View source for JKCL-KABUM-06-CHA-046

{{Khyentse Metadata
|classification=Tibetan Publications
|subclass=Tibetan Texts
|fulltitletib=གསང་སྤྱོད་མཁའ་འགྲོའི་སྙན་བརྒྱུད་ཀྱི། །བརྒྱུད་པའི་རྣམ་ཐར་ཁ་སྐོང་།
|fulltitle=gsang spyod mkha' 'gro'i snyan brgyud kyi/ /brgyud pa'i rnam thar kha skong
|citation=[['jam dbyangs mkhyen brtse chos kyi blo gros]]. ''gsang spyod mkha' 'gro'i snyan brgyud kyi brgyud pa'i rnam thar kha skong''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 6: 703-709. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|sourcerevealer=thang stong rgyal po
|sourcerevealertib=ཐང་སྟོང་རྒྱལ་པོ་
|associatedpeople=ma gcig lab sgron
|associatedpeopletib=མ་གཅིག་ལབ་སྒྲོན་
|tibgenre=Biographies - Hagiography - rnam thar, Lineage Transmission Records - brgyud yig
|terma=No
|jkcloutline=Six
|cycle=gsang spyod mkha' 'gro'i snyan brgyud
|cycletib=གསང་སྤྱོད་མཁའ་འགྲོའི་སྙན་བརྒྱུད་
|language=Tibetan
|volumenumber=006
|volnumtib=༦
|volyigtib=ཆ་
|totalvolumes=12
|textnuminvol=046
|pagenumbers=703-709
|totalpages=7
|beginfolioline=1a1
|endfolioline=4a4
|totalfolios=4
|multivolumework=No
|colophontib=།ཅེས་པའང་མཁན་རིན་པོ་ཆེ་མཁས་མཆོག་ངག་དབང་བློ་གྲོས་ཀྱིས་ནན་ཏན་ཆེན་པོས་གསུངས་ཤིང་།  འདར་མཁན་ཆེན་གྱིས་ཀྱང་གསུང་བསྐུལ་ངོར།  ཐང་སྟོང་སྙན་བརྒྱུད་ཀྱི་བླ་རྣམ་ཁ་སྐོང་དུ་ཆོས་ཀྱི་བློ་གྲོས་ཀྱིས་བྲིས་པའོ།།
