JKW-KABUM-19-DZA-001-011

Previous Text Back to Volume PageNext Text

བཀའ་བསྟན་འགྱུར་ཁུངས་སོགས་ལོ་རྒྱུས་ཚན་སྦྲེལ།

Wylie title	bka' bstan 'gyur khungs sogs lo rgyus tshan sbrel
Location	mkhyen brtse'i bka' 'bum Volume 19, sde tshan 1, Text 11, Pages 85-116 (Folios 43a6 to 58b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bka' bstan 'gyur khungs sogs lo rgyus tshan sbrel. In 'jam dbyangs mkhyen brtse'i dbang po'i bka' 'bum, Vol. 19: 85-116. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

Tibetan Text

Wylie

[edit]

ཤྲཱི་མཱྃ་གུ་རུ་པཱཏྣོ་ཏི། འདིར་ཐམས་ཅད་མཁྱེན་པ་པུཎྜ་རཱི་ཀའི་ལབྡྷ་ཝརྞྞ་ལས། མདོ་མང་གི་སྐོར། རྔོག་ལོ་ཆེན་པོའི་སློབ་མ་གྲོ་ལུང་པ་བློ་གྲོས་འབྱུང་གནས་ཀྱིས། སྟེང་པ་ལོ་ཙཱ་བའི། ག་རོ་ཏ་ལོ་ཙཱ་བ་ཚུལ་ཁྲིམས་འབྱུང་གནས་རྒྱ་གར་དུ་བརྫངས་པས། པུཎྱེ་ཤྲཱི་མི་ཏྲ་ལ་མདོ་ལུང་བཞུགས་པར་ཐོས་ནས་དེར་ཞུས། ཡང་ཁ་ཆེ་པཎ་ཆེན་ནས་དཔྱལ་ཆོས་བཟང་བརྒྱུད་ནས་མདོ་ཤབ་སྟོད་གཡུ་དགའ་ལྡན་དུ་རོང་པ་ཤེས་རབ་སེང་གེ་ལ་ཤབ་པ་བག་སྟོན་གཞོན་ནུ་ཚུལ་ཁྲིམས་ཀྱིས་ཞུས། པདྨོ་ཅན་པ་དང་མཁན་པོ་གཞོན་ཡེས་ཀྱི་བར་དང་། དེ་དང་རོང་པ་ཤེར་སེང་གི་བར་དུ་ལུང་ལ་ཧོར་སྟོང་ཡོད་ཟེར་བ་གསན་ནས། ལུང་རྒྱུན་དག་པར་བྱ་བའི་ཕྱིར། ས་སྐྱ་ཡང་དགོན་པ་ཞང་ཀུན་དགའ་འོད་ཟེར་ལ་པཎ་ཆེན་ནས་གསན་པའི་ལུང་རྒྱུན་དག་པོ་ཡོད་ཟེར་ནས་གསན། འདི་ལ་པཎ་ཆེན་གྱིས་སུ་ལ་གསན་དང་། པཎ་ཆེན་ལ་དཔྱལ་ཆོས་བཟང་གིས་ཁྲོ་ཕུར་གསན་པའི་དུས་སུ། ལྷོ་པ་ཐམས་ཅད་མཁྱེན་པས་ཀྱང་གསན་ཟེར། ཏིག་པ་མི་འདུག་པ་དང་། ཆོས་ཀྱི་རྒྱལ་པོ་འཕགས་པའི་ལུང་གིས་མདོ་མང་གི་ལུང་རྒྱུན་དག་པ་ཞིག་འཚོལ་གསུངས་ནས་བཙལ་བས། ཤངས་ན་མངའ་བདག་ཉང་རལ་ནས་བརྒྱུད་བའི་ལུང་ཡོད་ཟེར་ནས་གསན་དུ་བྱོན་པས། ཕྱིས་སྟེང་ལོ་བརྒྱུད་པ་རྩད་ཆོད། དེ་ཡང་གསན་པས་ལུང་འདི་ལ་བག་སྟོན་གཞོན་ནུ་ཚུལ་ཁྲིམས་དྲིན་ཆེའོ། །མ་བརྟགས་ཉམས་དགར་རྟེན་ཅིང་འབྲེལ་བར་འབྱུང་། །དཔྱད་ན་དམིགས་པ་མེད་པར་ཉེར་ཞི་བའི། །དུས་གསུམ་རྒྱལ་བའི་ཡུམ་ལ༴ ཡང་། པཎྜི་ཏ་སྨྲི་ཏིས་བསྒྱུར་བ་མན་ལ་གསར་མ་ཞེས་དང་། ལོ་ཆེན་རིན་ཆེན་བཟང་པོས་བསྒྱུར་བ་མན་ལ་གསར་མའོ་ཞེས་ཟེར་མཁན་གཉིས་ལས། པཎ་ལོ་གཉིས་ཀྱང་ལོ་ཆེན་སྔ་བས་ན། དེར་མཚམས་འཛིན་པ་འཐད། དེ་ཡང་གསང་སྔགས་བསྒྱུར་ཚད་དེ་ལྟར་བཞག་པ་ནི་མིན་ཏེ། བསྟན་པ་སྔ་དར་གྱི་སྐབས་བསམ་ཡས་སུ་དེ་ཉིད་འདུས་པ་དང་། རྣམ་སྣང་མངོན་བྱང་དང་། བསམ་གཏན་ཕྱི་མ་སོགས་དར། དེ་དག་རྙིང་མར་སུ་ཡང་མི་འདོད་པས་སོ། །འོ་ན་གང་གིས་བཞག་ཅེ་ན། དེ་དུས་བཀའ་བླ་མེད་ཀྱི་བཀའ་སྒྲ་ཇི་བཞིན་དུ་སྤྱད་དོགས་བསྒྱུར་བར་མ་གནང་ལ། སློབ་དཔོན་པདྨ་སོགས་ཀྱིས་པཎྜི་ཏ་མཛད། བཻ་རོ་ཙ་ན་སོགས་སྐལ་ལྡན་རྣམས་ཀྱིས་གསང་སྟེ་བསྒྱུར་བར་དོན་ལ་རྙིང་མ། ལོ་ཆེན་མན་གྱིས་བླ་མེད་འགྱུར་བར་དོན་ལ་གསར་མ་ཞེས་བྱའོ། །དེ་དུས་ཏནྟྲ་སྡེ་བཅོ་བརྒྱད་སོགས་བསྒྱུར་བའི་ཐོག་མར་གསང་འདུས། ཟླ་གསང་ཐིག་ལེ། སངས་རྒྱས་མཉམ་སྦྱོར་གསུམ་བསྒྱུར་བ་ཇི་ལྟར་དྲངས་སྙམ་ན། རྒྱུད་དེ་དག་གཏན་ལ་འབེབས་ལུགས་ཀྱི་ཁྱད་པར་གསར་རྙིང་གི་འགྲོས་གཉིས་རེ་ཡོད། ཅེས་སོ། ། ༈ རྩ་ཤེའི་འགྲེལ་པ་ག་ལས་འཇིགས་མེད་ཅེས་པ་ཀླུ་སྒྲུབ་ཕྱི་མའི་ཡིན་ཏེ། རྒྱུ་མཚན་ཟླ་གྲགས་ཀྱི་ཚིག་གསལ་དུ་ལུང་མ་དྲངས་པས་སོ། །ཞེས་གསུངས། གཤིན་རྗེ་གཤེད་ཀྱི་གྲུབ་ཐོབ་རྟ་མཆོག་འཛིན་པ་ཞེས་བྱ་བ་ཨོ་རྒྱན་དུ་བྱོན། ཌཱ་ཀི་མ་རྣམས་ལ་སྡིགས་མཛུབ་གཏད་པས་བརྒྱལ། བརྒྱལ་སངས་ཙ་ན། མིང་པོ་ཅི་འདོད་པ་ཁྱེར་ཅིག་ཟེར་ནས་གནང་བ་བྱིན། དེས་རྩ་བའི་རྒྱུད་སྒྱུ་འཕྲུལ་དྲྭ་བ་ཁྲི་དྲུག་སྟོང་པ། བཤད་པའི་རྒྱུད་ཆོ་ག་འདུས་པ། རྒྱུད་ཕྱི་མ་མཚན་བརྗོད། གཤིན་རྗེ་ལེའུ་བཅོ་བརྒྱད་པ་བཞི་དྲངས་ཏེ་འདི་འཇམ་དཔལ་བཤེས་གཉེན་ནོ། །དེས་འཇམ་དཔལ་གྱི་དཀྱིལ་འཁོར་དབང་བསྐུར་པའི་མཚན་སྒེག་པའི་རྡོ་རྗེ། མུ་སྟེགས་བཏུལ་བའི་མཚན་སྣ་ཚོགས་གཟུགས། གཞན་བྱང་ཆུབ་མཆོག་གི་སྐལ་བ་དང་ལྡན་པ། འཁྲུངས་པ་ལས་ནོར་བུ་གླིང་པ་ཞེས་མཚན་བཞི་དང་ལྡན་པ་དེ་ལ་གནང་། ཞེས་བཤད་དོ། ། ༈ རྩ་རྒྱུད་བརྟག་གཉིས་ལ་ལེའུ་ལྔ་ཡན་ཆད་ལོ་ཙཱ་བས་འགྲེལ་པ་མཛད། དེ་མན་ཆད་རྔོག་སྟོན་ཆེན་པོས་གསུང་རྒྱུན་བསྣན་ནས་མཛད་པའི་རིན་ཆེན་རྒྱན་འདྲའོ། །གུར་ལོ་ཙཱ་བ་ཆེན་པོས་སྲོག་ཤིང་། མདོ་སྡེའི་འགྲེལ་ཆེན་དང་། སླར་དེ་ལས་བསྡུས་པ་སོགས་མཛད། སམྦུ་ཊར་རྔོག་ཞེ་སྡང་རྡོ་རྗེས་འགྲེལ་པ་དོན་གསལ་སྒྲོན་མ་དང་། གཞུང་གསལ་སྒྲོན་མ་གཉིས་མཛད། གུར་བརྟག་སཾ་གསུམ། གདན་བཞི། མ་ཧཱ་མཱ་ཡཱ། གསང་འདུས། སངས་རྒྱས་ཐོད་པ་བདུན། ༈ སར་ཧ་ཆེ་འབྲིང་ཆུང་གསུམ་སྟེ། ལི་ཙཱ་བི་ཆེན་པོའི་སྐྱེ་བ་བྱང་སེམས་བློ་གྲོས་རིན་ཆེན་ནམ། བྲམ་ཟེར་ཆེན་པོ་སྒྲ་གཅན་འཛིན་བཟང་པོ་ཞེས་སློབ་དཔོན་ཀླུ་སྒྲུབ་ཀྱི་སློབ་དཔོན་དང་། བར་པ་སློབ་དཔོན་ཀླུ་སྒྲུབ་ཀྱི་སློབ་མ་ཤ་བ་རི་དབང་ཕྱུག་དང་། ཐ་མ་མཻ་ཏྲི་པའི་དངོས་སློབ་ར་མ་ཕ་ལར་གྲགས་པ་དེའོ། ། ༈ རང་ལུགས་ལ་དུས་འཁོར་གྱི་རྫོགས་རིམ་རྒྱས་པ་ཨོ་རྒྱན་བསྙེན་སྒྲུབ། འབྲིང་པོ་པཎ་ཆེན་ལུགས་ཀྱི་བསྙེན་སྒྲུབ་གསར་མ་ཞེས་དཔེ་མེད་འཚོས་མཛད་པ། བསྡུས་པ་པཎ་ཆེན་ནགས་རིན་ལ་ཤ་བ་རིས་གནང་བའི་ལྕེ་རྩེ་རྐན་སྦྱར་རྣམས་སོ། ། ༈ དཔལ་འབྲུག་པའི་སྒྲུབ་ཐབས་སྐོར་ལྔ་ཞེས་པ་བདེ་མཆོག་དངོས་གྲུབ་སྐོར་ཞེས་པ་ནཱ་རོ་ནས་མར་པར་བརྒྱུད་པ། ཕག་མོ་བྱིན་རླབས་ཀྱི་སྐོར་ཞེས་པ་ཞལ་གཉིས་མ་མཻ་ཏྲི་ནས་མར་པ་དང་། ཏི་ཕུ་པ་ནས་རས་ཆུང་ལ་བརྒྱུད་པ། གཏུམ་པོ་ནུས་མཐུའི་སྐོར་ཞེས་གསང་བ་མངོན་བསྟན་གྱི་རྒྱུད་ལ་བརྟེན་ནས་རས་ཆུང་པས་བླ་མ་ཝ་ལ་ཙཎྜ་ལ་ཞུས་པ། ལྷན་སྐྱེས་ཀུ་སཱ་ལིའི་སྐོར་ཞེས་པ་རྡོ་རྗེ་གདན་པ་ཆུང་བ་དང་ཙ་མི་སངས་རྒྱས་གྲགས་ལས་དཔལ་རྒྭ་ལོ་ཙཱ་བ་ཀུ་མཱ་ར་ཤྲཱིས་གསན་པ་རྣམས་སོ། ། ༈ ཡང་བྱ་རོག་བསྟན་སྲུང་མའི་སྐོར་གྱི་བརྒྱུད་པའང་སྔར་དང་འདྲ། ། ༈ དཔལ་འབྲུག་པའི་ཉམས་ལེན་འཕྲལ་དགོས་ཀྱི་སྐོར་རྡོ་རྗེ་སེམས་དཔའི་ཉེས་ལྟུང་འཁྲུད་པའི་ཆོ་ག་རྒྱལ་པོ་ཛཿལས་བརྒྱུད་པ་མར་པའི་འགྱུར། ཀཾ་ཀ་ནིའི་ཆོ་ག་ངན་སོང་རྒྱུན་གཅོད་པ་ཆོས་རྒྱལ་ཛཿལས་བརྒྱུད་པ། འཁོར་ལོ་སྡོམ་པའི་རྩ་རྒྱུད་འབུམ་པ་དང་། བཤད་རྒྱུད་འོད་ཟེར་དྲྭ་བ་ལ་བརྟེན་པའི་ཚེ་སྒྲུབ་གྲུབ་པའི་རྒྱལ་མོ་ལས་བརྒྱུད་པ་ཚེ་དཔག་ཏུ་མེད་པའི་ཆོ་ག་འཆི་མེད་ཚེ་སྒྲུབ་པའི་ཆོས། ཐུགས་རྗེ་ཆེན་པོས་རྒྱུད་བྱིན་གྱིས་བརླབས་པའི་ཆོས་དགེ་སློང་མ་དཔལ་མོ་ལས་བརྒྱུད་པ་བཞིའོ། ། ༈ དཔལ་འབྲུག་པའི་གདམས་པ་ཕྱག་རྒྱ་ཆེན་པོ་སྐོར་གསུམ་ཞེས་པ། བཤད་པ་ཚིག །གདམས་ངག་ཉམས་ལེན། རྟོགས་པ་བྱིན་རླབས་ཀྱི་སྐོར་རོ། །དང་པོ་ནི། གྲུབ་པ་སྡེ་བདུན། སྙིང་པོ་སྐོར་དྲུག །ཡིད་ལ་མི་བྱེད་པའི་ཆོས་སྐོར་ཉེར་ལྔ་རྗེས་འབྲངས་དང་བཅས་པའོ། །དང་པོ་ནི། དཔལ་གསང་བ་གྲུབ་པ་ཨོ་རྒྱན་གྱི་སློབ་དཔོན་པདྨ་བཛྲ་གྱིས་མཛད་པ། ༡ ཐབས་དང་ཤེས་རབ་གཏན་ལ་དབབ་པ་གྲུབ་པ། སློབ་དཔོན་ཡན་ལག་མེད་པའི་རྡོ་རྗེའམ་པཎྜི་ཏ་བདུད་རྩི་དགའ་བའི་འབྱུང་གནས་ཞེས་པས་མཛད་པ། ༢ དེའི་དོན་བསྡུས་ལྷྭམ་མཁན་གྱི་རིགས་ལས་གྲུབ་པ་བརྙེས་པ་ཙ་མ་རཱི་པས་མཛད་པ། ཡེ་ཤེས་གྲུབ་པ་ཨིནྡྲ་བྷཱུ་ཏི་འབྲིང་པོས་མཛད་པ། ༣ གཉིས་མེད་གྲུབ་པ་ལྕམ་ལེགས་སྨིན་ཀཱ་རས་མཛད་པ། ༤ ལྷན་ཅིག་སྐྱེས་གྲུབ་གཉིས་ཀྱི་སྔ་མ་ཌོམྦྷི་ཧེ་རུ་ཀ་དང་། ཕྱི་མ་ཨིནྡྲ་བྷཱུ་ཏི་ཆུང་བ་རབ་ཏུ་བྱུང་ནས་མཚན་ལྭ་བ་པར་གྲགས་པས་མཛད་པ། དེའི་འགྲེལ་པ་དགེ་སློང་མ་དཔལ་མོས་མཛད་པ། འདི་གཉིས་མཚན་མཐུན་པས་གཅིག་ཏུ་མཛད། ༥ དངོས་པོ་གསལ་བའི་དེ་ཁོ་ན་ཉིད་གྲུབ་པ་རང་བྱུང་གི་རྣལ་འབྱོར་མ་ཙི་ཏོས་མཛད་པ། དེ་ཁོ་ན་ཉིད་གྲུབ་པ་ར་ལི་པས་མཛད་པ་གཉིས་མཚན་མཐུན་པས་གཅིག་ཏུ་བགྲངས། ༦ སིདྡྷི་ཀཱས་གྲུབ་དཱ་རི་ཀས་མཛད་པ་རྣམས་སོ། །གཉིས་པ་ནི། བྲམ་ཟེ་ས་ར་ཧ་ཆེན་པོའི་དོ་ཧ་མཛོད། རྩེ་མོ་དོ་ཧ། བདག་བྱིན་རླབས། སློབ་དཔོན་ཀླུ་སྒྲུབ་ཀྱི་ཕྱག་རྒྱ་བཞི་པ། ཨཱཪྻ་དེ་བའི་སེམས་ཀྱི་སྒྲིབ་སྦྱོང་། ཏོག་ཙེ་པའི་བསམ་གྱིས་མི་ཁྱབ་པ་རྣམས་ཡིན་ལ། རྒྱལ་པོ་དོ་ཧ། བཙུན་མོ་དོ་ཧ། མཛོད་ཆུང་བ། ཀ་ཀའི་དོ་ཧ་རྣམས་དང་པོའི་རྗེས་འབྲངས། བྱང་ཆུབ་སེམས་འགྲེལ། སེམས་ཀྱི་རྡོ་རྗེའི་བསྟོད་པ་སོགས་བཞི་པའི་རྗེས་འབྲངས་སོ། །དོ་ཧའི་འགྲེལ་པ་གྲུབ་ཐོབ་གླིང་གིས་མཛད་པ་དང་། ཕྱིས་ཡིད་བཟང་རྩེ་པས་དོ་ཧ་སྦྱོར་དྲུག་ཏུ་བཀྲལ་ལོ། །གསུམ་པ་ནི། ཐུན་མོང་གྲུབ་མཐའ་རིན་པོ་ཆེའི་ཕྲེང་བ། དེའི་དོན་སྔགས་དང་སྦྱར་བ་དོ་ཧ་ཏི། རྩོད་སྤོང་བདག་མེད་གསལ་བ། ཐབས་ཁྱད་དུ་གསོད་པ་བཟློག་ཕྱིར་ལྟ་བ་ངན་སེལ། ལྟ་བ་ངན་སེལ་གྱི་དྲན་པ། ལས་དང་པོའི་བྱ་བ་མདོར་བསྡུས་པ། སྔགས་ལམ་དབང་དང་འབྲེལ་བར་བསྟན་པ་དབང་ངེས་བསྟན། དགོས་པ་མདོར་བསྡུས་པ། དབང་གི་བྱ་བ་མདོར་བསྡུས་པ། དབང་རྣམ་དག །རྒྱས་གདབ་ཀྱི་དོན་ཕྱག་རྒྱ་ལྔ་པ། དགའ་གཅུགས་ལྔ་པ། མི་ཕྱེད་པ་ལྔ་པ། ཟུང་འཇུག་གི་དེ་ཉིད་ལྟ་བ་ཤན་འབྱེད་པ་དབུ་མ་དྲུག་པ། ལྷན་སྐྱེས་དྲུག་པ། ལྟ་བདེ་དང་ལྡན་པའི་ཟུང་འཇུག་བཤད་པ། ཐེག་ཆེན་ཉི་ཤུ་པ། དེ་ཉིད་ཉི་ཤུ་པ། རབ་ཏུ་མི་གནས་པ་སྟོན་པ་བདེ་ཆེན་གསལ་བ་དང་། ཟུང་འཇུག་དངོས་བསྟན། ལྟ་བའི་གོ་རིམ་དཔེ་དང་སྦྱར་བ། རྨི་ལམ་ངེས་བསྟན། སྒྱུ་མ་ངེས་བསྟན། ཟབ་དོན་བསྡུ་བ་དེ་ཉིད་བཅུ་པ་དང་། དེ་ཉིད་རབ་ཏུ་བསྟན་པ། ཟབ་མོ་ཁྱད་པར་ཕྲ་མོ་སྟོན་པ་ལ་རབ་ཏུ་མི་གནས་པ་གསལ་བར་སྟོན་པ། མ་རྟོགས་པ་རྟོགས་པར་བྱེད་པ། ཚིགས་བཅད་ཕྱེད་པ་རྩ་འགྲེལ་རྣམས་མཻ་ཏྲི་པས་མཛད་པ། དེ་ཉིད་བཅུ་པ་ལ་ལྷན་སྐྱེས་རྡོ་རྗེས་འགྲེལ་པ་མཛད་པ་དང་། ཁོང་རང་གིས་སྦྱར་བའི་གཞུང་གནས་པ་བསྡུས་པ་གསུམ་ནི་རྗེས་འབྲང་ངོ་། །དེ་དག་ཀྱང་མངའ་བདག་མཻ་ཏྲི་པ་ལས་བརྒྱུད་ནས་མར་པས་མི་ལར་གནང་བའོ། །ཕྱིས་བུ་སྟོན་རིན་པོ་ཆེ་ནས་བརྒྱུད་པར་སྣང་། གཉིས་པ་གཅིག་ཅར་བའི་ལམ་གཙོ་བོར་སྟོན་པ་ཐོག་བབས་ཞེས་ཕག་མོ་ཞལ་གཉིས་བརྡ་དབང་སོགས་ཀྱི་སྐོར། ཐོད་རྒལ་ལམ་གཙོ་བོར་སྟོན་པ་བསམ་གཏན་ཐུན་འཇོག །རིམ་སྐྱེས་པའི་ལམ་གཙོ་བོར་སྟོན་པ་རྟོགས་བརྗོད་གསེར་ཕྲེང་སྟེ་བརྒྱུད་པ་ནི་སྔ་མ་བཞིན་ནོ། །རྟོགས་པ་བྱིན་རླབས་ཀྱི་སྐོར་ནི། ལྷན་ཅིག་སྐྱེས་སྦྱོར་རྩ་འགྲེལ་ཏེ། འདིའི་རྩ་བ། བསྲེ་འཕོ་གཞུང་གི་སེམས་དངོས་པོའི་གནས་ལུགས་བསྟན་པ་ཁོ་ན་ཡིན། དེ་ལས་འཕྲོས་ནས་ཏིལླི་པས་ཚིགས་བཅད་གཅིག་མ་འདི་དང་། ནཱ་རོ་པས་གཉུག་མ་ཆིག་ཆོད་དུ་ཁྲིད་པ་ཞེས་བཤད་དེ་གཅིག་ཅར་བའི་ལམ། རྗེ་ཟླ་འོད་གཞོན་ནུས་ཚིགས་བཅད་རྐང་པ་གསུམ་པ་འདི་ཐོད་རྒལ། ཕག་གྲུ་དང་། ཆོས་རྗེས་ཚིགས་བཅད་གཉིས་རིམ་སྐྱེས་པའི་ལམ་སྟེ། ལྷན་ཅིག་སྐྱེས་སྦྱོར་སྔ་ཕྱི་བར་གསུམ་གྱི་ཐ་སྙད་མཛད། དེ་དོན་བསྒོམ་རིམ་བསྡུས་འབྲིང་རྒྱས་པས་བསྟན་པ་སྟེ་གཞི་གཏན་ལ་དབབ་པའི་སྐོར་རོ། །དེ་ལས་འཕྲོས་པ་ཕག་གྲུའི་ཞུས་ལེན་རྣལ་འབྱོར་བཞི་ནས་བརྩམས་ཏེ། ཆོས་རྗེ་དཔོན་སློབ་རྗེས་འབྲངས་དང་བཅས་པས་མཛད་པ་རྣམས་ཉམས་མྱོང་གི་སྤུ་རིས་འབྱེད་པའི་སྐོར། རྗེ་ཟླ་འོད་གཞོན་ནུས། བདག་གི་བླ་མའི་བར་གྱི་ངོ་སྤྲོད་ཀྱི་ཡི་གེ་ཐམས་ཅད་ལ་རྗེས་ལམ་ཁྱེར་གྱི་སྐོར་ཞེས་རྣམ་པ་གསུམ་གྱིས་བསྡུས་སོ། །མདོ་རྒྱུད་ཐམས་ཅད་ཀྱི་མན་ངག་ཆེན་པོ། བཀའ་བརྒྱུད་རིན་པོ་ཆེའི་གཞུང་ལམ། རྗེ་བཙུན་ནཱ་རོ་པའི་ཆོས་དྲུག་གམ་ཁྱད་ཆོས་བསྲེ་འཕོ་གནད་ཀྱི་མཚམས་སྦྱོར་ཞེས་རྗེ་ནཱ་རོ་པའི་ཁྱད་ཆོས་རྒྱུད་ཐམས་ཅད་ཀྱི་རྡོ་རྗེའི་ཚིག་ལྟ་བའི་མིག་ལྟ་བུའི་གླེགས་བམ་ཡི་གེ་རགས་པ༤༠། ཕྲ་མོ་ཞེ་བརྒྱད་དེ། རྩ་བ་བསྣན་པས་༨༩ཏེ། དེ་ཐམས་ཅད་ཀྱི་རྩ་བ་ནི་བཀའ་ཡང་དག་པའི་ཚད་མའོ། །པུཎྜ་རཱི་ཀ་ཉིད་ཀྱིས་འགྲེལ་ཆེན་རྡོ་རྗེ་འཆང་གི་དགོངས་གསལ། ཁྲིད་ཡིག་རྡོ་རྗེ་ཐེག་པར་བགྲོད་པའི་ཤིང་རྟ་སོགས་མཛད་དོ། ། ༈ དཔལ་འབྲུག་པའི་ཟབ་ཆོས་རོ་སྙོམས་ཀྱི་སྐོར་ནི། བརྟག་གཉིས་ལས། བཟློག་པའི་བསྒོམ་པ་འདི་དག་ནི། །སངས་རྒྱས་མུ་སྟེགས་ཀྱིས་མི་ཤེས། །ཞེས་གསུངས་པ་ལྟར་དཀོར་རྒྱས་འགྲེལ་ཀུ་མུ་ཏ། མཛོད་ཆེན་པོ་གསུམ་སྟེ། དེ་ཡང་གཏེར་མཛོད་བཀའ་རྒྱ་ཅན། ཡང་མཛོད་ཐུགས་ཀྱི་མེ་ལོང་། གསང་མཛོད་སྦས་པ་མིག་འབྱེད་གསུམ། དང་པོ་ལ་ཁྲིམས། ཁྲིད། ཞལ་གདམས་གསུམ། ། ༈ དཔལ་འབྲུག་པའི་ཟབ་ཆོས་ལས་རྟེན་འབྲེལ་ཁོ་བོ་ལུགས་ཞེས་པ། འགྲོ་མགོན་དེ་ཉིད་གླིང་རས་དྲུང་ན་བཞུགས་དུས། དེས་རྟེན་འབྲེལ་གྱི་ཆོས་སྐད་ཐོར་རེ་གསུངས་པས་རཏྣ་འདི་ཅི་མཛད། རྟེན་འབྲེལ་བྱ་བ་རྟོག་ཆོས་ཡིན་མོད་སྙམ་པ་བྱུང་། དེས་ཇི་ལྟ་བའི་རྟོགས་པ་ཤར་ནས་ཇི་སྙེད་པའི་མཁྱེན་པའི་རྩལ་ཁ་རྒྱས་པ་ལ་ཅུང་ཟད་རེ་གནོད། འོད་ཀྱང་ཕྱིས་བརྟག་གཉིས་ལས་གསུངས་པའི་ཡུལ་གྱི་ནང་ནས་ཙཱ་རི་ཏྲ། འཁོར་ལོ་སྡོམ་པ་ལས། བོད་ཡུལ་ལ་ཧི་མ་ལ་ཡ་ཞེས་བཤད་པའི་གནས་ཆེན་དེ་ཡི་སྒོ་དབྱེ་བའི་དུས་སྟོད་ཀྱི་རི་བོ་རྡོ་རྗེ་ཕག་མོ་ལྟ་བུ། སྡོང་པོ་དེའི་ཁ་ཊྭཱཾ་ག་ལྟ་བུའི་འོག་ཏུ་ཟླ་བ་གསུམ་སྐྱིལ་ཀྲུང་གཅིག་གིས་ཡང་དག་འཇོག་ལ། མཉམ་པར་བཞག་པའི་ནང་ཐ་མའི་ཐོ་རངས་རྫོགས་པའི་སངས་རྒྱས་རབས་བདུན་རྟེན་ཅིང་འབྲེལ་བར་འབྱུང་བའི་ཆོས་འཁོར་བསྐོར་ཏེ་མཐར་སྙིང་པོ་བསྡུ་བའི་ཚིགས་སུ་བཅད་པ་བཀའ་སྩལ་ཏེ་མི་སྣང་བར་གྱུར་ལ། དེ་ནས་ཇི་སྙེད་པའི་རྩལ་ཕྱོགས་མེད་དུ་རྒྱས། གང་གིས་འདུལ་བ་དེ་ལ་དེ་བསྟན་པའི་སློབ་མའི་ཚོགས་ཀྱིས། དུས་འཁོར་འགྲེལ་ཆེན་ལས། ཆོས་ཐམས་ཅད་ཀྱི་སྔོན་དུ་འགྲོ་བ་ནི་ཡེ་དྷརྨའོ། །ཞེས་དང་། ཀླུས། གང་གིས་སྟོང་དང་སོགས་གསུངས་པའི་དོན་འདི་ཁ་ཚིག་ཙམ་དུ་མ་ལུས་པར་ཉམས་སུ་ལོན་པ་བྱུང་། འདི་ལ་ཆོས་རྗེ་འབྲུག་པའི་རྩལ་ཆོས་སུ་གྲགས་པས་རྗེ་ཉིད་ཀྱིས་ཀྱང་རྟེན་འབྲེལ་ཁོ་བོ་ལུགས་ཞེས་གསུངས། འདི་ལ་རྟེན་འབྲེལ་གྱི་སྙིང་པོ་རྣམ་པར་བཤད་པ་ཞེས་བྱ་བའི་མདོ་སོགས་དང་། ཕྱིས་སུ་རྣམ་བཤད་ཞིབ་མོ་རྣམ་འཐག་དང་། ཁྲིད་ཡིག་ཆོས་ཐམས་ཅད་ཀྱི་སྙིང་པོ་ལེན་པ་ཞེས་བྱ་བ་མཛད། ། ༈ དཔལ་འབྲུག་པའི་ཟབ་ཆོས་བླ་མ་སྒྲུབ་པའི་སྐོར་ལ། བླ་མ་ལྔ་བཅུ་པ་དང་། དེ་ལ་གླིང་ཊཱིཀ །ཏིལླི་པའི་ཚར་གསུམ་ཁུག་པ་སོགས་སོ། །བདེ་མཆོག་མཁའ་འགྲོའི་སྙན་བརྒྱུད་ནི། སྙན་བརྒྱུད་རྡོ་རྗེ་རྣལ་འབྱོར་མ་ཞེས་དཔལ་འཁོར་ལོ་སྡོམ་པ་རྩ་རྒྱུད་ཀྱི་སྦས་དོན་མངོན་རྟོགས་ཀྱི་རིམ་པ་སྟེ། དེ་ཡང་རྡོ་རྗེ་འཆང་ལ་ཕག་མོས་གསོལ་བ་བཏབ་ནས་དཔལ་ལྡན་འབྲས་སྤུངས་སུ་ལེགས་པར་བསྟན། བསྡུ་བ་མཛད་ཕྱིས་ཨཽ་ཌཱི་བི་ཤྭ་དྷརྨ་གཉྫོར་རྒྱ་རིམ་བདུན་གྱི་ཚུལ་གྱིས་བཏབ་པ་རྒྱལ་བ་དགོངས་བརྒྱུད། དེ་ལས་ཕྱུང་སྟེ་བཅོམ་ལྡན་འདས་དེ་ཉིད་ཀྱིས་སློབ་དཔོན་ཏིལླི་པ་ལ་གནང་བ་བྱིན་རླབས་མཁའ་འགྲོའི་བརྒྱུད་པའམ། གཏད་རྒྱ་དང་བཅས་པས་ལུང་བསྟན་གཏད་རྒྱའི་བརྒྱུད་པ། སློབ་དཔོན་དེས་ཇོ་བོ་ནཱ་རོས་དཀའ་ཆེན་བཅུ་གཉིས་སྤྱད་པའི་མཐར་སྐད་ཅིག་གིས་རྟོགས་པར་བསྟན་པ། ཇོ་བོ་དེ་དེ་དུས་སློབ་དཔོན་མཐོང་ལམ་པའི་ཚུལ་བཟུང་བ་ཡིན་པས་ན། རིག་འཛིན་བརྡ་བརྒྱུད། ནཱ་རོ་ཏ་པས་ཀྱང་བླ་མའི་ལུང་ལྟར་མར་པ་དང་། དེས་ཀྱང་ལུང་བཞིན་མི་ལར་གདམས་པ་མན་ལ་གང་ཟག་སྙན་ཁུང་བརྒྱུད་པར་བཞག་པས་བརྒྱུད་པ་བཞི་ལྡན་དུ་སོང་། རྗེ་བཙུན་གྱིས་རས་ཆུང་སོགས་ལ་གནང་ནས་དར་རོ། །འཁོར་ལོ་སྡོམ་པའི་རྫོགས་རིམ་མཻ་ཏྲི་ལུགས་ནི། རྗེ་བཙུན་མཻ་ཏྲི་པ་ཞེས་པཎྜི་ཏ་འབར་བའི་གཙོ་བོའི་སྐྱེ་བ། ཕྱི་ནང་གི་གཞུང་ལུགས་ཀུན་ལ་བྱང་བ། ཡི་དམ་གྱི་ལྷས་དེ་ཁོ་ན་ཉིད་འཚོལ་བར་ལུང་བསྟན་པ་བཞིན་དཔལ་གྱི་རིར་བྱོན། ཤ་བ་རི་དབང་ཕྱུག་བཙུན་མོ་དང་བཅས་པས་རྗེས་སུ་བཟུང་། ཡང་དག་པའི་ལམ་མ་སྦས་པར་བསྟན་པ་ནི་དཔལ་འཁོར་ལོ་སྡོམ་པའི་རྫོགས་རིམ། རྡོ་རྗེ་རྣལ་འབྱོར་མའི་གསུང་ངག་རྗེ་རས་ཆུང་པས་བོད་དུ་སྤྱན་དྲངས་པའི་རིན་ཆེན་ལྔ་པ་ཞེས་པའི་གདམས་ངག་གོ །དཔལ་འབྲུག་པའི་ཟབ་ཆོས་ལས་ཏི་ཕུའི་བཞི་ཆོས་སམ། རྡོ་རྗེ་ལུས་ཀྱི་སྦས་བཤད་སྐོར། པཎྜི་ཏ་ག་ཡ་དྷ་རའི་སྲས་ཏི་ཕུ་པས་ཇོ་བོ་ནཱ་རོ་དང་མཻ་ཏྲི་ལས་གསན་པ། དངོས་པོར་གནས་པའི་ཚུལ་གཏན་ལ་དབབ་པ་རྡོ་རྗེ་ལུས་ཀྱི་སྦས་བཤད་དམ་གདམས་ངག་བཞི་བཞིས་བསྟན་པ་ཏི་ཕུའི་བཞི་ཆོས། ། ༈ སྨད་འབྲུག་སའི་དྲེག་པ་ལྟ་བུའི་བསྟན་པའི་བདག་པོ་ཆོས་ཀྱི་རྒྱལ་པོ་ལོ་རས་པས། སྐྱོར་མོ་ལུང་གི་སྤལ་ཏི་དགྲ་བཅོམ་པར་རབ་ཏུ་བྱུང་སྟེ་མཚན་དབང་ཕྱུག་ཏུ་གསོལ། ཕྱིས་ཆོས་རྗེའི་དྲུང་དུ་གདམས་ངག་རྫོགས་པར་གསན། གནམ་མཚོ་ཕྱུག་མོའི་དོ་རིར་སྒྲུབ་པ་མཛད་པས་དངོས་གྲུབ་མཆོག་ཏུ་བརྙེས། ཕྲིན་ལས་བསམ་གྱིས་མི་ཁྱབ། འཁོར་དགེ་སློང་རང་ཡང་སྟོང་ཕྲག་ཙམ་འདུ་བས་སའི་དྲེག་པ་ལྟ་བུར་གྲགས། ཕྱིས་ལྷོ་བྲག་སེང་གེ་རིར་བཞུགས། དེས་ཆོས་རྗེའི་ཚོགས་ཆོས་ཐུན་ལྔར་གསུངས་པ་ལྟར་ཕྱག་བཞེས་སུ་བཀྲལ་ནས། ཐུན་ལྔའི་ཆ་ལག་རྒྱས་པ། ཕྱག་རྒྱ་ཆེན་པོ་འཆི་ཐུབ། གཏུམ་མོ་རས་ཐུབ། གསང་སྤྱོད་རི་ཐུབ། ནད་གདོན་འཁྲུགས་ཐུབ། གཉེན་པོ་རྐྱེན་ཐུབ་ཀྱི་ཁྲིད་རྣམས་མཛད་དོ། ། ༈ སྟོད་འབྲུག་གནམ་གྱི་སྐར་མ་ལྟ་བུར་གྲགས་པའི་བྱ་བ་ཆོས་རྗེ་རྒོད་ཚང་པ་ལྷོ་ལ་ཡག་དོལ་བུ་ཆུང་གི་རྩར་འཁྲུངས། ཆོས་རྗེ་དང་སངས་རྒྱས་དབོན་ལས་གདམས་ངག་རྫོགས་པར་གསན། བྱང་ཆུབ་ཀྱི་སྤྱོད་པ་རླབས་པོ་ཆེ་ལ་དབང་བསྒྱུར། ཕྱིས་ལ་སྟོད་རྒྱལ་གྱི་ཤཱི་རི་ལས་མི་འབབས་པའི་དམ་བཅའ་མཛད། སློབ་མའང་རྟོགས་པ་རང་མཉམ་རྒྱལ་བ་ཡང་དགོན་པ། བརྟུལ་ཞུགས་རང་མཉམ་ཨོ་རྒྱན་པ། མོས་གུས་རང་མཉམ་ཟང་ཟང་ནེ་རིང་པ། ཞེ་གཅོད་རང་མཉམ་སྤྱིས་དཀར་བ་སོགས་དངོས་ཀྱི་སློབ་མ་གྲུབ་ཐོབ་སྐར་ཚོགས་ཙམ་བྱུང་། དེས་ཆོས་རྗེའི་མིང་ཐོ་ཙམ་ལ་བརྟེན་ནས་སྙན་བརྒྱུད་ཀྱི་གདམས་ངག་དེའི་འགྲོས་སུ་བསྟན་པས་ཁྲིད་ཆེན་བརྒྱད་ཅེས་གྲགས་ཏེ། ལམ་ཟབ་མོས་གུས་ཀྱི་ཁྲིད། ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཁྲིད། ཐབས་ལམ་ཁྱད་པར་ཅན་གྱི་ཁྲིད། གསང་སྤྱོད་བཟློག་སྒོམ་གྱི་ཁྲིད། སྟེང་སྒོ་ཆོས་དྲུག །འོག་སྒོ་ཆོས་དྲུག །འཁྲུལ་འཁོར་དང་བཅས་པ། དག་སྣང་ཞིང་སྦྱོང་གི་ཁྲིད། ཆོས་བརྒྱད་མགོ་སྙོམས་ཀྱི་ཁྲིད། བྱམས་སྙིང་རྗེའི་ཁྲིད། རྒྱུ་འབྲས་རྟེན་འབྲེལ་གྱི་ཁྲིད་རྣམས་སོ། །དཔལ་འབྲུག་པའི་ཟབ་ཆོས་དགེ་སྦྱོར་བདུན་གྱི་སྐོར་ཞེས་ཆོས་རྗེས་ཤངས་པའི་སློབ་མ་གཉིས་ལ་གནང་ངོ་། ། ༈ རི་ཆོས་སྐོར་གསུམ་ནི། རྒྱལ་བ་ཡང་དགོན་པས་མཛད་པ་སྟེ། དེ་ཡང་། སྒྲུབ་པ་ཉམས་ལེན་གྱི་ཆོས་ཐམས་ཅད་ཚང་བར་སྟོན་པ་དགོས་འདོད་ཀུན་འབྱུང་གི་སྐོར། རྡོ་རྗེ་ལུས་ཀྱི་གནས་ལུགས་གསལ་བར་སྟོན་པ་སྦས་བཤད་ཀྱི་སྐོར། འཆི་བ་ལམ་དུ་བྱེད་པ་བར་དོ་འཕྲང་སྒྲོལ་གྱི་སྐོར་དང་གསུམ་སྟེ། དང་པོ་ལ་རྩ་བ་ལུས་ལྟ་བུའི་ཆོས༤། གྱེས་པ་ཡན་ལག་ལྟ་བུའི་ཆོས༩། ཟབ་དོན་སྙིང་ལྟ་བུའི་ཆོས༠། གཅེས་པ་སྲོག་རྩ་ལྟ་བུའི་ཆོས༦། དམར་ཁྲིད་དབང་པོའི་སྒོ་ལྔ་ལྟ་བུའི་ཆོས་ལྔ་རྣམས་སོ། །གཉིས་པ་ནི། རྩ་རླུང་ཐིག་ལེའི་གནས་ལུགས་གསལ་བར་སྟོན་པ་སྦས་བཤད་ཀྱི་གཞུང་། དེའི་བཀའ་འགྲེལ་ཟབ་མོ། ཞལ་ཤེས་སྟོན་པ་ཞལ་གདམས་བཀའ་རྒྱ་མ་རྩ་ཁོག་དང་བཅས་པ་རྣམས་སོ། །འཕྲང་དྲུག་གདམས་པ་དྲུག་གིས་སྒྲོལ་བ་བར་དོ་འཕྲང་སྒྲོལ་གྱི་སྐོར་ལ། དེའི་གཞུང་། དེའི་བཀའ་གནད་འཆད་པ་སྦས་གནད་ཀྱི་གཏེར་མཛོད། གསང་བའི་བརྡ་སྐད་འགྲོལ་བ། ཡིད་ཆེས་ངེས་ཤེས་སྐྱེ་བ་ལོ་རྒྱུས། ལག་ལེན་ཁྲིད་ཡིག་བཅས་སོ། ། ༈ གོ་ལུང་པ་རཏྣ་རང་མཉམ་བཞི་ལས་བརྟུལ་ཞུགས་རང་མཉམ། ཤྲཱི་སྒྲ་ཚད་མདོ་སྔགས་ཀྱི་སྦྱངས་པ་མཐར་ཕྱིན་ནས་རྒྱལ་བ་རྒོད་ཚང་པའི་སྤྱན་སྔར་ལོ་གསུམ་བཞུགས། ཆོས་ཉིད་ཀྱི་བདེན་པ་མངོན་སུམ་དུ་གཟིགས་པས་བརྟུལ་ཞུགས་ཀྱི་སྤྱོད་པ་མཐར་ཕྱིན་པར་བྱ་བའི་ཕྱིར། ཛ་ལནྡ་ར་སོགས་གནས་ཆེན་མང་པོར་བྱོན། ལྷག་པར་ཨཽ་ཌི་ཡཱ་ན་ཞེས་གྲགས་པ་རྡོ་རྗེ་ཐེག་པའི་གན་མཛོད་ཆེན་པོར་བཞུགས་པ། སྤྲུལ་པའི་ཞིང་ཡེ་ཤེས་ཀྱི་མཁའ་འགྲོ་མ་རྣམས་ཀྱི་གླིང་ཆེན་པོ་དེར་དཔལ་ཡེ་ཤེས་པའི་ཞབས་འབྲིང་པ་དང་བཅས་བྱོན། ཡུལ་དེའི་དབུས་དྷཱུ་མ་ཐཱ་ལ་ཞེས་བྱ་བའི་ཕྱོགས་བཞིར་རིགས་བཞིའི་མཁའ་འགྲོ་ཛོ་ཀི་ནཱིའི་ཚུལ་མཛད་མ་བཞིས་བྱིན་གྱིས་བརླབས། ལྷག་པར་རང་བྱུང་གི་གཡུང་དྲུང་དམར་པོས་སྨིན་མཚམས་མཛེས་པའི་བུ་མོ་ཞིག་གིས་ལུང་བསྟན་ཀ་པོ་ཀ་ཞེས་པའི་དྲུང་དུ་ས་མནྟ་བཱུ་ཀ་ཞེས་སྨད་འཚོང་མའི་ཚུལ་འཛིན་པ་ཞིག་དང་མཇལ་གྲོགས་ཀྱི་སྣང་བར་ཐུག་པ་རེ་སྦྱིན་ལ་འཐུང་བའི་མོད། ས་གཡོ་བ་དང་འོད་དང་སྒྲ་བསམ་གྱིས་མི་ཁྱབ་པར་ཤར། གཞན་དེའི་རེག་བྱ་མཆོག་གི་རོལ་མོས་རྡོ་རྗེའི་ལུས་ཀྱི་རྩ་ཡི་མདུད་པ་ཕལ་ཆེར་ཞིག་པའི་མོད་ལ། ཡུལ་དེ་འཁོར་ལོ་སྡོམ་པ་རིགས་ཐམས་ཅད་པའི་དཀྱིལ་འཁོར་དུ་ཤར། དབུས་ཀྱི་རྡོ་རྗེ་བཙུན་མོས་གདམས་ངག་འདི་སྩལ་ཏེ་སྐལ་པ་དང་ལྡན་བ་ལ་རྡོ་རྗེ་སེམས་དཔའི་གསེང་ལམ་སྟོན་པའི་ས་མཁན་ཆེན་པོར་གྱུར། ཏིང་ངེ་འཛིན་ལས་སད་པ་ན་སྔར་གྱི་བུ་མོ་དེ་ཉིད་དུ་སྣང་བས། སླར་ལམ་བསྡུས་པ་འདི་བསྟན་ནས། ལུང་བསྟན་དང་བཅས་སྔར་གྱི་མཁའ་འགྲོ་མ་སྡེ་བཞི་སེང་གེའི་གདོང་པ་ཅན་དང་ལྷ་ཡིས་ཀྱང་གདམས་པ་སྣ་རེ་བསྟན་པ་མི་བརྗེད་པའི་གཟུངས་ཀྱིས་བཟུང་བས་ཐམས་ཅད་ཀྱིས་མཚན་གྲུབ་ཐོབ་ཨོ་རྒྱན་པ་ཞེས་གསོལ། ཡུན་རྐྱང་པ་ན་སྐྱི་རོང་དུ་བྱོན། ཤར་གངས་སུ་གཡའ་བཟང་པ་སྣུབ་འདུལ་བ་འཛིན་པའི་དབོན་རིན་པོ་ཆེ་མཁར་ཆུ་བར་གྲགས་པ་དེ་བྱོན། གསོལ་བ་བཏབ་པས་མཁའ་འགྲོའི་བཀའ་རྒྱ་ཐེམས། ལུང་བསྟན་གྱི་སློབ་མར་དགོངས་ཏེ། གཞུང་ཡི་གེར་བཀོད། ཁོང་ནས་ཀྱང་དམིགས་རྐང་རེ་ལ་གསེར་ཞོ་དོའི་མེ་ཏོག་ཕུལ་ཏེ་ཞུས། ཁོང་རང་གི་བརྗེད་ཐོ་བསྡུས་པ་ཞིག་མཛད། སླར་མ་འདས་བར་དུ་སྦུ་ཊ་བ་མཁས་བཙུན་བསོད་ནམས་འོད་ཟེར། ཟུར་ཕུག་པ་རིན་ཆེན་དཔལ། རྒྱལ་བ་རང་བྱུང་བ། སྙེ་མདོ་ཐམས་ཅད་མཁྱེན་པ་སྐུ་མཆེད། ཆག་ལོ་དབོན་པོ་སོགས་མང་། སློབ་ཚོགས་བསམ་གྱིས་མི་ཁྱབ་པ་ལ་གནང་བས་ཟིན་བྲིས་མ། རྡོ་རྗེའི་ཚིག་རྐང་ལ་འགྲེལ་པ་རྗེ་གྲུབ་ཐོབ་ཆེན་པོ་ཉིད་ལ་ཉིད་ཀྱི་གཅེན་ཞང་གཞོན་ནུ་དཔལ་གྱིས་དྲིས་པ་ལ་ལན་འདེབས་སུ་མཛད་པ་ཁོང་གིས་ཡི་གེར་བཏབ་པ་དང་། མཁས་བཙུན་བསོད་ནམས་འོད་ཟེར་པས་མཛད་བའི་ཊཱིཀ་ཆེན་དང་། མཁས་པ་ཤོང་སྟོན་དང་། སྙེ་མདོ་ཀུན་དགའ་དོན་གྲུབ་ཀྱིས་མཛད་པ་བཞི་ལ་འགྲེལ་ཆེན་བཞི་ཟེར། གཞན་མང་པོ་ཞིག་ཡོད་ཀྱང་བཀའ་ལུང་མི་སྣང་། ཟླ་སེང་པས་མཛད་པ་མན་ངག་གླེགས་བམ་དུ་འཐུས། མན་ངག་གི་གླེགས་བམ་ལ་དངོས་ཀྱི་སློབ་མ་རྣམས་ཀྱི་ནང་ནས་ཟླ་སེང་པ་ཁྲིད་གཉེར་ལ་རྒྱུན་རིང་། ཁོང་གིས་མཆེད་པོ་རྣམས་ཀྱི་ཟིན་བྲིས་ཀྱང་གཟིགས། དག་བསྡུར་རྗེ་ཨོ་རྒྱན་པ་ཉིད་ཀྱིས་མཛད་པས་ཁྲིད་ལུགས་འདི་ལ་སྙིང་པོར་བྱེད་དོ། །དེ་ཡང་འདི་དག་བུ་སྟོན་རིན་པོ་ཆེ་དང་། བླ་མ་དམ་པ་སོགས་ཆེན་པོ་རྣམས་ཀྱིས་ཀྱང་གསན་ནོ། ། ༈ བླ་མེད་ཀྱི་རྒྱུད་སྡེ་སྤྱིའི་རྫོགས་རིམ་བསྙེན་སྒྲུབ་གསར་པ་ནི། ཨ་ནུ་ས་མ་རཀྵི་ཏ་སྟེ་དཔེ་མེད་འཚོ་ཞེས་པ་ཕྱི་ནང་རིག་པ་ལ་གོམས་པའི་ཐུགས་ཅན་དཔལ་ཁ་སཪྤཱ་ཎིའི་དྲུང་དུ་ལོ་བཅུ་གཉིས་སུ་བཞུགས། དམིགས་པ་དང་རྟོག་བ་མེད་པའི་དེ་ཁོ་ན་ཉིད་ཀྱི་མན་ངག་བསྒོམས་པས་རྟོགས་པའི་ཁྱད་པར་ཅི་ཡང་མ་ཐོན་ནས་ཡིད་ཞུམ་པ་ན། རྡོ་རྗེ་རྣལ་འབྱོར་མས་བི་ཀྲ་མ་བུ་རིར་སོང་ཞིག །དེར་ཁྱོད་ལ་རྟོགས་པ་འབྱུང་བར་འགྱུར་རོ་ཞེས་པའི་བཀའ་སྤྱི་བོར་བཞག་ནས་པཎྜི་ཏ་ཆེན་པོ་ལེགས་པའི་བུ་དཔལ་འཛིན་དང་ལྷན་ཅིག་བི་ཀྲ་མ་པཱུ་རིར་བྱོན་ཏེ། དུས་མཆོད་ཞིག་གི་ཚེ་ཐུགས་དམ་གྱི་རིམ་པར་ཞུགས་པས། ནམ་ཕྱེད་ན་བཅོམ་ལྡན་འདས་ཨ་བ་དྷཱུ་ཏིའི་ཆ་བྱད་ཅན་བྱོན་ནས། བུ་དེ་ཁོ་ན་ཉིད་ནི་འདི་ཡིན་ནོ་ཞེས་མངོན་སུམ་དུ་གདམས་པ་སྩལ། དེ་ཐོབ་མ་ཐག་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་དེ་ནི་མི་སྣང་བར་གྱུར་ནས། མཚན་མོ་འདས་པའི་ཏིང་ངེ་འཛིན་དེ་ལས་བཞེངས་ཏེ་དཔལ་འཛིན་ལ་སོགས་པའི་དོན་དུ་སྦྱོར་བ་ཡན་ལག་དྲུག་པའི་མན་ངག་མཛད། དེ་ལ་ཉི་མ་དཔལ་ཡེ་ཤེས་ཀྱིས་འགྲེལ་པ་ཡོན་ཏན་འགེངས་པ་ཞེས་མཛད་པ་གཉིས་དང་། །བོད་དུ་པཎ་ཆེན་ནགས་རིན་གྱིས་རྒྱལ་སྲས་མི་ཕམ་དགའ་བའམ། མཚན་གཞན་བྱམས་གླིང་པ་བསོད་ནམས་རྣམ་རྒྱལ། དཔལ་ཡིད་བཟང་རོལ་པའམ་མཚན་དངོས་འགོས་ལོ་གཉིས་པ་གཞོན་ནུ་དཔལ། འབྲུག་པ་རྒྱལ་དབང་རྗེ། ཁྲུས་ཁང་ལོ་ཙཱ་བ་བསོད་ནམས་རྒྱ་མཚོ་སོགས་ལ་གནང་ནས་སོ་སོས་ཁྲིད་ཡིག་རྒྱས་པར་མཛད་དོ། ། ༈ ཡང་སཏྣ་རྒྱ་གར་ཤར་ཕྱོགས་ཀྱི། ག་རའི་མཁས་པ་ཆེན་པོ་ཤྲཱི་བ་ན་རཏྣའམ། མཚན་གཞན་མི་བསྐྱོད་རྡོ་རྗེ་ཞེས་པ་རྒྱལ་རིགས་སུ་འཁྲུངས། རྒྱལ་སྲིད་དང་དུ་མ་བཞེས་པར་བླ་མ་ཆེན་པོ་སངས་རྒྱས་བསྐྱངས་ལ་རབ་ཏུ་བྱུང་། རིག་གནས་ལྔ་ལ་མཁས་པར་སྦྱངས། རྣལ་འབྱོར་གྱི་དོན་དུ་སིངྒ་ལཱི་དང་། རྒྱ་གར་ལྷོ་ཕྱོགས་དཔལ་འབྲས་སྤུངས་ཀྱི་མཆོད་རྟེན་དང་། དཔལ་གྱི་རི་སོགས་གཟིགས། དེར་ཤ་བ་རི་དབང་ཕྱུག་ཞལ་གཟིགས། ཁྱོད་བྱང་ཕྱོགས་ཀྱི་རྒྱུད་དུ་སོང་ཞིག་དང་འདོད་པའི་དོན་འགྲུབ་པར་འགྱུར་རོ། །ཞེས་ཐོས་ནས་བལ་ཡུལ་དུ་བྱོན། འཕགས་པ་ཤིང་ཀུན་ཏུ་ཤ་བ་རི་དབང་ཕྱུག་གིས་གདམས་པ་འདི་སྩལ། འདོད་པའི་དོན་ཆེན་པོ་གྲུབ་པར་གྱུར་པ་ཡིན། ། ༈ འབའ་ར་བ་རྒྱལ་མཚན་དཔལ་བཟང་ཞེས་སྟོད་འབྲུག་པའི་ཕྲིན་ལས་ཀྱི་བ་དན་འཛིན་པ་དེས་མཛད་པའི་ཁྱད་ཆོས་འདོད་ཆགས་དྲག་པོ་ལམ་དུ་བྱེད་པའི་ཆོས་བདེ་ཆེན་སྐོར་གསུམ་ཞེས་སྐུ་གསུང་ཐུགས་རྡོ་རྗེའི་ཉམས་ལེན་དང་ངོ་སྤྲོད་སོགས་སོ། ། ༈ ངམ་རྫོང་པ་ཆེན་པོའི་སྙན་བརྒྱུད་ཞེས་དབང་དང་འབྲེལ་པའི་གདམས་པའི་སྐོར་ལ་ཕལ་ཆེར་མར་པ་མགོ་ལེགས་ནས། ངམ་རྫོང་སྟོན་པའོ། ། ༈ སེམས་ཁྲིད་ཡིད་བཞིན་ནོར་བུ་དུང་མཚོ་རས་པའི་གཏེར་མ། ། ༈ བླ་མ་ཞང་གི་ཟབ་ཆོས་སྐོར། དེ་ཡང་གཡུ་བྲག་པ་འགྲོ་བའི་མགོན་པོ་ཞེས་པ། བླ་མ་མང་པོའི་གདམས་པས་ཐུགས་ཀྱིས་མཛོད་གང་ཡང་ཆོས་ཐམས་ཅད་ཀྱི་གནས་ལུགས་མ་གཟིགས་ནས། རྗེ་སྒོམ་པོ་པ་ཚུལ་ཁྲིམས་སྙིང་པོ་ལ་རྗེས་སུ་འཛིན་པར་གསོལ་བ་བཏབ་པས། ཕྱག་རྒྱ་ཆེན་པོའི་རྟོགས་པ་ཤར་བ་ལ། ཆོས་སྐུ་ཡེ་ཤེས་ཀྱི་མཁའ་འགྲོ་མ་ལ་སོགས་པས་དངོས་སུ་གདམས་པ། ཞང་གི་བཀའ་རྒྱར་གྲགས་པའི་ཆོས་ལ། ཞང་རིན་པོ་ཆེའི་གསང་བའི་རྣམ་ཐར་སོགས་སོ། ། ༈ དཔལ་སྟག་ལུང་ཐང་པའི་ཆོས་དྲུག་ཡིད་བཞིན་ནོར་བུ་ཐང་པ་སྔ་ཕྱིའི་བཀའ་འབུམ། སྟག་ལུང་ཕྱི་མས་བསྒྲིགས་པའི་ཆོས་སྐྱོང་གི་གསེར་པོད་སོགས་སོ། །འབྲི་གུང་པའི་ཟབ་ཆོས་དགོངས་གཅིག་སྐོར་ལ། རིན་ཆེན་དཔལ་གྱི་བཞེད་པ་དེ་དབོན་ཤེས་རབ་འབྱུང་གནས་ཀྱིས་ཟིན་བྲིས་སུ་བཏབ་པའི་རྡོ་རྗེའི་གསུང་། དགོངས་པ་གཅིག་པའི་ཆོས་སྡེ་ལ། ཁུ་དབོན་གཉིས་ཀྱི་རྣམ་ཐར། དགོངས་གཅིག་ཁོག་དབུབ། གསུང་བཞི་བཅུ་པ། འགྲེལ་པ་ལ་རྡོར་ཤེམ་དང་རིན་བྱང་མ་གཉིས་ལས། དང་པོ་ནི། ལྟ་སྒོམ་སྤྱོད་པའི་ཚོམས། འདུལ་བ་སོ་ཐར་གྱི་ཚོམས། བྱང་སེམས་བསླབ་བྱའི་ཚོམས། གསང་སྔགས་རིག་འཛིན་གྱི་ཚོམས། ཆོས་ཀྱི་འཁོར་ལོའི་ཚོམས། རྟེན་འབྲེལ་གནད་བསྡུས་ཀྱི་ཚོམས། སངས་རྒྱས་ཀྱི་སའི་ཚོམས། གཏམ་རྒྱུད། དགོངས་གཅིག་གིས་དཔྱད་བཅས་སོ། ། ༈ རྡོ་རྗེ་ཐེག་རྩེར་མཚུངས་ཀྱང་བོད་ཡུལ་པས། །གསང་ཆེན་རྙིང་མ་ཞེས་བྱར་རིས་བཅད་པའི། །རྒྱུད་སྡེའི་ཕུལ་འདི་ཐོས་བཟོད་སྐལ་བཟང་སྙམ། །བདག་ནི་རང་གི་བསོད་ནམས་བསྔགས་པར་བགྱིས། །ཞེས་སོ། ། ༈ རྡོ་རྗེ་བཙུན་མོས་བྱིན་པའི་ཤེ་མོང་གིས། །རྡོ་རྗེ་ཐེག་པ་ཀུན་ལ་དབང་བསྒྱུར་པའི། །རྡོ་རྗེ་སློབ་དཔོན་དམ་པ་ཨ་བྷ་ཡ། །རྡོ་རྗེ་འཛིན་དབུས་བསྔགས་འོས་དེ་ལ་འདུད། །སློབ་དཔོན་ཨ་བྷ་ཡཱ་ཀ་ར་གུཔྟ་ཞེས་པ་ཆོས་ཐམས་ཅད་ལ་སྟོན་པ་གཉིས་པ་ལྟ་བུ་དེ་སྔོན་གྱི་རབས་སུ་རྡོ་རྗེ་ཡན་ལག་མ་བསྙེན་པས་སྐུ་ཚེ་འདིར་རྡོ་རྗེ་རྣལ་འབྱོར་མ་དེ་མིའི་བུ་མོ་ལྟར་བརྫུས་ནས་སྔོན་བྲམ་ཟེའི་དུས་དང་ཕྱིས་ལན་གཉིས་བྱུང་བས་འདོད་པ་དོན་དུ་གཉེར་བ་ན། བྲམ་ཟེ་དང་དགེ་སློང་གི་བསླབ་པས་བསྡམས་པའི་དབང་གིས་ཕྱིར་བཟློག་པར་མཛད། ཕྱིས་སོ་སོ་མ་རི་པ་ལ་སོགས་པའི་བླ་མ་ཆེན་པོ་རྣམས་ཀྱིས་དེ་ནི་མ་ལེགས། དེ་རྡོ་རྗེ་བཙུན་མོ་མཆོག་གི་དངོས་གྲུབ་སྦྱིན་པའི་སླད་དུ་འོང་ཞེས་གསུངས་པས་འགྱོད་དོ། །རྗེ་བཙུན་མར་པ་ལས་རྡེ་བཙུག་སྟེ་གསོལ་བ་མང་དུ་བཏབ་པས་མནལ་ལམ་དུ་བྱོན། ཚེ་འདིར་ང་དང་ལྷན་ཅིག་སྤྱོད་པའི་མཐུ་མེད་ཀྱིས། །རྒྱུད་སྡེ་ཟབ་མོའི་འགྲེལ་པ་དང་། དཀྱིལ་འཁོར་གྱི་ཆོ་ག་མང་དུ་བརྩམས། མྱུར་དུ་སྐལ་བ་ཅན་དུ་འགྱུར་རོ། །ཞེས་ལུང་བསྟན་པས་མན་ངག་གི་སྙེ་མ་ལ་སོགས་པའི་རྒྱུད་འགྲེལ་དང་། ཕྲེང་བ་སྐོར་གསུམ་ལ་སོགས་མང་པོ་ཞིག་མཛད་དོ། །དང་པོ་ཆག་ཆོས་རྗེ་དཔལ་གྱིས་པཎྜི་ཏ་ཆེན་པོ་བནྡྲ་ལ་གསན། དཀྱིལ་འཁོར་༢༨ཁོ་ནའི་དབང་བསྐུར་བས་དམིགས་གསལ་དུ་ཡོད་པ་དང་། ཁ་བསྐང་དགོས་པར་གསུངས་པ་ཐམས་ཅད་ཐོབ་པར་བཞེས། ཡར་ལུང་གྲགས་པ་རྒྱལ་མཚན་གྱིས་པཎྜི་ཏ་ཤྲཱི་བྷཱུ་མི་ཤྲཱི་ལས་གསན་ནས་དཀྱིལའཁོར་༤༢དབྱེ། ཕྱིས་ནགས་རིན་གྱིས་སྣེའུ་གདོངས་རྩེར་འགོས་སོགས་མཁས་གྲུབ་མང་པོར་གནང་། དེ་དག་བླ་མེད་འབའ་ཞིག་གི་དབང་བསྐུར་བ་ནི་ཕྲེང་བ་མཁན་པོ་རང་གི་བཞེད་པ་ཡིན་ལ། ཁ་ཆེའི་པཎྜི་ཏ་ཆེན་པོས་བོད་དུ་ལན་གཉིས་དེ་བཞིན་བསྐུར་ལ། བོད་རྣམས་རྒྱུད་སྡེ་སོ་སོར་ལ་ཕྱེ་བ་མོས་པས། དེ་ལྟར་མ་བསྐུར་ན་མི་ཐོབ་འདྲའོ་དགོངས་ཏེ། ཕྱི་མ་སོ་སོར་ཕྱེ་བར་མཛད་དོ། །དེ་ནས་རྗེས་འཇུག་རྣམས་ཀྱིས་ཀྱང་དེ་གཉིས་ཅི་རིགས་སུ་མཛད་དོ། །ཞེ་གཉིས་ཀྱི་བདུད་རྩི་རིགས་གསུམ་བསྣན་པའི་ཞེ་ལྔ་མ་ནགས་ཀྱིས་བཞེད་ལ་འབའ་ཞིག་དཪྤཱན་གྱི་ཐུགས་དམ། གཟའ་ཡུམ། ནོར་རྒྱུན་མ། རྣམ་རྒྱལ་བསྣན་པའི་ཞེ་ལྔར་བྱེད་ཀྱང་དེ་ནི་ཁ་འཕང་ཙམ་ཡང་མི་འབྱུང་བས་མི་འཐད་དོ། །དེ་དག་རྒྱུད་སྡེ་སོ་སོར་འབྱེད་ན་དབང་གི་བབས་ཡེ་ཤེས་ཐིག་ལེའི་ལུང་གི་རྗེས་སུ་འབྲང་བར་བྱ་ལ། བླ་མེད་ཀྱི་དབང་དུ་ན་གཞུང་གི་དངོས་བསྟན་དུ་ཟད་དོ། ། ༈ བཅོམ་ལྡན་སྙིང་རྗེའི་གཏེར་ཆེན་སྤྱན་རས་གཟིགས། །འཕགས་པའི་ཡུལ་དུ་དཔལ་ལྡན་ནཱ་རོ་པ། །ཁ་བ་ཅན་འདིར་འགྲོ་མགོན་འབྲུག་པ་ཞེས། །སྤྲུལ་པས་བསྟན་པ་འཛིན་དེར་ཕྱག་འཚལ་ལོ། །རཏ་གླིང་པད་གླིང་གཏེར་ལུང་དུ། །ནཱ་རོ་པཎ་ཆེན་སྒྱུ་མའི་གར་བསྒྱུར་བ། །གཙང་པ་རྒྱ་རས་འབྲུག་དང་ར་ལུང་བྱོན། །ཞེས་དང་། གཞན་ཡང་ཐུགས་རྗེ་ཆེན་པོ་དང་ཨོ་རྒྱན། དྭགས་པོ་སོགས་ཀྱི་སྤྲུལ་པའོ། ། ༈ གྲུབ་ཐོབ་ཆེན་པོ་གླིང་སྤྲུལ་ར་མ་དཀར་མོས་ལུང་བསྟན་པས་ར་ལུང་དུ་གྲགས་སོ། །དེར་ཆོས་རྗེ་རིན་པོ་ཆེའི་སྐུ་འབགས་ཁམས་གསུམ་ཟིལ་གནོན་དང་། ཆོས་རྗེའི་གསེར་འབུ་འཛམ་བུ་གླིང་གི་རྒྱན་སོགས་མང་། །ནང་རྟེན་ཁྱད་འཕགས་རིགས་བསམ་གྱིས་མི་ཁྱབ་བོ། །ཁྲི་རལ་གྱི་དུས་སུ་རྒྱ་འཇམ་དཔལ་གསང་བ་ཞེས་གྲགས་པས་ཉང་སྟོད་དུ་དཔལ་སྐྱེགས་ཀྱི་གནས་བཏབ། དེང་སང་གནས་རྙིང་དུ་གྲགས། ཙ་རི་ཏྲ་ཞེས་པ། རྒྱལ་དབང་རྗེས། མཁའ་སྤྱོད་དབང་པོ་ཞེས་བཤད། སེམས་དཔའ་རང་བྱུང་རྡོ་རྗེས། ཙ་རི་ཞེས་པ་བཞི་ཡིན་ཏེ། ཏྲ་ཡ་སྐྱོབས་པར་བརྗོད་པར་བྱ། །ཁམས་ནི་རྣམ་པ་བཞི་པོ་ལ། །བདེ་བ་ཆེན་པོས་སྐྱོབས་པའི་ཕྱིར། །ཞེས་མར་པས། ཙ་རི་ཏྲ་ནི་ལྷོ་ཕྱོགས་ཐག་ཉེ་བ་འདི་ན། རྡོ་རྗེ་ཕག་མོ་ཤ་དང་ཆང་གིས་མཆོད་པའི་གནས་ཞེས་བྱ་བ་ཡོད་དེ། ཞེས་གྲོ་བོ་ལུང་ནས་གསུངས། གནས་སྒོ་འབྱེད་པ་པོ་ནི། བསྟན་པ་སྔ་དར་གྱི་དུས་སུ་སློབ་དཔོན་ཆེན་པོ་ཟིལ་ཆེན་གསང་བའི་ཕུག་ཏུ་ལོ་བདུན། ཟླ་བ་བདུན། ཞག་བདུན་གྱི་བར་དུ་སྒྲུབ་པ་མཛད། དེ་ལས་ཅུང་ཕྱི་བར་སློབ་དཔོན་བི་མ་ལ་ཕེབས། ཕོ་བྲང་ཁར་བཞུགས། བར་དུ་ཤར་ཕྱོགས་ལཱ་བ་པ་ཞེས་ཇོ་བོ་ཨ་ཏི་ཤའི་བླ་མ་དེ་ཕེབས་ནས་མཁའ་སྤྱོད་དུ་གཤེགས། ཇོ་བོས་གསང་ཕུའི་ལ་སྒང་ནས་འཁོར་ལོ་སྡོམ་པའི་ཕོ་བྲང་དུ་གཟིགས་ནས་བསྔགས་པ་མཛད། དེ་རྗེས་སྒམ་པོ་ཟླ་འོད་གཞོན་ནུས་ལུང་བསྟན་པ་བཞིན་སྐྱེས་བུ་ཡེ་ཤེས་རྡོ་རྗེ་དཔོན་སློབ་བཅུ་གཅིག་གིས་ལན་གསུམ་དུ་ཕེབས་མཐར་ཕོ་བྲང་གཡུ་མཚོ་གཟིགས་ནས་ནང་སྤྲུལ་པའི་ལྷ་ཚོགས་ཞལ་མངོན་སུམ་མཇལ། དེ་རྗེས་མི་ཐོག་གཅིག་ན་སྐྱོབས་པ་འཇིག་རྟེན་གསུམ་མགོན་གྱིས་རི་བོ་ཤཱནྟིའི་རྩེ་ནས་རྩ་རིའི་ཕྱི་ནང་གསང་བའི་གནས་ཚུལ་རྣམས་མངོན་སུམ་དུ་གཟིགས་ནས། གཉོས་ཆེན་པོ་རྒྱལ་བ་ལྷ་ནང་པ་སོགས་སློབ་མའི་མཆོག་གསུམ་བརྫངས། དེ་དང་དུས་མཚུངས་སུ་འགྲོ་མགོན་གཙང་པ་རྒྱ་རས་ཇོ་མོ་ཁ་རག་ན་བཞུགས་པའི་དུས་མཁའ་འགྲོ་མ་སེང་གེའི་གདོང་པ་ཅན་གྱིས་ལན་གསུམ་དུ་བསྐུལ། མཐར་གྲུབ་ཐོབ་གླིང་གིས་ཀྱང་དག་པའི་སྣང་བར་བསྐུལ་ཏེ་ཕེབས་ནས་ཕོ་བྲང་དུ་གཤེགས། ནང་སྤྲུལ་པའི་ལྷ་ཚོགས་ཞལ་གཟིགས། གཉོས་འགར་ཆོས་གསུམ་ལན་གསུམ་དུ་ཕེབས་པའི་ཕྱི་མ་ལ་སྤྲུལ་པའི་ལྷ་ཚོགས་ཞལ་མཇལ་ལོ། ། ༈ གནས་དེར་མི་ཏྲའི་ལམ་ཡིག་ལས། ཙཱ་རི་ལུང་ཆུང་དུ་ཀླུ་བདུད་ནག་པོ་ཞེས་རྩ་ཁྱད་པར་ཅན་ཞིག་ཡོད་པར་གསུངས་སོ། །ཡང་། གནས་འདིར་ཅི་ལའང་སོམ་ཉི་བྱར་མི་རུང་སྟེ། ཙོང་ཁ་པ་ཆེན་པོ་གནས་སྐོར་ལ་བྱོན་དུས་རབ་ཏུ་བྱུང་བ་ཆང་འཐུང་དུ་མི་རུང་དགོངས་ནས་མ་གསོལ་བས་ཞབས་ལ་སྨྱུགས་ཚལ་ཟུག །གཤེགས་ལ་ཁད་ཐུག །གཞན་ཅི་བྱས་ཀྱང་མ་ཕན། གནས་ཆེན་དུ་ཆང་ལ་རྟོག་པ་བྱས་པས་ལེན་འདྲ་དགོངས་ཏེ་དམ་རྫས་གསོལ་བས་དྭངས་སོ། །ཞེས་ཉིད་ཀྱི་རྣམ་ཐར་དུ་འབྱུང་བ་བཞིན་ནོ། ། ༈ མིག་དེ་ཝཱི་ཀོ་ཊ་ཞེས་གཡས་པ་དང་སྦྱར་པ་དེ་ནི་རྒྱ་གར་ཤར་ཕྱོགས་པཱ་ཊ་ལི་པུ་ཏྲ་ཞེས་ཆོས་རྒྱལ་མྱ་ངན་མེད་པའི་ཡུལ་དེ་ལ་ཡོད། གཡོན་དང་སྦྱར་བ་ནི་ལྷོ་བྲག་མཁར་ཆུ་སྟེ། འདི་ལ་ཕྱི་སྐུའི་འཁོར་ལོ་སྤྲུལ་སྐུ་ཟ་བྱེད་ཀྱི་མཁའ་འགྲོ་འདུ་བའི་གནས་བཞི་ཡོད་དེ། ཤར་མོན་ཁ་ནེ་རིང་བདུད་རྩི་སྨན་གྱི་ལྗོངས་ན་དཀར་མོ་སྐུ་ཡི་མཁའ་འགྲོ་མ་རྣམས་ཀྱིས་དྲག་ཏུ་ཉུལ། ལྷོ་སྦས་ཡུལ་མཁན་པ་ལྗོངས་རྩི་བཅུད་འབྲས་བུའི་ཚལ། སེར་མོ་རྒྱས་པའི་མཁའ་འགྲོ་ལས་བྱེད་མ། ནུབ་ན་སྒྲུབ་མཚོ་པདྨ་གླིང་། གཡུ་མཚོ་སློབ་དཔོན་ཆེན་པོའི་འགུགས་བྱེད་ཀྱི་ཕྱག་རྒྱས་སྤྲས་པ། དམར་མོ་དབང་གི་མཁའ་འགྲོ་མ་གནས་པ། བྱང་ན་སྨྲ་བོ་ཅོག་སྒྲོལ་བྱེད་གནམ་ལྕགས་འབར་བའི་རྡོ་རྗེ་ས་ལ་རྒྱུགས་པ་ལྟ་བུ། ལྗང་མོ་ལས་བྱེད་ཀྱི་མཁའ་འགྲོ་མ་རྣམས་ཉུལ་བ། དེའི་ནང་དུ་གསུང་གི་འཁོར་ལོ་ལོངས་སྐུ་འཇིག་རྟེན་གྱི་ཌཱ་ཀི་མ་རྣམས་གནས་པའི་ཞིང་། ཤར་ཕྱོགས་སུ་འོད་གསལ་ལྗོངས། ལྷོ་ཕྱོགས་སུ་དཔལ་གྱི་སེང་གེའི་རི་བོ། ནུབ་ཕྱོགས་སུ་ཚེ་ལམ་དཔལ་གྱི་རི་བོ། བྱང་ཕྱོགས་སུ་དཔལ་མཁོ་མཐིང་གི་ལྷ་ཁང་སྟེ་ཞི་རྒྱས་དབང་དྲག་གི་ལས་རབ་འབྱམས་འགྲུབ་པའི་གནས། དེའི་ནང་དུ་ཆོས་སྐུ་ཡེ་ཤེས་ཀྱི་མཁའ་འགྲོའི་གནས་ལྕགས་ཕུར་ཅན་རྡོ་རྗེ་བཙུན་མོའི་བྷ་ག །སྔོན་གྱི་དུས་སློབ་དཔོན་པདྨ། གནུབས་ནམ་མཁའི་སྙིང་པོ། སྦ་ཡེ་ཤེས་དབང་པོ། རྗེ་བཙུན་རས་ཆུང་ཞབས། ལྷག་པར་ཆོས་ཀྱི་རྒྱལ་པོ་གཙང་པ་རྒྱ་རས་ཕྱག་རྒྱ་ཆེན་པོ་མཆོག་གི་དངོས་གྲུབ་མཛད་པའི་གནས། འདི་ཡི་ནང་དུ་མཆོད་རྟེན་མགོ་ལྔ་པ་བོད་ཁམས་མཐའ་དམག་བཟློག་པའི་རྟེན་འབྲེལ་དུ་གུ་རུ་ཆོས་དབང་གིས་བཞེངས་པ་ལྷ་མོ་མཁར་དཀྱིལ་འཁོར་བདག་པོའི་ཐབས་བདེ་བ་ཆེན་པོའི་རྡོ་རྗེ། དཔལ་གྱི་ཕུག་རིང་ཡང་དག་ཧེ་རུ་ཀའི་བྱིན་གྱིས་བརླབས་པའི་གནས། དུར་ཁྲོད་ལ་ཁ་དཔའ་བོ་དང་ཌཱ་ཀིའི་ཚོགས་ཀྱི་འདུ་བར་ལོངས་སྤྱོད་པའི་ཞིང་། གཞན་ཡང་དཔལ་ཧེ་ཕུག་དང་། རྡོ་རྗེ་ཕུག །ཡིད་སྨོན་ཕུག །དཀྱིལ་འཁོར་ཕུག་སོགས་ངོ་མཚར་གྱི་བཀོད་པ་བགྲང་ལས་འདས། ཞིང་སྐྱོང་མ་དཔལ་རྡོ་རྗེ་སྣ་ཡོན་མ་དང་། ཞིང་སྐྱོང་འཇམ་དཔལ་ནཱ་ག་རཀྴའམ། མཚན་གཞན་སྨྱོན་ཁའི་བཙན་གྱིས་སྐྱོང་བ་སྟེ། ཀྵེ་ཏྲ་པཱ་ལ་ལུས་ཆེ་བ། ཞེས་དང་། དེ་བཱི་ཀོ་ཏྲར་སྣ་མོ་ཆེ། ༈ ལུས་མེད་མཁའ་འགྲོའི་ཆོས་སྡེའི་རྣམ་བཤད་ལས། མཚོན་བྱ་འབྲས་བུ་དང་། མཚོན་བྱེད་ལམ་གྱི་རྡོ་རྗེ་རྣལ་འབྱོར་མ་གཉིས། དང་པོ་ནི། ཆོས་ཐམས་ཅད་ཀྱི་འབྱུང་གནས་སོ། །གཉིས་པ་སྨིན་གྲོལ་ལམ་གྱི་རྒྱ་མདུད་བཤིག་པ། དམ་ཚིག་རང་སེམས་མེ་ལོང་ལྟ་བ། རིམ་གཉིས་མཉམ་པར་བཞག་པ། དང་པོ་ལ། དཔོན་སློབ་ཀྱི་འབྲེལ་པ། དབང་བཞི་བརྡས་མཚོན་པ། དེ་ལ་རྩོད་པ་སྤངས་པའོ། །གསུམ་པ་ལ། བསྐྱེད་པ་དང་། རྫོགས་པའོ། །དང་པོ་ལ། གཞན་གྱི་དེ་ཉིད་ཉེ་བར་བསྒྲུབ་པ། བདག་གི་དེ་ཉིད་ཉེ་བར་བསྒྲུབ་པ། རྣལ་འབྱོར་ཆེན་པོའི་དེ་ཉིད་ཉེ་བར་བསྒྲུབ་པའོ། །གཉིས་པ་ལ། གཞན་གྱི་དེ་ཉིད་ཆོས་སྐུ། བདག་གི་དེ་ཉིད་ལོངས་སྤྱོད་རྫོགས་སྐུ། རྣལ་འབྱོར་གྱི་དེ་ཉིད་སྤྲུལ་སྐུས་ལམ་དུ་བཤད་པ་གསུམ་ལས། དང་པོ་ལ། རྩ་རླུང་དྲྭ་མིག་འཁོར་ལོས་དྲོད་བསྐྱེད། བདེ་ཆེན་གསུང་གི་རིན་ཆེན་གྱིས་རྩེ་མོར་བགྲོད། རང་གྲོལ་ཕྱག་རྒྱ་ཆེན་པོས་བཟོད་པ་སྒྲུབ། སྤྱོད་པ་ཆུ་ལ་རལ་གྲིས་ཆོས་མཆོག་ཐོབ་པ་བཞིའོ། །གཉིས་པ་ལམ་གྱི་དྲོད་ཚད་བསྟན་པ་དང་། རིག་པ་ཡེ་ཤེས་སྒྲོན་མེ་བལྟམས་འཇུག་པ་གཉིས་སོ། །གསུམ་པ་ནི། དམ་རྫས་རྟོགས་པའི་ཉི་མ་འདེ་བ་དང་། རོ་སྙོམས་ཕྱི་ཡི་མེ་ལོང་བལྟ་བ་གཉིས་སོ། །དེ་ཡང་གཉལ་ཡངས་པ་ཅན་ཞེས་བྱ་བའི་གྲོང་ཁྱེར་ཆེན་པོའི་དབུས་སུ་དཔལ་གྱི་རི་བོའི་ངོགས་རྡོ་རྗེ་གདན་གྱི་གཙུག་ལག་ཁང་དུ་སླེབས་པའི་ཚེ། མཚན་ཐུན་ཐ་མ་རྫོགས། སྐྱ་རེངས་འཆར་ཀ་ཙམ་ལ་གཉིད་ཐུམ་དུ་སོང་བའི་རྨི་ལམ་དུ་སྲིན་ཡུལ་རྔ་ཡབ་ཀྱི་གླིང་ནས་སློབ་དཔོན་ཆེན་པོ་པདྨ་འབྱུང་གནས་ཀྱིས་བརྫངས་པའི་ཕོ་ཉ་བ་སྲིན་པོ་གདོང་གཅིག་པ་མདོག་སྨུག་ནག་རའི་གཡང་གཞིས་སྨད་དཀྲིས་ཤིང་། མི་མགོ་ཡ་མགལ་གཅིག་ཐོད་དུ་བཅིངས་པ་གཉིས་བྱུང་ནས་སློབ་དཔོན་ཆེན་པོའི་བཀའ་ལས། ཁྱེད་ལ་ད་ལོ་དམ་སྲི་སྤུན་དགུའི་བར་ཆད་ཆེ་བར་འདུག་པས། གདམས་པ་འདི་ཉམས་སུ་ལོངས། ཕྱིས་ཀྱང་དེ་བཞིན་དུ་བྱས་ན་བར་ཆད་ལས་རྒྱལ་བར་འགྱུར་རོ། །ཞེས་བཀའ་སྩལ་ཏེ་ལོག་གོ་སྙམ་སེམས་པའི་མོད་དེ་ཁར་རང་གི་མདུན་གྱི་ནམ་མཁར། སྣམ་ལོགས་གཡོན་དུ་ཉེ་བའི་ཐད་ན་རིག་འཛིན་ཆེན་པོ་དྲག་པོ་རྩལ་སྟོད་ཁྲོ་རྒྱལ། སྨད་ཕུར་པའི་དབྱིབས་ཅན་འཆད་པར་འགྱུར་བ་ཇི་ལྟ་བ། སྐུའི་རྒྱན་དང་སྔགས་ཕྱག་རྒྱ་མི་སྒྲིབ་ཅིང་དྲག་པོའི་སྔགས་སྒྲ་དང་བཅས་པ་མཐོང་བའི་མོད་ལ་ཟིལ་གྱིས་བརྒྱལ་བ་སྙམ་བྱེད་པ་ཞིག་བྱུང་སྟེ་མཐར་ཡལ་ལོ། །ཞེས་སོགས་བླ་མ་དྲག་པོ་ཀཱི་ལ་ཡའི་མན་ངག་ཏུ་གསུངས་སོ། ། ༈ རྒྱུད་བཞིའི་དཀར་འགྲེལ་ལས། གཞན་དག་ན་རེ། འདི་ནི་གཡུ་ཐོག་པས་མཛད་དེ། གླེང་གཞི་ལ་སོགས་པ་རབ་བཏགས་སོ། །ཞེས་ཟེར་ལ། ལུགས་འཛིན་ཕལ་ཆེར་རྒྱུད་ཡང་དག་པར་འདོད་ཅིང་གྲྭ་པ་མངོན་ཤེས་ཀྱི་གཏེར་ནས་ཕྱུང་ཞེས་གྲགས་ཤིང་། རྙིང་མའི་རྒྱུད་འབུམ་ལས་ཀྱང་བྱུང་བས། དེའི་དབང་དུ་བྱས་ནས་བཤད་ལ། སྨན་གྱི་གྲོང་ཁྱེར་འདི་ཡང་བཻཌཱུཪྻའི་འོད་ཀྱི་རྣམ་པར་སྣང་བྱེད་ཅེས་པ་སྨན་བླའི་ཞིང་དེ་ན་དང་། འདི་འཆད་པ་ཡང་གཞུང་ཉིད་ལས་སྨན་རྒྱལ་དུ་གསུངས་ཤིང་། འོ་སྐོལ་གྱི་སྟོན་པས་འཚོ་བྱེད་གཞོན་ནུ་གསོས། རི་བོ་སྤོས་ངད་ལྡན་དུ་ཁྲིད་ནས་དེའི་ཁེངས་པ་བཅོམ་ནས་སླར་ཟློས་བུར་གསུངས་པ་སྟེ། དཔེར་ན་བྱམས་པའི་སྨོན་ལམ་ལྟ་བུའོ། །འོ་ན་མཇུག་དོན་ལས། རྒྱ་གར་ལ་སོགས་པའི་སྨན་གྱི་བསྟན་བཅོས་ཐམས་ཅད་འདིར་འདུས་པར་བཤད་པ་དང་འགལ་ལོ་ཞེ་ན། དེ་ནི་མ་འོངས་ལུང་སྟོན་པ་སྟེ། དཔེར་ན་དུས་ཀྱི་འཁོར་ལོ་ལས། བོད་དུ་བོད་ཀྱི་སྐད་ཀྱིས། ཞེས་གསུངས་ཀྱང་། དུས་འཁོར་གསུངས་པའི་དུས་བོད་ཆགས་པར་མི་འདོད་པ་བཞིན་ནོ། །ཞེས་སོ། ། ༈ མཁའ་འགྲོ་མནྡཱ་ར་བ་ནི། ཁྱུང་པོས་མཇལ་བའི་ཚེ་ནི་གུ་མ། གཉན་ལོས་མཇལ་བའི་ཚེ་རི་སུལ་གྱི་རྣལ་འབྱོར་མ། རྗེ་མར་པས་མཇལ་ཚེ་མི་རུས་ཀྱི་རྒྱན་ཅན་ནམ། ཆུ་ཤིང་གི་སྙེ་མ་ཅན། རས་ཆུང་པས་མཇལ་བའི་ཚེ་གྲུབ་པའི་རྒྱལ་མོར་གྲགས་ཤིང་མཚན་དངོས་ཀྱང་དེའོ། །ཚེ་དཔག་མེད་ཀྱིས་བྱིན་གྱིས་བརླབས་ནས་རྣམ་སྨིན་གྱི་ལུས་མ་བསྡུས་པར་སྐལ་ལྡན་གྱི་ཚེ་བསྲིངས་ཞེས་རྗེས་སུ་གནང་བས་ད་ལྟ་ཡང་བཞུགས་པར་གྲགས་སོ། །ན་མོ་ཨ་མི་ཏོ་ཧོ། ཞེས་པ་རྒྱ་ནག་གི་ཡི་གེ༦། ། ༈ ཕྱག་ཆེན་བསམ་གྱིས་མི་ཁྱབ་པར་བཤད་པའི། རྟ་མཆོག་ཛི་ནའི་ཞལ་ལྔ་ནི་འཇམ་དཔལ་བཤེས་གཉེན་དང་། གུཌྷཾ་ར་ཞེས་པ་ནི་བྱིའུ་གསོད་སྟེ་ཤྲཱི་སེདྷར་གྲགས་སོ། ། ༈ དེ་བས་སྔོན་གྱི་ལྡེབ། ༣༨ སྔ་འགྱུར་སྐབས་མ་ཚང་། དེ་ཡང་ཀློང་སྡེ་རྡོ་རྗེ་ཟམ་པའི་ལོ་རྒྱུས་སྐབས་འཇོངས་ཆུང་བའི་རྣམ་ཐར་ནས། དེ་ནས་ཐག་རིང་ནས་ཞུ་བ་ཡང་མང་དུ་བྱུང་ཞིང་མང་དུ་འཕེལ། ཇོ་བོ་མཁར་ངེས་སུ་སྦལ་བུ་དོར་ལ་སྤྱན་དྲངས་ནས་གདམས་ངག་གསུངས་པས། ཉི་མ་སྔ་དྲོ་དང་པོ་ལ་འཇིགས་༞༞ནས། མྱང་དྷརྨ་སིདྷ་དང་། སློབ་དཔོན་གསེར་གཞུང་པ་དང་། ཞེས་པའི་བར་མ་ཚང་། པཎྜི་ཏ་ནགས་ཀྱི་རིན་ཆེན་གྱི་ཞལ་ནས། སྐྱེ་བོ་མུ་སྟེགས་བ་རྣམས་རབ་ཏུ་སད་ཅིང་འདུལ་དོན་དུ། །ཡོངས་རྫོགས་ཟླ་བའི་ཞལ་ནི་རྣམ་པར་སྒེག་པའི་དཔྲལ་བ་ཡི། །གནས་ལས་ལྷ་སྲས་དབང་ཕྱུག་ཆེན་པོ་ངེས་འབྱུང་བས། །ལྷ་ཡི་ཤིན་ཏུ་ལྷ་དང་ཆེན་པོའི་མི་ཡི་དབང་ཕྱུག་ཁྱོད། །ཅེས་དང་། འདི་ན་དཔལ་མོར་རིམ་གྲོ་བསྙེན་བཀུར་སྦྱོར་བ་པོ་རྣམས་ནི། །གདུལ་དང་ངེས་པར་སད་ཕྱིར་བཅོམ་ལྡན་དབྱངས་ཅན་མ་འདི་དག་རྒྱལ་བའི་སྲས་པོ་ཁྱོད་ཀྱི་མཆེ་བའི་རྩེ་ལས་རབ་ཕྱུང་བས། །མངོན་འདོད་ཤེས་རབ་འབྲས་བུ་སྟེར་བ་དེ་ལ་བདག་ཕྱག་འཚལ། །ཞེས་བཤད་པ་འཇིག་རྟེན་དབང་ཕྱུག་གི་བསྟོད་པ་རིན་པོ་ཆེའི་ཕྲེང་བ་ལས་སོ། ། ༈

[edit]

bka' bstan 'gyur khungs sogs lo rgyus tshan sbrel/ shrI mA~M gu ru pAt+no ti/__'dir thams cad mkhyen pa puN+Da rI ka'i lab+d+ha war+N+Na las/__mdo mang gi skor/__rngog lo chen po'i slob ma gro lung pa blo gros 'byung gnas kyis/__steng pa lo tsA ba'i/__ga ro ta lo tsA ba tshul khrims 'byung gnas rgya gar du brdzangs pas/__puN+ye shrI mi tra la mdo lung bzhugs par thos nas der zhus/__yang kha che paN chen nas dpyal chos bzang brgyud nas mdo shab stod g.yu dga' ldan du rong pa shes rab seng ge la shab pa bag ston gzhon nu tshul khrims kyis zhus/__pad+mo can pa dang mkhan po gzhon yes kyi bar dang /__de dang rong pa sher seng gi bar du lung la hor stong yod zer ba gsan nas/__lung rgyun dag par bya ba'i phyir/__sa skya yang dgon pa zhang kun dga' 'od zer la paN chen nas gsan pa'i lung rgyun dag po yod zer nas gsan/__'di la paN chen gyis su la gsan dang /__paN chen la dpyal chos bzang gis khro phur gsan pa'i dus su/__lho pa thams cad mkhyen pas kyang gsan zer/__tig pa mi 'dug pa dang /__chos kyi rgyal po 'phags pa'i lung gis mdo mang gi lung rgyun dag pa zhig 'tshol gsungs nas btsal bas/__shangs na mnga' bdag nyang ral nas brgyud ba'i lung yod zer nas gsan du byon pas/__phyis steng lo brgyud pa rtsad chod/__de yang gsan pas lung 'di la bag ston gzhon nu tshul khrims drin che'o/__/ma brtags nyams dgar rten cing 'brel bar 'byung /__/dpyad na dmigs pa med par nyer zhi ba'i/__/dus gsum rgyal ba'i yum la=__yang /__paN+Di ta smri tis bsgyur ba man la gsar ma zhes dang /__lo chen rin chen bzang pos bsgyur ba man la gsar ma'o zhes zer mkhan gnyis las/__paN lo gnyis kyang lo chen snga bas na/__der mtshams 'dzin pa 'thad/__de yang gsang sngags bsgyur tshad de ltar bzhag pa ni min te/__bstan pa snga dar gyi skabs bsam yas su de nyid 'dus pa dang /__rnam snang mngon byang dang /__bsam gtan phyi ma sogs dar/__de dag rnying mar su yang mi 'dod pas so/__/'o na gang gis bzhag ce na/__de dus bka' bla med kyi bka' sgra ji bzhin du spyad dogs bsgyur bar ma gnang la/__slob dpon pad+ma sogs kyis paN+Di ta mdzad/__bai ro tsa na sogs skal ldan rnams kyis gsang ste bsgyur bar don la rnying ma/__lo chen man gyis bla med 'gyur bar don la gsar ma zhes bya'o/__/de dus tan+t+ra sde bco brgyad sogs bsgyur ba'i thog mar gsang 'dus/__zla gsang thig le/__sangs rgyas mnyam sbyor gsum bsgyur ba ji ltar drangs snyam na/__rgyud de dag gtan la 'bebs lugs kyi khyad par gsar rnying gi 'gros gnyis re yod/__ces so/___/__!_rtsa she'i 'grel pa ga las 'jigs med ces pa klu sgrub phyi ma'i yin te/__rgyu mtshan zla grags kyi tshig gsal du lung ma drangs pas so/__/zhes gsungs/__gshin rje gshed kyi grub thob rta mchog 'dzin pa zhes bya ba o rgyan du byon/__DA ki ma rnams la sdigs mdzub gtad pas brgyal/__brgyal sangs tsa na/__ming po ci 'dod pa khyer cig zer nas gnang ba byin/__des rtsa ba'i rgyud sgyu 'phrul drwa ba khri drug stong pa/__bshad pa'i rgyud cho ga 'dus pa/__rgyud phyi ma mtshan brjod/__gshin rje le'u bco brgyad pa bzhi drangs te 'di 'jam dpal bshes gnyen no/__/des 'jam dpal gyi dkyil 'khor dbang bskur pa'i mtshan sgeg pa'i rdo rje/__mu stegs btul ba'i mtshan sna tshogs gzugs/__gzhan byang chub mchog gi skal ba dang ldan pa/__'khrungs pa las nor bu gling pa zhes mtshan bzhi dang ldan pa de la gnang /__zhes bshad do/___/__!