JKCL-KABUM-Volume-08-NYA-Full Text Tibetan-wylie

@#/__/klong snying sngon 'gro'i zin tho nyung ngu bzhugs so/__/ skyabs yul skabs dag pa'i zhing khams bai DUr+ya yi sa gzhi'i dbus dpag bsam shing sdong yal ga lnga pa gsal ba'i dbus mar seng khri'i pad zla'i ste+eng o rgyan rdo rje 'chang spyi bor brgyud pa'i bla ma tho brtsegs/__mdun du ston pa shAkya'i rgyal po chags bral sprul sku/__g.yas su nye sras brgyad sogs/__rgyab tu chos dkon mchog glegs bam pusti'i rnam pa can/__g.yon du mchog zung sogs nyan rang gi dge 'dun/__shing gi rtsa bar rang dang mdun du rang la gnod par byed pa'i dgra gdon bgegs sogs g.yas g.yon tshe 'di'i pha ma/__rgyab tu gnyen 'khor/__mtha' skor rigs drug gi sems can thams cad 'khod de sgo gsum 'dun pa gcig pas skyabs yul gyi yon tan dran zhing /__dad mos rkang tshugs pas skyabs 'gro'i tshig brjod de/__de yang spyi ltar na bla ma nyid sangs rgyas chos dge 'dun te dkon mchog gsum po dngos yin la/__yin tshul ji ltar na/__sku dge 'dun/__gsung dam chos/__thugs sangs rgyas yin pas so/__/nang ltar na bde bar gshegs pa bsam yas rab 'byams rgya mtsho'i tshogs thams cad kyang rtsa ba gsum du ma 'dus pa med pas byin rlabs kyi rtsa ba bla ma ni khyab bdag dpal ldan rigs 'dus rdo rje 'chang chen po nyid dang /__dngos grub kyi rtsa ba yi dam yang bla ma nyid yin te/__gdan gsum tshang ba'i dkyil 'khor du gdod nas lhun gyis grub pa dang /__phrin las rtsa ba mkha' 'gro chos skyong thams cad ni dpal ldan bla ma'i gsang gsum phrin las thugs rje'i rol rtsal las nyi ma dang zer bzhin 'du 'bral med par rang snang ba'o/__/gsang ba ltar na rang lus rdo rje phung po'i rtsa ye nas dag ba sprul sku/__rlung ye dag longs sku/__thig le ye dag chos sku ste dag pa sku gsum rang bzhin de yang mthar gtugs na shes rig ma bcos gnyug ma byang chub kyi sems kyi ngo bo ka dag rang bzhin gyi gting gsal stong pa chen po chos sku gzhir gnas kyi ye shes dang /__rang bzhin lhun grub sku dang ye shes kyi gdangs nang gsal thim la ma rmugs par bzhugs pa longs sku gzhir gnas kyi ye shes dang /__thugs rje rigs pa'i rtsal 'khor 'das brtan g.yo kun khyab ci yang 'phro zhing cir yang snang ba rgya chad phyogs lhung thams cad dang bral ba thugs rje sprul sku gzhir gnas kyi ye shes te+e de gsum ka'ang ming gi rnam par dbye ba tsam las don la sku gsum dbyer med blo bral bsam gyi mi khyab pa'i gnas lugs rgyu rkyen bya rtsol las 'das pa'i rig pa sku gsum gyi dkyil 'khor chen po rang chas su bzhugs pa de ni mtshon bya don gyi bla ma o rgyan rdo rje 'chang chen po dngos yin pas de nyid rang ngo shes pa'i sgo nas dang de'i gdang rtsal phyir shar ba mtshon byed dpe yi bla ma dmigs bcas kyi skyabs kyi yul rnams la byang chub snying po'i mthar thug gi bar du skyabs gnas gzhan du mi btsal ba'i nges shes brtan pos skyabs su mchi'o zhes bya tshig ston pa'o/__/khrid yig gzhan du mthar thun bsdu tshe slar mos gus dung pa byas pa'i rkyen gyis yul lha tshogs rnams kyi sku las 'od zer dpag tu med pa 'phros/__rang gzhan sems can thams cad la phog pas tshe bsod dpal 'byor rgyas/__nad gdon sdig sgrib zhi zhing thams cad 'od kyi rnam par gyur nas skyabs yul rnams la thim/__skyabs yul rnams kyang 'od du zhu nas dbus kyi bla ma skyabs yul kun 'dus la thim/__bla ma de yang chos sku spros med kyi ngang la bstim pa ni kun rdzob kyi rnam pa/__de'i ngang du bcas bcos mi byed par rang babs su lhod de rnam rtog gi 'phro 'du dang bral bar ci gnas su bzhag pa ni/__don dam yongs shes kyi skyabs 'gro'o/__/mthar skyabs yul las 'od zer rang gzhan rnams la phog sdig sgrib byang /__skyabs yul rnams kyi byin rlabs rgyud la 'jug par bsam la dmigs med du bzhag/__sems bskyed ni/__pha mas gtsor byas mkha' khyab kyi sems can dmigs yul tu byas te gzhan phan lhag pa'i bsam pa bzang po snying rje'i rtsa ba can rgyud la bskyed nas sems gnyis bskyed pa'i tshig gi don ni/__hoHzhes byang chub kyi sems chen po la ngo mtshar ba'i tshig gis drangs te/__'gro rgyud kun gzhi ma rig pa dang mtshungs ldan la bag chags sna tshogs bltar mi mngon pa'i tshul du bzhag pas gnas gdon lus gsum gyi snang ba dag dang ma dag gi srid zhi'i dngos po cir yang snang ba de thams cad chu nang gi zla ba dang /__me long gi gzugs brnyan ltar med bzhin du rnam par snang rung don rang gi mtshan nyid mi rtag cing 'dus byas skad cig ma'i rang bzhin 'khrul pa brdzun pa'i snang cha risa?X su bris pa sgyu ma lta bu'i chos rnams kyi?X rang gzugs la bden par zhen pas srid pa gsum du yang nas yang du mgal me ltar 'khor ba bar ma chad cing rlung sems rnam shes gsum mi 'bral gcig nas gcig tu lu gu rgyud du gnas ris mtho dman sogs las kyi rlung gi bdas ste nges med du 'khyams pa'i yid can gyi 'gro ba rnams chos dbyings de bzhin nyid rig stong zung 'jug chen po'i rang zhal ma mjal zhing rtog pas sgrib pa mtha' klas pa thams cad/__so sor rang gi rig pa'i ye shes kyi spyod yul du gyur pa'i gnyug ma 'od gsal chen po'i dbyings su thog ma med pa'i dus nas srid par 'phyan zhing dub pa rnams ngal gso ba'i phyir du skyes bu chen po'i blos btang snyoms sogs tshad med pa bzhi dang 'brel ba'i ngang nas shes rab kyi rdzogs byang dang /__snying rjes gzhan don la dmigs pa ste don gnyis dang ldan pa'i byang chub mchog tu sems bskyed do zhes rdzogs tshig bstan pas sems dang sems byung lhag ma ma lus pa bskyed pa'i don to/__/skyabs sems sbrel na/__skyabs yul bsdu bstim sogs khrid yig dkyus ltar dang /__skyabs sems thun so sor bcad na skyabs 'gro la skyabs yul bsdu tshul khrid yig dkyus ltar dang /__sems bskyed skabs skyabs yul rang la bstim pa yin ces mkhyen brtse'i gsung zin bris mchan las byung bas de ltar bya'o/__/rdor sems sgom bzlas ni/__lam gyi 'gal rkyen du gyur pa tshe rabs thog med nas bsags pa'i bcas dang rang bzhin gyi sdig sgrib nyes ltung nyams chag dran pa dang ma dran pa thams cad sbyong ba'i blos aHzhes skye med kyi yi ge brjod pas skye ba'i dbyings las bla ma longs sku dpal ldan rdo rje sems dpa'i gsang ba gsum gyi cho 'phrul 'byung bar sgo dbye ba ste/__de yang /__bdag nyid rnam smin sha khrag gi lus tha mal du gnas pa'i spyi bo'i gtsug tshangs bug gi steng du rdo rje sems dpa'i gdan pad dkar 'dab brgyad kyi sdong bu sor bzhi tsam zug pa'i lte bar ze'u 'bru dang mnyam pa'i zla dkyil nya gang ba'i steng du hU~M dkar po yongs su gyur pa las skad cig gis bla ma rdo rje sems dpal sku mdog dkar gsal nor bu chu shel ltar bkrag cing 'tsher ba longs spyod rdzogs sku'i rgyan chas bcu gsum gyis spras shing zhi tshul dgu dang ldan pa'i sku phyag gnyis kyi g.yas rdo rje thugs ka dang /__g.yon dril bu dkur brten pa rang 'od kyi yum rdo rje snyems ma dkar mo gri thod 'dzin pa la 'khril zhing mnyam par sbyor ba/__yab rdo rje dang /__yum pad mo'i skyil krung gis bzhugs par gsal ba la gdung shugs drag pos bla ma rdo rje sems dpa' yab yum khyed la bdag gzhan 'khor ba ngan song gi 'jigs pa las bskyab tu gsol/__sdig pa dang sgrib pa thams cad sbyang du gsol snyam pa ni rten gyi stobs/__sngar byas kyi sdig ltung la gnong zhing 'gyod pa'i sems drag po snying rlung 'khrug pa tsam du byas te ngag gis mthol ba ni rnam par sun 'byin gyi stobs dang /__sgo gsum phrug gcig sgrim nas sdig pa dang dam tshig chag nyams thams cad bshags pa'i yid kyis gnyen po bsten pa ni gnyen po kun du spyod pa dang /__deng phyin chad srog la bab kyang sdig pa'i las mi byed snyam pas sgo gsum mi dge ba las ring du sdom pa'i spong sems khyad par can ni sor chud pa'i stobs te gnad bzhi po de dang ldan pas skabs 'dir thabs khyad par can sgrib sbyong thugs rje'i chu rgyun gyi dmigs pa ni bla ma rdo rje sems dpa' khyod kyi thugs kar zla ba'i dkyil 'khor nya rgyas pa dwangs shing gsal ba'i steng du hU~M dkar po dang de yi mtha' mar yi ge brgya pa'i sngags kyi phreng ba mu tig gi rdog ma ltar dkar hram me g.yas bskor du yod pa shin tu gsal ba de rnams kyang bem po lta bu min/__zhi khro rigs brgya'i sa bon yin pas lha sngags dbyer med ye shes kyi srog dang ldan pa sgom par bya zhing dmigs pa gsal na sngags phreng 'khor gcig dmigs pa ma byang na sbrul 'khyil du bkod kyang rung zhing yig brgya gsol 'debs kyi tshul du bzlas pa'i sngags kyi rang sgras spyi bo'i bla ma'i thugs rgyud bskul bas thugs ka'i zla ba sngags phreng las bdud rtsi'i rgyun dkar la dmar ba'i mdangs can dpag tu med pa babs pa dang lhan cig yab yum bde ba chen po'i rjes chags kyi rol pas rdo rje dang pad+ma mnyam par sbyor ba'i sbyor mtshams nas bdud rtsi byang chub sems kyi chu rgyun ga bur gyi rdul ltar 'dzag pa gdan pad+ma'i yu ba las 'khril te tshangs bug nas babs pa yis bdag dang sems can thams cad chos can so sor snang ba tsam las chos nyid kyi ngang du ro gcig cing dbyer med pas sdig sbyong gi sgo 'dis rang gi chos can dang chos nyid la gnad du bsnun pas gzhan la'ang phan par 'gyur ba ni gzhan don du rang gi sems byang chub dam par bskyed bas gzhan la'ang phan bar 'gyur ba bzhin no/__/des na bdag dang khams gsum gyi rgyu kun 'byung las kyi sgrib pa dang /__nyon mongs dang shes bya'i sgrib pa des bskyed pa'i 'bras bu sdug bsngal gyi rnam pa sna tshogs pa dang /__rang gi nyer len gyi phung po dang dbang shes 'khrul rtog kyis bskyed pa'i nad bzhi brgya rtsa bzhi dang /__bgegs rigs stong phrag brgyad cu/__gdon rigs sum brgya drug cu/__rang bzhin kyi kha na ma tho ba dang /__sdom pa gsum gyi bcas 'gal gyi sdig pa mi dge ba bag nyal dang bcas pa mdor na yang dag pa'i gnas lugs la sgrib rtsa'i nyes pa dang ltung ba'i tshogs ci mchis pa thams cad phra mo tsam yang ma lus par lhag med byang zhing thugs rje chen po'i bdud rtsi'i chu rgyun gyis rtsa ba nas dag cing dri ma med par byin gyis brlab tu gsol snyam pas yig brgya bzla'o/__/'di'i skabs sdig sgrib mar sbyong zhing /__bde chen dga' bzhi'i ye shes bskyed cing dbang bzhi'i dmigs pa ni khrid yig ltar ro/__/yig brgya'i sngags don ni/__rdo rje sems dpa' dam tshig rjes su skyongs/__/rdo rje sems dpa' nyid kyis nye bar gnas par mdzod/__/bdag la brtan par mdzad du gsol/__/bdag la shin tu dges par mdzod/__/bdag la rjes su chags par mdzod/__/bdag la shin tu dgyes par mdzod/__/bdag la dngos grub thams cad stsol/__/las kun la yang bdag gi ni/__/sems la dge legs su ni mdzod/__rdo rje de bzhin gshegs pa thams cad bdag grol/__/rdo rje nyid du mdzod/__/dam tshig sems dpa' chen po AH_zhes pa'i don yin no/__/rjes su bshags sdom bya ba bdagaX niX miX shesaX sogs kyi tshig don ni go sla'o/__/mthar sdig sgrib dag pa'i gnang ba byin nas rdo rje sems dpa' yab yum 'od du zhu rang la thim pa dang /__rang nyid rdo rje sems dpa'i skur lam gyi gsal ba'i thugs kar zla dkyil steng rang rig pa hU~M dkar po'i mthar sngags phreng kha dog dkar po g.yas bskor du 'khod pa las 'od zer dkar po spro bsdus bdag don dang /__gzhan don gyi dmigs bzlas khrid yig nas 'byung ba ltar bya'o/__/de rnams ni bskyed rim la brten pa'i sgrib sbyong dang /__don dam rdzogs rim mtshan med la brten pa'i sgrib sbyong ni bshags bya bshags byed bshags yul thams cad las 'das shing /__snod bcud rigs lnga rten dang brten par bcas thams cad rang la bsdu rang yang 'od gsal gnyug ma rnam par mi rtog pa'i dbyings su bsdus rig stong don gyi rdo rje sems dpa'i rang zhal bskyang ngo /__/maN+Dal ni/__tshogs zhing skyabs yul ltar gsal btab/__dmigs rnam zhib bca' khrid yig nas 'byung ba ltar la/__ngag 'don gyi go don ni/__oM AHhU~M:__zhes sku gsum gyi sa bon gyis drangs te/__de la dang po mdzod las/__gling bzhi dang ni nyi zla dang /__/ri rab dang ni 'dod lha dang /__/tshangs pa'i 'jig rten stong la ni/__/stong ni spyi phud yin par brjod/__/de stong la ni stong gnyis pa/__/bar ma'i 'jig rten khams zhes bya/__/de stong la ni stong gsum pa/__/mnyam du 'jig cing 'byung bar 'gyur/__/zhes pa ltar stong gsum 'jig rten gyi khams de 'dra ba bye ba phrag brgya'i zhing rnams su 'khor lo nor bu btsun mo sogs rgyal srid rin po che sna bdun dang gzhan yang lha dang mi yi dpal dang 'byor pa phun sum tshogs pa ji snyed yod pas phyur bur gtamaXs shing /__de tsam du ma zad bdag gis gces par bzung ba'i lus dang /__bdag gir bzung ba'i longs spyod khyad par rang gang la chags pa'i dngos po/__dgra gnyen bar ma'i 'gro ba dang bcas pa rnams ngo bo de dang de yin pa la rnam pa khyad par 'phags pa sprul nas yongs su 'bul gyis/__de yi mthu la brten nas 'bras bu chos kyi 'khor los bsgyur ba chen po'i rgyal srid te chos kyi sku thob par shog/__/dbus dang phyogs bzhi mtshams bzhi te dgu mchan/__cig ces gsol 'debs smon lam du bya ba dang /__gnyis pa 'og min bde chen sogs kyi don ni/__mtshan rtog gi 'og tu ma gyur pas 'og min dang /__sdug bsngal rgyu 'bras kyi ming tsam yang mi grags pas bde ba chen po longs spyod yongs rdzogs zung 'jug kha sbyor ye shes bdud rtsi chen po'i ros rtag par yongs su gang zhing /__mi zad rgyan gyi 'khor lo'i yon tan gyi sprin stug po'am 'thib por bkod pa'i zhing gnas dus ston 'khor chos te nges pa lnga ldan rtag pa rgyun gyi 'khor lo chen por mnga' dbang 'byor ba ye shes lnga phyag rgya'i gzugs su shar ba rgyal ba rigs lnga 'khor rigs chung gi sems dpa' sems ma'i tshogs dang bcas pa'i tshom bu bsam yas sgyu 'phrul drwa bar spro zhing /__dus gsum rgyun chad med par rdo rje'i dbang yul dgyes pa bskyed pa'i 'dod yon gyi lha mo gzugs rdo rje ma sogs/__phyi nang gsang ba'i rig ma rnams bcu drug bde ba'i gar bsgyur zhing lha mo 'jo sgeg dang ldan pa rnams kyi phyag na mchod pa'i sprin phung bsam yas mu mtha' med par phul bas longs sku'i zhing la rten dang brten par bcas pa longs spyod par shog/__dbus dang phyogs bzhi ste lnga/__mchan/__cig ces pa'o/__/gsum pa snang srid sogs kyi don ni/__snang ba snod dang /__srid pa bcud te gzod nas rnam par dag pa skye 'chi 'pho 'gyur las 'das pa'i gzhon nu sku gsum gyi bum pa nang dbyings 'od gsal chen po thim la ma rmugs pa'i sku ye shes dang /__'od sogs zag med kyi yon tan rgya mtshor lhun gyis grub pa las nam yang g.yo ba med pa'i bdag nyid chen po'i thugs rje'i gdangs phyi gsal du shar bas go ma 'gags pa de nyid 'khor 'das kun la khyab cing 'phro bas cir snang thams cad chos nyid la chos nyid thim par rol pas sku dang zhing khams ye shes kyi rgyan bsam brjod las 'das pa rang snang ba ste/__de yang ma dag pa'i dngos po btsal yang mi rnyed pa'i chos dbyings brdal khyab chen po sku dang thig le bsam gyis mi khyab pa'i rnam par brgyan pa thams cad la yid dpyod mtshan 'dzin gyi spros pa'i rnam pa yongs su dag pa/__rgya chad phyogs lhung bral bar bkod de phul bas rang snang chos sku'i zhing khams la longs spyod par shog cig/__tshom bu gcigamachan/__ces pa'o/__/de ltar khongs su chud pas phul bas sgrib dag tshogs rdzogs/__sku gsum gyi go 'phang thob pa'o/__/nang ku sA li'i tshogs bsags la skyabs 'og la mgron 'og ma rnams gsal btab la ngag 'don ni/__phaT:__lus gces 'dzin sogs te/__pha ni thabs kyi yi ges gzung rtog gcod pa dang /__Ta ni shes rab kyi yi ge 'dzin rtog gcod pas phaT brjod pa dang rig pa gtad med du btang nas/__zag bcas sdug bsngal gyi bden pas bsdus pa'i lus gzugs phung 'di la thog med nas nga bdag gces 'dzin gyi 'gong pos dam du bzung ba de shigs se bor bas 'dod yon gyi bde dga' la g.yengs ba lha yi bu'i bdud dbyings su bcom nas/__rang gi sems nyid rig pa spyi bo tshangs pa'i bu ga sgo nas nam mkha'i dbyings la 'od kyi gong bus thon pa de nyid gdod nas 'chi ma myong ba'i chos nyid kyi 'chi bdag gi bdud bcom zhing rig pa 'od kyi gong bu de nyid khros ma nag mo'i skur gyur pa'i phyag g.yas kyis nyon mongs dang nyon mongs can ma yin pa'i kun tu rmongs pa'i bdud thams cad rtsad nas 'joms pa'i rdo rjes yu ba byas pa'i zangs kyi gri gug lcags bsregs kyi mdog lta bus 'byung bzhi 'tshogs pa'i rnam smin gzuga?Xs kyi phung po'i bdud bcom te/__phung po'i thod pa har gyis breg nas phyag g.yon pas las byed pa'i tshul gyi b+han+d+ha thogs nas sku gsum gyi don mtshon pa'i mi mgo'i sgyed bu skam rlon rnying gsum gyi steng du ka pA la bzhag nas/__snod de yang stong gsum gyi khyon dang mnyam pa'i nang du stong gsum 'jig rten gyi khams thams cad yongs su gang ba'i bam ro che zhing brjid la tsho zhing snum pa de nyid gri gug gi rtses ling gi blangs nas thod pa'i nang du 'jog nas 'og nas gtum mo shes rab kyi rang bzhin a thung shad kyi rnam pa can dang /__steng gi nam mkhar thabs mchog byang sems he ru ka 'dus pa'i ngo bo nA da sum 'khyogs can gyi ha~M yig gis bam ro de nyid sha lnga bdud rtsi lnga ye shes lnga yi ngo bor bzhus nas rnam pa zag pa med pa'i bdud rtsi dkar la dmar ba'i mdangs can kha dog dri ro phun sum tshogs par gyur pa yig 'bru gsum gyi nus pas sbyangs spel bsgyur ba ste/__oM gyi snod bcud kyi ma dag pa rlangs pa sngo dmar gyi rnam pas phyir thon nas sbyangs/__AHyis zad mi shes par spel/__hU~M gis ye shes kyi bdud rtsi la rnam pa 'dod yon gyi longs spyod nam mkha' mdzod du sprul nas gang gi myong ba dang dri tshor ba tsam gyis bde chen gyi ye shes rgyud la bskyed pa'i nus pa can du bsgyur la 'bru gsum bzlas par bya'o/__/de nas rang gi thugs ka nas las byed kyi lha mo sku mdog dkar mo phyag na thod pa thogs pa spros nas bdud rtsi bcus nas phul bar mos la/__phaT:__yar mchod yul sogs te/__yar la mchod pa'i yul dkon mchog sri zhu'i mgron la rtsa ba gsum dang /__sangs rgyas byang sems nyan rang sogs dang /__mgon po yon tan gyi mgron rgyud gsum gyi dam can chos skyong srung ma nor lha gter bdag dkar phyogs skyong ba'i tshogs rnams kyi thugs kyi dam tshig nyams chags bshags shing dgyes par bskang ba'am/__yang na thugs la bzhed pa'i dam tshig rdo rje bdud rtsi'i rdzas mchog 'dis bskang bas tshogs gnyis rdzogs nas mchog gi dngos grub zung 'jug gi go 'phang dang /__thun mongs las bzhi dang grub pa brgyad kyi dngos grub thob cing /__mar la sbyin pas rigs drug 'khor bar 'khyams pa snying rje'i yul du gyur pa'i mgron thams cad mnyes shing tshim nas tshe rabs sngon gyi bu lon lan chags sha khon thams cad byang ba dang /__khyad par du rang la gnod par byed pa bgegs rigs lan chags kyi mgron rnams rang rang la dgos pa'i sha khrag sogs kyis tshims pas re ba yongs su bskang bas nad gdon dang glo bur gyi phyi nang gsang ba'i bar chad dmigs med chos kyi dbyings su zhi ba dang /__de ltar mchod sbyin rgya chen bgyis pas sngon gyi las srab cing 'phral byung gi rkyena?X ngan pa thams cad dang bdag med pa la bdag tu lta ba'i ngar 'dzin gyi 'dre chen bdag med yum chen shes rab pha rol phyin ma'i mtshon rnon pos dum bur gtub cing rdo rje lta bu'i ting nge 'dzin gyi tho bas rdul phran stong du brlag pa'i mthar lus sems 'khrul ba'i khang bu gtibs nas mchod bya dang mchod bar byed pa po mchod yul ma lus pa kun kyang ma 'khrul gshis kyi gnas lugs rang grol rdzogs pa chen por ye ji bzhin pa'i klong yangs chen por so ma ma bcos spro bsdu bral bar bzhag nas yum chen skye med kyi yi ge aHyi phyir mi ldog par rgyas btab pa'o/__/bla ma'i rnal 'byor ni/__dwangs 'dod yid ches kyi dad pas mos gus shugs drag por bskyed de ngag 'don ni/__e ma hoHrang snang lhun grub sogs kyi bstan te/__de yang e ma ho ni ngo mtshar ba'i tshig/__gang la ngo mtshar na rang snang dag pa'i zhing rten dang brten par bcas pa la ma hA gu rus nyid kyi nyid la ched du brjod pa'i sgo nas gleng ba ste rgyud kyi gleng gzhi lta bu'o/__/de yang gdul bya gzhan rgyud kyis ma bsdus pa'i rang rig pa chos sku'i tshul las rang snang ba ste dag pa gzhi yi bzhugs tshul la zhing khams gang sku dang ye shes 'od sogs mtshan ma dang bral ba lhun grub tu bzhugs pa lam dus 'dir mngon du byed pas 'bras bu gzhi la smin nas grol gzhi mngon du gyur pa'i thabs kyi mthar thug pa ni bla ma'i rnal 'byor te/__phyi snod nang bcud thams cad kyang rig pa ye nas dag pa chen por gcig pas rig pa chos kyi dbyings kyis gar khyab 'og min pad+ma 'od kyi gzhal med khang rab tu 'byams klas pa'i zhing khams kyi rgyan dang bkod pa sogs brda' don rtags gsum rab tu rdzogs pa'i dbus su rang nyid kyi gzhi lus tha mal du mi dmigs pa skad cig dran rdzogs kyi tshul du rje btsun rdo rje rnal 'byor ma thig le nyag gcig mtshon pa'i zhal gcig/__bden pa gnyis mtshon pa'i phyag gnyis/__'gro la rjes su chags pa'i brdar sku mdog dmar gsal/__bdud bzhi rtsad nas gcod pa'i gri gug phyar zhing /__g.yon khams gsum dbyings su bsgral ba'i dung chen khrag gi bkang ba thugs kar bsnams pa srid zhi'i mtha' gnyis la mi gnas pa'i brdar zhabs g.yas brkyang g.yon cung zad bskum pa'i dor stabs kyi sku gsum mtshon pa'i spyan gsum nam mkha' la bla ma bzhugs pa'i thugs kar rings par te cer re gzigs pa bsgom zhing /__de ltar gsal ba'i spyi bo'i thad kyi nam mkhar pad+ma 'dab ma 'bum phrag yangs par brdal ba khu rdul gnas su dag pa'i brdar nyi zla'i gdan gyi steng du skyabs gnas thams cad 'dus pa'i ngo bo rang gi drin chen rtsa ba'i bla ma de ni rnam pa o rgyan chen por khrid yig gi dkyus nas 'byung ba ltar bsgom zhing /__tshig don ni mkhyen sla bas zhib tu ma spros la/__'khor gyi rtsa ba gsum gyi tshogs rnams kyang ma hA gu ru'i thugs rje rig stong ye shes chen po'i cho 'phrul las shar ba ma gtogs/__rgyud tha dad du bzhugs pa min par shes dgos pa ni gnad dam pa'o/__/skyabs yul thams cad kyang skyabs gnas kun 'dus su shes pas ci mdzad 'gro ba 'dul ba'i thabs mkhas kyi phrin las su snang ba byas pa gzo ba'i bka' drin dran pa/__blo sna mos gus kyi 'phrog pas gdung shugs drag pos rig pa bsgyur nus pa yang yang mi brjed par dran pas tha mal gyi snang ba 'gog nus pa mkhyen brtse'i ye shes tshad med pa'i bdag nyid can du yang yang yid la dran te mos gus kho nar bya ba shin tu gces so/__/dam tshig pa la ye shes pa spyan drangs nas bstim pa/__yan lag bdun pa 'bul ba/__dad mos drag pos gsol ba 'debs pa sogs kyang yi ges dogs te 'dir ma smos so/__/dbang blang ba'i skabs/__rdo rje gsum gyi yi ge ni/__bla ma dang por/__bskyed pa dang rang chas su yod par bsgom dgos pa yin la/__rgya bod kyi yig gzugs gang ltar gsal kyang rung 'od zer bdud rtsi'i rang bzhin can du bsam dgos shing /__lus kyi las dang rtsa yi sgrib pa zhes pa ni lus kyi sgo nas bsags pa'i sdig pa mi dge ba'i rigs mtha' dag dang /__'khrul pas bsdus pa'i 'byung ba'i snyigs ma thams cad dang /__rtsa stong phrag bdun cu rtsa gnyis sogs ma dag pa'i rtsa thams cad sbyang bya yin la/__rnam smin rig 'dzin zhes pa ni sems chos nyid du smin kyang lus rnam smin gyi phung po'i rgya ma ral ba'i rten can la rnam smin rig 'dzin zhes brjod pa yin/__ngag gi las dang rlung gi sgrib pa zhes sogs ni/__ngag gis bsags pa'i mi dge ba dang sgra tshig brjod pa thams cad dang rtsa ba dang yan lag gi rlung bcu sogs 'pho 'gyur dang bcas pa'i tha mal gyi rlung thams cad sbyang bya dang /__tshe dbang rig 'dzin ni skye 'chi med pa rdo rje'i sku thob pa la tshe dbang rig 'dzin ces pa'o/__/yid kyi las dang thig le sgrib pa ces pa'ang /__yid kyi mi dge ba dang lus dang ma la brten pa'i khams phra rag thams cad sbyang bya dang /__tsaN+Da lI ni gtum mo a thung gi ming yin/__phyag rgya'i rig 'dzin ni lus 'dod gzugs kyi lha lta bu'i 'od lus yi dam gyi lha'i rnam pa can bsgom lam sa dgu gang rung la gnas pa'o/__/kun gzhi'i las dang shes bya'i sgrib pa zhes pa ni/__kun gzhi rtog med kyi chos khams la bzhag pa'i sgrib pa'i bag chags thams cad dang /__khyad par du yang khu rdul sems gsum gyis sgrib pa'i dri ma thams cad dang /__bskyed rim gyi gya nom lhar zhen dang rdzogs rim gyi bde gsal mi rtog pa'i nyams kyi zhen pa sogs mtshan 'dzin phra rag thams cad shes bya'i sgrib pa yin pas de rnams sbyang bya yin la/__lhun grub rig 'dzin ni sa bcu'i rgyun mtha' dang mthar thug sangs rgyas kyi sa kho na la 'jog pa'o/__/bla ma'i thugs kar spar nas thugs yid bsre ba sogs ni khrid yig dang ngag 'don gyi go don shin tu gsal bas shes par sla'o/__/thun las ldang ba na/__gzhi lus zhing khams dang bcas pa gsal nas khyer so gsum dang mi 'bral zhing spyod lam thams cad bla ma'i snang ba dang bsres nas rtsal sbyong bas lam la bog thon zhing gegs thams cad rang grol du 'gyur ba ni nye lam zab mo 'di yi khyad chos lags so/__/ces pa'ang nor spyi la mkhan chung g.yu thogs seng+ga'i bzhed skong du chos kyi blo gros pas so//___// rang rig ye shes mngon sum ston mdzod cing /__/tshe 'dir gdod ma'i grol sar khrid mdzad pa/__/kun bzang 'khor lo'i dbang phyug bla ma la/__/mi phyed snying nas gus pas phyag bgyi'o/__/'o na nam mkha' dang mnyam pa'i sems can thams cad gdod ma'i mgon po khyad chos drug ldan gyi go 'phang sogs=__/rnal 'byor bla med rdo rje theg pa'i skabs 'dir tha mal snang zhen dang bcas pas nyan du mi rung bas gnas khang 'dir yang tha mal gyi rnam pa can ma yin pa/__'og min pad+ma 'od kyi gzhal med khang chen po gzhi dang rgyan dang bkod pa tshad med pa'i dbus/__chos ston pa'i slob dpon khyab bdag gdod ma'i mgon po dpal pad+ma kun tu 'chang chen po'i zhal nas sogs=__/spyi 'gre/__'od gsal man ngag snying tig khyad par 'phags tshul gyi skabs/__chos dbyings 'od gsal gyi khams 'di sangs rgyas dang sems can la khyad med du bzhugs rung sems can rnams la thog ma med pa nas 'khrul rtog glo bur gyi dri ma ngan pa'i sbubs su/__'od gsal bag la zha nas rig pa de kho na nyid kyi gnas lugs ma rtogs/__de lta bu'i skabs su dri bcas de bzhin nyid zer/__dper na chu chab rom du thum pa bzhin no/__/nam zhig lam sgom pas glo bur gyi dri ma zhes sems zad pa na/__'khrul pa ma rig pa'i sbubs las grol ba'i rig pa 'od gsal nyid rgyas pa na sangs rgyas zhes grags/__de lta bu'i gnas lugs zab mo nyid bstan pa'i phyir/__de bzhin gshegs pas chos tshul ji snyed bstan pa mtha' 'di la 'bab cing /__rgyu lam du byed pa mtshan nyid kyi theg pas tshogs rdzogs rim bzhin sgrib pa je dag de yang tshogs sbyor na stong nyid mos spyod mthong lam na nang rtogs rung da dung nyon sgrib kyi bag chags ma spangs/__sa brgyad pa na yang shes bya'i sgrib pa'i bag chags ma spangs pas sgrib pa de rnams dag cing tshogs rdzogs nas stong nyid zab mo rtogs dgos shing de dag sems kyi dri ma dang bcas pa dang /__sngags phyi rgyud sde gsum sogs lha dang bdag med sgom pa sogs kyi ting nge 'dzin gyi mi tshe gsum dang rigs mtha' mi tshe bcu gsum nas 'bras bu thob pa sogs kyang sems kyi dri ma dang bcas shing bla med rdo rje theg pa yang /__lha dang bcas rtsa rlung thig le'i rnal 'byor/__don dam byang chub sems kyi rnal 'byor rnams kyang sems kyis gos shing /__sems sde dang phyag chen sogs sems dang sems nyid kyi rol ba'i cho 'phrul 'dzin pa dang /__chos thams cad stong pa chen po kun tu bzang mo'i klong du gtan la dbab pa la yang sems kyi g.ya' dris gos shing /__gsang ba man ngag snying thig ni mngon sum 'od gsal snying po'i rang gnad rjen car ston cing sems las 'das pa'i rig pa'i ye shes nyid gtso bor bstan/__zhag drug zla ba gsum ma mtha' lo drug gi 'ja' lus rdo rje'i sku'i go 'phang thob nges pa 'di ni dper na ri rab kyi rtser phyin pa dang 'dra shing /__theg pa 'og ma rnams ri rab kyi zom pa dang 'dra'o/__/de la yang pad 'byung /__bi ma'i lugs gnyis las 'di ni pad 'byung dang /__ye shes klong rgyud sogs/__bi ma dang rma yis bsgyur ba ltar gnyis ka'i bka' srol gcig tu 'dres pa yin gsungs/__khrid gdab tshul la/__ngo sprod khrid kyi lugs su gdab pa ni/__gzhung 'dir brtan gyi khregs thod ngo sprod dang /__mgron po la brgal ba tshangs spungs su gdab pa zhes pa mgron po 'chi kha'i sems can la rgyas par ngo sprod mi khams pa la gnad bsdus te cig char ston pa ni bar do'i gdams pa ste/__de yang 'dir tshang gsungs/__phyi'i ru shan skabs 'khor 'das ru shan ces pa 'khor 'das gnyis lag pa'i lto brgyab 'dra sogs gsungs/__de yang 'khor ba sems/__myang 'das rig pa la zer/__de gnyis shan phye bas sems rig pa sna khrid pa'i thabs zab mo ste/__rdo rje'i lus kyi rig pa gtad med du btang /__gzung 'dzin gyi dngos rtog thams cad khral ma khrol du btang ba'i gnad zab mo yin/__'di skabs kha gcig gi rigs drug gi sdug bsngal myong bar bsam nas blo sbyong /__snying rje sogs bsgoms par gsung kyang skabs 'dir gtso mi che/__nang gi ru shan dbye ba rig drug bsreg sbyong skabs/__spyir thig le snyigs ma'i cha phal cher gyis skra dang ba spu so dang sen mo sogs bskyed par gsungs pa bzhin/__rtsa rlung sems thig le snyigs mas rigs drug gi sa bon bskyed/__de yang kha cig gi yi ge'i gzugs de yang /__rgya bod so so'i yig gzugs ltar gnas zer yang /__don thig le'i rnam par gnas pa de snyed rnams sems kyi cha yin/__dwangs ma mi shig pa'i thig le'i cha las rdo rje gsum gyi sa bon rnams rig pa'i ye shes yin la/__'bru gsum gnas gsum gyi sa bon gyi steng dbu ma dang nye bar bsgom/__'bru gsum bzlas pas rigs drug gi sa bon lji zhing mog pa'i rnam pa can la mthar rjes med du yal bar bsam/__'di yang sems rig pa sna khrid pa yin/__gson po'i byang chog ro bsregs 'di zab gsungs/__lus kyi ru shan skabs lus rtse gsum gyi 'dug stangs kyi yar rtse gsum ngo bo rang bzhin thugs rje gsum/__mar rtse gsum sku gsum/__sked pa gcig tu 'dres pa ka dag lhun grub dbyer med mtshon shing rig pa nyid rdo rje gsum shar ba yin gsungs/__dper na mdzub mos zla ba mtshan pa lta bu/__mdzub mo dang zla ba ltar ngo bo tha dad 'brel med/__de 'dra ma yin pa rig pa'i 'od gsal nyid mngon du byed pa la dang po nas rig pa nyid kyi gnad ston pa yin gsungs/__ngag gi rgyas btab/__rtsal sbyangs/__gnyen btsal/__lam zhugs skabs/__gnad ni sangs rgyas thams cad kyi thugs gnyis su med pa'i ye shes kyi ngo bo rang gi rig pa tha mi dad pa/__de nyid yi ge hU~M du shar ba/__hU~M gi sgra dang /__gzugs/__rig pa gsum dbyer med par blta ba gnad yin cing /__lus ngag yid sems kyis bsdus pa rig par zad dgos/__rgyas btab skabs snod bcud hU~M du gyur par bsgom/__rang lus gtor ba/__hU~M mtho gang yin ces bla ma dag gsungs/__dngos po che chung dang bstun pa'i hU~M bsgom gsungs/__dpe kha cig srin po'i 'gros dang srin 'bu'i 'gros zhes pa snga ma yin na lding stabs su 'gro ba nyag hor gyi mi 'gro ba lta bu/__phyi ma 'bu rjes lta bu yin ces mthus gsungs/__lam zhugs skabs 'gro ldog gi lam sbyong ba zhes phyir ldog kyang rung /__rang mal du bsdad nas hU~M gzhan zhig tu 'gro ba ltar mi bsam gsungs/__yid kyi ru shan skabs sems tshol gyi gnad grub mtha'i 'dod tshul rnams bsal ba'i sems ngo bo nyid dmigs su med pa stong pa nyid du had de ba/__de yang rig pa'i ye shes dngos ma yin shing /__/dpal sprul gsungs rgyun yin zer ba'i bla ma kha gcig gi rdzogs chen sems la ngo bo yod zer na 'byung bzhi'i gshig rgyu i 'dug ltos/__gsungs sa gcod kyi skabs lta bu las rdzogs chen rang lugs min rung gnad gcig tu 'babs gsungs/__don rnam rtog thol gyis skye ba la brtags pa'i gnad/__gnas pa'i skabs/__gang du gnas brtags mkhan gyi ngo bo la dpyad pa'i gnad/__'gro ba la de bzhin dpyad/__rnal dbab la rang bab mi rtog pa'i ngang du cham gyi bzhag/__dpyad bsgom gyi mthar mi rtog par bzhag pa dang /__dpyad bsgom ma byas par had de mi rtag pa la bzhag pa gnyis khyad che/__snga mas zab gsungs/__lus kyi sna khrid 'khor 'das ru shan/__sems kyi sna khrid sgo gsum ru shan phye ba gnyis/__dbang rnon rgyu'i sngon bsags can la zer/__stobs can tshe 'di la grol/__'bring bar dor grol/__dbang tha skye ba phyi mar rang bzhin sprul sku'i zhing du grol ba thabs dang gnad/__dbang gi skabs spros bcas sogs rgyas pa theg mchog mdzod ltar dang /__bsdus pa lce btsun snying thig/__shin tu bsdus pa rtse dbang rgyal thabs spyi shugs lta bu yin gsungs/__dngos dang gzhi gnyis ka yin min mu skabs dngos dang gzhi brtsi pa/__gzhi lha khang lta bu rdzogs chen gyi lta sgom mang po tshig shas che ba'i go ba dang /__dngos zhes pa tshig la brten nas myong ba dngos/__dmigs pa yul gyi blo can gyi khrid tshul la thun mongs dang /__rig pa rang snang gi blo can gnyis kyi khrid tshul las phyi ma thun min man ngag snying thig 'di yin gsungs/__rgyud bcu bdun sogs rdo rje mkha' 'gro'i skad sna tshogs las bsgyur ba yin/__saM skri ta'i skad yin pa'i nges pa med cing dngos dang gzhi la sgra bying sgrub kyi so so'i go ba ji ltar rtsal rgyu yod ma nges gsungs/__dmigs pa yul gyi blo can gyi khrid tshul thun mongs ngo sprod skabs chos thams cad brtags shing dpyad na/__snang tsam rkyang pa las ngo bo'i steng na grub pa med de chu phor gang la rigs drug gi mthong ba dang /__yi dwags kyi rgya mtshor grog snyams mthong ba dang sa rdo sogs la mi dang gzhi bdag sogs kyi snang tshul tha dad dang nyi ma la 'ug pa dang mi yi mthong tshul snang dang mun nag bzhin snang ba sems kyi bzos par ngo sprad/__sems 'di nyid brtags shing dpyad na ngo bo mtshon du med pas sems kyi rang bzhin stong par ngo sprad/__de nyid med kyang ma yin par stong pa'i rang mdangs la rig cha mi 'gags pa/__rig cha la stong pa mi 'gags pa/__de gnyis ngo bo dbyer mi phyed so sor rang rig gi spyod yul du gyur pa de la rim gyis 'jug pa rnams khrid/__phyi yul la nang lhan skyes kyi ye shes kyis rgyas 'debs pa phyag chen sogs dang 'dra'o/__/snang ba sgyu ma yin pa dang de'i rang bzhin stong par ngo sprad pa las/__khyad chos rig stong rjen par ngo sprad pa yin kyang /__dbang po phal pa khrid tshul thun mongs pa'i steng nas/__lta ba grong khyer rgyun gcod/__bsgom pa nyin mo kha sbyor/__spyod pa shar grol dus mnyam sogs sbyar tshul yod gsungs/__karma pa rang byung rdo rjes gnyan ras dge 'dun 'bum dang o rgyan par rdzogs chen gsan kyang /__phyag chen dang 'dres pa rang stobs kyi mkhyen nas grub chen me long la rdzogs chen bslad med yod rung de gshegs nas ku ma rA dzar gsan pa bzhin/__thun mong gi khrid tshul 'di phyag chen sems klong sogs dang 'dres gsungs/__thun min rig pa rang snang gi blo can la ngo sprod tshul gnad la brten pa dang /__ma brten pa'i sgo nas chos dbyings mdzod 'grel sogs gsungs kyang /__rig pa rang byung gi ye shes thad kar ngo sprod pa ni cig char ba yin la/__de'i tshul gyis brgyud pa'i bla ma la mos gus byas pa de'i rkyen gyi mos gus 'ur langs ste dus gsum gyi rtog pa phra rags ma mchod zhing /__gtad so ci'ang med pa had pa ni glo bur ba yin kyang /__had de ba 'gags pa'i rig pa gsal stong mos gus kyi stobs kyis mngon du gyur pa la byin rlabs kyi ngo sprod/__lta ba'i steng nas ngo sprod ni/__sems tshol gyi gtan la dbab pa'i mthar ngo sprod pa/__bsgom pa'i steng nas ngo sprod pa/__slob ma rang babs su lhan ner bzhag du bcug pa dang /__bla mas phaTaHdang sems gang yin brjod pas/__sngar gyi had de bde bsal nas rig pa zang thal 'phro 'du bying rgod sogs kyi sgrib g.yogs thams cad bral ba'i ma bcos rig stong rjen par 'char ba dang /__dus gsum gyi rtog pa'i dwangs cha btsal ba yang rdzogs chen snying thig dngos ma yin/__ma bcos pa'i rig pa la bcas bcos kyi spro bsdu bral ba mnyam rjes gang gi skabs su yang de'i rgyun bskyangs ba gal che/__stong cha zhes pa zur du med de rang bab kyi rig pa yengs mi shes pa ngos bzung mkhas len thams cad dang rgya chad phyogs lhung dang bral ba de nyid rnam pa mi rtog pa'i ye shes 'od gsal ba de nyid las gzhan du med/__dper na gzugs lta ba la phyi phyag byi dor byed pa las gzhan du med pa'i dpe bzhin no/__/dper na rdzogs chen gyi yengs ba dang ma yengs zhes pa/__sems kyi phyogs su song tshad yengs pa/__rig pa'i phyogs su song na ma yengs pa zhes/__thun mong gi ma yengs pa rdzogs chen gyi yengs par song ba yod gsungs/__don du rig cha rjen pa bskyangs pas snang sems khyab brdal yus shes rang grol du 'gro zhing /__gegs byung na yang rig cha nyid bskyangs pa grol/__gegs sel gzhan med/__gegs rig pa las byung ba ma yin te/__rig pa kun tu bzang po las kun tu ngan pa ma yin no/__/dran pa la nang gses drug man ngag mdzod du gsungs/__gad mo chen mo bcu gnyis kyi don sogs/__khams gsum sems can bsad pa'i sdig rgan dang /__rgyal sras chen po gnyis/__'od gsal bsam gyi mi khyab pa'i gshis la mnyam rung /__sdig rgan gyis de ma rtogs pas kun rtog glo bur ba'i dri mas sdig pa'i 'bras bu myong ba yin rung /__gshis la dge sdig/__phan gnod/__gdon bgegs/__'khrul rtog gi rgyu 'bras gang gis kyang mi shig/__rig thog gi btsan sa zin na/__stobs bcu mi 'jigs bzhi rang chas su yod pa'i rig pa gdod nas rdzogs pa'i sangs rgyas yin pa de'i gshis su slebs/__dper na mi bzang po chang gi bzi na rdzi dwangs ba rang thog phyin pa bzhin/__'khrul rtog bzang ngan thams cad zad dus gshis la slebs pas rig pa gcig chod rkyang 'ded kyi lta bsgom spyod gsum mthar phyin pa las sems te sa ltar sems kyi rtsal dang rol pa zhes rgyas btab/__chos thams cad stong chen gyi klong du 'jog pa klong sde lta bu ma yin gsungs/__rig pa rang gi ngo bo mi rtog pa stong chen gyi cha ngo bo stong pa/__de'i rang bzhin nang gsal gyi cha de rang bzhin gsal ba/__rnam rtog gi rtsal steng nas mched pa'i rig cha mkhyen pa'i cha phyi gsal de thugs rje rig rtsal lam thugs rje kun khyabs/__thugs rje rig pa'i mkhyen cha rig pa ngo bo'i dbyings su zad dus 'chi ba chos sku'i 'od gsal dngos lta bu 'byung ba khregs chod kyi brtan pa mthar phyin pa yin ces gsungs/__rnam rtog bzang ngan ci shar yang rig pa rang thog tu ngo shes/__rig pa nyid rtsal rtogs pas rnam rtog bag la zha/__rig pa rang thog tu grol ba brtan pa mthar phyin pa 'di rdzogs chen gyi thun min rang skad/__phyag rdzogs kyi khrid gzhung phal cher rnam rtog ngo shes/__de snang gdong mi bkag pa rnam rtog gi rtsal rig pa'i klong du rdzogs/__sems nyid rang byung lhan skyes kyi ye shes 'char ba la brtan pa thob ces pa thun mong gi chos skad yin gsungs/__gnas kyang chos nyid kyi ngang du gnas/__shar yang chos nyid kyi ngang du shar sogs/__gong gi snga ma de'i don yin/__gong du dus gsum gyi rtog pa'i dwangs cha btsal ba zhes phyag chen sogs kha cig 'das pa'i rtog pa rjes mi bcad ma 'ong pa'i rtog pa mdun mi bsu/__da lta'i rtog pa rkyen khar mi chor ba thad kar bzhag pa'i dwangs char rtsal ba lta bu rdzogs chen snying thig thun min gyi lugs ma yin/__sngags bla med kyi rgyud sde rnams su byed rtsol bcing thabs du mas rlung dbu mar zhugs gnas thim gsum byas pa la gzod 'od gsal la 'dren pa dang /__man ngag snying thig gi dang po nas rig pa gcig chod rang babs kyi gnas lugs kho na'i ngang bskyang bas 'khrul rtog chos nyid du dengs ba gnyis kyi steng nas khyad par che/__rig pa rkyang 'ded snang ba gdong 'ded zhes pa snga ma mnyam bzhag dang /__phyi ma rjes thob kyi skabs yin/__rdzogs chen la mnyam rjes 'byed rgyu yod gsungs/__rdzogs chen gzhung la chos dbyings mdzod dang theg mchog mdzod gnyis dang /__kun mkhyen phyi ma'i rdzogs chen rnams la blta rtogs byed pa gal che/__rje mkhyen brtses kyang gal chen mdzad/__gzhan la'ang gdams/__zhal nas kun mkhyen phyi mas grub mtha'i kha 'dzin mang yang lta ba rdzogs chen gyi chog par byung zhes pa de bden par 'dug ces dang /__slob gnyer mang pos ci byed/__kun mkhyen yab sras gsungs la blta dgos zhes yang yang gdams gsungs/__de 'dra bltas na legs zhes gzengs bstod bcas mdzad/__rgya chad ces pa 'di tshun chod rig pa yin/__'di phan chod rig pa min zhes pa lta bu dang /__phyogs lhung zhes pa gzung dang 'dzin pa gnyis gang rung gi phyogs su lhung ba ste/__de gnyis dang bral ba zhes gsungs//___//_!_lta ba ri bo cog bzhag dang /__/bsgom pa rgya mtsho cog bzhag/__spyod pa snang ba cog bzhag/__'bras bu rig pa cog bzhag dang bzhi'o//___//_!_'od gsal thod rgal gyi khrid kyi skabs su/__dbang po rnon po bsgom rgyu med kyang la zla ba khregs chod kyi khrid dang /__brtson 'grus can bsgom yod 'od gsal thod rgal gyi khrid la snang ba 'od kyi khyad par sogs bdun theg mchog mdzod du bshad/__'od gsal zhes pa 'dir lnga bshad pa bsdom ste zhes pa yin nam dpyad gsungs/__rig pa rtsal bton sems te/__dbyings gtsor bton klong ste sogs las khyad par 'phags tshul dang /__thod rgal zhes pa lam gzhan dor nas khug chod zhes pa yin/__'od gsal snying po nye lam myur lam myur lam mthar thug pa dang /__gang bsgom na chos nyid bar do'i skabs 'char pa'i gzhi snang ma dag pas ma bslad cing phyin ci log gi bslad pa dang bral ba'i lhun grub kyi gzhi snang de mngon du byed pa la/__spyir 'chi ba ka dag 'od gsal nam mkha' sprin med lta bu'i rjes su chos nyid bar do 'char ba yin rung /__'dir ka dag 'chi ba'i 'od gsal bar do nas lhun grub chos nyid bar do'i gzhi snang da lta nas mngon du byed pas thod brgal zhes bshad kyang chog/__sgron drug gi steng bar do dus kyi sgron ma/__gnas lugs gzhi'i sgron ma/__mthar thug 'bras bu'i sgron ma bsnan pa'i dgur dbye ba yod/__kun gzhi dang /__chos sku/__sems dang ye shes/__yid dang shes rab gsum dang gtsor cher dbye/__dang po ni ngo bo stong pa gtan la 'bebs/__sems ni rang bzhin gsal ba gtan la 'bebs/__phyi ma ni thugs rje kun khyab gtan la 'bebs pa las/__thod rgal skabs bar pa gtso che/__sems rkyang pas 'dzin nus kyang g.yo mi nus/__las rlung rkyang pas g.yo nus kyang 'dzin mi nus/__gnyis ka 'dzoms pas yus 'dzin pa'i sems byung ste mi zhwa bo rta la zhon pa 'dra/__ye shes kyi rlung tsit+ta sha sgron la gnas/__las rlung zhes pa gtso bor kha sna'i rlung dang de'i rtsa ba glo ba nas rgyu/__sems dag bya/__ye shes sbyang gzhi la btsan pa bzung bas sbyong byed kyang yin/__thod rgal rtsol med kyi lam dang /__khregs chod skabs/__'gyu mkhan/__phar mi brtag tshur mi bsku ba/__rig pa'i ngo bo 'dzin pa khregs chod kyi lta sgom gyi gnad dang rang so 'dzin mkhan sems kyi phra ba zhig yin/__goms pa na sems dag pa yin/__lhun grub thod rgal skabs rig pa rang so 'dzin mkhan mi dgos par/__rig pa nyid dbang po'i mngon sum du gyur pa la stod pas rig pa stod la non shing /__de 'dra 'char tshad mchog tu gyur na blun po sogs la 'char bas ma 'phags snyam na/__sems kyi gar khyab rig pas khyab cing /__thugs rje'i rig cha med pa'i rig rtsal mi srid kyang tha ma pa la/__sems dang ye shes bal dang thang chu ltar 'dres pas 'byed ma thub/__sems kyi srog rig pa yin pa sems yod la rig srog med pa mi srid/__sems dang bral ba'i rig pa yod/__dper na he ru ka'i ngar bskyed skabs/__khyod kyi srog snying nga la yod/__nga yis srog snying khyod dregs pa'i rgyud la med ces pa'ang /__gnad 'di 'dra la thug/__dag pa ye shes kyi rlung gi rang mdangs nang gsal 'bral med yin kyang /__phyir 'char thabs rgyang zhags chu sgron la brten dgos/__snying nas mig tu 'brel ba'i ye shes kyi rtsa ka ti shel sbubs la brgyud/__ye shes kyi tshad mi shig pa'i thig le yin kyang /__'char yul phyi rol du 'char yang don nang ye shes kyi rtsa la 'char ba yin/__gom pa na nyi zla mar me'i rten mi dgos mig btsum na'ang 'char/__ye shes kyi sku rab thod rgal gyi snang ba dang /__'bring dus 'khor gyi stong gzugs sra phab brgyad dang mtshungs pa tha ma gsang ba 'dus pa'i rlung 'od zer lnga pa'i sgyu lus la brten pa'i sku yin/__phyi ma dang thod rgal gyi khyad par bcos ma bcos dang /__bar pa rlung gdang dang /__rig gdang gi khyad par dang /__rig gdang yang rlung gdang yin nam snyam na/__'di dbu ma'i ye shes kyi rlung phyir mched pa'i gdang dang /__dus 'khor rlung gdang /__gzung 'dzin gyi rlung bcu ste las rlung dbu mar thim pa'i gdang yin/__khyad shin tu che gsungs//___//_!_rig pa tshad phebs kyi bar gong 'phel du gyur pa'i thar ye shes kyi rlung spro bsdu res 'jog zad dus/__gzhi snang la 'phel 'grib med/__chos nyid zad pa'i mthar thug snang med kyi 'od gsal la sangs rgyas pa yin gsungs/__bzhugs stangs la kun mkhyen 'jigs bral gling pa'ang rgyun du drang srong tsog pur bzhugs/__sku gshegs pa na yang de bzhin bzhugs chos rje thams cad mkhyen pa'i gsungs zhes phebs/__thod rgal gyi skabs bla ma'i man ngag la brten nas rdo rje lu gu rgyud la mdud tshugs su gzir na rig ngo yang des 'phrod/__rtsal rdzogs/__brtan pa thob/__lha bsgom/__sngags bzlas/__thugs 'od gsal chos sku'i rnal 'byor thams cad de yin gsungs/__/phreng ba las zhes pa rgyud mi tig phreng ba dang 7spyi bo'i tshangs bug nas 'od gsal 'char tshul dang /__mig rna ba sogs la ye shes 'char tshul gyi sgo yod par gsungs kyang /__ye shes kyi snang ba la rgyang zhags cha sgron las su rung /__7dbyings rig smin mtshams nas sor bzhi'i thad du 'char/__7sems can gyi skabs su bde gshegs snying po mngon du ma gyur pa rang ngo ma shes pa yin te/__rgyud mu tig phreng ba las/__nga la 'khrul pa med/__nga'i rtsal las 'khrul pa byung zhes gsungs//___//_!_khyad chos rlung kha nas rgyu ba dang /__khyad rlung rang babs su dgos pas de kho nas 'byin 'jug 'jam/__dbyings rig mi 'bul zhes pa las rlung dal na ye shes mi g.yo gsungs/__bya ba byas zhes bzhugs stangs gzigs stangs dang sgo yul rlung rig gi gnas la brten nas byed pa byas pas srid pa hrul por byed gsungs/__phung po khams dang skye mched thams cad dag pa'i dbyings dang ye shes kyi snang ba dag pa rab 'byams la longs spyod pa la srid pa rnam par grol ba zhes gsungs/__shes rab kyi mig gi mthong zhes pa khregs chod kyi stong pa'i rtsal chen kha gcig gi chos nyid bar do'i 'char tshul yongs rdzogs ma byung rung 'od gsal gyi snang ba dang po 'char ba nas grol ba yod/__/de las dbul ba 'od gsal zung 'jug la thim pa'i skabs grol ba sogs khyad par yod/__skad cig dang po rang snang rig pa ngo shes pa kun bzang yab kyi dgongs pa dang /__skad cig gnyis pa rang rig gzhi snang stong chen du thim/__rig pa de'i bag la zha ba yin gsungs pa dbyings thog tu khel ba/__skad cig gsum par dbyings rig dbyer med kyi dgongs par btsan sa zin/__chos nyid bar do'i skabs phung khams skye mched gdod ma'i gzhi dbyings la thim pa'i de ma thag par gdod ma nyid nas rig pa'i steng la shes rab dang ye shes kyi rtsal gdod nas grub pa rnams ye shes kyi rlung gi bskul nas rdzogs par sad pa dang /__da lta lam gyi skabs phung po'i bum pa ma bcag bar du gzhi dbyings rdzogs par mi 'char/__de mi 'char na gzhi snang mtshan nyid pa mi 'char bas khyad che/__7lus 'dug stangs dang mig gzigs stangs las mi g.yo bar bya rig pa stong pa'i dbyings la phar thim 'gro ba lta bu la gtad pas/__dngos dbyings mthing ka khyab pa chen po dang /__de nas rlung rig gi gnad bcu bdun pas ko mdog tu rdo bor ba lta bu'i thig le chen po zlum po rtsib shar gyen 'greng sogs 'char ba nang dbyings rnam dag gi sgron ma ste dpe 'o ma lta bu dang /__dbyings kyi bcud mar lta bu dril spyad rlung rig gi gnad dbyings la gtsun pas rang bzhin gsal ba'i smin cha ye shes thig le stong sgron mar sgong sum sgrel re re sogs 'char/__rig pa rdo rje lu gu rgyud la thig le'i gnad la brten pa'i rtags su bar du thig le yod pa/__rtsa ba'i gnad la brten pa'i rtags su 'khyogs pa/__rlung gi gnad la brten pa'i rtags su g.yo ba/__de rlung rig dal bas thig le stong sgron du btsud pa btsan rdzong lta bu yin/__rdo rje lug rgyud rig pa dngos yin kyang ming btags dus rig gdang zer/__rig pa'i gsal mdang je cher 'bar bzhin rig pa dbyings dang dbyer med dbyings thig gi srog rig pa rdo rje lu gu rgyud la gzir na je brtan du 'gyur/__dper na mi'i srog rtsa bcad na kun 'gags pa bzhin rig pa'i srog bcad na dbyings thig gzhan rnams 'gags//___//_!_lhun grub chos nyid bar do'i gzhi snang la sku 'od rkyang pa ma yin par mkhyen pa dang ye shes mngon shes so drug sogs da lta las bye ba brgya 'gyur gyi 'phags pa yin/__shes rab rang byung gi sgron ma'i rtsal rdzogs lugs rnam par mi rtog pa'i dbyings rig pa rang dang gnyis med du bzhugs pa de bzhugs tshul dang mthun par mngon du byed pa'i rtsal che chung la ltos nas 'jog dgos/__sher sgron rig pa yin/__rig pa'i 'od gsal bsam mi khyab pa'i ye shes/__de rtogs bya mthar thug gi dbyings dang gcig yin/__rtogs bya rtogs byed gcig tu gyur pas mi 'thad snyams na rig pa mthar thug kun mkhyen ye shes kyi chos thams cad rig pa byang chub kyi sems las gzhan du med par mkhyen/__de yang rang gi dbyings las mi 'dag pa dang /__rtogs bya rtogs byed gnyis su med pa gnyis snang bral ba'i tshul du mkhyen pa rtogs pa zhes tha snyad 'dogs rung ba bzhin no//___//_!_shes rab rang byung sgron ma la ngo bo dang /__rtsal dang gdang gsum las/__rtsal gyi cha tshig don 'byed pa'i shes rab lhag par mchod pa'i mtshams gtso bor nyams gong 'phel yan chad du bzhag dgos te/__nyams gong 'phel zhes pa'i nyams la snang nyams shes nyams gnyis gsungs pa'i phyi ma'i skabs su shes so/__/thig le stong sgron cher 'phel ba las zhing khams dang /__rdo rje'i lug rgyud kyi skur smin gsungs/__7tshad phebs tsam khyad bi ma las nyams gang 'phel mthar thug tshad phebs khyad par ba dang /__lha sku rkyang pa 'char ba tsam so ba bzhed/__o rgyan gyi lha sku rkyang pa tsam so/__/yab yum zung 'brel khyad par ba bzhed pa/__don du gnyis ka'i bzhed pa gnad gcig tu babs gsungs/__7'jug pa la dbang ba'i 'od gsal nang dbyings su sdud pa'am skad cig gnyis pa nas mi slob lam yin gsungs//___//_!_ye shes lhun grub la thim pa yan chad la ngo bo stong cha dang /__rang bzhin gsal gdang shas che/__thugs rje rig gdang dbyings su thim/__lhun grub la thim pa'i skabs 'dir thugs rje'i rig rtsal gyi grong nas mchod pa'i rig gdang phyir 'char/__spyir chos nyid bar do'i grol tshad la bden pa mthong bas grol ba zhes/__rig pa rang ngo mthong ba'i phyir/__7khregs chod kyi rig ngo 'phrod pa dpe don gyi 'od gsal gang yin pa la rje mkhyen brtses srab mo'i 'od gsal dpe yi ye shes/__mthug po'i 'od gsal don gyi ye shes gsungs shing /__dbang gsum pa'i lhan skyes kyi dga' ba dang /__thams cad stong pa gnyis 'dres pa'i ye shes ni dpe yi ye shes su bshad la/__don rnam rtog ngo shes pa nas rnam rtog gi phan gnod med par grol ba khang stong du rkun ma phyin pa lta bu phan chad kyi sgom pa dpe yi ye shes/__de tshun chod don gyi ye shes dngos dang /__don gyi 'od gsal la'ang rjes mthun dang khyad par ba gnyis las rjes mthun mtshan nyid par bshad na 'grigs gsungs/__7khregs chod kyi rig pa rtsal rdzogs pa'i mthar thug dus mi slob pa'i cha yin/__de bar rtsal rdzogs ma thub pas lhun grub kyi rang gdangs phyir mi 'char/__rig pa rtsal ma rdzogs bar du yid shes kyi rtog pa phra ba dang bcas gsungs/__khregs chod rdul phran deng pa la 'ja' lus zer chog kyang /__thod rgal la ltos na 'ja' lus tsam so ba yin/__'pho chen zer mi nyan/__7khregs thod kyi mi sleb pa la bzang ngan med kyang sangs ma rgyas gong lus kyi rnam pas 'gro don byed pa'i phrin las mthu che chung las sangs rgyas nas phrin las che chung yod par mi smra gsungs/__7rig pa'i rtsal dbang skabs rdzas kyi spros pa med/__ye shes dbab pa dang /__gnyug ma sems kyi rdo rje thabs la brten nas ngo sprod/__'jug pa dngos la sprul sku de bzhin gshegs pa rigs lnga'i dkyil 'khor/__longs sku rgyan stug po bkod pa/__chos sku'i dkyil 'khor 'od gsal gzhon nu bum pa dbyings rig 'du 'bral med pa'i dkyil 'khor chos sku'i zhing khams/__de rnams re re'i pha rol brgal ma yin pa/__nang ltar rang gi snying kha'i dkyil 'khor phyogs bzhi dbus lnga yod pa phyi ltar 'char ba sangs rgyas rang snang gi dkyil 'khor rgyan bkod pa tshad med pa 'char ba/__zag med rang snang gi dge ba'i stobs dang /__rdo rje 'chang gi byin rlabs kyi mthu yin la/__de lta bu la pha rol zhes pa rtogs dka' ba de rang gi shes pa je phrar gyur pa las rim gyi rtogs pa la pha rol zhes go dgos/__gzugs sku'i pha rol zhes pa de bzhin gshegs pa'i sku mjal rung sku de nyid rtogs dka' ba bzhin gzugs sku gnyis kyi de nyid gzugs sku'i rjes su rtogs dgos pa la pha rol zhes go dgos/__rig pa'i rtsal dbang skur bas rtsal chen rdzogs pa'i rnal 'byor gyi sar slebs shing /__rang gi rig pa bzang rtog gi phan ma btags ngan rtog gi gnod mi bskyal/__lung ma bstan gyi mgo ma bskor ba'i rig pa zang thal rjen pa de/__sku gsum rig pa dbyings thog tu smin pa na/__shing mkhan shing gi gnad la mkhas pa'i dpe ltar/__skabs 'dir gnad gang yin na rig pa'i srog dbyings ngo bo stong pa la gnad du brdzun pas don gyi rig pa'i sku gsum du rtsal rdzogs rung /__bla ma'i man ngag gi ngo sprod pa la brten/__lam snang gi rig pa rdo rje'i lu gu rgyud dang /__khregs chod kyi lhag mthong gi rig pa zang ka ma gnyis dbyer med pa 'di ka rigs lnga'i zhing sku yin pa la the tshom mi dgos/__bu khyod kyi da lta gnad du bsnun dang /__ma 'ongs pa na glo bur gyi sgrib pa dag rim bzhin 'od gsal stobs je rgyas su gyur pa na rig pa'i yon tan ye nas yod pa'i sku lnga ye shes lnga phrin las nyer bdun sogs mngon du gyur pa/__dper na rgya mthongs 'byed rim bzhin/__gnam rgya je mthong 'gyur ba bzhin no//___//_!_dus gsum 'pho 'gyur med pa yi/__/rig pa rang snang skad cig ma zhes pa ltar/__lam snang dang rig pa zhes sgom sgom byed tha dad du mi 'dzin pas ngo bo bskyangs shing /__las dang po la mnyam bzhag gi skabs su sems 'gags rung rjes thob la sems shugs che ba 'byung ba/__'di rig sems 'gags pa de sku yi mngon du mdzad pa zhes pa ltar gyi 'gags dgos pa la brten/__lam snang gi rig pa zhes ming 'dogs pa las rig pa lam bden phar theg ltar 'dus byas min gsungs/__dge sbyor srang gzhugs thur ma'i srang la mi zer/__dge sbyor lam du gzhugs ces thig la phan pa las nya re nyo re mi 'ong zhing /__bya dgu phrugs su btang nas lam snang gi rig pa rdo rje'i lu gu rgyud 'od gsal dbyings kyi rwa bar mnyam bzhag gi 'dzud ci thub dgos dus/__'di kho na la brtson dgos/__de la dgongs nas/__kun mkhyen phyi mas sgom 'dod rnam shes bya ma slob cig/__zhes sogs lung drang /__lung 'di'i dus bzhi'am mnyam sbyor nang gi dus bzhi mnyam sbyor yin gsungs/__bden pa mthong zhes pa rig pa rang byung gi sgron ma rdul dang bral ba/__gzugs su 'char ba/__nang dbyings kyi rwa ba khrid/__brtan rim bzhin gang gi lhag mthong gi rig pa 'od gsal je 'phel du 'gyur ba la chos nyid kyi bden pa mthong zhes pa skabs 'di'i lugs yin/__7ri dwags rtsibs la rgyu ba/__'dab chags 'phur skyod pa'i dpe sogs kyi bshad pa rgyas pa theg mchog mdzod du gsal/__bu yi rgyud zhes pa bstan pa bu gcig gam/__gsang ba spyod pa sa bon gyi rgyud gnyis gcig yin gsungs/__dbyings thig rig pa gsum la mgo dang po brtsams pa nas/__dbyings rig smin mtshams nas ma bral ba chos nyid mngon gsum/__de las dbyings thig rig gsum sgron ma snang nyams 'phel shing /__lug rgyud je dal du 'gro zhing shes rab rang byung gi sgron ma'i rtsal mched de/__bde gsal mi rtog spyan dang mngon shes sogs shes nyams 'char bar 'gyur gsungs/__'ja' lus grub pa'i gnad ni las rlung cha dang bcas pa ye shes kyi rlung la log pas yin te dper na nyi mas chab ram zhu ba bzhin phyi nang gi dbyings rig 'od gsal kha gting 'dres pa'i drod kyi sems kyi ye shes su zhu ba lta bu la go__/shes nyams 'di kun rtog gi cha yin la de thugs rje rig pa'i rtsal yin shing /__mnyam bzhag gi skabs na ched du mngon shes dang /__zhing lta na las mnyam bzhag la rnam par mi rtog cing rang babs gshis su 'jog pa dang /__rjes thob kyi spyan dang mngon shes sogs 'char/__chos nyid zad cing dbyings su thim pa na sangs rgyas kyi yon tan mngon du 'char ba la shes nyams kyi dri ma gtan nas med/__rig pa la dbang thob rung slob pa'i lam ma rdzogs bar du ni yid kun rtog phra ba'i shes nyams yod gsungs//___//_!_'od gsal la snang ba'i 'od gsal/__stong pa'i 'od gsal/__rig pa'i 'od gsal dang gsum gsungs//___//_!_gsal phyogs pa kha cig gis rgol ba/__sangs rgyas kyi gzugs sku 'grub pa la de'i rnam pa 'dra ba lam dus su ma sgom na mi 'grub par smra ba la/__skyon med de dmyal bar skye nges gcig sdig pa'i 'bras bu dmyal bar 'phangs pa las dmyal ba'i rnam pa 'char mi dgos pa bzhin nyes pa med ces rnam mkhyen shing rtar gsungs/__yang rgol bas dogs pa khong slang mdzad snyam de rnams kyi 'bras bu yin la/__gzugs sku 'grub pa la rgyu mthun gyi rgyu yin dgos smra na/__dogs sel dmigs gsal med kyang /__phar theg gi mtshan dpe ngo bo'i dbyings su rdzogs pa lha sku rkyang pa dang /__de nas rim gyi lha sku zung 'brel dang /__ba spu'i khung bu re rer yang zhi khro mu mtha' med pa 'char ba yin rung /__tshad phebs tsam song ba zhes tshad phebs yan chad la mnyam bzhag skabs na shes rab kyi longs spyod rung thun mtshams skabs kun rtog gi cha phra ba dang bcas pa rtsi shing ri brag sogs snang ba yin la/__khyad par ba 'dir rang lus kyang skur smin pa sa rdo sogs tha mal gyi snang ba ma dag pa med cing lhun grub gyi 'od lnga snang ba las mi 'da' zhing /__dper gser gling du phyin na sa rdo btsal kyang mi rnyed pa bzhin//___//_!_rgol ba po dag la rnal 'byor pas thams cad lhun grub kyi rol par snang ba ni rang snang dag pa yin/__rnal 'byor ba gcig dag na thams cad dag mi dgos te sems can spyi mthun gyi snang yul dag mi dgos gsungs/__ces kun mkhyen bzhed//___//_!_lha sku phyed mthong kun rdzob snyigs ma'i 'byung bzhi phyed tsam zhig/__don dam ye shes kyi 'byung bzhi phyed rkyang pas phyed sku dang /__kun rdzob 'byung bzhi thams cad dengs/__don dam ye shes kyi 'byung bzhi tshang bar rgyas pas lha sku yab yum zung 'brel sogs 'char/__tshad phebs skabs 'dir las rlung dang /__kun rtog thams cad zad pas mthong lam 'jog/__skya 'jug la dbang ba rgyun mtha' chos zad sgom lam/__nyams gong 'phel sbyor lam/__mngon sum tshogs lam du bzhed gsungs/__ye shes 'char ba'i gnas skabs na lam rtags kyi yon tan 'char ba kun mkhyen lnga pas gsungs pa thod rgal la dgongs/__kun mkhyen phyi mas rgyab chos grol thig gi gter gzhung rtsa bar byas pa'i 'grel pa pad dkar du/__rtse gcig zhes sems byung gnas 'gro ba brtags pa'i mkhan po'i ngo bo la/__rtse~X gci~Xg tu gnas pa ste mkhan po zhes don kun gzhi'i rnam shes las ma 'das/__de nyid bla ma'i byin rlabs sogs rkyen zhig la brten mkhan po de nyid kyang nam mkha' ltar song ba sprosa?~X brala?~X de la bzang ngan sogs kyi rtogs pa ro~X snyoma~X/__mthar sgom bya sgom byed dang bral ba sgoma?~X meda?~X ste de bzhi dang khregs chod sbyar nas gsungs/__lam rtags rnam smin gyi phung po ma bcag bar du mi 'byung ba kun mkhyen phyi ma'i rang bzhed thun min gyi dbang du btang na khregs chod la dgongs nas gsungs par mngon/__bla ma dam pa'i rang bzhed sgom med la thog ma dbus mtha' gsum du phye ba'i dbus mtha' ma mtshams zhig la sgom lam gyi rtags snang don la 'byung dgos pa 'dra/__khrid tshul 'di dmigs pa yul gyi blo can gyi khrid tshul yin gsungs/__'jigs bral gling pa ni sgom med chung ngu yin pa'ang zhal gyi bzhes/__rnam smin rig rnam yin pa zhal gyi bzhes pa mi 'gal ba'i gnad ni/__spyir sgom med mi slob lam zer yang /__tshogs sbyor sogs re re la nang gses rnal 'byor bzhi bzhir phye ba'i mos spyod kyi dbye ba'i sgom med de mi slob lam la dngos btags gnyis phye ba'i btags pa bar bzhag na 'grigs gsungs//___//_!_chos nyid zad pa'i skabs/__chos zad ces pa/__chos nyid dang ro gcig par zad pa dang /__lhun grub thod rgal gyi snang ba zad tshul bshad pa gnyis las/__kun mkhyen phyi ma bzhed/__las rlung rags pa dag/__phra ba thams cad ye shes kyi khams su gyur pas snyigs ma'i 'byung ba je zad/__ye shes kyi 'byung ba bzhi dwangs ma'i dwangs ma gsang ba chen po 'od gsal gyi dwangs ma'i cha mthar thug bar 'phel ba stobs su gyur pa las tshad phebs kyi snang ba 'char zhing /__thod rgal lam snang 'di rnams ye shes kyi rlung gis bskul ba'i snang ba phyir mched pa dang /__dus 'khor ba'i stong gzugs ni las rlung dbu mar tshur sdud pa'i rtags yin/__ye shes kyi rlung gi spro bsdu ji tsam che ba tshad phebs kyi snang ba de tsam che la/__'dir shes pa yul la 'pho ba'i bag chags dang ye rlung yang zad pa'am dag pa/__skabs 'gar dam tshig gi lha mo bzhi dbyings su thim zhes pa'ang 'di la dgongs/__de'i phyir na lhun grub kyi snang ba nang dbyings su zad gsungs/__da ci snang zhe na rnam par rtog mi rtog gi mtha' las 'das shing 'khor 'das kyi chos thams cad rang rig 'od gsal chen po'i klong du 'ub chub pa la mkha' khyab mkha' yi rdo rje zhes 'phags chen kyis kyang bsam par dka'//___//_!_'ja' lus 'pho chen gyi skur bzhengs mtshams snang bcas zad pa'i rgyun mtha' nang dbyings la 'jug kha ma'i gong yin ces gsungs//___//_!_rang lus kyi bsdus pa'i snang ba dang snang yul thams cad 'od gsal ye shes chen po 'od zer gyi skus lag sor la rig pa gtad pas 'pho chen gyi skur bzhengs pa ngo bo dwangs gsal chu zla'i sku rdo rje sems dpa' lta bu la rnam pa thams cad pa 'char ba skye ba la dbang thob pa bi ma dang /__pad 'byung ye shes chen po'i sku de nyid nang dbyings su bsdus pa ni 'jug pa las dbang ba zhes bshad pa yin//___//_!_chos nyid mngon sum skabs mi 'gul ba gsum/__gong 'phel skabs sdod pa gsum/__tshad phebs skabs thob pa gsum/__chos zad skabs gdong bzhes zhes smin gter sogs dang zhal rgyun la'ang so sor sbyar rung /__rtags bcu gnyis po snang bzhi spyi la khyab gsungs//___//_!_lam la gnas pa'i rdo rje mkha' 'gro brten ma sogs dang /__dbang thob pa yin rung dam tshig nyams pa'i dris rnal 'byor pa drod tshod nyul ba dang /__bar chad rtsom pa ni nyams gong 'phel man chad la yod/__tshad phebs yan la med cing /__kun gzhi sems kyi g.ya' yi mi gos pas phyi rol gyi bar chad 'byung gsungs/__bar chad thams cad rig pa rnal ma'i dgongs pa bskyangs bas mi tshugs/__gsang rtags rnams rtsa dang rlung sems 'dus pa las ma yin par/__'od gsal me long dwangs pa'i ngogs su pra phabs pa lta bu 'char gsungs/__gdeng bzhi'i skabs chos nyid mi 'gyur lta ba'i gdeng mthar thug pa dang /__yang dag pa rdzogs pa'i sangs rgyas zhes pa 'di'i lugs la 'od gsal chen po'i dbyings su phung po lhag ma med par zad pa la bshad gsungs/__phar phyin theg pa'i skabs/__sa dgu 'das nas ye shes ni/__/sogs kyi lung drangs/__sa bcu'i rgyun mtha' la sangs rgyas kyi sgra dang /__bla na med pa'i byang chub tu yang dag pa mngon par rdzogs pa sangs rgyas pa gnyis la'ang khyad yod pa yin ces 'phros la gsungs/__rgyan zhags chu sgron ces chu bur mig dbang dang rten brten pa'i tshul du yod la/__dper na rdzogs chen gyi lugs la bla med nas bshad pa'i dbu ma'i nang /__rang lugs kyi dbu ma phra ba bshad ba bzhin yin la/__snying nas mig sogs rgyu mthun gyi 'bras bur gsal gsungs kyang /__'dir rdzogs chen khregs chod kyi nyams len mthar phyin pa lus rdul phran du dengs/__sems chos nyid kyi dbyings su thim te sangs rgyas pa ni/__de yang kun gzhi ma rig pa'i cha las shar ba ni phung khams skye mched rnams yin pa la/__rig pa'i rtsal rdzogs pas kun gzhi'i cha snang bas mun pa bsal ba bzhin rang dag tu gyur pa na des skyed pa'i phung khams skye mched thams cad rang yal du gyur pa yin la rdzogs chen gyi rtsa ba'i grub mtha' rig dbyings kyi khams la mtshan dpe stobs bcu phar phyin las ma 'dres pa'i chos sum brgya sogs dang /__ma 'dres sogs zag med kyi yon tan ye ldan yod pas rang bzhin rnam dag gi sangs rgyas yin rung /__glo bur dri bral gyi sangs rgyas ma yin te/__kun gzhi ma rig rtog 'khrul gyi dri ma dang bcas pa'i phyir de dag pa rig pa nyid mngon du gyur pa dag pa gnyis ldan gyi sangs rgyas dang /__sangs rgyas la tshogs bsags dgos sam mi dgos zhe na/__gong ma kha gcig gi dang po'i sangs rgyas kyi tshogs ma bsags zer/__kun mkhyen chen pos tshogs ma bsags pa'i sangs rgyas kyi tshogs ma bsags zer/__kun mkhyen chen pos tshogs ma bsags pa'i sangs rgyas med gsungs/__snga ma'i bzhed pa ni phar phyin theg pa'i tshogs 'dra bsags mi dgos pa la dgongs/__phyi ma'i bzhed pa zag med rang ngo shes pa'i dge ba zhes rig ngo bskyangs pa 'di zag med tshogs bsags kyi rgyal po yin pas de la dgongs pas gnad gcig tu babs gsungs//___//_!_khregs chod kyi skabs rig pa rang bab gshis kyi ngang bskyang ba gcig pu'i gnad kyi gong du bstan pa ltar sangs rgyas thob la/__thod rgal bsang gnad lta nas dbyings rig gi yon tan dbang po'i mngon sum du byed pa la brten mthar chos zad chen por mi slob pa'i sa mngon du byed la khregs chod kyi rig pa gtad pa'i khyad par gyi lus kyi rnam pas gzhan phan brlabs chen bsgrub nus pa khyad par che gsungs//___//_!_rtags snang bzhi'i 'char tshul la rig pa tshad phebs kyi skabs/__gru mtha' 'dzin par rlom pa'i rang phyogs kyi gya tshom can dang /__rgol ba pos mun sprul yin tshul sgo tsam bshad nas/__kun mkhyen chen po'i man ngag drang por shes na gzhan mtshungs shugs kyis shes/__tshad phebs dngos la khrid gzhung du rgyud nas chu 'dren zhes pa/__rdzogs chen la skur pa btab na dus 'khor la lang brgyud nas chu 'dren zhes sngon 'jug yod dgos gsungs/__mthar thug gi dbu ma rab tu mi gnas pa zhes//___//_!_mdor na rig pa tshad la phebs zhes/__nang gi tshad la phebs rgyu sher sgron yin/__shes rab kyi mig phra mo sngar thob pa rtsal rgyas te dbyings la rig pa ji tsam mnyam par bzhag pa'i gzhi dbyings nang gsal gyi rig par zhugs pa de ltar thugs rje rig rtsal yul la 'char yod pa nyams gong 'phel nas brtsam snang nyams kyi cha rnams ngo bo stong pa'i dbyings su rig pa rtsal rdzogs te ngo bo stong pa dang rig pa ro gcig tu rdzogs pa la tshad phebs dang /__tshad phebs thun min dngos ni rig pa dbyings dang 'dres pa chos nyid mngon sum nas yod cing snang nyams rig pa skur smin dang 'brel rtsa ka ti shel sbugs can gyi sgo la/__phra la 'khril sogs rtsa yi bye brag kha shas gsungs pa'i nang tshan rgya mtsho gser gyi nyi ma'i rtsa zhes pa de rgyang zhags chu sgron dngos yin gsungs/__dbyings rig smin mtshams nas bral zhes pa/__phyi'i rig rtsal 'od gsal gyi snang cha dang po rdzi ma dang 'brel ba nas mched pas de la dgongs gsungs/__thod rgal skabs lhun grub kyi rig gdang lam rig cha dang /__lhun grub thugs rje'i rig rtsal gyi gdang gnyis las/__snga ma nang dbyings su 'khyil ba/__phyi ma phyir mched pa'o//___//_!_dbyings snang dang rig pa lug rgyud kyi dkyil du lus sems dbyer med du gtad dgos zhes lung rtogs rin po ches gsungs/__shar lugs brgyad po'i ltar ces pa'i tshig la go ba blangs dgos te/__dper na/__'od ltar shar ba/__yul snang gi 'od rig pa'i rang gdangs de ltar du shar ba yin rgyu sogs kyi mtshon/__rgyu rkyen gyis gsar du ma bskyed pa'i sems nyid gnyug ma rang byung gi ye shes 'od gsal lhun grub la 'dus ma byas gsungs/__thim la ma rmugs ces pa dang /__dbyings dang gos ro gcig 'dres pa la gsungs/__spangs bsgyur lam du byed pa zhes gsang bdag sgro phug pa'i dug sdong stong thun nang gsungs ltar/__skye bo rang gsang spangs/__sman pas bsgyur zhing blangs/__rma byas zos pa bzhin du nyan thos kyi spangs/__byang sems kyi bsgyur/__gsang sngags bla med pas lam du byed/__rdzogs pa chen pos ni/__dpal sprul rin po ches/__rang byung gi rig pa dug sdong chen po lta bu la/__dug sdong gcig gi ma tshad phyogs bcu'i 'jig rten gyi dug sdong sa chen po'i steng du yod kyang ma spangs/__ma bsgyur/__ma zos spang blangs phan gnod ci yang med pa de bzhin yin gsungs//___//_!_ngo bo la 'pho 'gyur med kyang /__rtsal gyi yon tan che chung gi rtogs ldan bzang ngan 'byed ces kun mkhyen phyi mas gsungs//___//_!_thod rgal gyi snang cha'i lug rgyud kyang rnam shes las 'das pa'i ye shes kyi srog dang ldan pas mkhyen cha mi 'gags pa yin//___//_!_snang bzhi'i go rim nges med mtshon na chos nyid mngon sum nas/__zad sar thod rgal du goms pa yang yod gsungs//___//_!_smin mtshams kyi thig ler rlung sems bsdus nas dag zhing du 'pho ba'i gnad yin//___//_!_phyi dbyings nam mkha' nas thig phran mang po yod pa'i sngo rim ba de dang /__nang dbyings der nang 'od lnga'i mu khyud de yin gsungs/__thig le stong sgron ser skya sogs mthe bong tsam pa de gzhal yas khang /__lug rgyud sogs sku ste longs sku rang snang gi sku dang zhing khams 'bral med zag med kha sbyor bdun ldan de don sems kyi mdangs las skyes pa yin/__sku tshad med pas lug rgyud grangs mang //___//_!_chos nyid zad pa'i skabs skye ba la dbang 'byor bas lus sems chos nyid kyi ngang du zad pa na 'pho chen 'ja' lus rdo rje'i skur bzhengs par bzhed pa na 'od kyi lag sor tsam la gtad gsungs/__'chi med pad+ma 'byung gnas dang /__paN chen bi ma la lta bu dag pa gnyis ldan gyi sku dngos yin rgyu las/__spang bya'i sgrib pa zhig gtan nas med ces/__gal srid yod na rdo rje'i sku nam mkha' ji srid bar bzhugs pa yin/__de srid bar du bag chags dang bcas pa'i sku dang bcas pa thal bar yin pas de mi srid do/__/ces rje 'jam dbyangs bla ma'i gsung gi snying khu yin gsungs so/__/nyams gong 'phel zhes pa snang nyams 'phel ba rtags/__rtags can rig pa 'phel ba yin gsungs//___//_!_spyir gzhi zhes pa/__sems kyi rgyud kyi bde gshegs snying po rig pa de gzhi kun tu bzang po dang /__de ngo shes na rim gyis grol ba ston pa kun tu bzang po dang /__dag pa gnyis ldan gyi go 'phang thob/__ngo ma shes na/__'khrul pa glo bur gyi dri mas bslad thog can bzhin du spyi gzhi ma sgrib lung ma bstan bem chos dang ma 'brel ba dang /__srid pa sngon ma dang /__las nyon gyi skye ba can sogs dang ma 'brel ba yin gsungs kyang zhib tu dpyad dgos//___//_!_ma dag pa 'khor ba'i sgo ltar shar dus sems can sum stong la rig pa bcug nas grol ces pa de/__rang snang yin gsungs//___//_!_dbyings snang ngo ma shes pas snod du 'khrul/__ye shes kyi sku de ngo ma shes pas lus su/__ye shes de sems su 'khrul pa/__rkyen bzhi 'khrul tshul dang /__rkyen bzhi'i grol tshul bstan/__dpe ngo bo'i sgo nas gcig rnam pa tha dad chu dang chab rom//___//_!_snod bcud dag pa rab 'byams chos can gyi steng nas sgrub ma gtogs/__chos nyid kyi steng nas ma yin te/__chu dang chab rom gnyis ka stong nyid yin mtshungs so/__/zhes gnad 'di gsungs//___//_!_rig pa rang thog tu ma g.yos pas 'khrul rtog yul du bcas pa rang grol rtsal rdzogs yin//___//_!_gdod mi'i spyi gzhi 'chi srid la brten nas ngos bzung /__yang na rnam rtog rags pa ma mchod/__rig thog tu ma thon gong la spyi gzhi yin gsungs//___//_!_dag pa'i sgyu lus dang 'pho chen la khyad yod/__ma dag pa'i sgyu lus dang chos nyid bar do'i snang ba gnyis khyad par yod gsungs so//___//ye shes bla ma'i zin bris rdo grub sprul sku bstan pa'i nyi ma'i gsung rgyun 'jam mgon rdo rje 'chang blo gros rgya mtsho'i phyag bris dngos mkhan chen mkhyen brtse'i blo gros la gnang ba'i dpe las zhal bshus pa'i mkhan po'i phyag dpe las slar yang bshus pa'o//___// @#/__/rdzogs chen gyi don khrid mdor bsdus bzhugs/__/ bla ma la phyag 'tshal lo/__/de yang rang bzhin rdzogs pa chen po'i chos nyid nyams su len pa la/__thun mong dang khyad par gyi sngon 'gro'i bsags sbyong rnams byas lo tsam ma yin par nyams len rdo rus 'phrod pa dang /__dngos gzhi phyi nang gi 'khor 'das ru shan dbye ba dang /__/sgo gsum sbyong ba'i rim pa rnams nyams len gnad du khel ba re dang /__sems sbyong la sems kyi gzhi rtsa bcad pa byung gnas 'gro gsum gtan la dbab pas/__phyi gzung ba'i yul gzhi med rtsa bral/__nang rang gi phung khams skye mched/__ngag rlung 'byung 'jug la brten pa'i smra brjod/__gsang ba sems zhes bya ba gya gyu can 'di rnams gzhi rtsa bral ba skye med kyi rang bzhin du gtan la dbab/__btsal bas ci yang ma rnyed pa na de'i ngo bo la bcas bcos mi byed par sgo gsum rang bab tu lhod kyis klod/__de bzhag pas sems nyid ngo bo stong ba/__rang bzhin gsal ba/__thugs rje rig pa gsum dbyer mi phyed pa'i rang bzhin smra bsam brjod bral gsal dwangs ha re ba/__der 'dzin gyi rtog pas ma bslad pa'i shes rig zang ka ma 'di grol gzhi'i rig pa ka dag chos sku'i gnas lugs zer/__de nyid rang gi mos gus dang bla ma'i byin rlabs gnyis 'dzom pas rtogs dgos pa yin/__de ltar rig pa ka dag de'i ngo bor g.yo 'gul med par 'jog pa lta ba ri bo cog bzhag/__rig pa mig la gtad/__/mig dbyings la gtad/__phyi nang bar med zang thal rgya mtsho rlung gis ma bskyod pa ltar bzhag pa sgom pa rgya mtsho cog bzhag/__de ltar rig pa rang mal las ma g.yos par bzhag pas tshogs drug gi snang ba bzang ngan gang shar la bcos bsgyur sogs kyi spang blang 'dam ka bral ba rang shar rgya yan du bzhag pa spyod pa snang ba cog bzhag/__/de thams cad la rig pa bcas bcos spro bsdu med pa rang bab sa le ba 'di kho na'i ngang bskyang ba las mi 'da' ba 'bras bu rig pa cog bzhag dang /__lta sgom spyod 'bras bzhi po tha dad ma yin te/__de thams cad ngo bo gcig tu go dgos/__de ltar 'jog thabs de rnams kyis bzhag pa na rnam rtog bzang ngan gang skyes thams cad grol ma thub na tha mal pa dang khyad med pas/__/'khrul snang gzung 'dzin gyi rtog pa gang shar yang shar ba dang ngo shes/__shes pas mi phan rig pa'i ngang du rtsal rdzogs/__rdzogs nas rig pa gsal stong chen po dang dbyer med du 'dres pas/__snang ba phar ka na ma lus/__rig pa tshur nang na med/__snang shes dbyer med du grol ba gnad gal po che yin/__nyams len gyi grogs su rlung sna nas mi gtong bar kha nas rgyun du mchu so yid tsam bye ba'i bar nas gtong /__bar rlung lto bar rgyun du thad kar ran tsam brgyangs/__mig bar snang la ha re bzhag/__lus gnad lhod chags par bsrang /__lag pa mnyam bzhag gam/__pus mo gnyis steng bkab pa'am/__thod rgal dang 'brel na drang srong tsog pu'i bzhugs stangs bya/__nam mkha' dwangs dus nam mkha' sngo sangs la mig dang rig pa nam mkha' gsum dbyer med du bsres nas ar la gtad pas ka dag chos sku'i stong gdangs brjod mi shes pa 'char ba bogs 'don dang /__rnam rtog phra zhib mang po skye na phaTaHdrag po brjod/__mig sdang mig tu ce re bgrad pas de ma thag rig pa gsal dwangs lhag ger 'char ba yin/__stod 'tshangs na ha sprug lus 'dar thon pa dang /__nu steng khu tshur rdeg pa 'khrul 'khor ltar bya dgos/__de ltar khregs chod la goms pa cung zad byung ba na/__rang bzhin rig pa sku gsum gyi lam snang 'od gsal lhun grub thod rgal la/__sgo yul rlung rig gi gnad gsum dang /__bzhugs stangs gsum/__gzigs stangs gsum gang rung gis 'od snang gi rten nyi ma/__zla ba/__mar me gsum gang rung la brten byas nas 'od snang khrid cing /__de la gtad bya gtod byed med pa nang gi rig pa dang /__phyi'i 'od thig gcig tu bsres nas zhen med 'dzin bral du 'jog pa dang /__rlung rig dal ba gnad du che zhing /__de'ang dbyings rnam dag gi sgron ma/__'char gzhi/__'char byed shes rab rang byung sgron ma/__'char bya thig le stong sgron/__'char sgo rgyang zhags chu'i sgron ma ste sgron ma rnam bzhi'i nyams len la brtson pas snang ba bzhi tshad du phyin par 'gyur ro/__de dag gi skabs su nges 'byung /__byang sems/__sgrib sbyong /__tshogs bsags/__bla ma'i mos gus rnams kyis lam gyi gzhi bzung /__dben pa'i ri la sdod/__smra ba ma mang /__rgyu 'bras spang blang gzab/__phyogs ris med par thams cad la bsam pa bzang po bya ba kho na gces so/__/zhes pa'ang kaHthog rgyal sras kun bzang rin po che'i sras mos gsung bskul ngor chos kyi blo gros pas bris pa'o//___//_!_gzhi ka dag khregs chod la/__sems byung gnas 'gro gsum btsal bas/__byung sa byung khung gis stong /__gnas sa gnas mkhan gyis stong /__'gro sa 'gro yul gyis stong /__sems btsal mkhan de mkhan po zer ba yin pas btsal rgyu sems dang nyul mkhan gnyis gcig yin min brtags pas chu las chu bur byung ba bzhin yin par go ste/__lus ngag sems rnams gzhi med rtsa bral du rtogs pa dpyad sgom dang /__'jog sgom la/__sems ma bcos rang bab tu bzhag pas ngo bo stong pa chos sku'i ye shes/__rang bzhin gsal ba longs sku'i ye shes/__thugs rje rig pa sprul sku'i ye shes/__de gsum dbyer med pa rig pa zang ka ma 'di yin lugs kyi steng du bla ma'i byin rlabs kyis ngo rang thog tu sprad pa/__thag gcig thog tu bcad pa/__gding grol thog tu bca' ba dang gsum/__lta ba ri bo cog bzhag/__sgom pa rgya mtsho cog bzhag/__spyod pa snang ba cog bzhag/__'bras bu rig pa cog bzhag dang bzhi/__rlung sems gnyis byed las gcig pas rig pa cog bzhag snang ba cog bzhag tu bsdus nas cog bzhag gsum byas kyang chog/__de rnams gzhi ka dag khregs chod kyi nyams len dang /__lam lhun grub thod rgal la 'char gzhi yul gyi gnad/__'char byed sgo yi gnad/__'char bya rig pa'i gnad dang gsum/__chos sku'i bzhugs stangs/__longs sku'i bzhugs stangs/__sprul sku'i bzhugs stangs gsum/__sku gsum gyi gzigs stangs gsum/__dbyings rnam dag gi sgron ma/__rgyang zhags chu yi sgron ma/__shes rab rang byung gi sgron ma/__thig le stong pa'i sgron ma dang bzhi/__sgo yul rlung rig gi gnad gcun pas chos nyid mngon sum gyi snang ba/__nyams gong 'phel gyi snang ba/__rig pa tshad phebs kyi snang ba/__chos nyid zad pa'i snang ba bzhi 'char ro/__/'di rnams tho tsam yin/__khrid yig ye shes bla mar zhib bca' gzigs mdzod/__chos sku'i bzhugs stangs seng ge'i 'dug stangs kyis rkang mthil sa la phab pas g.yo byed las kyi rlung gnon/__lus kyi cha srong bas rlung bde lugs su rgyu/__mgo rtsal mjings par bskur bas rnam rtog rang bzhin gyis 'gags/__lag sor sgongs te khyi tshugs su 'dug pas ye shes kyi drod phebs/__'byung ba cha snyoms/__longs sku'i bzhugs stangs pus brang sbyar bas bde drod ye shes kyi khams rgyas/__gru mo gnyis sa la btsug pas pho mo'i rlung gnyis ma ning du rang rgyu/__thal mos mgrin pa yid tsam btegs pas rags pa'i rlung 'gags/__rkang sor phyir phul te bskum pas bying rgod cha snyoms pa sprul sku drang srong tsog pus lus tsog pur 'dug pas rtsa rlung rang sor snyoms/__rkang mthil sar phab pas chu yi rtsal gnon/__rgal tshigs drang por bsrang bas rlung sems chos nyid du rgyu/__pus brang sbyar bas me rlung ye shes su 'phel/__rgyu zhabs rgal par bcar bas rnam rtog gi 'phro 'du 'gags/__lag pa bsnol te pus bkab kyis tsha ba'i nad sel/__mchan khung gnyis su reg pas grang nad sel/__lag sor sgongs te lkog ma btegs pas tsha grang snyoms par byed do/__/mngon par byang chub pa'i bzhugs stangs bya rgod spungs stangs kyi rkang mthil sa la phab pas las rlung non/__tshos so sar ma reg pas bag chags las kyi mtha' stongs/__ro stod mdun gcus kyis rtsa nang gi ye shes 'char/__lus kyi zur nas lag gnyis gshog pa ltar sgongs te tshos so'i steng lag sor bsnol bas 'byung bzhi las kyi rlung bzhi ye shes kyi sbubs su thim zhing rang ldob/__/lus spyi bsrangs pas nyon yid 'char mi srid par byed/__mi 'gyur rdo rje'i bzhugs stangs kyis lus spyi bsrangs pas 'gyu byed las kyi rlung 'gags/__rkang mthil kha sbyar bas pho mo ma ning gi rlung stong /__'od gsal ye shes kyi ngang du rang gnas/__rting pa gnyis gsang bar gtad pas 'dod chags kyi gzhi stong /__thal mo spyi bor sbyar bas lus gnad spyong bar byed/__chos sku'i gzigs stangs kyis dbyings rig 'phel che/__longs sku'i gzigs stangs kyis thad kar bltas pas ye shes kyi snang ba mthong /__sprul sku'i mthur phab kyis 'od khyim gyi sgron ma mthong /__mngon byang gi gzigs stangs khrid cing zlum por bltas pas dbyings snang cher 'phel/__rdo rje'i gzigs stangs zur bltas kyis zhing khams kyi rgyan rdzogs par byed/__chos sku seng ge lta bus grol gzhi'i zhing la spyod/__longs sku glang po lta bus grol snang ye shes la spyod/__sprul skus 'char tshul phrin las la spyod/__mngon byang gis 'od gsal zhing snang la spyod/__rdo rje mda' srong lta bus sku gsum lhun grub la spyod par byed do//___//_!