|colophonwylie=/ces pa'ang mkhan rin po che mkhas mchog ngag dbang blo gros kyis nan tan chen pos gsungs shing /__'dar mkhan chen gyis kyang gsung bskul ngor/__thang stong snyan brgyud kyi bla rnam kha skong du chos kyi blo gros kyis bris pa'o//
|lotsawalink=https://www.lotsawahouse.org/tibetan-masters/jamyang-khyentse-chokyi-lodro/short-autobiography
|pdflink=File:JKCL-KABUM-06-CHA-046.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|གསང་སྤྱོད་མཁའ་འགྲོའི་སྙན་བརྒྱུད་ཀྱི།  །བརྒྱུད་པའི་རྣམ་ཐར་ཁ་སྐོང་བཞུགས།  །ཐང་སྟོང་སྙན་བརྒྱུད་ངེད་ཀྱིས་ཚར་གཉིས་ཀྱི་དབང་ཁྲིད་ལུང་གསུམ་ཀ་ལས།  དབང་ལ་ཆོས་བདག་ཕག་ནག་བརྡའ་དབང་མ་གཏོགས་ཚང་བར་ནོས་པ།  མཁྱེན་བརྩེ་རིན་པོ་ཆེའི་རྣམ་ཐར་རྒྱས་བསྡུས་དང་།  བློ་གཏེར་དབང་པོའི་རྣམ་ཐར་བསྡུས་པ་རྒྱུད་བཏུས་དཀར་ཆག་ཏུ་གསལ་བ་ལྟར་དང་།  འགྱུར་མེད་འཇམ་དབྱངས་བསྟན་འཕེལ་ཝ་ཤུལ་ཀྲམ་ཁོག་མཁར་ཐ་མའི་ནང་དུ་འཁྲུངས།  ས་ལུགས་ཀྱི་ཆོས་སྒོར་ཞུགས།  ངོར་མཁན་ཆེན་དཔལ་ལྡན་བློ་གྲོས་རྒྱལ་མཚན།  འཇམ་དབྱངས་རིན་ཆེན་རྡོ་རྗེ།  ཝ་ར་ཞབས་དྲུང་རིན་པོ་ཆེ་འཇམ་དབྱངས་ནམ་མཁའ་རྒྱལ་མཚན།  རྙིང་ཕྱོགས་ཛར་ཀ་མཆོག་སྤྲུལ་རིན་པོ་ཆེ་ཀུན་བཟང་རྣམ་རྒྱལ།  སྨྱོ་ཤུལ་ལུང་རྟོགས་བསྟན་པའི་ཉི་མ་གཉིས་ལས་རྫོགས་པ་ཆེན་པོའི་སྨིན་གྲོལ་ཉམས་ཁྲིད་གསན།  ཁྱད་པར་དུ་འཇམ་དབྱངས་མཁྱེན་བརྩེ་དབང་པོའི་ཞབས་པད་ཡུན་རིང་དུ་བཅར།  གསང་བའི་བདག་པོ་འཇམ་དབྱངས་བློ་གཏེར་དབང་པོ།  མངའ་རི་ཆོས་རྗེ་ཀུན་དགའ་འཇམ་དབྱངས།  མེ་ཉག་མཁས་པ་ནོར་བུ་བསྟན་འཛིན་སོགས་ལས་གསར་རྙིང་གི་སྨིན་གྲོལ་གྱི་གདམས་པ་དཔག་ཏུ་མེད་པ་དང་།  རྗེ་བློ་གཏེར་ཞབས་ལས་ཐང་སྟོང་སྙན་བརྒྱུད་གསན།  ཀྱཻ་རྡོར།  གུར་མགོན་ཕྱི་ནང་གསང་གསུམ།  ཀུན་རིགའབྱུང་འདུལ།  