_rtsa rgyud brtag gnyis la le'u lnga yan chad lo tsA bas 'grel pa mdzad/__de man chad rngog ston chen pos gsung rgyun bsnan nas mdzad pa'i rin chen rgyan 'dra'o/__/gur lo tsA ba chen pos srog shing /__mdo sde'i 'grel chen dang /__slar de las bsdus pa sogs mdzad/__sam+bu Tar rngog zhe sdang rdo rjes 'grel pa don gsal sgron ma dang /__gzhung gsal sgron ma gnyis mdzad/__gur brtag saM gsum/__gdan bzhi/__ma hA mA yA/__gsang 'dus/__sangs rgyas thod pa bdun/__!__sar ha che 'bring chung gsum ste/__li tsA bi chen po'i skye ba byang sems blo gros rin chen nam/__bram zer chen po sgra gcan 'dzin bzang po zhes slob dpon klu sgrub kyi slob dpon dang /__bar pa slob dpon klu sgrub kyi slob ma sha ba ri dbang phyug dang /__tha ma mai tri pa'i dngos slob ra ma pha lar grags pa de'o/___/__!_rang lugs la dus 'khor gyi rdzogs rim rgyas pa o rgyan bsnyen sgrub/__'bring po paN chen lugs kyi bsnyen sgrub gsar ma zhes dpe med 'tshos mdzad pa/__bsdus pa paN chen nags rin la sha ba ris gnang ba'i lce rtse rkan sbyar rnams so/___/__!_dpal 'brug pa'i sgrub thabs skor lnga zhes pa bde mchog dngos grub skor zhes pa nA ro nas mar par brgyud pa/__phag mo byin rlabs kyi skor zhes pa zhal gnyis ma mai tri nas mar pa dang /__ti phu pa nas ras chung la brgyud pa/__gtum po nus mthu'i skor zhes gsang ba mngon bstan gyi rgyud la brten nas ras chung pas bla ma wa la tsaN+Da la zhus pa/__lhan skyes ku sA li'i skor zhes pa rdo rje gdan pa chung ba dang tsa mi sangs rgyas grags las dpal rgwa lo tsA ba ku mA ra shrIs gsan pa rnams so/___/__!_yang bya rog bstan srung ma'i skor gyi brgyud pa'ang sngar dang 'dra/___/__!_dpal 'brug pa'i nyams len 'phral dgos kyi skor rdo rje sems dpa'i nyes ltung 'khrud pa'i cho ga rgyal po dzaHlas brgyud pa mar pa'i 'gyur/__kaM ka ni'i cho ga ngan song rgyun gcod pa chos rgyal dzaHlas brgyud pa/__'khor lo sdom pa'i rtsa rgyud 'bum pa dang /__bshad rgyud 'od zer drwa ba la brten pa'i tshe sgrub grub pa'i rgyal mo las brgyud pa tshe dpag tu med pa'i cho ga 'chi med tshe sgrub pa'i chos/__thugs rje chen pos rgyud byin gyis brlabs pa'i chos dge slong ma dpal mo las brgyud pa bzhi'o/___/__!_dpal 'brug pa'i gdams pa phyag rgya chen po skor gsum zhes pa/__bshad pa tshig__/gdams ngag nyams len/__rtogs pa byin rlabs kyi skor ro/__/dang po ni/__grub pa sde bdun/__snying po skor drug__/yid la mi byed pa'i chos skor nyer lnga rjes 'brangs dang bcas pa'o/__/dang po ni/__dpal gsang ba grub pa o rgyan gyi slob dpon pad+ma badz+ra gyis mdzad pa/__1__thabs dang shes rab gtan la dbab pa grub pa/__slob dpon yan lag med pa'i rdo rje'am paN+Di ta bdud rtsi dga' ba'i 'byung gnas zhes pas mdzad pa/__2__de'i don bsdus l+h+wam mkhan gyi rigs las grub pa brnyes pa tsa ma rI pas mdzad pa/__ye shes grub pa in+d+ra b+hU ti 'bring pos mdzad pa/__3__gnyis med grub pa lcam legs smin kA ras mdzad pa/__4__lhan cig skyes grub gnyis kyi snga ma Dom+b+hi he ru ka dang /__phyi ma in+d+ra b+hU ti chung ba rab tu byung nas mtshan l+wa ba par grags pas mdzad pa/__de'i 'grel pa dge slong ma dpal mos mdzad pa/__'di gnyis mtshan mthun pas gcig tu mdzad/__5__dngos po gsal ba'i de kho na nyid grub pa rang byung gi rnal 'byor ma tsi tos mdzad pa/__de kho na nyid grub pa ra li pas mdzad pa gnyis mtshan mthun pas gcig tu bgrangs/__6__sid+d+hi kAs grub dA ri kas mdzad pa rnams so/__/gnyis pa ni/__bram ze sa ra ha chen po'i do ha mdzod/__rtse mo do ha/__bdag byin rlabs/__slob dpon klu sgrub kyi phyag rgya bzhi pa/__AR+Ya de ba'i sems kyi sgrib sbyong /__tog tse pa'i bsam gyis mi khyab pa rnams yin la/__rgyal po do ha/__btsun mo do ha/__mdzod chung ba/__ka ka'i do ha rnams dang po'i rjes 'brangs/__byang chub sems 'grel/__sems kyi rdo rje'i bstod pa sogs bzhi pa'i rjes 'brangs so/__/do ha'i 'grel pa grub thob gling gis mdzad pa dang /__phyis yid bzang rtse pas do ha sbyor drug tu bkral lo/__/gsum pa ni/__thun mong grub mtha' rin po che'i phreng ba/__de'i don sngags dang sbyar ba do ha ti/__rtsod spong bdag med gsal ba/__thabs khyad du gsod pa bzlog phyir lta ba ngan sel/__lta ba ngan sel gyi dran pa/__las dang po'i bya ba mdor bsdus pa/__sngags lam dbang dang 'brel bar bstan pa dbang nges bstan/__dgos pa mdor bsdus pa/__dbang gi bya ba mdor bsdus pa/__dbang rnam dag__/rgyas gdab kyi don phyag rgya lnga pa/__dga' gcugs lnga pa/__mi phyed pa lnga pa/__zung 'jug gi de nyid lta ba shan 'byed pa dbu ma drug pa/__lhan skyes drug pa/__lta bde dang ldan pa'i zung 'jug bshad pa/__theg chen nyi shu pa/__de nyid nyi shu pa/__rab tu mi gnas pa ston pa bde chen gsal ba dang /__zung 'jug dngos bstan/__lta ba'i go rim dpe dang sbyar ba/__rmi lam nges bstan/__sgyu ma nges bstan/__zab don bsdu ba de nyid bcu pa dang /__de nyid rab tu bstan pa/__zab mo khyad par phra mo ston pa la rab tu mi gnas pa gsal bar ston pa/__ma rtogs pa rtogs par byed pa/__tshigs bcad phyed pa rtsa 'grel rnams mai tri pas mdzad pa/__de nyid bcu pa la lhan skyes rdo rjes 'grel pa mdzad pa dang /__khong rang gis sbyar ba'i gzhung gnas pa bsdus pa gsum ni rjes 'brang ngo /__/de dag kyang mnga' bdag mai tri pa las brgyud nas mar pas mi lar gnang ba'o/__/phyis bu ston rin po che nas brgyud par snang /__gnyis pa gcig car ba'i lam gtso bor ston pa thog babs zhes phag mo zhal gnyis brda dbang sogs kyi skor/__thod rgal lam gtso bor ston pa bsam gtan thun 'jog__/rim skyes pa'i lam gtso bor ston pa rtogs brjod gser phreng ste brgyud pa ni snga ma bzhin no/__/rtogs pa byin rlabs kyi skor ni/__lhan cig skyes sbyor rtsa 'grel te/__'di'i rtsa ba/__bsre 'pho gzhung gi sems dngos po'i gnas lugs bstan pa kho na yin/__de las 'phros nas til+li pas tshigs bcad gcig ma 'di dang /__nA ro pas gnyug ma chig chod du khrid pa zhes bshad de gcig car ba'i lam/__rje zla 'od gzhon nus tshigs bcad rkang pa gsum pa 'di thod rgal/__phag gru dang /__chos rjes tshigs bcad gnyis rim skyes pa'i lam ste/__lhan cig skyes sbyor snga phyi bar gsum gyi tha snyad mdzad/__de don bsgom rim bsdus 'bring rgyas pas bstan pa ste gzhi gtan la dbab pa'i skor ro/__/de las 'phros pa phag gru'i zhus len rnal 'byor bzhi nas brtsams te/__chos rje dpon slob rjes 'brangs dang bcas pas mdzad pa rnams nyams myong gi spu ris 'byed pa'i skor/__rje zla 'od gzhon nus/__bdag gi bla ma'i bar gyi ngo sprod kyi yi ge thams cad la rjes lam khyer gyi skor zhes rnam pa gsum gyis bsdus so/__/mdo rgyud thams cad kyi man ngag chen po/__bka' brgyud rin po che'i gzhung lam/__rje btsun nA ro pa'i chos drug gam khyad chos bsre 'pho gnad kyi mtshams sbyor zhes rje nA ro pa'i khyad chos rgyud thams cad kyi rdo rje'i tshig lta ba'i mig lta bu'i glegs bam yi ge rags pa40/__phra mo zhe brgyad de/__rtsa ba bsnan pas 89te/__de thams cad kyi rtsa ba ni bka' yang dag pa'i tshad ma'o/__/puN+Da rI ka nyid kyis 'grel chen rdo rje 'chang gi dgongs gsal/__khrid yig rdo rje theg par bgrod pa'i shing rta sogs mdzad do/___/__!_dpal 'brug pa'i zab chos ro snyoms kyi skor ni/__brtag gnyis las/__bzlog pa'i bsgom pa 'di dag ni/__/sangs rgyas mu stegs kyis mi shes/__/zhes gsungs pa ltar dkor rgyas 'grel ku mu ta/__mdzod chen po gsum ste/__de yang gter mdzod bka' rgya can/__yang mdzod thugs kyi me long /__gsang mdzod sbas pa mig 'byed gsum/__dang po la khrims/__khrid/__zhal gdams gsum/___/__!_dpal 'brug pa'i zab chos las rten 'brel kho bo lugs zhes pa/__'gro mgon de nyid gling ras drung na bzhugs dus/__des rten 'brel gyi chos skad thor re gsungs pas rat+na 'di ci mdzad/__rten 'brel bya ba rtog chos yin mod snyam pa byung /__des ji lta ba'i rtogs pa shar nas ji snyed pa'i mkhyen pa'i rtsal kha rgyas pa la cung zad re gnod/__'od kyang phyis brtag gnyis las gsungs pa'i yul gyi nang nas tsA ri tra/__'khor lo sdom pa las/__bod yul la hi ma la ya zhes bshad pa'i gnas chen de yi sgo dbye ba'i dus stod kyi ri bo rdo rje phag mo lta bu/__sdong po de'i kha T+wAM ga lta bu'i 'og tu zla ba gsum skyil krung gcig gis yang dag 'jog la/__mnyam par bzhag pa'i nang tha ma'i tho rangs rdzogs pa'i sangs rgyas rabs bdun rten cing 'brel bar 'byung ba'i chos 'khor bskor te mthar snying po bsdu ba'i tshigs su bcad pa bka' stsal te mi snang bar gyur la/__de nas ji snyed pa'i rtsal phyogs med du rgyas/__gang gis 'dul ba de la de bstan pa'i slob ma'i tshogs kyis/__dus 'khor 'grel chen las/__chos thams cad kyi sngon du 'gro ba ni ye d+harma'o/__/zhes dang /__klus/__gang gis stong dang sogs gsungs pa'i don 'di kha tshig tsam du ma lus par nyams su lon pa byung /__'di la chos rje 'brug pa'i rtsal chos su grags pas rje nyid kyis kyang rten 'brel kho bo lugs zhes gsungs/__'di la rten 'brel gyi snying po rnam par bshad pa zhes bya ba'i mdo sogs dang /__phyis su rnam bshad zhib mo rnam 'thag dang /__khrid yig chos thams cad kyi snying po len pa zhes bya ba mdzad/___/__!