View source for JKCL-KABUM-04-NGA-052

{{Khyentse Metadata
|classification=Tibetan Publications
|subclass=Tibetan Texts
|fulltitletib=བླ་མའི་རྣལ་འབྱོར་གྲུབ་གཉིས་ཆར་འབེབས་དང་བླ་མའི་རྣལ་འབྱོར་བྱིན་རླབས་འདུས་པ།
|fulltitle=bla ma'i rnal 'byor grub gnyis char 'bebs dang bla ma'i rnal 'byor byin rlabs 'dus pa
|citation=[['jam dbyangs mkhyen brtse chos kyi blo gros]]. ''bla ma'i rnal 'byor grub gnyis char 'bebs dang bla ma'i rnal 'byor byin rlabs 'dus pa''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 4: 363-365. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Guru Yoga Texts - bla ma'i rnal 'byor
|terma=No
|jkcloutline=Four
|language=Tibetan
|volumenumber=004
|volnumtib=༤
|volyigtib=ང་
|totalvolumes=12
|textnuminvol=052
|pagenumbers=363-365
|totalpages=3
|beginfolioline=1a1
|endfolioline=2a3
|totalfolios=2
|multivolumework=No
|colophontib=* '''First colophon page 364:''' །ཞེས་པའང་སྨིན་གླིང་མཁན་ཆེན་རིན་པོ་ཆེ་ངག་དབང་མཁྱེན་བརྩེ་ནོར་བུས་བཀྲ་ཤིས་པའི་ལྷ་རྫས།  གསེར་གྱི་དོང་རྩེ་བཅས་གསུང་ནན་ཆེ་བ་དང་།  དེ་འབྲེལ་གདུང་སྲས་རིན་པོ་ཆེ་ནས་ཀྱང་འབྲི་གཞིའི་ཤོག་དཀར་བཅས་བསྐུལ་བས་མཚམས་སྦྱར་ཏེ་རྨོངས་རྒན་འདུ་ཤེས་གསུམ་པ་ཆོས་ཀྱི་བློ་གྲོས་པས་འོག་མིན་ཨོ་རྒྱན་སྨིན་གྲོལ་གླིང་གི་བླ་བྲང་ཆོས་འཁོར་ལྷུན་པོའི་གཟིམ་སྐྱིལ་དུ་བྲིས་ཏེ་ཕུལ་བ་དགེ།  སརྦ་མངྒ་ལཾ།།
* '''Second colophon page 365:''' །ཅེས་པའང་བསླབ་གསུམ་ལྡན་པ་བླ་མ་མར་སྒྲིལ་ནས་བསྐུལ་ངོར་བྲིས།།
|colophonwylie=* '''First colophon page 364:''' /zhes pa'ang smin gling mkhan chen rin po che ngag dbang mkhyen brtse nor bus bkra shis pa'i lha rdzas/__gser gyi dong rtse bcas gsung nan che ba dang /__de 'brel gdung sras rin po che nas kyang 'bri gzhi'i shog dkar bcas bskul bas mtshams sbyar te rmongs rgan 'du shes gsum pa chos kyi blo gros pas 'og min o rgyan smin grol gling gi bla brang chos 'khor lhun po'i gzim skyil du bris te phul ba dge/__sarba mang+ga laM//