སྒྲོལ་མ་དཀར་ལྗང་སོགས་ཡི་དམ་གྱི་ལྷ་མང་པོའི་བསྙེན་སྒྲུབ་མཐར་ཕྱིན་མཛད།  རྣལ་འབྱོར་མའི་ཨོཾ་གསུམ་མ་འབྲུ་འབུམ་བཅུ་དང་།  སྒྲོལ་མ་ཡིག་བཅུ་དུང་ཕྱུར།  མ་ཎི་དུང་།  ཨ་མི་དྷེ་ཝ་དུང་།  སྒྲོལ་མ་འབུམ་ཐེར་བཞི་བཅུ།  མགོན་པོའི་ཡིག་བདུན་དུང་ཕྱུར་རྣམས་གནས་ཆེན་པདྨ་ཤེལ་ཕུག་དང་།  སྐུ་ཚེའི་སྨད།  ཁྱེའུའི་རིག་འཛིན་ཆེན་པོས་མ་ཎི་རྡོ་འབུམ་གྱི་གཞི་བཏིང་བ་ཐུགས་རྗེ་ཆེན་པོའི་སྒྲུབ་གནས་ཚྭ་ཆུ་མཇུག་ཞེས་གྲགས་པ་དེར་རི་ངོས་ལ་བཅུ་གཅིག་ཞལ་གཟིགས་ནས་སྤྱན་རས་གཟིགས་ཀྱི་ལྷ་ཁང་གསར་བཞེངས་གནང་ནས་དེ་རུ་སྐུ་ཚེ་འཁྱོལ།  ཟབ་མོ་བདུད་གཅོད་ཐང་སྟོང་སྙན་བརྒྱུད་དང་ས་རུ་ལུགས་ལ་འབྲེལ་འཇོག་ཉམས་བཞེས་གནང་།  རྗེ་བཙུན་སྒྲོལ་མ་དང་གུར་མགོན་གྱི་ཞལ་དངོས་སུ་བསྟན།  ལྷ་ཁང་གི་ལྡེབ་བྲིས་བཅུ་གཅིག་ཞལ་གྱི་སྨིན་མཚམས་རིང་བསྲེལ་རང་བྱུང་དུ་འཁྲུངས་པ་དང་།  དད་ལྡན་རྣམས་ཀྱིས་མཇལ་དར་ཕུལ་བ་གྱང་རིས་ཀྱིས་འཛིན་བར་དཀའ་ཡང་བཞེས་པ་སོགས་རྟེན་བྱིན་རླབས་ཅན་དུ་གྲགས།  གཙོ་བོར་མཚན་བཅས་མཚན་མེད་ཀྱི་ཐུགས་དམ་ཉམས་བཞེས་ཁོ་ནར་བརྩོན་ཞིང་།  དད་ལྡན་གྱི་སློབ་མར་མཁའ་སྤྱོད།  །ཐུགས་ཆེན་ཆོམ་བུ་ལུགས།  མགོན་པོ་སོགས་ཀྱི་དབང་ཁྲིད་རྗེས་གནང་མང་དུ་གསུངས།  མདོར་ན་ཆོས་བརྒྱད་ཀྱི་འཆིང་བ་ལས་གྲོལ་ཞིང་།  ཀུན་སྤངས་རྣལ་འབྱོར་གྱི་དབང་ཕྱུག་ཆེན་པོར་བཞུགས་ནས་དགུང་གྲངས་བདུན་ཅུ་དོན་གཉིས་ལ་ཞི་བའི་དབྱིངས་སུ་གཤེགས།  ཐུགས་དམ་གསལ་འདེབས།  སྐུ་གདུང་ཞུགས་འབུལ་སོགས་ཕྲན་ནས་ཞུས་པ་ལགས།  དབང་ཁྲིད་དང་ཕག་ནག་བརྡ་དབང་གཏད་རྒྱ་བཅས་ལན་གཉིས་པ་ཀཿཐོག་སི་ཏུ་ཨོ་རྒྱན་ཆོས་ཀྱི་རྒྱ་མཚོ་ལས་ནོས་པ་བརྒྱུད་པའི་རྣམ་ཐར་ཁ་སྐོང་རྗེ་ཉིད་ཀྱིས་ཞལ་གསུངས་ལྟར་དང་།  དམ་པའི་མིང་གིས་སྙན་པའི་དཀོར་རྒྱལ་བདག་ནི་ཡབ་རྗེ་རིག་འཛིན་གྲུབ་པའི་དབང་ཕྱུག་འགྱུར་མེད་ཚེ་དབང་རྒྱ་མཚོ་དང་།  