_dpal 'brug pa'i zab chos bla ma sgrub pa'i skor la/__bla ma lnga bcu pa dang /__de la gling TIka__/til+li pa'i tshar gsum khug pa sogs so/__/bde mchog mkha' 'gro'i snyan brgyud ni/__snyan brgyud rdo rje rnal 'byor ma zhes dpal 'khor lo sdom pa rtsa rgyud kyi sbas don mngon rtogs kyi rim pa ste/__de yang rdo rje 'chang la phag mos gsol ba btab nas dpal ldan 'bras spungs su legs par bstan/__bsdu ba mdzad phyis au DI bi shwa d+harma gany+dzor rgya rim bdun gyi tshul gyis btab pa rgyal ba dgongs brgyud/__de las phyung ste bcom ldan 'das de nyid kyis slob dpon til+li pa la gnang ba byin rlabs mkha' 'gro'i brgyud pa'am/__gtad rgya dang bcas pas lung bstan gtad rgya'i brgyud pa/__slob dpon des jo bo nA ros dka' chen bcu gnyis spyad pa'i mthar skad cig gis rtogs par bstan pa/__jo bo de de dus slob dpon mthong lam pa'i tshul bzung ba yin pas na/__rig 'dzin brda brgyud/__nA ro ta pas kyang bla ma'i lung ltar mar pa dang /__des kyang lung bzhin mi lar gdams pa man la gang zag snyan khung brgyud par bzhag pas brgyud pa bzhi ldan du song /__rje btsun gyis ras chung sogs la gnang nas dar ro/__/'khor lo sdom pa'i rdzogs rim mai tri lugs ni/__rje btsun mai tri pa zhes paN+Di ta 'bar ba'i gtso bo'i skye ba/__phyi nang gi gzhung lugs kun la byang ba/__yi dam gyi lhas de kho na nyid 'tshol bar lung bstan pa bzhin dpal gyi rir byon/__sha ba ri dbang phyug btsun mo dang bcas pas rjes su bzung /__yang dag pa'i lam ma sbas par bstan pa ni dpal 'khor lo sdom pa'i rdzogs rim/__rdo rje rnal 'byor ma'i gsung ngag rje ras chung pas bod du spyan drangs pa'i rin chen lnga pa zhes pa'i gdams ngag go__/dpal 'brug pa'i zab chos las ti phu'i bzhi chos sam/__rdo rje lus kyi sbas bshad skor/__paN+Di ta ga ya d+ha ra'i sras ti phu pas jo bo nA ro dang mai tri las gsan pa/__dngos por gnas pa'i tshul gtan la dbab pa rdo rje lus kyi sbas bshad dam gdams ngag bzhi bzhis bstan pa ti phu'i bzhi chos/___/__!_smad 'brug sa'i dreg pa lta bu'i bstan pa'i bdag po chos kyi rgyal po lo ras pas/__skyor mo lung gi spal ti dgra bcom par rab tu byung ste mtshan dbang phyug tu gsol/__phyis chos rje'i drung du gdams ngag rdzogs par gsan/__gnam mtsho phyug mo'i do rir sgrub pa mdzad pas dngos grub mchog tu brnyes/__phrin las bsam gyis mi khyab/__'khor dge slong rang yang stong phrag tsam 'du bas sa'i dreg pa lta bur grags/__phyis lho brag seng ge rir bzhugs/__des chos rje'i tshogs chos thun lngar gsungs pa ltar phyag bzhes su bkral nas/__thun lnga'i cha lag rgyas pa/__phyag rgya chen po 'chi thub/__gtum mo ras thub/__gsang spyod ri thub/__nad gdon 'khrugs thub/__gnyen po rkyen thub kyi khrid rnams mdzad do/___/__!_stod 'brug gnam gyi skar ma lta bur grags pa'i bya ba chos rje rgod tshang pa lho la yag dol bu chung gi rtsar 'khrungs/__chos rje dang sangs rgyas dbon las gdams ngag rdzogs par gsan/__byang chub kyi spyod pa rlabs po che la dbang bsgyur/__phyis la stod rgyal gyi shI ri las mi 'babs pa'i dam bca' mdzad/__slob ma'ang rtogs pa rang mnyam rgyal ba yang dgon pa/__brtul zhugs rang mnyam o rgyan pa/__mos gus rang mnyam zang zang ne ring pa/__zhe gcod rang mnyam spyis dkar ba sogs dngos kyi slob ma grub thob skar tshogs tsam byung /__des chos rje'i ming tho tsam la brten nas snyan brgyud kyi gdams ngag de'i 'gros su bstan pas khrid chen brgyad ces grags te/__lam zab mos gus kyi khrid/__phyag rgya chen po lhan cig skyes sbyor gyi khrid/__thabs lam khyad par can gyi khrid/__gsang spyod bzlog sgom gyi khrid/__steng sgo chos drug__/'og sgo chos drug__/'khrul 'khor dang bcas pa/__dag snang zhing sbyong gi khrid/__chos brgyad mgo snyoms kyi khrid/__byams snying rje'i khrid/__rgyu 'bras rten 'brel gyi khrid rnams so/__/dpal 'brug pa'i zab chos dge sbyor bdun gyi skor zhes chos rjes shangs pa'i slob ma gnyis la gnang ngo /___/__!_ri chos skor gsum ni/__rgyal ba yang dgon pas mdzad pa ste/__de yang /__sgrub pa nyams len gyi chos thams cad tshang bar ston pa dgos 'dod kun 'byung gi skor/__rdo rje lus kyi gnas lugs gsal bar ston pa sbas bshad kyi skor/__'chi ba lam du byed pa bar do 'phrang sgrol gyi skor dang gsum ste/__dang po la rtsa ba lus lta bu'i chos4/__gyes pa yan lag lta bu'i chos9/__zab don snying lta bu'i chos0/__gces pa srog rtsa lta bu'i chos6/__dmar khrid dbang po'i sgo lnga lta bu'i chos lnga rnams so/__/gnyis pa ni/__rtsa rlung thig le'i gnas lugs gsal bar ston pa sbas bshad kyi gzhung /__de'i bka' 'grel zab mo/__zhal shes ston pa zhal gdams bka' rgya ma rtsa khog dang bcas pa rnams so/__/'phrang drug gdams pa drug gis sgrol ba bar do 'phrang sgrol gyi skor la/__de'i gzhung /__de'i bka' gnad 'chad pa sbas gnad kyi gter mdzod/__gsang ba'i brda skad 'grol ba/__yid ches nges shes skye ba lo rgyus/__lag len khrid yig bcas so/___/__!_go lung pa rat+na rang mnyam bzhi las brtul zhugs rang mnyam/__shrI sgra tshad mdo sngags kyi sbyangs pa mthar phyin nas rgyal ba rgod tshang pa'i spyan sngar lo gsum bzhugs/__chos nyid kyi bden pa mngon sum du gzigs pas brtul zhugs kyi spyod pa mthar phyin par bya ba'i phyir/__dza lan+da ra sogs gnas chen mang por byon/__lhag par au Di yA na zhes grags pa rdo rje theg pa'i gan mdzod chen por bzhugs pa/__sprul pa'i zhing ye shes kyi mkha' 'gro ma rnams kyi gling chen po der dpal ye shes pa'i zhabs 'bring pa dang bcas byon/__yul de'i dbus d+hU ma thA la zhes bya ba'i phyogs bzhir rigs bzhi'i mkha' 'gro dzo ki nI'i tshul mdzad ma bzhis byin gyis brlabs/__lhag par rang byung gi g.yung drung dmar pos smin mtshams mdzes pa'i bu mo zhig gis lung bstan ka po ka zhes pa'i drung du sa man+ta bU ka zhes smad 'tshong ma'i tshul 'dzin pa zhig dang mjal grogs kyi snang bar thug pa re sbyin la 'thung ba'i mod/__sa g.yo ba dang 'od dang sgra bsam gyis mi khyab par shar/__gzhan de'i reg bya mchog gi rol mos rdo rje'i lus kyi rtsa yi mdud pa phal cher zhig pa'i mod la/__yul de 'khor lo sdom pa rigs thams cad pa'i dkyil 'khor du shar/__dbus kyi rdo rje btsun mos gdams ngag 'di stsal te skal pa dang ldan ba la rdo rje sems dpa'i gseng lam ston pa'i sa mkhan chen por gyur/__ting nge 'dzin las sad pa na sngar gyi bu mo de nyid du snang bas/__slar lam bsdus pa 'di bstan nas/__lung bstan dang bcas sngar gyi mkha' 'gro ma sde bzhi seng ge'i gdong pa can dang lha yis kyang gdams pa sna re bstan pa mi brjed pa'i gzungs kyis bzung bas thams cad kyis mtshan grub thob o rgyan pa zhes gsol/__yun rkyang pa na skyi rong du byon/__shar gangs su g.ya' bzang pa snub 'dul ba 'dzin pa'i dbon rin po che mkhar chu bar grags pa de byon/__gsol ba btab pas mkha' 'gro'i bka' rgya thems/__lung bstan gyi slob mar dgongs te/__gzhung yi ger bkod/__khong nas kyang dmigs rkang re la gser zho do'i me tog phul te zhus/__khong rang gi brjed tho bsdus pa zhig mdzad/__slar ma 'das bar du sbu Ta ba mkhas btsun bsod nams 'od zer/__zur phug pa rin chen dpal/__rgyal ba rang byung ba/__snye mdo thams cad mkhyen pa sku mched/__chag lo dbon po sogs mang /__slob tshogs bsam gyis mi khyab pa la gnang bas zin bris ma/__rdo rje'i tshig rkang la 'grel pa rje grub thob chen po nyid la nyid kyi gcen zhang gzhon nu dpal gyis dris pa la lan 'debs su mdzad pa khong gis yi ger btab pa dang /__mkhas btsun bsod nams 'od zer pas mdzad ba'i TIka chen dang /__mkhas pa shong ston dang /__snye mdo kun dga' don grub kyis mdzad pa bzhi la 'grel chen bzhi zer/_gzhan mang po zhig yod kyang bka' lung mi snang /__zla seng pas mdzad pa man ngag glegs bam du 'thus/__man ngag gi glegs bam la dngos kyi slob ma rnams kyi nang nas zla seng pa khrid gnyer la rgyun ring /__khong gis mched po rnams kyi zin bris kyang gzigs/__dag bsdur rje o rgyan pa nyid kyis mdzad pas khrid lugs 'di la snying por byed do/__/de yang 'di dag bu ston rin po che dang /__bla ma dam pa sogs chen po rnams kyis kyang gsan no/___/__!