JKCL-KABUM-Volume-03-GA-Full Text Tibetan-wylie

From Khyentse Lineage - A Tsadra Foundation Project

Template:WyliePageHeader


@#/____/bla ma rje btsun sgrol mar gsol 'debs sdug bsngal sel byed ces bya ba/____/ dus gsum rgyal ba kun gyi yum gcig ma/____/rje btsun sgrol ma myur ma dpa' mo yi/____/zhabs rten ut+pal sngon por gus mchod de/____/bdag gi lus sems gdung ba bsal du gsol/__khyod ni sangs rgyas byang sems thams cad kyi/____/phrin las gcig tu bsdus pa'i rang gzugs mchog__/AR+Ya tA re'i zhal bzang dran pa'i mod/____/srid pa'i sdug bsngal ma lus gzhom du gsol/____/brgyad gnyis 'jigs pa'i chu gter 'khrugs pa las/____/mi bzad chu srin lta bu'i sde tshogs rnams/____/khyod mtshan brjod dang 'o dod bos pa'i tshe/____/de ma thag tu skyabs par mdzad du gsol/____/tshe dang shes rab bsod nams nor gyis dbul/____/don nyams la sogs srid zhi'i dge legs kyi/____/'gal zlar gyur rnams khyod la gsol btab pas/____/dkar po'i phyogs kyi cha bzhin rgyas mdzad gsol/____/tshul khrims dag cing thos bsam sgom pa 'phel/____/mkhyen nus brtse ba'i yon tan rtsal chen rdzogs/____/rgyal ba kun gyi phrin las rtsal shugs 'chang /____/rje btsun nyid dang dbyer med mdzad du gsol/____/dus min 'chi ba'i g.yul las rab rgyal zhing /____/'chi med rdo rje'i srog gi ka ba brtan/__grub pa'i bdud rtsis lus sems stobs dpal rgyas/____/yid bzhin 'khor lo'i ngo bo sgrub tu gsol/____/ris med thub pa'i bstan pa dar zhing rgyas/____/bstan la gnod pa khro gnyer can gyis btul/____/bstan pa'i sbyin bdag mnga' thang rab 'phel te/____/rdzogs ldan gsar pa'i snang ba 'char gyur cig__/mdor na bdag la skyid sdug ci byung yang /____/rje btsun bcom ldan 'das ma nyid kyis ni/____/skad cig tsam yang 'bral ba med pa dang /____/bsam pa'i don kun 'bad med 'grub par shog__/ces pa'ang sgrol ma'i 'bangs chos kyi blo gros pas sa zla'i tshes 12la rdo rje gling du bris pa dge zhing bkra shis par gyur cig__/__//__ rje btsun sgrol ma la gsol ba 'debs par bar chad rkyen bzlog ces bya ba bzhugs so/____/oM/__dpal mo khyod mtshan yid la dran pa yis/____/'jigs pa mtha' dag myur du zhi mdzad cing /____/don gnyis 'bad med 'grub ster mchog sbyin ma/____/bla ma rje btsun sgrol mar gsol ba 'debs/____/rgyal po me chu lcags sgrogs dug mtshon dang /____/sbrul dang seng ge glang chen sha za dang /____/chom rkun srin po 'byung po ro longs sogs/____/'jigs pa bskyab mdzad sgrol mar gsol ba=____/'gro ba gang zhig tshe yi dbul ba dang /__gti mug mun pas 'thib pa'i 'gro rnams la/____/zla zhal bdud rtsis snang ba skye ba'i mod/____/tshe dang ye shes sbyin la=____/dmar gsal pad+ma rA ga'i 'od zer gyi/____/lcags kyus srid zhi'i phun tshogs 'gugs mdzad cing /____/kun la dbang bsgyur rtag pa'i rgyal mo cher/____/sgrol ma myur ma dpa' mor=____/zhi las ma g.yos snying rje khros pa yi/____/khro gnyer g.yo dang hU~M gi sgra bsgrags pas/____/bdud dang bgegs rnams ma lus 'joms mdzad ma/____/sgrol ma drag byed chen mor=____/bde ba'i ros myos bzhad pa'i nga ro dang /____/zhabs gnyis brdab pas 'jig rten bdun po'i tshogs/____/rab tu gnon cing khams gsum zil gyis gnon/____/mtha' yas rnam rgyal ma la=__gang zhig nor gyis dbul bar gyur pa la/____/rnam mang nor bu'i char chen 'bebs pa yis/____/phongs pa'i sdug bsngal mtha' dag sel mdzad pa'i/____/sbyin pa mthar phyin 'phags mar=____/'khor ba'i nyes pa che las rab grol zhing /____/zag bral dga' ba mchog gi rtser son cing /____/'pho med bde ba che la rtag rol pa/____/tshul khrims phar phyin dbang mor=____/mkha' mnyam 'gro ba'i don la rab bzod cing /____/kun gyi nyer 'tshe sa gzhi lta bu yi/____/rtag tu khro med snying rje'i yongs gang ba/____/bzod pa dka' thub zhi mar=__skad cig tsam yang dal ba med pa yi/____/'gro ba sgrol la rab tu brtson pa gang /____/'khor ba stong par ma gyur de srid du/____/brtson 'grus 'gro sgrol ma la=____/mi g.yo ting 'dzin rgya mtsho rab mnyes shing /____/rnam par bcas pa'i rtog tshogs thams cad zhi/____/rnam med bde ba chen po'i ros myos ma/____/bsam gtan grub pa chen mor=____/zab dang rgya che'i chos kun mngon sum gzigs/____/ye shes rgya mtsho zad pa med pa'i thugs/____/yon tan rgya mtsho sangs rgyas kun dang mnyam/____/shes rab phar phyin sgrol ma gsol ba 'debs/____/khyed la rtag tu dad pas gsol 'debs mthus/____/bdag sogs 'gro rnams bar chad kun las skyobs/____/sgrol ma'i thugs rjes rtag tu rjes bzung nas/____/don gnyis lhun gyis 'grub pa'i bkra shis shog__/ces pa'ang me byi zla bdun tshes drug la gsol ba btab pa'o//____//____!__sgrol ma la bstod pa dad pa'i rba rlabs zhes bya ba bzhugs/__oM swa sti/__ka ma la ltar dkar ba'i/____/kha ba'i ljongs kyi 'phags mchog__/ga ler sems can la gzigs/____/nga bdag 'gong pos mnar ba/____/ca co'i gdung bas bsham pas/____/cha lugs kha dog mdzes shing /____/ja bzhin kun la khyab pa'i/____/nya bzhin thugs rje myur ma/__ta re 'phags ma sgrol ma/____/da ltar phrin las mdzad bzhin/____/na ba sogs kyi 'jigs skyobs/____/pa la sha ltar 'jam zhing /____/pha rol tshogs kun dbang sdud/____/ba bzhin 'dod pa kun 'jo/____/ma ltar 'gro bar byams ma/____/tsa ra lta bu'i tshad sol/____/tsha grang skad cig 'joms ma/____/dza lang gdug pa'i sems ldan/____/wa skyes dgra gdon brlag cing /____/zha 'khum can rnams sgrol ma/____/za ma tsam yang mi g.yel/____/'a 'ur spros par rab zhi/____/ya mtshan can gyi lha mo/____/ra ma Na yi bcas bzhin/____/la 'phrad chu sogs kun nas/____/sha ba lta bur bsgrod dus/____/sa ltar brtan pa'ang gsol 'debs/____/ha ha hU~M hU~M sgra yis/____/a don skye med rtogs par/____/bla ma sgrol mas byin rlobs/____/ces pa'ang shing byi zla 4tshes 4la chos kyi blo gros bas gsol ba btab pa'o//____//____!__rje btsun sgrol ma la bstod cing gsol ba 'debs pa bar chad rkyen bzlog ces bya ba bzhugs so/____/na maHgu ru aR+Ya tA ra ye/__dus gsum rgyal ba ma lus bskyed pa'i yum/____/lha yi lha mchog rje btsun 'phags ma dang /____/dran bas gdung sel dpal ldan bla ma nyid/____/tha dad med par gus pas bstod par bgyi/____/bskal mang gong nas thugs bskyed rtsa lag brtan/____/phan bde'i grib bsil snum por 'byin mdzad cing /____/gang mtshan dran pas srid zhi'i 'jigs 'phrog ma/____/sbyin pa'i phar phyin lha mor gus pas bstod/____/'pho med dga' bzhi'i dri bsung mngar po yi/____/rgyal dang de sras bskyod cing sdud mdzad cing /____/snying rje'i ri bong dkar po yongs 'dzin ma/____/tshul khrims phar phyin lha mor gus pas bstod/____/'gro khams rgya mtshor skyo ba'i sems dang bral/____/ji tsam gnod la de tsam bzod pa yis/____/srid pa'i mthar yang 'gro ba'i don sgrub pa/____/bzod pa'i phar phyin lha mor gus pas bstod/____/skad cig rer yang zhing khams rgya mtsho ru/____/rdzu 'phrul bkod pa bsam mi khyab pa yi/____/'gro sgrol go cha brtan cing thugs rje myur/____/brtson 'grus phar phyin lha mor gus pas bstod/____/de bzhin gshegs pa rab dges bsam gtan gyi/____/sgo mo brgya phrag mang por 'jug cing ldang /____/kun rtog yid byed 'khrug pa rtsad nas spang /____/bsam gtan phar phyin lha mor gus pas bstod/____/bdag med rtog pa'i shes rab ral gri yis/____/kun rmongs mun pa'i rtsa ba drung nas 'byin/____/nges don rgyal ba thams cad bskyed pa'i yum/____/shes rab phar phyin lha mor gus pas bstod/____/thabs la mkhas pa'i 'phrul zhags ring po yis/____/byang chub chos khams rgya mtsho sdud mdzad cing /____/sems can dpag med 'dul mkhas sgrol ma ni/____/thabs kyi phar phyin lha mor gus pas bstod/____/bdud kyi dpung rnams gsang gsum 'od zer rgyas/____/zil gyis gnon cing stobs bcu'i dbang phyug ma/____/khro gnyer can zhes drag mo chen mo ni/____/stobs kyi phar phyin lha mor gus pas bstod/____/kun tu bzang po'i smon lam mtha' yas rnams/____/gang la byin pa de bzhin mngon du 'grub/____/gong gi smon lam mtha' ni bsam mi khyab/____/smon lam phar phyin lha mor gus pas bstod/____/ye shes rgya mtsho gting dpag dka' ba'i thugs/____/sgrib bral mkhyen pa'i dkyil 'khor rab rgyas shing /____/sangs rgyas kun dang mthun par rjes 'gro ba/____/ye shes phar phyin lha mor gus pas bstod/____/gzod nas mngon byang chub kyang sems ma'i skur/____/ston nas 'jigs pa kun las skyob mdzad cing /____/don dam chos dbyings 'od gsal chen po'i sku/____/chos sku'i phar phyin lha mor gus pas bstod/____/de ltar bstod cing gsol ba btab pa'i mthus/____/bdag sogs rnams kyi dam chos sgrub pa la/____/bar du gcod pa ma lus sel mdzad cing /____/bla ma sgrol ma'i phyag gis ma gtongs shig__/khyod kyi zhabs rten pad+mor gus bstod nas/____/bstod pa'i rgyal po'i mchod sprin phul ba na/____/dgyes brtse'i thugs kyi 'od zer bdud rtsi'i rgyun/____/bdag gi snying la zhugs par mdzad du gsol/____/nges 'byung tshul khrims byams dang snying rje dang /____/byang chub sems gnyis gter la dbang 'byor zhing /____/yang dag lta ba'i sgro 'dogs chod pa dang /____/chos nyid gnas lugs zab mo'i don rtogs shog__/mdor na 'di nas byang chub snying po'i bar/____/rje btsun bla ma 'phags ma sgrol ma yis/____/rjes bzung don gnyis lhun gyis grub pa dang /____/bkra shis dge mtshan gsar pas khyab par shog__/ces pa'ang chu bya gnam lo gsar 'char gyi cho 'phrul zla ba'i tshes gcig gi snga dro'i char 'jam dbyangs chos kyi blo gros pas snying thag par gsol ba btab pa sid+d+hi rastu//____//__ 'jig rten 'dren pa'i gtso bo tshe dpag med/____/dus min 'chi ba ma lus 'joms mdzad pa/____/mgon med sdug bsngal gyur pa rnams kyi skyabs/____/sangs rgyas tshe dpag med la phyag 'tshal bstod/____/kun nas kun tu 'od zer rab 'bar zhing /____/tshe dang ye shes dpag med stsol mdzad pa/____/dran pas dus min 'chi ba'i 'jigs pa 'joms/____/bcom ldan tshe dpag med la phyag=____/khyod sku pad+ma rA ga'i lhun po la/____/nyin byed stong gis 'khyud pa'i gzi brjid can/____/mtshan dang dpe byad me tog rnam par bkra/____/snang mtha' tshe dpag med la=____/gsung dbyangs yan lag drug cu'i sgra sgrogs shing /____/mtha' yas zhing na gsung gcig gis khyab pa/____/zad mi shes pa'i gsung mtha' yas pa'i bdag__/gsung gi rdo rje tshe mtha' yas la bstod/____/ting 'dzin rgya mtshor 'jug cing ldang ba dang /____/stobs bcu'i dbang phyug sgrib pa kun las grol/____/ye shes rgya mtsho lhun gyis grub pa yi/____/mgon po 'od snang pha mtha' yas la bstod/____/zhing dang gzhal yas bkod pa mtha' yas shing /____/phyogs bcu'i rgyal dang de sras tshogs kyis dbus/____/lhan cig theg chen chos la longs spyod cing /____/rin chen gzi brjid rgyal po khyod la bstod/____/phrin las 'dzad med nam mkha'i mtha' dang mnyam/____/gdul bya rgya mtsho smin cing grol bar mdzad/____/rnam 'phrul mtha' yas bde ldan zhing gi mgon/____/mdzad pa dpag med tshe mtha' yas la bstod/__de ltar bstod pas dus min 'chi ba zhi/____/sgo gsum rdo rje gsum du rab grub nas/____/tshe srog mi shig rdo rje'i lcags sdong tshugs/____/rdo rje tshe dpag med mgon 'grub par shog__/ces pa'ang tshe sgrub lcags sdong bsnyen pa grub pa'i cho 'phrul zla ba'i tshes bcu la smon pa'o//____//__ bla ma tshe lha rnam gsum la gsol ba 'debs pa re smon kun 'grub ces bya ba bzhugs so/____/na mo gu ru/__zla ba zhun ma'i phung po la/____/pad+ma rA ga'i nying khus byugs/____/'od zer snang ba mtha' yas pas/____/bla ma tshe dpag med kyis skyongs/____/ye shes phung po'i mdzod mnga' ba/____/bdag med rnam grol zhi ba'i thugs/____/gsung dbyangs dpag med dang ldan pa/____/bde ldan ston pa la phyag 'tshal/____/'chi med bdud rtsi'i bum bzang las/____/byang chub yan lag chu byung bas/____/nyes pa'i dri ma 'khrud mdzad cing /____/tshe dpag med la gsol ba 'debs/____/gtsug gtor kun gyi mchog gyur ma/____/'chi bdag bdud las rnam rgyal ma/____/tshe yi dngos grub dpal ster ma/____/bcom ldan 'das mas bdag skyongs shigs/____/zhal gsum phyag brgyad zhi ba'i sku/____/rigs sngags rgyal mo'i dbyangs sgrogs pa/____/zab cing gting dpag dka' ba'i thugs/____/rnam par rgyal mar la phyag 'tshal/____/nad rims gdon bgegs zhi mdzad cing /____/rmad byung tshe yi mdzod ldan ma/____/dus min 'chi las skyabs mdzad par/____/bdag ni rtag tu gsol ba 'debs/____/rdzogs sangs rgyas kyi ma ru gyur/____/dge ba can ma gzi brjid mdzes/____/bla ma rje btsun 'phags ma yis/____/bdag ni thugs rjes rtag tu skyongs/____/bcu drug na tshod ldan pa'i sku/____/rdo rje'i yi ge bcu glur blangs/____/shes rab pha rol phyin ma'i thugs/____/yid bzhin tshe 'phel la phyag 'tshal/____/sher dkar khu ba'i rgyun lta bus/____/dbang bskur mi 'chi sbyin mdzad cing /____/khams gsum 'jigs kun skyobs mdzad pa'i/____/'phags ma sgrol mar gsol ba 'debs/____/bla ma tshe yi lha gsum la/____/bdag ni rtag tu gsol 'debs na/____/sngon gyis las ngan rgyus bskyed pa'i/____/'chi bdag mche ba gcog tu gsol/____/'byung po bgegs kyis gdon rnams dang /____/nad dang glo bur rkyen mtha' dag__/khyed rnams dran pa'i mod nyid la/____/phye mar 'thag par mdzad du gsol/____/rdo rje'i lus kyi stobs bcud 'phel/____/ring 'tsho'i tshe dang bsod nams dang /____/ye shes chen po'i dngos grub rnams/____/mngon sum nyid du rtsol bar mdzod/____/gang zhig bsam pa'i don mtha' dag__/'bad med lhan gyis 'grub pa dang /____/bdag lus rdo rje'i skur smin te/____/'khor ba ji srid gnas par shog__/bstan 'dzin skyes rnams zhabs pad brtan/____/dge 'dun tshogs rnams mthun zhing rgyas/____/'gro ba tshe yi dbul bar sel/____/dus kyi rgud pa zhi gyur cig__/bkra shis dkar po mchog gsum gyis/____/dge legs snang ba'i bdud rtsi des/____/phun tshogs dpal yon rgyas pa dang /____/nges par 'chi med 'grub gyur cig__/ces pa'ang me glang gnam lo gsar du 'char ba'i cho 'phrul zla ba'i tshes gcig phun sum tshogs par 'jam dbyangs blo gros rgya mtshos gsol ba btab pa dge legs su gyur cig__/mang+ga laM//____//____!__'chi med tshe lha rnam gsum la 'dod don dngos grub bskul ba 'chi med rdo rje'i dbyangs snyan zhes bya ba bzhugs so/____/na mo gu ru ar+ya tA re ye/__oM swa sti/__'chi med rtag pa dam pa'i sku/____/'gags med tshangs dbyangs nA da'i gsung /____/mi shig rdo rje'i thugs mnga' ba/____/bla ma yid bzhin 'khor los skyongs/____/rdo rje sems dpa'i lang tsho brnyes/____/bde chen kha sbyor grub pa yi/____/zung 'jug bdud rtsi'i rtag myos pa/____/rtsa brgyud bla mas byin brlabs rtsol/____/dus gsum rgyal ba kun gyi yum/____/shes rab pha rol phyin ma'i sku/____/grub gnyis dngos grub stsol mdzad ma/____/yid bzhin 'khor los rjes gzung mdzod/____/zla ba dung dang chu shel gyi/____/'od kyi phung po bye bas kyang /____/cha tsam bskrun du ma mchis pa/____/so sor rtogs pa'i ye shes kyi/____/rang rtsal tshe dpag med la 'dud/____/de bzhin gshegs pa'i gtsug tor las/____/nyer 'khrungs 'chi bdag bdud tshogs kun/____/rig sngags nus pas bcom mdzad ma/____/rnam par rgyal la phyag 'tshal bstod/____/'chi med tshe lha rnam gsum gyi/____/bsnyen sgrub las sbyor mthar phyin pas/____/'chi bdag bdud las rnam par rgyal/____/tshe bsod ye shes dngos grub stsol/____/dngos grub dam pas bdag rgyud phyug__/snod bcud 'chi med dge mtshan rgyas/____/srid zhi'i dwangs bcud 'phel ba dang /____/rtag pa dam pa'i bkra shis shog__/ces pa'ang rang lo so gsum pa'i tshe yi bar chad zhi phyir dgongs gter 'phags ma'i bsnyen sgrub mthar phyin pa'i skabs/__rig 'dzin kun bzang 'od gsal snying po rtsal gyis ye rgyal nam mkha' mdzod kyi mdun rol gsang sngags pho brang gi yang rtser gsol ba btab pa sid+d+hi rastu//____//__ lhag pa'i lha dkar po rnam gsum la bstod cing gsol ba 'debs pa byin rlabs sprin dkar 'dzum pa'i bla re zhes bya ba bzhugs so/____/na maHgu ru a pA rI mi ta aR+Ya ta re a yur ye/__srid pa'i gnas 'dir mtshan tsam thos pas kyang /____/dus min 'chi ba'i 'jigs pa ring du bsal/____/byin brlab zla shel bdud rtsi'i chu rgyun gyi/____/gsang gsum ye shes rgyas mdzad lhag pa'i lha/__1_/pad dkar zla ba rgyas pa'i gdan gyi dbus/____/rgyal kun mkhyen brtse'i ye shes gcig bsdus pa/____/bcom ldan 'chi med tshe lha rnams gsum ni/____/rab dkar zla zhun gsar ba'i lang tsho can/__2_/nor bu chu shel lhun po'i 'od 'phro ba'i/____/gzi brjid skar ma'i tshogs kyang mog por byed/____/zhal ras zhi 'dzum sgeg nyams mtshan dpes spras/____/rin chen rgyan dang lha rdzas na bzas bklubs/__3_/rang rtags phyag tshan mdzes pa'i phyag gis bsnams/____/mthong bas mi ngom yid 'phrogs zhi tshul dgus/____/rnam par mdzes pa ye shes chen po'i sku/____/chos dbyings spros mtha' bral ba'i klong chen por/__4_/rgyal kun dgongs klong rgya mtshor ro gcig 'khyil/____/longs spyod yongs rdzogs bde ba chen po yi/____/zag med bdud rtsi'i nyams brgya 'bar ba dang /____/sprul pa'i thugs rje mi bzad cho 'phrul gyis/__5/__zhing khams rgya mtshor yongs su 'jug pa dang /____/lhan gcig 'gro rnams rdo rje'i rgyal thabs la/____/dbugs dbyungs 'chi med mchog gi dpal ster bas/____/tshe dang ye shes grub pa'i go 'phang sbyin/__6/__zhing gi bkod pa mtha' yas bde ba can/____/yon tan dpag med rnga sgra'i rgyal po ni/____/brten pa tshe dpag med ces rgyal rnams bsgrags/____/gang mtshan yid la bzung ba'i 'chi bdud bcom/__7/__sku yi 'od kyi gzi byin lham me ba/____/gsung gi sgra dbyangs dus gsum rgyun chad med/____/thugs kyi gsang ba bsam gyis mi khyab cing /____/yon tan sgrogs la rgyal ba'i ljags kyang rdugs/__8/__'jig rten snang byed nyi zla'i 'od rnams dang /____/tshangs dbang khyab 'jug la sogs nga rgyal gyi/____/khengs pa'i ru mtshon bsnyel la mngon par phyogs/____/rnam par grol ba'i tshogs rnams khyed zhabs btud/__9/__rnam kun mchog ldan stong nyid lha mo'i sku/____/dus gsum rgyal ba'i yum gcig rje btsun ma/____/yid bzhin 'khor lo tshe dpal 'phel mdzad ma/____/nyon mongs zhi mdzad 'dod don ster mdzad ma/__10/__pad+ma ltar dkar bcu drug lang tshos sgeg__/yid 'phrog zhal dang 'jam mnyen phyag zhabs ngogs/____/ye shes spyan bdun rnam par bkra ba dang /____/myos bum mtho zhing sked skabs shin tu phra/__11/__gsang ba'i pad+ma rab rgyas dbu skra ni/__mig sman ltar gnag lan bu mgul du grol/____/rin chen rgyan phreng 'od gyi mun pa sel/____/phyogs bcu'i rgyal rnams rtag tu mnyes mdzad ma/__12/__khams gsum po yi phyag byas 'dar bzhin du/____/khyed kyi zhabs mthil rdul med gtsug tu bsnyen/____/grub pa'i rig 'dzin tshogs kyis nyer bsten zhing /____/rgyal dang de sras tshogs rnams bskrun mdzad ma/__13/__de bzhin gshegs dang rjes chags rol rtsed kyi/__de kho na yi ye shes mchog rgyas pas/____/de bzhin nyid kyi dbyings la snyoms par zhugs/____/de nyid gzigs dang spyod yul ro snyom ma/__14/__gang gi sku dang rig sngags snang ba yi/____/yid can snying la bde ba gang thob pa/____/de ni de yi mod la 'chi bdag gi/__bdud kyi zhags pa 'jigs rung gcod byed ma/__15/__mi bzad mche ba'i phrag nas bton pa dang /____/skye dang 'chi ba'i phrag rgyun snyel byed cing /____/srid pa'i sdug bsngal rma rnams gso bar mdzad/____/rang gi sras su nye bar bsgrub pa dang /__16/__yon tan rin chen tshogs kyi bgo skal gyis/____/rig pa sngags kyi nus pa'i brtul zhugs bskyed/____/'chi med grub pa'i bden don sa la sbyor/____/mi shig gsang gsum rdo rje'i khri la bkod/__17/__bla ma'i bla mar gyur pa'i rje btsun ma/____/srid zhi'i phongs pa kun las skyobs mdzad ma/____/yang dag ye shes bskyed mdzad rje btsun ma/____/'khor pa'i sdug bsngal mtsho las sgrol mdzad kyai/__18/__'chi bdag bdud las ring du rnam rgyal ma/____/gtsug tor las skyes 'od kyi phung po'i sku/____/kha ba dung dang ston ka'i zla ltar dkar/____/zhal gsum phyag brgyad rab mdzes zhi ba'i sku/__19/__de bzhin gshegs pa kun gyi gsang ba'i mdzod/____/rgyal ba'i ye shes phyag rgya'i gzugs shar ba/____/bsten pas ring 'tsho'i dngos grub myur stsol ma/____/dus min 'chi ba'i dgra las rnam par rgyal/__20/__sku yi 'od kyis srid gsum snang bar byas/____/gsung gi sgra yis brtan g.yo kun la khyab/____/thugs bsang ye shes dpal gyi be'ur 'khyil/____/yon tan 'chi med bum bzang mdzad med gter/__21/__phrin las kun tu dga' ba'i gzi brjid can/____/nor bu'i 'od snang phung po lta na sdug__/don gnyis lhun grub dbang bsgyur bcom ldan ma/____/phyogs bcu kun las rnam par rgyal ma mchog22/__lha klu 'byung po stobs dang ldan pa rnams/____/'od zer phra mos zil gyis gnon par byed/____/rgyal ba bden par smra bas bka' bstsal pa'i/____/khyod kyi gzungs sngags mthu chen bzlas pa'i mod/__23/__de la de ma thag tu 'don pa'i don/____/myur du sbyin pa'i rig sngags bskal pa'i mes/____/srid gsum gshin rje'i tshogs rnams bsreg cing 'joms/____/sngags kyi thebs pas ye shes chen por bsgyur/__24/__bcom ldan dpa' bo rab tu stobs ldan pa/____/khams gsum skye 'chi zas su za bar byed/____/'jig rten 'jig rten 'das dang ma 'das kun/____/khyod kyis rnam par gnon cing khyod la 'dud/__25/__gang gi gsang gsum de bzhin gshegs pa rnams/____/chos dbyings mkha' la rtag tu ri mor bri/____/phyag rgya'i sku la nyer bar snyoms 'jug na/____/slob pa'i tshogs rnams nyer bsten smos ci zhig26/__ngan song 'gro rnams khyod kyi phyag gis drongs/____/dman lam ltung rnams byang chub lam la bkri/____/rgyal sras rnams la 'od zer dbang bskur bas/____/mi slob zung 'jug dam par yongs su bkod/__27/__b+h+rU~M yig gtsug tor nor bur 'khyil ba las/____/sgrib gsum bag chags tshogs las rnam rgyal ma/____/'bras bu'i mthar thug ye shes gsang ba'i sku/____/chos sku rab snang rdul bral bcom ldan ma/__28/__de ltar 'chi med tshe lha rnam gsum la/____/bsten pa'i rig sngags nor bu'i rgyud mang bsgrengs/____/rtse gcig gsol ba btab pa'i nus mthu yis/____/gsang gsum byin rlabs rgyud la 'jug par mdzod/__29/__bsgom dang bzlas brjod 'bad pa phra mo yis/____/dus min 'chi ba bco brgyad ring du spangs/____/tshul gnas thos bsam bsgom pa rab tu 'phel/____/tshe dang ye shes snang ba rgyas par mdzod/__30/__blo gros srid gsum dgra las rnam par rgyal/____/phyir brgol spobs pa'i rig sngags rtsad nas 'joms/____/shes rab ral gris khams gsum g.yul ngor gcod/____/brtul zhugs zla med mchog de grub par mdzod/__31/__bstan 'dzin skyes rnams zhabs pad ring du bstan/____/bstan pa'i sbyin bdag dbu 'phang mngon par mtho/____/bstan la 'tshe ba'i kla klo'i bsam sbyor zhi/____/bstan la dad rnams bde dgas 'tsho bar shog32/__tshe yi mthar yang lha mchog rnam gsum gyi/____/thugs rjes phyag gis nam yang mi gtong bar/____/'jigs bcas gnas ngan len las rab sgrol nas/____/bde chen dag pa'i zhing du drongs bar mdzod/__34/__bdag dang bdag la 'brel pa thob pa kun/____/mi mthun 'gal rkyen nyer 'tshe kun zhi nas/____/gnas skabs tshe dpal ye shes snang ba rgyas/____/mthar thug byang chub mchog la 'god gyur cig35/__'di nas bzung ste byang chub snying po'i bar/____/tshe yi lha mchog gsum dang mi 'bral zhing /____/bkra shis dge mtshan pad+ma dkar po yis/____/'dzin ma'i khyon kun yongs su khyab gyur cig36/__sras bcas rgyal ba rgya mtsho'i thugs bskyed dang /____/lha yi lhar gyur dkar po rnam gsum gyi/____/mdzad pa smon lam mkhyen brtse nus pa'i tshul/____/de 'dra kho nar bdag sogs 'gyur bar shog37/__ces pa'ang rab tshes shing glang cho 'phrul zla ba'i tshes 7bzang por mdo stod khyung po'i yul ring can zhes bya'i sa yi char dga' ldan pho brang chen po'i rdzong chen du/__'jam dbyangs blo gros rgya mtshos rtse gcig gus pas gsol ba btab ba 'dis kyang rang gzhan gyi dam chos sgrub pa'i bar chad thams cad zhi zhing ring 'tsho'i dpal yon mchog tu rgyas pa dang don gnyis lhun gyis 'grub pa'i rgyur 'gyur bar bla ma rgyal ba sras dang bcas pas byin gyis brlab tu gsol/__sarba dA pu shrI:yo bi dza yan+tu/__mang+ga laM/__shu b+haM/__bkra shis dpal 'bar 'dzam gling rgyan drug shog/____//__




sangs rgyas byang sems la smre sngags kyi gsol ba 'debs pa bzhugs/____/na mo gu ru/__bla ma mnyam med thub pa'i dbang po dang /____/'jam dbyangs byams pa phyag rdor spyan gzigs sogs/____/dmigs med thugs rje chen po dang ldan pa'i/____/rgyal dang de sras tshogs rnams dgongs su gsol/__kye ma/__bdag 'dra'i sems can las ngan pa/____/lus la sna tshogs nad kyis gdung bas mnar/____/ngag ni mi dge'i gter gyi 'byung gnas gyur/____/sems la bying rmugs gnyid dang brjed ngas che/____/sgo gsum 'khrul pa'i rang bzhin 'di 'dra ba'i/____/gnas ngan len la sras bcas rgyal ba yi/____/thugs rje chen pos nges par gzigs su gsol/____/bdag ni blang dor cung zad shes na'ang /____/shes bzhin nyon mongs chang gi rab myos pas/____/dbang med gyur pa'i skye ngan bdag nyid la/____/rgyal sras rnams kyis skyob par mdzad du gsol/____/las nyon 'khrul 'khor drag po bzlog pa dang /____/'khor ba'i mun pa smug po bsal du gsol/____/ye shes zer gyis snang ba'i sgo phyes la/____/ma 'khrul gnas lugs zab mo de kho na'i/____/rang bzhin mngon gyur bdag la mdzad=____/kye ma kyi+i hud rgyal ba thugs rje can/____/da lta nyid du srid pa'i 'dam las drongs/____/byang chub mchog gi lam la drong du gsol/____/sgrib pa'i dri ma dag cing byang ba dang /____/rtogs pa'i yon tan nyams 'og chub pa dang /____/sku bzhi'i rgyal sa thob par mdzad du gsol/____/ces pa'ang blo gros rgya mtshos gsol ba btab pa'o//____//__ lha yi lhar gyur bcom ldan 'jam dpal dbyangs/____/bdag blo'i snying gi mun pa rab bsal nas/____/shes bya kun la thogs pa med pa yi/____/blo gros spobs pa'i sgo brgya 'byed du gsol/__oM a ra pa tsa na d+hIHrab dkar zla zhun stong gi lang tsho can/____/mtshan dpe'i sku mchog 'chi bdag bdud bcom ma/____/tshe dang ye shes dngos grub mchog ster ba/____/rje btsun yid bzhin 'khor lor gsol ba 'debs/____/oM tA re tut+tA re tu re swA hA//____//____!__bla ma rje btsun 'phags ma sgrol ma yi/____/thugs rje chen pos rjes su dgongs mdzad la/____/bdag dang mtha' yas sems can thams cad kun/____/las ngan sgrib dag tshogs gnyis rdzogs pa dang /____/byams dang snying rje byang chub sems mchog 'byongs/____/bden gsung stong dang rten 'byung seng ge'i sgras/____/yang dag lta bas gangs rir khyab pa dang /____/rnam mkhyen sku bzhi'i go 'phang myur thob shog__/de ma thob kyi tshe rabs thams cad du/____/dal dang 'byor pa'i rten mchog bzang po rnyed/____/tshe bsod dpal 'byor blo gros rab 'phel zhing /____/ya rab drwa ma'i ngang tshul la gnas pa'i/____/rigs brgyud bu tsha 'phel zhing chos nor gyis/____/lugs gnyis dpal gyi 'byor par rgyas par mdzod/____/'jigs chen brgyad dang bcu drug la sogs pa/____/mi mthun gnod pa'i tshogs rnams zhi ba dang /____/'phags ma khyed nyid dran pa tsam gyis kyang /____/'dod rgu'i bsam pa yid bzhin 'grub pa dang /____/bkra shis dge legs dbyar mtsho ltar rgyas shing /____/gang bsam 'bad med lhun gyis 'grub par shog__/yul phyogs 'dir yang dus kyi rgud pa zhi/____/bde skyid kun dga'i rdzogs ldan gsar du rgyas/____/skye rgu rnams kyang phu nu ltar mthun zhing /____/rtag tu mchog gsum bla mar 'dzin par shog__/ces pa 'di'ang 7'jam dbyangs chos kyi blo gros kyi gsung byin brlabs can no//____//__ rdo rje'i bla ma pad+ma 'byung gnas la gsol ba 'debs pa byin rlabs sprin mdzes zhes bya ba bzhugs so/____/na moHgu ru pad+mA ka ra ye/__mkha' khyab chos sku'i dbyings las ma g.yos kyang /____/'od gsal bde chen longs spyod rdzogs sku'i sprin/____/thugs rje chags med sor rtog sprul pa'i sku/____/pad+ma thod phreng rtsal la gsol ba 'debs/____/gdod nas mngon sangs rgyas kyang rtsod dus 'dir/____/shAkya'i rgyal po'i bstan pa rin po cher/____/ston pa gnyis pa lta bu'i bka' drin can/____/pad+ma 'byung gnas zhabs la=____/chos sku'i zhing na 'chi med snang mtha' yas/____/lnga ldan zhing na rigs lnga gangs chen mtsho/____/gang 'dul snang ngor mtshan mchog brgya rtsa sogs/____/'phrul mtshan bsam mi khyab la=____/mi bskyod rigs 'dus rdo rje thod phreng rtsal/____/rnam snang rigs 'dus bud+d+ha thod phreng rtsal/____/rin chen rigs 'dus rat+na thod phreng rtsal/____/pad+ma rigs 'dus dbang mdzad thod phreng rtsal/____/las kyi rigs 'dus karma thod phreng rtsal/____/gu ru pad+ma thod phreng sde lnga la/____/bde gshegs rgyal ba'i rigs rnams 'dus pa'i sku/____/dngos grub kun bdag zhabs la=____/lho nub rnga yab dpal ri pad+ma 'od/____/sku gsum zhing gi gtso bo pad+ma 'byung /____/srin po'i tshogs rnams theg chen chos la 'dzud/____/srin rgyal thod pa'i phreng bar=____/sgrub pa sde brgyad bde dgyes gsang ba 'dus/____/dus kyi 'khor lo gdan bzhi gshin rje gshed/____/tshe dpag med mgon phag khros seng gsum sogs/____/zhi khro'i rol gar ston la=____/dkyil 'khor rab 'byams rgya mtsho'i 'byung gnas mchog__/rtsa gsum kun 'dus rdo rje thod phreng rtsal/____/kha sbyor bdun ldan bla ma bde ba che/____/mtsho skyes rdo rje 'chang la=____/blo ldan mchog sred nyi ma 'od zer dang /____/pad+ma rgyal po shAkya seng ge dang /____/pad+ma saM b+ha seng sgra gro bo lod/____/sprul pa'i gu ru mtshan brgyad la=__dngos gcig ye shes sgyu ma'i bkod pa las/____/sa ra ha dang lu hi biR+Wa pa/____/Dom+b+hi pa dang nag po spyod pa sogs/____/rnam 'phrul du mar ston la=____/man+dA ra ba DA ki mtsho rgyal dang /____/rje dang 'bangs rigs grub pa'i khyu mchog dang /____/gter ston rig 'dzin rtsal 'chang la sogs pa/____/rnam rol pha mtha' yas la=____/jo rngog 'brom dang 'jam dbyangs bdun brgyud dang /____/zla 'od gzhon nu rje btsun blo bzang grags/____/snyigs ma'i 'gro 'dul 'jam mgon rnam gnyis sogs/____/ngo mtshar sprul pa ston la=____/'phags bod gnyis su rnam thar bsam las 'das/____/khyad par bod yul 'gro ba'i skyabs gcig pu/____/dran pas gdung sel o rgyan rdo rje 'chang /____/bka' drin dran bzhin snying nas=____/nangs re dgong re bod kyi don la byon/____/tshes bcu byung res dngos su byon nas kyang /____/dad ldan rnams la byin gyis rlobs par mdzad/____/gu ru rin po che la=____/sku ni rnga yab gling du rtag bzhugs kyang /____/thugs rje'i 'jug pas bod la lhag par dgongs/____/mchog thun dngos grub ma lus rtsol mdzad pa/____/gu ru yid bzhin nor bur=____/snying dbus gzhon nu bum sku'i grong khyer du/____/sku gsum rigs 'dus ma hA gu ru'i zhal/____/rang babs lhug pa'i ngang nas mjal ba dang /____/dgongs pa'i rtsal chen rdzogs par byin gyis rlobs/____/mchog gsum kun 'dus ngo bor nges shes rnyed/____/skyabs gnas gzhan du mi tshol gcig chog rgyal/____/sangs rgyas pad+ma'i zhabs la gsol=____/'di phyir bar do gsum du byin=____/bdag la skyid sdug legs nyes ci byung yang /____/gu ru khyed las re sa gzhan med pas/____/bu yi gdung dbyangs pha yis mi gsan nam/____/da lta nyid du thugs rjes gzigs pa gsol/____/'khor ba'i 'dams las drongs shig pad+ma 'byung /____/las nyon lcags sgrogs sgrol zhig pad+ma 'byung /____/srid pa'i me dpung gzhil cig pad+ma 'byung /____/bde chen zhing du drongs shig pad+ma 'byung /____/deng dus thub pa'i bstan pa nyam dmas shing /____/nag phyogs lha min 'byung bo kha dar bas/____/skye 'gro'i shes rgyud chos min phyogs su bsgyur/____/snod bcud rgud pas gdung ba'i nyam thag tshe/____/khyed kyi thugs rjer mi re su la re/____/gsol ba snying nas 'debs shing khyed bskul na/____/byin rlabs mthu rtsal glog ltar myur ba yis/____/bstan 'gro'i 'gal rkyen bar chad thams cad sol/____/bstan 'dzin skyes rnams zhabs pad ring du brtan/____/phyogs bcu'i dge 'dun khrims ldan 'du tshogs rgyas/____/'gro la bde skyid 'byung bar byin=____/dus kyi 'khrugs pa ma lus rgyun chad cing /____/gangs can bstan 'gro'i mchod sdong chos 'khor che/____/yid can lha mi kun gyis mchod bzhin du/____/srid mtha'i bar du brtan par byin=____/bdag gzhan rnams kyang dam tshig rnam par dag__/dad dang mos gus rtsa ba rab tu brtan/____/bskyed rdzogs lam gyi rim pa mthar phyin nas/____/rang rig pad 'byung rje dang dbyer med shog__/bdag dang 'gro ba'i yid la gang bsam pa/____/bum bzang dpag bsam shing dang nor bu ltar/____/'bad pa med par yid bzhin 'grub pa dang /____/bsam pa lhun gyis 'grub par byin gyis rlobs/____/byang chub sgrub pa'i bar chad g.yul las rgyal/____/bstan dang 'gro ba'i don chen 'grub pa dang /____/snod bcud bkra shis rdzogs ldan dpal gyi 'byor/____/byin rlabs thugs rje'i snang bas dge legs shog__/deng bzung bla med byang chub snying po'i bar/____/gu ru pad+ma'i 'bangs su skyes nas kyang /____/tshe rabs kun tu snying po'i bstan pa la/____/nyan bshad bsgrub pas phyogs brgyar spel bar shog__/ma hA gu ru'i thugs rje'i bden stobs dang /____/rnal 'byor bdag gi lhag bsam dag pa'i mthus/____/ji ltar smon pa'i gnas 'di myur 'grub cing /____/bstan 'gro'i dge mtshan rgyas pa'i bkra shis shog__/ces rtsa gsum kun 'dus gu ru rin po cher gsol 'debs 'di 'ang 'jam dbyangs blo gros rgya mtshos shing glang chu stod zla ba'i tshes nyer lnga lha ldan 'phrul snang dga' bzhi'i gtsug lag khang chen po'i bar khang sku tshab rin po che'i mdun tshogs kyi mchod pa'i dga' ston la longs spyod pa'i tshe shar mar bris pa la lo de'i zla 7pa'i tshes 1la yer pa zla ba phug gi sgrub khang chen por shwa lo ka kha shas bsnan nas yongs su grub pa 'dis kyang bod khams dus kyis rgud pa zhi zhing yid can thams cad dpal ri pad+ma 'od kyi gzhal med khang chen por skyes nas rang rig pad 'byung rje dang dbyer med mngon par byang chub pa'i rgyur gyur cig__/sarba dA mang+ga laM//____//__


skyabs kun 'dus pa'i bdag nyid o rgyan rin po che la gsol 'debs grub gnyis mchog stsol zhes bya ba bzhugs so/____/oM AHhU~M badz+ra gu ru pad+ma sid+d+hi hU~M/__rang bzhin ka dag chos dbyings pho brang nas/____/skye med spros bral chos sku'i bla ma la/____/rig stong zung 'jug ngang nas gsol ba 'debs/____/gzhon nu bum pa sku ru byin gyis rlobs/____/nges pa lnga ldan lhun grub pho brang nas/____/kha sbyor bdun ldan rnam snang longs spyod rdzogs/____/gsal stong zung 'jug ngang nas gsol=____/bde stong longs spyod rdzogs skur byin=____/'og min pad+ma drwa ba'i gzhal med khang /____/thugs rje'i sprul sku pad+ma 'byung gnas la/____/snang stong zung 'jug ngang nas=____/gang 'dul sprul pa'i sku ru=____/dbyings rig dbyer med 'od gsal thig le'i klong /____/sku gsum rigs 'dus pad+ma kun tu 'chang /____/rang rig dbyer med ngang nas=____/ngo bo nyid sku rtogs par=____/sku dang zhing khams kun khyab pho brang nas/____/bla ma kun bzang 'od mi 'gyur ba la/____/rang snang bsal bzhag med par=____/mngon par byang chub sku ru=____/sku lnga'i bdag nyid o rgyan rdo rje 'chang /____/mtshan dang rnam 'phrul bsam yas brjod las 'das/____/dkyil 'khor rgya mtsho'i gtso mchog dpal chen por/____/mos gus gdung shugs drag pos gsol 'debs na/____/pha yi dbyings nas gzigs shig mos pa'i bur/____/brtse bas dgongs nas gsang gsum byin rlabs rtsol/____/phyi nang gsang ba'i bar chad cho 'phrul bzlog__/bsam pa'i don kun lhun gyis grub pa dang /____/las bzhi phrin las gang brtsam mthar phyin cing /____/rang byung ye shes snang ba gong du 'phel/____/rtsa rlung sems kyi mdud pa kun grol nas/____/mthar phyin ye shes bla ma'i sa non te/____/pad+ma badz+ra rtsal dang dbyer med shog__/ces pa'ang mi phyed dad pas gang shar shugs 'byung du/__pad+ma ye shes rdo rjes gsol ba 'debs pa dge legs 'phel/__byin brlabs myur du 'jug par gyur cig__/sarba aratha sid+d+hi rastu//____//__ o rgyan chen por gsol ba 'debs ba rdo rje'i sgra dbyangs zhes bya ba bzhugs so/____/rigs brgya'i khyab bdag dus gsum mkhyen pa o rgyan gu ru shAkya seng /____/snang ba mtha' yas thugs rje'i rol gar sin d+hU'i 'o ma'i rgya mtsho ru/____/pad sdong las 'khrungs sprul pa'i sku ni thugs rje mkha' ltar kun la snyom/____/rtsa gsum kun 'dus mtsho skyes rdo rjer mi 'bral rtse gcig gsol ba 'debs/____/in+d+ra b+hu tis sras kyi tshul bzung rgyal srid dkar po'i khrims kyis bskyangs/____/rlung sems snang ba dbang du 'dus las brtan g.yo'i dngos kun zil gyi gnon/____/srid zhi'i dwangs bcud dbu mar 'ching zhing zag par bcas pa kun las bral/____/pad+ma rgyal po bde chen dbang phyug rtse gcig dad pas gsol=____/srid las 'das kyang slar yang chags bral mtshams sprin gsar ba'i gos kyis klub/____/byang sems bdud rtsi thugs dbus sim zhing blo ldan de nyid mchog la sred/____/mi 'jigs seng+ge sgra sgrogs mu stegs wa skyes klad 'gem bdud dpung 'dul/____/gnas brtan paN grub rgya mtsho'i gtsug rgyan pad+ma sam+b+hAr gsol=____/he ru kaHdpal zhu ba'i ros myos dpa' bo DA ki'i grong khyer du/____/nye rgyu'i spyod pa'i grogs la brten nas slob pa'i lam gyi rtse mor phyin/____/mi slob mngon gyur 'chi med bde chen dga' bzhi ster ba'i pho nyas 'khyud/____/dngos kun yang dag drwa bar sdom pa'i surla rasmir=____/phrin las rnam bzhi'i 'khor los rtsibs rnon kun nas kun tu 'khor ba yi/____/bdud sde 'dral cing bstan pa'i rtsa ba rab tu brtan las 'dzam gling bde ba'i sgo 'phar dbye/____/bod khams skyabs gcig rdo rje drag rtsal rnam thar byis blos yul las 'das/____/bstan 'gro'i rtsa lag pad+ma 'byung gnas de la snying nas gsol 'debs na/____/bdag cag bod 'bangs 'gro ba'i rgyud la yid srubs lha min zhugs pa bral/____/yang dag bsam sbyor rgyud la dad ldan skal ldan dus kyi rgud pa zhi/____/rgyal ba'i ring lugs shing rta brgyad dang khyad par 'od gsal rdo rje'i theg__/bskal brgya'i bar du mi nyams rgyas la kun bzang go 'phang thob gyur cig__/ces pa'ang 'jam dbyangs chos kyi blo gros pas me sbrul zla 6tshes 10la bris//____//____!__o rgyan rin po che la gsol ba 'debs pa dus ngan snyigs ma'i rkyen bzlog ces bya ba bzhugs so/____/na mo gu ru/__rab 'byams rgyal ba yongs kyi spyi gzugs mchog__/rtsa gsum rab 'byams rgya mtsho spro zhing bsdu/____/dkyil 'khor kun bdag o rgyan rin po che/____/snyigs ma lnga bdo'i 'gro la thugs rjes gzigs/____/khyod kyi sku yi rnam 'phrul bsam mi khyab/____/thod phreng sde lnga gu ru mtshan brgyad dang /____/rnam 'phrul bcu gnyis 'phrul mtshan bzhi bcu sogs/____/gang 'dul mtshan dang phrin las mtha' yas ston/____/khyad par snyigs dus rgya 'dre 'gong po dang /____/dam sri 'byung po 'dul ba'i gshed chen po/____/'chol ba'i khro rgyal rdo rje gro bo lod/____/gu ru rdo rje drag po rtsal la 'dud/____/mthu stobs dus mtha'i bskal me'i zhugs ltar rno/____/ma rung log 'dren bdud sde'i klad 'gem zhing /____/lha min kla klo'i dpung tshogs phye mar 'thag__/'joms byed rdo rje srin por phyag 'tshal bstod/____/de ltar bstod cing gsol ba btab pa'i mthus/____/lnga brgya mtha' mar lhag pa'i bstan dang 'gror/____/gu ru'i mkhyen pa'i spyan gyis btsa' ba dang /____/byams pa'i phyag gis drangs par mdzad du gsol/____/'jig rten pa kun yang dag lta la gnas/____/dus kyi rgud pa nye bar zhi ba dang /____/bde skyid rdzogs ldan dpal la longs spyod cing /____/byams pa'i sems dang ldan par mdzad du gsol/____/rgyal ba'i bstan pa rin chen sgron me 'bar/____/bstan pa 'dzin rnams 'chi med lang tsho brnyes/____/dge 'dun mi phyed rol mtsho ltar rgyas shing /____/spangs klog mdzad phrin rgyas par mdzad du gsol/____/khyad par bstan 'gro'i bde skyid pad mo la/____/gnod pa'i lha min ba mo'i tshogs mtha' dag__/khyod kyi thugs rje'i tsha zer reg pa'i mod/____/nus med myur du zhi bar byin gyis rlobs/____/bdag cag gu ru'i rjes su 'jug pa rnams/____/tshe rabs kun tu 'bral med rjes 'dzin cing /____/zhabs stegs chu skyes spyi bor bkod pa dang /____/gsang gsum byin rlabs snying dbus sim gyur cig__/phyi nang gsang ba'i bar chad zhi ba dang /____/tshe bsod dpal 'byor ye shes yon tan 'phel/____/chos bzhin spyod ba'i bya bas dus 'da' zhing /____/bshad sgrub phrin las 'phel ba'i bkra shis shog__/ces pa'ang dbang chen sprel lo sprel zla'i tshes bcur lho brag mkhar chu lcags phur can gyi tshogs khang chen por bla ma gsang ba 'dus pa'i tshes bcu'i dus ston la longs spyod pa'i skabs pad+ma ye shes rdo rje'am/__chos kyi blo gros pas gsol ba btab pa dge legs su gyur cig__/__//__ ma hA gu ru yab yum la gsol 'debs byin rlabs bcud 'beb bzhugs so/____/na mo gu ru pad+ma ka rA ya/____/khyab bdag dpal ldan rdzogs pa'i sangs rgyas ni/____/pad+ma las 'khrungs pad+ma rgyal po dang /____/man dA ra ba ye shes mtsho rgyal la/____/gsol ba snying nas 'debs so byin gyis rlobs/____/dus gsum sangs rgyas kun gyi sprul pa ste/____/mkha' 'gro yongs kyi ming po dpa' bo che/____/rdo rje thod phreng rtsal la gsol ba 'debs/____/byin gyis rlobs shig o rgyan rin po che/____/dngos grub stsol cig ye shes d+hA ki mkhyen/____/'dzam gling spyi dang khyad par bod yul gyi/____/skyabs gnas gcig chog bka' drin 'khor mtha' med/____/pad+ma 'byung gnas zhabs la gsol ba 'debs/____/byin gyis=__dngos grub=____/snyigs ma lnga bdo'i 'gro la lhag par brtse/____/nangs re dgong re bod kyi don la byon/____/gu ru thugs rje can la gsol=____/byin gyis=__dngos grub=____/nag phyogs bdud sde'i phru ma ngom pa na/____/khyed kyi thugs bskyed glog ltar rab myur zhing /____/rdo rje drag po rtsal la=____/byin gyis=__dngos grub=____/yid bzhin nor ltar dgos 'dod kun 'byung zhing /____/dran pa tsam gyis srid zhi'i gdung ba sel/____/bla ma bde ba chen por=____/byin gyis=____/dngos grub=____/bdag sogs khyed kyi rjes 'jug bu rnams la/____/mkhyen brtse nus pa'i rtsal shugs rab bskyed de/____/byin rlabs dbang chen da lta nyid du bskur/____/mchog thun dngos grub stan thog 'di ru stsol/____/tshe rabs kun tu pad 'byung yab yum gyis/____/thugs kyi sras su nye bar bzung nas kyang /____/gsang ba rgya mtsho'i mdzod la dbang bsgyur zhing /____/gu ru yab yum thugs dgongs rdzogs pa yi/____/phrin las rnam bzhi'i dpal la dbang 'byor shog__/de ltar gsol btab smon pa bzhin du 'grub/____/rgyal bstan dar zhing 'jig rten bde dgas 'byor/____/bstan la gnod rnams ring du bskrad byas te/____/dge 'dun sde 'phel thugs mthun khrims gtsang gi/__thub bstan phyogs bcur rgyas pa'i bkra shis shog__/ces pa'ang bstan sbyin chen po la dkar bsod nams rgyal mtshan dang /__dge 'gyur grags zung nas lha rdzas rin gnyis 'khor lo'i rten bcas bskul ngor 'jam dbyangs blo gros rgya mtshos sgrub mtsho pad+ma gling du sprel lo sprel zla'i tshes nyer gcig la bris pa dge'o//____//__ rtsa gsum kun 'dus o rgyan rdo rje 'chang la gsol ba 'debs pa byin rlabs kyi rol mtsho zhes bya ba bzhugs so/____/gu ru pad+ma sid+d+hi hU~M hrIHphyogs bcu dus gsum rgyal ba sras bcas kyi/____/ye shes gcig tu bsdus pa'i rang gzugs mchog__/srid zhi'i khyab bdag ma hA gu ru la/____/mi phyed snying nas gus pas gsol ba 'debs/____/rab 'byams zhing na mtshan gyi bye brag gi/__rnam mang ngo mtshar sgyu ma'i cho 'phrul brgyad/____/mig 'dzum tsam gyi yul la ston mdzad pa/____/pad+ma rgyal la gus pas gsol ba=____/mtha' bral chos dbyings brdal khyab chen po'i klong /____/zhal phyag mtshan ma'i spros pa las 'das shing /____/ye shes nang gsal gzhon nu bum pa'i sku/____/pad+ma 'od mi 'gyur la=____/rang bzhin 'od gsal lnga ldan zhing chen por/____/longs spyod yongs rdzogs gangs chen rig lnga'i mtsho/____/yon tan bkod pa bsam yas sgyu 'phrul gtso/____/ye shes lnga bdag khyed la=____/thugs rje 'gag med rol pa'i rtsal snang las/____/gang 'dul sprul pa chu zla'i rol gar bzhin/____/bye ba phrag brgya skad cig nyid la ston/____/pad+ma 'byung gnas zhabs la=____/'dzam gling o rgyan sin+d+hu'i rgya mtshor cher/____/dri bral pad+ma stong ldan dkyil 'khor ste/____/dkar gsal mdzes 'dzum mtshan dpe'i 'od phung 'bar/____/o rgyan rin po che la=____/rab 'byams shes bya mtha' dag thugs su chub/____/so sor yang dag rigs bzhi'i gter la dbang /____/mkhyen gnyis ye shes rtsal chen rdzogs pa'i sku/____/blo ldan mchog sred zhabs la=____/rdo rje gdan du rgyu 'bras theg pa bshad/____/sangs rgyas bstan pa'i rgyal mtshan phyogs brgyar bsgrengs/____/lung rtog bshad dang sgrub pas rgyas mdzad pa/____/shAkya seng ge'i zhabs la=____/brtul zhugs spyod pas rdo rje'i gnas yul dang /____/rab 'jigs dur khrod kun na phyogs bcur rgyu/____/dpa' bo Da ki'i tshogs dang dgyes rgur spyod/____/nyi ma 'od zer zhabs la=____/'khor ba'i chos kyi ma chags skyon bral zhing /____/khams gsum ma lus rig pas dbang du sdud/____/gzhan snang zil gnon rang grol spyod pa'i rje/____/pad+ma rgyal po'i zhabs la=____/me dpung mtshor bsgyur za hor rgyal khams 'dul/____/mu steg ngan pa'i dug gis bkrongs ma nus/____/bde chen rdo rje sems dpa'i lang tsho rgyas/____/mtsho skyes rdo rje'i zhabs la=____/'phags yul thub dbang chos kyi sgron me sbar/____/yang dag rig pa'i rgyal rnga phyogs brgyar brdung /__rtag chad sde dpung rdzu 'phrul chen pos 'dul/____/seng+ge sgra sgrog zhabs la=____/gangs can yul byon lha srin dam la btags/____/gtsug lag khang bzhengs mdo sngags dam chos bsgyur/____/thugs sras rdo rje'i rig 'dzin rgya mtsho bskrun/____/rdo rje gro lod rtsal la=____/chos nor gter kha dpag tu med pa sbas/____/las can skyes bu rim par lung bstan cing /____/gu ru nyid dang dngos mtshungs sku tshab kyis/____/dad ldan 'gro ba 'dul la=____/'gro lding yul du phra men dam la 'dog__/rdo rje theg pa'i 'dul zhing rgyas par mdzad/____/da lta rnga yab srin por chos ston pa/____/rak+Sha thod phreng rgyal la=____/bla ma kun 'dus yi dam zhi khro'i bdag__/mkha' 'gro'i tshogs dpon chos skyongs yongs kyi rje/____/nor lha kun 'dus mchog gsum 'dus pa'i sku/____/o rgyan rdo rje 'chang la gsol ba 'debs/____/thugs rjes gzigs pas bod la lhag bar dgongs/____/tshes bcu byung res dngos su byon par bzhes/____/thugs dam mi g.yel brtse bas dgongs mdzad la/____/gsang ba gsum gyi byin brlab dus 'dir rtsol/____/nyams rtog rig pa'i rtsal chen sbar ba dang /____/bstan 'gro'i don chen 'bad med lhun gyis grub/____/byang chub sgrub la bar du gcod pa kun/____/rtswa sbur me bzhin ming tsam med par mdzod/____/tshul khrims dag pa'i gzi 'od rab 'bar zhing /____/thos bsam bsgom pa'i dga' ston rab rgyas shing /____/byang chub sems gnyis mi nyams gong du 'phel/____/grub gnyis bdud rtsi'i dpal la spyod par shog__/'jig rten kun tu nad mug mtshon 'khrug zhi/____/lo phyug 'phel rgyas dge bcu'i chos la spyod/____/bod khams bstan 'gror 'tshe ba'i mtha' dmag tshogs/____/rab khros rdo rje'i shugs kyis 'joms par mdzod/____/skye ba kun tu bla ma o rgyan rje/____/mi 'bral snying dbus pad+mor rtag tu mchod/____/de yi byin brlab sgo gsum la zhugs pas/____/pad+ma rgyal dang rnam dbyer med par shog__/bkra shis 'chi med tshe dbang rig 'dzin gyi/____/byin brlab bkra shis char du bsnyil ba dang /____/'chi bdag bdud kyi dpung tshogs kun zhi nas/____/skye 'chi kun bral rdo rje'i bkra shis shog__/ces pa'ang shing phag cho 'phrul zla ba'i tshes gcig zla ba gro bzhin gyi 'grub sbyor bzang por pad+ma'i bran du 'khod pa 'jam dbyangs chos kyi blo gros pas gsol ba btab pa 'dis kyang ye shes chen po'i byin brlab lhag par smin pa'i rgyur gyur cig__/sarba dA ka l+yA NaM su shri yo b+ha wa tu//____//__ rtsa gsum kun 'dus rgyal dbang pad+ma 'byung /____/rang bzhin dbyer med ngang nas gsol ba 'debs/____/nad gdon bar chad thams cad zhi ba dang /____/don gnyis bsam pa lhun gyis 'grub par shog__/ces pa'ang d+harma ma tis so//____//____!__skyabs gnas kun 'dus o rgyan rdo rje 'chang /____/bdag gi snying dbus ze'u 'brur bzhugs nas kyang /____/dug gsum 'khrul pa'i bag chags rgyun sbyangs nas/____/rig pa'i 'od gsal rtogs par byin gyis rlobs/____/chos kyi blo gros pas so//____//____!__bslu med skyabs kyi snying po pad+ma 'byung /____/khyed la nyin mtshan dus drug mos gus kyi/____/gdung shugs drag pos gsol ba 'debs lags na/____/bar chad rkyen ngan dbang du mi gtong zhing /____/mi 'bral rtag tu thugs rjes skyong ba dang /____/bsam don yid bzhin 'grub par byin gyis rlobs/____/ces pa'ang gung ru khag bzhi las lha lung stod kha bde rab gzhis kar chos kyi blo gros pas gsol ba btab pa'o//____//__



o rgyan rin po che la gsol ba 'debs pa bdud dpung mthar byed rdo rje rtse brgya zhes bya ba bzhugs so/____/na mo gu ru pad+ma kA ra ye/__ka dag stong chen spros bral chos kyi sku/____/lhun grub gsal mdangs rigs lnga gangs chen mtsho/____/thugs rje 'gro 'dul sprul pa'i skur bzhengs pa/____/o rgyan rin po che la gsol ba 'debs/____/gu ru thub drug thod phreng sde lnga dang /____/mtshan brgyad 'phrul mtshan bcu gnyis bzhi bcu sogs/____/mtha' yas zhing na yongs su khyab pa'i bdag__/pad+ma 'byung gnas zhabs la=____/rig 'dzin bla ma rgya mtsho'i spyi gzugs che/____/yi dam zhi khro kun gyi ngo bo nyid/____/mkha' 'gro yongs gyi ming po dpa' bo che/____/rdo rje thod phreng rtsal la=____/snang ba mtha' yas sor rtog ye shes ni/____/sin+d+hU'i dwangs mtshor rang byung pad sdong rtser/____/mngal dris ma gos mtshan dang dpe byad ldan/____/mtsho skyes rdo rje'i zhabs la gsol ba 'debs/____/sangs rgyas kun 'dus gu ru rin po che/____/dam chos kun 'dus gu ru=____/dge 'dun kun 'dus=____/bla ma kun 'dus=____/yi dam kun 'dus=____/mkha' 'gro kun 'dus=____/chos skyongs kun 'dus=____/nor lha kun 'dus=____/skyabs gnas kun 'dus gu ru rin po che/____/rnga yab pad+ma 'od kyi pho brang nas/____/sngon gyi dam bca' thugs bskyed dus 'dir dgongs/____/glog ltar myur ba'i thugs rjes shugs bskyed do/____/khyod kyi rjes 'jug bod 'bangs rnams la gzigs/____/da lta rtsod dus snyigs ma'i mtha' la thug__/mi dge bcu la bag med spyod pa dang /____/sdom pa gsum gyi dam tshig nyams chags sogs/____/ma rung las kyi 'bras bu dus su smin/____/mi rnams phal cher bsam sbyor phyin ci log__/sdang sems zhe sdang phrag dog ser sna dang /____/'dod chags gti mug me chen rab sbar nas/____/gzhan 'byor dpal la mi bzod sdang zhing 'khu/____/phan tshun 'thabs rtsod dgra jag chom rkun dang /____/dkon mchog dkor 'phrog la sogs sdig bsags ste/____/sangs rgyas bstan pa rin chen dma' dbab cing /____/bstan 'dzin skyes bu thams cad dbu 'phang smad/____/chos rgyal chab srid rgud par byed pa sogs/____/'jig rten mi bde phung byed 'gong po'i tshogs/____/sde ris dang bcas gang du gnas pa rnams/____/ma hA gu ru snang srid zil gnon rtsal/____/rdo rje drag po rtsal gyi sprul pa ni/____/nyi zer rdul ltar 'tshubs pas drag tu gzir/____/rgyal ba'i bstan la log par sems pa yi/____/lha min kla klo du ru ka yi dpung /____/rtsa ba yan lag bsdongs zla sna khrid dang /____/rjes su 'brangs rnams thal ba'i rdul bzhin rlogs/____/ming gi lhag ma tsam yang med par mdzod/____/rgya 'dre 'gong po dam sri'i rgyu lam chod/____/gzugs can gzugs med gnod pa'i rigs mtha' dag__/khyod mtshan dran pa tsam gyis bzlog pa dang /____/mthun rkyen tshe bsod dpal 'byor rgyas par mdzod/____/dkar phyogs lha rnams rten la bkol ba dang /____/dregs pa sde brgyad rdo rje'i bka' yis gzir/____/bsam sbyor ngan pa nus med rab zhi nas/____/gzhan phan byang chub sems dang ldan par mdzod/____/mi phyugs dal yam 'khrugs rtsod thams cad zhi/____/char chu dus 'bebs lo phyug legs pa dang /____/btsa' sad ser dang 'byung ba 'khrugs pa bzlog__/sa bcud rtsi bcud bkrag mdangs rgyas par mdzod/____/sems can las ngan dbang du mi gtong par/____/mgon po khyod kyi thugs rje'i dpa' tshon bskyed/____/bod 'bangs yal bar ma dor pad 'byung mkhyen/____/bslu med skyabs kyi snying po pad 'byung mkhyen/____/dran chog rgyal po gu ru pad 'byung mkhyen/____/da lta nyid du dgongs par mdzad du gsol/____/skyabs gnas gzhan nas mi 'tshol yid ches blos/____/snyan 'gyur gdung ba'i dbyangs kyis 'bod lags na/____/gu ru'i brtse chen snyan gyis gsan du gsol/____/ye shes spyan gyis rtag par rab gzigs nas/____/sems can spyi dang khyad par 'dzam bu'i gling /____/yang sgos bod khams mtha' dbus thams cad kun/____/khyod kyis phyag gis khebs par mdzad du gsol/____/sangs rgyas bstan dar bstan 'dzin zhabs pad brtan/____/dge 'dun khrims gtsang bslab gsum nor gyis phyug__/bshad dang sgrub pa rnam par dag pa 'phel/____/'jig rten pa kun yang dag lta la spyod/____/de 'bras rdzogs ldan dpal yon ltar rgyas mdzod/____/bdag cag tshe rab kun tu o rgyan rjes/____/thugs kyi gsang mdzod zab mo 'dzin pa dang /____/rang snang sku gsum pad+ma 'od zhing du/____/rang rig pad 'byung rje dang dbyer med shog__/ces pa'ang sa mo glang gi lo gsar du tshes ba'i dga' ba dang por rig 'dzin gyi btsun pa 'jigs med nam mkha'i rdo rje tshe dbang grub pa rtsal gyis snying thag pa nas dad cing gus pas gsol ba 'debs pa 'brel tshad rnams kyi rgyud la u rgyan rdo rje 'chang gi byin rlabs rgyud la zhugs shing dus kyi rgud pa thams cad nye bar zhi bar byin gyis brlabs tu gsol/__shu b+ha mastu sarba dza pa taM//____//__ o rgyan gsol 'debs byin rlabs sprin phung bzhugs:na mo gu ru/__rtsa gsum rgya mtsho'i spyi gzugs pad+ma 'byung /____/rgyal dang de sras thugs bskyed gcig bsdus pa/____/dran pas gdung sel mtsho skyes rdo rje mkhyen/____/bod 'bangs skyobs pa'i gnyen gcig gu ru rje/____/kye ma kyi hud rgyal sras thugs rje can/____/bdag 'dra sems can las kyis mnar ba la/____/khyed kyi thugs rje'i phyag gis mi 'dzin na/____/bdag cag yal bar 'dor ba ma lags sam/____/mgon po khyed la nyin mtshan dus drug tu/____/snyan 'gyur gdung ba'i dbyangs kyis gsol 'debs na/____/pha yi bu la gzigs shig o rgyan rje/____/gsol ba snying nas 'debs so byin gyis rlobs/____/bdag sogs las ngan sdig sgrib dag pa dang /____/dam chos sgrub pa'i bar chad thams cad sol/____/chos bzhin bsam pa'i don rnams ma lus pa/____/myur du 'gyur par byin gyis brlab tu gsol/____/ces pa'ang chos kyi blo gros pas rtse gcig gsol ba btab pa sid+d+hi rastu//____//____!__dpal o rgyan chos kyi rgyal po la gsol 'debs bsam don myur 'grub ces bya ba/__oM AHhU~M badz+ra gu ru pad+ma sid+d+hi hU~M/__phyogs dus rtsa gsum rgyal ba rgya mtsho'i tshogs/____/ma lus gcig bsdus o rgyan rin po che/____/rnga yab pad+ma 'od nas thugs rjes gzigs/____/gsol ba snying nas 'debs so byin gyis rlobs/____/rkyen ngan byang chub lam du bsgyur ba dang /____/dam chos sgrub pa'i bar chad kun zhi zhing /____/tshe bsod dpal 'byor lung rtogs yon tan dang /____/ye shes rig pa'i rtsal chen spar du gsol/____/shes rab zab mo'i sgo chen 'byed pa dang /____/spobs pa'i gter chen brgyad la dbang 'byor zhing /____/ris med thos bsam sgom pa'i pad tshal rgyas/____/zab don sbrang rtsi'i bcud kyis phyug par shog__/mdor na bdag gzhan sems can thams cad kyi/____/chos mthun bsam sbyor skad cig tsam skyes kyang /____/de yi mod la myur du 'grub pa dang /____/bar chad zhi zhing bdud las rgyal gyur cig__/ces pa'ang rang gi bsnyel gsos tsam du chos kyi blo gros pas rtse gcig gus pas gsol ba btab pa sid+d+hi rastu//____//____!__na mo gu ru/__rtsa gsum kun 'dus o rgyan rdo rje 'chang /____/DAk+kI'i gtso mo ye shes mtsho rgyal ma/____/rje 'bangs gter ston grub rigs rgya mtsho sogasaHbrgyud gsum rig 'dzin bla mar gsol ba 'debs/____/mi rtag 'chi ba dran par byin gyis rlobs/____/srid las nges 'byung skye bar byin gyis rlobs/____/byang chub sems mchog 'byongs par byin gyis rlobs/____/ci snang bla mar 'char bar byin gyis rlobs/____/ka dag gnas lugs rtogs par byin gyis rlobs/____/rig pa btsan sa zin par byin gyis rlobs/____/snang bzhi mtha' ru phyin par byin gyis rlobs/____/sku lnga lhun grub thob par byin gyis rlobs/____/zhes pa'ang rigs ldan d+hA ki sgrol ma lha dkar nas bskul ngor chos kyi blo gros pas so/____/dge'o/____/dge'o/__dge'o/__bkra shis//____//__






ma hA gu ru pad+ma 'byung gnas la gsol 'debs mos gus kyi glu dbyangs dran pa'i lcags kyu zhes bya ba bzhugs so/____/a ho/____/lnga ldan rang byung rgyal dbang mtsho skyes kyi rdo rje/____/dus gsum rgyal ba rgya mtsho'i thugs bskyed ni gcig bsdus/____/mkhyen nus brtse ba'i ye shes byin brlabs kyi sprin phung /____/ngo mtshar sgyu 'phrul rdo rje'i rol mo la chags pas/____/phyogs bcu'i zhing khams ma lus ye shes kyi skus khyab/____/gang 'dul rnam mang mdzad pa nam mkha' yi mtha' mnyam/____/'bad med lhun gyi grub pa'i phrin las ni 'dzad med/____/rab 'byams zhing gi rgyal dang de sras kyi yon tan/____/gcig tu spungs pa'i sngags kyi ston pa ni pad 'byung /____/gang gi yon tan kun tu bzang po yis brjod kyang /____/bskal pa bye ba snyed kyi mtha' las ni 'das shing /____/zab zhi spros bral ka dag 'od gsal gyi dbyings las/____/mi g.yo kun khyab 'gyur med rdo rje yi bdag nyid/____/chos sku 'pho bral bsam brjod mtha' dbus las 'das shing /____/rang byung gsung gi rdo rje longs spyod kyi rdzogs sku/____/yi ge 'khor lo'i sprin las rang byung du shar ba/____/rgyun mtha'i byang sems rnams kyi dpal rab tu gyur pa/____/'gags med nA da'i sgra dbyangs rgyun chad ni med cing /____/kha sbyor bdun ldan rtag pa rgyun gyi ni 'khor lo/____/de las 'gro ba'i khams dbang bsam pa dang mthun pa'i/____/ngo mtshar sprul pa bsam yas ji snyed du 'gro bas/____/'gro ba'i re skong yid bzhin dbang rgyal gyi mi mtshon/____/khyad par gling 'di'i sems can skyobs pa yi don slad/____/sin+d+hu'i dwangs mtshor brdzus skyes sprul sku ni pad 'byung /____/tshe dbang rdo rje'i sku brnyes lhun grub kyi rig 'dzin/____/paN grub kun gyi gtsug nor rtsa gsum gyi spyi dpal/____/srid zhi'i legs tshogs kun gyi 'byung gnas ni gcig pu/____/ma hA gu ru o rgyan mtsho skyes kyi rdo rje/____/phyogs bcu'i sangs rgyas rnams kyi thugs bskyed kyis mthu las/____/b+ho tra'i ljongs kyi ston pa rgyal kun gyi rang gzugs/____/pad+ma 'byung gnas skyabs kun 'dus pa yi mnga' bdag__/da lta rnga yab gling du sku dngos ni bzhugs kyang /____/thugs rje'i sprul pas bod khams rtag pa ru skyongs mdzad/____/bka' drin mnyam med 'jigs bral mtsho skyes kyi rdo rje/____/bdag cag mgon po khyed kyi bka' drin gyi zho shas/____/'tsho ba'i skal bzang thob pa'i dwa phrug gi snying nas/____/pha gcig pad 'byung dran pa'i gdung shugs kyi mchi mas/____/brnangs bzhin dad pa'i shugs kyi gsol ba ni 'debs so/____/rtag tu 'bral med snying dbus pad+ma yi ze'u 'brur/____/dgyes par bzhugs nas bdag rgyud smin grol ni mdzod cig__/rig stong sku gsum dgongs pa rang bzhag tu bskyangs pas/____/dbyings rig dbyer med 'od gsal don dam gyi bla ma/____/gnyis 'dzin sbubs g.yogs bral bas rang zhal ni mjal te/____/kun bzang pad+ma rdo rje 'chang chen gyi go 'phang /____/dka' ba med par thob nas 'khrul pa yi lugs rgyud/____/sgrog gis bcings pa'i khams gsum 'khor ba yi snod bcud/____/rang grol ye dag kun bzang gdod ma yi gzhi la/____/'dren pa'i ded dpon dam par 'gyur ba ru shog cig__/gnas skabs dam chos sgrub pa'i 'gal rkyen kun zhi zhing /____/mthun rkyen 'phags pa'i nor bdun rang dbang du 'byor nas/____/bar chad bdud kyi mi 'phrogs g.yul ngo las rgyal te/____/bstan 'gro'i bde legs rgyal mtshan srid mtha' ru nub med/____/bsgrengs pa'i bkra shis dam pas dge legs su gyur cig__/ces pa'ang mtsho skyes bla ma'i 'bang gi tha shal chos kyi blo gros pas phyi rol yul gyi snang ba bde bas rkyen byas te o rgyan bla ma dad pa'i yid mkhar dran pa'i mod la shugs 'byung gsol ba btab pa 'dis kyang gu ru'i gsang ba gsum gyi byin rlabs bdag gzhan rnams kyi rgyud la myur du 'jug pa'i rgyur gyur cig__/sarba sid+d+hi rastu//____//__


