JKCL-KABUM-Volume-11-DA-Full Text Tibetan-wylie

@#/__/shrIHrdzong gsar bkra shis lha rtse'i chos grwa 'dir rab byung bcu drug pa'i thog ma me yos lor rdo rje gzhon nu'i sgrub mchod la zhal 'deb phul tho bzhugs/__ oM swasti/__brtan g.yo'i khyab bdag 'jigs rung gar dgu'i sku/__/bzhad pa'i nga ro 'brug stong ldir ba'i gsungs/__/snying rjes rab zhi 'jam pa'i thugs mnga' ba/__/bla ma rdo rje gzhon nus shis pa stsol/__/ces dge legs tshig gi me tog 'thor bas shis par byas te/__shrIHrdzong gsar bkra shis lha rtse'i chos grwa 'dir rab byung bcu drug pa'i thog ma me yos lor rdo rje gzhon nu'i sgrub mchod 'dzugs nas shing lug phan lo nyer dgu 'das par/__dpal sa skya'i phun tshogs pho brang gi gdung sras bgres pa 7skyabs mgon bdag chen rdo rje ngag dbang kun dga' bsod nams dang /__de sras 'jam dbyangs kun dga' dbang rgyal yab sras zhal rgyas kyis gdan sa chen po dpal ldan sa skya'i phyag bzhes ltar sgrub mchod gar mchams bcas par zhus dag bcos bsgyur gyi bslab sbyongs dang /__sgrub mchod tshogs dbur phebs pa'i bka' drin chen po bskyangs skabs/__rdzong dgon bla ma mkhas grub bstan dar ma 'das gong nas phyag rdzas spangs dag gis phur pa'i sgrub mchod gtsor byas la zhal 'deb phul ba/__bla chos nas tshong bsgyur bgyis pa rgya rdo bco brgyad dang /__sgor 129spyi chung gi rten rtsa chad mthud la brten bzhag byas 'phros/__phur sgrub bla grwa sngar yod khar gsar 'phar bla grwa 51gi gsol chas sku yon dang /__mchod chas gegs gong debs nang gsal rigs 'gres/__mdzod tshe dpal/__bla chos las sne gsar rnying lhan rgyas/__spyi pa rnams bcas ngos 'dzoms kyi zhib brtsis he bag med par gtan 'bebs bgyis pa'i tho bkod pa la/__mchod chas skor nyin bcu gcig la tshogs rtsam 'bo bcu gnyis/__mchod nas tshogs chang bcas 'bo do/__mthud dang tshogs bcas la chur 'bo drug__/gro slas la gro 'bo drug__/nyin brgyad la thug rtsam 'bo phyed bcu gsum/__nyin bcu gnyis gro mchan 'bo sum cu so drug__/nyin bcu gnyis tsha 'bo lnga bla ma gcig gi rtsam spar bcu gnyis la 'bo phyed do bcas khyon bsdoms 'bo brgyad cu gya gcig thob/__grwa grangs lnga bcu la rtsam mal 'bo lnga bcu bcas gong 'khod khyon bsdoms 'bo gcig brgya sum cu so gcig thob pa la rten rtsa ma rkang ra tsha'i sa zhing nas 'khor pa'i phog zhing zur phud kyi de byings gling khang khams ra bcas chab tshang gi zhing yig gsham gsal ltar la 'di lo phyed thog 'bring smad kyi dbang du btang bas nas sgro bcu dgu la 'bo gcig brgya so gcig lhag tsam 'dug pas gong gsal rten rtsa rgyas spros yin rtsis dang /__dngul gyi rten theb/__tshogs sha la sgor nyis brgya bzhi bcu brtsis/__de la ma rkang rdil tshad phyed brgyad/__slob dpon sku yon sgor brgyad cu/__de la ma rkang rdil tshad phyed gsum/__grwa grangs lnga bcu la sku yon sgor nyis brgya tham pa/__de la ma rkang rdi~Xl tshad drug dang sgor bzhi bcu/__ja mchan thug pa gro slas tshogs slob dpon phye mar rgya gang bcas phur pa'i deb yig nang bzhin brtsis pa'i mar rgya drug cu re brgyad thob/__mar rgya gang re la ltag sgor bco brgyad re brtsis ba'i skyed rdi~Xl tshad bdun dang /__sgor gcig brgya dang bzhi thob/__de la ma rkang rdil tshad sum cu so brgyad dang /__sgor bzhi bcu/__skyed mgo ja bag phyed dgu la ma rkang bzang ja dngos cin dang bag bzhi bcu zhe gnyis yod/__spyi g.yog phyed gsum/__dge tshul gnyis bcas la yon sgor bco brgyad/__de la ma rkang sgor dgu cu/__rtsam mal 'bo phyed lnga/__de phan grwa spyi la nas dngos rtsis sprod 'bo sum bcu yod par bzhi skyed brtsis 'bo phyed brgyad babs/__de nang rtsam mal 'bo phyed lnga brtsis/__'bo gsum mchan dang thug pa la brtsis/__gong gsal dngul ma rkang dgos rigs 'bor bsdoms rdil tshad lnga bcu nga lnga dang sgor bcu yod/__yang du 'chams pa rnams la sku gsol phyag 'gyed rten/__slob dpon sku skal gong gis 'thus rgyu byas 'phros/__'chams pa rnams dang phyi nang 'tshogs bzhugs yod rigs sku skal rkyang brtsis kyi zhal grangs gcig brgya zhe bdun/__bla chos drug la skal log brtsis pa'i khyon gcig brgya nga gsum la 'gyed sgor gnyis re brtsis khyon ltag sgor sum brgya dang drug thob pa la ma rkang rdil tshad dgu dang sgor dgu bcu/__'chams pa bzhi bcu zhe gcig la sgor gnyis re/__slob dpon/__'chams dpon gnyis bcas la skal log brtsis pa'i sgor brgyad cu gya brgyad la ma rkang rdil tshad gnyis dang sgor gcig brgya nyi shu bcas bzhag yod pas/__gong gsal ma rkang rten rtsa khyon bsdoms rdil tshad drug cu re bdun dang /__sgor drug cu tham pa grwa spyi gsum la so sor bsgos pas khag re la d+hil tshad nyer gnyis dang /__sgor bdun cu don gsum/__dngul zho gang re bcos yod/__dngul 'di nang khag re la dag yan sgor gcig brgya brgyad cu gya gcig re yod pas dag gor re la rtse sgor drug brtsis byas yod khag re la nas dngos 'bo bcu re/__ja bag bcu bzhi re bcas rtsis sprod yod/__gong 'khod 'bru 'babs la phan bskyed/__da snga phan phur bla lhun grub steng nas sa phur gyang gsum gang rigs gdan zhus dgos pa/__'di lo nas 7skyabs mgon bdag chen rin po ches rang dgon las thog bla mas slob dpon bgyid chog pa'i bka' drin thob pa phur bla'i gsol bsnyen thebs sde dge bdag por zhus thob rme shod h+yo nas ra tsha'i sa chus zhing phrul du yod dang son 'gro de 'brel gling khang khams ra bcas kyi zhing yig gsham bkod ltar la/__'bru 'bab gong 'khod kyis rten rtsa rgyas 'dongs yod pas/__bla brang nas 'dir phan pa'i ched dmigs gsol mchod kyi rten rtsar mkhas grub 'das pa'i grwa 'phar skabs gtsang 'bal mdzad zin pas spyi khag gsum nas lo nar sa zhing lag len bstar rgyu dang ja dngul nas gsum gyi rten rtsa rnams ji srid bstan pa gnas kyi bar du spyi pa rim can nas rtsa ba rtsis sprod/__lo mas gtong sgo bya lugs debs yig 'dis gsal rigs chad lus 'phri lhag med pa dge 'dun pa'i nyams rtsar smin nges lhag blo gong spel zhu ba las/__rten rtsa snga rjes gnyis char rang bzhin 'ol tshod kyi phyag las stabs gang bde'i le lo 'thus shor spu tsam chog rgyu min pa nges 'tshal/__rab byung bcu drug pa'i shing rta zla 11tshes 10bzang por 'jam dbyangs mkhyen brtse sprul skus spel ba dge/__de 'brel sgang sna sprul ming pas/__rtse shod las byed mdzod tshe dpal dang /__bla chos gsar rnying bcas thun mong nas bris pa dge/__//__bkra shis dpal 'bar 'dzom gling rgyan drug shog/__//__ @#/__/rdo rje'i chos skyong srung mar gtor ma 'bul ba'i cho ga las bzhi lhun grub ces bya ba bzhugs so/__/ na mo shrI he ru ka ya/__bdud kyi sde tshogs bye ba 'bum sde rnams/__/gang sku'i zer tsam phog pas ba mo la/__/nyi mas reg bzhin rnam par 'thags mdzad pa/__/he ru ka dpal nag por chen por 'dud/__/dgyes byed gtor ma'i cho ga ni/__/rnam gsal don bzang phrin las rnams/__/'bad med 'grub pa'i myur mgyogs ldan/__/las bzhi lhun grub 'dir dbye bya/__/de la sngags kyi dkyil 'khor du dbang thob cing /__dam tshig dang sdom pa ldan pas/__chos skyong rnams rang gi rig pa'i rol rtsal du shes pas gnas dben par dam tshig gi bris sku dang /__mchod gtor dpal bshos stod zur gsum/__smad zlum po/__g.yas g.yon mdun rgyab tu dmar gtor gru gsum che ba dang /__de rnams kyi mthar gtor chung dgu yis bskor ba/__bar mtshams rnams su mtheb kyu ci mang dmar rtsis byugs shing rgyan spros can dar gdugs kyis mdzes pa dang /__phyi nang gi nyer spyod mchod pa/__g.yas g.yon sman raka__/'bul gtor dpung rang mdun rgyabs su mtheb kyu grangs mang brtsegs pa/__chang phud dang /__rgya ja'i skyems phud rnams bshams la bdag gi rnal 'byor sngon du 'gro bas/__mchod gtor rnams la chu chang nang gsum gyis bran/__oM badz+ra a mr-i ta kuN+Da lI ha na ha na hU~M phaT/__kyis bsangs/__oM swa b+hA wa shud+d+ha sarba d+harma swa b+hA wa shud+d+ho\u0f85 haM/__zhes las sbyangs/__stong pa'i ngang las gnas khang thar pa chen po'i gzhal med khang gi nang du a las b+hany+dza 'bar ba'i snod yangs shing rgya che ba'i nang du mchod gtor rnams dwangs shing thogs pa med pa sa dang nam mkha' bar snang thams cad yongs su gang ba'i phyi nang gsang ba'i mchod pa'i sprin phung mtha' klas par gyur/__oM badz+ra ar+g+haM nas/__shab+da AHhU~M/__gi bar dang /__ra~M ya~M kha~M/__stong pa'i ngang las rlung me thod pa'i sgyed pu gsum la gnas pa'i bdud rtsi dang /__gtor ma'i snod ye shes kyi pA la yangs shing rgya che ba'i nang du lcags kyu lnga sgron ma lnga zhu ba las bdud rtsi dang gtor ma kha dog dri ro nus pa phun sum tshogs pa dang /__pad+ma'i snod du rak+ta'i rgya mtsho rba rlabs mkha' la 'phyo zhing 'dod yon gyi lha mo 'phro bar gyur/__oM AHhU~M sarba pany+tsa a mr-i ta rak+ta ba liM ta AHhU~M/__lan gsum gyis byin gyi brlabs/__rang gi snying ga nas 'od zer 'phros pas bla ma rtsa ba gsum gyi lha tshogs mdun gyi nam mkhar badz+ra sa mA dzaHzhes pas drangs/__pad+ma ka ma lA ya s+t+waM/__gyis gdan dbul/__oM AHhU~M gu ru d+he wa d+hA ki maN+Dal la sa pa ri wa ra i daM ba liM ta kha kha khA hi khA hi/__lan gsum gyis phul/__ma hA pany+tsa a mr-i ta khA hi/__ma hA rak+ta khA hi/__zhes sman rag mchod/__hU~M hrIHbyin rlabs sprin phung rig 'dzin bla ma dang /__/dngos grub char 'bebs yi dam zhi khro'i lha/__/phyi nang dpa' bo DA ki'i tshogs rnams la/__/gus pas bstod do mchog thun dngos grub stsol/__/bla ma rtsa gsum 'khor bcas rnams/__/mchod sbyin gtor ma 'di bzhes la/__/sogs kyi phrin las bcol/__de nas chos skyong la gtor ma 'bul ba ni/__oM badz+ra a mr-i ta kuN+Da li ha na ha na hU~M phaTaHoM shu n+ya tA dz+nyA na badz+ra swA b+hA wa at+ma ko\u0f85 haM/__stong pa'i ngang las rang nyid lhar gsal mdun/__dur khrod drag po 'jigs shing 'khrugs pa'i klong /__/rdo rje'i brag chen srung ba'i gur chen du/__/drag po'i pho brang mtshan nyid yongs rdzogs dbus/__/lcags 'khor rtsibs bzhi'i lte bar pad nyi dang /__/ro steng hU~M las rdo rje gur gyi mgon/__/zhal gcig phyag gnyis mi thung zlum po'i stabs/__/dar nag gos dang dur khrod chas kyis spras/__/phyag gnyis gri thod thugs kar steng 'og bsnams/__/rdo rje'i gaN+Dir sprul pa'i dmag dpung 'gyed/__/g.yas na bya nag g.yon du khyi nag dang /__/rgyab na ce spyang mdun na mi nag 'bum/__/steng na khyung chen 'bum sde lding zhing 'khor/__/mi bskyod rigs kyi bdag po'i cod pan 'chang /__/g.yon du Ta~M las e ka tsa ti sngo/__/zhal gcig phyag gnyis bum pa thugs kar 'dzin/__/g.yu yi ral gcig lan bu g.yon du 'phyangs/__/khro mo'i rnam pas sems skyil du bzhugs pa'i/__/lto bar trag las khrag gi rgya mtsho'i dbus/__/b+h+yoHlas 'dod khams lha mo bong bu zhon/__/zhal gcig phyag bzhi dang pos ral gri dang /__/g.yon pas thod khrag g.yon 'og mdung rnon dang /__/gnyis pas shak+ti 'dzin cing rus rgyan dang /__glang ko'i stod g.yogs ba glang kos smad g.yogs/__/re lde'i sham thabs mi ro khar bcug cing /__/rid cing mi sdug mkha' 'gro sha za dang /__ma mo bye ba'i dbus su hU~M b+h+yoHsgrogs/__/mgon po'i thugs ka'i hU~M dang lha mo'i maM/__/de las tri yig gnyis chad lcam dral gyi/__/mdun du pad nyi ro yi gdan gsum gyi/__/g.yas phyogs tri yig yongs gyur gnod sbyin nag__/g.yas pas gser gyi gri gug mkha' la 'phyar/__/g.yon gyi spar ba phyir gdengs nyi ma dang /__/zhabs g.yon brkyangs pa'i gyad kyi dor stabs bzhugs/__/g.yon gyi gdan steng tri yig yongs gyur las/__/nag mo gnod sbyin g.yas pas spu gri dang /__/g.yon gyi spar ba phyir gdengs zla dkyil 'char/__/g.yas brkyang bzhugs pa yab yum de gnyis las/__/rang 'dra mang spros tshur 'dus yab yum gyi/__/thugs srog tri maM gnyis las tri zung dang /__/maM chad mon bu pu tra mdog nag po/__/shang lang 'phyar zhing thod pa khrag bkang bsnams/__/b+ha tra mdog nag g.yas pas dam shing dang /__/g.yon gyis nyams pa'i snying dmar zhal du gsol/__/maM las mon mo gser gyi spu gri nag__/g.yas pas gser gyi spu gri rnon po dang /__/g.yon pas gdug can rgyu ma zhal du 'dren/__/lnga ka mi sdug srin po'i gzugs 'chang ba/__/dar nag gos dang rus rgyan sgyu ma dang /__/mi mgo'i phreng bas spras shing 'jigs rngams bzhugs/__/ru 'dren sde bzhi'i dmag tshogs sprin ltar 'khrigs/__/shar rtsibs pad nyi hU~M mthing yongs gyur las/__/dpal mgon ma ning nag po gtum khro'i nyams/__/zhal gcig phyag gnyis g.yas pas ru mtshon 'phyar/__/g.yon pas nyams pa'i snying dang zhags pa 'dzin/__/sbrul nag ral pa nag po thur du 'phyangs/__/khro bo'i chas dang dar nag 'jol ber gsol/__/gser sked mi lpags rlon pa'i ska rags can/__/tsan+dan bing chen sked btsugs zhabs g.yon brkyangs/__/ro yi gdan la gyad kyi dor stabs bzhugs/__/g.yon du yum mchog dpal 'bar nag mo dang /__/mdun du las mkhan srog bdud nag po dang /__/de yi phyi rol mgon po sde lnga dang /__/'dod khams lha mo dmag dpon sde bzhi dang /__/dregs pa sde brgyad 'khor gyis bskor bar bzhugs/__/lho yi rtsibs la hU~M las phyag bzhi pa/__/dang po gnyis kyi gri thod mtha' ma gnyis/__/ral gri dang ni kha T+wA~M ka 'phyar zhing /__/khro bo'i chas rdzogs tsaN+Di kar 'khyud cing /__/mkha' lding bya khyi ce spyang tshogs rnams 'tshubs/__/las kyi mgon po bya gdong 'bar ma nag__/bdud mgon seng gdong khyab 'jug gshin rje dang /__/rdo rje legs pa gnod sbyin nag mo sogs/__/sprul pa yang sprul 'khor tshogs dpag med gsal/__/nub kyi rtsibs la hU~M las myur mdzad mgon/__/zhal gcig phyag drug gri gug thod khrag dang /__/thod phreng rtse gsum DA ru zhag pa 'dzin/__/dur khrod chas dang zhabs gnyis mnyam pa'i stabs/__/bgegs kyi rgyal po mnan cing tsan+dan gyi/__/sdong por rgyab brten ye shes me 'bar bzhugs/__/dpal ldan lha mo k+She tra pa la dang /__/TA ki ra dza bdud mgon trak+shad sogs/__/'khor tshogs bsam mi khyab pa sprin ltar gtibs/__/de mdun pad nyi mi rta ro gdan steng /__/zangs gri praM gyis mtshan pa yongs gyur las/__/gnod sbyin beg rtse mdog dmar zangs khrab dang /__/zangs rmog gsol zhing g.yas pas zangs ral 'phyar/__/g.yon pas bse mdung bye ru'i dbyugs pa bsnams/__/swag l+h+wam gsol zhing gyad kyi dor stabs bzhugs/__/g.yas su srog bdag g.yon du gdong dmar ma/__/gri thogs brgyad dang ro shan nyer gcig sogs/__/gnod sbyin 'khor tshogs rgya mtshos bskor bar gsal/__/byang rtsibs pad+ma 'dabs bzhir nyi ma dang /__/ro gdan steng du gri gug hU~M mtshan dang /__/phyogs bzhi hU~M re dus gcig yongs gyur las/__/dbus su rdo rje nag po gdong bzhi pa/__/rab 'jigs srin po khros pa zhal bzhi ba'i/__/rtsa zhal nag cing g.yas dkar g.yon dmar zhing /__/steng zhal dud ka khro gnyer mche ba gtsigs/__/ma mchu phyir 'phyangs ha hi k+ShiM sgra sgrogs/__/phyag bzhi dang po gnyis kyi gri thod dang /__/'og gnyis rtse gsum mdung rnon ba dan 'phyar/__/bdud rtsi'i bum pa mchan g.yon phyag 'gag la/__/rus phreng lha ba dmar chil brgyus pa dang /__/dur khrod chas dang sbrul nag mchod phyir thogs/__/tshangs skud se ral mi rkang gling bu 'bud/__/gser dngul dril bu g.yer kha'i sil khrol can/__/zhabs g.yas bskum zhing g.yon brkyangs ro brdzis shing /__/phyogs bzhir g.yung mo gtum mo srin mo dang /__/sing ga li ma srin mo'i gzugs can rnams/__/gri thod 'dzin cing gcer bu gar stabs can/__/ye shes me dpung 'bar ba'i dbus na brjid/__/de yi mdun du zhing skyong seng ge'i gdong /__/mdung dang dmar gtor 'dzin cing rta nag zhon/__/dar nag ber gsol g.yu ral seng chung spro/__/yum chen bdud mo dmar nag khrag ral can/__/las mkhan spre'u pho mo 'jigs su rung /__/rkang pas gtor khyer dgra la cho 'phrul 'gyed/__/sde brgyad dregs pa'i 'khor gyis bskor bar gsal/__/gzhan yang gru chad bar khyams sgo rnams su/__/dam can chos skyong bye ba 'bum sde rnams/__/dgra bgegs gsod gcod las la rngams bzhin bzhugs/__/kun gyi gnas gsum oM dkar AHdmar dang /__hU~M sngon rang srog sa bon gyis mtshan pa/__/de las 'od 'phros 'og min zhing mchog dang /__/gnas yul nyer bzhi dur khrod brgyad sogs nas/__/rgyud gsum dam can dregs pa'i tshogs rnams kun/__/ma thogs myur ba nyid du oM badz+ra sa ma dzaHzhes rdo rje bsdu ba'i rgya dang /__rkang gling g.yab dar/__tshil chen gyi spos dang bcas/__hU~MHchos dbyings mkha' ltar dag pa'i zhing /__/mi g.yo 'og min nyams dga'i gnas/__/rdo rje gdan dang na len+d+ra/__/dur khrod brgyad dang nyer bzhi'i yul/__/phyogs bcu'i zhing khams rab 'byams nas/__/dpal ldan mgon po lcam dral ni/__/bka' sdod dam can rgya mtsho'i tshogs/__/bdag gis dad pas spyan 'dren na/__/sngon gyi zhal bzhes dam bcas ltar/__/bstan pa bsrung phyir gshegs su gsol/__oM shrI badz+ra d+harma pA la sa pA ri wa ra badz+ra sa ma dzaHsa spyan drangs la/__hU~M:__dus gsum sangs rgyas thams cad kyi/__/bstan pa bsrung mdzad dam tshig can/__/lcam dral bka' sdod 'khor dang bcas/__/'dir ni dgyes par bzhugs su gsol/__/dzaHhU~M ba~M hoHsa ma ya a sa na tiSh+Than+tu/__zhes bzhugs su gsol/__dam la bzhag pa ni/__yi dam gyi nga rgyal brtan pos rdo rje rtse lnga pa'i phyag rgya srung ma 'khor bcas kyi spyi bor bzhag par mos te/__oM badz+ra sa ma ya ha na ha na hU~M phaTaH/__dpal rdo rje nag po chen po la sogs pa bstan srung dam can rgya mtsho'i tshogs 'khor dang bcas pa rnams kyis/__rtsa ba dang brgyud par bcas pa'i bla ma dam pa rnams kyi bka' dang dam las ma 'da' bar sangs rgyas kyi bstan pa srungs/__dkon mchog gi dbu 'phang bstod/__dge 'dun dang chos kyi rgyal srid skyongs/__'jig rten gyi rgud pa sol/__/sems can la phan bde spel/__rnal 'byor pa rnams kyi sdong grogs mdzod/__sngags 'chang rnams kyi phrin las sgrubs/__sdang ba'i dgra thul/__/gnod pa'i bgegs choms/__khyad par dam tshig 'dir 'dus pa rnams kyi phyi nang gsang ba'i 'gal rkyen zhi ba dang /__mthun rkyen smon pa'i legs tshogs 'phel zhing rgyas pa dang /__mchog dang thun mong gi dngos grub ma lus pa myur du 'grub pa'i phrin las mdzod cig__/oM badz+ra sa ma ya rak+Shan+tu/__pany+tsa a mr-i ta u da ka Tha Tha Tha hU~M:__zhes dam la bzhag pas ci bsgo ba'i las thams cad sgrub cing bka' nod par bsam/__phyag bya ba ni/__hU~M/__drag po sku lnga rgyal ba'i bka' sdod mchog__/ye shes lnga ldan rgyal ba rigs lnga'i 'khor/__/phrin las bdud 'dul dgra bgegs kun gyi gshed/__/chos skyong 'khor dang bcas la phyag 'tshal lo/__/a ti pU hoHpra tits+tsha hoHphyi'i mchod pa ni/__hU~MHyan lag brgyad ldan yid 'ong mchod yon ldan/__/rab gtsang dwangs pa'i zhabs bsil rgya mtshor bskyil/__/sna tshogs lta sdug chu skyes lang tsho bzhad/__/grub dang sbyar ba'i bdug pa sprin ltar gtibs/__/mun snang mthar byed sgron me'i nyin mor byed/__/yid 'ong byugs pa lha yi chu bo'i rgyun/__/ro bcud phun tshogs zhal zas lhun por spungs/__/snyan brjid rol mo sgra dbyangs dang bcas pa'i/__/phyi yi mchod sprin 'dod yon 'dzad med gter/__/'bul gyis tshim zhing dgyes nas dngos grub stsol/__oM shrI badz+ra d+harma pA la sa pa ri wA ra badz+ra ar+g+haM/__pad+yAM/__puSh+pe/__d+hu pe/__a lo ke/__g+han+d+he/__nai bi d+yA/__shab+da pany+tsa kA ma gu Na pra tIts+tsha swA hAHnang gi mchod pa ni/__hU~MHgdug pa'i snying khrag mchod yon mtsho ltar bskyil/__/myos byed dug khrag zhabs bsil rngams zhing brjid/__/dbang po sna lnga'i me tog tshar du dngar/__/sha chen dud pa'i sprin phung lang long g.yo/__/zhun chen mar me bskal pa'i me ltar 'bar/__/khrag zhag bdud rtsi'i dri chab rlabs phreng g.yo/__/sha khrag rus pa'i zhal zas che brjid rngams/__/drag po'i rol mos sa gsum 'dar zhing g.yo/__/dur khrod nang gi mchod sprin bsam mi khyab/__/'bul gyis tshim zhing dgyes nas dngos grub stsol/__/oM shrI badz+ra d+harma pA la sa pa ri wA ra ma hA sha ma sha na pU dza ar+g+haM/__pad+yAM/__puSh+pe/__d+hu pe/__a lo ke/__gan+d+he/__nai wi d+ya/__shab+da pra tIts+tsha swA hA/__gsang ba'i mchod pa ni/__hU~MHsgrib pa'i dri ma kun spangs shing /__/rtog pa kun las nges grol ba/__/bla na med pa'i byang chub sems/__/bde ba chen pos mnyes gyur cig__/oM shrI badz+ra d+harma pA la sa pa ri wA ra ma hA a nu rA ga pra tIts+tsha swA hA/__sman mchod ni/__hU~M/__dman pa'i yul las rab 'das shing /__/rgyal ba kun gyi dam tshig mchog__/dngos grub kun gyi gzhir gyur pa/__/bdud rtsi mchog gi mchod par bgyi/__/oM shrI badz+ra d+harma pA la sa pA ri wA ra ma hA pany+tsa a mr-i ta kha raM khA hi/__rak+ta'i mchod pa ni/__stong gsum b+han+d+ha'i snod yangs su/__/dam nyams bsgral ba'i mAM sa dang /__/rak+ta'i rgya mtsho chen por bskyil/__/bsad khrag rba klong 'khrugs pas mchod/__/oM shrI badz+ra d+harma pA la sa pa ri wA ra ma hA rak+ta khA hi/__gtor ma'i mchod pa ni/__hU~M:__mtshan dang ldan pa'i b+hany+dza ru/__/sha lnga bdud rtsi dam tshig lnga/__/bza' bca'i 'dod yon bsam mi khyab/__/rmad byung bdud rtsir byin brlabs pa'i/__/mchog gi mchod pa dam pa ni/__/dpal ldan rdo rje nag po che/__/lcam dral 'khor dang bcas la 'bul/__/dgyes par rol la phrin las mdzod/__oM shrI badz+ra d+harma pA la sa pa ri wA ra ma hA ba liM ta kha kha khA hi khA hi/__zhes pas spyir phul nas/__gtor ma bye brag tu 'bul ba ni/__lha rnams kyi ljags hU~M las byung ba'i rdo rje'i sbu gu can gyi 'od zer gyis gtor ma'i bcud drangs te gsol bar gyur/__rdor thal kha gyen du phye nas/__oM shrI ma hA kA la kA li de wi e ka dza Ti de wi in+d+ra si/__kA la yak+Sha ye/__kA lI yak+Sha sI/__yak+Sha pu tra ye/__ru tra b+ha tra ye/__ru lu rak+sha sI sa pa ri wA ra i daM ba liM ta kha kha khA hi khA hi/__oM shrI ma hA kA la ga Na gu h+ya raM sid+d+hi hU~M phaT/__oM ma hA kA la e ka dzA Ti gu Na hr-I dA hU~M phaT/__oM badz+ra ma hA kA la k+ShiM k+She tra big+ha nAn ba nA ya ka hU~M hU~M phaT/__oM ma hA kA la kA bi kA la ra gri ta hU~M phaT/__oM rak+mo pra Na at+ma sa pA ri wa ra=__sogs/__oM ma hA kA la bi kA la tri yaM dzaHoM ma hA kA la seng hA mu kha hU~M phaT/__ces snying po rnams kyi mthar/__sa pA ri wA ra=__man chad sbyar nas lan lnga'am gsum bdun ci rigs dang /__gtso 'khor spyi la dmigs nas/__shA sa na=__lan gsum gyis dbul/__dpal ma hA kA la khrag 'thung gi rgyal po/__gtsug lag khang dang dkyil 'khor gyi srung ma/__dug gsum nad kyi sman pa/__rnal 'byor yongs kyi dgra lha/__bdud dpung sgrol ba'i dpa' bo/__bstan pa'i bka' srung rdo rje nag po chen po gur gyi mgon po/__yum chen e ka dzA Ti/__dpal ldan lha mo 'dod pa khams gyi dbang phyug ma/__dpal mgon ma ning nag po/__ye shes mgon po phyag bzhi pa/__myur mdzad phyag drug pa/__dpal mgon stobs 'phrog dbang po gdong bzhi pa gnod sbyin dregs pa lcam sring /__zhing skyong seng gdong yab yum sogs bka' nyan las mkhan sprul pa yang sprul gyi tshogs 'khor dang bcas pa rnams kyis mchod sbyin gyi gtor ma rgya chen po 'di bzhes la/__sangs rgyas kyi bstan pa srungs/__dkon mchog gi dbu 'phang bstod sogs kyis phrin las gsol/__bstod pa ni/__hU~M/__srin po'i gzugs kyis gdug pa can/__/tshar gcod byang chub sems dpa' ste/__/grong khyer sum brtsegs 'jigs byed pa/__/gtum po khyod la bdag bstod do/__/gang gi sku gsung thugs kyi mthus/__/'dod pa'i khams kun zil mnan nas/__/'dod pa'i khams la dbang bsgyur ma/__/'dod khams dbang phyug ma la bstod/__/kun tu bzang mo'i rig ma las/__/ma g.yos u ma de wI'i sku/__/ma mo thams cad skyed mdzad ma/__/yum chen khyed la phyag 'tshal bstod/__/las mkhan gnod sbyin yab yum dang /__/mon bu pU tra b+ha tra dang /__/sring mo gser gyi spu gri ma/__/las byed ming sring rnams la bstod/__/hU~MH'jig rten 'das pa'i dus na sngon byung ba/__/che mchog he ru ka dpal sku gsum rdzogs/__/srid rtse'i bdag 'dzin ru tra sde gsum 'dul/__/rtsal chen phrin las mdzad la phyag 'tshal bstod/__/mi 'gyur rnam dag chos dbyings ngang nyid las/__/ye shes chen po'i thugs rje'i skur sprul pa/__/ma rungs 'dul mdzad ma hA ka la'i gtso/__/drag po'i stobs ldan khyod la phyag 'tshal bstod/__/gtum chen 'bar ba mi bzad he ru ka__/gdug pa 'dul mdzad thugs rje chen po'i sku/__/log rtog rab 'joms hU~M dang phaT sgra can/__/ye shes thugs ldan 'khor dang bcas la bstod/__/dpal ldan dbang ldan srid gsum dbang bsgyur zhing /__/mche ba gtsigs shing mchu 'phyangs shugs che ba/__/sgra sgrogs dril bu'i phreng bas brgyan pa yi/__/gzhon nu'i lus can bgegs 'joms khyod la bstod/__/chos dbyings zhi ba'i ngang las ma g.yos kyang /__/ma rungs 'dul phyir drag po'i skur ston pa/__/mthu stobs phun tshogs bstan pa skyong mdzad cing /__/sgrol ging srog bdag dmar po khyod la bstod/__/sangs rgyas bstan skyongs dregs pa yongs kyi rje/__/mi sdug mi bsrun rnal 'byor dgra lha che/__/dam nyams 'joms phyir sna tshogs sprul pa 'gyed/__/zhing skyong seng gdong sku la phyag 'tshal bstod/__hU~M/__rang byung thugs rje'i dpal la phyag 'tshal bstod/__/sku gsum yon tan rdzogs la=____/phrin las tshad med brnyes la=____/chos dbyings 'gyur ba med la=____/gzugs sku cir yang ston la=____/sprul pa bsam mi khyab la=____/mthu stobs rmad du byung la=____/rdzu 'phrul thogs pa med la=____/thugs rjes gdugs bzhin skyobs la=____/che ba'i yon tan rdzogs la=____/dpal gyi srung ma'i tshogs la=____/dam can rgya mtsho'i tshogs la phyag 'tshal bstod/__/ces bstod par bya'o/__/bzlas pa byed na/__mgon po lcam dral 'khor bcas kyi thugs kar nyi ma la gnas pa'i hU~M yig la sogs pa'i mthar rang rang gi srog sngags rigs kyi kha dog can gyis bskor ba la bdag bskyed kyi thugs ka'i sa bon las byung ba'i 'od zer la phog pas thugs kyi rgyud rab tu bskul bas ci 'dod pa'i phrin las rab 'byams thogs med du bsgrub par mos la/__oM badz+ra he ru ka sa mA ya/__ma nu pA lA ya/__badz+ra he ru ka twe no pa sogs nas/__he ru ka ma me muny+tsa he ru ko b+ha wa ma hA sa ma ya satwa AHhU~M phaT/__ces he ru ka'i yig brgya dang /__gong gnon gyi bzlas ba sngon du 'gro bas/__oM ma hA ka la hU~M hU~M phaT phaT swA hA/__gur mgon no/__/oM hU~M shrI de wi kA li kA li ma hA kA li de wi hU~M b+h+yoHlha mo'o/__/oM ro ru ro ru tri tsa pa la a shug me ma hU~M ma b+h+yoHdza dzaHlas mgon pho mo'i 'bod pa'o/__/a li a li ma dza dzaHshaM shaM li shi ded/__a shwa ded/__mo rmug pu tri/__a li ma dza dza/__nag mo sha la ru pa dza dzaHpho yi 'bod pa'o/__/oM shrI ma hA kA la ga Na gu h+ye raM sid+d+hi hU~M phaT/__ma ning ngo /__/oM ma hA kA la e ka dzA Ti gu Na hr-I da hU~M phaT/__phyag bzhi pa'o/__/oM badz+ra ma hA kA la k+SheM k+She tra bi[#] nAn bi na ya ka hU~M hU~M phaT/__phyag drug pa'o/__/oM ma hA kA la kA la bi kA la ra tri ta Dom+b+hi nI tsaN+Da lI rak+sha si siM ga lI de wI hU~M b+h+yo hU~M/__zhal bzhi pa'o/__/oM rak+mo pra na at+ma k+She ru pu ru kha lu hi ta sarba shA trU~M ma ra ya hU~M hU~M phaT rak+mo ya ma tsit+ta dz+wa la raM pra ti de wi hU~M srog la yam ra dzaHsarba sha trU~M mA ra ya rbad yaHdregs pa lcam sring ngo /__/oM ma hA kA la siM ha mu kha hU~M phaT tri hri dzaHmA ra dza du tri pu tri hU~M phaT/__zhing skyong seng gdong ngo /__/oM shrI ma hA kA la ya/__shA sa na/__u pa ha ri Ni e Sha a pany+tsi ma kA lo a yaM i daM rat+na tra yA ya/__a pa kA ri NaM/__ya ti pra ti dz+nyA sma ra si ta dA i daM duSh+TaM kha kha khA hi khA hi/__mA ra mA ra/__gr-ih+Na gr-ih+Na/__ban+d+ha ban+d+ha/__ha na ha na/__da ha da ha/__pa tsa pa tsa/__di na me ke na hU~M phaT hU~M/__zhes chos skyong spyi'i sngags rnams ci nus bzla/__oM badz+ra d+harma pA la sa pa ri wA ra ar+g+haM nas/__shab+da'i bar gyis mchod/__ma hA pany+tsa a mr-i ta khA his nang mchod phul/__rdzu 'phrul stobs dang mngon par shes pa'i dpal/__/nye bar dgongs nas thub pa'i bka' bzhin du/__/bstan pa rin chen bang mdzod legs skyong ba'i/__/rdo rje'i chos skyong rnams la phyag 'tshal bstod/__/tshogs mchod spro na skabs 'dir bya/__de nas bskang rdzas rnams/__a mr-i tas bsangs/__swa b+hA was sbyangs/__stong pa'i ngang las gnas khang b+h+rU~M las dur khrod drag po'i zhing khams bsam gyis mi khyab par phyi nang gsang ba'i mchod rdzas spyan gzigs mthun rdzas brten rdzas skong rdzas la sogs pa thams cad srid zhi'i 'dod yon gyi rnam pa mkho dgu tshang ba/__bzang dgus 'byor pa/__mdzes dgus brgyan pa/__ngo bo ye shes sgyu ma'i rang bzhin bde ba'i rnam pa thams cad par 'char bas nam mkha'i khams gang bar gyur/__na maHsarba ta thA ga ta b+h+yoHbi shwa mu khe b+h+yaHsarba thA khaM ut+ga te s+pha ra Na i maM ga ga na khaM swA hA/__lan gsum dang /__badz+ra s+pha ra Na khaM/__zhes pas byin gyis brlabs shing zad mi shes par spel la/__hU~M/__rgyal ba yongs kyi bka' sdod dpa' bo che/__/ma lus bdud sde'i ngo na rab khros ba/__/rgyud gsum dam can rgya mtsho'i tshogs rnams kun/__/thugs dam gnyen po bskang phyir gshegs su gsol/__/rab 'byams nam mkha'i khyon rnams yongs gang ba'i/__/rnam rol 'gags med phyi nang mchod pa'i sprin/__dngos su 'byor dang yid kyis rnam sprul pa'i/__/bzhed dgus 'byor pa rgya mtshos thugs dam bskang /__/khrag zhag ar+g+haM dbang po'i me tog bzhad/__/gsur chen bdug spos zhun chen snang gsal spar/__/mkhris pa'i dri chab sha sna'i zhal zas mdzes/__/snyan brjid rol mo'i sgra yis=____/rtsa brgyad stong la sbyar ba'i a mr-i ta/__/dgra bgegs snying khrag sbu phreng rak+ta'i mtsho/__/'dod yon bza' bca' gtor ma dam rdzas sogs/__/dpag yas nam mkha' gang bas=____/mig sman mdongs ldan rta mchog sga srab can/__/brjid pa'i g.yag rgod lug nag rog po'i rwa/__/dpa' gtum khyi sogs phyi yi rten rnams kun/__/sna tshogs rgyan gyis spras pas=____/rngams brjid thod mkhar drag po'i gzhal med khang /__/'bod pa'i g.yab dar dur khrod drag po'i chas/__/rnam bkra'i dar snas mtshon pa'i bya rgod mda'/__/mthun pa'i dam rdzas tshogs kyis=____/sku gzugs glegs bam phyag mtshan rnam mang dang /__/sna tshogs dkor nor gzugs rten bla rdo'i chas/__/ri rab gling bzhi gling phran rtags rdzas bdun/__/sra brtan dpa' bo'i chas kyis=____/sku yi phyag rgya g.yo med gsal zhing brtan/__/rlung sngags bzlas pas thugs dam rgyud bskul zhing /__/sems nyid rang ngo shes pa'i rnal 'byor sogs/__/bskyed dang rdzogs pa'i lam gyis=____/de ltar thugs dam gnyan po bskang ba'i mthus/__/mchog thun dngos grub ma lus stsol ba dang /__/thub bstan spyi dang bye brag gsang chen gyi/__/ring lugs 'phel zhing rgyas pa'i phrin las mdzod/__/ces thugs dam bskangs/__so so'i sgos skong bya bar 'dod na 'dir bya'o/__/bshags pa ni/__thal mo sbyar te/__hoHrang bzhin chos kyi dbyings las ma g.yos kyang /__/thugs rje'i dbang gis 'bar ba'i skur bzhengs pa/__/rgyal ba'i bstan srung dam can rgya mtsho'i tshogs/__/'khor bcas bdag la gsan cing dgongs su gsol/__/bdag cag blun rmongs ma rig 'khrul pa'i yid/__/las dang nyon mongs bag chags kyis dkrug pas/__/lha khyod bsnyen cing bsgrub par dam bcas kyang /__/sku yi phyag rgya ma gsal don ma rtogs/__/sngags kyi bzlas brjod ma dag lhag chad 'khrugs/__/thugs kyi ting 'dzin byings rgod rtog pas bslad/__/dam rdzas ma tshang rten rdzas ma tshogs dang /__/rgyu chung phud nyams 'bags btsog dri mas gos/__/dus kyi mchod gtor 'gyangs shing chags pa dang /__/bsnyen sgrub g.yel zhing las sbyor log pa sogs/__/rtsa ba yan lag dam tshig nyams pa kun/__/rab gnong 'gyod pa'i sems kyis mthol lo bshags/__/mthol bshags bzod pa dang du bzhes nas kyang /__/nyams chags sgrib pa'i tshogs rnams kun byang ste/__/'gyur med tshangs pa mchog gi dngos grub stsol/__/zhes dang /__yi ge brgya pa lan gsum sogs kyis thugs dam ma bskang ba rnams bshags par bya'o/__/phrin las gsol ba ni/__hU~M/__rgyal ba'i bstan srung rdo rje nag po che/__/lcam dral bka' sdod 'khor dang bcas rnams la/__/phrin las rab 'byams gsol dang bskul ba'i phyir/__/mchod sprin rgya mtsho bstabs pas dgyes gyur te/__/kun bzang he ru ka dpal dpa' bo che/__/dkyil 'khor rgya mtsho'i khyab bdag pad+ma 'byung /__/mchog gi sa brnyes rdo rje rig 'dzin tshogs/__/rim par byon pa'i rtsa brgyud bla ma yis/__/rgyud gsum dam can dregs pa'i dpung tshogs rnams/__/phyi nang gsang ba'i mchod pa rgya mtshos mchod/__/bsten cing bsgrubs nas dbang bskur dam bzhag pa'i/__/zhal bzhes thugs dam g.yel bar ma mdzad par/__/srid zhi'i phun sum tshogs kun 'byung ba'i gzhi/__/rgyal ba'i bstan pa phyogs bcur rgyas pa dang /__/de tshul lung rtogs bshad sgrub kyis 'tsho ba'i/__/bstan 'dzin yar ngo'i zla ltar 'phel bar mdzod/__/mkha' mnyam 'gro ba'i nyer 'tshe kun zhi zhing /__/dge bcu'i 'byor pa rgya mtshos 'tsho ba dang /__/'jig rten khams kyi snod bcud legs tshogs kun/__/rab 'phel rdzogs ldan dpal gyis mtho bar mdzod/__/khyad par rnal 'byor bdag cag 'khor bcas kyi/__/nad gdon bgegs dang bar du gcod pa sogs/__/phyi nang mi mthun rgud pa kun zhi zhing /__/bdud sde'i g.yul las rnam par rgyal bar mdzod/__/tshe dang bsod nams dpal 'byor longs spyod stobs/__/thos bsam sgom pa 'phel zhing rgyas pa dang /__/sa gsum 'gro ba rnams dang 'di dag gi__/phun tshogs dpal kun dbang du bsdu bar mdzod/__/mi bsrun log par sems pa'i dgra dang bgegs/__/nag phyogs bdud sde'i dpung dang bcas pa rnams/__/phrin las drag po shin tu mi bzad pas/__/ye shes dbyings su sgrol ba'i phrin las mdzod/__/sems nyid gdod ma'i bstan srung re dogs dris/__/bslad min mtha' bral bde chen mngon gyur nas/__/phrin las rnam bzhi'i 'gro ba'i re skong ba'i/__/dngos grub rgya mtsho'i dpal gyis 'byor bar mdzod/__/ces las kyi gnyer gtad cing mngon par 'dod pa'i phrin las la gsol ba gdab par bya'o/__/tshogs yod na rol zhing smon lam gdab/__lhag ma btang /__byad rbod bzlog pa sogs dgos gnad khyad par can yod na drag bskul dar bzlog pa rnams rang gzhung so so nas 'byung ba'am/__'jam mgon mi pham rin po ches mdzad pa'i gtor bskul gnam lcags thog mda' nyid 'don par bya'o/__/de nas 'bul gtor la dmigs bya 'gugs pa ni/__na mo/__rig 'dzin rtsa brgyud kyi dpal ldan bla ma dam pa rnams kyi bka' bden pa dang /__/sangs rgyas kyi bka'=____/chos kyi bka'=____/dge 'dun gyi bka'=____/khyad par rdo rje'i chos skyong ba'i srung ma bka' sdod pho nya'i dmag tshogs 'khor dang bcas pa rnams kyi bka' bden pa dang /__bden pa chen po'i mthu la brten nas bstan dang 'gro ba'i spyi dgra/__khyad par rig pa 'dzin pa bdag cag yon mchod 'khor dang bcas pa rnams la snga dgra lag gis bsdar ba/__phyi dgra yid la sems pa/__da dgra thad du 'dzugs pa'i gzugs can sdang ba'i dgra dang /__gzugs med gnod byed bgegs kyi tshogs dang bcas pa thams cad/__srid pa gsum gyi khongs gar gnas gar bros kyang /__skad cig yud tsam dmigs pa'i rten 'di la khug cig__/rtsa sngags shA sa na mthar/__nr-i tri badz+ra aM ku sha dzaHdzaHhU~M ba~M hoHzhes bstim/__oM AH hU~M hos brlabs/__oM ma hA kA la ya shA sa na u pa ha ri Ni sogs/__di na me ke na hU~M phaT hU~M/__sa pA ri wa ra sogs gsum gyis phul la/__hU~M/__chos kyi dbyings nas 'bar ba'i skur bzhengs pa/__mthu stobs dbang phyug rdo rje nag po che/__/lcam dral bka' sdod dam can rgya mtsho'i tshogs/__/'khor bcas thugs dam dbang gis 'dir gshegs shig__/phyi nang gsang mchod sman rag ba liM ta/__/dgra bgegs sha khrag la sogs mkho dgu'i rdzas/__/so so'i thugs la ci bzhed der 'char ba'i/__/rmad byung dgyes pa'i mchod sprin chen po 'di/__/sngar mdzad legs pa'i las kyi gtang rag dang /__/slad nas g.yel ba med pa'i phrin las bzhi'i/__/'dod pa'i dngos grub stsol slad 'bul lags na/__/dgyes pa chen pos bzhes shing rol nas kyang /__/bstan dang 'gro ba'i phan bde kun spel zhing /__/khyad par bdag cag dpon slob 'khor bcas rnams/__/nad med pa dang mi 'gyur tshe srog dpal/__/grags dang 'byor pa rgya mtshos mtho ba dang /__/ma rungs bdud dgra'i rgol ba kun zhi zhing /__/rnam mang phrin las rgya mtsho yid bzhin sgrubs/__/phyogs las rnam par rgyal ba'i ru mtshon phyor/__/byang chub bar du srung zhing skyong bar mdzod/__/ces gtor ma stob cing 'dod don gsol lo/__/yang na 'bru gsum gyis byin brlabs sngags mchod sngon du 'gro bas/__dam can rgya mtsho khyed rnams kyis/__mchod sbyin gtor ma 'di bzhes la/__/sogs kyis gtor ma gtsang sar phul na'ang rung ngo /__/gtang rag don du/__oM shrI badz+ra d+harma pA la sa pA ri wa ra ar+g+haM nas/__shab+da'i bar dang /__he ru ka dpal spyan snga ru/__/dam bcas ji bzhin da lta 'dir/__/bstan pa srung zhing skyong mdzad pa'i/__/dam can kun la bstod par bgyi/__/zhes mchod cing bstod/__ma rnyed yongs su ma tshang dang /__/gang yang nus pa ma mchis pa'i/__/'dir ni bgyi ba gang nongs pa/__/de kun khyod kyis bzod mdzad rigs/__/zhes dang yig brgyas nongs pa 'chags/__rten yod na/__'dir ni gzugs dang lhan cig tu/__/sogs nas/__mchog rnams legs par stsal du gsol/__zhes pas dam ye gnyis ka bstim/__med na/__oM khyed kyi sems can don kun mdzad/__/sogs nas/__slar yang 'byon par mdzad du gsol/__badz+ra muHsa ye shes pa gshegs/__dam tshig pa bdag la bstim/__'jig rten pa rnams/__gats+tsha gats+tsha swa b+ha wa nAM gyis rang gnas su btang /__/dge ba 'di yis myur du bdag__/he ru ka dpal 'grub gyur nas/__/'gro ba gcig kyang ma lus pa/__/de yi sa la 'god par shog__/ces dge ba bsngo/__rab 'byams dkyil 'khor rgya mtsho'i 'khor lo'i mgon/__/gsang gsum 'gyur med bde chen rdo rje'i sems/__/'gro la phan bde'i mchog stsol dpag bsam shing /__/rtsa brgyud bla ma rnams kyi bkra shis shog__/chos sku'i mkha' la grangs med gzugs sku'i sprin/__/zhi khro nyams brgya'i rol par 'char ba las/__/dngos grub 'dod dgu char du bsnyil mdzad pa'i/__/yi dam lha tshogs rnams kyi bkra shis shog__/he ru ka dpal snying rje'i rol gar ni/__/gtum chen bzod par dka' ba'i gzi brjid kyis/__/nag po'i rtsa lag sder bcas mthar mdzad pa'i/__/dpal 'bar ma hA kA la'i bkra shis shog__/rgyal ba'i bka' sdod mi bzad drag shul can/__/bdud dpung tshar gcod sgrub mchog bu bzhin skyongs/__/phrin las rnam bzhis bstan pa srung mdzad pa'i/__/dam can rgya mtsho'i tshogs kyi bkra shis shog__/ces sogs bkra shis brjod par bya'o/__/rgyun khyer lta bu bsdus par 'dod na lha bskyed dor la/__rang gi snying ga'i hU~M las 'od zer lcags kyu'i rnam pa can glog 'khyugs pa ltar 'phros pas dpal ye shes kyi mgon po sogs dam can lcam dral 'khor dang bcas pa thams cad rang bzhin chos kyi dbyings las sgyu 'phrul gyi rol pa zhi khro'i nyams du mar 'char ba rnam 'phrul bsam gyis mi khyab pa'i bkod pa chen pos mdun gyi nam mkhar oM badz+ra sa mA dzaHsa spyan drangs par mos la/__spyan 'dren man gzhung ltar/__bzlas pa ma byas kyang bstod pa tshar nas skong ba la 'jug kyang chog go/__slar smras pa/__gang zhig bsten pas phrin las rab 'byams rnams/__/myur du 'grub byed gtor ma'i las rim bsngags/__/dam ldan sngags la zhugs pa'i rnal 'byor rnams/__/rtag tu dam can srung mar mchod la brtson/__/rigs rtsal rgyud gsum dregs par yongs shar ba'i/__/nges gsang gnad kyi snying po rtogs byas nas/__/sgyu ma'i rnam rol mchod skong sgrub pa'i mthus/__/phyi nang bdud las rgyal ba'i dpal thob 'gyur/__/'dir dges bstan dang bstan 'dzin dang /__/'jig rten rgud pa kun zhi zhing /__/sbyin bdag tshe bsod rab rgyas nas/__/don gnyis lhun gyis grub par shog__/ces pa'ang dad dam mkhyen dpyod dge zhing gtong ba'i thugs mnga' dbon mdzod bla ma tshe dbang dpal 'byor gyis rin chen dnga?~X?X?~X po dang /__dngul dkar srang bcu pa'i gar 'u/__lha rdzas bcas nan tan du bskul ngor/__sngags rig 'dzin pa'i dge sbyong rnal 'byor spyod ba 'jam dbyangs chos kyi blo gros kun dga' phrin las rgya mtshos bris pa shin tu dge zhing bkra shis par gyur cig__/kha cig gsar rnying gi chos skyong bsre ba mi 'thad par smra ba blun po'i rang rtags te/__snga 'gyur rig 'dzin rnams kyis pha nor bu bzhin spyod pa'i lo rgyus bshad du yod do//__// hU~M/__chos skyong rnams la phrin las bcol ba ni/__rgyal ba shAkya seng ge'i bstan pa dang /__/mkhan slob chos rgyal sprul pa'i lo paN ni/__/gsar rnying rim par byon pa'i tshogs rnams kyis/__/thugs bskyed dka' bas drangs pa'i mdo sngags rnams/__/bshad dang sgrub pas dar zhing rgyas par mdzod/__/rang bzhin yongs su dag pa'i chos rnams la/__/phrag dog log par lta bas sgrib pa rnams/__/zhi bas 'dul 'os log mun sel ba dang /__/zab rgyas chos la yid ches skye bar mdzod/__/gang zhig phyogs lhung gdon gyis kun dkris nas/__/snying nas smod pa'i bstan pa'i dgrar gyur rnams/__/'bar ba chen po'i mtshon gyis bsgral nas kyang /__/rngams pa'i zhal du bstab pa'i phrin las mdzod/__/bstan pa smod dang skye 'gro'i bde skyid dpal/__/'phrog byed phyi nang kla klo'i sde ris tshogs/__/ba mos reg pa'i me tog ji bzhin du/__/chab srid dbang thang bsnub pa'i phrin las mdzod/__/gang na rgyal bstan rin chen dad cing gus/__/lhag pa'i bsam pa bzang po ldan pa rnams/__/tshe ring nad med bde skyid phun sum tshogs/__/yid la bsam pa'i don rnams 'grub par mdzod/__/thub bstan sgron me bstan pa'i rgyal mtshan sbrengs/__/chos kyi rnga chen sgrogs pa'i byang sems rnams/__/bstan pa'i rtsa ba gcig tu nges pas na/__/sku tshe mi nub yun du bsrings bar mdzod/__/bdag cag rnal 'byor dam ldan tshogs rnams la/__/dgra gdon bgegs dang byad kha rbod gtong dang /__/nad dang rims kyi 'tshe ba la sogs pa/__/myur du zhi nas gang bsam lhun grub mdzod/__/mdor na bstan srung dam can rgya mtsho rnams/__/sngon gyi thugs dam gnyan po nyer dgongs te/__/mthu stobs phrin las rtsal shugs rab phyungs la/__/sangs rgyas bstan pa rgyas pa'i phrin las mdzod/__/lus dang grib ma bzhin du 'grogs pa dang /__/legs nyes blangs dor gsal bar ston pa dang /__/'gal rkyen kun sel mthun rkyen yid bzhin 'grub/__/phyogs las rnam par rgyal ba'i phrin las mdzod/__/ces pa 'di pad+ma ye shes rdo rjes me bya rgyal zla'i tshes la gsol bskang skabs su bris pa mthu dang ldan par byin gyis brlab tu gsol/__bkra shis par gyur cig/__//__ @#/__/sgrub thabs rin po che kun las btus pa'i chos skyong rnams la gtor 'bul nyung bsdus grub gnyis dga' ston zhes bya ba bzhugs so/__/ na mo badz+ra karma nA thA ya/__de la 'dir rdo rje'i chos skyong ba'i srung ma rnams la mchod gtor mdor bsdus te 'bul bar 'dod pas chos skyong rnams kyi rjes gnang thob cing /__dam tshig la gnas pas rgyun du'am ma grub na dus gnyan sogs kyi tshe dam tshig gi bris sku dgram pa'i mdun du gtor ma bcu tshar ram lnga tshar rgyan ldan bshams pa'i mdun phyi nang gi mchod pa sogs 'du byas la/__gtor chog gzhan dang ma 'brel na yi dam gyi bdag bskyed bzlas pa bdud rtsi byin brlab yi dam la gtor ma 'bul ba sogs gzhung ltar bya/__gtor chog gzhan dang 'brel na gtor ma la rdo rje'i rtses nang mchod gtor te/__oM badz+ra a mr-i tas bsang /__swa b+hA was sbyangs/__stong pa'i ngang las ya~M las rlung /__ra~M las me/__ka~M las mi mgo'i sgyed pu gsum gyi steng du a las gtor snod thod pa yangs shing rgya che bar/__sha lnga bdud rtsi lnga/__ye shes lnga rnams zhu ba las byung ba'i zag pa med pa'i ye shes kyi bdud rtsi'i rgya mtsho chen por gyur/__oM AHhU~M ha ho hrIHlan gsum brjod/__mdun gyi nam mkhar dur khrod chen po brgyad kyis bskor ba'i dbus su/__sa gzhi thams cad khrag zhag gis gtams shing ro langs dang keng rus mang po gar byed pa hU~M phaT pheM gyi sgra sgrogs pa/__dur khrod kyi ma mo mkha' 'gro sha za zhing skyong gis gang ba'i ye shes kyi me dang /__rlung nag dud sprin rab tu 'bar zhing 'khrugs pa'i dbus su/__pad+ma dang nyi ma mi ro dmar ser gyi steng du dpal rdo rje nag po chen po gur gyi mgon po sku mdog mthing nag zhal gcig phyag gnyis gri gug dang thod khrag thugs kar steng 'og tu 'dzin pa/__phyag gnyis kyi dbus na rnam 'phrul gyi gaN+Di bsnams pa/__mgo phreng dang rus pa'i rgyan drug gis brgyan pa/__stag gi pags pa'i sham thabs dang /__dar sna tshogs kyi cod pan dang lhab lhub kyis bklubs pa/__mi'u thung gel ba'i 'dug stangs kyis bzhugs pa'i zhabs pus man chad sprin rum du ba'i mdog can gyi nang du nub pa/__sprul pa'i pho nya lnga dang dam can gnod sbyin yab yum/__las mkhan pu tra ming sring gi tshogs dang bcas pas bskor ba/__de'i g.yas su pad nyi ro gdan la dpal ye shes kyi mgon po/__phyag bzhi pa sku mdog mthing nag dang po gnyis kyis b+hai tas mtshan pa'i gri gug dang thod khrag__/tha ma gnyis kyis ral gri dang rtse gsum/__zhabs gnyis brkyang bskum rol pa'i stabs kyis bzhugs pa/__gtso bo'i g.yon du pad nyi bgegs rgyal kha sbub tu bsgyel ba'i steng du myur mdzad ye shes kyi mgon po phyag drug pa/__sku mdog mthing nag zhal gcigaphyag dang po gnyis kyis gri gug dang thod khrag__/bar pa gnyis kyis mi mgo'i phreng ba dang rtse gsum/__tha ma gnyis kyis DA ma ru dang zhags pa/__dpral bar sid+d+hu ra'i thig les byugs shing spyi bor mi bskyod rgyal pos rgyas btab pa/__zhabs gnyis mnyam pa'i stabs kyis bzhengs pa/__gtso bo'i mdun du pad nyi dgra bgegs kyi gdan gyi steng du zhing skyong stobs 'phrogs dbang po bram ze'i gzugs can sku mdog nag po/__g.yas ral gri mkha' la 'phyar zhing g.yon thod khrag thugs kar bsnams pa/__mi rus kyi phreng ba phyag 'gag tu brgyus pa/__bum pa dang mdung rtse gsum mchan khung du bsnams pa/__khro bo'i gzugs can/__mi mgo skam rlon tshangs skud rus phreng gis brgyan pa stag sham can/__'khor las mkhan shan pa drug dang bcas pas bskor ba/__de'i g.yas su pad nyi mi ro'i gdan gsum gyi steng du/__legs ldan nag po mched gsum khros pa g.yas tsan+dan gyi dbyug pa nam mkha' la 'phyar zhing /__g.yon sha khrag don snying gis gang ba'i thod pa bsnams shing zhal du gsol ba/__mi mgo skam rlon stag sham sbrul rgyan dang /__dar nag gi na bzas brgyan pa/__zhabs gnyis gyad kyi 'dor stabs kyis bzhugs pa/__dpal mgon gyi g.yon du pad nyi'i steng du legs ldan stag zhon nag po zhal gcig phyag gnyis shin tu khros pa ber nag gsol ba/__g.yas tsan+dan gyi bing chen klad la 'phyar zhing /__g.yon lcags kyi spar bu thugs kar bsnams pa/__sag ti'i l+h+wam gsol zhing khro bo'i chas kyis brgyan te stag chen rngams pa chibs shing /__seng ge dkar mo rgyan ldan rol du khrid pa/__lcags kyi bya khra klad la lding zhing /__lce spyang dang khyi nag sogs rngam zhing rgyug pa sprul pa'i dmag dpung phyogs bcur 'phro zhing bzhugs pa/__de'i g.yon du pad nyi ro gdan gyi steng du bing dmar sku mdog dmar nag srin po khros pa'i gzugs can/__phyag g.yas tsan+dan gyi bing 'phyar zhing /__g.yon lcags kyi par bu dgra snying dron mos gang ba thugs kar 'dzin pa/__dar nag gi 'jol ber dgu brtsegs dang sag ti'i l+h+wam gsol ba/__zhabs gnyis g.yas bskum g.yon brkyang pas bzhugs pa/__dpal mgon gyi mdun du lha mo dud sol ma sku mdog char sprin ltar gnag pa zhal gcig phyag bzhi pa/__mi ro rengs pa zhal du bcug pa phyag dang po gnyis kyis ral gri dang b+han+d+ha khrag gis gang ba/__tha ma gnyis kyis shag+ti dang tri shU la dar nag 'phyang ba 'dzin pa/__snyan g.yas pa na dug sbrul dang /__g.yon pa la seng ge/__snyan gong du me tog dang dar nag gi cod pan/__dbu la sbrul dang thod pa zla tshes kyis brgyan pa/__lha ma yin gyi mgo rlon gyis do shal/__glang lpags kyi stod g.yogs/__ba glang gi ko bas smad g.yogs pa/__re lde ser pos sku smad dril ba/__khrag zhag thal ba'i tshom bu/__klu'i dbang pos ska rags zhabs gnyis lcags sgrog gis mdzes pa/__khrag mtsho dmar nag 'khrug pa'i dbus su bong bu gwa dmar gyi steng du btsan skyil gyis bzhugs shing /__zhal g.yon phyogs su gzigs pa ma mo 'kha' 'gro sha za 'bum sde'i dbus na bzhugs pa de'i g.yas su dpal ldan dmag zor rgyal mo sku mdog sngo nag zhal gcig phyag gnyis/__g.yas tsan+dan gyi be con dang g.yon yungs kar dang khrag gis gang ba'i nal thod thugs kar 'dzin pa/__dre'u rta la zhon pa bdud kyi khram shing sked la gzir zhing /__sprul pa'i mtshon cha lnga 'phyangs shing /__lto ba nas nyi ma/__spyi gtsug nas zla ba 'char ba/__spyi bor rma bya'i gdugs phub pa/__'khor bdud phrug bsam gyis mi khyab pas bskor ba/__lha mo'i g.yon du dre'u rta gwa pa'i steng du lha mo rab brtan ma sku mdog smug nag khro mo'i gzugs can g.yas ral gri g.yon ne'u le 'dzin pa/__sku la mi lpags kyi g.yang gzhi gsol ba/__re ma ti'i g.yas su dpal dur khrod kyi bdag po sku mdog dkar po keng rus kyi gzugs can g.yas thod dbyug dang g.yon thod khrag bsnams pa/__zhabs gar stabs kyis bzhugs shing rin po che'i rgyan chas brgyan pa rab brtan ma'i g.yon du pad nyi ma he'i steng du dam can chos kyi rgyal po sku mdog nag po ma he rab tu khros pa'i zhal can g.yas thod dbyug dang g.yon zhags pa 'dzin pa ling+ga bsgreng ba/__mi mgo skam rlon rus phreng gis brgyan pa/__zhabs g.yon brkyang gis bzhugs pa'i g.yon du yum tsa muN+Di nag mo phyag gnyis tri shUl dang thod khrag bsnams pa/__ba glang gi ko rlon gyon zhing rus phreng gis brgyan pa/__'khor gshin rje'i tshogs dpag tu med pas bskor ba/__dur bdag gi g.yas su pad nyi'i steng du dkar mo nyi zla zhal gcig phyag gnyis g.yas ri rab sgang rdor 'phen zhing /__g.yon gling bzhi byo ldog mdzad pa/__nyi zla brgyas dbu la brgyan cing /__nyi zla dgu brgyas do shal byas pa/__rin po che'i rgyan dang dar dkar gyi na bza' can/__zhabs gnyis mnyam pa'i stabs kyis bzhengs pa/__de'i g.yon du rta nag po'i steng du bdud rgyal nag po khros pa g.yas ba dan nag po mkha' la 'phyar zhing g.yon rus phreng 'phyar thabs su 'dzin pa/__dar nag gi na bza' dang rus phreng sbrul gyis brgyan pa/__'khor 'chi bdag nag po rang 'dra brgyad kyis bskor ba/__chos rgyal gyi g.yon du pad+ma nyi ma mi dang rta ro brtsegs pa'i steng du gnod sbyin chen po zangs kyi beg+tse can dmar po zhal gcig phyag gnyis rab tu khros pa/__g.yas zangs ral mkha' la 'phyar zhing /__g.yon mda' gzhu dang dgra bgegs kyi glo snying thugs kar 'dzin pa/__mchan khung na bse yi ru mtshon dang bye ru'i dbyug pa bsnam pa/__dbu la zangs kyi rmog zhu dang dar dmar gyi 'gying thod bcings pa gsol ba/__sku la zangs kyi beg tse dang ra glog gsol ba dar dmar gyi ral gus brgyan pa/__zhabs la sag l+h+wam gsol zhing /__g.yas bskum g.yon brkyangs pas bzhugs pa/__g.yon du sring mo gdong dmar ma/__g.yas su las mkhan srog bdag dmar po 'khor du gri thogs brgyad/__ro shan nyi shu rtsa gcig sogs 'khor tshogs bsam gyis mi khyab pas bskor ba/__lha mo'i mdun du pad+ma nyi zla'i gdan la seng ge dkar mo nyal thabs su gnas shing gdong gyen du blta ba'i steng du rgyal po chen po rnam thos sras sku mdog ser po g.yas nor bus mtshan pa'i rgyal mtshan dang /__g.yon ne'u le 'dzin pa rin po che'i dbu rgyan dang /__sku la rin po che'i rgyan sna tshogs pas spras pa/__phrag gong g.yas g.yon du nyi zlas brgyan cing sems dpa'i skyil krung gis bzhugs pa/__'khor gnod sbyin rta bdag brgyad sogs gnod sbyin bye ba 'bum sdes bskor ba/__de'i g.yas su mgon dkar yid bzhin nor bu zhal gcig phyag drug pa phyag dang po gnyis kyis gri gug dang bdud rtsis gang ba'i thod bum/__bar ma gnyis kyis nor bu dang rtse gsum/__tha ma gnyis kyis DA ma ru dang lcags kyu bsnams pa/__dar dang rin po che'i rgyan gyis brgyan pa dril bu g.yer kha'i sgra sil sil 'khrol ba zhabs gnyis mnyam pa'i stabs kyis tshogs bdag gi gdan la bzhugs pa/__g.yon du ras dkar gyi lding gur yangs pa'i nang du bkra shis tshe ring ma dkar mo rdo rje dang tshe bum 'dzin pa seng ge dkar mo la chibs pa/__mdun du mthing gi zhal bzang ma me long dang ba dan 'dzin pa rkyang bu kha dkar la zhon pa/__g.yas su mi g.yo blo bzang phyag gnyis na zas gzhong bsnams zhing stag mo drus ma la chibs pa/__rgyab tu cod pan mgrin bzang rin po che'i gter sgrom 'dzin cing sha ba yu mo la zhon pa/__g.yon du gtad dkar 'gro bzang dUrba dang sbrul zhags gdeng ba g.yu 'brug sngon mo la chibs pa/__thams cad kyang rin po che'i rgyan dang na bza' can rin chen lnga'i thor tshugs can/__mdzes sdug mtshungs pa med pa 'dzum zhing dgyes ba'i 'khor du brtan ma bcu gnyis dang lha sman 'bum phrag gi tshogs kyis bskor ba/__de thams cad kyi dpral bar oM dkar po/__mgrin par AHdmar po/__thugs kar hU~M sngon po/__thugs ka'i hU~M las 'od zer 'phros pas rang bzhin gyi gnas yul dur khrod chen po rnams nas dam can rgya mtsho'i tshogs dang bcas pa oM badz+ra sa mA dzaHzhes brjod/__hU~M/__dad pa dang ni dam tshig gis/__/tshur gshegs bstan srung rgya mtsho'i tshogs/__/ji ltar khas blangs dam bcas bzhin/__/gnas 'dir spyan 'dren gshegs su gsol/__/oM shrI d+harma pA la sa pa ri wA ra e h+ye hi/__dzaHhU~M ba~M hoHsa mdun bskyed la bstim/__oM shrI d+harma pA la sa pa ri wA ra sngon du 'gro bas/__ar+g+haM sogs nas shab+da'i bar dang /__oM AHhU~M btags pas nang mchod phul/__bstan srung dam can rgya mtsho'i tshogs 'khor dang bcas pa rnams kyi zhal du mchod pa dam pa 'bul lo/__/sangs rgyas kyi bstan pa dar ba dang /__/'jig rten du dge legs rgya chen po 'byung ba dang /__bdag cag dpon slob 'khor dang bcas pa rnams kyi 'gal rkyen bar chad thams cad zhi zhing /__mthun rkyen thams cad yid bzhin du 'grub par mdzad du gsol/__zhes phrin las bcol/__sngon tshe rdo rje 'chang gi spyan snga ru/__sogs kyis bstod/__dam rgya bcas te/__badz+ra sa ma ya ha na ha na hU~M phaT/__zhes pas dam la bzhag__/ljags hU~M las byung ba'i rdo rje'i 'od kyi sbu gus gtor ma'i bcud drangs te gsol bar bsams la/__rdor thal kha phyes te/__oM shrI ma hA kA lA ya sa pa ri wA ra i daM ba ling+ta gr-ih+Na kha kha khA hi khA hi/__oM badz+ra ka wu wa ma hA kA lA ya sa pa ri wA ra=__oM badz+ra ma hA kA la k+ShiM k+She tra big+h+nAn bi nA ya ka sa pa ri wA ra=__oM ma hA kA la kA la bi kA la rA tri ta sa pa ri=__oM ma hA kA la sha ri b+h+yo/__du tri b+h+yo/__duSh+TaM b+h+yo sa pa ri=__oM shrI ma hA kA la tri yaM dzaHtra ka rak+Sha ha la dzaHdu na ru tra ru thuM b+ha ti dzaHshU la rA dza tri shaM dzaHyaM dzaHbadz+ra trisna sA d+hU kha thuM tri sa mA ya dzaHdzaHsa pa ri wA ra i daM=__oM ma hA kA la hU~M d+hu d+hu swA hA b+h+rU~M hU~M phaT phaT i daM=__oM hU~M shrI ya de wI kA li kA li/__ma hA kA li hU~M b+h+yoHsa pa ri wA ra i daM=__b+h+yoHrak+mo b+h+yoHrak+mo b+h+yoHb+h+yoHrak+mo thun b+h+yoHrak+mo kha la raka chen mo rak+mo a bya ta bya thun b+h+yoHru lu ru lu hU~M b+h+yoHhU~M sa pa ri=__oM ru ru bi tiSh+Tha/__ba d+ho si/__ma ma rak+mo/__tsit+ta kha rak+mo b+h+yoHb+h+yo sa pa ri=__oM g+hr-i rA dza g+hr-i rA dza ku ma ku ma khuM this swA hA sa pa ri=__oM kA la rU pa ya ma rA dza sa pa ri=__oM badz+ra shAn+tiM pad+ma kun+tIM b+h+yoHoM sarba mA ra kr-iSh+Na ka pA la mA la d+ha ra sa pa ri=__oM rak+mo prA Na At+ma sa pa ri wA ra sarba shA truM bi g+h+nAn i daM/__oM bai shra wa Na sa pa ri=__gu ru ma hA kA la ha ri ni sa sid+d+hi dzaHi daM=__oM badz+ra sa ma ya DA ki nI pany+tsa ma ma sarba karma dz+nyA na sa pa ri wA ra i daM ba ling+ta g+hr-ih+Na kha kha khA hi khA hi/__zhes gtor sngags btags pa lan gsum res 'bul/__oM shrI d+harma pA la sa pa ri wA ra ar+g+haM sogs btags pas phyi mchod/__'bru gsum btags pas nang mchod 'bul/__bstan pa srung ba'i sde dpon chen po dpal rdo rje nag po chen po lcam dral la sogs pa bstan srung dam can rgya mtsho'i tshogs 'khor dang bcas pa rnams kyis mchod sbyin gyi gtor ma rgya chen po 'di bzhes la/__sangs rgyas kyi bstan pa sogs kyis phrin las bcol/__bstod pa ni/__hU~M/__srin po'i gzugs kyis gdug pa can/__/tshar gcod byang chub sems dpa' ste/__/grong khyer sum brtsegs 'jigs byed pa/__/gtum po khyod la bdag bstod do/__/dus gsum sangs rgyas thams cad kyi/__/sku gsung thugs kyi sprul pa mchog__/grub pa'i rdo rje nag po che/__/zhing rnams skyong mdzad khyod la bstod/__/ma hA kA la phyag drug 'jigs pa'i sku/__/sku yi cha lugs mi bzad 'bar ba la/__/dur khrod chas kyis rab tu brgyan pa'o/__/gsung gi nga ro mi bzad 'bar ba la/__/hU~M dang phaT kyi sgra yis stong gsum khengs/__/rnam dag thugs ni mi bzad 'bar ba la/__/spros pa dang bral mtshan ma cir yang ston/__/sku gsung thugs kyi sgo nas khyod la bstod/__/dpal ldan dbang ldan srid gsum dbang bsgyur zhing /__/mche ba gtsigs shing mchu 'phyang shugs che ba/__/sgra sgrogs dril bu'i phreng bas brgyan pa yi/__/gzhon nu'i lus can bgegs 'joms khyod la bstod/__/bstan pa srung ba'i mthu stobs can/__/legs ldan nag po dka' thub can/__/srid med bu dang dur khrod bdag__/legs ldan mched gsum phyag 'tshal bstod/__/brjod med spros bral mkha' dbyings dag pa las/__/sna tshogs gzugs sku 'jigs pa'i skur bzhengs pa/__/char sprin nag po g.yo ba'i gzi brjid kyis/__/srid gsum zil gyis gnon la phyag 'tshal bstod/__/rgyal ba'i thugs mchog he ru ka__/ma rungs bdud kyi dpung 'joms phyir/__/srung ma'i dbang por rnam sprul pa/__/ye shes mgon po khyod la bstod/__/rgya mtsho'i rba klong 'khrugs las skur bzhengs nas/__/ri rab lhun po'i rtse la bka' babs te/__/tshangs gnas tshad med khyod la mnga' legs ma/__/dpal ldan 'dod khams dbang phyug ma la bstod/__/bcom ldan gshin rje'i gshed po'i spyan snga ru/__/sangs rgyas bstan pa srung bar khas blangs ma/__/dre'u rta la zhon rngams zhing shin tu brjid/__/srid pa'i rgyal po chen po khyod la bstod/__/dus gsum rgyal ba'i yum gcig khro mo'i sku/__/srid gsum kun la dbang bsgyur mkha' 'gro'i gtso/__/rnal 'byor bu bzhin skyong ba'i g.yar dam can/__/kaM kaM sgra sgrogs rab brtan ma la bstod/__/rgyal ba'i thugs kyi phrin las kun/__/ma lus gdug pa 'dul ba'i phyir/__/'jigs pa'i skur ston 'dod don ster/__/dur khrod gnas kyi bdag por bstod/__/'jam dpal khros pa dus dgra'i dbang po yis/__/bka' yi bstan pa srung bar khas blangs pa'i/__/rnal 'byor bu bzhin skyong ba'i srung ma mchog__/chos rgyal yab yum 'khor dang bcas la bstod/__/dpal ldan dkar mo nyi zla ni/__/dar dkar 'jol ber sku la gsol/__/ri rab gling bzhi phyag na bsnams/__/skye 'gro gso mdzad khyod la bstod/__/dpal chen bka' yi pho nya ni/__/rlung gi shugs can rta nag steng /__/mdog nag ru mtshon thod phreng can/__/bdud rgyal mgon po khyod la bstod/__/chos nyid zhi ba'i ngang las ma g.yos kyang /__/ma rungs 'dul phyir drag po'i skur ston pa/__/mthu stobs phun tshogs sangs rgyas bstan pa srung /__/sgrol ging srog bdag dmar po khyod la bstod/__/sa brgyad byang chub sems dpa' rin chen mang /__/nam mkha'i mdzod mnga' dbul ba'i gdung ba 'phrog__/yid bzhin 'dod dgu'i char 'bebs dpag bsam shing /__/rnam mang thos sras ngal bsos po la bstod/__/dus gsum rgyal ba kun dngos pad dkar 'chang /__/'gro ba'i phun tshogs re ba skong ba'i phyir/__/rab 'jigs khro bo'i dbang po'i skur ston pa/__/yid bzhin nor bur mtshan gsol phyag 'tshal bstod/__/ye shes skyed mdzad chos sku yum chen mo/__/rgyal kun rdo rje'i btsun mo rnal 'byor ma/__/gangs can sangs rgyas bstan srung 'khor lo'i bdag__/bkra shis tshe ring mched lngar phyag 'tshal bstod/__/rdzu 'phrul stobs dang mngon par shes pa'i dpal/__/nye bar thob nas thub pa'i bka' bzhin du/__/bstan pa rin chen bang mdzod legs srung ba'i/__/rdo rje'i chos skyong rnams la phyag 'tshal bstod/__/ces pas spyir bstod la/__bstab pa ni/__hU~M b+h+yoHdpal ldan mgon po ma hA kA la ya/__/dpal ldan lha mo 'khor dang bcas pa rnams/__/dam can rgya mtsho nor lha gter bdag bcas/__/'dir gshegs brgyan ba'i gtor ma 'di bzhes shig__/sha khrag dmar gyi gtor ma 'di bzhes shig__/dzam+bu ti ka'i zhal zas 'di bzhes shig__/sman raka phud kyi mchod pa 'di bzhes shig__/sngar bcol legs pa'i gtang rag gnyen por 'bul/__/da bcol las kyi gsal 'debs gnyen por bzhes/__/'khor rnams srung zhing rkyen rnams bzlog pa dang /__/sdang ba'i dgra dang gnod pa'i bgegs la sogs/__/bdud dang bar du gcod pa rnam mang po/__/thams cad nye bar zhi bar mdzad du gsol/__/bstan pa rgyas pa'i las 'di myur du sgrubs/__/bla mas bcol pa'i phrin las 'grub par mdzod/__/ces phrin las bcol zhing /__gtor bsngo gzhan dang 'brel na de'i mthar dbyung zhing /__'di nyid sger 'don tshe/__slar yang /__srid zhi'i dpal 'byor ma lus 'byung sogs 'dod don zhu ba dang /__he ru ka'i yig brgya lan gsum/__ma 'byor pa dang sogs kyis nongs pa bzod par gsol/__rten yod na brtan bzhugs/__med na gshegs gsol bya zhing /__bsngo smon shis brjod sogs yi dam gang la brten pa de'i rang gzhung ltar bya'o//__//zhes pa'ang yos lor sgrub thabs rin po che kun las btus pa'i smin grol 'bogs pa'i skabs spo lu dgon pa'i bla ma ngag dbang bshes gnyen dang /__'dan ma dge slong kun dga' rin chen bcas nas bskul ba'i ngor/__'jam dbyangs chos kyi blo gros kyis lha sngags rnams so so'i gzhung las btus te khyer bde bar rdzong gsar bkra shis lha rtse'i chos grwar sbyar ba'i yi ge pa ni chab mdo skyo sprul 'jam dbyangs chos kyi nyin byed kyis gus pas bgyis pa ste 'dis kyang bar chad bdud bzhi'i g.yul las rnam par rgyal bar gyur cig__/sarba dA mang+ga laM//__// gtor bsngo phrin las myur mgyogs bzhugs so/__/mchod gtor rnams/__ra~M ya~M kha~M/__oM AHhU~M ha ho hrIHsa lan gsum gyis gtor ma sbyangs spel bya/__hU~M/__sku gsum zhing khams rab 'byams nas/__/bstan srung ma hA kA la ni/__/dpal ldan rdo rje gur gyi mgon/__/yum chen e ka tsa Ti dang /__/lha mo 'dod khams dbang phyug ma/__/dam can pU tra ming sring dang /__/gnyan mgon chen po zhal bzhi pa/__/yum chen sring mo bzhi la sogs/__/bstan srung 'khor dang bcas pa rnams/__/mchod gtor gser skyems rgya chen dang /__/rten rdzas bskang rdzas sgrub rdzas sogs/__/dngos 'byor yid sprul dpag med kyis/__/ma hA kA la'i thugs dam bskang /__/e ka dza Ti'i thugs=____/'dod khams lha mo'i=____/zhing skyong dbang phyug gdong bzhi pa/__/yum chen sring mo bzhi dang bcas/__/thugs dam gnyan po dgyes par bskang /__/bka' sdod rgyud gsum dregs pa'i tshogs/__/'khor dang bcas pa'i thugs dam bskang /__/thugs dang 'gal 'khrul nyams chags bshags/__/sangs rgyas bstananag po chen po lcam dral la mchod gsol bsdus pa phrin las myur 'grub ces bya ba bzhugs so/__/na maHshrI ma hA kA la ye/__rdo rje nag po chen po 'khor bcas la mchod gtor shin tu bsdus pa 'bul bar 'dod pas mchod gtor ci 'byor pa bshams la/__oM las rab yangs ka pA la yi snod/__/AHlas sha lnga bdud rtsi lnga po rnams/__/hU~M gis zag med ye shes bdud rtsir bsgyur/__/ha ho hrIHyis nam mkha' mnyam par spel/__/oM AHhU~M ha ho hrIHlan gsum/__hU~M/__'og min gnas dang rgya gar rdo rje gdan/__/bsil ba tshal sogs gnas yul dur khrod nas/__/bstan srung gtso bo rdo rje gur gyi mgon/__/e ka dzA Ti dpal ldan lha mo dang /__/zhing skyong dbang phyug gnod sbyin yab dang yum/__/pu tra b+ha tra sring mo dur khrod bdag__/gnod sbyin lcam sring la sogs rgyud gsum gyi/__/srung ma dam can rgya mtsho 'khor bcas rnams/__/dam rdzas bdud rtsi'i mchod gtor chen po dang /__/dgyes pa'i spyan gzigs thugs dam bskang ba'i rdzas/__/sa dang nam mkha' bar snang khyab pa 'di/__/dgyes par bzhes la rgyal bstan rin po che/__/mi nub dar zhing rgyas pa'i phrin las mdzod/__/de la 'khu ba'i lha min kla klo'i tshogs/__/rtsa sbur me bzhin thal ba'i rdul du rlog__/myur du rtsad nas 'joms par mdzad du gsol/__/rnal 'byor bdag cag 'khor dang bcas pa rnams/__/bu gcig ma bzhin brtse bas skyongs ba dang /__/gang bsam thams cad 'bad med myur du 'grub/__/'di phyi bar do kun tu srung skyobs mdzod/__/rang rig dpal ldan bla ma nag po che'i/__/rang zhal mjal te rdo rje 'chang gi sar/__/myur du bgrod nas 'gro rnams sgrol nus pa'i/__/mchog thun dngos grub stsol ba'i phrin las mdzod/__/ces pa'ang la sras bsod rgyal/__mgon po tshe brtan/__gsol dpon bkra rnam bcas pas lha reg bcas bskul ba'i ngor/__chos kyi blo gros pas dpal sa skya'i sgo rum ye shes mgon po mngon sum bzhugs pa'i mdun du bris pa dge legs su gyur cig/__//__

dang bstan 'dzin rnams/__/dar zhing rgyas pa'i phrin las mdzod/__/bdag cag yon mchod 'khor bcas la/__/byad phur rbod gtong gnod pa bzlog__/'byung po gdug pas mi 'tshe zhing /__/nad rims 'khon 'khrugs zhi ba dang /__/tshe ring nad med dpal 'byor rgyas/__/ci bsam yid bzhin 'grub pa dang /__/bkra shis bde legs phun tshogs shog__/rtag tu mi 'bral srungs skyobs mdzod/__/ces pa'ang d+hA ki tshe ring chos sgron gyis lha rdzas bcas thugs dam bya rgyur gsung bskul ngor/__chos kyi blo gros pas dpal sa skya'i mgon khang bse 'bag yid bzhin nor bu'i drung du bris pa shin tu byin che zhing don dang ldan par byin gyis brlab tu gsol/__mang+ga laM//__//

