View source for JKW-KABUM-01-KA-004-007

{{Khyentse Metadata
|classification=Tibetan Publications
|subclass=Tibetan Texts
|fulltitletib=ཟླ་བཟང་མཆོག་སྤྲུལ་རིན་པོ་ཆེའི་ཞབས་བརྟན་གསོལ་འདེབས་འཆི་མེད་གྲུབ་པའི་རྒྱུད་མང་།
|fulltitle=zla bzang mchog sprul rin po che'i zhabs brtan gsol 'debs 'chi med grub pa'i rgyud mang
|citation=[['jam dbyangs mkhyen brtse'i dbang po]]. ''zla bzang mchog sprul rin po che'i zhabs brtan gsol 'debs 'chi med grub pa'i rgyud mang''. In '''jam dbyangs mkhyen brtse'i dbang po'i bka' 'bum'', Vol. 1: 481-483. Khams sde dge rdzong sar dgon: Rdzong sar blo gros phun tshogs, 2020.
|collectiontitle=mkhyen brtse'i bka' 'bum
|collectiontitletib=མཁྱེན་བརྩེའི་བཀའ་འབུམ་
|author='jam dbyangs mkhyen brtse'i dbang po
|editor=rdzong sar blo gros phun tshogs
|authortib=འཇམ་དབྱངས་མཁྱེན་བརྩེའི་དབང་པོ་
|editortib=རྫོང་སར་བློ་གྲོས་ཕུན་ཚོགས་
|terma=No
|sabcadcategory=One
|associatedpeople=karma nges don bstan pa rab rgyas
|associatedpeopletib=ཀརྨ་ངེས་དོན་བསྟན་པ་རབ་རྒྱས་
|language=Tibetan
|volumenumber=001
|volnumtib=༡
|volyigtib=ཀ་
|totalvolumes=25
|textnuminvol=004
|textsubnumber=007
|pagenumbers=481-483
|totalpages=3
|beginfolioline=3a6
|endfolioline=4a6
|totalfolios=2
|multivolumework=No
|rectonotes=sde tshan 4
|versonotes=mkhyen brtse'i bka' 'bum
|colophontib=།ཅེས་སྔ་འགྱུར་རྡོ་རྗེ་ཐེག་པའི་གསང་སྔགས་ཆུ་བོ་བཞིའི་བཀའ་བབས་གཉགས་ལོ་ཙཱ་བ་ཆེན་པོ་ཡེ་ཤེས་གཞོན་ནུ་དྲི་མེད་ཟླ་ཤར་རྩལ་དང་།  ཕྱི་འགྱུར་སྒྲུབ་བརྒྱུད་སྙིང་པོའི་ཤིང་རྟ་ས་གསུམ་ན་མཉམ་མེད་དཔལ་སྙི་སྒམ་ཆེན་པོ་བསོད་ནམས་རིན་ཆེན་སོགས་ཐུགས་རྗེ་ཡས་སྤྲུལ་གྱི་དག་པའི་སྐྱེས་རབས་ཡིད་བཞིན་ནོར་བུའི་ཕྲེང་བ་ཚར་དུ་དངར་བ་སྐྱབས་རྗེ་ཟླ་བཟང་མཆོག་གི་སྤྲུལ་པའི་སྐུ་རིན་པོ་ཆེ་གང་ཉིད་རྒྱལ་བའི་མྱུ་གུ་གཞོན་ནུའི་ཚུལ་གྱིས་མཚན་དཔེའི་ཟླ་ཞལ་གསར་དུ་སྣང་བ་ཀརྨ་ཀུན་བཟང་ངེས་དོན་ཆོས་ཀྱི་རྒྱལ་མཚན་ཕྲིན་ལས་མཐའ་ཡས་དཔལ་བཟང་པོ་གང་ཉིད་ཞབས་པད་བསྐལ་པ་རྒྱ་མཚོར་འཚོ་ཞིང་གཞེས་ལ་ཆོས་ཀྱང་སྟོན་པའི་སླད་དུ་ཚིགས་སུ་བཅད་པ་བཀྲ་ཤིས་པའི་གྲངས་ལྡན་འདིའང་།  །ཤཱཀྱའི་དགེ་སློང་བྱ་བྲལ་སྤོང་བ་པ་འཇམ་དབྱངས་མཁྱེན་བརྩེའི་དབང་པོའམ།  པདྨ་འོད་གསལ་མདོ་སྔགས་གླིང་པས་རབ་ཚེས་ལྕགས་ཕོ་རྟའི་གནམ་ལོ་གསར་དུ་འཆར་བའི་ཆོ་འཕྲུལ་ཟླ་བ་ཕྱི་མའི་དཀར་ཕྱོགས་ཀྱི་ཚེས་བཅུར་བྲིས་ཏེ་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།།
