View source for JKCL-KABUM-02-KHA-079

{{Text
|classification=Tibetan Publications
|subclass=Tibetan Texts
|fulltitletib=རྗེ་ཐམས་ཅད་མཁྱེན་པ་ཤར་ཙོང་ཁ་པ་ཆེན་པོའི་ཞབས་ལ་བསྟོད་པ་ཡིད་འཕྲོག་ཨུཏྤལ་གཞོན་ནུའི་དོ་ཤལ།
|fulltitle=rje thams cad mkhyen pa shar tsong kha pa chen po'i zhabs la bstod pa yid 'phrog ut+pal gzhon nu'i do shal
|citation=[['jam dbyangs mkhyen brtse chos kyi blo gros]]. ''rje thams cad mkhyen pa shar tsong kha pa chen po'i zhabs la bstod pa yid 'phrog ut+pal gzhon nu'i do shal''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 2: 635-637. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|associatedpeople=tsong kha pa
|associatedpeopletib=ཙོང་ཁ་པ་
|tibgenre=Verses of Praise - bstod pa
|terma=No
|jkcloutline=Two
|language=Tibetan
|volumenumber=002
|volnumtib=༢
|volyigtib=ཁ་
|totalvolumes=12
|textnuminvol=079
|pagenumbers=635-637
|totalpages=3
|beginfolioline=1a1
|endfolioline=2a6
|totalfolios=2
|multivolumework=No
|colophontib=།ཅེས་པའང་འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་གི་དཔལ་ལྡན་རྒྱུད་སྨད་པའི་གཙུག་ལག་ཁང་གི་ཡང་རྩེར་ཆོས་ཀྱི་བློ་གྲོས་པས་གསོལ་བ་བཏབ་བ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།  ཤུ་བྷཾ་མསྟུ་སརྦ་ཛ་ག་ཏཾ།  །
|colophonwylie=/ces pa'ang 'brog ri bo dga' ldan rnam par rgyal ba'i gling gi dpal ldan rgyud smad pa'i gtsug lag khang gi yang rtser chos kyi blo gros pas gsol ba btab ba de bzhin du 'grub par byin gyis brlab tu gsol/__shu b+haM mastu sarba dza ga taM/__/
|pdflink=File:JKCL-KABUM-02-KHA-079.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|རྗེ་ཐམས་ཅད་མཁྱེན་པ་ཤར་ཙོང་ཁ་པ་ཆེན་པོའི་ཞབས་ལ་བསྟོད་པ་ཡིད་འཕྲོག་ཨུཏྤལ་གཞོན་ནུའི་དོ་ཤལ་ཅེས་བྱ་བ་བཞུགས་སོ།}}    །ན་མོ་མཉྫུ་ཤྲཱི་ཡེ་ཛྙཱ་ན་སཏྭ་ཀཱ་ཡ།  ཡེ་ཤེས་རྒྱ་མཚོའི་རྡུལ་སྙེད་བསགས་པ་ལས།    །མཁྱེན་རབས་སྐུ་བཞིའི་ལྷུན་པོ་མངོན་པར་མཛེས།    །ཚུལ་གནས་ཐོས་བསམ་རོལ་མཚོས་ཡོངས་བསྐོར་བ།    །འཇམ་དབྱངས་བླ་མའི་ཞབས་ལ་ཕྱག་བགྱིའོ།    །བསྐལ་མང་གོང་ནས་འཇམ་དཔལ་དཔའ་བོ་ཡི།    །དགོངས་ཀློང་ཡངས་པར་མངོན་པར་བྱང་ཆུབ་ཀྱང་།    །མཐའ་ཡས་འགྲོ་རྣམས་ཕྱག་གིས་མི་གཏོང་བས།    །བློ་ལྡན་དགེ་བའི་བཤེས་སུ་སྟོན་ལ་འདུད།    །དྲི་མེད་མཁྱེན་བརྩེའི་ཆ་ཤས་ཡོངས་རྫོགས་ཤིང་།    །འཆད་རྩོད་རྩོམ་པའི་བདུད་རྩིའི་ཟིལ་དངར་འཇོ།    །སངས་རྒྱས་བསྟན་པའི་ཀུན་མུཏ་སྐྱོངས་པའི་གཉེན།    །བློ་གཏེར་མཚན་མོའི་མགོན་པོའི་ཞབས་ལ་འདུད།    །ཁྱོད་ཀྱི་གསང་གསུམ་གཟི་བརྗིད་མཚུངས་མེད་པ།    །གངས་ཅན་མཁས་གྲུབ་བྱེ་བའི་ཚོགས་དབུས་ན།    །ས་དང་ལྷུན་པོ་རྒྱ་མཚོ་ནོར་བུ་དང་།    །ཉི་ཟླ་བཞིན་དུ་མངོན་པར་འཕགས་ལ་འདུད།    །ལྟ་བ་རྣམ་དག་འཕགས་པའི་རྗེས་སུ་འབྲངས།    །སྤྱོད་པ་ཆོས་འདུལ་རི་བོར་གནས་བཅས་ཤིང་།    །ལྟ་སྤྱོད་རྣམ་དག་རྒྱལ་བ་དགྱེས་པའི་ལམ།    །མ་ནོར་ཇི་བཞིན་འདོམ་པར་མཛད་ལ་འདུད།    །བསླབ་པ་གསུམ་གྱིས་ཐུགས་ཀྱི་བུམ་བཟང་གཏམས།    །གསུང་རབས་ཐམས་ཅད་གདམས་པར་ཤར་བ་དང་།    །སྟོང་དང་རྟེན་འབྱུང་འགལ་མེད་ཇི་བཞིན་གཟིགས།    །མཁྱེན་རབ་རྡུལ་དང་བྲལ་ལ་གུས་པས་འདུད།    །རྡོ་རྗེ་ཐེག་པའི་ལམ་གྱི་རིམ་པ་རྣམས།    །ལེགས་པར་ཐུགས་ཉམས་བཞེས་པས་རྩ་མདུད་གྲོལ།    །རླུང་སེམས་དབུ་མར་ཐིམ་པའི་རྟགས་སྣང་ལས།    །བླ་མ་ལྷ་རྣམས་དགྱེས་ཞལ་སྟོན་ལ་འདུད།    །ཁྱད་པར་འཇམ་དཔལ་དཔའ་བོའི་ཡེ་ཤེས་སྐུ།    །འབྲལ་མེད་གཟིགས་ཤིང་ཐེ་ཚོམ་དྲྭ་བ་བཅད།    །ཁྱོད་ནི་འཇམ་དཔལ་འཇམ་དཔལ་ཁྱོད་ཉིད་དང་།    །གཟོད་ནས་རྣམ་དབྱེ་མེད་ལ་གུས་པས་འདུད།    །ལེགས་པར་བཤད་པའི་ཆོས་ཀྱི་མཛོད་ཆེན་བརྡོལ།    །གསུང་གི་བདུད་རྩི་བཏུང་བའི་ཐུགས་ཀྱི་སྲས།    །གསེར་རིའི་ཕྲེང་བ་ལྟ་བུའི་ཁྱོན་ཀུན་གཏམས།    །འཛམ་གླིང་བསྟན་པ་རྒྱས་མཛད་ཞབས་ལ་འདུད།    །རྒྱལ་བས་རབ་བསྔགས་དགའ་བ་ལྡན་པའི་ཞིང་།    །ཡིད་དགའ་ཆོས་འཛིན་ལྗོངས་འདིར་འཕོས་པ་སྙམས།    །འཕགས་པའི་ཚོགས་ཀྱི་ཉེ་བར་བསྟེན་པའི་གནས།    །ས་སྟེང་འགྲན་ཟླ་བྲལ་ལ་གུས་པས་འདུད།    །ཐུབ་པའི་རྟེན་མཆོག་ལོངས་སྤྱོད་རྫོགས་སྐུར་བསྒྱུར།    །བསྟན་འགྲོའི་མཆོད་སྡོང་མི་ནུབ་རྟག་བཞུགས་གསོལ།    །སྨོན་ལམ་མཆོད་ཚོགས་ཀུན་བཟང་སྤྲིན་ཆེན་པོར།    །འབུལ་བས་ཚོགས་གཉིས་ཕ་རོལ་ཕྱིན་ལ་འདུད།    །རེ་ཞིག་མཛད་པའི་ཐ་མ་གྱུར་པ་ན།    །དར་མའི་ཞབས་ཉིད་ཆོས་ཀྱི་ཁྲིར་གསོལ་ནས།    །བྱམས་ཆེན་མ་ཕམ་ཆོས་ཀྱི་འདུན་ས་རུ།    །འཇམ་དཔལ་སྙིང་པོའི་རྣམ་པར་རོལ་ལ་འདུད།    །མདོར་ན་ཐུབ་བསྟན་ཕྱི་མའི་དུས་འདི་རུ།    །སྡེ་སྣོད་གསུམ་པོ་མ་ཉམས་འབྱུང་བའི་གནས།    །བསྟན་པའི་རྒྱན་གཅིག་མཚུངས་ཟླ་ཀུན་སྤངས་པ།    །བློ་བཟང་གྲགས་པའི་ཞབས་ཀྱི་པདྨོར་འདུད།    །བདག་ནི་དེངས་ནས་ཚེ་རབས་ཐམས་ཅད་དུ།    །འཇམ་མགོན་བླ་མ་མཆོག་དང་མི་འབྲལ་ཞིང་།    །ཁྱོད་ཀྱི་རྣམ་ཐར་བདག་ལ་རྫོགས་ནས་ཀྱང་།    །ཀུན་མཁྱེན་ཐུབ་པའི་བསྟན་པ་རྒྱས་བྱེད་ཤོག  །སངས་རྒྱས་བསྟན་པ་སྤྱི་དང་ཆོས་ཀྱི་རྗེ།    །འཇམ་མགོན་བླ་མའི་བསྟན་པ་ཕྱོགས་བཅུར་རྒྱས།    །དེར་འཛིན་སྐྱེས་རྣམས་ཞབས་པད་ཡུན་དུ་བརྟན།    །བོད་ཁམས་དུས་ཀྱི་རྒུད་པ་ཞི་གྱུར་ཅིག  །འདུས་པའི་སྡེ་ཚོགས་ཚུལ་ཁྲིམས་ནོར་གྱིས་ཕྱུག  །བཤད་དང་སྒྲུབ་པའི་བྱ་བར་རབ་བརྩོན་ཞིང་།    །ཐུགས་བསྐྱེད་ཕྲིན་ལས་མཁའ་དང་མཉམ་པར་བརྡལ།    །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག  {{TibChung|།ཅེས་པའང་འབྲོག་རི་བོ་དགའ་ལྡན་རྣམ་པར་རྒྱལ་བའི་གླིང་གི་དཔལ་ལྡན་རྒྱུད་སྨད་པའི་གཙུག་ལག་ཁང་གི་ཡང་རྩེར་ཆོས་ཀྱི་བློ་གྲོས་པས་གསོལ་བ་བཏབ་བ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ།  ཤུ་བྷཾ་མསྟུ་སརྦ་ཛ་ག་ཏཾ།  །    །།}}  }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-02-KHA]]
[[Category:Khyentse Lineage Project]]