phyogs bcu dus gsum rgyal ba sras bcas kyi/____/mkhyen brtse nus pa gcig tu bsdus pa'i sku/____/gangs ljongs skyabs gcig o rgyan rin po che/____/bu yi 'bod do las ngan bdag 'dra ba/____/kye ma kye hud gu ru rin po che/____/ye shes dbyings nas 'khor ba'i 'dam la gzigs/____/dus ngan snyigs pa'i gral du lhung ba yi/____/las ngan sdig la spyod pa'i skal ngan bdag__/snyoms las le lo'i bdud kyis dbang gyur pas/____/dam chos sgrub snyam ngang la mi tshe zad/____/kye ma kye ma mi rtag 'khor ba'i chos/____/tshe 'di'i bya ba nam yang zin pa med/____/'khor ba me yi 'obs dang 'dra ba la/____/nges 'byung gting nas skye bar byin gyi rlobs/____/gsol ba 'debs so gu ru rin po che/____/thugs rje'i lcags kyus bdag sogs 'khor ba las/____/myur du drongs shig gu ru rin po che/____/pad+ma 'od kyi zhing der drang du gsol/____/mtshan ldan bla ma mnyes pa gsum gyis bsten/____/mdo rgyud gdams ngag chos kyi bdud rtsi mnos/____/byang chub sgrub la bsnyel ba med pa dang /____/ma hA gu ru rdo rje drag rtsal gyi/____/thugs rje nus pa'i mthu rtsal rab phyung nas/____/phyi nang gsangaba'i bar chad dbyings su sgrol/____/mchog thun dngos grub stsol cig o rgyan rje/____/gcig pu dben pa'i ri la sdod tshugs shing /____/zab gsang lam gyi nyams len mthar phyin nas/____/gzhi dbyings pad 'byung kun bzang gdod ma'i mgon/____/tshe 'di nyid la mngon du byed pa dang /____/zag med 'ja' lus rdo rje'i sku 'grub nas/____/'khor ba ji srid gnas pa de srid du/____/gzhan la phan pa rtag tu sgrub gyur cig__/ces pa'ang shugs 'byung dad pas kun nas slong te o rgyan rje'i bstan zhabs su skyes pa gzhon nu d+harma ma tis sa lug zla 8tshes 26la'o/____/oM AHhU~M badz+ra gu ru pad+ma sid+d+hi hU~M/____/ngo bo blo 'das spros pa bral ba'i dbyings/____/rang rig bla ma mtsho skyes rdo rje 'chang /____/dgongs klong 'du 'bral med la gsol ba 'debs/____/ye shes dgongs pa'i rtsal chen rdzogs par shog__/rtsa gsum kun 'dus o rgyan chen po la/____/yid ches mos gus gdung bas gsol 'debs na/____/skye ba kun tu 'bral med rjes bzung nas/____/don gnyis lhun gyis grub pa'i bkra shis shog__/shing byi zla 11tshes 17la 'jam dbyangs chos kyi blo gros pas gsol ba btab pa'o//____//____!__e ma ho/__dus gsum rgyal ba kun dngos pad+ma 'byung /____/rtsa gsum rab 'byams spro dang bsdu ba'i bdag__/gangs can bstan dang 'gro ba'i skyabs gcig pu/____/o rgyan rin po che la gsol ba 'debs/____/bar chad kun sol bsam don yid bzhin 'grub/____/sku gsung thugs kyi rdo rje'i byin chen phob/____/nyams rtogs rig pa'i rtsal chen bskyed pa dang /____/mchog dang thun mong dngos grub stsal du gsol/____/tshe rabs kun tu mtsho skyes rdo rje nyid/____/rigs kyi bdag por thob cing gsung gsang gi/__bdud rtsi nos nas thugs kyi dgongs pa 'phos/____/gu ru'i bstan la bya ba byed par shog__/lha min kla klo'i mun tshogs dbyings su zhi/____/bstan dang bstan 'dzin dar zhing rgyas pa dang /____/bod khams bde skyid bkra shis 'byung ba dang /____/rang gzhan don gnyis 'grub par byin gyis rlobs/____/zhes pa'ang me sprel nag zla'i tshes 20bsam yas gu ru nga 'dra'i mdun tshogs mchod skabs snga 'gyur bstan 'dzin rgya mtsho'i gtsug rgyan rdzogs chen drug pa 2rin po che'i gsol dpon/__pad rab thub bstan bshad sgrub bstan 'dzin nas bskul ngor 'jam dbyangs chos kyi blo gros pas gsol ba btab pa sid+d+hi rastu/__mang+ga laM//____//__ gu ru bde ba chen po la gsol 'debs 'khrul snang kun sel zhes bya ba bzhugs so/____/e ma ho/__ngo bo blo 'das 'od gsal chos kyi sku/____/rang bzhin ma 'gags gsal snang longs spyod rdzogs/____/thugs rje'i rig rtsal gang 'dul sprul pa'i sku/____/sku gsum dbyer med bla ma pad+ma 'byung /____/dkyil 'khor rgya mtsho'i khyab bdag bde ba che/____/ma hA gu ru pad+ma saM b+ha war/____/gsol ba 'debs so byin rlabs dbang bskur stsol/____/'chi med rdo rje'i sku brnyes mtsho skyes rje/____/sku lnga mtshan brgyad rnam 'phrul bcu gnyis sogs/____/bsam yas zhi dang khro bo'i rol gar ston/____/gnas gsum mkha' 'gro rgya mtsho'i ming po che/____/bdag gi skyabs gcig gu ru pad+ma rje/____/bu yi gdung dbyangs nyams thag 'dir gzigs la/____/thugs rjes gzigs shig o rgyan rin po che/____/bod 'bangs skyobs pa'i gnyen gcig khyod nyid la/____/khyod kyi thugs rjes yal bar 'dor bzod dam/____/'byung ba g.yo 'khrugs nad mtshon mu ge sogs/____/sdug bsngal du mas 'gro rnams mnar la gzigs/____/bdud rigs 'byung po'i chu gter rab 'khrugs pas/____/bstan 'dzin skyes bu rnams ni zhing gzhan gshegs/____/lung rtogs bshad sgrub bstan pa mar la 'grib/____/lha min char sprin nag po mkha' la gtib/____/log rtog lce 'khyug sdig pa'i na bun 'thib/____/lta ngan 'brug sgra sgrogs shing las ngan gyi/____/thog ser 'bebs pas bstan 'gro'i bde skyid bcom/____/'di 'dra'i dus na gu ru'i thugs rje yi/____/'thor rlung drag pos bdud kyi chu 'dzin gtor/____/ka dag chos sku'i mkha' dbyings yangs po'i rdzogs/____/bshad sgrub nyi zla zung gcig snang bar mdzod/____/bstan dang bstan 'dzin dbu 'phang mtho ba dang /____/phyogs las rnam par rgyal ba'i dngos grub stsol/____/bu yi skyabs gnas gu ru rin po cher/____/rtse gcig mos gus gdung bas gsol 'debs na/____/pha yi thugs rje'i phyag gis ma btang kye/____/byin rlobs dbang bskur mchog thun dngos grub stsol/____/nyams rtogs rig pa'i rtsal chen spar ba dang /____/gu ru rje dang rnam dbyer med par shog__/'di nas tshe 'phos rnga yab dpal gyi rir/____/pad+ma 'od kyi pho brang chen po der/____/rig 'dzin mkha' 'gro'i tshogs dang dgyes rgur spyod/____/lhan cig theg chen chos la spyod pa dang /____/tshom bu gcig tu mngon par byang chub shog__/ces pa'ang sa 'brug zla tshes la chos kyi blo gros pas pad+ma shel phug gi gu ru bde ba chen po'i snang brnyan ye shes pa mngon sum bzhugs pa'i mdun rtse gcig gsol ba btab pa 'dis kyang o rgyan chos kyi rgyal pos tshe rabs kun tu rjes su 'dzin pa'i rgyur gyur cig__/sarba mang+ga laM/__shu b+haM//____//__ rtsa gsum kun 'dus o rgyan rdo rje 'chang la bstod cing gsol ba 'debs pa dus min 'chi bzlog ces bya ba bzhugs so/____/na mo gu ru a pa ri mi ta pad+ma ka rA ya/__'od mtshan stong 'bar 'chi med lha yi lha/____/chags bral sor rtog ye shes rang 'od las/____/sin+d+hU'i dwangs mtshor pad+ma'i sdong po'i rtser/____/rang byung brdzus 'khrungs pad+ma thod phreng rgyal/____/gdod nas mngon 'tshangs rgyas kyang rtsod dus 'dir/____/shAkya'i bstan la gsang sngags ston pa po/____/'dzam bu'i gling na rigs sngags grub pa'i gtso/____/o rgyan slob dpon pad+ma 'byung gnas 'dud/____/sngon byon sangs rgyas rnams kyis spangs pa yi/____/gdong dmar bod dang 'gro lding rnga yab rnams/____/thugs rje'i phyag gis dam por 'dzin mdzad pa/____/mkha' 'gro'i ming po mtsho skyes rdo rjer 'dud/____/khyad par gangs ri'i phreng bas bskor ba'i ljongs/____/mnga' bdag tshangs pa'i smon lam shing rtas drangs/____/bsam yas lhun gyis grub pa'i gtsug lag bzhengs/____/lha srin dam btags bstan pa spel la 'dud/____/skal ldan rje 'bangs 'dus pa'i tshogs rnams la/____/gsang sngags nang rgyud smin grol char chen 'bebs/____/rig 'dzin grub pas 'dzin ma'i khyon bkang mdzad/____/rdo rje theg pa'i bdag po khyod la 'dud/____/ches cher snyigs ma'i dus kyi mthar skyes pa'i/____/'gro ba rnams dang bstan pa'i rgud pa rnams/____/skyob phyir bod khams mtha' dbus thams cad du/____/zab gter dpag med sbas par mdzad la 'dud/____/'dzam gling srin po'i mche ba mi zad pas/____/btab pa'i 'jigs pa thams cad skyob pa'i phyir/____/sku dngos dpal ri pad+ma 'od du gshegs/____/sprul pas 'dzam gling khyab par ston la 'dud/____/lhun gyis grub pa'i rig 'dzin sar gshegs shing /____/ye shes sku ni bsam brjod yul las 'das/____/rgyal ba rnams dang dgongs pa rnam dbyer med/____/yon tan phrin las pha mtha' yas la 'dud/____/thod phreng sde lnga gu ru mtshan brgyad dang /____/rnam 'phrul bcu gnyis la sogs sku'i rnam 'gyur/____/zhi dang khro bo ma nges ston pa yi/____/dkyil 'khor rgya mtsho'i bdag po chen por 'dud/____/bla ma rig 'dzin rgya mtsho'i gtso bo mchog__/yi dam kun 'dus dpal chen sgrub sde brgyad/____/rnal 'byor ma dang phag khros seng gdong sogs/____/rtsa gsum gcig bsdus pad+ma rgyal la 'dud/____/mdor na skyabs gnas kun 'dus bdag nyid che/____/rtsa ba'i bla ma o rgyan rdo rje 'chang /____/snying gi ze'u 'brur bkod cing gsol btab mthus/____/byang chub sgrub pa'i bar chad zhi mdzad gsol/____/dus min 'chi bdag bdud sde'i g.yul 'joms zhing /____/tshe bsod dpal 'byor ye shes yon tan rnams/____/khab len rdo yis lcags phye sdud ba bzhin/____/rang dbang nyid du 'du bar mdzad du gsol/____/bdag dang bdag la 'brel thob sems can kun/____/las nyon sdig sgrib sdug bsngal kun byang ste/____/rang snang sku gsum zhing khams chen po ru/____/phyin nas o rgyan rje dang dbyer med shog__/thub pa'i bstan pa rin chen dar zhing rgyas/____/bstan pa 'dzin rnams zhabs brtan dge 'dun 'phel/____/lha min bdud sde'i dpung tshogs gzhom pa dang /____/'jig rten rdzogs ldan dpal la spyod par shog__/ces pa'ang shing mo lug gi lo'i gnam lo gsar du 'char ba'i cho 'phrul chen po'i dkar phyogs kyi dga' ba dang po'i tshes la o rgyan mkhan po'i 'bangs rigs su 'khod pa 'jam dbyangs blo gros rgya mtsho'am/__pad+ma ye shes rdo rjes smras rim bzhin sprul pa'i sku 'jam dbyangs bsod nams dbang pos yi ger bkod pa 'dis kyang bdag gzhan rnams kyi rgyud la o rgyan slob dpon chen po'i byin rlabs myur du 'jug pa'i rgyur gyur cig sarba dA mang+ga laM//____//__


a ma jo mo mtsho rgyal la gsol ba 'debs so/____/rje btsun rdo rje rnal 'byor mas byin gyis rlobs shig__/ma gcig bka' drin can la gsol ba=____/bde chen ye shes mtsho rgyal gyis byin gyis=____/rgyal yum rdo rje rnal 'byor ma la=____/dbyings phyug ye shes DA kis=____/rje btsun rdo rje phag mo la=____/rje btsun aR+Ya tA res=____/dus gsum sangs rgyas thams cad kyi ngo bo/____/dbyings yum rigs lnga'i rnam 'phrul/____/mkhar chen gza' yi mtsho rgyal/____/'phags ma dbyangs can sprul pa/____/khyed la=____/DA ki 'bum sde'i gtso mo/____/gu ru'i thugs kyi gzungs ma/____/gsang chen bka' yi sdud po/____/bod khams skyobs pa'i a ma/____/ma cig drin mo che la gsol ba 'debs so/____/gang 'dul sku yi snang bas/____/bdag la byin gyis rlobs shig__/ma dag rtsa yi drwa ba/____/dag pa rdo rje'i skur smin/____/khyod dang dbyer med shog cig__/'gro 'ong rlung gi rgyu ba/____/d+hU ti'i dbyings su dengs nas/____/mi shig nA nga'i gsung mchog__/ngag ni rdo rje'i gsung dbyangs/____/'phags mas rang skur smin mdzod/____/'pho bcas thig le'i tshogs rnams/____/gzhom bral bde chen skur smin/____/sgrib bral chos kyi sku ru/____/mngon sum nyid du smin mdzod/____/kun gzhi'i sgrib cha phra ba'i/____/las rlung srog gi g.yo ba/____/rdul bral rdo rje'i nam mkhar/____/mi g.yo mchog tu bcings pas/____/ngo bo nyid kyi sku ru/____/smin nas don gnyis lhun grub/____/rig 'dzin d+hA ki'i gtso mo/____/bde mchog he ru ka dpal/____/bde stong sgyu ma'i gar gyis/____/sa gsum kun tu khyab cing /____/nam mkhar ji srid bar du/____/sprul pa dpag tu med pas/____/'gro ba'i don gnyis 'grub par/____/a ma thugs rje can gyis/____/mkhyen brtse glog ltar gyur bas/____/bdag la thugs rjes gzigs nas/____/skal ldan sgrub po tshe 'dir/____/'chi med rig 'dzin brnyes pa/__yum chen khyod kyis byin gyis rang rlobs shig__/ma gcig bka' drin can khyod mkhyen no/____/ces pa'ang me khyi sprel zla'i tshes dgu la pad+ma ye shes rdo rjes bris pa'o//____//____!__dbyings phyug DA ki'i gtso mo mkhar chen gza'/____/dus gsum kun mkhyen pad+ma 'byung gnas kyi/____/gsang mdzod sdud po bde chen mtsho rgyal mar/____/gsol ba 'debs so mchog thun dngos grub stsol/____/zhes pa'ang chos kyi blo gros pas so//____//__ na mo gu ru/__rtsa gsum rab 'byams 'dus pa'i bdag nyid che/____/ma hA gu ru pad+ma 'byung gnas la/____/bzod med gdung shugs drag pos gsol ba 'debs/____/bar chad kun sel mchog thun dngos grub stsol/____/rgyal ba sras dang bcas pa'i phrin las kyi/____/rang gzugs rje btsun 'phags ma sgrol ma la/____/yid ches gdung shugs drag pos gsol ba 'debs/____/rtag tu bdag la byin gyis brlab tu gsol/____/'chi med mchog sbyin zla ba'i mdangs ldan ma/____/ye shes spyan bdun rnam par bkra ba yi/____/'chi med 'phags ma yid bzhin 'khor lo la/____/gsol ba 'debs so tshe yi dngos grub stsol/____/bdud dang dam sri thams cad 'dul ba'i gshed/____/rgyal ba kun gyi phrin las byed po'i gzugs/____/dpal chen rdo rje gzhon nu khro bo'i rgyal/____/rtag tu khyod sgrub bdud las rgyal bar mdzod/____/'jigs rung sku ni gar dgu'i nyams ldan pas/____/bdud bgegs log 'dren thams cad rdul du brlag__/bstan srung kun gyi sde dpon rdo rje gur/____/bdag dang mi 'bral bu bzhin skyong bar mdzod/____/ces lhag pa'i lha rnams la gsol 'debs 'di 'das khyi zla brgyad tshes brgyad la rdo rje gling du chos kyi blo gros pas bris pa'o//____//__ @#/____/mkhan slob chos gsum rigs ldan drag po bcas kyi gsol 'debs bzhugs so/____/ slob dpon gsol 'debs bsam don re skong zhes bya ba bzhugs so/____/oM AHhU~M badz+ra gu ru pad+ma sid+d+hi hU~M:rang bzhin chos sku 'od gsal klong yangs che/____/ma 'gags lhun grub longs spyod rdzogs pa'i sku/____/thugs rje rig rtsal sprul sku pad+ma 'byung /____/mtsho skyes rdo rje'i zhabs la gsol ba 'debs/____/thod phreng rigs lnga mtshan mchog brgya rtsa sogs/____/gang 'dul zhi dang khro gar bsam mi khyab/____/phyogs dus kun khyab gu ru bde ba che/____/rtsa gsum rgya mtsho'i spyi dpal gsol ba 'debs/____/snyigs dus ma rungs dam sri 'dul ba'i gshed/____/'jigs rung gar dgu'i nyams ldan dpal chen po/____/pad+ma drag po me yi phreng ba can/____/dregs pa sde brgyad 'dul la gsol ba 'debs/____/sku ni bde gshegs rgyal ba rgya mtsho'i sku/____/gsung gi tshangs dbyangs zhing khams rgya mtshor khyab/____/thugs ni mi g.yo ka dag gting gsal sbubs/____/sku gsum kun 'dus bla mar gsol ba 'debs/____/mkha' 'gro yongs kyi ming po dpa' bo che/____/rang rig bla ma rdo rje thod phreng rtsal/____/skyabs kun 'dus pa'i bdag nyid yongs shes pas/____/nyin mtshan med par gdung bas gsol 'debs na/____/gu ru'i rdo rje'i snyan gyis gsan du gsol/____/gsol 'debs bu la mkhyen brtses rab dgongs nas/____/rdo rje gsum gyis byin chen dbab pa dang /____/bdud dang dgra bgegs 'byung po'i 'tshe dogs sol/____/bar chad kun zhi bsam don yid bzhin 'grub/____/mchog dang thun mong dngos grub stsal du gsol/____/rgyal bstan dar rgyas nad mug mtshon 'khrugs zhi/____/'jig rten kun tu dge ba'i bkra shis shog__!_/__mkhan chen gsol 'debs byang chub ljon shing zhes bya ba/__mgon po 'jam pa'i dbyangs la gus pas phyag 'tshal lo/____/rgyal rigs sA la lta bu'i rgyud 'khrungs shing /____/rig pa'i gnas lnga mthar phyin 'jam dbyangs kyi/____/zhabs kyi pad+mo'i ze'u 'bru spyi bos bsten/____/mkhan chen byang chub sems dpar gsol ba 'debs/____/bskal mang gong nas gzhan phan thugs bskyed kyi/____/rtsa ba gser sbram lta bu rab brtan pas/____/rtsod dus bstan dang 'gro ba'i gnyen gcig pu/____/mkhan chen zhi ba 'tsho la gsol ba 'debs/____/sangs rgyas bstan la 'khu ba'i mu stegs kyi/____/glang chen gtsug 'gem dbang po'i rdo rje ltar/____/sgra tshad dbu ma'i rigs pas bcom mdzad pa'i/____/smra ba'i seng+ge chen por gsol ba 'debs/____/chos 'dul gser gyi ri bor rten bcas shing /____/zab cing rgya che'i mdo sde'i don rab gsal/____/chos mngon rgya mtsho'i spyan stong rnam par bkra/____/mkhan chen lha yi bla mar gsol ba 'debs/____/tshul khrims dri yis lhar bcas 'gro rnams dga'/____/ting 'dzin zab mos zag med yon tan sdud/____/shes rab spobs pas chos kyi sgo brgya 'byed/____/'dzam gling thub dbang gnyis par gsol ba 'debs/____/byang phyogs gangs ri'i phreng bas bskor ba'i ljongs/____/shAkya seng+ge'i bstan pa'i shing rta 'dren/____/sde snod gsum la ci dgar longs spyod pa'i/____/bka' drin mnyam med rje la gsol ba 'debs/____/rgyal bas lung gis bstan pa'i mkhan po ni/____/b+ho d+hi satwa shAn+ta rak+Shi ta/____/thams cad mkhyen dngos ston pa'i rgyal tshab cher/____/dad mos rtse gcig gus pas gsol ba 'debs/____/kha tsam ma yin snying nas gsol 'debs na/____/bstan pa rin chen phyogs bcur 'phel ba dang /____/tshul ldan 'dus pa rgya mtshos yongs gang zhing /____/sgo gsum rnam par dag par byin gyis rlobs//____//____!__chos rgyal khri srong la gsol ba 'debs pa lha yi rnga chen zhes bya ba/__oM swa sti/__bkra shis kun gyi nang nas mchog gyur pa/____/rin chen gsum zhes grags pa'i rnga sgra des/____/phyogs dus kun tu bde dgas khyab pa dang /____/dge legs u dum wa ras shis gyur cig__/shAkya'i rigs mchog chos rgyal lha yi sras/____/theg chen rigs sad 'jam dpal gzhon nu'i sku/____/slar yang bod yul bstan 'gro'i mgon du byon/____/khri srong lde'u btsan zhabs la gsol ba 'debs/____/dka' ba du mas lo paN spyan drangs shing /____/gtsug lag bzhengs nas bstan pa'i gzhi ma btsugs/____/dge bcu'i khrims bcas mdo sngags dam chos bsgyur/____/tshangs pa lha yi me tog gsol ba 'debs/____/bod yul mun pa'i gling 'di dkar bor bsgyur/____/khyad par gu ru pad+ma 'byung gnas las/____/bka' brgyad la sogs gsang sngags rgya mtsho brnyes/____/snang srid dbang bsgyur chen por gsol ba 'debs/____/mkhyen rab 'jam dpal dbyangs dang gnyis su med/____/brtse chen 'phags mchog phyag na pad+mo dngos/____/mthu stobs gsang bdag rdo rje 'dzin pa che/____/rigs gsum sprul pa'i rgyal por gsol ba 'debs/____/gang gis gsang gsum byin gyis brlabs pa'i sras/____/chos rgyal rim byon rnam 'phrul lnga phrag sogs/____/mtha' dbus kun tu byon dang 'byon 'gyur rnams/____/spro dang bsdu ba'i byed por gsol ba 'debs/____/da lta ches cher snyigs ma'i dus 'dir yang /____/bstan pa rin chen gnas pa khyod kyi drin/____/nges pa nyid las gzhan du mi sems pa'i/____/yid ches dad pas gsol ba snying nas 'debs/____/thugs rje chen po'i rtsal shugs rab sprugs nas/____/nag phyogs bdud kyi sde tshogs 'dul ba dang /____/mkhan slob chos rgyal gsum gyi thugs bskyed rnams/____/bdag sogs 'gro bas myur du 'grub par shog__/skye ba kun tu 'jam dbyangs chos rgyal gyis/____/rjes bzung mkhyen nus brtse bar dbang 'byor zhing /____/don gnyis lhun grub mthar thug khyed nyid dang /____/dbyer med mngon byang chub pa'i bkra shis shog/__//__!_rigs ldan drag po'i gsol 'debs kla klo mthar byed ces bya ba/__oM AHhU~M hoH["-]dpal ldan srid zhi kun khyab dus 'khor lo/____/dbang phyug chen po lha yi lhar gyur ba/____/'gyur med bde ba chen po'i ros gang ba/____/dang po'i sangs rgyas bla mar phyag bgyi'o/____/yang dag 'jam dpal sgyu 'phrul drwa ba che/____/chos rgyal grags pa'i gzugs su rab bsgyur nas/____/slar yang snyigs ma rtsod pa rgyas pa'i dus/____/drag po 'khor lo can la gsol ba 'debs/____/dzaM gling byang phyogs sham+b+ha la chen por/____/ka la pa yi pho brang chen po'i dbus/____/rdo rje'i rigs ldan seng+ge'i khrir bzhugs pa/____/tshangs pa lha yi bla mar gsol ba 'debs/____/rdo rje'i rigs mchog bye ba phrag khrig la/____/rdo rje theg pa'i nges gsang zab mo ston/____/rdo rje'i grong du legs par 'khrid mdzad pa/____/rdo rje can zhabs mchog la gsol ba 'debs/____/'dod dang sdang dang gti mug gis smyos pa'i/____/lha min kla klo'i sde tshogs dpung bcas la/____/thugs rje'i stobs rtsal rdo rje'i thog chen brgya/____/'bebs mdzad sprul pa'i rgyal por gsol ba 'debs/____/drag po'i 'khor lo rtsibs stong rno ba ni/____/dzaM gling dum bu bcu gnyis 'khor ba na/____/'tshe ba chos su smra ba'i grub mtha' rnams/____/ming tsam med par mdzad la gsol ba 'debs/____/rdzogs ldan phyi ma'i dus ston dar ba dang /____/sangs rgyas bstan pa'i rgyal mtshan rab 'debs shing /____/g.yul rgyal lha yi ba dan dkar po bsgrengs/____/chos kyi rgyal rnga sgrogs la gsol ba 'debs/____/phyi nang gzhan gsum dbyer med dus 'khor lo/____/rang rig 'gyur med 'od gsal bde chen rdzogs/____/rig rtsal drag po 'khor lo chen po dang /____/'bral med gnyug ma'i ngang nas gsol ba 'debs/____/de ltar gsol btab bden pa'i nus mthu yis/____/bsod nams ma yin las kyis grub pa'i gzugs/____/lha min 'byung po sdong zlar bcas pa rnams/____/rtswa sbur me bzhin 'joms par byin gyis rlobs/____/'jig rten pa rnams yang dag lta la dad/____/byams dang snying rje'i sems ldan 'thab rtsod zhi/____/phan tshun pha ma lta bur shes pa yi/____/bde skyid dpal 'byor rgyas par mdzad du gsol/____/bod khams mtha' dbus kun tu bde ba dang /____/rigs ldan drag po'i thugs rje'i 'od zer gyis/____/rtag tu khyab cing bdag kyang nam zhig na/____/drag po 'khor los rjes su 'dzin par shog__/g.yul ngor shi ba'i sems can tshogs rnams kyang /____/'jigs skrag sdug bsngal ma lus rab zhi nas/____/rdo rje theg pa'i rten bzang rnyed pa dang /____/rigs ldan rgyal po'i gdul byar 'gyur bar shog__/ces mkhan slob chos gsum rigs ldan drag po bcas kyi gsol 'debs 'di ltar dgos zhes rdzogs chen mgon bla pad+ma bdud 'dul gyis lnga brgya'i gtsug rgyan bi ma la'i rnam rol rdzogs chen drug pa rin po che brgyud cing /__mgon po mchog des kyang bka' yis nan du bskul bar mdzad pa bzhin 'jam dbyangs blo gros rgya mtsho'am/__chos kyi blo gros pas gang shar bris pa 'dis kyang bstan 'gror phan pa rgya chen po 'byung bar bla ma rgyal ba sras bcas kyis byin gyis brlab tu gsol/__sarba dza ga taM/__mang+ga laM//____//__




na mo gu ru/__rtsa gsum 'dus zhal gu ru pad 'byung dang /____/kun mkhyen rdzogs pa'i sangs rgyas klong chen pa/____/dbyer med ngag gi dbang phyug las 'brel rtsal/____/'od gsal rin chen snying por gsol ba 'debs/____/rtag tu bdag la byin gyis rlobs pa dang /____/dam tshig nyams chags nyes pa kun byang zhing /____/thugs rgyud dgongs pa mngon sum 'phos pa dang /____/'ja' lus rdo rje'i sku mchog thob par shog__/ces pa'ang mgon po 'di nyid las gsung gi bdud rtsi thob pa chos kyi blo gros pas gsol ba btab pa dge/____//__!gdod nas 'gyur med bde chen rdo rje'i khams/____/'pho 'gyur bral ba'i tshe dbang rig pa 'dzin/____/gzhan dbang dag pa yongs grub rgya mtsho'i gling /____/bzhugs mdzad 'khor lo'i mgon por gsol ba 'debs/____/'jam dbyangs bla mas byin gyis rlabs pa las/____/zab rgyas chos tshul nor bu'i mdzod 'chang shing /____/'pho med thig le dbu mar rab 'ching pa/____/tshul khrims mtshan ldan bla mar=____/lo tsA chen po rnam par snang mdzad kyi/____/gsang gsum ye shes drwa ba'i sgyu 'phrul gar/____/snyigs dus 'gro ba 'dul ba'i phrin las can/____/'chi med snang mdzad rdo rjer gsol ba 'debs//____//__ gter ston pad rgyal gling pa la gsol ba 'debs pa/__e ma ho/__rig stong 'od gsal ka dag chos kyi sku/____/'dzin med ye grol rgyal ba longs spyod rdzogs/____/'gyur med rang byung lhun grub sprul pa'i sku/____/sku gsum rdo rje 'dzin der gsol ba 'debs/____/o rgyan pad+ma'i rgyal tshab dpa' bo rje/____/'og min mkha' spyod zab gter dngos grub brnyes/____/gsang gsum 'khrul med gling pa'i bla ma rjer/____/gsol ba 'debs so mchog thun dngos grub stsol/____/zhes pa'ang chos kyi blo gros pas rdo rje gling nas phul ba dge legs su gyur cig__/__//__




kun mkhyen 'jigs med gling par gsol 'debs mos gus snying gi gzer 'debs ces bya ba bzhugs so/____/oM ho ye/__rje rigs brgya'i khyab bdag 'gro ba'i mgon/____/pha dran pas gdung sel 'jigs med gling /____/mtshan thos pas srid pa hrIl por byed/____/rje thos grol chen por gsol ba 'debs/____/dpal pad+ma saM b+has lung bstan cing /____/rje dri med 'od zer dgyes zhal mjal/____/chos sde gsum rdzogs chen bstan pa gtad/____/mgon rang byung rdo rjer gsol=____/thugs mkhyen brtse'i ye shes dri ma med/____/gsung chos kyi sgra dbyangs yongs la khyab/____/sku ngo mtshar mtshan dpes nyin mor byed/____/pha mkhyen brtse'i 'od zer=____/lam rim gnyis rnal 'byor byed pa yi/____/rtsa thig rlung mdud pa rang grol bas/____/khyod ma bslab shes bya mtha' dag mkhyen/____/rje 'jam dbyangs bla mar=____/chos byang chub sems kyi thugs rgyud 'byor/____/khyod 'gro ba kun la bu ltar brtse/____/ma sems can kun gyi nyer 'tsho'i gzhi/____/mgon spyan ras gzigs la=____/pha khyed kyi mthu stobs zla med pas/____/bdud srin po'i grong khyer rmangs nas gzhom/____/phyogs kun las rnam par rgyal ba'i lha/____/mgon lag na rdo rjer=____/skyabs rtsa gsum kun 'dus gu ru rje'i/____/thugs dgongs pa'i gsang mdzod gter chen brdol/____/rje snang bzhi'i lam gyi rtse mor son/____/pha gdod ma'i mgon por=____/mgon pad 'byung dri med 'od zer gyi/____/thugs gter gyi gdams pas 'dzam gling khyab/____/rje 'brel tshad don ldan phrin las can/____/dpal pad+ma dbang chen gsol ba 'debs/____/bu bdag gi blo snying brang gsum po/____/dus deng nas byang chub snying po'i bar/____/pha skyabs kun 'dus zhal chen po la/____/re ltos ling bskyur gyi 'bul lags na/____/rje bla mas ye shes spyan gyis gzigs/____/bdag thugs rje'i phyag gis ma 'dor ang /____/bu bdag la skyid sdug ci byung yang /____/pha dran mchog bla ma khyed rang mkhyen/____/bdag snying kha 'od lnga'i klong sgrom du/____/pha sku gsum rang byung rdo rje bzhugs/____/bu rig stong dgongs pa'i rtsal chen rdzogs/____/mgon kun bzang thugs dang dbyer med shog__/ces pa'ang rang lo so gsum snron zla'i tshes gcig la rje bla ma'i gdan sa mjal ba na dad spro dang dga' skyo 'dres ma'i ngang de gar g.yo ru khra 'brug gi gtsug lag gi nye logs su pad+ma ye shes rdo rjes mos gus drag pos gsol ba 'debs pa bla ma'i byin brlabs snying la 'jug par byin gyis brlab tu gsol/__sarba sid+d+hi rastu/__shu b+haM//____//__ o rgyan 'jigs med chos kyi dbang po la gsol ba 'debs pa zla shel bdud rtsi zhes bya ba bzhugs so/____/oM swasti/__dmar ser ral gris phyag gi lcug phran brgyan/____/mkhyen pa'i 'od zer drwa bas kun nas mdzes/____/thun mtshams gsar ba'i mdangs ldan gser bsregs bzhin/____/phyogs bcu'i mkha' dbyings khyab pa'i ye shes sku/____/rjes su chags pa'i rol rtsed 'bum phrag brgya/____/gcig car ston la mtshungs pa med pa dang /____/ting 'dzin sgo mo brgya phrag mang po 'byed/____/rgyal ba sras dang bcas pas rab bsngags shing /____/bstod pa'i me tog rigs lnga dbu la bcing /____/thor tshugs nor bu'i 'od kyis zhing kun gsal/____/rgyal ba'i yab gcig 'jam dpal gzhon nu ni/____/phra rab rdul la 'jug cing srid zhir khyab/____/'dod pa'i 'bras bu yid bzhin ston mdzad cing /____/blo mchog dge ba'i bshes kyi gzugs su ston/____/snyigs ma'i 'dren pa zla med snang bar gyur/____/'jam dbyangs zhabs kyi pad+mo la reg cing /____/ngo mtshar rnam thar gtam gyi rgyud mangs 'khrol/____/byang chub spyod pa'i gzhung mdo la sogs pa/____/bstan 'gro'i mchod sdong 'dzam gling kun gyi rgyan/____/ye shes 'byung gnas bsam bzhin byon pa'i sku/____/'phags mchog 'jam dpal dbyangs dang dbyer mi phyed/____/'dzam gling mkhas pa'i bstan bcos rnams kyi gzhung /____/'chad cing nyams len dmar khrid 'doms par mdzad/____/bla ma thugs rje can khyod yang yang dran/____/gdul dka'i sems can thabs mkhas 'phrul gyis 'dul/____/sdig rgyun gcod cing dge ba'i lam la bkod/____/'brel tshad thar pa'i sa bon 'debs par mdzad/____/o rgyan 'jigs med chos kyi dbang por 'dud/____/grol ba bzhi ldan yig drug chos kyi mkhar/____/'brel tshad don ldan sa yi brtan phur bskrun/____/gsung gi phrin las mkhas grub slob tshogs 'du/____/rgyal sras smra ba'i khyu mchog chen por bstod/____/sku tshe mthar phyin bde ba can zhing dang /____/mngon par dga' ba sogs su theg chen gyi/____/chos kyi bgro gleng sprul pa dpag med kyis/____/bstan 'gror phan bde spel ba'i chos kyi rje/____/khyod la yang yang gsol ba btab pa yis/____/dam chos sgrub pa'i bar chad dbyings su sol/____/byang chub sems mchog 'byongs par byin gyis rlobs/____/don gnyis lhun grub 'byung bar byin gyis rlobs/____/ces pa'ang sa zla'i tshes bco brgyad dus dran mchod par rje nyid la mi phyed pa'i dad pa brtan pa 'jam dbyangs blo gros rgya mtshos gsol ba btab pa sid+d+hir b+ha wan+tu//____//__ gsol 'debs ye shes char 'bebs zhes bya ba bzhugs so/____/lnga brgya'i gtsug rgyan paN chen bi ma la/____/'ja' lus 'pho chen rdo rje'i sku brnyes shing /____/'chi med ye shes sku can bla ma la/____/gsol ba snying nas 'debs so byin gyis rlobs/____/bskyed rdzogs lam gyi de nyid mthar son zhing /____/rnal 'byor grub pa'i khyu mchog nges don gyi/____/bstan pa'i srog shing me long rdo rje la/____/gsol ba snying nas 'debs so byin gyis rlobs/____/snyigs dus grub pa yongs kyi 'khor los bsgyur/____/'od gsal snying po'i bstan pa nyin mor byed/____/'gran zla kun bral rje btsun chos kyi rje/____/ku mA rA dza'i zhabs la gsol ba 'debs/____/rgyal kun mkhyen brtse ye shes gcig bsdus shing /____/yongs rdzogs bstan pa'i mnga' bdag klong chen pa/____/byang phyogs thub dbang gnyis pa kun mkhyen rjer/____/snying nas gsol 'debs bdag rgyud byin gyis rlobs/____/'jam dpal dbyangs dngos tshangs pa lha'i me tog__/bsam bzhin byon pa mkhas dang grub pa'i rje/____/rang byung rdo rje pad+ma dbang chen la/____/snying nas gsol 'debs bdag rgyud byin gyis rlobs/____/dam pa rnams la gus pas gsol btab mthus/____/rtogs pa'i ye shes khong nas 'char ba dang /____/ji lta ji snyed mkhyen pa'i rtsal chen rdzogs/____/'gro ba'i don kun 'bad med lhun grub shog__/ces pa'ang mdo chen mchog sprul rin po che tshe dbang grags pa'i gsung bskul ngor 'jam dbyangs chos kyi blo gros pas bris pa'o//____//__ @##/____/skyabs mgon si tu rdo rje 'chang gi rnam thar gsol 'debs mos gus kyi dbyangs snyan zhes bya bzhugs so/____/ bla ma dam pa'i zhabs la gus pas phyag 'tshal lo/____/gdod nas rnam par grol ba byang chub kyi/____/go 'phang dam par mnga' dbang 'byor na yang /____/byang chub spyod pa'i thugs rje'i phrin las ni/____/nam yang 'gog pa med la gsol ba 'debs/____/bskal bzang nyi ma'i gnyen gyi rgyal tshab che/____/ma pham lha brgya'i mgon gyi sprul pa ni/____/snyigs dus bstan 'gro'i pad mtshor 'char ba'i mod/____/dpal ldan bla mar snang la gsol ba 'debs/____/'gro la byams pa'i sprin gyis khebs pa la/____/brtse chen thugs rje'i gru char rgyun mi chad/____/ngo mtshar skyes pa rabs kyi phreng ba ni/____/phul byung du mar ston la gsol ba 'debs/____/zhing khams dag pa chos ldan bod chen ljongs/____/sde bzhi'i dpal gyi 'byor pas mngon par mtho/____/pad+ma'i zab gteraX 'bum phrag gtam pa'i lungaX /____/rigs mchog dam par gzigs la gsol ba 'debs/____/gu ru'i phrin las gnyer 'dzin dpa' bo dang /____/ye shes DAk+ki mtshan ldan lhums su zhugs/____/lcags khams dbyar rnga'i sgra yi ming ldan lor/____/ngo mtshar mtshan dpe bzhad la gsol ba 'debs/____/de tshe skye bos mthong na yid smon zhing /____/mchog tu rab mdzes dag cing gtsang ba'i sku/____/blta bas mi ngoms lha bu gzhon nu ltar/____/kun dga'i dpal ster mchog la gsol ba 'debs/____/'jam dpal dbyangs dang rnam par snang mdzad kyi/____/zlos gar skyes chen drung du phebs pa na/____/'chi med lha yi bdud rtsis khrus gsol zhing /____/byin gyis brlabs par mdzad la gsol ba 'debs/____/rtsol med srid pa'i stong gzugs mthong ba dang /____/brtse ba'i snying rje rang bzhin gshis la zhugs/____/phal pa'i spyod las 'das shing dam pa yi/____/sngon gyi las 'phro sad la gsol ba 'debs/____/bar chad bdud kyi zug rngus gtsir ba'i tshe/____/dpal mgon stobs 'phrog dbang po bsu bar byon/____/rje btsun bla ma'i zhabs la bsnyen pa na/____/nam mkha' sprin bral ltar gyur=____/rtog tshogs rgyu ba chos kyi dbyings su dengs/____/gtad med rig stong rjen pa mngon du gyur/____/'khor 'das chos kun 'od gsal rdzogs pa cher/____/'ub chub dgongs pa brnyes la=____/paXd+masaX byin rlabs shelaX gyi phugaX pa ru/____/ye shes DAk+kis brda rtags gsal bar bstan/____/las 'phro gter gyi bag chags sad na yang /____/mi mngon dbyings su sdom la=____/bkra shis lha rtse'i chos grwa chen po yi/____/dbus na rab mtho 'jam mgon dgyes pa'i gnas/____/gzhal med khang chen 'od khyims zlum bskor dbus/____/rje btsun 'jam dbyangs gzigs la=____/yi ge'i brda bstan tsam gyis khong du chud/____/gnas ri gangs brag spyan lam babs pa na/____/sngon gyi skye gnas mang po rjes su dran/____/mnyam bzhag ting 'dzin ngang bzhugs=____/mthon mthing cod paN 'chang ba'i sems dpa' che/____/mjal bas rkyen byas rgya bal bod yul gyi/____/gnas kyi bkod pa yang yang 'char ba sogs/____/sgrib med ye shes brnyes la=____/chos dbyings brdal khyab chen po'i ngos yangs par/____/'od gsal rdo rje'i rol pa cir yang 'bar/____/gzung 'dzin rkyen rtog thams cad rang sar yal/____/rnal 'byor dbang phyug gzhon nur=____/'phags yul rdo rje gdan gyis bkod pa rnams/____/thugs la ma sgrib lhag par gsal ba dang /____/mkha' 'gro brag gi gu ru'i snang brnyan ni/____/slob dpon dngos su snang la=____/dpal ri pad+ma 'od kyi gzhal med khang /____/rig 'dzin dpa' bo mkha' 'gro rgya mtsho'i dbus/____/rdo rje thod phreng gsang gsum gzi brjid 'bar/____/bcos min mos gus brdol la=____/yongs rdzogs bstan pa'i shing rta mkhyen brtse'i dbang /____/rgyal bas lung bstan 'jam mgon blo mtha' yas/____/sid+ha g+haN+De kun bzang rnam par rgyal/____/rigs brgya'i gtsug nor bsnyen la=____/mi pham 'jam dpal dgyes pa'i rdo rje dang /____/gsang ba'i bdag po blo gter dbang po sogs/____/mkhas dang grub pa'i skyes chen mang po yi/____/zhabs pad lhag par bsten la=____/mdo sngags rigs gnas gzhung lugs 'bum phrag gi/__tshig don ma 'dres rnam dpyod hub kyi drangs/____/sgro 'dogs the tshom drwa ba dral mdzad cing /____/thos bsam chu gter rgyas la=____/mkhyen rab 'jam pa'i dbyangs kyi rjes 'gro shing /____/brtse chen thugs rje'i 'od dkar mchog tu 'dzum/____/mthu stobs gsang ba'i bdag por dngos snang ba/____/rigs gsum gcig bsdus bla mar=____/mkhas pa mkhas pa'i dbus na rab mdzes shing /____/sdom gsum dri mas ma gos btsun pa'i mchog__/bzang po bzang po'i phrin las phyogs brgyar khyab/____/kun mkhyen bla ma'i zhabs la=____/'chad pa'i tshe na mgon po thogs med zhabs/____/rtsod par zhugs tshe chos kyi grags par mtshungs/____/rtsom pa dpa' bo'i zhabs ltar sdebs legs shing /____/gangs can mdzes pa'i rgyan gcig=____/khyung tshang brag tu ma hA ka la mjal/____/kaHyi mtshan pa'i rdo rje'i gdan chen por/____/byon tshe 'dod khams dbang mo sngags srung sogs/____/dam can rgya mtsho gzigs la=____/byang chub chen po thub dbang mngon sum dang /____/gong ma rnams kyi 'dra zhal mjal ba na/____/de dang de yi byin rlabs dngos su thob/____/dag pa'i snang ba 'byams klas=____/tshes bcu'i gar gyi rol pa ngoms pa na/____/pad rAg zhun ma ltar 'tsher 'od phung sbubs/____/o rgyan rdo rje 'chang gi ye shes sku/____/sgyu ma'i mig 'phrul ltar snang =____/gdan gsum 'khor lo lnga yis brgyan pa'i dbus/____/rje btsun dam pa shes rab seng+ge yis/____/mngon sum rjes bzung sgyu 'phrul bshad sgrub kyi/____/dbang bskur bka' babs thob la=____/bde ldan mgon po'i zhing gi bkod pa dang /____/mi tra dzo ki thang stong rgyal po sogs/____/yang yang mjal zhing gdams ngag dngos su thob/__dgongs pa'i rtsal chen rdzogs la=____/rtsa gsum rab 'byams bsnyen sgrub rtags thon zhing /____/mchog thun grub pa'i dpal yon ches cher rgyas/____/snang sems dbang 'dus pha rol zil gyis gnon/____/phyogs las rnam rgyal chen por=____/rnam dag chos 'dul sdom pa la gnas zhing /____/gzhan phan byang chub sems kyis thugs brgyud gtams/____/mchog tu rdo rje theg pa'i rnal 'byor la/____/nam yang 'da' ba med la=____/nyams rtogs rig pa'i bogs 'don bya ba'i phyir/____/rdo rje'i gnas yul kun tu bgrod pa dang /____/grol ba rnam bzhis bgrang yas sems can la/____/thar pa'i sa bon bskrun la=____/de wI ko Tir 'khor lor sdom pa yi/____/dkyil 'khor lha tshogs dngos su gsal bar gzigs/____/shangs kyi zab lung ma hA gu ru mjal/____/lung bstan dbugs dbyung brnyes la=____/gzhan yang bla ma yi dam mkha' 'gro yi/____/dgyes zhal bstan zhing byin rlabs gdams pa rnams/____/rtag par rab gsan chos kyi bsgro gleng mdzad/____/'phags pa'i sa mthor bzhugs la=____/lkog gyur chos rnams ma sbas gsal bar mkhyen/____/sku gsung thugs la nyes pa'i dri mas dben/____/'dris sla brtag dka' mkhyen pa'i gting zab cing /____/dam pa mtshan mo'i mgon por=____/legs byas tshogs gnyis rgya mtsho 'phel ba'i phyir/____/gtsug lag khang dang rten gsum rab 'byams bskrun/____/bshad dang sgrub pa'i sde chen rgyas par mdzad/____/phrin las bsam mi khyab la=____/rang byung rgyal mo badz+ra sa d+hU sogs/____/rgyud gsum dam can rgya mtsho'i tshogs rnams kyang /____/pad+ma'i tshal du bung ba ltar 'dus nas/____/ci bcol bka' bzhin sgrub la=____/mtshan tsam thos dka'i snga 'gyur nang rgyud kyi/____/gzhung gdams man ngag nor bu brgya stong gis/____/cha tsam mtshon min gsung rab pusti ka'i/____/gter brgya'i sgo 'phar 'byed la=____/nyin mtshan kun tu dbang bskur chos 'chad cing /____/skal ldan gdul bya smin cing grol bar mdzad/____/mkhas dang grub pa'i slob tshogs grangs med pas/____/nor 'dzin khyon kun bkang la=____/ris med thub bstan yangs pa'i pad tshal nas/____/dge 'dun sum stong lhag par bsdu mdzad de/____/skye bdun ril bu sgrub pa'i bsnyen bkur stobs/____/'brel tshad don ldan mdzad la=____/na rga 'chi ba'i sdug bsngal las grol kyang /____/rtag 'dzin can ngor 'pho ba'i tshul bstan tshe/____/rnam grol dbugs chen 'byin pa'i zhing khams lngar/____/bgrod pa'i gzigs stangs mdzad la=____/shin tu rnam dag rdul bral zhi ba'i mkhar/____/snyoms par zhugs tshe sa yang rab g.yo zhing /____/lha yi me tog dung ltar dkar bas khyab/____/cho 'phrul dpag yas ston la=____/slar yang phyir gsal thugs rje'i sprin bkod pas/____/gang 'dul gdul bya'i rnam rol tshad med cing /____/khyad par bdag sogs gdul bya'i dpal mgon du/____/mchog gi sprul sku byon la gsol ba 'debs/____/srid pa'i mthar yang phrin las rgyun mi chad/____/nam zhig rdo rje gdan gyi shing drung du/____/mngon par 'tshang rgya'i mdzad pa ston pa na/____/bdag kyang 'khor gyi thog mar skye bar shog__/deng nas bzung ste tshe rabs thams cad du/____/mgon po khyed la gsol ba btab pa'i mthus/____/zhabs sen bde chen 'khor lor bkod pa dang /____/legs gsung gdams pa'i bdud rtsi nod par shog__/bstan 'dzin skyes rnams zhabs pad yun du brtan/____/bstan pa'i sde chen phyogs brgyar 'phel ba dang /____/bstan la gnod byed thal ba'i rdul bzhin bcom/____/bstan pa rin chen dar zhing rgyas gyur cig__/ces 'khor lo'i mgon po'i rnam thar gsol 'debs 'di'ang lung dang rigs pa'i 'byor pas phyug pa kun bzang blo ldan nas bskul ngor rje de nyid kyi bka' 'bangs kyi tha shal mkhyen brtse'i phrin las kyi byed por smon pa/__'jam dbyangs blo gros rgya mtshos 'jam mgon bla ma mchog gi gzims bskyil gsang ba gsum gyi byin rlabs dpal du 'bar ba'i gzhal med khang du snron zla'i tshes bcu gcig la smras rim bzhin drung snyug 'dzin gsang sngags bstan 'dzin gyis bgyis pa 'dis kyang rang gzhan rnams kyi rgyud la ye shes gzigs pa'i byin rlabs lhag par rgyas pa'i rgyur gyur cig__/mang+ga laM/__shu b+haM//____//__ sib rdzogs sprul rin po che'i skye phreng gsol 'debs pad+ma'i rgyud mang zhes bya ba bzhugs so/____/na mo gu ru/__dpal ldan brtan g.yo kun khyab chos kyi sku/____/rang bzhin 'od gsal 'gags med longs spyod rdzogs/____/gang 'dul thugs rjes slar yang sprul pa'i gar/____/dpal mgon bla ma'i zhabs la gsol ba 'debs/____/phyogs dus rgyal ba'i ye shes gcig bsdus pa/____/rje btsun bstan pa'i 'khor lo 'jam dpal dbyangs/____/rnal 'byor grub pa'i gtsug tor rtse mor son/____/gtsug lag dpal dge'i zhabs la=____/many+dzu shrI ye shes sgyu ma'i sku/____/'jigs mdzad khros pa rwa lo rdo rje grags/____/ting 'dzin mchog thob o rgyan bsam gtan dang /____/pad+ma dbang gi rgyal po=____/rab 'byams shes bya kun la mkhyen rab rgyas/____/theg pa mchog gi bstan pa'i rgyal mtshan bsgrengs/____/dkon mchog gsum gyi mdzod 'chang bstan 'gro'i mgon/____/dpal ldan rdo rje'i zhabs la=____/rgyal dbang pad+ma'i ring lugs bka' gter gyi/____/bshad sgrub 'gyur med rdo rje'i lam srol bzhin/____/nub med theg pa mchog gi bstan pa 'dzin/____/mkhas grub dbang po mchog la gsol ba 'debs/____/gang gi gsang gsum bskal brgyar rtag bzhugs nas/____/zab gsang chos kyi dbyangs snyan phyogs bcur khyab/____/gdul bya rgya mtsho smin cing grol ba dang /____/don gnyis lhun gyis grub pa'i bkra shis shog__/ces lung rtogs kyi yon tan rgya mtshos mngon par mtho ba sgrub brtson bla ma dam pa a 'tshogs nas gsung bskul ngor 'jam dbyangs chos kyi blo gros pas shing bya sprel zla'i tshes bcu'i snga dro'i char bris la dge legs su gyur cig__/__//__ nges don snying po'i rnal 'byor pa 'gyur med phun tshogs kyi gsol 'debs bzhugs so/____/na mo gu ru/__rang rig don dam 'od gsal 'pho 'gyur bral/____/kun rdzob snang cha 'gags pa med pa las/____/gang 'dul thugs rje'i gzugs kyi sku sprul pa/____/dpal ldan bla ma'i zhabs la gsol ba 'debs/____/'gyur med rdo rje'i bstan pa gsal ba'i gnyen/____/thos bsam sgom pa'i yon tan rtsal rdzogs shing /____/mkhas btsun grub pa'i yon tan zla med pa/____/'dren mchog bla ma'i=____/rang don chos sku rtogs pa'i rgyal sa zin/____/gzhan don byang chub sems kyi phrin las ni/____/nam mkha' ji srid bar du rgyun mi chad/____/'gro don pha mtha' yas la gsol=____/mi phyed gus pas gsol ba btab pa'i mthus/____/bla ma mchog gi thugs kyis rjes bzung nas/____/chos min bsam sbyor mtha' dag 'gog pa dang /____/bla ma'i byin rlabs rgyud la 'jug par shog__/ces pa'ang lha bris bla ma tshe mgon nas bskur ngor 'jam dbyangs chos kyi blo gros pas smras rim bzhin yi ge'i byed po dge bsnyen tshe ring dbang gi rgyal pos so//____//__


na mo gu ru/__rig stong 'od gsal bde chen pho brang nas/____/rang byung rig pa'i rtsal rdzogs chos kyi sku/____/kun bzang khyab bdag bla mar gsol ba 'debs/____/ka dag khregs chod rtogs par byin gyis rlobs/____/rang mdangs 'gags med rang gsal gzhal yas nas/____/lhun grub longs sku'i bla mar gsol ba 'debs/____/'od gsal snang bzhi'i lam mchog mthar phyin nas/____/'ja' lus 'pho chen 'grub par byin gyis rlobs/____/rig rtsal thugs rje sprul sku'i zhing khams nas/____/sprul sku kun bzang 'phags mchog rdo rje la/____/dran rig rgyun chad med pas gsol ba 'debs/____/'gro don dpag med 'byung bar byin gyis rlobs/____/skyabs kun snying po rang rig bla mar shes/____/sku gsum lhun grub gzhon nu bum sku'i sbubs/____/gzhom med rdo rje'i ngo bor mngon byang chub/____/srid gsum 'khor ba dong nas sprugs par shog__/ces pa'ang blo gros rgya mtshos gang shar bris pa dge/____//__


bka' drin mnyam med rig 'dzin 'gro 'dul dpa' bo rdo rje la gsol ba 'debs pa byin rlabs bdud rtsi zhes bya ba/__oM swasti/__rtsa gsum kun 'dus o rgyan rdo rje 'chang /____/gang gi ye shes gcig gi rnam rol las/____/'bangs rigs nyer lnga'i khyu mchog rma thog rje/____/rin chen mtshan 'chang zhabs la gsol ba 'debs/____/de nyid lnga bdo'i smag rum gsal ba'i slad/____/zla ba'i 'od ltar gsal ba'i thugs rje can/____/mkhyen brtse nus pa'i yon tan bsam mi khyab/____/'gro 'dul dpa' bo rdo rjer gsol=____/dgongs brda' snyan brgyud bla ma'i tshogs rnams kyi/____/thugs kyi bcud thob kun bzang dgongs mdzad dbang /____/rig 'dzin grub pa yongs kyi gtsug gi brgyan/____/sna tshogs rang grol zhabs la=____/sku yi dkyil 'khor mthong ba tsam gyis grol/____/gsung gi gdangs skad 'brug gi sgra ltar ldir/____/thugs kyi dgongs pa rgya mtsho ltar zab pa/____/dpal ldan bla ma'i zhabs la=____/'chad na tshig don 'brel legs rna bar snyan/____/rtsod pas phas rgol brag ri phye mar 'thags/____/rtsom pa snying po'i bstan pa'i mchod sdong che/____/rgyal sras sems dpa' chen por=____/rtag tu 'od gsal ngang las mi g.yo zhing /____/'khrul rtog bag chags thams cad dbyings su nub/____/dmigs med snying rje chen po 'gro la 'jug__/bla ma gdod ma'i mgon por=____/deng nas bzung ste byang chub snying po'i bar/____/rig 'dzin bla mas 'bral med rjes su bzung /____/thugs brgyud dgongs pa'i byin brlab thob pa dang /____/rang gzhan don gnyis 'grub par gsol ba 'debs/____/phan bde'i 'byung gnas bstan pa dar zhing rgyas/____/bstan 'dzin skyes mchog zhabs pad brtan pa dang /____/dge 'dun 'phel zhing 'jig rten dge bcur spyod/____/snod bcud rgud zhi dge legs 'phel rgyas shog__/ces pa'ang mgon po 'di nyid kyis bka' drin chen pos nye bar bskyangs ba'i slob 'bang gi tha chung chos kyi blo gros pas chu 'brug cho 'phrul zla ba'i tshes la bla ma dran pa'i rkyen gyis gsol ba btab pa sid+d+hi rastu//____//__ @#/____/'jam mgon bla ma'i rnam thar gsol 'debs bzhugs so/____/ na mo gu ru many+dzu shri ye/__rgyal ba kun gyi mkhyen rab gcig bsdus pa/____/'jam mgon gzhon nu'i ye shes sgyu 'phrul gar/____/ngur smrig 'dzin pa'i gzugs su rnam rol ba/____/dpal ldan bla ma'i zhabs la gsol ba 'debs/____/dang por mtha' yas thos pa'i gzhung lugs sbyang /____/bar du de don ma lus rgyud dang bsres/____/tha mar gnas lugs dgongs pa mngon du gyur/____/dpal ldan bla ma'i zhabs la gsol ba 'debs/____/thub pa'i bstan pa spyi dang bstan pa yi/____/snying por gyur pa 'od gsal snying po'i lam/____/nyin dang mtshan du bu yis ma bzhin dran/____/dpal ldan bla ma'i zhabs la gsol ba 'debs/____/rnam 'dren rgyal ba sras dang bcas pa dang /____/khyad par du yang mnyam med shAkya'i rgyal/____/mtshan tsam dran pas mos gus mchi ma 'khrugs/____/dpal ldan bla ma'i zhabs la gsol ba 'debs/____/zla med ston pa de dang de'i sras/____/mkhas mchog rnams kyi rang lugs dri med dang /____/mkhan slob chos kyi rgyal po rjes su dran/____/dpal ldan bla ma'i zhabs la gsol ba 'debs/____/de tshe na tshod phra yang thabs gang gis/____/'dren mchog de dag rnams kyi drin gzo ru/____/rgyal bstan rin chen spel bar yi dam bcas/____/dpal ldan=__sngon las sbyangs ba'i las 'phro bzang po yis/____/zab dang rgya che'i mdo dang bstan bcos don/____/bltas pa tsam gyis bde blag khong du chud/____/dpal ldan=__khyad par sras bcas rgyal ba'i ye shes sku/____/skyabs mchog 'jam dpal dmar po nges shes nas/____/mi 'bral snying gi thig ler rtag tu bsgom/____/dpal ldan bla ma'i=__de tshe zab mo rtogs par dka' ba yi/____/phyi nang rig gnas kun gyi gnad gsang la/____/blo yang de lta de lta zab par gyur/____/dpal ldan=__ston pa'i dam chos spyi dang khyad par du/____/zab mo rten cing 'brel ba'i chos tshul la/____/yid ches nges pa snying gi gting nas 'khrungs/____/dpal ldan=__ched du bcos pa min kyang sdug bsngal gyi/____/rgya mtshor g.yeng ba srid pa'i 'gro ba kun/____/nam yang mi gtong snyam pa'i snying rje rgyas/____/dpal ldan=__rang gi blo dang lhag pa'i lha yi mthus/____/na tshod phra yang gnas lnga rig pa'i gzhung /____/bsgrim mi dgos par rtsed mo'i zhar las shes/____/dpal ldan=__'phags bod ming tshig yi ge'i brda' sprod gzhung /____/lus pa med par blo yi rgya mtshor chud/____/dbyangs gsal ngag gi rten 'brel gnad kyang rtogs/____/dpal ldan=__yan lag brgyad ldan gso ba rig pa yi/____/gzhung dang lag len mtha' dag ma nor rtogs/____/'tsho byed gzhon nu gnyis par yongs su grags/____/dpal ldan=__sna tshogs bzo gnas shes bya'i rgya mtsho la/____/blo mchog ngang mo gzhon nu dal gyis rol/____/legs bshad sgra dbyangs stong gi nyams kyis mdzes/____/dpal ldan=__khyad par tshur mthong tshad ma'i rig pa la/____/'gran zla med pa'i blo gros sgo chen phyes/____/chos kyi grags pa'i mkhyen rab snying la shar/____/dpal ldan=__blo ldan mgu bar byed pa'i snyan ngag gi/__legs bshad bdud rtsi'i rba rlabs kha nas g.yo/____/dbyangs can mgrin par chags pa'i rnam dpyod can/____/dpal ldan=__skar nag rtsis rigs rgya mtsho chen po'i 'jing /____/cha tsam lus pa med par blo yis mthong /____/zab mo'i man ngag gnad la rang byan tshud/____/dpal ldan=__theg mchog spros bral lta ba'i gnad ston pa/____/rgyas 'bring bsdus pa la sogs mdo yi don/____/'chad la mi zhum zab mo'i blo gros rgyas/____/dpal ldan=__klu sgrub rig pa'i tshogs dang zla ba'i gzhung /____/spros pa rnam par gcod pa'i bstan bcos la/____/dpyis phyin rtogs pa'i blo gros lhag par rgyas/____/dpal ldan=__rgya che'i chos kyi mtshan nyid legs ston pa'i/____/mngon pa'i mdo dang dgong 'grel bstan bcos kyi/____/phra zhing phra ba'i gnad kyang ma nor rtogs/____/dpal ldan=__sher phyin sbas don mngon par rtogs pa'i gzhung /____/spyi dang bye brag rtogs dka'i gnas rnams la/____/'khrul bral mkhyen pa'i blo gros khyad du 'phags/____/dpal ldan=__byams chos phyi ma rnams dang thogs med mched/____/shAn+ta de wa la sogs 'phags yul kyi/____/mkhas pa'i gzhung lugs kun la blo gros rgyas/____/dpal ldan=__bstan rtsa 'dul ba'i sde snod rin po che/____/dgongs 'grel bcas pa'i gzhung lugs mtha' dag la/____/rnam dpyod blo gros gtsang ma'i spobs pa rgyas/____/dpal ldan=____/mtshungs med rgyal ba'i gsung rab mtha' dag dang /____/rgya bod mkhas pa'i legs bshad gang mthong la/____/ring du 'dris par byas shing gnad kyang rig__/dpal ldan=__phyi nang rig gnas kun gyi zab mo'i gnad/____/bltas pa tsam gyis bde legs nyid du rtogs/____/mkhyen rab the tshom sbubs las rnam par grol/____/dpal ldan=__ji lta ji lta zab mo'i gnad yod pa/____/de lta de lta blo gros spobs pa yis/____/nges shes shin tu 'dren pa nyid gyur pa/____/dpal ldan bla ma'i=__dpal ldan rgyal ba'i bstan pa mtha' dag kun/____/phan tshun 'gal med grogs su shes pa yi/____/blo gros dri med yid gnyis smag dang bral/____/dpal ldan bla ma'i zhabs la gsol ba 'debs/__!/__dam pa'i gzhung lugs de dang 'grogs pa yis/____/snang bas mun bzhin ched du ma bsgrim par/____/kun nyon 'khor ba'i bag chags ngang gis 'gag__/dpal ldan=__me tog tshal la bung ba ji bzhin du/____/mi ldog yid kyis bsod nams gnas la dad/____/rtag tu mchod dang sbyin pa'i las la brtson/____/dpal ldan=__gtsang shing gya nom mthong dga'i mchod tshogs rnams/____/mnyam par bzhag pa'i yid kyis rol mo spel/____/'jam pa'i rdo rje sras bcas rgyal la mchod/____/dpal ldan=__bsod nams mchod sprin ye shes de bskyed nas/____/thub bstan dri med spyi dang khyad par du/____/bstan pa'i snying po rgyas pa'i smon lam byas/____/dpal ldan=__lus kyi phyag 'tshal bkur stis bskor ba dang /____/ngag gis bzlas brjod yid kyis gtad so kun/____/skyabs mchog 'jam pa'i rdo rje kho nar mos/____/dpal ldan=__thub pa mchog gi rjes su rab byung nas/____/khas blang tshul khrims cung zad zol med kyi/____/dag pa'i spyan gyis mthong ba snying nas bsrung /____/dpal ldan=__phyi nang 'du shes phung po lnga yi tshogs/____/skad cig mi sdod g.yo ba'i ngang tshul du/____/thag chod sems kyis snang zhen lhod por gyur/____/dpal ldan=__sgyu ma rmi lam chu zla'i tshul mtshungs pa'i/____/snang zhing srid pa'i chos la legs brtags nas/____/sgyu ma'i blo sbyong nyin dang mtshan du byas/____/dpal ldan bla ma'i=__snang tshad sgyu mar rol pa'i blo gros dang /____/sgyu 'dra srid pa'i khams la snying rje ba/____/phan tshun 'gran pa bzhin du 'phel bar 'gyur/____/dpal ldan=__rang byung gzhir gnas gnyug ma'i ye shes la/____/nges shes mchog du brtan pa rnyed gyur pas/____/dbang bzhi'i ye shes rang gi rgyud la theb/____/dpal ldan=__phyogs dus rgyal ba'i ye shes sku gcig pu/____/'jam dpal dpa' bo'i bskyed rim rol mo yis/____/snang srid gzhir bzheng phyag rgya'i ting 'dzin spel/____/dpal ldan bla ma'i zhabs la gsol ba 'debs/____/'di yan rje bla ma nyid kyi gsung yin no/____/tsit+ta rang byung thugs kyi dpal be'u ru/____/'jam dpal bde ba'i rdo rje thig le che/____/mi 'gyur rtag pa dam pa'i srog tu zhugs/____/dpal ldan bla ma'i zhabs la gsol ba 'debs/____/sku gsum lhun grub 'jam dpal gzhon nu'i gdangs/____/dkar 'jam rtsa yi lam brgyud sgron mar thon/____/dag pa dbyings kyi mkha' la brdal ba yi/____/dpal ldan=__'od gsal sku dang zhing khams mtha' yas par/____/shes rab rig pa rang byung skur smin zhing /____/'jam dpal rigs lnga'i tshom bur longs spyod pa/____/dpal ldan=__rdor bzlas rlung sngags sems dben zab mo dang /____/sgyu ma'i sku dang 'od gsal zung 'jug brnyes/____/sor bsam srog 'dzin rjes ting mthar phyin pa/____/dpal ldan=__snying ga'i phra thig zab mo'i rim pa dang /____/me rlung sbyor bas bde chen zhu ba'i rgyun/____/lugs 'byung lugs ldog dga' bzhi'i 'gros mthar son/____/dpal ldan=__rang lus bkod pa gdan gsum tshang bar rdzogs/____/rgyu rkyen 'bras bu'i rnal 'byor rtse mor gshegs/____/'khor lo tshogs chen sa mchog mngon brnyes pa/____/dpal ldan=__chos can snang ba chos nyid dbyings su zad/____/nang dbyings ka dag gzhon nu'i bum sku'i sbubs/____/'bras bu'i rgyal po tshe 'dir mngon sum brnyes/____/dpal ldan=__mngon dga' la sogs dag dang ma dag zhing /____/sprul pa'i rnam rol bsam las 'das pa yi/____/mdzad pa phrin las rgyun chad mi mnga' ba/____/dpal ldan=__sangs rgyas kun gyi mkhyen rab gcig bsdus pa/____/bla ma khyab bdag 'jam dpal rdo rje yi/____/skye ba kun tu 'bral med rjes bzung nas/____/theg mchog chos kyi dga' ston spyod par shog__/thub bstan spyi dang snga 'gyur rdo rje theg__/bshad dang sgrub pas nyin mor byed nus pa'i/____/zab rgyas blo gros spobs pa'i gter mdzod brdol/____/phyogs las rnam rgyal grags pa'i dpal thob shog__/ces pa'ang rje kun mkhyen mi pham rin po che'i zhal gsungs rnam thar gsol 'debs mdzad 'phro lus par 'di man 'jam dpal sgron drug rdzogs rim dang /__gzhan rdzogs rim/__de mthar nyams myong 'bras bu rnams kyi kha bskangs dgos rgyu'i rtsa tho gnang bzhin khyed nas kha 'gengs gyis shig ces mkhan chen bka' drin can kun bzang dpal ldan gyis gsung bskul bzhin 'jam dbyangs chos kyi blo gros pas rmongs tshig kha shas bsnan pa nyes 'gal mchis na bshags shing dge bas dpal ldan bla mas rjes su 'dzin pa'i rgyur gyur cig__/mang+ga laM//____//__ gdod nas 'gyur med bde chen rdo rje'i khams/____/'pho 'gyur bral ba'i tshe dbang rig pa 'dzin/____/gzhan dbang dag pa yongs grub rgya mtsho'i gling /____/bzhugs mdzad 'khor lo'i mgon por gsol ba 'debs/____/'jam dbyangs bla mas byin gyis brlabs pa las/____/zab rgyas chos tshul nor bu'i mdzod 'chang shing /____/'pho med thig le dbu mar rab 'ching pa/____/tshul khrims mtshan ldan bla mar=____/lo tsA chen po rnam par snang mdzad kyi/____/gsang gsum ye shes drwa ba'i sgyu 'phrul gar/____/snyigs dus 'gro ba 'dul ba'i phrin las can/____/'chi med snang mdzad rdo rje gsol ba 'debs//____//__


rgyal sras 'chi med pad+ma rdo rje la gsol ba 'debs pa dad pa'i rol mtsho zhes bya ba bzhugs so/____/oM swasti/__dus gsum rgyal ba rgya mtsho 'dus pa'i dngos/____/o rgyan slob dpon pad+ma 'byung gnas la/____/mi phyed snying nas gus pas gsol ba 'debs/____/mchog dang thun mong dngos grub stsal du gsol/____/rta mgrin grub brnyes rgyal ba mchog dbyangs nyid/____/gang 'dul gdul bya'i mgon du byon pa'i gar/____/pad+ma blo gros dbang chen grub pa brnyes/____/rtsa gsum dgyes zhal gzigs la gsol=____/de nyid grub pa'i rigs kyi thig ler smin/____/rgyal sras yongs kyi khyu mchog 'chi ba med/____/pad+mas mngags pa'i gangs can skyob pa'i gnyen/____/rdo rje'i rig 'dzin chen por=____/gzhon nu nyid nas theg chen rigs sad cing /____/thub bstan sgor zhugs yab rje rig 'dzin cher/____/smin grol gdams pa rgya mtsho gsan par mdzad/____/gsang gsum byin rlabs thob la=____/gzhan yang tA'i si tu chos rgya mtsho/____/klong rab gsum pa pad+ma las 'brel rtsal/____/dri med 'od zer yab sras la sogs par/____/bka' gter chos tshul gsan la=____/rtsa ba gsum gyi bsnyen sgrub rtags tshad rdzogs/____/dngos nyams rmi lam grub pa'i mtshan ma mthong /____/mthu stobs nus pa'i rtsal shugs rab 'chang bas/____/snyigs dus 'gro ba 'dul la=____/dad ldan slob tshogs rnams la rin gter sogs/____/chos kyi sbyin pa mang du stsal ba dang /____/sngon dngos khrid sogs smin grol mang stsal nas/__slob tshogs bskrun par mdzad la=____/sngon smon rnam par dag pa'i mthu brtas pas/____/pad+ma'i zab chos DA kir gnyer gtad pa/____/rim bzhin rgya bkrol ngo mtshar brda ris bsgyur/____/bstan 'gro'i gsos su smin la=____/wa ti la sogs rdo rje'i gnas chen du/____/bshad dang sgrub pa'i sde btsug rten gsum bzhengs/____/sgrub dang sgrub chen mdos bzlog mang du mdzad/____/snyigs dus rgud pa skyob la=____/yon tan ri bkra'i gnas kyi mdo byang phab/____/phyi nang bkod pa gtan 'bebs gnas lam btod/____/ma 'ongs phyi ma'i bstan dang 'gro ba la/____/phan bde'i sgo 'phar 'byed la=____/gdul bya'i lhag ma re zhig rdzogs pa'i tshe/____/mnga' ri steng du bsnyun pa'i tshul bstan nas/____/chos la bskul ba'i zhal gdams nyung stsal te/____/pad+ma 'od du gshegs la=____/de tshe 'od dang sgra dang sa chen g.yo/____/sa lam bgrod pa'i cho 'phrul chen po snang /____/slar yang ngo mtshar sprul pa myur 'byon nas/____/pad+ma'i bstan pa spel la=____/bdag sogs gdul bya'i sems can ma lus pa/____/thugs rje'i lcags kyus nam yang mi gtong zhing /____/byang chub sgrub pa'i bar chad mi mthun phyogs/____/srung skyob rdo rje'i mkhar du tshud par mdzod/____/bstan la gnod pa'i 'byung po'i tsha ngar gzhom/____/byams brtse'i sprin las phan bde'i gru char 'bebs/____/dad pa'i zhing sar rtag tu smin pa las/____/sku bzhi'i snye ma g.yur du za bar shog__/bdud tshogs 'dul ba'i rdo rje rab tu brtan/____/pad+ma gar dbang phrin las rol rtsal gyi/____/zab gter bstan pa mi nub dar zhing rgyas/____/srid zhir dge legs bkra shis g.yang 'khyil shog__/ces pa'ang gcung rgyal sras rin po che sprul pa'i sku 'chi med pad+ma rdo rje me bya zla dgu tshes nyer bdun la dgongs pa chos dbyings su gshegs nas sa khyi bkra shis nag pa zla bar rgyal bas shrI kA la tsakra'i rgyud chen bstan pa'i tshes bco lnga bzang por mkhyen brtse'i sprul ming 'dzin pa 'jam dbyangs blo gros rgya mtshor rje nyid kyi zhabs 'bring brag ljongs gtsang dgon grwa chos grags nas bskul ngor/__'bras ljongs chos kyi rgyal po'i pho brang sgang thog gi gtsug lag khang du bris pa dge legs su gyur cig__/mang+ga laM//____//__


sangs rgyas snang ba mtha' yas thugs las sprul/____/pad+ma 'byung gnas dngos snang a ti sha/__gangs can bod la bka' drin mtshungs pa med/____/dI paM kA ra'i zhabs la gsol ba 'debs/____/ces pa'ang chos kyi blo gros pas me sprel dbyug zla'i tshes 18dus dran mchod par gsol ba btab pa'o/____/ma byon sangs rgyas rab gsal rnam par 'phrul/____/sangs rgyas bstan pa yongs rdzogs mnga' bdag che/____/thams cad mkhyen pa bu ston rin po cher/____/gsol ba 'debs so bdag rgyud byin gyis rlobs/____/ces pa'ang rmi lam gyi nying 'khrul cung zad la brten chos kyi blo gros pas so//____//____!__oM AHhU~M badz+ra gu ru pad+ma sid+d+hi hU~M//____//__




lo tsA ba chen po rin chen bzang po la rnam thar dang mthun pa'i gsol 'debs dad pa'i gdung dbyangs ces bya ba bzhugs so/____/oM swasti/__rgyal ba'i yab gcig rje btsun 'jam dpal dbyangs/____/byang phyogs rgyud 'dir kun mkhyen thub pa'i bstan/____/shin tu gsal bar mdzad pa'i gnyen gcig pu/____/sprul pa'i lo tsA chen por phyag 'tshal lo/____/gdod nas 'jam dpal ye shes sems dpa' yi/____/ngo bor mngon byang chen por brnyes zin kyang /____/rtsod ldan snyigs ma'i 'gro la rab brtse bas/____/bsam bzhin skye ba bzhes la gsol ba 'debs/____/mnga' ri gu ge skyu wa~M rat+na tu/____/rigs kyi mchog gyur g.yu ri g.yu sgra'i rigs/____/kun dga' dbang phyug yum ni cog ro bza'i/____/sras su skye ba bzhes la gsol ba 'debs/____/lhum zhugs tshe na yum gyi phrag pa g.yon/____/nyi zla dang ni spyi gtsug gser byi'u/____/g.yu yi mchu sder snyan pa'i sgra sgrogs sogs/____/rmi lam ltas mtshan bzang la gsol=____/rta lo'i dgun zla tha chung tshes bcu la/____/yum gyi dpung g.yas rma bya g.yon khu byug__/spyi gtsug ne tso gsum babs yum la thim/____/sku bltams mtshan bzang mnga' la=____/lo gnyis dus na dbyangs gsal gsung zhing bris/____/dge bsnyen mdzad cing dgung grangs bcu gsum la/____/mkhan po legs bzang pa las rab tu byung /____/rin chen bzang por gsol la gsol ba 'debs/____/legs gsung 'dul ba mtha' dag thugs su chud/____/bcu bdun lon tshe paN+Di ta 'byon shul/____/rgya dpe'i be bum mi shes thugs skyo tshe/____/mkha' 'gros lung bstan thob la=____/yab yum bka' bgros kha che'i yul byon tshe/____/ye shes mkha' 'gros lam gyi bar chad bzlog__/dka' spyad drag pos byon tshe dad ldan las/____/bsod snyoms yon bsngo mdzad la=____/sbyin bdag mo yis bsod snyoms phul ba'i lan/____/skra bsregs thal bar mchod rten brgya rtsa btab/____/grub thob chen po rat+na sid+d+hi mjal/____/sprul pa'i stag mos brda ston=____/ka la wa rir bram ze'i phyag ris mjal/____/me tog gis mchod phyag btsal shis pa brjod/____/'gro ba phan pa rgya cher 'byung ngo zhes/____/mtshan brtags bsngags pa brjod la=____/rkang mgyogs sgrub cing ta ma lar byon nas/____/paN chen krAM d+ha ka ra warmA mjal/____/yo ga'i rgyud dang sgrub thabs gsan cing bsgyur/____/thugs sbyong rgya cher mdzad la=____/bod kyi yul du byon par bzhed pa'i tshe/____/rmi lam brdas bskul nA ro ta pa mjal/____/bde chen lhan cig skyes pa'i ye shes kyi/____/byin rlabs ngo sprod thob la=____/paN chen ka ma la mjal gdams ngag zhus/____/mkha' 'gro gser 'od can gyi sgrub thabs gsan/____/ye shes mkha' 'gro ma sring tshul du 'grogs/____/rgya gar shar phyogs byon la=____/dzi na mi tra dz+nyA na shrI sogs/____/paN chen mang por mdo sngags chos zhus bsgyur/____/snyung wa~M yul du zhag drug gis brdol te/____/yab kyi gshegs rdzogs sgrub la=____/pu rangs phebs nas dpe kar gyis rlom pa'i/____/kar rgyal btul zhing pra dz+nyA ka ra sogs/____/mdor na paN chen bdun bcu rtsa lnga las/____/mdo sngags chos gsan bsgyur la=____/mnga' bdag zung lha lde btsan dang ye shes 'od/__gis dbu yi mchod gnas mdzad/____/gnas gzhi gtsug lag brgya rtsa'i dam bca' bzhes/____/ngan song sbyongs dang tshe dpag dkyil 'khor bzhengs/____/yum gyi sku tshe bsring la=____/gtsug lag khang gsum sku yi bkod pa gsum/____/dus gcig bstan te rab gnas mdzad pa dang /____/slar yang byang chub 'od kyis bkas bskul nas/____/kha cher gshegs par mdzad la=____/gser srang lnga brgyas paN chen krAM d+ha mchod/____/lo drug bzhugs shing chos kyi 'phro rnams gsan/____/rten mchog mang bskrun gdan drangs bod yul phebs/____/mnga' bdag bsnyung gsol mdzad la=____/paN chen shrId+ha'i drung las chos skyongs zhus/____/'jigs pa'i nga ros mgon por bstod dbyangs mdzad/____/zhal bstan gsung byon ting 'dzin dpag med 'khrungs/____/dam tshig rten rnams drangs la=____/rgya shugs gnas su thugs dam bzhugs pa na/____/snyung waM gtsug lag bzhengs la bar gcod pa'i/____/lha 'dre gsang 'dus me hom klong du bsregs/____/srog snying dngos su phul la=____/dza la ma tis gser gzhong nor bkang phul/____/gtsug lag khang 'og gter sbas gsang 'dus sogs/____/sku gsung thugs kyi rten mchog khyad par can/____/bstan 'gro'i don du bzhengs la=____/brgya dang rtsa gcig gtsug lag khang rnams rdzogs/____/bde gshegs mchod rten bzhengs pa dpag tu med/____/nyin bzhin chos spyod rnam bcu rgyun mi bcad/____/bla ma thugs rje can la=____/slob ma'i mchog gyur lo tsA rnam mang wir lo tsA ba byung chub rtse mo/__gsum gtsos/____/bstan pa 'dzin pa'i skyes bu bsgrangs las 'das/____/'phags pa'i yul nas chos bsgyur bsam mi khyab/__rma lo dge ba'i blo gros/____/'jang lo rin chen gzhon nu/____/sa steng 'gran zla bral la=____/ho pur klu bzung gser sprom du bcug nas/____/snyung waM phug du 'byed dgos rten 'brel 'chugs/____/snyigs ma'i skye 'gro bsod nams zhan gyur kyang /____/snang sems dbang bsgyur lo tsAr=____/brgyad cu rtsa bdun jo bo chen po mjal/____/lo tsA byed dgos bka' stsal gnang na yang /____/dgongs zhus tshe na jo bos thugs mug mdzad/____/kun mkhyen mkhas pa'i dbang por=____/spu rangs bzhengs wer sku mtshams dam du bcad/____/phyi nang bar gsum dam bca'i yi ge bris/____/thugs dam mdzad pas rdor ting mngon du gyur/____/zung 'jug go 'phang brnyes la=____/dgu bcu rtsa brgyad lug lo'i dgun tha chung /____/rta pas nya ba'i tshes grangs bcu bdun la/____/'jig rten mig gcig mkha' spyod gnas su gshegs/____/rgyal kun dgongs pa gcig gyur=____/bka' bzhi gdung brgyad la sogs bu slob kyis/____/pur sbyangs tshe na snyigs ma rdul tsam med/____/dwangs ma'i ring bsrel sgrar bcas mkha' spyod gshegs/____/lhag med myang 'das mdzad la=____/mkha' la 'ja' tshon me tog char mang babs/____/mi min lha 'dre'i tshogs la chos gsungs zhing /____/bde ba can du ye shes mkha' 'gro mas/____/gser gyi go chas gdan drangs=____/sngon dus bai ro ka lcog byon gyur kyang /____/phyi dar bstan la rgyal bas lung bstan pa'i/____/lo tsA chen po khyod 'drar ma mchis zhes/____/bsngags 'os don dang ldan la=____/bka' dang bstan bcos glegs bam phreng ba'i tshogs/____/deng gi dus bar ma nyams bzhugs 'di rnams/____/khyod drin kho na las byung khyed nyid la/____/dad cing gus pas rtag tu gsol ba 'debs/____/bdag dang bdag 'dra'i mtha' yas sems can rnams/____/skye ba kun tu dal 'byor rten thob cing /____/rnam dag dge ba'i bshes kyis rjes bzung nas/____/theg chen chos la rtag par longs spyod shog__/zag med tshul khrims phung po yongs su rdzogs/____/ting 'dzin sgo mo brgya phrag 'byed pa dang /____/zab dang rgya che'i shes rab pha rol phyin/____/rgyal sras lam bzang rtag tu bsten par shog__/bdag gi ming tsam thos pa'i sems can rnams/____/ngan 'gro'i sdug bsngal tha mar byed pa dang /____/bde ldan zhing du 'od mtshan stong 'bar che'i/____/drung du skyes nas byang chub mchog thob shog__/rang don zhi bde'i mtha' la mi gzhol zhing /____/sprul pa dpag med 'gro ba'i don rab sgrub/____/sems stobs chen po'i go cha rab bsgos te/____/gzhan don byed la skyo ngal med par shog__/rgyal ba nyi ma'i gnyen gyi bstan pa dang /____/bstan 'dzin skyes bu'i zhabs brtan dar zhing rgyas/____/bstan la 'tshe ba'i bdud tshogs kun zhi nas/____/bstan pa dri med phyogs bcur rgyas gyur cig__/ces phyi dar bstan pa'i thog mar 'gran zla dang bral ba'i ma hA lo tsA chen po'i rnam thar las mdo tsam btus te gsol 'debs ngag 'don du bgyi ba'ang /__'jam dbyangs chos kyi blo gros gtsug lag smra ba'i nyi mas chu 'brug khrums stod zla ba'i dkar phyogs kyi rdzogs pa dang po'i tshes la smras rim bzhin yi ge'i byed po mchog sprul 'jam dbyangs bsod nams dbang pos bgyis pa dge legs su gyur cig__/sarba mang+ga laM//____//__


rje thams cad mkhyen pa tsong kha pa chen por gsol ba 'debs pa mos gus kyi dbyangs snyan bzhugs so/____/na mo gu ru b+haT+Ta rA kA ya/__sras bcas rgyal ba rgya mtsho thams cad kyi/____/mkhyen brtse nus pa gcig tu bsdus pa'i sku/____/rje btsun bla ma blo bzang grags pa yi/____/gsang gsum rnam thar dran bzhin gsol ba 'debs/____/'jam dpal dpa' bo mi yi gzugs 'dzin pa/____/tha mal snang ngor dge ba'i bshes su ston/____/khrims ldan ngur smrig 'dzin pa kun gyi rgyan/____/blo bzang rgyal ba gnyis par gsol ba 'debs/____/nyes pa'i dri ma dag cing gtsang ba'i sku/____/tshul khrims phung po yongs su rdzogs pa las/____/rmad byung rgyal ba dgyes ba'i dri bsung 'thul/____/dgra bcom chen po'i zhabs la=____/thog med dus nas brtse ba'i shugs kyis drangs/____/gzhan la phan pa kho na'i thugs mnga' ba/____/byams dang snying rje dri med zla 'dras brgyan/____/blo ldan thugs rje'i bdag por=____/khro ba'i kun rtog bag chags dang bcas 'byin/____/'gro mang nam mkha'i mtha' dang mnyam pa kun/____/byang chub khang bzang dam par bkri ba la/____/zhum med snying stobs chen por=____/bdag bas gzhan gces byang chub thugs 'byongs shing /____/snyigs dus skye bo'i log sgrub thams cad bzod/____/pha rol phyin drug go cha btsan po bgos/____/rgyal sras sems dpa' chen por=____/mdo sngags gzhung lugs kun gyi de nyid rig__/'chad rtsod rtsom la chags thogs dri ma bral/____/phrin las bzang pos srid zhi'i khyon kun khyab/____/gangs can bstan 'dzin mtshungs med=____/phyi ru so sor thar pas rgyud bsdams shing /____/nang du byang chub sems kyi gter la dbang /____/gsang ba zung 'jug ye shes grub pa'i gtso/____/sum ldan rdo rje 'dzin par=____/mtha' bral dbu ma'i lam srol rig pas phyes/____/'jam pa'i dbyangs las zab don bdud rtsi brnyes/____/dbyangs can mgrin par rol pa'i spobs pa ldan/____/klu sgrub gnyis par snang der=____/khyad par rdo rje 'chang gi gsang ba'i mdzod/____/dpal ldan 'dus pa sgyu ma bde mchog dang /____/dus kyi 'khor lo la sogs sngags rgyud kyi/____/bdag po gsang 'dzin dbang por=____/rim gnyis lam gyi shing rta'i bgrod pa yi/____/lam bzang 'khrul med legs par bsnyen pa las/____/sku bzhi'i go 'phang dka' ba med par rnyed/____/khyab bdag rdo rje 'chang la=____/mdor na thub pa'i bstan pa ma lus kun/____/'gal med gdams pa thugs su chud pa las/____/bstan pa'i bdag po 'gran zla kun spangs pa/____/rje btsun thams cad mkhyen par=____/shAkya seng ge'i bstan pa'i srog shing ni/____/khyod las gzhan du nam yang ma dmigs pas/____/khyod 'dra 'jig rten gsum na dkon pa'i mchog__/thub dbang gnyis pa'i zhabs la=____/mdzad pa'i rnam thar cha shas tsam re yang /____/lha dang bcas pas nyin bzhin sgrogs la brel/____/bsngags 'os bsngags pa kun gyi gzhir gyur pa/____/rje btsun bla ma'i zhabs la=____/da lta byams chen rgyal tshab chen po'i drung /____/'jam dpal snying po'i mtshan gyi me tog brjid/____/theg chen chos la rtag tu longs spyod pa/____/rje btsun bla ma'i zhabs la gsol ba 'debs/____/bdag ni deng nas tshe rabs thams cad du/____/'jam dbyangs bla ma'i zhabs pad gtsug tu bkur/____/legs gsung gdams pa'i bdud rtsis bdag rgyud grol/____/bka' gdams rnam thar gtsang ma 'dzin par shog__/rje btsun bla ma'i thugs bskyed smon lam dang /____/mdzad pa phrin las mkhyen brtse nus mthu rnams/____/ma lus 'gro ba'i rgyud la yongs su rdzogs/____/bstan 'gro'i don rnams sgrub la mthu ldan shog__/ces pa'ang lcags lug smin drug zla ba'i dus kyi mchod pa la chos kyi blo gros pas gsol ba btab pa dge legs su gyur cig__/__//__


