JKW-KABUM-15-BA-006-001

First text in section. Back to Volume PageNext Text

བླ་མའི་ཐུགས་སྒྲུབ་བར་ཆད་ཀུན་སེལ་ལས༔ རིགས་བདག་རྡོ་རྗེ་སེམས་དཔའི་གསང་སྔགས་ཐོས་པས་གྲོལ་བ།

Wylie title	bla ma'i thugs sgrub bar chad kun sel las: rigs bdag rdo rje sems dpa'i gsang sngags thos pas grol ba
Location	mkhyen brtse'i bka' 'bum Volume 15, sde tshan 6, Text 1, Pages 127-133 (Folios 1a to 4a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse'i dbang po. bla ma'i thugs sgrub bar chad kun sel las rigs bdag rdo rje sems dpa'i gsang sngags thos pas grol ba. In 'jam dbyangs mkhyen brtse'i dbang po'i bka' 'bum, Vol. 15: 127-133. Khams sde dge rdzong sar dgon: Rdzong sar blo gros phun tshogs, 2020.
Genre	Activity Practices - las tshogs
Cycle	བླ་མའི་ཐུགས་སྒྲུབ་བར་ཆད་ཀུན་ (bla ma'i thugs sgrub bar chad kun sel)
Deity	rdo rje sems dpa'
RTZ	In the Rinchen Terdzö: https://rtz.tsadra.org/index.php/Terdzo-NI-034
Colophon	ཞེས་པའང་རང་གཞན་ཀུན་ལ་སྨན་པའི་བསམ་པས་གཏེར་གཞུང་རྩ་བ་ལས་ཟུར་དུ་ཁྱེར་བདེ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཕྱུང་བ་སྟེ། དགེ་བས་མཐའ་ཡས་སེམས་ཅན་ཐམས་ཅད་དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ཆེན་པོའི་གོ་འཕང་ཚེ་འདི་ཉིད་ལ་མངོན་དུ་བྱེད་པའི་རྒྱུར་གྱུར་ཅིག
	zhes pa'ang rang gzhan kun la sman pa'i bsam pas gter gzhung rtsa ba las zur du khyer bde bar mtsho skyes bla ma dgyes pa'i 'bangs mkhyen brtse'i dbang pos phyung ba ste/__dge bas mtha' yas sems can thams cad dpal rdo rje sems dpa' sgyu 'phrul drwa ba chen po'i go 'phang tshe 'di nyid la mngon du byed pa'i rgyur gyur cig

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །བླ་མའི་ཐུགས་སྒྲུབ་བར་ཆད་ཀུན་སེལ་ལས༔ རིགས་བདག་རྡོ་རྗེ་སེམས་དཔའི་གསང་སྔགས་ཐོས་པས་གྲོལ་བ་བཞུགས་སོ།། །། ན་མོ་གུ་རུ་བཛྲ་སཏྭ་ཡ། །འདིར་བླ་མའི་ཐུགས་སྒྲུབ་བར་ཆད་ཀུན་སེལ་ལས། ཐུགས་རྗེ་ཆེན་པོ་ངན་སོང་དོང་སྤྲུགས་ཀྱི་ཆ་ལག་རིགས་བདག་རྡོ་རྗེ་སེམས་དཔའི་གསང་སྔགས་ཐོས་པས་གྲོལ་བའི་སྒོམ་བཟླས་ལ་འཇུག་པར་འདོད་པས། ན་མོ༔ བླ་མ་རྡོ་རྗེ་སེམས་དཔའ་དང་༔ མཆོག་གསུམ་རྒྱལ་བ་རྒྱ་མཚོ་ལ༔ བདག་སོགས་འགྲོ་ཀུན་བྱང་ཆུབ་བར༔ རྩེ་གཅིག་གུས་པས་སྐྱབས་སུ་མཆི༔ ཧོ༔ མ་གྱུར་སེམས་ཅན་ཐམས་ཅད་ཀུན༔ སངས་རྒྱས་གོ་འཕང་ཐོབ་བྱའི་ཕྱིར༔ ཉེས་སྤྱོད་ཀུན་སྡོམ་དགེ་ཆོས་སྡུད༔ གཞན་ཕན་བྱང་སེམས་རྟག་ཏུ་བསྐྱེད༔ སེམས་ཅན་བདེ་དང་ལྡན་གྱུར་ཅིག༔ སྡུག་བསྔལ་ཀུན་དང་བྲལ་བར་ཤོག༔ བདེ་དང་རྟག་ཏུ་མི་འབྲལ་ཞིང་༔ ཆོས་ཀུན་མཉམ་ཉིད་རྟོགས་པར་ཤོག༔ ཅེས་སྐྱབས་སེམས་ཚད་མེད་བཞི་བསྒོམ་པ་སྔོན་དུ་འགྲོ་བས། ཨཱཿ སྟོང་གསལ་རང་རིག་རྡོ་རྗེ་སེམས༔ འདུས་མ་བྱས་ཤིང་ལྷུན་གྱིས་གྲུབ༔ གདོད་ནས་གྲོལ་བའི་དེ་བཞིན་གཤེགས༔ ཞལ་ཕྱག་མཚན་མའི་སྐུར་བཞེངས་པ༔ བདག་ཉིད་མ་བཅོས་རྩ་བའི་ལྷ༔ དཀར་གསལ་ཞལ་གཅིག་འཛུམ་བཅས་བཞད༔ ཕྱག་གཡས་རིག་སྟོང་རྡོ་རྗེ་དང་༔ གཡོན་པས་སྣང་སྟོང་དྲིལ་བུ་བསྣམས༔ ལོངས་སྤྱོད་རྫོགས་སྐུའི་རྒྱན་གྱིས་བརྒྱན༔ སངས་རྒྱས་རིགས་ལྔའི་དབུ་རྒྱན་ཅན༔ འོད་ཟེར་བསམ་མི་ཁྱབ་པའི་ཀློང་༔ རྡོ་རྗེ་སྐྱིལ་མོ་ཀྲུང་གིས་བཞུགས༔ ཕུང་པོ་སངས་རྒྱས་ལྔ་བདག་ལ༔ འབྱུང་བ་རིགས་ཀྱི་ཡུམ་ཆེན་ལྔ༔ དབང་ཡུལ་སྐྱེ་མཆེད་འཁོར་དང་བཅས༔ བྱང་ཆུབ་སེམས་དཔའ་སེམས་མ་དང་༔ སྤྲུལ་སྐུ་ཁྲོ་བོ་ཁྲོ་མོའི་ཚོགས༔ དབྱེར་མེད་ཉིད་དུ་མངོན་སངས་རྒྱས༔ གནས་གསུམ་རྡོ་རྗེའི་འབྲུ་གསུམ་དང་༔ ཙིཏྟ་རིན་ཆེན་ཟུར་དྲུག་པའི༔ དབུས་སུ་སྐྱེ་མེད་ཨ་དཀར་པོ༔ ཟུར་དྲུག་ཡི་གེ་དྲུག་པ་དང་༔ རང་བྱུང་གསང་བའི་འབྲུ་དྲུག་མཚན༔ དེ་དག་རྣམས་ལ་ཡིད་གཏད་པས༔ སོ་སོའི་སྔགས་ཀྱི་རང་སྒྲ་དང་༔ ཐིག་ལེ་སྟོང་པ་ཡི་གེ་བརྒྱ༔ འགགས་མེད་རྡོ་རྗེའི་སྒྲ་ཡི་དབྱངས༔ ངར་དང་ལྡན་པ་རྡོ་རྗེའི་སྒྲ༔ གསལ་ཞིང་དལ་བ་མཉམ་ཉིད་སྒྲ༔ སྙན་ཅིང་འགྱུར་བ་སོར་རྟོག་སྒྲ༔ ཀུན་ཀྱང་ཐོག་མེད་བྱ་གྲུབ་སྒྲ༔ བརྗིད་ཅིང་ལྷུན་སྟུག་ཆོས་དབྱིངས་སྒྲ༔ བརྗོད་པ་སྤངས་པ་འོད་གསལ་སྒྲ༔ ཡི་གེ་དྲུག་གི་སྒྲར་བཟླས་པས༔ འཇིག་རྟེན་དྲུག་གི་ཕྱོགས་ཀུན་ཁྱབ༔ སོ་སོའི་ཉོན་མོངས་དྲུག་སྦྱངས་ནས༔ རིགས་དྲུག་སེམས་དཔའི་སྐུ་རུ་བསམ༔ བརྟན་པ་དང་ནི་གཡོ་བ་ཡི༔ ས་ཆུ་མེ་རླུང་མཉམ་པའི་སྒྲ༔ ཐམས་ཅད་སྔགས་ཀྱི་རང་སྒྲ་འུར༔ སྣང་སྲིད་གཞིར་བཞེངས་ཕྱག་རྒྱ་དང་༔ ཐོས་ཚད་རང་གྲོལ་རང་བྱུང་སྔགས༔ འཁོར་བ་དོང་སྤྲུགས་དགོངས་པའི་གཟེར༔ མཉམ་ཉིད་མི་གཡོའི་དབྱིངས་སུ་གདབ༔ ཨཱཿ སྐྱེ་མེད་དོན་གྱི་ཡི་གེ་ནི༔ ཨོཾ་ཨཱཿཧཱུྃ༔ རྡོ་རྗེ་གསུམ་གྱི་ངོ་བོར་ཤར༔ ཨོཾ་བཛྲ་སཏྭ་ཨཱཿ ཐུགས་རྗེའི་ཆོ་འཕྲུལ་ཡི་གེ་དྲུག༔ འཿཨཿཤཿསཿམཿཧཿ རང་བྱུང་གསང་བའི་དབྱངས་སུ་ལེན༔ ཨོཾ་བཛྲ་སཏྭ་ས་མ་ཡ༔ མ་ནུ་པཱ་ལ་ཡ༔ བཛྲ་སཏྭ་ཏེ་ནོ་པ༔ ཏིཥྛ་ཌིཌྷོ་མེ་བྷ་ཝ༔ སུ་ཏོཥྱོ་མེ་བྷ་ཝ༔ སུ་པོཥྱོ་མེ་བྷ་བ༔ ཨ་ནུ་རཀྟོ་མེ་བྷ་བ༔ སརྦ་སིདྡྷི་མྨེ་པྲ་ཡཙྪ༔ སརྦ་ཀརྨ་སུ་ཙ་མེ༔ ཙིཏྟཾ་ཤྲེ་ཡ་ཀུ་རུ་ཧཱུྃ༔ ཧ་ཧ་ཧ་ཧ་ཧོ༔ བྷ་ག་ཝཱན་སརྦ་ཏ་ཐཱ་ག་ཏ་བཛྲ་མ་མེ་མུཉྩ༔ བཛྲཱི་བྷ་བ་མ་ཧཱ་ས་མ་ཡ་སཏྭ་ཨ༔ ཐིག་ལེ་སྟོང་པ་ཡི་གེ་བརྒྱ༔ མ་མ་ཀོ་ལིང་ས་མནྟ༔ ཐོས་པས་འཁོར་བ་དོང་སྤྲུགས་པའི༔ སྙིང་པོ་བློ་འདས་ངང་ནས་བཟླས༔ ཞེས་བརྗོད་ཅིང་བསམ་ལ༔ ཨ༔ ཨོཾ་ཨཱཿཧཱུྃ༔ ཨོཾ་བཛྲ་སཏྭ་ཨཱཿ འཿཨཿཤཿསཿམཿཧཿ ཨོཾ་བཛྲ་སཏྭ་སོགས་ཡི་གེ་བརྒྱ་པ་དང་༔ མ་མ་ཀོ་ལིང་ས་མནྟ༔ ཞེས་པ་རྣམས་སྦྲེལ་ཏེ་ཅི་ནུས་སྐད་གསང་མཐོན་པོས་བཟླས་མཐར་དབྱངས་གསལ་རྟེན་སྙིང་གི་སྔགས་ཀྱི་ལྷག་ཆད་ཁ་བསྐང་ཞིང་བྱིན་རླབས་བརྟན་པར་བྱས་རྗེས་ཐལ་མོ་སྦྱར་ཏེ། ཨོཾ༔ རང་བྱུང་འོད་གསལ་ཆོས་ཀྱི་དབྱིངས༔ ཀུན་ཏུ་བཟང་པོ་ཀུན་བདག་ཉིད༔ རྡོ་རྗེ་སེམས་དཔའ་བདེ་བ་ཆེ༔ མི་བསྐྱོད་རྣམ་སྣང་རིན་ཆེན་འབྱུང་༔ དཔག་མེད་དོན་ཡོད་གྲུབ་པ་ཡི༔ བསམ་ཡས་སྒྱུ་འཕྲུལ་དྲྭ་བའི་རིགས༔ ཐམས་ཅད་སྤྲོ་དང་སྡུད་མཛད་པ༔ ཀྱེ་ཀྱེ་དཔལ་ལྡན་རྡོ་རྗེ་སེམས༔ བདག་ལ་དགོངས་པར་མཛད་དུ་གསོལ༔ བདག་གིས་འགྲོ་བ་ཀུན་དོན་དུ༔ རྡོ་རྗེའི་སྔགས་ཀྱི་སྒྲ་བསྒྲགས་པས༔ མགོན་པོ་ཁྱོད་ཀྱི་ཡེ་ཤེས་དང་༔ ཐུགས་བསྐྱེད་སྨོན་ལམ་དཔག་ཡས་མཐུས༔ ཁམས་གསུམ་སྣོད་བཅུད་ཐམས་ཅད་ཀྱི༔ འབྱུང་བའི་སྒྲ་དང་དབྱེར་མེད་པས༔ གྲགས་སྟོང་སྔགས་ཀྱི་སྒྲ་རུ་གྱུར༔ ཐོས་པས་ལས་དང་ཉོན་མོངས་དང་༔ སྡུག་བསྔལ་ཀུན་ལས་རྣམ་གྲོལ་ཏེ༔ བླ་ན་མེད་པའི་བྱང་ཆུབ་ཐོབ༔ འཁོར་བ་དོང་ནས་སྤྲུགས་པ་ཡི༔ འགྲོ་འདུལ་ཕྲིན་ལས་མཐར་ཕྱིན་ཤོག༔ ཅེས་གསོལ་བ་གདབ་ཅིང་དགེ་བའི་རྩ་བ་བྱང་ཆུབ་ཏུ་བསྔོ༔ རང་ཉིད་བཅོམ་ལྡན་འདས་རྡོ་རྗེ་སེམས་དཔའི་སྐུ་སྣང་སྟོང་ཟུང་འཇུག་ཏུ་གསལ་བཞིན་པའི་ངང་། སེམས་ཉིད་བློ་འདས་སྟོང་གསལ་དབྱེར་མེད་དོན་དམ་པའི་རྡོ་རྗེ་སེམས་དཔའི་རང་ཞལ་བལྟ་བས་མཚམས་སྦྱར་ཏེ་སྤྱོད་ལམ་ལ་འཇུག་པར་བྱའོ༔ དེ་ལྟར་བརྩོན་པའི་དུས་དང་ཕན་ཡོན་ཀྱང་གཞུང་རྩ་བ་ལས། འདི་ནི་རྒྱུན་དང་ཁྱད་པར་དུ༔ སྒྲ་དང་ས་གཡོས་བྱུང་བ་དང་༔ མི་མང་འདུ་ཞིང་ཚོགས་པ་སོགས༔ ཀུན་གྱིས་ཐོས་པར་བརྗོད་བྱས་ན༔ དངོས་སུ་ཐོས་རྣམས་སྨོས་ཅི་དགོས༔ སྔགས་བཟླས་རྫི་ཕྱོགས་རླུང་གི་སྒྲ༔ ཐོས་པས་ཀྱང་ནི་ངན་སོང་དང་༔ འཁོར་བའི་སྡུག་བསྔལ་ཐམས་ཅད་ཞི༔ དད་དང་ངེས་ཤེས་སྐད་ཅིག་ཙམ༔ སྐྱེས་ཀྱང་ཐར་པའི་ས་བོན་ཐེབས༔ དེ་ཕྱིར་ཕྱི་རབས་འགྲོ་བ་རྣམས༔ རྒྱུན་གྱི་ཐུགས་དམ་སྙིང་པོར་མཛོད༔ ཅེས་གསུངས་ཏེ་ཨོ་རྒྱན་རྡོ་རྗེ་འཆང་ཆེན་པོའི་གསུང་གིས་ནམ་ཡང་མི་བསླུ་བའི་ཕྱིར་དད་པ་བརྟན་པོས་རྒྱུན་གྱི་ཆོས་སྤྱོད་རྣམས་ཀྱི་སྙིང་པོ་མཛད་འཚལ་ལོ༔ ཞེས་པའང་རང་གཞན་ཀུན་ལ་སྨན་པའི་བསམ་པས་གཏེར་གཞུང་རྩ་བ་ལས་ཟུར་དུ་ཁྱེར་བདེ་བར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཕྱུང་བ་སྟེ། དགེ་བས་མཐའ་ཡས་སེམས་ཅན་ཐམས་ཅད་དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ཆེན་པོའི་གོ་འཕང་ཚེ་འདི་ཉིད་ལ་མངོན་དུ་བྱེད་པའི་རྒྱུར་གྱུར་ཅིག ། ༈

