View source for DKR-KABUM-02-KHA-031

{{Khyentse Metadata
|classification=Tibetan Publications
|subclass=Tibetan Texts
|sectionheading=No
|fulltitletib=རྡོ་རྗེ་གཞོན་ནུ་ལ་བརྟེན་པའི་བླ་མའི་རྣལ་འབྱོར་དངོས་གྲུབ་མཆོག་སྦྱིན།
|fulltitle=rdo rje gzhon nu la brten pa'i bla ma'i rnal 'byor dngos grub mchog sbyin
|citation=[[Khyentse, Dilgo]]. ''rdo rje gzhon nu la brten pa'i bla ma'i rnal 'byor dngos grub mchog sbyin''. In ''Skyabs rje dil mgo mkhyen brtse rin po che'i bka' 'bum'', Vol. 2: 150-151. Delhi: Shechen Publications, 1994.
|collectiontitletib=དིལ་མགོ་མཁྱེན་བརྩེ་བཀའ་འབུམ།
|collectiontitle=dil mgo mkhyen brtse bka' 'bum
|author=Khyentse, Dilgo
|authortib=དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
|tibgenre=Guru Yoga Texts - bla ma'i rnal 'byor
|terma=No
|dkroutline=Two
|deity=rdo rje gzhon nu
|language=Tibetan
|volumenumber=002
|volnumtib=༢
|volyigtib=ཁ་
|totalvolumes=25
|textnuminvol=031
|pagenumbers=150-151
|totalpages=3
|beginfolioline=1a1
|endfolioline=2a6
|totalfolios=2
|multivolumework=No
|rectonotes=badz+ra kI la
|versonotes=bla ma'i rnal 'byor
|colophontib=།ཅེས་སོགས་བསྔོ་སྨོན་ཤིས་བརྗོད་གང་ཤེས་བྱས་ཏེ་སྤྱོད་ལམ་ལ་འཇུག་གོ  །རྗེ་བཙུན་ས་སྐྱ་བ་དང་ལྷག་པའི་ལྷ་རྡོ་རྗེ་གཞོན་ནུ་དབྱེར་མེད་པར་གསོལ་འདེབས་ཚུལ་གྱི་བླ་མའི་རྣལ་འབྱོར་འདི་ལྟ་བུ་ཞིག་དགོས་ཞེས་དད་ལྡན་ཨཱ་ནནྡ་ཤཱ་ས་ནས་བསྐུལ་ངོར་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་མཛད་པ་ལ་སྐབས་སུ་བབ་པའི་གསོལ་འདེབས་དང་རྩ་སྔགས་ཅུང་ཟད་ཞལ་བསྒྱུར་བ་དགེ  །མངྒ་ལཾ།  དགེའོ།།
