ་བའི་བཤེས་ཀྱི་སྐུར་སྟོན་པ།  །འཇམ་དབྱངས་བླ་མ་མཁྱེན་བརྩེའི་དབང་པོ་དང་།  །ཆོས་ཀྱི་བློ་གྲོས་རྣམ་དབྱེར་མེད་པའི་སྐུ།  །སེང་ཁྲི་པད་དཀར་ཉི་ཟླའི་གདན་གྱི་སྟེང་།  །རྩ་གསུམ་ཀུན་འདུས་ཨོ་རྒྱན་རྡོ་རྗེ་འཆང་།  །མཐིང་གསལ་རྡོར་དྲིལ་འཛིན་ཅིང་ལྷ་ལྕམ་འཁྲིལ།  །དར་དང་རུས་པ་རིན་ཆེན་རྒྱན་གྱིས་མཛེས།  །ཞབས་ཟུང་རྡོ་རྗེའི་སྐྱིལ་མོ་ཀྲུང་གིས་བཞུགས།  །གནས་གསུམ་ཡིག་འབྲུ་གསུམ་གྱིས་མཚན་པ་ལས།  །འོད་འཕྲོས་ཡེ་ཤེས་སྤྱན་དྲངས་དབྱེར་མེད་ཐིམ།  །སྐྱབས་ཀུན་འདུས་པའི་ངོ་བོར་ལྷམ་མེར་གསལ།  །ཕྱག་འཚལ་མཆོད་འབུལ་སྡིག་བཤགས་ཡི་རངས་དང་།  །ཆོས་བསྐུལ་བཞུགས་གསོལ་དགེ་རྩ་རྫོགས་བྱང་བསྔོ།  །རྩ་བའི་བླ་མ་ཨོ་རྒྱན་རིན་པོ་ཆེར།  །མི་ཕྱེད་སྙིང་ནས་གུས་པས་གསོལ་བ་འདེབས།  །འདི་ཕྱི་བར་དོ་ཀུན་ཏུ་ཐུགས་རྗེས་ཟུངས།  །བསམ་དོན་ཡིད་བཞིན་འགྲུབ་པར་བྱིན་གྱིས་རློབས།  །བླ་མའི་གནས་གསུམ་རྡོ་རྗེའི་འབྲུ་གསུམ་ལས།  །འོད་འཕྲོས་དབང་དང་བྱིན་བརླབས་དངོས་གྲུབ་ཐོབ།  །བླ་མ་དགྱེས་པས་འོད་ཞུ་རང་ལ་ཐིམ།  །ཐུགས་ཡིད་གཅིག་འདྲེས་དགོངས་པའི་རྩལ་ཆེན་རྫོགས།  །གཟུང་འཛིན་རྟོག་པས་མ་བསླད་གཉུག་མའི་ངང་།  །མ་ཡེངས་སྒོམ་མེད་བློ་འདས་ཆེན་པོར་བཞག  །སྐྱེ་བ་ཀུན་ཏུ་རྗེ་བཙུན་བླ་མ་ཡིས།  །འབྲལ་མེད་རྗེས་བཟུང་སྨིན་གྲོལ་གདམས་པ་ནོས།  །དད་དང་དམ་ཚིག་རྣམ་པར་དག་པ་ཡིས།  །བླ་མའི་ལམ་མཆོག་མཐའ་རུ་ཕྱིན་པར་ཤོག  །དད་དང་མོས་གུས་སྐྱོ་ཤས་ངེས་འབྱུང་དང་།  །བྱམས་དང་སྙིང་རྗེ་བྱང་ཆུབ་སེམས་མཆོག་འབྱོངས།  །སྒྲིབ་དག་ཚོགས་རྫོགས་བྱིན་རླབས་སྙིང་ལ་འཇུག  །ཟབ་མོའི་ལྟ་བར་སྒྲོ་འདོག་ཆོད་པར་ཤོག  །བསྐྱེད་པའི་རིམ་པས་སྣང་ཞེན་ལྷ་སྐུར་དག  །རྫོགས་རིམ་ཟབ་མོས་རླུང་སེམས་དབུ་མར་སྡུད།  །ཉེ་རྒྱུའི་སྤྱོད་པས་བོགས་དབྱུང་ལྷན་སྐྱེས་ཀྱི།  །ཡེ་ཤེས་ཉི་མ་སྙིང་ལ་འཆར་བར་ཤོག  །དེར་ཡང་བླ་མའི་མན་ངག་ཟབ་མོ་ཡི།  །རིག་པ་རང་ཐོག་མ་ནོར་ངོ་འཕྲོད་དེ།  །ཐེ་ཚོམ་སྒྲོགས་གིས་མ་འཆིང་ཐག་ཆོད་ཅིང་།  །རང་གྲོལ་ཆེན་པོའི་གདིང་དང་ལྡན་པར་ཤོག  །ཅོག་བཞག་གསུམ་གྱིས་ཁྲེགས་ཆོད་ལྟ་བ་འབྱོང་།  །བཞུགས་སྟང་གཟིགས་སྟང་གནད་ཀྱིས་གཟིར་བ་ཡི།  །སྒྲོན་མ་རྣམ་བཞིའི་གསེང་ལམ་མཐར་ཕྱིན་ཏེ།  །འོད་གསལ་སྣང་བཞིའི་ཕ་མཐར་ཕྱིན་པར་ཤོག  །གལ་ཏེ་ཚེ་འདིར་གྲོལ་བ་མ་ཐོབ་ན།  །འཆི་བ་འོད་གསལ་ཆོས་སྐུ་ངོ་འཕྲོད་དེ།  །ཀ་དག་ནང་གསལ་གཞོན་ནུ་བུམ་སྐུའི་སྦུབས།  །འབྲས་བུའི་རྒྱལ་པོ་བཙན་ས་ཟིན་པར་ཤོག  །དེར་ཡང་གནས་བརྟན་གྲོལ་སར་མ་ཕྱིན་ན།  །ཆོས་ཉིད་བར་དོའི་ལམ་སྣང་རང་ངོ་ཤེས།  །དེར་ཡང་འཁྲུལ་ནས་སྲིད་པར་འཁྱམས་གྱུར་ཚེ།  །རང་བཞིན་སྤྲུལ་པའི་ཞིང་དེར་སྐྱེ་བར་ཤོག  །གལ་ཏེ་ལས་འཕྲོ་བག་ཆགས་ཞན་པ་ཡིས།  །དེ་རུ་མ་གྲོལ་སྐྱེ་བ་བརྒྱུད་གྱུར་ན།  །མངལ་སྒོ་འདམ་སྟེ་ཆོས་ལྡན་རྟེན་བཟང་རྙེད།  །ཆོས་དང་བླ་མ་བཟང་པོ་མཇལ་བར་ཤོག  །དེར་ཡང་རང་བཞིན་རྫོགས་པ་ཆེན་པོ་ཡི།  །ཟབ་དོན་དགོངས་པ་མངོན་སུམ་རྟོགས་གྱུར་ཏེ།  །ཁམས་གསུམ་འཁོར་བ་དོང་ནས་སྤྲུགས་ནུས་པའི།  །ཀུན་བཟང་གདོད་མའི་མགོན་དང་དབྱེར་མེད་ཤོག  །{{TibChung|ཅེས་པའང་ཤར་ཨ་མདོའི་ཡུལ་གྱི་རེ་ཀོང་སྔགས་ཆེན་བླ་མ་བཀྲ་ཤིས་དཔལ་ལྡན་ནས་གསུང་བསྐུལ་ངོར་༧འཇམ་དབྱངས་མཁྱེན་བརྩེའི་དབང་པོའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་རྫོང་སར་བཀྲ་ཤིས་ལྷ་རྩེའི་ཉེ་འདབས་བཀྲ་ཤིས་དར་ཐང་དུ་ལྗོང་རྒྱུ་བའི་སྐབས་སྨྲས་རིམ་བཞིན་ཡི་གེའི་བྱེད་པོ་རང་སློབ་མཁས་མཆོག་གིས་བགྱིས་པ་དོན་དང་ལྡན་པར་གྱུར་ཅིག  །།། }} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-04-NGA]]
[[Category:JKCL-KABUM-Volume-04-NGA]]
[[Category:Khyentse Lineage Project]]