_bla med kyi rgyud sde spyi'i rdzogs rim bsnyen sgrub gsar pa ni/__a nu sa ma rak+Shi ta ste dpe med 'tsho zhes pa phyi nang rig pa la goms pa'i thugs can dpal kha saR+pA Ni'i drung du lo bcu gnyis su bzhugs/__dmigs pa dang rtog ba med pa'i de kho na nyid kyi man ngag bsgoms pas rtogs pa'i khyad par ci yang ma thon nas yid zhum pa na/__rdo rje rnal 'byor mas bi kra ma bu rir song zhig__/der khyod la rtogs pa 'byung bar 'gyur ro zhes pa'i bka' spyi bor bzhag nas paN+Di ta chen po legs pa'i bu dpal 'dzin dang lhan cig bi kra ma pU rir byon te/__dus mchod zhig gi tshe thugs dam gyi rim par zhugs pas/__nam phyed na bcom ldan 'das a ba d+hU ti'i cha byad can byon nas/__bu de kho na nyid ni 'di yin no zhes mngon sum du gdams pa stsal/__de thob ma thag ting nge 'dzin la snyoms par zhugs so/__/bcom ldan 'das de ni mi snang bar gyur nas/__mtshan mo 'das pa'i ting nge 'dzin de las bzhengs te dpal 'dzin la sogs pa'i don du sbyor ba yan lag drug pa'i man ngag mdzad/__de la nyi ma dpal ye shes kyis 'grel pa yon tan 'gengs pa zhes mdzad pa gnyis dang /__/bod du paN chen nags rin gyis rgyal sras mi pham dga' ba'am/__mtshan gzhan byams gling pa bsod nams rnam rgyal/__dpal yid bzang rol pa'am mtshan dngos 'gos lo gnyis pa gzhon nu dpal/__'brug pa rgyal dbang rje/__khrus khang lo tsA ba bsod nams rgya mtsho sogs la gnang nas so sos khrid yig rgyas par mdzad do/___/__!_yang sat+na rgya gar shar phyogs kyi/__ga ra'i mkhas pa chen po shrI ba na rat+na'am/__mtshan gzhan mi bskyod rdo rje zhes pa rgyal rigs su 'khrungs/__rgyal srid dang du ma bzhes par bla ma chen po sangs rgyas bskyangs la rab tu byung /__rig gnas lnga la mkhas par sbyangs/__rnal 'byor gyi don du sing+ga lI dang /__rgya gar lho phyogs dpal 'bras spungs kyi mchod rten dang /__dpal gyi ri sogs gzigs/__der sha ba ri dbang phyug zhal gzigs/__khyod byang phyogs kyi rgyud du song zhig dang 'dod pa'i don 'grub par 'gyur ro/__/zhes thos nas bal yul du byon/__'phags pa shing kun tu sha ba ri dbang phyug gis gdams pa 'di stsal/__'dod pa'i don chen po grub par gyur pa yin/___/__!_'ba' ra ba rgyal mtshan dpal bzang zhes stod 'brug pa'i phrin las kyi ba dan 'dzin pa des mdzad pa'i khyad chos 'dod chags drag po lam du byed pa'i chos bde chen skor gsum zhes sku gsung thugs rdo rje'i nyams len dang ngo sprod sogs so/___/__!_ngam rdzong pa chen po'i snyan brgyud zhes dbang dang 'brel pa'i gdams pa'i skor la phal cher mar pa mgo legs nas/__ngam rdzong ston pa'o/___/__!_sems khrid yid bzhin nor bu dung mtsho ras pa'i gter ma/___/__!_bla ma zhang gi zab chos skor/__de yang g.yu brag pa 'gro ba'i mgon po zhes pa/__bla ma mang po'i gdams pas thugs kyis mdzod gang yang chos thams cad kyi gnas lugs ma gzigs nas/__rje sgom po pa tshul khrims snying po la rjes su 'dzin par gsol ba btab pas/__phyag rgya chen po'i rtogs pa shar ba la/__chos sku ye shes kyi mkha' 'gro ma la sogs pas dngos su gdams pa/__zhang gi bka' rgyar grags pa'i chos la/__zhang rin po che'i gsang ba'i rnam thar sogs so/___/__!_dpal stag lung thang pa'i chos drug yid bzhin nor bu thang pa snga phyi'i bka' 'bum/__stag lung phyi mas bsgrigs pa'i chos skyong gi gser pod sogs so/__/'bri gung pa'i zab chos dgongs gcig skor la/__rin chen dpal gyi bzhed pa de dbon shes rab 'byung gnas kyis zin bris su btab pa'i rdo rje'i gsung /__dgongs pa gcig pa'i chos sde la/__khu dbon gnyis kyi rnam thar/__dgongs gcig khog dbub/__gsung bzhi bcu pa/__'grel pa la rdor shem dang rin byang ma gnyis las/__dang po ni/__lta sgom spyod pa'i tshoms/__'dul ba so thar gyi tshoms/__byang sems bslab bya'i tshoms/__gsang sngags rig 'dzin gyi tshoms/__chos kyi 'khor lo'i tshoms/__rten 'brel gnad bsdus kyi tshoms/__sangs rgyas kyi sa'i tshoms/__gtam rgyud/__dgongs gcig gis dpyad bcas so/___/__!_rdo rje theg rtser mtshungs kyang bod yul pas/__/gsang chen rnying ma zhes byar ris bcad pa'i/__/rgyud sde'i phul 'di thos bzod skal bzang snyam/__/bdag ni rang gi bsod nams bsngags par bgyis/__/zhes so/___/__!_rdo rje btsun mos byin pa'i she mong gis/__/rdo rje theg pa kun la dbang bsgyur pa'i/__/rdo rje slob dpon dam pa a b+ha ya/__/rdo rje 'dzin dbus bsngags 'os de la 'dud/__/slob dpon a b+ha yA ka ra gup+ta zhes pa chos thams cad la ston pa gnyis pa lta bu de sngon gyi rabs su rdo rje yan lag ma bsnyen pas sku tshe 'dir rdo rje rnal 'byor ma de mi'i bu mo ltar brdzus nas sngon bram ze'i dus dang phyis lan gnyis byung bas 'dod pa don du gnyer ba na/__bram ze dang dge slong gi bslab pas bsdams pa'i dbang gis phyir bzlog par mdzad/__phyis so so ma ri pa la sogs pa'i bla ma chen po rnams kyis de ni ma legs/__de rdo rje btsun mo mchog gi dngos grub sbyin pa'i slad du 'ong zhes gsungs pas 'gyod do/__/rje btsun mar pa las rde btsug ste gsol ba mang du btab pas mnal lam du byon/__tshe 'dir nga dang lhan cig spyod pa'i mthu med kyis/__/rgyud sde zab mo'i 'grel pa dang /__dkyil 'khor gyi cho ga mang du brtsams/__myur du skal ba can du 'gyur ro/__/zhes lung bstan pas man ngag gi snye ma la sogs pa'i rgyud 'grel dang /__phreng ba skor gsum la sogs mang po zhig mdzad do/__/dang po chag chos rje dpal gyis paN+Di ta chen po ban+d+ra la gsan/__dkyil 'khor 28kho na'i dbang bskur bas dmigs gsal du yod pa dang /__kha bskang dgos par gsungs pa thams cad thob par bzhes/__yar lung grags pa rgyal mtshan gyis paN+Di ta shrI b+hU mi shrI las gsan nas dkyila'akhor 42dbye/__phyis nags rin gyis sne'u gdongs rtser 'gos sogs mkhas grub mang por gnang /__de dag bla med 'ba' zhig gi dbang bskur ba ni phreng ba mkhan po rang gi bzhed pa yin la/__kha che'i paN+Di ta chen pos bod du lan gnyis de bzhin bskur la/__bod rnams rgyud sde so sor la phye ba mos pas/__de ltar ma bskur na mi thob 'dra'o dgongs te/__phyi ma so sor phye bar mdzad do/__/de nas rjes 'jug rnams kyis kyang de gnyis ci rigs su mdzad do/__/zhe gnyis kyi bdud rtsi rigs gsum bsnan pa'i zhe lnga ma nags kyis bzhed la 'ba' zhig daR+pAn gyi thugs dam/__gza' yum/__nor rgyun ma/__rnam rgyal bsnan pa'i zhe lngar byed kyang de ni kha 'phang tsam yang mi 'byung bas mi 'thad do/__/de dag rgyud sde so sor 'byed na dbang gi babs ye shes thig le'i lung gi rjes su 'brang bar bya la/__bla med kyi dbang du na gzhung gi dngos bstan du zad do/___/__!_bcom ldan snying rje'i gter chen spyan ras gzigs/__/'phags pa'i yul du dpal ldan nA ro pa/__/kha ba can 'dir 'gro mgon 'brug pa zhes/__/sprul pas bstan pa 'dzin der phyag 'tshal lo/__/rata gling pad gling gter lung du/__/nA ro paN chen sgyu ma'i gar bsgyur ba/__/gtsang pa rgya ras 'brug dang ra lung byon/__/zhes dang /__gzhan yang thugs rje chen po dang o rgyan/__dwags po sogs kyi sprul pa'o/___/__!_grub thob chen po gling sprul ra ma dkar mos lung bstan pas ra lung du grags so/__/der chos rje rin po che'i sku 'bags khams gsum zil gnon dang /__chos rje'i gser 'bu 'dzam bu gling gi rgyan sogs mang /__/nang rten khyad 'phags rigs bsam gyis mi khyab bo/__/khri ral gyi dus su rgya 'jam dpal gsang ba zhes grags pas nyang stod du dpal skyegs kyi gnas btab/__deng sang gnas rnying du grags/__tsa ri tra zhes pa/__rgyal dbang rjes/__mkha' spyod dbang po zhes bshad/__sems dpa' rang byung rdo rjes/__tsa ri zhes pa bzhi yin te/__tra ya skyobs par brjod par bya/__/khams ni rnam pa bzhi po la/__/bde ba chen pos skyobs pa'i phyir/__/zhes mar pas/__tsa ri tra ni lho phyogs thag nye ba 'di na/__rdo rje phag mo sha dang chang gis mchod pa'i gnas zhes bya ba yod de/__zhes gro bo lung nas gsungs/__gnas sgo 'byed pa po ni/__bstan pa snga dar gyi dus su slob dpon chen po zil chen gsang ba'i phug tu lo bdun/__zla ba bdun/__zhag bdun gyi bar du sgrub pa mdzad/__de las cung phyi bar slob dpon bi ma la phebs/__pho brang khar bzhugs/__bar du shar phyogs lA ba pa zhes jo bo a ti sha'i bla ma de phebs nas mkha' spyod du gshegs/__jo bos gsang phu'i la sgang nas 'khor lo sdom pa'i pho brang du gzigs nas bsngags pa mdzad/__de rjes sgam po zla 'od gzhon nus lung bstan pa bzhin skyes bu ye shes rdo rje dpon slob bcu gcig gis lan gsum du phebs mthar pho brang g.yu mtsho gzigs nas nang sprul pa'i lha tshogs zhal mngon sum mjal/__de rjes mi thog gcig na skyobs pa 'jig rten gsum mgon gyis ri bo shAn+ti'i rtse nas rtsa ri'i phyi nang gsang ba'i gnas tshul rnams mngon sum du gzigs nas/__gnyos chen po rgyal ba lha nang pa sogs slob ma'i mchog gsum brdzangs/__de dang dus mtshungs su 'gro mgon gtsang pa rgya ras jo mo kha rag na bzhugs pa'i dus mkha' 'gro ma seng ge'i gdong pa can gyis lan gsum du bskul/__mthar grub thob gling gis kyang dag pa'i snang bar bskul te phebs nas pho brang du gshegs/__nang sprul pa'i lha tshogs zhal gzigs/__gnyos 'gar chos gsum lan gsum du phebs pa'i phyi ma la sprul pa'i lha tshogs zhal mjal lo/___/__!