[edit]

thugs sgrub rdor sems gsang sngags thos grol/__ @#/__/bla ma'i thugs sgrub bar chad kun sel las:__rigs bdag rdo rje sems dpa'i gsang sngags thos pas grol ba bzhugs so//__// na mo gu ru badz+ra satwa ya/__/'dir bla ma'i thugs sgrub bar chad kun sel las/__thugs rje chen po ngan song dong sprugs kyi cha lag rigs bdag rdo rje sems dpa'i gsang sngags thos pas grol ba'i sgom bzlas la 'jug par 'dod pas/__na mo:__bla ma rdo rje sems dpa' dang :__mchog gsum rgyal ba rgya mtsho la:__bdag sogs 'gro kun byang chub bar:__rtse gcig gus pas skyabs su mchi:__ho:__ma gyur sems can thams cad kun:__sangs rgyas go 'phang thob bya'i phyir:__nyes spyod kun sdom dge chos sdud:__gzhan phan byang sems rtag tu bskyed:__sems can bde dang ldan gyur cig:__sdug bsngal kun dang bral bar shog:__bde dang rtag tu mi 'bral zhing :__chos kun mnyam nyid rtogs par shog:__ces skyabs sems tshad med bzhi bsgom pa sngon du 'gro bas/__AH__stong gsal rang rig rdo rje sems:__'dus ma byas shing lhun gyis grub:__gdod nas grol ba'i de bzhin gshegs:__zhal phyag mtshan ma'i skur bzhengs pa:__bdag nyid ma bcos rtsa ba'i lha:__dkar gsal zhal gcig 'dzum bcas bzhad:__phyag g.yas rig stong rdo rje dang :__g.yon pas snang stong dril bu bsnams:__longs spyod rdzogs sku'i rgyan gyis brgyan:__sangs rgyas rigs lnga'i dbu rgyan can:__'od zer bsam mi khyab pa'i klong :__rdo rje skyil mo krung gis bzhugs:__phung po sangs rgyas lnga bdag la:__'byung ba rigs kyi yum chen lnga:__dbang yul skye mched 'khor dang bcas:__byang chub sems dpa' sems ma dang :__sprul sku khro bo khro mo'i tshogs:__dbyer med nyid du mngon sangs rgyas:__gnas gsum rdo rje'i 'bru gsum dang :__tsit+ta rin chen zur drug pa'i:__dbus su skye med a dkar po:__zur drug yi ge