_dpal ldan bla ma'i zhabs la phyag 'tshal lo/__/sems don ngo sprod kyi gnad mdor bsdus pa ni/__mi rtag pa rgyun du dran pa dang /__'khor ba'i nyes dmigs la bsams nas las 'bras blang dor bya ba dang /__skyabs 'gro'i rtsa ba brtan cing gzhan phan lhag bsam bzang pos sgo gsum gyi bya ba ci byas gzhan don du spyod cing bsngo ba smon lam dang /__bsags sbyong gi rim pa la nan tan du bya ba dang /__yi dam gyi bskyed rdzogs gang rung gcig la nyams len bsnyen sgrub gnad smin dang /__khyad par rang rig skye med kyi don rtogs pa la bla mar mos gus bcos min du ma skyes kyi bar du nan tan du bya zhing /__bcos min gyi mos gus skyes nas kyang bla ma la rtag tu gsol ba 'debs shing dbang blang ba gal che/__sems don dngos la/__rtsad gcod pa ni/__thog med nas 'khor bar 'khyams mkhan dge sdig byed mkhan 'di sgo gsum gang yin brtags pas gtso bo sems yin par shes nas/__mtshangs btsal ba ni/__lus ngag yid gsum gcig tha dad brtags pas/__tha snyad du ni de gsum 'brel ba can ltar snang yang /__don dam gyi rig pas dpyad na gcig tha dad gang du'ang ma grub pa'i sems zhes bya ba med pa gsal snang gya gyu ba 'di yin/__'di'i ngo bo la brtags pas skye ba btsal bas ma rnyed/__gnas pa'i ngo bo ma grub/__'gags pa'i yul med pas gzhi rtsa bral/__tshol mkhan gyi sems dang btsal rgyu'i sems gnyis gcig tha dad brtags pas de las de byung ltar snang yang /__btsal gzhi'i sems ma grub pas tshol mkhan yang ma grub/__'on kyang glo bur rgyu rkyen gyis bskyed pa'i rnam rtog wal po 'gyu ba sna tshogs pa 'di la bdag tu bzung bas srid pa 'khor bar 'khrul pa ngo shes nas/__sems btsal bas ma rnyed pa'i sems kyi gshis lugs gcer mthong du brtags pa la sgo gsum ma bcos lhod kyis bzhag pas rtog med gsal ba res yod res med/__rkyen gyis bsgyur nus 'phel 'grib can de kun gzhi'i rnam shes yin/__de la brten pa'i bde gsal mi rtog gi nyams ci byung yang shes nyams skyon can dang /__yang ci dran med pa'i stong had de ba de kun gzhi'i rang bzhin shin tu skyon chen yin/__de rnams yid dpyod kyis sgrib pa dang /__de rnams kyis ma bslad pa'i dran rtog gi 'phro 'du shar kyang rung /__ma shar kyang rung /__phan gnod bsgyur bkod cig byar med pa'i da lta'i shes pa zang ka so ma ma bcos ma bslad pa'i/__sa le/__sing nge /__ye re/__rjen ne/__gsal la dwangs pa dngos mtshan las 'das pa/__stong pa phyar chad ma yin pa'i gsal rig hrig ge ba ngo bo ngos bzung thams cad dang bral ba 'di ye stong ka dag gnyug ma'i shes pa'am/__rig stong 'od gsal rdzogs pa chen po'am/__rig pa rang ngo bskyang rgyu de yin/__de nyid lta ba ri bo cog bzhag/__sgom pa rgya mtsho cog bzhag/__spyod pa snang ba cog bzhag/__'bras bu rig pa cog bzhag bzhis bzhag thabs kyi rang ngo bskyangs pas rig stong rjen pa mngon du gyur pa ni ngo rang thog tu sprod pa zhes bya zhing /__de la yid ches de las gzhan pa'i sangs rgyas zhes bya ba dang /__ye shes zhes bya ba logs shig na med cing /__chos thams cad bya med rig pa skad cig ma'i klong du rdzogs par thag bcad cing 'dzin med yengs med zhen med du bsgom pa lta ba de'i ngang las ma g.yos pa tshogs drug gi yul dang yul can thams cad mi 'gag/__mi spro/__mi bsdu bar rang babs rgya yan du bzhag pas/__yul shes gnyis med byung tshor gyi rtog pa gzhi thim bya lam rjes med rig pa'i ngang du rang grol ba ni gding grol thog tu bca' ba zhes gsung /__de lta bu'i nyams len la mnyam bzhag rjes thob gang gi skabs su'ang mi g.yo ba gnad dam pa'o/__/de ltar brtson na dus rtag tu gzung 'dzin ltar wa le khyug ge snang yang /__des ma bsgribs shing nam mkha' la sprin gyis ma gos pa ltar sgrib pas ma bslad par sgrib gnyis bag chags dang bcas pa rang sangs su dag nas rig stong ye shes chen po'i snang ba rgyas par 'gyur ro/__/de'i skabs su snang nyams dang shes nyams kyis bsdus pa'i nyams mtho dman 'jam rtsub ci byung yang nyams la mi zhen cing /__nyams kyi sna mi dgag par byung rgyal du bskyang ba ni gnad do/__/de ltar khregs chod kyi gdams pa'i gnad dril mdor bsdus pa 'di'ang g.yon ru lha sras bsod rgyal gyi bzhed pa skong phyir chos kyi blo gros pas so/__/sarba dza ga taM//___// @#/__/zab chos rig 'dzin thugs thig gi thod rgal gyi khrid yig 'ja' lus mchog sbyin gyi gsal byed nyung ngu dri med 'od snang zhes bya ba bzhugs so/__/ na mo gu ru pad+ma kA ra ak+Sha ra badz+ra na mo/__gang gi rang bzhin thog mtha' dbus bral ba/__/'gyur med bden don chos dbyings bde ba che/__/rang bzhin lhun grub 'od gsal 'dus ma byas/__/brtan g.yo'i khyab bdag bla mar phyag bgyi'o/__/de yi gnas lugs ji bzhin mngon byed kyi/__/myur lam rdo rje theg pa'i zab don snying /__/kun gyi rtse rgyal rdzogs pa chen po yi/__/yang gsang bla med khrid rim nyung ngur bkral/__/brgyud gsum bla ma rig 'dzin rgya mtsho dang /__/thugs thig zab mo'i gnyer 'dzin DA ki'i tshogs/__/srung mar bcas pas bka' yi gnang ba dang /__/byin rlabs bden pa'i stobs kyis shis pa stsol/__/de la 'dir ma hA gu ru pad+ma 'byung gnas kyis zab gter du sbas pa thugs sgrub bye ba phrag brgya'i yang snying bla sgrub rig 'dzin thugs thig ces sa gsum na 'gran zla bral ba'i gter chen chos kyi rgyal po rig 'dzin gter bdag gling pas bsam yas g.ya' ma lung gi brag ri rin chen brtsegs pa'i 'dab rol nas spyan drangs pa'i shog ser las gtan la phabs par mdzad pa 'di la bskyed rdzogs kyi khrid zab cing rgya che bar bzhugs pa'i nang gses rdzogs rim ka dag gi khrid yig gsal byed ma hA lo tsA ba chos dpal rgya mtsho'i legs gsungs 'khrul pa'i dri ma zad pa le tshan dang /__rje btsun mi 'gyur dpal sgron gyi ljags bshad grub chen khyung ras pas zin bris su btab pa las rtogs par bya zhing /__'dir 'chad bya thod rgal gyi khrid 'ja' lus mchog sbyin gyi gsal byed mdor bsdus su 'chad pa la/__thun gyi sngon 'gro dang /__khrid kyi sngon 'gro thun mong thun min rnams ni ka dag gi khrid sogs las nyams su blangs nas/__dngos gzhi ka dag khregs chod kyi khrid dang /__lam lhun grub thod rgal gyi khrid gnyis las/__'dir 'chad bya phyi ma ste/__de'ang brgyud ldan gyi bla ma las ngo sprod legs par thob cing khregs chod la cung zad brtan pa thob pas bogs 'don du nyams su blang bar bya ba ste/__de'ang thod rgal gyi gseng lam zab mo 'di nyid khregs chod las khyad par bdun gyis 'phags te/__rang byung rig pa sku gsum gyi snang ba lam snang la rdzogs pa dang /__sgo yul rlung rig gi gnad gcun pas nyams len lag len du 'dril ba dang /__rang gnad dbang po'i mngon sum du gzir bas lam du byed pa dang /__lus gnad bzhugs stangs gzigs stangs kyis gcun pas dwangs ma'i 'od rtse las 'char ba dang /__sgo rgyang zhags kyi lam nas mngon sum mthong ba dang /__rang rig rtog bral shes rab rang byung gi sgron ma'i gdangs rtsal yul du byas pa dang /__nyams snang shes nyams las 'das pa gong 'phel du 'gyur ba'i khyad par rnams kyis khyad par du 'phags pa yin no/__/'phags chos de ldan gyi gdams pa nyams su blang ba la'ang sngon 'gro dang /__dngos gzhi gnyis las/__/dang po sngon 'gro ni/__'das rjes las/__gnas brtan grol ba'i gding thob nas/__/phyi nang bya ba kun btang ste/__zhes dang /__klong gsal las/__mngon sum gnad la dbab pa'i phyir/__/phyi nang gsang ba'i bya ba ni/__/lus ngag yid kyis dgu phrug btang /__zhes pa ltar bya ba dgu phrug tu gtong bar bya ste/__lus kyi phyi yi 'jig rten 'khrul pa'i bya byed/__nang phyag bskor sogs 'dus byas dman pa'i dge ba/__gsang ba rnam g.yeng 'du 'dzi spangs te gcig pur gnas par bya ba'o/__/ngag gi phyi 'jig rten gyi 'khrul gtam sna tshogs/__nang kha ton bzlas brjod/__gsang ba smra brjod thams cad spangs te gnas par bya/__yid kyi phyi 'jig rten gyi 'khrul rtog sna tshogs/__nang chos can bsam blo sna tshogs/__gsang ba rnam rtog gi 'phro 'du sna tshogs pa bkag nas dran bsam rnam rtog phra rags thams cad dang bral bar gnas pa ste/__de ltar bya ba dgu phrugs su btang ba'i yon tan ni/__klong gsal las/__lus ngag 'khrul pa rgyun chad nas/__/ye shes rgyud la gnas par 'gyur/__ces dang /__ma btang ba'i skyon ni/__de nyid las/__byar med rgyud la ma gnas na/__/rig pa'i don la reg pa med/__ces gsungs so/__/de ltar bgyis pas sgo gsum byar med lhug par ngang gis dal zhing gnas pa dang /__brtan pa dang /__grol bar 'gyur ro/__/gnyis pa zag med ye shes 'od gsal gsang ba chen po lhun grub thod rgal gyi lam rgyud la bsten pa dngos la/__lus ngag yid gsum gyi gnad gzir tshul dang /__sgron ma bzhi'i rang bzhin bshad pa dang /__de la gnad du bsnun tshul dang /__rjes snang bzhi'i sa mtshams bshad pa dang /__'bras bu yon tan thob tshul dang lnga las/__dang po bzhugs stangs gsum dang /__gzigs stangs gsum gyi sgo nas gnad gcun pa ste/__thal 'gyur las/__mngon sum gnad ni lus ngag sems/__/so so'i gnad ni nges par bsnun/__/de yang lus 'di sku gsum las/__/rgyun du 'da' bar mi bya'o/__/zhes dang /__sgron ma snang byed las/__rig pa brten sa lus yin te/__/lus gcig med na med pa ste/__/yod na ye shes yod par nges/__/de ltar lus la yod pa de/__/chos can spyi yi mtshan nyid kyis/__/spyi bo'i gtsug nas rkang mthil bar/__/brtag dpyad rnam pa sna tshogs kyis/__/dpyad pas de nyid rnyed pa min/__/mo dang pra la sogs pa yi/__/rtsis ni rnam pa sna tshogs kyis/__/bltas shing dpyad kyang rnyed pa min/__/'o na gtan med yin ce na/__/gtan du med pa ma yin te/__/lus ngag gtams na mngon du snang /__/dper na lus la khrag khyab ste/__/skyes bu glen pa 'ga' zhig gis/__/gang gang lus la khrag btsal bas/__/gcig kyang byung ba ma yin no/__/'o na lus la khrag med dam/__/lus la med pa ma yin te/__/thams cad khyab cing khrag la brten/__/skyes bu thabs dang ldan pa yis/__/rtsa la gtar na khrag 'byung ltar/__/lus gnas ye shes de bzhin no/__/zhes pa ltar rdo rje'i lus kyi gnad gcun dgos/__de la gnad mang yang gsang ba bla na med pa'i lus ngag yid kyi gnad 'di dag zab pa'i mthar thug pa ste/__de'ang lus gnad bzhugs stangs gsum ste/__mu tig phreng ba las/__seng ge'i tshul dang glang chen dang /__/drang srong lta bur gnas par byed/__/zhes gsungs pas/__/dang po chos sku seng ge'i 'dug stangs ni/__rkang pa'i mthil gnyis sbyar ba/__pus mo phyir bgrad/__lag pa'i mthe bong gis srin lag gi rtsa bar mnan pa'i rdo rje khu tshur bcangs pa kha sbub tu byas la rting pa'i nang ngos su btsugs/__lag yu drang por bsrangs/__ro stod gseng ste dpung pa gyen du 'then/__mjings pa yid tsam gyi/__mig 'bras mi 'gul/__rdzi ma 'thab brdeg mi bya bar smin dbrag gi nam mkhar blta/__lce cung zad gyen la bsgril/__de ltar byas pas gnas skabs su nang gi 'byung ba cha snyoms/__mthar thug gnas lugs rtogs pa'i dgos pa yod do/__/gnyis pa longs sku glang po che'i bzhugs stangs ni/__kha sbub tu pus brang sbyar/__gru mo sa la btsug ste lag mthil gyis os ko brten pa'i ser mo rnams 'gram pa la sbyar/__rgal tshigs thad kar drang po bsrangs nas mig thad ka'i nam mkhar zur gyis hrig ger blta/__mgo dgye tsam bya/__de ltar byas pas gnas skabs su g.yo byed kyi rlung zin/__mthar thug lhun grub 'od lnga 'char ba'i dgos pa yod do/__/gsum pa sprul sku drang srong tsog pu'i bzhugs stangs ni/__rkang pa'i long bu gnyis gshibs/__pus brang sbyar te tsog pur 'dug/__lag gnyis kyis dpung pa'am/__mkhal khung ngam/__pus mo la bskor/__rgal tshigs drang por bsrangs/__mig zim bur bar snang la gtod pa'o/__/des gnas skabs lus la drod skye/__mthar thug snang srid zhing khams su 'char ba'i dgos pa yod do/__/bzhugs stangs de rnams kyis dang pos 'byung ba rang sar dag/__gnyis pas g.yo ba'i rlung zin/__gsum pas drod skyed cing /__'byung ba snyoms/__mthar thug sku gsum du grol nas mya ngan las 'da' bar 'gyur ro/__/de'ang thal 'gyur las/__chos sku'i bzhugs stangs seng ge yis/__/'khrus pa'i 'jigs pa kun bral nas/__/rdo rje'i mig gis mthong bar 'gyur/__/longs spyod rdzogs sku'i bzhugs stangs ni/__/glang chen nyal ba la brten nas/__/chos nyid don la longs spyod de/__/pad+ma'i spyan gyis mthong bar 'gyur/__/sprul pa'i sku yi bzhugs stangs ni/__/drang srong tsog pu la brten nas/__/chos nyid snang ba la spyod de/__/chos kyi mig gis mthong bar 'gyur/__/zhes gsungs so/__/ngag gnad ni/__'das rjes las/__ngag ni bslab bya'i rim pa la/__/gnas pa brtan cing la yang bzla/__/zhes dang /__thal 'gyur las/__ngag ni bslab dang gnas pa dang /__/la bzla ba nyid bstan par bya/__/zhes pas 'khrul pa'i gtam 'gags shing /__brjod med kyi don rgyud la bskyed pa'i phyir dang po smra bcad yun thung ba la bslab/__de nas yun je ring du btang /__skabs su smra yul med kyang smra/__de nas ngag gnas pa'i rim pa rang gi sngags dang mod 'dod pa sogs kha bton chos spyod dam pa'i chos kyi tshig sna tshogs gang dran thol byung gsal por brjod cing /__gzhan dang tshig gcig kyang mi smra mthar brda tsam yang mi bya bar lkugs pa ltar gnas par bya zhing /__de ltar gyi yon tan ni klong gsal las/__de ltar ngag gnad sus gzir ba/__/ngag gi rkyen zad mya ngan 'da'/__/zhes dang /__de dag ma byas pa'i skyon/__ngag gi gnad ni ma gzir na/__/brjod med don ni mi rtogs shing /__/'khrul pa'i gtam gyis don la sgrib/__/ces so/__/dgos pa ni/__gnas skabs su 'khrul gtam dang nyon mongs pa mi 'phel/__mthar thug rig pa'i don la myur du reg cing sangs rgyas thams cad kyi gsung rdo rje'i klong du mya ngan 'da' ba'i dgos pa yod do/__/gsum pa sems kyi gnad rlung rig gnyis te/__rlung dal bar brten nas mchu so ma reg tsam gyi kha nas rlung rang babs su btang zhing yud tsam phyir mnan pas rig pa dal bar 'gyur te/__thal 'gyur las/__rlung ni ci nas dal byas te/__/rab tu 'phang ba las byung ba/__/lus dang sems kyi 'brel bcad de/__/khams gsum du yang ldog pa min/__/rlung rig dal bas ye shes 'grub/__/ces pas/__sprin dang khu rlangs med pa'i nam mkha' stong sang nge ba la mig dang /__nam mkha'/__rig pa gsum po dbyer med du byas nas blta ba ste/__thal 'gyur las/__sgo ni sku gsum mig gis blta/__zhes so/__/de skad du'ang /__khrid rtsa las/__nyams su len par 'dod pa'i gang zag gis:__lus kyi gnad gsum gcun la dal ba bsten:__ngag gi smra bcad chos kun tshig la sbyangs:__yid ni rtag tu bsam rgyun bcad nas kyang :__dbyings kyi nang du lu gu rgyud gcun pas:____lta stangs gsum gyi gtad pa'i 'bem la gtad:__snang ba'i zhen pa bcad cing rtag tu gzir:__zhes gsungs te/__sngar bshad ma thag pa'i bzhugs stangs gzigs stangs la bslab cing /__ji skad du/__sems kyi phyi yi mkha' la gtad/__/nang gi sgron ma mngon du snang /__/zhes dang /__thal 'gyur las/__sems ni dbyings la gtad pas 'grub/__/ces gsungs pa ltar/__phyi dbyings nam mkha' stong par nang dbyings rnam dag gi sgron ma rig pa stong gsal du 'char ba'o/__/de'i yon tan ni/__klong gsal las/__de ltar sems kyi gnad gzir bas/__/sku gsum rig pa stong par 'char/__zhes so/__/dbyings rig gnad du ma gzir ba'i skyon ni/__sems kyi gnad ni ma gzir na/__/dbyings dang rig pa mi mthong bas/__/zhes dang /__de ltar sems kyi gnad med na/__/rig pa yul la ldog par 'gyur/__/zhes so/__/dgos pa ni/__gnas skabs rig pa'i ye shes mngon sum du gsal bar nus shing /__mthar thug lhag med du 'tshang rgya ba dang /__de ltar ma byas na yon tan de dag las ldog pa'i skyon yod do/__/gnyis pa sgron ma bzhi yi rang bzhin bshad pa la bzhi las/__/dang po dbyings rnam dag gi sgron ma ni/__khrid rtsa las/__de las nyams len snying po bstan pa ni:__tshul 'di bzhin du nyams su blang bya ste:__dbyings las phyi nang bral te phyi yi dbyings:__nam mkha' stong pa yin te snang ba'i yul:__nang dbyings rnam dag sgron ma zhes bya ba:__sna tshogs nam mkha'i 'ja' 'dra 'gyu ba yi:__thig le 'od zer du ma'i bdag nyid can:__zhing khams rgyal ba'i zhing du 'char ba yin:__zhes gsungs te/__dbyings de la'ang gzhi'i dbyings rang gi snying ga na 'od lnga lhun grub/__lam gyi dbyings mig gi 'od rtsa'i rang snang /__yul la snang ba'i dbyings mthing ga dang lnga ldan te/__phyi ma 'di la phyi nang gnyis las/__phyi yi dbyings nam mkha'i sgron ma 'char ba'i yul byed pa ste/__nam mkha' slad byed kyi rkyen dang bral ba la gzigs stangs kyis gtad pas dbyings mthing ga khyab pa chen po ni nang gdangs phyir 'phos pa yin la rgyan gyi nam mkha' dang skyes bu 'brel ba ma grub pas phyi dbyings mtshan nyid pa dbyings mthing ga la/__nang dbyings rnam dag gi sgron mas dwangs ma rnams sdud cing sku 'dzin pa dang /__sgo yul rlung rig gi gnad gsum gcud du smin pas 'khrul snang stong pa byed cing /__de'i gdangs ni dbyings snang nA ro lta bu smin mtshams nas dral te dang por mched pa nas re lde tsam dang /__yul gru tsam du kha dog sna tshogs pa 'ja' tshon 'khyugs pa 'dra ba mtha' gcig tu ma nges shing /__thig le kha dog sna tshogs pa dang /__ko mog tu rdo bor ba lta bus skya 'or ba dang /__nya mig lta bu de dag kyang nyis 'brel sum 'brel can sogs sna tshogs mthong ba rnams yin cing /__de rnams bla mas ngo sprod pa bzhin gnad 'khrul pa med par yang dag ba'i lam du nyams su blangs pas rang snang gi 'og min gyi zhing dang /__rang bzhin sprul pa'i zhing gi smin byed du 'gyur te don ye shes kyi 'od rtsa lnga'i rang gdangs phyir 'char ba yin no/__/thal 'gyur las/__dbyings ni phyi dang nang du ste/__/phyi ni sprin bral mkha' la 'dzin/__/nang dbyings sgron ma dag tu'o/__/zhes so/__/gnyis pa shes rab rang byung gi sgron ma ni/__khrid rtsa las/__rig pa zhes bya rnam pa lnga yod de:__gzhi gnas rig pa ngo bo rang bzhin dang :__thugs rje gsum ste rgyal ba'i snying po la:__sku gsum rang chas bzhugs par bshad pa yin:__gzhi 'dzin rig pa rtog pa du mas sbags:__sems can rgyu ste kun gzhi'i rnam shes yin:__mtshan nyid 'dzin pa'i rig pa zhes bya ba:__rnam rtog rig rig 'gyu 'gyu byed pa ste:__rtog pa zhes bya rab tu grags pa yin:__zhes gsungs te/__thugs rje rig pa'i sgron ma la'ang gzhi gnas pa'i rig pa dang /__gzhi 'dzin pa'i rig pa dang /__mtshan nyid 'dzin pa'i rig pa dang /__lhag mthong gi rig pa dang /__thod rgal gyi rig pa dang lnga las/__/dang po gzhi gnas pa'i rig pa ni/__sems can gyi rang bzhin gyi gdod nas rnam par dag pa'i kun khyab bde gshegs snying po/__de'ang ngo bo stong pa la chos sku'i snying po can/__rang bzhin gsal ba la longs sku'i snying po can/__thugs rje rig pa la sprul sku'i snying po can/__de gsum ngo bo gcig la ldog pas phye ba las don la gsum du dbye ba'ang med la/__de'ang 'dir thod rgal ltar na ngo bo skur gnas/__rang bzhin 'od kyi thig ler gnas/__thugs rje ye shes kyi sgron mar gnas so/__/ngo bo skur gnas pa'ang /__nor bu phra bkod las/__e ma rig pa'i gnas lugs ni/__/rang rang tsit+ta'i dkyil na gnas/__/yab yum gnyis kyi cha 'dzin pa'i/__/thabs dang shes rab tshul du gnas/__/yab kyi cha 'dzin thabs kyi sku/__/yum gyi cha 'dzin shes rab sku/__/'od dang 'od zer tshul du gnas/__/dbyings dang rig pas rab brgyan te/__/lhun rdzogs thig le chen por gnas/__/zhes so/__/rang bzhin 'od kyi thig ler gnas pa'ang /__de nyid las/__thig le'i bzhugs tshul bstan pa 'di lta ste/__/rtsa rnams nang na thig le sku ltar gnas/__/che ba'i tshad ni nam mkha'i mtha' dang mnyam/__/chung ba'i tshad ni rta rnga bcur gshags tsam/__/gsal ba'i tshad ni nyi zla'i dkyil 'khor 'dra/__/de'ang gsal 'tsher gzi brjid ldan/__/'gro dang 'ong dang gnas pa'o/__/zhes so/__/thugs rje sgron mar gnas pa'ang /__rang shar las/__de yang sgron ma rnam pa bzhi/__/'gags pa med pa'i tshul gyis gnas/__/zhes dang /__de gsum ka dpe dang bcas bstan pa'ang /__thal 'gyur las/__tsit+ta rin chen gzhal yas na/__/ngo bo ka nas dag pa'i cha/__/stong gsal 'dus pa sku yi gdangs/__/zhal phyag rdzogs pa bum sku'i tshul/__/lhun grub 'od kyi gong bur gnas/__/thugs rje kha dog so sor gsal/__/zhes so/__/de lta bu'i sku gsum bzhugs tshul gzhan nas ma btsal zhing rang chas lhun grub chen po bri gang 'pho 'gyur bsal bzhag bral ba rang byung lhun rdzogs chen por gdod nas bzhugs pa ste/__thal 'gyur las/__de ltar thams cad chos nyid las/__blang bar bya ba gang med cing /__/bzhag par bya ba cung zad med/__/gang du med pa'i chos nyid do/__/zhes yid dang rnam par shes pa'i dngos mtshan las 'das te gzhir gnas ye shes gsum ldan ka dag stong pa chen por rang bzhin lhun grub dbyer mi phyed pa bstan pa dang /__gzhan yang khams gsum sems can kun/__/lus ngag yid las ma 'das pas/__/sku gsum gzhan du btsal mi dgos/__/btsal kyang rnyed pa'i gnas med do/__/zhes dang /__rang byung rang la rdzogs pa ni/__/chos nyid mngon sum khyad par gyis/__/dbang po rno dang rtul med pas/__/sems can thams cad sangs rgyas las/__/gzhan du gnas pa ma yin no/__/zhes sogs rgya cher gsungs so/__/gnyis pa gzhi 'dzin pa'i rig pa ni/__rnam shes kyi rten gzhir gyur pa kun gzhi'i rnam par shes pa zhes bya ba rtog pa sna tshogs kyi 'phro gzhi ni byed la/__rtog par ni ma 'gyus shing /__gsal tsam rig tsam pa ngo bo ma rig pa'i shes pa lung ma bstan me long gi ngos lta bu bag chags kyi snod dam gzhir byed pa ste/__mu tig phreng ba las/__sems ni bag chags kun gyi gzhi/__/lus can rnams kyi dri ma yin/__/gzung ba yul la 'dzin pa sems/__/de phyir 'khor ba'i chos nyid do/__/zhes so/__/gsum pa mtshan nyid 'dzin pa'i rig pa ni/__mtshan nyid 'dzin pa'i rig pa zhes bya ba dran rtog sna tshogs 'gyu ba'i gya gyu can gyi rtog pa 'di yin te/__'gro drug tha dad pa'i shes pa rang ga ma gzung 'dzin kun tu rtog pa'i snang ba la bdag tu 'dzin pa dang bcas pa ste/__thal 'gyur las/__sems zhes bya ba 'khrul rtog la/__ngo bo 'jug cing khyab pa la/__dran bsam rnams kyi gzhi ma'o/__/zhes 'khor ba'i chos thams cad ni rang gi mtshan nyid 'dzin pa'i sems te 'gro ba drug gi snang ba thams cad de snang mi snang du sems 'dzin pas sems du ming btags pa'o/__/bzhi pa lhag mthong gi rig pa ni/__gzhir gnas shes rab rang byung gis shes rab kyi chos thams cad kyi rten byed/__snang ba cer 'dzin gyis shes rab kyis dbyings rig thad kar rtogs/__dran pa 'gags med kyi shes rab kyis mnyam bzhag gsal dwangs phyed/__so sor rtogs pa'i shes rab kyis rang dang spyi'i mtshan nyid shes/__'jug byed shes rab kyis thos bsam sgom pa'i mtshams phyed pa ste/__de lnga ka yang ngo bo gcig pas chos nyid rang bzhin 'od gsal gyi don bla ma'i byin rlabs dang /__rang gi mos dges yid dpyod dang go myong tsam la rag ma las par mngon sum rig pa rjen cer lhag ger sgro skur thams cad dang bral bar rtogs pa ste/__thal 'gyur las/__shes rab rang byung brten pa ni/__/tshig dang yin min rtog pa dang /__/grub pa'i mtha' dang lta sgom dang /__/chos nyid la ni brten pa'o/__/zhes so sor rang rig pa'i ye shes kyi chos rnams kyi chos nyid mthong ba med pa'i tshul du mthong ba'o/__/de ni spyi tsam yin la/__thod rgal rang lugs ni/__khrid rtsa las/__de nas ltag mthong rig pa lu gu rgyud:__las skal ldan pa rnams kyi mig gi yul:__snang yang thig le snying po can zhes bya:__de yi cha shas sku dang thig ler snang :__sna tshogs snang ste 'khor ba'i 'khrul pa 'joms:__zhes gsungs so/__/gsum pa sgo rgyang zhags chu yi sgron ma yang rtsa tshig 'dis bstan pa yin te/__rgyang zhags kyi lam 'di sgron ma gzhan rnams kyang 'char ba'i sgor gyur te/__mig g.yas nas rgyang zhags chu yi sgron ma dang /__sher sgron gnyis ni ji snyed mkhyen pa'i ye shes thabs snang ba'i rang bzhin du 'char la/__mig g.yon nas thig le stong pa'i sgron ma dang /__dbyings sgron gnyis ji lta mkhyen pa'i ye shes shes rab stong pa'i rang bzhin du 'char la/__dbus tshangs bug nas rig pa rtog med lu gu rgyud thig le brtsegs mar snang ba ste/__mu tig phreng ba las/__'gro ba'i lam ni mthong byed sgo/__/de nyid g.yas gnyis g.yon gnyis dbus/__/sgron ma 'bar ba'i tshul du gnas/__/thig le stong pa'i sgron ma dang /__/shes rab rang byung nyid dang ni/__/rgyang zhags chu yi sgron ma ni/__/mthong byed yul la snang ba'o/__/rig pa rtog med lu gu rgyud/__/bde chen tshangs pa'i sgo nas snang /__/zhes so/__/rgyang zhags chu sgron gyi ngo bos snang ba 'khor 'das gnyis kyi cha mthun par blta ba ste/__sgron ma 'bar ba las/__rgyang zhags chu yi sgron ma yis/__/ngo bo snang ba gnyis ka sdud/__/mthong byed 'dzin cha ma 'gags phyir/__gnyis ka'i cha 'dzin lta bas na/__/'khor 'das mthun pa'i lta ba'o/__/zhes so/__/de'ang 'byung ba 'dus pa'i rgyang zhags dbang rten/__dbang po 'dus pa'i rgyang zhags gzugs 'dzin nus su skyes pa'i dbang po/__ye shes 'dus pa'i rgyang zhags 'od rtsa dwangs pa'o/__/de dag kyang snang ba 'dzin byed du rang gsal 'gags med chen por bzhugs pa yin la/__skal ldan gyi gang zag la dgongs brgyud ldan pa'i bla mas ngo sprod thebs pas 'od snang la gtad dus rig pa dal ba/__rlung dal ba/__yul du mi rtog pa gsum dang /__gtso bo mig mi 'gul ba lta stangs dang sbyar te/__thal 'gyur las/__yul dang rig pa rlung dag gis/__/chos nyid lam du gzung pa'i phyir/__/ye shes rdzogs pa chos nyid dag/__'di yang sgron ma'i gnad yin no/__/rgyang zhags 'bral ba med pa gnad/__/'di dus lta stangs gsum dang sbyar/__/ces gsungs so/__/lnga pa thod rgal gyi rig pa ni/__lhun grub 'od gsal ye shes kyi dbyings snang sku dang thig le tshad med pa 'char ba de dag rang stong rang snang rang rig pa nyid du ngo shes pa tsam gyi cha nas bzhag pa ste/__rig pa'i dbye ba lnga po thams cad kyang gzhi thugs rje rig pa rang byung gi rtsal thod rgal gyi rig pa 'dis dbye ba tsam du zad do/__/bzhi pa thig le stong pa'i sgron ma ni/__rang gsal ka dag stong pa'i rang gdangs su gnas pa te/__sgron ma 'bar ba las/__thig le stong pa'i sgron ma ni/__/chos rnams kun gyi yid ches pas/__/'di nyid su yi shes pa de/__/thig le'i sku la longs spyod de/__/goms pa rnams kyi spyod yul thob/__/de phyir de yi ngo bo ni/__/nyag gcig cha phra spros dang bral/__/stong pa'i mu bral rang gsal che/__/rang bzhin rang gsal mnyam pa nyid/__/mi rtog spros bral zlum por gnas/__/zhes so/__/gzhi gnas rig pa'i thig le stong pa snying gar gnas/__lus gnas rtsa yi thig le stong pa rtsa rnams su gnas/__kun rdzob rgyu yi thig le ro mar gnas/__don dam spros med kyi thig le stong pa rkyang man gnas/__rang byung 'bras bu'i thig le stong pa mig na gnas pa 'di dag kyang rang ngo ye stong thig le stong pa'i sgron ma'i khongs su gtogs shing /__don la mig gnyis la ltos nas gnyis su 'gyur ba kho na yin te/__ngo bo 'od rtsa gnyis la brten/__snang ba ye shes lnga la brten/__rnam pa thig le gsal bar brten/__'gro 'ong rang gnas rlung la brten/__yul nam mkha' stong pa la brten/__gnas mig gi dbus na brten/__skye mched nges pa mthong byed kyi rnam shes la brten pa ste/__thal 'gyur las/__/thig le stong pa'i brten sa ni/__/rnam shes nyid dang bar snang dang /__/rtsa dang rlung dang thig le dang /__/ye shes dag la brten pa'o/__/zhes so/__/yul du snang ba'i thig le dang sku zhi khro sna tshogs par snang ba de dag kyang nam mkha' dag pas gsal ba dang /__me dag pas dro ba dang /__chu dag pas bsil ba dang /__sa dag pas yang ba dang /__rlung dag pas g.yo ba'i rang bzhin can no/__/snang ba'i sgo ni/__sgron ma 'bar ba las/__rkyen gyis ma bsgribs sems can mig/__tsak+Shu zhes pa'i sgo nas ni/__/nyi ma'i dkyil 'khor bzhin du yang /__/rang gi 'od dang zer nyid du/__/rang chas rnams su rnam par snang /__/zhes gsungs/__rang bzhin ka dag gi rang snang sus kyang ma byas par rang snang ba nyid lam dus su lhag mthong gi rig pa dang thod rgal gyi rig pas snang ba yin no/__/thod rgal gyi rig pa dngos tshad phebs chen po la sgron bzhi'i snang ba de dag rtsal rdzogs ba'i mthar thug pa de la ni/__'di nyid las/__nyams blangs tshad phyin thod rgal rig pa ste:__zhes gsungs so/__/gnyis pa sgron ma bzhi'i don de la gnad du bsnun tshul ni/__gong du bstan pa'i bzhugs stangs gsum po lus kyi chun btsal zhing cha cha nas lhod chags pa bla ma'i zhal khrid ltar legs par 'byangs dgos shing /__tsak+Shu zim bus suR+Ya blta/__shang gi rgyu skar bzhin du gsal/__zhes gsungs pas phyi'i nam mkha' la dbang po mdung tshugs su gtad pas phyi yi dbyings mthong /__g.yas g.yon zur mig dang /__yang na zim bus nyi ma'i 'og gru gang tsam dma' bar bltas pas nang gi dbyings rig mthong /__des dbang po bar snang la 'khrid cing 'khrul snang zhing khams su 'char bar 'gyur zhing /__gzigs stangs gsum po gang rung gis blta ba la bslabs pas/__mig yul la ji tsam gtad kyang tshugs nus ba byung na 'byongs pa'i rtags su shes par bya ste/__thal 'gyur las/__yul ni sgrib byed bral ba la/__zhes dang /__klong gsal las/__rkyen bral gsum la gsal bar 'gyur/__zhes gsungs pas/__yul rkyen bral nam mkha' stong pa/__dbang po rkyen bral chu yi sgron ma/__gnas rkyen bral dwangs shing mtho la dben pa dang /__dus kyang klong gsal las/__dbyar ma ston dang dgun chung dpyid kyi dus/__/zer gnyis dus ni mchog tu bshad pa yin/__zhes pa'i dus der bsil drod snyoms pa dang /__byings rmugs kyi rkyen nyung zhing /__bye brag nyi ma 'char nub kyi zer gnyis dang sbyar bas 'od gsal gyi snang ba 'char ba'i rkyen du 'gro ba dang /__mthong yul du gangs ri sogs mig la gnod byed med cing /__shar ri dma' zhing zer 'char snga ba dang /__sdud phyi ba gal che'o/__/nam mkha' sgrib byed dang bral ba'i dus snga dro kha nub dang /__phyi dro kha shar du bltas shing phyi nang gi dbyings rig a la gtad pas kyang 'od gsal 'char bar 'gyur zhing bogs 'don bla na med pa dang /__chos sku'i rten nyi ma/__longs sku'i rten zla ba/__sprul sku'i rten du a lo ke ste/__nyi ma'i 'og nas zer rin gis mthong yul bde bar khrid pa dang /__zla ba'i dkyil dang /__mar me'i 'od las khrid pa dang /__nyin bar gyi nyi ma'i tsha ba/__mtshan zla dkyil la bltas pas sel zhing tsha grang snyoms pa'o/__dang po'i las can la nyi zla rnams lhan cig byed rkyen gyi thabs tsam du zad kyi/__cung zad 'byongs nas de rnams la ltos mi dgos shing /__sgo yang mig rkyang pa nas 'char mi dgos par gsungs so/__/blta ba'i dus seng ge'i bzhugs stangs snga dro nyin gung /__phyi dro glang chen dang /__rgyun du drang srong tsog pu bde zhing /__rig pa mig la gtad/__mig 'byed 'dzum med pa dbyings la gzir/__mig mi 'gul bas rtsa mi 'gul/__de mi 'gul bas rlung rig dal bar 'gro zhing /__rlung kha nas phyir btad yud tsam mnan pa lta bus 'od snang la zhen 'dzin dang /__spu ris mi phyed/__'gul 'phrig byed ba'i rjes su rtog pa 'brang na lug rgyud dngos por zhen pa'i gol sa ldang bas rig pa ka dag khregs chod kyi dgongs pa las ma g.yos par 'od snang phar ka na ma lus/__rig pa tshur ka na ma lus par dbyings snang rig pa dbyer med du bskyangs shing /__mig btsums rdeb byed na mtheb mdzub kyis mig mtha' mnan te blta ba dang /__'od snang 'char bde ched du seng ras smug po bkab pa dang /__lag sor dang /__dwangs shel mig la bkab pa dang /__'khar gzhong du chu la blta ba sogs thabs sna tshogs gsungs pa rnams kyang nyams 'og tu chub par bya/__de ltar bsgoms pas phyi dbyings nam mkha' stong pa me long 'dra bas snang ba'i sgo 'byed nas/__nang dbyings rnam dag sgron ma bdag po'i byad dang 'dra ba de nyid/__thog mar mthing ga khyab pa chen po las rim gyis mched de dbyings snang 'ja' tshon nam rma bya'i mdongs bkra ltar 'char te/__sgron ma 'bar ba las/__kha dog gsal ba'i 'od lngar yang /__/'di nyid rab tu gsal bar 'gyur/__/zhes so/__/de'i dbus su thig le stong pa'i sgron ma dmar zlum la 'od lnga'i mu khyud yod pa gsal mdangs can 'char/__de'i nang du rig pa rdo rje lu gu rgyud bdag po'i byad dang 'dra ba/__phra ba rta rnga la mdud pa rgyab pa lta bu/__gser skud dang /__mu tig gi phreng ba dang /__lcags tshag/__me tog gi chun po lta bu 'al 'ol 'gul 'phrig 'char bas de nyid lta stangs kyis khrid nas dbyings thig gi ra bar btson du bzung ba ni gnad dam pa ste/__thal 'gyur las/__rang gi rig pa rdo rje lu gu rgyud/__/'gro 'ong bral te mkha' la 'gro/__/zhes dang /__rang shar las/__ye shes lnga ldan 'od kyi sku/__lu gu rgyud du rab tu gsal/__/de yang 'gro dang 'ong ba dang /__/'gul ba dang ni 'phrig pa dang /__/zhes dang /__seng ge rtsal rdzogs las/__rang byung rig pa'i dngos po 'di/__/ye shes lu gu rgyud du gnas/__/zhes gsungs so/__/de ltar 'char gzhi yul gyi gnad/__'char byed sgo yi gnad/__'char bya rig pa'i gnad gsum ma 'khrul ba dang /__blos byas kyi chos bsgyur mi bya bar dbyings rig gi rang ngo la bltas pas/__phyi yi 'od kyi snang ba ma 'gags shing 'dzin pas ma bslad pa brjod med spros bral gyi rang so bzung bas yul dang yul can dbyer med du 'dres pas nad gdangs kyi rtsal rnams phyir gsal du 'char ba de dag yal yol byed na de rjes rtog pa mi 'brang bar lta stangs kyis rim gyis khrid nas sor gzhug par bya'o/__/de ltar gnad du bsnun pa'i yon tan ni/__khrid rtsa las/__'khrul pa rang dag 'bras bu'i gnas lugs nyid:__chos zad blo 'das dbyings su grol ba la:__rdzu 'phrul chen po mig 'phrul lta bu la:__snang grag kun ltar snang yang grub pa med:__'gyu yang 'gyu ba'i rtog pa dang bral la:__bsam gtan ldan yang shes rab zab mo'i don:__shes rab yin kyang thos bsam bral ba la:__rgyal ba kun gyi ye shes sku chen po:__zhes gsungs te/__'das rjes las/__sgo yul rlung gi gnad bsnun pas/__/yul la ye shes mngon du 'char:__zhes ma dag 'khor ba'i 'khrul snang phyi nang gi bag chags gdos bcas thams cad chos nyid kyi dbyings su zad nas slar mi skye ba'i chos can du byas pa dang rgyu rkyen gyis 'dus ma byas pa'i rang byung ye shes sku gsum gyi snang ba rang shar 'gags pa med pa rgya chad phyogs lhung dang bral ba 'char zhing /__rig pa'i sku mngon sum du snang zhing mngon sum la rab tu gnas pa sha yi spyan dang /__phyi nang gi dngos po thams cad stong pa shes rab kyi spyan dang /__chos thams cad sdud pa chos kyi spyan dang /__de bzhin nyid shes pa thams cad mkhyen pa'i spyan dang /__rig pa'i sku las gzhan du mi yengs pa rnam grol ye shes mthong ba'i spyan te/__spyan lnga rnam par dag pa rang gsal sgrib pa dang bral ba/__shes bya'i rnam pa thams cad pa kun gyi mchog dang ldan yang ngo bo la rnam par dbye ba dang bcas pa'i chos rdul tsam mi dmigs shing /__spros pa'i zug rngus ma gtses shing /__mtha' gang la'ang ma reg pa/__lhag mthong gi shes rab zab mo me ltar 'bar yang /__dpe dang lung rig gtan tshig las ma byung zhing /__rgyu las ma byung ba'i 'bras bu/__lung las ma byung ba'i man ngag/__sems las ma byung ba'i sangs rgyas srid zhi'i khyab bdag ye shes chen po'i sku dngos mtshan dang bral ba ste/__sgyu drwa las/__ye shes sku ste rang byung ba/__/ye shes mig gcig dri ma med/__/ces pa ltar da lta lam dus su bla mas ngo sprod pa'i rig pa ma bcos gnyug ma zang ka ma bsgyur bkod spu tsam ma byas pa'i tha mal shes pa 'di sku gsum dbyer med rigs lnga/__sku lnga/__ye shes lnga sogs lnga tshan bdun gyis ngo sprod pa'i rig rtsal lhun grub chen por bzhugs pas 'khor 'das kyi snang grags kyi chos ji snyed shar yang rang gshis la zhal phyag mtshan ma ris can du gang yang grub pa med pa dang /__gdangs kyi 'gyu cha 'gyu ba ltar snang yang de der 'dzin pa'i rtog dpyod kyi zhen pa dang bral la/__rig pa'i rang ngo gang du g.yo ba med pa'i rang babs kyi bsam gtan dang ldan yang so sor rtog pa'i shes rab kyi rtsal mi 'gags pa/__gnas lugs zab mo'i shes rab yin kyang thos bsam gyi go myong yid dpyod dang bral ba'i rang bzhin zab mor nyin mtshan kha sbyor du dgongs pa chu bo'i rgyun ltar chad pa med cing /__nam mkha'i rnal 'byor 'od gsal ye shes kyi klong chen po las nam yang 'da' ba med pa mngon du 'gyur ba ni mthar thug gi dgos pa dang /__gnas skabs su rig pa'i ye shes dbang po'i mngon sum du gsal bas ma rig pa dang bral te/__rdo rje lu gu rgyud dang por mthong nas tshe'i dus byas kyang bden pa mthong ba'i gnad kyis rang bzhin sprul skur grol ba'i dgos pa yod do/__/mdor na dbyings stong gsal 'dus ma byas pa ni shes rab yin la/__ka dag rnam par dag pas rig pa'i rang bzhin 'od gsal ba thob ste/__lhun grub kyi ngo bo snang stong 'du 'bral med pa yin te/__nor bu phra bkod las/__dbyings kyi rang bzhin shes rab sku/__/rig pa'i rang bzhin thabs kyi sku/__/'du 'bral med pa'i tshul du gnas/__/zhes so/__/de ltar snang ba de yang kun rdzob 'dus byas 'jig pa'i chos su med de/__thal 'gyur las/__rig pa'i ngo bo lu gu rgyud/__/'das dang ma 'ongs da ltar la/__/sus kyang byas pa ma yin pas/__/des na 'dus ma byas pa nyid/__/lu gu rgyud kyi rang bzhin ni/__/rnam par rtog pa kun dag pas/__/ma 'khrul gzhi la sangs rgyas so/__/mngon sum bstan pa'i skal ldan la/__/khams gsum 'khor ba'i ming med pas/__/srid gsum gdar sha chod pa'o/__/zhes so/__/de'ang snying ga'i 'od gsal la 'od rtsa'i sgo bzhi yod de/__ka ti gser gyi rtsa chen/__shel bug can/__dar dkar snal ma'am phra la 'khril gyes/__stong pa rang grol ba dang bzhi'i byed las go rim bzhin nang du 'od gsal 'char ba dang /__nub pa dang /__/phyir yul du 'char ba dang /__rig pa rtog med kyi sku dbyings su thim pa'i las byed pa'o/__/de ltar snang ba'i 'od gsal de dag 'jig rten gyi mig 'phrul rnam par snang ba lta bu ma yin te/__sgron ma snang byed las/__de ltar sna tshogs shar ba de/__/byas shing goms pas byung ba min/__/ye nyid nas ni gzhir gnas pa'o/__/de ltar gding tshud rnal 'byor de/__/shar bas dga' ba'i sems med de/__/'dug tshul de ltar ye nas yin/__/rig dang sgron ma'i snang ba la/__/sa chu me rlung 'byung ba'i dgras/__/de nyid bshig par nus ma yin/__/ces sogs ye nas ma byas shing rang shar chen po sku gsum 'du 'bral med pa 'od gsal gyi dkyil 'khor chen por lhun gyis rdzogs pa'i rang gdangs lam dus su 'char ba yin no/__/thun mong gi theg par yang /__sdud pa las/__don 'di gang yin nam mkha' dag la brtags par gyis/__zhes dang /__yum bar ma las/__shes rab kyi pha rol tu phyin pa bsgom par 'dod pas nam mkha' rnal 'byor du bya'o/__/zhes dang /__rin chen snang ba zhes bya ba'i ting nge 'dzin dang /__rin chen sgron ma'i ting nge 'dzin dang /__zla ba snang ba zhes bya ba'i ting nge 'dzin dang /__nyi ma'i sgron ma zhes bya ba'i ting nge 'dzin dang /__rnam pa thams cad gzigs pa zhes bya ba'i ting nge 'dzin dang /__zhes dang /__'jam dpal sgyu drwa las/__shes rab ye shes me bo che/__/'od chen rnam par snang ba byed/__/ye shes snang ba lam me ba/__/'gro ba'i mar me ye shes sgron/__/gzi brjid chen po lta na sdug/__ces dang /__sangs rgyas kun gyi mngon sum pa/__/ye shes me lces 'od rab gsal/__ces dang /__dus 'khor las/__mkha' la chags pa'i sems kyis mig dag mi 'dzum pas ni rdo rje'i lam du zhugs pa yis/__/stong las du ba smig sgyu rab gsal dri med srin bu me khyer nyid dang sgron me dang /__/'bar ba zla ba rdo rje dang yang mchog gi cha dang thig le yang ni mthong bar 'gyur/__/de yi dbus su sangs rgyas sku ni yul dang rnam bral longs spyod rdzogs sku du ma'o/__/zhes dang /__sa ra has/__rmongs pa nam mkha'i tshad ma ste/__/gal te shes na rmongs tshogs gcod/__/dang po rnam dag nam mkha' la/__/blta zhing blta bar mig ni 'gags/__/ces dang /__chos kyi tshad ni 'di ci cog/__mang po smras pas ci zhig bya/__/mig ni phyed mig gyen ldog la/__/mig ni brtan pa nyid kyis shes/__/zhes sogs mdo rgyud kun nas rgya cher bstan cing /__de'ang rang snang lhag mthong gi rig pa lu gu rgyud/__shes rab kyi mig gis mthong na skad cig dang po la rtog pa'i bye brag phyed/__gnyis pa la mtshan nyid rtogs/__gsum pa la 'tshang rgya/__chu bur gyi mig gis mthong na snang bzhi mthar phyin dgos la/__gzigs stangs gsum rim bzhin/__chos nyid kyi spyan gyis dngos su mthong bas thag chod/__/ye shes kyis rang gsal du mthong bas mkhyen pa rgyas/__shes rab kyis sgra tshig dang bral bar mthong bas thos bsam sgom pa la rag ma lus pa'i phyir byin rlabs 'di nyid las 'byung /__chos nyid kyis gyen la ldog pas bag chags thur la sel ba'i gnad/__ye shes kyi sku la mnyam por bltas pas 'khor 'das ro mnyam du bsre ba'i gnad/__shes rab kyis phab nas bltas pas ye shes kyi snang ba dngos su phebs pa'i gnad yod par gsungs/__'od snang rnams shes rab kyi mig gis mthong ba'i snang nyams yin na 'dus ma byas/__rlung sems kyis bslad cing chu bur mig gis mthong ba yin na 'dus byas shas che ba yin no/__/sku gsum rang gdangs kyi snang ba phyir gsal du 'char ba nang du thim pas 'dus byas so snyam na/__longs sku chen po chos sku'i dbyings su thim na de mi rtag pa dang 'dus byas su mi 'gyur ba bzhin/__sku gsum ngo bo'i gdangs kyi 'od snang rang shar rang thim pa tsam mo/__/de ltar mtha' gcig tu lam snang 'di dag 'dus byas dang 'dus ma byas su khas len phyogs gcig par mi bya zhing rnal 'byor pa'i rang nyams dang bstun pa gal che'o/__/gsum pa rjes snang ba bzhi yi 'char tshul bstan pa ni/__rtsa khrid las/__dang po'i dus na smrig sgyu lta bur 'char:__bar du gong 'phel ye shes snang ba yis:__lam ston 'khrul pa'i dri ma sel bas te:__tha ma'i tshe na rig pa tshad phebs dus:__rigs lnga'i zhing du thams cad lam mer snang :__chos kun zad pas yul dang yul can bral:__rang nyid rdo rje lu gu rgyud kyi sku:__sgra tshig kun gyis gtan la phebs mi 'gyur:__zhes gsungs te/__klong gsal las/__snang bzhi'i 'char tshul mi shes na/__/sa zin med pa'i skyon nyid 'byung /__/snang ba bzhi ru shes par bya/__/zhes pa mtshams shes pa'i phyir bzhir nges pa ste/__thal 'gyur las/__de las snang ba bzhir 'gyur te/__/chos nyid mngon sum snang ba yis/__/yid dpyod 'dzin pa'i chos las 'das/__/nyams snang gong 'phel snang ba yis/__/'khrul ba'i snang ba nub pa dang /__/bar do'i ye shes mngon du byed/__/rig pa tshad phebs snang ba yis/__/sku gsum rtogs pa'i lam snang 'das/__/chos nyid zad pa'i snang ba yis/__/khams gsum 'khor ba'i rgyun thag bcad/__/ces snang ba bzhi las dang po ni/__chos nyid mngon sum gyi mthong ba 'char te/__dbyings kyi rtags su 'od khyim/__ye shes kyi rtags su thig le/__sku yi rtags su lu gu rgyud 'char te/__dbyings snang smin mtshams kyi yar sne sor bzhi nas dral te/__dbang po'i mngon sum gyi mthong bar/__phra bkod las/__rgyang zhags chu yi sgron ma la rig pa lu gu rgyud kyi skur yongs su gsal lo/__/zhes rgyal ba rnams kyi thugs rdo rje ye shes chos kyi sku/__dang por goms pa'i dus na smrig sgyu lta bu phra la 'khril ba 'gul khyug gi rnam pa can te rtsa yi gnad la brten pa'i rtags su breng chags/__rlung gi gnad la brten pa'i rtags su 'gul 'phrig can/__thig le'i gnad la brten pa'i rtags su bar mtshams thig les brgyan pa 'od 'tsher zhing bkrag mdangs can der goms pas/__dbyings snang gru gang pa dang /__thig zlum sum 'brel dang /__lug rgyud phra la 'gul ba snang ba ni dang por goms pa'i tshad yin te/__sgron ma rnam bkod las/__zlum 'khrigs las ni za 'og ris/__/rang gi sna rtse la shar na/__/dang por goms pa'i tshad yin no/__/zhes phyi'i rtags snang dang nang du/__rig pa 'dab chags lding ba tsam/__/dang por goms pa'i tshad yin no/__/zhes so/__/de mthong ba'i yon tan ni/__klong gsal las/__rig ba mngon sum mthong ba ni/__/bden pa mthong ba'i gnad kyis su/__/khams gsum ldog pa ma yin no/__/zhes gsungs/__de mthong bas gnas skabs su yid dpyod kyi lta ba dang bral te yid dpyod 'dzin pa'i lta ba de tshig dang /__blo dang shes rab/__rtog tshogs kyis pho tshod byed pa bsnubs pa ste mtshan nyid de ldan gyi lug rgyud mthong bas/__mthar thug dge sdig gis ma gos shing khams gsum du phyir mi ldog/__ma mthong na ldog pa'o/__/gnyis pa ni/__nyams gong 'phel gyi snang ba ste/__klong gsal las/__gong du 'phel ba'i snang ba yis/__/nyams kyi 'phel shan dbye ba gces/__zhes pas shes nyams dang /__snang nyams gnyis las/__bde gsal mi rtog sogs dang /__bden pa ma mthong yang sems gnas khyad par can dang /__rlung gis byed bcings las du ba smrig sgyu sogs shes nyams ni blo yi 'dzin stangs can mi brtan la sems kyi mtho dman gyi byed pas mi bden pa sna tshogs su 'gyur ba dang /__snang nyams ni ye shes kyi 'od gdangs phyir ngo bo mi 'gyur bar 'phel ba dang /__nang du 'od rtsa dwangs pa dang /__gsang ba nyon mongs pa grol ba gsum mnyam por ston te/__klong gsal las/__nyams snang gong du 'phel ba ni/__/'od ni sna tshogs 'gyur 'phel dang /__thig le 'phel zhing rigs brtan tshad/__/sa bon 'bras bu bar bzhin 'byung /__/zhes lam gyi snang nyams gong 'phel gyis sku gsum lam dus su rtsal rdzogs shing ston pa lam mkhan lta bu'i phyi nang 'khrul rtog gi dri ma sel bar byed pa ste/__dbyings rig res gsal/__res mi gsal/__goms pas thig le stong sgron sran ma tsam du song ba'i bar du goms pa dang /__dbyings snang dum bu dang /__gyen 'greng la mig thur du gcun/__gru bzhir g.yas/__zlum por g.yon/__zla gam la steng /__gru gsum la thur du dbab/__de nas rtsib rgyug/__mdung rtse dang /__re lde tsam dang /__thig le me long tsam/__rig pa 'dab chags 'phur skyen pa tsam pa dang /__de las cung zad 'gul bar snang ste/__sgron snang las/__de nas de la rab 'dris nas/__re lde'i rnam pa tsam 'char bas/__de nas gong du smin pa'i mtshams/__/me long tsam du gsal gyur na/__/bar du goms pa'i tshad yin no/__/de nas rab tu nyams blangs na/__/ri dwags bang dang mnyam pa ni/__/bar du goms pa'i tshad yin no/__/zhes so/__/de nas yang nyams len la brtson pas/__dbyings snang rin po che 'dra ba/__drwa ba/__drwa phyed/__pad+ma/__mchod rten/__rdo rje/__'khor lo sogs phyag mtshan/__mig mang ris/__mig tshags/__pad+ma stong ldan/__nyi zla/__mkhar thabs/__me lce/__nya mig lta bu sogs dang /__thig sgron kham phor tsam du 'gro/__rig pa ri dwags spang rtsib la rgyu ba'i tshod du dal/__yang brtson pas 'od yul khams tsam/__thig le bse phub tsam/__rig pa bung ba bcud 'khor tsam/__de nas stong gsum tsam/__sgron thig gi nang na rigs lnga'i sku phra mo'i dbu/__phyed zhal/__rdzogs pa dang /__rig pa'i nang du'ang sku phra mor 'char te/__sgron snang las/__snang ba thams cad thig le ru/__/shar bas krig ger gnas pa la/__/mchog tu goms pa'i tshad yin no/__/zhes so/__/de ltar snang bas phyis bar do med do/__/yon tan ni/__sku shar nyams kyi 'phel rdzogs na/__/bar do'i snang 'byung 'dis chod pas/__/longs spyod ngos zin bar do stong /__/zhes so/__/skyon ni de las ldog cing /__gnas skabs su nyams snang gong 'phel gyi yon tan thob pas mthar thug bar do'i snang ba rang sar grol ba'o/__/gsum pa ni/__klong gsal las/__rig pa tshad la ma phebs na/__/rnal 'byor drod tshad rnyed mi 'gyur/__zhes pas rig pa tshad la phebs pa ni/__lus tshad la phebs pa dang /__sems tshad la phebs pas dbyings kyi snang bas 'byung bzhi'i snang ba med cing /__'od gsal chen po'i snang ba rnam par dag pa'i zhing khams na sgron thig re re'i nang du rigs lnga'i sku yab yum du 'brel ba dang /__re re'i nang sku lnga yab yum du snang ba dang /__rig pa'i mtshams su'ang skur snang zhing /__lus 'od du snang ba'i spyi bo nas thig le dgu brtsegs dang /__rang lus 'od kyi 'khor lor 'khyil ba dang /__sku rnams kyi thugs ka dang /__rang gi snying ga'i bar 'od kyi tshon snyes sbrel ba de ltar byung na de nas ma bsgoms kyang tshad la phebs pas 'gyur ba med do/__/thal 'gyur las/__rig pa tshad phebs snang ba ni/__/longs sku mtshan dper gsal ba ni/__/ma nges kha dog 'ja' tshon las/__/rigs lnga yab dang yum du snang /__/de nas lnga lnga zung dang bcas/__/rab tu gsal ba'i thig ler 'brel/__/yab yum sku yi rnam pa can/__/'khrul snang zad nas zhing khams so/__/zhes so/__/de tshe phyi snang ba 'od gsal du grol/__nang sgyu lus 'od gsal du grol/__gsang ba sems kyi zer gdangs snying gar thim pas gzung 'dzin 'khrul pa'i snang ba rang nub/__las dang bag chags kyi 'brel chad pa'o/__/de'i yon tan ni/__rig pa tshad phebs snang ba yis/__/phyi nang gzung 'dzin gdos bcas grol/__skyon ni/__de ltar tshad la ma phebs na/__/phung po'i snang 'dzin dag mi 'gyur/__/zhes so/__/de ltar lus sems tshad la phebs pa chen por phyin pas/__gnas skabs su ma bsgom kyang chog la mthar thug longs spyod rdzogs skur ngos zin pas/__longs sku'i zhing na bde chen 'du 'bral med do/__/de ltar ma yin na de las ldog pa'o/__/bzhi pa ni/__nyams snang de dag gi 'phel zad de snang dang mi snang du 'dzin pa'i ngo bo med pa ni chos nyid zad pa'i snang ba zhes bya ste/__thal 'gyur las/__chos nyid zad pa'i snang ba ni/__/nyams kyi snang ba stong nas ni/__/lus zad dbang po'i yul yang zad/__/rtog tshogs 'khrul pa rang grol nas/__/brjod gzhi'i tshig dang bral ba'o/__/zhes ye shes kyi rlung gi 'phel cha'i snang nyams dang /__lus dang /__dbang po/__rtog tshogs/__'khrul pa/__yul dang yul can thams cad zad de/__rang nyid shes rab rang byung gi sgron ma bcud du smin pa'i rig pa rdo rje lu gu rgyud kyi skur smin/__de yang bsam blo sgra tshig gis gtan la phebs pa'i yul las 'das pa'i ye shes zag pa med pa'i sku rnam pa thams cad pa'i ngo bor 'tshang rgya'o/__/'di dus 'od kyi nang na lag sor 'od kyi dkris pa tsam las mi snang /__'khor 'das kyi 'du shes bral/__snang ba ci'i ngo bor yang ma grub/__'byung ba'i dgras mi tshugs/__dran pa rjes med du 'gro/__nyi zla dang 'gro 'dug gi snang ba med/__'khrul snang thams cad dbyings su nub/__snang ba rang yal du grol nas chos sku rang dag chos thams cad kyi zad par thug pa dang /__rig pa'i ngo bo che chung bzang ngan gang yang ma grub/__thugs rje'i cha las gsal tsam dang /__mngon shes thogs pa med/__bsam pa rang yal te phung po'i zag pa phyir mi ldang bar sangs rgya ba dang /__'di dus 'pho chen du bzhengs na lag sor la bltas pas snang ba de las rang log ste/__de'ang lhun grub kyi sgo las snang cha gnyis rig pa la phra ba'i rlung me stag ltar 'phro ba des rig pa'i rta byas nas 'khor 'das kyi snang cha gnyis 'dzin pa ste/__snang byed chu yi zla ba lta bu'i lus skye shi bral ba/__rdo rje'i skus sems can gyi don byed pa'o/__/rten 'di sgrib pa thams cad dag pa'i mi slob pa'i sangs rgyas/__rnam pa rig 'dzin gyi rten can du bzhugs pa las sgrib pa'i lhag ma yod par mi sems so/__/'pho skur bzhengs dus snang ba rang log ces pa'ang /__mi gsal ba dbyings su sdud nye ba rig pa rdo rje'i 'od skur gsal bar go 'phos pa tsam du shes par bya'o/__/de ltar thob pa'i yon tan ni/__klong gsal las/__de ltar lus 'byung rgyun chad nas/__/zag bcas phung po mi snang bar/__/'di la mngon par sangs rgya'o/__/zhes dang /__skyon ni/__chos nyid zad par ma gyur na/__/lhag med nyid du 'gyur ba min/__/ces so/__/gnas skabs su snang bzhi'i sa mtshams kyi tshad zin/__mthar thug chos zad kyi snang ba mthong nas lhag med du sangs rgya ba'i dgos pa yod do/__/zad pa la snang bzhi rim gyis zad pa dang /__chos nyid mngon sum du mthong nas gcig car du zad de chos zad du 'gro ba'ang yod do/__/snang ba bzhi po 'di la chos nyid mngon sum gyi snang ba rgyang zhags chu yi sgron mas rten byed/__nyams gong 'phel thig le stong sgron/__tshad phebs la dbyings sgron/__chos zad la shes rab rang byung gi sgron mas rten byed pa shas che zhing /__chos nyid mngon sum gyi snang ba mched pa mig/__nye bar mched pa mig gi de kho na nyid/__thob pa lu gu rgyud mthong ba/__nyer thob de la goms pa rnyed pa/__nyams gong 'phel snang ba mched pa 'od/__nyer mched thig le/__thob pa kha dog lngar gsal ba/__nyer thob 'gul 'phrig sna tshogs su 'bar ba/__tshad phebs dus mched pa sku rkyang /__nyer mched yab yum zung 'brel/__thob pa tshom bu lnga lngar snang ba/__nyer thob dkyil 'khor rdzogs pa/__chos zad dus mched pa sku dang ye shes la mi gnas pa/__nyer mched stong pa gtad pa med pa/__thob pa brjod du med pa/__nyer thob bltar med pa'i chos nyid gang du'ang ma grub pa'o/__/snang bzhi dbang bzhi'i rim pa dang sbyor du yod do/__/lam bzhi dang sbyar na chos nyid mngon sum tshogs lam/__gong 'phel sbyor lam/__tshad phebs mthong sgom/__chos zad mi slob lam dang sbyar ro/__/de bzhin sa bcu dang sbyar ba'ang yod de kun mkhyen bla ma'i gsungs las shes par bya'o/__/thod rgal gyi snang ba de dag kyang snang ba'i 'char cha gtso mi che zhing mtha' brten gyi man ngag gis tshad bzung ba gal che ste/__klong gsal las/__mtha' rten man ngag rnam pa bzhi/__/gong ma'i rgyab tu med thabs med/__/ces pas/__lus 'dug stong gsum las mi 'gul te/__lus mi 'gul bas rtsa mi 'gul/__rtsa mi 'gul bas mig mi 'gul/__mig mi 'gul bas rlung mi 'gul/__rlung mi 'gul bas sems mi 'gul/__sems mi 'gul bas 'gyu byed kyi rtog pa rgyun chad nas rig pa rang mal du gnas/__mig gzigs stangs gsum las mi 'gul bas rig pa'i gnad rtsa/__rtsa yi gnad sgo/__sgo yi gnad sgron ma ste/__rtsa mi 'gul bas mig brtan/__des sgron ma brtan/__des sems brtan/__des dbyings rig 'du 'bral med pa ste/__chos nyid mngon sum gyi mtha' brten no/__/nyams gong 'phel dus/__klong gsal las/__sdod pa gsum gyi tshad bzung ba/__/rmi lam ldog dang lus ngag yid/__/rtags dang tshad ni ngos bzung ba'o/__/zhes pas/__phyi snang ba zad pa'i rlung sdod pas rig pa 'gro 'ong med par sdod/__nang phung po skyod byed kyi rlung zad pas lus mi 'gul bar sdod/__gsang ba rtog pa 'gyu byed kyi rlung zad pas sems rnam rtog 'gyu 'phro med par sdod/__skabs 'dir tshad rmi lam gyis bzung ste/__rab la rgyun chad/__'bring la 'od gsal du 'char/__tha ma bzang po sha stag rmi/__rtags sgo gsum la 'char te/__chos nyid mngon sum dus/__lus rus sbal 'khar gzhong du bcug pa lta bu bsgul bskyod med/__ngag lkugs pa lta bu smra snying mi 'dod/__sems mkha' 'gro rnyi la zin pa lta bu ste sems 'phro ba ltar 'dug kyang gtad du zin pa'o/__/gong 'phel dus/__lus skyes bu nad kyis thebs pa lta bu rgyan dang byi dor bral/__ngag smyon pa lta bu don med cal col du 'byung /__sems rtsi dug gis zin pa lta bu 'khor bar mi ldog par thag chod pa'o/__/tshad phebs dus/__lus glang chen 'dam du tshud pa rang stobs kyis thon pa lta bu lus 'byung ba lnga la thogs pa med/__ngag grul bum gyi phru gu lta bu ci smras kyis gzhan dad cing phan thogs/__sems 'brum nad byang ba lta bu khams gsum du mi ldog par yid ches 'byung ba'o/__/chos zad skabs/__lus dur khrod kyi ro lta bu gshed ma brgyas bskor kyang nyam nga bag tsha med/__ngag brag ca ltar rang tshig zad nas gzhan gyi rjes su zlos/__sems bar snang gi na bun ltar skad cig la rang yal du 'gro zhing bag chags kyi phung po mi snang ba'o/__/tshad phebs chen po mthar thug pa'i dus/__klong gsal las/__thob pa gsum gyis gzer gdab pas/__zag bcas phung po mi snang ba'o/__/zhes pas skye ba la rang dbang thob pas phung po'i snang ba 'gags nas gzhan don byed na rdo rje'i skur bzhengs/__bem po la rig pa bcug pas 'gul zhing sgra thos pa dang /__las la bzang ngan med pa'i rang dang rigs mthun gyi sems can sum stong grol bar mdzad pa dang /__'jug pa la rang dbang thob pas sor mo la rig pa gtad pa rang lugs su bzhag pas de nyid la mi snang bar sangs rgya'o/__/rlung sems la rang dbang thob pas rlung sems kyi yon tan thams cad 'byung /__mtshams med lnga byas pa zhig la'ang rig pa bcug pas grol bar nus shing ri brag la zangs thal zhing mngon shes phyogs med du 'char ro/__/thob pa 'di la 'chad tshul gzhan yang /__phyi snang ba la dbang thob pas snang rkyen zhing khams su grol/__nang phung po la dbang thob pas sgyu lus 'od gsal du grol/__gsang ba dbyings rig la dbang thob pas 'khrul rtog rang 'gags pa'o zhes bshad pa shas che zhing /__'di gnyis 'gal ba ma yin te tshad phebs kyi mthar thug nas chos zad la sbyor zhing skye 'jug la dbang thob pa chos zad kyi skabs su 'byung yang de gnyis phan tshun ltos 'jog dang chos zad la yun mi 'gor ba'i phyir ro/__/chos zad kyi skabs gding bzhi ni/__mu tig phreng ba las/__tshad ni gding bzhi'i rnal 'byor nyid/__ces gsungs te/__yar myang 'das kyi yon tan la thob tu re ba dang /__ma thob kyi dogs pa/__mar 'khor bar mi ltung ba'i re ba dang /__ltung gi dogs pa med pa'o/__/de ltar mtha' rten de dag dang ldan pa'i yon tan ni/__klong gsal las/__mtha' brten dag gi man ngag gis/__/gong ma'i yon tan mtha' ru phyin/__/zhes dang /__med pa'i skyon ni/__mtha' rten gnad kyi rgyab med na/__/rdzogs chen nyams len mthar mi phyin/__/zhes so/__/mtha' brten de rnams kyis gnas skabs snang bzhi so so'i don ma nor ba 'grub la/__mthar thug gong ma'i rtogs pa mthar phyin pa'i dgos pa yod do/__/zhar byung mtshan med kyi rnal 'byor zab mo la brtson pa'i rgyun gyi rnal 'byor bzhi yi/__srod la dbang po gnad bsdu ni/__drang srong tsog pur 'dug la/__rtsa dbu ma phyi dkar nang dmar mda' snyug tsam pa spyi bo nas gsang gnas bar drang ta le ba'i lte bar pad+ma dmar po 'dab bzhi'i dbus a thung dmar po chos bzhi ldan du gsal/__dbu ma'i yar sne haM dkar po mgo thur blta thig le 'dzag la khad du bsgom/__rlung ro bsal/__'og rlung 'then/__steng rlung rngub pa las lte ba'i gtum mo sbar la haM la reg/__bdud rtsi thig pa gcig drangs/__me yi gsos byas/__de nas me cher 'bar/__sdig sgrib bag chags bsregs/__haM las bdud rtsi drangs pas 'bar 'dzag gis lus kyi rtsa thams cad gang /__bde drod kyi ye shes khyad par can skyes pa dang /__mi rtog rig pa'i ngang la 'jog pa dang /__rlung bum can ci nus bzung /__des ngal na rlung rang babs kyis ci nus bsgom/__nam gung shes pa bum gzhugs ni/__longs sku glang chen 'dug stangs/__yang na seng ge'i nyal stabs kyis nyal te/__dbu ma sngar bzhin gsal btab/__snying pad+ma dmar po 'dab bzhi cung zad kha bye ba'i dbus a dkar po 'od 'bar ba dang /__de nas yar spyi bo'i bar a dkar po nyer gcig bsgom la rlung la byang ba bum can dang /__de min bar rlung bzung bas gsal stong gi ye shes skye/__gnyid du 'gro khar yas nas mar a rnams gcig la gcig thim gyis snying ga'i a la thim/__pad+ma kha zum pa'i nang du a de bum nang gi mar me ltar gnas par bsams la rmi lam dang 'od gsal gang bzung yang a yig 'od 'bar ba dang rig pa dbyer med du bsres pa'i ngang la gtso bor bzhag go__/de'i man ngag rnams ni khrid gzhung gzhan du shes par bya'o/__/tho rangs rig pa rang gsal gdab pa ni/__gnyid sad pa dang har gyis ldang la/__chos sku seng ge'i bzhugs stangs bcas la/__snying ga'i a de ha gsum bus pa dang /__pad+ma kha bye tshangs bug nas gzhu gang tsam gyi mdun mkhar gnas pa la rig pa dbyer med du gtad pas mi rtog pa'i ting nge 'dzin skye/__rig pa dwangs snyigs phyed cing grung thon/__yang a de snying nang 'dug par gtad pas byings rgod kyi skyon yang sel bar 'gyur ro/__/rgyun du rig ba lam khyer ni/__khregs chod skabs rig pa ye shes gsum ldan gyi rang zhal bskyang ba dang mnyam rjes kun tu mi 'bral/__thod rgal gtso che na dbyings snang la rig pa ar gtad kyis nyams len la nyin mtshan chu bo'i rgyun bzhin brtson par bya'o/__/bzhi pa 'bras bu'i yon tan thob tshul ni/__rtsa khrid las/__'di don mthong na kun tu bzang dang mnyam:__zhes dang /__rdzu 'phrul yon tan thams cad rdzogs pa'i tshe:__rang lus zad pa'i mtha' ru phyin pa dang :__'pho ba chen po'i lus la dbang thob nas:__sems can kun don spyod pa 'bras bu mchog:__ces gsungs te/__de ltar snang bzhi'i lam la brtson pas so so'i skabs nas bshad pa'i lam rtags kyi yon tan dpag tu med pa dang /__rdzu 'phrul dang /__ting nge 'dzin gyi sgo dpag tu med pa dang /__rjes dran drug dang /__spyan dang /__mngon par shes pa drug phrag drug sogs yon tan dpag tu med pa thob cing /__khyad par du'ang chos 'di'i 'bras bu mthar thug rig pa ye shes dwangs ma'i 'od kyi sku spangs rtogs bsam gyis mi khyab pa'i bdag nyid can 'pho ba chen po'i skur bzhengs nas/__srid pa ji srid gnas kyi bar gzhan don rgya cher mdzad pa dang /__khregs thod gnyis gang la brtson kyang dbang po rab tshe 'dir lhag med du yang dag par rdzogs pa'i sangs rgyas su 'gro ba dang /__'bring rnams chos nyid bar dor sgra 'od gdung dang bcas te mngon par rdzogs par sangs rgya zhing /__tha ma rnams rang bzhin sprul pa'i zhing du 'tshang rgya ba'am grol ba ni thog ma'i ka dag gi grol gzhir khyad chos drug gis 'tshang rgya ba ste/__de'ang mi g.yo spros dang bral ba chos sku'i gding tshad/__rang gsal mtshan dpe rdzogs pa longs sku'i gding tshad/__don gnyis lhun grub byed pa sprul sku'i gding tshad de/__rnam pa mi rtog don kun rdzogs pa 'pho 'gyur med pa chos sku'i dbyings na stag par lhun grub tu bzhugs pa ni/__thal 'gyur las/__mi g.yo ba dang gsal ba dang /__/rig cing mkhyen pa'i char snang dang /__/mnyam dang phyogs ris mi 'byed pa'o/__/zhes gdod ma'i grol gzhir mngon byang chub pa las phyir gsal gzugs sku'i don mdzad pa'o/__/zhes dang /__'das rjes don khrid las/__yang gsang snying thig mngon sum man ngag 'di/__/gang gis reg pas myang 'das dngos la sbyor/__/zhes dang /__a ti zab don las/__de ltar khyad par mthar thug don/__/bya ba thongs la nyams su longs/__/bsod nams tshogs kyi pha mtha' bskyed/__/sa lam yon tan ma lus pa/__/skad cig la bgrod sku lnga dang /__/ye shes lnga ni sangs rgyas pa'o/__/zhes gsungs so/__/de ltar rtse gcig nyams su blangs pas dbang po rab lo gsum/__'bring lo lnga/__tha mas lo bdun tshun la grol ba ni gdams pa'i zab khyad kyi rang 'bras yang dag pa'o/__/'bras bu'i khrid kyi go don rgyas pa lo chen rin po che'i thugs tig ka dag gi khrid kyi legs bshad zab mo las rtogs par bya bas 'dir rgyas par ma spros so/__/slar yang smras pa/__/rgyal bas chos kyi phung po ji snyed pa/__/gdul bya'i blo yi rim pa dang 'tshams phyir/__/kun tu brjod cing kun tu 'jug pa'ang /__/gsung gi 'dul ba'i cho 'phrul las byung zhing /__/theg pa'i rim pa kun gyi mthar thug pa/__/mchog gsang a ti rdzogs pa chen po yi/__/yang gsang bla med 'od gsal snying po 'di/__/'bras bu'i theg pa kun gyi rtse mor 'phags/__/'og ma thams cad 'dir 'dus 'dir gzhol zhing /__/'di ni rgyu 'bras theg pa'i mdzod khang che/__/'di don rtogs na bstan pa'i chos rnams kun/__/ma 'dres yongs rdzogs bde blag khong du chud/__/ji ltar ri rgyal lhun po'i rtser phyin na/__/dma' ba'i ri gling thams cad chud pa ltar/__/rdo rje rtse mo'i gzhal med khang bzang rtser/__/bsnyegs pas theg pa gzhan gyi don kun chub/__/sems dang rnam shes las 'das rdzogs pa che/__/sangs rgyas chos kun ye shes ji bzhin pa/__/mngon sum byed pa'i rdo rje snying po 'di/__/dpal ldan bla ma'i drin gyis rnyed par 'gyur/__/sngon sbyangs bsags pa rab kyi phul byung cing /__/'di yi phyogs su rigs mchog sad pa rnams/__/nor bu rnyed nas mching bu mi tshol bar/__/gsang mchog zab mo'i lam 'dir brtson par rigs/__/bdag kyang deng nas skye ba thams cad du/__/'di yi rigs su nges shing rtogs pas grol/__/thugs rje'i gzhan phan mdzad pa mtha' yas pas/__/nam mkha' mnyam pa'i 'gro ba'i don byed shog/__'di sbyar dge ba rin chen ke ta ka/__zla gzhon pad dkar lta bu'i rjes 'gro ba/__/'dis mtshon dus gsum dge tshogs gcig bsdus te/__/dpal mgon bla ma rnams kyi spyan sngar mchod/__/'gro kun ma rig gnyid kyis yur ba rnams/__/theg mchog chos kyi dbyar rnga sgrogs pa'i mthus/__/gti mug gnyid dkrogs thar pa'i mig rnyed de/__/chos nyid sku gsum 'od gsal mngon gyur shog/__'di la nongs pa'i dri ma med snyam kyang /__/so skye'i blo yi sgrib pas nyes pa kun/__/bla ma rigs lnga DA kir bzod par gsol/__/phyin chad nam yang sgrib par ma gyur cig/__rtsa gsum byin rlabs mkha' dbyings drangs pa la/__/mkhyen brtse'i ye shes nyi ma rtag 'char zhing /__/nges gsang bstan pa'i pad tshal rgyas pa dang /__/phyogs dus kun tu dge ba'i bkra shis shog/__/ces snga 'gyur bstan pa'i mnga' bdag gter chen bla ma 'gyur med rdo rje'i zab gter rig 'dzin thugs thig gi thod rgal gyi khrid la zin bris nyung ngu dgos zhes zhe chen dgon stod mchog sprul rin po che'i gsung gis bskul ba bzhin mkhyen brtse'i dbang po'i mtshan gyi byin rlabs thob pa 'jam dbyangs chos kyi blo gros pas rig 'dzin gong ma rnams kyi gsung las btus te bris pa 'dis kyang nges gsang rdo rje rtse mo'i bstan pa rin po che phyogs dus kun tu dar zhing rgyas pa'i rgyur gyur cig/__sarba dA mang+ga laM/__shu b+haM//___// @#/__/rdzogs pa chen po lce btsun snying thig las/__/khrid kyi zin bris bla ma'i dgongs rgyan bzhugs so/__/ dpal he ru ka la phyag 'tshal lo/__/snying thig 'di la slob dpon gsum so so dang thun mong gi bka' srol mang du bzhugs pa las/__da lan 'di ni bi ma la'i bka' srol gyi gdams pa klong lnga'i yi ge dum bu gsum pa ye shes kyi mkha' 'gro ma rnams kyi phyag tu bzhugs tshul bi ma snying thig las gsal bar 'byung ba de yin gsungs/__/phyag rnal 'byor gyi lugs su btsal zhes pa gzan mi phab par brkyang phyag 'tshal ba 'di yin/__/yang na lta ba mjal phyag la go yang chog gsungs/__gsung bya gsung byed kyi rtog pa gang yang med bzhin don 'jal ba'i brda tshig mi 'gags par shar ba la chos nyid rang sgra zhes gsungs/__dpa' bo'i rgya rtags ni smin mtshams su khro gnyer gsum yod pa la zer/__bi ma dang pad+ma rnam gnyis kyis gsol ba'i mtshan 'od gsal sprul pa'i rdo rje dang /__mdo sngags gling pa gnyis yin/__dbang rnon dmigs bsal can la ma gtogs dbang 'di ma bskur ba'i sngon du ma hA a nu gang rigs kyi dbang chen thob pa zhig dgos gsungs/__gsung rgyun kha cig tu mkhyen brtse rin po che DA ki dpal gyi blo gros ma'i sprul pa'ang yin pas rjes dran gyi gsung byas kyang rung gsungs/__rlung ro rim bzhin g.yon g.yas dbus gsum nas lag rdo rje phyed pa'i rgyas bsal ba'i tshe sna bug g.yon g.yas dbus nas dug gsum gyi rtog pa thams cad 'od dkar dmar nag gsum mog mog po'i rnam pas phyir thon par bsam dgos gsungs/__shangs rtser a yig dkar po ma 'byar zhing thigs la khad pas mtshan pa dang /__dar sngon po'i stod g.yogs ni paN+Di ta'i sha 'gags la zer/__dbu zhwa paN zhu rtse zlum gsol ba dang /__gsol 'debs kyi tshig rkang dang po bla ma 'bod pa dang /__de phyin 'dod don gsol 'debs dngos yin gsungs/__bla ma'i sku de rang gi smin mtshams nas phar khru gang gzhal/__de nas steng du khru gang gzhal ba'i sar bsgom dgos/__bsdu ba'i tshe dbu gtsug nas mar thim/__zhabs nas yar thim/__mthar thugs kar thim pa'i tshe 'od gong nang du kha dog lnga ka yod pa la phyir dkar po shas cher mngon pa zhig tu gyur pa de nyid tshangs bug nas rang la thim par mos dgos/__sems sbyong bdun po'i nang blo ldog rnam bzhi sogs sems sbyong thams cad tshang /__mi rtag pa'i dpe chu bur la mdzad pa de ni rgan po nas byis pa'i bar thams cad kyis chu bur mi brtan pa'i tshul de shes pas yin/__snod bcud mi rtag pa'i tshul la bsam pa thams cad rang nyid myur du 'chi blo skye ba'i thabs su khyer shes dgos pa dang /__mi rtag rgyu'i lus kyang dal 'byor tshang ba'i rten 'di yin pas/__de yang dal ba dgag phyogs dang 'byor pa sgrub phyogs nas bzhag pa'i rten spyi dang /__khyad par rtsol med theg rtse'i lam bzang la thos bsam sgom gsum byar yod pa'i rten 'di 'dra shin tu rnyed dka' ba'i tshul la bsam/__sems sbyong gnyis pa'i skabs 'khor ba'i sdug bsngal dang las 'bras la bsam dgos pas 'khor ba spyi dang bye brag gi sdug bsngal/__khyad par rlung rtog gi 'jug pa nang dbyings chen por slar ldang ba med par ma nub bar sdug bsngal las 'da' ba med tshul/__dge las spyi dang khyad par snyigs ma nyon mongs shugs rgyas pa'i dus 'dir me 'bar ba'i steng shing bsnan pas 'bar rkyen je cher 'gro ba ltar gsang sngags kyi chos kyang dus ngan bzhin je zab tu 'gro ba yin pa dang /__ma zad rdzogs chen gyi bstan pa 'di ni chos nyid kyi bden mthus tshe lo bcu pa'i dus yan la dar bar gsungs pas de 'dra'i dge stobs chen po re la 'jug pa dang /__mi dge ba'i phyogs spyi dang khyad par tha mal gyi snang zhen las rlung rtog pa dang bcas pa spong ci thub kyi blang dor la 'bad dgos gsungs/__sems sbyong gsum pa dang bzhi pa'i khyad par bde sdug slong ba'i yul rkyen bzang ngan la blang dor gyi bya ba ji tsam byas kyang zin dus dang tshar dus med pa dang /__rkyen bzang ngan de rnams spang blang gi bya ba gang la 'jug kyang snying po'am 'bras bu med tshul gyis phye dgos gsungs/__sems sbyong lnga pa'i skabs 'dir thar pa ni 'od gsal rdzogs pa chen po'i lam gyis mngon du byas pa'i nang dbyings ka dag gi gsang sbubs chen po dang /__drug pa'i skabs gdams ngag ni tshegs chung ngus zab mo'i don bde blag tu rtogs par byed pa'i thabs bstan pa'i ngag ste man ngag dang don gcig/__bla ma'i byin rlabs 'dren pa'i sgo mos gus yin/__mos gus che na bla ma'i phyag zhabs kyi rnam 'gyur tshun chad kyis blang dor ston par go 'ong /__chos brgyud pa la sel med pa zhig min na lha ye shes pa la sri ci la yod kyang lha de sgrub mkhan des dam tshig nyams shor ba lta bus sri chags nas phyis lha de sgrub mkhan rnams kyang dam nyams nyen yod pas da lta dam sri mnan sgrub sogs dgos pa'i don yang des yin gsungs/__bdun pa'i skabs zhi lhag ngo bo tha dad du bzhed pa yod kyang /__'dir zhi lhag ngo bo gcig tu bzhed de/__gnas cha zhi gnas dang rig cha lhag mthong yin pa'i phyir gsungs/__bde gsal mi rtog pa gsum ka rim can ltar gsungs kyang nyams su len dus gsum ka chabs cig tu nyams su len pa yin/__'di ni sems rig gi khyad par phye ba sogs ma byas par spyir shes pa gsal la mi rtog pa'i ngang rang bab tu skyong ba yin pas rdzogs chen gyi sgom pa dang khyad che/__'on kyang gang zag 'ga' zhig la ni tshul 'dis kyang dngos gzhi'i nyams rtogs khyad par can skye ba'ang yod do/__/bde gsal mi rtog pa'i nyams skye thabs rang lus lha sku yab yum 'khril sbyor can du bsgom pa dang /__sku'i 'od zer bkrag la 'tsher ba dang /__sgrib med zang thal du bsgom dgos/__nyams gsum gang skyes kyang ngos 'dzin sogs byas na nyams kyi sna bskyil ba yin pas de 'dra mi byed par nyams gang skyes la ngo len rtsis gdab med par bzhag dgos/__de lta bu la nyams byung rgyal du skyong ba zer/__nyams gsum cha ma mnyam na gol sar 'gro bas cha snyoms par nyams su len dgos/__mi rtog pa'i nyams la shes nyams dang /__nam mkha' lta bu'i sngo sangs rgya che bas khyab par snang ba'i snang nyams kyang yod gsungs/__mi rtog pa'i sems sbyong bsgom skabs dang po rlung ro bsal nas rlung dwangs snyigs phye dgos/__sems sbyong re re'i mthar sems de 'byongs pa'i gsol 'debs dang 'dun pa smon lam sogs kyang bya dgos/__skyabs 'gro'i skabs 'brug pa rin po che'i gsung rgyun du'ang /__ka dag gting gsal chos kyi sku/__zhes pa tshig nus che gsungs pas don du gting gsal gyi ye shes sam shin tu stong pa'i ye shes gang yin pa de la chos sku dang /__thod rgal rig pa'i rtsal dbang bskur nas gzugs sku dang /__zhing snang la gdangs phyi nang gnyis su phye dgos pa'i nang gdangs de la longs sku/__rig rtsal gyis 'khor 'das kun la khyab pas thugs rje sprul sku zhes gsungs/__skyabs yul gyi gtso bo sngar gyi bla rnam ltar bi ma la bsgom pa'i gsung rgyun yang yod/__bla ma'i rnal 'byor dus yan lag bdun pa'i skabs phyag grangs gsog pa phyag len yin/__skyabs 'gro rkyang pa gsog dus thun mthar skyabs yul bsdus nas sems ngo skyong ba dang /__skyabs sems gnyis dkyus gcig tu nyams su len skabs skyabs yul nyid la sems bskyed kyi dpang po yang zhu dgos/__skabs 'dir skyabs 'gro'i nyams len la sngon 'gro dngos gzhi bar do bcas kyi nyams len tshang lugs kyi 'gag bsdu zhig kyang mdzad song /__sems bskyed la ngo bo/__dbye ba/__len tshul/__bslab bya/__nyams pa gso tshul bcas rags rim tsam gsungs/__nam snying mdun ltung ba phyir bcos pa'i cho ga sgrub thabs kun btus nang yod gsungs/__nyams rtogs skye ba'i 'gal rkyen sgrib sbyong skabs/__spyir 'khor 'das kyi snang ba gang yang nyams su ma gyur pa med la/__'dir lam gyi skabs 'byung ba'i shes snang gi nyams dang /__chos nyid kyi don mngon sum mthong ba'i rtogs pa lta bu yin/__sdig sbyong spyi khyab tsam la bi ma snying thig las 'byung ba'i rdor sems bsgom bzlas nyid bya ba dang /__khyad par du rang lus tha mal du gsal ba'i lus nang dbus su shin tu dag pa'i rtsa dbu ma dang g.yas g.yon gnyis su rkyang ma dang ro ma dkar dmar khu khrag gis gang bsreg sbyang ma byas pa mog mog po'i rnam ba can dang /__rtsa gnyis 'khor lo bzhi thad dbu ma la zug cing /__dbu ma'i yar sna spyi bo dang /__mar sna lte 'og tu ro rkyang dang 'dres nas zum pa/__ro rkyang gi yar sne smin mtshams nas sna bug tu zug pa/__lte 'og spu na gu'i thad na a thung dang dbyer med pa'i rdor sems yab yum dmar po khro chags kyi nyams can rus pa dang rin po che'i rgyan zhes pa dbu rgyan dang mgul rgyan sogs la rin po che sna tshogs kyi phra rgyan dang rtse bran sogs kyis spras pa dang /__rtsa 'khor gyi 'dab grangs thugs sgrub bzhin la rtsa 'dab rnams dbu ma nas rtse mo'i bar gdugs rtsibs bzhin so sor brkyang ste yod par bsgom pa nyid gegs chung gsungs/__yum la mchod phyir thogs med pa ni de nyid shes rab yum mtshon byed yin pa'i gnad kyis dang /__yig brgya rdor sems ltar 'bru gsum gyis bcings te bton yang chog/__de'ang hr-i da ya zhes 'don pa gtso cher dgongs 'dus lugs yin/__sutoSha yo/__su poSha yo zhes 'don pa las Sha yo mi zer/__mkhyen brtse rin po ches zi dir zhes pa dar mthing khra 'od kor ltar sku stod la zlum por bskor ba sne gnyis ska rags nas drangs te rlung gis 'phur ba la zer gsungs/__rang sems ka dag gi gshis la sgrib pas gos pa med cing yon tan rnams lhun grub tu gnas kyang sgrib pa ma bsal na mngon du mi 'gyur ba de'i phyir sdig sgrib sbyong dgos/__dbu ma'i ngos 'dzin srog rtsa dang /__rgyungs pa'i nang gi rtsa nag gang rung la ngos 'dzin mdzad mkhan yod kyang snga ma la rlung zhugs tshe smyo ba dang /__phyi ma ni shi ba'i ro la'ang yod pas/__dbu ma dngos ni rten srog rtsa'i nang na yod pa'i brten ma ye shes kyi 'od rtsa lam stobs kyis gnas/__der rlung 'dus tshe 'od gsal 'char zhing 'chi ba'i tshe chos kyi dbyings su thim pa de yin/__'og rlung bskum pa'i rkyen gyis a shad kyi rang bzhin gyi lte 'og gi rdo rje sems dpa'i sku las me 'od dang po dbu ma'i nang dang /__de nas rtsa 'khor so sor song ba'i reg bya des sgrib pa bsreg dgos/__de'i rkyen gyis rtsa thig rlung sgrib sbyangs nas rang lus rdor sems yab yum du gyur par dmigs/__mthar smre bshags dang /__mgon po bdag ni sogs rgyud bshags brjod/__de nas tshogs bsags dang sbrel te/__mthar ni ye shes me lce yis/__sogs kyi mthar ma hA su kha 'don/__tshogs bsags 'di nang gi tshogs bskang yin pas tshogs bsags mchog yin/__bdud rtsi 'beb dus gnas so so'i bla ma yab yum rnams la phog pas de rnams kyang rjes chags kyi snyoms par zhugs pa'i byang sems rim par bdud rtsi dang 'dres te lhan cig babs pa'i mos pa dang /__rtsa 'dab kyi DA ki rnams ni rtsa 'dab so so'i sked tsam na bzhugs par bsgom pa yin/__bsags sbyong gnyis grangs gsog skabs kyi mang nyung tsam las sgrel te 'don dgos pa la khyad med/__rtsa 'dab na yod pa'i lha rnams kyang gdan pad zla'i steng du mi bsgom par rtsa 'dab de rnams su gnas pa'i shin tu dag pa'i rlung sems las rang grub pa'i tshul du bsgom dgos pa dper na dgun dus chu 'khyag rom du song tshe de'i rang bzhin can gyi 'khyag pa nar mo 'byung ba lta bu'o gsungs/__bla rnam skabs spyir gu ru'i sgra lci ba la 'jug pas yon tan gyi khur gyis lci ba la zer/__de'i nang nas kyang rtsa ba'i bla ma zhes pa ni tshe thog med nas rang la phan btags pa'i 'brel ba can tshe 'dir yang rig pa'i gzi byin snying dbus su 'bebs bar mdzad pa rang gi rig gdangs su shar ba de la zer/__snang bas gar khyab 'og min gyi zhing mtha' dbus med par gsal ba dang /__rang gi gnyug ma mi shigs pa'i rlung sems dpal chen sing he shwa rar bsgom pa yin/__yan lag bdun pa'i skabs brkyangs phyag 'tshal dus lus sa la brdab dgos pa 'di la rnal 'byor pa'i phyag zer/__sngags kyi lugs la rdo rje'i thal mo sbyar ba ni thal sbyar sor mo bsnol ba la zer/__rlung sems dag pa'i mchod pa ni/__tshad phebs dus ma dag pa'i snang ba rang sar zad de longs sku'i zhing khams 'dod yon gyi mchod sprin 'khrigs pa nam mkha' gang ba des mchod pa dang /__sdig ltung gi rang bzhin 'dus ma byas pa'i don la lta ba dang /__yi rang bya rang byed gnyis su 'dzin pa med pas yi rang ba dang /__shin tu phra ba gzhom med nA da'i dbyangs kyis chos gsungs bzhin du skye 'chi med par bzhugs su gsol ba dang /__dge tshogs rnams kyang dmigs pa med par bsngo ba'o/__/'di skabs rang nyid bdag bskyed las rang 'dra gnyis pa'i rnam pa logs su phye ba des phyag mchod sogs la 'jug par mos dgos/__rgyu lam 'bras bu'i dbang thams cad bla ma las len dgos/__de yang rgyu dbang ni bla ma dang dkyil 'khor gyi gtso bo gnyis su med pa las len pa dang /__'bras dus su bla ma ston pa gzhon nu dpa' bo'i skur bzhengs pa las len pa dang /__lam dus su'ang bla ma las len pa bla rnam du gsal ba ltar yin pa'i phyir/__tsit+ta rin po che'i sbubs nas byung ba'i 'od lnga'i gong bu ni mthing shas can zhig yin gsungs/__mjug ngag 'don ltar la/__thun mtshams su bza' btung tshe bla ma mgrin par gsal nas phud kyis mchod pa dang /__'gro dus bskor ba byas pa'i mos pa dang /__nyal dus mtshan bcas bla ma snying dbus su bsgom pa'i sku'i 'od kyis lus kun khyab par bsam pa'am/__mtshan med sku'i 'od kyis reg pas snod bcud rang lus bcas rim gyis 'od du zhu nas dpral ba'i dga' 'khyil dbus kyi a yig phra gsal brtags dka' de la thim pa'i mos pa dang /__de yang rim gyis mi dmigs pa'i dbyings su bsdus nas gnyid log/__sngar bla rnam mthar a yig gis mtshan pa'i thig le la sems gtad dus mig yid rlung gsum de la thim song ba lta bur gtad dgos gsungs/__gsol 'debs dus res 'ga' bla ma'i sku la dmigs/__res 'ga' dbang bzhi len/__res 'ga' snying rje bsgom/__res 'ga' dad pa bskyed/__dngos gzhi'i nyams rtogs yod na rig ngo de ka la snang bas chog/__des na yan lag bdun pa sogs kyi skabs tshig gis so sor phye ba las kun rdzob kyi dmigs rnam mi dgos gsungs/__rmi lam sbyang ba sngon du ma song yang sngar gyi nyal ba'i rnal 'byor de gas gnyid kyi 'od gsal zin par 'gyur la/__de yang gnyid log ma thag pa dang sad pa la nye ba'i dus su 'od gsal zin na srab mo'i 'od gsal dang /__gnyid mthug gi skabs zin na mthug po'i 'od gsal yin/__bskyed bzlas sems 'dzin la 'jug skabs rang lus lhar bsgom pa nyid rtog pa med kyang bem chos kyi rang bzhin can du ma grub pa ba spu'i bu ga gcig tshun chad ye shes kyi rang bzhin can dbyings kyis shes bya kun la khyab cing dbyings ye shes kyi rang bzhin can yin pas kun la khyab pa dang /__gzhan yang gsal dag brtan gsum dang /__rtsal sbyong lugs rnams kyang bskyed rim spyi ltar yin gsungs/__rjes su smin mtshams kyi thig le la sems bzung ba ni phra thig gi rnal 'byor yin gsungs/__rtsa sngags ril po 'byung 'jug gnas gsum re re bzhin sbyar ba dang /__sngags dum bu gsum du byas pa 'byung 'jug gnas gsum la sbyar ba'i rdor bzlas gang rigs sam yang na 'bru gsum gyi rdor bzlas byas kyang chog/__de la yang sngags kyi sgra gzugs 'byung 'jug gnas gsum bya tshul gnyis yod cing /__rlung dang sbrags tshe 'jam rlung dang drag rlung gang rung dang sbrags lugs kyang gnyis yod gsungs/__ngal bso yang rlung khug cha can gyi mthar dgos pa rgyal ba yang dgon pas bzhed/__mthar snod bcud bsdu ba ril 'dzin dang rjes gzhig gang rung gis byas la/__slar yang lhar ldangs la bsngo smon shis brjod bcas tshang bar bya/__dngos gzhi'i khrid skabs/__dngos dang gzhi la mu bzhi'i dbye ba mdzad dus thos bsam gyi tshig gi tha snyad chags tsam dang /__don gyi myong ba sne zin tsam skyes la rtogs pa ji bzhin ma skyes pas dngos dang gzhi'i khyad phye dgos gsungs/__'khor 'das ru shan zhes pa'i ru ni/__dmag gi ru la gnyis sam bzhi sogs yod pa bzhin rang gi sgo gsum po 'di la'ang /__dag ma dag gi ru gnyis yod pa de phye zhes pa ma dag pa'i cha de phyogs gcig na logs su 'jog rgyu ma yin par dag pa'i ngang du sangs pa la zer/__de yang la bzla'i don yin la de ni thag chod pa'i don no/__/de yang lung stong du bsang gsol sngon 'gros lus la ang rag tsam gyon nas dag ma dag gi sgo gsum gyi 'khrul 'khor sna tshogs dang /__mthar dag pa'i 'khrul 'khor mthar mi dmigs pa'i ngang yun ring bskyang /__rdo rje'i 'khrul 'khor lang 'dug gnyis las 'dug pa'i phyogs de mdzad/__rting pa gnyis bshang lci'i lam gyi bar du gtad pa dang /__yar mar gyi rwa gnyis kyang dbus rwa la zug pa min pa dang /__bca' dus pus mo dang gru mo lus kyi zur gdong dang sprad/__'di dus lto ba rlung gis thad kar brgyang /__dmigs pa gtad bya gtod byed gnyis su med par rlung sems rdo rjer 'gyur song ba lta bu byas te mi rtog par bzhag tshe de la gnas ring lus tshugs kyang zin pa 'byung gsungs/__rma bya'i sgong rgya ma zhig gong sgong chu rnams cha mnyam par nang na yod pa bzhin 'khor 'das gang du'ang ma mched pa'i skabs su ngo bo rang bzhin thugs rje cha mnyam du bzhugs pa'i skabs de la thog ma'i spyi gzhi zer/__gzhi las gzhi snang g.yos tshe chos dbyings mi rtog pas yul gyi 'khrul gzhi byas/__lhun grub 'od lngas snod bcud kyi 'khrul gzhi byas/__rig pas sems kyi 'khrul gzhi byas te/__de gsum gyis dbu rkyang ro gsum/__lus ngag yid gsum/__khams gsum sogs skyes nas 'khrul pa dang /__gzhi snang rang snang du ngo shes pa las bye brag phyed/__phyed thog tu grol nas tshogs chen ye rdzogs kyi sangs rgyas pa yin/__sgo gsum gyi ru shan phye ba thams cad kyang thugs rdo rje'i nyams len gyi sgrom las mi 'da' ba'i rgyu mtshan gyis lus ngag gi sbyong ba'i skabs rig pa ye shes rdo rje dang /__thugs kyi yi ge hU~M yig gi rnam par bsgom pa dang /__snod bcud kyi snang ba thams cad sems kyi rang snang yin pa'i gnad kyis sbyong nus pa yin/__don du grub na sbyong rgyu ga la yod/__ngag sbyong bzhi las rgyas gdab skabs sna bug g.yas g.yon nas spro zhing sdud pa'i hU~M de dag gis phyi nang gi dngos po thams cad g.yogs par bsam pa dang /__rtsal sbyong skabs rjes med du bshig par bsam pa dang /__mnyan btsal skabs mthong tshad kun la dkris pa'am 'khyil du bcug nas hU~M snang mnyan par byed pa dang /__lam gzhugs kyi dang po ma dag pa'i zhing du song nas de rnams su skye ba'i bag chags sbyangs te mthar dag zhing kun dang khyad par rang mos pa'i zhing dag par slebs pa'i rten 'brel bsgrigs nas mi rtog par 'jog/__'di'i gong 'og rnams su nyams kyi bab bskyang ba las sgyu ma lta bur blta ba sogs kyi sems 'dzin mi dgos zhes grub dbang rin po che'i zhal rgyun/__rigs drug sreg sbyong ni bi ma'i bka' srol du mi 'byung bas pad+ma'i bka' srol 'dra/__sems sbyong skabs yid ma yengs pa ni dpyad pa byed dus rgyun ma chad par byed dgos pa'i don yin no/__/'khor 'das kyi snang ba thams cad sems kyi cho 'phrul tsam las gzhan med pas/__gnad yod sar mtshon bsnun na myur du 'chi ba bzhin du gzung 'dzin gnyis las kyang nang 'dzin sems 'di nyid la dang por brtags na/__de las byung ba'i chos gzhan gyi sgro 'dogs shugs la chod sla bas sems la dang por brtags dgos/__sems tshogs brgyad sogs dbye ba mang yang don du rnam rtog skad cig ma wal gyis shar nas yal song ba 'di las gzhan med/__'di rgyun gyi sgo nas las byed pa po dang 'bras bu myong ba por shes nas nyes pa'i 'byung khungs su nges tshe rtog pa rtsad chod pa dang /__mtshangs tshol dus gcig la grub pa yin/__de 'dra'i sems kyi byung sa byung mkhan byung lugs sogs la brtags nas sems gzhi med rtsa bral du gyur tshe de'i shul du rig pa nyag gcig las med pas ngo 'phrod sla/__gzhan yang yang tig las byung ba bzhin blta bya lta byed gnyis gcig yin na gnyis yod pas 'gal zhing /__tha dad na byung gnas 'gro gsum byed pa'i shes pa gsum sogs yod dgos pas shes rgyud du mar thal ba sogs kyi sgo nas kyang dpyad/__de nas rig pa rjen cer la brtag pa zhes bla mas slob bu de byung gnas 'gro gsum bral ba'i ngang du lhod kyis klod nas zhag kha shas 'jog tu bcug/__skabs su da ci 'dra 'dug ces dri dus stong rkyang zhig las mi 'dug zer na rtog pa sna tshogs 'phror bcug ste de 'dra yin min dang /__yang gsal ba zhig red zer na de la sngar bzhin byung gnas 'gro gsum la brtag tu bcug/__de ltar dpyad pa gang dgos slob ma'i blo dang gang 'tshams byas nas brtags pas nam zhig gsal stong zung 'jug bsam brjod dang bral ba zhig red zer na 'phrig cung zad tshud pa'i 'go zin pa yin/__blo khyad kyis 'ga' zhig la ngo sprad ma sprad tsam las rig ngo mngon du gyur zin pa lta bu zhig kyang yod pas/__de 'dra'i gang zag gzhung 'di'i dngos kyi 'chad bya'i gdul bya dag ni sprin mkha' las byung mkha' la thim mkha' las ma g.yos pa ltar dbyings sam gzhi ka dag las byung zhing de la thim pa dang /__de las ma g.yos pa'i nyams len 'byung zhing /__yang blo de las dman pas kyang sgo gsum gyi sbyong ba thams cad 'di rjes la 'di 'dra dgos snyam pa lta bu'i zhen 'dzin med par smyon pa 'ur langs pa lta bus dum chod dum chod kyis bya ba gnad do/__/dngos gzhi'i khrid skabs cog bzhag ces pa dper na bu chung gos sogs kyis dril nas cog ger bzhag pa bzhin cog ger ram mi g.yo bar bzhag pa'i don yin/__sog ma'i khur po bsdams te bcad na lhod shig ger 'gro ba ltar lus gnad bde lugs su 'jog/__'on kyang thog mar grim lhod spel dgos/__'di la lta ba ri bo cog bzhag ces gsungs dus rig stong dbyings kyi rang zhal yid dpyod kyi blos mi g.yo ba la zer ba yin/__rgyun chad pa'i pi waM ltar rtog pa g.yo byed kyi rlung gis las su bya ba kha bton bzlas brjod tshun spangs nas/__sgom bzang ngan mig gi lta stangs la ltos zer bas mig smin phrag thad kyi nam mkhar ha rer bzhag dgos/__rig thog brtan tshe mig kyang brtan 'ong gsungs/__'di la nam mkha' sum phrug gi tha snyad med kyang nyams len phyogs 'dra/__snang ba thams cad blos bkod ces pa'i skabs su spyir snang ba dang snang yul phye shes dgos pas/__gzugs lta bu gcig la'ang thun mong gi las kyis grub pa'i snang yul gyi cha gcig dang /__rang kho na'i las kyis snang ba'i snang ba zhig ste cha gnyis su yod pa'i snga ma ni rang yod med kyi rjes su 'gro ldog mi byed/__phyi mas byed pa yin pas thams cad rang snang du bstan pa'i snang ba de dang /__mthar 'od gsal gyi dbyings su dag rgyu ni phyi ma de yin/__chos thams cad dbyings gcig gis bsdus shing dbyings ye shes kyi rang bzhin can yin pas snang ba thams cad ye shes kyi rang snang yin/__ye shes kyi snang ba thams cad ye shes dngos min kyang ye shes de'i snang ba yin pa'i stobs kyis mthar ye shes dngos gnas su 'gro ba yod pa ni sangs rgyas kyi ba sbu'i khung bu gcig gis shes bya thams cad mkhyen tshul gsungs pas kyang shes/__gting gsal ni bying 'thibs bral ba la zer/__gnyug ma ye shes kyi rang zhal de ha cang rtog gi a 'thas pa'i dpyad pas kyang rtogs dka' bas/__bla ma la mos gus kyi gsol 'debs dang /__nyams len brtson pa yang yang brten pa'i sgom stobs kyis rtogs dgos/__de'i phyir mdzod bdun sogs gyi dpe lta ba'i tshe yang rig thog tu lhod kyis bzhag pa de'i steng nas bltas na rig gdangs so sor rtogs pa'i shes rab tu mched de go rgyu chen po yong ba rdo grub rin po che'i zhal rgyun/__skad cig bzhi dang gsum gyi dbang du byas nas rim bzhin bzhi cha gsum bral gyi ye shes dang /__da lta'i shes pa skad cig ma zhes brda khyad de 'dra zhig gsungs pa ni dus gsum gyi rtog pa dang bral ba'i shul du mthong ba'i blo bral gyi ye shes de la skad cig bzhi pa dang /__da lta'i shes pa spu mdog ma brjes pa de gar cham gyis bzhag pa'i skabs su wa ler gsal ba'i rig stong gi ye shes de la dang por ngo sprod dus su tha snyad de 'dra zhig gsungs pa yin gyi/__ngo 'phrod zin nas ni de 'dra'i tha snyad gang yang med de thams cad rig stong gi 'khor lor la bzla dgos pa'i phyir/__'di yang rdo grub gsungs/__ngo rang thog tu sprad pa'i don yang rtsa dang rlung dang thig le sogs gnad du bsnun pa'i rtsub sbyor de 'dra lam ltos par thabs kyi ye shes rang mal na bslang nas yod pa de thog nas ngo sprad pa'i don yin/__rig pa la brtan cha ji tsam thob bzhin bskyed rim sogs kyi gsal snang yang de tsam thon pas yangs dog bral ba sogs gsungs/__rjen ne ba ni sgrib g.yogs med pa'i don/__phyal le ba ni sangs rgyas kyi sku phyal le ba zer dus sku'i mdun phyogs mtho dman 'bar 'bur med pa ltar mnyam pa'i don yin/__thag gcig thog tu bcad pa'i don rig pa rang so zin pa de a nu man chad kyi nyams len kun gyi snying po thag bcad pa'i don dang /__de'i stobs kyis gdams pa de ston pa'i slob dpon la'ang yid ches pa'i gnas su mthong nas de la mos gus tshad ma zhig kyang skye bar nges so/__/rdzogs chen gyi lugs 'dir nyams len kho na la 'jug pa'i skabs dang nyams len gyi ngang de nas spyod lam gzhan la 'jug pa'i thun dang thun mtshams gnyis kyi skabs so sor mnyam rjes su btags pa tsam ni yod kyi/__/lugs gzhan ltar ngo bo'i sgo nas so skye'i sar yang mnyam rjes ris su bcad pa med/__g.yul du mi 'jigs pa'i gding yod pa de rig sngags sam mtshon srung zab mo yod pas yin pa ltar/__mi 'khrul pa'i gding bca' ba rnam rtog grol lugs 'di thog nas gding 'cha' dgos pas gding grol thog tu bca' zhes gsungs/__/rtags kyi skabs rdzogs rim gzhan nas rtsol bcas kyi ye shes 'char thabs mang du gsungs kyang de dag la mtshan med kyi lam 'di 'dras ma zin na lam rtags phyogs re ba las gzhung du bshad pa'i rtags rdzogs par mi 'byung la/__thabs de rnams ma brten kyang dang po nyid nas lam 'dir brten na thun mong gi lam rtags rnams kyang ngang gis rdzogs 'ong ba yin/__zhi bar gnas pas gnas pa nyid do/__/zhes pa'i skabs/__bsgom dus dbyings thog shas cher ma shor bar rig pa gtsor 'don ltar bsgom pa lam du song tshe/__sems rtog dbyings su zhi yang /__rig pa so sor rtogs pa'i shes rab me ltar mched pa yin pas/__sgom ji tsam byed bzhin je rmongs su 'gro ba 'dis ni sgom pa gnad thog tu ma song ba yin/__ngo shes rtsal rdzogs brtan pa thob sogs kyi skabs/__khrid yig tu dran pas tshir gyis bzung dgos gsungs pa 'di tsho phyag chen gyi chos skad 'dra ba yod kyang /__don du las dang po pas rnam rtog skyes pa dang mnyam du rig pas de la phar rgyas mi 'debs par/__nang rang gi rig ngo bskyang ba'i steng du cham gyis bzhag ste rtog pa'i sna ma bskyil bar rtsal rdzogs su bcug pas grol tshul gsum rim gyis byung nas brtan pa thob 'ong ba yin/__yi ge ka mad sum cu'i thog ma ka yin pa ltar ka ni dang po ste/__dang po nas dag pa'i steng du thag chod pa la ka dag gam khregs chod ces gsungs/__kun gzhi dang chos sku gnyis la rmongs ma rmongs sogs dang /__sems rig pa gnyis la sems ni grod pa phus btab pa ltar nang du bsdam nas yod pa 'dra ba dang /__rig pa phyi nang med par zang thal ba sogs dang /__rnam shes ye shes gnyis la 'dus byas 'dus ma byas sogs kyi khyad 'byed pa la shan 'byed dang /__kun gzhi chos sku sogs su thag gcod pa la la bzla zhes gsungs/__rgyal tshab rin po ches las dang po pa la shan 'byed kyi spu ris ha cang 'byed che na rig ngo mthong ba'i gegs byed gsungs/__thod rgal ni man ngag sde pa kho na'i khyad chos yin pas myur lam chen po yin la/__sgron ma'i dbye ba mang yang bzhir dbye ba 'di grags che bas/__de ltar na nang dbyings ka dag chen po dang /__rgyan gyi nam mkha' ni skyes bu dang ma 'brel bas rgyan nam sngo bsang 'di la brten nas blta dus sngo skya shin tu dwangs pa ri sogs kheb 'gro ba zhig 'char rgyu phyi dbyings dang bcas pa de la dbyings sgron zer/__thig le mtha' dmar ser can sum sbrel sogs 'char ba de la thig le stong sgron zer/__ye shes kyi 'od snang 'char ba'i mig la rgyang zhags chu sgron zer/__'di 'byung ba dbang po ye shes gsum ka 'dus pa'i rgyang zhags yin/__shes sgron dngos nang gi rig pa dang /__gdangs rtsa thig rlung gsum la brten nas grol ba'i rtags 'khyogs thig 'gul ba'i rnam pa can gyi lug brgyud de yin/__smin mtshams nas yar song ba'i 'od gyen 'grengs sam/__thig le gnyis gshib yi ge spar ma'i rna ru lta bu de dang 'ja' thig gzhan yang dbyings sgron du bsdu dgos/__spyir rtsa la rgya mtsho gser gyi nyi ma dang /__ka ti shel sbug can dang /__phra la 'khril gyes dang /__dar dkar gyi snal ma bzhir gsungs pa'i dang po ni/__snying dbus su ye shes bzhugs pa'i 'od rtsa dang /__gnyis pa ni/__snying nas mig tu 'brel ba'i ye shes kyi 'od rtsa dang /__gsum pa ni/__rtsa shel sbug can las dbang po so so'i sgor gyes pa'i rtsa dang /__bzhi pa ni/__de'i bye brag mig tu zug pa'i rtsa de yin gsungs/__seng ges ri dwags rnams zil gyis gnon pa dang /__glang chen la stobs shugs rdzogs pa dang /__drang srong lus mi g.yo bar 'dug pa ltar chos skus mtshan rtog zil gyis gnon pa dang /__longs sku'i sku la zhing khams rdzogs pa dang /__sprul sku gzhan don las mi g.yo ba mtshon byed du bzhugs stangs gsum byed pa yin gyi/__sku gsum gyi bzhugs lugs 'di 'dra mdzad pa'i don min gsungs/__bya rgod kyi 'dug stangs rkang rtse sar btsug/__rkang mthil gnyis btegs/__mgo bo rgyab tu 'phang /__lag gnyis sta zur nas brkyangs te 'dug pa de yin/__skyes bu gyad kyi 'dug stangs ni/__gan rkyal du rkang gnyis brkyangs/__lag gnyis lus zur gnyis nas brkyangs te nam mkha' gsum bsres nas 'dug pa la zer/__'dis 'chi kha 'od gsal mtshon nus pas bar do'i gdams pa zab mo yin/__a bu rin po ches lus gnad de 'dra mdzad nas nam mkha' la skar ma mthong ngam/__khyi zug pa thos sam zhes pa'i brda thabs kyis lung gces tshang la rig ngo sprad gsungs/__thod rgal tshad phebs skabs kyi lam snang des sku dang zhing gi snang ba rang chas su yod pa de mngon sum du mtshon nus shing /__de sangs rgyas kyi gzigs pa mthar thug lam stobs kyis snang ba'ang yin pas gzhan stong sgrub pa'i rgyu mtshan chen po yin gsungs/__thod rgal gyi snang nyams de rnams 'dus byas sam/__'dus ma byas gang yin na/__'phel ba'i cha nas 'dus byas dang /__rig gdangs yin pa'i cha nas 'dus ma byas yin gsungs/__chos nyid mngon sum kun mkhyen chen pos tshogs sbyor du gsungs pas mthong lam du mi go__/khregs chod nyams su len skabs bying 'thibs byung na lus gnad bsrang /__smin mtshams su khro bo lta bu'i gnyer ma bsdus te lta stangs gyen du ha re blta/__kha nas ha ha zhes rlung lan kha shas phyir bsal bas rig pa dwangs cha thon par 'gyur/__khregs chod kyis lus dbyings su dengs pa la 'ja' lus zer zhing /__'pho chen ni rig pa bcud du smin pa'i rdo rje'i lus sngar gyi lus kyi rnam pa can te don du mi slob lam pa dngos yin kyang /__sku der bzhengs na spyan ras gzigs dang /__'jam dbyangs ltar rten des gzhan don cher 'byung ba de'o/__/zhes grub dbang rin po ches gsungs/__khregs chod la go ba tsam zhig skyes pas kyang thod rgal bsgom pa gnad du song na rig pa je brtan du gyur nas khregs thod gnyis kyi nyams len gyi rtsal dus gcig la rdzogs pa 'ong gsungs/__ye snang ring sa nas thung sar khrid ces pa/__las dang po pas thog mar nyi zer sogs ya gtad dus ye snang yul rkyen de'i thad du shar ba de las rim par yul rkyen med par khrid ces pa'i don dang /__shar Na ni kr-iSh+Na yin/__mtha' brten bzhi po snang bzhi so so'i rtags tshad la sbyar dgos/__bskyed rim dus snang ba lha'i 'khor lor bsgom pa yod kyang rtog pa'i sgro btags dang bcas pa yin la/__rdzogs rim skabs rtsa rlung thig ler gnad du smin pa'i nyams len ches zab pa yod kyang rlung sems kyi bslad cha dang bcas zhing 'dir ni bcos bslad thams cad dang bral bar 'bras bu sku gsum lam du byed pa'i myur lam rmad du byung ba'o/__/chos nyid zad pa'i skabs skye 'jug la rang dbang thob pa'i don rim bzhin sor mo la rig pa gtad pa tsam gyis rig pa bcud du smin pa'i 'pho chen gyi sku sngar gyi lus kyi rnam pa can du bzhengs pa dang /__slar nang dbyings su nam 'jug par dbang ba gnyis la mkhyen brtse rin po ches bzhed cing /__de grub dbang rin po ches yid ches kyi gnas su mdzad mod/__spyir ni rdzogs chen la 'brel mthun gyi sems can sum stong la rig pa gtad pa tsam gyis grol ba sogs bzhed do/__/bar do'i skabs nam mkha' sum phrug bsgom dus skyes bu gyad kyi 'dug stangs byas la/__rang gi snying ga nas rang byung gsang ba chen po'i yi ge a yig dkar po zhig ka ti shel sbug brgyud mig g.yon nas thon/__mdun gyi nam mkha' dang 'dres par bsam la lta stangs bcas mig der gtad rig pa mig la gtad de bzhag pa gnad yin ces 'brug pa rin po ches bzhed do/__/bsam gtan gyi zhag ni/__da lta rig thog la yun ji tsam gnas thub pa de 'dra ba'i yun la zer bas ring thung la nges pa cher med/__yang na rlung sems thig le dang sogs kyi skabs rtsa dbu ma phyi dkar nang dmar bar sngo ba zhes pa dbu ma'i nang khong sngo sangs su yod pa de la go dgos/__'byung ba thim skabs sa la thim pa ni sa 'byung rang gis rang zhig dgos pas zug gzer dang bcas pa yin la/__sa chu la thim pa ni/__sa 'byung 'byung ba gzhan gyis bshig pas zug gzer med pa zhes gsungs/__phyi dbyings kyis 'chi dus na 'char ba'i thams cad stong pa'i 'od gsal mtshon nus pa'i rgyu mtshan ni/__phyi nam phyi dbyings sngo lam pa de dang /__nang nam ye shes kyi 'od rtsa'i nang stong gnyis ka/__gsang nam rig pa'i dbyings stong chen de dang 'brel med min par dbyings kyi stong gdangs yin pas dbyer med du byas nas bzhag pas 'chi ba 'od gsal mtshon gsungs/__'chi dus nyams len 'di thog nas 'pho ba la ye shes gong 'pho zer/__rlung sems 'pho dus 'og rlung bskum/__steng rlung bsal ba dang mnyam du phaT sgra drag por brjod pa ni sgra 'pho dang rlung 'pho gnyis ka yin/__skabs 'gar rlung 'pho tsam las sgra 'pho ma byas kyang chog/__gser gyi thur ma zhes pa la/__gser thur de ji ltar byas kyang gser gyi rang bzhin las 'gyur ba med pa dang /__snying chu 'dren dus gser thur de cung zad 'chugs rjes skyon chen po byed pa ltar/__'di dus gdams don las cung zad kyang 'chug mi rung ba'i don yin gsungs/__snying nang du khrag thig gsum rim par tig rjes rags pa'i lus sems 'bral zin pas/__de rjes snying ga dang mig sogs nas 'od gsal gyi snang ba shar ba'i lus de ni yid lus sam/__'od kyi lus shin tu phra ba zhig yin gsungs/__zhi ba'i sngon du khro bo'i sku gsung thugs kyi dkyil 'khor shar ba ni/__snying gar zhi ba'i lha tshogs bzhugs pa'i zer gdangs spyi bor mched pa de khro dkyil yin pas/__de nyi ma ma shar ba'i gong nas nyi zer 'char ba bzhin sngon du shar ba yin/__ye shes bzhi sbyor skabs bya grub ye shes kyi snang ba ma shar ba min kyang /__da dung nang dbyings su mngon par rdzogs par sangs rgyas ma zin pas phrin las kyi rtsal rdzogs par ma shar bas dman pa la dgag sgra sbyar ba yin/__lhun grub sgo brgyad kyi 'char tshul rnams rim can du go ba min/__srid pa bar do'i nyams len la da lta nas goms 'dris bya dgos pas/__gnas kyi zhen pa dag phyir chos 'byung gi steng du lus sems kyi dwangs ma a yig tu gsal ba de dpal ri sogs mos pa'i zhing du da lta nas 'gro ba'i 'dun pa yang yang gtad dgos par gsungs/__rang bzhin ye shes kyi 'od gdangs zhing khams lngar snang bas rang bzhin sprul sku'i zhing zhes gsungs shing /__de mdo phyogs kyi bde ba can sogs dang byad dngos dang gzugs brnyan tsam gyi khyad par che/__zhing de'i tshad dang sum cu pa'i lha dang longs spyod mnyam par gsungs pa sogs dgongs pa can gyi gsungs yin pa'ang shes par bya'o/__/srid pa bar do nas bzung dag zhing du skyes nas rten der lam gyi lhag ma bgrod dgos nges can yin pas/__des na bar do'i gdams pa lan gnyis su gsungs pa ni gdams pa'i ngo bo la khyad par yod pa min yang /__snga ma srid pa bar do yang bar do'i bye brag yin pas de'i 'phros su mdzad nas gsungs pa yin la/__phyi ma ni/__dbang po rab 'bring tha gsum gyi grol tshul bstan pa'i dbang du byas pa yin/__rjes khrid skabs bla mas rang la rgyu sbyin zas sbyin byas pa tsam ma yin par gdams ngag legs par 'doms pa'i bka' drin dran pa dang /__dmyal bar skyes dus rlung bsil bas lus la reg pa tsam gyi bde ba dang sdug bsngal bar byed pa'i gshin rje'i pho nya lta bu yang rang gi sdig sgrib sbyang thabs su bla mas gang 'dul gyi mdzad pa ston pa'i tshul la yid ches bskyed de dad pa sbyong ci thub bya/__na ba'i dus lta bur yang gang na sar bla ma gsal btab la de dang rang sems bsre ba sogs dus thams cad du bla ma dang mi 'bral bar bya/__slob ma mang po bsdus nas de rnams kyi kha 'dzin byed mdog sogs chos ltar snang ba'i spros pa thams cad bsdu ci thub bya/__spyir nya stong tshes brgyad bcu bzhi nyer gsum nyer dgu rnams su dus chen dang /__khyad par tshes bcu byung res pad+mas mdzad chen bstan pa'i dus dang /__phug lugs ltar mnga' ris paN chen dang gter chen rin po che sogs nas hor zla bcu gcig pa stag zlar ngos 'dzin pa ltar na sprel zla hor zla lnga pa yin pas de'i tshes bcu'am/__dgongs 'dus ltar 'jigs gling sogs kyis stag zla hor zla bcu gnyis pa bzhed pa ltar sprel zla hor zla drug pa yin pas de'i tshes bcu'i nyin gu ru bod du dngos su byon pa'i bslu med kyi gsungs dbu bsnyungs bzhes pa dang bcas yod pa'i dus de gnyis dang /__lce btsun 'ja' lus su gshegs pa'i dus chen hor zla bdun pa'i tshes bcu yin pas dus de rnams su tshogs 'khor re 'grub nges byas na lam gyi gegs sel bogs 'don chen po 'ong /__smin mtshams kyi chos 'byung kha dog dkar la dmar mdangs chags pa gdengs ka che ba dpral ba'i phyogs su bstan pa phur rtse bcad pa lta bu yin/__rnam pa kun tu rig pa skad cig ma'i ngang bskyangs pas sogs ni yul sems gnyis med par der cog ger bzhag/__ces gsungs pa ltar dgos pa yin gsungs/__ces pa 'di'ang chu sprel lor/__gdod ma'i mgon po 'od gsal sprul pa'i rdo rje'i phrin las kyi sprul pa'i rnam rol du dam pa'i skyes bu du mas mnga' gsol ba/__'khor lo gsum gyi phrin las bzang pos bka' babs kyi bstan pa'i rgyal mtshan kun tu bsgrengs pa la 'gran zla thams cad dang bral ba/__nges pa don gyi kun tu bzang po dang rnam dbyer ma mchis pa/__mchog sprul rin po che 'jam dbyangs chos kyi blo gros gtsug lag lung rigs smra ba'i seng ge ris med bstan pa'i rgyal mtshan dpal bzang po'i zhal snga nas snying thig chen po 'di'i smin grol gyi chos