@#/__/gtor bsngo bsdus pa phrin las myur 'grub ces bya ba bzhugs so/__/ oM swAsti/__bla ma yi dam mkha' 'gro chos skyongs rnams la gtor ma bsdus te 'bul bar 'dod na/__mchod gtor rnams legs par bshams la/__yi dam gang rung gi bdag bskyed sngon du 'gro bas/__mchod gtor rnams nang chu chang gis bran te/__oM badz+ra a mr-i tas bsang /__swa b+hA was sbyangs/__stong pa'i ngang las AHlas ka pa la/__/yangs shing rgya che stong gsum mnyam pa'i nang /__/go ku da ha na las sha lnga dang /__/b+h+rU~M oM dz+riM kha~M hU~M las bdud rtsi lnga/__/rnams kyi yongs su gang ba'i steng nyid du/__/'bru gsum 'od kyis ye shes bdud rtsir sbar/__/'dod yon mchod sprin nam mkha' gang bar gyur/__/oM AHhU~M ha ho hrIHphyag rgya dang bcas lan mang du brjod pas byin gyis brlabs/__rang nyid yi dam lhar gsal thugs ka nas/__/'od zer lcags kyu lta bu rab 'phros pas/__/bla ma yi dam mkha' 'gro chos skyong tshogs/__/'dir gshegs pad+ma nyi zla la sogs pa/__/rang rang dgyes pa'i gdan la bzhugs su gsol/__/oM gu ru d+he wa DA ki ni shrI badz+ra d+harma pA la sa pA ri wa ra badz+ra sa ma dzaHpad+ma ka ma la ya s+t+waM/__dgra bgegs bsgral ba'i dmar chen rak+ta ni/__/sbu phreng rab 'khrugs chil chil rnam par gyur/__/bstan srung rgya mtshor byon skyems dam pa 'bul/__/bzhes nas rngams pa'i stabs kyis dgra bgegs sgrol/__/oM ma hA rak+ta sa mu dra ar+g+haM pra tIts+tsha swA hA/__zhes gser skyems 'bul/__hU~M/__phyi mchod nyer spyod nang mchod 'dod yon lnga/__/gsang mchod sman dang rak+ta gtor ma dang /__/sbyor sgrol ga na tsakra'i mchod pa sogs/__/dngos bshams yid sprul 'bul gyis bzhes su gsol/__/oM gu ru dA+e wa DA ki ni shrI badz+ra d+harma pA la sa pA ri wA ra badz+ra ar+g+haM nas/__shab+da pra tIts+tsha swA hA/__sngags kyi mthar/__badz+ra rU pa AHhU~M/__badz+ra shab+da=__badz+ra gan+d+he=__badz+ra ra sa=__badz+ra spaR+she AHhU~M/__sngags thar/__ma hA pany+tsa a m-i ta khA hi/__ma hA rak+ta khA hi/__zhes pas mchod/__oM gu ru dA+e wa DA ki ni shrI badz+ra d+harma pA la sa pa ri wA ra na maHsarba ta thA ga ta b+h+yo bi shwa sogs lan bdun nam gsum gyis spyir 'bul/__bye brag yi dam dang /__chos skyong mkha' 'gro spyi sngags sogs lan gsum res 'bul la/__oM gu ru d+he wa DA ki ni shrI d+harma pA la sa pa ri wA ra ar+g+haM nas/__shab+da'i bar gyis mchod/__sngags mthar/__oM AHhU~M btags bas nang mchod 'bul la/__bla ma yi dam mkha' 'gro chos skyong dam can rgya mtsho'i zhal du mchod pa dam pa 'bul lo/__/sangs rgyas kyi bstan pa sogs phrin bcol bya/__bskang ba ni/__oM badz+ra a mr-i tas bsang /__swa b+hA was sbyangs/__stong pa'i ngang las dur khrod drag po'i bkod pa phun sum tshogs pa bskang rdzas rnams so so'i byed las dang ldan zhing sa dang nam mkha' bar snang thams cad gang bar gyur/__namaHsarba ta thA ga ta b+h+yo sogs lan gsum gyis 'bul/__hU~M/__rtsa brgyud bla ma yi dam lha tshogs dang /__/gnas gsum dpa' bo mkha' 'gro rgya mtsho rnams/__/phyi nang gsang ba'i bskang rdzas mchod gtor 'bul/__/mchog dang thun mong dngos grub stsal du gsol/__/kun bzang he ru ka yi thugs las sprul/__/bstan srung rgya mtsho'i sde dpon gur gyi mgon/__/pho nya lnga dang gaN+Di'i khro chung dang /__/ru 'dren sde bzhi'i tshogs dang bcas pa la/__/phyi nang gsang ba'i=____/dbyings phyug rgyal mo e ka dzA Ti dang /__/'dod khams gtso mo lha mo nam gru ma/__/nag mo bye ba 'bum sde'i tshogs bcas la/__/phyi nang gsang ba'i=____/srid gsum dbang bsgyur gnas gter thams cad skyong /__/dpal 'bar ma hA kA la gdong bzhi pa/__/rnam 'gyur sna tshogs yum chen bzhi bcas la/__/phyi nang gsang ba'i=____/mgon po'i sprul pa gnod sbyin yab yum dang /__/gsang ba'i las mkhan pu tra ming sring gsum/__/nag po stong dang ma mo bye ba'i tshogs/__/phyi nang gsang ba'i=____/dmag dang zor gyi las mdzad drag mo rgyal/__/dpal ldan re ti las bzhi'i lha mo dang /__/chu srin ba lang gdong can la sogs par/__/phyi nang gsang ba'i=____/dbang chen rta mgrin bka' nyan bek+tse che/__/lcam sring las mkhan gri thogs brgyad po dang /__/ro shan nyer gcig la sogs 'khor bcas la/__/phyi nang gsang ba'i=____/rab yangs dur khrod gnas kyi bdag po che/__/dpa' bo yab yum gar stabs thod dbyug bsnams/__/dur khrod gnas pa'i 'khor tshogs bcas pa la/__/phyi nang gsang ba'i=____/gling bzhi dbang mdzad dkar mo nyi zla'i phreng /__/bdud kyi sde dpon bdud rgyal nag po che/__/gtso 'khor sprul pa bcas pa thams cad la/__/phyi nang gsang ba'i=____/slob dpon chen po pad+ma 'byung gnas kyi/__/spyan sngar zhal bzhes bdag shwa sa?X gsum sogs/__/phur srung dam can bcu gnyis 'khor bcas la/__/phyi nang gsang ba'i=____/btsan gyi sde dpon gnod sbyin yang le ber/__/rol pa rkya bdun btsan dmag 'bum sdes bskor/__/gnod sbyin tsi'u dmar po 'khor bcas la/__/phyi nang gsang ba'i=____/lha chen tshangs pa dkar po dung thod can/__/chos skyong rgyal po'i skur ston bse khrab pa/__/dpal ldan gsang phu'i bstan skyong chen po la/__/phyi nang gsang ba'i=____/thugs rje chen po'i sprul pa 'dul 'dzin che/__/rno myur shugs drag rtsal ldan mthu bo che/__/rgyal ba'i bstan dang bstan 'dzin skyongs mdzad la/__/phyi nang gsang ba'i=____/nag po'i bka' nyan dbang phyug mthu mo che/__/sring skyid nam sgron rdo rje bu khrid sogs/__/sngags 'chang chen mo'i bka' yi las sgrub mor/__/rang rang spyan gzigs mthun rdzas 'di bzhes shig__/hU~M/__thugs dam gnyen po bskang ba'i dam rdzas ni/__/phyi nang nyer spyod bkra shis rdzas rtags dang /__/rin chen bdun dang nye ba'i rin chen bdun/__/gzhal med khang bzang rin chen sna tshogs dang /__/gter gyi bum ba dpag bsam ljon shing sogs/__/bya khyi nag po gcan gzan sna tshogs dang /__/rta drel bong bu ri dwags g.yung dwags sogs/__/khrab rmog mda' mdung ral gri go mtshon sgyogs/__/rus rgyan mgo phreng sbrul rgyan glang ko dang /__/stag sham thal zhags rak+ta la sogs dang /__/dar zab lda ldi rgyal mtshan ba dan phyar/__/rnga dung rol mo sna tshogs sgra sgrogs shing /__/'bru sman spos sogs mchod rdzas du ma dang /__/stag gzig la sogs lpags pa'i rigs sna tshogs/__/zab chen dar gos rnam pa mang po dang /__/dur khrod rol pa'i gzhal med khang chen po/__/dkar mngar khrag skyems la sogs btung ba dang /__/ro brgya ldan pa'i mchod gtor sman rak+ta/__/sku gsum thugs dang yon tan phrin las kyi/__/phyi nang gsang ba'i skang rdzas sna tshogs dang /__/khyad par rgyud gsum dregs tshogs 'khor bcas rnams/__/nang du rdo rje'i lus la tshang ba dang /__/gsang ba sems nyid gsal stong zung 'jug tu/__/shes pa gsang rten lus la sba ba yi/__/mi 'bral gcig tu bsre bas thugs dam bskang /__/dngos su 'byor dang yid kyis rnam sprul pa'i/__/srid zhi'i khams kyi mchod tshogs ji mchis pa/__/kun bzang bde stong rol pa las byung bas/__/bla ma yi dam mkha' 'gro'i thugs=____/rdo rje'i chos skyong mgon po lcam dral sogs/__/bstan srung dam can rnams la rang rang gi__/rten bskang sgrub dang mchod pa'i rdzas rnams kyis/__/sa dang nam mkha' thams cad rab bkang nas/__/rdo rje gur gyi mgon po'i thugs dam bskang /__/yum chen e ka dzA Ti'i thugs=__dpal ldan 'dod khams gtso mo'i=____/zhing skyong dbang phyug gdong bzhi'i=____/yum chen sring mo bzhi yi=____/'khor gyi zhing skyong tshogs kyi=____/dregs pa sde brgyad tshogs kyi=____/las mkhan gnod sbyin yab yum=____/pu tra ming sring gsum gyi=____/dpal ldan dmag zor rgyal mo'i=____/nag mo bye ba 'bum sde'i=____/gnod sbyin ber gdong lcam sring =____/'khor gyi shan pa'i tshogs kyi=____/zhing skyong dur bdag yab yum=____/dkar mo nyi zla bdud rgyal thod phreng dang /__/phur srung dam can rnams kyi=____/btsan rgod kun khyab rdo rje drag po rtsal/__/tshangs pa'i ging chen bse yi khrab can dang /__/rdo rje shugs ldan rtsal dang ma mo gsum/__/dam tshig can gyi srung ma 'khor bcas kyi/__/thugs dam bskang ngo nyams chags bzod par bzhes/__/sku gsung thugs kyi dam las 'gal ba rnams/__/snying nas mthol bshags sgrib par mi 'gyur bar/__/dag tshangs chen po stsal bar mdzad du gsol/__/rnal 'byor bdag cag yon mchod 'khor bcas la/__/mi mthun 'gal rkyen nad gdon byad phur dang /__/mi kha bra mchu gtam ngan thams cad bzlog__/glo bur ye 'drogs dus min 'chi ba bzlog__/tshe bsod dpal 'byor nyams rtogs gong du 'phel/__/khams gsum 'gro ba thams cad dbang du bsdus/__/sdang ba'i sems ldan drag pos tshar bcad kyi/__/las rnams thogs pa med par 'grub par mdzod/__/rgyal bstan spyi dang khyad par sa skya pa'i/__/bstan pa rin chen phyogs bcur rgyas pa dang /__/rigs gsum sems dpa'i rol gar gdung brgyud ni/__/chad pa med cing bstan la smin par mdzod/__/bod khams lha min 'jug pa kun zhi zhing /__/bstan 'dzin zhabs brtan dge 'dun thugs mthun 'phel/__/'jig rten kun tu dge legs dpal 'byor rgyas/__/bsam pa'i don rnams ma lus 'grub par mdzod/__/ces thugs dam bskang bshags bya'o/__/spro na bstod pa rgyas bsdus ci rigs dang /__/bskang gso gzhung dang ma 'brel na gtor bstab sogs rjes kyi rim pa rnams bya'o/__/zhes pa'ang dpal sa skya'i sgrol pho'i rje btsun rin po che skal bzang 'chi med phrin las chos kyi nyi mas rten dang bcas bka' yis bskul ba bzhin 'jam dbyangs chos kyi blo gros pas bris pa dge'o//__// bla ma dpal nag po chen po gur gyi mgon po la gsol ba 'debs shing phrin las bcol ba yid smon kun 'grub ces bya ba bzhugs so/__/oM/__bla ma nag po chen por la phyag 'tshal lo/__/AHrgyal ba'i phrin las 'gag pa med pa dang /__/hU~M/__/gang thugs skye med chos dbyings rtogs par mdzod/__/hrIHdam tshig ldan pa'i rnal 'byor bdag cag gi__/nag po khyed la mi phyed dad mos kyi/__/gsol ba kha tsam min par snying nas 'debs/__/bdag sogs lam gyi bar chad zhi ba dang /__/yid la ci bsam thams cad 'grub par mdzod/__/gang zhig dran pa tsam gyis bdud sde dang /__/snyigs dus rgyal 'gong shi 'dre dam sri'i tshogs/__/rdul du rlogs shig rdo rje nag po che/__/gur gyi mgon por mthu stobs dpung bskyed mdzod/__/khyad par shin tu snyigs ma'i dus 'di ru/__/rgyal ba'i bstan dang de 'dzin skyes bu dang /__/chos ldan rgyal blon khyim bdag rnams kyi tshogs/__/bde skyid 'phrog rnams ming tsam med par mdzod/__thub pa'i bstan pa rin chen 'dzin pa yi/__/dam pa'i skyes bu gang na bzhugs pa rnams/__/sku tshe brtan cing thugs kyi bzhed don 'grub/__phrin las phyogs bcur rgyas par mdzad du gsol/__/'jig rten pa kun yang dag lta bar dang /__/phan tshun pha ma lta bu'i sems ldan zhing /__/'thab rtsod rgyun chad bsod nams dpal gyis 'byor/__/tshe ring nad med bde skyid ldan par mdzod/__/rtag tu bdag gis khyod bsnyen mchod cing bstod/__/gsol ba btab pa'i bden don mngon gyur nas/__/pha rol mi dang mi min gnod pa yi/__/g.yul las rnam par rgyal ba'i phrin las mdzod/__/kun rdzob nag po gaN+Di 'dzin pa nyid/__/don dam rang sems gsal stong ngo bo ru/__/ngo shes yid ches gdeng thob sa lam bsgrod/__/bcu gsum rdo rje 'dzin rgyal bdag sgrub mdzod/__/ces pa'ang dad slob hor gdong thog dgon grwa mgon po tshe brtan gyis bkra shis lha reg rin chen gnyis pa 'khor lo'i maN+Dal dang bkas bskul ngor/__'jam dbyangs chos kyi blo gros pas me bya smal po'i zla tshes la 'phags yul rdo rje gdan gyi byang chub shing drung du bris pa dge'o/__/sarba mang+ga laM//__// mgon po ma hA kA la la bstod pa 'chi bdag bdud las rnam rgyal zhes bya ba/__hU~M/__'jigs rung he ru kaHdpal dpa' bo che/__/mi bzad bdud kyi stobs 'phrog rdo rje gur/__/rab 'jigs nag po srin po'i gzugs can la/__/rdo rje'i gad mo chen pos bstod par bgyi/__/dran pa tsam gyis srid zhi'i 'jigs las skyobs/__/bsgom pa tsam gyis bar chad g.yul las rgyal/__/gsol btab tsam gyis dngos grub lhug par 'jo/__/mgon po stobs po chen po dpa' bo che/__/rab 'jigs ha la nag po'i mdangs ldan zhing /__/ha ha hU~M dang phaT pheM sgra sgrogs pa/__/mi bzad bskal me'i shugs ldan nag po cher/__/rngams pa'i stabs dang dbyangs kyis bstod par bgyi/__/rnam par snang mdzad shrIHhe badz+ra/__/gsang gsum las phyung ma hA kA la ni/__/srin po'i gzugs can lha min g.yul ngo bzlog__/lang+ka pu ri'i grong khyer sum brtsegs bcom/__/shugs drag stobs ldan dpa' bo khyod la bstod/__/khros pa'i zhabs brdab stong gsum yom yom 'gul/__/bzhad pa'i nga ros snang srid dbang du bsdud/__/bstan la gnod cing 'tshe ba'i dam sri rnams/__/za byed nag po chen po khyod la bstod/__/rgyud gsum lcam dral dregs pa'i tshogs rnams kun/__/rdo rje'i lus kyi tsit+ta'i grong khyer na/__/nges don mgon po mkha' spyod dbu mar rol/__/zung 'jug don dam chen por bstod par bgyi/__/rigs sngags bzlas dang rim gnyis bsgom pa la/__/brtson pa'i rnal 'byor gang gi 'dod don sgrub/__/rtsa rlung thig le'i khams rnams dag pa na/__/mchog gi dngos grub stsol bar mdzad la bstod/__/mi zad rgyan 'khor lnga yi bang mdzod las/__/phyung ba'i rnam 'phrul bye ba mtha' yas pas/__/phyi nang gsang ba'i dgra bgegs phye mar 'thag__/mthu chen gtum po che la phyag 'tshal bstod/__/de ltar bstod 'dis rnal 'byor bdag cag gi__/mi mthun 'gal rkyen nyer 'tshe kun zhi nas/__/yid la bsam pa'i don rnams lhun gyis grub/__/'chi bdag dgra las rnam par rgyal gyur cig__/de ltar nag po chen po la bstod pa 'di'ang 'jam dbyangs chos kyi blo gros pas rang lo nyer bzhi par cung zad bro 'tshal ba na rtse gcig gsol ba btab pa dge legs su gyur cig/__//__ rdzong gsar dgon mgon khang bdud dpung zil gnon du bskang gso khri rdzogs yon sbyar byung nas tshad ldan 'don na/__bdud rtsi dang chang bsres pa'i mtheb kyu khri gcig lhag bca' dgos/__bskang gso rgyas pa tshar lnga bdun gang 'os rgyun ltar la/__/bak+tsai'i bskang ba rdzogs nas bstod pa'i mgor/__thebs che ba bcu phrag tu mtheb kyu stong phrag re bsham/__grwa pa brgya dang bcu re yod rtsis kyis/__bdud rtsi byin brlab rgyas par 'don nas thebs bcu dus gcig tu byin brlab dang /__/oM shrI ma hA kA lA ya/__ma hA kA li de wI/__tsa turmu khA/__badz+ra karma nA tha/__d+harma pA la sa pa ri wA ra na maHsarba ta thA ga te b+h+yoHsogs gtor sngags tshar bcu re rdzogs pa na/__gong gi sngags mthar ar+g+haM sogs kyis phyi mchod dang /__sngags de'i mthar oM AHhU~M gis nang mchod phul/__/dpal rdo rje nag po chen po lcam dral 'khor dang bcas pa rnams dang /__mthu stobs kyi dbang phyug dpal mgon zhal bzhi pa/__gzhan yang bka' srung dam can rgya mtsho'i tshogs 'khor dang bcas pa rnams kyi zhal du mchod pa dam pa 'bul lo/__/sangs rgyas kyi bstan pa dar ba dang sogs phrin bcol bya/__gtor thebs gnyis pa man chad la oM AHhU~M ha ho hrIHlan gsum res brlab nas/__sngar bzhin thebs re rdzogs pa dang /__phyi nang mchod pa phrin bcol bya/__/de 'dra bcu pa na gtor sngags khri gcig kha skongs bcas 'gro/__de nas bskang gtor rnams la gso bran gyi sngags drug phyag drug gis brlabs nas/__sku dang gsung thugs kyi bskang ba brgya tshar gcig grub nas byin rlabs thugs rje'i bshags pa tshar bcu/__hU~M dpal 'bar ma ha kA la sogs kyi bzlog pa tshar dgu byas nas bstod pa la 'jug go/__ces pa'ang chos kyi blo gros pas dpyad bzod par zin thor bris pa dge/__//__ @#/__/ye shes mgon po phyag bzhi pa'i phrin las dngos grub 'byung gter bzhugs so/__/ na ma shrI he ru ka ya/__rgyal ba'i bstan srungs yongs kyi gtso/__/ye shes mgon po nag po cher/__/gsol mchod dam can dgyes skong ni/__/nyung ngu'i tshul gyis rnam par dbye/__/de la dbang thob cing dam tshig ldan pas gnas dben par phyi nang mchod gtor tshogs par bshams la/__rang he ru ka'i nga rgyal la gnas pas/__a mr-i ta kun+Da lis bsang /__swa b+hA was sbyangs/__stong pa'i ngang las drag rgyan gyi/__/bkod pa phun sum tshogs pa ru/__/a las b+hany+dza'i snod yangs par/__/phyi nang gsang ba'i mchod gtor rnams/__/dwangs shing thogs pa med par gyur/__/oM badz+ra ar+g+haM nas/__shab+da AHhU~M dang /__ma hA pany+tsa a mr-i ta rak+ta ba liM ta keM ni ri ti ta na ga Na ma hA pU tsa hoHrnams kyis byin gyis brlabs/__oM ma hA shu n+ya ta sogs kyis stong par sbyangs/__stong pa'i ngang las srung 'khor dbus/__/rab 'jigs dur khrod brgyad kyis bskor/__/drag po'i gzhal yas mtshan rdzogs dbus/__/brag chen pad+ma nyi ma dang /__/dregs pa byi chings bsnol ba'i steng /__/gnam lcags tsakra rtsibs bzhi'i lter/__/rdo rje gri gug hU~M gis mtshan/__/spro bsdus nag po chen po ni/__/zhal gcig pa la phyag bzhi pa/__/'jigs rungs rdo rje srin po'i gzugs/__/sbom thung lto ba yan lag rags/__/sbrul chun rus rgyan rkam rlon phreng /__/stag gi lpags pa'i sham thabs dang /__/glang kos stod g.yogs zhing lpags dkris/__/dpa' bo'i dar dpyangs ring du 'phur/__/phyag bzhis dang pos gri thod dang /__/'og mas ral gri kha T+wA~M bsnams/__/zhabs gnyis dpa' bo rol pa'i stabs/__/bar du e ka tsa tri sngo/__/kha T+wA~M thod khrag bsnam pas 'khyud/__/shar du mgon po gri gug mthing /__/gri thod mchan g.yon bing chen bsnams/__/lho ru gza' bdud dbu dgu pa/__/dud kha phyag bzhi chu srin gyi/__/rgyal mtshan sbrul zhags mda' gzhu 'gengs/__/nub tu stag zhon nag po ni/__/bing ngar lcags par dar nag gsol/__/byang du las mgon seng ge'i gdong /__/mdung dar dmar gtor rta nag zhon/__/gtso bo'i mdun du bya rog gdong /__/mthing nag ral gri thod pa'i nang /__/glo snying 'dzin cing dor stabs kyis/__/sprul pa dpag med 'gyed cing bzhugs/__/phyi khyams phra men gdong can brgyad/__/gar stabs phyag mtshan ma nges 'dzin/__/sbrul dar mgo phreng rus pas brgyan/__/de rgyab mkha' 'gro ging lang+ka/__/'bar ma dbang phyug la sogs dang /__/dpal mgon bdun cu rtsa lnga rnams/__/mngon sum bzhin du bzhugs pa yi/__/gnas gsum yi ge 'bru gsum dang /__/thugs ka'i hU~M 'od kyis bskul bas/__/'og min gnas dang rdo rje gdan/__/bsil ba'i tshal sogs gar bzhugs kyi/__/gnas nas skad cig nyid la gshegs/__/hU~M/__dad pa dang ni dam tshig gi__/sngon gyi thugs dam rjes su dgongs/__/sangs rgyas bstan pa srung ba'i phyir/__/da lta nyid du spyan 'dren gshegs/__oM badz+ra ma hA kA la sa pA ri wa ra badz+ra sa ma dzaHsa spyan drangs/__hU~M/__rab 'jigs dur khrod gzhal med khang /__/dregs pa pad nyi'i gdan steng du/__/dpa' bo chen po dgyes par bzhugs/__/pad+ma tsaN+Da suR+Ya tiSh+Tha baM/__hU~M/__chos nyid skye ba med pa las/__/nag po rngams pa'i gzugs ston pa/__/rdo rje srin po 'khor bcas la/__/rab gus brda yis phyag 'tshal lo/__/a ti pu hoHpra tIts+tsha hoHhU~M/__phyi mchod zhi ba'i nyer spyod dang /__/gzugs sgra dri ro reg bya dang /__/bkra shis rdzas rtags rin chen bdun/__/gzhal med khang bzang la sogs pa/__/ngo mtshar rnam mang mchod pa bzhes/__/sarba pU dza sa ma ya hoHhU~M/__dmar chen khrag gi mchod yon dang /__/dug chu'i zhabs bsil dbang po lnga'i/__/me tog phreng ba tshar du dngar/__/tshil chen spos kyi dud sprin 'thul/__/mkhris pa'i dri chab sbu phreng g.yo/__/dgra bgegs sha rus zhal zas dang /__/rkang gling thod rnga'i rol mo 'khrol/__/mgon po 'khor dang bcas pa yi/__/zag med rdo rje'i dbang po lngar/__/dgyes bar bzhes la dngos grub stsol/__/oM ma hA sha ma sha na ar+g+haM nas/__shab+da'i bar gyis mchod/__hU~M/__rtsa brgyad stong la sbyar ba'i sman/__/rgyu drug bsgral ba'i rak+ta dang /__/'dod yon lnga ldan ba liM ta/__/sbyor sgrol tshogs kyi 'khor lo dang /__/mchod bya mchod byed gnyis med mchod/__/ma hA pany+tsa rak+ta ba liM ta ta na g+ha Na ma hA pu tsa d+harma d+hA tu at+ma ko\u0f85 haM/__hU~M/__'jigs rungs sku ni mi sdug srin po'i gzugs/__/bdud dang log 'dren klad pa 'gem mdzad cing /__/ha ha hU~M phaT nga ro 'brug ltar sgrogs/__/snying rje'i thugs ldan nag po chen por bstod/__/chos nyid gcig las du ma'i nyams 'bar bas/__/gsang ba'i yum mchog e ka tsa tri dang /__/gri gug gza' bdud stag zhon seng gdong dang /__/las mgon bya rog gdong can bstod par bgyi/__/gzhan yang he ru ka yi sprul pa'i 'khor/__/phra men brgyad dang 'bar ma ging lang+ka/__/dbang phyug nyer brgyad gtsang ris mgon po sogs/__/nag po 'khor dang bcas la phyag 'tshal bstod/__/bzlas ba ni/__gtso bo'i thugs kar he ru ka__/mthing gsal rdo rje dril bu bsnol/__/zhi ma khro yi nyams ldan gyi/__/thugs kar rdo rje sngon po'i lter/__/nyi steng hU~M sngon 'bar ba las/__/sngags kyi phreng ba rab spros pas/__/rgyal mchod byin bsdus bdag byin brlabs/__/slar yang snod bcud thams cad ni/__/he ru ka dpal nag po che'i/__/dkyil 'khor gcig tu byin gyis brlabs/__/sngags phreng sku dang me 'od dang /__/mtshon cha skar ltar 'khrugs pa yi/__/sde brgyad dregs tshogs dbang du bsdus/__/ma rungs 'byung po rdul du brlag__/rnam shes rgyal ba'i sras su bskrun/__/drag po'i las chen rtsal rdzogs bsam/__/oM badz+ra ma hA ka la hU~M hU~M phaT swA hA/__oM ma hA kA la e ka tsa tri gu Na hrI da hU~M phaTaHoM shrI ma hA kA la ka wu wa rU pa tsit+ta sarba duSh+Tan ma ra ya hU~M phaT/__oM badz+ra DA ki tsa tu ra mu kha ka ka u lu ka shwa na su ka ra ya ma di d+hi ya ma du ti daSh+ti ma tha na ye hU~M hU~M phaT phaT swA hA/__spyi sngags shA sa na bzla'o/__/bsnyen mthar mchod bstod gsol bskangs bya/__yi dam tshogs 'khor gzhung ltar dang /__bskang bshags ni/__bskang rdzas rnams la dmigs nas/__a mr-i ta dang /__swa b+hA was sbyangs/__skong ba'i gnas mchog 'og min zhing /__/phyi nang gsang ba'i rten rdzas rnams/__/sa dang bar snang kun khyab ste/__/kun bzang bde stong sprin du gyur/__nam mkha' mdzod sngags lan gsum dang /__oM sarba bid pU ra pU ra a brta ya ho/__badz+ra s+pha ra Na khaM/__gis spel/__hU~M/__chos dbyings ngang las khros pa'i sku/__/snying rje'i gar gyis rol mdzad pa/__/nag po chen po phyag bzhi pa/__/tshur gshegs tshur gshegs gnas 'dir gshegs/__/hU~M/__'bar ba chen po'i dkyil 'khor na/__/dur khrod gsar rnying thang mar brdal/__/khrag mtsho dug chu khol ma 'khrugs/__/rdo rje can yang 'jigs pa'i gnas/__/nag po chen po phyag bzhi pa/__/he ru ka yi sprul pa ste/__/mi bsrun rngams pa'i sku 'chang ba/__/yum mchog e ka tsa ti dang /__/las kyi mgon po bya rog gdong /__/gri gug can dang rA hu la/__/stag zhon zhing skyong seng+ge'i gdong /__/'khor gyi gdong brnyan phra men tshogs/__/'bar ma ging lang dbang phyug dang /__/gtsang ris dpal mgon 'khor bcas sogs/__/rgyud gsum dam can dregs pa'i tshogs/__/gtso 'khor sprul pa yang sprul rnams/__/hU~M/__thugs dam bskang ba'i dam tshig rdzas/__/srid zhi'i khams kyi dpal 'byor rnams/__/ji snyed blo yi blangs byas nas/__/rang rang mthun pa'i rdzas su 'bul/__/rta nag g.yag nag lug nag dang /__/bya nag khyi nag stag seng khyung /__/dom dang dred mo 'dur zhing rgyugs/__/'phar spyang dug sbrul kha rlangs 'tshubs/__/dre'u bong bu glang po che/__/spu sdug mdzes pa'i ri dwags tshogs/__/rma bya ngang ngur bzhad khrung khrung /__/kaM ka la sogs bya rigs tshogs/__/bkra shis rdzas rtags rin chen bdun/__/nye ba'i rin chen bdun la sogs/__/stag gzig lpags shun gos dar dang /__/zhwa nag ber phod rus pa'i rgyan/__/mi mgo skam rlon phreng ba dang /__/nor bu rin chen rgyan phreng mdzes/__/keng rus brtsegs pa'i thod pa'i mkhar/__/mi ro'i rgyal mtshan zhing chen gdugs/__/'phan dang dar dpyangs la sogs pa/__/rngams brjid 'jigs rung gzhal med khang /__/bkod pa rnam mang bsam yas kyi/__/mgon po 'khor bcas thugs dam bskang /__/khyad par bris 'bur sku yi rten/__/srog sngags yi ge gsung gi rten/__/phyag mtshan 'bar ba thugs kyi rten/__/thod pa bum bzang yon tan rten/__/drag po'i rdzas rnams phrin las rten/__/phyi rol rgyud gsum dregs tshogs rnams/__/nang du rtsa thig rlung gi tshogs/__/sems nyid skye med gnyug ma'i gshis/__/stong gsal wa le shar pa 'di/__/mi 'bral gsang ba'i rten du bcas/__/ye shes mgon po 'khor bcas rnams/__/nam yang mi 'bral thugs dam bskang /__/dmar chen gtor ma ri ltar spungs/__/sman phud bdud rtsi char ltar 'bab/__/dmar chen khrag mtsho'i sbu phreng g.yo/__/mgon po 'khor bcas thugs dam bskang /__/ye shes mgon po phyag bzhi pa/__/yum mchog e ka tsa ti dang /__/las mgon bya rog gdong pa can/__/thugs mgon ma hA ka la dang /__/gza' dang stag zhon zhing skyongs sogs/__/thugs dam gnyan po bdag gis bskang /__/phra men gdong can chen mo brgyad/__/ging lang 'bar ma dbang phyug che/__/gtsang ris dpal mgon bdun cu sogs/__/thams cad thugs dam gnyan po bskang /__/bskang ngo bskal pa'i bar du bskang /__/g.yar dam gnyen po sor chud cig__/mi mthun rkyen ngan thams cad bzlog__/bcol pa'i phrin las 'grub par mdzod/__/bdag ni mi shes gti mug pas/__/bcas dang rang bzhin nyes ltung rnams/__/mi 'chab mi sbed snying nas bshags/__/khyad par sku gsung thugs dam 'gal/__/bsnyen sgrub g.yel zhing mchod gtor chag__/rten rdzas ma 'dzoms le los g.yel/__/chos skyong thugs dang 'gal ba rnams/__/mi 'chab mi sbed snying nas bshags/__/klong yangs chen por bzod bzhes la/__/mi sgrib tshangs pa'i dngos grub stsol/__/he ru ka'i yig brgya brjod/__de nas tshogs la rol zhing lhag gtor gtong /__rig 'dzin grub thob chen po rnams kyi mdzad pa'i bstod pa dang /__khyad par rkang brgyad kyi bstod ba bya/__drag po'i las gtsor 'don na bskul bzlog sogs gzhan du shes/__rjes gtor ma 'bul ba ni/__gtor ma rak+ta bran la gtor 'gugs dang /__shA sa na'i mthar/__nr-i tri badz+ra ang+ku sha dzaHdzaHhU~M ba~M ho/__oM AHhU~M ha ho hrIHsa brlabs/__shA sa na lan gsum gyis bsngos/__hU~M/__rgyal ba'i bstan srung rdo rje nag po che/__/sogs dngos rol ltar gtor ma bstab/__mchod bstod sogs rjes rim dngos rol ltar bya'o/__/'di sbyar dge tshogs ci mchis pa/__/bstan pa srungs shing rgyas phyir bsngo/__/skye dang tshe rabs thams cad du/__/bla ma mgon pos rjes 'dzin shog__/ces pa'ang me bya lor rdo rje gdan gnas mjal theng gnyis pa 'gro skabs badz+ra a pa na mchod 'bul zla 9tshes 25la bgyid skabs rmi lam gyi nyid 'khrul cung zad la brten tshes drug la rig dbyings ji ltar thon bzhin bris pa bstan srung dgyes pa'i rgyur gyur cig__/mang+ga laM//__// ye shes mgon po phyag bzhi pa'i gtor chog bsdus pa phrin las myur 'grub ces bya ba bzhugs so/__/na maHshrI ma hA kA la ya/__rgyal ba'i bstan srung chen po ye shes mgon po phyag bzhi pa'i gtor chog mdor bsdus pa'i tshul du 'bul na/__gtor ma la dmigs te rgya dang bcas/__oM AHhU~M hoHoM AHhU~M ha ho hrIHlan gsum/__rang gi snying ga nas 'od zer 'phros pas 'og min chen po nas grub pa'i dpal rdo rje nag po chen po mdun gyi nam mkhar spyan drangs par gyur/__rdor dril 'dzin zhing /__rdo rje g.yab ste/__hU~M/__rgya gar dbus kyi rdo rje gdan/__/'gyur med rgyun du rtag pa'i gnas/__/dus gsum sangs rgyas byon pa'i yul/__/rdo rje gdan gyi shar phyogs na/__/gtsug lag khang chen na len+d+ra'i/__/chos skyong srung mar mnga' gsol ba'i/__/ye shes mgon po bya rog mtshan/__/khrag 'thung rgyal ba'i sprul pa ste/__/bstan pa srung phyir 'jigs pa'i gzugs/__/nag po chen po mthu stobs can/__/sku ni mthing nag chen po la/__/zhal gcig pa la phyag bzhi pa/__/g.yas gnyis ral gri gri gug dang /__/g.yon gnyis tri shul thod khrag 'dzin/__/mche gtsigs ljags 'dril dbu skra ser/__/rin po che dang sbrul gyis brgyan/__/mi mgo'i dbu rgyan do shal dang /__/stag gi pags pa'i sham thabs gsol/__/pad zla mi ro'i gdan steng du/__/dpa' bo rol pa'i stabs kyis bzhugs/__/lha srin sde brgyad 'khor gyis bskor/__/khams gsum ma lus dbang du sdus/__/dgra bgegs ma lus rdul du rlog__/bdud dgra 'dul mdzad gshegs su gsol/__/oM shrI badz+ra ma hA kA la sa pA ri wA ra oM badz+ra sa mA dzaHrdo rje bsdu ba'i rgyas spyan drangs/__pad+ma ka ma la ya s+t+waM/__gyis gdan phul/__lag gnyis rdor thal kha phyes te/__oM badz+ra ma hA ka la i daM ba liM ta kha kha khA hi khA hi hU~M phaT/__lan gsum mam bdun gyis gtor ma 'bul/__oM shrI ma hA kA la sa pA ri wA ra ar+g+haM sogs kyi phyi mchod dang /__oM shrI ma hA kA la sa pA ri wA ra oM AHhU~M gis nang mchod phul mthar/__dpal ye shes kyi mgon po phyag bzhi pa'i zhal du mchod pa dam pa 'bul lo/__/sangs rgyas kyi bstan pa rgyas pa dang /__/'jig rten du dge legs rgya chen po 'byung ba dang /__/bdag cag dpon slob 'khor dang bcas pa rnams kyi 'gal rkyen bar chad thams cad zhi zhing mthun rkyen thams cad yid bzhin du 'grub par mdzad du gsol/__sogs kyis 'dod don zhu/__rdor dril dang bcas/__hU~M/__dus gsum sangs rgyas thams cad kyi/__/sku gsung thugs kyi sprul pa mchog__/grub pa'i rdo rje nag po che/__/zhing rnams skyong mdzad khyod la bstod/__/bde skyong ma sha 'bras chan dang /__/nya dang sha dang khrag dang chang /__/nyer spyod bdud rtsi lngas bkang ste/__/grub pa'i nag po che la 'bul/__/rgyal ba'i bstan pa srung ba dang /__/bdag cag 'khor bcas skyong ba dang /__/skye 'gro bde zhing skyid pa sogs/__/'dod pa'i dngos grub stsal du gsol/__/ces bstod cing phrin las bcol bar bya'o/__/bzlas pa ni/__oM badz+ra ka wu wa ma hA kA la hU~M hU~M phaT/__snying po'o/__/zhes pa'ang bshad sgrub dar rgyas gling gi 'dus pa'i sdes thugs dam rgyun khyer du 'jam dbyangs chos kyi blo gros pas mgo zla'i tshes nyer lnga la bris pa 'dis kyang bshad sgrub kyi bstan pa dar zhing bar chad bdud sde'i g.yul las rgyal bar gyur cig__/sarba dA mang+ga laM//__// dpal nag po chen po zhal bzhi pa'i gsol ka phrin las glog zhags zhes bya ba bzhugs so/__/na ma ta ra/__mchod gtor rnams la dmigs nas/__ra~M ya~M kha~M/__oM AHhU~M ha ho hrIHlan gsum/__hU~M/__sangs rgyas kun gyi thugs rje gcig bsdus pa/__/mthu stobs dbang phyug dpal ldan nag po che/__/stobs 'phrog dbang po gdong bzhi 'khor bcas rnams/__/mchod gtor gnas 'dir spyan 'dren byon skyems bzhes/__/pad nyi dgra bgegs ro yi gdan la bzhugs/__/rnam kun mchog ldan mtha' bral dbu ma'i mkhar/__/zla nyi za bas dus kyi mun ltar gnag__/bden bzhi'i zhal ni nag dkar dmar dang dud/__/zhal gdang mche gtsigs smar smin me ltar 'bar/__/ljags 'dril mchu 'phyang ha hi hU~M k+ShiM sgrogs/__/phyag bzhi'i gri thod rtse gsum mdung rnon 'phyar/__/mchan g.yon bum pa rus phreng phyag 'gags brgyus/__/skra brdzes rus rgyan mgo rlon dug sbrul dang /__/tshangs skud se ral dril bu g.yer kas brgyan/__/dpa' bo stag gi sham thabs rngams brjid ldan/__/g.yas bskum g.yon brkyangs gyad kyi dor stabs kyis/__/dam nyam dgra bo'i steng na bro brdungs shing /__/yum chen g.yung mo nag mo gtum mo ljang /__/srin mo dmar nag sing ga li ma ser/__/srin mo'i cha byad gcer mo gri thod 'dzin/__/ral pa thur 'phyang rgyu rlon ga sha can/__/khro zhing rngams la zhabs gnyis gar stabs bzhengs/__/bskal pa'i me dpung 'ur 'ur 'khrugs shing 'bar/__/dpal ldan srid gsum dbang bsgyur gtso 'khor rnams/__/phyi nang gsang ba'i mchod gtor dam pa dang /__/mthun rdzas bskang rdzas rten rdzas sgrub rdzas kyi/__/mchod sprin bde stong rol pa'i sprin phung 'dis/__/dpal ldan gru 'dzin bdag po gdong bzhi pa/__/lha chen nag po chen po'i thugs dam bskang /__/ti se'i gangs dang bsil ba tshal gyi bdag__/dam tshig ldan pa'i rnal 'byor gar gnas par/__/'bral med rang bzhin shugs kyis bskyangs mdzad cing /__/dpal ldan nA gA rdzu na'i srung ma che/__/zhing skyong dbang phyug chen po'i thugs dam bskang /__/thugs dam bskang ngo bdag cag dpon slob kyi/__/mi shes rmongs pas thugs dang 'gal ba rnams/__/chos skyong chen po khyed la mthol lo bshags/__/bzod par bzhes la tshangs pa stsal du gsol/__/khyab bdag rdo rje 'chang gi spyan snga ru/__/dam bca' ma g.yel dam ldan rnal 'byor rnams/__/ma yi bu bzhin rtag tu bsrung zhing skyobs/__/sangs rgyas bstan dgra skye 'gro'i bde skyid 'phrog__/bla ma'i sku dgra dam nyams gar gnas kyang /__/skad cig nyid la thal ba'i rdul bzhin rlogs/__/byad phur rbod gtong bzlog pa'i phrin las mdzod/__/zhi rgyas dbang dang drag po'i las gang rtsom/__/thogs med myur ba nyid du 'grub pa dang /__/rnal 'byor bcol ba'i phrin las grub par mdzod/__/ces pa'ang dbon mdzod bla ma tshe dbang dpal 'byor gyis rin chen dang po'i rten bcas bskul ngor 'jam dbyangs blo gros rgya mtshos sa ga zla ba'i dmar phyogs kyi rdzogs pa dang po'i drag po'i sbyor ba phun sum tshogs pa'i phyi dro'i thun phyed bzhi bar bris pa dge'o//__// dpal mgon gdong bzhi par bstod pa rdo rje srin po'i ngur sgra zhes bya ba bzhugs so/__/na maHshrI d+harma pA la tsa turmu kha ya/__gang sku gnam sngon bzhus pa'i lhun po la/__/mun pa nag pos lan stong 'khyud pa'i mdangs/__/stong zil bung ba ltar gnag 'jigs rung sku/__/dus mtha'i me bzhin 'bar ba khyod la bstod/__/khro gnyer rab 'khrugs rngam pa'i zhal gdangs shing /__/rno dbal mche ba gangs ri ltar gtsigs pas/__/dgra bgegs ro la 'debs shing ras dmar ljags/__/glog ltar myur bskyod dpa' bo che la bstod/__/shangs nas 'thor rlung drag por bskyod pa dang /__/ha ha hi hi k+ShiM k+ShiM phaT sgra yi/__/stong gsum 'gengs shing bdud sde dpa' bkod pa'i/__/rdo rje'i gad mo sa gsum g.yo la bstod/__/mi thung sgeg pa'i sku ni rab brjid cing /__/rus pa'i rgyan dang er ka'i phreng ba dang /__/tshangs skud dar dang stag gi sham thabs gsol/__/gdong pa bzhi ldan nag po che la bstod/__/ral gri mdung dang gri gug thod khrag dang /__/rus phreng bdud rtsi'i bcud ldan bum pa sogs/__/phyag bzhi'i mtshon cha sna tshogs rab 'dzin pa/__/lha chen dpal 'bar dbang phyug chen por bstod/__/rdo rje'i gnas yul kun na rab tu zhing /__/bsil ba'i tshal dang ti se tsA ri dang /__/po tA la sogs rnam 'phrul du mas bzhugs/__/dpa' bo'i bram ze'i gzugs 'chang khyod la bstod/__/rdo rje theg pa'i rgyud sde kun gnyer zhing /__/rig 'dzin rnal 'byor rnams kyi srungs ma mdzad/__/bden gnyis yang dag lta ba 'dzin pa la/__/lus dang grib bzhin zhal gyi bzhes la bstod/__/khams gsum kun gyi dbang phyug nag po che/__/dus gsum rgyal ba'i phrin las mthu stobs mnga'/__/bdud bgegs log 'dren phye mar 'thags mdzad cing /__/srid gsum dgra las rnam par rgyal bar bstod/__/zhi dang rgyas dang dbang dang drag po sogs/__/bsam pa'i mod la yid bzhin sgrub mdzad pa'i/__/rnam rol mtha' yas sgyu ma'i sku 'chang pa/__/gang bsam thogs med mgon po che la bstod/__/gang gi bka' nyan g.yung mo gtum mo dang /__/sing+ga li dang srin mo nag mo bzhi/__/rab 'jigs khro mo'i gar gyi rnam par bskyod/__/sprul pa yang sprul bsam mi khyab la bstod/__/zhing skyong gdong bzhi rtsal chen 'khor bcas rnams/__/phyi nang gsang ba'i mchod gtor 'di bzhes la/__/bstan pa rin chen phyogs bcur rgyas pa dang /__/bstan 'dzin skyes bu'i dbu 'phang mtho bar mdzod/__/sgrub po bdag cag dam ldan bu slob dang /__/sbyin bdag 'khor bcas tshe bsod dbang thang rgyas/__/mi mthun 'gal rkyen byad phur rbod gtong bzlog__/bsam don yid bzhin 'grub pa'i phrin las mdzod/__/mdor na deng nas byang chub ma thob bar/__/mi 'bral snying gi grogs po khyod bsten na/__/skad cig tsam yang 'bral med bskyangs ba dang /__/rdo rje'i sku mchog thob pa'i phrin las mdzod/__/ces pa'ang sa byi cho 'phrul zla ba'i tshes bcu bzhi la kun dga' phrin las rgya mtshos mngon par bstod pa 'dis kyang bla ma nag po chen pos rjes su 'dzin pa'i rgyur gyur cig__/sarba dz+ra ga taM/__mang+ga laM//__// legs ldan stag zhon nag po'i bskangs ba phrin las myur 'grub bzhugs so/__/bla ma dang rdo rje srin po la phyag 'tshal lo/__/phyi nang gsang ba'i skongs rdzas ci 'byor ba bshams la byin rlabs spyi ltar bya/__hU~M hrIH'og min gnas dang dur khrod brgyad/__/lcang lo can dang ma la ya/__/gnas yul dur khrod chen po nas/__/legs ldan stag zhon 'khor bcas rnams/__/sngon gyi dam bca' nyer dgongs te/__/dad pa dang ni dam tshig gi__/sgrub pa'i gnas 'dir dgyes bzhugs nas/__/dgra bgegs bsgral ba'i khrag gi skyems/__/dmar chen rak+ta'i sbu phreng can/__/byon skyems dgyes par bzhes nas kyang /__/phrin las rnam bzhi myur 'grub mdzod/__hU~M/__chos skyongs khyed la brten pa'i dam rdzas ni/__/sku gzugs bla rdo gsang sngags srog 'khor dang /__/thugs rten rdo rje bing chen lcags par sogs/__/sku gsung thugs kyi rten rdzas dam pa dang /__/rab yangs bde skyongs mtshan ldan dza gad dang /__/rin chen 'bru dang sman sna bzang pos bkang /__/gnag pa'i zhwa gos ber chen dur khrod chas/__/rus rgyan mgo phreng skam rlon la sogs dang /__/rta nag g.yag nag lug nag khyi nag tshogs/__/brjid pa'i ra skyes kham pa drel bong dang /__/glang chen ma he 'brong chen dar ma sogs/__/sprul ba'i khyung chen dung gi bya khra dang /__/bya nag 'bum sde mi nag 'o dod 'bod/__/stag chen brus ma gzigs dom dred 'phar ba/__/lcags spyang la sogs gcan gzan mang po dang /__/seng+ge dkar mo g.yu ral gnam du 'phyo/__/spu sdug mdzes pa'i ri dwags sna tshogs dang /__/zhi ba'i nyer spyod mchod pa bkra shis pa'i/__/rdzas rtags sna bdun rin chen bum pa bzang /__/gser dngul bye ru baiDUr pha lam sogs/__/go khrab gos dar mda' mdung mtshon cha'i rigs/__/dgra bgegs bsgral ba las byung 'dod yon lnga/__/sha khrag rus pa'i gtor tshogs chen po dang /__/dur khrod drag po'i gzhal med khang chen po/__/pad nyi ro gdan ro dang ro langs rgyugs/__/khrag zhag 'dam rdzas dam nyam dgra bgegs kyi/__/rU pa sgrol byed thun rdzas mtshon rnon dang /__/mnan sreg 'phang ba'i zor gyi rdzas la sogs/__/drag po'i rten skongs sgrub pa'i dam tshig rdzas/__/zhing chen g.yang gzhi'i 'phan gdugs bla bre dang /__/mi ro'i rgyal mtshan nal bu'i sha khrag dang /__/gsang rten gri snying rnga thug rol mo'i tshogs/__/dung dang rnga chen 'khar rnga cha lang dang /__/thod rnga gsang ba'i rnge'u chung rkang gling sogs/__/'bod pa'i g.yab dar bam chen tshogs 'khor lo/__/sman dang rak+ta'i rgya mtsho chen po dang /__/dkar mngar khrag gi skyem phud la sogs pa/__/phyi yi skongs rdzas srid zhi'i khams bkang bas/__/legs ldan stag zhon nag po'i thugs dam bskangs/__/nang du rdo rje'i lus kyi rtsa thig rlung /__/legs ldan rdo rje srin por lhun gyis grub/__/e yig gru gsum 'bar ba'i klong chen por/__/rang byung bzhugs pa'i stag zhon nag po cher/__/'bar 'dzags dga' bzhi'i mchod pas thugs dam bskangs/__/gsang ba rang sems rig pa'i dpa' bo che/__/ma hA kA lar nges pa'i shes pa ni/__/rang rig 'dzin pa bral ba'i ngang bzhag pas/__/chos sku stag zhon nag po'i thugs dam ni/__/bskangs bya skongs byed bral ba'i ngang du bskang /__/mchod du med de bde chen rol pas mchod/__/de ltar thugs dam bskangs ba'i byin rlabs kyi/__/bdag cag rnal 'byor yon mchod 'khor bcas kyi/__/rtsa ba yan lag dam tshig nyams chags bshags/__/rten rdzas ma tshogs dam rdzas ma tshang dang /__/dus kyi mchod gtor chags pa la sogs pa/__/nongs shing 'khrul pa'i nyes tshogs ci mchis pa/__/legs ldan stag zhon 'khor bcas spyan sngar bshags/__/sku gsung thugs kyi dam tshig nyams pa gsos/__/klongs yangs chen po'i ngang du bzod par bzhes/__/sgrib med tshangs pa'i dngos grub stsal du gsol/__/zhes yig brgya bzla'o/__/bskangs bshags 'di sbyar dge ba'i mthus/__/bstan dgra rdul du brlag pa dang /__/rnal 'byor mchog la snying nye zhing /__/mi 'bral rtag tu 'grogs par shog__/ces pa'ang rmi lam za zi'i rkyen la brten sngags rig 'chang ba kun dga' phrin las rgya mtshos sa byi mgo zla'i tshes bcu gsum la shar mar bris pa dge/__//__ legs ldan stag zhon nag po'i mnga' gsol bzhugs/__sman rag skyem phud rgya cher phyar shing 'thor/__dar nag gi ba dan dang phyar dar rgyal mtshan sogs yod na sgrengs ba dang /__dbyangs rol sna tshogs kyi 'gyur ba dang bcas/__hU~M:__bde chen 'du 'bral med pa'i dkyil 'khor nas/__/legs ldan nag po che btsan drag shul che/__/sa gsum dbang bsgyur stag zhon nag po che/__/bstan dgra 'jom mdzad khyod la mnga' gsol lo/__/sangs rgyas bstan pa gnyan po srungs mdzad pa'i/__/bdud 'dul mgon po ma hA kA la ni/__/dpal chen sku las sprul pa'i lha chen po/__/bstan skyongs rgya mtsho'i gtso bor mnga' gsol lo/__/sku yi gzi brjid nyi ma 'bum dang ldan/__/gsung chen rngam pa'i nga ro 'brug ltar sgrogs/__/thugs ni rdo rje'i ting 'dzin mkha' ltar zab/__/gsang ba gsum bdag chen por mnga' gsol lo/__/bde gshegs zhi khro'i yon tan gcig bsdus shing /__/bral dang smin pa rtsal rdzogs gzugs kyi sku/__/stobs ldan dpa' bo chen po'i shugs 'chang ba/__/yon tan lhun gyi grub par mnga'=____/bskal pa'i me bzhin 'jigs rung srin po'i gzugs/__/stag chen grus ma'i steng na 'gying zhing rol/__/lha min bdud dgra'i phru ma bcom byed pa/__/phrin las dbang phyug chen por=____/lha dang lha min tshogs kyis phyag byas shing /__/grub pa'i rig 'dzin tshogs kyi nyer bstan pa/__/dam tshig ldan pa'i tshogs la sdong grogs mdzad/__/rnal 'byor snying gi thig ler mnga'=____/gsang gsum rgyan 'khor rtsibs stong 'bar ba can/__/gang du zhugs pa de yi mod la 'dzom/__/sde bzhi'i dpal yon ma lus zlum mdzad pa'i/__/'khor lo rin chen dam par=____/mchod dang bstod pa byas pa de yi mod/__/grub gnyis dpal yon lhug par 'jo ba can/__/phun tshogs dge legs kun gyi gzhir gyur pa/__/nor bu rin chen mchog tu=____/srid zhi'i yon tan mtha' dag ngang gis sdud/__/gang sku mthong bas mi ngom lta na sdug__/yun du bsten na bkra shis rgyud 'jam pa/__/btsun mo rin chen mchog tu=____/'jig rten gsum gyi legs nyes lto bar bskyil/__/zab cing gting dpag dka' ba'i thugs gnag ba/__/sangs rgyas stong gi bstan pa'i phyi mthar gzigs/__/blon po rin chen mchog tu=____/stobs bcu'i sgeg cing phrin las sna zhags brkyang /__/tshad med bzhi yi mche ba dang ldan cing /__/phyin drug gser gyi drwa bas legs g.yogs pa/__/glang po rin chen dam bar=____/rnal 'byor bsam pa thams cad yud kyis mkhyen/__/skad cig nyid la ci 'dod myur du sgrub/__/rdzu 'phrul rkang pa bzhi yi shugs ldan pa/__/rta mchog cang shes rgyal por=____/gzhan sde 'jom la go cha rab tu btsan/__/bing chen klad la 'phyar bas lha min gyi/__/klad pa 'gem zhing ki bswo cha sgra sgrogs/__/dmag dpon g.yul rgyal chen por=____/legs nyes ston par mdzad pa'i spyan stong bgrad/__/grub gnyis dngos grub lag rtser sbyin mdzad cing /__/rnam bzhi'i phrin las sgrub la glog ltar myur/__/rtsa gsum 'dus pa'i ngo bor mnga' gsol lo/__/khrag mtshor rgyug cing khams gsum skad cig thul/__/'dod khams gtso mo dpal ldan lha mo nag__/drel rta la zhon myur mgyogs rdzu 'phrul ldan/__/ma gcig re ma ti la mnga' gsol lo/__/legs ldan nag po'i sku gsung thugs las sprul/__/dgra bgegs sgrol mdzad dregs pa bdun du bstan/__/phrin las pho nya dur khrod ma mo bdun/__/ye shes dbyings kyi sprul 'khor mnga' gsol lo/__/rnam 'phrul pho nya ma nges sna tshogs pa/__/mche ba can dang bya gcan gdug pa'i tshogs/__sde brgyad 'khor dang bcas la mnga' gsol zhing /__/spyan gzigs mchod pa sna tshogs 'di bzhes la/__/bdag cag re smon dus 'dir 'grub par mdzod/__/mdor na deng nas byang chub snying po'i bar/__/nag po chen po mchod cing bstod byed na/__/mthu rtsal nus stobs bdag la rab zhugs nas/__/'khor 'das gom stabs gcig gi dbang byed shog__/ces pa'ang kun dga' phrin las rgya mtshos mgo zla'i tshes bcu bzhi la'o/_/__!_ma cig dpal ldan lha mo'i thugs dam bskangs/__/sku gsung thugs kyi mno ba'i=____/nor bdag dzaM b+ha la yi=____/bdud kyi mno ba pho mo'i=__bdud mgon spyi ring nag po'i=____/srog bdag 'od lha dkar po'i=____/lcags gzhu nag po ral can=____/btsan rgod shu ba srog len=____/klu mgon dug sbrul gdengs can=____/ging mgon rdo rje legs pa'i=____/ma mgon rdo rje sder chen=____/g.ya' mgon ra hu la yi=____/las mkhan sprul pa'i ru 'dren=____/gnod sbyin brgyad dang gshin rje brgyad la sogs/__/'khor tshogs sprul pa yang sprul thugs dam bskangs//__// rtsa brgyud bla ma yi dam lha tshogs dang /__/khyad par dbang mdzad rje btsun rigs byed ma/__/tshogs kyi bdag po 'dod pa'i rgyal po dang /__/myur mdzad mgon dkar yid bzhin nor bu sogs/__/dbang rgyas lha rnams thugs dam rgyud bskul na/__/rgyal bstan spyi dang khyad par sa skya pa'i/__/bstan pa rin chen phyogs bcur spel ba'i slad/__/bshad dang sgrub pa'i sde chen 'dzugs pa la/__/chos ldan rgyal blon 'byor ldan khyim bdag sogs/__/dbang du 'dus shing longs spyod phongs med pa/__/lho sprin bzhin du ngang gis 'du bar mdzod/__/spang dang klog pa'i bya ba 'phel rgyas shog__/de la bar gcod rtsom ba'i 'byung po dang /__/lha min kla klo'i 'jug pa rab zhi nas/__/dkon mchog gsum gyi dbu 'phang rab mtho zhing /__/bstan 'gror bde skyid 'phel bar byin gyis rlobs/__/zhes pa'ang mi nyag phan zhabs pas gsung gi bskul ngor chos kyi blo gros pas bris pa dge/__//__ lha mo'i yang gsang gab yig ni/__thugs kar rje btsun sgrol ma dkar/__/zhal gcig phyag gnyis g.yas mchog sbyin/__/g.yon pa skyabs sbyin mtheb srin sbyar/__/ut+pal dkar po'i sdong bu bsnams/__/dar dang rin chen rgyan gyis mdzes/__/thugs kar chu dkar la dmar mdangs/__skyes nyi zla yi/__/ga'u'i dbus su ta~M dkar po'i/__/khog par b+h+yo yig chu shel ltar/__/de mthar sngags kyi phreng bas bskor/__spyi bor pad+ma nyi zla'i steng /__/o rgyan tshe dpag med mgon dkar/__/mnyam bzhag tshe yi bum pa 'dzin/__/gsang yum tsaN+Da li dmar skya/__/pad+ma tshe bum bsnams pas 'khril/__/gnyis ka longs sku'i rgyan rdzogs shing /__/de la mos gus gsol btab pas/__/'od 'phros srid zhi'i dwangs bcud bsdus/__/tshe yi bum pa'i nang du bstim/__/de dang sku yi cha shas las/__/bdud rtsi'i rgyun bab lus khengs pas/__/sgrib dag dbang dang dngos grub thob/__/rig pa ka dag ngang du bzhag__/bum can sbyor bas brtan par bya/__skabs su tshe yi sngags 'di bzla/__oM AHhU~M/__oM gu ru A yu sid+d+hi hU~M hrIHoM a mA ra Ni dzI wan+ti ye swA hA/__zhes bzla/__de nas rtsa ba'i bzlas pa bya/__'di ni gsang ba'i man ngag gi__/mthar thug yin no dam du sba/__gu h+ya//__// dpal ldan lha mo'i 'khrugs bskang zla shel bdud rtsi bzhugs/__b+h+yoHma gcig dus gsum rgyal ba kun gyi yum/__/ma mo 'khor 'das thams cad bskyed pa'i gzhi/__/ma lus srog la dbang bsgyur lha mo ni/__/ma gcig ming brgya ma la mtshan stong ma/__/ma khyod thod mkhar dgu brtsegs gnas nas gshegs/__/ma bkod rang byung khrag mtsho 'khyil pa'i klong /__/ma rung srin po'i bong bu dmar gwa'i steng /__ma chen btsan skyil 'gying zhing rid pa'i sku/__/ma mo 'bum tshogs rgya mtsho'i sde dpon che/__/ma 'khrugs dgyes pa'i zhal ras zla ltar dkar/__/ma lus rnal 'byor bdag cag bu bzhin skyongs/__/ma dul snyigs 'gro'i spyod pa ngan pa yis/__/ma mo sngags kyi rgyud sde'i gnyer 'dzin gyi/__/ma ltar byams pa'i thugs dang 'gal ba bshags/__/ma la mthun pa'i rten rdzas bskang rdzas dang /__/ma mo sgrub pa'i rdzas dang mchod rdzas kyis/__/ma sring 'khor tshogs rgya mtsho'i thugs dam bskang /__/ma thogs khongs nas 'khrugs pa dbyings su bstims/__/ma yis bu bzhin rtag tu brtse ba dang /__/ma mo 'khrugs pa'i kha rlangs las byung ba'i/__/ma rung nad mug mtshon 'khrugs zhi bar mdzod/__/ma gcig rgyal ba'i spyan sngar khas blangs bzhin/__/ma g.yel bstan 'gro'i phan bde rgyas par mdzod/__/ma mo'i sku gsung thugs dang 'gal ba rnams/__/bzod par bzhes la tshangs par stsal du gsol/__/ces pa'ang chos rje phan bde lags kyi gsung bskul bzhin 'jam dbyangs chos kyi blo gros pas chu bya zla 5ba'i tshes gsum la bris pa dge zhing bkra shis/__dge'o//__// dpal ldan lha mo'i rgyun bzlas bzhugs/__oM ma hA shu n+ya ta sogs/__stong pa'i ngang las dag pa'i zhing /__/nyams dga' phun sum tshogs pa'i dbus/__/rma bya'i khri dang pad nyi zlar/__/ma gcig dpal ldan lha mo ni/__/'dod khams bdag mo dung skyong ma/__/dkar dmar mdangs ldan mdzes 'dzum nyams/__/dbu skra phyed bcings phyed grol ba/__/nor bu'i tog dang dbu rgyan gsol/__/lha yi gos kyis mdzes par bklubs/__/rin po che dang pad+ma'i phreng /__/sna tshogs rgyan gyis mdzes par byas/__/zhabs gnyis phyed skyil rol stabs bzhugs/__/phyag g.yas mda' dar nor bu dang /__/g.yon pas bde skyong kA pa lar/__/bdud rtsi'i gang ba bsnams shing 'gying /__/gnas gsum yig 'bru gsum gyis mtshan/__/lha yi gnas sogs gar bzhugs nas/__/ye shes spyan drangs gnyis med gyur/__/dam ye gnyis med brtan par bzhugs/__/'phrul dga'i brda yis phyag 'tshal zhing /__/nyer spyod kun bzang rol mos mchod/__/srid gsum bdag mo chen mor bstod/__/thugs kar pad+ma dkar dmar gyi/__/ze'u 'bru'i dbus su b+h+yo yig dkar/__/de mthar sngags kyi phreng bas bskor/__/'od 'phros srid zhi'i tshe bsod rnams/__/khab len rdo yi lcags sdud bzhin/__/bsdus te rang la thim par bsam/__oM shrI ma hA kA li dA+e wi ma ma a yur puN+yai dz+nyA na puSh+TiM ku ru swA hAHzhes bzlas dmigs brtse gcig bya/__thun mthar gtor ma byin gyis brlabs/__sngags mthar gtor sngags btags bas dbul/__dpal ldan lha mo dung skyongs ma/__/srid gsum dbang bsgyur chen mo yi/__/mchod gtor dam pa 'di bzhes la/__/tshe bsod dpal 'byor rgyas pa dang /__/snang sems dbang sdud dngos grub stsol/__/zhes brjod/__hU~M brjod lhar snang dbyings su bsdu/__/phaT kyis ldang zhing dge bsngo bya/__rten 'brel bzang po dang bcas te/__pad+ma ye shes rdo rjes bris/__dge'o/__/phag lo'i zla gcig tshes bzhi la'o//__// dmag zor ma'i gtor chog bsdus pa ni/__ra~M ya~M kha~M/__oM AHhU~M ha ho hrIHlan gsum gyis byin brlab bya/__b+h+yoHrab 'byams rgyal ba kun gyi phrin las la/__/dmag zor rgyal mo zhes byar mtshan gsol ba/__/rtse gcig mos pa'i dbang gis spyan 'dren na/__/thogs pa med par myur du gshegs su gsol/__/mdun gyi nam mkhar rlung nag 'tshubs ma'i dbus/__/be con thod khrag 'dzin pa srin mo'i gzugs/__/dre 'u'i steng bzhugs gdug pa tshar gcod sku/__/ji srid dran pa de srid rtag tu bzhugs/__/phyi yi spyan gzigs nam mkha'i khyon gang zhing /__/nang gi dam rdzas sa gzhi ma lus khyab/__/yid kyi sprul pa'i mchod sprin zhing khams kun/__/rgyas par 'gengs pa 'khor dang bcas la 'bul/__/dpal ldan thub pa'i bka' srung mthu rtsal can/__/khyod nyid bsnyen cing sgrub dang rtse gcig tu/__/gsol ba 'debs pa'i rnal 'byor dpon slob kyi/__/'gal rkyen kun sel mthun rkyen ma lus sgrubs/__/sha khrag la sogs bdud rtsi lnga dang bcas/__/'bru sna lnga dang sbyar ba'i gtor ma 'di/__/dpal ldan dmag zor rgyal mo la 'bul gyi/__/rgyal ba'i bstan pa bsrung phyir bzhes su gsol/__/oM kA li de wi sa pa ri wa ra sarba big+h+nAn sha trUMm ra ya -i daM ba liM ta kha kha khA hi khA hi/__lan gsum mam bdun gyis phul/__b+h+yoHsha chen tshogs ni ri ltar spungs/__/rak+ta'i tshogs ni mtsho ltar bskyil/__/dam rdzas gtor ma 'di bzhes la/__/dam tshig nyams pa'i dgra dang bgegs/__/gnod byed 'byung po'i tshogs rnams la/__/bdud kyi dmag tshogs dgra la drongs/__/dmag dpon rgyal mos dmag sna drongs/__/dmag dpung bskyed la ru mtshon phyor/__/bdag cag dus 'dir tshe ring zhing /__/'khor dang bstan pa rgyas pa dang /__/khams gsum dbang du 'du ba dang /__/bshad sgrub longs spyod 'phel bar mdzod/__/ces phrin las bcol bar bya'o/__/zhes pa'ang chos kyi blo gros pas so/__/dge legs 'phel//__// dpal ldan dmag zor rgyal mo'i bskang ba bsdus pa bzhugs so/__/dpal ldan lha mor thugs dam bskang ba'i rim pa bsdus par mos na/__bskang rdzas byin brlab ni/__bsangs sbyangs/__stong pa'i ngang las gnas khang drag po'i zhing /__/phyi nang gsang ba'i mchod gtor rten skong rdzas/__/zag med kun bzang mchod pa'i sprin spro ba/__/dpal ldan lha mo'i spyan lam 'byung gyur cig__/nam mkha' mdzod kyi sngags rgya lan gsum gyis brlabs/__b+h+yoHchos dbyings ngang las snying rje khros pa'i yum/__/dmag zor rgyal mo 'khor bcas brtse bas gshegs/__/dngos su bshams dang yid kyi sprul pa yis/__/lha mo 'khor bcas thugs dam gnyen po bskang /__/phyi mchod nyer spyod dgra bgegs bsgral ba yi/__/nang mchod drag po'i 'dod yon rnam lnga dang /__/gsang chen sman dang rak+ta gtor ma che/__/bza' bca' btung ba ro brgya ldan pas bskang /__/ral gri be con rtse gsum tri shul dang /__/mdung thung thod khrag nad rkyal khram shing dang /__/tshon gyi gru gu sho rdil la sogs pas/__/dmag zor rgyal mo 'khor bcas thugs dam bskang /__/rta mchog dre'u bong bu dmar gwa la/__/srin po'i thod pa'i sga dang zhing lpags g.yogs/__/sbrul nag gong smed zhing chen zhing chung ni/__/srab smed rgyan gyis spras pas thugs dam bskang /__/dur khrod chas brgyad re lde'i na bza' dang /__/seng ge sbrul gyi rna cha dril g.yer can/__/rin chen rgyan dang lha rdzas bzang po'i gos/__/lcags kyu zhags pa lcags sgrog dril bus bskang /__/rma bya'i gdugs dang bkra shis rdzas rtags brgyad/__/spu sdug mdzes pa'i ri dwags sna tshogs dang /__/gcan gzan gtum po 'jigs rung sgra sgrogs shing /__/g.yag rgod lug nag khyi nag tshogs kyis bskang /__/dam tshig bris sku sngags byang nal bu'i snying /__/srog 'khor bla rdo smyug rgod rten mda' dang /__/go khrab gos dar stag gzig lpags pa'i rigs/__/rin chen 'bru sman sogs kyis thugs dam bskang /__/mdor na snang zhing srid pa'i chos thams cad/__/rang sems stong pa'i cho 'phrul shes pa dang /__/rtsa rlung thig le lha mo'i grong khyer du/__/lhun rdzogs bde ba chen pos thugs dam bskang /__/de ltar thugs dam dgyes bskang phul ba'i mthus/__/rtsa ba yan lag dam tshig nyams pa yi/__/lha mo 'khor bcas ma dgyes 'khrugs pa rnams/__/snying nas gnong 'gyod drag pos mthol lo bshags/__/sku gsung thugs la grib kyis phog pa sangs/__/'khon gcug nyes pa'i dri ma thams cad byang /__/dgyes zhal zla ba'i dkyil 'khor 'dzum pa las/__/byung ba'i grub gnyis bdud rtsis 'tsho bar shog__/bdag cag dpon slob 'khor dang bcas pa la/__/nad rims dgra gdon byad ltem gnod pa bzlog__/tshe bsod dpal 'byor lung rtogs yon tan rgyas/__/rnam bzhi'i phrin las lhun gyis grub par mdzod/__/ces pas thugs dam bskang bar bya'o/__/zhes pa'ang chu 'brug zla ba dang po'i tshes dgu la chos kyi blo gros pas sbyar ba dge legs phun sum tshogs pa'i rgyur gyur cig__/mang+ga laM//__// dpal ldan dmag zor rgyal mo'i bstod pa bzhugs so/__/sngags dbyangs sngon du 'gro bas/__b+h+yauHrab 'byams rgyal ba kun gyi yum gcig ma/__/rdo rje dbyangs can drag mor khros pa'i gzugs/__/dpal ldan lha mo dmag dang zor gyi las/__/sgrub mdzad re ma tI la bstod par bgyi/__/'jigs rung sku ni mi bzad srin po'i gzugs/__/zhal nas a ra l+li dang b+h+yo sgra sgrogs/__/zab zhi spros bral 'od gsal bde chen thugs/__/bstan srung gtso mo nam gru ma la bstod/__/gshin rje'i lcam la bdud kyi yum gcig ma/__/dpal chen bka' nyan dbang phyug thod rlon 'chang /__/ming brgya ma la mtshan stong sna tshogs gzugs/__/phur srung chen mo re ti mched bzhir bstod/__/zhi ba'i dus na par+Na sha wa ri/__/dus bzhi kun la dbang bsgyur drag mo rgyal/__/'khor du ma mo bye ba 'bum sde dang /__/dregs pa sde brgyad tshogs kyis bskor la bstod/__/rlung nag khrag mtsho 'khyil pa'i klong chen por/__/drel rta'i steng na btsan skyil zhal phyir gzigs/__/phyag na be con thod khrag la sogs pa/__/mtshon cha lnga 'chang dpal ldan lha mor bstod/__/rna ba g.yas g.yon sbrul dang seng+ges brgyan/__/dbu steng rma bya'i gdugs dang sku stod la/__/zhing chen sku smad stag lpags re lde'i sham/__/zhabs gnyis lcags sgrog mdzes par gsol la bstod/__/rus rgyan mgo rlon khrag zhag thal bas byugs/__/mche gtsigs ljags 'dril lte bar nyi ma dang /__/spyi gtsug zla ba tshes pas rab mtshan zhing /__/chos dbyings dbang phyug dpal ldan lha mor bstod/__/ba glang khri snyan chu srin gdong can dang /__/lcags rkang srog gzer dung skyong ma la sogs/__/rngam zhing gsod pa'i las la rab brtson zhing /__/lha min bdud dang kla klo dam sri 'dul/__/'dod pa khams kyi dbang phyug ma la bstod/__/zhes pas bstod cing bcol ba ni/__dpal ldan dmag zor rgyal mo 'khor bcas rnams/__/rgya chen mchod sbyin gtor ma 'di bzhes la/__/bde gshegs bstan pa phyogs bcur rgyas pa dang /__/sogs kyis phrin las bcol bar bya'o/__/zhes pa'ang mi nyag dge slong kun dga' nas lha rdzas a she bcas bskul ngor/__chu 'brug cho 'phrul zla ba'i tshes brgyad la chos kyi blo gros pas bris pa dpal ldan lha mos rtag tu bsrung skyobs rjes su 'dzin pa'i rgyur gyur cig__/sarba mang+ga laM//__// dur bdag mchod gsol bzhugs/__hU~M oM/__dpal ldan zhing skyong dur bdag yab yum ni/__/sku mdog dkar po zla ltar dkar ba'i gzugs/__/rin chen rgyan dang dar gyi na bza' gsol/__/g.yas pas thod dbyug g.yon na thod khrag bsnams/__/zhabs gnyis 'khril ba'i tshul gyis gar stabs bsgyur/__/dur khrod zhing skyong sha za 'bum gyis bskor/__/ma thogs myur du gnas 'dir gshegs su gsol/__/phyi nang nyer spyod 'dod yon rnam lnga dang /__/bkra shis rdzas rtags rin chen rnam pa bdun/__/dur khrod drag po'i gzhal med khang chen por/__/drag po'i longs spyod 'jigs shing rngam pa dang /__/lha mi'i yo byad rnam pa sna tshogs bkram/__/'bru bcud stong la sbyar ba'i dza gad dang /__/pad+ma maM sa sbyar ba'i rak+ta dang /__/khyad par rmad byung dam rdzas gtor chen pos/__/dpal ldan dur khrod bdag po yab yum dang /__/zhing skyong sha za mkha' 'gro 'bum sde sogs/__/'khor bcas thugs dam gnyen po dgyes par bskang /__/nyams chag 'gal 'khrul thams cad bzod par bzhes/__/rnal 'byor bdag cag yon mchod 'khor bcas kyi/__/'gal rkyen kun sol bsam don yid bzhin sgrubs/__/dgra jag chom rkun gcan gzan gnod pa srungs/__/'jig rten khams kyi longs spyod dbang du bsdus/__/dkor cha yo byad thams cad gnyer du gtad/__/bdag gis bcol pa'i phrin las grub par mdzod/__/ces pa'ang a mdo bla ma ngag dbang bstan pa dar rgyas kyis gsung ngor chos kyi blo gros pas so//__// sa lugs chos skyong gtor bsngo bsdus pa bzhugs so/__/mchod gtor rnams/__oM badz+ra a mr-i ta kuN+Da lI ha na ha na hU~M hU~M hU~M phaT swA hA/__oM swa b+hA wa shud+d+haHsogs kyis sbyang /__stong pa'i ngang las a las thod pa'i snod/__/yangs shing rgya che stong gsum mnyam pa'i nang /__sha lnga bdud rtsi ye shes lnga'i ngo bor/__/'od zhu bdud rtsi'i rgya mtsho chen por gyur/__oM AHhU~M ha ho hrIHlan gsum gyi byin gyis brlab/__hU~M/__/'og min bde chen dag pa'i pho brang nas/__/rnam snang thugs las sprul pa'i mthu bo che/__/bstan srung kun gyi gtso bo rdo rje gur/__/dpal ldan mgon po 'dir byon mchod gtor bzhes/__/yongs 'du'i tshal dang gshin rje'i pho brang dang /__/'dzam gling de wI ko Ta'i gnas mchog nas/__/'dod khams gtso mo nam gru re ma ti/__/dpal ldan lha mo 'dir byon mchod gtor bzhes/__/snang srid b+ha ga dbyings kyi dkyil 'khor nas/__/'khor 'das kun gyi bdag mo dbyings phyug yum/__/sngags srung drags mo ma mo mkha' 'gro'i gtso/__/yum chen ral gcig 'dir byon mchod=____/bsil ba'i tshal dang ha ha rgod pa dang /__/sing+ga gling dang ti se gangs ri dang /__/dar lung gnas dang kha'u'i brag rdzong nas/__/zhing skyong dbang po 'dir=____/dur khrod brgyad dang lho phyogs ri sul dang /__/rdo rje gdan dang dpal gyi bsam yas dang /__/na la tse dang dpal ldan sa skya nas/__/las mgon pho mo 'dir byon=____/byang shar ma ru rtse yi dur khrod dang /__/rgya gar bang so dmar po'i brag ri dang /__/dar lung brag hram la sogs gnas mchog nas/__/gnod sbyin lcam dral 'dir=__oM shrI ma hA kA lA ya/__ma hA kA li de wI e ka dzA T-i de wI in+d+ra sI/__badz+ra kA la yak+Sha ye/__kA li yak+Sha sI/__yak+Sha pu tra ye/__ru tra b+ha tra ye/__ru lu rak+kha sI/__sa pa ri wA ra na maHsarba ta thA ga te b+h+yo bi shwa mu She b+h+yaHsarba thA khaM ung+ga te s+pha ra Na i ma~M ga ga na khaM grih+Na dam ba ling de swA hA/__oM ma hA kA la kA la bi ka la ra tri ta/__Dom+b+hi nI/__tsaN+Da lI/__rak+kha sI/__sing+ga lI/__de wI sa pa ri wA ra na maHsarba=__sogs/__oM g+hr-i rA dza g+h-i rA dza/__ku ma ku ma khum this swA hA/__shrI sh+ma sha na a d+hi pa ti ma hA pi shA tsi ba ling+ta kha kha khA hi khA hi/__oM rak+mo prA Na At+ma sa pa ri wA ra sarba big+h+nan sha trU~M mA ra ya i dam b+ha ling ta grih+na pa ya kha kha khA hi khA hi/__oM shrI d+harma pA la ar+g+haM=__nas shab+da AHhU~M/__oM shrI d+harma pA la oM AHhU~M/__gis nang mchod phul/__dpal rdo rje nag po chen po lcam dral 'khor dang bcas pa khyed rnams mchod sbyin gyi gtor ma rgya chen po 'di bzhes la sangs rgyas kyi bstan pa srungs/__dkon mchog gi dbu 'phang bstod/__dge 'dun gyi sde skyongs/__rnal 'byor pa bdag cag dpon slob yon mchod 'khor dang bcas pa'i bar chad mi mthun pa'i phyogs thams cad zhi ba dang /__bsam sbyor chos mthun yid bzhin du 'grub cing /__byang chub ma thob kyi bar du bsrung bskyab sba ba'i phrin las stong grogs rgya chen po mdzad du gsol/__zhes phrin las bcol/__gsol lo mchod do rgyal ba'i bstan srung tshogs/__/bsgrub bo rten no bla ma'i bka' srung che/__/'bod do bskul lo rnal 'byor dgra lha'i tshogs/__/rings pa'i tshul gyis 'dir byon mchod gtor bzhes/__/sha khrag dmar gyis brgyan pa'i gtor mas mchod/__/dza gad sman phud rak+ta'i btung bas mchod/__/rnga chen rkang gling rol mo'i sgra yis mchod/__/dar nag 'phan chen sprin ltar gtibs pas mchod/__/yid 'phrog spyan gzigs nam mkha' mnyam pas mchod/__/rab brjid snyan pa'i dbyangs kyi nga ros mchod/__/phyi nang gsang ba'i dam rdzas rgya mtshos mchod/__/bde stong dbyer med ye shes rol pas mchod/__/sangs rgyas bstan pa gnyen po khyed kyis srungs/__/dkon mchog dbu 'phang gnyen po khyed kyis bstod/__/dpal ldan bla ma'i phrin las khyed kyis spel/__/rnal 'byor bcol ba'i 'dod don khyed kyis sgrubs/__/mchod pa'i yo byad ma 'byor nyams pa sogs/__/nongs pa gang mchis chos skyong srung mar bshags/__/mchog thun dngos grub ma lus rtsol ba dang /__/rten la bzhugs sam rang gnas gshegs su gsol/__/sngon tshe rdo rje 'chang gi spyan snga ru sogs/__/ces brjod par bya'o/__/zhes pa'ang chos kyi blo gros pas so//__// dkar bdud gsol bsdus bzhugs/__ra~M ya~M kha~M/__/oM AHhU~M ha ho hrIHhU~M b+h+yo/__dpal chen khrag 'thung rol pa'i dkyil 'khor du/__/dbang bskur dam tshig mnos pa'i srung ma ni/__/ma mo mkha' 'gro yongs kyi rje mo che/__/dkar mo nyi zla stong gi phreng ba dang /__/bdud rgyal 'chi bdag nag po 'khor dang bcas/__/'dir gshegs rang rang gdan la dgyes par bzhugs/__/sman gtor rak+ta gser skyems mchod pa dang /__/phyi nang gsang ba'i mthun bskang dam rdzas kyi/__/mchod pa dam pa 'di dag bzhes su gsol/__/thugs dam gnyen bskang nyams chags 'gal 'khrul bshags/__/phyi nang gsang ba'i bar chad thams cad bzlog__/rtsa rlung thig le snang ba dbang du 'dus/__/bstan dang de 'dzin bu bzhin bskyang ba dang /__/'jig rten pa kun rgyas par mdzad du gsol/__/rnal 'byor bdag la lus dang grib ma bzhin/__/mi 'bral 'grogs la 'gal rkyen mtha' dag srungs/__/mthun rkyen ma lus myur du sgrub pa dang /__/bka' gter bstan pa rgyas pa'i phrin las mdzod/__/ces pa'ang me khyi zla bcu tshes la chos kyi blo gros pas gang shar bris pa dge/__//__ phur srungs dkar bdud gyi skong ba bstan skyong dgyes rol zhes bya ba bzhugs so/__/de la 'dir bstan skyongs dbang mo dkar mo nyi zla dang bdud rgyal la skong ba byed pa spro na/__phyi nang gsang ba'i mchod gtor dam rdzas rnams 'du byas la gtor chog sngon du 'gro nas skongs rdzas byin rlabs rgyas bsdus gang rigs byas te dbyangs rol dang bcas/__hU~M b+h+yo/__/sngon tshe bskal pa'i dang po la/__/dpal chen he ru ka dpal dang /__/rig 'dzin rdo rje thod phreng gi__/dbang bskur dam mnos gsang bstan srung /__/dkar mo nyi zla'i phreng ba dang /__/bdud kyi rgyal po 'khor bcas rnams/__/'dir gshegs skyems phud mchod pa bzhes/__hU~M b+h+yo/__chos skyong dkar mo nyi zla ni/__/snang srid kun la dbang bsgyur ma/__/ma mo yongs kyi rje mo che/__/nyi zla stong gi phreng mdzes ma/__/ri rab gling bzhi phyag na bsnams/__/srid pa 'di na 'phrul mo che/__/khyed la thugs dam skongs ba'i rdzas/__/sman dang rak+ta gtor ma dang /__/dkar mngar khrag skyems dar zab dang /__/dar dkar go zu rgyan cha mang /__/rta phyug gnag lug tshe tshe rwa/__/ri dwags spu sdug mdzes pa sogs/__/bya rigs rnam pa mang po lding /__/yid 'ong mgrin mdzes 'dod ldan pa/__/mu ku ta dang srid pa yi/__/dkor cha ma tshang med pa dang /__/srid pa'i mdos chen yid du 'ongs/__/'dod yon mkho rgu sna tshogs pas/__/dkar mo nyi zla'i rgyal mo dang /__/ma mo 'bum sde'i thugs dam skongs/__/srid pa gsum gyi srog gi bdag__/bdud rgyal thod pa'i phreng ba can/__/bdud rta gra nag shugs ldan zhon/__/ru mtshon nag po dgra la phyar/__/dam nyams dgra khrag zhal du rdub/__/'jigs gzugs khro gtum ma rung pa/__/bdud kyi rgyal po 'khor bcas la/__/dgra bgegs don snying dbang po lnga/__/sha khrag rus pa mtsho ltar bskyil/__/ri ltar spungs shing rngam brjid kyi/__/drag po'i rten rdzas sna tshogs dang /__/go khrab mtshon cha rno gcod ldan/__/dgra bgegs srog la rngam pa yi/__/gcan gzan mang po 'dur zhing rgyugs/__/bdud kyi bya tshogs mkha' la lding /__/tang tang sgra sgrogs mchur sder gyi/__/dam nyams bye ma'i steng na gzir/__/rta nag g.yag nag lug nag dang /__/mi nag khyi nag mang po 'tshogs/__/ru mtshon nag po sprin nag ltar/__/'thib cing dgra la 'debs par byed/__/mchod skongs dam tshig rdzas mchog gi__/bdud rgyal thod pa'i phreng ba can/__/bdud dmag bye ba 'bum sde'i tshogs/__/'khor dang bcas pa'i thugs dam skongs/__hU~M b+h+yo/__bstan srungs dkar mo nyi zla dang /__/bdud rgyal thod pa'i phreng can gyis/__/thugs dam bskangs la nyams chag bshags/__/rdo rje theg pa'i dam tshig ni/__/rtsa ba yan lag nyams pa bshags/__/bsnyen sgrub mchod gtor g.yel ba sogs/__/nyes pa gyur pa gang mchis pa/__/snying nas 'gyod pas bshags par bgyi/__/bdag cag yon mchod 'khor bcas la/__/rtag tu srung skyobs sdong grogs mdzod/__/dgra gdon byad ma rdul du rlog__/gsang sngags bstan pa spel zhing srungs/__/rnal 'byor ji ltar bcol ba yi/__/las bzhi'i phrin las 'grub par mdzod/__/ces pa'ang sngar nas bri 'dun yod bzhin sa glang zla 3pa'i tshes 24la stag sham pa'i bka' srungs khros pa'i mdos chog lung gi skabs yid la shar ba ltar pad+ma ye shes rdo rjes yi ge bkod pa'o//__// kA li kA ta'i lha mo chen po'i gsol mchod 'dod don re skong zhes bya ba bzhugs so/__/dpal he ru ka la phyag 'tshal lo/__/mtha' bral gnyis med ye shes btsun mo'i gzugs/__/dbang phyug chen po'i lcam mo bong zhon ma/__/'jig rten 'das dang ma 'das kun gyis bdag__/ma hA kA li mchod pa'i cho ga dbye/__/de la 'dir rin po che la sogs pa'i snod du sha khrag gtsang ma dang /__chang gi sbrus pa'i 'bru sna tshogs kyi phye ma'i gtor ma zur gsum 'khor brgyad dang /__mtheb kyu dang /__dar sna tshogs kyis brgyan pa/__kha zas dkar mngar sna tshogs dang /__khrag skyems sogs dang nyer spyod mchod pa bshams/__gtor ma rnams chu gtsang gis bran pa dang /__spos dud kyi bsang bdug byas la rol mo sna tshogs dang bcas/__ra~M ya~M kha~M/__mi gtsang ba'i dri ma bsreg gtor bkrus/__oM AHhU~M/__lan gsum gyis/__mchod gtor rnams dwangs shing thogs pa med pa sa dang nam mkha' bar snang thams cad gang bar gyur/__badz+ra s+pha ra Na khaM gyis rgyas par spel/__b+h+yoHma gcig srid pa gsum gyi bdag mo khyod/__/ma gyur 'gro ba rnams la rjes brtse bas/__/ma mo e ka dza T+ri'i bka' bzhin du/__/ma thogs myur ba nyid du gnas 'dir gshegs/__/ma hA kA li dA+e wi sa ma ya dza dzaHma mo 'khor bcas dgyes par gshegs nas kyang /__/dam tshig rten la gnyis med dgyes par bzhugs/__/byon skyems dmar chen khrag gi ar+g+haM 'di/__/bzhes nas dngos grub dam pa stsal du gsol/__sa ma ya tiSh+Tha lhan/__b+h+yoHdpal ldan lha mo nag mo chen mo ni/__/dus gsum rgyal ba rnams kyi dbang yang bskur/__/phyi nang gsang sngags kun gyi gnyer 'dzin ma/__/bong drel zhon nas stong gsum yud kyis bskor/__/dus bzhi'i dpal 'dzin lha mo re ma ti/__/re ti mched bzhi ba lang chu srin dang /__/seng glang stag spyang phag dang bya rgod dang /__/cung ka dur bya bya rog gdong can sogs/__/sprul dang yang sprul nyi zer rdul ltar 'tshubs/__/dur khrod brgyad gnas ma dang zhing skyongs dang /__/'dre dang srin po ro lang la sogs pa'i/__/'khor tshogs bye ba dung phyur bsam yas la/__/gzugs sgra dri ro reg bya la sogs dang /__/khrag gi mchod yon dbang po lnga'i me tog__/tshil chen bdug spos zhun chen sgron me sbar/__/mkhris pa'i dri chab sha rus zhal zas dang /__/sman dang rak+ta gtor ma'i mchod pa dang /__/stag gzig go khrab gos dar go mtshon sogs/__/rta nag sprin gyi shugs 'chang sga srab ldan/__/srin bong dmar gwa drel rta rkang gsum dang /__/ral gri nad rkyal tshon gyi gru gu dang /__/shwa d+hil dkar nag kha T+wA~M khram shing sogs/__/mtshon cha sna tshogs g.yag lug ra khyi dang /__/'phar spyang dred dang ri dwags sna tshogs dang /__/seng+ge glang chen rma bya khyung chen lding /__/dur khrod chas dang re lde'i sham thabs sogs/__/mdor na phyi nang gsang ba'i rten rdzas kyis/__/ma gcig lha mo nag mo gsol lo mchod/__/bdag cag yon mchod 'khor dang bcas pa yis/__/nyams chags 'gal 'khrul thams cad mthol lo bshags/__/ma mo 'khrugs pa thams cad dbyings su dengs/__/'jig rten thams cad bde zhing skyid pa dang /__/tshong la khe dang rgyan la rgyal kha thob/__/dmag jag dus 'khrugs nad yams thams cad bzlog__/'dzam gling kun tu bde ba'i phrin las mdzod/__/bstan pa dar zhing rgyas pa'i bkra shis shog__/ces gtor ma dang phud rnams mchod par bya'o/__/ces pa'ang 'phags yul kA li kA ti'i lha mo mchod thabs 'di yang go 'jo byang chub nas dar dang /__rgya g.yu legs pa'i rten bcas bskul ngor chos kyi blo gros pas rdo rje gling du bris pa'o/__/mang+ga laM//__// @#/__/drag shul stobs 'phrog dbang po lcam dral gyi gsol mchod nyung ngu dbang drag grub gter ces bya ba bzhugs so/__/ na mo gu ru pad+ma rA dza d+hU ma g+ha ye DA ki na ma/__dran pas srid zhi'i phun tshogs kun/__/khab len rdo yi lcags phye bzhin/__/sdud mdzad gsang ba ye shes dang /__/dbang byed lcam dral phrin las spel/__/de la 'dir snyigs dus kyi dam sri rgyal 'gong rgya 'dre'i gshed ma rig 'dzin bla ma yab yum chos skyong gi skur bstan pa drag shul dbang po nyi gzhon yab yum la mchod gtor 'bul bar 'dod pas/__gtor ma phyag len ltar 'du byas la/__mkha' 'gro gsang ye'i gtor ma dang /__chos skyong gi gtor ma/__phyi nang gsang ba'i mchod pa/__thod par sin+d+hUr btab pa'i chang rgod/__dkar mngar gyi skyems phud rnams bkram la/__bdag nyid gsang ba ye shes rnal 'byor dang ldan pas/__ra~M ya~M kha~M/__oM swa b+hA was mchod gtor rnams stong par sbyangs/__stong pa'i ngang las phyi nang gsang ba'i mchod gtor rnams dwangs shing thogs pa med pa sa dang nam mkha' bar snang thams cad gang bar gyur/__oM AHhU~M ha ho hrIHlan gsum dang /__na maHsarba ta thA ga ta b+h+yo bi shwa sogs nam mkha' mdzod kyi sngags rgya lan gsum gyis byin brlab la rgyas par spel/__hU~M hrIH'og min zhing dang u rgyan yul/__/dpa' bo mkha' 'gro 'du ba'i gnas/__/nyi shu rtsa bzhi gnas so gnyis/__/dur khrod chen po brgyad la sogs/__/bzhugs pa'i dpa' bo rnal 'byor ma/__/bye ba sa ya'i tshogs rnams dang /__/khyad par gsang ba ye shes ma/__/cang te'u dril bu'i sgra dang bcas/__/'dir gshegs pad nyi'i gdan la bzhugs/__/dam tshig chen pos dgyes dgongs la/__/ye shes dbang dang byin rlabs stsol/__/oM AHhU~M hrI d+hU ma g+ha ye na ma DA ki ni ha ri ni sa sa pa ri wA ra badz+ra ar+g+haM nas/__shab+da rU pa shab+da gan+d+he rA sa spaR+she d+harma d+ha tu sarba pany+tsa a mr-i ta rak+ta ba liM ta ta na g+ha Na sarba pU tsa AHhU~M/__zhes dang /__gsang ye'i sngags mthar/__i daM ba liM ta kha kha khA hi khA hi/__btags pa lan gsum gyis phul/__hrI maHrgyal ba kun gyi gsang ba'i mdzod/__/rdo rje phag mo dbyings kyi yum/__/ye shes mkha' 'gro rnal 'byor ma/__/gsang ba ye shes dkyil 'khor tshogs/__/phyi nang gsang ba'i mchod gtor bzhes/__/thugs dam bskang ngo nyams chags bshags/__/dbyings la 'khrugs pa mi mnga' yang /__/'khor gyi mkha' 'gro'i tshogs rnams kyi/__/thugs dang 'gal ba bzod bzhes la/__/mchog dang thun mong dngos grub stsol/__/rnal 'byor bdag cag 'khor bcas la/__/nad med tshe dang dbang phyug dang /__/sogs kyi phrin las bcol bar bya'o/__/de nas chos skyong lcam dral la mchod gsol 'bul ba ni/__hU~M hrIHsngon tshe 'og min bde chen zhing /__/dbang drag rol pa'i pho brang dang /__/lcang lo can gyi gnas rnams su/__/dpal ldan stobs ldan nag po dang /__/dbang chen khro bo'i rgyal po ni/__/rta mgrin gsang bdag la sogs pas/__/sngon gyi thugs dam ma bsnyel par/__/rtsod ldan dam sri 'dul ba la/__/'gran zla med pa'i mthu stobs can/__/rig 'dzin drag po khros pa'i sku/__/drag shul stobs ldan dbang po ni/__/pad nyi rgyal bsen dam sri rnams/__/kha sbubs gan rkyal bsgyel ba'i steng /__/rab 'jigs shin tu gtum pa'i gzugs/__/smug nag gsang gos ber chen dang /__/thod phreng sbrul dang rus pa'i rgyan/__/mi mgo rlon pa'i do shal can/__/phyag g.yas rdo rje'i ral gri 'phyar/__/g.yon pas yang na 'ching byed zhags pa bsnams/__/sku las rdo rje'i tshwa tshwa dang /__/me 'od khro chung phyag mtshan sogs/__/skar ltar 'khrugs shing ser ltar 'dril/__/g.yon pas gcod byed gser 'khor lo/__/sprul pa'i gcan gzan lcags sdig tshogs/__/nyi rdul ltar 'khrigs dam sri dang /__/rgya 'dre 'gong po hab hab zos/__/ming tsam med par thal bar brlags/__/gsang yum lha mo nyi gzhon ma/__/dmar mo phyag g.yas mda' dar dang /__/ut+pal dmar po'i lcags kyu 'dzin/__/g.yon na me long nor gzhong bsnams/__/lha rdzas gos dang rin chen brgyan/__/puN+Da ri ka'i do shal 'phyang /__/pad nyi'i steng na gar stabs kyis/__/yab kyi g.yon phyogs nye bar bzhugs/__/srid pa gsum po 'gugs byed ma/__/u ma dA+e wi mi mo'i gzugs/__/rnam 'gyur sprul pa cir yang ston/__/nges don yum chen gos dkar mo/__/tshe yi lha mo tsan+Di ka__/'jig rten srid pa'i tshul bzung ma/__/rig 'dzin grub pa'i bde ster ma/__/sngags kyi spyod pa'i nye rgyu'i rten/__/gang zhig yid la dran pas kyang /__/yid can bde ba'i ros myos shing /__/rdo rje 'dzin pa'i pho nya che/__/lcam dral 'khor tshogs bsam mi khyab/__/khyed rnams dgyes pa'i mchod rdzas ni/__/nyer spyod 'dod yon rnam lnga dang /__/bkra shis rdzas rtags rin chen bdun/__/'dod 'jo'i ba dang dpag bsam shing /__/gter chen bum bzang gzhal med khang /__/khrus rdzing skyed tshal mal cha dang /__/lha yi na bza' sna tshogs mdzes/__/rin chen rgyan dang do shal sogs/__/pad+ma dmar po'i phreng ba dang /__/mda' dar mchil rnon zhags pa dmar/__/me long nor bu mda' gzhu sogs/__/phyi nang gsang ba'i rten rdzas dang /__/rta g.yag ma he glang chen drel/__/spu sdug mdzes pa'i ri dwags khyu/__/bya rigs rnam pa sna tshogs dang /__/dkar mngar gser skyems yid 'gugs rdzas/__/sin+d+hU wA ra chang rgod phud/__/dbang bshos til mar sgron me gsal/__/rjes chags rak+ta'i sbu phreng g.yo/__/sman gtor ri dang mtsho ltar bskyil/__/mdor na srid dang zhi ba yi/__/phun tshogs dngos po ci mchis pas/__/thugs dam gnyen po skongs gyur cing /__/nyams chags 'gal 'khrul ci mchis pa/__/snying nas 'gyod pas mthol lo bshags/__/bzod bzhes tshangs par stsal du gsol/__/khyed la phrin las bcol ba ni/__/sangs rgyas bstan pa gnyan po srungs/__/dkon mchog gsum gyi dbu 'phang bstod/__/bstan 'dzin skyes bu'i sku tshe bsrings/__/dge 'dun 'du ba rgyas par mdzod/__/khyad par rdo rje theg pa yi/__/bshad sgrub bstan pa rgyas pa dang /__/mchog tu mi 'gyur bden don gyi/__/ye shes mngon sum gzigs pa yi/__/skyes mchog du mas 'jig rten khengs/__/rang gzhan don gnyis lhun gyis grub/__/'phags pa'i nor gyis 'byor par mdzod/__/bstan dang bstan 'dzin la 'khu ba'i/__/nag phyogs sde dpung rtsad nas 'joms/__/phyogs las rnam par rgyal ba yi/__/bkra shis ba dan dkar po sgrengs/__/phun tshogs dge legs g.yang du len/__/'jig rten rdzogs ldan dpal yon rgyas/__/phyogs rnams kun tu bde legs shog__/ces brjod la mchod gtor gser skyems gtsang sar gshegs/__gtor bskang gzhan dang ma 'brel na/__nongs bshags dang /__rten yod na brtan bzhugs dang /__med na gshegs gsol bya'o/__/rig 'dzin drag shul yab yum la/__/gtor chog nyung ngu 'di bris pas/__/dam sri rgya 'dre'i gnod pa zhi/__/srid zhi'i legs tshogs rgyas gyur cig__/ces pa'ang sne gdong ban tshang bla mas gsung bskul ngor/__pad+ma ye shes rdo rjes khra 'brug gi gtsug lag khang rtser bris pa dgera~M ya~M kha~M/__oM AHhU~M ha ho hrIHkye/__lha gcig nyi ma gzhon nu khyod/__/gsang bdag bzhad pa rdo rje yi/__/bka' dang dam las ma 'da' bar/__/bshams pa'i gser skyems mchod gtor bzhes/__/'dre srin rgyal 'gong bar chad srungs/__/lkogs gyur mngon sum brtan du gsol/__/oM shri dA+e wi sarba sid+d+hi pha la hU~M/__ces bzla'o//__// rgyal chen rnam thos sras kyi bstod pa ngal bsos dgyes glu zhes bya ba bzhugs so/__/hU~M/__/rin chen pho brang yangs shing bkod mdzes nang /__/gdong lnga'i khri la ngal bsos stobs po che/__/gter bdag bye ba'i gtsug na rab mdzes shing /__/rab brjid gser gyi mdog can khyod la bstod/__/rin chen rgyal mtshan 'dod 'byung ne'u le 'dzin/__/rin chen rgyan dang rab mdzes cod pan gsol/__/zhal nas rin chen char pa 'bebs mdzad pa/__/phongs pa kun sel rnam thos sras la bstod/__/gzhan gyi dpung rnams ma lus 'joms mdzad cing /__/bum bzang dpag bsam shing dang rin chen shing /__/rdzing bu bzang dang 'dod 'jo'i ba la sogs/__/gnod sbyin gter gyi bdag po che la bstod/__/gnod sbyin dzaM b+ha la dang gang ba bzang /__/nor bzang ku be ra dang yang dag shes/__/'brog gnas lngas rtsen pI rtsi kun+Da lI/__/rang rtags phyag mtshan 'dzin cing rta la chibs/__/gnod sbyin 'khor tshogs rgya mtshor phyag 'tshal bstod/__/rgya chen mchod sbyin gtor ma 'di bzhes la/__/bdag cag 'khor bcas bu bzhin skyong ba dang /__/gdug pa'i dgra bgegs thal bar rlog pa dang /__/zhi rgyas dbang dang mngon spyod las sna tshogs/__/myur du 'grub pa'i phrin las mdzad du gsol/__/thub pa'i bstan pa rin chen srung ba dang /__/bstan 'dzin 'dus pa'i tshogs kyi dbu 'phang bstod/__/chos skyong rgyal po'i mnga' thang rab rgyas shing /__/'jig rten bde zhing dar ba'i phrin las mdzod/__/ces pa'ang 'jam dbyangs chos kyi blo gros pas bris pa sarba an+da sid+d+hir b+ha ba tu/__/kun tu dge ba'i rtags brgyad sogs/__/bkra shis dge ba'i ltas su rmis/__/cang shes dbyig ldan ma bu gsum/__/dngos 'byor shin tu legs tshogs 'phel//__// rgyal chen rnam sras la bstod pa seng chen 'gying glu zhes bya ba bzhugs so/__/bai/__rgyal ba kun gyi yon tan nor bu'i gter/__/gcig tu spungs pa'i sems dpa' rin chen mang /__/gnod sbyin bye ba 'bum gyi sde dpon che/__/ngal bsos po zhes sa brgyad sems dpar bstod/__/gser gyi ya lad bgos pa'i gzi brjid ni/__/nyi ma stong gis 'khyud pa ji bzhin du/__/lha min g.yul bzlog lha rnams rgyal bar mdzad/__/byang phyogs skyong mdzad mgon po khyod la bstod/__/gter gyi khang bzang du mas rab bskor zhing /__/rta bdag chen po brgyad dang gnod sbyin tshogs/__/bye ba 'bum phrag mang po'i dbus na mtho/__/pho brang gser gyi rgyal mtshan bdag por bstod/__/sku gsung thugs gyi rnam 'phrul du ma yis/__/las bzhi'i dngos grub 'bad med lhun gyis grub/__/yon tan phrin las bsam mi khyab pa'i bdag__/dbul ba'i gdung sel rgyal chen khyod la bstod/__/sku mdog gtso ma gser gyi mdog 'chang zhing /__/gdong lnga'i steng na rnam par rol pa'i stabs/__/nor bu'i rgyal mtshan stug po'i sprin chen las/__/dgos 'dod longs spyod char pa 'bebs la bstod/__/pad+ma rA ga'i mdog 'chang 'od dmar gyi/__/lcags kyu rnon pos phyag rgyas thebs pa na/__/khab len rdo yi lcags phye ji bzhin du/__/srid gsum dbang mdzad mdung dmar can la bstod/__/rab sngon baiDUr sngon po'i mdangs ldan zhing /__/cang shes rta yi steng na gtum drag brjid/__/rdo rje'i ral gris btab pa de yi mod/__/srid gsum bdud dgra gdon bgegs dum bur gtub/__/mi bzad 'jigs rung gnod sbyin khros par bstod/__/de ltar bstod cing gsol ba btab pa'i mthus/__/mgon po khyed kyi shAkya seng+ge dang /__/phyag rdor spyan sngar ji ltar dam bcas bzhin/__/bstan pa rin chen phyogs bcur rgyas par mdzod/__/de la 'khu ba'i yid srubs sder bcas rnams/__/gang gi thugs rjes 'jug pa de yi mod/__/ming tsam med pa dbyings su bsgral ba dang /__/bstan 'dzin skyes rnams dbu 'phang dgung du bstod/__/chos ldan rgyal blon khyim bdag mnga' thang rgyas/__/sgrub po bdag cag nad gdon bar chad zhi/__/tshe chos bsod nams dpal 'byor rab rgyas nas/__/ci bsam 'bad med lhun gyis grub par mdzod/__/'jig rten gsum na srid zhi'i dpal gyis mtho/__/rdzogs ldan dang po'i dga' ston mchog tu dar/__/phun tshogs dge legs grub pa'i shis pa yis/__/mi nyams rtag par 'phel ba'i phrin las mdzod/__/ces pa'ang sa pho byi ba'i lor g.yang sgrub skabs dbo zla ba'i dkar phyogs kyi bzang po dang po'i tshes la 'jam dbyangs chos kyi blo gros pas bstod cing smon pa srid zhi'i phun tshogs 'bad med ngang gi 'du ba'i rgyur gyur cig__/sarba dwa ka l+yA dzaM pu shra ye d+ha ba tu//__// khyung chen dpal rdzong gi gnas gter srungs ma'i mchod byang bzhugs:__gnas gter srungs ma gnyan po ni:__mchod par 'dod pas gtor ma dang :__skyems phud gtsang ma bshams byas la:__bdag nyid lha yi sa ma tir:__gnas pas rol mo dbyangs dang bcas:__oM AHhU~M:__gtor ma 'dod rgu'i gter chen po:__zad mi shes pa'i gter du gyur:__nam mkha' mdzod kyis sngags rgyas brlab:__hU~M hrI:__sngon tshe ka dag rdo rje'i zhing :__'og min gsang mchog pho brang cher:__kun bzang che mchog he ru kas:__dregs pa'i khyung chen btul pa na:__dam la btags shing srungs mar bskos:__bka' rtags rdo rje gtsug tu 'chang :__dam tshig rdo rje'i chu nan ni:__lce la bzhag cing snying la bstim:__ye shes sems dpar byin brlab pas:__dpal chen po dang gnyis med bsgrubs:__rdo rje srin po ma ning nag:__zhing skyong mgon po a sgo ra:__dpal ldan rdo rje nam gru ma:__las kyi pho nya gshog rgod ma:__drang srong chen po ra hU la:__gnas srung rdo rje thig le rtsal:__klu sman rgyal mo mched lnga dang :__sman btsun rdo rje g.yu sgron ma:__skyes bu gnam thel dkar po sogs:__rang rang sras yum bran g.yog rnams:__'dir gshegs dgyes pa'i gdan la bzhugs:__gtsang sbyar gser skyems bdud rtsi dang :__ro ldan sbyar ba'i gtor ma che:__nyam pa'i sha khrag rus gsum gyi:__gtor ma zag med bdud rtsi yi:__ma mgon lcam dral 'khor bcas mchod:__dkar mngar gtor ma 'o bskol sogs:__gtsang sbyar 'dod yon mchod pa ches:__klu sman rgyal mo spun lnga dang :__sman btsun chen mo 'khor bcas mchod:__bsang phyi 'bras kyi bshos bu dang :__sba gling rnga rol dung chen dang :__stag gzig gos dar gos khrab sogs:__'dod yon spyan gzigs sna tshogs pas:__gnam thel dkar po 'khor bcas mchod:__khyed rnams dgyes pa bskyed pa'i rdzas:__'jig rten 'di na ci mchis pa:__lha mi'i longs spyod mtha' yas kyis:__dbang po drug la dgyes rgur stobs:__thugs dang 'gal ba'i nyes pa kun:__mthol lo bshags so bzod par bzhes:__thugs dam gnyan po dgyes par bskang :__bskang ngo gnas gter srung ma'i tshogs:__rang rang mthun pa'i dam rdzas dang :__rten bskang sgrub pa'i rdzas dag gi:__khyung chen dpal gyi rdzongs phug tu:__pad+ma 'byung gnas bka' bsgos pa'i:__rgyud gsum dam can dregs tshogs kyis:__bzhes shig rol cig kha raM khA hi:__rnal 'byor bdag cag 'khor bcas kyi:__ji ltar bcol pa'i las sgrub shig:__gzhi byes nyin dang mtshan mo ru:__srungs skyobs sdong grogs mi g.yel bar:__zab gter bstan pa rgyas pa dang :__dus bab chos bdag skyes bu yi:__phyag tu sprod cing dam med la:__ma shor gnyer du gtad pa yi:__tha tshig bsgo ba dran par mdzod:__bstan la log par zhugs pa yi:__lta spyod ngan 'chang dbang po bsnub:__dam ldan bu bzhin bskyangs ba dang :__'jig rten bde ba'i phrin las mdzod:__kla klo'i sde ris kun bcom zhing :__phyogs las rnam rgyal ba dan sgrengs:__rgyal bstan spyi dang pad+ma yi:__ring lugs phyogs brgyar 'phel bar mdzod:__nad gdon kun zhi tshe bsod rgyas:__khams gsum 'gro ba dbang du bsdus:__drag po'i las chen mthar phyin te:__mchog dngos 'grub pa'i phrin las mdzod:__ces brjod mchod gtor gtsang sar gshegs:__de ltar brtson pas srung ma 'go:__bdud dgra thal bar brlag pa dang :__rnal 'byor bu bzhin srungs shing skyobs:__ci bsam don rnams 'grub par 'gyur:__sa ma ya:__khyung chen dpal rdzong gi srungs ma'i mchod byang 'di'ang bla ma tshe dbang rdo rje/__'tsho byed tshe ring phun tshogs/__tshe brtan rnams kyis bskul ngor pad+ma ye shes rdo rjes rig dbyings nas gang shar thon pa sug bris su spel ba dge'o:__bkra shis so//__// rgya gar lha mo'i gsol mchod bzhugs so/__/na mo gu ru pad+mA ka rA ya/__dkar gtor shing 'bras bzang pos brgyan pa dang /__dkar mngar phye mar/__ja chang 'o ma'i skyems phud rnams bshams/__ra~M ya~M kha~M/__oM AHhU~M/__lan gsum gyis mchod gtor byin brlab/__hU~M hrIHrang nyid pad+ma dbang chen gsal/__/thugs nas 'phros pa'i 'od zer gyis/__/las kyi lha mo spyan 'dren gyi/__/'dir gshegs rten dang dbyer med bzhugs/__rdo rje spyi bo dang bdud rtsi lcer bzhag par mos la/__badz+ra a mr-i ta sa ma ya hU~M hrIHThaHbadz+ra rak+Shan+tu/__/rgya gar nya la dar pa nas/__/mig gsang dkar mo'i gnas de ru/__/pha ni rgya grang bstan pa dang /__/ma ni ser rkyang dkar mo gnyis/__/skyes pa'i bu mo skal bzang sgron/__/ming po rgyal ba bstan pa dang /__/mched mo pad+ma sgron skyabs grags/__/pad+ma 'byung gnas rnam 'phrul che/__/dpal ldan sa skya'i bdag chen gyi/__/thugs rje'i mthu yis 'gugs byas te/__/srung mar byas shing mtshan btags pa/__/mkha' 'gro sgrol ma zhes su grags/__/khyod la mthun pa'i dam rdzas ni/__/dkar mngar shing tog sna tshogs dang /__/rtsi shing me tog skyed mos tshal/__/rgya ja 'o chang skyems phud dang /__/gos dang rin chen rgyan sna tshogs/__/sman 'bras sna tshogs rta nor dang /__/ra lug sha rkyang dgo gna' sogs/__/spyan gzigs mthun rdzas sna tshogs mchod/__/dbang po drug la dgyes nas rol/__/gnas 'dir brtan bzhugs sa skya pa'i/__/bka' dang dam las ma 'da' bar/__/bstan pa srung la legs tshogs spel/__/'gal rkyen sol la mtha' dmag bzlog__/bkra shis snying nye 'khu ldog spangs/__/rgyud 'jam byams pa'i sems kyis 'khor/__/phan bde'i legs tshogs rgyas par mdzod/__/badz+ra DA ki dI paM i dam ba lin+ta kha kha khA hiHlan gsum gyis gtor ma bsngo/__gtor chog dang ma 'brel na/__khyod thugs dgyes pa'i rten la bzhugs/__/gnas 'dir dge ba'i bkra shis shog__/ces brjod do/__/mgon po'i bka' nyan zhing bstan pa srung mdzad DA ki rgya gar lha mo'i mchod gtor 'bul tshul 'di'ang 'jam dbyangs chos kyi blo gros pas bris pa dge zhing bkra shis so//__// @#/__/rgyal gsol yongs 'du'i ljon shing bzhugs so/__/ pad+ma kro ta h+ya g+hr-I wa la na mo/__de la chos 'khor skyongs ba'i rgyal chen la o rgyan pad+ma'i rjes 'jug rnams kyi dus gnyan tshes gsum brgyad bco lnga sogs la mchod gtor 'bul bas gtor ma bang rim bzhi pa'i steng bsang phyi lnga tshom mar me dang /__bang rim la spyan gzigs spar btab pas bskor zhing 'bru sna skyems phud rnams bshams la rang nyid pad+ma drag po'am rta mgrin gyi nga rgyal dang ldan pas/__mchod gtor rnams la bsangs phyungs sngags drug phyag drug gi byin gyis brlabs rol mo sba gling spos gsur gyi dud pa dang bcas/__kye/__steng phyogs lha yi gnas dang rdo rje gdan/__kha che khri stan b+ha ta hor gyi yul/__/khyad par 'og min dpal gyi bsam yas sogs/__/chos 'khor gnyan po'i srungs ma li byin har/__/rgyal chen sku lnga btsun blon 'khor bcas gshegs/__/rang rang dgyes pa'i gdan la bzhugs su gsol/__/rA tsa sa ma ya a ho b+h+rU~M 'du 'du yed yed dza dzaHdzaHhU~M ba~M hoHbadz+ra sa ma ya ha na ha na hU~M phaTaHbadz+ra rak+Shan+tu/__kye/__mchod bstod dregs pa'i dkyil 'khor la 'khod pa'i/__/tshangs pa'i bka' nyan skye 'gro'i srog gi bdag__/chos 'khor skyongs ba'i rgyal chen bai hA ra/__/ngo bo gcig la sku lngar 'char ba yi/__/dbus phyogs thugs kyi rgyal po chen po ni/__/sku mdog mthing nag spyan gsum khro gtum brjid/__/man+t+ri'i gos dang dom nag slogs pa dang /__/g.yi dkar stod thung dar nag thibs zhu la/__/rin chen sna tshogs phra tshom spras pa gsol/__/spu gri thod khrag rdo rje'i zhags pa bsnams/__/ba glang sna ring chibs nas 'gying stabs bzhugs/__/shar phyogs rgyal chen shel ging dkar po ni/__/zhi 'dzum nor bu chu shel rgyan cha dang /__/shel gri me long mdung dar dkar po bsnams/__/'brug la chibs nas zhi ba'i las mdzad bzhugs/__/lho phyogs rgyal chen dgra lha skyes cig por/__/sha rgyas sgeg nyams nor bu'i rgyan cha dang /__/za 'og ser khra'i gos kyis brjid par bklubs/__/rta mchog sngon po chu ris ldan pa chibs/__/nor bu'i rgyal mtshan nor gzhong ne'u le bsnams/__/nub tu khyung chen klu 'brug sku mdog dmar/__/zab ber dmar po pad+ma'i rgyan gyi spras/__/rma bya 'jo sgeg ldan pa'i steng na chibs/__/lcags kyu dang ni pad+ma'i zhags pa bsnams/__/byang du gnod sbyin shing bya sku mdog ljang /__/seng+ge rab tu khros pa'i steng na 'gying /__/dgra s+t+wa dang ni rdo rje'i mdung thung bsnams/__/dar nag gos dang khrab rmog 'khor gsum brjid/__/bka' blon srog bdag bya khri mig gcig dang /__/rdo rje grags ldan pu tra bya thang nag__/btsan rgod chen po rdo rje yang le ber/__/gsang ba'i yum chen shan+ti ro zan ma/__/bdud mo ro langs gser gyi spu gri dang /__/mdzes byed pad+ma bdud gza' smin dkar rnams/__/yab kyi dgyes bskang bde skyed smin legs ma/__/ru 'dren gar mkhan 'bag seng spra spre'u/__/byi la chen po gser mig 'khyil ba dang /__/khyung chen stag gzig lce spyang la sogs pa/__/'khor tshogs bsam mi khyab pa khyed rnams kyis/__/dgyes pa'i mchod sprin me tog bdug spos dang /__/mar me dri chab zhal zas rol mo'i sgra/__/bshos gtsang gtor ma 'bru sna bzang dgu dang /__/ja chang 'o zho khrag skyems mtsho ltar bskyil/__/za 'og stag seng rma bya spyang ki dang /__/bya rgod spre'u byi la'i rgyal mtshan sogs/__/sba lcags rten mdung dam shing ral gri dang /__/'phan gdugs rnga yab za 'og gur mo che/__/gzugs sgra dri ro reg bya zhi drag dang /__/rtags rdzas sna bdun nye ba'i rin chen bdun/__/sman dang rak+ta gtor ma sha chen gsur/__/lcags kyu zhags pa lcags sgrogs dril bu dang /__/bse yi phor pa bse khrab bse byang dang /__/rnge'u chung rkang gling thod rnga rnga chen sogs/__/gcan gzan gtum po bya dang ri dwags tshogs/__/go khrab gos dar mda' mdung sgyogs chen dang /__/phyi nang gsang ba'i rten rdzas bla rdo sogs/__/mthun rdzas spyan gzigs sna tshogs 'di bzhes la/__/bdag cag dpon slob 'dus par bcas pa yi/__/khyed kyi thugs dang 'gal ba mthol lo bshags/__/phyi nang gsang ba'i mchod sprin rgya chen po/__/sa dang bar snang yongs su gang ba 'dis/__/rgyal chen 'khor bcas thugs dam dgyes par bskangs/__/pad+ma drag po rig 'dzin brgyud pa yi/__/bka' dang dam las ma 'da' dam tshig dran/__/chos 'khor gnyan po'i bstan pa srungs ba dang /__/rnal 'byor bdag cag bu bzhin bskyangs par gyis/__/dgra rkun jag gsum brgyal rengs rmongs lkugs myos/__/sdang ba'i sems ldan byad ma rbod gtong gi__/mnan sreg sar bu 'khrul 'khor gtad khram 'phang /__/dbye bskrad la sogs bsam sbyor ngan pa rnams/__/rang gshed rang dbab gnod pa phyir la bzlog__/rdul du brlag cing rtsad nas 'jom par mdzod/__/ming gi lhag ma med par gyur pa dang /__/bdag cag phyogs las rnam par rgyal bar mdzod/__/sangs rgyas bstan la 'tshe ba'i mtha' dmag rigs/__/lha min kla klo bstan par phyir phyogs rnams/__/mngon spyod drag pos thal ba'i rdul bzhin bcom/__/mdo sngags bstan pa rin chen rgyas pa dang /__/khyad par o rgyan bla ma'i bka' gter gyi/__/bshad sgrub 'dus pa'i sde tshogs 'phel ba dang /__/bstan 'dzin skyes rnams dbu 'phang bstod par mdzod/__/gzhan yang ris med bstan pa rgyas pa dang /__/dge 'dun thugs mthun 'jig rten bde zhing skyid/__/phan tshun byams pa'i sems dang ldan pa yi/__/dge bcu'i dpal la spyod pa'i phrin las mdzod/__/chos skyong 'khu ldog spangs la snying nye zhing /__/bkra shis bde legs phun sum tshogs pa dang /__/rgya 'dre rgyal 'gong dam sri'i rgyu lam chod/__/khyod kyi 'khor gyi gdug rtsub zhi ba dang /__/rdo rje'i bka' nan drag po mdzad du gsol/__/rig 'dzin rnal 'byor bdag la sdongs grogs dang /__/bcol pa'i las rnams myur du 'grub par mdzod/__/nad rim gdon bgegs gnod pa zhi ba dang /__/tshe bsod dpal 'byor 'khor slobs rigs rgyud rgyas/__/khams gsum 'gro ba thams cad dbang du bsdus/__/bstan dgra rdul du rlogs pa'i phrin las mdzod/__/'di na bzhugs pa'i gnas med rang gnas gshegs/__/dus dang dus su 'byon te bkra shis dang /__/dge legs sgrub shing nyes pa'i skyon rnams bsal/__/phun tshogs dpal la rol pa'i bkra shis shog__/ces pa'ang chu 'brug cho 'phrul zla ba'i tshes brgyad 'khrul snang za zir brten pad+ma ye shes rdo rjes bris te slar yang sab kha phran bu bcas bgyis pa dge zhing shis par gyur cig/__//__kyai/__srid gsum bdag po chos rgyal bai ha ra/__/btsun mo sras blon bka' sdod 'khor bcas rnams/__/'dir gshegs mchod gtor gser skyems 'di bzhes la/__/rnal 'byor bcol pa'i phrin las 'grub par mdzod/__/chos kyi blo gros pas so//__// skar ma rgyal la bstod pa bzhugs so/__/oM/__kun tu bzang po'i sprul pa ni/__/sems dpa' chen mo zla ba'i zhal/__/chu shel 'od kyi dkyil 'khor mdzes/__/kun tu mdzes pa'i zhal mnga' ma/__/dpal mo rgyal ma phyag 'tshal bstod/__/sangs rgyas 'jig rten 'byung ba na/__/khyed dkyil tshes pas srid zhi'i dpal/__/dus bzhi kun la dbang bsgyur ma/__/rig byed smra ba'i 'jig rten gyi/__/chen po rnams kyang khyod la bsnyen/__/bkra shis kun gyi bkra shis ma/__/kun nas dge ba'i dpal ldan ma/__/grags pa chen mor phyag 'tshal bstod/__/bkra shis rgyal gyi zla ba ni/__/ches cher nya rgyas bsil zer can/__/khyed la bsu bar byed pa na/__/cung zad ngo tsha'i chu 'dzin gyis/__/gos kyi sgrib pa dang bcas kyang /__/bdag yid sngar nas khyod 'dris pas/__/gang gi rang bzhin mngon du gyur/__/rgyu skar rgyal po rgyal ba ni/__/lha min rnams las rgyal ba ma/__/rgyal mtshan mda' dang gzhu 'dzin cing /__/dung dang pad+ma'i khri la gnas/__/sems dpa' chen mor phyag 'tshal bstod/__/phur bu lha yi bla ma dang /__/lhan cig rtse ba'i rol mo yi/__/lha chen gtsug na zla ba sogs/__/dregs ldan rnams kyi yid ga 'gugs/__/rab tu gnas sogs mdo rgyud kyi/__/dge legs cho ga'ang khyod kyis sgrub/__/phyag na rdo rje'i zhal mthong zhing /__/he ru ka yi dkyil 'khor du/__/dbang thob lha yi lha mo rjer/__/rab tu dwang bas bstod par bgyi/__/de ltar legs par bstod pa'i mthus/__/nyes pa'i tshogs rnams zhi ba dang /__/legs tshogs zla bas 'khyud pa bzhin/__/dpal gyi mchog rnams thob par shog__/gnas skabs srid pa'i dgra las rgyal/__/mthar thug bdud bzhi'i g.yul rgyal ba'i/__/rgyal ba can ma sgyu 'phrul che'i/__/go 'phang dam pa thob gyur cig__/ces pa'ang sa glang rgyal gyi zla ba'i tshes bco lnga srod kyi thun dang po la chos kyi blo gros pas snang byed ngogs su bris pa dge zhing bkra shis so/__/tshes bcu drug li thor 'grub sbyor snang bas rten 'brel ma bsgrigs lhun grub tu 'grigs pa zhal dro'o//__// @#/__/'bri gung a phyi rdo rje chos sgron gyi gsol mchod phrin las char 'bebs bzhugs so/__/ oM swa sti/__/bde stong nyams brgyas sgeg pa'i sku/__/dmar ser li khri'i mdangs 'od can/__/bla ma rdo rje rnal 'byor mar/__mi phyed gus pa'i phyag gis 'dud/__gsang sngags bka' yi srung ma che/__/dbyings phyug DA ki'i gtso mo yi/__/rnam rol bde chen chos sgron gyi/__/thugs dam dgyes bskang 'dir dbye bya/__/de la 'dir gsang sngags rgyud kyi srung ma chen mo dpal ldan rnal 'byor gyi thugs dam chen po rnams kyi grogs mo chos kyi sgron mar gsol mchod bya bar 'dod pas/__gnas gtsang mar/__sku rten sogs bkram pa'i mdun/__yi dam rdo rje rnal 'byor ma'i gtor ma dang /__'di nyid la rin po che'i snod du gtor ma smad zlum po stod zur cung yod par phyogs bzhir pad 'dab dang mtshams bzhir mtheb skyu brtsegs/__rtse la nyi zla nor bu'i rgyan can/__g.yas g.yon du sman phud dang /__rak+ta thun gtor ni dmar gtor bzhi bsgrigs can dang /__dkar mngar dang sha khrag gi bza' bca'/__chang phud gser skyems dang mchod pa rnam lnga sogs gtsang shing mdzes par bshams la/__stan bde ba la 'khod de/__yi dam rnal 'byor ma lta bu mchog tu shis pas de'i bskyed bzlas dang /__mchod gtor 'bul ba sngon du 'gro bas/__'di nyid kyi phrin las dngos la don bzhi ste/__dang po mchod gtor byin gyis brlab pa ni/__oM badz+ra a mr-i ta kuN+Da li ha na ha na hU~M phaT/__kyis bsangs/__swa b+hA was sbyangs/__stong pa'i ngang las rab dkar thod pa'i snod/__/yangs shing rgya cher mchod pa'i yo byad rnams/__/dwangs shing thogs med sa dang bar snang khyab/__/'dod yon 'byung ba'i sprin phung chen por gyur/__/oM AHhU~M/__lan gsum dang nam mkha' mdzod kyi sngags rgya lan gsum gyis byin gyis brlabs/__khyad par du gtor ma byin gyis brlab pa ni/__ra~M ya~M kha~M/__stong pa'i ngang las ya~M ra~M rlung me yi/__/dkyil 'khor steng du kaM las thod sgyed gsum/__/de steng a las thod snod rgya che'i nang /__/sha lnga bdud rtsi lnga yi rang bzhin gyi/__/gtor ma zag med bdud rtsi'i rgya mtshor gyur/__oM AHhU~M ha ho hrIHphyag rgya dang bcas lan gsum brjod/__gnyis pa dam tshig pa bskyed cing spyan drangs/__mchod bstod 'bul ba ni/__swa b+hA was sbyangs/__phyi nang chos kun stong pa'i ngang nyid las/__/sa phyogs dag cing gtsang ma'i zhing khams su/__/yangs shing rgya che'i bkod pa phun tshogs nang /__/rta mchog sngon po sprin gyi shugs 'chang steng /__/zab chen stan dang gser sga g.yu mthur sogs/__/rin chen rnam mang rgyan chas spras pa'i steng /__/'dod dgu'i mchog stsol sgrub po'i re skong ma/__/dbyings phyug dpal ldan chos kyi sgron ma ni/__/sku mdog zla ba gsar pa'i lang tsho la/__/rgya skyegs thig les mdzes pa'i mdangs ldan ma/__/zhi 'dzum cung zad khro ba'i nyams dang ldan/__/gnag snum ral pa'i thor tshugs spyi bor bcings/__/lhag ma sku rgyab kheb par grol ba yi/__/sku la lha rdzas bzang po'i gos kyis klubs/__/dbu la dung thod rin chen 'od 'phro ba'i/__/mdzes pa'i rgyan cha ma mo'i rnam par spras/__/dar sna lnga yi cod pan rab tu 'phur/__/phyag g.yas gser gyi cang te'u khro lo lo/__/'khrol bas ma mo mkha' 'gro dbang du sdud/__/g.yon pas thod pa khrag bkang zhal du gsol/__/gdug pa'i dgra bgegs ma lus tshar gcod cing /__/drag shul rol pa'i stabs kyis 'gying bar byed/__/dbang sdud rtsal dang drag po'i mthu ldan ma/__/bka' nyan bran g.yog 'bum phrag 'khor gyis bskor/__/gnas gsum 'bru gsum thugs srog hrIHyis mtshan/__/'od 'phros gar bzhugs gnas nas spyan drangs gyur/__/mi rkang gi gling bu thod rnga sogs rol mo'i sgra sna tshogs dang /__spos kyi dud sprin 'thul ba dang bcas/__b+h+yo/__ye shes DA ki'i gtso mo dpal ldan ma/__/bde chen chos kyi sgron ma dbyings nas bzhengs/__/dpa' bo DA ki'i 'khor tshogs dang bcas pa/__/kun kyang rus rgyan g.yel kha si li li/__/cang te'u dril bu gser gyi rnga chung gi__/sgra snyan dir dir sgrogs bzhin gnas 'dir byon/__/ma thogs myur du dgyes bzhin rab dgongs la/__/gnas yul zhing skyong dgyes pas rol pa yi/__/dga' ba'i tshal dang dbur stod gser khang dang /__/la phyi pu rong la sogs gnas mchog nas/__/rdo rje 'chang gi bka' bsgos dam tshig ltar/__/dran par gyis la myur du gshegs su gsol/__/oM hrIHbadz+ra DA ki nI d+harma dI pa sarba sa ma ya dza dzaHe A ral+li hrIM hrIM phaiM phaiM/__zhes pas spyan drangs/__dzaHhU~M ba~M hoHsa dbyer med bstim/__hU~M/__mdzes pa'i spu sdug baiDUr sngon po'i mdog__/gom stabs bskyod pa'i rlung gis stong gsum bskor/__/yid 'ong rta mchog rin chen rgyan ldan steng /__/dgyes par bzhugs la phrin las mdzad du gsol/__/sa ma ya tiSh+Tha lhan/__de nas mchod gtor 'bul ba ni/__hU~M b+h+yoHdngos su 'byor dang yid las byung ba yi/__/mchod yon zhabs bsil me tog bdug spos dang /__/mar me dri chab zhal zas rol mo'i sgra/__/bkra shis rdzas rtags rin chen rnam pa bdun/__/yid 'ong gzugs dang pi waM snyan pa'i sgra/__/sbyar dang lhan skyes dri dang ro ldan zas/__/'jam mnyen rig bya'i tshogs ni sprin ltar gtibs/__/nyon mongs gdung ba sel ba'i bdud rtsi dang /__/'dod chags rnam dag ma hA ru d+hi ra/__/gsang ba'i dam rdzas ba ling chen po yis/__/gsol lo mchod do dgyes par bzhugs su gsol/__/oM hrIHshrI badz+ra d+harma dI pa sa pa ri wA ra oM badz+ra ar+g+haM pra tIts+tsha swA hA/__nas shab+da'i bar dang /__de bzhin du sbyar te/__rU pa nas spaR+she'i bar dang /__ma hA pany+tsa a mr-i ta khA hi/__ma hA rak+ta khA hi/__ma hA ba ling ta khA hi/__zhes pa rnams kyis mchod/__gtso mo'i ljags rdo rje'i sbu gu las byung ba'i 'od kyis gtor ma'i bcud drangs te gsol bar gyur/__thod rgya dang bcas/__oM hrIHshrI badz+ra DA kA DA ki nI ma hA su kha d+harma dI pa sa pa ri wA ra i daM ba ling+ta kha kha khA hi khA hi/__lan bdun gyis 'bul/__'khor rnams la/__a kA ro lan lnga'am gsum gyis bsngo/__dpal ldan DA ki'i gtso mo/__/dam tshig can gyi srung ma/__dam nyams rnams kyi gshed ma/__ma mo mkha' 'gro bye ba'i sde dpon/__snang srid kun gyi bdag mo chen mo/__bde chen chos kyi sgron ma 'khor dang bcas pa rnams la gsol lo/__/'bul lo/__/mchod do/__/sdang bar byed pa'i dgra sod/__/gnod pa byed pa'i bgegs thul/__/bar du gcod pa'i rkyen zlogadagyes pa'i zhal ston/__sgrub pa'i rtags phyungs/__phrin las mngon du gyis/__bka' dang bstan pa srungs/__'khor dang gang zag skyongs/__dpal dang grags pa sgrubs/__ci bsam pa'i don thams cad yid bzhin du 'grub pa'i phrin las ma lus pa mdzad du gsol/__bzlas pa bya ba ni/__gong non yi dam gyi bsnyen pa cung zad bzlas nas/__srung ma'i thugs ka'i hrIHyig las srog sngags nar gyis byung nas rang yi dam du gsal ba'i thugs srog la thim pas dbang du 'dus par bsam la/__oM hrIHbadz+ra DA ka DA ki nI ma hA su kha d+harma dI pa shAn+tiM puSh+TiM wA shaM mA ra ya sarba sid+d+hi hU~M hoHphaT swA hA/__zhes ci nus bzlas mthar/__sngags tsam gyis mchod/__bstod pa bya ba ni/__b+h+yo/__dus gsum rgyal ba thams cad bskyed pa'i yum/__ma gcig DA ki'i gtso mo dpal ldan ma/__/dbyings phyug bde chen chos kyi sgron ma ni/__/snang srid ma mo yongs kyi 'khor los sgyur/__/'jig rten legs nyes kun gyi stong 'dzin ma/__/dpal ldan he ru ka yi yum chen mo/__/rig 'dzin grub thob yongs kyi gsang ba'i grogs/__/bde chen rdo rje mkha' 'gro khyod la bstod/__khyed kyi rnam 'phrul mi zad mtha' yas shing /__/srid zhi kun la khyab pa'i phyag chen mo/__/dus bzhi 'byung ba lnga yi bdag mo khyod/__/res 'ga' gangs ri'i phung po ltar dkar la/__/bcu drug lang tsho mdzes pa'i gzi 'od 'bar/__/mda' dar dang ni tshe yi bum bzang 'dzin/__/sgrub pa po la 'chi med dngos grub stsol/__/res 'ga' gser gyi 'od ltar 'tsher ba yi/__/phyag na nor bu dang ni thod pa 'dzin/__/'brong chen rngams pa brjid pa'i steng na 'gying /__/bsod nams 'dod dgu'i sprin chen rgyas par byed/__/dbang gi las mdzad pad+ma rA ga'i mdangs/__/lcags kyu thod pa 'dzin cing rta dmar chibs/__/snang srid 'od dmar dbang gi lcags kyus sdud/__/zangs gri dang ni 'gugs byed rnon po bsnams/__/mkha' lding la chibs myur ba'i shugs 'chang bas/__/brtan g.yo thams cad 'dar zhing 'gugs par byed/__/res 'ga' mi bzad khro gtum rngams pa'i gzugs/__/mthing nag ral gri dang ni thod pa bsnams/__/dgra bgegs snying rlon zhal du gsol zhing rngubs/__/dur khrod chas brgyad bong bu dmar gwa chibs/__/sha za las kyi mkha' 'gro chen mo ni/__/dpal ldan 'dod pa'i khams la dbang bsgyur ma/__/wa ma bi dang rlung nag 'tshubs mar rol/__/nad dang rims gyi bdag mo chen mo mdzad/__/rab 'jigs bskal pa'i shugs 'chang khyed la bstod/__/gzhan yang sprul pa'i phyag brnyan chen mo ni/__/gsod byed za byed 'phrog byed ma mo che/__/dmar dang ljang mo le rgan mdog can rnams/__/lcags kyu nad rkyal thogs shing mi lpags gyon/__/ha ha hi hi'i gad mo sgra sgrogs shing /__gdug pa'i srog rtsa gcod cing tshe srog bstabs/__/dgra bgegs sha khrag rus pa spar gyis 'debs/__/dam nyams gdug can rtsad nas brlag byed ma/__/phrin las drag mo chen mo khyed la bstod/__/de ltar bstod pas bdag cag dpon slob kyi/__/'gal rkyen kun zhi tshe bsod dpal 'byor rgyas/__/snang sems dbang sdud drag po'i phrin las rnams/__/'bad med myur ba nyid du grub par mdzod/__/ces bstod par bgyi'o/__/gsum pa bskang bshags bya zhing phrin las bcol ba ni/__bskang rdzas rnams/__a mr-i tas bsangs/__swa b+ha was sbyangs/__bskang rdzas rnams rang rang gi ming yig dang po thig les brgyan pa zhu ba las byung ba'i phyi nang gsang ba'i bskang rdzas nam mkha' mdzod kyi 'khor lo'i sprin chen por gyur/__oM sarba bid pu ra pu ra su ra su ra A brta ya A brta ya hoHoM badz+ra s+pha ra Na khaM/__zhes pas byin brlab/__bskang ba dngos ni/__hU~M b+h+yo/__rdo rje mkha' 'gro 'bum gyi gtso/__/dpal ldan lha mo chen mo ni/__/dbyings phyug chos kyi sgron ma zhes/__/ming brgya ma la mtshan stong ma/__/mchod pa'i gnas 'dir spyan 'dren gshegs/__/khyed la mchod pa 'bul ba ni/__/nyer spyod lnga dang rin chen bdun/__/'dod yon lnga dang rdzas rtags sogs/__/bkra shis dpal gyi rdzas rnams dang /__/gling bzhi ri rab nyi zla dang /__/bum bzang dpag bsam ma rmos 'bru/__/'dod 'jo'i ba dang glang chen sogs/__/'dod pa'i khams la ci mchis pa'i/__/mthun pa'i rdzas kyis thugs dam bskang /__/rin po che dang rus pa'i rgyan/__/dar chen na bza' lhab lhub ni/__/dkar ser dmar dang ljang ba'i mdog__/dbang po'i gzhu ltar bkra ba'i gos/__/myur mgyogs rtsal 'chang shugs ldan rta/__/ri ltar 'gying ba'i 'gros chen dang /__/mgrin bzang dmar gwa glog ltar myur/__/stong gsum 'gro ba'i rtsal ldan dang /__/gnag lug ma he glang po che/__/tsA ra lug dang za le 'bri/__/mkha' lding lcags kyi mchu sder can/__/seng ge stag gzig dom dred dang /__/lce spyang ri dwags tshogs chen pos/__/lha mo 'khor bcas thugs dam bskang /__/cang te'u thod khrag nor bu dang /__/ne'u rkyal zangs gri lcags kyu rngams/__/mda' dar me long tshe bum bzang /__/ral gri khram shing nad rkyal dang /__/mtshon gyi gru gu la sogs pas/__/lha mo 'khor bcas thugs dam bskang /__lug nag snying dang srog 'khor dang /__/sku 'bags b+han+d+ha mtshan nyid ldan/__/shing lo sa la ma lhung dang /__/mi dbang sha dang mtshal gyi 'bras/__/rma bya seng ge'i rgyal mtshan dang /__/g.yang gzhi re sde g.yu dril sogs/__/brten pa'i rdzas kyis thugs dam bskang /__/sman phud bdud rtsi mtsho ltar 'khyil/__/rak+ta 'khrugs pa'i sbu phreng g.yo/__/dkar dmar gtor ma ri ltar spungs/__/ja chang khrag skyems mtsho ltar 'khyil/__/zhi drag bdug spos sprin ltar gtibs/__/g.yab dar sna tshogs 'bod ba'i rdzas/__/thod rnga rkang gling rol mo sogs/__/mchod rdzas sgrub rdzas dpag med kyis/__/lha mo 'khor bcas thugs dam bskang /__/phyi ltar dpal ldan lha mo che/__/nang du lte ba'i rtsa mdud 'khyil/__/thig le'i gzugs su rab gnas shing /__/gsang ba rang sems de kho na/__/lha mor shes pas thugs dam bskang /__/e waM thabs shes sbyor ba yi/__/mkha' khams rol pa'i 'bar 'dzag gis/__/zag med rang byung bla na med/__/bde chen mchod pas thugs dam bskang /__/de ltar bskang bskang gsol gsol nas/__/rnal 'byor bdag cag dpon slob kyi/__/mi shes nyon mongs gti mug pas/__/bcas dang rang bzhin sdig pa'i las/__/khyod thugs 'gal ba mthol lo bshags/__/byang chub sems dang bla ma spangs/__/sngags dang phyag rgya rgyun chad cing /__/yang dag don las 'gal ba yis/__/lha mo 'khrugs pa mthol lo bshags/__/dus kyi mchod pa chag pa dang /__/phyi nang gsang ba'i rten ma 'dzoms/__/bsnyen sgrub g.yel zhing bag med spyod/__/'gal 'khrul nongs pa ci mchis pa/__/lha mo khyod la bshags par bgyi/__/khyod kyi rang bzhin rnam par dag__/sa brgyad sems ma chen mo la/__/khro ba'i rnam rtog mi mnga' yang /__/bdag cag nyes par spyod pa'i mthus/__/khros pa'i skur snang lha mo la/__/snying nas gdung bas bshags par bgyi/__/mthol bshags bzod bzhes tshangs par gsol/__/zhes dang yig brgya ci nus bzlas pas bshags pa bcas tshar grangs bsog nas bar 'dir/__rje bla ma mkhyen brtse'i dbang pos mdzad pa'i gsol bsdus bya'o/__/'dod don gsol zhing phrin las bcol ba ni/__hU~M b+h+yoHbde chen ngang las snying rje'i skur bzhengs nas/__/snang srid ma mo bye ba'i sde dpon che/__/dpal ldan mkha' 'gro chen mo 'khor bcas kyis/__/dgyes pa'i mchod gtor dam rdzas 'di bzhes la/__bdag cag dpon slob yon mchod 'khor bcas kyi/__/nad gdon bgegs dang dus min 'chi ba dang /__/'jigs pa chen po brgyad dang bcu drug sogs/__/mi mthun phyogs kun zhi bar mdzad du gsol/__/mthun rkyen dpag bsam rgyas pa'i sprin chen las/__/'dod dgu 'byor ba'i gru char zad mi shes/__/phun tshogs dbyig gis gang ba'i nor bu dang /__/ring 'tsho'i dpal yon rgyas pa'i phrin las mdzod/__/gser 'gyur rtsi yis reg pa ji bzhin du/__/khyod nyid dran pa de yi mod nyid la/__/brtan g.yo'i dngos kun rjes chags 'od kyis bcings/__/phun tshogs dpal kun dbang du bsdu bar mdzod/__/dkar po'i phyogs la sdang ba'i sems ldan rnams/__/drag mo'i mi bzad rdo rje'i thog char gyis/__/thal ba ji bzhin phye mar 'thag mdzad de/__/rnam shes rdo rje btsun mo'i mkhar bstim mdzod/__/bdag lus gdan gsum tshang ba'i dkyil 'khor cher/__/khyod sku rjes chags sgyu ma'i rol rtsed kyis/__/dga' bzhi'i thig 'dren dbab bzlog grub pa'i mthar/__/gtsug tor rtser bcing mchog dngos grub par mdzod/__/'jig rten khams kyi phan bde'i 'byung gnas che/__/rgyal ba'i bstan pa ring du gnas pa dang /__/de 'dzin byed rnams sku tshe rab brtan zhing /__/snyan grags dbyar rnga phyogs brgyar grags pa dang /__/rig grol gnyis ldan 'dus pa'i sde tshogs rnams/__/bslab khrims la gnas spong klog bya bar brtson/__/bstan pa'i sbyin bdag chos skyong rgyal po rnams/__/chab srid dpal 'byor rgyas pa'i phrin las mdzod/__/khyad par sde bzhi dge bcu'i dbu rmog btsan/__/chos skyong rgyal po rigs rgyud bcas srung shing /__/gzhan sde'i 'jug pa thams cad zil gnon te/__/rang srid dbang du 'dus pa'i phrin las mdzod/__/rdo rje 'chang dngos rtsa brgyud bla ma dang /__/khyad par 'jig rten gsum gyi mgon po yi/__/spyan sngar zhal bzhes tha tshig ma g.yel bar/__/ji ltar bcol pa'i las rnams 'grub par mdzod/__/'jig rten bde zhing lo phyugs rtag tu legs/__/nad yams dus kyi 'khrugs pa rgyun chad nas/__/rab 'phel rdzogs ldan dpal gyi 'byor pa la/__/ci dgar spyod pa'i phrin las mdzad du gsol/__/bdag cag tshe yi rgyun bzang brtan pa dang /__/'du ba gsum dang 'bar ba gsum la spyod/__/phrin las rnam bzhi 'bad med 'byung ba dang /__/phyogs las rnam par rgyal ba'i phrin las mdzod/__bzhi pa gtor ma stabs shing rjes kyi bya ba ni thun gtor la bdud rtsi bran/__oM AHhU~M ha ho hrIHsa byin gyis brlabs/__/b+h+yo/__ma g.yel ma g.yel dpal ldan chos kyi sgron/__/gnas yul dur khrod gar bzhugs gnas rnams dang /__/khyad par 'bri gung gser khang chen po dang /__/dbu stod la phyi pu rong la sogs nas/__/'di gshegs rgyan gyi gtor ma 'dir bzhes shig__/sman rag phud kyi mchod pa 'di bzhes shig__/khrag rgod gser skyems btung ba 'di bzhes shig__/sngar bcol legs pa'i gtong rag chen po 'bul/__/da bcol las kyi gsol 'debs gnyen po bzhes/__/sdang dgra gnod byed bdud sde gzhom par gyis/__/bstan pa rgyas pa'i las 'di myur du sgrubs/__/rnal 'byor bcol pa'i phrin las 'grub par mdzod/__/ces brjod la gong gi gtor sngags lan gsum dang /__dpal ldan DA ki'i gtso mo sogs gong ltar gyi phrin las bcol/__/phud gtsang sar gshegs/__rjes la sngags tsam gyis mchod/__bstod pa ni/__b+h+yo/__bde chen rdo rje btsun mo'i rnam par 'phrul/__/'jig rten skyong mdzad rdo rje mkha' 'gro che/__/gtso 'khor sprul par bcas pa thams cad la/__/mchog tu dwangs ba'i sems kyis bstod par bgyi/__/zhes pas bstod/__ma rnyed yongs su ma tshang dang /__/sogs dang yig brgya lan gsum gyis bshags gsol bya/__rten yod na/__'dir ni rten dang sogs kyis brtan bzhugs dang /__med na/__oM badz+ra muHgtor mgron rnams rang gnas su gshegs par gyur/__/dge ba 'di yis mtha' yas 'gro ba rnams/__/'jigs rung bdud sde'i g.yul las rnam rgyal nas/__/phrin las rnam bzhi lhun gyis grub pa dang /__/dngos grub rgya mtsho'i dga' ston rol par shog__/shis brjod ni/__bla ma he ru ka dpal rdo rje 'chang /__/dkyil 'khor rgya mtsho'i bdag por shar ba yi/__/byin rlabs bkra shis rgya mtsho'i char sprin des/__/srid zhi kun na rtag tu bde legs shog__/dngos grub ded dpon yi dam zhi dang khro/__/khyad par khyab bdag rdo rje btsun mo dang /__/gnas yul dpa' bo mkha' 'gro'i tshogs rnams kyis/__/'jig rten khams su bkra shis dge legs stsol/__/rgyud gsum dam can rgya mtsho'i tshogs rnams dang /__/zhing skyong srung ma DA ki chos sgron ma/__/gtso mo 'khor dang sprul par bcas pa yis/__/rtag tu srung skyob mi g.yel bkra shis shog__/ces brjod pas dge legs su bya'o/__/bstan srung lha mo'i mchod phreng gi__/rim pa gsal bar bkod pa yi/__/legs byas snang bas sa gsum khyab/__/don gnyis lhun gyis grub par shog__/ces pa'ang lcags ra bsam 'grub rtse dang sde dge'i dngul gdung khang la sogs la lha mo 'di nyid kyi gsol mchod dgos pa la brten/__lcags ra dbu mdzad 'jam dbyangs nyi ma dang /__'tsho byed chen po bla ma a tshang nas kyang gsung bskul gyis rkyen byas rang nyid kyang spro bas mtshams sbyar te 'jam dbyangs chos kyi blo gros pas/__chu bya mgo zla ba'i tshes lnga bzang por bkra shis 'chi med grub pa'i dga' tshal du smras rim bzhin yi ge'i byed po rig gnas kun la spobs pa dge ba can dge slong 'jam dbyangs blo gros 'phel rgyas nas bgyis pa 'dis kyang srung ma chen mo dgyes pa'i mchod sprin chen por gyur te phrin las rnam pa bzhi 'bad med du 'grub pa'i rgyur gyur cig__/sarba mang+ga laM//__// a phyi mched lnga'i gsol mchod mdor bsdus bzhugs so/__oM AHhU~M/__mchod gtor ye shes kyi bdud rtsi 'dod yon rgya mtsho'i sprin phung 'phro bar gyur/__kyai/__rang bzhin chos kyi dbyings las ma g.yos kyang /__/sangs rgyas bstan skyong dngos grub mchog stsol phyir/__/dbyings phyug yum lnga'i sgyu 'phrul drwa ba'i gar/__/a phyi mched lnga 'khor bcas 'dir gshegs shig__/phyi nang gsang ba bla med mchod sprin dang /__/ye shes bdud rtsi'i gtor ma 'di bzhes la/__/rtsa brgyud bla mas bka' bsgos dam bzhag ltar/__/sangs rgyas bstan srung bstan 'dzin sku tshe bsrings/__/bstan pa'i sbyin bdag mnga' thang phyogs bcur spel/__/nad mug mtshon 'khrugs 'byung bzhi'i 'jigs pa sol/__/snod bcud kun tu phan bde'i dge mtshan bskyed/__/rnam bzhi'i phrin las yid bzhin 'grub par mdzod/__/ces pa'ang lhun grub steng gi phyogs thams cad las rnam par rgyal ba'i sku bcar grwa tshangs rnams kyi thugs bzhed ltar bya bral ba 'jam dbyangs mkhyen brtse'i dbang pos bris pa dge zhing bkra shis so//__//