drug pa dang :__rang byung gsang ba'i 'bru drug mtshan:__de dag rnams la yid gtad pas:__so so'i sngags kyi rang sgra dang :__thig le stong pa yi ge brgya:__'gags med rdo rje'i sgra yi dbyangs:__ngar dang ldan pa rdo rje'i sgra:__gsal zhing dal ba mnyam nyid sgra:__snyan cing 'gyur ba sor rtog sgra:__kun kyang thog med bya grub sgra:__brjid cing lhun stug chos dbyings sgra:__brjod pa spangs pa 'od gsal sgra:__yi ge drug gi sgrar bzlas pas:__'jig rten drug gi phyogs kun khyab:__so so'i nyon mongs drug sbyangs nas:__rigs drug sems dpa'i sku ru bsam:__brtan pa dang ni g.yo ba yi:__sa chu me rlung mnyam pa'i sgra:__thams cad sngags kyi rang sgra 'ur:__snang srid gzhir bzhengs phyag rgya dang :__thos tshad rang grol rang byung sngags:__'khor ba dong sprugs dgongs pa'i gzer:__mnyam nyid mi g.yo'i dbyings su gdab:__AH__skye med don gyi yi ge ni:__oM AHhU~M:__rdo rje gsum gyi ngo bor shar:__oM badz+ra satwa AH__thugs rje'i cho 'phrul yi ge drug:__'aHaHshaHsaHmaHhaH__rang byung gsang ba'i dbyangs su len:__oM badz+ra satwa sa ma ya:__ma nu pA la ya:__badz+ra satwa te no pa:__tiSh+Tha DiD+ho me b+ha wa:__su toSh+yo me b+ha wa:__su poSh+yo me b+ha ba:__a nu rak+to me b+ha ba:__sarba sid+d+hi m+me pra yats+tsha:__sarba karma su tsa me:__tsit+taM shre ya ku ru hU~M:__ha ha ha ha ho:__b+ha ga wAn sarba ta thA ga ta badz+ra ma me muny+tsa:__badz+rI b+ha ba ma hA sa ma ya satwa a:__thig le stong pa yi ge brgya:__ma ma ko ling sa man+ta:__thos pas 'khor ba dong sprugs pa'i:__snying po blo 'das ngang nas bzlas:__zhes brjod cing bsam la:__a:__oM AHhU~M:__oM badz+ra satwa AH__'aHaHshaHsaHmaHhaH__oM badz+ra satwa sogs yi ge brgya pa dang :__ma ma ko ling sa man+ta:__zhes pa rnams sbrel te ci nus skad gsang mthon pos bzlas mthar dbyangs gsal rten snying gi sngags kyi lhag chad kha bskang zhing byin rlabs brtan par byas rjes thal mo sbyar te/__oM:__rang byung 'od gsal chos kyi dbyings:__kun tu bzang po kun bdag nyid:__rdo rje sems dpa' bde