JKW-KABUM-19-DZA-001-007

From Khyentse Lineage - A Tsadra Foundation Project
Revision as of 15:20, 3 March 2022 by Mort (talk | contribs) (Text replacement - "|editortib=རྫོང་སར་བློ་གྲོས་ཕུན་ཚོགས་" to "|editortib=")
(diff) ← Older revision | Latest revision (diff) | Newer revision → (diff)

ཏཱའི་སི་ཏུ་རྣམ་རྒྱལ་གྲགས་པའི་དྲིས་ལན་ལས་མ་བྱིན་ལེན་གྱི་བསླབ་པ་དང་པོར་འཆལ་བའི་ཚོད་སོགས།
Wylie title tA'i si tu rnam rgyal grags pa'i dris lan las ma byin len gyi bslab pa dang por 'chal ba'i tshod sogs JKW-KABUM-19-DZA-001.pdf
Location mkhyen brtse'i bka' 'bum
Volume 19, sde tshan 1, Text 7, Pages 70-74 (Folios 35b1 to 37b3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. tA'i si tu rnam rgyal grags pa'i dris lan las ma byin len gyi bslab pa dang por 'chal ba'i tshod sogs. In 'jam dbyangs mkhyen brtse'i dbang po'i bka' 'bum, Vol. 19: 70-74. Khams sde dge rdzong sar dgon: Rdzong sar blo gros phun tshogs, 2020.
Genre History Texts - lo rgyus  ·  Religious History Texts - chos 'byung
[edit]
ཏཱའི་སི་ཏུ་རྣམ་རྒྱལ་གྲགས་པའི་དྲིས་ལན་ལས་སྦྱངས་པའི་ཡོན་ཏན་༡༣རྒྱས་པར་བཤད་པ། མ་བྱིན་ལེན་གྱི་བསླབ་པ་དང་པོར་འཆལ་བའི་ཚེ། ཀ་ཀ་ནི་དང་། མ་ཤ་ཀ་དང་། ཀཪྴ་པ་ཎ་རྣམས་རིམ་པ་བཞིན་དུ་མགྲོན་བུ་ཉི་ཤུ་དང་། བརྒྱད་ཅུ་དང་། མགྲོན་བུ་སྟོང་དང་དྲུག་བརྒྱའི་རིན་ཐང་གི་མིང་ཡིན་ཏེ། ཞེས་དང་། མ་ཤ་ཀ་དང་། པ་ན་མིང་གི་རྣམ་གྲངས། ཀཪྴ་པ་ཎ་དང་། ན་ན་ཀ་མིང་གི་རྣམ་གྲངས་སོ། །བམ་པོ་ལྔ་བཅུ་པར། ཀ་ཀ་ནི་བཞི་ལ་མ་ཀ་ཀ་གཅིག་གོ །མ་ཤ་ཀ་ཉི་ཤུ་ལ་ཀཪྴ་པ་ཎ་གཅིག་གོ །ཀ་ཀ་ནི་གཅིག་ནི་མགྲོན་བུ་ལྟ་བུའི་རིན་ཐང་གི་མིང་ཡིན་ནོ། །མ་ཤ་ཀ་གཅིག་ནི་མགྲོན་བུ་བརྒྱད་ཅུའི་རིན་ཐང་གི་མིང་ཡིན་ནོ། །ཀཪྴ་པ་ཎ་གཅིག་ནི་མགྲོན་བུ་སྟོང་དྲུག་བརྒྱའི་རིན་ཐང་གི་མིང་ཡིན་ནོ། །ཀཪྴ་པ་ཎིའི་བཞི་ཆ་ནི་མ་ཤ་ཀ་ལྔའི་རིན་ཐང་སྟེ་མགྲོན་བུ་བཞི་བརྒྱའི་རིན་ཐང་གི་མིང་ཡིན་ནོ། །ཞེས་དང་། ཀཪྴ་པ་ཎིའི་ངོ་བོ་ནི། གཞུང་འགྲེལ་ལས། དངུལ་ལས་བྱས་པ། གཟུགས་སུ་དོད་པ། འཚོང་དུ་རུང་བ་སྟེ་རྒྱལ་པོ་རྨ་བྱ་ཞེས་བྱ་བའི་དུས་བྱུང་བར་བཤད་དོ། །འདུལ་བར་རྣམ་གསུམ་དག་པའི་ཤ་གནང་ནས། མདོ་གཞན་དུ་བཀག་པ་ལྟར་སྣང་བ་ལ་རྗེས་བཅས་སུ་འདོད་པ་མི་འཐད་དེ། ཉན་ཐོས་རང་ལུགས་ལ་གནང་བ་དང་། བྱང་སེམས་ལ་བྱམས་པ་ཆེན་པོའི་ཆད་པར་འགྱུར་བས་བཀག་པར་མདོ་མྱང་འདས་སོགས་ལས་གསལ་ལོ། །དབུ་མ་རྩ་ཤེའི་འགྲེལ་པ་ག་ལས་འཇིགས་མེད་རང་འགྲེལ་མ་ཡིན་ཏེ། དཔལ་ལྡན་ཟླ་བའི་ཚིགས་གསལ་སོགས་དང་བཤད་སྲོལ་མི་མཐུན་ཞིང་། དེར་ལུང་ཡང་མ་དྲངས་པས་སོ། ། ༈ དཔལ་ལྡན་ཀླུ་སྒྲུབ་ཀྱི་བསྟན་བཅོས་ལ་ཐ་སྙད་གཙོ་བོར་གྲུབ་པ་དོན་དམ་གཙོ་བོར་སྟོན་པ་གཉིས། སྔ་མ་ལ་ལུང་དང་། རིགས་པས་གཏན་ལ་འབེབས་པ་གཉིས། ཕྱི་མ་ལ་དྲུག་གི། རིན་ཕྲེང་འདིར་བགྲང་རིགས་ཏེ། བདག་མེད་པའི་དོན་རིག་པས་གཏན་ལ་འབེབས་པའི་ཕྱིར་དང་། ཐ་སྙད་གྲུབ་པ་བགྲང་མི་རིགས་ཏེ་དོན་དམ་གཏན་ལ་འབེབས་བྱེད་མ་ཡིན་པའི་ཕྱིར་རོ། ། ༈ སྤྱོད་འཇུག་ལས། ཁོང་ཁྲོས་བསྐལ་པ་སྟོང་གི་དགེ་རྩ་བཅད་པ་དང་། འཇུག་པར་བརྒྱར་གསུངས་པ་ནི་སྔ་མ་ནི་སོ་སྐྱེས་བྱང་སེམས་ལ་ཁྲོས་པ་དང་། ཕྱི་མ་ནི་སོ་སྐྱེའི་བྱང་སེམས་སྟོབས་ཆེན་གྱིས་སྟོབས་ཆུང་ལ་ཁྲོས་ན་དགེ་བའི་རྩ་བའི་ནུས་པ་འབྱིན་པས་གཏན་མེད་དུ་འགྲོ་བའི་དོན་ཡིན། འཇིག་རྟེན་ཆགས་པའི་དུས་རླུང་དཀྱིལ་སྟེང་ཆུའི་རྒྱུན་མཐའ་ཡས་པ་འབབ་པར་གསུངས་པ་ཕྱི་རོལ་ཏུ་མི་འབོ་བ་ནི། སློབ་དཔོན་འཕགས་པས། རླུང་དེ་ཡང་རྣམ་པ་གཉིས་ཏེ་འོག་གཞི་ལ་གནས་པ་དང་གློ་ན་གནས་པའོ། །དེས་ཆུ་དེ་དག་ཐུར་དུ་ཡང་མི་འཛག་ལ་ཐད་ཀར་ཡང་མི་འབོ་འོ། །ཞེས་བཤད། ཡང་གསུང་ལས། བསྔོ་བས་ཟིན་པའི་དགེ་རྩ་ཡང་ཁོང་ཁྲོས་འཇོམས་པར་བསྟན། དངོས་གནས་ལ་གཟུགས་མེད་ཁམས་ལ་གནས་གཞན་པ་ཞིག་ལོགས་ན་མེད་དེ། གཟུགས་མེད་ཀྱི་སྙོམས་འཇུག་ཐོབ་ལ་མ་ཉམས་པ་ཤི་འཕོས་པ་དེ་ཉིད་ཀྱི་མིང་བཞིའི་ཕུང་པོ་གྲུབ་སྟེ་གནས་པའི་ཕྱིར་རོ། །དེ་ནས་གོ་རིམ་ལྟ་བུར་གསུངས་པ་ནི་ཕྱི་ནང་སྦྱོར་བའི་ཁྱད་ཙམ་མོ། ། ༈ བསྐལ་པ་ཆེན་པོའི་མི་ལོའི་གྲངས་ནི། མཛོད་ལྟར་ན། རབ་ཏུ་ཚ་བའི་ཚེ་ཚད་བར་བསྐལ་ཕྱེད་དང་། མནར་མེད་ཀྱི་ཚེ་ཚད་བར་བསྐལ་གཅིག་ཏུ་བཤད་ལ། དེ་བརྒྱད་ཅུ་ལ་བསྐལ་ཆེན་ཞེས་བགྲང་། དེས་ན་བར་བསྐལ་ལ་མི་ལོ། དཀྲིགས་ཆེན་པོ་ནས་གསུམ། དཀྲིགས་གསུམ། གཏམས་ཆེན་པོ་དགུ། གཏམས༧། རབ་བཀྲམ་ཆེན་པོ་བདུན། ཁྲག་ཁྲིག་ཆེན་༦པོ། ཁྲག་ཁྲིག་གཉིས། ཐེར་འབུམ་ཆེན་པོ་བཞི། བསྐལ་ཆེན་ལ་མི་འཁྲུགས་ཆེན་པོ་གཉིས། མི་འཁྲུགས༧། དཀྲིགས་ཆེན་པོ་གཅིག །དཀྲིགས་བརྒྱད། གཏམས་ཆེན་པོ་གཅིག །གཏམས་དྲུག །རབ་བཀྲམ་ཆེན་༤པོ། རབ་བཀྲམ༩། ཁྲག་ཁྲིག་ཆེན་༩པོ། ཁྲག་ཁྲིག་གཉིས་རྣམས་ཡོད་དོ། །རྒྱ་ཆེ་རོལ་པར། བྱེ་བ་ཕྲག་བརྒྱ་ཐེར་འབུམ་དང་། །དེ་བཞིན་གོང་དུ་ཕྲག་བརྒྱ་རེས་བསྒྱུར་བས། ཁྲག་ཁྲིག །གཏམས་པ། དཀྲིགས་པ། མི་འཁྲུགས། ཁྱད་ཕྱིན། བང་སྟེང་། མང་འཛིན། གླང་པོའི་སྟོབས། ངོགས་འཐོབ། རྣམ་པར་བཞག་པ་གདགས་པ། རྒྱུ་རིག །ལག་སྦྱིན། རྒྱུ་དབང་། རྫོགས་ཐོབ། བགྲངས་རྟོགས། སྒྲིབ་པ། སྟོབས་ཕྲག །ཀུན་སྟོབས་ཕྲག །རྣམ་པར་བརྡ་ཤེས་ལྡན། བརྡ་ཤེས་ཀུན། རྣམ་འབྱུང་། དེའི་མཚན་ཉིད་དོ། །འདི་ལྟར་དེའི་མཚན་ཉིད་ཅེས་བྱ་བའི་རྩིས་ཀྱིས་ནི་རིའི་རྒྱལ་པོ་རི་རབ་བརྩི་བའི་གཞིར་བྱས་ཀྱང་ཆོད་པར་རུང་ངོ་། །དེའི་གོང་ན་རྒྱལ་མཚན་གྱི་རྩེ་མོའི་ནོར་བུ་ཞེས་བྱ་བའི་གྲངས་ཡོད་དེ། གྲངས་དེས་ནི་གངྒཱའི་ཀླུང་གི་བྱེ་མ་སྙེད་བརྩི་བའི་གཞིར་བྱས་ཀྱང་ཆོད་པར་རུང་ངོ་། །ཞེས་གསུངས། འདིའི་གངྒཱ་ནི་ཆུ་བོ་བཞིའི་ཡ་གྱལ་མ་ཡིན་ཏེ། ཆུ་ཀླུང་ཆེན་པོ་རྒྱ་མཚོ་ཡིན་ལ། དེའི་བྱེ་མ་ནི་ཆུ་དེའི་རྡུལ་དེ་རེ་རེ་ནས་བགྲངས་པ་ལ་གྲངས་ཇི་ཙམ་ཡོད་པ་ནི། གངྒཱའི་ཀླུང་གི་བྱེ་མ་སྙེད་ཅེས་བྱའོ། །མྱང་འདས་ལས། ཆུ་ཀླུང་ཞེས་བྱ་བ་ནི་རྒྱ་མཚོ་ལ་བྱ་སྟེ། ཆུ་ཀླུང་ཐམས་ཅད་ཀྱི་ནང་ན་རྒྱ་མཚོ་འབའ་ཞིག་ཆུ་ཀླུང་ཡིན་པས་ན། རྒྱ་མཚོ་ནི་ཆུ་ཀླུང་ཞེས་བྱ་བའི་གྲངས་སུ་གཏོགས་སོ། །ཞེས་བཤད་དོ། ། ༈ སངས་རྒྱས་ཀྱི་སྐུའི་ཡོན་ཏན་མཚན། ༣༢ དཔེ་བྱད་བརྒྱད་ཅུ། གསུང་དབྱངས་ཡན་ལག་དྲུག་ཅུ་བཞི། ཐུགས་ལ་ཟག་མེད་ཀྱི་ཡོན་ཏན་སྡེ་༢༠ཚན་ཏེ། དེ་ཡང་ནང་གསེས་སུ་ཕྱེ་ན། ༡༤ ཕྲིན་ལས་ལ་འགྲོ་བ་རྣམས་མངོན་མཐོ་དང་། ངེས་ལེགས་ཀྱི་རྒྱུ་ལམ་དང་། དེའི་ངོ་བོ་འབྲས་བུ་ལ་འགོད་པ་སྟེ་ནང་གསེས་སུ་སྡེ་ཚན་ཉེར་བདུན་སོགས་ཡོད་ལ། ཕྱི་མ་འདི་ནི་རྒྱན་དུ་གསལ་ལོ། ། ༈ རྗེ་བླ་མས་ཕྱག་ཆེན་སྐོར་ཕག་མོ་གྲུ་པའི་བྱང་ཆུབ་གྲགས་པ་ལས་གསན་ནས་ཉམས་རྟོགས་འཁྲུངས་ཚུལ་སོགས་རྟོགས་ལྡན་འཇམ་དཔལ་རྒྱ་མཚོའི་རྣམ་ཐར་ཟུར་འདེབས་ལས་བཤད། ། ༈
[edit]

tA'i si tu rnam rgyal grags pa'i dris lan las ma byin len gyi bslab pa dang por 'chal ba'i tshod sogs/ tA'i si tu rnam rgyal grags pa'i dris lan las sbyangs pa'i yon tan 13rgyas par bshad pa/__ma byin len gyi bslab pa dang por 'chal ba'i tshe/__ka ka ni dang /__ma sha ka dang /__kaR+sha pa Na rnams rim pa bzhin du mgron bu nyi shu dang /__brgyad cu dang /__mgron bu stong dang drug brgya'i rin thang gi ming yin te/__zhes dang /__ma sha ka dang /__pa na ming gi rnam grangs/__kaR+sha pa Na dang /__na na ka ming gi rnam grangs so/__/bam po lnga bcu par/__ka ka ni bzhi la ma ka ka gcig go__/ma sha ka nyi shu la kaR+sha pa Na gcig go__/ka ka ni gcig ni mgron bu lta bu'i rin thang gi ming yin no/__/ma sha ka gcig ni mgron bu brgyad cu'i rin thang gi ming yin no/__/kaR+sha pa Na gcig ni mgron bu stong drug brgya'i rin thang gi ming yin no/__/kaR+sha pa Ni'i bzhi cha ni ma sha ka lnga'i rin thang ste mgron bu bzhi brgya'i rin thang gi ming yin no/__/zhes dang /__kaR+sha pa Ni'i ngo bo ni/__gzhung 'grel las/__dngul las byas pa/__gzugs su dod pa/__'tshong du rung ba ste rgyal po rma bya zhes bya ba'i