JKW-KABUM-01-KA-002-136-wylie
rnam 'dren bla ma rin po che kun dga' chos kyi dbang po'i zhabs brtan gsol 'debs 'chi med grub pa'i rol mo/__
rnam 'dren bla ma rin po che kun dga' chos kyi dbang po'i zhabs brtan gsol 'debs 'chi med grub pa'i rol mo zhes bya ba bzhugs so/__/'chi med tshe dpag med mgon rnam par rgyal/__/yid bzhin 'khor lo'i thugs rje'i byin rlabs kyis/__/dpal ldan bla ma bskal brgyar 'tsho gzhes shing /__/phrin las phyogs dus kun tu khyab par shog__/tshul khrims phung por nyes pa'i skyon dang bral/__/mang du gsan dang bsam pa'i pha rol son/__/nges 'byung drag pos sgrub pa'i rgyal mtshan bsten/__/kun dga' chos kyi dbang po zhabs brtan gsol/__/byams dang snying rje byang chub sems mchog 'byongs/__/ting nge 'dzin dang shes rab dri ma med/__/gzhan phan rnam dkar phrin las bsam mi khyab/__/rgyal ba'i myu gu chen po zhabs brtan gsol/__/dben pa'i gnas su dbang bzhi'i lam zab mo/__/rtse gcig bsgom pas sgrib bzhi yongs sbyangs te/__/sku bzhi'i rgyal srid che la dbang 'byor ba'i/__/rdo rje 'dzin pa'i gtsug rgyan zhabs brtan gsol/__/rje btsun bla ma'i zhabs pad bskal brgyar brtan/__/dad ldan slob ma'i bsam sbyor chos bzhin 'grub/__/bshad sgrub bstan pa dar zhing 'gro kun bde/__/myur du byang chub go 'phang thob par shog__/ces pa'ang rje de nyid kyi thugs sras sgrub brtson spong ba pa chen po many+dzu shrI d+h+wa dzas bkra shis pa'i lha rdzas dang bcas ched du bskul ba dang /__rang nyid kyis kyang mngon par dwangs ba'i yid kyis kun nas bslangs te/__bya bral ba 'jam dbyangs mkhyen brtse'i dbang pos rab tshes sa 'brug gi lo mgo zla ba'i dkar phyogs kyi tshes bcur gsol ba btab pa de de bzhin du 'grub par bla ma rgyal ba sras dang bcas pas byin gyis brlab tu gsol/__sarba dA ka l+yA NaM b+ha ba tu/__/
