View source for JKCL-KABUM-03-GA-186

{{Khyentse Metadata
|classification=Tibetan Publications
|subclass=Tibetan Texts
|fulltitletib=མཁས་གྲུབ་ཆེན་པོ་འབྲི་འཇམ་དབྱངས་གྲགས་པའི་མཆོག་སྤྲུལ་མྱུར་འབྱོན་གྱི་གསོལ་འདེབས་བྱིན་རླབས་ཟླ་སྣང་།
|fulltitle=mkhas grub chen po 'bri 'jam dbyangs grags pa'i mchog sprul myur 'byon gyi gsol 'debs byin rlabs zla snang
|citation=[['jam dbyangs mkhyen brtse chos kyi blo gros]]. ''mkhas grub chen po 'bri 'jam dbyangs grags pa'i mchog sprul myur 'byon gyi gsol 'debs byin rlabs zla snang''. In ''Rdzong sar mkhyen brtse 'jam dbyangs chos kyi blo gros kyi gsung 'bum'', Vol. 3: 587-588. Bir, H.P.: Khyentse Labrang, 2012.
|collectiontitletib=ཆོས་ཀྱི་བློ་གྲོས་བཀའ་འབུམ་
|collectiontitle=chos kyi blo gros bka' 'bum
|author='jam dbyangs mkhyen brtse chos kyi blo gros
|authortib=འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
|tibgenre=Petitions for a Speedy Rebirth - yang srid myur byon
|terma=No
|jkcloutline=Three
|language=Tibetan
|volumenumber=003
|volnumtib=༣
|volyigtib=ག་
|totalvolumes=12
|textnuminvol=186
|pagenumbers=587-588
|totalpages=2
|beginfolioline=1a1
|endfolioline=1b2
|totalfolios=1
|multivolumework=No
|colophontib=།ཅེས་པའང་རྗེ་དེ་ཉིད་ཀྱིས་ཉེ་བར་གནས་པའི་གསུང་གིས་བསྐུལ་བ་བཞིན་འཇམ་དབྱངས་ཆོས་ཀྱི་བློ་གྲོས་པས་རྫོང་སར་བཀྲ་ཤིས་ལྷ་རྩེའི་ཀུན་མཁྱེན་བླ་མའི་གཟིམ་སྐྱིལ་དུ་མེ་བྱི་ཁྲུམ་སྟོད་ཟླ་བའི་དཀར་ཕྱོགས་ཀྱི་རྫོགས་པ་གསུམ་པར་རྩེ་གཅིག་གུས་པས་གསོལ་བ་བཏབ་བཞིན་འགྲུབ་པར་བླ་མ་རྩ་བ་གསུམ་གྱིས་བྱིན་གྱིས་བརླབ་ཏུ་གསོལ།  མངྒ་ལཾ།།
|colophonwylie=/ces pa'ang rje de nyid kyis nye bar gnas pa'i gsung gis bskul ba bzhin 'jam dbyangs chos kyi blo gros pas rdzong sar bkra shis lha rtse'i kun mkhyen bla ma'i gzim skyil du me byi khrum stod zla ba'i dkar phyogs kyi rdzogs pa gsum par rtse gcig gus pas gsol ba btab bzhin 'grub par bla ma rtsa ba gsum gyis byin gyis brlab tu gsol/__mang+ga laM//
|pdflink=File:JKCL-KABUM-03-GA-186.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|{{TibChung|མཁས་གྲུབ་ཆེན་པོ་འབྲི་འཇམ་དབྱངས་གྲགས་པའི་མཆོག་སྤྲུལ་མྱུར་འབྱོན་གྱི་གསོལ་འདེབས་བྱིན་རླབས་ཟླ་སྣང་ཞེས་བྱ་བ་བཞུགས་སོ།}}    །ཨོཾ་སྭསྟི་སིདྡྷཾ།  རང་བྱུང་ཡེ་ཤེས་བདེ་བ་ཆེན་པོའི་དབྱིངས།    །འགྱུར་མེད་རྣམ་ཀུན་མཆོག་ལྡན་དུས་འཁོར་ལོ།    །གང་འདུལ་སྤྲུལ་པའི་གཟུགས་སུ་སྐུར་བཞེངས་པ།    །བླ་མ་འཇམ་པའི་དབྱངས་ལ་གསོལ་བ་འདེབས།    །མཁས་དང་གྲུབ་པའི་གྲགས་སྙན་ཕྱོགས་བརྒྱར་ཁྱབ།    །ཟབ་མོ་ནང་གི་བདེན་དོན་མངོན་སུམ་གཟིགས།    །ཕྱི་ནང་གཞན་གསུམ་དབྱེར་མེད་དཀྱིལ་འཁོར་དུ།    །སྟོན་མཛད་ཁྱབ་བདག་བླ་མར་གསོལ་བ་འདེབས།    །གཟུགས་སྐུ་ཆོས་དབྱིངས་དགའ་མར་སྙོམས་ཞུགས་ཀྱང་།    །རྒྱལ་རྣམས་ཞི་བའི་མཐའ་ལས་མི་གཞོལ་བས།    །དམིགས་མེད་སྙིང་རྗེའི་རོལ་རྩལ་སྤྲུལ་པའི་སྐུ།    །ངེས་དོན་བསྟན་པའི་མགོན་དུ་སྣང་བར་གསོལ།    །བར་ཆད་བདུད་ཀྱི་གནོད་པས་མི་བརྫི་ཞིང་།    །ཐེག་ཆེན་རིགས་ཀྱི་ནུས་པ་ཡོངས་སུ་རྒྱས།    །ཐོས་བསམ་སྒོམ་པའི་རྩལ་ཆེན་རྫོགས་པ་དང་།    །བསྟན་འགྲོར་ཕན་བདེ་རླབས་ཆེན་སྒྲུབ་ཏུ་གསོལ།    །དེ་ལྟར་གསོལ་བཏབ་བདེན་པའི་ནུས་པ་དང་།    །བླ་མ་དང་པོའི་སངས་རྒྱས་བྱིན་རླབས་མཐུས།    །ཇི་ལྟར་སྨོན་པ་བཞིན་དུ་འགྲུབ་པ་དང་།    །རང་གཞན་དོན་གཉིས་འབད་མེད་འབྱུང་བར་ཤོག  །{{TibChung|ཅེས་པའང་རྗེ་དེ་ཉིད་ཀྱིས་ཉེ་བར་གནས་པའི་གསུང་གིས་བསྐུལ་བ་བཞིན་འཇམ་དབྱངས་ཆོས་ཀྱི་བློ་གྲོས་པས་རྫོང་སར་བཀྲ་ཤིས་ལྷ་རྩེའི་ཀུན་མཁྱེན་བླ་མའི་གཟིམ་སྐྱིལ་དུ་མེ་བྱི་ཁྲུམ་སྟོད་ཟླ་བའི་དཀར་ཕྱོགས་ཀྱི་རྫོགས་པ་གསུམ་པར་རྩེ་གཅིག་གུས་པས་གསོལ་བ་བཏབ་བཞིན་འགྲུབ་པར་བླ་མ་རྩ་བ་གསུམ་གྱིས་བྱིན་གྱིས་བརླབ་ཏུ་གསོལ།  མངྒ་ལཾ།།    །།}}  }}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKCL-KABUM-Volume-03-GA]]
[[Category:Khyentse Lineage Project]]