|colophonwylie=ces snga 'gyur rdo rje theg pa'i gsang sngags chu bo bzhi'i bka' babs gnyags lo tsA ba chen po ye shes gzhon nu dri med zla shar rtsal dang /__phyi 'gyur sgrub brgyud snying po'i shing rta sa gsum na mnyam med dpal snyi sgam chen po bsod nams rin chen sogs thugs rje yas sprul gyi dag pa'i skyes rabs yid bzhin nor bu'i phreng ba tshar du dngar ba skyabs rje zla bzang mchog gi sprul pa'i sku rin po che gang nyid rgyal ba'i myu gu gzhon nu'i tshul gyis mtshan dpe'i zla zhal gsar du snang ba karma kun bzang nges don chos kyi rgyal mtshan phrin las mtha' yas dpal bzang po gang nyid zhabs pad bskal pa rgya mtshor 'tsho zhing gzhes la chos kyang ston pa'i slad du tshigs su bcad pa bkra shis pa'i grangs ldan 'di'ang /__/shAkya'i dge slong bya bral spong ba pa 'jam dbyangs mkhyen brtse'i dbang po'am/__pad+ma 'od gsal mdo sngags gling pas rab tshes lcags pho rta'i gnam lo gsar du 'char ba'i cho 'phrul zla ba phyi ma'i dkar phyogs kyi tshes bcur bris te gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol
|pdflink=File:JKW-KABUM-01-KA-004.pdf
}}
{{Header}}
<h1 style="font-size: 24px !important;">Tibetan Text</h1>
<onlyinclude>
{{TibP|མཚུངས་མེད་ཟླ་བཟང་མཆོག་གི་སྤྲུལ་པའི་སྐུ་རིན་པོ་ཆེའི་ཞབས་བརྟན་གསོལ་འདེབས་འཆི་མེད་གྲུབ་པའི་རྒྱུད་མང་ཞེས་བྱ་བ་བཞུགས་སོ།  །ཨོཾ་སྭསྟི་སིདྡྷི་རསྟུ།  འཇིག་རྟེན་དབང་ཕྱུག་ཁྱབ་བདག་ཀ༷རྨ༷་པའི།  །ཀུན༷་བཟ༷ང་ངེས༷་དོན༷་ཆོས༷་ཀྱི༷་རྒྱལ༷་མཚ༷ན་ཆེ།  །གཞན་ཕན་ཕྲིན༷་ལས༷་མཐ༷འ་ཡ༷ས་དཔ༷ལ་བཟ༷ང་པོ༷།  །འཆི་མེད་མགོན་པོའི་ངོ་བོར་འཚོ་གཞེས་གསོལ།  ༡  །གང་སྐུ༷་ཚུལ་ཁྲིམས་ཕུང་པོས་རབ་ཏུ་བརྗིད།  །ཏིང་འཛིན་བྱེ་བ་ཕྲག་བརྒྱར་སྙོམས་པར་འཇུག  །ཤེས་རབ་གསུམ་གྱིས་འཇིག་རྟེན་མུན་སེལ་བ།  །ཤཱཀྱ་སེང་གེའི་ངོ་བོར་འཚོ༴  ༢  ཁྱོད་གསུང༷་དབྱངས་ཀྱི་ཡན་ལག་ཆ་ཤས་རེས།  །ཞི་བསིལ་བདུད་རྩིའི་ཆོས་ཆར་བྱེ་བ་སྙེད།  །འཁོར་བ་སྲིད་དུ་རྒྱུན་མི་འཆད་འབེབས་པ།  །འཇམ་དཔལ་གཞོན་ནུའི་ངོ་བོར༴  ༣  གང་ཐུག༷ས་སྟོང་ཉིད་དབྱིངས་ལས་འཕོ་མེད་བཞིན།  །སྙིང་རྗེའི་འཛུམ་དཀར་གཡོ་བས་སྲིད་དང་ཞིའི།  །རྒུད་པ་མཐའ་དག་གཅིག་ཅར་བསྙིལ་མཛད་པ།  །ཕྱག་ན་པདྨོའི་ངོ་བོར༴  ༤  ཡོན༷་ཏན༷་སྟོབས་བཅུ་མངའ་བ་མཐའ་དག་གི  །བྲལ་སྨིན་ནོར་བུའི་གདུགས་དཀར་འཛིན་མཛད་པས།  །ཡིད་སྲུབས་དཔུང་བཅས་ཕྱོགས་ལས་རྣམ་རྒྱལ་བའི།  །གསང་བདག་དཔའ་བོའི་ངོ་བོར༴  ༥  ཕྲིན༷་ལས༷་རྟག་པ་དམ་པའི་མནྡཱ་རས།  །གང་འདུལ་འདོད་རྒུ་མཁའ་ཁྱབ་འཇོ་མཛད་པ།  །བསྐལ་བཟང་རྣམ་འདྲེན་སྟོང་གི་རྒྱལ་ཚབ་ཆེ།  །པདྨཱ་ཀཱ་རའི་ངོ་བོར༴༦  མདོར་ན་ཚུལ་གནས་གསན་བསམ་སྒོམ་པར་ལྡན།  །མཁས་བཙུན་བཟང་པོའི་རྣམ་ཐར་ལྷམ་མེར་གསལ།  །མཁྱེན་བརྩེ་ནུས་པའི་ཡེ་ཤེས་རྨད་བྱུང་བ།  །སྐྱབས་གནས་ཀུན་འདུས་ངོ་བོར༴  ༧  རྒྱལ་བའི་མྱུ་གུ་བསྐལ་བརྒྱར་ཞབས་བརྟན་ཅིང་།  །རྒྱལ་སྲས་བསྟན་འཛིན་འཛམ་གླིང་ཁམས་ཀུན་ཁྱབ།  །རྒྱལ༷་བསྟན༷་དྲི་མེད་ཕྱོགས་བཅུར་འཕ༷ལ་ཞིང་རྒྱས༷།  །རྒྱལ་བ་དགྱེས་པའི་དགེ་མཚ༷ན་ལྷུན་གྲུབ་ཤོག  ༨  །ཅེས་སྔ་འགྱུར་རྡོ་རྗེ་ཐེག་པའི་གསང་སྔགས་ཆུ་བོ་བཞིའི་བཀའ་བབས་གཉགས་ལོ་ཙཱ་བ་ཆེན་པོ་ཡེ་ཤེས་གཞོན་ནུ་དྲི་མེད་ཟླ་ཤར་རྩལ་དང་།  ཕྱི་འགྱུར་སྒྲུབ་བརྒྱུད་སྙིང་པོའི་ཤིང་རྟ་ས་གསུམ་ན་མཉམ་མེད་དཔལ་སྙི་སྒམ་ཆེན་པོ་བསོད་ནམས་རིན་ཆེན་སོགས་ཐུགས་རྗེ་ཡས་སྤྲུལ་གྱི་དག་པའི་སྐྱེས་རབས་ཡིད་བཞིན་ནོར་བུའི་ཕྲེང་བ་ཚར་དུ་དངར་བ་སྐྱབས་རྗེ་ཟླ་བཟང་མཆོག་གི་སྤྲུལ་པའི་སྐུ་རིན་པོ་ཆེ་གང་ཉིད་རྒྱལ་བའི་མྱུ་གུ་གཞོན་ནུའི་ཚུལ་གྱིས་མཚན་དཔེའི་ཟླ་ཞལ་གསར་དུ་སྣང་བ་ཀརྨ་ཀུན་བཟང་ངེས་དོན་ཆོས་ཀྱི་རྒྱལ་མཚན་ཕྲིན་ལས་མཐའ་ཡས་དཔལ་བཟང་པོ་གང་ཉིད་ཞབས་པད་བསྐལ་པ་རྒྱ་མཚོར་འཚོ་ཞིང་གཞེས་ལ་ཆོས་ཀྱང་སྟོན་པའི་སླད་དུ་ཚིགས་སུ་བཅད་པ་བཀྲ་ཤིས་པའི་གྲངས་ལྡན་འདིའང་།  །ཤཱཀྱའི་དགེ་སློང་བྱ་བྲལ་སྤོང་བ་པ་འཇམ་དབྱངས་མཁྱེན་བརྩེའི་དབང་པོའམ།  པདྨ་འོད་གསལ་མདོ་སྔགས་གླིང་པས་རབ་ཚེས་ལྕགས་ཕོ་རྟའི་གནམ་ལོ་གསར་དུ་འཆར་བའི་ཆོ་འཕྲུལ་ཟླ་བ་ཕྱི་མའི་དཀར་ཕྱོགས་ཀྱི་ཚེས་བཅུར་བྲིས་ཏེ་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།།  །། ༈}}
</onlyinclude>
{{TsagliCall}}
<headertabs/>
== Footnotes ==
<references/>
==Other Information==
{{Footer}}
[[Category:JKW-KABUM-01-KA-004]]
[[Category:Khyentse Lineage Project]]
[[Category:JKW-KABUM-Volume-01-KA]]