JKW-KABUM-01-KA-002-153-wylie
rdzogs sprul bzhi pa'i myur 'byon gsol 'debs don kun grub pa'i dbyangs snyan/
skyabs mgon rdzogs chen rin po che bzhi pa'i mchog sprul myur 'byon gyi gsol 'debs don kun grub pa'i dbyangs snyan ces bya ba bzhugs so/__/
miX 'gyuraX namaX mkha'aX rdoX rjeX chos kyi dbyings/__/tsheX dbaXng grubaX pa'iX rtsal 'chang longs spyod rdzogs/__/gang 'dul sgyu 'phrul drwa ba sprul pa'i sku/__/skyabs gcig bla ma 'bod do brtse bas dgongs/__/mgon khyod gdod nas rtag pa'i mchog brnyes pas/__/skye dang 'gag pa'i mtshan ma las 'das kyang /____/kun rdzob gdul bya'i tshogs rnams drang ba'i phyir/__/chos dbyings zhi ba chen por mnyam bzhag pas/__/'dzam gling bstan 'gro spyi dang khyad par du/__/snga 'gyur theg pa'i bshad sgrub nyams pa dang /__/bdag cag rjes 'jug slob ma'i tshogs rnams kun/__/nyam thag gdung bas 'bod la deng 'dir dgongs/__/gzhan don thugs bskyed dam bca' mthar phyin nas/__/byang chub mchog gi go 'phang mngon mdzad pa'i/__/ye shes snying rje'i rtsal shugs sprugs nas kyang /__/'khrul med sprul pa'i sgyu 'phrul myur du ston/__/phun sum tshogs pa'i gzigs pa rnam pa lngas/__/bskal bzang sgron me stong gi ngo mtshar dang /__/rnam thar phrin las mtha' dag yongs rdzogs pas/__/lhar bcas 'jig rten rgyas par 'gengs mdzad gsol/__/mchog gi sprul pa'i snang brnyan gsal bar shar/__/tshul gnas gsan bsam sgom pa'i pha mthar son/__/rmad byung 'khor lo gsum gyi mdzad pa yis/__/bstan 'gro'i phan bde 'phel bar byin gyis rlobs/__/dkon mchog rtsa gsum rgya mtsho'i bden stobs dang /__/chos nyid chos can rgyu 'bras bslu med mthus/__/ji ltar gsol ba btab bzhin myur 'grub nas/__/sa gsum bkra shis snang bas khyab gyur cig__/ces mtshungs bral bstan 'gro'i dpal mgon rdzogs chen mchog sprul rin po che bzhi pa rdo rje 'chang mi 'gyur nam mkha'i mtshan can chos dbyings zhi ba chen por thugs gzhol ba'i tshul ston pa'i skabs/__'khrul med sprul pa'i zla snang myur du 'char ba'i gsol 'debs don kun grub pa'i dbyangs snyan ces bya ba 'di'ang /__snga 'gyur bstan pa'i gsal byed dpon slob mchog gi sprul pa'i skus bkra shis pa'i lha rdzas dang /__rin chen dang po'i gnang skyes bcas bka' stsal nor bu'i phreng bas bskul ba spyi bor mchod de/__bya bral chos rje 'jam dbyangs mkhyen brtse'i dbang pos gang shar shugs 'byung du bris te gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol//__//_!
