View source for JKW-KABUM-23-'A-004-001

{{Khyentse Metadata
|classification=Tibetan Publications
|subclass=Tibetan Texts
|fulltitletib=གསུང་ངག་རིན་པོ་ཆེའི་ལམ་རིམ་གསོལ་འདེབས་སྨོན་ལམ་མདོར་བསྡུས་པ་བྱིན་རླབས་དཔལ་སྟེར།
|fulltitle=gsung ngag rin po che'i lam rim gsol 'debs smon lam mdor bsdus pa byin rlabs dpal ster
|citation=[['jam dbyangs mkhyen brtse'i dbang po]]. ''gsung ngag rin po che'i lam rim gsol 'debs smon lam mdor bsdus pa byin rlabs dpal ster''. In '''jam dbyangs mkhyen brtse'i dbang po'i bka' 'bum'', Vol. 23: 225-228. Khams sde dge rdzong sar dgon: Rdzong sar blo gros phun tshogs, 2020.
|collectiontitle=mkhyen brtse'i bka' 'bum
|collectiontitletib=མཁྱེན་བརྩེའི་བཀའ་འབུམ་
|author='jam dbyangs mkhyen brtse'i dbang po
|editor=
|authortib=འཇམ་དབྱངས་མཁྱེན་བརྩེའི་དབང་པོ་
|editortib=རྫོང་སར་བློ་གྲོས་ཕུན་ཚོགས་
|tibgenre=Prayers - smon lam, Stages of the Path - lam rim, Supplications - gsol 'debs, Advice - zhal gdams
|terma=No
|sabcadcategory=Ten
|language=Tibetan
|volumenumber=023
|volnumtib=༢༣
|volyigtib=འ་
|totalvolumes=25
|textnuminvol=004
|textsubnumber=001
|pagenumbers=225-228
|totalpages=4
|beginfolioline=1a
|endfolioline=2b2
|totalfolios=2
|multivolumework=No
|rectonotes=sde tshan 4
|versonotes=mkhyen brtse'i bka' 'bum
|colophontib=།ཞེས་པའང་སྒྲུབ་བརྩོན་བླ་མ་དམ་པ་འགྱུར་མེད་ཕྲིན་ལས་དཔལ་ལྡན་ནས་ཞལ་གདམས་ཤིག་དགོས་ཞེས་གསུང་ངོར་གསོལ་འདེབས་སྨོན་ཚིག་དང་འབྲེལ་བར་གསུང་ངག་རིན་པོ་ཆེའི་དགོངས་དོན་མདོར་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག  ། མངྒ་ལམ་བྷ་བ་ཏུ།།
|colophonwylie=zhes pa'ang sgrub brtson bla ma dam pa 'gyur med phrin las dpal ldan nas zhal gdams shig dgos zhes gsung ngor gsol 'debs smon tshig dang 'brel bar gsung ngag rin po che'i dgongs don mdor bsdus pa'i tshul gyis 'jam dbyangs mkhyen brtse'i dbang pos bris pa don dang ldan par gyur cig__/_mang+ga lam b+ha ba tu/