bla ma sa skya pa chen po la phyag 'tshal ba'i tshigs su bcad pa dad pa'i me tog chu skyes 'dzum pa'i phreng mdzes zhes bya ba bzhugs so/____/oM swasti/__dus gsum rgyal ba sras bcas kyi/____/mkhyen brtse nus pa gcig bsdus pa/____/rigs gsum sems dpa' mi yi gzugs/____/kun dga' snying po la phyag 'tshal/____/ma dag rten dang brten pa rnams/____/sems can 'khrul pa'i las snang dang /____/de rgyu bag chags bcas spangs pa/____/dgra bcom chen po la phyag 'tshal/____/rnal 'byor nyams kyi snang ba ni/____/'jig rten 'das dang ma 'das kun/____/sgyu ma lta bu'i don ston pa/____/brtse ba chen po la phyag 'tshal/____/bde gshegs dag pa'i snang ba ches/____/mnyam rjes kun tu 'khor yug gyur/____/sangs rgyas sems can mnyam par gzigs/____/bla ma chen po la phyag 'tshal/____/tshul khrims phung po nyes mi mnga'/____/rnam grol yon tan rgya mtsho'i mdzod/____/zab zhi spros bral thugs mnga' ba/__mgon po mchog gyur la phyag 'tshal/____/rtag tu gzhan la phan par dgongs/____/'gro ba'i khur chen khyer ba yi/____/rgyal sras sems dpa' sems dpa' che/____/byang sems thu bo la phyag 'tshal/____/'jam pa'i dbyangs sogs yi dam lha'i/____/dgyes zhal gzigs shing bil wa sogs/____/sangs rgyas byang sems grub thob dang /____/chos kyi bka' bgros mdzad phyag 'tshal/____/phyi nang shes bya thams cad dang /____/mdo sngags zab rgyas chos phung rnams/____/khyod kyi thugs la rtag tu gnas/____/thams cad mkhyen pa la phyag 'tshal/____/gzungs sprin spobs pa ting 'dzin gter/____/bye ba phrag brgya'i mdzod gyur cing /____/rtag tu gzhan la legs 'doms pa/____/smra ba'i seng+ge la phyag 'tshal/____/'chad rtsod brtsom pa'i phrin las kyis/____/shAkya'i bstan pa gsal byed gnyen/____/lha dang drang srong grub pa'i gtso/____/thub dbang gnyis pa la phyag 'tshal/____/mtha' bral rab tu mi gnas pa/____/dbu ma chen po'i don gzigs shing /____/mkhyen brtse nus pa'i gter chen po/____/chos kyi rgyal po la phyag 'tshal/____/sku gcig nyid ni du mar bsgyur/____/bde ba can sogs zhing mtha' yas/____/rdzogs smin sbyangs gsum rgya mtshor spyod/____/dbang bcu'i mnga' bdag la phyag 'tshal/____/rdo rje gsum gyi thig le las/____/bskrun pa'i 'od gsal gdung rigs 'dzin/____/mkhas grub brgyud mar byon pa yi/____/gangs can skyob pa la phyag 'tshal/____/'jigs bral dpal ldan chos skyong dang /____/nA ro ta pa'i zhal lung gi/__gsung ngag gdams pa'i bdud rtsi yis/____/skal bzang grol par mdzad phyag 'tshal/____/sa dkar seng+ge'i gdong pa'i spor/____/mkhas grub rgya mtsho 'du ba'i tshal/____/'dzam gling bstan pa'i mchod sdong che/____/'byung gnas dam pa la phyag 'tshal/____/rdo rje theg pa'i dkyil 'khor du/____/dbang bzhi'i chu bo rdzogs pa dang /____/rtogs grol 'gros bzhi thim pa yi/____/rdo rje 'dzin dbang la phyag 'tshal/____/dam tshig shin tu rnam par dag__/bsrungs mtshams las grol spangs blangs med/____/'khor 'das dbyer med mngon du gyur/____/rnal 'byor dbang phyug la phyag 'tshal/____/byang chub yan lag bdun ldan zhing /____/gdan gsum dkyil 'khor chen por rdzogs/____/phyi nang zhing khams la dbang bsgyur/____/sprul skur mngon gyur la phyag 'tshal/____/bdag byin brlab pa'i rim pa yis/____/dwangs ma'i rlung la mnga' brnyes shing /____/rigs drug skad du chos ston cing /____/gsung gi dbang phyug la phyag 'tshal/____/dkyil 'khor 'khor lo mthar son pas/____/bde stong shes rab lam mthar phyin/____/byang chub sems dkyil mngon du mdzad/____/thugs kyi rdo rje la phyag 'tshal/____/rba rlabs lam gyi gzung 'dzin rengs/____/srid pa rnam dag dbang mthar phyin/____/'phags lam yan lag brgyad rdzogs pa'i/____/dbang phyug chen po la phyag 'tshal/____/'bigs byed gzhon nu'i grong 'tshogs te/____/chos sku'i zhing khams la dbang 'byor/____/shin tu rnam dag sku mngon mdzad/____/dgyes mdzad rdo rje la phyag 'tshal/____/srid pa ji srid gnas kyi bar/____/mi zad rgyan 'khor lnga phrag gi/__lhun gyi grub pa'i phrin las ni/____/bsam gyis mi khyab la phyag 'tshal/____/gzugs sku'i rnam rol mtha' klas pas/____/sangs rgyas byang chub sems dpa' dang /____/nyan rang so skye'i tshogs rnams 'dul/____/'dren pa mtshungs med la phyag 'tshal/____/srid zhir phan bde ci mchis pa/____/mgon po khyed drin las byung zhing /____/rnam thar bsam yas ston mchog rjer/____/rab tu gus pas phyag 'tshal lo/____/bcam bu min pa'i gdung dbyangs gis/____/khyod la gsol ba 'debs byed na/____/mgon pos thugs rjes gzigs su gsol/____/rdo rje'i ye shes 'bebs par mdzod/____/sgo gsum longs spyod dang bcas pas/____/mchod cing gsol ba 'debs pa la/____/ma yi bu la brtse ba ltar/____/thugs kyis dgongs par mdzad du gsol/____/bdag ni mi shes rmongs pa yi/____/sdom dang dam tshig nyes ltung rnams/____/gang gi gsang gsum bdud rtsi'i chus/____/ma lus byang zhing dag par mdzod/____/lus ngag yid kyi rtsom pa rnams/____/don med nam yang ma gyur cig__/bstan dang 'gro la phan pa'i rgyur/____/byin gyis rlobs par mdzad du gsol/____/bdag gi ming tsam thos pa dang /____/'brel pa thob tshad ngan song gi/__gnas su ltung bar ma gyur cing /____/thar pa'i lam sna zin par mdzod/____/bla ma mchog gi dus 'di nas/____/byang chub snying po mchis kyi bar/____/thugs rje'i phyag gis mi gtong zhing /____/gsung gi bdud rtsis 'tsho bar shog__/brtse chen bla ma'i gsang gsum byin brlab kyis/____/bdag gi sgo gsum smin cing grol ba dang /____/rdo rje bzhi dang rnam dbyer med gyur nas/____/don gnyis lhun gyis grub pa'i bkra shis shog__/ces pa'ang sa glang tha skar zla ba'i dus dran mchod par kun dga' phrin las rgya mtshos gsol ba btab pa sid+d+hi rastu/__mang+ga laM//____//__


dpal sa skya pa chen por gsol ba 'debs par byin rlabs pad+mo bzhad pa zhes bya ba/____/dpal ldan bla ma la phyag 'tshal lo/____/sku bzhi'i bdag nyid dpal ldan rdo rje 'chang /____/ye shes lnga ldan rgyal ba'i spyi gzugs rje/____/bla ma sa skya pa la gsol ba 'debs/__srid las nges 'byung skye bar byin gyis rlobs/____/dus gsum rgyal ba'i rnam 'phrul gcig tu bsdus/____/rigs gsum sems dpa'i ngo bor yongs shar ba/____/bla ma sa skya pa la=____/byams dang snying rje skye bar=____/tshad med mkhyen dang brtse ba'i dkyil 'khor rgyas/____/'gro ba rnams la lhag par thugs rjes gzigs/____/bla ma sa skya pa la=____/dag pa'i snang ba 'byongs par=____/dbang dus dkyil 'khor gtso dang dbyer med bzhugs/____/bdag rgyud phung khams skye mched smin par mdzad/____/bla ma sa skya pa la=____/dbang bzhi'i chu bo rdzogs par=____/gdan gsum tshang ba'i bla ma he ru ka/__khyab bdag dgyes pa rdo rje'i gar bsgyur ba/____/bla ma sa skya pa la=____/dam tshig tshul bzhin bsrung bar=____/rang sems gzhi ru rgyu yi rdo rje sems/____/zung 'jug gdod ma'i sangs rgyas bde ba che/____/bla ma sa skya pa la=____/gnas lugs lta ba rtogs par=____/snod bcud dkyil 'khor bla ma'i rol par shar/____/rdo rje'i lus kyi dkyil 'khor lhun grub bzhugs/____/bla ma sa skya pa la=____/bum dbang ye shes skye bar=____/rtsa yi 'khor lor bla ma he ru ka/__rigs lnga bde ba chen po'i ngo bor gnas/____/bla ma sa skya pa la=____/gsal stong ye shes skye bar=____/thabs shes phyag rgya mkha' khams rdo rjer sbyor/____/lugs 'byung dga' bzhi'i bde chen rol mo 'khrol/____/bla ma sa skya pa la=____/bde stong ye shes skye bar=____/gzung 'dzin rgyu ba d+hU ti'i dbyings bcom nas/____/bde chen ye shes rnam pa thams cad dag__/bla ma sa skya pa la=____/bde stong mchog la rol par=____/tshad ma bzhi ldan snyan brgyud gdams pa'i bcud/____/gang las byung ba'i bdag por dbang thob pa/____/bla ma sa skya pa la=____/snyan brgyud rnam bzhi ldan par=____/'dus pa gsum gyi 'phrang las grol ba dang /____/kun 'dar kun bzang spyod pa'i sa mkhan mchog__/bla ma sa skya pa la=____/grub mtha' rnam bzhi snyogs par=____/e wa~M zung 'jug rdo rje btsun mo'i mkhar/____/bde chen dgyes pa 'bras dbang ston pa'i bdag__/bla ma sa skya pa la gsol ba 'debs/____/'gros bzhi dbyings su thim par byin gyis rlobs/____/gang gi gsang gsum yon tan rgya mtsho dang /____/dbyer med mngon byang chub nas mkha' mnyam 'gro/__srid mtshor sgrol nas byang chub mchog 'god par/____/bla ma mchog gis byin gyis brlabs tu gsol/____/ces pa'ang me glang rgyal zla'i tshes 18la gsol ba btab pa po ni chos kyi blo gros pas so//____//__


rje btsun rdo rje 'chang kun dga' bzang po la gsol ba 'debs pa byin rlabs myur 'jug bzhugs so/____/dpal ldan bla ma rdo rje 'chang la phyag 'tshal lo/____/khyab bdag sras bcas rgyal ba'i ye shes sku/____/'jam dpal dbyangs dang spyan ras gzigs dbang phyug__/gsang ba'i bdag po lag na rdo rje 'chang /____/rigs gsum gcig bsdus bla mar gsol ba 'debs/____/bskal mang gong nas byang chub mngon mdzad kyang /____/zhing 'dir mkhas dang grub pa'i zlos gar gyi/____/skye ba'i phreng ba ngo mtshar bgrang yas pa/____/brgyud mar byon par mdzad la gsol=____/rgyal ba'i mdun na dri ma med dpal dang /____/dga' ldan gnas su dul ba'i dbang po ste/____/gangs ri'i ljongs 'dir rje btsun grags pa'i mtshan/____/kun dga' bzang por ston la=____/rgyal bas mdo sde mang por lung bstan cing /____/snyigs ma'i dus 'dir thub pa'i dbang po nyid/____/dngos su 'byon dang rnam dbyer med pa yi/____/thams cad mkhyen gzigs chen por=____/bcu phrag gcig gis lhag pa'i yongs 'dzin gyi/____/zhabs pad gtsug tu bsten nas phyi nang gi/__shes bya rgya mtsho'i pha mthar son pa dang /____/gsang sngags bdag po chen por=____/sdom pa gsum la nyes 'gal phra mos kyang /____/ma gos gzhan la phan pa'i thugs mnga' zhing /____/'phags pa'i tshul khrims dri yis phyogs kun khyab/____/mkhas btsun bzang po'i zhabs la=____/bskyed dang rdzogs pa'i ting 'dzin bsgoms pa las/____/sgo gsum rdo rje gsum du rab sgrub cing /____/rtsa rlung thig le'i 'gros rnams dbu mar thim/____/bde chen ye shes brnyes la=____/mdo dang sngags kyi zab gnad ji bzhin rtogs/____/ma 'dres so sor 'chad la zhum pa bral/____/rtsod pas log par rtog pa'i mgo bo 'gems/____/'dzam gling mkhas pa chen por=____/zab dang rgya che'i don rnams 'doms pa la/____/sdebs legs ngo mtshar rtsom pa'i rgyan phreng gis/____/thub bstan srid mtha'i bar du gsal mdzad pa'i/____/gzhan phan pha mtha' yas la=____/bla ma lhag pa'i lha yi dgyes zhal gzigs/____/rdo rje'i chos srung ci bcol bka' bzhin sgrub/____/sa steng mkhas grub rgya mtsho'i gtsug tor rtser/____/zhabs rten pad+mo bkod la=____/bsdu ba rnam bzhis 'gro ba rab smin cing /____/pha rol phyin drug rlabs chen spyod pa las/____/nam yang mi 'da' tshogs gnyis rgya cher sgrub/____/rgyal sras sems dpa' chen por=____/chos nyid don la rtag tu snyoms par 'jug__/gzungs dang ting 'dzin sgo 'phar brgya phrag 'byed/____/lkog gyur chos rnams ma 'dres mngon du gzigs/____/sa bcu'i dbang phyug chen por=____/bstan pa'i gzhi ma gtsug lag khang chen bskrun/____/dge 'dun sde btsug bslab pa gsum la bkod/____/bshad dang sgrub pa ches cher rgyas mdzad pa'i/____/phrin las bsam mi khyab la=____/rdo rje 'chang gi gsang sngags zab mo'i mdzod/____/smin grol gdams pa lnga brgya tha mar yang /____/mi nub kha 'bab rnam bzhi'i rgyun bzang po'i/____/'byung gnas ma dros bdag por=____/khyad par biR+Wa'i gsung ngag zhal gyi lung /____/snyan brgyud tshad ma rnam bzhi'i gdams pa yis/____/thar 'dod grub pa'i rgyal sar rab 'god pa'i/____/rnal 'byor dbang phyug chen por=____/brgyud 'dzin bu slob gser ri'i phreng ba ltar/____/nyon mongs dri bral shin tu gtsang zhing mdzes/____/mang thos ting 'dzin shes rab gter 'chang ba'i/____/slob tshogs grangs med bskrun la=____/kun dga'i rten der mi slob zung 'jug gi/__rtogs pa'i rtser son bde chen zhing du gshegs/____/bye ba phrag brgya rnam 'phrul bsam yas pas/____/bstan 'gro'i don chen bsgrub la=____/kun dga' bzang po rgyal ba'i chos 'dzin pa/____/bde gshegs bye ba drug cu mchod byas nas/____/rgya mtsho blo 'dzin zhes byar mngon 'tshang rgya/____/de bzhin gshegs pa'i dbang por=____/mdor na rje btsun bla ma rdo rje 'chang /____/khyod 'dra dus gsum kun tu 'byon dka' zhing /____/mdzad pa'i rnam thar bsam gyis mi khyab pa/____/'phags pa'i spyod yul gyur la=____/rdo rje 'chang dngos dge slong skur ston pa/____/bla ma mchog la gsol ba btab pa'i mthus/____/bdag ni skye zhing skye ba thams cad du/____/rgyal ba gnyis pas rjes su 'dzin par shog__/dal 'byor rten thob tshul khrims rnam par dag__/thos pas rgyud grol bsam pas sgro 'dogs chod/____/sgom pas gnas lugs ji bzhin mngon gyur te/____/mkhyen brtse nus pa rgya mtshor dbang 'byor shog__/mgon po khyed kyi thugs bzhed bsgrub pa la/____/bdag ni mthu stobs nus par ldan gyur nas/____/kun dga'i phrin las phyogs brgyar spel ba la/____/'gran zla med pa'i dbang po nyid gyur cig__/'jam pa'i dbyangs dngos rje btsun sa skya pa'i/____/bstan pa dri med yun du gnas pa dang /____/bstan 'dzin tshogs rnams dar rgyas dbu 'phang mtho/____/phyogs las rnam rgyal dge legs bkra shis shog__/rdo rje theg pa'i rgyud kun 'byung ba'i ngor/____/e wa~M zung 'jug mtshan gyis spras pa yi/____/yon tan rin chen dam pa'i chos ldan gyi/____/bstan pa mi nub dar zhing rgyas gyur cig__/ces pa'ang mi phyed pa'i dad mos rtse gcig pas chu mo lug gi lo sbrul zla ba'i dkar phyogs kyi bzang po dang por kun dga' phrin las rgya mtsho'am/__'jam dbyangs chos kyi blo gros pas gsol ba btab ba sid+d+hi b+ha ba tu//____//__


rgyal ba khyab bdag rdo rje 'chang chen po dang dbyer mi phyed pa kun dga' bzang po la gsol ba 'debs pa byin rlabs kyi rol mtsho bzhugs so/____/sras bcas rgyal ba kun gyi ye shes sku/____/dran pas snying gi gdung sel bdud rtsi'i thigs/____/gsol btab tsam gyi srid zhi'i tsha gdung sel/____/ye shes bcu drug cha rdzogs zla dkyil gsal/__1_/e waM ri bong rtags kyi mtshan ma dang /____/byang sems snying rje'i zla ba dwangs shing gsal/____/sku bzhi'i rnam par rgyal ba'i lcogs ldan pa/____/dad pa'i yid mkhar rtag tu gsal ba na/__2_/sgrib gsum snying gi mun pa kun bcom zhing /____/rdo rje'i lus kyi sbas pa thams cad 'byed/____/rtsa yi mdud grol pho brang 'khor lo lnga/____/bla ma rigs lnga'i dkyil 'khor lhag par gsal/__3_/rigs kun 'dus pa dag pa rdo rje 'chang /____/kun dga' bzang po dkyil 'khor rgya mtsho'i gtso/____/rgyud gsum bstan pa dpal ldan he ru ka/__dgyes mdzad thugs kyi rdo rjer gsol ba 'debs/__4_/'pho med dri bsung nyer bzhi'i gnas kun khyab/____/gzhan phan dpag bsam yal 'dabs phyogs bcur rgyas/____/ye shes chen po'i mdzod 'dzin rdo rje 'chang /____/dpal ldan bla ma'i zhabs la gsol ba 'debs/____/gang gi rnam thar yid la byed pa dang /____/khyed kyis gsang gsum byin rlabs bdag la rdzogs/____/kun mkhyen rgyal ba'i bstan pa phyogs brgyar spel/____/nam zhig rgyal ba khyed dang dbyer med shog__/ces pa'ang bcos min dad pa'i rol mtsho'i rba rlabs drag tu bskyed pa las gsol ba 'debs pa'i bstod tshig 'di yang 'jam dbyangs chos kyi blo gros pas bris pa rdo rje 'chang gi byin rlabs snying dbus nges par thim pa'i rgyur gyur cig__/sid+d+hi rastu//____//__


rdo rje 'chang kun dga' bzang po la bstod smon tshul khrims dag byed ces bya ba bzhugs so/____/oM swasti/__ston pa mnyam med shAkya'i rgyal po yi/____/bden gsung lung gis bsngags pa'i me tog 'thor/____/snyigs dus thub dbang gnyis pa kun dga' bzang /____/gang gi rnam thar dran bzhin gus pas bstod/____/byang phyogs gangs ri'i ljongs 'dir mdo dang sngags/____/ma nor ji bzhin 'chad la 'gran zla bral/____/sdom gsum rnam dag slob tshogs gser ri'i phreng /____/nor 'dzin khyon kun yongs su khyab la 'dud/____/bskyed dang rdzogs pa'i rnal 'byor zab mo yis/____/rang don chos sku'i rgyal sa mngon du brnyes/____/gzhan don phrin las nam mkha'i mthar khyab pa/____/rje btsun e wa~M pa la gus pas bstod/____/mkhyen pa'i ye shes 'jam dpal dpa' bo dang /____/brtse ba lag na pad dkar 'chang ba dngos/____/nus pa rgyud kun sdud mdzad rdo rje 'dzin/____/dbyer med dpal ldan bla mar gus pas bstod/____/tshul khrims gtsang zhing lta spyod rnam par dag__/gzungs dang ting 'dzin yon tan rgya mtsho brnyes/____/dbang bzhi'i chu bo gdul bya'i zhing sar 'bebs/____/smin cing grol bar mdzad la bstod par bgyi/____/de ltar rmad byung gus 'dud drag po yis/____/bstod cing gsol ba 'debs pa'i byin rlabs kyis/____/nam mkha'i mtha' gtugs mtha' yas 'gro ba rnams/____/sdug bsngal las grol byang chub thob par shog__/khyad par bdag sogs khyod kyi rjes 'jug rnams/____/sgo gsum bag med nyes spyod las sdom zhing /____/nges 'byung tshul khrims khang bzang nyams dga' bar/____/zhugs nas byang chub sems mchog skye bar shog__/rdo rje theg pa'i tshul la rab gnas te/____/sdom dang dam tshig rnam par dag pa dang /____/rim gnyis lam gyi bgrod pa mthar phyin te/____/rdo rje 'dzin rgyal mngon du 'gyur bar shog__/deng nas bzung ste tshe rabs thams cad du/____/rgyal ba gnyis pa rigs kyi bdag por thob/____/gsung gsang bdud rtsi'i bcud kyis 'tsho ba dang /____/spangs rtogs mthar phyin don gnyis lhun grub shog__/ces pa'ang mi phyed dad cing gus pa'i blo ldan chos kyi blo gros pas khrums stod zla ba'i tshes 8la bris pa 'dis kyang rje btsun bla ma'i byin rlabs snying la 'jug pa'i rgyur gyur cig/__//__!___na mo gu ru A nan+da b+ha drA ya/__kun mkhyen kun tu dge ba'i phrin las can/____/kun gzigs rdzogs sangs rgyas kyi lung bstan brnyes/____/kun dga' snying po'i ring lugs nyin mor byed/____/kun bzang rdo rje 'chang la gsol ba 'debs/____/mdo rgyud rgya mtsho'i gter mdzod chags thogs bral/____/rab 'byams shes bya kun gzigs smra ba'i seng /____/snying rje'i dbang phyug phyag na pad dkar 'chang /____/gsang 'dzin lag na rdo rjer gsol ba 'debs/____/'khrul pa'i dri bral blo gros mi bzad pas/____/theg chen chos kyi sgra dbyangs rtag tu sgrogs/____/rgyud sde rnam bzhi'i chu klung chen po 'dren/____/skal ldan smin grol mdzad la gsol ba 'debs/____/khyad par biR+Wa'i thugs bcud gsung ngag gi/__rten gyi dkyil 'khor dbang bzhis smin mdzad nas/____/sku bzhi'i go 'phang mchog la 'god mdzad pa/____/bla ma dgyes mdzad rdo rjer gsol ba 'debs/____/nges 'byung 'phags pa'i tshul khrims khang bzang du/____/lta spyod rnam par dag pa'i skyes bu ni/____/byang phyogs thub pa'i rgyal tshab ngor chen rjer/____/mi phyed gus pa chen pos gsol ba 'debs/____/dpal ldan bla ma'i thugs rje'i byin rlabs kyi/____/zla shel bdud rtsi gsar pas reg pa'i mod/____/skal bzang tshe dang blo yi kun+da bzhad/____/mi mthun rgud pa kun las bskyab tu gsol/____/'di nas bzung ste tshe rabs thams cad du/____/dal 'byor rten rnyed sdom gsum rnam par dag__/rang gzhan don gnyis rgya mtsho lhun gyis grub/____/bstan pa phyogs bcur spel ba'i bkra shis shog__/ces pa'ang sa zla'i tshes 25rje'i dus dran mchod par nye ba'i snga char chos kyi blo gros pas rdo rje gling du gsol ba btab pa'o//____//__ tshar chen rdo rje 'chang la gsol ba 'debs pa byin rlabs rol mtsho zhes bya ba bzhugs so/____/e ma ho/__sangs rgyas kun gyi thugs rje gcig bsdus pa/____/rdo rje 'chang dngos tshar pa chos kyi rje/____/snying dbus pad dkar bzhad pa'i rtser mchod de/____/mi phyed snying nas gus pas gsol ba 'debs/____/gangs can mkhas dang grub pa'i gtsug gi rgyan/____/biR+Wa'i zhal gyi gdams pa sa skya pa/____/rje btsun gong ma'i snyan brgyud slob bshad kyi/____/zab don bdud rtsis myos pa'i tshar pa rje/____/pha rgod blo gsal rgya mtshor gsol ba 'debs/____/nA ro pa dang bram ze mchog sred dang /____/rwa chen 'brog mi la sogs legs brgyud pa'i/____/yi dam DA ki chos skyong la sogs pa'i/____/gser chos chig brgyud bdag por=____/bslab pa'i tshul khrims dag pas yid 'phrog cing /____/ting 'dzin sgo brgyar 'jug ldang thogs pa med/____/shes rab gsum gyi gter chen 'jam pa'i dbyangs/____/dpal ldan bla ma mchog la=____/'chad mkhas blo ldan bye ba'i yi ga 'gugs/____/rtsod pas phas rgol brag ri phye mar 'thag__/rtsom pas thub bstan lhun po gsal bar byed/____/mkhyen rab pha mtha' yas la=____/brtse ba chen pos gzhan don 'ba' zhig spyod/____/mthu stobs nus pas bdud sde phye mar 'thag__/yi dam lha yi dgyes zhal rtag tu mjal/____/bsnyen sgrub rtags tshad mngon gyur=____/bskyed pa'i rim pas cir snang lha skur shar/____/rdzogs pa'i rim pas rlung thig 'gros rnams thim/____/sgrib gsum bag chags dang bcas spangs pa dang /____/sa lam yon tan rdzogs la=____/snyigs dus rdo rje 'dzin pa kun gyi rgyal/____/rdo rje'i bla ma dran chog tshar pa rjer/____/mi phyed gus pas rtag tu gsol 'debs na/____/byin rlabs dbang chen da lta bskur du gsol/____/rig stong chos nyid mngon sum rtogs pa dang /____/'gros bzhi thim nas sku bzhi mngon du byas/____/rang gzhan don gnyis lhun gyis grub pa yi/____/chos kyi rgyal po khyod dang mtshungs par shog__/ces pa'ang kun dga' phrin las rgya mtsho don grub dbang gi rgyal pos 'dar grong chen gyi rje bla ma'i mchod sdong rin po che'i mdun mngon par dad pa'i blos gsol ba btab pa bzhin 'grub par byin gyis brlab tu gsol/____/me sprel zla 9tshes 7mchod sdong mdun sdod nub 'jam dpal chos dbyings gsung dbang gi dbang gzhan la bskur ba sogs dang gong gi ming 'di sngar yod pa la don grub dbang gi rgyal po zer ba sogs rmis/__sa skya bdag khri A yu badz+ras phur pa'i smad las gnang skabs sngags 'chang chen po mdun thad bzhugs pa'i nyams dang /__'jam dbyangs gzi 'od 'bar bar gsol smon skabs byin rlabs kyi mtshan ma phran bu byung ba brjed de thal//____//____!__bloX mchog gsung gi dbang phyug ngur smrig gar/____/mtha' yas 'gro la phan bde'i mchog stsol zhing /____/bstan pa rin chen phyogs bcur gsaXl bar mdzad/____/snyan brgyud rgyaX mtshoX'i bdag por gsol ba 'debs/____/ces pa'ang me sprel zla tshes dgong mo'i phyi char yid ngor dran pa'o//____//__


kun mkhyen bstan pa'i nyi ma bsod nams seng+ge la gsol ba 'debs pa ye shes snang gter zhes bya ba/__na mo gu ru puN+yai seng ha ya/__kun mkhyen 'jam dpal smra ba'i seng+ge mchog__/kun dga'i ring lugs nyin mor byed pa'i slad/____/kun tu bzang po'i smon lam rab grub pa/____/kun gzigs 'jam dbyangs bla mar gsol ba 'debs/____/gdod nas 'jam pa'i dpal dang dbyer mi phyed/____/'phags bod mkhas grub du ma'i skye ba bzhes/____/deng 'dir dge ba'i bshes kyi skur ston nas/____/sum ldan rdo rje 'dzin par=____/nges 'byung tshul khrims khang bzang nyams dga' bar/____/gzhan phan byang chub sems dpa'i thu bo che/____/gsang ba'i bdag po rdo rje'i snyems 'chang ba/____/rigs gsum 'dus zhal bla mar=____/zab dang rgya che'i shes bya thams cad mkhyen/____/'chad rtsod rtsom la chags thogs sgrib pa bral/____/gangs can mdzes pa'i rgyan mchog chen po ni/____/mtshungs zla med pa khyed la=____/yum don dgongs pa ji bzhin thugs su chud/____/dpal ldan chos kyi grags pa dngos su snang /____/dbyig gi gnyen po bzhin du brjod pa dag__/mkhas pa'i gtsug rgyan chen por=____/byams klu dgongs pa 'gal med cig tu sgrub/____/rtag chad spros pa'i mtha' la ma lhung zhing /____/zung 'jug dbu ma chen po ston mdzad pa/____/byang phyogs thub dbang gnyis par=____/'jigs bral stobs kyi mgon po biR+Wa pa'i/____/bzhed gzhung gsung ngag smin grol chu rgyun gyi/____/skal ldan sku bzhi'i lo thog rgyas mdzad pa/____/rje btsun rin po che la=____/nges pa'i don du rdo rje 'chang dbang dang /____/tha dad ma mchis dkyil 'khor kun gyi bdag__/gsang sngags rgyud don ma nor gsal mdzad pa/____/rnal 'byor dbang phyug chen por gsol ba 'debs/____/skye ba 'di dang skye ba gzhan dag tu/____/khyed kyi gsang ba gsum gyi byin brlabs zhugs/____/rgyal ba'i dgongs pa ji bzhin 'chad pa la/____/kun mkhyen bla ma nyid dang dbyer med shog__/bsod nams chen po'i dpal gyis legs gsung tshogs/____/'dzin 'chad spel la blo gros mthu ldan zhing /____/phyogs las rnam par rgyal ba'i seng+ge'i sgras/____/lta ngan ri dwags tshogs rnams 'joms gyur cig__/ces pa'ang chu 'brug zla tshes la rmi lam dge ba'i rkyen las 'jam dbyangs chos kyi blo gros pas gsol ba btab pa sid+d+hi rastu/__mang+ga laM//____//__ dpal ldan sa skya pa'i bstan 'dzin mkhas mchoga?X rnams la gsol 'debs bzhugs so/____/rgyal bas lung bstan thob pa kun dga' bzang /____/rgyal ba gnyis pa kun mkhyen e waM pa/____/rgyal sras rgya mtsho'i dbus na mngon mtho ba/____/ngor chen rdo rje 'chang la gsol ba 'debs/____/rje btsun rdo rje 'chang nas legs 'ongs ba'i/____/snyan brgyud bstan pa'i srog shing rdzong pa rje/____/mthu stobs dbang phyug kun dga' rnam rgyal zhes/____/rnal 'byor dbang phyug chen por gsol ba 'debs/____/sde snod 'bum phrag thugs su legs par chub/____/ma pham mgon po'i dgyes zhal rtag tu gzigs/____/theg chen zab dang rgya che'i dgongs don rtogs/____/kun mkhyen sangs rgyas dpal la gsol ba 'debs/____/mdo sngags rig gnas shes bya rgya mtsho ni/____/rnam dpyod brtson pas khyod thugs bum par bskyil/____/'chad rtsod rtsom la 'gran pa'i zla bral ba/____/rong ston smra ba'i seng+ger gsol ba 'debs/____/ma pham 'jam pa'i dbyangs kyi dgongs pa'i mthil/____/ma nor ji bzhin mngon sum gsal mdzad cing /____/sngags brgyud rgya mtsho'i bshad sgrub phyogs brgyar spel/____/kun mkhyen bsod nams seng+ger gsol ba 'debs/____/gnas lnga rig pa bye ba'i phul du phyin/____/nges don snying po'i lam srol rgyas par mdzad/____/paN chen shAkya mchog ldan grags pa'i dpal/____/mkhas pa'i gtsug rgyan chen por gsol ba 'debs/____/dam pa rnams la gsol ba btab pa'i mthus/____/tshe 'dir byang chub sgrub pa'i bar chad zhi/____/phyi mar 'dren mchog gang du bzhugs pa'i sar/____/phyin nas gsung gi bdud rtsir spyod par shog__/ces pa'ang rang slob ye na shes rab phun tshogs nas gsung bskul bzhin chos kyi blo gros pas so//____//__ rdo rje 'chang ngag dbang legs pa'i zhabs la bstod cing gsol ba 'debs pa byin rlabs sprin phung zhes bya ba bzhugs so/____/bla ma dang mgon po 'jam pa'i dbyangs la phyag 'tshal lo/____/phyogs dus rgyal ba sras dang bcas pa yi/____/mkhyen pa'i ye shes nyin mor byed pa'i sku/____/blo gros snang ster rje btsun bla ma yi/____/zhabs la spyi bos btud de gus phyag 'tshal/____/rnam dag bslab gsum nor bu'i lhun po la/____/mkhyen brtse'i nyi gzhon 'bum phrag gis 'khyud cing /____/phrin las 'od stong sa gsum 'bar ba'i gzis/____/bdud sde'i mun pa bcom la gus phyag 'tshal/____/sngon sbyangs stobs kyi blo gros mtshungs med cing /____/shes bya mtha' dag ma 'dres thugs su chub/____/rgyal sras spyod pa rgya mtshor nyams 'og tshud/____/rtag par gzhan la phan brtson gus phyag 'tshal/____/dam pas rjes bzung gsang gsum byin rlabs thob/____/thos bsam bsgom pa rab kyi rtse mor son/____/tshar gcod rjes 'dzin dngos grub mthu thob pa/____/rdo rje 'dzin pa'i dbang por gus phyag 'tshal/____/khyad par mdo rgyud man ngag rgyal thabs la/____/dbang bsgyur chos kyi rgyal po paN+Di ta/____/nga~Xg gi dba~Xng phyug 'jam dbyangs bla ma dang /____/dbyer med chos kyi rje la gus phyag 'tshal/____/zab don snyan rgyud rgya mtshor bsti zhing rol/____/biR+Wa'i thugs bcud gsung ngag gdams pa'i gter/____/dge lega~Xs thar pa'i nor bu sbyin mdzad pa~X/____/mkhas grub gdeng can dbang po la phyag 'tshal/____/phan bde kun gyi 'byung gnas rgyal ba'i bstan/____/bshad dang sgrub pa'i gdugs dkar srid rtser sgreng /____/snyan grags ri bo'i khongs su yongs khyab pa/____/bstan 'dzin bye ba'i dbang por gus phyag 'tshal/____/dngos dang dngos med spros pa'i chos las 'das/____/'khor 'das mnyam pa nyid kyi lta ba dang /____/'od gsal bde chen lhan skyes ye shes las/____/nam yang g.yo med khyed la gus phyag 'tshal/____/sde snod gsum gyi khang bzang yangs pa ru/____/'phags nor rin chen bdun gyi 'byor pa'i rab/____/dregs ldan gtsug gis zhabs mthil btud gyur pa/____/smra ba'i seng ge khyed la gus phyag 'tshal/____/tshul khrims gos bzang rgyal mtshan mthon po la/____/mkhas tshul gsum gyi dar gyi sham ba'i mdzes/____/rtsa yi mdud grol rlung sems dbu mar tshud/____/grub pa'i tog gis mdzes la gus phyag 'tshal/____/gang zhig 'khor ba zad par gyur gyi bar/____/gang thugs zag med bde chen bdud rtsi'i myos/____/gang gsungs mi shigs rdo rje nA da'i dbyangs/____/gang sku 'chi med mgon por 'tsho bzhes gsol/____/khyed kyi rnam thar yid la byed pa dang /____/mos gus rgyun mi chad pa'i gdung shugs kyi/____/gsol ba snying nas 'debs so brtse bas dgongs/____/dkyil 'khor rnam bzhir dbang bzhi bskur du gsol/____/lam dus dbang bzhi thun bzhir brtson pa'i mthus/____/sgrib pa bzhi dag 'gros bzhi thim pa dang /____/sku bzhi ye shes lnga ldan mngon du gyur/____/mkha' mnyam 'gro ba'i don kun byed par shog__/de ma thob kyi tshe rabs thams cad du/____/dal 'byor rten thob nges 'byung rgyud la skyes/____/bshes gnyen legs bsten dam pa'i chos dang 'phrad/____/tshul khrims gtsang ma'i gos kyis bklub par shog__/rnam dag byang chub sems dang mi 'bral zhing /____/yang dag lta ba rgyud la skye ba dang /____/dbang gi rgyud smin dam tshig rnam par dag__/dpal ldan bla ma'i thugs dang dbyer med shog__/skye ba kun tu bla mas rjes su 'dzin/____/dam chos bsgrub pa'i 'gal rkyen kun zhi zhing /____/mthun rkyen legs tshogs dbyar gyi chu ltar rgyas/____/don gnyis lhun gyis grub pa'i bkra shis shog__/ces pa'ang bla ma rdo rje 'chang la dad cing 'dun pa'i blo can ye shes nyi ma dang /__ngag dbang rin chen gnyis kyis lha rdzas bcas bskul ngor rje bla ma many+dzu g+ho Sha'i phrin las kyi mjug skyong bstod yul dam pa'i gsung gi bdud rtsis 'tsho ba 'jam dbyangs chos kyi blo gros pas gsol ba btab pa 'dis kyang rje btsun bla ma chos kyi rgyal pos ye shes gzigs pa'i byin rlabs myur du 'jug pa'i rgyur gyur cig__/sarba dA ka l+yA NaM b+ha wa tu//____//__ dpal ldan bla ma 'jam mgon chos kyi rgyal po ngag dbang legs pa la bstod pa mos gus kyi tam+bu ra'i dbyangs snyan zhes bya ba bzhugs so/____/bla ma dang 'jam pa'i dbyangs la phyag 'tshal lo/____/ngag dbang 'jam mgon dgyes pa'i legs bshad kyis/____/kun dga'i bstan pa nyin mor byed pa'i gnyen/____/legs pa'i 'byung gnas ye shes rgyal mtshan dpal/____/phrin las bzang po'i zhabs la phyag 'tshal lo/____/gang gi mtshan tsam rna bar lhung pa'i mod/____/srid zhi'i 'jigs pa'i me dpal zhi mdzad pa/____/dpal ldan bla ma chos kyi rgyal po yi/____/zhabs mthil rdul dmar tshangs gnas 'khor los mchod/____/dbang phyug khyab 'jug mig stong ldan pa sogs/____/thor gtsug nor bu 'dar zhing zhabs rten gyi/____/pad+mor gus pas 'dud par byed pa yi/____/lha yi bla ma mchog la phyag 'tshal bstod/____/rdo rje sems dpa' dgyes mdzad he ru ka__/'khor lo sdom pa rnal 'byor ma dpal sogs/____/gang dang dbyer med gcig nyid du mar shar/____/dpal ldan rdo rje 'chang la phyag 'tshal bstod/____/rab zhi bskal mang sngon nas mngon mdzad kyang /____/srid par rjes su chags pa'i sgyu thabs kyis/____/ye shes sku nyid za ma tog tu sbas/____/dge ba'i bshes su ston la phyag 'tshal bstod/____/'jam pa'i dpal ni thugs ka'i dpal bai'ur bzhugs/____/mi brjed gzungs thob ting 'dzin sgo mang mnga'/____/mdo dang sngags kyi zab rgyas rnam mang don/____/ma 'dres sa ler mkhyen la phyag=____/brtse chen snying rje'i chu 'dzin dkar po las/____/byang chub sems kyi klu dbang 'brug sgra sgrogs/____/'gro ba'i zhing sar gru char 'bebs pa las/____/sku bzhi'i myu gu bskyed la=____/rab tu dpa' ba'i mthu stobs nus pa'i shugs/____/bdud sde'i tshogs la phyungs pa de yi mod/____/ming gi mthar byed don snying lkogs mar lhung /____/'jam dpal khros pa'i rgyal por=____/phyi ru rnam dag khrims kyis legs sdom zhing /____/nang du byang chub sems gnyis dpal gyis phyug__/gsang ba rnal 'byor grub pa chen po ste/____/sdom gsum ldan pa'i dbang por=____/mkhas pa'i rnam dpyod tsan+d+ra go mi dang /____/btsun pa'i khyu mchog nye bar 'khor ji bzhin/____/bzang po'i dpal mnga' kun dga' rgyal mtshan dngos/____/bstan 'dzin mkha' lding dbang por=____/mkhas dang grub pa gnyis ldan khyed nyid tsam/____/biR+Wa'i thugs bcud gsung ngag gdams pa rnams/____/ma nor ji bzhin mngon du mdzad pa yi/____/rnal 'byor dbang phyug zhabs la=____/cir snang thams cad bde chen lha skur gzigs/____/sgra grags gzhom med rdo rje'i sngags su shar/____/rtog tshogs spros pa'i rba rlabs zhi ba yi/____/'gyur med de bzhin nyid la=____/phyi yi spros pa nang du lus la rdzogs/____/de nyid sems rdzogs 'khor 'das dbyer mi phyed/____/bde dang stong pa zung 'jug rdo rje'i bdag__/brtan g.yo kun khyab bla mar=____/a haM mi 'gyur d+hu ti'i srog tu zhugs/____/'gyur med byang chub sems gang de rdo rje/____/shes rab stong nyid pad+mar rol mdzad pa/____/bla ma kyai yi rdo rjer phyag 'tshal bstod/____/yid 'phrog gzugs mdzes snyan pa'i sgra dbyangs dang /____/lha yi spos dang ro mchog bdud rtsi'i zas/____/'jam mnyen 'khril chags bde ba'i mchog ster ba'i/____/reg bya sogs kyis rtag tu mchod pa bgyi/____/bcas dang rang bzhin kha na ma tho ba'i/____/nyes pa'i tshogs rnams stobs bzhi'i sgo nas bshags/____/gang gis byas dang byed 'gyur byed bzhin pa'i/____/bsod nams kun la snying nas yid rang ngo /____/thabs la mkhas pa'i yongs 'dzin thams cad kyis/____/dam chos bdud rtsi kun la bstan du gsol/____/mya ngan 'da' tshul nam yang mi ston par/____/'gro ba'i gnyen du bzhugs par gsol ba 'debs/____/dge ba 'di dang dge ba'i rtsa ba gzhan/____/bdag dang gzhan gyis legs par gang bsgrub pa/____/yod med la sogs dmigs pa'i dug spong ste/____/kun mkhyen 'gro ba'i rtsa lag thob par shog__/de ltar bstod cing gsol ba btab pa las/____/dpal ldan bla ma mchog dang mi 'bral zhing /____/gsung gi bdud rtsi ci dgar thob pa dang /____/gsang ba gsum gyi byin rlabs rgyud la zhugs/____/skyabs gnas kun 'dus rtsa ba'i bla ma la/____/dad gsum gdung ba'i dbyangs kyis gsol 'debs na/____/brtse chen thugs rje'i lcags kyus legs bzung nas/____/'jigs rung srid pa'i mtsho las bsgral du gsol/____/'khor ba'i nyes kun mthong ba'i nges 'byung dang /____/'gro kun pha mar shes pa'i lhag bsam gyis/____/rnam grol tshe 'dir thob la ches rings pa'i/____/gong ma'i lam la 'jug par byin gyis rlobs/____/gzhi rgyud spros bral gnas lugs legs rtogs nas/____/lam rgyud dbang bzhi'i mngon rtogs mthar phyin te/____/'bras rgyud sku dang ye shes dbyer med pa'i/____/go 'phang tshe 'dir thob par byin gyis rlobs/____/bslu med bla ma mchog gsum thugs rje dang /____/chos nyid bden dang chos can mi bslu'i mthus/____/ji ltar smon pa'i gnas kun 'grub pa dang /____/rang gzhan don gnyis mtha' ru phyin par shog__/ces pa'ang lhun grub steng gi khro nge mkhan mkhyen rab bstan 'dzin nas gsung bskul dang /__rang gi dad pa'i gsos su bka' 'bangs kyi tha chung 'jam dbyangs chos kyi blo gros pas gsol ba btab pa sid+d+hir b+ha wan+tu/__dge'o//____//__






khyab bdag rdo rje 'chang byams pa kun dga' bstan 'dzin la gsol ba 'debs pa byin rlabs myur 'jug ces bya ba bzhugs so/____/na mo gu ru we/__sras bcas rgyal ba yongs kyi ye shes kyi/____/spyi gzugs khyab bdag dpal ldan rdo rje 'chang /____/snyigs dus ngur smrig 'dzin pa'i khyu mchog che/____/mkhan chen thams cad mkhyen par gsol ba 'debs/____/phyi ltar so sor thar pas rgyud sdom shing /____/nang du byang chub sems gnyis nor gyis phyug__/gsang ba grub pa chen po mngon du mdzad/____/byams ldan 'dren pa chen por gsol=____/mkhas kun dga' ba'i 'phags nor 'byor pa dang /____/'chad rtsom zla bral bstan 'dzin slob tshogs rgyas/____/dri ma med pa'i gzi brjid dang ldan pa/____/thub dbang gnyis pa'i zhabs la=____/khyed sku mthong dang gsung gi cha shas kyis/____/mthong thos grol ba chen po'i dpal ster zhing /____/kun dga'i ring lugs phyogs brgyar spel ba la/____/rnam thar mtshungs pa med la=____/zag med tshul khrims gzhon nu ring du 'phro/____/ting 'dzin bde chen bdud rtsi'i stobs rgyas shing /____/shes rab zab mos chos kun ji bzhin gzigs/____/bslab gsum dbang phyug chen por=____/phyi nang gsang ba'i de nyid bcu dang ldan/____/bskyed dang rdzogs pa'i rnal 'byor mthar phyin cing /____/dbang bzhi'i lam gyis 'gros bzhi thim par las/____/bcu gsum sa mchog brnyes la=__dkyil 'khor rgya mtsho'i spro bsdu'i byed po ni/____/kha sbyor mchog tu mi 'gyur bde ba che/____/snying rje'i yongs gang rang bzhin brjod bral che/____/bla ma 'khor lo sdom par=____/de ltar gsol ba btab pa'i byin brlab kyis/____/skye ba kun tu bla ma mchog de yis/____/rjes bzung rang gzhan don gnyis lhun gyis 'grub/____/bstan dang 'gro la phan bde'i dpal ster shog__/ces pa'ang rdo rje 'chang de nyid la mi phyed pa'i dad pa brtan po dang ldan pa 'jam dbyangs chos kyi blo gros pas gsol ba btab pa sid+d+hi rastu//____//__ rtsa ba'i bla ma la gsol ba 'debs pa ngag rgyun ma bzhugs/__skyabs gnas kun 'dus gdan gsum tshang ba'i sku/____/nyon mongs gdung sel chos sgra sgrogs pa'i gsung /____/ye shes lnga ldan bde gsal mi rtog thugs/____/gsang ba 'dzin pa'i bdag po rdo rje 'chang /____/blo gter dbang po'i zhabs la gsol ba 'debs/____/sgo gsum dngos po kun gyi mchod par bgyi/____/phyi nang gsang ba'i bar chad kun sel zhing /____/dam tshig nyams chags nyes ltung dri ma bshags/____/bsam pa thams cad lhun gyis grub pa dang /____/mchog dang thun mongs dngos grub stsal du gsol/____/rang gzhan don gnyis 'grub par byin gyis rlobs/____/byang chub bar du 'bral med thugs rjes zungs/____/ces pa'ang rang nyid kyi mos gus dran pa'i gsos su chos kyi blo gros pas 'don bder bris pa byin brlab myur du 'jug pa'i rgyur gyur cig__/mang+ga laM//____//____!__rtsa ba'i bla mar gsol 'debs bzhugs/____/khyab bdag gsang ba'i bdag po rdo rje 'chang /____/rab 'byams rgyud sde rgya mtsho'i dkyil 'khor gtso/____/dran pas srid zhi'i 'jigs pa 'phrog mdzad pa/____/'jam dbyangs blo gter dbang por gsol ba 'debs/____/gang sku mthong bas bde chen ye shes skyed/____/gang gsung thos pas ma rig mun pa sel/____/gang thugs dran pas rang rig chos skur ston/____/dpal ldan bla ma'i zhabs la gsol ba 'debs/____/bla ma he ru kaHdpal rdo rje 'chang /____/khyod kyi thugs rjes yal bar mi 'dor shing /____/sgo gsum 'khrul pa rtsad nas chod pa dang /____/rdo rje gsum gyi ye shes smin par mdzod/____/ces pa'ang bla ma dran pa'i ngang nas thol byung du bris pa'o//____//__ oM swasti/__ngaga~X dba~Xng 'jam dpal khros pa'i rnal 'byor pa/____/bsa~Xm gtana~X ting 'dzin blo~X grosa~X zab mo'i gter/____/blo gsal rgya mtsho'i snyan brgyud 'dzin pa'i phul/____/bstana~X pa'i~X rgyala~X mtsha~Xn zhabs la gsol ba 'debs/____/don gnyis lhun grub dpa~Xl ldan bza~Xng pa~X yi/____/gsang gsum byin brlab rgyud la zhugs pa dang /____/tshad ma bzhi ldan snyan brgyud zab mo yi/____/bstan pa rin chen dar zhing rgyas par shog__/ces pa'ang blo gros rgya mtshos gsol ba btab pa'o//____//__ yongs 'dzin mkhas dbang rdo rje 'dzin pa chen po 'jam dbyangs mkhyen rab mtha' yas la gsol ba 'debs pa ut+pal gzhon nu zhes bya ba bzhugs so/____/na mo gu ru many+dzu g+ho ShA ya/__'jam pa'i dpal mnga' sgra dbyangs rgya mtsho'i gdung /____/mkhyena~X raba~X 'od kyis snang ba nyin mor byed/____/kun dga'i phrin las mtha~X' yasa~X zhing na spel/____/dpal ldan bla ma'i zhabs la gsol ba 'debs/____/mgon khyod dag pa'i sa la rab bzhugs kyang /____/snyigs dus bstan 'gro skyob pa'i dpung gnyen du/____/dge ba'i bshes kyi rnam par ston pa yi/____/'dren mchog bla ma'i zhabs la=____/dam pa'i rigs kyi brgyud du chu pho khyir/____/sku bltams mtshan dpe'i myu gu bzhad pa dang /____/dge legs brgya phrag gsar ba'i snang ba rgyas/____/rgyal sras dpa' bo mchog la=____/gzhon nu nyid nas rgyal ba'i bstan sgor zhugs/____/mkhyen brtse'i dbang pos dge bsnya~Xn sdom soga?Xs rtsal/____/ming don 'brel ba'i mtshan gyi cod paN bskyangs/____/theg chen rigs mchog sad la=____/'og min e waM chos ldan pho brang du/____/rdo rje 'chang dbang blo gros snying po las/____/sdom pa gsum gyi bka' drin legs nos shing /____/tshul khrims rnam par dag la=____/mkhas dbang bslab gsum yon tan mtshan can dang /____/mi pham rnam par rgyal ba la sogs pa'i/____/yongs 'dzin bshes gnyen rnams las phyi nang gi/__rig gnas sbyangs pa mdzad la=____/khyad par gsang bdag blo gter dbang po dang /____/blo gros rgyal mtshan shes rab rgya mtsho sogs/____/rnam 'dren dam pa rnams las rgyud sde bzhi'i/____/dbang rgyud gdams pa gsan la=____/lhag pa'i lha yi bsnyen sgrub mthar phyin cing /____/rim gnyis rnal 'byor drod tshad mngon du gyur/____/bla ma yi dam dngos nyams dgyes zhal ston/____/chos srung bran du bkol la=____/dgyes mdzad rdo rje rnal 'byor ma dpal dang /____/sgrol ma dkar mo gur gyi mgon po sogs/____/yi dam lha yi bskyed rdzogs zab mo las/____/nam yang g.yel ba med la=____/mnyam bzhag lta ba spros bral 'od gsal ngang /____/rjes thob snang grags bde chen lha sngags shar/____/chos brgyad spros pa'i drwa bas ma 'chings pa'i/____/bya btang rnal 'byor dbang por=____/'chad tshe tshig myur ngag sgros shin tu gtsang /____/rtsod pa'i gtan tshigs rdo rje bzhin du brling /____/rtsom pa sdebs legs bstan pa gsal mdzad pa'i/____/kun mkhyen mkhas pa'i dbang por=____/phyi nang gsang ba'i rten 'brel du ma yi/____/'gro la phan bde'i snang ba sbyin mdzad cing /____/mdo sngags zab rgyas gdams pa mang po yis/____/chos kyi sras rnams bskrun la=____/'jig rten snang ba rmi lam ltar gzigs shing /____/zhen med rang grol sgyu ma'i tshul 'chang zhing /____/grub mchog brnyes kyang sbas pa'i tshul ston pa/____/rje btsun bla ma'i zhabs la=____/bdun cu don drug me mo glang gi lor/____/bsnyungs ba'i tshul bstan smin zla'i tshes bco lngar/____/'da' ka'i rnal 'byor zab mo'i mkha' spyod gshegs/____/rnam 'dren thugs rje can la=____/de tshe phyi nang ngo mtshar ltas mang mnga'/____/sku gdung zhugs 'bul ring bsrel dad rten bzhag__/lha mi'i mchod tshogs 'du ba dpag med rgyas/____/bla ma chos kyi rgyal por gsol ba 'debs/____/de ltar gus pas gsol ba btab pa'i mthus/____/dpal ldan bla ma'i mkhyen rab nyin byed kyis/____/kun rmongs mun pa stug po rab bsal nas/____/blo mchog blo yi pad+mo rgyas par mdzod/____/shes bya rgya mtsho'i lha lam yangs pa'i ngogs/____/chos kyi rgyal pos blo gros gshog brkyang ste/____/lta ngan sbrul gdug tshogs rnams zil gyis gnon/____/kun dga'i bstan pa rgyas pa'i bkra shis shog__/ces pa'ang rigs dbon mkhas btsun dam pa mkhan bsod nams mchog grub kyi gsung gis bskul ba dang /__rang nyid kyang mngon par dad cing 'dun pas mtshams sbyar ste/____/mgon po de nyid las dpal ldan dus kyi 'khor lo'i dbang sogs zab rgyas gdams pa mang du thob pa'i btsun pa 'jam dbyangs chos kyi blo gros pas sa stag gi dbo zla'i dmar phyogs kyi stong pa gsum pa'i pa sangs nam gru'i 'grub sbyor bzang por rdzong gsar bkra shis lha brtse'i chos grwa chen por bris pa dge legs su gyur cig__/__//__ na mo gu ru wA gI shwa ra many+dzu g+ho Sha d+h+wa dza ya/____/'jama?~X dbyangasa?~X bla ma'i byin rlabs sprin phung las/____/mdo sngags nor bu'i gru char lhug par 'jo/____/kun dga'i bstan pa rgyala?~X mtshana?~X rtser bkod pa/____/dpal ldan bla ma'i zhabs la gsol ba 'debs/____/gzhan phan byamasa?~X pa'i?~X dpala?~X dang ldana?~X pa'i mchog__/shes rab gsum gyis chos tshul rnam par 'byed/____/yang dag lta sgom spyod pa'i khang bzang du/____/rten bcas bshes gnyen chen por gsol ba 'debs/____/bdag sogs tshul khrims rnam par dag pa dang /____/nges 'byung byang chub sems gnyis rgyud la skyes/____/rim gnyis lam gyi bgrod pa mthar phyin nas/____/chos kyi rgyal po'i go 'phang thob par shog__/ces pa'ang rje bla ma nyid kyis drwa sgang chos sder kun mkhyen chos kyi rgyal po'i gsung pod 13ljags lung gnang skabs zhal slob rnams kyis gsung bskul ngor/__chos kyi blo gros pas gsol ba btab ba sid+d+hi rastu/__bslab pa'i khrims kyis legs par rgyud bsdom shing /____/mang thos chosa?~X kyi gragasa?~X pa'i brtul zhugs can/____/gsung ngag rgya ma?~Xtsho'i?~X gdams pa'i gter 'chang ba/____/dpal ldan bla ma'i zhabs la gsol ba 'debs/____/zhes chos kyi blo gros bas so//____//__


'od gsal 'char ba'i gsol 'debs bzhugs so/____/dran pa tsam gyis srid zhi'i 'jigs 'phrog pa/____/dpal ldan bla ma mun sel sgron me nyid/____/bdag gi snying ga pad+ma'i gdan bzhugs nas/____/rang byung 'od gsal 'char bar byin gyis rlobs/____/thog med dus nas ma rig gti mug gi/__mun par gnyid mthug drag pos non pa bdag__/rje btsun bla ma'i drin gyis khyod thugs dang /____/rang sems dbyer med shes par byin gyis rlobs/____/rang rig gsal stong bla ma'i thugs su shar/____/zab zhi spros bral 'od gsal 'dus ma byas/____/skye med a yig dkar po 'od 'bar bar/____/sems zin dbyer med bsre nus byin gyis rlobs/____/de yi 'od kyis phyi nang snod bcud kun/____/ye shes 'od kyis gsal bar gyur pa dang /____/gnyid mthug kun gzhi'i mun pa dbyings su dag__/srab mthug 'od gsal zin par byin gyis rlobs/____/gzung 'dzin rtog pa'i sgrib pas ma gos pa/____/dag dang ma dag snang ba thams cad kun/____/snang yang ngar 'dzin med pa gsal ba'i ngang /____/goms 'dris brtan pa thob par byin gyis rlobs/____/de ltar brtson pas tshe 'dir grol ba'am/____/bar do 'od gsal rang ngo shes pa dang /____/chos nyid bden pa mngon sum rtogs pa ru/____/rang rig dpal ldan bla mas byin gyis rlobs/____/ces pa'ang kha'u skyed lhas dbon slob bkra shis rgya mtshos gsung bskul ngor/__chos kyi blo gros pas sgrol po'i gzim khang mngon khang kye rdor phug tu bris pa'o//____//__




rje mar pa lo tsA la gsol ba 'debs pa mos gus kyi rgyang glu zhes bya ba bzhugs so/____/rje dus gsum sangs rgyas 'dus pa'i dngos/____/dpal dgyes mdzad rdo rje'i sprul pa'i sku/____/rje mar pa lo tsAr gsol ba 'debs/____/bu nga la byin gyis brlab tu gsol/____/mgon bka' bzhi brgyud pa'i spyi mes che/____/chos snang sems kun la rang dbang bsgyur/____/dpal grub rigs rgya mtsho'i ded dpon che/____/mgon lho brag pa de snying dbus dran/____/rje 'phags pa'i yul du lan bdun byon/____/dpal nA ro mai tri'i gdams mdzod kyis/____/pha 'gro ba'i bla ma'i thugs rgyud tshim/____/chos zab mo gsang sngags theg pa yi/____/nor rat+na'i gter kha gram bur brdal/____/pha khyed las 'khrungs pa'i thugs kyi sras/____/rje mi la zhes pa mtshan tsam gyis/____/ngan song gi sdug bsngal zhi mdzad cing /____/b+ho tra yi grub pa kun gyi rgyan/____/skyabs mthar thug yid bzhin nor 'dra'i sku/____/gnas gro bo lung gi dgon pa dang /____/dpal sras mkhar sprul pa'i lha khang na/____/rje chos kyi dbang phyug he ru ka/__dpal bdag med ma dang dgyes rol bzhugs/____/chos nges gsang gi rgyud sde rgya mtsho yis/____/bu skal bzang slob tshogs smin grol mdzad/____/rje mi yi lus la sangs rgyas thugs/____/mgon sras bcas rgyal ba'i phrin las mdzad/____/dus da lta bzhugs na dga' ba la/____/mgon khyod zhal mjal ba'i skal bas dben/____/bu las ngan sgrib pa'i nyes par zad/____/pha chos kyi dbyings na bzhugs bzhin du/____/gzugs longs sprul gyi rol pa rgyun mi chad/____/'khor dag dang ma dag mtha' klas rnams/____/'bras byang chub chen po'i sa la 'god/____/rje khyod kyi phrin las mkha' ltar khyab/____/bod mun pa'i rgyal khams dkar por gtong /____/sngags rig 'dzin grub pa bsam las 'das/____/dpal sgrub brgyud bstan pas 'dzam gling khyab/____/mgon khyod 'dra'i rnam thar gzhan la med/____/dpal sa ra ha dang dbyer med pa'i/____/pha lo tsA chen po'i bka' drin dran/____/sa bcu gsum rtse mor rab phyin pa'i/____/dpal yan lag bdun ldan rdo rje 'chang /____/sku tha mal gyi rnam par rab bstan pa/____/rje lho brag chen por gsol ba 'debs/____/sku nyi ma brgya pa'i gzi brjid dang /____/gsung chos kyi sgra dbyangs 'u ru ru/____/thugs zab zhi bde stong 'od gsal che/____/pha gsang gsum gyi byin rlabs mtshungs zla bral/____/bdag mos gus kyi gsol ba 'debs nus na/____/rjes thugs kyi nges par mi gtong snyam/____/bu bdag la byin rlabs kyi pha phog de/____/dus da lta nyid du stsol re ran/____/blo dred po thar pa'i lam la bsgyur/____/snang bden 'dzin drwa ba hrul po bshig__/chos gzung 'dzin gyi spros pa dbyings su zhi/____/sems rig pa skye med 'od gsal de/____/dus rgyun chad med par rtag tu bskyangs/____/nga tshogs drug gi snang ba rang sar grol/____/rje khyod dang dgongs pa mnyam par shog__/ces pa'ang ris med pa'i bstan pa kun la dag pa'i snang ba rab tu rgyas pa 7chos kyi blo gros pas lcags 'brug tha skar zla ba'i tshes 19nub rje lho brag pa la mos gus bzod med 'bar ba dang /__gsol 'debs tshig tho re yid la shar yang yi ger bkod pa ma byung ba/__tshes 20la gsol ba btab cing yi ger bris pa 'dis kyang lo tsA chen po'i byin rlabs snying la 'jug pa'i rgyur gyur cig__/mang+ga laM/__gong gi tshes 19nub lo tsA chen po'i sku dkar chas can ha cang mi bsgres pa dbu skra sogs deng sang gi bri rgyun ltar sems snang la mjal bar mos gus tshad med byas pa'o//____//__



e ma ho/__ngo mtshar grub pa chen po'i sku brnyes pa/____/snang sems dbang bsgyur chos kyi rgyal po mchog__/sgra bsgyur lo tsA chen po mar pa rje/____/blo gros chen po blo mchog mnga' ba'i bdag__/rgyud sde rgya mtsho'i gsang ba'i mdzod 'dzin pa/____/zung 'jug grub pa'i 'khor los sgyur ba che/____/gang gi gsang ba gsum gyis byin brlabs sras/____/byang chub sems dpa' dpa' chen 'gro ba 'dul/____/dar ma mdo sde tshogs gnyis rmad byung sku/____/ye shes rgya mtsho'i rang gzugs spyan ras gzigs/____/gzhon nu'i skur ston smon lam mtha' yas bdag__/rdo rje bdag med mi mo'i gzugs bsgyur ba/____/shes rab lha mo bde ba'i bdag nyid sku/____/'khor 'das chos kun dbyings kyi b+ha gar sdud/____/dus gsum rgyal ba spro dang sdud mdzad ma/____/'khor lo sdom pa'i grub rig yongs kyi gtso/____/la la nA dang rA sa'i rgyu ba kun/____/sgra gcan dbyings su za bar byed pa'i bdag__/bcu drug rtser son mi slob rgyal sar gshegs/____/mtshan thos 'khor ba'i 'jigs las skyob mdzad cing /____/byin rlabs chen po mngon sum ster ba'i bdag__/rdo rje rgyal mtshan thos pa dga' zhes grags/____/'jig rten gsum gyi rgyan gyur mi yi mchog__/de ltar rje btsun yab yum sras rnams la/____/gus pas gsol btab bdag la byin gyis rlobs/____/rang sems lhan skyes ye shes nyi ma ches/____/snying gi ma rig mun pa kun bsal zhing /____/srid gsum dgra sde'i grong khyer gtan bcom nas/____/'og min lhun grub gzhal med nyams dga' bar/____/sku dang ye shes 'dzad med gter la spyod/____/khams gsum 'khor ba dong nas sprugs par shog__/ces pa'ang lho brag mar pa yab sras kyi gzhal med khang gi nye 'dabs su chos kyi blo gros pas gsol ba btab pa sid+d+hi rastu//____//__


na mo gu ru/__rdo rje 'chang chen te lo nA ro dang /____/mar mi dwags po mtha' rtsa 'bri stag gling /____/bka' bzhi brgyud pa'i bla ma thams cad kyis/____/deng 'dir bdag sogs byin gyis brlab tu gsol/____/khyad par 'gran zla kun bral sprul pa'i sku/____/dus gsum mkhyen pa'i sku yi skyes rabs phreng /____/rim par byon pa kun la gsol ba 'debs/____/deng 'dir bdag sogs byin=____/bde chen dbang drag rol pa'i pho brang nas/____/dus gsum rgyal ba'i phrin las pa chen po/____/grub chen chos kyi bla mar gsol ba=____/deng 'dir=____/sku ni pad+ma he ru ka chen po/____/gsung ni grags stong sngags kyi sgra chen sgrogs/____/thugs ni chos dbyings kun khyab 'od gsal che/____/bla ma karma pa la=____/deng 'dir=____/brtan g.yo snang srid thams cad zil gyis gnon/____/ye shes sku ni 'phro 'du'i gar gyis brjid/____/dgongs ba mi 'gyur mkha' ltar dag cing yangs/____/rnal 'byor dbang phyug chen por=____/deng 'dir=____/snyigs dus dam sri rgyal 'gong kun gyi gshed/____/bla ma dpal chen drag po'i dkyil 'khor pa/____/ji snyed gcig tu bsdus pa'i karma pa/____/pak+shi chen po'i zhabs la gsol ba 'debs/____/deng 'dir dbang bskur byin gyis brlab tu gsol/____/nad gdon gnod pa zhi bar byin gyis rlobs/____/tshe chos mtha' ru phyin par=____/bskyed rdzogs ting 'dzin brtan par=____/rang sems chos skur rtogs pa=____/bla ma khyed dang mnyam par byin gyis rlobs/____/ces pa'ang sa zla'i tshes nyer lnga la'o//____//__ rje btsun bzhad pa rdo rje la gsol 'debs thugs rje'i lcags kyu zhes bya ba/__na maHbadz+ra b+ha tra has+ya ra ya/__bskal mang gong nas byang chub spyod pa'i lam/____/sbyin pa'i pha rol yongs su rdzogs pa yi/____/nam mkha'i mdzod kyi ting 'dzin mchog brnyes pa/____/rje btsun thos pa dga' ba khyod la 'dud/____/'chal ba'i nyes pa'i dri ma thams cad sdom/____/zag med tshul khrims pha rol phyin pa yi/____/'pho med bde ba chen po'i dri bsung 'thul/____/rje btsun grub dbang gnyis pa khyod la 'dud/____/kun tu 'khrugs pa med pa'i thugs mnga' zhing /____/bzod pa dam pa'i pha rol phyin pa yi/____/mthong na mi mthun med pa'i sku mnga' ba/____/rje btsun dran pas gdung sel khyod la 'dud/____/snying stobs chen pos 'gro ba'i don la spyod/____/brtson 'grus dam pa'i pha rol phyin pa yi/____/zhum pa med pa'i go cha rab bsgos pa/____/rje btsun bzhad pa rdo rje khyod la bstod/____/chos kun sgyu mar gzigs shing dpal bar 'gro/____/rdo rje lta bu'i bsam bstan phar phyin rdzogs/____/zung 'jug ting 'dzin grub pa'i khyu mchog che/____/rje btsun mi bskyod rdo rje khyod la bstod/____/thos dang bsam dang bsgom pa'i rtsal chen rdzogs/____/chos rab rnam 'byed shes rab pha rol phyin/____/ji lta ji snyed chos kun ma 'dres mkhyen/____/rje btsun rdo rje rgyal mtshan khyod la bstod/____/sku tshe de la thabs stobs smon lam dang /____/ye shes chos sku'i pha rol phyin pa yi/____/sku bzhi'i rgyal thabs mthon por dbang bsgyur ba/____/rje btsun rdo rje 'chang dbang khyod la bstod/____/de ltar bstod cing gsol ba btab pa yis/____/rje btsun bla ma'i byin rlabs snying la zhugs/____/skye ba kun tu 'bral med rjes su 'dzin/____/gsang ba gsum dang dbyer med ro gcig shog__/ces pa'ang chu 'brug cho 'phrul zla ba'i dus dran mchod par 'jam dbyangs chos kyi blo gros pas gsol ba btab pa sid+d+hi b+ha wa tu/__mang+ga laM//____//__ rje phag mo gru pa la gsol ba 'debs pa byin rlabs rol mtsho zhes bya ba bzhugs so/____/oM swasti/__dus gsum rgyal ba kun gyi phrin las pa/____/sgrub brgyud bstan pa rgya mtsho'i gtsug gi rgyan/____/rje btsun chen po rdo rje rgyal po la/____/gsol ba snying nas 'debs so byin gyis rlobs/____/khyod ni sngon tshe thub pa chen po ste/____/da lta dge ba'i bshes su rnam par 'phrul/____/bka' bzhi brgyud pa'i spyi mes chen po la/____/mi phyed rtse gcig gus pas gsol ba 'debs/____/dpa' bo rdo rje dam tshig rdo rje sogs/____/grub thob rnal 'byor dbang phyug gzugs su bsgyur/____/khyad par la ba pa zhes 'gran med kyi/____/mchog dngos rdzu 'phrul grub par gsol=____/mdo khams lho rgyud rme shod gser khang du/____/dbas rigs we na 'phan thogs lha dar dang /____/rong bza' btsun ner lcags stag sku bltams shing /____/mtshan ltas dge bar gyur la=__skye ba'i sdug bsngal stong pa nyid du gzigs/____/bgrang bya gnyis son gnas sa rang byung 'khrungs/____/'od srung dus su spre'ur 'khrungs pa sogs/__sngon gnas rjes su dran la=____/rme mdo bya cha'i gtsug lag khang chen du/____/lhing nga thub tshul rgyal mtshan 'od zer las/____/rab tu byung zhing tshul khrims mig 'bras ltar/____/shin tu gces par bsrungs la=____/sa bcu'i sems dpa' gcig sogs mdo smad du/____/dge ba'i bshes gnyen bcu drug lhag bsten nas/____/gsan bsam mdzad de dbus 'gyur 'chang du ni/____/zhabs kyi pad+mo bkod la=____/dbus gtsung ra ri nag pos khengs pa la/____/khro rgyal mi g.yos ral gris bcad pa yi/____/dag snang byung zhing bshes gnyen mang po las/____/mdo chos rgya cher gsan la=____/nyer lnga lon tshe bya 'dul chen po sogs/____/mkhan slob grangs tshang bsnyen rdzogs sdom pa bzhes/____/mdo rtsa la sogs spyod phyogs mang po gsan/____/thun bzhi'i rnal 'byor mdzad la=____/dmar ston rga lo bur sgom sa skya pa/____/zla rgyal mang mkhar ba sogs zhabs bsten nas/____/gsang sngags smin grol gdams zab mang po gsan/____/thos bsam rgya cher mdzad la=____/gnyal chung ba la chos gsan mdzad pa'i tshe/____/khams ston khyod rjes DA ki gser rgyan bzhi/____/rjes su 'brang bas 'gro bar phan thogs gsungs/__lung bstan thabs lam gnang la=____/khyad par tshe rabs gong nas 'brel ba yi/____/sa gsum 'gran bral rje btsun sgam po pa/____/mjal bas sngar gyi lta ba'i 'dzin stangs zhig__/bden don mngon sum gzigs la=____/lhan cig skyes sbyor la sogs zab khrid dang /____/zab don dris len sgro 'dogs legs bcad de/____/chos rje gshegs pa'i sku 'bum bzhengs pa sogs/____/zhabs tog zla med mdzad la=____/'tshal sgang bzhugs nas zab chos mang po gsungs/____/dge 'dun rnams la 'dul khrims dam du bcas/____/sgom khrid thob la bsam gtan sgo mang skyes/____/snyan grags phyogs bcur khyab la=____/bka' phyag chu bo gcig 'dres thugs nyams bzhes/____/gzhan la rgya cher ston par mdzad pa dang /____/dben par dgongs nas phag gru'i mtha' rtsar bzhugs/____/ting 'dzin sgo 'phar 'byed la=____/rgya sgom smi ras rang gi spyil bu phul/____/sa pho stag la der bzhugs stag lung pas/____/zhabs zin gzim khang nyin gcig grub par bskrun/____/spangs klog spel mar mdzad la=____/gnas der bcu phrag gnyis dang gsum lhag bzhugs/____/grwa pa brgyad brgya gdugs thogs lnga brgya dang /____/grub pa thob pa'i slob tshogs mang du byon/____/sgrub brgyud bstan pa spel la=____/sku yi bkod pa bcu gnyis bsgyur pa dang /____/o rgyan gnas byon rgyud sde mang du gsan/____/zab don gsal ba'i bstan bcos mang du mdzad/____/thub bstan rgyas par mdzad la=____/mthar thug bu bzhi gdams pa'i bu bzhi dang /____/thugs kyi sras bzhi la sogs bu chen gyis/____/sa steng kun tu khyab par spel ba las/____/bka' brgyud dar zhing rgyas la=____/sgrub brgyud zung bzhi ya brgyad spyi mes che/____/lcags pho stag gi bdun pa'i nyer lnga la/____/mi bskyod rgyal po'i drung du gshegs nas ni/____/sku gdung ring bsrel ston la gsol ba 'debs/____/mdor na bde gshegs shAka thub sprul pa'i sku/____/rdo rje rgyal por mos gus gdung shugs kyis/____/rtag tu gsol ba 'debs la thugs rjes dgongs/____/nges don phyag chen rtogs par byin gyis rlobs/____/'khrul snang rang sar grol bar byin gyis rlobs/____/'khrul gzhi rtsad nas chod par byin gyis rlobs/____/sgom med 'od gsal chos sku'i rgyal sa de/____/tshe 'di nyid la thob par byin gyis rlobs/____/'og min gnyis pa phag gru'i 'jag spyil gyi/____/gzhal med khang chen ltar snang 'khrul pa'i ngor/____/nyams par gyur la slar yang dbyings nas gzigs/____/rten dang brten pa dar zhing rgyas pa dang /____/'dzam gling yongs la bkra shis dpal 'bar zhing /____/rgyal bstan spyi dang sgrub brgyud bstan pa rgyas/____/nag phyogs bdud sde'i 'tshe ba kun zhi nas/____/bstan pa nyi zla bzhin du gsal gyur cig__/ces pa'ang chos kyi blo gros pas sgang thog gi gtsug lag khang du bya lo zla 12tshes 20la bris pa dge'o//____//__ rgyal ba yang dgon pa la gsol ba 'debs pa thar pa'i ded dpon zhes bya ba/__bla ma thugs rje can la phyag 'tshal lo/____/nges 'byung chen pos srid las rab brgal nas/____/yongs 'dzin dge ba'i bshes kyi rjes su bzung /____/nyon mongs zag pa thams cad spangs pa yi/____/dgra bcom chen po'i zhabs la gsol ba 'debs/____/gzhan phan byang chub sems gyi thugs rgyud gtams/____/bdag bas gzhan gces 'byongs bas rang srog kyang /____/sems can don phyir gtong la mi zhum pa/____/rgyal sras sems dpa' chen por gsol=____/dbang bzhis lam gyi rgyud bzhi rab sbyangs shing /____/dam tshig sdom pa srog ltar gces par bskyangs/____/bdag gzhan snod bcud dkyil 'khor bzhi ru shar/____/rdo rje 'dzin pa chen por=____/phyi ltar nyan thos 'dul ba'i spyod pa bskyangs/____/nang du 'gro kun pha mar shes pas sgrol/____/gsang ba lhan skyes bde chen rdo rje'i bdag__/sdom gsum ldan pa chen por=____/mkhyen pas shes bya'i chos kun mngon sum gzigs/____/brtse bas dmyal me bzod dkar 'jug par spro/____/nus pas phyi nang gsang ba'i bdud tshogs bcom/____/rigs gsum 'dus zhal chen por=____/mkhas pa'i tshogs kyi dbus na spobs pa mtho/____/grub thob rnal 'byor kun gyi dbus na brjid/____/bzang po'i mdzad pa'i grags snyan ring 'phro ba/____/rgyal mtshan dpal bzang zhabs la=____/blun sgom yid dpyod las 'das phyag rgya bzhi'i/____/rtogs pa ji bzhin mngon du gyur pa las/____/rtsa yi mdud grol sa lam mthar phyin pa'i/____/rnal 'byor dbang phyug chen por gsol ba 'debs/____/bdag ni khyed la mi phyed dad pa'i mthus/____/gcam bu'i tshig spangs snying nas gsol btab pas/____/mgon po khyod kyi rnam thar ma lus pa/____/bdag gi yongs su rdzogs par byin gyis rlobs/____/ces pa'ang sa byi mgo zla'i tshes 21la nying 'khrul gyi snang ba cung zad la brten chos kyi blo gros pas gsol ba btab pa dge'o//____//__ sangs rgyas yer pa la gsol 'debs nges don grub ster zhes bya ba bzhugs so/____/rgyal ba kun gyi ye shes ni/____/byang chub sems dpa' za ma tog__/'phags pa snying rje'i chu 'dzin dbang /____/'gro ba kun la snying brtse bas/____/skye bas gzugs su rnam par snang /____/dam pa'i rnam thar bsam las 'das/____/rgyal ba kun dang spyod yul mnyam/____/bde gshegs rdo rje rgyal po yi/____/ngo mtshar thugs kyi sras gcig pu/____/bla ma mchog gi gsang gsum gyi/____/yon tan dpag yas rjes su dran/____/mi phyed dad pas gsol ba 'debs/____/lhan skyes nges don phyag rgya che/____/rnam pa kun gyi mchog ldan pa/____/spros pa nyer zhi'i dbyings chen po/____/mi 'gyur bde chen ye shes de/____/bdag gi snying la sad pa dang /____/'khor 'das chos kun dbu mar thim/____/zung 'jug mchog tu grub pa ni/____/bla ma mchog dang mnyam par shog__/khyed kyi thugs rgyud dgongs pa de/____/da lta bdag la 'phos nas su/____/bdag ni ye shes brtsegs pa dang /____/dus gsum rnam dbyer med par shog__/sgrub brgyud bstan pa nyi ltar gsal/____/nges don grub pas sa steng khengs/____/ye shes phyag rgya chen po yi/____/brtan g.yo kun la bkra shis shog__/ces pa'ang byang rta rna'i gzims bskyil ler pa khang du rje nyid kyi 'dra zhal rin po che'i mdun 'jam dbyangs blo gros rgya mtshos mi phyed dad pas mngon par shes bzhin du gsol ba btab pa thugs brgyud dgongs pa'i byin rlabs 'pho ba'i rgyu gyur cig__/shu b+haM//____//__ rgod tshang mgon po rdo rje la gsol ba 'debs pa mos gus kyi tam+bu ra zhes bya ba/__rje bla ma rnams la phyag 'tshal lo/____/gnas spyi gtsug nyi zla'i gdan steng na/____/dpal bka' drin mnyam med bla ma rje/____/rje khyab bdag mgon po rdo rje la/____/bdag gsol ba 'debs so thugs rjes zungs/____/rje mi mngon dbyings na bzhugs tsa na/____/mgon sangs rgyas rnams dang dgongs pa gcig__/dpal he ru ka dang spyod yul mnyam/____/rnal 'byor gyi dbang phyug grub pa'i gtso/____/rje khyod la gdung bas gsol 'debs na/____/gsang gsum gyi byin rlabs dbang bskur stsol/____/dus da lta rdo rje'i byin chen phob/____/bdag rgyud la nyams rtogs bskyed du gsol/____/sku gdan gsum tshang ba'i dkyil 'khor nas/____/lus bum pa'i dbang gis smin pa dang /____/rtsa gdos bcas sgrib pa dag pa dang /____/lus sku yi rdo rjer bdag sgrub mdzod/____/rje gsung gi rdo rje'i dkyil 'khor nas/____/ngag gsang ba'i dbang gis smin pa dang /____/rlung 'gyur bcas ngag gi dri ma sbyangs/____/ngag gsung gi rdo rjer grub par mdzod/____/thugs rig stong rdo rje'i dkyil 'khor nas/____/yid sher ye'i dbang gis smin pa dang /____/sems thig le 'pho ba'i dri ma sbyangs/____/yid thugs kyi rdo rjer grub par mdzod/____/rje ye shes rdo rje'i dkyil 'khor nas/____/dbang bzhi pa'i rtogs pa bskyed par mdzod/____/kun gzhi yi sgrib pa sbyong ba dang /____/sems rig stong rdo rjer grub gyur cig__/dad mos kyi gdung shugs drag tu bskyed/____/mos gus kyi sa gzhi gtsang ma la/____/mgon ye shes sku yi gzugs brnyan 'char/____/thugs rgyud kyi dgongs pa 'pho bar mdzod/____/skyabs bla ma dkon mchog rnam gsum la/____/yid khyed shes dad pas rtag tu bsnyen/____/bdag lus sems bde sdug ci byung yang /____/rje dam pa rnams kyi mgon skyobs mdzod/____/ma 'gro ba drug gi sems can rnams/____/bu bdag gi pha mar gyur pas na/____/sdug bsngal gyi rgya mtsho chen po las/____/thar pa dam par 'god nus shog__/lus yi dam lha yi gsal snang brtan/____/ngag bzlas brjod chu bo'i gzhung ltar brtson/____/sems rang grol phyag rgya chen po'i ngang /____/dus rtag tu yengs med brtson par shog__/dus gsum du bsags pa'i dge tshogs rnams/____/blos gcig tu bsdus nas 'gro la sbyin/____/ma mkha' khyab sems can ma lus pa/____/dpal sku bzhi'i dbang phyug thob par shog__/rje grub pa'i dbang phyug khyed mkhyen no/____/dus da lta nyid du byin gyis rlobs/____/'dug sa 'di nyid du byin gyis rlobs/____/stan thog 'di nyid du byin gyis rlobs shig__/bla ma grub brgya'i gtsug rgyan/____/rgyal ba rgod tshang pa mgon po rdo rje mkhyen no/____/ces brgya stong brjod la gsol ba gdab ba bya'o/____/ces pa'ang bla ma ye shes lhun grub kyi gsung ngor chos kyi blo gros pas gsol ba btab ba'o/____/dge'o//____//__