bka' yongs su rdzogs pa zhag nyer gcig gi bar zhib rgyas su stsal skabs/__smyos ban smin gling mkhan chen mkhyen nor pas gsung zab gang zin brjed thor bkod pa 'dis kyang theg mchog a ti'i bstan pa phyogs nas phyogs su dar ba'i rgyur gyur cig/__sarba mang+ga laM//___// @#/__/'chi med 'phags ma'i snying thig gi rgyun gyi rnal 'byor phyag rgya gcig pa dang 'brel ba'i bskyed rdzogs kyi khrid mdor bsdus 'chi med grub pa'i zil dngar zhes bya ba bzhugs so/__/ na mo gu ru AR+Ya tA re ye/__/'phags ma gang zhig yid la dran tsam gyis/__/phun tshogs tshe yi dngos grub stsol mdzad ma/__/bcom ldan 'das ma yid bzhin 'khor lo dang /__/bla ma tha mi dad pas shis pa stsol/__/de yi sgrub thabs o rgyan slob dpon che'i/__/zhal lung 'od gsal sprul pa'i rdo rje yi/__/dgongs mdzod zab mo'i klong sgrom smug po nas/__/byon pa'i 'phags ma'i thugs tig khrid rim dbye/__/de la 'dir 'chi med sgrol ma dkar mo tshe sbyin yid bzhin 'khor lo la grub pa'i slob dpon rnams kyi bka' srol bka' gter ji snyed cig bzhugs pa las 'dir o rgyan dus gsum mkhyen pa'i thugs bcud pad+ma 'od gsal mdo sngags gling pa'i zab mo dgongs gter gyi chos sde 'chi med 'phags ma'i thugs tig la chos skor zab cing rgya che bar bzhugs pa las 'dir phrin las ye shes snang ba'i snying po bcud dril spros med rgyun gyi rnal 'byor phyag rgya gcig pa dang 'brel ba'i khrid kyi rim pa 'chad pa la/__sngon 'gro dang /__dngos gzhi/__rjes kyi rim pa'o/__/dang po la thun gyi sngon 'gro dang khrid kyi sngon 'gro'o/__/dang po ni/__rang nyid bde ba'i stan la lus gnad rnam snang chos bdun ldan du bca'/__ngag gnad rlung rgyu ba rang sor bzhagasna bug g.yas g.yon dbus gsum nas rlung ro lan dgu'am sum phrugs su bsal bas rlung dwangs snyigs 'byed de cung zhig ngal bso bas bsam gtan gyi snod rung du byas rjes/__mdun gyi nam mkhar rtsa ba'i bla ma dang dbyer med pa'i sangs rgyas 'od dpag med sprul sku'i cha byad phyag gnyis mnyam bzhag gi steng 'chi med bdud rtsis gang ba'i lhung bzed bsnams pa pad zla la bzhugs par bsam la/__/dpal ldan rtsa ba'i bla ma sogs dang /__dus gsum sangs rgyas thams cad kyi ngo bo bla ma rin po che la gsol ba 'debs so/__/bdag gi rgyud byin gyis brlab tu gsol/__zab lam gyi rtogs pa khyad par can skye bar byin gyis brlab tu gsol/__tshe 'di nyid la 'chi med ye shes kyi sku 'grub par byin gyis brlab tu gsol/__zhes mos gus gdung shugs drag pos gsol ba lan gsum nyung mthar byas pa btab/__mthar bla ma 'od du zhu rang la thim par mos la gsal stong 'dzin med kyi ngang du 'jog/__rnam rtog thol gyi skyes pa na de rjes mi gcod par khrid kyi dmigs pa gang rung la 'jug par bya/__'di ni 'og nas 'byung ba'i khrid thams cad kyi sngon du 'gro bar gces so/__/gnyis pa khrid kyi sngon 'gro la thun mong gi sngon 'gro dang /__khyad par gyi sngon 'gro'o/__/dang po ni/__zab lung gi gter byon sgrol ma'i rdo rje'i tshig rkang du/__/dben zhing yid dang mthun pa'i sar:__nges 'byung drag pos rgyud bskul te:__zhes gsungs pa ltar/__dang po kho nar 'khor ba las nges par 'byung ba'i blo bskyed pa'i thabs la rang re rnams gnas ris mtho dman gang du skyes kyang sdug bsngal gsum gyi rang bzhin kho na las ma 'das shing bde ba'i go skabs skra yi nyag ma'i khyon tsam yang med/__de yang ngan song gsum du skyes na sdug bsngal la bzod blag med/__da lta nyin gcig gi dro grang 'khyag ltog phra mo yang ma bzod na ngan song gi sdug bsngal bzod pa lta ci/__gal te mtho ris gsum du skye ba zhig yin na'ang 'khor ba'i rgyu ma rig pa spang bar ma nus shing zag bcas kyi bde ba phra mo dag yud tsam gyis 'gyur ba dang 'grogs shing /__bde ba ltar snang ba de dag kyang phyi phyir sdug bsngal sha stag 'du byed pa'i rgyu ru song nas/__slar yang 'og nas 'og tu lhung bar 'gyur ba'i rang bzhin la bsam nas skyo ba bskyed/__gnas ris de dag tu sngon yang tshe thog ma med pa nas da bar 'khyams/__da dung yang sgo gsum gyi las byed pa 'di ni sdig pa mi dge ba 'ba' zhig byed pa mang bas tshe 'di 'phos ma thag ngan song du 'gro nges par red 'dug/__las byas pa chud mi za/__ma byas pa'i las dang mi 'phrad pa'i rang bzhin du de bzhin gshegs pas gsungs pa rang gi las kyi rnam smin rang gi bdag gir bya ba las gzhan la bsgo rgyu ni med/__bkru rgyu dang dor rgyu ni med pas des na rnam smin dos drag la rgyun ring ba la spyod du ran/__zag bcas kyi dge ba phra mos mtho ris su skye na'ang /__mir skye rga na 'chi/__lhar 'chi 'pho ltung ba'i sdug bsngal dang /__khams gong ma na ting nge 'dzin gyi ngang du yun ring gnas pa yang sems de zad pa dang 'og mar ltung ba las thar pa'i rgyur ma song bas sdug bsngal la 'khor mo yug tu longs spyod dgos par 'dug pas da phyin dge mi dge la blang dor bskyed cing /__de yang da lta nas 'phral 'phral lag len thebs dgos rgyu las sad byed gnang byed kyi mi phan te rang re rnams kyi tshe srog chu yi chu lbur lta bu 'di ni mi rtag cing skad cig gi g.yo ba'i chos can rlung gseb kyi mar me lta bu/__bar snang gi sprin lta bu da lta yod kyang da lta med pa shin tu mi brtan la/__de'ang phyi snod kyi 'jig rten nam zla dus bzhi'i 'gyur ldog/__nang skye 'gro mchog dman thams cad kyi tshe la nges med/__nam 'chi cha med/__'chi rkyen nges med/__nges par 'chi ba'i chos nyid las ma 'das shing 'chi ba'i sdug bsngal nyams su myong ba'i tshe na stobs dang /__nor dang /__rigs gzugs dpal 'byor ji ltar bzang yang phan pa med la rang nyid gcig pus sdug bsngal de nyams su myong dgos/__bar do'i 'jig skrag gi sdug bsngal ni bsam gyis mi khyab gar skye gar 'gro'i gtad so dang rang dbang ni med/__gces pa'i lus kyang shul du bzhag nas 'jig rten phyi ma'i skyas chen por 'degs pa'i tshe skyabs dang mgon ni dam pa'i chos kho na yin kyang /__de'ang ma sgrub pas 'gyod pa na phyis pa yin pas de bas da lta nyid du dam pa'i lha chos gsha' ma zhig la brtson par ma byas na/__rang gi rang bslus pa'i rmongs pa snying la gdon chen pos btab pa yin pas rang mgo mi bskor ba rang mgo nyi ma dam pa'i lha chos kyi 'don par bya/__de'ang lha chos sgrub pa'i rten phun sum tshogs pa dal 'byor bco brgyad tshang ba'i lus rten 'di yin na de ni da lta bdag la sngon bsags bzang po'i byed pas thob nas gda' bas de gron brlag ma shor ba ma byas na phyis nas 'di 'dra'i rten bzang ni lha'i nang na med na gzhan du ga la yod/__des na nor gces pa 'ga' zhig stor bas gyong che zer ba'i zla la med/__gtan du bde ba'i go 'phang kyang rten 'dis sgrub nus te sangs rgyas byang sems kyi rnam thar dang mkhas grub gong ma'i rnam thar la gzigs/__'di phung phyi phung yang 'di'i steng nas byed de sdig can rnams dmyal bar skye ba'i lo rgyus la ltos/__des na yar 'gro mar 'gro'i sa mtshams legs nyes kyi 'dun ma da res 'chug mi nyan/__blo nyes gros nyes su ma shor ba dang /__dal 'byor gyi nor bu lag tu lon pa thang du ma shor ba snying po lon pa'i thabs la sgo gsum 'bad pa drag pos brtson dgos/__brtson rgyu ni dam pa'i chos srid zhi'i nyes tshogs thams cad sel ba'i bdud rtsi/__'khor ba'i gcong nad 'byin pa'i sman chen de bsten dgos kyang /__rang stobs kyis mi shes pas/__rkyen dge ba'i bshes gnyen mtshan nyid dang ldan pa mnyes pa gsum gyi bsten nas ci gsung bka' sgrub/__ci mdzad tshad mar mthong ba'i mos gus kyis lam gyi srog tu bzung nas de yi zhal gyi bum bzang las byon pa de don med du mi gtong bar gus sbyor dang rtag sbyor dang /__chog mi shes pa'i brtson 'grus drag pos blo chos su 'gro ba/__chos lam du 'gro ba/__lam gyi 'khrul pa zhi ba/__'khrul snang ye shes su 'char ba zhig ma byung bar du nyams su blang bar bya/__de ltar bya nus pa zhig bla ma dkon mchog mkhyen/__de ltar nus par gyur cig/__de lta bur 'gyur bar byin gyis brlab tu gsol snyam pa'i sgo nas nges 'byung gi blo shugs drag chu bo'i rgyun bzhin bskyed par bya'o/__/thun las ldang ba na dge bsngo dang /__rjes spyod la 'jug cing de yang nges 'byung dung nge ba dang mi 'bral bar bya'o/__/'di ni 'og ma kun la'ang 'gre/__gnyis pa khyad par gyi sngon 'gro la lnga/__skyabs su 'gro ba dang /__byang chub mchog tu sems bskyed pa dang /__'gal rkyen sdig sgrib sbyong ba dang /__mthun rkyen tshogs bsag pa dang /__byin rlabs bla ma'i rnal 'byor gyi khrid do/__/de yang rdo rje'i tshig rkang las/__skyabs sems sbyang spel nan tan dang :__byin rlabs bla ma'i rnal 'byor bsgom:__dbang bzhi blang zhing thugs yid bsre:__zhes pa ltar las/__dang po ni/__rang nyid gnas pa'i sa phyogs thams cad bde ldan zhing gi bkod pa lta bu phun sum tshogs pa'i mchod pa'i sprin rgya mtshos mdzes pa'i mdun gyi nam mkhar sna tshogs pad+ma 'dab ma 'bum dang ldan pa'i ze'u 'bru'i khad dang mnyam pa'i zla ba'i gdan gyi steng rtsa ba'i bla ma nyid rje btsun 'phags ma yum rkyang du bzhugs pa nyid skyabs kun 'dus pa'i bdag nyid du mos pa'i sgo nas baiDU ya'i sa gzhi'i ngos skyabs yul gyi mdun thad du rang gzhan sems can thams cad kyi sgo gsum bya byed gcig par skyabs su 'gro zhing /__bla ma'i sku dge 'dun/__gsung dam chos/__thugs sangs rgyas su dad mos rtse gcig pas/__na mo:__bdag sogs 'gro kun sogs rang gzhung gi skyabs 'gro thun re la brgya stong sogs grangs ci nus su sems gzhan du ma yengs par bya/__thun 'jog khar skyabs yul gyi sku las 'od zer 'phros/__rang gzhan sems can thams cad la phog pas sdig sgrib bag chags dang bcas pa sbyangs/__sems can thams cad dag pa'i zhing du song /__skyabs yul rje btsun bcom ldan 'das ma 'chi med bdud rtsi'i ngo bor 'od du zhu nas rang la thim pas gsang ba gsum gyi byin rlabs rgyud la zhugs par bsam la rang gi sems nyid gzod nas skye 'gags bral ba'i rang bzhin 'chi med gnyug ma'i gnas lugs de don gyis rje btsun ma'i gsang gsum gyi ngo bor bzhugs pa'i yin lugs bskyangs ba ni gnas lugs don dam pa'i skyabs 'gro'o/__/gnyis pa sems bskyed ni/__nam mkha' la mtha' gang nas kyang gzhal du med pa de bzhin sems can la'ang mtha' bzung du med/__mtha' med pa'i sems can re res kyang rang gi pha ma byas pa'i grangs sa chen po'i rdul gyis kyang gzhal bar mi nus/__pha ma byas res kyis rang la phan pa tshad med pa btags/__gnod pa dpag tu med pa las bskyabs pa'i drin po che sha stag yin yang /__de rnams rgyu 'bras byi gnas la rmongs pas zhe 'dod dang lag len gnyis 'dzol nas gda'/__bdag rgyu dal 'byor mi lus tshang /__rkyen dge ba'i bshes dang mjal ba 'di pho spyang /__mo grung zer ba'i dpe la med pas ngas pha ma 'di rnams sdug bsngal gyi gzeb las thar ba zhig ma byas na de las khrel che ba med pas tshe 'dir rang gzhan thams cad srid pa'i rgya mtsho las sgrol nus pa zhig bgyi'o/__/de'i ched du theg chen lam gyi rim pa rnams dang /__khyad par du tshe gcig la grol ba'i chos dus gsum 'byung bar dkon pa rdo rje theg pa/__de'i nang nas kyang rnal 'byor bla med ma rgyud rgya mtsho'i yang snying rje btsun 'phags ma'i rnal 'byor la brtson par bya ba'i blos/__ho:__mkha' mnyam sems can sogs brjod cing de'ang dang po rang gi rtsa ba'i ma la bsgom ste blo sbyong /__sbyong tshul byams pa dang /__snying rje yang yang bskyed dgos/__ma de'i sdug bsngal rang thog tu len nus pa lta bu zhig ma byung bar du sbyong ba gal che/__de nas rim gyis sems can je mang la gtong nas bsgom mthar mkha' khyab kyi sems can thams cad la bsgom nus par 'gyur/__de'ang smon pa sems bskyed kyi dam bca' shin tu brtan po gal che zhing /__'jug pa'i bslab bya phyin drug dang 'brel bar spyod dgos/__sems bskyed kyi skabs blang ba'i yul bla ma nyid skyabs yul ltar gsal ba dpang por bzhugs par mos/__rgyun du ni skyabs yul ma bsdus par sems bskyed blangs nas bsdu bstim bya ba'am/__bla ma rje btsun ma'i sku gsal zhing 'od zer 'phro ba la/__bying na smin mtshams/__rgod na lte bar/__mnyam pa'i dus thugs kar thig le dkar 'tsher shin tu phra ba la sems gtad pas zhi gnas dang /__de yi ngang las phyi gzung ba/__nang 'dzin sems thams cad 'al 'ol rjes med sgyu ma rmi lam lta bu rang bzhin med pas gcig dang du ma'i mtha' las 'das shing gsal stong zung 'jug chen por lhag ger mthong ba ni chos nyid mthong ba ste zhi lhag gi ting nge 'dzin la ci gnas su 'jog/__de'ang gsal ba drag la yun thung grangs mang bar byas pas rim gyis yun je ring la shugs kyis goms par 'gyur ro/__/'di ni sgrol ma'i zab tig gi man ngag las byung ba'o/__/gsum pa sdig sgrib sbyong ba rdo rje sems dpa'i sgom bzlas ni dkyus 'dir mi 'byung yang gzhan nas kha bskang bar bya ste/__de yang sems can rnams chos nyid rang bzhin gyis rnam par dag pa yin yang de ma rtog pas 'khor bar 'khyams pa ste/__de'ang sgrib pa'i gtso bo ni ma rig pas bskyed pa rnams kyis chos nyid la sgrib kyang gshis la ma bslad cing dri ma glo bur ba yin pas sbyang du btub pa ste/__sbyong byed kyi thabs dpag tu med kyang 'dir rdo rje theg pa'i thabs mkhas phrin las kyi che ba bla ma rdo rje sems dpa'i rnal 'byor du bsgom pa rten gyi stobs/__sngar byas kyi sdig pa la gnong 'gyod drag por bya ba rnam par sun 'byin pa'i stobs/__bdud rtsi 'beb sbyong bya zhing sngags bzla ba gnyen po kun tu spyod pa'i stobs/__phyin chad sdig pa'i las srog la bab kyang mi byed snyam pa sor chud pa'i stobs te de bzhi tshang na bcas rang gi nyes ltung thams cad dag par 'gyur zhing /__ngag 'don ni gter kha rigs mthun gang rung ngam 'di'i cha lag bla sgrub byin rlabs snying po'i rtsa gzhung nas blangs la rang gi spyi bor mtho gang tsam gyi steng du bsgom/__bla ma rdor sems gyi thugs ka'i sngags phreng las bdud rtsi dkar po'i rgyun skya chil chil babs pa tshangs bug nas zhugs/__nad thams cad rnag khrag/__gdon thams cad srog chags kyi rnam pa/__sdig sgrib thams cad dud khu sol khu'i rnam pas dbang po'i sgo dang /__ba spu'i bu ga thams cad nas thon lus shel sgong ltar bkrus pa la bdud rtsi'i rgyun gyis dkar ltems kyis gang bas rdo rje sems dpa'i gsang gsum byin rlabs rgyud la zhugs par bsam la yig brgya grangs ci nus bzlas mthar bshags sdom byas pas bla ma rdo rje sems dpas sdig sgrib dag pa'i gnang ba byin nas 'od du zhu ste rang la thim pas rang rig gsal stong 'dzin med nges don gyi rdo rje sems dpa'i rang zhal bskyang bar bya'o/__/bzhi pa tshogs bsag dang /__lnga pa bla ma'i rnal 'byor 'khrug sdebs kyi sgo nas dkyus gcig tu nyams su blang ba ni/__chos sde 'di'i phyi sgrub tshogs bsag bsnyen pa'i rnal 'byor gyi dgongs don kun mkhyen bla ma rang nyid kyis bstsal ba'i tshe lha rnam gsum la brten pa'i bla ma'i rnal 'byor 'chi med grub pa'i gser lam rgyas bsdus gang lcogs nyams su blang ba ni shin tu gal che zhing /__de nyid rgyas par bshad na yi ge mang gis dogs pas 'dir bla rnam gyi gnad cung zad brjod na/__spyir bla ma zhes pa gong na med pa'i don yin/__gu ru'i sgra las drangs na lci ba la 'jug pas yon tan gyis lci ba ste bdag gi dpal mgon bla ma de don la sangs rgyas nges par yin/__rnam pa dag dang ma dag ston pa ni sngon gyi grub thob rnams kyi rnam thar bzhin sangs rgyas byang sems gyi mdzad spyod la bzang ngan blos dpog rgyu med/__ma dag pa snang ba mkhris nad kyi dung ser 'dzin ltar rang blo ma dag pas lan/__rang blo ma dag na shAkya thub pa lta bu yang skyon can du rtogs/__des na 'di ni bla ma'i skyon min rang gi nyes par zad do/__/yon tan gyi ngos nas sangs rgyas dang mnyam/__bka' drin sangs rgyas las lhag nges par bsam dgos shing /__de ltar bka' drin che bar yang yang dran dgos/__dran rgyu'i gtso bo yang rang la gnang sbyin bdag rkyen gzengs bstod sogs dran pas mi chog gnas skabs dang mthar thug gi phan bde bla na med pa sbyin par mdzad pa'i drin de yang yang bsam pa ni gnad dam pa'o/__/de gang gis sbyin na rang byung rig pa lhan skyes kyi ye shes 'di ngo sprad pas so/__/de ston par byed pa'i bla ma ni rtsa ba'i bla ma ste de dang rang nyid 'brel ba che tshul yang /__spyir sems can thams cad dang chos kyi dbyings gcig pas ma 'brel ba med pas kyang 'brel/__sgos su bla ma rin po che sngon slob lam du byang chub kyi spyod pa spyad pa'i skabs nas rang re 'bu srin phra mo lta bu'i lus blangs sku yi grib mas reg pa'am/__gsung gi cha shas thos pa dang /__thugs kyi dgongs pa'i zer phra mos khyab pa gang rung gi dngos dang brgyud kyi 'brel ba nas brtsams deng gi bar du bzang ngan gyi 'brel pa zhog pas sngon nas 'brel ba'i tshe rabs kyi bla ma zhes bgyi la/__de yang snang ba thams cad rang snang yin bzhin bla ma yang rang sems dag pa'i snang ba las shar ba'i bla ma yin pas/__bla ma phyi na mi bzhugs nges don du rang gi rig pa bla ma nyid dang /__de'i snang cha'i rtsal phyir shar ba las bla ma'i gzugs sku blo'i rim pa dang 'tsham par 'char ba'o/__/de ltar 'char lo ba'i gnad kyang bag chags kyis dkrugs pa'i sems kyi snang cha las 'khor ba dang /__'khrul cha dag rim dang bden gnyis dbyer med mnyam pa chen po'i ye shes kyi snang cha las myang 'das kyi snang ba 'char ba de'i phyir rang sems bla mar shar ba ni gnad dam pa'o/__/de ltar go bas sgom don ngag 'don bzhin chos thams cad sngags kyis stong par sbyangs/__de'i ngang las bde chen gyi zhing gi dbus su mdun gyi nam mkhar bla ma nyid kyi gnas tshul gyi sku 'chi med tshe lha gsum gyi ngo bor shar ba bskyed pa dang /__tshogs bsag gi gnad bsdus pa yan lag bdun pa'i dmigs pa spyi khyab dang /__maN+Dal yang de bzhin 'bum ther sogs kyi tshogs bsag/__thugs dam rgyud bskul gyi bzlas pa dang /__tshe bcud bsdu bstim dang /__tshe'i bdud rtsis smin mtshams nas rim par gang bas dbang bzhi thob pa'i dmigs pa yang yang bya/__bla ma rnams 'od zhu rang la thim thugs yid bsre zhing dgongs pa'i ngang bskyang bar bya'o/__/gnyis pa dngos gzhi lha khrid la sku bskyed rim phyag rgya'i khrid dang /__de'i yan lag tu gsung bzlas pa sngags kyi khrid/__thugs rdzogs rim de kho na nyid kyi khrid mdo tsam smos pa'o/__/dang po la bgegs bskrad cing bsrung ba'i 'khor lo bsgom pa/__mchod rdzas byin gyis brlab pa/__lha bsgom pa dngos la 'jug pa'o/__/dang po ni/__gzung 'dzin gnyis med kyi yi ge bde gshegs zhi khro rab 'byams kyi thugs srog phyag rgya'i rig pa hU~M gi sgra sgrogs pa na rang nyid gnyug ma'i lha pad+ma he ru ka sku mdog dmar po phyag gnyis kyi pad+ma dang dril bu 'dzin pa'i sku khro zhing gtum pa khro bo'i chas kyis brgyan pa'i shangs kyi rlung sgrom nas hU~M spros pas de dag phyogs bcur dum bur chad pa las me'i tshwa tshwa 'phros pas bgegs thams cad bsreg cing bcom par gyur pa mos la dug gsum gyi rtog tshogs dang /__des bskyed pa'i gdon bgegs 'dul phyir sku gsum gyi rang gdang hU~M gsum gyi dbyangs su sgrogs pas bgegs bskrad/__slar 'dus rdo rje'i srung ba'i 'khor lo bsgom pa ste/__sngags brjod pa dang de yang rdo rje chung ngus gtams pa'i bar thams cad khro chu zhun mas 'thas par bsgrigs pa'i rdo rje'i sa gzhi/__rdo rje mchur nyal dang gyen 'greng spel ba'i rdo rje'i rwa ba/__de'i steng rdo rje'i gur rmog kha sbubs pa lta bu rtse mo gcig tu gyur pa la rdo rje phyed pa'i tog rwa gur gnyis kha bsgrigs pa'i nang thad nas rdo rje'i bla bre/__rwa gur gyi rgyab nas rdo rje phra mo mang po thag pa bsnol zhing sbrel ba'i drwa ba rnams kyis g.yogs pa sked pa'i mtshams nas rdo rje'i phreng bas bcings pa de rnams las mgar gyi sol me lta bu'i me yi phreng ba mtha' med du 'bar bas phyogs kun khyab par 'phros shing nang nas chu mi 'dzag cing /__phyi nas bskal pa'i rlung mi thar ba lta bu'i sra mkhregs bzod par dka' ba shin tu brtan la 'jigs su rung ba'i rnam pa can las gdon bgegs rnams nam yang mi 'da' bar bsam la/__don dam par ni bdag rtog mtshan ma'i spros pas gos ma myong ba'i rang byung rig pa'i klong chen por bzhag pa ni don dam pa'i srung 'khor ro/__/gnyis pa ni/__dngos su bshams pa'i phyi nang gi mchod pa yod na'am/__med kyang snang srid thams cad mchod pa'i phyag rgyar shes pas oM gyis stong par sbyangs/__AHyis spel/__hU~M brjod pas phyi nang gsang ba'i mchod rdzas su gyur par mos la sngags lan gsum nam mkha' mdzod kyi phyag rgya dang bcas pas byin gyis brlab bo/__/de yang skyabs 'gros sbyangs bya ni rang gzhan thams cad tshe thog ma med pa nas lam log par zhugs shing dkon mchog gsum gyi skyabs 'og tu ma tshud pa dang log par lta ba 'dzin pa rnams/__sbyong byed ni yang dag par skyabs su 'gro bas/__sbyangs 'bras sangs rgyas sku gsum gyi bdag nyid mngon du byed pa dang /__sems bskyed kyis ni sbyangs bya theg pa dman par zhugs pa dang /__rang 'dod yid byed kyi rtog pa dang /__gzhan la khong khro ba sogs thams cad/__sbyong byed 'dis sbyong bas/__sbyangs 'bras dmigs pa med pa'i thugs rje chen po'i mdzad pa phrin las rgyun mi chad pa'o/__/bgegs bskrad cing srung ba'i 'khor lo bsgom pas/__sbyang bya rang bzhin gyi gshis la sgrib pa'i 'khrul rtog thams cad dang /__des bskyed pa'i phyogs skyong dregs pa pho mo rnams bkug cing gzir ba dang /__khyad par gsang sngags la ma zhugs pa dang /__zhugs kyang lta spyod log par gol ba thams cad 'dis sbyong /__sbyangs 'bras mngon par byang chub brnyes pa na bdud sde rnams bcom pa'o/__/mchod pa byin gyis brlab pas ni sbyang bya snod bcud tha mal du 'dzin pa dang /__'dod yon la rang dgar spyod pa thams cad 'dis sbyong /__sbyangs 'bras sangs rgyas pa na ye shes kyi rol pa 'byams klas par spyod pa'o/__/spyir gsang sngags lung gi sgo bzhir grags te/__don dam gsal 'debs brjod pa tshig gi sgo/__/thugs dam gnad bskul gsang ba sngags kyi sgo/__/dmigs pa rtse gcig ting 'dzin yid kyi sgo/__/phyag rgya brda rtags mtshon pa gar gyi sgo/__/zhes 'byung ba ltar 'don sgom zung 'brel 'byung dgos pa ni gong 'og kun la shin tu gces so/__/gsum pa lha bsgom pa dngos la 'jug pa la dam tshig pa gsal gdab pa/__ye shes pa spyan drangs shing bstim pa/__lha sku'i gsal snang la sems bzung ba'o/__/dang po la rgyu ting nge 'dzin gsum gyis khog phub pa/__'bras bu rten dang brten pa'i dkyil 'khor bskyed pa'o/__/dang po ni/__oM ma ha shU n+ya ta sogs kyi sngags brjod pa dang /__gzung 'dzin gyis bsdus ba'i chos thams cad gnyis su med pa'i ye shes rdo rje'i bdag nyid chen por rnam par dag go__/zhes pa'i sngags don la 'jog pa ste/__'khor 'das chos kun sogs kyi tshig brjod rim bzhin/__rkang pa dang pos de bzhin nyid kyi ting nge 'dzin te 'di ltar rang gzhan snang grags kyi chos 'di thams cad gzod ma nyid nas shin tu rnam par dag pa rang bzhin gyis 'od gsal ba rdo rje de bzhin nyid kyi dbyings stong pa chen po las nam yang 'da' ba med pa nam mkha' lta bu'i ngang der snang med du yun ring por bzhag pas/__'dis 'chi srid sbyong zhing dga?~X par byed/__chos sku mngon du byed pa'i sa bon gsos 'debs pas 'bras bu rdzoga?~Xs par byed pa'i rten 'brel bsgrig/__lam gong ma rdzogs rim gyi 'od gsal rgyud la skye ba'i gzhi 'ding ba'i smina?~X byed du 'gro/__'chi srid dag pa chos kyi sku'o zhes gzhi 'bras sbrel ba'i nga rgyal yang bya ste 'og ma rnams la'ang 'gre bar bya'o/__/rkang pa gnyis pas ni/__kun tu snang ba'i ting nge 'dzin ni/__de ting spros bral dbyings chen de nyid kyi ngang las de ltar ma rtogs pa'i 'gro ba 'di kun snang yang bden pas stong pa sgyu ma lta bu'i yul la 'dzin med sgyu ma lta bu'i snying rje chen po gnyis zung du 'jug pa khyab par snang ba'i rtsal las byang chub mchog gi go 'phang la 'god par bya'o snyam du bsgom/__'dis bar do sbyong /__'bras bu longs sku rdzogs byed kyi rten 'brel bsgrig/__'od gsal las zung 'jug gi lhar ldang ba'i rgyu snying rje chen po'i gzhi 'ding ngo /__/rkang pa gsum pas ni rgyu'i ting nge 'dzin te rgyu'i rig pa tA~M dkar po chu shel gyi mdog ltar 'tsher ba nam mkhar thol gyis byung ba las 'od zer lnga ldan du nam mkha' dwangs pa las 'ja' tshon shar ba bzhin 'od zer phyogs mtha' mu med pa rnams su 'phros pas snod bcud tha mal du zhen pa'i dngos 'dzin thams cad sbyong nas sngar bsgom pa'i rdo rje'i srung 'khor yangs shing rgya che bar bskyed pa ste/__'dis skye srid phyi mar 'jug pa'i skye gnas kyi 'gal rkyen bar chad thams cad sbyong /__'bras dus su bdud bzhi bcom pa'i rten 'brel bsgrig/__rdzogs rim gyi tshe rtsa rlung thig le'i gegs dang gol sa chod pa'i gzhi 'ding ngo /__/gnyis pa 'bras bu rten dang brten pa'i ngal bskyed pa ni/__srung 'khor gyi rgyu'i tA~M las 'od zer 'phros pas nam mkha' rlung me chu sa'i dkyil 'khor ri rab dang bcas pa ngo bo nam mkha' dbyings kyi dbang phyug ma dang /__dam tshig sgrol ma/__gos dkar mo/__mA ma kI/__sangs rgyas spyan ma dang lnga yi mkha' klong chen por rnam par dag pa'i ngo bor shar ba'o/__/ri rab kyi steng du rdo rje'i sa rdul chags pas 'og gzhi khod snyom par brdal ba'i dbus su rin po che'i rgyu las grub pa'i sna tshogs pad+ma 'dab ma 'bum du gyes pa'i lte bar nyi ma'i dkyil 'khor ge sar gyi rgya dang mnyam pa'i dbus sna tshogs rdo rje rwa bcu gnyis pa shar dkar lho ser nub dmar byang ljang dbus sngo ba'i dbus gzhal med khang sgom pa ste/__'di rnams kyis sems can rnams gang du skye ba'i gnas snod kyi 'jig rten chags pa'i gzhi 'byung lnga ri rab dang bcas pa grub pa de sbyong /__'bras dus sangs rgyas rnams gang du 'tshang rgya ba'i zhing yum lnga'i mkha' chos kyi dbyings su rdzogs pa'i rten 'brel bsgrig/__rdzogs rim gyi tshe 'byung lnga ri rab dang bcas pa rtsa 'khor lnga dang dbu ma/__pad nyi rgya gram ni rtsa 'khor dang rlung thig ste de rnams mnyen las su rung ba'i gzhi 'ding /__sna tshogs rdo rje'i lte bar rgyu nor bu rin po che chu shel dkar po las grub pa'i thar pa chen po'i gzhal med khang rgya khyon tshad med pa gru bzhi ngos mnyam pa la sgo bzhi dang ldan pa rgyu 'bras kyi rta babs brgyad brgyad de/__'bras bu'i rta babs brgyad ni/__rta rkang /__chu skyes/__sgrom/__zar tshags/__sna 'phyong /__chun 'phyong /__shar bu/__rgya phibs te brgyad do/__/rgyu yi rta babs ni sgo yi phyi nas them skas lta bu rim pa brgyad yod par gsungs/__'dod snam/__pha gu/__drwa ba drwa phyed/__shar bu mda' yab sogs kyis brgyan pa dbus phyur bur gyur pa'i rtse mor rdo rje rin po che'i tog gis 'od zer kun tu 'phro ba phyi dang nang med pa/__sgrib thogs thams cad dang bral ba 'dod snam dmar po'i steng nas mchod pa'i lha mo bcu drug gis mchod rdzas thogs nas gar byed pa/__rdo rje'i rwa ba'i nang du 'jig rten pa'i khor yug la dpal mgon bdun cu rtsa lnga sogs dkar phyogs skyong ba'i tshogs kyis bskor ba bsgom zhes rje gter chen bla ma nyid kyis gsungs/__de ltar gzhal yas khang mtshan nyid rdzogs pa'i lte bar pad+ma dkar po 'dab ma bzhi pa'i dbus su thig le dkar dmar mtshon byed 'og nyi ma steng zla ba dang bcas pa bsgom zhing gzhal yas khang gis sems can rnams gang du rgyu zhing spyod pa'i khang khyim dang /__pad nyi zla bas mngal skyes dang sgong skyes kyi ma'i mngal khu khrag skye gnas gzhan gnyis kyi drod gsher gnyis dang /__gnas lus la sred len gyi bag chags sbyong /__'bras dus ye shes kyi rang snang gi pho brang chen po mngon du grub pa'i rten 'brel bsgrig/__rdzogs rim gyi tshe gzhal yas khang gis rtsa thig rlung gsum ro gcig tu 'dres pa'i sems gsal stong bde ba'i cha dang gdan pad+mas ni spyi bo'i rtsa 'khor/__nyi mas ni lte ba'i rtsa 'khor 'og gi dmar cha/__zla bas ni/__spyi bo'i rtsa 'khor steng khu ba/__bde drod 'bar 'dzag gi dga' bzhi lugs 'byung ldog las cha bcu drug pa rdzogs pa mchog tu mi 'gyur ba'i bde ba chen po'i sku dang ye shes rnam pa thams cad pa zung du 'jug pa'i gzhi 'ding ngo /__/de nas brten pa lha bskyed pa ni/__nyi zla kha sbyor gyi bar du nam mkhar gnas pa'i rgyu yi tA~M yig zhugs zla nyi sa bon dang bcas pa kha sbyor zhing bde chen gyi ngo bor gcig tu 'dres pa las 'od zer nam mkha' gang ba 'phros pas 'phags pa rnams mchod/__nyan thos rnams 'gog pa las sad par byas/__lam la gnas pa rnams mi slob pa'i sa la bkod nas phyogs bcu'i rgyal ba sras dang bcas pa'i byin rlabs 'od zer dang gcig tu 'dres 'khor 'das kyi dwangs bcud srid zhi'i dpal yon thams cad gcig tu bsdus pa 'od zer gyi gong bu la bstim/__de yongs su gyur pa las skad cig gis sku yongs su rdzogs pa ste/__'dis mngal du dkar dmar 'tshogs pa la bar do'i shes pa zhugs pa/__pha ma'i 'du 'phrod kyis 'gyur ba'i gnas skabs nyams su myong nas khu rdul sems gsum 'dres pa/__'od zer spro bsdu ni mngal gyi lus de nyid 'byung ba bzhi'i byed las ngang rlung bcus phung khams skye mched rim bzhin du grub pa dang /__sku rdzogs pa ni/__mngal gyi sems can de lus rdzogs nas btsas pa rnams sbyong /__'bras dus sangs rgyas rnams gang 'dul gyi gzugs su bzhengs pa dang lhums zhugs bltams pa sogs kyi mdzad pa ston pa'i rten 'brel bsgrig/__rdzogs rim gyi tshe nyi zla kha sbyor ni gong du bshad pa ltar ram/__yang na dbu ma'i rtsa 'khor gyi mdud pa'i gnas rnams su bde drod zhal sbyor ba/__sa bon ni rlung sems d+hU tir zhugs gnas thim pa/__spro bsdus yongs su gyur pa ni zhu bde las byung ba'i bde stong /__sku yongs su rdzogs pa ni/__de las rang bzhin lhan skyes kyi bde stong zung 'jug ye shes kyi sku mchog 'grub pa'i gzhi 'ding ba'o/__/de yang ngo bo 'phags bzhi'i bskyed yum shes rab kyi pha rol tu phyin ma nyid ye shes rnam pa thams cad pa sgyu ma lta bu'i cho 'phrul du shar ba las dus gsum rgyal ba thams cad bskyed pa'i yum mchog phrin las kyi rang gzugs rje btsun 'phags ma yid bzhin 'khor lo zla ba chu shes gyi mdog can dkar zhing gsal la dri ma med pa zhal gcig phyag gnyis ma shin tu mnyen zhing drang ba'i phyag pa lA sha ltar 'jam pa nyid kyis g.yas mchog sbyin/__g.yon nu ma g.yon pa'i thad skyabs sbyin phyag rgya mtheb srin sbyar ba'i bar nas ut+pal dkar po'i lcugs phran gsar pa'i sdong bu gyes pa'i snyan gyi thad kar dbus kyi me tog kha bye ba'i steng nor bu chu shel las grub pa'i tshe bum dpag bsam shing gi 'bras bus kha rgyan can/__g.yas kyi me tog 'bras bu/__g.yon gong bu'i tshul du gnas pa zhi zhing 'dzum la shin tu mdzes pa/__sku mnyen lcugs dang ldan pa/__sku rked phra ba nu 'bur mtho zhing mdzes pa/__gsang ba'i chu skyes bltar mi mngon pa/__dbu skra phyed thor cog tu bcing ba'i rtser nor bu'i tog gis mdzes pa/__lhag ma snyan gong g.yas g.yon nas sil bur grol zhing dbu skra shin tu gnag pa bung ba'i mdog can/__spyan dkyus ring zhing mdzes pa/__smin ma'i gzengs mtho ba/__shangs dang /__mchu sgros gtsang zhing mdzes pa/__rked skabs phyed cing zhabs rdo rje'i skyil krung gi sku drang por bzhugs pa/__dar kha dog sna tshogs pa dpa' bo'i gzhu lta bu'i smad dkris dang /__mthing shun gyi mdog lta bu'i 'og pags/__dar dmar gyi sham thabs/__dar sngon po'i stod g.yogs dang /__rin po che'i rtse phran can gyi dbu rgyan/__rin po che sna tshogs pa'i snyan cha/__mgul chu/__dpung rgyan/__phyag zhabs kyi gdu bu/__ska rags dang /__nu ma yan 'khor ba'i se mo do/__lte 'og yan 'khor ba do shal rnams kyis brgyan pa/__phyag zhabs kyi mthil rnams la spyan re re dang /__zhal gyi spyan g.yas g.yon dbus gsum ste spyan bdun gyis mdzes par bkra ba/__rang gi 'od las skyes pa'i yab pad+ma gar dbang thabs kyi snang cha yin pas sku mdog dkar po la dmar mdangs chags nyams shin tu che ba zhi zhing 'dzum pa'i nyams can g.yas pad+ma dmar po dang /__g.yon tshe bum bsnams pa dar dang rin po che'i rgyan brgyad kyis mdzes par spras shing pad+ma'i skyil krung gis 'khyud cing thabs shes zung 'jug bde stong chen pos mnyam par sbyor ba ye shes kyi snang ba mu med pa 'phro ba'i klong na bzhugs pa'i spyi bor zla ba la gnas pa'i oM dkar po/__mgrin par pad+ma dmar bo 'dab ma brgyad pa la gnas pa'i AHdmar po/__thugs kar nyi ma la gnas pa'i hU~M sngon po ste rnam snang /__snang mtha'/__mi bskyod pa'i rang bzhin can gyi yig 'brus mtshan pa bsgom mo/__/gnyis pa ye shes kyi 'khor lo spyan drangs pa ni/__gnas gsum yig 'bru gsum las 'od zer nyi ma bye ba'i gzi brjid lcags kyu ltar 'phros pas ye shes kyi 'khor lo spyan drangs/__dzaHhU~M ba~M hoHsogs kyis dgug gzhug bcing mnyes pas dgyes pa bskyed cing brtan par bzhugs su gsol/__zhar byung phyag mchod bstod pa mdor bsdus byas na/__a la la hoHzhes gtso mo'i sku gsung thugs kyi yon tan la ngo mtshar zhing ched du brjod pa'i glu sngon du 'gro bas dam ye dbyer med pa'i lha rang sems gnyug ma'i rtsal du shes pas brda phyag 'tshal ba dang /__thugs ka nas spros pa'i lha mo rnams kyis phyi mchod nyer spyod/__nang mchod 'dod yon lnga thogs pa dang /__gsang mchod sman gyi sprin phung las 'dod yon gyi lha mo 'phro ba dang /__khams gsum gdug pa can rnams bsgral ba'i rak+ta'i lbu phreng las lha mo dmar mo dang /__snod bcud thams cad gtor mar sbyor ba'i dam rdzas gtor chen las kyang 'dod yon gyi rnam pa dpag med 'phro bas zag med kyi dbang por lha la lha thim pa'i tshul gyis dgyes rgur rol pas yul dang yul can dbyer med pa ye shes kyi ros tshim pa las tshogs chen rdzogs shing /__mchod bya mchod byed mchod yul thams cad rang bzhin gdod nas rnam par dag pa'i dbyings las mi 'da' ba'i de kho na nyid kyi mchod par 'gag bsdom pa dang /__rang las sprul pa'i rdo rje'i lha mo rnams kyis gtso mo'i yon tan rjes su dran pas bde ba'i gar bsgyur zhing snyan pa'i glu dbyangs kyis bstod pa'i mthar lha mo rnams rang la bsdu'o/__/gsum pa lha sku'i gsal snang la sems bzung ba ni dam tshig ye shes dbyer med pa'i lha sku phyag rgya chen po'i rnam pa spyi la sems bzung ba ni rang nyid gtso mo yab yum sku zhal phyag yongs rdzogs ngo bo stong pa/__rang bzhin bde ba/__rnam pa gsal ba can snang stong zung 'jug dwangs pa'i chu zla ltar sgrib med 'od kyi rnam pa ye shes kyi snying po can yid ngor wal gyis dran par bya/__mi gsal na dam tshig gi bris skur yid mig rtse gcig tu gtad/__de ma thag rang lus rnam pa de ltar dran par bya/__thun chung la grangs mang bas yang yang bsgom par byas na yun je ring je gsal la 'gro/__de yang bris sku lta bu leb leb/__'bur sku 'dra ba'i rdog po can du bsgom par mi bya chos sku'i snying po/__longs sku'i rnam pa/__sprul sku'i rol rtsal/__lha dang bdag rtogs dbyer med pa la nan tan byas na bskyed rdzogs zung 'jug tu 'gro ba yin/__sems 'dzin 'di kho na gal che ste dper na sngar 'dris kyi mi zhig gi ming brjod pa dang /__de'i lus dang byad dbyibs lam gyis gsal ba bzhin/__lha sku yang de bzhin dran par bya dgos/__de yang mtshan mo sogs rlung rig dwangs pa'i skabs rnams la bsgom pa gnad/__de nas rnam pa bye brag la spyan dbus ma'am/__gtsug tor nor bu'i rtse mo nas gdan pad zla yan sku rgyan med dang /__rgyan can la re re bzhin sems 'dzin so sor gsal snang skyes pa dang /__thams cad dus gcig tu dwangs gsal g.yo med du sems bzung /__gang ltar yang sems grim lhod snyoms par rtse gcig tu gtad/__shes pa khongs lhod/__gsal snang gi 'dzin stangs shor na sgrim/__rnam rtog 'tshubs nas mi gsal na klod/__rtog pa ha cang rgod na 'phro bcad/__bzlas pa sogs bya/__bying rgod kyi skyon bsal te bsgom/__skabs rer/__nga yi sgo gsum po tha mal pa nam yang ma yin 'bras dus kyi bcom ldan 'das ma skyon kun zad yon tan kun rdzogs dngos yin snyam pas sku yi gsal snang 'don pa de dang der dngos yin par bsam nas sems bzung bas goms pa na rang lha der dngos su song ba'i 'du shes rgyun chags pa 'ong /__dag pa dran pa ni lha sku'i rnam pa 'di las nyon gyi 'phen pa'i lus rags par grub pa lta bu ma yin gyi 'bras bu mthar phyin pa'i lha so so'i gsang gsum yon tan gdul bya'i snang ngor mtshon pa brda rtags kyi skur shar ba ste/__de yang gzhi'i gnas lugs ye nas rang bzhin gyi rnam par dag pa 'bras chos kyi sku dang ye shes rnams dang dbyer mi phyed pa'i rang bzhin phyir gsal ba lam dus su bsgom pa las gzhan du mi dmigs pas srog bzung ba ni rang rig pa'i dag pa dang /__de'i byin rlabs kyis snang srid lha'i 'khor lor shar ba ni chos can lha so so'i dag pa dang /__skye 'gags gnas gsum dang bral ba'i brjod bral gyi lta bas rgyas 'debs te snang stong zung 'jug tu bsgom pa ni chos nyid de bzhin nyid kyi dag pa ste de gsum dang ldan pas rnam pa gsal ba dang /__nga rgyal dran pa gnyis dang sbrel nas nyams su blangs/__dag pa so sor dran na chos thams cad de bzhin nyid du ro gcig pas zhal gcig thabs shes mtshon pa'i phyag gnyis dang /__srid zhi'i mtha' dgag pa'i rdo rje'i skyil krung /__snang stong mtshon par byed pa'i yab yum mnyam par sbyor ba/__ma chags pad+ma'i rigs las 'jig rten dbang phyug gi zhal gyi chu skyes las 'khrungs shing snying rje chen pos yongs su gang ba'i brdar sku mdog zla ba'i mdangs ldan/__'gro la brtse bas zhi 'dzum chags nyams can/__tshe dang ye shes kyi dngos grub sbyin pa'i brdar g.yas mchog sbyin/__'gro la mi 'jigs sbyin pa dang /__rgyal ba thams cad kyi yum shes rab kyi pha rol phyin ma zab zhi spros bral thugs kyi gsang ba'o zhes pa'i brdar g.yon skyabs sbyin gyi phyag rgya mdzad cing phrin las thogs pa med pas ut+pal dkar po'i yu ba nas 'dzin pa thugs kar gtod cing /__me tog snyan gyi thad kar kha bye ba'i steng dus min gyi 'chi ba'i 'jigs pa bcom pa'i mtshon byed tshe bum 'dzin pa/__dge ba'i chos yongs su rdzogs shing gzhan rjes su 'dzin pas dbu skra thor tshugs su bcings shing lhag ma thur du grol ba/__nyon mongs pa'i gdung ba las grol ba'i rtags dar gyi stod g.yogs smad dkris/__'dod yon ma spangs rgyan du rol zhing byang chub kyi yan lag bdun mtshon byed dar dang rin po che'i rgyan/__thabs bde ba chen po mchog tu mi 'gyur ba ye shes kyi snang cha rang 'od kyi yab pad+ma gar dbang gis 'khril ba/__gzhal yas khang byang chub phyogs kyi chos so bdun brda don rtags kyi rang bzhin du shar ba/__mtshan rtog gis mi phyed pa'i rdo rje'i ra ba/__rnam rtog gi bag chags gzhom phyir me dpung gis bskor ba sogs so so nas dag pa dran pas tha mal gyi zhen pa bzlog cing gzhi 'bras sbrel ba'i dag pa dran pa la bslab pas bskyed rim mchog gi dngos grub kyi nye rgyur 'gro ba yin no/__/de ltar gsal brtan dag gsum gyi nang nas rim bzhin gzhal yas khang rdo rwa me ri'i bar dang /__phyi nas nang du gtso mo'i bar gsal btab cing tshad du phyin par bya dgos so/__/de ltar lha bskyed pa'i rim pa bsgom pas gzhi dus su byis pa btsas pa/__nar son nas 'dod pa'i tshor bas gdungs te de don du gnyer ba/__chung ma len pa/__sgo gsum gyi nus pa rim gyis 'phel ba/__rang rigs kyi bya ba la dbang bsgyur ba rnams sbyong /__sbyangs 'bras sangs rgyas sprul sku bltams pa/__byang chub don du gnyer bas rab tu byung nas dka' thub mdzad pa/__byang chub kyi snying por gshegs pa/__bdud btul te bsam gtan bskyed pa/__rnam pa thams cad mkhyen pa'i ye shes la mnga' brnyes pa rnams dang /__lam gong ma'i tshe/__bde stong ye shes kyi lha skur sgrub phyir/__bde rlung sems las lha skur ldang ba/__mchog gi dngos grub thob phyir las rgya ye rgya gang rung dang mi 'bral ba/__de las rang byung gi ye shes la rim gyis goms nas des mchog gi dngos grub la myur du sbyor ba'i gzhi 'ding bas smin byed du 'gro/__gnas gsum byin gyis brlab pas sbyang bya lus ngag yid gsum/__sbyong byed rdo rje gsum/__sbyangs 'bras sangs rgyas thams cad kyi gsang ba gsum 'grub/__ye shes pa spyan drangs bzhugs gsol gyi/__sbyang bya byis pa de dang ris mthun gyi 'gro ba rnams dang blo gros nus pa mnyam par gyur pa'i bag chags dang /__sbyong byed rang bzhin ye shes kyi dkyil 'khor dam tshig gi 'khor lor bstim pa/__sbyangs 'bras de bzhin gshegs pa thams cad dang dgongs pa ro gcig tu gyur pa'o/__/phyag mchod sogs las rim gyis/__sbyang bya byis pa de 'dod yon la spyod cing 'jig rten gyi chos sgrub pa rnams kyi bag chags dang /__sbyong byed dbyings ye gnyis su med par shes pa'i ngang nas phyag 'tshal ba/__phyi nang gsang ba'i mchod pa/__gsang gsum yon tan rjes dran gyi bstod pa rnams kyis/__sbyangs 'bras rang nyid sangs rgyas pa'i tshe 'bad brtson med par mchod pa'i rnam pa mtha' yas pa 'byung ba dang 'khor 'das thams cad kyi bkur ba'i 'os su gyur pa'i rten 'brel bsgrig pa'o/__/de rnams kyang sgrol ma'i zab tig las/__rten dang brten pa'i dkyil 'khor bskyed:__rnam pa gsal zhing nga rgyal brtan:__rnam dag dran pas gsal snang bsgrub:__tha mal snang zhen 'gog nus pa'i:__gsal ba rab kyi mthar son pas:__zhes 'byung ba dang mthun pa'o/__/gnyis pa gsung bzlas pa sngags kyi khrid ni/__de lta bu'i sgom pas dub na/__bogs 'byin pa'i slad du bzlas brjod kyi bsam gtan la bslab pa ni/__rang nyid 'phags ma'i thugs ka ru:__ye shes sems dpa' tshe dpag med:__dkar gsal sogs bzlas dmigs nas 'byung ba ltar/__de'i thugs dbus pad+ma dkar po 'dab ma bzhi pa'i ze'u 'brur 'og nyi ma/__steng zla ba'i gwa'u kha sbyor gyi dbus su tA~M dkar po gsal zhing 'tsher ba'i mthar yi ge bcu pa dang dril sgrub ye sems/__sprul pa'i sngags bcas kyi phreng ba mthud nas g.yas bskor du bkod cing de la sems bzung /__sems zin pa na thugs srog sngags phreng dang bcas pa las 'od zer gyi snang ba mtha' yas pa 'phros/__gtsug tor nor bu'i rtse mo nas thon te 'phags ma rnam par rgyal ma dkar mo zhal gcig phyag gnyis g.yas skyabs sbyin pus mo g.yas pa'i steng du brkyangs te sdigs mdzub kyis lcags kyu 'gugs thabs su bsnams pa/__g.yon pas thugs ka'i thad du mchog sbyin gyi phyag rgyas tshe yi bum pa bdud rtsi'i rgyun 'bebs bzhin pa bsnams pa zhabs sems ma'i skyil krung can nyi zer gyi rdul lta bu 'phros pas rtsa gsum rgyal ba rab 'byams rdo rje'i chos srung nor lha dang bcas pa'i mkhyen brtse nus pa'i ye shes 'khor 'das brtan g.yo'i dwangs bcud ma lus pa bdud rtsi 'od zer grub pa'i dngul chu'i rnam par bsdus te rang gi sgo gsum gyi dwangs ma'i thig ler thim pas tshe dang ye shes kyi dngos grub thob cing 'chi med rdo rje'i srog 'grub par mos la bzla/__grub pa'i dngul chu ni bcud len gyi rdzas grub pa ste ston zla ltar dkar ba/__nyi ma lta bu'i 'od zer can/__g.yas bskor du 'khyil zhing grub pa'i rtags g.yung drung dang dga' ba 'khyil pa sogs bkra shis pa'i ri mo sna tshogs pa bkra ba/__nus pas gang la reg pa tsam gyis glang po che'i stobs/__nyi zla'i tshe/__rdo rje'i lus/__bcu drug gi lang tsho can du bsgyur nus shing lcags la reg pa tsam gyis gser du 'gyur ba/__shing skam la gtor ba tsam gyis lo 'bras me tog phun sum tshogs pa skad cig gis 'byung ba zhig ste/__de lta bu'i rnam pa bde ba chen po'i gzi byin 'bar bar bsgom dgos gsungs/__spyir sngags phreng 'khor lugs/__bsnyen pa la bkod pa/__nye bsnyen la 'khor ba/__sgrub pa la do li/__sgrub chen la spro bsdu gtso bor gsungs kyang dkyus tsam la bkod pa'i dmigs pa kho nas 'thus/__bkod dmigs gsal thebs nas 'khor ba'i dmigs pa gsal btab kyang rung bas de'i tshe sngags phreng bar ma chad pa g.yas bskor du rang sgra dang bcas pas myur bar 'khor ba las sngags kyi 'od zer dpag tu med pa spro ba sogs gong ltar/__bzla bya'i sngags bsnyen sgrub sngon du ma them na gtso bo yig bcu dang /__them na dril sgrub kyi sngags gtso bo bzla dgos/__ye sems dang sprul pa'i sngags kyang cung zad re bzla/__rgyun khyer 'di bsnyen sgrub las gsum chig dril yin pas/__skabs rer/__sngags phreng las 'od zer 'phros bde chen ye shes kyi gzi brjid 'bar/__khams gsum brtan g.yo thams cad lha sngags ye shes sgyu 'phrul drwa ba chen po'i 'khor lor rdzogs pa'i mos pa dang /__yang thugs srog tA~M las sngags phreng bar ma chad pa byung /__ye shes sems dpa'i zhal nas gtso mo'i zhal du brgyud/__yab kyi zhal du zhugs/__sku'i dbyibs brgyud gsang ba'i rdo rje nas yum gyi mkhar song thugs srog la thim/__de ltar mgal me'i 'khor lo ltar 'khor bas yab yum gyi thugs rgyud la bde ba chen po'i ye shes skyes/__mchog tu mi 'gyur ba 'chi med rang byung rtag pa dam pa'i dngos grub 'grub par bsam la dril sngags bzla ba ni sgrub pa'i dmigs pa dang /__yang thugs ka'i 'od zer las las bzhi'i kha dog dang mthun pa'i 'od zer nam mkha' gang ba pho nya lta bu 'phros/__zhi rgyas dbang drag mchog gi phrin las thams cad yid bzhin du sgrub par mos la dril sngags bzla'o/__/de yang bzlas pa'i skabs ngag tshig tha mal pas bar mi bcad pa dang /__sems rtse gcig pa'i ting 'dzin brtan pos bzla dgos/__dmigs pa gcig kho nas skyo na/__res 'ga' sku yi gsal snang la blo bzhag/__res 'ga' tshe thung ba'i las bsags pa'i sems can la snying rje bskyed/__skabs rer snang grags thams cad rje btsun ma'i gsal snang brtan pos sngags bzla/__gtso bor lta ba'i ngang bskyangs lha sngags dbyer med du shes pa'i dad pa dang mos gus the tshom med pa'i ngang nas bzlas na mchog thun gyi dngos grub myur du 'grub la/__sems rnam g.yeng gis ji tsam bzlas kyang ngag sgrib cung zad srab pa las 'dod don mi 'grub ste/__o rgyan chen pos/__ma yengs ting 'dzin ldan pas bzla:__gzhan du yengs par gyur na ni:__bskal par bzlas kyang 'bras mi 'byin:__zhes gsungs pa ltar la/__bgrang phreng mtshan nyid ldan par byin gyis brlabs te/__rngam glog las/__sgra chen ma yin chung ba min/__/mgyogs pa ma yin bul par min/__/drag por ma yin zhan par min/__/yig 'bru'i yan lag nyams par min/__/yengs par ma yin smra bzhin min/__/gleng sogs bar du chod pas min/__/zhes pa ltar sngags kyi skyon rnams spangs nas bzla/__skabs rer rlung kha sbyor du bzung ste sngags kyi gzugs dang sgra dran par byas te 'gog bzlas dang /__rlung 'dzin pa yang spangs te yid kyi sngags gzugs sam sgra la dmigs nas bzlas pa yid bzlas dag kyang bya/__'di'i spyad bya ma dag 'khor ba'i gnas su ming tshig yi ge ngag gi brjod pa 'khrul pa'i sgra don der 'dzin bag chags dang bcas pa/__sbyong byed ngag gi bzlas pa yang dang yang du bskyar zhing bzlas pas 'byung 'jug byed rtsol sgra dang bcas pa ngag nas/__sbyangs 'bras rang nyid sangs rgyas nas chos kyi 'khor lo bskor ba sogs gsung rdo rje'i 'gro don mdzad pa'i gzhi thengs pa ni thun mong dang khyad par sems gyi dri ma sbyangs shing ngag gi nus pa rnyed pa dang /__ye shes lha yi mtshan sngags kyis yang yar bos pas ye shes kyi lha dang nye bar 'gyur ba'i dgos pa yod la/__lha rnams sngags de yi rnam par zhugs pas yig 'brur sgom pa ye shes kyi rig sngags su mos pas bzla ba/__zhen pas zhugs shing 'brel bas mi bslu ba dang /__gnas skabs su las bzhi sgrub cing khyad par tshe bsod ye shes rgyas nas/__mthar thug gsung rdo rje thob pa'i dngos rgyu thun mong min pa'o/__/thun de las ldang bar brtsam pa na/__dbyangs gsal rten snying gis sngags kyi lhag chad bskang zhing brtan par bya/__mchod bstod mdor bsdus dang /__yi ge brgya pas nongs pa bshags/__lhar snang 'od gsal du me long la has brgyab pa ltar dbyings su bsdu ba'am/__yang na gtso mo'i thugs ka nas 'od zer 'phros snod bcud thams cad la phog pas 'od du zhu nas gzhal yas khang la thim/__gzhal yas khang gtso mo la/__yab yum la/__de dbu zhabs nas rim pas 'dus te tA~M la thim/__de gyen rdzogs nA da'i bar bsdus nas shin tu phra ba la sems bzung /__de yang mi dmigs pa 'od gsal gyi ngang du bzhag/__slar yang skad cig gis zung 'jug gi skur ldang la 'bru gsum brjod pas sgo gsum rdo rje gsum du rgyas gdab/__rang dang snang ba thams cad 'phags ma'i sku/__grags pa gsung /__dran rtog thugs te khyer so gsum dang mi 'bral ba dang /__dge bsngo dang /__shis brjod ji ltar rigs pas mtshams sbyar te spyod lam la 'jug go__/'di'i sbyang bya byis pa lang tsho rdzogs nas 'chi ba slar yang 'byung ba ste/__rten dang brten pa rim gyis sdud pas phyi nang gi thim rim dang 'chi ba 'od gsal chos sku mtshon/__de las lhar ldang bas bar srid dang rnam pa mthun/__spyod byed bsdu ldang gi rim pas/__sbyangs 'bras gzugs sku'i snang cha ni chos sku'i phrin las dang /__chos sku'i ye shes kyang dbyings kyi ngo bo yin pas der thim pa dang /__de las phyir gsal gzugs sku'i snang ba rgyun mi chad pas 'gro ba'i don byed pa'o/__/gsum pa thugs rdzogs rim de kho na nyid kyi khrid rim mdo tsam smos pa ni/__gong du bskyed rim 'od gsal du bsdu ba dang /__slar ldang bas rtag chad kyi mtha' bsal zhing de'i ngang nas rdzogs rim mtshan med kyi rnal 'byor mdor bsdu na/__sgrol ma'i zab tig las/__rang byung rig pa skad cig ma:__bsam gyis mi khyab dbyings su bskyal:__mtshon byed dpe yi ye shes las:__don gyi lhan skyes mngon du 'gyur:__'gyur med dwangs ma gsum ldan gyi:__rdo rje sgrol ma tshe 'dir 'grub:__ces rdo rje'i tshig gis bstan pa dang rjes su mthun par sems gyi rang bzhin gnyug ma de nyid dngos po dang mtshan mar ma grub pas rtag pa rang rgyud du med/__med pa ma yin te 'khor 'das kyi snang ba sna tshogs 'char ba'i gzhi ma 'gags pa gsal rig tsam ma 'gags pas cang med chad pa ma yin de'ang gnyis ka gnyis min gyi mtha' las grol bas 'di zhes mtshan mtshon bsam brjod thams cad las 'das pa ni lta ba dang /__de la bla ma'i man ngag gi gzhi bzung ste gang du'ang mi sems/__ci la yang mi rtog/__gnas lugs de'i ngang du yid dpyod kyi bzo ma bcos pa rang bab nam mkha' lta bu'i ngang du skad cig kyang ma yengs pa rig pa hrig ge ba rang sor bzhag pas rig pa yul med rang gsal du lhag ger gnas pa las mi g.yo ba ni zhi lhag zung 'jug gi bsgom pa/__lta sgom de'i ngang las rjes thob tu chos thams cad sgyu ma lta bu la yid ches bskyed/__stong pa nyid dang snying rje zung du 'jug pas sems can gyi don bya ba dang /__snang spyod thams cad bde chen lhan cig skyes pa'i ye shes kyi grogs su khyer ba ni spyod pa/__de ltar goms par byas pas gzhi'i gnas lugs mngon du gyur te spangs thob med pa don dam pa'i rje btsun 'phags ma shes rab kyi pha rol tu phyin ma'i rang zhal mjal ba ni 'bras bu ste/__dang po tshogs sbyor gyi dus su dpe yi ye shes skye la de goms pas mthong lam la sbyor te don gyi ye shes rtogs nas mthar gyis mi slob pa'i go 'phang la sbyor bar byed do/__/de lta bu'i lta sgom spyod 'bras bzhi po tshad du phyin par brtson dgos so/__/de ltar bskyed rdzogs kyi nges pa'ang /__'dus pa phyi ma las/__sangs rgyas rnams kyi chos bstan pa/__/rim pa gnyis la yang dag gnas/__/bskyed pa yi ni rim pa dang /__/rdzogs pa yi ni rim pa'o/__/zhes gsungs pa ltar snod bcud tha mal gyi snang zhen sbyong ba bskyed pa'i rim pa dang /__rlung sems mi shigs pa'i thig ler rtsol med ngang gis 'ching nas rnam pa thams cad kyi mchog dang ldan pa'i sku 'grub byed mtshan med rdzogs pa'i rim pa bcas re zhig bshad zin to/__/slar yang smras pa/__'chi med sgrub pa'i lam zab grangs med kyi/__/dbus na lhun po ltar 'phags bcom ldan 'das/__/'phags ma sgrol ma yid bzhin 'khor lo zhes/__/rig 'dzin bye ba 'bum gyis bsnyen pa'i lha/__/gang de'i sgrub thabs slob dpon rnam gsum gyi/__/dgongs nyams bcud bsdus 'phags ma'i thugs tig gi__/nges rdzogs phyag rgya gcig pa'i rnal 'byor dang /__/rjes 'brel zab mo'i khrid kyi rim pa 'di/__/kun mkhyen bla ma'i zhal lung bdud rtsi dang /__/mkhas grub gong ma'i gsung ltar bkral ba las/__/rang bzo'i tshig gi nyes pa 'dir med kyang /__/rmongs pa'i dri mas gos na bzod par bgyi/__/'di las byung ba'i dge tshogs ci mchis pa/__/rigs gsum mgon dang sgrol ma'i thugs bskyed bzhin/__/bstan dang 'gro la yongs su bsngos pa yis/__/dus min 'chi ba'i rgyu 'bras mi myong shog/__rim gnyis grub pa'i zas kyi 'tsho ba yis/__/lus ni rdo rje'i stobs ltar brtan pa dang /__/ngag ni bden tshig nus pa'i rtsal 'bar shing /__/dran rtog 'od gsal chen por 'char bar shog/__dpal ldan bla ma'i sku tshe rab brtan cing /__/gsung gsang chos kyi sgra dbyangs rgyun mi chad/__/mkhyen gnyis thugs kyi me long sgrib bral du/__/bzhugs nas bstan 'gro'i don rab sgrub par shog/__skye ba kun tu chos kyi bshes gnyen ches/__/rjes su gzung nas chos kyi bdud rtsi nod/__/rje btsun bla ma mnyes par byed pa dang /__/gang gi phrin las sgrub la mi ngal shog/__ston dang bstan 'dzin dar rgyas sbyin bdag rnams/__/chos bzhin spyod cing tshe ring dpal 'byor 'phel/__/'chi bdag bdud kyi dgra las rnam rgyal ba'i/__/yid bzhin 'khor lo'i gsang gsum 'grub gyur cig/__bkra shis gang zhig 'chi med mchog sbyin gyi/__/bdud rtsi'i rgyun bzang spyi bor lud pa yi/__/'chi med rdo rje'i srog gi dpal thob nas/__/grub pa mchog gi rgyal sar 'dzegs gyur cig/__ces 'chi med 'phags ma'i thugs tig gi rgyun gyi rnal 'byor phyag rgya gcig pa dang 'brel ba'i lta khrid 'di'ang 7rje gter chen bla ma pad+ma 'od gsal mdo sngags gling pas bdag cag gi dpal ldan bla ma kun mkhyen si tu rin po cher stsal ba de yi zhal snga nas khrid lung nos te 'jam dbyangs blo gros rgya mtshos rgyal zla'i tshes gsum la rdzogs par bris pa 'dis kyang 'gro kun 'chi bdag gi g.yul las rgyal ba dang /__bstan 'dzin skyes mchog rnams zhabs pad bskal brgyar brtan pa'i rgyur gyur cig/__mang+ga laM//___// na mo gu ra be/__byin brlab mchog stsol bla ma dang /__/dngos grub dpal ster yi dam lhas/__/mchog thun dngos grub stsol ba dang /__/dpa' bo mkha' 'gros shis pa stsol/__/de la 'dir bka' babs bdun ldan pad+ma 'od gsal mdo sngags gling pas zab mo dgongs pa'i gter mdzod las phyung ba'i rgyud lung man ngag bcud dril sku gsum bla ma'i rnal 'byor gyi zin thun dmigs khrid nyung ngur 'god pa la/__nges 'byung gis sna drangs pa'i blo ldog rnam bzhi rgyud la ci 'byongs dang /__byams snying rje byang chub kyi sems rin po cher blo sbyong ba rnams shugs drag tu sgom/__rlung ro dgu phrugs phyag len ltar bus la bde ba'i stan la lus sems rnal phab ste rang nyid gnas pa'i sa phyogs dag pa'i zhing khams rgya khyon tshad las 'das par gsal ba'i mdun gyi nam mkhar sna tshogs pad+ma'i gdan yangs shing rgya che ba'i steng du zla ba nya gang ba'i dbus su drin can rtsa ba'i bla ma o rgyan rdo rje 'chang yum mtsho rgyal dkar mos 'khril ba dar dang rin chen rus pa'i rgyan gyis spras pa sku mdog mthing gsal khro 'dzum rdor dril 'dzin pa zhabs skyil skrung du bzhugs pa de nyid skyabs gnas kun 'dus nor bu lugs su sgom pa dang tshe 'di'i pha ma dgra gnyen rnams kyis gtsos byas mkha' khyab kyi sems can thams cad khrom 'tshogs pa lta bur 'khod pas rang dang lhan cig tu sgo gsum 'dun pa gcig dril gyis skyabs 'gro dang /__sems can thams cad pha ma yin par shes pa'i sgo nas skyes bu chen po'i blos smon pa dang 'jug pa'i byang chub mchog tu sems bskyed pa stabs cig tu blangs ba sogs khrid gzhung gzhan nas 'byung ba la go don zhib mor blangs te grangs ci mang dang /__/mthar skyabs yul rnams kyi sku las 'od zer 'phros/__rang gzhan rnams la thim tshogs rdzogs sgrib pa byang /__sku gnyis kyi sa bon thebs/__skyabs yul rang la thim par bsam la dmigs med kyi ngang du 'jog go__/rdor sems skabs rang gi spyi+i bor mtho gang tsam gyi steng du rdor sems gyi gdan pad+ma/__de'i yu ba tshangs bug tu zug pa/__rtsa ba'i bla ma dang dbyer med pa'i rdor sems gzhung tshig ltar la dar dang rin po che'i rgyan gyis brgyan pa/__thugs kar zla ba leb dkyil gyi steng du hU~M dkar po dngul chu dwangs ba'i mdog can/__de'i mdun gyi mtha' oM nas AHbar yi ge brgya pa sbrul 'khyil du yod pa/__yig brgya gsol 'debs kyi tshul du bzlas pas thugs ka'i sngags phreng g.yas su 'khor ba dang 'od zer spro bsdu/__zla ba sngags phreng dang bcas pa la bdud rtsi'i rgyun babs nad gdon sdig sgrib rnams rnag khrag srog chags dud khu dang sol khu'i rnam pas phyir 'thon/__lus nang rtsa dang bcas pa bdud rtsis dwangs mas gang bar bsam la yi ge brgya pa bzla/__mthar ru tra'i smre bshags sam/__mgon po bdag ni sogs gsol 'debs dang sdig sgrib dag pa'i gnang ba byin nas rang la bstim zhing dmigs med kyi ngang du 'jog/__de yang rten gyi stobs/__rnam par sun 'byin pa'i stobs/__gnyen po kun tu spyod pa'i stobs/__sor chud pa'i stobs te stobs bzhi tshang ba gal che'o/__/bla ma'i rnal 'byor skabs swa b+hA wA'i sngags brjod pas snod bcud thams cad stong nyid btsan thabs su sbyong /__de'i ngang las zhing dang gzhi lus rta mgrin zhal gcig phyag gnyis gri thod thugs dkar steng 'og tu 'dzin pa khro chas spyi ltar la zhabs g.yas bskum g.yon brkyang dor stabs/__rang snang yum phag mo mthing nag pad+ma dang thod khrag 'dzin pa khro mo'i chas kyis brgyan pa/__rang gi spyi bo'i steng bde chen 'khor lo la sprul sku thod phreng rtsal de'i thugs kar pad+ma dkar po 'dab ma shin tu rgyas pa'i ze'u 'brus steng longs sku spyan ras gzigs/__thod phreng rtsal gyi dbu skra ral pa'i thor cog gi gseb tu chos sku snang ba mtha' yas gsal/__de thams cad kyi gnas gsum du oM AHhU~M gsum gyis mtshan pa/__de thams cad kyang snang stong zung 'jug re re yang skyabs gnas kun 'dus gdan gsum tshang ba re gsal btab/__de kun la rnam pa gsal ba/__rnam dag dran pa/__nga rgyal brtan pa sogs bskyed rim gyi bya ba spyi ltar bsgom/__de nas ye shes pa spyan 'dren pa'i skabs sku gsum gyi zhing nas bsgom pa dang 'dra ba dpag tu med pa spyan drangs nas yang yang bstim/__tshig bdun sngags dang bcas pa lan gsum mam bdun bya/__tshogs bsags sdom bzung gi skabs yan lag bdun pa dmigs rim zhib cha gzhung gzhan nas 'byung ba ltar ro/__/maN+Dal gyi rgyu tshogs dngos gtsang ba dang /__snying rje byang chub kyi sems dang mi 'bral ba'i brdar/__'bru la dri bzang gis chus brlan pa gal che/__ngag 'don tshom bu so bdun ma spyi ltar dang /__bsdu na gzhung nas 'byung ba ltar la/__sprul sku'i maN+Dal lus longs spyod dus gsum dge tshogs dang bcas pa/__rnam pa stong gsum 'jig rten bye ba phrag brgyar sprul ste 'bul ba dang /__nang rang lus dbang po'i maN+Dal phung lnga rigs lnga'i tshom bu gangs chen mtsho'i zhing dang mnyam par bkod de 'bul ba dang /__gsang ba snang srid gdod nas rnam dag gzhi dbyings ka dag gzhon nu bum sku'i sbubs su thugs rje'i las rtsal snang 'gags pa med pa chos nyid rig rtsal rol pa'i rgyan dbyings snang mtha' yas gdal khyab thig le chen po'i klong du 'bul ba'o/__/gsol 'debs rgyas pa le'u bdun pa dang /__de mthar gzhung gi gsol 'debs tshig rjes don dran bzhin mos gus kyi 'chi ma 'khrugs/__dad pa'i spu long g.yos/__snying khung rus pa'i gting nas gsol 'debs shugs drag po brgya rtsa sogs bya'o/__/'od zer spro bsdu'i skabs dmigs pa gzhung ltar la/__'od zer yar mchod skabs 'od gsal snying tig gi rig 'dzin brgyud pa'i bla ma yi dam sogs thugs mnyes pa'i mchod pa 'bul/__mar spros skabs 'gro ba rigs drug sbyangs/__'od zer tshur 'dus skabs de dag gi thugs rje byin brlab nus mthu thams cad gnas gsum du thim par bsgom/__sku phyag rgya la sku gsum so so'i sku dang /__gsungs dbyangs gsal sku gsum gyi snying po rnams rgya bod kyi yig ge/__brda yig bcas kyi rnam pa dang /__thugs rigs lnga'i phyag mtshan dang /__gzhan yang kha T+wA~M/__gri gug/__thod khrag sogs dpag tu med pa gsal ba'o/__/gsol 'debs kyi bsnyen pa so so'i snying po re re bzhin brgya stong ci nus su bzla/__gong du smos pa ltar gyi dmigs pa dang /__bla ma sku gsum las dbang bzhi blangs pa'i dmigs pa yang yang du bya'o/__/lha la sems 'dzin pa bsnyen pa/__gsol 'debs bya ba nye bsnyen/__'od zer spro bsdu'i sgrub pa/__gsang ba gsum gyis byin bsdu ba bsgrub pa chen po ste bsnyen bsgrub yan lag bzhi'i sgrom du tshud pa'o/__/tshe sgrub skabs tshe bcud thams cad 'ja' 'od zer thig a nr-IHhrIHgsum gyi rnam pas bsdu zhing /__de yang brnab sems gyis dbang gis ma byin pa len pa lta bu'i dmigs pa ni bya mi rung ngo /__/tshe'i bzlas pa bya ba na 'jam rlung bum pa can bzung bzhin du thog mar rdor bzlas dang /__de nas yid bzlas/__ngag bzlas sogs bya'o/__/lam dbang blangs skabs chos sku'i bla ma brgyud par bcas pa bdud rtsi dmar po'i rnam pa dang /__sprul sku rdo rje thod phreng rtsal bdud rtsi sngon po/__spyan ras gzigs 'od du zhu ba bdud rtsi dkar po'i rnam pas 'od du zhu ba bdud rtsi dkar dmar sngo gsum gyi chu rgyun gcig tu 'dres pas smin mtshams yan chad gang bum dbang /__mgrin pa yan chad gang gsang dbang /__snying ga yan chad gang sher dbang /__lus kyi nang thams cad gang dbang bzhi pa thob/__sgo gsum dang shin tu phra ba snyoms 'jug 'pho ba'i sgrib pa dag/__sku gsum dang ngo bo nyid sku thob pa'i sa bon rgyud la bzhag/__mthar thug bla ma lha dang rang sems dbyer med du bsres pa'i rig stong zung 'jug ka dag gting gsal cho?Xsa?X sku?X 'dus ma byas pa'i dbyings chen por lhun grub rig gdangs 'od gsal sku dang thig le'i zhing khams tshad med pa'i rnam rol 'gags med longa?Xs spyod rdzogs sku?X dang /__de ltar stong gsal 'gags med zung 'jug shar grol rgya yan 'khor 'das ro mnyam kun khyab rig rtsal thugs rje sprula?X pa'i sku?X ste sku gsum po dbyer mi phyed pa da lta gnyug ma'i shes pa ma bcos so ma 'di ga'i ngo bor ye nas lhun gyis rdzogs pa la ye babs cog bzhag chen po'i dgongs pas la bzla bar bya'o/__/de la dbang bzhi'i lam dang sbyar ba'i 'gros ni gzhung ltar la lha la sems 'dzin pa bum dbang /__rlung bum can 'khor lo bzhir gnad du bsnun pa gsang dbang /__dga' ba mchog dga' dga' bral/__lhan cig skyes dga'i ye shes rgyud la skyes par bsam pa sher dbang /__rig stong chos sku'i rang zhal blta ba dbang bzhi pa'o/__/gzhi lus rtsa ba'i yi dam lha yi bzlas pa byas pa'i skabs rta mgrin gyi thugs kar zla ba 'og nyi ma steng du gnas pa'i dbus su hrIHdmar po/__de mthar sngags phreng bye ru'i phreng ba lta bu g.yas bskor dang /__dang por sngags phreng brtan cing gsal snang 'don pa bsnyen pa/__brtan pa mthar phyin pa nye bsnyen/__'od zer spro bsdur bsgrub pa/__snang grags rig gsum lha sngags chos sku'i rang rtsal du shar ba bsgrub pa chen po'o/__/yab yum gnyis ka'i dpral ba nas rim bzhin rdo rje dpa' dkar bo dang /__mkha' 'gro/__mgrin pa nas rat+na ser dpa' bo dang mkha' 'gro/__snying gar pad+ma dmar mkha' 'gro yab yum/__lte ba nas las kyi mkha' ljang 'gro yab yum dpag med spros pas las bzhi gang 'dod pa sgrub cing /__de thams cad kyang snang sems dbyer med 'od gsal chen po'i sbubs su tshud pa dang /__las sbyor sngags kyang cung zad bzla/__thun bsdu ba na snod bcud thams cad 'od sngon po'i rnam pas zhu zhing rang la thim pa dang /__rang rta mgrin du gsal ba yang stod smad nas rim bzhin 'od du zhu thugs srog la bsdu/__de yang mi dmigs pa 'od gsal stong pa nyid kyi ngang du rgyun ring du mnyam par bzhag go__/thun de las ldang ba na snod bcud thams cad lha sngags ye shes kyi rol pa chen po'i ngang du dus 'da' zhing /__spyod lam la 'jug pa'i tshe yang tha mal gyi snang zhen spangs zhing tshogs drug gi lam khyer dang ma bral bar bya/__nyal dus 'od gsal bzung ba dang /__tho rangs 'od gsal las ldang ba'i tshul rnams gzhung ltar nyams su chu bo'i rgyun bzhin blangs pas tshe 'di la grol ba dang /__dbang 'bring 'chi khar grol ba 'da' kha ma'i rnal 'byor/__dbang po tha ma srid pa bar dor grol ba'i gdams pa rnams ni rtsa ba'i gzhung ltar nyams su blangs pas bcu gsum rdo rje 'dzin pa'i sa mchog dka' ba med par thob pa ni yang dag pa'i nges pa'o/__/rtsa ba rdo rje'i tshig rkang gi__/dgongs don legs par bshad pa la/__/byis blo'i sgrib pa mchis gyur na/__/bla ma lha dang bcas par bshags/__/'dir 'bad dge ba nyin mor byed pa'i mthus/__/bdag gzhan rmongs pa'i mun pa kun bsal nas/__/yang dag chos kyi snang ba 'od po ches/__/sa gsum 'jig rten kun tu khyab gyur cig/__ces pa'ang dad ldan rnams kyi yang yang bskul pa'i ngor 'jam dbyangs chos kyi blo gros pas spel ba dge legs 'phel//___// @#/__/gsung ngag rin po che'i gdams pa'i bcud dril zab don snang gsum zhes bya ba bzhugs so/__/ bla ma dam pa'i zhabs la phyag 'tshal nas/__/zab don nyams len biR+Wa'i thugs bcud kyi/__/gsung ngag rin chen snang rgyud gdams pa yi/__/bcud phyung bris zhes khyed kyis bskul 'dug kyang /__/nyams len med pa'i tshig gi chu bur gyis/__/rgyud la mi phan tshig dang dpe ltos na/__/sngon byon gong ma'i gsung rab rnams la gzigs/__/'on kyang 'dir yang nyung ngu'i tshul du ni/__/cung zad bri bar bya'o de la yang /__/snang gsum lam gyi gzhi bca' yin pas na/__/ma dag snang bar nges 'byung nan gyis bskyed/__/'dir snang zhen pa dag las bzlog bya zhing /__/khams gsum 'khor ba sdug bsngal can du mthong /__/de la yid smon med pa gal che zhing /__/dkar nag rgyu 'bras blang dor yid ches bskyed/__/rnal 'byor pa la nyams kyi snang ba ste/__/theg pa chen po'i rigs mchog rgyas byed cing /__/byams dang snying rje byang chub sems gnyis bsgom/__/de yang sems can pha mar shes pa dang /__/drin che'i tshul de yang yang legs par bsam/__/de rnams sdug bsngal bsal ba'i thabs la 'bad/__/gzhan don phyin drug spyod la bslab par bya/__/khyad par bdag gzhan brje ba'i blo sbyong bsgom/__/sgo gsum gzhan gyi don du bkol bar bya/__/dam pa gsum gyi nyams len rtag tu 'bad/__/de rnams theg chen thun mong nyams snang yin/__/thun min nyams ni skye bar 'gyur ba ste/__/skye ba'i rgyu mtshan sangs rgyas khams yod phyir/__/du ba las ni me yod dpog pa bzhin/__/rdo rje theg pa'i rten mchog khyad par can/__/rdo rje'i lam gyis sbyangs par byas pa las/__/rdo rje'i nyams snang dpag tu med pa ni/__/skye bar 'gyur la nges shes the tshom bral/__/nyams kyi spros pa lnga gsum bco lngar 'du/__/legs par gtan dbab yid la bzhugs byas na/__/nyams shar dus na rang ngo shes par 'gyur/__/bde bar gshegs la dag pa'i snang ba ste/__/sangs rgyas yon tan bsam gyis mi khyab cing /__/'bras chos rnams la legs par bsam byas na/__/'di 'dra'i go 'phang bla na med pa de/__/bdag kyang sgrub la ngal ba ci zhig yod/__/sangs rgyas rnams ni byang chub sems las byung /__/de ni bdag la'ang rang bzhin gnas pas ste/__/bla ma dam pa'i gdams ngag la brten na/__/bdag kyang bde bar gshegs pa'i 'bras thob snyam/__/blo gzings bstod cing spro ba rgya cher bskyed/__/ma dag nyams kyis 'khor 'das las 'bras la/__/yid ches lam gyi nyams las mthar thugs theg gcig sgrub/__/'bras bu'i nyams kyis mos gus tshad med skye/__/de nas 'khor 'das dbyer med bsgom par bya/__/kun gzhi rgyu rgyud legs par gtan dbab ste/__/lus rtsa rtsa yig khams ni bdud rtsi dang /__/snying po ye shes rlung gi rang bzhin la/__/kun gzhi myong rig ma phyed phyogs ma lhung /__/gsal la ma 'gags ngo bo stong pa ste/__/mtshan nyid de rnams ldan pa'i kun gzhi ni/__/me tog dang ni de yi dri bzhin gnas/__/de la 'khor 'das legs par tshang tshul brtsi/__/sems la tshang ba de bzhin lus la tshang /__/lus la tshang ba de bzhin sems la'ang tshang /__/des na thabs kyis zin dang ma zin gyis/__/'khor dang mya ngan 'das pa gnyis su 'gyur/__/don la 'khor ba rang bzhin gyis dag phyir/__/'khor 'das dbyer med ces bya brjod pa yin/__/'khor ba'i chos rnams sems kyi mtshan nyid la/__/lam gyi chos rnams yon tan tshul gyis tshang /__/'bras bu'i chos ni nus mthu 'byung rung gnas/__/sems ni khams gsum sgro btags can yid dang /__/de yi rang bzhin gdod nas stong par gnas/__/ngo bo gsal dang stong pa zung 'jug ste/__/de yi rang bzhin dbang dus ngo sprod bya/__/'di ma rtogs pas khams gsum 'khor bar 'khrul/__/'di don rig na sangs rgyas gam na gnas/__/pha rol phyin pas don spyi'i tshul du go__/sngags kyi dbang dus ye shes mngon sum 'char/__/de nyid thabs rgyud lam gyis goms byas pas/__/dbang bzhi'i rtogs pa gong nas gong du 'phel/__/rgyu lam 'bras bu'i lhan skyes sgro 'dogs gcod/__/nyams su blang ba'i gnad gsum legs par bsgom/__/rgyud gsum don la go ba chags pa gces/__/de yang dang por rgyu lam dbang bskur nos/__/lam gyi dbang la thun bzhir brtson pa dang /__/bskyed pa kha dog phyag mtshan la sogs pa/__/re re'ang 'khor 'das dbyer med ngang du bsre/__/gdan gsum rdo rje'i bdag nyid du bsgoms pas/__/lus ni he ru ka yi dal du 'gyur/__/de nas lus sbyong rlung sbyor bdun dag dang /__/gtum mo'i dmigs pa bco brgyad spel zhing bsgom/__/bogs 'byin brgyad kyis bogs dbyung gdams ngag drug/__legs par bsgoms pas khams 'dus dang po'i tshe/__/srung ba sum cu la sogs gegs sel bsten/__/de nas dngos dang ye shes phyag rgyar brten/__/khams 'dus bar pa thig le bde stong gi__/nyams kyi lam khrid snang ba bde stong 'char/__/de nas rdo rje'i rba rlabs bsgoms pa las/__/'dus pa tha ma skyon med gnyug ma yi/__/ye shes mchog gi lam gyis khrid pa ste/__/'di rnams rim gyis bkri ba'i khrid tshul te/__/kha gcig dang po nyid nas lta ba skyong /__/phal cher bskyed rim gtso bor 'don pa dang /__/cung zad brtan nas rlung sbyangs gtsor byed sogs/__/gang zag blo yi rim pas nges med kyang /__/kun la'ang blta ba kho na gtso che yin/__/de kun snying po lam dus 'di kho na/__/'di la snang rgyud lam rim thams cad dang /__/dbang bzhi'i mngon rtogs stan thog gcig tu bsgom/__/legs par shes shing bsgoms na 'gros bzhi thim/__/sku bzhi mngon du 'gyur la som nyi bral/__/don gnad mthar thug snying por dril byas na/__/thams cad mkhyen dngos dkon mchog lhun grub kyis/__/snang stong sgyu mas mtshon pa'i 'khor ba yi/__/rang bzhin gdod nas ma grub myang 'das te/__/'khor ba med pas myang 'das yod min ba'i/__/dbyer med tshul 'di zab mo dbu ma'i lam/__/yod med phyogs su ma lhung lta ba'i gnad/__/'dzin med zung du 'jug pa sgom pa'i gnad/__/zhen med sgyu ma lta bu spyod pa'i gnad/__/gnad gsum ldan 'di sa skya'i bzhed gzhung yin/__/zhes gsungs de la nges shes bskyed byas nas/__/nyams len thams cad de yis khog dbub bya/__/snang ba thams cad rang sems yin par go__/sems snang thams cad sgyu mar shes pa dang /__/de yang rang bzhin med pa brjod bral du/__/sgrub pa'i dpe don dag la nges bskyed nas/__/bskyed rdzogs chos rnams shin tu rnam dag 'gyur/__/lta ba'i srog bral 'dzin zhen sgom pa rnams/__/ji ltar bzang yang srid pa'i sgo mi 'gag/__thar mchog sku bzhi'i rgyal sar gshegs pa la/__/shin tu bul bas de phyir lta ba la/__/shin tu nan tan chen pos 'bad par bya/__/deng sang slob bshad shin tu 'phel che yang /__/slob bshad phal cher tshogs bshad tsam du song /__/'di la bsam na snying rlung shin tu ldang /__/rje btsun bla ma mi mngon dbyings su gshegs/__/snyan brgyud bstan pa dgun gyi chu bzhin bri/__/rtog ge mu cor smra rnams ci dgar sgrogs/__/'di 'dra mthong bas shin tu skyo ba 'phel/__/bdag ni ma sbyangs ma bsgom shin tu blun/__/'on kyang gsung ngag gdams pa yid ches thob/__/mdo sngags rgyud lung man ngag zab mo dang /__gsar rnying mkhas grub kun gyi bzhed gzhung gi__/zab don gnas la'ang go ba cung zad skyes/__/'di ko rgyal dbang pad+ma ka ra sogs/__/snga 'gyur rig 'dzin brgyud pa'i thugs rje dang /__/rdo rje 'chang dbang mi yi gzugs 'dzin pa/__/sa dkar skya bo'i rje btsun gong ma rnams/__/mi 'bral snying gi dbus su bkod byas pas/__/bdag gi snying la snang ba cung zad thob/__/de ltar gdams pa nyung ngu bkod 'di yis/__/'chi med bstan 'dzin rtog ge'i rgyar grol nas/__/gnas skabs mthar thug phan bde'i dpal spyod de/__/'di dang phyi ma'i don chen 'grub par shog/__dge ba 'di yis mtha' yas sems can rnams/__/rdo rje 'dzin rgyal go 'phang mchog brnyes te/__/srid mtshor gnas pa'i sems can ma lus pa/__/rdo rje theg pa'i lam gyis grol bar shog/__/ces pa'ang chos blo gros pas bris pa dge legs su gyur cig/__//__ @#/__/gsung ngag rin po che las 'phros pa'i zab mo'i de kho na nyid kyi ye shes mdo tsam ston pa'i zin bris bla ma'i zhal lung bzhugs so/__/ bla ma la phyag 'tshal lo/__/'dir gsung ngag rin po che lam 'bras bu dang bcas pa'i sgo nas gdul bya rnams dkri ba la/__thog mar snang ba gsum lam gyi gzhi bca' ltar khrid sbyong byas/__de nas dbang gis rgyud smin par byas/__dam tshig sdom pa'i rnam dbye khong du chud de bsnyen bsgrub la 'bad/__bla ma las 'khor 'das dbyer med kyi khrid zhus te/__'khor 'das gnyis kyi snang ba sems su thag chod/__de yang gcig dang tha dad lhan cig dmigs nges kyi rtags sogs thun mong gi rig pa la ma ltos par rang gi nyams myong gi rnam rtog kha yan du ma shor ba bskyang tshe 'khrul snang gdugs nam mkha' la 'phyar ba'i grib ma dang 'dra ba'i 'khrul rtog thams cad sems snang su shes thag chod par 'gyur ba ste/__rje dkon mchog lhun grub kyis/__gzugs brnyan la byad bzhin du zhen pa ltar sdug pa la 'dod chags skye/__grib ma la 'drer 'dzin pa bzhin mi sdug pa la zhe sdang skye/__zhes gsungs pa ltar shes dgos/__sems de'ang sgyu ma rang bzhin med par yid ches rnyed par bya/__thos bsam go yul gyi lta ba'i rtsi dang ma bral ba rim gnyis sgom pa la zhugs/__de'ang bka' srol 'di'i dbang lam du bya ba lus dkyil gsal btab nas thun bzhir dbang bzhi blang nas bsgom pa 'di yin/__de'ang dbang bzhi ngo sprod las/__bskyed pa'i rim pa'i ye shes kyis/__/snang ba'i dngos po byin gyis rlobs/__/rang byung ye shes byin rlabs kyi/__/sems nyid rig par byin gyis brlabs/__/lhan cig skyes pa'i ye shes kyis/__/lus la bde bar byin gyis brlabs/__/ngag pa bde stong chen po yi/__/thams cad byin gyis brlabs pa yin/__/zhes gsungs pa ltar stan thog gcig tu dbang bzhi'i lam bzhi bsgoms pas lta ba bzhi rgyud la skyes nas/__rim gyis dbang bzhi pa'i ye shes ngo 'phrod de/__grub mtha' snyogs pa yin la/__de'ang bum dbang snang stong zung 'jug la ngo bo nyid gsum dang /__gsang dbang gsal stong zung 'jug la rang byung bzhi dang /__gsum pa la bde stong zung 'jug la dga' ba bzhi/__bzhi pa la'ang de bzhin du yod pa las/__rnal 'byor pa'i rgyud la tha mal 'phro rgod dug lnga'i rtog pa dang /__snang stong gsal stong bde stong zung 'jug gsum la sogs nyams bzang ngan gang shar yang byung rgyal du gtong gsungs pa/__nyams gang byung la re dog dang rtsis gdab mi byed par rgyu dus kyi lta ba'i ngang ma shor bar bskyangs thub dgos/__spyir dbang bzhi pa'i ye shes ngo sprod de tshe 'dir grub mtha' snyogs pa la sngon gyi las 'phro dang /__bla ma la sangs rgyas dngos su mthong ba'i mos gus dang /__drag la rgyun mi 'chad pa'i brtson 'grus gsum ka 'dzom dgos par gsungs pas/__bla ma la mos gus bskyed pa gal che/__bla ma la sangs rgyas dngos kyi 'du shes skye na bla ma dang yi dam tha dad du mi 'chor/__de'ang lta ba'i dbang gi rang sems las logs na med par go na rang sems sangs rgyas su ngo shes pa 'ong /__de'i ngang nas dge sbyor byas tshe lam thams cad bla ma'i rnal 'byor dang /__snang srid thams cad bla ma'i rol par 'char ba zhig 'byung ba yin pas/__de lta bu'i mos gus kyi nye rgyu byas nas bla ma dang thugs yid dbyer med du 'dres te phyag rgya chen po dbang bzhi'i ye shes mngon du gyur pa yin te/__kho bos byas pa'i lam rim smon lam las dri med sems kyi chos nyid byang chub sems/__/blo dang tshig gis ma bcos gdod ma'i gshis/__/stong gsal phyogs ris bral ba'i bla ma las/__/nam yang g.yo ba med par byin gyis rlobs/__/zhes pa ltar rnam thar sgo gsum 'dus ma byas pa'i dbyings mngon du gyur nas grub mtha' snyogs pa yin no/__/de lta bu'i chos sku mngon du gyur na chos rje sa paN gyis/__chos kyi dbyings kyi pho brang du/__/rgyal ba rnams la chos skur snang /__/zhes gsungs pa ltar sangs rgyas rnams dang dgongs pa dbyer med du gyur/__/stug po bkod pa'i zhing khams su/__/rgyal sras rnams la longs skur snang /__/zhes sogs pa ltar gdul bya mchog dman rnams la gzugs sku'i snang ba 'khor ba ma stongs gi bar rgyun mi 'chad par snang nas 'gro ba'i don mdzad pa yin no/__/dbang bzhi pa'i ye shes kyi ngo bo ston byed rgyud las gsungs pa shin tu mang zhing /__rje sa paN gyi phyag chen mig thur las/__yod dang med pa la sogs pa/__/dngos po'i gnas lugs de la med/__/bsgom bya sgom byed la sogs pa/__/bsgom par bya ba yod ma yin/__/sems la ngo bo ma grub pa'i/__/sems kyi ngo sprod ga la yod/__/ces sogs dang /__rtogs rgyu med pa'i don rtogs na/__/grol rgyu med pa'i sems nyid grol/__/zhes dang /__rje btsun gyis/__dbu ma sems tsam la sogs pa/__/tshig tu brjod pa spros pa yin/__/yid la bsam pa rnam rtog yin/__/rang bzhin brjod med bsam med yin/__/zhes sogs shin tu mang ngo /__/de'ang bla ma la skyabs gnas kun 'dus su shes nas mos gus kyi gsol ba 'debs pa sangs rgyas kun 'dus phyi yi bla ma dang /__bla ma la mos gus kyis dran bzhin pa'i sems kyi gsal cha de sems nyid 'od gsal nang gi bla ma yin/__sems kyi gsal cha de bcas bcos dgag sgrub ma shor bar dbyings rig bsres nas mnyam par 'jog thub na thugs yid dbyer med 'dres nas rtog pa nang nas 'char ba yin no/__/lam dus kyi dbang bzhi pa'i sku bzhi ngo sprod/__sems kyi gshis ci yang ma grub pa chos sku/__gdangs bde chen su ma 'gags pa longs sku/__rtsal lha skur 'char ba sprul sku/__/de gsum dbyer mi phyed pa bsgom bya sgom byed dang bral ba ngo bo nyid kyi skur ngo sprad pa yin/__bla ma dang thugs yid dbyer med bsres nas mnyam par 'jog tshe/__gshis cir yang ma grub pa'i stong nyid chos sku/__gdangs gang du'ang ma 'gags pa'i phyogs ris dang bral ba'i gsal cha longs sku/__rtsal mos gus su dung nge ba sprul sku/__bsgom bya sgom byed dang bral ba ngo bo nyid skur 'jog pa yin pas snga ma la bde ba lam du khyer ba dang /__phyi ma la mos gus lam du khyer ba yin cing /__mdor na bla ma'i byin rlabs zhugs na chos can gyi snang ba gang snang thams cad lam du khyer shes na phyag rgya chen po rtogs pa'i nye rgyur 'gro ba yin no/__/ces pa'ang sde gzhung mchog sprul rin po cher nan gyis zhus te/__rje de nyid kyis gsung rim bzhin du rgyal ba lha las bab pa'i dus bzang por chos kyi blo gros pas bris pa 'dis kyang snyan brgyud zab mo'i bstan pa rgyas pa'i rgyur gyur cig/__sarba dA mang+ga laM//___// @#/__sopadeshamekadik+ShaMgr-ihabiharatisma/__ @#/__zhal gdams skor phyogs bsdus bzhugs so/__/ bla ma'i zhabs la phyag btsal nas/__/dal dang 'byor pa'i rten bzang 'di/__/da res tsam las thob par dka'/__/mi tshe nyi ma sos dal du/__/mdo med stong log mi byed pa/__/dam chos sgrub la brtson par zhu/__/tshe ni mi rtag skad cig gis/__/'dzad par 'gyur la dge sdig gi__/las bsags phyi bzhin 'brang bas na/__/rgyu 'bras spangs blang bya ba dang /__/'khor ba'i sdug bsngal dran par gyis/__/chos kun sngon du sems bskyed dang /__/dngos gzhi dge ba gang bsags pa/__/dmigs med 'dzin bral ngang du bzhag/__'khor gsum dag pa'i bsngo ba yis/__/rgyas 'debs smon lam rnam dag thob/__/dus kun dran dang shes bzhin gyis/__/rang gi sems 'di bsrung ba dang /__/chos kyi rtsa ba byang chub sems/__/rang 'dod 'khri ba kun thongs la/__/gzhan phan dang du blang ba gces/__/nyes kun rtsa ba bdag 'dzin gyi/__/'dre chen 'di yis phung bas na/__/chos kun 'di yi thog tu spungs/__/'gong po rtsad nas brlags par rem/__/byin rlabs dngos grub rtsa ba ni/__/dpal mgon bla mar rag las pas/__/dad dang dam tshig gzhi bzung pas/__/mos gus bskyed na byin brlab 'jug/__de med dngos grub shin tu phra/__/de phyir bla ma sgrub par brtson/__/rang gi sems 'di yongs su 'dul/__/bstan pa'i snying po nges don gyi/__/rig stong 'od gsal rdzogs pa che'i/__/nyams len gnad du khel ba dang /__/snga 'gyur bstan la sgo gsum gyi/__/bstan pa'i bya ba ci nus sgrubs/__/rong klong mnga' ris paN chen dang /__/smin gter 'jigs gling mi pham sogs/__/rig 'dzin brgyud pa'i bzhed gzhung la/__/rtog ge'i ngan skyag dri ma yi/__/bslad min dri bral rang gzhung rnams/__/bshad dang sgrub pas dar rgyas smon/__/de skad myang gi gdung brgyud ni/__/gzhi chen rgyal sras kun nyi yi/__/bzhed ngor chos kyi blo gros pas/__/gang shar nyid du bris pa dge/__//__!zhal gdams dgos gsungs pa/__skyabs dam pa rtsa ba'i bla ma mkhyen/__/mi nga la zhal gdams ma mchis kyang /__/rje gong ma rnams kyi zhal lung la/__/srid 'khor ba 'di las nges 'byung thabs/__/blo ldog pa rnam bzhi'i blo sbyongs mdzod/__/las dkar nag che phra bsags pa kun/__/chud mi za dus su smin pas na/__/rgyu dge sdig spangs blang ma nor bya/__/chos kun gyi srog shing byang chub sems/__/tshad med pa bzhi dang bdag gzhan gyi/__/sdug bsngal dang bde ba brje ba de/__/dus yang nas yang du sgom par zhu/__/gzhi bde gshegs snying po rtogs pa la/__/sgrib sbyangs dang tshogs bsags rgyun du 'bad/__/lam zab mo bla ma'i rnal 'byor la/__/dad mos dang dam tshig gtsang mas sgom/__/bla ma de rang sems yin par go__/sems 'khrul rtog skye med du shes na/__/don gnas lugs rig pa gcer bur bud/__/de sku gsum 'du 'bral med pa yi/__/gsal rig dang stong pa dbyer mi phyed/__/gnas 'gyu dang rig pa mnyam par zhog/__re dogs dang dgag sgrub kun dor la/__/gzhi ma bcos spros dang bral ba la/__/lam 'dzin med sgom med ngang du bzhag/__'bras phyag rdzogs chos sku'i rang zhal mjal/__/khams gsum gyi grong khyer stong par 'gyur/__/tshig de skad dpag bsam rgya mtsho'i ngor/__/mdo med kyi dred po snyoms las pa/__/chos kyi blo gros zhes byas phul/__/dge 'di yis byang chub mchog thob shog/__/__!__oM swasti/__/skyabs kyi mchog gyur bla ma rje'i/__/zhabs mthil spyi bo'i rgyan du bkod/__/bstan 'dzin skyes mchog khyed nyid kyi/__/nyams bzhes gnad bsdus 'bri dgos pa'i/__/bka' lung phebs kyang bdag rang la/__/nyams len gding khel ma mchis stabs/__/thugs bskyed 'don 'os mi 'dug kyang /__/dam pa'i zhal lung cung zad bri/__/yid dpyod sems kyi khang bu bshig/__gzhi med rtsa bral gtan 'bebs nas/__/blo 'das chos sku'i rig pa ni/__/ngo bo med cing ngos bzung bral/__/gtad med zang thal bcing grol dang /__/yod med rtag chad la sogs pa/__/mi gnas mi dmigs rig pa 'di/__/stong pa phyang chad ma yin pa/__/sku gsum lhun gyis rdzogs pa che/__/'od gsal snying po'i bdag nyid can/__/gzhir gnas chos sku chen po la/__/rang bzhin bab kyis bzhag pa las/__/bcos ma'i lam gyis dgos pa med/__/bskyed dang rdzogs pa thams cad kyang /__/'di yi ngang las ma g.yos na/__/'di yin 'di las gzhan du med/__/'on kyang dang po'i las can gyi/__/yengs pa phyal bar ma shor ba/__/ngang gnas dran pas rig pa skyongs/__/mthar ni dran pa dbyings su thim/__/khyab brdal nam mkha'i 'khor yug la/__/dran pas bzung dang ma bzung med/__/dag dang ma dag rtsal snang kun/__/thugs rje rig pa'i rtsal shar la/__/dgag sgrub spro bsdu bral bar bzhag/__lta ba ri bo ltar brtan zhing /__/sgom pa rgya mtsho mi g.yo zhing /__/spyod pa snang ba rgya yan dang /__/'bras bu rig pa cog ger bzhag/__tshogs drug snang ba thams cad la/__/sngon bsu rjes dpyod mi bya bar/__/'dzin med rang grol 'gro ba gnad/__/gnas skabs kun tu mos gus dang /__/nges 'byung byams dang snying rje dang /__/byang chub sems mchog sgom pa dang /__/yi dam lha yi bsnyen sgrub gces/__/de ltar gdams pa nyung ngu 'di/__/dam pa mchog gi bzhed ngo ru/__/chos kyi blo gros zhes byas phul/__/dge bas 'khor ba dong sprugs shog/__/rga rje khams dbus sprul sku la gnang pa'o/__/_!_rje bla ma'i zhabs la phyag 'tshal lo/__/bu snod ldan mchog gsum skyabs khyod nyon/__/dad pa dang blo gros rab tu brtan/__/nges 'byung dang skyo shas snying rje ldan/__/khyod 'dra la lam gyi yon tan rnams/__/zla ba bzhin gong 'phel 'gro bar 'gyur/__/nged 'dra ba'i dkor zan rgyal po la/__/byin rlabs dang thugs rje ches phra yang /__/skal ldan gyi slob ma'i shes rgyud kyi/__/me long ni dwangs pa'i ngos yangs par/__/byin rlabs kyi gzugs brnyan 'char bar nges/__/sems gdod nas ka dag stong pa'i dbyings/__/lhun grub kyi 'od gdang rang chas rdzogs/__/rang rig gi rang zhal blta ba la/__/gzung 'dzin gyi dri ma'i skyon dang gral/__/de ma bcos rang bzhag sgom pa dang /__/gang shar gyi spyod par re dogs med/__/cir snang dang gang shar rang sar grol/__/de rdzogs pa chen po'i gdams pa lags/__/tshig de skad chos kyi blo gros pas/__/gang dran shar mar bris pa 'dis/__/nga dang 'phrad par khyad med smon//___//_!_oM swa sti/__dpal ldan bla ma 'jam pa'i rdo rje yi/__/zhabs la btud de gdams pa'i mgrin gsos spel/__/shin tu rnyed dka'i rten 'di da phyin nas/__/thob par dka' bas dal 'byor don yod mdzod/__/tshe ni mi rtag chu yi chu bur 'dra/__/'chi bdag bdud ni dgong kha'i grib so bzhin/__/'khor ba'i sdug bsngal bzod par dka' ba la/__/bsam nas rgyu 'bras spangs blang shin tu gces/__/bla ma mchog gsum skyabs kyi snying por zungs/__/'gro kun pha mar shes pas snying rje sgom/__/tshogs bsags sgrib sbyongs lam la 'bad pa dang /__/bla mar mos gus gsol 'debs rtag tu brtson/__/lus lha ngag sngags sems gyi 'phro 'du kun/__/ye shes chen por lam du khyer ba dang /__/zag bcas zag med dge tshogs 'gro la bsngo/__/smon lam rgyal po bzang spyod 'don la rem/__/sems kyi gnad 'di ma shes gyi nar 'phyan/__/de yang 'khrul pa'i sems kyi rtsar bcad pas/__/lus ngag yid gsum gzhi med rtsa bral du/__/gtan la dbab cing da lta'i rig pa ni/__/rang gsal 'gag med dbyings dang 'du 'bral med/__/gsal rig stong gsum sku gsum dbyer med pa'i/__/rang byung ye shes mtshan ma'i spyod yul bral/__/gzung 'dzin rtog pas ma bslad rang bab zhog/__rnam rtog gang shar gdam nga med par grol/__/de ltar nyams blangs yengs med brtson byas na/__/tshe 'di'am ni bar dor grol ba ste/__/gdod ma'i sa la gtan srid zin par 'gyur/__/de skad smra ba blun rmongs chos blo la/__/dad pa ldan pas bskul ba ma gcog tsam/__/mdor bsdus nyid du phul ba'i dge ba yis/__/sems rgyud grol zhing don gnyis lhun grub shog/__/mang+ga laM//___//_!_sems zhes bya ba mi dran dgu dran byed mkhan 'di yin/__'di'i rang bzhin nam ngo bo la brtags pas byung gnas 'gro gsum rnam rtog skad cig ma re re skye ba ga la yod/__de'ang byung sa byung khungs/__gnas sa gnas mkhan/__'gro ba ste/__'gag mkhan 'gags yul rnams ngo bo ci 'dra 'dug bltas pas/__dngos por grub pa rdul tsam med/__med kyang bzang ngan shes mkhan rig mkhan zhig ma 'gags par yod pa de la sngon bsu rjes dpyod sogs rnam rtog gis bzo bcos mi byed par rang babs su bzhag pas gsal rig stong gsum dbyer mi phyed pa'i gnas lugs brjod pa thams cad dang bral ba zhig rang myong gis shes na de ga'i rgyun bskyang ba la sems ngo blta zer ba yin kyang /__sngon 'gro sgrib sbyong dang /__bla ma la mos gus gting tshugs pas gsol 'debs/__dbang blang la brtson pa gal che ba yin/__sems ngo 'di legs par shes na dgra gnyen chags sdang tshor ba bde sdug sogs la re dogs cher med pa zhig 'byung rgyu yin 'dug/__de 'dra rang gzhan sus kyang rtogs dka' mo red/__sku ngo ma ldog tsam du chos kyi blo gros pas phul//___//_!_a ho ye/__ka dag gi gnas lugs bsam brjod bral/__/yod med kyi mtha' las rab 'das shing /__/med stong ni ma yin rang bzhin gyi/__/'od gsal ba'i rang gdang ngang gi gsal/__/lhun grub kyi snang ba 'od po che/__/sgron ma bzhi'i nyams len la brten nas/__/chos can gyi snang ba nang dbyings su/__/thim la ma rmugs kyi ye shes ngang /__/g.yo med dgongs pa'i btsan sa zin/__/srid gsum dong nas sprugs par shog/__/__!_rje bla ma rnams la phyag 'tshal lo/__/bsam don chos bzhin 'grub par byin gyis rlobs/__/khams gsum gyi 'khor ba'i sdug bsngal la/__/yang yang bsam ste nges 'byung bsgom/__/rnyed dka'i dal 'byor rin chen 'di/__/myur du 'jig par nges pas na/__/snying nas dam pa'i lha chos sgrubs/__/dge mi dge'i las ni ci spyad kyang /__/'bras mi bslu nges par smin pas na/__/rgyu 'bras spang blang ma nor gces/__/skyabs bla ma dkon mchog rnam gsum la/__/yid ches kyi dad pa drag po bskyed/__/ma nam mkha'i mtha' mnyam sems can la/__/phan 'dogs kyi bsam pa bzang po mdzod/__/shes rgyud kyi sdig sgrib ma dag na/__/ye shes kyi snang ba mi 'char bas/__/bsags sbyong gnyis la nan tan mdzod/__/bla ma la mos gus med gyur na/__/mchog thun gyi dngos grub mi thob pas/__/dam tshig ngos lkog med pa yis/__/lam zab mo bla ma'i rnal 'byor brtson/__/gsang sngags kyi dbang bskur thob byas nas/__/yi dam gyi bsnyen sgrub byed pa dang /__/rim gnyis kyi rnal 'byor bsgom pa gces/__/sems ma bcos gnyug ma'i rang bzhin 'di/__/sgrim zhing bsgrims pas slar yang sgrib/__/rang babs su lhod de bzhag pa na/__/rang babs kyi gnas lugs mtha' dbus bral/__/nam mkha' ltar yangs shing stong pa che/__/gzung 'dzin gyi mtshan mas ma gos pa'i/__/rang byung 'od gsal gyi snang ba che/__/mtshan mtshon brjod las 'das pa 'char/__/yengs med bsgom med du skyong ba las/__/'khrul rtog kun rang sar grol bar 'gyur/__/tshig de skad gdams pa nyung ngu 'di/__/dad ldan gyi slob ma o bsam nas/__/ring nas bskul ba'i bzhed skong du/__/mdo med pa'i dred po chos blos bris/__dge'o//___//_!_gdams ngag dmar khrid ni bla ma gong ma'i gsung las 'byung ba rnams gzigs khyab las gsar du ci'ang mi dgos kyang /__zhal ngo mi ldog tsam du 'di ltar/__bla ma'i zhabs la phyag btsal nas/__/'od gsal rdo rje rtse mo yi/__/gdams ngag gnad kyi nying khu ni/__/mos gus lam gyi gzhi 'ding nas/__/'khrul pa'i sems kyi gzhi rtsa bcad/__/gzhi med rtsa ba bral ba yi/__/rig pa gsal stong brjod bral 'di/__/ma bcos rang bab bskyang ba dang /__/gzung 'dzin rtog tshogs rang grol gyi/__/gnad de shes pas 'ching ba med/__/de yi bog 'don phyi nang gi__/nam mkha' gcig tu bsres la gtad/__/'dzin med khyab brdal ngang du bzhag/__nges 'byung snying rje byang sems sgom/__/rgyu 'bras spangs blangs brtson pa gces/__/de skad gdams pa nyung ngu 'di/__/chos kyi blo gros zhes byas phul//___//_!_dpal ldan bla ma'i zhabs pad+mor/__/gus btud gdams pa nyung ngur dbye/__/mi rtag 'chi ba dran pa dang /__/las 'bras blang dor la brtson zhing /__/'khor ba'i nyes dmigs bsam byas te/__/srid las nges 'byung skye ba yi/__/dal 'byor rten 'di don yod pa/__/brtson 'grus drag pos chos la 'bad/__/theg chen lam gyi rtsa ba ni/__/byang chub sems la blo sbyong zhing /__/bdag tu 'dzin pa'i rtog pa bcom/__/sems can don du bkol bar bya/__/rtag par smon lam bzang po gdab/__/rdo rje theg pa'i bla ma la/__/dad mos drag po bskyed pa dang /__/dam tshig shin tu gtsang ba gces/__/mos gus drag pos gsol ba thob/__/dbang blangs thugs yid bsre byas te/__/rang sems 'khrul pa gya gyur 'di'i/__/skye 'gags gnas gsum rtsa bdar chod/__/gzhi rtsa bral bar gtan la dbab/__/skye ba med pa chos kyi sku/__/gnas pa med pa longs spyod rdzogs/__/'gags med rang rtsal sprul pa'i sku/__/sems kyi gshis la lhun gyis grub/__/stong gsal zung 'jug dbyer mi phyed/__/rtog pas ma bslad gzung 'dzin bral/__/ma bcos ma bsgyur rang bab bzhag/__spros mtha' bral ba lta ba'i gnad/__/yengs med 'dzin bral sgom pa'i gnad/__/gang shar rang grol spyod pa'i gnad/__/gzhir rdzogs mngon gyur 'bras bu'i gnad/__/de ltar lta sgom spyod 'bras bzhi/__/dbyer med gcig tu dril ba'i ngang /__/lha bsgom sngags bzlas la sogs pa/__/mnyam par bzhag dang ma bzhag kun/__/'di yi klong du bsre shes na/__/'khor 'das dbyer med don rtogs shing /__/grub mtha' rdzogs nas lam mthar phyin/__/rdo rje 'dzin sa thob par 'gyur/__/de skad bslab pa gsum ldan pa/__/nub bla kun bzang chos 'phel gyis/__gsung gis bskul ngo ma ldog tsam chos kyi blo gros zhes byas bris//___//_!