View source for JKCL-KABUM-04-NGA-020

{{Text
|classification=Tibetan Publications
|subclass=Tibetan Texts
|fulltitletib=ཀུན་གཟིགས་མ་ཧཱ་པཎྜི་ཏ་མི་ཕམ་འཇམ་པའི་དབྱངས་ཀྱི་བླ་མའི་རྣལ་འབྱོར་ཡེ་ཤེས་སྣང་བ་རྒྱས་པ།
|fulltitle=kun gzigs ma hA paN+Di ta mi pham 'jam pa'i dbyangs kyi bla ma'i rnal 'byor ye shes snang ba rgyas pa
|citation=[['jam dbyangs mkhyen brtse chos kyi blo gros]]. ''kun gzigs ma hA paN+Di ta mi pham 'jam pa'i dbyangs kyi bla ma'i rnal 'byor ye shes snang ba rgyas pa''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 4: 103-106. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|associatedpeople=mi pham rgya mtsho
|associatedpeopletib=མི་ཕམ་རྒྱ་མཚོ་
|tibgenre=Guru Yoga Texts - bla ma'i rnal 'byor
|terma=No
|jkcloutline=Four
|language=Tibetan
|volumenumber=004
|volnumtib=༤
|volyigtib=ང་
|totalvolumes=12
|textnuminvol=020
|pagenumbers=103-106
|totalpages=4
|beginfolioline=1a1
|endfolioline=2b1
|totalfolios=2
|multivolumework=No
|colophontib=།ཞེས་པའང་ཨ་ཛི་རོང་གི་གཟུར་ལྷ་འབུམ་སྤྲུལ་སྐུ་འཇམ་དབྱངས་བསྟན་འཛིན་བཟང་པོས་བསྐུལ་བ་བཞིན་ཆོས་ཀྱི་བློ་གྲོས་པས་ཀཿཐོག་རྡོ་རྗེ་གདན་དུ་བྲིས་པ་སིདྡྷི་རསྟུ།  དགེའོ།།
|colophonwylie=/zhes pa'ang a dzi rong gi gzur lha 'bum sprul sku 'jam dbyangs bstan 'dzin bzang pos bskul ba bzhin chos kyi blo gros pas kaHthog rdo rje gdan du bris pa sid+d+hi rastu/__dge'o//
|pdflink=File:JKCL-KABUM-04-NGA-020.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|ཀུན་གཟིགས་མ་ཧཱ་པཎྜི་ཏ་མི་ཕམ་འཇམ་པའི་དབྱངས་ཀྱི་བླ་མའི་རྣལ་འབྱོར་ཡེ་ཤེས་སྣང་བ་རྒྱས་པ་ཞེས་བྱ་བ་བཞུགས་སོ།  །{{TibChung|ན་མོ་མཉྫུ་ཤྲཱི་གུ་ར་ཝེ།  དེ་ལ་ལམ་ཐམས་ཅད་ཀྱི་མཐར་ཐུག་ཟབ་མོ་བླ་མའི་རྣལ་འབྱོར་གྱིས་མཁྱེན་གཉིས་སྣང་བ་རྒྱས་པར་འདོད་པས་འདིར་འཇུག་པར་བྱ་སྟེ།  