dpal ldan karma pa'i skyes rabs phreng bar gsol 'debs mos gus kyi sbrang rtsi zhes bya ba bzhugs so/____/rgyal ba kun gyi phrin las spel/____/rigs gsum gcig bsdus karma pa/____/dus gsum mkhyen pa mi yi rje/____/'jig rten 'dren par gsol ba 'debs/____/snang srid ye shes phyag rgyas thebs/____/bde chen zung 'jug grub pa'i gtso/____/rnal 'byor dbang phyug he ru ka/__chos kyi bla mar gsol=____/spyan ras gzigs dbang mi yi gzugs/____/brtan pa'i 'khor lo'i mkhyen rab can/____/gsang ba rgya mtsho'i mnga' bdag mchog__/rang byung rdo rjer=____/rgyal sras byang chen spyod pa las/____/snying stobs go cha brtan po bzhes/____/gzhan la phan pa'i rtsa lag mchog__/rol pa'i rdo rjer=____/lhar bcas srid zhi'i gtsug gi nor/____/brtan g.yo phyag rgya chen por sdom/____/gangs ljongs bstan pa yongs kyi bdag__/de bzhin gshegs par=____/tshul khrims phung po rab brjid cing /____/ting 'dzin mchog las mi 'da' zhing /____/shes rab zab mo'i dpal 'chang ba/____/mthong ba don ldan=____/tshar gcod rjes 'dzin mthu grub cing /____/mkhas dang btsun pa'i phul du gyur/____/mkhyen nus brtse ba'i gter chen po/____/chos grags rgya mtshor=____/mi 'phrog pa yi thugs mnga' zhing /____/zab don man ngag rgya mtsho'i mdzod/____/khams gsum chos kyi rgyal po mchog__/mi bskyod rdo rjer=____/'phags chen sa la rab bzhugs shing /____/lung rigs nor bu gram pa brdal/____/'chad rtsod rtsom la bsnyengs bral ba/____/dbang phyugs rdo rjer=____/chos brgyad sgyu mar rtag tu gzigs/____/ro snyoms brtul zhugs grub pa'i gtso/____/lhag pa'i lha yis rjes su bzung /____/chos dbyings rdo rjer=____/las rlung d+hu ti'i dbyings su bcings/____/kun tu rtog pa thams cad zad/____/'pho med zung 'jug phyag rgya'i sku/____/ye shes rdo rjer=____/spangs rtogs yon tan bye ba'i gter/____/mdo sngags chos tshul 'byung gnas che/____/skal ldan sku bzhir bkrir mdzad pa/____/byang chub rdo rjer=____/rtag par sems can don la brtson/____/thos bsam sgom pa mthar son cing /____/don gnyis lhun grub chos kyi rje/____/theg mchog rdo rjer=____/'khor lo sdom pa mi yi gzugs/____/khyab bdag rdo rje sems dpa'i sku/____/rigs rnams kun 'dus dkyil 'khor gtso/____/mkha' khyab rdo rjer=____/srid 'di ji srid gnas kyi bar/____/'phags mchog sprul pa rgyun mi chad/____/phul byung ngo mtshar gtam mang gis/____/nor 'dzin khyon kun khyab gyur cig__/bdag kyang deng nas byang chub bar/____/mgon pos 'bral med rjes bzung zhing /____/rgyal ba seng+ge'i nga ro dang /____/dbyer med mngon par byang chub shog__/ces pa'ang chos kyi blo gros pas gsol ba btab pa sid+d+hi rastu/__dge'o//____//__







dpal ldan karma bco lnga pa chen po la gsol ba 'debs pa grub gnyis mchog ster zhes bya ba bzhugs so/____/na mo gu ru/__rgyal ba sras bcas kun gyi phrin las bdag__/mkhyen brtse nus gsum gcig tu bsdus pa'i gzugs/____/mi bskyod mthon mthing cod paN 'chang ba che/____/dpal ldan karma pa la gsol ba 'debs/____/de bzhin gshegs pa kun gyi gsang ba'i mdzod/____/mkha' khyab mkha' yi rdo rje'i bdag nyid can/____/rdzogs pa'i sangs rgyas mi yi gzugs 'dzin pa/____/rang byung rtag pa'i rdo rjer gsol=____/ye shes rgya mtsho che la dbang 'byor zhing /____/phrin las rgya mtshos 'khor ba ma stong bar/____/sems can rgya mtsho yongs su smin par byed/____/lhan skyes bde ba'i rdo rjer=____/gang la gsol 'debs de la der byin rlobs/____/thugs rje thogs med nam mkha'i glog ltar myur/____/mgon po spyan ras gzigs dang dbyer mi byed/____/khyab bdag karma pa la gsol ba 'debs/____/bdag gi sgo gsum dad pa'i zhing sa ru/____/dpal ldan bla ma'i byin brlabs char rgyun 'bebs/____/byang chub sems kyi myu gu smin pa'i rtser/____/bla ma sku bzhi'i 'bras bzang smin par shog__/tshe rabs kun tu dpal ldan karma pa'i/____/zhabs sen rdul bral pad+ma dkar po de/____/tshangs gnas 'khor lo'i rgyan du thob pa dang /____/ye shes dgongs brgyud 'pho ba'i dbang bskur stsol/____/gang gi gsang gsum yid la byed pa'i mthus/____/bdag rgyud smin cing grol ba'i dpal thob nas/____/phrin las mi zad nam mkha'i rjes 'gro bas/____/bstan 'gro'i don chen 'grub pa'i bkra shis shog__/ces pa'ang a mkhar mchog sprul thub bstan 'jam dpal rdo rjes 'di ltar bris shig ces gsungs gis bskul bas 'jam dbyangs blo gros rgya mtshos dad mos kyi ge sar 'dzum pa las byung ba 'dis kyang tshe rabs kun tu bla ma gangs ri'i mgon po pad dkar 'chang bas rjes su 'dzin pa'i rgyur gyur cig__/sarba ar+tha sid+d+hi rastu/__mang+ga laM//____//__ oM swasti/__dus gsum rgyal ba ma lus 'dus pa'i dngos/____/rigs kun khyab bdag 'jam mgon sprul pa'i sku/____/karma dpal ldan mkhyen brtse'i 'od zer la/____/snying nas gsol 'debs bdag rgyud byin gyis rlobs/____/nges 'byung byang sems rgyud la skye ba dang /____/thugs rgyud dgongs pa'i byin chen 'pho ba las/____/rang rig gnyug ma phyag rgya chen po yi/____/rtogs pa yang dag ji bzhin 'khrungs par shog__/'di phyi bar do'i gnas skabs thams cad du/____/'jam mgon yid bzhin nor bus rjes bzung nas/____/gsang ba gsum dang dbyer med gyur nas kyang /____/rang gzhan don gnyis lhun gyis grub par shog__/lha steng dz+nyA na mchog sprul gyis bskul ngor/__chos kyi blo gros pas bris//____//__



zur mang drung rin po che'i skyes phreng gsol 'debs mos gus rgya mtsho'i rlabs phreng zhes bya ba bzhugs so/____/oM swasti/__dga' ldan lha brgya'i bdag po mchog gyur pa/____/byams pa chen po byams chen 'gro ba'i mgon/____/chos kyi rgyal tshab rgyal sras chen po ni/____/ma 'ongs sangs rgyas de la gsol ba 'debs/____/rgyal rigs las 'khrungs dgyes rdor grub pa brnyes/____/rnal 'byor dbang phyug chen po'i spyod pa yis/____/phyogs las rnam rgyal rdzu 'phrul stag la chib/____/Dom+b+hi he ru ka la gsol=____/'od gsal rdo rje rtse mo'i khang bzang du/____/rig 'dzin grub pa chen po'i skur bzhengs te/____/theg mchog bstan pa nyin mor byed pa'i mgon/____/shrI sing ha'i zhabs la=____/o rgyan rin pos byin brlabs thugs kyi sras/____/sdig spyod rgyal po rdo rje'i mda' yis 'big__/phyag na rdo rje mi yi brdzur zhugs pa/____/dpal gyi rdo rje'i zhabs la=____/rlung sems gnyis med rtogs pa mngon du gyur/____/'khor 'das chos kun rang grol phyag rgya cher/____/nam yang mi 'da' gru gu ras pa zhes/____/grub pa'i dbang phyug chen por=____/bla ma mchog bsten zab mo'i gdams pa thob/____/ji bzhin nyams blangs snang ba chos skur 'char/____/rang sems skye med chos sku mngon gyur pa/____/lho pa sgom chung zhabs la=____/myos kyi rigs las 'khrungs pa'i rgyal ba'i sras/____/mdo sngags mkhyen rab dgongs pa'i rtsal chen rdzogs/____/mkhas grub rgya mtsho'i gtsug na rab mtho ba/____/mthing ma sangs rgyas grags la=____/sgrub brgyud grub chen blo gros rin chen gyi/____/thugs sras nges don rtogs pa'i bka' babs che/____/bsgom med chos sku'i rgyal sa rab brnyes pa/____/kun dga' rgyal mtshan zhabs la=____/tsher lung gnas su sgrub pa'i rgyal mtshan btsug__/ma hA kA las dgyes zhal yang yang bstan/____/mthu stobs nus pa rgya mtsho'i mnga' bdag mchog__/kun dga' bzang po'i zhabs la=____/phyi ru nyan thos spyod pa rab bskyangs shing /____/nang du byang chub sems gnyis thugs la 'byongs/____/gsang ba 'khor 'das chos kun dbu mar sdom/____/kun dga' 'od zer zhabs=____/rab 'byams shes bya'i chos kun sa ler gzigs/____/rtsa rlung thig le'i dwangs ma g.yo med 'ching /____/'khor lo sdom pa grub pa'i khyu mchog che/____/kun dga' rnam rgyal zhabs la=____/sgrub brgyud rgya mtsho'i dbus na rab mtho zhing /____/thos bsam sgom pa'i mthar son de nyid brnyes/____/yang dag ye shes grub pa'i phul byung ba/____/bstan pa rnam rgyal zhabs la=____/bka' bzhi brgyud pa'i chu klung ji snyed pa/____/thugs mtshor bskyil nas gdul bya smin mdzad cing /____/sa dang lam gyi mngon rtags mthon por gshegs/____/bstan 'dzin chos kyi rgya mtshor=____/snyan brgyud gdams pa'i gter la dbang 'byor zhing /____/grub gnyis nor bu'i rgyal mtshan bsgrengs mdzad pa/____/skal ldan sku bzhi'i lam bzang bkri ba'i gnyen/____/'jam dpal chos kyi rgya mtshor=____/karma bka' brgyud bstan 'dzin bye ba'i phul/____/zab gsang grub pa'i lam rtags mngon du gyur/____/gzhan phan phrin las rtsal shugs rab 'chang ba/____/'gyur med bstan 'phel zhabs la=____/karma pa yi thugs kyi sras su gyur/____/nges don bden pa ji bzhin gzigs pa'i spyan/____/chos kyi dbang phyug snyan brgyud smin grol spel/____/bstan pa mtha' rgyas zhabs la=____/'jam dbyangs bla ma'i thugs kyi sras gcig pu/____/mkhas dang grub pa'i khyu mchog rlabs po che/____/karma snyan brgyud bstan pa'i srog 'dzin pa/____/chos kyi nyin byed zhabs la=____/rnal 'byor dbang phyug kun dga' legs pa sogs/____/gsar rnying mkhas grub skye ba'i zlos gar du/____/sngon gnas rjes su dran pa'i thugs mnga' ba/____/khyab bdag dpal ldan bla mar gsol ba 'debs/____/rgyal sras snying rje'i zla ba chen po ni/____/byang chub rigs kyi nus pa yongs su rgyas/____/theg chen rgyal ba'i lam bzang bsten mkhas pa/____/karma phrin las kun khyab zhabs brtan gsol/____/de ltar rtsa brgyud bla ma'i tshogs rnams la/____/gus pas phyag 'tshal mchod 'bul sdig ltung bshags/____/dge la yi rangs chos 'khor bskor bar bskul/____/mya ngan mi 'da' bzhugs gsol dge tshogs bsngo/____/'gro tshogs nam mkha'i pha mthar gtug pa rnams/____/sgrib sbyang tshogs rdzogs sku bzhi'i go 'phang thob/____/bdag gzhan deng nas byang chub snying po'i bar/____/dpal ldan bla mas 'bral med rjes 'dzin shog__/ces pa'ang bslab gsum mdzod 'chang karma 'od gsal lhun grub kyi gsung bskul ngor 'jam dbyangs chos kyi blo gros pas bris pa bla ma'i byin rlabs snying la sim pa'i rgyur gyur cig__/sarba dA mang+ga laM//____//__ sgrub brtson bla ma dam pa 'gyur med phun tshogs kyi gsol 'debs bzhugs so/____/na mo gu ru/__rang rig don dam 'od gsal 'pho 'gyur bral/____/kun rdzob snang cha 'gags pa med pa las/____/gang 'dul thugs rjes gzugs kyi skur sprul pa/____/dpal ldan bla ma'i zhabs la gsol ba 'debs/____/'gyur med rdo rje'i bstan pa gsal ba'i gnyen/____/thos bsam sgom pa'i yon tan rtsal rdzogs shing /____/mkhas btsun grub pa'i yon tan zla med pa/____/'dren mchog bla ma'i zhabs la=____/rang don chos skur rtogs pa'i rgyal sa zin/____/gzhan don byang chub sems kyi phrin las ni/____/nam mkha' ji srid bar du rgyun mi chad/____/'gro don pha mtha' yas la=____/mi phyed gus pas gsol ba btab pa'i mthus/____/bla ma mchog gi thugs kyis rjes bzung nas/____/chos min bsam sbyor mtha' dag 'gogs pa dang /____/bla ma'i byin brlab rgyud la 'jug par shog__/ces pa'ang lha bris bla ma tshe mgon nas bskul ngor 'jam dbyangs chos kyi blo gros pas smras rim bzhin yi ge'i byed po dge bsnyen tshe ring dbang gi rgyal pos so//____//__


@#/____/bde gshegs kun mkhyen dol po sangs rgyas kyi rnam thar dang mthun pa'i gsol 'debs nges don byin rlabs char 'bebs zhes bya ba bzhugs so/____/ bla ma dang mgon po 'jam pa'i dbyangs la phyag 'tshal lo/____/shes bya kun la gzigs pa'i bcom ldan 'das/____/don gnyis lhun grub 'gro ba'i bla ma mchog__/rkang gnyis gtso bo gser gyi mdog ldan pa/____/thub dbang nyi ma'i gnyen la phyag 'tshal lo/____/kun mkhyen ye shes rtag pa dam pa'i gzugs/____/dol bo grub pa'i tshal du snang ba na/____/shes rab mchog gi nges don bstan pa yi/____/rgyal mtshan bsgrengs mdzad mchog la gsol ba 'debs/____/gang gis 'khor tshogs dbus na mi yi gtso/____/li tsA bi zhes grags pa'i rigs can des/____/rgyal gsung chos kyi phung po mdzod 'dzin pa/____/shAkya'i sras kyi thu bor gsol ba 'debs=____/'phags bod mkhas grub du ma'i skye ba bzhes/____/khyad par klu sgrub gnyis pa 'bri gung pa/____/rin chen dpal zhes grags pa'i ba dan bsgrengs/____/sgrub brgyud mgon du gyur la gsol ba=____/rnga bo che dang sprin chen mdo dag las/____/lo tsA bi zhes gzhon nu mthong na dga'/____/ma 'ongs ka yo ri yi rgyud du ni/____/ston pa nga yi mtshan dang ldan pa yi/____/dge slong chos kyi rnga chen sgrogs 'gyur ces/____/rgyal bas lung bstan thob la=____/'phags pa spyan ras gzigs kyi rnam par 'phrul/____/rigs ldan pad+ma dkar po'i sprul pa'i sku/____/dus gsum sangs rgyas thams cad 'dus pa'i dngos/____/kun mkhyen chos rje'i zhabs la=____/mnga' ris dol po ban tshang sum mdo ru/____/nam ston ye dbang tshul rgyan zhes pa yi/____/sras su chu 'brug sku bltams ltas mang mnga'/____/dol po sangs rgyas zhabs la=____/byis pa'i dus nas yi ge drug ma gsungs/____/skyi steng pa las 'jam dpal dbang chen dang /____/byang chub seng+ger snga 'gyur chos skor gsan/____/byis pa'i spyod las 'das la=____/mkhan po bcu gsum tshul khrims snying po las/____/rab byung shes rab rgyal mtshan mtshan gsol zhing /____/phar tshad chos mngon spyod 'jug la sogs pa/____/dus cig thugs su chub la=____/slob dpon rin yer byams pa'i chos lnga gsan/____/rgyal yum rgyas 'bring bsdus gsum thugs la mkhyen/____/gzhan la 'chad cing mkhas rnams mgu ba bskyed/____/spobs pa'i gter sgo 'byed la=____/skyi ston grags rgyal nam legs kun spangs sogs/____/yongs 'dzin bshes gnyen bcu phrag gsum lhag las/____/mdo dang sngags kyi chos tshul rgya mtsho gsan/____/kun mkhyen chen por grags la=____/sa skyar rnam nges la sogs gzhung chen gyi/____/legs bshad sgrogs shing dbus gtsang grwa bskor byon/____/lha mi thams cad ngo mtshar gtam mang sgrogs/____/mkhas pa'i gtsug rgyan mchog la=____/mtshur phur kun mkhyen rang byung rdo rjes kyang /____/rig pas pham par ma nus ma 'ongs par/____/gzhan stong grub mtha' 'dzin par 'gyur ro zhes/____/lung bstan bsngags pa brjod la=____/bya rgod gshongs dang khro phu la sogs par/____/rten mchog rnams la gsol 'debs smon lam mdzad/____/nyer bzhi mkhan chen bsod nams grags pa las/____/bsnyen par rdzogs pa mdzad la=____/bcas rang nyes pa'i dri mas ma gos shing /____/sdom pa'i tshul las nam yang mi 'da' bar/____/brtan mkhas phan 'dogs yon tan rang bzhin gyi/____/btsun pa'i mchog gyur khyod la phyag 'tshal lo/____/dung lung gnas su dgyes pa rdo rje yis/____/sgrub mchod mdzad tshe bum chu khol ba dang /____/yi dam lha tshogs mang po'i zhal gzigs shing /____/byang chub sems gnyis 'byongs la gsol ba 'debs/____/yon tan rgya mtshor dpal ldan dus 'khor lo'i/____/dbang rgyud gdams gsan thugs dam snying por mdzad/____/sbyor drug lam rtags ji bzhin mngon du brnyes/____/grub pa'i khyu mchog chen por gsol=____/bla mas bskul nas jo nang gnas mchog tu/____/tshogs chos gsungs shing jo shAg rnam gnyis drung /____/mchod cing gsol btab 'gro don 'phel lung thob/____/thos bsam sgrub pa mdzad la=____/bzang ldan chos khrir mnga' gsol yon tan pa'i/____/rgyal tshab dam par dbang bskur gdul bya bskyangs/____/pad 'byung rgyal chen sde bzhi bskor ba byon/____/mchod rten lung bstan mdzad la=____/lhun po bzhengs pas rgya mtsho rdol ba snyam/____/gsungs nas snying po mdo bcu la sogs pa/____/rang bzhin thun min rtsal du bton nas gsungs/____/shing rta'i lam srol 'dren la=____/bzang ldan gong mar bsags pa'i sa rdo las/____/srog shing mda' bzhin nam mkhar 'phags nas song /____/gas grum med pa bzang ldan 'og mar zug__/skye 'gro dga' ba bskyed la=____/rta lo sa yi cho ga mdzad pa na/____/mkha' la 'ja' 'od 'khyil pa'i gur khyim du/____/dpal chen rta mgrin dgyes pa'i rang zhal ston/____/phan yon rgya cher bsngags la=____/mchod rten brtsegs pa rnams la ting nge 'dzin/____/ngang gis skye zhing mnyam bzhag bogs 'don gyur/____/sa phyogs srog chags ljags mchil gtor bas zhing /____/mthun rkyen 'bad med gyur la=____/ring bsrel rnam lngas rten mchog phyur bur gtams/____/gu ru pad+mas srog shing dngos su 'dzugs/____/de las 'od 'phros lha rnams sgra chen sgrogs/____/lha khang brgya brgyad bskrun la=____/mchod rten khal bstod thugs dam bzhugs pa dang /____/chos ston pa ste dus gcig sku'i snang ba/____/mtshan mar gsal bas mngon par shes pas gzigs/____/kun mkhyen sgyu ma chen mor=____/mchod rten chu skyobs lha yi spos dri ldang /____/gsum dang brgyad sogs sprul bsgyur sna tshogs ston/____/dbang bskur tshe na me tog char chen babs/__kun kyang dad mos rgyas la=____/lha 'dres srung ba'i lcags zam gnyan po yang /____/bka' shog dang bcas 'dren pas tshegs med gyur/____/gzhal yas khang gi thog phub gdugs la sogs/____/rdzu 'phrul chen pos bzhengs la=____/bca' lung chu thon rlung char gnod pa sogs/____/bden stobs brjod pas zhi shing brag gzar ngos/____/rdzu 'phrul gyis bsgrod mchod rten mang du bzhengs/____/yi dam zhal gzigs mchog la=____/phyogs bzhi dag nas rten mchog mtha' yas pa/____/byon rnams sku 'bum chen mor legs bzhugs nas/____/rab gnas mdzad tshe phyogs bcu'i sangs rgyas dang /____/zhi khro'i lha tshogs thim la=____/mchod rten 'od kyis 'dzam gling khyab pa dang /____/'phags pa klu sgrub byon pa mthong ba sogs/____/las can rnams kyis dag snang dpag med mjal/____/lha yis me tog 'thor la=____/o rgyan pad+mas mi 'gyur srog shing btsugs/____/ka chen rnams kyang rgyal chen sde bzhis bkod/____/dpa' bo mkha' 'gros 'khrul dang 'dra ba'i gdugs/____/zhes sogs bstod pa mdzad la=____/ngos rer khru tshad nyis brgya bco lnga pa'i/____/mchod rten dpal yon can zhes rab grags pa/____/'dzam bu gling gi mchod sdong gcig pur gyur/____/smon lam mthu las grub la=____/mdo rgyud nges gsang chos kyi gter chen rdol/____/drang nges gnyis kyis gshags ral chen po mdzad/____/bde gshegs bstan pa'i bka' bsdu bzhi pa yi/____/seng ge'i sgra chen sgrogs la=____/mkhas pa'i tshogs nang thal 'gyur lung rig gidon dam gzhan stong rnga bo che brdungs pas/____/thams cad gus btud phyogs las rnam par rgyal/____/kun mkhyen ston pa bzhi ldan la phyag 'tshal/____/byams mgon gnyis pa rin chen grub chen pos/____/rmi lam bzung nas dpal yon mjal ba'i tshe/____/kun mkhyen chen pos phaT sgra sgrogs pa dang /____/mnal lam sad par mdzad la gsol ba 'debs/____/kun mkhyen rje nyid bu ston bzhugs pa dang /____/nyer byon rin chen grub kyis rten 'brel brtags/____/lung bstan mdo snyed rtsod pa'i spros bskyungs zhes/____/'jig rten snyan par bsgrags la gsol=____/dmigs med snying rje chen po rtag tu 'chang /____/bar do'i 'gro rnams thar pa'i lam la 'god/____/'chi nad drag pos btab pa tshe bsrings shing /____/sems can dpag med sgrol la=____/chos nyid 'od gsal dag pa chen po yi/____/sangs rgyas zhing khams grangs med gzigs pa dang /____/spyan ras gzigs dang mi dang mi lab bzhin/____/rtag tu byin brlab mdzad la=____/nges don bde bar gshegs pa'i snying po ni/____/gsal bar ston pa'i bstan bcos rgyal cher mdzad/____/mkhas grub slob tshogs rgyu skar bzhin du bkra/____/'jig rten bde bar mdzad la=____/phyag mchod thugs dam mdzad res rigs gsum dang /____/sgrol ma sman bla byams pa mgon po rnams/____/res mos byon shing pad 'byung mkha' 'gro'i tshogs/____/byon nas shis brjod mdzad la=____/mchod rten chen por 'brel tshad bde chen zhing /____/skye ba'i mtshan ma brnyes shing spun gsum du/____/jo bo chen po rab tu gnas pa'i tshe/____/bkra shis mtshan rtags snang la=____/mkhas pa rgya mtsho'i 'byung gnas khyod gcig pu/____/grub rigs rgya mtsho'i dbus na lham me ba/____/srid gsum 'gran zla bral ba chos kyi rje/____/chos kyi rgyal po'i zhabs la=____/las can snang ngor thugs rje chen por mthong /____/sku las 'od 'phros sems can rnams la phog__/spyan ras gzigs gyur chos rje'i sku la thim/____/ngo mtshar cho 'phrul ston la=____/skyor mo lung nas jo bor mchod 'bul tshe/____/lha sa'i khyams sogs me tog sil ma bab/____/skal bzang rnams la dbang khrid gdams pa yis/____/kun kyang grol bar mdzad la=____/tsi na'i rgyal po la sogs che rgu yi/____/dngos po'i skyes stobs gus pas bsnyen bkur kyang /____/khengs dregs mi mnga' mu ge 'byung ba'i dus/____/sbyin gtong dka' thub mdzad la=____/ma rungs dmag gi sku la brdo ba na/____/mtshon chas gnod par ma gyur byams pas btul/____/gdon gyis gtses par spring yig brjod pas gyer/____/mthu chen rgyal sras dpa' bor=____/dbang gi ye shes 'bebs pas dud 'gro la/____/byin zhugs gyur na gzhan la lta ci smos/____/dus skabs gcig las dam por 'debs pa yang /____/stong dang brgyad brgyar byung la=____/lcags glang smal po zla ba'i dkar phyogs kyi/____/dga' ba gnyis pa'i mtshan mo'i thun dang por/____/chos dbyings 'od gsal chen por zhugs pa dang /____/rjes 'jug byin gyis rlobs la=____/zla ba bdud rtsi steng phyur gtsug tor 'phags/____/gsang ba sbubs nub phyi nang rten 'brel gyis/____/chu klung chen po gyen du logs la sogs/____/ya mtshan ltas mang byung la=____/'jig rten mig gcig bde chen zhing du gshegs/____/sangs rgyas byang sems tshogs dang bsgro ba mdzad/____/sku gdung ring bsrel dad pa'i rten bzhag nas/____/tshogs gnyis rgya mtsho spel la=____/slar yang grub thob brtson 'grus bzang po sogs/____/gang 'dul sprul pa'i rnam rol mtha' yas pas/____/'gro ba smin grol bstan pa rgyas par mdzad/____/thugs bskyed bsam yas khyed la gsol ba 'debs/____/de ltar gsol btab dus gsum dge ba'i tshogs/____/lus dang longs spyod bcas pa yongs 'bul na/____/kun mkhyen ye shes spyan ldan khyed nyid kyis/____/dngos su bzhes nas byin gyis brlab par mdzod/____/sangs rgyas kun gyi bsgrod pa gcig pa'i lam/____/sku gsum lhun grub bde gshegs snying po la/____/ma rtog log rtog phyogs tsam nyid rtogs dang /____/yang dag ma rtogs mun pa bsal du gsol/____/'jam dbyangs byams pa klu sgrub thogs med kyis/____/dgongs pa gcig tu sgrub pa'i chos 'khor lo/____/phyir mi ldog pa'i bstan pa'i srog shing che/____/ma nor ji bzhin 'dzin par byin gyis rlobs/____/rtag chad mtha' grol rang byung snying po'i don/____/rdo rje'i rnal 'byor zab mo mngon sum rtogs/____/mtha' yas gdul bya'i khams kyis dri bsal phyir/____/skyo ngal med pas 'gro ba'i don byed shog__/'jam dpal dbyangs kyi mkhyen rab mtha' yas dang /____/spyan ras gzigs kyi brtse ba'i snying rje'i gter/____/gsang ba'i bdag po'i mthu stobs nus pa rnams/____/ma lus ji bzhin bdag gi mngon byed shog__/mdor na bde gshegs shes rab rgyal mtshan gyi/____/gsang gsum yon tan rgyud la zhugs pa dang /____/phrin las rol mo sa gsum khyab par sgrogs/____/thub bstan snying po phyogs brgyar dar rgyas shog__/shes dang shes bya rab 'byams ro gcig tu/____/gzigs pa sgrib med phyogs las rnam rgyal ba'i/____/mdo sngags bzhed gzhung ma nor phyogs kun khyab/____/bstan pa'i rgyal mtshan stobs kyis sgreng bar shog__/gang gi rnam thar yid la byed pa dang /____/mos gus rgyun mi 'chad pa'i gdung shugs kyis/____/gsol ba snying nas 'debs pa'i gang zag la/____/ye shes gzigs pa'i byin brlab 'jug gyur cig__/ces pa'ang rgyal zla'i tshes brgyad la zung 'jug gdod ma'i shing rta chen po skyabs rje pad+ma bi dza rmi lam du byung ba dang /__khams bye'i chos grwar mkhan chos 'phel dang /__dbu ma gzhan stong chen po'i 'bel gtams byung zhing /__mdun thad bar snang la sku 'dra rgyu gang yin gsal bar ma nges pa smug nag mnyam bzhag tshe bum 'dzin pa'i rtser thugs ka'i thad 'jam dpal dmar ser gzi 'od 'phro ba bzhugs pa la dper byas nas/__nged nas chos 'phel la sems can thams kyi rgyud la 'jam dpal ye shes sems dpa' khyab par bzhugs yod par thal/__sogs kyi rtsod ngag btang ba rmis pas de yi rgyu mtshan du byas te bstan pa ris med pa la dag pa'i snang ba rgyas shing kun mkhyen jo nang pa yab sras la dad pa'i snang ba thob pa 'jam dbyangs blo gros rgya mtshos gsol ba btab pa dge legs su gyur cig__/mang+ga laM//____//__ rje grub mchog tshul khrims bzang por gsol 'debs bzhugs/__oM ma Ni pad+me hU~M/__oM gyi rang bzhin ye shes lnga ldan/____/sangs rgyas sku lnga 'dus pa'i bdag nyid/____/bla ma grub mchog tshul khrims bzang por/____/snying nas gsol 'debs bdag rgyud byin rlobs/____/las ngan sdig sgrib dag par gyur cig__/ma ni snying rjes 'gro ba kun la/____/bu gcig ltar brtse spyan ras gzigs dbang /____/thugs rje chen po tshul khrims bzang por/____/snying nas=____/rigs drug sdug bsngal mtsho las drongs mdzod/____/Ni ni 'khor 'das mnyam pa nyid brdal/____/chos kun du ma ro gcig gzigs pa'i/____/rnal 'byor dbang phyug=____/snying nas=____/chos kun mnyam nyid rtogs par mdzod cig__/pad ni chags med rdul dang bral bar/____/chos kun ma 'dres so sor rtogs pa'i/____/thams cad mkhyen gzigs=____/snying nas=____/so so rang rig mngon gyur mdzod cig__/me ni phrin las 'bad med lhun grub/____/'gro ba'i re 'dod yid bzhin bskang ba/____/dgos 'dod kun 'byung =____/snying nas=____/gdul bya'i re skong lhun gyis grub mdzod/____/hU~M ni gzung 'dzin gnyis med ye shes/____/sgrib bral nam mkha'i dbyings ltar zab pa/____/ji bzhin gzigs pa'i=____/snying nas=____/thugs rgyud dgongs pa'i byin rlabs 'phos mdzod/____/'di nas skye dang tshe rabs kun tu/____/bla ma grub mchog tshul khrim bzang pos/____/rjes bzung rang gzhan don gnyis lhun grub/____/byams dang snying rje 'byong bar byin rlobs/____/bdag bas gzhan gces byang chub sems mchog__/myur du rgyud la skye bar gyur nas/____/'gro ba'i don sgrub byed la mi ngal/____/mgon po khyed dang mtshungs par byin rlobs/____/'gro don mkha' khyab 'byung bar byin rlobs/____/ces pa'ang shing bya sa zla'i tshes 14la 'di'i rig gtad kyi dbang sgrub skabs chos kyi blo gros pas dad cing gus pas gsol ba btab pa sid+d+hi b+ha btu//____//__ gangs can ljongs 'dir bka' drin che ba'i bla ma dam pa rnams rjes su dran pa'i gsol 'debs byin brlab gter mdzod ces bya ba bzhugs so/____/rab 'byams phyogs bcu'i rgyal dang de sras tshogs/____/dgra bcom gtad rab gnas brtan che rnams dang /__'dzam gling rgyan drug rmad byung slob dpon sogs/____/'phags yul paN grub rnams la gsol ba 'debs/____/rtsa gsum rgya mtsho'i ngo bo pad+ma 'byung /____/byang chub sems dpa' mkhan chen zhi ba 'tsho/____/gangs can bka' drin mnyam med khri srong rje/____/bstan pa'i srol 'byed gsum la=____/bi ma thon mi srong btsan bai ro dang /____/rma gnyags ka cog rgyal sras mchog grub rgyal/____/mtsho rgyal nam snying la sogs rje 'bangs la/____/bka' drin dran pa'i ngang nas=____/mnga' bdag khri ral dpal ldan mar me mdzad/____/rin bzang ye shes 'od dang 'brom ston pa/____/dgongs pa rab gsal klu mes nag tsho dang /____/rngog lo chen po'i zhabs la=____/'brog mi khug lhas brtse chen kun dga' snying /____/chos kyi blo gros khyung po rnal 'byor dang /____/smri ti dz+nyA na shAkya shrI ri sogs/____/bstan pa'i mnga' bdag rnams la=____/so zur gnub nyang dam gtsang byams gsum dang /____/sangs rgyas bla ma chos dbang rgod ldem rje/____/gling pa nus ldan la sogs gter brgyud tshogs/____/bka' gter rig 'dzin rnams la=____/mi la ras dang ras chung rdo rje grags/____/grags pa rgyal mtshan rgyal ba yang dgon pa/____/rgod tshang pa dang brtson 'grus bzang po sogs/____/grub pa'i dbang phyug rnams la=____/dri med 'od zer bu ston rin chen grub/____/chos rje dol po bla ma dam pa dang /____/rgyal sras thogs med kun dga' bzang po sogs/____/zla bral bstan 'dzin rnams la=____/chos kyi bzang po sa skya paN+Di ta/____/kun mkhyen g.yag ston shes bya kun rig dang /____/gzhon nu blo gros blo bzang grags pa sogs/____/rig pa'i 'byung gnas rnams la=____/chos rgyal 'phags dang byang sems karma pa/____/phag gru zhang dang blo bzang rgya mtsho sogs/____/gangs can bstan 'gro'i bde skyid spel mdzad pa'i/____/sems dpa' chen po rnams la=____/'gos lo gzhon nu dpal dang pad+ma dbang /____/blo gsal rgya mtsho 'jam mgon gnas gsar ba/____/mkhyen brtse'i dbang po blo gros mtha' yas sogs/____/ris med bstan 'dzin rnams la gsol ba 'debs/____/de ltar mi phyed gus pas gsol btab mthus/____/dam pa rnams kyis byin brlab 'jug pa dang /____/bdag gzhan 'gro ba'i sgrib gnyis kun byang nas/____/rdo rje 'chang gi go 'phang myur thob shog__/bstan 'dzin mchog rnams zhabs pad bskal brgyar brtan/____/bshad dang sgrub pa'i bstan pa sa steng khyab/____/skal bzang rdzogs ldan gsar pa'i dga' ston che/____/nub med yun ring rtag tu 'char gyur cig__/ces pa'ang 'jam dbyangs chos kyi blo gros pas rang gi kha bton bsnyel gsos su bris shing rtse gcig gsol ba btab pa dge legs su gyur cig__/__//__ bla ma rtsa gsum spyi dang khyad par dran pas gdung sel thar rtse mkhan chen rdo rje 'chang mched gnyis dang /__mkhyen brtse'i dbang por gsol 'debs mos gus kyi gzer chen zhes bya ba bzhugs so/____/oM swasti/__bcom ldan shAka thub nye sras gnas brtan che/____/rgya bod mkhas grub rig 'dzin tshogs rnams kyis/____/byin rlabs pad+ma dkar po char du bsnyil/____/dus gsum kun tu bkra shis rgyal gyur cig__/dgongs brda snyan brgyud rig 'dzin bla ma dang /____/yi dam zhi khro gnas gsum DA ki'i tshogs/____/dam can chos skyong nor lha gter gzhi bdag__/deng 'dir bdag cag rnams la dgongs par mdzod/____/dmigs med byamaXs paX snying rje'i mnga' bdag che/____/kunaX bzang rdo rje 'chang chen he badz+ra/____/rab tu dga'aX ba'i gang bsgyur 'khor lo sdom/____/dbyer med bstanaX 'dziXn rdo rjer gsol ba 'debs/____/byamaXs paX chen pos 'gro la bu bzhin dgongs/____/mthu stobs rnalaX 'byoraX phul byung grub pa'i rje/____/kun rmongs zhe sdang tha ba 'jaXm pa'i dpaXl/____/bzaXng poX'i mchog gyur bla mar gsol ba 'debs/____/'jaXm dpal dbyangaXs kyi ye shes sgyu ma'i 'phrul/____/mkhyenaX dang brtse baX'i dbaXng poX bka' babs bdun/____/ngo mtshar shing rta 'dren mdzad bstan pa'i bdag__/'od gsal sprul pa'i rdo rjer gsol ba 'debs/____/de ltar snying nas gsol ba btab pa la/____/'dren mchog yab sras rnams kyi thugs rjes gzigs/____/bu la skyid sdug legs nyes ci byung yang /____/bla ma yab sras tshogs la blo gtad na/____/nges par mkhyen brtse'i spyan gyis btsa' ba dang /____/byams pa'i phyag gis nam yang mi gtong bar/____/'di phyi bar do kun tu bskyab tu gsol/____/da ni lnga brgya'i mtha' ma yang mthar lhung /____/sangs rgyas bstan pa nub rir gzhol la nye/____/sdig spyod kla klos sa steng thams cad khyab/____/skye 'gro thams cad sdug la gtod dus 'dir/____/bla ma yab sras thugs rje mthu stobs kyi/____/rtsal shugs phyungs la dus kyi rgud pa bzlog__/bstan pa'i gegs chags ma lus bsal ba dang /____/chos skyong rgyal po'i chab srid yun brtan mdzod/____/skye 'gro pho mo'i shes rgyud bgegs kyis brlams/____/bstan 'gro'i bde skyid 'phrog par byed pa rnams/____/myur du zhi nas byams pa'i sems ldan zhing /____/phan tshun pha ma lta bur 'gyur bar mdzod/____/bdag cag rnams kyang chos mthun bsam sbyor tshogs/____/'bad med 'grub cing lha min 'byung po yi/____/gnod 'tshes mi tshugs phyogs las rnam par rgyal/____/nad dang gdon zhi tshe mthar phyin par mdzod/____/sde bzhi dge bcu'i sman ljongs nyams dga' bar/____/bkra shis lha ri rtse mo'i dgon pa ru/____/kun mkhyen bla ma'i chos kyi pho brang der/____/phag phebs bkra shis dge legs rgyas par mdzod/____/de ltar gsol ba btab bzhin 'grub pa la/____/sangs rgyas byang sems nyan rang la sogs dang /____/khyad par rtsa gsum kun 'dus o rgyan rjes/____/bden pa'i rgyab skyor bden don mngon sum du/____/myur du 'grub par byin gyis brlab tu gsol/____/ces pa'ang khyi zla gnyis pa'i tshes nyer dgu la dad pa'i shugs kyis 'bras ljongs DA ki 'du ba'i grong khyer du kun dga' phrin las rgya mtshos bris pa'o//____//__ 'jam mgon rdo rje 'chang la gsol ba 'debs pa thugs rje myur 'jug gi gdung dbyangs zhes bya ba bzhugs so/____/kun khyab srid zhi'i dbang phyug rnam snang mdzad/____/dkyil 'khor rgya mtsho spro dang bsdu ba'i mgon/____/rgyud kun bdag po rigs lnga'i spyi dpal cher/____/dpal ldan bla ma dang po'i sangs rgyas 'dud/____/rdo rje chos dang kun dga' bo la sogs/____/'phags pa'i yul dang bsil ldan ljongs kun tu/____/sangs rgyas bstan pa rgyas par mdzad pa yi/____/skye ba'i phreng ba ngo mtshar brgyud la 'dud/____/khyad par snyigs dus lnga brgya tha ma pa'i/____/gdul dka'i 'gro rnams yongs su skyobs pa'i slad/____/bai ro tsa na'i ye shes sprul pa'i sku/____/'chi med bstan gnyis g.yung drung gling par 'dud/____/bden gsum rgyal ba'i mdo dang pad 'byung rje'i/____/bka' gter lung gis yang yang bsngags pa bzhin/____/'gran zla kun bral gsang bdag mir snang ba/____/bloX grosaX mthaX' yaXs zhabs la gus pas 'dud/____/skyes sbyangs yon tan rigs gsum mgon dang mtshungs/____/mkhyen brtse nus pa pha mtha' yas pa'i gter/____/'chad rtsom bka' babs mdo sngags bstan pa gsal/____/mtshungs zla ma mchis 'jam mgon bla mar 'dud/____/khyod gsung tshigs su bcad pa'i phreng ba res/____/mkhas pa'i yi ga rang dbang med pa 'phrog__/legs bshad zla bral sngon chad ma byung ba'i/____/gsung rab rin chen sgrom gyis mdzod dbyer 'dud/____/bstan pa'i 'od snang nub rir phyogs pa'i tshe/____/bka' gter mdzod lnga'i bsdu ba chen po la/____/bla ma yi dam mkha' 'gros lung bstan bzhin/____/zab rgyas chos kyi sdud por gus pas 'dud/____/shing rta brgyad dang bka' chen bcu la sogs/____/gangs ljongs chos kyi tshul lugs ji snyed pa/____/gcig tu 'dren pa'i shing rta chen po ni/____/'dzam gling mdzes pa'i rgyan du gyur la 'dud/____/pad+mA ka ras sngon med zab gsang byin/____/rtsa gsum 'dus pa'i chos mdzod chen po sogs/____/ngo mtshar byin brlab rgya mtsho'i sprin 'phro ba'i/____/zab gsang gter gyi sgo 'phar dbye la 'dud/____/pad+mas rjes bzung pad+ma gar gyi dbang /____/phrin las rab 'byams 'gro ba 'dul ba'i mgon/____/phyag rjes zla bral sangs rgyas sprul pa'i sku/____/'jam mgon bla ma'i zhabs la gus pas 'dud/____/yon tan rgya mtsho zad mi shes pa'i gter/____/shes bya kun mkhyen dus gsum sa ler gzigs/____/rtsod bral mkhas grub rgyu skar bye ba'i dbus/____/zla ba ltar gsal bla ma rje la 'dud/____/sa bcu lam lnga'i bgrod pa mthar son cing /____/byang chub chen po mngon du mdzad na'ang /____/tshur mthong dge ba'i bshes kyis rnam rol nas/____/bdag dang bdag 'dra'i dpal mgon mdzad la 'dud/____/mdor na sangs rgyas byang sems ji snyed dang /____/yon tan mnyam zhing mdzad pa phrin las mnyam/____/de 'dra'i dpal ldan bla ma rdo rje 'chang /____/de la sgo gsum gus pas phyag bgyi'o/____/mchod pa rnam mang kun bzang sprin chen bres/____/sdig ltung nyams chags stobs bzhis gang gis khrus/____/skye 'phags dge ba kun la bdag yid spro/____/zab rgyas chos 'khor rgyun chad med ston gsol/____/mya ngan 'da' bzhed rtag par bzhugs gsol 'debs/____/dus gsum dge bsags bla med byang chub bsngo/____/'gro rnams mi gnas mya ngan 'das thob cing /____/rgyal ba'i phrin las rgya mtshor dbang 'byor shog__/bdag ni tshe rabs kun tu 'jam mgon rje'i/____/zhabs mthil tshangs gnas rgyan du bkod pa dang /____/gsung gi bdud rtsi'i 'tsho zhing sgo gsum gyis/____/don yod rnam bzhis khyod mnyes bgyid par shog__/mi mnyes skad cig tsam yang mi byed cing /____/gdams ngag bdud rtsi'i bdag rgyud legs grol nas/____/mkhyen nus brtse bas 'chad rtsod rtsom pa sogs/____/gzhan phan pha mtha' yas la spyod par shog__/zag pa med pa'i tshul khrims dang ldan zhing /____/ting 'dzin shes rab sgo mo bye ba brgyas/__chos mdzod 'dzin dang spel la mthu ldan nas/____/thub bstan mdo sngags phyogs bcur rgyas par shog__/bdag gi ming thos mthong dang dran pa dang /____/grib mas reg pa'i sems can de rnams kyang /____/dpal ldan bla ma 'jam mgon rin po che'i/____/rjes bzung thar pa'i lam la phyin par shog__/tshe 'di nyid la'ang dngos zhal rmi lam du/____/'jam mgon dgyes pa'i byin rlabs bdud rtsi ni/____/snying la sim pas don gnyis 'bad med du/____/spyod pa'i skal bzang bdag gi thob gyur cig__/mdor na deng nas mgon khyod sangs rgyas bar/____/rtag tu bsnyen zhing mos pa chen po ru/____/mngon 'tshang rgya tshe 'dus pa dang por gyur/____/bde gshegs nyid dang rnam dbyer med gyur cig__/ces pa'ang me byi zla ba'i dus dran mchod pa'i nyin mi phyed pa'i dad pa brtan pos chos kyi blo gros pas gsol ba btab pa 'dis kyang ye shes gzigs pa'i byin rlabs myur du 'jug pa'i rgyur gyur cig/__/__ gter chen mchog gyur gling pa la bstod cing gsol ba 'debs pa bkra shis bil wa'i ljon bzang zhes bya ba bzhugs so/____/na mo gu ru pad+ma kA ra ya/__gzhi rdzogs 'pho 'gyur kun bral chos dbyings mkhar/____/longs spyod lhun grub 'od lnga'i tshom bu bkra/____/thugs rje'i zer ni gang 'dul bsam mi khyab/____/sku gsum ngo bo gter chen bla ma rgyal/__1_/pad+ma 'byung gnas dpal rnams kun gyi mchog__/dpal ldan dang po'i sangs rgyas kun tu 'chang /____/mtha' yas dkyil 'khor spro dang bsdu ba'i dpal/____/dpal ldan bla ma'i zhabs la gsol ba 'debs/__2_/'pho med tshul khrims dga' bzhi'i dri dang ldan/____/gzhan phan byang chub sems kyi thugs rgyud gtams/____/snod bcud dkyil 'khor gsum gyi ngo bor shar/____/rdo rje 'dzin rgyal khyed la=__3_/bka' gter gzhung gdams chu klung 'bum phrag snyed/____/khyed thugs dpal gyi be'ur bskyil ba dang /____/mkhas btsun gsum gyi dbyar rnga'i sgra dbyangs sgrogs/____/blo ldan dga' ba bskyed la=__4_/gsang gsum 'chal ba'i nyes pas mi brdzi btsun/____/bzang po'i phrin las phyogs kyi tha gru khyab/____/mkhyen brtse nus pa'i yon tan bsam las 'das/____/gter chen bla ma'i zhabs la=__5__/kun dang thun min bka' babs rin chen bdun/____/sngon med gsang mdzod zab mo'i sgo 'phar bye/____/pad+ma'i mchog bstan gsal ba'i sgron me che/____/dam 'dzin chos kyi rgyal por=__6_/grol ba rnam bzhi'i phrin las mkha' dang mnyam/____/ji srid 'gro 'di stong bar ma gyur pa/____/de srid rnam rol sprul pa sna tshogs kyis/____/bstan 'gro'i don chen sgrub la=__7_/khyad par pad+mas khebs pa'i zhing khams su/____/sems dpa' pad+ma'i myu gus skur bzhengs te/____/rgyal sras sems dpa'i tshogs dang lhan cig tu/____/theg chen chos sgra sgrogs la=__8_/mchod pa'i sprin 'bul sdig ltung thams cad bshags/____/dge la yi rangs chos 'khor bskor bar bskul/____/mya ngan mi 'da' rtag par bzhugs gsol 'debs/____/dge tshogs ma lus 'gro ba yongs la bsngo/__9_/bdag cag skye dang tshe rabs thams cad du/____/gter chen bla ma mchog dang mi 'bral shing /____/sdom pa rnam dag rim gnyis pha mthar phyin/____/bla ma sku bzhi'i dbang phyug myur 'grub shog__/mchog gter bstan pa 'dzam gling kun tu khyab/____/grub gnyis bye ba'i nor bus gzir 'bar bas/____/phyogs dus gnas skabs kun tu bkra shis shing /____/srid zhi'i dge mtshan g.yas su 'khyil bar shog__/ces pa'ang mdo khams sa yi thig le dpe med rdo rje'i lte ba rtsi rke nor bu gling gi gter chen bla ma'i mchod sdong rin po che'i mdun mngon par gsol ba 'debs pa po ni 'jam dbyangs blo gros rgya mtshos dbo zla'i tshes 17la bris pa sid+d+hir b+ha wa tu/__mang+ga laM//____//pad+ma'i rgyal tshab 'od gsal mdo sngags gling /____/sprul pa'i gter chen mchog gyur bde chen gling /____/'jam mgon 'chi med bstan gnyis g.yung drung gling /____/snying nas gsol 'debs bdag rgyud byin gyis rlobs/____/ces pa'ang chos kyi blo gros pas bris pa'o//____//__ ye shes DA ki bde chen mtsho rgyal gyis/____/byin brlabs shel dkar bza' yi rnam par 'phrul/____/A yu d+harma dI paM la gsol ba 'debs/____/bsam don chos bzhin 'grub par byin gyis rlobs/____/chos kyi blo gros pas so/____/rgya rong mkha' 'gro bde chen dbang mo'i gsol 'debs ni/__na mo gu ru/__ye shes mkha' 'gro man dA ra ba dang /____/dbyings yum bde chen ye shes mtsho rgyal sogs/____/byin rlabs thugs rje'i rang gzugs mkha' 'gro che/____/d+harma tsan+d+ra'i zhabs la gsol ba 'debs/____/las ngan sdig sgrib dag par byin gyis rlobs/____/dam tshig nyams chags nyes ltung thams cad byang /____/ye shes mkha' 'gro'i byin rlabs bdag la zhugs/____/nyams rtogs rig pa'i rtsal kha phyogs med rgyas/____/nad gdon byad phur rbod gtong bzlog pa dang /____/bde chen dbang mos rtag tu rjes bzung zhing /____/mthar thug pad+ma 'od kyi grong khyer du/____/gsang ba ye shes thugs dang dbyer med shog__/ces pa'ang DA ki tshe ring chos sgron nas gsung bskul dor/__chos kyi blo gros pas smon tshig tu bris pa'o//____//__ 'jam mgon rdo rje 'chang la gsol ba 'debs pa thugs rje myur 'jug gi gdung dbyangs zhes bya ba/____/'chi med ye shes sku brnyes pad+ma 'byung /____/deng 'dir slar yang gsang chen rdo rje'i theg__/snang zhing phyogs dus kun tu rgyas mdza?~Xd phyir/____/ye shes lnga ldan sku gsung thugs rdo rje'i/____/bdag nyid can gyi dpal ldan bla ma mchog__/bskal brgyar bzhugs cing bdag sogs 'gro rnams la/____/gzhom med nA da'i chos 'khor rgyun mi chad/____/phabs nas sku bzhi'i sa bon btab mdzad gsol/____/gzhan yang phyi nang bar gcod rab zhi zhing /____/mthun rkyen legs tshogs dbyar gyi chu gter ltar/____/'grib med rtag pa dam pa'i bkra shis shog__/_!_bdag dang mkha' mnyam sems can ma lus kun/____/deng nas bzung ste byang chub ma thob bar/____/dpal ldan bla ma mkhyen brtse'i dbang po yis/____/'bral med rjes bzung byin rlabs dngos grub stsol/____/ces pa'i gsol 'debs 'di dag rang nyid kyis dad pa brtan pa'i phyir dang /__slob mar gyur pa'i tshogs dag kyang dad pa lhag par rgyas shing gsol ba 'debs pa'i rten du/__dus mtha'i bstan pa la phan sems mi chung tsam gyis bsam pa yid la bcag cing /__dam pa de dag gi zhabs rdul spyi bor len zhing /__kun mkhyen bla ma'i byin rlabs kyi mtshan ma cung zad thob pa'i dge sbyong 'jam dbyangs chos kyi blo gros ris med bstan pa'i rgyal mtshan dpal bzang pos gsol ba btab pa sid+d+hi rastu//____//__ skyes rabs gsol 'debs chu zla'i rdzun ris mos ldan dga' byed ces bya ba bzhugs so/____/na mo many+dzu shI ye/__mkha' khyab rgyal ba kun gyi ye shes sku/____/rgyal ba'i yab gcig rje btsun mkhyen pa'i gter/____/rmongs pa'i drwa ba mtha' dag 'dul mdzad pa/____/bcom ldan 'jam pa'i dbyangs la gsol ba 'debs/____/shAkya'i rgyal po'i gsung gi sras kyi mchog__/mi yi mchog gyur li tsA bi zhes grags/____/gzhon nu mthong na dga' ba'i mtshan gyis snyan/____/dri med grags pa'i zhabs la=____/dga' rab dpa' bo'i thugs kyi sras chen po/____/mkhyen rab mtha' yas blo gros chen po'i gter/____/sde gsum klong dgu'i bstan pa'i shing rta che/____/many+dzu mi tra'i zhabs la=____/snang bzhi'i mthar son rig pa 'od skur smin/____/rdo rje'i sku brnyes ri bo rtse lngar bzhugs/____/sprul pas snying po'i bstan pa gsal bar byed/____/bi ma mi tra'i zhabs la=____/bde ba mchog gi grub pa brnyes pa'i phul/____/srid zhi'i chos kun 'khor lo chen por sdom/____/yum sras dang bcas mkha' spyod gnas su gshegs/____/rdo rje dril bu pa la=____/gnas lnga rig pa rgya mtsho'i pha mthar son/____/sngags kyi lam las dngos grub mchog brnyes shing /____/'phags yul mkhas pa du mas phyag byas pa/____/paN chen sgo mtha' yas par=____/'jam dpal dbyangs nyid gangs can rgyal por sprul/____/gtsug lag khang bzhengs mdo sngags bstan pa spel/____/bder 'dus bka' babs thugs bskyed rmad du byung /____/khri srong lde btsan zhabs la=____/chos kyi rgyal po'i rigs su sku 'khrungs shing /____/gu ru'i thugs zin bka' 'dus gnyer du gtad/____/skye ba bcu gsum bstan 'gro'i don chen sgrub/____/rgyal sras lha rje'i zhabs la=____/gnubs kyi rigs las pad+ma'i thugs kyi sras/____/yang dag grub brnyes nyi ma'i zer la chib/____/mnga' bdag tshangs pa'i bla yi mchod gnas mdzad/____/nam mkha'i snying po'i zhabs la=____/slob dpon chen pos rjes bzung thugs kyi sras/____/lang gro lo tsA thog chen mda' ltar 'phen/____/mthu stobs phrin las nus pa'i rtsal 'chang ba/____/dkon mchog 'byung gnas zhabs la=____/mar pa'i thugs sras gtum mo'i bka' babs shing /____/dka' spyad chen pos tshe 'dir mchog dngos grub/____/mtshan thos ngan song 'jigs las rnam grol ba/____/mi la bzhad pa rdo rjer=____/nyang gi rigs las sku 'khrungs zab gter bdag__/mthon mthing ral pa'i cod pan 'chang ba'i rje/____/mkho 'thing la sogs zab gter rgya mtsho 'byin/____/nyi ma 'od zer zhabs la=____/bsil ldan kha ba'i ljongs kyi skye bo rnams/____/nyon mongs sdug bsngal rgyu 'bras las skyobs pa/____/sman pa'i rgyal po mi yi sha tshugs can/____/yon tan mgon po'i zhabs la=____/khri srong sprul pa ngur smrig 'chang ba'i gtso/____/klu sgrub dngos byon sgrub brgyud bstan pa'i bdag__/'gro don 'dzam gling tha grur khyab pa'i rje/____/skyobs pa rin chen zhabs la=____/'khon gyi rigs 'khrungs mkhas btsun bzang po'i phul/____/gdul dka'i 'gro ba mtha' dag 'dul mdzad cing /____/dregs ldan gtsug gi nor bus phyag byas pa/____/chos rgyal 'phags pa'i zhabs la=____/glo bor sku 'khrungs lo tsA mkhas par mkhyen/____/'jam dpal dmar po'i grub pa mthon por gshegs/____/mkhas dang grub pa'i yon tan mtha' yas pa/____/shes rab rin chen zhabs la=____/mtshan mchog gsum ldan 'jam dbyangs sa skya pa/____/bshad sgrub phrin las nam mkha'i mthar khyab cing /____/mkhyen brtse nus pa rgya mtsho'i gter chen po/____/bsod nams rgyal mtshan zhabs la=____/phyi nang gzhung lugs rgya mtsho'i pha mthar son/____/kun tu bzang po'i dgongs pa'i rtsal chen rdzogs/____/'od gsal rdo rje rtse mo'i shing rta che/____/klong chen rab 'byams zhabs la=____/kun mkhyen dol po slar yang sprul pa'i skur/____/bzhengs nas pad+mas rjes bzung bod khams skyong /____/brtul zhugs grub pa yongs kyi gtsug gi rgyan/____/thang stong rgyal po'i zhabs la=____/kun mkhyen kun dga' bzang po'i thugs kyi sras/____/'khor lo sdom pa ngur smrig gar bsgyur zhing /____/byang chub sems gnyis 'byongs pa kun gyi rje/____/dkon mchog rgyal mtshan zhabs la=____/phyi ltar rnam gsum gtsang ma'i gos kyis bklubs/____/nang du byang chub sems kyis thugs rgyud gtams/____/gsang ba rdo rje 'dzin pa'i sa mchog brnyes/____/zhwa lu mkhyen rab chos rjer=____/rat+na gling pa'i thugs gsung byin brlabs sras/____/brgya dang bcu bzhugs zab gter bstan pa skyong /__rig sngags grub pa bstan dang 'gro ba'i mgon/____/tshe dbang grags pa'i zhabs la=____/sa skya paN chen bsam bzhin sprul pa'i sku/__bai ro'i sprul par pad+ma'i lung gis brnyes/____/gnas lnga rig pa sa skya lo tsA zhes/____/'jam pa'i rdo rje'i zhabs la=____/mnga' bdag rgyal po'i yon tan rnam par 'phrul/____/mnga' ris glo bo ma thang sku bltams shing /____/ris med bstan pa rgya mtshor gsan skyong mdzad/____/pad+ma dbang rgyal zhabs la=____/'a zha'i rigs 'khrungs tshar chen thugs sras mchog__/mkhyen rab 'jam dpal dbyangs dang gnyis su med/____/rtsa gsum lhag pa'i lha yis byin gyis brlabs/____/mkhyen brtse'i dbang phyug zhabs la=____/gsang ba'i bdag po gos dkar 'chang bar ston/____/drag sngags bka' babs rig sngags 'chang ba'i rje/____/ma rung gdug pa can rnams 'dul mdzad pa/____/bkra shis stobs rgyal zhabs la=____/bi ma'i sprul pa dag snang 'byams klas shing /____/brtul zhugs grub pa rnams kyi 'khor los sgyur/____/he ru ka dpal lha btsun dpa' bo che/____/nam mkha' 'jigs med zhabs la=____/mdo rgyud rnams las rgyal bas lung gis bsngags/____/byang phyogs skyong ba'i skyobs pa mchog gyur pa/____/'dzam gling rgyan gcig lha mis mchod 'os gyur/____/ngag dbang blo bzungs rgya mtshor=____/'gyur med rdo rje'i sku yi sras su bltams/____/rta mgrin grub brnyes dbang chen gsung gi rigs/____/blo gros chen pos shes bya rab 'byams mkhyen/____/pad+ma 'gyur med rgya mtshor=____/de yi yang srid myos rigs dpa' bo che/____/lhar bcas skye rgus mthong na rab dga' zhing /____/byang chub sems dpa' gzhan la phan pa'i mchog__/tshangs dbyangs rgya mtsho'i zhabs la=____/lang gro'i skye mtha' zab gter bstan pa 'dzin/____/pad+ma drag po'i sku grub sde brgyad 'dul/____/snyigs dus 'byung po 'dul ba'i gshed du gyur/____/klong gsal snying po'i zhabs la=____/theg pa chen po'i rigs mchog yongs su sad/____/rtsa yi mdud grol chos rnams klong nas rdol/____/dgongs gter nam mkha' mdzod la mnga' dbang sgyur/____/'jigs med gling pa'i zhabs la=____/dri med bshes gnyen dge sbyor tshul bstan nas/____/skye ba bdun du bstan 'gro'i don chen sgrub/____/phyir mi ldog pa'i rtags 'chang bzhi pa ni/____/mi 'gyur nam mkha'i rdo rjer=____/ye shes rdo rje'i sku dang kun dga'i gsung /____/dbang mchog thugs sprul blo gsal yon tan dang /____/'jam dpal dbyangs dngos mkhyen brtse'i dbang po yi/____/phrin las rnam 'phrul chen por gsol ba 'debs/____/mkhyen brtse'i dbang po'i phrin las sprul pa'i sku/____/bka' drin gsum ldan khyab bdag 'khor lo'i mgon/____/snyigs ma'i 'gro 'dul mdzad pa bsam mi khyab/____/chos kyi blo gros zhabs la gsol ba 'debs/____/ma 'ongs byang phyogs sa spyod sprul pa'i zhing /____/sham+b+ha la yi pho brang ka la par/____/rig ldan drag po 'khor lo phyag na 'chang /____/rnam par rgyal ba can dang dbyer med shog__/gsol 'debs bu la brtse bas rab dgongs te/____/deng nas bzung ste tshe rabs thams cad du/____/rje btsun bla ma mchog gis rjes bzung zhing /____/rang gzhan don gnyis 'grub par byin gyis rlobs/____/'jam dbyangs bla ma'i zhabs pad yun du brtan/____/bstan dang bstan 'dzin dar zhing rgyas pa dang /____/bod khams dus kyi rgud pa kun zhi nas/____/'jig rten bde dga'i dpal gyis 'byor gyur cig__/ces pa'ang rang gi slob ma rdzong gsar dgon gdong sna bla brang gi mchog gi sprul pa'i sku dam pa'i rnam thar sgrib bral du gsal ba 'jam dbyangs shes rab gzhan phan chos kyi seng ge mchog nas snga rjes nan tan chen pos sngar brtsams bsdus pa zhig yod pa de las rgyas pa zhig cis kyang dgos zhes gsung bskul ngor/__'jam dbyangs chos kyi blo gros pas chu 'brug nag pa zla ba'i dmar phyogs kyi rgyal ba gsum pa'i tshes 25la bris pa 'di'ang don dang ldan par bla ma rgyal ba sras bcas kyis byin gyis brlab tu gsol/____/rang la skye ba dran pa yi/____/rtsal nan brjod pa ma spobs kyang /____/dam pa gong ma'i skyes rabs la/____/gzhi bcol gang shar gang dran bris/____/nyes na sgrib par mi 'gyur zhing /____/bla ma lhar bcas thugs kyis bzod/____/rang bzhin dag pa'i dbyings gcig phyir/____/de tsam nongs pa med dam snyam/____/dge ba cha tsam yod srid na/____/slob mas gtso byas bdag ltos la/____/mos gus rten du 'gyur ba dang /____/byin rlabs dngos grub thob par shog__/sarba mang+ga laM//____//__ 'jam dbyangs bla ma mkhyen brtse'i dbang po ni/____/ngo mtshar bka' babs bdun gyi mnga' bdag mchog__/pad+ma 'od gsal mdo sngags gling pa la/____/mi phyed snying nas gus pas gsol ba 'debs/____/de yi sku gsung thugs dang yon tan gyi/____/phrin las thams cad 'bad med sgrub mdzad pa/____/lo chen rnam snang sprul pas lung thob pa'i/____/blo gros rgya mtsho'i zhabs la gsol ba 'debs/____/'jaXm dpal dbyangaXs kyi dngos grub mchog brnyes pa/____/bka' gter dam pa chosaX kyiX mdzod 'dzin cing /____/bloX groXs chen pos gzhan la ston mdzad pa/____/drin can bla ma'i zhabs la gsol ba 'debs/____/'di nas bzung ste byang chub ma thob bar/____/tshe rabs phreng ba kun tu rjes 'dzin cing /____/sa dang lam gyi yon tan mthar phyin nas/____/bla ma sku bzhi'i go 'phanga?X myur thob shog__/ces pa'ang g.yon ru lha sras 'jam dbyangs bsod nams kyi thugs bzhed ltar chos kyi blo gros pas bris pa'o//____//__ oM swasti/__rgyal kun mkhyen pa'i ye shes gter chen po/____/'jam dbyangs bla ma mkhyen dang brtse ba'i dbang /____/de yi phrin las rnam rol sprul pa'i sku/____/blo gros rgya mtsho'i zhabs la gsol ba 'debs/____/mgon po mchog gi gsang gsum yun du brtan/____/skye dang tshe rabs kun tu rjes bzung nas/____/theg mchog gsung gi bdud rtsis 'tsho ba dang /____/byin rlabs ye shes snying la 'jug par shog__/ces pa 'di yang gtsang ser sgrub gdung sras dpal 'byor lhun grub rin po che dang /__'bras ljongs mkha' spyod sprul sku gnyis nas rten bcas bskul ngor rang nyid kyis smras so//____//__ zab don rtogs pa'i gsol 'debs bzhugs so/____/na mo gu ru/__chos dbyings mkha' la thugs rje'i sprin 'khrigs shing /____/byin rlabs dngos grub sbrang char 'beb mdzad pa/____/mtsho skyes rdo rje mkhyen brtse'i dbang po la/____/mi phyed snying nas gus pas gsol ba 'debs/____/rig 'dzin grub pa yongs kyi gdung 'tshob tu/____/rgyal sras sems dpa' kun tu bzang po yi/____/'odaX gsaXl snyingaX poX'i dgongs pa'i rtsalaX rdzogs pa/____/dpal ldan bla mas bdag rgyud byin gyis rlobs/____/rang sems gdod nas skye med rig pa'i gshis/____/ma bcos ji bzhin bzhag pa'i sgom pa dang /____/spang blang 'dzin rtsol bral ba'i spyod pa yis/____/ka dag chos sku mngon du 'gyur bar shog__/ces pa'ang mkhas grub yongs kyi rje bo bdud 'joms mchog sprul rin po che'i sku sras phrin las nor bu nas gsung bskul ngor/__'jam dbyangs chos kyi blo gros pas bris pa dge/____//__ na mo gu ru/__dus gsum rgyal ba ma lus 'dus pa'i dngos/____/snyigs dus bstan 'gro'i skyabs gcig mkhyen brtse'i dbang /____/mchog gi byin rlabs thugs rje'i rnam par rol/____/'jam dbyangs chos kyi blo gros la gsol ba 'debs/____/bdag sogs 'gro ba'i blo sna chos la bsgyur/____/gnas lugs rang zhal mjal bar byin gyis rlobs/____/phyi rol gzung ba'i yul gyis ma gos shing /____/nang du 'dzin pa'i rtog pas ma bslad par/____/ma bcos rang bab sgom pa'i ngang bskyang bas/____/rang sems chos nyid rjen par 'char bar shog__/'di ni sangs rgyas kun gyi dgongs pa ste/____/thag chod blo bde'i nyams len zab mo yis/____/rang rig sku gsum dgongs pa mngon gyur te/____/'khor ba dong nas sprugs par byin gyis rlobs/____/ces pa'ang ban rmad khang gsar gyi 'tsho mdzad rdo rje tshe ring gis bskul ngor chos kyi blo gros pas so//____//__ skye phreng gsol 'debs u dum wA ra'i phreng ba zhes bya ba bzhugs so/____/oM swasti/__rgyal ba sras dang bcas pa'i ye shes sku/____/phyogs dus mu mtha' med par khyab pa'i bdag__/rang byung dang po'i sangs rgyas bcom ldan 'das/____/mgon po 'jam dpal dbyangs la gsol ba 'debs/____/mkhyen rab dbang phyug 'jam dpal bshes gnyen dang /____/rdo rje'i sku brnyes bi ma la mi tra/____/'khor lo sdom dngos rdo rje dril bu pa/____/paN chen sgo mtha' yas par gsol ba 'debs/____/chos rgyal tshangs pa lha yi me tog dang /____/de yi yang sprul mchog grub rgyal po'i zhabs/____/gter 'byin spyi mes nyang ston nyi ma 'od/____/'bri gung rin chen dpal la gsol ba 'debs/____/rgyal ba'i 'byung gnas klong chen rab 'byams dang /____/'gos lo gzhon nu paN chen dge 'dun grub/____/mkhyen rab chos rje nags kyi rin chen zhabs/____/chos rgyal 'phags pa rnams la gsol ba 'debs/____/grub pa'i gtsug rgyan mi la ras pa dang /____/sman lha dngos snang g.yu thog yon tan mgon/____/bla ma dam pa bsod nams rgyal mtshan dang /____/thang stong rgyal po rnams la gsol ba 'debs/____/mus pa chen po dkon mchog rgyal mtshan dang /____/mnga' ris paN chen gnas gsar mkhyen brtse'i dbang /____/bkra shis stobs rgyal blo bzang rgya mtsho dang /____/rgyal ba tshangs dbyangs rnams la gsol ba 'debs/____/rtsod dus kun mkhyen chen po 'jigs med gling /____/grub pa'i dbang phyug ye shes rdo rje dang /____/dbyer med bka' babs bdun ldan mkhyen brtse'i dbang /____/blo gros rgya mtsho rnams la gsol ba 'debs/____/skye ba 'di bzung byang chub ma thob bar/____/rje btsun bla ma khyed dang mi 'bral zhing /____/gsung gsang gdams pa'i bdud rtsir spyod pa dang /____/rang gzhan don gnyis lhun gyis grub par shog__/ces pa'ang dad ldan thugs bzhed bskang phyir chos kyi blo gros pas bris pa don dang ldan par gyur cig__/sarba mang+ga laM//____//__ bka' babs bdun ldan 'jam dbyangs mkhyen brtse'i dbang /____/pad+ma'i rgyal tshab pad+ma mdo sngags gling /____/'od gsal sprul pa'i rdo rje'i zhabs pad mor/____/snying nas gsol ba 'debs so byin gyis rlobs/____/'ja~Xm dbyanga~Xs bla ma gang de'i rnam par 'phrul/____/blo~X grosa~X rgya~X mtsho~X mdo sngags shing rta che/____/byang chub sems dpa' chosa~X kyi~X blo~X gro~Xs la/____/snying nas gsol 'debs bdag rgyud byin gyis rlobs/____/pa~Xd+ma'i zab gsang bstan pa phyogs bcur spel/____/ye~X shesa~X rdo~X rje~X nyin mo byed pa yi/____/thugs rgyud dgongs pa'i byin rlabs 'pho ba dang /____/bsam don chos bzhin 'grub par byin gyis rlobs/____/zhes pa'ang smyo shul sras mo rig 'dzin lha mos bskul ngor rang nyid kyis smras pa dge'o//____//__ 'jam dbyangs bla ma'i ye shes rnam par 'phrul/____/snyigs dus bstan 'gro skyobs pa'i dpung gnyen mchog__/'jam dbyangs blo gros rgya mtshor gsol ba 'debs/____/gnas lugs rtogs pa skye bar byin gyis rlobs/____/ka dag rig pa chos sku'i rang zhal mthong /____/lhun grub 'od gsal snang ba tshad la phebs/____/gang shar spyod pa ma bcos rang sar grol/____/sku gsum gzhir gnas 'bras bu mngon gyur shog__/ces pa'ang lung rtogs yon tan gyis mngon par mtho ba bla ma chos grags nas gsung bskul ngor chos kyi blo gros pas bris pa dge'o//____//____!__na mo gu ru/__srid zhi'i spyi dpal kun bzang gdod ma'i mgon/____/snyigs dus bdag blo'i mun pa sel ba'i gnyen/____/'jam dbyangs bla ma'i ye shes sgyu 'phrul gar/____/blo gros rgya mtsho'i zhabs la gsol ba 'debs/____/byang chub bar du 'bral med rjes su zungs/____/mos gus gdung shugs drag pos gsol 'debs na/____/rig stong 'od gsal chos sku rtogs pa dang /____/'pho chen 'ja' lus rdo rje'i sku thob shog__/ces pa 'di ni g.yag ze'i tshe dbang 'gyur med nas yang yang bskul ngor/__'jam dbyangs mkhyen brtse'i sprul ming 'dzin pa chos kyi blo gros pas spel ba dge'o//____//____!__'jam dbyangs dgyes pa'i rdo rje'i byin rlabs las/____/dbyangs kyi yan lag chos tshul rgya mtsho'i mdzod/____/blo gros rgya mtsho'i 'byung gnas bla ma la/____/snying nas gsol ba 'debs so byin gyis rlobs/____/ces pa'ang dad ldan gyi slob mas rin gnyis rten dang bcas bskul ba'i ngor rang nyid kyis smras pa sid+d+hi rastu//____//____!__'jam dpal dbyangs dngos khyab bdag mkhyen brtse'i dbang /____/bka' drin mtshungs med chos kyi blo gros la/____/snying nas gsol 'debs bdag rgyud byin gyis rlobs/____/lhan skyes ye shes rtogs par mdzad du gsol/____/ces pa'ang slob bu dad brtson ldan pa ngag dbang shes rab kyi ngor chos kyi blo gros pas smras so//____//____!__oM swasti/__phyogs dus rgyal ba kun gyi ye shes sku/____/khyab bdag 'jam dpal rdo rje nyin mo byed/____/yongs rdzogs bstan pa rgya mtsho'i mnga' bdag mchog__/mkhyen brtse'i dbang po'i zhabs la gsol ba 'debs/____/gang gi ye shes sgyu ma'i rnam rol las/____/phrin las rgya mtsho 'gro ba 'dul ba'i mgon/____/'jam dbyangs bla ma chos kyi blo gros la/____/snying nas gsol 'debs bdag rgyud byin gyis rlobs/____/bdag cag dad dang dam tshig rnam par dag__/rim gnyis lam gyi bgrod pa mthar phyin te/____/lhan skyes ye shes nyi ma snying la 'char/____/don gnyis mtha' ru phyin pa'i bkra shis shog__/ces pa'ang dad ldan ngag dbang shes rab kyi ngor rang nyid kyis smras pa'o//____//____!__mkhyen dang brtse ba'i ye shes gter chen po'i/____/'jam dpal rdo rje zhi dang khro bo yi/____/bsnyen sgrub rtags thon rdo rje 'dzin par rje/____/chos kyi blo gros zhabs la gsol ba 'debs//____//____!__'jam dbyangs bla ma mkhyen brtse'i dbang po yi/____/ye shes gcig tu bsdus pa'i rang gzugs mchog__/chos kyi blo gros dpal ldan bla ma la/____/snying nas gsol 'debs bdag rgyud byin gyis rlobs/__zhal gsungs dge'o//____//____!__'jama~X dpal dbyangasa~X dngos mkhyen brtse'i dbang po yi/____/ye shes thugs rje'i rol rtsal chosa~X kyi~X rje/____/legs pa'i blo~X grosa~X rdo rje 'dzin rgyal la/____/snying nas gsol 'debs bdag rgyud byin gyis rlobs/____/mkhan po mkhyen rab bstan 'dzin ngor chos kyi blo gros pas so//____//____!__dpal ldan bla ma rigs rnams kun gyi bdag__/rgyal ba kun gyi ye shes gcig tu bsdus/____/mkhyen brtse'i dbang po chos kyi blo gros kyi/____/byang chub bar du brtse bas rjes su zungs/____/dad mos gdung shugs drag pos gsol ba 'debs/____/re ltos mi 'gyur gcig chog rgyal por bzung /____/skye dang tshe rab kun tu byin gyis rlobs/____/thugs rje'i phyag gi nam yang ma gtong shig__/srid las nges par 'byung ba'i blo skye zhing /____/thar mchog tshul khrims gtsang mar gzhir bcas ste/____/byang chub sems mchog rgyud la 'byongs pa dang /____/zab mo'i gnas lugs rtogs par byin gyis rlobs/____/ces pa'ang ngag dbang blo bzang gis bskul ngor chos kyi blo gros pas so//____//____!__gsol 'debs dad pa'i sprin phung zhes bya ba/____/'ja~Xm dbyanga~Xs bla ma'i byin rlabs snying la zhugs/____/chosa~X kyi ba~Xdud rtsis blo~X gro~Xs pad+mo bye/____/ris med bstan pa'i rgyal mtshan bsgreng nyid la/____/snying nas gsol 'debs bdag rgyud byin gyis rlobs/____/gtsuga?~X laga?~X blta ba'i rnam dpyod mthu grub cing /____/lunga~X riga~Xs rdo rje'i gad mo rab tu sgrogs/____/nyi~X ma~X'i gnyen gyi bstan pa gsal byed la/____/snying nas gsol 'debs bdag rgyud byin gyis rlobs/____/smra~X ba'i~X dbang phyug 'jam dpal dpa' bo bzhin/____/lta ngan ri dwags legs bshad senga~X ge'i~X sgras/____/bcom pa'i snying stobs chen por gyur pa gang /____/gzhom med rdo rje'i chos bdun brtan bzhugs gsol/____/ces pa'ang gang shar bris pa don dang ldan par gyur cig__/dge legs 'phel/____/_!_skyabs gnas kun 'dus mkhyen brtse rdo rje 'chang /____/'ja~Xm dpal dbyanga~Xs dngos chosa~X kyi~X blo~X grosa~X la/____/gsol ba 'debs so bdag rgyud byin gyis rlobs/____/zhabs pad brtan cing phrin las rgyas gyur cig__/ces pa'ang bla ma blo gros kyi bzhed ngor rang nyid kyis smras pa'o//____//____!__'jam dbyangs bla ma rnams kyi rjes su bzung /____/zab rgyas chos tshul rgya mtsho mkhyen pa'i gter/____/blo gros mtshung med smra ba'i seng+gel/____/gsol ba 'debs so bdag rgyud byin gyis rlobs/____/ces pa'ang bla ma blo gros kyi bskul ngor rang nyid kyis bris pa'o/____/zhabs brtan skabs gsol ba 'debs so bskal brgyar 'tsho bzhes gsol/____/zhes bsgyur//____//____!__'ja~Xm dbyanga~Xs la sogs sras bcas rgyal kun gyi/____/mkhyen brtse nus gsum gcig tu bsdus pa'i gzugs/____/chosa~X kyi~X blo~X grosa~X chos kyi dbang phyug la/____/gsol ba 'debs so bdag rgyud byin gyis rlobs/____/ces pa'ang khang sar sprul sku sangs rgyas bstan 'dzin nas zhus ngor 'jam dbyangs chos kyi blo gros pas bris pa dge/____//__!'ja~Xm dbyanga~Xs bla ma'i byin rlabs bcud thob pas/____/rab 'byams chosa~X kyi gda~Xms pa'i gter chen po/____/ji ltar ji snyed mkhyen pa'i blo~X grosa~X rgyas/____/dpal ldan bla ma'i zhabs la gsol ba 'debs/____/bkra shis dgon mkhan mkhas grub chos dar la gnang ba'o//____//__'jama~X dbyangasa~X bla ma mkhyen brtse dbang po yi/____/ye shes mchog gi rang gzugs sprul pa'i sku/____/dpal ldan bla ma cho~Xs kyi~X blo~X grosa~X la/____/snying nas gsol 'debs bdag rgyud byin gyis rlobs/____/zhes pa'ang theg mchog rdo rje'i ngor rang nyid kyis smras pa'o//____//____!__'jam mgon bla ma'i rnam thar gsol 'debs snying po ngo mtshar bdud rtsi'i nying khu bzhugs so/____/chos dbyings kun khyab mkhyen gnyis ye shes sems/____/dag pa'i zhing kun sgyu 'phrul rgya mtsho'i dpal/____/bdag sogs 'dul phyir 'khor lo'i dbang phyug tshul/____/'jam dbyangs chos kyi blo gros gsol ba 'debs/____/'phags bod bstan pa'i shing rta bsgrangs yas kyi/____/ye shes spyi gzugs mkhyen brtse'i dbang po nyid/____/bsam bzhin bstan 'gro'i dpal du sku sprul nas/____/rdo rje'i lung gis bsngags la gsol ba 'debs/____/rdo rje gdan dngos kaHthog chos kyi khrir/____/zhabs pad bkod cing kun gzigs chos rgya mtshos/____/sdom pa gsum gyi theg mchog rgyal thabs bkod/____/gsan bsam rnam thar rgyas la gsol ba 'debs/____/phyi nang rig pa'i gnas kun thugs su chud/____/'chad rtsod rtsom pas dag pa'i rnam thar bskyangs/____/smin grol chos kyi 'byung gnas bstan mchog gi/__shing rta gcig pur gyur la gsol ba 'debs/____/rim gnyis ting 'dzin yon tan mnga' dbang 'byor/____/gzungs dang spobs pa'i gter mdzod dngos su grol/____/zab rgyas mdo rgyud gsang ba gzigs pas rtogs/____/'dzin spel sdud pa'i byed por gsol ba 'debs/____/bka' gdams gsar rnying lam 'bras mar shangs kyi/____/bka' brgyud zhi gcod jo zhal dus 'khor lo/____/snga 'gyur bka' gter yongs rdzogs legs gsan cing /____/gangs can khyab par spel la gsol ba 'debs/____/don gyi spangs rtogs 'phags pa'i go 'phang brnyes/____/tshur mthong mdzad pa chos dang mthun par ston/____/chos brgyad bsnyems bral re dogs mdud pa grol/____/'khrul zhig rnal 'byor dbang phyug gsol ba 'debs/____/rtsa gsum lha yi dgyes zhal dus kun gzigs/____/chos kyi sgo gtad byin brlabs rgyun bsnyen pas/____/don gnyis lhun grub bstan 'gro'i rgud sel ba'i/____/phan bde'i nyin byed chen por gsol ba 'debs/____/kun bzang rdo rje'i rnam thar mthar son te/____/tha ma'i mdzad pa ngo mtshar bcas te bstan/____/slar yang bstan dang lhag ma'i gdul bya'i phyir/____/sprul pa'i nyin byed 'char la gsol ba 'debs/____/dpal mgon bla ma'i rnam thar rjes dran pas/____/gsol ba btab bzhin bdag gis mngon du gyur/____/ci mdzad legs mthong mos gus skya rengs kyis/____/dgongs brgyud nyin byed snying la 'dren gyur cig__/mgon khyod byang chub mngon brnyes tshul bstan tshe/____/nye ba'i sras su gyur nas thugs mdzod 'dzin/____/mnyes pa gsum gyis thugs yid gcig 'dres nas/____/'jam mgon mdzad pa mtha' dag bsgrub nus shog__/ces pa'ang rje btsun thams cad gzigs pa'i zhal slob rgyal rtse khro dga'i sras sprul sku rin po ches lha rdzas kyi rten dang bcas/__dge slong dam chos grags pas kyang bskul ngor 7bla ma 'jam pa'i rdo rjes su bzung ba'i mdo khams ba mkhyen brtse'i 'od zer bkra shis dpal 'byor gyis sku gdung rin po che'i spyan sngar bris shing gsol ba btab pa dge legs su gyur cig__/__ @#/____/rje btsun dpal ldan bla ma dam pa 'jam pa'i dbyangs chos kyi blo gros la gsang rnam gyi sgo nas gsol ba 'debs pa byin rlabs myur 'jug zhes bya ba bzhugs so/____/ oM swasti/__phyogs dus rgyal ba sras dang bcas pa yi/____/ye shes sku can mkhyen brtse nus pa'i gter/____/rigs dang dkyil 'khor kun khyab drin can rje/____/bla ma 'ja~Xm pa'i dbyanga~Xs la gsol ba 'debs/____/rgyal ba kun gyi gsang ba'i mdzod 'dzin pa/____/rgyud sde rgya mtsho'i mnga' bdag rdo rje 'chang /____/'khor lo sdom pa bla ma'i skur snang ba/____/chosa~X kyi~X blo~X grosa~X zhabs la gsol ba 'debs/____/'ja~Xm dpal dbyanga~Xs dngos mkhyena~X brtse'i~X dba~Xng po~X zhes/____/'gro kuna~X dga'a~X ba'i gnyen mchog ris med kyi/____/bstana~X pa'i~X rgyala~X mtshana~X cher bsgrengs dpa~Xl bza~Xng po'i~X/____/phrin las rnam 'phrul chen por gsol ba 'debs/____/dgos 'dod kun 'byung bsam 'phel dbang gi rgyal/____/'brel tshad don ldan 'jam dbyangs bla ma yi/____/bsam gyis mi khyab gsang ba'i rnam thar mchog__/yid la dran cing gus pas gsol ba 'debs/____/mnyam rjes dbyer med bde chen chos sku'i klong /____/snod bcud snang ba lha dang gzhal yas khang /____/grags stong skye med sngags kyi rang sgra sgrogs/____/dag pa rab 'byams khyed la gsol ba 'debs/____/thub pa'i gnas brtan chen po yan lag 'byung /____/bi ma mi tra lha btsun klong chen pa/____/rje btsun mi la lam 'bras bla ma sogs/____/dgyes zhal yang yang mjal la gsol=____/thang stong rgyal pos rig pa ngo sprod dang /____/mkhyen brtse'i dbang por tshe dbang dpal sprul las/____/klong snying sngon khrid gnubs chen sngags gzhung sogs/____/dag snang nye brgyud stsal la=____/'jam dpal dbyangs dngos sa skya paN+Di tas/____/lan gcig tshad ma rig gter bshad khrid dang /____/skabs 'gar dbang dang byin rlabs rig gtad gnang /____/ngo bo dbyer med bzhugs la=____/bla ma dam pa bsod nams rgyal mtshan las/____/kye rdor dbang dang lam 'bras lta khrid dang /____/rgyud gsum mnos shing tshar chen chos rje las/____/dbang blangs gnyis med gyur la=____/rdo rje 'chang dngos kun dga' bzang po las/____/so thar bsnyen par rdzogs shing de yi mtshan/____/kun dga' phrin las rgya mtsho don 'grub ni/____/dbang gi rgyal po gsol la=____/mdun mkhar 'ja' zer klong du 'gro 'dul rje/____/dpa' bo rdo rje sku mdog dmar smug can/____/skra dkar thor cog rus pa'i rgyan gyis spras/____/mkha' 'gro'i tshogs bcas gzigs la=____/phyag g.yas snyan gyi thad kar DA ru dkrol/____/g.yon pas thod pa bdud rtsis gang ba bsnams/____/snyan 'gyur rdo rje'i glu yis gsang ba yi/____/zab mo'i gdams ngag stsal la=____/bla ma 'khor lo bde mchog 'khor dang bcas/____/yang yang gzigs shing dbang bskur byin gyis brlabs/____/res 'ga' tha dad res 'ga' gcig tu gyur/____/gnyis med gnyis su snang la=____/'jigs bral rnal 'byor dbang phyug biR+Wa pa/____/phyag gnyis chos 'chad brjid nyams che ba'i skur/____/mos gus mdzad pas zhal du brngubs nas ni/____/gsang lam phyir dbyungs mdzad la=____/bde gshegs bdud rtsi thod chang rig ma bstims/____/dpral ba la sogs gnas nas 'od zer ni/____/dkar dmar mthing gsum dang ni 'dres ma yis/____/dbang bskur byin gyis brlabs la=____/do ha rdo rje'i glu dbyangs sgrogs bzhin du/____/bla ma hU~M yig gcig tu gyur pa'i mthar/____/thims pa'i mod la rig stong nam mkha' ltar/____/dbyer med gyur pa khyed la=____/'od gsal klong du bla ma sa chen gyis/____/rnam 'grel bcu gcig pod dbang byin brlab mthar/____/dgyes pa rdo rjer gyur te thim pa'i mod/____/bde stong ye shes rol la=__rnal 'byor spyod pa grub chen nag po pa/____/rus pa'i rgyan can ro lang khri steng rol/____/steng mkhar gdugs dang bcas pa'i sku zil can/____/shin tu gsal bar gzigs la=____/mkha' 'gro spros shing bde mchog dkyil 'khor bzhengs/____/slob dpon rang nyid dkyil 'khor gtso bo ni/____/bde mchog zhal bzhi bcu gnyis phyag can gyis/____/khyed zhal brngubs par mdzad la=____/yum mkhar phyir bton bde mchog lhan skyes gyur/____/sdom bzung nas brtsam rig pa'i dbang lnga dang /____/brtul zhugs spyod dbang mchog dbang gsum dang bcas/____/dbang bzhi rgyas par bzhes la=____/slar yang slob dpon sngar bzhin gyur pa yis/____/rgyud kyi glegs bam gcig gi bka' gtad mthar/____/khyed skur thims shing dbyer med gyur pa yis/____/ye shes rang mdangs gsal la=____/lam 'bras khrid dbur rje btsun grags rgyal nyid/____/bgres nyams dkar chas rdo dril kha TA~M can/____/brgyud pa'i bla ma dang bcas thims pa'i mod/____/bde nyams bzhes par mdzad la=____/mnal lam 'od gsal dag tu lan du mar/____/kha'u brag rdzong gsal zhing dus gcig na/____/bla ma kha'u pa yi slob dus kyi/____/sa chen bag chags sad la=____/rig 'dzin 'ja' tshon snying pos mdun mkhar gzigs/____/khyod dang nga gnyis dbyer med gcig ces sogs/____/gsungs mthar hrIHdang thig dmar rdo rjer gyur/____/dbyer med thims pa khyed la=____/bka' 'dus sman sgrub skabs shig 'od gsal du/____/bya rgyal khyung sprul mngon dga'i zhing bkod dang /____/bde chen zhing dmar sangs rgyas 'od dpag med/____/bkod pa dang bcas mjal la=____/dgongs zang dbang dus rig 'dzin rgod ldem rje/____/skyil krung dkar chas thor cog rgod 'phru can/____/chos 'chad gter sgrom 'dzin cing mdun mkhar byon/____/zang thal bka' gtad gnang la=____/bla rnal sgom tshe mkha' 'gros spyan drangs te/____/bka' 'dus dkyil 'khor mjal zhing dkar chas gsol/____/yar rje o rgyan gling pa'i bag chags sad/____/mkha' 'gro 'bum gyis bskor la=____/rlung 'dun tsam gyis kun mkhyen rong ston rje/____/chos 'chad glegs bam 'dzin pa'i paN+Di tas/____/sher phyin la sogs gsung 'bum gdams gtad mthar/____/thugs kar dbyer med thims la=____/rnam thar dad pas grub chen til+li pa/__gcer bu 'jigs nyams yum dang sbyor ba yis/____/bdud rtsi gnang bas bde nyams rgyas pa'i mthar/____/dbyer med gcig tu gyur la=____/slob dpon chen po sangs rgyas ye shes zhabs/____/smug nag paN zhu gsol zhing paN chas can/____/zhabs pus g.yas bslangs phyag gnyis glegs bam bsnams/____/mdun mkhar gsal bar gzigs la=____/mos gus mdzad pas gzhal med khang zhig tu/____/bla ma 'jam rdor 'khor bcas skur gyur pas/____/nyid sku 'od kyis sbyangs mthar gser zhun ltar/____/gyur pa zhal du zhugs la=____/yum mkhar 'jam dpal gyur pa phyir bton nas/____/sdom bzung ye shes dbab pa nas brtsam ste/____/dbang bzhi shin tu byas mthar lung bstan dang /____/dbug dbyung gzings bstod stsal la=____/de mthar dkyil 'khor lan gsum bskor ba'i rjes/____/gtso 'khor 'bru gsum gyur te thims pa'i mod/____/nyid sku thig ser gong bu gyur te yal/____/bde chen ye shes skyes la=____/slar yang paN chen sngar bzhin gyur nas ni/____/rgyud kyi glegs bam mang po'i bka' gtad gnang /____/glegs bam thim pas khyed sku glegs bam cher/____/gyur pa'i gsal snang bzhes la=____/grub thob chen po ku ku ri pa nyid/____/sngo sangs thor cog khyi sbyor 'khor bcas kyis/____/rig ngo sprod mthar dbyer med thims pa'i mod/____/khyed nyid de ru gsal la=____/mnal lam dur khrod bkod pa'i gnas su phebs/____/grub chen thang rgyal bde mchog sku ru bzhengs/____/rje nyid phag mo'i skyu gyur bde mchog gi/__dbang bskur rgyas par bzhes la=____/zangs mdog dpal gyi ri bor yud kyis phebs/____/zhing gi bkod pa gzigs shing rin chen gyi/____/pho brang phyi sgor phebs 'phral mkha' 'gro ma/____/smug mos gdan drangs zhus la=____/pad zhu gsol ba'i o rgyan gu rus dbus/____/rig 'dzin thams cad gral bstar bzhugs pa yis/____/rol mo'i sgra bcas sgrub pa 'tshogs bzhin pa'i/____/mdun du phebs pa khyed la=____/o rgyan gu rus bla ma gsang 'dus kyi/____/dbang bskur gsungs nas logs su dkyil 'khor bkrams/____/bum dbang la sogs dbang bzhi rdzogs pa'i mthar/____/lung bstan gsal bar gnang la=____/khyed la 'brel pa thob tshad ngan song las/____/skyob pa'i thugs bskul drag pos zhabs la btugs/____/de 'phral mkha' 'gros phyir bskyal sgo mdun nas/____/'phur te rang gnas phebs la=____/jo nang rje btsun rab byung paN chas can/____/pus g.yas bslangs shing g.yon pa phyed skyil bzhugs/____/rdor dril bsnams shing mkha' 'gros bskor ba las/____/dbang bzhi rdzogs par bzhes la=____/de nyid he ru ka dpal dkar po zhig__/gyur pa'i zhal nas bde mchog rtsa sngags spros/____/khyed nyid bde mchog gsal ba'i thugs zhugs pas/____/sku lus sngags sgras khengs la=____/slar yang de nyid phag mo dmar mo ni/____/gri thod 'dzin pa'i sku gyur byang sems blud/____/gsung gis ngo sprod nyid la thim pa'i mod/____/bde nyams phag mor gsal la=____/mos gus rkyen gyis kaHsi rdo rje 'chang /____/za hor chas can gu ru'i skur bzhengs nas/____/thun min zab khyad ldan pa'i dbang bzhi zhig__/shin tu gsal bar bzhes la/____/'dus mdo'i sta gon shel gyi mchod rten gyi/____/stod smad bar gsum bla ma yi dam dang /____/mkha' 'gro chos skyong bcas te thim pa'i mod/____/rdor sems a dkar gyur la=____/de tshe gnubs chen sangs rgyas ye shes mchog__/dbu skra se chob rgyab bsnyil dge bsnyen chas/____/snum 'bor gzi brjid can gyis dkyil 'khor las/____/mdo yi dbang bzhi gnang la=____/bsnyen dus rig 'dzin chen po 'jigs med gling /____/glegs ral 'dzin pas gnas lnga'i byin brlabs mthar/____/nyid dang dbyer med 'od phung a yig bsdus/____/de mthar dbyings su yal la=____/'od gsal klong du blo gter dbang po mjal/____/'khor lo sdom pa'i sku gyur sbyor mtshams nas/____/byang sems rgyun mang stsal bas thugs rgyud la/____/bde nyams rgyas par bzhes la=____/yang bskyar lam dbang zhu ba'i thugs 'dun rkyen/____/bla ma dgyes pa rdo rje'i sku gyur pa'i/____/thugs kar 'jog snye rigs lnga'i byin rlabs dang /____/lam dbang rdzogs par bzhes la=____/slar yang bla ma paN chas rdo dril can/____/'bru gsum gyur las rigs lnga'i sa bon sogs/____/grangs med spros pas khyed sku he ru ka'i/____/dwangs pa'i sku lus khengs la=____/sprul gzhi lcang lo can na rin chen gyi/____/gzhal med khang mdzes byang sems snying po'i dpal/____/dri med 'od rgyal sngon po longs sku'i chas/____/dgyes bzhugs 'khor bcas mjal la=____/slar yang rgyud btus glegs bam brtsegs pa'i mkhar/____/bla ma sngar ltar bzhugs nas glegs bam las/____/dbyangs gsal spros mthar glegs bam bcas pa yang /____/thims nyams gsal bar bzhes la=____/bla ma ngag dbang legs pa bde chen zhing /____/byang sems zla snying nor bu dri med 'od/____/dkar po longs sku sa gnon skyabs sbyin can/____/'od 'phros byin gyis brlabs la=____/ngor chen sa zhu mnabs shing chos 'chad can/____/gsang 'dus skur gyur 'od kyis khyed sku sbyongs/____/hU~M gyur zhal drangs dbang bskur gsang dbyungs mthar/____/khyod nyid gsang 'dus gyur la=____/'od gsal klong 'gyur bde mchog sku ru bzhengs/____/rta phag yab yum gyur nas snyoms 'jug rol/____/grub chen biR+Was spyod pa'i rjes gnang stsal/____/gong ma phyogs glang gsal la=____/dam pa khyed kyi ye shes gzigs pa'i ngor/____/gzhal med khang dbus chos 'byung bsnol ba'i rtser/____/rnal 'byor ma dpal 'khor bcas yang yang gzigs/____/rjes bzung byin gyis brlobs la=____/mdun gyi nam mkhar grub chen lU hi pa/____/sngo nag 'jigs nyams thor tshugs nya thod can/____/bde mchog sku gyur zhal brngubs gsang dbyung mthar/____/dbang bzhi rgyas par bzhes la=____/rje btsun grags rgyal rdor thod can zhig gzigs/____/bla slob gnyis ka bde mchog yab yum gyur/____/dbang bzhi rdzogs mthar rje btsun a la bsdus/____/khyed dang dbyer med gyur la=____/mos gus mdzad pas kun mkhyen klong chen pa/____/bde gshegs ri rab mar me'i rgyal mtshan zhes/____/sprul sku'i cha byad 'od zer spro bsdu'i mthar/____/ngo bo dbyer med gyur la=____/snyan brgyud gzigs tshe gtsang smyon he ru ka/__bde mchog skur bzhengs sprul pa'i dkyil 'khor du/____/dbang bzhi zab rgyas pod mang bka' gtad mthar/____/khyed dang dbyer med gyur la=____/smin gter gsang ye'i dbang skabs gter chen rje/____/dkar chas pad zhu can mdun rje btsun khyed/____/rgyal sras pad+ma 'gyur med bag chags sad/____/gsang ye'i dbang rdzogs nos la=____/shing byar rdo rje sems dpa'i ril sgrub skabs/____/nyi zer dang 'grogs rdo rje sems dpa'i sku/____/grangs med spros pa'i gtso bo'i zhal snga nas/____/gsang ba'i lung bstan bsnyes la=____/thugs chen ril sgrub skabs su mnga' ris pa/____/tshul khrims bzang po mdun mkhar yang yang byon/____/mi tra'i dbang skabs grub chen de nyid kyis/____/sku gsung thugs dbang stsal la=____/yi dam bka' 'dus bsnyen pa'i 'od gsal klong /____/khra 'brug gu ru 'khor bcas tshogs gral du/____/rje nyid rgyal sras lha rje'i bag chags sad/____/bka' 'dus sgrub chen thon la=____/sman dkyil steng mkhar gu ru za hor ma/____/sku mdog ljang ser rgya gram thod pa bsnams/____/'khor du mkha' 'gro phyogs mtshams bka' 'dus kyi/____/dkyil 'khor lha tshogs gzigs la=____/lam 'bras skabs shig bla chen 'brog mi rje/____/na bza' stod dmar smad smug zhal dkyil mdzes/____/dril bu dkur brten rdo rje thugs kar bsgyings/____/khyed sku de ru gsal la=____/lcang lo can dang bde chen zhing bkod bcas/____/khyed kyis dgongs pa gtad pa tsam gyis kyang /____/blo gter rje dang ngag dbang legs pa'i zhabs/____/'khor bcas yang yang mjal la=____/mkhan chen ngag dga' paN zhu rdor dril can/____/thugs kar 'jam dbyangs mdun du dkyil 'khor las/____/'jam dbyangs dbang bskur kun bzang gyur te thim/____/khyed sku d+hIHyig gsal la=____/'jam dbyangs sa paN sku mdog dmar ser can/____/thugs kar 'jam dbyangs bzhugs pa che gsal mdun/____/dbang blangs 'jam dbyangs thugs kar as mtshan pa/____/dbyer med thims pa khyed la=____/pad+ma 'od gsal mdo sngags gling pa ni/____/rgya gar paN+Di ta yi chas can gyis/____/pad+ma'i ming can ster ba las byung ba'i/____/bde stong gar gyis rol la=____/dam pa sangs rgyas dmar smug dbu skra nag__/thor cog can gyis DA ru rwa dung 'dzin/____/gsang sngags bde ster ye shes d+hA ki ma/____/bstan pa'i dge mtshan gsungs la=____/rnal 'byor dbang phyug biR+Wa pa nyid dang /____/sa ra ha sogs grub tshogs mang po zhig__/shar nas rim par byon pa'i rjes su ni/____/o rgyan phebs par gzigs la=____/mos gus gdung shugs drag pos gsol btab mthar/____/'od zer chen po'i dbang bskur bzhes pa dang /____/byin brlabs stobs kyis 'khor dang mnyam du ni/____/dgyes pa'i bro gar gnang la=____/de mthar 'khor gyi grub chen yongs rdzogs ni/____/o rgyan gu ru'i sku la thims pa dang /____/gu ru yang ni 'ja' ltar dbyings su bzhugs/____/snang srid lha ru gsal la=____/dpal sprul sems dpa' chen po'i zhal snga nas/____/rgyud lugs 'jam dpal gyi ni dbang bzhi dang /____/sku gsung thugs dang yon tan phrin las kyi/____/dbang bskur yongs rdzogs bzhes la=____/bir srung thugs dam gnang ba'i skabs shig na/____/rnal 'byor dbang phyug sku mdog smug nag can/____/mjal ba'i mod la gsol ba btab tsam gyis/____/smin mtshams thad mdun byon la=____/gsang rdor las 'bab bdud rtsi bzhes pa yis/____/bde stong zag med ye shes rgyas pa dang /____/dbyer med thims pa'i mod la rje btsun khyed/____/rnal 'byor dbang phyug gsal la=____/bzlas thun 'od gsal skabs shig rnal 'byor ma/____/dmar mo khru gang tsam zhig nam mkha' nas/____/rgyan dang cha lugs yongs su rdzogs pa can/____/shin tu gsal bar byon la=____/sngags srung drag mo dud mdog sku bong che/____/ral pa rtse gcig dud mdog sngo 'phyur can/____/mchod bstod bcas te phrin las bcol ba'i mthar/____/lte bar bstims par mdzad la=____/kun mkhyen rong pa dge bsnyen chas gsal bar/____/sa gnon skyabs sbyin glegs ral can zhig las/____/dbang bzhi blangs shing thugs nas d+hIHsngon spros/____/thugs kar thims pa khyed la=____/se ra mkha' 'gro sku mdog mthing sngon can/____/rdor dril thugs kar bsnol ba gsal ba'i mdun/____/dbang bzhi'i tshul gyis chos skor yongs rdzogs kyi/____/don dbang rdzogs par bzhes la=____/de yi gter chos dbang skabs mkha' 'gro nyid/____/rdor dril thogs shing rus rgyan can gsal ba'i/____/spyi bor kun bzang bzhugs shing mkha' 'gro yi/____/'khor mang dang bcas gzigs la=__dpal ldan lha mo dmag zor rgyal mo dang /____/'khril sbyor bde chen ye shes nyams su bzhes/____/srog sngags b+h+yau yig grangs mang thims pa'i mod/____/khyod sku lha mor gsal la=____/gdams mdzod lam 'bras chos rim skabs shig na/____/mdun mkhar ngor chen kun dga' bzang po bzhugs/____/phyag g.yas mchog sbyin g.yon par glegs bam bsnams/____/byin gyis brlabs par mdzad la=____/shangs chos skabs su su kha sid+d+hi ma/____/dkar mo byon te byin gyis rlobs pa dang /____/skabs shig mkha' spyod zhing gi bkod pa ni/____/shin tu gsal bar gzigs la=____/drag po'i gtor bzlog skabs sam dus gzhan du/____/gdugs can 'byung po'i rigs skyes mang po yis/____/zhabs la gtugs shing srog snying phul ba dang /____/bka' bsgo dam bsgrags mdzad la=____/bla ma mi pham 'brog bla'i chas can gzigs/____/mos gus rkyen gyis glegs bam chen por gyur/____/thim pas khyed nyid 'jam dbyangs dmar ser sku/____/shin tu chen por gsal la=____/o rgyan gu ru thugs la 'dun pa'i tshe/____/khyed nyid gnubs chen nam mkha'i snying po dang /____/d+harma dI paM shel dkar rdo rje mtsho/____/mkha' 'gro'i chas can gsal la=____/rta mgrin 'khor bcas mjal ba'i 'od gsal klong /____/khyed sku rta mgrin zhal gcig phyag gnyis dang /____/d+harma dI paM phag mor gyur nas ni/____/bde stong nyams kyis rol la=____/tshogs mchod skabs shig brag ri'i ke'u tshang du/____/gu ru mtsho skyes rdo rje 'ja' sprin dbus/____/mkha' 'gro'i 'khor dang bcas te mngon sum du/____/bzhugs pa gsal bar gzigs la=____/las 'bras gang che'i bla ma brtag pa'i tshe/____/dam pa sangs rgyas rong ston gsal ba'i mthar/____/thugs kar slob dpon bzhugs pa'i tsong kha pa/____/yang yang mdun mkhar gsal la=____/yang bskyar a ti sha dang rje 'brom gsum/____/mdun du pod mang dang bcas gsal ba'i mthar/____/g.yas g.yon bla ma tsong kha pa la thim/____/khyed dang dbyer med gyur la=____/rje btsun rnal 'byor dbang phyug biR+Wa pa/____/smug nag chos kyi 'khor lo'i phyag rgya can/____/byis pa lo brgyad tsam zhig gsal ba yis/____/brtul zhugs spyod pa'i rjes gnang =____/kaHthog mkhan chen ngag dpal paN zhu gsol/____/phyag g.yas chos 'chad pad+ma dmar po bsnams/____/g.yon pas mchog sbyin 'gying pa'i stabs su bzhugs/____/sku nyams shin tu gsal la=____/gsung chos zhu dgos snyam pa'i thugs 'dun tshe/____/zhal nas khyod dang nga gnyis gnyis su med/____/bka' rdzogs lung rdzogs thob pa yin no zhes/____/gsungs bzhin dbyer med gyur la=____/ngo bo bla ma blo bzang grags pa la/____/rnam pa 'jam sngon chos 'chad phyag rgya can/____/sku las ral gri 'od sngon mdung tshugs ltar/____/spros pas khyed sku sbyong la=____/de mthar rje btsun khyed kyi sku lus ni/____/d+hIHyig dmar ser nam mkha' 'gengs tsam du/____/gyur la glegs bam mang po thim pa yis/____/bde nyams rgyas par bzhes la=____/zla dkar gzigs pas ri bong can ngos su/____/rje btsun bla ma gzhon nyams gser mdog can/____/dpral bar 'jam dkar la sogs gnas lnga yi/____/lhar bcas gsal bar gzigs la=____/dpal ldan zla grags paN DI ta yi chas/____/phyag g.yas chos 'chad g.yon pas glegs bam bsnams/____/'gying nyams phyed skyil pus g.yas cung zad bslangs/____/thor thun skabs shig gzigs la=____/zhal nas spros bral tshig gis ngo sprod mthar/____/'od zhu dbyer med thims pas khyed kyi sku/____/dmar ser d+hIHyis mer gyis gang ba'i mthar/____/'jam dpal dbyangs su gyur la=____/lha btsun chen po he ru ka yi chas/____/ba man rwa dang thod pa phyag na bsnams/____/mos gus mdzad pas a ho gsungs bzhin thim/____/khyed nyid de ru gsal la=____/o rgyan rje 'bangs 'khor dang bcas pa las/____/dbang bzhi bzhes shing pod mang thim pa'i mod/____/mkhas par gyur snyam gu ru thims pa na/____/mgon khyed chos rgyal gsal la=____/jo nang rje btsun paN+DI ta yi chas/____/phyag g.yas rdo rje g.yon pas thod pa bsnams/____/dus 'khor dbang bzhi rdzogs mthar thim pa'i mod/____/sku lus sngags kyis khengs la=____/gu ru blo ldan mchog sred thugs ka nas/____/rong pa chos bzang gzhon nyams dge bsnyen chas/____/phyag g.yas uta ral g.yon pas mnyam bzhag steng /____/glegs bam 'dzin pas gzigs la=____/mos gus mdzad pas khyed la thim pa'i mod/____/d+hIHsgra chen po grags pa'i nyams kyi mthar/____/sku lus d+hIHyig gcig tu gyur pa yi/____/gsal snang rgyas par bzhes la=____/'bri gter mjal tshe bsam yas bag chags sad/____/skye brtag skabs 'gar 'bri gung chos grags dang /____/zhwa la mkhyen rab mkhyen brtse'i dbang phyug sogs/____/yin pa'i gsal nyams bzhes la=____/gu ru chos dbang dkar chas gzi brjid can/____/dbu skra thor cog lhag ma g.yas nas grol/____/mnyam bzhag gter sgrom 'dzin pa shin tu gsal/____/dad pa'i gdung shugs skyes la=____/spyi bor gsang 'dus mgrin par thugs chen dang /____/thugs kar yang dag lte bar phur rkyang rnams/____/bzhugs pa'i gnas nas 'od dang phyag rgya'i tshogs/____/spros te khyed sku thims la=____/de mthar gu ru chos dbang rin po ches/____/DA dril 'khrol bzhin dgyes pa'i gar stabs kyis/____/dbyer med thims pas khyed kyi sku las kyang /____/gnas bzhi'i lha bcas gsal la=____/grub chen 'khor gyis bskor ba'i sa ra has/____/chu gtor sngags brjod phyag rgya gtad bde'i mthar/____/mda' yis bsnun te gnas brtan rgan po yi/____/dbang rdzas rdzogs zhes gsungs la=____/tshe bsnyen skabs shig rig 'dzin rgod ldem rje/____/thor tshugs dkar chas khro 'dzum can nyams kyis/____/tshe sgrub lcags sdong dbang bskur khyad 'phags shig__/gnang zhing sku tshe bsrings la=____/sku skye brtags pa'i skabs shig sham b+ha la'i/____/rigs ldan 'jam grags khang bzang chung ngu'i nang /____/sku mdog dmar ser chos 'chad phyag rgya can/____/sems dpa'i chas can gsal la=____/bde mchog dbang skur zhal gso thugs 'char tshe/____/rnal 'byor dbang phyug grub chen lU hi pa/____/dmar smug me tog thod bcings nya 'dzin par/____/zhal gzigs mos gus 'khrungs la=____/de 'phral bde mchog gzhal med khang chen du/____/sku gsung thugs 'khor dpa' bo ma tshogs bzhugs/____/grub chen dkyil 'khor gtsor bzhengs khyed sku dang /____/ngo bo dbyer med gyur la=____/phyogs mtshams rnal 'byor ma rnams sku la 'khril/____/bam ros tshogs 'khor thod pa'i bdud rtsi rol/____/gtso 'khor hU~M gyur mtha' la 'ja' ltar yal/____/bde stong ye shes skyes la=____/kun mkhyen klong rams khri dmar rgyab yol can/____/zhi 'dzum phyag gnyis sa gnon thugs ka'i thad/____/'od sngon gong bu'i dbus su 'ja' 'od 'phro/__chos nyid ngo sprod gnang la=____/rnal 'byor dbang phyug grub chen ku ku ri/____/sngo nag 'jigs nyams mgar 'dug thor cog can/____/khyi khrid zhig gis lta ba'i gnadagasungs mthar/____/dbyer med gcig tu gyur la=____/bsnyen bzlas skabs shig grub chen thang rgyal nyid/____/smin mtshams thad byon tshe bum dbu la bzhag__/bdud rtsi dmar ser rgyun gyis sku lus khengs/____/'chi med tshe dbang bzhes la=____/slar yang rim bzhin gnas 'gyur gur drag dang /____/mkha' 'gro sde lnga kun bzang yab yum bcas/____/gyur mthar rang 'dra grangs med spros te bstims/____/khyed skur dbyer med gyur la=____/kye rdor zhal gzigs gnas gyur bdag med ma/____/'khor bcas yangs gyur sgrol ma gtso 'khor dang /____/slar yang bdag med thig le kha sbyor mthar/____/dbyer med bde nyams bzhes la=____/skye brtags skabs shig sdom gsum rab dbye dang /____/de yi spyi rnam yi ge'i dbu ldeb ngor/____/'jam dbyangs sa paN kun mkhyen go rams gnyis/____/yin pa'i rmi nyams gsal la=____/lam 'bras khrid kyi skabs shig 'od gsal du/____/chos khri'i thog tu rnal 'byor dbang phyug gi/__stangs stabs mdzad cing khyed nyid biR+Wa pa/____/yin pa'i gsal nyams bzhes la=____/ngor chen mjal tshe slar yang bsnyen rdzogs shig__/thob 'dun thugs la 'khrungs tshe zhal snga nas/____/chos rnams thams cad rgyu las byung sogs kyis/____/don gyi bsnyen rdzogs stsal la=____/gter chen las rab gling pa sku nyams rgyas/____/dbang rdzas mdun du bkram pa gsal ba'i mdun/____/rta mgrin dbang bskur rdzogs mthar bla ma nyid/____/hU~M dmar gyur te thim la=____/'od gsal klong du rje btsun tsong kha pa/____/yin pa'i nyams gyis lho brag las rdor dang /____/'jam dbyangs 'jigs byed phyag drug phyag rdor bcas/____/'brel ba'i nyams snang gsal la=__ye shes rang snang bud med kha shas kyis/____/dar lding la bstegs rnga yab gling du phebs/____/dpal ri'i tshogs khang sgo 'gram mchog gling byon/____/nang du gdan drangs zhus la=____/tshogs gral dbus bzhugs gu ru za hor chas/____/de yi mdun nas dbang bzhi rdzogs pa dang /____/gsung gi bdud rtsi rol pa'i skabs dang bcas/____/rnam thar bsam mi khyab la=____/slar yang dkon mchog spyi 'dus dbang dang ni/____/gter chos pod mar dag gi byin rlabs bcas/____/phyag gnyis spyi bor bzhag nas sku tshe'i tshad/____/lung bstan dbugs dbyung stsal la=____/thugs dam klong du e wa~M thar pa rtse'i/____/mkhan chen byams pa kun dga' bstan 'dzin gyi/____/zhal thad bla ma dngos gzigs gnas gsum nas/____/'od 'phros dbang bskur bzhes la=____/bla ma'i sku dbyibs shin tu gsal bzhin du/____/nang du kye rdor zhal phyag tshang ba yis/____/sku lus yongs rdzogs gang ba'i rnam pa can/____/sgrib med gsal bar gzigs la=____/bla ma'i zhal nas a hi ho sogs kyis/____/gnyug ma'i kye rdor ngo sprod gnang ba'i mthar/____/bla ma dgyes rdor bcas pa thim pa'i mod/____/khyed sku de ru gsal la=____/gnas chog zhal 'don gnang ba'i tho rangs shig__/gnas brtan 'khor bcas na bza' sna tshogs can/____/sku bong shin tu che ba shar smad nas/____/rim par mdun mkhar byon la=____/kun mkhyen bsod nams seng ge mdun mkhar gzigs/____/thugs kar chos kyi sgo phyes glegs bam spros/____/thugs kar thims shing dbang bzhi rdzogs pa'i mthar/____/hrIHgyur dbyer med gyur la=____/sa skya sgrol pho'i gdung sras kun rin pa/____/sku mdog dmar smug lcang lo can zhig gis/____/phur skyang sku gsung thugs dbang gnang ba'i mthar/____/dbyer med gcig tu gyur la=____/skyes rabs snga ma 'brel ba'i bag chags sad/____/rje de 'jam mgon dbang sdud snying po'i sras/____/kun rin gyur tshe khyed nyid de yi sras/____/badz+ra rat+na gyur la=____/skye brtags skabs 'gar e wa~M mkhan chen ni/____/byams pa kun dga' bstan pa'i rgyal mtshan dang /____/nang chen bde rdor mkhyen brtse ye rdor bcas/____/yin pa'i gsal nyams bzhes la=____/mkha' 'gro bzhis bskor grub chen shwa ba ri/____/rnal 'byor chas can gzhu mchog phyag dar bkon/____/sha ro phrag bkal rnal 'byor chas dbang bskur/____/'khor bcas thims pa khyed la=____/'jam mgon blo gter dbang po bde mchog gi/__skur bzhengs nam mkhar rgyud btus dkyil 'khor ni/____/grangs med sprul par khyed sku grangs med kyis/____/dbang bskur gcig char bzhes la=____/de 'phral bla ma sgrol dkar skur bzhengs te/____/'od zer drug sbrags rjes gnang byas pa dang /____/sku dang tA~M yig spro bsdu'i byin rlabs kyis/____/sku tshe'i 'phrang las sgrol la=____/gsol ba btab pas rnam snang thugs ka ru/____/dri med 'od zer paN chas can gsal ba'i/____/thugs ka'i a las dbang blangs thims pa yis/____/khyed nyid kun mkhyen gyur la=____/gter chen 'gyur med rdo rje pad zhu can/____/phur pa pus g.yas g.yon pas thod pa bsnams/____/DA ki'i 'khor gyis bskor bas byang sems blud/____/a yi sgra bcas thims la=____/sa lo kun bsod rnam thar gzigs tsam na/__'od dmar dang bcas bde ba can gyi zhing /____/sa lo che dang bla ma legs pa bcas/____/zhing khams brten bcas gzigs la=____/kun mkhyen 'jigs gling sngags chas ral gri bsnams/____/khyed sku sbyongs mthar thugs ka'i a yig bstims/____/de mthar bla ma bcas te thims pa na/____/nyams rtogs 'phel tshul bzhes la=____/rje btsun mi la mdun mkhar gsal tsam gyis/____/bde mchog skur gyur phag mo dbu gtsug bzhugs/____/dbang bskur bstims pas khyed sku bde mchog gyur/____/phag mo lte bar gsal la=____/lam dus skabs shig rje btsun grags rgyal gzigs/____/sangs rgyas kun bdag sku yi mchog ces sogs/____/gsungs te byin gyis brlabs shing phyag dbang bskur/____/phyag rdor gyur mthar thims la=____/yi dam brtags pa'i 'od gsal sku lus dang /____/mdun mkhar dbyer med rdo rje 'jigs byed sku/____/zhal phyag yongs rdzogs gnam sa gang ba zhig__/yun ring gsal bar gyur la=____/tshe gegs brtags par blo gter rdo rje 'chang /____/sku ber ser zhing sa zhu rdo dril can/____/gzhon nyams ldan pas gur mgon rjes gnang zhig__/shin tu gsal bar gnang la=____/gtor ma'i bka' bsgor bla ma mgon po gyur/____/spyi bor byon te sku dang 'od zer gyis/____/dbang bzhi rdzogs mthar bla ma hU~M yig gyur/____/dbyer med thims pa khyed la=____/lang lab byang chub rdo rje bsgres nyams can/____/dbu skra se grol zhal ras dkar zhing zlum/____/l+wa dkar ber thul phyag na ral gri bsnams/____/srod thun dgongs shig mjal la=____/mos gus mdzad pas phur pa'i dkyil 'khor sprul/____/bla ma phur pa zhal gsum phyag drug can/____/gyur pas zhal mid thig le sngo skya yi/____/rnam pas yum mkhar bzhag la=____/de nas phyir bton phur pa'i sku gyur la/____/dbang bzhi rgyas rdzogs bla ma sngar bzhin bzhugs/____/phur rgyud gtad cing bla ma'ang glegs bam gyur/____/dbyer med thims pa khyed la=____/bstan srung be dkar dar thod gos smug can/____/zhon pa las babs gus 'dud zhu ba dang /____/sgrol ma dkar mos tshe yi bum pa thogs/____/'chi med tshe dbang bskur la=____/DA ki a phyi chos sgron DA dril can/____/'khor bcas gar bsgyur khyed nyid chos grags dus/____/gus 'dud byas sogs gleng mthar thims pa'i mod/____/bde chen ye shes skyes la=____/lha sras mu tig btsan po rang nyid kyis/____/dam bcas smon lam bcu gnyis zhes bya ba/____/'od gsal klong du gsal bar klogs pa yis/____/lha sras bag chags sad la=____/mdun mkhar ye shes mgon po phyag bzhi pa/____/shin tu gsal bar gzigs ba gyur pa la/____/mos gus mdzad pas dbyer med thim pa na/____/khyed sku mgon por gsal la=____/'od gsal klong du rdo rje gzhon nu'i sku/____/shin tu che gsal khro tshogs dang bcas pas/____/phyag mtshan btab pas 'byung po gdug pa'i tshogs/____/thal bar brlags par mdzad la=____/mkha' 'gro gsang 'dus tshogs skabs stag pags steng /____/gtso mo stag sham can bzhugs mkha' 'gro'i tshogs/____/byis pa'i bam ro zhig gi tshogs 'khor la/____/rol pa'i nyams snang gsal la=____/'od gsal dag tu gling rje ge sar gyis/____/lha dar me long la sogs nor sna phul/____/dgra lha rtse rgyal red ces dgyes nyams bstan/____/pu tras byin rlabs phul la=____/sgrib bral ye shes nyams kyi snang ba'i ngor/____/thig le nag po'i 'od kyi gung khang dbus/____/chos srung gtso bo gur gyi mgon po'i sku/____/yongs rdzogs gsal bar gzigs la=____/mkha' 'gro'i gtso mo ye shes mtsho rgyal nyid/____/sku dang rgyan dang phyag mtshan nges med can/____/yang yang 'khor zhing gal che'i gsang don skor/____/lung bstan thogs med phul la=____/mkha' 'gros dar lding nam mkhar btegs pa'i skabs/____/ye shes rdo rjes ral gris dar thag bcad/____/a yu dI pa~M rdo rje rgya gram gyi/____/zhabs brtan legs par phul la=____/mgon po legs ldan gus 'dud phrin las sgrub/____/dpal mgon bram gzugs mdun du ched phebs nas/____/sku gsung thugs dang yon tan phrin las kyi/____/dbang skur rdzogs par phul la=____/sngags srung drag mo e ka dza tri dang /____/dpal ldan lha mo a phyi chos sgron sogs/____/rtag tu 'go zhing bar chad sel ba dang /____/gang bcol phrin las sgrub la=____/bstan la 'tshe zhing skye 'gro'i srog 'phrog ba'i/____/dam sri rgyal 'gong 'byung po gdug pa can/____/khyed kyis lha sngags drag pos gzir byas te/____/bstan 'gro'i bar chad sel la=____/grub chen thang rgyal skyab sbyin lcags thag bsnams/____/smug nag thugs kar gu ru yum sbyor can/____/tshe gsal mkha' 'gro bzhi yis bskor ba las/____/dbang blangs thugs nyams rgyas la=____/sku tshab bsgrub pas drod dang gzi brjid 'bar/____/bdud rtsi sman sbyor sgrub khang 'ja' 'od 'khor/____/chos 'khor 'ga' la rin chen me tog babs/____/grub mtshan mngon du gyur la=____/bgegs bskrad tshe na sku rten ches cher g.yos/____/rnam sras gto sbyor mdzad pas dmag sna bzlog__/nyang gi rta nag dbang dus brag 'dre bsgral/____/mthu stobs dbang phyug khyed la=____/gnas rten dgon du sa 'dul byin 'bebs skabs/____/mtha' 'dre dong du bstims shing nam mkha'i dbyings/____/o rgyan gu ru rig 'dzin 'khor bcas kyis/____/dgyes pa'i gar stabs mdzad la=____/sa khyi mdo khams phyugs nad mched gyur tshe/____/thugs gtad gzir bas nad bdag dngos gzugs bstan/____/srog snying phul bar bka' bsgos dam bsgrags ltar/____/nad yams rgyun chad gyur la=____/nang chen rgyal sar sgrol dkar spyan gsal 'khrungs/____/gangs ri thod dkar sman gyi bzang dris khyab/____/ri mda'i dung dgon rab gnas me tog babs/____/byin rlabs nye ring med la=____/gnyan lo tsA ba zhal smug dbu skra can/____/ring 'gags bzan ring sku bong chung ba yis/____/gsang 'dus 'jam pa'i rdo rje'i dkyil 'khor sprul/____/dbang bskur dbyer med thims la=____/'jam dpal bcud len ril sgrub bzlas thun skabs/____/sgrub dkyil steng du 'jam dpal yab yum 'khor/____/dbyangs can rigs bzhi ches gsal re re bzhin/____/'khril sbyor bde nyams bzhes la=____/'od gsal klong du skyab rje rgyal tshab mdun/____/mkhyen brtse'i snyan brgyud yang phur bsgrags dbang gi/__mtha' can gter mdzod dbang lung cha tshang zhig__/thob pa'i zhal bzhes gnang la=____/chos rje sa paN phyed skyil chos 'chad can/____/'jam dkar smra seng ye shes sems dpa' dang /____/dbyangs can dkar mo mi g.yo dkar po ste/____/gnas lnga'i lha bcas gzigs la=____/gnas bskor phebs tshe rwa sgreng shugs rtse sogs/____/spyan ras gzigs dang jo 'brom gtsor mdzad pa'i/____/bka' gdams brgyud pa'i bla ma yi dam gyis/____/zhal gzigs dbang bskur stsal la=____/mtshur phu'i rgyab ring 'khor lo bde mchog sku/____/che gsal zhal phyag yongs rdzogs mdun ri'i brag__/karma pak+Shi sku mdog smug po bcas/____/zhal gzigs gnyis med thims la=____/lho brag smra bo cog gnas nye ba na/____/bla ma mnga' bdag dge bsnyen thor cog can/____/sku bong che zhing rdo rje thod pa bsnams/____/dbyer med thims pa khyed la=____/smin grol gling du kun mkhyen klong chen pa/____/lo brgyad tshul bzhugs dbu zhwa chos gos dang /____/phyag gnyis sa gnon 'od zer 'phro 'du can/____/'od gsal klong du mjal la=____/smin gter gnas gyur rdo rje gling pa ni/____/pad zhu na bza' sngo zhing phyam rtse dkris/____/dkyil 'khor mang sprul rang gter dbang rdzogs mthar/____/glegs bam bka' gtad bzhes la=____/rang byung rdo rje zhwa nag chos gos mnabs/____/phyag gnyis chos 'chad can gsal de nyid kyi/____/gsung 'bum yongs rdzogs bka' gtad tshul du ni/____/thob pa'i nyams snang bzhes la=____/gnas mdo chags med sgom zhu can zhig gis/____/gsung 'bum gtad mthar glegs bam chos brtsigs gyur/____/de nyid thugs chen 'khor ba dong sprugs bzhengs/____/khyed skur dbyer med gyur la=____/bsam yas dbu rtse bar khang has po rir/____/mchod bsang ri khrus rab gnas dam bsgrags tshe/____/gu ru 'khor bcas mkha' dbyings gar stabs mdzad/____/sde brgyad dbang du bsdud la=____/gro bo lung sogs mar pa'i 'dra zhal dang /____/gdung 'bum mjal tshe rje de mngon sum du/____/dgyes rdor lha dgur gyur cing aSh+Ta yi/____/sbags phreng dang bcas thims la=____/tshar chen 'dra zhal rdo rje 'chang dngos gzigs/____/dbang bzhi blangs shing thims pas khyed kyi sku/____/kye rdor thugs kar bdag med lha mo ni/____/bco lnga dang bcas gsal la=____/mang mkhar ka la phug tu thugs dam tshe/____/rab byung chas can 'brog mi lo tsA ba/____/paN zhu gsol zhing phyag gnyis rdor dril bsnol/____/tha dad gnyis med thims la=____/gnam mtsho'i 'gram du phebs tshe mtsho de nyid/____/dpal ldan 'khor lo bde mchog pho brang ni/____/thugs gsung sku dkyil 'khor bcas dpa' bo dang /____/mkha' 'gro'i gar bcas gzigs la=____/bal yul dbyig gnyen gdung 'bum thugs 'dun tshe/____/rje des paN zhu gsol zhing paN chas can/____/phyag g.yas skyab sbyin g.yon pas mchog sbyin mdzad/____/zhabs gnyis rol stabs gzigs la=____/mchod rten bya rung kha shor mchod bskor tshe/____/sangs rgyas byang sems dgra bcom nam mkhar bzhugs/____/mchod rten nang du bde gshegs sgrub brgyad kyi/____/dkyil 'khor sgrib med gzigs la=____/bal yul na ro'i sgrub phug paN chen de/____/sngo skya thor cog rus rgyan phyed skyil bzhugs/____/phyag g.yas thod pa g.yon pas bdud rtsi 'thor/____/dbang blangs gnyis med thims la=____/'bras ljongs lha btsun chen po na khreb sku/____/ral cog na bza' phu can bzan sham mnabs/____/chos 'chad mnyam bzhag thod chang can zhal gzigs/____/dbang bskur dbyer med gyur la=____/gnas kyi lte ba brag dkar bkra shis ldings/____/mkha' 'gro'i 'khor bcas lha btsun he ru ka/__phyag g.yas rkang gling g.yon pas thod chang bsnams/____/mdun mkhar gsal bar gzigs la=____/me sprel smin zla'i nyer dgur mtsho pad+ma/____/zhabs bskor mdzad par gu ru za hor mar/____/sa ra ha sogs paN grub mang po yi/____/'khor gyis bskor ba gzigs la=____/'jam dbyangs sa paN chos 'chad glegs ral bsnams/____/g.yon pa mnyam bzhag tshe bum thugs ka ru/____/tshe dpag dkar po'i bdud rtsis tshe bum gang /____/de las bdud rtsi bzhes la=____/'bras ljongs dkon spyi drag po'i dbang sgrub skabs/____/sku yi gsal snang nam mkha'i gtos dang mnyam/____/sprul pas lha srin thams cad dam la btags/____/srog snying gdan du bstims la=____/rdo rje gdan du byang chub chen po nyid/____/thub dbang dngos gyur thugs kar rdor 'chang dang /____/de yi thugs kar kun bzang yab yum bzhugs/____/'khor bcas yang yang gzigs la=____/byang chub shing gi nye 'gram mchod 'bul dang /____/lha babs gnas dang mnyan yod gnas mjal tshe/____/mdun mkhar phyogs mtshams sangs rgyas byang sems bzhugs/____/dbang dang byin rlabs stsal la=____/dur khrod bsil ba tshal gyi sgrub phug tu/____/sha ba ri pa phrag par ri dwags ro/____/bkal zhing phyag g.yas mda' dang g.yon pas gzhu/____/gnas lnga'i lha bcas gzigs la=____/rdo rje gling du ti si'i gangs ngos su/____/rje btsun mi la bde mchog sku gyur las/____/sprul pa'i dkyil 'khor du ni snyan brgyud dbang /____/glegs bam gdams gtad stsal la=____/'bras ljongs gnas su smyung ba'i tshul bstan tshe/____/tsaN+DA go mis rnam 'joms byabs khrus mdzad/____/sha za mkha' 'gros snyung khams 'jib pa na/____/sku nyams gsal dwangs bzhes la=____/gter chen mchog gling gu ru'i chas can gyis/____/byabs khrus mdzad mthar sgyu 'phrul tshe dkar gyi/____/dkyil 'khor sprul te dbang bzhi rgyas pa zhig__/shin tu gsal bar bzhes la=____/gdul bya'i don du zhing gzhan gshegs pa'i tshe/____/sa gzhi cher g.yos mtshan mor 'od dang bcas/____/skye med a yi gdangs dbyangs sgrogs bzhin du/____/'od gsal klong du bzhugs la gsol ba 'debs/____/'on kyang khyed kyi gsang gsum yon tan ni/____/bskal mang gzhal kyang sa thob 'phags pa yi/____/spyod yul min na byis blos ga la dpog__/de ltar na yang dad pa'i gsos su spel/____/bla ma'i yon tan dran cing gsol btabs pas/____/nyam thag skal dman khyed kyi rjes 'jug kun/____/'di dang phyi ma bar do'i gnas skabs su/____/byin gyis rlobs shing thugs rjes bzung du gsol/____/khyad par rtsa ba'i pha ma spun sring gtsos/____/bdag la bzang ngan 'brel ba'i skye 'gro kun/____/las dang nyon mongs rba rlabs 'khrug pa yi/____/'khor ba'i mtsho las myur du bsgral du gsol/____/bdag kyang 'di nas byang chub snying po'i bar/____/'bral med khyed kyi zhabs drung skyes gyur nas/____/gsung gi gsang mdzod ji snyed 'dzin byas te/____/'gro kun byang chub mchog la 'god par shog__/de yi dge ba sprin dkar bla bre las/____/phan bde 'dod dgu'i gru char 'jo ba yis/____/srid zhi dpal gyi lo tog rab rgyas te/____/rnam grol 'bras bus yid can tshims par shog__/ces rje btsun bla ma rdo rje 'chang 'jam dbyangs chos kyi blo gros la gsang rnam gyi sgo nas gsol ba 'debs pa byin rlabs myur 'jug ces bya ba 'di ni/__yul mdo khams su skyes shing bla ma rdo rje 'chang gi zhal slob kyi gral mthar mchis pa kun dga' dbang phyug gis/__rab byung bcu drug pa'i chu byi nag zla'i tshes nang rje bla ma'i zhal gsung phyag bstar dngos kyi shog dril nang 'khod kyi gsang rnam dkyus su bsgrigs skabs su rang gi dad pa'i gsos 'dzin du bcud bsdus gsol 'debs tshig bcad mgyogs bstar bgyis par/__lo de'i mjug tu rnam thar chen mo zhib mjal skabs/__slar yang de'i nang nas kyang kha shas blangs shing gong dang gsham du bsgrigs te bsnan 'phri cung zad bcas spel bar rje gang gi slob grogs brgyud bcas la bla ma'i byin rlabs myur du 'jug pa'i rgyur gyur cig__/sarba mang+ga laM//____//__