_gdams ngag gnad dril bzhugs so/__/skyabs mtshungs med o rgyan rje la 'dud/__/rten khyad 'phags dal 'byor mi lus 'di/__/rnyed dka' ba da res thob dus 'dir/__/bar ma dor chud zos ma shor ba/__/snying po len pa'i thabs la 'bad/__/chos kun gyi rtsa ba rang gi sems/__/ma brtags na nyams dga' bslu brid mkhas/__/brtags shing dpyad na gzhi rtsa bral/__/byung gnas 'gro gsum gyi ngo bos stong /__/'khor 'das kyi chos kun rang sems ni/__/dag ma dag gi cho 'phrul tsam du zad/__/gshis lugs la 'khor 'das grub pa med/__/gdod ma nas ye stong ka nas dag/__stong pa de phyang chad ma yin pa/__/rang bzhin 'od gsal du lhun gyis grub/__/thugs rje yi rig pa 'char gzhir gnas/__/rig pa la ming 'dogs mtshan ma bral/__/rtsal de las 'khor 'das sna tshogs shar/__/shar sa dang shar mkhan gnyis su med/__/gnyis med kyi ngang der ma bcos zhog/__lus 'gro 'dug bsgul bskyod bral bar bzhag/__ngag rlung gi 'byung 'jug rang bab bzhag/__sems zhen rtog rjes su mi 'brang bzhag/__khongs yangs shing sos dal lhug par bzhag/__skye med chos sku'i rig pa de/__/rkyen gyis ma bskyed rang byung zhing /__/hrig ge so ma ljen ne ba/__/gzung 'dzin gyi rtog pas ma bslad cing /__/yid dpyod kyi go bas ma bslad par/__/rang bab kyi bsam gtan ngang der zhog/__zhog ces bya ba'ang tshig tsam ste/__/don yin lugs la bzhag bya bzhag byed med/__/rig stong chos sku'i rang zhal de/__/dus rtag tu rang ngo yengs med bskyangs/__/'khor ba'i las la zad pa med/__/ji tsam zhig 'bad kyang phyi phyir 'phel/__/dgra gnyen gyi rtog pa je mang 'gro/__/ngan song gi rgyu ni grub nas 'ong /__/de bas na blo sna chos la bsgyur/__/chos dang sgo gsum 'dris byas na/__/thar pa byang chub kyi lam sna zin/__/'chi kha 'gyod pa med pa 'ong /__/tshe 'di dang phyi ma thams cad du/__/bde ba nas bde ba'i lam du 'gro/__/rang nyid la bka' drin che ba yi/__/bla ma dang o rgyan chen po ni/__/dbyer med du spyi gtsug snying gar bsgom/__/mos gus kyi gdung shugs drag po bskyed/__/rkyen bzang ngan skyid sdug ci byung yang /__/pha bla ma rje la gsol ba thob/__/rang sems dang dbyer med bsres te zhog/__nam 'chi ba'i dus na chags sdang spangs/__/rje o rgyan gu ru spyi gtsug sgom/__/rnam shes thig dkar/__le hrIHdmar/__sa mtshan gsal/__/dpal o rgyan chen po'i thugs kar bstim/__/de da lta rgyun du sgom byas na/__/'chi dus su gsal thebs sla bar 'ongs/__/dpal ri'i smon lam gdab par bya/__/mdor na chos kyi nyams len ni/__/'khor ba la zhen pa bcad pa dang /__/'gro drug la byams dang snying rje sgom/__/rang sems 'di yongs su 'dul ba la/__/dus rtag par nyams len mdzad 'tshal lo/__/de skad kyi gdams pa nyung ngu 'di/__/rang rgyud la nyams len ma mchis kyang /__/rje dam pa gong ma'i gsung bzhin du/__/rigs ldan gyi dge ma pad lu yi/__/gsung gis bskul ba ma ldog tsam/__/chos med kyi dred po dkor zan mkhan/__/chos kyi blo gros zhes byas bris//___//_!_zhal gdams phan bde'i 'khri shing zhes bya ba ni/__bla ma dam pa'i zhabs la phyag 'tshal lo/__/phan bde'i 'byung gnas srid zhi kun gyi bdag/__rang rig 'od gsal kun bzang bde ba che/__/ye grol dang po'i sangs rgyas bla ma rjer/__/btud nas gdams pa'i rim pa cung zad dbye/__/grogs dag srid pa'i phun tshogs ji snyed pa/__/mi rtag mi brtan sgyu ma'i rang bzhin dang /__/rmi lam skabs su 'byor rgud snang ba ltar/__/rang bzhin bden med 'jig pa'i ngang tshul soms/__/shin tu thob dka'i dal 'byor rin chen 'di/__/rnyed pa da res tsam yin 'di nyid kyang /__/lus srog g.yo ba chu yi chu bur bzhin/__/nam 'chi cha med soms la blo sna bstungs/__/las kyi bsags pa chu yi gnyer ma bzhin/__/rgyun mi chad pa gar skyes gar gnas kyang /__/chud mi za zhing rang thog smin nges pas/__/rgyu 'bras blang dor 'di la gzab pa gces/__/ma dag 'khor ba'i 'khrul snang rgya re che/__/sdug bsngal brgya phrag mang po'i mtshon gzings shing /__/me yi 'ob dang spu gri'i so mtshungs pa'i/__/'jig rten gsum na bde ba cung zad med/__/mnog chung nyes pa'i sgo mang gnas 'di las/__/myur du thar phyir skyabs su 'gro ba dang /__/bden bzhi rten 'brel don la goms par mdzod/__/bslab pa'i tshul khrims srid pa'i chu lon 'gog/__bstan pa'i rtsa ba so sor thar 'di yin/__/ston pa mchog kyang khyim spang rab tu byung /__/de rjes 'jug phyir de yi tshul la slob/__/de las yon tan dpag med 'phel ba dang /__/ting nge 'dzin dang zag med shes rab sogs/__/tshul khrims phung po 'di las 'byung ba'i phyir/__/dran shes bag yod ldan pas bsrung bar mdzod/__/deng sang thub pa'i bstan pa nyams dma' zhing /__/rang gzhan 'chol bar spyod pas sems 'di skyo/__/'dod la chags pas nyes pa kun gyi sgo/__/sred pa 'di las che ba med phyir na/__/sred srid ma rig gzhom pa'i thabs la brtson/__/theg chen lam gyi gtso bo nges 'byung dang /__/byang sems stong nyid sgom pa 'di gsum yin/__/nges 'byung gzhi thengs 'gro kun pha mar shes/__/byams dang snying rje'i blo sbyong zab mo la/__/rang 'dod phyogs ris med par yang yang sgom/__/bdag gzhan mnyam brje kun rdzob byang chub sems/__/bdag bas gzhan gces rgyud la ma 'byong bar/__/lung rigs man ngag gsum gyis bsgom pa gces/__/rgyu dang mi rgyu'i 'gro ba 'di kun kyang /__/bdag dang phung po rnam rig spros kun gyi/__/bden dang mtshan 'dzin rnams kyis rab stong pa'i/__/gdod nas skye med rab zhi mnyam pa nyid/__/mtshan nyid chad pa'i kun tu btags pa tsam/__/med snang stong pa'i rang gzugs tsam shes nas/__/ji srid gnyis snang yod pa de srid du/__/snang stong sgyu ma'i tshul 'di 'gog pa med/__/de phyir rgyu 'bras med ces ma brjod cig/__mthar thug lta ba'i rtogs pa tshad phebs dus/__/stong dang mi stong zung 'jug la sogs pa/__/tshig tu brjod pa thams cad blo yi chos/__/mkha' ltar dag pa'i gnas lugs zab mo la/__/blo yi spros pa thams cad nyer zhi ba/__/dbu ma chen po'i rang bzhin mngon du gyur/__/de yi gnas lugs ji bzhin mngon byed la/__/rgyu yi theg pa'i lung rigs la brten nas/__/sgro 'dogs bcad pa don spyi'i lta ba tsam/__/rdo rje theg par dbang gi ye shes dang /__/bskyed rdzogs la brtson chu zlar lta ba bzhin/__/dpe yi ye shes mngon du gyur pa las/__/rim gyis don gyi ye shes rtogs par byed/__/mchog tu gsang ba zab mo'i rtse rgyal ni/__/'od gsal rdo rje rtse mo'i theg pa 'dir/__/rang gi sngon sbyangs las 'phro sad pa dang /__/dad dang dam tshig mos gus rnam par dag/__rang bzhin dang ni sbyangs pa'i shes rab can/__/gsang ba'i rgyal po 'di yi snod du gyur/__/sgo gsum 'khrul ba'i ru shan phyed pa dang /__/khyad par sems kyi rtsa gdar legs bcad pas/__/'khrul pa'i brdzun phug thams cad gtib pa dang /__/ye grol rig pa gcer bu mngon sum mthong /__/de la bla ma'i man ngag cog bzhag gi__/chos nyid rig ba'i ngang der 'jog pa na/__/lta sgom spyod 'bras rig pa'i klong du gcig/__bsal bzhag med pa'i klong der bab kyis zhog/__bzhag ces bya ba tshig gi bla dwags tsam/__/phyi nang bar med zang thal rgya yan pa/__/bcing grol las 'das nam mkha' lta bu'i ngang /__/rang bzhin 'od gsal lhun grub 'dus ma byas/__/rgyu dang rkyen gyis ma bskyed rang byung ba/__/dngos mtshan spros pa'i chos las rab tu 'das/__/tshogs brgyad blo yi dri mas ma bslad pa'i/__/'od gsal sems kyi rdo rje'i gnas lugs ni/__/thog mtha' med pa'i kun khyab kun tu bzang /__/rnam dbyer med pa'i zag med yon tan chos/__/ye rdzogs gcig dang du ma las 'das pa'i/__/ngo bo ka dag rang bzhin 'od du gsal/__/thugs rje rig pa'i 'char gzhi ma 'gags pas/__/go phyes 'khor dang mya ngan 'das pa'i chos/__/rtsal dang rol par shar ba ngo shes pas/__/gnyen po gzhan med rang sar grol ba yang /__/bcos bsgyur mi dgos cer gyis grol 'di mtshar/__/ji snyed lam bden bya rtsol bcas pa rnams/__/don med ngal ba tsam du gyur pa'i phyir/__/chos nyid don la rtog pa'i sgrog gis bcings/__/'dir ni bya med rang gshis ngang 'jog pas/__/gzung 'dzin rtog pa'i sprin tshogs dbyings su dengs/__/sgo gsum rgya grol gzhir gnas mngon du gyur/__/sgron ma bzhi po gnad kyi gcun pa las/__/lhun grub snang ba bzhi yi lam rtsal rdzogs/__/gdod ma'i nang dbyings ka dag chen por grol/__/ye shes nang gsal gzhon nu bum sku'i sbubs/__/'bras bu rgyal po'i btsan sa zin pa las/__/slar yang phyir gsal sku dang ye shes kyi/__/mdzad pa phrin las bsam mi khyab pa yis/__/nam mkha' ji srid bar du khyab cing rtag/__de lta'i ye grol rang bzhin rdzogs pa che/__/srid pa gsum gyi grong khyer rgyun gcod cing /__/theg pa kun gyi rtse mor phyin pas na/__/'di yi rang bzhin mthong bas chos kun shes/__/de la rdzogs pa chen po'i rgyud lung dang /__/kun mkhyen bla ma'i gsung gi mdzod khang dang /__/gsang sngags snying thig chen po'i gzhung bzang la/__/dad pas yang yang blta zhing 'dris par mdzod/__/rtog ge'i rig pa ngan skyugs lta bu yis/__/snga 'gyur rgyud lung zab mo'i don rtogs dka'/__/nges pa'i don la sbyor ba'i shes rab ni/__/dri ma med pas yang yang blta bar mdzod/__/de ltar brtse bas legs par 'doms pa yis/__/skal bzang slob ma khyod la phan pa dang /__/don gnyis lhun grub chos kyi rgyal po yi/__/go 'phang thob nas 'gro ba'i don byed shog/__/ces pa'ang g.yag ze tshe dbang 'gyur med nas gsung bskul ngor/__/chos med kyi sprang po btsun 'chal chos kyi blo gros pas bris pa dge'o//___//_!_klu lding zhabs drung la gnang ba'i zhal gdams/__dag pa'i snang ba 'byams klas shing /__/dam pa'i yon tan phul byung ba/__/chos kyi bshes gnyen bla ma rje'i/__/sku yi dkyil 'khor nye drung du/__/gsham du phyag bris gnang 'byor byung /__/chos kun rtsa ba rang gi sems/__/snang ba thams cad rang snang yin/__/med snang sgyu ma dang mtshungs shing /__/sems yang gzung 'dzin rtog pa 'di/__/yod yod 'dra yang don la med/__/rmi lam nang gi skye shi bzhin/__/don la grub pa med do lags/__/thog med dus nas da lta'i bar/__/gnyis snang 'khrul pa 'dis bcing pas/__/gzung 'dzin gnyis bral gnyug ma'i sems/__/bcas bcos ma byed rang gar zhog/__chos dbyings rang bzhin 'od gsal de/__/bde ba chen po rgyun chad med/__/na tsha sdug bsngal de la med/__/des na rang sems 'khrul pa ru/__/ma shor rang sar zin gyur na/__/de ni bla ma yi dam dang /__/chos skyong kun gyi ngo bo yin/__/'khor ba zhes bya spang du med/__/mya ngan 'das pa thob bya med/__/'khor 'das dbyer med de la zer/__/ma rig 'joms pa'i sgron me yin/__/nad gdon kun sel sman chen yin/__/de phyir de la thugs dam mdzod/__/rtog pas bcing na grol dus med/__/rnam rtog thams cad rang shar yin/__/rang grol skye med ngang du thongs/__/de skad gdams pa nyung ngu phul/__/phran la skyabs rten gnang mi dgos dang khyed la skyabs 'jug rtag tu yid la snang 'jog zhu/__zhu 'degs bcas chos kyi blo gros pas phul//___//_!_bla ma'i zhabs la phyag btsal nas/__/gdams ngag bdud rtsi'i thig pa dbye/__/khyod nyid sprul pa'i sku zhes pa/__/las kyis sprul pa ma yin par/__/thugs rje'i yas sprul yin dgos kyang /__/mngal gyis sgrib sogs nongs ldan phyir/__/lam la slob pa shin tu rigs/__/de yang khas blangs tshul khrims kyi/__/sdom pa da lta gnas pa dang /__/slad nas bstan rtsa dge slong gi__/sdom nos mig 'bras bzhin du srungs/__/'di ni yon tan kun gyi gzhi/__/da lta rnam rig bkra ba'i dus/__/thos bsam 'bad pa brgya phrag bskyed/__/mdo sngags ris med gzhung la blta/__/blo gros snang ba thob par 'gyur/__/de nas gnyis 'dzin gzhom pa dang /__/bdag rgyud grol ba thob slad du/__/bsgom pa la ni 'bad par rigs/__/des ni zab mo'i don gnad mthong /__/mdor na rang sems 'di nyid ni/__/dran shes bag yod brtan pos srungs/__/sdig pa'i grogs ngan ring du spongs/__/dam pa'i rnam thar bzang por slobs/__/de skad gdams pa nyung ngu 'di/__/sa bon tsam du gyur nas kyang /__/rgyas pa so thar mdo dang ni/__/spyod 'jug sogs las dgongs bzhes 'tshal/__/'degs bcas chos kyi blo gros pas phul//___//_!_thos pas blo gros rab tu rgyas pa las/__/shes rab phun sum tshogs pa 'byung bar nges/__/de ni gti mug mun sel sgron me yin/__/thos don bsam dang bsgom pas gtan 'bebs na/__/mtshan nyid ji bzhin rgyud la myong ba'i phyir/__/des na snyigs dus tshe thung yud tsam 'dir/__/sgrub la nan du brtson pa shin tu gces/__/ma sgom chos de ltog grir shi dang mtshungs/__/sgrub pas don gnyis phun sum tshogs par 'gyur/__/yi dam lha la bzang ngan med mod kyang /__/rang gi rigs kyi lha skal gang yin brtags/__/dpal ldan sgyu ma bde mchog 'khor lo dang /__/rdo rje rnal 'byor ma la brtson gyur na/__/mgo bo'i thod pa bor bas chog par 'ong /__/blo sna mang zhing lha mang sgrub pas phung /__/mchog sgrub lha rnams ngo bo gcig pa'i phyir/__/gcig 'grub pas ni thams cad rnal 'byor byed/__/de phyir lha gcig dag la sgrub pa gces/__/rdo rje'i gnas chen gnyan ldongs shin tu legs/__/zhes smras so/__/rab brtan dgon gyi mkhan po shes rab 'byung gnas la gnang ba'o//___//_!_zhal gdams bsil sbyin bdud rtsi zhes bya ba bzhugs so/__/dpal ldan bla ma'i zhabs la phyag 'tshal lo/__/lhar bcas 'jig rten gsum na mngon mtho ba/__/ston pa mnyam med shAkya'i rgyal po dang /__/de sras byang sems nyan rang 'phags pa'i tshogs/__/khyad par rtsa gsum kun 'dus mtsho skyes rje'i/__/zhabs pad bde chen 'khor lor mchod byas nas/__/gang zhig thar pa don du gnyer ba la/__/phan pa'i gdams ngag bsil sbyin bdud rtsi ni/__/lung bzhin mdor bsdus ngag gis bsnyad par bya/__/shin tu rnyed dka'i rten bzang dal 'byor 'di/__/thob par dka' ba'i tshul la legs bsam te/__/don ldan snying po blang ba'i thabs bzang po/__/yang yang rgyud la bsten cing goms par bya/__/tshe 'di mi rtag chu yi chu bur 'dra/__/lus srog 'di ni myur du 'jig cing zad/__/mi rtag mi brtan sgyu ma'i ngang tshul la/__/legs par bsam nas myur du dam chos mdzod/__/bsags pa'i las ni nam yang chud mi za/__/rang gi steng du myong bar nges pas na/__/rgyu 'bras blang dor phra zhib bsrung ba 'di/__/chos sgor zhugs pa rnams kyi nyams len mthil/__/'khor ba thams cad sdug bsngal rang bzhin yin/__/bde ba'i go skabs cung zad tsam yang med/__/mtho ris rgyal srid bde ba che thob kyang /__/yid smon dang bral nges 'byung bskyed par mdzod/__/kun 'byung bden pa'i tshul la rab bsam nas/__/de yi 'bras bu sdug bsngal spang ba'i thabs/__/lam gyi bden pa rgyud la bsten pa yis/__/nye bar zhi ba'i 'gog pa mngon du bya/__/de yang skyabs gsum bslu med yid ches kyi/__/dad pas nyer drangs gzhan phan lhag bsam ni/__/rang 'dod g.yo sgyu med par bskyed pa 'di/__/rgyal sras rnams kyi snying nor gcig pu yin/__/bde gshegs chos khams yon tan rgya mtsho'i gter/__/rang la yod kyang sgrib pa'i sprin gyis g.yogs/__/de bsal tshogs gnyis rgya chen bsags pa las/__/bral dang smin pa'i 'bras bu mngon du 'gyur/__/bdag dang phung po rnam rig sgro btags chos/__/rig pa'i lam nas yang dag dpyad pa las/__/mthar 'dzin bdag lta drung nas 'byin pa yi/__/bdag med spros bral lta ba gtan 'bebs mdzod/__/de nas rdo rje theg pa'i lam zhugs nas/__/dbang gis rgyud smin dam tshig rnam dag gi__/bskyed dang rdzogs pa'i rim par brtson pa las/__/sgo gsum rdo rje bzhi ru sgrub par bya/__/khyad par dran pas srid zhi'i 'jigs 'phrog pa/__/kun bzang bla ma snying gi pad+mo ru/__/gus pas mchod na rdo rje'i byin 'bebs te/__/ye shes 'od gsal nyi ma snying dbus 'char/__/spros bral ka nas dag pa'i dbyings chen por/__/lhun grub 'od gsal snang ba rtag 'char bas/__/chos zad blo 'das gdod ma'i grol gzhi cher/__/mngon byang chub nas 'khor ba dong sprugs byed/__/mdor na sgo gsum bya ba ci byed kun/__/dam pa'i chos dang mthun par rab sgrub nas/__/dran dang shes bzhin bag yod brtul zhugs las/__/nam yang nyams med brtson par shin tu gces/__/sbyor ba sems bskyed dngos gzhi dmigs med dang /__/rjes la yang dag bsngo bas rgyas btab 'di/__/theg chen lam gyi gzhung shing yin pas na/__/de gsum sgom nas dge tshogs mthar phyin mdzod/__/de skad gdams bzhin rang gis mi byed kyang /__/gzhan la phan pa'i shugs kyis nyer drangs pas/__/dam pa rnams kyi gsung gi rjes 'brangs nas/__/legs par 'doms pas khyod thugs grol gyur cig/__ces pa'ang snga 'gyur bstan pa'i nyi ma grub dbang rdzogs chen drug pa rin po che'i gsol dpon pad rab bu dge chung rgyal nas gsung bskul ngor rmongs rgan chos kyi blo gros pas bris pa'o/__/sarba dza ga taM//___//_!_rang gi slob bu mchog gsum skyabs la spring yig bzhugs so/__/rje dran pas gdung sel bla ma la/__/yid mos gus gdung bas gsol ba 'debs/__/bu mchog gsum skyabs la thugs rjes zungs/__/thar pa'i lam sna drang du gsol/__/mi nga la dag snang cher bskyed pa'i/__/mchog gi ming can slob ma khyod/__/dad pa dang dam tshig sa gzhi la/__/mos gus kyi dpag bsam rab rgyas pas/__/byin rlabs kyi 'bras bzang thob pa de/__/dkor rgan nga byin chen ma lags kyang /__/pha brgyud ldan bla ma'i thugs rje yin/__/chos kun gyi sngon 'gror sems bskyed dang /__/dngos dmigs med ngang la blo bzhag dang /__/rjes bsngo ba smon lam byed pa 'di/__/byang chub sems dpa'i khyad chos yin/__/'khor ba'i nyes dmigs dran pa yis/__/rgyu 'bras 'jug ldog byed pa dang /__/dal 'byor rnyed dka'i 'du shes bskyed/__/de yun du mi rtag 'chi ba dran/__/dam chos la brtson 'grus bskyed pa dang /__/srid 'khor ba'i gnas la nges 'byung mdzod/__/skyabs kun 'dus rtsa ba'i bla ma de/__/sangs rgyas yin par thag bcad nas/__/mos gus la ltem rkyang ma byed na/__/de kho nas mchog gi dngos grub thob/__/gzhi bde gshegs snying po 'pho 'gyur med/__/ka nas dag pa'i chos nyid la/__/gshis spangs blang bsal bzhag med lags kyang /__/ma 'dres shan 'byed shin tu gces/__/kun rnam kyi gsal cha rkyen la ltos/__/skabs res 'ga' dwangs gsal 'phel 'grib can/__/sems brgyal sogs skabs su de 'gag la/__/mtha' dbus dang bral ba'i rig pa 'di/__/rkyen bzang ngan gyis brdzi ba mi nus shing /__/nang du bsdam pa ltar mi dgos/__/rig pa rgya grol phyogs med yin/__/had de ba la zang thal ler/__/smra bsam brjod bral gyi gnas lugs yin/__/nam mkha' lta bu rgya re yangs/__/nyi zla lta bu 'od gsal ba/__/ye shes de spros mtshan dngos po dang /__/spros med kyi chos las 'das pa la/__/rang byung gi rig pa zhes su grags/__/bu blo yi chos kyis ma 'chings shig/__'ching na srin bu'i kha chu bzhin/__/rang gis rang bcings grol dus med/__/rnam rtog bzang ngan gang shar ba/__/byung yang chos kyi dbyings las byung /__/gnas kyang chos kyi dbyings la gnas/__/thim yang chos kyi klong du thim/__/mnyam nyid kyi chos la bzang ngan med/__/bzang ngan gyi gdam ka bskyur la thongs/__/mkhar sprin dengs bzhin rang grol zhog/__grol byed gnyen po gzhan mi dgos/__/rtog tshogs du ma ro gcig 'dres/__/ro gcig ngang la 'dzin pa med/__/mdor bsdu na gzung 'dzin gyis ma bslad par/__/chos nyid rig pa'i gshis lugs 'di/__/dus gsum rgyun chad med pa la/__/bu yengs par ma shor phyam brdal zhog/__gu yangs blo bde chen por zhog/__zhog ces bya ba tshig yin te/__/don spyi la bzhag bya gzhag byed bral/__/bsgom 'dod kyi zhen pa'i 'ching ba shigs/__/dbyings stong pa'i ngo bo chos kyi sku/__/gdangs gsal cha longs spyod rdzogs pa'i sku/__/rtsal ma 'gag shar ba sprul pa'i sku/__/de gsum du dbye yang don dbyer med/__/da lta yi rig pa sal le ba/__/'di la sku gsum tshang ba yin/__/'di ma bcos ma yengs dang ldan na/__/de goms pas skye shi bar do yi/__/'khrul rtog snang thams cad dbyings su thim/__/phyi yul snang phyi ru mi bzung zhing /__/rig pa nang du ma bcos pa/__/snang sems gnyis med chen po shar/__/de rtogs pas cir snang kun bzang rgyan/__/rig pa'i cho 'phrul chen por go__/go bya go byed gnyis su med/__/gnyis med kyi ngang la gang dgar zhog/__'khor ba 'di gdod nas rnam par dag/__'khrul sems g.ya' dris gos pa 'di/__/bsal ba'i phyir du bsags sbyang bya/__/blo chos su 'gro bar nges 'byung bskyed/__/chos lam du 'gro phyir byams snying rje/__/byang chub sems mchog bsgom par bya/__/lam 'khrul pa zhi phyir stong nyid bsgom/__/'khrul ye shes dag cing zung 'jug gi__/ye shes rgyud la skye ba'i phyir/__/rdo rje theg pa'i rim gnyis bsgom/__/de las kyang 'od gsal rdzogs pa che'i/__/ye shes rang la gzhir rdzogs de/__/rje bla ma'i drin gyis ngo sprod la/__/bus 'dzin pas ma bslad rang sar zhog/__rig bzo med pa'i rang gsal 'di/__/gnyug ma'i dran rig yin mod kyang /__/kun gzhi'i rnam shes gsal cha dang /__/'khor 'das gnyis su 'dzin pa 'khrul/__/don dam gyi bden pa gcig pu lags/__/khyod kyi thun min thun mongs gi__//rtogs myong go ba skyon med gsungs/__/mchog 'dzin dang zhen pa ma byed cig/__gnyis snang dbyings su ma nub bar/__/rgyu 'bras kyi spang blang zhib mor gyis/__/bla ma la mos gus bskyed cig dang /__/dkar po'i tshes kyi zla ba bzhin/__/nyams rtogs je bas je bzang 'gro/__/chos 'dus byas kyi dge tshogs rgya cher bsgrubs/__/de la bsngo bas rgyas btab yod/__/lus me yi tshig pa'i sdug bsngal des/__/khyod kyi las sgrib rgya cher dag/__de bla ma dkon mchog gi thugs rje yin/__/dga' ba bsgom la gsol ba thob/__/rnal 'byor ma yi bsgom bzlas dang /__/tshes bcu'i mchod pa ma chag ang /__/khyod 'dir phyogs slebs par ma gyur kyang /__/khyod dang nga gnyis 'du 'bral med/__/des na e 'byor blta mi dgos/__/tshe thar stong gcig dge ba dang /__/dam tshig gtsang ba'i bden stobs kyis/__/nged kyang ring du 'tsho bar smon/__/tshul khrims kyi sa gzhi gtsang ma la/__/byang chub sems kyi dpag bsam 'khrungs/__/mchog thun gyi 'bras bu bzang po des/__/rang gzhan kun rtag tu bkra shis shog/__dngos 'bul 'byor lan zur du yod/__/chos kyi blo gros ngo mas phul/__sarba mang+ga laM//___//_!_rje bla ma rnams la phyag 'tshal lo/__/rten dal dang 'byor pa'i lus 'di nyid/__/nam mi rtag 'chi ba dran pa dang /__/'khor ba yi nyes dmigs la bsam nas/__/las rgyu 'bras spang blang dran par mdzod/__/skyabs bla ma dkon mchog gtsug tu bsgom/__/yid ches kyi dad pas skyabs su 'gro/__/khams gsum gyi sems can pha mar shes/__/byams snying rje byang sems bsgom pa gces/__/bsags sbyong la nan tan 'bad pa dang /__/drin ldan gyi bla mar gsol ba thob/__/bskyed rim gyis tha mal snang zhen sbyangs/__/rdzogs rim gyis gya nom lhar zhen sbyangs/__/de gnyis kyi gnad 'gag zab mo ni/__/sems ma bcos gsal stong zung 'jug ngang /__/yengs med kyi 'dzin bral 'jog pa gnad/__/dus kun tu bzang spyod smon lam 'don/__/dge rtsa rnams bsngo bas rgyas 'debs zhu/__/tshul de skad chos kyi blo gros pas/__/don ldan gyi slob bur spring ba dge/__//__!bla ma la phyag 'tshal lo/__blo ldog rnam bzhi skyabs 'gro dang /__/byams dang snying rje byang sems bsgom/__/sgrib sbyong tshogs bsag nan tan bya/__/byin rlabs bla ma'i rnal 'byor bsgom/__/gsol btab dbang blangs thugs yid bsre/__/sems kyi gzhi rtsa legs par bcad/__/lus ni bsgul bskyod bral bar bzhag/__ngag gi smra ba rgyun bcad cing /__/sems kyis rtog pa'i rjes mi 'brang /__/'gyu ba rang sar bzhag pa dang /__/rlung ni dal zhing mig 'bras ni/__/dbyings la gtad pa de yi skabs/__/rig pa dngos med nam mkha' ltar/__/ngo bo stong la rang bzhin gsal/__/thugs rje rig pa rtog pa med/__/kun gyi 'char gzhi go ma 'gags/__/gsal dwangs ngang la ma yengs bzhag/__rtsal snang rtog pa'i rjes mi 'brang /__/rang shar rang grol nyid du bya/__/chos rnams sgyu ma lta bur blta/__/nam zhig 'chi pa'i dus byed tshe/__/zhen chags 'khri ba kun spangs la/__/spyi bor rtsa ba'i bla ma bsgom/__/rig pa a yig rnam pas ni/__/bla ma'i thugs kar yang yang spar/__/de yi ngang du 'chi nus na/__/dag pa'i zhing du skye bar 'gyur/__/de yang da lta sbyangs pa yi/__/goms pas 'pho bar nus pa yin/__/rgyun du chos spyod kha bton dang /__/sems bskyed bsam pa bzang po yi/__/bsngo ba smon lam bya ba gces/__/zhes pa'ang la dkar a ne skal chos la chos kyi blo gros pas gdams pa'o//___//_!_chab gtsang rje btsun sku zhabs la gdams pa dad pa'i sa bon ces bya ba bzhugs so/__/rje bla ma rnams la phyag 'tshal lo/__/mi rtag 'chi ba dran par byin gyis rlobs/__/dus da lta'i sgyu lus gog po 'di/__/skad cig gis 'gyur shing 'chi la nye/__/rkyen bzang ngan ci 'ong mi shes pas/__/'phral 'phral du dam pa'i chos la 'bungs/__/tshe 'jig rten 'di yi bya bzhag rnams/__/mdang sum gyi rmi lam ji bzhin du/__/rtag mi thub chu yi chu bur bzhin/__/tshul de la bsam nas dgos med kyi/__/da bya bzhag thams cad bskyur la thongs/__/nam 'chi ba'i dus su 'khor bsgyur gyi/__/dpal mnga' thang 'byor pa yod na yang /__/khab gcig tsam khyer dbang med pas na/__/phan nges pa dam pa'i lha chos mdzod/__/dgra 'chi bdag nam 'ong nges med pas/__/chos sang byed gnang byed dbang ma shor/__/las rgyu 'bras blang dor la brtson na/__/sgo gsum gyi dge ba de rang yin/__/skyabs mthar thug bla mar gsol ba thob/__/dad pa dang dag snang bskyed par mdzod/__/blo gtad kyi yid ches skyes gyur na/__/mchog thun mong dngos grub myur du thob/__/chos kun gyi rtsa ba byang chub sems/__/'gro drug gi pha ma drin can la/__/phan 'dod kyi lhag bsam brtan po mdzod/__/gzhi gdod ma'i sangs rgyas rang chas su/__/rang la ni yod kyang ngo ma shes/__/de ma rig sgrib pa yin pa'i phyir/__/tshogs bsag dang sgrib sbyong la brtson par zhu/__/lus snang stong lha yi bskyed rim bsgom/__/ngag bzlas brjod la rgyun du brtson pa dang /__/sems ngo bo nyid kyi gnas lugs la/__/sgo gsum po ma bcos rang bab zhog/__yid dpyod dang bral ba'i rig pa'i gshis/__/gsal stong dang zung 'jug chen por shar/__/de ma yengs ma bsgom 'dzin med ngang /__/rig stong dang 'od gsal rjen par shar/__/de sangs rgyas kun gyi dgongs pa lags/__/dus gsum du bsags pa'i dge tshogs rnams/__/ma 'gro drug sems can rnams la bsngo/__/tshul de skad rang gi slob ma la/__/snying brtse bas gdams pa'i dge tshogs rnams/__/dmigs med du bsngo bas 'gro ba kun/__/sku gsum gyi go 'phang mngon gyur shog/__/ces pa'ang rang dang dngos 'phrad kyi tshab tu chos kyi blo gros pas spring ba'o/__/sarba mang+ga laM/__dge'o/__/_!_zhal gdams mu tig phreng ba bzhugs so/__/bla ma'i zhabs la phyag 'tshal lo/__/sngon bsags bzang pos 'phen pa las/__/dal 'byor yid bzhin nor bu rnyed/__/mtshan ldan bla ma'i zhabs la thug/__bu khyod skal ba bzang ngo snyam/__/zab rgyas chos kyi bdud rtsi la/__/ci dgar spyod du yod pa'i skabs/__/le lo'i dbang du ma shor bar/__/bstan pa'i snying po sgrub la rems/__/chos kun rtsa ba rang gi sems/__/'dul sbyang byed la rag las shing /__/de yang sems kyi rtsa bcad na/__/gzung 'dzin gnyis med rtogs par 'gyur/__/skye 'gags gnas gsum dang bral zhing /__/rang bzhin 'od gsal stong pa che/__/'di ko sems kyi gnas lugs lags/__/'di nyid rtogs na 'chi med kyi/__/btsan sa zin par the tshom med/__/bskyed dang rdzogs pa thams cad kyi/__/mthar thug 'di la thug par 'gyur/__/bla ma bsgom la dbang bzhi blangs/__/bskyed rim bsgom la zhen pa chod/__/rdzogs rim mtshan bcas bsgom pa yis/__/zhu bde lhan skyes ye shes 'dren/__/mtshan med rdzogs rim legs bsgom pas/__/'od gsal chen por gnas pa dang /__/'khrul snang thams cad dbyings su zad/__/sku dang ye shes la dbang 'byor/__/gzhan phan phrin las mtha' yas so/__/mi rtag nges 'byung las 'bras la/__/bsam zhing dad dang mos gus bskyed/__/byams dang snying rje byang sems bsgom/__/cir snang thams cad bla mar ltos/__/snying gar bsgom la thugs yid bsre/__/gsal stong zung 'jug sku gsum du/__/ngo 'phrod pas ni rdzogs sangs rgyas/__/sangs rgyas rang la gnas pa 'di/__/gzhan du btsal bas rnyed mi 'gyur/__/de ltar gdams pa'i phreng ba 'di/__/khyod la phul bas 'di don rnyed/__/'chi ba chos skur gtan sa zin/__/rdo rje 'chang dbang thob par shog/__gal te brtan pa ma thob kyang /__/bla ma rnal 'byor ma dpal gyis/__/mkha' spyod gnas su drongs gyur cig/__de ltar gdams pa'i tshigs su bcad pa 'di yang 'jam dbyangs chos kyi blo gros pas shar mar bris te phul ba sid+d+hi rastu//___//_!_rang gzhan la gdams pa phan bde'i 'khri shing zhes bya ba bzhugs/__dpal ldan bla ma'i zhabs la gus pas 'dud/__/sngon bsags dge ba'i bsod nams mthu brtas pas/__/deng 'dir chos ldan rigs skyes dal ba'i rten/__/mi khom brgyad las grol zhing 'byor bcu tshang /__/'di 'dra rnyed pa rgyal ba'i thugs rje yin/__/dpe dang grangs sogs gang la dpag gyur kyang /__/'di 'dra rnyed pa srid mtha' ma bkag tsam/__/'di yang yun du gnas pa ma yin te/__/'gro ba mchog dman sngar byung da lta ba/__/brtags dka'i 'pho 'gyur bsam mi khyab pa dang /__/de bzhin phyi snod 'jig rten 'phel 'grib sogs/__/gang la brtags kyang mi rtag mi brtan pa/__/phra rag gis ni legs par gtan dbab na/__/shes bya'i chos kyi brdzun phug rdib par 'gyur/__/chu yi chu bur rtsa rtse'i zil pa dang /__/nam zla dus bzhi dang sbyar bsgom pa gces/__/gal srid chos med dus min 'phos gyur na/__/snga phyi'i dge shugs che chung ci bsags pa/__/chud za mi 'gyur zin pa'i phung po la/__/smin ces rgyal ba bden par smra bas gsungs/__/de yang sdig pa'i 'bras bu longs spyod la/__/ngan song gsum po'i sdug bsngal bzod blag med/__/de bzhin dge sdig spel mar byas pa dang /__/zag dang bcas pa'i dge dang lung ma bstan/__/las rnams kyis ni mtho ris gsum thob kyang /__/der yang sdug bsngal rnam grangs brjod mi long /__/mdor na khams gsum rigs drug gang skyes kyang /__/rtsa ba'i sdug bsngal gsum po las ma 'das/__/da lta rang re me stag phra mo dang /__/grang reg chung ngu'i reg bya mi bzod na/__/rnam grangs mang la yun ring dos drag pa'i/__/sdug bsngal de ni ci ste bzod thabs yod/__/des na rang rgyud tha ba rgod po 'di/__/legs par dul ba'i thabs mchog rmad byung ba/__/srid las nges par 'byung ba'i blo gros 'di/__/thar pa'i rtsa ba yin par gsungs pas na/__/sdug la skyo yang mya ngan 'das la dga'/__/'di nyid chos pa kun gyi gzhi rten yin/__/yal bar ma dor brtson 'grus drag po yis/__/yang yang bsgom la nges shes 'drong bar gyis/__/'di la ma goms gong ma thob mi 'gyur/__/sangs rgyas chos dang dge 'dun rin po che/__/theg chen theg dman gang gi rnam bzhag ltar/__/bsgom yang dad pa gsum gyis gzhi bzung ste/__/mos gus myu gu sad kyis ma khyer bas/__/skyabs gnas kun 'dus nyid du yongs shes nas/__/nges 'byung thar ba 'dod dang gzhan phan blos/__/rang gzhan rdul snyed grangs kyi skyabs su bsnyen/__/des ni phyi nang gnyis kyi shan 'byed 'gyur/__/bsam pa bzang po rin chen gser lta bu/__/la sogs dbye ba nyer gnyis grangs ldan gyi/__/sems bskyed rtsa ba snying rje'i myu gu ni/__/rgyu gnyis rkyen bzhis mchog tu bskyed pa las/__/byang chub sems kyi lo tog 'khrungs pas na/__/rgyal ba'i sras zhes dam pa'i gral du tshud/__/chos 'dis gzhan dang gzhan dag 'di grogs 'gyur/__/rang nyid zhi bde don gnyer dman pa'i lugs/__/'di ldan sa lam dag ni bgrod gyur cing /__/tshogs gnyis rgya chen bsags la 'bad byas na/__/gser 'gyur rtsi mchog lta bu'i gdams ngag dang /__/cang shes rta la zhon te 'gro dang mtshungs/__/de dag kun gyi rtsa ba lam ston pa'i/__/lam mkhan ded dpon mnyan pa lta bu yi/__/skyon zad yon tan ldan pa'i bla ma ni/__/legs par brtags nas ma gus spyod lam spangs/__/mnyes pa gsum gyis zhabs kyi pad+mo ni/__/spyi bo'i gtsug tu bkod nas zhal sgo las/__/byon pa'i gdams pa zab mo legs par nod/__/de yang legs par bsam zhing dngos bcud myong /__/lung rig tshad ma ldan pas the tshom gyi/__/drwa ba bcad nas rang tshugs thon bar bya/__/dpe la ma lus snying la yi ger bri/__/de nas mnyam 'grogs bdud sogs spong ba'i phyir/__/dben pa'i ri sul dam pas byin brlabs shing /__/bkra shis yid 'ong grub pa'i gnas de ru/__/mthun pa'i grogs dang yang dag 'tsho ba la/__/chog shes par ni brten nas thos bsam gyi/__/gtan la dbab pa'i lta thog 'jog nas bsgom/__/de yang thos bsam dpyad pa rnam dag zhig/__sngon du ma song rang gar 'jog pa ni/__/ma rig rmongs pa slar yang 'phel ba'i rgyu/__/de phyir dpyad pas gtan la dbab pa gces/__/'thad pa bzhi dang bka' rtags phyag rgya bzhi/__/bden pa bzhi dang rten 'brel bden gnyis dang /__/brton pa bzhi ldan thog mtha' bar dge zhing /__/nyon mongs zad cing yang dag lam ston chos/__/ma nor tshul bzhin brtson pas blang bar bya/__/khas blangs bslab pa'i gnang bkag so mtshams la/__/'dul dang bslab rgyud dri mas ma gos shing /__/'gyod med sems ni las rung bya ba'i phyir/__/zhi lhag ting nge 'dzin gyi sgo du mar/__/'jug cing ldang ba'i bsam gtan rtse gcig pa/__/bstan don snying por byas pa mdo sde dang /__/bsgom pa las byung chos rab rnam 'byed kyi/__/shes rab khyad par sgrub pa'i lam de ni/__/chos mngon rin chen 'dren pa'i shing rta zhes/__/yang yang bsngags pa de dag go rim bzhin/__/bslab pa'i tshul khrims sems dang shes rab ste/__/gsum po 'di nang bslab gzhi 'du ba yin/__/des na dpral ba'i mig las gces par zungs/__/'og ma 'og ma'i lam stegs yin pa dang /__/'og ma la brten gong mar bgrod pas na/__/dman mchog gnyis kyi lam ni shes par bya/__/spyir yang rgyal sras dam pa rnams kyis ni/__/mi slob pa yi chos ni gang yang med/__/slob rgyu'i gtso bo bdag med rnam pa gnyis/__/bden gnyis dbyer med rtogs pa'i lta ba yis/__/khyad par byas pa'i lta de gtan la dbab/__/phyin drug kun gyi gtso bo shes rab lags/__/'jig tshogs lta ba'i ri mtho nyi shu dang /__/sum brgya drug cu la sogs 'jig rten na/__/phyin ci log gi phyi mo gang zag bdag/__ngar 'dzin lhan skyes rtag gcig rang dbang can/__/kun brtags bdag de rig pa'i mtshon rnon po/__/gcig dang du bral sogs kyis gtan la dbab/__/rang bzhin grub pa'i dngos po rnyed mi 'gyur/__/de la nges pa'i shes pa brten par bya/__/bdag gir gzung ba'i phyi nang snod bcud dang /__/phung po khams sogs gsal bar mthong 'di yang /__/rag pa rdul phran lus la bden ma grub/__/phra ba cha med las yin de yang ni/__/phyogs chas dbye na cha med nyams par 'gyur/__/blo yi rtog pas phar la brtags pa las/__/don la grub cing rang rkya thub pa med/__/dpe dang don sbyar du ma mang pos ni/__/gzung ba'i yul ni gtan la dbab par bya/__/der 'dzin shes pa sna tshogs 'char ba dang /__/yul la brten nas byung bas ma grub bo/__/dper na rmi lam snang ba'i dngos po bzhin/__/yul dang yul can gnyis ka ma grub pas/__/de la dbyibs dang kha dog byung ba dang /__/'gro sa gnas sa gang du 'ang ma rnyed cing /__/dpe don du mas gtan la dbab pa na/__/shes 'di rang bzhin med pa nges shes 'drongs/__/gnyis med ye shes rang rig rang gsal tsam/__/grub bam snyam na de yang ma grub ste/__/dus gsum grub pa med pa de bas na/__/de dang phrad ma phrad sogs mi rung phyir/__/sems byung sems dang zhig dang ma zhig sogs/__/ji ltar de yi sgrub byed smra na yang /__/rigs pas dpyad tshe skyon can kho na yin/__/spros pa thams cad nye bar zhi ba'i phyir/__/mthar thug don la 'dzin pa mtha' dag 'gal/__/bden gnyis dpyod pa'i rig shes tshad ma'i ngor/__/mtha' bzhi re re nas kyang ma grub la/__/gzod nas rang bzhin ma dmigs de yi phyir/__/bzhi ka tshogs pa'i spros pa spyi tsam yang /__/ma grub ci phyir bye brag med pas so/__/grub don spros bral spyi tsam de ma grub/__/gzung dang 'dzin pa thams cad bral ba yi/__/chos nyid bsam gyis mi khyab de yi ngang /__/blo yi spros pa nye bar zhi ba yi/__/lam 'dir 'jug na rtag chad mthar mi lhung /__/mdor na snang lugs kun rdzob ngos nas ni/__/rten 'brel las skyes med pa ma yin la/__/gnas lugs don dam ngos nas rkyen las skyes/__/yod pa ma yin stong dang rten 'byung ni/__/zung du 'jug pa rkang gnyis gtso bo'i lugs/__/spros pa'i rlabs kyis ma bskyod 'jog sgom mo/__/de lta'i zab mo'i gnas lugs ma rtogs pa/__/mtshan mar zhen pa'i blo yis bcing byas pa'i/__/'gro ba rnams la byams dang snying rje dang /__/lhag bsam la sogs don dam ngor ma grub/__/kun rdzob ma brtags nyams dga'i skabs su ni/__/rang dang gzhan don sgrub par dgos mthong nas/__/smon 'jug sems bskyed gzhi lam 'bras gsum po/__/zung du 'jug las sku gnyis 'bras thob cing /__/mdor na rgyal ba'i sras por khas 'che bas/__/ci byas sems can don du 'gyur ba dang /__/lhag pa'i bsam pa yal bar ma dor na/__/byang chub spyod pa'i spyod pa yang dag pas/__/don gnyis 'grub la dka' tshegs med pa yin/__/nang gi nyi ma snying la 'char ba yi/__/thabs mchog rmad byung gsang ba sngags kyi lam/__/dbang po shin tu rnon po'i dbang byas nas/__/'og ma yar ldan gnad kyis mi 'gal ba/__/ches gsang sngags kyi theg pa kun gyi mchog/__de la stong nyid tsam du mtshungs mod kyang /__/khyad par bdun gyis rdo rje theg pa 'phags/__/skal med nyan thos rigs la ma yin no/__/de yang ma smin smin par byed pa yi/__/thabs la dbang bskur zhes su grags pa gang /__/sngags don la mkhas rdo rje slob dpon la/__/tha mal pa yi 'du shes rab spangs nas/__/gus par brten las 'og mar rgyud sbyong ba'i/__/gang zag de la rdul tshon ras bris dang /__/tshom bu lus dkyil shin tu spros med de/__/lnga po rnams kyi maN+Dal la brten nas/__/bum gsang sher dbang bzhi pa yan lag bcas/__/bskur ba'i gnas la cho ga ma 'khrul pas/__/gzhi la gsos theb lam dus bsgom pa las/__/rtsa rlung thig le brten pa ye shes te/__/bzhi po'i ma dag dri ma so sor sbyangs/__/rang bzhin ye dag mngon du gyur pa las/__/sku bzhi'i 'bras bu sad par bya ba'i phyir/__/dag bya dag byed ngo sprod sdom pa de/__/skyes pa'i nges shes bcas pa rgyu yi dbang /__/dbang gi chu rgyun ma chad bla ma las/__/yang yang blang ngam rang nyid 'jug pa las/__/blang ba lam gyi dbang ste gtso che'o/__/ci phyir ye shes gong du 'phel ba dang /__/mchog thun dngos grub kun gyi rtsa ba ni/__/dbang las gzhan med rgyu mtshan bsam mi khyab/__/de yang rim pa gnyis kyi bdag nyid de/__/tha mal snang ba thams cad lhar byin brlabs/__/bsnyen dang nye bsnyen sgrub pa sgrub chen rnams/__/rim bzhin brtson cing gsal dag brtan gsum gyi/__/dug dbyung skyed pa'i rim pas gzer thebs pas/__/gsang sngags lam gyi lugs ni 'di yin no/__/lhar snang ye shes byin gyis brlabs pa'i phyir/__/rtsa thig rlung la gnad bsnun steng 'og sgos/__/thabs mchog la brten bde ba'i rtogs pa sbar/__/dri bcas sbyong zhing lam du byas pa na/__/'bras bu sku gsum ye shes 'dren pa yi/__/smin byed du 'gyur rdzogs pa'i rim pa dang /__/rtsa thig rnal 'byor sogs la brten pa yis/__/bde ba'i ye shes rim bzhin skyes pa na/__/yid dngos rig ma la brten snyoms zhugs pas/__/dpe don lhan skyes bde chen ye shes 'dren/__/zag med rnam pa kun gyi mchog ldan pa'i/__/bde stong zung 'jug shin tu phra ba yi/__/ye shes nyi ma snying la 'char bar 'gyur/__/mdor na bskyed pa'i rim pa bsgom pa las/__/phyi nang tha mal 'khrul pa'i cha rnams ldog/__'chi dang bar srid skye srid cha dang bcas/__/rig pa'i sgo gsum lha sngags su blta ba'i/__/gya nom lha ru zhen pa'i 'dzin stangs dag/__'byin slad lus gnad 'khrul 'khor byed bcil gyis/__/rtsa sbyong rdor bzlas kha sbyor rnam 'byor gyis/__/las rlung dbu mar bcug cing gtum mo bsgom/__/de nas sa lam rim par bgrod tshul ni/__/bskyed pa'i rim pas tshogs lam chen po dang /__/rlung dang gtum mo sbyor lam drod rtse mo/__/rang bzhin thabs ldan lus kyi bogs dbyung bas/__/bzod chen thob pa'i tha ma phyag rgya yi/__/nye brgyud la brten ye shes phyogs gcig mthong /__/gong 'phel sa dgu'i rtogs pa mngon byed do/__/de la'ang ye shes thog mar mthong ba nas/__/sgom lam chen po mtha' ru ma phyin bar/__/slob lam sgyu ma'i sku yi spros pa rnams/__/dbyings su thim nas sa bcu'i rgyun mtha' la/__/'od zer chen po'i dbang bskur nod pa dang /__/shes bya'i sgrib bcom kun gzhi gnas 'gyur te/__/kun tu 'od kyi sa la mngon sangs rgyas/__/sngags lugs snang gsum 'pho ba'i sgrib pa rnams/__/sbyong byed 'bras dbang bskur nas mi slob pa'i/__/zung 'jug mngon du brnyes shing rdzogs chen gyi/__/'od gsal dgongs pa'i rtsal chen rdzogs pa dang /__/snang bzhi mthar phyin 'ja' lus 'pho chen thob/__/ji tsam bzhed par 'gro ba'i don mdzad nas/__/slar yang gdod ma'i dbyings su thim pa'i mod/__/rang snang longs sku'i zhing khams rnam par bkod/__/de las phyed snang de las sprul sku 'char/__/khams gsum 'khor ba dong nas sprugs par 'gyur/__/de phyir tshe 'di yun thung skad cig tsam/__/'di la dal rten snying po len pa'i thabs/__/dam pa'i chos la brtson zhing khyad par du/__/bla med rdo rje theg pa'i nye lam dang /__/de yi yang snying mchog gsang rdzogs pa cher/__/brtson na srid pa tha mar byed par 'gyur/__/de skad gdams pa'i phreng ba nyung ngu 'di/__/chos kyi blo gros zhes byas sbyar ba'i dges/__/bdag sogs khams gsum sems can ma lus pa/__/chos kyi rgyal po'i go 'phang myur thob shog/__sarba mang+ga laM//___//_!_pha bla ma'i zhabs la phyag 'tshal lo/__/dus rnam pa kun tu thugs rjes zungs/__/lus 'byung bzhi 'dus pa'i g.yar khang 'di/__/skad cig gis mi rtag myur du 'jig/__tshe mi rtag rtswa rtse'i zil pa 'dra/__/dgra 'chi bdag bdud po ngam nag des/__/dus da lta mdun nas bsu yin 'dug/__las mi dge'i rnam smin khur chen de/__/sems rnam shes kyi steng du khyer nas 'gro/__/grogs mdza' ba rnams kyang shul du bzhag/__phug gsogs pa'i nor yang khyer dbang med/__/gar 'di 'gro med pa'i yad yud du/__/srid pa'i las rlung drag pos bdas/__/gshin rje'i 'khrul snang dpag tu med/__/dug gsum gyi g.yang sa ya re nga /__/ngan song gi sdug bsngal bzod thabs med/__/de da lta bsam na snying rtsa 'dar/__/bsam zhing bsam zhing bla ma dran/__/las de 'dra shar tshe bla ma las/__/skyabs gzhan na med do thugs rjes zungs/__/pha gcig bla ma 'bod do brtse bas dgongs/__/las ngan bdag la thugs rjes gzung du gsol/__/blo sna chos la 'gyur bar byin gyis rlobs/__/bla ma mkhyen/__/ces pa'ang chu lug zla 4tshes 15nyin rang gis rang la gsos btab pa ste/__'jam dbyangs chos kyi blo gros pas so//___// @#/__/rang gzhan la gdams pa gtam du bya ba rin chen phreng mdzes zhes bya ba bzhugs so/__/ oM swasti/__phyogs bcu dus bzhi'i rgyal ba sras bcas kyi/__/ye shes gcig tu bsdus pa'i rang gzugs mchog/__dran pa tsam gyis srid zhi'i 'jigs 'phrog pa/__/khyab bdag dpal ldan bla mar phyag bgyi'o/__/dam pa'i dpal dang ldan pa'i grogs khyod kyi/__/gsung gi gling bus nye bar bskul ba na/__/drang srong rgan bu bdag kyang yid spro bas/__/sngon byon dam pa'i lung bzhin mdor bsdus bshad/__/skye sngon bsod nams bye ba'i legs byas kyi/__/mthu dang sangs rgyas byang sems byin rlabs kyis/__/da res 'dzam gling las kyi sa pa ru/__/chos kyi zhing sa bzang por skyes pa 'di/__/shin tu rnyed dka'i nor bu thob dang mtshungs/__/thob pa'i rten 'di chud zos ma shor ba/__/snying po len pa'i thabs la 'bad pa gces/__/de yang srid pa'i phun tshogs ji tsam zhig/__'byor yang snying po med cing dgos pa chung /__/phyi ma gtan du phan pa dam pa'i chos/__/yun gyi rgyags phye da lta nyid du ni/__/sgo gsum dge ba'i las la dad brtson gyi/__/nan tur chen pos sgrub pa cis kyang rigs/__/phyi nang snod bcud dus kyi 'gyur ldog dang /__/dgra gnyen bar ma skye 'chi nges pa med/__/nam 'chi cha med 'chi rkyen shin tu mang /__/skye 'gro mchog phal 'chi bar ma gyur pa/__/gcig kyang med pa'i dpe don du mar bsam/__/blo sna mi ring thung bar gyur gyi bar/__/phra rags mi rtag tshul la legs par bsam/__/shi nas ci med cang med mi 'gro zhing /__/dkar nag las kyi bde sdug so sor smin/__/khams gsum 'khor ba'i gnas 'dir yang yang 'khor/__/dper na byis pas mgal me bskor ba bzhin/__/gang du skyes kyang sdug bsngal sdug bsngal dang /__/'gyur dang khyab pa 'du byed sdug bsngal gyis/__/mnar bar ma gyur sems can gcig kyang med/__/bye brag rigs drug so so'i sdug bsngal yang /__/rnam mang bzod dka' 'di na nyin gcig gi__/tsha grang 'khyag ltog bzod par dka' bas na/__/ngan song sdug bsngal myong ba ci ste bzod/__/des na sdug bsngal tshul de sems thog longs/__/mtho ris gnas na'ang 'gyur ba'i sdug bsngal las/__/ma 'das bde ba lta bur snang ba yang /__/don la 'du byed sdug bsngal rang bzhin gyis/__/khyab pas khams gsum dag na bde ba med/__/'bar ba'i 'ob na gnas pa ji bzhin du/__/nyes pa brgya phrag du ma skyed par byed/__/thar pa'i dus med tshul la yang yang bsam/__/rgyu 'bras spang blang lag len theb par bya/__/rgyu ni gnag la 'bras bu gnag pa dang /__/gnyis ka dkar dang 'dres ma'i las rnams kyis/__/'gro ba 'di dag rnam pa sna tshogs byas/__/sna tshogs srid pa'i drwa ba 'di che'o/__/bsags pa'i las 'di gnyen pos ma bcom par/__/nam yang chud mi za ba'i rang bzhin dang /__/gzhan la mi smin las 'bras rang la 'khor/__/rang nyid gcig pus myong ba ma gtogs par/__/bsgo bsha' bya rgyu phra mo tsam yang med/__/de phyir las 'bras phra ba nas bsrungs te/__/rgyu 'bras blang dor zhib mos gtan la dbab/__/'di ni rang re nang pa sangs rgyas pa'i/__/chos tshul yongs kyi snying po 'di yin pas/__/de phyir bsam sbyor gnyis ka dag pa dang /__/de yang rtsa ba rang sems 'dul bar mdzod/__/rang sems bsrungs na rgyu 'bras 'chol mi srid/__/sems 'di rta rgod dang 'dra 'dul bar dka'/__/rtag tu dran dang shes bzhin bag yod kyi/__/chos la brten nas sems sbyang bya ba dang /__/'chi ba mi rtag 'khor ba'i nyes dmigs sogs/__/yang yang bsam na sems 'di thul bar 'ong /__/sems 'di ma thul glang chen smyon pa 'dra/__/'khor ba'i gnas 'dir yang dang yang du 'phen/__/des na bslab pa bsrung bar 'dod pa rnams/__/dran dang shes bzhin nyid kyis sems srungs shig/__bag yod bsten na dkar po'i chos rnams 'phel/__/drang srong thub pa chen po'i brtul zhugs kyang /__/ngang gis 'dzin cing rtsa ba brtan par 'gyur/__/rgyal ba nyi ma rnams kyi chos kyi mdzod/__/'phags pa'i bden pa bzhi dang rten 'brel rnams/__/legs par bsgoms pas nyan thos dgra bcom dang /__/rang rgyal rnams dang rtogs rigs mnyam par 'gyur/__/chos kun sngon 'gro dad dang mos gus kyis/__/chos kyi sgo 'byed yon tan kun thob pas/__/dang 'dod yid ches mi 'phrog dad pa brtan/__/mtshan nyid ldan pa'i dge ba'i bshes la bsten/__/sgo gsum rab dul nyon mongs dgra tshogs zhi/__/phyi nang zab rgyas chos kyis mngon par phyug/__byang chub sems dang de kho na nyid rtogs/__/thugs rje che ldan zhabs pad gus pas bsnyen/__/rang nyid nga rgyal spangs shing bzod bsran che/__/ci gsung bka' sgrub brtson 'grus drag po bskyed/__/dam tshig srog ltar bsrungs la mnyes pa sgrubs/__/de la yon tan thams cad ngang gis 'go__/sems zhum le lo snyoms las spangs byas te/__/phyi nang g.yeng ba'i dbang du ma shor ba/__/thang lhod med pa gzhu brgyud bdungs pa ltar/__/sgo gsum brtson 'grus drag pos dam chos sgrubs/__/rnyed la ma brkams 'dod sred chung ba dang /__/bzang dang ngan pa'i mtha' gnyis rnam spangs pa'i/__/zas gos gnas mal tsam gyis chog shes dang /__/gang la'ang chags 'dzin zhen pa chung bar mdzod/__/zhe sdang drag po'i me chen sbar ba yis/__/rang gzhan kun gyi rgyud bsregs dmyal bar 'phen/__/byang chub sems kyi 'gal zla shin tu lci/__/des na bzod pa bsgom la nan tan bya/__/tshul khrims ldan pa lhar bcas 'gro ba'i rgyan/__/skye 'gro kun gyi phyag bya'i 'os su 'gyur/__/rang rang sdom pa'i cho gas legs thob pa'i/__/tshul khrims gtsang ma rlom sems med par bsrung /__/nga 'dra'i dge slong gzhan du yod par dka'/__/snyam pa'i tshul khrims brtul zhugs mchog 'dzin ni/__/sgom spangs sgrib pa'i rtsa ba yin pas na/__/sher phyin las ni nyams pa can zhes gsungs/__/'khor gsum dmigs pa med pa'i shes rab kyis/__/zin pa'i tshul khrims pha rol phyin ldan na/__/rtags dang cha lugs yod med gang ltar yang /__/des ni rnam par grol ba'i rten gzhir 'gyur/__/'du 'dzi'i grong na gnas pas nyon mongs 'phel/__/dkar po'i chos 'grib mi dge rgyas byed pas/__/rgyal bas bsngags pa'i dben pa'i gnas rnams su/__/rtse gcig mi g.yo bsam gtan bsgom par bya/__/gangs ri dkar po bsil ba'i ngad dang ldan/__/rdza brag dkar pos nyams dga' rig pa dwangs/__/spang ljongs nags tshal lus sems bde zhing skyid/__/brag ri'i ba gam bkod legs nyams dga' der/__/mthong ba tsam gyis sems dwangs nyon mongs zhi/__/ting 'dzin ngang gis 'phel ba'i gnas de 'drar/__/grogs med gcig pu ri dwags rmas ma bzhin/__/bla ma dran bzhin bla ma'i gdams ngag soms/__/'jig rten chos la sred pas bde ba med/__/phyi yi rig shes slob kyang nga rgyal rgyu/__/tshe 'dir rang nyid ngal ba bskyed par zad/__/de la 'di phyi'i don 'bras cung zad med/__/lto gos tsam zhig dbul po rnams kyang 'byor/__/rang re shAkya seng ge'i rjes 'jug rnams/__/lto gos mi phyid nam yang mi srid pas/__/gang byung des chog lha la gsol ba thob/__/chags zhen med na 'byor pa shugs kyis 'ong /__/rang tshug ma shor kun dang mthun pa bsten/__/byams pa bsgom na kun gyis byams par byed/__/gshis gyong rwa co 'dra ba'i mi rnams ni/__/su dang mi mthun lhung bzed sar bzhag 'dra/__/de 'dras mi rnams mgu bar mi byed cing /__/sdang shas che bas rgyud 'jam gshis legs bya/__/de ltar nges 'byung gzhi 'dings ya rabs kyi/__/spyod pa'i tshul la legs par gnas bcas te/__/chos kyi snying po skyabs 'gro sems bskyed la/__/rnam kun 'bad pa drag pos bsgom par bya/__/skyabs 'gro'i rgyu ni 'jigs dang snying rje dang /__/bla ma dkon mchog yon tan snying nas dran/__/bzod med mos gus drag po rab bskyed de/__/kha tsam ma yin snying nas skyabs 'gro bya/__/skyabs gnas gzhan nas mi tshol nges pa brtan/__/skyid sdug legs nyes gang byung thams cad kyang /__/bzod par byas la rang sems dkon mchog gsum/__/mngon du ma gyur de srid skyabs su 'gro/__/srog dang bya dga'i phyir du mi spang pa'i/__/dam bca'i ri mo snying la 'bri bar bya/__/'gro kun pha mar shes dang rang nyid kyi/__/skye ba 'di la thog ma mi rnyed pas/__/pha ma byas pa grangs kyis mi chod pa/__/de dag kun gyis brtse ba chen po yis/__/da lta'i pha mas brtse bas skyong ba ltar/__/shin tu byams pas bskyed bsrings yang yang dran/__/de dag blang dor rmongs pas bde sdug gi__/rgyu 'bras phyin ci log tu spyod pa la/__/da lta nged rang rnam rig gzo bas na/__/nges par de rnams sangs rgyas sar 'god phyir/__/dam pa'i lha chos sgrub snyam bde 'dod dang /__/sdug bsngal bral phyir snying rje rtag tu bsgom/__/de las kun rdzob byang chub sems skye zhing /__/de goms pa las don dam sems bskyed ni/__/lhag mthong shes rab zab mor mos spyod dang /__/rim gyis zab zhi spros bral rtogs pa na/__/byang chub sems mchog yang dag rgyud la skye/__/de nyid blo 'byongs rang sha gtong ba la'ang /__/zhum pa med pa'i sems mchog skye ba dang /__/sems can sdug bsngal can rnams dngos su sgrol/__/de lta mngon du ma gyur de srid du/__/snying rje chen pos yid rab drangs nas kyang /__/blo sbyong smon lam bzang po yang yang gdab/__/bsam ngan can la yon tan phra mos dben/__/rang nyid 'di phyi gnyis ka phung bar 'gyur/__/de bas bsam pa bzang po nan tan du/__/yang nas yang du bskyed pa gal che zhing /__/phun sum tshogs pa lag mthil gter thob bzhin/__/rang sems gdod nas rnam par dag na yang /__/sgrib pa gnyis kyi dri ma glo bur bas/__/rang bzhin dag pa'i me long rdul gos ltar/__/bsal ba'i thabs la nan tur brtson pa gces/__/tshogs bsags kun gyi rgyal po yan lag bdun/__/kun tu bzang po'i maN+Dal mchod pa rnams/__/rang 'dod grags phyir rnyed 'dod ma yin par/__/bsod nams tshogs ni rgya chen bsags pa dang /__/de rnams 'khor gsum yongs su dag pa yi/__/shes rab zab mos rgyas thebs ye shes tshogs/__/de gnyis zung 'jug sku gnyis 'bras bzang thob/__/de phyir zhing dang bsam pa dngos po gsum/__/yongs su dag pas mchod dang sbyin par brtson/__/khyed kyis da snga thos pa mang du mdzad/__/da dung zab mo nang gi don ston pa'i/__/dpal ldan sa skya'i mdo sngags dri med rnams/__/nyan dang der sems sgrub la nan tan bya/__/khyad par bstan pa yongs rdzogs gsung ngag gi__/gdams zab rgyab brten rgyud kyi bshad pa la/__/yang yang lta ba'i shes rab mig sgrub nas/__/zab mo'i don la spobs pa brtan par bya/__/lhag pa'i lha yi bsnyen sgrub la brtson zhing /__/de yang skal ba gang ldan mi shes pas/__/rang gi mos pa'i yi dam kha shas la/__/byas lo tsam min bsnyen sgrub gnad khel bya/__/da ni cher snyigs dus kyi rgud pas gtses/__/lha bri rten bzhengs gsar spros dgos pa chung /__/sngar yod nyams pa gso dang mchod rgyun spel/__/sgrib sbyong tshogs bsags sgo la rem na legs/__/bstan pa'i snying po lung dang rtogs pa'i chos/__/'chad nyan sgom sgrub spel bar mdzad gyur na/__/sangs rgyas bstan la phan cing rang gzhan la/__/'bad med bde blag nyid du 'grub par 'gyur/__/rtog ge ngan pa'i bstan bcos blta ba dang /__/gter min gter rlom can gyi chos sna rnams/__/dgos gnad chung bas btang snyoms bskyur la thong /__/rang lugs 'khrul zad gong ma'i gsung rabs gzigs/__/de dag rnams las lam gyi snying po ni/__/gsang sngags bla med rgyud rnams khyad par 'phags/__/dbang bskur nos pa'i rdo rje slob dpon ni/__/khog pa'i snying dang dpral ba'i mig bzhin btsal/__/de mnyes pas ni kun mkhyen dngos grub thob/__/ye shes gsang ba dam pa'i mdzod thob 'gyur/__/de phyir ma dad log lta rtsad nas dor/__/yang yang gsol btab dbang blang thugs yid bsre/__/don dam bla ma chos sku'i rang zhal blta/__/cir snang rjes spyod bla ma'i lam khyer bya/__/'dir ni nyung ngu'i ngag gis bsnyad pa ste/__/rdo rje theg pa'i dbang bzhi'i lam gyi rim/__/rgyas par gsung ngag lam 'bras khrid yig dang /__/rgyud kyi bshad pa rnams las shes par bya/__/bum pa'i dbang gis lus rtsa smin byas te/__/bum dbang lta ba 'khor ba'i chos rnams dang /__/myang 'das dbyer med 'khor ba gdod nas dag/__mya ngan 'das pa thob ces bya ba med/__/'khor ba'i rang bzhin sems snang sgyu ma dang /__/sgyu ma stong nyid brjod bral sems kyi gshis/__/de la sgro 'dogs legs par bcad byas te/__/cir snang gdan gsum lha yi ngo bor bsgom/__/dbang gi ye shes nyams su myong ba las/__/ngo bo nyid gsum ting 'dzin khong nas 'char/__/lus sems thams cad lha yi rol pa dang /__/lhar snang phyag rgya chen po mngon sum du/__/rang rig dag pa chen por e ma ho/__/gsang dbang rlung dang gtum mo'i rnal 'byor gyis/__/zhu bde mi rtog ye shes 'dren pa las/__/nyon mongs rnam dag rang byung ye shes shar/__/rtsa gnas yi ge'i 'khor lor dag pa las/__/longs spyod rdzogs sku'i yon tan cir yang 'char/__/shes rab ye shes thig le'i 'gros thim pas/__/bde stong mchog gi pho nya gar mkhan ma/__/dngos rig las dang chos kyi phyag rgya dang /__/snyoms 'jug dbab ldog dga' bzhi'i rol rtsed kyis/__/'khor 'das chos rnams dbu ma'i dbyings su rdzogs/__/rtsa yi mdud grol sa lam yon tan rdzogs/__/sdug bsngal thams cad bde ba chen por shar/__/bzhi pa'i lam gyis gzung 'dzin rba rlabs rengs/__/shin tu phra ba'i kun gzhi'i rlung dang bcas/__/gtsug tor rtser bzlog sbas pa'i rtsa lnga 'byed/__/sku dang zhing khams rgya mtshor mnga' dbang 'byor/__/pad+ma can gyi nye rgyus mtshams sbyar nas/__/bcu gsum rdo rje 'dzin pa'i sa mchog la/__/tshom bu dang bcas mngon par sangs rgyas 'gyur/__/de rnams kun gyi nyams len stan thog gcig/__thun bzhi'i rnal 'byor nyams su blang bya ni/__/phyi dkyil rgyas bsdus gang rung la brten nas/__/lam gyi thun bzhir dbang bzhi blang ba dang /__/khyad par lta ba skyong ba gal che zhing /__/lta ba dang bral bskyed bzlas rnal 'byor rnams/__/'jig rten pa yi dngos grub thob na las/__/mchog gi dngos grub skal ba shin tu phra/__/des na gsal rig stong gsum dbyer mi phyed/__/nyams len de yi khog dbub bskyed rdzogs rnams/__/rang gdangs 'gags pa med pa'i rtsal shar ba/__/de ltar shes nas nyams su len par mdzod/__/khyad par lam zab bsdus pa bla ma'i lam/__/sangs rgyas kun gyi bgrod pa gcig pa yi/__/nye lam mthar thug bla ma'i rnal 'byor yin/__/rgyu lam 'bras bu'i dbang rnams bla mas bskur/__/yi dam lha yang bla ma rang yin pas/__/des na bla rnam la ni nyams len gyi/__/mthil du bcol ba shin tu gal che zhing /__/'di phyi bar do kun tu bla ma las/__/skyabs gnas gzhan na med par thag bcad de/__/skyid sdug legs nyes gang byung bla mar gtad/__/don yod rnam bzhis bla ma mnyes par bya/__/nad pas sman pa mkhas pa bsten pa bzhin/__/bla ma'i gsung bzhin bsgrubs na bsam don 'grub/__/bla ma gcig la dam tshig nyams gyur na/__/'o rul gcig gis thams cad skyon byed ltar/__/bla ma kun dang dam tshig mi gtsang zhing /__/gsang sngags 'bras bu g.yel bar 'gyur ba dang /__/'di phyi kun tu mi dge 'byung bas na/__/rang sems dngul dkar me long gtsang bar bya/__/nam zhig 'chi bar gyur pa'i tshe na yang /__/bla mar gsol btab rig pa a yig gi__/rnam pas thugs kar spar la thugs yid bsre/__/de lta'i ngang nas phyi nang dbugs chad na/__/dpa' bo mkha' 'gros rol mo glu gar bcas/__/sgrub po mkha' spyod gnas su khyer byas te/__/sa lam lhag ma myur du bgrod par 'gyur/__/gal te srid pa bar dor 'khyar na yang /__/bla ma lha dang gdams ngag lta ba dran/__/de ma thag tu dag pa'i zhing du skye/__/de yang da lta nyid nas zhing sbyongs dang /__/bla mar mos gus gnad du bsnun pa dang /__/da lta'i snang ba bar do yin bsam nas/__/dran pa gsum la rtag tu goms 'dris bya/__/bzang po spyod sogs smon lam yang yang gdab/__/rang 'dod 'khri ba med par sgo gsum gyi/__/bya ba ci byed sems can don du bsngo/__/mdor na mang du smos pas ci zhig bya/__/rtag par dam pa'i chos la spyod pa dang /__/chos dang mthun pa'i grogs dang 'grogs byas te/__/rgyal bas bsngags pa'i dben gnas nyams dga' bar/__/rgyal ba dgyes pa'i lam la rab brtson na/__/sku tshe ji thub don yod yin par nges/__/de las gzhan du grags snyan stong ldir che/__/chos brgyad la sred chos ltar bcos pa yi/__/rang mgo rang g.yog don med mi tshe zad/__/ci byas de thon med ngang 'chi bas gtses/__/phyi mar ngan song sdug bsngal myong bar 'gyur/__/de bas rang dbang rang la yod dus 'dir/__/snyoms las ngang du dal 'byor chud ma gsan/__/dgos med bya ba mang po skyur la thong /__/tshe 'di'i zhen pa ldog na thar pa yi/__/lam sna zin cing rang gzhan don rnams 'grub/__/de skad gdams pa'i tshig phreng mdo tsam 'di/__/dkor rgan chos kyi blo gros zhes bya bar/__/dam pa gang gis rten bcas bskul ba na/__/rang gis mi shes mi byed bzhin du ni/__/bris pa'i dge bas 'gro rnams byang chub la/__/myur du 'god par rgyal ba sras bcas kyis/__/byin rlabs bden pa'i dbugs dbyung stsal du gsol/__/sarba mang+ga laM/__/ces tre hor gdong thog mchog sprul la gnang ba'o//___//_!_rang la gros su 'debs pa bzhugs/__kye ho/__mtshan tsam thos pas srid pa hrul por byed/__/dran pa tsam gyis dge legs mchog ster ba/__/gtan gyi skyabs gcig dpal ldan bla ma mchog/__mi 'bral snying gi ze 'brur dgyes par rol/__/ka ye gson dang blo gros can/__/khyod da lta na tshod gzhon snyam yang /__/rang legs par 'dod pa'i blo ngan des/__/tshe nyi ma dgong kha'i grib mas non/__/mtshan ldan gyi bla ma mang mjal zhing /__/bka' mdo rgyud cung zad thos gyur kyang /__/rang rgyud 'di sra mkhreg rdo ba bzhin/__/sems rgyud la ma phan mdo med po/__/sdom gsum gyi bcas mtshams ngo shes kyang /__/rang phung rang brlag gi bsam sbyor gyis/__/dmyal ba'i sdug bsngal 'bad pas bsgrub/__/bsam med khyod lag pa brang thog zhog/__nga mi 'chi snyam pa'i sdod grab 'dis/__/tshe 'di phyi'i don rnams thams cad stor/__/dgra 'chi bdag gi zhags pas thebs re ran/__/'dir snang gi bskyas shig 'degs pa na/__/sdug bsngal la bzod thabs ma mchis kyang /__/mig mchi ma tsa re nyams su myong /__/de dran na snying rtsa dbang med 'dar/__/rten dal 'byor thob pa da res tsam/__/'gangs chen 'di chud zos mi gtong bar/__/gtan bde'i 'dun ma bsgrub re ran/__/lus mdzes pa'i me tog rga bas bcom/__/mi 'dod bzhin nad kyi tshor ba myong /__/dbugs hag gis chad pa'i 'chi ba de/__/dus da lta nye drung 'di na mchis/__/bu blo gros bsam blo legs par thong /__/dkor nag po lcags sreg tho lum 'dis/__/thar pa'i srog rtsa gcod re ran/__/khro chu yi khol ma khar blugs dus/__/zhim po zhig e yod bsam gzhig gyis/__/rang ma smin gzhan don byed rlom de/__/long bas long ba 'khrid pa 'dra/__/bdag gzhan gnyis mgo bskor ma byed ang /__/pha dran chog rgyal po bla ma rje/__/bdag mos gus gdung bas gsol 'debs na/__/bu'i 'dun ma dam pa'i chos la bsgyur/__/lam sna de pha gcig bla mas drongs/__/rje ye shes sku can bla ma de/__/dus da lta mjal na dga' ba la/__/nga rang snang ma dag las ngan pas/__/pha bla ma mjal ba'i skabs ma rnyed/__/bu nga rang las snang dag gyur na/__/shes rig ma bcos 'di bla ma yin/__/'di dang rnam kun 'bral ba med/__/de bsam na nga la dga' bde rnyed/__/bu skyo bsang gi bla ma de na bzhugs/__/da nga yi tshe lhag ji gnas kyang /__/blo phug 'di dam pa'i chos la gtod/__/sgo gsum bya ba ci byas kyang /__/sems can gyi don du spyod pa las/__/rang 'dod kyi 'khri ba med par shog/__thar pa'i lam sna zin par shog/__byang chub sems kyi rtar zhon nas/__/sems can bde la 'god par shog/__ces pa'ang lho rgyud bur ldom thang se yi g.yang 'bes kyi mdun chos khri thang du chos kyi blo gros pas smon pa'o//___//_!_zhal gdams gnad kyi phreng ba zhes bya ba/__mkhyen gnyis snang ba'i 'od po ches/__/ma rig mun pa drung 'byin pa/__/bla ma blo ldan mchog sred kyi/__/zhabs kyi pad+mor gus btud nas/__/theg chen lam la 'jug pa'i sgo/__/rgya che zab pa grangs mang yang /__/de yi lam gyi rim pa ni/__/gnad kyi phreng ba 'dir brjod do/__/rnyed dka' dal ba'i rten bzang 'di/__/yun du mi rtag shes pa dang /__/'khor ba'i nyes pa dran byas te/__/las 'bras blang dor rab tu brtson/__/khas blangs tshul khrims gtsang ma'i gzhir/__/skyabs 'gro'i chos kyi gzhi rten bca'/__/lhag bsam bzang po'i byang chub sems/__/bskyed cing ma nyams brtan por bzung /__/phyogs ris med pa'i blo sbyong zhing /__/rkyen ngan byang chub lam du khyer/__/bde sdug thams cad mgo snyoms shing /__/chos brgyad mnyam pa nyid du khyer/__/snang srid sgyu ma'i rang bzhin blta/__/sgyu ma stong nyid brjod bral du/__/bden gnyis zung du 'jug par bsgom /__/rdo rje theg pa'i lam zhugs nas/__/dbang gis rgyud smin dam tshig dag/__rim gnyis lam la rtag gnas shing /__/rdo rje gsum dang 'bral mi bya/__/khyad par mchog gsang rdzogs pa che'i/__/man ngag sems kyi gdar sha bcad/__/chos kun gzhi med rtsa ba bral/__/gdod nas skye med gnas med cing /__/'gro 'ong 'gags med byang chub sems/__/shes rig rgyal po de bzhin gshegs/__/kun tu bzang po rang la bzhugs /__/ye nas 'khrul ma myong pa yi/__/chos sku'i grol gzhi ngos bzung ste/__/spangs thob bral ba'i rig pa la/__/chos kun thig le chen por rdzogs/__/yul dang yul can dbyer med cing /__/shes dang shes bya ro gcig pa/__/ka dag stong pa'i dbyings chen por/__/rang bzhin 'od gsal lhun gyis grub/__/rtsal gdangs ma 'gags cir yang shar/__/shar ba rig pa'i klong du thim/__/bcing grol med pa'i ngang du bzhag/__bzhag ces bya ba'ang ming du zad/__/rang bzhin 'od gsal gseng lam cher/__/sgron drug gnad du bsnun pa las/__/'khor 'das 'od sku chen por grol/__/sku gsum lhun grub rtsal rdzogs nas/__/mi gnas chos sku'i btsan sa zin/__/phyir gsal sku dang ye shes kyi/__/sprin bkod 'gro ba'i don byed 'gyur/__/de skad a bse bya bral bas/__/bskul ngor chos kyi blo gros pas/__/bris pa'i dge bas sems can kun/__/mi gnas myang 'das thob par shog/__//__!zhal gdams byang chub bde lam zhes bya ba/__/dpal ldan bla ma 'jam pa'i rdo rje yi/__/zhabs kyi pad+mo gus pas mchod byas te/__/rgyal ba kun gyi bgrod pa gcig gyur pa'i/__/byang chub bde lam nyung ngu'i tshig gis dbye/__/gang zhig thar lam bgrod pa'i rten bzang po/__/dal 'byor lus ni u dum wA ra ltar/__/shin tu dkon la rnyed dka' thob pa 'di/__/da res tsam yin phyis nas rnyed mi 'gyur/__/de yang mi rtag rtsa rtse'i zil pa 'dra/__/sang dang de ring su snga mi shes shing /__/'chi ba'i rkyen mang nam 'chi cha med cing /__/'dus byas thams cad 'jig pa'i tshul la soms/__/nam zhig tshe zad dbugs kyi ngar sgra brtsegs/__/gshin rje'i skyes bu'i sun ma lhags pa na/__/mi dge sdig pa'i khur po btegs bzhin du/__/rang byas las kyi 'bras bu rang la smin/__/sdug bsngal brgya phrag du mas rnam par gtses/__/shin tu bzod dka'i me yi dbal dang ni/__/grang ba'i reg bya sbrebs pas mnar la sogs/__/dran pa tsam gyis 'jigs pa bskyed nus na/__/dngos su nyams myong bzod du ci zhig yod/__/de bzhin yi dwags dud 'gro'i skye gnas dang /__/nyi tshe nye 'khor la sogs ngan 'gro'i rigs/__/zag bcas dge bas mtho ris 'phen na yang /__/las zad 'og ma'i gnas su ltung bar 'gyur/__/des na khams gsum rigs drug gar skyes kyang /__/bde ba'i go skabs phra mo tsam yang med/__/nges par 'byung bas zhen log bsgom par mdzod/__/dad dang mos gus brtan pos gzhi bzung ste/__/'di dang phyi ma thar pa'i lam gegs las/__/skyob phyir thar 'dod yid ches rab bskyed de/__/bla ma dkon mchog gsum la skyabs su 'gro/__/rang nyid gces par 'dzin pa'i blo dor la/__/gzhan phan lhag bsam bzang po g.yo sgyu bral/__/byams dang snying rje'i rtsa ba rab brtan cing /__/byang chub sems bsgom chos kyi snying po yin/__/bdag bde 'dod las nyes pa thams cad 'byung /__/gzhan don sgrub na rang don shugs kyis 'grub/__/rang lta mchog 'dzin dman par ltung ba'i rgyu/__/byang chub mchog las ring du 'gyang bar byed/__/rtag par lus ngag yid gsum don yod par/__/sems can don du rab tu bsrung ba dang /__/rnam dag smon lam bzang po yongs su gdab/__/'dod pa chung zhing chog shes bsten pa gces/__/dus rnams kun tu rang gi sems la brtags/__/bsam pa ngan pa sbrul gdug bzhin du spangs/__/sems can kun la gnod par 'gyur ba'i las/__/rmi lam na yang dngos brgyud mi bya'o/__/bde gshegs snying po rang bzhin ye dag gis/__/skye 'gro sems can kun la khyab na yang /__/glo bur dri ma sbyang bar ma byas na/__/don gnyis ldan pa'i byang chub mi thob pas/__/de phyir tshogs gnyis bsags dang sgrib sbyong gi__/lam gyi rim par nan tan bya ba dang /__/bshes gnyen mtshan nyid ldan pa gus bsten nas/__/dam pa'i chos kyi bdud rtsi blang bar byos/__/thos pa tsam gyis grol bar mi 'gyur te/__/don la bsam dang sgom pa nan tan bya/__/chos pa'i rtags la nyon mongs chung ba dang /__/'dir snang zhen pa chod na lam 'gro'i rtags/__/de ldog tshe 'dir sred pa che ba dang /__/nyon mongs 'phel zhing g.yo sgyus dus 'das na/__/kha nas chos bshad ji ltar mkhas gyur kyang /__/thar pa'i phyogs su nye bar mi 'gyur ro/__/'o skol thub pa'i dbang po'i bstan zhabs skyes/__/rang gi khas blangs tshul khrims ma nyams dang /__/byang chub sems dpa'i spyod 'jug la sogs pa/__/sems la phan pa'i gzhung bzang 'ga' re slob/__/khyad par gu ru pad+ma 'byung gnas nyid/__/rigs kyi bdag por thob pas gsang sngags kyi/__/bka' gter dbang rgyud man ngag gang thob bya/__/thob pas mi phan rang nyid gang mos pa'i/__/rtsa ba gsum gyi bsnyen sgrub zab mo la/__/'bad pa brgya phrag dag gis brtson par gces/__/deng sang dus kyi mtha' mar skyes pa na/__/dngos su gzhan phan 'byung ba shin tu dka'/__/ston pa'i bstan par sgom sgrub khe che zhing /__/rdo rje theg pa'i rim pa nos pa yi/__/bla ma'i dam tshig mchog tu bsrung ba dang /__/mi 'phrog pa yi dad pa brtan po bya/__/bskyed pa'i rim par a 'thas ma bgos shing /__/snang stong chu zla lta bur gsal dag brtan/__/rdzogs pa'i rim par 'dod sred dbang ma shor/__/mtshan mar 'dzin pa'i rtog pa kun spangs la/__/gnyis snang zhan pa rang sar grol ba dgos/__/khyad par gzhi yi ye shes de kho na/__/sgra tshig bsam brjod kun las rab 'das pa/__/byin rlabs stobs kyis go myong rtogs pa yin/__/des na bka' drin che ba'i bla ma la/__/sangs rgyas dngos su blta zhing mos gus bsgom/__/gsol btab dbang blang thugs yid bsres la bzhag/__dus gsum rtog pas ma bslad rig pa'i gshis/__/gnyug ma'i ngang der bcos bslad med par zhog/__rang byung ye shes ka dag spros pa bral/__/gdod nas 'gyur med ngo shes lta ba yin/__/de yi ngang du yengs med 'dzin med pa/__/rang sar babs kyis bzhag pa sgom pa'i gnad/__/lta sgom zung du 'jug pa rig pa nyid/__/lam du khyer ba'i ngang nas gang shar spyod/__/re dogs spang blang rang grol nyid du thongs/__/de ltar brtson pas rig pa sku gsum gyi/__/rang bzhin mngon gyur gzhan nas btsal mi dgos/__/gzhir rdzogs 'bras bu rgyal po'i btsan sa zin/__/khams gsum 'khor ba dong nas sprugs par 'gyur/__/de ltar byang chub bde bar bgrod pa'i lam/__/nyung ngur bris te gdams pa'i dge bas ni/__/'gro kun ma rig gnyid las sangs pa dang /__/ye shes snang ba rgyas pa'i mchog thob shog/__ces pa'ang bde rgyal rin po che'i sprul sku mchog nas rten bcas gsung bskul ngor/__'jam dbyangs chos kyi blo gros pas sgang thog nas bris te phul ba dge/__//__!zhal gdams mgur glu rin chen mgul rgyan zhes bya ba/__rje bla ma rnams la phyag 'tshal lo/__/sgos bka' drin can gyi byin gyis rlobs/__/grogs khyod nas mgur ma dgos zhes zer/__/mi nga la mgur ma snyan po med/__/mgur rdo rje'i thol glu zhes pa de/__/rje grub thob rnams kyi do ha zer/__/da sprang po nga yi blun gtam gyis/__/bu khyod la gdams ngag gsal 'debs zhu/__/rje dus gsum sangs rgyas 'gro ba'i mgon/__/pha drin can rtsa ba'i bla ma la/__/yid khyed shes dad mos drag po yis/__/kha tsam min snying nas gsol ba thob/__/gsol ba de ci tsam btab pa dang /__/mos gus kyi gzer chen snying la thebs/__/dam tshig gi sa gzhi gtsang gyur na/__/nyams rtogs kyi dpag bsam sdong po 'khrungs/__/mchog thun mong dngos grub 'byung bar nges/__/sngon bsags kyi dge ba'i 'bras bu las/__/dus da res dal 'byor mi lus thob/__/'di nor bu rnyed pas do zla med/__/tshe phyi ma'i don chen bsgrub 'dod na/__/dus da res snyom las ma gtong zhig/__da phan chod dgos med bya bas g.yeng /__/mdo sngags kyi gzhung chen 'ga' sbyangs kyang /__/kha shog lce rlung gis bskyod pa las/__/don yang dag rgyud la 'byor pa dkon/__/de bsam gyin bsam gyin snying rlung ldang /__/mi tshe nyi ma stong zad thal/__/dgra 'chi bdag gshin rjes mdun nas bsgug/__khos zhags pa nam btab mi shes pas/__/dus myur ba nyid du 'chi ran gda'/__/lo zla ba zhag dang nyin mtshan zad/__/tshe srog ni mar me rlung bdas mtshungs/__/rkyen ci 'byung nges pa cha med pas/__/chos sang byed gnang byed dbang ma gtong /__/'phral 'phral du lag len thebs par mdzod/__/'chi ba ni nam 'ong cha med cing /__/'chi rkyen la nges pa med pas na/__/dus da res thob pa'i lus rten 'di/__/yag nyes gnyis kyi sa mtshams yin/__/gyong bldabs na de las phongs pa med/__/khe thob na tshe 'dir sangs rgyas 'grub/__/tshe 'di phyi'i legs tshogs ci mchis pa/__/lus 'di yi steng nas 'grub pa yin/__/de yang yang thugs la nges par gyis/__/las 'bras la yid ches bskyed byas nas/__/dge sdig spang blang nan tan gyis/__/las mi dges ngan song gnas su 'phen/__/zag bcas kyi dge bas mtho ris skye/__/de 'ang gtan du thar pa min/__/dman nyan rang gtan du thar gyur kyang /__/lam gyi bgrod pa bul ba dang /__/rang zhi bde'i mtha' la lhung bas na/__/gzhan phan gyi bsam pa rgya chen pos/__/chos theg pa chen po nyams su len/__/dus deng sang rang gi don du ni/__/mtshams bsnyen sgrub thos bsam byas lo rnams/__/ming theg pa chen por khas 'che yang /__/don dman lam tsam las yar ma phyin/__/bdag gces 'dzin gyi 'gong po 'dis phung bas/__/bdag med kyi don la bsam par gyis/__/de rig pas dpyad na klu sgrub kyi/__/dbu ma'i gzhung ltar gtan la phab/__/des bdag 'dzin mgo bo non par 'gyur/__/chos zab mo gsang sngags rdo rje'i theg/__de'i yang rtse dgyes pa rdo rje yi/__/dpal sa skya'i rje btsun gong ma la/__/bka' babs pa'i gsung ngag rin po che/__/nyams len gyi zhun mthar bcad par 'tshal/__/chos zab mo rdzogs pa chen po yi/__/gnad zab mo bla ma'i drin rnyed dang /__/dpal biR+Wa pa yi snyan brgyud kyi/__/gsung ngag yid bzhin nor bu gnyis/__/khrid tshul la rim dang cig car gyi/__/khyad tsam las don gnad gcig tu 'babs/__/lar grub mtha' kun la phyogs ris spongs/__/nges don gyi gnas lugs zab mo la/__/yid ches dang dad mos brtan po gyis/__/bsam rgyu dang dran rgyu ma mang bar/__/'dod chung dang chog shes rgyun du bsten/__/lus po de ji mi snyam ma byed/__/zas gos ni gang 'dzom legs po brten/__/dus da lta lus la dka' spyad na/__/rtsa thig rlung gsum myur du rgud/__/de rgud na nyams len byed mi nus/__/de bas na lus la gces spras 'tshal/__/dpal kye yi rdo rje'i lam dbang de/__/ma chags pa rgyun du gsung bar zhu/__/chos bshad sgrub gnyis las sgrub pa gtso/__/sgrub ma nus ye shes rtogs pa ci/__/nus phra mo tsam yang thob par dka'/__/bu de phyir gsang sngags sgrub la brtson/__/a ho ye/__chos thams cad gdod nas ka dag la/__/sems glo bur 'khrul pa'i dri mas sgrib/__/dri ma de gshis la zhugs pa med/__/de chos kyi dbyings su rang dengs thong /__/'od gsal ba'i ye shes snang ba yi/__/khams gsum gyi 'khrul pa zad de thal/__/'khrul ma myong sku gsum rang bzhin la/__/da bla ma'i drin gyis gshis der 'byams/__/gzugs snang ba thams cad 'al ma 'ol/__/sgra grags kun brag ca lta bur zad/__/sems 'gyur ba wal po rjes med song /__/nga rnal 'byor rtogs pa'i khyad chos yin/__/lus na ba snyam yang na ba med/__/cir snang kun de la der 'dzin med/__/spyod pa la rtsis gdab dang bral ba/__/nga rnal 'byor smyon pa'i spyod tshul yin/__/yar sangs rgyas zhes pa'i sgra bo che/__/mar 'khor ba zhes pa'i sdug skad de/__/nga gnyis med rtogs pa'i rtogs ldan la/__/re ba dogs pa cang ma mchis/__/'bras sku gsum gzhan nas btsal mi dgos/__/bu a pho rang la tshang nas gda'/__/tshig de skad kha pho che song yang /__/nga grub thob brgyud pa'i bu yin pas/__/gshis ma bcos ngang nas thol gyis byung /__/slob bu mdo med hral po la gdams pa'o//___//_!_'khor lo bar ba'i dgongs pa rang stong de/__/dpal mgon 'phags pa klu sgrub bzhed gzhung yin/__/'khor lo tha ma nges don snying po'i gtam/__/'phags pa thogs med zhabs kyis gtso bor bton/__/klu thogs rnam gnyis dgongs pa gcig tu 'bab/__/sa bka' rnying gsum dgongs pa gcig tu mthun/__/bde gshegs snying po stong rkyang tsam ma yin/__/sku dang ye shes yon tan phrin las rnams/__/ma btsal lhun grub rig khams dbyings kyi cha/__/dag thob bral ba'i sems ni sangs rgyas yin/__/'di yi gnad la nges shes brtan po mdzod/__/stobs sogs yod pas nyon shes sgrib pa bcom/__/'khor ba mtha' can nyid du 'gyur ba lags/__/shes rab phar phyin nyams len stan thog gcig/__dril bar 'dod na sems bskyed rkyang pa'i steng /__/rnam rdzogs sbyor ba'i kun rdzob rnam pa'i cha/__/kun rdzob sems bskyed rnam med phyogs thams cad/__/don dam sems bskyed stong nyid snying rje gnyis/__/dbyer med nyams su blang ba'i nang du 'dus/__/'di yang zab don khyed la gdams pa'o/__/ces pa'ang rang slob khra la tsho rin chen 'bras ljongs nas bod la rgyu ba'i tshe mgur ma dgos zhes bskul ngor chos kyi blo gros pas bris pa'o//___//_!_zhal gdams thar pa'i 'khri shing zhes bya ba bzhugs so/__/oM swasti/__rje bla ma rnams la phyag 'tshal lo/__/sgos bka' drin can gyi byin gyis rlobs/__/mi nga dang nga 'dra'i sems can rnams/__/lam thar pa dam par 'dren du gsol/__/blo snang ba dam pa'i chos la bsgyur/__/rkyen ngan pa'i dbang du ma gtong zhig/__dus da res dal 'byor lus rten 'di/__/pho rtsal shugs che bas thob pa min/__/sngon bsod nams bsags pa'i 'bras bu yin/__/de chud zos ma gtong a roT tsho/__/'di chud zos gyur na gyong chen bsdab/__/da phyi nas 'di 'dra rnyed pa med/__/'di 'dra'i lus rten thob dgos na/__/gzhi tshul khrims rnam par dag pa bsrung /__/de bsrungs pas lus rten khyad 'phags thob/__/dus da lta thob pa'i lus rten 'di/__/yun mi rtag rlung gseb mar me 'dra/__/dgra 'chi bdag nam 'ong cha med pas/__/sos dal du sdod pa'i long khom med/__/don med kyi rnam g.yeng ngag 'chal dang /__/'jig rten gyi ltad mo sna tshogs kyis/__/sems gya gyu 'di nyid bslus bslus pas/__/mi tshe nyi ma stong zad thal/__/da lag pa brang thog bzhag byas te/__/sems nang du khug la bsam blo thongs/__/sngar phan chod dge ba nyung zad tsam/__/sgo gsum gyi sdig bsags grangs mi chod/__/da 'gro sa dmyal ba las mi gda'/__/de bsam na snying rlung ldang re ran/__/da ma ran dgu ran dam chos sgrubs/__/snying thag pa nas dam pa rnam gsum gyi/__/thabs mkhas pas zin pa'i lha chos 'bad/__/las rgyu 'bras nam yang bslu ba med/__/las bsags pa rang gi steng du smin/__/de gzhan la 'pho ba'i go skabs med/__/rang byas de rang gi steng du myong /__/de bas nas dge sdig blang dor brtson/__/rgyu dge sdig spang blang ma byas na/__/nam 'chi dus 'gyod pa chen po 'ong /__/dus de tshe 'gyod pas ci byar yod/__/tshe phyi ma'i lam ni shul thag ring /__/gnas gar 'gro'i nges pa cha med cing /__/grogs longs spyod mdza' bshes rjes mi 'brang /__/rang gcig pu phyi ma'i lam la theg/__dus de tshe skyabs gnas bla ma yin/__/de min pa sus kyang skyob mi nus/__/gnas 'khor ba'i gcong rong nyams re nga /__/tsha grang gi sdug bsngal bzod par dka'/__/de dran pa tsam gyis snying rlung ldang /__/dus da lta rang dbang yod dus 'dir/__/der mi skye'i thabs la 'bad par bya/__/rang gcig pu thar bas phan pa med/__/ma 'gro drug sems can thams cad la/__/phan 'dod kyi lhag bsam bzang po bskyed/__/sgo gsum gyi dge ba ci byas rnams/__/rang legs 'dod kyi 'khri ba ngan pa thongs/__/gzhan gces 'dzin de rnams don du spyod/__/dus rtag tu smon lam bzang po thob/__/gzhan gnod kyi bsam sbyor ngan pa thongs/__/gzhan phan gyi lhag bsam bzang po bskyed/__/blo bsam ngan rgyud la 'chang ba der/__/las ngan gyi mtshon cha rang la 'khor/__/rang gzhan kun 'di phyi gnyis ka phung /__/de bas na lhag bsam bzang por bya/__/khams bde gshegs snying po byang chub kyi/__/zag med yon tan ni lhun grub kyang /__/dpe me long rdul can dang mtshungs bas/__/de bsal thabs bsags sbyangs gnyis la 'bad/__/sgo gsum la ye shes 'bebs pa de/__/rje bla ma'i byin rlabs la rag pas/__/lam zab mo bla ma'i rnal 'byor la/__/rgyud dad dang dag snang rnam dag gis/__/kha tsam min mos gus drag po yis/__/gsol 'debs dang dbang blang thugs yid bsre/__/nyams len gyi snying po de ru dril/__/gsang sngags kyi dbang bskur grangs mang nod/__/de'i dbang bzhi'i dam tshig bsrung ba'i ched/__/yi dam gyi bsnyen sgrub brtson par bya/__/lam dus kyi dbang blang ma chags na/__/dam tshig nyams pa gso byed kyi/__/thabs mchog tu gyur pa yin par 'dug/__dus rtag tu lus ni lha ru bsgom/__/ngag sngags kyi bzlas brjod brtson pa dang /__/sems 'khrul pa rgya 'byams mi gtong bar/__/rig stong chos nyid 'od gsal ngang /__/ma yengs rtag tu skyong ba gces/__/de ltar nyams len gdams pa 'di/__/rang gi rgyud la mi gnas kyang /__/khyod kyi bskul ngo ma ldog tsam/__/dam pa gong ma'i gsungs bzhin du/__/bris pa'i dge bas shes rgyud la/__/phan ba cung zad 'byung ba dang /__/bstan dang 'gro ba'i legs byas kun/__/dar zhing rgyas pa'i ched du bsngo/__/kun kyang byang chub mchog thob shog/__ces pa'ang hor gdong thog grwa bsam 'grub kyis bskul ngor chos kyi blo gros pas bsam yas brag dmar ke tshang du bris pa dge/__//__!zhal gdams kun phan bdud rtsi zhes bya ba/__dpal ldan bla mar phyag btsal nas/__/rang gzhan thar pa don gnyer la/__/phan pa'i gtam du bya ba ni/__/nyung ngu'i ngag gis skabs dbye bya/__/da res dal ba'i rten bzang 'di/__/pho tshod mtho bas thob pa min/__/sngon dge bsags 'bras bzang po las/__/thob pa yin pas dga' ba bsgom/__/dal 'byor thob pa da res tsam/__/legs na mtho ris thar par 'dren/__/nyes na 'khor ba'i gting rdo byed/__/yar 'gro mar 'gro'i sa mtshams yin/__/des na dran dang shes bzhin gyis/__/dge sdig gang byas mno bsam thongs/__/tshul khrims mig 'bras bzhin du bsrung /__/dge ba rnam par dag pa la/__/dam pa gsum gyi rtsis zin dgos/__/byas byas bton bton grangs mang rung /__/phan pa rgya che 'byung pa dka'/__/chos kyi rtsa ba nges 'byung yin/__/'khor bar zhen pa log pa dgos/__/tshe 'di'i snang bar chags sdang gis/__/'das na zhen pa ma log rtags/__/lag pa brang thog bzhag nas su/__/rang blo lkog tu ma gyur pas/__/sdig pa'i las la bshags sdom dang /__/dge ba sems can kun la bsngo/__/chos kyi nying khu byang chub sems/__/byams dang snying rje'i rtsa ba can/__/khams gsum sems can thams cad kun/__/pha ma yin par shes gyis la/__/bdag gzhan brje ba'i blo sbyong bsgom/__/rang 'dod med pa'i smon lam thob/__/phyogs ris bral ba'i bsam bzang gyis/__/bdag tu lta ba ma rig pa'i/__/gnyen por zab mo stong nyid bsgom/__/de yang chos dang gang zag bdag/__rang bzhin bden med nyid du ni/__/dang po rig pas rnam par dpyod/__/mtha' mar stong nyid spros bral du/__/chos kun mnyam pa nyid du bsgom/__/de yang gsang sngags dang 'brel ba'i/__/lam 'di shin tu zab pas na/__/dkyil 'khor kun bdag bla ma las/__/dbang blang dam tshig srog bzhin bsrung /__/mos gus ltem brkyang med pa gces/__/gsol btab dbang blang thugs yid bsre/__/gzung 'dzin rtog pas ma bslad pa'i/__/ma bcos rang babs mnyam par bzhag/__thun mtshams bla ma'i lam khyer dang /__/'bral ba med par dran par mdzod/__/rnam pa kun tu mi rtag pa/__/yang yang dran dang 'khor ba yi/__/nyes dmigs legs par bsam gyis la/__/rgyu 'bras spang blang zhib par mdzod/__/mkhyen gter 'jam pa'i dbyangs dang ni/__/bdud dpung kun bcom gsang bdag dang /__/sgrol ma'i mtshan bstod la sogs pa/__/mtshan bcas dge sbyor rem pa dang /__/tshe 'dir sa skya'i bstan zhabs skyes/__/dgyes pa rdo rje'i snying bcud ni/__/lam dus nges par chags med mdzod/__/kun la dag pa'i snang ba bskyed/__/rang mthong nga rgyal phrag dog spongs/__/sgo gsum dge ba ci byas pa/__/bstan pa sems can don du bsngo/__/de ltar khyed kyi thugs la zhog/__dge bas sems can grol gyur cig/__/ces pa'ang hor nya brag dgon gyi grwa sgrub brtson bla ma kun dga' chos kyi 'od zer gyi bzhed skong du/__'jam dbyangs chos kyi blo gros pas hor zla gnyis pa 7rje btsun grags pa rgyal mtshan gyi dus dran nyin 'bras ljongs mkha' spyod DA ki'i pho brang du bris te phul ba dge/__//__!gnas dgon mchog sprul la gdams pa bzhugs/__blo gsal chos kyi spyan ldan zhing /__/lugs gnyis gzigs pa rab yangs pa/__/khyed ni shes bya mtha' dag la/__/brgal bar 'dod pa'i snying stobs can/__/da lta lang tsho gzhon nu de/__/skad cig gcig gis rnying par 'gyur/__/rga ba'i chad pas mnar ba de/__/rgyang ring zhig tu ma sems shig/__sems kyi rta pho rgod 'drogs can/__/srab dang sgrog gis 'dul 'dra ba'i/__/nges 'byung chos kyis 'dul bar mdzod/__/ma brtags ma dpyad bya ba rnams/__/re zhig grub kyang mthar ni brlag/__de bas legs par brtags dpyad nas/__/bya ba gang brtsams mthar phyin gces/__/da lta na tshod gzhon pa'i tshe/__/thos bsam bsnyen sgrub thams cad la/__/g.yag ltog gis ni rtswa zos bzhin/__/sgo gsum 'bad pa drag po zhig/__bya ba gal che rgas pa'i dus/__/rtsa thig rlung gsum stobs bri nas/__/dbang po rgud par gyur pa'i tshe/__/yid la dran kyang lus mi 'khyol/__/mchog bstan nyag phra'i gnas skabs 'dir/__/khyed cag sprul pa yin pa'i phyir/__/de yi zab gter bstan pa la/__/bshad dang sgrub pa spel bar 'tshal/__/sdig pa'i grogs ngan spong ba dang /__/phan par gdams pa dang 'grogs shing /__/yang dag bka' gter bstan bcos la/__/'bad pas nan du blta bar bya/__/smra ba mang na kun gyis brnyas/__/ne tso smra bas gzeb tu tshud/__/smra la dga' ba'i nyes pa mang /__/de phyir smra ba tshod zin bya/__/rang nyid dman pa'i sa bzung na/__/rim gyis mthon po'i gnas su phyin/__/da lta rang snang mthon po yis/__/gzhan la khyad gsod zur za dang /__/brnyas bcos la sogs byas pa na/__/kun gyis sdang zhing byams mi 'gyur/__/rang nyid dman pa'i gnas lhung nas/__/'ug rgan nyin par rgyu ba bzhin/__/rtag tu sdod ni tshugs pa dgos/__/yul kun 'khyam na byur dang 'phrad/__/grong pa'i khyi 'khyams ji bzhin du/__/gzhan gyis brtsi bkur byed pa nyung /__/mi kha dag kyang rab ldang zhing /__/thos bsam sgom la g.yel bar byed/__/mdor na dam pa dam pa'i lugs/__/'dris pa byas na rang don dang /__/gzhan gyi don kun 'grub par 'gyur/__/de phyir thugs la phan pa'i gsos/__/rmongs rgan mu cor smra pa des/__/rang gi mi shes mi byed bzhin/__/gzhan la gdams pa khrel gyur kyang /__/dam pas dman las legs bshad kyi/__/dngos po mchis gang blang mdzad pas/__/de phyir thugs kyi gsos su ni/__/d+harma ma tis phul ba dge/__//__!zhal gdams thar lam sgron me bzhugs so/__/legs pa'i lam ni ston mdzad cing /__/ngan 'gro'i sgo 'phar gcod mdzad pa/__/byang chub lam bzang ston pa'i mgon/__/dpal ldan bla mar phyag 'tshal lo/__/rigs ldan chos mdzad khyed nyid kyis/__/zhal gdams dgos zhes nan du bskul/__/sngon byon dam pa'i gsung rabs la/__/legs par gzigs pas khyab na yang /__/mdor bsdus tsam zhig 'dir yang bri/__/kye ma dal dang 'byor pa yis/__/brgyan pa'i lus rten skyon med pa/__/'di 'dra thob tshe chos ma sgrub/__/rang gis rang bslus phung tshab che/__/'di 'dra phyis nas rnyed par dka'/__/de yi rgyu mtshan ci zhe na/__/tshul khrims srung dang bzod pa sgom/__/de yi 'bras bu lha mi'i rten/__/thob par 'gyur gsungs de sgrub dkon/__/rten thob 'di yang yun mi rtag/__rtsa rtse'i zil pa chu bur sogs/__/dpe yi rnam grangs du ma yis/__/mi rtag 'jig pa'i ngang tshul bsam/__/ngang ring ma byed chos la rem/__/sang byed gnang byed mang po yi/__/grabs tshis ngang la mi tshe zad/__/nyin gcig 'chi ba thog babs 'ong /__/de dus 'gyod kyang phyis te thal/__/de bas rang dbang yod pa'i dus/__/dran rgyu ma mang chos la 'bad/__/de yang dge sdig phyed 'dres kyis/__/dge ba stobs chen mi 'gyur bas/__/dran dang shes bzhin bsten gyis la/__/sdig pa che phra thams cad kun/__/shin tu 'dzem zhing bshags sdom bya/__/las kyi 'bras bu bslu mi srid/__/rang byas rang gi steng du smin/__/'khor ba 'di ni sdug bsngal gyi/__/rang bzhin nyid las ma 'das pas/__/de las rang gzhan sems can rnams/__/myur du thar phyir skyabs 'gro dang /__/bsam pa bzang pos sems bskyed mdzod/__/bsam ngan phrag dog can rnams ni/__/gnas skabs bsam don mi 'grub cing /__/'chi kha gnad gcod che ba dang /__/dmyal ba'i me ni bzod par dka'/__/de bas sgo gsum bya ba rnams/__/sems can don du 'gyur ba yi/__/bsam dkar smon lam bzang po thob/__/nor ni ji tsam 'byor gyur kyang /__/chog shes dka' zhing gsog srung spel/__/rtsol ba brgya phrag bskyed byas kyang /__/sgrub dka' mnog chung phan pa'ang phra/__/phal cher don med gyi nar zad/__/phal cher gzhan gyis spyod par 'gyur/__/des na chog shes bsten par bya/__/cung zad 'byor par gyur pa na/__/dkon mchog mchod pa la sogs pa'i/__/bsod nams tshogs bsags pa la 'bad/__/smra ba mang bas rang gzhan brlag/__tshod ran tsam du dgos don smra/__/rtag tu ma Ni sid+d+hi bgrang /__/ngag ni rnam kun don yod bya/__/lus ni rab tu bsrung bya zhing /__/nya stong tshes brgyad la sogs par/__/bsnyen gnas smyung gnas sdom pa blangs/__/sems kyang dran dang shes bzhin gyi/__/thags sgrog dam pos rab btul te/__/'khrul rtog rgya 'byams ma song ba/__/byang chub sems dang lta ba la/__/yang yang blo ni sbyong bar mdzod/__/bde gshegs snying po'i rang zhal ni/__/ma rig rdul gyis sgrib pas na/__/bshags sbyangs dag la nan tan dang /__/khyad par rdor sems bsgom bzlas brtson/__/rtogs pa'i ye shes rang rgyud la/__/skye ba'i rten 'brel mos gus dang /__/bla ma'i byin rlabs gtso che bas/__/bla ma'i rnal 'byor zab mor brtson/__/'khrul pa'i sems kyi gzhi rtsa chod/__/sems nyid skye med don rtogs na/__/'khor ba'i grong khyer stong par 'gyur/__/ye shes rtsal kha phyogs med rgyas/__/ma bcos ma yengs ngang ldan pas/__/ngang bzhag rnal 'byor zab mo yi/__/gzung dang 'dzin pa las grol ba'i/__/chos sku'i btsan sa zin pa dang /__/nam mkha' mnyam pa'i sems can rnams/__/sku gsum sa la 'god par 'gyur/__/de skad gdams pa'i phreng ba 'di/__/DA ki nor 'dzin dbang mo yis/__/rten bcas bskul ba ma ldog tsam/__/chos kyi blo gros zhes bya ba/__/tshul 'chal de yis gang dran bris/__/dge bas sems can grol gyur cig/__mang+ga laM shu b+haM//___//_!