dus byung bar bshad do/__/'dul bar rnam gsum dag pa'i sha gnang nas/__mdo gzhan du bkag pa ltar snang ba la rjes bcas su 'dod pa mi 'thad de/__nyan thos rang lugs la gnang ba dang /__byang sems la byams pa chen po'i chad par 'gyur bas bkag par mdo myang 'das sogs las gsal lo/__/dbu ma rtsa she'i 'grel pa ga las 'jigs med rang 'grel ma yin te/__dpal ldan zla ba'i tshigs gsal sogs dang bshad srol mi mthun zhing /__der lung yang ma drangs pas so/___/__!_ dpal ldan klu sgrub kyi bstan bcos la tha snyad gtso bor grub pa don dam gtso bor ston pa gnyis/__snga ma la lung dang /__rigs pas gtan la 'bebs pa gnyis/__phyi ma la drug gi/__rin phreng 'dir bgrang rigs te/__bdag med pa'i don rig pas gtan la 'bebs pa'i phyir dang /__tha snyad grub pa bgrang mi rigs te don dam gtan la 'bebs byed ma yin pa'i phyir ro/___/__!_spyod 'jug las/__khong khros bskal pa stong gi dge rtsa bcad pa dang /__'jug par brgyar gsungs pa ni snga ma ni so skyes byang sems la khros pa dang /__phyi ma ni so skye'i byang sems stobs chen gyis stobs chung la khros na dge ba'i rtsa ba'i nus pa 'byin pas gtan med du 'gro ba'i don yin/__'jig rten chags pa'i dus rlung dkyil steng chu'i rgyun mtha' yas pa 'bab par gsungs pa phyi rol tu mi 'bo ba ni/__slob dpon 'phags pas/__rlung de yang rnam pa gnyis te 'og gzhi la gnas pa dang glo na gnas pa'o/__/des chu de dag thur du yang mi 'dzag la thad kar yang mi 'bo 'o/__/zhes bshad/__yang gsung las/__bsngo bas zin pa'i dge rtsa yang khong khros 'joms par bstan/__dngos gnas la gzugs med khams la gnas gzhan pa zhig logs na med de/__gzugs med kyi snyoms 'jug thob la ma nyams pa shi 'phos pa de nyid kyi ming bzhi'i phung po grub ste gnas pa'i phyir ro/__/de nas go rim lta bur gsungs pa ni phyi nang sbyor ba'i khyad tsam mo/___/__!_bskal pa chen po'i mi lo'i grangs ni/__mdzod ltar na/__rab tu tsha ba'i tshe tshad bar bskal phyed dang /__mnar med kyi tshe tshad bar bskal gcig tu bshad la/__de brgyad cu la bskal chen zhes bgrang /__des na bar bskal la mi lo/__dkrigs chen po nas gsum/__dkrigs gsum/__gtams chen po dgu/__gtams7/__rab bkram chen po bdun/__khrag