gnas sbyar ma'i brgyud 'debs kyi kha skong /__byams pa kun dga' bstan pa'i rgyal mtshan gyi mtshams su/__gnas lhun grub yang rtse'i dben gnas su/____/'jam dbyangs blo gter dbang po la gsol ba 'debs/____/gsol ba 'debs so bdag rgyud byin gyis rlobs/____/gnas 'phags mchog dgyes pa'i dga' tshal du/____/'jam dbyangs rin chen rdo rje la gsol ba 'debs/____/gsol ba 'debs so bdag rgyud byin gyis rlobs/____/gnas bde chen zhing khams chen po ru/____/'jam mgon ngag dbang legs pa la gsol ba 'debs/____/gsol ba 'debs so bdag rgyud byin gyis rlobs/____/gnas brag ra rdo rje'i rdzong chen du/____/rje btsun bkra shis rgyal mtshan la gsol ba 'debs/____/gsol ba 'debs so bdag rgyud byin gyis rlobs/____/gnas gwa gu byang chub nags khrod du/____/'jam dbyangs chos kyi rgyal mtshan la gsol ba 'debs/____/gsol ba 'debs so bdag rgyud byin gyis rlobs/____/gnas phyogs med chos kyi dga' tshal du/____/'jam dbyangs chos kyi blo gros la gsol ba 'debs/____/gsol ba 'debs so bdag rgyud byin gyis rlobs/____/chos kyi blo gros pas so//____//__ gsung ngag rin po che lam 'bras bu dang bcas pa'i bla ma brgyud pa la gsol ba 'debs pa zhes bya ba bzhugs so/____/na mo gu ru b+h+yaHgnas spyi gtsug nyi zla'i gdan steng du/____/drin chen rtsa ba'i bla ma la gsol ba 'debs/____/gsol ba 'debs so bdag rgyud byin gyis rlobs/____/gnas 'og min chos kyi pho brang du/____/sangs rgyas rdo rje 'chang chen la gsol ba 'debs/____/gsol ba 'debs so bdag rgyud byin gyis rlobs/____/gnas zag med sgyu ma'i pho brang du/____/bdag med lha mo bco lnga la gsol ba 'debs/____/gsol ba 'debs so bdag rgyud byin gyis rlobs/____/gnas sau wa nA tha'i gnas mchog tu/____/grub chen rnal 'byor dbang phyug la gsol ba 'debs/____/gsol ba 'debs so bdag rgyud byin gyis rlobs/____/ri bo u tsA ya na'i dur khrod du/____/brtul zhugs nag po spyod pa la=____/gsol ba 'debs so=____/rgya gar kA ma rU pa'i grong khyer du/____/rgyal rigs DA ma ru pa la=____/gsol ba 'debs so=____/shar phyogs mkha' 'gro mnyes pa'i ljongs lung du/____/gnyis spangs a wa d+hu tI la=____/gsol ba 'debs so=____/gnas kha reg thod phu'i yang dben du/____/paN grub ga ya d+ha ra la=____/gsol ba 'debs so=____/mang mkhar mu gu lung gi gnas mchog tu/____/sgra bsgyur 'brog mi lo tsA la=____/gsol ba 'debs so=____/gnas mkhar chung chu kha'i gnas mchog tu/____/bla ma se ston kun rig la=____/gsol ba 'debs so=____/gnas sag thang ding gi dgon pa ru/____/bla ma zhang ston chos 'bar la=____/gsol ba 'debs so=____/gnas skya bo kha gdangs kyi gnas mchog tu/____/sa chen kun dga' snying po la=____/gsol ba 'debs so=____/gnas chu mig rdzing kha'i gnas mchog tu/____/slob dpon bsod nams rtse mo la=____/gsol ba 'debs so=____/gnas sgo rum bla ma'i gzims khang du/____/rje btsun grags pa rgyal mtshan la=____/gsol ba 'debs so=____/gnas byang phyogs sprul pa'i lha khang du/____/chos rje sa skya paN chen la=____/gsol ba 'debs so=____/gnas lha khang bla brang gnas mchog tu/____/'gro mgon chos rgyal 'phags pa la=____/gsol ba 'debs so=____/gnas skyed 'phrang bla ma'i gzims khang du/____/zhang ston dkon mchog dpal ba la=____/gsol ba 'debs so=____/gnas skyer phu rdzing lung gi gnas mchog tu/____/tshogs sgom kun dga' dpal ba la=____/gsol ba 'debs so=____/gnas nyan po bla ma'i gzims khang du/____/nyan chen bsod nams brtan pa la=____/gsol ba 'debs so=____/gnas na bza' brag phug gi dben gnas su/____/grub chen brag phug pa chen po la=____/gsol ba 'debs so=____/gnas bsam yas bla brang gi gzims khang du/____/chos rje bla ma dam pa la=____/gsol ba 'debs so=____/gnas byang chub rdzong gi gnas mchog tu/____/chos rje dpal ldan tshul khrims la=____/gsol ba 'debs so=____/gnas zhe dgon rgyal ba'i ri khrod du/____/grub chen bud+d+ha shrI la=____/gsol ba 'debs so=____/gnas e wa~M chos ldan gyi dgon pa ru/____/ngor chen kun dga' bzang po la=____/gsol ba 'debs so=____/mus bsam gtan gling gi dben gnas su/____/mus chen dkon mchog rgyal mtshan la=____/gsol ba 'debs so=____/gnas dpal ldan sa skya'i gtsug lag tu/____/bdag chen rdo rje 'chang dbang la=____/gsol ba 'debs so=____/gnas kha'u brag rdzong gi ri khrod du/____/rje btsun kun spangs chen po la=____/gsol ba 'debs so=____/gnas bo dong phun tshogs rab brtan du/____/sgo rum kun dga' legs pa la=____/gsol ba 'debs so=____/gnas grong chen khang ser dben gnas su/____/tshar chen blo gsal rgya mtsho la=____/gsol ba 'debs so=____/gnas bo dong bla brang dkar po ru/____/'jam dbyangs mkhyen brtse'i dbang phyug la=____/gsol ba 'debs so=____/gnas slob bshad nor bu'i gling mchog tu/____/mang thos klu sgrub rgya mtsho la=____/gsol ba 'debs so=____/gnas sgrub sde rje yi yang dgon du/____/rje btsun sding ma ba chen po la=____/gsol ba 'debs so=____/gnas 'dar stod chos dbyings pho brang du/____/grub mchog dbang phyug rab brtan la=____/gsol ba 'debs so=____/gnas bkra shis chos sde'i pho brang du/____/mgon po bsod nams mchog ldan la=____/gsol ba 'debs so=____/gnas zhwa lu chos 'khor shar chen du/____/rin chen bsod nams mchog grub la=____/gsol ba 'debs so=____/gnas bco brgyad rdo rje'i pho brang du/____/mkhyen rab ngag gi dbang phyug la=____/gsol ba 'debs so=____/gnas smon dga' bsam gling dben gnas su/____/rmor chen kun dga' lhun grub la=____/gsol ba 'debs so=__'di yan zhal skong bla ma snga ma rnams kyis mdzad pa'o/____/gnas bkra shis chos kyi sde chen por/____/kun dga' legs pa'i 'byung gnas la=____/gsol ba 'debs so=____/gnas dpal ldan sa skya'i bla brang du/____/'jam mgon kun dga' blo gros la=____/gsol ba 'debs so=____/gnas e wa~M thar rtse'i gzims skyil du/____/mkhan chen nam mkha' 'chi med la=____/gsol ba 'debs so=____/gnas khams dbus grub pa'i sman ljongs su/____/byams pa kun dga' bstan 'dzin la=____/gsol ba 'debs so=__sh+lo ka gnyis mkhyen brtse'i dbang pos mdzad pa'o/____/gnas 'og min e wa~M chos ldan du/____/kun dga' bstan pa'i rgyal mtshan la=____/gsol ba 'debs so=__'di mkhan chen bsod nams rgyal mtshan gyis mdzad pa'o/____/gnas 'chi med grub pa'i dga' tshal du/____/'jam dbyangs mkhyen brtse'i dbang po la=____/gsol ba 'debs so=____/gnas rdzong gsar bkra shis lha rtse ru/____/chos rje kun dga' 'jam dbyangs la=____/gsol ba 'debs so=____/gnas gar bzhugs bde chen pho brang du/____/grub dbang kun dga' nyi ma la=____/gsol ba 'debs so=____/gnas lhun grub yang rtse'i dben gnas su/____/'jam dbyangs blo gter dbang po la=____/gsol ba 'debs so=____/gnas spyi gtsug nyi zla'i gdan steng du/____/drin chen rtsa ba'i bla ma la gsol ba 'debs/____/gsol ba 'debs so bdag rgyud byin gyis rlobs/____/gnas snying ga chos kyi pho brang na/____/yi dam dgyes pa rdo rje la gsol ba 'debs/____/gsol ba 'debs so bdag rgyud byin gyis rlobs/____/gnas 'khor 'das dbyer med kyi rang bzhin du/____/dam chos gsung ngag lam 'bras la gsol ba 'debs/____/gsol ba 'debs so bdag rgyud byin gyis rlobs/____/gnas rang snang dag pa'i zhing khams su/____/mched grogs rdo rje'i spun tshogs la gsol ba 'debs/____/gsol ba 'debs so bdag rgyud byin gyis rlobs/____/gnas sgo rum kha'u'i mgon khang du/____/chos skyong gur zhal rnam gnyis la gsol ba 'debs/____/gsol ba 'debs so bdag rgyud byin gyis rlobs/____/lus la bde drod 'bar bar byin gyis rlobs/____/ngag la skye 'gag bral bar byin gyis rlobs/____/sems la bde stong skye bar byin gyis rlobs/____/'khor 'das dbyer med rtogs par byin gyis rlobs/__zhes pa 'di'ang zhang dkon mchog dpal ba yan grub chen brag phug pa la tho rang sa kha zhig na bza' brag phug tu gsung ngag bla ma brgyud pas mdun gyi nam mkha' nas zhal gzigs dus nyams 'ur gyi ngang nas mdzad pa/__brag phug pa'i tshogs gral du rgyun par mdzad/____/de min bla ma so so'i kha skong du mdzad pa 'di gzhan las yid khul stobs che ba yin gsungs nas/__7bdag chen rdo rje 'chang blo gros rgyal mtshan dpal bzang pos thugs gtsigs che ba yin 'dug pas nyams rtogs 'dod pa'i lam 'bras pa rnams kyis kha ton bya'o/____/chos skad kha bshad kho na don du gnyer ba rnams la mkho rigs mi 'dug go/__chos 'phel zhing lam gyi 'bras bu thob pa'i bkra shis shog__/__//__ @#/____/gsung ngag rin po che'i bla ma brgyud pa la gsol ba 'debs pa byin rlabs bdud rtsi'i sprin phung zhes bya ba bzhugs so/____/ na mo gu ru badz+ra d+hA ra ya/__bde stong zung 'jug chos kyi sku/____/ye shes chen po'i mdzod 'chang ba/____/rigs rnams kun gyi khyab bdag che/____/rdo rje 'chang la gsol ba 'debs/____/e yig rnam kun mchog ldan dbyings/____/mtshan ma'i spros pa kun las 'das/____/wa~M yig rdo rje nor bu'i dpyid/____/bdag med ma la gsol ba 'debs/____/zag med dga' bzhi rab rgyas shing /____/bde chen de nyid bdud rtsi'i myos/____/rnal 'byor brtul zhugs grub pa'i gtso/____/bi rU pa la gsol ba 'debs/____/rim gnyis ting 'dzin la brtson pas/____/kun tu rtog pa thams cad spangs/____/ye shes phyag rgya'i sku grub pa/____/nag po pa la=____/gnyis snang chos kun sgyu mar gzigs/____/gnyis med gnas lugs mngon gyur pas/____/gnyis bral rdo rje'i sku brnyes pa/____/a wa d+hU tir=____/las rlung rgyu ba dbu mar tshud/____/rtsa yi mdud grol sa mchog gshegs/____/grub pa'i gar gyi nyams brgyas sgeg__/DA ma ru pa=____/gzhan phan byang chub sems mchog mnga'/____/ting 'dzin zab mo dang ldan zhing /____/man ngag bye ba'i gter gyi mdzod/____/ga ya d+ha rar=____/gangs ljongs skad gnyis smra ba'i phul/____/'brog mi shAkya ye shes zhes/____/mkhas dang grub pa'i rtser son pa/____/lo tsa chen por=____/gdams ngag bdud rtsi'i mchog thob cing /____/zab mo'i lam gyi de nyid rtogs/____/rtag tu gzhan la phan mnga' ba/____/se ston chen por=____/tshe gcig sgrub pa'i rgyal mtshan 'dzugs/____/g.yo med ting 'dzin mchog dang ldan/____/rtsa yi mdud grol bde stong rgyas/____/zhang ston chos 'bar=____/rigs gsum byin rlabs gcig bsdus sku/____/pad+ma dkar po ltar 'phags shing /____/bstan pa'i mnga' bdag sa skya pa/____/kun dga' snying por gsol ba 'debs/____/rig pa'i gnas lnga kun la mkhas/____/snang sems chos kun dbyings su zad/____/'ja' lus dwangs ma'i sku mngon gyur/____/bsod nams rtse mor=____/rdo rje 'chang dbang mi yi gzugs/____/spangs rtogs yon tan mthar son pa/____/rje btsun thams cad mkhyen pa che/____/grags pa'i dpal la=____/'dzam gling mkhas pa kun gyi rgyan/____/gnas lnga rig pa'i paN+Di ta/____/mi 'phrog pa yi thugs mnga' ba/____/'jam dbyangs bla mar=____/chos dang srid kyi rgyal thabs la/____/dbang bsgyur 'phags pa'i nor gyi mdzod/____/mkhas btsun bzang po'i dpal mnga' ba/____/d+harma rA dzar=____/chos brgyad 'ching ba las grol zhing /____/tshe gcig sgrub pa'i dam bca' brtan/____/thub pa'i bstan pa gsal mdzad pa/____/dkon mchog dpal la=____/bla ma'i gdams ngag thugs su chud/____/bskyed rdzogs zab mor brtson pa'i mthus/____/ye shes nyi ma khongs nas 'char/____/brag phug pa la=____/dbang bzhi'i lam la g.yol med cing /____/rnal 'byor drod rtags mchog dang ldan/____/bstan pa yun ring gsal mdzad pa/____/bud+d+ha shrI la=____/rgyal bas bsngags pa'i me tog 'thor/____/rgyal ba gnyis pa kun dga' bzang /____/rgyal bstan spel la 'gran zla bral/____/e wa~M pa la=____/rdo rje 'chang gi thugs kyi sras/____/sum ldan rdor 'dzin kun gyi rgyal/____/'khor lo sdom pa mi yi gzugs/____/rat+na d+hA dzar=____/bslab pa gsum gyi sku brjid cing /____/gdams ngag rgya mtsho'i bdag po che/____/skal ldan yongs su smin mdzad pa/____/blo gros chen por=____/kun tu bzang po'i spyod pa la/____/rtag par dam bca' mi bsnyel zhing /____/mkhyen brtse nus pa'i gter chen po/____/chos kyi nyi mar=____/kun dga'i ring lugs nyin mor byed/____/sde snod rgyud sde'i chu klung che/____/zab don nor bu legs 'byung gnas/____/dpal ldan bla mar=____/snyan brgyud gdams pa rgya mtsho'i mdzod/____/mthu stobs nus pa'i dbang phyug che/____/mkhas grub bye ba'i gtsug gi rgyan/____/blo gsal rgya mtshor=____/'jam dpal sprul pa'i rgyal po yi/____/rnam 'phrul ye shes sgyu ma'i gar/____/bstan pa'i srog shing mkhyen brtse'i zhabs/____/dbang phyug dpal la=____/dbyangs can lha mo mgrin par zhugs/____/shes rab gsum gyi go cha can/____/zab mo'i rgyud kyi bka' babs pa/____/klu sgrub rgya mtshor=____/tshul khrims lang tsho gzhon nur gyur/____/thos bsam sgom pa'i pha mthar phyin/____/'gro la phan ster blo gros can/____/bla ma mchog la=____/bslab gsum yon tan dpal gyis mtho/____/snyan brgyud rgyal mtshan phyogs brgyar bsgrengs/____/zab mo'i don la mnga' brnyes pa/____/thugs rje'i dbang por=____/bsod nams grangs med mtha' yas shing /____/ye shes tshogs gnyis rab tu rdzogs/____/dam chos ljon shing 'phel ba'i gnyen/____/rig sngags 'chang bar=____/ngag gi dpal ster ngag la dbang /____/chos kyi grags par snyems byed pa/____/lung rig sde snod smra ba'i rgyal/____/mkhas pa'i dbang por=____/rdo rje 'chang dbang thugs kyi sras/____/snyan brgyud dbang phyug mnga' bdag mdzod/____/bskyed rdzogs dgongs pa rab tu brtan/____/rje btsun bla mar=____/b+ho tra'i ljongs kyi mgon po mchog__/bstan 'gro'i bsod nams dpal las 'khrungs/____/blo gros rtogs pa mchog ldan pa/____/rdo rje 'dzin par=____/mchog gsum rin chen gdugs dkar po/____/srid mthar sgrengs la mi ngal ba'i/____/rnam dpyod brtson pa mchog grub pa/____/khyab bdag bla mar=____/byams pa'i dpal mnga' thugs rje'i gter/____/ngag gi dbang pos rjes su bzung /____/yon tan lhun gyis grub pa'i mgon/____/dam pa mchog der=____/ngag la dbang bsgyur 'jam mgon lhas/____/rjes bzung mkhas kun dga' ba'i dpyid/____/lhun grub rig pa 'dzin pa'i rgyal/____/rmor chen rje la=____/ngag la dbang bsgyur kun dga'i sku/____/legs pa rnam par dag pa'i thugs/____/lung rtogs yon tan 'byung gnas che/____/ye shes snang ster=____/ngag gi sgrib pa kun dang bral/____/sa la dbang mdzad chos kyi rgyal/____/kun dga'i bstan pa phyogs brgyar spel/____/blo gros mtshungs med=____/nam mkha' lta bur kun la khyab/____/phrin las mtha' yas rgyal sras gtso/____/'chi med rdo rje'i sa brnyes pa/____/rigs kun bdag por=____/byamasa~X pa~X'i dpal dang ldan pa'i mchog__/kuna~X tu bzang po rab dga'a~X ba/____/lhar bcas 'jig rten mchod 'os che/____/ba~Xstan 'dzi~Xn mchog la=____/kun dga'i zhal bzang rab blta zhing /____/mi 'phrog pa yi mkhyen rab ldan/____/bsta~Xn pa~X'i rgyala~X mtsha~Xn sgrengs mkhas pa/____/'jam dbyangs bla mar=____/gangs can bstan pa rgya mtsho'i bdag__/'jam dpal dbyangs dang tha mi dad/____/mdo sngags yongs kyi bka' babs pa/____/mkhyen brtse'i dbang por=____/'ja~Xm dbyanga~Xs bla ma'i thugs kyi sras/____/rina~X chena~X chos tshul rgya mtsho'i mdzod/____/mi phyed rdo~X rje~Xr byang chub pa/____/mkhan chen dam par=____/sgrib gsum dri ma 'joms pa'i dpal/____/dbang bzhi'i lam brtson sku bzhi brnyes/____/rgyud sde rgya mtsho'i sdud pa po/____/blo gter dbang por=____/nga~Xg gi dba~Xng po chos kyi rjes/____/kuna~X dga~X'i byin brlabs dpal thob cing /____/blo gros lega~Xs pa~X'i 'byunga~X gnasa~X gtso/____/ye~X shesa~X rgyala~X mtsha~Xn=____/dran pas srid zhi'i 'jigs pa 'phrog__/rigs kun 'dus pa'i bdag nyid che/____/dkyil 'khor 'khor lo'i bdag por bzhugs/____/rtsa ba'i bla mar gsol ba 'debs/____/rtsa brgyud bla mar phyag 'tshal zhing /____/rab 'byams mchod pa'i sprin gyis mchod/____/sdom pa gsum gyi nyes ltung bshags/____/dge ba kun la rjes yi rangs/____/chos kyi 'khor lo bskor bar bskul/____/mya ngan mi 'da' bzhugs gsol 'debs/____/'dis mtshon rnam dkar ji snyed kyi/____/dge ba byang chub chen por bsngo/____/deng nas byang chub snying po'i bar/____/theg mchog rigs su skyes nas kyang /____/dpal ldan bla mas rjes bzung nas/____/tshul khrims mchog la gnas par shog__/thos bsam sgom pa mthar phyin cing /____/ma dag snang bar zhen pa ldog__/nyams snang skyon med gong 'phel nas/____/dag pa'i snang bar yid rab spro/____/dkyil 'khor bzhi la dbang bzhi bskur/____/kun gzhi rgyu rgyud lta ba rtogs/____/zab mo'i lam gyi chu bo la/____/rtag tu brtson pas 'gros bzhi thim/____/lta dang grub mtha'i rtse mor phyin/____/sgrib pa bzhi dag 'bras rgyud kyi/____/sku dang zhing khams ye shes sogs/____/yon tan bsam mi khyab mngon gyur/____/nyi zla nor bu lha'i rnga sgra/____/dpag bsam shing dang bum bzang bzhin/____/mtha' yas sems can ma lus pa'i/____/re ba yid bzhin skong gyur cig__/skye dang skye ba thams cad du/____/gsung ngag gdams pa'i snod gyur cing /____/gzhi lam 'bras bu'i bdag nyid can/____/kye yi rdo rjer byang chub shog__/ces gsung ngag lam 'bras slob bshad kyi bla ma brgyud pa'i gsol 'debs 'di'ang /__rtsa brgyud bla ma rnams kyi bran du gyur pa 'jam dbyangs chos kyi blo gros pas 7rje sems dpa' chen po'i dus kyi mchod par gang shar yud tsam la rdzogs par bris pa 'dis kyang bdag gzhan rnams kyi rgyud la rtsa brgyud bla ma'i byin rlabs myur du 'jug cing tshe 'di nyid la zung 'jug rdo rje 'chang gi go 'phang thob pa'i rgyur gyur cig__/sarba sid+d+hi rastu//____//__


lam 'bras brgyud 'debs kun bzang dbang bzhi'i zhal skong bstan pa'i rgyal mtshan mtshams/__'og min lhun grub yang rtse'i dben gnas su/____/gsang chen rgyud sde'i shing rta 'khor lo'i mgon/____/snyigs dus bstan 'gro'i dpal mgon drin can rje/____/blo gter dbang po'i zhabs la gsol ba 'debs/____/mdo smad rma lung brag ri'i dben gnas su/____/gsang chen zab mo'i lam mchog 'khrul med la/____/rtse gcig brtson pas 'khor 'das ro mnyam gzigs/____/chos kyi nyi ma'i zhabs la=____/gwa gu byang chub shing gi nags tshal du/____/gsang chen slob bshad zab mo'i nyams len gyi/____/dbang bzhi'i lam gyis sku bzhi'i rang zhal mthong /____/'jam dbyangs rgyal mtshan zhabs la=____/bkra shis 'chi med grub pa'i dga' tshal du/____/yongs rdzogs bstan pa'i mnga' bdag 'jam pa'i dbyangs/____/ngur smrig 'chang ba'i gar gyi rnam rol ba'i/____/chos kyi blo gros zhabs la gsol ba 'debs/__zhes 'jam dbyangs chos kyi blo gros kyis mdzad pa'o//____//__


gsung ngag rin po che'i brgyud 'debs/__rnam dag dkyil 'khor bzhi yi 'dzin ma la/____/sogs nas/__bud+d+ha shrI ngor chen rdo rje 'chang /____/sems dpa' chen po rnams la gsol ba 'debs/____/brgyud srol kun 'dus bdag chen rdo rje 'chang /____/kun spangs chos rje blo gsal rgya mtsho'i zhabs/____/mkhyen brtse'i dbang phyug bslab gsum rgyal mtshan dang /____/dbang phyug rab brtan rnams la=____/bsod nams mchog ldan bsod nams mchog grub dang /____/mkhyen rab byams pa rmor chen gnas gsar rje/____/kun dga' blo gros nam mkha' 'chi med dang /____/kun dga' bstan 'dzin rnams la=____/bstan pa'i rgyal mtshan rin chen rdo rje dang /____/blo gter dbang po ngag dbang legs pa'i zhabs/____/chos kyi nyi ma 'jam dbyangs rgyal ba'i mtshan/____/chos kyi blo gros rnams la gsol ba 'debs/____/brgyud pa'i kha skong 'di/__nged nas khrid tshar gsum yongs 'dzin dam pa gsum las nos pa'i brgyud pa gcig tu sdom pa yin/__'jam dbyangs chos kyi blo gros pas so/____/de ltar gsol ba btab pa'i byin brlabs gyis/____/nges 'byung byang chub sems gnyis snying la shar/____/'bras bu'i yon tan thos pas yid spro ste/____/gsang chen lam la 'jug par byin gyis rlobs/____/bskyed pa phyi dbyibs rdul tshon dkyil 'khor du/____/sogs/__rgyud sde kun btus na dum pa'i nang /__ldeb 231nA ro mkha' spyod sgrub mchod lde'u 30can la brgyud 'debs kha skong ni/__zhwa lu ba dang mkhyen rab rje'i rjes su/__snyan brgyud gdams pa'i gter mdzod rmor chen rje/____/snyan brgyud mnga' bdag kun dga' legs 'byung zhabs/____/snyan brgyud spel mkhas kun dga' blo gros la/____/gsol=____/sa gsum skye dgu'i gnyen gcig thar rtse rje/____/sa bstan nyin mor byed pa'i nam mkha' legs/____/sa bcu'i dbang phyug bstan pa'i nyi ma la/____/gsol=____/grub pa'i sar bzhugs ngag dbang rin chen dang /____/grub pa mchog brnyes kun dga' bstan 'dzin zhabs/____/grub gnyis dpal ster 'jam dpal bzang po la/____/gsol=____/rigs rnams kun bdag 'jam dbyangs mkhyen brtse'i dbang /____/rigs brgya spro mdzad blo gter dbang po dang /____/rigs 'dus 'jam mgon ngag dbang legs pa la/____/gsol=____//____//____!__sman mchod la/__rigs kun khyab bdag mang+ga'i mtshan can la/____/rnam dag=__oM AHhU~M/__gi rjes su/__mkhyen rab byams pa ngag dbang lhun grub rje/____/thams cad mkhyen pa kun dga' lhun grub zhabs/____/ngag gi dbang phyug legs pa'i 'byung gnas la/____/rnam dag=__oM=____/'jam pa'i dbyangs dngos kun dga' blo gros dang /____/mkhas shing grub brnyes nam mkha' 'chi med zhabs/____/'dren pa mchog gyur ngag dbang rin chen la/____/rnam dag=__oM=____/rje btsun 'chi med bstan pa'i nyi ma dang /____/grub pa'i dbang phyug rnal 'byor 'jam dpal bzang /____/rdo rje 'chang dngos mkhyen brtse'i dbang po la/____/rnam dag=__oM=__gsang ba'i bdag po blo gter dbang po dang /____/rnal 'byor dbang phyug ngag dbang legs pa'i zhabs/____/skyabs gnas kun 'dus chos kyi blo gros la/__rnam dag=__oM AHhU~M/__gzhan yang smin byed dbang dang grol byed lam sogs//____//____!__'og min bde chen mgor/____/dag pa bde stong lhun grub gzhal yas nas/____/kyai rdor lha dgu rdo rje rnal 'byor ma/____/rdo rje 'jigs byed gsang ba'i bdag po dang /____/seng+ge'i gdong can 'dir byon=____/dpal ri pad+ma 'od kyi gzhal yas nas/____/khro bo'i rgyal po rta mchog rol pa dang /____/'gro ba'i dbul phongs sdug bsngal sel mdzad pa/____/myur mdzad mgon po 'dir byon mchod gtor bzhes/____/hU~M 'og min bde chen sogs/__7chos kyi blo gros gsung yin pa nges snyam ste 'dir bkod pa'o//____//__