_zhal gdams gnad phreng zhes bya ba/__oM swasti/__dus gsum sangs rgyas thams cad 'dus pa'i dngos/__/dpal ldan bla ma'i zhabs la phyag 'tshal nas/__/spang blang gnad kyi zhal gdams nyung ngu zhig/__khyed kyi snyan du bsrings pas shis gyur cig/__kye ma rnyed dka'i dal 'byor skyon med 'di/__/lus rten 'di 'dra phyis nas rnyed par dka'/__/da res thob pa sngon bsags dge ba dang /__/sangs rgyas byang sems thugs rje'i mthu las byung /__/de bas don med chud zos btang gyur na/__/'di dang phyi ma'i don chen gtan du brlag/__de las gyong chen bsdab rgyu ma mchis pas/__/dal ba'i rten la snying po blang bar mdzod/__/myur du 'chi ba nam 'ong cha med cing /__/bar snang glog dang rlung gseb mar me dang /__/rtswa rtse'i zil pa nam mkha'i sprin dang 'dra/__/skad cig skad cig skye zhing 'jig pas na/__/'phral du dam pa'i chos la brtson par rigs/__/'chi bdag gshin rje'i mche ba'i phrag pa ru/__/skyes ma thag nas chud zin nam zhig btab/__/nges pa med pas myur ba nyid du ni/__/sos dal ma sdod lha chos sgrub la rems/__/'chi ba'i tshe na phyi ma'i lto brgyag ni/__/dge ba'i bsags pa med na 'khor longs spyod/__/mdza' bshes gnyen 'dun gang yang rjes mi 'brang /__/khyer dbang med cing gcer bu lag stong 'gro/__/sngon byas las ni phyi bzhin rjes 'brang bas/__/mi bzad sdig pa'i khur chen bteg gyur na/__/'jigs rung gshin rje'i zhags pa nag pos btab/__/las kyi mun pa nag pos mdun nas bsu/__/gshin rje'i skyes bu rnams kyis rgyab nas ded/__/'jigs pa'i gad mo sna tshogs sgrogs pa'i dus/__/kye ma kyi hud nyam thag sdug bsngal myong /__/de dus chos ma byas la 'gyod gyur kyang /__/phyi thal song bas phan pa cung zad med/__/de bas da lta rang dbang yod pa'i dus/__/rang mgo rang bskor las la mi 'bad par/__/gtan du phan pa dam pa'i lha chos sgrubs/__/sang byed gnang byed dbang du mi gtong zhing /__/snyom las bya ba ngan pas mi g.yeng par/__/nyin mtshan dal med dam pa'i chos sgrubs shig/__bsags pa'i nor ni phung krol bskyed pa'i rgyu/__/gang la nor yod de la ser sna yod/__/gsog srung spel ba'i sdug bsngal pha mtha' yas/__/gnyen bshes la sogs skyong dka' phan pa chung /__/ji tsam phan btags mgu dus cung zad med/__/drin lan mi 'jal phyi phyir log sgrub byed/__/khyad par deng sang gnyen bshes phal che ba/__/dgra ru ldang zhing gnod pa sna tshogs bskyal/__/des na dgra 'dul gnyen skyong kha 'dzin dang /__/tshong dang so nam la sogs kun spong la/__/dam pas bsngags pa'i dben pa'i gnas rnams su/__/gcig pur sdod la sgrub pa snying por mdzod/__/de yang dang po gdams ngag ston pa yi/__/mtshan ldan bla ma dge ba'i bshes gnyen bsten/__/dad dang mos gus drag pos bka' bzhin sgrubs/__/ma dad log par lta ba kun spong la/__/bsam sbyor rnam par dag pas bsten pa gces/__/chos kyi snying po rgyu 'bras spang blang dang /__/'gro kun rang gi pha mar shes pa yi/__/byams dang snying rje byang chub sems gnyis bsgom/__/bdag gzhan mnyam dang brje ba'i blo sbyong la/__/yang yang bsam la bdag 'dzin 'dul bar mdzod/__/nga dang nga yir 'dzin pa'i blo ngan ni/__/rang phyogs legs su re zhing dgra la sdang /__/mnyam la phrag dog mtho la 'gran sems dang /__/dman la nga rgyal la sogs nyon mongs kyi/__/rtsa ba thams cad bdag 'dzin ma rig las/__/byung ba shes nas gces 'dzin 'gong po 'di/__/yang yang 'dul zhing yan par ma gtong zhig/__kho yi dbang gyur las dang nyon mongs 'phel/__/sdug bsngal 'khor lo drag po 'di 'byung bas/__/de nyid rgyur bcas 'gog pa'i thabs mchog ni/__/rgyal bas gsungs pa'i bka' dang rgya bod kyi/__/bstan bcos dgongs don rang sems 'dul byed kyi/__/lam gyi bden pa rgyud la bsten par bya/__/ji ltar nad pas sman pa bsten pa ltar/__/sman dang sman pa nad 'tsho'i 'du shes kyis/__/yang dag dge ba'i bshes kyi gdams ngag rnams/__/chud zos ma gtong rang gi rgyud la len/__/de yang lta ba'i kha pho ma mtho bar/__/sngon 'gro 'khor bar nges par 'byung ba dang /__/byang chub sems la blo sbyong snying por bya/__/thog med dus nas bsags pa'i sdig pa rnams/__/gnong 'gyod drag pos stobs bzhi'i bshags pa dang /__/lus kyi phyag bskor ngag gi ltung bshags dang /__/yig brgya thar mdo dri med bshags rgyud sogs/__/sdig sbyong rnams la nan tan 'bad pa dang /__/yan lag bdun dang maN+Dal la sogs pa/__/tshogs bsags rnams la shin tu 'bad par bya/__/sgrib sbyong tshogs bsags rnams la ma 'bad na/__/dper na rdul gyis gos pa'i me long du/__/gzugs brnyan gsal ba mi mthong de bzhin du/__/rang sems sgrib pa'i dri mas gos pa la/__/lung dang rtogs pa'i yon tan 'char ba med/__/des na bsags sbyangs gal chung mi byed par/__/shin tu brtson pas 'bad na sangs rgyas kyi/__/zag med chos rnams ngang gis skye bar 'gyur/__/dang 'dod yid ches dad pa drag po bskyed/__/dad pa med na dkar po'i chos mi snang /__/dad pas yon tan thams cad sdud par byed/__/dkon mchog gsum las lhag pa'i skyabs gzhan med/__/'jigs dad snying rje gsum gyis kun nas slong /__/theg chen skyabs 'gro'i sdom pa khas blangs kyis/__/thob pa 'chi ba srog la bab gyur kyang /__/nam yang mi 'dor dam bca' brtan par bya/__/mkha' khyab sems can pha mar ma gyur med/__/da lta sdug bsngal rgya mtshor bying ba rnams/__/bdag gis da res ma rnams duHkha las/__/sgrol ba'i snying stobs chen po ma bskyed na/__/pha ma g.yul ngor lhung nas rang nyid bros/__/de las khrel che ci yang med pas na/__/rang don yid byed 'khri ba kun spangs nas/__/bdag gi sgo gsum gzhan gyi don du bkol/__/gzhan phan sgrub na rang don zhor la 'grub/__/rang don gtsor byas dman pa'i sa ru lhung /__/des na rang phyogs la chags gzhan sdang gi__/bsam ngan thams cad drungs nas 'byin pa dang /__/ci byas thams cad gzhan don 'gyur ba la/__/dngos su spyod dang smon lam bzang po thob/__/dge ba'i rtsa ba che phra ci byas kyang /__/sbyor ba sems bskyed dngos gzhi dmigs med dang /__/rjes la bsngo ba dam pas rgyas 'debs dgos/__/de gsum ma bral byang chub lam du bsgyur/__/de dang bral na zag bcas dge ba yis/__/mtho ris lha mi'i bde 'bras tsam bskyed do/__/sngon bsags dge bas thob pa'i longs spyod la/__/ha cang sred pa ma che dkon mchog mchod/__/dbul phongs nyam thag rnams la sbyin pa thongs/__/sha chang mtshon sogs ma dag sbyin pa dang /__/rang phyogs la chags sbyin gtong byed pa rnams/__/ltar snang dge ba don la sdig par 'gyur/__/de yang srog bcad sha khrag chang rag sogs/__/dge 'dun bla mchod rnams la 'dren pa ni/__/de dag mchod yul mchod mkhan gnyis ka la/__/dmyal me bzod dkas mnar ba nyid kyi rgyu/__/de 'dra'i mchod sbyin ngan pa rtsad nas bskyungs/__/mdor na dran dang shes bzhin bag yod kyis/__/bslab bya rnams la srung sdom legs par bya/__/sa dge bka' rnying la sogs grub mtha' rnams/__/sangs rgyas pa yi chos lugs yin par mthun/__/mthar thug gnad kyi don la dgongs pa gcig/__des na grub mtha'i kha 'dzin spang bar bya/__/grub mtha'i chags sdang ngan pas bstan pa dkrugs/__/rgyal bstan thams cad nang 'gal byed pa sogs/__/chos la sdang ba'i nyes pa tshad med pas/__/de rigs rnams kyi rjes su ma 'brang zhig/__'di phyir nyams nyes chen po 'byung ta re/__/yang dag rgyal bstan ris su ma bcad par/__/der 'dzin byed dang bcas pa thams cad la/__/gus pa bskyed cing dad pas mchod par bgyi/__/byin rlabs myur du thob par 'dod pa yis/__/dkon mchog kun 'dus dpal ldan bla ma la/__/dbang dang gdams ngag thob nas rdo rje 'chang /__/dkyil 'khor rgya mtsho spro bsdu'i byed po ru/__/shes nas dad dang dam tshig rnam dag pas/__/spyi bor bsgom la gsol btab dbang blang bya/__/snying gi ze 'brur bzhugs la thugs yid bsre/__/'di phyi bar do'i gnas skabs thams cad du/__/skyabs gnas bla ma mchog las gzhan med par/__/nges pa'i shes pa yang dag bskyed nas su/__/the tshom med par gsol ba btab byas na/__/mchog thun dngos grub ngang gis thob pa la/__/mi bslu nges pa rgyal gsung tshad mas grub/__/nyams len snying po bla ma'i rnal 'byor sgrub/__/der brtson byin rlabs rgyud la zhugs pa'i dus/__/rtogs pa'i ye shes khong nas 'char bar 'gyur/__/'khor 'das chos kun rang sems 'khrul pa yis/__/bskyed pa'i snang ba tsam las gzhan du med/__/sems ni skye 'gags gnas gsum ngo bos stong /__/stong pa'i rang bzhin rig pa gsal sing nge /__/'dzin zhen bral ba'i ngang nas lta ba dang /__/yengs med sgom pa 'dzin bral spyod pa yi/__/nyams blangs gzhi nyid 'bras bur smin byed kyi/__/myur lam phyag rdzogs gang rung nyams su blangs/__/byin rlabs rtsa ba bla ma sgrub pa dang /__/dngos grub rtsa ba yi dam zhi dang khro/__/phrin las rtsa ba mkha' 'gro chos skyong gi__/bsnyen sgrub dag kyang ci nus 'bad par bya/__/khyad par bod kyi bla ma pad+ma 'byung /__/yi dam thugs rje chen po nyid yin pas/__/bla sgrub thugs chen gang rung bskyed rdzogs la/__/chu bo'i rgyun bzhin rtag tu brtson par bya/__/lus lha ngag sngags sems rtog chos nyid shes/__/mkha' khyab snying rje bsgom la ma Ni bgrang /__/mnyam bzhag thun skabs ngag bcad dam por bya/__/rjes thob rnams su'ang yig drug ci nus thon/__/de ltar 'bad na 'di phyi thams cad du/__/bde nas bde bar 'gyur la som nyi bral/__/de skad gdams pa'i rim pa nyung ngu 'di/__/khyim na gnas kyang yang dag dge bcu'i blo/__/dkar po'i tshes kyi zla ba'i 'phel cha bzhin/__/dad ldan zla nor zhes byas bskul ba'i ngor/__/'jam dbyangs chos kyi blo gros zhes bya ba/__/chos med dred po dkor rkyal de nyid kyis/__/rang gis mi byed bzhin du zhal gdams ni/__/yid la gang dran smin grol gling du bris/__/dge bas nam mkha'i mtha' klas 'gro ba rnams/__/rgyud la byang chub sems mchog skye ba dang /__/rang gzhan don gnyis lhun grub dpal la spyod/__/kun bzang chos sku'i klong du grol bar shog/__sarba dA mang+ga laM//___//_!_gdams pa rin chen phreng mdzes zhes bya ba/__rje bla ma rnams la phyag 'tshal lo/__/tshe mi rtag ston ka'i sprin dang 'dra/__/dus da lta yod pa da lta med/__/lus 'di ni chu yi chu bur bzhin/__/dbugs rgyu ba rlung gseb mar me mtshungs/__/grogs bzang po lha bu 'dra ba yang /__/shul du bskyur nas 'grogs dbang med/__/rgyu nor rdzas ri ltar spungs yod kyang /__/khab tsam zhig khyer ba'i dbang ni med/__/kho 'chi bdag gshin rje zhes bya bas/__/dbang ma ster phyi ma'i yul du khrid/__/lus mdzes pa'i lang tsho bkrag la gsal/__/mtshar sdug gi me tog 'dra na yang /__/dus nam zhig mi rtag sad kyis khyer/__/dgra 'chi bdag gshin rje mche ba gtsigs/__/las ngan pa'i zhags pas dbang med bsdam/__/rgyob sod kyi gnam sa gang ba'i dus/__/skyabs bla ma dkon mchog gsum las med/__/dus da lta rang dbang yod pa'i dus/__/blo dam pa'i chos la phyogs pas na/__/las byas pa don dang ldan par 'gyur/__/rang sems 'di rta rgod dang 'dra bas/__/nges 'byung lcag gis brab pa dang /__/tshe 'dir snang 'khrul pa'i zhen pa thongs/__/'gro ba kun pha mar shes byas nas/__/byams snying rje byang chub sems gnyis bsgom/__/theg chen gyi blo sbyong 'byong bar mdzod/__/drin che ldan rtsa ba'i bla ma de/__/dus nam yang ma brjed snying dbus bsgom/__/gsol btab dang dbang blang thugs yid bsre/__/sems gdod nas skye med chos sku'i gshis/__/gdangs rang bzhin 'od gsal 'gags pa med/__/rtsal sna tshogs shar ba sprul pa'i sku/__/de sku gsum dbyer med lhun gyis grub/__/rang rig pa'i gnas lugs de yi ngang /__/blos bcos slang ma byed phyam brdal thong /__/rnam rtog gi rjes su ma 'brang zhog/__gang snang kun rang grol 'gro bar gyis/__/thun mtshams su kha 'don bzlas brjod dang /__/bzang spyod sogs smon lam yang yang gdab/__/tshul de skad gdams pa'i phreng ba 'di/__/tshe ring gi dam chos sgron ma la/__/bsam pa bzang pos gdams pa dge/__dge bas byang chub myur thob shog/__ces pa'ang chos kyi blo gros pas so//___//_!_ka ye gson dang bla ma rin po che/__/kha zhe med pa'i dam chos ma dran nas/__/ga le gu les mi tshe zad 'dug lags/__/nga ni shi res dmyal bar 'gro nges red/__/ces tshe chos nas bris/__khyo bo bla mas lan btab pa/__de la phan pa da lta rang lag yod/__/chos kyi rnam grangs mang po ma thon rung /__/kun la phan sems bsam pa bzang po dang /__/dge rtsa bsngo zhing smon lam bzang po gdab/__/rang sems skye med gsal stong ngo bo skyong /__/rtag tu bla ma dran la gsol ba thob/__/de ni mdo rgyud kun gyi snying po yin/__/ces gdams so/__/rang gi sems kyi rnam rtog ngan pa 'di/__/'dul ba'i dus ni nam yang mi 'dug pas/__/da ni bla ma'i drin gyis ma 'dul na/__/rang sems skye med rtogs de dka' mo 'dug/__//__!_zhal gdams bdud rtsi'i bum bzang zhes bya ba/__bla ma rje la phyag 'tshal nas/__/bu khyod blo sna ma ring bar/__/nam 'chi cha med bsgom pa dang /__/'khor ba'i nyes dmigs dran mdzod la/__/rgyu 'bras spang blang zhib mor gyis/__/rtag tu rang sems 'dul ba dang /__/dran shes bag yod bsten pa dang /__/chos kyi snying po byang chub sems/__/de la rtag tu blo sbyang bya/__/sems can kun la phan sems ni/__/g.yo sgyu zol zog med par bskyed/__/dpal ldan rtsa ba'i bla ma la/__/dad dang mos gus brtan po yis/__/gsol ba snying gi dkyil nas thob/__/dbang blang thugs yid bsre pa'i ngang /__/rang sems gdod nas ma skyes pa/__/ngo bo stong la rang bzhin gsal/__/thugs rje rig pa'i gdangs 'gags med/__/sku gsum dbyer mi phyed pa yi/__/bzhi cha sum bral ye shes ni/__/bla ma'i drin gyis ngo 'phrod pa/__/ma bcos ji bzhin rang babs zhog/__gzung 'dzin rtog pas ma 'ching bar/__/rang shar rang grol nyid du thongs/__/rtsa ba gsum gyi bsnyen sgrub la/__/rtag tu brtson zhing smon lam gdab/__/de ltar mdzad na don yod 'gyur/__/de ltar gdams pa nyung ngu zhig/__brtse ba'i sems kyis gdams 'di yis/__/khyed kyi thugs la phan pa dang /__/rang gzhan don gnyis lhun grub shog/__ces pa'ang chos kyi blo gros pas smras pa'o//___//_!_dus gsum sangs rgyas 'dus pa'i ngo bo/__/mtshungs med dpal ldan bla ma'i zhabs pad/__/rab gus gdung bas snying dbus mchod nas/__/gdams pa'i bslab bya nyung ngur dbye'o/__/dal 'byor thob pa da res tsam yin/__/'di nyid don med chud zos byas na/__/rin chen gling nas stong par log 'dra/__/tshe ni mi rtag ston ka'i sprin 'dra/__/'chi rkyen nges med nam 'chi cha med/__/myur du dam pa'i lha chos la rems/__/dam chos snying po rgyu 'bras spang blang /__/sdig pa'i las la shin tu 'dzem zhing /__/dge ba che phra sgrub la nan tan/__/sgo gsum dal med yang yang brtson dang /__/nang pa sangs rgyas pa yi khyad chos/__/'di phyi'i re ltos bla ma dkon mchog/__dad mos drag pos gsol ba thob dang /__/bslu ba med pas skyabs gzhan ma 'tshol/__/rigs drug sems can pha mar gyur rnams/__/sdug bsngal rgyu 'bras rtag tu spyod la/__/snying rje chen po yang yang bskyed cing /__/rtag tu gzhan phan lhag bsam bzang po/__/phyogs ris med par phan pa sgrub dang /__/'di dang phyi ma bde bar 'ong ngo /__/dran chog rgyal po rtsa ba'i bla mar/__/gsol btab dbang blang thugs yid bsre nas/__/rang sems skye med chos sku'i rang zhal/__/yengs med 'dzin bral blo yis ma bslad/__/rang bab zhog dang sa ler gsal 'ong /__/de la rtag tu goms par byas na/__/ma rig srid pa drung nas 'byin 'gro/__/chos spyod lhag lha'i bsnyen sgrub la 'bad/__/'dus byas dge ba khyad du ma bsad/__/dmigs bcas dmigs med tshogs gnyis zung 'jug/__de las sku gnyis 'bras bu thob 'ong /__/de ltar gdams pa nyung ngu 'di yang /__/ban tshang dbu mdzad 'jam dbyangs bzang pos/__/bskul ngor chos kyi blo gros de yis/__/bris pas byang chub thob par gyur cig/__mang+ga laM//___//_!_DA ki na mo/__brgyud pa rin chen gsang ba'i bcud/__/gsang spyod snyan brgyud zab mo yi/__/gnad kyi gcud phur rgyab yig ni/__/'khor 'das chos rnams sems kyi 'phrul/__/sems ni skye 'gags mtha' dbus med/__/'khor 'das kun la khyab pa yi/__/dbyings kyi yum chen kun bzang mo/__/rdo rje phag mo khros ma nag/__ye shes phyag rgya'i sku yi mchog/__gsung gsang sngags kyi 'khor lo ste/__/thugs ni 'od gsal 'dus ma byas/__/rang ngo shes pa lta ba yin/__/yengs med 'dzin bral sgom pa'i gnad/__/re dang dogs pas ma bcings pa/__/gang shar rang grol spyod pa'i rgyal/__/gzhi nyid mngon gyur 'bras bu ste/__/de ltar ji bzhin pa yi gnad/__/mngon sum rtogs pa'i thabs zab mo/__/gsang spyod snyan brgyud rin chen gyi/__/gdams pas grol bar the tshom med/__/ces rig ngor ma bcos thol byung du ji ltar shar ba bzhin pad+ma ye shes rdo rjes/__rang slob ri skegs bya bral rin po cher gdams pa'i springs yig dge legs bkra shis 'phel//___//_!_ka ye rigs kyi bu mchog/__kha rog sos dal ma 'dug/__ga ler 'gyod pa'i gnas 'ong /__/nga cag 'dra ba'i ba lang /__/ca co'i smra ba mang po/__/cha lugs bzang mdog kha po/__/ja chang sha la sred bzhin/__/nya ma mdzes ma'i ngor bltas/__/ta thA ga ta'i bstan 'gal/__/tha shal bdag gi ngang tshul/__/da lta 'di 'dra red na/__/na ba brgya las sdug 'dug/__pa sangs lta bu'i bsam dkar/__/pha rol phyin gzhung bslab nas/__/ba mchog 'o ma lta bus/__/ma lus 'gro la phan 'ong /__/tsa ma ra yi bsil g.yab/__/tsha ba'i 'jigs pa skyob ltar/__/dza hu'i bu mo'i rgyun bzhin/__/wa ler brtson 'grus bskyed mdzod/__/zhwa ltar mtho ba'i khengs dregs/__/za ltar rtsub pa'i spyod lam/__/'a 'ur ma mang bag yod/__/ya rabs spyod pa bsten mdzod/__/rwa ltar gyong ba'i sems 'dul/__/la ba bzang ltar 'jam mnyan/__/sha ba bzhin du rang bsrungs/__/sa ltar 'gro ba'i nyer 'tshor/__/ha hur spyod pa spangs nas/__/a don skye med bsgom mdzod//___//_!_ka ye rnal 'byor pho mo/__/kha rog ma 'dug chos spyod/__/ga ler sos dal sdod pa/__/nga dang nga 'dra ma byed/__/ca co'i g.yeng ba spangs nas/__/cha lugs ji ltar byas kyang /__/ja chang zas la ma sred/__/nya ma bzhin du ma 'khyams/__/ta thA ga ta'i bstan pa/__/tha dad ma yin gcig shes/__/da lta mjal ba skal bzang /__/na mar chos la spyod nas/__/pa re pu re'i spyod pa/__/pha rol ma dad rgyur 'gyur/__/ba lang bzhin du ma nyal/__/ma ltar kun la byams shing /__/tsa ma ra ltar yid 'ong /__/tsha grang sdug bsngal khyad gsod/__/dza hu'i rgyun bzhin rtag par/__/wa bzhin dben rir sdod nas/__/zhwa ltar bla ma spyir sgom/__/za ma tsam la ma brjed/__/'a 'ur chal chol med kyang /__/ya rabs spyod pas dus 'da'/__/ra ma Na ltar brtan pos/__/la la tsam min mi tshe/__/sha ba lta bu brgyud nas/__/sa bcu'i pha mthar phyin mdzod/__/ha hi bzhad pa'i nga ro/__/a don skye med rtogs nas/__/'khor ba dong sprugs gyur cig/__/ces pa'ang chos kyi blo gros pas so//___//_!_nad sel gyi sman dkar po gcig thub ces bya ba/__bla ma la phyag 'tshal lo/__/na ba sems kyi rtog pa ste/__/na ba chos nyid ngang du na/__/chos nyid ngang du na ba med/__/na ba gtad med dbyings su thong /__/na ba chos nyid rol pa'i rgyan/__/chos nyid rol pa 'gags pa med/__/rang snang thams cad na ba yin/__/na ba thams cad ye shes yin/__/ye shes ngang la yengs med zhog/__na ba rgyu 'bras dbyings su sang /__/khams gsum skye 'gro thams cad kyi/__/nyon mongs nad las rang grol shog/__ces rab mchog na ba'i skabs blo gros pas kha mtshar byas pa'o/__/dge'o//___//_!_dge blos rgyud phyug tshes bcu'i dam chos rgyal mtshan la/__nyid nas yi ge rten sgor lnga 'byor bas bsam don chos bzhin 'grub pa'i skyabs 'jug byed/__mi rtag 'chi ba dran pa dang /__/las 'bras spang blang la brtson zhing /__'khor ba'i nyes dmigs la bsam nas/__/srid las nges par 'byung bar mdzod/__/dam tshig sdom pa rnam dag pas/__/bla mar mos gus bskyed pa dang /__/gsang sngags yi dam bsnyen sgrub brtson/__/rang gi sems kyi gdar sha gcod/__/sems nyid skye med stong pa'i gshis/__/rang gsal 'gags med rig pa'i gdangs/__/rang bzhin sku gsum lhun grub la/__/ma bcos rgyun du yengs med skyong /__/mdor na dal 'byor rten 'di nyid/__/thob pa da res tsam yin pas/__/ltar snang 'khrul par mi g.yeng bar/__/sgo gsum don ldan mdzad par zhu/__/zla 9tshes 11la mkhyen ming chos kyi blo gros pas mdud dam bcas phul//___//_!_zhal gdams bslab bya gnad kyi phreng ba zhes bya ba/__dus gsum rgyal ba thams cad 'dus pa'i dngos/__/dpal ldan bla ma'i zhabs la phyag 'tshal nas/__/ring du 'dris pa'i smon bshes mchog nyid la/__/brtse ba'i bslab bya gnad kyi phreng ba dbye/__/dal dang 'byor pa u dum wA ra 'di/__/yang yang rnyed dka' yid bzhin nor las lhag/__'di 'dra thob pa da res tsam yin pas/__/snying po blang ba'i thabs la 'bad par 'tshal/__/khas blang tshul khrims sdom pa phun tshogs 'di/__/g.yon can sgeg mos bslu khrid ma shor ba/__/dran shes bag yod brtan pos rab sdom ste/__/ngur smrig rgyal mtshan mchog tu brtan par mdzod/__/srid las nges par 'byung ba'i blo bskyed la/__/mi rtag 'chi ba rjes su dran pa dang /__/'khor ba'i nyes dmigs yang yang dran gyis la/__/tshe 'di'i zhen pa gting nas log par mdzod/__/dkar nag las 'bras nam yang mi bslu bas/__/dge sdig 'dor len dran pas zin byos la/__/'chol bar mi spyod phra zhib brtson pa dang /__/rtag tu sems la yang yang brtag pa gces/__/sangs rgyas bstan pa'i snying po 'di yin cing /__/dam chos sgrub pa'i gnad 'gags 'di la thug/__'di bral lta sgom mthon por rlom byas kyang /__/ngan 'gro'i rgyu las cung zad yod re kan/__/bla ma mchog gsum skyabs kyi mchog tu bzung /__/rang 'dod med pa'i byang chub sems gnyis bskyed/__/tshogs bsags sgrib sbyong thabs la brtson pa dang /__/byin rlabs bla ma'i rnal 'byor bsgom pa gces/__/bsags sbyangs ma byas gnas lugs don rtogs dka'/__/sgrib pa byang na rang gnas ye shes gsal/__/mos gus yod na bla ma'i byin rlabs 'jug/__de dang bral na ye shes rtogs dus med/__/de yang kha tsam gsol btab phan pa med/__/snying khongs rus pa'i gting nas gsol ba thob/__/res 'ga' ma yin rtag tu mos gus bsgom/__/bla ma'i skyon la mi rtog yon tan sems/__/bka' drin rjes dran dam pa gong ma yi/__/rnam thar rnams la legs par bsam byas na/__/dad dang dag snang gong nas gong du 'phel/__/kun la dag snang sbyong ba gal che'o/__/rang skyon mi rig gzhan skyon mthong ba 'di/__/dam chos sgrub la gegs dang bar chad che/__/gzhan la rtsub mo'i ngag gis smra ba yang /__/rang gzhan gnyis ka zhe sdang me yis bsregs/__/des na zhi zhing 'jam pa'i ngag gis smra/__/su dang 'grogs kyang mi bde med pa dang /__/spyod lam bstun na kun gyi yid du 'ong /__/gyong po su dang mi mthun rwa rgog 'dra/__/sgo gsum spyod lam zhi zhing dul ba dang /__/smra ba ma mang ran tshod tsam du gyis/__/grub mtha' kun la ris su ma bcad par/__/phyogs med dag pa'i snang ba bskyed par mdzod/__/yang dag brgyud ldan dam chos ci thob bya/__/rtog ge ngan pa'i gzhung la blta ba dang /__/rang gzhan rtsod yig sogs la blta ba ni/__/sems la mi phan g.yeng ba'i rgyu yin spongs/__/mdo sngags zab don snying po'i gdams pa rnams/__/mjal nas rang gi rgyud la 'byor bar gyis/__/bla ma yi dam bskyed rdzogs nan du bsgom/__/bar rlung de nyid rgyun du 'dzin pa gnad/__/'bru gsum rdor bzlas gtum mo 'bar 'dzag rnams/__/cung zad bsgom na dam tshig mi nyams phan/__/rgyun du bsam pa bzang po kho na dang /__/yengs med dran pas rig pa'i rang ngo bskyangs/__/de la yid dpyod 'dzin pa ma zhugs dang /__/rang shar rang grol nam mkha'i ngang du bzhag/__blo yi chos kyi bslad pa ma zhugs dang /__rtog tshogs thams cad chos kyi dbyings su thongs/__/nyams ni 'jam rtsub ji ltar shar na yang /__/zhen pa ma byed byung rgyal btang byas na/__/zhen pas mi 'ching re dog bral bar 'gyur/__/khregs chod bogs 'don nam mkha' sum phrug gi__/gdams pa de la rgyun du brtson par gyis/__/rjes thob 'khrul pa rgya 'byams shor gyur na/__/bogs bskyed med cing 'khrul pa lu gu brgyud/__/'phyan cing las gsogs 'khor bar 'khyams pas na/__/rjes shes lta ba'i ngang nas ma yengs gces/__/sems can rnams la byams dang snying rje bsgom/__/bde sdug gtong len blo sbyong bag re bsam/__/dmigs med rig stong ngang bzhag ma bral na/__/rtsal gdangs snying rje chen po 'gags med 'char/__/sgo gsum ci spyod sems can don du bsngo/__/bzang po spyod pa'i smon lam yang yang gdab/__/mdo sngags bshags pa dag la rgyun du 'bad/__/des ni bya ba thams cad don yod 'gyur/__/de ltar gdams pa gnad kyi phreng ba 'di/__/rang gis tshul bzhin spyad pa med na yang /__/dam pa'i gsung gi rjes su 'brang nas bris/__/grogs khyod sems kyi gsos su 'di gyur cig/__de skad blo gros mchog ldan rang yul du/__/bskyod khar nan du bskul bas rkyen byas te/__/ban hrul mi rgan lag pa 'dar bzhin du/__/bris pa'i dge bas byang chub mchog thob shog/__chos kyi blo gros pas so//___//_!_bla ma la phyag 'tshal lo/__/dal 'byor mi lus thob dus 'dir/__/don med yal bar mi 'dor ba/__/dam pa gsum gyi rtsis zin pa'i/__/dge la brtson pa gal che zhing /__/srid las nges par 'byung ba'i blos/__/'khor bar zhen pa log pa dang /__/pha mar gyur pa'i sems can rnams/__/srid las sgrol 'dod blo chen gyis/__/byams dang snying rje yang yang bsgom/__/chos kun snying po byang chub sems/__/bdag gzhan brje ba'i blo sbyong dang /__/ris su ma chad sems can la/__/lhag bsam bzang po yang yang bskyed/__/zab rgyas chos kyi snying po ni/__/rdo rje theg pa'i lam mchog la/__/zhugs 'di skal ba bzang phyir na/__/dbang thob rtsa ba'i bla ma la/__/dad dam ngo lkog med pa dang /__/mos gus ltem rkyang med par gces/__/tha mal snang zhen rab sdom pa'i/__/bskyed pa'i rim pa rtag tu bsgom/__/de yang gdos bcas ma yin pa/__/bde stong sgyu ma'i rol par blta/__/mtshan 'dzin rtog pa rab sdom pa'i/__/zab mo rdzogs pa'i rim pa ni/__/rlung dang gtum mo'i rnal 'byor bsgom/__/zhen med ye shes chen por bsre/__/chos kun snying po de kho na/__/bzhi pa'i ye shes rtag tu skyong /__/gzung 'dzin rdul dang bral ba yi/__/rig stong 'od gsal zung 'jug gi__/gnas lugs zab mor yengs med skyong /__/rtog tshogs ji ltar shar ba rnams/__/chos nyid ngang du grol ba gces/__/lam gyi snying po bla ma yi/__/rnal 'byor zab mo bsgom byas te/__/dbang bzhi blang zhing gsol gdab la/__/'bad pas 'di dang phyi ma'i don/__/bde blag nyid du 'grub par 'gyur/__/de ltar gdams pa nyung ngu 'di/__/dge ma kun bzang gis bskul ngor/__/'jam dbyangs chos kyi blo gros pas/__/gang shar myur du bris pa dge/__//__!_chos kyi blo gros kyis ho cho zhabs drung la/__chos kun rtsa ba rang gi sems/__/snang ba thams cad rang snang yin/__/med snang sgyu ma dang mtshungs shing /__/sems yang gzung 'dzin rtog pa 'di/__/yod pa 'dra yang don la med/__/rmi lam nang gi skye shi bzhin/__/don la grub pa med do lags/__/thog med dus nas da lta'i bar/__/gnyis snang 'khrul pa 'dis bcing pas/__/gzung 'dzin gnyis bral gnyug ma'i sems/__/bcas bcos ma byed rang gar zhog/__chos dbyings rang bzhin 'od gsal 'di/__/bde ba chen po rgyun chad med/__/na tsha sdug bsngal de la med/__/des na rang sems 'khrul pa ru/__/ma shor drang po zin gyur na/__/de ni bla ma yi dam dang /__/chos skyong kun gyi ngo bo yin/__/'khor ba zhes bya spang du med/__/mya ngan 'das pa thob bya med/__/'khor 'das dbyer med de la zer/__/ma rig 'joms pa'i sgron me yin/__/nad gdon kun sel sman chen yin/__/de phyir de la thugs dam mdzod/__/rtog pas bcing na grol dus med/__/rnam rtog thams cad rang shar yin/__/rang grol skye med ngang du thong /__/de skad gdams pa nyung ngu phul/__mang+ga laM/__dge'o//___//_!_zhal gdams nyung ngu phan bde'i sa bon ces bya ba bzhugs so/__/dpal ldan bla ma'i zhabs la phyag 'tshal nas/__/grogs mchog gang gis nan gyis bskul ba yi/__/gdams par rim pa shin tu nyung ngu ni/__/bka' dang bstan bcos bla ma'i zhal lung bzhin/__/'chad la gang thugs dgyes pa bskyed pa'i rigs/__/shin tu rnyed dka'i rten 'di don che yang /__/skad cig mi rtag 'jig par 'gyur bas na/__/da lta nyid du snying po blangs dgos te/__/nam zhig stor blag chen po 'byung ta re/__/dge sdig las rnams chen pos smos ci dgos/__/sa bon phra yang a shwa ka bzhin du/__/las 'phel 'bras bu mi bzad bskyed pas na/__/las 'bras phra zhib blang dor ma nor gces/__/srid pa'i gnas 'dir nyes brgya skyed byed cing /__/da lta bde yang srog 'phrog kim+ba dang /__/mtshungs pa'i 'khor bde ji snyed thams cad la/__/ma chags 'phags pa'i rigs su gnas par mdzod/__/rang nyid thar par 'dod pa'i blo ngan des/__/dman lam lhung zhing byang chub spyod pa'i gegs/__/gtan bde'i go 'phang sgrub par rgya chung bas/__/theg chen lam la 'jug pa shin tu gces/__/rgyal sras lam gyi bgrod pa gcig pu ni/__/rin chen byang chub sems las gzhan med pas/__/mkha' mnyam sems can byang chen 'god pa'i slad/__/sgo gsum dge ba'i bya bar rtag tu brtson/__/gzhan don sems pas rang don zhor la 'grub/__/g.yo sgyu spangs shing lhag pa'i bsam pa yis/__/sems can gzhan gyi don du bdag bkol na/__/nam zhig chos kyi rgyal po'i go 'phang thob/__/dwang 'dod yid ches dad mos drag po yis/__/rjes dran drug po rtag tu yid la byed/__/thub gsung dri med mdo sde rin po cher/__/yang yang blta ba'i skal bzang bskyed pa gces/__/chos kyi snying po zab mo rdo rje'i theg/__smin grol lam bzang 'phrad pa da res tsam/__/yin phyir slob dpon dam tshig srog bzhin srungs/__/bskyed rdzogs rim gnyis zab mor rtag tu brtson/__/de yi yang snying dus gsum sangs rgyas kyi/__/dgongs pa gcig tu rab bsngags sems nyid kyi/__/gnas lugs zab mo bla ma'i byin rlabs kyis/__/rtogs phyir bsags sbyong bla mar gsol 'debs gces/__/rang sems ma bcos ji bzhin bzhag pa na/__/gsal stong zung 'jug spros pa kun bral 'di/__/rang bzhin lta ba'i ming du 'dogs pas na/__/spros pa'i gzeb tu nam yang ma 'chings shig/__de la dmigs gtad 'dzin pas ci byar med/__/bsgom bya sgom byed gnyis 'dzin kun thongs la/__/tha mal yengs shing phyal bar ma shor bar/__/chos nyid gnyug ma'i rang 'gros ngang la zhog/__zhog ces bya ba'ang tshig gi bla dwags tsam/__/mtshon dpe phyogs gcig nam mkha'i rang bzhin yang /__/bsam par mi nus brjod pa kun bral na/__/gnyug ma'i gnas lugs bsam par ga la nus/__/dbyings dang ye shes 'du 'bral med pa dang /__/rtsol bcas sgom pa'i ngal dub kyis ma reg/__/'bras bu gzhan nas smon pa med pa yi/__/sku gsum lhun grub 'od gsal chen por bzhugs/__/lta ba mi 'gyur ri bo cog bzhag dang /__/sgom pa yengs med rgya mtsho cog bzhag dang /__/spyod pa ma 'chings snang ba cog ger bzhag/__'bras bu ma bcos rig pa cog bzhag gnad/__/de ltar goms pas lam gyi bogs 'don ni/__/snying po'i rang gdangs dbang po'i sgor 'dren nas/__/phyi nang mi 'gul sgron me'i gnad bsten pas/__/snang bzhi'i rtsal rdzogs gdod ma'i dbyings su grol/__/goms pa dman pas tshe 'dir ma grol na/__/'chi kha'i gdams pa 'pho ba'i rim pa dang /__/chos nyid lam gyi bar do'i gnas lugs la/__/da lta thos bsam goms 'dris shin tu gces/__/der ma grol na srid pa'i bar do la/__/lha dang bla ma gdams ngag dran pa'i mod/__/rang bzhin sprul pa'i zhing du skyes byas nas/__/lam gyi lhag ma myur du bgrod par 'gyur/__/mdor na tshul gnas nges 'byung byang sems dang /__/yang dag lta dang dad mos dam tshig dag/__dge ba ci byas dam pa gsum gyis zin/__/des ni nges par byang chen mchog thob nges/__/de ltar gdams pa rang gis nyams ma longs/__/gzhan la 'doms pa ne tso'i smra dang mtshungs/__/'on kyang blo gsal don dam chos mchog la/__/rab tu spro bas rmongs gzugs gyi na ba/__/chos kyi blo gros zhes byas springs pa 'dis/__/thar pa'i sa bon 'debs pa'i gsos gyur nas/__/tshul bzhin bslabs pas srid dang zhi las grol/__/mi gnas mya ngan 'das pa'i go 'phang thob/__/rang gzhan don gnyis mtha' ru phyin par shog/__sarba dza ga taM//___//_!_phan pa'i gtam dran pa'i gsol 'debs zhes bya ba bzhugs so/__/oM swasti/__sgrib gnyis mun pa ma lus gtan bcom zhing /__/mkhyen gnyis ye shes snang ba'i gter chen po/__blo mchog spobs pa'i dngos grub sbyin mdzad pa/__/bla ma 'jam pa'i dbyangs la gus btud nas/__/rang nyid dam pa'i spyod pa mi gnas shing /__/nyes brgya'i phung po chen po'i rang bzhin pas/__/gzhan la gdams pa ne tso'i 'don pa bzhin/__/khrel bar gyur kyang nyung ngu'i ngag gis gdams/__/rang gzhan srid pa'i gnas las sgrol ba'i slad/__/mi rtag 'chi ba rjes su dran pa dang /__/rnyed dka'i tshul bsam 'khor ba'i nyes pa dang /__/las 'bras spangs blang ma nor byed pa gces/__/lus ngag yid gsum ma sgrim bag med par/__/gyur pa'i dbang gis las ngan sna tshogs bsags/__/de las 'bras bu rtsub mo myong bar nges/__/de bas sdig pa chung la'ang 'dzem par mdzod/__/'khor ba mtho dman gang du skyes gyur kyang /__/bde ba'i skabs med sdug bsngal rang bzhin du/__/nges par 'byung ba snying nas skyes pa dang /__/tshe 'di'i zhen dor phyi ma dwangs du long /__/sdom pa'i rtsa ba mchog gsum rin po cher/__/rang gzhan 'jigs pa kun las skyobs pa'i phyir/__/yid ches mos gus brtan pos skyabs su bsnyen/__/skyid sdug ci byung yid rton khel bar gces/__/theg chen lam gyi rtsa ba byang chub sems/__/gzhan phan lhag bsam bzang po ris med pa/__/kun la snyoms pas blo sbyong rtag tu sgom/__/bdag bas gzhan gces sems mchog 'byong par mdzod/__/'di med chos kyi snying por bor bas na/__/sems mchog nyams pa'i rgyu rnams spangs byas nas/__/rkyen ngan ci byung bzod pa'i go cha bgos/__/dpag bsam shing bzhin gong 'phel 'byung ba gces/__/rtag tu dge ba'i bya ba ci spyod kyang /__/byang chub sems kyi gser 'gyur rtsi yis thebs/__/pha rol phyin pa drug dang ldan pa yis/__/bslab gsum nyams len rgyun du brtson par zhu/__/tshul gnas thos bsam sgom pa'i bya ba 'dis/__/rgyal ba'i bstan pa rin chen gzung bas na/__/nyes pa'i skyon rnams rings su dor ba dang /__/yon tan rgya mtsho'i rdul snyed sdud pa gces/__/kun la dag snang sbyong la gshe skur dang /__/zur za mi snyan tshig rnams brjod pa spangs/__/rang gshis drang po sor mar 'jog pa dang /__/kun dang mthun la 'grogs na bde bar mdzod/__/rang nyid dam pa'i tshul las mi 'da' zhing /__/dran shes bag yod rgyun du brten pa dang /__/don med ngag 'khyal rtsed mos mi g.yengs bar/__/chos spyod bcu la 'bad pa drag po mdzod/__/'bad pas sbyangs pa'i phyi nang rig gnas rnams/__/brjed par mi byed nyan po mchis gyur na/__/dka' tshegs spangs la brtse ba'i blo bskyed nas/__/rang gi yon tan gzhan rgyud 'byor bar gyis/__/zang zing byung na bla ma dkon mchog mchod/__/ha cang dkor la sred pa mi che bar/__/chog shes bskyed nas 'dod pa'i nyes dmigs dran/__/gang la'ang chags 'dzin spang ba shin tu gces/__/zab rgyas grub mtha'i rnam par bzhag pa rnams/__/rang rang lugs bzhin 'gal bar ma sgrub cig/__theg chen dbu sems dgongs pa'i zhe phug ni/__/dbu ma chen por gnas phyir de nyid 'dzin/__/tshe thung 'di la rdo rje theg pa la/__/gtso bor ston na shin tu khe che bas/__/zab mo'i rgyud sde mnyan zhing bsam pa dang /__/man ngag dag la rtag tu 'dris par bya/__/yi dam rnam mang bgyi ba ma lcogs kyang /__/snga 'gyur phyogs la rdo rje sems dpa' dang /__/phyi 'gyur bla med rgyud sde'i yang snying che/__/rngog lugs dgyes rdor nyams len snying por mdzod/__/bstan srung rnam mang yod kyang snying po ni/__/sngags srung ma dang myur mdzad phyag drug par/__/bsnyen sgrub mchod gtor la brtson las bzhi sgrub/__/'di phyi bar do'i 'jigs la bskyab par nges/__/snyigs dus byang chub sgrub la bar chad mang /__/de bzlog rdo rje khro bo'i stobs 'dus pa/__/rdo rje gzhon nu che btsan 'gran zla bral/__/de yi lha sngags rgyun du brtson par zhu/__/tshe ring ba ni mtho ris nor gyi mchog/__long yod gyur na lugs gnyis 'bad med 'grub/__/de phyir rje btsun 'phags ma'i rnal 'byor la/__/rgyun du 'bad na 'chi med 'grub par 'gyur/__/nyams len mthar thug bla ma'i rnal 'byor sgom/__/de yang rtsa gsum 'dus zhal o rgyan rje/__/snying dbus 'od lnga'i klong du 'bral med bzhugs/__/gsol btab thugs yid bsre ba'i nyams len mdzod/__/theg pa'i mthar thug lhun po'i rtse mo 'dra/__/a ti 'od gsal rdzogs pa chen po'i don/__/yid dpyod blo yis ma slad ka dag dang /__/lhun grub dbyer med rang zhal rtag tu skyong /__/ma yengs ma bsgom 'dzin rtsol bral bar bzhag/__rang byung rang bab rang grol khyab brdal cher/__/mi g.yo mi 'pho kun bzang dgongs klong der/__/btsan sa zin na sku gsum mngon du 'gyur/__/de skad gdams pa'i tshig phreng 'di dag mthus/__/khyod nyid don gnyis lhun gyis grub pa dang /__/bstan 'gror sman pa'i mthu nus rtsal rdzogs shing /__/phan bde'i dga' ston mchog tu rgyas gyur cig/__de skad smra ba chos kyi blo gros la/__/skyes sbyangs shes rab dad ldan mang du thos/__/blo gsal des bskul kha khral yi ger bris/__/rnama~X grol bzanga~X po'i dpal la spyod gyur cig/__shu b+haM mastu sarba dza ga taM/__/_!_bla ma'i zhabs la phyag 'tshal lo/__/rten dal 'byor mi lus rin chen thob/__/rje mtshan ldan gyi bla ma mjal du yod/__/sangs rgyas kyi bstan pa yod skabs su/__/rang gzhan kun chos la spyod pa rigs/__1/__dgra 'chi bdag gshed ma rngam 'jigs can/__/dus nam 'ong nges par cha med pas/__/tshe 'dir snang gi zhen pa rbad kyi chod/__/lam phyi ma'i gro zhig sgrub la ran/__2/__las rgyu 'bras go ldog mi 'ong zhing /__/las gang byas de yi 'bras bu smin/__/'bras sdug bsngal 'phel ba'i rgyu ngan pa/__/nyon mongs pa 'dul ba'i chos des spang /__3/__de spangs na srid pa'i rtsa ba chod/__/dge thar pa'i yon tan gong du 'phel/__/rang gzhan gyi 'dun ma 'grub nas gda'/__/tshe 'di la srid pa'i mtsho las brgal/__4/__chos kun gyi rtsa ba dad mos dang /__/nges 'byung dang skyabs 'gro'i gzhi bcas nas/__/chos kun gyi snying po byams snying rje/__/tshad med kyi chos bzhi 'bad 'tshal lo/__5/__yid bzhin gyi nor bu brgya stong gis/__/phyogs tsam yang mi mtshon byang chub sems/__/bdag gzhan mnyam brjes kyi nyams len la/__/dus rtag tu blo sbyang bya ba gces/__/'khor 'das kyi chos kun sgyu ma dang /__/rmi lam ltar mthong nas rtag chad kyi/__/mtha' kun las rnam grol dbu ma yi/__/lta ba mchog zab gsal gnyis med la/__/dus rtag par mtshan 'dzin bral bar bskyangs/__/da sgom pas 'khrul snang rang sar grol/__/bdag 'dzin gyi 'gong po drung nas bcom/__/ye shes kyi nyi ma khongs nas 'char/__/de lta bu'i gzung 'dzin gnyis stong gi__/lta ba de rgyud la skye ba'i thabs/__/lam zab mo bla ma'i rnal 'byor la/__/bu khyod kyis chu bo'i rgyun ltar brtson/__/dus kun du snang grags rtogs tshogs kun/__/rje bla ma'i gsang ba gsum du 'char/__/dran pa dang shes bzhin bsten par 'tshal/__/dge tshogs kun mkha' khyab pha mar bsngo/__/de ltar gdams pa'i tshigs bcad 'di/__/dad ldan pad+ma rgyal mtshan gyi/__/bskul ba don yod bya ba'i phyir/__/'jam dbyangs chos kyi blo gros pas/__/rang gzhan kun la phan phyir gdams/__/sarba mang+ga laM//___//_!_zhal gdams mdor bsdus bzhugs/__bla ma la phyag 'tshal lo/__/dal 'byor gyi mi lus thob pa 'di/__/gtan bde sgrub pa'i gzhi ma yin/__/da res chud zos ma btang la/__/legs nyes sa mtshams 'di yin no/__/bu na tshod gzhon par ma sems shig/__myur du 'chi bar 'ong gi gda'/__/mthong dang thos la brtags shing dpyad/__/de rang gi steng du legs par bsgom/__/bde sdug gi gzhi ma las su ltos/__/dkar nag blang dor brtson par gyis/__/'khor ba rigs drug sdug bsngal de/__/rang gi sgo gsum steng du blang /__/yang yang bsgom na snying rlung 'khrugs/__/'khrugs kyang ngan song gnas mi 'phen/__/thar pa'i phan yon la sems shig/__bu bla ma'i gdams pa snying la 'chang /__/byams dang snying rje byang sems dang /__/dad dang mos gus dam tshig rnams/__/lam gyi gzhi rten yin pas na/__/gal chung snyom las ma bskur la/__/g.yo sgyu tshul 'chos ngos lkog spang /__/rang gi skyon rnams ma sbed cig/__chos rnams kun gyi rtsa ba ni/__/sems 'dul ba la rag las phyir/__/chos rnams gnad thog 'gro mi 'gro/__/nyon mongs chos tshul la brtag dgos/__/dngos grub kun gyi rtsa ba ni/__/bla ma sangs rgyas mthong bar dgos/__/lta bsgom kun gyi rtsa ba ni/__/gzhi rtsa med pa'i sems nyid 'di/__/ngo shes rtsal rdzogs brtan thob dgos/__/spyod pa kun gyi mdo dril ni/__/bzang ngan ro snyoms rang grol dgos/__/phyi ma legs pa'i rtsa ba ni/__/tshe 'di zhen pa log par dgos/__/de kun grogs su dben rir brten/__/mdo sde rnams dang man ngag gi__/don la yang yang 'dris par gyis/__/bu de ltar gdams pa snying la zungs/__/nged la de ltar ma mchis rung /__/phan par gdams la nyes med cing /__/khyed kyi 'di ltar bskul ba la/__/brten nas gang dran shar mar bris/__/'jam dbyangs chos kyi blo gros pas so//___//_!_zhal gdams don bzhi ma bzhugs so/__/bla ma'i zhabs la phyag 'tshal lo/__/mi rtag 'chi ba dran pa dang /__/tshe 'dir zhen log nges 'byung bsgom/__/blo sna thung ngur byed pa gsum/__/blo chos su 'gro ba'i khrid yin lags/__/sems can pha mar shes pa dang /__/byams dang snying rje drag tu bsgoms/__/bdag bas gzhan gces sems mchog bskyed/__/chos lam du 'gro ba'i gdams ngag yin/__/zhing khams chos rnams thams cad kun/__ma brtag snang ba 'al 'ol 'di/__/brtags na sgyu ma ji bzhin mtshungs/__/lam 'khrul pa zhi ba'i gdams ngag lags/__/rig stong chos nyid gnyug ma 'di/__/yid dpyod sems kyis ma bslad par/__/rang rig rjen par bskyangs ba 'di/__/'khrul pa ye shes su 'char ba'i gdams ngag yin/__/'di las spros na rgya che mang /__/rtsa ba de tsam zhig tu 'dus/__/gdams ngag bzhi nang chos kun dril/__/de ltar nyams su blang bar mdzod/__/ces pa'ang bla ma byams pa'i ngor chos kyi blo gros pas bris pa'o/__/_!_zhal gdams mdor bsdus bzhugs so/__/dpal ldan rdo rje sems dpa'i zhabs la phyag 'tshal lo/__/de yang rang re rnams kyis rnyed dka'i dal 'byor gyi rten 'di lta bu bsod nams kyi tshogs rgya chen po bsags pa las/__da res kyi skabs 'dir skyon med pa'i mi lus thob pa las skye ba phyi ma yang yang rnyed pa dka' ba'i tshul la legs par bsam/__de yang 'jig par sla ba 'dus byas mi rtag pa'i mtshan nyid skye ba'i mthar 'chi ba las ma 'da' shing rgan gzhon nges med/__'chi rkyen nges med kyi tshul la yang dran par byas pas blo sna chos phyogs la gzhol zhing chos mthar phyin cing /__brtson 'grus kyi rlung dang tshe 'dir snang gi bya bzhag thams cad chod pa'i thabs 'di las zab pa med cing /__'chi ba thog tu bab na rigs drug gang rung du skye ba len pa las ma 'das shing 'khor ba spyi khyab khams gong ma la khyab pa 'du byed kyi sdug bsngal dang /__ngan song gsum sogs sdug bsngal gyi sdug bsngal/__mtho ris rnams 'gyur ba'i sdug bsngal/__bye brag dmyal ba tsha grangs sogs kyi sdug bsngal yid la dran par dgos/__de yang sdug bsngal thams cad kyi 'byung khungs rten gzhi ni zag bcas nye bar len pa'i phung po lnga po 'di yod pas de las nyes pa thams cad 'byung ba yin/__de yi rgyu rtsa ba ni kun 'byung nyon mongs pa'i tshogs thams cad yin la de yang dug gsum du ma 'dus pa med cing /__yul yid du 'ong ba la brten nas 'dod chags mi mthun pa la brten nas zhe sdang /__bar ma la brten nas gti mug 'byung ba ste de gsum gang rung gis kun nas bslangs te bskyed pa'i las gtso che ba'i dbang du byas na mi dge ba bcu po'i nang du 'dus pa yin pas de la blang dor ma nor ba zhig phra zhib nas brtson pa la nan tan dang de la 'jig rten yang dag gi lta ba zer/__rgyu 'bras bslu ba med pa la nges shes bskyed pa yang yang gal che/__mi dge bcu'i ldog phyogs lus ngag yid gsum gyi dge bcu lha mi'i bde 'bras tsam 'dod nas bsags pa skyes bu chung ngu /__rang nyid gcig pu zhi bde don gnyer gyi 'khor ba la nges 'byung gi blos dge ba bsags pa thar pa'i cha dang mthun pa skyes bu 'bring nyan rang /__sems can thams cad la phan 'dod pa'i blos bsags pa rnams theg chen thar pa cha mthun skyes bu chen po byang chub sems dpa'i lam rnams las rang re rnams kyi nyams len skyes bu chen po'i lam ltar bya dgos/__de yang gzhan phan lhag pa'i bsam pas rang 'dod kyi 'khri ba gtan nas ma gos pa zhig gis gzhi bzung nas rang gi sgo gsum gyi dge ba'i bya ba dmigs bcas dmigs med che phra thams cad dngos brgyud nas mkha' mnyam sems can rnams la phan pa'i phyir du spyod cing yongs su bsngo ba dang /__smon lam khyad par can gdab/__byams pa dang snying rje shas mi bzod pa nam mkha' ltar kun la khyab par bsgom/__de yang sems bskyed yul bskyed mkhan skyes pa'i bya ba thams cad ngo bor rang bzhin gyi stong pa las snang cha'i rten 'brel ma 'gags par 'char ba 'di la stong nyid snying rje zung 'jug kyang zer/__bden gnyis zung 'jug/__stong rten 'byung dbyer med snang stong zung 'jug sogs don gcig la ming gi rnam grangs du ma brjod pa yang stong nyid snying rje zung 'jug gi gnad 'dis nye bar mtshon pa yin/__de nyid byang chub kyi sems dngos yin/__des srid zhi mtha' gnyis 'gog pa'i myang 'das chen po'i go 'phang thob par 'gyur ro/__/de yi bslab bya bdag gzhan brje ba'i blo sbyong yang yang bsgom zhing /__dkon mchog la dad pa/__sems can la snying rje shugs drag po/__byang chub kyi spyod pa rgya mtsho lta bu la 'dun cing smon pa dang /__gzhan phan don gnyer gyi bsam pa la g.yo sgyu med pa kho na gal che/__de lta bu'i bsam pa rin po che byang chub sems kyi blo bcos shing dge ba che phra ci byas thams cad la 'dis rtsis thebs par bya dgos pa ni med du mi rung ba yin no/__/gnad de lta bu'i gzhi bzung nas skyabs 'gro nas brtsam sngon 'gro'i bsags sbyangs mthar phyin pa dang /__khyad par stobs bzhi'i gnad dang ldan pa'i yig brgya ltung bshags/__dri med bshags rgyud sogs la nan tan 'bad/__byin rlabs kyi gzhi bla ma'i rnal 'byor yin pas/__rtsa ba'i bla ma sangs rgyas su thag bcad/__skyabs gnas kun 'dus su bsgom/__bka' drin dran cing gus pa bskyed/__dad dang dam tshig la ngos lkog med cing dka' spyad snying rus kyi mgo btsugs nas bla ma'i rnal 'byor la brtson na byin rlabs 'byung bar the tshom med/__de lta bu'i sngon 'gro'i rim pas rgyud sbyangs nas phyag rdzogs zung 'jug gi gzhi lam 'bras gsum gyi gnad mdor dril na/__rang gi sems nyid gdod nas skye 'gags gnas gsum dang dngos po dang mtshan mar ma grub yod med yin min thams cad las 'das pa'i gzhi sems kyi chos nyid rig pa gsal stong zung 'jug 'khor 'das kun khyab gzod nas rnam par dag pa 'di ni gnyug ma gzhi yi bzhugs tshul dang /__de nyid bla ma'i byin rlabs dang rang gi mos gus 'dzoms pas rang gnas kyi lta ba de ngo 'phrod cing dus gsum gyi rnam rtog dang bral ba'i tha mal gyi shes pa de la yid dpyod blos 'dzin gyis ma bcings ma bcos bzo med gnyug ma rang bab kyi ngang du chos nyid rang gnas kyi dran pas yengs med du bsgom bya sgom byed du bral bar 'jog pa na rlung so rig pa'i ye shes kyi rten med gzhi rtsa bral ba yul med rang gsal chen por nyams su myong ba de yi ngo bo smra bsam brjod bral du 'char ba ni lam bsgom pa'i skabs dang /__de'i ngang las spyod pa la spangs blang med par gang shar gang snang rig pa'i dbyings su ro mnyam pa'i spang gnyen gzhan nas btsal ma dgos pa rang shar rang grol bya lam rjes med du 'gro ba 'di ka spyod pa'i mthar thug/__de ltar goms pa la brten nas rig pa'i dbyings ka dag stong chen dang /__ye shes lhun grub gnyis gdod nas 'du 'bral med pa'i yon tan rgya mtsho lta bu rang chas su bzhugs pa 'bras bu gzhan nas btsal du med pa nang gi yon tan phyi gsal du shar ba la grol ba mthar phyin pa'am 'bras bu zhes ming gi brjod pa yin no/__/de lta bu'i lam gyi srog bzung ba dngos gzhi dmigs med mtshan nyid pa yin no/__/dge ba gang byas rnams dus thams cad du dmigs med kyi bsngo bas rgyas thebs par gal che/__/mdor na dad pa/__nges 'byung /__zhen log/__snying rje/__stong nyid/__byang sems/__mos gus/__dam tshig/__bskyed rdzogs/__bden med zhen med ma bcos 'dzin bral rang gnas rnams gdams ngag gi mdo chings bsdus don yin pas de ltar nyams su blang bar zhu/__ces pa rang slob pad+ma theg mchog gi gsung bskul ngor shin tu mdor bsdus nas bkod pa zhib tu bla ma gong ma rnams kyi zhal gdams gsungs mgur khrid yig sogs las shes par bya ba kho na'o/__/chos kyi blo gros pas so//___//_!_zhal gdams bzhugs so/__/sems can rnams la gnod 'tshe med pa dang /__/khas blangs tshul khrims ngos lkog med par bsrung /__/rang gi sems ni yongs su 'dul ba ste/__/so sor thar pa'i nyams len snying po lags/__/mkha' khyab 'gro ba pha mar shes pa dang /__/gzhan phan don gnyer lhag bsam rab bskyed nas/__/byang chub spyod la rab tu 'jug pa ste/__/'di ni byang sems sdom pa'i nyams len lags/__/snang grags rig gsum ye shes chen por sdom/__/zhen med 'dzin bral bskyed rdzogs lam la brtson/__/sdom dang dam tshig bla mar mos gus gces/__/'di ni sngags sdom nyams len gnad dril lags/__/lta ba spros bral sgom pa 'dzin bral dang /__/spyod pa rang babs 'bras bu rang grol gces/__/yid dpyod las 'das rang bzhin lhug pa'i ngang /__/rang babs bzhag 'di phyags rdzogs gnad dril yin/__/ces gdams pa'i snying po 'di'ang rang slob pad+ma rang grol gyi ngor chos kyi blo gros pas brjod pa sid+d+hi rastu//___//_!_zhal gdams nyung bsdus bzhugs/__bla ma'i zhabs la phyag 'tshal nas/__/gang zhig rnyed dka'i lus 'di ni/__/phyis nas yang yang thob pa dka'/__/nor bu lag tu rnyed pa nas/__/gyi nar bor rnams blo re 'khrul/__/de nas 'di nyid 'jig par sla/__/mi rtag tshul la nges shes bskyed/__/las 'bras blang dor la brtson zhing /__/'khor ba'i nyes dmigs dran par bya/__/gsum la skyabs su 'gro ba dang /__/gzhan phan bsam pa rtag tu bya/__/rtag tu rang gi sems la lta/__/sems dge 'gyur na nyes pa med/__/gal te bsam pa mi dge na/__/sbyor ba legs par ltar snang yang /__/rang gzhan thams cad bslu ba'i rgyu/__/de yis nyes pa dpag tu med/__/de phyir dran dang shes bzhin dang /__/bag yod ces pa gsum po des/__/rang sems 'dul ba shin tu gces/__/sbyin sogs byang chub spyod pa la/__/zhen pa med pa shin tu gces/__/gang dag dmigs pa'i 'du shes can/__/byang chub spyod las ring du gol/__/chos kun rang bzhin stong pa nyid/__/stong nyid spros dang bral ba la/__/yid dpyod mtshan mas ma bcos par/__/nam mkha' lta bu'i ngang la bzhag/__de yi rtsa ba bla ma la/__/mos gus gnad du bsnun pa dang /__/bsam sbyor rgya cher 'bad pa yi/__/dang po don spyi'i tshul mthong yang /__/de nas mngon sum rtogs par 'gyur/__/skabs su snying rje drag tu bsgom/__/snang ba'i bden zhen yang yang sbyong /__/sgyu ma lta bu'i spyod pa brtsams/__/des ni lam gyi bogs thon 'gyur/__/de skad gdams pa nyung ngu 'di/__/a ra pa tsas bskul ba'i ngor/__/'jam dbyangs blo gros rgya mtshos sbyar/__/dge bas kun mkhyen mchog thob shog/__/__!__bla ma'i zhabs la phyag btsal nas/__/mi rtag 'chi ba dran pa dang /__/'khor bar zhen log sgom pa 'di/__/nges 'byung chos kyi rtsa ba yin/__/'gro kun pha mar shes pa'i blos/__/rang 'dod 'khri ba kun spangs shing /__/phyogs ris med pa'i bsam bzang gi__/sgo gsum gzhan don 'gyur bar mdzod/__/dran chog rtsa ba'i bla ma la/__/mos gus brtan pos gzhi bzung nas/__/bskyed rdzogs bla ma'i lam khyer du/__/shes nas rtag tu sgom par mdzod/__/mdor na dran shes bag yod kyi/__/rang sems 'dul bar rab brtson na/__/lung rtogs yon tan thams cad kun/__/yar ngo'i zla bzhin 'phel bar 'gyur/__/ces pa'ang chos kyi blo gros pas so//___//_!_zhal gdams bdud rtsi'i bsil zer ces bya ba bzhugs/__rje bla ma rnams la phyag 'tshal lo/__/pha bka' drin can gyi thugs rjes zung /__/rten dal 'byor mi lus rin chen 'di/__/dus lan gcig thob pa da res tsam/__/don med du chud zos mi byed par/__/don chen gyi snying po longs shig ang /__/tshe 'di la ji ltar 'byor gyur kyang /__/til 'bru tsam khyer ba'i dbang ni med/__/tshe phyi ma'i skyes chen 'degs pa'i tshe/__/phan byed kyi brgyag dge dam chos lags/__/tshe srog 'di mi rtag chu bur 'dra/__/dus skad cig yud tsam 'gyur zhing 'gro/__/dgra 'chi bdag gshin rje rngam brjid che/__/dus ring por sdod pa'i rang dbang med/__/khams gsum gyi sems can zhags pas 'debs/__/ma shi bar tshe thar lus pa med/__/shi nas kyang med par mi 'gro zhing /__/las dge sdig ci byas chud mi za/__/rang byas kyi las kyi rnam smin myong /__/ngan song gi sdug bsngal bzod blag med/__/mtho ris kyi bde ba 'gyur nas ni/__/dus nam zhig sdug bsngal kho na myong /__/de bas na dam pa'i lha chos sgrubs/__/skyabs bslu med bla ma dkon mchog la/__/dad mos kyi yid ches blo gtad zhu/__/theg chen gyi rtsa ba sems bskyed yin/__/rang legs 'dod 'khri ba rgyang du bskyur/__/bdag gces 'dzin 'gong po gzhom par gyis/__/gzhan kun la phan pa'i bsam pa bskyed/__/de bdag gzhan phyogs ris med par bya/__/sems bskyed kyi rtsa ba snying rje bsgom/__/snying rje de 'khrungs na byang sems skye/__/lus ngag yid gsum dge la gzhol/__/dge ba de sems can yongs la bsngo/__/ma nam mkha' mtha' mnyam 'gro ba la/__/dpal kun tu bzang po'i smon lam thob/__/rang rgyud la tshe rabs thog med nas/__/sgo gsum gyi bsags pa'i sdig sgrib dang /__/sdom gsum gyi dam tshig nyams chags la/__/stobs bzhi yi cho gas bshags par bya/__/bsod nams kyi tshogs chen bsags pa dang /__/ye shes kyi tshogs la blo bzhag gces/__/sems chos nyid gnyug ma'i ye shes de/__/mngon sum du rtogs par bya ba'i phyir/__/pha drin can bla ma spyi bo dang /__/snying pad+ma'i ze'u 'brur bsgom byas nas/__/gsol 'debs dang dbang blang yang yang bya/__/bskyed rdzogs kyi mdo 'gags de ru tshangs/__/dad dam tshig ngos lkog med par srungs/__/sems 'khrul pa'i rtogs tshogs rtsad bcad la/__/'khrul pa rnams gzhi med rtsa bral btang /__/sems chos nyid rig stong chos kyi sku/__/rang bzhin gyi gsal dwangs longs spyod rdzogs/__/rig rtsal ni 'gags med sprul skur shar/__/sku gsum po'i ye shes gcig tu rdzogs/__/gzhi lhun grub 'od gsal 'dus ma byas/__/lam rang byung rig pa ma bcos bzhag/__ka dag gi rig pa zhes bya de/__/da ltar gyi shes rig ma bcos pa/__/gzung 'dzin gyi rtog pas ma bslad pa'i/__/gsal dwangs rjen par lhag ger 'jog/__yengs med kyi ngang du 'dzin rtsal bral/__/rang bzhag 'di bsgom gyi dngos gzhi lags/__/de'i ngang nas 'khor dang myang 'das kyi/__/tshogs drug gi snang ba gang shar yang /__/bcos bsgyur dang bral bar thad kar 'jog/__des ma 'chings ma zhen rang grol spyod/__/gzhi rig stong 'od gsal goms pa las/__/thob bya'i 'bras bu gzhan btsal med/__/ye shes lhun rdzogs sgrib byed kyi/__/dri ma dang bral ba 'bras bu yin/__/dus rgyun du sems bskyed bzang po dang /__/dran shes dang bag yod brten par mdzod/__/khyed bud med blo 'di rtsab rtsub mang /__/blo sna ma mang chos la 'bungs/__/'khor ba la zhen pa rgyab tu bskyur/__/gnas ri khrod 'grims la bsags sbyang dang /__/bsnyen sgrub dang bla ma'i rnam 'byor la/__/dus rtag tu brtson pa byas gyur na/__/tshe 'di 'phos dpal ri pad+ma 'od/__/lhan gcig tu 'tshogs pa'i rten 'byung dang /__/smon lam bzang po'i mtshams sbyar yod/__/tshig de skad chos kyi blo gros la/__/rigs ldan gyi bu mos bskur ba'i ngor/__/gang shar gyi gdams pa bris pa 'dis/__/rgyud yongs su grol ba'i rgyur gyur cig/__sarba dA mang+ga laM//___//_!_da lta'i shes pa bsgyur bkod ma byas pa'i/__/tha ma shes pa dran rig skad cig ma/__/ma dor tsam gyi rang tshugs ma shor ba/__/gol sa med do i go snying gi bu/__/zhes pa 'di dpal spungs si tu rin po che la gnang bar grags so//___//_!_theg pa chen po'i lam rim snying po theg mchog bdud rtsi'i zil mngar zhes bya ba bzhugs so/__/bla ma dang mgon po 'jam dpal dbyangs la phyag 'tshal lo/__/gang zhig yid mkhar dran pa tsam gyis kyang /__/rmongs pa'i mun pa stug po sel mdzad pa/__/rje btsun mkhyen pa'i gter chen rdo rje rnon/__/gang gi zhabs rdul bde chen 'khor lor mchod/__/theg chen bka' gzhung zab cing rgya che ba/__/bdag blo khab rtse'i khungs bur tshud min kyang /__/theg mchog dge ba'i bshes kyis bskul ba na/__/sngon byon mkhas grub zhal lung ltar dbye bya/__/srid mtshor thog ma med pa'i dus shed nas/__/ye grol chos dbyings bde gshegs snying po yi/__/gnas lugs ma rtogs 'khor ba'i gnas su 'khyams/__/las dang nyon mongs sgrib pa'i sbubs rgyar 'thum/__/da res sngon bsags bzang po'i 'bras smin pas/__/mngon mtho'i rten bzang nges legs thar pa'i gzhi/__/dal dang 'byor pas brgyan pa'i rin chen lus/__/tshangs dbang bde 'byung brgya byin las kyang lhag/__'di 'dra thob kyang mi tshe sos dal du/__/skye rga na 'chi bzhi yi mthar gtung na/__/de las gyong brdab che ba gzhan ma mchis/__/myur ba nyid du dam chos sgrub la 'bungs/__/'jig rten chos brgyad 'dod yon sgog mo yi/__/bslu brid dbang shor mi tshe snum zad kyi/__/mar me bzhin du bsnon pa 'ong med cing /__/de tshe mgon skyabs dpung gnyen cang ma mchis/__/srid las nges par 'byung ba'i blo bskyed cing /__/srid pa'i dpal yon ci tsam 'byor gyur kyang /__/thams cad mi rtag sgyu ma'i longs spyod bzhin/__/snying po med pa'i don de mngon du bya/__/gang la nor yod de la sdug bsngal yod/__/'dod la chags pa'i nyes pa ngang gi 'phel/__/der brten nga rgyal phrag dog kun kyang 'byung /__/nyes brgya'i rtsa ba tshang tshing chen po 'di/__/gzhom par mdzod la 'dod chung chog shes brten/__/ya gi srid rtse ma gi mnar med yan/__/bde ba'i go skabs skra rtse'i khyon tsam med/__/sdug bsngal gsum gyi rtag par mnar ba de/__/yid la bya zhing skyo shas dran pa gces/__/skyes pa'i mtha' ma 'chi ba'i rang bzhin dang /__/bsags pa'i nor yang yongs su 'dzad par 'gyur/__/mtho ba'i mtha' yang dma' ba'i gnas su ltung /__/'dus mtha' so sor 'gyes pa chos nyid yin/__/thams cad thams cad myur du 'jig cing 'gags/__/mi rtag mi brtan skyes bu'i tshe srog ni/__/chu yi chu bur bas kyang mi brtan pa'i/__/'du shes yang yang dran pas blo sna bstungs/__/'khor ba rigs drug gang nas gang skyes kyang /__/sdug bsngal me 'obs srin mo'i gling bzhin du/__/shes pas gnas ris drug po de rnams las/__/sgrol phyir nges legs thar pa'i lam la 'bad/__/chos rnams rgyu dang rkyen la rag las shing /__/rten cing 'brel 'byung 'gags med snang ba'i chos/__/nam yang mi bslu tshad mar grub pa la/__/yid ches bskyed nas las 'bras spang blang bya/__/las dang nyon mongs kun 'byung bden pa yi/__/bskyed pa'i 'bras bu sdug bsngal bden pa ste/__/de 'gogs pa ni 'phags pa'i rtogs rigs te/__/de mngon bya phyir lam bden sgrub la brtson/__/sdom pa'i gzhi rten mchog gsum skyabs su bsnyen/__/yid ches nges shes dad pa brtan po dang /__/theg chen lam rtsa gzhan phan lhag bsam bzang /__/rin chen byang chub sems mchog bskyed par bya/__/thog med dus nas mkha' khyab sems can rnams/__/rang gi pha ma yin pa shes byas nas/__/kun la bka' drin che bar dran byas nas/__/bdag gzhan brje ba'i blo sbyong sgom pa dang /__/rigs drug pha ma'i drin lan mjal bar bslab/__/bdag tu 'dzin pa'i 'khri shing drungs nas phyungs/__/bdag skyid 'dod pa'i blo ngan de gzhom nas/__/gzhan bde thob phyir sgo gsum dge la 'bad/__/der yang zhen med sgyu ma ltar rtogs shing /__/thabs dang shes rab zung du 'jug pa yi/__/nyes spyod spangs shing dge ba'i chos sdud dang /__/sems can don rab sgrub la rtag tu brtson/__/pha rol phyin drug rgyal sras spyod pa'i gzhung /__/bsdu dngos bzhi yi 'gro ba yongs su 'dul/__/shes rab zab mos srid zhi'i mtha' las brgal/__/sgrib gnyis drwa ba mtha' dag gzhom par bya/__/bdag med rtogs pa'i shes rab zab mo 'di/__/dang po thos bsam la brten go ba bskyed/__/bar du rtsol ba dang bcas sgom pas myong /__/tha ma nges don rang bzhin mngon sum rtogs/__/ma rig sgo nga'i sbubs rgya bral ba dang /__/rtogs pa'i ye shes mun par nyi 'od bzhin/__/de yang rdo rje theg pa dang 'brel na/__/thabs mang bde myur dka' ba med pa'i phyir/__/blo mchog rnams kyis 'di la gtso bor bsten/__/phyi rgyud sde gsum lam rnams cung zad bul/__/nang pa pha ma gnyis med rgyud gsum la/__/mos pa gang yod de thos de sgom sgrub/__/mtshan nyid kun ldan rdo rje slob dpon las/__/dkyil 'khor zab mor dbang mnos deng phyin nas/__/ci mdzad legs par mthong ba'i mos gus kyis/__/rdo rje 'chang dang rnam dbyer med par blta/__/de sgom de sgrub lam gyis snying por bsten/__/dam tshig nyams na dmyal me bzod dkas bsregs/__/dam bsrungs lam nyid bsgom par ma byas kyang /__/skye ba bdun nam bcu drug nas grol 'gyur/__/bskyed dang rdzogs pa'i lam rim gang bsgom kyang /__/kun gyi srog snying lta ba gtan 'bebs bya/__/de yang rang sems wa le khyug ge ba/__/'di yi ngo bo shes rab zab mos brtags/__/brtags pas mi mthong ngo bo ngos bzung bral/__/spros mtshan las 'das rab zhi chos kyi dbyings/__/'di ni stong pa phyang chad ma yin te/__/rang bzhin 'od gsal don dam 'dus ma byas/__/'gyur med bri gang bsal bzhag las 'das pa/__/rang gi rig pas mngon sum rjen par rtogs/__/de yang bla ma'i drin gyi dus thabs bsten/__/'di med lam rnams chu shing stong pa bzhin/__/snying po med cing srid rtsa mi chod pas/__/sems kyi gsang shes dus gsum rgyal ba yi/__/bsgrod pa gcig dang dgongs pa gcig tu go__/de dang ldan pas bum dbang bskyed pa'i lam/__/snang stong zung 'jug chu zla lta bu dang /__/rang bzhin bde ba chen po'i sku ru bskyed/__/gsang dbang lam ni ngag rlung dag bya ste/__/mi g.yo byed bcings rtsol ba la brten pa'i/__/thabs kyi las rlung yon po dbu mar sdud/__/rin chen kum+b+ha ka yi brtan par bya/__/sher dbang sngon 'gro thig le'i rnal 'byor la/__/rlung la goms pas 'khor lo bzhir 'gro ldog/__legs par 'byangs pas dngos gzhi pho nya mor/__/bsten pas dwangs ma 'khor lo'i lte bar brten/__/rtsa yi mdud grol rlung thig stobs rgyas shing /__/'chi med grub pa'i lang tsho rgyas pa dang /__/mthar phyin rdo rje sems dpa'i go 'phang thob/__/de las dpe yi ye shes dwangs pa'i mthar/__/bzhi pa'i dbang gi rba rlabs sgom pa dang /__/khyad par dben gsum bsten shing ma bcos bzhag/__gnyug ma lhan skyes ye shes skyon med pa/__/mkha' dbyings rdo rje nam mkha'i dkyil lta bu/__/mngon du 'gyur bas khams gsum 'khrul pa zad/__/chos sku'i ye shes snying por gyur pa yi/__/sku gsum 'du 'bral med par mngon byang chub/__/gzhan don 'gro sgrol rtag khyab lhun grub 'gyur/__/de rnams kun gyi gegs sel bogs 'don yang /__/mkhas grub tshad ma'i gsung la blta ba dang /__/khyad par bla mar mos gus mi 'bral zhing /__/thugs yid bsre zhing lam dbang yang yang blangs/__/dam tshig gso ba'i tshogs skong bzlas par 'bad/__/des ni bskyed rdzogs kun la bogs 'don 'gyur/__/rtag tu dran shes bag yod bsten pa dang /__/khas blangs sdom pa mig gi 'bras bzhin bsrungs/__/nges 'byung byang sems yang dag lta ba rnams/__/gcig grogs gcig gis byas pas chos su 'gro/__/chos lam 'gro zhing lam gyi 'khrul ba zhi/__/'khrul ba ye shes nyid du 'char bar byed/__/sangs rgyas bstan pa gangs ri'i khrod 'di ru/__/rnam dag ji snyed byon rnams dgongs pa gcig/__de phyir bstan pa kun la dag snang bskyed/__/'gro la g.yo zol med pa'i snying rje sgom/__/dge tshogs bsngo zhing smon lam bzang po gdab/__/rtag par bstan 'gror bde skyid spel la rem/__/deng sang snyigs ma tshe thung nad 'khrugs kyi/__/mnar ba'i skabs 'dir gu ru pad+ma dang /__/rje btsun sgrol ma thugs rje myur bas na/__/rang gzhan don phyir gsol 'debs thugs dam bskul/__/bod khams bde ba'i smon lam yang yang 'debs/__/yongs rdzogs bstan pa'i mnga' bdag sa skya pa'i/__/zab rgyas gdams pa'i yang rtse byin rlabs kyi/__/brgyud pa nyams med byin 'bras mngon sum du/__/snang ba nA ro mkha' spyod bskyed rdzogs la/__/chig dril 'bad pas don gnyis lhun gyis grub/__/de skad khyab bdag bka' 'gyur pa mchog gi__/gsung gis gling bus rang myong dang mthun pa'i/__/zhal gdams rtogs pa brjod pa dgos gsung kyang /__/myong ba ma mchis mi tsher dkor la g.yeng /__/'on kyang dam pa'i bka' ni ma gcog tsam/__/chos med dred po chos kyi blo gros pas/__/rang nyams ma blangs dam pa'i gsung bzhin du/__/chu 'brug nag zla'i dga' ba gsum pa la/__/bris pa'i dge tshogs 'gro ba yongs la bsngo/__/gzhan la phan pa'i smon lam dang bcas dge/__sarba mang+ga laM//___//_!_zhal gdams lam rim phan bde'i snying po zhes bya ba bzhugs so/__/na mo gu ru/__skyabs gnas kun 'dus dpal ldan bla ma ni/__/dran pa tsam gyis srid zhi'i 'jigs 'phrog pa'i/__/gsang gsum yid kyi ze'u 'brur bkod byas nas/__/zhal gdams lam rim phan bde'i snying po dbye/__/dal dang 'byor pa'i lus 'di rnyed dka' zhing /__/rnyed na don che yid bzhin nor dang mtshungs/__/da res stong log chud zos mi byed par/__/myur ba nyid du dam pa'i lha chos mdzod/__/snod kyi 'jig rten ri gling bcas par yang /__/nam zhig mi rtag thal ba rlung khyer 'dra/__/tshangs dang brgya byin 'khor los bsgyur rnams kyang /__/skye 'chi 'phos pa'i mtshang chen de la soms/__/rdo rje'i sku brnyes sangs rgyas byang sems yang /__/sgyu ma'i gzugs sku bshigs pa'i tshul bstan na/__/chu bur lta bu skye 'gro'i lus can rnams/__/myur du mi rtag 'chi bas 'jigs par nges/__/bsags pa'i las ni nam yang chud mi za/__/ma byas pa dang 'phrad par mi 'gyur zhing /__/rgyu 'bras mi 'chol rang thog smin nges pas/__/dge sdig spang blang brtson pa shin tu gces/__/srid gsum grangs khyer me yi 'obs chen por/__/shin tu bzod dka'i sdug bsngal phung po la/__/brtson rar chud pa'i 'gro ba ji bzhin du/__/nges 'byung skyo shas gting nas bsgom par mdzod/__/thar pa'i grong khyer 'chi med khang bzang ni/__/nyams dga' bkod legs yid 'ongs phun sum tshogs/__/byang chub phyogs chos rgyan gyis mdzes pa de/__/thob la dad spro dga' ba rgya chen bskyed/__/de nyid thob byed rang gi stobs min te/__/gzhan rkyen dge ba'i bshes la rag las pas/__/byang chub sems dang rtogs pa'i gding ldan cing /__/mkhyen gnyis ye shes ldan la brten par gces/__/thar pa'i 'jug sgo bla ma mchog gsum la/__/dang 'dod yid ches dad mos brtan po yi/__/dad gsum gus pa'i mngon rtags ngoms bzhin du/__/yid ches brtan pos skyabs su 'gro bar bya/__/theg chen lam gyi rtsa ba byang chub sems/__/'di la brten pas mya ngan 'das pa thob/__/rgyal ba kun gyi bgrod pa gcig pa'i lam/__/rin chen byang chub sems la blo brtan bya/__/byams sogs tshad med bzhi la blo sbyang zhing /__/gzhan phan lhag pa'i bsam pa bzang po la/__/g.yo sgyu zol zog rang 'dod med pa yis/__/lus dang longs spyod dge ba'i dngos rnams sbyin/__/pha rol phyin drug bsdu dngos bzhi la sogs/__/byang chub spyod pa rgya mtshor brtson byas shing /__/byang sa'i tshul khrims gsum la rab brtson te/__/rang gzhan don gnyis lhun gyis grub par mdzod/__/dri med sems kyi rang bzhin 'od gsal bar/__/sgrib byed nyes ltung dri ma'i tshogs rnams kun/__/stobs bzhi'i gang+gA'i chu rgyun gyis 'khrud pas/__/sgo gsum shin tu rnam par dag pa gces/__/tshogs gnyis rin chen ma dros rgya mtsho'i rdul/__/rnam par bsags te dpal gyi lhun por bskrun/__/rnam grol sku bzhi'i bang rim mdzes pa yi/__/byang chub yon tan spel ba'i thabs la 'bad/__/dngos grub kun gyi rtsa ba bla ma rje/__/byin rlabs rgya mtsho'i 'byung gnas rigs brgya'i bdag/__sku bzhi'i ded dpon srid zhi'i dpal mgon che/__/chos kyi rgyal po'i zhabs sen spyi bos bsnyen/__/bsnyen na bde zhing 'bral bar dka' ba yi/__/dad mos gdung ba drag po phur tshugs kyi/__/gsol ba snying gi dkyil nas btab byas na/__/mchog thun dngos grub 'bad med stsol bar nges/__/dad dang dam tshig brtan po'i sa gzhi la/__/smin byed dbang bzhi'i char gyis rlan pa las/__/sku dang ye shes gser gyi snye ma smin/__/srid zhir mi gnas rdo rje 'chang thob 'gyur/__/de phyir bla ma yid bzhin nor bu'i zhal/__/snying ga spyi bor rtag tu bsgom byas te/__/gsol ba btab cing dbang bzhi blang ba dang /__/thugs yid bsre ba nyams len snying po yin/__/'khor 'das chos kun gdod nas rnam par dag/__cir yang ma yin cir yang 'byung ba'i gzhi/__/'khor dang mya ngan 'das pa kun 'phro bas/__/rig khams bde bar gshegs pa'i snying po la/__/sbyong byed lam gyi rim pa rnam pa bzhis/__/sbyang bya dkyil 'khor bzhi yi dri ma 'khrud/__/sbyangs 'bras sku bzhi mngon du byed pa 'di/__/rdo rje theg pa'i lam gyi rim pa'o/__/mtshan nyid kun ldan rdo rje slob dpon las/__/rnam dag dbang gi chu bos legs smin te/__/rgyal bas bsngags pa'i dben gnas nyams dga' bar/__/brten nas lus sems shin tu sbyang bar bya/__/tha mal snang zhen 'khrul pa yul dang bcas/__/rang gi sems kyi cho 'phrul shes byas te/__/ma dag tha mal snang ba sbyong byed kyi/__/lam byed rnam bzhi'i bskyed rim bsgom la brtson/__/gzhi gnas rtsa rlung thig le'i snyigs ma rnams/__/dag byed rlung dang gtum mo'i rnal 'byor gyis/__/dbu ma'i kha dbye 'bar 'dzags drangs pa yi/__/zhu bde lhan skyes dpe yi ye shes ni/__/mngon sum 'dren pas rang lus thabs ldan bsgrubs/__/de la goms dang ye shes drod skye bas/__/brtul zhugs spyod pas bogs 'don bsgrub pa'i slad/__/phyag rgya bzhi yi dam tshig brten pa dang /__/khyad par dngos rig nye rgyu'i grogs byas te/__/rtsa yi mdud grol rlung sems dbu mar bsdams/__/rnam bcas bde chen ye shes thig le ni/__/rab tu 'phel bas mchog tu mi 'gyur ba'i/__/ye shes dwangs ma'i thig le gtsug tor brtan/__/rnam med ting 'dzin de nyid spros dang bral/__/don gyi lhan skyes ji bzhin rgyud la skye/__/khyab bdag nam mkha' rang byung ye shes bdag/__rtsa rlung thig le'i 'gros rnams thim pa dang /__/'od gsal dbu ma'i khang bzang nyams dga' bar/__/sna tshogs chos kun ro gcig chen por sdoms/__/bde stong 'gyur med rdo rje'i sku thob 'gyur/__/shin tu rnam par dag pa'i ye shes che/__/pho nya'i lam la brten pa med par yang /__/rang gnas sku dang ye shes mngon byed pa/__/'od gsal rdzogs pa chen po'i lam 'di mchog/__yid dpyod sgrib pa'i dri mas bslad min par/__/rang rig ka dag spros pa bral ba la/__/bla ma'i drin gyis ngo shes thag chod cing /__/rig stong gnyug ma chu bo'i rgyun bzhin bskyangs/__/de yang ci shar ci snang gzungs 'dzin gyi/__/rtog pa'i chos rnams rig pa'i rang gshis su/__/shar tsam nyid nas grol ba'i gnad dam pa/__/'di ni sems don skyong la shin tu gces/__/yangs ba med cing bsgom bya sgom byed med/__/tha mal blo 'das sdod cing gu yangs su/__/chos kun ka dag klong yangs chen po'i gshis/__/gtad med phyam gdal chen por thongs la shog/__gang du'ang ma spangs gang yang ma bsgyur zhing /__/chos kun ka nas dag pa'i klong chen por/__/rang babs dgongs pa'i btsan sa zin pa na/__/sangs rgyas chos sku rang la rnyed par 'gyur/__/de yi bogs 'byin lhun grub thod rgal gyi/__/sgron ma bzhi yi gnad du bsnun pa na/__/sku gsum lam lhangs yon tan rtsal rdzogs te/__/tshe 'di nyid dam bar dor grol bar nges/__/mdor na dad dang dam tshig rnam par dag/__mos gus lam gyi srog tu bzung byas te/__/bla ma bsgom zhing rig ngo skyong ba yis/__/thun dang thun mtshams thams cad 'da' bar mdzod/__/de ltar brtson pas lam gyi 'bras bu ni/__/gzhi gnas sku dang ye shes rgya mtsho'i tshogs/__/dka' ba med par myur du thob pa dang /__/'gro sgrol slad du phrin las rtag khyab 'gyur/__/de skad gdams pa'i rim pa nyung ngu 'di/__/rang gis nyams su blangs pa ma lags kyang /__/dam pa'i drin gyis legs par thos pa las/__/cha shas tsam blangs yi ger bkod pa 'di/__/pad+ma skal ldan bskul ngo mi lcogs slad/__/chos kyi blo gros zhes bya'i ban hrul des/__/smras rim bzhin du yi ger bkod pa po/__/tshe ring bkra shis zhes byas bris pa'i dges/__/ma gyur 'gro ba sems can ma lus kun/__/rnas grol mchog la rim gyis 'god pa dang /__/khams gsum srid pa'i grong khyer stong byas te/__/rgyal ba'i dbang po'i go 'phang thob par shog/__sarba mang+ga laM/__/_!_lta ba skyong thabs bzhugs so/__/dpal ldan bla mar phyag bcol nas/__/ma dag sems can las nyon gyi/__/sbubs rgyar 'thums pa'i rang bzhin la/__/bsam nas nges 'byung blo mchog bskyed/__/'gro kun pha mar shes pa yis/__/byams dang snying rje byang chub sems/__/rang 'dod phyogs ris med par bsgoms/__/'jigs dang snying rjes kun bslangs pa'i/__/skyabs su 'gro dang sdig sgrib sbyangs/__/tshogs gnyis bsags la nan tan bya/__/rdo rje'i ye shes 'beb pa'i phyir/__/byin rlabs bla ma'i rnal 'byor la/__/mos gus gdung bas gsol btab cing /__/dbang bzhi blangs te thugs yid bsre/__/ma dag tha mal snod bcud kun/__/rten dang brten pa'i lhar sbyangs shing /__/tha mal snang zhen spang ba dang /__/gya nom lhar zhen rtog pa yang /__/rdzogs rim zab mos legs sbyangs nas/__/zhu bde mi rtog ye shes bskyed/__/de ltar rim gnyis bsgoms pa las/__/byung ba'i ye shes khyad par can/__/skye phyir rgyu dus lta ba la/__/thos bsam sgro 'dogs bcad par bya/__/de yang snang grags chos rnams kun/__/rang sems dag dang ma dag gi__/rnam 'phrul tsam du shes byas nas/__/sems snang de yang sgyu ma ltar/__/rang bzhin bden med gtan la phab/__/med ces bya ba'ang yod min te/__/sems nyid rang bzhin gnyug ma'i gshis/__/gsal stong zung 'jug tshig las 'das/__/bsam brjod bral ba'i blo 'das cher/__/bsam mi khyab pa'i ngang der bzhag/__'khor ba dang ni mya ngan 'das/__/so sor yod pa ma yin te/__/gdod nas rang bzhin mnyam pa nyid/__/lhan skyes ye shes ngang du gcig/__de lta'i lta ba mngon byas te/__/bskyed rdzogs lam gyi rim pa kun/__/'khor 'das dbyer med rgya yis gdab/__/de ltar bsgoms pas dkyil 'khor bzhir/__/'gros bzhi thim nas sku bzhi yi/__/rdo rje 'dzin sa rab brnyes shing /__/gzhan don phrin las mkha' khyab 'byung /__/de skad gdams pa'i rim pa ni/__/rdor 'dzin sbyin pa blo ldan gyis/__/bskul ngor chos kyi blo gros pas/__/bla ma'i gsung bzhin brjod pa dge/__//__!oM swasti/__skyabs bla ma rnams kyis thugs rjes zungs/__/bdag 'gro ba rnams kyi blo sna 'di/__/thar dam pa'i chos la bsgyur du gsol/__/tshe mi rtag chu yi lbu ba 'dra/__/dus da lta yod kyang da lta med/__/dgra gshin rje'i 'jigs pa 'ong re ran/__/rkyen des na dam pa'i lha chos mdzod/__/rten dal 'byor thob pa da res tsam/__/dgos med kyi brel snying mang po yi/__/tshe'i lhag ma gar song cha med cing /__/shi brang lag 'thab dus a tsa ma/__/skabs de dus 'gyod kyang phyis pa yin/__/dus myur ba myur ba dam chos 'bungs/__/grogs khyod la brtse bas gdams pa yi/__/gtan bde ba'i 'dun ma grub par smon/__/ces pa 'di'ang rang slob ye na dgon gyi bla ma shes rab phun tshogs la gdams pa nyung bsdus 'jam dbyangs chos kyi blo gros pas so//___//_!_a ho ye/__rnyed dka'i dal 'byor mi lus rin chen 'di rnyed dus/__/don med stong log byas na gyang chen zhig 'ong ngo /__/yid bzhin nor bu dbang gi rgyal po de rnyed dus/__/mchod dang gsol btab ma byas don re ni chung ngo /__/de yang mi rtag rtsa rtse'i zil pa dang 'dra la/__/'chi bdag gshin rje'i sun ma nam 'ong ni med do/__/de las bzlog pa'i thabs ni srid pa zhig yin na/__/thams cad mkhyen pas gsungs kyang yod tshod ni mi 'dug/__bzlog med pho nyas khrid pa'i kho thag ni chod do/__/dge sdig ci byas chud ni zos pa ru mi 'gyur/__/las ni grib ma bzhin du rjes su ni 'brang ngo /__/'brang ba tsam gyi mi chod 'bras bu ni smin no/__/sa bon btab tsam ma yin myu gu ni 'khrung ngo /__/de yang sla ba ma yin dka' ba zhig mchis pa/__/dud 'gro yi sdug bsngal chung shos gcig shig ni/__/rang thog tu lon dang shes pa zhig 'ong ngo /__/dmyal ba yi sdug bsngal do zla ni ma mchis/__/bzod sran ni med do tshe tshad ni ma rdzogs/__/'bros pa ni med do las rlung gi ded pas/__/rang dbang ni med do dmyal ba yi srung mas/__/dbang med brdeg bcad gtub pa'i gnas ngan la sbyor ro/__/des na de 'dra'i sdug bsngal bzod thabs ni med pas/__/snying nas lha chos bsgrub la brtson pa ni ran no/__/de yang le lo phyi gshol dbang du ni ma btang /__/myur ba nyid du 'bad nas thar pa ru sbyor cig/__bden pa bzhi dang rten 'brel zab mo yi chos ni/__/nyon mongs zad par byed cing bden 'dzin ni bzlog la/__/bdag med rnam pa gnyis la goms pa zhig bya dgos/__/de yang skyabs gsum dbang gi rgyal po la brten nas/__/gtan gyi skyabs gnas gdon mi za ba zhig bzhugs so/__/gzhan phan byang chub sems kyi go cha zhig bgos nas/__/ci byas dam pa'i chos su 'gro ba zhig yod do/__/rang lus rdo rje'i phung po'i grong khyer ni yin pas/__/brgyud ldan byin rlabs ldan pas smin pa zhig bgyis nas/__/bskyed rdzogs lam gyi rim pa gnad du ni bsnun na/__/sku bzhi'i 'bras bu de ni 'byin pa ru 'gyur ro/__/de skad zab mo'i gdams ngag 'di/__/rang gi dran pa'i gsos su bris/__/dge des mtha' yas sems can kun/__/sangs rgyas go 'phang thob par shog/__ces pa'ang 'jam dbyangs chos kyi blo gros pas so/__/_!___bla ma'i zhabs la phyag 'tshal lo/__/sangs rgyas chos kyi gdams ngag rnams/__/rang sems 'dul bar gsung pa'i phyir/__/mi lus khyad 'phags thob dus 'dir/__/don med chud zos ma btang ang /__/khas blangs tshul khrims gtsang mar srung /__/byang chub sems la blo sbyong zhing /__/phyogs ris med pa'i snying rje bsgom/__/bsags sbyangs nan tan 'bad cig ang /__/bka' drin che ba'i bla ma la/__/dag snang mos gus bskyed pa dang /__/ma dad log lta spang byas te/__/snying nas gsol ba thob cig ang /__/bskyed rdzogs thun bzhir bsgom pa dang /__/bsnyen sgrub chu bo'i rgyun bzhin brtson/__/gnyis 'dzin bral ba'i lta ba la/__/'dzin med rgyun du bsgom cig ang /__/zhal gdams ang yig bzhi pa 'di/__/dad slob karma chos mchog nas/__/bskul ngor chos kyi blo gros pas/__/gang dran shar mar spel ba dge/__//__!_bla ma'i zhabs la phyag 'tshal nas/__/dal 'byor thob pa'i dka' lugs la/__/bsam nas 'chi ba dran par mdzod/__/srid pa gang dang gang skye kyang /__/sdug bsngal kho na'i rang bzhin las/__/bde ba'i go skabs med shes nas/__/nges par 'byung ba'i blo bskyed cing /__/las 'bras nam yang mi bslu bas/__/dge sdig blang dor bya ba dang /__/skyabs gnas bslu med bla ma dang /__/dkon mchog gsum la yid ches kyi/__/mi ldog dad pa brtan po mdzod/__/'gro kun pha mar shes pa yi/__/byams dang snying rje byang sems bsgom/__/tshogs bsags sgrib sbyangs la 'bad na/__/byin rlabs ye shes rtsol med skye/__/bla mar mos gus gnad du che/__/rim gnyis zab mo rtag du sgom/__/bzlas brjod chu bo'i rgyun ltar 'bad/__/khyad par sems kyi chos nyid la/__/ma yeng dran pas rtag tu bskyangs/__/dge ba 'gro ba'i don du bsngo/__/de ltar byas na don yod 'gyur/__/ces pa'ang chos kyi blo gros pas so//___//_!_log lta'i smag 'byin mun sel nyi ma bzhugs so/__/srid pa'i drwa ba bral mdzad cing /__/nyes brgya'i tshangs tshings bsreg mdzad pa/__/blo gter rdo rje rnon po yi/__/zhabs la btud nas 'di brjod bya/__/srid pa'i mun pas khebs pa yi/__/log lta rgyud ldan gang zag gis/__/chos la sdang ba'i ca co ni/__/rnam par spel ba don re chung /__/rang lta mchog tu 'dzin pa ni/__/sgom spang sgrib pa'i dbye gzhi yin/__/yang dag lta ba ldan gyur na/__/chags sdang mdud pa rang sar grol/__/spros pa'i gzeb tu 'ching ba med/__/mgon po klu sgrub yab sras kyis/__/stong dang mi stong la sogs kun/__/smra ba'ang spros mtha' yin gsungs na/__/gsar rnying chos dang gang zag la/__/bzang ngan 'byed cing rang phyogs bstod/__/gzhan phyogs smad la zhugs pa ni/__/skye bo ngan pa'i lugs srol yin/__/'jam mgon rgyal ba gnyis pa ni/__/blo bzang grags pa'i dpal 'bar ba/__/mnyam med jo bo yab sras kyi/__/brgyud pa'i bka' srol 'dzin pa yin/__/lta spyod rnam dag zung 'brel gyi/__/rnam thar gtsang ma bdag gir bzhes/__/thub gsung gdams par shar ba dang /__/bstan pa 'gal med legs rtogs shing /__/kun la snyoms shing byams pa 'dis/__/brgyud pa de yi phyag bzhes yin/__/rang nyid de yi sgor zhugs te/__/de dang 'gal zlar bsgrub pa ni/__/bstan pa de la rma 'byin no/__/o rgyan pad+ma 'byung gnas dang /__/lha gcig di paM ka ra gnyis/__/thugs brgyud gcig pa yin par ni/__/bka' gdams glegs bam las gsal zhing /__/bdag nyid chen po tsong kha pa'i/__/bla ma las kyi rdo rje yi/__/phyag rdor snyan brgyud chen po dang /__/zhus lan bdud rtsi sman mchog sogs/__/phyag rdzogs dgongs pa'i don dang mthun/__/paN chen blo bzang chos rgyan dang /__/ngag dbang blo bzang rgya mtsho sogs/__/rnying ma'i zab chos thugs nyams bzhes/__/gzhan yang mkhas grub che rnams kyis/__/snga 'gyur bka' gter chos mdzod rnams/__/gsan bzhes mdzad cing 'gro don spel/__/rta mgrin yang gsang khros pa dang /__/skyer sgangs dag snang rta mgrin sogs/__/gter chos dge ldan pa rnams kyis/__/thugs dam gsang ba'i mthil du mdzad/__/de sogs lo rgyus khung ma dang /__/'thad ldan lung dang rigs pa mang /__/de phyir snga 'gyur mchog bstan dang /__/zab mo'i chos dang gang zag la/__/sdang ga nam yang ma mdzad cig/__rang gi grub mtha'i che ba tsam/__/brjod la sus kyang bkag pa med/__/snying nas rang nyid sdang ba dang /__/gzhan dag de rjes khrid pa rnams/__/log pa'i lam zhugs dad pa ldog/__/sdig pa'i phung po shin tu lci/__/ngan song dmyal ba'i rgyur byed pas/__/de la bag yod mdzad par rigs/__/dam par phal che'i gang zag gis/__/dam pa'i spyod dang mthun pa yis/__/gzhan phan lhag bsam rmad byung gis/__/bstan 'gror phan bde sgrub par rigs/__/gsung rab rdo la bskor ba dang /__/sAts+tsha jo dar rlung 'khor rnams/__/rlung gis rdzi phyogs phogs pa yis/__/thar pa'i sa bon thebs par 'gyur/__/dge chos de 'dra bkag ma byed/__/sman mdo sbyang rgyud la sogs nas/__/gsal bar bstan pa'i zhe dgu yis/__/bdun tshig cho ga la sogs dang /__/o rgyan gu ru'i rnam par thar/__/pad+ma bka' yi thang yig dang /__/bla ma'i gsang sngags sid+d+hi dang /__/zhi khro la sogs 'gog byed na/__/rang gi rtsa ba'i bla ma yi/__/thugs dam rgyud bskul mtshan sngags dang /__/gsang ba 'dus pa las byung ba'i/__/dkyil 'khor lha tshogs thams cad kyang /__/'don bsgom bzlas sogs mi rung pa'i/__/gnod pa nges par 'bab pas na/__/de phyir sgo gsum bag yod mdzod/__/sde dgon sbyin bdag so so yi/__/gna' bo'i lugs srol ji yod kyis/__/'don sgrub mchod bstod bya rgyu rnams/__/sngon gyi lugs bzhin byed gyur na/__/shin tu dge zhing bkra shis 'phel/__/kha mkhas col chung rjes 'brangs nas/__/sngar yod bskyur te gsar ngas kyi/__/bya byed mang po 'phel gyur na/__/'jig rten mi bde'i rtsa ba byed/__/deng sang bstan pa mar 'grib cing /__/snyigs ma'i rtsod pa byas pa'i dus/__/grub mtha'i chags sdang rtsod pa yi/__/ci zhig phan te dgos pa chung /__/de bas dbu ma'i dbyings su bzhugs/__/'dir dges skye 'gro ma lus kun/__/nges 'byung byang sems rgyud la skye/__/yang dag lta ba'i 'byor pa 'phel/__/tshogs gnyis rdzogs shing sgrib dag nas/__/sku gnyis go 'phang myur thob shog/__ces pa'ang rgyal ba'i bstan pa mtha' dag la dad pa thob cing chos med kyi snyoms las dreg pa rgyal khams pa zhig gis spring ba 'dis kyang 'jig rten na phan pa rgya chen po 'byung bar gyur cig/__/sarba mang+ga laM//___//_!_gdams pa'i rim pa gzhan gsos mgrin glu ces bya ba bzhugs so/__/oM swasti/__pha rigs kun 'dus zhal bla ma rje/__/bu bdag gi spyi bo'i rgyan du bzhugs/__/grogs khyod kyis gsung gi bskul ba las/__/mi bdag la yon tan med nges kyang /__/chos thos pa'i bag chags phran bu las/__/tshig nyung ngus gdams pa 'di 'bul lo/__/gnas khams gsum rigs drug gar skyes kyang /__/rgyu sdug bsngal 'bras bu kho na las/__/gtan bde ba'i 'bras bu med pas na/__/yid 'khor ba 'di las nges 'byung mdzod/__/tshe mi rtag nam mkha'i sprin dang 'dra/__/'dus byas tshad mi rtag myur du 'jig/__dgra 'chi bdag nam 'ong cha med pas/__/grogs khyed nyid g.yeng ba'i ngang ma shor/__/rgyu dkar nag las ni ci bsags pa/__/dus bskal pa brgyar yang chud mi za/__/las byas pa rang gi steng smin pas/__/bu dge sdig spang blang zhib par gces/__/rten dal dang 'byor pa'i 'bras bzang 'di/__/sngon smon lam bzang po'i dus smin pas/__/tshe 'di la thob pa'i don med du/__/chud zos par ma byed snying po longs/__/dus 'di dang phyi ma thams cad du/__/skyabs mi bslu nges pa dkon mchog gsum/__/bu de la 'dun pa rtse gcig gtod/__/dus nam yang bslu ba med do ang /__/rang thar pa 'dod pa'i blo ngan de/__/rgyang ring du bskyur la gzhan phan gyi/__/sems bzang po lhag pa'i bsam pa de/__/phyogs ris su ma bcad snyoms par bskyed/__/tshe thog med nas bsags sdig ltung gi__/gzhi bde gshegs snying po'i rang zhal sgrib/__/ngo mthong du mi ster bar du gcod/__/de stobs bzhi'i gnad kyis phyi bar mdzod/__/rigs rgyas par 'gyur ba'i mthun pa'i rkyen/__/tshogs dmigs bcas dmigs med zung 'jug tu/__/thabs mkhas kyi spyod pa brlab po che/__/dus bskal pa skad cig la 'dums mdzod/__/gzhi smin par byed pa'i dbang mnos nas/__/lam grol byed bskyed rdzogs zab mo la/__/ches 'bad pa drag pos brtson byas nas/__/mchog thun mong dngos grub brnyes par mdzod/__/grogs dam tshig gtsang ma'i sa gzhi la/__/sngags 'bras bu'i snye ma legs par 'khrungs/__/rang sems la nag nog med pa yi/__/thugs shel dkar bum pa dri med mdzod/__/pha kun bzang bla ma rdo rje 'chang /__/grogs khyed kyi snying dang spyi gtsug la/__/dus skad cig tsam yang mi 'bral bar/__/snying rus pa'i gting nas gsol 'debs zhu/__/cir snang kun bla ma'i rol par shar/__/sgra grags tshad dpal ldan bla ma'i gsung /__/yid 'gyur rtog bla ma'i thugs su shar/__/skyabs bla ma'i lam khyer bsgom par zhu/__/sems ma rig 'khrul pa'i rdzun phugs gtib/__/gzhi lta ba ka dag spros bral che/__/ye gdod ma'i stong chen nang gsal cher/__/mthar 'dzin gyi sgro 'dogs chod par mdzod/__/lam bsgom pas nyams su blangs ba na/__/sems 'du byed kyi dran 'dzin rtod phur phyungs/__/ma yengs klong yangs ma bcos ngang ldan pas/__/gshis rang babs ngang la cham mer zhog/__'khor 'das kyi snang grags dran rtog kun/__/gzhi thugs rje'i rtsal las mdangs shar bas/__/shar de la dgag sgrub kun bskyur la/__/spyod pa kun rang grol chen por thongs/__/don chos nyid rig pa'i ngang de ru/__/bcas bcos dang spro bsdu mi byed cing /__/yengs pa dang phyal bar ma shor bar/__/rig cha la gsal dwangs phyed par zhog/__des shes rab rang byung sgron me 'bar/__/de 'bar bas chos kyi gter mdzod brdol/__/bsgom byung gi shes rab nya rgyas nas/__/ches 'phags pa'i bden pa mngon sum mthong /__/chos rdzogs chen lam gyi thun min gnad/__/gzhi lhun rdzogs 'od gsal chen po de/__/rjen cer du lam gyis snang bar 'dren/__/rtsal rdzogs nas dbyings su zad sar skyel/__/'pho chen gyi sku mchog brnyes pa dang /__/nang dbyings su thim la ma rmugs shing /__/phyir gsal gyi sku dang ye shes dang /__/yon tan dang mdzad pa mtha' yas pa'i/__/dpal bzang pos brgyan pa'i 'bras thob 'gyur/__/tshig de skad nyung ngur gdams pa 'di/__/grogs khyed kyi gsung nan ma ldog pas/__/rang rgyud la myong ba ma mchis kyang /__/pha rig 'dzin brgyud pa'i gsung bzhin du/__/mi mdo med sprang phrug blo gros pas/__/kun rtogs kyi ngos su 'char ba rnams/__/bris 'di yi dge bas bdag gzhan rnams/__/phyam gcig tu kun bzang sar 'god shog/__sarba dA mang+ga laM//___//rang byung rig pa'i ngang de la/__/gzung 'dzin dri mas ma slad pa/__/ma bcos lhug par bzhag pa de/__/sangs rgyas chos sku'i dgongs pa'o/__/grags bla byams pas zhus ngor mkhyen sprul pas so/__/dge'o//___//_!_rang ltos kyi slob bu'i tshogs la 'phrin du gsol ba rab rib mun sel ces bya ba bi dza ha raM/__/bla ma dang mgon po 'jam pa'i dbyangs la phyag 'tshal lo/__/oM swasti/__/bdag blo dam pa'i ded dpon gyis bzung zhing /__/rnam dkar dge ba'i gru gzings la brten te/__/dad brtson shes rab ba dan dkar po yi/__/rnam grol gling du spyod par dam bcas shing /__1/__phun tshogs 'byor pa'i rin chen rten bzang po/__/lhag pa'i tshul khrims gser gyi sa gzhi la/__/lhag pa'i ting 'dzin dpag bsam ljon pa'i rtser/__/lhag pa'i shes rab 'bras bzang mtshar du sdug2/__kun mkhyen nyi ma'i gnyen gyi bstan pa la/__/gcig tu sems pa'i dam bca'i ri mo 'di/__/rdo bar bris bzhin mthar thug snying po'i bar/__/yid kyi thig ler dbyer med ro gcig 'dres/__3/__'jam mgon dgyes pa'i mtshan snyan dri bzhon gyis/__/reg pas mthong ba don ldan grags mod kyang /__/kun mkhyen che de gtsug gi rgyan bsnyen nas/__/de yi phrin las nam mkha'i mtha' khyab spel/__4/__dgos 'byung bsam 'phel rgyal mtshan rtser mchod de/__/'gro sems mchog phal su yis gsol btab kyang /__/de la 'dod rgu'i dngos grub ster ba bzhin/__/mkhyen brtse'i ye shes byin rlabs cha shas dpog5/__de yi drin gyis dal ba'i rten mchog 'dir/__/kun rtog rnyogs pa'i gzhan dbang btsan po yi/__/mtha' gcig dkar po'i snang bas dben gyur kyang /__/phal cher bsam sbyor dag pas khyab par gyur/__6/__da ni mi tshe nyi ma nub ri'i phag/__yol ba'i snga ltas shin tu gsal ba dang /__/gshin rje'i lam du myur bar chas pa yi/__/bdog pa'i sta gon dag kyang nye bar mthong /__7/__de la nyer bzlog sgyu ma'i rig sngags kyi/__/thabs tshul sgyu 'phrul so ga'i me tog ni/__/rnam mang lha yi dga' tshal bkrag gyur yang /__/sman byed srog gi bdud rtsi'i zil thig phra/__8/__e wa~M phyag rgyas sdom pa'i rdo rje can/__/gang gi tan+t+ra rgya mtsho'i yang snying ni/__/rnal 'byor chen po bla na med pa las/__/phyag rgya rnam bzhir nyer bsten gseng lam che/__9/__dman 'bring blo can phal gyis spyod pa na/__/sbrul gdug mgo yi nor bu blangs pa bzhin/__/khe nyen chen pos log par ltung srid kyang /__/blo chen 'ga' la der thob nye bar 'tshengs/__10/__mchog tu sbas pa'i ngo mtshar sgyu ma ni/__/bde chen ye shes d+hA ki ni gu'i gzugs/__/rnam bcas bde ba'i pad+mo 'dzum pa des/__/rnam med ye shes grub pa'i sa la sbyor/__11/__de phyir ston pas rab bsngags nye lam 'dir/__/'jug pa'i spobs pa ba thag ltar phra yang /__/rnal 'byor mos pa lam du byed pa yi/__/kun bzang bde stong rol pa'i gar gyis rtsen/__12/__de yi stobs kyi dpung shugs btsan po des/__/'chi bdud rtog pa ring du bskrad byas te/__/'chi med gnyug ma'i gar mkhan dpa' bo ches/__/brtul zhugs mchog la nye bar 'dun cing smon/__13/__srid pa'i grong khyer sgyu ma'i gar mkhan bzhin/__/snang sems dbyer med ro gcig 'dres pa las/__/phyogs las rnam rgyal 'jigs med blo gros kyi/__/gzhan phan bsam pa gser zhun ltar spyod la/__14/__gal te rang 'dod sred pa'i 'ching thag gis/__/dam por sdom pa'i sems ngan dbang yin na/__/lha dang bla mas kyang ni thugs khrel zhing /__/rdo rje can gyis bdag gi mgo bo 'gem/__15/__rang gi sems la zol zog ma mchis shing /__/rgyal ba'i bstan dang 'gro la bde skyid kyi/__/nges sems dang ldan 'jam mgon bla ma rje'i/__/thun mong thun min bstan pa srid mtha'i bar/__16/__spel ba'i g.yar dam zla zhun thags btag gi__/sgo gsum dar yugs stong chen khyab pa 'di/__/nyes pa'i dri mas nongs pa ma gyur na/__/sras bcas rgyal ba dgyes pa'i mchod sprin 'bul/__17/__de ltar bdag gi spyod pa 'di 'dra bar/__/kun rtog rlung dmar drag po rgod rnams kyis/__/'phya dang gling gzhi'i ya ga sgrogs byed kyang /__/bdag sems ku sha'i rtse tsam g.yo re kan/__18/__gang zhig 'dren byed 'khrul par zhugs rnams kyis/__/yang dag dngos la log 'dzin zhugs pa ltar/__/skyon zad yon tan rdzogs pa'i rgyal ba la'ang /__/skyon du mthong na bdag 'dra smos ci zhig19/__mdo rgyud rnams nas bla mar bsten phyin nas/__/gus pas mchod dang ci mdzad tshad mar blta/__/rgyal ba dang 'drar dad gsum sems kyis 'dud/__/de la mchog dngos lag mthil gter bzhin gsungs/__20/__zab rgyas chos kyi 'brel bas bsrungs rnams kyis/__/log par bltas na sa spyod bsti gnas cher/__/'tshigs par dogs pa'i sdug bsngal mi bzod pas/__/brtse ba'i sems kyis rab tu springs pa 'dis/__21/__thar pa'i mig gi rab rib rnams sel zhing /__/yang dag legs par mthong ba'i spyan stong bkra/__/gsang gsum byin rlabs rgyud la 'jug pa dang /__/nyams rtogs yon tan gong nas gong 'phel shog22/__bdag rjes slob rnams 'chol bar mi spyod cing /__/nyes ltung sdom pa'i tshul khrims la brtson te/__/thub pa'i ring lugs gtsang mar spyod pa dang /__/thams cad mkhyen pa'i go 'phang thob gyur cig23/__rtsa gsum rgya mtsho'i mthu byin rab zhugs nas/__/lha min sder bcas dpung tshogs dregs ldan rnams/__/'khor lo rdo rje 'bar ba'i mtshon rnon pos/__/ming gi lhag ma tsam du bgyid gyur cig24/__bdag kyang 'chi med rdo rje'i dpal la spyod/__/rgyal khams kun tu dus kyi rgud pa zhi/__/rdzogs ldan gsar pa'i dga' ston dar babs shing /__/bstan dang bstan 'dzin dar zhing rgyas par shog25/__de skad drang por smra ba'i blo can ni/__/'jam dbyangs phyag gis co to nas bzung ba'i/__/chos kyi blo gros zhes bya'i ban hrul des/__/bkra shis 'chi med grub pa'i dga' tshal che/__26/__mkhas grub rgya mtsho 'du ba'i bsti gnas su/__/dus kyi dge mtshan phun sum tshogs ba'i char/__/bkra shis dpal yon brgya phrag 'char ba na/__/bris 'dis dag pa'i snang ba rgyas gyur cig/__/sarba dA mang+ga laM/__shu b+haM//___//_!_rang cag dpon slob dbang chos kyi 'brel brgya che bas log lta dang brnyas sems bgyis na 'di phyi kun du nyes dmigs che zhing rnam smin rtsub mo myong bar 'gyur te lag na rdo rje dbang bskur ba'i rgyud las/__bcom ldan 'das gang dag slob dpon la brnyas par bgyid pa de dag gi rnam par smin pa ji lta bu lags/__bcom ldan 'das kyis bka' stsal pa/__lag na rdo rje lha dang bcas pa'i 'jig rten skrag par 'gyur gyis de skad ma smra zhig/__gsang ba'i bdag po/__'o na cung zhig brjod par bya'o/__/dpa' bo bsgrim te nyon cig/__mtshams med la sogs mi bzad pa/__/dmyal ba gang dag ngas bshad pa/__/de rnams kyi ni gnas su brjod/__/der ni bskal pa mtha' yas so/__/de lta bas na rnam kun tu/__/de la nam yang brnyas mi bya/__/zhes dang /__bla ma lnga bcu pa las kyang /__/slob dpon la ni smod pa de/__/yams dang mdze dang nad rnams dang /__/gdon dang rims dang dug rnams kyis/__/rmongs chen de ni 'chi bar 'gyur/__/rgyal po me dang sprul gdug dang /__/chu dang mkha' 'gro rkun po dang /__/gdon dang log 'dren rnams kyis kyang /__/bsad nas sems can dmyal bar 'gro/__/nam yang slob dpon dag gi ni/__/kun tu sems dkrug mi bya ste/__/gal te rmongs pas byas gyur na/__/dmyal bar nges par 'chom par 'gyur/__/mnar med la sogs 'jigs rung ba'i/__/dmyal ba bstan pa gang yin pa/__/slob dpon la ni smod pa rnams/__/der ni gnas par yang dag bshad/__/ces dang /__sangs rgyas ye shes zhabs kyis 'jam dpal zhal lung las/__/ma 'ongs rdo rje 'chang ba ste/__/de la brnyas byed sems can gang /__/de yis nga la brnyas byed pas/__/ngas ni de kun dus su spong /__/zhes dang /__spyod 'jug las/__/gang zhig de 'dra'i rgyal sras sbyin bdag la/__/gal te ngan sems skyed par byed pa de/__/ngan sems bskyed ba'i grangs bzhin bskal par ni/__/dmyal bar gnas par 'gyur zhes thub pas gsungs/__zhes sogs mdo rgyud kun nas nyes dmigs rgya cher gsung ba la bdag legs su 'dod pa rnams kyi spang blang tshul bzhin tu mdzad par rigs so/__/gzhan phan lhag bsam gangs ri ltar dkar bas/__/ring 'tsho'i thabs la 'bad 'dir don ldan na/__/bla ma mchog gsum rgyal ba sras bcas kyi/__/dge legs shis pa'i me tog deng 'dir stsol/__/bla slob mi 'bral dam tshig sel med cing /__/byang chub snying po'i bar du 'grogs gyur te/__/'og min stug po bkod pa'i zhing khams su/__/ston 'khor dgongs pa dbyer med 'gyur bar shog/__//__!kye ma/__/ma dul g.yo sgyu'i sems ldan 'ga'/__/kha na bla mar dad ces smra/__/don la ci gsung mi sgrub cing /__/mnyes pa'i bya ba ring du dor/__/mi mnyes byed pa rnam mang sgrub/__/de 'dra'i kha yag skyur la thongs/__/rang gi 'dod don sgrub pa la/__/bla ma'i zhabs 'degs zer ba yod/__/te lo nA ro'i rnam thar la/__/sems dang go rgyu de na gda'/__/chos rje sa skya paN+Di tas/__/mi mnyes byed pa rnam spangs nas/__/khyod kyi phrin las sgrub par shog/__ces gsung smon lam de la sogs/__/dbang bskur zhus pa'i bla ma de/__/khyi rnga 'dra yang thod du khur/__/gsung phyir bla mar lta ba rnams/__/bla mas ci gsung nyan dgos snyam/__/'on kyang bla ma kha la khyer/__/rang gi 'dod zhen phugs su bcangs/__/g.yo sgyu ngo lkog dad pa de/__/dgos pa med cing skyur la thongs/__/zhes kyang chos kyi blo gros pas smras so//___//_!