|colophonwylie=/ces sogs bsngo smon shis brjod gang shes byas te spyod lam la 'jug go__/rje btsun sa skya ba dang lhag pa'i lha rdo rje gzhon nu dbyer med par gsol 'debs tshul gyi bla ma'i rnal 'byor 'di lta bu zhig dgos zhes dad ldan A nan+da shA sa nas bskul ngor bya bral chos rje 'jam dbyangs mkhyen brtse'i dbang pos mdzad pa la skabs su bab pa'i gsol 'debs dang rtsa sngags cung zad zhal bsgyur ba dge__/mang+ga laM/__dge'o//
|pdflink=File:DKR-KABUM-02-KHA-031.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|༄༅།    རྡོ་རྗེ་གཞོན་ནུ་ལ་བརྟེན་པའི་བླ་མའི་རྣལ་འབྱོར་དངོས་གྲུབ་མཆོག་སྦྱིན་ཅེས་བྱ་བ།   ན་མོ་གུ་རུ་བཛྲ་ཀུ་མཱ་ར་ཡ།  སྐྱབས་སེམས་སྔོན་དུ་འགྲོ་བས།  ཨོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཏྨ་ཀོ྅ཧཾ།  ཆོས་ཀུན་སྟོང་ཉིད་རྡོ་རྗེ་ནམ་མཁའི་དབྱིངས།  །ཡེ་ཤེས་རིག་པ་སྙིང་རྗེ་ཁྲོས་པའི་གདངས།  །སྣོད་བཅུད་རྣམ་དག་འོག་མིན་གསང་ཆེན་ཞིང༌།  །དུར་ཁྲོད་རོལ་པའི་བཀོད་པས་བརྗིད་པའི་དབུས།  །རང་མདུན་ནམ་མཁར་རྩ་བའི་བླ་མ་ནི།  །རྣམ་པ་བཅོམ་ལྡན་བཛྲ་ཀུ་མཱ་ར།  །མཐིང་ནག་ཞལ་གསུམ་ཕྱག་དྲུག་ཞབས་བཞི་བགྲད།  །གཡས་དཀར་གཡོན་དམར་དབུས་མཐིང་གར་དགུའི་ཉམས།  །ཕྱག་དྲུག་གཡས་གཉིས་རྡོ་རྗེ་རྩེ་དགུ་ལྔ།  །གཡོན་གཉིས་མེ་ཕུང་ཁ་ཊྭཱཾ་རྩེ་གསུམ་བསྣམས།  །ཐ་མ་གཉིས་ཀྱིས་རི་རབ་ཕུར་བུ་འདྲིལ།  །འཁོར་ལོ་རྒྱས་འདེབས་ཨུཏྤལ་ཐོད་ཁྲག་འཛིན།  །ཡབ་ཡུམ་མཉམ་སྦྱོར་དཔལ་དང་དུར་ཁྲོད་ཆས།  །ཞབས་བཞི་པད་ཉི་ལྷ་ཆེན་ཕོ་མོའི་སྟེང༌།  །ཡེ་ཤེས་མེ་ཕུང་འབར་བའི་དབུས་ན་རོལ།  །ཕུང་པོ་སྲས་མཆོག་ཚིགས་རྣམ་ཁྲོ་རྒྱལ་བཅུ།  །སྐུ་ཡི་ཆ་ཤས་ཕྲ་ཐབས་སྒོ་མ་སོགས།  །རབ་འབྱམས་རྩ་གསུམ་རྒྱ་མཚོའི་སྤྲིན་ཕུང་འཕྲོ།  །གནས་གསུམ་འབྲུ་གསུམ་མཚན་པའི་འོད་ཟེར་གྱིས།  །སྐྱབས་གནས་ཐམས་ཅད་སྤྱན་དྲངས་དབྱེར་མེད་གྱུར།  །ཆོས་སྐུ་རྡོ་རྗེ་ནམ་མཁའི་དཀྱིལ་ལྟ་བུ།  །གཞོན་ནུའི་གཟུགས་སྐུ་སྒྱུ་འཕྲུལ་དྲྭ་བའི་གར།  །འཁོར་ལོའི་མགོན་པོ་དཔལ་ཆེན་ཧེ་རུ་ཀར།  །ཕྱག་འཚལ་སྐྱབས་མཆི་དངོས་ཡིད་མཆོད་པས་མཆོད།  །ཉེས་བྱས་ཀུན་བཤགས་དགེ་ལ་རྗེས་ཡི་རང༌།  །བྱང་ཆུབ་སེམས་བསྐྱེད་ལུས་དང་ལོངས་སྤྱོད་འབུལ།  །བསོད་ནམས་དངོས་ཀུན་རྫོགས་བྱང་ཆེན་པོར་བསྔོ།   