_gnas der mi tra'i lam yig las/__tsA ri lung chung du klu bdud nag po zhes rtsa khyad par can zhig yod par gsungs so/__/yang /__gnas 'dir ci la'ang som nyi byar mi rung ste/__tsong kha pa chen po gnas skor la byon dus rab tu byung ba chang 'thung du mi rung dgongs nas ma gsol bas zhabs la smyugs tshal zug__/gshegs la khad thug__/gzhan ci byas kyang ma phan/__gnas chen du chang la rtog pa byas pas len 'dra dgongs te dam rdzas gsol bas dwangs so/__/zhes nyid kyi rnam thar du 'byung ba bzhin no/___/__!_mig de wI ko Ta zhes g.yas pa dang sbyar pa de ni rgya gar shar phyogs pA Ta li pu tra zhes chos rgyal mya ngan med pa'i yul de la yod/__g.yon dang sbyar ba ni lho brag mkhar chu ste/__'di la phyi sku'i 'khor lo sprul sku za byed kyi mkha' 'gro 'du ba'i gnas bzhi yod de/__shar mon kha ne ring bdud rtsi sman gyi ljongs na dkar mo sku yi mkha' 'gro ma rnams kyis drag tu nyul/__lho sbas yul mkhan pa ljongs rtsi bcud 'bras bu'i tshal/__ser mo rgyas pa'i mkha' 'gro las byed ma/_nub na sgrub mtsho pad+ma gling /__g.yu mtsho slob dpon chen po'i 'gugs byed kyi phyag rgyas spras pa/__dmar mo dbang gi mkha' 'gro ma gnas pa/__byang na smra bo cog sgrol byed gnam lcags 'bar ba'i rdo rje sa la rgyugs pa lta bu/__ljang mo las byed kyi mkha' 'gro ma rnams nyul ba/__de'i nang du gsung gi 'khor lo longs sku 'jig rten gyi DA ki ma rnams gnas pa'i zhing /__shar phyogs su 'od gsal ljongs/__lho phyogs su dpal gyi seng ge'i ri bo/__nub phyogs su tshe lam dpal gyi ri bo/__byang phyogs su dpal mkho mthing gi lha khang ste zhi rgyas dbang drag gi las rab 'byams 'grub pa'i gnas/__de'i nang du chos sku ye shes kyi mkha' 'gro'i gnas lcags phur can rdo rje btsun mo'i b+ha ga__/sngon gyi dus slob dpon pad+ma/__gnubs nam mkha'i snying po/__sba ye shes dbang po/__rje btsun ras chung zhabs/__lhag par chos kyi rgyal po gtsang pa rgya ras phyag rgya chen po mchog gi dngos grub mdzad pa'i gnas/__'di yi nang du mchod rten mgo lnga pa bod khams mtha' dmag bzlog pa'i rten 'brel du gu ru chos dbang gis bzhengs pa lha mo mkhar dkyil 'khor bdag po'i thabs bde ba chen po'i rdo rje/__dpal gyi phug ring yang dag he ru ka'i byin gyis brlabs pa'i gnas/__dur khrod la kha dpa' bo dang DA ki'i tshogs kyi 'du bar longs spyod pa'i zhing /__gzhan yang dpal he phug dang /__rdo rje phug__/yid smon phug__/dkyil 'khor phug sogs ngo mtshar gyi bkod pa bgrang las 'das/__zhing skyong ma dpal rdo rje sna yon ma dang /__zhing skyong 'jam dpal nA ga rak+sha'am/__mtshan gzhan smyon kha'i btsan gyis skyong ba ste/__k+She tra pA la lus che ba/__zhes dang /__de bI ko trar sna mo che/__!__lus med mkha' 'gro'i chos sde'i rnam bshad las/__mtshon bya 'bras bu dang /__mtshon byed lam gyi rdo rje rnal 'byor ma gnyis/__dang po ni/__chos thams cad kyi 'byung gnas so/__/gnyis pa smin grol lam gyi rgya mdud bshig pa/__dam tshig rang sems me long lta ba/__rim gnyis mnyam par bzhag pa/__dang po la/__dpon slob kyi 'brel pa/__dbang bzhi brdas mtshon pa/__de la rtsod pa spangs pa'o/__/gsum pa la/__bskyed pa dang /__rdzogs pa'o/__/dang po la/__gzhan gyi de nyid nye bar bsgrub pa/__bdag gi de nyid nye bar bsgrub pa/__rnal 'byor chen po'i de nyid nye bar bsgrub pa'o/__/gnyis pa la/__gzhan gyi de nyid chos sku/__bdag gi de nyid longs spyod rdzogs sku/__rnal 'byor gyi de nyid sprul skus lam du bshad pa gsum las/__dang po la/__rtsa rlung drwa mig 'khor los drod bskyed/__bde chen gsung gi rin chen gyis rtse mor bgrod/__rang grol phyag rgya chen pos bzod pa sgrub/__spyod pa chu la ral gris chos mchog thob pa bzhi'o/__/gnyis pa lam gyi drod tshad bstan pa dang /__rig pa ye shes sgron me bltams 'jug pa gnyis so/__/gsum pa ni/__dam rdzas rtogs pa'i nyi ma 'de ba dang /__ro snyoms phyi yi me long blta ba gnyis so/__/de yang gnyal yangs pa can zhes bya ba'i grong khyer chen po'i dbus su dpal gyi ri bo'i ngogs rdo rje gdan gyi gtsug lag khang du slebs pa'i tshe/__mtshan thun tha ma rdzogs/__skya rengs 'char ka tsam la gnyid thum du song ba'i rmi lam du srin yul rnga yab kyi gling nas slob dpon chen po pad+ma 'byung gnas kyis brdzangs pa'i pho nya ba srin po gdong gcig pa mdog smug nag ra'i g.yang gzhis smad dkris shing /__mi mgo ya mgal gcig thod du bcings pa gnyis byung nas slob dpon chen po'i bka' las/__khyed la da lo dam sri spun dgu'i bar chad che bar 'dug pas/__gdams pa 'di nyams su longs/__phyis kyang de bzhin du byas na bar chad las rgyal bar 'gyur ro/__/zhes bka' stsal te log go snyam sems pa'i mod de khar rang gi mdun gyi nam mkhar/__snam logs g.yon du nye ba'i thad na rig 'dzin chen po drag po rtsal stod khro rgyal/__smad phur pa'i dbyibs can 'chad par 'gyur ba ji lta ba/__sku'i rgyan dang sngags phyag rgya mi sgrib cing drag po'i sngags sgra dang bcas pa mthong ba'i mod la zil gyis brgyal ba snyam byed pa zhig byung ste mthar yal lo/__/zhes sogs bla ma drag po kI la ya'i man ngag tu gsungs so/_/_!_rgyud bzhi'i dkar 'grel las/__gzhan dag na re/__'di ni g.yu thog pas mdzad de/__gleng gzhi la sogs pa rab btags so/__/zhes zer la/__lugs 'dzin phal cher rgyud yang dag par 'dod cing grwa pa mngon shes kyi gter nas phyung zhes grags shing /__rnying ma'i rgyud 'bum las kyang byung bas/__de'i dbang du byas nas bshad la/__sman gyi grong khyer 'di yang baiDUR+Ya'i 'od kyi rnam par snang byed ces pa sman bla'i zhing de na dang /__'di 'chad pa yang gzhung nyid las sman rgyal du gsungs shing /__'o skol gyi ston pas 'tsho byed gzhon nu gsos/__ri bo spos ngad ldan du khrid nas de'i khengs pa bcom nas slar zlos bur gsungs pa ste/__dper na byams pa'i smon lam lta bu'o/__/'o na mjug don las/__rgya gar la sogs pa'i sman gyi bstan bcos thams cad 'dir 'dus par bshad pa dang 'gal lo zhe na/__de ni ma 'ongs lung ston pa ste/__dper na dus kyi 'khor lo las/__bod du bod kyi skad kyis/__zhes gsungs kyang /__dus 'khor gsungs pa'i dus bod chags par mi 'dod pa bzhin no/__/zhes so/___/__!_mkha' 'gro man+dA ra ba ni/__khyung pos mjal ba'i tshe ni gu ma/__gnyan los mjal ba'i tshe ri sul gyi rnal 'byor ma/__rje mar pas mjal tshe mi rus kyi rgyan can nam/__chu shing gi snye ma can/__ras chung pas mjal ba'i tshe grub pa'i rgyal mor grags shing mtshan dngos kyang de'o/__/tshe dpag med kyis byin gyis brlabs nas rnam smin gyi lus ma bsdus par skal ldan gyi tshe bsrings zhes rjes su gnang bas da lta yang bzhugs par grags so/__/na mo a mi to ho/__zhes pa rgya nag gi yi ge6/___/__!_phyag chen bsam gyis mi khyab par bshad pa'i/__rta mchog dzi na'i zhal lnga ni 'jam dpal bshes gnyen dang /__guD+haM ra zhes pa ni byi'u gsod ste shrI sed+har grags so/___/__!_de bas sngon gyi ldeb/__38__snga 'gyur skabs ma tshang /__de yang klong sde rdo rje zam pa'i lo rgyus skabs 'jongs chung ba'i rnam thar nas/__de nas thag ring nas zhu ba yang mang du byung zhing mang du 'phel/__jo bo mkhar nges su sbal bu dor la spyan drangs nas gdams ngag gsungs pas/__nyi ma snga dro dang po la 'jigs \u0f1e\u0f1enas/__myang d+harma sid+ha dang /__slob dpon gser gzhung pa dang /__zhes pa'i bar ma tshang /__paN+Di ta nags kyi rin chen gyi zhal nas/__skye bo mu stegs ba rnams rab tu sad cing 'dul don du/__/yongs rdzogs zla ba'i zhal ni rnam par sgeg pa'i dpral ba yi/__/gnas las lha sras dbang phyug chen po nges 'byung bas/__/lha yi shin tu lha dang chen po'i mi yi dbang phyug khyod/__/ces dang /__'di na dpal mor rim gro bsnyen bkur sbyor ba po rnams ni/__/gdul dang nges par sad phyir bcom ldan dbyangs can ma 'di dag rgyal ba'i sras po khyod kyi mche ba'i rtse las rab phyung bas/__/mngon 'dod shes rab 'bras bu ster ba de la bdag phyag 'tshal/__/zhes bshad pa 'jig rten dbang phyug gi bstod pa rin po che'i phreng ba las so/___/__!_