_kye ho/__bu rtag par bla ma dran pa dang /__/cir snang bla mar shes pa yi/__/mos gus lam gyi srog 'khar la/__/pha rgan sa skya pa chen po'i/__/rtogs pa'i ye shes rgyud la 'pho/__/lus ni lha ru sgom pa dang /__/ngag ni bzlas pa lam du khyer/__/dran rtog ye shes chen po'i ngang /__/nam yang 'da' ba med par mdzod/__/mdor na mang du smras pas ci bya ste/__/rang sems 'dul zhing rang rgyud chos dang bsre/__/chos kyi snying po kun rdzob don dam gyi/__/byang chub sems gnyis bsgom la nan tan bya/__/zhes pa 'di ni rang slob 'jam dbyangs blo gsal bzang po'i ched chos kyi blo gros pas so//___//_!_a ho/__bu chos kun sems kyi snang ba yin/__/na tsha bde sdug rnam rtog yin/__/rnam rtog gzhi rtsa bcad gyur na/__/skye 'gags gnas bral 'gro 'ong med/__/sems nyid gsal rig stong pa gsum/__/zung 'jug de bla ma yi dam yin/__/de rang ngo shes pa'i lta ba la/__/'dzin pa'i sgrog gis ma 'chings shig/__spros bral gyi lta ba de'i ngang nas/__/bskyed rdzogs sogs rtsal gdangs ci shar yang /__/'gags med kyi bsgom pa nan tan mdzod/__/gegs sel dang bogs 'don gyi rgyal po ni/__/lam zab bla ma'i rnal 'byor yin/__/mos gus kyis gnad du bsnun par gces/__zhes pa'ang thugs sras mkhan rin po che 'jam dbyangs blo gsal la gdoms pa'o//___//_!_brtse ba'i grogs khyed sngon gyis las dbang gis/__/'dir lhag bdag la mos pa thob byas te/__/nye bar bsnyen kyang bdag ni yon tan dman/__/khyod la phan thogs dka' ba nyid gyur kyang /__/dam pa'i drin las bdag gi nom pa rnams/__/phal cher khyod la rab tu sbyin par byas/__/khyed nas bla ma'i zhabs tog legs par grub/__/da res lus bskyed drin chen yar 'phrad pa/__/khyugs tsam song la bar chad ma byung na/__/yun ring ma 'gyang slar yang 'khor ba na/__/dbang khrid 'dod chos lhag ma sbyin pa dang /__/nye ba'i gnas su mtshams rgyar sdod pa dang /__/skabs rer zhabs tog dag la brtson byas na/__/rang gzhan don gnyis 'bad med 'grub par 'gyur/__/lo 'di'i mjug dang zhe gsum lo stod dang /__/zhe drug nga gnyis nga bdun re gcig bskor dag la/__/tshe gegs che bas tshe sgrub phur gshin gyi/__/sgrub pa zab mor yang yang brtson pa dang /__/thugs dam gsang ba'i sgom bzlas brtson par mdzod/__/tshe sngon spyan ras gzigs la 'brel zhogs pas/__/thugs chen yang snying 'dus pa zhig kyang bsnyen/__/las 'phro sad cing dkar po'i chos 'phel 'gyur/__/de skad gang shar gang dran bzo bcos med/__/rang bzhag lhug par bris 'di don 'gyur du/__/dka' yang khyod thugs khrel bar mi 'gyur bas/__/blo gros rgya mtshos chal chol nyid du spel/__/slar yang dus kyi bskal min par/__/bla slob zhal 'dzom bkra shis kyi/__/bde skyid phun sum tshogs par smon/__/sarba dA su shri yo b+ha wa tu/__/bkra shis dpal 'bar 'dzam gling rgyan drug shog/__/__!__'jig rten pa'i lha dmar mchod byed pa rnams la springs pa/__khyed rnams kyis mchod pa'i lha de dbang phyug dang /__khyab 'jug/__lha mo karti ka dang tsan+t+ri ka yin nam min/__yin na/__de rnams la sems can la byams snying rje yod pa i red/__byams snying rje med na khyod kyi mchod pas ci zhig phan/__byams snying rje can yin na/__sems can gsod rgyu de la byams snying rje mi dgos pa ci red/__bya dang glang bsad pa des phan na/__khyed rang rnams bsad nas lha la mchod na phan stobs ci yi phyir mi che/__rang gi srog la rtsis chen byed/__gzhan gyi srog la 'tshe ba 'di ni shin tu blun po ma rabs yin no/__/lha dbang phyug dang khyab 'jug sogs dkar phyogs pa yin nam min/__mtho ris kyi lha yin nam min/__dkar phyogs pa dang /__mtho ris sam/__gtsang ris kyi lha yin na sha khrag gi dmar mchod byed pa mi 'thad/__min na 'dre srin po dang khyad med/__dbang phyug sogs 'dre srin po yin pa ni nged cag sangs rgyas pa rnams kyis kyang mi bshad do/__/des na gtsang ma'i lha sems can la byams thugs brtse ba can rnams la sems can gyi srog la gnod 'tshe byas nas mchod pa shin tu mi rigs pas de 'dra spangs nas gtsang ma'i mchod pa rgya chen pos lha mchod par rigs shing 'thad pa yin no/__de ltar srog bcad pa'i rnam smin gyi 'bras bu dmyal ba/__yi dwags/__dud 'gror skye ba dang /__khyad par du dmyal ba yang sos su skyes nas srog re bcad pa la srog len lnga brgya re 'jal dgos pa dang /__rgyu mthun gyi 'bras bu gar skyes kyang tshe thung nad mang /__srog bcad byed pa la dga' ba dang /__dbang 'bras rang skye ba'i yul sa phyogs rtsub mo la skye ba sogs nyes pa tshad med pa ste/__ting 'dzin rgyal po las/__las rnams byed pa med par mi 'gyur te/__/dkar nag ji bzhin 'bras bu smin par byed/__/ces dang /__bden pa po'i le'u las/__rgyal po khyod ni srog gcod ma mdzad cing /__/skye bo kun la srog ni rab tu phongs/__/de bas yun ring tshe bsrungs su 'dod pas/__/yid kyi gu la'ang srog bcad mi bsam mo/__/zhes gsungs pas/__tshe ring nad med 'dod na srog bcad spangs dgos shing /__de yang sdig pa byas ma thag tu de yi mod la rnam smin myang ba med na'ang chud mi za bar nges par myong ste/__mdo las/__sdig las 'phral tu nges par ni/__/mtshon bzhin gcod par mi byed kyang /__/sdig pa'i las kyi 'gro ba dag/__pha rol tu ni mngon par 'gyur/__/zhes sogs gsungs/__rab tu byung ba'i bar du gcod pa'i mdo las/__srog gcod kyi rnam smin me lce la rgyu ba'i bya me yi rtse mo la gnas kyang mi tshig pa zhig gi srog bcad ba'i dmyal ba'i sems can des mgo brtol nas khrag 'thung ba dang /__thod phrag na rgyu ba'i byas klad pa brtol zhing 'thung ba dang /__lce yi sha za zhes bya ba'i byas lce dral nas za bar byed/__de la sogs dang /__mnar med kyi phyogs gcig na/__bya 'dabs 'jigs zhes bya ba dpag tshad sum 'bum yod pa de dang /__dmyal ba'i bya gzhan dag dang lhan cig lo brgya stong du mar za bar skye'o/__/de las thar nas g.yang sa'i ngam grog ces bya bar 'khor yug tu me yi phung po bcu gcig gi bskor te las kyi zhags pas bcings nas grogs med par phyin pas ngam grog g.yang sa chen por lhung nas rkang pa thams cad zhu/__btegs na ni sos de lta bu'i sdug bsngal dang /__yang bya kang+ka sogs kyi lo brgya stong du mar za ba dang /__me lce'i 'khor lo stong phrag gis lus dum bur gtong ba dang /__rkang mthil na gsal shing gis phug pa dang /__srog chags rnams kyi lus phyi nang thams cad za bar byed pa dang /__me mdag gi me 'bogs nas rgyugs pa dang /__gshin rje'i skyes bu'i mtshon chas lus gshags gtub sogs sdug bsngal dpag tu med par myong dgos par gsungs/__khyed cag gi ston pa dbang phyug dang /__khyab 'jug lha mo sogs byang chub sems dpa' 'gro ba la thugs brtse ba can yin na/__sha mi bza' ste/__lang kar gshegs pa'i mdo las/__'di ltar byang chub sems dpa' snying brtse ba'i bdag nyid can gyis sha thams cad mi bza' 'o/__/zhes dang /__gang gi thub pa'i tshigs 'das te/__/bsam pa ngan pas sha za na/__/shin tu mi bzad dmyal bar yang /__/sdig pa'i las can de dag 'dong /__/zhes sogs gsungs/__khyab 'jug gi 'jug pa bcu yi ya gyal shAkya thub pa'ang khyab 'jug gi sprul par bshad pas/__de ltar na sprul gzhi khyab 'jug kyang /__sangs rgyas 'phags pa zhig yin dgos shing /__de ltar na/__bcom ldan 'das kyi zhal nas/__gang dag bde bas thub rnams dgyes 'gyur zhing /__/gang la gnod na mi dgyes 'byung 'gyur ba/__/de dag dga' bas thub dbang kun dgyes shing /__/de la gnod byas thub la gnod pa byas/__sogs bka' stsal ba ltar sems can la gnod pa byas na thugs mi dgyes bar 'gyur ba'i las ngan tshab po che bsags par 'gyur bas/__des na sems can bsad pa'i sha khrag gi dmar mchod 'di la shin tu 'dzem par bya dgos pa yin no/__/zhes brtse bas legs par 'doms pa po ni many+dzu d+harma ma tis bris pa'o//___//_!_zhal gdams bdud rtsi'i thig phreng ces bya ba bzhugs so/__/oM swasti/__kun mkhyen 'gro ba'i bla ma rigs brgya'i bdag/__bka' drin mnyam med dpal ldan bla ma yi/__/zhabs sen tshangs gnas 'khor lor mchod byas nas/__/rang dang gzhan la phan pa'i gros zhig glengs/__kye ma/__dal 'byor rin chen rnyed pa 'di/__/stes dbang ma yin sngon bsags dge ba ni/__/stobs chen bsags pa'i 'bras bu da res thob/__/don med chud zos btang na gyong chen brdab/__/'di ni mi rtag myur du 'jig pa ste/__/rtswa rtse'i zil ba lta bur lus srog g.yo/__/skad cig skad cig tshe ni 'dzad pa yang /__/'khrul pas bslus te mi shi gson du re/__/snod kyi 'jig rten mi rtag g.yo zhing 'jig/__bcud kyi sems can rnams kyang skye zhing 'pho/__/bdag gi srog ni chu yi chu bur bzhin/__/da lta yod kyang da lta med kyang srid/__/de phyir 'jig rten tshe 'di'i grabs chis spangs/__/'di ni mnog chung snying po cung zad med/__/yun ring ma 'dug dben pa'i ri la song /__/phyi mar phan nges dam pa'i lha chos zhig/__'phral dang 'phral du sgrub na mi 'thad dam/__/tshe ni phyi mar dge sdig gang bsags de'i/__/rnam smin khur btegs las ni chud mi 'dzad/__/rang byas rang gi thog tu smin pas na/__/mi dge'i las rnams spang bar mi 'thad dam/__/rang cag sangs rgyas bstan pa'i sgor zhugs nas/__/skra breg mgo zlum klog 'don shes tsam gyis/__/chos par mi 'gro rang sems gyong po la/__/brtags dpyad byas nas 'dul bar mi 'thad dam/__/chos rnams rgyu dang 'bras bu 'brel ba can/__/rgyu dang rkyen gyis bskyed pa'i sdug kun chos/__/de 'gog pa ni thar pa dam pa ste/__/de phyir lam bden bsten par mi 'thad dam/__/dman lam rang don yid byed rtog pa yi/__/byang chub chen po'i lam las ring bas na/__/rgyal dang de sras bsgrod pa gcig pa'i lam/__/byang chub sems mchog bskyed par mi 'thad dam/__/de yi sngon 'gro srid pa'i rtse mo nas/__/mnar med yan chad rigs drug 'khor ba'i gnas/__/sdug bsngal ma gtogs bde ba'i skabs med pa'i/__/nyes dran nges 'byung bskyed pa mi 'thad dam/__/'gro kun rang gi pha mar ma gyur med/__/pha ma sdug bsngal gnas las sgrol ba'i phyir/__/dkon mchog gsum la skyabs su 'gro ba dang /__/gzhan phan sems la blo sbyong mi 'thad dam/__/rang bde 'dod las nyes pa kun 'byung zhing /__/gzhan bde 'dod las 'di phyi'i don chen 'grub/__/de slad bdag tu 'dzin pa'i 'dre chen 'di/__/brlag pa'i thabs la 'bad pa mi 'thad dam/__/longs spyod yod na ser snas ma bcings par/__/dkon mchog mchod dang sbyin la brtson pa dang /__/med kyang rang gi lus dang dge rtsa 'bul/__/tshogs gnyis bre kha bsags par mi 'thad dam/__/bde gshegs snying po yon tan lhun grub kyang /__/rang sems glo bur dri mas sgrib pas na/__/dri ma dag phyir sdig pa sbyang ba'i sgo/__/gnyen po stobs bzhi bskyed pa mi 'thad dam/__/thar pa'i lam ston dge ba'i bshes gnyen dang /__/khyad par dbang bskur rgyud dang man ngag ston/__/sdom gsum bka' drin chen pos stsol mdzad pa'i/__/bla mar mos gus bskyed pa mi 'thad dam/__/de yang rang la bla mas ngo bstod dang /__/gsol ras gnang sbyin byed dus dad pa yod/__/bka' bkyon thugs sdang phra mo tsam byung kyang /__/mi dad log lta spangs ba mi 'thad dam/__/rdo rje 'chang zhes tshig snyan brjod pa tsam/__/mos gus min la mdzad spyod dag ma dag/__thams cad rgyal ba'i phrin las shes pa yi/__/dad mos go ba bskyed pa mi 'thad dam/__/dbang bskur brgya stong khri 'bum thob gyur kyang /__/bskyed rdzogs lam la go ba ma chags shing /__/dbang don ye shes myong ba rdul tsam med/__/de 'dra'i lugs ngan spangs bar mi 'thad dam/__/dam tshig bsrungs zhes rang gi 'dod pa dang /__/mthun na sgrub cing mi mthun bka' rtsi med/__/rang gi snang bar gang dran byed pa yi/__/dam nyams de 'dra bskyur na mi 'thad dam/__/bskyed rim sgom zer rdos bcas a 'thas can/__/sngags bzlas dus na long gtam dang bsre zhing /__/rnam rtog rgya 'byams phreng nag bskor ded byed/__/lha bsgom sngags bzlas bzhag na mi 'thad dam/__/rdzogs rim sgom lo'i rlung ni sad sud bzung /__/'khrig pa'i bde ba dang 'dra'i 'bar 'dzag sgom/__/drag na byang sems 'chor la snyams byed pa'i/__/de 'dra'i rdzogs rim 'jog pa mi 'thad dam/__/snang ba thams cad sems snang ma shes par/__/'khrul pa'i snang bar a 'thas gnyis 'dzin gyi/__/rtog pas bcings nas gnyug ma'i don ma rtogs/__/ye shes yin lo bskyur bar mi 'thad dam/__/mdor na sbyor ba sems bskyed dam pa dang /__/dngos gzhi dmigs med rjes la mi dmigs bsngo/__/dran shes bag yod bla mar mos gus sgom/__/ye shes bskyed la 'bad pa mi 'thad dam/__/de ltar gros kyi gdams pa 'di rnams kyang /__/rang nyams ma long rang skyon shes bzhin du/__/spangs na dga' ba'i 'dun pa yod mod kyang /__/lag len ma thebs shes tshod khyod la gdams/__/de yi dge bas bdag gzhan thams cad kyang /__/rgyal ba'i sras kyi lam bzang la zhugs nas/__/byang chub spyod pa tshul bzhin nyams blangs pas/__/rang gzhan don gnyis lhun gyis grub par smon/__/ces pa'ang rang slob 'jam dbyangs thub bstan kyi bskul ngor chos kyi blo gros pas gros su gdab pa'o//___// @#/__/gsung mgur skor phyogs bsgrigs bzhugs so/__/ oM swAsti/__/skyabs gnas kun 'dus bla ma rdo rje 'chang /__/bka' drin mnyam med chos kyi blo gros mkhyen/__/bdag brgyud chos dang 'dres par byin gyis rlobs/__/gsal stong zung 'jug spros bral lta ba stong /__/yengs med 'dzin med bsgoms pa lam du khyer/__/sdom pa gsum gyi kun spyod rnam par dag/__dbang bzhi'i 'bras bu tshe 'dir smin par shog/__mdor na skyid sdug legs nyen ci byung yang /__/re sa gzhan na med do bla ma mkhyen/__/byang chub bar du 'bral med thugs rje'i gzung /__zhes pas shAkya'i dge slong 'jam dbyangs yon tan rgya mtshos bskul ngor mkhyen sprul chos kyi blo gros pas bris pa'o/__/dge legs 'phel//___//_!_skyo glu snying gi gzer chen zhes bya ba bzhugs so/__/rje dran chog ngo bo rdo rje 'chang /__/skyabs mtshungs med blo gter dbang po dang /__/rje thams cad mkhyen gzigs si tu pa/__/dpal bka' drin mnyam med pad+ma'i mtshan/__/mgon 'gro 'dul dpa' bo rdo rje dang /__/chos shes bya kun gzigs grub chen pa/__/rje 'jam mgon ngag dbang legs pa'i zhabs/__/gtsug rgyan gyi yongs 'dzin rnam pa drug/__mi bdag gi spyi bo'i rgyan du bzhugs/__/dus legs nyes skyid sdug ci byung yang /__/rje bla ma rnams la gsol ba 'debs/__/bu bdag la thugs rjes byin gyis rlobs/__/dus snyigs ma'i gral mthar skyes pa yi/__/rgyud nyon mongs dug lngas rab tu gzir/__/chos zab rgyas kyi gdams pa thob gyur kyang /__/dpe shog thog dang tshig skam kho nar lus/__/don snying la zugs pa 'ga' ma mchis/__/rang rgyud gshis ngan pa 'dul ma thub/__/sems chos nyid rnam rtog mun pas sgrib/__/bying rgod kyi chom rkum ngan pas bcom/__/brjed ngas kyis dran pa'i so ma tshugs/__/snang sems tha mal rgya 'byams lus/__/don rig stong dbyings su grol ma thub/__/de bsam zhing bsam zhing skyo ba 'phel/__/phyi nam zla dus kyi stod smad dang /__/nang skye 'gro mi yi 'gyur ba dang /__/sgos rang gi mi tshe zad lugs la/__/yang yang bsam na skyo ba 'phel/__/grogs mi rtag 'dus pa thams cad 'bral/__/de phal cher phyi ma'i ltad mor song /__/rgyu nor rdzas sgyu ma'i bsog pa 'dra/__/phan cung zad med kyang snying med po/__/mgo 'khor nas nor la gsog 'jog byed/__/de'i tshul la bsam kyang skyo ba 'phel/__/dam sdom pa sna gcig mi bsrung ba'i/__/rang gzhan gyi o zog tshul 'chos kyi/__/chos 'chad nyan byed zer dam chos btsongs/__/'jig rten gyi dgra 'dul gnyen skyong dang /__/cha 'dra ba'i chags sdang rten bzhengs sogs/__/don med kyi stong ldir chen po'i ngang /__/tshe 'di yi lhag ma nub rir bskyal/__/don de la bsam kyang skyo ba 'phel/__/sems phan pa'i tshig gi smras gyur kyang /__/tshig ngan pa'i rang bzhin mthong gyur nas/__/'khon ngan par bzung ba'i slob bu dang /__/bskyangs dka' ba'i 'khor g.yogs gnas tshul la/__/bsam zhing bsam zhing skyo ba 'phel/__/rang las 'bras brtsi med btang bzhin du/__/mi gzhan la dge sdig blang dor bshad/__/g.yo sgyu yi khug mgo chen po can/__/bdag rang la bsam zhing skyo ba 'phel/__/da mi tshe'i lhag ma ji tsam gnas/__/las don med mang pos mgo mi 'khor/__/chos zab mo sgrub la brtson pa yis/__/tshe mtha' ru 'khyol bar byin gyis rlobs/__/skyabs dran chog rgyal po khyed rnams mkhyen/__ces pa'ang chu rta zla 10tshes 4la sems skyo ba'i gdung glu blo gros rgya mtshos bris pa'o//___//_!___dus da nang sprin dkar 'khrigs pa nas/__/shel dkar gyi rdul phye thang mar brdal/__/dkar phyogs kyi lha rnams dgyes zhal ngom/__/lha bya yi gong mo'i skad snyan sgrogs/__/sangs rgyas kyi bstan pa dkar po ru/__/'gro ba yi brda zhig ston nas 'dug/__gnas dag pa shel gyi ri bo la/__/sgrol ma ni dkar mo bzhugs nas yod/__/khong dgyes zhal 'dzum pa'i zer phreng las/__/'chi med kyi bdud rtsi skyugs kyin gda'/__/de myong 'dod yod na gyen la ltos/__/sgrol ma yi thugs rjes gzigs nas 'dug/__'chi med kyi bdud rtsi gnang ran 'dug/__ri de yi rtse mo 'ja' 'od lnga/__/'khrigs pa yi klong na pad 'byung la/__/mtsho rgyal dang man+dA ra bas bsten/__/byin rlabs shig zhu na de la gzigs/__/gsol ba zhig snying gi dkyil nas thob/__/dngos grub kyi sbrang char 'bebs re ran/__/byin rlabs kyi na bun thibs se thibs/__/mi nga 'dra sangs rgyas rlon par bsgyur/__/dngos grub kyi dga' ston char du bsnyil/__/don gnyis ni lhun grub bkra shis shog/__/__!_rang la gros gdab kyi mtshangs 'don bzhugs so/__/pha skyabs gnas kun 'dus bla ma rje mkhyen no/__/bdag dal 'byor mi lus khyad 'phags ni thob kyang /__/las ngan pa'i dbang gis 'dir snang gi zhen pas/__/rgyud ma rungs tha ma sra mkhregs tu gyur pas/__/sems dmu chu'i gcong nad drag po yis zin to/__/dus deng sang pha gcig mtshan ldan gyi bla ma/__/sku dngos su mjal ba'i skal ba ni dman zhing /__/gsungs gdams ngag chos kyi phung po rnams mthong yang /__/rang rgyud du ma lon khyi sngon la rtswa bzhin/__/bu thar pa'i blo mig gyen du re gtod kyang /__/dgra nyon mongs chags sogs zhags pas ni thebs te/__/mgo thur du dud ste dmyal ba yi gting rdo/__/byas 'di la 'khon du bzung rin zhig gda' 'o/__/sems chos nyid rig pa'i ye shes kyi khye'u chung /__/rje mtshan ldan bla mas phyogs tsam zhig bstan kyang /__/don goms 'gris ma byas gshis su ni ma phebs/__/dpe sprin gseb nyi zhur lta bu 'dis skyo'o/__/bdud 'chi bdag gshed po'i sdang mig gis gzir te/__/las zhags pa nag pos rke la ni btab nas/__/mtshon dgra s+t+was srog rtsa dmar po ni gcod ran/__/bdag gom gsum spos na 'chi bdag dang nye'o/__/lus 'byung bzhi'i bem rgog shul du ni lus te/__/grogs su med gcig pur 'gro ba yi dus su/__/skyabs mtshungs med bla ma thugs rje can rnams las/__/mgon dpung gnyen gzhan med gsol ba ni 'debs so/__/las dge sdig gang byas phyi bzhin du 'brang tshe/__/dge byas bsags chud du nyung ngu las med cing /__/sdig mi dge ri rab lhun po tsam bsags pa/__/bskyur ba yi thabs ni ci byas kyang ma rnyed/__/'bras rnam smin rtsub mo rang thog tu myong dus/__/dus skad cig bzod pa'i go skabs ni med kyang /__/rang byas kyi 'bras bur spyod pa las 'os med/__/dus de tshe kye hud kye hud ces 'bod tshe/__/phyis song ba'i sems 'gyod chen po zhig yong ngo /__/rgyu des na blo gros las ngan gyi khur po/__/bteg ma ran gong nas dam chos la 'bad mdzod/__/bu rang dbang yod dus dal chud ni ma gson/__/rgyud bsam pa dge bar nan tan du bskyed mdzod/__/de skad rang la gdams pa 'di/__sbrul lo cho 'phrul zla ba'i tshes2/__dga' skyo spel ma'i nyams shar tshe/__rang la gros su btab bo//___//_!_rang gzhan la gros su gdab pa phan bde'i 'khri shing zhes bya ba bzhugs so/__/rje dus gsum sangs rgyas 'gro ba'i mgon/__/pha mtshan ldan gyi bla ma rin po che/__/bus gsol ba snying gi dkyil nas 'debs/__/dus rtag par 'bral med byin gyis rlobs/__/nga dal 'byor gyi mi lus rin po che/__/skyon med pa sngon 'bras bsod nams kyis/__/dus da res thob ste 'dug na yang /__/dal 'byor la snying po ma lon pas/__/de bsam gyin snying nas skyo bar 'dug/__rje mtshan ldan gyi bla ma mang du bsten/__/gdams ngag gi zab dgu nyan na yang /__/rna lam du chu sgra shob shob bzhin/__/don nyams su ma blangs sems pa skyo/__/da mi tshe nyi ma brgya phyed thal/__/mig la sogs dbang po 'grib cing rgud/__/sems da lta byas pa da lta brjed/__/lus 'byung ba rgud pa'i sdug gis non/__/chos byed par sems kyang nus pa med/__/sngar ma nus pa la 'gyod 'dug kyang /__/'gyod pa 'di dran dus phyi nas 'dug/__kho gshin rje'i skyes bu mdun du lhag/__mi bzod kyi mche ba rnon po de/__/dus nam btab nges pa mi 'dug pas/__/rje bla ma mchog gis bskyab tu gsol/__/las dge ba bsags pa sen rdul tsam/__/mi dge ba'i bang mdzod gang nas 'dug/__las ci bsags grib ma bzhin du 'brangs/__/ngan song gi sdug bsngal myong ngan 'dug/__de bsam gyin snying rtsa dbang med 'dar/__/sems 'jigs snang skye yang phyi nas thal/__/'khor ba 'di me yi 'obs dang mtshungs/__/'dod yon la chags 'di spu gri la/__/sbrang rtsi 'byar ba lces ldag bzhin/__/thar pa'i srog rtsa gcod par 'gyur/__/ngan song gi gnas su 'phen grabs byed/__/dus da lta nyin gcig bkres skom dang /__/lus me stag phog pa'i sdug bsngal tsam/__/ma bzod de skad ngan 'don byed na/__/dus rgyun ring bar med mnar ba yi/__/ngan 'gro'i sdug bsngal bzod thabs bral/__/de legs par bsams nas chos la 'bungs/__/chos thob thob bltas bltas rnam grangs mang /__/sbyor dngos dang rjes gsum tshang ba yi/__/nyams su blangs pa ni gcig kyang med/__/lha bsnyen cing sgrub pa'i byas lo yang /__/don rgyud la 'byor ba shin tu nyung /__/kha shog lce rlung gis bskyod bzhin par/__/sems g.yeng ba brgya 'byams ngang du thal/__/de bsam gyin snying nas skyo ba skyes/__/da ci tsam sdod pa'i long yod na/__/chos tshul bzhin sgrub pa'i nus pa dang /__/las ci byas gzhan don 'gyur ba dang /__/rang legs su re ba'i bdag 'dzin gyi/__/'gong po 'di rtsad nas chom pa zhig/__bla ma dkon mchog gis byin gyis rlobs/__/mkhas 'dod kyi dpe klog mang po dang /__/ltar snang gi chos ltar bcos pa yi/__/'du tshogs dang dbang bskur chos bshad sogs/__/rang ma smin gzhan rgyud grol mi nus/__/dgos med kyi bya ba bsgyur la thongs/__/da sos dal 'dug la ma Ni sgrongs/__/chos phyag rdzogs dbu gsum zer ba de/__/zab dang zab par yod tshod kyang /__/de rang nyams longs pa shin tu dka'/__/kha gdangs dang mig bgrad sems gnas dang /__/stong cha dang gsal cha phyogs rer zhen/__/rgyud nyon mongs kha nas ma bri ba/__/sgom 'dis kyang gar 'phen nges mi 'dug/__rje mtshan ldan gyi bla ma rin po che/__/sangs rgyas dngos su mthong ba dang /__/cir snang kun bla mar shar tsam na/__/rtogs pa de skye ba yin tshod 'dug/__de nga dang nga 'drar med pa 'dra/__/bdag 'dzin dang nyon mongs je 'phel 'di/__/rang blo rang la mngon gyur pas/__/gnas lugs kyi rtogs pa phar la zhog/__go myong yang rnal ma skye ba dka'/__/tshul de 'dra'i rigs la rang gzhan kun/__/snang ba 'di rgya yan ma btang bar/__/lag brang thog zhogs la bsam mno btang /__/dus da ni mi ran dgu ran red/__/'chi zhes bya'i sgra chen de nyid la/__/mi skrag dang mi 'gyod pa zhig tu/__/pha rje btsun bla mas byin gyis rlobs/__/thar pa'i lam sna 'dren du gsol/__/ma rig gi mun pa bsal du gsol/__/ye shes kyi snang ba rgyas par mdzod/__/skyabs gcig chog 'dren mchog bla ma mkhyen/__/ces pa'ang gnas 'go dgon gyi grwa pad+ma rig 'dzin gyis bskul ba dang /__rang la khrel bzlas shing skyo ba'i ngag gi smre sngags 'dis kyang rang gzhan la dran ba'i gsos su gyur cig/__ces pa'ang 'bras ljongs stag rtse pho brang du 'jam dbyangs chos kyi blo gros pas bris pa'o//___//dge'o//___//_!_rdo rje'i glu sprin dkar 'dzum po'i lha yi dbyangs snyan zhes bya ba bzhugs so/__/a ho ye/__/ngo mtshar 'ja' dang 'od kyi gur khang gi dbus na/__/rdo rje'i slob dpon pad+ma 'byung gnas de mkhyen no/__/nga cag 'dir 'dus skal ldan rnal 'byor gyi pho mor/__/gsang gsum ye shes rdo rje'i byin chen de phobs shig/__ma tshog DA ki bye ba 'bum phrag gi dbus na/__/'chi med dbang mo man+da ra ba de mkhyen no/__/brtan g.yo srid dang zhi ba'i tshe bcud kun bsdus nas/__/skye 'chi gzhom gzhig bral ba'i tshe dbang de stsol cig/__gangs can skye 'gro yongs la bka' drin ni mtshungs med/__/ma gcig dbyings phyug ye shes mtsho rgyal de mkhyen no/__/rtsa gsum dpa' bo mkha' 'gro'i zab gsang gi mdzod la/__/ci dgar spyod du yod pa'i dngos grub de stsol cig/__rje btsun 'jam dpal dpa' bo mi gzugs su bsgyur ba/__/mnga' bdag tshangs pa lha yi me tog khyed mkhyen no/__/ma rig gnyis 'dzin 'khrul pa'i mun pa 'di bsal nas/__/mkhyen rab ye shes glog gi sgron me ni sbar mdzod/__/mdo sngags gsung rab rgya mtsho 'phags yul nas bsgyur mdzad/__/lo tsA chen po be ro tsa na de mkhyen no/__/rig rtsal dgongs pa'i rtsal chen shugs drag tu bskyed de/__/nga cag rje dang dgongs pa mnyam pa ru bsgyur thong /__/mchog thun grub brnyes rje 'bangs lo paN rnams mkhyen no/__/zla med mkhas dang grub pa'i rtags mtshan de bstan nas/__/gangs can bstan 'gror phan bde'i dge legs kyi sgo 'phar/__/yang yang 'byed pa'i bkra shis snang ba de stsol cig/__lnga brgya'i gtsug rgyan paN chen bi ma de mkhyen no/__/ljongs 'dir gsang ba gsum gyi byin chen zhig phab nas/__/theg mchog 'od gsal nyi zla'i snang ba ni chen po/__/'pho bral 'pho ba chen po'i mchog dngos de stsol mdzod/__/nges gsang rdo rje rtse mo'i shing rta pa chen po/__/kun mkhyen bla ma klong chen rab 'byams de mkhyen no/__/shes bya kun la chags thogs med pa yi spobs pa/__/blo gros gter brgyad grol ba'i dga' ston de stsol shig/__snyigs ma lnga bdo'i rgud pa'i gdung ba las skyob mdzad/__/he ru ka dpal nam mkha' 'jigs med de mkhyen no/__/gzung 'dzin 'khrul rtog skye med chos dbyings su bsgral nas/__/phyi nang sbas yul rin chen sgo mo ni 'byed mdzod/__/de nyid slar yang bka' babs bdun ldan gyi shing rta/__/mkhyen brtse'i dbang po chos kyi bshes gnyen de mkhyen no/__/ris med rgyal bstan thams cad dar rgyas su mdzad pa/__/skyabs gcig khyed dang 'dra bar byin gyis rang rlobs shig/__nga yi bla ma dran chog rgyal po rnams mkhyen no/__/nyam thag 'gro ba kun la bu gcig ltar brtse bas/__/las nyon sdug bsngal mtsho las da lta rang drangs mdzod/__/a ho ye/__brag dkar bkra shis lding gi sa 'dzin gyi lte bar/__/'jig rten dbang phyug karma pa'i sprul sku chen po/__/chos rgyal yab yum sras lcam 'dus tshogs dang lhan cig/__rtsa gsum dgyes pa'i rten mkhar chen po ni 'dzug ste/__/'phags bod ljongs su bde skyid rdzogs ldan gyi dge mtshan/__/'phel ba'i rten 'brel bzang po lhun grub tu byung zhing /__/rtag brtan 'gyur med g.yung drung g.yas 'khyil la longs spyod/__/rgyal bstan dar zhing rgyas ba'i ltas bzang zhig 'char song /__/bkra shis me tog sna tshogs mkha' dbyings su bres nas/__/bkra shis bla ma yi dam mkha' 'gro yi 'dzum zhal/__/bkra shis 'dir tshogs rnams la yang yang du bstan nas/__/bkra shis pad dkar bzhad pa'i bkra shis de shog cig/__/ces pa 'di sbas yul 'bras ljongs gnas kyi snying po brag dkar bkra shis sdeng du chos rgyal chen po thabs shes dang lhan cig gnas chen byin 'beb skabs su/__rang slob mchod dpon dge slob mchog ldan nas bskul bas mtshams sbyar te pad+ma ye shes rdo rjes gang shar thob byung du bris pa'o/__/'di 'bri skabs rten 'brel rab tu gyur ba byung zhing /__/de'ang lha btsun chen po bri skabs dngul las bzos pa'i bkra shis rtags brgyad/__b+ho d+hi tse'i phreng ba/__mkhyen brtse rin po che'i sgabs maN+Dal rdzas brgyad ri mo yod pa lcags ri dang bcas/__'bras dkar sder ma gang /__yang gtsang pa rgya ras kyi sku bcas 'byor/__de rnams dad ldan li thang dag ma nas phul ba'o//___//_!_glu zab don gling bu zhes bya ba/__a ho/__'og min dpal gyi bsam yas 'chims phu yi yang rtse/__/rang byung shel gyi pha waM dkar po yi gur khang /__/ma bcos lhun grub gzhal med khang chen 'di dga' 'o/__/dgung sngon dag pa dbyings chen phyogs lhung dang bral bar/__/'od gsal nyi zla'i dkyil 'khor bkrag mdangs ni 'tsher bas/__/rig pa tshad la phebs pa'i ngo mtshar gyi ltad mo/__/mngon sum chos nyid spyan gyis snang ba 'di a ho/__/rnal 'byor nga yi snang ba gtad med du zang thal/__/shes rab rang byung sgron ma'i rig pa yi rang gdangs/__/phyi rol dbyings kyi mkha' la rgya 'byams su klas pas/__/sku gsum lhun gyis grub pa'i gnas lugs la yid ches/__/sangs rgyas gzhan nas ma btsal rang chas su rdzogs 'dug/__kun brtags blo yis spros pa'i bskyed rdzogs kyi a 'thas/__/yid dpyod mtshan 'dzin rtog pa the tshom gyi drwa ba'i/__/sbubs su 'thums pa'i dka' tshegs ngal ba 'dis ci bya/__/ma bcos gdod nas dag pa'i rig gdangs kyi dkyil 'khor/__/ji ltar snang ba 'di dag ji bzhin du bkod pa/__/sangs rgyas 'phags pa nga yi dpang bo ru byon dang /__/the tshom bral ba'i nges shes nang nas rang rnyed do/__/rtsa rlung byed rtsol mtshan ma'i 'du byed kyi thags pas/__/dam du bcid las rtog med bag tsam zhig 'char rung /__/kun gzhi'i cha dang 'dres pas rang byung gi ye shes/__/sgrib byed tsam las gnas lugs dngos ma ni ma lags/__/theg brgyad blos byas grub mtha'i gzugs brnyan gyi ri mo/__/brdzun pa chu zla dang mtshungs gnas lugs la thag ring /__/nga cag rig 'dzin dga' rab dpa' bo yi brgyud 'dzin/__/rnam par rtog pa'i gzeb kyi 'ching ba las rang grol/__/rang byung rang shar rang gnas kun bzang gi rol pa/__/gdod ma gzhi yi gnas lugs mngon sum 'di a ho/__/bsgom bya sgom byed bral ba'i 'od gsal gyi gshis la/__/rang bab rgya 'byams lhun grub tshom bu yi bkrag mdangs/__/ma bris ma byas rang shar snang ba 'di a ho/__/gzung 'dzin 'khrul rtog chos nyid dbyings chen du zad de/__/lo dang zla ba'i sdug sgur chen po ni mi dgos/__/skyid nyal ngang du las rlung zad pa la phyogs pa/__/'od gsal snying thig rig 'dzin brgyud pa la byin mthu/__/snying dbus 'phos pa'i rtags tshad snang ba 'di a ho/__/ces pa'ang me sprel nag zla'i tshes nyer dgu la bsam yas 'chims phu'i blon chen gur dkar phug tu nyams skyid pas rkyen byas te/__rang la 'di 'dra'i rtogs tshad mi ldan yang ma 'ongs 'byung 'gyur gyi rten 'byung tsam du thol byung glu ru blangs pa'o//___//_!_kun mkhyen chos kyi rgyal po rjes dran gyi glu ka la ping+ka'i dbyangs snyan zhes bya ba/__/pha bla ma'i zhabs la phyag 'tshal lo/__/gnas rang snang lnga ldan 'ja' zer gyi klong na/__/rje kun mkhyen ngag gi dbang po de bzhugs yod/__/sku mtshan dpe'i gzi byin lham me ru gsal la/__/gsung tshangs dbyangs chos sgra 'gags med du sgrogs shing /__/thugs mkha' khyab 'od gsal rdo rje yi klong na/__/dus rtag tu mnyam par ma bzhag pa mi mnga'/__/rje dus gsum sangs rgyas sras bcas kyi rang gzugs/__/mgon kun mkhyen chos rje snying dbus nas dran byung /__/shar ri rgyal spang brag rdza ri yi rtse mo/__/dgung sngon por snyegs 'dra'i sngo bsang gi mkha' la/__/sprin dkar po lang long gar stabs su sgyur tshe/__/rje kun mkhyen rdo rje gzi brjid de dran byung /__/dus nam dran snying la mos gus kyi gzer chen/__/yid bzod med gdung bas shugs ring zhig 'don tshe/__/lus ba spu g.yo ba'i dad mos kyi snang ba/__/mig mchi ma 'khrugs bzhin gsol 'debs la 'bad tshe/__/pha kun mkhyen gdod ma'i mgon po yi dgyes zhal/__/mi bdag gi mig sngar mngon sum du ston cig/__sku bem po ma yin ye shes kyi lus can/__/'od ser po bye ba phrag brgya ni 'bar zhing /__/gsung zab rgyas gdams pa'i sil snyan gyi nga ros/__/bdag mi shes gnyid las da lta rang bkrog mdzod/__/thugs lnga ldan lhun grub 'od gsal gyi gong bu/__/dus da lta bdag gi snying dbus su bstim mdzod/__/gzhi rig stong dbyer med sku gsum gyi bla ma/__/don ma bcos ma bsgrub rang zhal ni mjal te/__/cir snang ba ye shes 'khor lo yi rgyan du/__/rang shar nas 'dzin med rang grol gyi spyod pas/__/bogs 'don te chos can spros pa yi drwa ba/__/gzhi ka dag chos zad chen po ru thim nas/__/dbyings phyir gsal sku dang zhing khams kyi bkod pa/__/ma 'gro drug 'khor ba dong sprugs su gyur cig/__tshig de skad mgrin pa'i dbyangs snyan du 'khrol na/__/rje kun mkhyen bla mas byin gyis rang rlobs shigabu blo gros blun rgan las ngan gyi gdung bas/__/yid rtse gcig gus pas gsol ba rang 'debs so/__/shing khyi zla brgyad tshes nyer dgu la'o//___//_!_nyams mtshar du brjod pa khu byug mgrin glu zhes bya ba/__a ho ye/__ngo mtshar phun tshogs dag pa rab 'byams kyi zhing khams/__/rtsa gsum rgyal ba rgya mtsho skar tshogs ltar bkra zhing /__/phul byung thugs rje'i zla ba bsil zer dang ldan pa/__/mkhyen brtse'i 'od zer stong 'bar bdud rtsi yi zil ldan/__/nga cag rnal 'byor dam ldan rim gnyis kyi lam la/__/brtson pas dad mos blo yi ku mud ni kha 'byed/__/rig stong 'od gsal rdzogs pa chen po yi ze 'bru/__/rang byung bzhad ba'i ngo mtshar ltad mo 'di a ho/__a ho ye/__pha gcig drin chen bla ma mtsho skyes kyi rdo rje/__/ma gcig ye shes mkha' 'gro 'bum phrag gi gtso mo/__/man+dA ra dang ye shes mtsho rgyal de mkhyen no/__/nga cag sgo gsum tha mal 'khrul rtog gi khang bu/__/khyed kyi ye shes me yis lhag med du bsregs nas/__/gdan gsum tshang bar gdod nas lhun grub kyi phung po/__/ye shes mkha' 'gro'i grong khyer chen po ru bsgyur thongs/__/rtsa rlung thig le'i 'du ba rang dbang du bsgyur nas/__/gnas yul phyi ru mi bgrod nang bskor zhig rgyab ste/__/dpa' bo mkha' 'gro'i tshogs dang dgyes dgu ru rol lo/__/rmad byung phyi nang gsang ba'i tshogs 'khor gyi sprin phung /__/ting 'dzin cho 'phrul chen pos skad cig la rdzogs te/__/rtsa yi mdud grol rlung rnams dbu ma ru dengs nas/__/thig le rang dag lam lnga sa bcu rnams bgrod de/__/ye shes bla ma'i sa mchog thob pa la smon no/__/a ho ye/__dran bas snying gi mun sel dri med kyi 'od zer/__/rang byung rdo rje 'jigs med gling pa de mkhyen no/__/rtag tu bdag gi tshangs gnas 'khor lo ru bzhugs nas/__/ye shes 'pho ba chen po'i dbang bskur de stsol cig/__kun mkhyen rdzogs pa'i sangs rgyas yab sras kyi gsung gi__/bdud rtsis ring nas 'tsho ba'i skal bzang nga skyid do/__/legs gsung rgyal ba'i bka' dang rnam dbyer ni med pa'i/__/mdzod chen bdun dang yon tan rin po che'i mdzod kyi/__/tshig don sbrang rtsi rgyun du yang nas yang myang bas/__/zab rgyas gnas la spobs pa'i gter chen de rdol la/__/the tshom med pa'i nges shes brtan po rang 'khrungs byung /__/blos byas ma yin ka dag gdod ma yi gnas lugs/__/bla ma'i drin gyis mngon sum rang thog tu phebs nas/__/lhun grub thod rgal gseng lam zab mo yi gnad kyis/__/chos can snang ba chos nyid klong du ni zad de/__/'ja' lus rdo rje'i sku mchog 'grub pa ru shog cig/__ces pa'ang rang slob g.yon ru gter sras 'jam dbyangs bsod nams kyis mgur snyan ba zhig bri dgos gsungs kyang snyan tshig gshis la mi gnas pas ma byung yang /__gang shar yud tsam la blo gros rgya mtshos bris te phul/__dge'o//___//_!_nges don snying po'i glu byang chub bde lam zhes bya ba/__pha mtshan ldan gyi bla ma rdo rje 'chang /__/yid dad brgya'i gdung bas gsol ba 'debs/__/rje khyed kyi thugs rje mthu nus kyis/__/don nges gsang rtogs par byin gyis rlobs/__chos snang ba 'di dag rang gi sems/__/mdangs rmi lam 'khrul snang ji bzhin du/__/gzhi rtsa ba med cing stong pa'i gzugs/__/de snang ba'i dus na rang bzhin stong /__/stong bzhin du snang ba ma 'gags shing /__/kun rdzob tu rgyu 'bras bslu ba med/__/don dam du skye 'gags gnas bral ba'i/__/stong rten 'byung dbyer med ro gcig 'di/__/gzhi mtha' bral dbu ma chen po zer/__/de phyi na med de rang gi sems/__/rang sems kyi chos nyid gnyug ma 'di/__/bzhi cha gsum bral gyi ye shes la/__/gnyis 'dzin gyi rtog pas ma bslad par/__/gzhi ma bcos so ma rang bab tu/__/ngang gnas kyi dran pas yengs 'dzin bral/__/sgom 'od gsal gyi blo yis ma bcing zhing /__/re dogs las 'das pa'i ngang de ru/__/bya byed kyi rtsol ba bral ba la/__/lam sgom pa phyag rgya chen po yin/__/gzhi ka nas dag pa'i ye shes de/__/rgya chad phyogs lhung bral ba yi/__/chos kyi dbyings stong pa chen po yi/__/sku gsum lhun grub ma btsal rdzogs/__/de sgo yul rlung rig gnad bsnun pas/__/lam snang gi sgron ma ches cher 'bar/__/mngon sum gyi snang ba nas brtsam ste/__/mthar chos zad blo 'das dgongs pa rnyes/__/phyi nang gi 'byung ba'i zag pa zad/__/rig pa 'od kyi sku ru smin/__/gzhan don gyi mdzad pa rgyun mi chad/__/de 'bras bu rdzogs pa chen po lags/__/tshul de skad glu ru gdams pa 'dis/__/khams gsum gyi sems can ma lus pas/__/chen po gsum dbyer med rtogs pa dang /__/'khor ba dong nas sprugs gyur cig/__/ces pa'ang rang slob dge slong rin chen gyis lha rdzas dang rin gnyis rten dang bcas bskul ngor chos kyi blo gros pas 'bras ljongs sgang thog gtsug lag khang gi ba gam nas bris pa dge'o//___//_!_glu ye shes byin 'bebs ces bya ba/__a ho ye/__mi 'gyur bde ba chen po'i ye shes kyi pho brang /__/nges pa lnga ldan sangs rgyas pad+ma yi rgyal po/__/gang 'dul ngo mtshar sgyu ma'i bkod pa ni grangs med/__/skyabs gcig o rgyan gter bdag gling pa dang dbyer med/__/'gyur med pad+ma bi dza snying dbus nas dran byung /__/nga yi gzung 'dzin 'khrul pa gtad med du thong zhig/__'khor 'das chos kun sna tshogs rang sems kyi cho 'phrul/__/rmi lam bde sdug myong ltar don la ni ma grub/__/a 'thas byas pa'i blo can rang gi rang bcings pa/__/'di ko bla ma'i drin gyis 'bad med du go byung /__/skyabs gcig drin chen bla ma tshangs gnas kyi 'khor lor/__/snying dbus pad dkar bzhad pa'i ze 'bru ru bsgom ste/__gsol btab dbang blang thugs yid bsre ba yi nyams len/__/kha tsam min par snying nas yang yang du skyong na/__/rdo rje'i ye shes snying dbus 'beb pa ni thag chod/__/ma rig rgyus bskyed lus ngag yid gsum gyi sgrib pas/__/rig pa sku gsum snying po'i rang zhal de ma mjal/__/da res rang rig rgyal po bla ma yi drin gyis/__/thugs rje'i shugs kyis ma rig 'khrul 'khor de gtor nas/__/rang gnas chos nyid ngo bo rjen pa ru 'char song /__/gnyis 'dzin mun pa stug po gar song ni cha med/__/ye grol ka dag chos dbyings stong chen gyi mkha' la/__/lhun grub 'od gsal tshom bu'i dkyil 'khor 'di bkrag gsal/__/ma byas rang byung thol gyis 'char ba 'di a ho/__/rang bab ma bcos rang snang rig pa yi rgyan 'khor/__/'du 'bral med par spyod pa'i rnal 'byor nga skyid do/__/sangs rgyas zhes pa'i 'bras bu sgra bo che de ko/__gzhi rdzogs 'pho 'gyur bral ba 'di ka rang yin par/__/nges shes gting nas skyes pa'i mchod pa zhig 'bul na/__/sku bzhi ye shes lnga ldan byin chen de phob cig/__'khor ba dong nas sprugs pa'i dngos grub zhig stsol cig/__rang gzhan don gnyis 'grub pa'i bkra shis ni zhu'o/__/zhes ba'ang smin gling gdung sras rin po che kun bzang dbang rgyal gyi bka' yis bskul ba bzhin du/__rang la 'di 'dra'i rtogs pa'i gding tshad med kyang 'byung rung gi rten smon tsam du 'jam dbyangs chos kyi blo gros pas 'og min gnyis pa smin grol gling du bris pa dge legs su gyur cig/__sarba dA mang+ga la shu b+haM//___//_!_e ma ho/__'khor 'das bdag med stong nyid gzhi dbyings kyi klong na/__/gdod ma'i mgon po kun tu bzang po de bzhugs yod/__/zhal phyag 'dzin pa rang sar dag pa de a ho/__/gzhon nu bum sku'i bla ma chos sku de mkhyen no/__/nges pa lnga ldan 'od gsal bde stong gi zhing na/__/tshom bu lnga ldan rigs lnga'i sangs rgyas de bzhugs yod/__/gnyis med kha sbyor yan lag bdun ldan de a ho/__/zung 'jug rdo rje'i bla ma longs sku de mkhyen no/__/'og min la sogs dag pa rab 'byams kyi zhing na/__/mchog sprul ston pa gzugs kyi rgyal po sogs bzhugs yod/__/byar med sa dang lam gcig sbyor ba de a ho/__/dbyings kyi snying po ye shes bla ma de mkhyen no/__/rnga yab zangs mdog dpal gyi ri bo yi zhing na/__/rigs kun 'dus zhal mtsho skyes rdo rje de bzhugs yod/__/skye dang 'chi ba'i mtshan ma zad pa de a ho/__/'ja' lus rdo rje'i sku mchog bla ma de mkhyen no/__/tha mal rig pa brjod 'das spros bral gyi klong na/__/gnyug ma'i rang bzhin rdzogs pa chen po de bzhugs yod/__/chos kyi rang bzhin yid dpyod zad pa de a ho/__/byar med mnyam bzhag lhug pa'i bla ma de mkhyen no/__/dwangs ma lnga dang ldan pa'i d+hu ti yi klong na/__/rig pa dngos med stong gsal khyab brdal de bzhugs yod/__/cir snang thams cad dag pa rab 'byams de a ho/__/ye grol gding ldan chos sku'i bla ma de mkhyen no/__/phung khams skye mched thams cad 'du byed kyi grong na/__/mkha' 'gro'i gsang mdzod rang byung ye shes de bzhugs yod/__/snang ched thams cad dpe la shar ba de a ho/__/ltos grub rang byung rig pa'i bla ma de mkhyen no/__/sgom pa yengs med rang gsal lhun grub kyi klong na/__/'pho med bya ba bral ba'i sangs rgyas de bzhugs yod/__/lhod de gnas pa'i stong nyid lta ba de a ho/__/nges pa don gyi skyabs gnas bla ma de mkhyen no/__/yengs dog mnyam bzhag lta stangs gar 'gro la thong shog/__sems 'dzin yid dpyod mi dgos rang bab tu bskyur thong /__/btang bzhag ched du 'dzin pa blos byas kyis ci byed/__/ma bsgom rang byung sangs rgyas ka dag la bzhugs yod/__/khregs chod gzhi thog 'tshang rgya a ti yi rnyed pas/__/sa lam btsal zhing bgrod pa'i 'o brgyal ni mi dgos/__/lus rgya'i sbub na blo 'das chos nyid du song bas/__/rang lus dwangs ma 'ja' lus rdo rje ru bzhengs 'gro/__/'di ltar chos phung brgyad khri bzhi stong gi snying po/__/gzhan du rtsol sgrub ma dgos rang sems la rnyed 'dug/__nged cag bde chen rgya mtsho rang mthong gi kha pho/__/rang ltos slob bu rnams kyi dga' ston du thal lo//___//_!_rang nyams nges pa'i do ha ni/__a ho/__srid pa'i grong khyer chen po na/__/sems khye'u 'khrul pa'i chang gis myos/__/lam gya gyu mang por 'khyams pa'i mthar/__/bde chen gyi thang la slebs par gyur/__/der pha rgod rig pa'i rgyal po bzhugs/__/de dang gnyis min gnyis snang ba'i/__/gzhi grol gyi chos sku'i nor bu ster/__/de phyi nas ma rnyed rang la gnas/__/sngar ma rig sgrib pas nongs par 'dug/__rang byung rig pa'i nyi ma shar/__/tshogs brgyad kyi mdud pa grol nas song /__/de gar song btsal du med par 'dug/__ye grol gyi ngang du sleb nas gda'/__/bsgom 'dod kyi rtog pa bor nas thal/__/rig pa 'di phyogs yan nam mkhar brdal/__/snang ba 'di rgya yan cog ger bzhag/__snang sems 'di gnyis med ro gcig 'dres/__/dran pa yi bya ra ma dgos shing /__/cer 'dzin dang klod pa skad sogs kyi/__/shes sgrib thams cad dbyings su yal/__/ye gdod nas dag pa'i chos sku yi/__/chos snang srid thams cad khyab par brdal/__/brdal ba 'ang 'ub chub klong yangs che/__/'od gsal gyi thig le chen por rdzogs/__/sku gsum gyi snang ba bkrag po che/__/dmigs gtad dang dngos mtshan tshos las 'das/__/gcig dang du ma'i mtha' dang bral/__/sku gsum nang dbyings chen por rdzogs/__/de shes rab mig gis mthong ba dang /__/shes dang shes bya gnyis med pa/__/thim la ma rmugs ngang du hU~M/__/ye shes rang gsal chen por AH/__rang snang phyir gsal chen por oM/__/de skad rtogs pa brjod pa'i glu/__/grags stong mgrin pa'i rol mo 'khrol/__/bu smyon pa ye shes rdo rje yis/__/rang rig pa'i bla ma mnyes phyir 'bul/__/dge 'di yis 'khor ba dong sprugs shog/__chu sbrul zla bcu tshes bdun la'o//___//_!_'a 'e/__kun mkhyen rdzogs pa'i sangs rgyas/__/nga yi spyi bo'i gnas su/__/mi 'bral rtag par bzhugs nas/__/dgongs brgyud byin rlabs 'phos shig/__rig pa'i rtsal dbang skur ciga'akhrul pa zad sar skyol cig/__snang ba gtad med thongs shig/__snang srid chos kun sgyu ma/__/rang bzhin bden med du song /__/chos kun ye nas ka dag/__rang rig blo bral chen po/__/bya byed rtsol bral ngang nas/__/mnyam nyid 'od gsal chen po/__/brdal khyab thig le'i klong du/__/lhun rdzogs chen por a ho/__/bltas pas mthong ba med cing /__/ma bcos rang bzhag chen po/__/cog bzhag gsum gyi lhums su/__sku gsum rang chas bzhugs pa/__/spang blang bsal bzhag bral ba/__/bla ma'i drin gyis mthong bas/__/khams gsum sems can thams cad/__/rang rig gzhon nu bum skur/__/mngon byang chub par gyur cig/__ces pa'ang kun bzang 'od gsal snying bos bris pa'o//___//_!_a ho ye/__gzhi skye med kyi klong nas/__/lam 'gags med zhig bgrod na/__/'bras skye med de thob 'ong /__/lha btsun smyon pa'i bu brgyud/__byar med kun bzhi'i thang la/__/rang gsal rig pa'i rta pho/__/ye shes rkang pa'i 'gros ldan/__/zhon nas srid zhi'i thang brgal/__/chos sku'i rgyal khams yangs par/__/ltad mo lta ru 'gro'o/__/zhes pa'ang dbyug zla phyi ma'i tshes nyer dgu la 'bras ljongs stag rtse pho brang nas thol byung du dran pa dge'o//___//_!_a ho/__sems can kun la yod pa'i/__/ye grol rdzogs pa chen po/__/gzhan nas btsal du mi dgos/__/ye nas chos nyid ka dag/__rang bzhin gshis kyi gnas lugs/__/'di ko ngo 'phrod des chog/__blos byas bzo bcos mi dgos/__/sgrims lhod la sogs mtshan 'dzin/__/yid dpyod chos kyis ma bslad/__/'phro gnas gang ltar byas kyang /__/rig pa'i rtsal las gzhan med/__/'khor ba ngan du ma song /__/myang 'das bzang du ma gyur/__/gzung 'dzin gnyis rtog thams cad/__/chos dbyings brdal khyab chen por/__/thig le nyag gcig klong du/__/dbye bsal med par mnyam mo/__/de nyid bla ma'i drin las/__/skad cig rtogs pa'i mod la/__/de ma thag tu grol ba/__/a ti rdzogs chen khyad chos/__/'od gsal gsang ba'i man ngag/__'di las myur lam zab pa/__/mdo rgyud kun na med pas/__/'di 'dra 'phrad pa blo bde/__/pha rjes bu yis zin par/__/kun mkhyen bla mas byin rlobs/__/ces pa'ang thol byung du bris/__a ho ye/__'chi bdud kyi rtog pa'i tshogs/__/'chi med kyi dbyings su dengs/__/'chi med kyi rang rig de/__/'chi med kyi sku ru 'grub/__/'chi zhes bya ba ming tsam mo/__/'chi bdag gi gshin rje de/__/'chi 'joms kyi tshe zhal brag/__'chi med kyi rig 'dzin tshogs/__/'chi med kyi dngos grub stsol/__/chos kyi blo gros pas so//___//_!_'khor 'das dbyer med kyi lta ba'i mgur glu kun bzang mchod sprin zhes bya ba/__a ho/__'khor 'das zhes bya'i sgra bo che/__/btsal na rang bzhin cir yang med/__/ma dpyad seng ge'i gsob dang mtshungs/__/don du ji ltar snang ba kun/__/rang gi sems kyi snang ba ni/__/dag dang ma dag snang ba yin/__/ma dag sems can la snang ba/__/nang du lus la rab tu tshang /__/de yi rtsa ba sems la tshang /__/'khor chos sems kyi mtshan nyid dang /__/lam chos sems kyi yon tan dang /__/'bras chos gnas 'gyur tshul du tshang /__/kun gzhi rgyu yi rgyud ces bya/__/myong rig bye brag la phyed cing /__/'khor 'das gnyis ka'i gzhi ru gyur/__/ngo bo stong pa nyid yin no/__/rgyu yi lhan skyes chos gsum dang /__/lam dang 'bras bu'i lhan skyes rnams/__/sbyang gzhi sbyong byed sbyangs 'bras kyi/__/ma dag dag dang rnam dag gi__/rim pa kun gzhi'i steng du 'jog/__thabs rig gsal la ma 'gags pa/__/sems can nas brtsams sangs rgyas bar/__/rgyun mi chad pas rgyud du 'jog/__rig pa'i gsal ba de nyid ni/__/sems kyi mtshan nyid ngo bo stong /__/bcos min zung 'jug sems kyi gshis/__/de yi don la sgro 'dogs bcad/__/rdo rje'i lus la gnad bsnun pa/__/bskyed rdzogs dbang bzhi'i rim pa yi/__/chu bo'i rgyun ltar brtson pa las/__/dkyil 'khor bzhi po rab smin nas/__/sa lam yon tan kun rdzogs 'gyur/__/'bras rgyud kun gzhi rten brten pa/__/gnas yongs gyur dang zag bcas bral/__/shin tu phra ba'i rlung dang bcas/__/ngo bo nyid skur byang chub pa/__/kha sbyor bdun ldan rdo rje 'chang /__/mchog gi go 'phang mngon sum brnyes/__/gzhi lam 'bras gsum dbyer med pa/__/gsung ngag snying po'i don gyi bcud/__/lta ba'i glu dbyangs 'di nyid ni/__/blo gros rgya mtsho'i dpal las thon/__/bla ma'i thugs dgongs rdzogs par shog/__sa masta i thi/__sa zla'i tshes nyer lnga la'o//___//_!_lta ba'i yang snying bcud phyung /__'khor 'das dbyer med don ston pa'i/__/rang sems bla mar gus btud nas/__/bshad pa'i rnam grangs rgya che yang /__/man ngag slob bshad snying po'i bcud/__/gnad du dril ba 'di lta ste/__/da lta dran rig sna tshogs kyi/__/'phro gzhir gyur pa'i sems 'di nyid/__/ma bcos ji bzhin bzhag pa na/__/gsal stong zung 'jug dbyer mi phyed/__/dwangs gsal rtog bral brjod med la/__/mtshan mtshon gdags gzhi dang bral ba'i/__/gnyug ma'i rig pa 'di yi steng /__/'khor 'das dbyer med tshang tshul shes/__/gdod nas rnam par dag pa yi/__/gsal gdangs yengs med 'dzin bral bskyangs/__/de nyid don dam nyams len mthil/__/de yis dbang bzhi'i lam srog bzung /__/des ni tshe 'dir 'grub par 'gyur/__/ces pa'ang sa khyi sa zla'i tshes nyer lnga la rdo rje gling du bris pa'o//___//_!_a ho/__gdod nas rnam dag skye med chos sku yi klong na/__/'gags med rang gsal lhun grub longs spyod ni rdzogs sku/__/thugs rje gang 'dul 'gags med sprul sku yi rang rtsal/__/sku gsum dbyer med bla ma pad 'byung de mkhyen no/__/nga yi gzung 'dzin 'khrul pa'i sbubs rgya de bshig nas/__/mi 'khrul gnyug ma rang byung rig pa yi gnas lugs/__/yid dpyod blo dang bral ba mngon sum du rtogs nas/__/tshe 'dir gdod ma'i gtan srid zin pa zhig zhu'o/__/ma gyur rigs drug khams gsum sems can gyi 'gro rnams/__/rnam grol gtan bde'i sa la 'god 'dod kyi lhag bsam/__/byang chub sems mchog rgyud la rtsol med du skyes nas/__/'khor ba dong nas sprugs pa'i dngos grub zhig zhu'o/__/ces pa'ang gro skyabs li shu thub bstan sangs rgyas 'od zer gyis bskul ngor chos kyi blo gros pas so//___//_!_a ho ye/__ngo mtshar glu yi rgyal po dgyes pa yi dga' ston/__/sprin dkar na bun bu mo'i mdzes sdug gi khrod na/__/bkra shis khu byug lha yi gsung dbyangs de snyan pas/__/nga cag sems pa dga' ba'i spu long ni rgyas so/__/lha dang bla ma'i mtshan dpe'i zhal ras ni dran byung /__/gangs can ri bo'i rten dang gnas mchog gi bkod pa/__/yid la dran pa'i gsos sman dam pa ru gyur pas/__/yid kyi me tog byang gi phyogs la ni dengs song /__/'bras ljongs pad+mo bkod pa lha yul gyi dga' tshal/__/yang yang yid la dran bzhin rnal 'byor nga 'gro'o/__/slar yang rtsa gsum DA ki'i 'du ba dang bcas te/__/rmad byung tshogs kyi 'khor lo'i dga' ston la spyod pa'i/__/bkra shis phun sum tshogs pa'i smon lam zhig zhu bar/__/bkra shis me tog gsar pa'i lding gur gyi nang na/__/bkra shis dpal ldan rnam par rgyal ba yi don grub/__/bkra shis 'jigs bral tshe dbang rnam par ni rgyal lo//___//_!_glu ye shes byin 'bebs zhes bya ba/__a ho ye/__rang byung 'od lnga 'khrigs pa'i 'ja' zer gyi klong na/__/pha gcig drin chen mtsho skyes rdo rje de bzhugs yod/__/bu la byin rlabs sbrang char bzang po zhig phobs dang /__/nga yi rtog pa skye med zang thal du deng 'gro/__/ma rgyud mkha' 'gro dpa' bo'i 'khor tshogs ni 'bum phrag/__rtsed 'jo glu gar gdugs dang rgyal mtshan ni thib thib/__/lha rdzas me tog gsar pas nam mkha'i khyon bkang ste/__/bkra shis glu dbyangs bye ba'i rol mo yang 'khrol song /__/steng na rgya bod mkhas grub rig 'dzin gyi tshom bu/__/bar na sgrub sde dgu sogs zhi khro yi lha tshogs/__/'og na dam can chos skyong sprin ltar du gtib pas/__/dam nyams dgra bgegs bsgral ba'i mngon spyod la rngams so/__/de 'dab nor lha rgya mtshos dngos grub kyi gter rdol/__/dkar phyogs lha klus dga' ba'i rnam 'gyur dang bcas te/__/ngo mtshar sgyu ma'i rol rtsed yang yang du bsgyur bas/__/rnal 'byor sgyu ma'i skyes bu sems pa ni dga' 'o/__/a ho/__skyabs kun 'dus pa o rgyan mtsho skyes kyi rdo rje/__/dbyings phyug man+dar dang bde chen gyi mtsho rgyal/__/stangs dpyal 'du 'bral med pa spyi bo yi rgyan du/__/'bral med rtag par bzhugs nas byin rlabs de stsol cig/__snying dbus ge sar bzhad par rtag pa ru mchod pas/__/thugs yid dbyer med dgongs pa'i btsan sa ni zin te/__/rig 'dzin rnam pa bzhi yi gsang lam la bgrod nas/__/o rgyan rje dang dgongs klong mnyam pa ru gyur te/__/'khor ba dong nas sprugs pa'i dngos grub zhig zhu'o/__/ces pa'ang sa khyi dbo zla'i tshes bcu dgu la rig pa 'dzin pa kun bzang 'od gsal snying po rtsal gyis 'bras ljangs sgang tog tu bris ba'o//___//_!_a ho ye/__'bras ljongs bkra shis dga' ba 'khyil ba yi pho brang /__/steng na 'ja' 'od gur khang 'khrigs pa yi klong na/__/pha gcig o rgyan mtsho skyes rdo rje de bzhugs yod/__/ma tshogs DA ki'i tshogs kyis me tog gi char 'bebs/__/sa gzhi pad+ma 'dab ma stong phrag ni brdal bar/__/lha mi 'bum phrag mang pos mchod pa'i rdzas thogs te/__/ngo mtshar ka la ping+ka'i glu dbyangs de sgrogs byung /__/rma bya gzhon nu'i tshogs kyi zlos gar de mdzes so/__/bsod nams zla gzhon brgya phrag brtsegs pa yi zhal ras/__/chos kyi rgyal po lha yi bla ma yi mdun sar/__/mnyan lcugs 'khril ldem ri dwags mig can gyi tshogs grar/__/tshe ring dpyid kyi rgyal mo'i dbyangs snyan gyi rgyud mang /__/snyan pa'i rta la drangs nas mgrin glu yi mchod pa/__/cung zad phul bas rgyal khams bde dga' dang skyid pa'i/__/bkra shis mi nub dar zhing rgyas pa ru shog cig/__'dzam gling kun tu bkra shis sil snyan ni 'khrol lo/__/e ma ho/__bkra shis ngo mtshar lha yi dga' tshal dang mtshungs pa'i/__/'bras bzang dkar mo ljongs kyi sa 'dzin gyi lte bar/__/pad+ma dkar po bzhad pa'i gzhal med kyi khang mdzes/__/skyabs gcig o rgyan mtsho skyes rdo rje yi 'dzum zhal/__/nga cag skal bzang rnams la sgrib med du ston dang /__/sngon smon las 'phro ldan pa'i zhing sa ni bzang por/__/byang chub myu gu ljang mdog mdzes pa zhig 'khrungs nas/__/bstan dang 'gro la phan pa'i rten 'brel zhig zhu'o/__/d+harma ma tis so//___//_!_glu tha la tha la red ya/__glu 'di la bla mas byin rlabs shig stsol shog/__glu 'di la ma tshogs mkha' 'gro yis byin rlobs/__/khyed dpa' bo DA ki glu dbyangs ni snyan pas/__/dri za'i bu mos pi waM snyan pa de sgrogs dang /__/nged 'dir tshogs pho mo'i snang ba ni bsgyur 'ong /__/glu snyan pa'i dbyangs rta gling bu la drangs na/__/khyed lha klu thams cad dgyes mo zhig 'ong 'gro/__/zhal 'dzum mdangs mul le zhal chab cig stsol dang /__/nged 'gro ba pho mos 'chi gsos kyi bdud rtsi/__/sngar ma myong ba'i dngos grub chen po zhig thob 'ong /__/gnas 'di ni chos bzang lha yi mdun sa red pas skyid do/__/dgung ya kir 'ja' sprin kha dog sna tshogs/__/klu ma dros gzi can sprin dkar dang 'grogs nas/__/dngos grub kyi sbrang char zim zim du 'beb byung /__/sa 'di la me tog ut+pal dang pad+ma/__/dkar dmar kha dog sna tshogs bkra ba'i mdzes sdug de ngom byung /__/'chi med lha yi bu dang bu mo yi tshogs rnams/__/mdzes sdug lang tsho ngoms pas sems kyi sdug bsngal kun zhi ba'i/__/bde ldan phun sum tshogs pa'i snyan 'gyur gyi rol mo 'khrol lo/__/a ho ye/__rtsa ba gsum gyi lha tshogs ltar bkra nas 'dug go__/skye bo thams cad mig bgrad yar la zhig gzigs dang /__/ngo mtshar gyi ltad mo mthong ma myong ba zhig mthong ran/__a ho ye/__da lta skyid pa'i nyi ma 'di 'dra zhig shar dus/__/sems chung kha rog ma 'dug gzing gzing zhig mdzod dang /__/byin rlabs bkra shis 'dod dgu 'byung ba'i dngos grub cig rdol 'ong /__/a ho ma hA su kha gi rti saM gra ha/__a nu tA ro piN+De a ba ka/__ni rma li dz+nyA na kA ya wA ka tsit+ta a haM/__ces pa'ang me byi zla gcig tshes bcu gsum la'o//___//_!_bal yul gnas bskor 'khor ba'i glu tshe ring zhabs bro bkra shis so/__/a ho ye/__bkra shis kyi snang ba/__/dkar po yi tshes 'grogs/__/bal yul gyi mthil du/__/rnal 'byor nga 'byor bas/__/ngo mtshar gyi yul gru/__/bkod pa ni khyad 'phags/__/sangs rgyas kyi byin rlabs/__/chos sku yi mchod rten/__/rnam gsum de bzhugs pas/__/dge mtshan gyi gzi 'bar/__/sa gzhi la g.yang chags/__/byin rlabs kyi na bun/__/sprin bzhin du gtib cing /__/thugs rje yi char rgyun/__/si li li 'beb byung /__/'jig rten gyi lha chen/__/nor gyi ni bdag pos/__/phya g.yang ni stsol 'dug/__skyes pa ni dpa' bo/__/bzhin ras ni dung dang /__/bye ru ltar snum zhing /__/mdzes pa dang brjid chags/__/mo btsun ni bzhin bzang /__/lha yul gyi bu mo/__/sa 'di ru 'phos 'dra/__/a ho ye/__bu chung gzhon nu yi tshogs rnams/__/lha phrug rtse ba dang 'dra'o/__/lha dmag ru mtshon ni sgreng ba/__/dgra la chas pa dang 'dra'o/__/bzo rig 'phrul bzos kyi bkod pa/__/snyan pa'i sgra dbyangs de sgrogs so/__/phyogs mtshams byin can gyi gnas mchog/__du mas khor yug kun khengs shing /__/shel dkar brtsegs 'dra yi lhun po/__/yan lag brgyad ldan gyi chu bo/__/khrus kyi rdzing bu ni mang po/__/rnam mang bza' btung gi zhim mngar/__/'jam mnyan gos bzang gi lhab lhub/__/de 'dra'i gnas yul gyi bkod pa/__/mthong bas sems pa ni dga' 'o/__/a ho ye/__gnas bskor song ba yi dge rtsa/__/rtsa ba'i bla ma la 'bul na/__/thugs kyi dgyes pa ni mdzod cig/__ma rgan sems can la sbyin pas/__/thar pa'i lam mchog tu phyin shog/__a ho ye/__bkra shis kyi zhabs bro 'khor gcig 'khor gnyis 'khor gsum rgyab pas bde skyid phun sum tshogs par shog cig/__zla 12tshes 5la'o//___//_!_ngo mtshar spro ba bskyed pa lha yi glu dbyangs zhes bya ba/__e ma ho/__steng 'chi med mkha' dbyings dgung sngon gyi dkyil na/__/'od nyi zla'i dkyil 'khor bkrag mdangs ni 'tsher zhing /__/'khor gza' dang rgyu skar tshom bu ni bkra bas/__/rje brgyud gsum rig 'dzin bla ma rnams dran byung /__/gnas khyad 'phags sbas yul 'bras gshongs kyi bkod pa/__/gangs dkar po rtse mo dgung du ni zug ste/__/dwangs bsil gyi ri bran tshar du ni dngar zhing /__/spos ngad dang ldan pa'i nags tshal gyi drwa ba/__/brag rin chen khams ldan kha dog ni sna tshogs/__/brgya stong phrag mang po'i tshom bu ni brdal dang /__/ngos 'jam gsal sna tshogs gzugs brnyan ni ches bkra/__/lha rtsa gsum zhi khro rab 'byams kyi bzhugs gnas/__/ljongs chen po'i sgo mo 'phrang chen gyis bcad pa/__/phyogs mtshams su rab yangs mA ki yi lha mo/__/chil chil du mu tig dkar po ni 'thor bzhin/__/rkang gar stabs bsgyur zhing gya gyu ru ldem ldem/__/bya ri dwags spu sdug gsung snyan ni sgrogs tshe/__/ma o rgyan mkha' 'gro'i gling chen de dran byung /__/bzo ma dgos rang byung rdo ba yi phug chen/__/lha rang 'khrungs rtsa gsum rab 'byams kyi dkyil 'khor/__/chos nor gyi gter kha 'dzad med du gtams shing /__/ma DA ki'i bro gar 'du 'phro ni chad med/__/pha o rgyan pad+ma'i thugs bskyed kyi zhing mchog/__dpal pad+ma 'od kyi 'dra cog ni 'di lags/__/lha rtsa gsum rab 'byams dgyes dgu ru rol pa'i/__/gnas 'di ngang mjal ba'i rnal 'byor nga skyid do/__/yar bltas pas byin rlabs sprin phung ni thib thib/__/bar dngos grub sbrang char si li li 'bebs shing /__/thang sngo ljang g.yu yi maN+Dal gyi steng du/__/lha bzang shing sna tshogs sman dri ni 'thul te/__/sems med kyi rkang 'thung gar brgya yi rtsed 'jo/__/bza' shing 'bras sna tshogs mgo cog ni dud de/__/ro zhim mngar phan tshun 'gran pa la chas bzhin/__/ma tshogs kyi 'du ba'i dga' ston ni 'bad med/__/dus 'khor mo yug tu 'bras bzang gi snye ma/__/ljags ro mngar brgya ldan lha yul gyi bdud rtsi/__/nam ci dgar spyod pa'i skal bzang nga skyid do/__/grogs dpa' bo dpa' mo mdza' phrug gi gzhon nu/__/dar pany+tsa li ka lha rdzas kyi na bza'/__/rgyan rin chen sna tshogs 'phyang 'phrul ni mdzes shing /__/rkang ngang mo bzhin du gdu bu yi sgra ldan/__/glu snyan 'jebs rna ba'i dpyid du ni son zhing /__/bzo rig pa ngo mtshar sgyu ma yi 'phrul che/__/dus mig 'dzum tsam la brgya phrag ni ngoms dang /__/bcud bzang po'i nying khu dri bzang gi ngad ldan/__/lan ji tsam myong yang sun pa ni mi skyed/__/ma mkha' 'gro'i tshogs dang skal ba ni mnyam pa'i/__thabs rmad byung gsang ba'i tshogs khang la zhugs nas/__/lus rdo rje'i bro gar gar stabs ni sgyur zhing /__/chos zab mo rtsa gsum rig 'dzin gyi srog sgrub/__/rang ci dgar spyod pa'i rten 'brel la yag byung /__/sngon khrag 'thung he ru ka dpal gyi dpa' bo/__/dus deng sang 'jigs med nam mkha' yi rdo rje/__/bu de la rnal 'byor dbang phyug gis byin phob/__/lus 'chi med rdo rje'i lang tsho ni rgyas shing /__/tshe bdud kyi bar chad skye med du bsgral nas/__/ngag grags stong gzhom med chos rnga ni ldir bzhin/__/yid rig stong brdal khyab chen po las ma g.yos/__/mchog thun mong dngos grub bgo skal la spyod de/__/phyogs kun las rnam par rgyal ba yi bkra shis/__/dbyangs snyan po mi nub dar rgyas su gyur nas/__/sa gsum kun dge zhing legs pa ru shog cig/__/ces pa'ang 'bras ljongs sgang thog tu 'jigs med nam mkha'i rdo rjes glur blang ba dge legs su gyur cig/__//__!dus la mngon par skyo ba'i gtam mu ku'i mgrin glu zhes bya ba/__na mo gu ru/__dran pa tsam gyis snying gi gdung sel/__/ma rig mun pa sel ba'i sgron me/__/rje btsun dran pas gdung sel khyed rnams/__/bdag gi spyi bo'i rgyan du bzhugs shig/__sems can rnams kyi las ngan bsags pa'i/__/sa bon bag chags rtsub mo smin pas/__/cher snyigs gnas dus bskal pa ngan pa/__/'di 'drar skyes pas sems pa skyo 'o/__/dge sdig blang dor gnas la rmongs shing /__/shes kyang btsan dug 'thung ba dang 'dra/__/nyon mongs shugs drag gnyen po stobs chung /__/mi dge'i las la spyod 'dis sems skyo/__/rang la dbang med gti mug gzhan dbang /__/dug lnga'i me dpung drag tu 'bar bas/__/snyigs dus rang gzhan thams cad bsregs nas/__/ngan song 'bras bu bskyed 'dis sems skyo/__/chos pa rnams kyang dam chos byed zer/__/bdag bstod gzhan smod ngan sems phrag dog/__gcig gis gcig la ngan smras skur 'debs/__/ngan sems 'khor lo bskor 'dis sems skyo/__/skye bo phal cher mi dge'i 'dam du/__/nyin mtshan bar med dog med bya bas/__/mi tshe'i nyi ma nub rir bskyal zhing /__/mi lus chud zos btang 'dis sems skyo/__/mi rtag 'chi bas mdun nas sgug kyang /__/tshe ni nam zad mi shes bzhin du/__/sdig pa'i khur chen btegs nas 'gro dus/__/skyabs med nyam thag gyur pas sems skyo/__/thos pa byas kyang thos don ma sgrub/__/sgo gsum ma zhi ma dul rtsub zing /__/tsher ma dar thum 'dra ba'i gyong po/__/tshul 'di bsam gyin bsam gyin sems skyo/__/chos bzhin spyod pa nyin mo'i skar ma/__/chos min spyod pas sa steng khengs shing /__/sdig pa'i lta ngan mun pa 'thib pas/__/log pa'i lam du 'khyams 'dis sems skyo/__/rgyal ba'i bstan pa snum zad mar me/__/bstan 'dzin skyes rnams dgung du yal nas/__/sa steng mun pa'i smag gis khyab cing /__/kla klo min kyang de 'dras sems skyo/__/chos ldan rgyal po'i dbu 'phang smad cing /__/ya rabs drwa ma'i gral bzang 'thor nas/__/ma rabs skye bos 'dzin ma'i khyon gang /__/snyigs ma'i ngang tshul 'di yis sems skyo/__/zhag re'i nang du gtam gsar re re/__/mi rnams cha lugs phal cher 'gyur nas/__/rgyan gos yo byad mtha' mi'i cha lugs/__/spyod ngan 'di 'dra mthong nas sems skyo/__/bstan la zhugs rnams chos spyod mi brtson/__/dmag jag sgrung dang bud med gtam sogs/__/chags sdang drag pos nyin mtshan dus 'da'/__/thar pa'i lam chen bkag 'dis sems skyo/__/grwa pa rnams la chos gtam med cing /__/khyim pa'i kha nas chos bshad 'ur 'ur/__/gong 'og nor ba'i dus ngan rang rtags/__/'di 'dra mang po mthong bas sems skyo/__/phar la ci tsam byams sems byas kyang /__/je rtsub je rtsub ngan dbang je che/__/lab rgyu mang pos rang gzhan rgyud bsregs/__/'khor ngan skye bo 'di la sems skyo/__/bla ma bsten zer dam chos mang thob/__/ma bsgom ma bsgrub dad dang dag snang /__/cung zad med pa'i bla slob 'di 'dra/__/de yi rang bzhin mthong bas sems skyo/__/rang rgyud ma grol gzhan la chos bshad/__/gsang sngags dbang chos nor dang brje zhing /__/phan sems med la rgyu nor gang thob/__/yid la brnags pa 'di yis sems skyo/__/bskyed rdzogs lta ba'i gding dang mi ldan/__/gzhan phan byang chub sems dang rgyab 'gal/__/'dul khrims sdom pa chu la pho zhing /__/chos dang mi mthun rang la sems skyo/__/snyigs ma lnga bdo'i sems can 'di 'dra/__/mgon po 'phags mchog thugs rje che rnams/__/mkhyen brtse nus pa'i rtsal chen bskyed nas/__/sdug bsngal 'khor ba'i 'dam nas drangs mdzod/__/kye ma kyi hud byams ldan khyed rnams/__/thugs la le lo btang snyoms mi mnga'/__/gnas skabs 'di dang 'di 'drar dgongs nas/__/ye shes spyan gyis myur du gzigs te/__/thugs rje'i phyag gis 'dren par mdzod cig/__ces pa'ang sdig rgan zog po blo gros ming can gyis bris pa'o//___//_!_thugs dam rgyud bskul gyi glu dad pa'i glog zhags bzhugs so/__/a ho/__gnas byin rlabs can rnga yab dpal ri na/__/pha rtsa gsum kun 'dus gu ru rje/__/'khor rig 'dzin grub thob rgya mtshos bskor/__/bdag mos pa'i bu yis gsol ba 'debs/__/dus deng sang srid po'i grong khyer 'dra/__/zhag re bzhin mi rtag ngang tshul ston/__/mi thams cad dge sdig go log spyod/__/rje thub pa'i bstan pa dbu 'phang smad/__/rgyud mi bsrun nag phyogs kla klos 'tshe/__/chos byed pa kun gyi srog rtsa gcod/__/bstan 'gro ba yongs kyi bde skyid 'phrog/__dpal bsod nams kyi rten mchog thams cad bcom/__/gdon 'byung po thams cad sna 'dren byed/__/de'i rkyen gyis mi 'dod sna dgus gtses/__/dus 'di 'drar o rgyan khyed kyis gzigs/__/rje pad 'byung la snying nas gsol 'debs na/__/mthu stobs dang thugs rje'i rtsal shugs phyungs/__/rkyen ngan pa thams cad bzlog tu gsol/__/bod gangs ris bskor ba'i ljongs chen gyi/__/skyabs gcig chog pad+ma 'byung gnas mkhyen/__/rje khyed las re sa gzhan med pas/__/dus da lta nyid du byin gyis rlobs/__/me khyi nag zla'i tshos 25la'o//___//_!_shrI gI rti a la la ho/__/dpal bde ba chen po grub pa'i sku/__/ye shes phyag rgya'i gzi brjid can/__/kun tu dga' ba'i 'od zer 'bar/__/sa gsum dag na g.yo bar byed/__/rdo rje'i brtul zhugs grub pa'i gzis/__/mi 'gyur phyag rgyas bcing ba las/__/a haM bde ba'i glu dbyangs sgrogs/__/gnyis med bdud rtsi'i ros myos pas/__/mchog tu mi 'gyur grub pa che hoH/__ngo bo gcig las 'gyur med kyang /__/rnam pa he ru ka yi gzugs/__/sa gsum dag na mchod byed cing /__/dpa' bo chen po'i stabs kyi ni/__/'khor 'das thams cad gnon cing gzir/__/bdud las rgyal ba'i ral gri dang /__/thabs shes mda' gzhu la sogs pa/__/rdo rje'i go mtshon sna tshogs pas/__/bdud kyi tshogs rnams 'jigs par byed/__/'jigs mdzad chen po khrag 'thung dpal/__/mi yi lus la zhugs pa yi/__/rngams pa'i gsung dang brjid pa'i sku/__/snying rje rab zhi thugs khros pas/__/dus kyi mun pa mtha' dag bcom/__/ye shes sku ni rang byung bas/__/brtan g.yo kun la rab tu khyab/__/ji ltar lcags la gser 'gyur bzhin/__/thams cad thams cad phyag rgya'i sku/__/ngo mtshar cho 'phrul bde chen rgyal/__/dkyil 'khor gtso la phyag 'tshal lo/__/e ma e ma rdo rje che/__/rdo rje rgyal po dpal dang ldan/__/sangs rgyas kun gyi phrin las pa/__/dus su sgyu ma'i gar mdzod cig/__a ho/__e ma ki ri ki ri ma l+yA shap+da pa ta ye gIrti ma a haM/__/chu 'brug zla 12tshes 29la//___//_!_e ma hoHe ma ki ri a hoHrdo rje nyi ma 'bar ba'i me/__/rin chen nyi ma gzi brjid che/__/kun tu rgyas mdzad bde ba che/__/ye shes rin chen drwa ba che hoHrdo rje me ste kun tu 'phro/__/rdo rje zhi ba bla na med/__/bde mchog bdud rtsi'i sprin 'phro ba/__/ye shes rin chen 'bar ba che hoH/__pad+ma'i bdag po kun tu 'chang /__/dpal gyi 'byung gnas kun gyi rje/__/pad+ma thab pa'i dpal mnga' ba/__/dpal ldan pad+ma'i rgyal po che hoH/__las kyi bdag po kun tu 'phro/__/ye shes yon tan sdud mdzad pa/__/rdo rje'i 'thor rlung chen po yi/__/rnam rtog kun tu brlag mdzad che hoH/__dbyings kyi rgyal po kun tu bzang /__/de bzhin yum mchog dbyings phyug ma/__/zhi khro rab 'byams spro ba'i bdag/__kun gyi byed po kun bzang che hoH/__chos nyid stong pa'i rang sgra 'di/__/gtad med rnal 'byor rgyal pos blangs/__/srid gsum ye nas sangs rgyas zhing /__/rigs lnga'i ngo bor lhun rdzogs che hoHa ho oM AHhU~M hoH/__pad+ma ye shes rdo rjes mkha' 'gro 'du ba'i tshes 25nyi shar la'o//___//_!_bka' brgyud grub thob rgya mtsho mkhyen no/__/ri gangs dkar gyi rgyal po ti se na/__/rje rnal 'byor dbang phyug mi la rje/__/mtshan thos pas ngan 'gro'i sdug bsngal sel/__/pha dran chog rgyal po thos pa dga'/__/mi las ngan bdag la thugs rjes gzigs/__/gnas 'khor ba ngan song g.yang las skyobs/__/bu thugs rje'i phyag gis 'dzin par mdzod/__/las ngan pa'i dbang du ma gtong zhig/__chos zab mo mdo sngags rgyud sde thos/__/tshul bzhin du nyams su ma blangs pas/__/rgyud chu nang rdo ba ltar du gyur/__/gzhan mgo skor gyi tshul 'chos spyod pa las/__/nang nyon mongs dug lnga me ltar 'bar/__/rang thar med dmyal ba'i gting rdo byed/__/sdom dam tshig mi srung 'chal bar shor/__/dkor nag po gang byung hab thob byed/__/dge sdig gi ngo bo shes bzhin du/__/rgyud mi dge sdig pa'i dbang du btang /__/bskyed rdzogs kyi rim pa bsgom la yang /__/tha mal gyi snang shes dam pos bcings/__/rje bla ma rnams la mos gus chung /__/gsol 'debs kyi 'ur ding kha tsam zad/__/ma sems can kun gyi drin mi dran/__/byams snying rje byang sems stor nas song /__/bdag gces 'dzin gyi 'gong po khong du gab/__/rang bde bar 'dod pa'i blo ngan skyes/__/gzhan chos byed rnams la dag snang med/__/zur za dang phrag dog gdon gyis gtses/__/de lta bu'i skal ngan blo gros la/__/rje bzhad pa rdo rjes bskyab tu gsol/__/blo dam pa'i chos la bsgyur du gsol/__/zhes skyo glu zla tshes la'o//___//_!_tshogs glu DA ki dgyes rol bzhugs/__a ho ye/__rnga yab dpal ri pad 'od sprul sku yi zhing khams/__/rdo rje'i bla ma pad+ma 'byung gnas de mkhyen no/__/ma gcig DA ki ye shes mtsho rgyal de mkhyen no/__/pad 'byung yab yum thugs rjes 'bral med du gzigs shig/__las smon skal pa ldan pas gsol ba zhig 'debs na/__/bde chen thar pa'i zhing du da lta rang drangs mdzod/__/ma lus 'gro ba 'dren pa'i ded dpon du gyur cig/__snyan 'gyur gdung ba'i dbyangs kyis nyin mtshan du 'bod na/__/ma yis bu la brtse bzhin mngon sum du 'dir byon/__/sku gsung thugs dang ye shes rdo rje yi byin chen/__/da lta nyid du stsol ba'i dngos grub zhig zhu na/__/bu yi lus ngag yid gsum byin gyi rang rlobs shig/__ces pa'ang chos kyi blo gros pas so//___//_!_tshogs glu DA ki'i dbyangs snyan zhes bya ba bzhugs so/__/a ho ye/__ngo mtshar 'ja' 'od 'khrigs pa'i sprin dkar gyi dbus na/__/mtsho skyes rdo rje dpa' bo DA ki yi tshogs kyis/__/byin rlabs bkra shis me tog dkar po yi sil mas/__/deng 'dir 'chi med grub pa'i dngos grub zhig stsol zhu/__/dpa' bo mkha' 'gro rdo rje'i glu gar gyi rol rtsed/__/dga' bzhi ye shes chen po'i rtse mo ru son pa'i/__/lhan skyes shin tu rnam dag ye shes 'di a ho/__/snang srid dkyil 'khor 'khor lor 'char ba 'di ngo mtshar/__/tshim pa drug ldan ga Na tsa kra yi longs spyod/__/zhen med rol pa las byung 'chi med kyi bdud rtsi/__/rnal 'byor grub pa pad+ma kA ra yi lang tsho/__/tshe 'dir mngon sum grub pa'i dga' ston zhig zhu'o/__a ho ye/__'og min o rgyan d+hu ma tha la yi zhing khams/__/rig 'dzin dpa' bo mkha' 'gro'i tshom bu de a ho/__/gdan gsum rdo rje phung po'i grong khyer gyi klong na/__/rab 'byams rtsa gsum rgya mtsho'i cho 'phrul de ngo mtshar/__/tsit+ta mchong gur smug po dpal ri yi pad 'od/__/ma hA gu ru'i dgyes zhal 'dzum dkar de ngom byung /__/bde stong gnyis su med pa'i mchod sprin zhig phul na/__/gsang chen mchog gi dngos grub da lta rang stsol cig/__rmad byung tshogs kyi 'khor lo'i 'du ba ni nyams dga'/__/rnal 'byor pho mo lha yi dga' ston gyi rol pas/__/zag med bde stong bdud rtsi'i sprin phung ni g.yos pas/__/snang srid bde mchog rdo rje'i rol mo zhig 'khrol lo/__/ces pa'ang me phag sa zla'i dmar phyogs kyi dga' ba gnyis par gling dkar bdag btsun lhan rgyas kyis rigs 'dus tshogs kyi dga' ston gyi 'du ba chen po'i skabs su rig 'dzin gyi btsun pa pad+ma ye shes rdo rjes glur blangs pa'o//___//_!_tshogs kyi glu ye shes byin 'bebs ces bya ba bzhugs so/__/a ho ye/__steng rnam dag 'ja' 'od 'khrigs pa yi klong na/__/pha rtsa gsum kun 'dus pad+ma 'byung gnas de bzhugs yod/__/'khor rig 'dzin dpa' bo mkha' 'gro yi bskor nas/__/bu bdag la dgyes pa'i 'dzum zhal ni lam me/__/mkhyen brtse dang nus pa tshad med kyi gter chen/__/mi bdag gi re ltos 'dun pa yi gtad sa/__/pha khyed kyi thugs rjes bslu ba ni mi srid/__/dus bzang po tshes bcu'i mchod pa yi dus chen/__/yul gnas dang nye gnas mkha' 'gro yi 'du ba/__/tshad bzung las 'das pa'i tshogs gral gyi dbus na/__/nga gtad med rig pa'i khye'u chung 'di skyid do/__/tshogs 'dod yon sprin phung nam mkha' ltar khyab cing /__/lha rdo rje'i dbang pos dgyes rgur ni rol pas/__/nyams bde chen zag bral dga' bzhi ni 'bar ro/__/sgra grags stong a dI ka dI yi mchod do/__/sku gar gyi nyams brgya'i bro brdung ni khrigs se/__/thugs a haM 'bar 'dzag bde stong gis myos pas/__/rtsa 'khor lo bzhi yi lha tshogs kyis gar bsgyur/__/lus phung khams skye mched lhar snang du byin rlobs/__/ngag srog rtsol 'gro 'ong dbu ma ru dengs nas/__/yid rtog tshogs 'od gsal chen po yi sbubs zhugs/__/gzhi pad+ma dra ba chen po yi zhing du/__/'bras rang rig sku gsum mtsho skyes rje'i zhal mjal/__/ma 'gro drug 'khor ba dong sprugs su shog cig/__ces pa'ang lcags 'brug dbo zla ba'i tshes bcur gling rje yab sras sogs dang thugs sgrub bar chad kun sel tshogs kyi 'du bar spyod pa'i skabs bris ba'o//___//_!_tshogs kyi glu DA ki'i dbyangs snyan ces bya ba/__a ho ye/__brgyud gsum rig 'dzin bla ma'i byin rlabs kyi sbrang char/__/dad gsum gdul bya'i yid kyi zhing sa ru 'bebs pas/__/skal bzang dkyil 'khor rnam bzhir sku bzhi yi myu gu/__/ci dgar rgyas pa'i dngos grub dam pa 'di a ho/__/bskal mang gong nas bsnyen cing bsgrub pa yi lha mchog/__yi dam dgongs 'dus bka' 'dus chos kyi ni rgya mtsho/__/tshom bu nyer gcig dkyil 'khor chen po yi dam du/__/bsnyen sgrub bzhi ldan rig 'dzin mched lcam gyi tshogs kyis/__/phun sum tshogs pa lnga ldan rang byung du 'dzoms pas/__/legs par sgrub pa'i dga' ston myong ba 'di a ho/__/rmad byung tshogs 'khor tshim pa drug ldan du rol pas/__/zag med tshogs gnyis rgya mtsho skad cig la zlum pa'i/__/ngo mtshar thabs mkhas gsang chen rdo rje yi rol mo/__/kun tu dga' ba nyams bzhi'i rnam 'gyur 'di a ho/__/ma dag phung khams skye mched rnam shes kyi tshogs rnams/__/ye shes nyer gcig dpal chen dkyil 'khor du grub nas/__/srid gsum rnam dag dpal chen he ru ka'i dkyil 'khor/__/gdod nas rang la rdzogs pa ngo shes 'di a ho/__/snang srid thams cad don gyi bdud rtsi ru rdzogs pa/__/chos kyi bdud rtsi lha sngags ye shes kyis sbyangs pas/__/rtags kyi bdud rtsi'i 'du 'phro'i zer chen ni 'bar bas/__/phyag rgya chen po'i bdud rtsi grub pa 'di a ho/__/'di la 'brel ba thogs pa'i sems can gyi gtsor byas/__/khams gsum ma 'khrul rang byung rig pa ni smin rdzogs/__/ye grol chen po'i sa la 'bad med du phyin nas/__/'khor ba dong sprugs brnyes pa'i phrin las 'di a ho/__/bdag cag skal ldan khyad 'phags sgrub po yi rnal 'byor/__/rdo rje'i lam gyi bgrod pa'i pha mtha' ru phyin nas/__/'og min gsang ba mchog gi gzhal med khang chen por/__/tshom bu gcig tu 'tshang rgya'i rten 'brel zhig zhu'o//___//_!_rje bla ma'i zhabs la phyag 'tshal lo/__/pha drin can blo gter dbang po mkhyen/__/bu blo gros ming can blo ngan bdag/__lo bcu phrag lnga la son pa yi/__/tha skar gyi zla ba'i tshes bco lnga'i/__/nam tho rangs cung zad mnal ba na/__/dngos mthong du med pa'i rig rgyu yi/__/'khrul pa'i snang ba shar ba la/__/rje thams cad mkhyen pa blo bzang grags/__/'khor thugs sras bzhi po dang bcas pa/__/thams cad kyang gser mdog chas ldan shar/__/rje gtso bo'i zhal nas brtsegs gsung tshogs/__/glegs bam gyi rnam pas sdom gtad mdzad/__/chos khyad 'phags gsang 'grel sgron gsal gyi/__/bka' khyod la gtad do zhes gsungs nas/__/'khor thams cad mi snang gyur pa dang /__/rgyud 'grel glegs bam brgyad stong tsam/__/'od sngon po'i rnam par gnas pa dang /__/rje gsang ba 'dus pa phyag gnyis pa'i/__/skur gyur te dgongs pa gtad pa dang /__/glegs bam de gsang 'dus dkyil 'khor gyi/__/lha so gnyis gyur nas gnas gsum nas/__/'od zer gyi bdud rtsi'i dbang bskur stsal/__/slar glegs bam gsang 'dus sngags su gyur/__/rje bla ma'ang sngar bzhin gyur pa dang /__/glegs bam sngags kyi rnam pa de/__/bdag lus la thim pas rang gsang 'dus/__/mi bskyod par gyur dang lus nang kun/__/sngags mer gyis gang nas rang sgra sgrogs/__/lus sems la bde bas cung zad khyab/__/yid mi rtog ngang la phyam mer brdal/__/gnyid srab mo de yang sad par gyur/__/rje 'di la sngon nas 'brel pa ni/__/ches zab mo yod pa'i nyer len las/__/rje gang gi byin rlabs yang yang 'char/__/kha byang bstan phug der nyi ma med/__/dpe de bzhin rje yi dgongs mdzad kyang /__/bu las ngan la yar skyed cang ma mchis/__/las ngan nyon mongs kyi rdzab tu lhung /__/de bsam zhing bsam zhing snying rlung ldang /__/skye ngan gyi skye bo bdag 'dra la/__/rje khyed kyi thugs rjes dgongs mdzad nas/__/srid me 'dags klong nas bsgral du gsol/__/'khrul rtog gi rlung dmar zhi ba dang /__/ngan spyod kyi rgyun thag chad du gsol/__/blo gros kyi snang ba bskyed du gsol/__/chos byang chub kyi sems mchog skye bar mdzod/__/rje 'jam dbyangs bla ma khyed nyid kyis/__/dus da dung byang chub ma thob par/__/mi bdag gi skyabs gnas mdzad pa dang /__/theg mchog gi chos kyi rgyas par mdzod/__/gsol ba snying nas 'debs so byin gyis rlobs/__/nyam thag gi nad par byin rlabs kyi/__/phan pa 'byung ba de bzhin du/__/dngos grub gyi skal ba chen po zhig/__dus da lta smin par ma gyur kyang /__/byin rlabs kyi dgongs gtang zab mo des/__/sgrib gsum dbyings su dag par shog/__gzhi rgyud de rang ngo 'phrod pa dang /__/lam rgyud kyi ye shes 'char ba dang /__/'bras rgyud gsang ba 'dus pa yi/__/dkyil 'khor de mngon par byang chub shog/__rje khyod kyi bstan pas 'dzam gling khyab/__/de la 'khu zhing sdang pa yi/__/lha min gyi bdud las rgyal bar shog/__bkra shis kyi dga' ldan dar rgyas shog/__//__!rje bla ma rnams la phyag 'tshal lo/__/gnas lugs rang so zin par byin gyis rlobs/__/gzhi ka dag spros pa bral ba der/__/blos byas kyis gsar du bsgrub mi dgos/__/gdod ma nas stong chen de bzhin nyid/__/de chos rnams kun la khyab par bzhugs/__/sems can gyi rgyud la bde gshegs snying /__/dbyings dang ye shes gnyis med pa/__/bri gang dang 'pho 'gyur bral bar gda'/__/de dpal ldan bla ma'i byin rlabs kyis/__/rang gnas kyi ye shes rjen par rtogs/__/de la blo yi bslad ma zhugs/__/lta ba de rang ngo shes pas chog/__de'i ngang la ma yengs ma 'dzin par/__/rig pa cog ger bzhag pa dang /__/yul shes dbyer med mnyam pa nyid/__/zang thal gyi rig pa sa le ba/__/sang de ye re rje+en ne 'char/__/sgom pa zer kyang mi bsgom pa/__/bsgom med ngang der babs kyis bzhag/__/tshogs drug gi snang ba gang shar dang /__/rtsal gyi rtog pa ci shar yang /__/mi spro mi dgag mi bsdu bar/__/rang shar rgya yan ngang bzhag pas/__/chos nyid ngang der rang grol zhing /__/re dogs med pa'i spyoda?~X pa lags/__/mnyam par bzhag dang ma bzhag kun/__/rig pa 'od gsal chen po'i ngang /__/dus rtag tu mi g.yo mi 'gyur bas/__/'brasaX sku gsum dgongs pa'i rtsal rdzogs shing /__/ma rigs drug 'khor ba dong sprugs shog/__tshig de skad 'ju sngags skal phrin gyis/__/nan du bskul ba'i ngo ma lcogs/__/chos med kyi dred po blo gros pas/__/rang myong ba med bzhin rdol thabs smras/__dge'o//___//_!_a ho ye/__gnas mchog bkra shis 'chi med grub pa yi dga' tshal/__rtsa gsum rab 'byams mngon gsum bzhugs pa yi pho brang /__/byin rlabs gzi brjid 'bar ba'i gzhal med khang chen por/__/dpal ldan sa skya'i 'khon rigs 'jam dpal ni gzhon nu/__/gos dkar lcang lo'i skur 'chang kun dga' ni bsod nams/__/sras yum dgyes pa'i zhal ras zla rgyas ltar gsal ba/__/mngon sum mjal ba'i dga' ston dar la ni bab cing /__gsung gsang ka la ping+ka'i sgra dbyangs ltar snyan pa/__/lhug pas grol ba'i skal bzang mtho ris kyi grong khyer/__/sa 'dir mngon sum 'phos pa'i dge mtshan 'di a ho/__/bdag cag rig 'dzin mched lcam rtse 'jo yi rol zhing /__/cir snang thams cad bde chen ye shes kyi rol mor/__/'char ba 'di 'dra'i dga' bde mtshon dpe las 'das shing /__/nyams su myong ba'i ngo mtshar bkra shis 'di a ho/__/slad nas sgrib med ston 'khor lhan gcig tu 'tshogs nas/__/lugs brgya'i dpal yon phun tshogs 'bad med du 'byor te/__/srid zhi'i mtha' las 'das pa'i byang chub kyi go 'phang /__/chos kyi 'khor los bsgyur ba'i dge legs kyi pad tshal/__/nub med myur du 'char ba'i bkra shis shig zhu'o/__/ces pa'ang shing 'brug cho 'phrul zla ba'i dkar phyogs kyi rgyal ba dang po'i tshes la sngags 'chang chos kyi rgyal po yab sras la thugs dgyes pa'i mchod sprin du phul ba'o//___//_!_a ho ye/__mi 'gyur d+hu ti'i dbyings na/__/chos sku rdo rje phag mo/__/thabs mchog bde chen dpa' bor/__/snyoms 'jug kha sbyor bde ba'i/__/rol gar longs spyod rdzogs sku/__/bcom ldan rdo rje phag mo/__/gang 'dul ye shes sgyu ma/__/gangs can bod kyi yul du/__/dbyings phyug bde chen rgyal mo/__/dbyer med drin can bla mar/__/gsol ba snying nas 'debs so/__/mi bshig rdo rje'i gnas lugs/__/rang gnas mngon sum sad nas/__/ye shes gzi byin 'bar bas/__/rtsa rlung thig le'i mdud grol/__/sku gsum phag mo'i go 'phang /__/tshe 'di nyid la brnyes pa'i/__/rten 'brel snying nas zhu'o//___//_!_khro rgyal dgyes pa'i gad rgyangs zhes bya ba bzhugs so/__/shrI a la la ho/__badz+ra kro d+ha bde ba che/__/yak+sha de wa lha yi lha/__/dbang phyug rnams kyi phyag bya ba/__/dpal chen gtso la phyag 'tshal lo/__/rig sngags kun gyi bdag po mchog/__don yod rdo rje de bzhin gshegs/__/bgegs 'dul khro rgyal gtso mchog gi__/khams gsum po rnams bkra shis shog/__bar chad bdud dpung phye mar 'thag/__dngos grub chen po kun gyi dbyig/__dbang mdzad dbang bsgyur bcom ldan 'das/__/khro bo'i rgyal pos dge legs stsol/__/ces pa'ang shing khyi zla 10tshes 9la'o//___//_!_gdung dbyangs thugs rjes 'dzin bzhugs/__a ho/__mkhyen brtse nus pa'i gter mdzod/__/las rab gling pa mkhyen no/__/'od gsal klong nas gzigs shig/__rtag tu khyed kyis byin rlobs/__/rnga yab dpal ri'i pho brang /__/ma hA gu ru'i bzhugs gral/__/d+ha ki'i tshogs dang lhan gcig/__dgyes dgur spyod pa dga' 'o/__/pad+mas bod 'bangs skyobs par/__/mngag pa'i pho nya mchog nyid/__/bod 'bangs shul du bzhag nas/__/pad+ma 'od du gshegs sam/__/bdag cag khyed kyi thugs rjes/__/shul du 'dor bar bzod dam/__/bskal ngan dus kyi rgud pa/__/rgyun mi chad pas mnar tshe/__/khyod nyid zhi bar gzhol na/__/dam bca' nyams pa 'gyur te/__/zab rgyas gter gyi rgud pa/__/'gro don mkha' khyab 'byung bar/__/da slad ci tshugs byed dam/__/ma rig mun sel sgron me/__/pad+mas mchog bstan rgyas mdzad/__/mtshungs bral gter chen dra pa/__/pha gcig rin chen gtsug nor/__/bu yi gdung dbyangs 'di la/__/dgongs nas mkhas grub gnyis ldan/__/mchog gi sprul skur bzhengs nas/__/las 'phro gter gyi bstan pa/__/sa gsum khyab par mdzod cig/__bod khams gdug pa'i tsha ngar/__/lhag med zhi nas bde skyid/__/yar zla'i dpal la 'gran zhing /__/rgyal bstan spyi dang khyad par/__/snga 'gyur bstan pa rgyas mdzod/__/phrin las rnam bzhi thogs med/__/gang 'brel thar pa'i sar bkri/__/mchog gi dngos grub ster bas/__/sprul pa dus gsum bkra shis/__/bkra shis yun du gnas shog/__ces pa'ang mi phyed dad ba'i blos thol byung du 'jam dbyangs blo gros rgya mtshos gsol ba btab pa'o//___//_!_kun mkhyen chos kyi rgyal po rjes dran gyi glu mos gus kyi rlabs phreng zhes bya ba bzhugs so/__/mkhyen no mkhyen no kun mkhyen chos kyi rgyal po mkhyen no/__/chos dbyings dag pa'i 'od gsal mkha' la/__/thugs rje'i nyi zla'i 'od zer 'phro bas/__/bdag rgyud rmongs pa'i mun pa sel mdzad/__/kun mkhyen bla mas byin gyis rlobs shig/__lta ba spros bral brdal khyab chen por/__/bsgom pa 'od gsal nyin mtshan kha sbyor/__/spyod pa gang shar zhen med rang grol/__/kun mkhyen bla mas byin gyis rlobs shig/__ji ltar snang ba sna tshogs chos 'di/__/med bzhin glo bur 'khrul pa'i snang ba/__/thog med bag chags ngan pas bskyed pa'i/__/brdzun phug rdib par byin gyis rlobs shig/__ma rig 'khrul pa'i gdon chen 'di yis/__/snying la zin pas kun tu rmongs shing /__/chos nyid kun khyab rang byung ye shes/__/mthong du mi 'jug sgrib ba 'di ko/__/kun mkhyen khyed kyis de ring bsal mdzod/__/sna tshogs mthong ba rang bzhin bzhag nas/__/rang sar grol ba'i gdeng chen rnyed na/__/srid pa'i nyes brgya'i sgrog tu mi 'ching /__/ye shes khye'u chung rang zhal ngom mdzod/__/rang byung rang shar rig ba'i rgyal po/__/gu yangs nam mkhar mdung bskor ji bzhin/__/chos dbyings kun mnyam yangs pa chen por/__/nga yi rig pa gtad med thongs shig/__mkhyen no mkhyen no kun mkhyen bla ma/__/rdzogs pa'i sangs rgyas dri med 'od zer/__/khyed kyi thugs rjes bdag la gzigs shig/__las ngan rgya mtsho chen por ltung ba'i/__/rmongs pa bdag 'dra sku skye'i ming thogs/__/sdig rgan dkor nag rkyal pa chen po/__/sdom pa dam tshig chu la bor na/__/phyi mar rdo rje'i dmyal ba bsgrub pa/__/skye ngan bdag la ye shes spyan gyis/__/mi 'bral gzigs nas byams pa'i phyag gis/__/dam por zungs shig kun mkhyen bla ma/__/blun rgan bdag nyid thar par drongs shig/__bshes gnyen dam pa'i mgon gyis zin cig/__zab rgyas dam chos rtswa bzhin bkram kyang /__/khyi rgan bdag gi gal chung du bskyur/__/chos dred chos dang rgyab 'gal gyur la/__/mkhyen brtse'i nus pa'i mthu nus rtsal sprugs/__/'khor ba'i 'dams las da lta drongs shig/__srid pa'i me chen thugs rje'i char gyis/__/da lta nyid du sel bar mdzod cig/__deng nas bzung ste tshe rabs kun tu/__/dal 'byor don yod byed par shog cig/__mi rtag 'chi ba rjes su dran nas/__/srid las nges 'byung drag po skye bar/__/kun mkhyen bla mas byin gyis rlobs shig/__theg chen lam gyi snying nor gcig pu/__/byang chub sems mchog yang yang bsgom nas/__/'gro ba'i don la skyo dub med pa/__/rigs gsum sems pa'i rnam thar ji bzhin/__/gzhan phan mtha' yas 'byung bar byin rlobs/__/bdag gi sgo gsum bya ba ci byas/__/pha ma sems can don du 'gyur nas/__/rigs drug 'gro khams dong nas sprugs par/__/kun mkhyen bla mas byin gyis rlobs=__/rig stong 'od gsal theg rtse'i rnal 'byor/__/ka dag lhun grub dgongs pa'i rtsal rdzogs/__/klong chen rab 'byams mngon du 'gyur bar/__/kun mkhyen bla mas byin=__/kun mkhyen bla ma dri med 'od zer/__/bdag la skyid sdug legs nyes ci byung /__/khyed rang mkhyen no byin gyis=__/myur ba nyid du byin=__/'dug sa 'di ru=__/bu yi bya ba byed pa thams cad/__/kun mkhyen bla mas don yod mdzod cig/__mdor na chos kyi rgyal po khyed dang /__/dbyer med nyid du byin gyis rlobs shig/__mkhyen no mkhyen no kun mkhyen bla ma mkhyen no/__/zhes pa'ang chu sprel khrums zla'i tshes 25la kun mkhyen bla ma dran pas thol byung du gsol ba btab pa'o//___//_!_a hoHlnga ldan 'ja' zer 'khrigs pa'i 'od khyim gyi klong na/__/lhun grub rig 'dzin o rgyan chen po de bzhugs yod/__/rtsa gsum rgya mtsho'i spyi gzugs pad 'byung de mkhyen no/__/bu la thugs rje'i brtse bas da ltar rang gzigs shig/__nga yi skyabs gcig mtsho skyes rdo rje de mkhyen no/__/pha gcig ma hA gu ru DA kI yi tshogs rje/__/ye shes sku yi phyag rgya'i rnam rol ni tshad med/__/rdo rje'i gsungs dbyangs chos sgra dir dir du sgrogs bzhin/__/'od gsal dgongs pa mkha' khyab lhun grub kyi sbubs nas/__/bdag gi sgo gsum rdo rje'i byin chen zhig phobs mdzod/__/nga yi 'khrul snang ka dag chos zad du bskyel thongs/__/rang snang rol pa dpal ri pad+ma yi zhing khams/__/rang byung rig pa bde chen rgyal po de bzhugs yod/__/pad+ma badz+ra bde mchog sgyu ma yi gar gyi/__/sa gsum kun khyab lnga ldan ye shes su 'bar ba/__/brtan g.yo gdod nas dang po'i sangs rgyas ni mngon snang /__/sku dang zhing khams chos dbyings rgyas pa ru khyab pa'i/__/'dul bya 'dul byed rnam 'phrul phrin las ni 'dzad med/__/kun khyab kun bzang pad+ma 'byung gnas de=__/a hoHngo mtshar thugs kyi thig le'i bsnyen sgrub kyi sbyor bas/__/gsang gsum byin brlabs nus mthu dbang med du bkug ste/__/bdag la bstim pas snang srid zil gnon dang dbyer med/__/tshe 'di nyid la 'grub pa'i dngos grub zhig zhu'o/__/zla 3tshes 11la'o//___//_!_kye ho/__gang gi rang bzhin thugs rje'i zla snang ni/__/dwangs ba'i chu la sgrib med 'char na yang /__/mi bsrun skye bos rab tu dkrug pa na/__/ri bong can yang nub ri'i phag la gzhol/__/lha dang bla ma'i zhal bzang blta ba'i phyir/__/deng nas bzung ste byang chub snying po'i bar/__/rdo rje'i g.yar dam gnyan po blangs ba yang /__/so sor 'bral ba dus kyi rang bzhin gshis/__/kye ma ma grang khrod gnas byis pa 'gas/__/yid kyi kha chus dmar por 'ching ba las/__/bzang por spyod dang 'grog pa'i skal ba ni/__/rus sbal spu yi nam mkhar thags su btags/__/chags dang bral ba rgyal dang rgyal ba'i sras/__/ye shes spyan gyis sgrib med rtag gzigs la/__/sred pa'i 'ching ba kun ldan bdag 'dra la/__/thugs rje bsil ba'i chab kyis brlan par mdzod/__/phan par smras kyang log par sems pa yi/__/skye bo ngan pa sbrul gdug dang 'dra ba'i/__/ji tsam bsnyen kyang phyir phyir rgyang bsring ba/__/de 'dra'i sdig grogs ring du spangs bar shog/__su dang 'grog kyang chags sdang 'phel ba'i gzhi/__/gang du gnas kyang chos brgyad bdud mos bslus/__/da ni dben pa'i gnas bzang bsten byas nas/__/brtson pas sgrub la gzhol bar byin gyis rlobs/__/dus gsum rgyal ba kun gyi mkhyen brtse yi rang gzugs/__/dran pas srid zhi'i gdung sel bla ma rang mkhyen no/__/ye shes spyan gyis bdag cag las ngan la gzigs shig/__srid zhi'i 'jigs pa kun las da lta rang skyobs mdzod/__a ho ye/__tshe srog mi rtag sgyu ma'i dpe brgyad dang mtshungs te/__/da lta yod kyang glog bzhin myur du ni 'jig pa'i/__/phyi la bsam na 'khor ba sdug bsngal gyi rang bzhin/__/bya dka' don chung bye ma'i khang bu dang 'dra ba/__/zin dang 'grub dus med pa'i las ngan bdag skyobs shig/__ston ka'i nam mkha' dang mtshungs dgra gnyen ni nges med/__/lus 'di gces par bskyang yang skad cig tsam mi sdod/__/'chi bdag gshin rje'i dgra s+t+was bcom pa la nye'o/__/nam zla dus bzhi'i 'pho 'gyur 'phel 'grib la ltos dang /__/gnyen dang nye du bar ma'i sems can dang 'dra'o/__/skye shi dar rgud bde sdug 'pho 'gyur la bsam na/__/rtag cing brtan pa rdul phran tsam zhig ni mi 'dug/__rnam thos bu yi dpal 'byor longs spyod tsam yod kyang /__/phyi ma'i lam du khab cig khyer dbang ni med do/__/'dod pas gsog srung snying po cung zad kyang med do/__/mi 'chi sdod grabs byed pa'i snying med kyi blun po/__/rang mgo rang gis g.yogs pa'i mdo med kyi dred po/__/bdag ni skyabs dang mgon med sdug bsngal gyi nyam thag/__'di la dpal ldan bla ma'i thugs rje yis gzigs mdzod/__/'khor ba dgra ru mthong bar byin gyis rang rlobs shig/__ye shes rig pa'i dbang chen bskur thob dang bral ba/__/mngon sum thob nas 'khrul pa ru logs su gyur te/__/gdod ma'i gnas lugs rtogs pa byin=__/mkhyen no mkhyen no dpal ldan bla ma rang mkhyen no/__/chos kyi blo gros pas so//___//_!