JKW-KABUM-01-KA-002-177-wylie
gling dkar rgyal por stsal ba'i shis smon dbang bcu mnga' ba ma/__
d+harma rA dza s+ya tiSh+ThaM s+thA na s+ya bar+Na shu b+haM/__/shrI swasti bi dza yan+tu/__dbaXng bcu mnga' ba rnams kyi ye shes byin/__/chen po'i rigs kyi thig ler dbab pa las/__/chosaX srid dpal gyi 'byor pas khor yug ljongs/___/skyongaX bzhin 'tsho gzhes yun ring brtan gyur cig__/'chi med mgon pos bdud rtsis dbang bskur zhing /__/rnam par rgyal mas mi mthun phyogs kun thul/__/yid bzhin 'khor los phrin las rmad byung ba/__/khyed la rtag tu shis pa mdzad gyur cig__/bdag kyang ring por 'tsho zhing don gnyis grub/__/chos rgyal mchog kyang sku tshe chab srid rgyas/__/'jig rten khams kun bde skyid dpal rab 'bar/__/rtsa gsum rgya mtsho'i shis pas skyong gyur cig__/ces mi rje dam pa gang nas ngos cag la bong ba gser gzigs kyis brtan bzhugs kyi tshigs su bcad pa/__lha rdzas rgyas pa'i mdangs ldan/__tshe dpag med sprul sku'i snang brnyan byin can/__sna tshogs rdo rje'i re khAs bkra ba'i za 'og gi dril gdan bcas ched stsal ltar/__smin drug zla ba'i dkar phyogs kyi dus bzang po tshes bcu'i nyi shar la 'byor pa rten 'byung mchog tu dge bar mngon par spro ba'i yid kyis slar yang mi'i dbang po gang la shis pa brjod pa'i tshigs su bcad pa dang /__'chi med sku gsung thugs rdo rje'i snang brnyan/_sku tshe'i tshe rdzas ril bu bcas de 'phral du 'jam dbyangs bla ma dgyes pa'i 'bangs mkhyen brtse'i dbang pos phul ba dge legs kyi snang bas phyogs dus thams cad du rtag cing khyab par gyur cig__/