'bri gung a phyi chos sgron gyi bsang bzhugs so/__/ra~M ya~M kha~M/__bsang gi mi gtsang dri ma bsreg gtor bkrus/__/oM AHhU~M las bsang mchod mkha' dbyings brdal/__/'dod pa'i yon tan rnam lnga'i sprin phung 'phro/__/DA ki mnyes pa'i dgyes mchod chen por gyur/__oM AHhU~M/__kye dgung sngon mthon po'i yang steng nas/__/bde chen dag pa mkha' spyod zhing /__/dpa' bo mkha' 'gro rab 'byams tshogs/__/'dir gshegs dgyes pa'i gdan la bzhugs/__/gnas yul nyer bzhi la sogs par/__/bzhugs pa'i dpa' bo dpa' mo dang /__/khyad par bde chen chos kyi sgron/__/kun tu bzang mo'i phrin las kyi/__/rnam rol bstan srung zhing skyes kyi/__/DA ki 'khor tshogs rgya mtsho la/__/bsang mchod 'dod yon lnga ldan 'di/__/dbang po drug la smin gyur nas/__/bde stong zag med lang tsho rgyas/__/mi gtsang grib kyis mnol ba las/__/dkar dmar thig le'i stobs nyams gsos/__/ye shes dga' ba bzhi rgyas pa'i/__/bde chen rdo rje'i sku mchog bsang /__/dgyes zhal pad dkar 'dzum phreng rgyas/__/dngos grub 'o bum las 'dzags pa'i/__/bdud rtsi'i rgyun gyis bdag cag la/__/'chi med bcud du rab smin nas/__/grub gnyis dpal brgya'i dbang 'byor shog__/ces pa'ang lcags ra bla ma 'jam dbyangs dge legs nas bskul ngor/__chos kyi blo gros pas so/__/sarba dA ka l+yA NaM b+ha wan+tu//__// 'bri gung a phyi chos sgron gyi gser skyems bzhugs so/__/ra~M ya~M kha~M/__gser skyems zag med bdud rtsir gyur/__/oM AHhU~M/__dkon mchog rtsa gsum chos srung rgya mtsho dang /__/nor lha gter bdag mgul lha zo dor tshogs/__/bod skyong brtan ma bcu gnyis 'khor bcas la/__/gser skyems mchod pa 'bul lo phrin las mdzod/__/khyad par yum chen DA ki yongs kyi gtso/__/dbyings phyug bde chen chos sgron 'khor bcas la/__/gtsang ma phud kyi mchod pa 'di 'bul lo/__/bzhes nas bcol pa'i phrin las 'grub par mdzod/__/mkha' klong pad+mo 'khyil pa'i ze'u 'bru las/__/dngos grub rdo rje nyi ma'i zil pa yis/__/rnal 'byor bdag gi khams lnga nyams pa gsos/__/grub gnyis pad+mo bzhad pa'i phrin las mdzod/__/ces pa'ang lcags ra bla ma 'jam dbyangs dge legs nas bskul ngor chos kyi blo gros pas so/__/sarba dA mang+ga laM//__// gtor ma skyems phud ci 'byor bshams/__/gong gnon phyag rdor khro bo bskyed/__/gtor ma 'bru gsum sngags rgyas brlab/__/hU~M/__ri rab chen po'i byang gi phyogs/__/gnod sbyin 'du ba'i dga' tshal nas/__/bdud rigs rdo rje khu tshur dang /__/dpal phreng ma las skyes pa yi/__/gnod sbyin lcags kyi ber ka can/__/mthing nag khro gtum lcags ral can/__/ber nag gsol zhing swaka l+h+wam gsol/__/ut+pal sngon po'i thod chings dang /__/snying gi phreng ba'i ga shal can/__/bdud rta nag po la zhon cing /__/g.yas pas lcags kyi ber sga dang /__/g.yon pas bdud zhags nag po 'dzin/__/stag dang dug sbrul rol du khrid/__/yum ni gnod sbyin bed khrol ma/__/dmar mo lcags kyu gter bum 'dzin/__/blon po ka yi thang ka dang /__/shan pa zu ra ra skyes sogs/__/gnod sbyin 'khor tshogs dang bcas pa/__/'dir gshegs dam tshig mnos par gyis/__/dam las ma 'da' sa ma ya/__/dgra bgegs dam nyams srog snying rol/__/bstan 'dzin sgrub mchog skyongs rnams kyis/__/ji ltar bcol ba'i phrin las sgrub/__/chos ldan mnga' ris rgyas par mdzod/__/sha khrag gtor ma skyems phud dang /__/go mtshon gcan gzan sna tshogs sogs/__/spyan gzigs mchod pa 'di rol shig__/lag na rdo rje byin zhugs shing /__/mthu stobs nus pa'i rtsal bskyed de/__/bdud kyi sde rnams chom la phob/__/rgyal bstan dar shing rgyas pa dang /__/phyogs las rnam par rgyal bar mdzod/__oM bdud tri ya ma k+Shar du khaHche ge'i tsit+ta ma ra ya rbad chod/__/ces pa'ang zla 8tshes 4la nyams kyi char gnod sbyin du skye ba yid ngor gsal zhing tshes nyer dgu la nyams ngor gzugs gsal bzhin chos kyi blo gros pas bris pa dge/__//__ dpal mgon ma ning nag po'i gsol ka bzhugs/__shrI badz+ra he ru ka la na maHhU~M hrIHdad pa dang ni dam tshig gi__/lha chen dpal 'bar spyan 'dren no/__/ma ning nag po gshegs su gsol/__/tshogs bdag chen po=____/sa bcu'i dbang phyug=____/rdo rje sgrol byed=____/legs ldan nag po=____/mgon po sde lnga gshegs su gsol/__/'dir gshegs thod mkhar 'bar ba yi/__/drag po'i gzhal yas gnas 'dir gshegs/__/brag chen pad nyi bam ro'i steng /__/dgyes par bzhugs la phrin las mdzod/__/hU~M/__nag po chen po 'khor bcas la/__/thugs dam bskang ba'i dam rdzas ni/__/dngos su bshams dang yid kyis sprul/__/mthun pa'i dam rdzas sna tshogs kyis/__/dpal mgon 'khor bcas thugs dam bskang /__/bya nag rta nag g.yag nag dang /__/lug nag khyi nag bya gcan rigs/__/sna tshogs sprul pa dpag med kyis/__/ma ning 'khor bcas thugs dam bskang /__/bkra shis rdzas rtags rin chen bdun/__/gling bzhi'i 'byor pa mtha' yas dang /__/go khrab gos dar rnam mang dang /__/ral gri mda' dang mdung rnon po/__/rtse gsum kha T+wA~M gri thod sogs/__/dar nag ba dan ber phod dang /__/mgo phreng rus rgyan dur khrod chas/__/sman gtor rak+ta ru mtshon che/__/sbyor sgrol mchod pa bla med kyi/__/ma ning nag po 'khor bcas kyi/__/thugs dam gnyan po dgyes par skongs/__/nyams chags 'gal 'khrul thams cad bshags/__/bzod bzhes tshangs par stsal du gsol/__/'di dang tshe rabs thams cad du/__/mi 'bral gsang ba'i rten du bzhugs/__/rang sems gdod nas dag pa ni/__/ma ning nag por ngo shes pas/__/rtag tu ngo shes mchod bstod 'bul/__/yid la bsam pa'i don rnams kun/__/'bad med 'grub pa'i phrin las mdzod/__/phyag bris dngos las zhal bshus//__// mgon po tshogs bdag gi gsol bsdus phrin las klog zhags zhes bya ba bzhugs so/__/hU~MH/__rnam snang khros pa ye shes kyi/__/mgon po tshogs rje tshogs kyi bdag__/bdud 'dul ma hA kA la che/__/zhal gcig srin po khros pa'i gzugs/__/sku la 'jol ber dgu brtsegs mnabs/__/phyag g.yas bing chen klad la 'phyar/__/g.yon pas thod pa khrag bkang gsol/__/zhabs la sag ti'i l+h+wam gsol zhing /__/brag chen pad nyi'i gdan steng du/__/brjid cing rngam la 'gying ba'i sku/__/khams gsum thams cad zas su za/__/drag shul rdo rje'i gad mo'i sgra/__/snying rjes dgra bgegs khrag 'thung zhing /__/sha rus phung por spungs pa la/__/glog dmar 'khyug 'dra'i ljags brkyangs zhing /__/dam nyams dgra bgegs zhal du btab/__/bdud rtsi sman dang rak+ta dang /__/dpal gyi gtor chen 'bar bas mchod/__/bya nag khyi nag g.yag nag dang /__/lug nag rta nag khyung chen sogs/__/spyan gzigs mchod sprin sna tshogs pas/__/mgon po 'khor bcas thugs dam bskang /__/nyams chags nyes ltung thams cad bshags/__/gsang sngags bstan pa gnyan po srungs/__/rnal 'byor bdag gi mgon mdzod cig__/sdang dgra gnod byed rdul du rlogs/__/byad kha rbod gtong thams cad bzlog__/zhi rgyas dbang drag las rnams kun/__/'bad med myur du 'grub pa dang /__/ji ltar bcol pa'i las rnams kun/__/ma g.yel ma g.yel las rnams kun/__/bsam rgu 'grub ba'i dngos grub stsol/__/ces pa'ang shing khyi hor zla pa'i tshes la rgya mkhar du yod skabs rig 'dzin chen po rdo rje thugs mchog rtsal las mgon po tshogs bdag gi dbang bka' gter chu bo gcig 'dres thob pa'i rmi ltas la brten blo gros rgya mtshos bris pa bla ma nag pos rjes su 'dzin par gyur cig__/shu b+haM//__// @#/__/gter chen bdud 'dul rdo rje'i zab gter bka' srung bdud mgon legs grub rdo rje'i gtor chog bskang bshags zhing skyongs dgyes pa'i rol mtsho zhes bya ba bzhugs so/__/ bla ma dang dpal chen rdo rje gro lod la phyag 'tshal lo/__/'jigs rung sku ni dus mtha'i char sprin ltar gnag rngam pa'i zhal ni seng+ge'i gdong /__/gsung gi nga ro 'brug stong ldir bas log 'dren bdud kyi snying bkas srid gsum g.yo/__/thugs ni snying rjes rab tu zhi yang gdug pa rjes 'dzin khro la drag shul 'bar/__/rgyal ba'i bstan dang zhing kun skyongs mdzad bstan srung rgya mtsho'i sde dpon chen por 'dud/__/gang de mnyes par byed pa yi/__/thugs dam mchod bskang phrin las kyi/__/rdo rje'i tshig gi rim pa ni/__/zhing skyongs dgyes pa'i rol mtsho spel/__de la sngon dngos rjes kyi rim pa'o/__/dang po ni/__bstan srung chen po 'di yi rjes gnang gi rgyud smin par byas shing dam tshig ldan pa'i rnal 'byor pa rnams kyis 'di la brtson par bya ste/__gong du rtsa ba gsum gyi rten spyi dang /__khyad par chos skyongs chen po'i rten bkram pa'i mdun/__stegs bu khebs ldan me tog nag po bkram pa'i steng yi dam gyi gtor ma dang /__chos skyongs 'di nyid kyi gtor ma bang rim gsum gyi steng gtso bo gru gsum che ba dang /__de yi g.yon du phyed tsam sleb pa'i yum gru gsum gnyis la skyu gu brgyad brgyad res bskor/__de gnyis kyi mdun du las mkhan gnyis la dmar gtor chung ngu re re/__bang rim 'og mar shar du rdor legs zur gsum ra mgos mtshan pa/__lhor gshin rje zur gsum ltag kyus/__nub tu klu bdud zlum po rgyab yol can/__byang du bdud nag khug pa can/__shar lhor btsan zur gsum pa g.yas dkyus/__lho nub tshangs pa zlum po lu lu can/__nub byang srin po bya mgo can/__byang shar ma mo zur gsum zhal dkar can/__de 'og bang rim la bya nag mchu nag dang /__mchu dmar can/__de 'og khyi nag lug nagade 'og rta nag rta dmar/__de 'og g.yag nag dom nag rnams kyi 'phrag par zan ling mgo mjug ldog te 'dzugs/__gzhan yang stag gzigs dom dred sogs sna tshogs dang /__de 'og zan ling kha sbubs dang /__gan rkyal log pas bskor ba can rnams bshams pa'i g.yas g.yon sman rag mdun nas zhi drag gi mchod pa thun mthar 'bul rgyu'i gtor ma skyems phud dang /__gzhan spyan gzigs sna tshogs pa brjid par bshams/__rang nyid kyi mdun du nang mchod rdor dril g.yas dar nag po/__thod rnga 'bru phor dang mgon spos sogs bsham la/__bdag nyid yi dam dpal chen rdo rje gro lod dang /__seng sgrogs phur pa gang rigs kyi bskyed bzlas sngon du 'gro bas mchod gtor rnams byin gyis brlabs pa ni/__oM badz+ra a mr-i tas bsangs/__swa b+ha was sbyangs/__stong pa'i ngang las drag po las kyi gzhal yas khang pa:__gru bzhi sgo bzhi rta bab bang rim bzhi dang ldan pa'i dbus su:__bstan bsrungs chen po'i mdun du:__thod snod b+han+d+ha 'bar ba lcang lor bcas pa'i snod yangs shing rgya che ba rnams kyis nang du khrag zhag kyi ar+g+haM:__dbang po'i me tog:__tshil chen gyi bdug spos:__zhun chen gyi mar me:__mkhris pa'i dri chab:__nyams pa'i dgra bgegs bsgral ba'i sha khrag:__rus pa'i zhal zas:__rkang gling thod pa'i rnga sgra:__zhing chen gyi g.yang gzhi:__rgyu rlon gyi lda ldi:__tsit+ta'i pho long /__keng rus gsar rnying gis 'phan gdugs:__zhing lpags kyi rgyal mtshan:__gri lag gis rtse gsum:__shi skra'i ba dan/__khrag klad zhag gi tshom bu:__ga Na'i longs spyod:__phyi nang gsang ba'i mchod sprin gyis:__nam mkha' sa gzhi bar snang thams cad gang bar gyur:__oM AHhU~M badz+ra ar+g+haM pra tI ts+tsha ye swA hA:__sogs nas/__shab+da'i bar/__sman rak+ta gtor gsum la dmigs te/__hU~M thod pa'i snod du bdud rtsi khol zhing lud/__/'dod yon lnga ldan longs spyod gter chen po/__/rtog bral chags med rak+ta'i rgya mtshor 'khyil/__/oM AHhU~M ma hA sarba pany+tsa a mr-i ta hU~M hrI:__Tha:__oM AHhU~M ma hA ba liM ta te dzo ba liM ta ba la ba ti gu h+ya sa ma ya hU~M hrI:__Tha:__oM AHhU~M ma hA rak+ta dzo la ma d+ha la hU~M hrI:__Tha:__rnams brjod pas byin gyis brlabs/__gnyis pa dngos gzhi la dam tshig pa bskyed pa/__spyan 'dren/__mchod bstod/__bzlas pa/__bskang bshags bya'o/__/dang po dam tshig pa bskyed pa ni/__rang nyid skad cig dran rdzogs su:__gu ru pad+ma bdud 'dul ni:__'phags pa seng ge sgra sgrog sku:__sku mdog mthing nag zhal gcig phyag gnyis pa:__zhal gdangs ljags 'dril mche ba zangs yag gtsigs:__spyan gsum dmar zlum sdang mig phyogs bcur gzigs:__dbu skra dmar ser srid pa'i rtse mor 'bar:__phyag g.yas dbang bsdud rdo rje nam mkhar phyar:__g.yon pas zil gnon lcags sdig mgo dgu bsnams:__sku la za ber ljang smug ser bkra gsol:__zhabs gnyis 'dor thabs mu stegs dam sri mnan:__gzi brjid mdangs ldan me dpung klong du bzhugs:__bdud 'dul dpa' bo'i sku ru bskyed:__oM badz+ra gu ru seng ha g+han+De d+harma d+hA tu hU~M hU~M hU~M:__gsang sngags snying po 'brug ltar sgrogs pa yi:__mdun du gru gsum mthing nag me rlung 'khrugs pa'i dbus:__khrag zhag rgya mtsho 'khyil ba'i klong dkyil du:__gnam lcags las grub 'khor lo rtsibs brgyad dbus:__pad+ma nyi ma 'bar ba'i gdan stengs su:__dgra bgegs pho mo gcal du bkram pa'i steng :__rang gi thugs ka'i hU~M yig las:__hUM yig tsha zer skar mda' lta bur 'phros:__hU~M yig yongs su gyur pa las:__'od zer dpag yas nam mkha' gang bar 'phros:__gdug pa'i dgra bgegs thams cad tshar bcad nas:__phyogs dus las mgon ma lus thams cad kyi:__mthu dang rdzu 'phrul nus stobs ma lus pa:__'od zer tshur 'dus yongs su gyur pa las:__che btsan 'gran zla mtha' med gar gyi dbang :__bdud mgon chen po seng ge'i gdong pa can:__sku mdog mthing nag spyan gsum dmar zlum 'khrugs:__zhal gdangs mche gtsig ljags dmar glog ltar 'khyug:__sku la 'jol ber dmar nag lhub chen gsol:__g.yu ral gseb nas seng chung skar ltar 'khrugs:__phyag g.yas dar nag ru mtshon dgra la phyar:__g.yon pas lcang lor bcas pa'i b+han+d+ha'i nang :__dmar gyi gtor ma gnam lcags thog ltar 'phen:__stag ral gzig shub bar snang glog ltar 'khyug:__shin tu mi srun 'jigs pa'i cha byad can:__chibs su bdud rta nag po rlung gshog chibs:__skad cig nyid la gling bzhi ma lus bskor:__dam nyams dgra bo bsgral ba'i las la brtson:__srid pa pho rgyud thams cad dbang sdud bsam:__de yi g.yon du pad nyi dgra bgegs steng :__triHyig dmar nag yongs su gyur pa las:__dpal ldan bdud mo seng ge'i gdong pa can:__sku mdog dmar nag khro gtum gzi brjid 'bar:__dmar zlum 'jigs pa'i spyan gsum khrag ltar khol:__zhal gdangs ljags 'dril rno dkar mche ba gtsigs:__khrag ral gseb nas seng chung skar ltar 'khrugs:__phyag g.yas dgra s+t+wa rtse gsum dar dmar phyar ba yi:__dgra bgegs gzugs phung tshal pa dum bur 'phen:__phyag g.yon b+han+d+ha lcang lor bcas pa'i nang :__dgra snying dmar po khrum khrum zhal du gsol:__sku la 'jol ber dmar po lhub chen gsol:__btsan rta dmar po chibs nas phyogs bcur rgyug:__skad cig nyid la dgra bgegs ma lus bsgral:__srid pa mo rgyud thams cad dbang bsdud bsam:__yab yum gnyis kyi mdun nyid du:__d+hi tri gnyis las bskyed pa yi:__las mkhan bam ro pho mo ni:__skra med mdog dmar spre'u'i gdong :__lag gnyis bya sder sa la btsugs:__rkang pas gtor khyer dgra la 'phen:__skad cig nyid la stong gsum bskor:__dam nyams dgra bgegs ma lus rtsad nas gcod:__phyogs mtshams 'khor lo rtsibs brgyad dbus:__dgra bgegs jing 'dur bsnol ba'i steng :__shar du tri las skyes bu rdo rje legs pa ni:__sku mdog dmar smug sku la ber dkar gsol:__dbu la 'ob zhu smug po mnab:__phyag g.yas rdo rje nam mkhar phyar:__g.yon pas dgra snying zhal du gsol:__chibs su seng ge dkar mo chibs:__lho phyogs ya las gshin rje gshed po ni:__sku mdog ljang smug mun pa'i 'jol ber gsol:__phyag g.yas be con nam mkhar phyar:__g.yon pas rgyu zhags dgra la 'phen:__chibs su chu glang sngon po chibs:__nub tu phu las klu bdud mgo dgu ni:__sku mdog sngo nag gcer bu sbrul mjug 'khyil:__phyag g.yas sbrul zhags nam mkhar phyar:__g.yon pas dug gi par bu bsnams:__chibs su chu srin dmar po chibs:__byang du du las bdud rje rkang ring ni:__sku mdog nag po 'jigs pa'i ber nag gsol:__phyag g.yas ral gri nam mkhar phyar:__g.yon pas bdud zhags nag po bsnams:__chibs su rta nag rting dkar chibs:__shar lhor tsa las btsan 'gong yam shud ni:__sku mdog dmar nag 'jigs pa'i ber dmar gsol:__phyag g.yas btsan mdung dmar po phyar:__g.yon pas btsan zhags dgra la 'debs:__chibs su btsan rta dmar po chibs:__lho nub sha las yab rje tshangs pa ni:__sku mdog dkar smug sku la ber dkar gsol:__phyag g.yas spu gri nam mkhar phyar:__g.yon pas dar dkar ru mtshon bsnams:__chibs su cang shes dkar po chibs:__nub byang tri las srin po ni ra seng ha ni:__sku mdog dud kha 'jol ber ljang gu gsol:__phyag g.yas khram shing nam mkhar phyar:__g.yon pas lcags kyus dgra la 'debs:__chibs su bong bu khams nag chibs:__byang shar ma las rdo rje ba lam ma:__sku mdog nag mo 'jigs pa'i ber smug gsol:__phyag g.yas ral gri nam mkhar phyar:__g.yon pas nad rkyal dgra la lhud:__chibs su dre'u nag ga pa chibs:__de ltar shan pa gtum po rnams:__rang rang 'khor tshogs bsam mi khyab:__kun kyang rab 'jigs khros pa'i gzugs:__cho ral gcig tu ma nges te:__rnam sprul bye ba dpag med 'gyed:__dgra bgegs bsgral ba'i las la brtson:__gzhan yang ma tshogs mkha' 'gro rgya mtsho dang :__bka' nyan las byed bsam mi khyab:__seng ge gtum po glang chen smyon pa dang :__stag gzig dom dred lce spyang sna tshogs dang :__dur bya kang+ka khra dang 'ug pa dang :__gzhan yang dam nyams dgra bo'i rjes gcod pa'i:__phag rgod mi rgod bud med nag mo dang :__bya nag gshog sgra khyi nag khangs se khang :__g.yag rog rwa brdar so sgra khrugs se khrug:__mi nag 'bum gyi 'o dod lhang lhang 'bod:__la la thog dang ser ba'i bdag:__la las ri rab dpung pas 'debs:__la las rgya mtsho hub kyis 'thung :__la las nyi zla cha lang brdeb:__la las rang sha rang gis za:__la las rang lus dum bur gtub:__la las dgra bgegs mgo lus phral:__la las mtshon cha'i 'khor lo bskor:__la las ha ha hU~M phaTaHsgrogs:__kun kyang dgra bgegs bsgral la brtson:__gzhan yang dur khrod rab 'jigs der:__dug gi sdong po dug gi chu mig dang :__bskal pa'i me rlung rab tu 'khrugs:__sprul pa'i 'khor tshogs mang pos bskor:__lha tshogs de dag thams cad kyi:__spyi bor oM dang mgrin par AHthugs ka'i hU~M las 'od 'phros pas:__dur khrod brgyad dang he ru'i gnas bcu dang :__'jigs rten dang ni 'jig rten las 'das pa'i:__rgyal ba'i zhing khams rnam par dag pa nas:__bdud mgon seng gdong yab yum 'khor bcas rnams:__mchod cing bsgrub pa'i gnas 'dir spyan 'dren no:__gnyis pa spyan 'dren pa ni/__/ho dgongs su gsol lo:__bdud mgon chen po seng ge'i gdong pa can:__zhing skyong chen po:__g+ha ya d+ha ra:__kun dga' gzhon nu:__legs grub rdo rje:__k+She tra pA la:__lho btsan nag po:__yum mchog bdud mo khrag ral ma:__dpal 'bar si na ra ma:__las mkhan bam ro pho mo:__ma srid dregs pa sde brgyad khyed rnams sngon tshe kun bzang yab yum:__rig 'dzin pad+ma hU~M ka ra:__rig 'dzin bdud 'dul rdo rje 'dus pa rtsal rnams kyi spyan sngar khas blangs dam bcas pa bzhin du:__rgyal ba'i zhing khams rnam dag dur khrod chen po'i gnas brgyad:__sbas yul pad+ma bkod:__tsA ri ko TA ya:__ban ri pad+ma 'od nas mchod cing bsgrub pa'i gnas 'dir skad cig myur ba nyid du spyan 'dren gsheg su gsol:__badz+ra sa ma yA dzaHdzaHspos rol g.yab dar rkang gling rol mo bshud ba sna tshogs dang dbyangs dang bcas ste/__hU~M b+h+yo:__dur khrod chen po mkha' spyod tsA ri nas:__che mchog kun gyi phrin las gcig bsdus pa:__zhing skyong kun dga' gzhon nu yab yum dang :__bka' nyan las byed dregs pa sde brgyad tshogs:__sngon gyi dam bca' gnyen po ma g.yel bar:__ma thogs myur du gnas 'dir gshegs su gsol:__hU~M b+h+yo:__sngon tshe pad+ma dbang dang pad 'byung spyan snga ru:__seng gdong khyod kyi ji ltar khas blangs bzhin:__phrin las drag po'i las la spyan 'dren no:__gsang sngags bstan pa gnyen po bsrung ba'i phyir:__ma thogs gnas 'dir spyan 'dren gshegs su gsol:__hU~M b+h+yo:__sde brgyad yongs kyi dmag dpon mdzad tsam na:__dur khrod bsil ba'i tshal nas gshegs su gsol:__seng gdong sprul pa grangs med 'gyed tsam na:__gangs dkar ti se'i gnas nas gshegs su gsol:__sgrub rgyud bstan pa phyogs bcur spel tsam na:__'brog chen la phyi'i gnas nas gshegs su gsol:__ma mo mkha' 'gro'i gtso mo mdzad tsam na:__rnam dag o rgyan gnas nas gshegs su gsol:__hU~M b+h+yo:__zab gter bka' yi bsrungs ma mdzad tsam na:__ban ri pad+ma 'od nas gshegs su gsol:__gsang sngags bstan pa phyogs bcur spel tsam na:__rnam dag mkha' spyod gnas nas gshegs su=__rnal 'byor dgra lha chen por mdzad tsam na:__de wi ko Ta'i gnas nas gshegs=__bstan pa'i ru tra ma lus bsgral tsam na:__mthu stobs drag po'i gnas nas gshegs=__hU~M b+h+yo:__bdud mgon seng gdong yab yum dang :__dregs pa sde brgyad dmag tshogs rnams:__sangs rgyas bstan pa bsrungs phyir gshegs=__gsang sngags bstan pa spel phyir gshegs=__rnal 'byor dgra lha mdzad phyir gshegs=__log 'dren byad ma 'dul phyir gshegs=__sa bdag klu gnyan 'dul phyir gshegs=__rgyal 'gong dam sri 'dul phyir gshegs=__dgra bgegs jing 'dur bzlog phyir gshegs=__mi nad phyugs nad bzlog phyir gshegs=__nad mug mtshon 'khrugs bzlog phyir gshegs=__mi mthun rkyen ngan bzlog phyir gshegs su gsol:__ces pas spyan drangs shing bzhugs su gsol ba ni/__hU~M b+h+yo:__dur khrod rab 'jigs 'bar ba'i gzhal yas su:__gru gsum mthing nag e yi klong dkyil du:__zhing bcu'i dgra bgegs byad ma bsgral ba'i steng :__bdud mgon seng gdong yab yum 'khor dang bcas:__dgyes shing mi g.yo brtan par bzhugs su gsol:__badz+ra sa ma ya tiSh+Tha lhan:__zhes dam ye dbyer med du gyur pa la phyag 'tshal ba ni/__hU~M b+h+yo:__chos sku skye med kun bzang he ru ka:__longs sku 'gags med dpal chen seng ge'i sgra:__sprul sku bdud mgon seng ge'i gdong pa can:__mthu stobs rdzu 'phrul nus pa'i shugs 'chang ba:__zhing skyongs gzi ldan yab yum 'khor bcas la:__gnyis med gus pa'i tshul gyis phyag 'tshal lo:__na mo su ru sha ya ho:__gsum pa mchod bstod 'bul ba ni/__hU~M b+h+yo:__zhing skyong kun dga' gzhon nu yab yum 'khor bcas la:__dam rdzas dgyes mchod sna tshogs 'bul ba ni:__sha khrag la sogs ba ling mchod pa 'bul:__thugs dam dbang gis dgra bgegs ma lus sgrol:__dbang po lnga sogs rkang rus mchod pa 'bul:__rdzu 'phrul stobs kyis bar chad thams cad bzlog:__klad khrag la sogs bdud rtsi mchod pa 'bul:__sprul pa'i stobs kyis mi mthun 'gal rkyen bzlog:__snying khrag la sogs nang rol gsang mchod 'bul:__bzhad pa'i tshul gyis sangs rgyas bstan pa srungs:__ga Na la sogs longs spyod mchod pa 'bul:__'dod pa'i dngos grub ma lus bdag la stsol:__mi mthun rkyen ngan bar chad bzlog tu gsol:__ces dang de las kyang rgyas par spro na/__hU~M b+h+yo:__o rgyan chen po'i bka' yi gnyer gtad pa:__yang gsang bstan pa phyogs bcur rgyas pa dang :__bshad sgrub rigs chos longs spyod spel ba dang :__dam ldan rnal 'byor bu bzhin skyong ba dang :__dgra bgegs gdug tshogs ma lus bsgral mdzad pa:__bdud mgon chen po yab yum 'khor bcas la:__phyi nang gsang mchod sna tshogs 'bul pa ni:__dung chen snod du bdud rtsi mtsho ltar bskyil:__b+han+d+ha'i snod du dpal gtor 'od phung 'bar:__chos 'byung dbyings su rak+ta khol zhing lud:__b+han dmar snod du khrag zhag rba klong 'khrug:__lcang lo'i snod du rnam lnga'i me tog bkram:__rat+na'i snod du tshil chen sprin ltar gtib:__zhun chen mar me nyi zla lta bur gsal:__b+han+d+ha'i snod du dri chab mtsho ltar bskyil:__chos 'byung snod du sha khrag ri ltar spung :__thod rnga rkang gling rol mo 'brug ltar ldir:__lcang b+han snod du ro ldan tshogs gtor bshams:__dpal mgon yab yum 'khor dang bcas la 'bul:__gnod pa'i dgra sod bar chod bgegs gzhom la:__byad ma chung sri dus min 'chi brgyad bzlog:__rigs chos bshad sgrub bstan pa rgyas par mdzod:__hU~M b+h+yo:__gzhan yang mchod tshogs bye brag ni:__nyams pa'i dgra bgegs kun bsgral pa'i:__zhing lpags bla bre nam mkha'i rgyan:__pho long lda ldi bar snang rgyan:__keng rus gram khrod sa gzhi'i rgyan:__dbu rgyan cod pan rgyan drug dang :__lcang lo zhing chen glang chen shun:__stag sham sbrul chun tshangs pa'i skud:__dril bu g.yer kha'i rgyan mdzes rnams:__dpal mgon yab yum tshogs la 'bul:__thar pa'i gegs byed bar chad 'byung po thul:__gzugs can dgra dang gzugs med bgegs la sogs:__dgra bgegs byad ma sgab 'dre chung sri kun:__skad cig myur sgrol thal ba'i rdul du rlog:__hU~M b+h+yo:__gzhan yang rmad byung dgyes mchod 'bul ba ni:__kha T+waM mtshon rtse spu gri dgra s+t+wa dang :__gri gug gtun shing skam pa 'jab rtse dang :__phur bu thog mda' lcags mda' mda' bo che:__gzhu dang dam shing lcags kyu tho ba sogs:__dam nyams dgra bgegs kun bsgrol mtshon cha'i tshogs:__dpal mgon yab yum tshogs la mchod pa 'bul:__bzhes nas bstan pa'i dgra bgegs rdul du rlog:__che 'dre chung sri sgab 'dre byur sri dang :__slob bu dam log bran g.yog mna' zan dang :__dkor rkun jag pa ma lus rtsad nas chod:__bcol pa'i las kun thogs med 'grub par mdzod:__hU~M b+h+yo:__de las gzhan yang bla med mchod tshogs ni:__thun khrag sna tshogs dmar chen thog mda' dang :__'tshe nyungs dug rlung rdo thun rbab ltar 'dril:__dam nyams dgra bgegs bsgral ba'i mtshon thun 'di:__dpal mgon yab yum 'khor dang bcas la 'bul:__gnod byed dgra bgegs dpung tshogs ma lus kun:__rnam shes gzugs phung thal ba rdul du rlog:__hU~M b+h+yo:__dam nyams dgra bgegs phung ba'i snga ltas su:__phyi nas mi rung mi kha bal ltar g.yeng :__nang du nye ba snying nor khrag tu skyug:__tshang rog gnyen 'dun mdza' bshes dgra ru sdang :__'khor g.yog yul mi khyim mtshes bdud du phob:__ltas ngan mi rung sna dgu'i snying rlung langs:__dam nyams dgra bgegs mi nor 'khor bcas kun:__mtha' rtsa skye rgyud las mtha' myur du bsdus:__dam nyams dgra bgegs dkor rkun jag pa 'di:__sa steng 'di ru bzhag na bstan pa 'jigs:__rig 'dzin rgyal ba'i bka' la ma 'da' bar:__dgra jag chom rkun dam log slob bu kun:__mngon spyod drag pos myur sgrol rdul du rlog:__tshe srog don snying sha khrag nang rol kun:__dpal mgon yab yum 'khor bcas zhal du bstabs:__mngon spyod drag pos phrin las myur 'grub mdzod:__dam nyams pa'i dgra bgegs byad ma rnams kyis ma hA maM sa la khA hi:__ma hA tsit+ta la khA hi:__ma hA rak+ta la=__ma hA ko ro tsa na la=__ma hA ba su ta la=__ma hA keng ni ri ti la=__ma hA tsa khug la=__ma hA lpags tsa la=__ma hA ka na d+ha la=__dgra bgegs byad ma che 'dre chung sri sgab 'dre sgab sri god 'dre god sri:__bslab pa'i slob bu dam log:__bran g.yog ngo log gi bdag po:__dgra 'dre byur gsum thams cad mA ra ya kha kha khA hi khA hi:__sarba ma mi kA ya sarba ar+tha sid+d+hi ye swA hA/__ces dang /__mgon po 'khor bcas kyi ljags hU~M las byung ba'i rdo rje'i 'od kyi sbu gus gtor ma'i bcud drangs ste gsol bar bsam la:__de nas bstod pa bya ba ni/__hU~M b+h+yo:__dur khrod bdag po zhing skyong seng ge'i gdong :__de yi yum chen srin mo seng gdong ma:__bkra shis dpal 'bar nor gyi dngos grub ster:__stobs chen yid 'gug lha mo dbyings phyug ma:__dngos grub bdag po khyod la phyag 'tshal bstod:__hU~M b+h+yo:__bkra shis tshan che mthu chen rno la myur:__bzlog pas mi bzlog sngags bzlog dgra bo'i gshed:__rbod dang ar bzlog nus pas rang gshed 'bebs:__bdud mgon seng gdong sku la phyag 'tshal bstod:__hU~M b+h+yo:__dregs pa 'dul zhing dgra bgegs kun gyi gshed:__ltas ngan cho 'phrul rgyug pa'i zhor la 'bebs:__dam nyams tshe srog glo bur sdud par mdzad:__drag po sgrol byed gsung la phyag 'tshal bstod:__hU~M b+h+yo:__nang du zhi zhing bkra shis bu nor spel:__phyi ru khros pas rtsub 'gyur 'jig rten g.yo:__ba dan phyar bas sangs rgyas bstan pa bsrungs:__g.yu ral gsig pas seng chung skar ltar 'khrugs:__zhing skyong dpal 'bar thugs la phyag 'tshal bstod:__hU~M b+h+yo:__spyan dmar glog 'khyug srid gsum 'od kyis gang :__ljags dmar brdab pas sa gzhi g.yo zhing 'khrugs:__dmar gtor gdengs pas nad yams char bzhin 'bebs:__bdud rta rgyug pas lha srin brgyal zhing 'bog:__dmag dpon seng gdong dgra 'dul sku la bstod:__hU~M b+h+yo:__bstan pa bsrung zhing bka' yi bya ra mdzad:__rnal 'byor mgo 'don sngags 'chang tshe srog bsring :__nang du zhi bas yid bzhin lha mo 'dra:__phyi ru khros pas phra men ser ltar 'khrug:__dam nyams drug khri nyin bzhin gsod par byed:__gung gnyis rgyug pas dkor rkun rtsad nas gcod:__rno myur seng gdong sku la phyag 'tshal bstod:__hU~M b+h+yo:__bzlog pas mi bzlog gzhan gyi mi chun zhing :__bka' bsrung bdud tshogs dgra la rang gshed 'bebs:__bdag la byams shing nang du dngos grub ster:__bkra shis snying nye grogs lter rtag tu bsrungs:__gsung sgros gcig thos las ni tshar gsum bsgrubs:__bu ltar bsrungs shing khyo ltar skyong ba'i lha:__d+hA ki seng gdong gsung la phyag 'tshal bstod:__hU~M b+h+yo:__gsang sngags bka' srung rnal 'byor dgra lha che:__bdud kyi g.yul 'joms ma rung dgra bgegs sgrol:__rdzu 'phrul mthu yis lha srin dbang sdud cing :__sangs rgyas bstan pa bsrung ba'i las la brtson:__srin mo'i gzugs kyis dgra la nad yams 'bebs:__dpal 'bar seng gdong thugs la phyag 'tshal bstod:__hU~M b+h+yo:__yab yum gnyis kyi bka' nyan mthu rtsal can:__bam ro pho mo'i sku la phyag 'tshal bstod:__bka' yi las byed shan pa sde brgyad tshogs:__dregs pa lcam bral rnams la phyag 'tshal bstod:__hU~M b+h+yo:__dam nyams dgra la ltas ngan sna tshogs btang :__skyes bu chen po'i sku la phyag 'tshal bstod:__dam nyams dgra bgegs ma lus khram la thob:__gshin rje chos rgyal sku la phyag 'tshal bstod:__dam nyams dgra la mdze nad char bzhin 'bebs:__klu bdud mgo dgu'i sku la phyag 'tshal bstod:__dam nyams dgra bgegs ma lus zhags pas chings:__bdud rje nag po'i sku la phyag 'tshal bstod:__hU~M b+h+yo:__dam nyams dgra la ye 'grogs sna tshogs btang :__btsan 'gong chen po'i sku la phyag 'tshal bstod:__dam nyams dgra la 'ja' 'khyil ltas ngan btang :__lha bdud bkar po'i sku la phyag 'tshal bstod:__dam nyams dgra bgegs dmod pa'i mtshon chas phung :__srin po d+ha d+ha'i sku la phyag 'tshal bstod:__dam nyams dgra la khrag nad char bzhin 'bebs:__rdo rje pha lam sku la phyag 'tshal bstod:__hU~M b+h+yo:__gzhan yang las mkhan dregs pa'i dmag tshogs ni:__gtso bo'i bka' bzhin rang gi las byed pa:__bstan pa'i dgra bgegs thal ba rdul du rlog:__bka' nyan las mkhan tshogs la phyag 'tshal bstod:__bzhi pa bzlas pas thugs mnyes par bya ba ni/__rang nyid dpal chen po yi dam lha yi nga rgyal dang ldan pa'i mdun du dur khrod thod mkhar me rlung 'tshub ma'i dbus su dpal mgon seng gdong yab yum bka' 'khor dam can rgya mtsho'i tshogs dang bcas pa gsal ba'i spyi bor seng sgrogs snying khar rdo rje gro lod/__de'i thugs khar nyi ma'i dkyil 'khor gyi steng du gtso bo'i srog yig hU~M mthing nag gtso mo'i srog yig triHyig dmar nag la sogs rang rang rigs kyis kha dog sna tshogs kyi yi ge phra mo gsal ba'i mtha' bskor du sngags kyi 'phreng ba 'gal me'i 'khor lo ltar 'khor ba las/__bdag nyid lha yi thugs kha'i sa bon hU~M las 'od zer dmar nag lcags kyi tsha tshwa ltar 'phros/__thugs dam gyi rgyud rab tu bskul nas rnal 'byor ba'i phrin las rab 'byams thams cad thogs med du bsgrub par bsam/__he ru ka'i yig brgya nyer cig tsam bzla/__yi dam gyi bsnyen pa ci rigs bzlas pas gnya' gnon/__oM tri shrI badz+ra ma hA kA la seng ha mu kha hU~M phaT:__tri hring dza:__d+hA ki nI si na ra ma hU~M phaT:__tri hring dza:__d+hi tri ya ma ra tsa du tri phu tri hU~M phaT:__dza dza:__zhes pa ci nus dang /__drag po'i bzlas pa bya na dmigs pa man ngag ltar/__oM ma hA ka la seng ha mu kha hU~M pha[i]Ta:__tri hring dza si na ra ma hU~M pha[i]Ta:__tri hring dza:__d+hi tri ya ma ra tsa du tri phu tri dgra bo mA ra ya raM raM chod chod:__yaM yaM:__gtor gtor:__khaM khaM:__rmug rmug:__e 'jib 'jib:__dgra bo mA ra ya rbad sod sod:__bzlas mthar/__oM shrI badz+ra d+harma pa la k+She tra pa la sa pa ri wa ra ar+g+haM nas shab+ta'i bar gyis mchod/__ma hA pany+tsa sogs sman gtor rak+tas kyang mchod la/__hU~M b+h+yo:__dur khrod bdag po sogs shwa lo ka gcig gi bstod par bya'o/__/lnga ba thugs dam bskang zhing bshags pa 'bul ba'i thog mar bskang rdzas rnams byin gyis brlabs pa ni/__oM badz+ra a mr-i tas bsangs/__swa b+ha was sbyangs/__stong pa'i ngang las ri rab bang rim sum brtsegs kyi steng du:__dpal mgon seng gdong yab yum las mkhan bam ro pho mo:__bka' yi las sgrub dregs pa sde brgyad la sogs bka' sdod bran g.yog gi tshogs dpag tu med pa rnams kyis bskor nas bzhugs pa'i mdun du:__ri rab bang rim gyi steng du yi ge byaM nag po yongs su gyur pa las:__bdud bya nag po khro chu'i mchu can:__stong sgra sgrogs pas dgra bo'i klad pa 'gems pa:__bya nag mchu dmar gyi tshogs dpag tu med pa rnams kyis kang sgra sgrogs pas dgra bo'i snying phrig gas pa:__de thams cad gnam lcags kyi sder mo can:__'phur thabs kyi dgra bo'i glo snying 'dren par gyur:__de'i 'og tu yi ge khyaM nag po yongs su gyur pa las:__bdud khyi nag po dung gi mche ba can:__dam ltar rngams shing stobs dang ldan pa:__dar dmar gyi cod pan gyis spras pa:__ngar skad dgra la lhang lhang du sgrogs pa:__yi ge luM nag po yongs su gyur pa las:__lug nag mdzes pa'i spu sdug:__spyi dkar khro chu'i mig can rwa gnyis la dar sna tshogs kyis brgyan pa:__mdzes shing yid du 'ong ba:__yi ge taM nag po yongs su gyur pa las:__gyi ling gi rta mchog nag po sprin gyi shugs can:__skad cig nyid la gling bzhi bskor:__stag ras dang gzig ras dar zab sna tshogs kyi rgyan du mas spras pa:__yi ge raM dmar po yongs su gyur pa las:__btsan rta dmar po rlung gi shugs can dang :__me rta dmar po me yi gshog pa can la sogs pa rta mchog gi tshogs dpag tu med pa rnams la dar zab sna tshogs dang stag ras dang gzig ras la sogs pa'i rgyan du mas spras pa:__rdzu 'phrul gyi shugs dang ldan zhing yon tan du ma dang ldan par gyur:__yi ge gaM nag po yongs su gyur pa las:__g.yag rog zhol can rdzu 'phrul gyi shugs dang ldan pa:__sprin dkar 'thibs shing zla ba ltar dkar ba'i mdangs dang ldan pa:__dar gyi cod pan sna tshogs kyis brgyan pa:__ngar lhab kyi sgra sgrogs par gyur:__gzhan yang mi nag gi tshogs dpag tu med pa rnams kyis dgra bgegs ling ga re phrag la bkal zhing sha rus mur zhing snying khrag 'jibs pa:__stag gzig dang dom dred sna tshogs kyi ngar sgra sgrogs shing mchong rgyug ling ling byed cing nyams pa'i sha la za zhing khrag la 'thung ba:__gzhan yang khrag zhag rgya mtsho 'khyil ba'i klong du dgra bgegs kyi bam chen gcal du bkram pa'i steng du dmar gyi gur phub la dkar gyi thig gdab pa la sogs pa mchod pa'i yo byad rang rang gi spyod yul dang mthun pa sa dang bar snang thams cad gang bar gyur:__nam mkha' mdzod kyi sngags rgya lan gsum gyis brlabs shing /__oM badz+ra s+pha ra Na khaMHzhes brjod pas rgyas par spel/__g.yab dar spos rol dbyangs dang bcas/__hU~M:__rgyal ba'i zhing khams rnam dag pad+ma bkod:__tsA ri tra dang ban ri pad+ma 'od:__he ru'i gnas bcu dur khrod brgyad sogs nas:__bdud mgon seng gdong yab yum 'khor bcas rnams:__'dir gshegs pad+ma bam ro'i gdan la bzhugs:__phyag 'tshal mchod 'bul nyams chags 'gal 'khrul bshags:__hU~M b+h+yo:__bskang ngo gsol lo mchod do thugs dam bskang :__gsang sngags bstan pa gnyen po bsrungs mdzad pa:__dpal ldan zhing skyong mgon po'i thugs dam bskang :__yab kyi thugs dam gnyen po bskang mdzad ma:__dpal 'bar si na ra ma'i thugs dam bskang :__ri rab gling bzhi rnam par bkod legs pa:__yid 'ong 'dod dgu'i mchod sprin du mas brgyan:__bkra shis rtags chen brgyad kyis thugs dam bskang :__sde srid dpal 'byor mnga' thang rgyas par mdzod:__rgyal srid rin chen bdun gyis thugs dam bskang :__mi zad longs spyod gter gyi dngos grub stsol:__rat+na rin chen du mas thugs dam bskang :__dgos 'dod yid bzhin dngos grub stsal du gsol:__spyan gzigs mthun rdzas du mas thugs dam bskang :__khams gsum dbang du sdud pa'i dngos grub stsol:__rtag tu mi 'bral 'go zhing brtan pa'i phyir:__bya rog rgyal mtshan mang pos thugs dam bskang :__rang bzhin gnas nas spyan 'dren phyir:__dar nag g.yab dar nag pos thugs dam bskang :__dgyes pa'i thugs dam gnyen po bskang ba'i phyir:__brjid ldan nal bu'i g.yang gzhis thugs dam bskang :__rgyun du mi 'bral 'grogs pa'i phyir:__rtag mchod tshogs kyis thugs dam bskang :__g.yo med rtag tu 'grogs pa'i phyir:__gsang rten rdzas kyis thugs dam bskang :__mi 'bral lus dang grib bzhin 'grogs pa'i phyir:__bla rdo rtag gtor chen pos thugs dam bskang :__snyan pa'i ba dan phyogs bcur sgrogs pa'i phyir:__sgra snyan rol mo'i tshogs kyis thugs dam bskang :__'bod pa'i dam rdzas gnyen pos bskang ba'i phyir:__pho gling mo gling sgra yis thugs dam bskang :__gnyis med dam tshig gcig tu bsre ba'i phyir:__dam rdzas sman rag bdud rtsis thugs dam bskang :__rnam bzhi'i las rnams bsgrub pa'i phyir:__gnam rta gyi ling nag pos thugs dam bskang :__bstan dgra dam nyams myur du bsgral ba'i phyir:__me rta rlung gshog dmar pos thugs dam bskang :__rgyun du mi 'bral 'grogs pa'i phyir:__rgyun gtor nar mas thugs dam bskang :__dam nyams dbang po bsnub pa'i phyir:__mi snying dmar pos thugs dam bskang :__dgra khrag skam du 'thung ba'i phyir:__dmar chen khrag gis thugs dam bskang :__spyan gyi dbang po tshim pa'i phyir:__rgyu ma'i lda ldis thugs dam bskang :__shangs kyi dbang po tshim pa'i phyir:__gsur chen spos kyi thugs dam bskang :__dug gsum mun pa bsal ba'i phyir:__zhun chen mar mes thugs dam bskang :__gnod byed dgra bgegs bsgral ba'i phyir:__sha khrag gtor mas thugs dam bskang :__gsang sngags bstan pa srung ba'i phyir:__khyi nag gcan spyang tshogs kyis thugs dam bskang :__bdud dmag dgra la 'gyed pa'i phyir:__rnga thug dar mdung nag pos thugs dam bskang :__dam tshig nyams chag bskang ba'i phyir:__bla med ga na tsa kras thugs dam bskang :__'gal rkyen bar chad bzlog pa'i phyir:__gling bzhi mdos kyi thugs dam bskang :__bdud mgon nag po yab yum thugs dam bskang :__zhing skyong dpal 'bar chen bo'i thugs dam bskang :__sha za seng ha mu kha'i thugs=__dpal mgon seng gdong yab yum=__zhing skyong g+ha ya d+ha ra'i=__dpal mgon legs grub rdo rje'i=__bstan srung kun dga' gzhon nu'i=__mi pham bdud 'dul rdo rje'i=__myur mgyogs thod phreng rgyal po'i=__dpal ldan lho btsan nag po'i=__yum mchog mkha' spyod gtso mo'i=__d+hA ki si na ra ma'i=__dpal 'bar dur khrod bdag mo'i=__bdud srin khrag ral can gyi=__che btsan 'gran zla mtha' med=__rnal 'byor dgra lha chen po'i=__thugs sprul bam ro pho mo'i=__rgyug byed mi nag tshogs kyi=__dam can rdo rje legs pa'i=__'jigs byed gshin rje 'bar ba'i=__gdug pa klu bdud mgo dgu'i=__stobs ldan bdud pho nag po'i=__srog bdag btsan 'gong nag po'i=__tshe bdag sha za srin po'i=__lha chen tshangs pa dkar po'i=__ma gcig dpal ldan lha mo'i=__tshe bdag dug mtshon dmar mo'i=__sngags nag phur thogs tshogs kyi=__ban nag glu len tshogs kyi=__bud med gar byed tshogs kyi=__bsha' 'bog mi rgod tshogs kyi=__sprul pa'i bya nag tshogs kyi=__bya nag mchu dmar tshogs kyi=__yang sprul gcan gzan tshogs kyi=__rgya hor mon nag pho mo'i=__las mkhan sde brgyad tshogs kyi=__pho rgyud sgo ba rnams kyi=__mo rgyud sgo ma rnams kyi=__bka' gter las mkhan tshogs kyi=__yang sprul pho nya grangs med=__bka' srung dregs pa lcam dral=__bstan srung dam can rgya mtsho'i=__bka' sdod bran g.yog rgya mtsho'i thugs dam bskang :__hU~M b+h+yo:__bskang ngo gsol lo mchod do thugs dam bskang :__sha khrag dmar chen gtor mas thugs dam bskang :__bdud rtsi chang gis=__g.yab dar nag pos=__longs spyod zhal zas tshogs kyis=__rak+ta dmar chen tshogs kyis=__snying sna stong gis=__gsur chen spos kyis=__zhun chen mar mes=__sha rus zhal zas tshogs kyis=__rkang gling thod rnga sgra yis=__de las gzhan yang mchod pa'i tshogs:__zhing skyong mgon po yab yum gyi:__mnyes pa'i rdzas mchog bla med ni:__stong gsum 'di ba'i gzhan dag na:__dngos 'byor yid kyis rnam sprul pa'i:__kun bzang mchod sprin dpag med kyis:__zhing skyong dpal mgon 'khor bcas thugs dam bskang :__bdud mgon seng+ge'i gdong can thugs dam bskang :__ber nag bse khrab gsol ba'i=__dar nag ru mtshon phyar ba'i=__rta nag chibs pa'i=__yum chen dpal 'bar seng gdong =__kha T+wAM 'dzin pa'i=__dgra snying za ba'i=__btsan rta chibs pa'i=__bam ro pho mo'i=__lha srin dmag tshogs=__yang 'khor bran g.yog=__dgra la rgyug pa'i=__dgra srog gcod pa'i=__bstan srung chen po'i=__myur mgyogs chen po'i=__dpa' rtsal chen po'i thugs dam bskang :__de ltar thugs dam gnyen po bskang gsol nas:__rnal 'byor bdag cag 'khor bcas kyi:__dam tshig nyams chag ci mchis pa:__yab yum 'khor dang bcas la bzod par gsol:__bdag cag 'khrul pa'i dbang gyur gyis:__zhing skyong mgon po'i thugs dang ci 'gal ba:__mthol bshags bzod gsol tshangs par bzhes nas kyang :__phrin las rnam bzhi lhun grub dngos grub stsol:__gzhan yang khyod la phrin las bcol ba ni:__sangs rgyas bstan la gnod par byed pa dang :__gsang sngags chos la smad par byed pa yi:__bla ma dam pa'i sku la bdo ba dang :__rig 'dzin rnal 'byor bdag la 'tshe byed pa'i:__bsgrub pa po la do bdo ba'i:__sdang byed dgra dang gnod byed bgegs:__mi mthun phyogs ngan thams cad bzlog tu gsol:__bdag ni rnal 'byor bsgrub pa po:__las su dpal mgon khyed sgrub bo:__grogs su mgon po khyed brtan no:__dpang du mgon po khyed khur ro:__yid du dpal mgon khyed bsam mo:__ra mda' mgon po khyed sbran no:__gang bcol las rnams yal bar ma dor cig:__grogs la gzhung ngan ma byed cig:__yid kyi bsam pa ma bsnub cig:__rnal 'byor bdag la sdang ba'i dgra byung na:__ma sru yin kyang khug la shog:__pha khu yin kyang sgrol la shog:__dam nyams sdang ba'i dgra bo 'di:__lo dang zla bar ma bzhag par:__zhag dang za mar myur du sgrol:__rig 'dzin pad+ma'i bka' ma bcag:__sngags 'chang bdag gi ngo ma bzlog:__ci bcol las kun thog med 'grub par mdzod:__rnal 'byor bdag ni tshe rabs thams cad du:__dpal mgon seng gdong yab yum khyed nyid dang :__mi 'bral rtag tu 'grogs par shog:__ces pa dang /__rgyas par spro na 'di yang bya ste/__hU~MHchos dbyings mkha' ltar dag pa'i pho brang nas:__chos sku kun bzang longs sku seng ge'i sgra:__sprul sku gzi ldan yab yum 'khor bcas rnams:__'bar ba'i gnas 'dir spyan 'dren brtan par bzhugs:__thugs rjes brtser dgongs dbang dang dngos grub stsol:__hU~M rang bzhin rnam dag gnas rnams dang :__bsil ba tshal dang rdo rje gdan:__u tsa la dang na lan+d+ra:__dur khrod brgyad sogs he ru'i gnas bcu dang :__yul chen so gnyis gnod sbyin rdzogs gnas dang :__pad+ma bkod dang byang phyogs tsA ri tra:__ban ri pad+ma 'od la sogs pa yi:__'jig rten dang ni 'jig rten 'das pa yi:__rgyal ba'i zhing khams rnam dag pho brang nas:__bdud mgon seng gdong yab yum 'khor bcas dang :__bka' sdod bran g.yog 'khor dang bcas pa rnams:__rig 'dzin rnal 'byor bdag gis spyan 'dren gyi:__ma thogs myur gshegs bam chen gdan la bzhugs:__gnyis med gus pa'i tshul gyis phyag 'tshal lo:__spyan gzigs gsol mchod dam pa 'di bzhes la:__rig 'dzin rnal 'byor bdag cag 'khor bcas la:__ci 'dod dngos grub ma lus rtsal du gsol:__dpal mgon seng ge'i gdong can la:__gsol lo mchod do dngos grub stsol:__dpal mgon g+ha ya d+ha ra la:__gsol lo mchod do grogs mdzod cig:__dpal mgon kun dga' gzhon nu la:__gsol lo mchod do bstan pa srungs:__dpal mgon legs grub rdo rje la:__gsol lo mchod do snyan pa'i dung chen bus:__dpal mgon bdud rgyal thod phreng la:__gsol lo mchod do grags pa'i ba dan phyor:__dpal mgon mi pham mgon po la:__gsol lo mchod do bstan pa'i mnga' thang spel:__dpal mgon tsa tur mu kha la:__gsol lo mchod do bka' gter bstan pa srungs:__dpal mgon rdo rje dpal btsan la:__gsol lo mchod do bstan pa'i bya ra mdzod:__dpal mgon thang sprin nag po la:__gsol lo mchod do gsang sngags bstan pa spel:__dpal mgon lho btsan nag po la:__gsol lo mchod do dkon mchog dbu 'phang bstod:__dpal mgon gzi ldan dbang phyug la:__gsol lo mchod do rnal 'byor sku tshe srings:__dpal mgon myur mgyogs chen po la:__gsol lo mchod do bstan pa'i rU tra sgrol:__zhing khams gnas kyi bdag po la:__gsol lo mchod do sgrub rgyud bstan pa skyongs:__hU~M b+h+yo:__yum chen dpal 'bar seng gdong la:__gsol lo mchod do sgrub mchog bu bzhin skyongs:__dpal 'bar mkha' spyod gtso mo la:__gsol lo mchod do tshe dpal rgyas par mdzod:__dpal 'bar mkha' 'gro'i gtso mo la:__gsol lo mchod do gtsug lag dkor khang srungs:__dpal 'bar sngags kyis srung ma la:__gsol lo mchod do bu slob srung du gsol:__dpal 'bar si na ra ma la:__gsol lo mchod do dgra dpung thal bar rlog:__dpal 'bar seng ha mu kha la:__gsol lo mchod do ma rung mtha' dmag bzlog:__las mkhan bam ro pho mo la:__gsol lo mchod do dgra bgegs thal bar rlog:__skyes bu chen po rdo rje legs pa la:__gsol lo mchod do rnal 'byor dgra lha mdzod:__srog gcod gshin rje chos rgyal la:__gsol lo mchod do dgra bo'i bdun rgyud chod:__gdug pa klu bdud mgo dgu la:__gsol lo mchod do dgra la mdze nad thongs:__bdud pho bye ba rkang ring la:__gsol lo mchod do dgra srog dmar po chod:__btsan 'gong yam shud dmar po la:__gsol lo mchod do dgra la rngag 'thab thongs:__lha chen tshangs pa dkar po la:__gsol lo mchod do dgra la smyo 'bog thongs:__dbugs len srin po nag po la:__gsol lo mchod do dgra dpung thal bar rlog:__ma gcig lha mo ba lam la:__gsol lo mchod do dgra la nad yams thongs:__mi nag sngags nag ban nag tshogs rnams la:__gsol lo mchod do dgra dpung thal bar rlog:__rgya hor mon pa bdud mo'i tshogs rnams la:__gsol lo mchod do dgra la cho 'phrul thongs:__pho rgyud sgo ba bzhi yi lha tshogs la:__gsol lo mchod do bsgrub pa'i grogs mdzod cig:__mo rgyud sgo ma bzhi yi lha tshogs la:__gsol lo mchod do dngos grub sna tshogs stsol:__bka' nyan las mkhan sde bzhi'i 'khor tshogs la:__gsol lo mchod do phrin las ma lus sgrubs:__bka' sdod bran g.yog 'khor bcas la:__gsol lo mchod do rnal 'byor slob srid srungs:__rgyal po chen po sde bzhi la:__gsol lo mchod do bsgrub mchog bu bzhin skyongs:__nor lha rgya mtsho'i tshogs bcas la:__gsol lo mchod do dngos grub sna tshogs stsol:__'jigs byed chen po dgu rnams la:__gsol lo mchod do bkra mi shis kun zlog:__lha chen brgyad dang klu yi sde tshogs la:__gsol lo mchod do phyi nang bar chad zlog:__gza' brgyad rgyu skar nyer brgyad la:__gsol lo mchod do gsang sngags bstan pa srungs:__phyogs skyongs bcu po 'khor bcas la:__gsol lo mchod do bka' gter bstan pa srungs:__dpal mgon bdun cu rtsa gnyis la:__gsol lo mchod do yang gsang bstan pa spel:__pha myes rgyud srung slob dpon gnyen srung dang :__mgon skyabs dpung grogs byed pa'i lha srung dang :__yul lha zo dor dben gnas srung ma sogs:__bzang kha yag byed lha srung thams cad la:__gsol lo mchod do dpal mgon dpung grogs mdzod:__hU~M:__drag po'i gtor snod b+han+d+ha 'bar ba ru:__dpal gtor ri rgyal lhun po bas kyang mtho:__gling bzhi gling phran bas kyang bkod re legs:__dpal gyi gtor ma bas kyang brjid re che:__nyi zla gza' skar bas kyang mdangs re gsal:__skar tshogs tshom bu bas kyang bkrag re che:__rgu tshigs skya mo bas kyang rgyang re ring :__dkar gyis thig gdab dmar gyi gur phub pa:__'ja' tshon sna lnga bas kyang mdangs re gsal:__g.yab dar nag po ba dan ru mtshon dang :__dmar chen gtor ma ri ltar spung pa yi:__dpal mgon yab yum tshogs la mchod pa 'bul:__hU~M:__mkha' la lding zhing 'dzum byed dang :__bya nag sha zan dam nyams ro la brdzi:__mi nag tshogs kyi dgra sha phrag la bkal:__bya nag mchu dmar dgra bo'i glo snying 'dren:__bya rog rkan sgras dgra bo'i klad pa 'gems:__'dab chags sna tshogs 'gran zla med pa 'di:__bdud mgon yab yum tshogs la mchod pa 'bul:__bdud rta nag po rlung gshog rting dkar dang :__mtshal rta dmar po myur mgyogs shugs ldan dang :__me rta dmar po myur mgyogs 'jigs rngams dang :__mdzes sdug rta rigs rnam pa sna tshogs dang :__khyi nag snying dkar g.yag rog zhol chen dang :__lug nag spyi dkar dar gyi cod pan can:__bdud mgon seng gdong yab yum tshogs la 'bul:__seng ge glang chen khyung dang khu byug dang :__stag gzig dom dred gcan spyang sna tshogs dang :__gzhan yang mchod pa'i bye brag dpag med rnams:__bdud mgon seng gdong yab yum tshogs la 'bul:__'jigs rung gzugs 'gros rnam pa sna tshogs 'dis:__mi sdug sgra skad sna tshogs dgra la sgrogs:__mi nag mi rgod 'bum tsho dpag med dang :__ban nag a tsa ra dang sngags nag sde tshogs dang :__bud med nag mo rgya hor mon pa 'bum:__mi brdzu dgu brdzu sprul pa sna tshogs kyi:__dar dmar rgyan ldan phrag par dgra ling bkal:__nor skyong sna tshogs 'gran zla mtha' med dang :__do med rten rigs rnam pa sna tshogs 'di:__bdud mgon seng gdong yab yum tshogs la 'bul:__thugs rjes brtser dgongs rnal 'byor bdag cag la:__'dod pa'i dngos grub ma lus rtsal du gsol:__mi mthun rkyen ngan bar chad bzlog tu gsol:__snyan pa'i dung bus grags pa'i ba dan phyor:__gsang sngags bstan pa'i chab srid rgyas par mdzod:__bstan 'dzin bu slob mtha' ru rgyas byed cing :__bshad bsgrubs bstan pa dus 'dir rgyas par mdzod:__glo bur dgra bgegs ma lus bzlog pa dang :__ma rungs mtha' dmag thal ba rdul du rlog:__ces pas thugs dam bskang zhing gsol mchod rgyas par bya'o/__/bshags pa 'bul ba ni/__hU~M:__gdod nas spros med chos dbyings lhun rdzogs klong :__ma bcos rtsal rdzogs dpal chen seng ge'i sgra/__/rang mdangs rol pa dpal ldan bdud kyi mgon/__/sprul pa'i 'khor tshogs ma lus dgongs su gsol/__/bdag ni gsang sngags bla med sgor zhugs nas/__/spyi dang khyad par lhag pa'i dam tshig rnams/__/spangs blang ma shes nyes ltung ci mchis pa/__/mkhyen ldan srung ma'i dbang por mthol zhing bshags/__/sgom bsgrub g.yel zhing bskyed rdzogs don ma rtogs/__/khyad par khas blang dam bca' gnyen po dang /__/'gal nyams phyi nang gsang rten ma 'tshogs zhing /__/mchod gtor dus las 'gyang ba mthol zhing bshags:__snyoms las dbang gis tshogs gtor ma bshams na/__/rgyu chung 'bag rtsog phud nyams 'bod bsngo g.yel/__/phyi nang gsang ba'i rten bsgrub rdzas ma 'tshang /__/bdag nyid rtog gom ma gyur mthol zhing bshags:__rnam rtog le lo gnyid dang chang dbang gi__/phrin las gzhung 'chal las sbyor log pa dang /__/man ngag gsang 'chol tha mal 'khrul pas bslad/__/stong nyid ye shes ma rtogs mthol zhing bshags/__/bag med mi gtsang nyams dang 'grogs pa dang /__/dme mnol mdze yug dam nyams grib phog pas/__/srungs ma gnyen po'i thugs dang 'gal ba'i rgyu/__/byol nyog 'khrul pa thams cad mthol zhing bshags/__/'dod don phrin las yid bskang 'grub gyur nas/__/sngar mdzad las la btang rag ma phul te/__/phyis nas dam can mthu rtsal nyams pa'i rkyen/__/bzas po'i mnol grib byung ba mthol lo bshags/__/gzhan yang snang srid rnam dag ye nas ro cig kyang /__/log rtog mtshan mas sgrib pa mthol lo bshags/__/dag pa rab 'byams lha sku'i rol pa las/__/ma rtogs gzhan nas brtsal ba mthol lo bshags/__/grags stong brjod bral na dA'i rang bzhin la/__/tha snyad tshig gis 'ching ba mthol lo bshags/__/rang sems ma bcos stong nyid rol pa las/__/a 'thas mtshan mas bcings ba mthol zhing bshags/__/kun rdzob don dam chos kun gnyis med la/__/rnam rtog gzung 'dzin dbang gyur mthol zhing bshags/__/bshags dang bshags bya bshags byed sems nyid klong /__/chos nyid ye shes ngang du ro cig ste/__/spros bral sgyu ma'i ngang du bzod par gsol/__/phyin chad rtog pa'i sgrib par ma gyur cig__/he ru ka'i yig brgya bzla/__grangs gsogs lta bur bsdus pa bya bar spro na/__rata gling gter kha las byung ba/__hU~M:__bskang ngo bskal par thams cad dang :__chos skyong mgon po seng ge'i gdong :__dpa' bo dar nag 'jol ber can:__las mdzad nag po gzi mdangs can:__bskang ngo khyed kyis thugs dam bskang :__gsang sngags rgyud kyi bka' nyan mdzad:__khyod kyi 'khor ni mi srun ba:__srin mo dmar po khrag ral can:__las mkhan bam ro pho mo dang :__shan pa sde brgyad khyed kyi 'khor:__khyed kyi thugs dam bskang ba ni:__sha khrag dmar gyi gtor ma dang :__mthing nag dar gyi rgyal mtshan dang :__mda' mdung ral gri rtse gsum dang :__dmar chen tsit+ta'i phreng ba dang :__bya nag mi nag rta nag dang :__dre'u nag g.yag nag lug nag dang :__khyi nag dom bu sbal sbrul dang :__bshol nag nam mkha' nag po sogs:__dngos su 'byor dang yid kyis sprul:__dgyes pa'i mthun rdzas sna tshogs kyis:__khyed kyi thugs dam bskang gyur cig:__bdag gis khyed la 'di gsol gyis:__rnal 'byor bdag cag 'khor bcas kyi:__bka' dang bstan pa bsrung du gsol:__tshe dang bsod nams spel du gsol:__dpal dang grags pa sgrub tu gsol:__'khor dang longs spyod bskyong du gsol:__bdud dang bar chad bzlog tu gsol:__bcol pa'i phrin las 'grub par mdzod:__de nas bshags pa ni/__hU~M:__zhing skyong seng gdong yab yum dang :__bka' nyan drag po'i tshogs bcas rnams:__rnal 'byor bdag la gsan cing dgongs su gsol:__khyod ni ye shes chen po'i spyan dang ldan:__bdag ni ma rigs dbang gyur lus ngag sems:__mchod pa'i dam rdzas ma tshangs gtor ma la:__rgyu chung phud nyams lhag ma bsres pa dang :__dam rdzas ma tshangs bsnyen sgrub g.yel ba dang :__dus kyi gtor ma chags shing g.yel ba sogs:__khyed kyi thugs dkrug 'gal ba'i nyes pa rnams:__nongs pa ci mchis thams cad bzod par gsol:__mthol lo bshags so tshangs pa'i dngos grub stsol:__zhes yi ge brgya pa brjod/__dus gnyan sogs la mnga' gsol bya bar spro na skyem mchod dang mnga' gsol bdud bzhi dpung bcom/__gsol ka'i kha bskang mtsho rgyal gyi mdzad pa rnams gter gzhung rtsa ba ltar bya zhing /__tshogs 'bul ba spro na'ang gzhung nas 'byung ba ltar lhag ma'i mthar thug gi bar bya'o/__/gsum pa rjes kyi rim pa la gter skyongs mchod bstod gshegs bsdu dang /__bsngo smon shis brjod bya ba'o/__/dang po ni drag po'i bskul sogs las rim rgyas pa ni gzhan du shes shing /__'dir yang thun gtor la dmigs te gtor 'gugs ni/__na mo/__drin chen rtsa ba dang brgyud par bcas pa'i dpal ldan bla ma dam pa rnams kyis bka' bden pa dang :__sangs rgyas kyi bka'=__chos kyi bka'=__dge 'dun gyi bka'=__bcom ldan 'das rgyal ba zhi khro rabs 'byams la sogs te yi dam dkyil 'khor gyi lha tshogs rnams kyi bka'=__ma gnas gsum gyi mkha' 'gro ma rnams kyi bka'=__lha las khyad par du'ang dpal che mchog seng ge sgra sgrog rdo rje gro lod kyi lha tshogs rnams kyi bka'=__rgyal ba'i bstan srung chen po kun dga' gzhon nu yab yum gyi lha tshogs 'khor dang bcas pa rnams kyi bka'=__gsang sngags kyi rgyal po khro bo rnams kyi bka'=__gzungs sngags kyi rgyal mo khro mo rnams kyi bka'=__'jig rten dang 'jig rten las 'das pa'i dpal mgon dam pa chos skyong ba'i bsrungs ma bka' srung dam can rgya mtsho bka' sdod bran g.yog dang bcas pa rnams kyi bka'=__rten cing 'brel bar 'byung ba rgyu 'bras bslu ba med pa'i bka'=__rig 'dzin rnal 'byor bdag gi bsam pa rnam par dag pa'i byin brlabs kyis:__spyir sangs rgyas bstan pa'i spyi dgra:__dpal ldan bla ma'i sku dgra:__rnal 'byor pa bdag gi sgos dgra:__khyad par du'ang gsang sngags rdo rje theg pa la mi dad cing log par lta ba:__skye 'gro nyes med la gnod cing 'tshe ba:__rig 'dzin rnal 'byor dpon slob bdag cag 'khor dang bcas pa rnams kyis chos byang chub sgrub pa la bar du gcod par byed pa:__bsam ngan sbyor rtsub shom pa'i dgra bgegs:__mi min mi ru brdzu ba:__lha min lha ru brdzu ba:__bka' 'das dam nyams:__bslab pa'i slob bu dam log:__sangs rgyas bstan pa'i rU tra:__sems can yongs la gnod pa'i sdig can:__gzugs can sdang bar byed pa'i dgra:__gzugs med gnod par byed pa'i bgegs:__gang dang gang yin pa de dag thams cad mtho srid pa'i rtse mo:__dma' na rag dmyal ba:__bar snang stong gsum 'jig rten gyi khams:__nyi zla gnyis kyi ham phrag gar yod kyang dmar gtor khrag sbub 'khrigs pa 'di la gnyis su med par khug cig:__bstim cig:__yab yum gyi 'bod rbad bsad pa'i sngags mthar/__dgra bgegs n+ri tri badz+ra aM gu sha ya dza:__dza hU~MHba~M hoHsa bstim/__gtor ma dgra bgegs kyi sha khrag las grub pa/__ngo bo zag pa med pa'i ye shes kyi bdud rtsi'i rgya mtsho chen por gyur:__oM AHhU~M ha ho hrI lan gsum gyis byin gyis brlabs/__hU~MHrgyal ba'i bstan pa srung ba'i sde dpon che/__/gnas gter zhing rnam skyong ba'i mgon po ni/__/seng ge'i gdong can bdud kyi stobs 'phrog pa/__/zhing skyong kun dga' gzhon nu yab yum dang /__/las mkhan dregs pa sde brgyad 'khor bcas rnams/__/dgra bgegs sha khrag gtor ma 'di bzhes la/__/sangs rgyas bstan dang bstan 'dzin dbu 'phang bstod/__/nag po'i phyogs rnam rdul du brlag par mdzod/__/khyad par rnal 'byor bdag cag 'khor bcas la/__/gnod par sems pa'i gzugs can gzugs med dgra/__/log par sems pa'i dam sri pho mo'i rigs/__/rnam shes bde ldan zhing du drongs byas te/__/lnga phung bsgral zhing 'bar ba'i zhal du bstab/__/las ngan bag chags rtsad nas bcad pa dang /__/bde 'gro'i rten bzang thob nas byang chub kyi/__/lam mchog rnyed pa'i phrin las mdzad du gsol/__/mi mthun 'gal rkyen nyer 'tshe zhi ba dang /__/tshe bsod dpal 'byor ye shes yon tan rgyas/__/khams gsum rlung sems snang ba dbang du bsdus/__/phyi nang gsang ba'i dgra gdon bgegs tshogs brlag__/mdor na rnam bzhi'i phrin las gang brtsam rnams/__/rig 'dzin brgyud pa'i dam bzhes tha tshig las/__/mi 'da' 'bad med gyur pa nyid du sgrub/__/ji ltar bcol pa'i phrin las 'grub par mdzod/__/pad+ma'i bka' srol bka' gter dag snang gi__/dam chos bshad sgrub 'du tshogs dar shing rgyas/__/mchog gsang 'od gsal rdzogs pa chen po yi/__/bstan pa 'phel zhing rgyas pa'i phrin las mdzod/__/phyi ltar legs grub rdo rje lcam dral rnams/__/nang du ro rkyang bdud mgon yab yum shar/__/gsang ba za byed rdo rje srin po che/__/yang gsang kun bzang dpal chen he ru ka=____/nges pa'i shes pa mchog gi bsten pa yi/__/'di phyi bar do'i gnas skabs thams cad du/__/rtag tu bsrung skyobs sdong grogs mi g.yel zhing /__/skad cig tsam yang mi 'bral phrin las mdzod/__/bdud sde'i g.yul las rnam par rgyal ba yi/__/ru mtshon phyogs brgyar sgrengs shing snyan grags kyi/__/bkra shis skye lnga'i sgra dbyangs sgrogs pa dang /__/'chi med rdo rje'i sku 'grub phrin las mdzod/__/ces dang /__khyod nyid brten cing mchod bstod byas pa'i mthus:__dgyes pa'i zhal ston sgrub pa'i rtags phyungs shig:__snyan pa'i dung bus grags pa'i ba dan phyor:__brgyud 'dzin sras bu 'khor slob rgyas par mdzod:__bshad sgrub sde dang lha mi dbang bsdud cing :__dpal 'byor snyan grags rgyas par mdzad du gsol:__bsgrub pa'i mthun rkyen tshe bsod ye shes stobs:__rat+na dar zab 'bru nor rkang 'gros 'phel:__'bad med 'dod dgu yid bzhin dngos grub dang :__sde srid mnga' thang rgyas par mdzad du gsol:__bar du gcod byed bdud bzhi'i dgra gdon bgegs:__chos srid nor la bar du gcod byed pa:__'gab 'dre chung sri'i tshogs rnams brlags pa dang :__phrin las rnams bzhi dus 'dir 'grub par mdzod:__ces phrin las bcol zhing /__slar yang las kyi gnyer gtad pa ni/__ho dgongs su gsol/__bdud mgon chen po seng+ge'i gdong pa can/__dpal 'bar si na ra ma/__las mkhan bam ro pho mo/__ma sring dregs pa sde brgyad khyed rnams sngon tshe kun bzang yab yum rig 'dzin pad+ma hU~M kar rig 'dzin bdud 'dul rdo rje 'dus pa rtsal rnams kyi spyan sngar khas blangs dam bca' bzhin du/__sprul pa'i chos skyongs chen po khyed kyi/__rig 'dzin rnal 'byor pa bdag cag dpon slob 'khor dang bcas pa rnams la/__gces pa'i bu bzhin du skyongs shig__/dam tshig can gyi srog zungs shig__/sgrub pa po yi grogs mdzod cig__/dam nyams pa'i dgra bo sgrol cig__/chos skyong ba'i srungs ma khyed ni zhi ba'i mdangs ldan pa/__rgyas pa'i byin chags pa/__dbang sdud kyi rtsal mnga' ba drag po'i dgra bgegs sgrol ba'i las la myur ba/__bstan pa bsrung ba'i bdag po mthu stobs kyi dbang phyug bsgrub pa po'i bsam btan gyi drod nyul bar byed pa'i bstan bsrung chen po k+She tra pa la yab yum 'khor dang bcas pa rnams bdag la dgongs su gsol/__/bdag sngags 'chang rdo rje 'dzin pa zhes bgyi ba'i sgrub pa'i bstan 'di la bzhugs pa dang gnas par mdzod cig__/bde ba chen po'i zhing du 'gro ba la bdud bzhi'i 'jigs pa la skyob pa dang sa lam gyi skyel ma mdzod cig__/yang dag pa'i sa la 'khrid pa'i bsu ma phrin las mdzod cigasnying po byang chub ma thob kyi bar du lus ngag yid gsum log pa'i lam la nam yang mi 'jug cing thar pa byang chub kyi phyogs 'ba' zhig la 'gro bar mdzad du gsol/__'jig rten 'dir yang bdag mi mthun pa'i phyogs thams cad las rnam par rgyal zhing /__zas nor longs spyod thams cad dbang du 'du ba dang /__mngon spyod phrin las gang la thogs pa med par 'grub par mdzad du gsol/__bkra shis bde legs thams cad 'byung zhing ci bsam thams cad lhun gyis grub par mdzad du gsol/__zhes gtor ma gser skyem gtsang sar bskyal lo/__gnyis pa rjes mchod bstod bshags bsdu bya ba ni/__gong du bshags bzlas mthar 'byung ba bzhin mchod bstod bya/__ma rnyed yongs su ma tshang dang /__sogs kyi mthar/__yi ge brgya pa lan gsum brjod/__rten yod na/__'dir ni rten dang sogs kyi ye shes pa brtan bzhugs dang /__med na/__khyed kyi sems can sogs kyi gshegs gsol bya/__gang ltar yang 'jig rten pa'i 'khor rnams gats+tsha gats+tsha swa b+ha wa naM zhes pas rang gnas su gshegs par bsam/__gsum pa bsngo smon shis brjod ni/__hU~MHbdud mgon seng gdong yab yum lha tshogs bsgrub lags kyi/__/legs byas 'di ni dge rtsa ci mchis pa:__pha ma 'gro drug sems can don du bsngo:__myur du rdo rje 'dzin pa'i sa thob shog:__bka' brtsan byin chags 'dir bsgrub byin brlabs kyis:__rdo rje slob dpon shes rab gzung mar bcas:__bsgrub pa'i rig 'dzin mched lcam thams cad kyis:__byang chub bsgrub pa'i nyer 'tshe kun zhi zhing :__tshe 'di nyid la rig 'dzin mchog bsgrub shog:__gang du bsgrub pa'i yul der bkra shis shing :__sems can thams cad bde dang ldan gyur cig:__bstan la gnod cing skye 'gro 'tshe byed pa'i:__zhing bcu'i sde rnams myur du brlag gyur cig:__sa phyogs yul ris rgyal khams thams cad du:__char chu dus 'bebs lo phyug rtags legs nas:__mi nad phyug nad dal yams rgyun chad nas:__mtshon 'khrug mu ge byad dug kun zhi zhing :__'gro drug sems can bde skyid 'byung gyur cig:__zhing skyong gzi ldan bsgrub mchog byin brlabs kyis:__dgra bgegs bdud dpung ma lus myur bsgral nas:__bstan dgra mtha' dmag myur du brlag gyur cig:__ces 'dun pa rtse gcig bas smon lam du bya/__de nas shis pa brjod pa ni/__hU~M hrI:__bsgrub mchog rnal 'byor mched lcam la:__thugs rje'i klong nas byin brlabs char rgyun 'bebs:__rtsa rgyud bla ma rnams kyi bkra shis shog:__dngos grub rnam gnyis char ltar 'beb mdzad pa:__yi dam dkyil 'khor lha tshogs bkra shis shog:__phrin las rnam bzhi thogs med bsgrub mdzad pa:__dpa' bo mkha' 'gro rnams kyi bkra shis shog:__bstan pa bsrungs shing rnal 'byor grogs mdzad pa:__zhing skyong kun dga' gzhon nu'i bkra shis shog:__bar chad sel zhing longs spyod char bzhin 'beb:__yum chen seng ge'i gdong can bkra shis shog:__phyi nang bdud rigs bar chad sel mdzad pa:__bka' nyan dug mtshon pho mo'i bkra shis shog:__gnod byed dgra bgegs ma lus bsgral mdzad pa:__dregs pa sde brgyad tshogs kyis bkra shis shog:__dgra bgegs mtha' dmag rdul du brlag mdzad pa:__las mkhan pho nya rnams kyi bkra shis shog:__ces brjod cing me tog gi char dbab pas dge legs su bya'o/__/slar smras pa/__rgyal ba'i bstan srung kun gyi sde dpon che/__/phrin las glog ltar myur ba'i bdud kyi mgon/__/zhing skyong gzi ldan dgyes mchod bklags chog tu/__gter gzhung rdo rje'i tshig rnams bsdebs pa las/__/byung ba'i dge tshogs thob pa ci mchis pa/__/rnam pa dkar ba'i yid kyi bzlas pa yang /__/bstan pa rin chen dar shing rgyas pa dang /__/bstan la gnod pa'i dgra bgegs gzhol phyir bsngo/__/bdag gzhan byang chub sgrub pa'i nyer 'tshe zhi/__/'chi bdag bdud kyi g.yul las rnam par rgyal/__/phrin las rnam bzhi gang brtsam thogs med 'grub/__/khyad par dbang drag phrin las mthar phyin shog__/'di la nyes par gyur pa ci mchis pa/__/bla ma yi dam chos skyongs srung mar bshags/__/'di la mos pas brtson pa de rnams kyang /__/zhing skyongs chen pos mi 'bral rjes 'dzin shog__/ces zhing skyong chen po legs grub rdo rje'i sgrub skor gter kha snga phyi du ma nas byon kyang khyad par du 'phags pa gter chen bdud 'dul rdo rje'i gter kha nas byon pa 'di nyid zab rgyas che zhing de nyid kyi rigs chos brgyud 'dzin khrag 'thung nus ldan rdo rje yab sras nas srung ma'i gtso bor gnang ba dang /__rang nyid kyang chung ngu'i dus srung ma 'di la snying nas spro zhing /__bar skabs rkyen du mas snyoms las su gyur yang /__shar ka nag tshang grub thob kyi nged la pha mes kyi lha srung gsol mchod chags pa'i ngo che bar gsung pa rgyus med kyi rgyus gtam don thog khel ba dang /__gcung 'chi med pad+ma rdo rjes kyang rmi lam byung ba'i mtshams sbyar sogs la brten/__mkhyen brtse'i phris kyi sprul ming 'dzin pa 'jam dbyangs blo gros rgya mtshor rang nyid kyi 'don bder rang lo bzhi bcur son pa'i khrum zla 8pa'i tshes 14la bsdebs pa 'dis kyang bdud bzhi'i g.yul las rnam par rgyal zhing nags phyogs kyi 'byung po'i mthu stobs rtsad nas 'jom pa'i rgyur gyur cig__/sarba dA mang+ga laM//__// lha mo sngags bdag ma'i gtor 'bul bzhugs so/__/na mo gu ru pad+ma ka rA ye/__dpal ldan sngags kyi srung ma ni/__/rang byung rgyal mor gus btud nas/__/de mnyes byed pa'i gtor chog gi__/las rim shin tu mdor bsdus bkod/__/de la 'dir srung ma'i dbang po lha mo sngags bdag ma la gtor ma 'bul bar 'dod pas mchod gtor gser skyems sogs bsham la/__ra~M ya~M kha~M/__oM AHhU~M ha ho hrIHlan gsum gyis byin brlab byas la/__b+h+yoHskye med dbyings las ma g.yos kyang /__/'gag med gzugs sku sngags kyi bdag__/khrag mtsho me rlung 'khrug pa'i dbus/__/ma gcig dpal ldan lha mo ni/__/mthing nag zhal gcig phyag gnyis ma/__/khro mo'i gzugs can phyag g.yas kyi/__/kha T+wA~M rtse gsum ba dan 'phyar/__/g.yon pas thod khrag thugs kar bsnams/__/mchan na ne'u le'i rkyal pa 'dzin/__/zhabs gnyis btsan skyil drel rta chibs/__/zhing lpags stod g.yogs stag sham dang /__/re lde'i smad dkris snyan g.yas g.yon/__/sbrul dang seng ge'i rna chas brgyan/__/lte bar nyi ma spyi bor zla/__/rma bya'i sgro phon gtsug na mdzes/__/sbrul dang rus pa'i rgyan gyis spras/__/chu srin gdong can la sogs pa/__/ma mo bye ba'i tshogs kyis bskor/__/rlung nag 'tshubs ma'i dkyil 'khor nas/__/wa ya e yi sgra sgrogs shing /__/ma mo 'khor bcas gshegs su gsol/__/dgyes pa'i gdan la brtan par bzhugs/__/phyi mchod nye bar spyod pa dang /__/dgra bgegs bsgral ba las byung ba'i/__/drag po'i 'dod yon rnam pa lnga/__/sha khrag rus pa'i gtor ma dang /__/bdud rtsi sman dang rak+ta dang /__/tshogs kyi mchod pa la sogs pa/__/byang sems nal bu'i rgyal mtshan dang /__/'chi kha'i mtshal thig srog chags mdangs/__/shing lo rlung khyer sar ma lhung /__/sha sna snying sna bsam mi khyab/__/bya nag khyi nag dre'u nag__/bong bu dmar ga rta lug nag__/stag gzig dom dred ce spyang sogs/__/ral gri be con kha T+wA~M dang /__/nal thod mdung thung tri shul sogs/__/phyag mtshan spyan gzigs sna tshogs pa/__/phyi nang gsang ba'i rten rdzas dang /__/sa dang bar snang kun khyab pas/__/dpal ldan lha mo'i thugs dam bskang /__/sngags bdag dbang mo'i thugs=____/tshe 'dzin rgyal mo'i=____/srid pa'i bdag mo'i=____/ma mo bye ba'i=____/thugs dam bskang la rkyen ngan bzlog__/ma rig gti mug sgrib pa yi/__/'gal 'khrul nyams chags mthol lo bshags/__/ma mo 'khrugs pa dbyings su zhi/__/nad rim gdon bgegs bar chad sol/__/tshe bsod dpal 'byor rigs brgyud spel/__/'gro kun dbang du bsdu ba dang /__/dam sri rgyal 'gong gnod pa srungs/__/byad phur rbod gtong phyir la bsgyur/__/bdag cag bu bzhin skyong ba dang /__/bcol ba'i las rnams 'grub par mdzod/__/ces gtor ma gser skyems rnams byang shar du gshegs rjes gtor chog gzhan dang ma 'brel na yig brgyas nongs bshags bya/__brtan bzhugs dang gshegs gsol gang mos bya'o/__/ces pa'ang d+hA ki tshe ring chos sgron gyi thugs dam rgyun khyer du pad+ma ye shes rdo rjes bris pa'o/__/mang+ga laM/__shu b+haM//__// sngags bdag tshe 'dzin rgyal mo'i skong ba sngags bdag dgyes rol ces bya ba bzhugs so/__/bskang rdzas rnams nam mkha' mdzod kyi sngags rgya lan gsum gyis brlab/__badz+ra s+pha ra Na khaM/__gis rgyas par spel/__hrI ma b+h+yo dzaHye shes dbyings kyi rol pa las/__/ma mo yongs kyi rdzi mo che/__/rnam 'phrul cir yang ston mdzad ma/__/sngags kyi bdag mo dbang mdzad rgyal/__/sgrub la tshe yi mchog stsol ma/__/dbang mdzad DA ki 'bum sde'i tshogs/__/dar gyi cod pan pu ru ru/__/rin chen rgyan cha si li li/__/gdu bu mang po khro lo lo/__/cang te dril g.yer snyan par sgrogs/__/sna tshogs rol mo'i sgra dang bcas/__/ma thogs myur du gnas 'dir gshegs/__/sna tshogs pad nyi baM ro dang /__/rin chen khri rkang dar 'bol dang /__/rang rang dgyes pa'i gdan la bzhugs/__hU~M/__khyed la thugs dam bskang ba'i rdzas/__/srid par gtogs pa'i nyer spyod rigs/__/dngos su bshams dang yid kyis sprul/__/rgyal srid bdun dang bkra shis rdzas/__/rtags brgyad nye ba'i rin chen sogs/__/'khor los sgyur rgyal la 'os pa'i/__/rgyal thabs che dgus srid chas dang /__/gos ber dar zab go mtshon sogs/__/'jig rten dkor nor ji snyed dang /__/ri dwags g.yungs dwags bya rigs chogs/__/spu sdug mdzes shing skad snyan sgrogs/__/rin chen gter bum dpag bsam shing /__/'dod 'jo'i ba dang rta mchog dang /__/dre'u bong bu g.yag lug ra/__/dud 'gro rnam pa sna tshogs sogs/__/spyan gzigs dkor cha rnam mang dang /__/khyad par bris sku srog 'khor dang /__/bla rdo mda' dar nang gsang rten/__/sbyor sgrol brtul zhugs bla na med/__/phyag mtshan 'od zer 'bar 'phro ldan/__/rnga dung cha lang cang te'u/__/sil snyan gling bu drag po yis/__/'jigs rung 'dod yon rnam lnga dang /__/sman dang rak+ta'i rba rlabs 'phyur/__/ja chang 'o zho mtsho ltar bskyil/__/ba liM 'dod yon ri ltar spungs/__/srid zhi'i khams na ci mchis pa'i/__/dngos 'byor yid sprul bskang rdzas kyis/__/sngags bdag dbang mo 'khor bcas kyi/__/thugs dam gnyan po dgyes par bskangs/__/thugs dang 'gal ba thams cad bshags/__/bdag cag ma rig gti mug gis/__/sdom gsum dam tshig nyams pa dang /__/khyad par bla ma'i gsang gsum gyi/__/dam tshig nyams pa thams cad bshags/__/bsnyen sgrub ting 'dzin g.yel ba dang /__/mchod gtor chags shing spangs len sogs/__/khyed kyi thugs dang 'gal ba rnams/__/snying nas bshags so tshangs par stsol/__/chos skyong lus dang grib bzhin 'grogs/__/zhi rgyas dbang drag las rnams sgrub/__/khyad par rtsa rlung thig le yi/__/gegs dang 'phrang las rnam par grol/__/bde chen mchog tu mi 'gyur ba'i/__/ye shes chen po bskyed du gsol/__/ji ltar brtan g.yo'i snang ba kun/__/grub pa'i phyag rgya'i rgyas btab pas/__/rang rig thig le nyag gcig klongs/__/gsang 'dzin sngags bdag dbang mo dang /__/dbyer med mngon par byang chub shog__/de ltar tshe 'dzin rgyal mo yi/__/bskang ba 'di ni nus ldan pa'i/__/thugs dgongs rdzogs par bya ba'i phyir/__/pad+ma ye shes rdo rje yi/__/sa khyi snron zla'i tshes bzang por/__/rgya gar rdo rje gling du bris/__mang+ga laM/__shu b+haM//__//