_pha bla ma rdo rje 'chang blo gter dbang po khyed mkhyen no/__/mi las ngan bdag la da lta rang thugs rjes gzigs shig/__bu 'khrul rtog ngan pas bslad gyur nas/__/rje khyed kyi ye shes sku ma mjal/__/dus tha na rmi lam tsam du'ang /__/mgon khyod kyi zhal mthong med pa 'di/__/bdag las ngan sdig pa che ba 'dra/__/rje khyed la kha zhe med pa yi/__/snying dad pa mos gus gting nas yod/__/kha tsam du min snyam dran gyur kyang /__/rje'i zhal ma bstan dang gsung ma thos pa 'di/__/mi nga'i rgyud dad pa gting tshugs med pa 'dra/__/nga la mi yi bla ma mang yod kyang /__/bka' drin che ba rnam pa lnga/__/de'i nang gi gtsug gi rgyan cig pu/__/pha bla ma khyed las gzhan na med/__/rje khyed kyi rnam thar dran tsa na/__/bzod rlag med pa'i mchi mas gdung /__/mtshan brjod na dad pa'i yus kyi bsnangs/__/tshul de la dgongs nas thugs rjes gzigs/__/slob bu las ngan gyi dbang du ma gtong shig/__rje yi gsang gsum gyi dam tshig dang 'gal ba la/__/dus rgyun du snying nas 'gyod pas bshags/__/dag tshang gi gnang ba stsal du gsol/__/dus rtag pa rgyun du snying dbus su/__/sgom nas gsol ba rtse gcig 'debs/__/bdag gi rgyud byin gyis rlobs par mdzod/__/nyams rtogs kyi rtsal chen sbar du gsol/__/rten dkyil 'khor bzhi'i 'gros bzhi thim/__/dpal sku bzhi'i dbang phyug thob par shog/__pha rje btsun rdo rje 'chang dbang mkhyen/__/rje khyed dang 'bral med byin gyis rlobs/__/ces sa byi rgyal zla'i tshes nyer brgyad snang ba skyo mun ne ba'i ngang gdung dbyangs su bris pa'o//___//_!_mkhyen no mkhyen no bla ma mkhyen no/__/pha cig rdzogs pa'i sangs rgyas/__/dran pas sems gyi 'jigs 'phrog/__dpal chen gsang ba'i bdag po/__/dgyes mdzad he ru ka dpal/__/bdag cag mgon du byon pa/__/'jam dbyangs blo gter dbang por/__/snying nas gsol ba 'debs so/__/bdag rgyud byin gyis rang rlobs shig/__dkon mchog rgya mtsho'i ngo bo/__/khams gsum chos kyi rgyal po/__/'gro drug ngan song g.yang las/__/thugs rje'i phyag gi 'dren mdzad/__/bla ma rdo rje 'chang chen/__/khyed la snying nas gsol 'debs/__/las ngan bdag ni 'dren mdzod/__/kyi hud bu hrul bdag ni/__/phyi tshul chos gos zang zongs/__/nang du mi dge'i bang mdzod/__/kha nas chos bshad wa le/__/rang rgyud chu nang rdo ba/__/byang chub sems dpa' yin zhes/__/rang don 'ba' zhig sgrub sgrub/__/gsang sngags dbang bskur thob thob/__/rnam grangs bsam las 'das kyang /__/bskyed rdzogs thun gcig mi sgom/__/tha mal zhen snang dang bcas/__/dam sdom chu la pho ba/__/skal ngan bdag 'dra'i sems can/__/dbugs kyi rgyu ba chad tshe/__/mnar med dmyal bar thibs po/__/'jug par gdon mi za ba/__/bdag la thugs rjes gzigs shig/__tshe rabs sngon nas 'brel zhing /__/dwangs ba'i sems kyis maN+Dal/__/thog ma nyid nas sgrib bral/__/sku mthong nyams dga' bag phebs/__/rig pa dwangs sang byed de/__/gsung gsang gdams pa'i gnad kyi/__/sems kyi mdud grol mkhan po/__/sku gsum rang zhal bstan pa'i/__/pha cig dran chog rgyal po/__/khyed la gsol ba 'debs na/__/las ngan bdag la skyobs shig/__sgo gsum bya ba ci byas/__/rnam kun don yod 'gyur bar/__/dran chog yid bzhin nor bu/__/bla ma rdo rje 'chang khyed rang mkhyen no/__/mkhyen no mkhyen no bla ma mkhyen no/__/ces pa'ang me glang zla 6tshes 29la bla ma dran pas thol byung du bris pa'o//___//_!_kun mkhyen bla mar gsol 'debs kyi glu sprin gyi pho nya zhes bya ba bzhugs/__a ho ye/__dbyings ka dag ye stong chen po yi mkha' la/__/gdang rang bzhin 'od gsal lnga ldan gyi 'ja' gur/__/rtsal thugs rje rig pa sprul pa yi sku mchog/__pha kun mkhyen chos kyi rgyal po khyed mkhyen no/__/sku zag med rdul bral ye shes kyi phung po/__/rje mtshan dpes brgyan pa'i gdan gsum gyi dkyil 'khor/__/de phyi na mi bzhugs rang nyid la rdzogs ste/__/gzhi ma bcos rang byung lhun grub kyi rtsal snang /__/dus da lta'i rig pa zang ka ma 'di ga/__rje mtshan mtshon brjod pa thams cad dang bral ba/__/rang shar pa'i sgyu 'phrul rdo rje yi bkod pa/__/rang rig pa'i ngang nas rang zhal zhig mjal byung /__/dpal rdzogs pa'i sangs rgyas dri med kyi 'od zer/__/mi bdag gi re ltos cig chog tu zhu shing /__/skyabs gzhan na med pa kho thag rang chod nas/__/bu nga yi blo sems bde ba zhig byung song /__/rje sku gsum lhun grub srid zhi yi khyab bdag/__mkha' mnyam gyi 'gro khams ji snyed kyi snang ngor/__/dag ma dag sgyu 'phrul rol rtsed ni bsam yas/__/spro ba dang bsdu ba'i byed po yi mgon po/__/pha kun mkhyen bla ma klong chen gyi rab 'byams/__/mtshan thos pas srid dang zhi ba yi 'jigs 'phrog/__mgon khyed ni bdag gi snying dbus su bzhugs nas/__/mi nga yi gzung 'dzin 'khrul pa 'di gtor te/__/dbyings rig pa'i ye shes rtsal kha ni rgyas nas/__/rje khyed dang mnyam par byin gyis rang rlobs shig/__mi nga la 'brel ba'i sems can gyi gtso byas/__/khams gsum gyi 'gro rnams sdug bsngal las grol zhing /__/nub bde ldan zhing sogs dag pa ru drongs nas/__/'khor ba 'di dong nas sprugs nus zhig zhu'o/__/ces pa'ang sa glang rgyal zla'i dus dran mchod par pad+ma ye shes rdo rjes gsol ba btab pa dge'o//___//_!_a ho/__rang rig 'od gsal dbu ma yi grong khyer/__/rig stong pha rgod pad 'byung de bzhugs yod/__/ye shes spyan gyis rtag pa ru gzigs mdzod/__/bu hrul nga la byin rlabs zhig stsol mdzod/__/rang byung gnyug ma'i shes rig ni zang ma/__/ma bcos so ma ka dag gi ngo bo/__/rang bzhin lhun grub 'od gsal gyi gting gdang /__/ye nas lhun rdzogs bya rtsol dang bral ba'i/__/gdod ma'i mgon po rang chas su bzhugs so/__/a hoHrang rig bla ma chos sku yi ngo bo/__/rang gdang 'gags med zhi khro yi tshom bu/__/rig rtsal ma 'gags dpa' bo dang mkha' 'gro/__/rig pa'i rang chas su bzhugs pas skyid do/__/dngos grub phrin las rang snang gi bkod pa/__/rtogs na dngos grub ma rtogs na 'drer snang /__/don la ma grub ye shes kyi sgyu ma/__/cir yang 'char zhing zhen med kyi rnal 'byor/__/rang grol bu yang blo bde nga skyid do/__/gtad med rgyal po blo gros kyi rnal 'byor/__/gang shar 'dzin med nyams dbyangs kyi mchod pa/__/dus kyi rgyal po mkha' 'gro yi dus chen/__/grags stong rdo rje'i glu dbyangs gi rol mo/__/'dis kyang 'khor ba dong sprugs su shog cig/__ces pa'ang rig 'dzin kun bzang 'od gsal snying po rtsal gyis so//___//_!_rje bla ma rnams la phyag 'tshal lo/__/sprang po yi blo sna chos la bsgyur/__/mi nga yi rgyud 'di lcags gong 'dra/__/mi rtag dang nges 'byung cung mi dran/__/gzhan phan gyi bsam pa bskyed 'dod kyang /__/rang 'dod kyi 'khri ba'i dri mas gos/__/dbang bskur ni grangs med thob gyur kyang /__/bskyed rdzogs kyi lam las g.yel nas gda'/__/tha mal gyi snang zhen 'ching bas bcings/__/mtshan 'dzin gyi sgrogs kyis bcings nas gda'/__/phyag rdzogs la mos pa lam byed kyang /__/tha mal gyi rtog pas nyin mtshan g.yengs/__/dran bsam kyi 'phro 'du'i rgya bskyed de/__/gzung 'dzin gyi sbubs su 'thum nas 'dug/__bka' drin can dpal mgon bla ma la/__/dad pa la ltem rkyang 'ong bar 'dug/__khongs sangs rgyas dngos su gsung na'ang /__/las ngan gyi sgrib pas mi mthong 'dug/__de rang gi mos gus chung bas len/__/da snga phan bde ba'i sar gnas kyang /__/da rang sdug rang gi nyo byas te/__/bud med dang gza' tsho'i mdun sdebs 'dir/__/yang yang du bsam gyin zhe re sdug/__rang byas kyi las 'di bskyur dbang med/__/tshe 'di yang sdug la phyi ma sdug/__sdug bsngal gyi 'bras bu myong re ran/__/de bsam gyin snying rtsa 'dar shig shig/__'byung bar 'dug kyang bya thabs bral/__/da bla ma dkon mchog gsum po la/__/zhe gting nas gsol 'debs mos gus kyi/__/phur pa zhig 'dzugs na khyed rnams mkhyen/__/bu las ngan dbang du mi gtong bar/__/blo sna chos su bsgyur ba dang /__/ci byas kun gzhan la phan pa dang /__/bdag sgo gsum 'brel tshad don ldan shog/__pha bla ma'i thugs dgongs rdzogs pa dang /__/rje mkhyen brtse'i phrin las spel gyur cig/__/ces pa'ang glang cho 'phrul zla ba'i tshes bcu bdun la'o//___//_!_bla ma rjes dran gyi glu 'jigs mdzad khros pa'i byin rlabs snying la bskul ba'i dbyangs snyan ces bya ba/__a ho ye/__dpal ldan srid zhi'i khyab bdag bde chen gyi chos sku/__/dngos gcig du ma'i gar gyi rnam rol ni mtha' yas/__/rgyal kun mkhyen pa'i gter chen ye shes kyi sku can/__/bla ma 'jam dpal rdo rje snying dbus nas dran byung /__/kha sbyor yan lag bdun ldan mtshan dpe yi snang brnyan/__/dmar ser sin+d+hu wA ra'i 'od zer gyi phur po/__/rdo rje dbyangs can dgyes pa'i rjes chags kyi rol rtsed/__/rab 'byams spro bsdu'i byed po snying dbus su bzhugs shig/__mdzes 'dzum zhi bas mi thul gdul dka' yi 'gro la/__/mi bzad 'jigs rung drag po gar dgu yi nyams ldan/__/gshin rje bye ba'i sde tshogs 'dul mdzad kyi khrag 'thung /__/'jam dpal ya man+ta kar gsol ba rang 'debs so/__/kun rmongs gti mug dgra chen mun stug gi glang po/__/nga rgyal dregs pas myos pa'i gtsug bum ni 'gem mdzad/__/dus kyi dgra chen bcom ldan rdo rje ni 'jigs byed/__/bdag gi sgo gsum rdo rje gsum dngos su bsgyur mdzod/__/bsnyen cing sgrub pa'i gsang chen rmad byung gi nyams len/__/rdo rje be ta li yi snyan brgyud kyi gdams pa/__/grub brnyes rig 'dzin bye ba'i thugs bcud kyi bdud rtsis/__/tshe 'dir 'jam dpal 'grub par gsol ba rang 'debs so/__/khams gsum 'od gsal dbu ma'i grong khyer du sdom pas/__/rtsa yi mdud grol thig le 'od gsal du dengs ste/__/cir snang sku dang ye shes 'byams klas kyi 'khor lor/__/gdod nas lhun rdzogs mngon gyur byin gyis rang rlobs shig/__ma dag rlung sems 'khrul pa'i gzugs brnyan gyi snang ba/__/bstan la gnod cing 'tshe ba'i lha min gyi kla klo/__/'jigs mdzod khros pa'i mtshon cha rnon po yi dbal gyis/__/rtsad nas brlag par nus pa'i mthu stobs zhig stsol zhu/__/rgyal bstan dar rgyas bstan 'dzin skyes chen rnams zhabs brtan/__/chos ldan rgyal po'i mnga' thang dar shing ni rgyas te/__/'jig rten bde dge'i dpal yon rdzogs ldan bzhin 'phel nas/__/bkra shis dge legs snang ba 'grib med du shog cig/__nged cag rdo rje'i rnal 'byor rig 'dzin gyi pho mo/__/tshe srog rdo rje'i ka chen yun du ni brtan te/__/'chi bdag bdud las rnam rgyal rdo rje yi sku brnyes/__/'gro don mkha' khyab don gnyis lhun grub tu gyur cig/__/ces pa'ang 'jigs med nam mkha'i rdo rje tshe dbang grub pa rtsal 'jigs mdzad khros pa'i bsnyen sgrub kyi skabs lcags stag rgyal zla'i dkar phyogs kyi rdzogs pa dang por gsol ba btab pa sid+d+hi rastu//___//_!_bslu med kyi skyabs gnas dkon mchog gsum/__/gcig 'dus kyi ngo bo bla ma rje'i/__/zhabs pad+mo spyi bo'i rgyan du mchod/__/mi nga yi blo sna chos la bsgyur/__/ston zla yi phun sum tshogs pa'i dus/__/rgyal bal gyi yul nas byung ba yi/__/me tog ni kha dog sna tshogs pa/__/mtshar sdug gi bu mo ltar mdzes shing /__/mkhas blun gyi mig dang yid la ni/__/phan bde yi dga' ba brgya phrag bskyed/__/de 'dra yi dpal yon phun tshogs de/__/ston zla la nyer brgyad mun smag la/__/sngo sangs kyi bu mo bkrag te che/__/rgyu skar gyi lha mos zhal bzang bkra/__/dri bzhon gyi ngad pa rab bskyed pas/__/tho rangs kyi chu la me tog rnams/__/mgo la ni zhwa mo dkar po gyon/__/nyi shar gyi cha la 'chi bas 'joms/__/lo 'dab kyi yan lag thur du 'phyang /__/mgo lcogs ni mgrin pas ma thegs te/__/shi ba yi ro ltar gyur pa yi/__/dpe des kyang mi rtag ston nas byung /__/lang tsho yi mdzes pa lo zla yi/__/dmag dpung gis bcom par gyur pa dang /__/'chi bdag gi dus mun chen po'i klong /__/'khrul snang gi gshin rje grangs med kyis/__/lus gces rgu'i me tog sad kyis khyer/__/mgo 'phang ni dma' zhing ma mchu 'phyang /__/yan lag rnams shing bzhin rengs pa 'ong /__/de lta bu'i 'jigs pa chen po de/__/myur ba ru 'byung bar gdon mi za/__/bdag snying de bzod sran ma che bar/__/dam chos la 'bungs gsum bskyed la rem/__/de 'dra de byung dus ci bya med/__/de bas na rang dbang yod dus 'dir/__/le lo dang snyoms las dbang ma gtong /__/brtson 'grus kyi me chen sbar byas te/__/nyon mong gi tshang tshing bsreg pa dang /__/'khor ba yi me 'obs brgal dka' bar/__/myur ba ru sgrol nus byin gyis rlobs/__/pha bla ma rje btsun khyed rang mkhyen/__/ces pa'ang me tog gi tshogs sad kyis khyer ba na mi rtag dran pas skyo glu bris pa'o//___//_!_skyabs bka' drin 'khor med bla ma rje/__/mi bdag gi bde chen rgyan du bzhugs/__/skyid mchog gsum nyi ma dgung la 'char/__/dus bstan pa mdo sngags dam chos dar/__/de ston mdzad bshes gnyen mkhas grub tshogs/__/ches ma nyams rgyas skabs skye ba len/__/bu skal ngan ma yin skal ba bzang /__/gzhi sangs rgyas bstan la zhugs byas nas/__/bka' mdo rgyud man ngag rgya cher thos/__/bdag bsod chung ma yin bsod nams che/__/chos so thar 'dul ba'i khrims nos pa/__/sems ma zhi bag med spyod pa yi/__/yan lag gi ltung ba char bzhin bab/__/sdom rtsa ba bzhi dang ma 'gal tsam/__/dus deng sang bka' ba'i chad pas non/__/skra tsam pa ka ltar gyur pa na/__/'dod bud med kyi sgrog tu tshud gyur kyang /__/bu dge ba'i bshes kyi zin pa las/__/don zab mor nges shes skyes pa na/__/sdom gsum de yar ldan nyid du rdzogs/__/gtong zob kyi sa mtshams 'khrul med spyod/__/blo gzhan phan bsam pa bzang po yi/__/rgyal bstan la sman pa'i 'dun pa bskyed/__/ches rnal 'byor grub pa ma yin kyang /__/sngags rdo rje'i rig pa 'dzin pa'i gzugs/__/shes rab kyi dga' mar ma smad cing /__/thabs gsang chen rdo rje'i sgyu rtsal ngom/__/sems gnas lugs rdo rje'i rang zhal bltas/__/don 'pho bral 'gyur med gdengs zhig rnyed/__/kun rdzob kyi khams snyigs phyir 'dzag kyang /__/ches dwangs ma'i don dam thig le ni/__/'pho med 'od gsal chen por bcings/__/de bcings pas gzung 'dzin rlung dag cing /__/rlung zad pas 'khrul snang rang sar dwangs/__/dus da lta snang ba sang ma seng /__/gtad med kyi ngang du 'byams nas gda'/__/gang la'ang mi rtog cir mi 'dzin/__/'gyur 'phro rnams bya lam rjes med 'dra/__/dran pa ni dran gzhi'i dbyings su thim/__/dran gzhi yang stor nas sgom ma rnyed/__/sgom bya dang sgom byed kun las 'das/__/da ci bya nga ni gar na 'dug/__gzhi grol gyi rig pa rgya yan du/__/klong chen por 'byams klas phyogs lhung bral/__/lhun gyis ni mnyam yangs chen po'i ngang /__/dus bzhi ni mnyam pa chen por aH/__nga skye 'chi'i rtog pas gtses gtses nas/__/da skye 'chi med pa rdo rje'i sku/__/tshe 'di la 'grub pa'i smon lam zhig/__dus gsum dang dus med rtag tu 'debs/__/pha lnga brgya'i gtsug rgyan bi ma la/__/rje khyed bzhin 'grub par byin gyis rlobs/__/ces pa'ang sa glang cho 'phrul zla ba'i tshes lnga la gang shar glur blangs pa/__sa ma sti//___//_!_a ho ye a la la ho/__'chi med bkra shis 'khyil pa'i sman ljongs ni nyams dgar/__/'chi med grub brgya'i gtsug rgyan pad 'byung de bzhugs yod/__/'chi med 'ja' lus rdo rje'i dngos grub zhig zhu na/__/'chi med grub pa'i bdud rtsi da lta rang stsol cig/__'chi med bde chen DA ki ye shes kyi mtsho rgyal/__/'chi med mkha' 'gro rgya mtsho'i dkyil 'khor gyi gtso mo/__/'chi med pad+ma tshe yi snying thig gi bcud 'dzin/__/'chi med gdams pa zab mo'i a mr-i ta skyugs ran/__/'chi med tshe yi mnga' bdag tshangs pa lha'i me tog/__'chi med 'od gsal sprul pa'i rdo rje ru shar nas/__/'chi med rig 'dzin mang ga'i mtshan can gyi skur bzhengs/__/'chi med gar dbang mdo sngags gling pa zhes snyan pas/__/'chi med thugs gsang dpal gyi be'u yi sgo phyes/__/'chi med zab dang rgya che'i gsang mdzod kyi dngos grub/__/'chi med rtag par rab smon bdag cag gi bgo skal/__/'chi med grub pa rtsa gsum dgyes pa yi dga' tshal/__/'chi med bkra shis gnas 'dir smin grol zhig zhu na/__/'chi med bla ma mchog gi dgyes zhal ni ngom pas/__/'chi med dga' ston dbyar gyi dpal mo ltar rgyas nas/__/'chi med tshe yi bdud bgegs e dbyings su bstim mdzod/__/'chi med tsan DA li yi thabs shes kyi nye rgyus/__/'chi med 'pho bral rtag pa dam pa yi lang tsho/__/'chi med bi ma mi tra'i ngo bo tu smin nas/__/'chi med tshe dang ye shes grub pa zhig zhu'o/__/tshe yi gsang mdzod dbye ba'i tshig/__'chi med drang srong dbu dkar des/__/rin chen rdo yi snying po yi/__/phreng ba lha rdzas 'bebs gzhi bcas/__/rgyal gyi zla ba'i dkar po'i phyogs/__/bkra shis dge ba'i tshes la phul//___//_!_rje sangs rgyas kun 'dus rdo rje 'chang /__/dpal o rgyan chos kyi rgya mtsho ni/__/sprang bdag gi spyi bo'i rgyan du bzhugs/__/rkyen ci byung bla ma khyed rang la/__/bus rtag tu gsol ba 'debs pa lags/__/rten dal 'byor mi lus thob pa 'di/__/rje thub pa'i bstan la zhugs pa yang /__/pha rje btsun bla ma khyod kyi drin/__/dpe ka kha sbyangs pa yan chod nas/__/rgyud gsang ba snying po thug gi bar/__/bsod rna ba'i dpyid du thos pa'ang /__/skyabs pha cig bla ma khyed kyi drin/__/gzhi nges 'byung so thar gyi sa gzhi la/__/sman bu mos 'dams gyis ma gos shing /__/bu da lta byi phrug gi ma bskor ba/__/mgon bla ma thub dbang khyed kyis drin/__/chos snying po byang chub sems bskyed la/__/sems can blos btang gi dgra s+t+was ma rmas pa/__/gzhan phan gyi bsam pa bag tsam 'di/__/rje 'gro ba'i mgon po khyed kyi drin/__/chos bka' gter gyi gdams zab rgya mtsho la/__/rang ci 'dod spyod du yod pa dang /__/sgrub nus na tshe 'dir grol bar nus/__/'di kun yang rdo rje 'chang khyed drin/__/las bzang po rten bzhengs mchod pa sogs/__/rnam dkar gyi las la dkar ba dang /__/ris med la dad pa dag snang ni/__/phyogs 'du med rgyas pa khyed kyi drin/__/mdor bsdu na da snga yan chod la/__/yon tan gyi rnam pa ci mchis pa/__/pha nor bu khyed kyi drin las rnyed/__/bus byang chub bar du khyed kyi drin/__/sgo gsum gyi mchod pas mnyes byed na/__/rje drin chog rgyal pos byin gyis rlobs/__/shing khyi zla 8tshes 23la'o//___//_!_a ho ye/__dgung sngon mthon po'i dkyil na/__/sprin dkar lang long 'khrig pa/__/pha cig drin can bla ma/__/dran pa'i gsos 'debs byas byung /__/'ja' tshon sna lnga 'khrigs pa'i/__/gur khyim mdzes pa'i dbus na/__/o rgyan ma hA gu ru/__/bzhugs par mos na bzhugs yod/__/byin rlabs char rgyun 'bebs ran/__/gnam sngon dwangs pa'i ngos la/__/rta bdun rgyal pos 'od 'bar/__/rang bzhin gdod ma'i bzhugs tshul/__/nges gsang brda 'dis mtshon byung /__/skad cig 'gyur ba'i tshul 'dis/__/mi rtag sgyu ma'i don ston/__/yid la skyo gdung 'dres pa/__/rang gi sems kyi snang ba/__/nyams mtshar sgyu ma'i ltad mo/__/bkrag gsal mtshar sdug ldan 'dis/__/yid ga shar gyi ri rtser/__/mos so bzhugs la gtod do/__/yun ring srid par dub shing /__/kun rtog nad brgyas gtses pa'i/__/rgya mtshos rba rlabs drag po/__/rang mal 'jam gyi zhi nas/__/bde chen yangs pa'i thang la/__/rta mchog cang shes mdzes pa/__/hi hi'i sgra snyan 'tsher bzhin/__/kun tu dga' ba'i skyes bu/__/dal gyis bsgrod pas mi ngal/__/sna tshogs rin chen rgyan gyis/__/rnam par brgyan pa'i glang bar brtags/__chen/__/gnyis 'thung gangs ri'i mdangs ldan/__/gangs can ri bo'i khongs su/__/'jigs pa med par rgyu na/__/sa steng skye rgu thams cad/__/dga' ba'i gar brgya bsgyur te/__/a la la yi sgra sgrogs/__/dgra lha'i ba dan dkar po/__/phyogs bcur sgrengs pas bkra shis/__/ces me khyi zla 3tshes 7snga char la'o//___//_!_steng ya gi dga' ldan lha yul na/__/dpal mi pham byams pa mgon po bzhugs/__/chos theg chen chos kyi rgyal rnga sgrogs/__/gnas de las skyid pa ga la yod/__/ri lhun po gser gyi ri bo'i steng /__/lha sum cu rtsa gsum rol pa der/__/lha brgya sbyin lha bu'i 'khor gyis bskor/__/dpa' zhal dkar 'bum pa yin par 'dug/__lha de yi mgon skyabs kha 'dzin mdzod/__/lho 'dzam gling sa yi lte ba na/__/rje dus gsum rgyal ba 'tshang rgya'i gnas/__/dpal rdo rje gdan zhes grags pa der/__/rten byang chub chen po zhes bya bzhugs/__/de mjal na dga' yo skyid do yo/__/byang kha pa can gyi rgyal khams 'dir/__/zhing gru 'dzin ri bo'i nye 'dabs na/__/lha jo bo shAkya mu ne bzhugs/__/de yang yang mjal ba'i smon 'dun yod/__/bu sang nyin slebs na dga' ba la/__/rkang bro 'khrab kha nas skyid glu len/__/grogs lha tshogs rnams dang 'grogs nas 'gro/__/mgon chos skyong nor lhas bsu skyel byed/__/sems de las skyid pa med do ang /__/nyams dga' yo skyid do a la la/__/zla 1tshes 27la'o//___//_!_rang la khrel bdas/__u hu hu/__bu las ngan gyi blo ngan can khyod/__/lus mtshams khang du kher bu 'dug nas/__/sems kyi rta rgod srab med sgrogs med 'di rgya yan/__/rnam rtog gi rlung gis rgyal khams la khrid de/__/'di mi dran bya ba sne gcig med pa de e ho hoHbsam pa bzang po'i rtog pa ni sne re re gcig gnyis las med do/__/de yang thar pa'i rgyur 'gro ba'i bsam bzang zhig ni nyin skar tsam dkon nges/__/bu re sdug re sdug bsam mno zhig thongs dang /__/da mi tshe nyi ma phal cher zhig song nas/__/'chi ba kho ngam gnag tse re sleb 'dug go__/rang gi mgo lus pags brgyad rgas lugs la soms dang /__/da yun ring sdod pa'i nges pa zhig mi 'dug/__'chi dus kyi phyi ma'i brgyag dge ci 'dug zhig ltos dang /__/don nyen pa'i dge sbyor sna gcig kyang byas mi 'dug/__da bsam gyin bsam gyin nga re sdug u hu hu/__/chos mi la bshad pa'i ban rgan khyod da ran/__/rang gcig pu ga shed cha med du khyogs nye/__/pho byas byas sne gcig bgrang rgyu khur rgyu ni mi 'dug/__las ngan pa bsags ba'i sdig pa'i phung po de btegs na/__/da khyod bsam mno lan dgu zhig btang rgyu ma 'chug/__'jig rten tshe 'di'i snang ba la sred pa ma che sku tshe ring /__/dam chos sbyor dngos rjes gsum tshang ba'i rnam dag zhig i 'grub ltos/__/da dran rgyu ma mang blo sna bstungs rogs blo gros mkhyen/__/sems gyi rta rgod 'di rgya yan ma btang 'dul sbyangs gi thabs ni/__/bla ma'i bka' drin gyis cung zad shes tshod ni red pas/__/de yal bar ma dor rang nyams long dang rang la sku drin che/__/de ltar ma brtson phyin gtan gyi chags sgo chen po zhig 'ong nges lha dpang red/__/de blo gros khyod kyi thugs la bstim la/__/rgyu 'bras la blangs dor zhig mdzad rogs khyed mkhyen/__/ne tsho'i chos bshad lta bus kha don mi mtshungs pa de bskyur thongs/__/bla ma rgyal ba sras bcas kyi thugs khrel gnang 'ong /__/rang la med pa'i kha bshad de ngo tsha mo red/__/gzhan la mi phan pa'i khar phyin ci log tu khrid 'gro/__/slob ma'i rgyud chud gzan/__/rang gzhan gnyis ka mgo bskor gyi phung bskyed de zhogs la thongs/__/blo gros blo gros sku tshe ring ba'i rten 'byung byed dang ste/__/da i byed ma shes de snga phan ci thon 'di thon ma thon bya ba thams cad stong ldir sha stag red/__/da zhag dang zla ba lo du 'dug nang /__/chos rnam dag zhig sgrub nas nyams len la brtson i go__/tshe 'dir snang gi zhen pa chod/__/khyad par na ning da lo'i bya ba smyon ba lta bu de/__/smyo le nges par red i go__/da rang sdug nyo spyad las phan pa ci 'dug/__lag pa brang thog zhog la snang ba nang du bkug/__bsam mno lan ma dgu la thongs dang /__/bya ba thams cad la zan gang gcig ri ba med nges/__/ngan song du ni 'gro ran/__/dmyal chus ni tshig ran/__u hu hu/__/sdug po zer na de la zer/__/mdo med khyod 'dra 'jig rten na yod i dar na/__/i shi re/__/dam 'chug ma 'chug gzob/__/bla ma dkon mchog mkhyen/__/rang rgyud 'dul nus par byin gyis rlobs/__/blo ngan des sdug skad chal chol du bris pa'o//___//_!_a ho/__ye shes chen po grub pa'i rig 'dzin gyi khyu mchog/__ma hA gu ru'i rgyal tshab bla ma de mkhyen no/__/bde chen ye shes rdo rje'i dbang mchog zhig bskur dang /__/nga cag rang grol chen po'i sa mchog la gshegs 'gro/__/snying dbus 'od lnga'i gur khyim pad dkar gyi ze'u 'brur/__/rigs 'dus sems dpa' pad+ma'i myu gu de bzhugs pas/__/sku gsum rigs 'dus bla ma rang chas su lhun rdzogs/__/'bras bu phyi dus yid smon ma dgos pas dga'o/__/rang snang rnga yab dpal ri pad+ma yi pho brang /__/dkyil 'khor gtso mchog rdo rje thod phreng dang dbyer med/__/mkha' 'gro rgya mtsho'i ming po bla ma de mkhyen no/__/da lta nyid du bdag la byin gyis rang rlobs shig/__ji bzhin ma bcos ye babs phyogs lhung dang bral zhing /__/spros pa'i rnyog pa bral ba'i chos dbyings kyi klong du/__/zhal phyag mtshan ma las 'das mchog gyur gyi gling pa/__/rang ngo shes pa'i ngang nas gsol ba rang 'debs so/__/yid dpyod blo yi sgrub pa'i 'ching ba kun dor nas/__/byar med gnyug ma'i ngang der nye lam zhig bsgrod pas/__/dngos snang 'gyur med bde chen bla ma ru shar bar/__/gnyis 'dzin bral ba'i ngang nas gsol ba rang 'debs so/__/'khor 'das chos rnams rig pa'i gshis lugs la rdzogs pas/__/spangs thob 'phel 'grib las 'das 'od gsal gyi thig ler/__/zhen med ngang nas 'khrul pa'i chos rnams kun rang zhig/__rang grol rgyal po 'od gsal gling pa de mkhyen no/__/rang snang dbyer med ngang nas gsol ba zhig 'debs na/__/nga yi sgo gsum ma rig sbubs rgya las grol nas/__/'ja' lus rdo rje'i sku ru da lta rang smin nas/__/chos zad chen po'i gling du rnal 'byor rang skyid do/__/ye shes lhun grub chen po phyir gsal du shar bas/__/rang snang sku dang zhing khams bkod pa ni bsam yas/__/don gnyis lhun grub 'dod 'byung bsam 'phel gyi nor bu/__/'gro kun byang chub mchog la 'god pa ru gyur cig/__/mdor na deng bzung byang chub snying po yi bar du/__/dpal ldan bla ma mtsho skyes rdo rje yi rang zhal/__/dus gsum 'bral med mjal ba'i byin brlab kyi mthu las/__/rtsa rlung thig le'i mdud pa rang grol du song nas/__/ye shes rig pa'i rtsal kha phyogs med du rgyas mdzod/__/sku gsum lam gyi snang ba tshe 'di la rdzogs nas/__/rnam shes las 'das ye shes chos sku yi rgyal khams/__/tshe 'di nyid la snyogs pa'i dngos grub zhig zhu'o/__/mkhyen no mkhyen no gter chen bla ma rang mkhyen no/__/kye ma kye hud las ngan bdag 'dra la gzigs shig/__gsol ba snying nas 'debs so byin gyis rang rlobs shig/__mchog thun dngos grub stan thog 'di nyid du stsol cig/__/'chi med ye shes sku can bla ma de mkhyen no/__/gsol 'debs bu la tshe dang ye shes kyi dngos grub/__/mi 'gyur mi bshig rdo rje sems dpa' yi lang tsho/__/dka' ba med pa 'grub pa'i smon lam zhig zhu'o/__/ces pa'ang pad+ma ye shes rdo rjes gsol ba btab pa ye shes gzigs pa'i byin rlabs snying dbus su thim par gyur cig/__sarba sid+d+hi rastu/__mang+ga laM//___//_!_rje skyabs gnas rgya mtsho rigs kun gyi bdag nyid/__/dpal gdod ma'i mgon po bla ma de mkhyen no/__/tshur 'di la sems dang las ldan gyi nI gu/__/mi mdo med 'chal po'i byung rgyal gyis ngag 'khyal/__/rten dal 'byor mi lus gru chen la brten nas/__/gnas khams gsum 'khor ba'i rgya mtsho las bsgral te/__/dbyings gdod ma'i rgyal khams rin chen gyi gling du/__/tshig ngal med bgrod thabs zab lam gyi gdams pa/__/don lta sgom spyod pa'i gnad ka yi mdo chings/__/drin che ba'i bla ma sangs rgyas su mthong ba'i/__/yid mos gus gsol 'debs gcig pu la 'du skad/__/sems rtog pa bral ba zang thal gyi rig pa/__/'di gtang med rang bab bsgom med du bzhag tshe/__/rtsal gang shar chu yi ri mo ltar dag cing /__/blo nges shes bral ba'i gnas lugs kyi dgongs pa/__/don 'di las mi dgos gcig shes de kun grol/__/gdangs rol pa snod bcud phyi nang gi chos kun/__/ye dag pa rab 'byams lha sngags dang ye shes/__/srid 'khor 'das gnyis med mnyam nyid du lhun grub/__/blo a 'thas gnyis 'dzin snang ba ni ma dgos/__/tshig 'di la snyan pa'i sdeb legs yang med kyang /__/don lam gnad bcud kyi nying khu de bstan yod/__/yid spro bas snying gi thig le ru bskyil dang /__/gnas rnga yab dpal ri pad+ma yi 'od gling /__/mgon mtsho skyes rgyal ba'i zhal bzang de mjal bzhin/__/ma dpa' bo mkha' 'gro'i brtul zhugs kyi tshogs gral/__/chos theg chen don la gnas par zhu ci dgos/__/ces rdo rje dam tshig gcig gis bsdus pa'i mched grogs las kyi mtshan can ma la spring ba dge/__//__!_bla ma rgyang 'bod kyi gsol 'debs srid zhi'i gdung sel zhes bya ba bzhugs so/__/'e 'e/__/bla ma mkhyen no/__/mkhyen no mkhyen no bla ma mkhyen no/__/sangs rgyas kun 'dus kyi ngo bo/__/dam chos rin chen gyi 'byung gnas/__/'phags tshogs dge 'dun gyi mnga' bdag/__rtsa ba'i bla ma rang mkhyen no/__/rtsa brgyud bla ma yi spro gzhi/__/yi dam zhi khro kun 'dus pa/__/mkha' 'gro chos skyong gi gter mdzod/__/bla ma bka' drin can mkhyen no/__/zhes pa'i rgyang 'bod lan gsum sogs kyis bos nas/__las ngan bdag la thugs rjes gzigs shig/__skal dman skye ngan sdug bsngal mtsho las/__/byams pa'i phyag gis drongs par mdzod cig/__thar pa'i skam sar dbugs dbyung stsol cig/__kye ma bdag 'dra'i sems can las ngan rnams/__/dal 'byor thob kyang don med chud zos btang /__/'chi ba mi dran 'dir snang dbang du song /__/nyin re bzhin du sgo gsum sdig par spyod/__/dge ba'i las ni skra rtse'i chu thig tsam/__/dran dang shes bzhin med de smyon pa 'dra/__/bag yod stor nas bag med rnam g.yeng ngang /__/mi tshe nyi ma nub ri'i phag tu bskyal/__/pha ma 'byor ldan khyim du skyes pa'am/__/'byor med dbul po'i khyim du skyes kyang rung /__/gces phrug rgya yan gang byung gang shar gyis/__/rang blo nang du ma khug ngan goms kyi/__/chu ngan lam rgyug dbang du shor ba dang /__/dam chos byed blo ma shar sems 'di ni/__/rdo ba dang mtshungs 'chi ba 'ong snyam med/__/nyin mtshan thams cad skyid kyi ngang du zad/__/yang na sdug gi ngang du dus 'da' zhing /__/skyid 'dod sdug bsngal nyo ba kye ma hud/__/lang tsho mdzes pa'i bkrag mdangs myur du yal/__/gshin rje'i mche ba'i bar du bzung nas 'dug/__so yi ma btab tsam na kha rje che/__/'chi ba zhes bya'i bdud po ngam nag des/__/zhags pa bzung nas gam na slebs pa'i dus/__/kha bshad mkhas pas mgo bskor bya sa med/__/rgyu nor che bas bslu ru mi btub cing /__/mthu dang nus pa'i stobs kyis bzlog tu med/__/lag pa brang 'thab mig sgor mchi ma lug/__grogs dang mdza' bshes khang khyim nor rdzas sogs/__/shul du bzhag nas 'gro ba'i dus shig 'ong /__/de tshe sdig bsags las kyi khur po ni/__/lhun po'i gtos tsam khyer nas bar dor 'khyams/__/dge ba'i bsags pa rdul phran tsam mchis kyang /__/de tshe bsod nams skyabs shig yod na yang /__/da lta ma bsags de dus khyer rgyu med/__/bar dor 'jigs skrag sdug bsngal dpag med myong /__/ngan song gnas ltung sdug bsngal bzod blag med/__/da lta me stag phog dang nyin gcig gi__/'chag ltog mi bzod de dus ga la bzod/__/shugs drag rgyun ring bzod dka'i sdug bsngal de/__/legs par bsam nas dam chos snying nas sgrub/__/sgo gsum dge la 'bad nus byin gyis rlobs/__/kye ma kyi hud rig 'dzin pad+ma 'byung /__/blo sna chos la sgyur cig bla ma mkhyen/__/dal 'byor thob pa da res tsam zhig yin/__/phyis nas 'di 'dra thob pa srid mtha' tsam/__/gal te mtha' 'khob kla klo chos med sar/__/mi lus thob kyang snying po cung zad med/__/de ru mi skye ba yi smon lam thob/__/lha yi gnas su skyes kyang dgos pa chung /__/zag bcas bde 'bras zad nas ngan 'gror ltung /__/des na rnyed dka'i mi lus rin chen 'di/__/nor bu brgya stong thob pa'i dpes mi mtshon/__/'di thob sdig la spyod pa shin tu blun/__/dper na nor bu 'dam rdzab 'phang bzhin gyur/__/kye ma kyi hud rig 'dzin pad+ma 'byung /__/blo sna chos la sgyur cig bla ma mkhyen/__/legs na thar pa'i gru gzings lus 'di yin/__/nyes na 'khor ba'i gting rdo 'dis byed pas/__/yar 'gro mar 'gro'i sa mtshams da res yin/__/rta kha srab kyis bsgyur ba ji bzhin du/__/nyes spyod lam las ldog cig bla ma mkhyen/__/'dod pa la chags phung khrol bskyed pa'i rgyu/__/gsog dka' spel dka' ser sna'i mdud pa dam/__/sbyin 'bras med na sbrang ma'i sbrang rtsi bzhin/__/sngon bsags bsod nams yod na 'bad med 'byor/__/de bas mchod sbyin nus par bla ma mkhyen/__/khyim na gnas pa nyes pa kun gyi gzhi/__/chags sdang gnyis kyis nyin mtshan thams cad 'da'/__/dgra 'dul gnyen skyong so nam ci byas kyang /__/zin pa'i dus med phyi phyir je cher 'phel/__/'dod pa'i don ma grub pa'i sdug gis gtser/__/rang sdug rang nyo ma dgos bla ma mkhyen/__/'khor ba'i gnas ni me yi 'ob dang mtshungs/__/srin mo'i gling dang ral gri rnon po'i so/__/dug dang 'dra ba'i nyes dmigs dran byas nas/__/srid las nges 'byung skye bar bla ma mkhyen/__/'khor ba ngan song sdug bsngal mtha' dag las/__/skyobs par nus pa bla ma dkon mchog yin/__/de las gzhan pa'i skyobs pa su yang med/__/dang 'dod yid ches dad mos drag po yis/__/skyabs gsum rang ngo shes par bla ma mkhyen/__/sems can thams cad pha mar ma gyur med/__/da lta 'khrul te bdag gzhan phyogs ris 'byed/__/chags dang sdang ba'i sgrog gis bcing ba 'di'i/__/rtsa ba bdag tu 'dzin pa ngos zin nas/__/bdag med gnas lugs rtogs par bla ma mkhyen/__/'gro kun pha mar gyur pa shes byas te/__/drin gzo phan 'dod lhag bsam bzang po yi/__/byams dang snying rje byang chub sems mchog la/__/yang yang blo sbyong nus par bla ma mkhyen/__/tshogs gnyis ma bsags sgrib pa ma byang na/__/sku bzhi'i go 'phang nam yang mi thob pas/__/'dre bkren yi dwags skye ba'i rgyu spangs nas/__/bsod nams tshogs chen bsags la 'bad pa dang /__/de yang dngos zhen bden 'dzin gyis ma bslad/__/chos kun sgyu ma sgyu ma'i rang bzhin stong /__/'khor gsum dmigs pa med pa'i shes rab la/__/blo bzhag ye shes tshogs chen bsags pa dang /__/'dis mtshon dge ba nam mkha'i mtha' khyab kyi/__/'gro la yongs bsngo 'jam dpal dpa' bo yi/__/rjes su zhugs nas bsngos bzhin 'grub pa dang /__/lan dang rnam par smin la mi ltos par/__/'khor gsum yongs dag nus par bla ma mkhyen/__/thog med dus nas bsags pa'i sdig sgrib kyis/__/bde gshegs snying po'i rang zhal bsgribs pas na/__/ma rig gis bskyed dug gsum gyis bslang ba'i/__/mi dge'i las rnams stobs bzhi tshang bas bshags/__/'gyod dang bsdam sems med na mi 'dag pas/__/snying nas gnong 'gyod drag pos mthol zhing bshags/__/ma bshags nyes pa phra mo zhig gis kyang /__/rtsa yi phung por me ni 'dzin pa bzhin/__/rang rgyud bsregs shing 'khor bar 'phen pas na/__/bshags pas sdig sgrib dag par bla ma mkhyen/__/rang gi sems kyi gnas lugs ma rtogs na/__/kha bshad mkhas dang rnam rtog bsgoms pa yis/__/byang chub chen po nam yang mi thob pas/__/rang gi sems kyi rtsa ba chod pa dang /__/ji ltar snang ba sems kyi cho 'phrul yin/__/'khor 'das re dogs sems kyi 'dzin stangs te/__/sems nyid rtsa ba bcad na gzhi rtsa bral/__/med snang stong pa'i rang gzugs kho na la/__/byis pa rnams kyi bden par bzung ba ste/__/ji ltar mkha' la skra shad snang ba bzhin/__/snang ba nyid nas rang gi ngo bos stong /__/des na sems nyid ye stong ka nas dag/__yod pa ma yin rgyal bas kyang ma gzigs/__/med pa ma yin 'khor 'das gzhir gyur kyang /__/dngos po mtshan ma can du grub pa med/__/rgya chad phyogs bral nam mkha'i dpe yis mtshon/__/ngo bo stong la rang bzhin 'od gsal ba/__/thugs rje rig pa 'khor 'das kun la khyab/__/rig rtsal dag dang ma dag cir yang shar/__/gsum du phye yang don la rig par gcig/__gzhi yi gnas lugs rtogs par bla ma mkhyen/__/de nyid bla ma'i drin gyis ngo 'phrod nas/__/spros pa'i sgro 'dogs chod pa'i lta ba dang /__/ma bcos yengs med 'dzin bral sgom pa'i gnad/__/gang shar rang grol 'gro ba spyod pa ste/__/de gsum dbyer med shes pa bla ma mkhyen/__/gdod nas lhun grub sku gsum chen por bzhugs/__/gnyis chos ka nas dag pa dbu ma che/__/thabs shes dbyer med phyag rgya chen po dang /__/rig stong 'od gsal rdzogs pa chen po yi/__/rang bzhin mngon sum rtogs pa mthar phyin nas/__/'bras bu chos sku rig pa'i btsan sa zin/__/'khor ba dong nas sprugs nus bla ma mkhyen/__/kye ma kyi hud rig 'dzin pad+ma 'byung /__/blo sna chos la sgyur cig bla ma mkhyen/__/ngan song sgo chen chod cig bla ma mkhyen/__/las ngan sdig sgrib dag par=__/rkyen ngan byang chub lam khyer=__/skyid sdug ro snyoms nus par=__/'khor 'das dbyer med rtogs par=__/snang sems gzhi grol 'gyur ba=__/sku gsum rang zhal mjal bar=__/'ja' lus chos sku 'grub par=__/mkhyen no mkhyen no rje btsun bla ma mkhyen/__/re sa gzhan na med do thugs rjes zungs/__/ces dad gdung drag pos 'bod par bya'o/__/zhes pa'ang DA ki'i dbang mo tshe ring chos sgron nas gsung bskul ngor/__chos med dred po chos kyi blo gros pas bris pa'o//___//_!_gsung ngag lam 'bras kyi bla ma brgyud par gsol 'debs rgyang 'bod ye shes 'gugs pa'i lcags kyu zhes bya ba bzhugs so/__/bla ma mkhyen no/__/mkhyen no mkhyen no bla ma mkhyen no/__/sangs rgyas kun gyi bdag nyid/__/drug pa rdo rje 'chang chen/__/'og min dbyings nas dgongs mdzod/__/sku gsum zhing du drongs shig/__mkhyen no mkhyen no bla ma mkhyen no/__/stong nyid shes rab phar phyin/__/bdag med rnal 'byor ma dpal/__/mkha' spyod zhing nas gzigs shig/__mchog thun dngos grub stsol cig/__mkhyen no=__/gzung 'dzin d+hu tir gsod pa'i/__/rnal 'byor dbang phyug biR+Was/__/grub brgya'i dbus nas gzigs shig/__bde stong rtogs pa bskyed cig/__mkhyen no=__/phyogs las rnam rgyal mthar phyin/__/slob dpon nag po spyod pas/__/ro snyoms ngang nas mkhyen te/__/gnyis 'dzin rdul du rlogs shig/__mkhyen no=__/ye shes sgyu ma'i gar mkhan/__/rgyal rigs DA ma ru pas/__/rdo rje'i lta bas bltas te/__/'khrul pa ru log thongs shig/__mkhyen no=__/rnal 'byor spyod pa'i dbus nas/__/gnyis spangs a wa d+hu tis/__/'dzin bral klong nas dgongs te/__/brtul zhugs lam du slongs mdzod/__/mkhyen no=__/mkhas grub rgya mtsho'i dbus nas/__/paN chen ga ya d+ha ras/__/ye shes spyan gyis gzigs te/__/'gro don mkha' khyab byin rlobs/__/mkhyen no=__/gangs can ri bo'i sul nas/__/sgra bsgyur rgyal po 'brog mis/__/mkhyen gnyis klong nas gzigs mdzod/__/ma rig gnyid las dkrogs shig/__mkhyen no=__/snyan brgyud rgya mtsho'i mdzod nas/__/se ston kun rig chen pos/__/byams thugs brtse bas dgongs nas/__/snying rje'i char gyis bsil mdzod/__/mkhyen no=__/grub thob bye ba'i dbus nas/__/zhang gi ston pa chos 'bar/__/'od gsal klong nas gzigs shig/__rdo rje'i sku mchog sgrubs mdzod/__/mkhyen no=__/dmar ser d+hIHyig 'od klong /__/sa chen kun dga' snying pos/__/rtag par 'bral med rjes zungs/__/don gnyis lhun grub 'byung mdzod/__/mkhyen no=__/mkhyen rab pha mtha' yas pa/__/slob dpon bsod nams rtse mos/__/rnam thar sgo gsum dbyings nas/__/shes rab snang ba rgyas mdzod/__/mkhyen no=__/rdor 'dzin bye ba'i gtsug rgyan/__/rje btsun grags pa rgyal mtshan/__/mi mngon dbyings nas gzigs te/__/las rlung dbu mar 'ching mdzod/__/mkhyen no=__/'jam dpal zur phud lnga pa/__/'jam mgon kun dga' rgyal mtshan/__/mngon dga'i zhing nas bzhengs te/__/bdag gi snying dbus bzhugs mdzod/__/mkhyen no=__/che dgus btegs pa'i khri la/__/bla chen chos kyi rgyal po/__/'gro mgon 'phags pas gzigs shig/__chos kyi rgyal por mdzod cig/__mkhyen no=__/rtag tu bla ma mnyes pa/__/zhang ston dkon mchog dpal bas/__/bdag med rtogs pa'i spyan gyis/__/skad cig mi 'bral gzigs shig/__mkhyen no=__/bya btang yongs kyi rgyal po/__/brag phug bsod nams dpal bas/__/'khrul bral ye shes chen pos/__/bdag la dgongs par mdzod cig/__mkhyen no=__/gsung rab rgya mtsho'i dbus nas/__/chos rje bla ma dam pas/__/mdo rgyud zab don sbyin te/__/blo gros gter chen rgyas mdzod/__/mkhyen no=__/nyams rtogs sprin dkar 'dzum par/__/bla ma dpal ldan tshul khrims/__/nges legs thar pa'i lam rten/__/byang chub sems gnyis rgyas mdzod/__/mkhyen no=__/bskyed rdzogs rdo rje'i gur khang /__/grub chen bud+d+ha shrI/__/nges don rtogs pa'i bdud rtsis/__/bdag gi sgo gsum smin mdzod/__/mkhyen no=__/bslab gsum khang bzang nyams dgar/__/ngor chen rdo rje 'chang chen/__/mkhas grub rgya mtsho'i gtsug rgyan/__/khyed kyi thugs rjes gzigs shig/__mkhyen no=__/e wa~M chos ldan dga' tshal/__/mus chen dkon mchog rgyal mtshan/__/snyan brgyud gdams pa'i 'byung gnas/__/khyed dang dbyer med mdzod cig/__mkhyen no=__/dpal ldan sa skya'i gzhi thog/__bdag chen rdo rje 'chang dbang /__/blo gros rgyal mtshan mchog des/__/sgo gsum rdo rjer sgrubs mdzod/__/mkhyen no=__/kha'u brag rdzong gnas mchog/__dpal ldan stobs kyi mgon po/__/kun bzang chos kyi nyi mas/__/rdo rje'i ye shes 'bebs mdzod/__/mkhyen no=__/grong chen chos 'khor yang rtser/__/pha rgod tshar pa chos rje/__/snyan brgyud bstan pa'i srog shing /__/khyed kyis byin gyis rlobs shig/__mkhyen no=__/phyogs bral rgyal khams yangs par/__/'jam dbyangs mkhyen brtse'i dbang phyug/__phrin las nam mkha'i mthar khyab/__/nyid dang dbyer med mdzod cig/__mkhyen no=__/mkhas grub 'du ba'i tshal du/__/mkhan chen bslab gsum rgyal mtshan/__/gsung ngag chos sgra sgrogs bzhin/__/bdag rtog mun pa sel mdzod/__/mkhyen no=__/'chi med rdo rje'i gur du/__/khyab bdag dbang phyug rab brtan/__/gzhom med rdo rje'i sku grub/__/'chi med tshe dbang stsol cig/__mkhyen no=__/thub gsung nor bu'i sgrom chen/__/rang dbang bsgyur ba'i bdag po/__/mgon po bsod nams mchog ldan/__/lung rtogs yon tan rgyas mdzod/__/mkhyen no=__/zhwa lu gser khang khra mor/__/rgyud sde rgya mtsho'i mnga' bdag/__rin chen bsod nams mchog grub/__/dbang bskur byin gyis rlobs shig/__mkhyen no=__/rgyun gyi dbang po'i chos grwar/__/snyan brgyud gdams pa spel mkhas/__/byams pa ngag dbang lhun grub/__/phrin las 'bad med 'grub mdzod/__/mkhyen no=__/dag pa'i snang ba 'byams klas/__/brtse chen bstan pa'i gsal byed/__/ngag dbang kun dga' lhun grub/__/bdag la dbang bzhi bskur zhig/__mkhyen no=__/bkra shis chos kyi gzhal med/__/kun dga' legs pa'i 'byung gnas/__/gsang chen chos rnga sgrogs pas/__/ma rig 'thib po bsal mdzod/__/mkhyen no=__/khams gsum zil gnon khri la/__/ngag dbang kun dga' blo gros/__/mkhyen rtogs yon tan bsam yas/__/dgongs pa'i byin rlabs stsol mdzod/__/mkhyen no=__/gang 'dul sprul pa'i zhing khams/__/gsang chen bstan pa'i nyin byed/__/thar rtse nam mkha' 'chi med/__/bdag la byin gyis rlobs shig/__mkhyen no=__/khams dbus grub pa'i sman ljongs/__/byams pa kun dga' bstan 'dzin/__/ris bral mkhas grub dbus nas/__/rdo rje'i byin chen phobs shig/__mkhyen no=__/e wa~M thar pa'i yang rtser/__/grub pa'i dpal la dbang 'byor/__/rnal 'byor 'jam dpal bzang pos/__/sku bzhi'i sa bon thobs mdzod/__/mkhyen no=__/rnam grol 'chi med dga' tshal/__/sde snod gsum gyi bang mdzod/__/kun dga' bstan pa'i rgyal mtshan/__/mkhyen rab dngos grub stsol cig/__mkhyen no=__/snying rje'i sprin dkar dbus na/__/byang chub sems dpa'i khyu mchog/__'jam dbyangs rin chen rdo rjes/__/gzhan phan mtha' yas mdzod cig/__mkhyen no=__/rgya nag ri bo rtse lngar/__/bka' babs bdun gyi mnga' bdag/__'jam dbyangs mkhyen brtse'i dbang pos/__/ye shes rig rtsal sbar mdzod/__/mkhyen no=__/lcang lo can gyi zhing na/__/dpal chen gsang ba'i bdag po/__/'jam dbyangs blo gter dbang pos/__/sgo gsum byin gyis brlab mdzod/__/mkhyen no=__/nub phyogs bde chen zhing nas/__/mkhas grub rgya mtsho'i spyi rje/__/'jam mgon ngag dbang legs pas/__/dal bzhi'i smin grol mdzod cig/__mkhyen no mkhyen no bla ma mkhyen no/__/spyi gtsug nyi zla'i steng na/__/drin chen rtsa ba'i bla ma/__/rigs brgya'i bdag pos gzigs shig/__skad cig mi 'bral byin rlobs/__/mkhyen no mkhyen no bla ma mkhyen no/__/bdag blo chos su 'gro bar byin gyis rlobs/__/dam chos lam du longs par byin gyis rlobs/__/lam gyi 'khrul pa zhi bar byin gyis rlobs/__/'khrul snang dbyings su grol bar byin gyis rlobs/__/rkyen ngan bar chad zhi bar byin gyis rlobs/__/sdom dang dam tshig gtsang bar byin gyis rlobs/__/rim gnyis rtogs pa skye bar byin gyis rlobs/__/sku bzhi'i go 'phang thob par byin gyis rlobs/__/mkhyen no mkhyen no drin can rtsa ba'i bla ma khyed rang mkhyen no//___//zhes gsol ba btab par bya'o/__/zhes pa'ang a mdo bla ma ngag dbang dpal 'byor nas gsung bskul ngor chos kyi blo gros pas bris pa don dang ldan par gyur cig/__sarba mang+ga laM//___//_!_pha bla ma rje la gus pas 'dud/__/bu nyon dang rigs ldan ye shes sgron/__/ngag tu 'tshogs gral lta bur 'don tshe 'di nas mgo bzung na legs/__'khor 'das stong chen gyi kong bu ru/__/ka dag ye shes kyi mar me sbar/__/chos nyid rang gsal gyi mchod pa 'bul/__/ye shes sku lnga yi dngos grub stsol/__/rig pa ka dag gi kong bu ru/__/lhun grub 'od gsal gyi mar me sbar/__/bya rtsol blo bral gyi mchod pa 'bul/__/snang bzhi mthar phyin gyi dngos grub stsol/__/snang ba 'od gsal gyi kong bu ru/__/sku dang ye shes kyi mar me sbar/__/ka dag gting gsal gyi mchod pa 'bul/__/chos zad chen po yi dngos grub stsol/__/chos zad blo 'das kyi kong bu ru/__/sku gsum dbyer med kyi mar me sbar/__/'khor ba dong sprugs kyi mchod pa 'bul/__/gzhan don mthar phyin gyi dngos grub stsol/__/grags stong rdo rje'i thol glu/__/gang shar shugs 'byung brjod 'dis/__/gnyis snang 'khrul pa'i sems can/__/gnyis med klong du gyur cig/__bde chen pad+ma shel phug/__'od gsal chen po'i khang par/__/ye shes rig pa'i khye'u chung /__/nyams kyi snang ba 'bar bas/__/rdo rje'i glu 'di sgrogs so/__/dge'o//___//_!_na mo gu ru/__sems nyid ka dag kun bzang chos sku'i klong /__/gdod nas 'du 'bral med par gsol ba 'debs/__/gzhi rdzogs 'pho 'gyur bral ba'i don rtogs te/__/ye grol mngon du 'gyur bar byin gyis rlobs/__/rang bzhin gsal gdangs 'gags med longs sku'i gshis/__/ye rdzogs lhun grub chen por gsol ba 'debs/__/dus gsum rgyun chad med pa'i 'od gsal gyi/__/dgongs pa tshad la phebs par byin gyis rlobs/__/rig gdangs thugs rje'i rig rtsal sprul pa'i sku/__/cir snang shar grol chen por gsol ba 'debs/__/'khor 'das rang sar grol ba'i gding thob ste/__/sprul sku'i dgongs pa ji bzhin mngon 'gyur shog/__/ces pa'ang btsun zhabs sbyin pa nas bkra shis pa'i lha rdzas rin gnyis kyi rten bcas gsung bskul ngor 'jam dbyangs chos kyi blo gros pas so//___//_!_rje bla ma rnams la gsol ba 'debs/__/sgos rtsa ba'i bla mas byin gyis rlobs/__/phas mi mngon dbyings nas thugs rjes gzigs/__/bu 'khor ba'i mtsho las drangs tu gsol/__/mi rtag 'chi ba dran par byin gyis rlobs/__/'khor ba'i nyes dmigs mthong bar=__/rgyu 'bras blangs dor byed pa=__/dal 'byor don yod byed par=__/yid ches dad pa skye bar=__/skyabs gsum rang ngo shes pa=__/byang chub sems gnyis 'byongs par=__/mos gus rtsa ba tshugs par=__/dam tshig rnam par dag par=__/bla ma sangs rgyas mthong bar=__/cir snang bla mar 'char bar=__/snang ba sems su rtogs par=__/sems nyid sgyu mar rtogs par=__/rang bzhin med par rtogs par=__/stong nyid brjod bral rtogs par=__/rang sems lha skur 'char bar=__/sgra grags sngags su shes par=__/rig stong chos skur shes par=__/gzung 'dzin rtog pa zad par=__/mtshan ma rang sar grol bar=__/rlung sems dbu mar thim par=__/sku bzhi mngon du 'gyur bar byin gyis rlobs/__/ces gsol ba 'debs par bya'o/__/ces pa'ang 'jam dbyangs chos 'phel nas bskul ngor chos kyi blo gros pas so//___//_!_'od gsal rdzogs pa chen po'i bstan pa'i srol 'byed chen po rnams rjes su dran pa'i glu gnyug ma'i sgra dbyangs zhes bya ba bzhugs so/__e ma ho/__ye grol dang po'i sanga~Xs rgyasa~X kuna~X tu bza~Xng /__/mkha' ltar khyab cing thig le nyag gcig sku/__/mtshan ma kun bral byang chub sems rgyal po/__/de la rang rig lta ba'i phyag gis 'dud/__/srid zhi kun bdag bde stong rdo rje'i sku/__/ye shes lhun rdzogs dkyil 'khor kun gyi gtso/__/brtan g.yo'i spro bsdu kun snang sgyu ma'i gar/__/dpal ldan rdo~X rje~X sema~Xs dpa~X' snying nas dran/__/gang gi ye shes sgyu ma'i cho 'phrul las/__/theg mchog ston pa gsang bdag dga~X' ra~Xb zhabs/__/dgyes pa rdo~X rje~X rig 'dzin yongs kyi rje/__/snying dbus mi shig thig ler 'bral med bzhugs/__/rgyal kun mkhyen rab phung po mtha' klas pa/__/gcig tu bsdus pa mgon po 'ja~Xm pa'i dpa~Xl/__/'od gsal snying po'i bstan pa'i bshesa~X gnyena~X de/__/rig stong zung 'jug klong du dgyes par bzhugs/__/rang bzhin 'od gsal ka dag stong chen dbyings/__/gdod nas lhun grub yon tan mngon gyur pa/__/mkhas pa'i tshogs rje rig 'dzin grub pa'i gtso/__/dpa~Xl gyi~X se~Xng+ge ya~Xng yang rjes su dran/__/bde ba'i bdag nyid bde mchog sgyu ma'i gar/__/chags med sor rtogs rgyal kun gsung rdo rje/__/rtsa gsum 'dus zhal mtsho~X skyesa~X rdo~X rje~X 'cha~Xng /__/'od gsal dbu ma'i khang bzang nyams dgar bzhugs/__/theg pa'i rtse rgyal gsang mchog rdo rje'i mdzod/__/'khor 'das chos kun ma btsal ye nas rdzogs/__/rang byung ye shes dwangs ma phyag rgya'i gzugs/__/bi~X ma~X mi~X tra~X rang gi rig skur smin/__/rang gnas sku gsum dgongs pa'i rtsal chen rdzogs/__/rlung sems bag chags chos nyid dbyings su zad/__/zag bcas 'byung ba rang dengs 'pho chen sku/__/senga~X ha~X shwa~X ra~X 'bral med snying dbus rol/__/shes bya rab 'byams rgya mtsho'i dwangs pa'i ngogs/__/ye shes thugs rje'i nyi ma rtag 'char bas/__/'gro blo'i mun sel yongs rdzogs bstan pa'i mgon/__/kuna~X mkhyena~X bla~X ma~X spyi bo'i gtsug na mchod/__/brgyud gsum rig 'dzin yongs kyi bka' bgros shing /__/gsang gsum byin rlabs gcig tu bsdus pa las/__/'ji~Xgs bral glinga~X pa ra~Xng byunga~X rdo~X rje~X'i sku/__/pad+ma dbang chen dgyes zhal yid mkhar bkod/__/rab 'byams lhag pa'i lha yi gsang mdzod byin/__/rgyal ba kun dang dgongs pa dbyer mi phyed/__/sku dang zhing khams rdul snyed longs spyod bdag/__'o~Xd gsa~Xl sprula~X pa'i~X rdo~X rje~X'i zhabs pad bsnyen/__/kun tu bzang po rang la bzhugs pa de/__/byin rlabs dgongs pa'i rtsal chen ngo sprod pa/__/snying dbus dad pa'i pad dkar bzhad pa'i rtser/__/rtag tu 'bral med sku gsum rang zhal mjal/__/snying nas gdung shugs drag pos gsol ba 'debs/__/rig 'dzin brgyud pa'i tshogs kyi byin gyis rlobs/__/de bzhin gshegs pa kun gyi gsang ba'i mdzod/__/'od gsal sems kyi rdo rje'i gnas lugs de/__/sprin med mkha' la nyi zla 'char ba bzhin/__/ma nor mngon sum bden pa'i don rtogs shing /__/sa dang lam gyi yon tan rab rdzogs nas/__/don gnyis lhun grub go 'phang mchog thob shog/__/ces pa'ang bla ma'i rnal 'byor la brtson skabs dad mos kyi mtshams sbyar te lag ma bzung bar snag shog dron pa'i ngal ba lhur blangs pa'i rmongs brtsam tshigs su bcad pa'i phreng ba 'dis kyang rig 'dzin brgyud pa'i byin brlabs snying la 'jug par gyur cig/__/__!__a ho ye/__rang byung 'od lnga 'khrigs pa'i gur khyim gyi klong na/__/theg mchog ston pa dga' rab dpa' bo de dran byung /__/rdo rje sems dpa' rgyal thabs spyi blugs kyi dbang bskur/__/mngon sum 'od skur gshegs pa'i rdzogs chen gyi shing rtar/__/gsol ba snying nas 'debs so byin gyis rang rlobs shig/__ji lta ji snyed chos kun sa ler ni gzigs pa'i/__/glegs bam dbang thob 'jam dpal gshes gnyen de dran byung /__/chos kun rang grol snang bzhi'i pha mtha' ru phyin nas/__/'byung ba'i lus zad 'ja' lus sku mchog ni brnyes par/__/gsol ba snying nas 'debs so byin gyis rang rlobs shig/__gnas yul dur khrod kun tu brtul zhugs kyis rgyu zhing /__/rig rtsal dbang thob shrI sing ha de dran byung /__/'khor 'das gnyis chos thams cad gzhi grol du bskyal bar/__/gsol ba snying nas 'debs so byin gyis rang rlobs=__/b+ha seng zhes bya'i dur khrod chen po yi tshal nas/__/mkhas pa chen po dz+nyA na su tra de=__/yang gsang bla na med pa'i man ngag gi gnad rdzong /__/chos dbyings brdal khyab chen po'i dgongs pa las mi g.yo/__/gsol ba snying nas 'debs so=__/shar phyogs dwangs bsil ri bo lnga ldan gyi rtse nas/__/phyag rgya'i dbang thob dri med bshes gnyen de=__/'od gsal lhun grub chen po'i gsang lam de mthar phyin/__/'ja' lus 'pho chen rdo rje'i sku ru ni bzhugs par/__/gsol ba snying nas 'debs so=__/sku gsum dag pa'i zhing mchog dpal ri yi gzhal yas/__/rtsa gsum 'dus zhal pad+ma 'byung gnas de dran byung /__/dpa' bo mkha' 'gro spro bsdu'i cho 'phrul ni tshad med/__/da lta nyid du rdo rje'i byin chen ni phob cig/__/gsol ba snying nas 'debs so byin gyis rang rlobs shig/__bsam yas lhun gyis grub pa'i gzhal yas kyi dbu rtser/__/mnga' bdag tshangs pa lha yi me tog de=__/bod khams 'dul ba'i thugs bskyed phrin las ni mtha' yas/__/bka' drin mnyam med 'jam dbyangs sprul pa yi rgyal por/__/gsol ba snying nas 'debs so=__/'o yug phyi gong rdza yi ra ba yi gnas su/__/'od gsal sku brnyes seng+ge'i dbang phyug=__/tshe 'dir 'od gsal 'ja' lus rdo rje yi sku brnyes/__/mngon sum man ngag gnad ston zhal chem du 'jog par/__/gsol ba snying nas 'debs so=__/phyi nang grub mtha' rgya mtsho'i pha rol du son pa'i/__/kun mkhyen bla ma dri med 'od zer de=__/sde gsum bstan pa'i shing rta rang dbang du 'dren zhing /__/'od gsal lhun grub chen po'i dgongs pa las mi g.yo/__/gsol ba snying nas 'debs so=__/rtsod ldan snyigs ma'i skye 'gro skyobs pa yi dpal mgon/__/rang byung rdo rje 'jigs med gling pa=__/mkhyen brtse'i 'od zer snang ba 'bum phrag tu brdal bas/__/theg mchog bstan pa'i pad tshal rgyas mdzad kyi mgon por/__/gsol ba snying nas 'debs so=__/phyogs bral 'gro ba 'dul ba'i sman ljongs ni nyams dgar/__/grub pa'i gtsug rgyan phrin las 'od zer=__/byang chub sems gnyis dgongs pa'i rtsal chen ni rdzogs shing /__/'khor ba dong nas sprug pa'i dpal mgon gyi bla mar/__/gsol ba snying nas 'debs so=__/dag pa'i zhing mchog rnga yab dpal ri yi gnas su/__/thugs bskyed rmad byung rgyal ba'i myu gu=__/srid las nges 'byung theg mchog dam chos kyi gru char/__/skal bzang yongs la 'bebs shing rnam grol du 'god mdzad/__/gsol ba snying nas 'debs so=__/o rgyan dpa' bo mkha' 'gro'i tshogs gral gyi ston pa/__/he ru ka dpal ye shes rdo rje=__/snang sems dbang 'dus gzhan snang zil gnon gyi spyod pas/__/ma rungs gdug pa 'dul zhing zab gter la dbang bsgyur/__/gsol ba snying nas 'debs so=__/dri med bshes gnyen slar yang mngon sum du byon pa/__/grub dbang mi 'gyur nam mkha'i rdo rje=__/chos can gzung 'dzin 'khrul pa'i bya bzhag ni zad cing /__/nam mkha'i rnal 'byor byar med rang grol gyi bla mar/__/gsol ba snying nas 'debs so=__/dpal gyi seng+ge dgyes pa'i nags khrod ni dam par/__/gangs can rgyan gcig gzhan phan mtha' yas=__/'chad rtsod rtsom la dbang 'byor smra ba yi dbang phyug/__bslab pa gsum gyi mnga' bdag dgra bcom ni chen por/__/gsol ba snying nas 'debs so=__/'phags pa dgyes pa'i mang thos gzhal med kyi khang nas/__/mkhan chen bla ma pad+ma badz+ra=__/mdo sngags bshad dang sgrub pa'i bstan pa ni spel te/__/pad+ma ka ra'i mchog bstan rgyas mdzad kyi chos rjer/__/gsol ba snying nas 'debs so=__/gar bzhugs dag pa rab 'byams ye shes kyi klong nas/__/pad+ma 'od gsal mdo sngags gling pa=__/ngo mtshar bka' babs bdun gyi gsang mdzod la dbang bsgyur/__/'gran zla kun bral ngo mtshar mdzad pa ni 'byams klas/__/gsol ba snying nas 'debs so byin gyis rang rlobs shig/__/dpal ri pad+ma 'od kyi rig 'dzin gyi tshogs gral/__/sprul pa'i gter chen mchog gyur gling pa=__/sngar med zab gter gsang ba'i sgo 'phar ni phye ste/__/bstan 'gro'i don chen byis pa'i spyod yul las 'das par/__/gsol ba snying nas 'debs so=dpa' bo chen po thod pa'i dum bu yi grong nas/__/'jam mgon bla ma blo gros mtha' yas=__/mdzod chen rnam lnga'i sngags kyi sgo 'phar ni phyes ste/__/dus kyi mthar yang bstan srol nub med ni 'dzin par/__/gsol ba snying nas 'debs so=__/gzhan phan byang chub spyod pa'i khang bzang ni nyams dgar/__/rgyal sras 'jigs med chos kyi dbang po=__/rmad byung byang chub sems la rang dbang ni 'byor nas/__/rgyu 'bras theg pa rgya mtsho'i bshad srol ni rgyas mdzad/__/gsol ba snying nas 'debs so=__/mang thos mkhas pa'i chu gter chen po yi dbus nas/__/smra ba'i seng ge mi pham rgya mtsho=__/gsur rab dam chos rgya mtshor chags thogs ni kun bral/__/yang dag lta ba rgyas mdzad smra ngan gyi klad 'gems/__/gsol ba snying nas 'debs so=__/shes bya rab 'byams gzigs pa'i gur khang gi dbus nas/__/dran pas gdung sel bstan pa'i nyi ma=__/mkhas dang grub pa'i rnam thar bzang dgus ni brgyan bzhin/__/'jam dbyangs mi yi gzugs 'dzin kun mkhyen gyi chos rjer/__/gsol ba snying nas 'debs so=__/snying dbus pad dkar bzhad pa'i ze'u 'bru yi dbus nas/__/'od gsal sgyu ma sna tshogs rang grol=__/chos kun zad sar 'khyol ba'i btsan sa ni bzung nas/__/'gro ba 'dul la rig 'dzin dpa' bo ni rdo rjer/__/gsol ba snying nas 'debs so=__/spyi gtsug 'dab stong rgyas pa'i bsil zer gyi steng nas/__/'khor lo'i mgon po pad+ma bi dza=__/gdod nas mngon byang chub kyang tha mal gyi gzugs kyis/__/dbang bskur gdams ngag ston mkhas drin chen gyi bla mar/__/gsol ba snying nas 'debs so=__/tsit+ta'i dwangs ma mi shigs thig le yi klong nas/__/bka' drin 'khor med chos kyi rgya mtsho de dran byung /__/bstan 'gror sman pa'i mdzad 'phrin cho 'phrul ni bsam yas/__/nyes las ldog cing legs pa'i lam ston gyi 'dren par/__/gsol ba snying nas 'debs so=__/'og min bla ma bzhugs pa'i sgrub khang gi yang rtser/__/'phrin las 'gro 'dul sprul pa'i sku mchog de dran byung /__/dad dang dam tshig 'gyur ba med pa yi ngang nas/__/skyabs gnas gcig chog rigs kun 'dus pa yi bdag nyid/__/gsol ba snying nas 'debs so byin gyis rang rlobs shig/__de ltar brgyud gsum bla ma rig 'dzin gyi tshogs la/__/bu yis gsol ba snying gi dkyil nas rang 'debs na/__/ma yis bu la brtse ltar thugs rje yis gzigs shig/__'di phyi bar do kun tu khyed la ni re'o/__/dad mos gdung shugs drag pos sgo gsum ni 'bul lo/__/byams dang brtse ba'i thag pas 'khor ba yi 'obs las/__/da lta nyid du drongs shig bla ma khyed mkhyen no/__/gsang gsum byin rlabs rtsol cig bla ma rje mkhyen no/__/thugs rgyud dgongs pa 'phos shig bla ma khyed mkhyen no/__/bla ma khyed dang mnyam par byin gyis rang rlobs shig/__'brel tshad thar lam 'dren par byin gyis ni rlobs shig/__'khor ba dong nas sprug pa'i smon lam zhig zhu'o/__/ces pa'ang rang slob blo gros dbang phyug nas bskul ba dang /__rang gis kyang dad pa'i gsos su me byi sa zla'i tshes 15la bla ma'i gdan sa bkra shis lha rtse'i gzim bskyil du chos kyi blo gros pas gsol ba btab pa byin rlabs 'jug pa'i rgyur gyur cig/__/__!_bla ma sa skya par gdung dbyangs mos gus kyi gzer 'debs ces bya ba/__oM swasti/__srid dang zhi ba'i 'dren pa/__/mkhas grub kun gyi gtsug rgyan/__/khyab bdag rdo rje 'chang dbang /__/sa chen kun dga'i snying po/__/byang sems sbyin pa dpal zhes/__/'phags mchog spyan ras gzigs dngos/__/brtse chen lag na pad+mo/__/mkhyen rab rgya mtsho che bzhin/__/'jam pa'i dpal dang dbyer med/__/nges don smra ba'i seng+ge/__/chags thogs sgrib pa kun grol/__/rlung sems d+hu tir tshud cing /__/'pho med dbyings su dag pa/__/rnal 'byor dbang phyug chen po/__/biR+Wa pa dang gnyis med/__/rdo rje theg pa'i gsang mdzod/__/zab rgyas nor bu'i gter 'chang /__/skal ldan grub mchog sar 'god/__/gsang 'dzin lag na rdo rje/__/sku gcig du mar bsgyur nas/__/dus gcig nyid la 'gro don/__/bsam mi khyab par mdzad pa'i/__/ngo mtshar cho 'phrul 'byams klas/__/rigs gsum sems dpa'i sprul pa/__/'khon gdung dri ma med pa/__/zla bral kun gyi spyi mes/__/'jam mgon thugs rje'i gter chen/__/bla ma sa skya pa la/__/gsol ba snying nas 'debs so/__/rtag tu thugs rjes gzigs nas/__/gsang gsum byin brlabs stsol cig/__bdag dang bdag la 'brel thob/__/bde chen zhing du drongs shig/__rigs drug 'khor ba'i sems can/__/sdug bsngal mtsho las sgrol cig/__bstan dang bstan 'dzin dar rgyas/__/bstan la gnod rnams ming med/__/khyod kyis mthu yis bcom nas/__/'jig rten bde skyid phun tshogs/__/nyi zla bzhin du rgyas par/__/mgon pos byin gyis brlab mdzod/__/ces pa 'ang chos kyi blo gros pas zla 9tshes 15la'o//___//_!_kun mkhyen chen por gsol 'debs rgyang 'bod bzhugs so/__/skyabs gnas kun 'dus rtsa ba'i bla ma khyed mkhyen no/__/rgyal kun ye shes sgyu ma'i rang gzugs/__/dran pa tsam gyis srid zhi'i 'jigs 'phrog/__kun mkhyen dri med 'od zer mkhyen no/__/da lta nyid du thugs rjes gzigs shig/__/gdan gsum tshang ba'i sku yi dkyil 'khor/__/grags stong tshangs dbyangs drug cu'i gsung ldan/__/zab zhi spros bral 'od gsal snying po/__/sku gsum dbyer med klong chen rab 'byams/__/mi mngon dbyings nas 'bral med gzigs shig/__spyi gtsug bde chen 'khor lo'i rgyan dang /__/snying dbus 'od kyi gur khang nang du/__/'bral ba med par rtag par bzhugs nas/__/byin rlabs dbang dang dngos grub stsol cig/__bdag gi snying la gnas pa'i mun pa/__/khyed kyi mkhyen brtse'i 'od kyi snang bas/__/rtsa ba drung nas 'byin par mdzod cig/__phyi nang rig pa'i gzhung lugs kun dang /__/khyad par zab don de nyid gnas lugs/__/ma nor mngon sum bzhin du rtogs nas/__/rig pa'i ye shes rtsal kha phyes te/__/spobs pa'i gter chen grol bar mdzod cig/__'od gsal snang ba bzhi yi lam la/__/nyin mtshan chu bo'i rgyun bzhin brtson pas/__/chos can snang ba chos nyid klong du/__/zad nas srid pa ji srid bar du/__/'ja' lus rdo rje'i sku mchog brnyes te/__/gzhan don dpag med 'byung bar shog cig/__'od gsal gzhon nu bum sku'i sbubs su/__/ye shes nang gsal thim la ma rmug/__phyir snang sku dang ye shes zhing khams/__/rab 'byams mu mtha' med par bkod de/__/'gro ba sgrol ba'i phrin las tshad med/__/rtag khyab lhun grub 'byung bar shog cig/__skye ba 'di dang tshe rabs kun tu/__/kun mkhyen rdzogs pa'i sangs rgyas khyed nyid/__/rigs bdag thob nas 'bral ba med par/__/rdo rje'i ye shes stsol bar mdzod cig/__mkhyen no mkhyen no bla ma mkhyen no//___//_!_kun mkhyen jo nang pa chen por rgyang 'bod nges don byin rlabs myur du 'gugs pa'i pho nya zhes bya ba bzhugs so/__/bla ma dam pa dang po'i sangs rgyas dpal dus kyi 'khor lo dang dbyer med pa mchog tu mi 'gyur ba bde ba chen po ye shes phyag rgya'i sku rnam pa thams cad pa'i mchog dang ldan pa'i stong pa nyid kyi thugs dang ldan pa bden don rnam pa bcu gnyis kyi gsung nges don zab mo'i sgra dbyangs a dI ka dI'i bdag nyid phyogs bcu'i zhing thams cad du sgrogs pas sku mi 'gyur ba yang dag pa'i mtshan dang dpe byad dam pas brgyan pa'i sku rnam bcas phyag rgya chen po rdo rje nyi ma stong gi gzi 'od kyis sa gsum kun tu yang dag par khyab pa nam mkha' ltar mtha' dang mu med pa brtan g.yo thams cad kyi srog tu zhugs pa shin tu phra zhing zab la brtags par dka' ba rdul med rdul bral gyi bdag nyid mchog tu bde ba dam pa'i bdag nyid chen por rnam med shes rab stong nyid kyi phyag rgya chen po dang mnyam par sbyor zhing nam mkha' gang ba'i de bzhin gshegs pa thams cad gang gi sku la yang dag par zhugs pa nyid du rjes su chags pa chen pos myos shing zag med dga' bzhi'i rol rtsed haM yig gi sgra chen sgrogs shing bzhus pa las bde gshegs zhi ba dang khro bo chags bral dang chags can gyi sangs rgyas dang byang sems rig 'dzin dpa' bo mkha' 'gro stong gsum gyi stong chen po rab 'byams rgya mtsho'i rdul gyi grangs dang mnyam pa mngon par spro zhing sdud pa'i spyi dpal srid zhi'i dbang phyug chen po dus gsum sangs rgyas thams cad kyi 'byung gnas kun mkhyen chos kyi rje dol po shes rab rgyal mtshan dpal bzang po'i zhabs la dus rtag tu phyag 'tshal lo/__/mchod do/__/skyabs su mchi'o/__/skye ba dang tshe rabs thams cad du thugs rjes bzung du gsol/__bdag sogs sems can thams cad las ngan pa'i dbang du mi gtong zhing 'khor ba'i 'dam rdzab las drang du gsol/__zhi ba myang 'das kyi mtha' dag tu gsol/__tshul khrims dang ting nge 'dzin dang shes rab kyi phung po yongs su rdzogs par byin gyis brlab tu gsol/__nges 'byung dang byang sems yang dag pa'i lta ba rgyud la skye ba dang /__dpal rdo rje'i rnal 'byor zab lam mthar thug sbyor ba yan lag drug gi rnal 'byor tshe 'di nyid la 'grub bar byin gyis rlobs shig/__'khrul pa gzhan stong du rtogs par byin gyis rlobs shig/__kun mkhyen rdzogs pa'i sangs rgyas khyed bdag gi snying dbus su rtag par bzhugs nas rdo rje ye shes kyi snang ba 'bar ba dang /__/gzungs spobs ting nge 'dzin gyi sgo brgya 'byed par byin gyis rlobs shig/__mkhyen no mkhyen no bla ma khyed rang mkhyen no/__/ces pa'ang mgo zla'i tshes bco brgyad la gsol ba btab pa sid+d+hi rastu//___//_!_bla ma rgyang 'bod bzhugs so/__/dus gsum sangs rgyas thams cad 'dus pa'i ngo bo/__/gu ru pad+ma 'byung gnas dang dbyer med/__/khri srong lde'u btsan bsam bzhin du byon pa/__/kun mkhyen rig 'dzin chos kyi rgyal po/__/rang byung rdo rje 'jigs med gling pa khyed mkhyen no/__/bka' gter man ngag gi gter mdzod/__/snga 'gyur rig 'dzin gyi gtsug rgyan/__/mkha' 'gro 'bum phrag gi ming po/__/mkhyen brtse'i 'od zer khyed mkhyen no/__/theg mchog rdo rje rtse mo yi shing rta/__/gsang bdag dpa' bo'i thugs sras kyi rgyal po/__/'jam dpal chos kyi bshes gnyen khyed mkhyen no/__/gter ston grub thob thams cad kyi rgyal po/__/snyigs dus bstan 'gro mtha' dag gi skyabs gcig/__/gsang ba snying thig zab mo yi mdzod 'dzin/__/pad+ma dbang chen rol pa rtsal mkhyen no/__/mkhas grub klong chen rab 'byams kyis rjes bzung /__/thugs rgyud byang chub sems gnyis kyi rtsal 'byongs/__/snang srid 'od gsal chos sku ru rtogs pa/__/rgyal ba'i myu gu mkhyen brtse'i lha mkhyen no/__/khyed kyi thugs rje yis bdag la/__/nyin mtshan dus drug tu gzigs shig/__phyi nang gsang ba yi bar chad/__/rang zhi rang grol du gyur nas/__/tshe lhag ji gnas kyi bar du/__/ris med rgyal bstan ni spel ba'i/__/lhag bsam gong 'phel du shog cig/__bka' gter smin grol gyi gdams pa/__/bye brag snying thig gi bstan pa/__/ri mo'i mar me ltar gyur pa/__/ches cher gsal ba ru byed pa'i/__/mthu dang dngos grub de stsol cig/__'khor ba dong nas sprugs nus byin gyis rang rlobs shig/__ces pa'ang snron zla'i tshes lnga la rdo rje gling du gang shar bris pa dge'o//___//_!_bla ma mkhyen no/__/sangs rgyas kun 'dus kyi ngo bo/__/rje btsun mkhyen pa'i gter chen/__/'jam dbyangs mkhyena~X rtse'i~X dba~Xng po~Xs/__/mi mngon dbyings nas gzigs shig/__/de yi ye shes rang gzugs/__/gsung rab chos kyi gter chen/__/'jam mgon chosa~X kyi~X blo~X grosa~X/__/khyed la gsol ba 'debs so/__/thugs rje'i brtse bas dgongs mdzod/__/bdag rgyud chos dang 'dres shing /__/nyams len mtha' ru phyin par/__/rje btsun khyed kyis byin rlobs/__/skyid sdug legs nyes ci byung /__/bla ma khyed rang mkhyen no/__/chos kyi blo gros pas so/__/shu b+haM//___//_!_oM swasti/__skyabs gnas kun 'dus bla ma rdo rje 'chang /__/bka' drin mnyam med chosa?~X kyi?~X blo?~X grosa?~X mkhyen/__/bdag rgyud chos dang 'dres par byin gyis brlobs/__/gsal stong zung 'jug spros bral lta ba rtogs/__/yengs med 'dzin med bsgom pa lam du khyer/__sdom pa gsum gyi kun spyod rnam par dag/__dbang bzhi'i 'bras bu tshe 'dir smin par shog/__mdor na skyid sdug legs nyes ci byung yang /__/re sa gzhan na med do bla ma mkhyen/__/byang chub bar du 'bral med thugs rjes zungs/__/zhes pa'ang shAkya'i dge slong 'jam dbyangs yon tan rgya mtshos bskul ngor mkhyen sprul chos kyi blo gros pas bris pa'o/__/dge legs 'phel//___//_!_bla ma la gsol ba 'debs pa'i glu ye shes byin 'bebs zhes bya ba bzhugs so/__/a ho/__/rang byung lnga ldan 'ja' zer 'khrugs pa yi klong na/__/pha gcig drin chen bla ma chosa~X kyi~X blo~X grosa~X khyed mkhyen no/__/bdag cag las ngan 'khrul pa yi dbang du ma gtong /__/srid las nges 'byung skye bar byin gyis rang rlobs shig:__gzhan phan thugs rje'i gter chen rgyal sras khyed mkhyen no/__/bdag 'dzin 'gong po 'di nyid tshar gcod zhig byas te/__/bdag bas gzhan gces byang chub sems mchog ni 'byongs nas/__/'gro don mkha' khyab 'byung bar byin gyis rang rlobs shig:__/__rdo rje'i rig 'dzin pa~Xd+mA ka~X ra~X yi~X rgyal tshab/__/ye~X shesa~X rdo~X rje~X 'oda~X gsa~Xl snyinga~X po~X rtsala~X mkhyen no/__/dbang bzhi'i chu rgyun bdag gi sgo gsum la bskur nas/__/rdo rje bzhi ru smin par byin gyis rang rlobs shig/__/'jiga~Xs meda~X nama~X mkha~X'i rdo~X rje~X ye shes kyi sku can/__/bi ma'i sprul pa tshe~X dba~Xng gruba~X pa~X rtsala~X mkhyen no/__/gzung 'dzin rtog tshogs chos nyid nam mkha' la dengs nas/__/'od gsal snang bzhi mthar phyin byin gyis rang rlobs shig/__/deng nas bzung ste byang chub snying po yi bar du/__/dpal mgon chos rje bla ma khyed zhabs su skyes nas/__/thugs kyi bcud thob nyams len mtha' ru ni phyin te/__/khams gsum dong nas sprugs par byin gyis rang rlobs shig/__ces pa'ang rang slob dad pa dang dag snang gi blo can spar brkos chos 'phel nas rin chen sna tshogs kyi rten dang bris gzhi bcas mchim phu'i gur dkar phug tu bskul bar brag dmar ke'u tshang du chos kyi blo gros pas bris pa sid+d+hi rastu/__sarba mang+ga laM//___//_!_bla ma rgyang 'bod thugs rje'i lcags kyu/__bla ma mkhyen no/__/lan gsum/__sangs rgyas kun 'dus kyi ngo bo/__/lung rtogs dam chos kyi mdzod chen/__/'phags pa'i dge 'dun gyi mnga' bdag/__rtsa ba'i bla ma de mkhyen no/__/bdag rgyud chos dang 'dres par byin gyis rang rlobs shig/__ma rig mun pa sel ba'i nyi ma/__/dgos 'dod ci dgar 'byung ba'i nor bu/__/'khor ba'i rgya mtshor sgrol ba'i ded dpon/__/rtsa ba'i bla ma de mkhyen no/__/bdag rgyud=__/skyabs kun 'dus pa rtsa gsum gyi rgyal po/__/dran pa tsam gyi srid zhi yi gdung sel/__/bka' babs bdun gyi gsang mdzod la dbang bsgyur/__/'od gsal sprul pa'i bshes gnyen de mkhyen no/__/bdag rgyud=__/rgyal kun mkhyen rab ma lus pa gcig bsdus/__/sprul pa'i lo tsA rnam par snang mdzad kyi ngo bo/__/mdzod lnga'i shing rta gangs can 'gro ba yi mgon po/__/pad+ma gar dbang blo gros mtha' yas de mkhyen no/__/bdag rgyud=__/gzhan phan thugs bskyed kyi go cha/__/rgyal sras byang sems kyi tshul bzung /__/mdo sngags chos tshul gyi bang mdzod/__/'jam dbyangs chos kyi blo gros de mkhyen no/__/bdag rgyud chos dang 'dres par byin gyis rang rlobs shig/__gnas 'khor lo bzhi pa'i pho brang na/__/bla ma sku bzhi'i lha tshogs de mkhyen no/__/bum gsang sher ye'i dbang mchog de bskur nas/__/sku bzhi'i go 'phang thob pa byin gyis rang rlobs shig/__mdor na byang chub snying po'i bar du/__/rtsa ba'i bla ma rin po che la/__/rtag tu rtse gcig gsol ba 'debs na/__/'bad med chos mthun dngos grub stsol cig/__ces pa'ang 'jam dbyangs chos kyi blo gros pas bris ba dge/__//__!_bla ma la gsol 'debs zhal gdams smon lam dang 'brel ba bdud rtsi'i thig phreng zhes bya ba bzhugs so/__/na mo gu ra we/__gzod nas rnam grol byang chub mngon brnyes kyang /__/bdag sogs gdul bya'i mgon du byon pa'i sku/__/dpal ldan bla ma'i zhabs la gsol ba 'debs/__/rang gzhan don gnyis 'grub par byin gyis rlobs/__/bi ma chos rgyal nyang ral kun mkhyen sogs/__/'phags bod mkhas grub rgya mtsho'i sprul pa'i sku/__/'jam dbyangs mkhyen brtse'i dbang por gsol ba 'debs/__/dgongs brgyud 'pho ba thob par byin gyis rlobs/__/de yi gsang gsum mi zad rgyan 'khor lo'i/__/phrin las sgyu 'khrul rol mo'i mnga' bdag mchog/__chos kyi blo gros zhabs la gsol ba 'debs/__/bstan 'gror phan bde 'byung bar byin gyis rlobs/__/kye ma kyi hud mgon po thugs rje can/__/bdag la thugs rjes myur du gzigs su gsol/__/blo sna dam pa'i chos la drongs pa dang /__/thar pa'i lam sna zin par byin gyis rlobs/__/srid pa'i phun tshogs ji ltar 'byor gyur kyang /__/sdig dang sdug bsngal rgyu 'bras 'ba' zhig las/__/gtan bde phra mo tsam yang ma mchis pas/__/'khor bar zhen pa log par byin gyis rlobs/__/'dus byas thams cad mi rtag mi brtan cing /__/rtsa rtse'i zil pa chu bur sprin bzhin du/__/da lta yod kyang da lta 'jig pa'i dpes/__/mi rtag 'chi ba dran par byin gyis rlobs/__/dal dang 'byor pa'i rten bzang rin chen 'di/__/lan cig thob pa da res tsam yin zhing /__/de rgyu tshul khrims bsrung ba dkon pas na/__/dal rten don yod byed par byin gyis rlobs/__/dge sdig las bsag 'bras bu chud mi za/__/rang gi steng du smin par nges pa dang /__/rgyu 'bras bslu ba med pa yin pa'i phyir/__/dkar nag blangs dor byed par byin=__/srid dang zhi ba'i 'jigs pa ji snyed pa/__/skyob pa bla med dkon mchog rin chen gsum/__/gang la bsnyen pas nyes pa kun las skyob/__/yid ches dad pa brtan par=__/bde dang sdug bsngal ci byung sngon las kyi/__/smin par shes nas dga' sdug mi byed par/__/blo gtad ling bskyur mos 'dun rtse gcig pas/__/skyabs 'gro'i rtsa ba brtan par=__/mkha' khyab 'gro ba bsgrangs las 'das pa rnams/__/rang gi pha mar yin par shes pa dang /__/bka' drin dran zhing drin lan bzo 'dod pas/__/tshad med rnam bzhi 'byongs bar=__/rang don yid byed zhi bde'i sems spangs nas/__/gzhan phan lhag pa'i bsam pa bzang po bskyed/__/lus dang longs spyod dge tshogs 'gro la sbyin/__/byang chub sems mchog 'byongs bar=__/nyon mongs nyes pa brgya phrag tshogs rnams kun/__/bdag tu 'dzin pa'i 'dre chen 'di las byung /__/'di yis bdag ni rtag tu sdug bsngal bskyed/__/bdag 'dzin 'gong po chom par=__/rang sems gdod nas dag pa'i chos nyid la/__/ma rig gsum gyi sprin nag stug pos sgrib/__/thar pa thams cad mkhyen par bar du gcod/__/sgrib tshogs stobs bzhis sbyangs ba=__/dge tshogs rin chen rdul mang skad cig gi__/yongs su sdud pa'i thabs mkhas khyad par can/__/dkon mchog mchod dang 'gro la sbyin gtong sogs/__/tshogs gnyis rgya chen sdud par=__/mtshan nyid kun ldan rdo rje slob dpon las/__/rnam dag dbang bzhi'i dal bzhi smin byas nas/__/bskyed dang rdzogs pa'i rim pa legs bsgom pas/__/rig 'dzin rnam bzhi bsgrod par=__/khyad par sangs rgyas kun gyi gsang ba'i lam/__/zab mo bla ma'i rnal 'byor sgom pa yi/__/rtsa ba'i bla ma sangs rgyas dngos su mthong /__/bcos min mos gus brtan par=__/tha mal 'khrul pa'i rtog pas ma gos par/__/snang grags rig gsum bla ma'i rol par shar/__/gdod nas gnas pa'i rig stong rdo rje 'di/__/bla ma'i ngo bor mthong bar=__/gsol 'debs gdung ba'i dbyangs kyis bskul ba dang /__/dbang gi snying po 'od zer chen po yi/__/dbang blangs rang la thim pa de yi mod/__/gsang ba gsum dang dbye med byin=__/rdo rje'i ye shes snying la 'bebs pa dang /__/rang gnas rig pa sku gsum mngon gyur te/__/ka dag lhun grub dgongs pa'i rtsal chen rdzogs/__/gzhi~X yi gnas lugs rtogs par=__/'khor 'das phyi nang ru shan legs phyed cing /__/rang sems 'khrul pa'i gzhi rtsa bcad pa yi/__/skye 'gag gnas pa'i gzhi med rtsa ba bral/__/rig pa chos sku rtogs par=__/byung tshor spros pa thams cad nyer zhi zhing /__/dbyings las byung yang dbyings las ma g.yos par/__/nam mkha'i rnal 'byor byar med yangs pa che/__/khyab brdal dgongs pa mngon gyur byin=__/sku gsum lhun gyis grub pa'i rang gdang ni/__/dbyings snang chen por thig sku'i tshom bu bkod/__/sgron drug gseng lama~X thod rgal sgom pa yi/__/snang bzhi'i pha mthar son par=__/chos can snang ba chos nyid dbyings su zad/__/rig pa 'brasa~X smin 'ja' lus rdo rje'i skur/__/bzhugs nas 'gro ba dpag med sgrol ba dang /__/'khor ba dong nas sprugs par=__/mdor na deng bzung tshe rab thams cad du/__/rje btsun bla ma gtsug gi nor bur bsten/__/mnyes pa gsum gyis sgrub pa mthar phyin nas/__/don gnyis lhun gyis grub par byin gyis rlobs/__/bstan 'dzin skyes rnams zhabs brtan bstan pa dar/__/bstan pa'i sbyin bdag dbu 'phang mtho ba dang /__/bstan la gnod byed ming tsam 'gyur ba dang /__/bstan gnyis dar shing rgyas pa'i bkra shis shog/__/ces pa'ang a mdo re skong gi sngags chen rdo rje 'dzin pa chen po gzhan phan byang chub sems kyis thugs mnga' bkra shis dpal ldan nas bla ma la gsol ba 'debs pa zhal gdams smon lam dang 'brel bar bris shig ces rten dang bcas gsung bskul ngor snyigs ma'i dus kyi dam chos 'dzin pa'i gral mthar skyes shing dge sbyong gi gzugs brnyan 'dzin pa 'jam dbyangs chos kyi blo gros pas sa byi gnam lo gsar 'char gyi cho 'phrul zla ba'i tshes bcu gcig la sde dge rdzong gsar bkra shis lha rtse'i chos grwa chen por bris pa 'dis kyang dpal ldan bla ma'i byin brlab snying dbus sim pa'i rgyur gyur cig/__sarba dA mang+ga laM//___//_!_bla ma dran pa'i gdung dbyangs snying gi gzer chen ces bya ba bzhugs so/__/na mo gu ru/__o rgyan rdo rje 'chang gi rgyal tshab che/__/bka' gter chos kyi rgya mtsho bla ma rje/__/mi mngon dbyings nas bdag la brtse bas dgongs/__/las ngan bdag cag thugs rjes 'dor phod dam/__1/__deng dus rgyal bstan rin chen nyams dus 'dir/__/mgon khyod zhi ba'i dbyings su mnal ba la/__/sngon gyi thugs bskyed nyams par ma gyur tam/__/rgyal dang de sras gzhan don sgrub las ci/__2/__des na mkhyen brtse nus pa'i shugs bskyed nas/__/chos dbyings dga' ma'i klong nas bzhengs su gsol/__/kye ma kyi hud bu yi gdung dbyangs la/__/ye shes dbang po rnam pa thams cad pas/__3/__dgongs par mdzod la 'od gsal chen po'i sku/__/da lta nyid du snang bar mdzad du gsol/__/bdag ni sngon tshe byis blo'i nyes pas nongs/__/dran shes ldan tshe bla ma dbyings su gshegs/__4/__kyi hud bdag gi chos kyi phongs par gyur/__/'on kyang ye shes sku la skye 'chi bral/__/thugs rgyud dgongs pa'i byin rlabs 'pho bar mdzod/__/ye shes rig pa'i rtsal chen sbar du gsol/__5/__nyams dang rtogs pa'i rtsal chen rab rdzogs nas/__/bstan dang 'gro ba'i don chen sgrub pa la/__/bla ma'i gsang gsum yon tan mtha' klas pa/__/ma lus bdag la dbang 'byor byin gyis rlobs/__/deng nas bzung ste byang chub snying po'i bar/__/dpal ldan bla ma dngos nyams rmi lam du/__/yang yang rjes su bzung zhing rig dbyings su/__/dbyer med bzhugs nas rtag tu dgongs par mdzod/__khyod kyi zab dgongs yongs su rdzogs pa dang /__/mdzad pa phrin las bdag gir byed par shog/__de tshe gzhan dbang rkyen gyis mi brdzi zhing /__/bsam pa tsam gyis yid bzhin 'grub par shog/__gsang gsum mchog gi sprul sku myur snang nas/__/gsan bsam sgom pa'i yon tan lhun gyis grub/__/mun pa'i smag la nyi zla'i 'od snang bzhin/__/'gran med phyogs las rnam par rgyal gyur cig/__dkon mchog rtsa gsum rgya mtsho'i bden stobs kyis/__/mi mthun bdud bzhi'i g.yul las rnam rgyal zhing /__/mkhyen nus brtse ba'i blo gros zab cing rgyas/__/bstan 'gro'i dge mtshan rgyas pa'i bkra shis shog/__ces pa'ang 'khor lo'i mgon po nyid shing glang tha skar zla ba'i tshes la gzugs sku'i bkod pa nye bar bsdus pa'i gtam smin zla'i tshes bcu gnyis la sgra 'dzin gyi bu gar son pa na mos gus tshad med pa'i gdung shugs mchi ma 'khrugs pa rtsam du gyur pa'i ngang nas gus slob kyi tha shal 'jam dbyangs blo gros rgya mtshos ye rgyal nam mkha' mdzod chos kyi sgom chen po'i lho phyogs gnas brtan klu'i sde'i pho brang gser gyi de'u'i mdun rol gsang sngags pho brang gi yang rtser gsol ba 'debs pa 'dis kyang tshe rabs kun tu rje btsun dam pa de nyid kyis rjes su 'dzin pa'i rgyur 'gyur ba bla ma rtsa ba gsum gyi byin gyis brlab tu gsol/__shu b+hi rastu sarba dza ga taM//___//_!_lung bstan rdzun ris/__ma ye shes mkha' 'gro rten 'grel brda'/__/dbyings dpal gyi rgyal mo'i ngang tshul 'bar/__/gang 'dul gyi sgyu 'phrul gnyis pa ni/__/la dkar po'i khyim du sa khams kyi/__/lto 'gros des mig dkyus mdzes pa ni/__/dpal rnga yab yul nas 'ong ba yin/__/lha sbrul dkar pos sman lce des/__/zhim mngar gyi ro bcud ster nus na/__/dpal bde ba'i rdo rje lang tsho rgyas/__/dbyings ye shes mkha' 'gro'i gsang mdzod 'dzin/__/bstan 'gro la phan pa mtha' yas sbyin/__/bskal ngan gyi zhug lce bzlog par nges/__/de 'byangs na ye shes DA ki yi/__/dar lam gyi do lis btegs nas 'gro/__/yun mi ring rnga yab dpal rir 'khod/__/rgya 'dre yi 'tshub ma ldang ba dang /__/rgya 'gong dam sri'i gnod pa yis/__/bod khams mtha' dbus sil bur 'gro/__/chos 'khor gyi gtsug lag gnyen por 'jig/__mdo smad du nang 'khrugs drag po yi/__/bstan dgon 'ga' zhig khral khrol btang /__/chos phung la byin za'i gnod pas 'tshe/__/mi phyugs la nad yams sprin ltar gtibs/__/skyes gzhon phal cher gri ru 'chi/__/de 'dra yi skal ngan bzlog pa la/__/lha o rgyan gu ru pad+ma dang /__/rje 'phags ma sgrol ma'i thugs rje dang /__/gur drag dang ma gshin phur gsum gyi/__/bzlog pa dang sbyin bsregs mnan pa sgrub/__/mdo bzhi yi mchod rten skyar sgrub bya/__/rgyal bka' yi gsung sgrub mdo bzlog dang /__/rab gnas dang sbyin bsregs las la brtson/__/ma Ni dang rigs gsum sid+d+hi dang /__/tA re yi bsnyen pa rdo la brko/__/jo dar dang ri khrus bum gter sba/__/rten gsum la mnga' gsol mchod 'bul bya/__/de grub na bar khugs rkyen ngan bzlog/__dus rgud kyi mun pa nyer zhi nas/__/snod bcud kyi dge mtshan rgyas par nges/__/mchog mi 'gyur thabs shes rdo rje'i rgya/__/de'i rten 'brel mdud pa rtsa bar nges/__/de snying la 'changs shig sa mA ya/__/kho bo pad+ma ye shes rdo rje la me phag zla 11pa'i tshes 15nyin gung la 'bri gter 'od gsal rdo rje sogs kyis sde dge'i zhabs rim ji 'gyur kyi rtogs 'char skabs rig ngor ma bcos thol skyes su shar ba yi ger bkod pa dge legs su gyur cig/__shrI mAM b+ha dra/__mang+ga//___//_!_rang byung rdo rje'i bro glu bkra shis 'khyil ba/__/thos grol 'brel tshad don ldan bzhugs so/__a la la la hoHa ho gi rti a ho ye:__rtsa gsum dgyes pa'i dga' tshal:__bkra shis legs kyi 'byung gnas/__/nyams dga'i 'dod yon phun tshogs:__/__nags tshal ljon pa'i ra ba/__/g.yu yi ne'u seng sngo ljang /__/gser gyi me tog bkra ba/__/bung ba ling ling lding zhing /__/phu gsum gangs ri dkar po/__/rtsal gsum ldan pa'i seng ge'i/__/theg mchog chos kyi nga ros/__/log lta'i wa tshogs bcom song /__/g.yu yi ral pa sngo sang /__/nam mkha'i dbyings la spyod do/__/yan lag brgyad ldan chu klung /__/dal gyis 'bebs pa'i klong du/__/bya rigs sna tshogs skad snyan/__/ca co sgrogs pas dga' 'o/__/nyon mongs gdung sel sman char/__/lha yi bum bzang nas babs/__/dag byed bdud rtsi'i khrus kyis/__/lus sems dga' bdes khyab byung /__/gzugs bzang lta na sdug pa'i/__/lha yi bu dang bu mor/__/'gran pa'i lang tsho'i mtshar sdug/__mang du 'dzom pa'i bde skyid/__/'chi med dpal du chas byung /__/srid dang zhi ba'i phun tshogs/__/sa 'dir mngon sum bkug ste/__/dga' ba brgya ldan grong khyer/__/mi pham 'jam dbyangs zhal ras/__/lta ba'i chog mi shes pa/__/bstan 'gro'i mgon du 'char byung /__/nag phyogs dam sri'i dpung tshogs/__/khro rgyal rta mgrin sprul pa/__/cang shes rmig gi thal sgras/__/srog snying tshal par gtor song /__/'jam dpal khros pa'i 'khor lo/__/phyogs kun g.yas su 'khor bas/__/lha min 'byung po'i mgo gcod/__/dpa' bo'i rgyan du byas so/__/phrin las phur pa'i me sgyog/__rdo rje'i mde'u rtse brgyas/__/'brug gi sgra ltar sgrogs pas/__/pha rol bdud sde'i dmag tshogs/__/ming tsam med par byas song /__/g.yul rgyal ru dar dkar po/__/phyogs las rnam par rgyal lo/__/bde zhing skyid pa'i nyi ma/__/bkra shis lha yi zla ba/__/rgyu skar lha mo gsum po/__/dus gcig 'dzom pa'i dga' ston/__/de ring chos kyi nyi mar/__/'char ba'i bkra shis legs byas/__/'di 'dra 'dzom pa'i dga' mo/__/rkang g.yas thabs kyi bro chen/__/rkang g.yon shes rab bro mo/__/thabs shes zung 'jug zhabs bro/__/khrigs se khrigs se chem chem/__/rkang pa'i stangs kyis bsgyur zhing /__/sa gzhi yongs pa'i khyon la/__/tshangs pa'i yul sa rtse gnon/__/lag mthil dar gyi gshog rlabs/__/steng 'og phyogs bcur g.yo bas/__/snod bcud dpal yon kun sdus/__/phya dang g.yang gi dge legs/__/bro ra 'di ru khug cig/__khu ye khu ye g.yang khug/__rgyal lo rgyal lo lha rgyal/__/bkra shis 'khyil pa'i bro 'dis/__/sde bzhi dge bcur bkra shis/__/dge legs rnam rgyal gyur cig/__ces pa'ang lcags stag snron gyi zla ba'i tshes lnga la/__pad+ma ye shes rdo rjes rang bzhin dbyings su ji ltar shar ba/__thugs rje dpal mgon mtshungs med dge rtag mchog sprul rin po ches phyag bris su mdzad pa 'dis kyang bstan pa'i rgyal mtshan phyogs bcur bsgrengs shing /__mi mthun dus kyi rgud pa 'joms pa'i rgyur bla ma rgyal ba sras bcas kyis byin gyis rlabs tu gsol/__shu b+haM/__mang+ga laM//___// @#/__/dpal rdo rje 'jigs byed kyi lam rim dang rjes su 'brel ba'i glu shrI ya mAn+ta ka dgyes pa'i mchod sprin ces bya ba bzhugs so/__/ a ho ye/__'jam dpal khros pa rwa chen lo tsA yi thugs bcud/__/zung 'jug grub pa'i rgyal thab mngon sum du ster mkhas/__/bka' drin mtshungs med blo gsal rgya mtsho yi sku drin/__/yang yang bsam kyin dad pa'i snying dbus su bkod do/__/nges 'byung lam gyi gzhi bcas dbang bzhi yis smin cing /__/sdom dang dam tshig lam gyi rtsa ba ru bzung nas/__/skyabs sems sgrib sbyong rdo rje sems dpa' yi bsgom bzlas/__/bla ma'i rnal 'byor byin rlabs dngos grub kyi mthar thug/__lhan skyes ye shes nyi ma snying dbus su 'char bas/__/sgrib gsum mun pa'i rkyen rnams rang grol du song ngo /__/sngon 'gro tshogs bsags sku gnyis 'grub byed kyi thabs chen/__/srung 'khor gzhal yas snod kyi dngos 'dzin kun sbyongs byed/__/dga' ba gsum gyi rnal 'byor nyams 'og tu chud cing /__/rang byung rgyu yi 'jam dpal ye shes kyi sku can/__/'bar 'phro bsdu ba'i cho 'phrul chen po yi gnas gyur/__/rab khros 'jigs mdzad phyi nang bskyed pa yi rim pas/__/srid pa gsum sbyongs snod bcud phung khams ni lhar snang /__/bzhad pa'i nga ro hU~M gi glu dbyangs kyi bsdus shing /__/sbyong gzhi sbyong byed sbyong 'bras nges shes ni brtan pos/__/gzhi lam 'bras gsum dbyer med nyams len 'di a ho/__/sku dbyibs stong chen dngos bzung mtshan 'dzin dang bral zhing /__/thabs shes rwa rtser thig le spro bsdu dang 'beb bzlog/__ma 'gags rtsal sbyang bskyed rdzogs zung 'jug gi lam las/__/sku yi rdo rje sprul sku lam byed 'di a ho/__/lus gnad mi g.yo rdo rje'i bzlas pa yi ngag sbyongs/__/yid gnad rlung lnga'i dmigs pa kha sbyor du bsgom pas/__/las rlung zad cing ye rlung stobs su ni gyur pas/__/ro rkyang dbu mar tshud dang nyams gsum ni mthar phyin/__/snod bcud 'jigs byed rigs lnga'i dkyil 'khor du 'char dang /__/las bzhi'i phrin las gang brtsam thogs med du 'grub cing /__/sku lnga mngon du gyur pa'i thabs mchog 'di a ho/__/lus gnas rtsa yi dra mig rgya chings ni dkrol bas/__/d+hu ti'i mdud pa rang grol rlung sems ni der zhugs/__/rtags dang rtags can 'od gsal 'khor yug tu 'byams klas/__/rtsa gsum kha sbyor sku gsum tsaN+Da lI 'bar dang /__/ha~M yig zhu ba'i bdud rtsi 'khor lo lngar khyab pas/__/lus sems zag med bde chen ye shes kyis myos pa'i/__/bde stong zung 'jug bdud rtsi'i 'gram chang 'di a ho/__/phyag mtshan sa bon me lces nyon mongs ni bsregs shing /__/thig le dmar nag snang srid me 'od du rang 'bar/__/rwa rtse'i rnal 'byor bdag byin brlabs pa yi gtum mo/__/gsung gi rdo rje longs sku 'grub byed 'di a ho/__/ye shes las kyi phyag rgya'i nye rgyu la brten nas/__/'du shes gsum gyi gsal snang brtan po dang ldan pas/__/lus dkyil lha rnams dga' bzhi'i snyoms par ni zhugs pas/__/zhu bde lhan skyes ye shes 'dren pa la dbang thob/__/drod thob dngos rig pad can phyag rgya la rol pas/__/zag med bde chen rdo rje'i lam mchog de sgrub pas/__/thugs kyi rdo rje chos sku 'grub byed 'di a ho/__/gtsug tor nam mkha'i 'khor lo dbu ma yi spyan gyi/__/'khor los sgyur ba chen pos lta stangs ni g.yo med/__/dus gsum rnam par rtog pa'i yid byed dang bral ba/__/gzhom med thig le chen por 'od sku yi brgyan pa/__/las dang nyon mongs 'khrul pa'i snang cha las 'das pa'i/__/g.yo med rdul dang bral ba'i 'od gsal gyi rtags snang /__/chos sku mtshon par byed pa'i zab lam gyi mthar thug/__gom pa mchog tu brtan pas mtshon bya yi gnas lugs/__/rang byung don gyi ye shes mngon sum du gyur nas/__/sku gsum dbyer med ye shes rdo rje yi gseng lam/__/ngo bo nyid sku tshe 'dir mngon byed 'di a ho/__/mtshan mo rgyu ba kun 'dar gsang mngon gyi spyod pa/__/goms pa rab brtan phyogs las rnam rgyal gyi spyod pas/__/lam gyi bog 'don rdo rje'i gnas yul rnams bgrod nas/__/dpa' bo DA ki'i tshogs dang dgyes par ni rol te/__/rdo rje 'dzin pa'i sa mchog brnyes pa de a ho/__/de skad rnal 'byor chen po bla med ni pha rgyud/__/'bum phrag du ma'i yang snying gshed skor gyi rgyud las/__/badz+ra b+hai ra'i rgyud sde rtog pa ni bdun pa/__/ye shes DA ki'i zhal lung rdo rje yi tshig rkang /__/dus dgra'i dbang pa'i zab lam snyan brgyud 'di a ho/__/mkhas rlom rtog ge'i rna ba'i bu ga ru ma son/__/mkha' 'gro'i thugs khrag rwa chen zhal sgo nas skyugs shing /__/tshar pa chos rje'i thugs kyi thig le ru bstim pa/__/'jam dpal khros pa mkhyen brtse dbang phyug gi blangs nas/__/rim brgyud rdo rje'i rgya bkrol gsang mdzod 'di a ho/__/pha rgan tshar chen yab sras byin brlabs kyi mthu las/__/blo gros blo yi ku mud rgyas byed du gyur to/__/ring nas 'chi bdag gshin rje'i mche phrag tu bzung ba'i/__/bu hrul sems kyi grong khyer 'jigs byed kyi khro bos/__/sku gsum ye shes yon tan 'dzad med kyi nor bus/__/mdze~Xs par brgyan pa'i gzhal med khang chen du bsgyur song /__/kun las khyad 'phags rim gnyis zab mo yi gseng lam/__/myur du bgrod pa'i skal bzang mchog tu ni gyur nas/__/tshe 'di'am ni bar dor bla ma dang 'jam dbyangs/__/dbyer med zhe sdang gshin rje'i gshed po ru byang chub/__/mtha' yas gshin rje'i grong khyer ye shes kyi mes bsreg/__dngos med nam mkha' lta bur thugs rje yi rang gzugs/__/ye shes sgyu ma'i sku mchog ji srid du snang bas/__/'gro don rgyun mi chad pa'i smon lam zhig zhu na/__/mchog dngos myur du 'grub pa'i byin brlabs rang stsol cig/__ces pa'ang bkra shis tha skar gyi nya ba'i zla bar sga ston chos rje 'jam dpal khros pa'i zhal snga nas rwa khrid mkha' 'gro'i snyan brgyud kyi khrid rim zab mos rgyud smin pa'i skabs 'jam dbyangs blo gros rgya mtshos gang shar glur blangs pas sid+d+hi rastu/__/sarba dza ga taM//___//_!