ཚུལ་ཁྲིམས་མཚོ་མོ་གཉིས་ཀྱི་བུར་ཆུ་མོ་སྦྲུལ་གྱི་ལོར་སྐྱེས།  ལོ་ངོ་བདུན་ལོན་པ་ན་རྗེ་མཁྱེན་བརྩེའི་དབོན་སི་ཏུ་ཐམས་ཅད་མཁྱེན་པར་ཀོང་སྤྲུལ་རིན་པོ་ཆེས་རྗེ་མཁྱེན་བརྩེའི་སྤྲུལ་པ་ལྔ་ཡི་ནང་ནས་ཕྲིན་ལས་ཀྱི་སྤྲུལ་པར་ལུང་བསྟན།  ཀཿཐོག་ཕྲིན་ལས་ཀྱི་གནས་དང་།  རྗེ་མཁྱེན་བརྩེ་ལང་གྲོ་ལོ་ཙཱའི་ཕྲིན་ལས་ཀྱི་སྤྲུལ་པ་ཡིན་རྒྱུ།  ཀཿཐོག་གཏེར་ཆེན་ཀློང་གསལ་ཡང་ལང་གྲོའི་སྐྱེ་མཐའ་ཡིན་པའི་བབ་འབྲེལ་ལ་བརྟེན་ཐུགས་བདག་མཛད།  ཡོངས་འཛིན་བཀའ་དྲིན་ཅན་མཁན་ཐུབ་བསྟན་རིག་འཛིན་རྒྱ་མཚོ་ལ་བསྟེན་བར་ཁྲོད་དུ་ལོ་ངོ་བཅུ་གཉིས་ལ་སླེབ་བར་བསྡད་ནས་བྲིས་ཀློག་སོགས་ད་ལྟ་མི་སྔོན་འགྲོ་ཆོག་པ་འདི་བྱུང་།  ཡོངས་འཛིན་གཤེགས་རྗེས་ཀཿཐོག་རྒྱུད་སྡེའི་སློབ་གྲྭར་ལོ་གཉིས་མ་ཟིན་ཙམ་བསྡད་ནས།  མཁན་རིན་པོ་ཆེ་ཀུན་དཔལ་སོགས་ལས་གཞུང་ཆེན་རྣམས་ཕལ་ཆེར་ཞུས།  སི་ཏུ་ཐམས་ཅད་མཁྱེན་པ།  ཨ་འཛོམ་འབྲུག་པ་རིན་པོ་ཆེ།  ཞེ་ཆེན་རྒྱལ་ཚབ་རིན་པོ་ཆེ།  རྡོ་གྲུབ་ཐམས་ཅད་མཁྱེན་གཟིགས།  ཡབ་རྗེ་དམ་པ་སོགས་ལས་རྙིང་ཆོས་དང་།  རྡོ་རྗེ་འཆང་བློ་གཏེར་དབང་པོ།  འཇམ་མགོན་ངག་དབང་ལེགས་པ།  མཁན་བསམ་གཏན་བློ་གྲོས།  ཐར་རྩེ་ཞབས་དྲུང་བྱམས་པ་ཀུན་བཟང་བསྟན་པའི་ཉི་མ།  རྣལ་འབྱོར་གྱི་དབང་ཕྱུག་བྲག་རི་བཀྲ་ཤིས་རྒྱ་མཚོ་སོགས་ལས་ས་སྐྱ་པ་གཙོ་བོར་གྱུར་པའི་ཟབ་ཆོས་དཔག་མེད་ནོས།  མདོར་ན་ཆོས་འབྲེལ་ནོས་པ་བླ་མ་བརྒྱད་ཅུ་ལྷག་ཙམ་ལས་གསར་རྙིང་གི་གདམས་ཟབ་མང་དུ་ནོས་ཀྱང་ཉམས་སུ་ལོན་པ་ནི་གཅིག་ཀྱང་མེད།  ཀཿཐོག་ཏུ་སྡོད་སྐབས་རྗེ་ཡི་བླ་བྲང་གི་ལྡོམ་ཚབ་དང་།  ལོ་བཅུ་བཞིའི་ནང་རྫོང་སར་གོང་མའི་གདན་སར་འཁོད་ནས་དབྱར་དགུན་དཀོར་སྡུད་བྱས་པ་གྲངས་ཀྱི་མི་ཆོད་དཀོར་ཟོས་ཀྱི་རྣམ་སྨིན་ལྕི་བས་ནོན།  