gsung ngag rin po che'i brgyud pa gsum 'dus kyi bla ma gsol 'debs/__na mo gu ru b+h+yaHkun bzang dbang bzhi'i char rgyun 'khor lo'i mgon/____/gsang chen lam bzhi sogs/__de'i kha skong las/__klu sgrub rgya mtsho'i rjes su/__bkra shis dge mtshan dpal gyi chos grwa ru/____/'jam dpal dbyangs dngos blo gsal rgya mtsho yi/____/thugs sras snyan brgyud gdams pa'i rgyal tshab mchog__/gzhon nu blo gros zhabs la=__zhes dang /____/bslab gsum rgyal mtshan rjes su/____/'dar ston rnam rgyal stag rtse'i dgon pa ru/____/drag sngags bsnyen sgrub mthar phyin nus pa'i gter/____/nges don bstan pa'i srog shing sta ra ba/____/bsod nams chos 'phel=____/mkhas pa'i 'byung gnas bzang ldan chos grwa ru/____/'chad rtsod rtsom la 'gran bral paN+Di ta/____/mkhyen brtse nus mnga' dgyes mdzad dbyer med sku/____/ngag dbang chos grags zhabs la=__zhes dang /____/mkhyen rab byams pa'i rjes su/____/snyan brgyud chos kyi 'byung gnas 'dus pa'i sder/____/rgyal ba sku dngos tshar chen bla ma yi/____/zab lam spel mkhas drin chen rdo rje 'chang /____/blo gsal mchog ldan zhabs la=__zhes dang /____/gsung ngag gdams pa'i gter mdzod bka' drin can/____/kun dga' bstan 'dzin zhabs la=____/nges pa lnga ldan e wa~M chos ldan du/____/rgyal kun 'dus zhal mkhan chen rdo rje 'chang /____/byams pa kun dga' bstan pa'i rgyal mtshan zhabs/____/mnyam med bka' drin can la=__de mchan/____/blo gter dbang po dang /__brag ra chos kyi nyi ma'i rjes su/____/ris med chos kyi dga' tshal chen po ru/____/mdo sngags bstan pa rgya mtsho'i mdzod 'dzin cing /____/mkhyen brtse'i nus pa'i ye shes chen po'i gter/____/chos kyi blo gros zhabs la gsol ba 'debs//____//____!__lam 'bras gsung skabs/__rnam dag ma 'don nas/____/ngag gi dbang phyug 'jam dbyangs bla ma yi/__sogs/____/'jam dbyangs bla ma'i byin rlabs sogs/____/rab 'byams shes bya kun la mkhyen pa rgyas/____/dmigs med byams dang brtse ba'i thugs mnga' zhing /____/slob bshad gdams pa'i gter mdzod chos kyi rje/____/ngag dbang legs pa'i zhabs la=____/'jam dpal dbyangs dngos bla mas rjes su bzung /____/mdo sngags chos tshul rgya mtsho'i mnga' bdag che/____/gzhan la phan pa'i phrin las pha mtha' yas/____/chos kyi blo gros zhabs la gsol ba 'debs//____//____!__ri bo rtse lngar 'jam pa'i dbyangs/____/dpal ldan sa skya snying po'i zhabs/__sogs nas/____/byams mgon 'phags pa klu sgrub dang /____/kun dga'i bzhed don ma lus pa/____/tshul bzhin 'byed pa'i dpa' bo che/____/bstan pa'i rgyal mtshan la phyag 'tshal/____/'jam pa'i dbyangs dngos sa skya pa'i/____/bstan pa rin chen mdzod bzung nas/____/skal ldan gdul bya skyong mdzad pa/____/rin chen rdo rje la=____/gsang ba'i bdag po mi yi gzugs/____/rgyud sde rgya mtsho'i mdzod 'chang ba/____/rigs brgya'i khyab bdag 'khor lo'i mgon/____/blo gter dbang po la=____/mkhyen brtse'i blo gros dri med kyis/____/rtag tu gzhan gyi don la dgongs/____/phan bde'i 'dod dgu 'byung ba'i gnas/____/yid bzhin nor bu la=____/'jam dpal dbyangs dngos mkhyen dang brtse'i/____/phrin las rgya mtsho'i mdzod 'dzin cing /____/thugs rje chen po dang ldan pa/____/chos kyi blo gros la phyag 'tshal//____//____!__oM swasti/__rnam kun mchog ldan zung 'jug rdo rje 'dzin/____/zag med bde ba'i gar bsgyur rdo rje gur/____/grub pa mchog gi ded dpon bram ze cher/____/snying nas gsol ba 'debs so byin gyis rlobs/____/zhes sogs brgyud 'debs shwo lo ka nyer brgyad can las/__gsang bdag rdo rje 'dzin dngos blo gter dbang /____/nag po che grub bsam gtan blo gros zhabs/____/'jam dbyangs bla ma chos kyi blo gros la/____/snying nas gsol ba 'debs so=__yang gcig__/gsang bdag rdo rje 'dzin dngos blo gter dbang /____/nag po che grub 'jam dbyangs bstan 'phel dang /____/'jam dbyangs bla ma ngag dbang legs pa la/____/snying nas gsol ba 'debs so byin gyis rlobs//____//__ @#/____/dpal rdo rje gzhon nu'i bla ma brgyud pa'i gsol 'debs zhal skong bcas pa bzhugs/____/ dpal ldan bstan g.yo kun khyab srid zhi'i bdag__/rang bzhin brjod pa'i mtha' bral chos kyi dbyings/____/'gyur med rang rig 'od gsal bde ba che/____/chos sku kunaX tuX bzaXng poX la gsol ba 'debs/____/rnam dag de bzhin nyid las ma g.yos kyang /____/dag pa'i 'khor gyi snang ngor kha sbyor sku/____/rab mdzes mtshan dpe'i dpal 'bar longs spyod rdzogs/____/zung 'jug rdoX rjeX semaXs dpa' la gsol ba 'debs/____/o DI ya nar rgyal po'i rigs 'khrungs shing /____/gangs ri'i ljongs 'dir ma rung kun btul nas/____/dpag yas byin rlabs dngos grub char 'bebs pa/____/sprul sku paXd+ma 'byungaX gnaXs la gsol ba 'debs/____/'phags yul rig gnas rgya mtsho'i grur zhugs te/____/dam chos nor bu'i ded dpon klu?X dba?Xng po/____/grub gnyis par zhugs dge bsnyen tshul 'dzin gang /____/rdoX rjeX riXn cheXn rnam gnyis la=__'khor 'das sgyu mar rtogs pa'i shesaX rabaX dang /____/dmigs med thugs rje'i yoXn tanaX dang ldan pa'i/____/dam pa'i tshul bzhin bslab gsum khrims kyi mdzes/____/bla ma rgyalaX po'iX mtha' can la gsol ba 'debs/____/zab gsal rdoX rje'iX sku nyid mngon gyur kyang /____/tha mal tshul bstan gtsuXg gtoXr shes rab mtshan/__dge legs gzhi gyur byang chub thugs mnga' ba/____/'gro ba'i skyaba?Xs gnas mchog gyur=____/gcig tu dgeX ba'i chos la thugs gzhol zhing /____/yang dag nges pa'i don mthoXng rigs sngags 'chang /____/glang gi brag la rdo rje gzhon nu'i zhal/____/legs gzigs 'khon ston b.laX poX laX=____/snga 'gyur naX bzaX'i ring lugs rnams kyi mchog__/sgrub la brtson mdzad grub pa'i bloX gros can/____/gsang sngags mthu yi dam can bran du 'phel/____/'khoXn roXg shesaX raXb tshulaX khrims la=____/dri med dkoXn mchoXg gdung 'dzin chos kyi khrir/____/theg mchog 'khor lor bsgyur ba'i rgyalaX poX gang /____/snyigs dus gangs can dpal gyur sprul pa'i sku/____/bla chen kunaX dgaX' snyingaX po la=____/de sras 'jam pa'i dbyangs kyi byin brlabs pa/____/rig gnas kun mkhyen bsoXd namaXs rtseX moX dang /__7/__rgyal ba'i mkhyen brtse gcig bsdus rdo rje 'dzin/____/rje btsun gragaXs paX rgyalaX mtshaXn la=____/zab mo'i lam gyi rang gi rgyud smin nas/____/gzhan yang brtse ba'i thugs mnga' dpaXl cheXn 'od/____/mkhyen rab thogs med 'jig rten kun gyi mig__/sgra bsgyur kunaX dgaX' rgyalaX mtshaXn la gsol=____/rje btsun mchog las 'khrul med gdams pa rnams/____/legs nos gzhan la 'chad mkhas 'oda?X ldana?X pa/____/chos kunaX dgaX' bzhi'i ngo bor ro gcig rtogs/____/rdoX rjeX gsum dang dbyer med la=____/mchoXg tu gzhan la phan pa'i thugs ldan zhing /____/skad gnyis smra ba leXgs paX'i blo~X grosaX can/____/gzhung lugs man ngag kunaX 'dus dga'aX ba'i tshal/____/bsodaX nams ye shes mthar phyin la=____/rnam mang gsungs rab mtha' dag legs sbyangs nas/____/gdams pa'i mdzod 'dzin riXn chenaX rgyalaX mtshaXn dang /____/bslab grol ngur smig gar gyi mdzes pa'i sku/____/chos rje bsoXd namaXs rgyalaX mtshan la=____/snyan brgyud lung dang rig pa'i gter mnga' ba/____/rgyal ba'i sras po shesaX raXb rdoX rjeX dang /____/dpag yas 'gro la byams dang snying rje yi/____/mkhaXn poX thugaXs rjeX shesaX raXb la=__zung 'jug dbu ma'i lam gyi rgyud grol nas/____/grub pa'i sngagaXs 'chaXng d+haXrmaX kiX rtiX'i zhabs/____/rab dge'i spyod pas gzhan don la dgongs pa/____/'phaXgs paX namaX mkhaX'i snyingaX poX la=____/'jam pa'i dbyangs kyi rjes su bzung mthu ldan/____/sbas pa'i rnal 'byor nam mkha' rgyal mtshan zhabs/____/lhag pa'i lha dang dbyer med 'khor lo'i mgon/____/rgyaX gaXr sheXs raXb rgyalaX mtshaXn la=____/dpal ldan mthu stobs mgon po'i byin brlabs shing /____/rim gnyis ting 'dzin mchog la mnga' brnyes pa/____/mang thos blo gsal rnam dag khrims kyi mdzes/____/'jam dbyangs kunaX dgaX' bsoXd namaXs laX=____/lha mchog ngag gi dbang pos rjes bzung zhing /____/chos kyi sbyin pa'i snyan pas grags pa can/____/bka' gdams bstan pa'i srog shing sems dpa' che/____/spyan snga chos kyi spyan ldan la=____/sngon tshe chos kyi rgyal po tshul khrims bar/____/phyi mar ngaXg dbaXng choXs kyi gragaXs pa zhes/____/dus 'dir spyan snga byams pa kun dge'i mtshan/____/sprul pa'i skyes mchog dam par=__dus gsum rgyal ba'i rnam 'phrul sa skya pa/____/rdo rje 'chang dngos kun dga'i mtshan can gyi/____/bstan pa rin chen phyogs bcur spel mdzad pa'i/____/sngaXgs 'chaXng ngag giX dbaXng poX la=____/smin byed dbang gi chu bos rgyud sbyangs nas/____/gdams pa nyams len chu bo mthar phyin te/____/skal bzang 'gro la rnam 'dren lam ston pa'i/____/'jam dbyangs bsoXd namaXs dbaXng poX la/____/kuna?X tu 'gro la brtse ba'i rjes chags nas/____/dga' bzhi'i dpal ster grub pa'i sa la bkod/____/donaX gnyis lhun grubaX bde stong legs rol pa/____/yongs 'dzin dpal ldan bla mar=__khrag 'thung lnga bcu'i gtso bo kI la ya/____/snyigs dus log 'dren 'dul ba'i dpa' bo ru/____/legs bzhes gos dkar lcang lo mdzes pa'i sku/____/drin can kunaX dga'aX bsoXd namaXs la=____/mkhas grub kun gyi mchog gyur bla ma rje/____/lung rtogs zab don nor bus legs phyug pa'i/____/sprul pa'i sku mchog 'gro ba'i skyabs gnas mchog__/bdag chen bsoXd naXms dbaXng phyugaX la=____/'chi med rigs sngags grub pa'i sku brnyes shing /____/mtha' klas 'gro la legs pa'i lam ston pa/____/chos kyi rgyal po lha bcas skye rgu'i mgon/____/ngagaX dbaXng kunaX dgaX' bkraX shisaX la=____/dkon mchog gsum gyi bstan pa'i srog shing mchog__/chos kyi rgyal po 'dzam gling skye rgu'i mgon/____/rdo rje 'dzin pa ngur smrig 'chang ba'i gtso/____/bla chen dkoXn mchoXg rgyal po la=____/dpag med 7rgyal ba kun gyi phrin las can/____/rtsod med mkhas grub bye ba'i gtsug gi rgyan/____/ris med 'gro la byams dang brtse ba'i bdag__/sngags 'chang bsoXd namaXs riXn cheXn la=____/srid gsum dregs pa'i tshogs rnams gzi gyis mnan/____/theg gsum chos kyi sgra dbyangs rtag sgrogs shing /____/rigs gsum gdul bya'i tshogs rnams smin mdzad pa/____/'jam mgon kunaX dgaX' bloX grosaX la gsol=____/'jig rten skye rgu kun gyi gtsug tor cher/____/zhabs sen nyi ma nor bu bstod tsam gyi/____/srid zhi'i gdung ba mtha' dag sel mdzad pa/____/mthu chen dbaXng sdudaX snyingaX po la=____/'od gsal 'chi med rigs kyi thig le las/____/rigs sngags grub pa'i dbang por sku bzhengs te/____/'khor ba'i sdug bsngal kun nas sel ba'i dpal/____/paXd+ma bdudaX 'dulaX dbang phyug la=____/sngon tshe nyan thos mchog gyur mo'u 'ga' bu/____/phyi rabs 'dul don kun dga' rnam rgyal zhes/____/deng 'dir drin can bla ma gdod ma'i mgon/____/ngag dbang kunaX dgaX' rgyalaX mtshaXn la=____/theg chen byang chub sems kyis thugs rgyud gtams/____/gzhan yang snying rje'i 'gro rnams dbang du 'dus/____/thams cad mkhyen pa'i rgyal sar bkri mdzad pa/____/sngags 'chang bkra shis rin chen la=____/bla mchog ngaXg gi dbaXng po'i ye shes sku/____/'jigaXs medaX grub pa'i dpa' bo'i sku bzhengs te/____/dam chos zab mo'i dbaXng 'byor rgyalaX ba'i sras/____/rdo rje 'dzin pa chen por la=____/mtha' yas 'gro kun 'khor ba'i sdug bsngal las/____/grol phyir mi yi tshul du gos dkar 'chang /____/kun bzang rigs bzhi'i dgongs pa rab brnyes pas/____/dragaX shulaX phrinaX laXs rinaX chenaX la=____/gzhi lam 'bras gsum gcig pa'i dgongs mnyam rdol/____/rgya bod sa skyong chen pos gtsug nor che/____/rgyal bstan bdag po mnga' gsol rdo rje 'chang /____/ngag dbang mthuX stobaXs dbang phyug la=____/mdo rgyud rgya mtsho lta bu'i mdzod bzung nas/____/ris med grub mtha'i chos kyi 'khor lo bskor/____/mkhas grub bye ba'i gtsug rgyan sa skya pa/____/ngag dbang kunaX dgaX' bsoXd namaXs la gsol ba 'debs/____/dngos dang brgyud pa'i rdo rje slob dpon sogs=__zhes dpal rdo rje gzhon nu'i bla ma brgyud pa rnams kyi zhal bskangs dang bcas pa 'di'ang 'khon rigs ngag dbang kun dga' bsod nams bar du byon pa'i brgyud 'debs dge'o//____//__


rig 'dzin rnams kyi bskul kha skong dang bcas bzhugs/____/byang chub mchog tu sems bskyed cing /____/dus gsum rgyal ba'i gdung 'tsho ba'i/____/rig 'dzin rnams kyi dus la babs/____/phur bu sgrub pa'i grogs mdzod cig__/slob dpon pad+ma 'byung gnas kyis/____/rgya gar tsan+dan nags tshal du/____/ji ltar rtags bstan bsnyel lam kyi/____/phur pa sgrub pa'i grogs mdzod cig__/slob dpon bi ma mi tra yis/____/mang+ga la yi chu bo la/____/ji ltar rtags=__bal po shrI la many+dzu yi/____/maN+Da la yi mkhar gong du/____/ji ltar=____/mchims ston shAkya pra b+ha yis/____/yar lung bgegs kyi phug chung du/____/ji ltar=____/shud bu dpal gyi seng+ge yi/____/'on shang mdo yi brag dmar la/____/ji ltar=__sna nam rdo rje bdud 'joms kyi/____/has po ri yi yang gong du/____/ji ltar=____/mkhar chen bza' yi mtsho rgyal yis/____/dgung gi pho rog nag po la/____/ji ltar=____/mkhar chen dpal gyi dbang phyug gis/____/rtsibs kyi nga ki sngon po la/____/ji ltar=____/'khon ston klu dbang srung ba yi/____/lha sar yer pa'i brag phug tu/____/ji ltar=____/gcung ston rdo rje rin chen gyi/____/drag po'i dbang bskur mdzad pa'i tshe/____/ji ltar=____/'khon ston ba po zhes bya yi/____/tsha mo rong gi brag phug tu/____/ji ltar=____/sngags 'chang rgya gar sher bzang gis/____/gru tsha mthon po bya ba ru/____/ji ltar=____/'jam mgon kun dga' bsod nams kyis/____/'bam rong brag gi gnas mchog tu/____/ji ltar=____/sngags 'chang ngag gi dbang po yis/____/spa gro stag tshang gnas mchog tu/____/ji ltar=____/'jam dbyangs bsod nams dbang po yis/____/byas 'gyur rdo rje'i brag rdzong du/____/ji ltar=____/sngags 'chang grags pa blo gros kyis/____/brang ngad ldan pa'i ri bo ma/____/ji ltar=__sngags 'chang kun dga' bsod nams kyis/____/lha ldan 'byung ba'i pad 'byung zhes/____/ji ltar=____/sngags 'chang bsod nams dbang phyug gis/__kha'u brag rdzong gnas mchog tu/____/ji ltar=____/sngags 'chang kun dga' bkra shis kyis/____/gnod sbyin khang bzang gnas mchog tu/____/ji ltar=____/'jam dbyangs bsod nams rin chen gyis/____/lha mthil gtsug lag khang chen du/____/ji ltar=____/drin can kun dga' blo gros kyi/____/dbus rtse gtsug lag khang chen du/____/ji ltar=____/mthu chen dpal ldan chos skyong gis/____/chos 'khor dpal gyi bsam yas su/____/ji ltar=____/gang zhig gcung po kun rin gyis/____/pho brang phun sum tshogs khang du/____/khro rgyal chen po'i gtor bzlog nyid/____/zor 'phang las mdzad skabs thog der/____/ched lhag sra ba'i sa gzhi la/____/thim zug nus pa'i rtags mtshan ni/____/ji ltar=__mthu chen sa chen kun rin gyis/____/lha chen re kha'i steng nyid nas/____/ji ltar=____/grub dbang dngos grub dpal 'bar gyis/____/chos 'khor lha sa'i gnas mchog tu/____/ji ltar=____/'jam mgon kun dga' rgyal mtshan gyis/____/e waM chos ldan gnas mchog tu/____/ji ltar=____/grub mchog rdo rje rin chen gyi/____/spa gro stag tshang gnas mchog tu/____/ji ltar=____/'jam dbyangs mang+ga'i mtshan can gyis/____/gnas chen yar lung shel brag tu/____/ji ltar=__skyabs mchog kun dga' snying po yis/____/dbyar gnas phur pa pho brang du/____/nag phyogs log 'dren ma rung pa/____/rgyas phyogs chu bo rngam zhing brjid/____/gnas mchog rten dang rten pa bcas/____/sa ni nyes skyon nye ba'i tshe/____/rdo rje gzhon nu'i thugs mdangs kyi/____/rab gnas thum bcar gnang ba na/____/chu bo gyen du ldog pa dang /____/me sprel lta gdan e waM du/____/gtsug tor lar byung gdugs dkar gyis/____/bzlog mdos zab mnan mdzad pa'i tshe/____/zor gtor khrag rgyun nar ma babs/____/zhing bcu thal bar brlag pa sogs/____/ji ltar=____/skyabs mchog kun dga' bsod nams kyis/____/lha ldan gzhi sde'i pho brang du/____/khro rgyal rdo rje gzhon nu dang /____/mthu chen drag po'i zung 'brel gyis/____/'gong po mnan skor sgrub pa'i skabs/____/sgrub khang shin tu dri rngam pa/____/srod la ngu 'bod ngar sgra can/____/dngos su zhugs pa'i rtags mtshan 'char/____/dngos gzhi mnan gtad 'gugs gzhugs tshe/____/phyogs bcur rlung 'tshub lung gang g.yo/____/mnan dong phus sa dmigs med thim/____/gzugs can kun kyang ngo mtshar skyes/____/ji ltar=__dpal ldan phyogs kyi glang po yi/____/bsnyen sgrub gtor 'od 'phros pa'i tshe/____/ji ltar=____/mthu chen gsang ba'i bdag po yis/____/pho brang chen po po tA lar/____/ji ltar=__drag shul yon tan rgya mtsho yi/____/rdo rje gzhon nu'i gtor sgrub skabs/____/dam can bdud mgon thod phreng gi/__zor gtor dgra phyogs 'phar zhing g.yo/____/gzhan yang mnga' ri gdul bya'i ngor/____/chu bo mngon dang bsgyur la sogs/____/ji ltar=____/mthu chen dngos grub rgya mtsho yis/____/mnga' ri mkho char gnas mchog tu/____/drag po'i mnan gtad mdzad pa'i tshe/____/mnan dong dbus su me stag 'phro/____/rab gnas mnga' gsol mdzad pa'i tshe/____/me tog char pa'i rgyun phab cing /____/ji ltar=____/drag shul nus mthu'i dpal mnga' ba/____/skyabs mchog phrin las rin chen gyis/____/rdo rje gzhon nu'i bsnyen sgrub skabs/____/yi dam lha yi zhal gzigs cing /____/lha gdan gru 'dzin pho brang du/____/gtor las bdud rtsi'i rgyun babs cing /____/ji ltar=____/'jam dbyangs 'jigs bral bdud 'dul gyis/____/mtha' med 'gro ba'i re skong phyir/____/'go yul stod sogs mtsham rkams rnams/____/chu bo rgya mtsho bsgyur mdzad pa/____/gdan sa drag po'i gtor sgrub skabs/____/gtor chen khrag rlon nyer ba sogs/____/ji ltar=____/ngag dbang mthu stobs dbang phyug gis/____/dpal thangs gnas su chu bo ston/____/de nas nub re byon lam du/____/gangs chu drag po gyen du ldog__/gdan sa 'di dang lha ldan sogs/____/mngon spyod las la gzhol ba'i tshe/____/zor gtor phar rgol rang sgra sgrogs/____/dam nyams rtsi ta tshal pa gas/____/khyad par lha chen nyams gso skabs/____/sa rdo dben par yi mug tshe/____/ngo mtshar thugs smon drag rdob kyi/____/sngar bar mtshar ba'i ka gdan dang /____/d+ho yi ka ba thems skas sogs/____/rdo bzang nam mkha'i mdzod bzhin rdol/____/ji ltar=____/dpal chen kun dga' rin chen gyis/____/dpal ldan rgyun gyis dbang po ru/____/gtor chen khrag rgyu nyer ba 'jag__/gdan pa bstan rim mdzad pa'i tshe/____/nyung dkar drag tu 'khol ba sogs/____/bstan dgra dbyings su bsgral ba sogs/____/ji ltar=____/'jam mgon kun dga' rgyal mtshan gyis/____/chu bya gro bzhin phur sgrub skabs/____/rdul mtshon dkyil steng me tog gi/__rjes mang byung zhing me byi lor/____/bstan rims phur sgrub zor 'phen las/____/khrag rgyun nar 'dzag bstan dgra brlag__/ji ltar=____/ngag dbang kun dga' bsod nams kyis/____/gdan sar drug bcu'i gtor bzlog skabs/____/spyi sgos dam nyams sgrol ba'i rtags/____/sgrub khang thams cad shum dri gang /____/de mur dngos su brlag mdzad cing /____/gzhan yang rtags mtshan mang ba sogs/____/ji ltar rtags mtshan brten lam ci/____/phur pa'i sgrub par grogs mdzod cig__/rig 'dzin rnams kyi dus la babs/____/byin gyis brlab pa'i dus la babs/____/mthu rtsa 'byung ba'i dus la babs/____/dgra bgegs sgrol ba'i dus la babs/____/ces pa'ang dge bI ma la mi tra nas/____/des ngag dbang kun dga' bsod nams bar du byon pa'i rig pa 'dzin pa chen po rnams kyi bskul dge/____//__ bi ma'i yang tig gi brgyud 'debs ye shes mchog stsol ces bya ba bzhugs so/____/kun tu bzang po ston pa rdo rje 'chang /____/rdo rje sems dpa' bdud 'dul seng gdong ma/____/gsang bdag dpa' bo dga' rab rdo rje la/____/gsol ba 'debs so bdag rgyud smin grol mdzod/____/many+dzu mi tra dpal gyi seng ge dang /____/bi ma mi tra chos rgyal yab sras dang /____/sprul pa'i gter chen mchog gyur gling pa la/____/gsol ba 'debs so bdag rgyud smin grol mdzod/____/'od gsal klong nas sprul pa'i rdo rje shar/____/rnam par snang mdzad pad+ma gar gyi dbang /____/dam 'dzin rnam rol rat+na ak+Sha ra/____/gsol ba 'debs so bdag rgyud smin grol mdzod/____/bla ma dpal chen DA ki 'bum gyi tshogs/____/dgyes pas byin rlobs ye shes bcud du smin/____/rig stong 'od gsal chos skur rdzogs pa dang /____/'chi med 'ja' lus rdo rje'i sku thob shog__/ces pa'ang pad+ma ye shes rdo rjes 'di yi bsnyen sgrub la gzhol ba na gsol ba btab pa dge legs su gyur cig__/__//__ bla sgrub brgyud 'debs byin rlabs sprin phung zhes bya ba bzhugs so/____/na mo gu ru/__bde ldan chos sku'i zhing na snang mtha' yas/____/longs sku thugs chen pad+ma gar gyi dbang /____/sprul sku rig 'dzin pad+ma 'byung gnas la/____/gsol ba 'debs so dbang bskur byin gyis rlobs/____/dbyangs can sprul pa ye shes mtsho rgyal dang /____/'jam dpal dbyangs dngos tshangs pa lha'i me tog__/rgyal sras lha rje mchog grub rgyal po'i zhabs/____/gsol ba 'debs so=____/mnga' bdag sprul pa nyang ston nyi ma 'od/____/bka' babs bdun ldan pad+ma mdo sngags gling /____/gang de'i byin rlabs ye shes rdo rje la/____/gsol ba=____/byin rlabs mchog stsol rtsa brgyud bla ma dang /____/dngos grub char 'bebs yi dam zhi khro'i lha/____/phrin las thogs med mkha' 'gro chos skyong rjer/____/gsol ba 'debs so dbang bskur byin gyis rlobs/____/gzhi yi rig pa nges 'byung byang sems ldan/____/bskyed rdzogs lam gyis rgyud grol sa lam bgrod/____/gzung sprin ting 'dzin mi zad dbang 'byor zhing /____/sku bzhi'i go 'phang thob par byin gyis rlobs/____/ces pa'ang chos kyi blo gros pas bris pa dge'o//____//__ yang gter rta mgrin gnyen po lha lnga'i brgyud 'debs pad+ma'i phreng mdzes zhes bya ba bzhugs/__chos sku'i ston pa kun bzang 'od mi 'gyur/____/longs sku thugs chen pad+ma gar gyi dbang /____/sprul sku rig 'dzin pad+ma 'byung gnas la/____/gsol ba 'debs so nad gdon mthar byed shog__/mi brjed gzungs thob mkhar chen bza' mtsho rgyal/____/ye shes spyan ldan bai ro tsa na dang /____/sprul pa'i gter chen mchog ldan mgon po la/____/gsol ba 'debs so nad gdon mthar byed shog__/khri srong rnam rol pad+ma mdo sngags gling /____/rnam par snang mdzad blo gros mtha' yas dang /____/grub pa'i rig 'dzin snang mdzad rdo rje la/____/gsol ba 'debs so nad gdon mthar byed shog__/smin grol don ston rtsa ba'i bla ma rje/____/yi dam rta mgrin gnyen po lha lnga dang /____/mkha' 'gro chos skyong nor lha gter bdag la/____/gsol ba 'debs so nad gdon mthar byed shog__/bsnyen sgrub bskyed rim bzlas pa'i rnal 'byor gyis/____/sngon las 'phral rkyen nad gdon bar chad zhi/____/rdzogs rim dug lnga ye shes lam khyer gyi/____/rig pa'i rtsal rdzogs dpal chen 'grub par shog__/ces pa'ang nye bar gnas pa drung yig tshe ring bkra shis kyis lha rdzas bcas bskul ngor chos kyi blo gros pas gsol ba btab pa sid+d+hi rastu//____//__ snyan brgyud rta mchog rol pa'i brgyud 'debs bzhugs so/____/bde ldan dang po'i sangs rgyas 'od dpag med/____/longs spyod yongs rdzogs dbang chen rta mchog dpal/____/grub pa'i rig 'dzin nA gA rdzu na la/____/gsol ba 'debs so bdud dpung mthar byed shog__/snang srid dbang bsgyur pad+ma rgyal po dang /____/snyan brgyud bka' babs pad+ma mdo sngags gling /____/chos bdag skyes mchog brgyud par bcas pa la/____/gsol ba 'debs so=____/yi dam dbang chen rta mchog rol pa dang /____/mkha' 'gro chos skyongs nor lha gter bdag sogs/____/pad+ma gsung gi dkyil 'khor rab 'byams la/____/gsol ba 'debs so=____/gzhi yi rigs sad lam gyi bgrod pa yis/____/snang srid thams cad gdod nas dag par shar/____/rta skad thengs gsum dgongs pa mngon gyur nas/____/'bras bu rta mchog rol pa mngon gyur shog__/ces pa'ang 'jam dbyangs chos kyi blo gros pas gsol ba btab pa sid+d+hi rastu//____//__ snyan brgyud ma mo'i gnad tig gi brgyud 'debs bde chen char 'bebs zhes bya ba bzhugs so/____/mkha' dbyings bde klong 'khyil pa kun tu bzang /____/mngon rdzogs rgyal po bde mchog mu khA le/____/rtag rgyal lnga sogs bla med ma rgyud kyi/____/rgyal ba dgongs pa'i brgyud par gsol ba 'debs/____/rig 'dzin chen po d+ha na saM skr-ita/____/rgyal ba kun 'dus pad+ma thod phreng rtsal/____/sprul pa'i mtshan mchog gu ru nyi ma 'od/____/rig 'dzin rigs pa'i brgyud par gsol ba 'debs/____/lo chen bai ro chos rgyal yab sras dang /____/bde chen rgyal mo 'brog mi dpal ye shes/____/snyan brgyud bka' babs pad+ma mdo sngags gling /____/gang zag snyan khungs brgyud par=____/chos kyi sdud po blo gros pha mtha' yas/____/smin grol gdams pa'i mdzod 'dzin thams cad dang /____/zab mo'i lam 'di dngos su ston mdzad pa'i/____/rtsa ba'i bla ma rnams la gsol ba 'debs/____/dbang gis rgyud smin dam tshig rnam par dag__/bskyed rdzogs lam bsgom khams gsum zhen rtog sbyangs/____/rtsa dag ma mo mkha' 'gro'i grong khyer che/____/rlung dag d+hU ti'i dbyings su thim gyur cig__/thig le dag pa bla med he ru ka/__mngon rdzogs rgyal po'i klong du byang chub ste/____/sku dang ye shes phrin las rgya mtsho yi/____/go 'phang tshe 'di nyid la 'grub par shog__/ces pa'ang rig 'dzin kun bzang 'od gsal snying po rtsal gyis/__me bya zla 11tshes 15la 'bras ljongs sgang thog tu 'di'i bskang mdos 'don skabs bris pa dge'o//____//__ bla ma yang tig gi brgyud pa'i phyag 'tshal byin rlabs sprin tshogs kha skong ni/__'jam mgon pad+ma gar dbang 'phror/____/zab don rtogs pa'i rtse mor son/____/mkhas dang grub pa yongs kyi rje/____/mdo sngags rgya mtsho'i gter chen po/____/pad+ma bi dza la phyag 'tshal/____/rnam par snang mdzad sprul pa'i sku/____/blo gros pha mtha' yas pa'i sde/____/bsam bzhin 'gro ba 'dul ba'i gnyen/____/legs pa'i blo gros la phyag 'tshal/____/'jam dbyangs bla mas byin gyis brlabs/____/zab rgyas gdams pa'i mdzod 'dzin pa/____/ngo mtshar phrin las bsam mi khyab/____/chos kyi blo gros la phyag 'tshal/____/gzhan yang sogs/__ces pa'ang d+harma ma tis so//____//____!__gsol 'debs kha skong /__'jam mgon 'phror/__rig 'dzin spyi rje pad+ma bi dza la/____/gsol ba 'debs so thugs rje'i spyan gyis gzigs/____/'khor 'das gnyis 'dzin rtog pa rang grol du/____/da lta myur du 'gyur bar byin gyis rlobs/____/pad+ma dri med legs pa'i blo gros la/____/gsol ba=____/gzhi grol rig pa sgrib med mngon sum du/____/da lta nyid du rtogs par=____/sprul pa'i sku mchog blo gros rgya mtsho la/____/gsol ba 'debs so thugs rje'i spyan gyis gzigs/____/'chi med gnyug ma mi shig rdo rje'i rdzong /____/da lta nyid du zin par byin gyis rlobs/____/ces pa'ang d+harma ma tis so//____//__ nyang gter bla ma zhi ba'i brgyud 'debs rin chen phreng mdzes zhes bya ba bzhugs so/____/bde chen chos sku snang ba mtha' yas dang /____/longs spyod rdzogs sku pad+ma gar gyi dbang /____/thugs rje sprul sku gu ru pad+ma 'byung /____/bde chen mtsho rgyal zhabs la gsol ba 'debs/____/zab gter mnga' bdag nyang ral nyi ma 'od/____/mnga' bdag 'gro mgon nam lang byang chub mgon/____/slob dpon bstan srung kun mkhyen klong chen pa/____/bde legs rgya mtsho rnams la=____/bya bral chos rje sang don kun spangs pa/____/sangs rgyas ye shes sangs rgyas rgyal mtshan zhabs/____/kun dga' bkra shis sna tshogs rang sar grol/____/bstan 'dzin grags pa rnams la=____/pad+ma phrin las tshul khrims rdo rje'i mtshan/____/phrin las lhun grub gter bdag gling pa dang /____/rin chen rnam rgyal o DI ya ni'i zhabs/____/pad+ma bstan 'dzin rnams la=____/phrin las rnam rgyal d+harma di paM dang /____/sangs rgyas kun dga' 'jam mgon mkhyen brtse'i dbang /____/blo gros mtha' yas si tu chos rgya mtsho/____/rtsa ba'i bla ma rnams la gsol ba 'debs/____/bla ma'i byin rlabs dbang gis rgyud smin cing /____/dam tshig sdom pa rnam par dag pa dang /____/rim gnyis lam gyi bsgrod pa mthar phyin nas/____/khyab bdag kun bzang go 'phang myur thob shog__/ces pa'ang 'bri gung sgyu ra gter ston 'od gsal rdo rje'i gsung bskul ngor 'jam dbyangs chos kyi blo gros pas smras rim bzhin gus slob tshe ring dbang gi rgyal pos yi ge bris pa dge/____//__ rwa khrid mkha' 'gro snyan brgyud kyi brgyud pa'i gsol 'debs bsdus pa byin rlabs myur 'jug ces bya ba bzhugs so/____/oM swasti sid+d+hi/__gshin rje gshed dang rdo rje bai ta li/____/la li ta dang a mo g+ha badz+ra/____/ye 'byung sbas pa pad+ma badz+ra la/____/gsol ba 'debs so mchog thun dngos grub stsol/____/rje btsun ye rang pa dang rwa lo che/____/chos rab zhabs dang rwa ban ye shes mtshan/__'bum seng d+harma seng+ge dkon seng la/____/gsol ba=____/shes rab rgyal dang dbang phyug rgyal mtshan zhabs/____/kun dga' brtson 'grus brtson 'grus byang chub dang /____/kun dga' rgya mtsho yon tan chos rin la/____/gsol ba=____/brtson 'grus rgya mtsho chos skyong rgyal mtshan zhabs/____/yon tan rgya mtsho tshar chen rdo rje 'chang /____/mkhyen brtse'i dbang phyug bslab gsum rgyal mtshan la/____/gsol ba=____/bsod nams chos 'phel dbang phyug rab brtan dang /____/bsod nams mchog ldan ngag dbang chos kyi grags/____/ngag dbang rnam rgyal bzang po rgyal mtshan la/____/gsol ba=____/kun dga' lhun grub legs ba'i 'byung gnas dang /____/bsod nams dpal bzang chos nyid ye shes zhabs/____/bstan pa'i nyi ma kun dga' rin chen la/____/gsol ba=____/smon lam grags pa 'jam dbyangs blo gsal dang /____/'jam dbyangs mkhyen brtse blo gter dbang po'i zhabs/____/ngag dbang bsam gtan blo gros dpal bzang por/____/gsol ba 'debs so mchog thun dngos grub stsol/____/srid las nges 'byung thar pa'i yon tan dran/____/skyabs su 'gro zhing byang chub sems mchog bskyed/____/sdig sgrib sbyong zhing bla ma'i rnal 'byor la/____/rtag tu rtse gcig gus pas brtson par shog__/skye shi bar do lam byed rnam bzhis sbyong /____/las rlung a wa d+hU tir rab bcings pas/____/'khor ba'i bag chags bcom zhing phyag rgya la/____/brten nas bde ba mchog la rol par shog__/zung 'jug blo 'das gnas lugs rtogs pa dang /____/zag med 'ja' lus rdo rje 'grub par shog__/'khor 'das chos kun rang gi sems kyi 'phrul/____/sems nyid gsal stong brjod pa kun las 'das/____/spyod pa gsum gyis rtogs pa'i bogs dbyung zhing /____/nye rgyu'i mtshams sbyor skye ba 'di nyid du/____/'jam dpal khros pa'i go 'phang mngon gyur nas/____/srid gsum 'gro rnams ma lus sgrol bar shog__/tshe rabs kun tu bla ma 'jam pa'i dbyangs/____/rigs brgya'i bdag po thob nas byin gyis rlobs/____/rim gnyis rnal 'byor zab mo'i bdud rtsi la/____/spyod pa'i skal bzang nub pa med par shog__/snyan brgyud bstan pa rin chen phyogs brgyar khyab/____/snyan brgyud slob bshad gdams pa'i dga' ston gyis/____/gdul bya rgya mtshor smin grol la bkod nas/____/grub gnyis dpal 'byor rgyas pa'i bkra shis shog__/ces pa'ang gus slob ye na dge slong shes rab phun tshogs nas mdor bsdus ba zhig bris zhes bskul ba na 'jam dbyangs chos kyi blo gros pas brgyud 'debs chen mo las btus te smras rim bzhin bskul ba po nyid kyis yi ge bris pa dge legs su gyur cig__/__oMswa sti/__rnam kun mchog ldan zung 'jug rdo rje 'dzin/____/zag med bde ba'i gar bsgyur rdo rje gur/____/grub pa mchog gi ded dpon bram ze cher/____/snying nas gsol ba 'debs so byin gyis rlobs/____/zhes sogs brgyud 'debs shwo lo ka nyer brgyad can las/__gsang bdag rdo rje 'dzin dngos blo gter dbang /____/nag po che grub bsam gtan blo gros zhabs/____/'jam dbyangs bla ma chos kyi blo gros la/____/snying nas gsol ba 'debs so=__yang gcig__/gsang bdag rdo rje 'dzin dngos blo gter dbang /____/nag po che grub 'jam dbyangs bstan 'phel dang /____/'jam dbyangs bla ma ngag dbang legs pa la/____/snying nas gsol ba 'debs so byin gyis rlobs//____//____!__rgyud sde kun btus na dum pa'i nang /__ldeb 231nA ro mkha' spyod sgrub mchod lde'u 30can la brgyud 'debs kha skong ni/__zhwa lu ba dang mkhyen rab rje'i rjes su/__snyan brgyud gdams pa'i gter mdzod rmor chen rje/____/snyan brgyud mnga' bdag kun dga' legs 'byung zhabs/____/snyan brgyud spel mkhas kun dga' blo gros la/____/gsol=____/sa gsum skye dgu'i gnyen gcig thar rtse rje/____/sa bstan nyin mor byed pa'i nam mkha' legs/____/sa bcu'i dbang phyug bstan pa'i nyi ma la/____/gsol=____/grub pa'i sar bzhugs ngag dbang rin chen dang /____/grub pa mchog brnyes kun dga' bstan 'dzin zhabs/____/grub gnyis dpal ster 'jam dpal bzang po la/____/gsol=____/rigs rnams kun bdag 'jam dbyangs mkhyen brtse'i dbang /____/rigs brgya spro mdzad blo gter dbang po dang /____/rigs 'dus 'jam mgon ngag dbang legs pa la/____/gsol=____//____//____!__sman mchod la/__rigs kun khyab bdag mang+ga'i mtshan can la/____/rnam dag=__oM AHhU~M/__gi rjes su/__mkhyen rab byams pa ngag dbang lhun grub rje/____/thams cad mkhyen pa kun dga' lhun grub zhabs/____/ngag gi dbang phyug legs pa'i 'byung gnas la/____/rnam dag=__oM=____/'jam pa'i dbyangs dngos kun dga' blo gros dang /____/mkhas shing grub brnyes nam mkha' 'chi med zhabs/____/'dren pa mchog gyur ngag dbang rin chen la/____/rnam dag=__oM=____/rje btsun 'chi med bstan pa'i nyi ma dang /____/grub pa'i dbang phyug rnal 'byor 'jam dpal bzang /____/rdo rje 'chang dngos mkhyen brtse'i dbang po la/____/rnam dag=__oM=__gsang ba'i bdag po blo gter dbang po dang /____/rnal 'byor dbang phyug ngag dbang legs pa'i zhabs/____/skyabs gnas kun 'dus chos kyi blo gros la/__rnam dag=__oM AHhU~M/__gzhan yang smin byed dbang dang grol byed lam sogs//____//____!__'og min bde chen mgor/____/dag pa bde stong lhun grub gzhal yas nas/____/kyai rdor lha dgu rdo rje rnal 'byor ma/____/rdo rje 'jigs byed gsang ba'i bdag po dang /____/seng+ge'i gdong can 'dir byon=____/dpal ri pad+ma 'od kyi gzhal yas nas/____/khro bo'i rgyal po rta mchog rol pa dang /____/'gro ba'i dbul phongs sdug bsngal sel mdzad pa/____/myur mdzad mgon po 'dir byon mchod gtor bzhes/____/hU~M 'og min bde chen sogs/__7chos kyi blo gros gsung yin pa nges snyam ste 'dir bkod pa'o//____//__ tshar chen gyi mdzad pa'i gsung ngag brgyud 'debs zhal skong /__rnam grol byang chub chen po'i dben gnas su/____/gsang chen slob bshad bstan pa'i bang mdzod 'dzin/____/mkhas shing grub brnyes thar rtse rdo rje 'chang /____/bstan pa'i rgyal mtshan zhabs la gsol ba 'debs/____/e wa~M chos 'khor rtse yi bla brang du/____/'jam dbyangs bla ma'i thugs sras mchog gyur pa/____/bshad dang bsgrub pa'i dpal la dbang 'byor ba/____/rin chen rdo rje'i zhabs la=____/'di yan legs pa rin po ches mdzad/____/dga' ldan sa bzang chos kyi pho brang du/____/dus gsum rgyal ba ma lus 'dus pa'i dngos/____/'jam dbyangs bla ma sga ston rdo rje 'chang /____/ngag dbang legs pa'i zhabs la=____/ris med mkhas grub 'du ba'i sman ljongs su/____/zab rgyas mdo sngags chosa?~X kyi ma?~Xdzod 'dzin pa/____/blo?~X grosa?~X mtshungs med mtha' klas gdul bya'i ngor/____/dpal ldan bla ma'i zhabs la=____/shwa lo ka 'di gnyis shing rta lor sa skya pa yab sras slob bshad phul skabs sde gzhung mchog sprul rin po che'i bzhed ngor chos kyi blo gros pas so//____//__ dpal chen rdo rje gro lod kyi brgyud ba'i gsol 'debs dam sri mthar byed ces bya ba bzhugs so/____/gzhi dbyings spros dang bral ba'i klong chen por/____/chos sku mi 'gyur 'od snang mtha' yas la/____/rig stong 'dzin bral ngang nas gsol ba 'debs/____/ka dag gnas lugs rtogs par byin gyis rlobs/____/nges pa lnga ldan 'og min chen po'i zhing /____/longs sku thugs rje chen po gangs chen mtshor/____/gsal stong zung 'jug ngang nas gsol=____/lhun grub rtsal chen rdzogs par byin=____/gang 'dul 'gro ba 'dul ba'i zhing khams nas/____/rig rtsal sprul sku dpal chen gro lod la/____/rol rtsal 'gags med=____/'gro don phyogs med 'byung bar=____/bsam yas dbu rtse rigs gsum pho brang nas/____/chos rgyal tshangs pa lha yi me tog la/____/rang snang dag pa'i=____/mkhyen gnyis rtsal chen rdzogs par=____/gzho stod ti sgro'i tshogs khang chen mo na/____/DA ki'i gtso mo bde chen mtsho rgyal la/____/bde chen dga' bzhi'i chos nyid zad sar grol bar=____/gar bzhugs bde chen dag pa'i zhing khams su/____/ye shes spyan ldan bai ro tsA na la/____/yid ches dad pa'i=____/dgongs pa mkha' dang mnyam par=____/phyogs med rgyal khams yangs pa'i sman ljongs na/____/pad+ma 'od gsal mdo sngags gling pa la/____/mos gus gdung shugs drag pos gsol=____/lung rtogs yon tan rgyas par=____/de wi ko Ta'i dpal chen gzhal med khang /____/'chi med bstan gnyis g.yung drung gling pa la/____/'bral med snying gi dkyil nas=____/gsang gsum dngos grub thob par=____/byang phyogs ka~M la sha yi pho brang cher/____/mi pham 'jam dpal dgyes pa'i rdo rje la/____/bka' drin dran pa'i ngang nas=____/spobs pa'i gter mdzod grol bar=____/spyi gtsug nyi zla pad+ma'i gdan steng na/____/kun mkhyen bla ma pad+ma bi dza la/____/bzod med gdung shugs drag pos gsol ba 'debs//____//__ dkon mchog spyi 'dus brgyud 'debs kha skong ni/__pad+ma gar dbang gi 'phror/__khri srong rnam 'phrul gter 'byin 'khor los bsgyur/____/'jam dbyangs mkhyen brtse'i dbang por gsol ba 'debs/____/chos kyi rdo rje chos kyi rgya mtsho dang /____/pad+ma bi dza blo gros rgya mtsho'i zhabs/____/bdag rgyud smin grol mdzad la gsol ba 'debs//____//____!__mkha' 'gro gsang 'dus kyi brgyud 'debs kha skong ni/__mkha' 'gro rgya mtsho'i gsang ba'i mdzod 'chang ba/____/rnam par snang mdzad ye shes sgyu ma'i 'phrul/____/pad+ma gar dbang blo gros mtha' yas la/____/gsol ba 'debs so=____/kun bzang 'gro ba 'dul ba'i phrin las can/____/'khor 'das chos kun sna tshogs rang sar grol/__'chi med grub pa snang mdzad rdo rje la/____/gsol ba=____/rgyal kun gsang ba sogs/__brgyud pa'i kha skong 'di'ang rang gis thob tshul ltar chos kyi blo gros pas so//____//__ klong chen snying thig gi brgyud 'debs kha skong ni/__grub brnyes 'jigs med rgyal ba'i myu gu'i zhabs/____/sprul pa'i sku mchog mi 'gyur nam mkha'i mtshan/____/gsol ba 'debs so gnas lugs rang zhal ston/____/he ru ka dpal ye shes rdo rje dang /____/rgyal ba'i sras po gzhan phan pha mtha' yas/____/mkhan chen bla ma pad+ma badz+ra la/____/gsol ba 'debs so mkhyen gnyis rgyas par mdzod/____/mtsho skyes bla ma mkhyen brtse'i dbang po'i zhabs/____/kun mkhyen 'jigs med bstan pa'i nyi ma rje/____/rig 'dzin chen po sna tshogs rang grol la/____/gsol ba 'debs so bdag rgyud byin gyis rlobs/____/srid las sogs/__brgyud pa 'di ni 'jigs med rgyal ba'i myu gu/__rdzogs chen bzhi pa/__mkhyen brtse ye shes rdo rje/__rgyal sras gzhan phan mtha' yas bzhi ka las mkhan chen pad rdor gyis gsan/__pad rdor las mkhyen brtse rin po ches klong snying yongs rdzogs gsan/__rtogs pa don brgyud ni/__khra ma 'jigs med rgyal ba'i myu gu/__mkhyen brtse rin po che zhes 'dren dgos/__de ltan na/__grub brnyes 'jigs med rgyal ba'i myu gu'i zhabs/____/rdo rje 'chang chen 'jam dbyangs mkhyen rtse la/____/gsol ba 'debs so dgongs brgyud byin rlabs rtsol/____/kun mkhyen 'jigs med bstan pa'i nyi ma dang /____/rig 'dzin chen po sna tshogs rang grol zhabs/____/gdod ma'i mgon po rtsa ba'i bla ma la/____/gsol ba 'debs so gnas lugs rang zhal ston/____/zhes 'don na legs/__skyabs yul sogs tho brtsegs skabs kyang 'di bzhin bsgom na 'jug pa bde'o/____/phyag bris las bshus//____//__ snying thig ma bu'i brgyud 'debs kha skong /__phrin las chos sgron gyi 'phror/__kun mkhyen gnyis pa rdo rje gzi brjid la/____/gsol ba 'debs so=____/ka dag lhun grub=____/da lta nyid du=____/thams cad mkhyen dngos pad+ma gar gyi dbang /____/mkhas dang grub brnyes thugs mchog rdo rje rtsal/____/rdo rje 'chang dngos 'od gsal snying po la/____/gsol ba=____/ka dag=____/da lta=____/mkhyen brtse nus pa'i ye shes pha mtha' yas/____/smin grol gdams pa'i bdud rtsi'i mchog sbyin mkhan/____/bka' drin mnyam med rtsa ba'i bla ma la/____/gsol ba=____/ka dag=____/da lta=____/re dogs blo zad=__sogs/__zhes dad mos ldan pa'i re skong du d+harma ma tis so//____//__ lce btsun snying thig gi brgyud 'debs kha skong ni/__bai ro dngos snang bstan gnyis g.yung drung gling /____/gsol ba=____/sna tshogs rang grol pad+ma bi dza dang /____/'khor lo'i mgon po chos kyi blo gros rje/____/rab 'byams rtsa gsum rgyal ba'i=____//____//____!__mchod pa'i skabs sman gyi brgyud mchod sbyar bar spro na/__brgyud 'debs kyi tshig rkang gsum pa'i mthar/__sman mchod 'bul lo byin rlabs dngos grub stsol/__oM A hU~M/__zhes btags te phul ba'i mthar/__yi dam DA ki dam can gnas gter skyongs/____/snang srid ye dag rgyal ba'i dkyil 'khor che/____/mkha' mnyam lhun rdzogs 'od gsal thig le cher/____/sman mchod/__thig le gnas gsum du reg ste/__kA ya sid+d+hi oM/__wA ka sid+d+hi AHtsit+ta sid+d+hi hU~M/__a ho ma hA su kha hoHzhes bdud rtsi myang zhing dngos grub blang /__zhes pa'ang chos kyi blo gros pas so//____//____!__sman mchod kha skong ni/__mdo sngags gling /__zhes pa'i mtshams su/__'jam mgon pad+ma gar gyi dbang /____/rig 'dzin sna tshogs rang grol la/____/sman mchod 'bul lo=____/ma hA pany+tsa a mr-i ta kha kha khA hi/__'chi med snang mdzad rdo rje sogs/__rtsa brgyud rig 'dzin sogs/____/ces pa'ang d+harma ma tis so//____//__ bla ma bstan gnyis skor gsum gyi brgyud 'debs byin brlabs sprin phung zhes bya ba bzhugs so/____/gzhi dbyings khyab bdag kun bzang gdod ma'i mgon/____/srid zhi'i dbang phyug dkyil 'khor rab 'byams gtso/____/chos sku'i ston pa kun tu 'chang chen por/____/gsol ba 'debs so mchog thun dngos grub stsol/____/longs spyod yongs rdzogs nges pa lnga ldan gtso/____/kha sbyor bdun ldan rigs lnga'i sprin phung 'phro/____/bde stong dbyer med thod phreng sde lnga la/____/gsol ba 'debs so=____/gang 'dul chos kyi dbyings las ma g.yos kyang /____/sna tshogs gzugs sku'i 'gro ba'i don mdzad pa/____/sprul sku mdo sngags ston pa rnam gnyis la/____/gsol ba=____/dus gsum rgyal ba'i ye shes gcig bsdus pa/____/rtsa gsum rgya mtsho'i spyi dpal bde ba che/____/yid bzhin nor bu pad+ma saM b+ha war/____/gsol ba=____/mi brjed gzungs thob mchog gi dngos grub brnyes/____/DA ki'i dbang phyug gu ru'i zab gsang 'dzin/____/bka' yi sdud po ye shes mtsho rgyal la/____/gsol ba=____/che mchog grub brnyes dgongs pa mngon du gyur/____/gangs can bka' drin mnyam med khri srong rje/____/chos rgyal tshangs pa lha yi me tog la/____/gsol ba 'debs=____/dpal chen bka' 'dus chos kyi rgya mtsho sogs/____/chos gter rgya mtsho'i bka' babs gsang ba'i bdag__/rgyal sras lha rje mchog grub rgyal po la/____/gsol ba=____/rgyal sras rnam 'phrul gter 'byin grub pa'i dbang /____/bla ma bstan gnyis chos kyi mdzod chen dbye/____/rgya ston lo tsA badz+ra b+ha dra la/____/gsol ba=____/mchog grub rgyal po'i yongs srid bcu gsum pa/____/bka' babs bdun ldan mkhas dang grub pa'i rje/____/pad+ma 'od gsal mdo sngags gling pa la/____/gsol ba 'debs so mchog thun dngos grub stsol/____/bai ro'i rnam 'phrul bka' gter bstan pa'i srog__/'gran zla kun bral mdzod lnga'i shing rta che/____/kun mkhyen bla ma blo gros mtha' yas la/____/gsol ba 'debs so mchog thun dngos grub stsol/____/sngon 'gro'i chos kyi rang rgyud 'byongs ba dang /____/mtshan nyid kun ldan rdo rje slob dpon las/____/smin byed dbang thob dam tshig sdom pa ldan/____/bskyed rdzogs lam gyi rim pa mthar phyin shog__/gzhi rgyud blo 'das chos sku'i lta ba rtogs/____/lam rgyud thabs shes zung 'jug rnal 'byor la/____/brten nas 'bras rgyud sku dang ye shes kyi/____/go 'phang mchog la myur du phyin par shog__/ces pa'ang lha thog chos kyi rgyal po'i gsung gi bskul ba ltar 'jam dbyangs chos kyi blo gros pas gsol ba btab pa sid+d+hi rastu//____//__ rgyal mchog thams cad mkhyen pa chen po sku phreng bcu bzhi par zhabs brtan du gsol ba 'chi med bdud rtsi'i dbyangs snyan zhes bya ba bzhugs/____/oM swasti/__rgyal ba kun gyi brtse chen ye shes sku/____/gcig tu bsdus pa gangs ri ltar dkar ba/____/'phags mchog 'jig rten dbang phyug sprul pa'i sku/____/khams gsum 'gro ba'i bla ma rgyal gyur cig__/srid pa gsum na ngo mtshar zla med pa/____/u dum wA ra ltar 'phags thams cad mkhyen/____/'dzam gling bstan 'gro yongs kyi gtsug nor che/____/rgyal mchog phyag na pad+mo zhabs brtan gsol/____/gdod nas mngon sangs rgyas kyang rtsod pa'i dus/____/'gro rnams phyag gi yal gas nyer 'dzin pa'i/____/thugs bskyed dam bca' rdo rje lta bur brtan/____/sa bcu'i dbang phyug chen po zhabs brtan gsol/____/byang chub lam gyi rim pa'i mngon rtogs kun/____/gsang ba gsum dang dbyer med 'dres pa las/____/mkhyen dang brtse ba'i yon tan bsam mi khyab/____/byang phyogs thub dbang gnyis par zhabs brtan gsol/____/'chad rtsod rtsom la chags thogs mi mnga' zhing /____/spobs pa'i gter chen brgyad po yongs su grol/____/so so yang dag rig pas chos ston pa/____/phyogs las rnam rgyal chen por zhabs brtan gsol/____/blo bzang rgyal ba'i bstan pa rin po che/____/bshad sgrub las kyi 'khor los phyogs brgyar spel/____/rgol ngan bdud kyi glang po'i klad pa 'gems/____/'jigs bral smra ba'i seng ger zhabs brtan gsol/____/snang gsum rgyud gsum gsang sngags lam gyi rim/____/dbang bzhi'i rnal 'byor zab mos 'gros bzhi thim/____/sku bzhi'i ye shes mngon sum brnyes mdzad pa/____/khyab bdag rdo rje 'chang dbang zhabs brtan gsol/____/dngos po kun gyi gnas lugs phyag rgya che/____/zab gsal gnyis su med pa'i lhan skyes kyi/____/ye shes nyi mas srid zhi'i mun sel ba/____/rnal 'byor dbang phyug chen por zhabs brtan gsol/____/rgyud sde rgya mtsho'i gsang ba kun gyi mdzod/____/smin grol kha 'bab rnam bzhi'i rgyun bzang po/____/skal bzang gdul bya'i zhing sar 'dren mdzad pa/____/gsang ba 'dzin pa'i bdag por=____/'khor 'das chos kun rten 'brel rol par shar/____/shar yang gdod nas skye med rab zhi ba/____/spros pa kun bral zab mo dbu ma'i lam/____/ston mkhas klu yi dbang por=____/phyi nang gzhan gsum dbyer med dus 'khor lo/____/legs par 'doms mkhas rigs ldan pad+ma dkar/____/b+ho Ta'i ljongs su dge ba'i bshes su ston/____/dang po'i sangs rgyas ngo bor=____/'khor 'das chos kun 'od gsal thig le'i klong /____/bri gang med pa lhun gyis rdzogs pa che/____/byar med rang grol 'bras bu'i rgyal po snyogs/____/kun bzang gdod ma'i mgon por=____/mdor na thub bstan yongs rdzogs shing rta che/____/ma 'dres phyag gis 'dren la bsnyengs pa bral/____/bstan dang 'gro ba kun gyi skyabs gcig pu/____/bstan 'dzin rgya mtsho'i dbang por=____/srid pa gsum gyi che dgu'i gtsug nor gyis/____/gang gi zhabs pad bkra shis 'khor lo la/____/gus shing 'dar bcas lan brgyar btud pa yis/____/chos kyi rgyal po chen por=____/lha min bdud sde tshar gcod lha yi dbang /____/mthu stobs nus pa'i rdo rje rtse brgya pas/____/lta ngan log lta'i brag ri 'joms mdzad pa/____/'jigs mdzad he ru ka dpal=____/sa dang lhun po nyi zla gnas kyi bar/____/gsang gsum gzhan du 'gyur ba med pa yi/____/gru 'dzin 'phags mchog dgyes pa'i gzhal med khang /____/rdo rje'i khri la gzhom bral brtan bzhugs gsol/____/'chi med lha mchog gsum gyi byin rlabs dang /____/bla ma yi dam sangs rgyas byang sems kyi/____/bden pa'i stobs kyis ji ltar gsol ba'i don/____/gegs med 'grub par byin gyis brlab tu gsol/____/zhes sgo gsum dngos po kun gyis btud de shar mdo khams kyi ljongs su gnas pa 'jam dbyangs mkhyen brtse'i sprul ming 'dzin pa 'jam dbyangs chos kyi blo gros pas gus pa chen pos dbus 'gyur 'chang lha ldan ra sa 'phrul snang gi chos 'khor chen po'i lho phyogs bsam 'grub pho brang gi gzim shag tu gsol ba btab bzhin bris te thams cad mkhyen gzigs chen po'i spyan sngar phul ba 7zhabs pad bskal pa rgya mtshor bzhugs pa'i rgyur gyur cig__/sarba dA ka l+yANaM su shre yo b+ha ba tu//____//__ 7gong sa chen por 7zhabs brtan du gsol ba 'chi med sgra dbyangs zhes bya ba bzhugs so/____/oM swasti/__ngag la dbang bsgyur shes bya thams cad mkhyen/____/blo bzang rgyal ba'i ring lugs nyin mor byed/____/gangs can bstan 'dzin rgya mtsho'i gtsug rgyan mchog__/zhabs pad srid mtha'i bar du bzhugs gsol 'debs/____/dam pa'i tshul dgu'i yon tan dbang 'byor zhing /____/'phags nor rin chen bdun gyis mngon par mtho/____/chos kyi rgyal po srid gsum dbang bsgyur ba/____/'dzam gling bstan pa'i bdag po zhabs brtan gsol/____/'gro ba'i bla ma mtshungs pa med pa'i mgon/____/mchog gi gsang gsum gzi brjid rab 'phro bas/____/chos nor 'dod thar sde bzhi'i dpal yon rgyas/____/bstan pa rin chen dar zhing rgyas par shog__/ces pa'ang sgrub gnas g.ya' ma lung du 'chi med rig 'dzin 'dus pa'i tshe sgrub bdud rtsi bum bcud kyi dkyil 'khor gyi cho ga dang 'brel bar mchod tshogs rgyas par spros te 7zhabs brtan tshe sgrub skabs 7rgyal mchog chen po'i thugs rje'i grib bsil du 'khod pa 'jam dbyangs chos kyi blo gros pas gsol ba btab bzhin bris pa de bzhin 'grub par byin gyis brlab tu gsol/__sarba dA mang+ga laM//____//__ 7gong sa 'dren mchog chen por zhabs brtan du gsol ba dpag bsam ljon shing zhes bya ba bzhugs so/____/oM swasti/__lha dang bcas pa'i 'gro ba mtha' dag gis/____/zhabs sen pad+mor gtsug gi nor bus btud/____/'phags pa 'jig rten dbang phyug sprul pa'i sku/____/rnam 'dren rgyal ba'i dbang por zhabs brtan gsol/____/phyag na pad dkar 'chang ba'i 'od snang gis/____/'dzam gling bstan 'gror phan bde'i dngos kun sbyin/____/dpag bsam ljon dang bsam 'phel nor bu ltar/____/phrin las lhun grub chen por zhabs brtan gsol/____/gang sku gser gyi ri bo brjid ldan zhing /____/tshad med rnam bzhi'i bang rim mngon par mtho/____/phyin drug bsdu dngos rin chen phyang phrul mdzes/____/ngag dbang lha yi lhar gyur zhabs brtan gsol/____/dgra bcom nye ba 'khor gyi spyod pa bzhin/____/byang chub sems kyi bdud rtsi'i bcud kyis gtams/____/rdo rje theg pa'i rgyal thabs rtse mor 'dzeg__/blo bzang rdo rje 'chang dbang zhabs brtan gsol/____/'chad pas mkhas dbang bye ba'i yi ga 'phrog__/rtsod pas log rtog brag ri rnam par bsnyil/____/rtsom pas thub bstan gsal ba'i mchod sdong bskrun/____/bstan 'dzin rgya mtsho bskal brgyar brtan bzhugs gsol/____/srid pa gsum na 'gran zla kun spangs shing /____/'dzam gling chos kyi bdag por dbang bsgyur mchog__/mtshungs pa med pa'i phyogs las rnam rgyal sde/____/zhabs pad rdo rje'i khri la brtan bzhugs gsol/____/zhes pa'ang sgang thog yod pa'i bod mi spyi nas 'bras ljongs lha yum dang yab gzhis phun khang pa brgyud lha rdzas dang maN+Dal rten bcas bskul ngor/__me bya zla 11tshes 7bzang por thams cad mkhyen gzigs chen po'i bka' 'bangs kyi tha chung 'jam dbyangs mkhyen brtse'i dbang po'i sprul ming 'dzin pa 'jam dbyangs chos kyi blo gros ris med bstan pa'i rgyal mtshan du 'bod pas dad cing gus pa chen pos gsol ba btab pa dge legs su gyur cig__/_ rgyal dbang thams cad mkhyen gzigs tA la'i bla ma sku phreng bcu bzhi par zhabs brtan du gsol ba dge legs shis pa'i dbyangs snyan zhes bya ba bzhugs so/____/oM swasti/__gser gyi lhun po gu rgum chab kyis bkrus/____/'char kha'i nyi gzhon 'od zer bye bas 'khyud/____/ye shes ral gris phyag sor rtser brgyan pa/____/bla ma 'jam pa'i dbyangs kyis dge legs stsol/____/mkhyen rab kun gsal sgeg mo'i ngos yangs par/____/brtse chen thugs rje'i 'od dkar 'dzum pa las/____/bzang po'i phrin las bdud rtsis sa gsum khyab/____/'jam mgon rgyal ba gnyis pas shis pa stsol/____/rje~X btsuna~X ngaga~X gi dba~Xng phyug thugs rje'i gter/____/kha ba ri pa'i lha gcig pad dkar 'chang /____/sum ldan dge ba'i bshes kyi rnam par ston/____/rgyal dbang thams cad mkhyen par zhabs brtan gsol/____/kun mkhyen nyi ma'i gnyen gyi lung gis bsngags/____/sdom brtson blo~X bza~Xng rgyal po'i tshul 'chang nyid/____/slar yang ba~Xstan pa 'dzi~Xn pa'i khyu mchog che/____/'jigs med chos kyi khri la rtag bzhugs gsol/____/rgya~X mtsho'i~X gos can srid zhi'i rgyan gcig pu/____/lhar bcas 'gro ba'i bla ma spyan ras gzigs/____/gsang gsum mi g.yo 'pho 'gyur dang bral ba/____/zhabs pad rdo rje'i khri la rtag bzhugs gsol/____/srida~X gsuma~X dregs ldan spyi bo'i thor cog rtser/____/zhabs rten pad+mo bkod de rang dba~Xng ba~Xsgyur/____/ma~Xtshungs meda~X dbang dang stobs bcu'i dpal gyis phyug__/phun tshogs sde bzhi'i mgon po zhabs brtan gsol/____/don gnyis lhun grub dpa~Xl yon bza~Xng po~X yi/____/rnam bzhi'i phrin las zla nyi nor bu dang /____/bum bzang dpag bsam shing ltar bstan dang 'gro'i/____/nyer 'tsho'i gzhir gyur bskal brgyar bzhugs gsol 'debs/____/de ltar gsol ba btab bzhin 'grub pa yi/____/bden pa'i byin mthu mchog gsum rin chen dang /____/bla ma yi dam mkha' 'gro'i nus mthu yis/____/gangs can bstan 'gro'i gtsug nor zhabs brtan gsol/____/yul ris rgyal khams dus kyi rgud pa zhi/____/lo legs 'bru 'phel dge ba bcu la spyod/____/bstan dang bstan 'dzin sde tshogs dar zhing rgyas/____/thugs mthun khrims gtsang bslab gsum dbang 'byor shog__/bstan pa'i rtsa lag bod ljongs sa'i thig le/____/chos 'khor rnam gsum yun du brtan cing mchod/____/dga' ba brgya ldan 'chi med pho brang gi/__chab srid mi nub 'dzam gling kun khyab shog__/ces pa'ang 'jam dbyangs 'khon gyi gdung rigs dri ma med pa shrI sa skya pa phun tshogs pho brang gi gdung sras rin po che ngag dbang kun dga' bsod nams 'jigs bral phyogs las rnam par rgyal ba'i sde'i bka' lung gser gyi cod paN spyi bo'i gtsug tu bkod de/__dus mtha'i chos smra ba'i gzugs brnyan mkhyen brtse'i dbang po'i sprul ming 'dzin pa 'jam dbyangs chos kyi blo gros pas rdzong gsar bkra shis lha rtse'i chos grwa'i gzim bskyil du gus shing dang ba'i yid kyis gsol ba btab bzhin bris pa mchog tu dge zhing bkra shis par bla ma rgyal ba sras dang bcas pas byin gyis brlab tu gsol/____/sarba dA mang+ga laM//____//__ gtsang paN chen thams cad mkhyen par zhabs brtan du gsol ba bkra shis skye lnga'i sgra dbyangs zhes bya ba bzhugs so/____/oM swasti/__bde ldan zhing gi mgon po 'od mtha' yas/____/deng 'dir lnga brgya'i 'gro rnams skyobs pa'i mgon/____/ngur smrig gar gyi gzugs su ston mdzad pa/____/paN chen thams cad mkhyen par zhabs brtan gsol/____/skal bzang thar pa 'dod pa'i blo gros kyi/____/ku mud bzhad pa'i gnyen gcig chosa~X kyi~X rgyal/____/dba~Xng bcu'i dpal gyis phyuga~X pa'i 'dren pa mchog__/zhabs pad rdo rje'i khri la rtag brtan gsol/____/'chad pas mkhas mang bye ba'i yi ga 'phrog__/rtsod pas log rtog brag ri phye mar 'thags/____/rtsom pas thub bstan mchod sdong mdzes par byas/____/kun mkhyen rgyal ba gnyis bar zhabs brtan gsol/____/kun gzigs mkhyen brtse nus pa'i gter chen po/____/gangs can bstan 'gro'i skyabs gcig dbang gi rgyal/____/dgos 'dod re skong yid bzhin rin po che/____/sgrib med rdo rje'i khri la brtan bzhugs gsol/____/sku mchog mtshan dpe'i dkyil 'khor nyi bzhin gsal/____/gsung gi sgra dbyangs tshangs pa'i gdangs ltar snyan/____/thugs kyi gsang ba zab cing gting dpag dka'/____/rgyal kun 'dus pa'i ngo bor zhabs brtan gsol/____/de ltar gsol ba btab pa'i don 'bras bzang /____/gegs med 'grub par sras bcas rgyal ba yi/____/bden pas byin brlab 'jam mgon tsong kha pa'i/____/bstan pa nyams med dar rgyas yun gnas shog__/ces pa'ang dpal sa skya phun pho'i bdag chen rin po che ngag dbang kun dga' bsod nams kyi bka' stsal spyi bos mchod de/__ris bral bstan pa yongs la dad gus mi phyed pa'i blo can 'jam dbyangs mkhyen brtse'i sprul ming 'dzin pa chos kyi blo gros pas phul ba dge legs su gyur cig__/sarba mang+ga laM//____//__ dpal sa skya pa sgrol ma pho brang gi 7skyabs mgon bdag khri rin po che ngag dbang kun dga' theg chen dpal 'bar phrin las dbang gi rgyal por brtan bzhugs 'gyur med rdo rje'i sgra dbyangs zhes bya ba bzhugs so/____/oM swasti/__bkra shis mtshan bzang pad+ma dkar po ni/____/'jam dpal gzhon nu'i phyag gis 'thor ba las/____/mtshan mchog gsum ldan dpal ldan sa skya pa'i/____/bstan pas 'dzam gling yongs la khyab gyur cig__/ngagaX la dbaXng bsgyur 'jam dpal smra ba'i seng /____/gsang ba gsum dang dbyer med zhugs pa las/____/kunaX dgaX' snying po slar yang bsam bzhin byon/____/thegaX chenaX chos kyi rgyal po zhabs brtan gsol/____/dam pa'i tshul dgu'i yon tan dpalaX du 'baXr/____/'khor lo gsum gyi phrinaX laXs phyogs bcur khyab/____/snyigs dus rgud pa mtha' dag sel mdzad pa'i/____/bsam 'phel dbaXng giX rgyalaX poX zhabs brtan gsol/____/de ltar gsol ba btab 'di bla ma dang /____/yi dam DA ki srung mar bcas pa yi/____/bden pa'i byin mthus gegs med 'grub pa dang /____/phyogs las rnam rgyal dge legs bkra shis shog__/ces pa'ang skyabs mgon bdag khri rin po cher zhabs pad yun brtan gyi gsol 'debs smon tshig dang 'brel ba 'di'ang mdo smad rdzong sar bkra shis lha rtse'i chos grwa nas 'jam dbyangs mkhyen brtse'i sprul ming 'dzin pa chos kyi blo gros pas chu 'brug zla ba lnga pa'i tshes gsum bzang por gus pas gsol ba btab bzhin 'grub par bla ma rgyal ba sras bcas kyis byin gyis brlab tu gsol/____/sarba dA ka l+yA NaM b+ha wan+tu//____//__ dus gsum sangs rgyas kun gyi phrin las sku/____/bla ma dpal ldan rdo rje nag po cher/____/mi phyed snying nas gus pas gsol ba 'debs/____/byang chub bar du skyabs kyi mchog tu bsnyen/____/'gal rkyen kun sol bsam don yid bzhin 'grub/____/bstan dang 'gro ba'i don rab sgrub pa la/____/mi dang mi min gnod pas mi tshugs shing /____/phyogs las rnam par rgyal bar mdzad du gsol/____/rang sems gnyug ma lhan skyes nag po che/____/rgyud gsum dregs tshogs chos nyid gnyug ma'i gshis/____/gsal stong zung 'jug dbyer med chen po ru/____/mngon sum rtogs nas rdo rje 'dzin rgyal gyi/____/ngo bor mngon byang chub par byin gyis rlobs/____/bstan dang bstan 'dzin dar zhing rgyas pa dang /____/khyad par sa skya'i 'khon gdung yab sras rnams/____/zhabs pad brtan cing phrin las rgyas gyur cig__/ces pa'ang me sprel tha skar zla ba snga ma'i dmar phyogs kyi rgyal ba gnyis par sgo rum bse 'bag yid bzhin nor bu'i mdun du rtse gcig tu gsol ba btab bzhin bris pa don dang ldan par gyur cig/__//__!_na mo gu ru dz+nyA na ma ti ye/____/ye~X shesa~X nyi ma shes bya'i mkha' la shar/____/thugs rje'i 'od 'khrigs srid zhi kun khyab pa'i/____/gdul bya'i blo~X grosa~X pad tshal bzhad pa'i gnyen/____/yongs 'dzin nam mkha'i nor bu zhabs brtan gsol//____//zhes pa 'di'ang 7'jam dbyangs chos kyi blo gros kyis gsungs so//____//__ dpal sa skya pa chen po 'jam dbyangs ngag dbang mthu stobs dbang phyug gi zhabs brtan 'chi med rnga sgra zhes bya ba bzhugs so/____/oM swasti sid+d+haM/__'jam mgon bla ma'i thugs rje'i nyin byed kyi/____/mkhyen brtse'i 'od zer phung po mtha' yas pas/____/phyogs dus zhing kun dbang bsgyur 'khor lo'i mgon/____/khyab bdag 'jam pa'i rdo rjer zhabs brtan gsol/____/ngagaX la dbaXng 'byor chos tshul rab 'byams kun/____/smra ba'i dbang po tshangs sras dgyes pa'i zhal/____/thub bstan bshad dang sgrub pa gsal mdzad pa/____/'khon rigs chos kyi rgyal po zhabs brtan gsol/____/snyigs dus bdud dang dam sri 'dul ba la/____/dpal chen maXthu stobaXs phrin las shugs 'chang bas/____/bstan 'gror bde skyid dge legs snang ster ba/____/rdo rje gzhon nu'i ngo bor 'tsho bzhes gsol/____/bkra shis grags pa rgya mtsho'i dba?~Xng phyuga?~X che/____/khams gsum che rgu'i phyag gis btad pa'i gnas/____/phyogs las rnam rgyal bstan pa'i rgyal mtshan mchog__/zhabs pad bskal pa rgya mtshor brtan gyur cig__/de ltar gsol ba btab pa'i re 'bras bzhin/____/don gnyis 'bad med lhun gyis grub pa dang /____/chos dang srid kyi dpal yon rgyas gyur nas/____/bkra shis snang bas sa gsum khyab par shog__/ces ba'i zhabs brtan 'di yang 'jam mgon sa skya pa'i thugs rje gdugs dkar po'i grib bsil du 'tsho ba mkhyen brtse'i dbang po'i phrin las mi 'dzad pa rgyan gyis 'khor los byed por smon pa 'jam dbyangs chos kyi blo gros ris med bstan pa'i rgyal mtshan gyis dad gus kyi chu gter 'phel bzhin gsol ba btab pa sid+d+hi rastu/_mang+ga laM//____//__ dpal sa skya pa phun tshogs pho brang gi bdag chen rdo rje 'chang ngag dbang kun dga' bsod nams kyi zhabs brtan bkra shis 'khyil pa zhes bya ba bzhugs so/____/oM swasti/__ngo mtshar phun tshogs 'chi med grub pa yi/____/rtsa brgyud bla ma yi dam dkyil 'khor lha/____/gnas gsum DA ki gur zhal chos srung dang /____/nor lha gter bdag rgya mtshos shis pa stsol/____/ngagaX gi 'dod pa 'jo ba'i mkhyen gter lha/____/dbaXng bcu grub pa yongs kyi 'khor los bsgyur/____/rig 'dzin bye ba'i gtsug gi nor bu mchog__/'jam mgon sa chen bla ma zhabs brtan gsol/____/kuna?~X dga?~X' snying po'i gsung ngag rin chen gter/____/bsoXd namaXs rgyal mtshan rtse mor legs mchod de/____/bshad dang sgrub pas phyogs bcur khyab mdzad pa/____/bdag chen rdo rje 'chang dbang zhabs brtan gsol/____/srid zhi kun gyi dpa?~Xl gyur don gnyis ldan/____/mkhas dang grub pa'i rnam thar bzangaX posaX mdzes/____/'jiXgs bralaX rdo rje'i khri 'phang mthon po ru/____/zhabs pad bskal pa rgya mtshor rtag bzhugs gsol/____/gsang gsum nor bu lhun po'i gzi 'od kyis/____/bstan 'gro'i rgud mun mtha' dag gzhil ba dang /____/phyogasaX lasaX rnamaX par rgyala?~X ba'i ba dan phyar/____/phrin las gdugs dkar yangs pas khyab gyur cig__/ces pa'ang gus 'bangs 'jam dbyangs chos kyi blo gros pas rang nyid kyi mngon par dad cing dang ba dang /__nye char mkhyen sprul rin po che rab gsal zla bas bkra shis lha rdzas bcas gsung bskul gyis mtshams sbyar te shing rta sa ga zla ba'i rnal 'byor dbang phyug gis bdag med sprul pa'i dkyil 'khor du dbang nod de sa drug pa'i rtogs pa brnyes pa'i dmar phyogs kyi rgyal ba gnyis pa'i tshes 23la gzim khang bkra shis 'chi med grub pa'i dga' tshal du gsol ba btab pa bzhin 'grub par bla ma rgyal ba sras bcas kyis byin gyis brlab tu gsol/____/sarba dA mang+ga laM/____/shu b+haM//____//__ 'khon gdung many+dzu badz+ra'i zhabs brtan bkra shis 'od snang bzhugs so/____/'chi med bdud rtsi'i snang bas 'jig rten na/____/'chi med grub pa'i pad+mo mdzes ster ba/____/'chi med mgon po'i ye shes gzigs pa yis/____/'chi med rtag pa'i dge mtshan sbyin gyur cig__/bkra shis mtshan bzang snang ba'i 'od 'bar bas/____/srid zhi'i phun tshogs sgo brgya 'byed pa'i gnyen/____/'jaXm dbyangaXs nyin mor byed pa'i gzi 'od kyis/__'dzam gling phan bde'i pad tshal bzhad mdzad gsol/____/kunaX dgaX'i ring lugs mdo sngags bshad sgrub kyi/____/grags pa'i lha yi rnga chen phyogs bcur sgrogs/____/srid zhi'i gtsug gi nor bus btegs pa yi/____/bsam 'phel dbaXng gi rgyalaX por zhabs brtan gsol/____/bloX grosaX chen pos chos kun thugs su chub/____/mkhas tshul gsum gyis snyan pa'i ba dan g.yo/____/maXthu stobaXs nus pas baXdud dgra dam sri 'aXdul/____/'chi med grub pa'i rdo rjer 'tsho gzhes gsol/____/lnga brgya'i mtha' mar 'gro 'dul dpa' bo che/____/pad 'byung dngos snang 'khon gdung rig 'dzin rje/____/'jigaXs bralaX gdong lnga'i khri la rtag bzhugs nas/____/phyogaXs lasaX rnamaX rgyalaX chen por 'tsho gzhes gsol/____/'chi med rig 'dzin bla ma'i tshogs rnams dang /____/yi dam zhi khro DA ki chos skyong srung /____/nor lha gter bdag dkar phyogs skyongs rnams kyis/____/ji ltar smon bzhin gegs med 'grub par mdzod/____/bstan 'gro'i rgud zhi rdzogs ldan dga' ston rgyas/____/rigs gsum sems dpa'i gdung rigs rgyun mi chad/____/snyan brgyud bstan pa'i rgyal mtshan 'dzin bzhin du/____/gzhan phan phrin las nam mkha'i mthar khyab shog__/ces pa'i zhabs brtan 'phags nor bdun gyi grangs ldan 'di'ang mtshan mchog gsum ldan 'khon rigs dri ma med pa'i gdung sras yid bzhin nor bur mtshan 'bul zhabs brtan phul dgos tshul yab rje skyabs mgon bdag chen rin po che ngag dbang kun dga' bsod nams kyi zhal snga nas bkra shis pa'i lha rdzas gangs ri'i mdangs ldan rin gnyis 'khor lo dkar po'i tshes kyi grangs ldan bcas dad brgya'i gtsug tu lhung ba gus pas mchod de/____/mkhyen brtse'i dbang po'i gsang gsum phrin las mi zad pa'i byed por smon pa 'jam dbyangs chos kyi blo gros ris med bstan pa'i rgyal mtshan gyis dad cing gus pa chen pos phul ba gsang gsum gzhom bral rdo rje'i ngo bor 'tsho zhing gzhes la 'khor lo gsum gyi phrin las rtag khyab lhun grub chen por 'byung bar bla ma rgyal ba sras dang bcas pas byin gyis brlab tu gsol/__sarba dA mang+ga laM//____//__ dpal ldan sa skya pa yab sras gnyis kyi zhabs brtan bzhugs so/____/ngagaX dbangaX lha rigs 'khon gyi sras su 'khrungs/____/kunaX dga'iX bstan pa phyogs brgyar spel ba'i mgon/____/zla med bsoXd namaXs grub mchog dbang po nyid/____/zhabs pad brtan cing mdzad phrin rgyas gyur cig__/'jaXm dbyangaXs mkhyen pa'i gzi 'od stong 'phro bas/____/lhar bcas 'gro kunaX dga'aX ba'i gtsug gi nor/____/dbaXng gi rgyalaX po bloX grosaX maXthu stobaXs che/____/baXdud tshogs 'aXdul ba'i rdo rje zhabs brtan gsol/____/zhes pa'ang chos kyi blo gros pas phul ba'o//____//__ dpal sa skya pa phun pho'i yab sras gnyis kyi zhabs brtan bzhugs/__ngag dbang lha rigs 'khon gyi sras su 'khrungs/____/kun dga'i bstan pa phyogs brgyar spel ba'i mgon/____/zla med bsod nams grub mchog dbang po nyid/____/zhabs pad brtan cing mdzad phrin rgyas gyur cig__/'jam dbyangs mkhyen pa'i gzi 'od stong 'phro bas/____/lhar bcas 'gro kun dga' ba'i gtsug gi nor/____/dbang gi rgyal po blo gros mthu stobs che/____/bdud tshogs 'dul ba'i rdo rje zhabs brtan gsol/____/ces pa'ang chos kyi blo gros pas phul ba'o//____//____!__'jam dbyangs bla ma dgyes pa'i thugs mnga' ba/____/mkhas kun dga' ba'i phrin las bzang po yi/____/brtse chen snying po'i bstan pa'i ring lugs ni/____/nyi ma bzhin du gsal mdzad zhabs brtan gsol/____/ces pa'ang 'dren pa gang las chos kyi bdud rtsi nos pa chos kyi blo gros pas so//____//__ brtan bzhugs 'chi med rtag pa dam pa'i mthar son zhes bya ba dge bar bzhugs so/____/ngagaX gi dbaXng po'i rnam dpyod thugs la shar/__'gro kunaX dgaX' ba'i brtse chen spyan ras gzigs/____/bsoXd namaXs ye shes zung 'jug rdo rje 'dzin/____/'jigaXs bralaX phyogaXs laXs rnamaX rgyalaX zhabs brtan shog__/'jaXm dbyangaXs rigs 'khrungs ngur smrig rnam rol ba/____/thubaX pa'i bstanaX la mkhaXs shing grubaX pa mchog__/baXstan 'dziXn bye ba'i gtsug na mngon mtho ba/____/chosaX kyiX rgyalaX mtshaXn chen po zhabs brtan shog__/'jaXm dbyangaXs mkhyen pa'i gzi 'od stong 'phro bas/____/lhar bcas 'gro kunaX dga'aX ba'i gtsug gi nor/____/dbaXng gi rgyalaX po bloX grosaX mthu stobaXs can/____/baXdud tshogs 'dulaX ba'i rdo rje zhabs brtan shog__/lha rigs 'jaXm dbyangaXs kunaX dgaX' bloX grosaX mchog__/snang srid dbaXng sdudaX bde chen snyingaX poX yi/____/bstanaX pa 'dzin cing 'gro la spel mdzad pa'iX/____/rgyalaX mtshanaX dpalaX ldan bzaXng poX zhabs brtan shog__/ces pa ngos kyi sku mched yab sras bzhi'i brtan bzhugs 'di'ang 'jam mgon bla ma rin po che dang /__ngos bcas nas gsar rtsom bskrun pa dge zhing shis pa'i rgyur gyur cig__/shu b+haM//____//__ 'jig rten dbang phyug karma pa bcu drug pa chen po la zhabs brtan du gsol ba 'chi med tshangs pa'i rgyud mang zhes bya ba bzhugs/__oM swasti/__dus gsum rgyal ba rgya mtsho thams cad kyi/____/ye shes gcig tu bsdus pa'i rang gzugs mchog__/'jig rten dbang phyug dpal ldan karma pa/____/rang byung rig pa'i rdo rje rgyal gyur cig__/ngo mtshar skye ba'i phreng ba gser gyi ri/____/tshar du dngar bas 'dzam gling mtha' dag gi/__phan dang bde ba'i mchod sdong chen po yi/____/byin rlabs bkra shis snang bas dge legs stsol/____/khyad par byang phyogs kha ba can gyi rir/____/rgyal ba mchog dbyangs dbang chen grub mchog brnyes/____/dus gsum kun mkhyen rim par byon pa yi/____/khams gsum 'gro ba'i bla ma zhabs brtan gsol/____/dkar po'i phyogs kyi ri bong 'dzin pa ni/____/cha shas yongs su 'phel ba'i mthar thug bzhin/____/dga' bzhi ye shes bcu drug rtser son pa/____/khyab bdag rdo rje 'chang dbang zhabs brtan gsol/____/rigs kun khyab bdag mi bskyod rdo rje sems/____/gnam sngon zhun mar 'khyil ba'i cod pan che/____/gdod nas 'du 'bral spangs pa'i dbang rtags 'chang /____/dkyil 'khor rgya mtsho'i bdag po zhabs brtan gsol/____/phyi ltar sdom brtson ngur smrig 'chang ba'i gtso/____/nang du byang chub sems kyi bdud rtsis gtams/____/gsang ba bde chen ye shes ros myos pa/____/sum ldan rdo rje 'dzin rgyal zhabs brtan gsol/____/mkhyen rab nyi ma'i dkyil 'khor 'od zer 'dzum/____/brtse bas gdul bya'i blo gros pad mo 'byed/____/mthu stobs nus pas 'byung po'i mig ldongs shing /____/rigs gsum sems dpa'i ngo bor zhabs brtan gsol/____/zag bcas chos khams zag med dbyings su 'ching /____/'pho bral 'pho med rdo rje'i sku mchog brnyes/____/srid pa ji srid phrin las 'dzad med pa/____/zla med mchog gi sprul sku zhabs brtan gsol/____/'dzam gling 'di na pad dkar ltar 'phags shing /____/ngo mtshar gtam mang mnga' ba'i sprul pa'i sku/____/srid gsum 'gran zla bral ba'i chos kyi rje/____/chos kyi rgyal po bskal brgyar zhabs brtan gsol/____/rtsod dus bstan 'gro yongs kyi skyabs gcig pu/____/seng ge'i nga ror 'tshang rgya karma pa/____/sa dang rgya mtsho lhun po gnas kyi bar/____/zhabs pad rdo rje'i khri la brtan gyur cig__/de ltar gsol btab bden pa'i tshig 'di dag__/bla ma rtsa gsum chos skyong srung ma yis/____/ji ltar smon pa bzhin du gegs med par/____/myur du 'grub pa'i byin rlab bden pa stsol/____/rgyal bstan rin chen dar zhing rgyas pa dang /____/dge 'dun 'dus pa'i sde tshogs rab 'phel zhing /____/chos dang srid kyi phun tshogs dpal yon rgyas/____/'jig rten kun tu dge ba'i bkra shis shog__/khyad par nges don sgrub brgyud rin po che/____/bshad dang sgrub pas 'dzam gling kun tu khyab/____/sa chen mkhas dang grub pa'i tshogs kyis khengs/____/dge legs bkra shis snang ba rgyas par shog__/ces pa'ang 'jig rten gsum gyi sgron me rgyal mchog karma pa bcu drug pa chen po'i zhabs la brtan bzhugs su gsol ba'i smon tshig 'di ni 'jam dbyangs mkhyen brtse'i dbang po'i phrin las kyi byed por dbugs dbyung thob pa mgon po mchog gi bka' 'bangs 'jam dbyangs chos kyi blo gros ris med bstan pa'i rgyal mtshan du 'bod pas mtshur mdo bo lung gi dgon par me sprel gnam lo gsar 'char gyi dus tshes dge bar gsol ba btab bzhin bris te phul ba/__rje btsun bla ma zhabs pad bskal brgyar bzhugs pa'i rgyur 'gyur bar bla ma rgyal ba sras bcas kyis byin gyis brlab tu gsol//____//__ oM swasti/__bskal pa bzang po'i rnam 'dren drug pa dang /____/grub chen sa ra ha yi sprul pa'i sku/____/dus gsum mkhyen pa'i skye phreng bcu drug pa/____/rig pa'i rdo rje'i zhabs pad brtan gyur cig__/mkhyen pas chos kyi de nyid ji bzhin gzigs/____/brtse bas 'gro ba kun gyi skyabs mdzad cing /____/nus pas bdud las rgyal ba'i karma pa/____/rig pa'i rdo rje'i zhabs pad brtan gyur cig__/tshogs gnyis dkyil 'khor rgyas pa las byung ba'i/____/phrin las 'od kyis rgyal bstan kun+da'i tshal/____/spel mdzad dam chos smra ba'i zla ba mchog__/rig pa'i rdo rje'i zhabs pad brtan gyur cig__/rnam mang khrims ldan 'bum gyi mkhan po ste/____/rgyal sras byang chub sems dpa' bye ba'i yab/____/bsgrang yas rig pa 'dzin pa'i slob dpon che/____/rig pa'i rdo rje'i zhabs pad brtan gyur cig__/bstan pa'i rgyal mtshan 'dzam bu'i gling du btsugs/____/grags pa'i ba dan phyogs rnams kun tu g.yo/____/rgyal ba'i phrin las mnga' ba karma pa/____/rig pa'i rdo rje'i zhabs pad brtan gyur cig__/thub pa'i dbang po'i bstan pa spel ba dang /____/snyigs dus 'gro ba rnams kyi mgon nyid du/____/'jig rten dbang phyug rnam 'phrul karma pa/____/rig pa'i rdo rje'i zhabs pad brtan gyur cig__/bslu med dkon mchog gsum gyi bden pa dang /____/khyad par 'chi ba med pa'i mchog sbyin pa'i/____/tshe yi lha tshogs rnams kyi byin rlabs kyis/____/ji ltar smon pa'i don 'di 'grub gyur cig__/ces pa 'di ni mdzod pa dam chos yongs 'du nas rten bcas bskul ngor sa skya khri 'dzin ngag dbang kun dgas rtse gcig tu smon pa dge/____//__ lha sras dam 'dzin rnam par 'phrul/____/dge rtse bla ma rin po che/____/bsod nams bstan 'dzin zhes bya ba/____/dang por dpal yul chos sgor zhugs/____/phyag rgya chen po'i khrid nos shing /____/bar du zhe rdzogs bla ma bsten/____/gangs khrod so gsal sgrub pa byas/____/tsA ri tra la sogs pa yi/____/rdo rje'i gnas chen bsgrod byas nas/____/tha mar kun mkhyen zhabs bsnyen ste/____/snying thig chos kyi bdag por gyur/____/bod chen ljongs kyi skye 'gro rnams/____/byang chub sems kyis 'dul ba dang /____/phrin las bsam mi khyab pa yi/____/mkhas dang grub pa'i rnam thar ni/____/ngo mtshar can gyi skyes bu bskrun/____/rtsa ba gsum gyis byin gyis brlabs/____/thugs gter bde chen lam mchog gsal/____/gzhan phan rmad du byung ba yi/____/byang chub rdo rjer gsol ba 'debs/____/rtag tu bdag la byin gyis rlobs/____/blo ngan dam pa'i chos su 'gro/____/'khrul pa'i snang ba rgyun chad nas/____/rig pa'i ye shes sgron me ni/____/myur du sbar bar mdzad nas kyang /____/sgrib pa'i bud shing bsreg tu gsol/____/ye shes snang ba lam me ba/____/mtha' yas kun tu khyab pa dang /____/sku gsum go 'phang thob nas kyang /____/srid pa dong nas sprug par shog__/_ mchog gling sku skye'i mtshan 'bul zhabs brtan pad+ma dgyes pa'i dbyangs snyan zhes bya ba bzhugs so/__oM swasti/__rgyal kun mkhyen brtse gcig bsdus pa?~Xd+ma?~X 'byung /____/'aXgyur meXd mchog gyur bdeX chenaX gling pa yi/____/rnam rol ngesaX donaX grub pa'i rdo rje yi/____/byin rlabs sprul pa'i zla ba gzhon nu'i sku/____/theXg mchogaX bstanaX pa 'dzin pa'i bshes gnyen du/____/bslab pa gsum gyi lus stobs yongs su rdzogs/____/mkhas dang grub pa'i rnam thar zla med pas/____/thub bstan phyogs brgyar 'pheXl bar mdzad du gsol/____/de la 'khu ba'i ma rungs 'byung po'i tshogs/____/dpal chen rdo rje gzhon nu'i mthu stobs kyis/____/ming gi lhag mar byas dang chabs cig tu/____/phrin las nus pa'i rtsal shugs rgyas par mdzod/____/tshe dpag med dang yid bzhin 'khor lo dang /____/rnam par rgyal ma mtsho skyes rdo rje sogs/____/tshe lha rab 'byams rgya mtsho'i byin nus kyis/____/sku tshe mi nub yun du brtan gyur cig__/ces gter 'byin grub pa'i spyi rje mchog gyur bde chen zhig po gling pa'i yang srid kyi sprul pa'i sku yi me tog gsar du bzhad pa la pad+ma 'gyur med bde chen nges don theg mchog bstan 'phel zhes pa'i mtshan gyi dril chen bsgrag pa dang chabs cig zhabs brtan smon tshig tu byas pa 'di yang 'jam dbyangs bla ma mkhyen brtse'i dbang po'i phrin las mi zad pa rgyan gyi 'khor lo'i byed por smon pa 'jam dbyangs blo gros rgya mtsho dpal bzang pos rdzong sar bkra shis lha rtse rje thams cad mkhyen pa'i gzims khang bkra shis 'chi med grub pa'i dga' tshal du bris te phul ba 'di bzhin gegs med 'grub par bla ma mchog gsum rtsa gsum rgya mtshos byin gyis brlab tu gsol/__shu b+haM mastu sarba dza ga taM//____//__oM swasti/__rgyal dbang paXd+ma'iX ring lugs snga 'gyur gyi/____/bka' gter bstanaX pa 'dzinaX pa'i mthu grub pa/____/mdo sngags chosaX kyi mdzod la dbang 'byor nas/____/rdo rje 'dzin rgyalaX chen por zhabs brtan shog__/ces gdung gter ston yongs shar gling pa'i skye srid la pad+ma bstan 'dzin chos rgyal zhes pa'i mtshan 'dogs dang 'brel bkra shis pa'i lha gos sku gsung thugs rdo rje'i snang brnyan tshe rdzas sngags mdud bcas mkhyen sprul pas phul//____//__ yongs kyi dge pa'i bshes gnyen chen po khyab bdag rdo rje 'dzin rgyal 'jam dbyangs rgyal mtshan la zhabs brtan bkra shis snang ba zhes bya ba bzhugs so/____/na mo gu ru many+dzu shrI ye/__sras bcas rgyal ba'i ye shes gcig bsdus pa/____/mkhyen rab chos kyi nyin byed 'od 'bar bas/____/gdul bya'i dad gsum pad tshal rgyas mdzad pa/____/'dren mchog khyab bdag bla mar zhabs brtan gsol/____/'jam dbyangs bla ma kun dga'i mtshan can gyi/____/ring lugs snyigs dus slar yang gsal ba la/____/mtshungs zla med pa'i thugs bskyed stobs 'chang ba/____/mkhas grub dbang po bskal brgyar 'tsho bzhes gsol/____/phyir ltar so sor thar ba'i khrims la gnas/____/nang du byang chub sems kyi thugs rgyud gtams/____/gsang ba sngags kyi theg pa'i lam la brtson/____/sum ldan rdo rje 'dzin pa zhabs brtan gsol/____/bslab pa'i tshul khrims nyes pa'i skyon spangs shing /____/ting 'dzin phung po zad mi shes pa'i gter/____/chos rab rnam 'byed shes rab spobs pa'i mdzod/____/blo gter smra ba'i dbang po zhabs brtan gsol/____/thos pa rgya mtsho'i pha rol son pa'i dpal/____/bsam byung chos bzang rig pa'i rnam dpyod can/____/sgom byung shes rab zla ba nya gang bas/____/thub bstan phyogs brgyar spel mkhas zhabs brtan gsol/____/'chad mkhas blo ldan bye ba'i yid dbang 'phrog__/rtsod pas phas rgol log rtog brag ri 'joms/____/rtsom pas kun mkhyen ring lugs gsal mdzad pa/____/kun gzigs chos kyi nyi ma zhabs brtan gsol/____/khyad par 'jam dbyangs bla ma'i byin zhugs pas/____/gsang sngags nang gi de nyid legs rtogs shing /____/rgyud lung man ngag rgya mtshor rang dbang 'byor/____/gsang bdag rdo rje 'dzin par zhabs brtan gsol/____/gsung ngag rin chen gter la dbang 'byor shing /____/rnal 'byor dbang phyug brtse chen sa skya pa'i/____/bstan 'dzin bye ba'i dbus na rab mtho ba/____/kun dga'i rgyal mtshan sgrengs mkhas zhabs brtan gsol/____/rtag tu gzhan phan bya ba 'ba' zhig mdzad/____/'jig rten chos brgyad rtog pa ring du dor/____/sngon byon drang srong chen pos bstan pa'i lam/____/bsnyen mdzad kun spangs chen por zhabs brtan gsol/____/de ltar gsol ba btab pa'i byin brlabs kyis/____/bstan 'dzin skyes mchog zhabs pad yun du brtan/____/chos 'khor bskor zhing phrin las phyogs brgyar 'phel/____/bkra shis snang bas yun du khyab gyur cig__/ces pa'i zhabs brtan 'di'ang /__rang nyid kyis dad mos dang nye char bslab ldan mang thos blo gsal byams pa lags nas lha rdzas bcas gsung bskul ngor 'jam dbyangs chos kyi blo gros pas snron zla'i tshes 14snga dro'i char bris pa 'dis kyang rje btsun bla ma zhabs pad bskal brgyar brtan pa'i rgyur gyur cig__/sarba dA mang+ga laM//____//__