nus ldan rdo rje'i zab gter sngags bdag tshe 'dzin rgyal po'i mnga' gsol ye shes rang 'bar ces bya ba bzhugs so/__/skyems phud dang /__khyad par dbang gi me tog dmar po dang /__tsan dmar sin+d+hU ra rang byung rak+ta sogs dza gad dang sbyar/__dbang gi ru dar dmar po phyar/__le brgan gyi g.yab mos 'dor bzhin/__rnga gling rol mo'i 'gyur ba dang /__/dri zhim gyi spos dud 'thul bzhin/__hrI ma b+h+yo e a ral+li hrIng hrIng dza dzaHye shes dbyings kyi ma mo kun tu bzang /__/bcom ldan 'das ma rdo rje rnal 'byor ma/__/mkha' khyab snang srid bskyod dang sdud mdzad ma/__/yum chen b+ha ga tra ti dbyings nas bzhengs/__/deng 'dir rnal 'byor bdag gi gdung bas bos/__/mchod bstod bsnyen par rtse gcig brtson pa na/__/thugs dam ma g.yel dgongs par mdzod cig kye/__/khyod ni rgyal ba dgyes pa'i pho nya mo/__/bde chen tsan+Da li yi gzugs su shar/__/tshe 'dzin grub pa chen mo'i rnal 'byor dbang /__/rdo rje 'phrul mo che khyod mnga' gsol lo/__/khams gsum thig le gcig gi nang du sdud/__/'bar 'phro chags pa'i nyams 'gyur 'bum phrag gi__/zag med bde chen dpyid thig 'jo mdzad ma/__/rnal 'byor snying gi grogs mor mnga' gsol lo/__/che rgus ral pa gdan du bting ba'i rtser/__/zhabs mthil chu skyes dmar po'i gar gyis rtsen/__/rab dmar chags pa'i gong bur bzhu mdzad ma/__/dbang mdzad dbang gi rgyal mor mnga' gsol lo/__/'chi med rdo rje'i srog gi ka chen 'dzugs/__/mi shig tshe srog gzhom med thig le yi/__/stobs 'phel rdo rje sems dpa'i lang tsho rgyas/__/tshe sbyin dbang gi rgyal mor mnga'=____/rdo rje'i lus kyi rtsa yi mdud grol cing /__/dwangs ma'i rlung thig sngags kyi 'khor lor smin/__/'dzad med gsang ba'i chos kyi gter sgo 'byed/__/blo gros mchog gter lha mor=____/gang gi ci bsam de ma thag nyid du/__/khab len rdo yi lcags phye bsdus pa bzhin/__/srid zhi'i phun tshogs dpal yon gter bum bzang /__/yid bzhin nor bu rin chen mnga' gsol lo/__/srid gsum dbang bsgyur sngags bdag dbang mo che/__/deng bzungs byang chub bar du skyabs su bsnyen/__/mi mthun kun sel bsam don yid bzhin 'grub/__/phyogs las rnam par rgyal ba'i phrin las mdzod/__/ces pa'ang pad+ma ye shes rdo rjes sa zla'i dmar phyogs kyi rdzogs pa gsum par rdo rje gling du bris pa'o//__// @#/__/rtsa gsum gsol mchod rdo rje'i thog mda' me rlung spu gri zhes bya ba bzhugs so/__/ oM swasti/__sgrol mdzad rdo rje drag po rtsal/__byin rlabs thugs rje glog ltar myur/__/sprul pa bsam mi khyab pa la/__/gus pas btud do shis pa stsol/__/de la 'dir rtsa gsum thugs rje bskul ba'i mthu byin gyis bstan 'gro'i bde skyid kyi ut+pal rnying pa/__byin rlabs bdud rtsi'i gru char gyis gso bar 'dod pa'i gang zag las can rnams nya stong dus drug rnams su tshogs mchod dang 'brel bar 'di ltar thugs dam bskul zhing gsol ba 'debs pa dang /__mchod cing bskul bar bya ste/__kye kye/__rje btsun bla ma pad+ma 'byung /__/man+da ra ba mtsho rgyal dang /__/mkhan chen khri srong bai ro sogs/__/rje 'bangs lo paN rig 'dzin tshogs/__/chos rgyal mes dbon la sogs pa/__/gdung ba drag pos gsol ba 'debs/__/pad+ma 'od nas thugs rjes gzigs/__/bod khams bstan 'gro bskyab tu gsol/__/sngon gyi dam bcas rjes dgongs la/__/sprul pa yang sprul nyi rdul ltar/__/spros pas las bzhi'i phrin las mdzod/__/thub bstan mdo sngags yongs rdzogs pa'i/__/nyin byed 'od zer stong 'bar ba/__/bod du dar ba gu ru'i drin/__/da lta chu lhar phyogs nye 'dir/__/nges par thugs kyi dgongs mdzod la/__/zhi dang dbang rgyas las rnams kyi/__/gdul bya'i yul du gyur pa rnams/__/de dang de yis 'dul du gsol/__/'jam po'i yul du ma gyur pa/__/'byung po lta log gdug pa can/__/lha min sems ldan ma rungs pa/__/sde dang bcas pa'i dpung tshogs rnams/__/sgrol mdzad drag shul stobs ldan pa/__/rig 'dzin rdo rje drag po rtsal/__/'chol ba'i khro rgyal gro bo lod/__/dmar nag me yi phreng ba dang /__/dpal chen mngon rdzogs he ru ka__/snang srid ma mo bye ba'i tshogs/__/dus kyi dgra chen gshin rje gshed/__/'khor 'das zil gnon 'jigs par byed/__/khro chu dug gi sdong po dang /__/'joms byed 'char ka nag po sogs/__/bdud dang dam sri'i stobs 'joms pa/__/phrin las rtsal rdzogs kI la ya/__/rigs lnga khro bcu phra phyag dang /__/sgo ma phur srungs dam can ma/__/dbang phyug dge bsnyen ging lang+ka/__/sgrub pa chen po bka' brgyad dang /__/bka' 'dus dpal chen dkyil 'khor gtso/__/gnas yul dpa' bo mkha' 'gro dang /__/rgyud gsum chos skyong dregs pa'i tshogs/__/nor lha gter dang gzhi yi bdag__/mgul lha brtan ma la sogs pa/__/dkar phyogs skyong ba'i zo dor rnams/__/ma g.yel ma g.yel thugs rjes dgongs/__/rdzu 'phrul stobs kyis shugs bskyed la/__/bdud kyi sde tshogs bsgral du gsol/__/kyai/__lha chen mgon po tshogs kyi bdag__/dgra bla dregs chen bcu gsum dang /__/dgra bla'i dwa ma che dgu'i tshogs/__/lha srin sde brgyad dmag tshogs ni/__/bye ba dung phyung bsam mi khyab/__/ki bswo cha sgra di ri ri/__/mtshon cha'i 'khrul 'khor zangs se zang /__/ru mtshon mang po sprin ltar gtibs/__/rngams pa'i sgra chen 'brug stong ldir/__/nyams pa'i snying la mdung gis gzir/__/ral gri 'bar bas mgo bo 'bregs/__/lha min 'byung po'i snying khrag ni/__/zham chu ltar 'bab sha rus kyi/__/dur khrod chen po 'jigs rung ba/__/drag po'i lha tshogs dgyes byed bskrun/__/ma mo srin po gshen rje'i tshogs/__/'dus shig 'dus shig dgyes par rol/__/kyai/__/rtsa gsum rgyal ba rab 'byams kyi/__/snyigs dus phrin las byed pa'i mgon/__/sku rje ge sar rgyal po ni/__/dgra bla wer ma'i dmag tshogs dang /__/phu nu dpa' thul yang thul tshogs/__/kun kyang go khrab brjid par bgos/__/ral gri mdung dang mda' bo ches/__/lha min dmag tshogs thal bar brlags/__/lha yi rgyal mtshan srid rtser sgrengs/__/bkra shis dung sgras sa gsum khyab/__/phyogs las rnam par rgyal gyur cig__/kyai/__/de ltar thugs dam bskul ba na/__/ye shes snyan gyis gsan par mdzod/__/sems can las ngan dbang ma gtong /__/sangs rgyas bstan pa rin chen 'di/__/rang gi ngo bo nyid kyis ni/__/las kyi 'phen pa rag mi las/__/zag pa zad pa'i dkon mchog gsum/__/stobs bcu'i dbang phyug stobs kyi mchog__/bdud kyi dgra chen yin pa'i phyir/__/ji mi snyam du bzhugs mi rigs/__/btang snyoms ngang du bzhugs srid na/__/rgyal ba dgra rgyal rdzun du thal/__/srid zhi'i khams na 'jigs med ces/__/bden pa'i tshig gi sgra bsgrags pa/__/don med nyid du thal 'gyur ram/__/des na lnga bdo'i rgud mnar gyi/__/sems can spyi dang khyad par du/__/'dzam gling 'gro ba mtha' dag dang /__/yang dgos gangs ri'i ljongs 'di yi/__/bstan dang 'gro la brtse bas dgongs/__/byams pa'i phyag gis nyug mdzod la/__/rdo rje'i mkhar du tshud par mdzod/__/pha rol log pa'i sems 'chang sde/__/'bar ba'i 'khor lo'i rtser bskyon nas/__/lus ni phye mar 'thag pa dang /__/rtsa sbur mes bzhin bsregs par mdzod/__/sems ni chos kyi dbyings su drongs/__/bdud kyi grong khyer rmangs nas bshig__/las ngan sbyor ba rgyun chod cig__/sangs rgyas bstan la sdang ba dang /__/sems can bde skyid rtsad nas 'phrog__/g.yo sgyu'i drwa bar zhugs pa rnams/__/'joms byed khro chen tshogs rnams kyi/__/ma thogs myur ba nyid du sgrol/__/lo dang zla bar ma 'gyangs bar/__/skad cig nyid la rdul du rlogs/__/'byung pos brtsams pa thams cad rnams/__/'bras med nang dbyin sbyo+or bas bshig__/rang byas mtshon cha rang 'khor gyi/__/drag po'i phrin las mdzad du gsol/__/bdag gzhan lus dang longs spyod dang /__/dus gsum dge tshogs dang bcas pa/__/khyod rnams la 'bul bzhes su gsol/__/khyod kyi bran dang 'bangs su mchi/__/skyabs gnas gzhan na ma mchis pas/__/de ring nyid nas bskyab tu gsol/__/sdug bsngal me mdag byings ba rnams/__/thugs rje'i shugs kyis bsgral bar mdzod/__/kye ma mgon po thugs rje can/__/yal yol dbri bkol ma mdzad par/__/bod 'bangs 'gro la lhag par gzigs/__/bden don mngon sum ston par mdzod/__/phyi mar dus su mi 'debs pa/__/mthong ba'i chos la mngon gyur nas/__/'dzam gling skyid pa'i nyi ma 'char/__/byang phyogs kha ba can gyi ljongs/__/rgyal bstan ris med 'bar gyur cig__/ces snying thag pa nas gdung ba'i glus bskul zhing gsol 'debs mchod 'bul la brtson par bya'o/__/ces pa'ang yul gyi dge mtshan g.yang du 'khyil bas yid lhung shing /__g.yag gi ze ba nas 'ong ba'i 'gyur ba med pa'i rang sgra grags pa'i rnga yis/__lha rdzas dang /__bkra shis dge ba'i dong rtse sde bzhi'i grangs ldan bcas bskul ba na rgyal khams pa pad+ma'i ming gis g.yo ru'i char rig sngags kyis khra yi rnam pa dang 'brug gi sgra ltar grags pas sa 'og na gnas pa pham par byed pa'i chos 'khor chen por bris pa shin tu dge zhing bkra shis pa don dang ldan par bla ma rtsa gsum rgyal ba rab 'byams kyis byin gyi brlab tu gsol/__mang+ga laM/__bi dza yan+tu/__shu b+haM//__// dpal lha mo nag mor bstod pa me tog g.yo ba'i 'khri shing zhes bya ba bzhugs so/__/dpal gsang ba 'dzin pa la phyag 'tshal lo/__/ka li 'jigs rung thod pa'i gur khang dang /__/kha dog rab dmar khrag mtsho 'khyil pa'i klongs/__/ga can mgrin bzang steng na btsan skyil bzhugs/__/nga ro sgrogs mdzad kA li de wI gshegs/__/ca cor spangs nas gdung ba'i shugs kyis bos/__/cha lugs sna tshogs cir yang bsgyur ba mo/__/ja la sred ltar dam nyams sha la rol/__/nya ma bzhin du gnas yul zhing kun nyul/__/ta thA ga ta'i bstan srung gtso mo che/__/tha ler rnal 'byor bdag gi grogs mor byon/__/da lta dam tshig ldan pas bcol pa'i don/__na dang dus min 'chi sogs 'jigs las sgrol/__/pa lA sha ltar 'jam pa'i phyag gis skyongs/__/pha rol bdud sde'i g.yul las rgyal bar mdzod/__/ba glang spyod sogs 'jig rten dbang du bsdus/__/ma bu bzhin du 'gro kun 'dun par mdzod/__/tsa rtsub spangs pa'i sems kyis bsnyen pa na/__/tsha dar gdug pa'i thugs 'khrugs dbyings su zhi/__/dza hu'i rgyun bzhin byams thugs brtse ba dang /__/wa yig thig le'i brgyan pa'i bde ba che/__/zhwa ltar mtho ba'i dza lan+d+ha ra nas/__/za bzhin 'bar ba'i gtum mo bsreg za'i klong /__/'a 'or ma yin mngon sum 'du 'phrod kyis/__/ya mtshan can gyi lha mo nag mo mchod/__ra ba gangs ri dang mtshungs rdo rje'i lus/__/la lung bsgrod pa'i dka' thub kun dor nas/__/sha wa ri pa'i rnal 'byor la gnas te/__/sa ltar brtan pa'i sgo gsum gnad rnams 'ching /__/ha ri gzung 'dzin rtog pa thams cad 'phrog__/a yig kun khyab mchog tu mi 'gyur ba/__/'od gsal lhun grub klong du srid gsum sgrol/__/bdag rtags dbyer med kun bzang yum chen gyi/__/dgongs klong chen por mngon byang chub par shog__/ces pa'ang 'jam dbyangs blo gros rgya mtshos snron zla'i 5tshes 10la bka' brgyad sgrub mchod dus 'tshogs mang gis skyabs rje si tu paN+Di tas mdzad pa'i lha mo'i bstod pa gsungs skabs shin tu snyan che zhing dad pa'i shugs kyang 'bar bas rang gis kyang lha mo la bstod pa bri 'dod byung ba shog bu med pas bshol ba phyir nang tshes 11kyi snga char dpal kaHthog gi gtsug lag khang chen por bris pa'i tshe bse bya bsod nams rin chen nas/__/bkra shis 'o ma'i bsnyen bskur stobs sogs rten 'brel mchog tu dge ba dang bcas bris pa dpal lha mos rtag tu rjes su bskyang ba'i rgyur gyur cig__/mang+ga laM/__shu b+ham//__// dpal lha mo nag mor mnga' gsol phrin las mchod sbyin ces bya ba bzhugs so/__/na maHshrI ma hA kA li ye/__de la bstan srung chen mor mnga' gsol bya bar 'dod pas/__dza gad dang rak+ta'i skyems phud rgya cher bshams la/__hU~M b+h+yoHdus gsum rgyal ba'i yum gcig mthu mo che/__/rlung nag 'tshub ma stod du 'khyil ba'i dbus/__/rdzu 'phrul shugs ldan bong bu gwa pa'i steng /__/dpal 'bar khro mo'i gzugs can re ma ti/__/khyod ni gdod nas rdo rje khrag 'thung dang /__/dbyer med nyid du mngon par byang chub kyang /__/gsang sngags rdo rje theg pa srung mdzad ma/__/rang byung rgyal mo'i skur bzhengs mnga' gsol lo/__/gzhan sde lha mir bdud kyi sde tshogs kun/__/mthar byed phrin las rtsib stong ldan pa yis/__/khams gsum kun la dbang byed nam gru ma/__/'khor lo rin chen mchog tu mnga'=____/gang la brten pas srid zhi'i phun tshogs kun/__/ci dgar 'jo ba'i bsam 'phel dbang gi rgyal/__/dgos 'dod re ba skong ba'i gter chen ma/__/nor bu rin chen mchog tu=____/ming brgya mtshan stong ldan pa'i lha mo che/__/khyod ni srid pa'i lha chen ting 'dzin la/__/ldang ba'i sgyu thabs rnam par ston mkhas ma/__/btsun mo rin chen mchog tu=____/sras bcas rgyal ba'i rig 'dzin rgya mtsho yi/__/ji ltar bsgo ba'i don rnams mi g.yel shing /__/'phags pa'i nor gyi 'byor pa'i dung skyong ma/__/blon po rin chen mchog tu=____/stobs bcu'i shugs 'chang rdzu 'phrul rkang bzhi ldan/__/pha rol phyin drug mche ba rab du mdzes/__/phrin las rnam bzhi'i sna zhags ring brkyangs ma/__/glang po rin chen mchog=____/skad cig nyid la stong gsum yud kyi+i bgrod/__/wa ya we b+h+yo'i sgra sgrogs phur srung che/__/rnal 'byor bsam pa bsgrub pa'i lcang shes ma/__/rta mchog rin chen mchog tu=____/sa gsum 'byung po mi dang mi ma yin/__/skad cig nyid la thal ba bzhin du brlag__/ma mo bye ba 'bum sde'i dbus bzhugs ma/__/dmag dpon rin chen mchog=____/gzod nas rab zhi mtshan ma'i chos las 'das/__/'khor 'das kun khyab brtan g.yo spro zhing sdud/__/yum chen b+ha ga hri ti zhes grags ma/__/chos sku dbyings phyug chen mor=____/'byung lnga'i rang bzhin rtag pa'i rgyal mo lnga/__/dbyings las ma g.yos chos la dbang bsgyur zhing /__/rigs lnga'i rgyal bar bde chen mchod 'bul ma/__/longs spyod rdzogs sku'i gtso mor=____/snying rje'i rang bzhin phrin las 'gogs pa med/__/gang 'dul gzugs 'chang par+Na sha wa ri/__/drag mo'i skur ston dud pa'i sol ba ma/__/bstan bsrung rgya mtsho'i gtso mo=____/'dod pa khams kyi bud med nyag gcig ma/__/gling bzhi dbang byed rdo rje drag mo rgyal/__/rnam 'phrul mtha' yas legs nyes stong 'dzin ma/__/khyod la phrin las zhu zhing gsol ba ni/__/thub pa'i bstan pa yun du gnas pa dang /__/de 'dzin byed rnams zhabs pad rab tu brten/__/chos skyong rgyal po'i dbu 'phang mtho zhing rgyas/__/'jig rten kun du dge ba'i phrin las mdzod/__/rnal 'byor bdag cag 'khor dang bcas pa rnams/__/ma yi bu bzhin rtag tu skyong ba dang /__/yid la bsam pa'i don rnams ma lus kun/__/'bad med lhun gyis grub pa'i phrin las mdzod/__/tshe 'di nyid la sangs rgyas byed pa yi/__/snga 'gyur yo ga gsum gyi bshad sgrub dang /__/khyad par a nu'i rgyud lung man ngag gi__/'chad nyan sgom bsgrub dar ba'i=____/sangs rgyas kun gyi dgongs pa 'dus pa'i mdo/__/bstan pa spyi 'grol chen po'i bshad rgyun gyi/__/klog pa'i thos bsam grwa tshogs rab rgyas shing /__/rnal 'byor gsum gyi nyams len mthar rgyas mdzod/__/byang chub sgrub la bar du gcod pa dang /__/bstan la sdang ba'i kla klo rgyab rten bcas/__/sprul pa'i mtshon lngas rdul phran bzhin du bcom/__/phyogs las rnam par rgyal ba'i phrin las mdzod/__/ces rol mo'i sgra rgya cher sgrags la skyem phud rnams mchod do/__/ces pa'ang lung dang rtogs pa'i dbang phyug kaHthog mkhan mgo tsha o rgyan bstan 'phel nas bkra shis pa'i lha rdzas dang bri gzhi'i shog bu bcas gnang nas gsung bskul ngor 'jam dbyangs blo gros rgya mtshos kaHthog rdo rje gdan gyi rgyud sde'i yang rtser bris pa shin tu dge zhing bkra shis par gyur cig__/shu b+haM//__// tshe ring mar bstod pa ka la ping+ka'i dbyangs snyan zhes bya ba/__/ka chen gnam du zug 'dra'i mthon mthing ri/__/kha dog dri med nor bu chu shel ltar/__/ga nas bltas kyang lhun chags mthong bas dga'/__/nga yi grogs mo tshe ring rgyal mo bzhugs/__/ca co ma yin snyan pa'i dbyangs kyis 'bod/__/cha lang la sogs rol mo'i sbyor ba dang /__/ja chang 'o zho dkar mngar mtsho ltar bskyil/__/nya ma ston ka'i zla gzhon tshogs kyis bskor/__/ta tha ga ta'i bstan srung mthu mo che/__/tha dad min pa'i ye shes mkha' 'gro dngos/__/da lta zhing skyong ma mo yongs kyi gtso/__/na gzhon mdzes ma'i tshul gyis bstan pa srung /__/pa wa sangs ltar 'jig rten khams 'dir mdzes/__/pha rol dregs ldan bye ba'i yid dbang 'gugs/__/ba mchog dpag bsam shing sogs 'byor pas phyug__/ma lus 'gro ba kun gyi gnyen gcig pu/__/tsa ma ra yi bsil g.yab ji bzhin du/__/tsha reg gdung sel ka spu ra bzhin bsil/__/dza ti bi ha la sogs bsung zhim 'thul/__/wa ler gsal zhing mdzes pa'i gar stabs bsgyur/__/zha ltar mtho ba'i gtsug tor nor bu'i 'od/__/za ma tsam la'ang rgyun mi chad par 'phro/__/'a 'ur spangs nas rtse gcig mchod byas na/__/ya rab snying gi grogs mor gyur nas kyang /__/ra ltar gyong ba'i rtsa yi mdud pa grol/__/la wa pa ltar grub pa'i sa mthor gshegs/__/shA sa d+ha ra'i bstan pa rgyas par spel/__/sa steng kun khyab nag phyogs lha min 'joms/__/ha ha hi hi dgyes pa'i gad mo sgrogs/__/a don skye med don ston khyod la bstod/__/rdo rje'i lus kyi rtsa rlung thig le'i grong /__/longs su spyod cing mi 'bral brtan bzhugs nas/__/nges gsang rig pa'i rtsal chen sbar ba dang /__/lhan skyes sku gsum zhing du 'dren par mdzod/__/gnas skabs kun tu dam chos sgrub pa yi/__/bar chad sel zhing mthun rkyen yid bzhin sgrubs/__/dngos nyams rmi lam rnams su brda thabs kyi/__/rten 'brel 'char sgo sgrib med gsal ba yi/__phrin las dam pa mngon par sgrubs shig kye/__/rgyal ba'i bstan dang bstan 'dzin dar zhing rgyas/__/'jig rten khams kyi rgud pa ma lus sel/__/snod bcud rdzogs ldan dpal gyis mtho ba dang /__/dge legs zla snang 'bum gyis khyab gyur cig__/ces pa'ang sa khyi lo'i chu stod zla ba'i dkar phyogs kyi dga' ba dang por gtsug lag lung rig smra ba'i nyi mas rdo rje gling du bris pa sid+d+hir b+ha wan+tu/__mang+ga laM//__// sman btsun mched lnga'i bstod pa rab dga'i dbyangs zhes bya ba bzhugs so/__hU~M/__chos dbyings mkha' klong yangs pa las/__/rnam rol de bzhin gshegs ma lnga/__/ngo bo gcig las shar ba ni/__/sman btsun DA ki mched lngar bstod/__/zhing skyes mkha' 'gro kun gyi rje/__/rnal 'byor ma dang sing ha mus/__/dbang bskur dam tshig gtsug tu bkod/__/dam ldan bstan srung mched lngar bstod/__/brtul zhugs grub pa pad 'byung dang /__/rnal 'byor bzhad pa rdo rje yis/__/ji ltar bka' bsgos gnyer gtad ltar/__/sgrub brgyud bu bzhin skyongs la bstod/__/don dam badz+ra wa ra hI/__/rnam pa sman btsun lha mo lnga/__/any+tsa d+ha ra'i sa srungs che/__/gangs can dkar phyogs gtso bor bstod/__/res 'ga' mthon mthing rgyal mor gshegs/__/skabs 'gar dur khrod brgyad na bzhugs/__/grub pa'i gnas yul dag na gnas/__/cho 'phrul sna tshogs ston la bstod/__/zhing sngags lhan skyes pho nya mo'i/__/tshogs rje tshogs kyi bdag mo che/__/lhan skyes bde chen ster mdzad ma/__/rigs kyi yum chen khyod la bstod/__/mchod gtor rgya chen 'di bzhes la/__/'dren pa'i bstan pa srung ba dang /__/bdag cag rnal 'byor bu bzhin skyongs/__/las dang ye shes dngos grub stsol/__/'chi med tshe dang snang gsal pra/__/rma g.yang zas dang bang mdzod nor/__/rkang bzhi phyugs kyi dngos grub sogs/__/'bad med lhun gyis grub par mdzod/__/ces bstod pa 'di'ang 'jam dbyangs blo gros rgya mtshos bstod cing gsol ba dge legs su gyur cig/__//__ @#/__/sman btsun ye shes DA ki lnga la bstod gsol rab dga'i gling bu zhes bya ba bzhugs so/__/ na maHDA ki na ye/__bde stong bde ba'i gar mkhan ye shes sku/__/dwangs sman gzugs su bsgyur ba'i DA ki lnga/__/kun tu rtog pa thams cad zos pa yi/__/lhan skyes grub pa'i mtshar sdug shin tu ngom/__1/__shel dkar rdul du spungs pa'i lhun po ni/__dwang bsil dri ma med pa'i mthon mthing ri'i/__/mkha' 'di 'bigs par byed ces snyems pa der/__/las kyi sprul pa'i gzhal med khang chen mdzes/__2/__'chi med rig sngags bskal par bzlas pa dang /__/bsod nams rgyu yis bskrun pa'i tshogs zong ni/__/srid pa'i khyon 'di phyur bur brdal ba las/__/bkra shis tshe ring rgyal mo'i mdzes sku snang /__3/__bde gshegs rnam snang dgyes rol gar mkhan ma/__/gcig las gnyis par 'phos pa'i ye shes srog__/'jig rten mi mo'i phung po'i dkyil zhugs pas/__/ye shes mkha' 'gro sna tshogs gzugs can ma/__4/__mthing zhal ma dang mi g.yo blo bzang ma/__/cod pan mgrin dang btal kar 'gro can rnams/__/rang rig sprul pa 'bum phrag dang bcas pa/__/lhan skyes rang chas nyid du 'char bar gyur/__5/__lha klu gnod sbyin dri za mi'am ci/__/grul bum lto 'phye phyogs bdag skyongs ba sogs/__/kun kyang dbang gi mchim pas 'debs pa lam/__/mig gi zim bur blta zhing thor tshugs 'dud/__6/__gdong lnga rtsal ldan gangs ri'i phung po la/__/g.yu dang baiDUR+Ya ltar sngo ba yi/__/ral pa ze ba rnga ma'i chun po rnams/__/sprin sngon rlung gi g.yengs 'dra rnam par bskyod/__7/__lha yi rin chen sna tshogs las byas pa'i/__/sga srab mu tig rdo rje pha lam sogs/__/rin chen brgyan gyi spud par 'jam pa'i stan/__/lha rdzas reg 'jam bde ba'i 'bog gis bklubs/__8/__lha mo gzhon nu man+dA ra ba yi/__/thod bcings sked skabs sra zhing myos bum mtho/__/stod smad rgyas shing chu skyes ze'u 'brus mdzes/__/spyan zungs ut+pal ltar gnag ri dwags mig9/__mkhur tshos cung zad dmar ba'i 'od kyis 'khyud/__/mchu sgros pad+ma ge sar 'dzum pa la/__/dung gi tshem phreng dkar mnyam thag bzang ba/__/dbyibs legs shangs zur legs pas brgyan pa dang /__10/__mnyen lcugs 'khril ldem phyag zhabs sor mo rnams/__/dal gyis 'gul bas srid zhi'i thabs mchog rnams/__/skad cig sdud dang spyan gyis zur mdas gzir/__/nam yang mi 'bral phyag rgya dam pos bcings/__11/__smin ma'i 'khri shing g.yo ba'i gar phra mos/__/'dod chen me ni rlung gis sbar ba bzhin/__/chags bral rnams kyang sred pa ldang nus pa'i/__/bde ba'i sgyu can bde mchog sgyu ma che/__12/__rin chen sil khrol nor bu'i sked chings dang /__/mdzes pa'i phyag zhabs sor mor rat+na yi/__/gdu bus smras dang dri bsung dngar po yi/__/yid ga 'phrog cing khyod zhal blta la phyogs/__13/__rigs lnga'i rtse phran pad+ma'i rtsa ching gi__/dbu rgyan gnag snum dbu skra'i chun po ni/__/gtsug tu 'khyil rtser nor bu'i tog 'bar bas/__/phyogs bcu'i dkyil 'khor 'od kyis dkrigs par byas/__14/__lhag ma sku rgyab sil bur grol pa yi/__/nyag ma rer yang gser g.yu mu thig sogs/__/srid na dkon pa'i chun po spel legs dang /__/mgul ga rin chen phreng bas mdzes par rgyan/__15/__snyan gong ut+pal dkar po'i dar dbyangs dang /__/lha yi na bza' 'jam mnyen sku la 'khril/__/dkar dmar mthing ljang tshon gyi rab bkra ba'i/__/nang gos stod g.yogs smad khebs dbang gzhu ltar/__16/__ye shes rang bzhin ye shes rdo rje ni/__/gser sbyangs rtse lnga mda' dar dang bcas g.yas/__/'chi med tsan+Da li yi bdud rtsi la/__/tshe dpag med kyi haM bzhus dkar dmar thig17/__gcig tu 'khyil ba'i chu shel bum pa bzang /__/dpag bsam ljon shing gsar pa'i kha rgyan can/__/myos bum g.yon pa'i phyogs su brtan cing 'dzin/__/sgrub pa po la 'chi med dngos grub ster/__18/__ri dwags rgyal po dregs pas bsgyings ba'i khrir/__/btsun mo rol pa'i stabs kyi 'gying bag bzhugs/__/rgyal ba sras bcas dgyes pa bskyed pa'i yum/__/bcu drug bde ster rnam kun mchog ldan ma/__19/__ye shes gcig nyid du mar 'char ba'i 'phrul/__/d+hA ki rigs bzhi brtan ma chen mo sogs/__/dngos gcig sgyu ma'i cho rol dpag yas kyi/__/'khor 'das dbang bsgyur dbyings yum kun bzang mo/__20/__rnal 'byor ma dang phag gdong can ma dang /__/lA ma dum skyes khaN+Da gzugs can ma/__/dpal ldan 'khor lo sdom pa'i snying po lnga/__/zhing skyes mched lnga nyid las gzhan ma dmigs/__21/__spyan dang mA ki gos dkar dam tshig sgrol/__/dbyings phyug ma ste de bzhin gshegs lnga po/__/dgyes bskyed yum chen lnga'ang khyod nyid de/__/khyed rnams gshegs ma lnga ru lhun gyis grub/__22/__de ltar 'khor 'das kun khyab DA ki lnga/__/rnal 'byor rang sems dag pa'i snang cha ru/__/mkha' 'gro'i dkyil 'khor bye ba bsam yas kyi/__/gtso mor 'char ba'i nges pa'i shes pas bstod/__23/__kun la dbang bsgyur lte ba zab cing 'khyil/__/sdug bsngal drwa ba gcod pa'i rtsibs rnon po/__/rgyu dang mi rgyu kun la 'phar ba yi/__/'khor lo rin chen mchog tu mnga' gsol lo/__24/__brtan g.yo'i phun tshogs ma lus 'byung ba'i gzhi/__/srid zhi'i dge legs 'byung ba'i 'od po che/__/rnam rtog mi mnga' 'dod rgu 'bad med 'jo/__/nor bu rin chen mchog tu mnga'=__25/__gsang ba mchog gi dgyes pa'i dga' tshal na/__/zhi dang khro bo'i thabs mchog khab len rdos/__/nus pa ji bzhin dbang du sdud mdzad ma/__/btsun mo rin chen mchog=__26/__blo gros yangs pa'i shes rab khog yangs par/__/'gro ba'i don la mi skyo bzod pa che/__/rtog pa'i rlung gi mi g.yo rab tu brtan/__/blon po rin chen=__27/__longs spyod yongs rdzogs theg pa'i khur chen khyer/__/kha sbyor yan lag bdun dang ldan pa'i bdag__/phyin drug mtsho ldan bsdu dngos sna zhags bsgyangs/__/glang po rin chen=__28/__mngon shes drug ldan gang bsam yud kyis bskor/__/kun gyi yid 'phrog mthong ba'i spu sdug mdzes/__/yon tan tshad med rin chen sga srab can/__/rta mchog rin chen=__29/__bstan la 'khu ba'i lha min kla klo'i tshogs/__/lta log mu stegs sde ris bcas pa rnams/__/rtsad nas brlags pa'i stobs can drag mo rgyal/__/dmag dpon rin chen=__30/__sna tshogs zhing na sna tshogs 'dul mdzad pa'i/__/'gro ba'i don sgrub phrin las glogs ltar myur/__/thugs rje'i mthu mnga' mkhyen nus tshad med pa/__/zhing skyes sprul sku'i gtso mor=__31/__dpal ldan yon tan rin chen lhun po ni/__/dbang phyug brgyad ldan bdud bzhi dbyings su bcom/__/zag med mkhyen pa'i stobs bcu'i rtsal rdzogs pa/__/dbyings phyug longs sku'i gtso mor=__32/__zab zhi spros bral rnam bcas chos rnam kun/__/rnam med bde stong dbyings su sdud mdzad cing /__/'phags bzhi'i skyes yum shes rab pha rol phyin/__/don dam chos sku'i bdag mor mnga' gsol lo/__33/__de ltar bstod cing mnga' gsol phul ba'i mthus/__/any+dza'i d+hA ra'i sa srung DA ki lnga/__/dgyes rab mchod pa'i phul du gyur nas kyang /__/lhan skyes nyi ma snying la rtag 'char shog34/__rdo rje zla ba rgyas pa'i zhun thig ni/__/bkra shis dpyid kyi dpal mo'i nyi ma dang /__/lhan cig kha sbyor bde chen thig le yi/__/mchog tu mi 'gyur gtsug tor rtser brtan mdzod/__35/__de yi mthu las lnga bdo'i rgud pa zhi/__/'jig rten pa kun rab rgyas rdzogs ldan 'phel/__/bstan dang bstan 'dzin dbu 'phang cher mtho ba'i/__/phyogs las rnam rgyal bkra shis bde legs mdzod/__36/__lha dbang g.yul las rgyal ba'i rnga sgra ltar/__/mi 'jigs spobs pa'i gter chen brdol ba yi/__/'jam dpal dpa' bo blo ldan mchog srid kyi/__/gsang ba gsum dang dbyer med bdag gyur cig37/__ces pa'ang dad dam mkhyen rtogs phul byung tshe ring dbang gi rgyal pos bskul ba dang /__rang gis kyang bri 'dod zhig byung bas pad+ma ye shes rdo rjes rgyal zla'i tshes lnga la bris pa 'dis kyang mchog tu dge zhing bkra shis par gyur cig/__//__ sman btsun ma'i mnga' gsol tshe ring dpyid kyi rgyal mo'i dbyangs snyan ces bya ba bzhugs so/__/de la 'dir sman btsun mched lnga la mnga' gsol 'bul bar spro na/__bsang dkar mngar bdud rtsi'i skyems phud dang /__ba dan rgyal mtshan sogs sbreng la/__las gzhung gi bskang ba'i mjug tu dbyangs rol bcas/__kye/__'od gsal dag pa shel gyi gur phub 'dra'i/__/lta na lhun sdug mthon mthing rgyal mo nas/__/ye shes dpal ster sman btsun mched sde lnga/__/'dir gshegs bzhugs la mnga' gsol mchod pa bzhes/__/byin rlabs dngos grub rgya mtsho'i gter chen mo/__/lhan skyes mchog tu mi 'gyur bde ba che/__/mngon sum snying la ster bar mdzad pa yi/__/bla ma rin chen mchog tu mnga' gsol lo/__/thabs mchog he ru ka dang dgyes par rol/__/shes rab pad+mo 'dzum pa'i ze'u 'bru la/__/grub gnyis rdul dmar zil mngar 'jo mdzad pa/__/mchog sbyin yi dam lha ru mnga' gsol lo/__/mkha' spyod zhing na rdo rje rnal 'byor ma/__/ye shes sgyu ma'i rjes chags rol gar las/__/lhan skyes mkha' 'gro sde lnga'i skur snang ba/__/DA ki 'bum gyi gtso mo=____/thub pa'i bstan pa rin chen sgron me la/__/log par gzung ba'i lha min rlung dmar rnams/__/mi zad 'jigs rung mun pa'i klong bsdud pa/__/bstan srung rgya mtsho'i mchog tu=____/dge legs dpal gyis lte ba rab gling zhing /__/srid pa'i 'jigs 'phrog nyes brgya gcod par byed/__/phyogs kyi tha gru kun na g.yas su 'khor/__/'khor lo rin chen mchog tu=____/gang la bsten par 'dod dgu'i dngos grub sbyin/__/gnas skabs mthar thug kun tu bkra shis pa'i/__/'od snang phyogs bcur 'phro bas dbul sel ba/__/nor bu rin chen=____/zag med bde ba mchog gi ye shes ni/__/dngos su 'dren pa'i pho nya gar mkhan ni/__/pad+ma'i 'khri shing mdzes pa'i dpal ldan ma/__/btsun mo=____/pha rol phyin bcu mthar phyin dbang bcu rdzogs/__/stobs bcu'i dbang phyug rgyal ba'i yum chen mo/__/sras bcas rgyal ba'i tshogs la bka' bgros pa'i/__/blon po=____/lha min kla klo'i mtha' dmag 'byung po'i sde/__/'joms byed stobs ldan drag mo chen mo ni/__/phrin las nus pa'i rtsal shugs rab rdzogs pa/__/glang po=____/dmigs med snying rje chen po'i spu sdug mdzes/__/bsdu dngos bzhi yi rmig pa rab tu brtan/__/tshad med rin chen gser gyi drwa bas spras/__/rta mchog=____/bdud kyi dmag tshogs thal ba'i rdul bzhin bcom/__/g.yul rgyal lha yi rnga chen phyogs brgyar ldir/__/dpa' ba'i dar phyar drag po'i dung 'bud pa/__/dmag dpon=____/'jig rten 'das dang ma 'das dbus na mtho/__/lhun po bzhin du dge legs dpal gyis brjid/__/tshe dang ye shes dngos grub stsol mdzad pa'i/__/'bral med snying gi grogs mor mnga' gsol bas/__/sman btsun DA ki mched lnga dgyes bskyed de/__/'di bzung byang chub bar du lha mo khyod/__/pad+mo gzhon nur nyi ma'i dkyil 'khor bzhin/__/mi 'bral mthun pa'i grogs su 'char ba dang /__/bstan pa rin chen 'ba' zhig nyer dgongs pa/__/bshes gnyen mchog rnams sku tshe rab brtan cing /__/bshad sgrub thos bsam sgom pas dus 'da' zhing /__/rnam dag thub pa'i ring lugs rgyas gyur cig__/chos ldan rgyal khab chab srid dgung du reg__/'bangs rnams yang dag lta bas 'tsho ba yis/__/'jigs rung dus kyi mun pa kun zhi nas/__/bkra shis nyi mas sa gsum khyab gyur cig__/zhes skyems phud phyogs bcur 'thor/__/ces pa'ang rang slob tshe ring dbang gi rgyal po nas snga rjes nan cher bskul ngor 'jam dbyangs blo gros rgya mtshos sman shod rdo phu mgul lha mi nam mdun rol chu stod zla ba'i tshes brgyad la bris pa dge legs mchog tu rgyas par gyur cig/__//__

zhing skyes DA ki tshe ring ma'i mnga' gsol bzhugs/__kyai/__ka dag chos dbyings kun bzang mo/__/yum chen shes rab pha rol phyin/__/spros pa kun gyi nyer zhi ma/__/chos kyi sku ru mnga' gsol lo/__/de bzhin gshegs pa thams cad kyang /__/khyod las byung zhing spro mdzad cing /__/lhan skyes rdo rje phag mo ni/__/longs spyod rdzogs skur=____/'khor 'das kun gyi bdag mo ni/__/dbyings phyug brag mo khros ma'i rgyal/__/bde chen ral cig zhi skur ston/__/sprul pa'i sku ru=____/rje btsun myur ma dpa' mo ni/__/mthon mthing rgyal mor rtag chags la/__/tshe ring ma zhes ming 'bod pa/__/zhing skyes DA kir=____/rig 'dzin he ru ka rnams kyi/__/dgyes yum bde stong mchog ster zhing /__/rtsa rlung thig le'i mdud grol ma/__/rnal 'byor ma dpal=____/ye shes rigs lnga'i rtsal mdangs las/__/zhing skyes DA ki mched lnga po/__/don la mkha' 'gro sde lnga yin/__/'khor 'das kun khyab=____/mkha' 'gro bye ba 'bum gyi gtso/__/gnas yul zhing rnams skyongs mdzad ma/__/rnal 'byor snying gi thig le ru/__/mi 'bral rtag tu mnga' gsol lo/__/ye shes rig pa'i rtsa sgo 'byed/__/rnal 'byor gsang mchog lam bsgrod nas/__/pad+ma kun tu 'chang chen po'i/__/go 'phang tshe 'dir 'grub par mdzod//__//