khrig chen 6po/__khrag khrig gnyis/__ther 'bum chen po bzhi/__bskal chen la mi 'khrugs chen po gnyis/__mi 'khrugs7/__dkrigs chen po gcig__/dkrigs brgyad/__gtams chen po gcig__/gtams drug__/rab bkram chen 4po/__rab bkram9/__khrag khrig chen 9po/__khrag khrig gnyis rnams yod do/__/rgya che rol par/__bye ba phrag brgya ther 'bum dang /__/de bzhin gong du phrag brgya res bsgyur bas/__khrag khrig__/gtams pa/__dkrigs pa/__mi 'khrugs/__khyad phyin/__bang steng /__mang 'dzin/__glang po'i stobs/__ngogs 'thob/__rnam par bzhag pa gdags pa/__rgyu rig__/lag sbyin/__rgyu dbang /__rdzogs thob/__bgrangs rtogs/__sgrib pa/__stobs phrag__/kun stobs phrag__/rnam par brda shes ldan/__brda shes kun/__rnam 'byung /__de'i mtshan nyid do/__/'di ltar de'i mtshan nyid ces bya ba'i rtsis kyis ni ri'i rgyal po ri rab brtsi ba'i gzhir byas kyang chod par rung ngo /__/de'i gong na rgyal mtshan gyi rtse mo'i nor bu zhes bya ba'i grangs yod de/__grangs des ni gang+gA'i klung gi bye ma snyed brtsi ba'i gzhir byas kyang chod par rung ngo /__/zhes gsungs/__'di'i gang+gA ni chu bo bzhi'i ya gyal ma yin te/__chu klung chen po rgya mtsho yin la/__de'i bye ma ni chu de'i rdul de re re nas bgrangs pa la grangs ji tsam yod pa ni/__gang+gA'i klung gi bye ma snyed ces bya'o/__/myang 'das las/__chu klung zhes bya ba ni rgya mtsho la bya ste/__chu klung thams cad kyi nang na rgya mtsho 'ba' zhig chu klung yin pas na/__rgya mtsho ni chu klung zhes bya ba'i grangs su gtogs so/__/zhes bshad do/___/__!_sangs rgyas kyi sku'i yon tan mtshan/__32__dpe byad brgyad cu/__gsung dbyangs yan lag drug cu bzhi/__thugs la zag med kyi yon tan sde 20tshan te/__de yang nang gses su phye na/__14_phrin las la 'gro ba rnams mngon mtho dang /__nges legs kyi rgyu lam dang /__de'i ngo bo 'bras bu la 'god pa ste nang gses su sde tshan nyer bdun sogs yod la/__phyi ma 'di ni rgyan du gsal lo/___/__!_rje bla mas phyag chen skor phag mo gru pa'i byang chub grags pa las gsan nas nyams rtogs 'khrungs tshul sogs rtogs ldan 'jam dpal rgya mtsho'i rnam thar zur 'debs las bshad/___/__!_

Footnotes

Other Information