lung rigs smra ba'i dbang po mkhan mkhyen rab chos kyi 'od zer la zhabs brtan bkra shis me tog ces bya ba bzhugs/__na mo many+dzu shrI ye/__mkha' khyab rgyal ba kun gyi ye shes sku/____/bla ma mkhyen gter 'jam dpal rdo rje yi/____/phyogs dus 'gro ba'i mun pa kun bsal nas/____/blo mchog spobs pa'i gter chen rgyas par mdzod/____/lung rtogs bshad sgrub chos kyi dga' tshal du/____/bloX grosaX pad+mo rgyas pa'i gnyen gcig pu/____/legaXs bshaXd gsung rab smra la zla bral ba/____/mkhas dbang nyin byed dbang por zhabs brtan gsol/____/kun dga'i ring lugs rgyaX mtsho'iX mthar khyab cing /____/bstan pa'i rgyal mtshan srid pa'i rtse mor bsgrengs/____/phyogs las rnam rgyal bzang po'i mdzad pa yi/____/'jam mgon bla ma'i bstan pa rgyas mdzad gsol/____/de ltar gsol ba btab pa'i byin brlabs kyis/____/bla ma'i sku tshe yun du brtan pa dang /____/chos kyi phrin las sa gsum kun tu khyab/____/phan bde'i dga' ston mi nub dar rgyas shog__/ces pa'ang gang gi zhal slob rnams kyis bskul ngor 'jam dbyangs chos kyi blo gros pas smon tshig tu bris pa dge/____//__ mkhan chen kun bzang dpal ldan thub bstan chos kyi grags pa la gdung dbyangs su gsol ba thugs rje'i glog zhags bzhugs so/____/oM swasti/__kun bzang brgyud ldan bla ma'i thugs kyi sras/____/snga 'gyur bstan pa'i srog rtsa 'dzin pa'i dpal/____/mkhyen brtse nus ldan thub bstan chos kyi grags/____/gsol ba 'debs so thugs rje brtse bas dgongs/____/deng 'dir kun mkhyen shAkya'i bstan pa dang /____/de yi yang snying snga 'gyur rdo rje'i theg__/gzhan sde'i dri mas rnyogs par gyur pa la/____/rje btsun khyod kyi thugs rjes 'dor phod dam/____/skyes chen nyi zla'i tshogs rnams nub rir yol/____/lta ba ngan pa'i dri ma gzengs pa dang /____/chos rje rgyu skar rgyal po khyod nyid kyang /____/dbyings su gshegs nas bdag cag nyams thag rnams/____/ma yis bor ba'i da phrug ji bzhin du/____/skyabs med mgon bral sdug bsngal gyis mnar la/____/mgon po khyed kyi mkhyen brtses rab dgongs nas/____/ngo mtshar sprul pa'i snang ba bstan du gsol/____/'chi med rdo rje'i dpal dang ldan pa'i sku/____/skar tshogs dbus na zla ba bzhin du gsal/____/mkhas tshul gsum dang grub pa'i yon tan gyis/____/snga 'gyur bstan pa'i ku mud rgyas par mdzod/____/bdag cag deng nas skye ba thams cad du/____/'dren mchog chos kyi rgyal po'i gsung gis 'tsho/____/sku yi zhabs rdul spyi bor reg pa dang /____/thugs gsang dgongs pa'i bcud mchog thob par shog__/ces mkhan chen bka' drin mtshungs med de nyid chu lug zla bcu tshes nyer bdun tho rangs la chos kyi dbyings su snyoms par zhugs tshul mgo zla'i tshes brgyad la yi ge 'byor bas bsnyen ba'i thun sgang du gus slob 'jam dbyangs blo gros rgya mtshos rtse gcig gus pas gsol ba btab pa de bzhin 'grub par brgyud gsum rig 'dzin bla mas byin gyis brlab tu gsol//____//__ oM swasti/____/bloX grosaX gshen rgyal g.yung drung sems dpa' che/____/bonaX dbyingasaX rgya mtsho mchog gi sprul pa'i sku/____/bar chad g.yul las rnamaX par rab rgyalaX te/____/rgyal ba gaXtsug phudaX ngo bor zhabs brtan gsol/____/de ltar bden pa'i nus mthu bon rig 'dzin/____/yi dam zhi khro mkha' 'gro bon skyongs kyi/____/mthu rtsal byin rlabs shugs drag rab g.yos te/____/gegs med 'grub cing bkra shis dge legs shog__/ces shar rdza'i mkhas grub chen po mang+ga la'i mtshan can kyi thugs sras rgyal tshab mchog gi sprul sku'i zla zhal gsar du 'char ba'i skabs mtshan 'bul zhabs brtan 'di'ang /__mkhyen brtse'i sprul ming chos kyi blo gros pas phul ba bkra shis par gyur cig__/__


mchog sprul myur 'byon gsol 'debs bkra shis zla snang zhes bya ba bzhugs so/____/oM swasti/__ngag la dbang bsgyur 'jam mgon dgyes pa'i gter/____/mdo sngags blo gros rgya mtsho'i mdzod 'chang ba/____/gzhan la phan pa'i mdzad phrin pha mtha' yas/____/dpal ldan bla ma'i zhabs la gsol ba 'debs/____/gang khyod chos kyi dbyangs su snyams zhugs kyang /____/bstan 'gror rjes chags thugs rjes mi 'dor zhing /____/brtse chen snying po'i ring lugs gsal ba'i phyir/____/slar yang mchog gi sprul sku myur bzhengs gsol/____/snyigs ma lnga bdo'i bstan 'gro'i rgud sel zhing /____/rigs dang brtse ba shes rab lang tsho rgyas/____/rgyal ba dgyes pa'i spyod pa legs gnas pa'i/____/mchog gi sprul sku khyad 'phags snang mdzad gsol/____/de yang bar chad bdud kyi g.yul las rgyal/____/sku tshe mi shigs yun du bstan pa dang /____/gsan bsam sgom pa'i yon tan mtha' yas par/____/'bad med mnga' dbang 'byor ba'i bkra shis shog__/ces pa'ang rje btsun e waM pa chen po'i 'dren mchog chos kyi rgyal po khang gsar mkhan chen dam pa rin po che zhing khams su gshegs pa na/__rje de nyid kyi rigs chos thugs kyi sras gcig mgon gzigs zhabs drung rin po che'i bka' lung gtsug tu mchod de 'jam dbyangs chos kyi blo gros pas brtse gcig gus pas gsol ba btab bzhin bris pa/____/mchog gi sprul sku'i zla snang myur du 'char ba'i rgyur 'gyur ba bla ma rgyal ba sras bcas kyis byin gyis brlabs tu gsol/__sarba dA mang+ga laM//____//__ kun gzigs mchog sprul rin po che bkra shis dpal 'byor gyi zhabs brtan 'chi med grub pa mchog gi glu dbyangs zhes bya ba/__oM swasti bi dza yan+tu/__kun mkhyen ye shes me long dgyes pa'i gar/____/bkra shis mkhyen brtse'i 'od zer 'bum gyis gtams/____/zag med 'phags pa'i yon tan dpal 'byor gyis/____/rab mdzes dpal ldan bla ma rgyal gyur cig__/snyigs ma'i 'gro ngor phrin las pad+ma'i tshal/____/dus su babs pa'i smon lam mdzes sdug gis/____/mdo sngags bstan pa'i gling kun khyab brdal bas/____/mtsho skyes grub pa'i zhal skyin rtag brtan shog__/mtha' yas chos kun mkhyen pa'i dkyil 'khor rgyas/____/brtse chen thugs rje'i 'od snang rab tu bsil/____/phul byung nus pas bdud sde dpung dang bcas/____/'joms mdzad rgyal sras dbang phyug zhabs brtan gsol/____/bcu phrag rigs par mkhas pa'i phul du phyin/____/bde chen tshul khrims mthar son btsun pa'i mchog__/ris med bstan 'gror sman pa'i mdzad bzang gis/____/rtag mdzes rab gsal zla ba zhabs brtan gsol/____/bka' gter gdams pa'i chos sgo rab 'byams gsan/____/nges don grub mtha'i snying po bsam pas 'dzin/____/bskyed rdzogs bsgoms pas rig 'dzin sa mthor gshegs/____/'od gsal thugs mchog rdo rje zhabs brtan gsol/____/zab rgyas chos sgo 'chad la chags thogs bral/____/lung rigs rtsod pas lta ngan rgol ba 'joms/____/phul byung rtsom pas mtsho byung mgrin mtshor rol/____/'jam dpal dga' ba'i bshes gnyen zhabs brtan gsol/____/ye shes dgongs pa'i gter mdzod klong nas rdol/____/lha dang DA kis byin brlabs dbugs dbyung stsal/____/zab gsang chos kyi bdud rtsi'i mdzod chen po/____/gangs can phan bde'i byed por zhabs brtan gsol/____/snod bcud ye shes rdo rje'i 'khor lor shar/____/mi shigs d+hU ti'i mdud pa dbyings su grol/____/rdo rje nang gi rnal 'byor pha mthar son/____/nges don rnal 'byor dbang po zhabs brtan gsol/____/rig stong chos nyid dgongs pa klong du gyur/____/'od gsal dag pa'i snang ba 'byams klas shar/____/mi g.yo rdo rje snying po'i dgongs klong 'khyil/____/rang byung dang po'i mgon por zhabs brtan gsol/____/thub bstan yongs rdzogs chos kyi mdzod chen po/____/rang dbang sgyur mdzad 'jam mgon chos kyi rgyal/____/thugs rje'i rang gzugs dpal ldan bla ma mchog__/gsang gsum 'chi med rdo rjer zhabs brtan gsol/____/rtse gcig gsol btab bden pa'i nus mthu dang /____/'chi med rtsa gsum rgyal ba'i byin nus kyis/____/smra ba'i nyi ma bla ma'i zhabs pad brtan/____/phrin las nam mkha' ji srid rgyas gyur cig__/ces shing sprel sa ga zla ba'i dkar phyogs kyi rgyal ba gnyis par rje nyid kyi zab gter 'jam dpal thugs thig gi chos sgo dang por 'byed pa'i skabs bkra shis pa'i lha rdzas a she/__'chi med sku gsung thugs rdo rje'i snang brnyan/__sa snying srung 'khor/__rin chen sna tshogs kyi maN+Dal bcas mkhyen brtse'i phrin las kyi byed por smon pa 'jam dbyangs chos kyi blo gros pas bkra shis 'chi med grub pa'i dga' tshal du bris shing gsol smon du bgyis pa dpal ldan bla ma zhabs pad bskal pa rgya mtshor brtan cing bzhugs pa'i rgyur gyur cig__/sarba dA ka l+yA NaM b+ha ba tu shu b+haM//____//__


gter ston rig 'dzin chen po las rab gling par zhabs brtan bden tshig bdud las rnam par rgyal ba'i dbyangs snyan ces bya ba bzhugs so/____/oM swasti sid+d+hi yan+tu/__mchog gsum rtsa gsum ma lus 'dus pa'i rje/____/ma hA gu ru pad+ma 'byung gnas kyi/____/ye shes dgongs pa'i rang rtsal 'bangs rigs mchog__/sngags kyi rnal 'byor rdo rje bdud 'joms kyi/____/rnam rol chu bla'i rol rtsal 'gags med las/____/ches cher snyigs dus bstan 'gro skyobs pa'i gnyen/____/zab dang rgya che'i chos nor gter mdzod brdol/____/sprul pa'i rig 'dzin chen por zhabs brtan gsol/____/pad+ma kun tu 'chang bas byin gyis brlabs/____/phrin las lha mchog rdo rje ki la ya'i/____/mthu stobs nus pa'i rig sngags rtsal chen rdzogs/____/mkha' 'gro chos skyongs rnams bzhi'i las la bkol/____/dregs pa sde brgyad gdan du brtsegs pa'i khrir/____/ma rung bdud dgra'i tshogs rnams mthar mdzad pa/____/bdud kyi gshed chen rig 'dzin drag po rtsal/____/khams gsum zil gnon chen por=____/sku ni sgyu 'phrul rdo rje'i gar brgyas rtsen/____/gsung ni gzhom med rdo rje na dA'i dbyangs/____/thugs ni zag med bde chen bdud rtsi'i gtams/____/las rab gling pa bskal brgyar 'tsho gzhes gsol/____/mchog bstan snying po nyin mor byed pa la/____/phul byung mkhyen nus brtse ba'i mthu mnga' zhing /____/gangs can grub rigs kun gyi gtsug rgyan mchog__/g.yo med rdo rje'i khri la rtag bzhugs gsol/____/nges gsang rig stong dgongs pa'i rtsal 'bar bas/____/brtan g.yo thams cad ye shes phyag rgyas thebs/____/rang byung 'od gsal chen po'i byin 'bebs pas/____/snod bcud ye dag chen por lhun gyis grub/____/'khrul rtog rgud pa'i tshogs rnams dbyings su zhi/____/'dzad med dga' bde'i dpal yon rtag par rgyas/____/phun tshogs srid zhi'i dge mtshan stong 'bar bas/____/sa gsum bkra shis dpal gyis mdzes gyur cig__/bslu med rtsa gsum thugs rje'i bden stobs dang /____/rnal 'byor bdag gi lhag bsam dag pa'i mthus/____/ji ltar smon pa'i gnas 'di myur 'grub nas/____/mi mthun bdud sde'i g.yul las rgyal gyur cig__/ces rtsod bral dus bab kyi sprul pa'i gter ston las rab gling par zhabs brtan bden tshig 'di yang 'jam dbyangs chos kyi blo gros pas zla 11pa'i yar tshes 4gza' mchog zla ba rgyu skar gyi lha mo gro bzhin dang rtse ba'i 'grub sbyor bzang por bris te gsol ba btab pa 'dis kyang rig 'dzin chen por zhabs pad bskal brgyar brtan pa'i rgyur gyur cig__/sarba dA ka l+yA NaM su shrI yo b+ha wan+tu//____//__ e ma hoHshin tu zhi ba chen po chos kyi dbyings/____/bsam brjod 'das pa'i cho 'phrul chen po la/____/dbang thob rgyal sras khyab bdag bde chen rgyal/____/'gyur med rdo rje'i ngo bor 'tsho gzhes gsol/____/mu tsug drung ma'i thugs kyi ge sar rtser/____/shes rab ral gri mda' gzhu'i mtshon 'chang ba/____/bdud dgra 'dul mdzad bdud kyi gshed chen po/____/dpa' bo chen po gzi brjid blta mi ngoms/____/'phur 'gro'i slob dpon pad+ma rgyal po dang /____/'jam dbyangs tshangs pa lha yi me tog gi/__phrin las rdo rje'i shugs kyi mtshon 'chang ba/____/snang srid dgra bla yongs kyi rje bo che/____/gtso dang 'khor du rnam rol bye ba 'bum/____/rjes chags sgyu 'phrul rol mo cir yang 'phro/____/hor bdud la sogs ma rungs mgo bo bregs/____/sangs rgyas bstan pa'i rgyal mtshan chen po sgrengs/____/'jig rten 'di na grags pa'i dpal 'od 'phro/____/mkhas blun kun gyis gtam gyi gzhir gyur kyang /____/phal cher don med don log ji snyed las/____/yid rton rung ba res 'ga' tsam du zad/____/da lta rnga yab pad+ma 'od nyid nas/____/pad+mas mngags pa'i 'gro 'dul skyes bu ni/____/sprin sgra'i nga ro ches cher gsal sgrogs pa/____/dpa' bo chen po 'chi med lha rnga'i sgra/____/khyed kyis bstan 'gror 'tshe ba'i lha min gyi/____/g.yul ngo bsrung ba'i rdo rje'i ya lang che/____/rab bgos sing ha ma Ni'i sgrub skor rnams/____/thugs las chung ngu'i btang snyoms dbang ma shor/____/ji lta ji snyed yongs su rdzogs pa zhig__/thugs klong rig pa'i sgrom nas phyung du gsol/____/phyungs nas snyigs ma'i 'gro skyob mthu nus ldan/____/phrin las rno myur bskal pa'i me chen 'bar/____/ma rungs bdud dgra'i tshang tshing kun bsregs nas/__mthong bas kun smon bde skyid pad tshal rgyas/____/drag po'i 'khor los kla klo dum bur gtub/____/phyogs las rnam par rgyal ba'i bkra shis shog__/ces pa'ang bka' brgyud 'brug pa'i bstan pa'i srog shing mdo khams brgyad pa skal bzang don brgyud nyi ma rin po che'i dag snang gling rje ge sar gyi sgrub skor kha shas mjal ba na/__dad pa'i me tog cung zad 'thor nas ched du brjod pa mkhyen brtse'i sprul ming chos kyi blo gros pas phul ba'o//____//__ oM swasti/__rgyal ba'i ye shes rang gzugs 'jam pa'i dpal/____/drag por khros pa 'jam dpal gshin rje'i gshed/____/khro chu dug gi sdong po chen po ni/____/rgyal bstan srung zhing skyob pa'i lha gcig pu/____/gnubs chen bla ma'i zab gter ring brgyud la/____/'jam dpal nor bu bde ba'i rdo rje zhes/____/snyigs dus rig 'dzin mkhas grub yongs kyi rje/____/gang gi thugs gsang rdo rje'i klong sgrom nas/____/man ngag gser gyi yang zhun mngon par phyungs/____/'di ko snga 'gyur rig 'dzin brgyud pa yi/____/zhal lung 'jam dpal 'gugs pa'i lcags kyu ste/____/bstan dgra 'joms pa'i mtshon cha 'di yin no/____/de phyir smin grol sgrub phrin phyag bzhes rgyun/____/srid mtha'i bar du nub pa med pa dang /____/chos kyi bdag po rig 'dzin yab sras rnams/____/zhabs pad brtan cing phrin las rgyas gyur cig__/ces zab don legs bshad rmad du byung ba mjal ba'i skal bzang thob pa na dang ba chen pos mkhyen brtse'i sprul ming 'dzin pa 'jam dbyangs chos kyi blo gros pas ched du brjod pa'o//____//__ skyabs rje rgyal tshab rin po che zhabs brtan 'chi med grub pa'i bden tshigs bzhugs/__'pho bral 'gyura~X meda~X chos kun ngo bo stong /____/rnam pa ma 'gags mtshan dpe'i dpal 'bar ba/____/pa~Xd+ma'i~X rgyal tshab rdo rje'i rig pa 'dzin/____/rnama~X par rgyala~X ba'i dbang por gsol ba 'debs/____/gzha~Xn phana~X byang chub sems kyi rtsa ba brtan/____/chosa~X kyi~X rgyal mtshan bsgreng la snying stobs ches/____/bslab gsum 'phags pa'i nor gyis rgyud phyug pa'i/____/blo~X grosa~X chen po bskal brgyar rtag bzhugs gsol/____/rdo rje'i gsang gsum bgres rgud kun dang bral/____/thugasa~X mchoga~X ye shes rig pa'i rtsala~X chen rdzogs/____/lhun grub rtag brtan mi shig g.yung drung gis/____/sbas pa'i khri la g.yo med bskal brgyar bzhugs/____/sku 'di mi 'gyur ri bo ltar brtan cing /____/gsung 'di mi 'gags tshangs dbyangs chos char 'bebs/____/thugs ni 'gro ba kun la rab tu brtse/____/dpal ldan bla ma bskal brgyar 'tsho gzhes gsol/____/dpal ldan bla ma'i sku tshe brtan pa las/____/bdag gzhan 'gro ba'i rgud pa kun zhi zhing /____/legs tshogs rab 'phel zla shel can dang 'grogs/____/dge legs snang bas sa gsum khyab gyur cig__/ces pa'ang thub bstan chos 'phel gyis bskul ba dang /__rang nyid kyis kyang mngon par dang ba'i yid kyi mtshams sbyar te gsol ba btab pa 'di yid bzhin du 'grub pa bla ma rgyal ba sras bcas kyis byin gyis brlab tu gsol//____//__ kong sprul zhabs brtan yongs 'du sa rtol ljon pa zhes bya ba bzhugs/__'jam dpal rdo rje'i rang gzugs rgyal ba'i sras/____/pad+ma sngags rig 'dzin pa'i shing rta che/____/bzhad pa brgyad ldan gar gyi dbang phyug mchog__/'gyur med rdo rje'i khri la bzhugs su gsol/____/mkhas shing grub pa'i rnam thar pha mtha' yas/____/'chad rtsod rtsom la mnga' brnyes rgyal bstan gsal/____/phun tshogs sde bzhi'i dpal kun 'du ba dang /____/phyogs las rnam rgyal snyan pas khyab gyur cig__/ces pa'ang chos kyi blo gros bas so//____//__ 'jam mgon chos kyi bshes gnyen gyi mchog sprul rin po cher mtshan 'bul dang zhabs brtan gsol 'debs bkra shis 'khyil pa'i dbyangs snyan zhes bya ba bzhugs so/____/oM swasti sid+d+haM/____/'jiga~Xs meda~X theg mchog chos kyi 'khor los bsgyur/____/mkhyena~X dang brtse~X ba'i 'oda~X zera~X stong 'phro bas/____/snyigs dus bstan 'gro'i mun pa kun sel ba/____/'jam dbyangs bla ma bskal brgyar 'tsho bzhes gsol/____/ranga~X byunga~X pad+ma'i bstan pa'i rgyal mtshan rtser/____/'o~Xd gsa~Xl lhun grub rin chen nor bu'i tog__/mdo sngags bshad sgrub dar gyi sham bus mdzes/____/phyogs las rnam rgyal chen por zhabs brtan gsol/____/mi g.yo thugasa~X mchoga~X ka dag dbyings chen por/____/sku gsum rdo rje snying po 'du 'bral med/____/lhun rdzogs bya rtsol bral ba'i gdan khri la/____/'chi med rtag pa dam par 'tsho gzhes gsol/____/mkhyen gnyis ye~X shesa~X rola~X pa'i~X rgya mtsho cher/____/sku bzhi'i bang rim bzang po lta na sdug__/rdo rje'i lhun po srid zhi'i khams su mtho/____/mthu stobs phrin las rtsal chen rgyas gyur cig__/de ltar gsol ba btab bzhin 'grub pa dang /____/rtsa gsum rab 'byams thugs rje'i bden stobs kyis/____/dpal ldan bla ma'i zhabs pad yun du brtan/____/pad+ma rgyal dang rnam dbyer med par shog__/ces pa'i mtshan 'bul dang 'brel ba'i zhabs brtan smon tshig dang /__bkra shis pa'i lha rdzas/__rdo rje gsum gyi snang brnyan bcas kun gzigs many+dzu g+ho Sha'i phrin las kyi byed por smon pa 'jam dbyangs blo gros rgya mtshos rdzong sar bkra shis lha rtse'i chos sde nas shing khyi tha skar zla ba'i tshes bzang por gus pas phul ba de bzhin 'grub par bla ma rgyal ba sras bcas kyis byin gyis brlab tu gsol/__sarba dA mang+ga laM//____//__ oM swasti sid+d+haM/__tshangs dbang khyab 'jug drag po la sogs pa/____/'jig rten pa dang 'jig rten 'das pa yi/____/gnag bsnum ral pa'i thor cog nor bus mdzes/____/zhabs mthil chu skyes dmar po btud der 'dud/____/gser bsregs mdog 'dra 'od mtshan stong 'bar zhing /____/gur gum chab kyi lan stong byugs 'dra ba'i/____/'jam dpal dbyangs dngos 'jam dbyangs chos kyi rje/____/brgyud par bcas pa'i zhal mthil spyi bor bkod/____/rgyal ba'i lung gis dngos grub mchog brnyes pa/____/rdo rje 'chang dngos e waM pa chen po/____/snyan brgyud ma dros gdams pa'i bdud rtsis gtams/____/tshar pa chos rje srid na mtshung zla bral/____/'jam dbyangs zhal gyi bum bzang las byung ba'i/____/tshad ma bzhi yis nor la longs spyod pa'i/____/skal bzang gdul bya'i srid zhi'i gdung sel ba'i/____/dpal ldan bla ma'i bka' drin deng 'dir dran/____/thabs shes gnyis med shrIHhe badz+ra/____/kha sbyor bdun ldan bcom ldan rdo rje 'chang /____/dngos kun drwa ba chen por bsdoms mdzad pa'i/____/kyai yi rdo rje dngos grub kun gyi mdzod/____/lhan skyes rgyal yum rdo rje rnal 'byor ma/____/bcu drug ros gang mkha' 'gro'i gtso mo rje/____/snying nas dran no dam ldan skyong mdzad pa'i/____/ma hA ka las rtag tu srung skyobs mdzod/____/dbang bzhi'i lam rim thun bzhir bsgom pa yi/____/rtse gcig g.yel med zhi ba'i bsa~Xm gtana~X gyis/____/lta dang grub mtha' 'da' dka'i lam mthar son/____/'dus pa gsum gyi mtha' dbyung sku bzhi brnyes/____/mdo dang sngags kyi gzhung lugs rgya mtsho la/____/rnam par dpyod pa'i blo~X gro~Xs dang ldan zhing /____/mtshams sprin bla gos dmar pos rab 'khyud pa/____/'khor lo'i mgon po bskal brgyar bzhugs su gsol/____/tshe dpag med mgon aR+YA tA re dang /____/rnam par rgyal ma nyi zla'i lam 'gro ba'i/____/'od zer can mas bdud rnams rengs bar byed/__lha mo rnams kyi sku tshe'i dngos grub stsol/____/bar chad sel la dge legs snang ba yi/____/srid pa gsum po rab tu khyab nas ni/____/bkra shis nyi ma 'jig rten kun gyi rgyan/____/mi nub rtag brtan dpal du 'bar gyur cig__/de ltar shis pa'i tshig gis mtha' brgyan pa'i zhabs brtan smon lam tshigs su gsol ba 'di yang mchog tu skal ba bzang po'i dga' ston la longs spyod pa'i skabs/____/'khor lo'i mgon po thugs dgyes pa'i slad du 'jam dbyangs chos kyi blo gros ris med bstan pa'i rgyal mtshan zhes 'bod pa da ri dras bkra shis pa'i lha rdzas dpal he ru ka'i sku brnyes pa 'od gsal sprul pa'i rdo rje'i zab gter las byung ba'i dpal bdud rtsi bde ba chen po sgrub pa'i thabs kyi glegs bam bu dpe'i phyi mo byin rlabs kyi gzi 'od 'bar ba dang /__rin chen dang po zho 'khor gnyis bcas rmad byung ta na g+ha na'i spyod pa dang rjes mthun gyi tshogs kyi 'khor lo dang chab gcig 'bul ba lags na don dang ldan par gyur cig__/sarba dA mang+ga laM/____//__su la gnang ba yin ma nges ba'i mtshan 'bul//____//____!__oM swasti/__'gyuraX ba medaX pa padaX maX rgyal/____/kunaX tu bzaXng po dri ma med/____/bdeX ba chenaX po'i mchog grub nas/____/dbaXng giX rgyalaX poX ltar gyur cig__/ces pa'i mtshan 'bul 'di'ang 'jam dbyangs mkhyen brtse'i sprul ming 'dzin pa chos kyi blo gros pas so//____//__


na mo gu ru/__rtsa gsum rgyal ba rgya mtsho'i byin rlabs dang /____/byang sems nyan rang 'phags pa'i tshogs bcas kyis/____/rnal 'byor bdag gi lhag bsam dag pa'i mthus/____/ji ltar smon pa'i gnas 'di myur 'grub mdzod/____/sgruba~X rgyuda~X ngesa~X don snying po'i srog 'dzin gyi/____/rnal 'byor dbang phyug chen po'i rnam par 'phrul/____/mchog gi sprul sku bstana~X 'dzi~Xn rgya~X mtsho'i~X dbus/____/zhabs pad bskal pa rgya mtshor 'tsho gzhes gsol/____/bar chad bdud kyi nam yang mi tshugs shing /____/mchog dngos grub pa'i yon tan dpal gyis 'byor/____/dge legs rnam par rgyas pa'i chos sgra yis/____/phyogs dus kun tu khyab pa'i bkra shis shog__/ces rnal 'byor gyi dbang phyug__/shAkya shrI'i thugs sras kyi thu bo/__grub thob rtogs ldan gyi rgyal po bla ma sgrub rgyud kyi mchog gi sprul skur mtshan 'bul dang 'brel ba'i zhabs brtan smon tshig 'di'ang /__rje de'i thugs sras sib bla ma a 'tshogs nas lha rdzas bcas gsung bskul bzhin/__mkhyen brtse'i sprul ming 'dzin pa 'jam dbyangs chos kyi blo gros pas/__bkra shis pa'i lha rdzas/__blo 'phel shes rab ril bu bcas phul ba/__'jig rten kun tu dge legs kyi snang ba dam pas khyab par gyur cig__/sarba mang+ga laM//____//__


mi nyag lha sgang dgon pa'i bla ma bkra shis kyi zhabs brtan/__oM swasti/__phyogs bcu dus bzhi'i rtsa brgyud bla ma dang /____/yi dam zhi khro mkha' 'gro chos skyongs tshogs/____/gsol 'debs bu la brtse bas rjes dgongs nas/____/bden tshig smon lam 'grub pa'i dpang po mdzod/____/ye~X shesa~X chen pos yongs su gang ba'i sku/____/bden pa gnyis kyi chos ston gsung gi dbyangs/____/ji lta ji snyed mkhyen pa'i thugs mnga' ba/____/dpal ldan bla ma zhabs pad brtan bzhugs gsol/____/blo gros rgya~X mtsho~X ltar zab yon tan mdzod/____/gzhan phan byang chub sems kyi phrin las can/____/ba~Xkra shisa~X bzang po dge legs lhun gyis grub/____/phyogs las rnama~X par rgyala~X bar zhabs brtan gsol/____/de ltar gsol bar btab pa'i bden pa'i mthus/____/dpal ldan bla ma'i sku tshe'i 'phrang sgrol nas/____/bstan dang 'gro ba mtha' dag skyobs pa'i phyir/____/zhabs pad rdo rje'i khri la rtag brtan shog__/ces pa'ang mkhyen brtse'i dbang po'i sprul ming 'jam dbyangs chos kyi blo gros pas smon tshig tu bris pa dge legs su gyur cig__/mang+ga laM//____//__


zhabs brtan smon gsol drang srong bden tshig ces bya ba bzhugs so/____/na mo gu ru/__rtsa brgyud bla ma rnams kyi thugs rje dang /____/yi dam mkha' 'gro rnams kyi bden stobs kyi/____/rnal 'byor bdag gis ji ltar smon pa'i gnas/____/gegs med myur du 'grub par mdzad du gsol/____/pad+mas byin brlabs dpal seng rnam par 'phrul/____/rig 'dzin pa~Xd+ma bde~X ba~X'i rdo~X rje~X ni/____/lasa~X raba~X mi 'gyur snying po bzha~Xd pa~X rtsala~X/____/zhabs pad brtan cing phrin las rgyas gyur cig__/zab gter chos kyi nyi ma'i 'dzum zer gyis/____/bod khams phan bde'i pad+mo bzhad pa dang /____/rang gzhan don gnyis 'bad med lhun gyis grub/____/srid zhi'i dge mtshan rgyas pa'i bkra shis shog__/ces pa'ang gter ston 'od gsal rdo rjes gsungs bskul ngor mkhyen brtse'i sprul ming 'dzin pa chos kyi blo gros pas bris pa dge/____//__



oM swasti/__'dzam gling chos kyi snang ba'i shing rta che/____/yongs rdzogs bstan pa'i mnga' bdag sa skya pa/____/yab sras brgyud par bcas pa'i bden pa'i mthus/____/rnam dag smon pa'i gnas 'di myur 'grub mdzod/____/kun dga'i mtshan gyi ring lugs nyin mor byed/____/'jam dbyangs bla mas blo gros rgyas par mdzad/____/mkhas btsun bzang po'i snyan grags rab tu 'bar/____/bstan pa'i rgyal mtshan sgrengs phyir zhabs brtan gsol/____/phyi nang bar chad bdud bzhi'i g.yul las rgyal/____/tshe dang ye shes bsod nams rab 'phel zhing /____/lung rtogs yon tan rgya mtshor rang dbang 'byor/____/don gnyis phun sum tshogs pa'i bkra shis shog__/ces hor glang nag dge 'phel mchog sprul rin po che'i skye srid la kun dga' 'jam dbyangs snyan grags bstan pa'i rgyal mtshan zhes pa'i mtshan 'bul dang 'brel ba'i smon tshig 'di'ang mkhyen brtse'i dbang po'i sprul ming 'dzin pa 'jam dbyangs chos kyi blo gros pas shing lug sprel zla'i tshes 7la rdzongs gsar bkra shis lha rtse'i gzim khang bkra shis 'chi med grub pa'i dga' tshal nas/__bkra shis pa'i lha reg__/sku gsung thugs rten/__bzang gos rgyas pa'i mdangs ldan kha/__tang skud gzan sgrogs/__hu dzus ngur kha rin gnyis 'khor lo 'phags lam grangs ldan bcas phul ba dge zhing bkra shis par gyur cig__/__//__ mchog sprul bzhad pa rdo rje'i zhabs brtan/__oM swasti/__rtsa gsum kun 'dus o rgyan chen po yi/____/thugs rje'i byin rlabs bden pa'i nus stobs kyis/____/chos dbyings rang sar grol ba'i rig 'dzin rje'i/____/sprul pa'i sku mchog mi 'gyur rtag bzhugs gsol/____/rdo rje phur pa rta mgrin dbang chen sogs/____/yi dam rnams kyis sku tshe'i bar chad sol/____/tshe dpag med dang sgrol ma dkar mo sogs/____/'chi med mchog ster rnams kyi bdud rtsi yis/____/srog gi ljon bzang yun du bsring ba dang /____/bstan dang 'gro ba'i don chen lhun gyis grub/____/bdud kyi phru mas nam yang mi tshugs shing /____/rnam par rgyal ba chen por bzhugs gyur cig__/ces pa'ang dad ldan gyis zhus ngor chos kyi blo gros pas so//____//____!__'khrul zhig bde chen dpa' bo rdo rje'i zhabs brtan bzhugs/__na mo gu ru/__mchog gsum rtsa gsum rab 'byams rgya mtsho yi/____/thugs rje byin rlabs bden pa'i mthu stobs kyis/____/dpal ldan bla ma'i sku tshe'i bar chad sol/____/rtag brtan 'gyur med yun du 'tsho gzhes gsol/____/gzung 'dzin 'khrul pa ka dag dbyings su zhi/____/rang grol bde chen dpa' bo'i dbang phyug che/____/lha min bdud kyi sde las rnam rgyal nas/____/zhabs pad rdo rje'i chos bdun brtan bzhugs gsol/____/bstan dang 'gro ba'i dpung gnyen mchog gyur gang /____/gsang ba gsum gyi 'gal rkyen nyer zhi nas/____/dpal chen badz+ra ku mA ra nyid dang /____/dbyer med brtan bzhugs bkra shis dge legs shog__/ces pa'ang me bya sa zla'i tshes bco lnga la bkra shis pa'i lha reg dang /__sku gsung thugs g.yo med bzhugs mtshon rdor dril/__da khrus rgyas pa'i mdangs ldan bcas mkhyen brtse'i sprul ming pas phul//____//__ oM swasti/__dge legs rta bdun dbang po'i gzi 'od kyis/____/phun tshogs bkra shis snang ba mchog stsol ba/____/bla ma dkon mchog rtsa gsum rgya mtsho yis/____/rnam dag smon pa'i gnas 'di myur 'grub mdzod/____/o~X rgyana~X bla ma'i bstan pa bka' gter gyi/____/ring lugs 'dzin la zla med mthu grub pa/____/byama~Xs chen rgyal ba lnga pa~X 'phos pa nyid/____/sku tshe mi~X 'gyura~X bskal brgyar 'tsho gzhes gsol/____/thuba~X bstana~X mdo sngags bsha~Xd dang sgruba~X pa yi/____/chosa~X kyi~X nyi~X ma~X 'jig rten phyogs bcur gsal/____/mkhas btsun bzang po'i phrin las kun tu khyab/____/yon tan dpag yas ngo bor 'tsho gzhes gsol/____/zhabs pad rdo rje'i khri la rtag tu brten/____/bar chad bdud kyi g.yul las rnam par rgyal/____/don gnyis lhun grub chos kyi rgyal po yi/____/go 'phang dam pa mnga' dbang 'byor bar shog__/de ltar gsol ba btab pa'i byin rlabs kyis/____/bstan dang bstan 'dzin dar zhing rgyas pa dang /____/nag phyogs dus kyi rgud pa kun zhi nas/____/dge legs bkra shis snang ba 'char gyur cig__/ces pa dang tA yi si tu rdo rje 'chang o rgyan chos kyi rgyal mtshan dpal bzang po'i rnam rol pad dkar gsar du bzhad pa mchog gi sprul pa'i sku rin po che'i zhabs brtan mtshan 'bul dang 'brel ba 'di yang /__mkhyen brtse'i sprul ming 'dzin pa 'jam dbyangs blo gros rgya mtsho dpal bzang po nas phul bas dge legs kyi snang bas sa gsum kun tu khyab pa bla ma rgyal ba sras bcas kyi byin gyis brlab du gsol//____//__ drung ram rgyal sprul rin po che'i zhabs brtan 'chi med rtag pa'i dbyangs snyan zhes bya ba bzhugs so/____/oM swasti/__sras bcas rgyal ba'i ye shes gcig bsdus pa/____/spyan ras gzigs dbang dpal ldan karma pa'i/____/bstan 'dzin bye ba'i dbus na rab mtho ba/____/dpal ldan bla ma bskal brgyar 'tsho gzhes gsol/____/bka' bzhi brgyud pa'i lunga~X rtoga~Xs bshad sgrub kyi/____/bstan pa rgya mtsho'i mthar khyab spel ba la/____/mtshungs pa med pa'i blo gros snying stobs can/____/phrina~X lasa~X bzang po'i zhabs pad brtan gyur cig__/mdo sngags spyi dang khyad par nges don gyi/____/smin grol phyogs bcu kuna~X tu khyaba~X par brdal/____/rnal 'byor dbang phyug bzhad pa rdo rje dang /____/dbyer med dpal ldan bla ma zhabs brtan gsol/____/don gnyis phun sum tshogs pa'i dpala~X dang ldan/____/ye shes spyan ldan 'phags pa'i ngang tshul bzunga~X /____/'dren mchog chos kyi rgyal po~X chen po yi/____/zhabs pad bskal brgya'i bar du brtan gyur cig__/de ltar gsol btab bden pa'i nus mthu yis/____/rje btsun bla ma 'jigs med rdo rje'i khrir/____/gsang gsum mi g.yo rtag par rab bzhugs nas/____/bstan 'gro'i dge legs rgyas pa'i bkra shis shog__/ces pa'i zhabs brtan 'di'ang gter ston dgon gyi mchog sprul pad dkar nas gsung gis bskul ba bzhin 'jam dbyangs chos kyi blo gros pas sa zla'i 10tshes bzang por rdzong sar bkra shis lha rtse'i gzim skyil bkra shis 'chi med grub pa'i dga' tshal du bris pa 'dis kyang rje btsun bla ma'i zhabs pad bskal brgya'i bar du brtan pa'i rgyur gyur cig__/mkhas btsun bzang po'i dpal mnga' chos kyi rje/____/gsung ngag rin chen nor bu'i gdams mdzod ste/____/bstan 'gro'i phan dang bde bar sbyin mdzad pa/____/chos 'phel rab rgyas zhabs la gsol ba 'debs/____/bskal brgyar brtan cing bshad sgrub 'phel gyur cig__/ces pa'ang drwa sgang sgrub sdes bskul ngor 'jam dbyangs chos kyi blo gros pas smras pa don dang ldan par gyur cig__/dung mdo'i mkhan chen dpal tshul khrims kyi zhabs brtan/____/zab gsang rgyud sde rgya mtsho'i gdams pas phyug__/dbang bzhi'i smin grol zab mo stsol mdzad pa/____/dpal ldan bla ma tshul khrims chos kyi rje/____/zhabs pad brtan cing phrin las rgyas gyur cig__/ces pa'ang chos kyi blo gros kyis so//____//__ oM swasti/____/'jam dpal dbyangs dang spyan gzigs phyag rdor sogs/____/'phags pa'i tshogs kyi thugs rje'i bden pa'i mthus/____/bstan 'dzin skyes bu'i sku tshe rab brtan cing /____/bshad sgrub phrin las rgyas par byin gyis rlobs/____/bstan mkhas phan 'dogs yon tan dpal gyis phyug__/dgra bcom rnam thar gtsang ma'i brtul zhugs 'chang /____/mdo sngags chos tshul phyogs kyi tha gru ru/____/'phel zhing rgyas mdzad zhabs pad brtan gyur cig__/bdud sde'i g.yul las rnam par rgyal ba dang /____/gzhoms med rdo rje'i srog gi kA ba brtan/____/mkhyen nus brtse ba'i yon tan mtha' yas pa/____/'dren mchog chos rje yun du brtan bzhugs gsol/____/ces pa'ang dge shes rab phun tshogs kyis bskul ngor chos kyi blo gros pas so//____//__ d+hA ki'i sku tshe'i 'phrang bzlog bzhugs/__oM AHhU~M badz+ra gu ru pad+ma sid+d+hi hU~M:bla ma kun 'dus pad 'byung yab yum dang /____/yi dam yongs 'dus sgrub pa bka' brgyad lha/____/mkha' 'gro kun 'dus rdo rje phag mo sogs/____/rtsa gsum rab 'byams bden pa'i nus mthu phyungs/____/tshe lam gsang ba'i grogs mchog rdo rje mtsho'i/____/byin brlabs A yuHd+harma dI paM gyi/____/sku tshe'i bar chad chos kyi dbyings su sgrol/____/byad phur rbod gtong sun kha thams cad bzlog__/mi 'gyur rdo rje'i srog gi ka ba brtan/____/bcu drug dga' bzhi'i lang tsho rab rgyas shing /____/e wa~M zung 'jug phyag rgya chen por sdom/____/'pho med rtag pa dam pa'i bkra shis shog__/ces pa'ang dad ldan lhag bsam gser bzang ltar dkar ba spar brkos chos 'phel gyis bskul ngor thabs mchog dpa' bo ye shes rdo rjes bris pa 'dis kyang d+hA ki'i tshe 'phrang bzlog cing ring du 'tsho ba'i rgyur gu ru pad 'byung yab yum gyis byin gyis brlab tu gsol/__sarba dA mang+ga laM/____/lha btsun dag snang dus min 'chi bzlog gsol 'debs zhal skong /__'khor 'das dbyer med klong chen por/____/bi ru Dom+b+hi nag po sogs/____/'gro 'dul shing rta sna tshogs zhon/____/sprul pa mkha' la sprin ltar gtibs/____/bdag sogs bu la byin gyis rlobs/____/bar chad bdud sde'i 'phrang las sgrol/____/dam sri 'byung po'i tsha ngar choms/____/dus min 'chi ba bzlog tu gsol//____//____!__gangs can bod kyi ljongs chen por/____/'brog mi rje btsun gong ma rnams/____/'khor 'das dbyer med rta la zhon/____/sprul pa mkhas grub skar tshogs bkra/____/bdag sogs=____//____//____!__gtsang ri mkha' spyod zhing khams nas/____/bu ston thams cad mkhyen pa ni/____/rlung sems gnyis med rtar zhon nas/____/rgyud sde bzhi yi chos sgra sgrogs/____/bdag sogs=____//____//____!__kA la pa yi pho brang nas/____/kun mkhyen dol po sangs rgyas ni/____/rdzu 'phrul dpag med ston bzhin du/____/bdag sogs=____//____//____!__rtag brtan rdo rje'i pho brang nas/____/rje btsun tA ra nA tha yang /____/sbyor sgrol brtul zhugs zla med ston/____/bdag sogs=____//____//____!__dga' ldan lha yi gzhal yas nas/____/'jam dpal snying po yab sras rnams/____/thal 'gyur rdo rje'i rol rtsed ngom/____/sprul pa ngur smig 'dzin pas bskor/____/bdag sogs=____//____//____!__'og min lnga ldan zhing khams nas/____/rgyal bas lung bstan kun dga' bzang /____/gsang sngags gser gyi shing rtar zhon/____/sprul pa sa thob sems dpas bskor/____/bdag sogs=____//____//____!__snyan brgyud chos kyi dga' tshal nas/____/tshar chen yab sras gser 'brug chibs/____/sprul pa dam can rgya mtsho 'gyed/____/bdag sogs=____//____//____!__srid gsum zil gnon pho brang nas/____/kun mkhyen rdo rje thogs med rtsal/____/seng ge rkang brgyad la zhon nas/____/sprul pa rtsa gsum dpag med 'gyed/____/bdag sogs=____//____//____!__me tog phug gi ke'u tshang nas/____/'jigs med gling pa mkha' lding chibs/____/'ja' 'od thig le'i zer phreng 'phro/____/sprul pa byang sems 'bum gyis bskor/____/bdag sogs=____//____//____!__dpal ldan sa skya'i pho brang nas/____/pad 'byung dbang sdud snying po yang /____/klu srin dregs tshogs bran du bkol/____/sprul pa thog ser drag tu 'phro/____/bdag sogs=____//____//____!__gsang chen rdo rje'i pho brang nas/____/mi 'gyur nam mkha'i rdo rje ni/____/cang shes la zhon 'gro ba 'dul/____/bdag sogs=____//____//____!__sprin nag 'khrigs pa'i dur khrod nas/____/mkhyen brtse ye shes rdo rje ni/____/nyi zer chibs nas spyod pa skyong /____/bdag sogs=____//____//____!__ma nges sprul pa'i zhing khams nas/____/o rgyan 'jigs med chos kyi dbang /____/kr-iSh+Na sA ra la chibs nas/____/sprul pa chos kyi phung po brdal/____/bdag sogs=____//____//____!__mngon par dga' ba'i gzhal med nas/____/mi pham rnam rgyal rgya mtsho ni/____/khyung chen gser mig 'khyil pa zhon/____/sprul pa gshin rje'i dregs tshogs 'gyed/____/bdag sogs=____//____//____!__lcang lo can gyi dga' tshal nas/____/gsang bdag blo gter dbang po yang /____/lcags kyi 'khor lo'i rta la zhon/____/sprul pa chos skyong mgon po 'gyed/____/bdag sogs=____//____//____!__zangs mdog dpal gyi ri bo nas/____/rdo rje bdud 'joms las rab gling /____/sprul pa drag po'i me rlung 'tshubs/____/dam sri rgyal 'gong zhabs 'og mnan/____/bdag sogs=____/phyag bris las zhal bshus//____//__ rgyal ston mchog sprul gyi skyes phreng dang 'brel ba'i zhabs brtan gsol 'debs bzhugs so/____/oM swasti/__rgyal dbang mtsho skyes rdo rje yab yum dang /____/rje 'bangs grub thob rig pa 'dzin rnams la/____/gsol ba 'debs so byin rlabs char chen phob/____/mchog dang thun mong dngos grub stsal du gsol/____/'phags yul paN grub 'jam dpal bshes gnyen dang /____/gshin rje'i gshed kyi bka' babs shing rta che/____/gnub kyi rigs 'khrungs sangs rgyas ye shes dang /____/brtson 'grus seng ge'i zhabs la gsol ba 'debs/____/dwags po'i thugs sras gsal stong shwa sgom dang /____/mkhas grub dbang po nam mkha' rin chen zhabs/____/nyams rtogs mthar phyin sba mtshams pad+ma rje/____/bsod nams lha rgyal rnams la gsol ba 'debs/____/yongs 'dzin dam pa mang pos rjes su bzung /____/byang chub sems ldan bsnyen sgrub rtags tshad thon/____/bstan dang 'gro bar phan bde'i phrin las sbyin/____/o rgyan 'jigs med dbang por gsol ba 'debs/____/de ltar gsol btab bden pa'i nus mthu yis/____/dpal ldan bla ma'i zhabs pad yun du brtan/____/thugs kyi bzhed don ma lus 'grub pa dang /____/don gnyis mtha' ru phyin pa'i bkra shis shog__/ces pa'ang mchog sprul nyid kyi nye gnas tshe dbang 'gyur med nas dar/__shing tog ku ba 'bras ldan/__rin sgor dbang lnga'i grangs ldan bcas bskul ngor mkhyen brtse'i dbang po'i skyes ming 'dzin pa chos kyi blo gros pas sgang thog nas bris pa dge legs su gyur cig__/__//__ zhabs brtan bden tshig 'chi med rnga sgra zhes bya ba bzhugs so/____/oM swasti sid+d+haM/__'ja~Xm dpal dbyanga~Xs dngos brtse chen sa skya pa'i/____/zab rgyas gdams pa rgya mtsho'i mdzod 'chang zhing /____/bslab gsum ngur smrig 'chang ba'i gtsug gi rgyan/____/gna~Xs brtana~X che~Xn po~X bskal brgyar 'tsho gzhes gsol/____/gzhan phan byams dang snying rje'i rtsa ba brtan/____/rmad byung byang chub sems kyis thugs rgyud gtams/____/bsdu ba rnam bzhis bstan 'gro'i don la brtson/____/byanga~X semasa~X snying stoba~Xs chena~X pora~X 'tsho gzhes gsol/____/zab mo'i lam la thun bzhir brtson pa yis/____/bskyed dang rdzogs pa'i lam gyi rtogs pa 'khrungs/____/nang gi de nyid mngon du gyur pa yi/____/rdo~X rje~X 'dzi~Xn pa~X'i dba~Xng pora~X zhabs brtan gsol/____/dpal ldan bla ma'i zhabs pad yun du brtan/____/kun dga'i bstan pa'i rgyala?~X mtshana?~X phyogs bcur bsgrengs/____/phrin las kun tu dga' ba'i gzi brjid kyis/____/bstan 'gro'i phan bde rgyas pa'i bkra shis shog__/ces gsol ba 'debs pa'i tshigs su bcad pa dang 'brel sku gsung thugs rdo rje'i snang brnyan 'chi med grub pa'i bcud len gyi rdzas bkra shis pa'i lha gos bcas cho 'phrul zla ba'i dmar phyogs kyi rgyal ba dang po'i tshes bco brgyad la 'jam dbyangs chos kyi blo gros pas gus pas phul ba dge legs mchog tu gyur cig__/sarba dA mang+ga laM//____//__ chos smra ba'i bshes gnyen mkhan chen mkhyen rab 'od zer la zhabs brtan du gsol ba bden tshig grub pa'i dbyangs snyan zhes bya ba bzhugs so/____/oM swasti/__'jam dbyangs bla ma'i byin rlabs thugs rje'i gter/____/snyigs dus bstan 'gro'i mgon du 'phos pa las/____/ngo mtshar skyes chen brgyud mar byon pa yi/____/bkra shis snang bas rtag tu shis gyur cig__/mkhyen rab dag cing gtsang ba'i a daR+shar/____/phyi nang chos tshul 'bum phrag gzugs brnyan 'char/____/skal bzang 'gro la legs pa'i lam ston pa/____/byams pa chos kyi 'od zer zhabs brtan gsol/____/mdo sngags thun mong thun min theg pa rnams/____/kun mkhyen bstan pa'i nyi ma'i bzhed srol bzhin/____/ma 'dres ji bzhin 'chad la bsnyengs bral ba/____/zla grags gnyis pa yun du 'tsho gzhes gsol/____/sa skya'i 'jam mgon brgyud par bcas pa yi/____/bzhed gzhung blo gros she mong btsan po'i mthus/____/lung rigs blo yi yol gor 'degs bzod pa/____/smra ba'i dbang phyug chen po 'tsho gzhes gsol/____/phyi ru rnam dag khrims kyi rgyud bsdoms shing /____/nang du byang chub sems la thugs rgyud 'byongs/____/gsang ba bskyed rdzogs grub pa'i brtul zhugs 'chang /____/sum ldan rdo rje 'dzin pa 'tsho gzhes gsol/____/chos smra 'jig rten gsum gyi rgyan yin te/____/ji srid gnas bar 'gro ba'i sgron mer gyur/____/de srid sku la bsnyel ba mi mnga' bar/____/mdo sngags chos kyi rnga chen sgrogs gyur cig__/ces pa'ang snyigs ma'i dus 'dir ris su med pa'i chos kyi mdzod 'dzin cing /__khyad par rje btsun sa skya pa'i brgyud 'dzin smra mkhas kun gyi gtsug gi nor bur gyur pa mkhyen rab chos kyi 'od zer zhabs brtan 'di'ang /__dbon stod lhun po rtse'i slob grwa nas gang gi zhal slob rnams kyis bkra shis pa'i lha rdzas rin gnyis 'khor lo mi zad lnga'i grangs ldan dang bcas pa'i gsung gi bskul ngor dge sbyong gi rtags tsam 'dzin pa 'jam dbyangs chos kyi blo gros pas bris pa don dang ldan par gyur cig__/sarba dA mang+ga laM//____//__ oM swasti/__'gyura~X meda~X rdo rje sems dpa'i rang bzhin la/____/pa~Xd+ma'i~X mchog bstan gsal ba'i nyin byed sku/____/rdo rje'i chos bdun ngo bor 'tsho gzhes shing /____/bar chad bdud kyi g.yul las rgyal gyur cig__/thega~X mchoga~X bstana~X pa'i~X rgyal mtshan srid rtser bsgrengs/____/'gro la phan bde nyina~X mor byeda~X pa'i mgon/____/phrina~X lasa~X bzang pos phyogs las rnama~X para~X rgyala~X/____/sku tshe mi shig ring du brtan gyur cig__/de ltar gsol btab bden pa'i nus mthu yis/____/mkhas btsun bzang po'i rnam thar zla med pas/____/bstan gnyis bshad sgrub spel ba'i sde tshogs rnams/____/dar zhing rgyas pa'i mgon du zhabs brtan shog__/ces snga 'gyur bstan pa'i nyin byed ze chen rgyal tshab rdo rje 'chang gi sprul sku'i zla zhal gsar du ngom pa la mtshan 'bul zhabs brtan dang 'brel ba 'di'ang /__'jam dbyangs mkhyen brtse'i sprul ming 'dzin pa 'jam dbyangs blo gros rgya mtshos gsol ba btab pa dge/____//__


zhabs brtan bkra shis zla snang zhes bya ba bzhugs so/____/oM swasti/__dkon mchog rgya mtsho'i rang gzugs o rgyan rje'i/____/rgyal tshab sprul pa'i gter chen mchog gyur gling /____/bsam bzhin byon pa'i zlos gar 'gyur ba med/____/bstan pa'i rgyal mtshan sgrengs mdzad zhabs brtan gsol/____/rig 'dzin gzhon nu bdud sde'i g.yul las rgyal/____/sku tshe mi shig rdo rje'i rgya yis sdom/____/mkhyen nus brtse ba'i rtsal chen rdzogs pa dang /____/bstan 'gror phan bde sbyin mdzad=____/bslu med rtsa ba gsum gyi bden pa dang /____/khyad par mchog gter bla ma lhag pa'i lhas/____/byin rlabs 'od zer rdo rje'i go cha yis/____/'bral ba med par srungs skyobs mdzad du gsol/____/ces pa'ang mchog gling sku phreng gsum pa'i skye srid kyi zhabs brtan dgos zhes ke la phyag mdzod rdo rje seng+ge nas lha rdzas bcas bskul ngor 'jam dbyangs chos kyi blo gros dang bkra shis dpal 'byor zung nas shing lug cho 'phrul zla ba'i tshes bcu thugs sgrub bsam pa lhun grub kyi tshogs mchod skabs bris pa dge'o//____//__