zhing skyong kun dga' gzhon nu'i rgyun bsnyen zab rgya can bzhugs so/__/na mo gu ru seng+he gaN+De ye/__skyabs sems sngon du 'gro bas/__snod bcud mi dmigs stong pa'i ngang nyid las/__/gru gsum dmar nag khrag mtsho khol ma'i klong /__/bdud rta nag po sga srab rgyan ldan steng /__/bdag nyid zhing skyong mgon po seng ge'i gdong /__/kun dga' gzhon nu legs grub rdo rje ni/__/mthing nag phyag g.yas dar nag ru mtshon phyar/__/g.yon pas thod rlon skra bcas dmar gtor 'dzin/__/dpal 'bar dmar nag seng zhal phyag g.yas kyis/__/dgra s+t+wa rtse gsum mgul na dar dmar 'phyar/__/g.yon gyi b+han+d+har dgra snying rlon pa bsnams/__/yab kyi g.yon nas 'khril tshul khro mo'i chas/__/dam ye dbyer med me rlung 'khrugs par bzhugs/__/spyi bor gu ru seng+ge sgra sgrogs ni/__/sku mdog sngon po rdo rje lcags sdig 'dzin/__/khro bo'i chas rdzogs mu stegs dam sri'i steng /__/zhabs gnyis dor stabs bzhugs pa gsal ba yi/__/snying gar rdo rje gro lod bzhugs par bsgom/__/yab kyi thugs kar nyi dkyil hU~M sngon po/__/yum gyi thugs kar tri dmar gsal ba dang /__/hU~M tri gnyis las sngags kyi 'od zer ni/__/spu gri ltar 'phros gnod byed dgra gdon dang /__/dam sri bgegs tshogs ma lus tshar bcad bsam/__oM badz+ra sed+ha gaN+De d+harma d+hA tu hU~M hU~M hU~M/__cung zad bzlas pas gnya' mnan/__oM tri shrI badz+ra ma hA kA la sed+ha mu kha sarba sid+d+hi pha la hU~M dza dzaHma hA kA la si na ra ma sid+d+hi pha la hU~M dzaHzhes bzlas thun mthar chos skyong yab yum mi dmigs dbyings su bstim la mnyam par bzhag go/__gu h+ya/__rgya rgya rgya/__pad+ma ye shes rdo rjes sa khyi hor zla bzhi pa'i tshes gsum la rdo rje gling du yid ngor shar bzhin bris pa slad nas cung zad dag par byas pa dge zhing bkra shis par gyur cig/__//__ zhing skyong chen por phrin bcol bdud las rgyal ba'i rnga sgra zhes bya ba bzhugs so/__/hU~M/__/rgyal ba'i bstan pa srung ba'i sde dpon che/__/gnas gter zhing rnams skyong ba'i mgon po ni/__/seng+ge'i gdong can bdud kyi stobs 'phrogs pa/__/zhing skyong kun dga' gzhon nu yab yum dang /__/las mkhan dreg pa sde brgyad 'khor bcas rnams/__/dgra bgegs sha khrag gtor ma 'di bzhes la/__/sangs rgyas bstan dang bstan 'dzin dbu 'phang bstod/__/nag po'i phyogs rnams rdul du brlag par mdzod/__/khyad par rnal 'byor bdag cag 'khor bcas la/__/gnod par sems pa'i gzugs can gzugs med dgra/__/log par sems pa'i dam sri pho mo'i rigs/__/rnam shes bde ldan zhing du drongs byas te/__/lnga phung bsgral zhing 'bar ba'i zhal du bstab/__/las ngan bag chags rtsad nas bcad pa dang /__/bde 'gro'i rten bzang thob nas byang chub kyi/__/lam mchog rnyed pa'i phrin las mdzad du gsol/__/mi mthun 'gal rkyen nyer 'tshe zhi ba dang /__/tshe bsod dpal 'byor ye shes yon tan rgyas/__/khams gsum rlung sems snang ba dbang du bsdus/__/phyi nang gsang ba'i dgra gdon bgegs tshogs brlag__/mdor na rnam bzhi'i phrin las gang brtsam rnams/__/rig 'dzin brgyud pa'i dam bzhes tha tshig las/__/mi 'da' 'bad med myur ba nyid du sgrubs/__/ji ltar bcol pa'i phrin las 'grub par mdzod/__/pad+ma'i bka' srol bka' gter dag snang gi__/dam chos bshad sgrub 'du tshogs dar shing rgyas/__/mchog gsang 'od gsal rdzogs pa chen po yi/__/bstan pa 'phel zhing rgyas pa'i phrin las mdzod/__/phyi ltar legs grub rdo rje lcam dral rnams/__/nang du ro rkyang bdud mgon yab yum shar/__/gsang ba za byed rdo rje srin po che/__/yang gsang kun bzang dpal chen he ru kaH/__nges pa'i shes pa mchog gis bsten pa yis/__/'di phyi bar do'i gnas skabs thams cad du/__/rtag tu bsrung skyobs sdong grogs mi g.yel zhing /__/skad cig tsam yang mi 'bral phrin las mdzod/__/bdud sde'i g.yul las rnam par rgyal ba yi/__/ru mtshon phyogs brgyar bsgrengs shing snyan grags kyi/__/bkra shis sde lnga'i sgra dbyangs sgrogs pa dang /__/'chi med rdo rje'i sku 'grub phrin las mdzod/__//__ces pa'ang 'jam dbyangs blo gros rgya mtshos rang lo bzhi bcu chu sprel khrums zla'i tshes 20la sbyar ba 'di yang don dang ldan par gyur cig/__//__ dur khrod lha mo'i gsol bsdus bzhugs so/__/b+h+yo/__mi 'gyur bde chen chos dbyings dag pa'i klong /__/ma rung 'dul phyir srin mo khros pa'i gzugs/__/dur khrod chen por 'jigs rung 'bar ba'i sku/__/mi bsrun shan pa'i tshul 'chang ngan ne ma/__/'khor tshogs sprul pa yang sprul bcas pa rnams/__/dam rdzas sman raka gtor ma'i mchod pa bzhes/__/mthun pa'i spyan gzigs dgra bgegs bsgral ba yi/__/'dod yon lnga dang rta g.yag lug nag che/__/drel nag bong bu 'phar ba spyang ki dred/__/khyi nag la sogs mi bzad rngams sgra sgrogs/__/rnam bkra'i dar mtshon mda' dar me long dang /__/nal bu'i snying dang rgyal mtshan srog 'khor sogs/__/rten skongs mchod dang sgrub rdzas sna tshogs pas/__/thugs dam bskang ngo nyams chags dbyings su sol/__/rnal 'byor rang sems dag pa'i cho rol dang /__/dbyer med gcig tu bsres pas 'du 'bral med/__/rtsal snang sgyu mar shar ba'i rnam 'phrul gyi/__/nad gdon bgegs bzlog dgra jag chom rkun chings/__/byad phur rbod gtong gnod pa zhi ba dang /__/mchog gsang bstan pa rgyas pa'i phrin las mdzod/__/ces pa'ang rang slob lha bris mkhas pa karma rdo rje'i ngor chos kyi blo gros pas me phag khrum zla'i tshes nye dgu la bris pa'o//__// dam can bstod pa bzhugs so/__/hU~M hriH/__rgyal ba kun gyi thugs rje las 'khrungs rtsa gsum gcig sdus pad 'byung gi__/bka' nyan phrin las mthu stobs rmad byung snang srid sde brgyad kun gyi rje/__/'das dang ma 'das kun tu bzhugs shing legs nyes stangs 'dzin byed pa'i gnyer/__/dam tshig can gyi srung ma chen po dam nyams rnams kyi srog gi gshed/__/gsang sngags bka' dang gter gyi mdzod 'chang badz+ra sa d+hu chen po ni/__/rtsal chen gdong lnga'i dbang po dang ni ra skyes 'jigs rung la sogs pa/__/ri ltar brjid cing glog ltar myur ba'i rtsal chen bang mgyogs bzhon pa'i steng /__/gang sku bye ru'i mdog ltar dmar dang mthing nag dug chen ha la'i mdog__/gzhan yang zhi rgyas sna tshogs sku ni cig tu ma nges cir yang ston/__/the'u rang sde tshogs ma mo mtsho sman dge bsnyen rmu bdud bye ba 'bum/__/gnam sa bar snang yongs su gang ba'i 'khor tshogs bsam mi khyab pa'i dbus/__/mi bzad dgra 'dul dpa' bo chen po rgya bod nor gyi bdag po ni/__/zhi rngams chags pa'i gzugs kyis nad gdon zhi dang bsod nams legs tshogs sdud/__/khro gtum sku ni mthong ba'i mod la bdud snying lkog mar lhung ba dang /__/drag por khros tshe dgra bgegs lus ni rno dkar mche bas 'thag par byed/__/tho chen drag pos stong gsum rdul phran bcom na bdud sde smos ci zhig__/don snying khrag chen zhal du 'dren shing rus pa'i tshogs ni krum krum gsol/__/sbud pa'i 'thor rlung dus mtha' shugs kyis lha min yul khams thal bar gtor/__/khyod thugs snying rjes rab tu zhi yang ma rungs rnams la drag por ston/__/gnam lcags rdo rje'i thog chen dang 'dra gang la thogs med stobs ldan pa/__/dgra lha'i rgyal po rdo rje legs par mchod gtor gser skyems rgya mtsho 'bul/__/dgyes pas bzhes nas rig 'dzin rnal 'byor bdag cag dpon slob 'khor bcas rnams/__/nyin mtshan kun tu mi g.yel srungs shing kha 'dzin rgyab rten stong grogs mdzod/__/zhi rgyas dbang drag las rnams ma lus myur du sgrub mdzad khyod la bstod/__/rtsa brgyud bla mas bka' bsgos ji bzhin bcol pa'i phrin las 'grub par mdzod/__/ces pa'ang kaHthog rdo rje gdan gyi gtsug lag khang du khyi snron zla'i tshe 11la blo gros rgya mtshos bris pa dge zhing bkra shis par gyur cig__/mang+ga laM/__/shu b+haM//__// dam can mgar nag gi gso ka'i zhal bkang ni/__hU~M/__lcang lo can gyi gnas mchog nas/__/gsang ba'i bdag po'i bka' nyan pa/__dam can skyes bu thig le rtsal/__/rdo rje legs pa gshegs su gsol/__/ma la ya dang 'o yug dang /__/rgya bod mdo gtsang chos 'khor che/__/bla ma gong ma'i bstan cing sgrub/__/mchod pa'i gnas su bzhugs pa yi/__/skyes bu chen po mched 'khor ni/__/sum brgya drug cu'i tshogs dang bcas/__/yang 'khor sprul par bcas pa rnams/__/ma thogs gnas 'dir spyan 'dren no/__/skad cig nyid la gshegs su gsol/__/tri badz+ra sa d+hU sa ma ya dza dzaHoM badz+ra sa d+hU sogs/__/sprul pa yang sprul tshogs la phyag 'tshal bstod/__/sangs rgyas bstan pa gnyan po khyod kyis bsrungs/__/dkon mchog dbu 'phang gnyan po khyed kyis bstod/__/bstan 'dzin skyes bu'i sku tshe rab tu bsring /__/'jig rten dus kyi rgud pa kun zhi nas/__/rdzogs ldan dpal la spyod pa'i phrin las mdzod/__/de nas skong ba bya bar spro na/__bskang rdzas rnams rang rang gi ming yig dang po thig les brgyan pa zhu ba las byung ba'i phyi nang gsang ba'i mchod sprin sa dang nam mkhar bar snang thams cad khyab par gyur/__na maHsarba ta thA ga ta b+h+yo bi shwa sogs lan gsum gyis brlab/__hU~M hrIH'og min gnas dang lcang lo can/__/ma la ya dang 'o yug mkhar/__/ye shes las dang dam tshig gi__/rdo rje legs pa 'khor bcas rnams/__/spyan 'dren mchod pa'i gnas 'dir gshegs/__hU~M hrIHlha rdzas las grub nyer spyod 'dod yon lnga/__sogs nas/__thugs dam skong shing las rnams ma lus mdzod/__/dam nyams bsgral ba'i dbang po rnam pa lnga/__/phyi rten rwa nag pha waM long bur tri/__/sku dang sngags byang rwa rgod rgyal tshan dang /__/sku mkhar smyugs ma tshig dgu rwa dbang lnga/__/byi la gwa pa bya nag khyi nag sogs/__/zangs khrab za 'og gser dngul go khrab dang /__/stag gzig pags pa mda' mdung ral gri dang /__/dgra s+t+wa tho ba dbyug pa s+t+wa re dang /__/rin chen sna tshogs dkar mngar khrag skyems phud/__/mchod gtor mda' dar sna tshogs g.yo zhing 'phyang /__/srog 'khor la sogs phyi nang gsang ba yi/__/rten rdzas bskangs rdzas sgrub rdzas mchod rdzas kyis/__/dam can skyes bu chen po'i thugs dam bskang /__sogs/__bstod pa ni/__sngags lan gsum/__hU~M hrIHdus gsum rgyal ba rnams dang gsang bdag gi__/spyan sngar bka' nyan dbang bskur thob pa dang /__/khyad par slob dpon pad+ma 'byung gnas kyi/__/zab gter bdag po rdo rje legs par bstod/__/'og min gnas na ye shes rdo rje legs/__/gsang bdag drung du dam can thig le rtsal/__/pad+ma'i bka' sdod dam can skyes bu che/__/mgar ba nag po khyod la bstod par bgyi/__/khyod ni gsang chen rgyud sde kun gyi gnyer/__/zab gter rgya mtsho'i sgo srung chen po dang /__/dzam gling nor bdag jag dpon dgra lha che/__/rig 'dzin yongs kyi srung ma khyod la bstod/__/rno myur rdzul 'phrul thogs med shugs dang ldan/__/dgra bgegs log 'dren dam sri rdul du rlogs/__/tshe nor spel zhing che dgu dbang du sdud/__/dpa' bo chen po badz+ra sa rdur bstod/__/phrin las bcol ba ni/__dam can skyes bu chen po 'khor bcas rnams/__/'dir gshegs rgyan gyi gtor ma 'di bzhes shig__/sogs spyi ltar ro/__/zhes mi nyag phyug dgon grwa bkra shis kyis gsungs gi bskul ngor/__chos kyi blo gros pas so//__// lha chen dbang phyug chen po la bstod pa yid 'phrog dbang gi lcags kyu zhes bya ba/__/rgyal kun gsang gsum gcig tu bsdus las brtan g.yo dbang bsgyur dpal ldan bde mchog sgyu ma'i gar/__/ngo mtshar bkod pa rgya mtsho'i khyon yang pha mthar brgal ba'i dbang mdzad dbang gi gar stabs can/__/rgyu dang mi rgyus zhabs mthil chu skyes dmar por btud cing 'od dmar drwa bar bcug mdzad pa/__/dbang phyug chen po lha yi lhar gyur u mar bcas la dwangs ba'i sems kyis rab tu bstod/__/bskal pa'i me las shugs drag rno zhing gzi byin rab rngams mthu chen dpa' bo'i brdzu bag can/__/zhi 'dzum dgyes nyams rnam mang thos sras grags pa de yi zhal gyi dpal rab 'phrog byed cing /__/'od snang mtha' yas dbang mdzad dpa' bor snang ba 'di na 'das dang ma 'das kun gyi gzhi/__/dbang phyug chen po lha yi lhar gyur u mar=____/rdo rje'i yangs pa chen po'i grong khyer 'di na 'bum phrag dpa' bo spyi dpal che/__/rdo rje'i lcags kyu dang ni zhags pa chen pos bgegs kyi rgyal po'i tshogs ni zil gnon cing /__/spyan mig nyi ltar 'khyil zhing 'od dmar glog ltar rtsen las dreg ldan skye bo 'dar byed pa/__/dbang phyug chen po lha yi lhar gyur u mar bcas la dwangs ba'i sems kyis rab tu bstod/__/khyed sku bsgom dang rigs sngags bzlas pa de yi mod la rnal 'byor dbang bcu brnyes gyur nas/__/rab myur me yi sbyor ba la sogs rigs sngags tshogs la rab brtson de ma thag pa'i mod/__/srid par gtogs pa'i chos kun khab len lcags phye 'du bzhin bstan 'gro'i dpal yon rgyas pa dang /__/rlung sems dbang gyur lha skur mngon gyur bde stong rdo rje'i ye shes de nyid grub par mdzod/__/ces pa'ang zla ba'i gnam stong la dbang mdzad dpa' bos bris//__// srid pa'i lha chen la bstod pa khams gsum 'gugs pa'i lcags kyu zhes bya ba/__bla ma thugs chen pad+ma rgyal po la phyag 'tshal lo/__/'jig rten che dgu kun gyi mnga' bdag che/__/srid pa'i mes po dbang phyug u ma yum/__/bde chen chags pa'i ros myos btsun mo bzhi/__/'khor tshogs bye ba 'bum sde'i tshogs la bstod/__/'dod pa'i khams na che btsan 'gran zla bral/__/srid pa gsum la dbang bsgyur dregs pa'i sde/__/lha dang lha min bdud srin gnod sbyin tshogs/__/bran du bkol ba'i rje bo chen por bstod/__/'dod pa'i rgyal po gzhan 'phrul dbang byed che/__/'dod pa'i yon tan kun la dgyes rol zhing /__/'dod don ma lus yid bzhin sgrub mdzad pa/__/'dod rgu'i dngos grub 'byung gter khyod la bstod/__/lha min g.yul bzlog lha yi sde dpon che/__/lha rnams kun gyi phyag bya'i 'os su gyur/__/lha la dbang bsgyur lha dmag skyob byed pa/__/lha chen ma hA de wi'i sku la bstod/__/tshangs pa'i gnas dang rgya mtsho chen po'i 'gram/__/gangs dkar ti se gnas yul dur khrod sogs/__/kun tu dga' ba nyams brgyas sgeg ba'i sku/__/zhi khro'i gar gyi rol par bsgyur la bstod/__/'jig rten tsam min 'jig rten 'das pa yi/__/'phags mchog pad+ma gar gyi dbang phyug dang /__/tha dad ma yin gnyis su snang ba tsam/__/dbang mdzad dbang gi dpa' bo chen por bstod/__/rab dmar rjes chags pad+ma'i lcags kyu gdengs/__/'od dmar rlung gi zhags pas srid gsum 'ching /__/mig 'phrul lta bur dgyes pa'i gar stabs bsgyur/__/dgra las rnam rgyal ling+ga bsgrengs la bstod/__/g.yas bskum g.yon brkyang 'dor stabs pad nyir 'gying /__/ral pa'i thor tshug zla ba tshes pas brgyan/__/lha rdzas gsar pa'i stod g.yogs cod pan dang /__/ut+pal dmar po'i rgyan gyis mdzes la bstod/__/yum chen chos dbyings stong pa'i rang gzugs ni/__/dka' bzlog chen mo gsang ba'i DA ki bzhi/__/dbang mdzad chen mor dgyes par sbyor mdzad ma/__/'khor 'das thams cad skyed sdud ma la bstod/__/res 'ga' lha chen drag por ston pa'i tshe/__/rab khros zhing skyong gdong bzhi mgon por sprul/__/dregs byed 'khor gyi dbus na 'gying zhing brjid/__/rgyal ba'i bstan srung chen por bstod bar bgyi/__/snang srid rnam dag mchod pa'i rdzas chen po/__/khyod kyi dbang po drug la dgyes dgur stob/__/'gal 'khrul nyams chags nyes byas thams cad bshags/__/thugs dam bskang ngo mchog thun dngos grub stsol/__/rgyal ba'i bstan dang bstan 'dzin dar zhing rgyas/__/'jig rten yang dag lta spyod dang 'gal ba'i/__/bstan dang 'gro ba'i bde skyid bcom pa rnams/__/rtsa sbur me dang 'phrad bzhin gzhom par mdzod/__/bdag cag skye dang tshe rabs thams cad du/__/rgyal ba'i bstan pa spel ba'i mthu dang nus/__/yongs su rdzogs te bstan 'gror bde skyid kyi/__/sgo 'phang myur du 'byed pa'i phrin las mdzod/__/khams gsum brtan g.yo thams cad rang sems kyi/__/rol rtsal shar ba'i snang bar nges rnyed pas/__/rang rig bde chen klong du 'ub chub cing /__/lha chen po dang dbyer med 'grub par shog__/ces pa'ang 'jam dbyangs dga' ba'i go chas rgya gar rdo rje gling du sa khyi lo'i zla drug tshes nyer dgu rgyal dang phur bu'i 'grub sbyor bzang por bris pa rgyal bstan rin po che yun du gnas pa'i rgyur gyur cig__/sarba dA mang+ga laM/__zhal dro'o//__// sha za ma mo'i mchod 'phrin bzhugs/__hU~M b+h+yoHsngon tshe pad+ma dbang chen pad 'byung gis/__/dam la btags pa'i sha za hor mo che/__/mi bsrun srin mo'i gzugs can drag mo'i sku/__/smug nag zhal gcig phyag gnyis ral gri dang /__/thod rlon bsnams nas 'jigs pa'i spyang mo zhon/__/nag mo 'bum sde'i 'khor tshogs dang bcas pa/__/'dir byon bstan pa'i dgra bgegs bsgral du gsol/__/nyams pa'i sha khrag rus gsum dgyes par rol/__/ma mo mthun pa'i dam tshig rdzas kyis bskang /__/sman raka gtor ma skyems phud 'di bzhes la/__/rnal 'byor bdag gis ji ltar bcol ba rnams/__/ma thogs myur du sgrub shig sa ma ya/__/sha za hor mo sa pa ri wA ra i dam ba ling ta kha kha khA hi/__/zhes bsngo'o/__/zhes pa'ang a mdo bla ma ngag dbang bstan dar nas bskul ngor chos kyi blo gros pas hor zla'i tshes 20nyi ma dmar thag chad pa na gang shar bris pa dge/__//__ drang srong lok+t+ri zhi ba'i bka' srung mchod thabs bsdus pa bzhugs so/__/mchod gtor rnams/__ra~M ya~M kha~M/__oM AHhU~M ha ho hrIHsa brlab/__rang gi thugs ka nas 'od zer 'phros pas nags tshal drwa ba can gyi nub phyogs pad+ma drwa bas khebs pa'i mtsho rdzing nas 'chi med nye dbang tsan+Di kA 'khor dang bcas pa spyan drangs par gyur/__hU~M hU~M/__dad pa dang ni dam tshig gis/__/tshur gshegs 'chi med tsan+Di kA/__/nye ba'i dbang mo bde chen lcam/__/mched bdun sprul pa yang sprul bcas/__/o rgyan pad+ma saM b+ha dang /__/drang srong 'chi med kun tu dges/__/bka' dang tha tshig gnyen dgongs la/__/dam tshig dag pa'i gnas 'dir byon/__/pad nyi rin chen mdzes khrir bzhugs/__/phyi nang gsang ba bla med pa'i/__/mchod sprin rgya mtshos dgyes par mdzod/__/oM ma hA su kha tsan+Di kA tsit+ta hrIng hrIng dza dzaHdza hU~M ba~M hoHoM ma hA su kha tsin+Di kA tsit+ta hrIng hrIng dza dzaHi daM ba liM ta kha kha khA hi khA hi/__sarba pU dza sa ma ya hoHbtags pa lan gsum gyis dbul/__oM tsan+Di kA sa pA ri wa ra ar+g+haM sogs kyis mchod/__ma hA pany+tsa a mr-i ta sogs kyi sman raka dbul/__'chi med nye dbang tsan+Di kA 'khor dang bcas pa khyed rnams kyis sangs rgyas kyi bstan pa srung /__sogs dang /__hU~M/__sor rtog ye shes pad+ma'i rigs/__/gos dkar yum gyi rang mdangs las/__/bstan pa bsrung phyir 'jig rten tshul/__/dgyes chags sin+d+hU wA ra'i gdangs/__/srid gsum khyab pa'i gzi 'od 'bar/__/phyag g.yas lcags kyus snang srid 'gugs/__/g.yon pas tshe bum 'chi med stsol/__/dar dang rin chen rgyan gyis mdzes/__/rin chen pad+ma nyi ma'i khrir/__/btsun mo rol pa'i stabs kyis 'gyings/__/rang 'dra'i sprul pa drug gis bskor/__/yang sprul 'khor tshogs bsam mi khyab/__/bde ba chen po'i phrin las kyis/__/tshe dbang dngos grub stsol la bstod/__/mchod gtor bdud rtsi 'di bzhes la/__/rnal 'byor bdag cag 'khor bcas kyi/__/'tsho ba'i tshe bsrings 'byor pa spel/__/khams gsum snod bcud dbang du bsdus/__/snyan dang grags pas stong gsum khengs/__/mdor na yid la bsam pa'i don/__/'bad med myur du 'grub par mdzod/__/ces pas bstod cing phrin las bcol lo/__/ces pa'ang gter gzhung la gsal byed phran bus brgyan pa 'di yang chos kyi blo gros pas so//__// yak+Sha dzaM b+ha la'i gter srung mchod pa'i rim pa bzhugs so/__/o rgyan rje la gus pas 'dud/__/gter srung mchod pa'i rim pa ni/__/mchod gtor spyan gzigs legs par bshams/__/rnga gling dbyangs dang rol mo bcas/__rang gi thugs ka nas 'od zer 'phros pas gter gyi bdag po 'khor dang bcas pa spyan drangs par gyur/__kye/__slob dpon pad+ma thod phreng gi__/bka' nyan zab mo gter gyi bdag__/brag btsan srog zan dmar po ni/__/btsan dmag shan pa 'bum gyis bskor/__/'dir byon mchod gtor 'di bzhes shig__/shU la rA dza badz+ra sa ma ya dzaHshU la rA dza sa pa ri wa ra ar+g+haM nas shab+da'i bar dang /__ru pa puSh+pe nas shab+da'i bar gyis mchod/__oM shU la rA dza sa pa ri wa ra i daM b+ha lid+ta kha kha khA hi khA hi/__lan gsum/__ma hA pany+tsa a mr-i ta khA hi/__ma hA rak+ta khA hi/__zab gter srung ma'i dbang po 'khor dang bcas pa=__sogs/__kye/__btsan rje srog gi bdag po ni/__/sku mdog dmar po bse rmog dang /__/bse khrab gsol zhing phyag gnyis kyi/__/mdung zhags bsnams nas rta dmar chibs/__/las su dgra bo'i srog la rngam/__/'khor dang bcas la phyag 'tshal bstod/__/dmar gtor gser skyems 'di bzhes la/__/zab gter bstan pa srung ba dang /__/rnal 'byor bdag gi las rnams kun/__/ma g.yel bcol pa'i phrin las mdzod/__/dbang chen pad+ma'i bka' ma bcag__/rig 'dzin rnal 'byor dam ma dral/__/rgyan gyi gtor ma 'di bzhes la/__/phrin las thog med myur du bsgrubs/__/ces phrin las bcol bar bya'o/__/ces pa'ang rdo rje dbang phyug rtsal gyis bris pa dge'o//__// rgyun bsangs bdud rtsi'i sprin phung smin gling gter chen rin po che'i mdzad pa la gsal byed bsnon cha phran bus brgyan par spro na/__skyabs sems ni/__oM AHhU~M/__mkha' mnyam srid zhi'i skyabs kun snying po'i bcud/__/dbang drag rig 'dzin pad+ma thod phreng rtsal/__/khyed skur snang srid rgyal ba'i dkyil 'khor rdzogs/__/'gro kun srid las bsgral phyir skyabs su mchi/__/gsang mchog ye shes 'od gsal thig le'i gzhir/__/'gro kun sgrib gsum dag nas sku dang gsung /__/thugs kyi thig ler lhun grub snang bzhi'i ngang /__/gzhon nu bum skur grol bar sems bskyed do/__/shes rig ma bcos gnyug mar phyag 'tshal zhing /__/gting mtha' bral ba'i 'od gsal mchod pa 'bul/__/'khor ba myang 'das mnyam nyid klong du bshags/__/blo bral chos zad chen por rjes yi rangs/__/lhun grub rdzogs pa chen po'i chos 'khor bskor/__/'khor ba dong nas sprugs par gsol ba 'debs/__/'khor gsum dmigs mtha' bral ba'i pha mthar bsngo/__/lan gsum du bya/__hU~M/__ka dag chos sku'i rang rtsal nas/__/rnam rol dag pa rab 'byams sprin/__/snod kyi 'jig rten pad+ma 'od/__/dwangs gsal sgrib med gzhal yas khang /__/bcud kyi sems can zhi dang khro/__/sgyu 'phrul bkod pa mi zad rgyan/__/'dod yon mchod sprin rgya mtshor bcas/__/ye shes ngo mtshar rab 'byams dbus/__/pad sdong nyi zla'i gdan steng du/__/bdag nyid rig 'dzin pad+ma 'byung /__/khro 'dzum nyams ldan mtshan dper 'bar/__/gsang phod snam sbyar za ber dang /__/snyan zhu sgro dar brgyan can gsol/__/phyag g.yas rdo rje g.yon thod pa/__/kha T+wA~M ga ni gru mor brten/__/rgyal po rol pa'i 'dug stangs kyis/__snang srid dbang sdud tshul du bzhugs/__/rab 'byams rgyal ba thams cad kyis/__/'char gzhi chu zla'i rnam rol sku'i/__/gnas gsum yig 'bru gsum gyis mtshan/__/'od 'phros ye shes spyan drangs gyur/__kyai/__yul gyi ming ni rnga yab gling /__/pad+ma 'od kyi gzhal yas su/__/rig 'dzin pad+ma 'byung gnas la/__/pad+ma thod phreng rtsal du grags/__/'khor du mkha' 'gro mang pos bskor/__/khyed kyi rjes su bdag sgrub kyis/__/byin gyis brlab phyir gshegs su gsol/__/gnas mchog 'di ru byin phob la/__/sgrub mchog bdag la dbang bzhi bskur/__/bgegs dang log 'dren bar chad sol/__/mchog dang thun mong dngos grub stsol/__/badz+ra sa mA dzaHdzaHhU~M ba~M ho/__zhes pas spyan drangs gnyis med bstim/__mchod bstod ni/__kyai/__zag med bde stong rol pa'i dpyid/__/phyi nang gsang ba bla med pa'i/__/ngo mtshar kun bzang mchod pa'i sprin/__/dpag yas nam mkha' bkang ste 'bul/__/oM badz+ra ar+g+haM pA d+yaM puSh+pe d+hU pe A lo ke gan+d+he ne bi d+yA shab+da ma hA pU dza hoHkyai/__zhi dang khro bo ma lus pa'i/__/dkyil 'khor rgya mtsho 'dus pa'i dpyid/__/rig 'dzin bla mar rnam rol pa/__/khyod la gus pas phyag 'tshal bstod/__/oM AHhU~M badz+ra gu ru pad+ma sid+d+hi hU~M/__zhes pa'i bzlas pa ci nus bya'o/__/gnyis pa bsang mchod dngos kyi rim pa la/__mchod gtor/__bsang rdzas/__ra~M ya~M kha~M/__gis bsreg gtor bkrus te sbyangs/__stong pa'i ngang las phyi nang gsang pa'i mchod pa'i rdzas thams cad ngo bo zag pa med pa'i ye shes kyi bdud rtsi rnam pa mchod rdzas so so'i rang bzhin byed las mgron rnams dgyes dgur 'char ba nam mkha' rab 'byams gang bar spel la/__oM badz+ra ar+g+haM=__nas shab+da'i bar dang /__oM na maHsarba ta thA ga te b+h+yo bi shwa mu khe b+h+yaHsarba tha khaM at+ga te s+pha ra Na i maM ga ga na khaM swA hA/__badz+ra s+pha ra Na khaM zhes mkha' khyab tu spel/__mgron spyan 'dren pa ni/__snyan pa'i rol mo dbyangs dang bcas pas/__kyai/__'gyur med mkha' khyab chos sku'i rtsal/__/bde chen ye shes sgyu ma'i sprin/__/rab 'byams rtsa gsum lha'i 'khor lo/__/mngon par 'char ba'i spro bsdu'i dpyid/__/byin rlabs mchog stsol bla ma dang /__/dngos grub char 'bebs yi dam lha/__/sangs rgyas byang chub sems dpa'i tshogs/__/dpa' bo mkha' 'gro rnal 'byor ma/__/bstan srung mgon po lcam dral sogs/__/'jig rten 'das dang skyongs pa yi/__/dregs pa'i lha srin mchod sbyin gyi/__/mgron du 'os pa gang mchis pa/__/thams cad dad pas spyan 'dren na/__/thogs pa med pa'i rdzu 'phrul gyis/__/'dir gshegs mthun pa'i gdan khri la/__/dgyes shing brtse bas bzhugs su gsol/__/zhes pas spyan drangs pa'i mgron rnams mdun gyi nam mkhar sprin gtibs pa bzhin bzhugs par bsam mo/__/kyai/__kun bzang 'byor pa rgya mtsho'i phul/__/yan lag brgyad ldan khrus kyi chab/__/rnam bkra'i me tog spos sprin gtibs/__/snang gsal sgron me dri chab mtsho/__/ro ldan zhal zas snyan 'jebs sgra/__/'dod yon lnga dang rin chen bdun/__/bkra shis rtags rdzas 'chi med sman/__/dmar chen khrag dang ba liM ta/__/gser skyems phye mar bdud rtsi'i zas/__/gos rgyan nor dbyig dkor nor rdzas/__/rgyal mtshan ru mtshon lhab lhub 'phan/__/phyi nang gsang ba bla med pa'i/__/ngo mtshar mchod pa chen po'i sprin/__/'bul lo dgyes par bzhes su gsol/__kyai/__zag med ye shes rdo rje bzhi'i/__/ngo bo gdod nas ro mnyam pa'i/__/'khor 'das dag pa rab 'byams lhar/__/gus pas bstod do phrin las mdzod/__kyai/__dkon mchog gsum gyi bden pa dang /__/ting 'dzin sngags dang phyag rgya'i mthus/__/'dod yon bsang gi mchod pa'i sprin/__/rang rang dgyes dgur 'char gyur cig__/chos kun spros pa bral ba'i dbyings/__/mkha' ltar dag pa'i bde chen rtsal/__/snod bcud lha dang gzhal yas khang /__/dag pa rab 'byams 'khor lor sad/__/de phyir bsang bya bsang byed kyi/__/ma dag dri ma dmigs med kyang /__/sgyu ma mkhan gyis sgyu ma yi/__/'dod yon rol pa ji bzhin bsangs/__kyai/__brtan g.yo kun gyi dwangs ma'i dpyid/__/'chi med bdud rtsi'i sman du skyes/__/lha dang grub pa thams cad kyi/__/bdud rtsi chen por gzi byin bskyed/__/nad gdon grib dang mi gtsang rkyen/__/dag byed dri bsung phun tshogs pa'i/__/ngo mtshar ldan pa'i 'chi med sman/__/thams cad sbyar ba'i 'byor pa'i tshogs/__/'bar byed me yis bsregs shing bzhu/__/dwangs ma bdud rtsi'i sprin du 'khrigs/__/dgyes dgus 'dod yon char bzhin du/__/'bebs pa'i kun bzang mchod pas bsangs/__/kyai/__kun tu bzang po nas bzung ste/__/drin can rtsa ba'i bla ma'i bar/__/dgongs brda snyan nas brgyud pa yi/__/bka' gter brgyud pa'i bla ma bsangs/__/thub dbang byams pa 'jam dpal dbyangs/__/klu sgrub thogs med la sogs pa'i/__/'dzam gling rgyan mchog thams cad dang /__/grub chen brgyad cu rtsa bzhi=____/gser gling pa dang a ti sha/__rin bzang nag tsho khu rdog 'brom/__/'jam dbyangs tsong kha pa la sogs/__/bka' gdams gsar rnying brgyud pa=____/rnal 'byor dbang phyug bir wa pa/__/nag po DA ma ru pa dang /__/a wa d+hU ti sprin shugs 'dzin/__/'brog mi se zhang 'khon sogs=____/brtse ba chen po sa skya pa/__/bsod rtse grags pa rgyal mtshan dang /__/dpal ldan chos rje paN+Di ta/__/'phags chen blo gros rgyal mtshan bsangs/__/rigs gsum sprul pa'i gar bsgyur ba/__/'od gsal 'khon gdung nor bu'i phreng /__/mtha' yas bstan 'gro'i rtsa lag mchog__/rim byon brgyud par bcas kun=____/rgyal bas lung bstan e wa~M pa/__/gsang sngags mdzod 'dzin rdzong pa dang /__/mthu stobs dbang phyug tshar pa sogs/__/lam 'bras brgyud pa thams cad=____/rdor 'chang te lo nA ro dang /__/mar mi dwags po rdo rje rgyal/__/gdan 'brug 'bri stag la sogs pa/__/bka' brgyud che bzhi chung brgyad=____/dam pa rgya gar lab sgron sogs/__/zhi gcod brgyud pa thams cad dang /__/chos rgyal rigs ldan jo zhal sogs/__/sbyor drug brgyud pa'i bla ma=____/khyung po rnal 'byor rin chen bdun/__mi tra dzo ki tshem bu pa/__/o rgyan pa dang thang rgyal sogs/__/gdams ngag brgyud pa thams cad=____/thon mi bA+e ro ska cog zhang /__/thub pas lung bstan rngog lo che/__/pa tshab bu bzhi seng chen brgyad/__/mtsho sna sher bzang mchi ma sogs=____/sangs rgyas dpal dang rong ston rje/__/rdzong dkar shaka mchog stag tshang ba/__/kun mkhyen bsod nams seng ge sogs/__/bshad brgyud 'dzin pa'i bla ma=____/'dus pa mdo dang sgyu 'phrul rgyan/__/sgrub pa chen po bka' brgyad 'dus/__/zhi dang khro bo rab 'byams lha'i/__/yi dam dkyil 'khor lha tshogs=____/rigs gsum rnam byang 'khor lo che/__rdor dbyings sbyongs dkyil dpal mchog dang /__/rdo rje rtse mo la sogs pa/__/bya spyod rnal 'byor lha tshogs=____/gsang 'dus gshin rje 'khor lo sdom/__/gdan bzhi ma hA ma ya dang /__/sangs rgyas thod pa ral cig ma/__/dus kyi 'khor lo la sogs=____/khyad par bcom ldan he badz+ra/__/gau ri la sogs lha mo brgyad/__sku dang gsung dang thugs rdo rje'i/__/lha tshogs 'khor dang bcas pa=____/'jam dpal dpa' bo dus dgra'i dbang /__/rdo rje 'jig mdzad 'jigs byed pa/__/phyogs skyong las kyi gshen rje sogs/__/ya man+ta ka'i lha tshogs=____/gsang mtha'i yang snying bklags pas 'grub/__/mkha' spyod rnal 'byor ma dpal dang /__/phag mo dmar nag la sogs pa/__/mkha' 'gro bye ba 'bum sde=____/tshe dpag rta mgrin spyan gzigs dang /__/gsang bdag sgrol ma sme brtsegs 'khyil/__/rnam 'joms gdugs dkar 'od zer can/__/rnam rgyal seng ge'i gdong can=____/rje btsun ku ru kul+le dang /__/dpal mo gser gyi snying thag can/__/nor rgyun dmar mo ti nu sogs/__/dbang rgyas lha tshogs thams cad=____/rkang gnyis gtso bo sangs rgyas dang /__/zhi ba chags bral dam pa'i chos/__/tshogs mchog 'phags pa'i dge 'dun te/__/dkon mchog rin chen rnam gsum=____/mi bskyod rdo rje'i rnam par 'phrul/__/bstan srung yongs kyi sde dpon che/__/ma ha kA la gur gyi mgon/__/sprul pa khro tshogs bcas pa=____/yum chen e ka tsa tri dang /__/lha mo 'dod khams dbang phyug ma/__/las mgon mched lnga ru 'dren sogs/__/bstan srung lcam bral 'khor bcas=____/stobs 'phrog dbang po gdong bzhi pa/__/yum chen sring mo bzhi po dang /__/dur bdag yab yum re ma ti/__/dregs pa lcam sring 'khor bcas=____/legs ldan tshogs bdag phyag bzhi pa/__/ma ning stag zhon bde gri gug__/seng zhon trak+shad la sogs pa'i/__/pho rgyud mgon po thams cad=____/sngags srung ma mo ral gcig ma/__/re ti mched bzhi tsan+Di ka__/srog sgrub zhing skyong ma mo sogs/__/mo rgyud lha mo thams cad=____/lha chen khyab 'jug las gshin sogs/__/sde dpon sum cu dregs pa ni/__/bco brgyad bdud mgon ging dang btsan/__/mthu chen dregs pa thams cad=____/mgon dkar yid bzhin nor bu dang /__/tshogs bdag dmar chen 'dod pa'i rgyal/__/dzam lha rigs lnga dbyu gu mched/__/sman btsun mched lnga 'khor bcas=____/rnam thos sras sogs rgyal chen bzhi/__/phyogs skyongs lha klu gza' skar dang /__/'jigs byed dgu dang ma sring sogs/__/'jig rten skyong ba thams cad=____/phyi nang gsang ba gab sbas dang /__/bstan skyong rtag cing chags pa sogs/__/snang zhing srid pa'i lha ma srin/__/sde brgyad 'khor dang bcas pa=____/bod skyong brtan ma bcu gnyis dang /__/rje 'bangs mgur lha srog lha sogs/__/dben gnas chos 'khor srung ma dang /__/yul lha gzhi bdag thams cad=____/bod khams dkar phyogs skyongs ba'i rje/__/lha chen rdo rje 'bar ba rtsal/__/gter bdag rma rgyal spom ra rje/__/mched yum sras blon 'khor bcas=____/snyigs dus nag phyogs 'dul ba'i gshed/__/sku rje seng chen rgyal po la/__/ne ne gnam sman dkar mo dang /__/dgra lha khri 'bum dmag tshogs=____/kyai/__khyad par bdag cag 'khor bcas la/__/'go zhing sdong grogs mi g.yel bar/__/bsam pa'i don kun 'grub pa yi/__/dgra lha gnyen po thams cad=____/lus bde ngag snyan sems rig bkra/__/dpa' rtsal mthu chen dbang po gsal/__/sra ba'i go dang rno ba'i mtshon/__/myur mgyogs dgra lha thams cad=____/mtho la zhu dang dma' la bsgo/__/kha 'dzin gshags 'byed phyogs su 'gro/__/tshong dang dmag jag las la sogs/__/bya ba kun gyi dgra lha=____/zhing dang phyugs lha sgo dang lam/__/pha mes mi rabs chos brgyud la/__/'go ba'i dgra lha thams cad bsangs/__/mdor na mchod par 'os pa'i mgron/__/gang mchis ming du ma 'tshal ba/__/bdud rtsi bsangs kyi mchod pa 'dis/__/bsangs shing gsol lo dgyes par mdzod/__bar 'dir/__b+h+rU~M/__rin chen sna tshogs dwangs ma'i=__sogs/__ri bo bsangs mchod dang /__sde dge'i 'khrungs bsangs si tu rin po ches mdzad pa btang /__skabs rer kun blo'i dag snang brtan ma'i gsol mchod sbyar grub na legs/__spro na dgra lha bcu gsum dang rta thub dgra lha sogs dang /__lam lha kha 'dzin rlung rta rnams 'don kyang chog__/de nas nyams grib bshags pa ni/__kyai/__ye shes gcig nyid mkha' yi zla/__/du ma'i snod du chu zla'i gar/__/ston mdzad mchod yul mgron kun la/__dag byed bsangs kyi mchod pa'i mthus/__/mi gtsang zas zos gos gyon zhing /__/rme mnol mdze yug dam nyams dang /__/'grogs shing spyod lam 'dres pa yis/__/nyams grib mkhon grib thams cad bsangs/__/gzhan yang mi shes bag med pas/__/sdom pa gsum dang 'gal ba yi/__/nyams grib lha la phog gyur pa/__/thams cad bsangs ngo dag gyur cig__/skabs 'dir sde brgyad mchod pa btang ngo /__'dod don gsol ba ni/__kyai/__de ltar mchod sbyin mgron rnams kun/__/bdud rtsi bsangs kyi mchod sprin gyis/__/thugs kyi dgyes pa skongs gyur nas/__/'dod pa'i don kun bsgrub par mdzod/__/phan bde'i 'byung gnas sangs rgyas kyi/__/bstan pa dar zhing rgyas pa dang /__/dkon mchog dbu 'phang mtho zhing btsan/__/'gro kun bde skyid ldan par mdzod/__/khyad par bdag cag 'khor bcas kyi/__/nad gdon bgegs dang bar chad sol/__/tshe dang bsod nams dpal 'byor stobs/__/mnga' thang longs spyod rgyas par mdzod/__/mi dang mi min srid zhi'i dpal/__/thams cad dbang du 'du ba dang /__/dgra bgegs bdud sde'i g.yul ngo las/__/rtag tu rnam par rgyal bar mdzod/__/mdor na gnas skabs mthar thugs gi__/legs pa'i yon tan kun 'grub cing /__/bkra shis phun sum tshogs pa'i dpal/__/dbyar mtsho bzhin du rgyas par mdzod/__/rjes chog la gtang rag mchod bstod spro na/__kye/__kun bzang 'byor pa rgya mtsho'i phul/__/sogs nas/__gus pas bstod do phrin las mdzod/__bar 'don/__mchod bstod ma byas kyang chog__/ma 'byor pa dang =__sogs kyis bzod gsol byas la/__gshegs su gsol ba ni/__kyai/__mchod sbyin mgron rnams ma lus pa/__/sku gsum zhing khams so sor gshegs/__/ngo bo gdod nas skye med dbyings/__/rol pa 'gag med badz+ra muHzhes mgron rnams rang gnas su gshegs par bsam/__dge ba 'di yi skye bo kun/__sogs dang /__mchod sbyin rgya chen gyur pa 'di yi mthus/__sogs bsngo smon ci rigs dang /__ston mchog dam pa=__sogs kyis shis brjod bya'o/__/sa lugs la 'khon rgya gar sher bzang gi mdzad pa'i thugs rje tshad med dang /__de'i ljags bsgrigs dpon slob rin po che'i gsungs bzhugs kyang /__rgyun bsangs rgyas bsdus 'tshams pa 'di bzhin byas kyang mi 'gal lo/__/spyir gsar ma rang lugs la bsangs zer ba 'byung srol med pa sngar gyi sa ngor bla ma gong ma rnams kyi gsungs 'bum na med rgyu dpe gsal yang /__'dir o rgyan chen pos bod kyi lha klu gzhi bdag 'dul ba'i don du mdzad pa dang /__khung med kyang ma yin te bsangs gi byung rab dang /__mdo sde rnams las kyang /__tsan+dan dang a ga ru sogs kyi bdug pa bya bar rgya cher bshad pa dang /__sngags chog rnams su chu chang bdud rtsis bsangs gtor bya ba la sngags dang bdud rtsis bsangs bar bshad na/__de bas kyang bsangs ba la 'gal ba yang med do/__/zhu bsangs skor dang 'jam mgon dpon slob rin po che'i chos skyong nor lha sogs kyi bsangs sger pa rnams 'don na yang ri bo bsangs mchod kyi mgor sbyar na legs/__yul lha sogs 'khrungs bsangs mgor sbyar na 'thad do/__/ces pa'ang shes rab phun tshogs nas bsangs rtsom pa bskul yang gsar rtsom byas pa dgos med stabs smin gter gsungs la bsnon ka phran bu 'di yang chos kyi blo gros pas so//__// @#/__/dpal rdo rje nag po chen po gur gyi mgon po'i bsang mchod nag po dgyes pa'i mchod sprin ces bya ba bzhugs so/__/ na maHshrI ma hA kA lA ya/__bde chen rdo rje'i gzi 'bar ba/__/bdud dgra tshar gcod dpa' bo che/__/bla ma mgon po dbyer med la/__/gus btud bsang gi cho ga dbye/__/de la 'dir bstan pa srung ba'i sde dpon chen po gur gyi mgon por bsang mchod bya bar 'dod pas mchod gtor dang spyan gzigs ci 'byor pa dang /__phye mar gser skyems bzang shing sna tshogs kyi dud sprin 'thul ba dang bcas/__oM badz+ra a mr-i ta kuN+Da lI ha na ha na hU~M hU~M hU~M phaT swA hAs bsang /__oM swa b+hA wa shud+d+haHsarba d+harmAHswa b+hA wa shud+d+ho\u0f85 haM gis sbyangs/__snod bcud thams cad mi dmigs stong par gyur/__/stong pa'i ngang las b+h+rU~M las gzhal med khang /__/rdo rje'i brag chen khrag mtshos gtams pa'i steng /__drag po'i bkod pa yongs rdzogs 'byams klas dbus/__/gnam lcags zhun ma'i 'khor lo rtsibs bcu'i gur/__/pad+ma nyi ma mi ro'i gdan rnams gsal/__/thugs dam dgyes skong mchod sprin bsam mi khyab/__/khyad par zhi ba'i thab khung mdzes pa'i klong /__/dri bzang shing rtsi sna tshogs sbyar ba la/__/dam tshig rlung gis bskul ba'i gos dkar mos/__/bsregs pa'i dud sprin sa dang bar snang khyab/__zag med dbang po drug gi dgyes rgur gyur/__/nam mkha' mdzod kyi sngags rgya lan gsum gyis byin gyis brlab/__hU~M hrIHrab 'jigs dur khrod brgyad kyis yongs bskor zhing /__/rdo rje'i srung ba'i gur gyis gtams pa'i dbus/__/'og min drag po'i pho brang chen po nas/__/rdo rje can yang 'jigs par byed pa'i gnas/__/dgra bgegs sha rus khrag mtsho'i 'dam rdzab bskyil/__/dus mtha'i rlung chen 'ur 'ur g.yo zhing 'khrugs/__/bskal pa'i me dpung phyogs mtshams kun tu 'khrigs/__/rgyud gsum dam can dregs tshogs rgya mtsho rnams/__/ci bgyis bka' nyan las bcol 'bangs su mchi/__/de na rgyal ba kun gyi thugs las sprul/__/rdo rje nag po chen po char sprin mdog__/dus mtha'i mun ltar gnag la gar dgu ldan/__/rngam pa'i zhal gdangs mche ba gangs ri gtsigs/__/hU~M hU~M phaT phaT gad mo rab sgrogs shing /__/shin tu mi sdug srin po'i gzugs 'chang ba/__/zhal gcig phyag gnyis gri gug thod pas brgyan/__/rdo rje'i gaN+Di sprul pa'i sgo mo las/__/khro tshogs lha srin sde brgyad dmag tshogs spro/__/dar nag gos dang sbrul chun mgo bo'i rgyan/__/rus pa'i rgyan cha rang 'khrol sil sil sgrogs/__/ma ga'i stabs kyis mi ro'i gdan steng 'gying /__/dpa' bo chen po dpal ldan rdo rje gur/__/gang thugs gcig las ye shes sgyu ma'i gar/__/rang 'dra'i khro bcu sprul pa'i pho nya 'phro/__/gzhan yang mgon po bdun cu rtsa lnga dang /__phyogs skyong zhing skyong ru 'dren bsam mi khyab/__/khyad par shes rab dbyings kyi yum chen mo/__/'khor 'das spyi rje e ka dzA Ti dang /__/'dod pa'i khams la dbang bsgyur dpal lha mo/__/las kyi mgon po ber nag zangs gri can/__/ru mtshon las mkhan bran bdud gshin rje nag__/thugs las sprul pa'i gnod sbyin yab yum dang /__/gsang ba'i las mkhan pu tra ming sring gsum/__/gcer bu zangs gri can sogs rgyud gsum kyi/__/dam can rgya mtsho'i 'khor gyis rab bskor zhing /__/bstan dgra dam nyams phye mar 'thag mdzad cing /__/sha za khrag 'thung rngam pa'i mig rtsa dmar/__/spyan mig nyi 'khyil ljags dmar glog ltar 'khyugs/__/drag po'i rkan sgras nyams pa'i snying rtsa 'dar/__/zhabs gnyis brdabs pas srid gsum chems chems g.yo/__/dbang phyug dregs pa'i tshogs rnams dam la 'dul/__/tshur gshegs mchod sprin rgya mtsho 'di bzhes shig__/rdo rje 'chang dbang dpal chen he ru ka'i/__/bka' rtags rdo rje'i gtsug tu rab 'chang ba/__/bstan pa srung ba'i sde dpon chen po ni/__/lha min grong khyer sum brtsegs 'joms byed pa/__/lha yi tshogs kyis phyag byas nag po che/__/dgyes pa'i mchod sprin dam pa 'bul ba ni/__/mdzes shing yid 'ong phyi yi mchod pa dang /__/bkra shis rdzas rtags rin chen rnam pa bdun/__/gdugs dang rgyal mtshan ba dan bla bre che/__/spu sdug bya dang ri dwags g.yung dwags tshogs/__/dgra bgegs bsgral ba'i drag po'i nyer spyod dang /__rta nag g.yag nag lug nag khyi nag tshogs/__/go khrab gos dar dam rdzas sna tshogs dang /__/gcan gzan rnam mang ngar sgra rab sgrogs shing /__/sha lnga bdud rtsi lnga sbyar 'bru bcud chang /__/dam nyams bsgral ba'i rak+ta'i rba rlabs 'phyur/__/las bzhi'i mchod gtor yid 'phrog rgyan gyis spras/__/gsang rten dpa' bo g.yul du bsad pa yi/__/gri snying rtsa lag ma nyams 'khor los mtshan/__/sman 'bru dri dang dar sna'i cod paN 'phur/__/rang rig 'od gsal gnyug ma'i gshis lugs che/__/gsal stong zung 'jug gdod ma'i rgyud gsum po/__/rdo rje nag po chen po'i yang gsang rten/__/shes pa'i blo bral de kho na yis mchod/__/e yig stong chen mkha' dbyings yangs pa ru/__/wa~M yig rdo rje nor bu'i bum pa las/__/byung ba'i a ha~M bdud rtsi'i dud sprin gyi/__/zegs ma dkyil 'khor bzhi la khyab pa yis/__/glo bur sdig pa'i dri ma kun bkrus shing /__/gdan gsum rdo rje'i grong khyer chen po la/__ye gnas bla ma rdo rje nag po che/__/dgyes mdzad he ru ka dang dbyer med pa'i/__/rdo rje'i dbang po drug gis dgyes par rol/__/phyi ltar bstan srung dbang po'i tshogs rnams la/__/bzang shing sna tshogs bsregs pa'i dud sprin las/__/du ba'i lha mos mdzes pa'i gom stabs bsgyur/__/phyag na spos gzhong bsnams pa'i bsang dud rtser/__/'dod yon drug gi mchod sprin bsam yas spro/__/kun bzang nam mkha' mdzod kyi ting 'dzin la/__/mgron du che ba'i mchod pa'i sprin chen po/__/sa dang bar snang khams kun yongs khyab 'dis/__/bsang ngo mchod do grib kyis phog pa bsang /__/dam tshig nyams chag nyes ltung snying nas bshags/__/khyed thugs mkha' dbyings dag pa'i ngos yangs la/__/sgrib pa'i chu 'dzin gzhal yang ma mchis kyang /__/bdag blo'i nyes pa'i khro 'khrugs 'khon pa rnams/__/dbyings su bstim la dgyes pa'i zhal ras ngoms/__/khyod la phrin las chen po gsol ba ni/__/sangs rgyas bstan pa rin chen la 'khu ba'i/__/nag phyogs 'byung po rtswa skam me bzhin sregs/__/phyogs las rnam par rgyal ba'i ru mtshon sgrengs/__/rgyal ba kun gyi phrin las sgyu ma'i gar/__/bstan srung dgra lha chen por mnga' gsol bzhin/__/bdud kyi mgo gcod lha min g.yul bzlog cing /__/lha dmag dkar po'i tshogs kyi dbugs 'byin mdzod/__/'jig rten khams su phan bde 'byung ba'i gzhi/__/thub pa'i bstan pa rin chen yun du gnas/__/de 'dzin byed rnams dbu 'phang dgung bas mtho/__/'dus tshogs khrims ldan bshad sgrub 'phel bar mdzod/__/'jig rten pa rnams yang dag lta bar spyod/__/lo legs skya rgyal dus 'khrugs rgud pa zhi/__/sa skyong rgyal po'i chab srid rab brling zhing /__/sde bzhi dge bcu'i dpal gyis 'byor par mdzod/__/khyad par bstan pa'i snying po rdo rje theg__/tshe 'di nyid la sangs rgyas byed pa yi/__/smin grol rgyun kyi bshad bka' dang bcas pa/__/shin tu dar zhing rgyas pa'i phrin las mdzod/__/rnal 'byor bdag cag 'khor dang bcas rnams la/__/ma yis bu bzhin rtag tu skyong ba dang /__/thos bsam bsgom pa'i bya ba rab 'phel zhing /__/'gal rkyen kun zhi mthun rkyen rab rgyas mdzod/__/'khor 'das srid zhi'i dwangs bcud g.yang du khug__/mi shigs tshe yi rdo rje'i srog mkhar brtan/__/grags pa'i ba dan dkar po phyogs bcur bsgreng /__/bkra shis rgyal rngas 'dzam gling kun khyab shog__/ces gser skyems 'thor zhing mchod gtor phul/__lha rgyal sgrogs pa sogs dge legs su bya'o/__/'di bris dge ba gang mchis pa/__/bstan dang 'gro la rab bsngo zhing /__/bstan srung dgyes pa'i mchod sprin du/__/gyur nas 'jig rten bde legs shog__/ces pa'ang dbon stod bkra shis dgon gyi dge slong kun dga' blo gros nas bkra shis pa'i lha reg bcas ring mo nas bskul ngor 'jam dbyangs chos kyi blo gros pas me glang zla tshes 13la bshad sgrub dar rgyas gling gi chos kyi kun dga' ra bar smras rim bzhin yi ge'i byed po sprul ming chos dbyings rgya mtshos gus pas bgyis pa dge legs mchog tu gyur cig__/dge'o/__bkra shis shog/__//__ @#/__/sman bsang bdud rtsi'i char 'bebs zhes bya ba bzhugs so/__/ oM swasti/__rig pa'i rgyal po sman gyi bla ma dang /__/rtsa gsum kun 'dus o rgyan bla ma la/__/gus pas btud nas bsang mchod nyung du bri/__/sman skyong srung mas dgyes pa'i zhal bzang ngoms/__/de la 'dir zhi byed sman gyi las dang rjes su 'brel ba'i rtsa gsum lha tshogs la bsang mchod 'bul bar 'dod pas/__phye phud mchod gtor gser skyems shing rtsi dri bzang gi dud pa dang dar dkar mda' dar rnga gling rol mo'i sgra dang bcas/__oM las rin po che'i snod yangs par/__/AHlas bsang rdzas zag med bdud rtsi che/__/hU~M gis gang 'dod nam mkha' mdzod kyi sprin/__/rgya chen rgyun mi chad pa'i 'khor lor gyur/__/oM AHhU~M/__lan gsum dang nam mkha' mdzod kyi sngags lan gsum/__badz+ra s+pha ra Na khaM gyis rgyas par spel/__spyan 'dren pa ni/__kye/__bla ma rigs 'dus sman rgyal rdo rje 'chang /__/rigs lnga yab yum dbang chen rta mchog dpal/__/rdo rje phag mo mkha' 'gro sde lnga dang /__/zhang blon chen po rdo rje bdud 'dul sogs/__/rtsa gsum lha tshogs bsang mchod gnas 'dir gshegs/__badz+ra sa mA ya dzaHzhes spyan drangs/__rin chen seng khri pad zla nyi ma dang /__/ro gdan dar zab 'bol chen brtsegs pa sogs/__/rang rang dgyes pa'i gdan khri la bzhugs nas/__/dgyes pa'i zhal bzang ngom bzhin mchod pa bzhes/__/pad+ma ka ma lA ya s+t+waM/__oM gtsang mar sbyar ba'i mchod pa rnam mang ni/__/lha yi chu bo'i mchod yon mtsho ltar 'khyil/__/dag cing dri bral zhabs bsil gang+ga'i rgyun/__/thang skyes chu skyes rnam bkra'i me tog tshal/__/sbyar dang lhan skyes spos dud sprin ltar gtib/__/nyi zla rin chen sgron me'i snang gsal dang /__/ga bur tsan+dan gur gum dri bzang chab/__/ro brgya ldan pa'i zhal zas rnam mang po/__/rnga chen sil snyan dung gling rol mo'i tshogs/__/'bul lo bzhes nas mchog thun dngos grub stsol/__/khyad par dbyings phyug spyan ma'i thab khung du/__dam tshig DA ki'i shugs kyis bskul ba las/__/lha mo gos dkar 'bar ba'i klong chen por/__/rin chen 'bru sman dar zab bza' btung sogs/__lha shing shug pa tsan+dan a ga ru/__/sha ka ru dang du ru ka dang ni/__/spos dkar mkhan ser ba lu phur dkar sogs/__/bzang shing sna tshogs rnams dang sbyar ba nyid/__/bsregs pa'i dud sprin gzugs kyi lha mo ni/__/phyag g.yas khrus bum g.yon pas sman gzhong bsnams/__/mi gtsang rmu gab ro bag grib la sogs/__/bkrus shing sman sprin dpag med 'thib pa las/__/lha klu sa bdag gnyan gyi nad rnams gsos/__/'go ba'i rims sogs bzhi brgya rtsa bzhi'i nad/__/zhi byed sman gyi lha mo'i thugs rje'i char/__/dal gyis 'bebs pas snod bcud dge mtshan rgyas/__/dud sprin spos kyi glang po'i gom stabs las/__/gzugs sgra dri ro reg bya 'dod yon spro/__/re res bye ba brgya phrag mang po yi/__/sa dang bar snang ma lus kun tu khyab/__/gzhan yang gling bzhi gling phran ri rab dang /__/bkra shis rdzas rtags rgyal srid rin chen bdun/__/gter chen bum pa bzang dang dpag bsam shing /__/ma rmos lo tog 'dod pa 'jo ba'i ba/__/rta mchog spu sdug shin tu mdzes pa ni/__/dkar ser dmar sngo nag dang mtshal lu po/__/sprin gyi shugs 'chang cang shes tshogs rnams la/__/rin chen sga srab mdzes pa'i rgyan cha dang /__/glang chen ma he ba glang gnag lug ra/__/lha g.yag dkar nag tshogs rnams spu zhol brjid/__rno ba'i rwa gnyis gnam du bsnyegs par brkyang /__/lce dmar glog 'od lta bur 'phro ba yis/__/'jigs pa'i ngar sgra dang bcas phyogs kun rgyug__/khyi nag dom bu mang pos khrag rjes gcod/__/sha rkyang rna dgo bse ru la sogs pa/__/mdzes shing yid du 'ong ba'i ri dwags dang /__/gshog rtsal lhab zhing skad snyan sgrogs pa yi/__/bya dang bye'u bsgrang las 'das pa dang /__/yan lag brgyad ldan rol mtsho 'khyil pa'i nang /__/klu dbang klu nor dkor chas gtams pa dang /__/dar zab sna tshogs gser dngul baiDUR+Ya/__/mu tig bye ru mu men pha lam dang /__/tsha grang nad sel bzang drug sman la sogs/__/ro nus ldan pa'i sman sna mang po dang /__/dgos 'byung bsam 'phel dbang gi rgyal po sogs/__/brtan g.yo'i dngos po khyad par 'phags pa yi/__/bsang mchod dam pa 'bul gyis dgyes par bzhes/__/phye mar gangs kyi ri bo ltar spungs shing /__/dkar mngar gser skyems ma dros mtsho ltar 'khyil/__/rol mo'i tshogs kyis srid gsum kun tu khyab/__/gdugs dang rgyal mtshan 'phan chen bla bre che/__/bkra shis dung gi sgra chen phyogs brgyar sgrogs/__/de ltar kun bzang mchod pa'i sprin chen po/__/bsang dud zag med bdud rtsi'i sprin phung 'dis/__/phyogs bcu dus gsum bskal bzang sangs rgyas dang /__/rigs gsum mgon po sems dpa' sems ma'i tshogs/__/gsung rab dam pa'i chos kyi gter chen dang /__/theg pa che chung dge 'dun thams cad kyis/__/bsang mchod 'dod yon bdud rtsi'i sprin phung bzhes/__/mtshan tsam thos pas ngan 'gro'i sdug bsngal sel/__/dug gsum rgyu 'bras nad rnams 'joms mdzad pa/__/thugs bskyed rmad byung bde gshegs mtshan legs dang /__/gzi brjid sgra dbyangs gser bzang dri med dpal/__/mya ngan med dang chos grags rgya mtsho'i dbyangs/__/mngon mkhyen rgyal po baiDUR+Ya yi 'od/__/shAkya thub pa 'jam dbyangs skyabs grol dang /__/phyag rdor la sogs bde gshegs sras bcas rnams/__/bsang mchod 'dod yon bdud rtsi'i sprin phung bzhes/__/rigs 'dus bla ma sman rgyal rdo rje 'chang /__/rnam snang rin 'byung snang mtha' don yod grub/__/dbyings phyug spyan ma mA kI gos dkar dang /__/dam tshig sgrol ma la sogs rigs lnga'i tshogs/__/bsang mchod 'dod yon bdud rtsi'i sprin phung bzhes/__/bde gshegs zhi ba bzhi bcu rtsa gnyis dang /__/'bar ba khrag 'thung lnga bcu rtsa brgyad lha/__/zhi dang khro bo'i rol gar mtha' yas dang /__/dpa' bo mkha' 'gro dam can srung ma'i tshogs/__/bsang mchod 'dod yon bdud rtsi'i sprin phung bzhes/__/sman rgyud legs ston chos kyi mdzod 'dzin pa/__/drang srong chen po yid las skyes pa dang /__/rig pa'i ye shes chen po rnam pa gnyis/__/rgyun shes nabs so skyes dang thang la 'bar/__/dka' gnyis spyod dang 'dro skyong me bzhin 'jug__/lug nag rgya skyegs sna dang zla ba'i mchog__/lan tshwa'i mchog dang dpal ldan phreng ba dang /__/dpal ldan phun tshogs drang srong bshol 'gro skyes/__/nyi snying zla ba'i 'od zer kun dga' bo/__/'tsho byed gzhon nu klu sgrub snying po dang /__/dpal ldan dga' dang zla mngon bai ro'i zhabs/__/mkhan chen zhi 'tsho khri srong lde'u btsan/__/chos rgyal rim byon dI paM ka ra dang /__/grwa pa mngon shes dbus pa dar grags zhabs/__/dge slong dkon skyabs g.yu thog yon tan mgon/__/ye shes gzungs dang 'bo se kun dga' dang /__/zla 'od gzhon nu dwags po tsan+d+ra pa/__/'tsho mdzad rgyal po tshar lung g.yu thog pa/__/ban mo ga ga brang ti dkon mchog skyabs/__/'jam dpal rgyal mtshan nyi mgon gzi brjid 'bar/__/sems dpa' zhang ston dge 'bum sman mo che/__/dpal ldan gzhon nu sangs rgyas rin chen dang /__/badz+ra don grub rgyal mtshan dkon mchog skyabs/__/dpal ldan 'tsho byed zul phu sman mo che/__/bsod dbang mtshungs med ri khrod zur mkhar rje/__/dkon dpal nam mkha' bdud 'joms mang+ga'i mtshan/__/chos dbyings rang grol rdo rje thogs med rtsal/__/'gyur med rdo rje rin rnam chos nyid mtshan/__/pad+ma bshes gnyen kun bzang bdud 'dul dang /__/mchog grub blo gsal dpal bzang byams mgon grub/__/chos dbang d+harma kI rti dkon lhun dang /__/phrin bzang bstan 'dzin dkon mchog don grub dang /__/bstan pa'i nyin byed mchog dga' 'od gsal rje/__/mkhyen brtse'i dbang po blo gros mtha' yas zhabs/__/mi pham rnam par rgyal ba'i mtshan can sogs/__/khyad par zur byang brgyud pa'i phreng mdzes kyi/__/drang srong 'tsho byed brgyud pa'i bla ma'i tshogs/__/bsang mchod 'dod yon bdud rtsi'i sprin phung bzhes/__/grub pa'i sbyor ba bcud len srol 'byed che/__/byA da li dang klu sgrub kar Na ri/__/ye shes DAk+kI mkhas grub o rgyan pa/__/kun mkhyen rang byung rdo rje la sogs pa/__/man ngag brgyud pa'i bla ma'i tshogs rnams kyis/__/bsang mchod 'dod yon bdud rtsi'i sprin phung bzhes/__kye/__bdud rtsi grub pa'i slob dpon bde ba che/__/pad+ma 'byung gnas gnyags chen dz+nyA na sogs/__/ngo mtshar grub pa'i slob dpon tshogs rnams dang /__/dpal chen che mchog gnam zhal dbyings phyug ma/__/mkha' 'gro'i gtso mo dpal ldan phreng ba sogs/__/snod bcud gdod nas dag pa'i bdud rtsi che'i/__/dkyil 'khor lha tshogs bka' sdod bcas pa dang /__/dpal ldan mgon po rdo rje nag po che/__/'dod khams dbang phyug ma hA kA li dang /__/zhing skyongs stobs 'phrog dbang po dur khrod bdag__/tshangs dang dbang phyug brgya byin phyogs skyong dang /__/'jigs byed dgu dang ma mo 'bar ma bdun/__/rgyal chen sde bzhi gza' dang rgyu skar tshogs/__/klu rgyal wA ru Na dang 'jog po sogs/__/gtsang rigs dpal mgon dkar phyogs skyong rnams dang /__/de bzhin bod khams skyong ba'i brtan ma che/__/rdo rje g.yu sgron thang lha spom ra gnyen/__/ge sar rdo rje tshe yi rgyal po sogs/__/lha klu gzhi bdag dge bsnyen rmu bdud btsan/__/rgyal po ging chen gnod sbyin the'u rang sogs/__/khyad par sman srung lha mo dkar mo ni/__/phyag na rin chen pi waM sgrogs pa dang /__/de bzhin ser mo bya rgod gling bu bsgyur/__/dmar mo mi rkang gling bu tse re re/__/ljang mo dngul dkar me long ston pa dang /__/sman gyi lha mo chen mo rnam pa brgyad/__/dkar mo ma bdun dus tshod rgyu ba'i lha/__/rtsi shing sman dang nags kyi lha mo'i tshogs/__/sman gyi gnyer 'dzin bye ba bsam las 'das/__/bka' srung kun gyi sde dpon gnod sbyin che/__/zhang blon chen po rdo rje bdud 'dul dang /__/e ka dza TI khyab 'jug lce spyang gdong /__/shan pa dmar po srog gi spu gri che/__/srin mo bdud mo srog bdag la sogs pa/__/bka' sdod bran g.yog sprul dang yang 'khor bcas/__/bsang mchod 'dod yon bdud rtsi'i sprin phung bzhes/__/ji 'jigs la sogs gnod sbyin bcu gnyis dang /__/legs nyes mngon shes nye bar ston mdzad pa'i/__/dung gi khye'u chung g.yu yi zur phud can/__/mda' dar me long sba gling snyan pa 'gyur/__/ye shes lha mo dkar dang smra byed ser/__/rno byed lha mo dmar dang drang srong tshogs/__mngon shes rdzu 'phrul mthu dang ldan pa rnams/__/bsang mchod 'dod yon bdud rtsi'i sprin phung bzhes/__/mngon shes ston mkhas drang srong ser skya ni/__/phyag gnyis gtsag bu bdud rtsi'i bum pa bsnams/__/gcung po sngo skya skam pa me long 'dzin/__/khye'u dmar skya ne tso khye'u khrid/__/snang gsal pra yi dngos grub stsol ba'i phyir/__/bsang mchod 'dod yon bdud rtsi'i sprin phung bzhes/__/mnol ba sangs la 'thib pa dwangs gyur cig__/bdag cag rnams kyi mi shes rmongs pa yis/__/rtsa ba yan lag dam tshig nyams pa dang /__/rgyud 'grel man ngag lag tu ma lon zhing /__/'gro la brtse bral sman sbyor log pa sogs/__/nongs par gyur pa'i tshogs rnams mthol zhing bshags/__/bzod par bzhes la tshangs pa stsal du gsol/__kye/__de ltar bsang mchod mgron du gyur pa rnams/__/'dod yon bdud rtsi'i mchod pa 'di bzhes la/__/bdag cag dpon slob yul phyogs snod bcud kyi/__/nyes pa kun zhi tshe bsod ye shes rgyas/__/snang ba dbang 'dus log 'dren rtsad nas chod/__/khyad par sman rgyud man ngag lag len rnams/__/dar zhing rgyas nas gzhan phan 'byung ba dang /__/bzhi brgya rtsa bzhi'i nad rnams sel ba la/__/'joms byed gnyen po stobs su gyur pa dang /__/lha min kla klo'i sman gyi sbyor ngan rnams/__/nus med thal skya bzhin du 'gyur ba dang /__/dus 'khrugs zhi zhing lo phyugs rtag tu legs/__/bstan pa dar rgyas bstan 'dzin dbu 'phang mtho/__/bstan pa'i sbyin bdag chab srid dbu rmog btsan/__/mnga' thang longs spyod 'phel zhing rgyas pa dang /__/snod bcud dge ba'i phrin las mdzad du gsol/__/srid dang zhi ba'i sman bcud rnams/__/'od zer lcags kyus sdud nas ni/__sman sbyor rnams la bstim pa dang /__/'jig rten sman gyi phywa g.yang rnams/__/gnas 'dir myur ba nyid du khug__/dkar phyogs lha rnams dgyes pa'i ru mtshon phyar/__/ki bswo lha rgyal cha sgra 'brug ltar sgrogs/__/phyogs las rnam par rgyal ba'i bkra shis stsol/__/sman srung dgra lha bdag gi lus zhugs nas/__/stobs rtsal mthu nus bskal pa'i me bzhin 'bar/__/gnas skabs bcud len grub pas lus stobs rgyas/__/lo brgyar 'tsho zhing dam pa'i chos spyod nas/__/mthar thug lta na sdug gi zhing khams su/__/sman rgyal bla ma'i drung du brdzus skyes nas/__/byang chub lung bstan thob cing sa lam bgrod/__/sman pa'i rgyal po'i gsang ba gsum po dang /__/dbyer med ro gcig 'gyur ba'i phrin las mdzod/__/sman gyi drang srong gdams ngag rang byan tshud/__/sman mchog nad la things pa tsam gyis chog__/sman gyi nus pas rgyu 'bras nad rnams sel/__/sman gyi 'bras bus bde dga' spyod par shog__/ces brjod la mchod gtor 'bul/__rjes kyi cho ga yig brgya lan gsum dang /__ma 'byor pa dang nyams pa sogs kyis bzod par gsol/__oM khyed kyi sems can sogs dang /__bsang mchod gnas 'dir sogs nas/__sarba b+hu ta gats+tshas gshegs gsol/__dge bsngo dang shis brjod spyi ltar ro/__/dge 'dis bdag gzhan sems can kun/__/sman gyi longs spyod cher 'phel zhing /__/mthar thug lta na sdug zhing du/__/skyes nas byang chub thob par shog__/ces pa'ang rab byung 16pa'i chu bya lor rdzong gsar bkra shis lha rtser rin chen sman gyi sbyor ba bgyis pa'i skabs khrums zla 8pa'i dkar phyogs kyi rgyal ba dang po la 'jam dbyangs blo gros rgya mtshos bris pa bkra shis dge mtshan mchog tu rgyas par gyur cig__/sarba mang+ga laM//__// tshe g.yang 'gug pa la sbyar rgyu'i bsang mchod 'dod rgu'i sprin phung ces bya ba bzhugs so/__bla ma nor lha'i tshogs la bsang mchod 'bul bar 'dod pas bsang rdzas mchod gtor rnams/__ra~M ya~M kha~M/__oM AHhU~M/__lan gsum gyis byin gyis brlab/__dbyangs rol dang bcas/__kyai/__chos dbyings zhing kun rgyas par gang ba yi/__/bla ma rtsa gsum nor lha rgya mtsho'i tshogs/__/'dir gshegs nyi zla pad+ma'i gdan la bzhugs/__/zag med bsang mchod bdud rtsi'i sprin phung bzhes/__kyai/__sngon gyi drang srong chen po'i lugs bzhin du/__/gos dkar 'bar ba chen po'i me yi klong /__/bzang shing sna tshogs sbyar ba'i dud sprin 'thibs/__/phye mar gangs ri ltar spungs ja chang dang /__/bdud rtsi 'o ma'i gser skyems mtsho ltar bskyil/__/rnam mang srid dang zhi ba'i 'byor pa dang /__/phun tshogs dpal kun dbang du byed pa yi/__/bkra shis rdzas rtags rin chen sna bdun dang /__/nye ba'i rin chen bdun dang 'dod 'jo'i ba/__/dpag bsam shing dang khrus rdzing skyed tshal dang /__/rin chen sna tshogs ri bos khor yug brjid/__/lha dang klu dbang grub pa rig 'dzin dang /__/drang srong tshogs kyis nye bar bsten pa yi/__/brag ri'i ba gam bkod legs sman shing gi__/nags tshal nyams dga' lha mi'i me tog dang /__/bya dang ri dwags spu sdug yid du 'ong /__/rta g.yag ma he gnag lug la sogs pa/__/mdor na srid pa gsum gyi 'byor pa'i tshogs/__/gcig tu spungs pa'i mchod sprin chen po dang /__/'dod pa'i yon tan rnam mang 'phrul pa yis/__/sngo sang du ba'i lha mo yid 'phrog mas/__/zag med bde ba'i dbang po dgyes bskyed pa'i/__/'dod yon drug gi mchod pa'i rol mo ni/__/kun tu bzang po ting nge 'dzin gyi sgo/__/nam mkha' mdzod kyi sgyu 'phrul bsam las 'das/__/'dzad med dpag par dka' ba'i dgyes sprin 'dis/__/ma hA gu ru o rgyan tshe dpag med/__/rgyas mdzad rat+na thod phreng yab yum dang /__/gnod sbyin gter 'chang rgya mtsho'i sde dpon ni/__/rin chen mang sprul rgyal chen rnam thos sras/__/lha mo dpal dang rta bdag brgyad la sogs/__/'khor tshogs sprul par bcas pa thams cad dang /__/byang chub sems ma nor gyi rgyun ster ma/__/rmug 'dzin dbang po la sogs nor gyi lha/__/bye ba bsam mi khyab pa thams cad la/__/bdud rtsi bsang gi mchod pa 'di 'bul lo/__/dgyes pa'i zhal bzang nyi zla ltar gsal zhing /__/phun tshogs dge legs nor bu'i dngos grub ster/__/dbul ba'i gdung sel 'dod rgu'i 'byor pa yis/__/srid zhi'i legs tshogs dpag bsam shing ltar rgyas/__/snyan grags lha yi rol mo phyogs bcur khyab/__/phun tshogs sde bzhi dbang du bsdu ba dang /__/sbyin pa'i phar phyin rdzogs pa'i bkra shis stsol/__/ces phye mar gser skyems mchod do/__/ces pa'ang rdor 'dzin bla ma chos grags kyis skyes dang bcas bskul ba'i bzhed skong du 'jam dbyangs blo gros rgya mtshos kaHthog rdo rje gdan du bris pa dge legs su gyur cig__/mang+ga laM//__//kyai/__byang chub sems ma dpal chen mo/__/grogs mo lha mo brgyad po dang /__/nor lha gter bdag 'khor bcas dang /__/tshogs bdag mi mgon dkar po dang /__/spom ra la sogs 'khor bcas rnams/__/'dir gshegs bsang mchod dam pa bzhes/__/'khor 'das phywa g.yang gnas 'dir bsdus/__/srin rkun bse rag gnod pa srungs/__/tshe g.yang dpal 'byor rgyas pa dang /__/bkra shis bde legs phun tshogs shog__/chos kyi blo gros pas so//__// gnod sbyin beg gdong lcam dral la bsang mchod bsdus pa phrin las myur 'grub bzhugs/__h+ya g+h+rI wa la na mo/__de la 'dir dbang mdzad bka' yi srung ma gnod sbyin shan pa dmar po la bsangs mchod 'bul bar 'dod pas mchod gtor skyems phud/__bsangs rdzas sna tshogs shing rtsir bsregs pa'i dud pa 'thul ba dang bcas/__mchod rdzas rnams la chu gtsang gis bran/__ra~M ya~M kha~M/__mi gtsang ba'i dri ma bsregs gtor bkrus/__oM AHhU~M gis byin gyis brlabs la rgyas par spel/__rol mo dbyangs dang bcas te/__hU~M hrIHsngon tshe dpal chen pad+ma dbang gi rgyal/__/spyan sngar khas blangs gnod sbyin lcam dral tshogs/__/'dir gshegs bdud rtsi bsang gi mchod pa bzhes/__/dbang drag phrin las ma lus 'grub par mdzod/__/khyod la dgyes pa'i dam rdzas 'bul ba ni/__/brten cing chags pa'i phyi nang gsang ba'i rdzas/__/ra dmar khrag chang sbyar ba'i ar+g+haM dang /__/dam nyams dgra bgegs bsgral ba las byung ba'i/__/sha khrag rus pa'i gtor ma lhun por spungs/__/rtsa brgyad stong sbyar bdud rtsi'i skyems phud dang /__/drag po'i nyer spyod 'dod yon rnam pa lnga/__/thod rnga rkang gling gsang ba'i rnga chung sogs/__/rngams brjid ldan pa'i sgrub dang mchod pa'i rdzas/__/khrag gi rgya mtsho bse yi sku mkhar dang /__/zhing chen bla bre mi ro'i rgyal mtshan phyar/__/bam ro gsar rnying sna tshogs gcal du bkram/__/srin bya 'ug pa mang po ha har dgod/__/stag gzigs dom dred mang po 'dur 'ur rgyug__/khyi dmar rab gtum mche ba rnon po gtsigs/__/mda' mdung ral gri go mtshon la sogs pa/__/shin tu 'jigs rung mi bzad drag po'i gnas/__/lcam dral bka' sdod 'khor dang bcas la 'bul/__/khyad par bzang shing sna tshogs bsregs pa'i mer/__/dgos dgu sna tshogs sbyar te bsregs pa yi/__/dud sprin chos dbyings khyab par 'bul ba las/__/byung ba'i mi zad 'dod yon rgya mtsho'i sprin/__/so so'i thugs dang mthun par 'char ba 'dis/__/gnod sbyin lcam dral 'khor bcas thugs dam bskangs/__/bka' sdod shan pa'i tshogs kyi thugs dam bskangs/__/yang 'khor lha srin sde brgyad thugs dam bskangs/__/thugs dang 'gal ba'i nongs pa ci mchis pa/__/snying nas bshags so rngams pa'i zhal ras ston/__/mi sgrib tshangs pa'i dngos grub stsal du gsol/__/khyod la phrin las gnyan po gsol ba ni/__/dkon mchog bstan la sdang ba'i bdud sde rnams/__/ming gi lhag ma tsam yang med par mdzod/__/rnal 'byor bdag cag yon mchod 'khor bcas la/__/mi srun log par sems pa'i dgra dang bgegs/__/zhag dang za mar ma 'gyangs myur du sgrol/__/sha khrag rus gsum dpa' bo'i rngams zas mdzod/__/lha klu mi yi 'gro ba dbang du bsdus/__/tshe bsod chos nor 'dod rgu'i sprin chen gyis/__/grub gnyis nor bu'i char pa phyogs brgyar 'bebs/__/phan bde'i dge mtshan 'phel ba'i phrin las mdzod/__/ces skyems phud gtsang sar 'thor/__gtor ma bsangs mer mchod nas rjes kyi rim pa rnams bya'o/__/ces pa'ang 'dzam thang rgyal ba seng ge'i sku 'phring /__gdong sprul rin po che kun dga' 'chi med dbang pos bka' lung phebs pa ltar 'jam dbyangs chos kyi blo gros pas bris pa dge legs 'phel/__sarba ar+tha sid+d+hi rastu//__//

7gong sa lha mi'i rnam 'dren chen po'i 'khrungs bsang bzhugs so/__/na mo gu ru pad+ma kA ra ye/__de la yar ngo'i tshes bzang por bsang shing dri zhim pa'i rigs/__dug rigs ma 'dres pa/__zas sna/__shing tog__/mngar cha'i rigs/__dar zab/__rin chen phye ma/__sman sna brgya rtsa/__mchod gtor/__gser skyems dkar mngar sogs 'du byas la/__oM badz+ra a mr-i tas bsangs/__swA b+ha was sbyangs/__stong pa'i ngang las bsang khang gzhal med khang gi bkod pa shin tu mdzes par bsang shing dang 'dod yon sna tshogs bsregs pa'i dud sprin sa dang bar snang thams cad khyab cing mgron rnams dgyes pa skong ba'i nus pa dang ldan par gyur/__nam mkha' mdzod kyi sngags rgya lan gsum dang /__oM AHhU~M gis rgyas par spel/__kyai/__skyabs gnas dkon mchog rnam gsum dang /__/rtsa gsum chos skyong rgya mtsho'i tshogs/__/nor lha gter bdag la sogs pa/__/khyad par mgur lha bcu gsum dang /__/brtan ma dge bsnyen nyer gcig sogs/__/bod khams skyong ba'i gzhi bdag che/__/bsang mchod gnas 'dir spyan 'dren gshegs/__/khyad par gangs can ljongs 'di ru/__/sangs rgyas bstan pa'i gzhi 'dzin pa'i/__/dga' ba brgya ldan pho brang pas/__/mchod bstod mnga' gsol mdzad pa yi/__/dkar phyogs lha klu'i mgron rnams dang /__/'dzam gling phan bde'i gtsug nor che/__/rgyal mchog bstan 'dzin rgya mtsho yi/__/mtshan dpe'i pad dkar bzhad pa'i dus/__/bsrung skyobs sdongs grogs mdzad pa'i lha/__/tsong kha'i yul gyi lha srung dang /__/gnas gter gzhi bdag 'khor dang bcas/__/'dir gshegs dgyes pa'i gdan la bzhugs/__/bsang mchod dam pa bzhes su gsol/__/pad+ma kA ma la ya s+t+waM/__kyai/__bsang shing sna tshogs sbyar ba la/__/rin chen sman spos dar zab sogs/__/bzang rgu bsregs pa'i dud sprin ni/__/spos kyi glang po'i gom stabs g.yo/__/zeg ma 'dod yon rnam lnga 'phro/__/dkon mchog rtsa gsum mchod pas mnyes/__/mi gtsang mnol grib sangs gyur cig__/thugs dang 'gal ba thams cad bshags/__/brtan ma mgur lha gzhi bdag dang /__/gnas gter srung ma thams cad la/__/mkho dgu'i 'dod yon nam mkha' mdzod/__/kun tu bzang po'i rol ba las/__/bsang mchod gnam sa bar snang khyab/__/rang rang yid dang mthun pa rnams/__/dbang po drug la dgyes par rol/__/bstan 'gro'i bde skyid rdzogs ldan 'phel/__/lha min 'byung po'i gdug rtsubs zhi/__/khyad par 'dzam bu'i ljon shing gi__/mtshan pa'i gtsug gi nor bu mchog__/rgyal dbang thams cad mkhyen pa che/__/bstan 'dzin rgya mtsho'i zhabs pad brtan/__/bsod nams dbang thang rlung rta bskyed/__/lugs brgya'i chos srid gser 'khor ni/__/rtsibs stong bkra ba g.yas su 'khor/__/phyogs kun dbang bsgyur rin chen bdun/__/dge legs bkra shis dga' ba 'khyil/__/snyan grags skye lnga'i sgra dbyangs dang /__/phyogs las rnam rgyal rgyal mtshan sgrengs/__/dkar phyogs lha rnams ba dan 'phyor/__/dbang mdzad lcags kyu rnon po dang /__/'od dmar pad+ma'i 'phrul zhags kyis/__/srid zhi'i phywa g.yang dbang du bsdus/__/bkra shis dge legs phun tshogs shog__/ces gtor ma skyems phud mchod cing lha rgyal bya'o/__/ces pa'ang 'bras ljongs sgang tog tu me bya zla 11tshes 2bzang bor ngos la zhabs brtan gnang skabs 7gong sa chen po'i 'khrungs bsang hor zla lnga pa'i nang bgyid skabs 'don rgyu zhig dgos zhes 7zhabs brtan dbu 'doms rnams kyis gsung gis bskul bar brten 'jam dbyangs chos kyi blo gros sam/__gtsug lag lung rig nyi ma smra ba'i seng ges gang dran myur bar bris pa/__srid zhi'i gtsug rgyan chen po zhabs pad brtan cing /__dga' ldan pho brang chen po'i chab srid gser gyi 'khor los phyogs bcur khyab pa'i rgyur bla ma rgyal ba sras bcas kyis byin gyis brlab tu gsol/__sarba dza ga taM/__mang+ga laM//__// sde dge lha sras gsar phebs kyi 'khrungs bsang bkra shis 'khyil pa zhes bya ba bzhugs so/__/na mo many+dzu shrI ye/__dmar ser gur gum gsar pa'i ri bo'i rtser/__/mkhyen rab nyin byed stong gi gzi 'od 'bar/__/sa gsum rmongs pa'i mun pa kun sel ba/__/bla ma 'jam dpal dpa' bor gus btud nas/__/skye dgu'i yid kyi gdung ba sel ba'i gnyen/__/tshangs sras 'chi med gzhon nu'i lang tsho ni/__/phun tshogs kun dga'i tshal du snang ba'i tshe/__/rtsa gsum dgyes pa'i bsang mchod dga' ston dbye/__/de la 'dir dkar po'i phyogs kyi tshes gza' skar 'phrod sbyor bzang por bsang mchod 'bul bar spro na/__mchod gtor dang /__dkar mngar skyem phud/__phye mar shing rtsi'i dud pa 'thul bzhin/__mchod rdzas rnams la chu gtsang gis bran/__bsang gzhung gzhan dang ma 'brel na/__skyabs sems sngon du 'gro bas/__ra~M ya~M kha~M/__bsang gi mi gtsang dri ma bsreg gtor bkrus/__/b+h+rU~M las rin chen snod mchog yangs pa'i nang /__/bsang rdzas zag med 'dod yon rgya mtsho'i sprin/__/sa dang nam mkha' bar snang khyab par gyur/__/oM AHhU~M/__lan gsum dang /__na maHsarba ta thA ga ta b+h+yo bi shwa sogs nam mkha' mdzod kyi sngags dang phyag rgya lan gsum gyis brlabs/__kye/__chos dbyings dag pa rab 'byams klong yangs nas/__/rtsa gsum chos skyong nor lha gter bdag dang /__/yul lha gzhi bdag dkar phyogs skyong ba rnams/__/bsang mchod gnas 'dir ma thogs myur du byon/__/rang rang mtshams pa'i gdan la dgyes par bzhugs/__kye/__phyi snod dag pa rin chen gzhal med khang /__/bkod legs mdzes shing blta na sdug pa'i nang /__/mchod rdzas 'dod yon nyer spyod bsam mi khyab/__/rmad byung nam mkha' mdzod kyi ting 'dzin las/__/byung ba'i mchod pa'i sprin gyi phung po dang /__/khyad par nor bu'i 'od 'bar thab kyi dbus/__/lha shing dri bzang sna tshogs shing rtsi dang /__/phye mar dar zab 'bru sman bsregs pa las/__/byung ba'i dud sprin glang po'i gom stabs can/__/myur mgyogs sprin dkar phung po lhun brtsegs par/__/yid 'phrog mchod pa'i lha mo 'jo sgeg can/__/phyag na spos gzhong thog pa dpag med sprul/__/de dag re re'i rtser yang mchod pa'i sprin/__/kun tu bzang po'i rnam rol las byung ba'i/__/bde stong zag med bsang gi mchod pa 'dis/__/gsar rnying bka' gter brgyud pa'i bla ma dang /__/yi dam zhi khro rab 'byams lha tshogs mchod/__/gnas gsum dpa' bo mkha' 'gro bye ba 'bum/__/rgyud gsum dam can chos skyong srung ma la/__/bsang mchod bdud rtsi'i sprin phung 'di 'bul bas/__/byin rlabs dbang dang dngos grub char chen phobs/__/steng phyogs 'ja' gur 'khrigs pa'i nang shed nas/__/du ba'i lha mo nam mkha'i mdangs ldan mas/__/phyag g.yas khrus bum bdud rtsi'i rgyun 'bebs shing /__/g.yon pas rin chen yol gol bzang sman gyis/__/phye ma gtor bas mi gtsang nyams grib dang /__/ro bag dme rmugs nal sogs grib rigs kun/__/bkrus shing 'thib pa thams cad sangs gyur nas/__/dgyes zhal zla ba bzhin du ngom gyur cig__/kye/__rgyal ba shAkya seng+ge'i bstan pa ni/__/srung shing skyong bar g.yar dam bcas pa yis/__/gtsang ris mgon po bdun cu rtsa lnga dang /__/bstan ma bcu gnyis mgul lha bcu gsum dang /__/dge bsnyen nyer gcig gnyan chen sde bzhi sogs/__/gnas gter gzhi yi bdag po thams cad bsang /__/'dzam gling skyes mchog seng chen rgyal po dang /__/ne ne gnam sman ger mdzo gnyen po sogs/__/dgra bla wer ma dwangs sman tshogs rnams dang /__/dpal thul blon 'bangs 'khor tshogs bcas pa bsangs/__/pad+ma'i gter srung thang lha yar zhud dang /__/rma rgyal spom ra gnyan chen 'bum sde sogs/__/mdo khams chu bzhi sgang drug la gnas pa'i/__/lha klu gzhi bdag 'khor dang bcas pa bsangs/__/khyad par 'od gsal lha rigs thig le che/__/stong btsan yul bzung rigs kyi rgyud smin pa/__/sde bzhi dge bcu'i sa 'dzin yul skyong che/__/chos rgyal chen po'i mgul lha gnyen po ni/__/rdo rje g.yung drung rdo rje dbang drag dang /__/blon po mu naM nga 'dra mched brgyad sogs/__/'bri zla zab mo'i gzhi bdag thams cad=____/khyad par tshangs sras zla ba gzhon nu yis/__/mtshan dpe'i pad+mo bzhad pa'i dus kyi tshe/__/chu shel dbang po smin drug la rtsen pa'i/__/dkar po'i phyogs kyi lnga phrag gnyis pa la/__/dbang bsgyur tshes kyi lha rnams thams cad=____/gza' mchog rgyal po rab dkar pa ba sangs/__/rgyu skar lha mo khrum stod yid 'phrog ma/__/pad+ma las 'khrungs pad+ma rgyal po yi/__/ngo mtshar mdzad pa'i dus chen la 'dus pa'i/__/srid dang zhi ba'i mgron rigs thams cad bsangs/__kye/__de ltar bsang gi mchod pa phul ba'i mthus/__/rnal 'byor bdag cag yul 'khor bcas pa rnams/__/rtag tu srung zhing skyobs pa'i sdong grogs dang /__/mkhon grib nyes ba thams cad sangs gyur cig__/khyad par mi dbang tshangs chen yab sras rnams/__/sku tshe brtan cing chab srid phrin las rgyas/__/dzam+bu na dA'i gser 'khor rtsibs stong bkra/__/phyogs las rnam par rgyal ba'i phrin las mdzod/__/'jig rten pa rnams yang dag lta ba dang /__/sde bzhi dge bcu'i bden 'bras la spyod cing /__/btsa' sad ser gsum nad mug 'khrugs rtsod zhi/__/'jig rten bde zhing skyid pa'i phrin las mdzod/__/bkra shis 'o ma'i rgya mtsho g.yas su 'khyil/__/phun tshogs klu dbang rol pa'i bsti gnas che/__/srid zhi'i dpal yon lhun grub rgyal khab 'di/__/phyogs las rnam par rgyal ba'i bkra shis shog__/ces mchod gtor phul la lha rgyal sgrogs pas dge legs su bya'o/__/ces pa'ang dad brtson shes rab kyi nor ldan rab slob bya rgod bla ma shes rab rgyal mtsho nas gsung bskul ngor/__'jam dbyangs chos kyi blo gros pas snga 'gyur bshad sgrub kyi chu gter chen po kaHthog rdo rje gdan gyi chos grwa chen po'i rgyud sde lha khang bshad sgrub nor bu'i lhun por/__nag zla'i sher phyogs kyi rdzogs pa gnyis par smras rim bzhin yi ge'i byed po skyo mda' dbon sprul 'jam dbyangs chos kyi nyin byed kyis bgyis pa 'dis kyang bkra shis dge legs kyi dpal yon mchog tu rgyas par gyur cig__/sarba dA mang+ga laM//__//

kyai/__rigs gsum gcig bsdus pad+ma 'byung gnas kyi/__/thugs rje'i rol rtsal khri srong lde'u btsan gyi/__/phrin las rnam 'phrul nor bu dgra 'dul rtsal/__/sras yum btsun mo blon 'khor bcas pa dang /__/dgra lha wer ma'i tshogs bcas 'dir gshegs la/__/gtor ma gser skyems bsang gi mchod pa bzhes/__/smyo ba'i 'dre thul sdang ba'i dgra srog chod/__/nag phyogs rgya 'dre 'byung po'i rgyu ba chod/__/bdag 'khor yon bdag byams pa'i thugs kyis skyongs/__/re smon mtha' rgyas yid bzhin 'grub pa dang /__/phyogs las rnam par rgyal ba'i phrin las mdzod/__/ces pa'ang chos kyi blo gros pas so//__//

@#/__/dgra lha chen po rnams kyi mchod gsol g.yul rgyal lha yi dar chen ces bya ba bzhugs so/__/ na mo gu ru pad+ma rA dza ya/__ge sar dgra lha'i rgyal po'i mchod gsol bya bar 'dod pas/__gtor ma skyems phud bskang shing bsregs pa'i bsangs dang /__spyan gzigs/__dkor cha sna tshogs bshams la/__hU~M hrIHsngon tshe ka dag dang po'i dus/__/kun tu bzang po'i cho 'phrul las/__/rig rtsal rol pa rang shar ba/__/srid pa ye chags dgra lha'i tshogs/__/de nas slob dpon pad+ma dang /__/chos rgyal tshangs pa me tog gi__/phrin las 'dod rgur bsgyur ba po/__/shes rab ral gri'i mtshon 'chang ba/__/dpa' bo chen po bdud kyi gshed/__/rdo rje'i ya lad go bgos pa/__/ge sar rdo rje tshe yi rgyal/__/rta mchog rkyang chen steng na 'gying /__/sku la dgra lha'i chas 'khor rdzogs/__/sba lcag bsam pa'i don 'grub 'phyar/__/mdung mo khams gsum 'bigs byed sgrengs/__/gsang yum DA ki'i tshogs kyis bskor/__/steng na pad 'byung rig gsum mgon/__/ne ne gnam sman dkar mo dang /__/srid pa'i dgra lha wer ma 'bum/__/rma rgyal spom ra mched 'khor tshogs/__/byin rlabs lung bstan sprin ltar 'khrigs/__/lha dbang zhal dkar 'bum pa ni/__/dung gi zla ba ltar gsal zhing /__/bzlog med snying stobs shugs 'chang ba/__/ral gri ya zi rnon po 'phyar/__/'khor gsum dbu rmog btsan po yi/__/dar 'phru srid pa'i rtse mor snyegs/__/rgya bya sog dkar steng na rngams/__/sku sras dgra lha rtse rgyal yang /__/rnam mang thos kyi gzi brjid can/__/nor bu chu shel ltar gsal ba/__/zab chen bzang po'i chas gos dang /__rin chen rgyan gyis rnam par spras/__/g.yas pas nor bu'i rgyal mtshan dang /__/g.yon pas rdo rje'i lcags kyu bsnams/__/bya rta rlung gshog steng na 'gying /__/a khu spyi dpon chen po ni/__/'chi med tshe yi rig 'dzin brnyes/__/smar smin dung ltar dkar ba dang /__/dar gyi la thod mdzes par bcings/__/gos dmar gser gyi pa tras bklubs/__/rno ngar ral gri sked la btags/__/g.yas pas dar mdung dkar po 'dzin/__/g.yon pas thugs gsal me long 'phyar/__/sha rkyang drel mgo'i steng na rngams/__/'dan ma byang khra be DA'i mdog__/dpa' rtsal myur mgyogs rlung gi shugs/__/go khrab dbu rmog btsan pos brjid/__/phyag gnyis mda' gzhu 'gengs pa yi/__/hor bdud rgya 'dre'i snying la gzir/__/rta mchog dngul phrug ldem pa chibs/__/dpa' la'i seng stag mi spyang ni/__/dung la pho tshos byugs pa 'dra'i/__/dkar dmar mdangs ldan dpa' rgod che/__/dgra lha'i chas 'khor yongs rdzogs shing /__/ral gri rdo rje'i zhags pa 'dzin/__/stong ri dkar po chibs su zhon/__/dga' bde chos skyong ber nag che/__/ma hA kA la'i mthu sgrub pa/__/stobs kyi dbang phyug bdud sde'i gshed/__/sngags pa nag po'i chas kyis brjid/__/gtor zor rak+ta'i phreng ba bsnams/__/rlung nag shugs ldan steng na brjid/__/gzhan yang phu nu sum cu'i tshogs/__/sras yum 'khor tshogs sprul par bcas/__/dpa' bo'i ki bswo cha sgra sgrogs/__/bzhad pa brgyang kyi nga ro can/__/rdzu 'phrul tshad med glog ltar myur/__/rta yi rmig sgra thags se thag__/rdo rje nyi ma'i gzi 'od kyis/__/bskal pa'i mun pa thams cad sel/__/hor rgya 'jang dang rgya 'dre sogs/__/dam sri 'byung po'i mgo bo bregs/__/snying khrag dron mo hub kyis drongs/__/dgra srog rtsad nas bcad pa yi/__/ge sar 'phrul gyi rgyal po che/__/rig 'dzin yongs kyi dgra lha yin/__/rnal 'byor bdag gi srung ma che/__/'bod do bskul lo dgyes par dgongs/__/khyed rnams mchod cing bskang ba'i rdzas/__/nyer spyod 'dod pa'i yon tan dang /__/bkra shis rdzas rtags rgyal srid bdun/__/gling bzhi ri rab rin chen ri/__/dpag bsam shing dang 'dod 'jo'i ba/__/ma rmos lo thog gter chen bum/__/nye ba'i rin chen bdun sogs dang /__/mda' mdung ral gri me sgyogs sogs/__/mtshon cha rnam pa mang po'i tshogs/__/bya rigs sna tshogs 'tshubs kyi le/__/mkha' lding gser mig 'khyil pa dang /__/stag mo grus ma'i ngar sgra sgrogs/__/seng+ge dkar mo gnam la 'phyo/__/lho sprin nor bu'i dbyibs ldan 'khrigs/__/tshe g.yang sbrang char si li li/__/g.yu 'brug sngon mo stong gsum ldir/__/rta glang gnag lug ri dwags tshogs/__/spu sdug mdzes shing rtse dgas 'khrab/__/bcu drug bde ba'i gar bsgyur ma/__/ri dwags mig can ldem bag gi__/sgyu ma'i bde bas rnam par rtsen/__/dam nyams bdud dgra'i tshogs rnams kyi/__/snying ni lcags kyus drongs ba dang /__/rdo rje ral gris mgo bo bregs/__/rdo rje dgra stas phyed mar gshag__/rdo rje tho bas rdul du brlags/__/sha khrag rus pa chems se chem/__/gzhan yang srid pa'i dkor cha ni/__/ji snyed mchis pa thams cad dang /__/sman rag bdud rtsi'i dgyes pa bskyed/__/ro brgya ldan pa'i gtor ma spungs/__/phye mar gangs ri ltar mtho zhing /__/ja chang 'o ma'i skyems phud rnams/__/mtsho ltar bskyil ba 'di bzhes shig__/kyai/__ma la ya yi nags klung gi__/tsan+dan spos dang bzang shing ni/__/gos dkar mo yi klong bsregs pa'i/__/du ba baiDUR+Ya mdog dang /__/shel ltar dkar dang ser ba dang /__/dmar dang ljang ba'i sprin chen po/__/'dod yon mkho rgus brgyan pa 'dis/__/khyed rnams bsang ngo dgyes par mchod/__/mi gtsang grib kyis gos pa bsang /__/mnol ba thams cad sangs gyur cig__/'thib pa thams cad dwangs gyur cig__/kyai/__de ltar mgron rigs thams cad la/__/mchod gsol phrin las bcol ba ni/__/sangs rgyas bstan pa rin chen srungs/__/'dus pa'i sde gnyis 'phel zhing rgyas/__/bstan 'dzin skyes bu'i sku tshe brtan/__/chos skyong rgyal po mnga' thang mtho/__/bstan pa'i sbyin bdag dar rgyas mdzod/__/dgra bla gnyen po'i gsang gsum dang /__/yon tan phrin las stobs shugs rnams/__/rnal 'byor bdag la rab zhugs nas/__/she mong bskal pa'i me bzhin sbor/__/lus ni rdo rje lta bur sra/__/ngag tshig btsan zhing bden stobs 'grub/__/yid ni ri rgyal lta bur brtan/__/yon tan 'khor lo bsgyur rgyal bzhin/__/phrin las khyab 'jug ltar g.yo bas/__/snang srid dbang du bsgyur bar mdzod/__/kha rje dbang thang rlung rta rnams/__/mthun pa'i grogs dang rab bsdebs shing /__/rgud pa'i rlung rta rnam par sel/__/snyan pa'i rlung rta bskyed du gsol/__/'go ba'i lha lnga'i dbu 'phang bstod/__/phyogs las rnam par rgyal ba dang /__/tshe bsod dpal 'byor yar la skyed/__/snyan grags lha yi rnga sgra dang /__/rlung rta'i dar chen phyogs bcur g.yo/__/mtho bas srid pa'i rtse mor bsnyegs/__/dgra lha'i tshogs kun dpal bskyed de/__/rigs gsum sems dpa'i rnam par thar/__/ma lus bdag gis 'grub par mdzod/__/ki bswo cha'o lha rgyal lo/__/rgyal lo rgyal lo lha rgyal lo/__/lha ki ki ki la bswo bswo/__/'dzam gling ge sar rgyal po yi/__/lho gling bde ba'i phrin las mdzod/__/skyid kyi nyi ma shar bar mdzod/__/srid dang zhi ba'i phywa g.yang bsdus/__/dpal 'byor longs spyod rgyas par mdzod/__/nad mug 'khrugs rtsod zhi ba dang /__/chos srid dpal yon rgyas pa dang /__/bsam rgu'i re ba 'grub par mdzod/__/nad med bde ba'i bkrag mdangs rgyas/__/tshe ni lha chu'i rgyun bzhin ring /__/bsod nams lha dbang brgya byin ltar/__/phun sum tshogs par mdzad du gsol/__/hor bdud dmag tshogs cham la phobs/__/dgra mgo re bas gtum pa dang /__/bar chad byad phur rdul du rlog__/phyogs las rnam rgyal phrin las mdzod/__/dgra lha wer ma dpa' thul gyis/__/sku gsung thugs dang dbyer med cing /__/stobs dpal gzi brjid mtshungs med pas/__/bstan pa srungs nus mdzad du gsol/__/phun tshogs srid zhi'i phywa g.yang kun/__/'bad med dbang du gyur nas kyang /__/snod bcud dpal g.yang rgyas pa dang /__/bkra shis bde legs phun tshogs shog__/ces pa'ang dbon mdzod tshe dbang dpal 'byor nas gsung bskul ngor/__'jam dbyangs chos kyi blo gros pas bris pa dge zhing bkra shis par gyur cig/__//__