* '''Second colophon page 365:''' /ces pa'ang bslab gsum ldan pa bla ma mar sgril nas bskul ngor bris//
|lotsawalink=https://www.lotsawahouse.org/tibetan-masters/jamyang-khyentse-chokyi-lodro/gathering-of-blessings
|pdflink=File:JKCL-KABUM-04-NGA-052.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|བླ་མའི་རྣལ་འབྱོར་གྲུབ་གཉིས་ཆར་འབེབས་བཞུགས་སོ།  །ན་མོ་གུ་ར་ཝེ།  དཔལ་ལྡན་བླ་མའི་རྣལ་འབྱོར་ལ་བརྩོན་པར་འདོད་པས་བདེ་བའི་སྟན་ལ་འཁོད་དེ།  སྐྱབས་སེམས་སྔོན་དུ་འགྲོ་བས།}}  ཨ།  རང་སྣང་དག་པ་འོག་མིན་ཞིང་།  །བཀོད་པ་རབ་ཏུ་རྫོགས་པའི་མཁར།  །འཇའ་ཟེར་ཐིག་ལེ་འཁྲུགས་པའི་ཀློང་།  །སེང་ཁྲི་དར་ཟབ་འབོལ་ཆེན་སྟེང་།  །པདྨ་ཡེ་ཤེས་རྡོ་རྗེ་ནི།  །དཀར་དམར་མདངས་ལྡན་ཆོས་གོས་གསོལ།  །དབུ་ལ་པཎ་ཞུ་དམར་པོས་མཛེས།  །ཞབས་ཟུང་རྡོ་རྗེའི་སྐྱིལ་ཀྲུང་བཞུགས།  །ཕྱག་གཡས་ཆོས་འཆད་གཡོན་མཉམ་བཞག  །སྐྱབས་ཀུན་འདུས་པའི་བདག་ཉིད་གསལ།  །གནས་གསུམ་ཡིག་འབྲུས་མཚན་པར་གྱུར།  །{{TibChung|ཚོགས་བསགས་པ་ནི།}}  རྡོ་རྗེ་སློབ་དཔོན་སངས་རྒྱས་དཔལ།  །{{TibChung|སོགས་ཡན་ལག་བརྒྱད་པས་ཚོགས་བསགས་བྱ།}}  པདྨས་བྱིན་བརླབས་བཀའ་གཏེར་བསྟན་པ་འཛིན།  །ཡེ་ཤེས་རྒྱ་མཚོའི་གསང་བའི་མཛོད་འཆང་བ།  །རྡོ་རྗེ་གཟི་འབར་རྩལ་ལ་གསོལ་བ་འདེབས།  །མཆོག་དང་ཐུན་མོང་དངོས་གྲུབ་སྩལ་དུ་གསོལ།  །{{TibChung|ཞེས་པའི་གསོལ་འདེབས་དང་།}}  ཨོཾ་ཨཱཿགུ་རུ་ཛྙཱ་ན་པདྨ་བཛྲ་སརྦ་སིདྡྷི་ཕ་ལ་ཧཱུྃ།  {{TibChung|ཞེས་ཅི་ནུས་བཟླ།}}  མཁྱེན་ནོ་མཁྱེན་ནོ་རྩ་གསུམ་ཀུན་འདུས་ཀྱི་ངོ་བོ།  །དྲན་ཆོག་ཆོས་ཀྱི་རྒྱལ་པོ།  །མཚུངས་མེད་དངོས་གྲུབ་ཀྱི་གཏེར་ཆེན།  །དཔལ་ལྡན་བླ་མ་ཁྱེད་མཁྱེན་ནོ།  །{{TibChung|ཞེས་ལན་གསུམ།}}  བླ་མའི་གནས་གསུམ་རྡོ་རྗེའི་འབྲུ་གསུམ་ལས།  །འོད་ཟེར་དཀར་དམར་མཐིང་གསུམ་སྐུ་ཡིག་འབྲུ།  །ཕྱག་མཚན་རྣམས་ཀྱིས་མཚན་པ་ཆར་བཞིན་བབས།  །རིམ་དང་ཅིག་ཅར་ཐིམ་པས་སྒྲིབ་བཞི་དག  །དབང་བཞི་ཐོབ་ཅིང་ལམ་བཞི་བསྒོམ་ལ་དབང་།  །སྐུ་བཞིའི་ས་བོན་རྒྱུད་ལ་བཞག་པར་བསམ།  །མཐར་ནི་བླ་མ་འོད་ཀྱི་གོང་བུ་ནི།  །ལྔ་ལྡན་གྲུ་གུ་འདྲིལ་བ་ལྟར་གྱུར་ནས།  །རང་གི་སྙིང་གར་སིབ་ཀྱིས་ཐིམ་པ་དང་།  །གཟུང་འཛིན་རྟོག་བྲལ་གཉུག་མའི་རང་ཞལ་བསྐྱངས།  །{{TibChung|ཅེས་མཉམ་པར་བཞག  །ཐུན་ལས་ལྡང་བ་ན།}}  དགེ་བ་འདི་ཡིས་ཚེ་རབས་ཐམས་ཅད་དུ།  །དཔལ་ལྡན་བླ་མས་རྗེས་སུ་འཛིན་པ་དང་།  །གསུང་གསང་གདམས་པའི་བདུད་རྩིས་བདག་གྲོལ་ཏེ།  །མཐའ་ཀླས་བསྟན་དང་འགྲོ་བའི་དོན་བྱེད་ཤོག  །{{TibChung|ཅེས་བསྔོ་སྨོན་དང་རྗེས་སྤྱོད་བླ་མའི་རོལ་པས་དུས་འདའ་བར་བྱའོ།  །ཞེས་པའང་སྨིན་གླིང་མཁན་ཆེན་རིན་པོ་ཆེ་ངག་དབང་མཁྱེན་བརྩེ་ནོར་བུས་བཀྲ་ཤིས་པའི་ལྷ་རྫས།  གསེར་གྱི་དོང་རྩེ་བཅས་གསུང་ནན་ཆེ་བ་དང་།  དེ་འབྲེལ་གདུང་སྲས་རིན་པོ་ཆེ་ནས་ཀྱང་འབྲི་གཞིའི་ཤོག་དཀར་བཅས་བསྐུལ་བས་མཚམས་སྦྱར་ཏེ་རྨོངས་རྒན་འདུ་ཤེས་གསུམ་པ་ཆོས་ཀྱི་བློ་གྲོས་པས་འོག་མིན་ཨོ་རྒྱན་སྨིན་གྲོལ་གླིང་གི་བླ་བྲང་ཆོས་འཁོར་ལྷུན་པོའི་གཟིམ་སྐྱིལ་དུ་བྲིས་ཏེ་ཕུལ་བ་དགེ།  སརྦ་མངྒ་ལཾ།།    །། ༈ བླ་མའི་རྣལ་འབྱོར་བྱིན་རླབས་འདུས་པ་བཞུགས།}}  རང་སེམས་སྤྲོས་པ་བྲལ་བ་ལ།  །རང་ངོ་ཤེས་པས་སྐྱབས་སུ་མཆི།  །མ་རིག་འཁྲུལ་པའི་མ་རྣམས་ཀུན།  །གདོད་མའི་ས་ལ་འགོད་པར་བགྱི།  ཨ།  རང་སྣང་དག་པ་དབྱིངས་ཀྱི་མཁར།  །རང་རིག་སྤྲོ་བསྡུ་བྲལ་བ་ཡི།  །རིག་རྩལ་མ་འགགས་ཅིར་ཡང་འཆར།  །འཁོར་འདས་ཀུན་ཁྱབ་སྲིད་ཞིའི་དཔལ།  །རིག་སྟོང་འཛིན་མེད་ཀློང་དུ་ཨ།  །{{TibChung|ཞེས་ད་ལྟའི་ཐད་ཀའི་ཐ་མལ་གྱི་ཤེས་པ་རྗེན་པ་བཟོ་བཅོས་དང་བྲལ་བའི་རིག་པ་སྟོང་གསལ་འདུས་མ་བྱས་པ་དེ་དཔལ་ལྡན་བླ་མའི་ཐུགས་སུ་ཐག་བཅད་དེ་དེའི་ངང་བསྐྱང་ངོ་།  །ཅེས་པའང་བསླབ་གསུམ་ལྡན་པ་བླ་མ་མར་སྒྲིལ་ནས་བསྐུལ་ངོར་བྲིས།།    །།}} }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-04-NGA]]
[[Category:Khyentse Lineage Project]]