kaHthog nyin dgon mchog sprul rin po cher mtshan 'bul zhabs brtan pad+ma dgyes pa'i rgyud mangs zhes bya ba bzhugs so/____/oM swasti/__'jama~X dpa~Xl dpa' bo dgyes pa'i rang mdangs las/____/rgyal sras nyin byed mtshan dpe'i 'od stong 'bar/____/mtha' klas bstan dang 'gro ba'i dpal mgon du/____/'chi~X meda~X bska~Xl bza~Xng snang bas khyab gyur cig__/snga 'gyur rdo rje rtse mo'i khang bzang rtser/____/bshada~X sgruba~X rgyala~X mtsha~Xn nor bu'i tog 'bar ba/____/srid zhi kun tu khyab par sgrengs pa yi/____/kun mkhyen thub bstan rgyas mdzad zhabs brtan gsol/____/phyi nang gsang ba'i bar chad bdud las rgyal/____/mkhyen nus brtse ba'i rtsal chen rab rdzogs shing /____/don gnyis lhun grub chos kyi rgyal po yi/____/go 'phang dam par mnga' dbang 'byor gyur cig__/ces kaHthog nyin dgon mchog sprul 'jam dbyangs mkhas grub rgya mtsho'i skye srid rin po cher 'jam dpal skal bzang 'chi med bshad sgrub rgyal mtshan ces pa'i mtshan 'bul dang chab cig bkra shis pa'i lha reg__/gsang gsum rdo rje gsum gyi snang brnyan/__zhal dkar bcud ldan/__zab sbabs sku stod kha gsar spus legs/__sku gzan rtsi phrus dmar bcas shing bya chu stod zla ba'i gral tshes bzang por 'jam dbyangs mkhyen brtse'i sprul ming 'dzin pas phul ba dge legs su gyur cig__/__//__ rmugs sangs mchog sprul blo gros la zhabs brtan skye lnga'i sgra dbyangs zhes bya ba bzhugs so/____/oM swasti/____/mkhyen rab lha lam yangs pa'i dbyings chen por/____/brtse chen thugs rje'i 'od dkar can 'char bas/____/skal bzang gdul bya'i ku muta rgyas pa'i gnyen/____/yongs 'dzin mkhas pa'i dbang po zhabs brtan gsol/____/byams chen bla ma'i thugs sras yongs kyi gtso/____/'chad rtsod rtsom la chags thogs kun dang bral/____/dam pa'i rnam thar gtsang ma'i me long 'chang /____/blo gros rgya mtsho'i dbang po zhabs brtan gsol/____/bla ma lhag pa'i lha yi byin rlabs thob/____/bsnyen sgrub phrin las nus pa'i gter 'chang zhing /____/bstan dang 'gro la phan bde'i mdzad pa can/____/rgyal sras sems dpa' chen po zhabs brtan gsol/____/snga 'gyur bka' gter nor bu'i lhun po la/____/bshad dang sgrub pas legs par rgyas mdzad cing /____/rig 'dzin rgyu skar dbus na lham mer gsal/____/rdo rje 'dzin pa chen po zhabs brtan gsol/____/de ltar gsol btab bden pa'i nus mthu yis/____/dpal ldan bla ma'i gsang gsum 'gyur ba med/____/chos kyi 'khor lo rtag par snang ba dang /____/'jig rten dge legs chen po'i bkra shis shog__/ces pa'ang spar brkos tshe dbang chos 'phel nas bskul ngor chos kyi blo gros pas smon tshig tu bris pa dge legs su gyur cig__/dge'o/__mang+ga laM/____/_!_bstan dang 'gro la gzhan phan lhag bsam can/____/bsnyen sgrub drod rtags rtogs pa'i gdengs gyur pa'i/____/'gyura~X meda~X tshe~X la dba~Xng ba'i rdo~X rje~X yi/____/sku tshe mi shigs rdo rjer rtag brtan shog__/ces pa'ang gangs ri bla mas bskul ngor chos kyi blo gros pas bris so/____/sarba dA mang+ga laM//____//__ myos rigs rdo rje 'dzin rgyal gcung rin po che ngag dbang chos grags la zhabs brtan du gsol ba 'gyur med rtag pa'i rol mo zhes bya ba/__oM swasti/__phun tshogs bkra shis bye ba'i 'byung gnas che/____/mchog gsum rin chen gdugs dkar yangs pa ches/____/phyogs dus gnas skabs kun tu dge legs kyi/____/shis pa'i rol mo 'bum phrag sgrogs gyur cig__/ngag la dbang bsgyur rdo rje rnon po yi/____/mkhyen rab d+hIHyig dmar ser 'od kyi phung /____/zhun mar 'khyil ba'i rang gzugs mtshan dpe'i sku/____/rgyal ba'i sras kyi khyu mchog chen po nyid/____/'jigs bral rdo rje'i khri la bzhugs su gsol/____/snga 'gyur bka' gter chos kyi mdzod chen po/____/thugs gsang nor bu'i sgrom bur gtams pa dang /____/skal ldan rnams la lha yi rnga chen ltar/____/grags pa'i dpal gyi gsang gsum 'tsho gzhes gsol/____/mkhas btsun bzang po'i yon tan brgya phrag gis/____/mngon par 'byor pa'i 'dren mchog chos kyi rgyal/____/snga 'gyur bstan pa'i rgyal mtshan bsgreng slad du/____/sku tshe gzhom bral bskal brgyar 'tsho gzhes gsol/____/de ltar gsol btab bden pa'i nus mthu yis/____/rje btsun bla ma'i gsang gsum bar chad zhi/____/mdzad phrin bzang pos 'khor yug kun tu khyab/____/o rgyan mkhan po'i ring lugs dar rgyas shog__/ces zhabs brtan smon tshig dang 'brel/__maN+Dal sku gsung thugs rten/__bkra shis pa'i lha reg__/rin gnyis 'khor lo dkar po'i chos kyi grangs ldan bcas 'jam dbyangs mkhyen brtse'i sprul ming 'dzin pa chos kyi blo gros pas gus pa chen pos phul ba dge zhing bkra shis par gyur cig__/__//__ gter chen bla ma'i rnam rol mchog sprul rin po cher zhabs brtan gsol 'debs 'chi med grub pa'i bden tshig ces bya ba/__oM swasti/__pad+ma'i rgyal tshab mchog gyur gling pa yi/____/sku gsung thugs yon phrin las gcig bsdus pa/____/'gyur med rdo rje'i rang gzugs bla ma mchog__/bskal brgyar 'tsho gzhes chos 'khor bskor du gsol/____/rgyal bstan spyi dang nges gsang rdo rje'i theg__/'od gsal snying po'i bstan pa nyin mor byed/____/bshad dang sgrub pas mchog tu 'phel mdzad pa/____/dpal ldan bla ma'i zhabs pad yun brtan shog__/bdag kyang deng nas byang chub snying po'i bar/____/dpal ldan bla ma pad+ma kun tu 'chang /____/rigs kun 'das pa'i bdag nyid chen po dang /____/mi 'bral don gnyis bsam pa lhun grub shog__/ces dad mos drag pos gsol ba 'debs pa po ni 'jam dbyangs blo gros rgya mtsho ste/__shing glang smin zla'i tshes bcu la A lo ke'i ngogs su nam mkha' mdzod kyi lho phyogs chos sde chen po dgra bcom pa'i bsti gnas nyams dga' bar bris pa dngos grub rnam gnyis 'dod dgur rtsen pa'i rgyur gyur cig/__//__!_'chi med rgyal ba tshe dpag med mgon dang /____/'chi med tshe yum lha mo tsaN+Da lI'i/____/bden pa'i byin mthus mkhyen gzigs sprul pa'i sku/____/pad+ma 'gyur med sras yum brgyud par bcas/____/sku tshe brtan cing bar chad g.yul las rgyal/____/bstan 'gror phan bde rlabs chen 'byung ba dang /____/'chad rtsod rtsom pa'i phrin las bsam mi khyab/____/pad+mA ka ra'i bstan pa nyin byed shog__/ces pa'ang tshe zhal brag tu chos kyi blo gros bas phul ba dge/____//__ zhabs brtan 'chi med grub pa'i bden tshig ces bya ba bzhugs/__oM swasti/__bla ma dkon mchog rtsa gsum bden stobs dang /____/khyad par 'chi med lha mchog rnam gsum gyi/____/grub pa'i bdud rtsis spyi bor dbang bskur bas/____/gzhom bral rdo rje'i lang tsho rgyas gyur cig__/pad+ma kA ra'i zab gsang bstan pa yi/____/rgyal mtshan mthon po phyogs brgyar bsgreng bzhin du/____/smin grol bdud rtsi'i chu klung chen po yi/____/skal bzang gdul bya'i zhing sa smin mdzad gsol/____/rdo rje phur pa'i rig sngags 'chang ba che/____/dbang chen bzhad pa'i ngar skad sa gsum khyab/____/rdo rje sems dpa'i tshe dang lang tsho grub/____/'jigs bral rdo rje'i khri la brtan bzhugs gsol/____/de ltar gsol ba btab bzhin 'grub pa dang /____/sku tshe'i bar chad bdud kyi g.yul las rgyal/____/bstan dang 'gro ba'i don chen 'bad med 'grub/____/dge legs phyogs brgyar khyab pa'i bkra shis shog__/ces zhabs brtan smon tshig dang 'brel bkra shis pa'i lha rdzas/__'chi med sku gsung thugs rdo rje'i snang brnyan bcas mkhyen brtse'i sprul ming 'dzin pa 'jam dbyangs chos kyi blo gros pas phul ba dge legs su gyur cig__/ oM swasti/__'chi med rig 'dzin rtsa gsum rgya mtsho yi/____/thugs rje'i byin rlabs bden pa'i stobs chen pos/____/grub pa'i dbang mo'i sku tshe'i bar chad sol/____/zhabs pad mi shig rdo rjer brtan gyur cig__/skalaX bzaXng grub pa'i lang tsho rgyas pa dang /____/sgrolaX ma dkaXr mo yid bzhin 'khor lo yi/____/bdud rtsi'i bum bzang rgyun gyi dbang bskur bas/____/grub pa'i rgyal mo'i ngo bor 'tsho gzhes shing /____/bstan 'gror phan bde'i 'dod dgu sbyin mdzad gsol/____/ces zhabs brtan gsol 'debs dang 'brel/__bkra shis lha reg__/gsang gsum rdo rje'i ngo bor 'tsho gzhes brtan pa'i sku gsung thugs rten/__'chi med grub pa'i bcud len ril bu bcas mkhyen brtse'i sprul ming 'dzin pas zla tshes dge bar phul//____//__ nam snying mchog sprul rin po cher zhabs brtan du gsol ba lha yi rgyud mang zhes bya ba bzhugs so/____/oM swasti/__dpal chen yang dag grub pa chen po'i sku/____/ma hA gu ru'i thugs kyi sras gcig pu/____/rje 'bangs dbus na mkhas dang grub pa'i mchog__/nam mkha'i snying po'i zhabs la gsol ba 'debs/____/rtsod pa'i dus kyi bstan dang 'gro ba'i skyabs/____/lha yi lha mchog snga 'gyur bstan pa'i mgon/____/nges don grub rigs rgya mtsho'i gtsug tor che/____/rig 'dzin pad+ma'iX thugs sras chen por 'dud/____/gang gi gsang gsum sgyu 'phrul bkod pa las/____/mkhyen nus brtse ba'i yon tan phul du byung /____/bka' gter bstanaX pa 'dziXn la zla med pa/____/'phrinaX laXs rnamaX rgyalaX chen por zhabs brtan gsol/____/sku dkyil 'chi med grub pa'i lang tsho rgyas/____/'gag med gsung dbyangs chos kyi dung chen sgrogs/____/thugs ni rig stong rdo rje'i rtsal chen rdzogs/____/dpal ldan bla ma 'gyur med brtan bzhugs gsol/____/de ltar gsol ba btab pa'i bden 'bras kyis/____/rje btsun bla ma'i zhabs pad brtan pa dang /____/bshad sgrub dar rgyas dge 'dun sde 'phel zhing /____/'jig rten bde zhing skyid pa'i bkra shis shog__/ces pa'ang dbang chen sprel lo sprel zla'i tshes bcur bla ma gsang 'dus kyi tshogs kyi 'du bar longs spyod pa'i skabs mkhyen brtse'i sprul ming 'dzin pa chos kyi blo gros pas lha rdzas a she sku gsung thugs rten 'bul mtshon bcas phul ba rje btsun bla ma 7zhabs pad yun du brtan cing dge legs kyi snang ba chen pos khyab pa'i rgyur gyur cig__/mang+ga laM//____//__ smin gcung rin po cher zhabs brtan du gsol ba 'chi med rnga sgra zhes bya ba bzhugs so/____/oM swasti/__rtsa gsum 'dus zhal pad+ma thod phreng dang /____/khri srong bai ro bde chen mtsho rgyal sogs/____/bka' gter rig 'dzin brgyud pa'i byin rlabs dang /____/bden pa'i stobs kyis shis pa stsal du gsol/____/snga 'gyur mdo sngags zab rgyas chos kyi mdzod/____/mkhyen rab gser gyi sgrom bur legs gtams shing /____/brtse chen thugs rje'i shugs kyis drangs mdzad pa/____/ngag dbang chos kyi grags pa zhabs brtan gsol/____/dpa' chen lag na rdo rje'i mthu nus stobs/____/mchog gi gsang gsum dkyil 'khor la zhugs pas/____/snyigs dus bstan 'gro skyob pa'i dpung gnyen du/____/zhabs pad 'gyur med yun du bzhugs par gsol/____/nges gsang smin grol chos kyi rgyal khab che'i/____/bstan pa rin chen bshad sgrub rgyal mtshan bsgrengs/____/lha min bdud sde'i tshogs rnams rab bcom ste/____/rnam par rgyal ba chen por 'tsho gzhes gsol/____/de ltar gsol ba btab pa'i tshig 'di dag__/ji bzhin 'grub par bla ma rtsa gsum dang /____/chos skyong nor lha gter bdag tshogs rnams kyi/____/byin rlabs bkra shis char gyis dge legs shog__/ces pa'ang mgon po mchog gi zhal slob gser bla 'jigs med rdo rjes rten bcas bskul ba dang /__rang nyid kyang rje nyid las gsung gi bdud rtsi nos shing yid dang ba chen pos 'jam dbyangs chos kyi blo gros pas smon tshig tu gsol ba/__rje btsun bla ma'i zhabs pad yun du brtan pa'i rgyur gyur cig__/sarba mang+ga laM//____//__ gter chen bdud 'joms 'jigs bral ye shes rdo rjer zhabs brtan du gsol ba 'chi med rnga sgra zhes bya ba/__oM swasti/__rtsa gsum kun 'dus rgyal dbang mtsho skyes rje'i/____/mkhyen brtse nus ba'i byin rlabs sprin dkar las/____/phan bde'i me tog char du bsnyil ba dang /____/lhan cig sa gsum bkra shis dge legs stsol/____/o rgyan rje dang 'brog ban lo tsA yi/____/ye shes gcig nyid du mar 'char ba'i 'phrul/____/grub brgya'i gtsug rgyan rig 'dzin bdud 'joms rje'i/____/rnam rol mchog gi sprul sku zhabs brtan gsol/____/srid zhi'i 'jigs bral don kun yongs su grub/____/lha mi klu dang rig 'dzin bye bas bsnyen/____/gdul dka' ma rungs 'dul ba'i chos kyi khrir/____/zhabs sen bkra shis 'khor lo rtag bzhugs gsol/____/mkhyen rab ye shes nyi gzhon 'od po che/____/brtse chen thugs rje'i rta bdun shugs kyis drangs/____/mthu stobs srid zhi'i mun pa 'joms mdzad pa/____/dpa' chen lag na rdo rje zhabs brtan gsol/____/'dzam gling spyi dang gangs can skye 'gro yi/____/bde skyid dpal rnams spel ba'i byed po ru/____/pad+ma'i pho nya rgyal tshab chen po yi/____/gsang gsum rtag pa dam par 'tsho gzhes gsol/____/bde stong mchog gi brtul zhugs sgyu ma'i gar/____/mig 'phrul lta bur rtsen dang zab gter gyi/____/sgo 'phar brgya phrag 'byed cing chos kyi mdzod/____/thang mar brdal bzhin bzhugs par gsol ba 'debs/____/skal bzang gdul bya thar pa'i lam du 'god/____/gzhan phan phrin las pha mtha' yas pa dang /__nag phyogs bdud kyi rgol ba kun zhi nas/____/dge legs rdzogs ldan snang bas khyab gyur cig__/ces mkhyen brtse nus pa'i phrin las rmad du byung ba'i mgon po mchog la zhabs brtan du gsol ba 'di yang mdo khams sde dge rdzong gsar bkra shis lha rtse'i chos grwa nas 'jam dbyangs mkhyen brtse'i sprul ming 'dzin pas sa glang zla tshes bzang por gus pas phul ba dge/____//__ byams chen tA'i si tu pad+ma'i ljags ldan sku phreng bzhi pa'i zhabs brtan pad+ma'i dbyangs snyan zhes bya ba bzhugs so/____/oM swasti/__rab 'byams phyogs bcu'i zhing na bzhugs pa yi/____/bla ma rtsa gsum rgyal ba rgya mtsho yi/____/thugs rje mthu stobs bden pa'i rtsal phyungs te/____/bkra shis ngo mtshar me tog char du bsnyil/____/karma pa yi bstan 'dzin khyu mchog che/____/byams chen dngos snang pad+ma dbang chen gyi/____/zlos gar mthong ba don yod sprul pa'i sku/____/nyin byed dbang po bzhin du zhabs brtan gsol/____/mkhas btsun bzang po'i rnam thar yongs rdzogs nas/____/nges don grub pa yongs kyi rje bor gyur/____/mdo sngags zab don smra ba'i sing+ge che/____/zhabs pad bskal pa rgya mtshor rtag bzhugs gsol/____/phyi nang bar chad bdud sde'i g.yul las rgyal/____/'chi med tshe dang mkhyen stobs rab rgyas shing /____/srid zhi'i dge mtshan dbang du 'du ba dang /____/don gnyis 'bad med lhun gyis grub par shog__/ces pa'ang sangs rgyas mnyan pa rin po che'i bka' stsal spyi bor mchod de dbo zla ba'i dmar phyogs kyi rgyal ba gsum pa'i tshes 23la bka' 'bang gi gral mthar 'khod pa 'jam dbyangs chos kyi blo gros pas zhabs brtan gsol smon du bris pa de bzhin 'grub par bla ma rgyal ba sras bcas kyis byin gyis brlab tu gsol/__sarba mang+ga laM//____//__ chags med mchog sprul rin po cher zhabs brtan bzhugs/__oM swasti/__ka~Xrma~X pa yi bstan 'dzin bye ba'i phul/____/rgyal ba'i sras po mkhas grub chags med zhabs/____/snyigs dus ma~Xdo sngagasa~X bstan pa'i gsal byed du/____/bsam bzhin byon pa mchog nyid zhabs brtan gsol/____/kun mkhyen thuba?~X pa'i bstana?~X pa rin po che/____/nyi zla'i sgrona~X me~X bzhin du gsal ba la/____/brtson pa'i snying stobs rgyas pa'i sems dpa' che/____/bar chad bdud bzhi'i g.yul las rgyal gyur cig__/sku tshe mi shig rdo rje ltar brtan shing /____/zab rgyas chos kyi dbyangs snyan rtag tu sgrogs/____/rig stong 'od gsal phyag rgya chen po las/____/g.yo med bskal pa rgya mtshor zhabs brtan gsol/____/ces pa'ang gdan sa dpal ri rtse'i khri 'dzin mthing dmar cod paN 'chang ba rgyal ba yab sras kyi lung gis bsngags pa'i chags med mchog sprul rin po cher zhabs brtan 'di yang sgrub brgyud bstan pa'i sgron me drung ram rgyal sprul rin po che'i bka' yi bskul bzhin mkhyen brtse'i sprul ming 'dzin pa chos kyi blo gros pas bris pa dge legs su gyur cig__/_ oM swasti/__'chi med gu ru pad 'byung rje 'bangs tshogs/____/rtsa gsum lha tshogs rab 'byams rgya mtsho dang /____/tshe yi drang srong rig 'dzin rgyal sras kun/____/thugs rjes byin rlobs 'chi med 'tsho gzhes gsol/____/'ja~Xm dpal dbyanga~Xs dngos bi ma'i rnam par 'phrul/____/mdo sngags thuba~X pa'i bstana~X la sgron me mchog__/nges don chosa~X kyi~X shing rta'i kha lo sgyur/____/mkhyen brtse ye shes rgya~X mtsho~X 'tsho gzhes gsol/____/bka' babs bdun ldan bla ma'i thugs bskyed kyis/____/bsngags 'os yon tan mtha' dag gong du 'phel/____/mtha' 'khob sems can re ba chos bzhin skongs/____/bstan 'gro'i bde skyid rgyan du 'tsho gzhes gsol/____/ces gter chen chos kyi rgyal po o rgyan mchog gyur bde chen zhig po gling pa'i yang srid thal shar ba sku phreng bzhi pas dkon mchog la mos gus rtse gcig gis gsol ba btab ste zhabs brtan 'di nyid sa ga zla ba'i tshes 1la shar mar bris pa dge/__mang+ga laM/__dge'o//____//__


dam pa skye dgu'i snang byed nyi ma'i gnyen/____/ljongs 'dir thub bstan skyed tshal mdzes pa'i rgyan/____/zhabs pad chos kyi khri las mi g.yo bar/____/bzhugs par gsol la bdag yid shin tu brel/____/slar yang mdo sngags chos kyi 'khor lo ni/____/zab dang rgya che'i rtsibs stong rnam par bkra/____/lung rig baiDUR+Ya yi mu khyud can/____/phyogs brgyar g.yas su 'khor bar mdzad du gsol/____/thub pa'i ring lugs kun gyi bla na mtho/____/kun dga'i rgyal mtshan gzi brjid mtshungs zla med/____/de nyid phrag par khyer mkhas khyod gcig pu/____/de phyir zhabs pad yun du brtan par smon/____/'di'ang rje bla mas skal ldan nyung shas la gwa gu byang chub shing gi nags khrod du gsung ngag rin po che gnang skabs many+dzu g+ho Sha d+harma ma tis gsol ba btab pa bi dza yan+tu//____//__



oM swasti/__gang zhig gzod nas rnam par grol ba'i dbyings/____/'od gsal lhun grub nyi zla'i dkyil mkhor mdzes/____/zung 'jug dwangs ma'i mkha' la rtag 'char ba/____/bla ma 'jam dpal dpa' bos shis pa stsol/____/rmad byung 'chi med rtag pa dam pa'i sku/____/rjes chags mtshan dpe'i nyams brgyas sgeg pa las/____/phul byung grub pa'i lang tsho'i gzi 'bar ba/____/rdo rje'i sku brnyes ma hA gu rus skyongs/____/mi bzad dus mtha'i bskal me'i shugs 'chang zhing /____/'jigs rung rdo rje'i gad mos sa gsum g.yo/____/'bar ba'i sku mdog rdzogs pa'i stobs mnga' ba/____/khro rgyal rdo rje gzhon nus shis gyur cig__/mkhyen brtse'i sa gzhir snying rje'i myu gu 'khrungs/____/theg chen rigs kyi nus pa'i mthu brtan pa/____/rgyal sras rigs kyi rig pa 'dzin nyid la/____/zhugs nas srid pa'i dgra las rgyal gyur cig__/__ oM swasti/__'jam dpal dbyangs dngos tshangs pa lha'i me tog__/bsam bzhin byon pa kun mkhyen mdo sngags gling /____/gang gi phrin las stobs dpal yongs rdzogs pa/____/chos kyi blo gros zhabs la gsol ba 'debs/__pad yun brtan gsol/____/lang 'gro lo tsA blo bzang rgya mtsho sogs/____/dngos snang bka' babs bdun ldan shing rta che'i/____/mchog gi sprul sku bka' gter rgya mtsho'i bdag__/snying nas gsol ba 'debs so byin gyis rlobs/____/zhabs pad rdo rje'i khri la rtag bzhugs gsol/____/deng nas bzung ste byang chub snying po'i bar/____/'bral ba med par rtag par rjes bzungs shing /____/bstan dang 'gro la bde skyid 'byung ba dang /____/rang gzhan don gnyis lhun gyis 'grub par shog__/ces pa'ang mkhar chu'i dbu mdzad bla ma pad+mas gsung bskul ngor rang nyid kyi bris pa dge shing bkra shis par gyur cig__/__ oM swasti/__'jam dpal dbyangs dngos mkhyen brtse dbang po yi/____/byin brlabs ye shes sgyu ma'i rnam par 'phrul/____/rigs brgya'i khyab bdag dpal ldan bla ma la/____/gsol ba 'debs so bdag rgyud byin gyis rlobs/____/snying rje'i rang gzugs 'pha~Xgs mchoga~X pad dkar 'chang /____/mthu stobs dbang phyug lag na rdo~X rje~X 'dzin/____/mkhyen rab mnga' bdag 'ja~Xm dbyanga~Xs chosa~X kyi~X rje/____/blo~X grosa~X sems dpa' legs pa'i lam ston pa/____/zab dang rgya che'i gsang mdzod gdams pa'i dpal/____/gzhan phan byang chub sems kyi thugs mnga' ba/____/rigs gsum kun 'dus 'dren mchog rnam gnyis kyi/____/zhabs pad bskal pa rgya mtshor 'tsho gzhes gsol/____/gsol 'debs bu la thugs rje'i byin gyis rlobs/____/ye shes rig pa'i dbang chen bskur ba dang /__nyams dang rtogs pa'i rtsal chen rab rgyas te/____/bstan 'gro'i don chen 'grub par byin gyis rlobs/____/ces pa'ang 'jam dbyangs mkhyen rab zung gis bskul ngor chos kyi blo gros pas smras rim bzhin bskul ba po rang nyid kyis bris pa dge legs su gyur cig__/__ dpal ldan bla mar zhabs brtan gsol 'debs lha'i rnga chen zhes bya ba bzhugs so/____/dpal ldan brtan g.yo kun khyab srid zhi'i bdag__/rang bzhin 'od gsal bde ba chen po'i klong /____/'gags med thugs rje'i rol rtsal sprul skur shar/____/rdo rje 'chang dbang bla ma zhabs brtan gsol/____/'jam dpal rdo rje 'gro la rjes chags pas/____/mkhyen rab 'od kyi gong bur 'khyil ba las/____/smra ba'i seng ge nyin mor byed pa'i sku/____/'jigs med chos kyi grags pa zhabs brtan gsol/____/theg mchog rigs kyi nus pa'i pad tshal rgyas/____/thos bsam sgom pa'i ge sar ze'u 'bru dgod/____/'chad rtsod rtsom pa'i sbrang rtsi'i zil dngar can/____/blo gros dga' ba'i go cha zhabs brtan gsol/____/many+dzu shrI mi tra'i byin rlabs las/____/'od gsal sprul pa'i rdo rje'i sgyu 'phrul gar/____/pad+ma gar gyi dbang phyug mdo sngags gling /____/ye shes rdo rje'i ngo bor zhabs brtan gsol/____/ma dag chos kun ye shes phyag rgyas thebs/____/dag pa'i snang ba gdan gsum rdo rje'i grong /____/rab 'byams dkyil 'khor 'khor lor yongs shar ba/____/rdo rje gzi brjid rtsal la zhabs brtan gsol/____/bka' gter ma dros chu gter chen po yi/____/bshad sgrub kha 'bab rnam bzhi'i klung chen po/____/ci dgar 'dren la bsnyengs pa mi mnga' ba/____/'jigs med nam mkha'i rdo rje zhabs brtan gsol/____/gangs ljongs mdo dang sngags kyi tshul mtha' dag__/ma 'dres mkhyen pa'i gser 'khor rtsibs stong bkra/____/'gro khams rgya mtshor rgyun mi chad par bskor/____/'jam dbyangs chos kyi blo gros zhabs brtan gsol/____/rtsa gsum lhag pa'i lha yi bsnyen sgrub mthus/____/phung khams skye mched 'khrul pa'i rtog tshogs sbyangs/____/yongs grub rdo rje gsum du bsgrubs mdzad pa/____/tshe dbang grub pa rtsal la zhabs brtan gsol/____/rang rig ka dag stong chen chos sku'i ngogs/____/lhun grub nyi zla'i tshom bu rnam par bkra/____/mkhyen brtse'i zer gyis 'gro blo'i mun pa sel/____/kun bzang 'od gsal snying po zhabs brtan gsol/____/chos can snang ba chos nyid dbyings su zad/____/rig stong ye shes rdo rje 'od kyi sku/____/mi shigs gzhom bral 'gyur med rtag pa'i thugs/____/dri med bshes gnyen ngo bor zhabs brtan gsol/____/ma 'ongs lha min kla klo mthar byed pa'i/____/rdo rje'i rigs ldan drag po 'khor lo can/____/phyogs las rnam par rgyal ba'i ba dan phyar/____/bdud 'dul stobs ldan chen por zhabs brtan gsol/____/de ltar gsol ba btab pa'i byin rlabs kyis/____/rdo rje'i bla ma bskal brgyar zhabs pad brtan/____/rdo rje'i khri 'phang mthon por rtag bzhugs nas/____/zab gsang chos kyi rnga chen sgrogs gyur cig__/ces pa'ang dga' ldan pho brang chen po'i chab srid phrin las kyi kha lo pa khro dga' ba'i sras bslab gsum mdzod 'chang 'gyur med mdo sngags bstan 'dzin nas lha rdzas/__dngul dkar gyi 'khor lo rin chen bdun gyi grangs ldan bcas nan tan chen pos gsung bskul ngor/__rab brtag gi dper brjod du byas te 'jam dbyangs chos kyi blo gros pas me phag mgo zla'i dmar phyogs rgyal ba gnyis pa nyi ma me bzhi'i 'grub sbyor bzang por gang dran shar mar bris pa 'dis kyang rang rig bla ma sangs rgyas su mthong ba'i rgyur gyur cig_/__ zhabs brtan 'chi med rtag pa'i dbyangs snyan zhes bya ba/__oM swasti/__mtshan tsam gyis kyang 'chi med mchog sbyin ma/____/ye shes spyan bdun rnam par bkra ba'i sku/____/gang gsung brjod pa kun gyi dbyangs dang ldan/____/bla ma yid bzhin 'khor lo'i thugs rjes gzigs/____/'jam dbyangs bla mas byin brlabs sprul pa'i sku/____/chos kyi blo gros legs pa'i lam ston pa/____/bshad sgrub bstan pa'i rgyal mtshan phyogs bcur bsgrengs/____/dpal ldan bla ma'i zhabs pad yun brtan gsol/____/de ltar gsol ba btab pa'i byin rlabs kyis/____/rje btsun bla ma'i sku tshe'i gegs bar zhi/____/bstan dang 'gro ba'i bde skyid pad tshal bzhad/____/bla slob byang chub bar du mi 'bral shog__/ces pa'ang phag dbo zla'i dga' ba dang por sde dge rdzong gsar mnga' ri chos rje'i sprul skus bkra shis pa'i lha reg__/rin gnyis rten bcas gsung bskul ngor rang nyid kyis bris pa don dang ldan par gyur cig__/__ na mo gu ru/__'chi med grub pa'i slob dpon bi ma la/____/dngos snang 'od gsal sprul pa'i rdo rje yi/____/gsang gsum phrin las rgya mtsho'i rang gzugs mchog__/'jam dbyangs chos kyi blo gros zhabs brtan gsol/____/tshe lam gsang ba'i grogs mchog rdo rje mtsho'i/____/rnam rol tshe ring chos kyi sgrol ma yi/____/gsang gsum byad phur mi mthun g.yul las rgyal/____/'chi med grub pa'i lang tsho rgyas gyur cig__/de ltar gsol btab bden pa'i nus mthu yis/____/rig 'dzin bla mas skye kun rjes su bzung /____/ston 'khor tshom bu gcig tu tshogs pa dang /____/bstan 'gror phan bde'i dge mtshan rgyas par shog__/ces pa'ang lang gro'i skye mtha' rmugs sangs mchog sprul rin po che'i thugs bzhed bzhin g.ya' ma lung du rang nyid kyis smras pa'o//____//____!__oM swasti/__gur gum gsar pa'i lhun po ltar mdzes shing /____/mi shes gcod mdzad sngo sangs ral gris mtshan/____/zab don glegs bam ut+pal ze 'brur mdzes/____/bla ma 'jam pa'i dbyangs la gsol ba 'debs/____/kun mkhyen thub pa'i bstan pa rin po che/____/mdo sngags chos kyi mdzod chen 'dzin pa yi/____/snyan pa'i grags pas 'dzin ma'i khyon kun khyab/____/blo gros chen po zhabs pad brtan bzhugs gsol/____/de ltar gsol ba btab pa'i bden mthu yis/____/rje btsun bla ma'i zhabs pad yun du brtan/____/'jig rten dus kyi rgud pa kun zhi nas/____/bstan dang de 'dzin dar rgyas bkra shis shog__/zhal gsungs so/____/zhabs brtan sprin sgra'i dbyangs snyan zhes bya ba bzhugs so/____/oM swasti/__phyogs dus rgyal ba sras dang bcas pa yi/____/mkhyen brtse ye shes gcig tu bsdus pa'i sku/____/dpal ldan bla ma chos kyi bshes gnyen la/____/gsol ba 'debs so bdag rgyud byin gyis rlobs/____/gang gi ye shes mchog gi sprul pa'i sku/____/mtha' klas bstan 'gro'i pad tshal rgyas pa'i gnyen/____/chosa~X kyi~X blo~X grosa~X smra ba'i nyi ma yi/____/zhabs pad bskal ba rgya mtshor bzhugs gsol 'debs/____/bdag cag 'di nas byang chub snying po'i bar/____/zhabs sen bde chen 'khor lor mchod pa dang /____/gsung gi bdud rtsis dbugs dbyung dga' ston gyis/____/rang gzhan don gnyis 'grub par byin gyis rlobs/____/zhes pa'ang wa shur tshe mgon gyi dge karma dang dkon mchog zung nas bskur ngor 'jam dbyangs chos kyi blo gros pas smras pa dge legs dang ldan par gyur cig/__/__!_zhabs brtan bden tshig bkra shis 'khyil pa zhes bya ba bzhugs so/____/na mo gu ru/____/phyogs bcu dus bzhi'i rgyal ba sras bcas dang /____/rtsa gsum chos skyong srungs ma'i bden stobs kyis/____/ji ltar smon pa'i gnas 'di gegs med du/____/'grub par byin rlabs bden pa'i nus mthu stsol/____/'jam dbyangs bla ma mkhyen brtse'i dbang po yi/____/ye shes sgyu 'phrul drwa ba'i rol gar mchog__/phrin las mthu stobs nus pa'i rtsal shugs 'changs/____/chos kyi blo gros zhabs pad brtan gyur cig__/dpal chen rdo rje gzhon nu'i byin rlabs kyis/____/dpal ldan bla ma'i sku tshe'i 'phrang sgrol zhing /____/bshad bsgrub bstan pa'i rgyal mtshan bsgrengs bzhin du/____/bskal brgyar mtsho gzhes phrin las rgyas gyur cig__/ces pa'ang dad dam mtshungs bral rabs gang bsod nam bkra shis nas lha rdzas dang rin chen gnyis pa'i me tog sku gsum grangs ldan bcas bskul ngor 7chos kyi blo gros rang nyid kyis smras pa don dang ldan par gyur cig__/__//__sarba mang+ga laM//____//____!__'jama~X dbyangasa~X bla ma'i byin rlabs bcud thob pas/____/rab 'byams chosa~X kyi~X gdams pa'i gter chen po/____/ji ltar ji snyed mkhyen pa'i blo~X grosa~X rgyas/____/dpal ldan bla ma'i zhabs pad brtan gyur cig__/zhal gsung dge'o//____//__ ri keg bya bral la zhabs brtan gnang ba/__oM swasti/__'chi med grub pa pad+ma 'byung gnas dang /____/'chi med rig 'dzin thang stong rgyal po sogs/____/'chi med grub pa rnams kyi bden stobs kyis/____/dpal ldan bla ma'i sku tshe'i bar chad sol/____/mi shigs rdo rje'i gur du tshud pa dang /____/mi 'gyur tshe yi srog rtsa rab tu brtan/____/mi 'chi tshe yi dngos grub rab thob nas/____/mi pham gzhom med rdo rjer brtan bzhugs gsol/____/sku ni brtson 'grus bzang po ltar brtan cing /____/gsung ni 'gags med snyan brgyud chos sgra sgrogs/____/thugs ni 'od gsal dgongs pa'i rtsal 'bar te/____/lhun grub phrin las phyogs bcur rgyas bzhugs gsol/____/ces brtan bzhugs smon tshig dang sprel bkra shis pa'i lha reg dri bral/__'chi med tshe'i bcud len ril bu/__'chi med 'phags ma'i sku gsung thugs dang dbyer med mtshon byed sgrol dkar dngul sku bcas 'jam dbyangs chos kyi blo gros pas phul ba dge'o//____//__ shug gseb rje btsun ma'i yang srid la gnang ba/__oM swasti/__rig 'dzin grub pa DA ki'i rje mo ni/____/kun tu bzang mo'i dbyings las sprul pa yi/____/'chi med bde chen ye shes mtsho rgyal gyi/____/zlos gar grub pa'i dbang mo de nyid kyi/____/rnam 'phrul shes rab lha mo'i gzugs bsgyur ba/____/rje btsun gzhon nu'i sku 'tsho yun du brtan/____/gsan bsam sgom pa'i rtsal chen rdzogs pa dang /____/bstan 'gror sman pa'i phrin las rgyas gyur cig__/ces pa'i mtshan 'bul dang 'brel ba'i zhabs brtan smon tshig dang /__sku tshe'i bcud len ril bu/__shes rab blo 'phel ril bu/__mgul srung sngags mdud lha reg bcas 'jam dbyangs mkhyen brtse sprul skus/____/me bya zla bzhi tshes gnyis la phul//____//__ zhabs brtan 'chi med grub pa'i dbyangs snyan zhes bya ba bzhugs so/____/oM swasti/__rgyal kun ye shes gcig bsdus mkhyen pa'i gter/____/brtse chen spyan ras gzigs dang rnam dbyer med/____/nus pa gsang ba 'dzin pa'i dbang po dang /____/dbyer med dpal ldan bla mar gsol ba 'debs/____/'ja~Xm dpal dbyanga~Xs dngos bla ma'i byin rlabs las/____/snyigs dus 'gro ba 'dul ba'i phrin las can/____/blo~X grosa~X thos bsam rgya~X mtsho'i~X 'byung gnas mchog__/bshad sgrub bstan pa'i mgon du zhabs brtan gsol/____/sku tshe 'chi med grub pa'i lang tsho rgyas/____/gsung gi chos sgras sa gsum kun tu khyab/____/mkhyen brtse'i ye shes nyi zla'i 'od snang gis/____/'dzam gling bkra shis dge legs dpal 'bar shog__/ces pa'ang snga 'gyur bstan pa'i gsal byed chen po khyung po pA tA~M mchog sprul rin po che'i nye gnas shes rab 'od zer gyis gsung bskul gnang ngor chos kyi blo gros pas smon pa don dang ldan par gyur cig__/__ bka' drin mtshungs med drin can rdo rje 'chang /____/rgyal ba'i rgyal tshab 'gran zla dang bral ba/____/'chi med snang mdzad rdo rje thugs dam bskul/____/mi mngon dbyings nas bdag cag rnams la dgongs/____/dung pa'i nga ros 'o dod 'bod lags na/____/bdag cag rnams kyi chos mthun bsam sbyor rnams/____/gegs med 'grub par byin gyis brlab pa dang /____/rigs brgyud chos dang tshe bsod dpal 'byor rgyas/____/zhi rgyas dbang dang drag po'i las rab 'byams/____/rang 'dod med pa gang la brtsam pa rnams/____/thogs pa med pa myur du 'grub nas ni/____/bstan pa dar zhing rgyas par byin gyis rlobs/____/mgon po gang gi thugs rje'i zlos gar ni/____/bstan dang 'gro ba'i dpung gnyen dam pa ru/____/myur du 'byon nas bdag sogs gdul bya yi/____/bsam pa yongs su bskang bar mdzad du gsol/____/bdag kyang skye zhing skye ba thams cad du/____/dpal mgon bla ma khyed kyis rjes bzung nas/____/dad dang dam tshig rim gnyis la brten pas/____/rdo rje 'chang gi go 'phang myur thob shog__/ces pa'ang pha bla ma 'od gsal mkha' khyab kyi dbyings la snyoms par zhugs pa'i skabs su thugs dam brgyud bskul gdung dbyangs dang 'brel ba'i myur 'byon gsol 'debs smon tshig dang 'brel ba 'di'ang mgon po gang gi thugs rje tshad med pas bsrung ba 'jam dbyangs chos kyi blo gros pas gsol ba btab pa sid+d+hi rastu//____//__ byamaXs paX'i thugs rjes 'gro rnams bsgral pa'i slad/____/chos dbyings kunaX bzaXng dag pa'i mkha' klong la/____/g.yo med bstanaX paX rin chen rgyas mdzad phyir/____/gzugs sku nyiX bzhin gdul bya'i dpal du shar/____/mkha' khyab yid can maX bzhin gces skyong zhing /____/gsang chen rgyud sde rgya mtsho'i dkyil 'khor gyis/____/bdag por bzhugs pa'i rdo rje 'dzin dbang nyid/____/nges pa lnga ldan nyid du rtag bzhugs nas/____/gsang ba gsum gyi byin rlabs dngos grub stsol/____/gsol 'debs bu la thugs brtses rab dgongs nas/____/sgrib dag dbang bskur sku bzhi'i sa bon theb/____/byang chub chen po'i 'bras bus rgyud smin nas/____/don gnyis mkha' dang mnyam pa rab bsgrub shog__/de ma thob bar dpal ldan bla ma mchog__/mnyes pa gsum gyis zhabs pad legs bsten nas/____/dam tshig sdom dang 'gal ba'i nyes sgrib kyis/____/bdag rgyud rab dben gsang chen myur lam la/____/brtson 'grus drag pos g.yol med rab gnas mthus/____/gzhi yi 'od gsal rang ngo 'phrod par shog__/gzhan yang dus kun phyi nang gsang gsum gyi/____/bar chad bdud rigs 'byung po'i tshogs rnams kun/____/skyabs mchog khyed nyid dran pa tsam gyis kyang /____/ming gi lhag ma med par rab gzhil nas/____/mthun rkyen legs tshogs yid bzhin nor 'dra yi/____/bla ma mchog la gsol ba btab tsam gyis/____/'bad med lhun grub 'byung ba'i bkra shis shog__/byang chub bar du 'bral med rjes su zungs/____/oM swasti/__gang zhig gzod nas rnam par grol ba'i dbyings/____/'od gsal lhun grub nyi zla'i dkyil 'khor mdzes/____/zung 'jug dwangs ma'i mkha' la rtag 'char ba/____/bla ma 'jam dpal dpa' bos shis pa rtsol/____/rmad byung 'chi med rtag pa dam pa'i sku/____/rjes chags mtshan dpe'i nyams brgyas sgeg pa las/____/phul byung grub pa'i lang tsho'i gzi 'bar ba/____/rdo rje'i sku brnyes ma hA gu rus skyongs/____/mi bzad dus mtha'i bskal me'i shugs 'chang zhing /____/'jigs rung rdo rje'i gad mos sa gsum g.yo/____/'bar ba'i sku la rdzogs pa'i stobs mnga' ba/____/khro rgyal rdo rje gzhon nus shis gyur cig__/mkhyen brtse'i sa gzhir snying rje'i myu gu 'khrungs/____/theg chen rigs kyi nus pa'i mthu brtan pa/____/rgyal sras rigs kyi rig pa 'dzin nyid la/____/zhugs nas srid pa'i dgra las rgyal gyur cig__/_!_oM swasti/__bla ma 'jam dpal dgyes pa'i rang mdangs kyi/____/rig pa'i ye shes dbyings nas gzigs shig kyai/____/'od gsal dgongs pa'i rtsal chen ma lus pa/____/bdag gi snying la 'jug par mdzad du gsol/____/bdag gi sgo gsum ye nas rdo rje gsum/____/ma byas lhun gyis grub pa chen po'i gshis/____/ma rig sgo nga'i sbubs rgya las grol te/____/sku bzhi'i khyung chen mkha' la lding gyur cig__/ces pa'ang smin zla'i tshes bcu dgu'i nub rmi lam gyi gnyid 'khrul cung zad la brten tshes 20la ched du brjod pa i thi//____//____!__oM swasti/__kun bzang bde stong ngang las rang shar ba'i/____/pad+ma'i brgyud 'dzin rig pa 'dzin pa'i rje/____/bshad sgrub chos kyi nyin byed chen po ru/____/'tsho gzhes phrin las rtag tu rgyas gyur cig__/ces pa'ang 'jam dbyangs mkhyen brtse'i sprul ming pas so//____//__ na mo gu ru dz+nyA na ma ti ye/____/ye~X shesa~X nyi ma shes bya'i mkha' la shar/____/thugs rje'i 'od 'khrigs srid zhi kun khyab pa'i/____/gdul bya'i blo~X grosa~X pad tshal bzhad pa'i gnyen/____/yongs 'dzin nam mkha'i nor bu zhabs brtan gsol//____//__zhes pa 'di'ang 7'jam dbyangs chos kyi blo gros kyis gsungs so//____//__khyab bdag dpal ldan bla ma'i thugs kyi sras/____/ye~X shesa~X lega~Xs par gruba~X pa'i thugs mnga' zhing /____/dpal ldan bla ma'i zhabs la gsol ba 'debs/____/sku tshe brtan cing phrin las rgyas gyur cig__/ces pa'ang 7chos kyi blo gros pas so//____//__ dus gsum rgyal ba kun gyi gdung 'dzin cing /____/theg gsum chos kyi dga' ston 'gyed mkhas pa/____/khams gsum 'gro ba'i 'dren pa gcig gyur pa/____/'jam dbyangs chos kyi blo gros zhabs brtan gsol/____/zhes pa 'di ni 'jam mgon ngag dbang legs pas mdzad pa'o//____//____!__'chi med grub pa'i rig 'dzin bi ma la'i/____/gsang gsum ye shes sgyu 'phrul rdo rje'i gar/____/'jam dpal dbyangs dngos chos kyi blo gros kyi/____/zhabs pad brtan cing phrin las rgyas gyur cig__/zhes pa'ang zhe chen pad+ma bi dzas mdzad pa dge'o//____//__ gsol 'debs dad pa'i sprin phung zhes bya ba bzhugs/__'ja~Xm dbyanga~Xs bla ma'i byin rlabs snying la zhugs/____/chosa~X kyi~X bdud rtsis blo~X grosa~X pad+mo bye/____/ris med bstan pa'i rgyal mtshan bsgreng nyid la/____/snying nas gsol 'debs bdag rgyud byin gyis rlobs/____/ga~Xtsug laga~X lta ba'i rnam dpyod mthu grub cing /____/lunga~X rigasa~X rdo rje'i gad mo rab tu sgrogs/____/nyi ma'i gnyen gyi bstan pa gsal byed la/____/snying nas gsol 'debs bdag rgyud byin gyis rlobs/____/smra~X ba'i~X dbang phyug 'jam dpal dpa' bo bzhin/____/lta ngan ri dwags legs bshad senga~X ge'i~X sgras/____/bcom pa'i snying stobs chen por gyur pa gang /____/gzhom med rdo rje'i chos bdun brtan bzhugs gsol/____/ces pa'ang gang shar bris pa don dang ldan par gyur cig__/dge legs 'phel//____//__ 'chi med gnyug ma'i ye shes rdo rje'i sku/____/rgyal ba tshe dpag med mgon thugs bskyed kyis/____/'jam dbyangs thub bstan chos kyi rgya mtsho yi/____/zhabs pad brtan cing phrin las rgyas gyur cig__/'chi med 'phags ma yid bzhin 'khor lo yis/____/phun tshogs tshe yi dngos grub mchog stsol nas/____/'jam dbyangs thub bstan chos kyi rgya mtsho yi/____/zhabs pad brtan cing phrin las rgyas gyur cig__/'chi med gtsug tor rnam par rgyal ma yis/____/dus min 'chi ba'i dgra las rnam rgyal nas/____/'jam dbyangs thub bstan chos kyi rgya mtsho yi/____/zhabs pad brtan cing phrin las rgyas gyur cig__/ces pa'ang chu phag gnam lo gsar tshes nyin gyi snga char rten 'brel shin tu legs pa'i dus tshod dang bstun te chos smra ba'i btsun ming A nan+da'i ming can gyis sbyar bar de bzhin du 'grub par gyur cig__/__//__ zhabs brtan gsol 'debs 'chi med rdo rje'i dbyangs snyan bzhugs so/____/'chi med ye shes rdo rje'i sgyu 'phrul gar/____/'chi med phyogs dus skyabs gnas rgya mtsho yi/____/'chi med tshe dang ye shes mthu byin gyis/____/'chi med rdo rje'i bden tshig 'grub gyur cig__/'ja~Xm dpal dbyanga~Xs sogs sras bcas rgyal kun gyi/____/mkhyen brtse'i ye shes ris med thuba~X bstana~X srog__/zab rgyas chosa~X kyi~X shing rta chen po nyid/____/phrin las rgya~X mtsho'i~X mthar khyab zhabs brtan gsol/____/gsan bsam sgom pa'i yon tan mtha' dag rdzogs/____/yongs rdzogs rgyal bstan 'dzin skyong spel mdzad cing /____/mtha' klas gdul bya'i re ba chos bzhin skong /____/'dzam gling mdzes pa'i rgyan du rtag bzhugs gsol/____/ces 'jam dbyangs bla ma dgyes pa'i 'bangs mtsho skyes rgyal ba'i gdung 'tshob pad+ma gar dbang mdo sngags gling pa'am/__yongs su grags pa'i ming bkra shis dpal 'byor du 'bod pas 7sa skya bdag khri rin po che'i mtshan gsol dang mthun par zhabs brtan du dbang chen sprel lo sprel zla'i tshes bcur sku tshab yid bzhin nor bu dngos grub dpal 'bar mdun gsol smon rtse gcig pas bris pa bzhin 'grub par gyur cig__/dge'o/____/dge'o/____/dge'o//____//__ gangs can skyobs pa'i mgon po rgyal mchog thams cad gzigs pa chen po'i mchog sprul myur 'byon mos gus kyi rgyud mangs zhes bya ba bzhugs so/____/na mo gu ru lo ke shwa rA ya/__snying rje'i dbang phyug phyag na pad dkar 'chang /____/deng 'dir ngur smrig gar gyis rnam rol ba/____/sdom brtson rgyal po'i tshul bstan thams cad mkhyen/____/blo bzang thub bstan rgya mtshor gsol ba 'debs/____/lnga brgya'i snyigs mar bstan pa rin chen dang /____/mtha' yas 'gro ba skyabs pa'i mgon gcig pu/____/rgyal mchog bka' drin mtshungs bral 'khor lo'i mgon/____/bla ma phyag na pad+mor gsol ba 'debs/____/bod khams ljongs 'dir kla klo'i 'jug pa rnams/____/rgyun bcad phrin las rnam bzhis 'dul mdzad pa/____/rigs ldan chos kyi rgyal po dngos snang ba/____/dpal ldan bla ma gru 'dzin bdag por 'dud/____/gang khyod skye 'chi'i 'jigs las rab grol yang /____/bdag sogs bsod nams dman par gyur pa yis/____/'phags pa'i sku yi snang ba dbyings su thim/____/da ni bstan pa'i mnga' bdag su la re/____/kyi hud zhi ba'i dbyings su mi gzim par/____/slar yang zhing 'dir mgon khyod dngos snang zhing /____/bsdu ba rnam bzhis bstan 'gro'i don sdur nas/____/rlabs chen phan bde spel bar mdzad du gsol/____/dus kyi bskal pas 'gogs par ma gyur cing /____/myur du shes rab sgyu ma'i lhums zhugs nas/____/sku bltams cho 'phrul skye rgu dga' ba'i gsos/____/ngo mtshar rol rtsed ngom par mdzad du gsol/____/tshul gnas thos bsam bsgom pa'i stobs rgyas shing /____/mkhyen gnyis ye shes snang ba'i rtsal rdzogs nas/____/ris med thub bstan gsal ba'i sgron me ru/____/mi 'gyur rdo rje'i khri la bzhugs su gsol/____/deng nas bzung te phyi ma'i mu mtha'i bar/____/bstan 'gro'i rgud pa mtha' dag rtsad nas zhi/____/dkar po'i 'od snang phyogs brgyar brdal ba zhig__/gangs ri'i mgon pos thugs rjes gzigs su gsol/____/de ltar gsol btab bden pa'i nus mthu yis/____/yid la smon pa ji bzhin 'grub gyur cing /____/bla ma phyag na pad+mos rjes bzung nas/____/theg mchog chos la rang dbang 'byor bar shog__/sangs rgyas bstan pa rin chen dar shing rgyas/____/de 'dzin dge 'dun 'dus pa mi phyed cing /____/bstan pa'i sbyin bdag tshe bsod rgyas pa dang /____/bod khams bkra shis snang bas khyab gyur cig__/dga' ba brgya ldan 'chi med lha yi grong /____/sa 'dir 'phos pa'i pho brang chen po yi/____/chos srid bstan pa yun du gnas pa dang /____/bdud kyi g.yul las rnam par rgyal gyur cig__/ces thugs dam rgyud bskul dang 'brel ba'i myur 'byon 'di'ang chu bya zla 12tshes 14la gsol ba btab nas mi ring bar bsod nams kyi stobs shugs mtshungs med dbus mda' shel dkar sras mchog gis gsung gi bskul ba dang 'jam dbyangs bla ma mkhyen brtse'i dbang po'i phrin las kyi sprul ming 'dzin pa 'jam dbyangs blo gros rgya mtshos bris te phul ba dge legs su gyur cig__/mang+ga laM//____//__ 'jam dbyangs bla ma'i mchog sprul myur 'byon gsol 'debs 'dod don myur 'grub ces bya ba bzhugs so/____/oM swasti/____/brgyud gsum bla ma'i byin rlabs gcig bsdus shing /____/mkhyen brtse nus pa'i yon tan bsam mi khyab/____/rgyal bstan yongs su rdzogs pa'i shing rta che/____/o rgyan chos kyi rgya mtshor gsol ba 'debs/____/gang gi sprul pa'i zla gzhon khyad par 'phags/__rnam thar pad+ma dkar po'i phreng 'dzin pa/____/bdag sogs 'gro ba'i mgon du myur 'byon nas/____/bstan 'gro'i don chen 'grub par byin gyis rlobs/____/ces pa'ang mkhan po legs bshad 'byor ldan gyis gsung bskul ngor 'jam dbyangs blo gros rgya mtshos rab byung bcu drug pa'i cho 'phrul zla ba'i tshes gcig la bris pa'o//____//__ oM swasti/__bla ma rtsa gsum rgyal ba rgya mtsho dang /____/khyad par skyabs mgon rdo rje 'chang chen po'i/____/chos dbyings klong nas thugs rjes shugs phyungs te/____/ma 'gags sprul pa'i zla snang bstan du gsol/____/snga 'gyur bstan pa'i nyi ma nub rir gzhol/____/bdag sogs gdul bya'i slob tshogs skyabs bral gyur/____/mgon med nyams thag 'gro la brtser dgongs nas/____/mchog gi sprul sku myur du 'byon par gsol/____/bar chad bdud kyi dpung gis mi tshugs shing /__bslu med sprul pa'i snang brnyan khyad par can/____/snga 'gyur bstan pa'i mgon du 'byon nas kyang /____/bstan 'gro'i don chen bsgrub par mdzad du gsol/____/ces pa'ang skyabs rje dge rtse'i mchog sprul rin po che chos dbyings zhi bar chen por thugs gzhol skabs su gang gi gsung gi bdud rtsir spyod po 'jam dbyangs chos kyi blo gros kyis smon pa de bzhin 'grub par byin gyis brlabs tu gsol/__mang+ga laM/__'phral du bris te phul bar dgyes bzhes zhu//____//__ myur 'byon gsol 'debs bzhugs/__na mo gu ru/__don dam dbyings la 'gro 'ong ma dmigs kyang /____/kun rdzob sgyu ma'i snang cha ma 'gags rtsal/____/'jam mgon dkon mchog bstan pa'i rgyal mtshan la/____/snying nas gsol 'debs ye shes spyan gyis gzigs/____/'pho 'gyur spros pa nyer zhi chos kyi dbyings/____/'od gsal zhi ba chen por snyoms zhugs kyang /____/dmigs med snying rje'i shugs kyi nyer drangs te/____/mchog gi sprul sku'i zla zhal bstan du gsol/____/bar chad bdud kyi g.yul las rnam rgyal zhing /____/gsan bsam sgom pa'i rtsal chen rdzogs pa dang /____/mkhyen gnyis nyi zla'i snang ba rab rgyas nas/____/don gnyis lhun gyis grub pa'i bkra shis shog__/ces pa'ang chos kyi blo gros pas myur 'byon gsol 'debs smon tshig tu bris pa'o//____//__ oM swasti/__paXd+ma bzhaXd pa 'od gsal snying po rtsal/____/rang byung dbaXng chenaX dgyes pa'i gad rgyangs gi__/rdo rje snying po'i bstanaX pa 'dziXn mdzad pa/____/phrinaX lasaX rgyas shing bskal brgyar 'tsho gzhes gsol/____/ces pa'ang mkhyen brtse'i sprul ming 'dzin pa chos kyi blo gros pas yer ba zla ba phug tu snying nas smon pa dge legs mchog tu gyur cig__/mang+ga laM//____//____!__rdo rje 'chang 'jam dbyangs blo gter dbang po'i mchog sprul myur 'byon gsol 'debs ngo mtshar zla snang zhes bya ba bzhugs so/____/sku bzhi'i ye shes lnga ldan rdo rje 'chang /____/gdan gsum tshang ba'i ded dpon he ru kaH__/dkyil 'khor rgya mtsho'i khyab bdag rdo rje sems/____/dbyer med dpal ldan bla mar gsol ba 'debs/____/'jam dpal dbyangs kyi blo gros mkhyen pa'i gter/____/pad dkar 'chang ba'i gnyis med snying rje'i chu/____/gsang ba'i bdag po'i thugs kyi gsang mdzod rnams/____/gcig gyur dpal ldan bla mar gsol ba 'debs/____/chos dbyings badz+ra yo ga'i zhing khams nas/____/gzugs kyi sku mchog kha ba can ljongs 'dir/____/myur du spro nas bdag sogs gdul bya la/____/rnam dag dbang bzhi'i char rgyun gyis smin mdzod/____/dpal 'bar ma hA ka la'i mthu byin gyis/____/bar chad bdud bzhi'i g.yul las rab rgyal nas/____/thub bstan spyi dang brtse ba chen po yi/____/ring lugs phyogs mthar rgyas pa'i bkra shis shog__/ces pa'ang rigs brgya'i khyab bdag rdo rje sems dpa'i ngo bor bzhugs pa 7'jam dbyangs blo gter dbang po chos dbyings zhi ba chen po la thugs gzhol skabs e wa~M thar pa rtse'i mkhan chen rin po che 'jam dbyangs kun bzang bstan pa'i rgyal mtshan gyis bka' stsal dad brgya'i gtsug tu mchod de 'khor lo'i mgon po de nyid kyi bka' 'bangs kyi tha shal 'jam dbyangs chos kyi blo gros sam/__gtsug lag lung rig smra ba'i nyi mas rtse gcig gsol ba btab pa mchog gi sprul pa'i sku'i zla zhal myur du 'char ba'i rgyur gyur cig__/__//__ mkhas grub chen po 'bri 'jam dbyangs grags pa'i mchog sprul myur 'byon gyi gsol 'debs byin rlabs zla snang zhes bya ba bzhugs so/____/oM swasti sid+d+haM/__rang byung ye shes bde ba chen po'i dbyings/____/'gyur med rnam kun mchog ldan dus 'khor lo/____/gang 'dul sprul pa'i gzugs su skur bzhengs pa/____/bla ma 'jam pa'i dbyangs la gsol ba 'debs/____/mkhas dang grub pa'i grags snyan phyogs brgyar khyab/____/zab mo nang gi bden don mngon sum gzigs/____/phyi nang gzhan gsum dbyer med dkyil 'khor du/____/ston mdzad khyab bdag bla mar gsol ba 'debs/____/gzugs sku chos dbyings dga' mar snyoms zhugs kyang /____/rgyal rnams zhi ba'i mtha' las mi gzhol bas/____/dmigs med snying rje'i rol rtsal sprul pa'i sku/____/nges don bstan pa'i mgon du snang bar gsol/____/bar chad bdud kyi gnod pas mi brdzi zhing /____/theg chen rigs kyi nus pa yongs su rgyas/____/thos bsam sgom pa'i rtsal chen rdzogs pa dang /____/bstan 'gror phan bde rlabs chen sgrub tu gsol/____/de ltar gsol btab bden pa'i nus pa dang /____/bla ma dang po'i sangs rgyas byin rlabs mthus/____/ji ltar smon pa bzhin du 'grub pa dang /____/rang gzhan don gnyis 'bad med 'byung bar shog__/ces pa'ang rje de nyid kyis nye bar gnas pa'i gsung gis bskul ba bzhin 'jam dbyangs chos kyi blo gros pas rdzong sar bkra shis lha rtse'i kun mkhyen bla ma'i gzim skyil du me byi khrum stod zla ba'i dkar phyogs kyi rdzogs pa gsum par rtse gcig gus pas gsol ba btab bzhin 'grub par bla ma rtsa ba gsum gyis byin gyis brlab tu gsol/__mang+ga laM//____//__ lnga rig mchog sprul yang srid myur 'byon gsol 'debs bzhugs so/____/oM swasti/__'jam dpal dbyangs dngos bla mas rjes bzung zhing /____/thub bstan rin chen gsal ba'i bshes gnyen mchog__/bshad sgrub rgyal mtshan rtse mor bstod pa yi/____/dpal ldan bla ma'i zhabs la gsol ba 'debs/____/chos kyi dbyings las rang snang sgyu ma'i skur/____/ngo mtshar sprul pa'i gzugs kyi skur bzhengs te/____/bstan dang 'gro la phan bde'i dge legs sbyin/____/myur du 'byon par snying nas gsol 'debs na/____/bar chad bdud kyi g.yul las rnam rgyal zhing /____/ji ltar smon pa'i gnas 'dir 'grub pa zhig__/bla ma rgyal ba sras bcas bden pa'i mthus/__gegs med 'byung bar byin gyis brlab tu gsol/____/zhes pa'ang ye na bla grwa rnams kyis bskul ngor chos kyi blo gros pas bris pa dge/____//__ oM swasti/__dpal ldan pad+ma las 'khrungs mtsho skyes rje'i/____/byin rlabs bkra shis sprin phung 'khrigs pa las/____/thugs rje'i gru char gdul bya'i zhing sar 'bebs/____/ma hA gu rus dus kun skyongs gyur cig__/mkhas btsun bzang po'i khyu mchog bslab gsum gyi/____/lung dang rtogs pas mngon par phyug pa yi/____/dpal ldan bla ma tshul khrims rgya mtsho mchog__/chos kyi dbyings las gzugs skur bzhengs su gsol/____/bstan dang 'gro ba'i dpal mgon dam pa ru/____/ngo mtshar mchog gi sprul pa'i skur bstan nas/____/bdag sogs yid can gdul bya'i lhag ma rnams/____/mi 'bral thugs rjes rtag tu skyong mdzad gsol/____/bar chad bdud bzhi'i g.yul las rgyal ba dang /____/dam pa'i tshul dgu'i yon tan 'byor pas mtho/____/mchog dngos grub pa'i gzi brjid stong 'phro bas/____/bstan 'gro'i rgud pa ma lus sel gyur cig__/ces pa'ang mkhyen ming pas gsol ba btab pa dge/____//__!__oM swasti/__dge legs bkra shis bye bas brgyan pa yi/____/phun tshogs bsod nams chen po'i dpal 'bar ba'i/____/mchog gi sprul sku myur du 'byon pa dang /____/bstan 'gro'i don chen 'grub par mdzad du gsol//____//____!__oM swasti/__mdo sngags dam chos dpal yon rgya mtsho las/____/legs par 'khrungs pa'i rje btsun bla ma yi/____/mchog gi sprul sku myur du 'byon nas kyang /____/bstan 'gro'i dge mtshan rgyas par byin gyis rlobs/____/ces pa'ang mkhyen brtse'i sprul ming chos kyi blo gros pas so//____//__ gter chen dri med 'od zer gyi mchog sprul myur 'byon gsol 'debs dang rjes 'dzin smon lam byin rlabs sprin phung zhes bya ba bzhugs so/____/na mo gu ru pad+mA ka ra ye/____/rtsa gsum 'dus zhal o rgyan chen po dang /____/ye shes dbyings gcig dpal gyi seng ge sogs/____/rgyal ba rig 'dzin rgya mtsho'i sprul pa'i sku/____/dri med 'od zer zhabs la gsol ba 'debs/____/rang byung pad+mas dgyes zhal rtag tu ngom/____/bka' gter chos kyi nor bu'i gling chen por/____/bzhugs nas bshad sgrub bstan pa spel mdzad pa/____/drin can bla ma mchog la=____/mgon khyod gshegs bzhugs mtshan ma ring 'das kyang /____/rtag 'dzin can rnams 'dul slad 'pho bar ston/____/slar yang bdag sogs gdul bya skyobs pa'i gnyen/____/ngo mtshar mchog gi sprul sku bzhengs su gsol/____/gsol 'debs rkyang pa byed na sprul pa'i rol gar ston la gsol ba 'debs/__zhes kha bsgyur/__bdag cag deng nas tshe rabs thams cad du/____/mgon khyod rigs kyi bdag por bsnyen pa dang /____/gsang chen smin grol gdams pa rgya mtsho yis/____/rjes bzung rang gzhan don gnyis lhun grub shog__/rang snang rnga yab dpal ri'i pho brang du/____/rang rig bla ma rje dang 'bral med cing /____/rang byung sku gsum 'od gsal chen po'i sbubs/____/rang grol mngon par byang chub bkra shis shog__/ces pa'ang gter chen bla ma pad+ma 'od kyi tshogs khang chen por bshags pa'i skabs rje de nyid gsang ba gsum gyis byin gyis brlabs pa'i sras mchog rnams kyis gsung bskur ngor rje de las zab rgyas chos kyi bdud rtsi'i skal ba sbom por gyur pha mkhyen brtse'i zhabs kyi phrin las kyi byed por smon pa 'jam dbyangs blo gros rgya mtsho'am pad+ma ye shes rdo rjes sku gdung rin po che'i mdun rtse gcig gus pas gsol ba btab pa sid+d+hi rastu/__shu b+haM//____//__ 'jig rten gyi mgon po 'dren mchog dam pa gsum gyi mchog sprul myur 'byon yid bzhin re mos zhes bya ba bzhugs so/____/oM swasti/__mkha' khyab chos sku'i zhing na rtag bzhugs kyang /____/ye shes lnga ldan sgyu ma'i rang gzugs mchog__/dpal ldan bla ma rdo rje sems dpa' rnams/____/bdag sogs 'gro la brtse bas rjes dgongs nas/____/o rgyan mkhan po'i ring lugs snga 'gyur gyi/____/bka' gter chos kyi rgya mtsho rab 'byams rnams/____/'jig med bshad sgrub bstan pa'i nyi ma dang /____/lhan du 'grogs pa'i rdzogs ldan snang ba 'char/____/'gyur med bden don mngon mdzad rdo rje'i sku/____/pad+ma rgyas pa lta bu chags thog bral/____/mi brjed gzungs thob bstan pa'i 'khor lo'i tshul/____/phyogs las rnam rgyal chen por bzhugs su gsol/____/de ltar gsol btab thugs rje'i bden stobs kyis/____/sprul pa'i rnam rol myur du 'byon pa dang /____/bstan 'gro'i legs byas dbyar gyi dus bzhin 'phel/____/don gnyis 'bad med 'grub pa'i bkra shis shog__/ces pa'ang 'jam dbyangs blo gros rgya mtsho'i snying nas gus pas smon tshig tu cho 'phrul zla ba'i dmar phyogs kyi bzang po gsum pa'i tshes la bris pa re ba'i 'bras bu yid bzhin du stsol ba'i rgyur gyur cig__/mang+ga laM/__shu b+haM//____//__ 'jam dbyangs bla ma dgyes pa'i gzi 'od las/____/mkhyen rab 'od snang mtha' yas sa gsum brdal/____/gzhan phan byams dang brtse ba'i rang gzugs mchog__/bshes gnyen smra ba'i dbang po gsol ba 'debs/____/phan bde'i 'byung gnas rgyal ba'i bstan/____/der 'dzin byed par zla med pa'i/____/nges pa don gyi mkhas pa che/____/mkhyenaX rabaX mtha'aX yasaX gsol ba 'debs/____/kye ma mgon po mkhyen rab nyi ma de/____/dbyings su mnal bas mun pa ltar gyur cing /____/mi shes blun po'i mun chen 'khrigs pa la/____/mgon po'i ye shes snang ba rgyas par mdzod/____/gang du gshegs kyang bde mchog bde ba che'i/____/rang don zhi ba'i pha mthar mi gzhol pa/____/phyogs bcu rnams su sprul pa mtha' yas pas/____/bstan 'gro'i don chen mtha' yas bsgrub tu gsol/____/bdag kyang deng nas tshe rabs thams cad du/____/mgon po mchog gi thugs rjes mi gtong zhing /____/nges 'byung tshul khrims byang chub sems mchog dang /____/yang dag lta ba rtogs par byin gyis rlobs/____/ces pa 'di'ang 'jam dbyangs chos kyi blo gros pas bris pa dge'o/__mang+ga laM shu b+haM//____//__ oM swasti/__rtsa gsum 'dus zhal o rgyan rdo rje 'chang /____/byin rlabs thugs rje'i dgyes zhal 'dzum pa yi/____/bstan 'gror phan bde'i bdud rtsi'i dga' ston ni/____/skal bzang 'gro la ster mkhas des skyongs shig__/mkhas btsun grub pa'i go 'phang mthor gshegs kyang /____/shin tu sbas pa'i tshul bzhugs ngur smrig gi/__rgyal bstan legs 'dzin bshes gnyen bka' drin can/____/mkhan chen rig 'dzin rgya mtsho de nyid kyi/____/thugs bskyed smon lam sa bon smin pa las/____/gcig las du mar 'char ba'i rnam rol gyi/____/cha shas bstan 'gror smin pa'i sprul pa'i sku/____/thub bstan chos kyi rgyal mtshan rgyal gyur cig__/sku tshe yun brtan bar chad 'phrang las rgyal/____/gong ma'i rnam thar rjes su bsnyegs byas te/____/mchog gsang bstan pa spel la mthu ldan zhing /____/don gnyis phrin las 'bad med 'grub par shog__/ces pa'ang dpal kaHthog rdo rje gdan gyi mkhan po bka' drin zla med thub bstan rig 'dzin rgya mtsho zhes he pa chos kyi 'byung gnas kyi sprul par grags pa'i mkhas dbang dam pa de nyid zhing gzhan du gshegs nas bgrang bya mang du thal na'ang dam pa'i thugs rje 'gog pa med pas gser ljong gi stod 'jam mgon lung zhes par dpal tshe zhes pa'i khyim du/__'khrungs pa'i bu me stag lo pa nyid bstan 'gror phan pa'i sgo can las ldan yin par nges nas dam pa de nyid kyi sku skyer mtshan 'bul dang /__bkra shis kha btags/__sku gsung thugs rten/__chos gos/__dngul srang bcu/__zhal bu dngul shan bcas 'phags nor bdun gyi grangs ldan phul zhing /__da char bla dgon gzhan la sbyin 'jog bya mi nyan cing /__ngos nas rim pas gsal cha yod rgyu de bar gtsang sbra dang /__yi ge slob sbyangs gal che bas de bzhin thugs 'jog dgos/__'jam dbyangs mkhyen brtse'i sprul ming pas shing khyi zla tshes la rgya mkhar nas bris pa dge zhing bkra shis//____//__ mkhan chen wA gin+d+ra chos dbyings zhi ba chen por gzhol skabs thugs dam bskul ba'i gsol 'debs gdung dbyangs byin rlabs myur 'jug ces bya ba bzhugs so/____/na mo gu ru/__gzod nas rnam grol byang chub mchog brnyes kyang /____/gdul bya'i 'gro la lhag par thugs brtse bas/____/dge ba'i bshes kyi rnam par 'phrul pa yis/____/bstan 'gro'i don chen mdzad la gsol ba 'debs/____/rgyal kun mthu stobs gcig bsdus gsang ba'i bdag__/snyigs dus ngur smrig 'chang ba'i gzugs su bsgyur/____/sum ldan rdor 'dzin bye ba'i gtsug gi rgyan/____/ngaga~X dba~Xng bsa~Xm gtana~X blo~X grosa~X la gsol ba 'debs/____/dus dgra'i dbang po tshar pa chos rje yi/____/zab gsang snyana~X brgyuda~X bstana~X pa'i~X rgyala~X mtsha~Xn ni/____/phyogs brgyar sgrengs la 'gran zla kun spangs pa/____/khams ston sangs rgyas rgya mtshor gsol ba 'debs/____/mthu stobs nus pa'i zhugs lce 'bar ba yis/____/ma rungs 'byung po'i tshogs rnams thal bar brlag__/bstan 'gro'i dpung gnyen chen po rang byung ba/____/khyab bdag dpal ldan bla mar gsol ba 'debs/____/dkyil 'khor rgya mtsho'i ded dpon bla ma rje/____/mkhyen nus brtse ba 'jam dpal dpa' bo dang /____/tha dad ma mchis rdo rje'i sku mchog la/____/skye 'chi'i zug rngu gzhar yang ma mchis kyang /____/rtag 'dzin bzlog pa'i gnyen por gzugs kyi sku'i/____/spros pa dbyings su thim par bstan pa'i tshe/____/mgon med bdag ni ma rig mun par 'khyams/____/thugs rjes nges par gzigs shig bla ma mkhyen/____/bu yi sdug bsngal pha yis ma sel na/____/nyes pa sel byed skyabs gzhan su zhig tshol/____/kye ma kyi hud bla ma rdo rje 'chang /____/snying nas dran pa'i shugs kyis gsol ba 'debs/____/chos dbyings mkha' la sprul pa'i sprin phung 'khrigs/____/gsang ba gsum gyi byin rlabs gru char phobs/____/bdag rgyud gsang gsum rdo rjer smin par mdzod/____/bla ma sku bzhi'i 'bras bzang dngos grub stsol/____/gang 'dul sprul pa dpag yas rab ston nas/____/bstan dang 'gro ba'i don gnyis rlabs chen sgrub/____/bdag sogs slob 'bangs dam tshig rnam par dag__/bla ma mchog dang nam yang mi 'bral shog__/rang nyid kyis dad mos drag pos mtshams sbyar te gsol ba 'debs pa 'di yang mgon po de nyid kyi 'bangs kyi tha chung mkhyen brtse'i phrin las kyi sprul ming 'dzin pa 'jam dbyangs blo gros rgya mtshos gsol ba btab pa sid+d+hi rastu/__mang+ga laM//____//__ klu lding mkhan rin po che'i myur 'byon bzhugs/__oM swasti/__'jama~X pa'i dbyanga~Xs dngos rje btsun sa skya pa'i/____/bstan pa 'dzin pa'i khyu mchog kuna~X dga' bza~Xng /____/gang gi ring lugs chos kyi rgyal thabs la/____/dbang bsgyur mkhan chen bla mar gsol ba 'debs/____/thuba~X bstana~X chosa~X kyi~X rgyala~X mtsha~Xn chen po ni/____/phyogs brgyar sgrengs mdzad rdo rje 'chang chen po/____/chos dbyings chen por snyoms par zhugs pa las/____/bzhengs nas sprul pa'i rnam rol bstan du gsol/____/bdag sogs 'gro la thugs brtses rab dgongs nas/____/khyad 'phags sprul pa'i snang brnyan 'char ba dang /____/gsan bsam bsgom pa'i yon tan rtsal rdzogs nas/____/bstan 'gro'i don chen 'grub par byin gyis rlobs/____/ces pa'ang rje dbon 'jam dbyangs yon tan gyis gsung bskul ngor chos kyi blo gros pas gsol ba btab pa sid+d+hi rastu//____//__ grub dbang rdzogs chen lnga pa'i mchog sprul myur 'byon gyi gsol 'debs 'dod don myur 'grub ces bya ba bzhugs so/____/oM swasti/__rtsa gsum rab 'byams thugs rje'i bden stobs dang /____/rgyud gsum dam can rgya mtsho'i nus mthu dang /____/bden pa'i stobs kyi rnam dag smon pa'i gnas/____/gegs med myur du 'grub par byin gyis rlobs/____/khams gsum chos kyi rgyal po rdzogs chen pa/____/dpal ldan bla ma chos kyi rdo rje yi/__ngo mtshar mchog gi sprul pa'i zla zhal ni/____/bstan 'gro spyi dang gsang chen snga 'gyur gyi/____/bshad sgrub bstan pa'i mgon du myur 'byon shog__/chos kyi dbyings las gzugs kyi skur bzhengs nas/____/bar chad bdud sde'i g.yul las rnam par rgyal/____/don gnyis lhun grub 'du ba rnam pa bzhis/____/mtha' yas 'gro ba'i re ba skongs gyur cig__/ces pa'ang dge slong bzang pos gsung bskul bzhin chos kyi blo gros pas gsol ba btab pa sid+d+hi rastu//____//__ dge stag skyabs mgon rin po che'i sprul sku myur 'byon gsol 'debs 'dod don myur 'grub ces bya ba bzhugs so/____/oM swasti/__bkra shis mtshan gyi me tog 'jo sgeg gi/__srid pa gsum gyi dge mtshan rgyas pa'i gnyen/____/mtshungs med 'gro ba'i bla ma thams cad mkhyen/____/blo~X bza~Xng rgyal ba gnyis pas dge legs stsol/____/'jam dbyangs bla ma'i bstana~X 'dzi~Xn dge ba'i bshes/____/byang chub sems dpa' graga~Xs pa~X mtha~X' yasa~X pa/____/rtsod pa'i dus kyi 'gro ba 'dul mdzad cing /____/thugs rje'i bdag nyid chen por gsol ba 'debs/____/srid zhi'i phan bde'i 'byung gnas rin po che/____/rje btsun bla ma chos dbyings chen po ru/____/snyoms par zhugs kyang gdul bya rgya mtsho'i mgon/____/ngo mtshar sprul pa'i gzugs skur bzhengs su gsol/____/tshul khrims gser gyi sa gzhir rten bcas shing /____/ting 'dzin ri dbang lhun po mngon par brjid/____/shes rab nyi zla'i snang ba chen po yis/____/thub bstan yongs 'du'i dga' tshal rgyas mdzad gsol/____/'chi med lha mchog gsum dang 'jigs mdzad rgyal/____/myur mdzad mgon po chos rgyal re ti sogs/____/bla ma yi dam srungs ma'i mthu byin gyis/____/bar chad bdud sde'i g.yul las rgyal gyur cig__/de ltar gsol 'debs tam+bu ra yi sgras/____/chos rje lha yi rgyal po'i thugs dam bskul/____/thugs rje'i rlung shugs myur du g.yo ba dang /____/bkra shis dga' ba brgya ldan myur 'char shog__/ces bstan 'gror phan bde'i rtsa lag rje btsun bla ma de nyid chos dbyings zhi ba chen por thugs gzhol skabs dge stag bla brang shul bzhugs rnams dang /__be ri dbon mo lha dga'/__zhi tshe rgya dpon/__sku mched ya ma chos bzang /__lu mda' 'phel rgyas/__ber dgon grwa bsam bstan/__dpa' ke bkra shis rnams nas lha reg dang /__rin chen gnyis pa'i maN+Dal rten bcas gsung bskul ngor mkhyen brtse'i dbang po'i sprul ming 'dzin pa 'jam dbyangs chos kyi blo gros ris med bstan pa'i rgyal mtshan du 'bod pas khrums stod zla ba'i tshes 15bzang por gsol ba btab bzhin bris pa 'dis kyang mchog gi sprul sku'i zla zhal myur du 'char zhing bstan 'gro'i don chen 'grub par byin gyis brlabs tu gsol/__sarba dA mang+ga laM//____//__ dpal ldan bla ma dam pa la gdung dbyangs gsol 'debs myur 'byon smon tshigs dang bcas pa bkra shis zla snang zhes bya ba bzhugs so/____/gdod nas 'gyura~X meda~X bde chen rdo rje'i khams/____/'pho 'gyur bral ba'i tshe dbang rig pa 'dzin/____/gzhan dbang dag pa yongs grub rgya mtsho'i gling /____/bzhugs mdzad 'khor lo'i mgon por gsol ba 'debs/____/'ja~Xm dbyanga~Xs bla mas byin gyis rlabs pa las/____/zab rgyas chos tshul nor bu'i mdzod 'chang shing /____/'pho med thig le dbu mar rab bcing ba/____/tshula~X khrima~Xs mtshan ldan bla mar gsol=____/lo tsA chen po rnam par snang mdzad kyis/____/gsang gsum ye shes sgyu 'phrul drwa ba'i gar/____/snyigs dus 'gro ba 'dul ba'i phrin las can/____/'chi med snang mdzad rdo rjer=____/bka' drin mtshungs med drin can rdo rje 'chang /____/rgyal ba'i rgyal tshab 'gran zla dang bral ba/____/'chi med snang mdzad rdo rje thugs dam bskul/____/mi mngon dbyings nas bdag cag rnams la dgongs/____/gdung ba'i nga ros 'o dod 'bod lags na/____/bdag cag rnams kyi chos mthun bsam sbyor rnams/____/gegs med 'grub par byin gyis rlabs pa dang /____/rigs rgyud chos dang tshe bsod dpal 'byor rgyas/____/zhi rgyas dbang dang drag po'i las rab 'byams/____/rang 'dod med par gang la brtsam pa rnams/____/thogs pa med par myur du 'grub nas ni/____/bstan pa dar zhing rgyas par byin gyis rlobs/____/mgon po gang gi thugs rje'i zlos gar ni/____/bstan dang 'gro ba'i dpung gnyen dam pa ru/____/myur du 'byon nas bdag sogs gdul bya yi/____/bsam pa yongs su bskang bar mdzad du gsol/____/bdag kyang skye zhing skye ba thams cad du/____/dpal mgon bla ma khyed kyis rjes bzung nas/____/dad dang dam tshig rim gnyis la brten pas/____/rdo rje 'chang gi go 'phang myur thob shog__/ces pa'ang pha bla ma 'od gsal mkha' khyab kyi dbyings la snyoms par zhugs pa'i skabs su thugs dam brgyud bskul gdungs dbyangs dang 'brel ba'i myur 'byon gsol 'debs smon tshig dang 'brel ba 'di'ang mgon po gang gi thugs rje tshad med pas bskyangs pa 'jam dbyangs chos kyi blo gros pas gsol ba btab pa sid+d+hi rastu//____//__ oM swasti/__sras bcas rgyal ba'i mkhyen rab gcig bsdus pa/____/rje btsun bla ma brtan pa'i 'khor lo yi/____/zlos gar rnam par rtsen las legs shar ba/____/dmar ser d+hIHyig 'od zer phyogs brgyar 'gyed/____/ma rig mun bsal yang dag snang ba yis/____/go skabs bye bar mdzod cig 'jam pa'i dbyangs/____/thugs rje'i sprin chen rnam par 'khrigs pa nyid/____/gsol 'debs rlung gi lcags kyu'i bskul ba las/____/ci 'dod nor bu dbang gi rgyal po yis/____/char chen bsil ri'i ljongs 'dir da lta nyid/____/phebs mdzod bla ma rje btsun mkhyen pa'i gter/____/byams pa'i ma ma snying rje'i mngal las ni/____/byang chub sems dpa' gzhon nu don kun grub/____/sngon gyi thub pa chen po gang de dang /____/dbyer med bskyed mdzod 'jam dbyangs bla ma rje/____/de ltar legs 'khrungs la 'khu lha min gyi/____/yid srubs dpung rnams 'jam dpal khros pa yi/____/phyag rgyas gcod mdzod 'jam dbyangs bla ma dang /____/dbyer med gshin rje gshed por gsol ba 'debs/____/thos bsam bsgom pa'i lus rtsal rab rdzogs cing /____/bslab gsum rin chen rgyan gyis rnam par spras/____/'gro ba'i re skong dbang gi rgyal po ru/____/ring min bsgyur mdzod 'jam dbyangs bla ma rje/____/lta ngan mun pa'i tshogs kyi glang smyon dag__/mgo bo gcod mdzod ye shes ral gri ni/____/gzi byin rab 'bar blta bas mi bzod pa/____/gang gi phyag tu byin cig 'jam pa'i dbyangs/____/'chi bdag bdud kyi dpung las rnam rgyal zhing /____/gzhom med rdo rje'i khri la 'khor ba'i mtha'/____/rdzogs par ma gyur de srid du yang ni/____/bla med tshe dpag med dang dbyer med pa/____/rje btsun bla mas byin gyis rlobs par mdzod/____/mthu stobs gsang ba'i bdag po rdo rje 'dzin/____/gang la rgyal kun mi 'jigs phyag mtshan nyid/____/byin pa deng 'dir gzhon nu don 'grub la/____/rigs kyi dbang rtags ral pa'i cod paN rtser/____/sbyin par mdzod cig 'jam dbyangs bla ma rje/____/de ltar gdung shug drag pos gsol btab mthus/____/rje btsun bla ma'i gsang gsum rnam rol las/____/legs shar rje btsun mchog gi sprul pa'i sku/____/bskal brgyar zhabs brtan bdud bzhi'i g.yul las rgyal/____/bstan 'gro'i mchod sdong gcig pur 'byung gyur cig__/de ltar gsol 'debs gdung ba'i dbyangs 'di'ang 'jam dbyangs chos kyi blo gros pas lhag bsam dang dad mos drag pos gus pas shrI bkra shis lha rtse'i dge 'dun 'dus pa'i sder phul//____//


Retrieved from "https://khyentselineage.tsadra.org/index.php?title=JKCL-KABUM-Volume-03-GA-Full_Text_Tibetan-wylie&oldid=37394"
Khyentse Lineage
Collected Works of the Masters
A Tsadra Foundation initiative designed to house the writings and revelations of the masters of the Khyentse lineage.

Tsadra Foundation
Translation & Transmission Conference
DharmaCloud Tibetan eBooks
Buddha-Nature
Śāntideva's Life and Works
Rinchen Terdzö Chenmo
Damngak Rinpoche Dzö
Dharma Dictionary

About us
Privacy policy
General disclaimer
Site guide

Project Description

Welcome to the Khyentse Lineage Project, a Tsadra Foundation initiative designed to house the writings and revelations of the masters of the Khyentse lineage in a digital format that allows for open access to these materials in authoritative modern Tibetan editions for the sake of scholars, translators, and practitioners the world over.

About us

© Tsadra Foundation. Please feel free to use this website and its content in accordance with fair use policies for teaching, scholarship, education, and research.
See General disclaimer for more information.