ba che:__mi bskyod rnam snang rin chen 'byung :__dpag med don yod grub pa yi:__bsam yas sgyu 'phrul drwa ba'i rigs:__thams cad spro dang sdud mdzad pa:__kye kye dpal ldan rdo rje sems:__bdag la dgongs par mdzad du gsol:__bdag gis 'gro ba kun don du:__rdo rje'i sngags kyi sgra bsgrags pas:__mgon po khyod kyi ye shes dang :__thugs bskyed smon lam dpag yas mthus:__khams gsum snod bcud thams cad kyi:__'byung ba'i sgra dang dbyer med pas:__grags stong sngags kyi sgra ru gyur:__thos pas las dang nyon mongs dang :__sdug bsngal kun las rnam grol te:__bla na med pa'i byang chub thob:__'khor ba dong nas sprugs pa yi:__'gro 'dul phrin las mthar phyin shog:__ces gsol ba gdab cing dge ba'i rtsa ba byang chub tu bsngo:__rang nyid bcom ldan 'das rdo rje sems dpa'i sku snang stong zung 'jug tu gsal bzhin pa'i ngang /__sems nyid blo 'das stong gsal dbyer med don dam pa'i rdo rje sems dpa'i rang zhal blta bas mtshams sbyar te spyod lam la 'jug par bya'o:__de ltar brtson pa'i dus dang phan yon kyang gzhung rtsa ba las/__'di ni rgyun dang khyad par du:__sgra dang sa g.yos byung ba dang :__mi mang 'du zhing tshogs pa sogs:__kun gyis thos par brjod byas na:__dngos su thos rnams smos ci dgos:__sngags bzlas rdzi phyogs rlung gi sgra:__thos pas kyang ni ngan song dang :__'khor ba'i sdug bsngal thams cad zhi:__dad dang nges shes skad cig tsam:__skyes kyang thar pa'i sa bon thebs:__de phyir phyi rabs 'gro ba rnams:__rgyun gyi thugs dam snying por mdzod:__ces gsungs te o rgyan rdo rje 'chang chen po'i gsung gis nam yang mi bslu ba'i phyir dad pa brtan pos rgyun gyi chos spyod rnams kyi snying po mdzad 'tshal lo:__zhes pa'ang rang gzhan kun la sman pa'i bsam pas gter gzhung rtsa ba las zur du khyer bde bar mtsho skyes bla ma dgyes pa'i 'bangs mkhyen brtse'i dbang pos phyung ba ste/__dge bas mtha' yas sems can thams cad dpal rdo rje sems dpa' sgyu 'phrul drwa ba chen po'i go 'phang tshe 'di nyid la mngon du byed pa'i rgyur gyur cig___/__!_