གསར་རྙིང་གི་བསྙེན་སྒྲུབ་ཡིན་མདོག་ཁ་ཁྲལ་འཇལ་བའང་ལྷག་ལྷ་སུམ་ཅུ་ཁ་ལྷག་བསྙེན་ཁུལ་བྱས།  དེ་དག་གི་སྐབས་སུ་དངོས་གྲུབ་ཀྱི་ལྟས་རེད་བསམ་པ་ནི་ཅི་ཡང་མ་བྱུང་ཡང་རང་དད་བརྩོན་དམན་པས་ལན།  སྔ་ཕྱིར་ཆོས་འཆད་པ་ནི་རིན་གཏེར་ཚར་གཅིག  །སྒྲུབ་བཏུས་ཚར་བཞི།  ལམ་འབྲས་སློབ་བཤད་ཚར་བཞི།  གདམས་ངག་མཛོད་ཚར་གསུམ།  སྔ་འགྱུར་བཀའ་མ་ལན་བཞི་ལྔ།  ཐང་སྟོང་སྙན་བརྒྱུད་ཚར་ལྔ།  རྗེ་མཁྱེན་བརྩེའི་དགོངས་གཏེར་གྲུབ་ཆེན་ཐུགས་ཏིག་སོགས་དང་།  ཀློང་སྙིང་།  མཁའ་སྤྱོད།  སྙིང་ཐིག་ཡ་བཞི།  ངོར་དཀྱིལ་སོགས་དང་།  དུས་འཁོར་ཇོ་ཞལ་གཉིས་ཀྱི་དབང་ཆེན་སོགས་ལན་མང་པོ་བཏོན།  བཤད་སྒྲུབ་ཀྱི་གྲྭ་གསར་འཛུགས་དང་།  ཀཿཐོག་ཏུ་སི་ཏུ་རིན་པོ་ཆེ་གཤེགས་ནས་ལོ་ངོ་བཅུ་བཞི་ཙམ་ལ་ཀཿཐོག་པའི་བསྟན་ཁྲི་རྣམས་ལ་རོགས་རམ་དང་།  རྗེ་ཡི་དགོངས་རྫོགས་རྒྱུད་སྡེའི་སློབ་གྲྭ་སྤྱི་རྐང་གཏན་བརླག་ཏུ་གྱུར་པ་ཉམས་གསོས་མཁན་སློབ་བཞི་བཅུ་ཞེ་གཉིས་ཀྱི་གྲངས་ཡོད་པ་དང་།  ཐུབ་ཆེན་ཁང་རྟེན་དང་བརྟེན་པ་གསར་བཞེངས་སོགས་དེ་རྣམས་ཁས་བཤད་རྒྱུ་རྐྱང་པ་མ་ཡིན་པར།  རང་ལ་དད་སྦྱིན་རྣམས་ཀྱི་རྒྱུ་རྫས་བྱུང་རིགས་གཏོས་ཆེ་བ་བཏད།  རྫོང་སར་དུའང་བྱམས་ཆེན་སོགས་རྟེན་བཞེངས་མང་པོ་དང་།  རྗེ་གོང་མའི་གསུང་འཐོར་བུ་རྩོལ་བ་ཆེན་པོས་ཕྱོགས་སྡུད་ཀྱི་པོད་བཅུ་གསུམ་སྤར་དུ་བསྐྲུན།  གཞན་གཞུང་འགྲེལ་དང་།  མཁའ་སྤྱོད་བེའུ་བུམ་པོད་གསུམ་སོགས་ཀྱི་སླར་བཞེངས།  རང་ལོ་ཞེ་དགུ་ནས་ནད་ཚབས་ཆེན་པོས་ལོ་ཁ་ཤས་མནར།  རང་ལོ་ང་ལྔ་ང་དྲུག་ལ་སོན་པའི་ཚེ་གེགས་བཟློག་ཆེད་ཚེ་ལམ་གསང་གྲོགས་ཀྱི་རྟེན་འབྲེལ་དང་།  བླ་མ་མཆོག་གསུམ་གྱི་བྱིན་མཐུས་ད་བར་འཚོ་ཙམ་བྱུང་།  རང་ལོ་དྲུག་ཅུ་རེ་གསུམ་པའི་ཟླ་བ་དྲུག་པའི་ཚེས་ཉེར་གསུམ་ནས་རང་གནས་ནས་བཏེགས་སྟེ།  