དེ་ལའང་གསུམ།  སྔོན་འགྲོ།  དངོས་གཞི།  རྗེས་སོ།  །དང་པོ་ལ་གཉིས།  སྐྱབས་སུ་འགྲོ་བ་ནི།}}  བདག་གཞན་ཡིད་ཅན་འགྲོ་བ་མཐའ་དག་ཀུན།  །དུས་འདི་ནས་བཟུང་བྱང་ཆུབ་མ་ཐོབ་བར།  །བླ་མ་མཆོག་དང་དཀོན་མཆོག་རིན་པོ་ཆེར།  །སྐྱབས་སུ་མཆིའོ་བདག་རྒྱུད་བྱིན་གྱིས་རློབས།  {{TibChung|།ལན་གསུམ།  གཉིས་པ་སེམས་བསྐྱེད་ནི།}}  །བདག་གིས་མཁའ་མཉམ་འགྲོ་བའི་དོན་སླད་དུ།  །ལམ་གྱི་སྙིང་པོ་ཟབ་མོ་བླ་མ་ཡི།  །རྣལ་འབྱོར་མཆོག་ལ་རྟག་ཏུ་བརྩོན་བྱས་ནས།  །སྲིད་ཞིར་མི་གནས་གོ་འཕང་མཆོག་ཐོབ་བྱ།  །{{TibChung|ལན་གསུམ།  གཉིས་པ་དངོས་གཞི་ལ་གསུམ་ལས།  དང་པོ་རྟེན་བསྐྱེད་པ་ནི།}}  གཟུང་འཛིན་ཆོས་ཀུན་མི་དམིགས་སྟོང་པའི་ངང་།  །མདུན་མཁར་སེང་ཁྲི་པདྨ་ཟླ་བའི་སྟེང་།  །མཁྱེན་པའི་གཏེར་ཆེན་མི་ཕམ་རྣམ་པར་རྒྱལ།  །དཀར་གསལ་ཞི་འཛུམ་ཕྱག་གཡས་ཆོས་འཆད་ཀྱི།  །ཕྱག་རྒྱས་ཨུཏྤལ་སྟེང་ན་རལ་གྲི་བསྣམས།  །གཡོན་པས་མཉམ་བཞག་མདོ་སྔགས་གླེགས་བམ་འཛིན།  །སྐུ་ལ་ཆོས་གོས་ཞབས་གཉིས་སྐྱིལ་མོ་ཀྲུང་།  །དབུ་ལ་པཎ་ཞུ་སྣེ་རིང་མཛེས་པར་གསོལ།  །རབ་འབྱམས་སྐྱབས་ཀུན་འདུས་པའི་སྐུར་གསལ་བའི།  །གནས་གསུམ་ཡིག་འབྲུ་གསུམ་གྱིས་མཚན་པར་གསལ།  །{{TibChung|གཉིས་པ་ཚོགས་བསགས་པ་ནི།}}  སྐྱབས་གནས་ཀུན་འདུས་དཔལ་ལྡན་བླ་མ་ལ།  །ལུས་ངག་ཡིད་གསུམ་གུས་པས་ཕྱག་འཚལ་ལོ།  །ཕྱི་ནང་གསང་བའི་མཆོད་པའི་སྤྲིན་གྱིས་མཆོད།  །ཚེ་རབས་ཐོག་མེད་བསགས་པའི་སྡིག་ལྟུང་བཤགས།  །འཁོར་འདས་དགེ་བ་ཀུན་ལ་རྗེས་ཡི་རང་།  །ཆོས་ཀྱི་འཁོར་ལོ་བླ་མེད་བསྐོར་བར་བསྐུལ།  །ཇི་སྲིད་མྱ་ངན་མི་འདའ་བཞུགས་གསོལ་འདེབས།  །དགེ་ཚོགས་བླ་མེད་བྱང་ཆུབ་ཆེན་པོར་བསྔོ།  །བདག་གཞན་འགྲོ་ཀུན་སྲིད་ལས་རྣམ་གྲོལ་ཤོག  །{{TibChung|རྒྱས་པར་སྤྲོ་ན་མཎྜལ་ཀྱང་ལན་གྲངས་ཅི་རིགས་པར་འབུལ།  གསུམ་པ་གསོལ་བ་འདེབས་པ་ནི།  མོས་གུས་ཤུགས་དྲག་ཏུ་བསྐྱེད་ལ།}}  རིག་སྟོང་འཇམ་དཔལ་གཞོན་ནུའི་བྱིན་རླབས་ལས།  །དགོངས་པའི་ཀློང་ནས་སྤོབས་པའི་གཏེར་བརྒྱད་གྲོལ།  །ལུང་རྟོགས་ཆོས་ཚུལ་རྒྱ་མཚོའི་མངའ་བདག་མཆོག  །ཨ་ཛཱི་ཏ་བི་ཛ་ཡ་ལ་གསོལ་བ་འདེབས།  །{{TibChung|ཞེས་ལན་གྲངས་ཅི་ནུས་དང་།  རྒྱས་པར་རྣམ་ཐར་བསྟོད་པ་དང་།  གསོལ་འདེབས་མཁས་གྲུབ་ཆེན་པོ་རྣམས་ཀྱིས་མཛད་པའི་རིགས་རྣམས་འདོན།  ཐུགས་རྒྱུད་བསྐུལ་བའི་བཟླས་པ་ནི།}}  ཨོཾ་ཨཱཿཧཱུྃ་གུ་རུ་མཉྫུ་གྷོ་ཥ་ཨ་ཛཱི་ཏ་བི་ཛ་སརྦ་སིདྡྷི།  {{TibChung|ཞེས་པའང་བཟླའོ།  །ཤེས་རབ་འཕེལ་བའི་སླད་དུ་བཟླས་པ་བྱ་བར་སྤྲོ་ན།}}  བླ་མའི་ཐུགས་དབུས་འཁོར་ལོ་དཀར་པོ་ནི།  །རྩིབས་དྲུག་ལྟེ་བར་དྷཱིཿཡིག་དམར་སེར་དང་།  །རྩིབས་སྟེང་ཡིག་འབྲུ་རེ་རེས་མཚན་པ་ལས།  །འཁོར་ལོ་སྔགས་བཅས་དཔག་མེད་རབ་འཕྲོས་པ།  །བདག་གི་སྙིང་དབུས་ཐིམ་པས་སྡིག་སྒྲིབ་སྦྱོང་།  །རྨོངས་པའི་མུན་པ་མ་ལུས་སེལ་བར་གྱུར།  །ཨོཾ་ཨ་ར་པ་ཙ་ན་དྷཱིཿ {{TibChung|བརྒྱ་སྟོང་སོགས་བཟླའོ།  གསུམ་པ་རྗེས་ལ་གཉིས།  དང་པོ་དབང་བླང་ཞིང་རང་ལ་བསྟིམ་པ་ནི།}}  བླ་མའི་གནས་གསུམ་འོད་ཟེར་དཀར་དམར་མཐིང་།  །རིམ་དང་ཅིག་ཆར་བྱུང་ནས་སྒོ་གསུམ་ཐིམ།  །སྒྲིབ་པ་བཞི་དག་དབང་ཐོབ་སྐུ་བཞི་ཡི།  །ས་བོན་ཐེབས་ནས་བླ་མ་རང་ལ་ཐིམ།  །ཆོས་ཉིད་མ་བཅོས་དེ་བཞིན་ཉིད་ཀྱི་ངང་།  །རང་བབས་གནས་ལུགས་རང་ཞལ་བལྟ་བར་བྱ།  །{{TibChung|ཞེས་ཅི་ནུས་སུ་མཉམ་པར་བཞག  །གཉིས་པ་ཐུན་ལས་ལྡང་བ་ནི།}}  དུས་འདི་ནས་བཟུང་བྱང་ཆུབ་སྙིང་པོའི་བར།  །བླ་མ་འཇམ་པའི་དབྱངས་ཀྱིས་རྗེས་སུ་བཟུང་།  །བཀའ་དང་བསྟན་བཅོས་ཀུན་ལ་མཚུངས་མེད་ཀྱི།  །བློ་གྲོས་སྤོབས་པའི་གཏེར་ཆེན་སྩལ་དུ་གསོལ།  །བདག་གི་སྒོ་གསུམ་བྱ་བ་ཅི་བགྱིས་པ།  །གཞན་ལ་ཕན་པ་འབའ་ཞིག་འགྱུར་བ་དང་།  །མཁྱེན་བརྩེ་ནུས་པ་མི་ཕམ་འཇམ་དབྱངས་ཀྱི།  །རྣམ་ཐར་ཡོངས་རྫོགས་མངོན་དུ་འགྱུར་བར་ཤོག  །{{TibChung|ཅེས་དང་གཞན་ཡང་བསྔོ་སྨོན་གང་ཤེས་དང་།  སྣང་གྲགས་རིག་གསུམ་བླ་མའི་ཁྱེར་སོ་གསུམ་དང་མི་འབྲལ་བར་བྱའོ།  །ཞེས་པའང་ཨ་ཛི་རོང་གི་གཟུར་ལྷ་འབུམ་སྤྲུལ་སྐུ་འཇམ་དབྱངས་བསྟན་འཛིན་བཟང་པོས་བསྐུལ་བ་བཞིན་ཆོས་ཀྱི་བློ་གྲོས་པས་ཀཿཐོག་རྡོ་རྗེ་གདན་དུ་བྲིས་པ་སིདྡྷི་རསྟུ།  དགེའོ།།    །།}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-04-NGA]]
[[Category:JKCL-KABUM-Volume-04-NGA]]
[[Category:Khyentse Lineage Project]]