ཞེས་ཡན་ལག་བརྒྱད་པའི་སྒོ་ནས་ཚོགས་བསགས།  མཎྜལ་ཅི་ནུས་འབུལ།  བསྐལ་པ་མེ་ལྟར་འབར་བའི་གཞལ་ཡས་ན༔  ཕོ་བདུད་དྲེགས་པ་བརྫིས་པའི་གདན་སྟེང་དུ༔  དཔལ་ཆེན་རྡོ་རྗེ་གཞོན་ནུ་དཔའ་བོའི་སྐུ༔  བདུད་འདུལ་ཁྲོ་བཅུ་ཁྲ་ཐབས་འཁོར་གྱིས་བསྐོར༔  རྡོ་རྗེ་ཕུར་པའི་ལྷ་ཚོགས་ལ་གསོལ་བ་འདེབས༔  ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔  གསོལ་འདེབས་གྲངས་གསོག  །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ྄།  ཅེས་ལྷ་སྔགས་དང༌།  ཨོཾ་ཨཱཿགུ་རུ་བཛྲ་ཀུ་མཱ་ར་སརྦ་སིདྡྷི་མྨེ་པྲ་ཡཙྪ་ཧཱུྃ།  ཞེས་མཚན་སྔགས་ཀྱང་བཟླ།  བླ་མ་ཡབ་ཡུམ་སྨིན་མཚམས་འོད་ཟེར་ལས།  །དབང་ལྷ་སྤྲུལ་ནས་བུམ་པའི་དབང་མཆོག་བསྩལ།  །རང་ཉིད་རྡོ་རྗེ་གཞོན་ནུའི་སྐུ་རུ་གྱུར།  སྦྱོར་མཚམས་ནས་བྱུང་བདུད་རྩིའི་གསང་དབང་ཐོབ།  །སྦྱོར་ཡུམ་སྤྲོས་པས་འཁྲིལ་ཏེ་སྙོམས་པར་ཞུགས།  །ཤེས་རབ་ཡེ་ཤེས་བཞི་པའི་དབང་ཆོག་གིས།  །དཔེ་དང་དོན་གྱི་ཡེ་ཤེས་རྒྱུད་ལ་སྨིན།  །ཐུགས་ཡིད་གཅིག་འདྲེས་དབྱེར་མེད་བྱིན་གྱིས་རློབས།  ཞེས་བརྗོད་ཅིང་དོན་བསམ།  དཔལ་ལྡན་རྩ་བའི་བླ་མ་ཧེ་རུ་ཀ  །སྤྱི་གཙུག་ཛ་ལནྡྷ་རའི་ཟུར་ཕུད་དང༌།  །སྙིང་དབུས་མི་ཤིགས་ཐིག་ལེ་འབྲལ་མེད་དུ།  །བཞུགས་ནས་དབང་དང་དངོས་གྲུབ་མ་ལུས་སྩོལ།  །དགེ་བ་འདི་ཡིས་ཁམས་གསུམ་ཡིད་ཅན་ཀུན།  །དམ་ཆོས་སྒྲུབ་པའི་བར་ཆད་ཀུན་ཞི་ཞིང༌།  །ལམ་ལྔ་ས་བཅུའི་གོ་འཕང་ལ་བརྟེན་ནས།  །མཆོག་ཐུན་དངོས་གྲུབ་འགྲུབ་པའི་བཀྲ་ཤིས་ཤོག  །ཅེས་སོགས་བསྔོ་སྨོན་ཤིས་བརྗོད་གང་ཤེས་བྱས་ཏེ་སྤྱོད་ལམ་ལ་འཇུག་གོ  །རྗེ་བཙུན་ས་སྐྱ་བ་དང་ལྷག་པའི་ལྷ་རྡོ་རྗེ་གཞོན་ནུ་དབྱེར་མེད་པར་གསོལ་འདེབས་ཚུལ་གྱི་བླ་མའི་རྣལ་འབྱོར་འདི་ལྟ་བུ་ཞིག་དགོས་ཞེས་དད་ལྡན་ཨཱ་ནནྡ་ཤཱ་ས་ནས་བསྐུལ་ངོར་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་མཛད་པ་ལ་སྐབས་སུ་བབ་པའི་གསོལ་འདེབས་དང་རྩ་སྔགས་ཅུང་ཟད་ཞལ་བསྒྱུར་བ་དགེ  །མངྒ་ལཾ།  དགེའོ།།   །།}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}

[[Category:DKR-KABUM-Volume-02-KHA]]
[[Category:Khyentse Lineage Project]]