འཕགས་བོད་ཀྱི་གནས་བསྐོར་ལ་ཕྱིན་པར་རང་འཁོས་ཀྱི་ཚོགས་བསགས་མཆོད་འབུལ།  ཁྲུས་གསོལ།  རབ་གནས།  སྐོངས་ཆོག  །འཛམ་གླིང་སྤྱི་དང་བོད་ཁམས་བདེ་བའི་སྨོན་ལམ་སོགས་ཡིད་ཚིམ་པར་ཞུ་དང་ཞུ་མུས།  དཔལ་ས་སྐྱའི་ཁྲི་རིན་པོ་ཆེའི་དབུས་དོན་གཉེར་ཅན་མང་པོར་དབང་ཆོས་ཡང་མང་དུ་བཏོན་དང་།  ད་དུང་ཚེ་ཇི་ཙམ་གནས་པར་བསྟན་འགྲོར་སྨོན་པའི་འདུན་པ་བགྱིད་མུས་དང་།  ཞལ་གཟིགས་ལུང་བསྟན་ནི་ཅིའང་མེད།  ཉམས་རྨིས་རབ་རིབ་དག་ནི་རྒྱག་བརྫུན་ཁོ་ན་རེད་པས་ཕལ་ཆེར་བརྗེད།  བྲིས་ཀྱང་དགོས་པ་ཆུང་།  སྔར་རྫོང་སར་དུ་འབྱོར་ནས་ལོ་བཅུ་དྲུག་ལ་སོན་སྐབས་ཡིན་ནམ་སྙམས།  རྗེ་གོང་མའི་གྲུབ་ཐོབ་ཐུགས་ཏིག་ལ་མོས་པ་ཆེ་ཞིང་།  དེ་ཉིད་འདོན་ཁུལ་བྱེད་སྐབས་ཞིག་རྗེ་ཡི་གཟི་མ་སྦུག་ཏུ་གྲུབ་ཐོབ་ཆེན་པོ་ཁྲུ་གང་ཙམ་དངོས་སུ་བཞུགས་སྙམས།  མདུན་དེར་ཤེལ་རྡོ་གོང་བུ་ཞིག་བཞག་ནས།  རྗེ་མཁྱེན་བརྩེར་གུ་རུ་རིན་པོ་ཆེས་ངོ་སྤྲོད་གནང་བའི།  གཟུང་བའི་ཡུལ་གྱིས་མ་གོས་ཤིང་།  །འཛིན་པའི་རྟོག་པས་མ་བསླད་པར།  །རང་སེམས་རྗེན་པར་སྐྱོང་བ་འདི།  །སངས་རྒྱས་ཀུན་གྱི་དགོངས་པའོ།  །ཞེས་ངོ་སྤྲོད་གསུངས་པ་ཞིག་རྨིས་པས་དེས་སེམས་དོན་ལ་ཕན་པ་ཞིག་བྱུང་བ་དེ་ཙམ་ལགས།  ཕྱི་ལྟར་བླ་མའི་ཚུལ་འཛིན་ཅིང་།  །ནང་དུ་དུག་ལྔ་མེ་ལྟར་འབར།  །གསང་བ་རྣམ་རྟོག་གཞན་དབང་ཅན།  །བན་རྒན་ང་ཡི་རྣམ་ཐར་ཡིན།  །ཅེས་པའང་མཁན་རིན་པོ་ཆེ་མཁས་མཆོག་ངག་དབང་བློ་གྲོས་ཀྱིས་ནན་ཏན་ཆེན་པོས་གསུངས་ཤིང་།  འདར་མཁན་ཆེན་གྱིས་ཀྱང་གསུང་བསྐུལ་ངོར།  ཐང་སྟོང་སྙན་བརྒྱུད་ཀྱི་བླ་རྣམ་ཁ་སྐོང་དུ་ཆོས་ཀྱི་བློ་གྲོས་ཀྱིས་བྲིས་པའོ།།   །།}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-06-CHA]]
[[Category:JKCL-KABUM-Volume-06-CHA]]
[[Category:Khyentse Lineage Project]]