|pdflink=File:JKW-KABUM-23-'A-004.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|གསུང་ངག་རིན་པོ་ཆེའི་ལམ་རིམ་གསོལ་འདེབས་སྨོན་ལམ་མདོར་བསྡུས་པ་བྱིན་རླབས་དཔལ་སྟེར་ཞེས་བྱ་བ་བཞུགས་སོ།  །རྩ་བརྒྱུད་བླ་མ་ཡི་དམ་ཀྱེ་རྡོ་རྗེ།  །རྣལ་འབྱོར་མ་དཔལ་ཆོས་སྲུང་ནོར་ལྷ་སོགས།  །སྐྱབས་གནས་དཀོན་མཆོག་རྒྱ་མཚོའི་ཚོགས་རྣམས་ལ།  །སྙིང་ནས་གསོལ་བ་འདེབས་སོ་བྱིན་གྱིས་རློབས།  །བདག་གཞན་འགྲོ་ཀུན་སྐྱེ་བ་ཐམས་ཅད་དུ།  །དམ་ཆོས་སྒྲུབ་པའི་རྟེན་མཆོག་ལེགས་ཐོབ་ནས།  །ཐེག་ཆེན་རིགས་སད་དད་པ་རྣམ་གསུམ་གྱིས།  །བཤེས་གཉེན་ཚུལ་བཞིན་བསྟེན་པར་བྱིན་གྱིས་རློབས།  ཁམས་གསུམ་འཁོར་བ་མེ་འོབས་ལྟ་བུར་མཐོང་།  །དལ་འབྱོར་རྙེད་དཀའ་འཇིག་སླའི་ངང་ཚུལ་རིག  །ལས་འབྲས་བསླུ་མེད་ཡིད་ཆེས་བརྟན་པོ་ཡིས།  །བླང་དོར་འཁྲུལ་མེད་སྤྱོད་པར་བྱིན་གྱིས་རློབས།  །མཁའ་ཁྱབ་འགྲོ་ཀུན་ཕ་མ་དྲིན་ཅན་ཕྱིར།  །བྱམས་དང་སྙིང་རྗེ་བྱང་ཆུབ་སེམས་གཉིས་འབྱོངས།  །འབྲས་བུའི་ཡོན་ཏན་ཐོས་པས་རྒྱུད་བསྐུལ་ནས།  །གསང་ཆེན་ལམ་ལ་འཇུག་པར་བྱིན་གྱིས་རློབས།  །དབང་གིས་རྒྱུད་སྨིན་དམ་ཚིག་རྣམ་པར་དག  །སྣང་སེམས་སྒྱུ་མ་རྟེན་འབྲེལ་བརྗོད་བྲལ་བའི།  །འཁོར་འདས་དབྱེར་མེད་འོད་གསལ་ཕྱག་རྒྱ་ཆེ།  །རྒྱུ་དུས་ལྟ་བ་རྟོགས་པར་བྱིན་གྱིས་རློབས།  །ཐ་མལ་དངོས་ཀུན་ཕྱི་ནང་ལྷ་སྐུར་ཤར།  །རླུང་དང་གཏུམ་མོས་གསལ་སྟོང་ཉམས་མྱོང་སྨིན།  །དཔེ་དོན་ལྷན་སྐྱེས་ཡེ་ཤེས་མངོན་བྱེད་པའི།  །དབང་བཞིའི་ལ༷མ་བཟང་བསྒོམ་པར་བྱིན་གྱིས་རློབས།  །མཐར་ཐུག་རྟེན་དང་བརྟེན་པ་གནས་གྱུར་པ།  །འབྲ༷ས་བུ་སྐུ་བཞིའི་གོ་འཕང་མྱུར་ཐོབ་ནས།  །ཕྲིན་ལས་ལྷུན་གྲུབ་རྒྱུན་མི་འཆད་པ་ཡིས།  །དོན་གཉིས་ཡིད་བཞིན་འགྲུབ་པར་བྱིན་གྱིས་རློབས།  །ཞེས་པའང་སྒྲུབ་བརྩོན་བླ་མ་དམ་པ་འགྱུར་མེད་ཕྲིན་ལས་དཔལ་ལྡན་ནས་ཞལ་གདམས་ཤིག་དགོས་ཞེས་གསུང་ངོར་གསོལ་འདེབས་སྨོན་ཚིག་དང་འབྲེལ་བར་གསུང་ངག་རིན་པོ་ཆེའི་དགོངས་དོན་མདོར་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག  ། མངྒ་ལམ་བྷ་བ་ཏུ།།   །།   ༈ }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-23-'A-004]]
[[Category:Khyentse Lineage Project]]
[[Category:JKW-KABUM-Volume-23-'A]]