@#/__/dgra lha 'dan ma'i bsang mchod phrin las glog zhags zhes bya ba bzhugs so/__/ na mo gu ru ma NI sid+ha rA dza ya/__'jam pa'i dpal gyi thugs rje las/__/rnam par 'phrul pa'i dgra lha che/__/'dzam gling skyes bu ge sar rje'i/__/bka' blon 'dan ma'i gsol mchod bri/__/seng chen rje yi phrin las pa/__/dgra lha g.yul rgyal thog rgod la/__/gsol mchod bya bar 'dod pa yis/__/gtor ma mchod pa gser skyems dang /__/spyan gzigs go khrab la sogs bshams/__/bzang shing dri bsung 'thul ba dang /__/dang po bdag nyid rta mgrin sogs/__/yi dam gang rung bskyed bzlas bya/__/dngos gzhi mchod gtor byin rlabs ni/__ra~M ya~M kha~M/__stong pa'i ngang las mchod gtor gyi/__/mi gtsang dri ma kun sbyang nas/__/ngo bo ye shes bdud rtsi lnga/__/dwangs shing thogs pa med pa yis/__/sa dang bar snang gang bar gyur/__/oM AHhU~M/__lan gsum dang /__na maHsarba ta thA ga ta b+h+yo sogs lan gsum gyis byin gyis brlabs/__rnga gling rol mo dbyangs dang bcas/__hU~M hrI:__rtsa gsum kun 'dus mtsho skyes rdo rje yis/__/byin rlabs dgra bla'i rgyal po seng chen rgyal/__/sras yum blon 'bangs 'khor dang bcas pa rnams/__/'dir gshegs rang rang dgyes pa'i gdan la bzhugs/__/kyai/__'dzam bu gling gi dgra lha che/__/ge sar nor bu dgra 'dul gyi/__/bka' blon dpa' thul chen po ni/__/'dan ma bsam 'grub zhes su grags/__/chibs su dngul phrug ldan pa la/__/gser sga bal stan g.yu yi mthur/__/rin chen pho long gyis spras steng /__/sku mdog baiDU sngon po la/__/gnam sngon bzhus pas lan stong byug__/rgyu skar bye bas brgyan pa dang /__/mtshungs pa'i gzi brjid rab tu 'bar/__/dbu la rmog 'phru dar gyis brgyan/__/sku la dgyes pa'i khrab chen gsol/__/ya tsha dkar po glog ltar 'khyugs/__/stag ral g.yas la gzig shub g.yon/__/phyag gnyis thabs dang shes rab kyi/__/mda' gzhu 'gengs shing dgra snying bkas/__/gang la phog kyang phye mar gtor/__/'gying zhing bgegs la khros pa'i nyams/__/mdung mo khams gsum dbang sdud ni/__/gru mor bsten pas srid rtser snyegs/__/sku ni nyi ma 'bum gyi gzi/__/gsung ni srin mo khros pa'i skad/__/thugs ni brtse la khro bor ston/__/dpa' bo chen po bdud 'dul ba/__/bdud dgra 'joms shing bdud kyi gshed/__/dam sri rgyal 'gong dbang med bkug__/zhags pas bcings shing bsgyel byas nas/__/rta mchog rdzu 'phrul rkang pa bzhis/__/sha rus 'dam ltar rnyog byas nas/__/rmigs pa'i thag sgra dpag tshad khyab/__/steng du dgra lha wer ma dang /__/dwangs sman DA ki sum cu dang /__/gter bdag rma rgyal chen po sogs/__/sku lha gnyan po bsam mi khyab/__/'khor du dpa' zhing rngam pa yi/__/ki bswo cha sgra 'brug ltar sgrogs/__/dgra lha'i dpung tshogs bu yug ltar/__/'tshubs shing gnas 'dir gshegs su gsol/__/sngon gyi dam tshig dgyes dgongs la/__/ma thogs myur ba nyid du gshegs/__/hor bdud cham la 'beb phyir gshegs/__/rgya 'dre 'gong po 'dul phyir gshegs/__/mtha' dmag gdug pa 'dul phyir gshegs/__/badz+ra sa ma ya dzaHkyai/__dngos bshams yid sprul ting 'dzin mthus/__/snang srid mchod pa'i tshogs rnams dang /__/khyad par nyams grib sel byed pa'i/__/bzang shing dri bzang phye mar bsregs/__/zag med bsang gi mchod sprin dang /__/mchod yon zhabs bsil me tog sogs/__/snang gsal dri chab zhal zas dang /__/gzugs sgra dri ro reg bya dang /__/bkra shis rdzas rtags rin chen bdun/__/stag gzig go khrab ja gos dar/__/rta glang gnag lug 'dod 'jo'i ba/__/sha rna rgo dang 'brong ma he/__/spu sdug gsung snyan bya rigs dang /__/stag gzig khyung chen seng 'brug sogs/__/khrab rmog ber chen phub ral gri/__/mda' mdung dgra s+t+wa lcags kyu dang /__/rdo rje'i zhags pa la sogs pa'i/__/'gugs sdom 'ching myos rdzas sna tshogs/__/ja chang 'o zho gser skyems dang /__/dkar mngar bza' bca' ro brgyar ldan/__/dgra bgegs sha khrag gtor ma dang /__/sman raka rnga gling rol mo'i sgra/__/rdo rje'i sgyogs dang me yi mda'/__/drag po'i mtshon cha tshwa tshwa 'phro/__/'jigs pa'i sgra ldan rnam mang sogs/__/mthun rdzas yo byad bsam mi khyab/__/nang du dus me sgra gcan la/__/'khyud pa'i dpa' bo yab yum la/__/dkar dmar nyi zla'i mda' gzhu yis/__/gzung 'dzin dregs pa'i tshogs rnams bsgral/__/gsang ba gdod nas rnam dag pa'i/__/rang sems rig pa'i bsam 'grub ni/__/'khor 'das kun la khyab brdal ba'i/__/gnas lugs de nyid yongs shes pa/__/mdor na phyi nang gsang rten gyi/__/dgra lha chen po'i thugs dam bskang /__/nyon mongs mi shes g.yul sel ba'i/__/thabs shes mda' gzhu 'chang bas bskang /__/thugs dam bskang la nyams chag bshags/__/dgra lha bdag gi lus la zhugs/__/bdag lus rdo rje'i stobs 'phel zhing /__/phyogs las rnam rgyal dpal thob cing /__/bstan dgra ma lus tshar gcod shog__/de ltar bskang bskang gsol gsol nas/__/khyed la phrin las bcol ba ni/__/sangs rgyas bstan pa gnyan po srungs/__/dkon mchog dbu 'phang dgung du bstod/__/mi phyugs nad yams 'khrug rtsod dang /__/btsa' sad ser gsum zhi bar mdzod/__/'chi med tshe dang bsod nams dang /__/dpal dang 'byor pa phywa g.yang sogs/__/srid zhi'i dge legs sprin chen bsdus/__/dngos grub mtsho ltar rgyas par mdzod/__/thugs rje chags pa'i 'od dmar gyis/__/brtan g.yo'i dpal kun rab 'ching ba'i/__/lcags la gser 'gyur rtsis thebs bzhin/__/thams cad dbang bsgyur 'du bar mdzod/__/sdang dang gdug pa'i sems ldan sogs/__/bstan la gnod byed gar gnas pa/__/bkug cing rdul du brlag pa sogs/__/drag po'i phrin las mthar phyin mdzod/__/ces brjod phud gtor gtsang sar gshegs/__kyai/__de ltar mgron rigs ma lus pa/__/'gal 'khrul nongs pa thams cad bshags/__/bdag la dgyes rab phul gyur nas/__/so so rang rang gnas su gshegs/__/slad nas bdag la dgongs par mdzod/__/dge 'dis mtha' yas sems can kun/__/dgra bla seng chen rgyal po yis/__/mi 'bral rtag tu srung ba dang /__/bstan 'gror bde skyid 'phel bar shog__/oM bkra shis gang zhig grub gnyis sprin tshogs 'khrigs/__/srid zhi'i dge legs bkra shis char du bsnyil/__/rnam rgyal ba dan dkar po'i bkra shis de/__/'dzam gling yongs la bsgreng pa'i bkra shis shog__/ces brjod me tog char du bsnyil/__zhal bso ston mo la sogs bya/__'di bris legs byas ci mchis pa/__/bstan 'gro'i don du 'gyur ba dang /__/khyad par nag phyogs kla klo rnams/__/ming gi lhag ma med par shog__/'di yang phyi nang rig gnas la/__/blo gros spobs pa mchog dge ba/__/rnam rgyal bzang po zhes byas bskul/__/blo gros rgya mtshos shar mar spel/__/bskul ba po yis yi ger bkod/__/dge legs mchog tu rgyas gyur cig__/zhal dro//__// gnas dang gzhi bdag bsang mchod bkra shis 'khyil ba ces bya ba bzhugs/__bsang dang phye mar gser skyems 'du byas/__ra~M ya~M kha~M/__oM AHhU~M/__dang nam mkha' mdzod kyi sngags rgyas byin gyis brlabs/__kyai/__chos dbyings dag pa'i mdun gyi mkhar/__/bla ma yi dam mkha' 'gro dang /__/chos skyong nor lha gter gyi bdag__/yul lha gzhi bdag 'khor bcas rnams/__/'dir gshegs bsang gi mchod pa bzhes/__kyai/__sa 'dzin mtho la lhun chags pas/__/shel dkar ga bur brtsegs pa'i ri/__/bkra shis dpal gyi gnas chen po/__/mu nam sgrub pa sde dga'i rdzongs/__/gnas srung lha btsan gnyen po dang /__/dzaM gyi pad+ma shel phug gi__/gter srung bya dkar bya dmar dang /__/nga 'dra mched brgyad seng g.yu rtse/__/btsan rgod rag chab gnyen po dang /__/rma tham stag tshang klu sman lnga/__/ha khra 'bras dis 'bo klu btsan/__/snying tshogs sde lnga la sogs pa/__/yul 'di'i phu mda' bar gsum gyi/__/lha klu gnod sbyin gzhi bdag dang /__/btsan dang dmu sman the'u rang sogs/__/mgron du gtogs pa thams cad kyis/__/bsang gi mchod sbyin 'di bzhes la/__/bdag cag dpon slob 'khor bcas kyi/__/bshad sgrub bstan pa spel ba dang /__/byad phur rbod gtong bzlog pa dang /__/tshe ring nad med bde skyid 'phel/__/thugs mthun khrims gtsang bshad sgrub rgyas/__/char chu dus 'bebs lo phyugs legs/__/snod bcud dpal 'byor rgyas pa dang /__/ci bsam don rnams 'grub par mdzod/__/ki bswa cha'o lha rgyal lo/__/ces brjod la phye mar dang skyems phud 'thor ro/__/ces pa'ang rdzong sar dge slong 'jam dbyangs theg mchog nas bskul ngor 'jam dbyangs chos kyi blo gros pas sbyar ba dge legs mchog tu gyur cig/__//__ rdo rgyal mu nam la gtor 'bul bsdus pa phan bde'i mchog ster bzhugs so/__/bla ma la phyag 'tshal lo/__/srid pa'i lha chen mu nam la mchod gtor 'bul ba 'dod na/__gtor ma dkar dmar bshams la/__ra~M ya~M kha~M/__mi gtsang ba'i dri ma thams cad bsreg gtor sbyangs/__oM AHhU~M gis 'dod yon nam mkha' dang mnyam pa rgyas par spel bar gyur/__nam mkha' mdzod kyi sngags rgya lan gsum gyis 'bul/__kye/__sngon tshe bskal pa'i thog ma la/__/lha las chad pa'i dkar phyogs rje/__/mdo smad sde bzhi skyong ba'i mgon/__/zil khrom rdo rje g.yung drung gi__/nang blon lha chen mu nam ni/__/mdog dkar kA shi'i na bza' mdzes/__/phyag g.yas mkha' lding rgyal mtshan phyar/__/g.yon pas yid bzhin nor bu bsnams/__/dbu la zhwa dkar g.yu tog ldan/__/sag ta'i lham gsol rin chen khrir/__/dar zab 'jam 'gol yangs pa'i steng /__/sgeg nyams rol pa'i stabs kyis bzhugs/__/sras yum sprul pa blon 'khor bcas/__/'dir gshegs bzhugs la mchod gtor bzhes/__/bdag cag rnal 'byor 'khor bcas rnams/__/rtag tu bsrung skyobs don rnams sgrubs/__/yul 'dir lo legs phyugs 'phel zhing /__/btsa' sad ser ba'i gnod pa srungs/__/'jig rten bde ba'i phrin las mdzod/__/ces gtor ma skyems phud mchod/__gtor bsngo gzhan dang ma 'brel na/__srid pa'i lha chen gtso 'khor rnams/__/rang gnas gshegs la dus dus su/__/'byon la bkra shis mdzad du gsol/__/ces brjod/__bsang byed na/__'dir gshegs bzhugs la bsang mchod bzhes/__ces pa'ang gdong sna chos rje phan bde 'od zer gyis lha rdzas dang bcas gsung bskul ngor 'jam dbyangs chos kyi blo gros pas gro bzhin zla ba'i tshes gsum la bris pa rten 'brel bzang ngo /__/bkra shis par gyur cig/__//__ yul lha'i gsol bsdus bzhugs/__kyai/__lha yi dge bsnyen sku lha zil phrom dang /__/khyad par sman shod yul skyong mu nam che/__/sras yum blon 'bangs bka' 'khor bran g.yog rnams/__/gtor ma gser skyems phud mchod 'di bzhes la/__/rnal 'byor bdag cag yon mchod 'khor bcas rnams/__/nyin mtshan srungs skyobs sdong grogs mi g.yel zhing /__/gzhi byes kun tu dgra jag 'tshub pa bzlog__/yul 'dir mtha' dmag gdug pa'i rgyu ba chod/__/lo phyug legs shing bsam don kun 'grub mdzod/__/ces pa'ang me glang dbo zla'i tshes bcu gnyis la bdud rtsi sgrub pa'i skabs su d+harma ma tis so//__//

@#/__/yul skyang chen po rdo rje nga 'dra seng chen rgyal po mched brgyad la bsang gsol 'dod pa'i re skong g.yul rgyal lha yi rnga sgra zhes bya ba bzhugs so/__/ shrIHh+yag+hr-i wa la na mo/__srid pa gsum bdag lha yi lha/__/dbang phyug che dang gnyis med pa/__/mthu ldan dkar phyogs skyong ba'i gtso/__/dgyes mchod dam pa 'di na spro/__/de la 'dir mdo khams 'bri zla sgang gi dkar phyogs skyong ba'i gzhi bdag khyad par can o rgyan pad+ma'i gter srung bka' nyan drag rtsal ldan pa rdo rje nga 'dra seng chen rgyal po mched brgyad la bsang gsol bgyi bar 'dod pas/__rme nal 'khon yug dam nyams kyi grib med pa'i gnas dben par stegs gtsang mar phying dkar gyi steng du 'bru yi g.yung drung chos skor du bris pa'i khar/__lcags 'khar ba ra gan sogs min pa'i snod bzang por dkar mngar bsres pa'i gtor ma bang rim gsum gyi khar/__lha yi rdo rje legs pa'i blo gros la gtor ma dkar zlum pad 'dab ril bu can/__shar du tshogs kyi bdag po la gtor ma dzam dwi'i dbyibs can/__shar lhor phyi yi blon po zu ra ra skyes la dmar gtor pu hrang ra mgos mtshan pa/__lhor phyag tshang pa rdo rje rgyal po la gtor ma gru bzhi nor bus mtshan pa rtsi ser po/__/lho nub tu skyo sangs ma sangs rdo rje spyan gcig la bshos zlum/__nub tu spyan bzang gang ba spel la dkar zlum/__nub byang du mdza' grogs rdo rje sman gcig ma la sman bshos/__byang du nang blon chen po gnod sbyin nor dga' la gtor ma gru bzhi/__byang shar du dmag dpon srog bdag rdo rje khros pa la dmar gtor zur gsum rtse shin tu rno ba dmar rtsis byugs pa/__bang rim dang por bkra shis rdzas rtags sna bdun sogs spar btab pa/__bang rim gnyis par bya ri dwags g.yung dwags khyung 'brug seng gsum/__bang rim tha mar rkang 'gros rigs tshang ma dang /__'dod yon spyan gzigs sna tshogs kyis bskor ba/__nye logs gang bder tshe mda' tshe ril/__dkar mo lag g.yas/__zhal dkar phye mar/__bsang bshos/__'brang rgyas/__'khur ba/__zla rgyas/__stag gzig go khrab gos dar sogs spyan gzigs ma tshang ba med pas bskor ba dang /__nyer spyod lnga ji 'byor bshams/__'phan rgyal mtshan dar sogs mngon par sgreng zhing /__rnga gling gshang rol mo dung dkar ting shag sogs tshang bar byas la rtsi shing sna tshogs kyi du ba dang /__bsang rdzas gtsang ma dkar mngar khrag skyems sogs kyang bkod la/__rnal 'byor pa yi dam gyi lha gang rung gi bskyed bzlas grub nas/__thog mar 'dre srin la gtor ma bsngo zhing bgegs bskrad ba ni/__oM hrIHpad+man+ta kr-ita badz+ra kro d+hA h+ya g+hr-i wa hu lu hu lu hU~M pha[i]TaHces brjod pas/__rang nyid dpal chen rta mgrin he ru ka'i skur gyur/__hU~M/__nga ni dpal chen khro bo'i rgyal/__/khams gsum 'di na gnas pa yi/__/rgya 'dre 'gong po ma lus pa'i/__/srog snying thams cad nga la yod/__/des na myur du 'dir 'dus shig__/sarba b+hu tA a kaR+Sha ya dzaHces brjod pas 'gugs/__gtor ma/__ra~M ya~M kha~M gis sbyangs/__'bru gsum gyis brlab/__stong pa'i ngang las b+h+rU~M las gtor snod yangs shing rgya che bar tra~M las gtor ma 'dod rgu'i longs spyod zad mi shes par gang la gang mkho ba so sor thob par gyur cig__/sarba big+h+nAn na maHsarba sogs lan gsum dang /__kha 'bar ma'i sngags bdun tshan gsum re re'i mthar de bzhin gshegs pa bzhi'i mtshan brjod/__mthar/__'dre srin rnams tshims nas phyi mig mi blta bar rgya mtsho'i mthar song bar gyur/__ces brjod/__hU~M/__dkon mchog rtsa gsum bden pa dang /__/lha sngags ting 'dzin byin rlabs kyis/__/bsgo ba'i bka' la mi nyan pa'i/__/bgegs tshogs 'byung po tshar bcad 'gyur/__/drag sngags brjod/__yul lha'i phyogs la gu gul gyi bdug__/yungs dkar gyi brab/__hU~M/__phyogs mtshams steng 'og thams cad du/__/rab 'jigs rdo rje'i gur gyis gtams/__/phyi rol bskal pa'i me dpung 'bar/__/'dre srin rgyu ba mtshams chod cig__/badz+ra rak+Sha rak+Sha b+h+rU~M/__ces brjod/__bsang gsol dngos la sngon dngos rjes gsum las/__dang po mchod rdzas byin gyis brlab pa ni/__hU~M/__snang srid rnam dag dag pa lha yi zhing /__/yid 'phrog ngo mtshar bkod pa 'byams klas par/__/phyi nang gsang ba'i mchod rdzas sprin ltar gtibs/__/kun bzang mchod sprin lta bur 'byung gyur cig__/oM badz+ra puSh+pe AHhU~M/__nas/__shab+da'i bar brjod/__nam mkha' mdzod kyi rgya dang bcas/__oM sarba bid pU ra pU ra su ra su ra a warta ya ho/__zhes brjod/__'bud dkrol sna tshogs bya/__/gnyis pa khyad par gtor ma byin gyis brlab pa ni/__sngags drug phyag drug lan gsum re brjod mthar/__lha yi zhal zas bzang rgu phun sum tshogs/__/ro brgya ldan cing dam rdzas khyad 'phags 'di/__/dkar phyogs skyong ba 'khor bcas spyan snga ru/__thogs pa med pa myur du 'byung gyur cig__/gsum pa bsang byin gyis brlab pa ni/__a mr-i ta kuN+Da lis bsang /__swA b+ha was stong par sbyangs/__bsang khang yangs shing shugs drag 'bar ba'i me/__/rin chen 'bru sman bsregs pa'i dud pa la/__/'dod yon lha mo lnga yi rab 'khyud nas/__/gnam sa bar snang kun tu khyab gyur cig__/oM AHhU~M/__lan gsum gyis brlabs/__gnyis pa dngos gzhi la dang po mgron spyan 'dren pa la/__spyir dang /__khyad par gnyis las/__dang po ni/__na mo bde gshegs snying pos 'gro ba yongs la khyab/__/sems ni rgya chen mchog tu rab bskyed cing /__/'gro ba 'di dag ma lus sangs rgyas rgyu/__/'di na snod min sems can gang yang med/__/bzhengs shig bzhengs shig stobs bcu mnga' ba'i lha/__/dus las mi 'da' thugs rje'i dbang gis ni/__/sems can don la dgongs pa'i dkon mchog gsum/__/yid kyis sprul zhing bshams pa'i gnas 'di ru/__/rgyal ba 'khor bcas ma lus gshegs su gsol/__/zhes pas spyan drangs/__bcom ldan 'dir ni byon pa legs/__/bdag cag bsod nams skal ba ldan/__/bdag gi mchod yon bzhes nas kyang /__/'di nyid du ni bzhugs su gsol/__/oM sarba tA thA ga ta ga ga na sa ma ya hU~M swA hAs mchod yon dbul/__ji ltar bltam pa sogs kyi khrus gsol/__pad+ma ka ma la ya s+t+wa~M gyis gdan la bzhugs su gsol bar bya'o/__/gnyis pa khyad par gyi mgron spyan 'dren pa ni rol mo sna tshogs dang glu dbyangs kyi 'gyur khug dar dkar gyi g.yab mo gling bu rgyun mi bcad pa nas/__hU~M/__gnas nam mkha' mthon po'i yar shed na/__/yul skyong gzhi bdag chen po khyod/__/dang po lha yi yul nas ni/__/nged gdong dmar mi yi mgon du byon/__/dkar phyogs yongs kyi srung ma mdzad/__/nag phyogs yongs kyi gshed ma che/__/las su sangs rgyas bstan pa srung /__/zas su lha yi zhal zas dang /__/drag por khros tshe dgra sha dang /__/gson khrag dmar po 'phyur ba btung /__/dam nyams rnams kyi bla tshe gcod/__/hU~M/__lha btsan dge bsnyen chen po de/__/sku dkyil gangs la nyi shar 'dra/__/zhal ras zla ba lta bu mdzes/__/spyan mig skar chen 'khyil 'dra la/__/shangs dang mchu yi sgros legs shing /__/gangs ri ltar dkar tshems phreng mdzes/__/snyan gnyis khyung gshog brgyangs pa 'dra/__/dbu skra ral pa thur du grol/__/sku stod yan chad mdzes par khebs/__/phyag zhabs pad+ma'i lcugs phran ltar/__/drang la gnyen shing gar stabs bsgyur/__/khyod kyi sku la ci gsol na/__/gsang gos dkar po'i steng /__/phod chen sngo skya mnab/__/dar dmar sham thab bcings/__/pany+tsa li ka ni/__/sku yi gzan du byas/__/zhabs la swag l+h+wam mnab/__/rin chen rgyan gyis mdzes/__/dril bu g.yer kha 'phyang /__/nor bu'i mgul na mdzes/__/las bzhi'i phreng ba 'dogs/__/dbu la za 'og gi__/pad+ma kha 'bus rtser/__/rdo rje phyed pas brgyan/__/rin chen rtsa ching gi__/skra mtshams mdzes par bcing /__/gzhung tshom gser gwa la/__/mi 'gyur a yi mtshan/__/g.yu yi phra tshom can/__/phyag g.yas sba lcags rtser/__/rdo rje'i tog gis brgyan/__/cod pan sna lnga dpyangs/__/dpung pa'i thad na 'phyar/__/phyag g.yon dku la brten/__/bde skyong thong ba bsnams/__/sgrub la dngos grub stsol/__/bde stong rig ma ni/__/kha TA~M tshul du bsgyur/__/gru mo g.yon du bzung /__/thabs shes DA dril gyi/__/dpa' bo dpa' mo bskul/__/rta mchog ngang dkar la/__/ze long zab kyis bklubs/__/gser mthur ser pos brgyan/__/rin chen srab kyi rtser/__/nor bu'i tog gis brgyan/__/pha lam kha kyog dang /__/dung gi srab khug la/__/za 'og sngo skya yi/__/srab mda' ring mor btags/__/nor bu'i rgyan gyis spras/__/gzi yi gong thag la/__/seng dmar ral pa dpyangs/__/dung gi yob chen can/__/gser g.yu'i sga gong du/__/'gying ba'i tshul du bzhugs/__/res 'ga' klu btsan che/__/dmar nag bse khrab gsol/__/mdung dar zhags pa dang /__/dgos 'byung nor bu bsnams/__/rta dmar rlung gshog bcibs/__/btsan dmag 'bum gyis bskor/__/nyams pa'i dgra bo sgrol/__/e ma ho gang sku de ni ngo mtshar che/__/gzi brjid blta bas chog mi shes/__/bltas pa tsam gyis zil gyis gnon/__/mthong ba'i mod la dbang du sdud/__/mchod bstod byas pas de nyid du/__/zhi dang rgyas pa'i dngos grub stsol/__/bskul bas de ma thag pa'i mod/__/bstan pa'i dgra bo'i srog rtsa gcod/__/e ma ngo mtshar rmad du byung /__/e ma gsung dbyangs 'gags pa med/__/tshangs dang dri za'i dbyangs las snyan/__/e ma rnam par dag pa'i thugs/__/nam mkha' lta bu mtha' dbus bral/__/e ma rigs kyi bdag po dang /__/dgongs klong chen por 'du 'bral med/__/'jig rten gtsang ma'i sa gzhi la/__/sprul pa'i pho brang longs spyod kyi/__/lha yi dpal la brdo ba der/__/su bzhugs chos rgyal khri srong gi__/nga dang 'dra ba'i gzhi bdag yin/__/ces pa'i mtshan gyi cod pan can/__/rdo rje legs pa'i blo gros bzhugs/__/de ring nyid du gnas 'dir gshegs/__/khyed kyi rig pa'i rtsal nyid la/__/rnam rol sprul pa 'khor tshogs kyi/__/gtso bo shar phyogs tshogs kyi bdag__/sku mdog dkar po glang chen dbu/__/phyag gnyis la phug zas gzhong 'dzin/__/chibs su byi ba sngon po chibs/__/'dir gshegs bsang gsol mchod pa bzhes/__/lho phyogs phyag tshang rdo rje rgyal/__/sku mdog ser po rta la chibs/__/phyag gnyis nor bu lde'u mig bsnams/__/'dir gshegs=____/nub tu spyan bzang gang ba spel/__/sku mdog dmar smug seng ge chibs/__/phyag gnyis rdo rje lcags kyu bsnams/__/'dir gshegs=____/byang du gnod sbyin nor dga' ni/__/sku mdog ljang ser bum pa'i khrir/__/rol stabs phyag gnyis gter bum bsnams/__/'dir gshegs=____/shar lhor zu ra ra skyes ni/__/smug nag khro chags dom la zhon/__/phyag gnyis tho ba dgra snying bsnams/__/'dir gshegs=____/lho nub ma sangs spyan gcig po/__/mdzangs pa mdzes chags g.yu 'brug chibs/__/phyag gnyis mda' dar bum pa 'dzin/__/'dir gshegs=____/nub byang rdo rje sman gcig ma/__/khro chags nyams ldan khyung la zhon/__/phyag gnyis nor gzhong sbrul zhags bsnams/__/'dir gshegs=____/byang shar rdo rje khros pa ni/__/sku mdog mthing nag stag la zhon/__/phyag gnyis ral gri mdung thung bsnams/__/'dir gshegs=____/rang rang rgyan gyis legs par brgyan/__/gsung snyan rngam dang ldir ba'i sgras/__/sa gzhi 'gul ba tsam du byed/__/gzhan yang 'khor tshogs bye ba 'bum/__/sprul dang yang sprul bcas pa rnams/__/lhang lhang tser tser 'bod do gshegs/__/gom pa'i 'gros stabs sha ra ra/__/glu len gar byed kyu ru ru/__/rta yi rgyug 'gros thags se thag__/sil sil khrol khrol sgra dang bcas/__/ma thogs myur ba nyid du gshegs/__/res 'ga' klu btsan mched bdun sprul/__/mchims phu la sogs gnas gter gyi/__/bka' dang bstan pa gnyan po srungs/__/btsan dmag 'bum dang bcas te byon/__/dgyes pa'i gad rgyangs dang bcas gshegs/__/sngon gyi dam tshig bran gyis la/__/gnas 'dir skad cig nyid la gshegs/__b+hU mi pa ti sa pa ri wa ra a kaR+Sha ya dzaHdang /__lcags kyu'i phyag rgya dang /__lta ba'i gding bskyed/__rol mo'i sgra dang bcas pas drangs bar bya'o/__/gnyis pa nyams grib bsal phyir khrus gsol ba ni/__'bab chu gtsang mar khrus rdzas sbyar ba dang /__me long khrus dar bcas thogs te/__ho/__khrus khang gtsang ma yid du 'ong /__/bkra shis lha mo'i bum pa bsnams/__/dag byed ma ki'i ngo bo 'dis/__/khyod kyi dri ma dag gyur cig__/oM badz+ra a mr-i ta sogs bdud rtsi 'khyil pa'i snying po'i mthar/__e ya~M ra~M ba~M la~M shud+d+he shud+d+he a swA hA/__sbyar bas bkru bar byas rjes dar thogs la/__dri med gtsang zhing 'jam pa'i dar 'di yis/__/mi gtsang rdul phyis shel sgong ltar dag cing /__/sku mchog mtshungs med blta bas mi ngoms shing /__/bkrag mdangs lang tsho mchog tu rgyas gyur cig__/gsum pa gos dang rgyan cha 'bul bar bsam la/__srab 'jam yang pa phul byung lha yi gos/__/kha dog sna tshogs gzhu ltar bkra ba dang /__/dar sna lnga dang rang rang la 'os pa'i/__/rgyan cha gos dang go khrab 'bul bar bgyi/__/oM badz+ra was+t+ra a laM ka ra ye swA hA/__bzhi pa gdan stabs pa ni/__gser sbyang rin chen nor bu'i spras pa'i khrir/__/zab chen kha dog sna tshogs spras pa yi/__/'bol zhing 'jam la mtho ba'i gdan steng du/__/rang rang cho rigs 'tshams par bzhugs su gsol/__/lnga pa bsang dang gser skyems kyi mchod pa 'bul ba ni/__oM AHhU~M/__dbyings phyug spyan ma'i rang bzhin thab kyi dbus/__/dam tshig sgrol mas bskul ba'i ye shes me/__/gos dkar yum gyi ngo bo rnam dag pa/__/rin chen 'bru sman bza' btung 'byor rgus brgyan/__/legs sbyar ma ma kA yi bdud rtsis bran/__/ting 'dzin sngags dang phyag rgyas byin brlabs pa/__/'dod yon rgya mtsho'i rol mo 'char ba'i phul/__/zag med bsang mchod bdud rtsi'i sprin phung 'dis/__/rigs kun khyab bdag rtsa brgyud bla ma bsang /__/sgo gsum rdo rje gsum du byin gyis rlobs/__/skyabs gnas bslu med dkon mchog rnam gsum bsang /__/lam lnga sa bcu'i spang rtogs ye shes bskyed/__/rab 'byams yi dam zhi khro'i lha tshogs bsang /__/mchog dang thun mong dngos grub char ltar phobs/__/gnas gsum dpa' bo mkha' 'gro'i tshogs rnams bsang /__/zhi rgyas dbang drag phrin las myur du spel/__/ye shes las dang 'jig rten srung ma bsang /__/'gal rkyen kun sol mthun rkyen dngos grub stsol/__/gnod sbyin nor lha gter bdag tshogs kun bsang /__/dbul pa'i gdung sol 'dod rgu'i 'byor pa spel/__/dkar phyogs skyong ba'i yul lha gzhi bdag bsang /__/gzhi byes kun tu srungs skyobs dge legs spel/__/bgegs rigs lan chags snying rje'i mgron kun bsang /__/phan bde'i dpal gyis rtag tu tshim gyur cig__/khyad par grub pa'i slob dpon mtsho skyes rje/__/bod khams skyong ba'i rje mor mnga' gsol ba/__/brtan ma bcu gnyis 'khor dang bcas pa bsang /__/bsang ngo mchod do gangs ljongs bde skyid spel/__/dbyings nas thugs rje ma g.yel rtsa gsum lha/__/rigs gsum kun 'dus nor bu dgra 'dul rje/__/chos skyong dgra lha wer ma'i dpung tshogs dang /__/bka' 'khor sprul pa'i lha dmag bcas pa bsang /__/bswo lha ki ki ki la bswo/__/'dzam gling phan bde yangs pa'i tha gru ru/__/chos dang srid kyi pad+mo'i tshal chen rgyas/__/byin rlabs dngos grub mkha' la sprin ltar 'khrigs/__/rtsa gsum dam can DA ki 'du ba'i gnas/__/sde bzhi dge ba bcu yi rgyal thabs cher/__/rnam gnon sprul pa'i chos rgyal rim byon gyi/__/sku yi dgra lha rtsa brgyud bla ma yi/__/brten cing bstod la mchod cing 'go ba yi/__/dkar phyogs yongs kyi gtso bo nga 'dra ba'i/__/rdo rje seng chen mched brgyad 'khor bcas la/__/gal bu a gar shug pa tsan dkar dang /__/mkhan dkar gser lo phur dkar du ru ka__/dri zhim bzang po ngad ldan ji snyed dang /__/lhan cig srid pa 'di na mchis pa yi/__/lhan skyes sbyar ba gtsang ma'i rigs mtha' dag__/gcig tu bsregs pa'i spos kyi glang po la/__/'dod yon lha mo drug gi stabs kyis chibs/__/'phrul dga'i mchod pa mi zad sprin chen po/__/dbang po drug la dgyes rgur 'char ba las/__/dgyes zhal zla ba tshes pa lta bu la/__/rme nal thab gzhob 'khon grib la sogs kyi/__/mnol ba sangs la 'thibs pa dwangs gyur cig__/sngon gyi tha tshig gnyen po rjes dgongs la/__/'jig rten kun tu bde legs stsal du gsol/__/de nas skyems phud kyi rigs mtha' dag phud phor du sbreng ba dang 'thor bzhin 'di skad brjod par bya ste/__ho/__drin chen rtsa ba dang brgyud par bcas pa'i bla ma dam pa dgongs brda snyan nas brgyud pa thams cad la gtsang ma phud kyi mchod pa rgya chen po 'dis mchod do mnga' gsol lo/__/sku bzhi ye shes lnga ldan rkang gnyis rnams kyi gtso bo spangs rtogs mthar phyin 'dren pa zla med sangs rgyas rnams dang /__des gsung chags bral 'gog lam gnyis kyis bsdus pa'i gsung rab dam pa'i chos dang /__rig grol yon tan brgyad ldan theg gsum 'phags pa'i dge 'dun rnams la gtsang ma phud kyi mchod pa rgya chen po 'dis mchod do/__/mnga' gsol lo/__/chos kyi dbyings spros pa thams cad dang bral ba las longs sku zhi dang khro bo'i rol gar rgyud sde drug dang rjes su 'brel ba ji snyed mtha' yas pa rnams la gtsang ma phud kyi mchod pa rgya chen po 'dis mchod do/__/mnga' gsol lo/__/rig 'dzin rnal 'byor pa bdag gi brgyud kyi srung ma rdo rje 'chang chen po dang /__pad+ma 'byung gnas sogs rtsa brgyud bla ma'i bka' dang tha tshig la gnas pa rnal 'byor yongs kyi mgon skyabs/__gtsug lag khang dang dkyil 'khor gyi srung ma/__/dug gsum nad kyi sman pa bdud dpung sgrol ba'i dpa' bo/__/bstan pa'i bka' srung chen po/__rgyud gsum dam can srung ma rgya mtsho/__/'khor zhing gi rdul snyed kyi grangs las 'das pa thams cad la/__gtsang ma phud kyi mchod pa rgya chen po 'dis mchod do/__/mnga' gsol lo/__/tshe bsod 'dod rgu'i sprin chen dngos grub nor bu'i sbrang char 'bebs pa rnal 'byor pa bdag la chu bo'i rgyun las ring ba'i tshe nyi zla las kyang gsal ba'i bkrag dang shes rab/__'khor los bsgyur rgyal las 'phags pa'i stobs/__gzhan yang bcud chen gyi zas/__brjid chen gyi gos/__g.yang can gyi nor/__dpal chags ba'i dum bu/__bkra shis pa'i byin/__mkha' la lha g.yang bdud rtsi'i sprin chags pa/__'og na klu g.yang nor gyi mtsho mo bskyil ba/__bar na mi g.yang dge mtshan gyi ba dan 'phyar ba thams cad dang /__dgra gsum ye shes kyi mtshon gyis bsad cing bdud bzhi'i mgo bo gcod cing rkyen phyi nang gi 'jigs pa mtha' dag las skyobs shing rnal 'byor pa bdag gi lus la rdo rje'i dpa' rdzong /__ngag la bden tshig gi nus pa/__sems la rig stong 'od gsal gyi 'char sgo ston cing dam nyams kyi srog rtsa gcod pa/__bdud srin gyi dpral ba'i mtsho mo dkrug pa/__dgra bgegs kyi snying 'big pa/__lus bskal pa'i mes bsregs shing rnam shes chos nyid kyi dbyings su spar bar mdzad pa/__mdor na mchog dang thun mong gi dngos grub ma lus pa stsol bar mdzad pa'i dbang mdzad kyi dpa' bo mkha' 'gro bye ba sa ya/__rnam mang thos sras la sogs nor lha rgya mtsho/__ge sar seng chen nor bu dgra 'dul sogs dgra lha wer ma bka' 'khor sprul pa'i dmag dpung dang bcas pa rnams dang /__gzhan yang gnas dang yul bdag lo zla zhag dus tshes la dbang ba'i lha la sogs pa gtsang ma phud kyi mchod pa rgya chen pos mchod do mnga' gsol lo/__/ho/__dkar phyogs skyong ba yongs kyi bla ma/__lha yi dge bsnyen chen po/__klu btsan 'bar ba spun bdun/__srid par gnas pa'i gzhi bdag__/ban bon yongs kyi srung ma/__rig 'dzin yongs kyi rgyab brten/__zhing skyong dpa' bo mkha' 'gro'i tshogs dpon/__nag phyogs yongs kyi gshed ma/__chos la dga' zhing chad la brtsi ba/__dam tshig dang ldan pa/__sku dgyes pa'i gar gyi mtha' bzhi'i rgya 'dre 'gong po dam sri'i rigs su gyur pa thams cad zil gyis gnon cing zhabs 'og tu bcug pa las thar med gshin rje'i e sgram du 'dzud pa/__gsung bzhad pa'i nga ros brtan g.yo sil khrol ltar bsgyur nas khams gsum dbang du sdud pa/__thugs ka dag rig pa tshad la phebs pa 'od gsal chen po'i rang gdangs lhun grub kyi 'char sgo la rtag tu g.yeng ba/__mthong bas yid 'phrog pa/__dran pas tshe g.yang bsod nams kyi dngos grub stsol ba/__nang gi bdud srin phung byed rnams phyir bskrad cing /__phyi yi tshe nor chos dang mi phyug rta hrag go mtshon dgra lha'i g.yang ci mchis pa thams cad nang du bsdud cing nang na bkra shis shing snying nye ba/__rbad na mthu che ba/__bskul na las myur ba/__shugs drag bskal pa'i me las che ba/__rno myur khyab 'jug gi 'khor lo las kyang che ba'i yul skyong khyad par du 'phags pa sa la gnas shing ye shes kyi spyan dang ldan pa byang chub sems dpa' khri srong rje dang 'dra ba'i rdo rje legs pa'i blo gros chen po dang /__bgegs thams cad gnad la gzir zhing bkar ba lha chen tshogs kyi bdag po dbang mdzad DA ki bye ba 'bum gyi tshogs dang bcas pa/__rje yi bka' la 'du zhing dam ldan bu bzhin srung ba phyag tshang pa rdo rje rgyal po bran g.yog 'bum gyi tshogs dang bcas pa/__legs nyes kyi bya ra mkhan bka' yi stangs 'dzin pa spyan bzang rdo rje gang ba spel klu dmag 'bum gyi tshogs dang bcas pa/__byang phyogs nang blon chen po gnod sbyin nor bu la dga' ba gnod sbyin 'bum gyi tshogs dang bcas pa/__shar lhor phyi yi blon po zu ra ra skyes la mngag gzhug 'bum gyi 'khor gyis bskor ba/__sku yi skyo sangs ma sangs rdo rje spyan gcig ma gces phrug bye ba'i tshogs kyis bskor ba/__mdza' grogs rdo rje sman gcig la sman shar 'bum gyis bskor ba/__dmag dpon chen po srog bdag rdo rje khros pa la gza' dang rgyal po klu btsan bdud dang srin po bye ba'i 'khor gyis bskor ba thams cad la gtsang ma phud kyi mchod pa 'dod yon lnga ldan ro brgya ldan pa'i gser skyems 'dis mchod do mnga' gsol lo/__/thugs dam bskang ngo /__/dpa' skyems 'bul lo/__/nyams pa bshags so/__/dgyes pa bskyed do/__/rig 'dzin rnal 'byor pa bdag cag la bsam rgu'i re ba sgrubs shig__/'dod rgu'i dngos grub thams cad stsol cig__/sa lam gyi bar chad sol cig__/rig sngags kyi dngos grub thams cad yongs su grub pa dang /__gzungs dang ting 'dzin shes rab dang spobs pa tshad med pa stsol cig__/tshe dang dbang phyug 'khor dang yo byad dbang dang grags pa mnga' thang dang 'byor pa chen po stsol cig__/'gal 'khrul dang nyams chags thams cad skongs shig__/dgongs klong dang ting 'dzin spel cig__/bdag cag 'khor slob yul sde dang bcas par nyin gsum gyi bya ra mtshan gsum gyi mel tshe mdzod cig__/dgra byung na snying thon cig__/gegs byung na mgo bo khos shig__/dug byung na bya thongs shig__/byad byung na rang gshed du phobs shig__/sangs rgyas kyi bstan pa dar zhing sems can sdug bsngal dang bral bar mdzod cig__/'jig rten khams 'dir nad mug 'khrugs rtsod med pa dang /__char chu dus su 'bebs shing btsa' 'bu dang sad ser med par mdzod cig__/lo legs skya rgyal 'bru rigs 'phel ba dang /__'byung bzhi'i dwangs bcud thams cad rgyas par mdzod cig__/bdag cag dpon slob gar 'gro gar gnas kyang bkra shis pa dang /__tshe ring nad med dpal 'byor rgyas par mdzod cig__/yid la ci dang ci bsam pa thams cad 'grub cing /__'jig rten pa rnams kyi mkhar las byed pa dang /__bag ma gtong len sogs la bkra shis shing stobs rtsal rigs brgyud rgyas pa dang byes la 'gro ba'i tshe na lam 'phrang dog por bgrod pa dang /__chu bo la sgrol 'don dang /__dgra rkun jag gsum gyi 'jigs pa thams cad med par mdzod cig__/'gron po gar gnas gar 'gro yang don thams cad 'grub cing rang gnas su bde bar phyin pa dang /__gzhan la rtsod pa dang shag bkye ba na dbang po drug gsal zhing gsang la myur mgyogs dang rtsal bskyed cig__/mtshon la rno bskyed cig__/rta la mgyogs bsnon cig__/shwa la rgyal byin cig__/yid kyi re ba gang yin pa dus da lta nyid du 'grub par mdzod cig__/ces mtshams rnams su phud dang rol mo'i sgra bya'o/__/drug pa gtor ma 'bul ba ni/__sngar byin rlabs byas pa dran par byas la/__oM/__chos dbyings dang mnyam rin chen snod yangs par/__AHgtor ma'i ngo bo ye shes bdud rtsi lnga/__hU~M/__zag med nam mkha'i mtha' dang mnyam par gyur/__/lha chen rdo rje'i ljags sbu gus/__/gtor ma'i bcud drang gsol bar gyur/__rdo thal kha phye bas/__oM b+ho d+hi satwa badz+ra pa d+hi ya[$] s+ya ma ti na ga tsan+t+ri tsa ra ra tri ging+ka ra sa pa ri wA ra oM a kA ro sogs lan bdun gyis dbul/__'khor rnams la/__oM b+hU mi pa ti sa pa ri wA ra oM a kA ro btags pa lan gsum gyis bsngos mthar/__mchod sbyin gyi gtor ma gzugs dam pa dang ldan pa/__sgra dam pa dang ldan pa/__dri dam pa dang ldan pa/__ro dam pa dang ldan pa/__reg bya dam pa dang ldan pa 'di 'bul zhing bsngo ba'i gnas su gyur pa ni dkar phyogs skyong ba rdo rje nga 'dra seng chen mched brgyad la 'bul lo/__/bsngo'o/__/sbyin no/__/ru nga dang phrag dog ma mdzad par bdag cag dpon slob 'khor dang bcas pa'i chos sgrub pa'i bar chad zhi ba dang /__bsam sbyor chos mthun yid bzhin du 'grub cing 'jig rten pa kun bde ba'i phrin las mdzad du gsol/__bdun pa bstod pa bya ba ni/__hU~M hrIHspyan ras gzigs dbang thugs rje'i rol rtsal las/__/yongs shar 'jig rten skyong ba'i lha chen po/__/gtso 'khor sprul pa yang sprul pho nya la/__/mngon par bstod do phrin las mthu ma chung /__khyod ni dkar phyogs skyong ba kun gyi rje/__/nag phyogs bdud dgra'i gshed ma rngam brjid can/__/khros pa'i zhabs brdab ha ha'i gad mo sgrogs/__'jigs mdzad ha la nag po khyod la bstod/__/gang zhig rgyal ba'i bstan pa 'dzin pa dang /__/rgyal rigs blon po skye bo chos la dga'/__/rtag tu srung zhing skyobs la g.yel med pa/__/khyod la bstod do las bzhi'i phrin las sgrub/__/ces pas bstod par bya'o/__/brgyad pa bzlas pas rgyud bskul ba ni/__rang yi dam du gsal ba'i thugs ka nas 'od zer tsha zhing rtsub pa 'phros/__gzhi bdag gi thugs ka'i srog yig AHla phog pas ci bsgo ba'i las bgyi zhes bran dang 'bangs su phul bar bsam la/__yi dam gyi sngags cung zad kyi mgo drang nas/__oM b+hU mi pa ti b+ho d+hi so hwa badz+ra sa d+hi yanapra s+ya ma ti nA ga tsam+ti tsa ra ra tri ging+ka ra srog dung dung yak+Sha yak+Sha sa ma ya tsit+ta hriM hriM dzaHsarba sid+d+hi pha la hU~M/__/zhes ci nus bzla'o/__/dgu pa mchod pa sna tshogs 'bul zhing thugs dam bskong ba la nam mkha' mdzod kyi sngags rgyas spel/__dbyangs rol bcas/__hU~M hrIHmchog gsum rtsa gsum srung ma dam can tshogs/__/dgra lha wer ma sprul 'khor bcas pa dang /__/khyad par yul skyong chen po mched brgyad po/__/gtso 'khor sprul pa yang sprul bcas pa rnams/__/gnam sngon zhun mar 'khyil ba'i mchod yon la/__/rab dkar wu ba'i rlabs phreng chil chil g.yo/__/yan lag brgyad ldan lha yi bdud rtsi 'dis/__/mchod pa 'bul lo thugs dam dgyes par bskang /__/lha yi me tog gcig tu bsdus pa yi/__/stong gsum zhing khams rab 'byams dog por byas/__/mtshar sdug bu mos so sor 'thor ba 'dis/__/mchod pa 'bul lo=__lus phra mas 'dzin rin chen spos khang du/__/sbyar dang lhan skyes reng bu bsregs pa las/__sngo sang bu mos phyogs kun gar byed 'dis/__/mchod pa=____/'bru mar rtsi mar shing ras sna tshogs dang /__/nyi zla rin chen snang gsal la sogs pa/__/dkar gsal 'tsher ba'i 'od 'byin mun sel 'dis/__/mchod pa=____/dri bral dag cing gtsang ba gang+ga'i chur/__/ga pur si la gur gum sogs sbyar ba'i/__/dri bzang chab rgyun lha yi byugs pa 'dis/__/mchod pa=____/dkar mngar sbyar ba'i bshos gtsang du ma dang /__/'bras bzang rgun chang rgya ja la sogs pa/__zhal zas btung ba ro brgya ldan pa 'dis/__/mchod pa=____/sgra snyan pi waM gling bu rnga sgra dang /__/'khar rnga cha lang gshang dang pheg rdob dang /__/pa tra ha dang rdza rnga la sogs pas/__/mchod pa=____/gzugs kyi lha mo la sogs 'jo sgeg can/__/yid 'phrog gsung dbyangs snyan pa'i tshogs rnams kyi/__/lag na cir yang 'char ba'i 'dod yon bsnams/__/des kyang khyed thugs dgyes par bskang gyur cig__/bkra shis rdzas dang rtags brgyad rgyal srid bdun/__/chen por mnga' gsol dbang bsgyur byed pa'i rdzas/__/dar dpyang sna tshogs gos dar go khrab kyi/__/mchod pa=____/stag gzig la sogs sder can lpags pa dang /__/rta g.yag gnag lug sha rna dgo rkyang 'brong /__/gdug pa'i gcan gzan seng 'brug khyung la sogs/__/mchod pa=____/khrung khrung ne tsho rma bya shang shang dang /__/khu byug ka la ping+ka ngang pa bzhad/__/'dab chags khyung dang 'ol glag srin bya sogs/__/sder chags tshogs kyis thugs dam dgyes par bskang /__/mdung dar kha dog sna tshogs bkra ba dang /__/ral gri mda' gzhu me mda' sgyogs chen dang /__/dgra s+t+wa lcags kyu la sogs mtshon cha yis/__/lha btsan 'khor bcas thugs dam gnyan po bskang/__/gzhan yang lha mi'i longs spyod mtha' yas dang /__/khyad par yul 'dir legs rgu mchis so cog__/'bul bas khyed thugs dgyes par bskangs gyur nas/__/las bzhi lhun gyis grub pa'i dngos grub stsol/__/bcu pa nongs bshags ni/__hoHgnyis 'dzin ma rig 'khrul pa'i gzhan dbang gi__/dbang du thal bas bskyed rim ma gsal dang /__/mchod pa'i yo byad nyams pa la sogs pa/__/thugs dang 'gal ba thams cad mthol lo bshags/__/yul 'dir srog gcod rku 'phrog ming sring nal/__/dam nyams grib dang rme dang 'khon 'dzing gi__/yul skyong khyed kyi thugs dang ci 'gal ba/__/thams cad ma lus deng 'dir mthol lo bshags/__/khyad par bcas dang rang bzhin nyes pa'i tshogs/__/bag med 'chol bar spyod pa ci mchis dang /__/rgya 'dre 'gong pos kha rlangs phog pa la/__/bsang khrus cho ga ma byas mthol lo bshags/__/brten par 'os pa'i dam rdzas ma tshang dang /__/lo dang zla bar ngo so bstod pa dang /__/rlung rta ba dan 'phyar dang gter sbas sogs/__/g.yeng bas ma grub thams cad mthol lo=____/kun rtog bag chags ri rgyal lhun mtho bas/__/khyod kyi nor la 'jab dang sa rdo slog__/nags la me sbar 'brog slas bca' ba sogs/__/thugs dang 'gal ba thams cad mthol lo bshags/__/bshags bya bshags byed gnyis su med na yang /__/khyed cag rnam pa 'jig rten tshul bzung bas/__/kun brtag phog thug 'gram 'khrugs byung ba kun/__/bzod par bzhes nas nongs par mi 'gyur mdzod/__/bcu gcig pa chos kyi sbyin pa ni/__aHskye med dbyings su lhun grub gsal/__/snang ba'i cha las cir yang shar/__/rang byung ye shes yin mod kyang /__/'khrul pas rang sgrib log par gol/__/gnyis su 'dzin pa'i chags sdang gis/__/zhen pas 'khor ba sdug bsngal ba/__/'di ni ma rig 'khrul pas lan/__/rig pa ye shes 'di lta ste/__/chos rnams thams cad sems yin la/__/sems ni gsal stong rnyog pa med/__/bden par ma grub dmigs su med/__/cir snang chos sku'i rol pa las/__/dgag sgrub dngos po ga la yod/__/de ltar chos rnams shes gyis la/__/rang gi lus la dpe longs la/__/gzhan la gnod 'tshe rab tu spongs/__/gzung 'dzin med pa'i ngang la zhog__/rgyal ba'i bka' bzhin dam ldan mdzod/__/de yis sangs rgyas myur du 'grub/__/bcu gnyis pa gtor ma bsang nang du stabs pa dang tha tshig bsgrags shing phrin las bcol ba ni/__hU~M hrIHsngon tshe 'og min kun bzang he ru kas/__/chos nyid rang sgras rgyud rnams bstan pa'i tshe/__/rgyud gsum dregs pa'i sde tshogs ma lus pa/__/dgongs pa klong du gzir ba mi dran nam/__/bar du longs sku rta mgrin he ru kas/__/srog snying 'phrog cing dbang du bsdus pa na/__/bsgo ba'i las rnams thams cad sgrub bo zhes/__/tha tshig phul ba deng 'dir mi dran nam/__/tha mar o rgyan rdo rje 'chang dbang gis/__/has po ri dang stag tshang la sogs par/__/mgo bor rdo rje bzhag cing dam chu blud/__/zab mo'i gter gyi srung mar bka' bsgos pa/__/dran par gyis la bdag gi phrin las sgrub/__/bdag cag 'khor slob sde ris bcas pa yi/__/khyod la mchod cing bstod gsol byas pa 'dis/__/don 'bras re ba bcol 'di tsit+tar bstim/__/khyed la las bzhi'i mthu nus ci yod blta/__/hU~M/__khyed la zhi ba'i phrin las bcol ba ni/__/rnal 'byor bdag cag 'khor dang bcas pa la/__/nad gdon bgegs dang nad rims mtha' dag dang /__/glo gor hon gsum la sogs phyugs nad rigs/__/gag byer long sgrim stong 'tshang rdo gzer sogs/__rta drel rigs la gnod pa'i nad rigs dang /__/skar mda' ltung dang thog gi 'jigs pa dang /__/sad ser btsa' than 'byung ba mi snyoms shing /__/dmag jag la sogs dus kyi 'khrugs pa rnams/__/zhi bar mdzod cig shAn+tiM ku ru ye swA hA/__/hU~M/__khyod la rgyas pa'i phrin las bcol ba ni/__/rnal 'byor bdag cag 'khor dang bcas pa la/__/'chi med lo brgya 'tsho zhing ston brgya mthong /__/rgud med lang tsho bkrag mdangs gzi brjid 'bar/__/snyan grags bsod nams rlung rta'i dpal kun bskyed/__/skad cig nyid la rig pa'i 'char sgo brgya/__/'gags med 'char ba'i shes rab zab mo dang /__/phyogs las rnam par rgyal ba'i lce thob cing /__/'jigs med spobs pa'i ri bo mchog tu brtan/__/phas rgol bzlog la srin po khros pa bzhin/__/sgeg cing dpa' ba khyod nyid bdag lus zhugs/__/shed mang bskal pa'i me ltar 'bar ba dang /__/lo legs 'bru 'phel phyugs dang bu tsha 'phel/__/rgyas par mdzod cig puSh+TiM ku ru ye swA hA/__/hU~M/__khyed la dbang gi phrin las bcol ba ni/__/rnal 'byor bdag cag 'khor dang bcas pa la/__/brtan g.yo snang zhing srid pa'i dwangs bcud dang /__/'khor 'das phywa g.yang dge mtshan ci mchis pa/__/'od dmar lcags kyu'i gzugs dang pad+ma'i mda'/__/gang la reg pa de yi mod nyid la/__/lan tshwa chu ru bzhu ba ji bzhin du/__/bdag gi dbang du ma lus 'du bar mdzod/__/khyad par stobs ldan rgyal blon btsun mo dang /__/rta phyugs rkang 'gros go khrab go mtshon dang /__/gser g.yu mu tig ja mar nas 'bras dang /__/sha chang dar zab mtshan ldan rig ma sogs/__/ljongs 'dir snang zhing gsal la thos so cog__/dran pa'i mod la dbang du 'du ba yi/__/phrin las mdzod cig wa shaM ku ru ye swA hA/__/hU~M/__khyod la drag po'i phrin las bcol ba ni/__/rnal 'byor bdag cag 'khor dang bcas pa la/__/gnod par byed pa'i dgra bgegs 'byung po sogs/__/bdud dgra'i 'tshe ba spyi dang khyad par du/__/mtha' bzhi'i 'gong po dbus su 'tshogs pa'i tshe/__/chos 'khor yongs la gnod cing 'tshe ba dang /__/yul khams bde skyid 'phrog cing phung byed tshogs/__/lce 'phrul khog nag sbyor ba ngan pa shom/__/snga dgra lag bdar phyi dgra yid la sems/__/da dgra thad du shom pa 'di dag dang /__/nyes med rbod gtong mnan bsregs 'phang bar byed/__/sngags nag bdud rigs gyur pa ji snyed dang /__/bka' 'das dam log dkon mchog 'phrog pa dang /__/grong dang grong khyer bcom pa'i gnod byed rnams/__/ming tsam med par thal ba rdul du rlog__/don snying lkogs mar phyung la rngam zas kyis/__/dgra bo'i mkhar dang grong khyer stong par gzhom/__/pho rgyud rtsad chod mo rgyud mngal nas skam/__/chung rgyud drung phyung mig 'bras thang la phos/__/lo zla zhag dang za mar ma bzhag par/__/'gugs bsgral spar ba'i las rnams grub par mdzod/__/khros par gyur cig gnod byed a mu kaM ma ra ya phaTaH/__de ltar khyed la phrin las bcol ba rnams/__/grub par gyis dang gsol mchod dgyes pa bskyed/__/bdag cag gzhi byes gar 'gro gar 'dug kyang /__/srung skyobs phrin las g.yel ba med par mdzod/__/lugs gnyis bsam sbyor yid bzhin 'grub pa dang /__/chab srid dbu 'phang mnga' thang dgung la reg__/bstan 'gro spyi dang sman gyi ljongs shod kyi/__/chos srid phrin las mi nyams 'phel bar mdzod/__/gsum pa rjes kyi rim pa lnga las dang po dbang bstod g.yang 'gugs bya ba ni/__lha ki ki ki la bswo/__/dgra bla'i rgyal po thams cad bswo/__/kun gsal wer ma 'khor bcas bswo/__/mgon po dgra bla bcu gsum bswo/__lha ki ki ki la bswo/__/ge sar nor bu dgra 'dul bswo/__/bdud 'dul nga 'dra mched brgyad bswo/__/bswo la 'du zhing ki la dgyes/__/bdag dang dgra bla ma bral cig__/dgra bla bdag dang ma bral cig__/dam pa chos kyi dbu 'phang bstod/__/'jig rten srid pa'i dbu 'phang bstod/__/khyad par yul 'di'i dbu 'phang bstod/__/mtho mtho dgung la reg pa dang /__/dma' dma' bu bzhin skyong bar gyis/__/ki bswo cha'o lha rgyal lo/__mda' dar g.yab/__kyai/__phyogs bcu rab 'byams 'jig rten nas/__/btsan phyug 'phen dar thams cad kun/__/de ring phywa dang g.yang du len/__/'chi med tshe yang g.yang du len/__/bdag cag 'khor dang bcas pa rnams/__/srid zhi'i dpal kun rab tu rgyas/__/bkra shis yar ngo'i zla rgyas shing /__/bkra shis nyi ma kun khyab shog__/tshe ril chang zhal dkar 'brang rgyas sogs rol/__rol mo rgya cher bya'o/__/gnyis pa nongs pa bshags shing bzod par gsol ba ni/__ma rnyed yongs su ma tshang sogs dang /__gang yang bdag cag las dang po pa'i dbang du gyur pas ting nge 'dzin mi gsal zhing cho ga ma dag pa dang /__/mchod pa'i yo byad 'bag rtsog nyams pa thams cad mthol lo bshags so bzod par bzhes la tshangs pa stsal du gsol/__dbyangs gsal yig brgya rnams lan gsum gsum brjod/__gsum pa gshegs su gsol ba ni/__oM/__khyed kyis sems can don kun mdzod/__/rjes su mthun pa'i dngos grub stsol/__/sangs rgyas yul du gshegs nas kyang /__/slar yang 'byon par mdzad du gsol/__badz+ra muHces brjod/__srid zhi'i mgron dang mgon po yon tan gyi mgron rnams gshegs/__mchod sbyin gnas 'dir gang lhag pa/__/'byung po sa 'og rgyu ba dang /__/gang yang sa steng 'khod pa dang /__/sa blar rgyu ba gang yin pa/__/mgu bar gyis la rang gnas su/__/thams cad thams cad 'gro bar gyis/__/sarba b+hU ta gats+tshaHzhes pas gshegs/__bzhi pa bsngo smon bya ba ni/__'di ltar rab dkar dge tshogs rnam dag mthus/__/rdo rje snying po'i bstan pa dar ba dang /__/de skyong bstan 'dzin skye bu dam pa yi/__/zhabs pad bskal brgya'i bar du brtan gyur cig__/gzhan yang gting gsar phyogs bcu dus bzhi sogs dang /__bod khams bde ba'i smon lam gang shes dang /__yi dam gyi rjes chog tshogs la rol pa sogs bya/__lnga pa bkra shis brjod pa ni rol dbyangs me tog 'thor ba dang bcas/__oM/__byin rlabs char 'bebs dngos grub rgya mtsho'i gter/__/phrin las thogs med rtsa gsum lha tshogs kyis/__/'gro rnams srid zhi'i rgud pa zhi ba dang /__/phan bde'i dge legs 'phel ba'i bkra shis stsol/__/skye dgu sems can bde skyid kun ldan zhing /__/lo phyugs rab 'phel tshe dpal ye shes rgyas/__/'gal rkyen kun zhi bsam don lhun gyis grub/__/mthar thug chos la spyod pa'i bkra shis shog__/dkyil 'khor gzhal yas 'dir yang bkra shis shing /__/nyin yang bkra shis dpal 'bar ta la la/__/mtshan yang bkra shis dpal 'bar 'khyil li li/__/nyin mtshan rtag tu bkra shis bde legs shog__/dza ya dza ya sid+d+hi pha la hoHbdag cag dpon slob 'khor dang bcas pa mi mthun pa'i phyogs thams cad las rnam par rgyal bar gyur cig__/rol mo sbir lha rgyal dbyangs sogs kyi dge legs su bya'o/__/de ltar bsang gsol mchod pa'i phreng /__/'jig rten bde ba'i cho ga 'di/__/'bad pas sbyar las rdzogs ldan gyi/__/bskal bzang slar yang snang gyur cig__/ces pa'ang dpa' gtum can smug po gdong gi mi brgyud las ya rab dra ma'i ngang tshul 'chang ba lugs gnyis la blo gros kyi 'jug pa mi dman pa 'jam dbyangs phun tshogs rnam rgyal nas rin gnyis rtse mo'i grangs ldan dang lha rdzas dkar po bcas nan du bskul bar chu stod zla ba rgyal ba'i chos 'khor bskor ba'i dus tshes 4dge bar bkra shis pa'i dge mtshan khyad du 'phags pa du ma dang bcas te nyin de nyid la rmongs brtul 'jam dbyangs chos kyi blo gros pas yid la gang shar shugs 'byung du shar mar sbyar zhing rig 'dzin gong ma'i gsung gis cung zad brgyan pa 'dis kyang bstan pa 'khor slob sde dang bcas pa 'phral yun gyi dpal phun sum tshogs pas phyogs dus kun tu khyab cing rgyas la yun ring du gnas pa'i rgyur gyur cig__/sarba mang+ga laM//__// nga 'dra mched brgyad la gtor 'bul bsdus pa phan bde'i mchog ster bzhugs so/__/bla ma la phyag 'tshal lo/__/srid ba'i lha chen nga 'dra mched brgyad la mchod gtor 'bul bar 'dod na gtor ma dkar dmar bshams la/__ra~M ya~M kha~M/__mi gtsang ba'i dri ma thams cad bsreg gtor sbyangs/__oM AHhU~M gis 'dod yon nam mkha' dang mnyam pa rgyas par spel bar gyur/__nam mkha' mdzod kyi sngags rgya lan gsum gyis 'bul/__kyai/__bskal pa chags pa'i lha chen po/__/mthu rtsal rmad byung nga 'dra mched/__/mi dkar gzi brjid rab byung chas/__/gos dmar gyis bklubs paN zhu gsol/__/ba dan dmar po mkha' la phyar/__/rta mchog mtshal bu sga srab kyi/__/brgyan pa'i steng na 'gying zhing rol/__/sprul pa mched 'khor blon 'bangs rnams/__/'dir gshegs bzhugs la mchod gtor bzhes/__/bdag cag rnal 'byor 'khor bcas rnams/__/rtag tu bsrung skyob don rnams sgrubs/__/yul 'dir lo legs phyugs 'phel zhing /__/btsa' sad ser ba'i gnod pa srungs/__/'jig rten bde ba'i phrin las mdzod/__/ces gtor ma skyems phud mchod/__gtor bsngo gzhan dang ma 'brel na/__srid pa'i lha chen gtso 'khor rnams/__/rang gnas gshegs la dus dus su/__/'byon la bkra shis mdzad du gsol/__/ces brjod/__bsang byed na/__'dir gshegs bzhugs la bsang mchod bzhes/__/ces kha bsgyur ro/__/ces pa'ang gdong sna chos rje phan bde 'od zer gyis lha rdzas dang bcas gsung bskul ngor 'jam dbyangs chos kyi blo gros pas gro bzhin zla ba'i tshes gsum la bris pa brten 'brel bzang ngo /__/bkra shis par gyur cig/__//__ bsang mchod nyung bsdus bzhugs so/__/ra~M ya~M kha~M/__oM AHhU~M/__lan gsum/__kye/__chos dbyings dag pa'i zhing chen por/__/bsang rdzas kun bzang mchod sprin gyis/__/mgron du spyan drangs gshegs shing bzhugs/__/lha yi ging btsan bya dkar dmar/__/gnas gter srung mdzad 'khor bcas dang /__/dge bsnyen chen po shel dkar mdzod/__/nags sgang sman btsun brten pa'i ri/__/klu rgyal dung skyong chen po sogs/__/mched 'khor sprul pa yang sprul la/__/rtsi shing bsregs pa'i spos dud dang /__/lha rdzas mchod sprin sna tshogs dang /__/phye mar 'o chab klu nor sogs/__/rang rang bzhes pa'i dgyes rgu'i sprin/__/rnam pa sna tshogs gter chen 'dis/__/mi gtsang nyams grib phog pa bsang /__/thugs dgyes 'dzum pa'i zhal ston zhing /__/yul phyogs kun skyongs legs tshogs spel/__/rnam bzhi'i phrin las myur 'grub mdzod/__/ces gser skyems mchod do/__/zhes pa'ang rdor slob phun tshogs chos 'phel nas gsungs bskul ngor chos kyi blo gros pas so//__//

'bo yo'i klu btsan gsol mchod bzhugs/__oM swasti/__sman shod 'bo yo'i klu btsan chen po mchod par 'dod pas/__klu gtor dkar po sbrul dkris can pad 'dab kyis brgyan pa klu nor gyis bskor ba dang /__dmar gtor gru gsum mtheb skyus brgyan pa/__klu sman bsres pa'i phye mar/__yos khra/__dkar dmar skyems phud dang /__shing rtsi bzang po'i bsang dud 'thul bzhin chu gtsang gis bran/__ra~M ya~M kha~M/__oM AHhU~M/__nam mkha' mdzod kyi sngags rgya lan gsum gyis spel/__kye/__'dzam gling byang phyogs bod kyi yul/__/mdo khams 'bri zla sgang gi char/__/shod bzhi'i ya gyal sman shod kyi/__/yul skyong klu btsan chen po ni/__/dkar sngo 'brug chen la chibs shing /__/g.yas pas gnam lcags tho ba dang /__/g.yon pas nor gzhong sbrul zhags bsnams/__/dung rmog dung khrab sku la gsol/__/yum mchog rdo rje dpal lha mo/__/sngo sangs mda' dar nor bu 'dzin/__/blon po btsan rgod chen po ni/__/mi dmar rta dmar zangs khrab dang /__/zangs rmog ral gri btsan zhags bsnams/__/mdung dar dkur brten dgra la rgyug__/sras mchog rdo rje dpal gyi rgyal/__/mi dkar shel khrab shel rmog can/__/dar mdung phyar zhing gter bum 'dzin/__/rta mchog ngang dkar la chibs shing /__/'khor tshogs sprul pa yang sprul bcas/__/mchod pa'i gnas 'dir spyan 'dren gshegs/__/rang rang dgyes pa'i gdan la bzhugs/__/khyed la mchod pa 'bul ba ni/__/shing rtsi sna tshogs dud pa dang /__/ja chang 'o zho mtsho ltar bskyil/__/'bru sna phye mar gos dar sna/__/nye bar spyod pa sna tshogs dang /__/nad sel klu yi sman sna bzang /__/klu nor dkor cha mang pos mchod/__/rta g.yag gnag lug khal 'bri mdzo/__/shwa rkyang ma he 'dod 'jo'i ba/__/khrab rmog go mtshon gcan gzan rigs/__/ri dwags spu sdug mdzes pa dang /__/bya rigs skad snyan sgrogs pa sogs/__/srid pa'i khams na khyed rnams la/__/mkho zhing dgyes pa'i spyan gzigs dang /__/mchod rdzas gnam sa bar snang gang /__/dbang po drug gi dgyes rgur rol/__/bdag cag yon mchod 'khor bcas la/__/mi mthun 'gal rkyen thams cad sol/__/mthun rkyen thams cad yid bzhin sgrubs/__/dgra jag chom rkun gnod pa srungs/__/'dre rgod rgyu lam bcad pa dang /__/dme 'khrugs sri ngan rgyun chod cig__/khyed rnams 'khrugs par gyur pa la/__/bdud rtsi bsang gi mchod pas bsang /__/mnol ba dwangs shing dgyes zhal ni/__/zla ba lta bur ngom pa dang /__/bshad sgrub sde rnams 'phel zhing rgyas/__/mtha' bzhi 'gong po'i dmag tshogs bzlog__/snod bcud phywa g.yang thams cad sdus/__/bkra shis bde legs phun tshogs shog__/ces 'bru sna phye mar skyems rnams mchod/__bsang gzhung gzhan dang ma 'brel na gshegs gsol sogs bya'o/__/ces pa'ang gdong sna mchog sprul rin po che dang /__de la lhan cig byed rkyen rmugs sangs mchog sprul zung gis bkra shis lha rdzas bcas snyan tshig gi lam nas bskul ngor/__chos kyi blo gros pas gang shar bris pa dge legs su gyur cig__/mang+ga laM//__//

dzaM ser bsang bzhugs so/__/kye/__gnod sbyin nor lha rgya mtsho'i pho brang cher/__/rmugs 'dzin ser po 'dod rgu'i gter gyi bdag__/phywa g.yang nor bu'i sprin chen rgyas pa dang /__/dgos 'dod nor bu'i gru char 'bebs pa'i phyir/__/'dir gshegs pad zla'i gdan la dgyes par bzhugs/__/khyed la dgyes pa'i mchod sprin 'bul ba ni/__/bzang shing sna tshogs sbyar ba'i dud sprin dang /__/zhal zas ja chang 'o zho'i skyems phud sogs/__/srid ba'i yo byad ngo mtshar rnam mang pos/__/gter bdag 'khor dang bcas la mchod par bgyi/__/bdag cag dpon slob mi mthun 'gal rkyen zhi/__/mi nad phyugs nad dus 'khrugs rgyun chad cing /__/yul khams thams cad bde zhing skyid pa dang /__/rdzogs ldan dpal gyi 'byor pa rgyas gyur cig__/ces pa'ang rdzong sar rdor 'dzin bla ma 'jam dpal chos dbang nas bskul ngor chos kyi blo gros pas so//__//

gnod sbyin gang ba bzang po'i gsol mchod la/__gtor ma dkar dmar dang /__skyems phud phye mar bshams la/__ra~M ya~M kha~M/__oM AHhU~M dang /__nam mkha' mdzod kyi sngags rgya lan gsum gyis byin gyis brlab/__kye/__/srid pa dang po chags pa yi/__/lha yi dge bsnyen gnod sbyin gyi/__/rta bdag brgyad kyi ya gyal che/__/sde dpon chen po gang ba bzang /__/phyi ltar gnod sbyin gzhi yi bdag__/nang du rdo rje bdud 'dul che/__/gsang bar phyag na rdo rje dang /__/gnyis med gnod sbyin chen po ni/__/sras yum blon 'bangs sprul 'khor dang /__/gnod sbyin bye ba 'bum gyi tshogs/__/lha klu gnod sbyin btsan dang ging /__/bdud dang mtsho sman srin po dang /__/khyad par ye shes khyung chen gyi/__/sprul pa mkha' lding gser mig 'khyil/__/yang 'khor 'bum phrag du ma dang /__/o rgyan pad+ma'i zab gter dang /__/gangs bar phug mo'i gzims phug sogs/__/gnas gter srung ma gnyan po rnams/__/'dir gshegs gtor ma gser skyems dang /__/'dod yon mchod gtor 'di bzhes la/__/rnal 'byor bdag cag 'khor bcas kyi/__/bsam don yid bzhin 'grub pa dang /__/nad gdon gnod pa kun sol la/__/'khor srungs rkyen bzlog bsam pa sgrubs/__/chos 'khor gtsug lag dben gnas skyongs/__/bshad sgrub 'du ba rgyas pa dang /__/bstan 'dzin skyes mchog zhabs pad brtan/__/bod khams dus kyi rgud pa zhi/__/mtha' dmag dam sri rgya 'dre dang /__/rgyal 'gongs 'byung po rdul du rlogs/__/dge bcu'i 'byor pas rab phyug cing /__/phun tshogs dpal gyis 'byor pa dang /__/srid zhi'i phywa g.yang rab tu bsdus/__/bkra shis dge legs dar rgyas shog__/ces gtor ma skyems phud mchod do/__/ces pa'ang sprel lo zla 7tshes 18la gnod sbyin gzhi bdag chen pos gangs phug chu mdor/__chos kyi blo gros pas bris pa bkra shis par gyur cig/__//__ na mo/__dkon mchog rtsa gsum bden stobs kyis/__/yul ris rgyal khams thams cad du/__/char gyi rgyun bzang rab 'bebs shing /__/lo tog rtsi bcud rgyas pa dang /__/dkar phyogs klu dbang chen po rnams/__/nor bu'i char sprin rab 'khyil nas/__/mkha' dbyings yangs par rol pa dang /__/snod bcud phywa g.yang rgyas par shog__/mi rnams bde dge'i dpal la spyod/__/de yi 'bras bzang rab smin te/__/rdzogs ldan dpal gyis 'byor pa dang /__/dus rnams kun tu bkra shis shog__/ces pa'ang lcags ra bla ma 'jam dbyangs dge legs nas bskul ngor 'jam dbyangs chos kyi blo gros pas so//__//

lha rab ra dbang ngam gnyan rmi khri'i bsang mchod bzhugs/__/dbang chen rta yi rgyal po la phyag 'tshal lo/__/bsang mchod bya bar 'dod pas/__gser skyems phud bsang rdzas dang /__shing rtsi dud pa 'bul bzhin/__ra~M ya~M kha~M/__bsang rdzas mi gtsang dri ma bsregs gtor bkrus/__/ye shes bdud rtsi'i dud sprin chen po dang /__/lhan cig sbyar ba'i 'dod rgu'i sprin phung gis/__/sa dang bar snang thams cad khyab par gyur/__/nam mkha' mdzod kyi sngags rgya lan gsum gyis spel/__kyai/__kha ba can gyi yul ljongs dag pa'i zhing /__/sde bzhi'i nor 'dzin dge bcu'i sman gyi tshal/__/dam pa'i chos kyi ku co dar dir sgrogs/__/tshe?~X ring nad med bde skyid ldan pa yi/__/sde?~X bzhi gsa?~Xr pa'i legs byas mgron du khug__/pa?~X zhes yang dag lta bar spyod pa'i phur/__/'jig rten skyongs pa'i lha gnya?~Xn rmi?~X khri?~X rgyal/__/mched 'khor btsun mo sras yum sprul par bcas/__/rtag chags dgyes par rol pa'i gzhal med khang /__/bkod legs 'byor pa rgya mtshos gtams pa der/__/sum rtsen dpal la 'khu ba'i gzi brjid kyis/__/rgya 'dre 'byung po zil mnan ring du bskrad/__/rang sde bsrung ba'i dbu rmog btsan po la/__/phyogs las rnam par rgyal ba'i dar 'phru bsgrengs/__/zla gzhon stong gi nying khus byug pa la/__/pad+ma rA ga'i pho tshos byug pas mdzes/__/g.yas kyi ral gri sngo sangs me 'od 'phro/__/g.yon gyi zhags pas ma rung 'ching zhing 'dren/__/dar mdung dkar po gru mo g.yon la brten/__/rtse mo mkha' dbyings mthon po'i dkyil du bsnyegs/__/rting pa brdab na sa gzhi grum par byed/__/rta mchog steng na dpa' bo rol pa'i stabs/__/gnam lcags khrab chen go cha btsan po bgos/__/'khor tshogs bye ba 'bum sde'i tshogs bcas rnams/__/bdud rtsi bsang gi mchod pa chen po la/__/'dod pa'i yon tan bsam mi khyab par 'char/__/dgyes pa'i mchod sprin zad med gter chen gyis/__/gnas yul longs spyod nyams pa thams cad gsos/__/rdzogs ldan dang po'i dga' ston gsar par rgyas/__/lha yi 'khon du gyur pa'i rigs thams cad/__/bshags par bgyi na khyod thugs 'gal ba rnams/__/mkha' la na bun dengs pa ltar gyur nas/__/lha gnyan dgyes pa'i gad mo sgrogs pa dang /__/snod bcud phywa g.yang nor bu'i sprin chen sdud/__/mi mthun phyogs kun zhi ba'i bdud rtsi'i rgyun/__/'bebs pas dus kyi rgud pa kun zhi zhing /__/ma rungs nag phyogs bdud kyi mgo bo breg__/snying khrag glog dmar ljags kyis rngam par bzhes/__/ming tsam med cing rtsad nas brlag pa dang /__/yul 'dir btsa' sad ser ba'i gnod pa srungs/__/byams dang snying rje byang chub sems mchog bskyed/__/kun kyang bde dge'i dpal la rol pa dang /__/gzhi byes kun tu srungs skyobs sdong grogs mdzod/__/srid pa'i lha gnyan dbu 'phang dgung du bstod/__/dkar po'i phyogs kyis lha rgyal ki bswa sgrogs/__/bdud rigs rnams ni cha sgra drag pos bcom/__/dgra lha'i ba dan phyogs brgyar g.yo ba yis/__/dus rnams kun tu bkra shis dge legs rtsol/__/skyems phud gtor ma mchod do/__/ces pa'ang lha gnyan rmi khri sogs la sgrub gnas byas te grub pa'i go 'phang mthon por gshegs pa re khe a mdo gser gyi bya bral ba'i rigs la skyes pa/__7'jam dbyangs mkhyen brtse'i dbang po'i phrin las sprul ming 'dzin pa chos kyi blo gros pas gzhi bdag chen po'i mdun du sbyar ba shin tu dge zhing bkra shis zhal dro bar gyur cig__/shu b+haM//__//__!__kyai/__yul skyong gzhi bdag che ge 'khor bcas la/__/bsang dang gser skyems mchod pa 'di 'bul bas/__/yul ris rgyal khams mtha' dag bsrung ba dang /__/lo phyugs rtag tu legs pa'i phrin las mdzod/__/7chos kyi blo gros pas so//__//

'bri rgyud rab brtan phyogs kyi yul gnas bdag po kaM drung gsol ka ni/__kyai/__dzaM gling rgyal po seng chen gyi/__/bka' sdod drung pa chos rje ni/__/ma nges cir yang rdzu zhing rgyu/__/klu dang gnyan gyi rigs su gtogs/__/khyod sngon bla ma gong ma yis/__/dam la btags pa dran gyis la/__/gzhan la gnod 'tshe'i sems spangs nas/__/byang chub sems la gnas par gyis/__/dbang bskur dam las ma 'da' zhig__/dam las 'das na dmyal bar 'gro/__/de bas khe nyen shes gyis la/__/bsang gsur gtor ma skyems mchod bzhes/__/dar zab dkor cha sna tshogs ni/__/ting nge 'dzin gyis sprul pa rnams/__/bdag gir bzhes la yul phyogs su/__/btsa' 'bu sad ser srung ba dang /__/mi phyugs nad yams zhi bar mdzod/__/mtha' dmag dus 'khrugs gnod pa bzlog__/'jig rten bde legs 'phel bar mdzod/__/ces pa'ang shes rab 'byung gnas kyis bskul ngor chos kyi blo gros pas bris pa dge/__//__

gzi phug lung gi bsang mchod bzhugs/__kyai/__dag pa rab 'byams lha yi gzhal med khang /__/bkra shis byin chags sbas yul gnyan po ni/__/rtsa gsum nor lha rgya mtsho brten pa'i gnas/__/khyad par rje btsun 'phags ma sgrol ma dang /__/rnam 'phrul nyer gcig sangs rgyas byang sems tshogs/__/mngon sum bzhugs pa'i sgrub gnas gnyan po yi/__/rten dang brten par bcas pa thams cad bsang /__kyai/__phye mar shing rtsi dri bzang sna tshogs dang /__/sman spos sbyar ba'i dud sprin chen po yis/__/mnol ba sangs la 'thib pa dwangs gyur cig__/dgyes pa'i zhal bzang nya rgyas zla ltar ngoms/__/snod bcud kun gyi dngos grub 'byung ba'i gzhi/__/gter chen bum bzang lta bu'i gnas chen po/__/byin rlabs dngos grub gzi brjid rab 'phro bsang /__/yul khams kun tu bkra shis dge legs shog__/ces pa'ang tshe ra dkon mchog nas bskur ngor chos kyi blo gros pas so//__//

bde 'gu ha snying gi bsang mchod 'dod rgu g.yang 'khyil ces bya ba bzhugs so/__/gu ru pad+ma 'byung gnas la phyag 'tshal lo/__/gzhi bdag ha snying dil 'gur la bsang mchod bya bar 'dod pas/__bsangs rdzas skyems phud/__dkar gtor sbrul dkris can dang /__dmar gtor theb skyu can rnams 'du byas la/__ra~M ya~M kha~M gis mi gtsang bsregs gtor bkrus/__/bsang rdzas zag med 'dod yon sprin phung 'khrigs/__/sa dang bar snang kun tu rab khyab cing /__/dgyes mchod dwangs shing thog pa med par gyur/__/oM AHhU~M/__na maHsarba ta thA ga ta b+h+yo bi shwa sogs nam mdzod kyi sngags rgya lan gsum gyis brlabs/__kyai/__nam mkha' yangs pa'i dkyil 'khor nas/__/bla ma yi dam mkha' 'gro dang /__/sangs rgyas byang sems chos skyong tshogs/__/nor lha gter bdag gzhi bdag rnams/__/bsang mchod gnas 'dir spyan 'dren gshegs/__/khyad par yul skyong chen po ni/__/ha snying klu'i bang mdzod che/__/klu rgyal dung skyong rol pa'i gnas/__/phywa g.yang 'dod rgu'i sprin phung 'khrigs/__/rin chen gser gyi de'u dang /__/brag ri'i ba gam brjid chags zhing /__/lhun sdug nags tshal yid 'ong bkra/__/spang ljongs g.yu yi ne'u seng mdzes/__/de 'dra'i gnas mchog dam pa na/__/klu chen dung skyong dkar po ni/__/btsun mo sras yum 'khor bcas bzhugs/__/dgyes rgu'i longs spyod bsam mi khyab/__/sgo srung lha yi dge bsnyen ni/__/gnod sbyin sngon po lcags khrab can/__/rgyal mtshan mdung dar phyag na bsnams/__/g.yag rgod kham pa la zhon zhing /__/stag dom dred sogs rol du khrid/__/sprul pa mi dmar rta dmar 'gyed/__/bstan pa srung ba'i las la brtson/__/'di gshegs bsang gi mchod pa bzhes/__/phye mar gangs ri ltar spungs shing /__/dkar mngar skyems phud mtsho ltar bskyil/__/bsang gi dud sprin phyogs bcur 'thul/__/nyer spyod 'dod yon rnam lnga dang /__/bkra shis rdzas rtags rin chen bdun/__/klu nor nyer gcig klu sman dang /__/rta glang gnag lug ma he sogs/__/rkang 'gros bzhon pa rnam mang dang /__/sha rkyang ri dwags spu sdug mdzes/__/khrab rmog go mtshon spyan gzigs tshogs/__/dpag med nam mkha' gang ba 'dis/__/yul skyong chen po 'khor bcas mchod/__/'khon dang nyams grib 'bag btsog kyis/__/mnol ba sangs la 'thibs pa dwangs/__/dgyes zhal gangs ri ltar gsal zhing /__/chos 'khor gnyan po'i bstan pa srung /__/bdag 'khor yon bdag bu bzhin skyongs/__/dgra jag chom rkun 'jigs pa dang /__/rtsa sad ser ba'i gnod pa bzlog__/'bru nor dpal yon rab rgyas shing /__/dge bcu'i dpal gyi 'byor pa 'phel/__/rnam bzhi'i phrin las 'grub par mdzod/__/ces brjod nas gtor ma skyems phud mchod par bya zhing lha rgyal 'bod do/__/ces pa'ang bde 'gu ser skya rnams nas bskul ngor 'jam dbyangs chos kyi blo gros pas yid la gang shar bris pa 'dis kyang snod bcud kyi dge mtshan rab tu rgyas pa'i rgyur gyur cig__/mang+ga laM/__shu b+haM//__//

nor bu sman phyugs gsol mchod 'dod don re skong bzhugs/__oM swasti/__snang srid dbang sdud pad+ma rgyal/__/dbyer med bla mar gus btud nas/__/yul skyong nor bu sman phyugs kyi/__/gsol mchod nyung ngur spel bar bya/__/gtor ma dkar dmar dang gser skyems sogs bshams la chu chang gis bran/__oM las rin chen snod mchog yangs pa ru/__/AHlas mchod gtor yangs shing rgya che ba/__/hU~M gis gang mos mthun pa'i rdzas gyur te/__/ha ho hrIHyis nam mkha' mnyam par spel/__nam mkha' mdzod kyi sngags rgya lan gsum gyis brlabs/__kyai/__rtsa gsum kun 'dus pad+ma thod phreng gi__/zab gter bstan pa bsrung bar zhal bzhes pa/__/klu btsan nor bu 'phan phyugs 'khor bcas rnams/__/'dir gshegs rang rang dgyes pa'i gdan la bzhugs/__/lo ka pA la ni d+hi pa ti badz+ra sa ma ya dzaHpad+ma kA ma la ya s+t+wa~M/__kyai/__nor lha chen po g.yul rgyal rdzu 'phrul can/__/baiDU'i mdog can mdung dar nor bu 'dzin/__/dar ber rin chen rgyan gyis rnam par brgyan/__/khrab rmog 'khor gsum brjid pa'i chas kyis rngam/__/rta mchog sngon po'i steng na 'gying zhing sgeg__/res 'ga' btsan gzugs khrag gi mdog can ston/__/be con thod khrag 'dzin cing dgra bgegs sgrol/__/skabs 'gar dge bsnyen dmar nag stag gzig gi__/ber thul gsol zhing khyi spyang rol du khrid/__/'khor du klu sman 'bum dang btsan gyis bskor/__/yul 'khor srung zhing dgra sde'i srog la rngam/__/chad la btsan zhing rnal 'byor dam ldan la/__/'dud cing skyong ba'i gter bdag chen po rnams/__/gtor ma skyems phud dkor cha 'di bzhes la/__/sangs rgyas bstan pa rin chen spel ba dang /__/der 'dzin 'phags tshogs 'dus pa'i sde chen rnams/__/thugs mthun bshad sgrub dar zhing rgyas par mdzod/__/yul phyogs kun tu nad mug mtshon 'khrugs zhi/__/dgra jag 'byung po'i rgyu lam rab bcad cing /__/btsa' sad ser ba'i gnod pa thams cad srungs/__/lo phyugs legs shing 'bru nor 'phel rgyas mdzod/__/bdag 'khor yon bdag byams pa'i thugs kyis skyong /__/pha rol mi dang mi min byad kha bzlog__/phun tshogs dge legs dbyar gyi chu gter ltar/__/dar zhing rgyas pa'i phrin las mdzad du gsol/__/ces gtor ma skyems phud mchod/__gtor chog gzhan dang ma 'brel na/__/mchod mgron tshogs rnams rang rang gnas su gshegs/__/slad nas bdag la dgyes shing 'go bar mdzod/__/ces brjod pas gshegs su gsol/__ces pa'ang lha sa dgon gyi bla ma bsod nams stobs rgyal nas bskul ngor mkhyen brtse'i sprul ming 'dzin pa chos kyi blo gros pas so//__// gzhi bdag spre'u'i mchod gsol bstan dgra tshar gcod bzhugs so/__/dpal rta mgrin dbang chen la phyag 'tshal lo/__/sham po rong gi yul skyong spre'u la bsang mchod bya bar 'dod pas gtor ma dkar dmar gser skyems phye mar bsang gi dud sprin 'bul ba dang bcas/__ra~M ya~M kha~M/__oM AHhU~M gis mi gtsang bsregs gtor bkrus/__/bsang mchod gtor ma gser skyems zag med kyi/__/mchod sprin 'dod pa'i yon tan lnga ldan pas/__/sa dang bar snang nam mkha' gang bar gyur/__/nam mkha' mdzod kyi sngags rgya lan gsum gyis brlabs la/__kyai/__dgung sngon mthon po'i dbyings rum nas/__dpal ldan lha yi sras po ni/__/rdo rje drag rtsal zhes grags pa/__/sku mdog sngon po baiDU'i mdog__/ral gri dang ni thod khrag 'dzin/__/sku la lcags khrab lcags rmog gsol/__/rta mchog sngon po'i steng na chibs/__/res 'ga' gnod sbyin nor lha'i gtso/__/gser mdog nor bu dbang rgyal dang /__/mda' gzhu 'dzin cing brjid pa'i tshul/__/zhi ba'i tshe na gser khrab dang /__/rin po che yi phrog zhu la/__/dar sna'i cod paN rab g.yo zhing /__/yum mchog klu mo dpal lha mo/__/dkar mo dung gi thor tshugs can/__/phyag gnyis nor bu'i gzhong pa bsnams/__/blon po btsan rgod dmar po sogs/__/bka' yi bran g.yogs sprin ltar gtib/__/'dir byon bsang mchod gser skyems bzhes/__/snang srid 'dod rgu'i dngos po rnams/__/mi zad nam mkha'i rgyan du 'bul/__/steng mkhar rig pa'i lha mo yi/__/dag byed khrus kyi bum pa nas/__/bdud rtsi'i chu rgyun bab pa yis/__/mi gtsang nyams grib thams cad bkrus/__/phyi ltar lha rigs gnod sbyin che/__/nang du lcang lo can gyi zhing /__/gsang ba dpal chen gzhal med khang /__/de 'dra'i gnas mchog chen po na/__/yul skyong chen po sku gcig la/__/mtshan dang rnam 'gyur mtha' yas ston/__/las bzhi'i phrin las shugs 'chang bas/__/don rnams 'bad med sgrub mdzad cing /__/khyad par dbang chen rta mgrin dang /__/phyag rdor pad+ma 'byung gnas kyis/__/dam tshig rdo rje gtsug tu bkod/__/zab mo gter gyi srung mar bskos/__/bde gshegs spobs pa mtha' yas dang /__/pad+ma mdo sngags gling pa yis/__/slar yang dam gnos dran gyis la/__/snga 'gyur theg pa'i rtse rgyal gyi/__/bstan pa rin chen 'byung ba'i gnas/__/'og min kaHthog rdo rje'i gdan/__/gsang sngags pho brang chen po yis/__/phyi sgo skyong ba'i srung ma mdzod/__/yul phyogs 'dir gnas khyim bdag dang /__/skye 'gro rnams la bde legs spel/__/khyod thugs zhi ba'i char rgyun gyis/__/nad gdon bgegs sogs zhi ba dang /__/gser zhun rgyas pa'i 'od zer gyis/__/tshe bsod dpal 'byor rab rgyas shing /__/'od dmar lcags kyu rnon po yis/__/mos pa rnam bzhi dbang du bsdus/__/shugs drags bskal pa'i me lce yis/__/mi dang mi min dgra bgegs dang /__/byad phur rbod gtong gzhom par mdzod/__/gzhi byes kun tu srung skyobs dang /__/bdag cag legs pa'i dbu rmog btsan/__/dge mtshan dpal yon rab rgyas shing /__/bkra shis klung chen g.yas su 'khyil/__/phyogs las rnam par rgyal ba yis/__/ba dan dkar po sgrengs gyur cig__/ki bso cha'o lha rgyal lo/__/zhes brjod la gtor ma gser skyems mchod/__bsang gzhung gzhan dang ma 'brel na/__ma 'byor 'khrul pa'i tshogs kun bshags/__/bdag la dgyes rab phul gyur nas/__/so so rang rang gnas su gshegs/__/slar yang dus su 'byon par mdzod/__/ces mgron gshegs la shis brjod bya'o/__/ces pa'ang dad blo rab rgyas bstan ba'i sbyin bdag phrad dpal tshang gis sku mched gnyis nas 'di ltar bris zhes bskul ngor mkhyen brtse'i sprul ming 'dzin pa 'jam dbyangs blo gros rgya mtshos gang dran bris pa shin tu dge zhing bkra shis par gyur cig__/bi dza yan+tu//__// yul skyong chen po tsam rmig thi'i gtor 'bul phrin las glog zhags ces bya ba bzhugs so/__/oM swasti/__rab dmar bye ru'i mdog 'chang ba/__/khro bo kun gyi che btsan rgyal/__/dbang chen rta yi mgrin pa la/__/gus btud yul skyong gtor chog spel/__de la ri dbang spun dgu'i ya gyal dge bsnyen chen po rdo rje che yag la gsol mchod bya bar 'dod pas bdud rtsis sbags pa'i gtor ma zlum po gshog pa can pad rkyang dang theb kyus bskor ba smug rtsis byugs pa dang /__mdun du dkar gtor theb ril can dang /__skyems phud bshams la/__chu chang gis bran te/__ra~M ya~M kha~M/__gtor ma'i nyes skyon ma dag 'bags btsog kun/__/ye shes me rlung chu yis bsregs gtor bkrus/__/gtor snod rin chen snod mchog yangs pa'i nang /__/gtor rdzas zag med ye shes bdud rtsir gyur/__/oM AHhU~M ha ho hrIHlan gsum brlabs/__rang gi thugs nas 'od zer 'phros pa yis/__/lcang lo can dang ri rab byang phyogs dang /__/yul skyong dgyes pa'i dga' tshal chen po nas/__/rdo rje las rab 'khor bcas 'dir gshegs shig__/sngon gyi dam tshig gnyan po dgyes dgongs la/__/rang rang mthun pa'i gdan la bzhugs su gsol/__/lo ka pA la badz+ra sa ma dzaHsa ma ya tiSh+Tha lhan/__oM/__gtsang mar sbyar ba'i mchod rdzas sna tshogs dang /__/'bru bcud stong sbyar dza gad bdud rtsi'i phud/__/dmar chen rak+ta'i sbu phreng chil chil g.yo/__/ro brgya ldan pa'i gtor ma chen po la/__/zhal zas bda' dgu bzang pos bskor ba las/__/'dod pa'i yon tan rnam lnga'i sprin phung 'phro/__/bza' bca' btung ba bldag gzhib bsam mi khyab/__/gzhan yang dgyes pa'i mthun rdzas sna tshogs ni/__/bya rta g.yag lug ri dwags rnam mang dang /__/stag gzig dom dred mang po 'dur zhing rgyug__/mda' 'dung ral gri sgyogs sogs mtshon cha'i rigs/__/go khrab gos dang gser dngul rin chen tshogs/__/'bru sna'i phung po ri rab ltar spungs shing /__/bkra shis rdzas rtags rin chen rnam bdun dang /__/gzhal med khang bzang gdugs 'phan rgyal mtshan mdzes/__/mi zad gter gyi bum bzang la sogs pa/__/srid zhi'i 'byor tshogs nam mkha' gang ba yis/__/lha gnyan chen po rmig thi zhes grags pa/__/gsang ba'i mtshan ni rdo rje las rab dang /__/rdo rje ye shes rdo rje che yag sogs/__/sku gcig mtshan gyi rnam grangs mtha' yas shing /__/don la dpal chen rta mgrin he ru kas/__/mchod bstod dregs pa'i dkyil 'khor dbang bskur ba/__/bdud po re ti mgo yag thod phreng rtsal/__/bdud dmag bye ba 'bum sde'i sde dpon dang /__/gsang yum g.yu mtsho'i rgyal mo la sogs pa/__/sras 'khor sprul pa yang sprul bcas pa rnams/__/dgyes zhal zla ba ltar dkar ngom bzhin du/__/byams pa'i spyan gyi bdag cag 'khor bcas skyongs/__/hU~M hrIHlha gnyan chen po 'khor bcas rnams/__/dgyes pa'i mchod sprin 'di bzhes la/__/thugs dang 'gal ba thams cad bshags/__dme mnol grib kyis phog pa sangs/__/mchod cing bstod do mnga' gsol lo/__/spyan gzigs 'dod yon sna tshogs kyis/__/thugs dam gnyan po dgyes par bskang /__/pad 'byung rdo rje thod phreng gis/__/bka' bsgos dam bzhag dran gyis la/__/sangs rgyas bstan pa rin chen dang /__/de 'dzin skyong rnams dbu 'phang bstod/__/chos ldan mnga' ris rgyal khams rnams/__/nad mug 'khrugs rtsod kun zhi zhing /__/lo phyugs legs shing 'bru rnams 'phel/__/tshe ring nad med dpal 'byor rgyas/__/yid la bsam dgu 'grub par mdzod/__/bstan 'gro'i phan bde la 'khu pa'i/__/mi dang mi min gnod sems can/__/bsam sbyor ngan pa'i sde ris rnams/__/rdul du brlag pa'i phrin las mdzod/__/'byung po gdug pa'i sgyu 'phrul dang /__/lha min kla klo'i rgyu lam chod/__/dkar phyogs bstan pa'i ru mtshon sgrengs/__/phyogs las rnam rgyal rgyal mtshan che/__/srid zhi'i bla na mtho ba dang /__/khyad par rigs pa'i 'byung gnas ni/__/ku kug snyan pa'i sgra 'byung ba'i/__/tshe ring dpal gyi ljongs 'di yi/__/bstan dgon sde ris bcas pa rnams/__/khyed la gnyer gtad srungs skyobs dang /__/byad phur rbod gtong gnod pa zlog__/phas rgol g.yul las rnam rgyal zhing /__/snyan grags skye lnga'i sgra dbyangs kyis/__/phyogs kyi khor yug khyab pa dang /__/gzhi byes lam gsum gar 'gro yang /__/rtag tu kha 'dzin sdong grogs mdzod/__/ces phrin las bcol zhing 'di nyid sger rkyang du byas na gtor ma skyems phud rnams phyi rol du mchod do/__/ces pa'ang gser ljongs dgon gyi mkhan po bla ma lnga rig smra ba'i dbang phyug 'jam dbyangs dge legs nas gsung bskul ngor mkhyen brtse'i sprul ming 'dzin pa 'jam dbyangs chos kyi blo gros pas smras rim bzhin bskul ba pos bris pa 'dis dge legs rgya chen po 'byung ba'i rgyur gyur cig__/mang+ga laM//__//