_oM swasti/__lhar bcas srid zhi'i gtsug tor nor bu'i rtser/__/zhabs sen pad+ma dmar po bkod mdzad pa/__/thub dbang lha yi lhar gyur zas gtsang sras/__/shAkya'i rgyal po'i zhabs la phyag bgyi'o/__/mkhyen rab mtha' yas 'od kyi gong bur 'khyil/__/thun mtshams sprin gyi mdangs ltar rab mdzes shing /__/ye shes ral gri phyag sor rtse mor 'khyud/__/bla ma 'jam pa'i dbyangs la rtag tu 'dud/__/rgyal kun sor rtogs ye shes phung po ni/__/sin+d+hu wa ra'i dwangs mtshor rjes chags pas/__/ngo mtshar pad sdong rtse la rang byung ba/__/rgyal dbang mtsho skyes rdo rjer gus pas mchod/__/dka' ba brgya phrag dang du blangs byas te/__/dam chos rin chen gser gyi shing rta 'dren/__/rgyal bstan yongs rdzogs nor bu thang mar brdal/__/sngon byon chos rgyal grub pa'i lo paN 'dud/__/de rnams bka' drin gzugs su mchis gyur na/__/sa chen 'di yis snod du byas kyang chung /__/mkha' dbyings dogs por bkang kyang mi 'tshams pa/__/bsam brjod dpe yi yul las 'das par gyur/__/da lta na yang ri mo'i mar me dang /__/chu zla tsam zhig bstan pa rin po che/__/lhag mar gnas pa'ang mgon po mchog rnams drin/__/yang yang bsam kyin snying nas mchi ma dku/__/rang phyogs lta la chags shing gzhan la sdang /__/drang po'i thig shing kyogs por gyur pa rnams/__/gcan gzan gtum pos glal ba byas pa bzhin/__/rang rgyud bsregs shing gzhan rgyud phungs la sbyor/__/chos dang chos min rnam par 'byed pa la/__/thams cad mkhyen pa'i ye shes spyan mnga' zhing /__/chags thogs sgrib bral 'phags par bzhugs pa las/__/tha mal so skyes gzhal ba'i 'os ma mchis/__/des na snyigs ma ches cher rgyas pa'i dus/__/phyogs ris bcad pa'i grub mtha' rtsA bzhin dor/__/bstan pa kun la yang dag blo mig bsgrad/__/bshad dang sgrub pas gsal bar byed par smon/__/bcu phrag rigs gzhung lha yi dga' tshal rgyas/__/mdo sngags dpag bsam ljon shing mthon po'i rtser/__/theg mchog 'bras bu'i khur gyis rab lci bas/__/skal bzang don gnyis lhun gyis grub par shog/__bkra shis nyi zla skar gsum gnam la bkra/__/sa la bkra shis rtags kyi khor yug mdzes/__/bar du rin chen sna bdun rgyal srid kyis/__/bkra shis phyogs dus kun tu khyab gyur cig/__/ces pa'ang gwa zi'i rigs las byon pa 'bras ljongs rgyal yum kun bzang bde chen mtsho mos gsung gi gling bu bsgyur ba na gtsug lag lung rigs nyi ma smra ba'i seng+ges nyams mtshar rtsed mo'i tshul du bris pa'o//___//_!_ston ka'i ri bong 'dzin pa'i dkyil 'khor yang /__/gang gi drung du lhags pa de yi mod/__/rgyu skar bzhin du mog por byed nus pa'i/__/bcom ldan 'das ma'i zhal dkyil de la 'dud/__/gang gi mchu sgros 'dzum pa'i sbrang rtsi de/__bcom ldan rdo rje rgyal po bdag gyur tshe/__/dgyes pas kha sbyor bde chen mchog de nyid/__/mngon gyur dus der myong ba'i dpal de thob/__e ma DA ki ki ri ni ri ma hA su kha pad+ma b+han+dza mo k+Sha gi rti a hoHye/__gnas gsum gyi dpa' bo mkha' 'gro'i tshogs/__/rdo rje yi spyan dang snyan ldan rnams/__/bu rnal 'byor bdag la dgongs par mdzod/__/dgongs nas kyang rtsa khams byin gyis rlobs/__/bdag rdo rje'i lam mchog rab bzung bas/__/rdo rje yi byin chen dbab tu gsol/__/lus rdo rje phung po'i grong khyer 'dir/__/ma mkha' 'gro rgya mtsho'i pho brang chos/__/bde chen gyi brtul zhugs grub pa'i gar/__/khams gsum du bsgyur bar mdzod cig ang /__/mi nged kyi gnyis snang grong khyer stong /__/sems sems byung thams cad dbyings su sgrol/__/ma dag pa'i 'dzin rtog yul dang bcas/__/mkha' 'gro rgya mtsho'i zhal du stobs/__/dgyes bzhes kyi dngos grub stsal du gsol/__/gang shar dang cir snang thams cad kun/__/dpal gsang ba chen po'i chos kyi gter/__/'dzad med kyi klong sgrom chen po de/__/dus da lta nyid du dbye bar mdzod/__/snang sems kun chos dbyings zad sar skyol/__/ye grol gyi rig pa DA ki'i zhal/__/yid dpyod dang bral ba mngon gyur nas/__/shrI he ru ka dang snyoms par zhugs/__/mchog dga' bzhi'i ye shes rtse mor son/__/srid gsum thams cad 'ub chub kyi/__/blo 'das kyi thig le chen po'i ngang /__/mnyam pa chen por lhun rdzogs shog/__ngas gar bltas o rgyan mkha' 'gro'i zhing /__/nga yi bla ma rdo rje phag mo bzhugs/__/bu nga la byin rlabs zhig stsol re ran/__/tha mal gyi rtog tshogs ye shes su/__/byin gyis rang rlobs shig d+hA ki'i tshogs/__a ho ye a ha~M/__te na hU~M/__te na te te hU~M/__a ho ma hA mu tra sa ma ya shrI a nu ra ga sa ma ya sid+d+hi pha la a la hoHgsang ba yi grong khyer chen po na/__/gsang ba'i gar mkhan dgyes pa che/__/dpal bde ba'i rdo rje bdag nyid kyi/__/ma rig ma 'bum gyi tshogs dang bcas/__/rdo rje yi gar stabs khrigs se khrigs/__/bde chen gyi bdud rtsi bcud re che/__/bde stong gi rol mo cir yang 'khrol/__/de 'dra'i rnal 'byor skyid pa de/__/dpal pad 'byung dang dpa' bo sa ra ha/__/biR+Wa pa yi bu brgyud yin/__/pha rnal 'byor brtul zhugs grub pa rnams/__/thugs dgyes pa chen po'i bzhad sgra sgrogs/__/snang srid kun 'ur 'ur shig shig g.yo/__/dpal bde mchog grub pa e ma hoHe ma hoHdang e ma hoH/__ha ha hi hi hU~M hU~M dang /__/he he dang hu hu ho ho'i sgras/__/stong gsum gang bar khyab byas nas/__/ye shes kyi gsal ba'i nyi ma shar/__/lhan skyes kyi bde ba chen po de grub bo/__/a ho ye bkra shis dpal gyi nyi ma dro/__/nyi ma des mun pa mthar byed shog/__sa byi mgo zla'i tshes 25la'o//___//_!_bde ba chen po'i rtogs brjod rdo rje'i rol mo zhes bya ba bzhugs so/__/na mo DA ki ma hA su kha ye/__kun rtog brgyad khri bzhi stong tshang tshing rnams/__/bde chen ye shes 'bar ba'i me yis bsregs/__/shes rab rjes chags sgyu ma'i rol rtsed kyi/__/ngo mtshar grub pa che la sbyor 'di mtshar/__/rnal 'byor thabs ldan sngags kyi nye lam la/__/rab tu brtson pa'i rig pa 'dzin pa ni/__/rdo rje 'chang sa mngon du byed pa yi/__/myur lam zab mo rgyal bas mchog tu bsngags/__/bud med mthong bas dbang po'i sgo 'gegs shing /__/snang ba dgrar langs skyon du blta ba 'di/__/theg pa dman la rigs shing 'thad na yang /__/gong ma'i lam dang shin tu 'gal bar 'gyur/__/byang sems rtsi yi nyon mongs zin pa na/__/spongs bdun dge 'gyur bskal mang tshogs chen rdzogs/__/rgyud sde 'og ma longs sku'i dkyil 'khor can/__/bltas dgod lag bcangs bde ba'i reg bya yi/__/ye shes de nyid mngon du byed pa dang /__/rnal 'byor chen po thabs kyi theg pa yi/__/bskyed rdzogs zab mo'i rnal 'byor gang brtson pa/__/bde chen phyag rgya'i sku mchog sgrub pa yi/__/thabs kyi rim pa kho nar gsungs pas na/__/bud med sgyu ma spangs bar mi rigs shing /__/gus dang bcas pas dang du blang bar bya/__/rigs ldan mchod dang tshogs kyi 'du ba la/__/cho ga'i rim par brtson par ma byas kyang /__/bza' btung dag gis tshim par byed pa des/__/tshogs kyi mchod pa byed dang khyad med gsungs/__/sems can thams cad shes rab ma las skyed/__/'phags bzhi'i tshogs kyang skyed yum shes phar phyin/__/'khor 'das kun khyab kun tu bzang mo dang /__/lam gyi mchog gyur shes rab stong pa nyid/__/dus gsum rgyal ba'i bzhugs gnas yum gyi mkha'/__/de phyir rdo rje btsun mo'i chu skyes la/__/thabs ldan rdo rjes reg pa gang yin des/__/lhan skyes ye shes mngon sum nyid du byed/__/grol ba'i lam la gtso bor 'bad rnams kyang /__/bde ba chen po'i rang rtsal 'bar ba na/__/stong gzugs dga' mar rjes chags snyoms zhugs shing /__/dngos rig brtul zhugs spyod pas bogs 'don pa/__/snying thig chen mo rnams su mchog tu bsngags/__/thabs mi ldan la sred pa'i 'ching 'di che/__/thabs ldan rnams la grol ba 'di myur zhing /__/gsar rnying bla med rgyud sde che rnams kyi/__/myur lam sbas pa phyag rgya'i lam 'di yin/__/gang zhig dad pas mos bsten bsnyen bkur na/__/gnas gsum DA ki'i byin gyis rlobs pa dang /__/rtsa rlung thig ler ye shes bcud smin nas/__/tshe 'di'am bar dor grol ba nyid du nges/__/rgya bod grub brnyes bye ba 'bum phrag kyang /__/rdo rje'i lam gyi bsgrod pa la brten nas/__/mchog tu mi 'gyur kha sbyor bde ba che/__/mi slob chos sku'i rgyal sar gshegs pa yin/__/dus kyi 'khor lor 'gyur bcas bde ba la/__/'gyur med bde ba dngos su rlom nas zhen/__/smra ba rnams la rdo rje 'chang gis bkag/__spyir ni thabs lam bkag pa ma yin te/__/rjes ting rnal 'byor shes rab sgyu ma la/__/snyoms zhugs bde ba'i lam gyi rim pa bstan/__/de phyir bla med theg par mos pa rnams/__/thabs chen gsang ba'i lam 'dir brtson par byos/__/rdo rje'i sar gshegs rig 'dzin rgyal ba rnams/__bsgrod pa'i shul lam gcig pur gyur pa yin/__/mdo las byang sems chos 'phags chen po ni/__/btsun mo'i tshogs dang rol pas bzhugs par gsungs/__/bla med dkyil 'khor kha sbyor chen po yi/__/bsam yas rigs brgya'i tshom bu thams cad pa/__/yan lag bdun ldan he ru ka dpal che/__/bde chen mchog gi dgyes pa'i gar gyis rtsen/__/des na nyan thos zhi ba'i sdug bsngal gyi/__/sred pas bcings nas byang chub che las ring /__/de bas sred pa chags pa chen po yi/__/lam du khyer bas chags bral bde chen gyi/__/ye shes sgyu ma'i sku mchog thob par 'gyur/__/dge 'dis bla med tshul chen mos ldan rnams/__/rdo rje theg pa'i rigs su nges gyur nas/__/btsun mo'i tshogs dang dgyes rgur spyod nas kyang /__/rdo rje sems dpa'i go 'phang mchog 'grub shog/__/ces pa'ang me khyi zla 4tshes 23la pad+ma ye shes rdo rjes skad cig la bris pa mchog tu gsang ba'i sde'o/__/rgya rgya rgya//___//_!_a hoHdngos kun dngos po gcig gi ngo bo nyid/__/rang bzhin 'od gsal dgyes pa'i rdo rje'i gar/__/bcom ldan 'das ma dbang mdzad lha mo yi/__/thugs kyi dpyid thig snying gi dbus su zhugs/__/bcu drug lang tshos rab myos bin+d+hu ltar/__/rab dmar rjes su chags pa'i lang tsho yi/__/gzi 'od lcags kyu ltar gug rtse mo des/__/lha chen tshangs pa'i yid kyang brtan pa 'phrog/__gang gi gsang gsum phyag rgya'i gser 'gyur rtsis/__/bdag gi sgo gsum lcags khams la reg pas/__/bde chen ye shes dgyes sprin stong 'phro bas/__/sras bcas rgyal ba rnams dang snyoms par zhugs/__/de tshe mchog tu mi 'gyur ye shes kyi/__/thig le chen po'i dga' 'khyil rtag 'khor bas/__/snod bcud thams cad rjes chags zhu ba'i gzung /__/e waM 'khor lo'i dbyings su rnam par sdom/__/zhes pa'ang bde ba'i rdo rjes so//___//_!_ma nam mkha' dang mnyam pa'i sems can thams cad kyi/__/sdig pa dang sdug bsngal ci mchis pa/__/bdag gi steng du 'bab par shog/__bdag gi bde ba dang dge ba ci mchis pa/__/ma sems can rnams kyis thob par shog/__skye ba grangs med blang blang yang /__/skyes pa'i don go da res che/__/pha rig 'dzin brgyud pa'i bu ru skyes/__/rgyal ba'i bstan dang chung nas 'phrad/__/yongs 'dzin dge ba'i bshes dang mjal/__/chos zab rgyas gdams pa rgya mtsho tsam/__/thob pas kyang skal ba bzang ngam dran/__/yang gcig tu bsam yang chos thob pa/__/tshig gcig kyang nyams len byed ma grub/__/mi tshe thams cad dkor la zad/__/chags sdang gi tsher ma rnon po gzing /__/tshe phyi ma ngan song gi rgyu sgrub pa/__/tshul 'di la bsam na snying rlung ldang /__/las bzang bzang 'dra la las ngan po/__/rje thams cad mkhyen pa chen po yis/__/sprul pa ru ming btags don re chung /__/bstan zhabs su thags pa 'dogs pa yi/__/rgyal bstan la zhabs 'dren zhus song snyam/__/de bsam gyin bsam gyin mchi ma dku/__/yang bsam na thams cad sgyu ma yin/__/sgyu ma'i ngo bo stong pa nyid/__/stong pa thams cad rten 'brel yin/__/rten 'brel gyi tshul 'di brjod pa bral/__/brjod pa dang bral ba'i chos nyid la/__/go ba phyogs tsam yod pa 'di/__/pha bla ma'i drin gyis byung ba der/__/'jog lo tsam 'di yis zhe blo bde/__/da tshe yi lhag ma ci yod kyang /__/las ngan gyi dbang du ma gtong zhig/__sdig ldan bdag thugs rjes bskyab tu gsol/__/las ci byas gzhan la phan par shog/__'brel tshad kun bde ldan zhing skyes shog/__/ces pa'ang bya lo hor zla 6pa'i tshes 23la bro nad 'tshal ba dang /__dus kyi rgud pa sna tshogs pa'i rkyen gyis yid skyo dung nge+e ba'i ngang nas tshig de skad thol byung du thal lo//___//_!_nges don phyag rgya chen po'i rtogs pa ma 'khrul bar brjod pa nges don lam bzang zhes bya ba/__khyab bdag rdo rje 'chang dang tai lo pa/__/na ro mai tri mar mi dwags po sogs/__/bka' brgyud grub thob rgya mtsho'i thugs rjes gzigs/__/rang sems zhes pa mi dran dgu dran gyi/__/gya gyu rig rig wal wal 'di nyid ni/__/ma brtags nyams dga' yod yod 'dra bas bcing /__/gzung 'dzin 'khrul rtog spang blang sna tshogs kyi/__/re dang dogs pas bcings nas srid par dub/__/bla ma'i drin gyis 'di la dpyad pa na/__byung dang gnas dang 'gro bas rnam par stong /__/gzhi rtsa bral zhing sems nyid stong pa che/__/'khor 'das dngos po kun gyi gnas lugs yin/__/chos dbyings mtha' bral yangs pa chen po ste/__/rig dang ma rig 'khor 'das zhes su gdags/__/rtog na sangs rgyas ma rtog sems can te/__/don la 'khor 'das gnyis su grub pa med/__/'di ming chos dbyings bde gshegs snying po dang /__/sems kyi rdo rje rnam mchog stong nyid sogs/__/mtshan gyi rnam grangs mang yang don la gcig/__de nyid rtogs byed lam gyi rim pa ni/__/rang rgyud smin cing blo sbyong tshogs bsags dang /__/sgrib sbyong mos gus gnad du bsnun pa las/__/bla ma'i byin rlabs brda thabs tsam dang ni/__/yang nam gsung ma bsgom skad cig gis/__/bla slob chos nyid gcig tu 'dres gyur na/__/rig pa har sangs brjod bral phyag rgya che/__/shes pas ma bslad gsal stong zung 'jug ni/__/dus gsum dus med rtag tu nyams su myong /__/'dzin rtsol bral zhing yengs par ma shor ba/__/bsgom 'dod blo yi spros pa'i gzeb las grol/__/tshogs drug rtog tshogs rang grol rang yal du/__/shar tsam nyid nas grol bar chas pa dang /__/gnas 'gyu rig gsum mnyam pa chen por shes/__/rnam rtog gang skyes chos sku'i rol par 'char/__/mkhyen brtse nus pa'i yon tan dpag med thob/__/rlung sems snang ba dbyer med 'dres pa na/__/lam gyi phyag rgya chen po tshad du phyin/__/'bras bu'i phyag chen lus sems sgrib pa bral/__/mkha' ltar kun khyab yan lag bdun ldan pa/__/sku dang ye shes yon tan rgya mtsho'i mdzod/__/dpal ldan rdo rje 'chang dbang thob par 'gyur/__/ces pa'ang ye shes rdo rjes bris pa'o//___//_!_kye ho/__bu rtag par bla ma dran pa dang /__/cir snang bla mar shes pa yi/__/mos gus lam gyi srog mkhar la/__/pha rgan sa skya pa chen po'i/__/rtogs pa'i ye shes rgyud la 'pho/__/lus ni lha ru sgom pa dang /__/ngag ni bzlas pa lam du khyer/__/dran rtog ye shes chen po'i ngang /__/nam yang 'da' ba med par mdzod/__/mdor na mang du smras pas ci bya ste/__/rang sems 'dul zhing rang rgyud chos dang bsre/__/chos kyi snying po kun rdzob don dam gyi/__/byang chub sems gnyis bsgom la nan tan bya/__/zhes pa 'di ni rang slob 'jam dbyangs blo gsal bzang po'i ched chos kyi blo gros pas so//___// @#/__/'jam dpal sgyu drwa'i rgyud kyi dum bus sgrub brgyud shing rta brgyad ston tshul gyi zin bris bzhugs so/__/ 'jam dpal sgyu drwa'i rgyud kyi dum bus sgrub brgyud shing rta brgyad ston tshul gyi zin bris/__gnas brtan rgan po ste/__ston pa de bzhin gshegs pa'i chos 'dul ba la legs par bslab pa/__sbyangs pa'i yon tan bcu gnyis dang ldan pa'i gnas brtan chen po chags bral rgan por gyur pa de nyid kyis gzhan phan don gnyer gyis skyes bu gsum gyi lam gyi rim pa dang /__khyad par byams snying rje byang chub kyi sems la blo sbyongs shing rgyal ba'i bka' thams cad gdams ngag tu dril nas lha chos bdun ldan gyi bstan pa'i bdag po jo bo bka' gdams pa gsar rnying brgyud par bcas pa dang /__skye rgu'i bdag po tshangs pa dang chos mtshungs pa ni/__bka' bzhi brgyad pa'i rgyud sde rab 'byams kyi chos thams cad tshangs pa'i zhal bzhi nas rig byed bzhi byung ba ltar/__gsang 'dus/__bde dgyes/__gdan bzhi/__sgyu thod sogs kyi smin grol/__rgyud kyi bshad bka' dang bcas pa/__gtum mo/__rmi lam/__'pho ba/__sgyu lus/__'od gsal/__bar do/__phyag chen lhan cig skyes sbyor gyi gdams pa rnams/__nA ro mai tri/__ku ku ri pa/__ye shes snying po sogs nas mar pa lho brag bar brgyud de grub thob zam ma chad par byon pa'i bka' brgyud pa dang /__/sum cu rtsa gnyis mtshan 'chang ba ni/__rgyal ba'i yab gcig rje btsun 'jam dpal dbyangs te de nyid 'od gsal 'khon gyi rigs la rjes su chags pa dpal sa skya pa ni/__mdo sngags rig gnas dang bcas pa'i bstan pa yongs rdzogs dang /__khyad par bir wa'i thugs bcud gsung ngag lam 'bras kyi gdams pas rten dkyil 'khor bzhir 'gros bzhi thim nas sku bzhi mngon du gyur pa mkhas grub gser ri'i phreng ba lta bu byon pa dang /__lta spyod thams cad la dri ma dang bral ba dper na de bzhin gshegs pa'i sku mtshan dpes brgyan pa shin tu rnam par dag pa lta bu mthong na dga' zhing mkhas grub thams cad 'du ba'i pad tshal dang chos mtshungs pa'o/__/sdug gu 'jig rten gsum na mdzes pa ni/__khyung po du gu pa chen pos rdo rje gdan pa dang /__ye shes DA ki rnam gnyis/__mai tri pa/__rA hu la sogs mkhas grub brgya lnga bcu'i thugs bcud shangs lugs gdams pa rgya mtsho'i snying po gser chos rnam lnga sogs 'jig rten gsum na rtsod pa dang bral zhing /__lha yi bdud rtsi lta bu myur lam zab mo lus sems 'chi ba med par sbyor ba shangs pa bka' brgyud/__'jig rten shes legs slob dpon ni/__dpal dus kyi 'khor lo phyi 'jig rten khams las/__nang rdo rje'i lus dang sbyar/__gzhan rnam shes kyi tshogs thams cad ye shes su sbyor ba ste/__rdzogs rim gyi mthar thug rdo rje'i rnal 'byor sbyor ba yan lag drug pa dang /__'jig rten slob dpon ni/__grub thob o rgyan ba'i rdo rje gsum gyi bsnyen sgrub zhes sbyor drug dang cha 'dra ba'i rdzogs rim zab mo'i sgo gsum rdo rje gsum du bsnyen cing sgrub pas slob dpon chen por sgrub cing ston pa'o/__/'jigs med pa ni/__pha gcig dam pa rgya gar nas brgyud pa'i pho gcod dang /__ma gcig lab kyi sgron ma'i bka' srol gcod yul phyag rgya chen mos bdud bzhi dbyings su gcod cing /__snang srid thams cad yum chen chos sku'i dgongs pa mngon sum du mdzad cing 'khor 'das thams cad la 'jigs skrag dang dogs pa med pa'o/__/mgon skyobs 'jig rten yid gcugs pa ni/__pha gcig dam pa'i bka' srol sdug bsngal zhi byed brgyud pa snga phyi bar gsum gyi gdams pa zab mos nyon mongs rgyu 'bras thams cad zhi bar byed pas sems can rnams kyi mgon skyobs/__A li/__kA li'i phyi nang gi rten 'brel gyi thabs tshul sna tshogs pas 'jig rten pas 'jig rten pa rnams yid gcugs par byed pa'o/__/skyabs dang skyob pa bla na med/__/nam mkha'i mtha' la longs spyod pa/__/sangs rgyas sku lnga'i bdag nyid can/__/khyab bdag ye shes lnga yi bdag/__sogs kyi snga 'gyur bi ma/__pad 'byung sogs kyi bka' srol theg pa rim dgu'i gdul bya'i khams dbang bsam pa dang mthun par nyams su blangs pas skyabs dang skyob pa bla na med pa dang /__khyad par 'od gsal rdzogs pa chen po gzhi ka dag spros bral gting zab nam mkha'i mtha' lta bur/__zag med kyi chos rnams dang 'du 'bral med pa longs spyod pa dang /__gnad gsum gyis gcun pas nang don dam 'od gsal chen po sangs rgyas sku lnga'i bdag nyid kyi gdangs phyir gsal du shar ba rgya chad phyogs bral khyab bdag ye shes lnga yi thig ler sku dang ye shes kyi 'od zer chen po'i snang ba mu med par brdal ba rnams slar gdod ma'i nang dbyings su thim pa dang /__phyir gsal sku dang ye shes kyi rang snang longs sku dang /__phyed snang longs sku'i sprin chen por bkod pas gdul bya'i don mdzad pa ni/__sangs rgyas mnga' bdag cod pan sogs kyis bstan ba'o/__/ces pa'ang chos kyi blo gros pas gang dran bris pa'o//___// dbu ma thal 'gyur ba'i don snying nges par brjod pa/__rje btsun bla ma 'jam pa'i dbyangs/__/dpal ldan zla grags spyi bos mchod/__/de yi dgongs 'grel bod 'di ru/__/mkhas pa'i rnam dpyod 'dra min mang /__/de las dbu ma 'jug pa yi/__/dgongs pa thad kar bkral ba la/__/blo bzang rgyal ba'i lugs srol ni/__/chos rnams skye med bden stong du/__/rig pas gtan la dbab pa dang /__/gang zag bdag ces bya ba ni/__/blos btags tsam yin yul gyi steng /__/rang rkyal thub pa 'dra ba yi/__/'dzin stangs zhig la dgag bya'i gnad/__/nges par byas nas bdag med par/__/gtan la dbab pa gal che zhing /__/'dzin stangs de yis khyad par du/__/chos bdag med par ma rtogs na/__/nyon mongs dgra rnams bcom mi nus/__/dngos kun rig pas gtan dbab tshe/__/yod par 'dzin par zlog byas nas/__/med stong nyid du nges shes drongs/__/nges shes med na had por 'gyur/__/rim gyis mtha' rnams gcig car du/__/khegs par gyur pa de yi tshe/__/stong dang rten 'byung zung 'jug pa'i/__/rgyu 'bras stong nyid shar ba dang /__/stong nyid rgyu 'bras shar ba rnams/__/'gal med zung 'jug rtogs pa na/__/thams cad mkhyen pa'i gsang ba'i mdzod/__/rten 'brel zab mo'i don rtogs 'gyur/__/ces pa'ang 'jam dpal dga' ba'i go chas/__sa zla'i tshes 28la rdo rje gling nas bris pa dge legs 'phel//___// @#/__/zung 'jug dbu ma chen po'i don brjod pa nges don lam 'jug ces bya ba bzhugs so/__/ zung 'jug gnyug ma yongs grub bde gshegs snying po'i gnas lugs mngon sum gzigs pa'i bla ma dam pa rnams la gus pas phyag 'tshal lo/__/thog ma tha ma med pa'i dbyings/__/chos rnams kun gyi 'byung gnas che/__/gtsang rtag bde ba'i mthar son pa/__/dang po'i sangs rgyas phyag btsal nas/__/zung 'jug rab tu mi gnas pa'i/__/dbu ma chen po 'dir bshad bya/__/brtan dang g.yo ba'i chos rnams la/__/chos kyi dbyings kyis kun tu khyab/__/chos rnams de bzhin nyid dbyer med/__/sems can rgyud la sangs rgyas kyi/__/rigs sam khams zhes grags pa ni/__/bde gshegs snying po zhes bya ste/__/sems kyi chos nyid de yin cing /__/chos can sems ni 'khor ba ste/__/de yi chos nyid dag pa ni/__/myang 'das bde gshegs chos kyi sku/__/ma dag 'khor ba ltar snang zhing /__/dag pas phyogs re'i cha mthong la/__/shin tu dag pas dbyer med pa/__/chos nyid ro mnyam chen por gzigs/__/glo bur dri ma'i sbubs zhugs phyir/__/snying po'i sgra ni gsal bar bstan/__/rgyal tshab sa bcu'i dbang phyug gi__/rdzogs sangs sku ni 'phro phyir dang /__/de bzhin nyid dbyer med phyir dang /__/rigs yod phyir na lus can kun/__/rtag tu sangs rgyas snying po can/__/zhes pa'i rgyu mtshan gsum gyis bstan/__/chos kyi sku ni 'phro ba'am/__/khyab pa'i phyir dang sems can nas/__/sangs rgyas bar gyi de bzhin nyid/__/ro gcig tha dad 'gyur ba med/__/sangs rgyas nyid du 'gyur ba'i rigs/__/sems can kun la yod par gsungs/__/rang bzhin gnas pa'i rigs de la/__/rnam dbyer bcas pa'i chos kun btags/__/gzhan dbang gnyis kyis stong pa dang /__/rnam dbyer med pa'i dam pa'i don/__/brdzun pa bslu ba las 'das shing /__/bden par rtag pa chen por grub/__/bden par grub pas nongs zer na/__/brdzun pa bslu ba nyid du smos/__/de 'dra'i skur pa btab gyur na/__/sems can dmyal ba chen por ltung /__/bden par grub na gzhi grub thal/__/dngos po nyid du 'gyur ba sogs/__/ltar snang skyon mang rjod byed pa/__/ngal ba kho na tsam du zad/__/ci phyir gzhi dngos khas ma blangs/__/chos nyid bsam mi khyab pa yi/__/spros pa bral ba'i gnas lugs la/__/don dam bden pa zhes brjod kyi/__/de nyid gang la grub zer na/__/'phags pa'i ye shes gzigs ngor grub/__/rgyas 'gyur tshogs gnyis bsags pa las/__/gong 'phel byung ba'ang gshegs snying gi__/khams kyi yon tan gsal ba la/__/rgyas 'gyur rigs zhes 'jog pa las/__/yon tan sngar med gsar bskyed min/__/gzugs sku mtshan dpe'i yon tan rnams/__/dbyings kyi ngo bor ldan pas na/__/rang bzhin lhun gyis grub pa'o/__/gzhi dus chos gzugs 'du 'bral med/__/lam gyi dus kyang de ltar bsgom/__/'bras dus de gnyis dbyer mi phyed/__/des na lhun grub yon tan rnams/__/med ces chad lta ring du spangs/__/gsang sngags bla med theg pa las/__/thig le so gnyis mtshan bzang sogs/__/bstan pa de nyid sems dkyil la/__/sbyar na rig pa'i gshis la tshang /__/dag pa dwangs pa 'od gsal ba/__/mi 'khrugs 'dus ma byas su gsungs/__/'od gsal zhes pa rnam shes kyi/__/gsal rig tsam la ngos bzung na/__/de ni rgyu rkyen la ltos phyir/__/'dus ma byas su mi rung zhing /__/chos dbyings gsal stong chen po ni/__/'dus ma byas su mkhas pa dang /__/grub pa kun gyi bzhed pa yin/__/kha cig kun gzhi rnam shes nyid/__/gshegs snying nyid du bzhed pa yang /__/rigs shing 'thad pa ma yin te/__/de ni skye 'gags chos can gyi/__/ngo bo 'dus byas yin pa'i phyir/__/bde gshegs snying por mi 'thad de/__/'dus ma byas su gsungs phyir ro/__/'ga' las zag med sems rgyud ces/__/gsungs pa kun gzhi'i rnam shes kyi/__/gsal cha nyid la dgongs pa yin/__/de ni ma sgrib lung ma bstan/__/yin phyir dge ba'i tha snyad med/__/'on te zag med sems rgyud ces/__/tshogs brgyad las gzhan yod na ni/__/de tshe rnam shes tshogs dgur 'gyur/__/des na tshogs brgyad las gzhan pa'i/__/zag med sems rgyud mi 'thad do/__/zhes gsungs de la nges shes bskyed/__/des na ji ltar khas blangs rnams/__/skyon can nyid las 'ga' yang med/__/skyon med gnyug ma zung 'jug gi__/lta ba rgyud la bskyed par bya/__/snying po'i don la byams pa dang /__/klu sgrub yab sras thogs med sogs/__/thams cad dgongs pa gcig tu mthun/__/de yang theg chen rgyud bla mas/__/'khor lo tha ma'i snying po'i don/__/ji bzhin gsal bar mdzad pa nyid/__/nges pa'i don la yang dag 'jug/__'phags pa klus kyang 'di lta ste/__/byang chub sems 'grel las/__bcom ldan 'das kyis/__gsang ba'i bdag po sems de ni nang na yang ma yin/__phyi rol na yang ma yin/__gnyis ka'i bar du yang ma yin no/__/de ci'i phyir zhe na/__gsang ba'i bdag po sems de ni rang bzhin gyis yongs su dag pa'i phyir ro/__/zhes dang /__bcom ldan 'das kyi byang chub gang zhe na/__gang sems kyi yang dag par ji lta ba bzhin yongs su shes pa ste/__de nyid bla na med pa yang dag par rdzogs pa'i byang chub bo/__/zhes dang /__byang chub ni nam mkha'i mtshan nyid phyir/__de'i phyir gang zhig rang gi sems yang dag pa ji lta ba bzhin rig pa de la brtse ba'i thabs kyi/__kye ma kyi hud sems can 'di dag ni sdug bsngal/__de las ji ltar na de dag rang gi sems kyi chos nyid kyi rang bzhin rtogs par 'gyur ba de bzhin du bdag gis 'bad par bya'o/__/zhes dbyings dang ye shes dbyer med zung 'jug gi gnas lugs de nyid so so rang rig pa'i ye shes kyis rtogs nas sems can rnams kyang de la dkri ba'i slad du 'bad par bstan pa dang /__stong nyid phyad chad dang gsal ba ris chad ni rang bzhin yongs su dag gzhir mi 'thad de/__de la dag ma dag gnyis ka med pa'i phyir/__des na chos can sems kyi gnas lugs zung 'jug 'di yongs su dag pa la dag par blta bar bya dgos shing /__/rang sems gdod nas ma skyes pa/__/chos bdag med pa mnyam pa nyid/__/ces pa'ang rnam pa kun gyi mchog dang ldan pa'i stong nyid 'od gsal 'di la chos thams cad mnyam pa nyid du 'thad la/__/de las gzhan du ma yin no/__/yang klus gsang 'dus rim lnga las/__/yang dag mtha' las langs nas ni/__/gnyis med ye shes thob par 'gyur/__/zung 'jug ting 'dzin la gnas nas/__/slar yang gang la'ang mi slob bo/__/'di ni rdzogs pa'i rnal 'byor pa/__/rdo rje 'dzin pa chen po'ang de/__/rnam pa kun gyi mchog ldan pa'i/__/thams cad mkhyen pa de nas 'gyur/__/ces dang /__rlung gi de nyid gsal ba ni/__/ye shes lnga yi ngo bo nyid/__/rnal 'byor byis pa'i yul min zhing /__/rtog ge pa yis mi shes so/__/zhes dang /__ji ltar chu la chu bzhag dang /__/ji ltar mar la mar bzhin du/__/rang gi rang gi ye shes ni/__/legs mthong gang yin 'dir phyag yin/__/ces dang /__gsal ba ru ni bshad bya ste/__/stong pa gsum gyi rnam dag na/__/'od gsal ba ni 'dir bshad de/__/thams cad stong par de brjod de/__/ye shes gsum ni rnam dag pa/__/ye shes dag nas de nyid stong /__/thams cad mkhyen pa bla na med/__/'gyur ba med cing snang ba med/__/gnyis med mchog tu zhi ba nyid/__/ces dang /__nam mkha'i ngos ltar mchog gyur pa/__/'od gsal ba ni de dmigs shing /__/'od gsal ba yi gnas thob nas/__/rab dga'i gzugs su skye bar 'gyur/__/ces rlung sems ma dag pa thams cad kyi chos nyid 'od gsal zung 'jug gi ye shes kyi ngo bor bstan pa/__sems 'khrul bcas kyi gsal rig ma 'gags pa tsam chos dbyings 'od gsal du mi 'thad cing /__rang bzhin 'od gsal de ni stong gsum gyi mtha'i 'od gsal nyid don gyi 'od gsal dngos su bshad pa'o/__/yang 'phags pa klus/__'khor lo tha ma'i dgongs 'grel du grags pa chos dbyings bstod pa las/__gang zhig 'khor ba'i rgyur gyur pa/__/de nyid sbyangs pa byas pa las/__/dag pa de nyid mya ngan 'das/__/chos kyi sku yang de nyid do/__/ji ltar 'o ma dang 'dres pas/__/mar gyi snying po mi snang ba/__/de bzhin nyon mongs dang 'dres pa/__/chos kyi dbyings kyang mi mthong ngo /__/ji ltar 'o ma rnams sbyangs pas/__/mar gyi snying po dri med 'gyur/__/de bzhin nyon mongs rnams sbyangs pas/__/chos dbyings shin tu dri med 'gyur/__ces dang /__/ji ltar rin chen baiDUR+Ya/__/dus rnams kun tu 'od gsal yang /__/rdo yi nang na gnas gyur na/__/de yi 'od ni gsal ma yin/__/de bzhin nyon mongs kyis bsgribs pa'i/__/chos dbyings shin tu dri med pa'ang /__/'khor bar 'od ni gsal ma yin/__/mya ngan 'das na 'od gsal 'gyur/__/dbyings yod na ni las byas pas/__/sa le sbram dag mthong bar 'gyur/__/khams med na ni las byas na/__/nyon mongs 'ba' zhig skyed par byed/__/ces dang /__de bzhin 'od gsal ba yi sems/__/'dod chags la sogs dri ma can/__/ye shes e yis nyon mongs bsregs/__/de nyid 'od gsal ma yin no/__/stong pa nyid ni ston pa'i mdo/__/rgyal bas ji snyed gsungs pa gang /__/de dag kun gyi nyon mongs ldog/__khams de nyams par byed ma yin/__/zhes dang /__so so rang rig sbyor ldan nyid/__/sangs rgyas rtaga?~X pa'i chos nyid can/__/zhes dang /__/thog ma bar dang mthar dge ba/__/bslu ba med cing brtana?~X pa yi/__/gang zhig de ltar bdag med pa'ang /__/ji ltar bdag dang bdag gis brtags/__zhes sogs rgya cher gsungs pa rnams 'khor lo tha ma'i mdo dang /__bstan bcos nas gsungs pa bzhin/__rang bzhin gyi 'od gsal de bzhin gshegs pa'i snying po sgrib pa'i tshogs kyis bsgribs tshul dang /__rang gi ngo bo 'pho 'gyur bral ba rtag brtan chen por bzhugs tshul sogs gsungs shing /__slob dpon zla grags kyi zhal nas stong nyid nyi shu bshad pa'i skabs/__sangs rgyas rnams ni 'byung ba'am/__/ma byung yang rung dngos su dang /__/dngos po kun gyi stong pa nyid/__/gzhan gyi dngos po rab tu bsgrags/__/yang dag mtha' dang de bzhin nyid/__/ces pa'i 'grel par gzhan gyi dngos po ni mchog tu byung ba'i de kho na nyid do/__/de'i mchog tu byung ba nyid ni rtag tu yod pa nyid do/__/rnam pa gcig tu na gzhan gyi dngos po ni ye shes phul du byung bas rtogs par bya ba'i dngos po ste/__de ni de nyid kyis stong pa nyid do/__/yang na pha rol na yod pa ni gzhan gyi dngos po'o/__/'khor ba las 'das pa'i phyir gzhan gyi dngos po zhes bya ba ni yang dag pa'i mtha' ste rnam par 'gyur ba med pa'i don de bzhin nyid kyi stong pa nyid kyi mtshan nyid can de ni gzhan gyi dngos po'i stong pa nyid do/__/zhes chos dbyings 'od gsal 'gyur med rtag tu bzhugs pa dang /__dbyings spros bral gyi ngo bo dang mi phyed pa dang /__'khor ba kun brtags dang gzhan dbang yang dag pa'i mtha' chos dbyings dang /__yang na pha rol na yod pa 'khor ba'i chos kyi yang dag pa'i mtha' de stong par bshad pa ste/__mkhas pa chen po'i dgongs pa ches zab pa'o/__/jo bo rjes/__de ltar rags pa'i rnal 'byor bstan nas da ni phra ba'i rnal 'byor bstan par bya ste/__'di phra ba yin te/__'di ltar chos thams cad rang gi sems nyid sgyu ma tsam du snang ba 'byung ste/__'di las sems sgyu ma tsam ni dus gsum las 'das pa/__kha dog dang dbyibs med par rang bzhin gyi 'od gsal ba/__snang ba med pas chos thams cad ni sems nyid sgyu ma tsam yin par shes par bya'o/__/zhes dang /__lang gshegs kyis/__sems tsam la ni brten nas su/__sogs kyis gsungs pa dang /__yang lang dkar gshegs pa'i lung gi mkhas pa chen po rnams kyi gshegs snying 'khor lo tha ma nas bshad pa drang don du bkral ba'ang bar pa gtsor 'don la dgongs nas gsungs pa yin gyi mtha' gcig tu ma nges te/__lung de'i don/__byis pa rnams bdag med pas 'jigs par 'gyur ba'i gnas rnams spangs ba'i phyir don de de bzhin gshegs pa'i snying po'i sgo nas bstan pas rnam par mi rtog pa'i gnas zla grags dang chos rje 'jam pa'i dbyangs sogs kyis lung drang don du bkral ba'ang gshegs snying mtshan ma can du bzung na lung 'dis bsal bas de la dgongs shing /__rang bzhin 'od gsal spros bral mtshan ma med par go na lung 'di'i don dang 'byor zhing dgongs pa gcig tu mthun no/__/mchan/__snang ba med pa'i spyod yul ston to/__/zhes byis blos rtogs par dka' bar bstan pa dang /__da lta dang /__ma 'ongs pa'i byang chub sems dpa' rnams kyis kyang bdag la mngon zhen mi bya zhes pas nyan rang byang 'phags rnams kyis zab mo'i gnas der bdag tu 'khrul nas rtogs dka' ba dang /__bdag tu smra ba drang ba'i phyir/__de bzhin gshegs pa'i snying po bstan pas/__de bzhin gshegs pa'i snying po ston te/__yang dag pa'i bdag tu rnam par rtog pa'i lta bar lhung ba'i bsam pa can dag rnam par thar pa'i sgo gsum gyi spyod yul la gnas pa'i bsam pa dang ldan cing /__myur du bla na med pa'i rdzogs pa'i byang chub tu ji ltar 'tshang rgya bar 'gyur/__sogs kyis yang dag pa'i bdag ces brtags pa'ang dbyings rnam thar gsum sgo gsum gyi rang bzhin dang mi phyed pas byang chub thob par gsungs shing /__len pa'i rnam par shes pa sogs kyi don kun gzhi'i mdzod khang 'di rtogs par dka' zhing /__zab cing phra bas byis pa rnams la ma bstan ces pa'i shugs kyis de bzhin gshegs pa'i snying po yod par bstan pa'o/__/'jam dpal gyi lta 'dod mdor bstan las/__/phung po rnam bcad stong pa nyid/__/chu shing bzhin du snying po med/__/rnam pa kun gyi mchog ldan pa'i/__/stong nyid de ltar 'gyur ma yin/__/ces sogs dbyings dang ye shes dbyer med pa'i gnas lugs 'di sgom pa nyams su myang bya'i lta ba ni 'di kho na yin no/__/de ltar yid ches lung dag la/__/blo ldan rnams kyis nges shes drongs/__/rig pa bzhi yis legs par dpyod/__/'od gsal ces pa dngos po dang /__/mtshan ma can du 'dzin pa spongs/__/gsal stong mi mthun 'gal zla gnyis/__/zung 'jug sgrub pa'i ngal ba dor/__/gnas snang gcig tu mi bsre bar/__/ma dag ma dag dag pa dang /__/shin tu rnam par dag pa yi/__/gnas skabs so sor shan 'byed bya/__/kun rdzob rang gi ngo bos stong /__/don dam gzhan gyi dngos pos stong /__/'khor 'das chos rnams stong rten 'byung /__/dbyer med dbu ma'i lam du gsungs/__/mya ngan 'das pa bden gcig pu/__/ji bzhin gzigs pa sangs 'phags kyi/__/ye shes gzigs pa mi bslu zhing /__/bde~Xn pa nyid du tshad mas gruba?~X/__/des na de nyid dbang btsan bya/__/'di don sa bcu'i sems dpas kyang /__/ji bzhin rtogs par ma gsungs na/__/so skyes rtogs pa lta ci zhig/__'dren pa rnams kyi chos kyi sku/__/sgro skur rtag chad las grol zhing /__/zab zhi spros bral 'od gsal ba/__/'dus ma byas pa'i don rtogs pa'i/__/thabs chen la ni 'bad pa gces/__/klu sgrub thogs med nges pa'i don/__/mthar thug dgongs pa gcig tu 'babs/__/de kun zung 'jug phra ba yi/__/nang gi dbu mar bshad pa de/__/zab mor bstan pa'i rgyud rnams dang /__/sems 'grel sogs su gsal bar bstan/__/lha gcig dI paM kA ra yi/__/chos dbyings lta ba'i glu dbyangs las/__/tshul gnyis shing rta la zhon nas/__/rig pa'i srab skyogs 'ju byed pa/__/de dag de phyir ji bzhin no/__/theg pa chen po pa nyid thob/__/ces dang /__pha rol rgol ba bzlog pa dang /__/bstan bcos chen po'i gzhung dang ni/__/rtsod pa chen po byung dus su/__/rags pa'i dbu ma'i gzhung smra bya/__/de nyid don la gtsor byed cing /__/rnal 'byor nyams su len dus su/__/phra ba'i rnal 'byor bsgom par bya/__/'di ni zhal gyi gdams pa yin/__/zhes rjes 'jug rnams la gdams pa dang /__/mchog gsang 'od gsal rdzogs pa che'i/__/shin tu gsal rgyas bstan pa dang /__/rnal 'byor dbang phyug biR+Wa pa/__/sa skya'i rje btsun mchog rnams kyang /__/zung 'jug dbu ma gsal bar bshad/__/mar mi dwags sogs 'di nyid bzhed/__/mkhas grub rnams kyi dgongs pa'i mthil/__/'di ni bshad pa tsam gyis min/__/nang gi rnal 'byor bsgom pa las/__/dkar po'i tshes zla 'phel ba bzhin/__/rim gyis chos sku'i rgyal sa thob/__/rnam grol yon tan rab brnyes nas/__/'gro don phrin las lhun grub 'byung /__/thams cad stong pa 'od gsal ba/__/mtshan mtshon brjod pa las 'das pa'i/__/zung 'jug gnyug ma'i ye shes de/__/'gro ba kun gyis rtogs par shog/__'di sbyar dge bas bdag gzhan rnams/__/bde gshegs snying po'i khyab mthong nas/__/lam la 'bad pa don yod cing /__/dag pa gnyis ldan sku thob shog/_/ces pa'ang ma sbyangs mu cor smra ba chos dbyings bde gshegs snying po la mos pas spyod pa blo gros rgya mtshos myur bar bris pa dge/__//__ de bzhin gshegs pa kun gyi dgongs pa'i mthil mtha' bral dbu ma chen po thal 'gyur ba'i nges gsang zla ba'i zhal lung bzhugs so/__/bla ma dang mgon po 'jam pa'i dbyangs la phyag 'tshal lo/__/zab mo mtha' dang bral ba yi/__/sangs rgyas kun gyi thugs kyi gsang /__/nges don zab mo sher phyin gyi/__/sbas pa dbu ma'i don brjod bya/__/bdag dang phung po rnam rig sogs/__/spros pa rnams kyi ma spros shing /__/rnam rtog med cing tha dad med/__/mtha' dang bral ba dbu ma'i lam/__/bdag gzhan dngos por snang ba rnams/__/skye ba med cing 'gags pa med/__/gnas med dmigs med 'gro 'ong bral/__/rtag dang chad pa las 'das pa'i/__/zab mo brgyad ldan dbu ma che/__/de nyid ma rtogs byis pa rnams/__/nga dang bdag ces lhan skyes kyi/__/zhen cing 'dzin pas 'khor bar 'khyams/__/nyon mongs pa rnams rgyas phyir ro/__/mu stegs log pa'i blo can gyis/__/bdag gcig rtag par sgro btags kyis/__/dngos por smra ba kha cig gis/__/bdag phung rdzas gcig 'dod pa rnams/__/gzhi med sgro 'dogs nyid kyi phyir/__/srid par 'ching ba'i rgyu min yang /__/log par rtog yin rigs pas gzhom/__/rdul dang shes pa bden smra yang /__/yang dag du na gcig pa dang /__/du ma'i rang bzhin bral ba'i phyir/__/rang bzhin med de gzugs brnyan bzhin/__/chos rnams sems tsam ston pa yang /__/sems nyid bden dngos ma grub dang /__/skad cig cha dang bcas pa'i phyir/__/rang bzhin dmigs su med pas na/__/de phyir sems dang der snang rnams/__/yang dag don la grub pa med/__/gzhan dbang rnam shes tshogs rnams kyang /__/'dus byas nyid yin de'i rang bzhin/__/rang gsal bden grub ces bya ba/__/'di yi yod pa gang gi shes/__/rang rig myong ba yod ce na/__/myong bya myong byed gnyis su 'gyur/__/med na de nyid gang gi myong /__/de phyir ltos pa nyid du grub/__/bden par blo yi sgro 'dogs pa'o/__/dbu mar smra ba 'ga' zhig kyang /__/kun rdzob tu yod don dam du/__/med par smra ba gang yin pa'ang /__/bden gnyis res 'jog 'gal ba'i phyir/__/yang dag don la gnas pa med/__/dngos po rgyu las skye ba'ang /__/tha snyad gzhan skye yin par 'dod/__/gzhan skye 'jig rten la ma grags/__/de la rigs pas gnod par 'gyur/__/kha cig chos nyid yongs grub tu/__/bden grub smra ba gang de yang /__/gnas lugs don la gzhal lo skad/__/gnas lugs mnyam par bzhag pa'i skabs/__/bsam brjod bral ba 'dod bzhin du/__/rjes shes bden grub smra ba ci/__/bden par grub na bden dngos 'gyur/__/chos dbyings mtshan ma can du lhungs/__/ci phyir bden par grub 'dzin pas/__/mtshan mar 'dzin pa nyid du nges/__/la la rigs pas dpyad pa na/__/ci yang med pa nyid du 'dzin/__/med pa don dam nyid ce na/__/ri bong rwa yang der thal 'gyur/__/tha snyad tshad mas grub ces smra/__/tshad mas grub rgyu gang yin dri/__/snang tsam nyid du grub ce na/__/de ni dpyad med 'jog pas chog/__dpyad pas bzhag go zhe na ni/__/rang mtshan tshad mas grub dgos na/__/de ni rang tshig dang 'gal zhing /__/ma dag kun rdzob 'khrul rtog phyir/__/tshad mas grub pa mi srid do/__/de ltar blo yis dpyad pa rnams/__/phan tshun 'chol ba rab spangs nas/__/chos dang gang zag bdag nyid du/__/grub par 'dzin pa'i rtog ngan ni/__/ngar 'dzin lhan skyes zhes bya ba/__/de yi gzung yul chos rnams dang /__/'dzin pa'i sems rnams ma skyes pa/__/gdod nas rab zhi mnyam pa nyid/__/mkha' ltar zab cing spros bral ba/__/'di ni dngos kun de kho na/__/mtha' bral dbu ma'i lam yin te/__/kun rdzob don dam gdod ma nas/__/dbyer mi phyed cing yang dag pa/__/'gyur med mnyam pa chen po la/__/dbu ma zhes su grags pa'o/__/'khor dang mya ngan 'das pa rnams/__/sgyu ma lta bu'i ngo bo nyid/__/stong dang rten 'byung dbyer mi phyed/__/smra bsam brjod pa las 'das te/__/yod dang med dang gnyis ka dang /__/gnyis min mtha' las rab grol zhing /__/rnam par 'jog bya 'jog byed kun/__/mnyam nyid don la rdul tsam med/__/dbu ma'ang dmigs su yod ma yin/__/sems dang yid dang rnam shes kyi/__/spros las rab 'das mtshan ma bral/__/yang dag nyid la yang dag par/__/mthong bar gnas lugs don mthong zhes/__/tshig gi brjod pa tsam du zad/__/don la mthong bar bya ba med/__/ma mthong mthong ba chen po'o/__/dngos kun skye med rab zhi ba/__/blo yang skye med nyid kyi ni/__/skye med nyid du rtogs pa la/__/chos dbyings mthong ba'i tha snyad mdzad/__/gzhi lam 'bras bu'i chos thams cad/__/rang bzhin skye med gtan la dbab/__/ji bzhin nyid du bzhag pa yis/__/sku bzhi'i go 'phang thob par 'gyur/__/'di ltar brjod pa'i dge ba'i mthus/__/rtag dang chad pa'i mtha' las grol/__/sangs rgyas kun gyi gsang ba che/__/zab mo dbu ma'i don rtogs shog/__/ces pa'ang dbu ma chen por mos pa lam du byed ba 'jam dbyangs chos kyi blo gros pas 'phags pa'i sa brnyes klu sgrub yab sras kyi dgongs pa bzhin chu lug smin zla'i tshes gcig la nges par brjod pa dge legs 'phel/__sarba dA mang+ga laM//___// @#/__/rje btsun rin po che grags pa rgyal mtshan gyis mdzad pa'i sgrub pa nyams su len tshul bzhugs/__/ na~X mo~X phyag 'tshal ra~Xt+na rin chen gu~X ra~X we~X bla ma la/__dala~X ba brgyad dang 'byora~X pa bcu 'dzo~Xm pa'i~X skala~X ba~X bzang po cana~X/__skye~X rga na 'chisa~X 'jiga~Xs shing skrag pa'i~X nges 'byung dang rgyu 'bras la yid ches kyi dada~X pa~X cana~X/__mtshan nyid dang ldan pa'i rang la bka' drin can gyi bla ma dge ba'i bshes gnyen gyi gsunga~Xs bzhina~X yal bar mi dor ba nan tan tshul bzhin bsgruba~X pa'i~X mosa~X gusa~X cana~X gyi/__bu~X shesa~X rab gsala~X zhing yid gzhungs pas 'di~X bzhina~X sema~Xs la~X zhoga?X cig/__dam pa'i chos la thos bsam gyis sgro 'dogs chod nas sgruba~X pa~X nyama~Xs su~X lena~X pa~X la/__brtson 'grus thang lhod med cing lto gos gtam gsum la gyong bskur nas snyinga~X rusa~X dang dka' ba spyada~X pa~X che~X ba~X dnga~X /__khams gsum 'khor ba la zhena?X pa gting nas loga?X ste dben pa'i ri~X la~X gcig pur ri dwags smas ma bzhin sdoda~X tshuga~Xs pa dnga~X /__/tshe~X 'di~X snang gi 'jig rten gyi bya bzhag che phra thams cad dang ltar snang chos la bsnyad pa rnams kyang blo~X yisa~X thonga~X pa zhig cis kyanga~X bsgrub par 'tshala?X lo/__/bslab pa gsum gyi mngon par rtogs pa'i yo~Xn tana~X rgyuda~X la~X skye~X ba~X la~X/__so thar byang sems rig 'dzin sngags kyi sdoma~X pa gsuma~X khas blangs pa las thob pa'i sdom pa dang dma~X tshiga~X la nyes ltung dri mas ma gos pa shel dkar gyi bum pa ltar dag cing gtsanga~X ba~X dnga~X /__rang mthong che ba'i nga~X rgyala~X dge ba cung zad sgrub pa la 'dzin zhen gyi rloma~X sema~Xs chunga~X ba~X dnga~X /__skye 'gro mchog 'bring dman pa thama~Xs cada~X la brnyas bcos dang 'gran sems dang phrag dog spang nas gtsug gi nor bu bzhin du spyi~X bo~Xr khura~X ba yanga~X sgrub par 'tsha~Xl lo/__/dus gsum gyi sangs rgyas thams cad 'dus pa'i ngo bo bla ma rje~X yi~X byina~X rlaba~Xs snying dbus su 'juga~X pa~X la~X/__tha mal du blta ba'i ma dad log lta'i skyon rnams spangs nas sanga~Xs rgyasa~X dngo~Xs kyi~X 'du~X shesa~X bskyed pa dnga~X /__bla ma'i dgongs spyod gsang gsum mdzad pa phrin las dang bcas pa'i rnama~X thara~X sAts+tsha'i brkos phor gyi ri mo 'jim pa la dod pa ltar rang gi laga~X tu~X lena~X pa~X dnga~X /__dran shes bzhin dang ldan pas bla ma mi brjed par dran cing dus rgyuna~X para~X kha tsam tshig tsam min par snying khungs rus pa'i gting nas mos gus thang lhod med par gsola~X ba~X 'deba~Xs pa zhig kyanga~X sgrub par 'tshala~X lo/__/chos kyi dbyings spros pa thams cad dang bral ba'i lta~X ba~X zab mo thos bsam gyi go~X yula~X tsam du ma~X songa~X la~X/__sgro 'dogs chod pa'i nges shes kyis gzung 'dzin gyi snanga~X ba~X thams cad rang gi sema~Xs su~X snang ba las phyi don du grub pa med par thaga~X choda~X pa dnga~X /__'kho~Xr ba dang myang 'da~Xs spanga~Xs blanga~X re dogs meda~X pa~X dnga~X /__de ltar gtan la dbab byed kyi sems mkha~Xn po~X de'ang skye 'gags gnas gsum bral ba'i dbyinga~Xs su~X dga~X dgos pa zhig kyanga~X sgrub par 'tsha~Xl lo/__/lta ba de la sgoma~X pa~X'ang sema~Xs kyi 'dzi~Xn phur gyi phyi nang du rtod pa lta bu la rag ma~X lasa~X la~X/__'ching grol las 'das pa'i gshis lugs kyi ngang der bde~X gsa~Xl mi rtog pa'i nyams ban bun gyi ro la chags pa'i zhena~X pa~X brala~X ba~X dnga~X /__rnam rtog gang skyes rang yal rjes med du song bas 'di skye 'di 'gags kyi rtsa~X ba chada~X bral du song zhing rig pa gshis kyi ranga~X sa~X zina~X pa~X dnga~X /__gnas lugs de nyid ngag gi lam nas smra~X ba dang rnam shes kyi bsa~Xm yula~X lasa~X 'da~Xs pa zhig kyanga~X sgrub par 'tsha~Xl lo/__/sgo gsum dang 'brel ba'i spyoda~X pa~X la bzang ngan du blta ba'i blanga~X dora~X lta ba'i btsan rdzong zin na thams cad mnyam pa chen po las ma g.yos pas spang len gyi rtog pa dbyings su dag pas 'di blang 'di dor ma~X shola~X la~X/__bzang ngan gyi gnyisa~X 'dzi~Xn gyi rtog pa ranga~X sara~X grola~X ba~X sbrul mdud grol ba lta bu dnga~X /__'jig rten chosa~X rnyed dang ma rnyed bde dang mi bde snyan dang mi snyan bstod dang smad pa ste mthun phyogs bzhi dang mi mthun phyogs bzhi ste brgyada?X po'i mgo bo rnams ro snyoms pa dang /__stong pa nyid do snyam nas 'du shes pa dang /__sgyu ma dang rten 'brel lo snyam pa'i bza~Xng rtoga~Xs kyi gnyena~X po~X de rnams dang brala~X bar bya ba yanga~X sgrub par 'tsha~Xl lo/__/de'ang sher phyin sdud pa las/__'du shes rnam par bshig nas spangs pa pha rol 'gro/__zhes gsungs so/__/thob bya'i 'bra~Xs bu~X rgyang ring po'i phyi~X dusa~X la mi~X re~X zhing ma ltos la~X/__gnas lugs kyi rtogs pa rang rig pa'i ye shes kyi mngo~Xn sum du~X gyura~X pa~X dnga~X /__de gyur pa na gzhi 'bras dbyer med yin pa'i gnad kyis 'bras bu rang chas su yod pa gsal ba la 'bras bu thob ces pa'i ming tsam 'dogs pa'o/__/lta ba la goms 'dris brtan pa na mnya~Xm bzhag dang rjesa~X thob gnyisa~X po~X tha dad dbye rgyu med par ro gcig tu 'dresa~X pa~X dnga~X /__thun dang thun mtshams nyin zhag gi rtog pa sogs kyang 'di bsgom 'di bsgruba~X ces pa'i~X zhe~X 'do~Xd zada~X pa zhig kyanga~X sgrub par 'tshala?X lo/__/nam mkha'i mtha' mnyam gyi 'a~Xgro ba~X gzha~Xn dona~X byeda~X pa~X la~X/__'khor gsum du 'dzin pa'i smona~X lama~X gyi 'phena~X pa~X zada~X pa~X dnga~X /__'khor 'das kyi chos thams cad rgyu~X dang rkyena~X las skyes pa'i rtena~X 'brela~X gyi snang ba 'gags med du shara~X ba~X dnga~X /__shar ba'i dus nyid nas kyang rang bzhin med pa'i stong nyid dang tha dad med par stong dang rten 'byung dbyer med kyi ngang nas dag dang ma dag gi sems can thams cad la dmiga~Xs pa meda~X pa'i thugasa~X rje~X chen po 'byanga~Xs ba zhig kyanga~X sgrub par 'tsha~Xl lo/__/de ltar mdo sngags kyi chos nyams len gnad kyi snying por dril ba'i 'tsha~Xl ba~X brgyada~X kya~X mgur dbyanga~Xs chunga~X ngu 'di~X/__dad brtson gyi slob ma sgrub la brtson par 'dod pa'i shesa~X raba~X gsa~Xl ba la~X theg pa mchog gi rnal 'byor pa grags pa rgyal mtshan gyis blanga~Xs pa laga~Xs na/__'di~X bzhina~X dpe tsam la ma lus par snying la bcangs nas sgo gsum dona~X dnga~X ldana~X para~X mdzo~Xd cig/__'di lta bu'i nyams len gyi gdings dang mi~X ldana~X b.ra~X du~X bsgoma~X sra~Xn dang snying rus bskyed par mdzod cig dang /__srid zhi mtha' gnyis la mi gnas pa'i byang chub chen po'i go 'phang myur ba nyid du thob par 'gyur ro/__/sa~X mA~X p+ta~X mi~X thi~X ni rdzogs so zhes pa'i don no/__/zhes pa'i mchan nyung ngu 'di'ang 7sa skya pa ngag dbang kun dga' bsod nams kyi bka' lung phebs pa ltar rmongs brtul chos kyi blo gros pas bris pa dge'o//___// @#/__/bstod pa chos rgyal ma'i tshig 'grel nyung bsdus bzhugs/__/ oM swasti/__/mgon po 'jam pa'i dbyangs kyi rnam par 'phrul pa dpal sa skya paN+Di ta zhes de bzhin gshegs pa thams cad kyi ngo bo chos kyi rje/__/chos kyi rgyal po de ni 'gro ba sems can du ma yi lam ston pa'i mgon du gyur pa chos kyi rje de ni sems can rmu rgud can rnams 'dul bar bya ba dang /__bstan pa'i rgyal mtshan bsgreng ba'i don du gram pa la stod dpal ldan sa skya chu pho dge byed de stag lo dpyid zla ra ba'i nyi shu drug la bltams pa nas bzung sprul pa sku ba'i gnas su lcags phag smal po yi tshes bcu gnyis tho rang zhi bar ma gshegs kyi bar rab tu ngo mtshar ba'i rnam thar gyi mdzad pa dpag tu med pa rnams blo gros can gyi the tshom bcad pa'i phyir du bdag gi mdor bsdus te 'chad pa bya ba yin la/__skye bo kun gyis gus pas nyan par gyis shig ces bskul ba'o/__/chos kyi rje 'di dang po yum gyi lhums su zhugs pa'i dus su byang chub sems dpa' rnams kyis lhums su zhugs pa'i rmi ltas klu yi dbang po'i rgyal po yon tan dpag tu med pa spyi bo'i steng nas/__rin po che'i rgyan gyis mdzes par brgyan pa mig gi lta bas mi bzod pa gcig gi khyod la gnas khang g.yar ba yin zer nas byon par rmis kyis/__shes rab stong pa nyid zag pa med pa'i yum gyi rgya mtsho'am lhums su zhugs shing lhum na bzhugs pa'i dus na'ang yum la lus yangs ba dang /__zo mdog bde ba dang ting nge 'dzin bzang po rgyud la skye ba byung zhing /__de lta bu'i yon tan du ma la dbang 'byor ba khyod la spyi bos phyag 'tshal lo/__/sku bltam pa'i tshe yang byang chub sems dpa' bltams pa'i ltas 'od kyi 'jig rten gyi khams thams cad khyab pa dang /__yum la sdug bsngal la sogs gang gis kyang ma gnod cing bde ba'i rnam pa rgyas shing mkha' 'gro dang lha'i dbang po la sogs pa dpag tu yas pa mkha' la 'dus pa sogs zas gtsang sras po ltar ngo mtshar dpag tu med pa byung ba'i mi mchog khyod la spyi bos phyag 'tshal lo/__/de nas skyed cung zad sring ba na skye ba snga ma'i bag chags sad pa'i stobs kyis saM kra'i ta'i skad dang sa la phyag mdzub kyi rgya gar gyi a li ka li tshang bar bris shing /__de nas rgya klog bod klog sogs yig ge'i rigs rnams thugs su chud pa dang /__bzo gso sgra tshad sogs kyis yon tan gyis rgyan gyis spras shing chos rje zhes grags pa'i snyan pas khyab pa dang /__dgung lo dgu nas bzungs bco brgyad bar/__kyai rdor sogs sngags rgyud rnams gsan cing bco brgyad pa'i rnal lam du a phyi mchod rten chen po'i drung du chos kyi ma mo ste mngon mdzod gsan cing rnal lam sad pa na de'i don ma bslab par khang du chud cing rgya gar shar phyogs phyogs glang gi phug pa na/__tshad ma sde bdun sogs glegs bam mang po'i sde mig gtad pa rmis la rnal sad pa na nyams rtog lhag par rgyas pa dang /__gzhan yang /__byams chos tshad ma bzo gso sogs sbyangs shing gzhon nu'i dus na yon tan ma lus pa rdzogs shing /__rgya bod kyi mkhas grub du ma'i tshogs kyi dbus su bstod pa la yul du gyur pa'i blo gros dang ldan pa la spyi bos phyag 'tshal lo/__/chos kyi rje de nyid ni mi yi skye ba nas mir rdzus pa'i skye ba nyer lnga 'jam pa'i dbyangs kyis rjes su bzung nas byin gyis rlabs par gyur pas/__sngar gong du bstan pa'i bzo dang /__gzhan rjes 'dzin gyis gso ba tshar gcod pa'i sgra tshad dang nang don rig pa sogs brnyes shing /__mkhas pa gzhan dang mtshungs pa dang bral ba khyod la spyi bos phyag 'tshal lo/__/gzhan yang srid pa ste skye ba snga ma kun tu gzhung lugs la blo mig legs par sbyangs stobs kyis na/__dngos su 'jam pa'i dbyangs dang /__mi g.yo/__sgrol ma sogs gzigs nas/__de dag gi chos kyi sgo du ma bstan la/__der ma zad rmi lam du na yang /__dam pa'i chos kyi sgo rnams ma lus kun/__dge ba'i bshes gnyen rnams kyis dngos su gdams par mdzad cing /__spang bya'i dri ma'i nyes pa kun rnam par dag pa khyod la spyi bos phyag 'tshal lo/__/rje btsun rin po che la rgyud sde'i gnad zab mo'i lam de nyid kyis byin gyi rlabs pa gnang ba'i cha/__rje btsun bla ma grags pa rgyal mtshan 'jam pa'i dbyangs dngos su gzigs shing /__skad cig gcig nyid la shes bya'i chos rnams thams cad chos rje nyid kyis thugs su chud cing /__thugs sgrib gnyis las grol ba khyod la spyi bos phyag 'tshal lo/__/rim gnyis zab mo la dus rtag tu mnyam par bzhag pa'i stobs kyis gsang sngags kyi thabs kyis lam zab mo de nyid kyis ma dag pa'i 'byung bzhi rab tu sbyangs nas/__dag pa ye shes su 'char ba dang /__gsung ngag gi gsang sngags bzlas pas mgon po lha mo nag mo zhing skyong gdong bzhi sogs khro bo'i rgyal po rnams kyis dngos su zhal gzigs shing /__rje btsun bla ma'i bka' drin gyis zab lam rtog pa gong nas gong du mchog tu gyur pa rnams kyi 'gal zla'i char gtogs kyi skyon thams cad dang bral ba khyod la spyi bos phyag 'tshal lo/__/skyon med pa'i dam bca' brjod cing phyir bzlog mi nus thal ba 'phen pas bod kyi blo gsal mkhas par grags pa rnams dang rgya gar gyi paN+Di ta 'ga' zhig dang 'phrog byed dga' bo sogs rtog ge ngan pa'i phas kyi rgol ba'i spob pa thams cad bzlog pa dang mkhas pa'i grags par brlom pas rgyud nga rgyal gyis khengs pa'i rtog ge ba thams cad zil gyis gnon cing chos rje nyid kyi bstan bcos las kyang mkhas pa rnams yid dga' bar gyur pa'i legs bshad tshig nyung la don zab pa'i bstan bcos sogs mdor na mkhas pa'i grags pa chen po 'dzam gling gi sa steng thams cad khyab cing 'jigs pa med pa'i spobs pa mnyes shing phyin ci ma logs pa'i gzhung mkhyen cing /__rnam dag ni ngag gi smras pas skyon thams cad dang bral ba khyod la spyi bos phyag 'tshal lo/__/nye bar len pa'i yongs su 'dzin pa ste ser sna'i rtogs pa kun rab tu spang zhing rang gi ji ltar gsan pa'i dam pa'i chos kyi sbyin pa dus rtag tu gzhan la lhug par te chu bo'i rgyun bzhin gtang ba dang /__sems can gzhan gyi don mdzad pa la dbu dang yan lag gdeng pa la yang bsnyel ba ste phyir gshol ba mi mnga' ba'i rang bzhin can gyi thugs brtse ba dang ldan pa khyed la spyi bos phyag 'tshal lo/__/'dul bya rtags 'dzin can gyi don du dus gcig na cung zad bsnyung ba'i tshul bstan pa'i tshe na 'jam pa'i dbyangs dang /__byams pa mgon po blo gros ldan dang /__zhi ba lha/__'phags pa klu sgrub sogs kyis bsnyung gsol mdzad pa'i snang ba byung ba khyod la spyi bos phyag 'tshal lo/__/bo dong ring po la legs pa bsam pa dag pa'i gdul bya 'ga' zhig ni rje btsun 'jam dpal dbyangs dang dbyer med pa mig gi mthong zhing nges par yang brnyed par gyur cing /__rgya gar 'phags pa'i yul na yang gtam bzang du sa paN 'jam dpal dbyangs dngos su grags la de ltar grags cing yon tan lhun gyis grub pa khyod la spyi bos phyag 'tshal lo/__/sprul pa'i byang sems go dan rgyal pos dor rta gdan 'dren 'ongs skabs/__sngon grags pa'i lung bstan yod pa thugs la bzhag pa'i stobs kyis hor gyi yul du 'gro don 'ong bar dgongs nas zhal gyis bzhes nas shing pho 'brug gi lor dgungs grangs drug cu re gsum par sa skya nas bteg cing mngon shes yang lnga ste/__shing pho sbrul gyi lor yi ston zla 'bring po shar ba dang /__byang ngos su phyag phebs nas/__lcags pho khyi yi lo'i ston zla tha chung shar ba'i tshe na drung na 'dug pa 'ga' la lcags mo phag la zhing gzhan la gdul bya gzhan don du gshegs 'gro zhes pa thog tu khel ba sogs dus gsum thams cad mkhyen pa sogs nas de nas dgung grangs bdun cu bar du hor yul gyi rgyal po go dan dang skye 'gro rnams chos la bkod pa sogs mdzad pa bsam mi khyab ston pa khyod la spyi bos phyag 'tshal lo/__/sgyu ma mkhan gyi mig 'phrul lta bu'i ting nge 'dzin brgya phrag gnas nas sku la bsnyel ba mi mnga' yang gdul bya gzhan thams cad kyi sdig pa dang sgrib pa sbyang ba'i phyir du sku snyung ba'i tshul bstan pa'i mdzad pa bsam las 'das pa khyod la spyi bos phyag 'tshal lo/__/dge ba la mi spro ba'am le lo can rnams brtson 'grus bskyed pa dang /__bskal pa dman pa'i sems can rnams dge ba gong nas gong du spel ba'i phyir du rang nyid kyi sku tshe'i 'du byed yang yang byin gyis brlabs pa la mnyes pa khyod la spyi bos phyag 'tshal lo/__/rtag 'dzin can chos la bskul ba'i phyir gzhan gyi don la gshegs pa thugs la 'khrungs pa'i tshe/__sems med pa'i ban po sa yang rnam pa drug tu rab tu g.yos cing /__bya rnams kun ca co'i sgra du ma sgrog cing /__de dag gi rgyu mtshan zhus pas rgyal sras rnams gzhan don 'gro ba'i ltas yin/__'o cag kyang de yi rjes su 'jug pa la gsungs zhing de lta bu'i byams pa chen po dang ldan pa khyod la spyi bos phyag 'tshal lo/__/dkyil 'khor sgrub cing de dag gi cho ga'i tshe na/__bla ma rnams dang dpal kyai rdo rje dang /__bde mchog gi gtso byas pa'i dkyil 'khor rtsa gsum gyi snang ba byung ba dpa' bo dang dpa' mos glu gar mdzad pa sogs lha rnams mngon sum du gzigs par gyur cing /__de lta bu'i dbang ldan khyod la spyi bos phyag 'tshal lo/__/spyan ras gzigs dbang gis phyag gis chos rje'i dbu la byug cing byang chub mchog tu sems bskyed zhus pa dang /__'jam pa'i dbyangs dang byams pa gnyis bsgro gling mdzad pa sogs gzigs pa dang byang sems ting nge 'dzin brgya phrag kyi sgo phye ba dang /__'phags ma rje btsun nam mkha'i mthongs su byon pa gzigs skabs a yu d+hA ra gsungs pa dang /__'jam pa'i dbyangs mgon pos lan gsum du gzigs shing lhag pa'i lhar zhal gyis bzhes pa sogs de lta bu'i mi yi khyu mchog khyod la spyi bos phyag 'tshal lo/__/yang longs sku'i cha lugs can gyi sgra dbyangs mi zad sgrogs pa'i rgyal po mngon sum du sku mdog dkar po zhal gcig phyag gnyis pa byon nas sher phyin rgyas 'bring bsdus gsum sbas don bcas gsan pa'i snang ba byung ba dang /__yang ston pa shAkya seng ge slob ma nyan thos kyi 'khor dang bcas pa sogs byon nas de yi mdun du chos rje nyid kyis yan lag bdun pa bzang spyod lha yi skad du btab pa sogs/__sprul pa'i dkyil 'khor du ma yang nas yang du gzigs shing mi rnams kyi nang nas phul du byung ba khyod la spyi bos phyag 'tshal lo/__/chos kyi rjes sangs rgyas byang sems rnams kyang mkhyen bzhin du thugs rjes mi gzigs pa 'di ci yin zhes smre sngags gsol ba na rim gyis rje btsun rin po che dang /__mthu stobs kyi dbang phyug biR+Wa pa dang /__nag po pa gsum gyis zhal nas/__khyod de la yi ma chad zag bcas lus la skye rga na 'chi yod gsungs/__biR+Wa pas 'dzum pa mdzad/__nag po pas de yin gsungs/__biR+Wa pas thod pa'i bdud rtsi la srin lag gi reg nas ljags rkyong gsungs nas ljags la thig le byas/__rje btsun gyis zhal nas khyod 'di nas shar phyogs kyi zhing rab tu bgrod pa'i pha rol tu/__mkha' la gnas pa'i rig 'dzin tu gyur nas/__de bzhin gshegs pa brten par byed/__sangs rgyas kyi zhing yongs su dag pa bsgrod/__sems can smin par byas sa lam bgrod/__skye ba gsum pa la/__rgya gar shar lho mu mur bya bar/__nyi ma rgyal po'i bur gyur pa'i tshe na/__bstan pa la rab tu byung bas sems can 'bum phrag mang po la 'chad rtsod rtsom pa mdzad cing /__de nas sku tshe 'phos nas/__de bzhin gshegs pa dri ma med pa'i dpal zhes bya ba'i sangs rgyas nyid du 'gyur ro zhes lung bstan/__biR+Wa pa dang nag po pas kyang /__de la mthun 'gyur mdzad pa sogs de ltar lung bstan brnyes pa khyod la spyi bos phyag 'tshal lo/__/zab lam la nan tan mdzad pa'i stobs kyis/__gsang ba'i gnas sbubs su nub nas ltar mi mngon pa dang /__dbu yis gtsug tor gsal por 'phags pa dang /__smin mtshams kyi mdzod spu kha ba ltar dkar zhing /__dung ltar g.yas su 'khyil ba/__de ltar sku mtshan bzang dang ldan pa khyod la spyi bos phyag 'tshal lo/__/de nas rol mo'i sgra rnams kyang nam mkha' la yang yang grags shing /__'ja' dang 'od zer sogs kyi rnam pa dang /__gdugs dang ba dan phyar zhing mkha' 'gro ma dang dpa' bo dang dpa' mo sogs lha rnams kyang rab tu 'dus shing /__sems med sa yang rab tu g.yos par gyur skabs/__dbon 'phags pa la zhal chem kyi tshul du phyag dbu la bzhag nas lam zab bla ma'i rnal 'byor la nyams len gyis gsungs nas rdor dril thugs kar bsnol nas sku gshegs so/__/de lta bu'i zag bcas rnams nye bar zhi nas zag med chos dbyings su 'da' bar mdzad pa khyod la spyi bos phyag 'tshal lo/__/chos rje nyid la byams pa'i thugs mnga' ba'i stobs kyis skye bo dpag tu med pa 'dus nas/__sku gdung kyi sgrom la mchod pa phul du byung ba bsam gyis mi khyab pas brnyes shing /__sku gdung gi cha shas las rje btsun 'jam dbyangs dgyes rdor sogs kyi ring bsrel sogs/__slob ma dad pa dang ldan pa rnams kyis gsol ba btab pa'i rten du bzhag nas ring bsrel gyis kyang sems can gyi don mdzad pa ste chos rje de ni sems can la phan pa dang /__mthar thug bde bar dgongs pa khyod la spyi bos phyag 'tshal lo/__/ces pa'ang chos kyi blo gros pas gzhon nu'i dus su bris pa dge/__//__ @#/__/dpal nag po chen po'i nye snying gi bshad pa nag po srog gi thugs tig bzhugs so/__/ gu h+ya/__/mgon po'i snying po yi ge bdun ma'i bshad pa nag po srog gi thugs tig bzhugs so/__/dpal rdo rje 'dzin la phyag 'tshal lo/__/chos dbyings dag pa'i thugs ni nam mkha' ltar yangs shing /__/rngams shing brjid pa'i gsung ni 'brug stong dus cig ldir/__/'jigs rung sgeg pa'i sku ni srin po khros pa'i gzugs/__/bla ma rdo rje nag po chen po tshangs gnas rgyab du mchod/__/nag po'i srog gi snying po la/__/'chad thabs man ngag gis bshad pa/__/rgyud kyi snying po rnams 'grel ba/__/nyung ngu'i tshig gi dbye bar bya/__/de la 'dir gsang sngags zab mo'i rgyud kyi srung ma rdo rje nag po chen po'i srog sngags snying po 'di 'chad pa la gsum/__rgyu rgyud/__thabs rgyud/__'bras rgyud gsum la sbyar ba'o/__/dang po rgyu rgyud ni/__/o~XM yig rdo rje gsum dang ye shes lnga ldan gyi don gyi rang bzhin te/__mgon po dngos grub 'byung ba'i rgyud las/__/phung po khams dang skye mched dang /__/'byung ba bzhi la sogs pa rnams/__/thams cad gdod nas dag pa yis/__/ye shes chen pos byin brlabs kyis/__/dngos po du ma gsal bar snang /__/ye shes med par skye mi 'gyur/__/zhes pa ltar/__snang srid thams cad ye shes chen po'i byin brlabs las rang byung rang shar ba'i don las mi 'da' yang /__de ltar ma rtogs pas dug lnga'i dbang gis nyon mongs par gyur pas 'khor ba bskyed cing /__de'i rtsa ba ma rig pa chen po dang /__de'i rtsal rgyas pas nyon mongs pa'i tshogs ji snyed kyis bskyed pa'i rnam shes tshogs brgyad phung khams skye mched dbang yul dang bcas pa byung ba la bdag tu rtog pas gzung 'dzin gyis las bsags pa'i bag chags sems kyi snang bas 'gro ba drug gi 'khor ba'i 'khor lo rten 'brel lugs 'byung 'di 'byung zhing /__ma~X hA~X zhes pas chen po ste/__de'i rtsa ba khu rdul rlung gsum gyi sgrib pa lhan skyes ma rig pa ni 'khor gzhi'i srid rtsa chen po dang /__kA~X la~X nag po ste ye shes kyi don rtogs su mi ster ba'i mun pa las kyang mun nag chen po gnas lugs ye shes dang gshed du gyur pa/__spangs bar dka' ba'i rang bzhin de'i rtsa bar gyur pa ni/__kun gzhi ste/__de ni ma bsgrib lung ma bstan 'khor 'das gnyis kyi phyogs su ma ltung ba dang /__de'i gsal cha'i rig pa ni kun gzhi'i rnam shes te thabs kyi zin ma zin gyis 'khor 'das gang rung gi phyogs su gcod par byed pas phaTa? ces pa'o/__/ji skad du/__brtag gnyis las/__sems can rnams ni sangs rgyas nyid/__/'on kyang glo bur dri mas bsgribs/__/de bsal na ni sangs rgyas nyid/__/ces so/__/gnyis pa lus thabs rgyud la/__dbang dang lam gnyis/__o~XM ni a u mA gsum 'dus pas sku gsum thugs gsum dril gyi sa bon ste/__de'i rdo rjes lus dang ngag dang dkyil 'khor gyi rang bzhin ngo bo nyid kyi rdzogs pa ste/__dngos grub 'byung rgyud las/__dkyil 'khor la 'di lus nyid yin/__/gzhan du lha dang dkyil 'khor ni/__/btsal yang rnyed par mi 'gyur zhes/__/'dren pa dpa' bos rab tu gsungs/__/zhes rang gi rdo rje'i lus skyon med pa'i rten dkyil 'khor bzhi ye nas dag pa la/__ma dag glo bura~X gyi dri ma gtor zhing 'khrud pa'i ched du dkyil 'khor la brten pa'i smin byed dbang bzhi'i rim pa dang /__rjes gnang gi rim pa ste/__o~XM ni brda sor mo lnga mnan gyis mtshon pa'i bum dbang /__gsang dbang ni ma~X hA~X zhes yab yum gyi bdud rtsi chen po/__kA~X la~X ni sher dbang gis rtog pa thams cad dbyings su sdud pa'i thugs zab cing gting dpag dka' ba'i dal la shes rab stong chen phyag rgya'i lam/__ye shes des shin tu gnag pa'i mun klong der dngos po gang yang mi snang ba ltar bde ba chen po dang /__de'i ye shes kyi snang ba der 'dzin bcas sdud pa dang /__hU~M ni~X ye shes rdo rje kun la khyab pa'i bzhi pa'i dbang /__gzung 'dzin gnyis med kyi 'od gsal ye shes shin tu rnam par dag pa dang /__pha?XT ces der thag gcod la bzla bar byed pa'i dbang ste/__de ltar dbang bzhi po dkyil 'khor bzhi la bskur bas/__rtsa rlung yi ge thig le'i 'gros bzhi thim/__sgrib bzhi byang /__sku bzhi mngon du gyur pa'i sa bon thebs te/__ji skad du/__gur le'u bdun pa las/__bum pa'i dbang ni dang po ste/__gnyis pa la ni gsang ba'i dbang /__/gsum pa shes rab ye shes te/__/ji ltar lus ni de bzhin gshegs/__/zhes so/__/gnyis pa la/__bskyed dang rdzogs pa'o/__/dang po ni/__o~XM ni sku rdo rje'i rnal 'byor/__gsung bzlas pa/__thugs rdo rje nang dang gsang ba'i rdzogs rim ste/__sku rdo rje'i sngon 'gro tshogs bsags pa/__dngos gzhi phyi nang gi srung 'khor bsgom pa'i nang yan lag bzhi'i lha rdzogs pa/__bsrung bya sba ba/__sku gsung thugs mi 'gyur ba/__slar yang bsrung ba'i mdel kha bsgom pa rnams so/__/ji skad du/__brtag gnyis las/__/bskyed pa'i rim pa'i rnal 'byor gyis/__/brtul zhugs can gyi spros pa bsgom/__/zhes so/__/de'ang 'di skabs su sbyangs gzhi sbyongs byed kyi zab gnad thun mong ma yin pa cung zad bkrol na 'dod chags ni rtog pa phra zhib mang bas thun min spro bsdu'i mkhar du bzhugs pa dang /__zhes sdang ni shin tu sra brtan bar chod par dka' bas stong nyid rdo rje'i mkhar gzhug/__gti mug ni snang mched kyi mtha' ru mtshan nyid ji bzhin 'byung bas thod pa nyi zla'i mkhar du gzhug/__rlung yang dar 'dus shing rtsa yig rnams kyang re zhig thim pa dang mtshungs shing mi g.yo bas dbyangs gsal gyis sdom pa dang /__chos nyid kyis bcad pas ni nga rgyal sbyangs/__dregs pa thams cad kyis srog dbang du bya zhing 'gran zla med pa'i che ba'i nga rgyal brten pa dang /__nga rgyal de'ang gsal ngar dang ldan kyang snang ba dang yal ba phyogs mtshungs pas chos nyid kyi ngang du thim zhing nyon mongs gzhan las myur ba'o/__/phrag dog ni 'khor 'das lam gsum gyi legs byas la phrag pa dogs shing /__dug gsum dang 'brel ba de rgyu khu rdul rlung gsum ste/__de bcad pas/__khams gsum g.yul du bcad pa dang /__log lta ni lta ba ngan pa'i tsher ma rno ba gzings pa de bcad pa la mtshon cha'i gur khang dang /__the tshom ni kun tu rtog pa'i drwa ba sna tshogs pas chos nyid kyi don la nges shes ma 'drongs shing thag ma chod pa de la sngags kyi gur khang ni sna tshogs ma nges pa 'phro yang don gcig tu zlum zhing spros pa'i drwa zur med pa'o/__/de dag gi lhan skyes phra bltar mi mngon pa ni bsgom pa dang bris pa'i 'khor lo jag par bkye bas 'joms pa ste/__chos kyi 'khor los de dag 'joms pa'o/__/'di dag ni rje btsun rin po ches/__bskyed pa sngon 'gro rten dang bskyed chog dang /__kha dog phyag mtshan rnam 'gyur yan lag bcas/__/re re'ang 'khor 'das dbyer med rang bzhin du/__/legs par brtse ba'i bsam pas bshad par bya/__/zhes dang /__brtag gnyis las/__ji ltar phyi rol de bzhin nang /__zhes dang /__gang phyir yid kyi rnam bsgom pa/__/'gro ba thams cad bsgom par bya/__/bsgom pa nyid ni sgom pa min/__/brtan dang g.yo ba'i dngos po gang /__/rtsa lcugs 'khri shing la sogs pa/__/bdag gi bsgom pa'i rang bzhin las/__/dam pa'i zhes sogs gsungs pa ltar/__lus la tshang zhing /__de'ang rtsa ba sems la tshang ba'i phyir snang ba'i srung ba'i 'khor lo sogs ji snyed sgom pa thams cad gzhi lam 'bras gsum dbyer med du de nyid nges bsgom bya/__lto sbyor ba'i gnad do/__/gzhan phyi yi srung 'khor/__dur khrod/__lha sngags kyi sbyangs gzhi sbyong byed sbyangs 'bras rnams rgyud gzhung ltar ro/__/gsung bzlas pa la/__khrag mtsho khol ma'i rgyud las/__/snying dbus srog gnas mi shigs pa/__/rtse mor gyur pa kun bskyed gzhi/__/mtshan nas brjod pa thun mongs ba/__/de ni bde ba ming tsam yin/__/gsang ba thun mongs ma yin pa/__/myur du bskul pa las byed 'gyur/__/yang snying gsang chen rang dbang med/__/len zhing 'dzin pas don grub pa'o/__/phrin las bskul byed drag sngags ni/__/brjod pas thog dang glang chen bzhin/__/gar gtad rgyugs cing 'jom par byed/__/bsnyen sgrub las sbyor gyi sngags dang /__khyad par du dngos 'byung rgyud las/__/gcig las du ma'i ngo bo can/__/'jig rten pa dang ye shes che/__/mi 'gyur ba dang dkrugs pa dang /__/las rnams byed pa'i srog gyur pa'o/__/gsang sngags 'khor lo 'di dag ni/__/bye brag rnal 'byor pas bshad bya/__/ces gsungs pa'i/__mi 'gyur ba'i srog/__gnas pa'i srog/__gdags pa'am ming srog ni dgug pa'i srog/__'dren srog gam srog sngags ni las byed kyi srog rnams bsnyen pa nye bsnyen rbod rbad bsad sngags sogs so sor yod kyang /__yang snying rtsa ba'i sngags yi ge bdun pa 'dir 'dus shing /__de yang yi ge bdun ma/__bcu gcig ma/__rtsa sngags dang gsum phyi nang thams cad kyis bzlas pas gdon bgegs log par 'dren pa sngags dang 'khor los bsregs shing sbyangs ba thugs kyi rdzogs rim bskyed pa la ltos na bskyed pas bsdus pa'i rdzogs pa dang /__zab mo'i rdzogs pa la ltos na rdzogs pas bsdus pa'i bskyed par 'gro zhing /__dregs pa rgyud gsum/__snying gar zhe sdang gi gzhi thabs pho rgyud kyi ngo bo brag rdzong dang /__lte ba ni srid pa bskyed pa dang khu khrag 'dzin pa'i gzhir shes rab mo rgyud chos 'byung khrag mtsho bcas/__thabs shes sbyor bas gnyis med rgyud/__snod bcud sbyangs gzhi rten rgya gram/__brten pa ye shes mgon po thabs shes gnyis med hU~M gi rnam par shar ba'i drag po'i mes phyi nang gi phung khams rtog pa dbang yul 'dzin pa dang bcas sbyong zhing /__mthar snang ba thams cad nA da phra ba'i dbyings su sdud pa ste/__rtsa rgyud le'u dang por/__lte bar gtum mo 'bar ba yis/__/de bzhin gshegs pa lnga bsregs shing /__/zhes sogs rdzogs rim ston pa'i gzhung rnams kyi zab gnad gcig tu bsdus pa'o/__/bskyed pa'i rim pa gtso bor gyur pa'i zab mo 'di dag gis skye gnas bzhi gcig char sbyang ba dang /__chos kyi phung po brgyad khri dang /__/bzhi stong gi ni cho ga yang /__/lus kyi de nyid mi shes pas/__/de dag thams cad 'bras med gsungs/__/zhes rdo rje'i lus kyi rtsa thig rlung gsum la gnad du bsnun tshul ma shes na dal ba don med du 'gyur bar gsungs pa ste/__de'ang lha bskyed pas yan lag bzhi rdzogs kyi bar mngal skyes te/__dang po'i gzhi e yig chos 'byung las skye ba'o/__/de nas bsrung bya sba ba/__go cha bkod pas ni sgong skyes/__nang gi brag rdzong mas drod gsher skyes/__gsang ba sems nyid ye shes kyi rtsal 'don pas ni brdzus skyes/__bsrung bzlog ni de thams cad kyi yan lag/__yang /__dang po lhar bskyed pa sogs ni sad pa/__bsrung sba sogs ni rmi lam/__nang gi brag rdzongs ni gnyid 'thug/__gsang ba ni snyoms 'jug gi sgrib pa sbyong ba dang /__yang dang po lhar bskyed pas rtsa sku/__bsrung sba sogs kyi ngag yi genang gis thig le/__bzhi pas ni rlung gi 'gros thim nas sku bzhi thob pa sogs dang /__mdor na sgo gsum dag par bya zhing khams gsum sbyangs pa sku gsum gyi gzhi smin cing grol ba byed pa'o/__/maX hAX ni chen po ste gsang ba sems nyid rdo rje sngon po'i lte bar chos kyi 'khor lo chen po shin tu gsal zhing /__de las thams cad rgyas pas gser 'khor lte ba/__kAX laX hU~M naXg po cha lnga pa'i rang bzhin des/__dug lnga'i sa bon dang bdud bzhi gtor zhing /__yang hU~M niX ye shes lnga yi byin bsdu bas rtsal 'don te/__pha?XT ces de las gdod nas rnam par dag pa'i ye shes sgrib bral der 'khor 'das kyi rtogs tshogs gcod pa yin te/__brtag gnyis las/__/de nyid lhan cig skyes pa'i gzugs/__/bde ba chen po'i rnal 'byor ma/__/de nyid dkyil 'khor 'khor lo dang /__/ye shes lnga yi rang bzhin can/__zhes sogs kyi nyams su len pa'o/__/'di la'ang phyi nang gsang ba'i bar chad zhi ba/__shes rab dang tshe rgyas pa/__mchog sgrub pa'i zab gnad shin tu mang ngo /__/gnyis pa ni/__oXM ni 'khor lo lnga la brtan kyang der rlung sems 'du zhing ye shes skye rung ba'o/__/maX hAX ni chen po ste rtsa yi chen mo gsum dang rlung thig dbyer med pa der thabs mchog ri bong 'dzin pa'i bla ma yi dam dbyer med pa dang /__lte 'og tsaN+Da lI ni yum chen e ka dza Ti'i rnam par bzhugs pa dang /__rtsa so sor dregs pa rgyud gsum bskyed nas/__de rnams kyi srog gi yang tig blangs ba dang /__dbang sdud dang byin dbab cing phan tshun gzigs res dang /__sngags kyi 'od zer bde ba chen pos bskul bas dpyid thig zhal sbyor gyis bde ba chen po'i ye shes sgrub pas phyi nang gzhan gsum dbyer med bde ba chen por shar ba dang /__mthar las rlung dang dkar dmar thig le'i 'phro 'du pho rgyud mo rgyud gnyis med rgyud kyi gzugs su shar ba rnams las mkhan nas rim gyis bsdus nas/__bla ma he ru ka rgyud gsum thams cad 'dus pa'i ngo bo las/__thabs kyi ye shes hU~M maXthing nag gis shes rab stong chen gyi phyag rgya chen mo yum chen gyi spyi gtsug 'bigs nas kak+ko la'i ze'u 'brur zhugs pas ni dregs pa'i gsang ba'i rten chen po dper na sha rul la sbrang ma 'du ba bzhin rgyud gsum thams cad der ngang gis 'du zhing bstim pas/__kAX laX ste yum chen phyag rgya ral gcig nag mo/__shrIX raXng byung bla ma he ru ka nag po'i thugs rgyud gsum 'dus pa'i ngo bo yum chen sku yi mun pa nag po nas b+ha ga shin tu zab pa'i stong chen der zhugs pa'o/__/rtsa rgyud dang po'i brgyad pa/__nga las 'gro ba thams cad 'byung /__/nga las gnas gsum po'ang byung /__/nga yis 'di kun khyab pa ste/__/'gro ba'i rang bzhin gzhan ma mthong /__/zhes dang /__dngos 'byung rgyud las/__gangs kyi thig pa bdud rtsi'i chu/__/me tog mdangs gsal snying po yi/__/ge sar ze'u 'bru ldan pa la/__/'dabs rgyas ye shes nyi shar bas/__/rang grol mdangs 'bar rab tu rgyus/__/zhes dang /__rtag tu snying la gnas pa yi/__/thig le gcig la 'gyur med pa/__/de sgom byed pa'i skye bo la/__/nges par ye shes skye bar 'gyur/__/zhes sogs kyi don no/__/hU~M niX de lta'i lam mngon du byas pas/__nges par gsal stong zung 'jug spros bral blo 'das gdod ma'i gshis lugs gnyug ma don gyi mgon po dngos su snang ba la/__de'ang dpe dang /__mthar don gyi ye shes skye'o/__/pha?XT ces pas ye shes rdzogs pa'i rim pas snang gsum 'pho ba'i mtshan rtog bag chags dang bcas pa slar mi skye ba'i rang bzhin can du byas pa dang /__rdo rje gur gyi rgyud las/__de nas bcom ldan 'das rdo rje 'dzin pa chen po nyid kyi sku dang gsung thugs rdo rje las 'di rab tu byung ngo /__/zhes gsungs pa spyi don ltar bshad na/__rgyu rdo rje 'dzin pa'i sku gsung thugs las nag po chen po phyung ba dngos bstan dang /__gsang ba'i sbas don ltar na bcom ldan 'das rdo rje 'dzin pa ni khams drug ldan gyi rkyang ma sku/__ro ma gsung /__dbu ma thugs kyi rdo rje/__de'i nang na gnas pa'i dkar cha sku/__dmar cha gsung /__khu khrag 'dres pa thugs/__rlung 'byung 'jug gnas gsum sku gsung thugs/__de dag dregs pa rgyud gsum gyi ngo bo yin par shes pas gnad du bsnun na nang gi rgyud gsum dbang du 'du zhing /__mthar thug ltar bshad na/__bcom ldan rdo rje 'dzin ni/__rang sems gsal gdangs 'gags med 'char ba sku/__de yi rang bzhin gang du'ang ma grub pa'i stong nyid gsung /__dbyer med zung 'jug brjod bral blo 'das thugs rdo rje ste/__de la gnad du bsnun pas chos nyid bde chen gyi mgon po 'grub pa'o/__/de'ang mtshon par bya ba nges don don dam gyi mgon po skye 'gro thams cad la khyab par bzhugs shing /__de'ang dbyings rang bzhin gyis rnam par dag pa mtshan rtog gi spros pa nye bar zhi ba'i bdag nyid gzung 'dzin gyi rdul thams cad zad pa shin tu rnam par dag pa rang bzhin 'od gsal chos kyi sku skye 'gags gnas pa 'gro 'ong thams cad kyis gdod nas stong pa chen po ste/__mgon po mngon 'byung gi rgyud las/__de kho na gsang ba'i brag rdzong zhes pa ni mtshungs pa rgyun du 'gro ba'i sems rjes su gnas pa'i rang bzhin yid la mi byed pa gang la 'phel ba de dngos po med pa'o zhes yid dpyod las 'das par bstan pa'o/__/mgon po mngon 'byung las/__gzhan yang mnyam par sbyor bas rje btsun rtogs te mchog tu zab pa la mnyam par sbyor na rang bzhin bde ba mchog tu 'gyur ba skye bos/__bde ba thob par byed pa ni sems ma yin zhing /__sems las byung ba'ang ma yin na dngos po med pa yang rtogs pa dang mi ldan pa blun po col chung mchog tu zab pa gang gis ma shes pa'i mi des/__gnyis su med pa'i ye shes tshig tsam du yang dran par mi bya'o/__/zhes blo 'das kyi ye shes dang /__mtshon byed rtags kyi mgon po lam dus su smin byed kyis gzhir gnas kyi lhan skyes mgon po ngo sprad pa de nyid lam dus su bzhin lag khro bo'i rnam pa can gyi skur shar ba bskyed pa dang /__rdzogs pa'i rim pa khyad par can gyis rtsa rlung thig le shin tu dag par byed pa'i thabs kyi dbyings stong chen gyi rang gdangs bde ba chen po mchog tu rdzogs par byed pa ste/__bde stong zung 'jug gi ye shes kyi mgon po nag po chen po'i sku bsgrubs pas ring por mi thogs pa gzhi 'bras dbyer med kyi bcu gsum rdo rje 'dzin pa'i mgon po nag po chen po mngon du gyur pa ste/__mgon po me lce phreng ba'i rgyud las/__gzhan yang lta ba'i rim pa ni/__/phyi nang chos kun ngos bzung bral/__/yod dang med pa'i phyogs bral cing /__/gnyis ka gnyis med mtha' dang bral/__/dbus chen bya bar mi rtog phyed/__/kun byang bla dwags dngos med la/__/mtshan ma med pa gdod nas stong /__/spang med kun chub ye dag pa/__/spros pa med pa 'dus ma byas/__/phyogs cha kun dang ye nas bral/__/de ltar ye nas lta ba yin/__/ye nas de ltar gnas bzhin du/__/de ltar ma rtogs logs brtags pas/__/gnyis pa zung mthar rtag logs shes/__/bstan pa rnam gsum rgyas mdzad nas/__/'gro ba 'dul zhing don byed la/__/bstan pa 'jig par byed pa yi/__/bgegs dang 'byung po dgra yi rigs/__/'dul phyir sprul pa khro tshul can/__/sangs rgyas bstan pa'i mgon mdzad cing /__/bdud kyi rigs la sdang bas nag/__des phyir bstan pa bsrung bas legs/__/bsrung tshul legs par ldan pas ldan/__/nyon mongs ris la gnod pas nag/__de phyir mgon nag legs ldan nag/__ces gsungs shing /__de'ang man ngag zab mo nang rdo rje'i lus kyi rtsa rlung la gnad du bsnun pas nges don gyi mgon po mngon du byed pa'i thabs khyad par 'phags pa 'di rnams bla med kyi rgyud sde gzhan gyi rdzogs rim gyis rgyas 'geb ma yin cing /__rdo rje 'chang nas rtsa ba'i bla ma'i bar snyan nas snyan du brgyud ba kho na dang /__mgon po'i rgyud las kyang dngos dang shugs kyis bstan pas grub thob brgyud pa'i man ngag gis phye ba yin te/__mgon po mngon 'byung las/__rtsa rnams thams cad kyi nang nas ni rgyal po a wa d+hU ti'i rtsa'o/__/gang gi gsang ba'i brag rdzong sems mnyam par bzhag pa las de la bde ba ster bar 'gyur ro/__/zhes dang /__gsum 'dres pa rnal 'byor dang ldan pa'i slob dpon byang chub sems dpa' chen po gnas pa ste rang 'dod spangs pa la yang dag par spyod pa ni a wa d+hA ti dang /__la la nA dang /__ra sa nA rnams 'dus par bya'o/__/rtsa drug cu rtsa bzhi bstan par gyur pa'i nus ba rtsis pa ni/__la la nA shes rab kyi rang bzhin can du shes pa'o/__/ra sa nA khams bde ba'i rang bzhin can tshod shes pa'o/__/a wa d+hU ti ni bde ba chen po'i rang bzhin can shes pa'o/__/zhes dang /__steng 'og yang dag par mnan te/__lte ba'i dbus su zla ba bsgoms na/__zla ba drug gis nges par 'grub par 'gyur ro/__/sna'i bug pa bkag ste thig le bsgom na nyin zhag nyi shu rtsa gcig gis 'grub par 'gyur ro/__/lce steng du bkug na rgas pa dang shi ba las grol bar 'gyur ro/__/dgang ba dang /__dbyung ba dang /__bum pa can rim pa ji lta bar dran par byas na zla ba phyed kyis mkha' spyod 'grub par 'gyur ro/__/rlung gis yid bsad pa la zla ba'i sbyor ba bya ba ni/__sngags kyi sbyor ba rnam par byed pas skad cig tsam gyis kyang 'phrog ste lag pa rab tu bcag par bya'o/__/zhes dang /__gzhan yang nam yid ches pa'i dus su/__mkhas pas rgyu ba'i rtsa gnyis mnan par bya zhing /__shin tu dga' ba la sogs pa la nye bar gnas nas/__shes bya thams cad lte ba'i dkyil 'khor du mnan na 'gro ba rnams kyi bde bar the tshom med par thob pa ni nang gi brag rdzong yul rnams ye shes kyi mes bsregs nas sgyu ma snang ba'o/__/ma 'ongs pa'i dus na 'ang 'gro ba rnams kyi shin tu yongs su dag pa dri ma med pa bsam du med pa'i zhing bzang por skye bar 'gyur ro/__/rnal 'byor 'dis 'o ma 'thungs na lbu ba ltar dri ma med par 'gyur ro/__rlung phyir 'don cing dag par byas na dge ba bsam pa 'grub par 'gyur ro/__/zhes sogs kyis nang khrid dang /__gsang khrid kyi rdzogs rim rnams shin tu gsal bar bstan cing rgyud 'di rnams dang zhib tu sbyar bar btub kyang re zhig dbu ma'i dbyings su bzhag go__/khyad par du rdzogs rim gyi mthar thug gsang rten lus sba yang /__me lce 'bar ba'i rgyud las/__dpal dang ldan pa'i mkha' 'gro ma/__/gdod nas ma skyes gzung 'dzin yul dang bral/__/nga dang bdag 'dzin mtshan ma'i rtog pa bcom/__/don dam kun rdzob dbye ba med pa yi/__/gnyis med chos kyi dbyings su dbyer med pa'i/__/stong nyid chos sku nam mkha'i ye shes lnga/__/sprul pa'i mtshan ma lha mo'i phyag rgyar snang /__/mkha' la 'ja' 'dra rang bzhin ga la yod/__/ces lte ba'i dbyings phyug yum chen nyid 'di'i rdzogs rim gyi spro gzhir gyur pa dang /__yang de nyid las/__rang rig rtsal gyi rlung g.yos te/__/rlung gi thig le ye shes mes/__/rdo rje gsang bas sa bon bskul/__/rtog med gsang ba'i thig le rtsal/__/mi bskyod mnyam pa'i sems gtad na/__/mar me'i rtse mo lta bur brtan/__/gnas pa'i rtsa yi nam mkha' la/__/srog 'dren thig le goms pa'i tshe/__/brtan dang g.yo ba'i dngos po kun/__/bden gnyis byang chub don gsal nas/__/dwangs ba'i chu la gzugs brnyan bzhin/__/rgyal ba'i dgongs pa rang la 'char/__/zhes snying ga'i stod gyi bla ma mi bskyod pa chos 'khor dbus su byon pa la sems mi g.yo mnyam par bzhag pa sogs bstan cing /__mthar yum chen gyi pad+ma'i ze'u 'brur bab pa ni rgyud de nyid las/__bar du d+hU ta'i rdo rje pad+ma yi/__/gsang ba ga bur rtsal la lus la bsrel/__/gsang ba'i rten ni lhan cig bsgrub pa'i lha/__/gsang ba'i ye shes thig le nag por blta/__/zhes sogs kyis bstan pa 'chad du yod cing /__gzhan yang mgon po'i rgyud dur khrod mtshon cha 'khor lo las/__'khor lo rnam pa gsum yin te/__/gnas pa rtsa yi tsakra dang /__/rten 'brel srid pa'i 'khor lo dang /__/las grub sngags kyi 'khor lo'o/__/dang po bde chen longs spyod dang /__/chos dang sprul pa skye gnas lnga/__/gnas lugs chos sku'i 'khor lo'o/__/sems kyis de rtogs de nyid grol/__/zhes dang /__dngos grub 'byung rgyud las/__/rnam rtog ye shes lngar gyur par/__/rtag tu brten cing spyad par bya/__/rnam rtog bag chags kyis bcings pa/__/rtog pa dag pa'i thabs mchog ldan/__/rnam rtog rang bzhin yongs shes ni/__/de nyid rtag tu med pa ste/__/bde ba chen po yang dag 'byung /__/zhes sogs kyis snang srid kyi chos thams cad 'khor lo gsum du dril nas sbyangs gzhi sbyong byed kyi lam gyi rim pas sbyangs 'bras mngon du gyur pa yang dag par bstan pa'o/__/gsum pa 'bras rgyud ni/__de'ang rtsa rlung thig le'i gtso bo rnams dbang du byas pas 'khor lo so sor rlung sems dwangs ma stobs su gyur pas rtsa yi mdud pa 'grol/__/phyi yi gnas dang nang gi sa lam bsgrod/__mthar snying dbus sbas pa'i rtsa lnga spyi gtsug tu thim pa las mchog gi rdo rje 'dzin pa'i sa mngon du gyur te/__oXM ni sku lnga ye shes lnga dang /__maX hAX gzugs sku'i mthar thug mtshan dpes brgyan pa'i longs sku chen po/__kAX laX ni chos sku mi 'gyur ba nag po chen po/__hUX~M ni sprul pa'i skus mtha' gnyis la ma chags shing rtog pa dang bral ba/__pha?XT kyis ni phrin las chen pos srid pa'i 'khor lo dang zhi ba'i 'khor lo bcad nas byang chub chen po mngon par mthar phyin pa ste/__sku gsum dbyer med pa'i rdo rje'i skur mngon par byang chub pa kha sbyor yan lag bdun ldan gyi 'bras bu'i rtse mor son pa'o/__/gur las/__phyag rgya'i dngos grub dngos grub che/__dngos grub kun gyi spyod yul min/__/zhes sogs mang du gsungs pa'o/__/yang rgyud bshad thabs kyi man ngag las spyi yi don ltar na/__lus ngag yid gsum 'di ma rig bag chags kyi rgyus bskyed pas na/__de spang bsgyur lam khyer gyis gnyen po bsten pa'i mchog bla na med pa'i byang chub kyi sems chen po kun rdzob dang don dam pa'i bdag nyid can de nges par brten pas las nyon nag po'i dri ma thams cad zad par byed cing dkar po'i yon tan thams cad rdzogs pa dang /__khyad par chos kyi dbyings rang bzhin brjod bral de la rtag tu 'jog cing goms pa brtan pas gnas gyur gyi ye shes yon tan thams cad rdzogs nas mi slob pa'i sa mngon du bya'o/__/don 'di ni/__theg pa chen po'i mdo dang /__shing rta chen po klu sgrub dang /__thogs med sogs kyi gzhung ltar shes par bya zhing /__dngos grub 'byung rgyud las kyang /__/snying po'i 'bras bu mthar thug de/__/gang du thogs med rdo rje yi/__/snying po zag pa med pa'i don/__/yang dag ye shes snang ba'o/__/zhes dang /__stobs ni chos rnams thams cad la/__/sgyu ma lta bu shes pa dang /__/yang dag bden pa'i stobs kyis ni/__/rang bzhin med par rtogs pas 'byung /__/zhes zab mo brgyad ldan gyis chos dbyings skye med don gyi mgon po rang rig pa'i ye shes kyis mngon sum du rtogs pa las 'byung ba yin pa'i tshul khong du chud par bya'o/__/sbas don ni gong du ci rigs bshad pa'o/__/'chad byed yan lag gi don ni/__oXM sku yi mgon po/__maX hAX chos kyi dung ste sgra chen ldan zhes pas gsung gi mgon po/__kAX laX thugs kyi mgon po/__hU~M yoXn tan gyi mgon po/__pha?XTa? phrin las kyi mgon po/__de thams cad thugs rig la 'du bas gri gug can gur gyi mgon po shin tu zab brgyud dang man ngag gi nges pas tshad ma bzhi ldan du bshad pa'o/__/gzhan yang las bzhi'i mgon po nas las de dang de sgrub pas oXM gyis zhi ba/__maX hAXs rgyas pa/__kAX laXs dbang /__hUX~M pha?XT kyis drag po'i las sgrub pa bsten to/__/yi ge'i don ni/__oXM ni bkra shis dang dpal sogs la 'jug ste/__rdo rje rtse mo las/__oM ni ci zhig yin par bshad/__/mchog dang nor ster dpal dang g.yang /__/skal bzang rnam pa dang ldan zhing /__/dam bca' ba dang bkra shis don/__/nor bu 'dzin pa'i snying po yin/__/zhes so/__/maX hAX ni chen po/__kAX laX ni nag po/__hU~M niX sdug bsngal 'chos pa sogs kyi don te/__rtse mor/__hU~M ni ci zhig yin par brjod/__/duHkha 'chos shing 'jigs byed dang /__/srid pa'i zhags pa 'joms par byed/__/gdug pa sdangs zhing gsod byed pa/__/hU~M ni mchog tu dran par bya/__/zhes so/__/phaT+ra ni gcod pa sogs kyi don te/__/sdig dang duHkha 'joms par byed/__/bde ba dag ni 'gugs par byed/__/phaT+ra ni 'joms byed sgra yin te/__/grogs dang bcas pa 'joms par byed/__/ces so/__/mthar thug gi don ni 'bras bu'i skabs su bshad zin to/__/de'ang spyir rgyud kyi don 'chad pa la/__tshig zin tsam bshad pa thad so'i bshad pa dang /__tshig gcig kyang bshad bya spyi sbas mthar thug gsum du/__'chad byed yan lag yi ge bsdus don gyis 'chad pa yid bzhin gyi nor bu lta bur bshad pa gnyis las/__snga ma ni rgya gar gyi paN+Di ta phal cher bzhed la/__phyi ma ni ye shes kyi mkha' 'gro bdag med mas rjes su bzung ba'i grub pa'i dbang phyug 'jigs bral dpal ldan chos skyong gis/__dpal brtse ba chen po la stsal ba'i man ngag thun mong ma yin pa ste/__rje btsun gong ma'i rgyud 'grel gyi gsung rab spyi dang /__'jam pa'i dbyangs sa skya paN+Di ta'i aSh+Ta'i bzhi bshad sogs las rgya cher 'byung ba'i zab don gyi bshad pa 'di'i khungs yin no/__/dpal rdo rje nag po'i zab mo'i sngags kyi don bshad pa re zhig rdzogs so/__/de ltar rdo rje nag po chen po gur gyi mgon po mal lugs rje btsun sa skya pa'i snyan brgyud gdung brgyud rim par chig brgyud du byon pa'i zab khrid 'di rnams mgon po 'di nyid dngos su bstan pa'i 'phags pa mkha' 'gro ma rdo rje gur gyi rgyud las/__de nas rdo rje 'dzin pa nyid kyi sku dang gsung dang thugs rdo rje las nag po chen po 'di nyid rab tu phyung ngo /__/zhes pa spyi don ltar na/__rdo rje 'dzin pa'i rgyud gsungs pa'i ston pa/__de'i sku gsung thugs las bstan pa spyi dang /__bye brag rgyud 'di gsungs pa'i phyir nag po chen po 'jigs rung zhal phyag gi rnam pa can spros te/__phyi sgrub rnams bstan/__/sbas don rdo rje 'dzin pa ni khams drug ldan gyi sgrub pa po/__rtsa gsum khams dkar dmar dang de gnyis 'dres pa/__rlung ldang 'jug gnas gsum dang bcas pa sku gsung thugs rdo rje/__der gnad du bsnun pas phyi nang gi dregs pa rgyud gsum dbang du byed pa nang sgrub/__mthar thug gi don du/__rdo rje 'dzin pa khams drug ldan gyi sgrub bo/__/sems gsal stong zung 'jug rdo rje gsum/__der gnad du bsnun pa la gsang sgrub bstan pa yin ces rgyud don gzigs pa chen po rnams kyis gsungs so/__/gzhan sde'i mkhas pa 'ga' zhig gi gaN+Di phyag gnyis kyi dbus na 'dzin pa khungs med ces smra ba ni/__dngos grub 'byung ba'i rgyud a b+ha ya ka ra dang /__khe'u sgang 'khor lo krags kyis 'gyur las/__gaN+Di 'dzin pa'i khro bo che/__/ma rung klad pa 'gem par byed/__/ces gsal bar bstan pa dang /__de ltar mgon po nag po chen po 'di yi las thams cad kyang dam tshig rnam par dag pa dang /__bstan pa dang sems can gyi don 'ba' zhig las/__rang 'dod kyi 'khri ba med pas sgrub par byas na 'grub par 'gyur te/__dngos 'byung rgyud las/__dus rnam kun tu zhe sdang gi__/rnam pa kun tu gzhas mi bya/__/yul min pa ni bsad bya na/__/rnal 'byor dam tshig las nyams phyir/__/grub pa nam yang yod mi srid/__khyad par ye shes bla med pa/__/dam tshig mgon po'i sgrub pa yi/__/dam tshig 'di ni rmad po che/__/bde bar gshegs pas mthar phyin mdzad/__ces bka' stsal ba ltar dam tshig rnams mig gi 'bras bu ltar btsa' bas sgrub na/__da lta snyigs ma rtsod pa rgyas pa'i dus 'dir nag po chen po sgrub pa'i dus yin pa'ang /__dngos grub 'byung ba'i rgyud las/__rtsod pa'i dus kyi rim pa la/__/bcom ldan tshe lo brgya pa'i dus/__/de yi bstan pa'i snyigs ma yi/__/lnga brgya tha ma'i dus kyi mthar/__/shin tu gdug cing rtsub pa yi/__/mi bsrun pa yi dus kyi tshe/__/de tshe mgon pos bstan pa 'byung /__/zhes dang /__shes rab snying rje zung 'jug pa/__/ting 'dzin gang du sgom gyur pa/__/bla med dkon mchog bstan pa ste/__/rgol ba ngan ba bzlog par mdzad/__/sku gsum ye shes lnga ldan pa/__/gsang ba gcig pu sgrub par bya/__/zhes 'byung bas bstan pa rin po che thugs dbus 'changs ba dang /__byang chub kyi go 'phang don du gnyer ba rnams kyi rdo rje nag po chen po'i bskyed rdzogs la brtson par bya bar rigs so/__/slar smras pa/__rdo rje 'dzin pa'i drin gyi legs myongs shing /__/ngo mtshar bshad thabs srog gi ti ka'i 'grel/__/rdo rje'i tshig gi mdud grol nyung ngu 'di/__/rang gi rtogs don gom par bya phyir bris/__/nyes 'gal mchis na bla ma nag por bshags/__/dge ba kun+da ltar dkar gang thob pa/__/bstan dang 'gro la yongs su bsngos pa yi/__/rdo rje 'dzin pa'i go 'phang thob par shog/__/ces pa'ang nag po chen po'i rnal 'byor la mos pa lam du byed pa d+harma ma tis me glang zla 5ba'i tshes 6la rje btsun gong ma'i gsung gi snang ba la brten nas sbyar ba dge'o/__/mang+ga laM//___//