'khrungs lha'i bsang mchod bkra shis 'khyil pa zhes bya ba bzhugs so/__/oM swasti/__skye ba'i nor mchog yid bzhin dbang /__/mgon mdzad yul skyong gnyen po la/__/dgyes pa'i bsang gi mchod sprin ni/__/bkra shis 'khyil pa 'dir dbye bya/__de la mchod gtor dang /__ja dkar chang phud/__phye mar sogs 'du byas shing /__shing rtsi sna tshogs dang bsang rdzas ci 'byor bsreg pa'i du pa 'thul bzhin/__ra~M ya~M kha~M/__me chu rlung gi zegs ma 'phros/__bsang gi 'bags btsog gnyis kun sbyangs/__oM AHhU~M gis bdud rtsir spel/__/mi zad nam mkha'i mdzod du gyur/__na maHsarba ta thA ga ta b+h+yo bi shwa sogs/__nam mdzod sngags rgya lan gsum gyis brlab/__dbyangs rol bcas/__kyai/__mchog gsum rtsa gsum rgya mtsho dang /__/nor lha gter bdag gzhi bdag dang /__/bgegs rigs snying rje'i mgron gyur rnams/__/bsangs mchod gnas 'dir gshegs su gsol/__/kyai/__srid pa'i lha chen rigs kyi rgyud/__/lha gnyen gla chen yab yum dang /__/btsun mo sras blon 'khor bcas rnams/__/'dir gshegs bsang gi mchod pa bzhes/__/rang rang 'tshams pa'i gdan khrir bzhugs/__/dag byed khrus chab 'di gsol lo/__/ar+g+haM bi shud+d+he swA hA/__kyai/__dzaM gling bod yul dag pa'i zhing /__/ri mtho sa gtsang nyams dga'i gnas/__/bkra shis byin chags yid du 'ong /__/bdud rtsi'i chu klung dal 'bebs shing /__/spos sman rtsi shing sna tshogs rgyas/__/shin tu nyams dga'i gnas mchog der/__/mtho ba srid pa'i yang rtse nas/__/lha chen yab yum bshos pa'i sras/__/srid pa'i lha g.yag dkar po ni/__/rdo rje 'bar ba'i las mdzad pa/__/gangs ri dkar po ltar brjid pa/__/yan lag khro chu'i rmig pa can/__/spu sdug zhol chen sprin ltar 'thibs/__/zhal nas na bun thu lu lu/__/sna nas rlung dmar 'tshubs se 'tshub/__/spyan gnyis nyi zla'i 'od ltar 'phro/__/rno ba'i rwa gnyis thad kar brkyangs/__/bskal pa'i me chen lhabs se lhab/__/ba spu nyag ma re re las/__/dgra lha'i dmag tshogs skar ltar 'khrugs/__/sdang ba'i dgra 'dul dam nyams gshed/__/rang 'dra'i sprul pa du ma dang /__/mched yum sras blon 'khor bcas la/__/rin chen bdun dang bkra shis rdzas/__/dar zab go mtshon khrab rmog dang /__/mdung dar sba lcags rgyal mtshan sogs/__/spyan gzigs rnams kyis dgyes par mchod/__/rta phyugs gnag lug 'dod 'jo'i ba/__/ri dwags g.yung dwags bya rigs dang /__/ja chang 'o zho mtsho ltar bskyil/__/gser skyems zag med bdud rtsi dang /__/phye mar gangs ri ltar spungs shing /__/gsol mchod byed na rtags gnyis bar bslur nas/__/sman spos rtsi shing sbyar ba yi/__/bsang gi dud sprin sngon mo ni/__/lho sprin bzhin du 'thul ba las/__mchod gtor zhal zas ro brgya pa/__/dkar gyi thig phreng dar gyis brgyan/__/stong gsum khyon dang mnyam pa la/__/'dod yon sogs sbyar/__mchan/__'dod yon drug gi mchod sprin 'phro/__/dbang po drug la dgyes rgur bskyed/__/phud kyis skyabs yul rgya mtsho bsang /__mchod ces bsgyur/__mchan/__bar pas gzhi bdag chen por bsang /__/lhag mas mgron rigs ma lus bsang /__/gsol mchod skabs rnams la sbyin/__mchod do bsngo'o dgyes par bskyed/__/dgyes rab mnyes pa'i sogs/__bsgyur dgos/__mchan/__bsang ngo mchod do dgyes par bskyed/__/nyams grib phog pa sangs gyur cig__/mnol zhing 'thibs pa dwangs gyur cig__/dgyes rab mnyes pa'i phul gyur nas/__/dgra lha chen po dpangs bstod do/__/bkra shis grags pa'i rgyal mtshan sgrengs/__/snyan pa'i dung bus dar phyor cig__/srid zhi'i dpal 'byor ma lus pa/__/gnas 'dir bsdus la g.yang du 'khyil/__/gter chen bum bzang dpag bsam bzhin/__/'dod rgu'i re ba skongs gyur cig__/rnal 'byor bdag cag 'khor bcas la/__/sdang dgra gnod pa'i sems 'chang kun/__/rmig bzhi ri rab lta bus mnan/__/gnam lcags rwa yis don snying 'bigs/__/ljags dmar bskal pa'i glog 'khyug pas/__/rtswa sbur me yis sreg bzhin 'joms/__/byad phur rbod gtong ngan pa zlog__/tshe bsod rigs brgyud chos nor dang /__/zhing khang rta phyugs rkang bran bcas/__/nyin gsum bya ra ma g.yel zhig__/mtshan gsum mel tshe ma g.yel zhig__/rtag tu srungs skyobs sdong grogs mdzod/__/bstan 'dzin skyes rnams zhabs pad brtan/__/bstan pa yun du dar shing rgyas/__/bstan pa'i sbyin bdag mnga' thang 'phel/__/'jig rten bde zhing skyid gyur cig__/ki bswo cha'o lha rgyal lo/__/rol mo sgrogs/__dar phyar/__mchod gtor rnams gshegs/__bsang gzhan dang 'brel na gshegs gsol 'dir mi dgos/__ma 'brel na/__gtor mgron ces bsgyur/__mchan/__bsang mchod yul du gyur pa rnams/__/rang rang gnas su badz+ra muHslad nas bdag la dgyes pa dang /__/bkra shis zhal dro byin chags shog__/ces brjod la bsngo smon shis brjod bya'o/__/dge legs rab 'phel thabs kyi mchog__/lha bsang bkra shis 'khyil pa 'dis/__/dus gsum kun tu bkra shis shing /__/tshe g.yang dpal 'byor 'phel gyur cig__/ces pa'ang bsod nams gyi rol mtshor gnas shing mkhyen dpyod kyi blo mig mkha' ltar yangs pa/__mi rje hor spyi g.yu thog dbang 'dus nor bu mchog gi 'khrungs lha'i bsang mchod 'di ltar bris shig ces bka' yi bskul ba don yod par bya ba'i phyir 'jam dbyangs chos kyi blo gros ris med bstan pa'i rgyal mtshan du 'bod pa'i snyoms las pas gang dran yi ge'i lam du bris pa 'dis kyang bstan pa mchod sbyin rnams dar zhing rgyas pa'i rgyur gyur cig__/shu b+haM/__mang+ga laM/__/zhal dro//__// 'o de gangs rgyal bsang bzhugs/__kyai/__sa brgyad sems dpa' yul khams skyong /__/bod skyong rje yi mgur lha che/__/steng phyogs lha yi yul nas byon/__/gzhi bdag kun gyi mes po rje/__/srid pa'i lha gnyan gnas 'dir byon/__/byams brtses dgyes zhal ngom pa dang /__/bsang mchod gnas 'dir spyan 'dren no/__/bzang shing sna tshogs dud pa dang /__/phye mar 'o skol spyan gzigs dang /__/rin chen gter bum bsam 'phel dbang /__/rta glang gnag g.yag 'dod 'jo'i ba/__/sha rkyang ri dwags g.yung dwags sogs/__/bya rigs rnam pa sna tshogs dang /__/go khrab gos dar go mtshon dang /__/gcan gzan rnam pa sna tshogs sogs/__/'jig rten che rgus dpal 'byor gyis/__/lha chen yab yum sras 'khor bcas/__/bsang ngo mchod do nyams grib bsang /__/dgyes rab mnyes pa'i phul du gyur/__/yul 'khor kun skyongs dgra bgegs sgrol/__/mi mthun gnod pa'i rkyen rnams bzlog__/ji ltar bsam pa'i don rnams kun/__/'bad med yid bzhin 'grub par mdzod//__//

sku lha mkha' ri'i gsol mchod bzhugs/__na mo pad+ma kA ra ye/__rje yi sku lha mkha' ri mched brgyad la gsol mchod bya bar 'dod pas/__gtor ma mkhar zar nor bu 'brang rgyas la dkar dmar gtor ma brtan cha ci rigs dar tshon gyis brgyan pa bshams la/__yi dam gyi sam d+hi la gnas pas/__ra~M ya~M kha~M gis 'bags btsogs bsreg gtor sbyangs/__oM AHhU~M gis 'od kyis sbyangs bsgyur spel/__nam mdzod kyi sngags rgyas rgya cher byin gyis brlab/__kyai/__sngon gyi bskal pa'i dus shed na/__/'od gsal lha yi rgyal po nyid/__/'dzam bu gling 'dir 'phos pa ni/__/sku lha mkha' ri she'u zhes/__/srid par rten chags g.yung drung gi__/rten mchod sgrub cing pad 'byung gis/__/dbang bskur bka' nyan dam la btags/__/zab gter yongs kyi srung mar bskos/__/sras yum btsun mo blon 'bangs dang /__/nor dang dkor gyi bdag po dang /__/las byed sprul pa'i phyag brnyan sogs/__/bye ba 'bum gyi 'khor tshogs rnams/__/'dir gshegs bsang dang gser skyems dang /__/gtor ma dkor cha'i brngan rnams 'bul/__/dbang po drug la dgyes rgur rol/__/snang srid 'dod yon bzang po ni/__/ji snyed blo yi blangs byas te/__/kun tu bzang po'i ting 'dzin gyis/__/rnam par rol pa mtha' yas pa/__/nam mkha' khyab par sprul byas te/__/sku lha mkha' ri she'u zhes/__/chos skyong sprul pa'i rgyal po mchod/__/lha chen tshangs pa chen po mchod/__/yum mchog sangs sangs dpa' mo mchod/__/sras mchog rdo rje thod dkar mchod/__/blon chen stag seng rgyal po dang /__/klu bdud nA ga rak+sha mchod/__/dmag dpon dgra 'dul rgyal po sogs/__/sprul pa'i dmag tshogs bye ba mchod/__/khyed rnams dgyes pa'i phul gyur te/__/lha 'khon grib kyis mnol ba dang /__/rgya 'dre 'gong po'i kha rlangs kyis/__/gsang gsum nyams par gyur pa rnams/__/ye shes khrus kyi lha rnams kyi/__/bdud rtsi'i chab kyis dag gyur cig__/dpal chen 'jam dpal khros pa yi/__/mthu stobs nus pa'i gzi brjid bskyed/__/gu ru pad 'byung rig 'dzin tshogs/__/dpa' bo mkha' 'gro'i gar bsgyur zhing /__/byin chen byin phobs dbang mchog bskur/__/gnas rten rdo rje'i zhing khams cher/__/gdod nas grub pa'i ngo bo ru/__/'gyur ba med par byin gyis rlobs/__/khyed la phrin las bcol ba ni/__/shAkya seng+ge'i bstan pa srungs/__/o rgyan pad+ma bi ma la'i/__/zab mo sngags kyi ring lugs kyi/__/bstan pa phyogs bcur spel ba dang /__/bstan 'dzin skyes bu'i dbu 'phang bstod/__/chos rgyal mes dbon rnam gsum gyi/__/sprul pa'i chos 'khor che rnams skyongs/__/bstan la gnod pa'i du ru ka'i/__/sde rnams thal ba'i rdul bzhin rlogs/__/rgya 'dre 'gong po'i rgyu lam chod/__/zab gter gnyer kha thub pa dang /__/las can skyes bu'i phyag tu sprod/__/yid bsrubs log par lta ba yi/__/glang po'i klad pa rdo rjes 'gems/__/yang dag lha la dad pa dang /__/dam ldan slob ma bu bzhin skyongs/__/'jig rten bde zhing skyid pa dang /__/bdag cag gar 'gro gar gnas kyang /__/kha 'dzin rgyab brten sdong grogs dang /__/bcol ba'i phrin las 'grub par mdzod/__/rgyal lo rgyal lo lha rgyal lo/__/bkra shis phywa g.yang 'dir khug cig__/ces brjod la mchod gtor gser skyems 'bul bar bya'o/__/ces pa'ang dbang chen sprel lo'i zla ba bdun pa'i tshes bzhi la phu ma g.yu mtsho'i 'gram sku lha'i mdun thod du/__chos kyi blo gros pas shar mar bris pa dge'o//__//

oM AHhU~MHdkon mchog rtsa gsum chos skyong nor lha dang /__/gnas gter bdag po gzhi bdag tshogs rnams dang /__/khyad par sgrol ma pad 'byung 'od zer can/__/ma gcig dpal lha zhing skyong dur khrod bdag__/g.yu sgron tshe ring ma dang thang lha dang /__/ge sar rdor legs la sogs lam srung rnams/__/'dod yon bdud rtsi'i skyems phud 'di bzhes la/__/rnal 'byor bdag cag srungs shing skyobs pa dang /__/kha 'dzin rgyab brten sdong grogs mdzad du gsol/__/dgra jag chom rkun gnod pa thams cad bzlog__/bdag cag gar 'gro gar gnas bkra shis shog__/ces pa'ang shing lug zla 6tshes la sog gi gad dmar yar rgyab rta rgyugs thang du bris pa'o//__//

dge bsnyen rdo rje thog sras la bsang mchod bzhugs so/__/phye mar gtor ma skyems phud rtsi shing dud pa bzang po bcas 'du byas la/__ra~M ya~M kha~M/__oM AHhU~M/__kyai/__dag pa lha yi gzhal yas na/__/ngo mtshar shel gyi khang bzang nang /__/lha chen rdo rje thog sras ni/__/lha yi dge bsnyen sku mdog dkar/__/nor bu'i rgyal mtshan mdung dar bsnams/__/dung rta dkar po ri tsam chibs/__/khrab rmog 'khor gsum brjid pas mdzes/__/lha klu btsan dang gnod sbyin dmag__/sras yum sprul pa blon 'khor rnams/__/'di gshegs bsang dang gser skyems dang /__/gtor ma dkor cha'i brngan 'di 'bul/__/gang 'dod phrin las myur du sgrubs/__/shwa rkyang gla rna rgo 'brong sogs/__/rta g.yag gnag lug 'dod 'jo'i ba/__/gter chen bum pa bzang po dang /__/go khrab gos dar gcan gzan sogs/__/shing rtsi bal tshon smyug rgod dang /__/shing ris sna tshogs ri mo bkra/__/mda' mdung ral gri me sgyogs sogs/__/spyan gzigs mchod pa sna tshogs bzhes/__/'gal 'khrugs nyams chags mnol 'thibs sangs/__/rme yug btsog mnol grib rigs kyis/__/gos pa thams cad dag gyur cig__/yul phyogs snod bcud thams cad kyi/__/mi mthun rgud pa kun sel zhing /__/sde bzhi dge bcu'i dpal yon rgyas/__/btsa' sad ser ba'i gnod pa srungs/__/dgra jag chom rkun 'tshe ba bzlog__/'khor 'das phywa g.yang bcud bsdus nas/__/bkra shis dge mtshan rab 'phel shog__/ces pa 'di'ang 'gul dgon dge slong dam chos rab rgyas kyis bskul ngor 'jam dbyangs chos kyi blo gros pas bris pa dge/__sarba mang+ga laM//__// yar lha sham po'i bsang bzhugs/__kye/__dbus gtsang ru bzhi'i yul lha che/__/sa brgyad sems dpa' dkar phyogs skyong /__/gzhi bdag yongs kyi sde dpon che/__/mchod bstod dregs pa'i dkyil 'khor du/__/dbang thob dam gnos dregs pa'i rje/__/sham po yab yum sras 'khor dang /__/bka' nyan sprul pa'i dmag tshogs bcas/__/'dir gshegs bsang dang gser skyems dang /__/dkor cha sna tshogs mchod pa bzhes/__/nyams pa sangs la 'thibs pa dwangs/__/mi mthun gnod pa'i rkyen kun srungs/__/mthun pa'i dngos grub bdag la stsol/__/chos 'khor gtsug lag dben gnas skyongs/__/bstan pa bstan 'dzin dar zhing rgyas/__/'jig rten bde zhing skyid pa dang /__/bcol ba'i las rnams bsgrub tu gsol/__/bstan la gnod pa'i yid bsrubs tshogs/__/thal ba'i rdul bzhin rlogs pa dang /__/rgya 'dre 'gong po'i rgyu lam chod/__/bstan pa'i sbyin bdag dbu 'phang mtho/__/phyogs las rnam rgyal phrin las mdzod/__/ki bswo cha'o lha rgyal lo/__/bkra shis srid zhi'i dpal 'byor kun/__/chu bo'i rgyun bzhin 'du bar mdzod/__/ces phye mar gser skyems mchod do/__/ces pa'ang me sprel snron zla'i tshes nyer gsum la lcags rtsi gri gu'i nye 'gram lha chen po yar lha sham po'i mdun sta rtsa chu mig gi ne'u thang du chos kyi blo gros pas bris pa dge'o//__// @#/__/lha chen zhe da la bsang mchod lha yi dar chen ces bya ba bzhugs so/__/ na mo gu ru/__o rgyan rdo rje thod phreng nyid/__/gtsug gi rgyan du mchod byas nas/__/gter srung gzhi bdag lha chen kyi/__/dgyes byed bsang gi mchod pa spel/__de la yul gyi dge bcu g.yang du 'khyil pa'i gre tre shod lha chen zhe da la bsang mchod bya bar 'dod pas tshes bzang por shing rtsi sna tshogs kyi bsang dang /__'bru sna/__shel tshig__/phye mar dang /__gtor ma dkar zlum gtso 'khor brgyad la mtheb ril dang /__bkra shis rdzas rtags/__bya ri dwags g.yung dwags sogs spyan gzigs sna tshogs spar du btab pa dang /__'brang rgyas zhal dkar dmar/__rin chen sbyar ba'i chang skyems/__/dkar mngar rgya ja'i skyems sogs bshams/__sngags pa dam ldan stan bde bar 'khod de lha yi rnal 'byor sngon du 'gro bas/__rnga gling rol mo'i sgra dang bcas/__hU~M/__rang nyid lha yi thugs ka nas/__ra~M ya~M kha~M las me rlung chus/__/bsang gi dngos 'dzin dri ma sbyangs/__/snod bcud dag pa lha'i gzhal yas/__/kun tu bzang po'i mchod pa'i sprin/__/sa dang bar snang kun khyab cing /__/dwangs shing thogs pa med pa'i sprin/__/rtag khyab chen por snang bar gyur/__oM AHhU~M/__lan gsum dang /__nam mkha' mdzod sngags rgya dang bcas lan mang du brjod pas spel/__kyai/__mtho ba dgung gi yang rtse nas/__/sprin dkar lang long 'khrigs pa'i dbus/__/rtsa gsum chos skyong dgra lha'i tshogs/__/nam mkha' gang bar dgyes bzhugs nas/__/bdud rtsi bsang gi mchod pa bzhes/__/mchog dang thun mong dngos grub stsol/__/brtan g.yo'i rgud pa thams cad sol/__/snod bcud bkra shis byin chen phobs/__/sku las byung ba'i bdud rtsi'i khrus/__/ma dag pa rnams thams cad sbyangs/__/mi gtsang dri ma kun sel nas/__/shel dkar bzhin du dag gyur cig__/kyai/__sa 'dzin pad+ma ltar rgyas shing /__/phywa g.yang 'dod rgu'i sprin chen 'khrigs/__/dpal dang ldan pa'i sa 'dzin spor/__/ri rgyal lhun po brjid re che/__/shel gyi rdul dkar gyis g.yogs shing /__/spang ljongs brag ri yid du 'ong /__/nags tshal lhun stug 'khrigs pa dang /__/rtsi sman me tog sna tshogs bkra/__/'o mtsho dkar po mdangs re gsal/__/gser mtsho ser po me re re/__/dug mtsho nag po khol zhing 'phyur/__/dpal gyi de'u bkod re legs/__/rin chen chos nor gter gyis gtams/__/gnas mchog de na su bzhugs na/__/rta mchog gangs ri dkar po'i steng /__/rin chen sga srab mdzes pa la/__/dpa' bo lha chen dung gi mdog__/mi pho dkar 'tsher zhal ras ni/__/bco lnga'i zla ba rgyas pa 'dra/__/dbu la shel rmog sku la ni/__/shel khrab gsol zhing g.yas pas ni/__/nor bu'i rgyal mtshan lhun re stug__/g.yon pas dar mdung dkar po la/__/bkra shis rtags kyi ri mos mtshan/__/mchan khung g.yon du ne'u le/__/nor bu skyug pa bsnams zhing btsir/__/ral gri mda' gzhu rked la bskor/__/ki bswo cha sgra 'brug ltar sgrogs/__/phyi ltar skyes bu mthu rtsal can/__/nang ltar dpa' gtum khro rngam gzugs/__/gsang ba gter 'chang dbang po'i tshul/__/rnam 'gyur sna tshogs cir yang bkra/__/ci 'dod dngos grub stsol ba la/__/bdag cag dwangs ba'i sems kyis 'dud/__/de sras rdo rje dpa' bo rtsal/__/dkar dmar mdangs ldan ral gri dang /__/mdung rnon dgra bo'i snying la gzir/__/rta dmar rlung gi gshog ldan chibs/__/khrab rmog 'khor gsum brjid pas spras/__/g.yon du yum mchog dpal lha mo/__/mdzes sdug phul phyin go zu dang /__/rin chen rgyan gyis rnam par mdzes/__/mda' dar nor bu'i gzhong pa 'dzin/__/rta mchog ngang dkar steng na chibs/__/dmag dpon chen po dgra 'dul rtsal/__/dmar nag me yi phreng ba can/__/me yi sgyogs chen bsnams nas ni/__/cang shes bra nag steng na 'gying /__/rmog la dar dmar thod chings dang /__/zangs khrab gsol zhing 'khor gsum 'dogs/__/mche ba gtsigs shing dgra la rngam/__/bka' yi blon chen rdo rje shugs/__/mi pho sngo nag lcags khrab gsol/__/dar mdung dang ni shel gri 'dzin/__/rta mchog sngon po rgyan ldan chibs/__/klu mo dung skyong dkar mo ni/__/sbrul mgo bdun gyi gdengs ka can/__/phyag gnyis nor bu'i gzhong pa bsnams/__/'o ma'i mtsho la rten bcas bzhugs/__/rgyas byed lha mo dpal ldan phreng /__/phyag gnyis gling bu snyan cing bsgyur/__/rin chen rgyan gyis rnam par spras/__/nor bu'i khri la phyed skyil bzhugs/__/dug mtsho khol mar rten bcas pa'i/__/klu bdud chen po gnam sngon mdog__/ke sha'i sgra sgrogs phyag gnyis kyis/__/nor bu dang ni lcags par 'dzin/__/bdud rta nag po'i steng du rol/__/dug gi kha rlangs 'tshubs ma 'khyil/__/me yi tshwa tshwa 'phro zhing 'bar/__/gzhan yang phyi 'khor lha klu btsan/__/ma mo gnod sbyin rmu the'u rang /__/sa bdag la sogs 'khor gyis bskor/__kyai/__srid pa'i lha chen da tshur byon/__/rang rang dgyes pa'i gdan la bzhugs/__/zhi rgyas dbang dang drag po yi/__/mchod pa dam pa 'di bzhes shig__/bzang shing sna tshogs sreg pa'i spos/__/du bas sa 'og sa steng dang /__/sa bla'i dbyings su khyab pa las/__/'dod yon drug gi sprin 'phro zhing /__/dag byed lha mo'i bdud rtsi 'bebs/__/mi gtsang nyams grib bkrus pa dang /__/mnol ba sangs la 'thibs pa dwangs/__/dgyes zhal bkrag gsal ngom gyur cig__/kyai/__'chi med bdud rtsi bsang gi rdzas/__/phye mar gangs ri ltar spungs shing /__/shel tshig rgyu skar bzhin du bkra/__/ro brgya ldan pa'i gtor ma dang /__/ja chang 'o zho mtsho ltar bskyil/__/stag gzig go khrab gos dar dang /__/rin chen bdun dang bkra shis rdzas/__/gter chen bum pa bzang po dang /__/dpag bsam shing dang 'dod 'jo'i ba/__/khrus kyi rdzing bu skyed tshal sogs/__/rta glang gnag lug ma he dang /__/bya gcan ri dwags sna tshogs pa/__/khrab rmog go mtshon bsam mi khyab/__/nas 'bras gro sogs 'bru sna'i rigs/__/ri ltar spungs shing mchod rdzas ni/__/srid pa'i khams na ji snyed pas/__/rtsa ba gsum gyi lha tshogs dang /__/lha chen zhe da mched brgyad mchod/__/bdag cag dpon slob 'khor bcas la/__/thugs dang 'gal ba thams cad bshags/__/dgyes rab zla ba ltar gyur cing /__/bdag cag gar 'gro gar gnas kyang /__/nyin mtshan kun tu mel tshe dang /__/gzhi byes kun tu bkra shis shing /__/tshe ring nad med dpal 'byor rgyas/__/yid la bsam rgu thams cad sgrubs/__/kha 'dzin rgyab brten sdong grogs mdzod/__/sa bcud rtsi bcud rab rgyas shing /__/lo thog 'bru 'phel nor rnams 'phel/__/lha mi'i 'du ba rtag tu 'tshogs/__/mi 'phel bsod nams bkrag mdangs dang /__/btsan phyug 'phen dar che bar mdzod/__/deng sang dus ngan spyod pa la/__/lha chen khyed rnams thugs ma khrel/__/sngon tshe pad 'byung spyan snga ru/__/zhal bzhes sems bskyed stobs che bas/__/ljongs 'dir rtag tu bzhugs par mdzod/__/mi mthun gnod pa'i phyogs rnams dang /__/btsa' sad ser ba'i gnod pa zhi/__/dgra jag chom rkun la sogs pa/__/mi srun gdug pa'i sems ldan dang /__/phas rgol ban bon byad rbod sogs/__/mi kha bra mchu thams cad dang /__/ltas ngan cho 'phrul ngan pa bzlog__/'byung po ma rungs sems ldan pa'i/__/rgya 'dre 'gong po dam sri dang /__/shi 'dre dkor bdag 'khyams po sogs/__/phyogs 'dir rgyu ba'i 'phrang chod cig__/lha chen sprul pa mtha' yas pas/__/'bar rngam cho 'phrul rol mo ni/__/kun tu khyab par 'khrol ba yi/__/shin tu bkra shis dge legs mdzod/__/brtan g.yo'i dwangs ma bcu bzhi rnams/__/khab len rdo yi lcags phye bzhin/__/rang dbang med par phyogs 'dir bsdus/__/snod bcud rgud pa thams cad gsos/__/phywa dang g.yang gi rgya mtshor bskyil/__/khu ye hu lo g.yang 'bod do/__/bkra shis dngos grub rgya mtsho ni/__/'dzad med yun du 'khyil bar shog__/ki bswa cha'o lha rgyal lo/__/zhes gtor ma skyems phud mchod/__phye mar rol/__bsang mchod nyes 'gal thams cad bshags/__/gnas skabs rang rang gnas su gshegs/__/slad nas 'byon par mdzad du gsol/__/mchod sbyin bgyis pa'i dge ba 'di/__/bstan dang 'gro la rab tu bsngo/__/mtha' yas sems can thams cad kun/__/rdzogs ldan dpal gyis bkra shis shog__/ces pa'i bsang mchod 'di'ang dbon mdzod tshe dpal nas rten bcas bskul ngor sngar gyi bsang gzhung rnying pa ma mthong yang yid la gang shar du chos kyi blo gros pas bris pa dge legs 'phel rgyas shog__/mang+ga laM/__zhal dro'o/__/slad nas kong sprul rin po che'i mdzad pa zhig mthong bas tshig kha shas bsnan pa'o//__//

dpal kaHthog gi nang gnas dam phug zang mdog dpal rir bsang mchod bzhugs so/__/na mo gu ru d+he wa DA ki ni ye/__'og min kaHthog gi nang gnas zang mdog dpal rir bsang mchod bya bar 'dod pas/__gtor ma dkar dmar/__bsang rdzas phur ma/__ja chang skyems sogs 'du byas pa dang /__shing rtsi dri zhim gyis bsang mchod 'thul bzhin chu gtsang gis bran/__ra~M ya~M kha~M gis mi gtsang dri ma thams cad sbyangs/__oM AHhU~M gis/__'dod yon zag pa med pa ye shes bsang gi bdud rtsi'i mchod sprin sa dang bar snang thams cad khyab par gyur/__kyai/__bla ma rtsa gsum chos skyong dang /__/nor lha gzhi bdag gnas gter bdag__/khyad par kaHthog rdo rje gdan/__/skyong mdzad mgon po legs ldan dang /__/dpal ldan lha mo zhing skyong che/__/gza' dang dam can rnam sras sogs/__/gtsug lag khang gi srung ma dang /__/sbas yul sham po rong chen po'i/__/'khor lo lnga ldan rdo rje'i gnas/__/rig 'dzin bla ma'i tshogs rnams dang /__/yi dam zhi khro ma gshin phur/__/gu ru drag po rta mgrin dang /__/ma mo mngon rdzogs khros ma nag__/rnal 'byor ma dang seng gdong sogs/__/bsam yas sgyu 'phrul drwa ba dang /__/khyad par dam pas sgrub pa'i phug__/gu ru seng ge sgra sgrogs kyi/__/gsang ba gsum gyis byin brlab pa/__/zang mdog dpal ri pad+ma 'od/__/sku gsum zhing khams chen po ni/__/gcig las gnyis par shar ba yi/__/rang byung rdo rje'i ke'u tshang /__/rten dang brten par bcas pa la/__/shing rtsi dri bzang bsregs pa'i mer/__/bsang rdzas sna tshogs sbyar ba yi/__/dud sprin kun bzang mchod sprin 'dis/__/mi gtsang nyams grib phog pa bsangs/__/mnol ba thams cad sangs gyur cig__/ye shes chen po'i rol pa las/__/shar ba'i zag med bdud rtsi'i sprin/__/dbang po drug gi dgyes par rol/__/mkha' dkyil dwangs pa'i nyi zla bzhin/__/gsang gsum dgyes pa'i gzi byin gyis/__/snod bcud rgud pa kun zhi nas/__/'jig rten bde zhing skyid pa dang /__/dus 'khrugs mu ge nad yams dang /__/btsa' sad ser gsum zhi bar mdzod/__/byad phur rbod gtod ltas ngan bzlog__/tshe ring nad med dpal 'byor rgyas/__/bsam pa'i don kun 'grub pa dang /__/bstan dang der 'dzin dar zhing rgyas/__/sde gnyis 'du ba dbyar mtsho bzhin/__/thugs mthun bslab gsum 'byor pas phyug__/bshad sgrub bya ba rab 'phel zhing /__/bkra shis bde legs dpal 'bar shog__/ ces gtor ma skyems phud mchod do/__/ces pa'ang rong po bla ma blo bzang nas gsung bskul ngor mkhyen brtse'i sprul ming 'dzin pa chos kyi blo gros pas bris pa'o//__// kaHthog dkar chu'i bsang mchod bzhugs/__ra~M ya~M kha~M gis mi gtsang bsreg gtor sbyangs/__/oM AHhU~M gis mchod gtor 'dod dgur spel/__/bzang shing dud sprin sa dang bar snang khyab/__/mi gtsang nyams grib sel ba'i nus ldan gyur/__na maHsarba ta thA ga ta sogs nam mkha' mdzod kyi sngags kyis byin gyis brlabs/__kye/__sangs rgyas bstan pa legs skyong zhing /__/ston pa'i zhabs cag lding can bdag__/klu rgyal yid bzhin nor bu ni/__/rje btsun 'phags ma'i rnam par 'phrul/__/sa brgyad sems dpa' chen po ni/__/dkar gsal zla ba chu shel ltar/__/phyag gnyis nor bu thugs kar 'dzin/__sku smad sbrul 'jug gdengs ka ldan/__/bsgrub pa po la dngos grub ster/__/yum sras 'khor tshogs rgya mtsho rnams/__/rdzu 'phrul stobs kyis 'dir byon nas/__/bsang mchod dam pa 'di bzhes shig__/khyad par klu yi dkor cha dang /__/nad kun sel ba'i sman mchog gis/__/dbang po drug la dgyes par rol/__/bcom ldan klu yi dbang phyug dang /__/thugs rje'i bdag po seng+ge'i sgra/__/tshe sbyin yid bzhin 'khor lo sogs/__/khyed kyi mgon du rtag bzhugs nas/__/dri med thugs kyi char rgyun gyis/__/lus dang sems kyi gnod pa bsal/__/'dod dgu'i gter chen rab rgyas nas/__/nam mkha' mdzod la mnga' brnyes shog__/pad 'byung bai ro tsa na dang /__/chos rje dam pa yab sras kyi/__/bka' dang dam tshig dran gyis la/__/bdag cag yon mchod 'khor bcas kyi/__/sa gnyen rkos dang rdo gnyen rlog__/shing gnyen bcad pa la sogs pa/__/'gal 'khrul nyams chags mtho lo bshags/__/khyod thugs dgyes pa'i rol mtsho las/__/byung ba'i nor bu'i rba rlabs kyis/__/bkres bskom dbul phongs rab zhi zhing /__/snod bcud rgud pa thams cad sol/__/'khor 'das bcud rnams g.yang du 'khyil/__/bkra shis bde legs phun tshogs shog__/ces pa 'di dkon mchog ngor 'jam dbyangs blo gros rgya mtshos kaHthog tu bris pa'o//__// bde 'gu ha snying gi bsang mchod 'dod rgu g.yang 'khyil ces bya ba bzhugs so/__/gu ru pad+ma 'byung gnas la phyag 'tshal lo/__/gzhi bdag ha snying dil 'gur la bsang mchod bya bar 'dod pas/__bsang rdzas skyems phud/__dkar gtor sbrul dkris can dang /__dmar gtor theb skyu can rnams 'du byas la/__ra~M ya~M kha~M gis mi gtsang bsregs gtor bkrus/__/bsang rdzas zag med 'dod yon sprin phung 'khrigs/__/sa dang bar snang kun tu rab khyab cing /__/dgyes mchod dwangs shing thogs pa med par gyur/__oM AHhU~M/__na maHsarba ta thA ga ta b+h+yo b+hi shwa=__sogs/__nam mdzod kyi sngags rgya lan gsum gyis brlabs/__kyai/__nam mkha' yangs pa'i dkyil 'khor nas/__/bla ma yi dam mkha' 'gro dang /__/sangs rgyas byang sems chos skyong tshogs/__/nor lha gter bdag gzhi bdag rnams/__/bsang mchod gnas 'dir spyan 'dren gshegs/__/khyad par yul skyong chen po ni/__/ha snying klu yi bang mdzod che/__/klu rgyal dung skyong rol pa'i gnas/__/phywa g.yang 'dod rgu'i sprin phung 'khrigs/__/rin chen gser gyi de'u dang /__/brag ri'i ba gam brjid chags zhing /__/lhun stug nags tshal yid 'ong bkra/__/spang ljongs g.yu yi ne'u seng mdzes/__/de 'dra'i gnas mchog dam pa na/__/klu chen dung skyong dkar po ni/__/btsun mo sras yum 'khor bcas bzhugs/__/dgyes rgu'i longs spyod bsam mi khyab/__/sgo srung lha yi dge bsnyen ni/__/gnod sbyin srin po lcags khrab can/__/rgyal mtshan mdung dar phyag na bsnams/__/g.yag rgod kham pa la zhon shing /__/stag dom dred sogs rol du khrid/__/sprul pa mi dmar rta dmar 'gyed/__/bstan pa srung ba'i las la brtson/__/'dir gshegs bsang gi mchod pa bzhes/__/phye mar gangs ri ltar spungs shing /__/dkar mngar skyems phud mtsho ltar bskyil/__/bsang gi dud sprin phyogs bcur 'thul/__/nyer spyod 'dod yon rnam lnga dang /__/bkra shis rdzas rtags rin chen bdun/__/klu nor nyer gcig klu sman dang /__/rta glang gnag lug ma he sogs/__/rkang 'gros bzhon pa rnam mang dang /__/sha rkyang ri dwags spu sdug mdzes/__/khrab rmog go mtshon spyan gzigs tshogs/__/dpag med nam mkha' gang ba 'dis/__/yul skyong chen po 'khor bcas mchod/__/'khon dang nyams grib 'bag btsog gis/__/mnol ba sangs la 'thibs pa dwangs/__/dgyes zhal gangs ri ltar gsal zhing /__/chos 'khor gnyan po'i bstan pa srung /__/bdag 'khor yon bdag bu bzhin skyongs/__/dgra jag chom rkun 'jigs pa dang /__/btsa' sad ser ba'i gnod pa bzlog__/'bru nor dpal yon rab rgyas shing /__/dge bcu'i dpal gyi 'byor pa 'phel/__/rnam bzhi'i phrin las 'grub par mdzod/__/ces brjod nas/__gtor ma skyems phud mchod par bya zhing lha rgyal 'bod do/__/ces pa'ang bde 'gu ser skya rnams nas bskul ngor 'jam dbyangs chos kyi blo gros pas yid la gang shar bris pa 'dis kyang snod bcud kyi dge mtshan rab tu rgyas pa'i rgyur gyur cig__/mang+ga laM/__shu b+haM//__// gzi phug lung gi bsang mchod bzhugs/__kyai/__dag pa rab 'byams lha yi gzhal med khang /__/bkra shis byin chags sbas yul gnyan po ni/__/rtsa gsum nor lha rgya mtsho brten pa'i gnas/__/khyad par rje btsun 'phags ma sgrol ma dang /__/rnam 'phrul nyer gcig sangs rgyas byang sems tshogs/__/mngon sum bzhugs pa'i sgrub gnas gnyan po yi/__/rten dang brten par bcas pa thams cad bsang /__kyai/__phye mar shing rtsi dri bzang sna tshogs dang /__/sman spos sbyar ba'i dud sprin chen po yis/__/mnol ba sangs la 'thib pa dwangs gyur cig__/dgyes pa'i zhal bzang nya rgyas zla ltar ngom/__/snod bcud kun gyi dngos grub 'byung ba'i gzhi/__/gter chen bum bzang lta bu'i gnas chen po/__/byin rlabs dngos grub gzi brjid rab 'phros bsang /__/yul khams kun tu bkra shis dge legs shog__/ces pa'ang tshe ra dkon mchog nas bskul ngor chos kyi blo gros pas so/__/!/__gnas gter skyong ba'i gzhi bdag che/__/'bung chung stag sbrul 'khor bcas rnams/__/rten 'dir brtan par bzhugs nas kyang /__/yul khams skyong zhing khyad par du/__/chos sde chen po 'di nyid la/__/rtag tu srungs skyob sdong grogs mdzod/__/dge 'dun sde 'phel thugs mthun zhing /__/bshad sgrub dbyar gyi chu ltar rgyas/__/phywa g.yang longs spyod kun bsdus nas/__/bsod nams dbang thang mtsho mo 'khyil/__/nor bu'i sprin chen rgyas pa dang /__/srid zhi'i legs tshogs 'phel mdzad gsol/__/ces pa'ang nya brag 'dus sde'i sku rten gsar bzhengs skabs mchog sprul nas gsol bar btab pa'i ngor 7chos kyi blo gros pas mdzad pa'o//__// 'bri rgyud bkra shis chos lung gi gzhi bdag bsang mchod mdor bsdus bzhugs so/__/ra~M ya~M kha~M/__ye shes me rlung chu yis bsreg gtor bkrus/__/spyan ma'i rang bzhin thabs khung 'khyil pa'i dbus/__/gos dkar lha mos bskul ba'i ye shes mer/__/rmad byung sgyu 'phrul rgyan gyi rdzas mchog rnams/__/lhan cig sbyar ba las byung bdud rtsi'i sprin/__/mi zad nam mkha' mdzod kyi sprin du gyur/__oM AHhU~M/__lan gsum/__kyai/__bsang ngo skyabs gnas bslu med dkon mchog rnam gsum dang /__/rtsa brgyud bla ma yi dam zhi khro dang /__/DA ki zhing skyong chos srung nor lha'i tshogs/__/rab 'byams rgya mtsho'i rdul gyi grangs snyed la/__/bsang ngo mchod do dngos grub rnam gnyis stsol/__/khyad par rgyal dbang mtsho skyes rdo rje yi/__/dam la gnas pa'i bod skyong brtan ma dang /__/mgur lha dge bsnyen ri dbang spun dgu sogs/__/gnas dang gter srung dkar phyogs skyong rnams la/__/bsang ngo mchod do rnam bzhi'i phrin las sgrubs/__/sde bzhi dge bcu'i dpal yon 'khrigs pa'i ljongs/__/'bri klung dam pa chos kyi phyug pa yi/__/lha klu dge bsnyen bdud btsan gnod sbyin dang /__/rdo rje g.yung drung rdo rje dbang drag dang /__/rdo rje blo gros la sogs srid chags kyi/__/lha rab dge bsnyen mched yum blon 'khor dang /__/rgu'u rma'i thi bstan pa'i rgyal mtshan sgrengs/__/mi yi rgyal po brag ri g.yu mkhar che/__/'ba' rgyal jo bo tshe dbang dar po sogs/__/yul 'di'i gnas gter skyong ba 'khor bcas la/__/bsang ngo mchod do kha 'dzin sdong grogs mdzod/__/gnyug mar gnas dang glo bur lhag pa'i mgron/__/snying rje'i yul dang bgegs kyi rigs gyur pa'i/__/lan chags mgron rnams ma lus thams cad la/__/bsang mchod bdud rtsi'i lhag ma 'di sbyin no/__/gnod 'tshe gdug sems ma lus zhi bar mdzod/__/de ltar mgron rigs bzhi po 'khor bcas la/__/'dod yon lnga ldan bsang mchod phul ba'i mthus/__/bstan dang de 'dzin sbyin bdag dang bcas pa'i/__/'gal rkyen sel zhing mthun rkyen 'bad med sgrubs/__/srid zhi'i phywa g.yang ma lus 'dir bsdus nas/__/bkra shis ut+pal dkar pos khyab gyur cig__/'jam dbyangs blo gros rgya mtshos bris pa don dang ldan par gyur cig/__//__ 'bri rgyud bkra shis chos lung gi gzhi bdag bsang mchod mdor bsdus bzhugs so/__/ra~M ya~M kha~M/__ye shes me rlung chu yis bsreg gtor bkrus/__/spyan ma'i rang bzhin thabs khung 'khyil pa'i dbus/__/gos dkar lha mos bskul ba'i ye shes mer/__/rmad byung sgyu 'phrul rgyan gyi rdzas mchog rnams/__/lhan cig sbyar ba las byung bdud rtsi'i sprin/__/mi zad nam mkha' mdzod kyi sprin du gyur/__oM AHhU~M/__lan gsum/__kyai/__bsang ngo skyabs gnas bslu med dkon mchog rnam gsum dang /__/rtsa brgyud bla ma yi dam zhi khro dang /__/DA ki zhing skyong chos srung nor lha'i tshogs/__/rab 'byams rgya mtsho'i rdul gyi grangs snyed la/__/bsang ngo mchod do dngos grub rnam gnyis stsol/__/khyad par rgyal dbang mtsho skyes rdo rje yi/__/dam la gnas pa'i bod skyong brtan ma dang /__/mgur lha dge bsnyen ri dbang spun dgu sogs/__/gnas dang gter srung dkar phyogs skyong rnams la/__/bsang ngo mchod do rnam bzhi'i phrin las sgrubs/__/sde bzhi dge bcu'i dpal yon 'khrigs pa'i ljongs/__/'bri klung dam pa chos kyi phyug pa yi/__/lha klu dge bsnyen bdud btsan gnod sbyin dang /__/rdo rje g.yung drung rdo rje dbang drag dang /__/rdo rje blo gros la sogs srid chags kyi/__/lha rab dge bsnyen mched yum blon 'khor dang /__/rgu'u rma'i thi bstan pa'i rgyal mtshan sgrengs/__/mi yi rgyal po brag ri g.yu mkhar che/__/'ba' rgyal jo bo tshe dbang dar po sogs/__/yul 'di'i gnas gter skyong ba 'khor bcas la/__/bsang ngo mchod do kha 'dzin sdong grogs mdzod/__/gnyug mar gnas dang glo bur lhag pa'i mgron/__/snying rje'i yul dang bgegs kyi rigs gyur pa'i/__/lan chags mgron rnams ma lus thams cad la/__/bsang mchod bdud rtsi'i lhag ma 'di sbyin no/__/gnod 'tshe gdug sems ma lus zhi bar mdzod/__/de ltar mgron rigs bzhi po 'khor bcas la/__/'dod yon lnga ldan bsang mchod phul ba'i mthus/__/bstan dang de 'dzin sbyin bdag dang bcas pa'i/__/'gal rkyen sel zhing mthun rkyen 'bad med sgrubs/__/srid zhi'i phywa g.yang ma lus 'dir bsdus nas/__/bkra shis ut+pal dkar pos khyab gyur cig__/'jam dbyangs blo gros rgya mtshos bris pa don dang ldan par gyur cig/__//__ a mye mgo rdo'i bsang mchod bzhugs so/__a mr-i tas bsang /__swA b+hA was sbyangs/__stong pa'i ngang las mchod bsreg rdzas rnams kun/__/ngo bo ye shes zag med bdud rtsi'i sprin/__/dgyes rgur 'char ba mi zad nam mkha'i mdzod/__/blo yis sprul zhing 'gron rnams tshim byed gyur/__/oM AHhU~M/__lan gsum/__rtsa gsum 'dus zhal mtsho skyes rdo rje yis/__/dam la bzhag pa'i dkar phyogs skyong ba'i rgyal/__/dge bsnyen dbang grags rdo rje sku mdog nag__/zhal gcig phyag gnyis phyag g.yas dgra sta 'phyar/__/g.yon pas mdung dar nor bu dbang rgyal bsnams/__/ber nag gsol zhing ral ba thur du 'phyang /__/thugs kar srid gsum gsal ba'i me long dpyang /__/sag l+h+wam gsol zhing rta dmar steng na 'gying /__/yab yum 'khor bcas 'dir gshegs bsang mchod bzhes/__/dam nyams grib kyi mnol ba sangs gyur cig__/rgyal khams spyi dang khyad par yul phyogs 'dir/__/mi nad phyug nad dus 'khrug rgyun chad cing /__/zhing la btsa' 'bu sad ser rigs mtha' dag__/zhi bas bkra shis dpal g.yang dngos grub stsol/__/gtor ma skyems phud gtsang sar mchod/__ces pa'ang chos kyi blo gros pas so/__/dge'o//__// zam lha ma'i bsang ni/__AHsnang ba phyi snod dag pa yum lnga'i klong /__hU~M/__rang rig sems nyid stong gsal spros dang bral/__oM/__phyi nang bsang rdzas mchod rdzas nam mkha'i mdzod/__/mi zad 'dod rgu'i rgya mtshor rlabs pa 'di/__/yul lha gnyan po 'khor tshogs bcas la 'bul/__/mi mthun tshogs zhi bde legs sprin g.yos nas/__/ji ltar 'dod bskang re 'bras smin mdzod cig__/kyai/__yid 'ong lhun stug brag spang ljon shing 'thab/__/bya tshogs ri dwags rtse 'jo brengs se 'khrab/__/na bun sngo 'phyur g.yu char 'thib pa'i dbus/__/dge bsnyen zo dor zam lha gnyan po zhes/__/las kun myur ba'i cha lugs rnam 'gyur ngom/__/dkar po dung khrab ber sngo g.yu thig mnab/__/stag zhwa khra bo rna lhab dar brgyan can/__/dbu la gsol zhing me long 'od mdangs rgyas/__/phyag gnyis ru dar phyar bas yul lha sdud/__/lcags kyi sgam chung sgrom bu zan snod 'dzin/__/rta mchog dung khra gzi 'od shugs ldan chibs/__/rol du zhubs chen mi nag lan tshar 'breng /__/'khor du sde brgyad sman btsun grangs med bskor/__/gcig tu ma nges cha lugs sprul bsgyur 'gyed/__/yul 'di'i mi phyugs 'tsho zhing srung skyobs mdzod/__/lo 'bras sad ser gnod pa srung skyobs rem/__/de ltar bsang zhing mchod pa'i dud sprin 'bul/__/bdag cag lus can rnams kyi stong grogs gyis/__/ji ltar bcol pa'i phrin las myur sgrubs shig/__//__ kyai/__'dzam gling kha ba can gyi ljongs/__/srid pa chags pa'i gzhi bdag dang /__/khyad par 'bri rgyud gser ldan gyi/__/lha klu dge bsnyen gzhi bdag rnams/__/'dir gshegs bsang mchod 'dod yon bzhes/__/bkra shis khri sgo dngul lung du/__/lha rabs gtan chags go ri dang /__/nor lha gter bdag zhang gnyan rje/__/lha btsan brag lha lcogs rgyal dang /__/mgar thel rtse rgyal zangs 'gu ma/__/nor stug la sogs gzhi bdag rnams/__/'dir gshegs bsang mchod 'dod yon bzhes/__/grib dang mi gtsang sangs gyur cig__/dgyes rab mnyes pa'i rtser son te/__/bstan 'gro'i legs tshogs spel ba dang /__/btsa' sad ser ba'i gnod pa srungs/__/mi phyugs dal yams rgyun chad nas/__/bkra shis phywa g.yang rgyas gyur cig__/ces pa'ang chos kyi blo gros pas bris pa dge/__//__!kyai/__yul skyong gzhi bdag zhang ra 'khor bcas rnams/__/bsang dang gser skyems mchod pa 'di bzhes la/__/yul ris rgyal khams mtha' dag bsrung ba dang /__/lo phyugs rtag tu legs pa'i phrin las mdzod/__/ces pa'ang chos kyi blo gros pas so//__// mtshams kyi chu mig dkar mo'i bsang mchod nyung ngu bzhugs/__dkar gtor klu sman dkar mngar skyems phud dar zab bzang shing sna tshogs dud pa dang bcas/__kyai/__'dzam bu gling gi mnga' bdag che/__/klu rgyal mi mgon dkar po ni/__/spyan ras gzigs kyi sprul pa ste/__/sa brgyad dbang phyug sems dpa' che/__/sku mdog dkar la 'od zer 'bar/__/sbrul mgo bdun gyis gdengs ka can/__/phyag gnyis gter bum nor bu bsnams/__/rin chen rgyan gyis rnam par brgyan/__/klu gnyan sa bdag 'bum gyis bskor/__/bzhugs pa'i gnas ni mang yod kyang /__/khyad par sman shod sa yi char/__/'phags pas bstan pa'i ri bo'i 'dabs/__/rin chen chu mig dkar mo'i mgo/__mtshams kyi rgya mtsho'i lte ba nas/__/'dir gshegs pad zla'i gdan la bzhugs/__/khyod la mthun pa'i dam rdzas ni/__/dkar mngar 'o zho mtsho ltar bskyil/__/klu yi nad rnams gso ba'i sman/__/klu nor nyer gcig dar zab dang /__/dkor cha sna tshogs spyan gzigs sogs/__/mdor na srid zhir dge ba'i rdzas/__/ji snyed nam mkha' gang bar 'bul/__/bzang shing sna tshogs 'bar ba'i mer/__/bsregs pa'i dud sprin bzang po yis/__/mnol ba sangs la 'thibs pa dwangs/__/mi gtsang nyams grib dag gyur cig__/'jig rten snod bcud thams cad la/__/mi mthun dus kyi rgud pa zhi/__/nag phyogs 'byung po'i rgyu lam chod/__/dgra jag chom rkun gnod pa srungs/__/bstan la 'tshe ba'i lha min 'joms/__/bstan dang bstan 'dzin dbu 'phang bstod/__/khyad par stag mo'i sa yi char/__/pad+ma'i ring lugs 'dzin pa yi/__/chos grwa bkra shis chos gling 'dir/__/dge 'dun sde chen rgyas pa dang /__/bshad sgrub bstan pa rab 'phel zhing /__/pad+ma'i nges gsang bstan pa che/__/phyogs mthar rgyas pa'i phrin las mdzod/__/ki bswo cha'o lha rgyal lo/__/gtor ma skyems phud mchod/__/ces pa'ang dngul ra dgon gyi bla ma stag mo dgon gsar 'debs po blo gros nas bskul ngor chos kyi blo gros pas so//__// mtshams kyi stag mo'i gnas gzhir gsol mchod bzhugs so/__/gtor ma dkar dmar gser skyems rnams bshams la/__kyai/__sngon tshe pad+ma 'byung gnas dang /__/lha btsun kong jos dam btags shing /__/sems bskyed dbang bskur gnos pa yi/__/brag btsan srog zan dmar po dang /__/lha yi dge bsnyen thod pa rtsal/__/klu rgyal ne'u thod dkar sogs/__/btsun mor sras yum sprul 'khor bcas/__/'dir gshegs 'dod yon mchod pa bzhes/__/khyed rnams thugs dang 'gal ba bshags/__/dgyes rab mnyes pa'i phul du gyur/__/bdag cag 'dir gnas bkra shis shing /__/bshad sgrub 'du ba rgyas pa dang /__/tshe bsod dpal 'byor 'phel bar mdzod/__/nag phyogs 'dre gdon rgyu lam chod/__/dgra rkun jag gsum med pa dang /__/bstan la gnod rnams rdul du rlogs/__/snod bcud bkra shis byin chags mdzod/__/ces brjod la gtor ma gser skyems mchod do/__/ces pa'ang stag mo dgon gsar gyi gnas gzhi'i gsol mchod chos kyi blo gros pas so//__//

nyag kha ba rlung ri sogs a dzi rong gi yul lha'i gsol mchod bzhugs/__pad+ma rgyal la phyag 'tshal lo/__/yar ngo'i tshes bzang por bsang dang /__phye mar/__'bru sna/__shel tshig__/bal tshon sogs ci 'byor dang /__gtor ma dkar mngar skyems phud bshams la/__ra~M ya~M kha~M/__bsang gi 'bag btsogs mi gtsang thams cad sbyangs/__oM AHhU~M/__gis zag med bdud rtsir spel/__oM sarba bid pU ra pU ra/__su ra su ra/__A warta ya/__A warta ya ho/__badz+ra s+pha ra Na khaM/__nam mkha' mdzod kyi sngags rgya lan gsum gyis brlabs/__kyai/__gangs dkar shel gyi zur phud can/__/lha'i mtho la gnas pa yi/__/spyan ras gzigs kyi rnam par 'phrul/__/lha btsan chen po yab dang yum/__/sras blon dmag dpon sprul 'khor dang /__/nyag shod gtsang chab sngon po yi/__/phu mda' nyin sribs la gnas pa'i/__/lha klu dge bsnyen btsan dang ni/__/bdud dang rgyal po ma mo dang /__/gnod sbyin rmu yi rigs gtogs pa'i/__/yul bdag chu bdag gnas gter bdag__/ma lus 'khor dang bcas pa rnams/__/bsang mchod gnas 'dir gshegs su gsol/__/rang rang dgyes pa'i gdan la bzhugs/__/dngos 'byor yid sprul mchod sprin ni/__/dpag med nam mkha'i khams bkang 'bul/__/shing rtsi sna tshogs dud pas bsang /__/mnol ba sangs la 'thibs pa dwangs/__/zhal zas phye mar 'o skol dang /__/rgya ja'i btung ba mngar skyems sogs/__/rta glang gnag lug ri dwags dang /__/mkha' lding bya khyi rnam mang po/__/gcan gzan gtum po bsam mi khyab/__/mda' gri mdung dang me sgyogs sogs/__/go mtshon dkor cha mtha' yas shing /__/rin chen gter gyi bum pa bzang /__/'dzad med dngos grub 'byung gnas che/__/khyod rnams longs spyod rten du 'bul/__/mdor na lha klu mi'i mchod rdzas/__/ji snyed thams cad sprul te 'bul/__/dgyes bzhes bdag cag dpon slob rnams/__/nyes pa brgya dang rab tu bsnol/__/legs pa stong dang sprod gyur cing /__/btsa' sad ser ba'i gnod pa bzlog__/dgra jag chom rkun gnod pa sogs/__/mi mthun 'gal rkyen thams cad bzlog__/gzhi byes lam gsum gar 'gro yang /__/kha 'dzin rgyab rten sdong grogs mdzod/__/sa la rtsi bcud lo tog rgyas/__/mi rnams bde skyid dpal gyis 'byor/__/mtha' dmag dus 'khrugs thams cad zhi/__/rgyal khams kun tu bkra shis shing /__/bstan dang de 'dzin sbyin bdag rnams/__/sku tshe brtan cing dbu 'phang mtho/__/lugs gnyis phun tshogs chu bo che/__/dbyar mtsho bzhin du 'phel rgyas shog__/rgyal lo rgyal lo lha rgyal lo/__/ces bsang rdzas rnams mchod do/__/ces pa'ang dge rtag mchog sprul rin po che mchod yon zung nas gsung bskul ngor mkhyen brtse'i sprul ming 'dzin pa chos kyi blo gros pas bris pa dge zhing bkra shis//__// ag 'dam gnyis kyi gzhi bdag bsang mchod phan bde'i dbyangs snyan ces bya ba bzhugs so/__/oM swasti/__dge legs kun gyi mchog gyur pa/__/pad+ma rgyal la gus btud nas/__/dkar phyogs skyong ba'i gzhi bdag tshogs/__/dgyes ba'i bsang mchod nyung ngur spel/__/de la mchod gtor gser skyems sogs legs par bshams shing /__/bzang shing gi dud pa thul pa dang bcas/__ra~M ya~M kha~M/__bsang gi nyes skyon ma dag thams cad sbyangs/__/bsang gi bdud rtsi dud sprin phyogs brgyar khyab/__/mi gtsang nyes kun sel ba'i bsang mchod kyis/__/sa dang bar snang yongs su khyab par gyur/__oM AHhU~M/__nam mkha' mdzod kyi sngags rgyas spel/__kyai/__bsang ngo mchod do kun bzang mchod sprin gyis/__/rgyal ba dgongs brgyud rig 'dzin brda' brgyud dang /__/gang zag snyan brgyud las 'phro gter brgyud sogs/__/rig 'dzin mkhas grub rgya mtsho'i tshogs rnams la/__/mchod pa 'bul lo byin rlabs char chen phobs/__/chos kyi dbyings nas sgyu 'phrul rol pa'i gar/__/yi dam zhi khro'i dkyil 'khor bsam las 'das/__/rgyud dang sgrub sde'i lha tshogs thams cad la/__/bsang mchod 'bul lo grub gnyis dngos grub stsol/__/gnas gsum dpa' bo dang ni Dak+ki'i tshogs/__/bka' gter bstan srung dam can rgya mtsho dang /__/'dod dgu'i dpal gter nor lha rab 'byams la/__/bsang mchod 'bul lo phrin las rnam bzhi sgrubs/__/brtan ma bcu gnyis mgur lha bcu gsum dang /__/dge bsnyen nyer gcig lha rab mched dgu sogs/__srid pa chags pa'i lha klu gzhi bdag la/__/bsang mchod 'bul lo 'jig rten bde legs mdzod/__kyai/__bde chen ljongs kyi nor 'dzin thig le che/__/yul gyi dge bcu g.yang du 'khyil ba yi/__/ag dang 'dam gyi gzhung chen skyong mdzad pa'i/__/dkar phyogs skyong ba'i yul lha thams cad dang /__/khyad par o Di ya na'i slob dpon ches/__/bka' bsgos dam tshig rdo rje gtsug tu bkod/__/tha tshig snying la 'chang ba'i yul lha ni/__/tshwa rgyal dngul 'phru mi dkar 'khor gsum can/__/rta dkar la zhon tshwa chen bco brgyad bskor/__/stong dpon dgra 'dul mi dmar dmag dpon chas/__/rgyal srid sna bdun yang 'khor bye ba bcas/__/bla ma rin chen nyan thos dge slong 'bum/__/gro gad dbyig rdi ra rdzong glang chen mched/__/me 'bar mtsho mo la sogs mtsho sman rigs/__/a myi 'bri rgyal sngags chas 'brong nag zhon/__/rgyal chen bco brgyad srid mo gong mo ri/__/nis ra mtsho rgan mtsho sman du ma dang /__/ral pa ri dmar rdza ri rgyal mo dang /__/brag la mda' zug khra ne ta du sogs/__/dkar phyogs skyong ba'i gzhi bdag 'khor bcas rnams/__/bsang mchod 'dod yon bdud rtsi dgyes par bzhes/__/rme mnol mkhon sogs grib kyis phog pa yi/__/mi gtsang dri ma'i tshogs rnams sel gyur cig__/dus ngan sems can spyod pa log pa las/__/byung ba'i 'bras bu'i phog thug 'gram 'khrugs sogs/__/mi shes bag med dbang du gyur pa rnams/__/gnongs shing 'gyod pas mthol bshags 'bul lags na/__/khyod thugs dgyes pa'i zla zhal ngom pa las/__/byung ba'i zer phreng bdud rtsi'i thig pa la/__/ljongs 'di'i legs byas dga' ston smin pa dang /__/nad mug mtshon 'khrugs mtha' yi dmag dpung bzlog__/gzhi byes kun tu srungs shing skyobs pa dang /__/lus la gzi brjid ngag la nus mthu dang /__/sems la bde gsal 'bar zhing dpal 'byor rgyas/__/tshe g.yang longs spyod 'dod dgu'i bla re bres/__/rdzogs ldan dus kyi legs byas dar la bab/__/srid zhi phun tshogs rgyas pa'i bkra shis shog__/ces brjod la gtor ma bsang phud mchod//__//

rta bsang bdud rtsi'i gru char bzhugs/__/h+ya grI wa la na mo/__rta'i nad rnams zhi bar 'dod pas bzang shing sna tshogs kyi dud pa/__rin chen 'bru sman dar zab sna tshogs bsres pa'i phye mar bsregs pa la chu gtsang mas bran/__ra~M ya~M kha~M gis sbyangs/__oM AHhU~M lan gsum dang nam mkha' mdzod kyi sngags rgya mang du brjod pas byin gyis brlab/__/kyai/__/bla med dkon mchog rin chen gsum/__/yi dam dpa' bo mkha' 'gro dang /__/chos skyong nor lha gter gyi bdag__/gnas dang gzhi yi bdag po dang /__/khyad par rta rnams srung skyob lha/__/'phags mchog snying rje'i bdag po dang /__/rta lha AR+Ya re man+ta/__/rta bdag gnod sbyin ku be ra/__/cang shes sprin gyi shugs 'chang dang /__/rta thug dgra lha'i dmag tshogs sogs/__/'dir gshegs dgyes pa'i gdan la bzhugs/__/gtsang ma'i sku khrus 'di gsol lo/__/ar+g+haM bi shud+d+he swA hA/__/dag cing gtsang ma'i mchod yon dang /__/me tog bdug spos mar me dang /__/zhal zas rol mo sna tshogs 'bul/__/gtsang mar sbyar ba'i bdug pa'i sprin/__/'dod yon lha mo'i gom stabs g.yo/__/ting nge 'dzin gyis sprul pa yi/__/rnam mang mchod pa sna tshogs dang /__/gzugs sgra dri ro reg bya sogs/__/lha dang mi yi dpal 'byor kun/__/bsang gi dud sprin nam mkha'i khyon/__/ma lus dog por bkang ba las/__/byung ba'i mchod sprin dpag med dang /__/khyad par 'phags mchog snying rje'i gter/__/sems can don la rab dges pa'i/__/thugs bskyed mthu las byung ba yi/__/rdzu 'phrul ldan pa'i cang shes ni/__/spu sdug dkar ser sngo nag dang /__/mtshal lu bra nag rkyang chen dang /__/'ol ba ngang pa dkar ser rag__/mdzes shing myur ba'i rkang 'gros ldan/__/stobs shugs mthu dpal thogs pa med/__/gang bsam yul la bgrod byed par/__/rin chen sga srab nor bus brgyan/__/bye ba bsam mi khyab pa'i tshogs/__/sprul nas mgron rigs rnams la 'bul/__/bsngo'o sbyin no tshim gyur cig__/lcags kyi bya khra sngon mo dang /__/dung gi bya khra stag seng ge/__khyung 'brug dom dred khyi nag sogs/__/rta la 'go ba'i lha rnams la/__/bdud rtsi bsang gi mchod pa 'bul/__/dme shan nal yugs la sogs pa'i/__/mi gtsang dri ma thams cad bsang /__/sgo gsum dag cing gtsang ba dang /__/rlung gi shugs dang myur ba'i bang /__/sa chen yud tsam bskor ba yi/__/rdzu 'phrul rkang pa dang ldan cing /__/rig khams dwangs pa'i mngon shes kyis/__/'dod pa'i don kun 'bad med sgrubs/__/ci bsam yid bzhin 'grub par mdzod/__/rta la gnod cing 'tshe ba yi/__/bdud dang gnod sbyin srin po dang /__/'dre mo the'u rang btsan gri gshed/__/sa bdag la sogs 'byung po rnams/__/'dod yon bdud rtsis rab tshims nas/__/gdug cing gnod pa'i sems rnams zhi/__/byams pa'i sems dang ldan par mdzod/__/sangs rgyas rnams kyi bden pa dang /__/chos nyid rang bzhin dag pa'i mthu/__/chos can rten 'brel bslu med kyi/__/'dod yon bdud rtsi'i bsang mchod 'dis/__/rta la gnod pa'i yams nad dang /__/spu rngo lhad mthing zhwa bye sogs/__/las dang rkyen las gyur pa yi/__/nad dang gnod pa gtan zhi zhing /__/lan chags bu lon byang ba dang /__/spu sdug mdzes shing gom stabs kyis/__/'jig rten kun gyi yid dga' zhing /__/mthong na yid smon 'byung ba dang /__/sa rta gnam rta chu rta sogs/__/bkra shis ri mos mtshan pa yi/__/cang shes tshogs kyis ri lung gang /__/gang bsam sa ru phyin pa dang /__/phas rgol phyogs las rnam rgyal zhing /__/mthar thug 'phags pa'i smon lam gyis/__/bde nas bde ba'i sar bgrod de/__/rdzu 'phrul rkang bzhi myur thob ste/__/snying rje'i gter chen ba la ha/__/rta mchog he ru ka dpal gyi/__/go 'phang dam pa thob gyur cig__/ki bswo cha'o lha rgyal lo/__/lha klu mi gsum rta g.yang dang /__/sbe rta hor gyi rta g.yang rnams/__/de ring 'di ru g.yang du khug__/khu ye hu lo g.yang gi brda/__/rta mchog rin chen bkra shis kyis/__/dus rnams kun tu bkra shis shog__/dza ya dza ya re man+ta sid+d+hi pha la ho/__/zhes pa'ang rnam 'gyur zhes pa 'byung ba sum ldan lcags pho stag gi lor sgrub gnas rgyal po dkar mo stag tshang gi thus ru mar dbon mdzod tshe dpal nas rta bsang dgos zhes bskul ba na dpe gzhan ma 'byor stabs nyams mtshar bri 'dod byung ba pad+ma ye shes rdo rjes smras rim bzhin tshe ring bkra shis nas yi ger bgyis pa 'dis kyang rngog chags kyi rgud pa zhi zhing /__/'jig rten kun tu cang shes 'phel ba'i rgyur gyur cig/__//__ sgang thog gi klu mchod bzhugs so/__ra~M ya~M kha~M/__oM AHhU~M/__mchod gtor gyi 'bag brtsog dri ma thams cad sel/__rang rang gi mthun rdzas zad mi shes par gyur/__kyai/__rgya mtsho chen po'i gting shed na/__/pho brang gzhal med nyams dga' bar/__/klu yi rgyal po dung skyong ni/__/sku mdog dkar la 'od zer 'bar/__/sku stod lha rdzas rin chen brgyan/__/sku smad sbrul mjug rgya mtshor rol/__/phyag gnyis nor bu 'od 'bar bsnams/__/sbrul mgo'i gdengs ka bdun gyis mdzes/__/g.yon du gtsug na 'od 'bar sngo/__/cha lugs yab 'dra gter bum bsnams/__/'khor du klu gnyan sa bdag bskor/__/'dir gshegs rten la bzhugs su gsol/__/khyed la dgyes pa'i mchod pa ni/__/klu sman klu nor nyer gcig dang /__/spyan gzigs dkor cha sna tshogs dang /__/dkar mngar 'o chab nyer spyod sogs/__/dar zab rin chen ljon shing bzang /__/khrus rdzing skyed tshal la sogs pa/__/'dod yon mkho dgu'i mchod pa dang /__/khyad par sngags dang ting 'dzin gyis/__/sprul pa'i nor bu bsam 'phel sogs/__/'dod rgu 'byung ba'i rten du 'bul/__/bdag cag 'khor dang bcas pa yi/__/bya ba spyod pa nyes pa las/__/phog thug 'gram 'khrugs gyur pa bshags/__/bde gshegs klu dbang rgyal po yi/__/khyed la rtag tu srungs skyobs mdzod/__/nad dang gnod pa zhi gyur cig__/pad+ma 'byung gnas bka' bzhin du/__/sbas gnas snod bcud srungs skyobs dang /__/zhi dang bkra shis bde legs shing /__/dpal 'byor longs spyod rgyas par mdzod/__/bstan dang bstan 'dzin sbyin bdag bcas/__/dge legs dpal yon 'phel bar shog__/ces pa'ang zla 2tshes 22spa sangs nam gru'i 'grub sbyor la chos kyi blo gros pas bris pa'o//__// @#/__/dmar gsur lha 'dre kun tshim bzhugs so/__/ sha khrag ci 'byor 'du byas/__dkar gsur byed na phye phur gtsang mar chu gtsang bran la skyabs sems lan gsum/__oM swa b+hA wa shud+d+haHsarba d+harmAHswa b+hA wa shud+d+ho\u0f85 haM/__gis sbyangs/__stong pa'i ngang las rang nyid skad cig gis/__/pad zla'i steng du 'phags mchog spyan ras gzigs/__/dmar gsal khro 'dzum phyag bzhi dang po gnyis/__/thal sbyar rdo rje 'dzin cing g.yas g.yon gnyis/__/shel phreng pad dkar dar dang rin chen sogs/__/rgyan chas yongs rdzogs zhabs gnyis skyil krung bzhugs/__/gsal ba'i sku ni chu zla 'ja' tshon ltar/__/snang la rang bzhin med pa'i ngo bor bsam/__oM ma Ni pad+me hU~M/__yig drug brgya stong sogs bzlas/__de ltar gsal ba'i sku las 'od 'phros pa'i/__/sna la 'dod rgyal dmar skya lcags kyu dang /__/zhags pa thogs pa dpag med 'phros pa yis/__/phyogs bcu'i 'dre gdon dri za gshin rje sogs/__/lan chags mgron dang snying rje'i mgron rnams kun/__/skad cig nyid la ang+ku sha ya dzaH/__phyi rol rdo rje'i rwa bas bskor bar gyur/__/slar yang 'od 'phros dkon mchog sri zhu dang /__/mgon po yon tan mgron rnams badz+ra sa mA dzaHsa spyan drangs/__ra~M ya~M kha~M gis sbyangs/__oM AHhU~M ha ho hrIHlan gsum/__stong gsum gyi snod dang mnyam pa'i bsreg thab yangs shing rgya che bar bdud rtsir gyur/__na maHsarba ta thA ga ta b+h+yo sogs grangs mang gis mchod/__na mo dbyings rang bzhin gyi rnam par dag cing thugs rje kun khyab kyi klong nas/__e dbyings thabs bde ba chen po'i dbus su waM yig shes rab stong pa nyid yang dag par sbyor ba las byung ba'i sha khrag dmar gyi dwangs ma'i bdud rtsi a thung gi mes bsreg cing ye shes kyi rlung gis bskul ba las byung ba'i du ba 'dod yon lnga dang ldan pa 'di dkon mchog sri zhu'i mgron du gyur pa rje btsun rtsa ba dang brgyud par bcas pa'i dpal ldan bla ma dam pa rnams dang /__nang pa rnal 'byor chen po bla na med pa'i rgyud sde dang 'brel ba'i yi dam dkyil 'khor gyi lha tshogs gnas gsum gyi dpa' bo mkha' 'gro dam can chos skyong srung ma'i tshogs/__gtsang ris kyi mgon po bdun cu rtsa lnga sogs/__dkar phyogs skyong ba'i dkyil 'khor ma lus shing lus pa med pa rnams la thabs shes zung 'jug sha khrag dmar gyi gsur mchod rgya chen po 'di phul bas tshogs gnyis rdzogs sgrib gnyis byang /__sdom pa gsum gyi dam tshig nyams chag thams cad byang zhing dag__/las bzhi'i phrin las thams cad 'bad med du 'grub/__mchog thun mong gi dngos grub gnyis la rang dbang 'byor/__bstan pa'i rtsa lag bshad sgrub kyi sde 'phel ba dang /__'jig rten pa kun dar zhing rgyas par mdzad du gsol/__/oM AHhU~M/__lan gsum/__na maHsarba ta thA ga tA a wa lo ki te sogs lan bdun re dang /__de bzhin gshegs pa bzhi'i mtshan brjod/__gzhan yang 'jig rten khams la rang dbang bsgyur ba'i dregs pa'i sde dpon sum cu/__sngags bdag bco brgyad/__'byung ba lnga/__rlung 'pho ba dus sbyor/__spar sme'i kag__/lo zla zhag dus gza' skar rnams la dbang sgyur ba'i lha rnams dang /__lha klu dri za/__grul bum/__lto 'phye/__mi'am ci dang /__mkha' lding /__'byung po/__ro langs la sogs gdon gyi rigs su gyur pa thams cad dang /__'phrog ma ma bu lnga brgya/__bgegs rgyal bi nA ya ka la sogs/__bgegs rigs stong phrag brgyad cu'i tshogs 'khor dang bcas pa/__bla la brku ba/__tshe la 'jab pa/__srog 'phrog par byed pa thams cad la sha khrag dmar gyi gsur mchod rgya chen po 'di phul bas gnod 'tshe dang gdug sems zhi/__byams snying rje'i rtsal shugs rdzogs/__phan pa byang chub kyi sems dang ldan/__sngon gyi tha tshig rjes su dran pas 'jig rten gyi khams thams cad du mi nad phyugs nad kyi rigs su gyur pa thams cad dang /__mu ge dang mtshon gyi 'khrugs pa thams cad myur du zhi ba dang /__rnal 'byor bdag cag yon mchod 'khor dang bcas pa'i lo keg zla keg la sogs keg rigs sum brgya drug cu/__byis pa'i gdon chen bco lnga/__gtso bo'i gdon chen bco brgyad/__phal pa'i gdon phran grangs med/__dus min 'chi ba bco brgyad/__yas kyi bdud/__mas kyi sri/__ban bon gyi mthu gtad byad kha rbod gtong chag che nyams nga thams cad bzlog pa dang /__mos pa rnam bzhis dbang du 'du ba dang /__sa bdag klu gnyan la phog thug 'gram 'khrugs sogs las byung ba'i nyes pa'i tshogs thams cad zhi bar mdzad du gsol/__kha 'bar ma'i sngags lan bdun/__de bzhin gshegs pa bzhi'i mtshan brjod/__'gro ba rigs drug__/lam rgyud lnga/__skye gnas bzhis bsdus pa'i sems can thams cad dang /__snga ma'i lus rten bor/__phyi ma'i lus rten ma rnyed pa srid pa bar do'i tshogs rnams dang /__khyad par du yang bla ma rgyal blon btsun mo dpon gtso gros mkhan la sogs snga rabs 'das pa shi mig gson la blta ba rnams dang /__dus ngan bskal pa'i tha ma 'dir nad mug mtshon 'khrugs kyis shi ba'i shi 'dre 'khyams po/__yul 'dre gsar pa/__rgya 'dre 'gong po la sogs/__rgya gar/__bal po/__bod dang /__bod chen/__rgya hor/__'jang gis gtso bor byas pa'i stong gsum spyi dang /__khyad par dzam gling du gnas pa thams cad la sbyin no/__/bsngo'o/__/tshims par gyur cig__/chos thams cad rten cing 'brel 'byung sgyu ma lta bu skye 'gags gnas gsum dang bral ba'i rang bzhin ye stong chen po las rig pa lhun grub kyi gsal ba'i snang cha cir yang 'char ba'i rang byung ye shes kyi gnas lugs ma rtogs te ma rig 'khrul pa rang rgyud du gol nas nying 'khrul du song ba'i 'dre srin khyed rnams la sha khrag dmar gyi gsur mchod rgya chen po bza' bas mi zad pa btung bas mi nyung ba/__rgol bas mi bsdigs pa/__ri rgyal las dpang mtho ba/__rgya mtsho las zab pa/__zhing rdul las grangs mang ba/__nyi zla las 'od gsal ba/__rgya che ba nam mkha'i mtha' dang mnyam pa 'di sbyin pas dga' mgu yi rangs/__phan pa dang /__snying rje byang chub kyi sems dang ldan par gyis shig__/bka' las 'das na rdo rje'i dmyal bar ltung bar 'gyur ta re/__dran pa dang shes bzhin bag yod dang ldan pas sems bsrung bar byos shig__/bar do la bar do yin par ngo shes par gyis shig__/'khrul snang la rgyas theb/__bla ma dang dkon mchog__/yi dam dang lta ba rjes su dran te las ngan pa'i sgrib pa skad cig la dag nas rig pa la rang dbang thob/__bde ba can dang pad+ma 'od la sogs pa'i zhing khams khyad par can rnams su btsan thabs su bgrod nus par shog cig__/de ltar mchod sbyin rgya chen bgyis pa yi/__/dge ba'i rtsa ba thams cad sems can la/__/yongs dag bsngo ba kun tu bzang po bzhin/__/'grub par gyur cing rgyal rnams bden gyur cig__/mchod pa'i mgron rnams rang bzhin dbyings su gshegs/__/phyi rol rdo rje'i rwa ba dmigs med ngang /__/'jig rten pa rnams rang gnas gshegs nas kyang /__/rang lus dpe long gzhan gnod ma byed cig__/sarba big+h+nAn gats+tsha/__drag sngags tshar gcig brjod/__bkra shis bsngo smon dang byang chub kyi sems 'ba' zhig nam yang nan tan du bya'o/__/zhes pa'ang rang gzhan la nye bar mkho bas mtshams sbyar te 2'jam dbyangs chos kyi blo gros pas smras pa yi ge'i byed po 'jigs med blo gros kyis gus pas bgyis pa dge'o/__/sarba mang+ga laM//__//__!__hU~M hrIHbdag nyid pad+ma drag por gsal/__/thugs nas TAk+ki rA dza byung /__/nga bdag gnyis 'dzin 'khrul pa yi/__/dam sri rgyal 'gong mdun du bkug__/sha khrag gsur gyi sbyin pa 'di/__/zad med 'dod yon rgya cher spel/__/oM AHhU~M/__kha 'bar ma'i sngags rgyas bsngo/__kyai/__srid par bdag tu rtog pa yi/__/nga rgyal las skyes rgyal 'gong tshogs/__/bdag gi sbyin pa rgya chen 'dis/__mgu zhing tshims nas gnod sems spongs/__/byang chub sems dang ldan par mdzod/__'di ru ma 'dug gzhan du song /__/gal te mi 'gro 'tshe byed na/__/pad+ma drag po'i mthu stobs kyis/__/rdul du brlag par gdon mi za/__/de bas dam la gnas par gyis/__/b+hu ta gats+tsha/__sbyin pa rgya chen sogs bya'o/__/zhes pa'ang chos kyi blo gros pas so/__/dge'o//__// phyugs kyi nad bdag la gsur bsngo phyugs nad kun sel bzhugs/__pad+ma rgyal la phyag 'tshal lo/__/rang nyid rta mgrin dbang chen gyi nga rgyal la gnas pas/__dkar dmar gyi bsreg rdzas rgya che ba byin rten khyad 'phags kyis sbol ba dang nor phyugs kyi gzugs 'gros spar btab pa mang po mer bsreg__/chang dang rgya ja khrag skyems sogs kyang phyogs mtshams la 'thor zhing /__rang nyid rta mgrin thugs ka nas/__/khro bo 'dod pa'i rgyal po ni/__/lcags kyu zhags thogs mang po spros/__/phyugs la gnod pa'i 'dre srid dang /__/gdon bgegs lan chags bkug par gyur/__/ra~M ya~M kha~M/__oM AHhU~M/__nam mkha' mdzod kyi sngags rgya lan gsum gyis byin gyis brlabs shing rgyas par spel/__/gsur mchod 'dod yon rgya mtsho'i sprin/__/bza' btung longs spyod bsam mi khyab/__/nor phyugs bye ba dung phyur sprul/__/mi zad 'dod dgu'i gter du gyur/__/na maHsarba ta thA ga ta a wa lo ki te oM sam+b+ha ra sam+b+ha ra hU~M/__lan bdun re dang /__de bzhin gshegs pa rin chen mang la phyag 'tshal lo/__/gzugs mdzes dam pa la=____/sku 'byams klas la=__'jigs pa thams cad dang bral ba la=__kye/__'dod chags ser sna'i rgyu 'bras las/__/byung ba'i god 'dre phag zhon nag__/grod pa'i zhwa la rgyu mas brgyan/__/lag na bsha' gri dmar po khur/__/nor bdud kham pa khyi mgo dang /__/ngar 'dzin bdag rtog las gyur pa'i/__/gcod log dge sbyong tshul 'chos sogs/__/god 'dre gri 'gong bse rag rnams/__/skad cig 'dir 'dus sbyin par rol/__/longs spyod mkho dgu 'di na yod/__/ja chang khrag gi rgya mtsho 'thung /__/yul 'di'i phyugs nor las lhag cing /__/sngags dang ting 'dzin gyis sprul ba'i/__/nor phyugs bye ba khri 'bum khyer/__/sa phyogs 'di na gnas pa yi/__/sems can srog la 'tshe ba spangs/__/byang chub sems dang ldan par mdzod/__/ces tshar grangs mang bsogs/__da ni khyed rnams rang gnas song /__/byams pa'i sems dang ldan par gyis/__/'phags mchog thugs rje'i gter chen gyis/__/khyed la mgon skyabs dpung gnyen mdzad/__/phan bde'i go 'phang thob par 'gyur/__/gal te bka' las 'da' gyur na/__/dbang chen rta mgrin rgyal po yis/__/khyed kyi srog gi snying po ni/__a si to srog snying 'di gal che na ma gtogs mi brjod/__tri pa tsa ti/__/blangs nas 'bar ba'i mtshon cha yis/__/lus sems dum bur gtub byas te/__/sdug bsngal nyams su myong bar 'gyur/__/de phyir gzhan la gnod 'tshe spongs/__/dam las ma 'da' sa ma ya/__/h+ya grI wa badz+ra rak+Shan+tu/__rta mgrin gyi sngags dang /__sum b+ha ni'i sngags kyis bskrad/__snod chus bshal la kha sbubs nas 'jog__/zab mo stong pa nyid la blo bzhag te shes rab snying po'i mdo zlog dang bcas pa tshar gsum bya'o/__/ces pa'ang chu rta lo smad nas brtsam hon nad byung skabs nying 'khrul la god 'dres gus shing 'dud pa'i snang ba cung zad byung shing /__chu lug zla ba dang po'i tshes dgu la 'od dpag med kyi byang chog skabs yid la 'di 'dra zhig shar ba smras rim bzhin yi ge pa dad slob tshe 'byor gyis bgyis pa 'dis kyang sems can thams cad la phan pa rgya chen po 'byung ba'i rgyur gyur cig__/shu b+haM//__//

dkor bdag dam sri'i glud bsngo bzhugs so/__/rang byung pad+ma rgyal la 'dud:__dkor bdag rgyal 'gong dam sri dang :__shi 'dre 'byung po'i rigs rnams la:__lan chags glud gtor bsngo 'dod na:__sgal tshig nyer brgyad mtshon pa yi:__theb skyu nar mo khru do pa:__sor gar tshad tsam gtub byas la:__lan chags lnga re mar me dang :__zhal zas dmar gtor gyis bskor ba:__nyi shu rtsa lnga bsgrigs byas la:__bdag nyid drag po'i ting 'dzin bsgom:__gtor ma sngags rgya drug gis brlabs:__kyai:__snang zhing srid pa'i 'byung po dang :__dkor bdag rgyal po shugs ldan dang :__gcod pa zla ba seng ge bzang :__rgyal 'dre lba dgu 'khor tshogs dang :__sti rgyal bla skyabs brag 'dre sogs:__rgyal 'gong 'byung po dam sri dang :__shi 'dre gson 'dre pho mo la:__sgal tshigs glud kyi gtor ma 'di:__sha khrag lus srog tshab tu 'bul:__bden pa'i tshig gis bsngo zhing sbyin:__bdag 'khor slob bu sbyin bdag sogs:__skye 'gror nam yang gnod pa spongs:__khros 'khrugs gdug rtsub dbyings su bstim:__byang chub sems dang ldan par mdzod:__hU~M:__nga ni pad+ma drag po ste:__khams gsum ma lus dbang du sdud:__sde brgyad srog snying nga la dbang :__nga yi 'khor du ma 'dus med:__gal te bka' las 'da' gyur na:__pad+ma drag po rab khros pas:__gnam lcags rdo rjes khyed rnams kyi:__mgo 'gem brdeg pas snying khrag gzhib:__lus sems rdul du brlag par 'gyur:__de bas dam las ma 'da' zhig:__yi dam gyi sngags kyi mthar:__shu la tri rA dza b+hU ti raM shaM trig nan rbad dzaHsarba big+h+nA na srog la dung dung :__srog la mA ra ya dzaHdzaHzhes pas srog nas drang byas shing :__sam+b+har dang mtshan bzhis bsngo:__de ltar gdon bgegs 'byung po rnams:__sgal tshig glud kyi gtor mas tshim:__da ni rang rang gnas su gshegs/__sarba big+h+nAn gats+tsha:__sum b+ha ni sogs drag sngags dang :__gul yungs thun gyis bskrad byas la:__stong nyid lta ba'i srung 'khor bsgom:__lha 'dre rang gi sems ngor blta:__sems nyid skye med ngang der bzhag:__rjes la snying rje byang sems bsgom:__bsngo smon bzang pos rgyas gdab bya:__dkor bdag 'byung po'i blud bsngo 'di:__rig 'dzin tsit+tar sba zhing rgya:__dus su bab tshe sna nam pa'i:__byin rlabs stobs kyis sad par 'gyur:__rgya rgya:__brda thim:__/__ces pa'ang pad+ma ye shes rdo rjer sa glang rgyal zla'i tshes bcu gcig nub rmi lam du 7gter chen las rab gling pa mjal zhing glud gtor 'di bzhin bya dgos par byung ba'i brda thabs las gang shar bcos med du tshes bcu gnyis snga char yi ge btab pa sems can la phan pa rgya chen po 'byung ba dang gzugs med dregs pa'i tshogs kyis 'khon sems gdug rtsub zhi ba'i rgyur gyur cig__/mang+ga laM//__// rgyal po'i glud bsngo bsdus pa bzhugs so/__h+ya grI wa la na mo/__phye gtsang mar mkhar thab dmar po'i rtser gtor ma dkar zlum bsang phyi mtheb ril gyis mtshan pa dang /__dmar gtor gru gsum khrag kyus brgyan pa bcas dang mdun dang zur bzhir mar me re shing thur la 'dzugs/__dar zab sogs dkor cha ci rigs dang dkar dmar skyems phud bshams/__snod gcig tu glud gzugs che ba gcig la glud phran grangs mang dang chang bu/__ting lo/__glud rdzas sna tshogs bkram/__/rang rta mgrin nam gu ru drag po'i sa ma ti la gnas pas/__sngags drug phyag drug dang /__nam mkha' mdzod kyi sngags rgyas brlabs/__rang gi thugs nas 'dod pa'i rgyal/__/lcags kyu thogs pa mang spros pas/__/srid pa'i bdag po be har sogs/__/rA dza 'khor dang bcas pa rnams/__/skad cig nyid la gshegs su gsol/__kye/__/nga bdag 'dzin pa las byung ba'i/__/dregs pa'i bdag po be ha ra/__/tshangs pa'i bka' nyan sgrol ging che/__/srid pa gsum gyi srog gi bdag__/sras yum btsun blon skyo sangs dang /__/ru 'dren gar mkhan 'bag seng sogs/__/sprul pa yang sprul 'khor bcas rnams/__/dgyes pa'i mthun rdzas 'di bzhes la/__/chos 'khor gnyan po'i bstan pa skyongs/__/dam sri rgyal 'gong gnod pa bzlog__/'khor la bka' nan ma chungs shig__/khyad par snyigs dus nga rgyal gyis/__/bskyed pa'i shi 'dre rA dza'i gzugs/__/gcod log sngags pa'i tshul 'chang rnams/__/glud dang dkor cha sngags rgya dang /__/ting nge 'dzin gyis byin brlab pa/__/mi 'dzad nam mkha'i mdzod sprul nas/__/sbyin gyis dbang po drug tshims nas/__/lan chags bu lon byang gyur cig__/gnod 'tshe gdug pa'i sems kun spongs/__/byang chub sems dang ldan par shog__/kha 'bar sngags dang mtshan bzhi brjod/__grangs rdzogs chos kyi sbyin pa byas/__chos rnams sogs/__skyems phud mchod cing gtor glud rnams/__chu bo'i gzhung la bskyal byas te/__kye/__/da ni 'dug pa'i gnas med kyi/__/rgyal chen rang gi gnas su gshegs/__/'byung po'i tshogs rnams rgya mtsho'i mthar/__/song zhig nam yang ma ldog cig__/bka' las 'das na rdul du brlag__/gu gul bdug cing thun gyis brab/__/drag po'i sngags kyis mtshams bcad dang /__/shes rab snying po'i mdo bzlog bya/__/zab mo lta ba'i ngang la bzhag__/dge bsngo bya zhing shis pa brjod/__/des ni rtag tu bde bar 'gyur/__zhes pa'ang chos kyi blo gros pas shing rta zla dgu tshes nyer brgyad la bris pa'o//__// hU~M hrIHbdag nyid pad+ma drag por gsal/__/thugs nas TAk+ki rA dza byung /__/nga bdag gnyis 'dzin 'khrul pa yi/__/dam sri rgyal 'gong mdun du bkug__/sha khrag gsur gyi sbyin pa 'di/__/zad med 'dod yon rgya cher spel/__/oM AHhU~M/__kha 'bar ma'i sngags rgyas bsngo/__kyai/__srid par bdag tu rtog pa yi/__/nga rgyal las skyes rgyal 'gong tshogs/__/bdag gi sbyin pa rgya chen 'dis/__/mgu zhing tshims nas gnod sems spongs/__/byang chub sems dang ldan par mdzod/__/'di ru ma 'dug gzhan du song /__/gal te mi 'gro 'tshe byed na/__/pad+ma drag po'i mthu stobs kyis/__/rdul du brlag par gdon mi za/__/de bas dam la gnas par gyis/__/b+hu ta gats+tsha/__sbyin pa rgya chen sogs bya'o/__/zhes pa'ang chos kyi blo gros pas so/__/dge'o//__//

bla ma bstan gnyis skor gsum tsakli'i gras/__sangs rgyas stong gi mtshon byed tsakli gcig bri rgyur ma gzhi spar ma 'di ha lam ltar las rgyab yol rgyan drug mi dgos pas dbu 'od zur mtshal dang cung bye ba tsam gyis/__mdun yangs tsam byung na legs/__g.yas su shA ri'i bu/__g.yon du mo'u gal bu gnyis spyi ltar/__pad+ma'i g.yas tsam du yab 'khor los sgyur ba'i cha byad/__g.yon du yum lha mo'i cha byad la nang du lang ma/__mdun du sras sgra gcan 'dzin rab byung rin po che'i prog zhu 'dzin pa/__de'i g.yas g.yon gyi 'og gi char rim gro pa/__'dus pa dang po/__gnyis pa/__gsum pa bcas kyi mtshon byed nyan thos kyi dge slong bzhi/__gzhan sa gzhi ri bo dang /__nam mkha'i sprin mtshon byed/__bkod pa che rags gang mdzes/__slar spar 'dra sko ba byung nam dpe lo ba zhig gal che/__1)rig 'dzin spyi khyab mtshon byed dbus su mthing kha g.yas rdo rje/__shar du dkar g.yas 'khor lo/__lhor ser/__g.yas rin po che/__nub tu dmar/__g.yas pad+ma/__byang du ljang /__g.yas rgya gram/__de thams cad thugs kar gtod de 'dzin pa/__shar lhor dkar ser 'khor los mtshan pa'i pad+ma/__lho nub dmar ser g.yas rin po ches mtshan pa'i pad+ma/__nub byang dmar ljang gleg bam gyis mtshan pa'i pad+ma/__byang shar ljang skya g.yas ral gris mtshan pa'i pad+ma thugs kar skyabs sbyin mtheb mdzub sbyar bas 'dzin pa/__de rnams kyi dbus cung che/__phyogs mtshams cung chung ba'i gtso 'khor gyi rnam pa lta bu/__gsang gos rang mdog__/phod ka mthing ga__/g.yon thams cad mnyam bzhag thod pa bdud rtsis gang ba/__so so'i 'od kyi zer thag 'phro ba'i klong na bzhugs pa/__gzhan dbu zhwa dar dang rin chen rgyan/__bzhugs stangs/__gdan sogs snga ma'i rig 'dzin lnga bcu dang 'dra/__2)sngags byang bri sa mthing chen dwangs ma byugs pa'i tsakli lnga/__gnam sa phye nas zlum skor kha dog lnga ldan dbus mthing chen byas pa'i tsakli 2bcas bdun/__9)phyag mtshan gser rdor rtse lnga dang dril bu/__10)dbus su rdo rje/__shar sogs g.yas skor 'khor lo sogs yod pa'i phyag mtshan5/__11)rdo dril/__Da ru pad phor/__Da ru me long /__rdo rje lhung bzed/__kha T+wA~M nyi zer pad phor/__khro bo'i rdo rje rtse dgukhro rdor phur pa bcas mtshan brgyad kyi phyag mtshan tshang ba'i tsakli1/__12)rdo dril/__mkhar bsil lhung bzed/__rdo rje b+han+d+ha/__Da ru dril bu/__khro rdor phur pa/__khro rdor lcags sdig bcas gu ru drug gi phyag mtshan tshang ba'i tsakli1/__13)lcags kyu dril bu/__zhags pa dril bu/__lcags sgrog dril bu/__rgya gram dril bu bcas sgo ba bzhi'i phyag mtshan tshang ba1=__14)//__//__!__thugs rje chen po pad+ma rgyal po'i zhi khro'i tsakli la/__rigs lnga yab yum 'khril sbyor can gyi1=__15)sems dpa' brgyad yab yum 'khril sbyor can/__16)thub pa drug17)sgo ba yab yum 'khril sbyor can/__18)bcas zhi khro'i bris thang spyi ltar/__khrag 'thung rab 'byams mtshon byed/__khrag 'thung rigs lnga zhal gcig phyag gnyis can yab yum zhi khro spyi khyab ltar1=__19sangs rgyas stong mtshon byed dus gsum sangs rgyas spyi khyab ltar gyi mdun nyan thos kyi dge 'dun lnga yod pa/__20)bcas khyon tsakli nyi shu dang //__//__!__khar sang ras gzhi gsar bzo kha gang gis dkyil thang dgu lo ba de 'dra gcig la thugs rje chen po pad+ma rgyal po'i dkyil thang rta babs rnam bzhi ma dur khrod med pa'i zhi dkyil spyi 'gre/__dbus su sna tshogs pad+ma 'dab bzhi'i lte bar thugs rje chen po pad+ma rgyal po'i tsakli bri yig ltar/__pus mo g.yas pa'i thad du mu tig dmar po'i phreng ba/__g.yon thad pad+ma dmar po/__dbu gtsug tu rigs bdag mtshon byed thig le dmar po'i dbus su rdo rje dril bu/__mdun du 'khor lo dkar po/__pad 'dab bzhi'i shar du rdo rje mthing /__lhor rin chen ser/__nub tu pad+ma dmar/__byang du sna tshogs rdo rje/__de'i phyi rol sna tshogs pad+ma 'dab brgyad la shar nas brtsams te g.yas bskor du rin po che'i shar myur gu dang me long /__shar lho klu shing dang spos khang /__lho ral gri dang rin po che'i phreng ba/__lho nub glegs bam dang me tog gi phreng ba/__nub pad+ma dang pi waM/__nub byang rin po che'i snye ma dang mar me/__byang rdo rje dang ting shag__/byang shar/__ut+pal dang dri chab rnams gser ris lta bu'i mtshon byed/__de'i phyi rol du mu khyud rim pa bzhir bskor ba'i mu khyud re re la pad 'dab nyis brgya lnga bcu re bcad pa'i stong phrag tshang ba/__pad 'dab re re'i dbus su sangs rgyas stong mtshon byed gser thig re/__khyams kyi shar du g.yas su pi waM/__g.yon du go khrab/__sgo'i dbus thad du mkhar gsil lhung bzed/__nub sgo'i g.yas su pu sti/__g.yon du me chu/__byang sgo'i dbus su sgrom bu/__sgo bzhi'i dbus su/__shar du zhing dbyug dang lcags kyu/__lho sgor rdo rje dang zhags pa/__nub sgor thod dbyugs sbrul dkris can dang lcags sgrog__/byang sgor sna tshogs rdo rje dang dril bu bcas bri/__spyir mu khyud sogs bcad lugs ha lam thugs chen yang snying 'dus pa'i dkyil thang 'di la gzigs na chog/__//__!bla ma bde mchog dmar po'i dkyil thang thugs rje chen po pad+ma rgyal po dang tshad gcig pa'i ras gzhi la/__dur khrod yod pa'i dkyil 'khor rta bab snam bu bzhi ma spyi 'gre la/__dbus su sna tshogs pad+ma 'dab ma brgyad pa yangs par bskor ba'i lte bar/__bla ma bde mchog dmar po tsakli bri yig ltar/__spyi bor rig bdag rdo rje 'chang tsakli'i bri yig ltar bri//__//__!__khar sang phag mo'i dkyil chung gras gcig lhag pa de la dkyil 'khor zla gam sgo gcig sogs phye'i bkod pa pad+ma mkha' 'gro ji lta ba/__nang gi bkod pa chos 'byung dmar po bsnol ma zur drug pa'i lte bar sna tshogs pad+ma 'dab bzhi'i dbus su mkha' 'gro rigs byed rtsal sku mdog dmar smug__/zhal gcig phyag bzhi spyan gsum dmar zlum g.yon gzigs/__dbu skra dmar ser gyen brdzes lhag ma rgyab tu grol ba/__me tog dmar po'i thod nor bu dmar po'i thor tshugs/__zhal bzhad/__mche ba gtsigs/__shin tu chags shing cung zad khro nyams/__phyag dang po gnyis ut+pal dmar po'i mda' gzhu 'gengs/__g.yas 'og thod pa'i Da ru 'khrol nyams/__g.yon 'og thod khrag sta zur g.yon du bzung ba/__thod skam lnga'i dbu rgyan/__rlon pa'i do shal/__rus pa'i rgyan lnga/__dar dang rin po che dang me tog dmar po'i phreng ba can/__stag sham/__zhabs g.yas bskums pa'i sor mo g.yon pa'i brla la gtad pa'i gar thabs/__gdan pad/__nyi/__mi ro dmar ser gyi snying gar g.yon brkyangs pas brdzis pa/__'od zer dmar po rab tu 'phro ba ste/__spyir sku'i nyams sogs rigs byed ma ji lta ba yin/__slar khyad par gyi ras gzhi la thang chung zhig bri dgos pa'ang mngon rtogs 'di ltar yin/__'dab bzhi'i shar du rdo rje'i yu ba byas pa'i lcags kyu dkar/__lhor rin chen lcags kyu ser/__nub tu pad+ma'i lcags kyu dmar/__byang du sna tshogs rdo rje'i lcags kyu ljang gu'o//__//__!__gong gsal rigs lnga'i mngon rtogs/__dbus mi bskyod mthing /__g.yas rdo rje thugs ka__/g.yon dril bu dkur brten/__yum sngo skya g.yas dril bus yab 'khyud/__g.yon rdo rje thugs kar gtod/__gdan seng khri/__pad/__nyi/__zla/__des rigs 'grel/__shar rnam snang dkar/__'khor lo dril bu/__yum dkar/__dril bu 'khor lo/__gdan glang po/__lhor rin 'byung ser/__g.yas rin chen/__g.yon dril bu/__yum ser/__g.yas dril/__g.yon rin chen/__gtan rta/__nub snang mtha' dmar/__g.yas pad+ma/__g.yon dril bu/__yum dmar skya/__dril/__pad/__gdan rma bya/__don grub ljang /__rgya gram/__dril/__yum ljang skya/__dril/__rgya gram/__gdan shang shang /__thams cad dar dkar po'i stod g.yogs/__'ja' sham/__cod pan zi ldir/__gar gyi phu dung ste dar rgyan lnga/__rin po che'i rgyan brgyad spyi ltar/__yab thams cad rdzogs skyil/__yum brtul zhugs kyi skyil krung can no//__//__!__sems dpa' yab yum la/__sa snying dkar/__g.yas rin po che'i myu gu/__yum dkar g.yas me long /__byams pa dkar ser klu shing /__yum dkar ser spos khang /__nam snying ser ral gri/__yum ser skya phreng ba/__sgrib sel dmar ser glegs bam/__yum ser me tog phreng ba/__spyan gzigs dmar pad+ma/__yum dmar skya pi waM/__kun bzang dmar ljang rin po che'i snye ma/__yum dmar ljang mar me/__phyag rdor mthing rdo rje/__yum ljang gu gar gyi rgya/__'jam dpal dkar ljang ut+pal/__yum ljang skya dri'i dung chos/__yab thams cad g.yon dril bu dkur brten pa/__yum rnams g.yon par phyag mtshan med/__dar dang rin po che'i rgyan/__yab thams cad g.yas brkyangs pa'i sems skyil/__yum rnams g.yon brkyangs pa'i sems ma'i skyil krung gis 'khyud pa/__gdan pad/__nyi/__zla//__//__!__thub drug__/brgya byin dkar po pi waM/__thags bzang ris sngon po go khrab/__shAka thub ser po mkhar gsil lhung bzed/__seng rab dmar nag pu sti/__kha 'bar ser nag rin chen sgrom bu/__chos rgyal dud ka me chu/__sprul sku'i cha byad/__zhabs mnyam stabs bzhengs/__gdan pad+ma rkyang pa//__//__!__sgo bzhi'i gshin rje smug nag g.yas mi ro/__yum lcags kyu/__stobs chen ser nag rdo rje/__yum zhags pa/__rta mgrin dmar nag thod dbyug sbrul dkris can/__yum lcags sgrog__/'khyil pa ljang nag rgya gram/__yum dril bu/__g.yon thod sdigs mdzub/__zhabs gyad kyi dor stabs/__gdan nyi ma dang mi ro/__rgyan dur khrod chas brgyad//__//__!__khrag 'thung lnga dbus rdo rje khrag 'thung mthing nag g.yas rdo rje/__shar du bud+d+ha smug nag 'khor lo/__lhor rat+na ser nag g.yas rin chen/__nub pad+ma dmar nag g.yas pad+ma/__byang karma ljang nag g.yas rgya gram/__thams cad g.yon thod khrag__/dur khrod chas brgyad can/__gshog pa sogs dpal chas med/__zhabs dor stabs g.yon brkyangs/__yum thams cad sku mdog yab dang phyogs 'dra/__g.yas dril bus 'khyud/__g.yon thod khrag stobs/__rus rgyan/__gzig sham/__gdan pad zla nyi ma/__dregs pa pho mo zung re bcas/__khro tshul dang /__drag me sogs spyi ltar ro//__//__!__bka' brgyad dregs pa kun 'dus lha tsag__/zhi ba rigs lnga gong gi rigs lnga ltar/__1)gtso bo dbu gsum phyag drug__/dbus zhal mthing nag rngom/__g.yas dkar bzhad/__g.yon dmar gshe/__phyag g.yas gsum rdo rje rtse gsum/__rtse lnga/__rtse dgu/__g.yon gsum thod pa skam/__rnying rlon gsum khrag gis gang ba/__zhabs bzhi g.yon brkyangs gyad kyi dor stabs/__yum sngo skya g.yas kha T+wA~M rtse gsum yab 'khyud/__g.yon thod khrag stob/__gzig sham rus rgyan can/__2)yang dag mthing nag rdo dril/__3)gshin rje ser nag be con thod khrag4)rta mgrin dmar nag thod dbyug dril bu/__5)phur pa ljang nag phur bu 'dril/__6)bde 'gro smug nag khyung chen dang /__dril bu/__7)dregs 'dul mthing nag tho ba/__mdung /__8)stobs ldan smug nag lcags kyu sbrul zhags/__9)yum thams cad rang 'dra/__khro bo 'di thams cad la dur khrod chas brgyad/__gshog pa sogs dpal chas/__gdan zla/__nyi/__dregs pa pho mo zung /__drag me dang khro nyams sogs spyi ltar/__rig 'dzin dkar dmar mdangs/__rdo dril/__yum dmar skya gri thod/__zhi ma khro'i nyams/__spyan gsum/__dar dang rin chen rus rgyan/__gdan dar zab lhod 'bol/__zhabs g.yon cung zad brkyangs pa'i dor stabs/__phyi rol tu 'od zer pa tra'o/__10)khyung dkar nag tsakle gcig la tshang ba lding stabs/__11)//__//__!__phyag mtshan la/__che mchog sman thod kha sbyar tshon skud sna lnga'i se chings can/__bab le can gyi dkyus ra'i steng bzhag pa/__1)gshin rje'i bam gdan zur gsum steng bam ro'i nyams lag gnyis snying gar bsnol ba'i nang sman thod skom po dang /__rak+ta'i thod pa skra can rlon pa bzung ba/__spyi bor gtor ma zur gsum pur zhabs ma/__dpral bar nyi zla/__rkang gnyis tsog pur bsnol ba/__2)rta mgrin rta dbu mgrin pa yan chad pad+ma 'dab gsum nang nas skyes pa/__mdog ljang /__zhur dkar/__phrum phrum ser/__rdog ma dmar/__'tsher nyams can/__3)yang dag thod pa'i kong bu ha lam zla gam dbyibs nang tshil chen mar me sbar ba/__sked pa la thod skam dang ra pad 'dab byas na legs/__4)phur pa stod zhal gsum phyag drug thams cad phur 'dril/__smad phur dbal can spyi 'gre/__phur gdan gru gsum/__5)ma mo thod pa dum bzhi'i nang snying rtsa lag dang bcas pa rlon nyams/__6)dregs pa sngags byang bri sa zur gsum mthing nag rtse mo gyen bstan me 'bar ba/__7)drag sngags la'ang de ltar/__8)rig 'dzin la tshe 'brang yin pas bri mi dgos/__de ltar na bka' brgyad dregs 'dul tsakli/__19)bri tho dge/__//__

pad+ma 'od gsal mdo sngags gling pa'i dag snang mtsho skyes snying thig gi zhal thang bkod yig la/__dbus su sin+d+hU'i rgya mtsho rgya che zhing klong chen por/__chu bya sna tshogs/__chu rta chu lug__/gser nya/__dung /__chu srin sogs mang po dang /__de dbus pad sdong yal ga lo 'dab rab tu rgyas pa me tog kha dog sna tshogs pa'i dbus kyi ze'u 'bru dkar dmar mdangs ldan rab tu rgyas pa'i dbus/__nyi ma 'og zla ba steng du byas par o rgyan mtsho skyes rdo rje sku mdog dkar la cung zad dmar mdangs zhi 'dzum gyi nyams shin tu che ba/__phyag sdig mdzub kyis gser gyi rdo rje thugs kar bsgyings pa/__g.yon ka pA la dum gsum bdud rtsis bkang ba'i nang tshe bum/__yum dkar la dmar shas che ba'i chags nyams gri thod/__yab la dar gyi chas gos lnga dang /__rin po che'i rgyan brgyad/__ut+pal dkar dmar sngo gsum spel ba'i do shal/__zhabs rdor skyil/__yum la stod khebs dmar ser/__tshi gu'i smad g.yogs thung ngu dang rin po che'i rgyan dang ut+pal dmar po'i do shal/__yab yum gnyis ka skra chings me tog__/rgyab yol nang ma 'ja' zer gyi shing lo me tog spel ma can dang /__gtso bo'i dbu gtsug rta mgrin dmar smug khro nyams ha cang ma che ba drang srong khros pa las khro che tsam/__rus rgyan dang dur khrod dpal chas/__pad+mas brgyan pa'i khyung gshog__/phyag g.yas gri gug__/g.yon thod khrag__/zhabs g.yas bskums g.yon brkyangs dor stabs/__gdan pad nyi ro gdan/__yum phag mo mthing nag gri thod rus rgyan/__yab kyi spyi bor rta mgo ljang /__zhur dkar/__phrum phrum ser/__rngog ma dmar/__yum la phag zhal mthing nag__/me dpung /__de'i spyi bor snang mtha' dmar po sprul sku'i cha byad mnyam bzhag bai DU'i lhung bzed/__gtso bo'i rgyab yol gyi phrag nas 'ja' zer gyen du 'phros pa can gyi bar nas tho brtsegs bri/__steng gi g.yas/__thugs chen dmar po zhal gcig phyag bzhi pa/__rtsa phyag thal sbyar/__g.yas pad+ma dmar po/__g.yon phreng ba/__longs sku'i chas 'dzum chags kyi nyams/__ri dwags lpags pas nu g.yon bkab pa/__de'i 'og g.yas khri srong chos 'chad glegs ral can 'bol nyis brtsegs/__g.yon bai ro rab byung paN zhu rtse sgril can/__spyan gsum phyag mnyam bzhag pad zla/__de'i 'og mdun mkhyen brtse rgya gar ma g.yas chos 'chad glegs ral/__g.yon mnyam bzhag tshe bum/__gdan pad zla/__de'i rgyab gong kong sprul rin po che dwags zhu gsol ba g.yas chos 'chad klu shing steng tshe bum dang ral gri/__g.yon mnyam bzhag glegs bam gdan 'bol/__steng g.yon gu ru rgya gar ma pad zla/__de'i 'og g.yas lha sras dam 'dzin g.yas sa gnon g.yon mnyam bzhag gser 'khor/__g.yon du mtsho rgyal bod mo'i chas mnyam bzhag thod pa bdud rtsis bkang ba bsnams pa/__de gnyis ka 'bol gdan/__de'i 'og mdun mchog gling sngags chas dbu zhwa/__g.yas rdo rje thugs kar bsgyings/__g.yon pus g.yon steng phur pa/__de'i rgyab si tu pad+ma kun bzang dbang mchog rgyal po gzhon nyams rab byung chas zhwa dmar/__g.yas mchog sbyin klu shing steng nor bu/__g.yon mnyam bzhag steng tshe bum/__gdan 'bol/__'og gi g.yas yi dam yang dag dmar po zhal gsum phyag drug pa sku lus dang rtsa zhal dmar/__g.yas dkar g.yon mthing rtsa phyag pad+ma dang de'i yu ba byas pa'i dril bu gnyis thugs kar bsnol thabs/__g.yas gnyis kha T+wA~M rnge'u chung /__g.yon gnyis b+han dmar rgyu zhags/__zhabs g.yas bskums g.yon brkyangs skra gseb rdo rje phyed pa dmar/__skra mtshams 'khor lo dkar po gcig__/rus pa dang dur khrod dpal chas/__yum dmar skya zhal gcig phyag gnyis pad+ma thod khrag__/rus rgyan lnga/__gzig sham/__thod skam gyi do shal/__gdan pad zla nyi ma'i steng zhabs g.yas 'og dbang phyug sngo skya spyan gsum gri thod stag sham skra dmar ser kha sbub rus rgyan/__g.yon 'og u ma dmar po gan rkyal/__rin po che ba'i rgyan/__phyi rol du drag me/__'og gi g.yon du man+dA ra ba zhal gcig phyag gnyis spyan gsum zhi ma khro 'dzum chags nyams/__g.yas thod DAr snyan thad dkrol ba/__g.yon thod pa bdud rtsis bkang ba'i nang tshe bum/__mchan g.yon rtse gsum gyi mgo byas pa'i rdo rje'i kha T+wA~M thod pa skam rlon rnying gsum sna tshogs rdo rje/__DA ru dril g.yer dar dpyangs bcas pa/__skra mtshams me tog dmar po'i phreng ba dang rus pa'i thod skam rin chen rtse bran can/__thor cog rtser nor bu dang /__rus pa'i dra phyed/__rus rgyan dang rin po che'i rgyan spel ma/__thod skam gyi do shal pad+ma dmar po'i phreng ba/__dar dpyangs dmar sngo/__smad g.yogs sngo ljang dang /__tshi gu'i smad dkris/__zhabs g.yas bskums g.yon brkyangs/__pad nyi ro pho mo'i gdan kha sbub dang gan rkyal/__sku las skyes pa'i 'od sna lnga dang /__de'i phyir me ri pa tra/__gtso bo'i mtsho'i 'og gi mdun ma ning nag po/__de'i sku g.yas g.yon du sngags srung ma smug mo dang /__gza' bcas chung ngu 'dod bum ltar bri/__gtso bo'i sku g.yas g.yon du/__ri brag shing 'bras bu can ri dwags sogs rgya ris ci mdzes/__ma ning mdun sman raka gtor gsum/__yang dag gi 'og tshogs gtor tshogs rdzas sna tshogs/__bdud rtsi/__mkha' 'gro'i 'og tshe bum dmar po kha rgyan can la g.yung drung /__dpal be'u sogs kyis brgyan pa tshe ril dang nor bus bskor ba/__'dod yon lnga sogs kyi bkod pa shin tu mdzes shing 'thad par 'bri'o//__//

pad+ma 'od gsal mdo sngags gling pa'i yang gter bka' 'dus chos kyi rgya mtsho'i zhal thang bkod yid la/__gtso bo spyi dpal chen po rtsa ba'i sku mdog smug nag dbus zhal mthing nag nas yar brtsegs pa lnga mthing 'jigs nyams/__g.yas lnga dkar bzhad nyams/__rgyab lnga ljang gtum nyams/__g.yon lnga dmar rngam pa'i nyams/__gtsug gi zhal gcig mthing sngon/__rtsa phyag gnyis mthing ga rdor dril bsnol thabs/__g.yas lhag ma nyi shus sangs rgyas rnam snang dkar po 'khor lo dril bu/__de'i 'og tu yum bde dbyings g.yas nyi zlas tog byas pa'i rgyal mtshan/__g.yon thod pa/__sangs rgyas rab dpa' dmar ser pad+ma dril bu/__yum ljang gu rgya gram/__thod chang /__mi bskyod dkar rdor dril/__yum dkar gsal zla ba'i rgyal mtshan dang thod chang /__rin 'byung ser po rin chen dril bu/__yum ser rma bya'i rgyal mtshan thod chang /__'od dpag med dmar ser pad+ma dril bu/__yum dmar nyi ma'i rgyal mtshan/__thod chang /__don grub ljang ral gri dril bu/__yum ljang rin chen rgyal mtshan thod chang /__'od 'phro dkar ser drung dkar dril bu/__yum ser dkar phyed gzungs gter bum thod chang /__dpal brtsegs ser dmar phyed ma rnga yab dril bu/__yum phyed gzugs pad sdong thod chang /__sangs rgyas dga' ba'i dpal dmar ljang phyed ma dpal be'u/__dril bu/__yum phyed gzugs rin chen phreng ba/__thad chang /__sangs rgyas mi 'jigs rgyan ljang dkar phyed ma rgya gram dril bu/__yum phyed ma shel gri thod chang /__de rnams longs sku'i chas can yab rnams skyil krung /__yum rnams pad+ma'i skyil krung /__g.yon nyi shus rim bzhin byang sems mi 'khrugs sngo ljang /__phyag g.yas gdugs/__yum dkar g.yas dpal be/__byang sems ting 'dzin pad sdong /__yum dkar dmar rgyal mtshan/__kun bzang mthing ga 'bras snye/__yum dkar me long /__nam snying sngo ral gri/__yum ser phreng ba/__spyan gzigs dmar pad dkar/__yum dmar pi waM/__phyag rdor sngo rdo rje/__yum ljang zhal zas/__byams pa dmar ser klu shing /__yum dkar me tog__/sgrib sel ljang glegs bam/__yum ser spos phor/__sa snying dkar myu gu/__yum dmar mar me/__'jam dpal dmar ser ral gri/__yum ljang dung zhal/__yab rnams kyi phyag g.yon dril bu/__yum rnams g.yon thod chang /__longs sku'i chas yab rnams sems dpa'i skyil krung /__yum rnams sems ma'i skyil krung /__phyag gi mdogs mthing lnga/__dkar lnga/__ljang lnga/__dmar lnga/__zhabs nyi shu rtsa bzhi'i g.yas rnams bskum/__g.yon brkyangs pa gyad kyi 'dor stabs/__kyi zhabs kyi kha dog mthing gsum/__dkar gsum/__ljang gsum/__dmar gsum/__yum chen kun tu bskyod ma dmar nag zhal gcig phyag gnyis gri gug thod khrag 'dzin pas 'khyud pa/__yab la dur khrod dpal chas/__rus rgyan/__yum la gzig sham rus rgyan/__gdan rdo rje'i brag chen steng zla 'khor/__nyi 'khor/__lcags 'khor sum brtsegs steng lha klu/__dri za sogs 'gro ba rigs drug__/bdud bzhi/__ru tra pho mo mang po brtsegs steng /__sna tshogs pad+ma/__zla ba/__nyi ma/__phyogs skyong bcu yongs grags/__zhing skyong brgyad rnams kyi gdong /__glang chen kha dog dkar/__ma he sngo/__chu srin dmar/__rta ser/__glang dud kha/__ra gdong dmar/__ro langs nag__/ri dwags gdong ljang /__phyag gnyis gri thod/__rgyal chen bzhi rnams bri/__shar stod yang dag mthing nag zhal gsum phyag drug__/g.yas dkar g.yon dmar dbus mthing /__rtsa phyag gnyis rdo rje thod khrag thugs dkar steng 'og__/g.yas kyi lhag mas kha T+wA~M rnge'u chung /__g.yon zhing dbyugs rgyu zhags/__zhabs bzhi dor stabs/__pad zla nyi ro'i gdan/__shar srib rdo rje phreng ba sku mdog nag po/__g.yas dmar/__g.yon dkar/__rtsa phyag rdor dril/__g.yas me dpung /__mgo phreng /__g.yon ro/__glegs bam/__yum snang dbyings dmar gri thod/__pad zla nyi ro'i gdan/__shar dbus phyag rdor mthing ga g.yas dkar g.yon ljang /__rtsa phyag rgya gram thod khrag__/g.yas phreng ba/__ral gri/__g.yon sdig mdzub/__sbrul zhags/__yum khams gsum dbang sdud dmar mo/__g.yas dkar/__g.yon sngo/__rtsa phyag gri thod kyis yab la 'khyud/__lhag ma g.yas bam dang thod dbyug__/g.yon dril bu sbrul zhags/__pad zla nyi ro'i gdan/__shar smad rdo rje rtsal rdzogs mthing ka__/g.yas dkar/__g.yon ljang /__rtsa phyag rdor dril steng 'og__/g.yas lhag dgra s+t+wa lcags kyu/__g.yon mi mgotsit+ta/__yum rdo rje bde ma dmar gri thod/__lho stod rdo rje thod phreng dmar smug__/g.yas dkar/__g.yon ser/__g.yas gsum rdo rje rtse lnga/__rtse dgu/__rgya gram/__g.yon gsum gser zangs lcags kyi sdig pa mgo dgu bsnams pa/__phyag rnams brgyangs stabs/__yum dmar mo gri thod/__de rnams yab la dur khrod dpal chas rus rgyan/__yum rnams gzig sham/__rus rgyan/__pad zla nyi ro'i gdan/__lho srib bde mchog 'khor lo mthing ga__/g.yon ljang /__rgyab dmar/__g.yas ser/__phyag bcu gnyis kyis rtsa phyag rdor dril bsnol te yum la 'khyud pa/__phyag mtha' ma gnyis kyis glang rko brgyangs te 'dzin pa/__g.yas lhag mas cang te'u/__dgra s+t+wa/__gri gug__/rtse gsum/__dbyug pa/__g.yon kha T+wA~M ga__/thod dbyug__/b+han dmar/__tshangs mgoyum rnal 'byor dmar mo gri thod/__zhabs bzhi g.yas brkyangs/__g.yon bskum/__pad zla nyi steng /__g.yas 'og 'jigs byed nag po mig gsum gri thod kha sbub mgo bo rgyab tu btab pa'i dpral bar mnan/__g.yon dus mtshan dmar mo kha T+wA~M/__thod khrag__/gan rkyal gyi nu steng brdzis pa/__yab la stag sham rus rgyan/__thod rlon do shal/__dar dpyangs/__yum la rus rgyan/__thod rkam phreng ba/__yab yum gnyis ka drang srong khros pa'o/__/'di nas shog dril gnyis pa dpe ma thob/__lho dkyil/__gshin rje mthing nag__/g.yas dkar/__g.yon dmar/__phyag g.yas gsum/__thod dbyug__/dgra s+t+wa/__ral gri/__g.yon gsum zhags pa/__mdung thung /__thod khrag__/yum za byed ma sngo skya/__g.yas dgra s+t+wa/__g.yon dung dmar stob pas 'khril ba/__pad+ma zla nyi ro gdan/__lho smad rat+na rtsal rdzogs ser/__g.yas nag__/g.yon dmar/__phyag g.yas be con ral gri/__srid pa 'khor lo/__g.yas g.yon sbrul zhags/__phub/__b+han dmar/__sbyor yum dmar nag__/be con dang b+han dmar 'dzin pas 'khyud pa/__pad+ma dang zla nyi ro gdan/__nub stod rta mgrin dmar nag__/g.yas dkar/__g.yon sngo/__phyag g.yas kha T+wA~M/__rdo rje sbrul zhags/__/g.yon dril bu/__b+han dmar/__lcags sgrog__/dbu gtsug rta mgo ljang khur/__yum ral gcig ma dmar mo/__g.yas kha T+wA~M/__g.yon thod khrag stobs pas 'khril ba/__pad+ma zla nyi ro gdan/__nub srib/__kyai rdor mthing ga zhal brgyad/__rtsa zhal sngo/__g.yas dmar/__dkar/__kham/__g.yon ser/__sngo/__dkar/__brtsegs zhal dud ka__/phyag g.yas brgyad rdo rje dang thod phreng brgyad/__g.yon brgyad b+han dmar dang kha TA~M brgyad/__yum rdo rje bdag med ma sngo skya gri thod 'dzin pa dang sbyor ba/__zhabs g.yas brkyangs/__g.yon bskums sogs kyai rdo spyi ltar/__de'i phyag g.yas 'og sbyor yum dkar mos 'khyud pa/__phyag g.yon 'og sgrol yum dmar mos 'khyud pa/__gdan pad+ma zla nyi bdud bzhi spyi ltar/__nub dkyil gsang 'dus zhal lnga/__phyag bcu pa/__sku mdog dang rtsal zhal mthing /__g.yas dkar/__g.yon nag__/rgyab zhal mthing /__spyi gtsug dmar/__rtsa phyag rdor dril/__g.yas lhag ma bzhis nyi ma'i rgyal mtshan bzhi/__g.yon lhag mas nyi zla'i phreng ba bzhi 'dzin pa/__yum mkha' spyod ma sngo skya/__tsit+ta dang /__b+han dmar 'dzin pas 'khril ba/__zhabs skyil krung /__dar dang rin po che'i rgyan/__zhal khro chags spyan gsum gsum dang ldan pa/__pad+ma zla nyi'i gdan/__nub smad pad+ma rtsal rdzogs dmar smug__/g.yas dkar/__g.yon sngo/__phyag drug g.yas mda' dar/__thod dbyug__/me dpung /__g.yon shel bum/__zla nyi/__dpal be/__yum 'od skor khro mo dmar mo tshe bum bsnams pas 'khril ba/__pad+ma zla nyi ro gdan/__byang stod/__che mchog mthing nag__/dbu dgu/__rtsa zhal gsum mthing /__g.yas gsum dkar ser/__g.yon gsum dmar nag__/phyag bco brgyad/__g.yas dgu rdo rje dgu/__g.yon dgu b+han d+ha dgu bsnams pa/__zhabs brgyad phyogs mtshams brgyad du bsgrad pa'am/__bri stabs bde bas dor stabs/__yum kro d+hi shwa ri sngo skya gri thod 'dzin pas 'khyud ba/__pad+ma zla nyi mi ro'i gdan/__byang srib dus 'khor mthing nag__/rtsa zhal nag__/g.yon dkar/__rgyab ser/__g.yas dmar/__phyag nyer bzhi/__rtsa phyag rdor dril thugs dkar bsnol nas 'dzin pa/__g.yas lhag ma bcu gcig__/'khor lo/__rin chen/__pad+ma/__rgya gram/__ral gri/__phreng ba/__me long /__spos/__mar me/__snang gsal/__dri chab 'dzin/__g.yon lhag ma bcu gcig__/thod pa/__rin chen sgrom bu/__gseg par/__pi waM/__pu sti/__go cha/__mi mgosbrul zhags/__mda' gzhu/__dgra s+t+wa/__thang gshol bsnams/__yum dz+nyA na swa ra sngo skya gri thod 'dzin pas 'khyud cing zhabs g.yas brkyangs pa'i 'dor stabs/__pad+ma zla nyi ro gdan/__gzhan rgyan cha sogs dus 'khor spyi ltar/__byang dkyil/__mkha' klong 'khyil pa sku mdog dmar/__zhal g.yas mthing /__g.yon ljang /__phyag g.yas gsum dgos 'byung bsam 'phel yid bzhin nor bu/__g.yon gsum nam mkha'/__rgya mtsho/__sa gzhi gsum/__yum u tsuSh+ma dmar mo thod khrag 'dzin pa dang 'khril ba/__pad+ma zla nyi ro gdan/__byang smad/__karma rtsal rdzogs sku mdog ser/__zhal g.yas ljang /__g.yon dmar/__phyag g.yas gsum ral gri/__lcags kyu/__me phung gdeng /__g.yon gsum lha khang /__glegs bam/__'ja' tshon 'dzin/__yum chen zil gnon ser po rin chen dang b+han dmar 'dzin pas 'khyud pa/__pad+ma zla nyi ro gdan/__shar lho mngon rdzogs rgyal po mthing /__zhal g.yas dkar/__g.yon dmar/__phyag g.yas rdo rje/__khyung /__sbrul zhags/__g.yon b+han+d+ha/__zhing g.yug__/ga'u 'dzin pa/__yum nyid gzhi mu kha sngo skya gri thod 'dzin pas 'khyud pa/__pad+ma zla nyi ro gdan/__lho nub rdo rje gzhon nu mthing /__zhal g.yas dkar/__g.yon dmar/__phyag g.yas rdo rje rtse dgu/__rtse lnga/__g.yon me dpung /__kha T+wA~M/__tha ma gnyis srid pa phur bu 'dril/__sbyor yum rgyas 'debs mthing nag kha T+wA~M dang thod pa 'dzin pas 'khyud pa/__pad+ma zla nyi ro gdan/__nub byang dreg 'dul mthing nag__/zhal g.yas ser/__g.yon smug nag__/rtsa phyag rdo rje thod phrag__/lhag ma g.yas gnyis lha brgyad mgo bo/__g.yon gnyis klu brgyad mgo bo ste phyag drug__/yum khams gsum spyi 'dus sngo skya rdo rje b+han+d+ha 'dzin pas 'khyud pa/__pad+ma zla nyi ro gdan/__'di bar dpe gzhan gyis dkyus su bcug pa/__byang shar stobs ldan mthing nag zhal gcig phyag gnyis kyis g.yas rdo rje snying brgyad/__g.yon thod khrag dang snying brgyad/__yum 'byung lnga'i bdag mo g.yas pas nam mkhar 'degs/__g.yon pa mthur sbub sa gzhi gnon pa'i tshul/__khro chas spyi 'gre/__pad nyi ro gdan/__rnying lugs khro bo rnams la khyung gshog__/drag me/__kyai rdo/__bde mchog__/dus 'khor rnams la zhi me/__gtso bo'i dbu gtsug tu kun tu 'chang mthing ga zhi 'dzum rdor dril bsnol/__rang 'od kyi yum dang /__pad zla rdor skyil/__zhi chas 'ja' zer gyi klong na bzhugs pa/__de'i g.yas 'og rdor sems yab rkyang phyed skyil/__g.yon phyag rdor zhi ba sngo rdo rje thugs kar bsgyings/__dril bu kha sbub dkur brten/__zhabs phyed skyil/__zhi chas/__g.yas gong du rig 'dzin kuny+dza ra mi sha kha/__dbu skra thor cog__/spyan 'bru tshugs/__smin mtshams khro gnyer/__stag sham rus rgyan/__phyag g.yas rdo rje thugs ka__/g.yon thod chang /__zhabs rgyal rol/__pad zla/__de 'og de wa bzang skyod 'khor bsgyur chas zhabs rta babs g.yas mtheb mdzub sbyar ba'i pad dkar/__g.yon sa gnon/__mkha' 'gro las kyi dbang mo che rnal 'byor ma sngo nag spyan gsum rus rgyan/__phyag g.yas gri gug thugs ka__/g.yon thod chang /__zhabs pad skyil/__de'i zur za hor rgyal po gtsug lag 'dzin 'khor bsgyur chas/__g.yas sa gnon/__g.yon mnyam bzhag glegs bam/__zhabs rgyal rol/__/'bol gdan/__de 'og o rgyan gling pa gsang gos phod ka__/sham thab dkar/__gzan smug__/mgul phur/__sked phur/__dbu skra lcang lo/__pad zhu/__g.yas rdo rje thugs ka__/g.yon mnyam bzhag gter sgrom/__de 'og mkhyen brtse bri rgyun ltar/__de 'og karma pa g.yas g.yon grangs mi mnyam re zhig mi bri/__mkha' khyab rdo rje rdo dril thugs kar bsnol/__zhwa nag__/rab byung chas 'dung ma dkar po/__zla gam smug pos smad dkris/__g.yon gong du gu ru ma he mar snang srid zil gnon/__g.yas man+dA ra/__g.yon mtsho rgyal bri rgyun ltar/__de'i gams zur rgyal sras mchog grub rgyal po khri'u chung gi khar byams bzhugs rgyal po'i chas/__phyag gnyis chos 'chad la klu shing rtser ral glegs dang gser 'khor/__de 'og kong chen pa bri rgyun ltar/__de 'og 'gyur rang gi bka' 'dus kyi dbang rgyun gtso bo 'di yin pas bris la/__gzhan rnams kyi gong gi karma pa bri'am rang mos bya/__med tshe dbang rgya mtsho dbu zlam/__gos smug po phu dung can la gzan sham dmar smug rig 'dzin spyi zhu g.yas phur pa 'phyar/__g.yon thod chang /__spyan gru gsum sdang mig khro nyams/__zhabs skyil krung /__'og gi g.yas dpal chen phyag rgya gcig pa sku mdog mthing ga zhal gcig__/phyag gnyis rdor dril bsnol/__yum dmar mo gri thod/__zhabs dor stabs/__gdan pad nyi/__ru tra pho mo/__me ri/__sman snying gi khro bo lta bu cher ma khros pa/__dur khrod dpal chas rus rgyan sogs spyi 'gre/__g.yon 'og mgon po gnam lcags me 'bar sku mdog mthing nag dbu dgu/__phyag bco brgyad/__dbu brtsegs lugs dang kha dog gong gi che mchog ltar/__g.yas dang pos ru mtshon phyar/__g.yon dang pos me long phyar/__de 'og gnyis kyis mda' gzhu 'gengs/__g.yas lhag mas lcags kyu/__rgyu zhags/__chu gri/__gri gug__/s+t+wa re/__tho ba/__thod pa/__g.yon pas dbal mdung zhes pa mdung rtse gcig pa g.yas g.yon so yod pa/__ral gri/__lcags sgrog__/sbar shad ces pa so mangs rtse mo lnga pa/__me thab/__thog mdel/__ste'u/__zhabs bzhi gyad kyi dor stabs kyis pad nyi/__khyung /__stag__/dam/__'brug rnams mnan pa/__spre'u dang srin po'i lpags pa dar nag 'jol ber rnams kyis stod g.yogs/__dom dang stag lpags kyi smad dkris/__sbrul rgyan brgyad dang rin chen rus rgyan/__rdo rje'i khyung gshog__/drag me 'bar ba'i klong na bzhugs pa/__de'i g.yon zur sngags srung ma sngon mo snying dang /__lcags spyang khra thabs 'gyed pa klong snying ltar chung ngu zhig khrag mtsho gru gsum pa'i klong na pad nyi ro gdan la bzhugs pa bri/__mdun du sman raka__/gtor ma rin chen 'bar ba/__shel snod du tshogs gtor/__'dod yon lnga/__thod pa skam rlon sogs kyi nang drag po'i mchod pa rnam lnga sogs ci mdzes bri zhing /__bka' 'dus kyi 'og g.yas chu mtsho brag ri de'ang /__mtsho mthing nag__/nang chu srin sogs/__brag de la tsan+dan kyi nags tshal/__rtsa bar dur phag__/gcan gzan sna tshogs/__sked par dug sbrul/__rtse mo ri/__mgul par brag skyibs tu khyung gi tshad/__rtse mor lha khang dmar po chung ngu yod pa zhig bri na legs/__/yi dam khyad 'phags 'di nyid kyi las byang bsdus tsam las gsal kha cher ma byung bas/__gong gi spyi dpal chen po'i phyag mtshan 'di rnams gter ston las rab gling pa'i yongs rdzogs 'dus pa ltar bris shing /__slad nas 'di'i lugs gsal cha byung na rang gter 'khrul med du bri ba gal che'o//__//

oM swasti/__ngo mtshar kuna~X bza~Xng lha yi pho brang nang /__/rtsa gsum rab 'byams dgyes pa'i rol mo 'khrol/__/dge legs swasti'i dbyangs snyan sgrogs pa yi/__/sa gsum kun tu rab dga'i rtsera~X gyur cig__/ces bkra shis pa'i tshigs su bcad pas drangs te/__deng gi char bsod nams stobs kyi 'khor los bsgyur ba pho brang chen po sne'u gdong rtse pa'i 7zhabs brtan grwa tshang ban 'tshogs pa'i sku bcar/__mkhan zur lho khang spyi khyab ye shes thub bstan gyis bka' drin chen pos gzhi bzung /__'jam mgon mkhyen kong rnam gnyis kyi thugs sras/__khyung sprul pA taM pad+ma dbang chen gong gsal rten bzhag dang 'brel ba'i deb bkod/__kaHthog rgyal sras kun tu bzang pos cho ga phyag len gyi bsgrigs bkod sogs mdzad de thugs bskyed chen pos sprul pa'i gter chen yar rje o rgyan gling pa'i dpal chen bka' 'dus tshom bu nyer gcig gi chos sde chen po yang gter du sbas pa ngo mtshar bka' babs bdun ldan pad+ma 'od gsal mdo sngags gling pa'am/__'jam dbyangs mkhyen brtse'i dbang por slar yang bka' babs pa bka' 'dus snying bo tsam gtan la phabs par mdzad pa'i phrin las kyi byang bu dang 'brel ba'i sgrub mchod tshom bu tshogs bsgrub gsar 'dzugs dgos phebs bzhin/__ban tshogs ser skya thams cad nas dad mos lhag blos 'dzugs par mdzad pa/__da lam ngos kyang sgrub dbur bdud rtsi sman sgrub dang 'brel ba'i sgrub pa'i dga' ston phun sum tshogs pa nyams su myong ba'i skabs su spro dga' chen pos/__sgrub par nyer mkho'i rten bzhag phran bu'i tho la/__g.yab dar rdo rje la 'dog rgyu dar sna lnga/__gos ya sha nag po gos dmar gyi 'phan lce gsum yod pa lcags rdor la 'dogs rgyu/__mkhyen brtse gong mas phyag bsnams dang /__ngos kyi rgyun ring sgrub rten byas pa'i gser dngul phra ma'i tshe bum/__mdun phra la pad raka gcig__/g.yu phra che chung /__bye ru dkris la tog yod pa/__kha rgyan/__rta mgo/__pad lder bcas shub ldan spus legs/__mdun chas nang 'jogs rgyu/__ka pA la mtshan ldan dngul gyi nang shan can/__rag gser me rlung thod sgyed dang /__khebs la byer tsab gcig yod pa/__bzang gos stegs khebs mtha' 'jags bzang gos tshos rnying mas byas pa nang ldan che gcig__/mdun chas 'gebs mja' 'thags dmar po'i khebs gru bzhi da 'phrus dmar po'i nang ldan gcig bcas rten bzhag dang /__bka' 'dus dus mchod la bshams dgos rgyu bcas sde dge rdzong sar mkhyen brtse sprul skus/__me sprel zla 4tshes 21pa bris pa dge/__//__

bka' gdams zhal thang bri yig__/oM swasti/__jo 'brom rngog gsum gyi zhal thang la/__dbus su jo bo rje sku shin tu mdzes shing brjid chags pa/__sku lus drang por bsrang ste dbu cung zad 'gying nyams can/__phyag gnyis thugs kar chos 'chad/__na bza' sha 'gags sngo/__sham thab btsag kha/__chos gos dang snam sbyar ngur smrig__/dbu paN zhu rna thung ser po ngur smrig ri mo can/__zhabs skyil krung /__g.yas su bka' gdams gdung rten dang glegs bam 'ga' re brtsegs pa/__mkhar gsil/__g.yon du za ma tog__/gdan pad zla seng khri/__mdun du spyi blugs/__lhung bzed zhos gang ba/__zhal dkar/__shel snod shing tog__/de'i g.yas su 'brom ston pa dge bsnyen lcang lo sil bu can/__sku sha rgyas shing zhi 'dzum brjid chags zhi zhing dul ba'i nyams/__dbu jo bo la 'dud pa'i rnam pa/__phyag g.yas skyabs sbyin gyi rgyas shel phreng 'dren pa/__g.yon mchog sbyin pad dkar nor bus mtshan pa/__na bza' nang gos dkar po/__sku gzan rgya kha/__sku ber smug po lta bu dge slong gi rung pa'i tshon mdog ma yin pa'i gang 'os/__dbu zhwa med/__g.yon du rngog blo ldan shes rab dge slong dar yol/__phyag g.yas chos 'chad ut+pal ral gris mtshan pa/__g.yon mnyam bzhag glegs bam/__na bza' sha 'gag dmar po/__sku sham btsag kha/__chos gos snam sbyar ngur smrig__/zla gam ser po/__sku sha rgyas shing sgeg nyams can/__sha tshugs grim pa/__'di gnyis ka skur zhal/__gdan dar 'bol/__jo bo'i dbu steng du thub pa dam tshig gsum bkod thub dbang spyi ltar la/__phyag chos 'chad/__gdan seng khri pad zla/__de'i mdun g.yas su rdor dbyings gtso bo zhal bzhi kun rig lta bu/__sku dang zhal thams cad dkar po/__phyag gnyis thugs kar byang chub mchog gi phyag rgya zhes g.yon 'og tu byas pa'i khu tshur gyi 'dzub mo g.yas pa'i khu tshur gyi nang du bcug pa'i steng du rdo rje rtse lnga sgang po 'dzin pa/__rin po che'i cod pan dar dpyangs can/__'gul rgyan/__do shal ring thung /__phyag zhabs kyi gdu bu/__ske rags/__dar dkar po'i stod g.yogs dang smad g.yogs zhes gsungs pa gnyis ka dkar po yin kyang kha dog 'dres pa'i skyon spong phyi nang sha sngon po 'dra gang 'os/__gdan seng khri pad zla/__g.yon du rnam snang mngon byang sku mdog gser mdangs/__phyag mnyam bzhag__/rin po che'i rgyan rdor dbyings dang 'dra/__dar sngon po'i stod g.yogs/__kha dog sna tshogs pa'i smad dkris/__zhabs rdor skyil/__gdan pad+ma dkar po dang zla ba'o/__/de rnams kyi g.yas su sgrol dkar yid bzhin 'khor lo spyan bdun ma spyi ltar la/__bdud rtsi kha dog lnga ldan gyi char 'bebs pa/__g.yon du sgrol ljang spyi ltar la jo bo dang bar du 'ja' tshon gyis 'brel ba/__rin po che'i char 'bebs pa/__'brom gyi sku dpung g.yas pa'i steng nas 'ja' tshon 'phros pa'i rtser 'ja' sprin gyi nang du spyan ras gzigs phyag bzhi pa spyi ltar/__rngog gi dpung g.yon las 'ja' tshon 'phros pa'i rtser 'ja' sprin gyi nang du Dom+bi he ru ka stag la chibs pa yum dang bcas pa spyi ltar/__jo bo'i mdun du rdo rje 'chang dkon mchog bstan pa rab rgyas sku tshugs dang zhal ras sogs ma gzhi rje rin po che dang 'dra ba la/__shangs rdog de tsam mi che ba/__spyan cung zad hur bag gi rnam pa/__phyag mdud rgya/__na bza' rngog dang 'dra ba la/__'gags ring sha 'gags min dkyus ma ltar bri/__dbu paN zhwa ser po rna ring sne mo nang du slog pa/__gdan rin po che'i khri dang dar 'bol/__mdun du spyi blugs sogs jo bo ltar/__'bram gyi 'og tu mgon po gri gug gnas bcu'i zhal thang 'ga' re la bri srol can de yin/__de'ang sku mdog mthing nag g.yas gri gug phyar/__g.yon thod khrag thugs ka__/spyan gsum/__mche gtsigs/__ljags bskyod/__dbu skra dang smin ma dmar ser gyen du brdzes pa/__sbom thung yan lag rags/__gsus khyim che/__zhabs g.yon cung zad brkyangs pa'i bzhengs stabs/__thod skam dbu rgyan/__rlon pa'i do shal/__stag sham/__sbrul rgyan/__drag me dmar nag 'bar ba/__gdan pad nyi/__mi ro/__spyi bor mi g.yo ba sngon po tshon gang tsam sku mdog mthing nag__/spyan gsum dmar zlum/__g.yas ral gri me 'bar ba nam mkhar phyar ba/__g.yon rdo rje'i zhags pa sdigs mdzub bcas thugs kar gtod pa/__smar smin dbu skra dmar ser/__ya sos ma mchu mnan pa/__mche ba rnon po gtsigs pa/__stag sham/__rin po che'i rgyan/__sbrul rgyan/__zhabs g.yon brkyangs pa'i dor stabs/__gdan pad+ma nyi ma tshogs bdag glang sna gan rkyal du bskyil ba'i steng du me 'bar ba'i dbus na bzhugs pa/__rngog lo'i 'og tu dzaM dkar 'brug zhon/__sku mdog dkar gsal/__zhi 'dzum chags nyams cung zad khro ba/__spyan gsum dbu skra dkar ser gyen brdzes/__smar smin dkar ser gyen du 'khyil pa/__g.yas rtse gsum nam mkhar phyar ba/__g.yon rin po che'i be con dku g.yon pa la brten pa/__rin po che'i rgyan brgyad dang /__/dar yug gi stod g.yogs/__kha dog sna tshogs kyi sham thab/__rin po che'i char 'bebs pa'i sprin kha dog sna tshogs pa'i dbus na pad zla dang g.yu 'brug gi steng na bzhugs pa/__phyi rol du nor 'dzin pa tra gang mdzes/__shar du rdo rje mkha' 'gro sngon mo g.yas rdo rje/__g.yon rin po che'i pad phor nor bu dang shing tog dar zab sogs kyis gang ba/__lhor rin chen mkha' 'gro ser/__g.yas nor bu me 'bar/__g.yon gter bum/__nub pad+ma mkha' 'gro dmar/__g.yas pad+ma/__g.yon lcags kyu/__byang las kyi mkha' 'gro ljang /__g.yas rgya gram/__g.yon ne'u le bsnams pa/__thams cad zhabs g.yon brkyangs pa'i gar stabs can/__'di bzhi zhal gyi sring mo bzhi ltar sku shin tu chung ba sprin gyi dbus su gang bder bri/__'brom gyi g.yas su rwa sgreng dgon pa shugs nag 'thug po'i dkyil du yod pa/__lha khang dmar po gser 'phru can mdun nas chu che ba dang /__g.yon du chu mig__/ltag tu brag dkar po seng ge'i gdong pa 'dra ba'i mdun du sgrub khang chung ngu dang /__steng 'og thams cad du shug nags 'thug po/__yang dgon du dge slong sgrub pa po gcer sham can/__lha khang khyung mgo can gyi mdun du bsags sbyong maN+Dal dad phyag 'tshal mkhan/__shug nags kyi bar ci rigs par dge slong sgres po la las bskor ba byed/__la la mnyam bzhag__/la la chos 'chad pa'i nyams can bri/__rwa sgreng gi rgyab phyogs su thang lha'i gangs sprin dang na bum 'ja' tshon 'phro ba/__seng ges brgyan pa/__rngog lo'i phyogs su gsang phu lung pa zhig gi phur ne'u gseng spang sgong dang bcas par/__gtsug lag khang dmar po/__grwa gshag dkar po/__gtsug lag khang gi mthil du 'chad rtsod brtsam gsum gyi bkod pa/__bla ma dge 'dun thams cad zhwa ser can/__dgon pa'i g.yon logs mdun du spang dil shing se ba me tog bcas pa dang /__shug pa phra mo lta bu'i nags tshal chung ngu bcas dpe'u ris ltar/__dkon mchog bstan pa rab rgyas mdun 'ja' gur gyi dbus su ri rab gling bzhi nyi zla dang bcas pa'i maN+Dal gyi bkod pa mdor bsdus gang mdzes rin po che sna tshogs kyis gang ba dang /__g.yas g.yon du mchod pa'i bye brag__/gzhan yul snang gi bkod pa rnam 'gyur mi 'dra ba ma gtogs sa ngor tshar gsum gyi skabs ltar tshang ma ci mdzes su bri/__rgyab tu jo bo'i sku gdan khri dang bcas pa'i tshad dang mnyam pa'i dbyen zlum mchod rten thig rtsa dang ldan pa bum sgo dang bcas par gser byi ba byugs byas pa bri'o/__/mang+ga laM//__// bka' brgyud zhal thang bri yig__/bka' brgyud zhal thang gtso bo rje btsun mar pa nyi lde ma sku tshad jo bo rje ltar/__de'i g.yas su mi la/__g.yon du dwags po rin po che gnyis sku tshad 'brom jog gnyis dang 'dra/__gzhan sku'i nyams/__sha mdangs/__gzigs stangs/__phyag stabs/__bzhugs stangs/__na bza'/__gdan khri sogs kar phyogs kyi zung 'jug brgyad rim bris rgyun khung dag ltar ba/__dmigs bsal mar pa la seng khri dar 'bol/__pad gdan/__mdun du rdo dril/__Da ru/__nang mchod/__zhal dkar chang gis bkang ba/__tshogs rdzas nya sha dang la phug sogs yod pa'i pad gzhong bcas/__mi la la 'bol gdan ljang gu'i steng ri dwags pags pa/__dwags po la 'bol gdan dmar po'i steng gding ba btsag kha bting ba/__steng gi dbus su rdo rje 'chang spyi ltar/__g.yas su tshe dpag med grub rgyal lugs sku mdog dmar po longs spyod rdzogs sku'i chas spyi 'gre la/__phyag mnyam gzhag steng gser gyi bum pa dpag bsam shing lo ma dang me tog rab tu rgyas pa'i kha rgyan can bsnams pa/__zhabs rdor skyil/__gdan pad zla sogs spyi ltar/__'ja' sprin dang bdud rtsi'i char 'bab pa dang ldan phyag gi bum pa las ya phyur ba'i tshul gyis 'bebs pa/__g.yon du grub chen sa ra ha bram ze'i gzugs mda' 'dzin pa sogs spyi ltar la/__mar pa'i mnal lam ltar na/__shing p+lak+shi'i ljon pa la sku rgyab brten pa/__dur khrod kyi chas dang /__ro gdan can zhes gsungs pa bri stabs bde na de ltar bri zhing /__dur khrod kyi chas rdzogs par bri stabs ma bde na spyi ltar rus rgyan drug dang stag sham tsam bris pas kyang 'thus/__gang ltar yang 'ja' sprin gyi dbus na bzhugs pa/__zhabs phyed skyil/__me tog gi char 'bebs pa/__'ja' zer mar pa'i thugs kar zug pa bri/__'khor mi dgos/__rdo rje 'chang gi 'og g.yas su tai lo/__g.yon du nA ro gnyis zung 'jug brgyud rim bris rgyun spyi ltar gang legs/__mi la'i dbu gtsug steng thad nam mkhar bde mchog lhan skyes/__dwags po'i dbu gtsug nam mkhar phag mo dmar mo gnyis kar lugs kyi sgrub thabs dang mthun pa'i bris rgyun spyi ltar/__so so'i thugs ka nas so sor 'ja' zer gyi 'brel ba sogs snga ma rnams ltar/__mi la'i steng mar pa'i g.yas zur du gro bo lung gi ri khrod dang /__sras mkhar dgu thog gi pho brang gnyis bris dpe ltar bkod pa gang legs dang /__de gnyis su sngags 'chang rdo rje 'dzin pa rnams kyis 'chad pa dang rtsom pa'i bkod pa gang mdzes/__mar pa'i sku'i g.yon dwags po'i thad dwags la sgom po bris dpe ltar dang /__der rab byung gi tshogs kyis 'chad rtsom mdzad tshul/__ri khrod du rab byung rnams kyis sgom mdzad tshul/__de'i steng zur gang bder la phyi gangs kyi ra ba bris dpe ltar la/__dkyil du gangs khrod dang gsham du brag phug tu ras pa'i tshogs sgrub pa la gzhol ba'i tshul/__mar pa'i mdun du 'jam mgon blo gros mtha' yas bris rgyun dkyus ltar la/__dbu zhwa dwags zhu/__phyag gnyis thugs kar chos 'chad kyi rgyas ut+pal bsnams pa'i g.yas snyan thad glegs ral dang /__g.yon tshe bum gyis mtshan pa/__zhabs rdor skyil/__de'i mdun du nye ba'i rin chen bdun/__khang 1bzang bkod pa gang legs kyi dbus su/__ral 2gri sngon po 'od zer sngon po 'phro ba/__pags 3pa gser gyi spu ris can/__skyed 4mos tshal/__gos 5phu dung can/__rin po che'i mchil 6l+h+wam/__gzims 7khri mal cha gzan lta bu bcas/__bkra shis rdzas brgyad kyi ri mo bcas bkod pa gang mdzes dang /__gzhan yang mchod pa'i rnam grangs du ma/__de'i g.yas su mgon po phyag bzhi pa/__gdan pad nyi bam ro bsnol ma'i steng /__mgon po sku mdog mthing nag__/dmar zlum spyan gsum/__khro gnyer bsdus shing mche ba gtsigs pa/__ljags bskyod pa/__dbu skra smar smin dmar ser me ltar 'bar ba/__phyag g.yas dang pos be ta'i 'bras bu dbyibs snying 'dra ba thugs ka'i steng dang /__g.yon thod khrag 'og tu 'dzin pa/__g.yas 'og mas rdo rje ral gri 'debs tshul/__g.yon 'og mas kha T+wA~M rtse gsum dar dpyangs can 'phyar stabs/__mi mgo skam po lnga'i dbu rgyan/__rlon pa khrag 'dzag pa lnga bcu'i do shal/__dar dang /__rin po che dang /__sbrul dang /__dril bu g.yer kha'i phreng bas brgyan pa/__stag lpags gsar pa khrag dang bcas pa'i sham thabs can/__sku las skyes pa'i me 'bar ba'i klong du zhabs dpa' bo rol ba'i bzhugs stangs can no/__/g.yon du bkra shis tshe ring ma gtso mo sku tshad che ba/__'khor bzhi dzam dkar gyi lha mo bzhi lta bu'i chung ngu /__gangs mthon mthing rgyal mo'i bkod pa sogs kar lugs bris rgyun spyi ltar shin tu legs pa/__gzhan gnam sa bar gsum gyi yul snang /__'ja' sprin/__rin po che dang me tog gi char/__gangs ri/__seng ge/__brag ri/__spang ri/__dpag bsam ljon shing /__skyed tshal/__khrus rdzing /__rin po che'i ri/__ma rmos lo/__'dod 'jo'i ba/__gter bum/__glang chen/__bya ri dwags/__rma bya/__me tog gi bum pa/__ne tso mi skad smra ba/__zung sogs snga ma rnams ltar bkod pa rgyas mdzes su bri zhing /__rgyab tu gtso bo'i sku rgyab khri rgyab yol bar gyi tshad dang mnyam pa'i lha babs mchod rten thig rtsa ldan pa/__bum sgo thugs ka'i thad du yod pa zhig bri'o/__/mang+ga laM//__//

a mr-i ta bi dza yan+tu/__cha tshad 'byung khungs shes bya kun khyab las/__/thun min dus 'khor las gsungs ye shes kyi/__/mchod rten sangs rgyas skyil krung lte ba'i man/__/bang rim lte 'bur bum gdan dpung pa'i bar/__/bum ldir mgrin pa bre dang mdzod spu'i bar/__/bre gdong de yan chos 'khor tog dang bcas/__/phyi nang gzhan gsum rnam gzhag gcig tu mthun/__/zhes pa ni cha tshad kyi khungs smros pa yin la/__de lta bu ma yin par tshad med blun po'i rang bzo byas pa ni rnam pa kun tu smad pa'i gnas te/__sprul sku sangs rgyas lha dbang gi tshad yig las/__de ltar min pa'i shes 'dod bzo bo yis/__/bzhengs na dad pa mi skye rgyu zas zad/__/bzhag na mos gus mi skye zag pa sog__/byin na gzhan gyis mi 'dod khrel ba'i rgyu/__/mchod na dag snang mi skye rmi lam 'khrugs/__/de phyir tshad med rang bzo dor nas kyang /__/shes rab can gyis tshad la gzabs par mdzod/__/ces dang /__tshad ldan mdzes shing yid du 'ong ba ni mchod pa'i rten te/__snga ma de nyid las/__bzo mchog gzugs tshad mdzes na mchod pa'i zhing /__/bsod nams ye shes tshogs gnyis bsags pa'i rten/__/zhes gsungs pa ltar skyon yon spang blang gi gnas la gzob pa lhur len pa gal che'o/__/slar yang tshigs su bcad de smras pa/__sgrub pa'i rtanaX dang dngos grub gta'/__/rtog sgrib nyams chag skongaX ba'i rdzas/__/dkyil 'khor mnyes byed mchoda?X pa'i sprin/__/shes pa bzhi ldan baX liXM ta?X/__/'dod rgur bsgyura?X ba dmigs pa'i 'phrulaX/__/tshe gal la sogs rtenaX 'brelaX sgo/__/ring bsrel lnga ldan mnaX ngagaX gnad/__/zab gsang sngagaXs kyi khyadaX par chosaX/__/kunaX mkhyen bla ma'i zhal khrid kunaX/__/kunaX phan bsam pas kunaX bslang dpaXl/__/dpaXl ldan tshogs gnyis lhun grub shog/__//__ srid zhi'i gtsug rgyan chen po gangs can mgon po7rgyal dbang thams cad mkhyen pa tA la'i bla ma rdo rje 'chang gi zhabs pad lha mi'i che rgus btegs pa'i khri drung du/__sgo gsum gus ldan rdzong sar dgon chung gi 'jam dbyangs mkhyen brtse'i sprul ming pas dad brgya'i lha phyag gis btud de zhu gsol/__deng /__snying rje'i gter chen 'phags mchog lag na pad+mo ngur smrig gar gyi gzugs su bsgyur te gangs ris bskor ba'i ljongs kyi phyogs dang ris su ma chad pa'i bstan 'gro mtha' dag gi gtsug nor chen por mtshan dkyil gsal dwangs su bzhug pa nas ma hA tsI na'i yul gyi tha gru chen por zhabs pad bkra shis kyi 'khor lo bsgyur ba'i skabs 'dir/__gus pa bdag kyang mtshan dpe'i dgyes zhal mjal ba la shin tu dad spro chen pos zhabs bcar zhu 'dun che rung /__chibs bsgyur myur po 'byon snyam gyi som nyi'i dogs pas da lta dngos mjal gyi skal ba phra rung /__slad nas 'dren mchog 'phags pa'i zla zhal 'dren byed kyi bdud rtsir gyur pa'i rten 'byung 'gogs pa med pa'i smon 'dun gsol 'debs dang /__da lam mjal dar mtshon nang mdzod maN+Dal rten dod rgya gor srang 50/__gzig lpags/__aM b+han gor rdil tshad bcas gus pa chen pos 'bul lam zhu shing /__slad ma'i char yang kun mkhyen nyi ma'i gnyen gyi bstan pa rin po che'i dpal mgon chen por zhabs pad gser sbyangs rdo rje dang nor bu rin po che'i brgyan pa'i khri 'phang mthon por g.yo med bskal brgyar bzhugs pa gsol ba snying nas 'debs pa lags na ye shes gzigs pa'i chos klong chen por mnga' bar zhu zhu/__mkhyain/__mkhyain/__zhu 'degs lha rdzas rab dkar bcas gus pas phul zhus//__// lha bcas srid zhi'i gtsug rgyan khams gsum 'gro ba'i bla ma 7rgyal mchog thams cad mkhyen pa chen po'i zhabs pad gser khris btegs pa'i drung du/__sgo gsum rab gus sman shod rdzong gsar bkra shis lha rtse'i 'jam dbyangs mkhyen brtse'i sprul ming 'dzin pa chos kyi blo gros pa dang /__chos rje bla ma las sne grwa tshangs bcas pas sor bcu'i gong bu spyi bor zlum pa dang bcas mgrin gcig zhu gsol ba 'debs snying /__deng /__lha mi'i mchod sdong chen po rgyal bstan ris su ma chad pa'i bstan 'gro'i phan bde 'byung ba'i rtsa lag dam par gyur pa skyabs mgon tA la'i bla ma mchog nyid gsang gsum mtshan dpe'i dkyil 'khor rta bdun dbang po bzhin du gsal zhing gang 'dul phrin las kyi 'od snang phyogs dus kun tu khyab par brdal ba dang /__ma hA tsI na'i ljongs kyi sa yi lte bar pho brang chen po pe cin du/__dzam gling skye 'gro mtha' dag gi pha ma lta bu'i mdza' bshes tshangs pa chen po mo'u kru'u zhi'i dang mchod yon gser zhal rgyas pas bod dang bod chen ljongs kyi sa yi char 'khod pa'i ris med rgyal bstan mtha' dag 'gal med gru bzhi lam khyer gyi rang gnas sor 'jag dang chos srid rang skyong gi chos spyod rnam bcu'i bya cha so so'i 'dzin khongs dang bcas pa thams cad sngar lam ji bzhin bde skyong chog pa'i bka' mol rtsa tshig tu bkod pa sogs kun mkhyen rgyal ba shAkya seng+ge'i bstan pa rin po che sgrub brgyud shing rta chen po brgyad dang bshad rgyun 'degs pa'i ka chen rnams nyams med dar rgyas 'byung ba'i bdag rkyen gyi byed po thun min gyi bka' drin sa chen po 'dis kyang theg par dka' na yang da lam shin tu dad gus spro dga' tshad med rab dga'i ting nge 'dzin gyis kyang mtshon du med pa'i shugs kyis drangs te legs 'bul maN+Dal gyis mchod sprin mtshon byed/__bkra shis pa'i lha reg nyin mo bde legs/__maN+Dal rten gsum dod du gor lnga/__rin gnyis d+ha gor brgya phrag bcu tham pa bcas phul bas dgyes pa'i spyan zur gyi 'babs stegs su yud tsam g.yo ba dang /__slad nas kyang dzaM gling bstan 'gro'i spyi dpal chen por zhabs pad rdo rje'i khri la nam yang g.yo med bskal brgyar bzhugs pa dang bod chen ljongs 'khod spyi dang bye brag mdo smad sde dge'i rgyal khab kyi bstan 'gro mtha' dag dang /__khyad par gus pa dgon chung gi bla sprul thams cad la 'di phyi kun tu skyabs srungs thugs rje'i gzigs pas nam yang mi 'dor ba dang /__dmigs bsal legs spel nyes sel gyi bka' bslab gnang 'os rigs kyang spyi bo'i rgyan du stsol bar zhu zhu zhu/__mkhyaine/__mkhyaine/__zhes dad phyag grangs med brtsegs te gsol ba 'debs pa'i zhu chung //__//

ris med rgyal bstan yongs kyi mnga' bdag srid pa gsum gyi gtsug nor 7rgyal dbang thams cad mkhyen pa chen po'i zhabs sen tshangs dbang khyab 'jug drag pos btegs pa'i khri drung du/__sgo gsum gus ldan mkhyen brtse'i sprul ming 'jam dbyangs chos kyi blo gros pas yan lag mchog gi rab tu btud de gus pas zhu gsol/__deng /__tshad med mkhyen dang brtse ba'i sprin chen bskal mang gong nas phyogs bcu'i zhing khams rab 'byams rnams su khyab par bkod pa las/__khyad par bsil ldan gangs ri'i ra bas bskor ba'i ljongs 'di 'phags mchog phyag na pad+mo ngur smrig gar gyi rnam par rol pa'i tshul ston gyis phyag mtshan du bzhes pa las rtsod dus bstan 'gro'i gdung sel 7rgyal mchog gser ri'i lhun po skyes sbyangs kyi 'phags pa sa chen po'i yon tan la ngang gis dbang 'byor ba'i rkang gnyis rnams kyi gtso bo mtshungs zla ma mchis pa'i gsang gsum nam mkha'i nor bu rdul bral gsal dwangs su bzhugs pa dang /__'phags pa 'jam dpal dbyangs kyi zhing khams tsI na'i rgyal khab chen por chibs bsgyur la nye zho med par nub phyogs bde ldan zhing gi gzhal med khang chen por zhabs pad gser gyi 'khor los bsgyur ba'i yas zhor sde dge'i rgyal khab tu chibs bsgyur gnang ba bka' drin gzhal med du che/__'dir gnas rmongs brtul 'du shes gsum pa'ang rgyal mchog thugs rje'i grib bsil du ngal 'tsho thob/__mtshams kyi zhu gsol/__da lam gser zhal rin po che mjal ba la shin tu yid gdung kyang /__gus pa da sngar lo mang shas phyogs 'grul ma byas pa dang /__mi mang gi gseb tu khrag grib ldang zhing /__'di lo lha bla'i brtags zhel sogs kyi rkyen las da lta mjal zhus ma grub par mkhyen dbyings rin po cher rnyogs rkyen du mi 'gyur ba dang /__'byung char yang /__zhing 'di'i legs brgya'i dpal yon gyi rtsa ba ni 7thams cad mkhyen pa mchog las gzhan du ma dmigs pas bod khams lha mi'i skyabs mgon gcig pur gsang gsum rdo rje'i khri 'phang chen por bskal pa rgya mtshor rtag bzhugs gsol ba 'debs pa dang gus pa ltos bcas rnam kun thugs dam ye shes gzigs pa'i skyabs 'og nas mi 'dor ba zhu zhing /__/gus nas kyang zhabs brtan gyi slad du sgo gsum gyi 'bad nus ci yod rtsal sprugs su zhu ba bcas rnam mkhyen chen por mnga' ba mkhyaine/__mkhyaine/__mkhyaine/__ces zhu chung 'degs mtshon lha rdzas nang mdzod/__maN+Dal rten dod rgya srang lnga/__rin chen dang po zho 'khor bcu/__rin gnyis d+hA sgor nyis brgya/__gzig lpags bcas skyabs 'og pas gus pa chen pos phyag bcas phul//__//

rigs brgya'i khyab bdag 'jam dpal gzhon nu dpal sa skya'i bdag khri rin po che'i zhabs brtan 'dzam bu'i gser 'khor bkra ba'i khri drung du/__sgo gsum rab gus ldan pas phyag bcas zhu gsol/__deng /__gdod nas srid zhi'i chos kyi rgyal thabs chen por mnga' dbang lhun gyis rdzogs pa'i bstan 'gro'i dpal mgon chen por bzhugs pa mchog nyid/__slar yang khams gsum zil gnon gyi 'jigs med chos kyi khri chen por snang srid 'gro ba mtha' dag gi gtsug nor chen por mnga' gsol ba'i zhabs brtan legs 'bul maN+Dal mtshon byed bkra shis pa'i mgul dar dge legs shis pa'i ri mos mtshan pa/__gsang gsum gzhan du 'pho 'gyur med pa'i rten gsum mtshon byed dngul srang bco lnga/__'bul mtshon dngul srang nyis stong dngos 'byor pad snal ltar phra yang rten 'byung gi sgo 'phar yangs por phye ba'i mchod sprin du dmigs te phul bas dgyes bzhes bka' drin bskyangs grub pa nas/__slad kyi char yang /__ngag dbang kun mkhyen 'jigs med chos kyi khrir/__/'jam dpal dbyangs dngos 'od gsal 'khon brgyud kyi/__/rgyal ba'i sras kyi khyu mchog chen po nyid/__/zhabs pad gzhom bral phyogs las rnam rgyal shog__/theg chen chos kyi shing rta nor bus gtams/__/bkra shis dge legs gter gyi mdzod chen rdol/__/srid dang zhi ba'i mi mthun phyogs kun 'joms/__/rdo rje rin chen dpal 'bar zhabs brtan gsol/__/bkra shis rgyal dbyangs 'khor yug kun tu snyan/__/bkra shis pad+ma dkar po thang mar brdal/__/bkra shis skye lnga'i sgra dbyangs sa gsum khyab/__/bkra shis 'dzam gling tha grur bkra shis shog__/ces pa'i zhu chung lha rdzas kyis bklubs te 'bras ljongs mkha' spyod DA ki 'du ba'i dga' tshal nas bka' 'bangs kyi tha chung 'jam dbyangs mkhyen brtse'i sprul ming 'dzin pa chos kyi blo gros pas zla tshes bzang por gus phyag dang bcas phul//__// sa skya pa chen po rdzong sar du phebs pa'i thog mar legs 'bul mchod sprin nyung ngu'i yi ge'i 'char gzhi sogs chab shog skor bzhugs/__lhar bcas 'gro ba'i skyabs mgon srid zhi'i gtsug rgyan 'jam mgon sa skya pa bdag chen rdo rje 'chang gi zhabs pad gser khris btegs pa'i nye drung du/__sgo gsum gus ldan mkhyen brtse'i sprul ming pas 'dud phyag grangs med bcas zhu gsol 'debs snying /__deng /__phyogs dus mu mtha' med pa'i rgyal ba sras dang bcas pa'i ye shes kyi phung po gcig tu bsdus pa 'od gsal lha rigs 'khon gdung dri ma med par mtshan dpe'i myu gu bzhad de skyes sbyangs kyi mkhyen brtse nus pa'i yon tan 'gran zla med pa rje btsun rigs gsum sems dpa'i ngo bor bzhugs pa nas/__bod chen ljongs 'dir bstan 'gro mtha' dag gi skyabs mgon dpung gnyen du brtse chen thugs rje'i 'od snang gi zhags pa ring du 'phro bas chibs kyi kha lo bsgyur te 'dul ba rnam pa bzhi yi sgo nas mthong thos dran reg gi skye 'gro thams cad kyi rgyud la thar pa'i sa bon 'debs par mdzad pa'i cho 'phrul chen po byis blos dpag par dka' ba skad cig re re bzhin yang bgrangs las 'das par ston pa dang 'brel/__deng gi char bkra shis phun sum tshogs pa du mas khyad par du byas pa'i skabs su kun mkhyen bla ma 'jam dbyangs mkhyen pa'i gter chen gyi gdan sa 'dir rmad du byung ba'i rjes su brtse ba chen pos rdzu 'phrul gyi rkang pa'i 'degs 'jog gi zhabs rten bkra shis kyi 'khor lo 'jigs med gdong lngas bteg pa'i chos kyi khri 'phang mthon por bkod de/__sku dkyil mtshan dpe'i gzi brjid dpal du 'bar zhing /__gsung dbyangs chos kyi dung chen sgrogs pas gti mug gi gnyid las dkrogs par mdzad pa dang /__byams thugs brtse ba chen po mtshan rtog gi zug rngu bral bas bdag sogs gdul bya mtha' dag la ma gcig bu la brtse ba ltar rtag tu dgongs par mdzad pa'i skal bzang gi dga' ston snga na med pa chu bur mig gi mngon sum du nyams su myongs ba'i dge mtshan gsar du 'char ba na/__gus spro'i pad+mo lhag par bzhad pa dang chab cig__/yab sras lhan rgyas mdun thog ma'i rten 'brel maN+Dal mtshon byed tsam du/__bkra shis pa'i lha rdzas zla zhun thags su btags pa/__gsang gsum rin po che 'jig rten gsum gyi sgron mer 'tsho zhing gzhes la chos kyi 'khor lo bskor ba'i rten 'byung du rdo rje gsum gyi snang brnyan/__yon tan gyi rten du bzang gos las bzos pa'i sa zhu legs pa/__phrin las kyi rten du tsan+dan DA ma ru g.yu byer phra ldan stong skud 'phan dzar can/__dngul gyi maN+Dal lcag ri tog bcas/__dkar dam cha gcig__/bzang gos stod rtse/__bzang gos ser po 'brug gor can kha bzhi/__hu dzus dmar ser sku ching /__can khab g.yung drung ris chab lug__/bzhes dkar bcud ldan/__dngul gyi khra skyag cha/__ba so'i bzhes thur cha gcig__/khrus ras dkar po/__gam drum ser khra'i drum nar/__gser rna byer rtsa ba can ya gcig__/tsakra sgam chung lnga/__wa lpags gcig__/gzigs lpags gcig__/mdzo gcig__/mdzo mo gcig__/'bri gcig__/khal gcig__/rta pho gcig__/rgya sgor rdil tshad gcig__/mtha' rten ras dkar bcas mi zad rgyan 'khor nyer lnga'i grangs ldan dang /__ye shes DA ki'i gtso mo rgyal yum rdo rje btsun mo'i mdun lha rdzas dar gyi pany+tsa li ka bcas zla ba nya ba'i grangs mtshungs 'bul lam zhu na dgyes pa'i spyan zur yud tsam g.yo ba'i 'bab stegs su gyur pa dang /__'byung 'gyur gyi char yang /__bkra shis bsod nams brgya pa'i sku dkyil nor bu'i lhun por bzhugs pa dang /__/bkra shis phan bde'i dgos 'dod kun 'byung bstan dang 'gro ba'i rgud pa sel/__/bkra shis dga' ba 'khyil pa dkar po g.yas su 'khor ba'i dge mtshan gyis/__/bkra shis gang zhig 'jam dpal gzhon nu'i zhabs pad rdo rje ltar brtan gsol/__/srid zhi'i tsha gdung kun sel ba'i/__/dam chos bdud rtsi'i gru char ni/__/dal gyis 'bebs pa'i skal bzang gi__/dga' ston 'grib med 'char gyur cig__/bdag sogs thugs rje'i spyan gyis yang yang btsa'/__/byams pa'i phyag gi mi 'bral bzung ba dang /__/nyin bzhin 'jam dpal 'khon gdung gzhon nu rje'i/__/zhal mjal gsung gi bdud rtsis bskyang bar smon/__/sarba dA ka l+ya NaM su shre yo b+ha wan+tu//__//__!__rab 'byams rgyal ba'i spyi gzugs dzam gling bstan 'gro'i dpal mgon bdag chen rin po che yab sras dbus ston 'khor gser zhal rgyas pa'i zhabs khri'i drung du/__gus pa mkhyen ming pas phyag bcas zhu gsol/__da lan/__gnas dus ston 'khor sgrub chos phun sum tshogs pa'i rten 'brel bzang po snga na med pa'i ngo mtshar rmad du byung ba'i skal bzang nyams su myong ba'i skabs 'dir/__rnam dkar legs byas kyi tshogs bsag skra rtse'i gtor ba'i chu thig gi zegs ma tsam du/__gtsug lag khang du mchod pa/__snyan shal/__skyabs rje bdag chen rdo rje 'chang gi mdun/__bkra shis pa'i lha reg__/rin gnyis da gor drug cu/__gdung sras yid bzhin nor bu'i mdun/__a she/__da gor lnga bcu/__bdag yum sku zhabs mdun/__a she/__da gor sum cu/__mkhan chen mdun/__a she/__da gor nyer lnga/__sde gzhung mchog sprul mdun/__a she/__da gor bco lnga/__gdong sna mchog sprul dang /__dpon slob rdor 'dzin gnyis kyi mdun/__dar/__da gor bcu re/__rdzong sar slob dpon dang dpon slob phyag mdzod gnyis kyi mdun/__dar/__da gor lnga re/__sa skya'i gsol mchod dang bla chos rnams la/__dar/__da gor gnyis re/__dge 'dun spyi la da gor re dang /__gsol ja/__'bras thug las sne rnam bzhag re re bcas phul ba/__rgyal bstan spyi dang bye brag rje btsun sa skya pa'i bstan pa dar zhing rgyas pa dang /__bstan 'dzin skyes chen rnams dang /__khyad par skyabs mgon bdag chen yab sras kyi gsang gsum gzhom bral bskal brgyar brtan cing legs mdzad phrin las bzang pos phyogs bcur khyab pa dang /__bdag cag ltos bcas kyi 'gal rkyen nyes zhi/__legs tshogs 'phel rgyas 'byung ba dang /__'brel thog gshin gson rnams bde 'gro thob phyir/__tshe lha rnam gsum bsnyen pa/__rnam 'jom/__sgrol ma/__bsam lhun/__bzang spyod rnams tshar re gsung grub dang /__skyabs 'jug zab mos rjes 'dzin stsol gnang grub par gsol ba 'debs pa lags//__//__!__bka' drin mtshungs bral/__7skyabs mgon bdag chen rdo rje 'chang mchog gis gus 'bangs ltos bcas la dmigs med brtse ba'i thugs rje chen pos skyong bzhin/__da lam sku tshegs 'o brgyal la ma gzigs par dpal chen srung bzlog sri mnan bcas zab rgyas su stsal ba'i bka' drin byang chub snying po'i bar du gzhal bya'i yul las 'das shing /__byin rlabs 'jug rten maN+Dal mtshon byed tsam du/__bkra shis lha reg__/maN+Dal rten dod rgya pad gor bcu/__bzang gos smug legs kha brgyad/__rin chen dang po srang /__rin gnyis gor bu rdil tshad gcig__/da yan gor brgya thum lnga/__aM b+han rdil tshad gnyis/__rtse rdo rdil tshad gnyis/__snam tshos bub gcig__/wa/__g.yi/__sram/__gzig bcas kyi pags shun/__ras dkar bcas me tog chung yang mchod rdzas kyis dpes nang brtses dgyes bzhes gsol ba 'debs pa lags//__// srid zhi'i rgyan mchog skyabs mgon bdag chen rin po che'i zhabs pad 'jigs bral gdong lngas bteg pa'i khri drung du/__gus pa bka' 'bangs gi gral mthar gnas pa mkhyen ming pas zhu gsol 'debs snying /__thar rtses grwa mgron lnga chung gdong bka' glegs phyag rgyas spras pa/__rten byin khyad 'phags dang /__zur du bdud rtsi ril bu'i phab gta' bum lto ma bcas spyir stsol byang ba gus spro rab dga'i zla ba bdud rtsi'i chu gter srid rtser 'phyur/__yang 'jam mgon mchog dang /__gdung sras yid bzhin nor bu sku mched/__ma yum lcags glang lo pa rje btsun ma sgron ma bcas la zhabs brtan tshe sgrub rten dngul srang sum cu dang /__tshe ril phab gta' bcas stsal nas zhabs brtan tshe sgrub dgos phebs bzhin phab gta' khyad 'phags sbyar nas dge slong dam gtsang gi bsgril te rat+na gling pa'i tshe sgrub gsang 'dus kyi sgo nas zla ba gcig tu legs par sgrub pa'i tshe ril khug snod rtags 'byar phul bas 'jam mgon 'khon gdung yab sras kyi zhabs pad gzhom bral rtag brtan rdo rje'i ngo bor bzhugs shing khyad par 'phags pa'i gdung brgyud rin po che dzam gling bstan 'gro'i dpal mgon du byon pa dang bshad sgrub las gsum gyi sgo nas rgyal bstan spyi dang bye brag phyogs brgyar spel ba'i 'dren mchog dam par 'tsho bzhes bzhugs par gsol ba 'debs mtshon lha rdzas nang mdzod maN+Dal rten gsum dod dngul srang bcu/__rin chen gter mdzod chen po'i glegs bam bcas phul bas dgyes bzhes bka' drin bskyangs grub pa nas 'dod pa'i don 'bras yid bzhin du smin pa'i thugs rjes gzigs pa'i dbugs dbyungs stsol bar zhu zhu zhu/__phran dang /__dpon mdzod tshe dbang dpal 'byor bcas la rgyun ldan skyabs 'jug gsol ba 'debs mtshon lha reg__/rin chen dang po zho gsum bcas sde dge rdzong gsar bkra shis lha rtse'i rang gnas gong ma'i gzims bskyil nas gus 'bangs dgongs mnga' des phyag bcas phul ba'i zhu chung //__// oM swasti/__dpal ldan yon tan rin chen kun 'byung ba/__/dge legs nor bu'i rgyal mtshan chen po ni/__/phyogs rnams kun tu grags pa'i gzi 'bar ba/__/khams gsum dbang mdzad rnams kyi shis pa stsol/__1/__dzam bu'i ljon pas mtshan pa'i gling chen por/__/'od gsal lha rigs 'khon gdung sa skya pa/__/mkhas grub rgya mtsho'i tshangs gnas zhabs sen bkod/__/bsnyengs bral gangs ri'i ljongs kyi rgyan gcig pu/__2/__deng dus skyabs mchog phun tshogs 'khor los bsgyur/__/chos kyi rgyal po ngaga~X dba~Xng dbyangs can lha/__/mgrin par rol pa'i kuna~X dga'i~X bso~Xd nama~Xs gter/__/'ja~Xm dbyanga~Xs gzhon nu kuna~X tu mdzes pa mchog3/__mthong na rab dga~X' dba~Xng gi rgyala~X po ni/__/blo~X grosa~X mchog mnga' ma~Xthu stoba~Xs zla med pa/__/bduda~X tshogs 'dula~X la lha dbang rdo~X rje~X bzhin/__/'jigs bral phyogs las rnam par rgyal ba che/__4/__pad+ma'i ngang tshul pad+ma'i rigs kyi mchog__/pa~Xd+ma~X dpa~Xl gyis pad+ma'i bu~X khrida~X ma/__/pad+ma rgyas pa'i pad+ma'i lang tsho can/__/pad+ma'i 'byung gnas dgyes rol yum mchog bcas/__5/__rdo rje g.yung drung dpal gyi be'u dang /__/'khor lo la sogs bkra shis dge mtshan gyis/__/rnam par brgyan pa'i 'jigs med seng+ge'i khrir/__/zhabs pad brtan cing khams gsum dbang sdud shog6/__kun mkhyen nyi ma'i gnyen gyi ring lugs spyi/__/khyad par dpal ldan sa skya'i chos srid kyi/__/ba dan dkar po srid rtser bsgrengs ba la/__/lha mchog dmar po gsum gyi shis gyur cig7/__ces pa'i smon shis kyi me tog nyung ngu 'di'ang dmar po skor gsum gyi mchod chog dang rjes 'brel du bkra shis pa'i lha reg rgyas mdog kha tshar ma nyams pa/__'jam mgon ngag dbang legs grub kyis thugs dam dmar po skor gsum gyi bsnyen thang rtse mo'i grangs ldan byin can/__bkra shis mgul dar gangs ri'i mdangs ldan bcas bka' 'bangs kyi tha shal chos kyi blo gros pas rgyal zla'i dmar phyogs kyi dga' ba dang por gus pas phul zhus//__//